22-10-11, 12:35 AM
| #611 | ||||||||||||||
| مراقبة ومشرفة سابقة ونجم روايتي  
|  شباب اللي بيحضر المناقشه هناك في الموضوع الثاني واختي الجوري مافاتك شيء حياك هناك باقي احنا نتبادل الافكار يلا نتسلى لين يجي البارت حياكم | ||||||||||||||
|  |
|
22-10-11, 02:23 AM
| #612 | ||||
| نجم روايتي و أميرة حزب روايتى للفكر الحر 
| صباح الفل والياسمين صباح الزهور والورود اممم قبل ماابدا بالبارت برد على بعض البنات ^ ^ البارت اهداء لرابــــطة غازي.... ورابـــــــــطة هديــــل ...>>فيس العدل والمساواة... الي يقولو قولي رابطة هديل قبل اقولها الرجل اولا ثم المراه ثانيا .... لان القوامة للرجل على المراة *_^ والحين زيزو ياقلبي شكل تعصبك خلاك تصابين بالخرف بدري وتحوسين الروايه كلها ( علشان الخايس يتعذب ومايقدر يرجعها بعد لانها تقدر تتهمه بالخطف والتزوير والسفارة ماترجعها الا بوجود احد من اهلها يأكدون زواج غويزي منها وليه مزور الاوراق) ليه انت جازمه ومتاكده انه زور الاوراق وطلع لها جواز مزو باسم رسل اولا ببداية الروايه غازي اخذ هديل وصورها قبل سفرهم بيوم حتى يقدر يستخرج لها الجواز ولو فرضنا بان كلامك صح وهو غير اسمها بالجواز الى رسل فعادي يقدر ولي امرها بمعاملات خاصه يغير الاسم ففين التزوير والخطف اذا البنت الي معه مرته و اخذها برضى ابوها >>فيس يهز حواجبه ثاني شي راجح يبطي عظم يهرب هدول من غازي لو يموت مايقدر يوصلها وراح تستمر هدول مع غازي الى ماهي تهرب بطريقه مايشك فيها ابدا ولدرجة انه يعتقد انها ماتت لانه لو كان عنده شك لو واحد بالالف مو بالميه كان طلعها من تحت الارض مو قنع بواقعه وحط ايده على خده يعيش الندم بكل لحظه وثانيه لضياع حياتهم بدون مايتمتعو فيها بالحب والهنا نظرتك ناحية انتقام غادة وانها المفروض تسامحه غير واقعيه مع اعتذاري لك لان الواحد لما يخطا ممكن نسامحه الا المساس بالشرف والعرض فلو شافها عدتها له بكل سهولة بيقول عادي وبيستسهل انه يشك فيها او يجرحها كل مرة لانها ماعندها كرامه ولا عزة نفس ولادافعت عنهم لكن لما تذوقه من نفس الكاس اكيد انه بيفكر قبل مايتهمها باي شي الف مرة ويحسب لها ولاهلها الف حساب نرجع للبارت : راجح ورشا : مثل ماتوقعت وكان تعامل راجح مع الوضع عقلاني وان كان الشك مازال يلعب براسه لعب ( بس كلامها كان مثل البلسم الخفي اللي هداء قلبه...) ههههههههه هدأ قلبه وليس عقله ... صحيح هو عقله وقلبه شغالين لحل سر رشا بس قلبه اكثر من عقله لحبه لها ولسى باقي العتاب بينهم ليه تركها تتزوجه ؟؟ وليه هي وافقت على سعود ؟؟ ( هذي راح تكون المرحلة الأخيرة لا تستعجلين عليها..) الطلاق كحل نهائي بينهم بعد كشف الحقيقه راح يكون العائق لها من التصريح بحبها له وقت المصارحه ( رشا بتعب\لأنكم هله.... راجح بحذر\وأنتي أمــــــه ....؟؟ ) التعليقات الي سابقا كانت ترددها وماحد ينتبه لها الحين راجح راح ينتبه مع كل حرف تنطقه خاصة بعد مابدا يشك انها ام الولد ومع تعلقه الشديد فيه وخوفها من اخذهم له منها ( هو ماكان مقتنع بان هذا كله حب لولدها..لانها توسوس بانه راح يبتعد عنها..) لان الكل يغني على ليلاه وكل واحد فيهم مشغول بنفسه وبمشاكله فمانتبهو لخوفها اللامعقول ناحية الولد وانه يناخذ منها رغم انه ابنها وهي اختهم بس راجح لانه الوحيد الي يهتم لامرها انتبه وساورته الشكوك وبدا يبحث حتى يعرف الحقيقه ( كفاية شايلة ذنب برقبتي بسكوتي..... سعود ما أبي نروح الكويــــت تكفى تكفى لانروح..) رشا فوق سكوتها بولد مو ولدها الا انها محمله نفسها الذنب بموته لانها رفضت تروح معه الكويت على اعتبار ان اهل ام غازي الصغيرون هناك فخافت يطالبون فيه وياخذونه منها يعني تخاف تقولهم ان غازي مو ولدها وانها ماراحت معه برحلته الاخيرة فتعاقبها ام غازي وغازي وشوق وراجح لخذلانها لسعود باخذ الولد منها ( سامحيني وحلليني.. ) مجرد طلب عادي من ظالم لمظلومته او انه حاسس انها ايامه الاخيرة وانه رايح لحتفه ؟؟!! راجح ماراح يسكت بعد ماعرف بجهل هديل عن حقيقة انها زوجة غازي ( راجح شال شماغه وعقاله من على راسه ورماه على الأرض..) هل هذي اشارة رمزيه بانه مايستحق لبسهم ولا لبس الرداء العربي الاصيل مالم يحق الحق ويصحح الوضع ( توجه لمكتبه وأتصل بالسفارة السعودية في ايطاليا.. وبعدها على الجوازات ...) اعتقد انه لصلة العائله الوثيقه بالسفارة هناك وطبعا وضح لنا هالشي من الدعوة الي وجهت لهم ايام سفرهم بالعيد لروما ولحضورهم للدعوة جميعا بالسفارة فهو اكيد طلب من صاحبه بالسفارة يطلع له بدل فاقد لجواز هديل حتى يقدر يخرجها ويهربها وينقذها من غازي بس الاكيد ان خطته ماراح تنجح مع غازي وان غازي باي طريقه كانت راح يحافظ عليها تحت عينه ويمنع راجح من اخذها منه ... و يمكن يكون غازي متوجس من راجح ومتوقع منه اي حركه خاصة بعد محاولته الاخيرة بتهريبها فيكون طلب من موظف معين بالسفارة يبلغه باي شي جديد يخص اسم هديل او رسل تحسبا لاي ظرف كان راكان وغاده : ( ماقللت من إحترامك..وماراح اسويها قدام هلك.. ) هذي نقطه اكيد غادة حاطتها باعتبارها في انتقامها منه ومنها راح تكون الكورة بملعب راكان يااما ينسى جرحها له ويعتبره دين عليه وتسدد او يحفظه لها ويفترقون ( سارة\انكم تزاعلتوا زمان وتركتوا بعض.. غادة تقاطعها\انا اللي تركته ...) اممم تقصدي على مااظن قبل السالفه الاخيرة المذكورة ببدايات الروايه ... اقصد ان غادة زمان كانت تحبه وهو يحبها وبعدها غاده تركته لسبب من الاسباب ثم دخلت ساره بالموضوع واحشرت هديل بالسالفه على اساس ان راكان يحبها فكان الانفصال والخيبه النهائيه لغاده منه حتى ماتت هدول ورجع خطبها من جديد وظنت بعدها انه خطبها كبديل لاختها وو ........ ( طفرت دمعة من عينها.. لأن مشاعرها تتقاتل جواتها..) وهالشي راح يعجل بانتقامها ويمكن يكون اليوم لان مشاعرها بدت تقلب على راي العقل وهي ابدا ماراح تسمح لقلبها يغلب عقلها غازي وهدول :اليوم راح يتصرف التصرف الي يقص الطريق فيه على راجح من اوله ( هديل\أنت أخر من يتكلم عن الجائز والحرام.. ) تؤ تؤ تؤ ليه قالو لك انه ماشي بالسكه البطاليه او انه دشير ( ابتسم لما تذكر جلوسها بهالشكل وبنفس المكان ..