20-06-08, 06:53 AM
| #153 | ||||
| كاتبة وناقدة في قسم قصص من وحي الأعضاء 
|  (الفصل الخامس عشر) محتاره وش تلبس كانت تتأفف وهي تحذف الاثياب يمين ويسار اقعدت على طرف السرير وحطت راسها بين كفوفها اطلعت بسرعه على الصاله لقت امها قاعده مع سلمان بتقهون اقعدت احذا امها بهدوء ساكته امها"خير يا بعد قلبي وش فيج شمايل"ما فيني شي يومه بس محتاره وش البس امها"ههههههههه من صجج يوم بتروحين بيت رفيجتج ما احترتي وش بتلبسين بس الحين يوم بتروحين عند رجلج احترتي شمايل بعصبيه"انا بروح بيت عمي ومو رايحه حق رجلي هذا الي ناقص بعد امها بهدوء وحكمه"مردج رايحتله برجلج وبتعنين عشانه وبتلاقين عناج عشانه يسوى الدنيا وما فيها من غلاه عندج قامت واقفه"اشك اني في يوم بيصير لي مثل ما تقولين وش الفايده الكلام ضايع ولين فات الفوت ما ينفع الصوت امها بعتب"بنتي ليه تعذبين عمرج ليه ماتخلين الوقت و العشره تبين لج حقيقه الحياه وان كلام امج صح ضلت ساكته تناظر امها كلام امها فيه الكثير من الصح بس هي راح تقدر تعطيه من روحها راح تقدر تغفر وتنسى يا ترى هذا الخفوق الي ينبظ له ويكذبها بيخونها وبيعلن عن كل اسراره وبيفتح بابه للي استعمره عمر ما تدري وش الي كاتبه رب العباد وما تدري هي كيف بيكون تعاملها معاه اتركتهم بدون ولا كلمه و ارجعت الغرفه ورفعت فستان ابيض ناعم وفيه سيور ورديه من الستان الناعم ينربط على الكتف وينسدل بشكل جميل عليها و طويل مخصرها تخصر ومطلع جسمها بنعومه وجمال وقررت تلبس معاه صندل عالي وعباه مسكره عشان ما يبين منها لبسها \ \ \ \ \ في الصاله البنات كانو حدهم مذهولات بالي لبسته ريف وكيف اطلعت به من البيت من الاساس وخالتهم اشلون اسمحتلها كنها مفصخه ما بقى شي مشاعل كانت اكثرهم غضب و حزن بالي تشوفه من اختها من استهتار بكل شي ومن عدم مبالاه من امها يا رب سترك على عبيدك لا وحاطه رجل على رجل و مفتخره بعمرها والله لو ما الحشيمه كان اطرقتها كف جدام الله وخلقه وقحه .... ام نايف"متى ضيوفكم بيوصلون يا ام راكان مو كنهم طولو نجديه"لا خالتي هم في الطريق بس عمتي ام ثاني وشمايل ما رضو يطلعون الا بعد الصلاه عشان ما تفوتهم وهم في الطريق ريف بغرور"من بعد البيت يعني كانو يقدرون يقضونها لين اوصلو رناد"ليه كل الناس مثلج بعضهم ما تفوتهم فرض ولا يئجلون فرض حتى لو على موتهم ريف ماتت من الحره وقامت تطالع رناد بحقد و غل شديد يبين في اعيونها نجديه رن تلفونها "هلا وغلا وينكم فيه والله اجل جايه الحين ..وسكرت عن سلمان ..يومه هذا هم جو ام راكان"من رخصتج يا ام نايف بروح استقبل الاضيوف ..شافت بناتها يبون يقومون اشرت لهم بعيونها بغضب و ردو اقعدو وهم متملالات ويطالعون بعض بعصبيه القعده مره مو عاجبتهم ولا مرتاحين فيها وهذي الريف مو نازلتلهم من زور لوعت كبدوهم منها ومن غرورها في الصاله كانت ام راكان ونجديه في استقبال عروسهم الي مشتاقين لها وخاصه ام راكان الي كانت اكثر فرحه منهم جميع وحاسه ان هذي البنت هي الشخص المناسب لولدها راكان و هي الي تقدر تخليه يرجع راكان الاولي مو الي رجع بأنوثتها و حنانها الي يشهد به الكبير والاصغير وعقلها الي يسبق سنها و اخلاقها وتربيتها عينها على شمايل بنعومتها ورقتها شمايل كانت حاسه بعيون مرت عمها ادخلو الصاله ونزلت غطوتها وهي تشوف امها تسلم اقربت منهم بنعومه .... ام ثاني وهي تسلم على ام راكان"هلا ومرحبا شلونج يا ام راكان عساج بخير وشلون الاهل من صوبج ام راكان"يا هلا وغلا فيج يا ام ثاني بخير فديتج كلهم طيبين انتي كفيج والاعيال كيفهم عساكم طيبن ام ثاني "بخير يا الغاليه كلهم طيبين و يسلمون عليج ام راكان"دوم يارب الله يسلمهم ويخليهم لج يارب ام ثاني"تسلمين يا ام راكان حياج يا اخويتي قربي يومه شمايل هلا والله