آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
23-11-11, 08:19 PM
| #21 | |||||||||
| نجم روايتي  
|  البارت الثالث عشر ( البارت اهداء واعتذارلـ (غزل) وكل الكل من قراء روايتي حطيتك في راسي و حلفت أجيبك وأنا اذا حلفت محـدٍ يعارضنـي راح أشرب هواك و بصير حبيبـك غصباً عليك راح أخليك تعشقنـي راح أصير دكتورك و بصير طبيبـك وراح أضمك لين صدرك يحرقنـي وبالعربي كذا أنـا من نصيبــك ولو مو عاجبك بصراحه عاجبنـي باختصار أنا من نصيبك و بيصيبـك وغير كـذا مافي شي أبد يقنعنـي والله راح أجيبك يعني راح أجيبـك هذا تحدي وأتحدى انـك تغلبنـي واثق من نفسي و أدري أنا بطيبـك وأنا راح أخليك تجي وتصارحنـي ريفان بحديقة البيت من طلعت من غرفة راكان مرت على المطبخ وخذت لها عصير ليمون يريح اعصابها ويخفف التوتر والقلق اللي بقلبها سرحانه فيه وباختلاف ردود فعله وبقلبها غريبه الصباح معصب ومقهور والحين الله يوفقها ليش ماني مصدقتك ياسلطان قطع سرحانها وصول رساله على جوالها تقراء مو مصداقه ثقل الكلام على قلبها وكبره ودموعها تسيل على خدها تحس بالضعف والعجز وفعلا ضغطت على زرالاتصال سلطان ماصدق عيونه رقمها على شاشة جواله وهي اللي داقه من نفسها على انه متاكد انها كان راح تتصل وكلها ثواني وجاها الرد سلطان بجمود:نعم,,,خير ريفان ماقدرت تنطق كلمه وشهقاته كانت الرد سلطان مايبي يكون الموضوع الى هالحد بس ما كان عنده حل ثاني يكسبها فيه صمت ساد الطرفين للحضات ريفان بصوت تعبان ومهدود:ليـــــــــش سلطان ماكان هذا اللي منتظره من المكالمه يبي يسمع انا ابيك انا موافقه أي شي بس يطفي غليله من سمعها قالت ليش رفع حاجب وبصوت مقهور:كيفي انا حر بتصرافتي ريفان بعجز:بس هو ماله ذنب بعدين كبير في السن وتعبان واي شي راح ياثر عليه سلطان بسخريه:والله,,,اجل علمي حالك هالكلام ريفان برجاء:الله يرحم والديك لاتسوي فيه كذا بابا سعود تعبان تكفى الا هو لاتقرب له سلطان بقهر:لا من الناحيه هذي لاتخافين جدك سحبت من شركته اكبر الممولين ومايحتاج اقولك اش راح يصير بشركته اكيد انتي اعرف,,,بس المفاجأه ان ركان بيخسر شغله مثل ماوعدتك بس الكل مو مهم قد ماهو مهم عندي امك وابو قاطعته وهي مصدومه من قسوته عمرها ماتخيلت قسوه بقسوته وشراسته تسمع بس مو مصدقه ان هذا سلطان اللي شافت فيه حنان ولو بسيط خلاص ماعد قدرت تسمع اكثر وبدون تفكير ووعي:انا موافقه سكت من كلمتها فاجأته مثل كل مره تفاجأه وتقلبه يحس مو مصدق يحس نفسه بحلم وحب يتاكد:نعم ماسمعت ريفان بصوت منتهي:قلت انا موافقه ولا انت ماتفهم رفع ايده وضغط على عيونه قلبه فرحان بس صوتها يبعثر فرحته عدم قناعتها فيه تموته وتذبحه حاول مايبن فرحته لها:اوكي ,,,الحين روحي حق ركان وبلغيه بقرارك على اساس اجيكم بكره بالبيت ريفان بخوف :بكره ليش؟؟؟ سلطان حس بخوفها وعصب :ليش يعني عشان موضوع الخطوبه ريفان :بس بكره ماينفع يعني اهلي مسوين حق بابا سعود حفله عشان سلامته خلها بيوم ثاني حس انها تصرفه كره قلبه وكرها بهالحضه:بس انا موصر اجي بكره ولاعندك مانع بعد ريفان دموعها تجري على وجها تحس نفسها مربوطه ومالها حيله استغرب صمتها اللي يعذبه اكثر من كلامها وبهدوء:اعتقد ماعندك كلام زود تقوليه على اللي قلتيه والحين روحي حق ركان وبلغيه قرارك ريفان بهمس:بـــــــــس سلطان تنرفز من صدها:لا بس ولا شي بعدين انا مو فاضي للهذره الزايده,,,,سلام وسكر قبل يسمع ردها رمي الجوال بقوته على السرير ونزل راسه بين ايديه الالم اللي في بطنه صار يزيد عليه تنهد انتي اللي حديتني اعاملك بهذي الطريقه وانا حلفت لارويك وجهي الثاني وانا عند حلفاني,,,انشاء الله ماضعف واعلمها وشلون ترد على سلطان الراهي ** من سكر الخط بوجها والدموع مو راضيه تهدى تحس بخنقه قويه وقفت بسرعه ومسحت دموعها باصرار وبقلبها عمري ماتخيلتك بالقسوه هذي بس من اليوم وطالع بعطيك نفس اسلوبك الحقير عشان تذوق الذل,,, تحمل انت اللي اخترت اكون شريكة حياتك وانت اللي بنفسك جنيت على روحك مارح تذوق معاي ولابيوم راحه ماحست بروحها الا قبال غرفة ركان طقت الباب ودخلت وحصلته مثل ماتركته من شوي,,, مع حوسة الاوراق رفع راسه وطاحت عيونه على وجها الوردي وعيونها التعبانه عقد حواجبه وميل شفايفه بستغراب وقف وتقرب منها وطالعها بتركيز:الحلو ليش زعلان ريفان تحس الدموع رجعت تخنقها من جديد قوت نفسها وناضرته بثقه:اممم ولا شي ركان:مادري بس شكلك كنتي تبكين صح ريفان ببتسامه مصطنعه:افا وشلون ابكي وانا اخت ركان نزلت راسها ماتدري اش تقول لو سالها عن سبب تغيير رايها رفعت راسها وشتت نظرها بالغرفه وبتوتر واضح:اممم ركان انا موافقه على سلطان ركان عقد حواجبه مستغرب التناقض اللي فيها:كذا بسرعه موافقه وقبلها مو موافقه,,,ريفان وش السر اللي مخبيته عني توترت زياده وحست انه رايح يكشفها وتصير بلاوي ناضرت فيه بثقه:ولا وشي كل السالفه اني فكرت عدل ومالقيت فيه عيوب تخليني ارفضه واقتنعت بكلامك وقناعتك فيه ركان بشك:قلبي مو مصدق كلامك ريفان ببتسامه:لو فيه شي صدقني مابخبي عليك ركان تطمن من كلامها وحس انه بورطه وشلون بيكلمه وبيغير كلامه غير انه يحس ان ريفان ماهي مقتنعه فيه ركان ناضرها بحيره:ريفان اذا مو مقتنعه عادي لاتضغطين على نفسك ريفان فهمت نضراته:اذا حاب بسحب كلامي المهم ماتنحرج ركان طالعها وابتسم:لاحبيبتي هالمهمه خليها علي انا ماصدقت توافقين باس جبينها بحب الف الف مبروك اكيد امه داعيت له ولا مين مايتمنى ريافي والحين بكلمه وابلغه بقرارك اذا باقي متمسك بكلامه حياه ريفان ماقدرت توقف اكثر من كذا ابتسمت ابتسامه ميته وطلعت بسرعه قبل مايشك فيها ركان &&& ركان كلم سلطان ورحب فيه وارتاح من تفهم سلطان له && الساعه3 الفجر تحس اليوم انها احسن عن قبل وخاصه لما كلمها احمد وزوجته وابوها زارها مع اختها وعيالهم بس تحس ان ريفان ماهي طبيعيه لها يومين مازارتها واذا كلمتها تكون مكلمتها مختصره فارس من بعد ماتاكد انو مافيه احد من جماعتها دخل لغرفتها بهدوء تعود على هالوضع من ايام يحس انه مايقدر يصبر عنها صارت عنده عاده يجلس بقربها للفجر ويروح بدون ماتحس مشى لمكان السرير بخطوات ثابته وهاديه عشان ماتحس عليه وقف يتاملها كانه اول مره يشوفها كل يوم وهو على هالحال مدت ميار ايدها على جهته تتحسس وكانها واثقه من وجود احد بجنبها فارس ابتعد بحذر بعد مانفجع من حركتها وكانت راح تكشف وجوده بغرفتها لو ماتصرف بسرعه عقدت حواجبها وعيونها لقدام بدون هدف وبهمس:من هنا انا متاكده فيه غيري بالغرفه؟؟ فارس قلبه بيوقف من الشوق لصوتها ياليتها ماتسكت ياليت تقول كل شي بقلبها اعتدلت بجلستها وتفكيرها يودي ويجيب يارب احميني انا متاكده فيه غيري بالغرفه كل يوم اشم ريحة عطر رجالي ونفس العطربعد ومن جهه يميني بالذات المشكله صرت اشمها كل يوم اللهم اني استودعتك نفسي من الصبح بسال النيرس من اللي يدخل غرفتي غير اهلي && سلوى صارت تلاحض سرحان بنتها كثير واذا حبت انها تتكلم ماعندها غير سلطان تحكي فيه طول جلستها على طاولت الاكل وعيونها على كاس العصير اللي بيدها تعبت من الانتضار وملت من كثر ماتفكر فيه راشد لاحظ نظرات زوجته ومن ملامحها عرف وش قد تعاني من عذاب بنتها حقد اكثر واكثر على سلطان وقف بسرعه واتوجه على مكتبه عشان ينفذ اللي براسه مو مستعد يخسر بنته بسبب حب من طرف واحد من بعد دقايق معدوده استرخى على الكنب وعلى فمه ابشع ابتسامه واخير بسوي اللي براسي صبرك علي كلها كم ساعه وبشوفك تترجاني && الساعه 7الصباح في بيت الراهي سلطان بهدوء:يمه اليوم بنروح حق الناس اللي قلت لك عنهم ونخطب امه بفرحه:اليوم بتخطب يالغالي الف الف مبروك زياد بتصفير:واخير الشايب بيتزوج الله يعني بينفتح لي الطريق ياشيخ مابغيت امه بستفسار:الايمه ماقلت لي من عايلتها؟؟ سلطان بهدو اكثر:محمد ال() الام عقدت حواجبها :من عايلته هذي,,اول مره اسمع فيها زياد متفاجأ :لاتقول انها اخت ركان اللي شغلته بالمستشفى امه بصدمه:نعـــــــــم بعاد انت اللي مشغل اخوها؟؟؟ ليش انت من وين تعرف هالبنت سلطان:من الشركه موضفه عندي امه بعتراض:ماراح تاخذها ابيك تاخذ وحده من مستواك مو وحده من بنات الشوارع سلطان طالع امه بعتب:يرضيك يالغاليه احد يحكي عن بناتك بهالاسلوب امه :لامايرضيني انا ابيك تاخذ من بنات عمانك او أي وحده مستواها من مستوانا مو احد يشتغل عندك والثاني اخوك مشغله سلطان وقف وبصوت تملاه الجديه:اجل انسي السالف من اساسها هونت وطلع للشركه زياد بمحاولة اقناع:يمه والله الناس والنعم فيهم انا اعرف اخوها طبيب نفس تخصصي صحيح باين عليهم حالتهم مو ذاك الزود بس يمه فكري بولدك صار عمره على 34وماعنده اولاد غيره عند سته تعمد يذكر الضنى عشان يحنن قلب امه وصار يحاول يحنن قلب امه اكثر &&& نواف اعطى الاوامر للقروب اللي وياه خالد(من رجال نواف وراشد:طيب الساعه كم نبداء بتنفيذ المهمه نواف بتفكير:اممم الساعه عشر بيكون تمام بس لاتنسون اللي وصيتكم عليه && سلطان من عرف ان ريفان ماداومت واعصابه فلاتانه واللي زوده اكثر ان فواز استاذن وطلع طلع براء الشركه وتوجه لبيت شهد بعد ماخبرها انه يبي يزورها كلها دقايق ووصل شهد حست انو فيه شي مو طبيعي من كلمها وصوته كان متضايق كانت تنضره يتكلم بس ولا نطق بكلمه من بعد ماسالها عن اخبارها شهد بطيبه:حبيبي لي متضايق سلطان تنهد وبضيق حكى لها كل اللي صار له مع امه شهد بصدمه:يعني الحين من جدك ناوي تتزوج سلطان بتعجب:وش رايك انا وش قاعد اقولك الحين الله يهداك شهد بفرحه:الله يعني اخيرا ناوي تطلق العزوبيه وتتزوج نطت عليه وصارت تبوسه على وجهه وتضحك طلال وقف بجنب الباب وعيونه شوي وتطلع على الوناسه اللي فيها سلطان كتم ضحكته على شكل طلال وشهد المسكينه اللي ماتدري بطلال شهد بضحكه:حبيبي والله ,,,تصدق الحين توي دريت اني اموووت فيك وانك كل ناسي طلال بغيره:لاوالله وش بعد شهد فزت من مكانها اخترعت من وجوده فجأه وايدها على قلبها طالعته:حرام عليك قلبي شوي وكان بيوقف طلال اتقدم من سلطان وسلم عليه طلال بتركيز:سلامت قلبك اكيد مسويه غلط ولا ماخفتي لهدرجه صح؟؟ شهد فهمت معنى كلامه وعرفت انه عتبان على كلامها تدري انه مايغار من سلطان بس لانه صارت تتعمد ماتقول له كلام حلو تبي يلاحظ ويقول لها شهد ببراءه مصطنعه:انا ماسويت غلط حتى اسال سلطان سلطان كان يضحك على كلامهم وتمنى يعيش مثل عيشتهم طلال طالع بسلطان حصله يضحك:ماتنلام اضحك انت لك الكلام الحلو,,,وانا لي الله سلطان:انت ماتشبع حكي حلو,,, يااخي خلها تتغزل بخوها شوي وطالع بشهد ولا انتي مقصره معاه طلال ببتسامه وعيونه عليها:الا مقصره ونص وغمز لها تمنت ان الارض تنشق وتبلعها من الاحراج وقف بسرعه وبتوتر واضح وخجل:أي نسيت اجيب العصير وطلعت بسرعه سلطان وطلال عرفو انها انحرجت ووصلها ضحكهم العالي && في المقهى نادر بحيره:مادري احس ورطت حالي معاذ:انت ليش شايل هم خلها على ربك نادر باصرار:بس انا هونت ومابي هالزواج معاذ بمحاوله:نادر انت انسان كبير وواعي لوسويت هالشي ماراح يكون بصالحك ولا بصالح البنت,,,شوف انت راح تظلم انسانه بهالطريقه ماتدري يمكن تكون غير عن اللي انت مفكر نادر بهم:ماني قادر انسى فهد واللي صار له قبل يموت معاذ تعب من هالسالفه اللي صار يسمعها دووم من نادر معاذ:توكل على ربك وربك بيحلها نادر:فوضت امري لله رب العالمين &&& ريفان طول الوقت تحاول تشغل نفسها بالتحضيرات والتنظيف ماتبي تفكر في اللي راح يصير لها اليوم رند بهدوء:ريفان تبين اساعدك ريفان طالعتها بتمعن لها فتره ماجلست معاها وسمعت اللي بقلبها مثل اول لاحظت البرود اللي بملامحها:لا سلامتك مابي شي رند مشت بدون ولاكلمه ريفان تاكدت انها موطبيعيه:رند التفتت عليها:نعم ريفان تقربت منها وحضنتها:ليش رند بهدوء:ريفان تبين اساعدك ريفان طالعتها بتمعن لها فتره ماجلست معاها وسمعت اللي بقلبها مثل اول لاحظت البرود اللي بملامحها:لا سلامتك مابي شي رند مشت بدون ولاكلمه ريفان تاكدت انها موطبيعيه:رند التفتت عليها:نعم ريفان تقربت منها وحضنتها:ليش شكلك متضايقه رند ابعدت ريفان بهدوء وابتسمت لها:اكيد انك تتوهمين انا الحمد الله طيبه عرفت ان رند مو حابه تحكي اللي بقلبها فحاولت تتقرب لها بشكل ثاني ابتسمت بوجه رند:بس انا احتاجك نفسي اجلس معك واحكي لك اللي بقلبي رند بفرحه واضحه:والله انا حابه تحكين لي حتى انا حابه احكي لك اشياء مااحب احكيها لاحد ريفان بنتصار:خلاص حبيبتي اول مانخلاص كل شي نجلس نتكلم براحتنا اتفقنا رند بعجله:اتفقنا يلا ابي اروح اكمل اللي عندي عشان نجلس نسولف وتركت ريفان بسرعه من الفرحه والراحه &&& | |||||||||
|  |
|
23-11-11, 08:20 PM
| #22 | |||||||||
| نجم روايتي
| (في شركه سلطان) سلطان كان طالع من عند اخته شهوده يحس انه مره مستانس ومبسوط من وناستها ومن مكالمة امه اللي قالت فيها عن رضاها بخطبته حتى انه يحسها خففت ضيقته وعلى طول توجه للشركه كان عنده امل ان ريفان راح تداوم رغم انه يدري انها حيل مشغوله بالبيت وصل الشركه قابل السكرتير خالد سلطان :السلام عليكم ,,,اخبارك خالد خالد مستغرب من سلطان والوناسه الي كان مبينه على وجهه :وعليكم السلام,, الحمد لله طيب سكت خالد وكأنه تذكر شي: ياطويل العمر هذي الورقه لك عطتني اياها أ. ريفان امس اخذ سلطان الورقه وطلب القهوه من خالد وتوجه للمكتب وبقلبه وش بعد هل مره مسويه ياريفان وش باقي راح تصدميني فيه جلس على المكتب وفتح الورقه وبدت العصبيه تظهر على ملامح وجهه وبقلبه ليش ليش انا ايش سويت ايش الذنب الي سويته,,, كل هذا عشان ماتشوفيني كل هذا عشاني احبك لكن راح تشوفين ان ماخليتك تندمين على الساعه اللى شفتيني فيها ولا ماكون سلطان اخذ جواله ولا شعورينا ارسل لها (حلوه حركت الاستقاله ومانصحك تعيدين هالحركه فاااااااااااهمه الحين فيك خمس دقايق لو ماشوفك في الشركه راح تندمين ولا راح اجي بنفسي وجيبك) انتبه سلطان على طق الباب وحاول يهدي من عصبيته سلطان : تفضل السكرتير خالد :قهوتك ياطويل العمر وكان ملاحظ تغير ملامح سلطان سلطان :مشكور ولو سمحت لاتخلي احد يدخل خالد : على امرك خرج خالد وسلطان حاول يشغل نفسه بلا وراق الى بين يديه ********************** ( في بيت طلال وشهد) طلال يتابع التلفزيون : اقول شهودي ماتلاحظين انك متغيره شهد تستغبي : شلون مافهمت متغيره من أي ناحيه لف وجهه لها :من نواحي اكثير يعني ماصرتي تقولين لي كلام حلو مثل سلطانوه وفي اشياء كثير مقصره فيها شهد بوناسه وراحه :هههه لا تقولي تغار من سلطان تراه اخوي على فكره طلال بعصبه مصطنعه : واذا يعني اخوك تبوسينه بها الطريقه وقام وجلس جنبها وبعدين انا ماحب مرتي تبوس احد غيري فاهمه ويا ويلك تعيدينها وباس خدها يله انا ابي انام مره تعبان الله يخليك شهد لحد يزعجني شهد بزعل مصطنع : ايش تقصد يعني انا مز عجه طلال:هههه اجل فيه احد غيرك مزعج لا كن احلا مزعجه ************************ (في بيت ام سلطان) وجد : ياربي ايش اسوي طفشت ابي شي يسليني مالي الا لولوه اكلمها واحكي لهااخر الاخبار الي صايره واخذت جوالها ودقت على لولوه لولوه :هلا جودي وجد :هلا لولوتي,,عاد احاول اقلد لولوه :ههههه احبك والله احبك ايش تبيني اسوي وجد : الحمد الله والشكر اش فيك انهبلتي لولوه بوناسه :الا بطير من الوناسه,,اليوم بجي عندكم بالبيت لاتقولين انك طالعه وجد بتنهيدة الم:لا مو طالعه,,, حياك لولو :وجد كانك زعلانه وجد :أي زعلانه على سلطانوه لولوه فز قلبها من اسمعت باسم سلطان :ليش اش سوى لك وجدوهي ماتدري انها راح تخرب الدنيا بكلامها:سلطان ناوي يتزوج بوحده براء العايله لولو بصدمه:أيــــــــش وجد بخنقه:اللي اسمعتي راح ينشغل عني وانا محتاجته لولو بعصبيه:من قالك انه راح يتزوج اكيد ايشاعات وجد:لا ماهي اشاعات هواللي قال بنفسه وسمعته بعد يقول لامي انه راح يخطبها اليوم لولو جلست من قوت الصدمه ودموعها غشت عيونها وبصوت يقطع القلب:وجد بكلمك بعدين وسكرت الخط ابوها كان مار من جنب غرفة بنته وسمع كل حرف وعرف ان سلطان بيخطب اليوم وبقلبه:اجل تحمل اللي بيجي لك اليوم ماراح تتهنى بخطبتك يالزفت وراح ياكد خططه ومؤامراته &&& ريفان وصلت لها رسالة سلطان وطنشت كلامه وقفلت الجوال عشان ترتاح بالمره && الساعه 9 مساء الكل متجمع في بيت ابو ركان بمناسبة سلامة الجد سعود وخروج ميار في مجلس الرجال دخل سلطان وفارس وفواز وزياد اللي عزمهم ركان واكد عليهم يجون سلطان من دخل البيت وهو مستغرب بساطته بيتهم وشكله القديم وصغره بس ماتخفى حلاوته بعد مده بسيطه دخل معاذ وابوه سلمو على المجلس ولم قرب معاذ من سلطان ابتسم له سلطان ورفع حاجب وناضره بغرور بعد ماصافحه ....معاذ استغرب تصرفات سلطان وبقلبه:هذي ثاني مره اشوفه فيها واحس بقلبه علي الله يصبرني عليه بعد فتره قصيره سلطان بهيبه قويه وصوت واثق وعيونه على ابو ريفان:احم انا حاب اطلبك طلب ياعم وانشاء الله ماتردني ابو ريفان:افا عليك ياولدي اطلب وانشاء الله اقدر احقق طلبك بالي يقدرني ربي عليه سلطان بصوت اعلى:انا حاب اني؟؟؟ &&& نواف وجماعته وصلو للمكان المحدد تقربو من البواب واعطوه شنطه واخذو منه المفتاح البواب بسرعه ركب سيارته وهرب دخل نواف وخالد لداخل تقرب من زاوية بالمكان وترك فيه الصندوق واخذ العلبه وصار يرش اللي فيها في كل مكان جماعته صارو يسوون نفس الحركه وكل واحد يقوم بالمهمه اللي متكلف فيها وبسرعه فضو المكان واشعلو النار فيها وتركو المكان قبل مايكتشفهم احد &&& سلطان بصوت اعلى:انا حاب اني اطلب يد بنتكم ريفان على سنة الله ورسوله معاذ جمد بمحله وكل تصرفات سلطان تحللت بداخله عيونه تنتقل بينه وبين ابو ريفان وناضر بابوه ينتضر يتكلم اويقول أي شي للحضه حس ان الكل راح يشوف الدموع اللي تجمعت بعيونه طلعه من افكاره صوت ابو ريفان :ياليت ياولدي اعطيك ايها بس؟؟؟؟ &&& الكل تجمع على النار المشتعله وكبرها الشرطه صارت محاصره المكان تحاول تطفي المخزن د بعد وقت استمر ساعتين تفتش المكان واتعرفو على صاحبه من الاوراق اللي مالحقها الحريق الملازم نايف وبيده الصندق بعد ماتاكد من اللي داخله بس للحين متردد من انه يفضح صاحب الصندوق وبقلبه:معقوله سلطان الناشي يتعامل مع هالبلاوي انا مالي الا ادق على فارس واشوف لنا حل المشكله ماقدر اخبي لان الكل عرف وش اللي بداخل الصندوق لاتغرك الضحكه الى هنا ينتهي البارت | |||||||||
|
| |
|
25-11-11, 10:20 PM
| #23 | |||||||||
| نجم روايتي
| بسم الله الرحمن الرحيم السلام عليكم ورحمة الله وبركاته البارت الرابع عشر أبحكيلك عن أحوالي .. وأبيك تشوف لي صرفة .. خيالك دايم فبالي .. وأحس بشي ماأعرفه .. يوديني الفكر ويجيب .. وشوقي لك معنيني .. لأنك لما عني تغيب .. تضيق الدنيا في عيني .. وش أحكيلك وش أفسر ؟ عن أحوالي وعن علومي .. كثر شوقي لك اتصور .. أشوفك حتى في نومي .. تعب حالي وقلبي ضاق .. يشيلك سر في صدري .. وأنا من زحمة الأشواق .. أخاف أموت وماتدري .. ومن حبك وتأثيرك .. فؤادي ينبض بطاريك .. صعب يهوى أحد غيرك .. وهو ميت أساساً فيك .. وش أحكيلك وش أفسر ؟ عن أحوالي وعن علومي .. كثر شوقي لك اتصور .. أشوفك حتى في نومي .. سلطان بصوت اعلى:انا حاب اني اطلب يد بنتكم ريفان على سنة الله ورسوله معاذ جمد بمحله وكل تصرفات سلطان تحللت بداخله عيونه تنتقل بينه وبين ابو ريفان وناضر بابوه ينتظر يتكلم اويقول أي شي للحظه حس ان الكل راح يشوف الدموع اللي تجمعت بعيونه طلعه من افكاره صوت ابو ريفان :ياليت ياولدي اعطيك ايها بس قبل حادث العم سعود وناضر في ابو معاذ واشر عليه كلمني هالرجال خطبها لولده معاذ وانا يا قاطعه العم سعود:بس هالشي مايمنع انك تاخذ رايها وهي اللي تختار بيناتهم ياولدي لان الامور هذي ماتقاس بالاولويه سلطان من بعد كلمة ابو ريفان اللي متوقعها كان منصدم توقع انه بيطير من الفرحه بس اللي قاعد يسمعه غير غير عن اللي في باله تماما ومن توضحت له الصور وعرف ليش ابو ريفان قال كذا وهو يحس ببراكين تغلي بجوفه اما معاذ كان بينجن من الفرحه للحضات قطعها عليه الجد سعود بكلامه وطريقه تفكيره يحس الخوف رجع يستوطنه من جديد سلطان من سمع العم سعود وش يقول تنفس براحه وحس انها فعلا للحين له ويقدر يسوي أي شي بس ماتضيع منه فارس من تكلم ابو ريفان وجواله قاعد يدق ماقدر يقوم يكلم والمجلس فيه موضوع مهم واللي يتكلم فيه اكبر من سنه ماانتبه لصاحب الرقم وبعد انقطاع المكالمه سمع صوت انذار بوصول رساله فتحها وطالع بلرقم وعقد حواجبه من الاسم(م.نايف) قلبه حس بوجود مصيبه لان نايف مايتصل فيه الا لاشد المواقف وقف واستاذن بااحراج وطلع براء المجلس وقبل مايدق عليه رجع جواله يدق من نفس الرقم لحضتها تاكد ان الموضوع كبير حيل فارس:هلا مساء الخيــ نايف:هلافيك وينك فارس:قريب ليش فيك شي نايف:ابيك تجي الحين انا في اكبر مخازن شركات سلطان فارس بغرابه:وش قاعد تسوي هناك نايف:الموضوع ماينحكى في التليفون تعال وانا احكي لك كل شي واذا كان معاك سلطان يكون احسن بعد فارس تاكد ان الموضوع كبيرو يخص سلطان من قال جيبه معاك:طيب قولي وش صايراول؟؟ نايف حكى كل اللي صار بالمصنع والصندوق من غير مايتكلم باللي داخل الصندوق فارس من هول الصدمه ماقدر يتحمل وجلس بالارض قفل الجوال ورجعه في جيبه وعيونه تايهه في اللي حوله بدون هدف وقف وقرر ياخذ سلطان معاه ويحكي له اللي صار دخل المجلس وباين على وجهه اثر التوتر والصدمه فارس باحراج:احم ياجماعه العذر والسموحه انا لازم استاذن واخذ معاي سلطان جتني شغله ماتتأجل فياليت تعذرونا الكل استغرب طلب فارس وخاصه سلطان وفواز وبعد محاولات طويله ارخص لهم العم السعود خرج سلطان مع فارس والخوف مسيطرعليه وعقله مشتت مابين فارس وحبيبته اللي يخاف تضيع منه من بين افكاره قاطعه صوت من وراءه ينادي باسمه ماركز في الصوت عدل من كثر التشتت اللي يحس فيه التفت على وراء وطاحت عينه على اخر شخص يتمنى يشوفه اويتكلم معاه معاذ بهدوء:ممكن اتكلم معاك على انفراد فارس تقدم لسيارته:لو سمحتو بسرعه سلطان يطالع معاذ بنظرات ناريه ولو عليه يذبحه ويفتك منه وبسخريه:نعم معاذ بصوت قوي:سلطان ممكن تسحب نفسك من الخطوبه سلطان تفاجاء من طلبه وضحك بقهر وسخريه ورد ناظر فيه وبجمود:ليــــــــش معاذ بغموض:ماقدر اجاوبك ليش؟؟؟ بس ماراح ترتاح بهزواج فياليت تنسحب ابرك سلطان رفع حاجب وبهمس:هذا تهديد ولا شنو؟؟ معاذ بتركيز:سمه اللي تحب ....بس ياريت تشيل فركت زواجك من ريفان سلطان بعصبيه مكبوته:انزين ليش اقنعني وعقبها انا افكر اتركها ولا لا معاذ بامل من ان كلامه راح يخلي ريفان تكون له لحاله معاذ بهدوء وعينه بعيون سلطان:لانو انا وهي نحب بعضنا من زمان عرفت الحين ليش سلطان اللي خايف منه قاعد يسمعه وتاكد ان ريفان تموت في معاذ وهو يحبها بس هو غير اللي يبيه ياخذه بدون اذن من سمع كلام معاذ عصر كفه بقوه وصدره يرتفع وينزل من القهر والضغوط اللي مو ناويه تتركه حاول يبين انه مايهمه كلام معاذ وطالع فيه بقوه وبثقه كبيره:انت سمعت العم سعود اش قال من شوي ؟؟؟هي اللي راح تختار معاذ بقهر:بس انت قلت ان رفع ايده وبصرامه:بس واللي يعافيك لاتصدع فيني انا رجال وقد حالي ماقدر اسحب كلمتي وتركه ومشى ناحية فارس اللي نادى عليه كذا مره من ركب سلطان السياره ماقدر يحكي بكلمه وطول الطريق يفكر بكلام مايصدم فيه سلطان في نفس اللحظه غاب عن ذهن سلطان الاسباب اللي خلت فارس ياخذه من المجلس وكل تفكيره بمعاذ وجرائته وتصريحه له بحبهم لبعض يحس بالم بطنه رجع يلوي فيه لوي من يذكر كلمتها لما كانت بمكتبه انها تموت بارظه... وبدون شعور كتب رساله وارسها لـــ(لمعذبتي) كان يفكر بردت فعلها من تشوف الرساله وعيونه على الجوال يبي يسمع رايها يبي يبرد غليله يبي يرتاح من هالعذاب قطع تفكير صوت فارس:ليش تناظر بجوالك احد كلمك قالك خبر مو زين؟؟ رفع عيونه لوجه عمه وعقد حواجبه من كلامه المفاجاء وبسرعه استدرك هو فين وكيف طلع وشكل فارس المتوتر ولف ناحيته بشكل اكثر وبصوت مرهق:انت لوين ماخذني فارس بتوتر:اممم على المخزن اللي بحي ال() سلطان عقد حواجبه:ليش اش تبي فيه فارس بتوتر ملحوض:اممم من شوي كلمني الملازم نايف وقالي .......انها صارت مشكله بالمخزن سلطان للحين مو فاهم شي:وش دخل الملازم نايف بمصنعي فارس :................ سلطان لحضتها عرف ان السالفه كبيره من سكت فارس وماجاوبه سلطان بعصبيه:انت وبعدين معاك يعني ناقصك انا ؟؟قولي اش صاير هناك فارس بهدوء:المخزن احترق سلطان انفجع كل شي ممكن يتوقعه الا انه يسمع هالخبرماقدر ينطق ولابكلمه وعيونه على الطريق اللي يتمنى ينطوي ويوصل للمخزن بسرعه وبعد دقايق وصل وعيونه مفتوحه على الاخر يحس ارجوله ماتقدر تشيله ويشوف اكثر اكبر مخزن عنده صار شبه فاحم رجع بجسمه على وراء و غمض عيونه فتره تمنى يفتحها ويلاقي نفسه يحلم وبقلبه يااارب ساعدني يارب لاتحملني فوق طاقتي ورد فتحهم وللاسف امنيته عيت تتحقق &&& ريفان مانتبهت للرساله اللي وصلتها من فتره... وفرحتها بميار ودانه نستها سلطان وكلامه وقفت واتجهت لغرفتها تكلم ركان اخوها عشان تساله عن الاغراض اللي طلبتهم منه فتحت الرساله بسرعه وتوقعت انها من اخوها ركان تجمدت بمكانه وعيونها تحاول تفسر الرساله (مايهمني كنتي تحبينه اولا كل اللي يهمني انك تكوني لي بوسط حضني مارح اسمح لغيري يلمك وينام بقربك...ولو فكرتي تختارينه صدقيني راح اسوي ابشع من اللي قلت لك عنه) ايدها ترتجف من قوت الكلام عليها مهما كان هو مايصير لها عشان يكتب لها بهالطريقه وهالجرئه جلست وعقلها يعيد الكلام اللي برساله وماهي قادره تركز بشي وقلبها تحسه بيطلع من محله رفعت ايدها على صدرهاوبصوت مهزوز: ماراح اخليك تاثر فيني يالزفت مافيك تتمادى معى اكثر قطع افكاره رنين الجوال اللي بايدها طالعت الشاشه بخوف وهدت لما حصلته ركان ردت بهدوء:هلا ركان ركان بعجله:اسمعيني الاغراض اللي طلبتيهم تبينهم ضروري ريفان بخوف من صوته:ركان فيك شي ركان بختصار:لا مافيني شي سلطان مدري وش صاير معاه حاب اروح مع الشباب واخاف تبين الحلاء والاشياء الثانيه ظروري من اسمعت باسم سلطان خافت لايكون صاير معاه شي حبت تسال بس ماتقدر تقول شي لركان ردت عليه بتوتر واضح:لاروح الله معاك وبتردد:وطمني اوكي ركان بعجله:سلام تحس رجفتها صارت تحرك كل مفصل فيها خايفه منه وعليه وماهي قادره تفسر سبب خوفها وعقلها يردد تختارينه تختارينه تختارينه من اللي مايبيني اختاره وش قاقد تفكر فيه ياسلطان تعبت من كثر افكارها وبسرعه وقفت قدام تسريحتها تزيد مكياجها بيدين مرتجفه ماتبي احد يلاحظ توترها وخوفها بعد ماحست انها انجزت مهمتها توجهت لباب غرفتها تبي تطلع قبل مايفتقدها احد ورجعت بجسمها طالعت جوالها واخذته بجيبها ورجعت للضيوف &&& راشد يضحك من كل قلبه ويا نواف راشد براحه:متاكد احرقتو كل شي نواف:افا عليك لاتسال حريص راشد :والصندوق بمكان واضح يقدرون يشوفونه الامن نواف :أي بمكان حيل واضح وتعمدت ماانثر حولينه بنزين عشان مايحترق وتخرب الخطه راشد بخبث :صدقني يانواف لو حصل اللي في بالي لك عندي مكافاه كبييييره بالحيل نواف ضحك براحه وثقه &&& الكل تجمع بجنب سلطان فواز وطلال ركان نادر وزياد وموظفين الشركه انتشر الخبر بسرعه من كبر الحريق ومعرفة صاحبه فواز عرف من سلطان لما كلمه و خبر باقي الشباب وتوجهو له عشان يوسونه بمصيبته بعد اجراءت اخذت اكثر من ساعتين وبمكتب الملازم سلطان بقهر من عرف اللي بالصندوق :يعني والحين شلون كيف بنتظر الين تعرفون اللي سواء فيني هالبلوه الملازم نايف:المشكله مو هنا المشكله انك لازم تكون عندنا اللين نعرف من صاحب المخدرات سلطان بصدمه:وشلون مافهمت يعني تقصد ابقى هنا بالتوقيف ؟؟؟ الملازم نايف:للاسف ايه لانك انت صاحب المخزن سلطان رفض انه يخضع لقرارهم وفظل وجود المحامي بعد مشادات طويله حتى ان الوقت صار الفجر اقتنعو بخروج سلطان مع منعه من السفر لخارج الديره الساعه5 الفجر طلع وهو خلاص مو حاس بنفسه منهك وتعبان ويالله يقدر يمشي حصل كل الشباب باقي ينتظرونه الكل اتحمد له بالسلامه وهو ماقدر يتكلم ولاحتى ينطق اخذه فارس معاه عشان ينام ويريح من اللي صار معاه &&& عند ريفان ماقدرت تنام الخوف متملكها ماقدرت تسوي شي وطول الوقت وعيونها على الجوال تخاف يتصل ركان وتتاخر عليه وماترد بعد صلاة الفجر دخل ركان وكان باين عليه التعب والارهاق طاحت عينه على ريفان اللي منتبهت على دخوله وشكلها سرحانه وعيونها على بخار القهوه ركان تقرب منه :صباح الخير ريفان تفاجات بوجوده وبصوت هادي:صباح النور ركان بستغراب:انتي للحين صاحيه ريفان بتعب:هممم ركان :اجل قومي ريحي الحين ومشى وتركها بحيرتها واسئلتها اللي عيت تلاقي لها حل نادته بتردد:ركان وش السالفه؟؟ ركان رجع ولف على جهتها وركز فيها معقول اللي مجلسها للحين عشان تعرف وش اللي صار معاه مسح على شعره كانه يبي يمحي هالافكار من راسه ورجع طالعها :واحد من مخازن سلطان احترق وحصلو بداخله صندوق مخدرات شكلها موامره عليه ريفان انصدمت وحاولت ماتبين اهتمامها اكثر:اها الله يعينه اجل ركان وهو تاركهاو متوجه لغرفته:اللهم امين ** للحين مو مصدقه اللي سمعته من اخوها معقول يكون تاجر مخدرات؟؟؟ معقوله كل هالعز اللي عايش فيه حرام؟؟ وفجاءه مر في بالها كل اللي سواه معاها ابتسمت بسخريه:اجل ليش استغرب منه؟؟ اللي مثله مستعد يسوي أي شي دخلت لغرفتها عشان تجهز نفسها لدوام يتبــــــــــــــــــــــ ـــــع | |||||||||
|
| |
|
25-11-11, 10:22 PM
| #24 | |||||||||
| نجم روايتي
| بعد مرور اسبوع من الاحداث السابقه سلطان بالنادي وياء فواز فواز:والحين شناوي عليه سلطان:ولا شي المهم انهم لاقو بصمات على الصندوق والاهم انو حارس البوابه مختفي كل الامور بصالحي فواز:وموضوعك مع اهل ريفان مو ناوي تفتحه مره ثانيه سلطان بتفكر:امبلاء راح اكلم ركان اليوم واعرف ردهم بالموضوع فواز:ليش احسك واثق من ردهم سلطان وباله بعيد عندها هي بالذات:انا متاكد ماراح يرفضوني واذا على السالفه اللي من اسبوع فركان يدري بكل شي عشان كذا احس اني واثق من ردهم && ريفان بغرفتها وتفكيرها بسلطان وتغيره بهالاسبوع ماحاول يحتك فيها اويفتح معاها أي موضوع وكانه ناوي يعذبها مع افكارها وقفت تحاول تلهي نفسها باي شي المهم تبعده من راسها وتوجهت لغرفة ميار &&& نادر حدد يوم النظره الشريعيه وبراسه موال راح يسويه عشان ترفضه فوز &&& ريفان بحيره:اخاف اني اتخذت القرار الغلط ميار:بالعكس حبيبتي لاتفكرين بطريقه هذي لانك راح تتعبين ريفان:اخاف من الندم وعقبها من راح يفيدني ميار :توكلي على ربك...بعدين انتي قلتي انك استخرتي ...يعني لاتشلين هم ريفان بخوف:توكلت على رب العباد &&& الساعه 10 مساء سلطان:اممم مدري كيف ابدتي الموضوع بس شفتكم اتاخرتو بالرد فحبيت نلتقي هنا واسمع منك سبب تاخيركم علي؟؟ ركان ببتسامه:ماقدرت اكلمك وافتح معك الموضوع حسيتك مشغول فما حبيت اشغله زود سلطان مركز على ملامح ركان يبي يوصل لرد من ملامحه وطريقة كلامه تمنى لحضتها يسكت ركان عن هالمقدمه الطويله ويساله عن ردها تعب من الانتضار وتمثيل الواثق يبيها بقربه يحس الشوق لها قاعد يعذبه من بعد ماسكت ركان وماوضح بكلامه عن ردهم بشكل صريح حس ان اعصابه تلفت وقلبه قاعد يرجف بين ضلوعه ركان بعد مالحظ ان سلطان ساكت وينتظر ردهـ استحى انه قاعد يلعب فيه وهو ساكت ابتسم له بصدق:حياك الله متى ماحبيت سلطان تنهد براحه ودقات قلبه يحس ان ركان قاعد يسمعهم من الفرحه ابتسم بنتصار:الله يحيك خلاص باذن الله بكره وانا والاهل عندكم ركان براحه :حياكم الله واحنى بالانتظار ... من تركه ركان وقلبه مهو راضي يهدي الفرحه نسته الدنياء ومافيها تمنى لحضتها يقول للناس انها وافقت عليه يبي كل البشر تدري انها له ولحاله اتصل على امه يبي يفرح قلبها مثل ماقلبه بيطير من الفرحه من سمع صوت امه نسى يسلم عليها سلطان بفرحه:يمه باركي لي الناس اللي كلمتك عنهم وافقو وبكره راح نزورهم ونخطبها رسمي امه انصدمت من كلامه وفرحته ,,عمرها ماسمعت الراحه اللي بصوته قبل تمنت انه يصير أي شي المهم ماتتم هالخطبه بس خابت امانيها من سمعت كلمته ردت بسخريه:وين يحصل لهم مثلك يالغالي اكيد ماصدقو على الله صدق ناس فقر سلطان انصدم من كلام امه توقعها اقتنعت فيهم بس كلامها ندمه انه خبرها بنفسه رد بجمود:الله يبارك فيك هذي الكلمه اللي تمنيت اقولها بعد ماسمعك الخبر تنهدت بحسره:مبروك ياوليدي معنى تمنيت لك وحده من. قاطعها بزعل:وبعدين يمه انا قلت لك انا ابي هذا ومابي غيرها ضحكت غصب عنها:خلاص انشاء الله بكره نروح لهم معنى احسك مستعجل كثير بس لعيونك احاول اجهز كل شي ابتسم بحب:تسلم لي عيونك أي هالكلام اللي ابي اسمعه الله يحفظك يالغاليه لنا والحين ارخصي لي امه:مع السلامه &&& الساعه 5 العصر حايسه بين اغرضها شوي تلبس هذا وتفصخ هذا تبي تطلع باحلى شكل قدام اهله ماتبيهم يحسون انها اقل منهم من قالها ركان ان اهله راح يجون وهي معفوسه فوق تحت واخيرا استقرت على لبس ارضى مزاجها تنوره سودا طويله على الجسم وبلوز بلون الدم بسلاسل ناعمه تركت شعرها الطويل مفتوح بدون ماترفعه اضافت له كرستاله ناعمه وحطت مكياج اللي يبرز جمالها الطبيعي كل شوي تطالع بالساعه وتحس انها تتوتر زياده كل ماقرب الوقت للحين ماهي مستوعبه انها صارت له حاولت تبعده من تفكيرها وسرحت في ذاك اليوم اللي سالها ابوها مين تختار سلطان او معاذ...انصدمت انو معاذ يفكر فيها كزوجه هي تعتبره اخوها عمرها متخيلت انها راحت تتزوجه وافقت على سلطان لان خوفها على عايلتها كان اكبر موسيطر عليها انها توافق على سلطان حست بالدموع تتجمع في عيونها من الذل والاهانه عمرها ماحست بالجبريه الا معاهـ وقف قدام المرايه تحاول تشغل نفسها ماحست الا باحد يشد على لبسها نزلت عيونها لابراء شخص بحياتها ابتسمت بحب ونزلت لمستواه:الله مين عطرك.... ريحتك حلوه ريان ابتسم بفرحه:ركان هو اللي اعطاني من عطره اروح اجيبه عشان احطلك ريفان باسته بقوه:لاحبيبي انا خلاص حطيت لي من عطري ريان بزعل:كلكم عندكم الا انا ضمته بحب:من عيوني اول متفضى بشيلك ونروح السوق طيب تركها بفرحه:والله بتشترين لي.... الله خليني اقول حق رند انك تحبيني اكثر منها &&& سلطان لبس وتكشخ وماخلا عطر ولادهن الا وغرق فيه ملابسه تمنى يمشي الوقت عشان يشوفها يحس براحه لان يقدر يشوفها بدون مايشوف الخوف بعيونها جهز نفسه ونزل عشان يشيل امه واخته الكل كان متجهز في الصاله الا وجد طالع بساعته:يمه وين وجد معقوله للحين متجهزت امه:وجد مابتروح عقد حواجبه:ليش امه بتنهيده:تعرف اختك وتفكيرها... خربتها بكثر الدلع والدلال تنهد بغضب:وبعدين معاها انا حاولت افهمها بس راسها يابس ماهي ناويه تقتنع بكلامي بطلع اشوفها يمكن تجي معانا امه:لاتعب نفسك ماجهزت نفسها بالمره سلطان بامل:يمه معليه انا بحاول يمكن ربك يهديها طلع وطق الباب ودخل بعد مااذنت له بالدخول طاحت عيونه على وجها الاحمر واثر الدموع باقي على خدودها ابتسم لها بحنان:ليش تبكين انفجرت بالبكاء:انت ناوي تتزوج وتتركني توني حسيت اني يتيمه ...انت ماتحبني تبي تتركني وتعيش مع مع.... وماقدرت تكمل كلامها جلس بجنبها واخذ ايدينها في يدينه ورفع راسها عشان تطالعه:ومن قالك هالحكي ماراح اتركك انا بعيش هنا معاكم ووجد بتبقى بنتي اللي احبها ومافيني استغني عنها ابتسمت من بين دموعها:والله انت بتعيش معانا سلطان بتاكيد:وانا قد قلت لك كلام واخلفت فيه وجد براحه:لا ارتاح انها تفهمته بسرعه:اجل خلاص خلي ثقتك فيني كبيره ....والحين قومي غسلي وجهك واتجهزي حنا ننتظرك تحت لاتتاخرين وجد :لا الله يخليك مافيه وقت ...اوعدك اني راح اشوفها وابارك لها وقف وابتسم لها:خلاص راح اعتبره وعد يلا سلام من خرج من عندها رجعت لنوبة البكى وبقلبها كثيـــــــــر على اللي اخذت اخوها &&& وصل هو وامه ووراه سيارة زياد وسيارة طلال وشهد امه قاعده تقيم منظر البيت من براء بنظرات قرف وقهر سلطان حس في ايش قاعده تفكر وتضايق من عدم قناعت امه *** بعد فتره في مجلس الرجال الكل يبارك لسلطان وفي غرفة الضيوف للحريم اكثر اللي يسولف شهد مع ام ريفان والحريم الباقين شهد مستحيه من نظرات امها للمكان... غير انها ماتتكلم الا كلمتين وتسكت ام سلطان بهدوء يعكس اللي بداخلها :الا ماقلتو لي وين العروس للحين ماشرفت ام ريفان بطيبه:الحين جايه دخلت ريفان اللي ابهرت الكل بجمالها وطلتها الحلوه كان باين على لبسها البساطه بس كانت ملفتهه بشعرها وبياضها ورسومها الصارخه ام سلطان تفاجات بجمالها والحين تاكدت ليش ولدها مصر عليها بالذات شهد فرحتها تساوي الدنيا لخواها... وبقلبها والله وعرفت تختار ياسلطان اثاريك منت هين سلمت على الكل وجلست بجنب البنات رند:ريافي شوفيهم كيف يناضرون فيك دانه:تصدقين شوي وياكلونك من قدك يابنت دانه تحاول تبين لها ان رفضها لخوها مارح يغير بينهم شي شهد كانت تتمنى تسولف مع البنات بس ماتدري وشلون تقولهم ابي اجلس معاكم ام دانه فهمت نضرات شهد:قومي يابني اجلسي مع البنات اتوقع هما من سنك وبترتاحين لهم اكثر من سوالفنا شهد ماصدقت على الله وخاصه لماندوها البنوتات تعمدت تجلس بجنب ريفان واخذهم الوقت وهم يتعرفون على بعض *** في مجلس الرجال بعد ماحضر فارس واخوه علي وولده نادر سلطان بهمس لركان:ركان انا ابي اشوفها اذا ماعندكم مانع ركان ببتسامه:لا ابد ماعندنا مانع بس خلني اقول لابوي وجدي سعود وعقب برد لك خبر وفعلا قالهم ركان برغبة سلطان وقف العم سعود:عن اذنكم ياجماعه ابي سلطان على انفراد وقف سلطان بهيبته الطاغيه وخرج براء المجلس يتبع العم سعود العم سعود:قالي ركان انك تبي تشوف ريفان وانا ماعندي مانع وانابوك هذا حقك ومانقدر نردك والحين بوصلك للغرفه الجانبيه تشوفها وهي تشوفك واذا ربك كتب النصيب الله يوفقكم باس راسها بحترام:تسلم الله يخليك لنا وصله للغرفه اللي راح يشوف فيها ريفان وخرج من خرج العم سعود من عنده وعيونه على الساعه يحس انهم تاخرو له عشر دقايق وللحين ماجات شك انها راح ترفض تشوفه بس كان الاصرار بقلبه معميه الا انه يشوفها باي طريقه &&& ريفان بمحاوله:بابا الله يخليك انا ماجهزت نفسي على اساس انه راح يشوفني الجد سعود:يابنتي هذا حقه ومانقدر نرده بعدين بسم الله عليك كنك الغزال تحس ان محاولاته مامنها فايده فكرت انها تشوفه ترعبها وتزيد خوفها وارهاقها استسلمت لكلام جدها ومسك في ايده:بس مارح تتركني لوحدي معاه صح ابتسم جدها :لا مارح اتركك بعدين هذي الشوفه الشريعيه كلها خمس دقايق وانتي راده مشت مع جدها بعد ماتاكدت من شكلها ورجفتها وتوترها واضحه حاولت تقوي قلبها وماتبين توترها بس من تتاكد انها راح تكون قدامه وبدون حجاب قلبها يدوي دوي لما صارو بجنب المكان اللي هو فيه وقفت تحس خطواتها تجمدت وماعاد فيها تكمل المشوار اللي اتخذته بنفسها ناضرها جدها بتعب:وش فيك وقفتي لاتخافين وانا معاك خلينا ندخل تعبت من الوقفه والمشي كلام جدها حركها بسرعه ورجعت تتمسك بيده اكثر من الاول سمع همس بجنب الباب وركز نظراته على المدخل يحس ارجوله تبي تقوده لبراء لمكان ماهي واقفه الشوق غلبه وفجر فيه احاسيس ماعرفها الا من يوم شافها قطع تفكيره دخولهم وقف منبهر من ملاكه اجمل من الصوره اللي رسمها في عقله اول مره يشوفها بهالجمال الصارخ ماقدر يشيل عيونه من عليها اذهلته وجننته زوود الجد ابتسم من لاحض ردت فعل سلطان وتنفس براحه كان قلقان بس الحين حس بالراحه الحقيقيه ريفان خطواته صارت ثقيله من رجفتها تحس مالها حيل تصلب طولها اكثر للحين مارفعت عيونها له عشان تشوفه جلس الجد وجلسها بجنبه ناضرها يبيها ترفع عيونها وتطالع سلطان ضحك بصوت عالي على بنته وجها احمر وتفرك يدينها ببعض من سمعت ضحكت جدها ارفعت راسها وطاحت عيونها بعيونه اعجبتها وسامته وهيبته شكله كان جذاب لها وبسرعه نزلت عيونها جدها بحب:لو ادري انك بترفعين راسك كان ضحكت من دخلنا وقف واستند على عصاها عن اذنكم دقايق واجيكم بدون ماتحس مسكت يده بقوه وعيونها تترجاه مايتركها ابتسم لها عشان يطمنها وبهمس:مابطول اساسا انا بكون بجنب الباب وخرج من الغرفه اللي هما فيها سلطان باعجاب:صراحه ماتوقعتك حلوه لدرجه هذي ريفان :........... سلطان بغرور:بس ولايهمك تستاهلين تكوني حرم سلطان الراهي من سمعت جملته الخير رفعت راسها وعلى فمها ابتسمت سخريه:للحين تفتخر انك سلطان الراهي فهم قصدها وعرف انها تقصد سالفة المخدرات:أكيد افتخر فيه ولاعندك شك سلطان حاول يطلع من السالفه ماله خلق يتهاوش معاها يبي هاليوم يكون مميز بالنسبه لهم:الملكه ابيها الاسبوع الجاي طالعته بصدمه:نعم انت اكيد انجنيت رفع حاجب من وصفها له:ادري اني جنيت من رضيت بالفقر يابنت الفقر...من دخلت وانتي ناويه تطلعين من زوري وانا احاول اعدي بس انتي مامنك فايده قطع كلامه بدخول الجد سعود عليهم ابتسم لهم وجلس بمحله سلطان تكلم قبل مايقول الجد شي وبثقته المعروفه:ياعم حبيت اقولك اني ابي الملكه عقب اسبوع الجد :اسبوع؟؟؟ قريب ياولدي حتى يمكن مايقدرون يجهزون انفسهم سلطان بتمهد:انتولاتشيلون هم التجهيز القاعه وتكاليفها علي والاهل اعتقد انهم راح يجهزون انفسهم عندهم اسبوع وياطوله الجد بحيره :مادري عطنا مهله وبنرد عليك وقف واستاذن وتوجه لشباب بمجلس الرجال الجد التقت عليها/وانتي شرايك بكلامه ريفان للحين ماهي مستوعبه كلامه لها قبل مايدخل جدها خوفها منه صار اكبر مماتتوقعه وبالها مع الايام الجايه وشلون بتكون اذا بدايتها كذا ريفان:؟؟؟؟ لاتغرك الضحكه الى هنا ينتهي البارت اتمنى يعجبكم البارت | |||||||||
|
| |
|
25-11-11, 10:25 PM
| #25 | |||||||||
| نجم روايتي