تدري انه يذكر ماضيها هنا عشان يعذبها...) لا ياهدول هو افتكر هالموقف وابتسم لانه كان اول مرة يشوفك فيها تضحكي اول مرة يسمع ضحكتك ويشوف وجهك بشكل مختلف غير عن العابس الحزين الناظر للبعيد (ثمني كلامك على نفسك أو ذبحتك.. أقسم بالله العظيم إن عدتي مثل هالكلام يا هـــ...........) فديت نص مخي الي سارقته منك *_^ اقول باقي ماشتريتي النجوم شكلي انا الي بشتريهم وبضحك على نفسي وبقول منك :lol: ( غازي\قاتل ويبي يصير محامي... ) او يمكن يبي يكفر عن ذنبه بالدفاع عن المظلومين ( غازي بقسوة\ومن متى كان لإرادتك أي أهمية.. ) هنا غازي ينسى اي شي دام فيه مصلحتها ولان العمليه عشان تعيد لها النظر بعد الله رجع لها بنفس كلامه السابق بان مالها اي راي او قرار غير رايه وقراره ( غازي بهمس\لاتنسين ياكثر ما اجبرتك وانتي خسرتي.. ) هنا قصده بريء بعكس مافهمت هو يقصد انه بكل مرة تتحداه وتستفزه هو الي يجبرها على تنفيذ امره والانصياع لاوامره وتخسر وان كان بشرف حال هدول هنا مع عماها وشتاتها بغرفة المكتب يعور القلب فكيف فيه هو الي يشوفها قدامه مباشرة ( أنهزمنا إن رضينا و مارضينا.. مابيننا منتصر ياقلبـــــي..) الاعتراف بالحق فضيله ... هالكلمه بتظل بينهم لاخر بارت لان مافيه منتصر بينهم وهو مع ذلك يحارب ويكابر لعل وعسى يصحح الامور ويرجعها لمسارها الصحيح ( غازي\حسرتي على أخوي أقوى.. ) هنا بكلامه تصريح بان حسرته على اخوه اقوى من فقده وكان فيه شي ثاني غير القتل نجهله وهو سبب كل هالمشاكل ( لم تساعدني عندما طلبت منك المساعدة...هددتني وأخفتني..شكرا لك..لن أنسى هذا..) والقائمه تطول ولاتنتهي .... (أريد أن أعاقب نفسي.. أعاقب تلك البليدة الحمقاء...) وكيف راح يكون عقابك لنفسك .. اكيد بانك تسمحي لاشياء تصير ماكنتي تسمحي بها بالسابق ^ ^ ( غازي بحنان\أوعدك ينحل كل شيء ياروحي... والحضن اللي تبينه ترجعين له..بسك غربة ياروحي بس..) النقاش الي بينهم هنا فظيع واليم جدا كلام واحده قلبها محروق وهو يحس ان الكلام موجه له كالعاده وعشان كذا نهائيا مااظن انه راح يتصل باهلها مثل مالاغلبيه يعتقدون اولا لانه ماسوى كل الي سواه عشان بالاخير يرجعها لهم او يخلي ابوها او اي فرد من اهلها يكلمها لان اي تصرف من هالناحيه راح يفقدها للابد ولو كانت بدت تتقبل لو واحد بالميه واقعها فهي بعد المكالمه نهائيا بتسحب عليه ولا بترجع له ثانيا لانه لو اعطاها هالمجال وحرمها منه راح تصاب باكتئاب نفسي حاد فيخلي هالباب مقفل على طول ولا يفتحه على نفسه بمشاكل ماتنحل . والرد على كلامه السابق بكلامها هي : ( قلي يـــــوبه متى لحضنك يرجعني...أنا رسل بنتك رسل..) ( وأجراء اتصال مهم ومصيري.. أنا وعدتها وصار وقت ننهي المأساة...) اكيد راح يجيب المحامي او اي شخص رسمي يقوم بالمهمه حتى يعلن لها زواجهم بالاوراق الرسميه وبلسانه حتى تصدقه وعليها يرتب الوضع بحيث تكون عروس وتعيش اجواء غير الي عايشتها سلمت الايادي غرووري والله يعطيك العافيه على ماتخطه يداك و ماينزف به قلمك من حروف | ||||
|
| |
|
22-10-11, 03:24 AM
| #614 | ||||||||
| مراقبة عامة ومشرفة منتدى الروايات المنقولة  
| هموسه رد مميز يالغاليه دائما مميزه في ردودك أحرص على متابعتها بعد كل باارت في الروايات التي أقرأها ويعجبني دفاعك المستميت عن غازي ومثل مايقولوا وعين الرضى عن كل عيب كليلة هههه تصدقين لما أقرأ مبرراتك لغازي يفتر راسي لكن ارجع لعقلي وأقول إنه أجرم في هديل وظلمها وعذبها وهي مالها ذنب ولابد يوم تدور على الظالم الدوائر | ||||||||
|
| |
|
22-10-11, 04:01 AM
| #615 | ||||
| نجم روايتي 
| السلام عليكم ورحمة الله وبركاته ... يسعد صباحكم \\ مسائكم بكل محبة ورضا من رب العالمين... كيفكم الـــ ؟؟ أحبـــــــــتي في كل مكان..؟؟! شكــــــراً بحجم السماء أحبــــــــــتي لتواجدكم الغالي على قلبي.. لمشاركاتكم بالردوود وفي الخاص... شـــكراً كبيرة لكل من سجلوا وشاركوا عشاني.. الله يعلي شانكم ... وشــكراً لكل من راسلوني وشاركوني بخواطرهم وأحاسيسهم الرائعة عن الشخصيات والظروف.. الغالية دلعي غير::حالوت ألبي طلبك وأوصف راجح راح يكون فيه محاولة بسيطة في الاجزاء القادمة.. طلبت منكم بنهاية أحد الفصول..محاولة إكتشاف خطة غادة.. للانتقام من راكان...ماقصرتوا كل وحدهـ وخمنت باللي تقدر عليه.. بس مع الأسف ما أحد مسك طرف الخيط الا وحدة بس.. اللي هــــــي الغالية بحر الندى.. وكان تخمينها في الخاص...أصبتي بتخمينك ومحاولة فك الانتقام غاليتي.. شـــــكراً الهاله الغالية على إختيار المدخل لهذا البارت .. البارت إهـــــــــــــــــــــــ ــــداء خــــاص جــــداً.. لـــــــــــــ عمـــــــــــــــو مصطفى .. شــــــــــكراً بحجم السماء على تواجدك .. وعـــــــــلى الوســــام... البارت الثالث والأربعون ... أنت السعادة و الكآبه و الوجد حبك و الصبابه أنت الحياة تفيض بالخصب المعطر كالسحابه منك الوجود يعب فرحته و يستدني شبابه و على عيونك تنثر الأحلام أنجمها المذابه و على شفاهك يكشف الفجر الجميل لنا نقابه.... المرحوم باذن الله تعالى...غازي القصيبي... في غرفة شوق كانت ترتب شنطت طالب .. غرقانة بتفكيرها فيه..ومستغربة احساسها ليه زعلانة.. وليه مكتئبة هذا اللي كانوا مخططين له..يوصلها لبيت أهلها يطمن عليها ويسافر.. ومع الوقت بيدركون هلها انها ماتبي طالب وبينفصلون.. طبعا هذي كانت فكرة شوق...لما شافت انها ماتقدر تقول لامها طالب مايبيني وانا ماعدت ابيه.. لمت شماغه بين يديها... شمت ريحته وحست بدموعها تخونها.. ماتدري ليه سوت اللي سوته.. بس قلبها مايقدر ينقطع عنه بهالشكل... لمت الشماغ وحطته بكبتها وقفلت الكبت... فتحت أحد أدراجها وطلعت علبة خشبية صغيرة فتحتها وخرجت دمية زجاجية منها.. كانت هدية من طالب..ماكان لها مناسبة... بس عند شوق كانت مناسبتها انها اول هدية يهديها لها من دون مايغلفها بقسوة كلامه.. أو سخريته ومحاولات اغاضتها.. أعطاها اياها بصمت وهي أخذتها بالمثل... لذلك كانت تبتسم وتبسط لما تشوفها..بعكس هداياه الاخرى.. كان لكل هدية جرح او كلمة معلقة فيها.. طالب\عصقووول.. انتفضت بمكانها وخبت الدمية وراها قبل ينتبه عليها.. طالب\وش مخبية وراك؟؟ شوق\ولاشيء..اممم ترى جهزت اغراضك..