24-03-12, 02:37 AM
| #2272 | ||||
| نجم روايتي وأميرة حزب روايتى للفكر الحر وفراشة الروايات المنقولة 
|  صباح الخيرات صدودة ........والف الف الف الحمد لله على السلامة ياقمر عساها اخر الاوجاع ياقلبي ......و فديت الي ماتبي تحرمنا من رحلتنا في سفينتها وبتخلينا نسرح ونمرح فيها ........بس نبي عواصف لزوم الاكشن بس الله يخليك بلاها من الغبار مع انو غويزي بكبره عاصفة رملية مع وجهه مالت عليه شين الحلايا ......... اجل شبيه الرجال ترك وجهه الحقيقي وجالس يلعب على عقل هديل بكلمة الغزل قال احبك قال شوف وجه العنز واحلب لبن الرومانصية مقطعه بعضها عند مراهق الشياب مو اقول لكم هارب من شهار وعنده انفصام خطير في الشخصية موعارف شيبي بحياته الظاهر الزهايمر الي يعاني منه خلاه يرجع لمراهقته الي ماعاشها قال بيعيشها الحين ...... وبعدين الي متأكدة انها كاتبة كلمة حب وغرام لهاالشايب اقولها مااعتقد لانو هديل وقت رسالتها كانت شايلة حيل بقلبها منه بس اعتقد انها كتبت انها سامحته وبرت دمته على الي سواه ووصته على الطفل الي بيطلع للدنيا ومايعذبه هديل كانت بلحظة صعبة اكيد كتبت له وصيتها مو وحدة بتموت بيكون لها مخ تترك الاشياء المهمة وتجلس تتغزل بواحد ماقصر بتعذيبها شي واحد بس ابي اعرف جوابه غويزي شيحس فيه وهو متذكر كل الاجرام الي سواه ابي اعرف نظرته لنفسه جدا واثق انو يستحق حب هديل وكأنو الي سواه امر طبيعي يستحق الجائزة عليه ..........مااقول الا ربي يهد قوته كلها ويصير مايقدر يرفع اصبع واحد بوجه هديل ...... تدري واحد غيره قسم مايقدر يرفع عينه بعين زوجته ولا يقدر يطالبها بأي شي لانو ماله حقوق يطالب فيها ......هو اختار حرمانها من حقوقها خلاص ماله شي يطالب فيه بعد يعيد ويزيد في نفس الديباجة بس علشان يرضي نفسه ..........مو اقولكم عدم احساس ميت وكرامة زيرو ماكو على ايش شايف نفسه انو يقدر يفرض نفسه مثل مافرضها قبل .........غويزي ماتغير وشره ماراح بعيد والدليل انو كان ناوي على هديل الي لو فعلا تحبه مااخذت منوم علشان لاتكمل فرحت شبيه الرجال بس هو من خبثه سوى كل الي سواه هذا شي الشي الثاني ولده مافيه شي اصلا وبتكتشف هديل هالشي واتمنى مايكون بعد ماتستسلم له لانو ساعتها يحلم ترضى عليه لانو رجع للخداع علشان نفسه وبس .......... صدق ماكذبت لما قلت عن غويزي رئيس مافيا والا هالابواب السرية مايستخدموها الا المجرمين ولعدة اغراض اخفاء جرايمهم وضحاياهم في اماكن مثل الي الاخ مسويها عنده او لاستخدامها في اغراضه المشبوهة ماينشره عليه يوم شكو فيه واتهموه واحد له مليون وجه من وين مايتهمونه وينحط باللستة السوداء مالت عليه بس اما خطوبة خلود ومسفر دعيت على مرام من كل قلبي عساها من بعد هالخطبة ماتشوف يوم حلو وعساها تفقد علاقتها بخلود وان شاء الله ماتعديها لها خلود ........اجل متلقفة وخاطبة البنت بدون علم مسفر مو هو الي عطاها الضوء الاخضر والمصيبة انها عارفة حالة خلود ليه ماصبر ذنب الي بيجيها برقبة مرام وامها ليه يخدعون البنت في شي مصيري هذا زواج حياة جديدة لا زم صاحبة الشأن تدري بكل الي يصير مو كافي هديل الي عاشت مؤامرة الجالي الله لايوفقهم ولا يبري دمتهم من كبيرهم لصغيرهم بأاستثناء راجح فقط ....... خلود انسانة مو دمية والي فيها مرض مو دلع علشان يكذبون عليها صدودة ابيها تنصدم وتتعب اكثر من قبل وهالمرة حتى امها ومراموه تفقد ثقتها فيهم لو صبرو شوي الين تتقدم حالتها كان بتوافق على الزواج بس تعلقها بالشايب وتفضيله على الشباب انو وراها مشوار طويل ومسفر ليه يطاوعهم اصلا ليه ماخبر امها انو بيتزوجها اذا طابت اما الحين في خوف عليها لو انصرعت البنت او انهارت من الصدمة بأيش بينفعوها وامها الي تبي تتخلص منها ضامنة البنت ماتطلب الطلاق ترى اذا مااخذت الشي بالطيب تقدر تخلعه لانو خدعها وكذب عليها هي فاقدة ثقتها بالرجال كيف بيقنوعوها انو مسفر ماخدعها ........حسبي الله عليك يامراموه المجنونة جعل تركي يحط على راسها حرمة ويحرق قلبها على الي سوته بخلود اكره شي الخداع في الزواج ومستقبل انسانة حتى لو الغرض شي بس مو من حق مرام تتدخل بحياة غيرها وترى اذا مسفر وخلود ماتوفقو بيكون الذنب ذنب مراموه موذنب الاثنين في انتظارك يالغلا وانتظار البارت الجاي مع اني اتمنى انو الشايب مايكون له حس في البارت لانو تواجده غير مرغوب فيه وجه البوم | ||||
|  |
|
24-03-12, 03:37 AM
| #2273 | ||||
| نجم روايتي و أميرة حزب روايتى للفكر الحر 
| أسعد الله صبآحك غاليتي صدووود و ملأه الله فرحا و سعاده برد عالسريع عالبارت قبل ماينزل الحين انا بفهم هالغازي المسكين ماكل حلالكم او خيركم ولا ضاربكم ولاقاطع رزقكم ياربي من هالحقد المترسب بقلوبكم عليه الله وهو الله غفور رحيم ويقبل التوبه اذا كانت صادقه وهالرجال تاب وندم ويكفر عن ذنوبه كان قاسي قلتو جلمود وصخر صار طيب وحنون قلتو مايليق عليه وياشين السرج ....... صحيح من قال ارضاء الناس غاية لاتدرك ولذلك ياغزوووي لبى قلبك طنش وسير قدما نحو هدفك ولا عليك من احد .. اهم مرادك تطوله باقصر واسرع السبل والي يتهمونه بانه زعيم مافيا والابواب السريه تخطيطات جهنميه احب اوضح لكم ان هالابواب شي متعارف عليه باوروبا وغيرها نظرا لكثرة الحروب فيها سابقا فكانوا يوجدوا لهم مخارج سريه حتى يهربو السادة والبارونات من هالابواب وبدون اي اضرار تلحقهم اما اموالهم فعليه العوض تروح فدى الروح المهم هدووول على مااعتقد انها صرخت لانها اثناء عبورها ومرورها لاقت عدة ابواب متفرعه ودخلت باحدها واظن ان النور كان مقطوع فيها ولعنادها استمرت بطريقها بالظلام ووقتها هاجمها خفاش طاير او شي من هالقبيل فصرخت وطبعا بيجيها غازي