آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
05-12-10, 04:05 AM
| #21 | ||||||||||||||
| مراقبة ومشرفة سابقة ونجم روايتي  
|  الفرحه احساس جميل غمرني اليوم واحسسته واضحاً بعيني وابتسامتي وكل حركاتي.. شيئاً جميل أفتقدته لأيام وجدته من جديد وأعاد لي الفرحه وزين وجهي بأبتسامه ساحره.. كوب من الموكا البارد شربت منه القليل وبدأت أسرد المزيد من الأحداث بحماس .. الفصل الواحد والعشرين نفس الزمن الماضي 12 من شهر ذو الحجه .. الساعه 3 الفجر .. فتحت عيونها بصعوبه سحبة الشرشف الأبيض عشان تستر جسمها العاري ناظرت بالغرفه الخاليه تماماً من الأثاث عدا السرير الخشبي النفرين اللي نايمه عليه ..ناظرت ياسر كان جالس بمقدمة السرير ممسك بالريموت ولابس شورت والجزء العلوي من جسمه عاري يشوف مسلسل بالتلفزيون اللي معلق ع الحيط.. مسكت راسها بتعب: وش صار؟ ياسر ببرود: نفس كل مره نوف مستغربه: وشلون يعني نفس كل مره كيف نمت بهالطريقه وماحسيت لنفسي ياسر وهو يقلب بالقنوات وبدون لايلتفت لها: لأنك شربتي كثيييييير نوف بقهر : ياربي يسور الف مره اقول لك مابي اشرب هالشغلات ياسر: انا ماقلت لك أشربي انتي شربتي لحالك..وقف وأخذ التيشرت يلبسه: ياللا قومي بوديك الكبير نوف تناظر الساعه وتصرخ بخوف : ياربي الوقت تأخر كيف بدخل البيت ياسر: انتي ماقلتي قفلتي باب غرفتك نوف: ايه قفلته ياسر: خلاص انا برقى الطوفه بفتح لك الباب الخارجي وانتي ادخلي بشويش لغرفتك اقفليها ونامي وان سألتك امك بعدين وينك قولي كنت نايمه وقافله الباب نوف بخوف:اخاف واحد من اخواني صاحي ياسر: امشي بس اخوانك مع اخوياهم مابيرجعون غير الظهر اعرف اللي رايحيين معهم انا نوف بهدوء: طيب : : : الرياض الزمن الحالي ..حيث توقفنا كتب رساله بسرعه ويده ترجف : ياغبيه كل شي اهديته لك هو ملكك خلاص مالي حق اخذه بس علميني من رفض الزواج وليه : انتظر ردها وهو متوتر حاس انه شوي وبتفلت اعصابه وبيبكي احساسه مايختلف كثير عن الطفل اللي مضيع امه بسوق عامه ورغم محاولاته عشان يلقاها الا انه يفشل ..ضغط الزر الأحمر بقوه عشان تنور شاشة الجوال ويتأكد جاه رد او لا ..صدره صار يعوره ونبضاته تزيد قوه وسرعه ..سمع صوت رنة الرسايل فتح الرساله بسرعه : بندر انت كانت لك مكانه خاصه عندي وكنت ارتاح معاك اللي بيننا يمكن تسليه اوتضيع وقت ويمكن حب طايش بس مو زواج انا ماتوقعتها توصل بجد للزواج بندر انا اسفه انت الف بنت تتمناك بس انا مابيك زوج لي : كان يقرا كلامها وتزيد الرجفه بجسمه ويضيق نفسه اكثر واكثر اول ماخلص جملتها الأخيره واللي كانت اقوى شي بالرساله حس بدوار فضيع طاح بقوه على الأرض وضرب راسه الأرضيه : : : الساعه 1:30 الظهر بتوقيت السعوديه 4:30 الفجر بتوقيت امريكا.. دخل الجرسون وبيده دفعه جديده من الصحون حطهم على المغسله ومشى مشعل جلس على لوح الخشب اللي واقف فوقه بحزن وبصوت واطي: ياربي على هالحاله ماراح اوصل البيت الا بعد الساعه 5 شسوي قربت منه انجولينا النادله الصغيره اللي تشتغل معاه وقالتها بأبتسامه بريئه: Do not Grieve (لاتحزن) مشعل فتح فمه يبي يرد عليها ولاحظ نظرة البودي قارد القاتله تبسم لها ووقف يكمل شغله .. رجع الجرسون وحط مجموعه من الصحون والكأوس.. مشعل واللي خلاص انقهر ناظر بالجرسون : All of these dishes (كل هذه الصحون) رئيس العمال وهو يناظر مشعل بقهر : I work in silence Woe to you (اعمل في صمت تباً لك) مشعل سكت وش يقول وهو ياخذ فلوس من هالحقير غطس الأسفنجه بالصابون بسرعه وبدا يغسل الصحون بسرعه اكبر ..اول ماخلص ناظر بالجرسون الجرسون وهو ياكل: Can you go (يمكنك الذهاب) غسل يده وتحرك بسرعه كان يمشي بالشارع وهو حاس بصداع فضيع مدمن ويساهر ماتجي حس انه وده يبكي حاله .. لو استمر على هالحاله مستحيل ينجح بالجامعه قبوله وكان توفيق من رب العالمين بس النجاح صعب ينجح وهو على هالوضع حتى تركيز مايقدر يركز ووصل لمرحله مايقدر يستغني عن المخدرات..اول ماوصل البيت وهو داخل للعماره شاف دلو تنظيف لونه ابيض له حمال حديد ناظر فيه وبعد تفكير اخذه والبودي قارد يناظره بأستغراب.. اول مادخل غرفته راح للحمام وانتم بكرامه توضى وصلى الصبح وبعد ماانهى صلاته اخذ الدلو حط فيه مويه للثلث نزل الحماله وربطها بسلك تلفزيون هذا اللي كان متوفر عنده علق الدلو على مسند السرير اللي يصير وراه على طول ومد السلك بشويش وربطه برجل الساعه الحديديه وحط الساعه على طرف الطاوله جلس على السرير بشويش وانسدح ناظر بالدلو تبسم غمض عينه واستسلم للنوم : : : الساعه 2:30 الظهر .. جنا جالسه بالصاله تهز رجلها بقوه : بندر صار له ساعه من لما راح غرفته جود ببرود: عادي طول عمرنا كل واحد بغرفته وش الجديد جنا: لاهو كان معصب وانا انتظره يرد لي خبر جود تقلب بالسي ديات : عادي يابنت لاتعطين الموضوع اهميه تلقينه نام جنا بعد تفكير: لامااتوقع نام تعالي معي نروح نشوفه جود تمشي بملل: اف منك والله ماعندك سالفه كانت تمشي بسرعه بداخلها حاسه بخوف ماتدري ليه ..طقت باب الجناح حقه ماجاها رد منه طقته مره ثانيه ونفس الشي جود تفتح الباب: خلصينا بس تلفتو يمين ويسار ماشافو احد جنا وهي تتلفت : بنـــدر جود تصارخ وهي تركض عليه : جنا هنا ..نزلت على الارض ورفعته بصعوبه وهي تهزه بخوف ري ري شفيك رد علي جنا تناظره وهي خايفه : ياربي شصار عليه ..نزلت لمستواه وهي تحس بقلبها ينبض بقوه تحسست نبضه السريع وحست بحرارة جسمه انفاسه السريعه والرجفه بيدينه صرخت بصوت عالي: جود كلمي بابا والا تركي بسرررررررررررعه : : : الساعه 3:30 الظهر ممسكه بجوالها وتدق عليه لها ربع ساعه هذا الأتصال العاشر وماجاها رد منه ..تحدد زواجها 15\7 وتبي تبلغه لازم اخوها يكون حاظر عرسها .. ام مشعل وهي تناظر فيها رايحه جايه بهالصاله وهي تدق : يمكن ماصحى باقي العنود ومازالت تحاول : لا هو صار يداوم بالجامعه وطبيعي يصحى بدري ام مشعل بعد تفكير: هالحين الساعه عندهم حول 6:30 يمكن يصحى الساعه 7 العنود تفكر : يمكن ياربي ..ماما تخيلي مايقدر نزل بهالتاريخ ام مشعل بحزن: امر الله وش نسوي العنود بسرعه: لا بأجل العرس مشعل لازم يحظر عرسي..شردت شوي :لازم تكلم سلمان وتقول له هالكلام بس هو مايرضى يكلمها ..ناظرت بأمها: ماما وين جوالك ام مشعل تتلفت يمين ويسار وتاخذ الجوال : خذي اخذت العنود الجوال وراحت للمجلس دقت رقم سلمان وكلها دقايق وجاها صوته الهادي: الوو العنود بعد تردد: الو سلمان بقهر: ياليل التبن وش تبين داقه علي من جوال عمتي العنود بهدوء يملاه الخوف: ابي اكلمك بموضوع سلمان بقهر: ياربي هذي اللي تبي تخرب جوي وش تبين اخلصي العنود بهدوء: انا ادق على اخوي من زمان ببلغه بموعد العرس مايرد اللي بقوله لو كان بيوم العرس ماعنده اجازه ابي نغير الموعد سلمان بعصبيه: نعم وش قلتي ؟ يكون بعلمك انا عرس وخرابيط مابي ولولا ابوي كنت اخذتك بالملابس اللي عليك قالت نأجل قالت العنود بحزن: بس انا قي مثل أي بنت البس فستان ابيض واسوي عرس سلمان يضحك بسخريه: لاتضحكين انتي مو مثل أي بنت اللي تلبس الفستان الأبيض وتستاهل زفه سنعه هذي الشريفه العفيفه مهوب انتي العنود حست بوجع بقلبها بعد كلمته قفلت الجوال بوجهه وجلست على الأرض وصارت تبكي بحرقه وتضرب نفسها وتصارخ : انا صح غلطت بس مالي ذنب ان الحقير سلبني شرفي ..لمت رجلينها وحطت راسها بوسطهم وصارت تبكي مثل الأطفال : : : الساعه 4 العصر بتوقيت السعوديه 7 الصبح بتوقيت أمريكا .. ررررررررن المنبه وصارت الساعه تهز من الصوت ..طاحت من الطاوله لأنها كانت على الطرف انسحب الدلو مع الساعه وانكبت المويه على مشعل وطاح الدلو عليه ..مشعل فز متخرعه وهو ينافخ : اعوذ بالله وش هالصحوه الخايسه ..شال الساعه من الأرض وناظر فيها : ياسلام تمام صحيت على الوقت ..قام بسرعه غسل وجهه ولبس ملابسه تعطر وطلع من غرفته وراح على غرفة نجلاء وصار يطق الباب بقوه: نجول نجلوه اصحي نجلاء فتحت الباب بكل عصبيه وهي تصارخ: وش تبي ياتبن مشعل يرفع كمه : عطيني الأبره هالحين نجلاء : اقول انقلع بس للظهر مشعل واعصابه محترقه بس يحاول يمسك نفسه: لاتكفين هالحين اليوم بتأخر بالجامعه اخاف تجيني الحاله وانفضح نجلاء بعد تفكير: بعطيك وتكلم اهلك اليوم دقو كثير يمكن بيجيبون فلوس مشعل بسرعه: موافق مواف قبس خلصيني ابي اروح دخل معاها غرفتها طلعت الأبره ضربتها ضربتين وغرستها بيده بمهاره ..غمض عينه للحظات وفتحها هز راس بسرعه وبصوت وضح عليه انه دايخ: ياللا بروح نجلاء تتخصر وتمد الجوال: كلم اهلك بالأول مشعل :ياربي كذا بتأخر بكلمهم لارجعت والله نجلاء: قلت لك الحين والا قسم بالله اخلي البودي قارديه يقفلون الباب ومافيه جامعه مشعل اخذ الجوال بأستسلام ودق على اخته وبعد ماجاه صوتها قالها وهو مفهي شوي: الو هلا حبيبتي شخبارك العنود بحزن : هلا حبيبي.. مشعل مره اشتقت لك مشعل بهدوء : وانا اكثر دقيتي علي وكنت نايم العنود بسرعه وهي تحاول تخفي حزنها: ايه كنت بقول لك زواجي 15 شهر 7 ولازم تنزل تحظره مشعل بعد تفكير: اعتقد عندي اجازه وقتها العنود بحماس: احلف مشعل: أي والله خلاص بتأكد وبرد لك خبر العنود وهي مبسوطه: خلاص اوكي مشعل : ياللا بقفل لأني تأخرت على الجامعه بعد ماقفل سحبت نجلاء الجوال بسرعه: وش تبي اختك مشعل : تبيني احظر عرسها نجلاء ببرود: عشم ابليس بالجنه مشعل بقهر وهو يحاول يركز: ليه يعني ودي اشوف اختي الوحيده عروس نجلاء تجلس على السرير: لاتحلم وش استفيد انا لو سلمتك لأهلك مشعل بسرعه : تستفيدين المبالغ اللي اخذتيها وجيتك لأخوك هنا نجلاء وهي ترفع حاجب: ومين قالك اني راضيه بالفتافيت اللي اخذها من ابوك انا ناويه على اكثر مشعل: بعطيك اللي تبينه بس خلينا اروح احظر العرس واذا تبين برجع امريكا نجلاء تضحك بهستيريا: اقول مالك امل ومااضمنك ومستحيل اخليك تروح لاتحلم وروح جامعتك مشعل بعد مافقد الامل صفق الباب بقوه ومشى وهو يحس بنار تغلي بداخله..غير الدوخه وعدم التركيز اللي سببتهم له الأبره : : : الساعه 5المغرب .. وقف سيارته بالحديقه ونزل بسرعه لف لباب الراكب يساعد اخوه ينزل .. بندر واللي صحصح بعد المغدي والابر: مافيني شي تركي وخر عني تركي: مافيه شي يسوى تسوي بنفسك كذا بنت راحت تجي غيرها الف بندر بحزن: لاتركي هذي غير نوره كانت حياتي انا كنت مثل المجنون ماتمر علي لحظه بدون طاريها ..وكمل بحزن اكبر : انت تعرفني كنت اقدر اتعرف على الف بنت بس مو راعي بنات انا بس هذي غير عفستني وخلتني كذا وراحت ..كمل بصوت عالي وعصبيه واضحه: تقول لي تسليه والله لأعلمها بخليها تندم حطمت قلبي انا اوريها ان مافضحتها تركي بسرعه: اذكر الله بس اهلها ناس يعزون علينا بندر بأستغراب: اهلها؟ تركي : ايه نوره تصير اخت سلمان انا ماعرفت الا لما قلت انت لبابا يتقدم لهم وقلت قبيلتهم واسم ابوها بندر مستغرب: طيب ويعني؟ تركي: سلمان يصير ولد خال مشعل خويك يعني نوره بنت خاله وغير هذا سلمان ولد عم فارس خويي واعتقد هالأثنين اقرب ناس لي ولك بندر واللي دارت الأحداث براسه ورجع بتركيزه لورا تذكر اول ماكلمها كان يبي مشعل وطلعت له نوره مع انه كان متأكد ان هالرقم مشعل داق منه الحين بس فهم ماكان تشابك خطوط ولاشي ..مسك السياره بسرعه بعد ماحس بدوخه تركي يمسكه: وتقول مافيك شي الله يلعنها بنت تسوي فيك كذا بندر بتعب: لاتلعن حبيبتي ماارضى عليها تركي يناظره: وتقول بعلمها وبفضحها وانت ميت فيها امش بس الله لايوفقها ع اللي سوته فيك بندر بقهر: تركي وش جالس اقول لاتدعي عليها والله يعورني قلبي تركي بقهر: كنت راح تجيب لنفسك ذبحه والسبب هي وتقول لي لاتدعي عليها والله لو مااهلها كنت انا اللي ربيتها لك هالخايسه بندر واللي صار ينافخ: تركي وبعدين معك تبي تجلطني يعني؟ كفايه اللي فيني تركي بسرعه: خلاص خلاص وش رايك تروح معي ديوانية ابو الحميد الشباب كلهم جالسين هناك عشان تنسى شوي بندر بهدوء: لامالي خلق تركي يسحبه: امش بس غير جو بدال الحزن اللي انت فيه : : : الساعه 5:30 المغرب.. واقف كالعاده عند البيت ينتظر شي وشو مايدري..اخذ جواله ودق على فهد .. فهد رد عليه ببرود: هلا احمد احمد بيأس: فهد واللي يرحم والديك خلني اكلمها تعبت والله فهد :وانت ليه تسوي فيها كذا؟ احمد بسرعه: انت وش دراك يافهد انا ماسويت لها شي بالعكس والله انا ضحيت عشانها انا مابي افضح امورنا العائليه بس والله اني تحملت عشانها الكثير ..واللي يسلمك يافهد ماعاد اتحمل البيت بدونها ابي اكلمها او برجع الشرقيه ماعاد اتحمل والله فهد بحزن واللي بجد مو عاجبه حالهم لالجين مرتاحه ولا احمد قالها بعد تفكير: خلاص اليوم باخذ مرت خالك وبطلع وبترك لك الباب مفتوح انت ادخل وتفاهم معها احمد مبسوط: الله يسعدك فهد ماتقصر : : : الساعه 8 مساءً ..ديوانية أبو الحميد .. كان جالس بين الناس ومهو معهم كل شوي يفتح جواله ويناظر فيه بأي لحظه متوقع اتصالها للحين حاس بكتمه معقوله كل هالحب واخرها طيش وتسليه ..وبعد تفكير وبينه وبين نفسه :عشان كذا كانت تقول لي بابا ماراح يوافق اثرها هي اللي رافضه ..ليه عشمتني بحبها اجل..رفع راسه يناظر بفارس اللي ممسك بالعود: هاه والحين وش اغني بندر طلع من صمته وبكل هدوء: غني حسب علمي فارس بأبتسامه عريضه: ابشر ماطلبت شي بندر: تبشر بالجنه فارس بدا يعزف على العود بمهاره ..دخل بندر معه جو واول مابدا الأغنيه حس بندر بالحزن يتملكه .. ((حسب علمي تحبيني وبين قلوبنا ميثاق..واذا قصدك تثيريني ليالي البعد ماتنطاق..وينك يادفى سنيني تعب قلبي ألم وفراق..خريف البعد يطويني وتبكي حولي الاوراق..تعالي حيل ضميني بعد عمري انا مشتاق..تقر بشوفتك عيني وتهدى بروحي الاشواق..بشــار بندر واللي ماقدر يتمالك حزنه وهو يسمع صوت فارس الساحر والاغنيه الحزينه وقف بهدوء: انا ماشي ..اول مامشى حس بدوخه وكان راح يطيح بس مسك بالباب بسرعه فارس بسرعه ومعه مجموعه من الشباب : سلامات سلامات تركي يمسكه بسرعه: الله يسلمكم عادي مافيه شي بس هو اليوم تعبان شوي ..وناظر بأخوه: مشينا البيت بندر هز راسه بالأيجاب بدون لاينطق بكلمه : : : الرياض الساعه 9:30 يوم الخميس ..قبل ان نتوقف بيوم.. نوره بأصرار: لا بابا انا مابي اتزوج ابي اكمل دراستي ابو سلمان بهدوء: بس يابنتي الناس ماينعابون وانتي بسن مناسب للزواج نوره: تبي تغصبني هذا شي ثاني بس اذا بتاخذ شوري انا مابي اتزوج ومو مستعده للزواج حالياً بلغ الجماعه انه مافيه نصيب ريم بكل عصبيه: غبيه انتي يقول لك مليونير خلاص ماتبينه اتزوجه انا نوره تناظرها بقهر: تبين تتزوجيه حلال عليك ابو سلمان: اول شي الولد اصغر من ريم ثاني شي الناس محددين يبون نوره ..وكمل بحزن: الا الزواج يابنيتي ماينغصب عليه ماتبين براحتك بكره ابلغهم مافيه لهم نصيب عندنا : : : الزمن الحالي .. الساعه 8:30 مساءً بتوقيت السعوديه 11:30 الظهر بتوقيت أمريكا.. كان طالع للحديقه بعد ماخلص محاظرته وهو طالع شافها قباله جايه من بعيد لنفس الباب اللي هو طالع منه راقبها بذهول صار يناظر بنفسه ويناظر فيها وهو مستغرب ..هو كان لابس بنطلون ابيض وتي شرت أحمر جزمه حمرا سبورت وانتم بكرامه وساعه بيضا ..هي كانت لابسه نفس الشي حتى ساعتها نفس اللون كانت مسويه شعرها ظفيرتين رابطتهم من تحت وكانت في منتهى النعومه ..حس بتوتر لما شافها ترقى الثلاث درجات اللي قدامه وبسرعه راح يسار بنفس الوقت اللي هي راحت فيه لنفس الجهه هو كان هدفه يفسح الطريق لها وهي كان لها نفس الهدف ..صدمو الأثنين ببعض وطاحت الأغراض اللي بيدينهم ..نزل على الأرض بسرعه وهي سوت نفس الحركه ..جمع اغراضها بسرعه ورفع راسه بيعطيها الأغراض وصارت عينه بعينها حس برعشه غريبه اول مره يحسها بحياته .. مد لها الأغراض وقالها بتوتر: انا اسف البنت وهي منحرجه: والله ماكان قصدي اصدم فيك ولااستقصد كل مره اصدم فيك مشعل واللي حس بالبودي قارد يشده من يده شال أغراضه وقالها بسرعه: لاعادي : : : الرياض الساعه 9 مساءً.. جالسه قبال التلفزيون تقلب بالقنوات بملل مافيه شي سنع بالتلفزيون.. ريم وهي جايه من المطبخ وبنظرات مستفزه: غريبه نوره جالسه تشوف تلفزيون نوره ببرود: وليه غريبه التلفزيون لناس معينه؟ ريم بخبث: لا بس العاده بهالوقت جالسه بغرفتك تسوين فيها نايمه نوره بقهر:اسوي فيها نايمه؟ ليه يعني بسوي نايمه ريم : مدري عنك اسألي نفسك نوره بهدوء: لاحبيبتي مااسوي فيها نايمه اكون نايمه فعلاً ريم بخبث: ايه صح والدليل يوضح عليك النوم لما نجي الغرفه ونشغل النور نوره بكل عصبيه: يعني مايصير اجلس افكر قبل لاانام ريم تضحك: تجلسين تفكرين لاتضحكين على نفسك انتي تدرين وش تسوين نوره تحط الريموت وتوقف: بروح انام اصرف لي مو فاضيتلك انتي ونفسيتك الخايسه ريم تسوي لها مالت: مافيه نفسيه اخيس من نفسيتك خل عنك بس نوره رقت الدرج بدون لاترد عليها : : : الساعه 9:30 .. وصل البيت ودق على شذا: ياللا اطلعي انتي وشهد ولاتنسين تتركين الباب مفتوح.. قفل منها ونزل من سيارته راح عند سيارة احمد ووقف عند دريشته.. احمد يفتح الدريشه :ادخل الحين؟ فهد: لااصبر تطلع حرمتي وبنتي وبعدها ادخل غرفتها ثاني غرفه بعد ماترقى الدرج يسار احمد : طيب فهد التفت: هذي حرمتي طلعت تقدر تدخل رفع الدريشه وطفى سيارته ..نزل وهو متوتر كل الكلام اللي كان محظره بدا يضيع دخل البيت ورقى الدرج اول ماوصل عند غرفتها طق الباب لجين من ورى الباب: ادخل خالي..كانت معتقده انه خالها لأنه هذا وقت رجعته من المستشفى وهو متعود يجيها اول مايوصل دخل احمد الغرفه بهدوء وناظر فيها كانت ماسكه كتاب تقرا فيه ..رجلينها ممدده ومغطيه زين ..شكلها مع انه كان عادي الا انها كسرت خاطره ..قرب منها وبصوت ملاه الحنان: كيفك لجين؟ لجين رفعت راسها تناظره مستغربه : انت وشلون دخلت ؟ احمد : دخلت وخلاص ابي اكلمك لجين تبعد نظرها عنه : مابيننا كلام اللي بيني وبينك انتهى احمد يجلس على ركبتينه ويناظر فيها بحزن : لجين وش اللي انتهى اللي بيننا انا احبك وابيك حياتي من غيرك ماتسوى شي موقادر اتحمل دقيقه زياده من غيرك لجين تكفين لاتعذبيني اكثر لجين بحزن : انا كنت معك وانت ماقدرتني احمد بقهر: لجين حرام عليك انا مااغليت احد كثرك ..يعني تتوقعين وش السبب اللي خلاني اتزوجك غير حبي لك ..لجين انا مابي اجرحك بس مين يرضى يتزوج وحده كانت تعرف كم واحد قبله ووش عشانه بس عشاني احبك قلت عادي وهي راح تخلص لي بس ماقدرت افكاري كانت تاخذني وتجيبني .. النار كانت تاكلني كل ماضحكتي او تكلمتي بنعومه وانا اتخيلك تكلمتي وضحكتي بنفس هالطريقه مع غيري حسي فيني انا كنت اطبخ بعد كل كلمه احسها انقالت لغيري ..انا وربي ضحيت عشانك تقبلت كل هذا ودست على كرامتي كرجال وقلت خلاص هي تغيرت افهميني تكفين لجن بهدوء: ماعاد ينفع الكلام احمد بحزن: لجين لاتصيرين قاسيه انا مالي غيرك لجين:............. احمد بأصرار: لجين خلاص؟ مافيه فايده ؟ ان كان هذا قرارك الأخير انا برجع الشرقيه لجين ببرود : ارجع احمد وقف وهو يحس انه انكسر ..وقالها بحزن: اللي تبينه مع السلامه : : : الرياض نفس الزمان الماضي .. 12 ذو الحجه ..الساعه 5 الفجر.. وصل عند بيتهم ناظر فيها وهو مبتسم : خلك بالسياره برقى الطوفه بفتح لك الباب نوف وهي تتلفت بخوف: مبسوط هاه ياسر يضحك: ياشيخه خلك قويه نوف مرتبكه: ياللا بس بسرعه لايجي احد رقى الطوفه وهي كانت تراقبه الى ان اختفى كانت خايفه ونبضات قلبها كل شوي تزيد لو شافها احد من اخوانها ذبحها بدون تفكير ..كلها دقيقه وطلع ياسر من الباب الخارجي وهو يأشر لها مبسوط.. ركب السياره وناظرها:ياللا يالحب روحي بيتكم عشان تعرفين قيمتي نوف تضحك: مالت عليك ياللا بايو ياسر: بايو بيننا الو طيب نوف وهي تنزل:طيب دخلت من الباب الخارجي بشويش وقفلته بهدوء فسخت عبايتها بسرعه ومسكتها بيدها ومشت بهدوء الى ان دخلت البيت والخوف اللي بداخلها يزيد كل مامشت خطوه ..اخيراً وصلت غرفتها فتحتها بشويش وحاولت قد ماتقدر ماتصدر صوت بعد مادخلت الغرفه قفلتها بسرعه ونطت على السرير وهي تضحك بهستيريا: منت بهين يايسور.. شوي وسمعت صوت جوالها طلعته بسرعه من الشنطه وردت عليه: هلاعمري ياسر: قلبي دخلتي غرفتك نوف بدلع: ايه بس خفت شوي ياسر يسوي رومنسي: بسم الله عليك يابعد روحي اهم شي انك وصلتي سالمه نوف : كله بفضلك ياروحي ياسر بحب: تصدقين عاد بديت اشتاق لك نوف :يانصاب كم وحده غيري تقول لها هالكلام يعني مااعرفك ياسر: لابس انتي غيرهم كلهم نوف تضحك : ايه طيب المشكله انك خبز يدي : : : الزمن الحالي الساعه 10 مساءً.. فتح باب غرفة اخوه بعد ماطقه ..شافه جالس على السرير ومسند جسمه بالحاجز الخلفي وماسك مسباح يلعب فيه والحزن واضح على وجهه تركي بهدوء: بندر ماتبي تقوم تاكل شي؟ بندر بعد ماتنهد : لامالي نفس تركي يجلس بجنبه: مايصير كذا الدكتور قال لازم تاكل زين بندر بحزن: والله مالي نفس تركي: حاول طيب بندر يتبسم بستخفاف: تصدق تركي هي لما كانت معي ماكنت اشتهي اكل لأنها بعيده عني ابي قربها هالحين لما بعدت عني نهائي وش تتوقع يكون حالي تركي يحط يده على كتف بندر: انسى ياخوي ترى النسيان نعمه بندر بقهر: مااقدر انسى عمري وحياتي انت ماتدري وشو نوره بالنسبه لي والله كرهت نفسي ياليت هاليوم ماجا انا كنت اتمناه بس هي حطمتني تركي: طيب قوم اكل عشاني بندر بحزن وهو يمسح جبينه: مابي ياخوي قلت لك مابي طلع من غرفة اخوه وهو مقهور ومر بجنب الجناح المخصص لجود واللي كانت تتكلم بأنفعال : انتي ماتدرين صوته يجنن يسحر احلى شي فيه صوته فتح الباب بسرعه : مين اللي صوته يجنن جود بسرعه: هاه هذا عبد الهادي حسين تركي يفكر: مين عبد الهادي حسين؟ جود: مغني لاتسوي فيها ماتعرفه تركي يهز راسه: امممممممم ايوه صح مغني ..ناظر بجنا بحزم : انتي انقلعي غرفتك ..وناظر بجود : وانتي نامي لاادوس ببطنك جنا تدفه: انا اكبر منك على فكره ..احترم نفسك تركي بحزم: وانا الرجال وان مارحتي والله لعلمك جنا ببرود : بروح عشاني ابي اروح مو عشانك قلت تركي يدفها: طيب انقلعي ..وناظر بجود : وانتي جود تضحك بنام بنام بعد ماطلع تركي مشت لسريرها انسدحت ودقت على فارس .. فارس بحماس: هلا والله جود: هلا بك اخبارك فارس : بخير انتي اخبارك جود: انا بخير فارس: تدرين انك وحشتيني جود: وانت اكثر ..تدري قبل شوي انا واختي نتكلم عن صوتك اقول لها صوته حلو ويدخل علينا تركي يقول مين اللي صوته حلو مع انه هو اللي معطيني السي دي خفت اقول اسمك قلت له عبد الهادي حسين فارس يضحك: ياويلي لو يدري اخوك والله ليسويني شاورما جود تضحك: لاتبالغ اخوي ديمقراطي فارس: ايه هين على اساس مااعرف اخوك ياشيخه هذا خويي وحافظه جود تفكر :والله انك صادق مافيه على بابا ديمقراطي بقوه فارس: اليوم شفت اخوك بالديوانيه وشكله ماعجبني جود بهدوء: شكلك تقصد بندر لانه اليوم كان تعبان فارس: مايشوف شر ماتبين تنامين جود: الا بنام بس غنيلي فارس يضحك: اشوف اعجبتك السالفه كل يوم تقولين غني جود بدلع: صوتك عاجبني وابي اسمعه دايم عندك مانع؟ فارس مبسوط: لاحبيبتي وش تبيني اغني؟ جود تفكر : غني أي شي فارس : طيب وسكت شوي وبعدها تكلم: اصبري دقيقه جود :طيب حط الجوال على جنب وفتح باب الغرفه بسرعه ..شاف حور اللي رفعت راسها وصارت تتبسم: انتي وش مصحيك للحين حور ببراءه: اجازه مافيه مدرسه ليه انام بدري فارس: ومالقيتي تسهرين الا عند باب غرفتي حور تضحك: عجبني الحوار حقك فارس مستغرب: أي حوار؟ حور: هذا اللي حبيبتي وكل يوم تبيني اغني فارس يصفقها: مين قال حبيبتي حور بسرعه :انت والله انت انا سمعتك تكلم بنت هاه تقول شسمه ..وكملت وهي مستحيه : حبيبتي فارس واللي ارتبك: انا كنت اكلم ماما ابي منها شغله وعجزان اروح لغرفتها حور بدهاء الاطفال: الحين اروح اسألها فارس يحاول يقنعها: حور عيب مايتدخلون بسوالف الكبار حور تناظره بحده: تحلف بذمتك كنت تكلم ماما فارس يتبسم: ايه حور تهز راسها: اها طيب بروح انام نعسانه فارس: ايه روحي تصبحين على خير ..قرب منها وباسها: وهذي بوسه لأختي الحلوه حور: بكره تاخذني للبقاله ومااسأل ماما ..موافق؟ فارس يتنهد: مـــــــــوافق غصب عن خشمي حور راحت تركض: واو وناسه دخل غرفته وقفل الباب ..اخذ الجوال حطه بأ ذنه: تأخرت عليك؟ جود: شوي وين رحت فارس: هذي اختي سمعتني اقول حبيبتي وصارت تهددني جود تضحك: والله حركات فارس: والله بتحشرني كل يوم والثاني بتقول ودني البقاله جود فاطسه: زين تسوي فيك فارس يتمسكن: حرام عليك مااستاهل : : : الساعه 10:30 مساء بتوقيت السعوديه 1:30 الظهر بتوقيت أمريكا.. كان جالس بمحاظرته الثانيه فتح الملزمه الكحليه حقته يبي يكتب شاف اسم مكتوب بالخط العريض بالصفحه الأولى بعد الجلده (عبيــــــــــــر) قلب الصفحه وشاف الخط مهوب خطه التفت للبنت الي دايم يصدم فيها واللي كانت مركزه بالمحاظره وجالسه وراه بكثير رفع راسه يناظر بالبودي قارد اللي كان مكتف يدينه ويناظر قدامه ..وبعد تفكير وبينه وبين نفسه: هذي فرصتي انا لازم استغل الموقف الله جايبها لعندي هالفرصه ..بس لا يمكن احد مرسلها لي والا معقوله كل مره اصدم فيها بالصدفه والا لبسها اللي صادف مرتين نفس لبسي ..لا..محد يشوف لبسي غير البودي قارد اللي مايرفع جوال من اول مايشوفني الى ان يتركني ..وش اسوي ..بسرعه لازم اتصرف قبل لاتفتح الملزمه وتاخذ بالها انها مو لها ..وبسرعه: ياربي حتى لون ملزمتها نفس لون ملزمتي وش السالفه ..وبعد تفكير: ياللا بسويها واللي فيها فيها ..هذي يابتنقذني او بتغرقني زياده ومااعتقد ان الغرقان لاغرقوه زياده بيتغير عليه شي ..اخذ قلمه وقلب الملزمه فتحها من ورى وكتب فيها بسرعه وقفلها وقلبها مره ثانيه ..رفع راسه يناظر بالبودي قارد وشافه على نفس الوضعيه ..تنفس بعمق وركز بالمحاظره .. اول ماانتهت المحاظره وهو طالع سمع صوتها تناديه: لوسمحت لوسمحت قرر يتجاهلها ..الى ان وصلت ووقفت قباله وهي تنافخ : انا انادي عليك مدت الملزمه له انت بدلتني بالملزمه حقتي البودي قارد اخذ الملزمه من يد مشعل واعطاها لها واخذ اللي بيدها وسحب مشعل عبير تناظر مستغربه: شفيه هذا البلى منه والا من البودي قارد حقه : : : الرياض الساعه 11 بتوقيت السعوديه.. شذا التفتت للكرسي اللي ورى تناظر شهد النايمه: فهد لازم نرجع البنت نامت فهد يوقف عند مطعم: ياللا بشتري عشا بس ونرجع البيت ..تبين شي؟. شذا تفكر:والله ودي ببيتزا فهد يتبسم :ماطلبتي شي نزل من السياره ودخل المطعم طلب 2 بيتزا و2 عصير برتقال كبير طلع جواله من مخباته ودق على احمد .. احمد بهدوء: هلا فهد فهد: هلا احمد بشر وش صار احمد بحزن: مارضت ترجع لي خلاص براحتها انا بكره راجع الشرقيه فهد بحزن : انا لارجعت بكلمها احمد بسرعه: لاخلاص مافيه كلام بعد اللي صار بيننا فهد :الله يصلح بينكم احمد بهدوء: ان شاء الله مع اني مااتوقع فهد واللي جهز طلبه: خلها على ربك ياللا مع السلامه احمد : الله معك اخذ فهد طلبه وحاسب عليه وطلع من المطعم وانفجع بالمنظر رمى الأغراض من يده وفتح عينه على اخرهم وهو يدور سيارته بالشارع الفاضي ..مسح شعره بقوه وصار يتنفس بسرعه :انا متأكد وقفتها هنا وين راحت السياره؟ نهاية الجزء | ||||||||||||||
|  |
|
05-12-10, 04:06 AM
| #22 | ||||||||||||||
| مراقبة ومشرفة سابقة ونجم روايتي
| أحبتي من هم..أنهم مجموعه من الأشخاص أحبوني وساندوني وأخلصو لي أثق دائماً أنهم سيحبوني حتى الممات أطفالي هم نجومي الساطعه في سماء حياتي انهم نوري واملي واشراقتي التي اراها صباح كل يوماً جديد صفحة الــ word التي اكمل فيها فصول روايتي إنها جسر العبور اللذي يوصلني لأشخاص احبو حروفي واسعدوني الفصل الثاني والعشرين ((الجزء الأول)) نفس الزمن الماضي 12/ذو الحجه سنة 1426 للهجره ومن زاويه اخرى..بيت ابو مشعل بالتحديد.. ملت البانيو بالمويه الدافيه حطت رجلها بهدوء الى ان غطست جسمها بالكامل كانت تحس درجة حرارة المويه اخف بكثير من البركان اللي بداخلها دمعه ورى الثانيه يتسابقون لخدها كانت تحس الدمعه دافيه عكس ايامها اللي مافيها دفى حاسه بهالوحده تقتلها 4جدران تخنقها وتضيق عليها كل يوم اكثر ..صارت تبكي بصوت عالي وتلوم حاله وبصوت مسموع: كله منك عنود ياغبيه دفعتي ثمن غلطتك غالي..استهتارك بأمور كان لازم تحاسبين فيها وصلك لهنا بدت تبكي حالها بألم العنود طول عمرها عايشه صح لانظره ولا كلمه غلط و ماتسمح لأي شخص يتجرأ عليها مهما كان ويوم اللي تجرأت وسمحت لياسر يتجرأ داس عليها بجرأته : : : الرياض ..الزمن الحالي حيث توقفنا رجع للمطعم وهو مرتبك خايف ومتخرع مجموعة احاسيس تجمعت بداخله ..اشر على مكان سيارته وهو يناظر بالمحاسب وينافخ وبصوت عالي:سيارتي كانت هنا واختفت واحد من الموجودين: مرسيدس ابيض؟ فهد يلتفت له:ايه هو.. شفته ؟ الرجال: شفته يتحرك قبل شوي فهد بسرعه وهو مصدوم وبصوت عالي: وش قلت تحرك من هنا الرجال : روح بلغ بسرعه تبي اوصلك؟ فهد بخوف: ياليت الرجال يوقف : ياللا مشينا : : : الساعه 11:30 مساء رجع البيت فتح الباب وصار يناظر بالمكان اللي فضى عليه دخل البيت وكل مامشى خطوه يضيق عليه النفس اكثر واكثر حاس هالبيت قبره من يوم اللي لجين تركته.. لجين كانت حياته ملت دنيته رغم كل شي ورغم ماضيها اللي عذبه كان يحس بفرحه غريبه لقربها منه.. جلس على الكنبه بتعب كان حاط شماغه على كتفه بأهمال سند راسه لورى وغمض عيونه وراح في النوم والسبب تعبه : : : الساعه 12 بعد منتصف الليل فهد يناظر الضابط اللي جالس على كرسيه بلا مباله.. فهد يتكلم بكل عصبيه: يعني وشلون الضابط وهو يلعب بالقلم اللي بيده:ماأقدر اسوي بلاغ غير لما يمر على أختفاء السياره 24 ساعه فهد معصب: اقول لك زوجتي وبنتي بالسياره وش اللي 24 ساعه وانا مدري وينهم الضابط بهدوء: انت عندك اعداء فهد بسرعه وهو مقهور:لا الضابط : يمكن اللي سرق السياره نزلهم بأي مكان مااقدر اخدمك او اسجلها حالة اختطاف غير لما تمر24 ساعه فهد بصوت عالي وهو معصب: وانا اجلس على احتمالات الين تمر الـ 24 ساعه حقتك الضابط مقهور: ياليت تحترم رجل الأمن وانت تكلمه فهد يناظره بحده: احترمه لو كان يستحق الاحترام انا دكتور بمستشفى خاص ومع هذا مااوقف حاله طارئه عشان فلوسهم تأخرت الضابط بعد ماارتبك: خلاص بسوي بلاغ ع السياره واي جديد ببلغك اترك بيانات السياره وبياناتك فهد بهدوء : طيب : : : الساعه 12:30 بعد منتصف الليل بتوقيت السعوديه 3:30 الظهر بتوقيت امريكا انسدح مثل القتيل حاس بتعب مهوب طبيعي ألم بكل جسمه ذبحه الأرهاق غير الأدمان اللي مفقده تركيزه وتوازنه كان يمسح خشمه بأصبعه الخنصر بعنف وهو حاس بدوخه غريبه غير الروأيه اللي بدت تتشوش عنده ا لدوام الكثير والنوم القليل والمشي للجامعه والمخدر اللي يمشي بدمه كل هذا مرهقه ..قالها وعينه تغمض غصب عنه مستسلمه للنوم: يارب متى يجي يوم الأثنين واشوف عبير وش بتسوي يارب تساعدني..خلص كلمته الأخيره وراح بنوم عميق : : : الرياض ..الساعه 1 الفجر دخل البيت ..قفل الباب وسند جسمه عليه حاس بأنهيار وده يصرخ بصوت عالي معقوله بعد ماوصل للسعاده يضيعها كذا راح للحمام وانتم بكرامه فتح صنبور المويه البارد وحط راسه بالمغسله وبعد مابلل شعره بالكامل رفع راسه وصار يحركه بسرعه يمين ويسار بحيث تطير قطرات المويه وهو يصارخ: شسوي شسوي..مرر يده بشعره وهو ينافخ: ياربي وشلون اتصرف..ناظر بنفسه بالمرايا وهو يفكر:ياربي وشلون ماخطر لي عم شهد طلع جواله من مخباته بسرعه وضغط الزر الأخضر طلعت عنده الأرقام الصادره كان اول رقم رقم احمد ..ناظر بالأسم وبعد تفكير دق عليه ولما قربت الرنه تخلص رد عليه احمد بتعب: الو فهد منحرج: اسف احمد ازعجتك احمد بسرعه :لاازعاج ولاشي امر فهد:تقدر تجيني هالحين ؟ احمد بأنفعال: لجين فيها شي؟ فهد واللي مايبي يطولها بالتلفون: لا حرمتي تعبانه احمد بسرعه: دقايق وانا عندك فهد بهدوء: ماتقصر : : : الساعه 1:30 الفجر .. تقلبت كثير وحاولت اكثر لكن عجزت تنام..فتحت جوالها تقلب برسايل بندر وتبكي بصمت ..قالتها بداخلها المجروح : وحشتني يابندر وشلون بعيش بدونك الله يصبرني ..قربت نور الجوال من الساعه وصارت تناظر اسمه اللي يتحرك مع كل ثانيه وبدت تبكي بحسره ..صارت تنافخ وصوت انفاسها كل ماله ويعلى ..حاسه بكتمه غريبه.. عهود بعد ما سمعت صوت انفاس نوره العالي: نوره تبكين؟ نوره وهي تنافخ: لا عهود قامت بسرعه شغلت النور وقربت من اختها..ناظرت فيها وهي جالسه على السرير وبخدها دمعه وتتنفس بصعوبه..جلست بسرعه بجنبها وحطت يدها على كتفها: نوره شفيك نوره تقرب من عهود وتحط راسها على صدرها : ماادري شفيني احس بثقل بصدري .. سندت عهود نوره على المخده وقامت تركض للباب وبصوت عالي: بقول لماما : : : الساعه 1:50 الفجر فهد يكمل كلام بداه من فتره: وهذي كل السالفه ياطويل العمروالسلامه عشان كذا انا اقول زوجتي وبنتي عنده احمد بهدوء: خلاص انزل شوفه واي مساعده تحتاجها نادني نزل فهد بسرعه طق الباب الحديدي بقوه والجرس بسرعه : افتح الباب انت يازفت فتح الباب وهو يترنح وناظر فهد ببرود: نعم وش تبي فهد بقهر: وين حرمتي والبنت ماجد يضحك ويحط يده على مخباته: دورهم بمخباتي يمكن تلقاهم فهد مسكه من ملابسه وسحبه بقوه: قولي وين حرمتي ازين لك ماجد يفلت نفسه من يدين فهد: وخر عني ولاتهدد ماعاد ينفعك التهديد وان كان ودك تبلغ بلغ أي شي تقوله للشرطه بنكره لا وبقول لهم يوم البنت جاته مخدره ليه مابلغ فهد يناظره مستغرب: انت مين مكبر راسك؟ ماجد بخبث: محد وان كنت تبي حرمتك عطني 10 الاف واسلمك الحرمه او ادوس ببطنها واحرمك الأبوه ..خلص جملته وضحك بسخريه فهد مقهور: وش جالس تخربط انت بسرعه طلعهم يالتعبان ماجد وهو ماله مزاج يتكلم: قلت لك كلامي وانت اختار وان فكرت تبلغ بسلمها لك جثه ماعندي شي اخسره.. خلص كلامه ودف فهد بسرعه وقفل الباب فهد يضرب الباب بقوه: انا اعلمك ياحقير رجع السياره وهو مقهور اول ماقفل الباب التفت له احمد بسرعه: هاه وش صار فهد بحزن ويأس: يقول يبي فلوس ويطلعهم لي المشكله حقير مثل هذ ا مااضمنه والا كنت عطيته المبلغ احمد بعد تفكير: ان كانو عنده معناها السياره بمكان قريب من هنا اول شي نسويه ندور السياره واول مانشوفها ببلغ عنها انا وبعدها اكيد الشرطه بيسلمونك السياره ..ثاني شي نسويه بكره نستعين بالشباب ونربي هالكلب فهد بتساؤل: وشلون؟ احمد وهو يحرك السياره: ماعليك انا اتصرف فهد يهز راسه بالقبول: بس خل نروح اول شي المستشفى بقدم اجازه يوم اطراري احمد : ابشر : : : الساعه 2:30 الفجر.. كانت تمسح على شعر بنتها ..اللي منسدحه على فراش المستشفى الأبيض وبيدها ابرة المصل ..تناظر نوره اللي مغمضه عينها اللي تنزل منها دمعاتها غصب عنها .. دخلت شروق الغرفه وهي تتبسم بهدوء ام سلمان بخوف: وش قال الدكتور انا خايفه على اختك مره شروق بهدوء: لاتخافين الدكتور قال انه مافيها شي كله من قل الاكل وسألنا ان كان فيه احد مزعلها قلنا له لا بالعكس هي فرحانه عشان عرسي قريب وزي كذا ام سلمان وهي تناظرها بحزن: والله البنت مو عاجبتني شروق واللي قربت منها ومسحت دموعها : نوره صرتي احسن نوره بهدوء: ايه الحمد لله شروق : شفيك وش اللي صار عليك نوره تتبسم: مافيني شي بس فجأه كذا ضاق صدري شروق بهدوء: طيب الحين ليه تبكين نوره وهي تخفي حزنها وتبتسم: ابكي من ابرة المغدي توجعني شروق تضحك: مالت عليك يالبزره ماما خايفه عليك نوره تضحك رغم البركان اللي بداخلها: شسوي توجعني مره ام سلمان تناظرها بحب: بسم الله عليك من الوجع : : : الساعه 2:40 الفجر.. احمد حاط يدينه الثنتين على الدركسون ومركز بالطريق يدور سيارة فهد فهد يأشر يمين ويصارخ: هنا احمد شف هذي هي السياره احمد التفت بسرعه : اي والله حلو مكانها ي مديني ابلغ وين المفتاح اللي جبناه فهد يطلع مفتاح السياره (السبير): خذ بس وش تبي تسوي احمد ياخذه وينزل من السياره:اصبر راح للسياره وفتح كل ابوابها ورجع سيارته ودق على ثلاث تسعات : الو ..السلام عليكم ..انا ابي ابلغ على سياره غريبه مفتوحه كل ابوابها وواقف عند بيت مهجور انا خايف اروح عندها ويطلع فيها قتيل والا شي ..ايه طيب خلاص ..ان شاء الله طال عمرك.. قفل الخط وحرك سيارته بسرعه فهد يناظره : وش قال لك ؟ احمد يتبسم: قال انتظر مكانك الى ان اجيك فهد مستغرب: وانت ليه مشيت احمد : فاضي انا يفتح لي تحقيق ليه جيت هنا وكيف شفتها ومدري وشو انا بس ابيهم يلقون السياره لك فهد يتبسم: والله منت بهين احمد بهدوء: طيب وش رايك تروح تنام والظهر اصحيك نكمل باقي السالفه فهد: لاماراح يجيني نوم وشو للظهر احمد يتبسم بهدوء: معليه تحمل للظهر عشان يصحون الشباب لاتنسى هالحين اجازه فهد يتنهد: الله يصبرني احمد : معليه هانت والله لنعلمه هالتعبان : : : السبت ..الرياض.. الساعه 12:30 الظهر.. فتح باب غرفة اخوه بعد ماطقه وماجاه رد دخل للممر اللي يساره الحمام وانتم بكرامه ويمينه يدخل للغرفه .. دخل الغرفه وشاف اخوه منسدح على جنبه اليسار بدون لحاف وحاط يدينه الثنتين تحت خده.. تركي بهدوء: بندر نايم.؟ بندر: لا تركي واللي موعاجبه حال اخوه : بتجلس بغرفتك كثير بندر: ايه تركي بعد تفكير: طيب ماتبي تاكل بندر وهو على نفس الوضعيه: لا تركي: نعسان يعني تبي تنام بندر بدون نفس: ايه تركي قرب منه: ياربي بندر مايصير كذا تحبس نفسك بالغرفه لااكل ولاشرب وياليتك تنام بندر جلس وصار يصارخ: تركي اتركني بحالي يرحم امك اتركني بحالي اللي فيني مكفيني تركي يأشر بيده (خلاص) : طيب طيب خلاص بتركك ..