انت شيك عليها اذا ناقص شيء.. طالب قرب من شنطته وعفسها وهي مبققة عيونها فيه.. شوق بشهقة\الحين مرتبتها لك وانت عفستها.. طالب\وينـــــــــــها؟؟ شوق حست الدم تجمد بعروقها.. ماتوقعت يفتقد شماغه بهالشكل..مو عنده كثير منها.. شوق بهدو\معي.. طالب\هاتيها..ما اقدر اسافر من دونها.. شوق\مو الحين اقصد مو قريب مني.. طالب بحدة\أبيها ألحين.. فتحت كبتها بخجل وخرجت الشماغ من بين أغراضها... رمته عليه وجات بتطلع من غرفتها.. لكن هو سحبها من يدها دخلها الغرفة وقفل الباب.. ثبتها على الباب وهو يناظر بدموعها ويرجع يناظر بشماغه.. رفعه بيدهـ\وش ذا؟؟ ماردت عليه تحس بغصة تخنقها واذا تكلمت يمكن تبكي.. رفع وجها بيده\جاوبيني.. شوق بصوت مخنوق\شماغك...مو قلت تبيه؟؟ طالب\لا ماقلت ابيه..بس وش كان يسوي بكبتك؟؟ شوق حطت يدها على صدره تبعده عنها.. بس هو ثبتها أكثر وقرب منها.. شوق بقهر\مو كنت تهاوش تبي شماغك هذا هو معك يالله لم شنطتك والله معك.. طالب\ماكنت أهاوش ابي شماغي.. شوق\أجل وش تبي وش مضيع من أغراضك..؟؟ طالب بخبث\كنت أبي عصقولتي مالقيتها بالشنطة...أتاريك كنتي سارقة شماغي.. شوق طاح وجها\أأ ل لا انا ماسرقت شماغك لاتتبلاني.. اوووف ابعد باروح لامي.. طالب\تروحين لامك وزوجك بيسافر بكره.. وهذي اخر ليلة تقضينها معه ياعصقوول..؟؟ شوق\لاتقوول عصقوول..مااحب هالاسم... طالب يضحك\هههههههههههههه وانا اموووت فيه لانه منك.. شوق\ابعد خنقتني.. طالب\اول اعترفي ليه سرقتي شماغي..تبين تسحريني؟؟ شوق منحرجة منه بقوووة ومن قربه منها.. طالب\شواقة تبين تسحريني؟؟ولا تحبيني؟؟ نهرت نفسها بقهر لاتخلينه يدووس عليك.. أنتي تعرفينه بيحطمك بيكسرك وقفيه قبل يسويها.. شوق بسخرية\واثق بنفسك بزيادة..إلى الآن تحسبني ميته عليك... لطالما قلت لي اصحي من اوهامك..اليوم أقوولك اصحى من أوهامك .. طالب بعناد\وش كان يسوي شماغي بكبتك؟؟ شوق تبتسم\اللي تسويه هذي.. خرجت الدمية الزجاجية من جيب بنطلونها وحطتها بكفه.. بعدته عنها وفتحت الكبت.. خرجت كل هداياه لها ونثرتها بشنطته بين ملابسه.. شوق بحدة\واللي تسويه هذي...كلها بقاياك شلها معك..ما ابي منك شيء يظل عندي.. طالب\يؤؤؤ أنتي محتفظة بكل هذي الهدايا..وانا ما احتفظت بهداياك..مدري وينها يمكن رميتها.. شوق بقهر\عمرك ماراح تتغير بتظل مثل ما أنت..ماتحس ما اطيقك.. رمت ملابسه عليه وهي تصرخ فيه.. شوق تبكي\اطلع من حياتي اكرهك ما ابيييك...روووح سافر طلقني.. طالب يضمها وهو يضحك\وأنا أموووت فيك وأحبك وأبييييك... ضربته وحاولت تبعد عنه بس هو كان يضمها بقوة وماسمح لها تبعد عنه.. شوق\اتركني اكرهك ياكذاب يامتخلف.. طالب\هههههههه اهدي يارروح طالب وقلبه.. وش اسوي بنفسي أحبك لما تعصبين.. شوق رفسته على أرجوله\وانا ما احبك ابعد عني اتركنيييييييييي.. طالب\تعقبين ما اتركك.. جلسها على السرير وجلس جنبها..كانت بتوقف بس شدها له وجلسها غصب.. شوق بغضب\اتركني ما ابى اجلس معك..وهذي الخرابيط والهدايا ارمها مثل اللي قبلها.. طالب يبوسها على خدها بقوووة.. وهي تضربه\لا تلمسني ما ابييك ابعد.. طالب\هههههههههههه طيب اصبري هشش ولا كلمة كفختك الحين.. كانت بتتكلم بس فتن عليها\قلتلك ولا كلمة .. فتح جواله وقربه منها... طالب\شوفي وحدة مزعجتني تراسلني وتحاول تستدرجني.. بس أنا ماعطيتها وجه لاني متزوج..رسايلها هذي من زمااان.. شوق وقفت وبعصبية عضته على كتفه بقوووة وهو انسدح يضحك ويحاول يفكها منه.. بعدت عنه والجوال في يدها\لانها حمااارة غبية ومتزوجة جدار مثلك يالجماد... يعني محتفظ برسايلي عشان تنكت عليها.. طيب انقلع وخذلك جهاز ثاني هذا باحرقه باللي فيه.. طالب لازال يضحك\هههههههههههههه باذبحك رسايل عصقوولتي ابيها... شوق بقهر\طالب قووم انقلع من بيتنا ما ابيك عندنا.. طالب\عصقوولتي الى متى وأنتي تشوتيني من بيتكم؟؟ شوق\متى بيجي بكره وتسااافر.. طالب يضمها بقووة\لاتستفزيني واحلف ما أسافر الا وأنتي............. شوق شهقت من الخجل\لا لا اتركني ابعد ما ابي. طالب\ترى حذرتك لاتخليني اتهور... شوق\طالب ابعد.. طالب يقبلها\أحبك يا عصقوولة..تبين اقولك كل هدية وش مناسبتها.. جلسها على الارض وجلس جنبها.. سحب الشنطة وحطها ع الارض وبداء يطلع كل هدية ويقول لها متى اهداها اياها.. وشوق تناظر فيه مصدومة ماظنت انه ممكن يكون متذكر الهدايا ومناسباتها.. ولما وصل عند الدمية الزجاجية ناظر فيها بشك.. طالب\هذي ما اذكر اني أهديتك إياها... شوق\بلى انت اهديتني اياها ماتذكر؟؟ طالب\كذووووب لو انا كنت باتذكر المناسبة... شوق تضحك\ههههههههههه مو هنا مربط الفرس لما أنت أهديتني اياها ماتمسخرت علي ولا ضيقت خلقي وطفرتني.. طالب بندم\أجل إرميها هذي هدية ذات غير نفعة.. شوق تخبي الدمية وراها\ههههههههههههه بل هي ذات نفعة كبيرة.. تراها احب هدية عندي منك ههههههههههه.. طالب\بس انا ما احبها ماكان لها مقصد نبيل.. شوق ناظرت فيه بتساؤل... طالب\يعني ماخدمتني قبل اعطيك اياها وطفرتك.. شوق\انقلع دووووب.. طالب صار يلم الهدايا ويحطها بالشنطة وشوق مفتحة عيونها ع الآخر.. طالب يناظرها\وش عندك هداياي بفلووسي يمكن اهديها زوجتي الثانية.. وقفت بعصبية وسحبت الشنطة منه وخرجت هداياها... شوق\عساها الجلطة قبل لا تمسك يدك يدها...وهداياي حامض على بوزك انت وهي.. روح واشتر لها هدايا من الحراج يالجدار.. طالب\هههههههههههههههه الحراج؟؟وش عرفك اني ماخذ هداياك منه..طلعتي نبيهه.. شوق ماقدرت تمثل العصبية اكثر.. جلست على الارض تضحك معه وهو ينكت عليها وعلى الهدايا.. أدركت انه صعب عليها تغيرهـ.. وبنفس الوقت أكتشفت حبه لها بتطفيره ومسخرته عشان تثور عليه وتعصب.. ظل يحايلها طول الليل ترمي الدمية الزجاجية ويقول ذات غير نفعة ... وهي مصممة انها اغلى هدية... ولما تساله عن هداياها واذا صدق رماها.. مايجاوبها بالصدق... مرة يقول رهنتها في البنك واخذت قرض..ومرة يقول صادرتها الحكومة لان فيها نفط... وفي الاخير يتبلاها ويقول انها ما اهدته ولا هديه وهي جالسة تتبلى عليه.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛ تدري وش آقسى شي ممكن تعآنيه واسوأ مرآحل وحدتك فٍ ححيآتك هو إنتظآرك شخص يمكن تلآقيه ! ويمكن يغيب ولآ درى عن طرآتك بس آلشعور آللي من آلصعب تخفيه إنك تحبه رغم كسسره لذآتك.. قال لها بيطلعها تغير جو..