طاير ملبي للنداء ويابخته بيستغل الفرصه عدل بانه ياخذ الي بيبه او الطلب الي يناسبه بمقابل انقاذه لها الرساله هي الي اخذتها صوفي من هدوول ثبل فترة ولادتها وفيها كلام عاطفي وبالصميم لان هديل ماتعبر عن عواطفها بصدق ناحية غازي الا بالاوقات الحرجه الي ممكن تاثر على حياتها اثنينهم فاهمين بعض عدل وفاهمين ردات الفعل المتوقعه فيما بينهم وكون غازي تحامل على نفسه وكظم غيضه فهو جنى اول الثمار في سبيل استرداد كرامتها وموقعها بحياته ولانها حست فعلا بهالشي فكانت ردة فعله احلى هديه له من تزوجوا الى الان الوردة كانت اول صدمه له ولسى باقي صدمات كثير ماكان يتوقعها منها نظرا لسوء معاملته لها وقتها سارة مثل ماكنت السبب بالتفرقه بين راكان وغادة رجعت لنفس الدور وزرعت الشك بقلب غادة والمصيبه ان الهديه لهديل يعني بنرجع لطير يالي بس القهر ان راكان بقمة الغباء ولا فيه احد صاحي يهدي طقم بالمفرق بين اختين صدق مهبل مسفر رووح والاب داعي يالله منك المال ومنها العيال المعقدين بخمسين عقدة واليوم بتبدا بنشر عقدها عليه وبتفجرها باهلها كلهم رشا واحتفاظها بسر حملها يااما ان راجح بيعرف بطريق الصدفه وبتكون هي سبب الخلاف بينهم لكتمانها له او انها بتتصرف تصرف متهور وبيتعرض الطفل للخطر لغبائها ورعونتها بانتظار ابداعك يالغلاااااااااااا | ||||
|
| |
|
24-03-12, 04:09 AM
| #2275 | ||||||||||||||
| مراقبة ومشرفة سابقة ونجم روايتي  
| السلام عليكم ورحمة الله وبركاته ... صبـــــــــــــــاح\\ التميــــــــز بقلوب لا يملكها غيــركم .. مســـــــــــــاء\\ البقاء حتى الفنــاء.. كيــــــــــــفكم الـــ ......؟؟ أحبتــــــــــي في كل مكــــــــان..؟؟ أنا كنت راح أكتب باقي الرواية وأنزلها كاملة اليوم.. ليس بسبب إنتقادات او هجوم من احد.. بل لظرووف خاصة جداً.. ولازالت ظروف غير مستقرة.. فإن ثبتت ظروفي يكون وداعنا.. وإن تاخرت بضعة اسابيع فانا معكم.. شكــــــــــــــــــراً بحجم السمـــاء.. لكل من تواجدوا لاجلي ولأجل الرواية.. ولمن سجلوا لـ المشاركة معنـــــــا.. شـــرف كبير وجودكم احبتـــــــي .. اللي خلف الكواليـــــــس ^^ وحشتونـــــــــي ..<<فيس النشبة .. \\\ لـــ من تدخل الرواية وهي شاهرة سيف تسميه (إنتقاد) قائلة لدي إنتقادات لك يا صدود..فتحملي ما اقول..شئتي ام ابيتي.. فتدخل الأخرى بنفس الإسلوب وبنفس السيف..ومطالبة إياي بالرد عليها.. ألا ترون بان ردوودكم مكررة كــ المواقف اللتي تدعون تكرارها في الرواية..؟؟!! ثم أتفقت أنا وغيري بأنكم لا تملكون أية ثقافة عن الإنتقاد.. نعم فانتم لا تستطيعون الكلام بأدب واسلوب محترم.. فترشقون آرائكم كما ترشق الحجارة.. وتصرخون بي لِم لا تردين علينا..؟؟ لاني لن أتكلم مع من لا يملكون أسلوباً محترماً وراقياً في الكلام.. ومن تجربة خاصة تكلمت مع بعضاً من هذه الفئة.. وندمت لاني وجهت لهم حرفاً..فلم يكونوا كفئاً لــ الكلام والنقاش.. ولذلك اعتذر لنفــسي لأني أجبرتها على مجارات من لايفقهون عن ما يتكلمون.. البــــــــــــارت إهـــداء لـ الجميــــــع .. ولغاليتي معزوفة حنين @ الجوود .. عاشقة رضى ربها.. البارت الخــامس والثمــانــــون .. كيف استطاعت نفاذاً لقلبي؟ ويا ويح قلبي! منذ سنين تجمّد كيف يعيشُ الفتى دون قلبٍ يدقّ؟ ودون دماء تسيلْ؟ تحنطتُ لكنني لم أبح فمشيت ولم يدر من مرّ بي أنني دون قلبْ فمن أين أقبلت ترتجلين القصائد تستمطرين الكواكب زخة وجدٍ تثيرين زوبعة في الرميم؟ أنا قد تقاعدت سيدتي من مطاردة الوهم عبر صحارى الخيال تقاعدت من رحلتي في تخوم الرجاء وعبر بحار المخاض المليئة موجاً عنيفاً تقاعدت أعلنت للناس أني قد كنت منذ سنين طوال ومتّ فمن يفضح السر؟ من يحفر القبر؟ المرحوم بإذن الله تعالى..غازي القصيبي.. بعدت يدينه من حواليها.. ومشت بخطوات كبيرة هاربة منه ومن كلامه.. دخل يدهـ بجيبه.. وطلع الورقة اللي أعطته إياها صوفي.. آخر مرة زارتهم في المزرعة.. تحس بالأرض تحتها مثل الماء.. خطواتها متعثرة هاربة منه.. وهاربة من ذكريات صارحها فيها.. كان يشاركها الملحق باول ايامها.. ينام عندها..؟؟! يسمعها تبكي..يعني يسمع كلامها وندائها لربها.. لأبوها..ندائها لـ هادي.. يسمع صراخها وهي تشوف كوابيس هو الملك فيها.. كان معي بلحظات خوفي منه ومن المكان.. خوفي من غربة انكتبت علي.. من إنسان غريب عني ومتملكني.. يسهر عندي وينام.. يعني حتى البرد اللي جمدني جمدهـ.. رفعت راسها وهي تحس بضيق وكئابة من المكان.. ماتدل الطريق عشان ترجع.. لازم هو يطلعها.. وبنفس الوقت تبي تظل لحالها.. تبي تسترجع أوقاتها الوحيدة بملحقها.. وكل ذكرى راح تتذكرها بتشركه فيها.. ناظرت حوالينها بإستطلاع.. تنتظرهـ يطلع لها او يناديها.. رجعت على نفس الطريق اللي مشت عليه.. اللي مطمنها إن المكان اللي هم فيه له طريق واحد بس.. مالاحظت وجود متاهات او مداخل غريبة.. ثبتت بمكانها وارهفت سمعها.. سمعت خطوات سريعة تقترب منها.. يرافقها تنفس سريع.. ماشكت يكون غازي.. لان غازي ماتعداها... فيه شخص وراها يقترب منها بسرررعة.. حاولت تركض.. تبي تهرب منه .. الخوف سيطر عليها.. صرخت باسمه بصوت عالي.. لما حست بشيء يلتف على أرجولها.. وشيء غريب يلمس ركبها من ورى.. ظلت تصرخ بكل صوتها وهي مغمضة عيونها.. حست بيدن غازي تلمها بقوووة لصدرهـ.. وسمعت صوت ضحكته عاااالي وهو يسمي عليها.. صرخت فيه وهي تبكي بخووف.. هديل بجنون\إبعــــدهـ عنـــــــــــــــــي .. وخرهـ عني وخــــــــــرهـ.. يوممممممممممممممممممه.. غازي يضحك\ههههههههههه بسم الله عليك.. هششش إهدي مافيه شيء يخووف هششش خوفتيه... حركت ارجولها بسرعة تبي اللي حوالينها يتركها.. وهي تصرخ بغازي يبعد اللي عليها.. شال يدينه من عليها وانحنى بسرعة.. فك اللي حوالينها وهي أبتعدت بسرعة ووقفت بعيد عنه.. أرتفع وهو شايل ذياب بين يدينه.. كانت ترتجف بمكانها.. والشهقات تمنعها لا تتنفس براحة.. الخوف متحكم فيها ولا فهمت سبب ضحك غازي.. لحتى شافت ذياب بحضنه.. حطت يدينها على فمها بصدمة .. ولاقدرت تتحكم بدموعها.. قرب منها وهو يبتسم وضمها له وضم ذياب.. حطت وجها بحضن ذياب وبكت بخووف.. وذياب بكى زعلان منها لما صرخت وخوفته.. غازي بحنية\ليه تخوف أمك..