بالغلا كله و الزين كله هلافيج في بيت ريلج شمايل بحياء شديد حبتها على راسها ويدها"الله يحيج يومه ويبقيج يارب شلونج يومه عساج بخير وشلون البنات ام راكان بحب شديد"بخير يا الغلا والبنات بخير بعد وناطرينج على شوق ابتسمت شمايل "وانا بعد والله مشتاقتلهم بشكل كبير ام راكان "حياكم تفضلو البيت بيتكم يومه شمايل اخذي راحتج البيت مافيه حد شمايل ارفعت عباتها عنها نجديه قربت منها وبصوت واطي "يا بنت وش مسويه طالعه ملاك بالابيض ما خليتي شي حق العرس اذا من الحين ابيض شمايل بضحكه ناعمه وحياء شديد خلها تحمر "الله يقطع ابليسج احرجتيني شوفي امج تطالعني نجديه بسعاده كبيره "خلها تشوف الجمال الطبيعي شمول حتى ميكب ما حاطه شمايل تهز كتفها "انتي تعرفين انا ما احب الميكب ويتعب بشرتي و بعدين البارح حاطه وانا احب اطلع بطبيعتي نجديه "امشي بس ان اشهد ا ن الي بيشوفونج الحين بتطلع اعيونهم شمايل بصوت واطي "ليه انا في حفل استعراض وانا وما ادري نجديه "هههههههههه لا وانتي الصادقه بتصيرين تحت المجهر على قولتهم شمايل"انتي ليه ما جيتي البارح معنا كنت ابيج تجين عشان تشوفين عروس ولدج وقفت نجديه مذهوله"خير عروس ولدي وش صاير شمايل بمكر"ههههههههههه اي عروس ولدج امشي الحين ولنا كلام بعدين نجديه تطالعها بستغراب وخوف وش عروسه ومن متى صار هذا وليه سلمان ما قالها... شمايل بضحكه وهي تحط يدها على ثمها"ههههههههههههه الله يقطع ابليسج الي يشوف وجهج الحين ههههههههههه في المجلس الكل وقف على دخلتهم ريف وامها كانت اعيونهم على الي ادخلت مع نجديه انذهلو وهم يشوفون شمايل بفستانها الابيض و جمالها الصارخ والطبيعي الي منحها اياه رب العباد بدون زينه وبدون تصنع وشعرها الي يوصل لين خصرها كانت ناعمه وفاتنه التفت ام نايف على بنتها وفي عيونها حسره والم اصدقت مشاعل وش راح يبي من بنتها اذا بنت عمه كامله و الكامل الله تشوف البنت وفي قلبها تسمي غصب عنها شافت بنات كثير جميلات بس في جمال شمايل ما شافت نعوممه و ملامحها فيها حنان طاغي ورقه اكبر وعيونها فيها نظرات خجل مع ثقه قويه تترتسم في ابتسامتها الي تدل على بنت واثقه من نفسها ومن جمالها "السلام عليكم هلا ومرحبا حياالله من جنا كيفيج يا ام ثاني عساج بخير عدي بج من زمان من عرس نجديه وهي تسلم على ام نايف"الله يحيج و يبقيج يا ام نايف تدرين البني ادم منا يلتهي بدنيته انتي شلونج عساج بخير وشلون الاعيال و البنات عساهم بخير ام نايف"بخير الشيخه كلهم بخير هذي عروسنا ام ثاني"ايه هذي بنتي الاصغيره شمايل قربي يومه ريف في داخلها نار شابه و حره وقهر ودها تقوم تذبحها لنها اعرفت حقيقه وحقيقه مهمه انها في معركه خاسره و نهايتها معروفه اخسرت الحرب حتى قبل لا تدخلها و الحين صار كل همها انه ما يسعد معاها حتى لو ما خذها صارت مسئله انتقام وكره لكل شي حلووو جميل في هذي الحياه شمايل بأبتسامه ناعمه ملينانه احترام وحنان للمره الي اكبر منها سن قربت منها وحبتها على راسها وعلى خدها "هلا يومه كيفيج الغاليه عساج بخير ام نايف كانت قمه في الذهول وش ترد بداخلها تحسر و الم وين بنتها من هذي البنت الي كلها احترام لكل شخص الكبير و الاصغير بتعلثم ام نايف"هلا والله يا بنتي هلا فيج وسط هلج مبروك يا بنتي عليج راكان منه المال و منج الاعيال شمايل بحياء وخجل شديد"الله يبارك في عمرج يومه و الفال لريف و نايف في حياتج يارب تغيرت نظرتها وامتلت حنان صدقو لين قالو البنت عنوان اهلها عزالله اعرفو و ربو بنت الكل يفخر بها ويرفع راسه بها شافت شمايل تسلم على ريف بأدب ورقه "هلا الشيخه كيفيج عساج بخير ريف بغرور وهي تبعد عنها وكنها تبعد عن شي مقرفها وبدون نفس وهي تطالعها من فوق لين تحت "بخير و كيفيج انتي شمايل مستغربه وارتفعت حواجبها بستنكار هذي وش فيها