تنهد من ضيقته على اخوه وطلع من الغرفه بهدوء : : : الساعه 1الظهر.. احمد واقف بسيارته عند الباب ويدق على فهد وبعد ماجاه الرد قالها بسرعه :الو ..فهد انا برا فهد : دقيقه وانا عندك قفل الجوال وحطه على جنب وناظر بالباب وبأقل من دقيقه طلع فهد ومشى للسياره وركب بسرعه احمد قبل لايتحرك: كلمتهم؟ فهد : ايه كلمت سلمان وفارس وراح سلمان اخذ فارس واهم ينتظرونا عند بيت عم شهد ..وكمل بخوف: والله انا خايف احمد وهو يحرك السياره :وش تخاف منه فهد: اخاف يسوي بالحرمه شي احمد بسرعه: لاماعليك من كلامك عنه اضمن لك انه مايسوي شي وصل عند بيت عم شهد وكان سلمان واقف بسيارته قبل باب البيت بشوي ..وقف احمد سيارته قدامهم بحيث صارت قدام الباب ..نزل فهد واحمد بالوقت اللي نزل فيه سلمان وفارس.. سلمان يناظر احمد: والحين وش نسوي نروح نضربه ونلعن خيره احمد يضحك: وش فيك مستعجل على الضرب وانا اخوك لا اهدى من كذا الحين اللي نبي نسويه فهد يشغله عند الباب قد مايقدروانا وانت ندخل البيت سلمان بخوف: مثل الحراميه احمد : عندك حل افضل؟ سلمان بعد تفكير : لا بس مافيه حريم داخل هالبيت؟ احمد: حسب كلام عمك مافيه الا جدة شهد سلمان : هذي حرمه ومايصير ندخل البيت كذا وهي داخل احمد بعد تفكير : وش الحل اجل سلمان : نجيب وحده من الحريم تسأل عليها ان كانت موجوده بالبيت نراقب البيت الى ان تطلع وبعدها نقتحمه ..قال جملته الاخيره وضحك بعدها: والله احس اني مجرم فهد بسرعه: لا لا مااقدر انتظر واراقب اكيد حرمتي للحين بدون اكل وهي حامل سلمان : خلاص مالنا الا نجيب وحده من الحريم تنفذ هالعمليه معناحرمتي او حرمتك احمد نزل راسه بحزن: لاحرمتي ماينفع سلمان واللي فكر بالعنود وحس انه تكهرب: ولاانا حرمتي ماتنفع فهد: صاحي انت وياه بتخلون حرمه ترقى الطوفه احمد يفكر : وش الدبره اجل فارس بسرعه: عطوني كم دقيقه بجيب الحل وبرجع ناظرو بفارس اللي حرك السياره بسرعه وهم مستغربين ..فهد كان متوتر ينتظر رجعت فارس ..وسلمان واحمد يراقبون الطريق يبونه يرجع ودهم يعرفون وش يبي يجيب ..وبعد حول 8 دقايق رجع وقف سيارة سلمان مكانها ونزل وبصوت مسموع : ياللا ازلي احمد وسلمان يناظرون بالمكان اللي جايه منه صوت الخطوات مستغربين واول ماشافو حور فطسو ضحك: هذي مساعدتك فارس مبتسم على الاخر: هاللي موعاجبتكم تحل ازمه اول شي سهل ترقى الطوفه ثاني شي تبي تعلمكم الغرفه فاضيه والا لا وغير ذا تعرف شهد زين احمد يضحك : أي والله تفك ازمه فهد بسرعه: ياجماعه والله مهوب وقت مزوح والله احمد بسرعه: ايه صح خلو المزوح لبعدين ..فارس انت حرك السياره للطوفه اللي بنرقاها وراقب المكان أي حركه غلط اضرب بوري بقووووه ..انا وسلمان ندخل البيت ..ياللا فهد روح اشغله فهد يتحرك للباب : اوكي سلمان يمد يده: ياللا ياحلوه تعالي حور تقرب من ولد عمها: طيب راحو لجانب البيت اليسار اللي كان بجنبه ارض فاضيه والسياره كانت واقفه فيها بعد ماسمعو صوت فهد العالي: ايوه كم قلت لي تبي؟ راحو بسرعه للسياره رقى احمد الكبوت وبعده سطح السياره مسك حور من يدينها وطمرها معه وبعده سلمان اللي رقى من سطح السياره للطوفه واخذ حور من احمد ..رقى احمد الطوفه وبعد مانزل البيت مسك حور ونزلها ..نزل وراهم سلمان وهو حاس بمغص ببطنه يتذكر كيف حط الهديه للعنود وتعب نفسه على الفاضي احمد يدفه وبصوت واطي مره: وش تفكر فيه مو وقته ياللا امشي مشت حور لأقرب باب ونادتهم بصوت واطي: تعالو هنا باب قرب سلمان واحمد للباب فتحوه ودخلو بهدوء كان باب المطبخ الخارجي ..مسك سلمان حور وصارو يمشون بهدوء اول ماوصلو لباب المطبخ اللي ياخذهم للصاله ناظر سلمان بحور: شوفي فيه احد احمد حط يده على فمه يكتم ضحكته: اول مره اشوف حرامي مؤدب سمان يصفقه على كتفه بشويش وهو مبتسم ع الأخر : انطم بس انطم مدت راسها بهدوء وصارت تناظر بالصاله وبصوت واطي:تعالو مافيه احد دخل سلمان ومعاه احمد للصاله اللي كانت عاديه جداً ومهجوره كأنه مافيه احد منظفها من سنه .. احمد بهدوء: فهد قالي انهم كانو ينومون حرمته بغرفه بجنب المطبخ يعني لو هي هنا اكيد بيحطونها بنفس الغرفه سلمان يناظر فيه غرفه يمين المطبخ وغرفه يساره احمد : ياللا نبدا باليمين سلمان : ياللا حور روحي افتحي الباب حور تناظر الباب بخوف: تعال انت افتحه لي قرب سلمان من الباب وفتحه بشويش وحور ناظرت بداخل المكان والتفتت لهم ذا كأنه مجلس وريحته خايسه احمد حط يده على فمه مايبي يضحك: مين سألك عن ريحته تعالو نشوف الغرفه اليسار فتح احمد الغرفه بهدوء وقربت حور ناظرت بالغرفه ودخلت بسرعه احمد وسلمان يناظرون ببعض وبصوت واحد: وين راحت ذي احمد يحك شعره: وشلون نناديها هالحين سلمان: مدري حلها انت ياعبقري زمانك احمد بهدوء: والله والوهقه اخاف الحرمه جدة فهد صادتها سلمان بخوف: تهقى.؟ هالبيت والغبره اللي فيه والريحه محسسني انه بيت الاشباح احمد يضحك: ماهقيتك خواف سلمان يضحك: مو خواف بس مابي اخر عمري تمسكني الشرطه متلبس والتهمه سرقه احمد يضحك بهدوء: هنا والبيت عاد عشان نسرقه حور طلعت وهي ممسكه بشهد اللي وضح عليها النعس والتعب : هذي شهد وامها بعد داخل احمد بسرعه: ياللا خليها تجي ونمشي حور: قلت لها وحاولنا نقومها بس ماتقوم احمد يناظر بسلمان: وش نسوي هالحين سلمان مبتسم على الاخر: كله منك يافالح انا وسلمان نقتحم البيت مبسوط بالأقتحام حقك كنت انت سويت دور فهد وهو جا معي عشان يشيل حرمته الحين وش نسوي اخاف نطلع وتجي امه و تكون متفقه مع ولدها احمد بسرعه: خلاص دامنا لقيناهم اطلع انت من هالباب وامسك هالتعبان اللي برا وخلي عمك يجي يشيل حرمته بس لاتطول علي ..ايه صح ولاتضربه ولاضربه سلمان : طيب..طلع سلمان بسرعه من باب الصاله وراح ركض لماجد اللي التفت يناظر سلمان بأستغرااب ..دفه بقوه على الارض وجلس عليه وثبت يدينه بالارض: عمي روح لأحمد من الباب اللي انا طلعت منه فهد يدخل بسرعه وهو يتعداهم: طيب ماجد يحاول يفك نفسه من قبضة سلمان القويه : وخر عني فهد دخل البيت وناظر بأحمد : وين وين احمد يأشر على الباب: هنا دخل فهد للغرفه المضلمه اللي منورتها اشعة الشمس المخترقه النوافذ الخاليه من الستاير ..الغرفه كانت فاضيه تماماً مافيها غير مرقد واحد بنهاية الغرفه وشذا كانت ممدده جسمها عليه بأهمال وهي لابسه عبايتها حتى وجهها مغطيته فهد فتح وجهها وناظر بعيونها الذبلانه :شذا انا هنا لاتخافين شذا فتحت عينها بتعب: تعبانه يافهد فهد حط يده تحت ظهرها واليد الثانيه تحت رجلينها وشالها ..طلع من الغرفه وبصوت مسموع: ياللا مشينا طلعو كلهم بسرعه .. احمد بعد ماوقف عند سلمان : فهد حط حرمتك بالسياره ونادي فارس فهد حط حرمته بسرعه بالسياره ونادى فارس ..ورجع بسرعه وقف يناظر ماجد :وش بتسوون فيه هالحين احمد : ابد نبي نشتكي عليه فارس يناظر: بتقولون خطفهم بعد ماطلعتوهم برا البيت ماتجي احمد يتبسم : لانبي نقول هاجمك مثل المجنون وضربك وبعدها الشرطه بيشوفون وش سالفته وليه سوا كذا وبيكتشفون انه مدمن وحاله فارس مستغرب:بس انامو مضروب احمد مبسوط : هالحين يضربك سلمان كم بوكس فارس بسرعه: ياسلام جايبيني هنا انضرب فهد يقرب من ماجد ويمسكه هو واحمد بدال سلمان .. سلمان يوقف متحمس: ياللا تعال بصفقك شوي فارس بخوف: ياعمي روح سلامات فهد وهو ممسك بماجد بقوه : ياللا فارس ضحي عشان عمك ماجد واللي انكتم نفسه: خلصونا بسرعه فارس بعد مااستعد: ياللا ..اول ماقرب منه سلمان غطى وجهه بيدينه ورجع لورى : لا لا مااقدر ليه يعني انا اللي انضرب ليه مو احمد فهد يناظراحمد: ايه جد قوم انضرب انت وبعدها قول لـ لجين انه حادث يمكن تشفق عليك احمد يفكر: رايك كذا؟ فارس بسرعه: ايه ايه يعني انت تنضرب بفايده انا وش استفيد احمد : طيب تعال امسك مع عمك بعد ماجا فارس ومسك ماجد راح احمد مقابل سلمان: المشكله انت عضلك يخوف سلمان يضحك : لاتخاف ماراح اعورك احمد بسرعه: لا لا ابيك تعورني الا تدميني دام فيها رجعت المدام لي سلمان يضحك : خلاص ابشر قرب من احمد وضربه ضربتين بقوه على وجهه سال الدم من شفته ..قرب احمد يناظر بأنعاس وجهه بالدريشه اللي كانت قبالهم : لا لا ماضبطها مااحس اني طالع من حادث ابيك توجعني وضح الضربات على وجهي اكثر عشان اخذ اجازه من الدوام بعد سلمان فاطس: خلاص تم بس لاتبكي من الوجع بعدها احمد : ماعليك بايعها بتراب ماجد واللي انكتم من فارس اللي مسويه كرسي: اخلصو علي حلا لكم الضرب الحين بعد ماضرب سلمان احمد ضربه على بطنه وضربه على رجله وضربه بوجهه وقف احمد وهو ينافخ والدم يسيل من خشمه وشفته : الحين ضبطتني سلمان يناظره بخوف : ياويلي احس اني وجعتك بجد احمد : ماعليك احسن عشان يلبس هالتعبان قضيه بجد ..عطا جواله لسلمان بعد مادق ثلاث تسعات : خذ بلغ وانت فهد خذ حرمتك للبيت حنا نتصرف بباقي السالفه قرب سلمان من ماجد وجلس فوقه مع فارس عشان مايقدر يتحرك قبل تجي الشرطه : : : الساعه 2:30 الظهر.. جالسه على الأرض بغرفتها فاتحه دولاب الملابس وفاتحه الدرج اللي فيه الشغلات اللي من بندر ..كانت تقرا الكلام اللي يكتبه بكل مره يهديها شي وتتبسم ابتسامة حزن مكسوره.. فتحت عهود الباب بسرعه ناظرت باب دولاب الملابس على يمينها واللي مخفي نوره اللي جالسه وراه .. عهود تتلفت وبصوت مسموع: نــوره نوره تمسح دمعتها بسرعه وتحط اللي بيدها بالدرج وتقفله : نعم عهود عهود تقرب منها تمسك باب الدولاب وتناظرها: وش تسوين هنا نوره بهدوء: اطلع لي ملابس بتروش عهود : لا لا تعالي تغدي سلمان يبي يتأخر نوره تبتسم : مالي نفس تغدو انتم انا بتغدى مع سلوم لما يجي عهود : لاسلمان يبي يتغدى برا نوره بهدوء: عادي انا مابي اتغدى عهود بسرعه: لا ماما قالت لي جيبيها معك نوره لازم تاكل ..وكملت بهدوء: نوره تكفين تعالي معي ماما خايفه عليك مره لاتزيدينها عليها نوره توقف بهدوء: طيب ياللا نزلو الدرج في صمت ..اول ماوصلت للطاوله جلست وهي تتبسم بوجه امها ام سلمان مبسوطه: الله يرضى عليك يابنتي ياللا كلي حطت رز كثير ودجاج بصحن نوره مسكت نوره الملعقه وبدت تاكل بشويش تغصب نفسها على الاكل وتلعب شوي بالملعقه بس عشان امها تحسها تاكل ويرتاح بالها والا هي مالها نفس تحط لقمه وحده بفمها : : : الساعه 2:45 الظهر.. طلعت من الحمام لافه فوطه صغيره على شعرها ولابسه بيجامه قطن صفرا ناعمه ..جلست على السرير بتعب ..بالوقت اللي دخل فيه فهد وهو يدف الباب بجسمه وماسك صينية اكل كبيره .. ناظرها بحب وهو يتبسم : ياللا حبيبتي ريحي على السرير عشان تاكلين حط الصينيه على كرسي التسريحه المربعي اللي بدون مسند ..غرفة فهد وشذا كانت فخمه مره اعمده اسطوانيه في الاربع الزوايا من السرير ..دولابين واحد بأبواب والثاني عباره عن ادراج موزعين واحد يمين الغرفه يسار باب الحمام وانتم بكرامه والثاني يسارالغرفه .. السرير الفخم يتوسطهم قدامه صوفه تحوي مساند باللون الاحمر الدموي..التسريحه كانت تحوي نفس الاعمده الاسطوانيه على جانبيها.. قرب منها بسرعه عدل المخدتين ورى ظهرها ومسك رجلينها رفعهم على السرير .. مددت رجلينها ورجعت لورى شوي وسندت جسمها على المخدتين: وش هالدلع كله لايكون بعد انت اللي طابخ لي فهد بعد مااخذ الصينيه وهو يضحك: لا مالي بالطبخ شذا بهدوء ودلع: كنت بصدق نفسي لو انت طابخ لي فهد وهو يحط الصينيه اللي لها 4 قواعد بين رجلين شذا: ابيك تنظفين الصحون ماتخلين فيها ولاشي ..صح مو انا طابخ بس اخترت لك الاكل زين شذا مبسوطه : تامر يالغالي فهد جلس يراقبها وهي تاكل كان مبسوط ومرتاح وجودها يرد له روحه ..رفع راسه لفوق وقالها بداخله: يارب لاتحرمني هالفرحه : : : الساعه 3 الظهر وبأحد مطاعم الرياض.. غرس الشوكه بالبطاطاوحطها بفمه وبعد ما اكلها ناظر بأحمد اللي جالس يضغط على خده بشويش مكان النفخ.. سلمان بعد ماعض شفته السفله : وجعتك مره ؟ احمد واللي موقادر يفتح عينه اليمين زين من النفخ : عادي ياشيخ بس ان ماطلعت بفايده بجلدك سلمان يضحك : الله يستر احمد بعد ماعدل جلسته : سلمان ممكن اسألك سؤال شخصي شوي سلمان يتبسم : خذ راحتك احمد بعد تردد : اليوم لما جبنا طاري حرمتك تغيروجهك بينكم مشكله ودك تفضفض فيها سلمان بينه وبين نفسه : اقول لك حرمتي كانت مع غيري ..وبصوت مسموع : لا مافيه شي بس عشاني باقي ماتزوجت وعلاقتي معها فيها حدود احمد يهز راسه : اها سلمان بسرعه: طيب انا بسألك وش المشكله بينك وبين بنت عمتي احمد بينه وبين نفسه : اقول لك حرمتي كانت مع غيري وهذا سبب المشكله هالحين والا اقول لك اني ماشفت السعاده هالحين ولاقدرت انسى زلتها سلمان يهزه : احمد وين وصلت احمد بسرعه : هاه ..لا كنت اتذكر اللي صار..مشكلتي تهاوشت معها هوشه عاديه تصير بين أي زوجين وحنا طالعين صادها الحادث وزعلت ..كمل وهو يضحك : عشان كذا بقول لها حاشني حادث كود ترضى سلمان يتبسم: والله هالحريم مشكله كملو غداهم بصمت وكل واحد حاس انه فيه بينهم شي مشترك شي يتشابهون فيه ..احمد كان ياكل وهو يفكر بينه وبين نفسه: بعيونك نظره ياسلمان محسستني انك مثلي سلمان كان مركز نظره بالصحن يحاول يتفادى أي لقاء بين عينه وعين احمد حاس ان احمد يقاسمه شي معين وشهو مايدري : : : الساعه 4:30 الظهر بتوقيت السعوديه 7:30 الصبح بتوقيت أمريكا .. دخل غرفتها بعد ماطق الباب وماجاه رد منها شافها نايمه بعمق راح عند سريرها وهزها وهو يحك بجسمه رقبته ويدينه :نجول قومي ابي ابرا ..هزها بقوه اكبر وبصوت اعلى : قومي موقادر اتحمل نجلاء تحط يدها تحت المخده وتضبط نومتها وبكل كسل : اوووووه مشعل خلني انام مشعل واللي ذبحه الالم : عطيني الأبره ونامي نجلاء بكسل والنوم غالبها ماتبي تقوم : شوف الشنطه الحديد هناك على اليمين فيها أبره خذها مشعل بخوف وهو يتألم : ماعرف قومي انتي نجلاء بطفش وهي تعطيه ظهرها : انقلع ابي انام تبي والا كيفك راح للشنطه المربعه الحديد فتحها بزرين بالزوايا كانت عباره عن مستطيلين اثنين يتحركون عكس بعض شاف الأبره بالمستطيل اليمين حرك المستطيلين شاف بالمربع اللي تحتهم علب زجاج صغيره بداخلها محلول مثل اللي يستخدمونها بالتطعيم ناظر فيها وبعد ماحس بالعوار يزيد وماعاد يقدر يسيطر على نفسه اخذ الأبره وقفل الشنطه راح غرفته بسرعه قفل الباب وجلس على سريره ..حط الأبره على الطاوله اخذ مسحه بسرعه ومسح المكان اللي بيغرس الأبره فيه اخذ الأبره وناظر بيده قرب الأبره وهو يرجف حطها عند العرق اللي بان معه ..حس بخوف بس احساس الألم كان اقوى غرس الأبره بقوه وضغط بأصبعه الأبهام عشان ينزل المخدر وبعد ماحس بالمحلول دخل جسمه طلع الأبره ورماها وانسدح وهو حاس بدوخه فضيعه : : : الرياض الساعه 7 المغرب.. طق الباب بهدوء وبعد ماسمع صوتها فتح الباب وتقدم لها بأبتسامه جلس بجنبها وناظرها بحب: كيفك اليوم لجين بهدوء : عادي مثل كل يوم فهد يمسح على شعرها: لجين احمد برا ويبي يكلمك لجين بقهر: مابي اكلمه خلاص اللي بيننا انتهى وهو قالي بيطلقني فهد بهدوء: معليه اسمعيه اخر مره اسمعيه بهدوء وروقي معاه وحاولي تسامحينه احمد يحبك وكلنا نغلط وتراها رجال والنعم وقف معاي وقفت رجال لجين بهدوء وبعد تفكير: اللي تشوفه خالي فهد بصوت عالي: ادخل احمد بعد مادخل احمد ناظرت بوجهه المتورم ومشيته الغير متزنه وشهقت وهي تحط يدها على فمها : ياربي شفيك احمد يمثل الألم بزياده : صادني حادث شكلك داعيه علي لجين بسرعه وهي تناظره بخوف : ينقطع لساني لو ادعي علي احمد قرب منها ناظرها بحب : يعني تخافين علي فهد لما شاف الجو كذا انسحب بهدوء وقفل الباب عشان ياخذون راحتهم لجين استحت ومانطقت بكلمه احمد يمسح بظاهر كفه على خدها وبكل رومنسيه : ترضين اموت من قهري يالجين لجين تحط يدها على فمه : بسم الله عليك جعل يومي قبل يومك احمد بسرعه : الله لايقولها عمرك اطول من عمري ان شاء الله لجين وغصب عنها بدت تبكي : احمد وش تبي مني اتركني بحالي احمد يمسح دموعها : لاتبكين قلبي والله تقطعين قلبي دموعك غاليه عندي لجين انا احبك وابيك من يوم تركتيني وحياتي ظلمه لجين بهدوء : لا انت ماتحبني احمد بحب : والله احبك واموت فيك بعد.. انا اعترف غلطت كان لازم اثق بزوجتي واحترمها بس كنت غبي سامحيني الله يخليك لجين انا مالي غيرك انتي حياتي لجين واللي ماقدرت تكابر اكثر لفت يدينها حوله وضمته بقوه وهي تبكي : حتى انا احبك احمد ومحتاجتلك احمد يمسح على شعرها : يابعد عمري والله اشتقت لك لجين بعد عنها ومسك وجهها بيدينه وناظر فيها وهو مقرب منها مررررررره : حبيبتي ترجعين معي طيب لجين تمسح بأصابعها خده المتورم: ياربي احمد شكله يوجعك ياليته فيني ولافيك احمد بسرعه: بسم الله عليك عادي مايوجعني بس اذا مابترجعين لي بطلع الحين وبخلي اقرب تريله تاخذني لجين تضحك : الله لايقولها عشان انتحر احمد مبسوط: يعني بترجعين معي لجين مستحيه: ايه بس مواليوم بعد بكره احمد بسرعه : وليه مو الحين لجين بهدوء: ابي اجهز اغراضي وغير هذا شذا اليوم ارجعت وهي تعبانه ابي اجلس معاها بكره قبل ارجع بيتي وبعد بكره وانت راجع من دوامك مر علي وخذني احمد يتنهد: الله يصبرني خلاص اللي تبينه بعد بكره بعد بكره وقف وباسها على جبينها : قلبي توصين شي لجين : سلامتك خذ بالك من الطريق احمد يتبسم: ان شاء الله يــا بعد روحي طلع من الغرفه وهو مبسوط حاس انه كان ميت والحين رجع للحياه ناظر فهد وهو مبسوط وموقادر يخفي فرحته فهد يضحك: مايحتاج تقول شكلها رضت عليك احمد يضحك: الحمد لله بعد بكره بترجع البيت فهد مبسوط: الحمد لله الله لايفرقكم مشى احمد وهو يفكر وش لازم يسوي لها بمناسبة رجعتها لازم يفاجأها وهي بترجع معاها بعد بكره يعني يقدر يسوي شي مرتب ..فتح باب سيارته وبعد ماركب دق على سلمان .. سلمان: هلا والله بالمجرم احمد يضحك: هلا بالحرامي سلمان بسرعه: حرامي بخشمك مدري من علمني الأقتحام وحركات الأكشن احمد يضحك : اللي يسمعك يقول محتاج تعلوم انت كنت تبي الفرصه بس سلمان فاطس: ايه بذي صدقت ابي اجرب العضلتين اللي عندي صراحه احمد بحماس: بس تسلم يدينك لازم اشتريلك هديه سلمان يضحك: هاه يابو الشباب شكلها المدام رضت احمد مبسوط: أي والله حنت علي بعد ماشافت النفخ اللي بوجهي يالمجرم سلمان : انت المفروض تشكرني طول عمرك قال مجرم قال احمد وهو يشغل سيارته: شكرناك خلاص والا تبي اجي ابوس راسك سلمان بكل غرور : ماعندي مشكله احمد بسرعه : تخسي ابوس راسك ..وضحك بصوت عالي سلمان يسوي فيها يهدد: طاااااايب طااااااايب ان ماقلت لحرمتك هذا لاحادث ولاشي ماكون سلمان اوريك اعلمك النذاله انا احمد يتمسكن : افا واهون عليك سلمان يضحك : لاماتهون يالدب : : | ||||||||||||||
|
| |
|
05-12-10, 04:08 AM
| #23 | ||||||||||||||
| مراقبة ومشرفة سابقة ونجم روايتي
| الفصل الثاني والعشرين (( الجزء الثاني)) الرياض ..صباح يوم الأثنين الساعه التاسعه.. جالس على سريره وطفشان مايدري وش يسوي ووين يروح مع هالصباح ..اخذ جواله وارسل لها مسج : صباح الخير حبيبتي صاحيه؟ : شوي وسمع صوت نغمة الجوال ..ناظر الشاشه بسرعه وضغط الزر الأخضر: هلا بقلبي جود تضحك: هلا بك وش مصحيك فارس بهدوء: عادي صاحي جود: الناس اجازه ماتساهر انت؟؟ فارس : لا لاانا نظامي بالنوم حتى لو فيه اجازه جود : ياعيني ع الحركات فارس : وانتي وش مصحيك جود بهدوء: صحيت على صوت المسج فارس مستغرب: اوما يعني نومك خفيف جود بسرعه : لا لا بس شبعت نوم نايمه بدري البارح فارس يهز راسه : اها ..وكمل برومنسيه: جود جود بهدوء: هلا فارس: تدرين اني احبك وانك مليتي حياتي الفاضيه وانك غاليه عندي مره جود بدلع: ايه ادري فارس يضحك: ياغرورك جود بعد مارفعة حاجبها : يحق لي فارس يتنهد: أي بالله يحق لك والله ياجود انا احبك وكل يوم يزيد حبك بقلبي جود بدلع: حتى انا احبك فارس سكت شوي وبعدها بدا يغني بصوته الحلو الهادي اللي مليان احساس .. وشلون مغليك وانت اللذي علمتني حبك ياهاجسي عشقي عيونك اقرا وتلقى الجواب في محجر عيوني تصوير لجمل ملاك حبك يامفتوني ..خالد عبد الرحمن جود واللي دخلت جو مع صوته الساحر مثل كل مره تسمعه ..قالتها بحماس: كمل فارس ليه سكت فارس : لاقلبي خلاص جود بدلع: بليز حبيبي غني أي شي لراشد فارس واللي مايقدر يرفض لها طلب : طيب ..احم احم.. وحشتني سواليفك وحشة شوفتك اكثر كل ليله مع طيفك حبيب الروح انا اتحسر اتحسر وحشتني سواليفك ..طاري من عيوني النوم على هالحال انا كل يوم سمعني حبيبي الصوت وسيرني على كيفك .. كلامك فيه نشوة روح يحرك فيني الوجدان يعطيني امل مفتوح في لقياك مهما كان في لقياك مهما كان.. جود بحماس: الـــــــــــلـــــــــــ ـــــه ياسلام عليك صوتك مره حلو فارس واللي ارتبك: مسمعك الحلو..وكمل كلامه بهدوء: تدرين عمري طفشان ولاادري وين اروح كل العالم هالساعه نايمه جود بدلع: تعال مرني نروح نفطر سوى فارس يضحك: حلوه جود بهدوء: والله اتكلم جد فارس متخرع: تتخيلين انتي اطلع مع اخت خويي مالك امل اسويها جود بهدوء: مافيها شي ماراح نسوي شي بس نفطر فارس بعد تفكير : لا لا انسي مستحيل .. انتي اخت تركي تدرين وش معناته هالكلام هو يوثق فيني ثقه عميه اجي انا اطلع مع اخته مالك امل انا كل مكالمه معك اعيش بعدها في تأنيب الضمير جود : طيب طيب براحتك كان اقتراح لا اكثر فارس بأصرار: اقتراحك مرفوض وبدون تفكير بعد : : : الساعه 1 الظهر.. دخل غرفتها وشافها نايمه على جنبها اليسار ..قرب منها وتأمل ملامحها الجميله كأنها ملاك تبسم وهو يناظرها بحب قرب يده من وجهها البريء ومسح بظاهر كفه خدها الناعم... فتحت عينها بكسل بعد ماحست بلمساته بخدها وقالتها بهدوءبالغ: احمد احمد يتبسم : قومي ياكسوله نايمه للظهر لجين تفرك عيونها: شسوي من الحماس لرجعتي للبيت ماجاني النوم احمد يبعد اللحاف ويقولها بحماس : ياللا قومي بس مشتاق لك والله لجين تمسح على رجلينها بيدينها بحزن احمد بسرعه : اوه اسف ..قرب منها وحط يده اليمين تحت ظهرها ويده اليسار تحت رجلينها وشالها..لجين لفت يدينها حول رقبته وصارت تناظره بفرحه يملاها الشوق حطت راسها على صدره وبدت تحس بدفاه..دف باب الحمام وانتم بكرامه برجله وقالها وهو يضحك : الظاهر من كثر الرقاد سمنتي ياثقلك بس لجين بدلع : اتحداك انت اللي ماعندك لياقه احمد يضحك : ايه طيب حط رجله اليسار على المرحاض يمين المغسله وحط لجين على فخذه ورفع ظهرها بيده بحيث تصير جالسه مد يده اليسار وفتح الصنبور اول مانزلت المويه حط كفه واخذ المويه وغسل وجهها وناظرها بحب : وش رايك فيني زوج مثالي صح لجين مبسوطه: صح اخذ المعجون وحط بفرشة الاسنان معجون واخذها قربها من فم لجين : ياللا افتحي فمك لجين مستحيه : لاجيبها انا بفرش اسناني احمد يبعدها بسرعه: لاافتحي فمك ازين لانطيح انا وانتي فتحت فمها وهو بدا يفرش اسنانها وهو فاطس ضحك اول ماخلص سند ظهرها زين وملى كفه مويه وقرب يده من فمها حط المويه بفمها وناظرها بحب : ياللا طلعي المويه لجين تحرك المويه بفمها بدلع واحمد كان يضحك عليها بعد ماطلعت المويه من فمها غسل وجهها مره ثانيه وباس خدها بقووووووووووه وشالها وطلع حطها على السرير .. احمد يحط يدينه على ظهره مثل وحده حامل : ياربي انتي مين يساعدك كل يوم؟؟ كسرتي ظهري لجين تاخذ المخده الصغيره من جنبها وترميها عليه بقوه : مالت عليك محد تذمر من مساعدتي غيرك حتى جدتي ماتقول شي احمد فاتح عينه ومستغرب: جدتك تشيلك للحمام؟ لجين تلف وجهها عنه: لابس تجيب لي كم شغله احمد : ايه عشان كذا ماتتذمر لجين بهدوء: احمد خالي جاب لي خدامه تساعدني باخذها معاي البيت احمد يتبسم : اللي تامرين فيه ..نمشي هالحين؟ لجين : لا انا قلت لما ينتهي دوامك وهالحين ماانتهى احمد يتبسم : الا انتهى ماقدرت اصبر عشان كذا استأذنت لجين تهز راسها : اها ..طيب انا جاهزه تبي نمشي نمشي ماعندي مشكله احمد بسرعه : اكيد نمشي : : : الساعه 2 الظهر .. نزل الدرج ولقى جنا جالسه بالصاله ..وصل لعندها ووقف قبال الشاشه وقالها بنبره جاده مره:اخوك تغدى والا ماتدرين؟ جنا بهدوء : انا اخذت له غداه بنفسي وهو قالي بياكل بس ماادري عنه تركي بعد تفكير: تحسين حاله يزيد سوء ؟ جنا بحزن: ايه ماتوقعت يطول بحزنه لهالدرجه بس الظاهر انه يحب هالبنت مره تركي بقهر : الله ياخذها دمرته بندر كان مليان حياه ودايم مبسوط انا خايف عليه ..سكت شوي وكمل بسرعه : بطلع اشوفه .. رقى الدرج بسرعه وراح لجناح بندر فتح الباب بدون لايطقه ..أول مادخل ناظر بصينية الاكل الموجوده ع الطاوله يمين السريروواضح عليها ان محد لمسها الصحون مليانه ونفس ماهي ..قرب من بندر واللي كان منسدح على جنبه اليسار بدون لحاف: انت للحين على هالوضعيه ؟.. سكت شوي ولما ماجاه رد من بندر قالها بصوت عالي: بندر نايم؟؟.. نفس الشي ماجاه رد ..بعد تفكير قرب من بندر يهزه : حتى لو نايم اصحى اكل لك لقمه مايصير كذا .. لف اخوه على ظهره : بــنــ ... انصرع وسكت لما شاف وجه اخوه الشاحب ويدينه المتدليه على السرير بأهمال وكأنه ميت.. حط راسه بسرعه وبخوف على صدر بندر يتحسس نبضه اول ماحس بنبضاته الخافته .. راح بسرعه ورى بندر رفع ظهره وحوط جسمه بيدينه من ورى وبدا يسحبه وهو يحاول بكل قوته يرفعه اول ماوصل عند الدرج صرخ بأعلى صوته : جنـــــــــــــــــــــــ ــــا جات جنا بسرعه على الصوت رقت الدرج بسرعه واول ماشافت بندر شهقت وحطت يدها على فمها : شفيه بندر وهو ينافخ : ماادري تعالي ساعديني ارفعي رجلينه بس نوصله لبرا وانا بقول لعصام يساعدني ..رفعت رجلين بندر وبدو ينزلونه بصعوبه وبعد مجهود وصلو لخارج باب الصاله اللي يطلعهم للحديقه ناظرها تركي بسرعه: ياللا خليه وروحي ..وبعد مادخلت نادا بصوت عالي : عصـــــــــــــام جا عصام بسرعه بعد ماسمع صوت تركي ..وناظر بندر : ايه مالو بندر تركي بسرعه وهو ينافخ: مو وقتك بسرعه ساعدني نحطه بالسياره باخذه للمستشفى عصام قرب بسرعه ورفع رجلين بندر ..وصلو عند السياره وحطوه بالمقعد الخلفي.. اول ماقفل عصام باب السياره تحرك بندر بسرعه كان خايف ومتوتر اول مره بحياته يشوف بندر كذا ..دق على ابوه بسرعه بس ابوه عطاه بزي دق اكثر من مره ونفس الشي كان يجيه بزي رمى الجوال بقوه وهو منقهر : هذا انت يابابا وقت اللي نحتاجك مانلقاك ابد : : : الساعه 3:30 بتوقيت السعوديه 6:30 بتوقيت أمريكا.. بعدماغسل وجهه ولبس ملابسه ناظر بالأبره على الطاوله ..قرب من الطاوله بسرعه اخذ الأبره وغرسها في يده ببرود اعصاب هذي المره الثالثه اللي ياخذ الأبره بنفسه بدا يتعود ع الموضوع ..بعد ماحس بالمخدر بجسمه انسدح شوي وهو حاس بتنمل بجسمه بعدها بشوي وقف وهو يترنح راح للحمام وانتم بكرامه وغسل وجهه بالمويه البارده..طلع للصاله وهو شايل جزمته وانتم بكرامه السبورت جلس على الكنبه ولبسها وبدا يربطها بحماس : يارب عبير شافت اللي كتبته ..سكت شوي وكمل بعدها: ياربي مابي احط امل ..بعد ماخلص اخذ ملزمته وكتبه وطلع ..اول ماطلع من باب الشقه شاف البودي قارد واقف يمين الباب تبسم بوجهه ومشى بهدوء اول ماطلع من الباب الرئيسي ناظر الشارع وابتسم ابتسامه عريضه والتفت للبودي قارد وبصوت مسموع : الحقني ..بدا يركض وهو يضحك والبودي قارد يركض وراه شافه واحد راكب دراجه(سيكل) : Going to the University (ذاهب للجامعه؟) مشعل يبتسم ويهز راسه بالأيجاب الرجال : Come with me (تعال معي) مشعل نقز وركب بالمقلصه ومسك الرجال بيده اليمين وكتبه بيده الشمال ..حس بالهوا الصافي يضرب وجهه اخذ نفس عميق وضحك اكثر وهو يناظر البودي قارد اللي يركض بأقصى قوته مشعل وهو فاطس: تستاهل سوي رياضه ياجعل رجلينك الكسر : : : الرياض ..الساعه 4:30 العصر.. وقف عند القصر وهو مبسوط من زمان ماوقف هالوقفه ..اخذ جواله يبي يدق على جود يقول لها تطلع أي مشوار مع اختها وده يشوفها من بعيد اشتاق لها ..اخذ جواله ضغط الزر الأخضر وراح لرقم جود ضغط اتصال حط الجوال بأذنه وهو رافع راسه شاف سيارة السواق طالعه وجود بداخلها بهالوقت جاه صوتها: الو فارس وهو يخفي ارتباكه: هلا قلبي وينك جود بهدوء : بالبيت فارس وهو يتحرك وراهم : وش تسوين جود : ولاشي حبيبي وكملت بسرعه : قلبي بقفل بتروش وبعدها بكلمك طيب؟ فارس وهو يخفي قهره: اوكي..حط جواله على جنب وهو يراقب السياره ومستغرب سبب كذبها عليه وصلت عند بيت خالتها ..راقبها وهي تدخل وحس انه يغلي ..اخذ جواله بسرعه ودق عليها لكن ماجاه رد منها.. : : الساعه 5المغرب ..المستشفى بالتحديد.. قرب من الدكتور وهو خايف: اقدر اشوفه الحين الدكتور بهدوء: لا هالحين هو نايم راح نخليه اليوم بالمستشفى وتقدر بكره تجي تشوفه تركي بهدوء: طيب دكتور راح يستمر على هالحاله كثير هو ماياكل ولاشي ومو معقول كل يوم بجيبه المستشفى وهو على هالوضع الدكتور : السبب نفسي وانت لازم تشوف طريقه تخفف عنه عشان يرغب للأكل ماراح يتحمل جسمه اذا استمر على هالوضع تركي هز راسه بهدوء: خير ان شاء الله .. وهو طالع من المستشفى سمع صوت جواله طلعه من مخباته وكان ابوه المتصل .. تركي بسرعه: بابا مافيه مره ادق عليك الا وتكون مشغول؟ ابو بندر : وش اسوي كان عندي اجتماع وش كنت تبي تركي: كنت بقول لك ان بندر تعبان مره وهو الحين بالمستشفى ابو بندر بسرعه: أي مستشفى بجيكم تركي: لا لاتجي الدكتور قال مانقدر نشوفه غير بكره : : : الساعه 5:15 المغرب بتوقيت السعوديه 8:15الصبح بتوقيت امريكا.. واقف بالممر ينتظر محاظرته مرت عبير من جنبه بدون لاتلتفت له ووقفت بعيد عنه بمسافه مشعل التفت ناظرها ورجع يناظر بالباب وبينه وبين نفسه : معقوله ماشافت اللي انا كتبته ..وبعد تفكير : ايه عادي انا مافتحت ملزمتي وانا كتبت كلامي ورى يعني فيه احتمال ماتشوفه ..صاريفكر وهو خايف: ياربي معقوله شافت الكلام ومااهتمت او تفكر تقول للبودي قارد ..حرك راسه بسرعه يطرد هالأفكار من راسه: لا مو معقول ..صحى على يد البودي قارد اللي تسحبه اخذ باله ان الطلاب دخلو القاعه ..دخل وشافها بالصف الثالث قرر يسوي خطوه جريئه قرب منها وجلس بجنبها من جهة اليسار على الطرف وبالممر كان واقف البودي قارد ..اول مابدا الدكتور بالمحاظره ناظر بالبودي قارد اللي عينه على الدكتور وبحركه سريعه مد يده قلب ملزمة عبير وفتحها وحط اصبعته على الكلام وشال يده ناظر بالبودي قارد اللي ماغير وجهته اخذ نفس وركز نظره على الدكتور ..ناظر عبير بطرف عينه وشافها تقرا الكلام كان يحس بضربات قلبه تزيد هاليومين اللي كان ينتظر فيهم كان انتظاره على ولاشي عبير ماقرت كلامه ..رجع ناظرها شافها تكتب بسرعه ماطولت وهي تكتب وطوت الورقه حطتها بيدها اليسار ونزلت يدها بين كرسيها وكرسي مشعل ..مشعل رفع راسه يناظر البودي قارد اللي طول اليوم على نفس الوضعيه ومركز نظره بنفس المكان ..نزل يده اليمين بشويش ..حط يده بيدها وهو حاس بتوتر وخجل واخذ الورقه من يدها بحركه بطيئه حط الورقه بمخباة بنطلونه وطول المحاظره كان يفكر وش فيه بهالورقه..معقوله كتبت لي مالي شغل لأنها ماطولت وهي تقراولاطولت وهي تكتب : : : الرياض الساعه 6 المغرب .. دخل البيت ..واول ماوصل للدرج شافته جنا اللي جالسه بالصاله تقرا روايه قفلت الروايه وبسرعه: تركي تركي وقف بعد مامسك سور الدرج وقالها بضيقه: هلا جنا بخوف : وينه بندر ؟ تركي بحزن : بالمستشفى نوموه هناك صاده جفاف جنا تتنهد : الله يعينه ماتوقعت يجي يوم اشوف بندر كذا تركي يرقى الدرج وبكل هدوء: ربك يعين بعد مارقى اخوها الدرج واختفى عن عينها فكرت بسرعه ورقت الدرج بسرعه وراحت غرفة بندر وصارت تدور جواله بالادراج قفلت الدرج وتلفتت يمين ويسار وهي واقفه بالطاوله بجنب السرير رفعت المخده وشافت الجوال مسكته بسرعه وراحت للأسماء ..وبينها وبين نفسها: اكيد حافظ اسمها بشي واضح انها حبيبته بندر ماكان يخفي حبه لها ..صارت تضغط السهم تحت بسرعه الى ان وصلت الى نك( نبض قلبي ) وقفت عنده وبصوت مسموع: هذا رقم نوره اكيد ..طلعت جوالها من مخباتها ودقت الرقم من جوالها بسرعه ..وكلها ثواني وجاها صوت نوره الهادىء:الو جنا بكل جديه: نوره؟ نوره مستغربه: معك مين معي جنا بكل عصبيه: يعني ماعرفتيني والا انتي تقتلين القتيل وتمشين بجنازته ياعديمة الاحساس نوره بسرعه : وش تقولين انتي مين معاي؟ جنا واللي مو قادره تخفف من حدة صوتها: انا جنا اخت المسكين اللي مرمي بالمستشفى والسبب انتي ياحقيره ياتافهه يوم انك ماتحبينه ليه علقتيه معك ورميتيه بعدين بدون لاتسألين فيه نوره وهي تبكي : بندر بالمستشفى جنا تضحك بأستخفاف : ياعيني مسويه خايفه عليه بطلي هالتمثيل بس بطليه نوره والحزن ملا صوتها ووضح عليه انها تبكي : ماادري وش اقول لك ياجنا بس صدقيني ازمه وتعدي عليه تكفين افهميني ولاتزيدينها علي جنا تصارخ: وش افهم افهم انه بسببك شفت اخوي بوضع اول مره اشوفه عليه نوره تبكي: الله يخليك جنا افهميني انا ماقصدت اضر اخوك بس مااقدر ارتبطت فيه ولاتظلميني ترى الظلم شين ..اوقفي مع اخوك وخليه يتجاوز هالأزمه بندر انسان يستاهل كل خير ويستاهل اللي احسن مني والف وحده تتمناه انا مااستاهله ولااسواه جنا واللي استغربت كلام نوره : وش هالكلام نوره انتي تحبين بندر او لا؟ نوره بهدوء: ماعندي جواب لسؤالك غيراني اطلب منك تساعدينه يتخطى شي اسمه نوره وخلاص وانا الحين لازم اقفل اعذريني جنا وهي مستغربه: طيب قفلت جوالها ورمته على سريرها وجلسة على الأرض وهي تبكي بحسره وتدعي: يارب تنساني وانساك يابندر ياليت اللي فيك فيني يابعد روحي : : : الساعه 7 المغرب .. طلعت من بيت خالتها وركبت بسرعه بسيارة السواق اول مامشت سيارة السواق لحقهم بسرعه وهو يحاول يتصل عليها بس ماترد عليه .. اول ماوصلت البيت ضرب الدركسون بقهر وتحرك من عند بيتهم وهو مقهور ومو فاهم شي .. كلها دقايق وسمع صوت جواله يرن اخذه وناظر بالشاشه كانت هي المتصله .. فارس يحاول يخفي قهره: الو جود بدلع: هلاقلبي فارس بعد مااخذ نفس : هلاروحي وينك ماتردين على مكالماتي جود بهدوء : اسفه حياتي تروشت وبعد مالبست نمت بدون لاادري عن نفسي وتو صاحيه هالحين فارس يفرك يدينه من القهر: اهااا نوم العوافي جود: ربي يعافيك فارس يحاول يكون هادي: قلبي انا بقفل الحين وصلت عند الشباب وبنزل جود مبسوطه: اوكي حياتي فارس بعد ماقفل بدا يضرب الدركسون بقووه وهو معصب: الخايسه تكذب علي انا اعلمها من بكره برجع اراقبها نفس اول اكيد وراها سالفه انا اعلمك ياجود : : : الساعه 8:30 المغرب بتوقيت السعوديه 11:30الظهر بتوقيت أمريكا.. بعد ماخلصت المحاظره وقف بهدوء يمشي للباب سبقته عبير وهي تمشي مع خويتها ولافه يدها حول كتوفها وبصوت عالي: اقول لاتنسين تقرين الورقه روحي اقرب بااث مشعل واللي سمع كلامها طلع من الباب وراح لأقرب حمام وانتم بكرامه قفل الباب وطلع الورقه بسرعه وبدا يقراها : اليوم بعد ماتخلص محاظرتك اطلع من الجامعه امشي وخذ اول نافذ يسار وبعده ثاني نافذ يمين وامشي الى ان تلقى فراري بيضا مخططه بوردي واترك الباقي علي على فكره انا قريت رسالتك من اول ماكتبتها لأني شفتك تكتب بملزمتي مايحتاج تأشر لي : ابتسم بعد ماقراالرساله قطع الورقه ورماها بالمرحاض وطلع من الحمام يمشي وهو يتبسم مو قادر يخفي ابتسامته ..طلع من الجامعه وسوا نفس ماقالت له اول نافذ يسار وبعدين مشى لثاني نافذ يمين ومشى وهو يمشي لمح الفراري تبسم وهو يشوفهه وكان يتقدم لها بسرعه لما قرب من الفراري سمع صوت ضربه قويه بعدها صرخه من البودي قارد التفت وشاف عبير توجه الضربه الثانيه على راس البودي قارد بعمود حديد ..مشعل صار يناظر بالبودي قارد مستغرب ..عبير رمت العمود وقربت من مشعل مسكته تسحبه: ياللا امشي اركب السياره بسرعه..مشى معاها بسرعه وركب قدام بالسياره الكشف الفخمه.. بعد ماتحركت السياره ناظرت فيه: وش مشكلتك؟ مشعل واللي مستحي يقول لها انه مدمن قالها بعد تردد: مشكلتي كبيره عبير وهي تركز بالشارع وتبتسم بهدوء: حرام شاب مثلك حلو وله مستقبل يكون مدمن مشعل بسرعه :ليه واضح علي عبير تهز راسها بالأيجاب: ايه اول ماشفتك قلت شكله يتعاطى شي مشعل بعد ماتنهد: طحت بعصابه جردوني من فلوسي وجواز سفري وخلوني مدمن مخدرات بنت حقيره طيحتني بورطه عبير توقف السياره بجنب كوفي : ياللا ننزل واحكي لي القصه بالكامل مشعل: اخاف يصحى البودي قارد ويقول لها تراهم قتالين قتله عبير تتبسم: قول القصه بأختصار على مانشرب القهوه بس مشعل: طيب : : : بوقت سابق ..قبل يومين ..الجامعه بالتحديد .. الساعه12 :30 بعد منتصف الليل بتوقيت السعوديه 3:30 الظهر بتوقيت أمريكا.. ركبت سيارتها وقبل تشغلها فتحت الملزمه بسرعه ماشافت شي قلبتها وهي تدور اللي كتبه متأكده شافته يكتب بالملزمه بعد مافتحت الملزمه بالمقلوب شافت اللي كاتبه وبدت تقراه : انا محتاج مساعده مااقدر اكلم احد البودي قارد اللي معاي جاسوس مهوب حارس ســـــــــــــــــــاعدين ي : هزت راسها بالأيجاب بعد ماقرت الكلام وحطت الملزمه على جنب شغلت سيارتها ومشت : : : الرياض الزمن الحالي.. الساعه 8:40 مساءً ناظرها وهي جالسه ع الكنبه الكبيره بالصاله ممدده رجلينها ولافه راسها يسار تشوف التلفزيون..كان واقف قدامها بس هي مو ماخذ بالها منه.. احمد بأبتسامه عريضه: حبيبتي ماطفشتي من التلفزيون لجين وهي مندمجه وتاكل من البوب كورن اللي بحظنها: لا ببيت جدتي ماكان لي خلق اشوف تلفزيون احمد يجلس على الطاوله قبالها بحيث يحجب عنها التلفزيون: ماكان لك خلق لأنك بعيده عني لجين تكابر : لا احمد بدفها مع كتفها: لاتكابرين لجين بهدوء: احبك احمد احمد يمسح على شعرها: انابعد اموت فيك بس كنت غبي لجين تتبسم: حاشاك قرب منها وحط يده اليسارتحت رجلينها ويده اليمين تحت ظهرها وشالها ..