كنت بتجلطها يا ابووك.. هديل بصوت باكي\ماعرفت وش يكون.. حسبته كائن.. غازي ماقدر يكتم ضحكته\ههههههههههههههه كائن مرة وحدة.. الحين هذا الذيب كائن غريب.. هديل\والله خفت منه.. وبعدين انت السبب..ليه خليته لحاله..؟؟ غازي\قال يبيك فرحت اجيبك له.. خذته من يدين غازي وضمته لها بقوووة.. بكت غصب عنها.. لازالت تحس برجفة الرعب اللي صابها مسيطرة عليها.. دائماً يضمها ويركض لها لما يشوفها بعد ماتغيب عنه لوقت طويل.. وهي من الظهر هاربة من ابوهـ وجالسة في الملحق.. غازي بحنية\إستهدي بالله .. هديل بغصة\خووفتـــه مني.. غازي\بينتقم لنفسه بس خليه يستوعب وش سويتي فيه.. هديل تمسح دموعها\ههههههه بيتعلق بشعري اعرفه... المفروض نتوطاك انا وهو..كيف قدرت تخليه لوحدهـ.. غازي\ماريا كانت معه.. هديل\كيف قدر يدخل هذا المكان..؟؟ انت من وين تدخل..؟؟ غازي\ذيب طالع لأبووهـ. عرف الطريق مو مثلك كم سنة ماتدلين.. هديل بقهر\ماكنت ادري إن ابوهـ موسوس وجاسوس.. هذي حركات الجواسيس..ليه بنيت هذا الطريق..؟؟ غازي\هههههههههه اتجسس على اروع كنز.. هديل بصد\إختصر..ليه بنيته.؟؟ غازي\وليه ابنيه؟؟مو انا اللي سويته.. اللي بنى القصر بنى هذا الممر معه.. الملحق كان ورشة نحت..وانا سويتها ملحق للقصر.. هديل\امممممم وين الباب الثاني لممرك يالجاسوس.. غازي\تعالي وإكتشفي بنفسك.. اخذ ذياب منها ومشت جنبه.. ألتقوا بماريا عند الباب وكانت مرعوبة.. ماريا\أنا أسفة سيدي.. لقد ركض داخلاً ولم أستطع الإمساك به.. هديل بقهر\ليش مادخلتي وراهـ.. غازي\ماتحب الأماكن الضيقة..تخاف منها.. ماريا\أنا أسفة.. هديل\لو صار فيه شيء..كنت باذبحك أنت ياجلمود.. غازي بنص عين\يعني معصبة عشان ذياب ولا لانك أنهبلتي من الخوف يالخوافة..؟؟ هديل تشهق\هئئئئئئئئ هذا المكتب.. غازي يبتسم\إيه المكتب.. هديل\الحين ماريا تعرف هذا المكان..؟؟ غازي\ماريا تعرف كل شيء هنا.. لانها عاشت في هذا البيت من سنين طويلة.. وهي اللي دلتني على هذا الممر.. هديل\تدري إنك مجرم..؟؟ غازي بوله\تدرين إنك قمر..؟؟ هديل تبتسم\حالتك اليوم مستعصية.. وش عندك مبسوط..؟؟ غازي\لانك معــي.. هديل\مو على طول.. غازي بهدؤ\مو قلنا نبي أخ لذياب..؟؟ هديل\سنة وينتهي عرضك.. غازي يقرب منها\سنتين.. هديل\يثبت حملي وارجع عند هلي.. وبعدها خذ عيالك وأطلع من حياتي.. غازي\معـــصي ولا تبعدين خطوة.. هديل بجمود\ابي اراجع دكتور ذياب.. غازي\هذا هو قدامك.. هديل بقسوة\سمعتك يادكتور فاشلة جداً.. ما انقذت بنتك فكيف تنقذ ولـــدي..؟؟ غازي\جبارة يا حمامة.. هديل\بعض ماعندكم يا جلمووود.. شالت ذياب وخرجت من المكتب.. وقبل لا تقفل الباب سمعت صوته.. غازي\نيميه بفراشه.. الليلة دور أخوهـ.. هديل بحقد\إحلم على قدك.. وأنا اقرر مو أنت.. غازي يغيضها\إن وقفت عليك ما جاء بعد عشر سنين.. طلعت غرفتها ونامت جنب ذياب وهي ضامته لها.. وعينها على باب الغرفة.. تخاف يدخل عندها.. عاتبت نفسها وين راحت الراحة اللي كانت مصاحبتها طول اليوم.. من اول ماصحت وهو جنبها.. وعرفت إنه مالمسها.. كانت مبسوطة ومرتاحة.. ليه لما واجها بموضوع الطفل الثاني.. تجمدت وقست..؟؟ هي قررت يثبت حملها وترجع لهلها.. تدري ما احد بيرضى بوضعها.. وبنفس الوقت ماتبي تعيش معه مجبوورة.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛ | ||||||||||||||
|
| |
|
24-03-12, 04:10 AM
| #2276 | ||||||||||||||
| مراقبة ومشرفة سابقة ونجم روايتي
| دخلت المجلس وشهقت بقووة لما شافت رجال فيه.. طلعت بسرعة قبل يشوفها أخذت عبايتها وطرحتها.. لبستها وهي معصبة ورجعت المجلس.. ماردت على امها ولا على مرام اللي يسالونها وش صار معها.. خلود\السلام عليكم.. مسفر وقف\وعليكم السلام ورحمة الله..هلا.. خلود بقهر\نعـــم وش تسوي هنا..؟؟ مسفر\؟؟؟؟؟ خلود\جدك وينه..؟؟ مسفر\جدي..؟؟ خلود\إيه جدك..اللي هو زوجي.. مسفر مصدوم\امك ماقالت لك..؟؟ خلود\وش تقولي..؟؟ جلس وهو مصدووم من الموقف اللي أنحط فيه. كيف يشرح لها إنه هو الشايب او الجد مثل ماتقول.. كان يظن إن أمها او مرام بيقولون لها.. بس شكلهم معتمدين عليه.. مايشوف منها الا عيونها اللي تناظره بكرهـ.. لو تدري انه هو زوجها كيف بتقتله..؟؟ مسفر ابتسم على تفكيره\خلود إجلسي نتفاهم.. خلود\نتفاهم؟؟ أسمع أنا زوجت جدك وبمقام جدتك.. وتفاهم مابينا..جدك وينه..؟؟ مسفر\جدي في السيارة.. خلود\...في السيارة؟؟ مسفر بهدؤ\إيه تعبان وبيرجع البيت.. قال اتفاهم معك بالنيابة عنه.. خلود بقهر\تعبان وانت جالس هنا..؟؟ رجعه البيت يرتاح وياخذ علاجه.. وبكره يجي ونتفاهم..أنت لا تدخل بينا.. مسفر\لا بكره هو بيسافر.. الحين لازم اقولك هو وش يبي منك.. خلود\قوول.. مسفر\طيب إجلسي.. خلود\قوول اللي عندك ومالك شغل.. ولاتنسى ترى أنا جدتك أسمع كلامي.. مسفر\طيب ياجدتي.. زواجكم الإسبوع الجاي موافقة..؟؟ خلود\أدري أمي قالت لي.. مسفر\طيب نبي اللي في خاطرك.. خلود\اللي في خاطري..؟؟ مسفر\إيه جدي يقول إذا عندك شروط أو طلبات هو حاضر.. خلود\سلامته ما ابي شيء.. شغلي مابأتركه محتاجته.. وما ابي نبعد عن هلي.. مسفر\لك اللي تبين..وإذا فيه شيء ثاني لاتترددين.. خلود\لي اللي أبي..؟؟ أنت وش دخلك تقرر..هو اللي يسمح مو أنت.. مسفر بفشلة\احم احم لاني اعرف جدي.. مابيمنعك من الشغل.. خلود بطفش\والحين مع السلامة.. الشايب في السيارة ينتظرك يا مال العافية.. مسفر كاتم ضحكته\فمان الله.. مد يدهـ يبي يصافحها.. وسحبها بسرعة لما شاف عيونها تنبىء بضرب أو شتم.. أشر بيدهـ فمان الله وطلع من المجلس.. جلس في سيارته يضحك بصوت عالي.. يحس كل اللي يصير معه حلم وبيصحى منه.. دخلت مرارم السيارة وظلت تناظره مصدومة من ضحكه.. مسفر\صدق من قال شر البلية مايُضحك.. مرام\دووم الضحكة إن شاء الله.. وش صاير معك..أشوفك لا مفقووش ولا مطعون.. حتى انا ماطقتني ولا توطت في بطني.. كيف تفاهمتوا..؟؟ مسفر\هههههههههههه تقول إنها جدتي.. ههههههههههههه ومتزوجة جدي الشايب.. بعد بكره بتقول ياولدي..هههههههههه مرام\هههههههههههه هي جدتك..؟؟ مسفر\لاحول ولا قوة الا بالله.. والله شايل همها لما تعرف.. مرام مصدومة\باقي ماعرفت..؟؟ماقلت لها؟؟ مسفر\هههههههه لا ماقلت لها.. شفتها مرتاحة لـ الشايب.. اما أنا تمنت لو تحرقني.. مرام\كييف بتقول لها..؟؟ مسفر\خليها علي هي زوجتي وزوجت الشايب.. مرام\مسفر كان المفروض تقول لها اليوم.. مسفر\ماراح اقولك ليش أنتي ماقلتي لها.. ولا اعاتبك اكثر من اول.. مرام\كان بإمكانك تنهي الموضوع لو مو عاجبك.. مسفر بعصبية\نعـــم كيف انهيه..؟؟ مرام\مو أنت قابلت امها.. ليش ماقلت لها إن الموضوع ماله اساس.. ولا تعيد كلامك إنك أنحرجت معها وماعرفت تتصرف.. أعرفك زين يامسفر ما احد يغلبك في الكلام.. مسفر\مو مسالة غلبتني او غلبتها.. ماني متعود أجرح احد..الحرمة ظنت إني جاي اخطب بنتها.. فكيف بتنصدم إذا قلت لها خالتي ملفقة موضوع من بالها أعذرينا.. مرام\لا مو كذا ياحنون..كنت بتقدر تسحب نفسك من الموضوع.. بس لان السالفة اعجبتك.. ولأن خلود مسيطرة على اغلب تفكيرك هذي الفترة استمريت فيه.. مسفر\لاتسوين محللة نفسيه علي.. لا شاغلة فكري ولا شيء.. وكسر الخواطر ماهو سهل مثل ماتتصورينه.. ماقدرت اكسر في خاطر ام خلود ولا في خاطر خلود.. وسكري الموضوع ولو سمحتي لا تدخلين بيني وبينها.. أنا بافهمها كل شيء.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛ مالهم صوت .. غربوا والزمان سكوت .. ليتهم ماقربوا وهقوني بالوصل .. علقوني بالأمل هذا شيء لايحتمل .. التجافي موت .. ألتفتت على صوت عبدالله اللي يناديها.. عبدالله\يومه ليش ما كلمتي عمتي هديل..؟؟ ام علي\كلمتها قبل لا اصلي الظهر.. عبدالله\صدقتك.. ام علي بعصبية\احسن قوول كذابة..؟؟ عبدالله\محشوومة..بس أنتي ماكلمتيها.. ام علي\وانت مالك شغل.. اكلمها او لا.. عبدالله\بلى لي شغل.. لاتحسبيني مو فاهم ولا ادري وش صاير بينكم.. انا سمعت كلامك مع غازي.. ام علي بصدمة\سمعت كلامنا..؟؟ عبدالله\إيه سمعته.. بس هو يكذب عليك.. ام علي بقهر\ولا كلمة يا عبيد.. والله لو عرفت إنك تكلمت عن اللي سمعته مع أحد ما اسامحك.. عبدالله\ماني ناقل كلام.. بس ما ابيك تظلين متضايقة بسبب كذبه عليك.. ام علي\عبييييد..؟؟ عبدالله\هديل وش ذنبها قولي لي..؟؟ ليه تقاطعينها وماتردين عليها..؟؟ ام علي بغصة\إسكت يا عبدالله انت مو فاهم شيء.. عبدالله\قلتي ليه ضربت هديل..؟؟ هو مستحيل يضربها لانه يحبها.. أنا متاكد هو يكذب عليك لما قال إنه ضربها وأوجعها.. شفته كيف يهتم فيها زرتهم في بيتهم يومه والله هو طيب معها كثير.. ام علي تكتم قهرها\صح يا عبدالله..أدري إنه يكذب علي.. مابيضربها ولا بيوجعها..هي زوجته وأم ولدهـ.. عبدالله\طيب ليه انتي زعلانة..؟؟ ام علي\لاني أحب هديل.. أبيها ترجع تعيش عندنا هنا.. ولو يحبها مابيحبها كثري انا.. عبدالله\وغادة تبينها تعيش معك..؟؟ ام علي تبكي\ما ابي الا هديل.. ليتني مارجعت الا وهي معي.. ياخوفي تسوي اللي في بالي.. عبدالله\يومه لا تبكين..تكفين.. ام علي\اطلع من عندي يا عبدالله.. رحم الله والديك أطلع من عندي.. خرج من غرفتها..لا اقتنع بكلامها ولا قدر يقنعها.. هو سمع كلامها مع غازي.. وسمعها كيف تبكي وتترجاه يترك هديل ترجع معها السعودية.. وهو مارضى وحلف مايتركها تروح منه.. طلع جواله واتصل على رقم.. بعد ثواني رد عليه.. عبدالله\السلام عليكم.. عبدالله\وعليكم السلام..أهلاً يا صديقي.. عبدالله\ولكم ولكم..ياماي نيم..وير از غازي..؟؟ عبدالله\هههههههه لا اعرف..لماذا لا تتصل به..؟؟ عبدالله\وت يو مي ذير از يو.. عبدالله\هههههههههه لا افهم ماذا تقول.. عبدالله\عنبوا ابليسك كيف اتكلم معك..؟؟ عبدالله\وجع.. عبدالله\تعقب ماوجع الا في سيقان حرمتك يا القطو.. لو رجال تلبسها عباية وتصكها بوكس تلبس طرحة.. عبدالله\ياصديقي دائماً تتصل بي ولا افهم ماتريد.. إتصل بديل وهي ستخبرني ماذا تريد انت.. عبدالله\وت .. افري دي نو بربلم مع السلامة ياماي نيم.. قفل الجوال وهو مصمم يتعلم اللغة الانجليزية.. وظل يردد في باله من تعلم لغة قوم امن مكرهم. لايكون يسبني مثل ماسبيته ويضحك علي.. أكيد الهياط ماهو محصور بس فيني.. يالبى سميي بس ولو يسب المهم سميي.. ألحين زوج عمتي كيف القاهـ مايرد علي.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛ | ||||||||||||||
|
| |
|
24-03-12, 04:11 AM
| #2277 | ||||||||||||||
| مراقبة ومشرفة سابقة ونجم روايتي