| بسم الله الرحمن الرحيم السلام عليكم ورحمة رب العباد وبركاته البارت الخامــ15ـــــس عشر الامل فيني كبير واليا تحدوني كثير متوكلا بالله وثم تااااالي تااالي طموحات المسير متوكلا داام الغلااا زااد على مر الحياه متوكلا لاني انا مؤمن تحت حكم الاله واليا قسى فيني الزمان واليا غدى معنى الحنان اصبر و اصابر ضيقتي واصبر بعد لاجل الكيان معنى الامل معنى الامل فيني كبييير ............. الجد بحيره :مادري عطنا مهله وبنرد عليك وقف واستاذن وتوجه لشباب بمجلس الرجال الجد التقت عليها/وانتي شرايك بكلامه ريفان للحين ماهي مستوعبه كلامه لها قبل مايدخل جدها خوفها منه صار اكبر مماتتوقعه وبالها مع الايام الجايه وشلون بتكون اذا بدايتها كذا ريفان طالعت في جدها بحيره وبدون رفعت كتفها بمعني مادري الحين بس حست انها بتندم عليه كثير وتعاني معاه اكثر جدها لما حس انهاللحين مو مستوعبه حب يتركها لوحدها تفكر بالموضوع وقف ومسك بعصاته ووقفت معه ورفع راسها عشان تطالعه:يبوك الموضوع مايستاهل كل هالسجه اللي يشوفك يقول طايحه عليك مصيبه فكري يالغاليه زين ولاتتركين الناس اكثر من كذا... عيونها بعيون جدها بس بالها بعيد تسمعه بس ماهي مستوعبه كلامه لما لاحضته سكت هزت راسها بايجاب لما لاحض سكوتها وعدم تعليقها فضل انه ينسحب ويتركها تفكر:اجل استاذن وانا ابوك الرجال بالمجلس مابي اتركهم اكثر وانتي بعد ادخلي عند الحريم وخرج ماتدري كم مر على وقفتها بمكانها لفت بجسمها على مكانه الي كان جالس فيه وكلامه رافض يروح من بالها حست بالموت لما قال لها ...يابنت الفقر.... مشت بخطوات ثقيله ووقفت قدام الكنب اللي كان جالس عليها وبعيونها غضب الدنيا تناضر بمكانه كانه للحين جالس فيه جلست تحت الكنبه يعني موجه لها وبسخريه وعيونه تطلق شرار:اوريك يالحقير قلت لك من قبل اهلي لاتذكرهم ولا بشي بس انت ولاهامك راح ادفعك ثمن الاستهتار فيني لاتفرح كثير نبها على الجنون اللي هي فيه صوت ريان القريب من مكانها وقفت بسرعه واخذت نفس كبير وطلعت ريان بضحكه انتصار من شافه:ماما وينك رحتي بكيت عشانك رحتي وماشلتيني معك ابتسمت لخوها بحب وشالته وباسته:ومن قالك اني بروح واخلي حبيبي انا ريان ضحك بفرحه وتعلق فيه اكثر &&& في مجلس الرجال ضحك وسوالف ومواويل واشعار ومن بين هالاجواء جلس فواز بجنب سلطان وبغمزه:ها اشوفك من جيت مسرح ياخي لهدرجه اخذت عقلك سلطان ناضر بفواز بنظره مبهمه ورجع يناظر بابو ريفان من جديد فواز حس ان سلطان مو داري عنه فنغزه بكوعه عشان ينتبه عليه سلطان التفت بقوه على فواز بعد ماحس بنغزت فواز اللي طلعته من سرحانه وخطته اللي جالس يرسمها في باله وبنرفزه:نعم وش تبي انت بعد فواز بضحكه:الله يعني شينه سلطان عقد حواجبه من كلام فواز للحين مافهم مغزى كلامه:وشهو اللي شين فواز ببتسامه غمز:هالله منهو الشين صحصح انا قلت شينه موشين سلطان ابتسم بعد مافهم على خويه:وانت وش دخلك بالله..اذا بالمره اخطب يااخي فكني من غثاك فواز :خلاص اصلا نفذ صبري ..من بكره انشاء الله بكلم معاذ وانهى السالفه من سمع باسم معاذ اختفت البسمه من على وجهه وتغيرت ملامحه للحده:وش دخل معاذ فيك فواز بغرابه من تغير وضع سلطان:لاني ابي اخطب اخته ...ليش بينك وبينه شي سلطان بغضب مكبوت:ومالقيت تناسب الا معاذ فواز بتعجب:ليش معاذ وش قاطعه بهمس حاد:خلاص واللي يعافيك اذا بتجلس تذكر اسمه لاتتكلم بالمره فواز طالع بسلطان بعتب:مشكور يالحبيب سلطان من سمع كلمه فواز الاخيره حس انه تسرع وندم وقرر في نفسه انه راح يكلمه ويعتذر منه ويفهمه السالفه && فوز للحين متلخبطه قاعده تطالع في الملابس وتفكر بنادر وش بيكون رايه فيها لما يشوفها وبعد فتره طويله استقرت على لبس معين && معاذ وعيونه على امواج البحر وفكره سارح من دراء بموافقت ريفان على غيره سافر يبي يبعد مايبي احد يلاحظ ضعفه وانكساره بسبب رفضها له وخاصه بعد ماسمعها بنفسه تتكلم مع دانه ورجعت فيه الذكرى لذاك اليوم دانه:ريفان ليش احس انك مو مقتنعه فيه ريفان بقناعه مزيفه:بالعكس انا مقتنعه فيه بس تقدرين تقولين خايفه منه ..وو ظلت فتره ساكته كانه تدور على كلام تقوله...وو مابيك تزعلين عشان رفظت معاذ انا رفضته مو لان فيه عيب او شي مو زين بس دائما كنت اشوفه اخوي لاتتوقعين رفضته عشان سلطان انا كنت برفضه حتى لو كان هو الوحيد اللي المتقدم لي في لحضتها خانته دموعه ونزلت على وجهه بكل حريه وتنهد بألم وقهر على حب سنينه && (ويرجع كيدهم في نحورهم) راشد بغضب:انت وعتني انه راح يركع عند ارجولي ويطلب مني المستحيل بس اللي اشوفه عكس اللي انا ابيها يانواف عكسه بكثير نواف بخوف:سويت اللي اتفقنا عليه بس قدر يفلت منها بعدين انا.. قاطعه بصراخ:لاتجلس تبرر لي لوتبي كان وديته بستين داهيه بس انت ماتبي الله واعلم وش وراك من بلاء نواف بنرفزه:لو وراي بلاء ماكان نفذت الخطه بنفسي وعرضت نفسي للخطر طالع بشر وحقد وقهر:تدري لو اتزوج وماقدرت اخرب هازواج قبل يتم خلاص ماعاد ابي منه شي جلس بنكسار من تذكر صوت بنته وهي تبكي:المهم عندي مايصير بوحيتي شي لازم ياخذها لوعلى رقبتي نواف يسمع كلام راشد وماهو مستوعب عن ايش راشد يتكلم استغرب اكثر تغير حاله وانكساره وحاول يفهم اكثر اش يقصد راشد من وحيدتي && دخلت على الحريم ويد ريان بيدها اشرت لها شهد تجلس بجنبها كانت كارهه نفسها وكرهت حالها اكثر من اشرت لها شهد تجلس بجنبها مشت لها بخطوات ثقيله وابتسامة مجامله شهد بطيبه:مابي اسالك اذا اعجبك او لا لان وجهك مكتوم فمابي انصدم بجوابك انو اخوي ماعجبك ريفان لاحظت الطيبه بعيون شهد انزعجت من سمعت بطاريه بس حاولت تخفيه وتدخل بسوالف ثانيه غير سلطان ريفان بابتسامه: الا ماقلتي لي كم لك متزوجه شهد حست فيها انها حبت تغير الموضوع فحبت تتقرب لها وتفهمها اكثر:اممم انتي حزري كم تتوقعين ريفان بتفكير:اممم سنه او اقل مادري شكلك يقول كذا صح ولا لا شهد بفرحه واضحه:لا لا وين ماحزتي ابد ريفان بعجز:طيب انتي قولي انا بصراحه ماعندي توقع غير كذا شهد ببتسامه:اممم من خمس سنوات وعندي تؤم بعد ريفان بصدمه:وشو من جد انتي...بسم الله عليك... الله يحفظك من العين شهد براحه:ياستي الله يجبر بخاطرك خلني اليوم احر طلال واقوله عن كلامك ويعرف انو زوجته شي ... ريفان ببتسامه صادقه:الله يهنيكم يارب ويخليكم لبعض ...انتي اكبر اخواتك صح شهد:اساسا انا ماعندي الا اخت وحده وهي تقريبا اصغر من اختك رند باشهر اذا ماخاب ضني ريفان:الله يحفظكم حق بعض واخذتهم السوالف في هالامور العائليه وكانت ريفان مرتاحه لشهد ولسوالفها حيــل && سلطان قرر يسوي اللي براسه لانه مايقدر يضغط على ريفان بشي ثاني عشان توافق على وقت الملكه سلطان بهيبته الطاغيه ورجولته المميزه:ياعم ابو ركان انا طالبك بهالوجيه الطيبه وطالع بالرجال الموجودين ورجع طالع بابو ريفان ماتردني ابو ركان ابتسم:جاك ياولدي اطلب ولك ماطلبت سلطان بتوتر مخفي:ابيك توافق نعزم هالناس الطيبه يوم الخميس على ملكتي فطلبتك لاتردني الكل تفاجاء و انصدم من طلب سلطان من عرفوه مايحب يطلب احد او يستمح منه واليوم صاير انسان غير اللي عرفوه ابو ريفان ماتوقع طلب سلطان انحرج لانه طلبه بوجيه الناس الموجودين وخاصه انهم بيته وعيب عليه يرده ابو ركان بجديه:ابشر لك اللي تبي ..لازم تعرف يابوك ان عمري ماغصبت احد على شي اخاف بنتي يكون لها راي ثاني بس ولايهمك راح نحاول نقنعها انا وابوها سعود والاهل مايصير خاطرك الاطيب باذن الله سلطان ابتسم براحه لانه توصل للي في باله وزادت ابتسامته لانه اتخيل ردت فعلها من تدري بكلامه لابوها قدام الناس && بصوت يقطع القلب:يمه ليش يسوي فيني كذا انا احبه ليش مايفهم اللي بقلبي له يمه بموت لو اشوف وحده معاهـ غيري طالعة في امها برجاء:يمه قولي له اني احبه تكفين علميه تقطع قلبها على وحيدتها وشلون تبكي وتتعذب وبحقد:ولايهمك حبيبتي حتى لو تزوج الحين صدقيني مرده لك مابتكون بجمالك وجاذبيتك وبتشوفين مع الايام صحت كلامي لولوه بالم:بس انا ابيه لي لحالي مابي ياخذني عقب مايعرف غيري ان تزوج وحده ثانيه مابخليها ترتاح معاه يوم واحد.. && كان هو الوحيد اللي يحس انه مختنق من الجلسه والسوالف يحس مافيه يصبر اكثر والمشكله عقله واقف وماعنده حل يبيها بس وشلون يتجراء ويطلبها من ابوها خرج من المجلس بحجة انو جاله اتصال مهم تمنى يكون فرحان مثل سلطان بس يحس نفسه مقيد ومربوط وماله حيله وقف بحديقة البيت الصغيره وتكتف وبقلبه:ليش احس اني عاجز عن قراري.. ليش ماني واثق من نفسي ..ليش خايف اني اخطي وافشل باول خطوه اتمناها قطع تفكيره الشي اللي ماتوقع يصيرله ولا حتى بألذ احلامه *&* عيونها على ريفان من جلست مع بنتها شهد معقوله شفتها من قبل ياسلطان ولا انت خاطبها لانك سمعت بجمالها ليش احسك ياولدي مااصريت عليها الا بينك وبينها شي المشكله انها حلوه وماقدر انكر جمالها على قد حلاوتك الا اني كارهه ياخذك ولدي قطع تفكيرها صوت رنين جوالها طالعت بالشاشه وابتسمت بحب ....:هلا يمه شتبي زياد بستعباط:ابي ادخل فكي الباب امه بهمس:نعم انت مجنون زياد بضحكه:ايوه يالغاليه الحين صرت مجنون الله يسامحك خلاص مابي اقولك ليش اتصلت امه بهمس اكثر:يعني اشلون مابتقول اسكر في وجهك الحين زياد بزعل مصطنع:افا يالغاليه عموما الله يسامحك ..كنت ابيك تروحين معي بالرجعه امه بحب:لاخلا ولاعدم يمه من عيوني تسلم حبيبي زياد:الله يسلمك يلا سلام &*& قطع تفكيره الشي اللي ماتوقع يصيرله ولا حتى بألذ احلامه حبيبته اللي حرمت عيونه النوم واقفه قدامه وشكلها ياخذ العقل ميار حست انها انكتمت من الجلسه تحس الكل شفقان عليها ماتبي احد يرحمها تبي تكون قويه وزي اول بس ماتقدر تكون ميار الاولى ففظلت تنسحب بحجة انها تعبت وتبي تنام وفعلا طلعت للحديقه الخلفيه بدون مايحس عليها احد تبي تجلس بروحها مشت بخطوات متعثره الين وصلت لمكان الورد وقفت بجنبه ودموعها تملى خدودها قادته ارجوله لها خذاه الشوق يمها سيره مثل الاعماء مايشوف اللي حوله كان همه يملي عيونه وقلبه منها قرب بخطوات هاديه الين وصل مقابلها انصدم من دموعها تمنى يمد كفوفه ويمسحها تمنى يضمها على صدره وينسيها همومها بس رجع له نفس الاحساس احساس العجز اللي ذابحه صار اللي ماحسب له حساب صوت تنبيه على جواله من العمل من سمعت الصوت التفتت بسرعه على مكان الصوت القريب منها وبخوف واضح:من فيه...من هنا؟؟؟ توتر وش يقول وشلون يرد عليها وخاصه انه مايقدر ينكر وجودهـ بعد ماسمعت الصوت قبل مايرد بلحضه لمح راكان طالع من المجلس ومنزل راسه لخوه الصغير كان متاكد لو يرفع راسه بيشوفهم مع بعض وبسرعه جرها من ايدها وراء الحاجز صارت قريبه منه حيل مايفصل بينهم الا شي بسيط ميارمن حست انو فيه احد يجرها بسرعه حست برجفه تحرك كل مفصل فيها الحركه بحد ذاتها لها اكبر رعب تكلمت بكلام متقطع:من م ن ان بسرعه رفع يده على فمها وغطاهـ خاف يسمعها ركان وخاصه انو صوته صار قريب منهم حس بدموعها على ايدهـ وحركتها بالمقاومه صارت اكبر رفع ايده الثانيه ولفها عليها وقربها له بحيث صار ضهرها ملاصق لصدره | |||||||||