تتمشى ويمكن تنبسط... أستنكرت بدواخلها... وش اللي راح يتغير..؟بيظل الظلام محاصرها.. سواء داخل الفندق أو خارج أسوار المدينة.. ماتدري كم مضى عليها وهي جالسة لوحدها على المقعد كان جالس معها.. لربما مل من انه يتكلم ويرد على نفسه...هذا اللي فكرت فيه... تسمع أصوات الناس حواليها وتضم نفسها من الوحدة اللي تحس فيها.. ولأول مرة تفكر ملابسها وش تكون وباي لون...حجابها البالطو.. وبنفس الوقت أكتشفت ان هالشيء مايهمها أبداً.. عصبت عليه لما عرض يساعدها بملابسها وهم في الفندق... كانت يدها تعبث بالملابس بفوضوية.. تحسست كنزة صوفية وحطتها على جنب..سحبت بنطلون ورمته بجهة الكنزة... لمت ملابسها وبالموت لقت طريقها ورمتها في الكبت.. رجعت تبي تبدل لكن ماقدرت تلاقي الملابس اللي هي جهزتها.. ماتدري باي جهة ومكان حطتهم.. غازي\على يسارك بآخر طرف السرير... طنشته ولا كأنها تسمعه وكملت طريقها بالغرفة... ضربت بحافة السرير تحملت المها ومابينت له... حطت يدها ع السرير وبدت تدور على ملابسها... شالتهم ووقفت توجهت على يسار السرير لان الحمام من هذي الجهة.. دخلت وقفلت الباب عليها وهو ينتظرها بالغرفة... سمعت صوت اطفال يلبعون ويركضون بالحديقة اللي هي فيها... أبتسمت لصوت ضحكاتهم العالية ومرحهم.. بس حست بالم بقلبها ليش وبأي حق تبتسمين..؟؟ اللي مثلك خاينين تافهين مايحق لهم يبتسمون.. أبوك يدور عليك وأنتي خنتيه... كيف تقابلينه.. بس هو تأخر علي كثيـــر..تأخر ولاعاد ينفع اي شيء الحين.. بس هو بيسامحك بيعذرك لما تقولين له غصب عنك... موضروري أقوله ماهو لازم يعرف وش صار.. ما احد راح يعرف..بيظل سر.. مجنونة أنتي وحدة حقيرة ومستعملة وراح يبين عليك هالشيء... مسحت دموعها بيدها اليسار.. وتلفتت حواليها تبي تشوف شيء غير الظلام... بس ماكان فيه الا الظلام وأصوات الناس... لو كنت أشوف ماكان راح يغفل عني... ولا يتركني لحالي... بس لاني عجزانة وعمياء مطمن... قريب منها على المقعد المجاور لها... عيونه عليها يراقبها يتأملها.. يدري انها تحاول تشوفه وتعرف وين راح وتركها... رغم صدها وتجاهلها له ورغم تحقيرها لنفسه ولوجودهـ.. مايقدر الا إنه يضمها أكثر.. يداريها ويجبرها تتقبل وجوده مساعدته وكلامه.. مايقدر يخفي اهتمامه وحبه لها... ناظر بجواله وابتسم... لو هي ترد على صاحب الرقم .. يمكن من فرحتها ترجع تشوف... بس الأمور لازم تجي بالتئني..عشانها بس.. رد بكل جمووود وألتهى باتصاله.. وقفت باستسلام... وقررت تمشي...وحتى لو ماتعرف وش الخطوة الثانية المهم تمشي... صدمت بكم شخص ماحاولت تعتذر منهم... هم كانوا يعتذرون منها ويعرضون مساعدتهم عليها.. تبتعد عنهم وتكمل طريقها... الجو باااارد وصقيعي... لكن ظهرها راسها وعيونها تحس فيهم مثل النار المحرقة... وكأنها تشتعل وقفت بمكانها خايفة من اللي تحس فيه.. همست بألم\أنا أحترق... وبلحظات تحولت لقطعة جليد وأنحرمت من الهواء... شهقت فتحت فمها تصرخ بس بلعت الماء البارد وعجزت عن الصراخ.. صحت على همساته لها وهو يحتضنها... أصوات كثيرة محيطة فيها.. ماعرفت الا صوته وماحست الا بيدينه.. وبشفايفه تحاول تنعشها وتدخل الهواء لرئتيها.. يدينه تضغط على صدرها يحاول يطلع الماء اللي بلعته.. همست باسمه وغمضت عيونها... فسخ جاكيته ولمها فيه وهو يشكر الشخص اللي نزل وخرجها من البحيرة.. يحس برجفة مو مصدق إنه كان ممكن يفقدها... غفل عنها باتصاله ولما انذكر اسمها في الكلام رفع عيونه لها بس ماكانت موجودة.. قفل الجوال وصار يركض يدور عليها ولما شاف تجمع الناس عند البحيرة.. أصابه اليقين من دون شك هذا التجمع على هديل.. دخل بينهم وشافها مرمية على الأرض غرقانة ومثل قطعة جليد.. ماسمح لـ الصدمة تتحكم فيه.. أنعشها بالتنفس الاصطناعي.. أجبرها تطلع الماء اللي بلعته في البحيرة.. حس بسكين تنغرز بقلبه لما سمعها تهمس باسمه.. ضمها بقوووة لدرجة انه شك من امكانيتها تتنفس.. لمها بجاكيته ويده تصافح يد الرجل اللي نزل للبحيرة عشان ينقذ البنت اللي أختفت بسرعة.. غازي بإمتنان\شــكراً...شكرا لك.. الرجل\لقد لاحظت بانها لاترى بعدما اصطدمت بي.. وظللت أراقبها كنت اركض احاول ان احذرها من قرب البحيرة..لكن هي سقطت بشكل مفاجىء.. غازي وهو يضمها\نعم هي لاترى...حبيبتي لا ترى.. شالها وأخذها للفندق..مع انه يفضل لو يتوجهون للمستشفى.. بس لازم تبدل ملابسها ولا بتموت من البرد... ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛ غادة بهدوء\وين يبي يروح عمي؟؟ راكان\الله العالم أبوك وأبوي يمكن يبون يعرسون بايطاليات.. غادة\أبوي بيروح مع عمي..؟؟ راكان\لا أبوي هو بيروح مع ابوك..طلع أبوك هو اللي مخطط لـ السفرة.. غادة\غريبة وش عندهم ليش يبون يسافرون؟؟ راكان\أنا أشك في هالشايبين وراهم أكشن... غادة\طيب ليه ماتروح معهم؟؟ راكان\تبيني اقول باروح معكم عشان يسوون فيني مثل علي أخوك.. غادة بحماس\وش سووا في علي؟؟ راكان\الله يسلمك لما قال لهم باروح معكم نزلت عليه صواريخ أرض جو من أبوي وأبوك.. شرشحوووهـ..قالوا شايفنا بزارين ولا مهسترين يوم تروح معنا.. غادة\وهـ فديت اخوي فشلووهـ.. راكان\ههههههههههه أحسن بردوا خاطري فيه.. غادة تشهق\هيه ترى تتكلم عن اخوي.. راكان\تبين تشوفين كم فقشة فيني منه..؟؟ غادة بفخر\تستاهل يربيك.. راكان يغمز\طيب يعننك قوية الحين لان هلي قدامنا.. بس لما طلعنا فوق لا تصيرين قطوة أليفة.. غادة تتجاهل معنى كلامه\طيب بيطولون هناك..ترى باروح أسلم على أبوي.. راكان\ماحددوا كم بتكون سفرتهم..أنا بس أبي اعرف وش سببها..يقولون تمشية وتغيير جو.. عادي يكذبون المهم يتكلمون..تحسين وراهم سر عسكري.. سهى\راكان قل لأبوي ياخذني معه.. راكان\كملــــــــــت وين زوجك منك انتي؟؟ سهى\في بيتنا.. راكان\وأنتي وش مجلسك في بيتنا.. سهى\جاية أسلم على ابوي..مو مثل بعض الناس ابوهم بيسافر وماراحوا يسلموون عليها.. غادة\راكان باروح اسلم على ابوي الحين... قامت وطلعت فوق وراكان ضرب سهى على راسها\وش دخلك في حرمتي تناقرينها؟؟ سهى\ههههههههههههه ابيها تسلم على ابوها.. راكان وقف\الحين بتقول بتنام عند اهلها صدق نشبة أنتي.. طلع راكان وسهى جلست تضحك عليه.. أتصلت بساره وقالت لها عن سفرة أبوها.... دخل غرفتهم وهي تخرج عبايتها من الكبت.. راكان بطفش\يعني مصممة تروحين..