| هآت همك .. هآت جرح بيـوم هآنـك و هآك قلبي .. هآك روحي و القوآفي ولو يجيني مآ يجيني بس .. عشآنـك بذمتي مآ أقول له : يآ جرح كآفي .. وقفت بسرعة لما شافته على الخيل جاي لها.. مسحت دموعها بشكل سريع وهفت على وجها بيدينها .. تحاول تخفي معالم البكاء من عليها.. مشت بعكس إتجاهه بخطوات هادية.. وقفت غصب عنها لما وقف قدامها.. وصار يدور حوالينها.. مد يدهـ لها يناديها تركب معه على الحصان.. غازي\تعالي.. هديل بهدؤ\أبي امشي...أنت روح.. غازي\مدي يدك..مشتاق أتمشى معك.. شاف ترددها ولاحظ ملامحها الباكية.. نزل لها شالها وركبها على الحصان.. ضربت الحصان بسرعة قبل يركب معها.. ضحكت بمرح لما ابتعدت عنه وسمعته يهددها ترجع.. هديل\الضيق في القبوور..تذكر.. غازي يبتسم\إيه اذكر..وقفي لاتبعدين.. هديل\ما ابي صحبتك.. ضربت الحصان أكثر وأبتعدت عنه أمتار طويلة.. كملت طريقها ولا التفتت عليه.. تستاهل مرة ترتكتني بآخر المزرعة من نذالتك يـ النذل.. خلك لحالك الحين.. ياليت تجي عاصفة ويضربك المطر مثل ماضربني بيومها.. يالنذل يـ القاسي يا الجلموود.. وقفت الحصان ونزلت من عليه.. وهي متفاجئة بـ اللي تشوفه.. مشت مبهورة بـشكل المبنى اللي قدامها.. أبتسمت بألم ودموعها تهددها.. حطت يدها على فمها وجلست على ركبها بضعف.. تتذكر لما شال كروم العنب ومنعهم مايزرعونها في المزرعة.. ولما جرد الأرض وصارت غير صالحة لـ الزراعة.. كان يمنعها ما تبتعد عن القصر والإسطبلات.. ماكان يبيها تجي لهذا المكان وتشوف وش يسوي.. سمعت صوت يقترب منها.. ما التفتت لانها تدري مابيكون غيرهـ.. وقف عندها وهو مبتسم بحسرة.. غازي\وقفت بنايته بعد موتك.. كنت بأحرقه مثلك..بس ماطاوعني قلبي.. إحساس البني آدم..لما يذنب يحب يحتفظ بشيء يذكره بذنبه.. أنا احتفظت بأشياء كثير تخصك.. جديلتك..دفتر خواطرك.. صورك اللي اخذتها لك وأنتي ماتدرين.. وأبعدت عسولة عني ماحبيت اشوفها من دونك.. ما احد سألني وينك..؟؟ ولا احد عاتبني..ابوك وهادي عاتبوا نفسهم ولا عاتبوني.. بعد رجوعك اصحى من النوم وأفكر هي صدق حية.. أشك بنفسي وانتي قدامي واقول حلم أو وهم.. مسكت يدهـ ووقفت على ارجولها.. شدت عليها وعيونها في عيونه.. هديل بغصة\مامت.. أبتسم بندم ولم يدينه حوالينها.. ضمها له بقوووة.. بين لها بعض من كل.. وهي مثل مايعرفها.. قلبها يغلب عقلها.. دائماً حنونة..ماتحب الندم يتملك أحد كثر ماتملكها.. هذي ثاني مرة تطمنه.. الأولة لما قالت إن جروح ظهرها ماهي منه.. وهذي الثانية وهو واثق إنه غلط في حساباته.. غازي بحنية\تعالي شوفيه من داخل.. هديل تبتسم\لا مو اليوم.. باشوفه إن شاء الله لما تنهيه.. غازي بمحبة\أعجبك..؟؟! هديل تغيضه\شوي مو كثير.. غازي\ههههههههههه لو ماقلتي كذا كنت باشك فيك.. هديل تبتسم\لا تجعل إنك تعرفني.. صابت معك هذي المرة.. غازي بوله\وكل مرة.. هديل\اممم ما ابي اشوف نفسي وكذا.. بس الأحرف الناقصة فوق.. V و e .. صــح ..؟؟ غازي\ومن غيرك يحق له يشوف نفسه.. صـح يا جنوني.. أبتعدت عنه وقربت من البناية.. غازي\أدخلــي.. هديل\لابس أشوفها من برا.. غازي\باين عليك الفضوول ذابحك.. هديل\ليش بنيتها..؟؟ غازي\طلبت شركة البناء تنهيها بسرعة.. كنت راح اجيبك هنا واعترف لك إنك زوجتي.. أنهي المأساة اللي بديتها.. ضيعت الطريق لك..كيف ارضيك وكيف اعترف لك..؟؟ بس الله قدر لنا غير اللي خططت له.. هديل كيف عرفتي إنك زوجتـــي..؟؟! جاوبيني.. تراجعت بخطواتها وعينها بعينه.. عضت شفايفها واشرت براسها علامة الرفض.. صدت عنه تبي ترجع القصر.. خلنا ننسى.. إذا شفتني ناسية متناسية.. جاملنــــــي.. إنســـى معي..وخلنا نكذب على بعـــض.. طلبتني في يوم نكون اصحـــاب.. خلنا اصحاب لحتى ينقطع اللي بينا وننتهي.. تحمـــلني كثر ماتحملتك زمان.. لا تسألنـــي..عن شيء يضايقك اكثر من ما يضايقني.. رفعت راسها وشافته على حصانه قدامها ومد يدهـ لها.. مدت يدها له ورفعها جلسها قدامه.. حست فيه يضمها أبتسمت غصب عنها .. غازي\حصانك هرب وخلاك.. ولاني أحبــك باخذك معي.. هديل\الله يكثر خيــرك.. ناظرت المبنى مــرة أخيـــرة.. هناك كان بيعلن لها إنها زوجته.. بيعترف لها..بس مثل ماقال.. الله قدر وحكم بغير اللي خطط له.. حمــامتي.. مبنى زجاجي بشكل حمامة لامة أجنحتها.. تذكر همسه لها بيوم من الأيام.. ناداها الحمامة الكسيـــرة.. وللأسف لازالت كسيـــرة.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛ فديت شمآغكـ الاحمر .. و عطر العود حين اقبلت .. طالب بمحبة\مساء الحب يا ام الوليد.. شوق\هلا.. طالب\ماشاء الله الوجه منوور اليوم.. والحالة تمام.. شوق تبتسم\الحمدلله..صرت احسن.. طالب\إيه كذا إبتسمي.. تكشيرتك تخوف.. شوق تذكرهـ\يقولون الولادة صعبة.. طالب\هههههههههه على ذمة القايل.. بما إن النفسية مرتاحة.. جبت لك هدية ماهي قدرك عندي.. شوق تبتسم\هههههههه تو الناس.. طالب عقد حواجبه\لازم تنقدين يعني.. وش اسوي أنتي مكشرة وامك ملازمة عندك.. وانا ابي جو رومنسي.. شوق\طيب يالرومنسي ماتقصر.. يكفيني وجودك.. طالب\الله لايحرمني منك يا ام تيتشر.. تفضلي يالغالية.. أخذت الهدية منه وهي مبتسمة.. فتحت الهدية .. كانت طقم ذهب راقي.. فتحت البطاقة وتفاجئت بالصورة اللي طاحت.. شالتها وضحكت لما أدركت وش تكون.. طالب\وش رايك فيني قول وفعل..؟؟ شوق نزلت راسها بإحراج\مالك حل أبداً.. طالب\ههههههه.. قلت لك أنتي في حضني وعقبال ولدنا.. وهذا هو جاء الوليد.. شوق\الله يحفظه ويحفظ ابووهـ.. طالب\ويحفظك يا بطة.. شوق\لاتقول بطة.. طالب\واحلى بطة بين بطات العالم كلهم.. رد على جواله قبل تكلمه.. وكان غازي.. سولف معه شوي وعلق على شوق وطريقة ولادتها الجديدة.. طالب\ألحين بتبكي أختك.. خذ سنعها وقل لها تخلي عنها الدموع والهبال.. قال إكتئاب قال مدري وشهو.. شوق\اللهم عافهم مما إبتليتنا.. أخذت الجوال منه وردت على غازي.. شوق\هلا ابو ذياب......الحمدلله طيبة.....لا والله بخير لا تشيل هم....... هههههههه تعرف طالب يحب يهايط............إيه وصلت هديتك فديتك.......... تعيش وتهدي..........الحمدلله المهم طيبين..؟؟ ألـــو غازي.............ألووو تسمعنـــي............ويـــنك.....� �؟ قفلت الجوال واعطته لطالب.. طالب\وش فيك..؟؟ شوق\أعتقد انقطع الخط..مارد علي.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛ | ||||||||||||||
