آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
16-02-08, 05:58 AM
| #11 | |||||
| كاتبة في قسم قصص من وحي قلم الأعضاء 
|  اقتباس:
ياجعل عيني ماتبكيك يابحر الندى الحبيبة وياجعل كل أيامك فرحة وسعيدة كلماتك دوم تشجعني وطلتك دوم تسعدني دمتي لي أختاً وصديقةً أفتخر بك يالغلا وجعلك الله من الفائزين الفوز العظيم بالدنيا والآخرة اللهم آمين خالص محبتي وتقديري لك يالغالية أختك ومحبتك دوماً وأبداً عذبة التجريح | |||||
|
|
19-02-08, 02:41 PM
| #12 | ||||
| كاتبة في قسم قصص من وحي قلم الأعضاء
|  الجـزء الرابـ 4 ـع يوم الجمعة.. ثاني يوم بالمزرعة الساعة 12:30 الظهر نزلت شهد بعد ماخلصت الصلاة وقرأة سورة الكهف.. وراحت تدور على أمها.. لأنها قامت ومزاجها معتفس على اللي صار لها بآخر 24 ساعة.. وكان عندها صداع.. وهي متعوده من عقب الحادث كل ماحست بالصداع تاخذ لها خلطة زيوت مثل زيت ( السمسم ، واللوز ، وزيت الزيتون ، .... الخ ).. وتحطهم في بادية صغيرة وتاخذه سيده لأمها طيبة.. وتقعد تحت عند ريلها علشان تدلك لها أمها راسها بخلطة الزيوت.. وعقبها تحس بالراحة ويفتج الصداع عنها ويخف عليها..... ( وهذا الشيء مجرب وحقيقة ).. أم خليفة كانت طالعة تتمشى مع أم حمد وأم ضاري بالمزرعة.. و شافتها هيا أم ناصر مرت أخوها سعود.. وقالت لها أنا أدلك لج راسج.. وقعدت شهد عند ريل أم ناصر وصارت تدلك لها راسها بخلطة الزيوت.. وصارت تسويلها مساج على فروة راسها لأكثر من نصف ساعة.. لين حست شهد بالراحة وافتج الصداع عنها.. باست شهد أم ناصر على خدها واشكرتها.. شهد بالأساس تحترم جميع حريم أخوانها الكبار( أم حمد ، وأم ناصر ، وأم ضاري ).. واهمه همن يحبونها ويعاملونها معاملة بنتهم أو أختهم الصغيرة.. طلعت شهد مع أم ناصر تحت المظلة بالحديقة.. وقعدوا يشربون الشاي ويسولفون وانضمت وياهم منى وعقب يَوا مريم ومشاعل ونورة بنات أخوانها خليفة وسعود.. وصاروا يسولفون ويضحكون.. لين الساعة 2:30 بعد الظهر.. قامت شهد ودخلت داخل بتروح فوق لغرفتها تبي تدخل الحمام وانتوا بكرامة عشان تستحم وتغسل راسها من الزيت.. وبدربها داخل الصالة شافت أبوها قاعد مع أخوانها الكبار خليفة وسعود وناصر وطلال ومعاهم ولد عمها وفهد.. ناداها أبوها وقعدها يمه وسألها : ها اشلونج الحين يُبه إن شاء الله أحسن وبخير..؟؟ ردت عليه بهزه من راسها علامة النعم.. وكانت بتقوم تستئذن علشان بتغسل راسها من الزيت.. بس أبوها قالها : صبري يُبه أبي أكلمج بموضوع جدام أخوانج..!! وقام فهد من مكانه بيطلع من الصالة.. بس عمه بوخليفة وقفه وقاله : رد بمكانك يافهد انت واحد من عيالي.. والموضوع يخصك انت بعد.. رجع فهد وقعد بمكانه وهو ساكت وكان عارف بالموضوع اللي عمه راح يفاتح شهد فيه.. وبصراحه كان متضايق وماكان يبي يحرج شهد بوجوده في مناقشة هالأمر.. ولكن كلام عمه لازم يسمعه.. هنيه حست شهد بشي مخطط ومدبر ضدها.. وخفق قلبها وانتفض من يت عينها بعين فهد.. تمت ساكته تنطر القنبلة اللي بيفجرها أبوها بوجهها.. وقلبها زاد خفقانه وجسمها قام يرجف من الخوف..وكانت تتسائل بنفسها : اهيه ليش تحس بهالأحساس الغريب لما فهد يكون موجود..!! وبو خليفة حب يفاتحها بالموضوع جدام أخوانها عشان يساندونه بالكلام.. ويخلون شهد مالها أي حجة للرفض.. وقال بوخليفة بصوت هادي علشان مايخليها تنفعل : يابوج البارح فهد ولد عمج طلب ايدج مني.. وأنتي مثل منتي عارفه إن هذه رغبتي ورغبة كل أخوانج.. والأهم إنها وصية عمج أحمد رحمة الله عليه....... وتم ساكت شوي.. وشهد زاد ارتجاف جسمها وغورقت عيونها.. وحست بالوحدة واليتم بهاللحظة.. مع انها قاعدة بين أبوها وأخوانها.. وكمل بوخليفة بنفس النبره الهادية : وولد عمج شاريج ويبغيج.. وأنتي مالج غنى عنه وهو ماله غنى عنج يابوج.. شهد وهي منحرجه من أبوها وأخوانها.. وبصوت متهدج : يُبه الله يخليك مو وقته الحجي هذا.. ممكن تأجله شوي...؟؟ أنا تعبانه معاي صداع وبروح أرتاح..!! بوخليفة رحم حالها من شافها وشلون جسمها يرجف.. بس قال لها بإصرار بعد ماداس على قلبه : انا ابغيج تفكرين بالموضوع يابنتي زين.. وخذي وقتج حبيبتي.. وكل الأمور بتصير بخير إن شاء الله.. قامت شهد حبت راس أبوها.. ودموعها بدت تنزل ولفت بتطلع من الصالة.. ومن يت عينها بعين فهد.. شافت نظرة غريبة بعيونه.. وعيونه كانت تلمع بطريقة عجيبة.. نظره ماعرفت شلون تترجمها عدل..!! رمت عليه نظرة كلها كره وغضب وطلعت ركض وصعدت لغرفتها.. دخلت الحمام وانتوا بكرامة.. وخذت لها شور طويل بماي دافئ.. وطلعت بدلت وصلت العصر.. وكانت خدامتها نور موجوده عشان تساعدها.. وتنشف لها شعرها وشهد اقعدت تحلل الأمور بعقلها وقلبها يسابق الخيول بالخفقان..!! انا من شفت هالفهد وانا حاسه إن قلبي منقبض..!! واللحين عرفت ليش كان يكلمني بهالطريقة والأسلوب..!! ولااااا حضرته بيتزوجني واهو واثق من نفسه..!! والمشكلة إن أبوي قال : فكري بالموضوع يابنتي زين.. وخذي وقتج حبيبتي.. وكل الأمور بتصير بخير إن شاء الله..!! يعني ماقال إذا وافقتي أو لأ....!!! وشيقصد أبوي من هالكلام....؟؟ وحتى ماقالي صلي استخارة..!! ولاااا.. فوق كل هذا قام يذكرني بوصية عمي أحمد..!! يعني شنو..!! أنا ملزمة بتنفيذ هالوصية..؟؟!! رضيت وإلا انرضيت..؟؟؟ أأأأأأأأأوووووفففففففففف... الله يستر أبوي شكله بيجبرني على هالزواج....!! وفهيد شلون كان يطالعني...!! كانت عيونه فيها نظرة تحدي وانتصار وشماته....!! لااااااا.. لاااااا.. لااااااااا.. لاااااااااااااا.. لايمكن.. لايمكن آخذ المينون فهيدان.. واحنا من عمرنا كله اهواش بهواش صج قلبي يميل له وشكله حلو ووسيم..... بس لاااااء.. لااااا يمكن.. يخسى إلا هو... أنا اصير زوجة هالمينون..!! وهو 24 ساعة يهددني إنه بيروضني...!!! يعني شنو بيروضني...؟؟؟!! يعني بيكسر راسي وبيخليني أخضع له....؟؟ لايكون مصدق نفسه هذا بعد...!! لاااااااااااااااااااااا.. لايمكن مستحـيل.. ماراح اكرر مأساتي مره ثانية.. تجربة وحده تكفي بتحطيم حياتي.. ماني مستعده اعيش نفس المأساة وأكرر الخطأ مرة ثانية.. انا لازم أرفض بكل اصرار.. وما اتنازل عن موقفي.. والأدهى والأمر حق منو ألجأ.. وكل أخواني بيكونون مع أبوي وفهد.. ياربي ماني عارفه واشلون ادبر نفسي.. وارفض هالزواج المسخرة.. والمشكلة حتى خوال مثل الأوادم ماعندي..!! ماعندي غير خالتي نورية.. وهذي مستحيل ألجأ لها عقب اللي استوى من تحت راسها.. لااااااا.. انا على حق وأقدر ادبر أموري بنفسي..!! وبعدين الزواج موبالغصيبة.. احنا وين قاعدين بالعصر الحجري والا الجاهلي..!! إن ماخليتك يافهيدان تعافي عمرك وهالزواج.. ماكون انا شهد الـ........!! والله لاوريك الأدب على أصوله..... وأخليك تنحاش وترفض الزواج... هـــــــــــــــــــيــــــــــــــــن يافــــــــــــــــهــــــــــــــــــــد وعلى هذه الأفكار اللي تضرب وتعصف براس المتمردة شهد... وتهديدها بالويل والوعيد لفهد.. الله يستررررررررررررر.. وتمت شهد تفكر طول الوقت على هالحال.. ومن خلصت نور الخدامة من تجفيف شعر شهد.. وقرضت لها أظافر إيدها.. لأنها عاجزة عن فعل هذا الأمر.. وطلعت خدامتها من الغرفة.. وراحت شهد وانسدحت على سريرها وتفكر بالمصيبة اللي أهيه فيها.. وتمت على حالها وسرحت بخيالها لين ما وصلت بذكرياتها يوم كان عمرها سبع أو ثمان اسنين.. وهني كان فهد خلص من الثانوية العامة.. وكان يجهز عمره للسفر عشان يكمل تعليمه بأمريكا.. وشهد كانت صغيرة وكانت متعلقة بفهد لأقصى درجة.. ومن درت إنه بيسافر للخارج وانها ماراح تشوفه مرة ثانية.. طاحت مريضة عليهم.. وكانت تتذكر ذيك الأيام عدل.. وشلون فهد ياها بيطيب خاطرها.. وخذاها مع طلال وطلعوا فيها بالسيارة يفترون فيها.. وتموا بره البيت لوقت كان حزتها حيل متأخر.. وبذيك الأيام ماكان في شيء اسمه موبايل.. وأمها من الخوف عليها لأنهم بطوا وايد بالردة.. دقت خبرت أبوها وأخوانها الكبار.. وتذكرت حزتها حتى عمها أحمد الله يرحمه كان موجود.. ومن اوصلوا البيت تذكر بأن الزف صار كله على راس فهد وطلال.. واهيه اللي كانت مأخرتهم عن الردة بس مهما كان ولأنها صغيرة.. فالكبار ياخذون الزف واللوم كله.. وقبل لاتدخل عشان يحممونها وتنام.. ناداها فهد وراحت له وكان خاش ورى ظهره شي.. وقال لها عندي مفاجأة لج.. وراحت انقزت عليه تبي تعرف شنهي المفاجأة.. وقام طلع لها لعبة ( عروسة ) حبتها وايد وسمتها لولو واهي ليمن اللحين محتفظه فيها.. وتمت شهد عايشة بهالذكريات ليمن غفت عينها ونامت واهي ماتدري شللي مخبي لها القدر..!! :: :: :: :: :: :: :: :: يتـــــــــــــــبـــــــــــع | ||||
|
|
|
19-02-08, 02:46 PM
| #13 | ||||
| كاتبة في قسم قصص من وحي قلم الأعضاء
| وبعد خمس أيام بالمزرعة الساعة 3 بعد العصر والعائلة مجتمعة على الغداء بالحديقة.. وكانوا مسوين المشاوي والمندي.... طبعاً كلنا عارفين إن شهد غرامها الطعام البحري بجميع أنواعه وعشقها الكبير للقباقب (( سلطعون أو كابوريا )) والربيان (( جمبري أو قريدس )).. وفوق كل هذا تموت على شي إسمه بطــــــــــــــــــــاط خصوصاً إذا كان مشوي أو مخبوز بالفرن.. ياعيني...... هههههههه قمت أبولع بريجي كانت شهد قاعدة مع الكل بالحديقة مشاركة بوجودها فقط.. ولكن بالأكل مامنها رجا ابدا.. وكانت قاعدة الحصيرة المفروش على الثيل بقرب طاولات الحديقة.. وفارشين على الحصيرة سماط ( السفرة ) عشان اليهال.. ومجمعه عيال أخوانها وأحفادهم حواليها.. وتوزع عليهم السندويتشات اللي مسوينها لهم وتسولف معاهم.. والعيال كلهم يحبون عمتهم شهد.. وكلن يحاول يكسب رضاها.. بس من أقرب واحد لقلبها وهي قريبة له.. ( فهد ولد أخوها طلال ).. كان قاعد ولازق يمها.. وما كان يرضى أي أحد من اليهال يلزق فيها غيره..!! فهود : عميمة.. شهد : ياروح عميمة..!! فهود : كل واحد جم صمونه ( شندويتش ) ياكل علشان يصير بطل..؟؟ شهد : كل واحد ياكل على قد بطنه حبيبي.. ومو زين الواحد ياكل أكثر من بطنه.. فهود : بس أمي تقول اللي ياكل وايد بسرعة يكبر ويصير بطل وقوي.. شهد : لأ ماما مو الأكل الوايد يخلي الواحد قوي.. الأكل المعتدل والمفيد.. فهود : يعني اشلون عمة..؟؟ شهد : يعني تاكل على قد بطنك مو أكثر.. وتنوع بالأكل الزين.. مثل الفاكهة والخضراوات مثل السلطة.. واللحوم والسمك والدجاج.. واهم شي تشرب الحليب.. وتاكل من كل شي مفيد.. والأهم انك ماتكثر من اكل الحلو والكاكاو.. هههههههه.. قولي حق نفسج يالفهيمة.. وانتِ حتى الأكل عايفته..!! فهود : انزين انا ماشفتج تاكلين ويانا على الغدا ليش..!! شهد : ههههههههههه.. ومسوي علي محقق مع ويهك..!! لا حبيبي انا باكل بعدين لأني ماني يوعانه الحين.. فاطمة بنت طلال تكلم طيبة بنت حمد : ثفتي عمة ثهد.. تقول موذين تاكلين وايد يالدبه.. ( شفتي عمة شهد تقول موزين تاكلين وايد يالدبه ) طيبة بنت حمد ترد عليها بحمق : أنا دبه ياعثلة.. أنا اكل وايد عثان اتقج وماتقدلين تقلبيني.. ( أنا دبه ياعصلة.. أنا اكل وايد عشان اطقج وماتقدرين تغلبيني ) فاطمة بنت طلال : بث جيمن مله ماقدلتي تثبقيني يالدبه.. ( بس جيمن مره ماقدرتي تسبقيني يالدبه ) طيبة بنت حمد : احين بنلوح نتثابق وأوليج الدبه ثنو تثوي بالعثلة..!! ( الحين بنروح نتسابق وأوريج الدبه شنو تسوي بالعصلة ) شهد : أنتو الثنتين جــب وقعدوا كملوا غداكم.. واللي تقوم مو مكمله صحنها... ياويلها.. فاطمة بنت طلال : بث عمة ثهد أنا ثبعت وما أقدل بتني تأولني..!! ( بس عمة انا شبعت وما أقدر بطني تعورني ) شهد اكتمت ضحكتها على كلام هالثنتين.. ولفت ويهها تكلم بقية اليهال عشان تحفزهم على الأكل.. شهد : من فيكم يحب الله..؟ العيال كلهم بصوت واحد وبصراخ : أأأأأنااااااااااااااااا شهد : انزيــــن.. ومن فيكم يحب الشيطـــــــــــان..؟؟؟ العيال : ......................... كلهم اسكتوا عشان يبينون لها كرهم للشيطان.. شهد : اللي يحب الله ياكل كل اكله ومايرمي منه شي.. واللي يحب الشيطان يترك بقية الأكل حق الشيطان عشان ياكله.. واليهال بكل أنبهار ومبطلين عيونهم ومندهشين شلون جذي وليش..؟ طيبة بنت حمد بكل تحدي لعمتها : اثلاً الشيتان مايقدل ياكل أكلنا..!! ( اصلاً الشيطان مايقدر ياكل أكلنا ) شهد : يالدبه الحين بتعرفين الشيطان اشلون يقدر ياكل من أكلج ومعاج.. ردت شهد تقول لهم : اللي مايكمل أكله.. وين راح يحطون بقايا الأكل..؟ اليهال : راح يكبونه بالزبالة.. شهد : أنتوا تدرون إن الشيطان يقعد دايماً عند الزبالة علشان يلقط الأكل المرمي وياكله.. واليهال تبققت عيونهم بهالمعلومة.. وكملت شهد : بس إحنا نقدر نغلب الشيطان.. ونخليه يموت من اليوع.. فهود الصغير : وشلون عمه نموت الشيطان من اليوع..!! شهد : أول شي قبل مانبدي بالأكل شنقــــــول..؟ اليهال وبصوت واحد وعالي : بســم الله.. شهد : صح عفيه عليكم.. انتوا تدرون انا الواحد لي قال بسم الله قبل مايبدي بالأكل الشيطان ينعمي ومايقدر يشوفنا ويقعد معانا على الأكل.. واليهال منبهرين بالمعلومات اللي ياخذونها من عمتهم.. شهد تكمل لهم : وبعدين لي بغينا ناكل نحط لنا أكل قد مانبي مو أكثر.. وناكل كل أكلنا وما نرميه بالزبالة.. حتى لو قطعة خبزة صغيرة.. واهني الشيطان بيموت من اليوع لأنه ماأكل معانا.. ومايقدر يحصل أكل حتى من الزبالة.. لأن مافي أكل زايد عشان ينكب بالزبالة.. وأهني حتى الله سبحانه وتعالى راح يبارك لنا في أكلنــــا.. واليهال من بعد ماسمعوا المعلومة من عمتهم كلن قام يتسابق علشان يموت الشيطان من الجوع.. ومايعطيه حتى لو قطعة خبزة. ( وهذا الأسلوب حقيقةً أتبعته مع عيال أخواني.. وبصراحة نجحت بهالشي فياليت تتبعون مع الأطفال هذا الأسلوب المحفز..... جربوه وصدقوني ماراح تندمون.. وخصوصاً مع الأطفال اللي ماياكلون.. أو يلعبون بالأكل وبعدين يرمونه.. ) وعلى طريقة شهد ومعاملتها للأطفال وطريقة محاورتهم.. وأسلوبها بإقناعهم كان فهد يطالعها والأبتسامة شاقه حلجه.. ويكلم طلال ويقوله بهمس عشان ماتسمعهم : ياحلاتها مع اليهال تصير وحده منهم.. بس من تصير وياي تقلب ذيبة أم لسان.. ههههههههه.. طلال : أسكت الله يخليك لاتسمعك وتفضحنا.. حمد حب يسوي مقلب فيهم.. قال وبصوت عالي يكلم فهد وطلال : علامكم تتساسرون وتضحكون.. شاركونا معاكم..!! فهد فتح عينه على حمد وقال : لا بالله إنفضحنا.. ماصادوهم يبوقون صادوهم يتقاسمون.. ههههههههههه.. وشكله بينوبنا من طشار العمة عـُلــــــوم..!! وضحكوا الثلاثة مع بعض بصوت عالي.. ولفت شهد تشوفهم علامهم يضحكون.. وطاحت عينها بعين فهد وشافت نظرة تحدي بعيونه لها.. شاحت شهد بوجهها لصوب الثاني وقامت وقعدت بعيد عنهم تحت المظلة.. لأن الشمس احرقتها.. وهي بصراحة عيون فهد ونظراته لها طول الوقت اللي احرقتها ومو الشمس..!! وبعد ماخلصوا من الغدا.. وطبعا فهد اهو ملاحظ إن شهد ماطبت ولا لقمة بحلجها.. وكلم طلال بهالشي.. فهد بتساؤل : إلا بسألك شهد ماكلت شي عالغدا.. وماتريقت اليوم الصبح ليش اهيه متبعة نوع معين من الرجيم..؟؟ طلال بستهزاء : ياعيني على العاشق اللي يحاتي حبيبته زوجة المستقبل.. شرايك تروح وتسألها..؟؟ هههههههههههههه.. فهد بصوت جاد : لااااا طلال أنا أكلمك بجد.. أنا ملاحظ أكلها وايد قليل أو تقدر تقول شبه معدوم...!! وطبعا هالشي مو بزين على صحتها.. وشوفها شلون صايره صفره وعصلة..!!! طلال : كلنا عارفين بهالشي.. وياما كلمناها وغصبناها بس ماكو فايدة.. وشكلها عندها فقر في الدم..!! فهد : إنزين انتوا سويتولها فحوصات للدم..؟؟ طلال بستهزاء : تنكت أنت حضرتك.. ومن يقدر يقنعها تروح المستشفى علشان تسوي الفحص..؟؟ وهي من عقب الحادثة.. جميع المستشفيات والمستوصفات وجميع العاملين بوزارة الصحة صاروا لها من الممنوعات والسموم الضارية..!! فهد مستغرب : انزين وإذا مرضت أو تعورت أو انجرحت شتسوي ووين تروح...؟؟؟ طلال : لاااااااا.. إذا مرضت ســـيده على الأعشاب.. وتعالج نفسها بالأعشاب.. ههههههههه.. ولاااا أزيدك من الشعر بيت.. حتى أمي وأبوي تعالجهم بالأعشاب.. واللي يمرض فينا جدامها هم تطبق نظام الأعشاب عليه.. هههههههههههه.. وأسأل بوحمد وبو ضاري شمسمينها..؟؟!! فهد بجدية واهو عاقد حواجبه : شنو..؟؟ طلال : شهد العطار.. هههههههههه.. فهد وبفضول أكبر : انزين وإذا انجرحت أو أنزفت..؟؟؟ طلال : عندها حل لكل شي.. وتصدق مرة واحنا هني بالمزرعة مشاعل انجرحت إيدها بجرح عميق.. وانزفت دم وايد.. والحمد لله إن شهد ماشافتها.. بس من درت عنها قالتلهم يحطون لها على الجرح عسل ويغطونه.. وباليوم الثاني الجرح كان ملتئم وباني الجلد عليه سبحان الله............ (( وهذا الشي جربته انا بنفسي حقيقةً.. لأني أكبر جبانة في العالم من الأطباء والأبر )) وسكت طلال شوي وتذكر سالفه ثانية ورد قال لفهد : إيـــــه.. مرة أحمدوه ولد خالد طاح وانشقت ريله ( قدمه ) وقام ينزف.. من شافت شهد الدم أغمى عليها.. وبصراحة ما اسهتمينا على أحمدان كثرها.. فهد وقاعد يفكر وسرح في شهد وهو يطالعها قاعدة تحت المظلة.. وقام يفكر فيها.. واشلون يلقى حل لعلاج مشكلتها..؟؟ طلال : هــــيْ فهــــــــــــــــــــــد شفــيك وين سرحت بخيالك..؟ فهد : لا بس كنت أفكر.. بطريقة أشلون أطلع شهد من مشكلتها...؟؟؟؟؟!!!!!! : : : : : مرت الأيام حلوة وجميلة على افراد العائلة وهم بالمزرعة مستانسين يوم الجمعة 30 / 1 / 2004 وبعد مرور أسبوع بالمزرعة وبعد صلاة العصر والغداء فهد : عمي لو سمحت أنا بقيت أعرف رد شهد بموضوع الزواج شنو رأيها..؟؟ بوخليفة : وليش مستعجل يابوك..؟؟ فهد : أبداً يُبه بس أنت عارف كل ماعجلنا بالموضوع أفضل مثل مافهمتك.. وشهد إلى الآن ماتعرف عن وظيفتي أي شي.. وأنا بصراحة خايف ياعمي إنها تعرف بأي طريقة وبعدين تصير مشكلة كبيرة في إقناعها.. وأنت أدرى بحالها....!!! بوخليفة تم ساكت يفكر شلون بيقنع شهد : ...............، خلني أشوف طريقة نقنعها فيها يابوك.. والله إني أحاتيها ليل ونهار والنوم ماقمنا نذوقه من كثر التفكير وبللي راح يصير عليها..!! فهد : إن شاء الله مايصير إلا كل خير يايُبه.. تفائلوا بالخير تجدوه.. بوخليفة : ماني عارف يابوك وشلون بقنعها..!! وما أحب اضغط عليها.. يكفي ماجاها المسكينة.. فهد : عمي أنت عارف إني بتزوج شهد مو بس عشاني دكتور واعالجها لااء.. شهد انا احطها بقلبي وبعيوني.. هي أغلى ماعندي................ وتم ساكت وبعدين كمل.. واهي يوم ياخذها عصام.. أنا انصدمت وعلشان جذي تزوجت من اجنبية.. بس عشان أتم قاعد هناك وابعد قد ماأقدر... قاطعة بوخليفة : سامحني ياولدي مع إن أبوك رحمة الله عليه وصاني.. ونسيت الوصية.. والحمد لله إنهم انفصلوا قبل لايتزوجون.. فهد : يُبه الله يخليك أنت مو بس عمي.. أنت أبوي اللي رباني وأنا رجائي بانك ماتحرمني من شهد.. هني دمعت عين بوخليفة على فهد.. واشلون فرقهم من قبل عن بعض من غير قصد بس الحين ناوي على تصليح الخطأ بأسرع وقت.. وكله علشان خاطر اعياله شهد وفهد واهوه بيحاول حتى لو يغصب شهد على هالزواج.. لأن من مصلحتها.. بوخليفة : خلاص يابوك اليوم بكلمها وبحاول فيها ليمن ترضى..!! فهد دنق على راس عمه وباسه: الله لايخلينا منك يايُبه ويطولنا بعمرك إن شاء الله.. : : : : نهاية الجزء الرابع | ||||
|
|
|
19-02-08, 02:52 PM
| #14 | ||||
| كاتبة في قسم قصص من وحي قلم الأعضاء
| الجـزء الخامـ 5 ـس بعد صلاة العشاء شهد نزلت من غرفتها وكانت بتطلع الخيمة اللي منصوبة بره عند البقية لأنهم كلهم مجتمعين بالخيمة والقعدة فيها جنان.. ونزلت الدري ومن وصلت تحت بالصالة شافت أبوها كان قاعد بروحه وشكله مثل اللي كان ينتظرها.. شهد : السلام عليكم.. ( ودنقت على راس ابوها تبوسه وقالت ) : شلونك يُبه عساك بخير..!! بوخليفة : وعليكم السلام والرحمة.. انا بخير والحمد لله.. إنتي اللي شلونج يابوج.. أنا اليوم ماشفتج.. تحسين بتعب أو شيء..؟؟ شهد : أنا بخير دامك مع أمي بخير وعافية يابعد عمري.. اليوم تغديت مع اليهال بالحديقة قبلكم.. تعرف اليهال لي لزقوا بالواحد صعب يفج منهم.. وخصوصاً فهود ولد طلال ربي يحفظه.. تدري فيه إذا كنت موجودة يصير محرم على اليهال كلهم يقربون مني.. تقوله ريلي موولد أخوي وهذا انا اللي مربته..!! ضحك بوخليفة على كلام شهد وتعليقها.. وقال : الله يقطع ابليسه هالفهود.. وذاك اليوم ناط متليقف بوسط سوالفنا.. ويقول حق أبوه أنا باجر ليكبرت بتزوج وحدة مثل عمتي شهد.. وأبيها تشبها.. شهد : ههههههههههههههههههههههههههههههههههههههههه.. ياحبي له هالفهد بعد عمري وفي.. بوخليفة شافها انسب فرصه يفاتح شهد بالموضوع وقال لها بصوت رزين : تعالي يُبه قعدي يمي أبيج بسالفة مهمه.. إهني شهد بلعت ريجها وارتجف جسمها وحست بالخطر.. بس انصاعت لأبوها اقعدت يمه.. وحطت راسها على كتف أبوها بدلال.. وكأنها تستمد الحماية من الخطر اللي بييها.. أو تحاول تثنيه عن اللي بيقوله.. ولكن هيهات بوخليفة ليصمم على شي يصير.. وشهد ماخذه من طبع ابوها.. وقالت بكل نعومة : هااااا خير يُبه آمرني بللي تبي..!!! بوخليفة وهو يمسح على راس بنته : مايآمر عليج ظالم ياعين أبوج وروحه............. تم بوخليفة ساكت اشوي وبعدين قال : ........ يابنتي مابقى بالعمر قد مامضى.. وأنا وأمج محنا مخلدين بهالدنيا ومصيرنا كلنا بنروح وما دايم غير وجهه سبحانه.. شهد وعيونها غورقت بالدموع لأنها ماتحب سيرة الموت : يُبه لاتقول جذي الله يخليك.. أفديك بعمري أنت وأمي طيبة.. والله يخليكم لي ولا يحرمني منكم.. وياعل يومـ................................. بوخليفة حط ايده وسكر فم شهد وقال : لاتكملين يابوج ياعل الله يبلغني فيج وأشوفج في بيتج معززه ومكرمه ومرتاحة قبل لااموت.. شهد ارفعت راسها عن كتف أبوها واهيه تقول : يُبه الله يخليك لاتعور لي قلبي.. اشفيك انت اليوم.. كله بطاري الموت أعوذ بالله منه..!! بوخليفة حط عينه بعين بنته وقال : الموت حق وأنا أبوج وكل نفسٍ ذائقة الموت.. وأنا اللي أبيه منج شي واحد.. وأبيج تقولين تم.. شهد وبكل مرجلة وضربت بإيدها على صدرها وقالت : أنت تآمر يابوخليفة.. عيوني وروحي كلها فداك يابعد كل هالناس.. بوخليفة تبسم على حركة بنته وحط إيده على راسها ويمسح عليه.. وقال : الله يرضى عليج يايُبه ويفتح أبواب رزقه والسعادة لج ولأخوانج.. وأبيج توافقين على ولد عمج.. وتملــ......... شهد وهي منصدمة تقطع كلام أبوها : يُبه الله يخليك.. لـ....... بوخليفة رد يقطع كلام شهد عشان مايعطيها أي فرصة للاعتراض : قولي تم يابوج وريحي قلبي.. وخليني راضي عليج وأموت وأنا مرتاح..!! شهد ابلعت ريجها.. حست وكأن ايد من حديد اطبقت على قلبها واعصرته عصار.. وبدت دموعها تنزل بغزاره.. طاحت بحضن أبوها وتشهق بالبكي.. وهي تشوف أبواب الحرية انصكت وبويهها.. وكأن احكموا عليها بالأعدام.. وأبوها يمسح على راسها مثل اللي يطمنها.. ويقول بكل اصرار لكن بصوت حنون : قولي تم.. قولي انج موافقه على الزواج بولد عمج وريحي قلبي ياشهد.. ودي أشوفج فبيتج مع ولد عمج قبل ماأموت.. ازرعي الفرحة بقلبي يايُبه ووافقي على هالزواج.. والله يسعدج ويهنيج ويا فهد.. شهد بعد كلام أبوها.. ماقدرت تكسر بكلمته وبخاطره وترده وتعارض رغبته مثل ماكانت مخططه لهالشي.. وقالت بعد فترة من البجي وبصوت المنكسر وهي تنشق من البجي : خـلاص يُبـ...