|
| |
|
25-11-11, 10:26 PM
| #26 | |||||||||
| نجم روايتي
| وثبت حركتها بقوه حس انها تشنجت من حركته معاها مال عليها صار فمه بجنب اذنها:اششش لاتحاولين تسوين شي مابي احد يشوفك معاي ويفهمون غلط ماراح اسوي لك شي انا اخاف عليك اكثرمن خوفي على نفسي.. سكت من بعد ماحس ان ركان ابتعد من المكان اللي هم فيه ميار تشنجت من حست انو فيه احد يحضنها لما مال عليها ماكان سلاحها وهي تسمع كلامه اللي مو مستوعبه منه ولا شي الا دموعها فارس يحس بدموعها ورجفتها اكثر بين ايديه مايبي يتركها بس لازم يخليها ويروح تمنى لو الحكم بيده ماكان بخليها ولاثانيه قرب من شعرها بهدوء واستنشق ريحتها اللي يما حلم فيها حس بحركتها القويه بين ايديه وكنها تبي تنقذ حالها استوعب على نفسه تركها ونزل ايده من على فمها وبحركه سريعه مسح دموعها اول ماتركها ماقدرت تصلب طولها اكثر وجلست على الارض بسرعه ضمت نفسها وصوت نحيبها يقطع القلب نزل لمستواها ومد ايده ليدها يبي يوقفها عصرت كفاها وصوت بكاها صار اعلى همس لها بحنان:لو تخافين على نفسك مثل ماخاف عليك ماكان نزلت دموعك وبتفكير:اذا تبيني اروح بسرعه ادخلي داخل البيت والحين والا ماراح امشي من مكاني من سمعت جملته الاخير وقفت بسرعه تتلمس الحاجز وتمشي بخطوات متعثره ومستعجله كان يتابع خطواتها الين ماختفت من قدام عيونه ابتسم بسخريه:اااااهـ ااااهـ من وين بذوق الراحه وانتي هنا وضرب على صدره بقوهـ توجه لسيارته يحس مافيه يجامل اكثر ويدخل المجلس... &*& على الساعه 11 الكل بداء يرجع لبيته وقفت شهد وامها من عقب اتصال زياد انهم يطلعون لمكان السيارات سلمت شهد بحب على البنات وخاصه على ريفان اللي حبتها من كل قلبها سلمت ام سلطان على الكل ومن وصلت لريفان سلمت عليها بدون نفس وطلعت بسرعه ام سلطان ركبت بسيارت زياد وتوجهوا للبيت امــا شهد وقفت xxxxxه بين سلطان وطلال سلطان بروقان:يااخي وش تبي فيها اليوم اطلق سراحها وانا بجيبها بكره طلال:لا ولاتحلم ام اعيالي ابيها ومافيني استغني عن الشهد كلش ولا شهوده سلطان بضحكه:الله وهالشهوده من زينها عاد خلاص خلها انا بوصلها البيت شهد بزعل مصطنع:لاوالله من زيني هاه اجل مابي اروح معاك وبنظره خبيثه ..معني كنت حابه احكي لك علوم بس خلك ماتستاهلها سلطان دق قلبه يحس مغازى كلامها يحمل اخبار عن ريفان مد ايده وشبكها بيدها وجرها وراه وهو متوجه لسيارته:يله سلام واخيرا بضحك عليك واشوفك وحيد تكسر الخاطر طلال بضحكه:افا تسمعينه يقول هالكلام وتمشين معاها رفعت ايدها له:يلا ياقلبي سلام اشوفك بالبيت سلطان بضحكه:شفت حتى هي ماتبيك وركب سيارته وحرك وطلال حرك وراه &*** جلست بهدوء مخيف وافكارها لبعيد للموقف اللي صار لها بالحديقه يارب من يكون ليش قالي انه خايف علي ليش ماقول لركان عنه وارتاح بس وش اقوله وانا مدري عن شكله نزلت دموعها من جديد عن حالها رفعت ايدها تمسح دموعها وفجاءه تذكرت شي ....وبقلبها والله هو.. هو انا متاكده وشلون مانتبهت من الاول وشلون فاتني هالشي *&*& سلطان بغضب:يعني شلون مافهمت شهد بهدوء:مادري بس حسيتها مو مقتنعه فيك او بقلبها عليك ..مادري ياخي اخاف اظلمها واتحمل ذنبها سلطان تاكد انها للحين ماقتنعت فيه ولاهي تبيه ضحك بسخريه وبقلبه وشلون تبينها تقتنع فيني ووو بقلبها واحد تموت حتى بالثرى اللي يمشي عليه بس معليه خليني اضمنها اول...واملك وبعدين ارويك فيها ...اخليها تتنفس الهواء اللي اتنفسه غصب عليها شهد بصوات اعلى :سلطــــــــــان التفت عليها وعقد حواجبها من صوتها العالي:وش فيك فقعتي اذني بصوتك شهد بغضب:لي ساعه اناديك وانت سارح حبيت اقولك خفف سرعتك اذا مو خايف على نفسك تذكر وراي اولاد واخاف عليهم سلطان خفف سرعته واتجه لبيت شهد &&* ريفان بصدمه:وشلون يبه ...ليش الله يهداك بس الجد سعود:احرج ابوك قدام الخلق وش تبينه يقوله بالله ابو ريفان بهدوء:ولا يهمك مستعد اغير كلمتي ولاتزعلين يالغاليه حاولت تبين انها هاديه من سمعت كلام ابوها وتاكدت انه عيب لو رجع بكلمته:لايبه ماني زعلانه بس اسبوع قليله بالحيل الجد سعود:لاتاخذي هم كل شي بيتيسر بس انتي قولي تم ريفان بغموض:موافقه بس بشروط وانا اللي راح اقوله عن شروطي بكره من اداوم ابوها براحه:الله يريحك اجل مبروك يالغاليه وقفت بسرعه:الله يبارك فيكم..عن اذنكم واتوجهت لغرفتها تفكر في الكلام اللي ناويه تقوله لسلطان &*&* الساعه 10الصباح بمكتب ريفان كانت تكتب بالاوراق اللي بين ايدها وبالها بعيد تفكر في ردت فعله عن شروطها ابتسمت من تخيلت انه ممكن يعصب او يرفض طلباتها صحاها صوت طق الباب رفعت عيونها من على الاوراق وطاحت عيونها بعيونه حست انها تلخبطت وان الكلام اللي من امس تفكر فيه ممكن يطير من بالها شكله كان جذاب وابتسامته خلتها تنزل عيونها واقف ومستند على الباب ومكتف ايدينه ومركز عيونه عليها ماقدر يستحمل اكثر يبي يعرف شروطها عرف من ركان من ساعتين ان لها شروط وهي اللي حابه تقولها له لاحظ حركتها المرتبكه والدليل انها نزلت عيونها بالارض وماطالعت اكثر ابتسم بسخريه :اها اللي اعرفه انو من الذوق تقولين اتفظل رفعت راسها من بعد ماقنعت نفسها انها راح تكون قويه وبكبرياء:مو انت دخلت بالاساس فماله داعي اضحك عليك واقولك اتفضل تقدم وجلس على الكرسي المقابل مكتبها وبهدوء:كيفك ياحلوه ريفان بسخريه واضحه:باحسن حال تنهد :امم عرفت انو لك شروط ممكن اعرفها؟؟ ريفان بسرخيه:ولو استاذ سلطان اكيد مهم انك تعرفها.... سلطان بقهر من اسلوبها:واللي هي.. ريفان بهدوء وعيونها على ملامح وجهه تبي تتلذذ بردة فعله على طلباتها:اولا.. اذا تبي الملكله بالوقت اللي حدته ماراح اداوم هنا يعني اليوم اخر يوم اداوم فيه طاح كلامها عليه مثل الصاعقه هو مايصدق يشوفها تجي تحرمه منها عصر كفه بقهر وتصنع عدم المبالاه ونزل عيونه:وغيره خافت من هدوءه وعدم اهتمامه وحاولت تقوي نفسها اكثر: مهري ابيها دبل بمرتين زود عرف انها تبي تضغط عليه عشان يرفض لانها تدري انه يمر بضيقه ماليه من احترق المخزن وبهدوء اكثر وعيونه لقدام:باقي شي اممم مافيه زفه ولا من هالخرابيط يعني ماتشوفني ولا اشوفك الا بعد الملكه بثلاث ايام وتكون اخر مره فيه الين يوم الزواج... ابتسم بسخريه:وغيره بهدوء:ولاشي الحين بس اتاكد انها تبيه ينسحب ويرفضها تالم من كل قلبه على نواياها بس حب يشوف ردت فعلها من جوابه رفع عيونه لها وابتسم ابتسامه غريبه عليها وبهمس: حاضرين للغالين الدوام لاتجين ماله داعي اساسا... والمهر راح يجيك دبل الدبل لاتخافين.... ومسالة اني اشوفك ..من قال اني بموت الا اشوفك اساسا مولازم لاول يوم ولا حتى غيره وقف وطالعها من فوق لتحت ومشى متجه للباب يبي يطلع مافيه يمثل البرود اكثر من كذا اليوم تاكد انها ماتحمل بقلبها ولاذره من اللي بقلبه لها صدمتها بردت فعله نطقتها غصب عنها قبل يطلع ويتركها وبهمس ميت:عادي سمعها وقبض على كفه بقوه واكتست ملامحه البرود ولف عليها:مشكلتك واثقه من نفسك كثير...بالعكس ريحتيني يا..يا وبسخريه...مدامتي وطلع وتركها بصدمتها وقمة ذهولها جلست على كرسيها بتهالك وصدمه معقوله عادي عنده ...نزلت راسها بين ايديها وبالم.... شكله فعلا هو نصيبي &** فواز:وبعدين يافوز الرجال له ساعه ينتظرنا وانت ماعندك غير خايفه وخايفه ..قلت لك مابخليك بس امشي ولي يرحم والديك فوز مدت ايدها ومسكت ايد اخوها بخوف وهو ابتسم لها يطمنها اكثر نادر جالس بالمجلس ينتظر فوز يشوفها فضل يشوفها على العصر عشان الوقت قصير بالنسبه لليل دخل فواز ووراه اخته فوز اللي جلست بجنب اخوها نادر عيونه على فواز ومافكر حتى يناظر فوز بعد فتره وقف فواز:عن اذنكم دقايق وراد تركهم لوحدهم لما لاحض ان نادر ماقدر يطالع بفوز رفع عيونه عليها طالعها باين عليها التوتر من رجفت يدينها جذبه حلاوتها بس حاول يتجاهل جمالها :كيفك فوز رفعت عيونها من سمعت اسمها ورجعت نزلتهم بسرعه حاول يخفي اعجابه فيها من طالعته:امم انا حاب اقولك كلمتين قبل مايجي فواز وبكذبه :انا انسان عملي... سفراتي كثير ...اكره الجو العائلي بالسفر... امم وكمان انسان مزاجي احب اغير كل ممتلكاتي من فتره لفتره وشدد عللى كلمته الاخيره وبعد ماحب ااحد يسالني كنت فين وصرت وين .... حبيت اقولك كيف الإنسان اللي بتعيشين معاه قبل ماتاخذيه ....الا اذا حابه ترفضيني فهذا شي راجعلك فوز اكبر صدمه الكلام اللي تسمه وصدمتها اكبر من جراءته بالكلام معاها وهذي اول مقابله لهم مع بعض فوز قررت انها؟؟؟ لاتغرك الضحكه..... الى هنا ينتهي البــــــارت | |||||||||
|
| |
|
25-11-11, 10:29 PM
| #27 | |||||||||
| نجم روايتي