|
| |
|
24-03-12, 04:12 AM
| #2278 | ||||||||||||||
| مراقبة ومشرفة سابقة ونجم روايتي
| وعدت بإلغاء عينيك من دفتر الذكريات ولم اكن أعلم أني سألغي حياتي ولم اكن أعلم أنك رغم الخلاف الصغير أنا.. وأني أنت وعدتك أن لا أحبك با للحمــــــــاقة ماذا بنفسي فعلت؟؟! لقد كنت أكذب من شدة الصدق والحمد لله أني كذبت ... نزار القبـــاني ... سحبت الجوال من يدهـ وقفلت الخط.. وقف مصدوم من حركتها ومن نظراتها.. عقد حواجبه غير راضي بتصرفها أبداً.. هديل ببرود\الحمدلله هي بخير.. ولدها بخيــر..وصلتها الهدايا.. والاهم من هذا كله أمها معاها.. لا الاهم زوجــها معها.. يعطيها دم إذا احتاجت دم.. ويكون متاكد إن الدم بعروقها دم مسلم مو كافر.. يأذن باذون ولــدهـ..ينسبه له ويفرح فيه.. تصحى وهي متاكدة إن هلها حوالينها.. ماهي يتيمة ولا مقطوعة من شجرة.. ندمت لأنها تكلمت.. لانها سمحت لنفسها تعاتبه وتبين له ضعفها بايام ولادتها.. الغصة خنقتها ولا قدرت تكمل كلامها.. نزلت جواله على الكنبة وصدت طالعة من عندهـ.. وقفت لما سمعت صوته.. غازي\إقبال عزالدين عمره 29 سنة.. رجل مغربي مسلم متغرب في إيطاليا.. هو اللي تبرع لك بالدم.. الغيبوبة اللي دخلتي فيها.. كانت بسبب الكسر اللي صار معك براسك.. بعد ماضربك الحصان وفقدتي النظر.. ولدتي طبيعي ومن شد الأعصاب دخلتي بغيبوبة... طبيبتك قالت لو ولدتي بعملية ماكانت الغيبوبة واردة عندهم.. حيرتهم غيبوبتك وبعد الفحوصات عرفوا السبب.. ياكـــــــثر ما أهمــــك.. ويــاكثر ما اجرحك وتجرحنـــي.. يـــارب آآلف بينا وريحنا.. تعبني وتعبته .. أصلـــح حالنا ياربي يا حبيبي.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛ أسالك بالله جاوب سؤالـــــــــــي .؟ وأسألك بالله اصدق بالجـــــواب في غيابي مر في بالك خيـــالي؟ ولا ما يفرق حضوري والغياب؟ .. مدت يدها تصافحه.. وقرات عدم الرضا على معالم وجهه.. قربت منه وقبلته على خــدهـ.. ضحك وضمها له بقوووة.. ياسمين\الحمدلله على السلامة.. سلمان\الله يسلمك ياقلبي.. طمنيني كيفك وهديل كيفها..؟؟ ياسمين\الحمدلله إحنا بخير.. ولاتنسى إسمها نرجس.. سلمان\أول ماناديتها هديل.. ألحين صعب اغيرهـ.. ياسمين\هذي رغبت هديل.. سلمان\بعدها زعلانة..؟؟ ياسمين\المسالة مو زعلانة.. هي ماتبي احد يسمي باسمها.. حتى اخوها طلبت منه يغير اسم بنته بس هو مارضى.. سلمان\الله يصلح حالها.. ياسمين\وش سويت في اللي قلت لك..؟؟ سلمان\اممممم صعبة علي يا قلبي.. شهرين كثييير.. ياسمين\سلمان شووف كم سنة مرت.. مشتاقة لأخوي خلينا نروح الله يخليك.. سلمان\ما اقدر هذي الفترة على آخر السنة ممكن نسافر هناك.. ياسمين بزعل\هذا نفس كلامك قبل آخر مرة.. سلمان\جاء الموعد وانتي حامل بآخر شهورك.. وتوك مخلصة نفستك.. تضايقت منه وخرجت من الغرفة.. جلست في الصالة زعلانة وتمنع دموعها.. قرب منها ولم يدهـ على كتفها.. شالت يدهـ عنها بجفاء.. سلمان\مين مزعلك..؟؟ ياسمين بقهر\أنت.. سلمان بمحبة\وش مسوي فيك أنت.. مايستحي كل يومين مزعلك.. ياسمين\مثل ماتحب يا أنت.. إنت مع أهلك مرتاح ومبسوط.. بس أنا حارمني من اهلي.. سلمان\أفا يعني هلي مو هلك..؟؟ ياسمين\لا تحرف كلامي.. أنا محتاجة اشوف أخوي.. سلمان إفهمني.. سلمان بحنية\أووف أنتي ما احد يخبي لك مفاجئة ابد.. إن شاء الله تكون نرجس قادرة ع السفر ونروح لاخوك.. مرتاحة الحين.. ياسمين\يعني مابننتظر سنة..بس شهوور؟؟ سلمان\بس شهور..وش رايك في أنت؟؟ ياسمين\حبيبي انت.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛ تدروون كيــف إنســان يجني على إنسان ..؟؟ يسقيــــه من نبــع الغــلا ليــن يرويه .. وإذا عرف إنه وصـــــل بـ مرحلة إدمـــان .. يصـــــد عنه ويهجـــرهـ ما ســـأل فيـــه.. جلست جنب مرام وهي تعدل فستـــانها.. وتحاول تكبت غضبها تحت إحساس الخجل اللي سيطر عليها.. تضايقت ليش ماجاء ياخذها بنفسه من صالة الأفراح.. كل امورهم ومشاويرهم مسفر هو اللي يقضيها.. المهم هو اللي جابه..والحفل هو اللي قايم فيه.. كل شـــي يتدخل فيه.. بينما الشايب ماله ظهور ولا وجود.. مختـــفي عنهم..ولا فكر يسأل.. بدت تندم بصمت على تسرعها وموافقتها لـ الزواج منه.. كانت تظن إنه بيهتم فيها من بعد ماتصير زوجته.. يزورها او يكلمها.. ماتبي رومنسية ولا هدايا ومهر.. تبي حنان ابوها اللي فقدته مفجووعة.. ماكانت تسمع تصويات مرام لها.. ولا رفعت راسها تشوف مسفر اللي ماخذهم الفندق.. حست بالعبرة تخنقها.. تبي أمـــها معها..وحتى لو شايب.. هذي اول مرة تكون مع رجل غريب عنها.. حتى عمامها وأهلها ما تطيقهم ولا كانت تقابلهم.. هدت نفسها وهي تردد.. شايب مسكين تعبان عشان كذا ما اخذها من القاعة.. وارسل شوفيرهـ مسفر الصغير لها.. إيه هو لازم يخدمنا انا جدته وهذاك جدهـ.. فكرت إن الشايب نايم من الساعة 7 وناسي إن الليلة عرسه.. أنبست على تفكييرها براحة.. وصلوا الفندق ونزلت مرام وساعدت خلود تنزل من السيارة.. نزلت وطارت عيونها بمسفر اللي واقف قريب منها.. ويدها في يدهـ.. سحبت يدها منه بسرعة وعيونها تتوعد فيه.. لاحظت نظرات سخرية على وجهه وإبتسامة غريبة.. طنشته ودخلت الفندق مع مرام.. أستئذنت منها مرام إنها بترجع مع تركي اللي كان وراهم في سيارته.. تمسكت فيها خلود وطلبتها تظل معها.. مرام بندم\آسفة ياقلبي سامحيني.. بس مسفر بيوصلك لجناحك.. خلود بغيض\ولا يخطي معي خطوة..