ـه مثل ماتـ...ـآمر.. واللي تبيه بيصير بس ابي رضاك علي يالغـ..ـالي.. وربي يطول بعمرك ولايحرمني منك يابعد عمري.. انت تآمر أمر..!! بوخليفة وهو يرفع شهد ويلمها ويقول : هذا مو أمر يابوج.. هذا رجا والله يرضى عليج حبيبتي.. الله يرضى عليج.. وتمت شهد بحضن أبوها وهي تبجي بكل حرقه وقهر وانهزام.. وابوها تم لامها يهدي فيها ويمسح على راسها حتى هدت نوبة البكاء.. وقال لها أبوها بكل حنيه : روحي غسلي ويهج يُبه وصلي على النبي.. وتعالي معاي وخل نروح الخيمة مع البقية.. شهد : إن شاء الله يُبه.. إنت روح وأنا بلحقك عقب..!! بوخليفة : يللا يابوج لاتبطين..!! وقام بوخليفة وباس شهد على يبهتها.. طلع وراح الخيمة يبشر أم خليفة والبقية.. طبعاً فهـــــــــــــــــــد ماكانت سايعته الفرحه مع كل الأهل.. وحلم حياته قريب بتصير بأحضانه.. آآآآآه ه ه ه وشكثر يحبها هالعنودية المتمردة..!! وبعد ساعة انزلت شهد وراحت الخيمة.. عقب مااغسلت وجهها وخبت الأحمرار والانتفاخ اللي في عيونها من كثر البجي.. وهي نازلة وتوعّد بقلبها بالويل لفهد.. وبأنها بتوريه نيوم القايلة ( نجوم بعز الظُهر )..!! وبالخيمة الكل بارك لشهد وحاولوا مايستفزونها.. لأنهم عارفين طبايعها النارية ومسرع ما تقلب.. ههههههههه قتلكم قطوه من فصيلة النمور هههههههههه.. بس هين ياشهد على منو..... على فهد..!! وطبعا شهد كل مايت عيونها بعين فهد كانت تطالعه بنظرات نارية وتهديديه.. وفهد يبتسم لها بكل برود وانتصار..!! : : بعد ماخلصت سهرة العائلة وكلن دخل وراح لغرفته لينعم بالنوم الهادئ ويتحلم شراح يسوي بعرس فهد وشهد.. وكلن يخطط على هواه واللي يتمناه.. وشلون مايخططون وهذا زواج كانوا يتمنون ان يحصل من زمان.. من قبل ماترتبط شهد بولد خالتها عصام واللي للأسف طلع موكفو.. بس معليه ولله الحمد إنهم انفصلوا ورجعت المياه إلى مجاريها.. بعودة الأبن الضال اللي تغرب لأكثر من عشرين سنة عن بلده واهله وناسه.. : : : : فهد وعقب السهرة الجميلة مع الأهل وخبر موافقة شهد على الزواج منه.. كان منسدح بغرفته على السرير ويتذكر الماضي الأليم اللي عاشه بالغربه.. وشلون حس بالألم من طعنه يته بالصميم من فقد شهد.. وانقطعت اخباره بعد ارتباط شهد بعصام.. وحتى امه واخوه ماكان يتواصل معاهم إلا نادراً وماكان يرضى ياخذ أي معلومة عن الأهل وخصوصاً عن شهد.. لأن الجرح اللي بقلبه كان وايد كبير.. وكان يحس بالخيانة من اهله واشلون يوافقون يزوجون شهد لغيره.. ووصية ابوه كانت واضحة وعمه كان متفق معاه.. بس ليش اللحين يكسرون الوصية والأتفاق..!! وقام من الهم اللي فيه ونقل من ولاية تكساس بأقصى الجنوب الأمريكي إلى ولاية ثانية منيسوتا بأقصى الشمال بدون مايخبر أهله عن نيته ومكانه.. ولكن ولله الحمد تم نقله وتعينه بأفضل المستشفيات والمصحات العالمية ( مايو كلينك ) لتفانية وذكائة وسمعته الممتازة.. وكان دائماً من الأوائل والمميزين وهذا الشي ساعده لأن هناك يدَوْرُونْ الكفاءات والمميزين.. (( مو مثل اللي عندنا يطفشون الكفاءات ويسدون جميع الأبواب بوجيهم ويحطون بمكانهم أردى وأسوأ الناس واللي ضمايرهم غابيه أو في سبات عميق.. مو الكل بس للأسف الأغلبية.. )) تزوج فهد بعد سنة من ارتباط شهد من بنت تعرف عليها عن طريق ابوها كان دكتور أمريكي الجنسية من أصل لبناني زميل معاه.. وحاول انه ينسى آلامه بفقد بنت عمه مع نيكول واللي كانت النقيض التام بالأشباه لشهد.. ولكنها كانت وايد طيبة معاه وحبته بصدق وحاولت انها تستميل قلبه.. ولكن القلب ومايهوى وخابت كل آمالها بأن تَنسِي فهد بنت عمه شهد.. وفهد كان صريح معاها من البداية وخبرها عن حبه الحقيقي لبنت عمه.. وانها يمكن ماراح تلقى لها المكان بقلبه.. ودفن فهد نفسه بالعمل وكان ماشاء الله عليه محط انظار الجميع لأنه كان قمه بالذكاء والتميز.. وتخصصه بالجراحه العامة والمناظير ماكفاه هذا الشي.. وقام دخل بمجال أكبر وأوسع بالدراسة والتدريب واكتساب الخبرة.. وتخصص بجراحة القلب قبل لاينقل للشمال ويلتحق بمايو كلينك.. فكمل التخصص فيه وخذا الخبرة الكافيه والممتازة.. وتم فهد ناسي عمره واهله بالعمل الشاق الدؤوب.. ومركزه ومكانته كانت دوم بارتفاع.. ولكن حياته مع نيكول تتسم بالإحترام والرسمية أكثر منها حياة زوجية.. وبعد زواج دام لأكثر من خمس سنوات تم الطلاق مابين فهد ونيكول.. وكانت المسائل مابينهم كلها وديه.. وحتى اهيه كانت بعد الطلاق تتواصل معاه بالكلام وكانت دوم تنصحه بأن يتصل بأهله.. ويشوف بنت عمه يمكن ماتم الزواج بينها وبين اللي خذته.. فكانت نيكول الدافع الأول اللي دفع فهد للخروج من قوقعته.. وقبل ماياخذ العلوم ( الأخبار ) اتصل على اخوه خالد وبلغه عن قرار رجوعه للبلاد.. بس الأمر يحتاج لأكثر من سنتين حتى يضبط أموره ومايبي أي احد ياخذ بالخبر.. وطلب من خالد أخوه بتخاذ جميع الأجراءات لبناء مركز طبي كبير يحتوي على جميع الأقسام.. على الأرض اللي ابوه واصاه عليها.. ومساحتها وايد كبيرة وموقعها ممتاز.. وخلى إسم المركز الطبي مبدئياً على إسم العائلة.. وتم فهد متابع لجميع الأمور مع اخوه خالد.. بالإضافة لعمله ومتابعة اموره بأمريكا.. وخذا منه الوقت مابين عمله والتنقل مابين أمريكا والمانيا وفرنسا وبريطانيا.. للإتفاق مع الشركات الكبيرة للتعاقد معاهم لتزويد المركز الطبي بأفضل المعدات الطبية.. وهذا الشي خذا منه أكثر من سنتين.. وبعد ماقربت رحلة الإياب لفهد.. طلال ولد عمه شم الخبر وكان يعاون خالد بتسريع الأمور ومباشرتها أول بأول.. لأنه صار له سبع سنين من انقطعت الأتصالات والأخبار عنهم وطلال مشتاق حيل لصديق عمره وطفولته وأخوه بالرضاعة.. وماكان ياخذ علوم عن فهد إلا عن طريق خالد.. فهد يتصل فقط على خالد وخالد يخبر الأهل عنه ويطمنهم عليه.. ومن عرف عمه بوخليفة عن ردت فهد والدنيا موسايعته من الفرح.. وسوى أكبر عزيمة بالكويت على ردت فهد.. وتم فهد عايش بالمعمة من عزيمة ليمن عزيمة.. ومن وزارة ليمن وزارة.. وأمور المستشفى الجديد وتركيب المعدات واختيار الأطباء.. إلى ان استقرت حاله وأموره.. وبعدها ياه خبر انفصال شهد عن عصام من أمه.. واللي اصرت توصل له الخبر مهما حاول انه يتهرب ويرفض يستمع لأي اخبار عن شهد.. وكانت الضربة الحقيقية اللي خلته يفقد التوازن.. وبدون مايسأل عن الأسباب أو متى تم الأنفصال.. كان مكلم أمه بنية زواجه من بنت عمه شهد.. وأمه كان هذا مبتغاها ومن فرحتها شجعته وكان توه خالص بيته ومأثثه.. ولكن صارت حالة وفاة عندهم.. وتوفى ريل خالة فهد وراحت أمه عند اختها والسكن معاها عشان تواسيها بمحنتها.. وبعد شهر من الوفاة ياه الخبر عن اجتماع العائلة بالمزرعة السنوي لمدة شهر.. وخذا الموافقة والبركة من أمه عشان يخطب شهد ويتمم كل شي حتى ولو اهي بعيده بس يعطيها الأخبار أول بأول ويطمنها.. وكان فهد حزتها والمركز الطبي توه قايم ويشتغل وغير إسمه على إسم حبيبته.. وصار إسم المستشفى (( مركز شهد الطبي )).. واستغل كل خبرته ومعارفه عشان يقوم المركز ويصير من المراكز الطبية الأولى والمعروفه بالمنطقة العربية.. وإنضمام أكبر عدد ممكن من الأطباء الأكفاء.. واللي رشحهم وتعاقد مع بعض زملائه بأمريكا وهم من أفضل الأطباء والاخصائيين في مجالهم وانضموا معاه بالمستشفى.. وهذا غير الكفاءات الكبيرة من أهل البلد والعرب اللي انظموا للمركز الطبي.. وهذي الأمور خذت منه سنه أخرى.. والمركز الآن يشهد تطور كبير في علاج مرضاه.. وصار إسمه على كل لسان بسبب سمعته الطيبه والكادر الطبي المميز اللي يحويه وبفترة قصيرة وقياسية.. وتم فهد على هذه الذكريات حتى غفت عينه ونام مرتاح البال ومستانس.. لأول مرة لأكثر من عشر سنوات راحت من عمره.. من يوم ماشهد ارتبطت بولد خالتها عصام.. : : بصباح اليوم الثاني اجتمع فهد بعمه وعيال عمه الكبار عشان يتفق معاهم على اللي يبونه.. وقالهم عن ضرورة اتمام الزواج بأسرع وقت ممكن.. عشان شهد احتمال كبير يوصلها الخبر من أيٍ كان وتعرف الحقيقة اللي مخبينها عليها.. ويفضل اتمام جميع الأمور بالمزرعة عشان ماتختلط شهد بأي غريب وتحصل على الخبر بحقيقة وظيفة فهد.. ووافقوا على هالشي جميعهم وباركو هذي الخطوة.. وكلهم امتنان لفهد على تفكيره وتدبيره للأمور.. وكلن قام وراح للي بيسويه.. : : انزلت شهد الصالة تحت بعد ما صحت من النوم وصلت الضحى.. وهي ماره من صوب باب الفرندة الخلفية واسمعت كلام داير مابين فهد وبو ضاري مع طلال وشاهين كانوا قاعدين بره يسولفون وفهد لمح شهد وهي نازلة من الدري بالمنظرة اللي كانت معلقه بالصالة الداخلية وانعكاس صورتها كانت واضحه لفهد من موقعه.. ويايه صوبهم واهيه اتصوخ عليهم ( تستمع أو تتجسس بالسمع عليهم )..!! قال فهد بكل مكر وبصوت عالي شوي حتى يسمع شهد الكلام : على فكرة بوضاري أنا طول عمري كنت اتمنى إني أسوي عرس كبير وأعزم كل الأهل والمعارف والحبايب.. عرس أخلي الناس تتكلم عنه سنة.. وانت عارف إن شهد تستاهل الأفضل.. شاهين : والله حقك.. وعاد صج خاطرنا بعرس كبير..!! بوضاري : ماكو مشكلة راح نحجز بفندق حق الحريم.. والرياييل بديوان العائلة.. فهد : أبي أطلب فرق شعبية للعرضة والفريسة.. والزفة بتكون من ديوان العائلة لين الفندق اللي بيصير فيه عرس الحريم..!! وشهد كانت تسمع الحجي وقلبها كان يسابق الخيل من الخوف.. وإذا كان بيسون عرس يعني معناتها إنه راح يصير فيه معازيم وايد.. وناس ماتعرفهم وناس غير مرغوب فيهم.. واهي بتكون بينهم.. وتخطط براسها علشان تخرب على فهد وتنكد عليه..... ولهت نفسها بقية اليوم.. بس ماقدرت لأن الأفكار كانت تاخذ من قوتها الكثير.. بس أذن الظهر اصعدت لغرفتها وصلت.. وتمت تدعي ربها انه يطلعها من هالمشكلة.. ويمنع زواجها من فهد.. انسدحت على سريرها وتمت تفكر وتكلم روحها : هـــــــين يافهـــــــــــــــيد إن ماخربت عليك وناستــــــــك وحلمـــــــــــــــــك ماكون شهـــــــــــــد الــ..........!! وخاطرك بالعرس.. وأنا راح أحرمك منه.. وأحرق قلبك.. تبي تاخذني بالغصب ولويت لي ذراعي عن طرق ابوي.. وأنـــــــــــــــــــــــا بلوي لك أرقـبـتــــــــــــــــك بطريقتي الخاصة هــــــــــــــــــــــين وشوف شللي بيييك منـــــــــــــــــــي....... انا لازم اطلع خطة عشان مايسون العرس.. انا مافيني اقابل ناس ويطالعوني طول الوقت ويتهامسون علي.. والعرس يعني وايد معازيم.. اللي يسوى واللي مايسوى راح يحضر..!! وتكــون خـالتـي نـوريـــة معـاهــم...لاااااااااااااااا.. لا يمكن يارب ساعدني يارب انا اسألك وأتوسل إليك.. واطلب رجاك كون معاي ولا تكون ضدي.. اللهم آمين.. : : إيــــــــه.. لقيتها عرفت بشنو راح اتحجج عشان مايسون العرس.. وصبرك علي يافهد الزفت انا لك بالمرصاد.. ههههههههههههههههههههههههههه واستعد للحرب من الحين ياولد عمي.. وبتشوف شهد شراح تسوي عشان تخليك انت بنفسك تعافي الزواج وتقول يالله نفسي.. يتــــــــــــــــــبـــــــــــع | ||||
|
|
|
19-02-08, 03:02 PM
| #15 | ||||
| كاتبة في قسم قصص من وحي قلم الأعضاء