لجين بكل دلع :احمد مابي اقوم احمد وهو يرقى الدرج : للأسف مهوب على كيفك .. لفت يدينها حول رقبته وسندت راسها على صدره ..غصب عنها غفت وهو يرقى الدرج كانت تعبانه ومو نايمه زين ..اول ماوصل الغرفه دف الباب برجله ..دخل الغرفه واول ماوصل عند السرير من الجهه اليمين ناظر فيها وشافها نايمه تبسم وهو يشوف هالوجه البريء ..حطها بشويش بالسريرولحفها زين باسها على خدها بهدوء عشان ماتصحى وطلع من الغرفه : : : الساعه 8:55 مساءً بتوقيت السعوديه 11:55الظهر بتوقيت امريكا.. مشعل بعد ماحط فنجان القهوه: وهذي كل القصه عبير بعد تفكير: والله قصتك ولا الأفلام مشعل يناظر الساعه ويوقف بسرعه: قومي بسرعه راح كثير من الوقت الحين يصحى البودي قارد او يشوفه احد وتعفسني هالمهبوله عبير توقف بسرعه وتحط فلوس على الطاوله مشعل بحزن : احراج تدفعين قيمة قهوتي عبير تدفه: امش بس امش قبل لايبدون يدورون عليك بعد ماركبو السياره وتحركو التفتت له عبير: مشعل مشعل : سمي عبير: سم الله نجلاء وضحكت ..اسمع انت لازم تاخذ جوالك عشان نقدر نتصرف مشعل بعد تفكير: وشلون عبير: تدخل غرفتها الصبح وتاخذه مشعل مرتبك : اخاف تشوفني انا موخايف على نفسي ماعاد تفرق معاي خايف على اهلي عبير: انت قلت هي تعطيك الأبره بالليل اليوم لاتذكرها تعطيك الأبره عشان يصير لك عذر تدخل غرفتها لازم تاخذ جوالك يامشعل عشان لاتكلم نجلاء اهلك مشعل بعد تفكير: تتوقعين مو حافظه رقم بابا عبير : حتى لو هي حافظته اتصالها ماراح يفيدها بشي لانك تقدر تكلمهم وتقول لهم هذي زميلتي بالسكن واخذت الرقم وتستهبل ..عبير بعد ماالتفتت له: مشعل انت لازم تتصرف لاتخليها تدمرك وانا بساعدك مشعل يفكروبصوت مسموع : خلاص بجيبه انا والله احس قلبي صار قوي مو مثل اول عبير تتبسم: حلو المهم الحين بوقفك قبل البيت بمسافه وانت اركض بسرعه للشقه ابيك توصلها وانت تنافخ وقول لها رجال سود ضربو البودي قارد وركضو وراي ابيك تبين ابداعك مثل عليها طيب؟ مشعل : خلاص اوكي عبيربعد ماوقفت السياره: ياللا انزل وبكره ماتجي الا والجوال معك مشعل : طيب .. نزل من السياره وبدا يركض بسرررررررررعه الى ان وصل العماره رقى الدرج بسرعه وفتح الباب بقوه وصرخ وهو ينافخ : نجلاء نجووووووووول نجلاء تجيه ببرود: وش فيك مشعل بعد ماحط يدينه على ركبتينه وبدا ينافخ من التعب : رجال سود شكلهم غريب طلعو علينا ضربو البودي قارد وصارو يلحقوني من مكان للثاني ..جلس على الارض بتعب كبير: هدو حيلي نجلاء تناظر بالبودي قارد اللي جاي من داخل بعد ماتخصرت ورفعت حاجب: هذا هو البودي قارد رجع مشعل بدا قلبه يخفق بقوووووه وصار يناظرهم وهو يخفي توتره ..خايف البودي قارد شاف عبير والا شي نجلاء بعد ماجلست على الكنبه: هذول اكيد قطاع طرق شافو معك بودي قارد على بالهم مليان فلوس ..بس زين رجعت البيت ياحلو مشعل ببرود : وين اروح؟ نجلاء تتبسم: تدري لو مارجعت كنت دقيت على بابا ياحبيب بابا مشعل بينه وبين نفسه: بكره اعلمك يالواطيه وشلون تدقين على بابا : : : الرياض ..يوم الثلاثاء..الساعه 8 صباحاً فتحت عينها بكسل ..فركت عينها اليسار بيدها مثل الاطفال التفتت يسار شافت احمد نايم بجنبها مدت يدها ومسحت شعره.. احمد فتح عينه بكسل : صحيتي قلبي لجين تتبسم : ماتبي تروح دوامك ؟ احمد : لا ماخذ اجازه اسبوع لعيونك ياجميل لجين مبسوطه : طيب قام بسرعه من فراشه وشالها :ياللا عمري نغسل لجين بعد مانزلت راسها: متعبتك معاي احمد احمد بسرعه: لاتقولين كذا انتي زوجتي وام عيالي مستقبلاً ان شاء الله لجين بهدوء: ان شاء الله : : : الساعه 1 الظهر.. وصل متعب ابو بندر المستشفى .. كان يمشي بكل هيبته معاه اثنين من موظفينه ..كان باين على هالانسان وهو يمشي بكل ثبات انسان صاحب نفوذ وواصل .. وصل عند غرفة بندر ناظر بالرجال اللي معاه وبنبره حاده : انتظروني هنا دخل الغرفه باس ولده على جبينه قرب الكرسي وجلس : وش تبي بندر انت اشر بس ابو بندر كان مثل المصباح السحري لعياله متخبي دايم بالمصباح مايشوفونه الا نادر ..المصباح هو اشغال متعب اللي مشغلته عن اللي حوله ..لكن هالمارد السحري جاهز دايم لتلبية طلبات عياله واحتياجاتهم بأي وقت يطلبون ..لكن الاهتمام هو الشي اللي يصعب عليه تقديمه لهم.. بندر بتعب : مابي شي ابو بندر: تبي هالبنت انا اخليها هي واهلها تحت رجلك بندر: لابابا مابيها غصب ابيها برضاها ابو بندر: رحنالهم والبنت رفضت وش نسوي تموت يعني عشان بنت بندر بهدوء: لاتخاف مو ميت ابو بندر: ماحب اشوف ولدي الكبير مكسور الجناح بندر يناظر ابوه بعيونه الذابله: ماعليك ازمه وتعدي قطع كلامهم صوت الباب اللي انفتح ودخل منه تركي وهو مبتسم: انا من شفت الجحلط اللي برا قلت بابا هنا ابو متعب بنبره حاده: تركي تركي يضبط نفسه: سم طال عمرك ابو بندر: تسنع تركي: تامر امر بندر ورغم المه صار يضحك ابو بندر وقف : ياللا انا ماشي بندر أي شي تتمناه امر بس لو تبي تسافر لأي بلد انت اشر بس بندر بهدوء: ياجعلك سالم مابي اروح مكان تركي ناظر بأبوه وبعد ماطلع ناظر بندر: كنت قلت له موافق ونسافر سوا بندر بحزن : مابي اسافر مالي خلق تركي يقرب منه: وش هالحزن اللي انت فيه ياخوي بندر بنبره حزينه وضح فيها انه مغبون :تعبااااااااااااان ياخوي حرقة قلبي تركي : ياخوي انساها خلاص بندر واللي يحاول يمسك دمعة الحب اللي حارقه داخله: وش انسى ياخوي انسى روحي وقلبي هذي الغاليه مااقدر انساها ولااعيش من غيرها ..تركي كنت احسب الحب وهم او خيال اثره بقلبي صادق وخليته يكبر كل يوم الين دمرني تركي انربط لسانه وماعرف وش يقول : : : الساعه 1:30 الظهر بتوقيت السعوديه 4:30 الفجر بتوقيت امريكا.. بعد ماغسل اخر صحن جلس بتعب وهو مرهق مره ..مسح على رجلينه اللي ذبلت من كثر الوقفه ..وقف بتعب وبدا يمشي بخطوات ملاها التعب .. اول ماوصل الشقه ودخل وقبل لايتوجه لغرفته ..ناظر بغرفة نجلاء وبينه وبين نفسه: هذي فرصتي ادخل اخذه قبل ترجع نجول ..دخل الغرفه بسرعه وناظر بالدرج اللي بجنب سريرها : هي كانت تحطه هنا قرب وفتح الدرج شاف جواله ابتسم اخذ الجوال وقفل الدرج ..التفت ومشى خطوتين وجاه صوتها القوي: وش تسوي بغرفتي؟؟ مشعل واللي حس برجفه بكل جسمه رجع يده لورى ببطىء وخوف وبدا يدخل الجوال بجيبه الوراني بيده اليسار وهو خايف وقالها بتوتر وهو يأشر على الشنطه بيده اليمين: دخلت اخذ ابره ماعندي نجلاء تقرب من الشنطه تفتحها وتطلع ابره وتمدها لمشعل بسرعه: خذ ولاعاد تدخل غرفتي الا بأذن مشعل وهو متوتر: طيب.. مشى شوي واول ماوصل للباب وبدا يرتاح نادته بسرعه: مشعل مشعل التفت بخوف: نعم نجلاء وهي تكتف يدينها : من اليوم بيصير معاك 2 بودي قارد عشان لو طلع عليكم احد مشعل يهز راسه وهو يضحك بسخريه: خايفه على البنك المفتوح يضيع نجلاء بقرف : اقول انقلع غرفتك : : : الرياض الساعه 4 العصر.. بيت ابو سعود.. جالسه بغرفتها وتضحك بكل دلع وهي حاطه الجوال بأذنها : من جدك انت فيصل وهو يضحك: ايه ياروحي من جدي نوف بكل دلع: خلاص اقرب فرصه اجي واشوفهم فيصل يتصنع الحب: تنورين يابعد روحي : بزاويا ثانيه بالبيت وبغرفة الأولاد بالتحديد ..ممسك بجوال اخوه ويناظر بمقطع بلوتوث وهو جالس على سريره: ياويلي يالبنات من وين جايب كل هالمقاطع سعد متبسم على الأخر وهو منسدح على سريره ومسند راسه بيدينه : والله ارسلهم لي واحد خويي بس وش رايك سعود وهو مركز نظره بالشاشه : والله خقق وش هالبنات سعد التفت بعد ماسمع صوت جوال سعود يرن على الطاوله اللي تفصل السريرين : ماتبي ترد سعود وهو مازال يناظر المقطع بأهتمام: لا ماراح ارد هذي ساره الله ياخذها ياشيخ نشبه خلها تذلف ماادري وش تبي سعد وهو يضحك: اكيد تبيك تتزوجها سعود بسرعه: تخسي اتزوج وحده مثلها : : : الساعه 5:30المغرب بتوقيت السعوديه 8:30 الصبح بتوقيت امريكا.. كانت تمشي بالممر متجهه لمحاظرتها شافت مشعل واقف على يمينه بودي قارد ويساره بودي قارد..حركت راسها بأستنكار وهي تحرك شفايفها بخفه بمعنى(وش هذا)..مشعل يادوب رفع كتوفه بمعنى(ماادري).. دخلت الكلاس وجلست مشى مشعل وجلس على يسارها ..دخل معاه بودي قارد والثاني وقف برا .. بعد مابدت المحاظره ..نزلت راسها بين الكرسيين وهي تدور شي بشنطتها اللي بين الكراسي وقالتها بصوت واطي : مشعل عطني جوالك وبعطيك جوالي ..عدلت جلستها بعد مااخذت دفتر من الشنطه ..مدت يدها من تحت وحطت جوالها بيد مشعل اللي بدوره حط الجوال بمخباته وطلع جواله بعد ماناظر البودي قارد اللي مركز نظره قدام ومده لعبير اللي اخذته بسرعه .. اول ماخلصت المحاظره وقف مشعل عشان يطلع وقفت عبير بسرعه ونشبت راسها بظهره وقالتها بصوت واطي وبسرعه بدون لااحد يحس: روح الحمام برسلك مسج.. راح مشعل الحمام وبعد ماوصل طلع الجوال من مخباته ..الجوال كان سايلنت وفيه رساله : وشلون صارو البودي قارد 2 : مشعل رد عليها بسرعه : هذي نجول شسوي : جاه ردها : المهم بكره لازم تجي الجامعه بشنطه على الظهر حط فيها اغراضك المهمه وملزمتك علشان لايلاحظون ان مافيها كتب واذا ماعندك شنطه الحين وانت طالع اشتري : رد عليها مشعل : لاعندي بس اخاف نجول تلاحظ ان الجوال مختفي : : حتى لو لاحظت الجوال مهوب معك والجوال اللي عندك ارميه بأقرب زباله وانا باخذه : قفل المرحاض وحط اغراضه فوقه اخذ ورقه من الملزمه وحط الجوال بوسطها وكفسها بطريقه عشوائيه ..حط الورقه بكفه اليمين وشال اغراضه بيده اليسار وحطهم بيده اليمين بحيث تغطى كفه ..طلع من الحمام ومشى اول ماطلع من المبنى شافها على بعد مسافه منه ..اخذ الورقه بيده اليسار ورماها بالزباله ومشى .. بعد مااختفى عن عيونها راحت للزباله وطلعت الورقه واخذت الجوال منها : : : يوم الأربعاء ..الساعه 1 الظهر.. جالسه بالكوفير تنتظر دورها بالمكياج وهي ساكته .. شروق بعد ماجلست بجنبها: نوره وش فيك؟ نوره بهدوء : عادي مافيني شي شروق وهي تتبسم لها: لما تحسين ان ودك تسولفين لأحد لاتنسين اختك نوره مبسوطه: ماعليك مافيني شي بالعكس مبسوطه مره عشاني بشوف اختي عروس شروق تبوسها على خدها : الله يخليك لي ..كملت وهي تضحك: شوفي الكوفيره مسكينه امها داعيه عليها اللي طاحت بيد ريمو النسره نوره ناظرت بريم اللي تأشر بعنف وتشرح على عينها للكوفيره وكأنها خبيرة تجميل غصب عنها نست همها وبدت تضحك : : : الساعه 2 الظهر .. دخلت بيت لجين وهي متحمسه ..قربت من لجين اللي متمدده على كنبت الصاله: هاه يابنت موناويه تروحين العرس؟ لجين مبتسمه على الأخر: هلا والله عنوده العنود قربت من لجين وساعدتها تعدل جلستها: مالك عذر انا وماما جينا ومعانا الكوفيره وشريت لك فستان على ذوقي لجين واللي انحرجت وحست بالغبنه: مشكوره يالعنود والله ودي اروح بس موعارفه كيف العنود مبتسمه: ايه ماما كلمت احمد قالها انه راح يجيب لك غدا قالت له زود الغدا حنا رايحين لحرمتك بنجهزها للعرس لجين مبسوطه : الله يخليك لي ياخالتي : : : الساعه 2:30 الظهر.. دق على جوالها ..كان ينتظر ردها وهو يحاول يكون طبيعي له يومين يراقبها وبداخله مشاعر تتضارب بس مايبي يظلمها جود بهدوء: هلاقلبي فارس:هلاحياتي وينك جود :وين بكون يعني بالبيت فارس :يعني ماراح تطلعين جود :الا قلبي بطلع معزومه انا واختي على زواج الليله فارس بعد تفكير: اها حتى انا عندي زواج بنت عمي جود: ايه قلبي نفس الزواج اللي نبي نروحه ماما تعرف اهل العريس زين ولزمة علينا نروح فارس يسوي متحمس: خلاص بوقف مع الرياجيل اللي بيوقفون عند القاعه عشان اشوفك جود تضحك: بكون مغطيه وجهي حبيبي ماراح تستفيد فارس بهدوء: قلبي امانه مافتحتي وجهك من يوم اللي قلت لك جود بهدوء:ولامره حياتي انت كلامك اوامر فارس : طيب حبي بقفل الحين امي تبيني اخذها للكوفيره جود: طيب بعد ماقفل حس بنار بداخله وبصوت عالي: الكذابه انا شفتها بعيني ليه ياجود تكذبين علي : : : الساعه 8 مساءً .. بعد مالبسو عباياتهم دخل احمد الصاله .. شافها على الكنبه شعرها مرفوع بحركه غجريه حلوه حلق ذهبي كبير مكياج لبناني ناعم ثوب ستااان ناعم طويل منتشر بطريقه انسيابيه حزام ذهبي يتوسط الفستان .. قرب منها وباسها على جبينها : تدرين انك احلى من اميرة القصص والروايات لجين بخجل: لاماادري محد قالي احمد يتبسم : خلاص انا قلت لك لبساها عبايتها وهو موقادر يبعد عينه عنها جمالها كان يفوق كل شي وعينه ماشافت اجمل منها .. بعد مالبسها العبايه حط يده تحت ظهرها والثانيه تحت رجلينها وشالها بحب : : : الساعه 10 مساءً .. وقبل تبتدي الزفه .. عهود بصوت مسموع: نادو بابا وسلمان يصورون مع شروق ام سلمان: الحين اناديهم عنود واللي كانت جالسه معاهم بجناح العروس اول ماسمعت اسم سلمان تحركت عشان تطلع نوره تمسكها من يدها : اوقفي صوري معنا محد غريب خالك وخطيبك عنود تناظر بنفسها: لااستحي فستاني بدون كموم نوره اخذت شالها من الكنبه واعطته عنود :حطيه عليك حطت العنود الشال عليها وبعد مادخل سلمان سلم على اخته بارك لها وباس راسها ..التفت يمينه وشاف العنود كانت في منتهى الجمال خصلتين على وجهه شعرها كله على جنب بحركه غجريه حلوه ..مكياجها الخليط من الوردي والموف كان ساحر فستانها كان خليط من اللونين الأبيض والوردي ..كان عبارة عن عقد كرستال عريض على الرقبه متصل فيه الفستان الستان بحركه حلوه ..عند الخصر كان فيه حزام كرستال ملموم الفستان فيه على جنب بحركه حلوه وكان منفوش بشكل ناعم نوره تغمز له: هاه اشوفك انسحرت بعروستك عنود نزلت راسها منحرجه سلمان :ايه ماشاء الله طالعه ملكه ..قرب منها حط فمه بأذنها وبصوت اقرب للهمس: لاتفرحين مره الجمال الخارجي مايسوى شي ولايعني لي شي اهم شي وش فيه من الداخل وانتي فاضيه من الداخل للأسف وماتعنين لي شي عهود بسرعه: ياطيور الحب خلو الغزل لبعدين العروسه تبي تنزف قربو كلهم من العروسه وعنود حاولت قد ماتقدر تخفي حزنها والدمعه اللي تحاربها عشان لاتنزل .. بعد ماتصورو ..طلعت نوره وبلغتهم عشان تبدا الزفه .. ومع الانوار الخافته وصوت الميوزك الكلاسيكي ..دخلت شروق بكل حلتها الانوار والانظار كانت مسلطه عليها ..مكياجها اللي كان يزيد نعومتها جمالها كان ملفت للنظر .. وعيونها الواسعه كانت تبرز المكياج بشكل ساحر سمرت بشرتها وشعرها الأسود المرفوع والمزين بالكرستالات الصغيره كان يزيد من جمالها كعروس..الطرحه المطرزه بعنايه والمثبته تحت التسريحه كانت روعه ..فستانها الفرنسي شك ثقيل عند الصدر جهه فيها كموم شفافه وجهه لا نفشه كبيره وخطوط كرستال عالية الدقه وذيل الفستان اللي كان يزيد من روعة الفستان ..كانت عروس خلابه محد قدر يشيل عينه منها : : : الساعه 10:30 مساءً بتوقيت السعوديه 1:30 الظهر بتوقيت امريكا.. خلص محاظرته وطلع من الجامعه وهو مايدري وش يسوي عبير ماوجهة له أي كلمه .. وهو ماشي بالشارع بهدوء قربت منه عبير وهي تتبسم :السلام مشعل مستغرب: وعليكم السلام عبير: عرب اللي معاك مشعل: مااعتقد عبير: طيب نختبرهم مشعل وهو يناظر البودي قارديه اللي معصبين من وقوفها وكلامه معها : تدرين اليوم لو ارجع البيت ماعاد تشوفيني بالجامعه عبير:لاماراح ترجع ..ورفعت عينها تناظربالبودي قارد: انت غبي؟ البودي قارد:.......... حركت نظرها للبودي قارد الثاني: طيب انت غبي؟. البودي قارد:.......... عبير بهدوء: مو عرب حتى وجيههم مو عربيه وماحسيت انه فهم للكلمه مشعل يضحك: اوخص بالاختبار القوي عبير تتبسم :ماعلنيا من الاختبار.. المهم بس اقول لك ياللا يعني تركض بأقصى قوتك معاي نبي نركض للسياره مشعل : كذا بدون مقدمات عبير : مالنا الا هالطريقه انا بتقدم عنك شوي طيب مشعل بخوف: طيب انا اللي بقول لك متىنبدا عبير: طيب تقدمت عبير شوي وهي تمشي بهدوء ..نزل لمستوى جزمته وانتم بكرامه يضبط الرباط وهو يناظر بعبير اللي صارت تبعده مسافه ..اخذ نفس وقوى قلبه وبدون تردد بدا يركض وهو يصارخ : عبير اركضي ..ركض بسرررررررررررعه والبودي قارد يلحقونه ..مسكت يده وصارو يركضون بسرعه وهم يبعدون كل شي بطريقهم ويحاولون يضيعون البودي قارديه اخيراً وصلو لسيارة عبير نقزو داخل السياره ..حطت المفتاح وحاولت تشغل السياره بس ماتدري وش السالفه السياره عيت تشتغل مشعل يصارخ وهو يناظر وراه: اسرعي قربو يوصلون لنا شغليييها او نمووووووووووت نهاية الجزء | ||||||||||||||
|
| |
|
05-12-10, 04:11 AM
| #24 | ||||||||||||||
| مراقبة ومشرفة سابقة ونجم روايتي
| أنها ليست ألا أشهر تمرسريعه وتذهب اختي الصغرى عروساً الى بيت زوجها وأنا لاشك لدي بأنها ستكون أجمل عروس بالشرقيه فعلاً لا أسرع من الأيام فهي تمر كالبرق بالأمس فقط كانت اختي الصغرى تبكي فراقي بيوم زواجي فهي كانت شريكتي بغرفة نومي انها ابتسامه عريضه تزين ملامح وجهي وأنا أفكر بأختي وأتمنى لها أن تُقبل على حياه جديده جميله تملئها السعاده ضغطه صغيره على زر ريموت التليفزيون ملئت غرفتي بصمتاً قاتل ارجعني هذا الصمت الى ابطال روايتي وبدأت اسرد احداثاً جديده الفصل الثالث والعشرين الرياض الساعه 10:40 مساءً .. قبل ان نتوقف بدقائق.. بعد ماجلست العروس على الكوشه والأبتسامه الحلوه تزيد جمالها ..اشتغلت الأنوار بالقاعد وبدا صوت الأغاني يطرب الموجودات .. ..بنت السعوديه حلاها غير.. عنود قربت من نوره اللي جالسه على طاوله بالمقدمه وبصوت عالي عشان تسمعها نوره : قومي نرقص نوره بهدوء : بعدين عنود تمسكها من يدها وتسحبها : قومي بس هذا زواج اختك وش فيك انتي نوره توقف وهي تتبسم : طيب رقو الجسر اللي قبل الكوشه وبدو يتمايلون ..نوره كانت ناعمه حتى برقصتها ..كانت حلوه مره ..مكياج احمر سموك بكحله سودا ثقيله زايده عيونها الواسعه جمال ..شعرها كان مرفوع بحركه بسيطه ومزين بكرستاله مستطيله ومنساب من ورى وباين طوله خصله على جانب وجهها تبرز جمالها ..فستانها كان احمر بدون كموم مخصر على جسمها الى الخصر وبعدها منفوش بشكل ناعم وجميل جانب الفستان مزين بسلاسل كرستال تعطي الفستان لمسى حلوه .. رفعت فستانها وهي ترقص ..اول ما لفت جهة اليمين شافت جنا تراقبها بتركيز ..ارتبكت وحست ان رجلينها ماعاد تشيلها موقادره تكمل رقص.. عنود قربت منها :وش فيك وقفتيِ نوره :مدري بطني مغصني خلينا نرجع للطاوله عنود بهدوء: طيب : : : الساعه 10:55 مساءً بتوقيت السعوديه 1:55 الظهر بتوقيت أمريكا.. حيث توقفنا.. عبير تحاول تلف المفتاح اللي مو راضي يدور :مشعل ماادري شفيه المفتاح مايدور مشعل مد يده بسرعه وضغط على المفتاح وشغل السياره وهو يصارخ: تحرررررررررركي صوت الفرامل اللي طلع اول ما ضغطت عبير على البنزين ..وقفو البودي قارد..واحد منهم ضرب فخذه بقهر والثاني وقف تاكسي بسرعه ..ركبو بالتاكسي وبدو يلحقون بسيارة عبير : مشعل يلتفت بخوف : ورانا عبير لازم تضيعينهم عبير متوتره : صح انا اسوق من زمان بس نظاميه ماعمري سرعة اخاف مشعل تبسم غصب عنه وهو يناظر وجهها الطفولي البريء وهي خايفه : صح شر البليه مايضحك يالبيبي عبير بدلع: وقتك مشعل الحين وشلون انا خايفه مشعل يمسك الدركسون بيدينه : خليك ضاغطه على البنزين وروحي مكاني بجي اسوق انا عبير وهي تترك الدركسون وتبعد وبكل خوف: طيب مشعل طمر من فوقها الى ان استقر مكانها وحط رجله بسرعه على البنزين..ضغطه على اقصاه وضبط المرايا الأماميه وبعد ماانطلقت السياره بسرعه صرخ: اربطي الحزام ..صار يسوق بسرعه وياخذ يمينه ومره يساره لدرجه تميل السياره على اقصاها عبير ناشبه بالكرسيه وتصفق: احلى يالشباب السعودي مشعل وهو يلف الدركسون على اقصاه: مبسوطه هاه وربي لو يمسكونا ليلعنون خير خيرنا عبير تتبسم: لا وانت مستلم القياده مستحيل يمسكونا مشعل : ان شاء الله عبير تأشر : خذ يمين مشعل ينعطف يمين بسرعه:طيب عبير : والحين يسار وبعده اول نافذ يمين مشعل: طيب بس وين بتاخذينا عبير :اسمع كلامي وماعليك بعد مااخذ اخر نافذ يمين ..صرخت عبير: اوقف ورى السياره البورش مشعل يوقف بسرعه وراها .. نزلت عبير بسرعه : ياللا انزل واركب بالبورش ورى مشعل نزل بسرعه وركب مع عبير بالبورش اللي تحركت بسرعه اول ماقفلو الأبواب عبيربسرعه: نزل جسمك ..التفتت لورى تناظر بسيارتها وشافت البودي قارد اللي يدورون بالسياره وهم منقهرين..ضبطت جسلتها وهي تضحك : يدورن بالسياره على بالهم حنا نمل نبي نختفي داخل السياره مشعل يناظر بالسواق: مين هذا وسيارة مين ذي عبير بهدوء: هذا سواقنا وذي سيارتنا مشعل: اها شكلك بنت نعمه عبير وهي تناظر بمشعل اللي لابس كاب ابيض وتي شرت ازرق سماوي وبنطلون ابيض جينز واضح عليهم انهم ماركه عالميه: يعني انت اللي مو ولد نعمه ؟ مشعل: لا عادي عبير : ايه صح واضح من ملابسك اساساً من اول ماشفتك قلت هذا ولد نعمه وقلت حرام ولد نعمه وله مستقبل يصير مدمن مشعل سكت وماعرف وش يقول عبير تتبسم : اساساً لو ماكنت ولد نعمه مالعبة عليك هالحقيره وجابتك لأمريكا عشان الفلوس مشعل يضحك: هذي جبتيها وش تبي بواحد مامعه فلوس ماراح تستفيد شي ..كمل كلامه وهو يراقب الطريق السريع اللي يمشون فيه : وين رايحين حنا؟ عبير تتبسم: بابا عنده مزرعه حلوه بخبيك فيها الى ان ..وسكتت مشعل مستغرب: الى ان وشو كملي عبير بهدوء: تتخلص من الأدمان والا ماتبي؟ مشعل مبسوط: الا والله ابي بس وشلون عبير: ماعليك نوصل للمزرعه ويصير خير : : : الرياض الساعه 1:30 الفجر .. طلعو من العرس متجهات لسيارة سلمان اللي واقفه قبال البوابه .. سلمان ماكان بالسياه كان واقف مع واحد من اخوياه لقاه صدفه هناك.. نوره بعد مامسكت الباب اللي ورى وناظرت بالعنود بطرف عين: اجلسي قدام مع اخوي العنود مرتبكه: لا لا مابي عهود وهي تمسك الباب اللي ورى السواق: انا ونوره نبي نركب ونقفلها من داخل تبين تركبين قدام ولا كيفك ركبت نوره وقفلت بابها وعهود سوت نفس الشي .. العنود بعد ماناظرت حولها وحست بالأحراج من وقفتها بجنب السياره فتحت الباب اللي قدام وركبت عهود تضحك: غصب عنك يازوجة اخوي الموقره عنود واللي تحاول تخفي خوفها من ردة فعل سلمان: شسويلكم قفلتو الأبواب وربي حسيت كل اللي واقفين برا يناظرون فيني نوره بهدوء: ياعيني يالحساسه عنود : وش دخل ... وسكتت لما سمعت صوت باب السواق ينفتح ..حست ان انفاسها صارت ابطىء وتوترها زاد سلمان بعد ماقفل بابه: كيف كان العرس تمام نوره بهدوء: تمام المعازيم كانو كثار سلمان واللي التفت : نوره جالسه ورى اجل مين اللي قدام ريم؟ عنود بهالوقت حست ان كل جسمها نمل وان ظهرها لاصق بالكرسي وماهي قادره تتنفس عهود بسرعه: اللي قدام عروستك ياحلو سلمان واللي ماقدر يسيطر على نفسه قالها بأنفعال واستنكار: عنود؟ نوره مستغربه: ايه عنود وشفيك سلمان واللي يحاول يكون هادي قالها وهو متبسم: لامافيني شي بس لازم تجلس ورى ماما بتجي عهود بحماس: لاماما مابتجي سبقتنا ع البيت هي وريم مع عمتي سلمان تبسم وهو بداخله مقهور: اها طيب عهود تندس على نوره وبصوت مسموع: سلوم مر البيت بالأول بعطي عنود شغله سلمان ببرود: خليها لبكره عهود: لا لا شي ضروري تكفى ياخوي سلمان وهو يتنهد : طيب عهود تكتم ضحكتها وبصوت واطي: خل نعطيهم فرصه يجلسون مع بعض لحالهم بعد ماوصلو البيت نزلت نوره وبعدها عهود بعد ماقالتها بسرعه قبل تنزل: شوي وراجعه صمت غير طبيعي ملى السياره لدرجه صارت العنود تسمع صوت انفاس سلمان .. العنود بعد تردد: لهالدرجه تكرهني سلمان بدون نفس: وش قلتي العنود بهدوء: اقول لك لهالدرجه تكرهني سلمان بعد ماضحك ضحكت استخفاف: صراحه لااحبك ولااكرهك لانك ماتعنين لي شي حتى الكره ماتستاهلينه العنود حست بحرقه بداخلها معقوله سلمان مايبي يسامحها على غلطه راحت ضحيتها عهود فتحت باب العنود واعطتها كيس صغير وقربت منها وبصوت واطي: ترى الكيس فاضي انا حبيت اخليك مع اخوي شوي وتوهقت وش اعطيك قلت اجيب الكيس فاضي العنود: طيب سلمان بسرعه: عهود اركبي مابي ارجع لحالي اطفش عهود: لا لابروح اشيل المكياج وبنام سلمان وهو معصب: اقول لك اركبي اسمعي الكلام ازين عهود واللي خافت منه: طيب طيب طول الطريق كان الصمت مالي السياره ..وصلت على البيت ونزلت بدون لاتنطق بكلمه دخلت البيت وركضت على غرفتها واول ماقفلت الباب بدت تبكي بحسره ودموعها ماكانت تطفي النار اللي بداخلها : : : الساعه 3 الفجر بتوقيت السعوديه 6 المغرب بتوقيت أمريكا.. ناظرت مشعل اللي مسند راسه على ورى ونايم..مشعل كل يوم يرجع من الجامعه وفيه النوم ينام ويصحى للدوام ماقدر يتحمل النعاس ونام بالطريق.. عبير تدفه مع كتفه بهدوء : مشعل قربنا نوصل مشعل نقز وعدل جلسته بسرعه: هاه وشو وش صاير عبير مستحيه : اسفه ماقصدت اخرعك بس قربنا نوصل مشعل يناظر بالطريق اللي صار طريق زراعي الخضار يحيطه من كل جهه ..ناظر بساعته وهو مستغرب: كل هالوقت نمشي وماوصلنا وين جايبتني؟ عبير بهدوء: قلت لك مزرعة بابا اول مانوصل راح نشوف دكتور بابا الخاص بيشرف على فترة علاجك الدكتور اصله أردني مشعل : لا لا مابيه عبير تتبسم : اصابعك مو سوى بعدين هالدكتور دكتور بابا الخاص من سنين وماشفنا منه شي مشعل هز راسه بالأيجاب : طيب اخذ السواق يسار ودخل بمنطقه زراعيه نوعاً ما خاليه من الشوارع المسفلته (المعبده) ..مشعل ناظر بالخضار اللي حولهم والأشجار العاليه ..زرقة السماء اللي بدت تختفي وسط الأحمرار حس انه بطل بأحد افلام الرعب وبعد شوي راح يملى السواد المكان ويطلع لهم المقنع يبي يقتلهم تذكر عصابة نجول والتفت على عبير بسرعه: وين جايبتنا مكان بعيد يابنت حنا بأمريكا عبير تضحك: ادري حنا بأمريكا لاتخاف بالبيت اللي بالمزرعه فيه 2 بودي قارد مشعل يضرب جبينه بقوه: يالييييييييييييييييل البودي قارد اللي ناشبين لي عبير مبتسمه ع الأخر : لا هذول حراسه لنا مو علينا مشعل يسند ظهره: لاوالله طمنتيني اول ماوقفت السياره رفع عينه يناظر بالبيت الريفي الأمريكي اللي كان مبني من الخشب الطبيعي نزل وهو يناظر بالمساحه الكبيره يسار البيت المخصصه للخيول ..قرب من البيت اللي كانت واجهته عباره عن 3 درجات توصلنا لباب البيت الخشبي المطلي بالأبيض ..الباب كان فيه مستطيلين من الزجاج بالجزء العلوي ..ناظر بالبودي قارد الـ 2 واحد واقف يسار الدرج والثاني يمين الدرج مكتفين يدينهم ولابسين بدل رسميه سودا اشكالهم ماكانت تختلف كثير عن البودي قارد اللي كانو معه .. حركته بدت تصير بطيئه وهو يمشي ورى عبير اللي رقت الدرج بحماس وبينه وبين نفسه: معقوله طحت بعصابه ثانيه لا لا وش يبون مني ..جوالي للحين مااخذته من عبير ..لا لا البنت واضح عليها بنت نعمه .. عبير نزلت الدرج ونادت مشعل اللي كان ممسك بسور الدرج الصغيروحاط رجله على اول درجه وواقف كان واضح عليه انه شارد : مشعل وش تفكرفيه مشعل واللي اخذ باله منها: هاه ولاشي عبير بنبره تحمل الجديه: مشعل ناظرني انا مالي فتره اعرفك ان ماكانت عندك الثقه الكافيه اني بجد بساعدك الحين بخلي السواق ياخذك مكان ماتبي مشعل ناظر بوجهها اللي ملاه الصدق وبينه وبين نفسه: اصدق احساسي والا بيدمرني نفس مادمرتني سذاجتي بالبدايه .بس لو تركت عبير وين اروح وكيف اتصرف ..وبعد تفكير :انا عندي احساس انها تبي تساعدني بمشي معاها ياتدمرني اوتنقذني ماعندي شي اخسره اكثر من اللي وصلت له ..رقى الدرجات الـ 3 وهو يتبسم : ياللا مشينا واثق فيك اكيد عبير تمشي بحماس: اوكي ياللا اول مادخلو البيت اللي كان من الطراز الريفي درج خشبي مقابل الباب وعلى اليسار غرفة الضيوف يمين الدرج الصاله اللي تحتوي على كنب بسيط باللون الأبيض ومدخنه مقابله للكنب وعلى يمين الصاله باب المطبخ .. وقف الدكتور اللي كان جالس بالصاله : مرحبا عبير ناظر مشعل بالدكتور اللي كان شاب بمقتبل العمر جسمه مليان شوي بس مو لدرجة السمنه لاكان متزن ..ابيض شعره خفيف اشقر لابس نظارات ..كان لابس قميص رسمي ابيض وبنطلون اسود بحزام اسود .. قربت عبير ومعها مشعل ..مد الدكتور يده يبي يصافحها .. مشعل مايدري وش صار فيه اول ماشافها تحرك يدها وترفعها عشان تصافح الدكتور حس بغيره مايدري وش سببها نزل يد عبير بيده اليسار بسرعه ورفع يده اليمين وصافح الدكتور بدالها وقالها بأبتسامه: انا مشعل السبب بجيتك هنا الدكتور يتبسم وهو مرتبك: اهلاً استاز مشعل عبير بهالوقت ماكانت تسمع الحوار بين مشعل والدكتور بس كانت تناظر مشعل بنظرة اعجاب غريبه كانت تشوفه يتبسم ويحرك شفته يسولف بس ماتسمعه وش يقول مركزه بس بشكله وحاسه بالأعجاب بالحركه اللي سواها غيرة الشاب السعودي اللي يمكن ماشافتها طول فترة وجودها بأمريكا ..اول مره تتأمل مشعل كذا شاب وسيم بمعنى الكلمه يحمل اجمل معالم الشاب الشرقي .. مشعل يهزها : عبير وين وصلتي عبير تناظره بفهاوه: هاه مشعل يضحك: اقول ممكن تعرفيني على المكان اذا ماعندك مانع عبير تتبسم: ماعندي مانع على مايجهزون الغدا مشعل مستغرب: مين يجهز الغدا؟اللي بالاساس صار عشا عبير تضحك: فيه الحارس هنا هو وحرمته راح يخدمونا طول فترة وجودنا هنا مشعل يهز راسه: اها اقول لك بنت نعمه عبير تمشي وهي تضحك: امش بس لاتسوي فيها الولد اللي مو ولد عز رقت الدرج اللي يوصلهم للدور الثاني كان عباره عن ممرات ضيقه واحد يمين والثاني يسار مشت معاه يسار وفتحت الباب اللي على يمينها : هذي غرفتك حط اغراضك مشعل وهو يضحك: اللي يسمعك يقول معاي 10 شناط كلها شنطه وصغيره مره ناظر بالغرفه كانت عباره عن سرير خشب بني فاتح طاوله صغيره يمين السرير تسريحه مقابل السرير ودولاب ملابس ..حط شنطته على السرير وبعد ماطلع من الغرفه اشرت على الغرفه المقابله لها: وهذي غرفتي أي شي تحتاجه .سوت حركه وكأنها تطق باب: بس طق الباب علي مشعل يضحك: افا عليك بس مشت معاه للممر الثاني بنهايته كان فيه درج مساحته مره ضيقه رقى الدرج وراها فتحت الباب الخشبي اللي وصلهم لغرفه خاليه من الأثاث مافيها غير سرير وطاوله صغيره ..نافذه صغيره بأعلى الجدار .. ناظرت فيه وقالتها بأسف: هذي ..سكتت وبعد تردد: الغرفه اللي بتنام فيها فترة علاجك مشعل يناظر بالغرفه وهو مستغرب: وليه يعني؟ عبير تتبسم : بعد ماتشفى بعلمك مشعل بأصرار: لا الحين عبير بهدوء: عشان مافيها دريشه يمكن تكسرها ولااشياء ممكن تحط حرة المخدر فيها مشعل يهز راسه بالأيجاب: اها ..وغير الموضوع بسرعه : ننزل نشوف الخيول عبير تطلع بسرعه : موافقه نزلو الدرج بسرعه ..اول ماطلعو من البيت وقربو للسور اللي يحجز الخيول تقدم واحد من الخيول عند عبير اللي بدت تداعب الخيل ببراعه مشعل يرفع حاجب: ماشاء الله تحبين الخيول عبيربأبتسامه: ايه وهذي فرسي مشعل مستغرب: بالله عبير : ايه بالله وهذي من الخيول العربيه الأصيله مشعل يضحك: عربيه اصيله بأمريكا؟ عبير : ايه بابا يجيبهم بالباخره من دول عربيه مشعل يهز راسه : اها حنا بالسعوديه اللي تفكر تركب خيل يكسرون رقبتها سلامات ..وضحك وهو يفكر وعلى وجهه ملامح الحزن: طيور وتخب ..تنهد وكمل بحزن: اختي عنوده تحب الطيور مره عبير بهدوء: معليه بتشوفها قريب لاتزعل مشعل بحزن: عبير ابي اشوفها عروس مابي شي اكثر عبير : بتشوفها اهم شي خلك قوي وتحمل الفتره الجايه راح تكون صعبه مشعل بسرعه: تعالي هنا والجامعه؟؟ عبير تتبسم: ماعليك بابا ضبط الموضوع مشعل مستغرب: انتي كل شي بابا بابا لايكون بنت الوزير وانا مدري عبير ببرود: لابنت السفير مشعل يضحك بأستخفاف: هاهاها حلوه عبير تمسح على خيلها وبكل هدوء: والله بابا له منصب عالي بالسفاره السعوديه مشعل حس بشلل برجلينه وخانه التعبير وبداخله: انا وين مااضربها تطلع غلط ماطلبت مساعده الا من بنت ابوها له منصب بالسفاره؟ عبير بصوت عالي: مشععععععععل وين رحت مشعل بسرعه: هاه ولا مكان كنت افكر عبير تناظره : اكيد كنت تفكر بنت ابوها له منصب بالسفاره مره وحده او ماطحت الا على هالبنت مشعل يضحك: ايه وش دراك عبير بغرور: مايبي لها ذكاء مشعل مبتسم : احلى ياذكيه عبير بهدوء وهي تراقب الخيل: تصدق مشعل مشعل يقلدها ويراقب الخيل: وشو عبير : حركتك اليوم اذهلتني انا ماعمري تعرفت على شخص مثلك فيه العادات الشرقيه الولد السعودي اللي يتكلمون عنه وعن غيرته وقوته وصلابته ماكنت اشوفه غير بالمسلسلات او بالروايات ..انا اخوان ماعندي وحيدة ماما وبابا وبدراستي ماتعرفت الا على واحد سعودي كان زميل دراسه بس غثه ومثل البنات دلوع وماعنده شخصيه وعندي صديقه سعوديه ماهمها غير المكياج والموضه مشعل يتبسم: ماشفتي السعوديه يعني؟ عبير تفكر: اخر مره رحنا السعوديه كان عمري 6 سنوات وزيارتنا ماطولت يعني ماعرفها زين ماما صار عندها شغلها هنا عشان كذا لما يروح بابا ع السعوديه مانروح معاه سفراته تتعارض مع دراستي او شغل ماما ومانروح مشعل يهز راسه:اها ..وبعد تفكير: اصفقك كفين عشان تعرفين طباع الشاب السعودي زين عبير تضحك: لا لا كله ولا ذي تعال ناكل بس بموت جوع : : : الرياض الساعه 4 الفجر.. تقلب بفراشه مو قادر ينام .. حاس بجسمه كله متكسر من قل الأكل ..قام من فراشه بتعب وفتح باب غرفته ومشى بهدوء لغرفة جنا كان وده يتكلم مع أي شخص ..اول ماحط يده على مقبض الباب سمع صوت جود اللي كانت متحمسه : ماتوقعت هالنوره كذا بصراحه مررررررره حلوه مالوم اخوك يصير فيه كل هذا عشانها جنا : الحمد لله اخوي ماشافها هذا وهو ماشافها وحالته كذا لو شافها وش كان راح يصير فيه جود بعد تفكير : بس شفتيها وشلون كانت تناظر فيك جنا: ايه مستحيه مني حاسه انها غلطت بحق اخوك جود واللي مو هامها الموضوع: بس فستانها عجبني خيال صراحه جنا : والله انك فاضيه من ورى الباب حط يده على صدره وبدا يمسح بقوه حس بضيقه من سمع طاريها راح غرفته جلس على سريره وخانته دمعه هزت كل معالم الرجوله اللي فيه ضرب راسه بيدينه بقوه وبصوت مسموع: خلك رجال يابندر لاتهزك بنت ..وبعد مامسح وجهه بقوه: بس هذي الغاليه اخذ جواله من الطاوله ودق عليها بدون تفكير مره مرتين وماجاه رد ارسل لها مسج : نوره الله يخليك ابي اكلمك بموت ارحميني : بزاويه ثانيه.. اول ماقرت المسج بدت دموعها تنزل بدون حساب كل ماتمسح دمعه تنزل الثانيه وراها بسرعه ..بندر روحها اللي فارقتها من يوم فارقها .. مسحت المسج بسرعه وتلحفت ولفت للجهه الثانيه غمضت عينها بقوه تحاول تنام : بنفس اللحظه.. كان ينتظر ردها على احر من الجمر يقلب الجوال بتوترلما ماجاه رد منها رمى الجوال بقوه على الأرض ..طلع من غرفته وراح لغرفة جنا بعد ماطق الباب فتحه وقالها بهدوء: جنا ابي جوالك جنا اعطته الجوال بدون نقاش ..انسحب الى غرفته ودق على نوره .. : : نوره بعد ماسمعت صوت الجوال ضغطت على الزر اللي يكتم الصوت بدون لاتشوف مين المتصل ورجعت لمحاولتها للنوم: مابي اكلم احد : : حاول مره ثانيه ونفس الشي ماجاه رد ..دق للمره الثالثه .. : : نوره اخذت الجوال بقهر تبي تشوف مين هالمزعج معقوله بندر للحين يدق اول ماشافت رقم جنا جلست بسرعه على السرير وهي متخرعه : لايكون بندر صار عليه شي ..ردت بسرعه: الو بندر واللي ماصدق نفسه: هلا يابعد عمري نوره متخرعه وبدون لاتحس على نفسها: بندر؟ بندر بحزن: ايه بندر اللي مات بدونك نوره بسرعه: مع السلامه بندر بسرعه: لا لالا لاتقفلين يرحم امك ..نوره اصبري والله انا ميت بدونك احس اني انتهيت نوره وهي تناظر بفراش عهود الفاضي : بندر بكره تنساني بندر واللي مو قادر يخفي حزنه: وشلون انساك انسى روحي يانوره انتي كل قطرة دم بجسمي وشلون انساك انتي نبض قلبي وشلون اعيش بدونك علميني نوره وهي تحاول تتمالك اعصابها: بندر صدقني تنساني مع الايام اللي بيني وبينك ماوصل لدرجة العشق والهيام ماوصل لدرجه صرت تحبني لدرجه ماتنساني الله اعطانا نعمة النسيان لاتقول ماانسى بندر وهو معصب يصارخ والحزن ماليه: انتي وش دراك لاتتكلمين عن شي ماتدرين عنه يشهد علي ربي اني ماعرفت وشلون الانسان ممكن يحب ويتعلق الا منك ماعرفت وش معنى الضعف الا منك ..نوره الله يخليك لاتتركيني انا مااسوى شي بدونك حياتي مالها لامعنى ولاطعم نوره بحزن: بندر لاتقول كذا بتلاقي اللي احسن مني بندر بسرعه وبصوت عالي : مابيها اللي احسن منك مابيها.. انا ابيك انتي نوره بهدوء: مااقدر بندر بندر بحزن: ليه ماتقدرين عشان سالفة الزواج خلاص بلاها تبين تتسلين فيني خلاص انا راضي العبي فيني مثل ماتبين بس لاتتركيني وربي اموت يانوره اموت نوره وهي تحاول تتمالك نفسها قد ماتقدر: بندر الله يخليك لاتقول كذا ماعاشت اللي تلعب فيك بس انا بيني وبينك مافيه نصيب الله يسعدك بغيري انا مابيك افهم يابندر مابيك..مع السلامه .. خلصت جملتها وقفلت الخط وصارت تبكي بحسره ..حاسه بنار بداخلها ..بندر كان لها الحبيب الاخ والصديق كان دنيتها وضحكتها وعيونها اللي تشوف فيها .. : : بعد ماقفلت الخط حس بأنفاسه بطيئه وقف بصعوبه وطلع من غرفته ..وصل لغرفة جنا وهو حاس انه يبي ينهار بأي لحظه فتح الباب تقدم خطوتين وبصوت ملاه التعب: جنا موقادر احس اني.. حط يده على راسه وطاح منهار على الأرض جنا تصارخ بخوف وهي تنزل لمستواه : بنــــــــدر ..ناظرت بجود اللي متسمره مكانها تناظره بخوف ..وبسرعه: روحي نادي تركي لاتناظرين كذا تحركي : : : الساعه 5 صباحاً بتوقيت السعوديه 8 مساءً بتوقيت امريكا.. بعد مااكل اخر لقمه مسك كاسة المويه بنفس الوقت اللي مسكة فيه عبير كاسة المويه وبعد ماشرب بنفس الوقت اللي هي شربت فيه نزل الكاسه وتبسم لها: ماحب اشرب على العشا شي غير المويه لاعصير ولاببسي عبير تتبسم: حتى انا ماحب اشرب غير المويه رفع حاجبه وهو يتبسم : بطلع برا شوي قام من الطاوله اللي بالمطبخ وبعد ماطلع برا البيت جلس على الدرجه الوسطى طلع سيجارته وبدا يدخن وهو يفكر وشلون بتكون الايام الجايه عبير بعد مافتحت الباب وناظرته: مشعل تدخن؟ مشعل بهدوء: ايه من فتره بسيطه عبير جلست بجنبه: كم يعني هالفتره البسيطه مشعل بعد ماطلع الدخان من فمه : يعني بعد ماجيت امريكا بفتره عبير بهدوء: اها يبي لك تتخلص من التدخين بعد ضرب السيجاره ضربتين وحطها بفمه وبعد ماشالها طلع الدخان من فمه وقالها ببرود : ماافكر اترك التدخين حتى لو تخلصت من الأدمان عبير مستغربه: وليه عاد مشعل بعد ماوقف : هي كذا ..رمى السيجاره وداس عليها : قومي ننام وقفت عبير ومشو بهدوء الى غرفهم اول ماوصلو عند الغرف قالتها عبير بهدوء: تصبح على خير مشعل: تلاقي خير حطو الأثنين يدينهم على مقبض الباب وكل واحد معطي ظهره للثاني ويفكر وبنفس الوقت التفتو لبعض وكل واحد رافع يده كأنه يبي يقول شي ..ضحكو اثنينهم مع بعض على حركتهم .. مشعل وهو مبتسم على الاخر: قولي وش بغيتي عبير مستحيه: لاأنت قول مشعل بأصرار: انا قلت انتي تقولين عبير واللي انحرجت: ماادري نسيت مشعل بهدوء: طيب كنت بقول لك موعد الجرعه الخايسه الصباح عبير تتبسم: وانا كنت بقول لك راح تلاقيني صاحيه من بدري الصبح مشعل يتنهد: الله يستر انواع الأحراج عبير :ماعليك ازمه وتعدي : : : الرياض 5:30 صباح الخميس.. صحت وهي مفزوعه وتصارخ :لالالالالالالالا مابي احمد صحى بسرعه وهو متخرع مسح وجهه بقوه: بسم الله ..قرب منها بسرعه : بسم الله عليك لجين شفيك لجين تدفه بيدينها : وخرررررررر عني لاتلمسني احمد ضرب جبينه بقوه: اعوذ بالله منك ياابليس ..مسح على شعرها بحب: لجين انا احمد لجين تحرك يدينها بسرعه بحيث تضربه وهي تصارخ : لا لا وخرعني ماابي احمد يرفعها وهو يهزها : لجين اصحي انا احمد لجين لجين تضمه وهي تبكي :احمد انا خايفه احمد بهدوء: لاتخافين ياعمري وانا معاك هذي كوابيس اكيد لاتخافين : : : الساعه 6 صباحاً.. اول ماطلع الدكتور ناظروه بنظره تحمل تساؤل كبير الدكتور بهدوء: ازمه قلبييه بس الحمد لله عدت بسلام ترك وجنا بصوت واحد : ازززززمه قلبيه؟ الدكتور : الظاهر اخوكم عرض نفسه بالفتره اللي راحت الى اجهاد نفسي وجسدي اثر عليه بشكل سلبي وارهق جسمه تركي بخوف : طيب يادكتور ابي اشوفه الدكتور بهدوء: الحين ماتقدر تشوفه هو نايم وتحت تأثير الأجهزه تركي بحزن: ابي اشوفه لومن بعيد ودي اتطمن يادكتور الدكتور يهز راسه بالأيجاب : دقيقتين وتطلع من عنده تركي: ان شاء الله جنا بسرعه: بجي معاك تركي الدكتور بأنفعال:لا شخص واحد بس تركي يحط يده على كتف جنا بحنان: معليه انا بشوفه بتطمن وبطمنك جنا تهز راسها بالأيجاب: ان شاء الله فتح باب العنايه المركزه شاف اخوه على السرير الأبيض منظره كان يحزن صوت صفارة جهاز القلب يحسسه بالخوف اكثر جهاز الضغط وجهاز التنفس ماتعود يشوف بندر بهالحاله حس برغبه بالبكاء ..انسحب من الغرفه بسرعه كان يمشي بخطوات سريعه اول ماوصل عند جنا كمل طريقه وهو يقولها بصوت عالي : مشينا لحقت اخوها وهي خايفه قبل لايدخل تركي الغرفه كان اهدأ من كذا بكثير اول ماركبو السياره ضرب الدركسون مرتين بقهر : ليه ليه ليه ..فيه احد يسوي بنفسه كذا عشان بنت دمر نفسه قلعتها الله لايردها راحت تجي غيرها جنا بهدوء: بندر كان يحبها مره لدرجه ماقدر يصبر الى ان يتقدم لها وجا قالي اشوفها بالجامعه واوصفها له تركي بقهر: بنت حقيره وتافهه ماتستاهل اللي يسويه عشانها ..وكمل بكل عصبيه: هي التعبانه وين تلقى احسن من اخوي اخلاق وجمال ومال بس لما يتحسن وضعه ناخذ له ست ستها هالغبيه جنا بهدوء: هو يتحسن بس ومانبي شي اكثر : : : الساعه 3:30 العصر.. بعد ماركب سيارته وتحرك دق عليها .. جود بهدوء: هلا قلبي فارس بنبرة حب تخفي كل شي بداخله : هلا يابعد روحي ..وش جالسه تسوين جود: ابد ولاشي اشوف تلفزيون فارس بهدوء: اها مو ناويه تطلعين جود : لا لا ماراح اطلع اخوي تعبان بالمستشفى ومالي خلق فارس بسرعه: أي اخو ؟ جود: بندر فارس: اها طيب انا بروح بيت واحد خويي وقربت اوصل تامريني بشي جود : لاسلامتك فارس : ربي يسلمك مع السلامه قفل منها وهو يناظر الجوال بقهر :قال وشو بندر تعبان لو كان بندر تعبان كان تركي بلغني انا اعلمك ياجود انا متأكد انك طالعه دق على السواق بسرعه : الو هاه انور لقيت القصر؟ انور بسرعه : ايوه مسيو انا يشوف فارس : خلاص اول ماتطلع سيارة السواق دق علي طيب؟ انور : طيب بعد ماحط جواله على السايلنت وخلاه هزاز وقف سيارته قبل بيت الخاله يسار ونزل من السياره قفلها ومشى الى ان وصل قبال البيت ..ناظربالباب وده يدخل بس خايف شكله مهوب بيت شكله عماره بس خايف يدخل وتكون العماره خاصه فيهم او شي اويكون بيت يستهبل وشكله جاي كذا ..وبعد تفكير : بدخل واللي فيها فيها احمد وسلمان احسن مني بوشو..اول ماتقدم عشان يدخل كان فيه رجال مر من جنبه وحامل اكياس بقاله شكله راجع من بقاله قريبه.. فارس بسرعه يوقف الرجال: لو سمحت الرجال التفت بطفش: نعم فارس وهو مرتبك : ياخوي بغيت اعرف هذا بيت والا عماره الرجال ونفسه بخشمه: وش رايك انت يعني فارس: والله ماادري انا ادور عماره ساكنه فيها قريبة الوالده والمفروض انها هنا الرجال :هذي عماره بس ما أعتقدر ساكنينها سعوديين كل اللي فيها اجانب فارس واللي بدا يحس بنار بصدره: طيب مشكور..وبينه وبين نفسمه: معقوله مافيها سعوديين اجل جود كانت تجي لمين هنا؟ فتح باب العماره الأبيض اول مايدخل يلاقي 3 درجات ..رقى الـ 3 درجات شاف ممر طووووووويل يحتوي على 8 شقق 4 من جهة اليمين و4 من جهة اليسار وبالمقابل بنهاية الممر باب رئيسي ابيض مماثل للي هو دخل منه ..ناظر يمين ويسار يبي مكان يتخبى فيه عشان يشوفها لما تدخل اخيراً ولأنه مالقى مكان قرر يوقف برا واول ماتوصل وتدخل يلحقها.. : : : الساعه 4 العصربتوقيت السعوديه 7 الصبح بتوقيت امريكا.. صحى من النوم ..وبعد ماجلس على السرير فرك عينه بشويش وهو يحس بصداع خفيف ..راح للحمام وانتم بكرامه غسل وجهه بالمويه البارده وهو يفكر: الله يسترلما احتاج للجرعه ياربي اذا نجلوه الخايسه ابوس رجلها ابي مخدر الحين وهنا وش يبي يصير ..غسل وجهه مره ثانيه وهو يطرد الأفكار من راسه .. نشف وجهه بالمنشفه .. اول مانزل الدرج ..سمع صوتها المتحمس: صباح الخير مشعل يتبسم : صباح الورد ..وش مصحيك من بدري عبير بهدوء: خفت تصحى وتحتاج شي والا شي مشعل مبسوط: الله يسعدك يارب عبير تسحبه : ياللا نفطر مشعل واللي انحرج من حركتها سحب يده وقالها وهو يتبسم:ياللا عبير وقفت وهي منحرجه: اسفه انا دايم مندفعه والله ماقصدت شي مشعل : ماعليك عادي ياللا نفطر اول ماجلسو على الطاوله اخذت الخبز من السله ومدته له : خذ بيعجبك هذا تسويه زوجة الحارس على يدها بس رهيب مد يده يبي ياخذ من يدها وقبل لايمسك الخبز ناظر بيدها اليمين اللي مادتها ورفع بصره بسرعه يناظرها بأستغراب وهو ساكت عبير تناظر بيدها وتناظر فيه مستغربه: وش فيك مشعل مشعل واللي مازال مستغرب: تلبسين ساعتك بيدك اليمين؟ عبير بهدوء: ايه ليه؟ مشعل يناظر بيده اليمين اللي مازلت على وضعيتها ممدوده ..عبير ناظرت بيده لما شافته يناظر وشافت الساعه فيها.. مشعل بهدوء: انا بعد البس الساعه بيدي اليمين حتى اخوياي واختي كانو دايم يعلقون علي عبير تضحك: حتى انا الكل يعلق علي بس عجزت البسها مثل العالم مشعل وقف وهو يدخل اصابع يدينه بشعره ويسحبه على ورى ويتخصر بعدها وهو يتنهد: معقوله كل هذي صدف؟ عبير تتبسم: عادي تصير مصادفات بالحياه مشعل قرب منها وجلس بالكرسي يسارها : عبير تحلفين انك تساعديني لوجه الله عبير وبوجهها الناعم براءة الأطفال: والله العظيم اساعدك لوجه الله ياجعلي الموت هالحين لو اكذب مشعل بسرعه: بسم الله عليك ..وكمل بسرعه: عبيروشلون ابوك يرضى تجلسين بمكان كله رياجيل انتي ماتخافين عبير بعد مانزلت راسها: بابا مايدري مشعل فتح عيونه وهو مستغرب : مايدري وشلون اجل ؟ عبير بهدوء: قلت له بروح رحله ميدانيه مهمه مع صديقاتي هو يدري عني احب التصوير وهالحركات وودي اسوي معرض وقلت له نبي نجهز له ووافق مشعل : وانا ؟ والحراسه اللي برا والدكتور ؟ عبير: انت قلت له زميل لي محتاج اجازه لأنه يبي يتعالج و الدكتور انا كلمته وطلبت منه هالخدمه والحراسه انا جبتها والمزرعه مزرعة بابا عطيت الحارس فلوس وقلت له لايبلغ بابا اني هنا مشعل وقف وهو مقهور: ماتخافين على نفسك انتي؟ انا كلها كم ساعه وماادري عن نفسي تخيلي طاحت علينا نجول عبير: عشان كذا انا جبت الحراسه مشعل بقهر: حتى ولو المكان كله رياجيل الدكتوروالحارس والحرس ..وبعد تفكير : قومي معاي عبير توقف : وين نروح مشعل : انتي ماقلتي زوجة الحارس هنا؟ عبير: ايه قلت مشعل : دامك قلتي تسوي خبز معناها عربيه عبير: ايه فلسطينيه مشعل وهو يمشي :وين سكنهم عبير : بعد سكنا بشوي طلع معاها وبعد مامشو بمسافه بسيطه وصلو لمسكن الحارس الصغير جداً مشعل طق الباب .. فتحت الحرمه الباب وهي تناظر بمشعل بأستغراب مشعل واللي ارتبك : انتي زوجة الحارس صح الحرمه: أي صحيح مشعل: متى تجين البيت تشتغلين الحرمه: بجي الصبح وبرجع هون المسا مشعل بسرعه: حلو خلاص ابيك طول فترة وجودنا هنا تلازمين عبير وقبل لاتروحين بيتك توصلين عبير لغرفتها تتأكدين انها قفلت الباب بعدين تروحين اتفقنا الحرمه بهدوء: ان شاء الله مشعل : انا بعطيك مبلغ محترم قبل لانمشي من هنا اهم شي تسوي اللي قلت لك عليه الحرمه بحماس: خلاص بحطها بعيوني عبير وهي تلحقه وهو راجع وبصوت عالي: مشعل دقيقه اصبر مشعل يوقف: وشو؟ عبير : بزره انا تحط علي حراسه مشعل يهز راسه بالأيجاب: ايه بزره وبعدين مثل ماراح تساعديني انا مابي يصيبك شي بالوقت اللي بكون فاقد فيه عبير انبسطت وهي تمشي معاه تحس انها فعلاً تمشي مع رجال يتحلى بكل مقاييس الرجوله ..وبسرعه: ايه صح مشعل دق عليك ابوك البارح ..حطت يدها بجيبها وطلعت الجوال ..اخذه مشعل بسرعه ودق على ابوه .. ابو مشعل بسرعه: هلا والله بولدي الغالي مشعل : هلا بابا اخبارك واخبار عنوده وكيف تجهيزاتها للعرس ابو مشعل : كل امورنا تمام اهم شي انت بخير مشعل: الحمد لله بس بابا بغيت اقول لك بطاقة الصراف حقتي انسرقت وانا كاتب على ظهرها الرقم السري ابو مشعل بسرعه: الحين اجمد الحساب واخليهم يطلعون لك بطاقة بدل فاقد ويرسلونها لك مشعل: ايه الله يخليك بابا مابي الفلوس تطير ابو مشعل : ماعليك الحين اخلص الموضوع ..توصي شي ثاني مشعل : لاسلامتك بابا يمكن اغيب فتره ماادق عليكم ابو مشعل : وليه عسى المانع خير مشعل: خير يابابا بس بروح رحله مع اصحابي هنا والمكان اللي بنروح له معدومه الشبكه فيه حبتين ابو مشعل : خير ان شاء الله اول ماترجع من رحلتك طمنا مشعل: ان شاء الله ..ياللا مع السلامه وسلم لي على ماما وعنوده ابو مشعل: ان شاء الله مع السلامه قفل من ابوه وناظر بعبير وهو يمسح يدينه اللي بدت توجعه بسرعه: اشوى قلت لبابا عشان لاعاد تسحب هالخايسه فلوس عبير تناظره بتركيز: بردان ؟ مشعل مبتسم: لا بس الظاهر باقي شوي وتبدا الحفله عبير مستغربه: الحفله؟ مشعل: تعالي ندخل داخل بس انتي الظاهر ماعمرك شفتي مدمن اول مادخلو البيت جاهم الدكتور اللي ينام بغرفة الضيوف : بديت تحس بحاجتك للأبره ؟ مشعل : ايه على خفيف الدكتور: شو رايك تطلع للغرفه فوق احسن ماتجيك الحاله ونشحطك لهونيك انا والحرس مشعل واللي مو طايق الدكتور : ايه احسن عبير بسرعه: بجي معاك مشعل مشعل يناظر الدكتور بحده : ايه تعالي معي اول ماوصلو للغرفه جلس مشعل على الأرض وناظرها: تعالي اجلسي هنا عبير بعد ماجلست : مشعل وين احلى امريكا والا السعوديه مشعل وهو يضحك: وهذي يبي لها كلام السعوديه طبعاً عبير وهي تفكر: خاطري ازورها مشعل: خلاص تعالي معاي عرس اختي ..كمل وهو يضحك: لان السعوديه مثل امريكا فيه حريه عبير تضحك: ايه صح على اساس دلخه وماادري عن السعوديه شي مشعل سند راسه على الجدار وبدا يضغط على اصابعه ويعض شفته يحاول يتمالك الألم اللي بدا يسيطر عليه عبير بخوف: شفيك مشعل مشعل واللي يحاول قد مايقدر ماتفلت اعصابه: ماعليك مافيني شي ..حط يدينه على راسه وبدا يضغط بقوه وهو يحاول يمسك اعصابه: عبير اطلعي بسرعه وقفلي الباب ياللا عبير وقفت وهي متردده: طيب مشعل يصارخ: ياللا عبيييييييير روحي عبير تركض للباب: ان شاء الله ..بعد ماطلعت وقفلت الباب سندت جسمها عليه وهي حاسه بدموعها بتنزل ماتدري ليه : : : الرياض الساعه 5 المغرب .. اخيراَ وقفت سيارة السواق بجنب العماره ..شافها وهي تنزل من سيارة السواق وتدخل العماره ..اول ماتحركت سيارة السواق ركض للعماره وفتح الباب بشويش اول مادخل شافها تمشي متجهه للباب الخارجي المقابل تخبى يسار الدرجات الـ 3 وهو يراقبها اول ماطلعت من الباب الثاني ركض بسرعه للباب فتحه بهدوء ..انفتح جزء بسيط من الباب وشافها واقفه بالشارع ..مافتح باقي الباب وراقبها وهو منذهل بالمنظر شوي وجات سياره وقفت عندها ..تبسمت وهي تناظر الرجال اللي بالسياره ولفت للجهه الثانيه وركبت قدام ..وتحركت السياره بسرعه ..قفل الباب ومسح وجهه بسرعه وهو مو قادر لايصدق ولايستوعب اللي شافه ..صار ياخذ انفاسه ببطىء شديد وهو حاس بحرارتها : : : الساعه 5:30 المغرب.. اول مادخل البيت راح للصاله مالقها ..راح للمطبخ وشاف الجده هناك احمد بهدوء : وين لجين ام سالم : ماادري ياوليدي قلت لها عشان ننزلها انا والخدامه مارضت تقول ماتقدرون تشيلوني ومالها خلق احمد يتنهد : وش فيها هالبنت ام سالم : والله ماادري ياوليدي طلع من المطبخ ورقى الدرج بسرعه اول مافتح باب الغرفه شافها جالسه على السرير .. احمد يتبسم: لجين ليه ماخليتيهم ينزلونك للصاله لجين بهدوء: وشلون ينزلوني مايقدون ولاابي احس اني عاله على احد احمد : ياربي وش هالكلام ياللا انا بنزلك لجين ببرود: لامابيك حتى انت تنزلني بجلس هنا احمد يهز راسه: لاحول ولاقوة الا بالله اول ماسمع صوت جواله طلعه من مشباته وناظر بالشاشه وناظر بـ لجين : شوي وراجع راقبته وهو يطلع من الغرفه وهي تفكير: ليه ماكلم قدامي : : : الساعه 5:45 المغرب نزل الدرج وشافها جالسه بالصاله قبال التلفزيون وسرحانه وجهها شاحب ومتغير ..له فتره وهو ملاحظ تغيرها وجسمها اللي بدا ينحف فجأه .. قرب منها وبصوت عالي: نوره نوره واللي تخرعت من صوته: امرياخوي سلمان بنبره حاده: مايامر عليك ظالم وش فيك؟ نوره مستغربه: وش فيني؟ سلمان يناظرها بنظره غريبه: حالك ماهو عاجبني نوره ببرود: عادي مافيني شي سلمان مسكها من يدها وبدا يسحبها: قومي بوديك الطبيب يشوف شفيك نوره تحاول تفك يدها : سلمان اترك يدي مافيني شي سلمان بصوت عالي: وش اللي مافيك شي وانتي متغيره يعني مااعرفك ام سلمان جات على صوت الصراخ وبعدت سلمان عن نوره وضمتها : وش فيك على البنت سلمان بعد ماعطاهم ظهره مسح شعره بهدوء وبينه وبين نفسه: لاتخلي فكرتك عن العنود تهز فكرتك بأخواتك نوره مستحيل تلغط ..التفت يناظر بنوره اللي تبكي بحظن امها: انا اسف نوره انا بس كنت خايف عليك وابي اتطمن لااكثر نوره وهي تحاول تهدي نفسها: مافيني شي ياخوي انا بس كنت مشغوله بنتيجة الجامعه ومن كثر التفكير نحفت وزي كذا سلمان قرب منها وباس جبينها: خلاص نجحتي وعدت مرحلة التفكير ابيك ترجعين نوره الأوليه نوره وهي تتبسم : ان شاء الله ياخوي رجعت للكنب وجلسة مكانها ..اول ماجلست سمعت صوت نغمة الرسايل اخذت جوالها وفتحت الرساله تقراها : اخوي الحين بالمستشفى بين الحيا والموت ان شاء الله تكونين راضيه : حطت يدها على فمها اول ماقرت الرساله وجعها صدرها بقوه وحست بأحساس غريب راحت للحمام وانتم بكرامه ..رجعت كل شي ببطنها وبعد ماغسلت وجهها حست براحه ..رجعت الصاله وهي تمسح دموعها اللي ماقدرت تمسكهم وارسلت : بأي مستشفى؟ : بعد ماجاها الرد دقت بسرعه على العنود وهي تبكي.. العنود بهدوء: هلا نوره نوره وهي تبكي : عنود ابي منك خدمه العنود متغربه: شفيك نوره امري اخدمك بعيوني نوره: ابي اروح المستشفى بزور صديقتي تكفين تعالي خذيني العنود بسرعه: ان شاء الله بس ببلغ سلمان لأنه محذرني اطلع مع السواق نوره بسرعه: لا عنود لاتقولين له تكفين هو تو طالع من البيت هالحين ماراح يشوفك لما تجين لأنه مو راضي اطلع هالحين العنود بخوف: بس نوره اخاف من اخوك نوره : خلاص لاتجين معي بس خلي السواق يجيني انا بقول لماما اني بروح معك ان عرف سلمان بقول له عنود ماجات معي وان مادرى خلاص العنود بسرعه: اوكي اجهزي بخلي السواق يجيك الحين : : : الساعه 6:30 المغرب بتوقيت السعوديه 9:30 الصبح بتوقيت امريكا.. بدت حاجة جسمه للمخدر تزيد ..ضرب راسه بالجدار كم مره ورمى الطاوله الصغيره على الأرض وبدا يطق الباب بعنف وهو يصارخ: ابي الأبره خلااااااااااص مااتحمل تكفون افتحو الباب ..كل مازاد المه زاد عنفه وصراخه ..جلس على الأرض وهو يفكر بجسمه ويضرب بيده على الأرض مو قادر يتحمل الألم ..رجع للباب مره ثانيه وبدا يرفسه برجله ويضرب راسه فيه ويصارخ :ياحيوااااااااااااااان افتح هالباب الألم ذبحني موقادر اتحمل ..صار يشد بشعره وصوته كل ماله ويعلى : عطيني هالأبره تكفى مااقدر اتحمل اكثر .. عبير واللي كانت واقفه بمقدمة الدرج ومكتفه يدينها ومتوتره: بيستمر كذا كثير الدكتور: مابعرف حسب جسمو وتخلصو للمخدر عبير وهي تسمعه يصارخ وبعينها دمعه: بس حرام تخليه كذا وش فايدتك هنا اجل الدكتور : راح انطرو يتعب شوي ويستنفذ كل طاقتو وبفوت اعطيه ابره مسكنه مافيني اعملو شي اكتر عبير تهز راسها بحزن: الله يعينه زوجة الحارس واللي كانت واقفه بجنب عبير: شو عبير ياللا تعي معي نجهز للغدا الدكتور مستغرب: وليش تروح معك عبير زوجة الحارس: هيك انا بدي ياها تساعدني عبير تتبسم: انا قلت لها من اليوم ورايح بساعدك عن اذنك دكتور الدكتور مو مستوعب اللي صار: اوكي ازنك معك : : : الساعه 7 المغرب .. دخلت المستشفى بسرعه راحت للأستقبال وسألت عن بندر وبعد مادلتها الممرضه بأي غرفه هو .. راحت للمصعد وضغطت الزر بدون تفكير اول ماوقف المصعد وانفتح بابه دخلت وهي متوتره ضغطت زر الطابق الثاني واول ماوصل المصعد مشت بسرعه بخطوات ملاها الخوف ولما وصلت للغرفه دخلت بدون لاتسأل الدكتور .. السستر اللي جالسه تراقب غرف الأنعاش: وين وين ممنوع نوره وهي تبكي: انا قلت للدكتور وهو قال ادخلي له دقايق السستر: مين مريض؟ نوره بأرتباك: انا خطيبة بندر السستر وهي تأشر: بندر هذا غرفه تقدمت نوره للغرفه واول مادخلت وشافته مغمض عيونه والأجهزه بكل جسمه حطت يدها على فمها وبدت تبكي بخوف والم قربت منه وصارت تناظر فيه بعد ماشالت الغطا عن وجهها وبصوت مسموع: ياجعل اللي فيك فيني يابعد قلبي انا السبب ادري تكفى سامحني .. وبلحظه غاب فيها الوعي والأدراك نست التفريق بين المباحات والمحضورات .. قربت يدها وحطتها على يده وقالتها بهدوء: بكره تنسى ياروحي انت اقوى من كذا بتوقم بالسلامه ان شاء الله سحبت يدها بسرعه اول ماسمعت صوت الباب ينفتح.. السستر وهي معصبه: خلاص مدام مايصير كذا نوره بهدوء: طيب الحين بطلع ناظرت فيه بحب ..نزلت راسها وباست يده وهي تبكي: سامحني بندر الله يخليك ..طلعت من الغرفه بسرعه وهي بحالة انهيار تام : : : الساعه 7:30 المغرب.. كان يمشي مع خويه بالشارع عشان يوصلون للمقهى .. قبل باب المقهى بشوي مرت من جنبه بنت بتدخل قسم العائلات وناظرت فيه بتمعن وناظرت بصديقتها وهي تضحك : وش زينه سلمان يناظر خويه بقرف: هذا هم البنات قرف اعوذ بالله مافيهم وحده سنعه رائد وهو يتبسم: يارجال لاتقول هالكلام عندنا بنات الله يستر عليهم سلمان واللي بدا يفكر بالعنود والموقف اللي سواه مع نوره اليوم قالها بصوت عالي: رائد اسبقني انت بسوي تلفون وبجيك رائد وهو يتقدم : اوكي بس لاتبطي وش اطلب لك سلمان بلا مبالاه: أي شي ماتفرق بعد مادخل رائد المقهى دق رقم العنود بدون لايفكر اكثر يدق والا لا بالطرف الثاني ..العنود اول ماشافت رقمه ارتبكت مو عوايده يدق عليها لايكون يحسبها مع نوره ..ردت عليه بخوف : الو سلمان وواضح على صوته انه مقهور: تدرين انك حقيره كله منك انهزت ثقتي بخواتي انا اللي طول عمري احترمهم اليوم فكرت بـأختي تفكير غلط العنود وهي تبكي: سلمان ماهو ذنبي انا كنت ضحيه انت ليه مو راضي تفهم سلمان بعصبيه: انطمي ولاكلمه انتي اللي حطيتي نفسك ضحيه محد وصلك لهالمواصيل غيرك العنود واللي بدت تناشق وهي تبكي: سلمان كل انسان يغلط انا الله يعلم ماكان قصدي شي هو اللي اعتدى علي سلمان بقهر: كلي تبن انا كم مره اشوفك واقفه معاه انتي اللي اعطيتيه فرصه ..تدرين شلون انقلعي انتي اللي مثلك الكلام معها ضايع قفل بوجهها بدون لاينتظر رد منها صارت تمسح دموعها وهي موعارفه كيف تتصرف وبصوت مسموع: كل مره ياسلمان تجرحني وتروح وماتفكر فيني : : : الساعه 9 مساءً.. طلعت من باب العماره وهي مبسوطه ..وبعد ماركبت بسيارة السواق تحركت السياره بسرعه ..وبعد حول 10 دقايق اخذت بالها من الطريق المختلف اللي بدو يسلكونه.. جود تناظر بالشارع مستغربه: وين رايح انت السواق اللي اخذ منعطف يمين بشارع مظلم تقريباً: الحين تعرفين وين بروح جود بخوف: فارس وش جابك هنا نهاية الفصل | ||||||||||||||
|
| |
|
05-12-10, 04:13 AM
| #25 | ||||||||||||||
| مراقبة ومشرفة سابقة ونجم روايتي
| لكل منا توأم لروحه شخص مقرب ربما يعتبره رفيق الدرب وربما كاتم اسراره وربما يكون هذا الشخص الملجأ والملاذ.. لي أختاً تصغرني بعام بالنسبة لي هي كاتمة أسراري ملجأي وملاذي ..ربما تقارب العمر هو السبب وربما الطفوله الجميله التي قضيناها معناً بقلمي هذا اتمنى لها حياه جميله تزينها بضحكات طفلتها الصغيره وبنفس القلم اعود معكم الى ابطال روايتي الفصل الرابع والعشرين الرياض.. قبل ان نتوقف بقليل.. دق على تركي ..اللي رد عليه بسرعه: الو فارس بهدوء: كيف اخبارك يالخوي تركي بحزن: والله زي الزفت فارس بسرعه: افا ليه؟ تركي : بندر تعبان بالمستشفى وحالته ماتسر فارس بينه وبين نفسه: يعني جد بندر تعبان والخايسه ماتستحي تطلع وتلعب واخوها تعبان ..وبصوت مسموع: لامايشوف شر تركي : الشر مايجيك فارس: اقول تركي انا الحين عند بيتكم ابي اخذ سيارة السواق تركي وهو يفكر: ماادري الظاهر يبي يروح لجود يرجعها من بيت خالتي الساعه 9 فارس: ايه عادي انا ادل البيت برجعها وبعدها بروح للوالده تركي: وليه هالحوسه انا الحين بجي بعطيك سيارتي وباخذ سيارة السواق فارس : انت اللي ليه هالحوسه تجي وتروح وبعدين امي ماراح يعجبها تركب بسيارتك شبابيه بزياده خلك مع اخوك وانا بجيب اختك وبروح مشواري ولاتناقشني بس دق عط السواق خبر تركي: طيب خلاص اللي تبيه بعد ماقفل من خويه ضرب الارض بقوه برجله وبصوت مسموع: ياربي واثق فيني ماعنده أي مانع اروح اجيب اخته معطيني الضوء الاخضروانا العب من وراه يـــــــــــــــــاربي : : : الرياض .. 13\11\1426 للهجره .. يوم الأربعاء ..الساعه 8 مساءً.. بيت نوف بالتحديد.. سعود يناظر بخالد اللي واقف بوجه المرايا يضبط شكله: هاه جهزت والا باقي ؟ بسرعه مانبي نتأخر على الجماعه خالد يضحك بخبث: لازم اكون اكشخ شي ..ناظر بالباب وناظر بعدها بسعود: خذ بالك من اختك لاتتأخر برى البيت سعود يضحك بهستيريا: يارجال هي تتجرأ تطلع عشان تتأخر خالد يضحك: وش دراني من اللي اشوفه انت تدري ساره تفتح لي باب بيتهم بعد ماينامون اهلها كم مره اجلس معها بالحوش للصبح ولا أحد داري عننا سعود: والله من اهلها مو منها خالد يفكر: لاتقول كذا عندنا بنت ماندري بعلومها سعود بسرعه: لااختك ماتسوي هالحركات والله لو تسويها لأذبحها خالد بعد مااخذ جواله وجلس على السرير بجنب سعود: شف شف هالمقطع صورته البارح لـ سارونه وهي ترقص سعود وهو ياخذ الجوال : اشوف ..وبعد ماشاف المقطع اوووف يالمقطع رهيب ..ضحك بعدها : متلثمه بشماغك؟ خالد يضحك: ايه لأني قلت لها بصور اليوم برسل المقطع لأخوياي سعود يضحك: ذيب مايفوتك شي : : : الرياض ..الزمن الحالي.. حيث توقفنا.. ناظرت بالطريق الصحراوي المظلم وهي خايفه: فارس وين بتاخذني فارس بعصبيه: الحين تشوفين جود واللي بدت تبكي: وقف فارس الله يخليك طلبتك وقف فارس بعد مادخل على البـــر(الصحرا) : افا عليك تامرين امر ماطلبتي شي وقف السياره ونزل بسرعه فتح الباب اللي ورى ومسكها سحبها ودفها برا السياره وناظر فيها وعيونه واضح القهر عليهم وبصوت عالي: علميني يالخايسه مين هالتعبان اللي كنتي معاه جود بخوف : هــ ــ ــ ذا ولد خــ فارس يقاطعها وبصوت عالي وبكل عصبيه: لاتكذبين ياحيوانه ..سحبها من عبايتها وبدا يهزها الى ان طاحت طرحتها وبان شعرها : حمار عندك انا قووووووووووووولي حمار جود واللي بدت تنافخ : لا بس فارس قرب منها ومسكها من شعرها وهو يشدها بعنف : كنت لعبه عندك صح ..وسحبها بقوه من شعرها وهو يهزها: تكلمي لعبه عندك جود تمسك شعرها وهي تبكي: اترك شعري فارس تكفى انت اللي اجبرتني اسوي معاك كذا فارس واللي لأول مره يعصب بهالطريقه ومو قادر يتمالك نفسه بدا يصارخ بقوه: اجبرتك وشلون جود واللي موقادره من الالم ..فارس كان شاد شعرها بقوه: كنت تراقبني وين اروح ووين اجي قلت اسوي معاك كذا عشان اطلع براحتي فارس دفها بعنف وفلت شعرها ..لدرجه كانت راح تطيح .. صرخ بعصبيه : اجبرتك تمثلين الحب معاي وتطلعين مع واحد تعبان يالتعبانه جود واللي بدا يعلى صوتها : هو مو تعبان هو يحبني فارس قرب منها وضربها كف قوووووووووي على وجهها لدرجه طاحت على الأرض : يالحيوانه انا خنت خويي عشانك كله منك وبسببك دخلتيني معاك بلعبه تافهه ..واخر شي جايه تقولين لي هو يحبني جود وهي تبكي: حلال عليك حرام على غيرك ليه فارس بعد مااخذ نفس: لأني كنت بحطك بعيوني انتي بالنسبه لي ماكنتي حبيبتي وبس انتي كنتي عرضي .. سامي اللي حظرتك طالعه معاه بيلعب فيك وبيرميك مثل الكلبه معروف عنه راعي بنات مافيه بنت الا وشبكها ياخذ اللي يبيه وبعدها يدوسك ..نزل لمستواها وهو يناظرها بحده: سوى معاك شي هالواطي جود بخوف وهي تهز راسها: لالا فارس مسكها من زندها بقوه وهو يصارخ: اعترفي جود: والله ماسووى معي شي قسم بالله فارس بعد ماوقف : اسمعي من اليوم وطالع براقبك مثل اول واكثر وياويلك اشوفك طالعه لمكان غير المدرسه اواماكن رسميه ..وان طلعتي ياجود معاه مره ثانيه والله لأعلم اخوك بالسالفه كلها ..اخسر خويي ارحم الف مره من راسه اللي بتوطيه انتي لو كملتي مع هالتعبان ..عطاها ظهره وهو ماشي للسياره وبنبره ملاها الحزم: عدلي عبايتك وطرحتك وتغطي وتعالي السياره .. ركب السياره وبعد كم دقيقه ركبت جود ورى بعد ماحرك السياره دق على تركي وحط سبيكر ... تركي بحماس: هلا والله فارس واللي يحاول يكون طبيعي : هلا بك زود ..ها كيف اخوك الحين تركي: لا ابشرك وضعه احسن فارس: الحمد لله الا تعال بسألك تركي: اسأل فارس: وش رايك بـ سامي سعد تركي بسرعه: هذا راعي البنات اللي ساكن بحي الروضه فارس : ايه هو نفسه تركي: اعوذ بالله ليه تسأل عنه فارس: ابد متقدم لخطبة وحده من قريبات الوالده تركي يضحك: يارجال قول لهم يزوجونها لكلب ارحم من هالتعبان فارس بعد ماالتفت لجود: انا بعد قلت لهم هالكلام تركي: الحين اهم ماسألو عنه الكل يعرف حركاته فارس بهدوء: الا سألو بس يقولون الرجال مايعيبه تركي بستنكار: وش اللي الرجال مايعيبه هذا واحد خربان مافيه شي سنع فارس: والله انك صادق ياللا انا بقفل الحين اكلمك بعدين تركي: الله معاك فارس وهو يناظرها من المرايا: سمعتي بأذنك عشان لاتقولين الغيره عاميه قلبي ماسمع منها رد طول الطريق ماكان يسمع شي غير صوت بكاها : : : الساعه 10 مساءً بتوقيت السعوديه 1 الظهر بتوقيت امريكا.. اول ماسمعت صوته يصارخ وقفت بسرعه: رجع يصارخ الدكتور ببرود: لازم راح تستمر معاه النوبات الى ان يتخلص جسمه من المخدر عبير راحت بسرعه للدرج وبدت ترقى الدرج وبصوت عالي: ابي اتطمن عليه اول ماوصلت لباب الغرفه اللي هو فيها سمعت صوت صراخه العالي ..كان يضرب يدينه على الباب بقوه وهو يصارخ: افتحو الباب مااتحمل الألم اكثر يــــــــــــــــــــــــ ـــــــــــــاربي ..عبييييييييير افتحي الباب .. وبلحظة تفكير طايشه فتحت الباب ..مشعل مسكها من زندينها وهو فاتح عيونه على اقصاهم وينافخ : عبير قولي لهم يعطوني أي شي بموت عبير واللي خافت من شكله: معليه مشعل تحمل مشعل زاد من قوة قبضته وبدا يصارخ: ماااقدر لو اقدر تحملت عطوووووووووووني أي شي تعبت عبير حاولت تفك نفسها وبصوت عالي: مشعل اترك يديني مشعل يصارخ : لا مابي عطوني أي شي ياللا قولي لهم بهالوقت وصل الدكتور بسرعه ومعاه البودي قارد ..مسكو مشعل اللي بدا يرافس بقوه وهويصارخ: اتركوني ياعيال الكلب ابي ابره مالكم شغل فيني عبير تراجعت ووقفت عند باب الغرفه وهي حاطه يدها على فمها ومصدومه حطوه على السرير وهم ممسكينه بقوه .. قرب منه الدكتور واعطاه مهدأ عشان يساعده يهدا وينام : : : الرياض الساعه 10:30 مساءً وصل عند باب البيت وناظر فيها وهو معصب: انزلي وياويلك ياجود انا احذرك تطلعين معاه مره ثانيه والله مايصير خير قالتها وهي تفتح باب السياره وبهدوء: ماراح اطلع معاه فارس بدون نفس: ياللا انقلعي جود فتحت الباب الصغير المتجزأ من الباب الكبير للقصر ..بعد ماقفلت الباب ناظرت بسيارة بندر الواقفه ..عضت شفايفها بخبث والتفتت للباب وبكل دهاء وبصوت مسموع: انا اعلمك يافارس الغبي تبي تحرمني حبيبي عشان نزوتك الخايسه .. مسكت طرف العبايه وسحبتها بقوه مره ومرتين الى ان تشققت ..مسكت الطرحه وسوت نفس الحركه حطتها على كتوفها وفكت شعرها وصارت تحركه بسرعه وبطريقه عشوائيه ..ضربت نفسها كفوف ..فتحت عبايتها عند صدرها ..شقت التيشرت ..غرست اظافرها بصدرها وسحبت يدها بقوه الى ان بان الأثر ..وبعد تفكير ضربت راسها بالجدار يمين الباب الكبير كم مره ..حاولت تتصنع البكاء ..الى ان بكت ..ركضت للبيت وهي تبكي اول مافتحت باب الصاله صرخت بقوه وهي تتصنع الالم: ترررررررررررررررررررررركي الحقني ياخوي..بكت وهي تصارخ : تررررررررررركي وينك انا بموت ....ترررررررررركي نزلت جنا بسرعه وهي متخرعه .. ناظرت بشكل جود المتبهذل وشعرها المنكوش ..هزتها بقوه وهي تصارخ : وش صار عليك علميني جود تبكي وهي داخله بنوبة عصبيه مصطنعه: نادي تركي بسرعه ناديه جنا وهي تهز راسها بالايجاب: ان شاء الله ..راحت بسرعه لكنها ماوصلت لنص الدرج الا وتركي ينزل الدرج وهو مفجوع: وش صاير وش هالصراخ جنا تأشر على جود وهي ترجف: جود مدري وش فيها تركي نزل يركض اول ماشاف حال اخته وكيف تبكي جن جنونه ..قرب منها بسرعه: يابنت وش فيك تكلمي جود بعد ماجلست على الأرض وهي تبكي: هذا فارس صديقك ..سكتت وهي تبكي تركي نزل لمستواها هزها بقوه وهو يصارخ: وش سوالك جود تبكي : حاول يعتدي علي تركي وهو فاتح عيونه على اقصاها ويصارخ: كيييييييييييييييييف فارس مااصدق وش سوالك ..صرخ بقوه : تكلممممممممي جود وهي تنافخ بكل تصنع وتمثيل مدقن: ماسوالي شي ماقدر بس خفت مره ..اخذني على طريق صحراوي ..سكتت و بكت وهي تسترسل : لولا ستر الله كان ماادري وش صار فيني تركي ضرب راسه بيدينه مرتين بقوه وصرخ بقوه: الحيووووووووووووووووووووو ان انا اعلمه التعبان ..رقى الدرج بسرعه وفي اقل من دقيقه نزل وهو يركض جنا تصارخ بخوف: وين رايح تركي وهو يركض: بروح اربيه بعد مااختفى تركي عن ناظرها ..ناظرت بأختها بعدم تصديق ومسكتها : قومي تسبحي وبدلي ملابسك جود توقف بهدوء: طيب : : : الرياض ..سنة 1426للهجره 24 ذو الحجه.. واقفه قبال التسريحه تسرح شعرها .. جنا وهي جالسه على السرير وتناظرها : بس حرام تسوين فيه كذا جود بلا مبالاة : يستاهل محد قاله مايستحي يحبني وانا اخت خويه جنا : حتى ولو ماتكذبين عليه جود ببرود: ياشيخه ابي اتخلص منه نشبه يبي يراقبني طول الوقت جنا : تبين تتخلصين منه عشان سامي حقك ذا واثق فيه انتي جود تلف لأختها وبكل دلع: حتى لو ماكنت واثقه فيه احبه وابي اعيش الحب معاه جنا بعد ماوقفت : الله يهديك بس ..سكتت شوي وبعدها كملت: طيب صارحي فارس انك ماتحبينه جود وهي تضحك: لاخليه انبسط لما يغني لي ياشيخه عليه صوت يسحر جنا بقهر: تعلقين الرجال فيك عشان صوته معجبك جود: اتسلى وش وراي بعدين هو اللي جاني مو انا اللي جبته جنا تهز راسها بعدم اقتناع: عليك تفكير ماادري وش يبي جود تلف للمرايا وتكمل تسريح شعرها: عيشي يابنت ولاتصيرين معقده : : : الساعه 11 مساءً الزمن الحالي.. كان جالس قبال التلفزيون ومتبسم لـ شهد اللي جالسه بخظنه.. شهد ببراءة الأطفال: بابا انت ليه على طول مشغول فهد وهو يمسح على شعرها: بابا ياحبيبتي طول الوقت يساعد الأطفال الحلوين مثلك شهد بدلع: يعني انت كل هالوقت مع الأطفال فهد يتبسم: ايه صح عليك شهد : طيب انا من الأطفال ليه ماتجلس معاي فهد يضحك: لا الاطفال اللي اجلس معاهم تعبانين ومحتاجين مساعده شذا بعد ماقربت وجلست يسار فهد: شهد خلي بابا بحاله فهد مبسوط: خليها شذا حقها تدلع على بابا لأن بابا ماعنده اغلى منها ..شالها وحطها يمينه وتبسم لها: دقيقه بابا .. التفت لشذا حط يده اليمين على بطنها المنتفخه : بسوي لك كشفيه شذا تضحك وتضرب يده على خفيف: هنا انسى انك دكتور فهد يفكر : اذا نسيت اني دكتور وش اتذكر بالله شذا تحط يدينها بنعومه على بطنها وهي تتبسم: تذكر انك ابو اللي جاي بالطريق شهد بسرعه: وابوي انا بعد فهد يبوس شهد ويحطها بحظنه: افا عليك انتي اهم شي بحياتي دايم اتذكره وماانساه شذا شردت للحظه وهي تفكر بهالسعاده اللي عايشتها ومعقوله يجي يوم وتخسرها : : : الساعه 11:15 مساءً.. بظلام الغرفه الدامس كانت تحس بضياعها رغم الهدوء والسكينه اللي ماليه المكان الا ان النوم مجافيها .. كل ماتذكرت شكل بندر والأجهزه اللي بجسمه تحس بنار بصدرها..معقوله كانت غلطانه لهالدرجه ..معقوله رفضها لبندر كان قرار متسرع وطايش منها.. مسحت دمعتها بسرعه وقالتها بداخلها بعزم: لاقراري ماكان غلط بالعكس صح.. وبندر حبيبي طول عمره قوي وراح يتخطى هالمحنه عهود بصوت عالي: نوير ماتعبتي وانتي تبكين كل يوم؟ نوره بحزن: انطمي ونامي مالك دخل عهود: شوفي ياتعلميني وش مزعلك او تهدين شوي وتخليني انام نوره بعد ماتنهدت : نامي خلاص انا بعد بنام..غمضت عيونها بقوه وحست بغصه وهي تتذكر ملامحه الحلوه ..ضحكته كلامه ..بندر كان فارس احلام أي بنت تتمناه .. نزلت دمعتها وهي تقولها بصوت واطي طالع من القلب: يـــــــــــــــــارب مابي يجي يوم واسمع انه صار لغيري الله يسعده بس مابي اسمع هالخبر : : : الساعه 11:30مساءً.. اول ماوصل للبيت وقبل يدخل السياره بالكراج يسار الباب الرئيسي.. شاف تركي واقف مكتف يدينه يسار الباب الرئيسي للبيت يعني بين الكراج والباب..وقف سيارته مقابل الكراج ونزل من السياره متوجه لتركي وهو مستغرب: وش فيك تركي خير ان شاء الله تركي يناظر بالسياره ويناظر بفارس وواضح القهر على وجهه : يعني سيارتك صاحيه ومافيها شي ليه اخذت سيارة السواق فارس واللي ارتبك : لا السياره كانت بالبنشر تركي يناظر بساعته: بنشر للساعه 11ونص؟ فارس : لا انا اخذتها لي فتره بس كنت الف بالشوارع طفشان تركي قرب منه ومسكه من ملابسه وبكل عصبيه: طفشان والا معذبك ضميرك ع اللي سويته فارس وهو يحاول يبعد يدين تركي : وخر يدينك تركي وش جالس تخربط تركي ضربه بكس قوي لدرجه طاح فارس على الأرض وصرخ بقوه: ليه تسوي كذا فارس.. تقدم بسرعه وجلس فوق فارس وبدا يوجه له ضربات قويه على وجهه وهو منفعل ومتجرد من احاسيسه ويصارخ: ليه اختي ياحقير تعتدي على اختي ليه انا كنت اعتبرك اخو دنيا ياحيوان وتقول لي سيارتك خربانه وانا اللي واثق فيك فارس استجمع كل قوته ودف تركي بصعوبه ووقف وهو يترنح من قوة الضربات وبعد مامسح الدم اللي سال من فمه قالها وهو ينافخ : انت فاهم الموضوع غلط انا مااعتديت على اختك وش هالكلام تركي واللي وجه له ضربه اقوى من اللي سبقها طاح فارس على الأرض من وراها.. تركي قالها وهويناظر فارس بحقد: كل تبن البنت جات البيت حالتها رثه ملابسه مشققه وقالت خويك اعتدى علي ..ضرب صدره بقوه وهو يكمل بقهر: تمنيت الموت وانا اسمع كلامها فارس وهو مقهور: والله انت فاهم غلط تركي قرب من فارس حط رجله ببطنه ودفه على الأرض بعنف : تحلف مااخذتها للبر؟ فارس واللي ارتبك : أ أ تركي افهم السالفه تركي تفل عليه بقوه : الله يلعنها ساعه وثقت بشخص مثلك حسافه والله تدري ماراح اسوي فيك شي بس خلاص هذا اخر مابيني وبينك انا مااتشرف بمعرفة واحد حقير مثلك ..خلص كلامه وركب سيارته وحركها بسرعه فارس يصارخ: تركي تعال افهم السالفه .. بعد ماشاف السياره اختفت عن عينه ضررررررررب الأرض بقوه : كله من غبائي آآآآآآآآآآه ياجود فوق صدمتي بخيانتك طلعتي حقيره خسرتيني اعز شخص بحياتي : : : الساعه 12 بعد منتصف الليل .. كان جالس على السرير وممسك بالجوال .. واضح عليه يكتب مسج ..بعد ماارسله سمع صوت رنة الرسايل وبعد مافتح الرساله تبسم .. لجين تناظره بقهر: مين اللي يرسل لك مسجات بهالليول احمد واللي ارتبك: هاه لاابد هذا واحد من اخوياي لجين وهي مقهوره:اها وبعد اقل من دقيقه سمع صوت رنة الجوال ..اخذ الجوال بسرعه من الطاوله ..ناظر بالرقم وبعد تفكير: دقايق وراجع ضغط الزر الاخضروهو متجه برا الغرفه: الو..هلا والله كانت تراقبه الى ان اختفى وهي منقهره ..وبعد حول 10 دقايق رجع الغرفه.. ناظرت فيه وقالتها بقهر: ليه ماكلمت قدامي احمد بحب: لاياقلبي ماحبيت ازعجك لجين بأصرار: لااازعجني عادي هالمره كلم قدامي احمد يتبسم : تامرين امر يالغاليه : : : الساعه 3 الفجر .. ناظر فيها وهو يلعب بشعرها بحب: قلبي ماتبين ارجعك البيت نوف وهي تتبسم: قلبي اخواني بالشرقيه مابي ارجع ..