| بسم الله الرحمن الرحيم البارت الســ16ــادس عشر *&** لاتجامل باالغلا قلبي تجبر أحساسك علا حبي الصراحة ياالغلا راحة قول لو ماودك بقربي أنت لك حالك ولي حالي ووعدك ماينشغل بالي لو نويت الصد والفرقا يعوض الله غيرك بغالي مانت أخر شخص في الدنيا ولانت أول شخص يجرحنا في المحبة يا بعد روحي كم شقينا كم تعذبنا بس علم قلبك القاسي للخلايق ماانحنى راسي الصراحة ياالغلا راحة قول لو ماودك بقربي ** حاول يخفي اعجابه فيها من طالعته:امم انا حاب اقولك كلمتين قبل مايجي فواز وبكذبه :انا انسان عملي... سفراتي كثير ...اكره الجو العائلي بالسفر... امم وكمان انسان مزاجي احب اغير كل ممتلكاتي من فتره لفتره وشدد عللى كلمته الاخيره وبعد ماحب ااحد يسالني كنت فين وصرت وين .... حبيت اقولك كيف الإنسان اللي بتعيشين معاه قبل ماتاخذيه ....الا اذا حابه ترفضيني فهذا شي راجعلك فوز اكبر صدمه الكلام اللي تسمه وصدمتها اكبر من جراءته بالكلام معاها وهذي اول مقابله لهم فوز ارفعت عيونها بدون شعور وبهمس:يعني؟؟؟ نادر رحم حالها من شاف دموعها بعيونها حاول يقوي نفسه ومايتاثر بمنظرها البري استغربت صمته وبهدوء وعيونها عليه:انت ليش خطبتني من الاساس؟؟ نادر بتوتر ماتوقع سؤالها :لاسباب خاصه فيني وماقدر اتكلم فيها فوز تنهدت بالم:والحين انت وش تنتظر بالضبط اوافق ولا لا؟؟ نادربختصار:اللي يريحك,,, وانا للاسف ماني مجبوراقنعك توافقين ولا لا... فوز طالعته من فوق لتحت:تأكد ان الي مايبيني مره.. مابيه مليون مره..وطلعت خارج المكان اللي هو فيه وعيونها مغطيها الدموع *&* عند شهد الي بالمطبخ وافي يبكي :ماما شوفيه قاعد يضربني ويلعب مع لافي شهد بعصبيه:طلول الله يخليك اترك عنك البزر .... طلال وهو بالصاله بعد ماسمع صراخ شهد:هههههه فديت ياناس المعصب شهد ابتسمت من كلام طلال وطلت عليه من عند الباب:وبعدين تراء اخليك تسوي العشاء... عني عقاب لك طلال يسوي نفسه خايف:لالالا خلاص توبه عمتي ابتسمت له بحب:طلال والله اسويها ان ما خليت عنك الهبل... وراحت وتركته ...... ابتسم لكلمتها وبوس اولاده واتجه للمطبخ واول مادخل لاحظ سرحانها قرب منها وضمها : اكيد تفكرين فيني ويا ويلك تقولين لا شهد :بلاهي لو مافكر فيك ابمنو بفكر.. وقربت منه وباسته .... طلال :ااااه ويقولون ليش تحبها وتركها.. الله يخليك ياروحي بسرعه ترا حدي جوعااااان..... &&&&عند معاذ &&&&& معاذ للحين الدنيا تايهه فيه ومايدري كيف راح يعيش من دون ريفان.... جالس على الكنب وسرحان في حبه الي ضاع منه... ااااه ياريفان لو تدرين ايش سويتي بقلبي هدمتي كل احلامي كرهتيني بلحب والي جابه قطع تفكيره صوت الجوال .. (افا ياجرح لاتبكي ترى كل الجروح تطيب) معاذ:هلا دانه دانه بشوق:هلا فيك.. وحشتني ياوحش انته ضحك على هبل اخته:بلاي اخوك يالشيفه ولا من وين صرت وحش.. خنقتها العبره :معاذ متى راح ترد للديره؟؟ اختفت ابتسامته :المشكله ماقادرت اني اتحمل تكون لاحد غيري .... دانه :هذا النصيب ياخوي ..الله اراد انها تكون له الله يعوضك الي احسن منها معاذ حاب يغير الموضوع:الا ماقلتي لي امي وابوي شلونهم دانه :الحمد الله ..كلهم يتمنون رجعتك معاذ تنهد:الله كريم ..انشاء الله مابطول دانه:انشاء الله ** رفعت ايدها تمسح دموعها وفجاءه تذكرت شي ....وبقلبها والله هو.. هو انا متاكده وشلون مانتبهت من الاول وشلون فاتني هالشي ارفعت كمها واستنشقت ريحته تحس لحضتها الدنيا لفت فيها من الدوخه مسكت راسها بعجز:مين انت..وشلون اعرف من انت ..معقوله كانت ريحة العطر اللي كنت اشمها بالمستشفى يكون هو صاحبها.. وبكت بعجز اكبر :بس من هو ميــــن بس؟؟ *&* صدقيني بكسر راسك وادفعك ثمن كل حرف نطقتيه ... اجل ماتبين تدوامين هالكم يوم..وبكل جرائه مابي زفه طيب اصبري علي ليوم الخميس وبعدها شوفي شروطك وين بتوديك اخذ ملابسه وتوجه لتواليت عشان يلهي نفسه ومايفكر فيها الين مايجي اليوم الموعود **& في السوق رند:تعالي شوفي هنا فيه اشياء حلوه ريفان بملل:لاخلاص تعبت خلونا نرد البيت ...اساسا مو لازم نشتري شي دانه بتعجب:وشو اللي مو لازم..ياغبيه هذي ملكتك يوم مميز بحايتك لازم تتعبين . ريفان:مو لازم خلاص عندي فساتين حلوه بلبس منهم لاتسوون منها قضيه عاد رند:ريافي انتي ناويه نطلع من هنا مجانين بسبت هبلك اللي قاعده تقولينه دانه بعجله:ريافي حنا راح ندخل هالمحل ومشت وسححبت رند معاها ..بالله لاتتاخرين وتتعبين من الوقفه لانو ماراح نطلع الا بشي يبيض الوجه ومشو وتركوها وراهم ريفان:اوففف وبعدين ..هالحماس اللي فيهم المفروض يكون لوحده مبسوطه بملكتها مو حزينه وقرفانه من نفسها ومشت تلحق عليهم *&* نادر نظرتها فيه رسخت في باله انصدم لما طالعته من فوق لتحت وانصدم اكثر من كلمتها الاخيره توقع يشوفها تبكي ومهزوزه من كلامه بس اللي شافه فيها غير الثقه ويا البرائه اعجبته وغيرت من رايه فيها دخل عليه ابو فواز وابوه وفواز طالعه فواز ببتسامه كانه واثق انو اخته راح تعجبه همس له ابوه اللي بجنبه:ها وش رايك يانادر طالع فيه بحيره:والله مادري مادري ضحك ابوه بصوت عالي:يابو فواز اذا الله كتب بينهم نصيب بنتفق على التجهيزات الثانيه...وحنا حاضرين لكل الشروط اللي تامرون فيها ابتسم ابو فواز:الله يكتب اللي فيه الخير *&** اخير استقرت على فستان اعجبها بالمره وتحررت في اختياره لانها تدري ان سلطان مارح يدخل فاخذت راحتها في الاختيار خلصت باقي المكملات للبسها ريفان بتعب:بنات بجد تعبت تكفون خلونا نجلس حدي عطشانه دانه بعتراض:نو نو نسيتي للحين مااخذت شي روحي للكفتريا اجلسي واحنا بخلص ونجيك ريفان بعتراض اكبر:لا ولي يرحم والديك ماحب اجلس لحالي مابي اروح الا انتو معاي رند ودانه بستسلام:انزين يلا ** فواز:انت صاحي وش هالكلام الجديد سلطان :هذا اللي صار عشان كذا عصبت عليك ذاك اليوم فواز:وليش ماقلت لي من قبل سلطان:وليش اقولك وادوش راسك وراسي فواز:معقوله معاذ يحبها..لا ويعترف لك بعد سلطان بنرفزه:بس هي ماتحبه..والدليل انها اختارتني عليه ..صح؟؟ فواز:مادري.. بس مااعتقد لو تحبه كان اختارته انت ومااختارتك تنهد بضيق وبقلبه:أي ماتحبه ..هي تموت بالارض اللي يمشي عليها ..بس صبرها علي **& يوم الاربعاء قبل الملكه بيوم ...ميار ليش احس اني مو واثقه بنفسي ميار:صلي علي النبي واستهدي بالله.. وقولي لي وش سبب هالاحساس اللي مخوفك ريفان بتوتر:مادري بس احس من اول ماشفت امه انها مو مقتنعه فيني ...وو تدرين بعد حنا مو نفس طبقتهم فما ادري وشلون طريقة تفكيرهم حتى اللبس اللي اخذته احسه حيل معجبني بس من اتذكرهم احسه ولا شي ..مادري فيه اشياء احسها عافستني وقلبتني فوق تحت ميار:شيلي هالافكار من راسك ..بعدين نسيتي انك ريفان ..وين ثقتك بنفسك تغيرت ملامحها من اسمعت اخر كلمه قالتها ميار وبقلبه بلاكي ماسمعتيه يوم يقولي انو مشكلتي ثقتي الزايده بنفسي استغربت ميار هدوء ريفان بصوت اعلى:وين رحتي انتي سمعتي وش قلت؟؟ ريفان بهمس:سمعت .. *** فواز جالس على سريره وباله لعاشر مره يعيد الكلام اللي عيى يستوعبه اويقتنع فيه وسرح مره ثانيه في نفس الموال اللي ذبحه معاذ:مادري اش اقولك يافواز بس واحد من عماني يبيها لولده وابوي اعطاها كلمه .. بس ليما الحين ماكلمنا دانه فيه او اخذنا رايها مابيك تتامل بعد كلامي هذا ..لان ابوي لو اعطى كلامه لاحد لازم يوفي فيها فحتمال يقنعها فيه.. ضغط بكفه على لحاف السرير بقوته ضيعتها بغبائي وتاخيري اللي ماله داعي بس انا ابيها واحس حبيتها واقدر اسعدها مشكله لو وافقت على كلام عمها وابوها..بس انا عندي امل انها ماراح تاخذه ياليت اقدر اكلمك ياسلطان واحكي لك اللي بقلبي يمكن كان قدرت ارتاح بس مابي اخرب عليك فرحتك انت ماصدقت يجي هاليوم وقف بسرعه وبصوت عالي:انا لواجلس على هالحال اكيد بنجن احسن لي اروح لسلطان اشوفه اذا يبي مساعده ولا شي.. واخذ مفتاح سيارته وطلع من البيت بكبره *&** اليوم الموعود(يوم الملكه) في الصباح في بيت ريافي رند:يمه لاتصحونها توها نامت من القلق اللي صابها امس ماعرفت تنام ركان سمع كلامها وضحك بصوت عالي:انتو يالبنات عليكم حركات مالها داعي ولا ليش تقلق مهو من ضمن شروطها مايشوفها اليوم اجل ليش القلق امه ببتسامه:وانت وش لك فيها خلها بكيفها الله يبلغني بزواجك بس ركان بضحكه:الا انا لاتحتريني الحين..بالاول خليني اكون نفسي عقبها اختري لي اللي تبين .. ابوه من وراه:من جابتك امك وانت تبي تكون نفسك الله يعينا عليك بس... الا وين عمي سعود رند:بالحديقه يبه الا اصر ريان يطلع ويشوف ووشلون يلعب بالكوره ..الله يصبره عليه.. الاب:الاوين ريفان للحين نايمه ركان ببتسامه:أي يبه للحين... وبهبل ..عقبالي يارب امه:احسن لي اقوم اشوف وش ناقص علينا قبل ماسوي في هالولد شي الكل ضحك ع تعليقها بفرحه ووناسه لوجود هاليوم .. &** سلطان:يمه اكدي على خالاتي يجون مابي احد يجلس ابي الكل يحضر ويستانس امه :والله والنسب والوناسه..الله يعيني على الخلق يوم يسالوني من وين عرفنا البنت سلطان بملل:يمه انتي مستكثره فيني الفرحه امه بصدمه من كلمته:انا ..انا اللي مستكثره عليك تفرح ياسلطان سلطان بتمهيد:يمه أي كلمه تقولينها لها عندي حساب ..اذا شفتك مبسوطه كان الدنيا بكبرها تضحك لي عشان كذا مابي احس انك مومقتنعه بزواجي الله يخليك افهميني تنهدت:انا مقتنعه بس كنت ابك تاخذ وح قاطعها بملل اكبر:يمه وبعدين طالعته بحنان:خلاص وانا امك لاتضيق خاطرك وتخلي هاليوم يبداء بهواش وعسى ماتندم على هالزواج.. قرب منها وباسها على راسها:اللهم امين انتي ارتاحي وطمني قلبك لو مابيها ماتقدمت لها من الاساس والحين ارخصي لي ابي اشوف الشباب اش صار عليهم واشيك بعد على القصر مابي يكون فيه شي ناقص امه ببتسامه:الله وياك يمه..ولاتنسى الشبكه مر على المحل وجيبها معاك اشر على عيونه براحه من تجاوب امه معاها:من عيوني يالغاليه والحين مع السلامه مابي اتاخر زود خرج ويحس الفرحه متملكه قلبه واخيرا صارت لي يالله توقعت هاليوم ماراح يجي متى يجي الليل بس وضحك بصوت عالي:اجل ماتبيني اشوفك اوريك بس شيك على قصر الافراح وارتاح من شاف ان كل شي زي ماوصى عليه مر لمحل؟؟؟؟واخذ اللي يعتبر اول عقاب لها على سواياها ... واتوجه لفواز اللي وصاه يكمل باقي النواقص... *** في العصر ريفان بدموع:ميار الله يخليك تعالي مابيك تتركيني في مثل هاليوم لحالي ميار ببكى متقطع:الله يخليك ماابي.....الناس تشفق علي...انتي ماتحسين بقدر العذاب اللي بقلبي..انا اموت بكل ثانيه تمر علي ضمتها ريفان بقوه:تكفين مابي اشوفك ضعيفه انتي قوتي وتؤامي ولانسيتي..تكفين يالغاليه مابي اسمع هالكلام مره ثانيه ميار حركت راسها بايجاب وبهمس:بس ماراح اغير رايي ريفان تفهمت وضعها وابتعدت عنها:براحتك حبيبتي ميار وهي تمسح دموعها:يلا لاتتاخرين الحين ركان مل من كثر ماينتظر .. وببتسامه حلوه:ولاتخلين الكوفيره تلعب بشكلك خلي مكياجك معقول ريفان بتسامه:من عيوني والحين يلا اترخص ميار:مع السلامه *** عند لولوه سلوى(الام) بصدمه:لولوه انتي شمسويه بنفسك انتي انهبلتي ..بعقلك انتي لولوه ببتسامه مزيفه:ايوه اش فيها ابي احضر واشوفها ابي اشوف من اللي اعجبتهه واخذها وتركني وانا احبه سلوى بكره:خليهم يولون مانبي نحظر للملكه ولا غيرها ..حتى ابوك مابيروح متضايق الله العالم وش اللي مضيق صدره لولوه بصرار:لايمه انا ابي اروح وانتي بعد ماراح تخليني صح؟؟ امها بستسلام:اكيد مابخليك لحالك وطلعت وخلت بنتها ترجع للحالها اللي كانت عليها جلست على الارض بشكلها الجذاب وملابسها الاروع ودموعها مغشيه عيونها وبحقد يملا قلبها:صدقيني مابخليك تتهنين فيه ادري انه يحبني ..