| : : : : وبعد صلاة العشاء وبالصالة الكبيرة شهد نزلت وراحت عند أبوها وبراسها مخطط التخريبي واللي قعدت فترة الظهيرة كلها تخطط فيه عشان تحرق قلب فهد.. الكل كان جالس وحاضر من أبوها وأخوانها وفهد.. واهي تأكدت من حضور الأخير.. لازم يكون حاضر لأنها بتحرق قلبه مثل ماحرق قلبها.. وبتخرب عليه كل مايتمنى..!! شهد وبصوت واطي متردد : السلام عليكم.. الجميع : وعليكم السلام ورحمة الله وبركاته.. وراحت شهد عند أبوها وقعدها يمه.. وأهي تكلمه بصوت مهزوز بس تحاول تخليه مسموع : يُبـ...ـه.. بوخليفة : هلا يُبه خيــر..!! شهد بصوت واطي بس مسموع وصوت دقات قلبها هم مسموع من شكلها : يُبـ....ـه اااانـ...ـااااا.. واسكتت شوي ابلعت ريجها وطالعت صوب فهد وشافت عيونه منصبه عليها.. وهالشي عطاها دافع أكبر وكملت وهي تطالع أبوها وبدفعه وحده قالت جملتها وبسرعة : انا عندي شرط على قبول الزواج.. بوخليفة والدهشة مرسومه على ويهه : خير يابوج وشنهو شرطج..؟؟!!!!!!!!!!!!!! شهد بلعت ريجها مرة ثانية وعلت صوتها شوي : إاااذاااا تبونـ...ـي أااااواااافـ...ـق.. ونفس الشي تكلمت بدفعه وحده وبسرعة : ماأبيكم تسون أي عرس للحريم أو حفلة وحتى للملجة مابي أسوي أي حفلة..!! بوخليفة عصب شوي لأنه عرف شللي يدور براس بنته وصوته ارتفع شويه : وليش عاد.. قاعدين بعزا لاسمح الله..؟؟؟!!!! شهد وارتجفت من الخوف بس اصرت بعناد وقالت بدفعه وحده : يُبه هذا شرطي وماراح أتنازل عنه..!! بوخليفة واهوه مستغرب طـالع فهد.. مثل اللي يستفسر شللي يسوي..!! لأنه عارف شهد بس تيبس راسها تخرب كل شي بنوه.. ورد عليه فهد وعيونه بعيون شهد بكل برودة اعصاب : مو مشكلة يُبه واللي تآمر فيه شهد احنا حاضرين.. يّــهه غــــالي والطلب رخيص.. وسكت فهد شوي وعينه لازالت بعين شهد وفيها كل التحدي وتلمع بكل غرابة ويسألها : بس ماراح تغيرين رأيج عقب..!! تهونين وبالأخير تقولين غيرت رايي وأبي أسوي عرس..؟؟!! شهد بكل عناد واصرار : ولا بأي حال من الأحوال.. العرس رافضته وماله داعي هالمصاريف.. وكلمتي لايمكن اتنازل عنها.. بوخليفة وهو ماسك نفسه لايهد عليها ويعصب : انزين العرس وآمنا بالله.. والملجة ليش ماتبين تسوين حفلة..!! شهد بترجي ودموعها على طرف عيونها : يُبــه الله يخليك الحفلة يعني فيها ناس غرب وأنت عارف أني..... ( وسكتت ماهي عارفه شلون تبرر موقفها وكملت ) : ماأبي..!! بوخليفة واعصابه بدت تحمى : وليش ماتبين عطيني سبب مقنع.. وشنقول حق الناس.. قّلوْا ( رموا ) بنتهم وتخلصوا منها..!! شهد وجهها صار أحمر ودموعها بدت تنزل : انا ماأبي أقابل أي أحد.. وإذا بتسون حفلة أو عرس ماراح أحضر.. لأني مابي الناس.. ( وبدى صوتها يعلى ).. ماااااااابي أحد.. وقعدت تبجي وترجف من القهر.. واشلون أبوها موراضي يفهمها ويوافقها بالراي..!! بوحمد حس بمعاناة شهد وباللي تقصده.. وحب يهدي الوضع قالها بكل هدوء : انزين إذا سوينا حفلة الملجة صغيرة وملمومة.. بس بينا وبين بعض.. يعني إحنا أخوانج بس وحريمنا وعيالنا..!! شهد بخضوع وبصوت واطي واهي تمسح دموعها : إذا جذي ماعندي مانع.. وارفعت صوتها بتهديد وكملت وقالت : بس بدون مصاريف وطقطقة وهالخرابيط..!! فهد حب يضرب ضربته وقال يوجه الكلام لعمه وعينه لازالت على شهد.. وبنظرة فيها من التحدي مع ابتسامة ارفعت ضغط شهد.. مع إن قلبه ينعصر واهو يشوفها شلون تبجي وترفض مقابلة الناس.. وببروده المعتاد ولا كأنه محترق من قرار شهد.. فهد : ياعمي إذا شهد ماتبي العرس وحفلة للملجة عيل ماله داعي نأخر الزواج.. ونخلي الملجة والزواج بنفس الليلة اللابلة ( بعد بكره ) إن شاء الله.. شهد اشهقت وقلبها انتفض واصرخت : لااااااااااااااااء.. زواج لاااااااااااااء...!!!!! وحست على روحها وحبت تنقذ الموقف وهي ماتدري عن تخطيطهم.. وكملت بصوت اوطى شويه : ماأقدر يايُبه ماكو وقت عقب يومين.. فهد بتحدي : ليـــــــــــــــــش ماكو وقت.. وأنا اللي أعرفه إن الناس يسون العرس ويأخرون فيه لأنهم ياخذون وقت على مايدوّرون لهم سكن ويأثثونه وعقب مايجهزون هالشي.. تبدي العروس تفصل نفنوف للعرس وأنتي ماتبين أي عرس أو حفلة على قولتج..!! وكمل فهد يوجه كلامه لعمه : وأنا ياعمي ومثل ماأنت عارف.. بيتي كبير وجاهز.. ومأثث كله من مجاميعه ويديد.. وهو جاهز للسكن.. وشهد تقدر بعدين تغير اللي مايعجبها..!! بوخليفة وعيونه تلمع من طريقة تفكير فهد ورده اللي يفحم فيه شهد وكابت ضحكته لإنه عارف بنوايا بنته : خلاص عيل يابوك.. مثل ماقلت عيــــن العقل.. وخير البر عاجله.. شهد وعيونها اطلعت من مكانها من الخوف : لااااااااااااااااااااا.. مايصير يايُبه.. اشلون تبيني اتزوج.. وأنا لازم أتجهز وأنت مثل مانت عارف إحنا قاعدين بالمزرعة.. وبقى لنا أكثر من ثلاث اسابيع تقريبا على ماننزل الديرة.. يعني لازم آخذ وقتي في التجهيز والتسوق.. وإلا ماتبيني اتجهز..؟؟.. طلال وهو ماسك ضحكته رد عليها وقال : بس اللي نعرفه كلنا انج ماتحبين تروحين السوق وكل اللي تبينه دوم تطلبينه من منى..!! شهد بتحدي : هذا مومعناته اني ما اتجهز..!! فهد وهو يسد كل الطرق على شهد وبكل ثقة : ماحاجه لكل هالشكليات.. عمي أنا عندي أقتراح أفضل دام إن شهد ماتبي أي عرس أو حفلة.. على الأقل حفلة للملجة تكون عائلية صغيرة اهني بالمزرعة ومابينا وماعندنا أي غريب.. وعقب أسبوعين تقريباً ننزل أنا وشهد الديرة.. علشان نجهز حق السفر لشهر العسل ومنها بنطل على أمي.. ومن بره تقدر تشتري اللي تبي.. يعني مالها لزمه كل هالطواله.. وعقب باجر خالد بييب الملا اهني علشان نملج.. وشهد إذا بخاطرها تتشرى أي شي أنا مستعد مع طلال نوديها باجر وماعندي أي مانع لو تفتر على جميع الأسواق والمولات طول اليوم.. وناخذ معانا منى إن بغت.. وبالنسبة لحفلة الملجة فهي عائلية ومحفوفه ومافيها أي غريب.. وشهد ماتبي على قولتها أي مصاريف وطقطقة وخرابيط..!! بوخليفة وبصوت واضح ومايقبل الناقش أو التنازل : خلاص يابوك كل شي محلول وماكو أي مشكلة.. الـلابـلـة المـلـجـة وعقب اسبوعيــن بيتم الـزوااااااج إن شاء الله.. شهد توهقت ووقفت متصنمة من الموقف اللي حطها فهد فيه.. بغتها طرب صارت نشب.. وانقلب السحر على الساحر.. هههههههه.. عين شهد مازالت تلمع بالخوف والغضب والكره اللي زاد على فهد.. وقلبها يسابق الخيول بسرعة نبضها وصوته اعلى من قرع الطبول.. وفهد بنظرة المنتصر والتحدي بإنها تتجرئ وترفض أو تعارض حتى ماتقدر.. فهد كان متعمد بللي سواه عشان يقرب موعد زواجه من شهد.. وبهالطريقة نجح وكسر راس شهد.. وهو بالأساس خايف إن شهد تدري عن وظيفته وبالتالي مافي أي أمل إنه يتزوجها.. ويكون قريب منها كل مااحتاجته.. واهو كان متفق مع عمه واخوانها على هذا الشي..!! فهد يكلم نفسه : إيــــه ياشهود الحين اضمن باني راح اتزوجج بسرعة.. وماأخلي لج أي فرصة للتراجع والرفض.. بس آآآه ه ه ه.. متى بيي عقب باجر ويتم العقد اللي راح يربطنا للأبد.. وتكونين معاي طول العمر.. أأأأأأخخخخخخ ياشوقي لج ياقطوتي المتمردة..!! شهد تكلم نفسها : هيــــن يافهد الزفت.. أكرهك كره العمى.. وإن ماراويتك شغل اللعانة والنذاله.. والله لزهقك فعيشتك.. واكسر هالغرور اللي براسك.. على بالك أنا سهله وبسرعة بيلين راسي.. بـــــس هـيِِــــن يالنحيس.. عيل أنا تحطني بهالموقف السخيف يالسخيف.. وتحرجني جدام أبوي وأخواني وتحكرني وتشل حركتي ومقاومتي.......!!!!! اللـــــــــــــــــــــــه يســـــــــــــــــــتر مـــــن اللــــــــــــــــــــــــــي بيصــــــــــــــــــــــــير !!!!!!!!!! : : : : وعلى صبيحت اليوم الثاني وقبل الملجة بيوم.. شهد ارفضت تنزل مع فهد ومنى وخالد الديرة عشان تشتري لها شيء من السوق للملجة.. وفهد ماعارض وسكت عنها وطنشها.. ونزل الديرة مع خالد أخوه ومنى.. وكانوا العصابة الصغيرة متفقين على هالشي.. علشان المفاجأة اللي بيسوونها ليوم الملجة.. وبعدها كل شباب العائلة اللي قدر يحدر الديرة بس عشان ياخذون ملابس حق الحفلة اللي بيسونها.. واللي ماقدر ينزل الديرة.. وصى غيره على الشي اللي يبيه.. : : الساعة 11 الصبح شهد : يُمه منى ماقالت لج شي..؟؟ أم خليفة : شي.... مثل شنو..؟؟ شهد : يعني المدام نازله مع ريلها الديرة اشحقه..!! وتاركه اعيالها اهني معانا.. وخصوصاً نواري الحنانة ماتسكت إلا بحضن أمها..؟؟!! أم خليفة : أهم مابيباتون اهناك.. منى قالت تبي تييب لها جمن غرض حق اليهال من بيتها وبترد.. يعني مو بمبطين إن شاء الله.. مشاعل توجه كلامها لعمتها شهد: عمتي انتي ليش رافضة تسوين العرس..!! والله حرام خاطرنا نفرح وخصوصاً إنه بيكون عرسج مع عمي فهد..؟؟!! شهد بقلبها ووع والكوبه بفهد.. شهد : أنا ماأبي عرس ولا حفلة.. أنتو كيفكم بتهيصون واترقصون.. طلعوا ينونكم كله اهني بالمزرعة.. بين بعضنا عادي ماراح أمانع.. بس عرس وربكة والناس اتيي واتطمش هذا الشي اللي ماأبيه..!! مشاعل : انزين وإذا حطينا اهني مسجلة وغناوي عيل مابتعارضين..؟؟ شهد لينت صوتها عشان ماتصير جافه مع اهلها وقالت : لا ياحبيبتي أنتوا أهلي وفرحكم من فرحي بس الغرب ماأبيهم ولا راح ارتاح معاهم.. عواطف مرت محمد : أهم شي الله يتتم عليكم بالخير ويسعدكم.. والفرحة بالقلب أكبر من العرس ياعمه.. مريم مرت ناصر : إي والله.. بس عمتي اشرايج انزينج ونحطلج مكياج ونسرح شعرج باجر..؟؟ مشاعل : إي والله خوش فكرة عمتي الله يخليج.. خليني اطبق عليج اللي خذيته بالدورة.. صدقيني راح اخليج ولاأحلى عروسة بالكون.. وأنتي ماشاء الله عليج من غير شي تهبلين.. الله يخليج عمه وافقي..!! شهد بسرعة ردت : لاااااااااااااا.. أنا مابي هالخرابيط وأصلاً حتى ملابس ماعندي للحفلات.. عشان جذيه بتصير مثل تجمع عائلي ومايحتاي نسوي الهوايل ونتلبس ولا راح ألبس غير الثياب اللي يايبتهم معاي.. بس خلونا نمشيها مسجل وغناوي ورقص مابينا فقط.. وتكمل شهد بقلبها وتقول : هذا اللي ناقص بعد.. فهود يتزوجني غصبن عني.. وأقعد اتزين له واصير له مثل العروس.. والله ماأهنيك يافهد المغرور..!! عائشة أم حمد : ليش الله يهديج ياشهد..؟؟ المفروض إنتي عروس.. وهالشي اللي تسوينه يزعل عمي وفهد وعلى ماأظن حتى أخوانج موبراضين.. والله حرام الوحدة فينا تحلم وتنتظر هاليوم بس عشان تفرح فيه وتفرح والدينها وأهلها.. وأنتي حرمتي هالشي عن نفسج وأهلج...!!! شهد : ياأم حمد.. مو كافي إني مغصوبه على هالزواج.. وتبيني أمثل إني مستانسة وأصير مطنزة للي يسوى واللي مايسوى..؟؟ أم حمد : وليش مغصوبة ياشهد....؟؟ صدقيني ماراح تلقين أحد أحن عليج من فهد ولد عمج.. وإنتي الله يهديج اشوي عصبية.. صدقيني فكري بالموضوع عدل وراح تعرفين إنج غلطانة بحكمج على فهد.. شهد وهي تحاول تداري بالموضوع عشان امها : أنا ماقلت عن فهد إنه شين.. لاااااا.. بس ماني متزوجة أنا جذي مرتاحه.. ويكفي تجربة وحدة بحياتي وخلتني اكره شي اسمه عرس وزواج.. وبعدين فهد دومه يناجرني ويغايضني وانا ما استحمل.. يعني بتم جذي طول عمري وياه....؟؟ والله قهر.. أم خليفة : والله يُمه فهد من محبته لج يناجرج يوم يشوفك كله معارضة ومعصبة ولسانج طويل عليه.. خفي اشوي على الريال.. واهو بيخف عليج وماراح يلعوزج ويطفرج..!! اضحكوا الجميع ومر اليوم هادي وبسلام على شهد والجميع : : بالليل الساعة 11:30 وصلوا العصابة الصغيرة.. فهد ومعاه منى وخالد وكانوا محملين بالجياس والكراتين.. وراحوا سيدة يخشون أغراضهم ومفاجأتهم عن شهد.. وانزلوا عند البقية اللي وصلوا عشان يخططون لباجر واشراح يسون.. دام إن شهد راقدة بهالحزة.. وهم مودارين عن الصراع اللي داير براس شهد ونفسها..!! : : : : نــهــــــــــايـــة الجــــزء الخــــــــامـــــــــــــس | ||||
|
|
|
19-02-08, 03:09 PM
| #16 | ||||
| كاتبة في قسم قصص من وحي قلم الأعضاء