وصليني لجدك وبعدها روحي.. مرام\لا ما اقدر مابيسمحون لي أطلع معك.. مسفر يوصلك له لا تخافين.. خلود\أبد ولا يوصلني ولا شيء.. خذيه معك هذا الطايش ماشفتي لما كان بيسوي فينا حادث.. مرام بصدمة\خلوود لاتظلمينه وتتبلين عليه.. خلود\الشايب وينه..؟؟المفروض يستقبلني هنا.. ولا كل هذا نوم يقطع ابليس.. مسفر\يالله ياجدتي..الشايب عطاني مفتاح جناحكم.. أوصلك ويصير خير.. دخلت الأصنصير مقررة ماترد عليه.. عادي يوصلني لجناحي.. مو هو حفيد زوجي يعني يخدم جدهـ وجدته.. مرام\لو خليت امها تعلمها من زمان مو احسن..؟؟ مسفر\تدري مني وتكون معي أحسن.. هذا تركي واقف عند الباب ينتظرك.. فمان الله.. مرام\فمان الله ..الله يوفق بينكم.. دخل وقفل الاصنصير.. أبتعدت عنه ولاحظ حركتها.. وصلوا لجناحهم وهي تزيد رجفتها وخوفها.. فتح الباب ببطاقته.. أشر لها تدخل.. دخلت وزاد نبض قلبها بشكل مخيف.. قفل الباب وهي ناظرت حوالينها بس ماكان لزوجها أثر.. تأكدت إنه نايم ولا يدري عنها.. تنهدت براحة مصاحبها ندم.. فسخت عبايتها ورفعت طرحتها عن وجها.. مشت بهدؤ وتجولت في الجناح.. لاتخافين أنتي عرفتيه طيب.. ويشبه ابووك..حتى سبحته تشبه سبحة ابووك.. إحترميه وإهتمي فيه.. وماراح يعطيك الا حنانه وطيبته.. قررت تدخل غرفة النوم وتشوف اغراضها اللي رتبتها لها مرام.. تبي تبدل الفستان اللي ماشافه زوجها.. ترددت تدخل غرفة النوم خافت يصحى ويشوفها.. لفت راجعة لـ الصالة وهي مقررة.. تنام فيها وبفستانها..تبي هذي الليلة تنتهي.. بندمها وافكارها الفارغة.. شهقت بقوووة واختفى اللون من وجها.. لما شافت مسفر واقف وساند ظهرهـ على باب الجناح.. ويراقبها واقفة قدامه.. هي ظنت إنه طلع من الجناح بعد مادخلت وقفل الباب.. بس مثل ماهو واضح لها.. إنه دخل بعدها وقفل الباب.. من شدة خوفها وصدمتها فقدت توازنها.. جلست على ركبها ولمت يدينها على كتوفها العريانة.. محاولة تستر نحرها صدرها وكتوفها.. هي مو متاكدة إن زوجها في الغرفة القريبة منها.. مو متأكدة إنه ممكن يحس فيها إذا صرخت ونادته.. ماتثق في مسفر الحفيد اللي واقف قدامها.. رجعت لها كل عقدها وكرهها لــ جنس الرجال.. هذا رجل ماخاف ربه ولاحشم عرض جدهـ.. حاولت تصرخ لما شافته يقرب منها.. حاولت توقف وتهرب منه.. بس حست بكل اعضائها تتشنج.. حست بطعم الدم في فمها.. لسانها قسى والمها بشكل قوي.. ركض لها لم يدينه حوالينها.. فسخ شماغه ودخل طرف منه في فمها.. ضمها بقوووة وفك يدينها عن بعض بالغصب.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛ | ||||||||||||||
|
| |
|
24-03-12, 04:13 AM
| #2279 | ||||||||||||||
| مراقبة ومشرفة سابقة ونجم روايتي
| وعدتك أن لا أبالي بشعرك حين يمر أمامي وحين تدفق كـ الليل فوق الرصيف صرخت.. وعدتك أن أتجاهل عينيك, مهما دعاني الحنين وحين رأيتهما تمطران نجوما شهقت... وعدتك أن لا اوجه أي رسالة حب إليك ولكنني رغم أنفي كتبت... وعدتك أن لا أكون بأي مكان تكونين فيه وحين عرفت بأنك مدعوة للعشاء ذهبت.. وعدتك أن لا أحبك كيف؟ وأني؟ وفي أي يوم تراني وعدت؟ لقد كنت أكذب من شدة الصدق, والحمد لله أني كذبت.. نزار قبــاني ... فتحت الورقة تقرأ اللي فيها للمرة الرابعة.. وصلت لها ماريا بطاقة دعوة من غازي.. يطلب منها تعشى معه على بلكونة غرفته.. وختم رسالته بكلمة..إلا الأصفـــر .. تدري إنها عقدته بـ اللون الأصفر.. ولما لبسته له من قبل كانت توصل له رسالة.. بــ ليلة رجوعها له.. وبـ الليلة اللي راحت لغرفته ونامت عندهـ.. حست إن نهاية هذي الليلة بتكون عندهـ.. خافت ودورت على حبوبها المنومة.. بس مالقتها..تضايقت وهي تدور عليها.. تمالكت نفسها وهي تردد.. مابيجبرني على شيء.. بيحترمني ويحترم رفضي له.. ماهو ضروري أخذ حبوبي معي.. ماراح يجبرني.. ناظرت فستانها الموف.. من مجموعة صوفي اللي خصصتها لها.. قصير ماسك على صدرها بسيور دقيقة.. لبست عقدها الهدية منه.. المكتوب عليه أطهر ذنوبي.. ناظرت الخاتم اللي لبسها إياهـ.. مافسخته الا بيوم عملية ذياب.. ولما صحت كان بإصبعها وهي واثقة هو اللي لبسها إياهـ.. العشاء على بلكونة غرفته مثل ماهو مكتوب في البطاقة.. فتحت باب بلكونتها بهداوة.. وقفت وناظرت بإتجاهـ غرفته.. كان واقف ينتظرها.. قرات المعوذات لما حست بالخوف يتملكها.. وهي تردد كلمة ماراح يجبرني.. قرب منها ومسك يدها وهو يقيمها بنظرات الإعجاب.. قبلها على جبينها وهي ابتعدت عنه بسرعة.. وقفت على حاجز البلكونة.. ظهرها له ويدينها تشد على الحاجز بقوووة.. وقف قريب منها لفها عليه .. رفع راسها له بس هي غمضت عيونها بسرعة.. لاحظ إرتجافها وعرف إنها خايفة منه.. مرر أصابعه على عقدها.. وهو يبتسم بمحبة.. غازي\أبي اشوف عيونك..ناظريني.. هديل بخوف\أنت اخذت حبوبي.. غازي بهمس\إيه رميتها.. فتحي عيونك.. هديل بندم\ما ابي.. غازي\عشـــاني.. كلمته صدمتها منه.. عشاني..؟؟ تمنت لوتقول مالك شان عندي.. بس عاهدت نفسها تترك التجريح.. لاتجرحه ولا يجرحها.. هذا قرارها وقراهـ.. كانت بتفتح عيونها.. بس سالفة اخو لـ ذياب خوفتها.. فشدت على عيونها اكثـــر .. تنهد لما لاحظ شدها اقوى على عيونها.. بعد ثواني حست فيه يقبل العقد اللي لابسته.. وبكذا اجبرها تفتح عيونها وتناظرهـ ... إلى الملتقــــــــــى بإذن الله تعـــــالى فجر الثلاثاء.. إذا قدرت قبل الموعد المحدد فمن عيــوني ما اقصر معكم.. كونوا بخيــــــــــــــــــــر .. صدووود’’’ | ||||||||||||||
|
| |
|
24-03-12, 04:47 AM
| #2280 | ||||
| نجم روايتي وأميرة حزب روايتى للفكر الحر وفراشة الروايات المنقولة