قالبه خشتها علي خير ليكون ماكله حلال ابوها وانا ما ادري اعوذ بالله بصوت فيه لوم"بخير الشيخه و ابتعدت تسلم على مشاعل وهي تقول في خاطرها لتكون بعد هذي نسخه من اختها لكنها ابتسمت لنها شافت بنت الطيبه في ملامحها ودشت قلبها من اول مره ابتسمت لها برقه "اكيد انتي مشاعل هلا والله هلا وغلا بأم فهد كيفيج الغاليه وشلون الاعيال عساهم بخير في لحظه لمتها بقوه وفرح مشاعل لقت في شمايل الادب و الاخلاق "هلا والله فيج وما تعرفين وش كثر كنت منتظره هذي الحظه اني اشوفجج شمايل بضحكه ناعمه "والله انا اكثر من كلام البنات عنج مشاعل"اوه حشوووووووو فيني الله يعين وش قالو شمايل"هههههههههههه كل خير فديت روحج كل الي يسر خاطرج سلمت على بنات عمها بوناسه وفرحه بشوفتهم مره ثانيه"لا والله انكم ما فيكم خير من عودتو الديره وهذا وجه الضيف حتى تلفون مافي اعنبو مستخسرين الافاتوره تصككم اخر الشهر جنان وهي تحضنها "هههههههههه وانتي الاصدقه الا مفتقرين اخر الشهر و انطر بعد رناد وهي توخر اختها وتسلم "تكلمي عن نفسج بس الحمدالله انا مو مثلج اخلص افلوسي على الخرابيط عقب اعود و اطر من امي وابوي جنان"واي يا زين الاطراره من امي وابوي تجيب العافيه و الجيب المليان يا قلبي .. شمايل"ههههههههههههههه الله يرحم صدقتي قبل كنت مثلج بس الحين استحي والله من الاطراره مع انها مثل ما قلتي تجيب العافيه ريف ميته قهر وش سوت لهم هذي اسحرتهم الكل يبتسم لها و الكل يداري خاطرها الله ياخذها من وين طلعتلي هذي \ \ \ \ \ يجمع اغراضه من على الطاوله اليوم المدير مستدعيه ويقوله انهم رشحوه عشان يحصل على الزماله الي كان يحلم فيها و في تخصصه وانه مدعو في مؤتمر خلال الفتره الجايه و لزم يستعد وش راح يقولهم يوقفون كل شي والله ابوه راح يذبحه استغفر الله فجئه المصايب تتجمع وتطب على راسه زوجه في حياته انسانه غريبه و ماراح يعرف يتعامل معاها كيف شال اغراضه وطلع رايح سيارته وهو ماشي لقى حد وقف في وجه ارتفعت اعيونه لها يطالعها بغرابه "خير دكتوره في شي ؟؟ سليل"اسفه دكتور بس في حاله من الي انت متابعهم صارت له مضعفات ودخلناه غرفه العمليات والكل ينتظرونك راكان "من فيهم الحالات عندي كثير دكتوره سليل"مريض غرفه 205دكتور راكان"اها تقصدين ابو مسفر ..وهو يمشي بخطوات سريعه ومهنيه متجه لغرفه العمليات سليل وهي ترفع حاجبها بسخريه "انا ما اعرف اسمه بس على ما اعتقد هو نفسه طالعها راكان بغضب هذي البنت بارده و ما تنفع تكون طبيبه نست ان الطب رحمه ورائفه للمريض "دكتوره سليل اعتقد من اولوياتج انج تكونين ملمه بكل مرضاج واسمائهم تراهم بشر مو مجرد ارقام في فايلات عندج طالعته بأعجاب تمتزج فيه السخريه "دكتور انا اشك انك درست برع ناسي ان من متطلبات مهنتنا ان نكون مهنين مع المرضى ونبعد العواطف و العلاقات الشخصيه الي من الممكن تؤثر على احكامنا وتشخيصنا طلعها بغضب"لا ما نسيت بس بعد ما نسيت انهم بشر و اضعاف ومحتاجين الامل و المواسه والي درسناه يا دكتوره يقول ان الشفى يكون خمسين في الميئه منه على نفسيه المريض قبل الطبيب و الدوا صد عنها ودخل الى عمله و مريضه الي لهم الاولويه في حياته قبل كل شي اما هي ابتسمت بخبث ممزوج بأعجاب شديد بهذا الرجل يشدها بشكل كبير رغم كل الحشرات الي تشوفها من جنسه بس هو غير يحرك فيها شهوه رهيبه ارفعت تلفونها الي شاشته تضوي على الصامت هذا واحد من الحشرات ههههههههه اضحكت بخبث وهي ترفع السماعه"هلا حبيبي \ \ \ \ \ البنات مجتمعين في القعده الخارجيه و كان الجو حلوووووو وكله ضحك و ناسه بس في وحده كانت تطالع شمايل بغل وحقد كبير "اجل درستي برع الحريه حلوه صح وخاصه اذا ما في حد يحاسبج و يعد عليج ف الضهره و الدخله و لحياه برع انفلات من القيود الكل كانت عيونهم عليها بغضب