كملت وهي تضحك: اساساً ماما ماتدري اني طلعت على بالها نايمه ياسر وهو يسحب خدودها: اموت انا بالجريئين نوف بعد مابرطمت: بس انا زعلانه ياسر بسرعه: افا وليه نوف بقهر: تخيل الخايسه عنود زواجها قريب ولاقالت لي انها ملكت ولاشي ياسر مستغرب: غريبه ماقالت لك لايكون شاكه بشي نوف بهدوء: لا تقول ماقالو لأحد والملكه كانت تقليديه وعاديه وهالخرابيط ياسر: طيب وش عليك منها تتزوج والا تموت نوف بكل قهر: لاوالله بعد كل اللي سويناه تتزوج وعادي ..هالبنت الدنيا تضحك لها دايم ..انا على اللي سويته ماراح اقدر اتزوج ابد وهي تكمل حياتها طبيعي ياسر بقرف: خلها تولي نوف وهي تفكر بخبث: وشلون تولي طول عمرها كل شي عندها وانا لا وحتى بهالحاله هي احسن مني ياسر يقرب منها وبكل رومنسيه: خلاص ياقلبي نشوف لها دبره ولاتزعلين نوف تضحك بخبث: ايه لازم : : : الساعه 6صباحاً بتوقيت السعوديه 9 مساءً بتوقيت أمريكا.. حاطه راسها على المخده وتتقلب كل ماسمعت صوت مشعل يصارخ تحن عليه مزعلها وضعه لدرجه هي مستغربتها .. جلست على السرير وهي تسمعه يصارخ: ارحموني عطوني أي شي بموت ..قالتها بينها وبين نفسها وهي خايفه: ياربي بيصارخ كذا كثير اخاف يصير له شي .. وقفت وراحت للباب حطت يدها على المفتاح وقبل تلفه تذكرت كلام مشعل وخافت تطلع ..تنهدت ورجعت لفراشها وقالتها بصوت عالي : الله حافظه وبيخلصه من هالسم اللي بجسمه .. غمضت عينها وحاولت تجبر نفسها على النوم رغم صوت مشعل اللي يعذبها.. من زاويه ثانيه .. بمكان ثاني من امريكا ..وبنفس الوقت .. رمت الجوال بقوه على الأرض وقالتها بكل عصبيه : انتو لازم تطلعونه من تحت الأرض جاد : هدي حالك وين بدو يروح نجلاء بقهر: جاد مشعل مو بس خساره ماليه لي ..مشعل مالازم يبعد عن عيننا بعد كل اللي شافه وعرفه عننا جاد : ماعليك بنلائيه اكيد.. بوعدك اكسر لو راسو لما بشوفو نجلاء بقهر: فيه احد مكبر له راسه انا متأكده جاد يضحك بأستخفاف: ماتزعلي انا بعلمو لهالحقير كيف يكبر راسو نجلاء تفكر: جمد حسابه وسرق جواله مشعل الغبي مين خلاه يتجرأ ..سكتت شوي وصرخت بعدها بقوه: طلعو لي هالبنت من تحت الأرض : : : يوم ورى الثاني كان يمر على ابطالنا .. بين عذاب فارس اللي خسر من كل الجهات ..والم مشعل وعذابه .. الفرحه الجميله اللي ماليه حياة فهد..والدمعه اللي ملازمه العنود ونوره .. بندر اللي رغم المه بدا يصارع احزانه .. وسلمان اللي ضايع بين حبه ورجولته المجروحه .. طيش جود اللي وصل اقصى حدوده.. خبث نوف ودهاء نجلاء.. بعد مرور 3 اسابيع,, يوم الثلاثاء ..28\6\1427 للهجره الساعه 4 العصر ابو سلمان بقهر: لاتكبر راسك وخلني اشوف لك شقه سلمان بأصرار: قلت لك بجيب عروستي هنا بغير بس الأثاث اللي بالغرفه وخلاص ابو سلمان بقهر: عروس ومتعوده على العز تسكنها بغرفه سلمان بهدوء: مين قال غرفه بيت وش كبره ولاعندي اخوان عشان ماتاخذ راحتها ..ماعندي بهالبيت غيرك رجال وانت خالها ابو سلمان وهو يحاول يقنعه: ياوليدي مايصير البنت تبي تاخذ راحتها تحس انها ببيتها اواي شي سلمان بعد ماوقف قالها بهدوء: بابا انا ماراح اسكنها بمكان غير غرفتي عجبها اهلاً وسهلاً ماعجبها بكيفها ابو سلمان يهز راسه: الله يهديك راسك يابس ..طيب وشلون على الفرش والاثاث الجديد سلمان بعد ماأخذ مفاتيحه: أنا بتصرف ماعليك بضبط الغرفه ابو سلمان يهز راسه بالأيجاب : خير ان شاء الله : : : الساعه 5 المغرب .. منسدحه على سريرها وتضحك بصوت عالي : احلف سامي قالك كذا سامي وهو يضحك: والله غبي جودي لو تشوفين شكله جود : هو مو غبي بس حبيبي اللي ذكي سامي بحب: حبيبتي متى بشوفك؟ جود بدلع: متى تبي سامي: لو علي ابي اليوم وكل يوم جود مبسوطه: اليوم اليوم اللي تبيه ياعمري بس كل يوم صعبه شوي سامي بكل رومنسيه: ماعليك يابعد قلبي بيجي وقت اشوفك كل يوم ومتى مابغيت جود بحب : ياربي متى يجي هاليوم تدري سامي ماحب افارقك دقيقه سامي بهدوء: انا يعني اللي اقدر على فراقك الود ودي ماافارقك دقيقه : : : الساعه 6 مساءً بتوقيت السعوديه 9 صباحاً بتوقيت السعوديه .. فتحت باب البيت شافته جالس على الدرجه الوسطى ويدخن ..جلست بجنبه وقالتها بهدوء: ماتبي تبطل تدخين؟ مشعل : لا مااقدر انتي ماتدرين وشلون الصداع اللي ملازمني من بعد مابطلت الزفت اللي كنت اخذه عبير بدلع: بقول للبودي قارد ماعاد يجيبون لك دخان مشعل بسرعه: لايرحم امك الا ذي صدقيني بتركه لحالي عبير تناظره : وعد؟ مشعل يتبسم: وعد عبير بعد ماوقفت : قوم نفطر مشعل يهز راسه: لا مابي مالي نفس عبير تتخصر : شف كل وجبه تفوتها افوت بدالها وجبتين وانت بكيفك مشعل يوقف ويرمي السقاره بالأرض ويدوسها : لا وانا اقدر بعد ماوصلو للمطبخ وجلس على الطاوله اللي مجهز الفطور فيها ..شرب شوية حليب وبعدها اخذ توست دهنه جبنه ومربى وبدا ياكله .. الدكتور بعد ماوصل وهو يتبسم: صباح الخير عبير وهي تتبسم: صباح الورد مشعل بدون نفس: صباح الخير الدكتور بعد ماجلس: هاد الفطور والا بلاش واللهي ميت جوع مشعل قرب من عبير اللي جالسه على يساره والدكتور كان مقابلهم ..قالها بصوت واطي : هذا الى متى بينشب هنا انا والحمد لله ماعاد احتاجه عبير تتبسم: هو دكتور وانت للحين تجيك نوبات غريبه خليه مشعل بقهر: خل ياكل تبن بس..وقف وقالها بصوت عالي: بروح اتمشى عبير تجين عبير توقف: ايه ياللا الدكتور وهو يناظرهم: ياللا شوي تانيه وبلحأكم بعد ماطلعو برا البيت ..ناظر فيها: بذمتك وش يحس به هالدكتور عبير وهي تضحك: وانت ليه مقهور منه مشعل ببرود: مو سالفة قهر بس كذا ماواطنه عبير تناظره بطرف عين: اها ماتواطنه مشعل وهو يناظر بالمسافه اقصى اليسار : تركضين؟ عبير مستغربه: نركض ليه مشعل يرفع حاجبه : كذا مابي هالدكتور الغبي يلحقنا عبير فاطسه: طيب ياللا بدو يركضون بسرعه ..عبير سبقته بمسافه ..هو كان ينافخ وعجز يلحقها مايدري وش السبب يمكن ادمانه السابق او لأنه من زمان ماركض ..صارخ بصوت عالي: يابنت انتظريني عبير وهي تركض وتصارخ: مابي انتظرك انت الحقني مشعل وهو ينافخ: طيب طيب اصبري اوصلك بس عبير تصارخ: طيب اوصلي بشوف بعد ماابتعدو مسافه انسدح مشعل بسرعه وهو ينافخ : خلاص تعبت عبير جلست بجنبه وهي تنافخ: ياكسول مشعل بعد مابدت انفاسه تهدى ناظر فيها وبشعرها الناعم اللي جاي على عينها وقالها بهدوء: تدرين عبير عبير بهدوء: وشو مشعل: انا مو من زمان اكتشفت اني مااحب نجلاء ولا حبيتها بيوم يمكن كنت جديد ع الحب او اختلطت المشاعر بداخلي ..مالي فتره عرفت الفرق بين الحب الحقيقي ولعب المبزره عبير تتبسم: وشلون عرفت مشعل يناظر بالخضار اللي حولهم ويحاول قد مايقدر يبعد نظره عنها: عرفت منك انتي عبير مستغربه: مني انا وشلون ؟ مشعل بعد ماتنهد: بالاول كنت استغرب حركاتي وشلون اغار من هالدكتور الغبي وبعدها وطول فترة علاجي كنت افكر اكون قوي عشان اهلي وعشانك وكنت استغرب ليه تجين دايم ببالي بس الحين وقلبي يخونني وينبض بقوه غصب عني عرفت الجواب عبير بهدوء: ووش الجواب مشعل يناظرها : الجواب انا احبك عبير واللي استحت وقفت بسرعه وصارت تركض بطريق البيت مشعل وقف بسرعه يلحقها ويصارخ: عبيير تعالي دقيقه سحبتها لاتروحين عبير كملت طريقه تركض ولا كأنها تسمعه : : : الساعه 7 المغرب .. لفت حول نفسها للمره الخامسه : ياربي احس فيه شي غلط نوره وهي تناظرها بملل: يابنت لك ساعه تلفين بهالفستان وكل شوي تقولين لهم يعدلون شي اخلصي علي العنود بقهر: يابنت احسه مو عاجبني فيه شي غلط نوره تناظره: والله حلو ولا ناقصه شي انتي اللي شكلك ناويه على فستان من الزي الفرعوني العنود تضحك: لاشدعوه بس ماادري انتي وش رايك نوره وهي تحط يدها على خدها بملل : قلت لك رايي حلو مره يجنن خلاص لاتسوين عليه أي تعديل العنود بهدوء: طيب خلاص ببدل ملابسي غيرت ملابسها وبعد مالبست عبايتها ناظرت باللبنانيه : خلاص مابي ازيد عليه أي تعديل اللبنانيه واللي مو مصدقه: اكيده انتي مابدك اعملو تعديلات زياده نوره تناظرها : شفتي حتى اللبنانيه مو مصدقه العنود وهي تضحك : اسكتي بس ..وناظرت باللبنانيه : اكيد مابدي أي تعديل نوره تدفها : وش عندها ياللي بتحكي لبناني العنود تضحك: شسوي عشان تفهم علي نوره: امشي بس اللي يسمعك يقول لهجتنا صوماليه عشان ماتفهم عليك بعد ماطلعو من المشغل ..ركبت العنود بجنب سلمان ونوره ركبت ورى .. سلمان بدون نفس وهو معصب: ساعه وش تسوون نوره : لابس المقاس ماكان مضبوط سلمان يحرك السياره وهو معصب: حركاتكم يالحريم لازم فستان وحوسه يعني انا لوعلي بلاه هالعرس كله العنود حست بأحباط وهي تسمع كلامه .. نوره بسرعه: ايه صح ماتبي هالعرس مدري مين اللي كان متيم سلمان واللي انقهر من كلام نوره: اكرمينا بسكوتك نوره فتحت فمها تبي تتكلم ..بس قطعها صوت الجوال ..فتحت شنطتها وبعد ماطلعت الجوال شافت الرساله اللي من بندر : أحبك ولاتفكرين بنساك ياروحي : تنهدت بعد ماقرت الرساله اللي تشبه كثير رسايل بندر له فتره يرسلهم لها ..سوت حذف للرساله وحطت الجوال بالشنطه : : : الساعه 8 مساءً .. ديوانية ابو الحميد بالتحديد.. دخل الديوانيه وجلس مقابل تركي اللي كان يناظره بنظرة احتقار .. اما باقي الرياجيل اللي بالديوانيه صارو يرحبون ويهلون فيه بندر وهو يتبسم: اخبارك فروس فارس: بخير الحمد لله بندر: وينك من زمان ماتجي لتركي فارس واللي ارتبك: هاه لابس مشاغل بندر يضحك: احلى يالمهم فارس يضحك رغم احاسيسه اللي تكهربة بداخله اول ماشاف تركي: ايه مهم وش على بالك بندر : ياللا دامك وصلت ومعاك العود ياللا سمعنا شي حلو فارس يضبط العود: من عيوني وش تبي تسمع بندر يفكر:اممممممممم ابي جديد راشد فارس : طيب ..بدا يعزف على العود بأتقان مثل عادته واول مابدا يغني بصوته المميز الكل سكتو ودخلو جو معاه ( عشان الحب واللي بيني وبينك عشان الحب عشان ايامي وسنينك ابيك تراجع احساسك وتنسى جروحي والامك حرام انه في هذا البعد تضيع ايامي وايامك .. انا أترجاك لاتنسى ليالي الحب وسنيني وحاول لجل حبي لك انك ماتخليني..) بندر دخل جو مع الاغنيه وبدا يفكر بنوره اللي ماقدر لحظه ينساها .. تركي واللي اخذ باله من شرود بندر قالها بصوت عالي: مانبي حزين غني شي فرايحي بندر بسرعه: لا لا كمل وربي انك بطل جبتها على الجرح فارس يغير اللحن ويدخل بأغنيه ثانيه : جبتها ع الجرح وكنك مادريت وانت قاصد ماهي عني اصدفت والدليل انك تبسمت ومشيت وانا نادي لك ولا يمي التفت .. سلطان بحماس: الله عليك الله غني شي لعبد المجيد تركي قرب من فارس: انا بقول له وش يغني ..قرب له اكثر وقالها بصوت واطي: بندر مايدري بشي ياويلك تجرب تدخله بالسالفه اخوي اللي فيه مكفيه ..خلص كلامه ورجع مكانه وهو يناظر فارس بنظره ملاها الحقد فارس ضحك وهو يخفي ارتباكه وبدا يغني لأبو نوره بصوته الساحر : : : الساعه 11 مساءً بتوقيت السعوديه 2 ظهراً بتوقيت امريكا.. الغدا كان جاهز ..جلس على الطاوله هو والدكتور وعبير ماشرفت .. مشعل وهو يناظر بزوجة الحارس: عبير وينها زوجة الحارس: ناديتلا بتقول مابدهاش تاكول مشعل وقف: مهوب على كيفها رقى الدرج بسرعه واول ماوصل غرفتها صار يطق الباب بسرعه وبصوت عالي: عبير افتحي الباب انتظر شوي ولما ماجاه رد طق الباب مره ثانيه: عبير والله ماتفتحين الباب مااتغدى وادخن علبة السقاير كلها عبير قامت بسرعه وفتحت الباب .. مشعل وهو مسند جسمه على الباب : تخافين علي؟ عبير نزلت راسها مستحيه ومسكت الباب تبي تقفله: روح مشعل مسك الباب بسرعه: خلاص يابنت نمزح معاك وسحبت كل كلامي بنات دلوعات عبير : اها يعني الكلام اللي قلته اليوم وحنا برا مزوح مشعل بأصرار: لا أحبك وغصب عنك أحبك وتبين تتغدين وبلا دلع لاأفقع وجهك عبير تضحك: طيب بتغدا بس اسحب كلمتك مشعل يسوي موفاهم: أي كلمه فيهم عبير : هذي اللي قلتها تو مشعل يستهبل: عن الدخان يعني خلاص سحبتها ماراح ادخن الباكيت كله عبير متنرفزه: لا مشعل مو هذي اللي بعدها مشعل : أي كلمه وضحي كلامك عبير وهي مستحيه: يوم تقول احبك مشعل فاطس: ادري بس استهبل ومو ساحبها عبير تسوي زعلانه : ياثقل دمك مشعل يسوي قوي: بتنزلين تتغدين والا شلون عبير بدلع: بنزل مشعل رافع حاجبه: بنات مايجون الا بالعين الحمرا عبير بتردد: ايه صح مشعل مشعل مستغرب: وشو عبير: بالفتره اللي انت كنت تعبان نجول ارسلت رساله على جوالك مشعل بسرعه: وش الرساله عبير: كانت كاتبه مفكر نفسك ذكي بوصلك يعني بوصلك مشعل بأنفعال: وان شاء الله رديتي على الرسال عبير بخوف: ايه ارسلت مشعل يحاول يكون هادي: ايوه وش ارسلتي عبير: ارسلت ايه اذكى منك وكل شي عندك بليه واشربي مويته انا بلغت اهلي بكل السالفه وانتي ماعاد تهميني مشعل بقهر: الله لايعطي الشيطان عافيه عبير تناظره بحده: وانت ليه منقهر حنيت لها يعني مشعل يتنهد: لا طبعاً بس جوازي عندها اخاف تسوي شي بالجواز عبير بهدوء: انا ارسلت لها كذا عشان لاتهدد بالمقاطع نسيت سالفة الجواز مشعل يهز راسه: طيب خير ان شاء الله : : : الرياض ..يوم الأربعاء الساعه 2 الظهر .. منسدحه على فراشها وتفكر :اكيد رجع لطبيعته والدليل الرسايل اللي يرسلها ..ياللا كلها فتره ويتخطى هالأزمه ..مستحيل ارد على رسايله عشان يتخطاني وينساني ..تنهدت وهي تفكر : ياربي وش كثر احبك يابندر : : بنفس الوقت وبزاويا ثانيه .. كان منسدح على فراشه ويفكر: معقوله نوره تنساني معقوله ماتحبني لا لا اكيد فيه شي قوي خلاها ترفضني ..تنفس بعمق وهو يفكر : وش سبب رفضك يانوره انا لازم اعرف لازم اكلمك اخذ جواله وكتب لها بسرعه : انا جالس افكر فيك وافكر وش سبب رفضك لي رغم حبي لك : اول ماسمعت صوت الجوال اخذته وبعد ماقرت الرساله حست بقلبها ينبض وهي تفكر وتتبسم: ياربي يابندر تحس فيني يابعد قلبي سوت مسح للرساله وحاولت ماتفكر بكلامه ابد : : : الساعه 5:30 المغرب اول مادخل من الباب شافها بالصاله تبسم وقرب منها وبعد مامسح على شعرها بحنان: يابعد قلبي تدرين انك وحشتيني مره لجين بهدوء: ايه صح تبي تعلمني انك تحبني .؟ انت بس شفقان علي والا ليه مااعترفت لي بحبك الا بعد ماصرت عاجزه امشي على رجلي احمد ياخذ نفس بعمق: ياربي ماراح نخلص من هالسيره يالجين ..ارحميني وارحمي نفسك ..كفايه الكوابيس اللي تشوفينها كل ليله ..كمل بنبره حازمه: انا احبك وشيلي هالاوهام من راسك تكفين تراي تعبت لجين بقهر: تعبت مني ماعاد تتحملني تتحمل مكالمات اللي اخر الليل احمد قرب منها وبكل هدوء: لجين ادري انك مصدومه وتعبانه نفسيتك من وضعك بس تراي عشت ظروف اقسى من ظروفك وكنت قوي تكفين خلك قويه لجين ضمته بقوه وبدت تبكي: تعبت يااحمد وانت بعد احسك متغير علي احمد يمسح على شعرها بحنان: لامتغير ولاشي انا احبك وبتم احبك طول عمري : : : الساعه 6المغرب بتوقيت السعوديه 9 الصبح بتوقيت امريكا .. نزل الدرج بهدوء بعد ماصحى من النوم سمع الفوضى اللي برا البيت ..ناظر بزوجة الحارس اللي واقفه عند الباب الخارجي وهي تناظر من خلال الباب المفتوح بتوتر .. قالها وهو مستغرب: خير وش فيه؟ زوجة الحارس وهي تفرك يدينها بتوتر: عبير فوق الفرس والفرس هايج مشعل صرخ بسرعه وهو يركض: وشلون .. اول ماطلع ناظر بمكان الخيول وشافها ممسكه بعنق الفرس بقوه وهي تصارخ من الخوف والبودي قارد يحاولون يهدون الخيل الهايج مشعل يصارخ من بعيد : مهوب كذا انتم تخوفون الفرس زياده ..قرب منهم بسرعه ومسك لجام الخيل وبدا يشده بحركات متقنه وهو يطلع اصوات هادئه من فمه ..وفجأه حطت الفرس رجلينها على الارض بهدوء وانقادت لمشعل .. مشعل وهو يمد اللجام للبودي قارد: امسكه مد يده لعبير اللي تبكي وقالها بحنان: عطيني يدك لاتخافين ساعدها تنزل وناظر فيها وهي ترجف وتبكي بخوف قرب يده من شعرها وقبل يلمسها وقف يدينه بعيد عنها : بسم الله عليك عبير بخوف: مشعل مره يخوف مشعل يتبسم : معليه قلبي ..وكمل بسرعه: اصبري دقايق وبجي راقبته وهو يدخل داخل البيت ويرجع بسرعه وبيده علبة مويه اعطاها لها: اشربي مويه عبير بعد ماشربت المويه: مدري وش جاها اول مره اشوفها تثور كذا مشعل بهدوء: يمكن فيه شي علق برجلها او شي عبير تتبسم له: اشوفك تعرف للخيول مشعل وهو يفكر وبصوت مسموع:ايه بابا كانت عنده مزرعه وفيها خيول وكنت احبهم كثير عبير: حركات والله ماقلت لك ولد نعمه مشعل يضحك: تقدرين تقولين كذا ..ناظر بالخيول وقالها بحماس: تجين نتمشى بالخيل شوي؟ عبير بخوف: بس اخاف مشعل مشعل بحب: ماعليك انا معاك بمشي بالفرس بجنب ونبي نمشي بشويش عبير بهدوء:طيب بعد ماضبطو البودي قارد لهم الخيول ..مشى بفرسه بجنب عبير وفرسها .. عبير تناظر فيه: مشعل ماكلمتني عن نفسك مشعل يفكر : وش اقول لك بابا رجل اعمال معروف بالسعوديه وماعندي اخوان ماعندي غير اخت وحده اسمها عنود ..ماعندي شغلات بحياتي احكيها غير قصتي مع نجول واللي انتي تعرفينها عبير تتبسم: وش اسمه ابوك مشعل: خالد الـ.......... عبير تفكر: مااعرفه بس دامه معروف بالسعوديه يمكن لوقلت لبابا يعرفه مشعل بعد تفكير: عبير الحين شسوي ابي انزل السعوديه عشان زواج اختي عبير : بنجيب لك جواز مزور روح للسعوديه وارجع فيه مشعل وقف الفرس وناظرها بذهول : نعم اروح بجواز مزور سلامات والله مااسويها مستحيل وش تقولين انتي عبير بهدوء: مشعل المشكله لوطلعت بدل فاقد يمكن يسحبون فيزتك وماعاد ترجع لأمريكا تكمل دراسه مشعل ببرود : عادي مابي اكمل دراسه هنا ولاابي ارجع عبير بسرعه: مشعل الدراسه هنا مستقبل تضيع مستقبلك مشعل بهدوء: المستقبل اللي بيجي كذا مابيه عبير بحزن : طيب وأنا؟ مشعل سكت وماعرف وش يرد عليها عبير بسرعه : طيب خلني انا مومهمه ومولازم ترجع عشاني لكن لو طلعت بدل فاقد يبون يفتحون لك سين وجيم وماراح يطلع الجواز الا بعد 3 شهور ويمكن اكثر وانت ماتبي تقول لأبوك مشعل بعد تفكير: خلاص مافيه غير اننا نروح للسكن وندور جوازي هناك عبير بخوف: لاهناك يمسكونا مشعل يناظرها : تبيني اروح وارجع لك مافيه الا هالطريقه جواز مزور مالك امل اطلع فيه عبير بعد تفكير : طيب بس بشرط انا اللي ادخل شقتك وانت تدلني بالجوال وبس مشعل بسرعه: نعم مالك امل اخاف يمسكونك عبير : وانا اخاف عليك يمسكونك مشعل انا اللي بدخل والا تروح بالجواز المزور مشعل بقهر: اسمعي كلامي عبير واللي بدت تبكي : وانت بعد اسمع كلامي مشعل انا اخاف عليك انا ..سكتت شوي وكملت: احبك مشعل واحسك مليت علي دنيتي امانه لاتخليني مشعل بعد ماتنهد : ياربي عبير لاتبكين تكفين بدون شي اللي فيني مكفيني عبير : خلاص ماابكي بس اسمع كلامي مشعل بهدوء: امري لله : : : الرياض الساعه 8مساءً .. ابو سلمان يوقف وهو معصب: انت مجبور على البنت والا وش سالفتك سلمان بنبره حاده: مااقدر اسافر معها دوامي يبتدي بعد زواجي بفتره بسيطه ابو سلمان : خلاص روح معاها دبي 5 ايام سلمان بهدوء: وليه المخاسير مايحتاج بجلس معاها هنا الفرحه والسعاده ماتعرف مكان ابو سلمان بنبره حازمه: شف لاترفع ضغطي قلت تسافر مع عروستك يعني تسافر هذا مو كلام بنت اختي متعوده على العز ولاتقول بلا مخاسير انا اللي بدفع سلمان بهدوء: خلاص طيب بسافر معها ابو سلمان يقرب من سلمان ويجلس بجنبه: علمني ياوليدي وش فيك ماتبي تتزوج؟ سلمان وهو يضحك: لابابا الا ابي اتزوج ومستعجل على الزواج بس سالفة السفر ابو سلمان: خلاص دام كذا بحجز لكم وماعليك السفره على حسابي سلمان بهدوء : اللي تشوفه : : : الساعه 5الفجر بتوقيت السعوديه 8 الليل بتوقيت أمريكا.. بعد مشوار طول كم ساعه وصلو عند السكن اللي كان مشعل ساكن فيه ..اخذت مفتاح الباب وحطت جوالها بمخباها اللي ورى وحطت السماعه بأذنها ..اول مافتحت الباب قالها مشعل بسرعه: عبير خذي بالك من نفسك عبير تتبسم : ماعليك اول مانزلت وبدت ترقى الدرج للشقه حست انها تسمع نبضات قلبها من كثر خوفها ..فتحت باب الشقه ودخلت بخطوات بطيئه كل خطوه تجر الثانيه ..قالتها بصوت واطي: الو مشعل وين تصير الغرفه .. اول ماوصلت للغرفه صارت تدور بكل مكان بالطاوله وبالادراج بدولاب الملابس رمت كل شي بعدت فرش السرير وصارت تدور تحته ..مالقت شي بكل الغرفه .. قالتها بصوت واطي :مشعل مالقيت شي مشعل بسرعه:طيب خلاص انزلي عبير بخوف : مشعل فيه صوت بالشقه مشعل : صوت كيف يعني عبير واللي قربت تبكي من الخوف : صوت الخطوات قربت من الغرفه مشعل بسرعه: تخبي تحت السرير عبير وهي تدخل تحت السرير: مشعل لو شافو الغرفه كذا بيعرفون ان فيه احد هنا مشعل : ياربي انا قلت لك طيب ياللا اسكتي لايسمعونك صارت تنافخ من الخوف وهي تسمع صوت الخطوات تقرب منها ..ناظرت بالظلام تحت السرير وشافت شنطه حديد مستطيله مثل اللي يحفظون فيها الأسلحه حاولت تفتحها وماقدرت مسكت الشنطه وقررت تاخذها معها .. حست ان الصوت اختفى طلعت من الغرفه بهدوء وهي ضامه الشنطه بيدينها ركضت للباب ونزلت الدرج بسرعه ركبت السياره وهي تنافخ :تحرك بسرعه احس فيه احد وراي حرك السياره بسرعه وهو يناظر من المرايا: ياربي شكلهم رجالها لاحقينا وفجأه وبعد ماانعطف للطريق الرئيسي اللي ياخذهم للمزرعه بدا طلق الرصاص ..على السياره ..عبير صارت تصارخ: ياربي مشعل اخاف مشعل يصارخ: تمسكي زين فجأه انحرفت السياره بسبب طلق الرصاص اللي صاب كفر السياره ..عبير مسكت الكرسي بقوه وصارت تصارخ ..مشعل صرخ بسرعه : انزلي من السياره ..مسكت الشنطه ونزلت بسرعه تركض معاه ..كانو يركضون والرجال وراهم يطلقون رصاص عليهم ..المكان كان مثل الغابه ومظلم كانو يتخطون الزرع بصعوبه .. سمع صوت طلق نار انهارت من بعده عبير اللي كان ممسك بيدها بقوه ..مشعل نزل لمستواها حط يده تحت ظهرها وصار يهزها وهو يناظر بالرجال اللي قربو يوصلون لهم : عبير وش فيك عبير بألم : مشعل لاتترك هالشنطه مدري شفيها مشعل سحب يده اللي كان حاطها ورى ظهرها وشاف الدم وصرخ وهو يهزها بألم :لاعبير لاتموتين انا احبك انتي اللي لي بهالغربه تكفين لاتخليني نهاية الفصل | ||||||||||||||
|
| |
|
05-12-10, 04:15 AM
| #26 | ||||||||||||||
| مراقبة ومشرفة سابقة ونجم روايتي
| لحظات مرت بنا قد تكون سعيده وقد تكون حزينه ولكنها ذكريات طبعتها الأيام في مخيلاتنا الصغيره فأصبحت مجرد ماضي لا أكثر كلنا نملك أيام سعيده لا ننسها تزين وجوهنا بأبتسامه كلما ذكرنها ..ولنا أيضاً أيام مره تشعرنا بالألم عندما نتذ كرها.. صوت الضوضاء من حولي يشتت أفكاري ..خصوصاً وأنا اتذكر ماحصل بأحداث الروايه الأخيره .. وضعت أصابعي على الكيبورد وبدأت أحركها بسرعه وأكتب المزيد من تفاصيل الروايه الفصل الخامس والعشرين الرياض ..الساعه 1 بعد منتصف الليل .. قبل أن نتوقف جالس بمقهى مع اخوياه وشارد بعالم ثاني.. رائد يضحك وبصوت مسموع: شف سلمان وشلون شارد عبد الله وهو يضحك: تلاقيه يفكر بالزواج رائد يهز سلمان: هي يالأخو نحن هنا لاتفكر كثير بتعرس بتعرس ماعليك سلمان يضحك ضحكه باهته: لاماكنت افكر بالزواج اساساًَ مو مستعجل عليه رائد يناظره بنص عين: ايه صح صدقتك فيصل بعد ماضحك: ياويلي ياسلمان مدري وش حادك تتزوج انا لو الموت مااتزوج رائد بسرعه: وش فيه العرس والله انا ابي اعرس فيصل بغرور: مايحتاج اتزوج البنات يجون لين عندي سلمان واللي ماعجبه الكلام: اعوذ بالله يارجال وش هالكلام خاف الله ببنات الناس فيصل يأشر (روح) : هذول بنات شوارع مو بنات ناس البنت اللي يلين راسها من كلمتين حلوين تستاهل ينلعب فيها واكثر سلمان بعد ماحس بنار بداخله وهو يتذكر العنود : استغفر ربك بس عندنا بنات الله يستر عليهم اللي يلعب ببنات الناس يجي يوم ينلعب ببناته فيصل ببرود: لا الحمد لله بناتنا بنات عالم وناس ماينجرفون ورى كلام غلط سلمان بحزم: يعني خواتك وخواتي مو بشر اذكر الله بس وخافه ببنات الناس رائد بهدوء: والله انك صادق ياسلمان بس فيصل مامنه رجى خليه عنك فيصل يكتب مسج بجواله ويطنش باقي الحوار..سلمان رجع غرق بأفكاره خصوصاُ بعد كلام فيصل وبينه وبين نفسه: والله انه صادق البنت العاقله ماتمشي ورى تفاهات ..بس هي تقول ماكلمته .. بسرعه غير كلامه: لا هي كذابه انا كم مره اشوفها واقفه معها .. أنا وأنا رجال عمري ماانجرفت ورى أي بنت وهي تسوي كذا..وبعد تفكير : بس انا انجرفت وراها ..وبعد تفكير: بس ماغلطت هي غلطت وغلط ماينغفر : : : الساعه 6:30 صباحاً بتوقيت السعوديه 9:30 مساءً بتوقيت أمريكا.. حيث تــوقفنا .. مسح دمعه طاحت من عينه غصب عنه .. كل ماحس ان هالدنيا ضحكت له ترجع تقفل بوجهه التفت وراه وناظر الرجال اللي قربو يوصلون له ..حط يده ورى ظهرها والثانيه تحت رجلينها وشالها وهي ضامه الشنطه لافتها بيدينها وهي فوق بطنها وتتلوى من ألم الرصاصه ..صار يركض فيها حس ان فيه قوة العالم وهو يركض وماحس بثقلها ..كان يركض ودموعه تنزل على خده .. بهاللحظه تجرد من رجولته تجرد من كل شي حس بروحه بتطلع منه وهو يقولها بصوت عالي: تكفين عبير لاتتركيني اخذ يمين وصار يدوس فوق الخضار وهو يسرع حاس بأصواتهم قريبه غير صوت الرصاص اللي كل شوي يسمعه متأكد انهم راح يمسكونه ..أخذ يمين مره ثانيه وصار يركض يركض يركض وهو مو حاس برجلينه وينافخ ..زاد من سرعته لما سمع صوت السيارات بالطريق السريع .اخيراً طلع على الشارع.. حطها على الأرض ورفع يدينه الثنتين يأشر يبي سياره توقف له ..التفت وراه وشافهم خلاص قريب يوصلون له ..صرخ بقوه وهو يأشر : الله يخليكم سياره وحده توقف لي ..اخيراً وقفت له سياره فيها رجال بالعقد الخامس من عمره ..فتح الباب اللي ورى حط عبير بسرعه قفل الباب ولف للجهه الثانيه وهو يناظر البودي قارد اللي وصلو خلاص واطلقو رصاص باللحظه اللي ركب فيها مشعل السياره وقفل الباب وصرررررررررخ : GO GO GO(انطلق) وصلو على الشارع باللحظه اللي تحركت السياره فيها ..اطلقو عدد من الرصاصات اللي ماأصابة السياره .. ضرب كل واحد فيهم الأرض بقهر . الرجال بالسياره التفت لمشعل اللي كان ينافخ ويناظر عبير وهو بحالة انهيار تام : What happened?(ماذا حدث) مشعل وهو منهار وخايف : Please hurry up this wife ( هذه زوجتي ارجوك أسرع) الرجال: Well (حسناً) : : : الرياض ..الساعه 7:30 الصبح.. صحى من النوم ..ناظر بالساعه بعد لحافه واول ماحط رجله على الأرض سمع صوتها اللي باين النوم عليه: وين رايح احمد يلتفت لها وهو يتبسم: بروح للحمام عندك مانع لجين بهدوء: لا مشى للحمام وانتم بكرامه غسل وجهه وفرش اسنانه وتوضى للصلاه اللي ماصحى لها بوقتها ..اول ماطلع من الحمام ناظر فيها وهي تراقبه: ارجعي نامي ماراح اطلع برى الغرفه لاتخافين لجين بقهر: احمد تعال قرب منها وهو باقي مبتسم : نعم؟ لجين ترفع يدينها : شيلني احمد يضحك: طيب تعالي..حط يده اليسار تحت رجلينها ويده اليمين تحت ظهرها .. اول ماحس بثقلها قالها وهو مبتسم ع الأخر: ليه منتي براضيه اشتريلك كرسي ارحم من هالحاله لجين بدلع: لأني ببساطه راح امشي الدكتور قال رجليني مافيهم شي احمد يناظرها بحده: والله شاك يابنت انك تسوين فيني مقلب وانك تقدرين تمشين لجين تضحك بأستخفاف: لا والله ماشاء الله عليك مره ذكي..كملت بهدوء: احمد احمد يناظرها : امري لجين: تدري لو تخونني وش اسوي احمد:وش تسوين لجين ببرود : انتحر احمد بسرعه: اعوذ بالله : : : الساعه 8 الصباح بتوقيت السعوديه 11 المساء بتوقيت امريكا.. جالس على الأرض مقابل الغرفه اللي فيها عبير ..مسند كوعه على فخذه ومنزل راسه ومغطي وجهه بكفه ..اول ماطلع الدكتور وقف بسرعه .. ناظر بوجه الدكتور اللي مايبشر خير ..وحرك راسه بحركه تعني ( وشو) الدكتور : (حالتها مستقره ولكن لاأعدك بشي ء نزفت كثيراً ولكني فعلت مابوسعي) حس بمغص قوي ورغبه كبيره بالبكاء ناظر بالدكتوربأسف وقالها بحزن : (هل ستعيش) الدكتور بهدوء: ( لااعلم هذا ستحدده الساعات القادمه) جلس على الأرض وهو يناظر تحت بالشنطه الحديديه ..ويفكر بعبير ..حاول يفتح الشنطه ماقدر كانت مقفله برقم سري..سمع صوت خطوات واضحه رفع بصره بعد الشنطه بشوي وناظر بالجزمه السودا الايطاليه اللي صارت بجنب الشنطه كانت تلمع بقوه من شدة النظافه.. رفع راسه يناظر بالرجال اللي واضح عليه شخصيته قويه..كان واقف مثل الجبل بكل جبروته لابس طقم امريكي فخم يساوي الاف الدولارات وبيده شنطه وكان يناظر مشعل بحده.. مشعل وقف بسرعه وقالها وهو يتلعثم بالكلام:what? الرجال يناظره وبكل هدوء: انت اللي what وش مجلسك هنا ؟ مشعل يأشر على غرفة عبير: انا جاي مع المريضه اللي هنا الرجال بكل ثبات: انا ابوها مشعل بسرعه : انت ابو عبير ابو عبير: ايه.. انت اللي جبتها لهنا؟ مشعل وهو مرتبك: ايه انا زميلها بالجامعه ابو عبير ومازال يناظره بنظره حاده: وشلون انصابة البنت؟ مشعل بهدوء : كان مجرد حادث بالطريق ابو عبير بعد مارفع واحد من حواجبه وواضح على وجهه انه مستاء: ليه يعني انت اللي جبتها مشعل واللي ارتبك : هاه لابس انا كانت معي سياره و.. ابو عبير يقاطع مشعل وهو يأشر بمعنى (خلاص ) : مابي اسمع تفاصيل اكثر : : : الرياض الساعه 12 الظهر.. صحت على صوت رنة الرسايل بالجوال اخذته وبعد مافتحت الرساله ماقدرت تخفي علامات الدهشه اللي وضحت على وجهها بعد ماقرت الرساله اللي من بندر : حبيبتي .. اليوم لازم اشوفك بجي عند بيتكم الساعه 6 المغرب : قالتها بداخلها وهي مستغربه: انا قلت راح ينساني ويتخطاني اخر شي مرسل لي يبي يشوفني سلامات كتبت له رساله بسرعه : وش مفكرني انت عشان اطلع معاك بعدين قلت لك انساني شوف غيري : انتظرت شوي وبعد دقيقتين جاها الرد : اللي عندي قلته جاي جاي الله لايعوقني بشر انا متأكد انك تحبيني ومستحيل انساك فرقتك مرضتني لازم نحط النقاط على الحروف : بعد ماقرت الرساله فكرت كثير ..وبعد تفكير حطت الجوال على الطاوله وقامت من السرير وقالتها بصوت واطي مسموع: بطنشه يعني بيجبرني اكلمه : : : الساعه 12:30 الظهر بتوقيت السعوديه 3:30 الفجر بتوقيت امريكا .. بعد ماتطمن على حالتها وانها استقرت طلع من المستشفى ..كان يمشي وهو شايل الشنطه ويفكر وين لازم يروح ..ناظر بالشنطه وبنبره تحمل الاصرار : انا لازم افتحها..مشى مسافه الى ان دخل بأحد الأحياء كان الظلام مالي المكان وباقي ما نورت الشمس العتمه .. وصل لممر ضيق كان يحتوي على سلالم حديديين للطوارىء لعمارتين من الخلف ..الدرج كان على يده اليمين والثاني على يساره.. التفت للدرج على يمينه ومسك الشنطه بيدينه وصار يضرب مقدمتها بالدرج الحديدي بقوه يحاول يفتحها .. بالوقت اللي كان يضرب الشنطه بالدرج صرخ عليه واحد من اعلى الدرج: You are crazy(أنت مجنون) مشعل ناظر بالرجال اللي بدا ينزل الدرج بسرعه وهو معصب واول ماوصل عند مشعل صار يناظره بحده وكأنه ينتظر جواب مشعل يفكر وبصوت واطي مسموع: وش اقول له هالحين الرجال وهو مبتسم ع الأخر: قول لي أي شي عادي مشعل مستغرب: عربي؟ الرجال يضحك: وسعودي بعد وانت وجهك ولهجتك سعودي والا غلطان مشعل يتبسم : الا سعودي بس انت شكلك سوري الرجال يضحك: حرام عليك كل هالجمال والوسامه وتقول سوري مشعل يضحك: يعني السواريه مو حلوين الرجال: لا ماحبهم الزبده وش موقفك هنا بهالليل تبي تطيح عليك عصابه انت بأمريكا مو بالسعوديه مشعل يضحك: ياخوي متعود على العصابات الرجال يهز راسه بالأيجاب: انا اسمي نايف وانت؟ مشعل: انا اسمي مشعل نايف وهو مبتسم على الأخر : طيب ليه ماتروح بيتكم بدال هالأزعاج اللي مسويه لنا مشعل نزل راسه وقالها بهدوء: والله ياخوي انا قصتي قصه الزبده ماادري وين اروح نايف بعد تفكير: طيب تعال معي انا ساكن لحالي ولو تبي علمني قصتك يمكن اساعدك هز راسه بالأيجاب وهو يلحق بنايف اللي بدا يرقى الدرج بسرعه : : : الساعه 1:30 الظهر.. بأحد مطاعم الرياض.. جالس يلعب بصحن الرز اللي قدامه وهو شارد.. رائد بصوت مسموع: سلمان وش فيك سلمان يرفع راسه بسرعه ويناظر رائد: هاه لا ابد مافيني شي..تبسم وشرب بسرعه بالمزاز من عصير البرتقال اللي قباله رائد يناظره : يعني مااعرفك وش مشغل بالك كذا؟ اللي يشوفك مايقول هذا زواجه قريب.. ليه ماشوف الفرحه بعيونك؟ سلمان يتبسم ويحاول يخفي اللي بداخله: يارجال انا عادي وضعي طبيعي ومستانس بس تعرف مقبل على حياه جديده ماادري كيف راح تكون ودايم افكر رائد يشرب من عصيره وهو مو مقتنع: طيب مسك الملعقه يبي ياكل وهو يفكر : ياربي وشلون انسى هالجرح احس بجد اني انكسرت ..ضرب الملعقه بالصحن بقوه وهو يفكر: آه يالعنود قلبتي كل موازيني سلمان الأولي تغير وانتي السبب رائد حط يده على يد سلمان اللي ممسك الملعقه فيها: قوم نمشي شكلك معصب سلمان وقف وبكل هدوء : ياللا كان يمشي ورى سلمان وهو مستغرب ..سلمان رغم شخصيته الثابته الا ان روحه مرحه ماعمره شافه بهالشكل ..ركب بجنب سلمان اللي ركب السياره وشغلها وتحرك بسرعه كبيره رائد بعد تردد : ماراح اضغط عليك بس أي وقت تحتاجني انا موجود سلمان بعد ماحس بالكتمه وان ضغطه ارتفع وقف السياره على جنب وحط راسه على الدركسون وقالها بحزن : انا تعبـــــــــــــــــــــا ن رائد وهو يحط يده على كتفه : من وشو ياخوي الله لايجيب لك تعب ضرب راسه بالدركسون كم مره وقالها بعصبيه وهو حاس ان وده يبكي : مااقدر مااقدر رائد مستغرب: وش اللي ماتقدر عليه سلمان وهو يتنفس بقوه: مااقدر اتزوج بنت عمي ماابيها رائد بعد مافتح الباب: قوم تعال مكاني ماتقدر تسوق وانت بهالحاله وهدي بالك وماراح يصير الا الخير بدل مكانه بسرعه مع رائد وبعد ماتحركت السياره تنهد ومسح جبينه بهدوء.. رائد واللي موفاهم السالفه: صدقني سلمان كثار اللي يتزوجون بهالطريقه وبالاخير مع العشره يصير حب بين الطرفين وش نسوي لهالتخلف للحين عايشين على كلام زمان الولد ماله الا بنت عمه والا بنت عمته سلمان بعد تفكير: انا اليوم بكلم ابوي يلغي الزواج ماراح اتزوج مااقدر رائد بهدوء: اذكر الله لايروح ابوك فيها الزواج مابقى عليه شي وش بيقولون الناس سلمان: وش علي من الناس انا انسان واحس مااقدر اسوي شي فوق طاقتي رائد : صدقني بكره تحبها ولاعاد اسمعك تقول هالكلام ولاتفكر كثير سلمان بينه وبين نفسه: آآآآآآآآآآه يارائد لو تدري اني اموت بمواطيها بس هي جرحتني جرح مايبرى ..سند راسه على الكرسي وغمض عينه وهو يحاول ينسى : : : الساعه 1:45 الظهر بتوقيت السعوديه 4:45 الفجر بتوقيت امريكا.. بعد ماشرب رشفه من الكابتشينو اللي مسويه نايف: وبس هذي كل القصه نايف يهز راسه : والله انك تعلمت بفتره قصيره وشلون تتعامل مع الناس هنا بأمريكا اعتبرها مجرد تجربه وعدت واهم شي تعلمت منها ولازم تتخطاها مشعل بهدوء: المشكله زواج اختي قريب وماادري جوازي وين نايف يأشر بسرعه(هات) : عطني هالشنطه بجرب افتحها مشعل كان يراقب نايف اللي راح للمطبخ المفتوح جزئياً على الصاله وهو يفكر مايدري ليه ماجاب طاري عبير كل اللي قاله انه فيه زميله له ساعدته وتصوبة بالرصاص رجع نايف وبيده سكروب وسكين وصار يحاول يفتح الشنطه بس بدون فايده ..ناظر بمشعل : انت ماتتوقع هاللبنانيه وش ممكن تحط باسوورد مشعل يفكر ماادري: هي كانت عندها شنطه اكبر باسوردها 3 اصفار نايف جرب 3 اصافر وفتحت الشنطه ..مشعل فطس ضحك : والله اني غبي ماجا براسي اجرب نايف يضحك: احسن عشان يكون لي شرف اتعرف عليك مشعل يتبسم : والله الشرف لي ناظرو الاثنين بالشنطه اللي كانت فيها اوراق وسلاح مصمم بطريقه حلوه مشعل يناظر نايف : وش هالاوراق نايف يقرا بتمعن: الظاهر هذول يفكرون يتاجرون بالسلاح مشعل مستغرب: اما من جدك؟ نايف يناظره :يعني ناس تجيب مخدرات وتسوي هالسوالف اللي انت تقولها جات على السلاح يعني ..بس واضح من التواريخ اللي هنا انها جديده الظاهر استغلت فلوسك زين مشعل: الله ياخذها بس نايف بعد تفكير: مشعل تبي جوازك؟ مشعل بحماس : أي والله نايف بعد ماوقف قالها وهو يفكر : هالبنت صدقني لاعندها عصابه ولا شي لو انها من البدايه راعية عصابات وسوالف مااحتاجت هالطريقه عشان تجيبك وتبدا تسرق فلوسك هذي واخوها انت اول مخططاتهم مشعل مستغرب: كيف يعني نايف يضحك: يعني ببساطه انت كنت لهم راس المال مشعل يفكر: لابس انا شفت المحل اللي تسهر فيه كان عندها بودي قاردات وحاله غير البودي قاردات اللي كانو معي نايف : ياابني الفلوس تسوي كل شي وانت بالنسبه لهم كنت بنك مفتوح لازم يسوون كذا واكثر انا اقدر من بكره اجيب لك 10 بودي قارد لو تبي حنا بأمريكا هنا فيه ناس كثير تشتغل هالشغله بعدين هي لوكانت راعية عصابه كان ماهمها شي ماتخبي جوالك وتحط عليك حراسه عشان ماتكلم اهلك وغير ذا تخليك تدمن عشان تسيطر عليك مشعل يتذكر: لابس فيه واحد بودي قارد مره قالي انهم وصخين وقالي احذر منهم نايف يفكر: ايه لانهم بجد وصخين ويسوون أي شي يعني وحده جابت رجال امريكا وسوت كل هذا تعتقد مولازم يحذرك منها وحده كذا تسوي أي شي عشان الفلوس مشعل يهز راسه بالأيجاب:ايه صح نايف يتبسم بخبث: اقول علمني بس وين هالمحل وانا بربيها لك على طريقتي وبجيب لك جوازك بعد مشعل بسرعه: وش بتسوي؟ نايف يناظره: خايف.؟ مشعل وهو يضرب على صدره: افا عليك هنا حديد وربي ماعاد اخاف من شي نايف: خلاص اجل خلك معي وسوي اللي بقلك عليه وماراح تندم انا اعرف كيف اتعامل مع هالوصخه : : : الرياض الساعه 6 المغرب.. جالسه بأرض الصاله مع عهود يحطون شوية مكسرات وحبة شوكلاته بقطعة شيفون ويلفونها بشريطه بطريقه حلوه ..كنوع من التوزيعات لزواج اخوهم.. ريم كانت جالسه على الكنبه حاطه رجل على رجل تلف خصله من شعرها بأصبعها وتضحك بأستخفاف : وش هالسخافه اللي تسوونها بعدين عنود هالغبيه ماتستاهل كل هالمصاريف توزيعات وزينه للطاولات والكراسي نوره تناظرها بقهر: اول شي عنود تستاهل بعدين هي مو محتاجه لفلوسنا فلوس ابوها تكفيها بس حنا متحمسات لزواج اخونا وكيفنا ريم بعد ماكتفت يدينها : الله يخلف بس عهود تضحك: يخلف عليك ياللي بدون عقل ريم تصارخ: مين بدون عقل يالخايسه نوره بسرعه: انتي لأن تصرفاتك مثل المريضين نفسياً ريم تأشر على نفسها: انا مريضه نفسياً نوره تكمل لف الشريطه وتقولها بلا مبالاة : ايه مريضه ريم توقف بقهر وهي تتوعد: هين يانوره انا اعلمك ..