| الجـزء السـ 6 ـادس يوم الأثنين 2 / 2 / 2004 يوم الملجة الساعة 10:30 الصبح طق طق طق طق طقققققق.... طققق طق طقق طقققققق طقق... شهد وطول الليل مانامت من التفكير وراسها مصدعها.. وتنرفزت من اللي يطق الباب بدفاشه جذي : ويّعه منوا الدفش اللي على الباب..؟؟!! طق طق طقققق طق طق طققققق..... قامت شهد بتملل من السرير وافتحت الباب وتوها بتصرخ على اللي بالباب.. أشهقت وقالت : بوناصر......... السموحة ياخوي مادريت إنه إنت.. بوناصر كان ميت من الضحك لإنه اللي طق الباب وكسره مو إهوه.. كان سلمان ولد أخوه.. وانحاش يوم شاف عمه ياي.. وصارت الزفه بويهه : ههههههههههههههههههه.. هذا سلمانوه الله يهديه قاله أبوي روح قعد عمتك بسها ارقاد.. صار الضحى العود وأنتي ليمن اللحين راقدة الله يهداج..!! شهد وهي منحرجة من أخوها : أنا شوي مصدعة.. عشان جذي مانزلت تحت وإلا انا من زمان صاحية من النوم.. طل إلا ماغمضت عينها من التفكير طول الليل.. بوناصر : تعالي نزلي تحت معاي بالحديقة هناك ووسعي صدرج.. أبوي يبيج ومن فير الله واهو يقول صحوها أبي اقعد معاها بسها رقاد.. وبعدين أنتي من أمس ماطب الزاد فبطنج الله يهديج.. عشان جذي معاج صداع.. والريوق محطوط على الطاولة وينطرونج يالله نمشي..!! شهد بإحراج : بغسل ويههي وأنزل لكم الحين..!! بوناصر : انا بشوف فهد هالكسلان الثاني الظاهر متفقين انكم ماتنزلون تحت.. وبرد لج بسرعة وماراح انزل لين تخلصين..!! شهد ويهها صار أحمر أكثر : لا يابوناصر لاتنطرني انت تفضل سو اللي تبي.. وانا بصلي الضحى واييكم تحت.. وماراح اتأخر إن شاء الله.. بوناصر : على هواج يابوي.. بس لاتبطين..!! شهد : إن شاء الله طال عمرك.. وراح بوناصر يشوف فهد علامه بطى مانزل تحت.. وفهد كان ياخذ دوش على السريع وبعدين بينزل.. وبعد نص ساعة شهد واهي طالعة من غرفتها.. تلاقت مع فهد بالصاله الفوقية عند راس الدري.. فهد وابتسامة كسولة على ويهه : السلام عليكم.. صبحج الله بالخير ياأحلى عروسة.. شهد وابنظره بارده وبستهزاء : وعليكم الســلام ورحمـة الله وبركــاتـه.. صبحــك الله بالنـــور يالمغــــــــــــــرور..!! فهد والضحكة شاقة الحلج : ههههههههههههههههههههههههههههههه.. أكو وحدة تصبح زوجها بهالكلمة..!! شهد بستهزاء : والله أنت ليمن الحين ماصرت عشان أعطيك الكلام المعسول..!! فهد : هههههههههههههههههه.. حتى لو صرت ماظني بتعطيني الكلام المعسول في يوم من الأيام.. عارفج زين خبز إيديني.. ولسانج بري منج من يوم كنتي ياهل ياأم لســان.. ردت شهد بعصبية : دام تعرف جذي اشحقه راز بويهك وبتزوجني..؟؟!!!!!! فهد بصوت ناعم عشان يغيضها : عشان أروضج واعلمج الكلام المعســول.. واشلون يطلع من شفايفج يالعســــــل.. شهد بنفس الأعصاب : لاتهقى إني بتساهل وياك يالعتوي.. إذا انت باسك قوي.. باسي أنا أقوى.. وانت متعمد تحطني بموقف محرج مع أبوي وأخواني عشان أرضخ وما أعارض.. لكن لاااااااا.. حطني على بالك زين مو أنا اللي تسكت على إن يقودونها للزواج مثل الذبيحة.. ولااااا أنا اللي ترضى بواحد معقد مينون مثلك يتحكم فيني..!! فهد كان يطالعها وهي تتكلم بس خلصت حجيها قال بكل ببرود : خلصتي كلامج ياحرمنا المصون..!! شهد ولعت اعصابها نار من كلمة حرمنا المصون.. وقالت : حرمت عليك عيشتك يالمغرور.. صدقني راح تندم على زواجك مني.. فهد ضحك وقال : هههههههههههههههههههههههههههههههههه.. أول شي بعد مانملج راح أقص لسانج الطويل هذا.. ( وسوى بأصابع إيده حركة المقص وحطها عند شفايفها ).. وكمل قال : ثاني شي بعلمج شلون يصير الاحترام يالمتوحشة.. ثالث شي انا أمـــوت بالتحدي.. وبنشوف منو اللي بيـــروض الثاني يالقطــوه.. وقال آخر كلامه وهو يضرب طرف خشمها بطرف صبعه السبابة بالعدال واهو يضحك وينزل الدري.. وشهد كان بخاطرها تعرجبله ( تكعبله ) عشان يتكرفس ( يتدحرج ويقع ) من أول الدري لين آخره.. بس آآآخخخخ ليس كل مايتمنى المرء يدركه.. يالله الأيام يايه يافهد.. وياويلك من شهد..!!! ونزلت شهد عقبه مباشره وراحوا الأثنين للحديقة الأمامية وكانوا أفراد العائلة كلهم متجمعين على الطاولة يشربون الشاي والقهوه.. ومن وصلوا فهد وشهد وكانت طلتهم مع بعض على الأهل.. قاموا منى ومريم ونورة ومشاعل وبصوت واحد : ألـــف الصــــــلاة والســـــلام عليـــــك ياحبيـــــــــــب اللــــــه محمــــــــــــــــــد.. كلولولولولولولولولولولولولوولولولششششششششششش. . امباركين عرس الأثنين ليلة ربيع عين وقمره.. واللي جمع بين قلبين الله يطول في عمره.. والكل ضحك وصارت هيصه عند الجميع.. ماعدا شهد اللي صار ويهها طماطة من الإحراج.. وفهد حب يكمل على المشهد ويغيض شهد ويحرجها أكثر كنوع من الأنتقام على كلامها قبل شوي.. قام وقف يمها ومسوي شكلهم وكأنهم عصافير كناري الحب.. وشهد من الفشيلة بغت تتسحب وتنحاش ( تهرب ).. بس يد فهد اطبقت بسرعة من تحت الشال على كف إيدها.. علشان يمنعها من النحشه.. شهد قامت تحاول بتفك كف إيدها من قبضة إيد فهد بدون ماينتبه عليهم أحد.. ولكن لاحياة لمن تنادي.. قبضة إيده طابقها مثل الحديد وكأن يقولها مالج مفر مني.. وأنتِ خلاص ملكي وللأبد..!! يامسكينة ياشهد وين ماتطقها عويه.. وفهد خلاص أصبح أمر محتوم لامفر منه..!!! وضاعت شهد بأفكارها ومخاوفها مع لويَت الأهل وتجمعهم.. وكانت السوالف والضحك والفرح محور اليمعة واللي الكل يحس فيها ماعدها.. والتخطيط بالأنتقام مازال يشغل فكرها وكان الهم الوحيد اللي تفكر فيه.. وحتى إن نداء معدتها اللي محرومه من الزاد تجاهلته.. وماكلت أي شي وتمت على لحم بطنها وبالها مشغول بشي ثاني.. ومحد منتبه لحالها لأن بس يشوفونها على بالهم الأفكار اللي تضرب براس أي عروس قبل الملجة.. منى توجه انتباه للجميع : انتباه.. انتباه.. عندي لكم شي بقوله..!! وبعد ماسكتوا الجميع عشان يسمعونها قالت.. منى : من محاسن الصدف.. إن زواج فهد وشهد راح يصادف اليوم بإذن الله.. والله يتمم عليهم بالخير ويسعدهم يارب.. بس حبيت أنبهم إن اليوم اهو يوم الأثنين المصادف لتاريخ : 2 / 2 / 2004 .. يعني صدفه غريبه.. وتاريخ زواجهم ماراح ينسي.. وإن شاء الله إن شاء الله أول حمل لشهد راح تييب توائم اثنين.. علشان تنطبق عليهم علوقة بيت المثنى.. ههههههههههههههههههههههههه.. وضحك الجميع على تعليق منى بعد ما أمنوا على دعائها برزق شهد وفهد أول باكورة زواجهم بتوائم من الأطفال.. طبعاً الكل متفق مع منى بالدعاء ماعدا شهد اللي زاد حرجها وقامت تدعي على منى بقلبها على تعليقها البايخ واللي ماعجبها.. وفهد من تنبيه منى بالكلام اللي قالته عينه كانت مسمره على شهد والبسمة مافارقة شفايفة ويدعوا من كل قلبه إن الله يحقق دعاء منى.. وتموا العائلة على هالحال لين أذن الظهر.. وكلن قام للصلاة.. منى والبنات تجمعوا عند العروس من بعد الصلاة عشان مايخلونها تنزل تحت ويجهزونها غصبن عليها.. طبعاً يحق لهم.. إذا كانت الأخت معنده وراسها يابس.. واحرمتهم حتى من العرس.. على الأقل خل يفرحون فيها بهاليوم وعن خاطرهم..!! كانت التجهيزات ليوم الملجة على قدم وساق لجميع أفراد عائلة الـ..... وحتى الأطفال مشتركين بالمؤامرة ضد عمتهم شهد.. وأما بالنسبة لمنى والبنات مريم ومشاعل ونورة.. فكانوا فوق مع العروس العنودية واللي رافضه لجميع طلباتهم.. بس منى مايأست من أختها وحاولت معاها من بعد صلاة العصر..!! : : منى بتملل وقهر : أأأأأأأأوووووففففففف.. شهود وبعدين معاج.. ترى بطيتي جبدي كل ماأقولج شي ترفضين.. والله قهر..!! شهد والعناد راكب راسها : يعني يا انج تسوين اللي براسج وتحورفين بويههي.. وإلا اني اصير ابط الجبد.. منى بعصبية : انا ماقلت بحورف بويهج يالفهيمة.. انا بس بحط لج مكياج خفيف على الأقل نشيل اللون الأصفر اللي بويهج.. واللون البنفسجي من تحت عيونك.. جنج حفار القبور الله يهديج.. شهد وعندت أكثر : وانا قلت مابي لأن شكلي عاجبني جذي.. وإذا المعرس مايبي ياخذ وحده تقولها حفار القبور على قولتج.. محد اغصبه ياخذني.. عنده الباب ياسع جمل.. منى بصدمة وعصبية : انتي من صجج ياشهد تتكلمين عنه جذيه ولا كأنه ولد عمج وشاريج..!! شهد بكل برود ويقهر : إيــــه من صجي.. منى الله يخليج اللي فيني مكفيني ولاتزيدينها علي بالحنة وتطحنين فوق راسي طول اليوم..!! منى زعلت من شهد على طريقة أسلوبها وفضاضتها وعدم احترامها لفهد.. وقالت بآخر محاولة لتغير مزاج أختها العنودية.. منى بصوت منكسر : على هواج ياشهد.. بس انتي بتسلبين الفرحة من أمي وأبوي..!! شهد بتعجب : أمـــي وأبـــــوي..!! أمي وأبوي شدخلهم بللي بسويه بويههي والا باللي بلبسه..!! منى وتكمل بنفس الصوت : إيــه.. انتي ماسمعتيهم اليوم الصبح وشلون كانوا مستانسين.. ويقولون شهد اليوم بتفرح قلوبنا بزواجها من فهد.. واليوم بتصير أحلى عروس بالكون.. وأمي قالت شهد بتفرح حتى أمها نورة الله يرحمها بقبرها لأنها كانت تتمنى تشوف هذا اليوم بعينها.. شهد من يابت منى طاري أمها نورة الله يرحمها وكلام أمها طيبه حرك الأحاسيس في نفسها.. خنقتها العبرة وعيونها غورقت.. وهي تحس بالذنب على كسر خاطر أمها وأبوها.. وقالت بصوت مكسور : بس أنا يامنى مالي نفس باللي بتسوونه لي.. وأحس نفسي وكأني راح اصير اراجوز جدام الكل..!! منى مصدومه من نظرة اختها للموضوع بهذا المنظار (( اراجوز )).. وقالت تقنع شهد : شهـــــــــود.. شهالكلام عمــري.. انتي عارفة انا مستحيل نطالعج بهالصورة.. انتي قطعة منا.. انتي بنتنا من لحمنا ودمنا.. وشلون يالج هالتفكير السخيف وحطيتي فبالج إنا إحنا أهلج وأقرب الناس لج نطالعج بهالطريقة.. ( وقالت بستهزاء ) : أراااااجـــوزززز.. سكتت منى شوي وكملت بترجي : يالله شهـــود ترى مافي وقت عمري وافقي على اللي بنسويلجياه.. وخلي فرحتنا فيج تكمل..!! شهد مستحيه من كلام اختها الكبيرة وشلون حللت ردها بهالطريقه وقالت بصوت مكسور : يامنى أنا ماابي هالخرابيط اللي قاعدين تقنعون فيني من فير الله عشان أسويها.. وإذا ولد عمج ضرب بريله القاع وصمم على اللي براسه.. ومازال يبيني ياخذني مثل ماانا.. ولاتظنين إني راح اطيب خاطره واتزينله..!! منى وصبرها نفذ من عناد شهد : وأنتي ويا هالويهه من الصبح واحنا نحاول نقنع فيج.. من قالج إنا بنزينج ونحطلج مكياج حق فهد.. لاااااااااااا.. إحنا بنسوي هالأشيا علشان خاطر أمي وأبوي.. واللي ميتين وودهم يشوفونج مثل العروس بيوم ملجتج.. بس إنتي الله يهديج حتى والدينج مسترخصه فيهم الفرح الوناسة..!! حرام عليج ياشهد أنتي وايد جاسية عليهم وعلينا..!! شهد وقلبها يتقطع من اسمعت كلام منى اختها ودموعها زادت بسيلانها على خدودها : انا موجاسية على أمي وأبوي.. وأتمنى اشوفهم طول العمر مستانسين ومرتاحين.. وإذا على لبسي وتزيني اليوم بيونسهم ويسعدهم فيني.. خلاص ماعندي مانع بس عشان خاطرهم وخاطركم والله لايحرمني منكم.. ولكن انا ماعندي ملابس تصلح للي بتسوونه وتْهَوْلُونْ فيني..!! منى قامت واحضنت شهد بكل قوة.. وهي تمسح على ظهرها وتهديها وباستها على جبهتها : الله يعز شانج يابعد عمري.. ويسعدج ربي ويهنيج.. ويرفع راس أمي وأبوي فيج ياشهوده.. والله وبتكتمل فرحتنا اليوم.. وانتي لاتحاتين خلي كل شي علي وعلى مشاعل.. لأن مشاعل ماخذة كورسات في تعليم فن المكياج عند اخصائيين.. ومن قبل شهرين ناديتها وحطتلي مكياج يوم رحت لعرس بنت صديقتي.. وكان يهبل صج شعولة فنانة بحط المكياج ولا أحسن من خبيرات التجميل بأرقى الصالونات ماشاء الله عليها.. وصدقيني ياشهد ماراح تندمين وراح تستانسين.. وغمزت منى بعينها لأختها شهد وهي تكمل وتقول بمزح : ولا تخافين ماراح نهول فيج.. بس إنتي وقفي هالصياح علشان عيونج ماتكون