اشلون تقول لها كذا اما شمايل كانت حدها مذهوله وغاضبه طالعت في ريف بعصبيه "اسمحيلي اختي ما فهمت عليج عن اي حريه تتكلمين و اي انفلات ليش شايفتني فاصخه الحياء و قاعده جدامج البنات كانو منحرجين من ريف الي السنها ما يحشم حد وبعصبيه شديده مشاعل "ريف انتي وش تقولين البنت ضيفه وما يصح الي تقولينه ريف بغرور شديد"انا ما قلت شي غلط مو هي كانت عايشه برع اسنين ابروحها شمايل قررت تعاملها بطريقتها وبغرور حطت ساق على ساق وهي تطالع فيها "صح لي اسنين عايشه برع بس الي ما تعرفينه ا ن اهلي عمرهم ما هدوني وكانوا اخوني معاي وبعدهم صار سلمان يعيش معاي يعني كنت في رعايتهم ويكفيني اني تربيت على يد ابو ثاني و اعرف احافظ على هذا الاسم بحياتي كلها والاهم اخاف ربي وديني الي يعصموني عن كل غلط و الي ما يخاف ربه عمره ما خاف من الناس و انا اخاف ربي في نفسي و الاهم بصوت عذب و رقيق ينبعث ثقه وفخر وفي رجلي الي شيله اسمه اصونه في غيبته وحضوره واخاف الله فيه الكل ابتسمو لن شمايل جعمتها عدل خلتها مبوهته وساكته من حره قلب قامت شمايل من وسطهم "من رخصتكم اسمحولي ..وراحت عنهم داخل عند امها هذي وش فيها علي والله مو حشيمه اهل البيت كان لي تصرف ثاني اعوذب الله من نوعيه البشر الي مثلها ابتسمت شكل البنت كانت منيشنه على الرجال ادخلت عليهم في المجلس بهدوء و اقعدت احذا امها ام ثاني حست من وجه بنتها ان في شي وجهها ما يوحي انها مستانسه بالقعده ام ثاني بصوت واطي "يومه شمايل تبينا نمشي شمايل برقه"ياريت يومه انا تعبت وابي اريح ولا تنسين ورانا بكره رده من صباح ربي ام ثاني بحنان" خلاص يومه بس شوي وعقبها نمشي شمايل"مثل ما تامرين يا الغاليه ...دشو البنات وشافت ريف هذي ودها تقوم لها عن خاطرها بس ماسكه نفسها كملو الجلسه وبعدها مشت ام نايف و بنتها ومشاعل ردت بيتها وهي اقعدت مع البنات يكملون القعده لين يجي سلمان من برع \ \ \ \ \ "نجديه تراج لوعتي بي هذني جاي بالطريق خير ايه ادري انها موجوده يعني شوي وانا جاي سكر عن اخته ودخل سيارته داخل البيت ونزل ومعاه شنطته وجهه كله تعب وارهاق وخاصه بعد ما مات المريض الشيبه ابو مسفر كل لحظه موت تهز فيه شي وتخليه دايم اضعيف امام قوه وجبروت الخالق سبحانه من طين خلقنا و الى التراب عدنا سبحانك يارب دخل وهو روحه واصله لين خشمه توه كان بيرقى لفوق الا سمع صوت نجديه اخته يناديه "راكان انت وينك فيه ما تدري ان مرت عمك وزوجتك اهني راكان بعصبيه شديده "خير يا طير وش تبين اسوي يعني نجديه بغضب "راكان اقل شي تسويه انك تجي تسلم الناس بيمشون راكان ببرود"يمشون الله يسهل عليهم نجديه"راكان انت وش سالفتك كل مره تعاف فيها شوفت حرمتك انت شايف شي على البنت راكان "اعوذبالله انا ما قلت هذا بس يعني وش تبيني اسويلها ارز لها نشر نجديه"انت حر الكلام ضايع معاك... تركته وهو طلع على غرفته بس ما كانو دارين بالي اسمعت كلامهم كامل كانت طالعه عشان تجيب شنطتها الي نستها في الصاله وقفها صوتهم ونقاشهم تذرت في الباب هذي ثاني مره يغلط فيها وكل مره اردى من الي قبلهاضلت واقفه في مكانها على دخله نجديه الي انذهلت وهي تشوف وقفه شمايل عند الباب معناتها البنت اسمعت كل شي نجديه"شمايل انتي من متى اهني ؟؟؟ طالعت بنت عمها بغضب ممزوج بحزن "من زمان يا بنت عمي من زمان " نجديه بحراج شديد"شمايل راكان ما كان يقصد شي شمايل بغضب شديد"صدقتي اخوج دوم ما يقصد الي يقوله اصله صاير جاهل صغير ما يفتهم صح نجديه"شمايل لا تصيرين حساسه زياده عن اللزوم تره جاي من الشغل وتعبان شمايل"اي ويطلع حرته فيني نجديه والي يرحم والديج فكيني اخوج عمره ما راح يتبدل انسان اناني وسطحي وبارد ما يهمه غير نفسه وبس نجديه بعتب" شمايل لا تضلمينه وتضلمين بختج معاه انتي لين الحين ما عرفتيه لين عاشرتيه بتغيرين كلامج شمايل بكره شديد"ما اظن اني بغير نظرتي اخوج ولا شي في حياتي فهمتي ولا شي ..