بس مادري ليش ماتقدم لي لاتخاف حبيبي راح انتظرك طول العمر اكيد مثل ماقالت ماما مردك لي ووقفت من جديد ترتب في شكلها وتزيد المكياج عشان تخفي اثر التعب والارهاق والحزن **** بعد صلاة العشاء الكل بداء يتجمع وصوت الاغاني يصدع بالمكان مكان يضم ناس مبسوطه وناس ميته من القهر والحقد حياه:رند للحين ريافي ماجت رند:الحين كلمني ركان يقول عشر دقايق واطلع عند الباب لانو هو اللي راح يجيبها من المشغل حياه:الله يطمنك كنت شايله همها احسها تاخرت رند ببتسامه :حبيبتي انتي ...تسلمين وعقبالك واشوف مقرود الحض اللي بياخذك حياة اضحكت من تعليق رند:مقرود بعينك ماتدرين انه اجمل شباب العايله رند رفعت حاجب:الله يستر من هالجمال خليه يجي بالاول بعدين تغزلي فيه يابنت حياه:انتي الكلام معاك ماينمل امشي بس خلينا نفلها ونرقص رند:يلا وجد جالسه بجنب اختها شهد :شفيهم كيف يرقصون. بنات الفقر الضحكه شاقه الوجه من الوناسه شهد طالعتها بقهر:وليش حارقه نفسك فيهم الصدق البنات وش زينهم بس انت اللي الله يهداك وجد:اساس انا الهبلاء اللي جالسه اكلمك كلها دقايق وتجي لولوه على الاقل احسها تفهمني اكثر منك شهد بستهزاء:سبحان الله ..على قولتهم طنجره ولاقت غطاها..احسن اقوم اجلس مع امي وخالاتي.. ووقفت وتوجت لطاوله اللي عليها امها *&** وصلها اخوها ركان ودخلت لجواء بعد مالقتها دانه ورند وحياه دانه بحماس:يلا يلا بسرعه شيلي غطاك من عليك خلينا نشوف شكلك ريفان بضحكه:اصبري الله يهداك وشالت غطاها والعباه بالكامل وو ** عند الرجال كان حده مبسوط ومستانس رغم احساسه بالضيق لان في باله ذكريات عيت تروح من راسه وخاصه اليوم بالذات زياد يدق ركان بكوعه:بالله شوف سلطان من زمان ماحسيته مبسوط هالقد | |||||||||
|
| |
|
25-11-11, 10:31 PM
| #28 | |||||||||
| نجم روايتي
| زياد يدق ركان بكوعه:بالله شوف سلطان من زمان ماحسيته مبسوط هالقد ركان بوناسه:عقبالك يارب زياد بهبل:يارب واتزوج قبلك انت بس قول امين ركان بضحكه:ول وانت ماصدقت اقول عقبالك اجل هونت ابي اقول للاهل يخطبون لي اليوم..واقهرك بعد فواز من وراهم:لا بالله اجتمعو الفالحين..نسيتو ان المناسبه تخصكم قومو شيكو على المعازيم يمكن ناقصهم شي ........... الهدوء كان يسكن شخص بينهم بس الكل مو منتبه له ولاحاس باللي متعب قلبه من شافها وهو على هالحال سرحان ويحس نفسه عاجز الجد سعود لاحظ هدوء فارس من دخل وحس انه مهموم مد ايده ومسك ايد فارس:وش فيك يافارس رفع عيونه له من مسك ايده وكانه يبيه يقراء اللي بعيونه بدون مايتكلم لاحظ نظرات فارس بس ماعرف يفسرها وشد على ايده اكثر:انت تعبان ؟؟ فارس استوى بجلسته ويحس انه متلخبط ماحسب حساب هالحضه بس قرر يقول اللي بقلبه ويتوكل على الله وبدون مقدمات وبسرعه:ابي اتزوج بنتك ميار الجد انصدم من طريقه كلام فارس وسكت ينتظره الين يكمل كلامه اللي فاجاءه فيه فارس عرف ان مصدوم من كلامه:ادري فاجاتك بس بجد انا حاب القرب منكم وياريت ماتردني الجد :بس اللي ماتعرفه انو ..انو ونزل راسه ماقدر يقول بالعاهه اللي ببنته مسك فارس ايده هالمره:ادري ..ادري انا ماتشوف بس انا راضي فيها الجد صدمته صارت اكبر:تدري انها ماتشوف فارس نزل راسه:أي ادري ,,وابيها بعيوبها الجد بختصار:كلمني بعدين وعقب نتفاهم فارس ابتسم بامل:على خير ** عند ريافي البنات كلهم بنفس الوقت:وااااااااااو روعه رند:بسم الله عليك شكلك خطير وياخذ العقل دانه:مشاء الله اجل حصني نفسك من العين حياه غمزت لها:مسكين الرجال بيموت من يشوف هالزين كله...الله يهنيه دانه بهمس مايسمعه الاريفان:الا الله يعينه ماتدرين انه ماراح يشوفها اليوم رند:ريافي ماكأن فتحت الصدر كبيره ريفان بهدوء:لاوين كبيره بعدين كلهم حريم مافيها شي رند بهمس:افرضي يقول ان بيدخل وش راح تسوين ساعتها ريفان بثقه:لا لا مابسويها ارتاحي .... في هالحضه دخلت شهد عليهم شهد:مساء الخير الكل صار يسلم عليها شهد طالعت ريفان ونظرات الاعجاب باينه بعيونها:مشاء الله عليك بصراحه ملاك ياحضك ياسلطان والله وعرفت وشلون تختار ريفان استحت ونزلت راسها من الاحراج الكل صار يضحك عليها الساعه عشر بدت الزفه وبدت خطوتها قدام الملا وصدع صوت الدي جي اللي خلاها جامد بمحلها لحضات كان تسجيل صوت سلطان واهداء لها الابيات حياك ربي يـا ضيـا الحفـل حيـاك يا (ريافي) منتي مثل باقي الحور قلوبنـا ترقـص علـى دقـة اخطـاك و الملـح كلـه والحـلا فيـك منثـور لك بسمة لامـن بـدت مـن شفايـاك يجبر بها الخاطر ليـا صـار مكسـور ولك ضحكـة لا وخـرت عـن ثنايـاك تسحر غلا قلب ن من العـام مسحـور ولـك نظـرة لا صوتـت للغـلا جـاك لو دونـك جبـال ومسافـات وبحـور اللي مدح لو قال مـا قـال مـا اوفـاك واللـي تكلـم فيـك مسكيـن مقهـور و للحاسـد اللـي بالغـرور يتـبـلاك قولـي طبيعـي كـل مزيـون مغـرور ما لوم شعـر مـا كمـل فـي مزايـاك وبيت تعـذر عـن وصايفـك معـذور و (سلطان) اللي ينتظر يوم لقياك دقايقـه ساعـات وايـامـه شـهـور يفرح بشوفـك يـا الغـلا و يتحـراك فرحة ربيـع بآخـر الوسـم ممطـور له قلب ما يـدري وش الحـب لـولاك وله عين يغنيها وجـودك عـن النـور يفـداك يـا سيـد المزاييـن يـفـداك قلـب تعلـق فيـك مـا رد لـه شـور وجـده علـى حطـة يمينـه بيمنـاك وجد الضرير اللي يبـي شوفـة النـور عسا (سلطان) يقضي العمر ويـاك يا (يالريافي) في بيت بالحب مغمور ** من طلعت الكل وقف مبهور من الملاك اللي قدامها الكل يسمي عليها من العين لولوه من شافتها وقفت مصدومه ودموعها بللت خدودها:وين بيشوفني وهالوجه معاه وين شالت عبايتها ونادت امها وطلعت بسرعه قبل ماحد يشوفها ام سلطان من شافتها ابتسمت من قلب وفرحت انها تقدر تسكت الناس اللي يسالونها عن ريفان وشلون اخطبتها وهي مو من مستواهم وقفت على الكوشه كانها الحور بجمالها وفستانها المنشور على جسمها الفتان فستان ابيض قطع.. طويل في فتحه من الاسفل الين فوق الركبه يلتف من تحت الصدر شريطه حمراء على شكل ورده.. مطرز بكرستال ابيض وملفوف على جسمها لف شعرها متروك على طوله بس بتدرجات حلوه ومكياجها مبرز جمالها الفتان بعد فتره طويله من التصوير تقدمت منها امها:راح ندخلك الحين لانو ركان يقول ابوك العود مصر الا يشوفك ومايبي يدخل عند الحريم ابتسمت لامها بتوتر من الاجواء اللي ماتعودت عليها:على امرك يمه وفعلا انزفت لقسم ثاني في القصر ريفان:يمه نادي رند خليها تشوف مكياجي احسه اخترب توترت امها من طلبها:هاأأأأ مكياجك حلو مافيه شي ريفان باصرار:معليش يمه بس ابي اتاكد احس ماني مرتاحه لانو قطع كلامها الصوت اللي وراها وخلها تتجمد بمحلها:مساء الخير ماقدرت تلف وتشوفه متاكده هذا صوته ونزلت راسها تشوف لبسبها وشهقت بصوت راخي لبسي ياويلي وشلون يدخل وانا كذا.. امها اتفشلت من تصرفها لانها معطيه سلطان ظهرها ومالتفتت ناحيته ارفعت راسها وطالعت بسلطان وارتاحت من لمحت ابتسامه على فمه:اتركم الحالكم ياولدي ومرت من جنبه:السموحه للحين مااخذت عليك وطلعت سلطان براحه :مبروك عليك ولد الراهي ماشاف منها أي ردت فعل تقدم ووقف قدامها ورفع راسها جمد بمحله مبهور مذهوول من الحور اللي قدام عيونها يدري انها حلوه بس ماتوقعها تاسر بهالشكل وبهمس منه:طالعيني لاحض رجفتهاوعدم تجاوبها معاه ابتسم :طالعيني ابي اشوف عيونك ونزل راسه عليها وباس جبينها لفتره طويله وهو يستنشق ريحت عطرها يبي يطفي لهيب الشوق اللي حارقه قلبه ريفان كانت تسمعه بس الصدمه والخوف جمدتها بمحلها لاول مره تحس انها عاجزه ماطالعه من قرب منها وباسها زادت رجفتها بين ايديه ابتعدت عنه لما حسته طول وهو يبوسها طالعته بتلقائيه وقف يطالعها مثل المخدر قدام انوثتها الصارخه نزلت راسها وغطى شعرها على ملامحها من لاحضت نظراته اللي بتاكلها اكل:ليش تخلف بوعدك صحى من سرحانه على صوتها:بس انا ماعدتك بشي ردت عيونها عليه:بس انت وافقت على شروطي رد عليها وعيونها بعيونها:بس انتي صرتي حلالي.. زوجتي.. ملكي انا لوحدي رفعت حاجب من كلامه وتهكمه اللي ماتوقعته منه:ومن قال اني ملكك لايكون تفكر انا وحده من شركات او صفقاتك استاذ سلطان مارد عليها وطالعته ولاحضت وين مركز عيونه وبسرعه ارفعت ايدها تغطي فيها صدرها مارد على حركتها وقرب منها اكثر ... سحب ايدها وجلس وجلسها بجنبه :لازم يعني نتهاوش خلينا اليوم ناخذ اجازه من الكلام اللي يسد النفس وغمز لها بجراءه تراء سوالفي ماتنمل وقفت بسرعه من طريقته في الكلام اتحس انها منحرجه منه وخاصه من جلست بقربه ولبسها بهالشكل طالعها مستغرب تصرفها:على وين بتوتر واضح:خلاص ابي ادخل داخل لاحظ توترها ومد ايده وجرها تجلس وهالمره جلسها بقربه اكثر وتكلم بهمس:ليش ترجفين كل هذا حياء ..اجل ياحظك ياسلطان حاولت تقوي نفسسها وطالعته اول ماطاحت عيونها بعيونه ......... تملكها الخوف والخجل غير وسامته اللي اول مره تشوفها من هالقرب:ممكن اطلع مليت ابي اجلس ويا البنات عرف انها تبي تهرب فحب يحرجها اكثر مد ايده ولمس عنقها ومررها الين صدريت الفستان:اول مره اشوفك كذا..بصراحه عذاب غمضت عيونها من لمسته وحست قلبها صار ينبض بعنف ومشاعرها متلخبطه من كلماته افتحت عيونها وطالعته يطالعها بشوق غريب عليها نزلت راسها وهالمره برجاء :الله يخليك ابي اطلع ممكن؟؟ قرب لها ورفع راسها وعيونها بعيونها :ممكن بس بشرط ريفان بسرعه:موافقه عليه ووقفت وقبل توازن حركتها مد ايدها وجرها عشان ترجع في محلها:لا انا ابي شرطي هنا ريفان طالعته مافهمت كلامه:مافهمت انحنى عليها وبهمس:شرطي هذي وباس عيونها وهذي وباس خدها وهذي وباسها بجنب شفايفها لانها تحركت لما استوعبت شرطه في الاخير انه ناوي يبوسها على فمها ابتسم على شكلها باين انها تفاجات من حركته من رجفتها وتوترها اما هي عصبت وصارت تحرك ارجولها بغضب وحياء وتوتر رفعت راسه وطالعته وقبل ماتتكلم وتوقفه عند حده دخلت شهد عليهم:مساء الحب طالعها ببتسامه:مساء الخير..انا ابي اعرف وش جايبك يالعنز شهد بضحكه:افا انا العنز لاتخرب السمعه من اولها ...والحين وش رايكم تتصورون لاني ابي اصور ريفان وانت تلبسها الشبكه ارفعت راسها بعتراض بس سلطان كان حاسب حسابه وبشكل سريع قرب منها وووو لاتغرك الضحكه... الى هنا ينتهي البارت | |||||||||
|
| |
|
28-11-11, 07:58 PM
| #30 | ||||||||||||||
| مراقبة ومشرفة سابقة ونجم روايتي  
| الله يعطيك الف عافيه اختي ناهي على النقل المميز للروايه المميزه رائعه كالعاده بانتظار باقي البارتات يالغلا على احر من النار واحلى تقييم لاحلى متميزه | ||||||||||||||
|
| |
|
| أدوات الموضوع | |
| انواع عرض الموضوع | |
|
|
51Likes
.png)
.png)
العرض العادي
