13-05-09, 03:20 AM
| #1 | ||||
| كاتبة في قسم قصص من وحي الاعضاء
|  أنا مأقدر اكون اني حبيب في بعض احوال السلام عليكم والرحمة كنت اكتب لكم قصة من خيال الواقع وواقع الخيال اتمنى انكم تتابعون قصتي وابي اراء وتشجيع بدون مجامله لأن كل مايكتب سيبقى للزمن والمستقبل واتمنى ان تكتب اناملي ماهو مفيد ويبقى صدى لي الى يوم الفناء اخليكم مع القصة الجزء الاول انا مأقدر اكون اني حبيب في بعض احوال انا ماقدر اكون اني حبيب في بعض احوال انا كلي اجي والا اروح بعزتي كلي خذاني لك سؤال في عيونك والجواب محال خذاني منك دمع في عيوني مارضا ذلي انا اخترت الفراق ومادريت ان الفراق وصال اقول اني نسيتك بس مادري كيف توصلي تجيني في الاغاني في السوالف في سؤال الحال تجيني كل ماشميت عطرك ويتخيلي رحلت انت وتركت لخاطري طيفك وصبرن طال غدت ذكراك شمس ماتغيب وصورتك ظلي حكيت ومالقيت من الحكي الا الندم موال سكت ومت بالحسره ولا ادري وشهو احسن لي احبك كل مافيني يحبك ياخلي البال تخيلتك دواي وصرت جرحي الصعب ياخلي تعبت ارحل من وجيه البشر بانساك بالترحال ولا ادري وش يجيبك في وجيهه الناس واهلي ~ آآآه طلعت من القلب وقف الجيب داخل القصر ونزل بهدوء وشموخ وناظر للقصر وقعد يفكر لو انها عايشه في القصر راح يكون سعاده والا حزن وآلم استغفر ربه ودخل البيت طلال: السلام عليكم ورحمة الله وبركاته ام طلال وابو طلال واخته دلال: وعليكم السلام والرحمه حب راس امه وابوه وسلم على اخته دلال: وشلونتس يأم خالد عساتس بخير دلال: الحمدلله وشلونك انت وشلون الدوام طلال: الحمدلله ماشي مافيه شي جديد قعد معهم وهويحس انه تعبان حيل طلال:يمه الغداء خلص ام طلال: ايه ياعين ابوي تبيني احطلك طلال:اي والله ياليت تكفين يمه تعبان وجيعان ام طلال :ابشر وانا امك وقامت تحط له الغداء دلال بمزح:لو عندك مره ماتعبت امي وقومته طلال بعصبيه: هاذي انتي متزوجه ومقابلتن مانفعتي زوجتس وقام بسرعه وصعد لغرفته يريح ابو طلال: وش بلاتس يابنيتي يعني ماتدرين بحالته دلال: امزح يبه والله ماقصدي شي خلاص والله ماجيب له طاري كيفه ابو طلال:خلاص لاتعرضينه(يعني لاتحرشين به) مره ثانيه يكفيه اللي به دخلت عليهم ام طلال : السلام عليكم وين طلال ابو طلال:رقى لغرفته يبي ينام لا قعد العصر يتغدى انشالله ام طلال : اجل يالله يأبو طلال اقلط يالله يمه دلال قبل لايبرد دلال:وين اخواني يمه للحين ماجو من كلياتهم ام طلال:اي والله يابنيتي هذا حالهم كل يوم ~~~~~~~~~~~~~~~~~~~~ عجز لاينام من التفكير ولايدري الى متى حالته صعبه يموت به وبجنونه وبطيشه وبحنانه وبطفولته بس آآآآآآآآآآآآآآآآآآآآآآآآآ آآآآآآآآآه شغل سي دي محمد عبده • حبيبي الحب يالحب وحبيبي • نفس روحي بعد روحي وحالي • عسى دايم وشمسك ماتغيبي • عن عيوني وعن قلبي وبالي • اذا بعدك قدر هذا نصيبي • واذا حظي قدر ياطيب فالي • سنين العمر تسألني واجيبي • على ذكراك وحضورك سؤالي • تواريخك تمر وتلتقي بي • وتنساني وتذكرك الليالي • احسك حيل من قلبي قريبي • عساني مأنحرم شوفك قبالي • شموعك كل ليله تحتفي بي • لقلبي ضي ولعمري ظلالي • عرفت الحب منك ياحبيبي • وشكرا لك ياحبي لحالي سرح بفكره وهو يتذكر لما امرض مره لأنه تسبح وطلع بسرعه والجوكان بارد ولما رجع كانت حرارته مرتفعه تذكر نظرته يوم شافته انصدمت وقعدت عليه كمدات طول الليل ولما صحى بكت بكى يقطع القلب ولما سأله ليش حبيبتي تبتسين ردت عليه:خفت تموت .......ابتسمت له من قلبي ومن بين تعبي وقلت له ماعليتس انشالله ماموت الا وانتي معي ........تحول بكاها الى ضحك من قلب آآآآآآآآآآآآه فديت الضحكه وفديته والله وقالت: يانذلك حتى بالموت مأنت مخليني الله اكبر الله اكبر اذن مؤذن العصر لا اله الا الله قام واستغفر وقام يبي يتوضأ للصلاه آآآآآآآآآآآآآآآه تعبت من التفكير خلي اطلع احسن لي نزل ولقى الشيبان يتقهوون طلال:السلااااااااااام على شيباني ام طلال:قل هالحتسي لابوك تون صغيره طلال وابو طلال:هههههههههههه كل هذا خايفه اعرس عليه ام طلال:اي والله شف جارنا ابو سويلم يوم تزوج ام العشرين نسى ام عياله طلال:ماعليتس يمه اذايبي يتزوج ابوي ازوجه ام الاربعين علشان ماينساتس ام طلال:طليل جز ياولد عن هالحتسي ابو طلال وطلال :هههههههههههههه طلال:يمه افا كل هالعرض والطول واخرته ولد وطليل بعد ام طلال:ايه دامك تحرض ابوك على العرس ولد وطليل قعد سولف معهم وتقهوى واستأذن طلال يبي يطلع :طلال طلال:سم يبه تامر بشي ابو طلال:ايه تعال ابيك ام طلال الله يعافيتس ابكلم طلال بموضوع ام طلال:انشالله وطلعت عنهم طلال:يبه بعدين مستعجل مواعد واحد من الشباب اذا رجعت انشالله (وهويعرف الموضوع) ابو طلال: ماترجع الا انا نيم تعال ابحاتسيك ورح طلال:سم يبه ابوطلال:ياولدي حالك ماهو عاجبن وخليتك على راحتك تفكر وهاللحين خلاص العمر يمشي وانا ابوك ياتطلق البنت وتزوج ياترجع زوجتك طلال: اللي تامربه يبه انا حاضر به ابو طلال:رجع لولوه وانا ابوك ماصارت بنات الناس ماهي لعبه لامعلقه ولا مطلقه وانت ماترضاه لخواتك طلال:تكفى يابو طلال خلن على راحتي(ابو طلال عرف ان طلال عصب لانه اذا عصب يقول ابو طلال) ابو طلال:خلاص وانا ابوك فكر طلال بنفسه:اللي يسمعك يبه يقول مافكر به اربع وعشرين ساعه انشالله يبه عطن مهله اسبوع ابو طلال:ترنا معزومين الليله عند ابو سعود لاتنسى رحله وانا ابوك الرجال مثل عمك وكبير ومريض لاتخليني اندم على تربيتي طلال:على هالخشم ابشر يبه طلع نواف وركب الجيب: وشغل اصاله لوحبيبك ماوفالــــك ***لو حبيبك فيك خـــان لاتخاف من الزمـــــان***الزمن ماله امـــــان قدم الشريط: طلبتك لاتحاكيني عن احبابك ولاذكراك ولاودي تعلمني عن الماضي ولا ادري طفى المسجل ودق على سعود:هلا والله حي الله القاطع حي الله طلال طلال(حس انه مقصر )هلابك سعود وشلونك اسمحلي على القصور ياخوك سعود:الحمدلله وشلونك انت وش اخبارك مسموح ياطلال وشلون الوالد؟ طلال:الحمدلله بخير ياعلك بخير بالبيت والا عندك شغل سعود:لا والله بالبيت مر تقهوى حياك طلال:الله يحييك جايك بالطريق انشالله سعود :مع السلامه طلال:الله يسلمك ~~~ ~~~~ ~~~~~ ~~~ ~~~~~ مر سعود لقى غرفة لولوه مفتوحه وحوسه قال له:وليش غرفتك كذا كتب وروايات حوسة يابنت رتبيه لولوه:سعوووووووووود تكفى مالك دخل بعدين ارتبه سعود:روحي اجل ساعدي امي بالمطبخ لولوه:يووووووووه سعود تكفى لاتغثن والله مالي خلق كيفي 0.. :لــــولــــوه لولوه:هلا يبه ابو سعود:وشلون تحاتسين اخوتس وتطولين صوتس عليه وين التربيه لولوه:يبه يابعد قلبي والله ماقصدي ابو سعود: يالله عاد عقابن لتس روحي نظفي مغاسل الرجال (اكرمكم الله) لولوه:لا يبه تكفى قل للشغاله ابو سعود:يالله بسرعه قبل لايجون الرجال يالله لولوه:انشالله راحت للمخزن خذت ادوات التنظيف وقالت يالله دامن طفشانه خلن اللعب بالصابون وقعدت تغسل وتلعب <<<<<من يوم يومه مهبوله واالا.................... ؟؟؟؟ واالا.................... ؟؟؟؟ شافته قدامه يطالع له بكل نظرات الشوق والحنان والاعجاب والشوق جت تبي تركض والا .....................؟؟؟؟ طرراااااااااااااااااااااا اااااخ وقعت هاذي هي دايم هبله اااااااااااه بس ماخلت شتيمه بنفسه ماقالته غبيه مهبوله مطفوقه جاه ومسك يده وقومه بسرعه وهو يقول:بسم الله عليتس صارلتس شيء؟ وجهه لولوه قام يعطي الوان:لا....مابي شيء وراحت تمشيء ملابسها ماء رطبه وراسه دايخ وجهه الوان............بس ااااااااه ياعيونه للحين شكله عذاب وعيونه موت ويلي عليه بس ...........؟؟؟؟؟؟؟؟ من شافه وهو بعالم ثاني شاف تذكر شكله وهي طايحه وهي تلعب للحين تحب هاللعبه مع انه دايم تطيح هههههههه ااااااااااااه ياحبي له ياحبي لجنونه وطفولته وطيشه حس كل الشوق زاد ملااااااايين المرات حتى لو انه عوبا برجعه ابيه اهم شيء تكون جنبي اشتقت له حيييييييييل لو ماتبيني انا ابيه رجع للدوانيه وقلبه داخل بيتهم مع اللي وقعت ويكلمه سعود وهو بعالم ثاني يحس ان قلبه خذته يوم دخلت : سعود:طلال بك شيء؟ طلال: هلا ...لا والله بس تعبان شوي تدري وراء هالعمال بالمعرض يدوخون ياخوك يبيلهم متابعه سعود:اي والله انا خسرت وانا اتابعهم ههههههههههههه طلال:ههههههههههه تعال معي انا وياك شراكة وش رايك؟ سعود:لا خلاص التوبة الدين للحين اسدده ههههه طلال: لا والله سعود اتكلم صحيح عاد انا ادور شريك بمحل كمبيوتر وانت تخصصك وش رايك؟ سعود:والله مادري ياطلال خلن افكر واحسبه عدل واردلك طلال: خلاص انتظر ردك بعدين ترى انا الكسبان خبرتك سعود:خلاص افكر واردلك طلال:خذ راحتك استاذن طلال يبي يروح ووعد سعود يمرهم بعد صلاة العشاء انشالله طلع وراح صلى المغرب ورجع للبيت بدل ملابسه وقعد معهم شوي وقعد يلاعب ولد اخته يزن ام طلال:عساك تلاعب وليدك يارب طلال: الله كريم يمه (وهو بباله يقول يارب انه من لولوه) وتبسم على تفكيره الي دايم يخونه على شانه طلع مع ابوه واخوانه يصلون العشاء وراحو لبيت ابو سعود بعد الصلاة الرجال سوالف ولجه وهو باله مع اللي خذته ماحس الا باخوه جمبه يقوله طلال الرجال يكلمك طلال:منو الرجال ؟ فهد:شفه ابو خالد وش بلاك لاتفضحنا طلال :هلا ابو خالد اسمح لي والله تعبان بقيت شيء؟ ابو خالد:لا مسموح بس ابسالك عن المقاول اللي تعاملتو معه يقول ابو سعود طلال يعرف وقلت ابسالك طلال:اي والله خويي تبي رقمه والله شغله تمام يابو خالد حتى العمال وراهم وراهم مايتركهم اسمه ابو محمد واذا تبي رقمه اعطيك ومعروف مكتبه تلقاه على شارع.......... مقابل المحلات ابو خالد: اي والله انا ذبحوني هالعمال بس وراهم تعبت ابي احد ياقف معهم عند الحريم كانت لولوه تسولف لنجول (نجلاء) بنت خالته وقالت له اللي صار نجول: وانتي مهبوله متى تعقلين ابفهم؟؟؟؟ لولوه: يووووه عاد وانا شدراني انه يبي يجي نجول: عاد لو مادريتي اعقلي هذا وجهي ان فكر يردتس هههههههه لولوه: وجعه توجعتس زين ابيتس عون صرتي فرعون نجول: ههههههههههههههه انتي منين تجيبين هالامثال لولوه:الله يخلي امي وجدتي كل صبح مقابلتهن يعطني من هالامثال التحف هههههههه نجول: ايه جبت لتس طريقة السلطه لولوه:اشوى وانا احاتسي نفسي اليوم قلت ان ماجابته ابي امعط شعره نجول:هههههههه ياحسدتس يالحسود لولوه:طالعتن لتس من ابي اطلع له يعني نجول:يمكن طلال حسود هههههه وطلعتي له لولوه:وجعه توجعتس زين بعدين من قالتس انه حسود ؟ نجول :انا اتخيل انه كذا ههههههه بعدين احلى صايره تدافعين لولوه: اقول نجول انثبري زين ههههههههههه نجول: زين سمو اميره الكون لولوه لولوه: اقول نجول ماودتس نروح غرفتي علشان اكفختس عدل اشوفتس ماخذه راحتس نجول:هههههههههههههه لا ماني رايحه امزح خلاص التوبه لولوه: ايه اعقلي هههههههههه نجول:انتي مسويه الحلا اللي ذاك اليوم لمها؟ لولوه: ايه اعجبتس ترى والله طلعن عيوني ماعندي الا الشغاله وماتفهم وش اقول وامي تضحك علي والعيال يعلقون هههههههههه نجول: ماعجبن انا اعجب نااااااااس ثانين؟ لولوه:منهم؟؟؟؟؟؟؟؟؟ نجول :فيصل يقول قولي تسلم يديه عساه تسويه دااااااااااايم واكله ههههههههه لولوه:الله يسلمه قولي تقول لولوه شغاله عندك وانا مادري بعد يبي كل يوم بعد هذا اللي ناقص يكفي اخواني ههههههههههههه نجول:هههههههههههههههه مادري ليش احس انتس عنده غير ....... لولوه: صرت جده ماني لولوه ههههههههههه مابقى تقولون الا لولوه والعقال مايل ههههههههههه نجول: وجعه زين انا اتكلم صحيح وهي تضحك وتعلق لولوه:نجول موضوع خلصنا منه زين سكري عليه اذا لي معزه نجول:بس انتي فاهمه غلط دايم عنيده وعوباااااوماتحسين باللي حولك حتى لو جرحتيهم لا متى يعني؟؟؟؟؟؟ لولوه:نجول انا الوحيده اللي فاهمه صح واللي سواه فيصل قلل من قيمتي عند الناس تخيلي لو عبدالله سوى نفس اللي سواه فيصل وش تسوين؟؟؟؟ نجول:حنا نتكلم عن فيصل مو عن عبدالله؟ لولوه: وانا قلت حطي نفسك مكاني وش تسوين؟؟؟؟؟؟ نجول: لا اله الا الله عطيني فرصه اتكلم..... لولوه: اقول انطقي زين مالي خلق الكلام خلاص نجول:لا ماني منطقه زين لولوه: انا ابقوم خلاص وقامت لولوه وراحت لجمعة بنات عمه وبعض بنات خاله وسوالف البنات عن المكياج واللبس ماتدري ليش هي تعترف انه تفكر بالأشياء هاذي لكن ماتحب الخالع منه دايم تحس انوثه البنت باللبس الطويل ماتحب الموضه تحب اللي يناسبه سولفت معهن وباله بعيد قعدت تفكر اكيد خاف لما شافن هههههه ضحكت بباله على تفكيره اكيد بيطلق اااااه احبه اكيد احيان احس اني غبيه ليش ماعرفت هو سوى كذا ليش؟؟؟ واحيان احس اني اغبى ليش تركته واذا رجعت نرجع مثل اول والا لا يمكن ايه ويمكن لا ؟؟؟؟؟؟ خمس شهور مرن مثل دهر كامل يارب تهديني للي فيه خيره لي يااااااااارب جت نجول للولوه:لولوه خالتي تبيتس بسرعه لايحصلتس تكفيخه معتبره ههههه لولوه:ياويلي نسيت يالله جيت امشي معي نجول ابرتب سفرة الرجال نجول :يالله قدامي اخاف تنسين الطريق وتروحين دوانية الرجال لولوه:اقول نجول لو مارحت قلبي قاعد بوسط الرجال ههههههه نجول:اقول بلا حتسي فاضي امشي هههه لولوه:هلا يمه تبين شيء؟ ام سعود:ايه بسرعه رتبن سفرة الرجال بالدوانية الثانيه بسرعه تحركن لولوه:يالله يالله رحنا ورتبن السفرة والسلطات ومكان للتحلية وخلصن وهن ضحك وسوالف رجعت لولوه للمطبخ وقالت: يمه خلصنا قولي لسعود يجي يشوف اذا اعجبه الترتيب والا لا ؟ ام سعود:خلاص يمه روحي للحريم خلصت انا وخلص العشاء على خير وقعدن جمعة الخالات والبنات مع بعض لولوه:يمه يرحم والديكم ثاني مره لاعزمتوا علموني قبله بشهر الكل:ههههههههههه لولوة:اي والله قهررررربعد يتشرطون يحسبونهم بمطعم وانا الشيف ههههه حتى لاخيمو بالبر دقو علي عمركم شفتو ناس مخيمين يتشرطون بانواع الحلا تراهم اخواني هههههههههه البر يبي اهله مادري ليش يروحون مها:لولوه تكفين لاتبدين بطني ذبحن من الضحك لولوه:ههههههه والله صاتسه جو الشباب وسلمو تغطن البنات والشباب ضحك وسوالف مع امهاتهم وخالاتهم فجأه تكلم نواف قال:لولوه على البركه تبين ترجعين زوجتس كل الحياة انسحبت من روح لولوه ردت بصوت اشبه بصوت الاموات : من يقول؟؟؟؟؟ قال:هو قبل لايطلع كلمنا انا وابوي والعيال بالموضوع سكتت وطلعت بهدوء راحت غرفته تريح وهي عارفه ان الراحه ابعد ماتكون عن باله ااااااااه ياربي ارحمن بحياتي ماضريت احد يارب ليش رجع وليش غلط من الاول اذا هو شاريني وليش وليش وليش؟؟؟؟؟؟؟؟ دق جواله وشافت الرقم وعرفت ان السالفه صحيح قالت خلن ارد اشوف وش يبي؟؟؟ لولوه:الوهلا (ماتدري لاشعورياً تقوله هلا) طلال:هلا وغلا هلا بالصوت لولوه وشلونتس ؟؟؟؟؟؟؟ لولوه:وشلوني ؟؟؟؟؟؟؟ماتدري ليش قلبه يخونه حتى تسمع دقاته براسه طلال:ايه شلونتس؟؟؟حبيبتي اشتقت لتس............ لولوه:ماشي الحال شلون البنات وخالتي وعمي والعيال ؟؟ طلال: وانا ؟؟مافيه شلوني والا لي الله لولوه:اسال عن اللي يستاهل بس طلال:لولوه اعترفت اني غلطان واعتذرت ربتس يرحم ويغفر وانتي لا ؟ لولوه:ماني مجبوره اني اغفر لاني لازليت مالقى اللي يغفر ويرحم انت لو ماتبي الغلط ماسويته وانا لو مادريت من الناس كان ارحم بس ان احد يستغفلن معناته انا ولا شيء يعني مانت حاسب حسابي بحياتك صح طلال؟ طلال:يفداتس طلال بس ارجعي غلطت والله بس ......... لولوه:بس وشو ؟؟؟؟؟قل قالولك صغيره ماتفهم واقنعوك ان الصغيره ماله احساس وماتفهم ومن يعلمه والا قالولك اهله على قدهم ومستحيل تخليك والا قالولك خايف منه؟؟اعترف ان اهلي على قدهم بس عمرنا مامدينا يدينا لاحد وابوي رباني وعلمن اذا ماتملك ولاشيء عندك كرامتك ياتحافظ عليه ياتخلى عنه وانا ماملك الا الكرامه واللحين خلهم ينفعونك........... وسكرت الجوال وهي تعبانه والعبره خلاص طلعت بتست لين تعبت ونامت النوم احيان ارحم قعدت الصبح الساعه عشر وهي تحس انه تعبانه حييييييل تحس حيله مهدود حسبي الله عليك ياطلال كله منك غسلت وتوضت وصلت الفجر فاتت عليه الصلاه ونزلت تحت لقتهم كلهم متجمعين لولوه:صبااااااااااااااااح الخير صبااااااااااح مايليق الا باحبابي ابوه وامه :صباح النور جدته:وشو لولوه والله بالعصا على الصبح تعدل دماغتس سلمي داخلتن على كفر لولوه:ولايهمتس جدو السلام عليتس ورحمه الله وبركاته الجده:وعليتس السلام والرحمه لولوه:ههههههه جدو وين جدي راح المزرعه والا راح يخطب ؟ الجده:لولوه الله وامانه اني لاضربتس وشو يخطب شايبن كبير لولوه:من يقول ذاك اليوم موضي خويتي يوم شافته تقول زوجيني جدتس والمهر علي الجده:انا اقول مويضي هاذي عينه زايقه ماتجي لله واتريه تبيه ؟؟ لولوه:ههههههههههه جدو والله امزح ماقالت شيء البنت الجده:خله تاخذه مار اريح غديني اسير على جيراني لولوه:هههههههههه خلينا نفطر وبعدين اتفضى لجدي يخليتس تروحين المملكه لو تبين الجده:وشو هاذي اللي راحت يمه ام علي لولوه:ايه ياجده وش ينقصتس عن ام علي انشالله الا تجينه الجده:شفته طلعت بالتلفزيون وقالي نواف هاذي اللي راحت له ام علي احسبه شينن ثاني لولوه:ههههه لا هي ماعندي شيء ثاني تشوف نظرات ابوه وامه ولاوده تكلم بالموضوع طلعت للمطبخ تفطروخلصت ورجعت سمعت ابوه يصوت له :هلا يبه تبي شيء؟ ابو سعود: ايه بقيتس تعالي لولوه:زين يبه ومشت وراء ابوه لدوانية الرجال ابوسعود:قالتس نواف البارح شيء؟ لولوه:ايه يبه بس انت تعرف رايي ابو سعود:انا ماني داخل بينكم انتي بذمتي واسال عنتس يوم القيامه والشيطان وانا ابوتس ماخلى احد غلطه وعدت وانشالله مايسويه مرة ثانيه لولوه:ايه يبه مافيه انسان كامل بس يبه الواحد لازم يخاف من ربه واللي ماهو خايف ربه ماراح يخاف علي ابو سعود:يالولوه وانا ابوتس العمر واحد وماكل يومن رجل وانا انشالله شايفن خير به ويومه اعترف لتس بغلطه عاد ميخالف ردي وكملي حياتس معه تراه شاريتس لولوه:زين عطوني مهله اسبوع اظبط نفسي بس والله ان غلط مره ثانيه والله ماقعد له دقيقه وحده ولا ارجع له زين ابو سعود:زين بس ظبطي امرتس وارجعي مع رجلتس لولوه: انشالله ابو سعود:يالله قومي دقي عليه يالله وانا ابوتس يالله لولوه:تامر يبه (وبقلبه ادق عليه بعد والله مادق يايدق هو والا انا مادق) قامت ورجعت لغرفته وشافت جواله كان محطوط على الصامت لقت خمس رسايل 4 من طلال ووحده من نجول وثلاث اتصالات منه الاولى ردي ابي اكلمتس ضروري الثانيه لولوه يهون عليتس طلول الثالثه بيت شعر تسوى جميع الجيل الاول وهالجيل****واحبابي الماضين والمقبليني شوقي لك اكبر من ضمى الارض للسيل***واشفق عليك اكثر من ام الجنيني والرابعه من نجول : هيه يامعصبه انتي روحي عصبي على طلول مو بس انا ماكلته يادبه زين زعلتي البارح ورحتي للبنات وبعدين غرفتتس وانا انطقيت يما مشينا انقلعي زين زعلانه انا والخامسه منه وبيت شعر بعد ياحظ منهويلتقي في عيونك والا انــــا غايب وشوقي ذبحني شوف المسافه دون قلبي ودونك ماغيرت حبك ولاغيرتني قعدت بغرفته وهي طفشانه ومتضايقه خايفه من كل شيء؟؟؟؟؟؟ خايفه من بكرى وخايفه من بعده ومن المستقبل فجأه انفتح الباب والا نواف :سلام يادبه لولوه: وعليكم السلام يانحيف نواف:ليش قاعده لحالتس ؟؟؟تفكرين بطلول اعترفي ؟؟؟؟؟؟ لولوه دمعت عيونه لاشعورياً :محتاره النوفي وش اسوي؟ نواف: افاااااااا ماعاش من يحيرتس وانا حيي تعالي ابتسي على صدري يامهموم وبعدين لارتحتي تكلمي لولوه بتست لين حست انه بحياته مابتست هالبتسى:الن ....الن...الن النوفي لازم ارجع يعني نواف: لاوالله ماهو لازم اذا ماتبين والله ماحد يقدر يرجعتس لولوه:مابي ارجع تكفى النوفي ما ....ما....مابي ارجع له نواف:خلاص ارتاحي اللحين وبعدين تحتسين زين واذا ماتبين خلاص بيت ابوي مفتوح لتس لولوه: ادري والله النوفي بس محتاره دق الجوال والا طلال شاف نواف الاسم: منهو ماضي ومات لولوه: طلال نواف:زين ردي عليه يمكن يبي شيء وانا ابطلع لولوه: زين...... طلع نواف والجوال بيده يدق على اخر شيء ردت لولوه: الو طلال:هلا قلبي وشلونتس اليوم؟ لولوه:طلال بلا كلام ماله معنى ان رجعت لك وانا قلت ان رجعت ترى علشان ابوي طلال:ليش كل هذا بالله ؟ يرضيتس تعذبيني؟؟؟؟؟؟ لولوه:وانت هان عليك تسافر لديره وصخه وتسوي الحرام ماكانك متزوج وتقول بالرياض وانا مصدقتك واخر شيء ادري من بنات عمك وخواتك يضحكن علي وانا اقول ياحظ الرياض به حبيبي واشوفهن يضحكن على جهلي وغباي وانا مصدقه ليش حرام عليك والله ذبحتن حتى لو رجعت ماراح ارجع لك راح ارجع بقايا من لولوه طول فترته زواجنا اطلبك نروح شهر عسل وتعذر بدوامك وتقول مامعي فلوس وتضحك مع خواتك علي لاني قلت نفسي اروح مكه وبعدين اطلع برى المملكه اتمشى كأني من عالم ثاني ليش ليييييييييييييش؟ طلال: زين لولوه كل الكلام اللي قلتيه صحيح بس اللي مايعرفتس مايثمنتس واللحين رجعتلتس لولوه:رح لدلال خله تخطط لك تزوج مها بنت عمك مو هي تبيك؟ طلال:وانا مابي الا لولوه والا مايهمتس من ابي ؟ لولوه:.................(لحظه صمت) طلال:لولوه معي انتي لولوه: ايه معك طلال:خلاص يعني امرتس الليله ترجعين معي؟؟؟؟ لولوه:لا لاتجيني خلن افكر اول وبعدين يقولك ابوي طلال:زين بس لاتطولين انطرتس على نار مشتاقلتس حيييييييل قلبي لولوه:................تبي شيء بسكر طلال: سلامتس البيت بدأينور من سمع طاريتس شفتي حتى هو يحبتس لولوه:............مع السلامه طلال: مع السلامه دنيتي وسكر الجوال وباسه ههههههه وووووه ياقلبي الخاين اول كنت اتمنى فرقاه واللحين اللحين اتمنى اشوف لو خياله او اشم ريحة عطره دايم عطوره مميزه خاصة ويش اااااااااااااه والا رومير ياقلبي قلبه العوووووووبا اشتقت له حييييييل طلع من غرفته ونزل بسرعه لامه وابوه وخواته واخوانه طلال:البشاااااااااااااااا� �ره يمه ام طلال: خير يمه خير انشالله طلال:لولوه تبي ترجع لي اليوم انا تحت امركم اطلبو اللي تبون ام طلال:رده العافيه فاله الولد الصالح يارب طلال:ماااااااااابي ولد مااااااابي ابي لولوه ام طلال وابو طلال واخوانه :هههههههههه مبروك ياعريس هههههههههه طلال: الله يبارك بكم الفال لكم ياااارب بس مايزعلن حريمكم ههههههههه فهد: خبل انا مثلك ازعله انا لو تقول القمر شمس قلت شمس لعيونتس ههههههههه الكل:ههههههههههههههه طلال:انا اخوك اكبر منك وشو خبل بس يالله لعيونه اليوم مسموح دلال: وشوله ترجع كان طلقته؟ لحظة صمت مرة عليه طلال:ليش اطلقه بالله زوجتي وابيه اطلقه علشانتس؟ العنود:ايه طلقة وريحنا منه اعوذ بالله مانحبه طلال:ماطلبتس تحبينه تسمعين وانشالله راجعه راجعه وان سمعت احد متكلم عليه قسم بالله حسابه معي تسمعن وطلع برى البيت يهدي نفسه ركب الجيب وطلع راح على طريق النفود يبي يفضي باله اااااااااه بس كل ماقول هانت جد علمن جديد ابو طلال:بس يابنات والله ان حتسيتن لاخلي هاالعقال على ظهروكن ماهمكن طلال له خمس شهور حتى لاقعد معنا ماتقل هو معنا دلال:يبه وحنا شقلنا ياربي مانرتاح له لو انتم مزوجينه بنات عمي ابرك واحسن ابو طلال:ليه بالله انتي وخواتتس تبنلكن حريم اخوان مفصلات واذا اخوتس مرتاح يعني مايهمتس وبنات عمتس لو خذن اخوانتس كان والله ماشفتيهم شوفي من امهاتهن بس عمتس محمد ماتو ابوي ماهو **** عليه من مرته وبلاويه تبيني اورث لعيالي القطع دلال:ماقلت كذا يبه وخلاص حقكك على راسي ابو طلال:وشو عقبه يوم طلال زعل الله وامان الله وبيتن بناه الله اذا رجعت مرت طلال وسمعت ان احد متكلمن عليه لاتشفن شينن عمركن ماشفتنه تسمعن وانتي علمي بناتس الثانيات تسمعين ام طلال: ابشر ابشر يابو طلال مايصير خاطرك الا طيب ~~~~~~ ~~~~~~~~ شب النار وحط المركابه وسوى قهوه وشاهي وهو يتمنى لو انه معه يدري به تحب البر حيييييييييييل يتقهوى ومع كل فنجال يشوف خياله مع هوى الشمال يحس انه بعالم ثاني يارب ارحم المشتاق تذكر مره بيطلعه البر : لولوه:تكفى تكفى علشان امك وابوك اذا تغليهم طلعن للبر ابطلع طلال وبنظرات مستصغره يحسه جاهل:علشان منو؟ لولوه:علشان امك وابوك ابروح اهلك معزومين عند عمامك وانا ماحبهم بس يضحكن ويسولفن ويخلني لحالي طلال: خلاص خلاص روحي اللبسي انطرتس لولوه:زين لاتروح ياويلك طلال: وشو اصغر عيالتس انا تهدديني لولوه: لا محشوم بس امزح معك طلال: ياويلتس تمزحين انتي ووجهتس تسمعين اذلفي اللبسي لولوه (وين اللي يقلن الزواج حلو وكله بوسات وحنان يتسذبن هذا يدور فرصه يشتمن ليتن قاعده ببيت ابوي) انشالله دقيقه ابشر وانا عندك غمض عين وفتح عين تلقاني وراحت ركض لغرفته بدلت لبست بنطلون وبلوزه بنفسجيه به لمعه خفيفه ومخصره بس عليه اغراء وهي شكله بريئه رفعت شعره وحطت غلوس ومسكره على الطايرورشت عطره رومير وخذت اول شنطه شافته ولبست عباته وطلعت ركض ..............ووووووووووه نسيت نعولي لولوه من فوق الدرج: طلااااااااااااااااااااااا ااااااااااااال طلال خاف به شيء:هلاااااااااااااااااا وشبتس بتس شيء لولوه: لا بقولك نسيت نعولي لحظه اجيبهن واجي لاتروح (مسويه بي ولاكم مره يخليني ويروح مغثه الزواج مغثه) طلال:وجعه زين اذلفي خلصي لاقسم امشي واخليتس لولوه: يالله يالله جيييييييييييييت طق طق طق طق هذا ركضه من عند الدرج لولوه: وصلت اف ياربي طلعت روحي نمشي؟؟ طلال: لا اصبري ابشوف زيت الجيب انطري يما اشوفه لولوه: وليش ماشفته يوم اني اروح فوق اللحين ذابحن يالله ويالله و اخرته ماشفت زيته طلال: لولوه تسكتين وتنطقين والا انزلي مافيه روحه لولوه: لا لا خلاص خلاص اسكت وهاه هاذي سكته وحطت يدي على شفايفه طلال: احسن انثبري يما اخلص لولوه بقلبه اللي يسمعوه يقول يبي يوديني تايلاند والا بريطانيا كله النفود وه ياحظي الناس وصلو سطح القمر وانا احلم اسافر هههههههههههه سمع طلال ضحكه: اقول ياهانم وش عندتس تضحكين ساكنتس جني لولوه:ههههه ههههههه هههههه هههه اااااه ياقلبي لا بسم الله علي لو انه معذور لوسكن من يلومه بلولوه لا بس تذكرت نكته وقعدت اضحك طلال: الحمدلله على نعمة العقل ااااااااااااااااااه تمنى لوهي جمبه تضحك ليش هو كان مغرور جابت راسه مثل ماحلفت له مره لولوه: طلول حبيبي طلال: اقول مابقى الا انتي اصير حبيبتس لولوه: ليش بالله مو زوجي يعني حبيبي طلال: اقول اسكتي زين انتي مزيونه صح وصغيره لكن ماعاشت اللي تجيب راسي لولوه: وان جبت راسك وش لي ؟ طلال: مالتس شيء لانتس ماتقدرين لولوه: طلول وحياة عيونك ابن عمو لاجيب راسك كانت تكلم وهي مقربه حيل لوجهه وباست مع شفايفه بوسه خفيفه طلال وحس انه خذت روحه وراحت: لحظه لولوه تعالي تعالي تحسبينتس سويتي شيء ترى ماحركتي قلبي يعني ريحي بالتس لولوه ورجعت ثاني مره عليه وقربت حييييل منه: متأكد طلول ماحركت قلبك وباسته بوسه ثانيه وابعدت عنه وهو شكله بعالم ثاني لولوه: واللحين طلال يبي يضيع السالفه :ليش لون عيونك عسلي فاتح غريب لونهن لولوه: يقولون ان جدة ابوي لون عيونه كذا وانا طلعت له الله يرحمه ورثتن احسن لون طبيعي وحلو ههههههههه جااااااابت راسي وخلتن اتمنى اشوف بس خياله ااااااااه منه بس | ||||
|
|
13-05-09, 03:42 AM
| #2 | ||||
| كاتبة في قسم قصص من وحي الاعضاء
| الجزء الثاني هل جربتم الشوق يوماً ؟ هل جربتم ذلك الشوق المغلف بالوجد والحب .. مزيج من حنين يخالطه مع شعورٍ صادق لايلبث مع الأيام أن يستحيل إلى أنيس لك في الخلوات.. ذلك الشوق الذي يصيبكـ بأعاصير لامنتهى لها .. كلما هدأت واحدة ثارت أختها .. وينتقل بك إلى عالمٍ لامحدود من الحنين الجارف الذي قد يجرفك إلى تيارات الذكرى وهيجان المشاعر ...فتصاب بإرتفاع موجة الإحساس لديكـ حين يعتريني هذا الشعور .. أصاب بشعور خفي لاأعرف وصفهـ ولا أُدرك كنهه سوى أني أحُس بخفقاتي تضطرب وتتسارع .. وثمةَ شعور ٍ آخر فقد أستعذب الشوق والذكرى.. لا أدري كيف يحدث ذلكـ ربما من يراني وأنا أبتسم وحدي يظن أني أُصبت بالعته والجنون لكن هو الطيف الذي زارني وابتسمتُ لمرآهـ .. أحياناً أشعر بأني لا أقوى على الصبر على شدة الشوق وغليانه فيترجم إحساسي بانسكاب الدمع وتأوهات الوجد.. قد يريحني وقتاً قصير لكن سرعان مايعود الشوق فتعاد الكرة مرة أخرى ولانهاية له !! الكاتبه :قطرات المسك :يمه ماهو لازم عادي اروح له بثيابي يبي يموت يعني ام سعود:لولوه اعقلي هو جاب لبوتس ثلالثين الف يقول هاذي رضاوه لولوه وابوتس يقول خله تجهز لولوه:يووووووووووه يمه يابعد الدنيا مابي ام سعود:وان قلت على شاني والا مالي شان لولوه:الا لتس يمه وانتي تامرين امر ام سعود: عسى الله يوفقتس يابنيتي لولوه: كملي كملي وقولي عساه يصير خاتم بصبعتس هههههههه ام سعود: هههههه هذا تبينه رخمه وانا امتس ووووه وعزيلتس لولوه:امزح والله امزح هههههه يمه تذكرين يوم اقولتس ابي واحدن طويل اطرق ابيض ههههههه مزيووووون ام سعود:متى والله نيتي انه مبطي كنتي بالثانوي جاتس عاد هههههه مار خوياتس ماستجاب الله ههههه لولوه: ايام شلتي يمه شيخه ووضحى ونوره الله يذكرهن بالخير واقولهن انتن قلن المواصفات وانا اقول لامي تدعيلنا ههههههههههه ام سعود:هههههه يحسبن دعوتي مستجابه مصدقاتس لولوه: اي والله هههههه يمه تروحين معي للسوق مابي احد غيرتس ام سعود: خوذي نجلاء تونسن بعض وتعرفن لبس البنات انا وش عرفن لولوه:لا مابيه انا اعرف وابيتس انتي واذا مارحتي معي ماروح ام سعود: خلاص خليتس جاهزه العصير عقب الصلاه واقول لنواف يودينا زين لولوه: خلاص اتفقنا يأم سعود هههههه ام سعود: عساني اشوف عيالتس وانا حيه لولوه: والله اخليهم عندتس وادج انا هههههه مو تبينهم خلاص اخليهم عند جدو الله امي وجده وشلون مادري بس يمه تغلينهم اكثر مني؟؟؟؟؟؟؟ ام سعود: اكيد مايبيله حتسي بعد عيال الغاليه لولوه: خلاص انا قررت اني ماحمل ولا اجيب ضناء بعد عينك عينك يصيرون اغلى مني ام سعود:هههههههه الله يخلف علي بعيالتس ويخلف على طلال لولوه: ايه عاد طلال الغالي بعد قدامي تدعيله ان خلف الله عليه بوحده غيري ترى ازوج ابوي هههههههههههههه ام سعود: ههههههه مار هاذي اخرته انقلعي انقلعي شوفي من يروح معتس السوق لولوه : امزح ياميمتي ياعلي اموت قبل لاخطب لابوي هههههههه ام سعود: بكيفتس موتي هههه وطلعت امه لداره تريح لولوه: يمممممممه مت ساعديني مت مت يمممممممه ام سعود: موتي الله يرحمتس نواف : مووووووووووووووووتي لولوه: ههههههههههه حتى انت حاسدن حياتي نواف : السلام وشلونتس لولوه: خيرات الله خي من امي وبيي نواف: تكفين لاتحتسين زومتي تسبدي هههههه لولوه: اللحين ماني متزوجه يعني شرعا اكبر منك يعني تحترمن نواف: لا والله من يقوله ست لولوه لولوه: ماحد يقوله سمعت شيء من يحتسي انا ماسمعت شيء نواف: ههههههه الا يابنت وش سويتي بطلال اليوم فهد دق علي يقول ياولد تاكدو اخاف مسويه سحر لاخوي ههههههههههههه لولوه: ليش والله ماسويت شيء نواف: ههههههههه ياربي يوصف لي فهد يقول يطامر امس بالبيت تقل وغد ههههههههههه اااااااااااه ياتسبدي والله من قالي فهد وانا اتخيل شكله مو لايق عليه يطامر عاد هو طويل لاطامر تقل مهبول ههههههههههههه ووووووه ههههههههههههه لولوه: ههههههههههههههههههههههههه ههه لا صتس نواف يطامر عاد احسن اللي فهد قالك علشان لاقال شيء اقوله من الوغد اللي يطامر ههههههههه نواف: والله ياحشينا بكم انا وفهد اليوم قال طوطن اذانهم قلت الا صفارات انذار اللحين ههههههههه لولوه: ليش وش قلتو؟؟؟؟ نواف: لاشيء يستحق الذكر مدام مطامر ههههههه لولوه: لاتكفى لاتمسكه علينا وش مدام مطامر انسى نواف : تبين شيء ابروح اغفي غفوه قبل الصلاه وقعديني لااذن زين لولوه:زين النوفي نواف: هلا لولوه: انا وامي نبيك تودينا العصر للسوق زين نواف: قولي لمطامر هههههههههه لولوه: والله مامزح النوفي صتس تودينا ؟ نواف: ابشري ابشري بس خليني اريح اول ايه ترى لي روحه للخبر باتسر وش رايتس نروح وتسوقين من هناك لولوه:والله عاد عمري ماشفته قل لابوي ونروح وش رايك؟ نواف:والله مايقول شيء تعرفينه وامي معنا نبيه تمشى الله الله تمام التمام لولوه: خلاص اجل اتفقنا ابروح اجهزشنطتي نواف: يالله ابروح انام هين الشنطه لولوه :هههههه زين ~~~~~~ ~~~~~~ ~~~~~~~ ~ مرة على غرفة نواف وقعدته لولوه: النوفي النوفي قم قم بسررررعه نواف: زين زين قمت قمت لولوه:والله من التسذب قم وراي دوريه كامله مو بس انت نواف: هاه قمت شفتيني لولوه: لا اصبر خلن اتمغل خشتك قم لاعلم ريم لاقول مايصلي وهذا وجهي ان زوجك ابوه نواف: لا لا لا خلاص قمت شفتي وقفت روحي لولوه: زين هههههههه ومرة على الباقين من اخوانه اللي قعد والا لقته يلعب بلستيشن والا بالشات شابك راحت لابوه بقسم الرجال دخلت على ابوه بالديوان يظبط القهوه يبي يجيهم رجال عاده عندهم كل عصر وصبح لولوه: ابوي يتقهوى ياحظ القهوه بابو سعود وهنيه ابو سعود: لولوه قولي قولي وش براستس لولوه: انا لا لا يبه احتج يعني انا على مصلحتي؟؟؟؟؟ ابو سعود: الرجال اللحين يجون الديوان تبين شيء؟ لولوه: ايه ايه خلاص النوفي يبي يروح للخبر ونبي معه انا وامي نبي نتمشى ونتسوق واشوف البحر يابو سعود البحر اللي بحياتي ماشفته تكفى قل تم ابجهز شنيطتي ابو سعود: هههههههه تم روحي جهزيه لولوه: يابعد الدنيا ياعل لايمن بغلى ابوسعود يصيبه العمى ابو سعود: ماحد لايمتس قومي ههههههههه لولوه: يبه من علمك الغرور ماخبرك مغرور والله كله من ابو رافع جارنا خرب شيابنا علينا الله يرحم زمان اول ههههههه ابو سعود: ههههه قومي قومي لاخليتس تنظفين البيت كله لولوه: امزح يابعد الدنيا امزح هههههه وابقووم اجهز الشنيطه مع السلاااااااااااامه راحت وظبطت شنطته تقل تبي تقعد اسبوعين ماهو اربع ايام ههههه اول مره تسافر وناااااااااسه تبي تشوف شيء جديد ~~~~ ~~~~~~ ~~~~~~ خذني بقايا جروح ارجوك داويني لاتروح الروح لولوه:نواف علشان خاطر اللي بالي بالك انك تغير الشريط مالي خلق حزن نواف:ههههههه زين زين وشتبين احطلتس لولوه: ابي ابو نوره تكفى يقولون شريطه شيء ام سعود: استغفرو حنا بطريق سفر وانتم تحطون اغاني نواف:يعني ابو نوره ماهو حزن ههههههههه زين يمه شوي ونطفيه ونسولف لولوه: ابي ابي اصبر ريم قالت فيه اغنيه حلوه خل اتذكره اييييييييه حبيب الحب تقول شيء شغله ابسمعه نواف : زين زين ابشري ماتبين فهد عبد المحسن لولوه: خلاااااااااااص مابي بلياااااااااه طفه دينت نواف وام سعود : ههههههههه نواف: عوفته وانا ولدتس شفتي يمه لولوه: هين هين بس لابقيت تعرس شف من يخطب لك يالنوفي نواف: هههههههه امي تروح لازم انتي من قال اني ابعلمتس اعرس وانا ماقلتلتس لولوه: ااااااااه اموت ناقصه عمر ادري كله منكم طلال من جهه وانتم من جهه ووووووه لا واقول ابي سند الله يخلف علي ليتن مكمله دراستي راح عمري نواف: صبي قهوه لي ولامي خلي الحتسي يالله لولوه: خل مرتك اللي تبي تعرس ماعلمتن تصب لك وصبت لهم قهوه وحطت التمرعندهم نواف : يمه ابيتس تخطبين لي وقولي لابوي لولوه: انا ماني خاطبه لك نواف:انا قلت لامي تخطب لي ام سعود: من تبي وانا اقول لابوك بس تعرس قبل سعود؟ نواف: يمه سعود هو عيى وانتم تدرون وانا ابنطر سعود يمه ابي ريم والله لو ماخذه يصير لي شيء لولوه: اخوووووووي عاشق والله طحت وماحد سمى عليك نواف: هههههه لولوه انثبري ام سعود: والله انه بنت ماعليه كلام ولو علي ميخالف بس نقول لابوك بس اخاف انه يعيي تدري له عيال عم واخاف مايطلعونه | ||||
|
|
|
13-05-09, 03:51 AM
| #3 | ||||
| كاتبة في قسم قصص من وحي الاعضاء
| دخلو الدمام وفاتو على الخبريدورون شقه يبون يريحون لولوه: الحمدلله على السلامه يمه النوفي اخيرا ابنام نواف وام سعود:ههههههههههههه الله يسلمتس نواف : وانتي هذا همتس؟ لولوه:ايه من مشينا من حايل وانا مانمت اخاف من الطريق داخ راسي والله لو اشرب ترامز قهوه نواف: خوافه وش يبي يجيتس يعني ؟ لولوه: اخاف اموت وانا نيمه على الاقل لو قاعده ارحم يمكن ربي يرحمن واتشهد نواف:ههههههههههه حسبي الله عليتس لولوه: والله صاتسه النوفي لاتضحك ترى الموت مو هين النبي صلى الله عليه وسلم : قال: ان للموت سكرات ام سعود ونواف: اللهم صلي على محمد لولوه: يالله النوفي اجرلنا شقه به مطبخ اهم شيء نواف: والله لو تبين تطبخين الغداء والعشاء لولوه:ماني طابخه بس ابسوي القهوه علشان اظبط مخي وانتم كيفكم نواف: انا اقول ماهو لله هههههه لولوه:اكيد الدنيا مصالح نواف: عاد ابد انتي ام المصالح لولوه:لا ابتعلم مثل الناس اصير على مصلحتي نواف وام سعود:هههههههههههه عاد ماصارالا انتي اسكتي بس نبي ندور شقه وصلو الشقه واستاجرو وهي تلعب وكل غرفه تفتح بابه ماخلت باب مافتحته ولا خلت مكان لولوه: يممممممممممه الله حلوه تهبل الله وناسه ام سعود: لولوه اعقلي وشبلاتس يمي هههههه نواف:يمه اخاف انجنت وابلش به ههههههه لولوه: يمه النوفي وشبكم علي والله اني عاقل وكلي حلا مستانسه ههههههههه يالله انا ابي الغرفه اللي تفتح على الشارع انتم كيفكم يالله مع السلامه ابروح انااااااااام ام سعود ونواف:ههههههه روحي نامي وراحت تريح تعبت من السفر لو اناداريه ان السفر كذا ماسافرت اااااه ياحلو حايل قعدت تفكر بكرى وش تسوي وش تشتري طلعت النوته الصغيره وكتبت الاغراض كم بدله واكسسوارات وتحب الايشارب لانه شيء مهم اممممممم وشو بعد ايه عطورات نسيت بنطولانات خلن اهبل على كيفي وبلايز بعد وشو اممممممم نسيت خلن ادق على نجول اسأله:طوووط طووووط طووووط هاذي شبلاه ماترد نجووووول عمى ردي ابسألتس وش اشتررررررري بسرعه :كل شيء اهم شيء لبس النوم هذا اهم شيء زين حبيبتي حست ان الدنيا وقفت وماسمعت صوت نجول سمعت صوته هو سكرت التليفون وشافت اخر اتصال عرفت انه غلطة جته رساله : الله حلو المكالمه احرقتي قلبي ذكرتيني ولا تحسبيني ناسي بس ااااه منتس ياقلب طلال ولاتنسين لبس النوم احتارت اللحين يحسبن قاصده مايدري اني اكرهه والله لولا خاطر ابوي مارجعت مابي اكسر كلمته ياعلك للكسر ياطلال والا استغفر الله ياربي وش اسوي اوووووووه كيفه ايه خلن ادق على نجول اللحين لازم افتح عيوني دقت على شبيهة شغالتهم (نجول) :الو نعم خير ياطير شتبين انا زعلانه لولوه:ههههههه وشبتس علي لايكون حاقده نجول: الا اكرهتس واكرهه كل واحد يغليتس لولوه: ياحول اجل نصف الكره الارضيه يبون يحاربونتس انا مثل شهرة هتلر هههههههه نجول:هههههههههه اقول لاتحتسين حتسي فاضي وشتبين؟ لولوه:ابيتس تذكريني وش اشتري تذكرت بعضهن وبعضهن للحين ...... نجول : قولي وش كتبتي ؟ لولوه: اممممممممم وقالت له .... نجول: ايه اكتبي عود اصلي تلقين عند القرشي وبعد امممم لاتنسين المحازم واكسسوارات للشعر تلقينهن حلوات وبسيطات واممممم مسك القرشي يهبل تذكرين يوم نشتري وبعد ايه نعول على قولة سوزان جزم هههههههههه لولوه: حسبي الله عليتس وش ذكرتس به اللحين هههههههههههه اه ياتسبدي حرام عليتس والله تعبانه بليا ضحك اذا تذكرتي ارسليلي زين ؟ نجول :ذكرن هي تسأل تقول لولوه تبي ترجع لزوجها عاد تخبرين التحضر ماهو لايق قلت ايه تبي ترجع لزوجه بدون مده هههههههه لولوه:حسبي الله عليتس ياربي منتس ومن سوالفتس نجول : يالله مع السلامه واذا تذكرت ارسلتس لولوه: يالله مع السلامه ~~~~ ~~~~~ ~~~~~~~ حطت راسه على المخده ونامت من التعب قامت الصبح غسلت وتوضت وصلت الفجر وقعدت تمشى بالشقه وهي هاديه الله فتحت الدريشه (النافذه) وقعدت تسمع لصوت العصافير ماتدري ليش طبع من يومه صغيره تحب تسمع صوت العصافير الله دايم تذكرن ببيتنا الاول اااااااه قبل وفاة اختي سلمى الله يرحمه ونزلت دمعته ليتس حيه ياسلومه واشكيلتس همي تذكرت يوم انه هي وسلوم يلعبن ويسهرن ماحد يدري ويتسمعن لصوت العصافير الصبح وكلن تقول مواصفات فارس الاحلام واذا سكتن العصافير معناته مافيه فارس بمواصفات الفارس واذا كملن معناته فيه خرافات بس ااااااه على ذاك الزمن كانت الحياه بسيطه الله يرحمتس ويغفر لتس ياسلمى اللهم امين تعوذت من الشيطان وقامت تسوي قهوه تظبط راسه وطلعت تمر وجلكسي قالت خلن ادلع نفسي احسن لي تقهوت وهي تفكر بمليون شيء ماحست باللي دخل عليه نواف: السلام والرحمه على وحده ماهي بعالمنا لولوه: هلابك وعليكم السلام وين اكون يعني بجزر الهاواي هذا انا قدام خشتك وش اخبارك اليوم نواف: تمام الحمدلله وطلع باكيت الدخان قبل لايفطر لولوه: لاحول ولاقوة الا بالله اللحين بالله هذا وقته مامداك قعدت النوفي ترى والله يضر بصحتك نواف: ادري بس ماصبر عنه شسوي ؟ لولوه: رح تعالج عنه لامتى وانت كذا ؟ نواف: لولوه يابعد حيي مالي خلق حتسي صبيلي فنجال خليني اتقهوى قبل لاجيب لكم فطور لولوه: زين الله يهديك على يد ريم نواف: ايه هذا الحتسي ماهو سوالفتس مشوين اااااااااااااه ياقلبي من جبتي الطاري وانا قلبي دقاته بمخي ههههههه لولوه:هههههههه الله الله اللحين يزيد غلاي اكيد نواف:مايبيله حتسي اكيد بعد ههههههه لولوه: اقول النوفي قم جبلنا فطور دام مخك مظبطه بطاري الحبيبه وشارب زقاره ههههه ذبحن الجوع نواف:ابشري من عيوني بس هذا طلبتس لو تبيني اطبخلتس الغداء طبخته لولوه:اويلي عليك يالنوفي انت حالتك مستعصيه مالك دواء الا حضن محبوبتك هههههههه نواف: هههههههههههههههههه جيتي على الجرح يالله ابروح قبل لاموت ناقص عمر منتس لولوه: لانشالله عسى يومي قبل يومك نواف:اااااااااااااااااااا� �اامين ههههههههه لولوه:هههههههههههههههههه رح بس جبلنا فطور وجبلي قلاص شاهي معك زين لاتنسى <<<<<<<<ماتعرف تفطر بدون قلاص شاهي الله ~~~~ ~~~~~~~ ~~~~ ~~~~~~~ قعدت تكمل مابقى من تفكيره احبه واشتاق له واحب عنفه واحب هدوءه واحب قسوته وجفاه ولينه اااااااه ياقلب المولع الله يعينك بس ليش كل انسان يحب ينجرح ليش كل وفي ينخان به وكل عاقل ينجن من الحب ليش يارب انك تختار اللي به خيره لي يارب لاتحرمن رحمتك مالي غيرك يارحمن يارحيم برحمتك استغيث دخلت عليه امه ام سعود: السلام عليتس والرحمه لولوه: هلا وعليتس السلام ياصباح لندن وباريس ومكه وطيبه وووووه ياعلي مافقدتس ام سعود: امين وشعندتس ماشالله اليوم اشوى من امس مزاجتس مظبطته لولوه: ايه ظبطته باهالقهوه تفضلي عيوني وقلبي فراش لتس قبل الارض خلن اقهويتس ام سعود: هههههه ماشالله ابذكر الله مابي احسدتس لولوه: كنت ابقولتس اذكري الله بس خلاص دامتس سبقتيني اشوى ههههه ام سعود: كتبتي اغراضتس ترى رجيلواتي يوجعنن مابي ادوخ لولوه: ايه يمه كتبتهن وخلصت اييييييه ذكرتيني يابعد الدنيا قلت لنجول ترسلي اذا تذكرت شيء ابروح اشوف جوالي ام سعود: لاتروحين لامن قهويتيني روحي لولوه: زين يمه اقهويتس كم ام سعود عندي ابشري وقعدت سوالف هي وامه وحش اكيد هههههههه ام سعود: يقولون خالد ولد ام عيسى جايه مرض السكري لولوه: لا يمه ياقلبي صغير سبحان الله الله يشفيه يارب ام سعود: اي والله دقت علي متضايقه تقول والله اني مادري شسوي لولوه : ماله الا الدعاء يمه هذا شيء بيد الله ام سعود: الله يشفيه قلت له والله الله يخليه لهم ولايخوفهم عليه لولوه: اللهم آمين ويشفي مرضى المسلمين يمه تدرين هالمرض خطير لازم يتابعون نومه واكله وشربه والله يعينهم هو عنيد اول اللحين يعاند اكثروتدرن انه يسبب جلطه ويعصب بدون سبب ويدوخ دايم الله يستر عليه يارب ام سعود:امين ويحفظه لهم مالهم الا هو واخوه عسى الله يخليهم و اسمعي وانا امتس لا منتس رجعتي لزوجتس لاتدخلينهم هاذي حياتس انتي وطلال وان تدخلو تفاهمي معه هو ولاتكلمين قدامهم وخواته لاتخلينهن يتدخلن انتي ماتدخلتي بحياتهن علشان يتدخلن بحياتس زين حطي كلامي بعقلتس ولاتهمين نفستس ماعليتس من احد ارضي ربتس وانا امتس اهم شيء وربتس مايخليتس لولوه: ابشري يمه ولايهمتس انا لولوه انا بعدين يمه هن يتدخلن والله ماقول شيء يغثني يما ارقى واخليهن يسامعني ام سعود:ماعليتس هذا اللي يبنه علشان رجلتس لاجا مايلقاتس ويقلن ماتبينا خلتس اطيب منهن بنتي حنا ربينا ونبي تربيتنا ماتروح لولوه: انشالله بس متى نتغداى ونروح السوق ام سعود : لاحقه عليه وانا امتس يماتدوخين لولوه: ماظنتي والله اللحق عليه والنوفي موجود الا يما يطلع قلبي هههههههه ام سعود:هذا وهو جايبتس للخبر والله ان كيدكن عظيم هههه لولوه: يمه انا صاتسه نواف يوم انا بحايل وهو مطلعن عويناتي اللحين وش يسوي ؟ ام سعود: لا لا ماعليتس ان قالتس شيء انا اقوله خله لولوه: تعيش ام سعود تعيش تعيش تعيش ام سعود:ههههه اللحين اللي بالشقق يحسبون ام سعود فريق وتشجعينه ههههه لولوه:هههههههههه الله يمه لاصرت غنيه اسوي فريق باسمتس فريق ام سعود للشباب السعودي الساقطين ومامعهم الا الابتدائيه ابكسب اجر بهم وبتس ام سعود: ههههههههه حسبي الله عليتس من بنت مادري منين تجيبين سوالفتس لولوه: مادري احيان اشك بنفسي اقول اخاف اني عالم وماحد اكتشفن ومرات احس اني اغباء اغبياء العالم وللحين مادري ايهم انا بس انشالله اكتشف ام سعود:هههههه قومي قومي عن وجهي خليني اتقهوى لولوه: ابشري على خشمي يجي يوم وتمنيني يام سعود ولاجا اقولتس ماني فاضيه روحي لابو سعود هههه وقامت راحت للغرفه لجواله لقت رساله من نجول الله ياخذتس يانجول الشرهه مو عليتس على الخبله اللي تقولتس ذكرينن هين هين لولوه كتبت رساله لنجول وارسلت له ~~~~~~ ~~~~~~ لولوه: نوااااااااااااف هذا سوق والا قصر ؟؟؟؟ نواف: ههههه انزلي انزلي هذا سوق اسمه الراشد لولوه: ايييييييه هذا اللي يحتسون عنه الراشد والراشد ياربي يانواف يانه كبير والله تقل بيت نواف: هههههههه لولوه انزلي خلصيني بسرعه لولوه: يمه شوفي مواقفهم كبر حوشنا مليون مره نواف وام سعود: هههههههههه انزلي اللحين وبعدين تكلمي لولوه: لا لا لااااااا برستيجي مايسمح انزل بمكان نفس هذا نواف اكيد تبي تجلطن يابعد حيي ادري ان هاذي اسهل طريقه للموت هذا دخلو وضحى وراشد به ياتسبدي ياراشد نواف وام سعود: ههههههههههه انزلي والله لارجعتس يم الشقه ومنهو راشد ؟؟؟؟ لولوه: امزح يابعد الدنيا مزح اخوي راشد اللي بالقصه بعدين ارسله لك على جوالك وهاذي نزله ووقفت قدام البوابه ..........وبوهت بالشباب اللي واقفين بسم الله هذولا عرب سعودين والا اجناب واشمين وشوشهم طايره ولابسين برموده وععععععع الله يزوم تسبودكم لولوه: يمه نواف هذولا اجناب والاعرب ؟ نواف : مالومتس لاتبوهين حيل هذولا سعودين لولوه: ابوه من الخرعه مايحرك قلبي الا اللي لابس ثوب وشماغ اااااااه ياتسبدي نواف: استحي على وجهتس انتي على ذمه رجل لولوه: الله والرجل عاد اقول نواف خلنا ندخل ابشوفه من يوم عمري شهرين وانا اتحلم به نواف:يالله انتبهي لامي زين وانا ابمشي قدامكم لولوه: زين رجل شرقي بما تعنيه الكلمه لازم المراه تمشي وراه لو انت مثل الانجليز يقولون فريست ليدي يعرفون الذوق نواف : تحسبينه ذوق هاذي قصه بعدين اقوله لتس لافضيت لولوه: انشالله حتى انا ماني فاضيه مشت لولوه وكل محل تجيه تقول الاادخل وماخلت شيء ماشرته وتشتري له ولنجول العوبا ياملا الماحي اللي يمحى عدوه بس ارجع لحايل اشوف شغلي معه جته رساله ... عدلي عباتس مابي احد يشوفتس غيري استغربت من طلال وشبه هذا انجن لايكون جاي للخبر يسويه والله بس كذا عناد بي عدلت عباته وكملت تسوق وكل شوي تلفت تدوره تحس انه يشوفه شافت ثوب عنابي قصير فيه كسرات وموديله روعه ويوم قاله السعر بقى ياقف قلبه بس قالت يالله يابنت لامتى وانتي كذا انتي حلفتي الا تشترين كل اللي بنفستس وشرته جته رساله حلو الذوق وصاحبه الذوق انشالله تلبسينه يوم الخميس لي انا بس سكتت وكملت وهي تحس انه تبي تنجن منه ومن تصرفاته اكيد جاي والا شدراه مرت نعومي قالت ابحرق قلبه اول مادخلت لفت وطلعت ماحست الا وراه صوت يقول :ارجعي ادخلي داخله لاقسم بالله ادخلتس غصب عرفت الصوت اااااه من الصوت ومنه لفت عليه بهدوء لولوه: السلام طلال: وعليتس احلى سلام داخل بأمر مني يالله لولوه: طلال خلن على راحتي و (هذا اللي قدرتس ربتس عليه بدال ماتقولين مالك شغل وتسكتينه) طلال:ياقلبي على راحت راحتس بس ادخلي المحل ( والله لاعوضتس عن الحزن اللي بعيونتس ياعيون طلال ) لولوه: دخلت بهدوء ودخل معه طلال: انت اختاري وانا اقولتس يلوق عليتس والا لا ؟ لولوه: طلال اطلع انا اعرف اختار طلال: ادري بس ماقدر اشوف احد يبحلق بتس اغااااار اغاااااااار تفهمين وبعدين لامشيتي عدلي عباتس وغطي كفوفتس ماشفتي وشلون يبحلقون تقل عمرهم ماشافو كفوف سكتت وماردت عليه بس تسذوب تعرفه بياع كلام والا يقول اغار من متى الغيره بالله؟؟؟؟؟ دق جوال لولوه جت تبي ترد خذاه يوم شاف اسم النوفي نواف: الو لولوه انتي وين رحتي ضيعناتس انا وامي طلال: هلا نواف انا طلال هاذي لولوه معي نواف: الله الله عايشين بالعسل ومخليننا لي االله طلال: ايه فالك العسل انشالله مثلنا نواف: امين ابي اكلم لولوه اذا هي عندك طلال: ابشر وعطى الجوال لولوه:الو هلا نواف: هلا لولوه تبين ترجعين معنا والااخليتس مع طلال ؟؟؟؟؟ لولوه:لا لا معكم ساعه تكفي؟؟ اوكي وصف لطلال وان خلصت اجيكم .. وعطت طلال الجوال وقالو المكان وكل محل تمره يعلق عليه هذا حلو وهذا لون مو حلو خوذي القصير احسن وغصب شرى شورت له وتنانير قصيره لولوه:طلال مايلقن علي كيفي مابيهن طلال : ماهو بكيفتس بعدين انتي بذمتي والابقيتي تسالين احد متى تخلصين اساليني ومشى قدامه وخلاه لولوه بقلبه اللحين انا المفروض اللي ازعل وهو يزعل على اشياء تافه ومشت وراه الا وهي معصبه منه بس مصيبه ماتعرف الاهو وخايفه تضيع مرو كوفي دكتور كيف وهي بنفسه تشتري منه الله هذا دكتور اللي اقرا عنه بالروايات اخيرا شفته؟؟؟؟ مر طلال الكوفي وخذا اثنين كابتشينو وكرواسان له وله وعطاه اكله طلال:لاتاكلين اللحين لامنتس ركبتي السياره كولي ياويلتس ترفعين برقعك من تحت البرقع كولي وغطي عيونتس سكتت لولوه وهي معصبه ان انفجرت ذبحته بالسوق ومشت وخلته وصلو عند نواف وام سعود سلمو نواف وطلال وسلم على ام سعود ام الغاليه شلون مايسلم ^_~ لولوه: يمه رجيلنتس يوجعنتس ؟؟؟؟؟ ام سعود: ماهو حيل بس لاتعبيني خلصي لولوه: وشو اانا مت تعبت رجيلي ذبحني بس بقى عبات وعطورات وابي اتمشى للحين مابردت تسبدي بس بكرى انشالله اكمل نواف: لولوه متاكده خليتي شيء بالسوق لولوه: اي والله للحين بقى واجد نواف شل معي الاكياس تعبت نواف : اقول عطيني كيس واحد والباقي شيليه انتي لولوه: نواااااااف مايصير هذا ظلم اجل نوديهن السياره ونرجع نواف: الا يصير طلال: عطيني الاكياس وانتي عدلي عباتس لولوه عطت الاكياس طلال وهي معصبه من نواف : تكلمت مع نواف بصوت واطي ابي البحر نواف: امداتس تبين البحر توتس تقولين تعبانه لولوه: قصر صوتك لايبعنا نواف يابعد دنيتي كله ابي البحر نواف: خلاص امشو يالله يمه مشينا للشقه وطلعو وضيعو السياره وحط اللوم على لولوه نواف: كله منتس اللحين وين اللقاه لولوه : وش يدريني انت اللي تسوق ماهو انا نواف: وقفنا عند مكان ووديتينا مكان ثاني اصبري خليتس انتي وامي هنا وانا اجيكن زين طلال: اقعد عندهن انت وانا اجيب سيارتك باي رقم هي ؟ قال نواف الرقم وراح يجيبه حافظ المكان عدل قعدو ينتظرون لولوه وامه ونواف وشوي والا هو جايب السياره نواف: يالله يمه لولوه يالله بسرعه لانوقف الشارع لولوه: زين زين نواف: مشكور طلال ماقصرت طلال: العفو ماسويت شيء جته رساله وعرفت المرسل مايحتاج لوتجيني بثياب البيت ابيتس ااااانتي افهمي احبتس لولوه ماتت قهر منه اللي يذبحن كانه ماغلط لا سوى شيء ااااااااه يالقهر وارسلت رساله له( وانا شريت قبلك كثيرررر ثياب بيت حبيبي لاني كثير انزل وانت دايم طالع) وارسلت له خله يموت قهههرررر مرنواف على هارديز وخذو وجبات وطلعو للبحر نزلت بهدوء وراحت تمشي له اخيررررررا يابحر راح تشيل همي جيتك يابحر خذ همي خذه جيتك اشكيلك جروحي وعناي وضيم وقتي جيتك ادور بامواجك من ياخذ همي تسابقي يامواج خوذي جروحي ورحليها بعيد خليها تهاجر ولاتعطينه مدى ترجع ااااه من الوقت ليش الدنيا ظلم ياااااااااابحر جاووووووووووب ليش ليش هممممممم ليش قسوووووووه تعبت يابحر تعبت ولاعاد بي حيل تسابقت دموعه تذكرت سلمى تذكرت طلال تذكرت الجروح الموت القسوه الجفا العنا الضيم الهم كل شيء بي ولا تكلمت تدري ليش يابحر كنت باهديلك جروحي طلع مااااااك مالح وعلى كثر مايطيب الجروح زود وجعها .........؟؟؟؟؟؟؟؟؟؟ نواف وام سعود ماحبو يقربون منه خلوه على راحته تبتسي لين ترتاح نواف: يمه لامتى هي كذا تكلمي معه يمه مايصير ام سعود: خله على راحته خله تفضي باله تعرفه ماتحب احد يقرب منه وهي معصبه وتبتسي نواف: زين يمه بس يمه تحسبه رخيصه عندنا بس والله ماهي رخيصه ام سعود: ادري والله يايمه يانواف بس اعذره سمعت حتسي وتعبت كل الشهور الي فاتن خله هي من نفسه تجي وتضحك ماكان فيه شيء للحين ماثره به وفاة سلمى ماهو هين عليه ولاعلينا للحين يحز بنفسه ان ماعنده احد بعمره تشكيله ودمعن عيون ام سعود نواف: افا يمه تبتسين وراسي موجود والله ماتنزل دمعتس ومسح دمعه امه ام سعود: عسى الله يخليكم ماوصيك يانواف ان صارلي شيء لا تخلون لولوه ماله الا الله وانتم نواف: عسى عمرتس طويل يمه ولايهمتس بعيوني والله رجعت تفكر ليش احبه ماهو خاين ليش اشتاق له ليش احن لقسوته وجفاه لانتس غبيه وجاهله الحب عمره ماكان كذا بس انتي غبيه صح يالولوه ماتفهمين هو اصلن مايبيتس واللحين بيرجعتس علشان ابوه لان ابوه يحبتس ودايم ياقف معتس يعني لاتفرحين عيشي بحالتس وهو بحاله احسن لتس واريحله هو يبي مها لاتكذبين على نفستس تذكري شلون يعامله وشلون يعاملتس يعني مجبور عليتس تحملي كم شهر وتطلقي وارتاحي تذكرت نظراته لمها واذا خواته قالن مها عندنا وتبي عشاء والا الحلا الفلاني قام وجابه وانتي تموتين جوع ماحد دراى عنتس عمره ماسالتس انتي جيعانه والا مريضه والا تبين شيء ليش يتهيالي شكله واحس اني اشوفه دايم ليش اشتاق له وكل رجال اقيسه على رجوله طلال ياربي ليش حظي كذا ياااااااارب ارحمن برحمتك استغيث كانت عينه تراقبه عرف انه حزينه عرف انه تبسي عرف ان جرحه ندي وللحين ماندمل بس وعد مني ياعيون طلال الا انسيتس كل الجروح واصير دواتس وبلسم جروحتس ياليتس بحظني وامسح دموعتس واعوضتس عن كل اللي راح ليتس تشكيلي همتس بدال البحر اوعدتس ياروح طلال اوعدتس رجعت لنواف وامه لولوه: السلام عليكم والرحمه ردو السلام: نواف وام سعود:وعليتس السلام والرحمه نواف: شفتي البحر تراه شكالي منتس؟ لولوه: ضحكت بهدوء : ايه شفته ليش شقالك؟ نواف: يقول خذ اختك وده حايل رجعه مابيه طول هالسنين تحلم بي واخرته تمشى لحاله ومخليتن امه والنوفي ههههه لولوه: ههههههه لا ماعليك خليتكم وكلن بقلبه انسان امي بقلبه ابوي وانت ريم .......جويعانه وين الاكل ام سعود: دوتس يمي خوذي ياعله عافيه لولوه: الله يعافيتس متى نرجع للشقه تعبت؟ نواف: خلصي ونمشي نريح انا تعبت والله كله منتس ياويلتس ان اعرست وماساعدتيني كل شيء على قلبتس ام سعود ولولوه:ههههه ابشر كم نوفي عندي خلصو ومشو للشقه ولولوه راحت لغرفته تريح لانه تعبانه تسبحت وصلت ووانسدحت تفكر تذكرت رساله طلال .........؟؟؟؟؟؟؟؟ | ||||
|
|
|
13-05-09, 03:47 PM
| #4 | ||||||||||
| مراقب عام ومشرف منتدى قصص من وحي الأعضاء وكاتب في قسم وحي الاعضاء  
| يا هلا بشمر و اهل شمر .... تو ما نوور المنتدى ... و أنا أقرا القصة .. تطري علي كلمات جدتي ( شمريه ) .... القصة شكلها طرح جديد ... يختلف ... لكن لاحظت عامل السرعه فيها ... و هالشي بتلاحظينه بعد شهر او اسبوعين من كتابة القصة.... لولوة و طلال ... ما عرفنا من السرد كم جلست معاه هل بعد ما تزوجوا و جلسوا فتره طويله طلعت منه !!! او بمجرد شهرين طلعت ...!! و بعدين وش اللي غيّر مشاعر طلال ..تجاه لولوه !!! مع ان الاجزاء طويله لكنها لازالت تحمل غموضا في داخلها ... بس و الله ما عنده وقت طليل لحقهم على الشرقية ههههههههه يا بعد حيي هاللولوة شكلها متأذيتن حيييل هههههههههههه على فكره .. اي ترجمه للاخوان الغير ناطقين بالعامية انا مستعد اترجم .... ننتظرك يالشمريه | ||||||||||
|
|
|
13-05-09, 04:09 PM
| #5 | ||||
| نجم روايتي
| ,,,اهـ من عذابات الحب والجفاء.........طلال ان كنت تحبني فأنا أحبك اكثر لاكنك زرعت في قلبي جرحاً لا يندمل بغرورك ..فتتساقطت أدمعي ..ليطفئها ليلي الصاادق. على ضفاف البحر ... قاسمتك العشق فقاسمتني الالم والمراره لـــو مـــاأنت غـــالي ماأتحمل غــيابك ولا أشقيت نفسي في رجاوي تلاقيك أحــب فيك الحــب وأعـــشق عتابك وأحـــب جــرحك والغــياب وتجــافيك وياليتني حرف ســـكن فــي كـــتابك صدى...رائعه قصتك خطوط مرسومه على ورقة عشق..تنبىء عن عاطفة واحساس ..انبثق من ذات العطش للحب وللوجد اسلوبك بسيط سلس عذب رائع انتظر منه المزيد لا تتاخري فعشاق قصص الحب ينتظرون الحكايه دمتي بخير طووووويلة بالـ | ||||
|
|
|
14-05-09, 01:22 PM
| #6 | ||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي  
| صدى شمر قصة حلوووووووووه حيل ممتعه ورائعه كوميدا ممتعه ومميزة تختلف عن كثير من القصص لها طعم خاص روح المرح اللمزوجه بحزن كوميدا تخدم الحبكة والشخصيات طلووووووول // يالدب وش انت مسوي بالبنت كارهتك كذا ؟؟؟؟؟؟؟ الغالية حبيبتنا لولوه // فديتك والله انتي ومزحك اللي يهبل ونواف اخوك العاشق خفي عليه حرام عليك انتظرك صدو لا طوليت يابعد حيي | ||||||||||
|
|
|
16-05-09, 02:10 AM
| #10 | ||||
| كاتبة في قسم قصص من وحي الاعضاء
| الجزء الثـــــــــالث....... سأعطي قلبي راحة.. و مشاعري إجازة طويلة.. و سأجعل قلبي يبتعد عن العذاب.. سأتجول في البساتين..و أقطف الزهور.. أضعها في شعري..و يتلاعب الهواء بخصلاته الملونة.. فتزداد جاذبيتي.. فلا مكان لـ لغراميات في قلبي.. لن أعشق و أتعذب.. (سأشرب العصير و أرقص و أطير) فـ أنا حرة نفسي..بلا قيود.. و لا حاجز يمنعني.. و لا حب يهدمني.. سأتوقف.. بـ القرب من محطة القطارات.. حتى يطلب من قلبي التحركـ.. و أعشق من يستحق.. و أهدي قلبي شخصاً واحداً..أختاره لي القدر.. سأهديه كلمة(أحبكـ)فلا أحد غيره يستحقها.. أما الآن..فـ أنا بين الزهور..ألعب مع الطيور.. فـ أنا مجرد طفلة بريئة.. لا تعرف عن الحياة سوى رسم الورود.. للكاتبة:أوهام الغرام الله كنت اشوف نفسي لانسان واحد واقوله كلمه احبك بكل لغات العالم.... خبله انتي والا غبيه مافيه حب الوقت هذا كله كذب وخداع وزيف الدنيا اللحين مصالح ....... اعترفي تحبينه والا لا؟؟؟؟؟ اعترفي خليتس مره شجاعه ؟؟؟اصلن انتي جبانه تدعين القوه وانتي اجبن جبانه حتى حبتس الوحيد مادافعتي عنه ؟؟؟؟,,,,,, فكرت برسالته اصلن متى نسيته والا نسيت شيء عنه مو هذا الحب ؟؟؟ تحس بكل لحظه معاك ويشوفك بقلبه وعيونه وش قصده من الرساله؟؟؟؟؟؟ (لوتجيني بثياب البيت ابيتس ااااانتي افهمي احبتس) كذااااااااااب امدااااااااااااااه خمس شهور يحبن ويفقدن سنه كامله مقابلته ماحس بغلاي له ؟؟؟؟؟توه اللحين حس بغلاتي واغلاني لاتصدقين براسه بلا ؟؟؟ اصلن يبي يرجعتس علشان يهينتس هو فيه غيرتس يهينه ويبرد حرته به ؟؟؟؟؟؟ اللحين هو شدراه اننا بالخبر وبالراشد بعد؟؟؟؟؟ من قاله ؟؟؟؟؟بسرعه قووووومي اسالي نواف قبل لاينام قوووومي راحت ركض <<<<معذوره من الشفايه طقت باب نواف ومانطرت رده عليهأ وفتحت الباب نواف هو طلال شدراه اننا جينا للخبر ورحنا للراااااااشد؟؟؟؟؟؟؟ نواف:هههههههههههه سمي سمي كل هذا شوق وغلا؟؟؟ههههههه لولوه: نوااااااااف رد علي ؟؟؟؟ نواف: سعود قاله اننا بالخبر وانا قلت له اننا بالراشد ارتحتي اللحين..... لولوه: ليش بالله ماقلت لي تدرون انه هنا وساكتين (كملت اللحين جايه اباخذ راحتي واغير جو والاخ لاحقن للخبر ) نواف: وشبه لاجا هنا ماهو زوجتس ؟؟ توي دريت انتس ناقصه عقل والا وحده تستقبل زوجه كذا؟؟؟؟؟ لولوه: وش سويت ماسويت شيء ؟؟؟؟ بس اني سألت؟؟ نواف : لا معاملتس اليوم له بالسوق ليش كذا تكلمينه بجفا ترى الرجل مصيره يمل ويتركتس ...بعدين تراه بالشقق الي مقابلتنا من تفتحين الباب والا هو بخشتس هههههههههه لولوه: وشوووووووووووووو؟؟؟؟ نواف : من قال وشو سمع ههههههه اعترفي بغلاه وريحي عمرتس شوفي انا معترف بغلا الريم ومرتااااااااااااااح...... لولوه: حنا غيررررررر وانتم غيررررررر ..... يالله تصبح على خير وانشالله تحلم بريومه نواف:اااااااااااامين وانتي تحلمين بطلال والا وشوله تحلمين امشي اللحين نسهر عنده .... لولوه: وين نسهر عنده بشقته؟؟؟؟؟ لا لا رح انت انا ابنام.... نواف: تو حلالتس النوم يوم جيت ابروح يمه امشي معي تفاهموا؟؟؟ لولوه: على وشو نتفاهم؟؟؟؟؟ نواف: على حياتكم بعد وشو صارلكم خمس شهور متفارقين تكلمو تراضو تفاهمو وانا عندتس ماروح <<<<يارب تظبط الخطه لولوه : ماتروح وتخليني لحالي عنده؟؟؟؟؟ نواف: لا بس امشي وانا ابتصل عليه اشوفه اذا قاعد ...... طلال كان قاعد بصاله الشقه ويفكر اللحين اكيد نواف نساني والا وينه تاخر او عيت اعرفه عنيده وراسه يابس اااااااه فديته اشتقت له واشتقت لحظنه وعناقه اااابيه مشتاااااااااااق له حييييييييييييييييييييل...... .... فجأه دق جوال طلال....... عرف انه هو ورد بسرعه طلال: هلا بشر؟؟؟؟؟؟؟ نواف: نبي نجي عندك انا ولولوه افتح لنا الباب احسبك نيم؟؟؟ عرف ان نواف يالله مقنعه وان كل هذا من خططه..... طلال: لا لا لا قاعد حياكم تعالو........ نواف: يالله روحي اللبسي بسرعه ينطرنا وراحت وهي تفكر ياربي صح والا غلط ياويلك يالنوفي ان خليتن والله لاذبحك ياغبيه هو يبيكم تفاهمون وهو وعدتس انه مايخليتس لحالتس يالله اللبسي عباتس وروحي ان نفعتس ماضرتس ........ الا قولي تبينه ومشتااااااااقه له انتبهي بيني له انتس ماتبينه حيل تغلي عليه افهمي خليتس مره ذكيه ......... لبست بنطلون وبلوزه عاديه ورشت عطروحطت قلوس وكحل خفيف ومسكره وطلعت لنواف لولوه: نمشي؟؟؟؟ نواف:الله الله وبعد كاشخه قولي بعد ماحبه قولي ماغليه .... امشي قبل لايموت ^_~ وغمزله بعينه ....... لولوه سكتت وماردت انحرجت من نوااااف .... طلال يكلم نفسه هذا وينه هو وياها وين راحو انا على نار وهم ابرد ماعندهم اااااااه ياقلبي وش اسوي اسلم عليه وابوسه مع خده والا مع راسه ياربي وشبلاك ياطلال ماكنك رجال وعمرك 27 كل هذا ولخبطت كيانك لولوه اجل لوعمرها كبير وش تسوي ؟؟.....هي عقلها اكبر من عمره اعترف ان ماكأن عمرهأ 20 ايه ايه بوس خده عيب معهأ نواف اجل تبوس شفايفهأ قدام اخوها ههههه اكيد لا..ولاتبوس راسه وش تبي براسه ...؟بوس خده بس اااااااه على شفايفها.......... طق الباب وفتح الباب ..<<<وشبك طلال رحبهم والا تنحت رحب خلك شوي واثق من نفسك... طلال:ياهلا وغلا حياكم ادخلو .... دخل نواف ......وهي تنحت قدام الباب ....ادخلي لايسكر الباب بوجهتس انجزي ادخلي ..... لولوه:السلام عليكم..... طلال:وعليكم السلام والرحمه حياتس ادخلي لولوه .. دخلت لولوه ماحست الا بوسه على خده وهمس له اشتقتلتس... انحرجت حيييييييل هذا لو اقعد شوي شيسوي لا وبعد قدام نواف ........اللحين من يسلم من نواف....... نواف:انا بتول ماتزوجت لاتفسدوني .......هههههههههه قولوا بعد مانحب بعض.... انا اللحين عذول اطلع احسن لي قبل لاتطردوني ...... لولوه:لا لا لا لا وين تبي ان طلعت اطلع معك... طلال:هههههه خلك يرحم والديك اخاف تطلع وتخلينا.... لولوه: ان طلع نواف اطلع وعطت نواف نظرات .......نااااااااريه بمعنى ياويلك.... نواف: خلاص اقعد معكم وان طردتوني ماهو احسن لكم ..... طلال:هههههههه لا ماعاش من يطردك..طلبت كابتشينو من الكوفي تبون كابتشينو والا اطلبلكم شيء ثاني؟؟؟؟ نواف: انا ابي كابتشينو وحبيبتك اسأله؟؟؟ طلال بحرج : لولوه وش تبين أطلبلك؟ لولوه: كابتشينو بدون سكر..... طلال(عرف انه متوتره بالعاده تحبها بسكر اللحين تبي تصحح مو قادره من التوتر) وراح يطلب ورجعلهم ... لحظه صمت كل واحد متشتت مايدري منين يبدأ.... نواف كسر الصمت: تكلمو والا ابطلع .....والا اقولكم احسن اطلع واخليكم خوذوا راحتكم واذا خلصتو كلام اجي اخذك ولف على لولوه.....اوكي؟؟؟؟ لولوه: سكتت خايفه تقول ايه وخايفه تقول لا.... طلال: ايه خلاص رح نواف وانا اوصلها لشقتكم لو تبي..... نواف: اوكي باي ولاتسوي شيء باختي ياويلك لاتاكلها شوي شوي عليها ان رجعت ناقصه ذبحتك وخف على اختي لايصير فيها شيء هههههه طلال ضحك من كل قلبه : هههههههههه ههههه هههههه لا ماعليك انشالله ترجعلكم كامله وكمل ضحك ههههههههه ,,,,, طلع نواف وخلاهم يبيهم يتفاهمون..... طلال: سكت وهي نفسها سكتت.... عجز اي واحد منهم يتكلم اوانه يحط عينه بعين الثاني كل واحد منهم يتمنى يبدا الطرف الثاني لولوه تمنى هو يبدا وهو يتمناها تبدا....... طلال: شلونتس لولوه؟؟؟؟؟ لولوه: الحمدالله بخير ............ طلال: انا...... انا.... انا اسف اذا جرحتس لولوه بس تاكدي انتس بعيوني واني راح احافظ عليتس والا مايعرفك مايثمنك ومابي غيرتس لامها ولاغيرها انا احبتس يالولوه وودي اننا نرجع احسن من اول ..... وحظنها وهو يرجف ...... مايدري هو شوق او خوف انه يفقدها او .....او........بس الاكيد ابحس بدفاها وابحس بقربها مني ......... لولوه ماسوت ولا شيء الا انها نزلت دموعها لاشعورياً وبدت تطلع كل عبرتها ...........على صدر طلال <<اللحين رجعتيله بكل سهوله ماكانه جرحتس وغلط بحقتس رجعتي لحظنه لا بعد على صدره قومي قومي عدلي نفستس يالغبيه ..... وابعدت عنه وكملت بكى لكن.....؟؟؟؟؟؟؟؟حست بغربه حست انه طفله ومحتاجه لحظن محتاجه لحنان ابيه وابي قربه بس جبانه....اللحين ماتقدرين ترجعين لحظنه .... قرب منها وهمس لها طلال: لولوه حبيبتي ليش تبتسين خايفه اموت صح...؟ لولوه سكتت وهي تشاهق بصمت:ما..ما ..مابي شيء بس ..بس ابروح لنواف..... طلال: وانا من يقعد عندي بعدين للحين ماتكلمنا وانا وعد مني لتس من نخلص كلام اوصلتس لنواف ... رفعت وجهها لعيونه وشافت العذاب والدمار اااااه منك ومن عيونك ومن العذاب عيونك بس عالم لحاله ويتكلمن عن قواميس العالم ولغاته لولوه: وعد...؟؟؟ هذا العذاب اللحين شلون اوفي بوعدي ونظراته تحرقن لا لا خنت ثقتها مره لاتعيدها مره ثانيه طلال: وعد ياعيون طلال.... وهو ميت قهر من نفسه فيه انسان يوعد زوجته وحلاله مايقرب له اااااااااه اللحين اموت ناقص عمر.... وقام قعد مقابل لها على الكنب ...... طلال: مايصير لولوه لازم نتكلم هاذي حياتنا نبي نغيره ونبدي من جديد شرايتس ؟؟؟؟؟ تزعل وا****ك واتلذذ بتزعيــــــــــلك تبي الصراحه انا مجنون زعـــــــلاتك لاقمت تبعد وانا اقرب وادنيـــــــــلك وامسك طرف غترتي وامش دمعـاتك وتبدي تعاتب وانا كل انتبـــااهي لك ما اسمعك شتقول انا عيني على شفاتك وتعيد حجيك وتفرك حيل منديـــــــلك وتخالطت صادق حروفـــــــك بوناتك واحاول ارضيك ومدري منين ابديلك واحتار واذكرك في بعــــــض زلاتك واسمعك ماكتبته بك واغنيـــــــــــلك طاروقك اللي تحبه واكسر سكاتــك واستسمحك واعذرك واسمعك واشكيلك واتلهف لبسمتك ورد ضحكــــــــــاتك يسرقني الوقت ولا يمديني احجيلك كلام اللي تحفظته لشوفـــــــــــاتك وقت الوعد فات وعيوني تراعـيـلك وقفيت واشغلت القلب بلتفــــــــاتك عيني على خطوتك والقلب يدعيــلك الله يحفظك من الحاسد وشمــــاتك تزعل وا****ك واتلذذ بتزعيــــــلك تبي الصراحه انا اعشق كل حالاتك ؟؟؟؟؟؟؟؟؟؟؟؟؟؟؟؟؟؟؟؟؟؟ طق الباب والا جايبين الكابتشينو يم يم .. بخيل طلال ماطلب لصدى شفتو........*~* ؟؟؟ طلال: قلبي يهون عليتس طلال ردي بس ريحيني ......قولي سامحتيني ترجعين معي.......؟؟؟؟؟ لولوه: رفعت له عيونه مليااااااااانه حزن وغربه الروح تذكرت المقوله ((( إذا أردت شيئاً بقوه فأطلق صراحه فإن عاد اليك فهو ملك لك الى الأبد وإن لم يعد فإنه ليس لك من البدايه )))) ارجعي افتحي صفحه جديده وابدي معه مو تحبينه يالله قولي تكلمي قولي سامحتك وريحيه... لولوه: طلال ... طلال: عيون طلال وروحه وقلبه ودنيته......آمري لولوه: انا مسامحتك ......وقبل لاتكمل حظنها حييل وباس شفايفها ..<<<عيب لاتشوفون مره وزوجها ^_~ لولوه سحبت نفسه بهدوء وقالت : بس بشروط طلال: ابشري من عيوني وش تبين.... لولوه: اول انا مستعده انسى كل شيء بس ماتعيده مره ثانيه ماني مستعده لجروح جديده وابي شقه ماني راجعه لغرفه زي اول ابي لي شقه به مطبخ وحمام خاص بي وارتاح انت تعرف وشايف خواتك مو مخليني على راحتي واستحي انزل كل شوي واخوانك موجودين وانت تدري اني اتغطى طلال: بس هذا امري بعد ....... <<<المصيبه اني اعرفهن اجل لوتسمع كلامهن عنها وش تقول ؟؟؟ لولوه: وعمامك اروح لهم بكيفي مو لابقيت انت انت تدري بعد عنهم مايبوني يبونك ...... ومافي شيء يجي غصبن عني ......واهلي متى مابقيتهم جيتهم مومثل اول اقعد بالشهر والاسابيع ماشوفهم ماكننا بحايل ..... طلال كل هذا بخاطره وانت مو حاس به زين منه متحملتك ومتحمله سهرك وتطنيشك له : ابشري كل اللي تبينه اصلن قبل لاتقولين انا زينت لك شقه وظبطته لتس كم لولوه عندي وحده عسى الله يخليها لي ......... لولوه: اتفقنا خلاص بروح لنواف وصلن لشقتنا ... طلال: وين تبين تروحين اقعدي معي شوي وعدتس ماتصدقيني <<<المصيبه هنا انك وعدتها ,,,, لولوه: الا مصدقتك بس ابروح تعبانه ....ابريح وننام احسن...... طلال مانتبهت لكلمته وقف قلبه (ننام) يبيه من الله وجته... :تعالي نامي هنا دامتس تبين تنامين ...... لولوه: انت وعدتن توديني نواف ,.... طلال: وانا عند وعدي بس سولفي معي شوي مشتاق لتس والا مايهمتس بقولتس عن اخبارنا وتعلميني عن اخباركم.....واشربي الكابتشينو ...<<<بنفسي اللحين يشرقون هههههه ياويلكم من صدى ......ههههه قعدت لولوه وتنهدت بصوت خافت وكان الدنيا وهمومها على راسها...... طلال: ايه كذا اعرف اتكلم ......... لولوه: قولي وشلون خالتي وعمي ابو طلال؟ طلال: طيبين ومشتاقين لتس يوم قلت لهم تبي ترجع لولوه فرحو ودعولنا بالولد الصالح اااااااامين انشالله اجيب فريق كوره 12 ولد وكلهم يقعدون عندي بالمجلس سته يميني وسته يساري ....... لولوه ردت بسرعه بدون شعور : مو على كيفك انا ابي بنات انا مالي احد...ويم انتبهت على كلمته وجهها عطى الوان كالعاده طلال:ههههههههههههه ابشري ابشري ولا يهمتس غاليه والطلب رخيص ههههههههههههههه نجيب 12 بنت بعد.......ومات ضحك على احراجه هههههههه لولوه: زين ابروح انام وصلن .... طلال: ليش مستعجله امداني اشوفتس او اقولتس كلمتين .......؟؟؟ لولوه: تعبانه وابريح.... طلال: مسموحه هالمره بس بكرى مالتس عذر ... يالله ... وقام وصلها شقتهم .....فتح الباب نواف ..... طلال: جبتها لك كامله ماكليت شيء منها بس ودي والله ههههههههه....... نواف:هههههههههه انشالله طول بالك وتاكلها لحالك لولوه من سمعت كلامهم راحت على غرفتها والا هذا كلام يقولونه ياربي ....... غسلت وبدلت ملابسها لبست بجامه تذكره بالخبله نجول كانن بالسوق واعجبتهن وكلهن شرن طقم نفس اللون .. فكرت بكل شيء حياته همه طلال وتعامله معه غريب اسلوبه معقوله تغير يارب انه للاحسن ونامت وهي تفكر <<<دايم اخمد مثل لولوه وانا افكر واذا ابي اكمل تفكير غسلت بماء بارد ههههههههههههههههه كاتبتكم ذكيه قعدت الصبح على صوت تحسبه حلم كل شوي احد يبوسه مع خده شوي مع رقبته وشوي يلعب بشعره بس تسمع الصوت ماتبي تقوم تبي الحلم خاصه تحس بطلال يبوسه ...؟؟؟ :قوووووووووووووومي لولوه: اممممممممم النوفي بس شوي زين خمس دقايق واقوم : اقول قومي والا ترى بنام معتس كيفتس وتحظنيني عاد مشتاقلتس حيل بدى عقله يستوعب فتحت عيونه شوي شوي وهي تدعي انه ماهو هو معقوله ياربي وش جابه لغرفتي ؟؟؟ لولوه: من دخلك هنا ؟؟؟؟....وتذكرت شكله بجامته حيل فاضحه ياويلي وش اسوي غطت صدره ويديه باللحاف وهو مات ضحك على حركته..... طلال:ههههههه قومي قومي ههههههههه لانسى الحياء بسرعه وباس خدها.....وطلع وخلاها ~~~~ ـــــــــــــــــــــــــ ـــــــــــــــــــــ قامت بسرعه شافت الساعه والا 1 الظهر يعني راحت علي الصلات وقامت بسرعه تسبحت وصلت ولبست ثوب بني ببيج تحت الركبه وحركاته حلوه وربع كم<<<هذاالثوب سالفته سالفه راحت مع النوفي لسماح واعجبه بس كان على الفاترينا وباين من تحت بدون رجلين ويوم قالت للنوفي النوفي ابيه تكفى قال مايصلحلتس هذا تلبسه وحده بدون رجلين يومه ماتت ضحك عليه كانت خايفه يعلق عليه بس هاذيي حركات النوفي ...و رفعت شعره وحطت غلوس وكحل ابرز لون عيونه العسلي الفاتح ومسكره خفيفه وتعطرت استيلا عطر ليلة زواجه علشان يتذكره طلال <<<يقولون الرجل ماينسى اول عطر لزوجته خاصه اول ليله خلن بسوي تجارب ههههه ونشوف وجت تبي تطلع لا لا لاتطلعين غطي سيقانتس يالولوه عيب روحي اللبسي اي بنطلون تحته ويطلع شكلتس روعه اصلن كلتس حلا والستر يزينتس ورجعت لبست بنطلون بني ولبست شبشبه <<<دايم تنساه من قبل لاتزوج طلال دايم كاشخه بس تنسى شبشبه ههههههه طبع غصبن عليه طلعت لهم ....... لولوه: السلام عليكم والرحمه ردو عليه السلام امها ونواف وطلال رد بشويش وهو يبلع ريقه اكيد خاف من عيوني ياربي خبله اكيد مكثره الكحل قعدت عند امه.... لولوه: يمه تقهويتي والا اقهويكم ؟ نواف: طلال عيى يقول يما تجي مار مادري شبلاه تنح اقرا المعوذات على اختي لايصيربه شيء ههههههههههههههههه هههههه لولوه انحرجت وحتى طلال ...... طلال : تقهوينا بس مايمنع اننا نتقهوى من يدينتس الحلوه ونحلي تحليه لولوه : صبلتهم وهي منحرجه اللحين اذا زود الكلام باطلع واخليهم ....... نواف: اليوم وين تبين ست لولوه؟؟؟؟؟ لولوه: ابي مجمع فنيسيا يقولون حلو واسعاره حلوه طلال: انا اودي لولوه للسوق وانت وخالتي كيفكم وبعد ماتخلص نجيكم ..... نواف: اجل انا وامي نروح لسوق اغراض المطبخ اعرف امي قلبي ماتصبر عنهن وانا لي الله اجي مع زوجتي انشالله ههههههه ضحكو كلهم على نواف وحركاته دايم يضحك اللي حوله مع انه شايل هم الوظيفه متخرج من الثانوي ووده يشتري سياره زي الناس ووده يكمل نص دينه بس ربي يرزق تذكرت يوم نواف يجي ومعه نسبته النصف الاول كان 94 وكلنا ندعي الله يحقق حلمه بانه يكون ظابط كان دايم يقول بكرى يالولوه تصيرين اخت الظابط وازوجتس ظابط مثل خشتي وش تبين بعد ههههه .... ولكن راحت احلامنا ادراج الرياح لما نزلت نسبته الى 80 ومايدخلونه كلية الظباط للحين مانسيت نظرته ... لولوه: هاه النوفي بشررررررررررررر؟؟؟؟ نواف: راحت علي يالولوه نسبتي ماتدخلن للظباط جندي ويخب علي... وقته بس حسيت بقهر الرجال حنا لنا الدموع لكن هم ؟؟؟ اخواني تربو بين شيبان تربو على ان الرجل رجل مايهزه حتى الموت وخاصه نواف لما صار عقله اكبر من عمره ومستحيل النوفي يبتسي اعرفه راح يكتم بقلبه يابعد قلبي يانواف........ لولوه: خيررررره انشالله الخيره فيما اختاره الله يالنوفي ..... نواف رد علي بقهر للحين اذا تذكرته والله اموت قهرررر اني ماقدراشيل لو شوي من همه : وين خيرررره يالولوه وانا كل احلامي ضاعت كنت مفكر اني اعوض على جدي اللي تعب من هالمزرعه وابوي كنت ابعوض همه وشقاه تعب وهو بوظيفته اللحين بيقعد يصرف علي وعلى اخواني كاننا حريم لولوه: النوفي ياقلبي ريح بالك وهد اعصابك باذن الكريم ربي يفرجه تنحل انشالله ...... تنهدت ورجعت لواقعها معهم وشافت طلال يراقبه وانصدمت من نظرته ..........كان كل شوي يرفع عيونه لشفايفها ويبلع ريقه وشوي ينزل تحت بعيونه للرقبه وتنهد وصد لنواف كان يكلمه........ وهي بقلبه ميته ضحك عليه قامت عنهم لغرفته وامه قامت تريح لغرفته وتركن الرجال لحالهم .....جته رساله ......... غلا ومن فوق الغـلا ماهـوب دون حكاه سمعك يجبـرك بأرخـاك لـه ودك تحطه في العيون من العيـون وتبسط على رمضا الثرى يمناك لـه وتظله من الشمس في ظل الجفـون ولا يمـر اذنـه سـوى لبـاك لـه وتسج من غيره لو انهـم يذكـرون ومنين ماسجت القـدم ممشـاك لـه غرو يميله الترف ميـل الغصـون غصنً ميال ومكرمـه باسقـاك لـه جديله الى اقفى ستر منـه المتـون كني بريحه لاألتفـت لأدعـاك لـه كيك وعسل لكن ماهو في صحـون ودعاك من عين الحسود غطاك لـه الله لايعطـيـه نــاسً ينضـلـون ويستر علية مـن النحـل لا ياكلـه الوصف والتعبير في وصفه يهـون غير اطلب الله يستجيب دعـاك له ......... آآآآآآآمين ياعيون طلال ...... سكتت وقعدت تفكروش قصده معقوله اعجبه شكلي اشوى احسبه خاف هههههههه واعادت قراية الرساله اكثر من مره الله له معنى لما تجي بوقت تكونين محتاجه له وارسلت له رساله ..... مأنت اختياري ولكن صرت لي قسمه الله كتب لي احبك ماهو بكيفي جته رساله ...اكيد منه بعد من وين ليه مكبر همك؟؟؟ انا احبك ولايهمك؟؟؟ الا ياليتني قربك..؟؟؟؟ ياتـــضمني... يأضمك...... من بعده سكتت لولوه ولا ارسلت.... رسالته وقفت عروق قلبها سبحان مقلب القلوب دق عليها وردت... لولوه: الو هلا طلال: هلابتس ياقلب طلال اسمعي ترى بعد صلاة العصر تكونين جاهزه نطلع ... لولوه: انشالله طلال: وغطي كفوفتس وعيونتس زين وبدلي لبتس ترى ماحب احد يبحلق بحلالي . لولوه اللحين ارتكب به جريمه والا بالسوق ؟؟: زين اوامر ثانيه ؟؟ طلال: افا بس هذولي مو اوامر هذولي طلبات واتمنى ماترديني .... لولوه: انشالله طلال ... طلال : ياويلك ياطلال شيصبرك يما ترجع لحايل .... لولوه: تبي شيء طلال بسكر الجوال... طلال : بوسه اذا جيتس باخذتس بوسيني حرام عليتس ماني حلالتس وماعليتس مازعل بس بوسيني لولوه: ماتت ضحك عليه هههههههههههههههههه : يالله مع السلامه طلال بعد ماسكرت :اكيد امي داعيه علي والا اقولها بوسيني وتسكره بوجهي هين هين يالولوه بس ترجعين ارده لتس هههه وش ترد اعترف انك ميت عليها ومشتاق لها بذمتك وش تبي تسوي يعني اقصاها بتبوسها وتضمها وووو.......؟؟؟؟وضحك على تفكيره وحط الزقاره بين شفايفه وخذا منها نفس كانه يعبر عن مابداخله ...... طلعت لولوه مع طلال العصر للسوق وكملت تسوق وكل شوي وهو يعطي اراء اللحين بتزنطه وتمشي وتخليه انقهرت من اسلوبه معها مرت محل اطفال ووتذكرت موضي بنت خالتها قريب بتولد خل اشتري للنونو شيء واختارت طقمين اعجبنها حيل .. طلال:ماشالله عليتس يالولوه تشترين لعيالنا قبل يجون... لولوه : لا هذا لموضي بنت خالتي قريب تولد ... طلال بقلبه ميت ضحك على شكله بين عليها معصبه حيل ... خلصو تسوق ....وطلعو يتعشون بمطعم الديوان صراحه على مستوى ياليت عندنا بحايل مثله ... كان الجو رومنسي والاضاءه خافته وحركات الشموع بس ماتت ضحك على طلال وهو ينادي القرصون كان يصفق بايدينه زي المسلسلات ويقول قرصوووووووووون قرصوووووووووون بليزززززززز قرصووووووون<<<تعمد هالحركه يبيها تضحك لانه بالسوق ماقصر معها ضيق عليها لولوه:طلال مايحتاج كل هذا قل بليز وبس ههههههههههههه طلال : فديت هالضحكه بس ابقعد طول الليل اصوت له يما تملين من الضحك ههههههههههههه سكتوا.....وكل شوي يسولفون سوالف ويسكتون الجو كان هادي بينهم طلال : انا مأثثت الشقه تبين تخارين اثاث من هنا والا من حايل وترى ابوي مجهز عزيمه بالمزرعه لتس ... لولوه: هنا اثاثهم حلو .....الله يجزاه خير عمي ياحبيله القلوب عند بعضه .... طلال: خلاص بكرى نجهز الاثاث وعلى ذوقتس ...وترى مجهزلتس مفاجأه اذا رجعنا لحبيبة قلبي بس ..تدرين العنود انخطبت ؟؟؟؟ لولوه: انشالله,, صحيح الله يوفقه انشالله بس ماشريت قماش لعرسها بكرى نروح نختار ونرجع نختار الاثاث وش رايك..؟؟؟ طلال: راي من رايتس بعد ....كلي لتس وكلي حلالتس ..... رجعو الشقه ووصلها لشقتهم ورجع نام وهو قلبه عندها..... طلعت هي وطلال واختارت القماش وخلصت وشرت قماش ثاني احتياط .. وراحو لمحلات الاثاث واختارت على ذوقها وذوق طلال.... كانت حيل مستانسه انها معه واول مره تحسه قريب منها ويهتم لها ويهتم لرايها ...... وبعدها قررو يمشون لحايل الليله لان نواف عنده دوام وحركو مع بعض بس لولوه تبي مع النوفي ماتخليه نواف: وين على الله روحي لزوجتس يالله لولوه:نواف خلصن ابركب يالله ..... نواف:مافيه روحي مع رجلتس يالله حلفت وانتي كيفتس تبيني اصووووووووووم؟؟؟؟ لولوه: نوااااااااف خلصن .... طلال: قلبي تعالي معي خليه مصيره يتمناتس وانا اعيي بتس لولوه راحت لطلال وهي معصبه من حركة نواف : السلام عليكم والرحمه .... طلال: وعليتس السلام تو نور الجيب شوفيه يضحك وغمز بعينه لها *_~ تدري انه يقصد نفسه مو الجيب عطاء لولوه دعاء السفر علشان تقراه قرته بصمت و سكتت لولوه وحل الصمت عليهم وحركوا راجعين لحايل | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
.png)
العرض العادي