و تركتها بغضب جامح ومجنون بيحرق كل شي في طريق بس في شي صوته مو مريحها ولا حتى وجهه كانت ملامحه كلها تعب وارهاق والم ونظرته كلها حزن وش الي صاير له انا وش يخصني خله يولي اعنبو من متى صار يهمني ومن متى صرت اعرفه من صوته وش فيه اكيد جنيت وقمت اخرف ان اشهد اني خرفت ارجعت المقعد و هي معاهم ومو معاهم روحها مع الانسان الي دوم وجوده يسلب منها الاحساس و الشعور و يخليها في عالم ثاني ما فيه غيره هو بس مشاعر كره و مشاعر غضب ومشاعر جديده كلها انولدت في هذي اللحظه | ||||
|  |
|
20-06-08, 08:35 AM
| #154 | ||||
| كاتبة وناقدة في قسم قصص من وحي الأعضاء
|  (الفصل السادس عشر) يرتب اغراضه خلاص قراره و اتخذه ماله رده الا اذا الله كتب له انه ينساها بيروح يوصل هله لعرسها لموته الي يلوح جدام عينه خلاص كل شي انتهى وهو انتهى معاه سمع طق على الباب "تفضل ... شاف امه داخله عليه بحنانها ومشيتها التعبانه وكبر السن قربت من ولدها واقعدت احذاه بكل لهفه الام وخوفها على اعيالها "بدر يومه وش فيك يا ولدي من رجعت وانت متغير بدر بصوت حزين"ما فيني الا العافيه يا الغاليه هذني جدامج بخير وهي تمسح على شعره بحنان وحب"ولدي انت فيك تكذب على العالم كله بس انا لا وش فيك ياولدي انت تحبها صح بهت وانذهل وانصدم وضل ساكت ومنزل راسه"من تقصدين يا الغاليه انتي تتوهمين يا يومه بأبتسامه فيها الم على ولدها"انت غلطت يا ولدي وانت تعرفها زوجه لغيرك شلون تشوف حرمه رجال ثاني وانا امك ادري ان البنت تنحب وتنحط على الجرح يبرى طيب و اخلاق وفوق هذا جمال محد(ن)يفاصل عليه ومن شفتها وهي دشت خاطري وكان ودي بها لك من كلام اختك بس هذا امر الله وهذا النصيب بدر قام بعيد عن امه "ارجوج يا الغاليه انا احاول انسى عمري ما نسيت انه حرمه لغيري وهذا الحب دفنته داخلي سامحيني ما قدرت ما كان قلبي يا يومه بيدي بس والله الي في سماه عمري ما فكرت اغلط واتعدى على حرمات الغير وانتي عارفتني بس قلوبنا مالنا حيله بها بحنان كبير "اعرف وانا امك اعرف الي ربيته بيدي بش بغيتك تنسى وتعيش حياتك وترى بنت عمك مافي احسن منها بدر"يومه والي يسلمج هذي السيره لا تفتحينها معاي وبنت عمي مرخوصه تاخذ غيري و الزواج انا ما افكر فيه الا بعد الدرسات العليا وهذا اخر كلام عندي امه"على راحتك والي تبيه يصير بس كل الي اتمناه من هذي الدنيا اني اشوف اعيالك قبل لا يا خذ الله امانته و اختك بعد خايفه كثير عليها بدر قرب منها وركع احذها وخذ يدها وحبها"الله يطول لنا في عمرج وتشوفين اعيال اعيالنا وفتون لا تخفين عليها هذي اختي وفي اعيوني وماراح اسمح لئي كان انه يضيمها وهذا ابوي موجود و اخواني يعني لا تشيلين همها امه"الله لا يحرمني منك يا الغالي ولا من ابوك واخوناك اخليك الحين بدر"الله معاج يا الغاليه ... معقول صار شفاف الكل يشوف حبه لها الكل يعرف العشق الي استعمر احساسه وشعوره معقول الحب يحولنا الى بشر واضحين وضوح الشمس بهذا الحب ما ينخفي يعلن عن نفسه في كل لحظه في خلجه من خلجات انفسنا عمره ما خطر في باله انه يحب ويتعذب بهذا الحب يارب رحمتك وكلت امري لك يارب ارحمني برحمتك وعفوك \ \ \ \ \ "فتون فكيني والله ان قلبي ماغصني وما اني مصدقه ان بكره اليوم المصيري حاسه برعب ونفضه لو توشوفيني ما تصدقين فتون"هههههههههه خلاص بس قوليلي وصل الفستان شمايل"اي وصل مره حلوووووو تدرين اول ما شفته حسيت صج اني عروس وكني نسيت كل شي الا اني بداخلي فرحه مثلي مثل اي بنت تفرح بهذا اليوم الي تنطره عمر فتون"احساس حلووووو صح استمتعي فيه وانسي كل شي شمايل"والله مو مخرب علي هذا الاحساس غير اني راح اتواجه معاه يا ويلي فتون"هههههههه