| [QUOTE=همسات وردة;19361088]أسعد الله صبآحك غاليتي صدووود و ملأه الله فرحا و سعاده برد عالسريع عالبارت قبل ماينزل الحين انا بفهم هالغازي المسكين ماكل حلالكم او خيركم ولا ضاربكم ولاقاطع رزقكم ياربي من هالحقد المترسب بقلوبكم عليه الله وهو الله غفور رحيم ويقبل التوبه اذا كانت صادقه وهالرجال تاب وندم ويكفر عن ذنوبه كان قاسي قلتو جلمود وصخر صار طيب وحنون قلتو مايليق عليه وياشين السرج ....... صحيح من قال ارضاء الناس غاية لاتدرك ولذلك ياغزوووي لبى قلبك طنش وسير قدما نحو هدفك ولا عليك من احد .. اهم مرادك تطوله باقصر واسرع السبل [COLOR="Indigo"]اقول هموس محامي الدفاع ........متى شايبكم تاب اذا هديل يوم تطلب منه يروح يغسل ذنوبه ويعتمر مارضى يروح خايف مايطولها فضل يجيب ربعه الي لويدرون عن نذالته وحقارته تفلو بوجهه وماشرفهم يجون معاه .......وبعدين الي ماخاف ربه بكل هالاكاذيب الي لليوم جالس ينسجها على هديل بسالفة مرض ولده والا بالاساس في بديل هذا اذا اصلا الولد فيه علة والدليل يوم يجي بيخبر هديل يوم تقوله انها شالت الرحم حبيبتي الي يتوب لله مايرجع للخدع والمؤامرات الي متعود عليها وبعدين الي ماهزه موت بنته واخوه وخلاه يتوب بيخليه يتوب الحين .........لاتاب ولا شاف التوبة وفعلا ياشين السرج على البقرة .......فيس اشتاق للمحارش [/ COLOR] والي يتهمونه بانه زعيم مافيا والابواب السريه تخطيطات جهنميه احب اوضح لكم ان هالابواب شي متعارف عليه باوروبا وغيرها نظرا لكثرة الحروب فيها سابقا فكانوا يوجدوا لهم مخارج سريه حتى يهربو السادة والبارونات من هالابواب وبدون اي اضرار تلحقهم اما اموالهم فعليه العوض تروح فدى الروح المهم هدووول على مااعتقد انها صرخت لانها اثناء عبورها ومرورها لاقت عدة ابواب متفرعه ودخلت باحدها واظن ان النور كان مقطوع فيها ولعنادها استمرت بطريقها بالظلام ووقتها هاجمها خفاش طاير او شي من هالقبيل فصرخت وطبعا بيجيها غازي طاير ملبي للنداء ويابخته بيستغل الفرصه عدل بانه ياخذ الي بيبه او الطلب الي يناسبه بمقابل انقاذه لها [COLOR="Indigo"]هوع هوع والله غويزي شكله مسوي هالباب من يوم قرر ينفذ خطته الدنيئة في تعذيب هديل علشان يفرض حاله عليها في جميع الاوقات .......لانو البار بالملحق مو بالقصر اساسا وشكل المعتقل قصدي الملحق مسويه يوم قرر يحبس فيه هالمظلومة لانو من البداية رماها فيه بس يوم طمع بجمالها وقرر يستفيد منه وخاف انها تهرب وعلشان يبي اهله يكملو الناقص وكأنو هو قصر عليها الله لايبيحه ولا يغفر له ولا لامثاله قرر يغير مكان حبسها [/ COLOR] [color="magenta"]اثنينهم فاهمين بعض عدل وفاهمين ردات الفعل المتوقعه فيما بينهم وكون غازي تحامل على نفسه وكظم غيضه فهو جنى اول الثمار في سبيل استرداد كرامتها وموقعها بحياته ولانها حست فعلا بهالشي فكانت ردة فعله احلى هديه له من تزوجوا الى الان [/ مين الي تحامل على نفسه عسى بس مو شايبكم تحامل على نفسه عسى نفسه يخلص وينطفي حسه قال تحامل على نفسه وليه ان شاء الله لايكون يحس اصلا واحد ميت احساسه من وين بيتأثر اذا موت هديل ماغيره ولا اثر فيه ولا حتى سمعنا انو حرارته ارتفعت يخمد ب كل برود كابوس واحد ماجاه تراكم عاطينه اكبر من حجمه وهو مايسوى بصلة ... وحبيبتي هو عارف انو الغصب ماراح يحسسه بالشي الي يرضيه لو اخذ من هديل الي يبي قام عمل هاللعبة يبغي يسلب عقلها من باب الحريم ناقصات عقل عقولهم صغيرة ينضحك عليهم بالغزل والهداية ماتشوفيه كل مرة جاي يشتري رضاها بطقم مثل امثاله الي يهينون حريمهم ويمسحون فيهم الارض ويراضوهم برضاوة مادية والي ترضى تستاهل الي يحيها ولا تستحق الاحترام لانها هانت عليها نفسها ونست الي جاها ونست انو الي سواه شي مومن حق الزوج يسويه لزوجته بس ماادري كيف تحبون الي تهين نفسها وتعيش بلا كرامة علشان نذل اخذها جارية وعيشها بذل ويوم عجبته جاريته رفعتوه فوق والا امثاله المفروض يصيرون منبوذين ولايشرفون المجتمع لانو الي مايخاف الله وهو بعز قوته وشبابه مايستحق الرحمة وهالشي ينطبق على هالمجرم وكلكم عارفين وامثاله ترفضوها بالواقع حتى لو كان بنفس ظروف هالمجرم الوردة كانت اول صدمه له ولسى باقي صدمات كثير ماكان يتوقعها منها نظرا لسوء معاملته لها وقتها الوردة صدمة مين الي انصدم لايكون تتكلمي عن واحد ثاني باين انو ينصدم او يتأثر بشي هالمغرور ليه الحجارة تحس او تنصدم مواقول لكم عاطينه حجم اكبر منه مسفر رووح والاب داعي يالله منك المال ومنها العيال المعقدين بخمسين عقدة واليوم بتبدا بنشر عقدها عليه وبتفجرها باهلها كلهم ههههههههههههه مسفر معقد اجل صدق صدق بطلكم مجنون ومسجل خطر اذا مسفر الراقي الشهم على الاقل مااخذ خلود انتقام لمقتل اخوه ولا اخذها بعقد زواج ماتدري عنه ولا تدري انها تزوجت ولا الناس بتاكل في عرضها لانهم مايدرون انها تزوجت ولا بيسمح لعرضه يختلط بعمال ماهم على دينه علشان يذلها ويرضي غروره يكون معقد ولا رخمة ماعنده ذرة شرف يترك زوجته مع رجال حتى لو كان واثق فيه ومسلم اسمه غريب عنها ومومحرم لها مو بعذر يعلمها تنظف اسطبل كان من باب اولى صار هو يعلمها ...........ها اكمل انجازات رخمتكم والا حافظين سواياه والا قاهركم مسفر الي يتصف بصفات ماهي في شايبكم الي ماعنده لاعقل ولا ايمان بعقاب ربه ابو اطهر الذنوب خلوني ساكته بس تراني على شعرة بس والي مقهورة من هديل اقولها قولي للشايب يصون كرامته ويخليها بنات ادم وحواء كثير وياليت هالمرة ياخذ له وحدة تناسبه بالعمر مو لانه شاف جمال هديل الي سحره استخسرها في غيره ...........ياخذ وحدة لو يكوي جسمها وبكلمة من كلماته الي حافظهم من احد افلام الابيض والاسود يسكتها وترتمي تحت رجوله تطلب رضاه لانو هذا الي انتو تبونه | ||||
|
| |
 |
| أدوات الموضوع | |
| انواع عرض الموضوع | |
|
|
274Likes
.png)
.png)
العرض العادي