عادي كلميه بالجوال وسلمي عليه.. غادة بصدمة\أنت من جدك تتكلم..ترى من تزوجنا مازرت هلي الا مرتين وماطولت عندهم.. راكان\يالظالمة مرتين وش تبين أكثر من كذا؟؟ غادة\راكان يالله ابى اروح لبيتنا.. راكان\وأنتي وين ألحين؟؟ غادة فهمت قصدهـ\بيتكــــــم... راكان\قولي والله.. غادة تبتسم\لاتطول السالفة ترى بنتاخر.. راكان\نفسي احط الشايبين في خزنتي واقفل عليهم.. متى ماحبيتي تشوفينهم افتح شوي شوفيهم ونقفل عليهم.. غادة تقرب منه وتمد اصبعها\ما أسمح لك تتمسخر عليهم.. ترى اعلم جدتي وبعصاها بين كتوفك.. مسك اصبعها ومررها على خشمه.. راكان\على هالخشم كم قلب عندي... أرتبكت وبعدت عنه وهو ضحك عليها.. راكان\دقايق ونمشي...امممم متى أجي أخذك..؟؟ غادة بهدو\اممم مدري.. راكان\يومين او ثلاث ايام..؟؟ حاول يقلل الأيام عشان يبين لها انه مابيرضى من أكثر ثلاث ايام.. غادة\اليوم الساعة 11 يكون نام أبوي وسلمت عليه.. راكان\اليـــوم.. غادة بغموض\ايه الا اذا لك رأي ثاني؟؟ راكان يبتسم ماتوقع ترجع اليوم\لا ثاني ولا ثالث على راسي بنت حسين.. للمرة الثانية يعيد هالكلمة لها.. هزت راسها بتعب...لاتعذبني باحترامك ياراكان وطيبتك.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛ جلسها على السرير وهي تنتفض بشكل مرعب...وشفايفها باللون الأزرق.. طلب من الاستقبال يتصلون بالطبيب... فسخ جاكيته من عليها ونزل البالطو حقها... سحب حجابها وقفاز يدها اليسار ولاحظ لون أظافرها بنفسجي قاني.. فسخ جزمتها وجواربها... كان بيرفع كنزتها بس مارضت ترفع يدينها حاول فيها بس ماقدر.. مسك كنزتها من الرقبة وشقها بسرعة... شهقت برعـــــــــــب .. ورجعت لها الذكرى الأليمة... لما قطع قميصها بهذاك اليوم...لما دمرها وضيعها... صرخت بخوف ولمت بقايا كنزتها عليها وهي تبكي... هديل\لااااااااااااااااااا� �ااااااا ما ابييييييييييييك لا لا .. انسدحت على جنبها اليمين وضمت نفسها بقوووة.. ماتبيه يلمسها الرعب شل عظامها وكأن الموقف ينعاد بكل قسوته.. كل مالمسها وحاول يقرب منها..تصرخ برعب.. ماعادت تحس بالبرد ولا إنها تتجمد.. رجع لها ألم هذيك اللحظات المخزية القاتلة.. كملت نحيب وهي تردد كلماتها المتوسلة له يتركها ويسامحها.. هديل بحسرة\سامحنييي خلاص سامحني تكفى لا لا.. جلس جنبها وسحبها له غصب عنها.... وهي تصرخ وتضربه وكأنها الى الآن ماضاعت.. غازي بتعب\أنتي اللي خلاص..عذبتيني إهدي اهدي.. هديل ترتجف\اتركنييييي ما ابييك..اكرهك اكرهك.. غازي\طيب باتركك بس أنتي لازم تبدلين ملابسك.. تركها فتح الكبت وطلع لها بجامة قرب منها وحطها بين يديها وهي لسى مسدوحة ع السرير.. غازي\يالله ياقلبي قومي بدلي..لازم تبدلين قبل تمرضين.. هديل صرخت\لا تلمسنــــــــــــــــــــ ـــــــــــي.. مرر يدينه على شعرهـ بضياع... مستحيل تثق فيه ..هو أدرك وش اللي يدور في بالها من لما قطع كنزتها.. يدري انها تتوقع ينعاد الموقف الأليم اللي عرضها له... غازي يهمس باذنها\الطبيب بيجي ويعطيك مهدىء... بدلي بنفسك قبل تغفين... تمر همساته بأذونها لكن ترجع لها كلماته القديمة.. كلمات التملك والحب الكاذب.. وكأنه يردد لها كلماته الكاذبة ... لمت المفرش عليها رافضة تسمعه أو تسمح له يلمسها... وتردد كلمة أكرهك بقلبها وروحها.. متاكد بانها ماراح تطيعه او تصدقه... غطاها بالمفرش ودخل الطبيب عندها.. شرح له اللي صار معها بشكل سريع وطلب منه يعطيها حقنة ضد الحرارة.. لاحظ نظرات الطبيب له وكأنه يرفض أوامرهـ .. غازي بحدة\إن لم تفعل ما أقول لن تجد لك عملاً بعد اليوم ولا بعد 20 عاماً.. رضخ الطبيب لأوامره لان هذا اللي كان راح يسويه لو ما أمرهـ غازي وتدخل بشغله.. ضربها بالحقنة وصرف لها أدوية ... تكلم مع غازي عن الاعراض اللي راح تواجها بعد سقوطها في الماء الجليدي.. لكن غازي كان متجاهل وجودهـ كلياً.. لانه يعرف وش اللي راح يواجهه معها.. انصرف الطبيب .... بعد المفرش عنها وقطع باقي كنزتها بدل ملابسها وهو يحس بغضب شديد.. ليس منها بل من نفسه... ثاني مرة يغفل عنها.. المرة الأولى رمت نفسها تحت الحصان.. والمرة الثانية حاولت تغرق حالها ببحيرة جليد... أنسدح جنبها وحضنها بقوة.. همس لها\إكـــرهيني بس لا تموتين... ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛ بعد العشاء مجتمعين بالصالة... عبدالله منسدح على الكنبة وراسه بحضن غادة ويلعب بجوالها.. علي بعصبية\ليه ماتقوم تنام ماتشوف الساعة كم..؟؟ عبدالله بتذمر\بزر أنا أنام الساعة 10 الله يصلحك يوبه..الشيبان اللي بعمرك المفروض نايمين من 7.. علي\عبيييد قم نام وراك مدرسة.. عبدالله بصوت هامس\وغدة قولي لأخوك يفكنا من حنته.. غادة\معليه علي الحين يقوم ينام خله شوي بعد.. علي\عشانك بس.. غادة تغمز لعبدالله\كيفني معك بيضت الوجه..؟؟ عبدالله\مالت ماسويتي خير..بعد شوي يشوتني.. غادة\هههههههههههههه والله مايبين في عينك يالنذل.. علي\يوبه ترى ضبطت أمور شغلي وودي أخاويك في سفرتك.. ابوعلي بحدة\وأنا قلت ماحدن برايح معي الا عمك.. علي بمجاراة\ الحين بدال ماتفرح اني باروح معكم ولاول مرة اطب اوروبا جالس تهاوشني.. ابوعلي\وش اللي بيوديك معي..؟؟ماني رايح أتمشى.. علي\ودي اخاويك مخاواتك تنشرى يا ابوعلي.. عبدالله\مايروح ابوي من غيري.. علي بعصبية\ان ماسكت طبيت في بطنك.. عبدالله\يرضيك يعني تروح مع أبوك وأنا ما أروح مع أبوي يرضيك؟؟ علي\ايوهـ يرضيني يرضييييييني.. عبدالله\وانا مايرضيني مايروح الاب الا وولده معه يساعده يدله على الصح.. ينصحه لا يماشي رفاق السؤ.. علي يناظر حنان\شلي المنحوس لا اقوم بالعقال... غادة\هههههههههههه خلاص خله علي انا افهمه.. عبدالله باستخفاف\اقول وغدة ترى باخذ غرفتك.. غادة مبققة عيونها\عبيييد ان قربت من غرفتي ذبحتك.. عبدالله\اعووذ بالله وش ذا البخل مو عندك جناح وش كبره عند الوغد زوجك.. غادة\ما الوغد غيرك ياالضب..وغرفتي مالك دخل فيها.. عبدالله\عادي خليها لك بكرهـ ننتقل لبيتنا الجديد ولالك غرفة عندنا.. غادة\علي صدق مالي غرفة في البيت الجديد؟؟ علي باستغراب\من قالك هذا الكلام؟؟ غادة\ولدك.. علي\ياشين ماطريتي مالقيتي الا عبييد تصدقينه..