الحين صار يا ويلي وانتي ناويه تتنتقمين و مدري شو يلا شدي الهمه هههههههههه شمايل بعصبيه"تمقتين و انتي وجههج وانا في حال يعلم به رب العباد ولعت كبدي من نسوان اخواني الي كل شوي مسوين لي شي الا القناع هذا الحمام هذا الا حطي ذي ولا ذي لين خلاص صارت روحي في خشمي اشوي وبقوم لهم حسبي الله على ابليسهم البارح نتفونين لين قلت بس عذاب والله والحين اشوف الحناء الي في يدي اقول حق روحي تراه خلاص صار صج اقول فتون ما دامج على ارضنا تعالي عندي وش رايج ويا ليت تباتين عندي بعد ودي فتون"لا والله هذي فيها قصاب رقاب بكره انا من صبح عندج في الفندق وبعدين انتي محتاجه راحه ونوم طويل شمايل بغصه "من وين لي الراحه والي في القلب في القلب فتون"بس يا قلبي ليه تسوين في نفسج كذا حرام عليج انتي تعذبين نفسج انسي على الاقل وخلي هذا اليوم يمر على خير واستانسي فيه شمايل بتعب"الله كريم بحاول فتون"اخليج الحين وتصبحين على خير شمايل "وانتي من هله وفي حفظ الله سكرت عن فتون وطلعت من غرفتها البيت هادي والكل نايم قررت تطلع برع الجو شوي حلووو اليوم ما قالت لهلها ان اليوم جاها طلب عشان تقدم اورقها وخاصه ان المنصب الي بيحطونها فيه الكل يحلم و يتمنى ان يوصله و هذا شي يقوي من مكانتها وخاصه انها اصغر شخص يتولى هذا المنصب وتخصصها مطلوب ونادر والماجستير فيه يقوي من منصبها العلمي بس كل هذا راح ينهدم مع هذا الزواج امسحت على وجهها بتعب اقعدت على المرجوحه الخارجيه وهي تطالع النجوم وعيونها سارحه في ذاك الضلام الي يطوي معاه لحظات من السحر و العبق الناعم من النسيم الي يحرك شعرها ويبعثر خصلاتهاعلى خدها منظر كان ساحر مثل لوحه سحريه شدت الشخص الي كان طالع من الخيمه الخارجيه شده الضل الي يتمرجح وصوت همسات ناعمه وانفاس رقيقه ما قدر يشوف الوجه بس الجسد اسحره خطوط ناعمه لشكل ناعم والنسيم حمله عبق عطر ناعم ماقدر يصد عينه تعلقت بهذي الصوره سمع صوت علي يناديه رجع داخل وهذا الخيال شده واجذبه يا ترى من ؟؟؟ على"وين رحت يارجال انادي عليك من ساعه وانت مطنش وين رحت يا المعرس الي ماخذه عقلك راكان بهدوء"موجود وين بروح بس حبيت اطلع شوي امدد ارجولي تعبت من القعده اقول الوقت تأخر وانا لزم اروح بكره وراي اشغال كثيره يعني يمديني اريح اشوي علي"خلاص بروح وياك اوصلك يلا مشينا \ \ \ \ \ الاستعدادات كانت على قدم وساق في بيت ابو ثاني خاصه ان عرس الارجال في البيت وبعد ما يخلص العشى بيطلعون مسيره لين الفندق الي فيه العرس وشمايل احجزوا سويت كامل في الريتز كرلتون وهي والكل اهناك من صبح و البنات مسوين حشره من استشوار ومكياج وضحك وسوالف شمايل كانت مع فتون في غرفه ابروحهم ومعاهم خبيره الميكب ارفظت اي حد يشوفها لين تخلص اما في الصاله تحت كانت امها وام راكان في استقبال الاضيوف كانت الطولات مزينه بقات الورد الجوري الابيض و الوردي و مزينه بالدنتيل و الستان الابيض و الفضي والمنصه كانت مزينه بنفس الطريقه وفيها كرسين كانت ما تبي تقعد جنبه عشان كذا خلتها كرسين وبينهم باقه كبيره وفي وحده من الطولات كانت ام نايف وبناتها الثنتين ريف بها قهر واصل حده وتهز رجولها بعصبيه وعين الناس كانت عليها بستنكار شديد لبسها عاري وفاضح بشكل مقزز تفكر نفسها حلوه بس للئسف الشكل عمره ما كان هو المهم كثر ماكانت حشمه البنت واحترامها لذتها ولغيرها هم الاهم \ \ \ \ \ "ما شاء الله وتبارك الخلاق فيما خلق بتجنيني مدام التفت على رفيجتها وهي تطالعها بنظره فيها اختلاط المشاعر الخوف و الفرح و الحزن "ها وش رايج ؟؟؟ انربط السانها وهي تشوف رفيجتها بفستنها الابيض والي موشى بالوردي الفاتح مخصر على جسمها ونازل لين تحت مع الذيل والصدر كورسيه وبدون ذرعات والضهر كان عاري وفيه خيوط مربطه على شكل اكس اما شعرها كان عليه تاج مسويته مخصوص من الماس الي فيه ورد صغيره ورديه مع الفضي والشعر مرفوع و منزل منه خصل كيرلي على طرف الخد و مكيجها كان ناعم وردي وطلعها ناعمه وطرحتها على طول فستنها من الدانتيل الناعم و المطرز بالفضي والوردي الفاتح كانت ملاك فتون"تسئلين ما يحتاج شوفي نفسج وانتي تعرفين ...قربتها من المرايه الطويله شمايل كانت تشوف انسانه ثانيه انسانه عمرها ما شافتها اعيونها فيها لمعه غريبه عليها وعلى شفيفيها بسمه خفيفيه مع نفضه ناعمه تعد بمستقبل جميل وحلوووووو بس لو هي تعطيه الفرصه والوقت شمايل بصوت مبحوح "نادوا مي !!! وافتحو الباب ومشت بهدوء طالعه الصاله وعيون البنات عليها نجديه وخواتها و ومناير و الجازي ضلت واقفه جدامهم وهم يتمقلون بها كل وحدها تحبها وتلوي عليها ويسمون عليها وسط حوستهم هذي ادخلت عليهم امها الي اعيونها امتلت ادموع وهي تشوف بنتها بثوب العرس حلم كل ام في الدنيا تشوف بنتها الي ربتها وسقتها من حنانها وحبها مره وزوجه وفي يوم من الايام راح تصير ام ضمت بنتها لصدرها الي لمها بحب عمر وكانت تصيح ...نجديه"الله يهديج يومه الحين بيخترب مكياجها شوفيها بتبكي امها وهي تبعدها عن حظنها"لا هذني ما اصيح مبروك يا قلب امج قريتو عليها اقرو عليها المعوذات قبل ما يجون اخوانها و انتو تغطو الاعيال واصلين عشان اختهم ..كانت تصد ماسكه نفسها وشمايل ولا نطقت كلمه طول هذا الوقت عينها على امها الي تتهرب من اعيونها تبي حد بس يطمن قلبها الي ينتفظ وسط اضلوعها صارخ يبي الحمايه يبي الامان من المجهول والقدر بصوت مخنوق بالعبره "يومه ...مشت لين امها وهي تسحب فستنها وقربت منها وحبتها على راسها ويدها وارتمت في حضنها وعبرتها تذبحها امها"لا تصيحين يا قلب امج بيخترب كل شي هذول اخوانج جاين يلا اجهزي ربي يوفقج و يرزقج بأذنه بالذريه الصالحه يارب ويسخره لج زوج و رفيق دب وابو لعيالج حطيه في عيونج وحافظي عليه ما وصيج وانا امج نجديه"يومه ثاني والاعيال برع امها"خليهم يدخلون يا بنات انزلو تحت يلا الجازي شوفي طريق حق البنات الجازي بفستنهاالاصفر طالعه صج جميله "ان شاء الله يومه ادخلو البنات من الصوب الثاني عشان يطلعون من الباب وادخلوا خوانها مساكين انعجبو في جمال اختهم كانت على طبيعتها مازادت ولا بالغت كنت جمال طاغي وحياء احمرت وهي تشوف اخونها قربو من امهم يحبونها ويباركون لهاسلمو عليها واحد ورا الثاني حست بحبهم الطاغي لها ثاني وهو يلمها له "مبروك يا الغلا كله ما تعرفين وش كثر فرحتي اليوم ان بنتي الاصغيره واختي عروس واحلى عروس شافتها اعيوني علي وهو يدزه "وخر بس انا اجل وش اقول قزحه هانم صارت شي فنتج الله يعين الرجال ان اشهد انه بيروح فيها اليوم ههههههه ضمها له بحب كبير وحبها علة جبينها بحنان اكبر وهي اختنقت بعبرتها وحب العالم كله تشوفه في عيونهم وتشوف فخرهم بها وغلاتها عندهم وبصوت فيه من العبره المغصوصه بداخلها الكثير"الله يبارك فيكم ويخليكم لي يارب وين سلطان ما اشوفه علي"ههههههههههه انتي عارفه اخوج يقول مب داش عند النسوان تراه تحت بيسلم عليج ويطلع ميت من المستحى شمايل"ما يحتاي وانت ابد فاصخ الحياء عادي عندك جات نجديع بعباتها ومعها طرحه ثانيه بس ثقيله عشان يغطونها بها عشان ما يشوفها حد ولن اخو المعرس بعد بيدخل معاه "ثاني امسكها انت من اليمين وعلى من اليسار وتحملو عشان الفستان علي"ههههههههه هلا والله فيج يا ام سلمان مبروك على اخو ج الي مرتبش اهناك الفال لسلمان والجازي نجديه"الله يبارك في عمرك الفال لك قريب يارب علي"فال الله ولا فالج انا مرتاح كذا ولا صدعتكم الي ما تخلص نجديه"هههههههههه زين الحين امشو وبعدين لنا كلام ثاني امسكوهامن يدها ويسعدونها وطلعو على القاعه وصلت عند باب القاعه وشالو عنها الغطى وعدلو لها