ومشت للدرج وبدت ترقاه بسرعه وبخطوات وضحت العصبيه فيها نوره وعهود ضحكو بصوت مسموع متعمدين يقهرونها اكثر.. وهي تربط الشريطه سمعت صوت رنة الرسايل ..حطت اللي بيدها واخذت الجوال تقرا الرساله اللي من بندر : اطلعي انا برا : كتبتها بسرعه ..ضغطت ارسال ..وكملت لف الشريطه : : فتح الرساله ولما قراها حس بغليان بداخله كانت كلمه وحده : تــــــــــــــــــحلم : كتب لها رد وارسله وكان ينتظر جوابها على نار : اطلعي يانوره احسن لك : كم دقيقه وجاه الرد : ماراح اطلع بندر لاتحاول واوقف للصبح لوتشوف حلمة أذنك ماطلعت لك : فكر كثير وتذكر تركي اخوه وبعد تفكير كتب رسالته وارسلها : : بعد ماسمعت صوت رنة الرسايل فتحت الرساله وناظرت بالشاشه وهي فاتحه عيونها ع الأخر : اقسم بالله العظيم بعد من 1 للـ 3 وأن ماطلعتي والله لسويلك فضيحه عند باب بيتكم ومااتحرك الا مكلم ابوك واخوك وقايل لهم القصه مع شوية تحريف : عهود تناظر بوجه نوره اللي تغيرت الوانه :وش فيك وش مرسلين لك؟ نوره وواضح عليها التوتر: هاه لا هذي عنود مرسله تقول السواق جاب فستانها وماضبطوه عهود متأثره: ياربي والحين وش بتسوي يمدي يضبطونه لها ؟ نوره تو فتحت فمها تبي تتكلم بس قاطعها صوت رنة الرسايل فتحت الرساله بسرعه : 11111111 : خافت اول ماشافت الرقم ووقفت بسرعه وقالتها بتوتر: ماادري بكلمها وان ماردت علي معناتها تبكي بخلي سواقهم يجيني وبروح لها عهود توافقها الراي : ايه بسرعه وروحي معها للمحل نوره تركض للدرج: ان شاء الله اول ماوصلت غرفتها وصلها مسج ثاني : 2222222222 : كتبت الرساله بسرعه وتوتر : خلاص لاتكمل عد الحين بلبس عبايتي وبطلع دقت رقم العنود بسرعه وماجاها رد ..دقت مره ثانيه واول ماجاها الرد قالتها بسرعه : الو عنود اسمعي عنود مستغربه: وش صاير نوره: عنوده انا الحين بطلع شوي وبجيك انا قلت للبيت اني بجيك عشان فستانك خرب ونبي نروح نضبطه عنود تضحك: الله لايقولها بس ليه تكذبين؟ نوره بسرعه: لاجيت اعلمك ..وكملت بسرعه اكبر: ايه اسمعي قلت لهم بجي مع سواقكم عنود: اوكي انتظرك..بس مين راح يجيبك نوره بسرعه: ياربي عنود خلي اسئلتك لبعدين ياللا باي عنود بهدوء: باي بدلت ملابسها بسرعه ..لبست عبايتها ..تعطرت وطلعت من الغرفه وبدت تنزل الدرج بسرعه عهود تناظرها: وصل السواق؟ نوره: ايه كان قريب لأن العنود قالت له يجيني مره متوهقه وتبكي ع الفستان عهود تتنهد: يارب يضبط اهم شي الفستان طلعت من البيت تناظر يمين ويسار تبي تشوف السياره واول ماحست بالنور اللي اشتغل من يمينها التفتت وشافت سيارته ..راحت للسياره بسرعه وفتحت الباب اللي وراه وركبت .. بندر يناظرها من المرايا: قالو لك سواق نوره بدون نفس: بندر تحرك والا بنزل مستحيل اركب بجنبك بندر بعد تفكير : اها مستحيل ..طايب فتح باب السياره ونزل وهي تناظره مستغربه فتح بابها وحرك زر بطرف الباب وقفل بابها وراح للباب اللي بجنبها وسوى نفس الحركه ..رجع مكانه وركب ضبط المرايا وقالها ببرود: ياتجين قدام والا ماراح اتحرك وخل يجي ابوك ويشوفني ويسلم علي وان سألني مين معك بقول له بنتك نوره تضحك بأستخفاف: ماتنكت عادي الحين انزل ..حاولت تفتح الباب لكن الباب مايفتح راحت للباب الثاني ونفس الشي ..ناظرت ببندر: انت وش سويت بالباب بندر ببرود: ابد سويت نظام حمايه للمبزره يالبزره نوره بقهر : انا بزره هالحين اعلمك البزره وشلون تنزل نقزت للكرسي اللي قدام واول مامسكت مقبض الباب عشان تفتحه ..سمعت صوت الفرامل القوي .. ناظرت ببندر بقهر.. بندر وهو يتبسم:غصب عنك تجلسين بجنبي نوره بقهر: بندر وش تبي مني انا قلت لك اللي بيننا انتهى بندر ببرود: وانا احبك واموت فيك ومالي غيرك نوره بسرعه: بس انا ماحبك ومابيك بندر وقف السياره بجنب محل للعصيرات وناظر فيها: تدرين عاد اول ماقلتي لي انا ماحبك وكنت اتسلى انصدمت وتعذبت وطحت مريض بس لما حسيت بدفى يدك وبدمعاتك وانا بالمستشفى جلست اسأل نفسي دامها تحبني لدرجه تجي لعندي وتبكي عند راسي ليه تسوي كذا فكرت كثير ومالقيت جواب قلت لازم اقابلها نوره بعد ماارتبكت: انت تحلم انا مارحت لك المستشفى بندر بسرعه: اقسم بالله انك جيتيني نوره حسيت فيك ماكنت احلم ولااتوهم لاتنكرين حبك لي ..انا اكتشفت انك ماتحبيني وبس الا مستعده تسوين أي شي عشاني وتخافين علي ..نوره انا لما فكرت تذكرت كيف انك محافظه على نفسك وتعرفين حدودك ومع هذا ضحيتي عشاني ولأنك تحبيني اهديتيني شوفتك بعيد ميلادي ولأنك تخافين علي جيتيني المستشفى رغم كل شي نوره وهي تناظر بالدريشه ومبعده نظرها عنه: لا انا قابلتك كذا مجرد تهور مني بندر بحب: وجيتك للمستشفى بعد تهور؟ نوره انتي ليه تسوين كذا نوره واللي قربت تبكي وودها تصرخ له انا احبك.. قالتها بسرعه: عشاني مابيك حط يده تحت ذقنها و لف وجهها له بسرعه وناظر بعينها الباينه من اللثمه: حطي عينك بعيني واحلفي بالله انك ماتحبيني ولاتتمنين قربي بعدت يده بسرعه ونزلت راسها: مالك شغل وخل نمشي من هنا لاتسوي لي هالحركات بالشارع بندر تبسم: خلاص هذا بس اللي ابي اعرفه ..فتح الباب وحط رجله يبي ينزل.. نوره بسرعه : وين رايح؟ بندريتبسم: دقايق وراجع صارت تناظره وهو واقف بمحل العصيرات وتمسح دموعها وهي تشوف حبيبها بكامل اناقته ووسامته ..حبيبها اللي تتمناه واللي كان صادق بكل كلمة حب قالها لها .. بعد ماركب السياره وحط العصيرات قالها بحماس: جبت لك فراوله نوره بنبره ملاها الحزن: مابي اشرب شي بندر خذني لبيت عمتي لااتأخر بندر بعد ماحرك السياره: نوره انتي ليه كذا ليه مستكثره السعاده علينا نوره بكل عصبيه: مابي اتناقش معاك ودني لبيت عمتي بندر وبسرعه بندر وهو معصب: مو ماخذك مكان الا لما تقولين لي ليه رفضتيني لييييييييييييه وانتي تحبيني كل هالحب علميني نوره بهدوء : مافيه سبب مابيك وخلاص بندر منقهر: طيب يانوره خلك كذا لاتقولين لكن ورب الكعبه ماراح ارجعك لا بيتكم ولابيت عمتك خلنا بالسياره للصبح نوره بقهر: وش هالاسلوب الغبي اللي تسويه بندر: ماعندي غيره وماينفع معاك غيره نوره تحاول تكون هاديه: طيب ماراح اقول شي وسوي اللي تبيه بندر ببرود :طيب ..بدا يمشي بالحواري ويشرب العصير ويتأمل البيوت اللي يمر عندها نوره بقهر: اف بندر وش تبيني اقول بندربعد مااخذ نفس: ابيك تعلميني ليه ماتبين تتزوجيني ولاتقولين مابيك ولااحبك لأنك تموتين فيني نوره بهدوء: مابي اتزوج واحد جمعتني معاه علاقه حتى لو كنت احبه بندر وقف السياره بسرعه لدرجه طلع صوت قوي واندفعت نوره بجسمها للطبلون .. التفت لها وقالها بعصبيه: الحين من جدك كنتي راح تموتيني عشان هالسبب التافه نوره بهدوء: يمكن يكون تافه بالنسبه لك لكنه مهم بالنسبه لي وماراح اغير رايي لو الموت بندر يقولها بأنفعال: نوره انتي من جدك بتخربين سعادتنا عشان هالسبب وخري زين من بكره برجع اتقدم لك نوره بأصرار: لاتتعب نفسك بندر والله راح ارفض بندر بصوت عالي وهو معصب: لييييييييييييييييييييه وش يبي تفكيرك نوره بهدوء: مااقدربندر انا ابي حياه استقر فيها مو حياه ابداها بشك وغيره بندر مقهور: ومين قالك بشك فيك نوره كبري عقلك نوره : انا مكبره عقلي وعشاني مكبرته افكر كذا ..تصدق بندر انا من كثر مااحبك ماافكر بس بنفسي وحياتي الجايه انا افكر فيك اكثر انت مافيه مثلك وماتستاهل تعيش مع وحده تشك بكل يوم انها ممكن تسوي علاقه مع غيرك مثل ماسوتها معاك بندر يصارخ: يااااااااااااربي وشلون تفكرين انتي نوره بهدوء: بندر عشان لاتتعب نفسك معي وتضيع وقت اكثر انا والله العظيم مستحيل ارجع لك ومستحيل اوافق على الزواج منك فكرت فيها كثير وبالعقل ولقيت فرقتنا احسن عشان كذا لاتصعبها علي وارحمني وارحم نفسك انا مستحيل ارجع بندر بحزن: نوره تكفين لاتحلفين انا احبك وانتي تحبيني والله مستحيل اشك فيك لاتصيرين كذا انا ماافكربهالطريقه المتخلفه نوره: بندر لاتتكلم كذا تقطع قلبي تكفى انت افهمني وصدقني الكلام ماينفع انا مستحيل ارجع مافيه امل انت على بالك انا مرتاحه لا انا تعبانه وكل يوم الوم نفسي لأني لو مابديت معاك علاقه غلط ماكنت حبيتك وتعلقت فيك وعلقتك فيني ..مسحت دمعتها وقالتها بسرعه: ودني بيت عمتي لأني والله تأخرت لاتسبب لي مشاكل انا ادري انك ماترضى علي .. بندر بهدوء: طيب مشى بطريقه لبيت عمتها كان يدله زين لأنه دايم يروح لمشعل ..ملى الصمت السياره وكان يسمع صوت بكاها اللي تحاول قد ماتقدر تكتمه وقبل لايوصل للبيت قالها بهدوء: حرام عليك تعذبيني وتعذبين نفسك قالتها من ورى دموعها: معليه بكره ننسى ونعيش حياتنا بندربسرعه وبكل حزن : مستحيل اعيش حياتي بدونك بعد ماوقفت السياره فتحت الباب وقالتها وهي تحس بقلبها ينبض بقوه لدرجه بيخترق صدرها: بندر احبك والله احبك بس مااقدر قلبي يقولي وافقي وجربي بس عقلي يقولي التجربه بتصير على حسابك وبتهدم حياتك ..كملت بعد ماتنهدت : اشوفك على خير وحاول عشان خاطري تنساني وتعيش حياتك وتفرحني بشهادتك بندر واللي خنقته العبره: نوره انا مااحبك انا اعشقك ومستحيل انساك بحاول ولاراح افقد الأمل بستلم الشهاده وبرجع اتقدم لك نوره قالتها بهدوء: لا تــ.. بندر يقاطعها بسرعه: اصبري بكمل كلامي ..ان نسيتيني بخليك بحالك وان تخرجت وانتي باقي تحبيني مثل هالحين ابيك توافقين وتقولين رفضته عشان ماعنده شهاده نوره بهدوء: مستحيل اوافق بندر ولو كنت احبك لا اليوم ولا بعد 10 سنوات انساني خلاص وعيش حياتك بندر بحزن: مااقدر انساك انا احبك نوره بعد مانزلت: تنسى ان شاء الله اعتبرني ميته بندر بسرعه: بسم الله عليك جعل يومي قبل يومك نوره بهدوء: مع السلامه ..قفلت الباب ومشت لبيت عمتها بسرعه وهي حاسه بغصه .. كان يراقبها والحزن يملاه بس مبتسم لأنه تأكد من حبها وتجدد الأمل بداخله ..قطع على نفسه وعد انه لازم يرجعها لعنده مهما صار : : : الساعه 7 المغرب .. واقفه قبال باب غرفة جود وبنبره حاده : قلت لك مافيه تطلعين يعني مافيه جود تحاول تبعدها عن الباب: وخري عني مالك دخل فيني جنا بكل عصبيه: ماراح اوخر انتي على بالك صدقتك بسالفة فارس جود وهي مقهوره: اف مهوب لازم تصدقيني ماطلبت منك تصدقين وبعدين وخري عن وجهي لاأتأخر جنا تناظرها من فوق لتحت : ماتوقعتك كذا ياجود ماتوقعتك خبيثه كذا من زمان وانتي ودك تتخلصين منه بس ماتوقعت تكون اساليبك كذا تفترين على الرجال وتفرقين بين اخوان جود مرتبكه: مو اخوان وبعدين أنا ماكذبت هو جد حاول جنا تقاطعها بسرعه: اسكتي تعلميني فيك انا اعرفك اكثر من نفسي واعرف صدقك من كذبك بس يومها سكت وقلت يمكن فارس شافها واضطرت لكذا او يمكن سوا حركه صغيره وهي حابه تأدبه بس هالحين وانا اشوفك مستمره بعلاقتك مع هالتعبان تأكدت انه ماهمك شي لأنك بايعتها ولو ماكنتي تبين تبعدين فارس عن طريقك ماهمك شي حتى لو سوا حركات جود بهدوء: مو لهالدرجه لاتبالغين جنا تهز راسها : لهالدرجه واكثر بعد حركتك الحقيره صرت اتوقع منك أي شي جود بتذمر: بتوخرين والا شلون جنا: بوخر لأن اللي عندي قلته وارتحت جود بنبرة استهزاء: طيب ياراعية الضمير والأنسانيه اشوفك على خير جنا بنبرة استهزاء اكبر :على فكره مفتاح سيارتي معي مالك الا تنتظرين سواق الماما يجي جود بقهر وبصوت عالي: اف كله من بابا بعدين السياره مو بس لك جنا ببرود اعصاب: واللهي انا الأكبر ومشواري اهم من مشوارك عن اذنك اول مافتحت الباب سمعت صوت جود العالي: جيبي المفتاح ازين لك جنا لاتقهريني تركي وهو جاي من اليمين: وش فيكم وش صاير جود بكل دلع: شوفها تك تك ماخذه مفتاح السياره وتقول سيارتها تركي بقهر: اول شي اسحبي تك تك ذي لا العن خيرك جود بسرعه: سحبتها خلاص يااستاذ تركي تركي ببرود: ثاني شي وهي صادقه سيارتها انتي مابعد تجاوزتي السن القانوني ..خلص جملته وضحك بصوت عالي جنا كانت تناظر تعابير وجه اختها وهي مبتسمه على الأخر جود بقهر: ياربي تركي قول لها تعطيني مفتاح السياره ابي اروح تركي يناظرها: وين تبين تروحين؟ جود : بروح بيت خالتي تركي : خلاص انا بوديك اجيب مفتاحي واجي.. اول ماتحرك تركي مدت لسانها لـ جنا وهي حاسه بطعم الأنتصار قربت جنا منها وقالتها بصوت واطي: انتي ماتخافين يشوفك ولد خالتك وانتي راكبه مع هالتعبان والا بتسوين نفس الحركه بولد خالتك جود تناظرها: فارس اجبرني اسويله كذا شافني وقال يبي يراقبني وصار يهددني تركي وصل وهي تختم جملتها وناظرها بأستغراب : مين اللي يبي يراقبك وصار يهددك جود بسرعه: يهددني ويراقبني جالسين بفيلم هندي حنا بس هي كانت تسألني عن المسلسل وجالسه اسولف لها ..مسكت يده تسحبه بسرعه: وش تبي انت بهالسالفه ياللا تأخرنا تركي يضحك: طيب طيب : : : الساعه 7:30 المغرب .. كانت جالسه على السرير يمين العنود وتواصل سرد قصتها مع بندر والعنود تسمعها بأهتمام ..الى ان وصلت الى عيد ميلاده وكيف تجرأت وقابلته .. العنود وقفت وبصوت عالي: مجنونه انتي تطلعين معاه مافيه حب ولافيه رجال صادق هذول بس يلعبون ليه تعطينه وجه نوره وهي تتبسم: لابندر غير بندر صادق العنود بسرعه: وش يضمن لك نوره وهي مبتسمه بحب وهي تتذكر بندر: عنود بندر تقدم لي وطاح بالمستشفى فتره عشاني رفضته.. كان يبيني زوجه له فيه ضمان اكبر من كذا العنود مستغربه: وانتي ليه ترفضين فيه وحده ترفض هالفرصه روميو وجا لعندك نوره بحزن: مابي ياعنود مابي اعيش معاه باقي عمري وانا طايحه من عينه والضنون بداخله مابيه كل يوم والثاني يتذكر وشلون نوره تمادت معاه قبل الزواج مااقدر.. الم فراقاه بال نسبه لي اهون عنود نزلت راسها بعد ماسمعت كلام نوره ونزلت معاها دمعه وهي تفكر بسلمان وكيف راح تعيش معاه وبينها وبين نفسها: ياليتك موافقه يانوره وضعك اهون الف مره من وضعي انا اللي طايحه من عينه وبنظره انا الخاينه قبل لااصير الزوجه نوره مستغربه: وش فيك يالعنود العنود بعد مارفعت راسها ومسحت دموعها ..تبسمت ماتبي تبين لنوره شي وقالتها بهدوء: مافيني شي نوره: لا انتي تبكين علميني وش فيك العنود: لاابد بس ذكرتيني بحالي انا وسلمان احس راح يصير كذا نوره تتبسم: لا مستحيل انتي كنتي ثقيله مره مع اخوي وهالشي يبي يزيد احترامه لك حست كلام نوره مثل السكين اللي تطعنها بقوه حاولت تتمالك نفسها وتبسمت غصب : ان شاء الله : : : الساعه 8 مساءً .. وقف عند بيت خالتها وناظرها : ياللا انزلي متى اجيك؟ جود : ماادري لما اخلص بدق على السواق يجيني تركي : طيب ان مالقيتيه دقي علي جود بهدوء: طيب نزلت من السياره ومشت بهدوء تنتظر تركي يتحرك بس لاحظت انه واقف وتأكدت انه ماراح يمشي الا لما تدخل ..فتحت الباب الرئيسي اللي يوصل لحديقة بيت خالتها واللي غالباً مايكون مفتوح وبعد مادخلت صارت تراقب باب الصاله وتراقب سيارة تركي من الجزء البسيط اللي تركته مفتوح من الباب ..كانت خايفه احد يطلع ويشوفها وتضطر تدخل بيت خالتها والا يشوفها ولد خالتها وينشب لها وهي ماتطيق رقعة وجهه .. بعد ماتحرك تركي بشوي فتحت الباب بسرعه وطلعت ودخلت بالعماره القريبه من بيت خالتها وكالعاده دخلت من الباب الرئيسي وطلعت من الباب المقابل وكان واقف بسيارته ينتظرها ..ركبت بسرعه بجنبه وبعد ماقفلت الباب قالتها بدلع: هلا حبيبي قرب وجهه من وجهها وناظرها بشغف : احبك جود بعد مانزلت راسها : انا بعد احبك : : : الساعه 11:30 مساءً.. نغمة الرسايل كالعاده ومثل كل ليله وبعد ماكتب رد بسرعه وارسله جاه اتصال ..بعد اللحاف وقام بسرعه وناظرها مثل كل يوم : شوي وراجع.. لجين بقهر: احمد تعال وين رايح احمد وهو مستعجل: راجع راجع بعد ماطلع وقفل الباب وراه حست بنار تغلي بداخلها ضربت رجلينها بقوه بيدينها وهي معصبه وقالتها بصوت عالي: ياربي ليه مااتحرك ..انا مافيني شي اقدر اتحرك وش هالغباء مافيه شي راح يسيطر علي بهالطريقه انا لازم اروح اشوف مين يكلم اكيد ماعاد يتحمل عجزي نزلت رجلينها على الأرض بيدينها وحاولت توقف بس طاحت بقوه على الأرض طاحت دموعها وهي تقولها بصوت مسوع: ياربي ليه يعني ماامشي ..لاتصيرين غبيه يالجين وحاولي انتي مافيك شي..حست ان بداخلها اراده قويه ..كانت تناظر بالباب اللي طلع منه احمد وودها توصل له بأي طريقه ..حطت يدها على حافة السرير وحاولت توقف وهي تتنفس بقوه .. نهاية الجزء | ||||||||||||||
|
| |
|
05-12-10, 04:18 AM
| #27 | ||||||||||||||
| مراقبة ومشرفة سابقة ونجم روايتي
| أنها سحب بيضاء كبيره تملىء السماء الزرقاء الصافيه تشعرنا بالأمل فهي كبيره وممتلئه تحمل امطاراً تشعرنا عند هطولها ان الفرج قريب بأذن الله تعالى بسجودي في صلاتي تدخل السكينه والطمأنينه الى قلبي فذكر الله باقي في قلبي وساكناً في كل جوارحي ارفع يدي بعد ان انهي صلاتي وادعو الله بصوتاً عالي يـــــــــارب أحفظ لي امي وأبي أنهم نور حياتي وأملي وملاذي الفصل السادس والعشرين قبل أن نتوقف بقليل.. منسدح على كنبة الصاله ويلعب بجواله وهو مبتسم ع الأخر.. نوره واللي كانت نازله تشرب مويه قربت منه ووقفت تتأمله بحب : ياحلو ابتسامتك ياخوي من زمان ماشفتها تزين وجهك سلمان يناظرها وهو مازال مبتسم: الله يسعدك يانوره انا اشوفكم مبسوطه انبسط نوره بخبث: انا ادري ليه تتبسم تتذكر العروسه وتنبسط سلمان واللي بدت تغيب ملامح الأبتسامه من وجهه حاول يسوي فيها مرتبك: هاه لا مو كذا نوره تتبسم: أي صح صدقتك واضح الارتباك على وجهك بعد ماسمع صوت رنة جواله وقف بسرعه: ثواني بكلم خويي وراجع لك نوره وهي تناظره يرقى الدرج وبصوت عالي: سلم على خويك لاتنسى ..وبعد ماضحكت : انا بروح انام طول بالمكالمه ..نوره كل فكرها ان سلمان يكلم العنود ماتدري انه مادرى عنها وأن اللي متصل خويه لا اكثر ولااقل : : : الساعه 11:30 حيث توقفنا.. انفاسها كل مالها وتزيد ماسكه حافة السرير بقوه وحاطه كل قوتها عليه رفعت جسمها بصعوبه ووقفت وهي تنافخ ناظرت برجلينها الواقفه على الأرض وحست بالفرحه صارت تمشي بخطوات بطيئه وهي مبتسمه على الأخر وكل شوي تزيد سرعة مشيتها الى ان وصلت للباب فتحته وهي متحمسه ..ناظرت بباب الغرفه اللي قبالها وبصوت مسموع: اكيد هو هنا مشت للباب وفتحته بقوه وبصوت عالي: احمد مين تكلم التفت لها بسرعه وناظرها وهي واقفه وكان منذهل بعد الجوال عن ا ذنه وابتسامته كل مالها وتزيد راح لها بسرعه شالها وصار يلف فيها بقوه : يابعد عمري وقفتي على رجلك ياسلام بذبح خرفان بخلي كل العالم تاكل على حسابي ياربي انا مره فرحان لجين بدلع: وش دعوه كل العالم تاكل على حسابك تخلص فلوسك والعالم باقي يبون اكل احمد فطس ضحك: حلـــــــــــــوه قسم لجين تناظره: اقول لاتاخذني بالكلام وعلمني مين تكلم مين بسرعه قول احمد يناظرها بحده: تشكين فيني هاه لجين مرتبكه: لا مااشك ولاتغير الموضوع ابي اعرف مين تكلم كل يوم احمد يمد الجوال لها : خذي كلميها لجين متخرعه: اكلمها..اخذت الجوال بسرعه كبيره وقالتها بخوف: الـــــــــــو سلمان وهو كاتم ضحكته: الو لجين مستغربه رجال وشلون احمد يخليني اكلمه..قالتها بأستنكار : مين انت؟ سلمان يضحك: والله انا سلمان ولد خالك اسمحيلي عاد كل يوم اتغزل بزوجك بس شسوي هو نشبه لجين رمت الجوال على احمد وقالتها بتذمر: بايخ..خلصت كلمتها وطلعت من الغرفه احمد بسرعه: الو سلمان اكلمك بعدين سلمان فاطس ضحك: طيب طيب قفل الجوال ولحقها بسرعه وهي متجهه للدرج : تعالي قلبي وراك زعلتي لجين وقفت كتفت يدينها ومدت برطومها: ليه تسويلي كذا احمد يضحك: يالبى هالبرطم ياناس والله الدكتور قال انتي محتاجه صدمه او انفعال لأن رجلك سليمه مافيها شي بس البلى بمخك لجين بكل دلع : احـــــــمـــــــــد احمد يضحك : الزبده انا قلت انتي محتاجه لصدمه و درس بنفس الوقت عشان تعرفين ان أي انسان يشك ويغاروبعد تفكير قلت مالي غير سلمان عاد الرجال ماقصر كل يوم يرسل مسج يسألني زوجتك حولك اقول له ايه ويدق علي اعطيه بزي واتسحب بالجوال واكلمه ونجلس نتسيمج على بعض للفجر ..خلص جملته وفطس ضحك : ادري مو صاحيين بس كله عشان يضبط الفيوز الخربان بمخك لجين ضربته على صدره بدلع ومشت عنه: بايخ احمد يلحقها : هالبايخ خلاك تمشين لجين تتخصر: ياسلام وتبي تمن علي هاه احمد يضحك : لا والله..مشى للدرج بسرعه: بروح ابشر امي لجين تلحقه وتطيح عند اول درجه وبصوت مسموع: آه رجلي احمد رقى الدرج بسرعه يرجع لها ..جلس بجنبها ومسح على رجلها وبكل خوف: تعورتي لجين تلف يدينها حول رقبته : احملني احمد بتذمر: ياليل احملني ذي انا ماصدقت مشيتي انكسر ظهري وانا ماغير مطلعك ومنزلك لجين تبرطم: احـــــمــــــــــد احمد بحب: ياشيخه اشيلك واشيل اهلك كلهم لو تبين لجين تتبسم وتوقف : يابعد عمري لا مابيك تشيلني احمد يمسكها من يدها وينزل معها: ايه اشوى لجين تضربه على كتفه بخفه: بايخ احمد يوقف ويناظرها : هاه اشوفها صارت حلى لجين بدلع: كيفي احمد يضحك: يحق لك وانتي بنت ابوك : : : الساعه 12 بعد منتصف الليل بتوقيت السعوديه 3 الظهر بتوقيت أمريكا.. فتح عيونه وهو متخرع وجلس على الكنبه بسرعه وهو يصارخ ويتلفت: وين انا.انا ووووووووووين نايف قرب لعنده: بسم الله عليك ..راح للمطبخ بسرعه جاب مويه وجا : شفيك ليه خايف مشعل تعوذ من ابليس وشرب شوية مويه : مافيني شي بس صحيت مفزوع ويني وليه نمت هنا نايف يتبسم: انا شفتك نايم مثل القتيل قلت خليه شكله تعبان مره مشعل بهدوء: طيب نايف يناظره: ليه خفت مشعل لايكون اللي صار معك هز ثقتك بكل انسان مشعل يبتسم: بالعكس اللي صار لي زادني قوه وغيرشخصيتي للأحسن تجربه استفدت منها وتعلمت منها كثير ..عرفت وشلون افرق بين الناس وان مو كل شي اتعامل معاه ببساطه ..تصدق عرفت الفرق بين الاشياء اللي تجي من القلب واللي تجي من وسوسة الشيطان .. انا بجد صرت واعي اكثر طول عمري مسالم وبحالي كان اهم شي عندي ارضي ربي وماافوت فرض واكمل دراستي عشان اسعد اهلي وبنظري كان هالشي بيعيشني سعيد طول عمري بس اكتشفت ان حتى الناس اللي بحالهم الشيطان يجي لين عندهم عشان كذا لازم اعرف استغل حبي لله وطاعتي له واعيش بذكاء فيما يرضي الله سبحانه وتعالى بدون مااسمح لأي طارىء يسيطر علي ..تصدق انا الحين بس عرفت وين القوه بشخصيتي نايف يتبسم : والله كلامك حلو مره اهم شي انك صرت اقوى وعلى قولهم الرصاصه اللي ماتقتلك تقويك مشعل: أي والله..بعد ماناظر الساعه وقف بسرعه وقالها بصوت عالي: عبيــــــــر لازم اروح اتطمن عليها نايف يناظره بطرف عين: اها هذي الاشياء اللي تجي من القلب مشعل يضربه بخفه: اها بس خلك محترم معي ترانا حديثي معرفه نايف فطس ضحك: حلوه حديثي معرفه كثرلي منها مشعل يدفه : قم بس شفلي صرفه بروح للبنت نايف بعد ماوقف: طيب ياللا غسل انا بوصلك بعد ماطلعو من باب العماره الرئيسي مد له الخوده (واقي الراس) : حطها على راسك مشعل يناظرها بعد مااخذها : وش ذا نايف يضحك: وش رايك يعني مشعل بعد ماوصلو للبناشي ناظر فيه بخوف: ياويلي يارجال انا دباب ابو 4 عمري ماركبته تبي تركبني بانشي لامابي نايف يسحب مشعل من يده بعد ماركب: اقول حطها على راسك واركب بلا دلع مشعل لبسها وحط رجلينه بتردد ومسك خصر نايف بقوه..نايف تحرك بسرعه وهو يضحك : يارجال احس اني مركب بنت معي وراك خايف مشعل يضحك: راح الخوف بس احس اني صايع نايف يصارخ: يارجال حنا بأمريكا مو بالسعوديه هنا كثير يستخدمونهم اسهل بالتنقل خذ لك واحد مشعل بصوت عالي: لا مابي ..سيارات وبس اول ماوصلو المستشفى شالها من راسه ونزل بسرعه وراح يركض لباب المستشفى .. نايف يصارخ: الحب الحب مرت حرمه عجوز بالعقد السادس من عمرها وناظرت نايف بنظره تحمل التذمر وكأنها مره مستائه من صراخه نايف منحرج: Excuse me, Madam (المعذره سيدتي) العجوز مقهوره: Miss (انسه) نايف يكتم ضحكته: Well Excuse me, Miss (حسنأ المعذره ياانسه) اول ماوصل عند غرفتها لقى الباب مفتوح دخل وشاف السرير فاضي ..صار مثل المجنون يدور ..طلع من الباب ومسك السستر : Where are the(أين هي) ..وكمل بسرعه Abir is dead?(عبير ماتت؟) ..هزها بقوه وعاد كلمته : Abir is dead?(عبير ماتت؟) السستر وهي تحاول تهديه: No, no, they live (لا لا أنها حيه) مشعل بسرعه: Where are the (أين هي ) بعد مادلته السستر على غرفتها ..دخل الغرفه بهدوء شافها وهي مغمضه عينها تبسم وهو يراقبها ..حس بتأنيب الضمير لأنه سبب وجودها بهالغرفه وارتباطها بهالأجهزه.. قرب اكثر وصار يتأملها وقالها بصوت مسموع: احبك عبير فتحت عيونها بهدوء وقالتها بتعب: انا بعد احبك مشعل يحط يده عند فمه وخشمه : اشششششششش عبير وهي تتكلم بصعوبه: مشعل لاتخليني مشعل يتبسم: لاتتكلمين حبيبتي وانا مستحيل اتركك انا ماصدقت لقيتك : : : الرياض الساعه 2 الفجر .. جالسه على السرير وهي تفكر وبعد تفكير ناظرت فيه وهو منسدح وقالتها بحماس: انت هالحين يعني فرحان مره عشاني مشيت احمد وهو مغمض عيونه ومعطيها ظهره: وربي بطير من الفرحه..تثاوب بتعب: ياللا تصبحين على خير لجين تسترسل: تخيل لو أني مامشيت كنت تدورغيري ؟ احمد بتعب: لا طبعاً عشاني احبك لجين بهدوء: بس الحمد لله مشيت احمد : الحمد لله لجين وهي مبتسم: ياربي ودي اعرف بجد وش احساسك احمد جلس بسرعه ولف لها وبنبره ملاها التوسل: بكره بشرحلك احساسي بالتفصيل بس يرحم امك خليني انام لجين تكتف يدينها وتبرطم : مالت عليك احمد يتبسم: العافيه يابعد روحي بس ارحميني لجين تلحفت وانسدحت بسرعه واعطته ظهرها وبنبرة دلع: نام يالكسول نام احمد يضحك : اموت بالدلع بس بكره بتفاهم معاك نعسان حدي اليوم خلك زعلانه ابرك عشان ننام لجين لفت بسرعه له وضربته بالمخده وبدلع : احـــمـــد احمد يمسح على شعرها: ياعيون احمد انتي ..حبيبك وزوجك وده ينام نعسان وربي اسعبل وانا اناظر المخده لجين تدفه للمخده : نام نام دب نوم احمد غمض عيونه وسكت يبي ينام لجين بسرعه: احمد مارديت علي احمد وهو مبتسم: دبة النوم انتي لجين ابتسمت وانسدحت احمد وهو مبتسم ويضبط نومته وبصوت واطي: خبله هالبنت لجين بصوت عالي: وش قلت احمد : اقول احلام سعيده : : : الساعه 7 الصبح بتوقيت السعوديه 10 المساء بتوقيت أمريكا,, وصلو عند الملهى وقف بالسياره بالجهه المقابله وناظر بمشعل : ياللا انزل وروح لها قول لها ابي جوازي احسن مشعل بتردد: وان طلعو لي سلاح نايف يناظره : ماقلت قلبك حديد مشعل يبالع: بس ياروح مابعدك روح نايف يضحك : خلاص خايف بلاها مشعل : لابروح بس ابي اعرف وش تبي تسوي نايف يبتسم بدهاء: انت روح وماعليك مشعل بعد مافتح الباب : بروح واللي فيها فيها نايف مبسوط: تعجبني بعد مانزل من السياره مشى بخطوات جريئه دخل المحل بثبات وهو متجاهل البودي قارد اللي يلحقونه ويحاولون يوقفونه ..اول ماوصل عندها مسكوه بقوه.. وقفت وهي تتبسم بسخريه وسوت حركه بيدها تعني ( اتركوه) وقالتها باللهجه اللبنانيه : الفاره دايم بترجع لجحرا مشعل يناظرها بقرف: مافيه فاره هنا غيرك نجلاء تقرب منه : شو صاير قوي مسيو مشعل مشعل بثبات: اقول هاتي جوازي ازين لك ابي اسافرمو فاضي لك نجلاء وبوقفتها قوه وجبروت : شو بدك تعمل لو قلت لك لا ماخلصت جملتها الا مجموعه كبيره من رجال الشرطه يدخلون للمحل ويحوطونها هي والبودي قارد وكل رجالها ويوجهون عليهم السلاح نايف دخل بسرعه وفتح شاره مغلفه بالأسود وقالها بنبره حاده : اف بي أي ..وجه مسدسه لها : Dropped to the ground (انبطحي ارضاً ) نجلاء تناظر مشعل: اف بي أي ؟ شو قلت لألهن؟ مشعل ناظر وجه نايف اللي يحمل الجديه وحاول مايبتسم وقالها وهو يحس بالقوه : روحي معهم وتعرفين نايف صارخ بقوه: Dropped to the ground Or shoot (انبطحي ارضاً او اطلق النار) 1..2.. حطت يدينها فوق راسها وانبطحت .. قرب منها سحب يدينها وحط الاصفاد فيهم ووقفها وهو يدفها لقدام وقالها بنبره حاده تأكد انه رجل مسؤول وصاحب شخصيه : Follow me Mash'al (مشعل اتبعني )..ناظر بالشرطه: Hold Homage (امسكو بالباقين) قربو مجموعه من رجال الشرطه يحطون الاصفاد بيدين رجالها بالوقت اللي طلع هو مع مشعل وحطها بالمقعد الخلفي بالسياره السودا ..ركب قدام وركب مشعل بجنبه..اخذ لمبى زرقه ولصقها بسطح السياره وتحرك بسرعه.. بعد ماتحركو بـ 10 دقايق مشعل كان باقي يناظره وبوجهه علامة استفهام كبيره .. نايف فطس ضحك: وراك تناظرني كذا مشعل يضحك: مستغرب نجلاء تصارخ وهي مقهوره: اف بي أي يحكي عربي نايف وهو فاطس : ايه انا سبيشل مشعل مستغرب : كيف سويتها نايف وهو مبتسم على الأخر : كل هذول اخوياي مجمعهم بعد تعب غربه والملابس والاسلحه وحتى الشاره اللي عندي كلها من مسرحيه متسلفها من واحد خويي يدرس مسرح مشعل فطس ضحك: الاسلحه كلها فشنق نايف يضحك: بالضبط نجلاء بقهر: شو عم تحكو نزلوني بسرعه نايف يصارخ: انتي انطمي ياكلبه حسابك معاي انا.. لما نوصل بخليك تكرهين الحياه نجلاء راحت للباب واعطته ظهرها وحاولت تفتحه بيدها اللي ورى ظهرها نايف يضحك: توقعتك تسوين هالحركه فسويت نظام حمايه لاتتعبين نفسك نجلاء تحاول بكل قوتها تفك يدينها نايف يضحك: ايه صح نسيت اقول لك الكلبش اللي بيدك حقيقي حديد اصلي جايبه مخصوص عشانك ..ضبط المرايا وكمل كلامه: لأن وحده حقيره مثلك لازم نربطها زين مشعل يضحك: والله منت بهين طيب وباقي رجالها؟ نايف بعد مارفع جواله : اول ماابتعدنا عطيت خويي مسد كول ..وتركوهم وانسحبو من المكان خلي اخوها يجي ويشوفهم بهالحاله ويمكن واحد فيهم يحاول يفك نفسه ويكتشف ان الكلبش فشنق ونفس الشي بيبلغ اخوها وهذا اللي نبيه مشعل مبتسم على الاخر: والله وطلعت جامد نايف يضحك: محسوبك مدمن افلام اكشن وش رايك فيني وانا داخل تحسني اف بي أي جد مشعل فطس ضحك: أي والله لو مااعرفك صدقت : : : الرياض الساعه 8 صباحاً بتوقيت السعوديه .. نوف وهي جالسه على الأرض بجنب الكنبه اللي هو منسدح فيها وتناظر وجهه اللي مقابل وجهها : باقي على زواجها اسبوعين مااشوفك سويت شي ياسر لف وجهه عنها بطفش: وش تبين فيها انتي خل تذلف نوف بقهر: ياسر انت ساعدتني قبل ليه الحين مو مهتم ياسر يتنهد ويمسح شعره: ياربي نوف لاتطيرين الروقان اللي براسي نوف وهي معصبه: ابي اعرف ليه ماتبي تساعدني نسوي لها شي ياسر بعد ماجلس: لأنك المفروض خلاص بردتي حرتك فيها بعدين ولد عمها مدري خالها اللي هو راح يصير زوجها مابي احط راسي براسه بيوديني ورى الشمس لو اكتشف خيانة زوجته معي عاد وقتها وش استفيد انا من حقدك عليها ..ياسر يهز راسه بـ(لا) وبكل برود: ولاشي نوف واللي ارتفع ضغطها : انت صاير بارد معاي وتقهر اكيد شفت لك شوفه ثانيه ياسر يقرب منها ويمسح على شعرها بأستهزاء: من يومي راعي بنات وانتي تعرفين وراضيه واللي بيننا تسليه انا وانتي ندري ولاوعدتك بزواج ولافكرت احبك وانتي بعد وضعك مايقل عن وضعي مانبي نلعب على بعض نوف وهي تبعد يده: ادري وانا مابي احبك اساساً بس اللي اقصده ان مكانتي كانت غير عندك والظاهر شفتلك خويه غيري ياسر ببرود: لاشفت ولاابي اشوف انا اتسلى وامشي وانتي عاجبتني عشانك عارفه الطبخه وراضيه بس انا مابي ادخل بمتاهات انا مو قدها نوف وهي تفكر بخبث وبصوت واطي: طيب ياياسر مو لازم انت انا بتصرف : : : الساعه 8:30 صباحاً بتوقيت السعوديه 11:30 مساءً بتوقيت امريكا.. وقف بالسياره بجنب كراج سيارات ..نزل ونزلها بسرعه فتح الباب الحديدي ودخلها للمكان الشبه مهجور جلسها على كرسي خشب قديم واخذ حبل متين ولفها بالكرسي وهي تصارخ وتتألم من يدينها اللي ورى ظهرها وانضغطو بقوه من الحبل مشعل ببرود: تستاهلين وربي انا انواع الشماته نجلاء بقهر: تف عليك مشعل يناظر نايف: وفيها حيل تعصب بعد نايف بتساؤل : اعطيها كم كف أأدبها لك مشعل قرب منها وضربها كفين بقوه: مابي اتعبك انا اولى بضرب هالحقيره ..مسك شعرها وسحبها بقوه : هذا عشان تعرفين ان اللي يلعب بالنار يحرق اصابعه يالتعبانه نجلاء وهي تتحمل الألم : والله وصارت عندك قوه يامشعل مشعل بثبات : البركه فيك انا لازم اشكرك علمتيني درس انا متأكد بيقدمني بالحياه نايف قرب منها وحط المسدس بالمسافه بين اذنها وعينها ومد لها الجوال: ابيك تكلمين اخوك تقولين له يجيب جواز مشعل وبسرعه نجلاء تضحك بأستخفاف : بتخوفني بمسدس لعبه نايف اطلق رصاصه قريب لرجلها .خافت وبعدت رجلها قد ماتقدر وصرخت : مجنون انت نايف يناظرها : انا المفروض اصوب رجلك مثل ماسويتي بمشعل بس بصير احسن منك وبطلب الجواز بس نجلاء بقهر : حقير نايف ومشعل يضحكون وبصوت واحد : الحقاره منبعك ضربو كفوفهم بكفوف بعض وناظروها بحقد والمسدس مصوب عليها نجلاء بخوف: بكلمه بكلمه حط الجوال على اذنها بعد مادق رقم جاد اللي اعطته له.. اول ماسمعت صوت اخوها قالتها بسرعه: الو جاد بسرعه هات جواز مشعل وتعا لعندي او بدهن يقتلوني..شو مابعرف وين المكان سحب نايف الجوال بسرعه ودله على المكان وقاله انه اذا ماكان موجود في خلال ربع ساعه راح يقتلها بعد ماقفل ضحك بهستيريا مشعل يناظره مستغرب: نايف ليه تضحك نايف :اضحك لأن الشرطه مراقبه هالكراج انا متفق معاهم اجيب هالكلاب هنا وهم يقبضون عليهم ..ناظر بنجلاء وهو مبتسم: بس ماحبيت اقول هالكلام قدام هالحقيره بالسياره لانها الطعم اللي بنجيب اخوها فيه مشعل مستغرب: يعني الشرطه اللي كانو هناك مو اخوياك نايف مبتسم: الا اخوياي وكل اللي صار تمثيل بس انا مقدم بلاغ عنهم وقدمت كل الاوراق اللي تدينهم وقلت للشرطه اني بجيب هالواطيه هنا بطريقتي عشان يجي اخوها وبكذا اهم راقبو المكان وبعد مايوصل راح يقتحمون المكان مشعل مستغرب: ليه كل هالسالفه ليه ماخليتهم يمسكونها هناك وريحت عمرك نايف بدهاء: عشاني ابي جوازك وماجبت طاريه بالمحظرمابيهم يفتحون لك تحقيق وانت تبي تسافر بالعكس طلعتك بصورة البطل والظاهر راح تكمل دراستك مجان والسبب انك خلصت هالبلد من عصابة اسلحه ..لف لنجلاء وهو فرحان: وانتي ياحلوه ترحيل لبلدك وسجن الله لايطلعك منه سالمه مشعل فطس ضحك: والله ربي يحبني طيحني بواحد مثلك تسلم يدك يارجال كلها دقايق ودخل جاد وهو حامل مسدس ..رفع نايف مسدسه حطه براس نجلاء وقالها بعصبيه نزل سلاحك والا اقتلها ..نزل جاد سلاحه على الأرض بخوف وهو رافع الجواز : هاد جوازو خليها تمشي نجلاء تصارخ: اهرب جاد الشرطه مراقبه المكان نايف يأشر على جاد براسه لمشعل يبيه يتقدم له جاد مستغرب: شو كيف اتركك بهالوقت تقدم مشعل وسحب الجواز : بعد اذنك جوازي لاهنت وبعدين اهرب على كيفك نجلاء تصارخ: عم ألك اهررررررروب بسرعه اول مالف يبي يهرب والا الشرطه مقتحمه المكان ورافعه عليهم السلاح من كل مكان نايف التفت لمشعل وهو مبتسم ومشعل كان فرحان مو مصدق نفسه اخيراً تخلص من هالتعبانه الله جاب له نايف : : بعد 4 أيـــــام الرياض الساعه 9:30 صباحاً.. صحت على صوت رنة الرسايل ..تبسمت وهي عارفه الرساله من مين.. فتحتها وكانت من بندر ..مثل عادته ..له كم يوم يرسل لها رساله بالليل ورساله بالصباح كل يوم .. : صباح الورد حبيبتي انا تو صحيت حتى ماغسلت وجهي قلت اصبح على القمر قبل كل شي ادري انك تحبيني وان حبك لي زاد بس انا احبك اكثر اليوم ماعندي شي اسويه بس راح اواصل اليوم للفجريه وراح اتأخر عليك برسالة الليل تدرين ليه بسهر ؟ عشان مشعل ولد عمتك راجع اليوم احبك يانور عمري : تبسمت بعد ماخلصت الرساله وقالتها بصوت عالي : مشعل راجع اكيد العنود مبسوطه : : : الساعه 10 الصبح بتوقيت السعوديه 1 الفجر بتوقيت امريكا كان واقف على راسها يتأملها وهي نايمه ..ماوده يصحيها وبنفس الوقت ماوده تزعل عشانه مشى بدون لايودعها قالها بصوت خفيف: عبير فتحت عيونها بسرعه وناظرت فيه بخوف اخذت نفس وتبسمت وقالتها بهدوء: مشعل مشعل يتبسم: مادريت ان نومك خفيف لهالدرجه عبير بهدوء: نومي مو خفيف بس مااحب المستشفيات تخوفني ماقلت لي وش جايبك هالوقت كيف دخلت مشعل بهدوء: عبير انا جاي اودعك طيارتي بعد ساعه ولازم اروح المطار بسرعه عشان الحق ع الطياره عبير واللي ماقدرت تتمالك نفسها ونزلت دمعتها: بترجع مشعل والا خلاص احاول انساك مشعل بحب: برجع يعني فيه واحد عاقل عنده بعثه على حساب الدوله ومايدرس وبعدين عندي شي غالي بأمريكا لازم ارجعله عبير تستهبل: وش هالشي مشعل يتبسم: انتي ياعبير خليتيني اعرف الفرق بين الطيش والشي اللي يطلع من القلب وماراح انسى طول حياتي وقفتك بجنبي ..سكت شوي وكمل : عبير انا احبك عبير بخجل : وانا بعد مشعل يناظرها وهو يفكر: وانتي بعد وشو عبير بعد مانزلت راسها وبصوت واطي: احبك مشعل قرب منها وحط عينه بعينها: ياللا فمان الله عبير: مشعل كلمني دايم مشعل : اول مااوصل السعوديه بدق عليك ..سكت شوي وقالها بهدوء:عبير عبير : امر مشعل : مايامر عليك ظالم ..ابي لما ارجع اشوف عبير غير.. عبير اللي ودي انا اشوفها انا مابي حبيبتي تنسى ديننا وعاداتنا وتقاليدنا لو كنتي نجلاء ماتدخلت بس انتي روحي وحياتي واغار صراحه مااقدر اشوفك كذا أي شخص يقدر يشوف فيك اللي يبيه وبالنهايه انا ماراح اجبرك انتي اختاري طريقة حياتك ذي او مشعل ولاتجاوبيني هالحين جاوبيني لما ارجع امريكا بالسلامه عبير بهدوء: ان شاء الله : : : الرياض الساعه 1:30 الفجر .. عنود تصارخ من اسفل الدرج وهي تناظر لفوق : ياللا ياماما راح نتأخر ابو مشعل وهو جالس على كنب الصاله : يابنتي باقي على طيارته حول ساعتين وتوصل وش فيك مستعجله عنود بحماس : ابي اشوفه اول مايقبل مشتاقتله وبعدين مشوارنا للمطار مو هين ..