امورمه تقول صافقينج كف على عينج..!! ههههههههههههه.. شهد والبنات : ههههههههههههههههه.. شهد دزت منى على كتفها : يالبايخه في وحده تطيب خاطر أختها بهالكلام..؟؟!! منى : أدري عنج الله يهديج ماتعطين الواحد ويهه كلش موليه.. وقلت ماينفع وياج إلا هالحجي..!! وضحك الجميع على كلام منى وشهد.. ومن بعدها بدوا استعداداتهم بتهيأة العروس.. : : خلال هذي الأوقات وصلوا باقات الورود والعمال لتركيب الكوشة الصغيرة والديكورات.. وكل الأشياء الضرورية واللي ماغابت عن بال منى وخالد وفهد.. واللي بوخليفة وبوحمد متفقين معاهم علشان اييبون كل شي ويجهزونه قبل الملجة.. والترتيبات كلها كانت قايمة ومن دون علم شهد لأن البنات حاجزينها فوق بغرفتها.. عشان يقنعون فيها ويزينونها.. أم خليفة توجهه كلامها لفهد : إلا بسألك فهد.. لو مأجل الملجة شوي على ما ترد أمك من عند خالتك مو أحسن..!! فهد : لاااااا يُمه.. أمي قالت لي سو كل شي بسرعة واهي تبي شهد تيي عندها في البيت بأسرع وقت.. وأنتي عارفتها وشلون متعلقه في شهد وايد وتحبها وتعزها.. وعلى قولتها إهي اللي بقت من ريحة المرحومة أمي نورة رحمة الله عليها..!! أم خليفة : الله يرحمها ويعل مثواها الينة آمين يارب العالمين.. إي بعد عمري بس كان ودي أمك تحضر الملجة وتفرح قلبها.. وفشلة ريل خالتك ماصار له فترة من توفى الله يرحمه واحنا مسوين ملجة..!! فهد : لاتحاتين يُمه.. أنا حتى خالتي كلمتها وخذيت منها الإذن والموافقه.. وأهي بروحها تستعيلني على الملجة.. وتبارك بعد.. أم خليفة : الله يسلمهم ويفرح قلوبهم.. ويمسح على قلب خالتك وبناتها بعد عمري.. وإن شاء الله نهاية الأحزان لهم يارب.. فهد يبوس أم خليفة على راسها : الله يسلمج يالغالية.. وأمي تقول دام أمك الثانية أم خليفة موجودة.. فهي الخير والبركة وتسد مكاني بالنسبة لك ولشهد.. وربي يخليج لنا يالغالية ويطولنا بعمرج.. أم خليفة تمسح دموعها وتلم فهد : ويخليكم لنا ياعيالي ولايحرمنا منكم.. وأشيل مع أمك عيالكم أنت وشهد في القريب العاجل يارب.. ويكونون توم مثل ماقالت منى.. ههههههههههههههههه.. فهد والإبتسامة شاقة حلجة من الفرحة : اللــــه.. ياحلات هالدعوة.. الله يسمع منج يالغالية.. وكثري من هالدعاوي لي ولشهد.. ربي يسلمج ويعافيج يُمه.. أم خليفة : هههههههههههههههه.. إن شاء الله وأنا أمك.. بتلحق على العيال وصيحتهم ولجتهم.. وربي يسعدك مع شهد ويتمم عليكم بالخير اللهم آمين.. فهد : اللهم آمين.. : : : : يــتــــــــــــــــبــــــــع | ||||
|
|
|
19-02-08, 03:12 PM
| #17 | ||||
| كاتبة في قسم قصص من وحي قلم الأعضاء
| منى والبنات خلصوا من مكياج شهد وتسريح شعرها.. وكانت....!!!!!!!!!!!!!!! طق طق طق.. منى وشهد ردوا مع بعض : منو..؟؟!! ( وضحكوا يميع ) : ههههههههههههههههه.. فهد الصغير كان يصارخ بطريقة مسرحية : عميمه شهوده حبيبتي.. هذا أنا حبيبج فهودي.. أقدر ادش عندج الغرفة وأشوفج..؟؟!! مريم افتحت طرف الباب لفهد الصغير.. بس فهود دز الباب بسرعة ومامهل مريم عشان توقفه.. ودخل سيده عند عمته شهد ومن شافها.. وقف جدامها مبهت ومبطل حلجه من الذهول..!! شهد بستغراب : فهودي شفيك ماما حبيبي واقف وامبلم جذي..؟؟!! فهود امبطل عيونه على وسعهم وفاتح حلجه مثل الأهبل : هـــــاااااا.. اللــــه.. مشاء اللـــــه عميمــــة شهـــودة اليوم صايرة حـلــوه.. تحفـــة.. ملكة جمـــــال.. وااااااايد حلوه أحلــى من إيشويريــا.. لااااااااا شنو إيشويريا تخسي تيي يمج أصلا ماكو وجهه للمقارنه بينكم..!! الكل : ههههههههههههههههههههههههههههههه.. منى : هــــييي.. انت يالجمبازي.. انا بعرف هالغزليات والحجي الحلو والمنمق من وين تييبه وكله لعمتك شهوده..؟؟!! فهود : لاااا لاااا والله العظيم عمتي منى انا أقول الصج.. عمتي شهـــد اليـــوم بتوقف قلب عمي فهـــد من حلاتها..!! والكل فقع من الضحك على كلام فهد الصغير والحقيقة اللي ذكرها بجمال عمته شهد.. فهي من غير مكياج.. آية في الجمال.. واليوم بعد ماحطتلها مشاعل مكياج خفيف جدا فقط لإخفاء اصفرار ويهها والهالات اللي تحت عيونهاً.. وحطت لها كحل بني خفيف وامزجته مع شدو بني غامق ولمسة من لون النحاسي المحمر والذهبي برز لون عيونها أكثر.. وصارت توقف قلب اللي يشوفها من جمالها ونعومتها.. وهذا بعد لمين الحين ماكملوا تزيينها.. والله يستر..!! فهد بعد ما فاق من ذهوله بجمال عمته وانبهاره فيها وبحسنها وجه كلامه لعمته منى : إإإإإإإإيــــــي صج عميمه منــــى.. نسيت أقولج عمي خالد وصل ومعاه الملا.. وهوه يبيج تحت ضروري.. قبل لايتممون الملجة..!! منى : ياسلام قاعدلي وامبلم اهني بويهه عمتك واتغزل فيها ولا أكبر عاشق..!! وتوك تتذكر عمك خالد يالهيــس الأربد..؟؟ قوم قوم قوم .. قوم جدامي الحين خل نروح ونشوف عمك شيَبِي مني..!! ونزلت منى مع فهد الصغير.. وتموا البنات مع عمتهم شهد فوق بالغرفة.. وطبعاً شهد كانت بعالم ثاني من الخوف والربكة بعد اللي سمعته من فهود.. بخصوص وصول خالد مع الملا.. يعني كلها ساعة زمان أو أقل وبتصير حرم فهد أحمد فهد الـ....... رسمياً وبعقد شرعي..!! آآآآآآه ه ه ياويل حالي.. وشبسوي الحين من أصير زوجته رسمي.. يعني لازم أحترمه واسمع كلامه.. وانطم بدون ماارادده.. الله يستر ياك الموت ياتارك الصلاة.. والله وطحتي ياشهد ومحد سما عليج.. وانا اليوم ماخليت فيه كلمه وماقلتها بحقه.. واهو قالها بس نملج بيقص لساني الطويل.. الله يستر.. الله يســــــتر ماني عارفه شبيصير بس ننفرد مع بعض.. إذا ماصار مذابح وتكفخ في بعض..!! ياويــل حالج ياشهـــد.. وياويلــج من فهـــــد.. اليوم بييب أجلج على طولت لسانج عليه.. يارب ساعدني ماني عارفه شراح اسوي.. ياحسرتــــــــــــــي.. : : أأأأأأأأأأأأوووووووهههههههههه.. وأنا ليش احاتــــيه من الحين..!! يعني اشبيسوي فينـــــي..؟؟!! وإذا اهوه لسانه طويل أنا لساني اطــول.. وبعدين اهو مايقدر يسويلي أي شي.. لأن أبوي وكل أخواني موجودين وحولي.. أصلاً إذا فيه خيــر خل يمد إيده علــي.. والله ياويـــله..!! وإذا عطاني أمر امعصي انفذه واصير له مثل الخدامه......... : : لاااااا.. والمشكلة دوم يقولي بروضج يالمتمردة...!!! : : لاحظوا البنات ارتباك وارتجاف شهد والصراع الداير في فكرها كله منعكس على عيونها.. فحبوا يطلعونها من المود اللي اهيه فيه وقاموا يلهونها بسوالف ثانية غير عن الملجة واجوائها.. لحد مايت منى ويابت معاها كيس كبير.. وطلعت اللي فيه وكان فستان جميل جداً بل روعة.. من القطيفه الناعمه يعطي عدة الوان من الأحمر الدارسيني ( الأحمر العودي.. بلون القرفة وهو مابين اللون الأحمر والبرتقالي المحمر الغامق ويميل على لون القرفة ) والبرتقالي الغامق والذهبي.. وبأكمام طويلة.. وفتحت الصدر ليست بالكبيرة ولكن ناعمة على حرف ال في بالإنجليزي.. وضيق عند الصدر ويتوسع بالتدريج إلى القدمين.. مع شريطة عريضة تحت خط الصدر بلون الأحمر الغامق.. ويقفل بزراير صغيرة من الخلف على طول الظهر.. وشال شيفون بطبقتين دبل فيس ناعم بنفس لون الشريطة.. أشترته منى لعلمها بميول شهد من بعد الحادث فهي دائما تضع الشال.. علشان تخفي عاهتها.. وجوتي ( حذاء ) ذهبي بكعب بسيط مو عالي لإن شهد ماشاء الله عليها طويلة وماهي محتاجة حق لبس الكعب العالي.. ولبست شهد الفساتان بالحمام وطلعت عشان يسكرونه لها.. وقاموا البنات يزررونلها ايها.. وكملوا لها تسريح شعرها.. وارفعوا لها اياه فقط من الجوانب لفوق.. وحطوا فيه شرايط حمرة وذهبية من نفس لون الفستان.. وخيوط كريستالية بلون الذهبي ركبولها اياه على خصل بسيطة جداً عشان يعطي لمعة جميلة بس تسلط عليه الإضاءة.. وتركوا بقية شعرها مفلول وملفلف على نهاية تدرجاته مثل ماتحبه شهد.. ويتحرك على حريته.. ومن خلصت من اللبس والتزيين.. قاموا البنات يقرون المعوذات عليها ويرقونها.. لإنها ما شاء الله كأنها من حور الجنان..!! منى وهي تمسح دموعها : ماشاء الله وتبارك الله.. ربي يحفظج ويسعدج ويتمم عليج آمين يارب العالمين.. مشاعل ونورة : ألف الصـلاة والسـلام عليـك ياحبيـب الله محمـد.. كوولولولولولولولوووووووشششششششششششش.. : : وبعد صلاة العشاء واللي صلوها جماعة كالمعتاد بالمزرعة بالخيمة المنصوبه.. تمت الملجة وكان بوخليفة اهو وكيل العروس وأبوها والفرحة باينه بعيونه بإتمام هذا الرابط.. وفهد كان بدنيا ثانية غير وكأنه عايش حلم مو حقيقة.. لدرجة من شافه طلال بهالحال قام وطقه بخفه على إيده ويضحك عليه.. وكأنه ينبهه بأن هذا الشي حقيقة مو حلم أو خيال.. وصل الخبر للحريم بالصالة عن اتمام الملجة وقاموا يسلمون ويباركون.. ويببون ( يلولشون ، يغطرفون، يزغرطوا ).. اسمعوا شهد والبنات صوت اليباب اللي ياي من الصالة اللي تحت.. واعرفوا إن الملجة تمت على خير.. سلموا على شهد وباركوا لها وباسوها.. وشهد حست بالدنيا اظلمت والهواء من حولها وقف.. وخلاص تم تنفيذ الحكم عليها.. واهي الحين زوجة فهد رسمياً والخوف سيطر على قلبها وزادت رعشة إيدها.. وحاولت إنها تداري عن البنات رعشتها وخوفها وتبين إنها طبيعية بس هم كان واضح عليها الخوف والربكة.. وهني قلب شهد قام يطق اطبول من الخوف.. بعد ماخلصوا من تزيينها ولبسوا البنات ملابسهم وكملوا تزيين بعضهم البعض.. نزلوا تحت بالصالة الكبيرة.. وكانوا مجهزين شريط زفة العروس وحاطينة بالاستيريو.. وعطوا خبر لمنى عشان تنزل شهد.. ونزلت شهد ومعاها منى ومريم.. وماكانت شهد تدري إن الرياييل دشوا الصالة ومعاهم فهد وكانوا منتظرينها عشان يزفونها لزوجها.. ومن انزلت شهد الدري قاموا الحريم يهللون وييببون.. ومن وصلوا لآخر الدري بوخليفة يا صوب شهد لمها وباسها على راسها.. وكل هذا شهد ليمن الحين مومستوعبة باللي يصير حوالينها من الخوف والربكه.. وشوي اشوي قاموا أخوانها يسلمون عليها ويباركون لها.. واهي مبطله عيونها وتطالع اللي حولها بدون تركيز.. وخذاها أخوها خليفة آخر واحد لمها وباسها على راسها.. ومشاها لين الكوشة الصغيرة اللي مسوينها مفاجئة لها.. وكان فهد واقف ينطرها وعيونه مافارقتها من جمالها.. حتى اهو ماشاء الله كان قمه بالوسامة والجمال.. وبس اوقفت عند الكوشة اهني باسها بوحمد على يبهتها قالها بوحمد : الله يتمم عليكم بالسعادة.. ( وكمل لف على فهد وهو يسلمه إيد شهد ويبارك ويقول ) : الله يبارك لكم وعليكم ويتمم عليكم بالخير والفرح إن شاء الله.. وهالله هالله ببنتي يافهد وماأوصيك عليها..!! فهد وهو يمد ايده ويمسك إيد شهد.. ويقربها منه ويبوسها على جبهتها.. ويقول لها : مبروك شهوده.. ( ويرد على بوحمد ) : لاتوصيني على قلبي وأنت عارف شنو شهد عندي.. أهني شهد بدت تستوعب الموقف اللي أهي فيه.. وزادت رجفتها.. وقبل لاتقعد يم فهد يتها أم خليفة ولمتها واهي تبجي وتبوسها وتدعي لها بالخير والسعادة.. وبعدها اقعدت شهد واهي مذهوله باللي تشوفه.. صج إنها حفلة عائلية ملمومة ومقتصرة على المقربين فقط.. بس الكل كان متبدل ولابس ملابس الحفلات.. والديكورات والزينة والكوشة والورود كل هالأشياء غيرت بالمكان.. وحتى تصوير يايبين مصورة تصورهم.. متى صار هذا كله..!! ومنوا اللي سوى هذا الشي وخطط له..!! وكانوا مشغلين الاستيريو وأغاني الأعراس تصدح بالمكان واليهال اللي بالرقص يبرع.. واللي ينقز من الفرحة يشطح ويطلع.. واللي مهيص وعلى غنائه ومواويله يبرع.. واللي نايم بحضن أمه ولام نفسه ومن ايدها ياخذ الحليب ويرضع..!! شهد كانت ضايعة مع هالمعمعة والزيطة والزمبليطة.. ومااستوعبت إن ايدها بإيد فهد من أول ماقعدت يمه وعلى يمينه.. إلاااا لما فهد ضغط على إيدها عشان يهديها ويوقف ارتجافها ويدفيها لها لأنها كانت باردة مثل الثلج.. اهني استوعبت وشافته عدل وهوه قاعد يمها ويبتسم لها.. واستوعبت ريحة البخور والعود اللي تفوح منه.. وصاحب البسمة المغرور وبالبشت ملفف وبالغترة والعقال طالع حلو ومزيون.. ويناظرها ويكلمها واهي ماردت عليه بأي كلمة.. لأنها حاسة بإنها ضايعة وتايهة.. وكأنها في احتفالات المولد بمصر..!! وشلون اللي يمشي هناك بالمولد ويحس بإنه بدنيا ثانية غير دنيته وضايع فيها................!!!!!!!!!!!!!!!!!! شهد بالتفكير ماكانت معاهم.. بس كانت تسمع اللي ينقال من حولها ولكن بدون تركيز.. وليش ماهي عارفة....!!!!!!! : : : الف الصلاة والسلام عليك ياحبيب الله محمد كلولولوللولولوووولوشششششششش كولولولولولووولولوولشششششششششششششششششششششششش كولولللوولووولولللووولولولولولولوولولولولولوولشششش ششششششششششششششششش : : : فهد هاك امسك إيد شهد ولبسها الشبكة..!! وشافت نفسها مرة وحده قريبه من وجهه فهد وكان يلبسها العقد.. وشفايفه لازقه باذنها ويقول لها بصوت المتشكك : شهوده حبيبتي.. اشفيــــــج أنتي بخير..؟؟..!! ....................... ..................... ....................... شتحسين فيه..؟؟..!! ....................... ..................... ........................... علام ويهج صاير اصفر..؟؟..!! ............................. .............................. .............................. شهد انتي معاي ركزي باللي أقوله..؟؟..!! ............................... ............................... ................................ شهوده علامج حبيبتي..؟؟..!! ............................ ............................ ............................ شربي شويت عصير..؟؟..!! .................................. .................................. ..................................... شهد.. شهــــد.. شهــــــــــد ..................................... ............................... فـــــــــــــــهـــــــــــد الـــحـــــــــــــــــق علــــــــــى شــــــــــهــــــــــــــــد شفيهــــــــــــــــــــــا..!!!!!!!!!! : : : : واظلمت الدنيا من عقبها وصار سكون وهدوء وماكو أي صوت : : : : : : : : : : : : ويـــــــــــــــاي شللي صار وأنا ويني فيه..!! وين أمي وأبوي..؟؟ وين أخواني وأهلي..؟؟!!!! ليــــــــش مطفين الليتات..؟؟!! وينكــــــــــــــم لاتهدوني بروحي انا خايفة من هالظلام..!!!!!! : : شسالفة.. أنا ماني فاهمه أي شي..!! وين هالمكان اللي أنا فيه..!! : : اووووووه... هذا مشاري أخــــــــــــــــــــــوي..!! مشـــــــــــــــــــاري.. مشـــــــــــــــاري يأخوي..!! مشـــاري وقف أنطرني لاتروح عني..!!! مشــــاري اسمعنـــي ياخوي اصبر شوي خلني الحق عليك.. لاتركض امشي بالعدال عشان اقدر اوصلك..!! : : ليــــــــش يامشــــاري تهدني وتخليني بروحي..!! الله يخليك ودني لأمي نورة أبي أشوفها مشاتقه لها موت..!! لااا.. لااا.. لاااااا.. لاااا الله يخليك يامشاري لا تتخلى عني خلك يمي.. أنا محتاجة لك موت..!!! هناك.. هناك صوب النور كل من يحاربني..!! وكل من يجبرني..!!!! وكلهم تخلوا عني...!!! لاااا يمشاري انا ماني قوية نفس قبل انا مكسوره.... انا مقهــــــوره.... انا حتى البسمة من شفاتي محرومه..!!! انا يتيمة بدنيتي... ضاعت.. ضاعت مني احلامي بغربتي..!! باعوني يامشاري وقطعوني..!!! باقوا مني ايدي....!!!! ويبون يبوقون مني حتى عيوني..!! مشاري انا حاسه ان قلبي قريب بيوقف وهم راح ياخذونه مني..!! الله يخليك خذني وياك.. لاتهدني عند الوحوش.. القصابين بكل مكان يلاحقوني.. كل واحد بإيدينه ساطور وسجين ( سكينة ) ويقطع من جسمي ويسلبوني...!!! لاااااااااااااااااا.. لاتروح وخلك يمي...!! حتى الهوى أحرموه مني......!! خذني لأمي خذني باحضانك ولمني..!! احميني من اللي قسى علي ومارحمني.. لاتتركني لحظة بهالزمن..!! هالزمن قاسي وكلن يقول يالله نفسي وهمي..!! وانا ياخوي نفسي عزيزة ماأرضى باللي يهيني ويظلمني..!! : : : : : : : : : : : : : : : : طووووووووووووووووووووووووووططططططططط شتـــوقعـــون باللـــي صـــــــار.........؟؟ لاتحرموني من تواصلكم وردوكم الغالية كل الشوق والمحبة والتقدير للجميع أختكم المحبة عذبة التجريح | ||||
|
|
|
24-02-08, 10:25 PM
| #18 | ||||||||||
| مراقب عام ومشرف منتدى قصص من وحي الأعضاء وكاتب في قسم وحي الاعضاء  
| يا مال العافية عذبة ......... أسلوب سلس و أفكار مترابطة معليش اغش لأني قريت البارت اللي بعده في مكان ثاني ..........ههههههههه نتظرك لا تتأخرين علينا بنشوف وش تسوي القطوة مع العتوي ههههههههههههههه | ||||||||||
|
|
|
27-02-08, 01:13 AM
| #19 | |||||
| كاتبة في قسم قصص من وحي قلم الأعضاء
| اقتباس:
أهلاً وسهلاً ومليون مرحباً بأخي الأمير سعود ...... ههههههههههههههه والله مادريت إن الأساتذة يغشون.. خبري بس الطلبة اللي يحاولون على البراشيم والغش.. مرورك فخر لي وعلى راسي ياسعود ياخوي ومسموح لك بكل شي بالغش واللي تبي بس حط بالك لأن القطوة والعتوي بينتفونك إذا دروا..!!! ههههههههههههه وإن شاء الله من الثلاثاء القادم ماراح يصير فيه غش لأني راح أكون متواصلة مع بقية المنتديات ومتعادلة في تنزيل البارتات الجديدة خالص مودتي وتقديري لك أخي العزيز أختك ومحبتك في الله عذبة التجريح  | |||||
|
|
|
27-02-08, 01:20 AM
| #20 | ||||
| كاتبة في قسم قصص من وحي قلم الأعضاء
| الجزء السـ 7 ـابع : : : : طوووووووووووووووووووووووطططططططططططط صوت قوي يصر بأذني.. أبي هوا.. آآآآه ه ه.. ماأقدر أتنفس.. يالله ماني قادره أتحرك.. قلبي يسرع بنبضاته.. ماكو نفس أنقطع أبي هواااا.......................... ظلاااااااااااااااااااام.. آآآآآآآآه ه ه ه ه ه.......... فهد يصرخ : عبدالله أركض ييب الجنطة من داري بسرعة.. بو خليفة : فهد طمني عليها ياولدي.. اشفيها شهد..؟؟ فهد بعد مارمى بشته.. وهو يشيل شهد وينقلها لغرفتها فوق : مافيها إلا العافية يُبه.. بس الظاهر داخت من الحر والقته.. وصار عندها نقص بالأكسجين راح انقلها فوق احسن لها وترتاح وتصير ابخير.. وطلع ركض على الدري واهوه شايل شهد بين ايده ينقلها عن الخنقة والقته اللي تحت لغرفتها ويصرخ على منى : منى تعالي معاي بسرعة.. اسرعت منى تركض مع فهد لغرفة شهد ونزلها فهد على السجادة المفروشة على أرض الغرفة.. وبدى يفحصها ويقول لمنى تهوي الغرفة وتفتح شباك لتهويتها وعطاه عبدالله جنطة المعدات الطبية.. وطلع من الغرفة وصك الباب وراه.. وقام فهد يفحص شهد.. لين لاحظ تنفسها كل ماله ويقل.. فقام رفعها اشوي ويفتح لها زراير الفستان ويحاول يفك كل شي ضاغط على صدرها.. وحاول يصحيها يربت على خدها.. وحط لها محلول نفاذ على قطعة من القطن وخلاها تستنشقه.. وصحت بس مو بالكامل وكانت تطلع همهمات من شفايفها.. وحاول فهد يرفع راسها ويصحيها.. وهو يسأل منى : متى آخر مره كلت..؟؟ منى بارتباك : والله ماادري يافهد.. بس اليوم لاحظتها ماكلت ولاشي من الصبح..!! فهد : منى يبيلي عصير أو أي شي فيه شكر ( سكر ) وحالي بس بسرعة يرحم والديج.. منى انزلت وثواني كانت عند فهد وعطته العصير.. فهد رفع راس شهد وركزها على صدره بعد ما صحت وسند جسمها بيد اليسار.. وبدأ يكلمها ويحاول يخليها واعية ويسكب العصير اشوي اشوي بفمها علشان ماتشرق وتختنق.. لين شربها العصير كله.. وتموا على هالحال ثلث ساعة على ما استفاقت وصحصحت اشوي.. بس مازالت مغمضه عيونها وتشعر بالضعف العام.. ورد فهد يفحصها ومن تطمن عليها قام ورفعها لسريرها وغطاها.. وتم قاعد عندها على يمينها بالسرير يم راسها.. فهد : منى اهي الحين بخير نزلي تحت وطمني عمي وأمي طيبة عليها.. وييبي لها أي شي تاكله.. هالعصلة بتطلع لنا قرون على مانوكلها.. منى بعد ماهدت نفسيتها وتطمنت على اختها : ههههههههه.. حرام عليك يافهد اهيه مومتعمدة هالشي بس الضغوط صارت وايد عليها بآخر فترة.. وانت عارف هالشي..!! فهد : إيـــــــه.. عارف والله.. والله يستر من هالعناد والراس اليابس.. الله يعين.... وأشر لمنى عشان تاخذ جنطته الطبية وتطلعها برى الغرفة عشان ماتشوفها شهد ليمن تصحى وتوعى عدل.. منى شالت جنطة الفحص مالت فهد وقالت : بروح أطمنهم وأييب لكم الأكل.. يافرحة ماتمت تلقاهم الحين كلهم امبلمين وضايقه فيهم الوسيعة من اللي صار.. فهد : لااااااا.. طمنيهم كلها ساعة زمان وترد قطوتي مثل ماكانت.. شهد واهيه مغمضة وبصوت واطي وتعبان قريب من الهمس : ماني قطوة يالعتوي..!! منى وفهد : ههههههههههههههههههههه.. فهد بستهزاء : مكســـورة وتبرد.. هههههههههههههه.. نزلت منى وهيه تضحك على تعليق فهد.. وراحت تطمن والدينها والبقية تحت.. وتييب الأكل للمعاريس فوق.. بس قلب أم خليفة مايتطمن ليمن تشوف بنتها بعينها.. واصعدت لها فوق مع ام حمد وام ناصر وام ضاري.. طق طق طق.. فهد لف راسه عالباب : حياج يُمه تفضلي.. دشوا وسلموا على فهد ورد السلام.. أم خليفة تروح وتقعد على يسار شهد عند راسها من الجهه الثانية وتمسح عليه.. ودموعها تنزل ماوقفت من الخوف عليها : اسم الله عليج يابنتي.. عين وماصلت على النبي.. فهد : هههههههههههه.. أي عين ماصلت على النبي يُمه.. الله يهديج.. قولي بطن مادخله الزاد من أيام..!! أم ناصر : هَــوْوو ليش اليوم ماكلت شي....؟ فهد : ياام ناصر العروس صارلها فترة طويلة مو ماكله شي.. والظاهر صار لها أكثر من 48 ساعة ماكلت فيها أي شي وهذي مو أول مرة.. فعلشان جذي صار معاها هبوط وضعف عام.. وزاد عليه القتة اللي صارت تحت مع دخنت البخور والأزعاج.. بس الحين بتقوم وبتاكل وترد لنا أحسن من الأول إن شاء الله.. الجميع : إن شاء الله..!! أم حمد مسكت إيد شهد وشافتها باردة مثل الثلج وقالت مستهمة عليها : إيدها باردة وايد ومثلجة.. ليش فاتحين الدريشة..؟؟ فهد : لأن صار معاها نقص بالأكسجين.. عشان جذي نقلتها اهني فوق وفتحنا الدريشة علشان نجدد الهوا لها.. بس الحين عادي سكروه وأهيه بخير ولله الحمد.. الجميع : اللهم لك الحمد.. والحمد الله على سلامتها.. فهد : الله يسلمكم من الشر.. أم خليفة واهيه تمسح على راس شهد : شهد.. يُمه تسمعيني..؟؟..!! شهد امغمضة وبصوت واطي وتعبان : إيه يُمه اسمعج.. ولاتحاتين أنا بخير والحمد لله.. أم خليفة : الحين منى بتييب لكم الأكل وأكلي عدل يُمه.. قلبي ماراح يتطمن لين أشوفج بخير وعافية إن شاء الله..!! شهد افتحت عيونها شوي.. وفهد قلبه اترجف من شاف عيونها وقالت بصوت خفيف : إن شاء الله يُمه.. لاتحاتين وانا بخير الحين وبس اصير أحسن بنزل لكم تحت.. وانتي تطمني يابعد عمري.. انا مافيني إلا العافية.. وطمني ابوي بعد الله يخليج..!! أم خليفة : إن شاء الله.. ماتبيين أسويلج شي..؟؟ شهد : لايُمه مشكوره.. لاتعبين حالج كل شي ابيه موجود عندي.. فهد : تطمني يُمه.. واهي بعد اشوي بتنزل لكم.. ولا بتغني وترقص بعد.. الجميع : ههههههههههههههههههههههههههههه.. ونزلوا تحت وتركوا شهد بروحها مع فهد بالغرفة.. وبعد ثواني وصّلوا لهم الأكل.. واتركوهم مع بعض بالغرفة.. فهد بصوت ناعم بس بأمر صارم : يالله قومي أكلي لج لقمة.. والا تبيني انا أوكلج...؟؟؟؟؟ شهد : لاااا مشكور أنت اطلع وانا باكل بروحي..!! فهد ومسوي روحه معصب : اطلــع...؟؟!! وين تبني اطلع..؟؟!! أنا طلعه من اهني مافي لين تاكلين كل اللي بالصحن جدامي.. شهد وهيه تحاول ترفع نفسها.. واكتشفت إن فستانها مرتخي من فوق لأنه مفتوح الزراير وحتى الحمالة.. واهني صار ويهها يتلون بجميع الألوان من الخجل.. وردت تغطت وهي تقول بصوت واطي : أنزين اطلع بغير ملابسي..!! فهد وهو ليمن الحين قريب من راسها وابتسامة ماكرة على وجهه : غيريهم في حد ماسكج..!! واذا تبين مساعده انا بالخدمه اعين واعاون..؟؟ شهد انحرجت ويهها صار أحمر من الحيا : لاااا مشكور.. مو محتاجه لك والله لايعوزني لك بأي شي.. بس أبي منى أختي تييني وتعاوني..!! فهد بصوت ناعم : الحين انا زوجج يمج.. وتطلبين منى واهيه بآخر الدنيا.. ولا بعد يمكن مشغوله مع ريلها وعيالها..!! شهد بتمرد وعصبية خفيفة : أأأأأأأوووووووفففففففففففف.. واشلون عيل ابتطلع والا ماني ماكله شي..!! فهد بتحدي وبصوت ثابت واهوه يرفعها عشان يعدل قعدتها : لااا.. ماني طالع وبتاكلين غصبن عليج.. وحتى ثيابج انا بغيرهم لج.. اشهقت شهد من الخوف : انزين انا باكل بس مابي اغير ثيابي..!! فهد والأبتسامة على طرف شفايفة : لاتستحين مني تراني شايف اكثر من ماامخبي.. ولاتنسين اني دكـتـ.........(( وعض على لسانه قبل لايزل ويكشف نفسه ويخبرها بأنه دكتور ))..!!! شهد واهي تنزل عينها من الحيا : اشفيك سكت وعضيت على لسانك.. اشكنت بتقول..؟؟!!! فهد حاول يخلي صوته طبيعي عشان ماتكشفه : سلامتج بس ماحبيت اكمل علشان ماتنحرجين .. ويالله اكلي جدامي بسرعة قبل ماأهون وأنفذ اللي براسي..!! شهد ارفعت راسها تطالع بويهه وتقول بعصبية : وشنوا اللي براسك الفاضي غير العقد والغرور..!! فهد : ههههههههههه.. هذي أولها ولسان طويل.. أقول كملي الصحن اللي بحضنج دام النفس عليج طيبة.. (( وبنظره ماكرة وهو يدنق عليها )) وإلا ترى اهون.. وماأخليج تنزلين تحت.. هــا شرايــج..؟؟..!! شهد وجهها تقلب امية لون من الأحراج.. ونزلت راسها بالصحن اللي بحضنها واقعدت تاكل واهي ساكته من الخوفففففففففففف.. وكل دقيقة تحاول تثبت فستانها الراخي على كتوفها علشان مايطيح.. وماكانت مرتاحة لأنها تخاف يطيح وتنكشف جدام فهد.. ويشوف التشوهات اللي بجسمها من أثر العمليات.. وبعدت الصحن عنها بعد ماكلت الشي القليل جدا.. وفهد شافها تبعد الصحن وتحطه على جنب وعصب عليها : ليش ماتاكلين..؟؟..!! شهد : بسي شبعت والحمد لله..!! فهد بعصبية : وبعدين وياج يعني ناوية تطيحين علينا مرة ثانية..!! وتخبيصين قلوبهم تحت..؟؟ شهد وهيه امبطلة عيونها على وسعها.. وعاقده حواجبها.. وكأنها طفلة مذنبه : والله العظيم شبعت.. وماأقدر آكل اكثر من جذيه..!! فهد وقلبه مو مستحمل سحر عيونها وبرائتها فخفف من نبرته وقال : حاولي تاكلين بعد شوية.. والا تبيني انا اللي اوكلج..؟؟.... ترى ماعندي مانع..!! شهد بعناد وتمرد : ماني ماكله أكثر.. والأكل هذا مايعجبني..!! فهد : يعني شتبين اييبونلج مع المعجنات..!! ( ورجع لنبرة الأستهزاء ) : تبين معبوج..؟؟ شهد ماردت عليه وطنشته ولتف ويهها الصوب الثاني.. فهد عصب عليها : اذا ماتبين تصيرين مرة سنعة وبمخ كبير.. بعاملج معاملة اليهال..!! شهد وبدا دمها يفور : والله انا اسنع منك ومخي اكبر من مخك.. ومحد ياهل غيـ..... فهد مسكها من ذقنها وفره صوبه وناظرها بنظره تهديد : الظاهر انتي ماتيين إلا بالقوة.. وتبيني اقص لسانج الطويل الحين.. ونزل راسه وقرب وجهه منها بمحاولة تلقينها الطاعة والأستسلام والخضوع.. ومن شاف نظرتها الخايفة ورجفتها حول مسار راسه وشفايفه ليبهتها.. وطبع على يبهتها قبلة عميقة وكأنه ينفس عن غضبه فيها ويفرغ كل طاقته..!! رفع راسه من على يبهتها ومسكها من كتوفها عشان بيوقفها بكل حزم بمحاولة السيطرة على عواطفه : قومي خليني اصكك زراير نفنوفج ( فستانك ).. وننزل تحت وعقب بتاكلين اللي تبينه.. ( وكمل بنبرت تهديد ) : وان ما اكلتي ياشهود ترى والله ماتلومين الا نفسج..!! شهد تجمدت ورفضت الوقوف بكل ذهول وخوف من فهد انه ينفذ تهديده فيها وقالت : انزين ناد لي منى واهي تساعدني عشان ارتب نفسي..!! فهد وبكل صرامه : قلت لج انا اللي بساعدج.. ومنى ماني بمناديها.. وسحب شهد ووقفها على طولها وفرها عشان يصك لها كل اللي بطله ويزرر لها النفنوف اللي فتحهم يوم اغمى عليها.. وشهد تخشبت من الأحراج والحيا والخوف.. وبعد ماخلص فهد من تزرير نفنوفها.. لف جسمها ناحيته حتى تواجهه ويرتب لها شعرها.. اللي ياما حلم انه يمسح عليه ويخلل اصابع إيده فيه على طوله.. ولما شافها موطيه راسها خايفة ومستحية من مواجهته.. قام لمها على صدره.. ومسح على راسها بمحاولة انه يهديها ويبثها الحنان والأمان ويقولها بصوت واطي : لاتفكرين في يوم اني اقدر أأذيج.. أو أضرج بأي شي.. أنتي لنفسي أقرب لي من روحي وقلبي ياشهد.. واليوم زار عقلي لما شفتج طايحة مثل الخرجة ( الخرقة، قطعة قماش ) بين ايديني وما تتنفسين.. أرجوج شهد ابيج توثقين فيني.. لأني أبي لج الخير وأبيج تكونين بصحة وعافية.. وأبي أسعدج وأكون وياج سعيد طول العمر.. وسكت شوي وكمل بصوت واطي وبتمهل : ...................... وأبي أكوََن عايلة معاج ونشكلها مثل مانبي.......!! طق طق طق طقق.. قطع فهد كلامه على صوت القرع على الباب.. وهو يرفع راس شهد من على صدره ويقبل جبينها بكل خفه ونعومه.. ويقول : الجيش شكله وصل وناطر بره.. ولازم ننزل تحت.. وراح انكمل كلامنا عقب.......!! طق طق طققققققققق.. فهد راح يفتح الباب واهوه يتأفف.. إلا طلال بويهه ورافع حواجبه علامة السؤال.. ويحرك راسه وكأنه يسأله بس بالحركة بمعنى اشفيك..!! فهد رد عليه بنرفزه : أأأأأووووووووفففففففففف.. نعـــم..!! يعني ماتخلي الواحد ياخذ حريته مع مرته..؟؟..!! طلال ومازال على نفس التعبير المضحك على وجهه : بسك ماشبعت..!! صارلك ساعتين ويا شهد وماطمنتنا عليها..!! فهد : ليش أمي طيبة ماطمنتكم عليها..!! وإلا لازم تبون تطمنون بالصوت والصورة..؟؟!! طلال : أقول موجنه عطيناك وجهه وايد.. يالله اشوف روح ناد شهودة وانزلوا تحت أبوي يبيكم.. فهد بنرفزه : مووو المشكلة محد مأخرنا غير هالشهودة.. سنة على ماتاكل لها لقمة..!! بالزور والمحايل مثل اليهال.. ولا بعد بالتهديد كلت لها بس لقمتين..!! طلال : ههههههههههههههههههههههه.. الحين بتاكلها عدل يافهد.. وبتصير بصراع انت وياها على هالأكل.. فهد : انا بعرف..!! في وحده حتى مع الماي تبي معبوج..!! طلال : هههههههههههههههههههههههههههههههههههههههههههههههههه ههههههه وينج ياشهود تعالي سمعي ريلج شيقول عنج..!! ههههههههههههههههههه.. شهد بعد ماعدلت وتشيكت على شكلها بالمنظرة.. واهي تطل من ورى ظهر فهد لإنه وايد طويل : إيــــــه.. قعدوا وتطنزوا علي.. بس براويكم الحين عند أبوي..!! وحاولت شهد إنها تعديهم وتنزل تحت.. بس فهد مسكها من خاصرتها وهو يغمز لطلال : ها شرايك نتغدى فيها قبل لاتتعشى فينا..؟؟..!! طلال : ههههههههههههه.. والله لو تسوي المستحيل.. ابوي راح يوقف بصفها ومايصدقنا هذه شهد يافهد.. هذي دلوعة ابوها واخوانها الكبار.. وحتى خالد دوم صاف وياها ومايرضى عليها.. ناسي قبل اشكثر خذينا الزف من تحت راسها.. فهد وابتسامة على ويهه : أقول شرايك الحين ناخذ بثارنا منها..!! طلال غمز لفهد يعني يلله موافق.. شهد حست بالخطر منهم ومن انتقامهم منها.. حاولت تنحاش وبتنزل الدري بس فهد كان أسرع منها ومسكها من خصرها مرة ثانية وكان يضحك بصوت عالي مع طلال.. ونزلوا تحت مع بعض وهم يضحكون.. وفهد مازالت ايده محاوطة بخصر شهد ماتركها.. ليمن اوصلوا تحت لآخر الدري وراحت شهد فكت نفسها من بين إيد فهد الفولاذية وبسرعة راحت عند ابوها واقعدت بين ابوها وأخوها وبوحمد وكأنها أميرة مدللة بينهم..!! بوخليفة واهو يلم بنته ويبوسها على راسها ويقول : ها اشلونج الحين يُبه..؟؟ عساج بخير..!! شهد : الحمد لله انا بخير دامك بخير يابعد عمري.. بوحمد : بصراحة تصببت عظامنا من الخرعة عليج.. وماتسوى عليج حبيبتي كل هذا من قل الأكل الله يهديج..!! فهد : وانت عبالك كلت شي اهيه الحين.. كلت لها لقمة صغيرة وقامت تقول الحمد لله شبعت.. والله حتى الطير لو ياكل قد اكلها بيحوشه جفاف وتيبس ( تجف ، تنشف ) مصارينه من اليوع..!! بوحمد : وليش ماكلتي يُبه..؟؟..!! شهد واهيه منحرجه : ماعليك منه اهو قام يبالغ وايد بالحجي.. انا كليت على قد معدتي ولله الحمد..!! فهد : اللي يسمع معدتها يقول الله وأكبر.. حتى معدة بنات ناصر أكبر من معدتها.. وضحك الجميع على رد فهد ماعدا شهد واللي كانت بعالم ثاني من التفكير بوضعها الجديد وآخر التطورات اللي احصلت لها.. واهي الحين زوجة فهد رسمياً.. يعني مافي أي مجال للتراجع والرفض..!! شهد وتوجه الكلام لأبوها وأخوانها الكبار : عن اذنكم بروح عند الحريم.. بشوف أمي طيبة.. بوخليفة : الله معاج حبيبتي.. وراحت شهد عند مجلس الحريم والأطفال.. وهناك كان الوضع شي ثاني يوم شافوها.. الكل قام وسلم عليها وقعدوها وقامت الأغاني والرقص من بعد ردت شهد بخير عليهم.. واسهرت العائلة متيمعة على الضحكة والفرحة.. حتى تعبوا وكلن راح لغرفته.. فهد ماسك شهد من خصرها ولامها.. وشهد والنوم يغلب على جفونها واهيه سانده راسها على صدر فهد.. مو محبة ولا خضوع لاااااااااااا.. بس ليش إنها تعبانه من الأحداث السريعة.. ويكفي إنها مونايمة صار لها جيمن يوم.. وهم مالها خلق اتناجر أو تعارض فهد بأي شي.. وكان ماخذها وموديها غرفتها عشان تنام وتستريح.. وعند الباب وقف وباس جبينها وكان بيطلع بس تذكر إنه الفستان ماراح تقدر تبدله لأن الزراير من الخلف.. ( اشفيكم لاتفهمونه غلط.. اهو يبي يساعدها فقط ).. وقبل لاتدخل شهد مسكها فهد ودخلها داخل الغرفة وصك الباب وراه.. واهني شهد افتحت عيونها من الخرعة حتى النوم طار من عينها.. وتقوله : نعم فيه شي..؟؟..!! فهد والبسمة على شفاته الماكره وبكل نعومة رد عليها : إيـه فيه.. وبدون أي مقدمات وكلام زيادة سحبها ولف جسمها.. وشهد خافت وماقدرت تقاوم.. ورفع شعرها الحريري المتمرد على كتفها.. وبدأ يفك الزراير لفستانها إلى أن وصل لنصف الظهرها.. وأهني شهد مدت يدها لظهرها محاوله بتوقيف فهد عند هالنقطة ولا يكثر..!! فهد والإبتسامة شاقة حلجة من إحرجه لشهد.. وكلمها بنعومه وبرائه مصطنعه : اشفيج خليني اكمل ليلحين في زراير وايد.. وماراح تقدرين تبطلينهم..!! شهد وصوت تنفسها بدا يعلى من الخوف والإحرج : لاااا.. لاااا أقدر مشكور وماقصرت.. فهد حب يلعوزها اشوي : انزين خليني أشوف تقدرين وإلاااااااا لااااااء..!! شهد وويهها صار بلون الدم من الإحراج واهيه تواجهه : لااا.. لااا أقدر ومافي داعي تكمل.. (( وراحت عند الباب وافتحته )) لو سمحت اطلع بره أنا تعبانة وبنام..!! قمت ( كبت ) فهد الضحكة اللي كانت بقلبه من منظر شهد وخوفها منه.. ومشى بتكاسل ووقف عند الباب ومواجها.. ودنق راسه علشان يصير قريب من مستوى راسها.. وقال بصوت ناعم امبطن بالمكر : على فكرة.. ترى عندي إذن من عمي وورقه شرعية تثبت امكانيتي المبيت اهني ومن الليلة.. بس ذوقاً مني راح أخليج ترتاحين.. وبعد أسبوعين مالج أي أمل تطرديني من الغرفة اللي تكونين فيها.. سمعتني يالقطوة..؟؟ شهد ماردت عليه ولفت ويهها للناحية الثانية.. واستغل فهد الفرصة ودنق عليها وباسها على خدها بخفه.. وطلع بره الغرفة واهو يضحك على منظر شهد.. وبنفس الوقت فرحان ومو مصدق نفسه إذا كان بحلم وإلا بعلم.. وقهقه بالضحك لما سمع باب غرفتها ينصفق بكل قوة تعبير عن غضبها واعتراضها.....................!!! وعــدى الليــــــــــــل عـــــلى مهــــله : : : : يــتــبـــــــــــــــــــع | ||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