تطمني غرفتك موجودة.. وبعض الناس بنيت لهم غرفة ورى الملحق يفكوني من غثاهم.. عبدالله\المهم أمي معي.. علي يضحك\هههههههههههه تعقب ماهي بمعك.. عبدالله يناظر أمه\بتعيشين معي ولا معه؟؟ حنان\لامعك ولا معه وفكونا من الهواش.. عبدالله يرفع حواجبه\أتحداك تخليها تقولك غير كلامها لي.. علي\لا تتحداني.. عبدالله\أتحداك.. علي\أنتي يامـــرهـ لمي قشك وتعالي في بيتنا الجديد.. حنان ضحكت عليهم وخرجت من الصالة من دون ماترد عليهم.. عبدالله\ههههههههههههههه ماعطتك وجه لبى أمي.. علي بخبث\هههههههههههههه الا راحت تلم قشها يالورع.. عبدالله\تصبحون على خير.. رمى جوال غادة عليها وطلع يركض ورى أمه.. وعلي يضحك عليه مع غادة... غادة\الله يعينك تراه يموت في أمه.. علي\بس اسكتي لو تسمعينه وهو يقول لها..يومه بس اطول شبرين واطلع رخصة القيادة.. ما اخلي بعض الناس ياخذونك مشاوير..مايوديك ويجيبك غيري.. غادة\ههههههههههههههه يافديت قلبه.. الجدة\بتروح مع أبوك ياعلي؟؟ علي\هذا هو قدامك مارضى اروح معه.. الجدة\وش الطاري على سفرتك ياحسين؟؟ ابوعلي\كل خير يومه..لازم أسافر.. الجدة\ولازم يروح معك اخوك؟؟ ابوعلي\ماهو بلازم بس ودي به يجي معي.. الجدة بنبرة غريبة\ماخلصت أسرارك أنت وأخوك؟؟ ابوعلي\الله يسعدك يومه مابه أسرار ولاشيء.. غادة توقف\باروح اشوف امي قبل يجي راكان.. علي\تبين تنامين هنا الليلة؟؟ غادة\لا ما اقدر ماقلت لراكان والحين هو على وصول.. علي\ماعليك منه اذا تبين تنامين هنا قلت له يروح وماانتي رايحة معه.. الجدة\خل البنت على راحتها ومتفاهمة مع زوجها..لاتدخل بينهم.. علي\ماتدخلت بس تهمني راحتها.. غادة تبوسه على راسه\لاتخاف علي مرتاحة.. طلعت لغرفة أمها ولقتها جالسة وماسكة جوالها بيدها.. غادة\يومه من كنتي تكلمين؟؟ أم علي تمسح دموعها\هادي.. غادة بخوف\طيب ليه تبكين ياروحي..هادي فيه شيء؟؟ أم علي\لا يومه مافيه الا كل خير.. غادة تبوس يد امها\طيب ليه زعلانة؟؟ ام علي\كنا نسولف عن هديل.. غادة بزعل\الله يرحمها...طيب وانتوا كل ماتكلمتوا عن هديل بتبكون؟؟ ام علي تبكي بحسرة\ليه قلبي يوجعني عليها..ليه أحس انها ماهي بخير؟؟ غادة برعب\يومه اذكري الله وش هالكلام اللي تقولينه.. صلي على النبي وادعي لها..هي ان شاء الله بجنات النعيم.. هديل كانت طيبة ومصليه وتخاف الله..لاتقولين كذا يومه تكفين.. ام علي\ماهو بانا اللي اقول..قلبي اللي ناغزني ومعذبني عليها.. اصحى من النوم وانا اسمعها تناديني..ادورها بغرفتها بين هدومها بس ما القاها.. احكم عقلي واقول يمكن يكون هادي..ويطلع حال هادي اردى من حالي.. غادة تبكي\حرام عليكم لاتعذبونها باللي تسوونه..يومه مايجوز والله مايجوز.. الله مايرضى بحالكم وهديل بتزعل عليكم..انتوا ادعوا لها واذكروها بالخير.. وهي بعون الله تنتظرنا في الجنة..هذا حال الدنيا يومه كل من عليها فان.. ام علي\لا اله الا الله محمد رسول الله...يارب صبر قلبي على فراقها.. غادة تقبل راس امها\اللهم آآآآمين.. ردت على جوالها وكان راكان.. غادة\هلا.. راكان\هلا فيك أنتظرك برا لا تتأخري.. غادة تتنهد\طيب.. راكان\غادة وش في صوتك؟؟فيكم شيء..؟؟ غادة\.......لا مابتاخر.. راكان\اوكى انتظرك.. قفلت الخط وهي تكتم العبرة بصدرها.. مانسيناها يومه وحتى هو مانساها... فديت قلبك ياهديل حتى قلبه يحبك.. ودعت أهلها وخرجت مع علي اللي وصلها السيارة.. رفع يده كرد لسلام راكان الواقف امام سيارته.. جلست وهي ضامة شنطتها وبالها عند أمها.. ماحست فيه وهو يكلمها ولا وهو يناديها.. حط يده على كتفها وهي فزت بخوف وهي تشهق.. راكان\بسم الله عليك..غادة وش فيك؟؟ بعدت عنه وهي تأشر بيدها عشان يتركها بحالها.. أحترم رغبتها وركز عينه ع الطريق مع انه مو مطمن لحالها.. يمكن متهاوشة مع أحد من أخوانها...أو أحد زعلها.. تضايق وعصب باي حق يزعلونها...لما وصلها العصر كانت مرتاحة ومبسوطة.. وصلوا البيت كانت سارة جالسة مع سلمان في الصالة.. سلم راكان وغادة عليهم وجلسوا معهم.. حست انها راح تبكي حاولت تشجع نفسها بس ماقدرت..عضت شفايفها تمنع العبرة.. استئذنت منهم وطلعت لجناحها.. دخلت غرفتها وهي تشهق محتاجة الهواء رمت عبايتها وطرحتها على الأرض.. فكت أزارير بلوزتها وهي ترتجف وتبكي... حضنها بقووة وهو يقراء عليها.. راكان\غادة ياقلبي وش فيك؟؟ تعلقت بجيب ثوبه وهي تنتحب..أشتقت لها..مشتاقة لحبيبت قلبك..مشتاقة لاختي.. راكان\من اللي زعلك؟؟قولي لي وانا اوريك فيهم؟؟من اللي زعلك من؟؟ غادة بصوت مبحوح\أنـــــــــــــــــ� �ت..أنت أنت أنت.. راكان\هشششش اهدي اهدي وفهميني وش فيك ياروحي.. غادة بحسرة\لاتقووول روحي انا مو روحك لاتقول قلبي وانت كذاب كذاب.. راكان جلسها ع السرير وشربها ماء يبيها تهداء.. قالت هو اللي زعلها...لا فيه شيء ثاني مافهمه من كلامها.. راكان\والحين فهميني بايش زعلتك انا اليوم..؟؟ غادة بتعب\ما ابي اتكلم معك الله يخليك راكان خلني لحالي.. راكان يلم يده على كتوفها\لا ماباخليك لحالك ما اقوى.. وش اللي مزعلك ياقلب راكان قولي.. غادة\لا تقوول قلبـــ............... حط اصبعه على فمها\الا قلبي وروحي عشقي وحبي من طفولتي.. بعدت اصبعه بقهر\لاتكذب علي..انا مو حبك.. راكان\مو مصدقتني يحق لك ماتصدقين... وش اللي أنا سويته غير جرحك وتكسيرك.. جرحتك جرح مايبراء والى اليوم ماصارحتك بشيء... غادة\الكلام في الفايت نقصان عقل... راكان\بالعكس لازم نتكلم عشان توضح الصورة ونكون مرتاحين... غادة وقفت\الكلام مستحيل يريحني مستحيييييييييييييييييل.. راكان\وش راح تخسرين اذا سمعتيني...؟؟ غادة تضحك بسخرية من حالها\هههههههههههه ماراح اخسر شيء...ولا شيء.. راكان سحبها ووثقها تجلس جنبه\لازم تسمعيني الحين..رضيتي او لا.. المفروض تكلمنا من قبل هالوقت.. والحين مستحيل اتاخر عن الموضوع وما افهمك وش صار.. ظلت جالسة جنبه ويده حوالين كتوفها تسمعه وماتحركت فيها شعره.. ماتأثرت معه ولا اهتزت بمشاعر غضبه.. ولما خلص كلامه رفع كفها وحطه على خدهـ.. راكان\تذكرين كفك لما صفعني... صحاني من شكي وغضبي..خلاني ادرك أنا وش سويت وكيف ضيعتك من يدي.. غادة ببرود\ماتغير شيء..عرفت وش صار معك..ومع ذلك نفس الاحساس.. ماتصلح الماضي ولا انجبر اللي انكسر.. قبلها على جبينها\وش اللي يرضيك ياغادة وانا اسويه... غادة\صارحني بالحقيقة... راكان باستغراب\أي حقيقة..