رفعت راسها مره ثانيه وصارت تصارخ: ياماما وش تسوين علميني نزلت ام مشعل بسرعه وهي ماسكه عبايتها : خلاص نزلت نزلت وش فيك يابنت ماصارت كلنا مشتاقين له عنود تروح عند ابوها تقومه: لا انا غيرياللا بابا ابو مشعل يوقف وهو يضحك: من زمان ماشفت هالفرحه بعيونك يابنتي العنود مبسوطه: اكيد هذا الغالي ابو مشعل : بنشوف يوم عرسك نفس الفرحه والا لا العنود واللي بدت تختفي ابتسامتها: لاتذكرني بالعرس يومها ماراح تشوف بوجهي غير نظرة الخوف ابو مشعل يضحك: وليه عاد العنود ترفع كتوفها: مدري احس العرس شي يخوف اول ماطلعت السياره من الكراج كان ياسر جاي بسيارته .. البنت اللي جالسه بجنبه نزلت راسها لتحت بسرعه ..عنود حست بالخوف بعد ماوقف ابوها لياسرعشان يمر ..ضرب ياسر بوري ورفع يده يسلم على ابو مشعل ..ابو مشعل بادله السلام وهو يبتسم وتحرك بسرعه.. لفت وجهها للجهه الثانيه ماتبي تشوف رقعة وجهه وبينها وبين نفسها: مايستحي على وجهه يسلم على بابا بكل قواة عين..وبعد تفكير فيه وحده كانت معاه هذي اكيد نوف : : : الساعه 2:30 الفجر .. كانت تراقب اخوها وهو ينزل الدرج متجه لباب الصاله .. قالتها بكل قهر: مدري على وشو سهران ومتعب نفسك عشان اخوعروستك يعني اللي يسمعك يقول تستاهل سلمان مسك الباب وناظرها بقهر: ريم اكسري الشر احسن لك وبعدين هذا ولد عمتي ومالك دخل ريم تهز راسها: ايه اذكرك يوم سافر رحت ودعته سلمان يناظرها بحده: روحته غير رجعته بعدين انتي وش مسهرك لهالوقت ريم بأرتباك: هاه مافيني نوم بعدين انتظر مسلسلي بيبدا سلمان يهز راسه بعد ماتنهد: الله يخلف علينا بس : : : المطار والساعه تشير للـ 3:30 الفجر .. الكل كانو واقفين ينتظرون وصوله ..العنود واهلها وسلمان وفارس وابوه ومنيف وتركي وبندر .. فارس كان كل شوي يسترق النظر الى تركي كان مشتاق لأخوه اللي ضيع صداقته بيده مايلوم جود يلوم نفسه على تهوره وخطأه صرخه من العنود خلت الكل يلتفت لها كانت تأشر لقدامها بحماس: مشعل وصل مشعل وصل رمقها سلمان بنظره حاده تجاهلتها وهي تناظر اخوها بشوق ابو مشعل يناظر بالرجال اللي جاي وهو مستغرب: اكيد هذا مشعل العنود بحماس: أي والله هو مااتوه عنه حتى لو متغير شكله كان لابس قميص احمر نص كم وبنطلون اسود جينز بحزام اسود مخطط بأحمر ولابس شنطه على الظهر ..شعره كان طويل يلامس كتوفه لابس كاب اسود دائري صغير وسكسوكته مضبوطه ومتصله بخطين بزلوفه .. اول ماتجاوز الحاجز راحت له ركض متجاهله كل الموجودين ضمته بقوه وهي تبكي : الحمد لله على السلامه يالغالي ضمها بحراره وحاول يتمالك نفسه: ربي يسلمك يالغاليه قسم بالله اشتقت لك حيل ابو مشعل : يابنتي اتركي اخوك خل نسلم عليه تشبعين منه بالبيت العنود استحت وبعدت عن اخوها .. باس امه بجبينها وهي تبكي مستحيه تضمه قدام كل هالعالم ..قرب من ابوه وباس جبينه وضمه بحراره ..سلم على سلمان وضمه وسلمه على خاله وضمه ..وسلم على فارس وضمه ..اخيراً التفت لبندر ومنيف اللي صرخو بقوه : ارحب ارحب يارجال.. قربو منه بحماس يسلمون عليه منيف بحماس: والله السعوديه ماتسوى بدونك يالغالي بندر يناظره : وش سوت فيك الغربه صاير امريكي مشعل يضحك: ماصارت شعرتين طولتهم بندر يشد شعره: كل هذا وشعرتين مشعل يبرر: ماكان عندي وقت اقص شعري منيف يناظره بطرف عين: وليه ان شاء الله مشعل يضحك: الدراسه صعبه منيف وبندر بصوت واحد: اها الدراسه صعبه اجل تركي قرب منه وهو مسوي معصب: ياخي انا ولد البطه السودا تسلم عليهم كلهم الا انا مشعل يضحك: اعذرني شسوي كله من اخوك اخذني بالكلام بعد ماسلم على تركي مشى مع ابوه للسياره وطول الطريق كانت العنود حاظنه الكرسي اللي قدام وتسولف مع مشعل مو قادره تسكت : : : الرياض يوم الخميس 15 \7\1427 للهجره .. الساعه 4 العصر جالسه على الكرسي والكوفيره اللبنانيه تسوي لها التسريحه وهي مشبكه يدينها وتفرك فيهم بخوف وارتباك اللبنانيه وهي مبتسمه على الأخر: شو بكي ياعروسه ماتخافي لازم تنبسطي العنود بتوتر: مو خافيه متوتره شوي اللبنانيه: لاماتخافي حبيبتي وانبسطي مشان تطلع حلوه العنود واللي قربت تبكي: ان شاء الله بس ممكن تنادي نوره لحظه اللبنانيه مبتسمه: من عيوني فتحت باب غرفة العرايس وناظرت بنوره : ممكن تجين شوي دخلت نوره بسرعه وراحت للعنود :وش فيك قلبي تبين شي ؟ العنود واللي حمرت عينها مقدمه للبكاء: نوره خايفه مره نوره بسرعه: لالا تبكين لايخرب المكياج وش تخافين منه اخوي مو اسد العنود بخوف : لاموهذي السالفه بس انا خايفه ماادري كيف بتكون حياتنا الجايه نوره تحاول تهديها : قلبي مو وقته تفكرين بكل هالسوالف افرحي اليوم انتي عروس وان شاء الله بأذن الله حياتكم حلوه العنود تهز راسها بالأيجاب: ان شاء الله اللبنانيه: شو نكمل شغل نوره تبتسم: اكيد : : : الساعه 6:30 مساءً.. طلعت من باب الصالون وهي تتمخطر بكعبها العالي ..اول ماركبت السياره انتشرت ريحة عطرها المركز بكل السياره احمد وهو يستنشق العطر بعنف: اموت انا بالريحه الحلوه ياناس لجين تضحك بدلع: تموت بأي ريحه حلوه؟ احمد بسرعه: لاطبعاً بس انتي ريحتك غير العطر مايخلي ريحتك حلوه بالعكس انتي اللي تخلين للعطر ريحه حلوه وتركيز اكثر لجين مبتسمه: ياعيني بس ع الكلام الحلوه وينه هالكلام من زمان احمد بكل رومنسيه: غبي خبل ماافهم والا فيه واحد عاقل عنده وحده مثلك ومايسمعها 300 كلمه حلوه باليوم لجين تتصنع الزعل بكل دلع: بس 300 كلمه احمد بعد ماأخذ نفس: ياشيخه قولي 3000 كلمه والا تدرين اللي مثلك المفروض ينقال فيها احلى القصيد انا ماادري كيف عايش معاك وللحين ماصرت شاعر لجين مستحيه: لا انا مااقدر على هالكلام الحلو احمد بسرعه : اقول لاتاخذيني بالكلام ابي اشوف ستايلك لجين ببرود: لما ارجع من العرس ان شاء الله احمد معصب: لا والله انا اخر واحد اشوفك لما يخرب كل شي تجين توريني مابي لجين بهدوء : شسوي وين اوريك احمد بعد ماوقف السياره: هنا لجين التفتت تناظر بيتهم: وشلون وصلنا البيت وماحسيت احمد بكل غرور: طبعاً لأنك معي يابعد روحي لجين تضحك: انزل بس انزل بعد مانزلو البيت مشو بالحديقه لباب الصاله الرئيسي بدون لاتفتح وجهها اول ماوصلو الصاله صرخ بحماس : ياللا شيلي الغطى بشوف لجين بهدوء: غمض عينك ولاتفتحها الا لما اقول لك احمد غمض عينه وقالها بسرعه : ياللا فسخت عبايتها وشالت طرحتها حطتها على الكنبه والتفتت له وقالتها بدلع: افتح عينك فتح عينه وناظرها بذهول شوي وتطلع عينه كان منبهر مره فستانها السكري المطعم بذهبي واللي كان مخصر على جسمها وفيه ذيل بسيط وشعرها اللي كان مرفوع بكرستلات صغيره بطريقه حلوه ومكياجها الأحمر المزين بأضاءه ذهبيه مع بياض بشرتها الساحر كله خلاه في حالة انبهار منعته من الكلام لجين بكل غرور وهي متباهيه بنفسها: وش فيك مانطقت بكلمه احمد يصفر: قسم بالله ولانجمات هوليود وش ملكة جمال لبنان قدامك ورب البيت ماتسوى شي .. قرب منها وباس جبينها: الله يحرسك من العين حبيبتي اقري المعوذات لاتصيدك عين لجين وهي تناظره بحب: بيتركون العروس وبيحسدوني انا احمد بسرعه: أي عروس ياشيخه قولي بينسون العروس وهم يناظرون جمالك لجين بهدوء وهي لافه يدها ورى ظهره: جد احمد تحبني وتشوفني حلوه احمد وهو مبتسم: أي بالله والله الواحد الأحد أني احبك حب ماحبه بشر لجين مبسوطه: الله يخليك لي احمد: ياللا قلبي بوديك لقاعة الحريم مابي اتأخر على سلمان : : : الساعه 8 مساءً .. ركبو سياراتهم متجهين للقاعه اللي راح يكون فيها عشى الرجال ..كانو متحمسين مره مشغلين الاغاني على العالي ويصفقون والحماس لاعب دوره معاهم وقبل لايوصلون للقاعه وقف مشعل سيارته بسرعه ووقفو الكل وراه نزل هو وفارس بعد ماعلو صوت الاغنيه بالسياره ..( موضي ..ياربي وش هالجنون اللي سكن دمي .. وبدو يرقصون بالشارع بحماس ..نزل بندر من سيارته بسرعه وصار يرقص معاهم .. احمد طلع راسه من الدريشه وحط اصابعه بفمه وصفر لهم بقوووووه تركي كان يصور المشهد بحماس وهو مبسوط بعد ماخلصو رقصتهم ركبو سيارتهم متجهين للقاعه .. سلمان كان يضحك على جنونهم وكل شوي واحد مطلع راسه من الدريشه ويصارخ : مبروووووووووك ياعريس اول ما وصلو للقاعه جلس سلمان وابوه بالاستقبال عشان يستقبلون المعازيم أما الباقين فروحو بالرقص كل واحد داخل جو ..بدو المعازيم يوصلون ..اللي يهني واللي مستعجل عشان يرقص واللي يقول له والله وصرت معرس ومايخلى الموضوع من وجوه حاسده ..استقبلو مجموعه كبيره من الناس وكلها دقايق وانفتح بوفيه الولايم للعشى : : : الساعه 10:30 مساءً قاعدة النساء تحديداً.. نوره تناظر فيها وهي مبتسمه على الأخر: الله يحرسك قمر قمر عهود بعد مافتحت باب الجناح المخصص للعروس : ياللا زفة العروس العنود مرتبكه: لاوش اللي زفة العروس مابي خلوها بعدين نوره مسكتها من يدها وسحبتها: امشي بس طالعه مثل القمر واحلى قربت من الباب وهي تحس بتوترها يزيد بعد ماانفتحت البوابه تقدمت خطوتين لقدام حطت رجلها على اول درجه وهي تحس انها راح تطيح بأي لحظه اول ماحطت رجلها على بداية الجسر حست بنبضات قلبها تخترق صدرها الأنوار الخافته وصوت الموسيقى الكلاسيكيه والعيون المسلطه على بداية الجسر حسسوها بالخوف والأرتباك ..بدت تمشي على الجسر بثبات ..الكل كان منبهر بجمالها عيونها الحلوه اللي مرسومه بالكحله بعنايه ومزينها الظل الأحمر التسريحه كانت مرفوعه بحركه حلوه ومثبته الطرحه بجزئين جزء صغير تقدر تسحبه لتغطية الوجه وجزء بطول الفستان ..الفستان كان من تصميم المصمم اللبناني روني يشا ..كان بدون كموم وكله شك كريستال مغطي جهة الصدر والبطن وبعدها تجي النفشه على جنبها كرستالات طوليه والجنب الثاني مرفوع بحركه حلوه فيه قصه جميله باين منها قماش بشكل طبقات روعه ..الباقه كانت عباره عن ورود الجرس البيضاء مزينه بكرستالات تتدلى منها سلاسل .. بعد ماوصلت للكوشه وجلست .. اشتغلت الانوار وبدا صوت الطقاقه يعلى ..والكل كان مبسوط ويرقص ..عدا ريم اللي ماكان عاجبها الجو وكانت جالسه بفستانها الفضي وحاطه رجل على رجل .. ونوف كانت تناظر العنود من بعيد بنظره ملاها الحسد ..نوره كانت ترقص بكامل اناقتها فستان موف بنفشه بسيطه وحركه حلوه بالظهر رافعه شعرها كله بكرستاله كبيره ومزينه ملامحها الحلوه بمكياج موف لبناني..ومعاها عهود اللي لابسه فستان اورنج ناعم .. جات شروق اللي كانت لابسه فستان ستان روعه خليط من اللونين الأحمر والذهبي ..ٌقربت من نوره بسرعه وقالتها بأذنها بصوت عالي عشان تسمعها لأن صوت الطقاقه عالي: اخوك جا راحت بسرعه مع شروق للجناح المخصص للعروس ..اول ماشافتهم العنود يروحون للجناح حست بمغص لأنها عارفه أن سلمان وصل بزاويا من العرس كانت جالسه وبجنبها بنتها حاطه يدها على بطنها المنتفخه وفجأه تغيرت ملامح وجهها وبان عليها العبوس شهد بكل براءه وهي تصارخ : ماما شفيك شذا بتعب: مافيني شي ..وقفت ومشت لأم مشعل وحاولت قد ماتقدر تكون مبتسمه : خلي شهد معك دقايق وراجعه ام مشعل مبتسمه : ان شاء الله راحت بخطوات سريعه للحمام واول ماوصلت دخلت بسرعه على واحد من الحمامات وانتم بكرامه رفعت فستانها و شافت المويه اللي ملت ملابسها طلعت جوالها بسرعه من الشنطه الصغيره ودقت على فهد.. فهد متحمس: هلا بقلبي شذا وصوتها ملاه الخوف: فهد انت وين فهد مستغرب : انا عند باب القاعه ليه شفيك شذا : فهد انا بولد فهد بسرعه: وشو شذا بتوتر: لاتقول حق أحد أنا بلبس عبايتي وبطلع بهدوء ماله داعي نسوي قصه فهد بسرعه: طيب طيب انتظرك : : ومن نفس الزاويه السابقه.. دخلو لجناح العروس وكان سلمان جالس على الكنبه ناظرت فيه نوره مبتسمه على الأخر: هلا والله بالعريس سلمان يحاول يبتسم: هلا بك زود نوره مستغربه : شفيكم انتم اليوم وحده تبكي وواحد مو قادريبتسم سلمان بدون نفس: وش رايك تجيبين عروستي عشان نتصور ونمشي لاتفوتنا الطياره والله ماادري وش له داعي المصوره والسفر والحركات الفاضيه نوره بسرعه: وش هالكلام ياخوي هذي ليلة العمر سلمان ببرود: طيب خلاص حلت لها الجلسه داخل خلوها تجي نوره تناظره بطرف عين: وش رايك نخليك انت تدخل لها وتجيبها سلمان وهو معصب: نعم تبيني ادخل ع الحريم اقول روحي جيبيها لاامشي معطيكم وجه زياده نوره وهي مستغربه: طيب طيب خلاص الحين نزفها لك واذا ماتبي تتصور لاتتصور ..وبينها وبين نفسها : وراه ذا معصب بعد مازفو العنود للغرفه صورة مع العايله وبعدها تركو الغرفه لهم عشان يتصورون لحالهم .. المصوره اللبنانيه وهي مبسوطه: قرب شوي من عروستك سلمان بدون نفس: مابي اقرب كذا زين صوري خلصينا المصوره واللي على بالها مستحي: طيب فيك تمسك ايدها سلمان معصب: مابي امسك شي كلها صورتين وحنا جالسين وصورتين وحنا واقفين وانتهينا المصوره بهدوء: طيب طيب متل مابدك بعد ماصورتهم وطلعت ناظر فيها بجفاء: بدلي هالفستان والبسي عبايتك انا انتظرك تحت بالسياره .. حط بشته على الكنبه وقالها وهو معصب: قولي لخواتي ياخذو البشت للبيت العنود بهدوء: طيب حاولت تكتم دمعتها مشت بهدوء وفتحت باب الجناح تنادي نوره .. قربت نوره وهي مبسوطه: هاه تصورتي معاه العنود بهدوء: ايه نوره بخبث: خساره ماكنت موجوده فاتتني الحركات العنود تحاول تضحك: أي حركات ياللا ساعديني افسخ الفستان اخوك ينتظرني تحت نوره: طيب : : : الساعه 12 بعد منتصف الليل .. واهم طالعين من القاعه ناظرت بأختها: اسمعي روحي مع السواق وانا بروح مع سامي جنا تناظرها بقهر: نعم نعم هذا اللي باقي امشي معاي للبيت بس جود بدلع: مابي بروح معاه بعدين هو وعدني ياخذني للبيت يعني 10 دقايق وانا عندك مشوار الطريق بس جنا بنبره حاده : قلت لك مافيه وياللا قدامي جود بأصرار: بروح معاه يعني بروح معاه وماعلي منك واذا تبين سوي فضيحه ..تقدمت عن اخته بلا مبالاة وركبت سيارة سامي وهي مبسوطه جنا رغم الطيش اللي فيها لكنها ماتجرأت كثر جود دلال ابوهم لهم يمكن يكون سبب تماديهم ودلعهم الزايد ركبت سيارة السواق وبعد ماقفلت الباب قالتها بحده: تحرك للبيت : : : الساعه 12:30 بد منتصف الليل.. ام مشعل تتلفت يمين ويسار وهي مستغربه ام سلمان تناظرها: وش تدورين ام مشعل مستغربه: ماادري شذا قالت لي امسكي بنتي دقايق وراجعه واختفت ماادري وينها ام سلمان: طيب دقي على جوالها ام مشعل : دقيت ولاردت علي ام سلمان بسرعه: طيب كلمي اخوك ام مشعل وهي تدق الرقم: أيه صح مدري كيف مافكرت ادق عليه ...وبعد انتظار جاها صوته المتوتر: هلا ام مشعل ام مشعل مستغربه: وينك ياخوي ووين حرمتك بنتكم عندي فهد وصوته ملاه الخوف والتوتر: انا بالمستشفى شذا تولد ام مشعل بحماس: جد والله ان شاء الله تقوم بالسلامه فهد بهدوء: ان شاء الله خلاص انتي خذي البنت معاك وانا ان شاء الله ببشركم ام مشعل: لا حنا لازم نجيكم المستشفى فهد: لا ماله داعي لما تولد بالسلامه ان شاء الله بدق عليكم ووقتها تجون ام مشعل وهي فرحانه: خلاص انتظر مكالمتك عشان تبشرني ياخوي فهد: ان شاء الله : : : الساعه 1:30 الفجر.. وصلت الطياره على دبي .. طول الطريق بالتاكسي وهو ساكت مانطق بكلمه ..اول ماوصلو للفندق دخل معاها للرسبشن ..ناظر بموظف الاستقبال : فيه حجز بأسم سلمان سلطان الموظف وهو مبتسم: ايوه تفضل راح يحملو لك اغراضك للجناح الف مبروك سلمان بنبره حاده: ابي اغير الحجز الموظف وهو مبتسم: تأمر امر سلمان : ابيها بدال جناح خاص غرفتين مقابل بعض الموظف مستغرب: شو عم تحكي عرسان كل واحد بغرفه سلمان وهو معصب: وش دخلك انت المعرس والا انا الموظف بأرتباك: طيب طيب ماتزعل ..غير الحجز بسرعه واعطاه البطاقات وهو يأشر للمصعد: تفضل وان شاء الله تعجبك الاقامه معنا بالمصعد كان مكتف يدينه ويهز برجله بطريقه غريبه لدرجه توترت العنود اكثر..اول ماوصل للغرف وبعد ماحط العامل شنطهم ناظر فيها بحده: لاتطلعين من هالغرفه ابد الا لما اجيك انا طيب؟ عنود بهدوء: طيب : : : الساعه 1:45 الفجر.. ناظرت بالشارع وهي مبتسمه: خلاص قلبي خذني للبيت سامي بنبره غريبه: ايه الحين باخذك لأحلى بيت جود بدلع: لاخذني بيتنا بجد تأخرت قلت لأختي 10 دقايق سامي بلا مبالاة : محد حولك وتلاقيها نايمه جود بجديه: لاماتنام تنتظرني بعدين انت قلت بلف معاك شوي وبرجعك البيت خلاص لفينا خل نرجع سامي بعد مارفع حاجبه: باخذك لمكان حلو جود وهي خايفه: وين بتاخذني بهالليل مافيه مكان نروح رجعني البيت سامي بكل برود: تحلمين جود وهي تمسك الدركسون: قلت لك رجعني البيت سامي سامي يدفها بعصبيه: وانا قلت لك لا جود طلعت جولها بسرعه: طيب لاترجعني انا برجع بطريقتي وقف السياره على جنب اخذ جوالها بقوه منها وقفل الجوال ..بالوقت اللي فتحت فيه بابها ..حط الجوال على جنب ومسكها بقوه وشدها :قفلي الباب لا ألعن خيرك وترانا بمكان بعيد والدنيا ظلام قفلي الباب احسن ..سحبها بعنف وقفل الباب وتحرك بدت تبكي بخوف مو عارفه وش تسوي والا كيف تتصرف : : : الساعه 1:50 الفجر.. كانت تتقلب مو عارفه تنام تنتظر رسالة بندر اليوم ماارسل لها شي اخيراً سمعت صوت رنة الرسايل فتحت الرساله بكل حماس : قلبي ادري مانمتي اكيد تعودتي على رسايلي سامحيني تأخرت عليك بس مااقدر اكتب الرساله الا وانا على فراشي بنام اليوم كان عرس اخوك وناسه انبسطنا صراحه واكلنا المفاطيح الصح ياللا عمري تغطي زين ونامي احبك : مسحت دمعتها بسرعه وبينها وبين نفسها: ليه بندر تسوي كذا تعلقني فيك اكثر انا ابي انساك : : : الساعه 2 الفجر.. ماعاد تقدر تتحمل كل شوي تدق على جوال اختها وتلاقي الجوال مقفول ..وتتفقد الغرفه ماتلاقي احد ..وبعد تفكير مالها غير تركي تخاف على بندر مايتحمل أي صدمه ..راحت بسرعه لغرفة تركي وبعد ماطقت الباب ..جاها صوته :ايوه مين فتحت الباب بسرعه وهي تنافخ تركي يناظرها مذهول : خير وش صاير جنا بخوف وارتباك : جود يا تركي مارجعت من العرس للحين تركي وقف وهو متخرع: كيف يعني مارجعت جنا : انا طلعت من العرس بدري عشان بطني وجعني وهي قالت برجع مع خويتي وللحين مارجعت تركي بعصبيه: دقي على خويتها بسرعه جنا بخوف: دقيت قالو لي رجعت وجود مو معها وادق على جوال جود مقفل انا خايفه صار عليها شي تركي وقف وبعد تفكير: هذا كان عرس اهله وهو كان موجود لايكون سوا بالبنت شي ..اخذ مفاتيحه وطلع من غرفته يركض : انا اعلمه الواطي جنا بدت تبكي وبصوت مسموع: ياربي وين راحت هالبنت : : : الساعه 2:15 الفجر.. غرفة الفندق كانت قمه بالفخامه سرير نفرين راقي مزين بلحاف فاخر احمر مطرز بالذهبي شاشه بالحائط ..حمام وانتم بكرامه كامل الخدامات : : دخل عليها غرفتها وناظر فيها بنظره خاليه تماماً من الحب وبنبره حاده : قومي تعشي العنود وهي جالسه على السرير قالتها بهدوء: مابي عشى سلمان بنبره حاده: شوفي تبين تاكلين ماتبين كيفك لاتتوقعين ادلعك او اغصب عليك وعلى قولتهم اللي ياكل على ضرسه ينفع نفسه هذا الاكل قدامك تبين تاكلين اهلاً وسهلاً والا عمرك مااكلتي مايهمني .. خلص جملته وطلع من الغرفه .. طلعت مناديل ازالة مكياج من شنطتها الصغيره وبدت تمسح المكياج بعنف ..وبعد ماخلصت صارت تفك التسريحه بقوه وهي تبكي ..راحت للحمام وانتم بكرامه شغلت المويه وجلست تحت الدش وصارت تبكي بصوت مسموع : : : الساعه 2:30 الفجر.. فتح باب غرفه ورماها داخلها بقوه ..وناظرها بنظره مريبه من فوقها لتحتها ..قرب منها وهو يسحب عبايتها : شيلي هالعبايه جود وهي تبكي: لامابي اشيلها سامي سحب العبايه بقوه الى ان شقها وقالها بعصبيه: اسمعي الكلام ياقطوتي احسن لك جود تتف بوجهه: قطوتك بعينك ياحقير صح اني ماعرفتك زين سامي قرب منها وضربها بقوه على وجهها: شوفي انا القطوه اللي تخربش ماحبها تقرفني ..مسح على شعرها وهي منقرفه وتبكي وقالها بهدوء: خليك حلوه احسن لك : : : الساعه 2:45 الفجر .. واقف عند بيت فارس ويدق عليه جوال وهو يصارخ بعصبيه : فـــــــــــــــــارس اطلع لي ازين لك فــــــــــــــــــارس فارس قفل الجوال ونزل بسرعه طلع له وهو متخرع: وش فيك تركي قرب منه ومسكه من ملابسه: وين اختي طلعها يالحقيرلهالدرجه وصلت فيك فارس يحاول يبعد يد تركي المعصب: أي اخت وش تتكلم عنه تركي يضرب فارس بقوه وهو يصارخ: لاتستهبل علي اختي للحين ماندري وينها فارس بخوف: جود تركي يدفه الى ان يطيح على الأرض: لاتسوق الهبل علي فارس بسرعه وهو يصارخ : تركي انت جاي للأنسان الغلط خواتك عرضي لايمكن اضرهم هذا اكيد سامي انا يوم اكتشفت ان اختك تطلع معاه راحت لفقت لي تهمه احنا لازم نتصرف لايسوي بالبنت شي تركي كان ينافخ وهو يناظر فارس ..وفجأه رجع بذاكرته شوي لورى وتذكر حوار صار من زمان بينه وبين اخته : تركي وصل و جود تختم جملتها :يبي يراقبني وصار يهددني .. ناظرها بأستغراب : مين اللي يبي يراقبك وصار يهددك جود بسرعه: يهددني ويراقبني جالسين بفيلم هندي حنا بس هي كانت تسألني عن المسلسل وجالسه اسولف لها ..مسكت يده تسحبه بسرعه: وش تبي انت بهالسالفه ياللا تأخرنا تركي يضحك: طيب طيب : ناظر بفارس بسرعه بعد ماتذكر هالكلام : انت كنت تراقبها وهددتها لما عرفت بسالفتها فارس بهدوء: ايه وش اقول لك من اليوم نهاية الجزء | ||||||||||||||
|
| |
|
05-12-10, 04:21 AM
| #28 | ||||||||||||||
| مراقبة ومشرفة سابقة ونجم روايتي
| أنه الرعد صوت مخيف ينذرنا بقدوم عاصفه وربما أمطار وهكذاهو الحال مع تقلب حياتنا ومخاوفنا فأنها ليست سوى عاصفه يتبعها خوف وربما بشرى ساره حياتي تقلبت كثيراً فهي مجموعه من الألام والأحزان ومجموعه من الأفراح والمسرات اوصلتني الى ما آنا عليه الأن نقطة الوصول التي نصل اليها بعد عناء كبير هي تلك النقطه التي نشعر بحجمها وقيمتها الكبير لما تكبدناه من عناء للوصول لها أحبك فأنت حبيبي ونصفي الثاني أحبك فأنت ذلك القلب اللذي بحجم يدي ينبض اربعاً وعشرين ساعه بين ضلوعي سأحفظك هكذا دائماً حفظك الله لي ولاحرمني منك أبداً الفصل السابع والعشرين الساعه 2:50 فجراً قبل أن نتوقف بقليل .. الأبتسامه كانت مزينه ملامح وجهه وهو ممسك بالجوال يكلمها بحب عبير بصوت هادي: قلبي متى راح تجي والله اشتقت لك مشعل متعمد يقهرها ويتصنع اللا مبالاة: يعني يمكن شهر عبير بسرعه: وشلون والدراسه تبي تبدا مشعل ماتبي تجي قولي صارحني مشعل يضحك: وراك ماعاد سكتي امزح معاك طيارتي بعد يومين وحاجز من زمان عبير تنفست براحه: اشوى والله حسيت للحظه انك ماراح تجي ابد مشعل بكل حب: وانا اقدر ماارجع وانا تركت روحي هناك عبير بدلع: والله شكلك تعلمت من تجربتك وصرت شاطر بالكلام مشعل يضحك: هو تبين الصدق صرت شاطر مره عبير تسوي زعلانه: يعني كل هذا شطارة كلام وبس مشعل بكل حب: لا أنتي صدق روحي وحياتي .. عبير أنتي ماتدرين وش كنتي لي أنتي كنتي طوق النجاة اللي تعلقت فيه ومن كثر ماتعلقت ماعاد اقدر أترك ..سكت شوي وكمل بهدوء: حبيتك عبير أنا احبك عبير :.......... مشعل بسرعه : الو عبير عبير بهدوء: معاك مشعل: اقول لك أحبك عبير مستحيه: وانا بعد مشعل: انتي بعد وشو قوليها عبير بدلع: مابي مشعل بقهر: اقول قوليها عن التغلي عبير بأصرار: قلت لك مابي مشعل يسوي زعلان : طيب براحتك توصين شي؟ عبير بتردد: مشعل زعلت مشعل ومازال مسوي زعلان: لا مازعلت براحتك عبير مستحيه: مشعل مشعل: سمي عبير بنبره واطيه: أحبك مشعل مبسوط: وأنا اموت فيك : : : الساعه 3 الفجر .. حيث توقفنا,, ناظر بفارس بسرعه بعد ماتذكر هالكلام : انت كنت تراقبها وهددتها لما عرفت بسالفتها فارس بهدوء: ايه وش اقول لك من اليوم تركي وقف شوي مذهول ويفكر: وش صار عشان تراقب اختي فارس بتوتر: سالفه طويله مو وقتها هالحين لازم نلاقي اختك لايسوي لها شي تركي يركض للسياره : ياللا تعال معي بعد ماركبو الاثنين السياره تحرك تركي بسرعه وهو بحالة ضياع : ماراح نلاقيها حنا كأننا ندور على أبره بكومة قش فارس سكت شوي وصار يفكر ..وبعد تفكير: انا مره مشيت وراهم لمزرعه بعيده فيه احتمال يكون اخذها هناك مااعتقد المزرعه لبنات لأني يومها استغربت جمعتهم بهالمكان البعيد تركي: وان خابت توقعاتك فارس بسرعه: ماعندنا حل او مكان ثاني خلينا نروح تركي بسرعه: وين المكان فارس يأشر بيده اليمين : وقف انا بسوق ادل المكان بعد ماوقف السياره على جنب بدلو اماكنهم بسرعه وتحرك فارس بأقصى سرعته وهو يدعي ربه ان توقعاته تصيب التفت لفارس: حنا لازم ناخذ معانا أحد تركي متخرع: مين يعني مابي السالفه تكبر وتصير فضيحه فارس تبسم: لقيتها جاكو تركي مستغرب: جاكو مين فارس بكل ثقه : سواقكم تركي يناظره وهو عاقد حواجبه: ماعندنا سواق اسمه جاكو فارس بلا مبالاة : سواق خواتك الزبده ماعلينا من اسمه دق عليه بكلمه تركي ومازال مستغرب دق على السواق واعطى الجوال لفارس.. فارس بسرعه: الو جاكو أنا صديق تركي يلحق انت زمان جاكو وهو يهز راسه بطريقه هنديه لا أراديه: ايوه ايوه فارس: انت تعرف مزرعه شرق قبل يصير جنجال كبير جاكو: ايوه يعرف فارس : خلاص تعال مزرعه بسرعه هناك فيه جنجال كبير وانا يبي مساعده جاكور متحمس: الحين يجي بعد ماقفل سمع صوت ضحكت تركي التفت له ببرود: وراك تضحك تركي مبتسم على الأخر : صدق شر البليه مايضحك طلعت تعرف سواقنا وبينكم جنجالات فارس يضحك: ايه انا وهو صفقنا عيال حوش كانو يتحرشون بخواتك عشان كذا انا لحقتهم للمزرعه خفت يتحرشون فيهم مره ثانيه تركي ناظر بفارس اللي كان مركز بالطريق المظلم : صدق انك اخو دنيا وأنا ظلمتك فارس يبتسم: ماعليك تصير بين الأخوان : : : الساعه 3:15 الفجر .. غرفة الولاده تحديداً ,, وصل للغرفه بعد مالبس البالطو حقه اخذ نفس ودخل وهو يسمع صرختها العاليه: فــــــــــــــــــــهـــ ـــــــــــــــــــــــد بمووووووووووت ناظر بالدكتوره هدى: هاه كيف حالتها الدكتوره وهي تصارخ: خذي نفس وادفعي ياللا حبيبتي قربنا نخلص ..وكملت بسرعه: ماعليك دكتور حالتها مستقره السستر جات للغرفه بسرعه : دكتور فيه مولود عنده حالة اختناق فهد : وين الدكتور المناوب انا مو بالدوام الرسمي السستر: ماادري وينه فهد يمشي معاها بسرعه: انا بسعف المولود وانتي شوفيه دكتوره هدى تناظر بشذا: ياللا حبيبتي كمان مره ادفعي بقوه شذا تصارخ: خلااااااااااااااص ماعاد اقدر ..مسكت بالمفرش الأبيض بقوه وهي تتلوى من الألم وتتصبب عرق وتنافخ : يــــــــــــارب سترك مااتحمل أكثررررررر ..صرخت بقوه وهي تدفع الجنين لبرى : يـــــــــــــــــــــارب الدكتوره وهي مبتسمه: ايوه حبيبتي اشوف راس البيبي ياللا كمان مره ونخلص بهالوقت دخل فهد بسرعه وراح عند راسها مسح العرق من جبينها ومسك يدها ..ضغطت على يده بقوه ..دفعت الجنين لبرى وهي تصرخ الصرخه الأخيره اللي سبقت صوت الجنين وهو يبكي وصوت الدكتوره العالي: مبروك جالك ولد فهد باس جبين شذا بحب: الحمد لله ع السلامه شذا بتعب وهي تغمض عيونها: الله يسلمك اخذ مفرش وتقدم للدكتوره قطع الحبل السري بيده وهو مبتسم لف ولده بالمفرش وراح ومعاه سستر للسرير الأبيض الصغير كشف على طفله أول كشف بنفسه سجل مع الممرضه ساعة الولاده واخذ وزنه وأعطاه اول تطعيم بيده باس جبينه الصغير وهو فرحان : هلا والله بسلطان .. سلمه للسستر عشان تنظفه وتهتم فيه ..رجع لزوجته وصار يمسح على شعرها وهو يراقبها مغمضه عينها بتعب ..رفع راسه للدكتوره: كيف وضعها الدكتوره مبتسمه: كل امورها تمام فهد مبتسم: الحمد لله طلع من الغرفه للممر واخذ جواله ودق على البيت ماجاه رد دق على اخته اللي ردت عليه بسرعه: هاه بشر فهد يضحك: ابشرك جانا سلطان ام مشعل مبسوطه: الف مبروك يابو سلطان يتربى بعزك فهد والفرحه مو شايلته: الله يبارك فيك بشري امي حاولت ادق عليها ماترد ام مشعل: امي معي وتنتظرك متى تدق وتبارك لك حنا شوي وجايين مافينا صبر نبي نشوف سلطان الصغير فهد يضحك: طيب تعالو بس النظره بعشره ريال ام مشعل تضحك: يستاهل والله ولد اخوي الغالي فهد منحرج: ياجعلك سالمه ياللا انتظركم ام مشعل : مشوار الطريق بس : : : الساعه 3:30 الفجر .. دخل عليها وهو يتكلم بطريقه غريبه واضح عليه انه شارب شي : ياللا نبي نستانس جود وقفت فوق السرير بخوف : وش يعني تبون تستانسون وش شارب انت سامي معصب وهو يترنح: اووووووووه مالك شغل اخلصي علينا جود تبكي : اخلص عليكم ليه انتم كم واحد سامي يغمز لها ويسوي بيده رقم (3) : ثلاثه بس نعجبك جود واللي حست بقلبها يسوي ايقاعات قالتها وهي مرتجفه: طيب تحبون السالفه تصير برضاي والا غصب سامي يقرب منها ويمسح على يدها: برضاك طبعاً جود وهي تتبسم: خلاص بروح الحمام وبعدها بضبطكم انا بعد اعجبك سامي واللي عجبه كلامها : تعالي معي طلع معاه من الغرفه وأشر لها على باب بالممر يمين باب الغرفه: هذا الحمام بس لاتبطين جود وهي تخفي خوفها: ان شاء الله دخلت الحمام وانتم بكرامه وقفلت الباب وصارت تفكر وش لازم تسوي مو معقوله بتجلس بالحمام هذول 3 بيكسرون الباب تلفتت يمين ويسار الى أن طاحت عينها على الدريشه البيضا فوق البانيو تقدمت بسرعه وطمرت فوق البانيو رجل يمين ورجل يسار فتحت الدريشه اللي تفتح للأسف على اقصاها وناظرت بالشبك المتصل اللي مغطي المساحه كلها حست انها بقفص ولازم تطلع ..فتحت شنطتها بسرعه وصارت تدور اخذت المفتاح وصارت تحاول تفتح الشبك بس المفتاح كان قصير ومايساعد صعب تمسكه بيدينها حطته بالشنطه وصارت تدور شافت قلمها كان مصنوع من الفضه اخذته بسرعه وحطته على الشبكه وضغطت بقوه الى ان فتحت جزء من الشبكه رجعت القلم بشنطتها وحطت يدينها بالجزء المفتوح وصارت تسحب بكل قوتها متجاهله الألم اللي يسببه لها الشبك الحديدي ..بعد مافتحت جزء منه رمت شنطتها برى من الدريشه..و حاولت تطلع لكن المساحه بين الشبك وباب الدريشه كانت صغيره حطت جزء من جسمها على باب الدريشه ويدينها على الجدار وصارت تدفع باب الدريشه لورى بقوه .. بهالوقت جاها صوت عالي زاد قوة نبضاتها: هاه ماخلصتي جود تصارخ: خلاص شويات وبطلع دفت الدريشه بقوه وانفتحت اكثر واصدرت صوت .. سامي يصارخ: وش هالصوت جود بخوف : هذي علبة مكياجي طاحت جالسه اضبط مكياجي سامي مبسوط: طيب ياللا اطلعي مو قادر اتحمل الشوق جود وهي منقرفه: قلبي اصبر بحط اللمسات الأخيره بس سامي ببرود : طيب مررت رجلينها عبر الفتحه ومررت باقي جسمها بصعوبه الى ان طلعت بالكامل ..طاحت على الارض وهي تنافخ اخذت شنطتها ووقفت وهي تتلفت بالظلام خايفه ماتدري وين تروح ولاتدل الباب وين ..صارت تركض يمين بكل قوتها على امل انها تلاقي باب كل ماركضت اكثر وناظرت بالسور اللي يحيط المكان والخالي من أي مخرج حست ان نهايتها قربت صارت تبكي وهي تذكر كلام فارس وتتمنى لو انها سمعت كلامه .. بهالوقت ..كان يطق الباب بعنف وهو يصارخ: جود وراك ساكته ياللا اطلعي سعد وهو يحك شعره : تراك عطيتها وجه افتح الباب راح للمطبخ بسرعه جاب المفتاح ورجع ..اول مافتح الباب ناظر بالدريشه والمكان الفاضي بذهول وصاح بصوت عالي : البنت انحاشت وقفو الأثنين بسرعه: كيف يعني سامي يركض وهو يضرب بالجدران اللي حوله والسبب عدم تركيزه :ياللا ندورها ماامداها تطلع ..طلعو من الباب الرئيسي للمبنى الداخلي ناظر بسعود ودفه : انت روح يسار وحنا يمين عشان نقدر نمسكها : : : الساعه 4 الفجر .. بالمستشفى تحديداً.. واقفين عند الزجاج اللي يفصلهم عن الحاضنه ويناظرون سلطان الصغير بفرح.. ام مشعل مبتسمه: يالبى قلبه يازينه ام سلطان : الله يحرسه لأهله ناظري وشلون صغيرون شهد مقهوره : انا مااشوف بشوف اخوي ام مشعل شالتها ورفعتها للزجاج : هاه شفتي اخوك شهد مبسوطه: ياربي حلو ام مشعل بعد مانزلتها: بكره يصير معاك بالبيت شهد بحماس: ياسلام والعب معاه ام مشعل مبتسمه: ايه بس مو الحين فهد جا عندهم ووجهه منور والأبتسامه ماليه معالمه: هاه وش رايكم بسلطان الصغير ام سلطان: ياحلوه يتربى بعزك ياوليدي فهد يبوس جبينها: ياجعلك سالمه يالغاليه ام مشعل : احسه يشبه امه اكثر فهد مبسوط: الله يعينه لاكبر دامه يشبه امه البنات راح تتحرش فيه دايم ام سلطان واللي ماعجبها: وش هالكلام وانا امك فهد يضحك: امزح يالغاليه شدعوه : : : الساعه 4:15الفجر.. ابتسمت ابتسامه عريضه وهي تناظر الباب العريض تقدمت له بسرعه تحاول تفتحه .. لكن صوته اللي كان مثل خنجر بصدرها جاها قوي : وش تسوين ياحلوه على بالك دخول الحمام زي خروجه جود تلصق بالباب وتتسحب يمين : خليني بحالي سامي الله يخليك سامي يضحك: اسف مااقدر قرب منها بسرعه ..مسكها هو وخويه وهي تصارخ بأعلى صوتها سحب بلوزتها وشقها بقوه وهي دخلت بنوبة صراخ مو طبيعيه بهالوقت كانو عند الباب يفكرون وشلون يدخلون .. تركي بسرعه : جود صوتها والله فارس بخوف: تصارخ قرب السياره نرقى فوقها عشان نوصل للطوفه بسرعه قرب تركي السياره بسرعه ..فارس فتح الشنطه وهو يصارخ: تقدم بلحقك ..نقز تركي فوق السياره ومنها للطوفى ونزل داخل المزرعه وهو يصارخ : اتركها يالتعبان ..قرب من سامي وبعده عن اخته وضربه بكس قوي على وجهه ..دفه بقوه وطيحه على الأرض وجلس فوقه يضربه ..تقدم سعد وصار يرفس تركي بظهره بعنف.. فارس بعد مارقى الطوفى رمى الحديده ونزل داخل الحديقه اخذ العصا الحديد وتقدم بسرعه وضرب سعد الى ان طاح على الأرض جود كانت تراقب هالمشهد وهي تحاول تستر نفسها لكن بدون فايده كل ملابسها مشققه كانت تنافخ بقوه وهي مومصدقه انه جا من ينقذها من هالورطه سامي ورغم عدم تركيزه الا ان بنيته كانت قويه ..فارس كان يحاول يركز عشان يضربه بالحديده اللي بيده اول ماصار سامي فوق تركي رفع فارس الحديده يبي يضربه بالوقت اللي وصل خويهم الثالث ومسك العصا وسحبها بقوه وضرب فارس بقوه على كتفه ..طاح فارس على الأرض وهو حاس بوجع حط يده على كتفه ووقف وهو متألم بهالوقت وصل جاكو اللي كان سمين شوي ومايقدر يرقى الطوفى لو وشو فكر وهو يسمع صراخهم ..رجع السياره ورى وتقدم بالسياره بسرعه كبيره للباب ..انكسر الباب من الأصطدام ودخل هو والسياره داخل المزرعه اخذ العصايه اللي حملها معاه ونزل من السياره وهو يصارخ ورافع العصايه : آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآه اول ماشافو الثلاثه هالمنظر ركضووووو بسرعه مبتعدين عن المكان.. تركي مبتسم: قوي قوي صدق من سماك جاكو فارس يضحك وهو يأشر براسه ع السواق: خوينا متأثر بالأفلام الهندي بس تصدق طريقته عمليه بدال وجع الرجلين من المناقز تركي يضحك: ايه بالله انك صادق بس طريقه تعدم السيارات فارس فتح فمه يبي يرد لكنه سمع صوت بكاها التفت وشافها وهي جالسه وضامه رجلينها وتحاول تستر نفسها لف بسرعه للجهه المعاكسه وصاح بوجه جاكو : اطلع بسرعه ياللا جاكو متحمس: حاظر سير تركي قرب منها وهو معصب ضربها على وجهها بقوه: هذي سواتك ياحقيره فارس سحبه وهو يحاول يغض بصره عن جود : مو وقته ياخوي لازم نستر البنت ..ناظر بنفسه بثوبه اللي ماغيره من العرس ..فسخه بسرعه ومده لتركي : عطها تلبسه تركي مسكه مستغرب: وشو فارس بعصبيه: خل تستر نفسها الثوب مثل العبايه بس ابيض ياللا تحرك تركي: طيب طيب ..راح لها وهو معصب : البسي اخذت الثوب ولبسته بسرعه وهي تشم ريحة عطر فارس المركز بالثوب غصب عنها .. فارس واللي مازال معطيها ظهره : طرحتك وين ؟ جود بخوف : بغرفه داخل البيت الغرفه ع اليمين بممر فارس ناظر بتركي: تعال معي نجيبها لها عشان تغطي شعرها تركي : طيب بس نتركها هنا لحالها ؟ فارس يفكر : وش نسوي اجل تركي يضحك: عندي شماغ بالسياره بعطيه لها تكمل الكشخه فارس يضحك: احسن حل راح تركي للسياره بسرعه جاب الشماغ واعطاه لجود وبعد ماغطت شعرها فيه وتلثمت تحركو الثلاثه للسياره .. اول ماتحرك تركي ناظر فيه فارس: وش رايك فيني وانا لابس سروال وفنيله تركي بحماس : اوووووووووووه كشخه فارس يضحك: طمنتني ياشيخ خفت على مستقبلي جود تبكي: تركي سامحني تركي بقهر: كلي تبن حسابك بالبيت فارس حط يده على يد تركي: حلفتك بالله يارجال لاتسوي للبنت شي كلنا نغلط حنا بشر والحمد لله البنت طلعت منها سالمه تركي يناظره : بعد ماتبلت عليك وظلمتك تقول هالكلام فارس بنبرة ترجي: عشان خاطري تكفى لاتسويلها شي اهم شي هي تتعلم من غلطتها جود بعد مادخلت بنوبة بكاء:والله تعلمت انا اليوم حسيت اني بموت حسيت اني انتهيت فارس انا ظلمتك سامحني فارس بهدوء: المسامح كريم ماصار شي تركي يهز راسه بقهر: خلاص اكرمينا بسكوتك مابي اضيع كلمتي لفارس واذبحك : : : الساعه 5 الصبح بتوقيت السعوديه 6 الصبح بتوقيت الأمارات.. منسدحه على السرير وماهي عارفه تنام الجوع قارصها صار لها اكثر من 24 ساعه بدون اكل تحس بحرقان بمعدتها من كثر الجوع بعد تردد بعدت اللحاف وراحت لعربة الأكل اللي جابها سلمان قربت الكرسي وجلسة شالت الغطا الحديد الكبيروناظرت بالصينيه كان الأكل عباره عن شوربة عدس و شرايح دجاج بالخضار وسلطه ..شربة ملعقه من الشوربه وماقدرت تشرب غيرها لأنها كانت بارده أخذت الشوكه واكلت شريحه من الدجاج نفس الشي كان بارد وماعجبها طعمه ..اخذت صحن السلطه وصارت تاكل فيه ببرود وبدون نفس بس الجوع جابرها ..نزلت دمعتها وهي تناظر الجدران اللي حولها وتفكر بمستقبلها اللي بدايته ماتبشر بخير خايفه من مصيرها ..حطت الصحن ورفعت يدينها وهي رافعه راسها لفوق دموعها على خدها وتدعي من قلب : يــــــــــــــــــــــــ ــــــــــــــــــارب انا عبدك الضعيف أنا من أنساه الشيطان ذكرك ..اللهي أنت الغفور الرحيم اغفر لي خطأي وحنن قلب عبدك علي الهي اسألك بقلباً تائب خائف وليس له سواك أن ترحمني برحمتك ياالله .. بعد ماخلصت راحت للحمام وانتم بكرامه توضت فرشت مصلتها وصلت ركعتين وهي تبكي بحرقه : : : الرياض الساعه 5:30 الصبح.. صار له نص ساعه من وصل البيت صلى الفجر وجلس جلسته هذي وماغيرها كان جالس على السرير مسند جسمه على المخده اللي مسندها على عارض السرير ورافع وحده من رجلينه ولاف يدينه عند ركبته ومنزل راسه ويفكر بالمشهد اللي صار موقادر ينسى شكلها ولادمعتها ولاصوتها .. الأنكسار اللي كان واضح بصوتها فطر قلبه كذبها وتبليها عليه كان بالنسبه له اهون من انكسارها بهالطريقه ونظرة الحقد اللي وضحت بعين اخوها لها ..