طرحتها ورتبو شكلها وذيل فستانها وعطوها بقتها كلها ورد جوري ابيض وردي ونزل منها سلاسل حريريه نازله على طول يدها طلعت في اخونها الي مشو رادين عرس الارجال شافت مرت عمها جات تبارك لها ضمتها بحب وباركت لهاوعلى الاغنيه محمدعبده ادخلت انفتحت الابواب و تسلطت الاضواء عليها وكل العيون انصبت عليها وهي تمشي بنعومه والورد ينثروه في طريقها والعيون تسمي من جمالها ونعومتها ودلالها كانت تمشي وقلبها يرقع واشوي بيوصل لين حلقها من الروع والربكه وكل شي فيها يرجف حتى ابتسمتها كانت مهزوزه وفتون وراها تعدل لها ذيل فستانها وصلت لين المنصه وابتدت خطوتها لعالم المجهول عالم كانت ولا زالت تهرب منه بس صار امر واقع وصلت الكرسي واقعدت عليه وعيونها تحتري امها وكل الي تحبهم بخوف وكمل الرقص والفرح بس في هذي الحظات في قلوب كانت شايله الغل وقلوب شايله الحزن واقلوب خايفه من افراق الاحبه اعيونها على الي يجون يسلمون عليها ويباركون كان خاطرها تشرد كانت حاسه انها وسط الموج يتلطمها يمين ويسار وما هي قادره تشوف بر الامان تلاطمها كان عنيف وتاخف تغرق فيه اسمعت صوت شافت فتون"شمايل وين رحتي وش فيج ؟؟ شمايل "ما فيني شي بس مرعوبه وخايفه فتون بصوت واطي"خليج طبيعيه يعني وش بيصير كل خير بس انتي انسي واستانسي شمايل"اقول فتون ناديلي نجديه ابيها شوي فتون"اي وحده فيهم ؟؟ شمايل "هذيك الي احذا امي ولبسه بنفسجي فتون "طيب بس انتي خليج ريلاكس فتون راحت لهم وسلمت عليهم "السلام عليكم يومه مبروك عليكم منه المال ومنها الاعيال ام شمايل"هلا يومه فتون الله يبارك في عمرج الفال لج يارب فتون بحياء"في حياتج يارب شلوج يا ام سلمان مبروك عليكم نجديه"الله يبارك فيج انتي فتون صح فتون بحياء"اي... ام سلمان شمايل تبغيج شوي اذا ما عليج امر نجديه "ان شاء الله تعالي نروح لها مشو لين عندها "هلا عروسنا وش بغيتي فديت روحج شمايل وتطالع فيهم اثنتين"تعرفتو على بعض زين قصرتو علي الطريق نجديه هذي هي عروس ولد ج الي قلتلج عنها فتون هذي ام ريلج المستقبلي ما كنت اقولج يمكن انتي الي تصيرين عندنا ها وش رايكم نجديه تطالع في فتون بأبتسامه حلوووووووه"وهذي يبيلها كلام يوم الاقي لولدي مثل فتون هذي الساعه المباركه فتون انخرست والحياء كان ماليها وهي تطالع شمايل بعتاب تحطها في موقف محرج وفجئه اعلنو ان المعرس بيدخل وعلى الحريم انهم يتغطون شمايل حست ان قلبها وقف في مكانه صارت ما تشوف شي ولا تسمع شي و الرعب ماليها وراحو يجبون غطالها الي يبين بس منه اعيونها الي كانت على الباب الي انفتح وهي تشوف ابوها واخونها وعمها وبندر اعيونها انشدت له تعلقت فيه كانت على ثمه ابتسامه روعه وشكله كان قمه في الرجوله والروعه مدنع يسمع كلام الاعيال ورفع عينه على الي كانت مغطاة مشى معاهم واعيونه عليها قربو منهم من امه ومرت عمه واخته نجديه وقف احذاها واعيونه فيها لكن الي خلاه يوقف كنه حجر هو العطر الي شمه منها نفس العطر الي تنسمه مع ذاك اليل و النسمه معقول تكون هي ضلت اعيونه في اعيونها ويشوف فيها نظره غريبه متمرده جامحه وغاضبه | ||||
|
| |
|
20-06-08, 09:21 AM
| #155 | |||||||||
| نجم روايتي و عضو في فريق عمل الترجمة وعضو فريق الكتابة للروايات الرومانسيةومدققة بقلوب أحلام  
| السلام عليكم ورحمة الله وبركاته تسلمى حياتى بجد بارت جميل و دسم ، يعجز قلمى عن الوصف و لكن اقول الله يعطيك العافية و بانتظار باقى الاحداث . | |||||||||
|
| |
|
20-06-08, 09:34 PM
| #159 | ||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي  
| وقفتي عند نقطه حاسمه ننتظرها من زمااااااااااااااان اوي خالص >>متحمسه بقوة  | ||||||||||
|
| |
 |
| أدوات الموضوع | |
| انواع عرض الموضوع | |
|
|
23Likes
.png)
.png)
العرض العادي