أنا قلتلك كل شيء صار.. غادة حطت يدها على قلبه\حقيقة هذا.. راكان حط يده على يدها وضغط عليها\هذا هو يجاوبك.. غادة حاولت تسحب يدها منه بس ماتركها.. \اتركني ياراكان اتركني ولاتكذب علي...انت اعترفت من زمان اعترفت.. سحبت يدها منه وخرجت من جناحهم بملابسها ومن دون حجابها.. دخلت بغرفة سارة وقفلت الباب.. لمت سارة بقوووة وهي تبكي.. غادة بزعل\ما ابي اشوفه ياسارة تكفين ما ابي.. سارة تحضنها\خليه يولي ماعليك منه ياروحي.. وش سوا قليل السنع وش زعلك فيه.. والله من شفت وجهك لما دخلتي وانا حاسة ان فيك شيء.. غادة\مازعلني بس متضايقة شوي.. سارة تجلسها على السرير وتجلس قبالها\الى متى ياغادة بتقضين حياتك بضيق وزعل.. ماهو كفاية اللي مريتي فيه من بعد موت هديل وخطبة راكان لك..وبعدها كنسلتوا الخطبة والزواج.. دراستك وخطبة جديدة ورجال جديد..وينتكس الحال بسرعة وترجعين لراكان مجبورة ولا راضية.. ماصار الوقت انك انتي تسيطرين على الوضع وماتسمحين ل الظروف تلعب فيك.. غادة\أنتي مو فاهمة ؟؟ سارة\لا ياغادة فاهمة..أنا صح أخت راكان وامووت فيه واعزهـ.. بس نهايتي اكون أنثى..والانثى لما تنطعن يكون صعب مداواتها.. راكان ماقصر فيك جرحك وبهذلك.. ماراح اتكلم عن آخر شيء سواه واللي خلى عمي وجدتي يحلفون ماياخذك.. هذا شيء تقدرون تحلونه بينكم..ومهما كان قرارك بهالموضوع ماتنلامين.. في خاطري كلام وابيك تعرفينه.. غادة\ما ابي اسمعه...ادري بيكون اعذار لراكان.. سارة\لا ماهو عذر لراكان...غادة أنا غلطت غلطة كبيرة لما كنت ارسم راكان العاشق الولهان بعيون هديل.. ويمكن علقتها فيه وهي كانت صغيرة ومراهقة .. وبالتاكيد بتصدق كلامي لاني اخته.. راكان كان صدق عاشق وولهان وغرقان بعد.. بس مو في هديل لانها بنظرة طفلة ويمكن ماكان يشوفها.. غادة بغضب\الله يرحمها لاتتكلمي عنها كذا.. سارة\راكان ماكان يحب هديل كان يحبك أنتي.. بس انا كنت فاهمة غلط ورسمت الامور بكيفي.. غلطت وغلطتي كبيييرة يمكن لو هديا عايشة الحين نكون جرحناها بقووة.. غادة\ماكنت راح اجرح اختي على حساب احد.. لانها اهم لي من كل الخلق.. سارة\ماتنلامين وكلامك صح.. غادة\راكان بلسانه اعترف انه اخذني بس عشان هديل.. فلا تحاولين تغير الحقيقة عشان ترضيني.. سارة بغضب\كذاب يكذب عليك..والله العظيم هو يحبك أنتي.. غادة\لا تحلفين..وبعدين ماعاد يهم حبه وكرهه عندي واحد.. قلبي ماهو متقبله روحي تبي فراقه.. سارة\لا انتي مو صاحية ومو واعية للي تقولينه.. غادة اسمعي مني..الدنيا بتمشي وانتي ماتعاندي الا قدرك ونصيبك.. اكسبي الاوضاع بصفك ياروحي..لاتخلي الوهم والخيال يقضي عليك وعلى راكان.. انسدحت غادة على سرير سارة وغمضت عيونها.. سمعت سارة وهي تكلم راكان وتقوله ان غادة بتنام عندها.. قدرت عصبيته وانهم مو عايشين لحالهم ولازم ماتخرج مشاكلهم من جناحهم.. وقفت بتعب اخذت طرحت سارة ولفتها على راسها.. دخلت جناحهم وراكان ماكان موجود.. تحممت وبدلت ملابسها ونامت قبل يرجع... ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛ فتحت عيونها بتعب حاولت تتحرك لكن تحس بالم فظيع بكل مفاصل جسمها.. حست بشفايفه تقبلها على عيونها وخدها.. غازي بمحبة\أخيراً فتحتي.. دفنت وجها بوسادتها تمنعه من تقبيلها .. غازي\دلالك يذوب قلبي.. هديل بتعب\اتركني.. غازي يحضنها اكثر ويدفن وجها بصدرهـ.. تعبانة ومو قادرة تبعده عنها.. هديل بالم\يدي تعورني.. جلس ومسك الجبس بيدينه... غازي\كنت ادري انها راح تعورك..كنت انتظرك تصحين لازم اوديك المستشفى.. الماء دخل بالجبس ويمكن يغيرونه.. هديل\أي ماء؟؟ غازي\الماء اللي رميتي حالك فيه.. هديل\يمكن أنت رميتني..بس انا ما اذكر اي شيء.. غازي\مو طلعنا الحديقة..؟؟ هديل\ايه وانت تركتني هناك ورحت.. غازي\وبعدين وش صار؟؟ هديل\مدري..انا صرت امشي وو.......وحسيت اني احترق بعدها تجمدت غازي باهتمام\كيف حسيتي انك تحترقين؟؟؟ هديل\اترك يدي وابعد عني.. وقفها وصلها دورة المياه واستعجلها.. غازي\انتظرك لازم نروح المستشفى يالله.. كانت تحس بدوخة وتعب حتى حرارتها مرتفعة.. استفرغت وهي تبكي من الالم اللي تحس فيه.. حست بيدينه ترفعها غسل وجها وطلعها من الحمام.. غازي\طبيعي تتعبين بعد اللي صار.. لبسها البالطو ولف حجابها عليها.. وطلعوا ع المستشفى...وهم في السيارة كانت تعبانة شدت على يده.. هديل\باستفرغ... وقف السائق السيارة وهو نزلها وحط يده على صدرها وهي تتالم.. ضمها\الحين نوصل المستشفى ويهتمون فيك وبترتاحين.. ماردت عليه لان الالم والرجفة مشغلتها ومسيطرة عليها.. وصلوا المستشفى.. اتصل بدكتورها المسئول عنها... أخذوها لقسم خاص رفض الدكتور اعطائها اي ادوية قبل اجراء فحص أخير عليها.. الممرضة تكفلت بتبديل ملابسها ورعايتها لحتى يرجع غازي.. استغرب غازي من كلام الدكتور عن الفحص... غازي\لقد أجرينا كافة الفحوصات..لم هذا الفحص الآن؟؟ الدكتور\لاداعي للخوف..لن نجري العملية قبل اجراء هذا الفحص.. هو فحص روتيني لن يكون موئذياً لها.. غازي\هل نسيت باني طبيب وهذا الفحص لايكون روتينياً.. الدكتور\أرجوك سيدي فلننتظر النتائج.. غازي بحدة\ومتى تظهر النتائج؟؟؟ الدكتور\في المساء..ساذهب الى المريضة الآن اعذرني.. دخل عندها ولاحظ علامات الضيق على وجها.. غازي\تحسي بتعب؟؟ هديل\قول لهم يشيلوا هذا مني خلاص ما ابيه.. غازي\قلت لهم والحين بيجي الطبيب الخاص بالعظام ويقرر.. اكتفت من الكلام معه وسرحت بالفراغ.. مسك يدها\ليش رميتي حالك في الماء..؟؟ هديل\أنا عمياء وما اقدر اشوف ان قدامي بحيرة.. فشيء طبيعي اغرق فيها.. غازي يبوس يدها\بس ماغرقتي.. هديل بسخرية\طويلة عمر... غازي\راح نحدد موعد العملية اليوم.. وباذن الله العملية ناجحة..وماعاد تتعرضين لمثل هالموقف.. هديل\المفروض افرح الحين؟؟؟ انبسط اني ممكن ارجع اشوف؟؟ دخل طبيب العظام وعاين يدها بعد ماشال الجبس.. طمنهم بان الجبس مابقى له اي لازمة بيدها.. بس من الأفضل تلف عليها بشاش لمدة بسيطة لانها تالمت لما ضغط عليها.. غفت من دون وعي منها وعيونه تراقبها... ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ صحت من النوم على صوت جوالها ناظرت بالساعة كانت 1 بعد نص الليل.. ناظرت الرقم الغريب المتصل عليها.. قررت ماترد يمكن رقم مزعج وناس مضيعين مالها بال في الازعاج.. بس الرقم ظل يتصل لاكثر من خمس مرات.. طار النوم من عيونها وفتحت جوالها كان فيه رسالة.. لما قرتها صرخت من الخوف.. وقفت بسرعة وصارت تدور بالغرفة... شالت غازي وضمته لها بقوووة.. همست وهي تبكي\وين أوديك الحين..؟؟ وين اخبيك منهم..يبون ياخذونك ياروحي وين اخبيك وييييين؟؟؟ لبست عبايتها بسرعة وشالت غازي نزلت وصحت الخدامة وقالت لها تنادي السائق وتروح معها.. كانت ترتجف بخوف وجوالها مو راضي يسكت من الاتصالات والرسايل.. شهقت وهي تبكي\بياخذونك مني بياخذووونك ياقلبي.. وقفت السيارة وهي نزلت منها تركض.. دخلت البيت وقفلت الباب وراها بقووة.. طلعت فوق وارتعبت لما شافته واقف قدامها والمسدس بيدهـ.. خبت نفسها بحضنه وهي تبكي... رشا\يبوون ياخذون غازي مني... لاتخليهم ياخذونه تكفى راجح لا تخليهم ياخذونه منييييييي.. لاتخليهم يذبحوني انا احبه امووت فيه ما اقدر اعيش من دونه والله ما اقدر.. ضمها بقوووة وغازي يبكي متضايق من ضغط الاثنين عليه.. راجح\قلتلك ما احد بياخذه منك والله ما ياخذونه.. رشا\احبه لاتخليهم ياخذونه هم كذابين والله كذابين.. دخلهم غرفته جلسها وعطاها كاس ماء.. شل غازي من حضنها وهزه بين يدينه لحتى نام.. سدحه على فراشه وغطاهـ.. جلس جنبها وهي لازالت ترتجف.. مسك يدها بقووة وشد عليها ... راجح\رشا لاتخافين أنا معك.. بانهيار نفسي وعقلي وعاطفي لمت يدينها حولين رقبته وبكت بقهر وخوف.. كانت تبكي وتتكلم كلام غير مفهوم.. وهو يحاول يفك معنى كلامها ويفهمها.. انتظرها لحتى تهداء وتطمن.. كانت بتبعد عنه بس هو ماسمح لها حضنها وطلب منها تتكلم من دون خوف.. راجح\والحين سمي بالله وفهميني من اللي يبي ياخذ غازي منك.. وقبل لا تقولين شيء تراك أمه ومستحيل احد ياخذه منك.. رشا بصوت مبحوح\يقولون مو الام اللي تولد الام هي اللي تربي.. حست بيدينه تشتد حواليها بس ماقاطعها وخلاها تكمل.. رشا بتعب\من كان عمرهـ أيام وهو ولدي..حطه سعود بحضني وقال هو لك..أمه ماتت وانا اعطيك اياه لك أنتي ان كنتي تبينه فصيري امه وابوه وقبيلته.. أما انا ما ابيه ما ابي الا أمه.. أخذته ضميته وصرت أمه برضاي ماهو غصبن علي.. حبيته تعودت عليه هو ولد قلبي وروحي.. من بعد ماصار لي بيوم واحد..صرت اشووف سنيني الماضية فارغة ومالها اي معنى.. تخيل قضيت يوم واحد معه وحسيت ان عمري ماكان له اي اهمية من دونه.. بعد رجوعنا السعودية منعت سعود منه ما اسمح له يقرب منه او يبعده عني.. صرت انانية بحبه..كنت اقول لسعود انت ماتبيه وتكرهه لا تقرب منه.. كل هذا لاني كنت اخاف يتعلق فيه سعود وياخذه مني.. ابيه يظل لي أنا..كانت تجي اتصالات على جوال سعود.. اهل زوجته الاولى يطلبون منه يعطيهم الولد..عشان ام زوجته تربيه وتهتم فيه.. ماكان يرضى يسمع لهم فطلبوا منه بس يزورهم ومعه سعود لان ام زوجته تعبانة وتبي تشوف ولد بنتها الميته.. تهاوشت معه ومارضيت يوديه لهم.. قلت هو ولدي ولدي انا ما احد له دخل فيه.. اخاف يقنعونه يظل الولد معهم وهو يرضى وانا اعيش من دونه.. مات سعود قبل لا نودي الولد لهم... وهم صاروا يتصلون علي ويهددوني انهم راح ياخذونه غصب عني.. لاني مو أمه ومالي حق احتفظ فيه ويكون تحت وصايتي.. راجح بثقة\حن هله واولى منهم بتربيته..مايقدرون ياخذونه منا.. راجح ورغم صعوبة تقبله لكل الاعتراقات اللي نطقتها رشا.. ماكان الوقت مناسب انه يتعمق ويسال ويستفسر.. فحب يطمنها قبل لا تخاف بزيادة... رشا تضمه وتبكي\بس أمه حية ما ماتت.. وهـــــي تبيــــــه... ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛ كان يصرخ فيهم بغضب..يهدد ويسب.. غازي بعصبية\قلت ان بامكانك اجراء العملية.. لماذا غيرت رايك الآن؟؟ الدكتور\لا نستطيع سيكون خطراً على حياتها.. غازي\بل قل انك انت غير قادر.. سأنقلها لمستشفى آخر وأطباء يستحقون ان يسموا أطباء.. الدكتور\لن نستطيع ان نجري العملية لها الا في حالة واحدة فقط.. غازي بحدة\أســـمعك.. الدكتور\إجهاض الطفل... الى الملتقى باذن الله تعالى يوم الاثنين.. كونوا بخـــــــير.. صدووود’’’ | ||||
|
| |
|
22-10-11, 04:08 AM
| #616 | ||||||||||
| نجم روايتي و أميرة حزب روايتى للفكر الحر و عضو سياحى نشيط  
| مراحب الترحاب بصدود نورتي يالغلا ودوم منورة كل الشكر والامتنان لنقلك الفصل الله يسعدك لي عودة بعد القراءة دمتي بحفظ الله غاليتي | ||||||||||
|
| |
|
22-10-11, 05:07 AM
| #618 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته باااارت راااائع جدا حبيبتي صدود تسلم يمينك أتوقع إن غازي أتصل بأبو هديل وطلب منه الحضور من أجل هديل حتى يحقق لها رغبتها وحتى ترتاح نفسيا وراح يخبرها بزواجه منها ولأنها ماراح تصدقه لأنها عمياء وماراح تشوف عقد الزواج فوجود أبوها وعمها راح يخليها تصدق كلام غازي لأنهم راح يأكدون لها صحة كلام غازي لهذا السبب مارضي ابو هديل وعمها أن علي يسافر معهم حتى ماتنكشف كذبتهم بموت هديل والتوقع الثاني إن عمى هديل ماهو لسبب عضوي ويمكن يكون نفسي وتعرضها لصدمه قويه ممكن يرجع لها بصرها والصدمه اللي راح ترجعه راح تكون معرفتها بحملها أو لقاءها بأبوها وعمها ومعرفتها بأنهم زوجوها لغازي بدون علمها أو كمافي نظرها باعوها له وضحوا بها ولا سألو عنها هديل ماراح تخبرأحد برجوع نظرها وراح تستغل إعتقاد غازي بأنها عمياء وتهرب بمساعدة راجح أو بدونه وراح توهم غازي بموتها حتى مايبحث عنها ومثل مامماتت في نظر أهلها راح تموت في نظر غازي صدووود منتظرين البااارت القادم بفارغ الصبر | ||||||||
|
| |
|
22-10-11, 07:01 AM
| #619 | |||||||||||||||
| مراقبة ومشرفة سابقة ونجم روايتي
| اقتباس:
صدود شمتي العرب فيني  | |||||||||||||||
|
| |
|
22-10-11, 08:21 AM
| #620 | ||||
 
| حرام عليكي يا صدود والله حرام البارت كان قصيييييييييييير لكن روووووووووووووووووووووووو ووووووووووووووووعه كان جد روعه اها اخيرا اكتشف راجح الحقيقه بس ان ام غازي الصغير لسه عايشه انا خلاص اتلخبطت وبنسبه لهديل حامل الله يعينها ما عارفه كيف حتكون ردت فعلها ومستنينيك في البارت الجاي ومشكووووووووووووووووووووو ووووووووووووووره | ||||
|
| |
 |
| أدوات الموضوع | |
| انواع عرض الموضوع | |
|
|
274Likes
.png)
.png)
العرض العادي