صح مايعذرها ولايدري أي قلب اللي عندها تغلط عليه وبسهوله تجي تقول له سامحني بس مع هذا تمنى الموت ولا انه يشوف حبيبة قلبه مهزومه ومنكسره كذا ..تنهد بحزن وقام من مكانه اخذ العود وجلس على الطاوله يسار السرير رفع رجله اليمين على السرير وحط العود عليها وبدا يعزف ويغني بصوت مجروووح وواضح الألم عليه ((تجرحي بسم المحبه وبعد غيبه ترجعين ياللي بجروحك كريمه من متى قلبك علي .. الوداع أخر حروف(ن) في خفوقي شلتها ياتموت بوسط صدري يا اموت أن قلتها ..راشد الماجد ..تجرحي.. : : : الساعه 6 الصبح .. بغرفتها وعلى سريرها تبكي وتحاول تنام بس مو قادره كل ماتذكرت اللي صار حست بالنار تزيد بداخلها.. نظرة الحقد اللي شافتها بعين اخوها ذبحتها وقفت بعد تردد وطلعت من غرفتها متجهه لغرفته وبعد ماطقت الباب جاها صوته الخشن وهو يقولها بدون نفس: نــــــــعـــــــــم فتحت الباب بهدوء وناظرت فيه بحزن ودموعها على خدها تركي كان جالس على سريره لف وجهه عنها وتنهد مسح وجهه بقهر وهو يحاول يهدي نفسه وقالها بصوت يادوب ينسمع : استغفر الله جود بخوف: تركي سامحني ياخوي تركي وهو يحاول قد مايقدر يتمالك اعصابه : جود انقلعي عن وجهي ازين لك جود قربت منه بسرعه وهي تبكي نزلت لمستواه ومسكت رجلينه وبصوت ملاه اليأس: سامحني ياخوي الله يخليك أنا مالي غيركم تركي مسكها من شعرها وقف وهو يشدها توقف معاه وصار يهزها من شعرها بقوه وهو يصارخ: لو كان المكان غلط او وصلنا متأخرين واعتدى عليك هالحقير وش كان راح ينفعني اسفك فيه علمييييييييييييييييني ..تنفس بقوه وكمل كلامه : كنت اعتقد ان اختي بريئه ونظيفه بس طلعتي لللأسف غير جود اللي اعرفها تمشين ورى خرابيط مالها خاتمه جود وهي تبكي: تركي انا بشر والغلط شي متوقع مني والله الشيطان شاطر زين لي كل شي سويته ..كملت وهي تبكي بقوه: انا والله ماقصدت كل اللي سويته بس للحظه كنت اعتقد اني صح ولازم ادافع عن حبي بأي طريقه كنت غبيه ومافيه انسان معصوم هذا بندر حب مثلي تركي يشدها بقوه: اول شي لاتقارنين نفسك ببندر ولاتدافعين عن سواتك الشينه ثاني شي من قالك بندر صح شوفي اخرتها رمته مثل الكلب هذا بس اللي يجي من ورى الحب والكلام الفاضي..دفها بقوه للباب وهو يصارخ: انقلعي عن وجهي جود لا ارتكب فيك جريمه جنا واللي وصلت على صراخه مسكت اختها وهي تسحبها: جود وش جابك هنا مهبوله انتي تركي للحين معصب تركي بقهر: جنا خذيها من هنا ازين لها جنا تهز راسها بالأيجاب وهي تسحب اختها بلطف : ياللا حبيبتي عشان خاطري ..مشت معاها بعد ماطلعو من غرفة تركي وهي ضامتها :معليه بكره ينسى الحمد لله لحق عليك ولاصار عليك شي جود تبكي: وش الفايده صار يكرهني جنا تتبسم : لامايكرهك بس هو معصب كلها مسألة وقت لاتخافين : : : يوم الجمعه ..الساعه 1 الظهر.. جالسين بأحد المطاعم ينتظرون الأكل يوصل بندر وهو يسترسل بسالفته وهو مبتسم ع الأخر: ومشى بعدها والله لو تشوفه تقول مضيع ..خلص جملته وضحك مشعل وهو يضحك: هو من يومه مضيع ماشفته يوم صاحي منيف ضحك والتفت يمينه ورجع يناظر ببندر ومشعل : هذا اللي على يميننا له ساعه يناظر فينا مدري وش قصته مشعل التفت يساره يناظر بالطاوله اللي جنبهم ورجع يناظر بمنيف : هذا اللي لابس تي شرت ازرق منيف : ايه مشعل التفت يساره مره ثانيه وبصوت عالي وهو رافع يده بثقه: خير يابو الشباب تعال اجلس معنا بعد.. سلامات الرجال بهدوء: مااناظر فيك مشعل بنبرة استفزاز: لك ساعه تناظر هنا تقول مااناظر اقول خل عينك بصحنك ازين لك..خلص جملته والتفت لأخوياه: ايوه وش كنا نقول منيف يصفق : احلى مشعل صار ينافخ ويهاوش وحركات والله يارجال الغربه غيرتك مره مشعل يسوي معصب: وشلون يعني غيرتني منيف مبتسم: مدري الظاهر الغربه تطلع المواهب والكبت النفسي مشعل يصفقه: اقول كل تبن بس بندر فطس ضحك: لاوصار يقذف بالكلام بعد مشعل وهو يحط الزقاره بفمه: الله يقذفك بنار جهنم قل امين بندر بسرعه: بسم الله علي ..وكمل ببرود: كل تغيراتك حلوه الا هالتدخين مو لايق عليك اتركه بس اتركه منيف يهز راسه بالأيجاب: أي والله اتركه مشعل وهو ينفخ الهوا برا صدره: بتركه قريب لما اتزوج منيف يضحك: والله وصرت تفكربالزواج بدري مشعل يضحك: تعرف غربه وبنات والواحد ماوده ينحرف منيف ميت ضحك: اشوف صرت فاهم بالأنحراف ..قبل لو تسمع صوت بنت انعفست وصارت حالتك لله مشعل يصفقه: اقول انطم بس لااجلدك انا ماقلت انحرفت قلت خايف انحرف بندر يهز راسه: اها خايف منيف لو سمحت ركز مشعل يناظره وهو يسوي معصب: وش قصدك انت الثاني بندر يضحك وهو حاط يده عند كتفه: اقص يدي من الكتف أن ماكنت منحرف وخالص ومتعرفلك على مزه على قول المصاريه مشعل يضحك: مزه بعينك انا شريف مااسوي علاقه الا بعد الزواج منيف يهز راسه بالأيجاب: صح ياشريف ياللا على قول المصاريه الميه تكذب الغطاس : : : الرياض..سنة 1425 للهجره يوم االخميس الساعه 2 الظهر.. جالسين يتغدون بأحد المطاعم.. منيف بعد ماحط الملعقه بصحنه رفع راسه وهو يأشر ورى مشعل بعينه : شف اللي وراك مانزل عينه يناظرنا من زمان قزنا قز |بندر يلف يمينه ويرمق الرجال بنظره حاده ويرجع يناظر بمنيف: جد مايستحي على وجهه وراه يناظرنا كذا مشعل وهو ياكل بهدوء : خلوه يناظر بالطقاق مالنا فيه بلا مشاكل منيف بقهر: أي مشاكل انت ماتشوفه وشلون يراقبنا انا ابي اكل براحتي مشعل ببرود: ماعليك فيه انت بس تجاهله وهو يطفش وماعاد يناظر بندر يحط اللقمه بالملعقه: لاتحاول مهما قلت راح يقول لك طول بالك وروق ومن هالكلام ماتعرف مشعل يعني منيف يتبسم: الا اعرفه ماادري من وين يجيب هالروقان اللي براسه مشعل يضحك: يارجال ماحب المشاكل وش راح استفيد ان سمعته كلمتين ويمكن بعدها تصير مشكله وسالفه منيب قدها خلني بحالي احسن منيف بتذمر: والله ماعندك سالفه وربي خاطري اقوم افقع وجهه مشعل بسرعه: وش تفقع اقول خل نكمل غدانا بس ..روقنا : : : الزمن الحالي.. 2 الظهر بتوقيت السعوديه 3 الظهر بتوقيت الأمارات .. جالسه على السرير تلعب بجوالها بطفش ماتدري وش تسوي .. قالتها بصوت مسموع: ياربي وش اسوي طفشت من الجلسه بهالغرفه .. سمعت صوت الباب ناظرت يمينها شافت موظفه من الفندق جايبه عربة اكل وهي مبتسمه : Is the time to eat(حان وقت الأكل) عنود بطفش : Where Salman (أين سلمان) الموظفه بهدوء: I do not know the hotel is not in (لاأعلم ليس بالفندق) عنود: اوكي بعد ماقفلت الموظفه الباب قالتها بقهر: طالع يتونس وانا حابسني هنا ياربي متى نرجع ماعاد اتحمل قامت للاكل قبل لايبرد وماعاد تاكل ..كان عباره عن ستيك لحم مع الصوص وشوية سلطه وعصير برتقال ..شغلت التلفزيون وبدت تاكل بهدوء وهي حاسه بدمعتها بأي لحظه ممكن تنزل وحدتها بدت تزيد وألمها كل ماله ويزيد وماعاد تدري وش لازم تسوي : : الرياض الساعه 2:30 الظهر.. وهم طالعين من المطعم جاهم نفس الولد اللي كان يناظر ومعاه اثنين من اخوياه مشعل فطس ضحك: ماقلت لكم زمان الكلام يجيب بلاوي منيف يناظره: وعساك قدها؟ مشعل بثقه : الا قدها ونص ..ناظر بالشباب اللي واقفين وبنبره ملتها القوه: اقول خذ الحوش اللي معك وامشي من هنا ازين لك الولد وهو نافخ عضلاته: وان مامشيت وش بيصير مشعل بكل برود : بنمشي حنا ..ناظر ببندر ومنيف : ياللا شباب مشينا اول مامشو مسك الولد مشعل من ملابسه :اوقف هنا وين رايح مشعل بعد يد الولد بقوه وضربه بكس على وجهه وقالها بكل عصبيه وهو يصارخ: لاعاد ترفع يدك لا العن خيرك هنا قرب منيف وهو معصب وبندر رفع يدينه مستعد يضرب اخويا الولد مسكوه بسرعه: امشي امشي بلا مشاكل ..مسكو خويهم وراحو بسرعه من المكان منيف يمسح عيونه بعنف : ياويلي والله مو مصدق عيوني من متى مشيعل يعصب ويضرب بندر يضحك: تعيش وتشوف مشعل مغتر بحاله: اقول امشي انت وياه لا اجلدكم هنا منيف يضحك: لاصدق نفسه بتجلد مين يابابا مشعل بكل ثقه: بجلدك انت وياه بندر يسوي فيها يهديهم: خلاص خلاص انتم اخوان كل واحد يصلح سيارته وخلاص مشعل يضحك: امشي بس وخل عنك الاستهبال : : : الساعه 3:30 الظهر,, جالسين بالصاله على الأرض كل واحد مقابل الثاني وتفصل بينهم طاولة الجلسه الصغيره .. احمد مقهور: لجين مايصير كذا والله انك تغشين لجين بدلع: انت اللي غشاش اخذت اوراقي احمد بسرعه وهو معترض: لا والله انا حطيت الورقتين مثل بعض لكن انتي وشلون اخذتي الاوراق كلها لجين ببرود: حطيت رقمين مثل بعض احمد بسرعه: نصابه وربي نصابه انا حطيت 6 وانتي حطيتي 9 وشلون مثل بعض تضحكين على مين لجين انقهرت ورمت اوراق اللعب اللي بيدها كلهم ووقفت تمشي بسرعه: خلاص بطلت ماعاد ابي العب احمد يوقف بسرعه يلحقها ويمسكها من خصرها ويسحبها: يادلوعه خلاص الرقمين مثل بعض انا اللي حول اشوف الرقم مقلوب لجين تهز كتوفها بدلع: مابي زعلانه احمد يناظرها بحب وهو مبتسم: وشلون ارضي الحلو لجين تتخصر: تسوي اي شي عشان ترضيني احمد : اللي تامرين فيه لجين مبسوطه: ابيك تحملني ورى ظهرك وتطلع فيني الحديقه احمد واللي بدت الأبتسامه تتلاشى من وجهه قالها بصوت واطي: ياويلي ياظهري لجين بسرعه: وش قلت احمد ماسمعتك احمد بسرعه: هاه لا ماقلت شي اقول تشوفنا جدتك تقول مهابيل..كمل وهو مبتسم: شوفي لك شي ثاني لجين وهي منقهره: مابي شي ثاني تحملني ولا ازعل اسبوع وش قلت احمد عطاها ظهره وهو مستسلم: امري لله احملك ولاتزعلين لجين نقزت بسرعه فوق ظهره وهي مبسوطه لفت يدينها حول رقبته بحماس وبعد مامسك رجلينها وبدا يمشي صارت تصارخ من الحماس طلع الحديقه وهو يمشي وحاس بتعب والشمس تضرب فيه ولجين فرحااااااااااااااااانه احمد وهو يتصنع الروقان : هاه حبيبتي وش رايك بالجو الربيعي والعصافير والسما الزرقا الصافيه لجين مبسوطه: وناسه حبيبي احمد بقهر: نونه حياتي ارحميني الشمس حرقت جبهتي احس بيجيني دوار البحر بعد شوي لجين وهي ماسكته بقوه: دوار بحر بهالشمس احمد وهو يحاول يرخي يدينها اللي حول رقبته: دامك تدرين انها شمس اعتقيني لوجه الله لجين بحزن: طيب اترك رجليني بنزل بعد ماتركها نزلت وبدت تمشي مشيه ملتها الخيبه احمد مشى وراها مسكها من يدها ولفها بحيث تقابلت نظراتهم وقالها بكل رومنسيه: حبيبتي راضيه ؟ ا ذا مو راضيه والله لحملك لين المسا ولاتزعلين لجين قالتها وهي ترجع على ورى: مالت ماعندك الا الكلام شاطر بالكلام احمد تخصر وقالها وهو يسوي معصب: ماعندي الا الكلام هاه تعالي هنا بجلدك ركضت بسرعه لداخل البيت ..ركض وراها وهو يصارخ : تعالي هنا اصبري امسكك بعضك او بجلدك اوريك انا طلعت الجده من غرفتها اللي بالدور الأرضي بعد ماسمعت صراخهم وشافتهم وهم يرقون الدرج ويصارخون هزت راسها وهي تضحك: عيال هالأيام مايكبرون ابد : اول ماوصلت الغرفه قفلت الباب بسرعه وهي خايفه احمد يطق الباب : نونه افتحي الباب ازين لجين بدلع: وش بتسوي يعني احمد بنبره حاده: قسم بالله ماتفتحين الباب والله لأترك البيت واقفل جوالي وماارجع اسبوع كامل لجين فتحت الباب بسرعه وهي مبوزه : اهون عليك؟ احمد بأصرار: ايه تهونين ..اختاري بسرعه اجلدك او اعضك لجين بخوف: تعضني ..قالتها وركضت بسرعه ..ركض وراها ومسكها عضها مع كتفها الى ان سمع صرختها وتركها وقالها وهو يضحك: تستاهلين لجين بعد مانزلت دمعتها: حرام عليك ياشرس احمد يضمها بقوه: يالبى قلبها البيبي وربي براءة وجهك تغطي على براءة الأطفال : : : الساعه 5 المغرب,, المستشفى تحديداً.. شذا ممسكه بسلطان الصغير وتناظره بحب وحنان: فهد شف وشلون حلو يشبهلك فهد وهو جالس بجبها وممسك بسلطان معاها : لا والله يشبهك وحلو مثلك شذا بأصرار: لاوالله ناظره زين يشهبك ام سلطان وهي تضحك: خلاص لاتتهاوشون يشبهني انا شذا تضحك: ايه صح يشبهك ..التفتت لفهد وقالتها بهدوء: فهد قول لهم يكتبون لي على خروج طفشت من المستشفى فهد مبتسم: انا اللي قلت لهم بتجلسين هنا لبكره قلت اريح لك شذا بسرعه: لالا مابي هنا ابي اروح البيت ام سلطان تأيدها: ايه خلها تطلع البيت احسن لها فهد يوقف: خلاص الحين اخلص اجرائاتها : : : الرياض يوم السبت الساعه 10 مساءً .. المطار تحديداً.. ام مشعل وهي تمسح دمعتها من تحت الغطا : الله يردك سالم ياوليدي مشعل وهو يبوس جبينها: لاتبكين يالغاليه كل اجازه بجيكم ابو مشعل بعد ماضم ولده بحراره: ياليتك مأجل حجزك لبعد بكره عشان تودع العنود مشعل وهو يتبسم: انا تعمدت احجز قبل رجعتها عنود حساسه وبتجلس تبكي كثير وهي تودعني خلها تتفاجأ بروحتي احسن ماحب اشوفها تبكي وانت قول لها مالقيت حجز ثاني ابو مشعل يهز راسه بالأيجاب: والله انك صادق خير ان شاء الله راح لأخوياه وبعد ماضموه وودعوه ..قالها منيف بضيقه: والله يارجال بنفقدك فرحنا برجعتك ومرت هالايام بسرعه بندر قالها وهو يناظر مشعل بحزن: والله جلستك ماتنمل ماشبعنا منك اجازة العيد حنا بنجيك انا ومنيف منيف بسرعه: انا من وين لي تذكرت طيران بندر يدفه: يابخيل انا ادفع عنك مشعل يضحك: تعالو وسكنكم واكلكم وشربكم ومواصلاتكم وكل شي علي منيف يفرك يدينه: وناسه خلاص جايين ماعليك مشعل يضحك: خلاص انتظركم ياللا مع السلامه منيف وبندر بصوت واحد : الله معاك : : : الساعه 11 مساءَ .. كتب مسج وارسله لها .. : نوره حبيبتي ودي اكلمك بجد احس اني متضايق : بعد انتظار جاه ردها : مستحيل : كتب الرد بسرعه وارسله لها : نوره الله يخليك اوعدك ماراح اطول تكفين والله فيني الضيقه : قرت المسج وبعد تفكير اخذت جوالها وراحت غرفتها ودقت عليه.. بندر بحماس: الو هلا حبيبتي نوره بدون نفس: وش فيك بندر بهدوء: كذا بدون نفس نوره بهدوء: بندر انت ماتمل؟ بندر بحب: انا احبك نوره وروحي فيك وشلون تبيني امل نوره : على فكره بندر انا مستحيل ارجع لك واول عريس راح يتقدم لي بوافق بندر بعصبيه : وش اللي توافقين على كيفك هي وانا وين اروح ؟ تعلقيني وتتركيني ببساطه لعبه بيدك أنا نوره بحزن: بندر انا قلت لك وجهة نظري بندر وهو معصب: وجهة نظرك الخايسه احتفظي فيها لنفسك وانتي لي غصب عنك نوره ببرود: مافيه شي غصب بندر بقهر: انا اعلمك وشلون الغصب تصبحين على خير نوره بهدوء: تلاقي خير قفل منها وبدا يتقلب وهو حاس بنار تاكل كل شي بداخله حاس انه يغلي من داخله :كل هالحب وبالأخير تتنازل عني عشان سخافات براسها : : : الأحد الساعه 10 صباحاً بتوقيت السعوديه 1 الفجر بتوقيت أمريكا.. بعد ماخلص اجرائاته كان يتقدم لصالة المغادرين وهو حاس بخوف كبير طول هالفتره كان يكلمها بدون لايجيب سيره للكلام اللي قاله لها ومايدري هي وش اختارت ..اول ماوصل صار يتلفت ويدورها وسط الزحمه وفجأه سمع صوتها وهي تصارخ: مشععععععععععععععععل مشعععععععععععععل التفت يمين وشافها جايه تركض وهي فرحانه حس بالفرحه تتملكه وهو يشوفها ..كانت لابسه بنطلون جينز ابيض وفوقه قميص حرير للركبه مزين بـ ورود ملونه ويتوسطه حزام اصفر وكانت مغطيه شعرها بشال اصفر لافته بطريقه حلوه وحاطه على جنب ورده كبيره .. عبير بحماس: مشعل وحشتني مشعل وهو مبتسم على الأخر : وانا احبك ماتخيلتك تستغنين عن حريتك عشاني عبير : ابيع عمري عشانك من اول يوم طلعت فيه من المستشفى رحت مع ماما السوق وغيرت ستايلي حتى ماما استغربت وكل ظنها اني بعد ماشفت الموت بعيني قررت اتحجب مشعل فتح شنطته وطلع ورده روز حمرا ومدها لها: هذي عشانك جبتها من السعوديه لك عبير تضحك: يابخلك بس هالورده مشعل يضحك: بس لاتصيرين طماعه عبير تناظره بحب: وصولك سالم احلى هديه مشعل بحماس: انا مااكلت شي بالطياره نروح ناكل؟ عبير بهدوء: مشينا مشعل يناظرها : مابيك تتأخرين برى البيت مفهوم عبير : مفهوم : : : الرياض الساعه 11 الظهر .. بيت الجده ام سلطان تحديداً.. جالسه على سرير شذا وممسكه بسلطان الصغير وبكل حماس: ياربي ياحلوه وربي عسل شذا ابي واحد مثله شذا وهي مبتسمه: الله يرزقك لجين بهدوء: ياربي متى متحمسه ابي اجيب بيبي ام سلطان: كله بأمر الله لجين وهي مبسوطه: وشلونه معاك اكيد معذبك صح شذا تضحك: يعني شوية سهر وشوية صياح اخر الليل لجين: وخالي كيف يساعدك تحسينه اب صح شذا مبتسمه ع الأخر: فديته فاهم للأطفال زين تعرفين دكتور اطفال بس هالحين عشانه بأجازه فاضي لي ولسلطان بس بعدين مااعتقد يفضى لنا لجين بحماس : عطيني رضاعته ودي يشرب من يدي شذا تعطيها الرضاعه: خذي بشوف شطارتك لجين تفرد رجلينها بحماس وتحط حلمة الرضاعه بفمه الصغير بعد مابدا يشرب قالتها وهي فرحانه: ياسلام بجلس معاكم اسبوع ام سلطان تضحك: الله يحيك يابنتي خلاص نجهز السرير لجين بخجل: المشكله احمد ماراح يرضى مايستغني عني شذا وام سلطان بصوت واحد: الله يخليكم لبعض : : : الساعه 11:30 بتوقيت السعوديه 12:30 بتوقيت الأمارات.. جالسه على السريروتهز رجلينها بسرعه وبخوف ماعاد تتحمل هالوحده حاسه انها مثل المجنونه جالسه بين اربع جدران وسلمان ماخذ منها جوالها والمشكله تخاف تستخدم تلفون الفندق ويهاوشها بعدين ..راحت عند باب الغرفه حطت يدها على المقبض بخوف وبعد تفكير تركته ورجعت للسرير شغلت التلفزيون وصارت تقلب بالقنوات بسرعه ..رمت الريموت بقوه على الأرض وبدت تبكي :ياربي ماعاد اتحمل متى يجي بكره ونرجع السعوديه بموت من الوحده والحبسه بهالغرفه ياربي شسوي .. قامت للحمام وانتم بكرامه فتحت المويه وقررت تتروش يمكن تكسر الملل اللي هي فيه : : : الساعه 12 الظهر بتوقيت السعوديه 3 الفجر بتوقيت أمريكا .. وقف عند باب شقة نايف وبعد تردد طق الجرس نايف بعد مافتح الباب قالها بحماس: هلا والله بالطش والرش ليه ماقلت لي انك راجع كنت رحت لك المطار مشعل بهدوء: لا بس كنت حاب اسويها لك مفاجأه نايف بخبث: مفاجأه والافيه ناس غيري استقبلوك بالمطار مشعل يدفه: اقول عن ثقل الدم توني حديثي معرفه فيك نايف فطس ضحك: لاخلاص صارت بيننا عشره وخبز وملح على قولهم مشعل واللي باقي واقف عند الباب : ياللا انا بمشي اشوفك بكره بس حبيت اسلم عليك نايف يسحبه بسرعه: اقول ادخل قال حبيت اسلم وش عنده الرسمي مشعل يضحك: لابس وقت نوم ومالها داعي ازعجك نايف وهو مبتسم: وش اللي تزعجني انا جهزت لك غرفه عندي خلاص سكنك هنا ياحبيبي وشقتك اللي كلها ذكريات خايسه خلها لاتجدد عقدك فيها منها تونسني وبنفس الوقت ماتتذكر سوالف خايسه مشعل يضرب على صدره: ماعليك محسوبك سبع حتى لو تذكر مايهزه شي نايف يضربه على كتفه: ادري فيك ولد رجال عشان كذا ابيك تشاركني السكن تراك محظوظ والمفروض تصلي ركعتين شكر من يوم جيت على امريكا مافكرت احد يشاركني السكن دايم اخاف ومااضمن الناس بس انت والله حبيتك ودخلت قلبي مشعل مبسوط: ياجعلك سالم نايف وانا بعد الله يعلم اني اعتبرتك اخو دنيا نايف : خلاص اجل اتفقنا سكنك هنا ولاتحسب السكنه بلاش كل شي نص بنص مشعل يضحك: عادي الفلوس مو مشكله لو تبي ادفع كل شي ماعندك مشكله نايف بنبره حاده: لا هنا مافيه هالكلام كل واحد فينا يدفع محد احسن من احد ولاتقول هالكلام لاتطمع فيك احد والا نسيت مشعل يضحك: لا انت غير ماتطمع نايف بخبث: لا انا بشر والشيطان شاطر مشعل فطس ضحك: ايه عاد حظي حلو يسويها فيني الشيطان ويلعب براسك نايف يضحك: لا افا عليك عارف له زين انا اذكر ربي كثير مايقدرعلي : : : يوم الأثنين .. الساعه 12:30 بتوقيت السعوديه 1:30 الفجر بتوقيت الأمارات .. جهزت شنطتها ولبست عبايتها وجالسه تنتظر الفرج ..ماصدقت تسمع صوت الباب التفتت يمين بسرعه وشافته داخل الغرفه كان وجهه يحمل الجديه وبالنسبه لها كان مخيف ناظر فيها وبنبره حاده : ياللا مشينا ..مشت وراه بهدوء واول ماطلعو من باب الفندق حست ان روحها رجعت لها طول الطريق بالتاكسي كانت ساكته مانطقت بكلمه ..بعد ماخلصو اجرائاتهم بالمطار وركبو الطياره وبعد الأقلاع تحديداً نطقت بصعوبه ..قالتها بخوف وبتوتر كان صوتها يرجف وواضح عليه الخوف: سلمان ليه تتجاهلني بهالطريقه هاوشني صارخ علي سوي اي شي بس لاتعاملني كأني جماد احس اني بنجن سلمان ببرود: اقول انطمي موطايق اسمع صوتك العنود سكتت وبدت تمسح دموعها اللي على خدها كلها دقايق ووصلو السعوديه شغل سيارته وانتظر شوي ..كانت تسمع صوته وهو يتأفف وحاسه هالصوت طعنات بصدرها .. بعد ماوصلو البيت نزل من السياره اخذ شنطته ومشى للباب ..التفت يناظر فيها وهي واقفه تناظره كانت مستغربه تصرفه لهالدرجه مستحقرها قالها بدون نفس: خلصيني خذي شنطتك والحقيني فتحت الباب اللي ورى اخذت شنطتها وقفلت الباب صارت تسحب الشنطه وتمشي وراه بهدوء بعد مادخلو البيت ووصلو عند السلالم حمل شنطته وصار يرقى الدرج بسرعه ..حملت شنطتها وصارت ترقى الدرج بسرعه تحاول تلحقه قبل يغيب عن ناظرها ماتدل الغرفه ..بعد ماوصلو الغرفه قفل الباب وواضح على وجهه العصبيه ..فتح دولاب ملابسه اخذ ملابس ودخل الحمام وبعد دقيقه طلع وهو لابس بيجامه سبورت ابيض وازرق سماوي كانت البيجامه روعه عليه ومفصله تقاسيم صدره وعضلاته ناظرها بجفا وقالها بعصبيه: اذا تبين تغيرين ملابسك عندك الحمام انا بنام لاتشعلين الضو نامي على السريرانا بفرش لي ع الأرض دخلت الحمام وانتم بكرامه غيرت ملابسها وطلعت كانت الغرفه ظلام دامس مشت تتخبط الى ان وصلت للسرير جلست على السرير وهي حاسه بطفش مافيها نوم على كثر مانامت بالفندق انسدحت وحاولت تجبر نفسها تنام .. : : : الساعه 1:30الفجر بتوقيت السعوديه 4:30 العصر بتوقيت أمريكا .. كان جالس يقلب بالتلفزيون وياكل ساندوتش جبن مالح ..شاف نايف وهو طالع لابس قميص احمر وبنطلون اسود حاط شنطه على ظهره وماشي مشعل بعد مابلع اللقمه بسرعه: وين رايح يابو الشباب الدراسه مابدت نايف يضحك: يعني رايك لبسي لبس دراسه مشعل يضحك: لا بس قلت يمكن لبسك بالجامعه كذا نايف: لا انا اشتغل بمطعم بيتزا العصر حتى ايام الدراسه مااحب اعتمد على اهلي بمصروفي مشعل بحماس: والله حركات ماتشغلني معاك نايف بعد تفكير: يبون مباشر تشتغل مباشر؟ مشعل بسرعه: ماعندي أي مشكله نايف بسرعه: ياللا بدل ملابسك بسرعه مشعل يقوم بحماس :دقايق بس وجاي وقف بالصاله ينتظر مشعل وبعد ماجا مشعل نزل معاه بسرعه ركب وعطاه الخوذه ياللا بسرعه تعال مشعل متردد :شف باخذ تاكسي وبلحقك نايف بقهر: اركب لاااجلدك ياللا قال تاكسي قال تعود عليه عشان تشتري مثله مشعل يضحك: طيب بعد ماوصلو المطعم عرف نايف مشعل على المدير وقرر المدير يحط مشعل بفترة تجربه مدتها اسبوع مشعل كان مبسوط كل ماشاف الزحمه وشاف نايف محمل الطلبات وطالع طيران عشان يوصل البيتزا ساخنه حس بحماس اكبر .. جات زبونه وجلست على الطاوله .. ناظر واحد من زملائه بالعمل البنت واشر لمشعل عليها بعينه ..راح مشعل للزبونه حط المنيو على الطاوله وطلع الدفتر الابيض الصغير والقلم من المريله السودا الصغيره اللي رابطها بخصره .. ناظرت فيه البنت: One meat pizza(واحد بيتزا لحم) مشعل بهدوء: Any size you want(أي حجم تريدين) البنت : medium (وسط) مشعل: Your drinking (مشروبك؟) البنت : Miranda راح بسرعه وحط الطلب على طاولة المطبخ وبعد دقايق جا الطلب بصينيه خشب بنيه شاف خويه طالع بطلب حامله بطريقه حلوه بيد وحده وماشي فيه قرر يتجرأ ويقلده مسك الصينيه بعنايه وتقدم لطاولة البنت وهو متحمس نزل الصينيه حط الطلب ورجع لمكانه ولما شاف زبون داخل المطعم راح بسرعه عشان يباشره المدير شاف نشاط مشعل وصار يهز راسه بالأيجاب مقتنع بكفائته بالعمل : : : الرياض الساعه 4 العصر .. صحت من النوم وماشافت احد بالغرفه بدلت ملابسها وطلعت من الغرفه اول ماوصلت عند السلالم حست بخجل نزلت بتردد اول ماشافتها نوره صاحت بصوت عالي: هلا والله هلابالعروس..الحمد لله ع السلامه العنود تضمها بفرح الله يسلمك حبيبتي قربت من عهود سلمت عليها بحب ..قربت من ريم سلمت عليها ريم ناظرت عنود بنظره حاقده وقفت وراحت عنها وقالتها بدون نفس: هلا عنود استغربت طريقة ريم وناظرت بنوره: وش فيها اختك نوره تجلس وتسحب عنود عشان تجلس: اجلسي بس ماعليك منها هي دايم كذا عنود جلست والأفكار تاخذها وتجيبها : معقوله سلمان قال لريم شي ..حست بخوف كبير وهي تفكر هالتفكير نوره تهزها : وش تفكرين فيه ..علميني كيف يومين العسل عنود تتبسم: عادي مثل أي يومين عهود تضحك: لاتحرجينها نوره تناظرها بطرف عين: منحرجه انتي الحين عنود تضحك: لاعادي شدعوه انحرج نوره: قال لك سلوم أن مرت خالي خلفت ولد وسمته على اسم بابا سلطان عنود بحماس:واااو فهودي صار عنده بيبي لازم اكلمه ..وقفت بحماس وبعد ماتذكرت ان مامعها جوال جلست وقالتها بهدوء: بكلمه بعدين ماشبعت من السوالف معكم نوره تضحك : بكره تملين مننا عنود تتبسم: لاشدعوه طول عمري لحالي وانتظر من يغير وحدتي حست بجمال هاللحظه ورغم قسوة سلمان وتجاهله التام لها الا انها بهالبيت ومن هاللحظه بدت تنسى قسوة الوحده : : : الرياض ..22\4 \1424 للهجره.. الساعه 9:30 مساءً.. رفعت الفستان تعرضه لشروق : هاه وش رايك فيه شروق بتعب: والله حلو بس اشتريه تعبت من اللفه بالسوق ريم تكلم البايع بكل جرئه: خلاص هاته بس ان طلع مقاسه مو ضابط شسوي البايع وهو يتبسم: بحط لك كرت المحل وكلميني عليه ومايصير خاطرك الا طيب ريم : خير ان شاء الله بعد مااخذت الفستان وطلعت من المحل ناظرت شروق بحماس: وش رايك نروح نشتري دونات شروق بتعب : والله انك فاضيه الحين اخوك يعصب علينا ريم تترجاها: تكفين والله مشتهيته من زمان شروق بهدوء: طيب امرنا لله بعد ماشرو الدونات طلعو من المول وكان سلمان ينتظرهم عند الباب اول ماركبو بدا يعاتبهم: كل هذا تشترون فستان فاضي لكم انا شروق تضحك: ماقلت لك راح يعصب سلمان بتذمر : لا والله اخت شروق اكيد بعصب لي ساعه جالس بالسياره سلامات ريم تتمسكن: معليه اخوي سامحني مو دايم اجي للسوق انا بعدين زواج اعز خوياتي سلمان مقهور: طيب طيب اول واخر مره ريم بلا مبالاة : طيب ..فتحت كيس الدونات وبدت تاكل وهي مبسوطه سلمان بقهر: ولاتعزم اللي ماتستحي ريم : تبي مد يدك ماتحتاج عزيمه مابين الأخوان هالسوالف سلمان يمد يده بالكيس: طيب يالفاهمه اول ماوصلو البيت رقت الدرج بسرعه متحمسه عشان تقيس الفستان شروق لحقتها بسرعه تبي تشوف الفستان كيف طالع ..بعد مالبست الفستان حست بخيبة امل كان واسع ومو ضابط ابد ناظرت بشروق وقالتها بقهر: ياربي شفتي كيف هالحظ الفستان وسيع ياليتني جربته بالمول بغرفة القياس شروق بسرعه: طيب طلعي الكرت ودقي ع المحل ريم بسرعه: ايه صح ..اخذت الكرت ودقت ع الرقم الثابت وماجاها رد ..قالتها بصوت عالي : ياربي مايردون فيه رقم جوال ادق عليه شروق بهدوء: عادي دقي دامه بكرت المحل دقت ع الجوال وكلها دقايق وجاها الرد : الو ريم بتوتر: الو السلام عليكم البياع: وعليكم السلام ريم ومازالت متوتره: اخوي انا جيت اليوم اخذت منك فستان اسود البياع بسرعه : اللي فيه كرستالات بالوسط ريم: ايوه هو البياع: وش مشكلته ريم: ابي مقاس اصغر ماادري فيه مقاس اصغر والا اضبط الفستان بمعرفتي البياع : الا فيه هاتيه واعطيك مقاس اصغر ريم: طيب مشكور البياع : العفو بعد ماقفلت ابتسمت: اشوى فيه مقاس اصغر حطت الفستان بالكيس وطلعت من غرفتها تبي تنزل للعشا ..وهي نازله من الدرج سمعت صوت رنة المسجات فتحتها وكانت من البياع : من يشبهك وأنت السحايب والمطر من يشبهك وأنت الخمايل والزهر كلك حلاه ... كلك أحاسيس ونظر : قفلت الرساله وهي مستغربه: سلامات وش يبي هذا : : : الرياض الزمن الحالي .. الساعه 10 مساءً.. بعد ماغير ملابسه وجهز مكانه قالها بقهر: اسمعي الخميس نبي نروح المزرعه ابوك عازمنا ياويلك تناديني والا تكلميني مابي اتكلم معاك نهائي ومن هالحين احذرك لو وجهتيلي الكلام راح احرجك بالرد خلص جملته وانسدح على فرشته ونام بدون لاينتظر منها رد غيرت ملابسها مثله وانسدحت على السرير تحاول تنام ..ناظرت فيه وهو منسدح ع الأرض وهي تفكر ..وبعدين معقوله مكتوب لي اعيش كذا بسجن عشان غلطه اعض اصابعي ندم عليها ياربي شسوي كان ودها تسهر مع البنات بس سلمان رمقها بنظر مخيفه اول ماقالت بجلس شوي وبعدها بنام : : : يوم الخميس ..الساعه 8 الصبح .. بندر يهز تركي بعنف: ياللا تركي قوم البس نبي نتأخر تركي وبراسه النوم: ياربي بندر والله العظيم كلمت فارس قال راح يتحرك للمزرعه الساعه 9 بندر بسرعه: ايه ياللا قوم على ماتلبس وتتكشخ وتجهز اغراضك الا والساعه تعدت الـ 9 تركي قام من فراشه بملل: ياربي كله من تحت راسي انا غلطان يوم اني اقول لك فارس عازمنا بندر بقهر: لا والله حلوه ماتقول لي يارب تجي صدفه واشوفها تركي يهز راسه: هذا اللي ذابحك انت بندر مبتسم: محد ذابحني غيرها ياللا اخلص علي لك 10 دقايق بس تركي بكسل: ياربي ساعدني على هالبلوه بندر يصفقه: اقول امشي بس خلصنا : : : الساعه 9 الصبح بتوقيت السعوديه 12 بعد منتصف الليل بتوقيت امريكا.. بدل ملابسه وطلع شاف نايف ينتظره مشى معاه وهو حاس بتعب:ياربي هالمطعم زحمه مره نايف مبتسم: ايه عشان كذا تحس انك تشتغل بجد مشعل : أي والله انك صادق ..ياللا انا بروح اشتري عشى ولاحقك للبيت نايف يمشي معاه : بجي معاك مشعل بأرتباك: هاه لا بس انا بمر واحد خويي نايف بكل برود : عادي بتعرف عليه مشعل بأستسلام: طيب نايف فطس ضحك: مالت عليك ادري بتروح لحبيبة القلب بس ابي احشرك مشعل يصفقه : مالت عليك كلها كم دقيقه بشوفها بمطعم وجبات سريعه وبشتري لنا عشى مره وحده بس عنده ساندوتشات ع الكيف وذبحه اسلامي نايف مبسوط: خلاص انتظرك لاتشوفها وتنسى العشى مشعل بحماس: لا ماعليك : : : الرياض الساعه 8 مساءً حطو الحريم الفحم على النار عشان العشى اللي راح يكون عباره عن مشاوي.. الحريم كانو جالسين بالمجلس والسوالف ماخذتهم العنود كانت مبسوطه على سلطان الصغير وجالسه تلاعبه من زمان وموقادره تفكه شهد وحور كانو يلعبون مع بعض الرجال كانو مجتمعين بالصاله وكان فارس ماسك العود ويغني ((القلب سلم لك أمره في حالتي أنت ادرى ياللي حنانك وطيبك ينحط ع الجرح يبرى شفاف يانور عيني.. تنحط ع الجرح..راشد الماجد .. حوروشهد كانو يركضون وراحو للمطبخ ناظرت حور بالغرشه البيضا الشبه شفافه اللي فوق الدولاب بجنب الفرن ..مدت يدها تحاول تجيبها وهي تسأل شهد: وش هذي مويه؟ شهد بكل براءه : ماادري اول مامسكت حور الغرشه انفلتت من يدها وصارت فوق الدولاب بشكل افقي وبدت المويه تنكب على الدولاب بالجهه بين الدولاب والفرن شهد بخوف: ياربي تعالي نطلع من هنا قبل لايهاوشونا حور تركض وراها : ياللا المويه كل مالها وتسيل على الدولاب النار اللي كانت مشتعله على اقصاها بالجهه نفسها يمين الدولاب كانت قويه مره وبشراره بسيطه بدت النار تشتعل بالدولاب الخشبي وتحرق المطبخ بسرعه مدمره .. : وسط الفوضه اللي مسوينها الرجال وضحكهم وسوالفهم .. بندر وهو فاطس ضحك: ايه صح انا قلت لك ..وفجأه سكت ياجماعه وش هالريحه سلمان مستغرب: كأنها ريحة حريق فارس وقف بسرعه: النار اكلت المطبخ ووصلت لباب الحريم فهد وقف بسرعه : تحرررررررررررررركو لازم نطلع الحريم للمسبح ومنه للمزرعه بندر بخوف وهو حاس قلبه بيوقف: نوره معهم تركي يسحبه : تعال حنا نطلع من الباب اللي ورى واهم يطلعون حريمهم من هناك بندر يوقف : بس ياخوي تركي يسحبه : ياللا مافيه وقت فارس وهو يركض: تركي دق ع المطافي ركضو الرجال بسرعه يحاولون يدخلون لمجلس الحريم اللي بدت النيران توصله وسط توترهم وصراخ الحريم دخل فهد بسرعه طلع امه وحرمته وفارس طلع امه وشهد وكم بنت من بنات عمه سلمان طلع بصعوبه مع حرمته وامه ابو مشعل طلع مع حرمته وجدة لجين واحمد طلع مع لجين ..الكل وقفو قبال المسبح يناظرون النيران اللي تاكل المكان سلمان يناظر بالكل : مافيه احد ناقص فارس يصارخ : حور ..حور مو هنا وينها صار يلف حول نفسه وامه تبكي :ياويلي ابي بنتي سلمان يصارخ : خلاص اهدو شوي فارس وهو منهار ويصارخ: وشلون اهدى ياسلمان النار تاكل المكان واختي داخل سلمان التفت حوله ونقز بالمسبح بدون تفكير طلع بسرعه وهو كله مويه ودخل بالبيت متجاوز النيران نهاية الفصل | ||||||||||||||
|
| |
|
05-12-10, 04:27 AM
| #29 | ||||||||||||||
| مراقبة ومشرفة سابقة ونجم روايتي
| أنه عقرب الثواني بساعة الحائط أسمع صوته بدقه وسط هدوء غرفتي وكل ثانيه تمرالتفت لأراقب صغيرتي النائمه أنها كالملاك لاحزن يأرقها ولاهموم الغد تشغلها ليتنا كالأطفال لاهموم لدينا ..كل مالدينا مجموعه من الألعاب تملئنا بالضحكات شارفت روايتي على النهايه وكلما شعرت بقرب سطوري الأخيره يملئني الحزن أحببت ابطال روايتي ..أحسست بألامهم واحزانهم وكنت دائماً افرح لفرحهم الفصل الثامن والعشرين الرياض ..23\4 \1424 للهجره.. الساعه 4:30 مساءً.. دخلت المحل وناظرت بالبياع وبكل هدوء : أنا اللي امس جيت اخذت الفستان وقلت لك برجعه البياع بسرعه: ادري عرفتك من شفتك ريم واللي ارتبكت من كلامه: طيب ابي مقاس سمول البياع: من عيوني..راح بسرعه ورجع وبيده الفستان حطه بالكيس ومده لها ..مسكت الكيس عشان تاخذه لكن البياع ماشال يده من الكيس البياع بأرتباك مصطنع: انا اسف ولاتفهميني غلط بس انا على كثر ماشفت بنات يجوني المحل ماشفت مثل عيونك ريم تشد الكيس بعصبيه: عطني الكيس والا بنادي اخوي تراه ينتظرني برا البياع بعد ماترك الكيس: قلت لك لاتفهميني غلط ريم اخذت الكيس وطلعت من المحل بسرعه اول ماركبت سيارة سلمان وبعد ماتحركت السياره سمعت صوت نغمة الرسايل فتحت شنطتها طلعت جوالها وبدت تقرا المسج : أنا اسف بس حبيتك من اول نظره عجبتيني يشهد علي ربي أنا مو راعي حركات وانتي اول بنت اكلمها بهالطريقه : : : الرياض ..الزمن الحالي حيث توقفنا,, كانو يراقبون الباب بتوتر ..صوت بكا ام فارس كان يزيد توترهم ..طلع من الباب وهو يترنح وعينه شوي وتغمض وقالها بصعوبه : خذها قرب فارس بسرعه وأخذ حور اللي كانت تكح بعنف ..ناظر بسلمان اللي اخذ نفس بصعوبه وطاح على الأرض فاقد الوعي قرب احمد بسرعه ورفعه شوي وصار يهزه :سلمـــــــــان سلمـــــــــان رفعه بمساعدة ابوسلمان وطلعو من الباب اللي يودي للسيارات فهد قرب لهم بسرعه اخذ نبض حور ونبض سلمان ..راح لسيارته بسرعه طلع جهاز صغير للتنفس الصناعي حطه بفم حور اللي كانت شايلتها امها وبدا يضغط عليه وهو يصارخ : ياللا الكل يركب السيارات لازمهم مستشفى احمد بسرعه: حطوهم بسيارتي انا باخذهم للمستشفى وصرخ بصوت عالي: لجين تعالي معاي حطو سلمان بالمقعد الخلفي لسيارة احمد ابو فارس شغل سيارته وصارخ: ام فارس اركبي ..طلع راسه من الدريشه يناظر سيارة احمد اللي قدامه وقالها بصوت عالي: ياللا احمد تحرك للمستشفى انا وراك تحركو الأثنين للمستشفى بسرعه كبيره.. فهد يناظر شذا : ياللا شذا اركبي السياره الدخان وصل لهنا سلطان بيتأثر لازم نمشي فارس ناظر بتركي وبندر :ياللا نمشي حنا بعد ابو مشعل ناظر بعايلته : ياللا اركبو السياره فجأه وبالوقت اللي كانو يركبون فيه الحريم السيارات صرخت عهود بصوت عالي: نووووووووره مو هنا بندر سمع الأسم والتفت بسرعه ناسي الموجودين ومتجاهل كل شي وصرخ بصوت عالي : نــــــــوره داخل ؟ تركي مسكه بسرعه: طول بالك لاتفضحنا اكيد معهم الحين يلقونها عهود وهي تبكي : والله نوره مو هنا اكيد داخل الكل تجمدو اماكنهم وهم يناظرون المبنى اللي النار محاوطته من كل مكان ..بندر وهو يحاول يفلت من يد اخوه اللي ممسكه بقوه وبكل عصبيه: تركي وخر عني ازين لك فارس قرب ومسك بندر مع تركي : مجنون انت وش اللي وخر وين بتروح ماتقدر تدخل بندر واللي دخل بحالة هستيريا صار يصارخ: وخروووووووو عني مابي امد يدي عليكم هذي نوره بدخل لها يا أطلعها او احترق معها ..دف اخوه وفارس بكل قوته وهو يصارخ: وخروووووووو عني ..دخل من الباب اللي يودي للمسبح ..لحقه تركي بسرعه : تعال يامجنون فارس لحق تركي: وين رايح انت بعد تركي يصارخ وهو يركض ورى بندر: ماراح اترك اخوي يموت ابو سلمان كان يراقب هالمشهد وهو حاس بشلل برجلينه حاس انه بأي لحظه راح يطيح مو قادر يتحرك ولده شالوه ع المستشفى وبنته الله اعلم ماتت والا حيه عهود والعنود كانو يبكون وهم يناظرون المكان مستحيل تكون عايشه تركي وصل لبندر وهو واقف عند باب مجلس الحريم اللي النيران مغطيته بشكل فضيع وصرخ بقوه: بندر لالالالالالالالا تكفى لا رمى نفسه داخل بدون تفكير طاح على الأرض والنار مشتعله بجزء من ملابسه صار يتقلب على الأرض الى ان خمدت النار وقف وبدا يكح من الدخان راح للباب اللي يوديه للصاله يبي يعبر مو قادرالنار محاوطته فسخ التي شرت وصار يضرب النار يمين ويسار أطار الباب ..ضرب كم ضربه ورمى نفسه بالصاله اول ماصار وسط النار وشاف كل شي من حوله يحترق وهو بدائره ضيقه والنيران راح توصل له غير الخنقه اللي حاس فيها ..حس ان اخرته قربت ..صرخ بأعلى صوته: نوووووووووووووووره ردي علي نووووووووووووووره سمع صوتها الضعيف وهي تنادي :بندر بندر وهو يحاول يركز من وين يجي الصوت صار يتلفت يمين وشمال وينادي : نووووووره وينك ..انتظر وماعاد سمع صوتها ..صرخ وهو بحالة يأس : لا نوره لا تموتين وينك حبيبتي ردي علي الله يخليك ..ٌقرب بحركه سريعه لقدام اول ماثارت النيران عليه وهو يبكي : نوووووره انا ابيك وينك ..سمع صوتها تكح حس بالأمل وصار يتلتفت يدورها.. بهالوقت تركي كان يناظر الباب المحترق وهو يفرك بيدينه من الخوف وفجأه التفت لفارس وقالها بسرعه: عندك سطل بالسياره فارس يهز راسه: ايه عندي اغسل فيه السياره تركي يركض: تعال نجيبه فارس يلحقه: وش بتسوي فيه تركي وصل عند السياره فتح الشنطه بسرعه وطلع السطل المتوسط الحجم وتحرك راجع بسرعه فهد يناظرهم بتوتر وهو يصارخ : تبون تطفون النيران تركي يصرخ من بعيد : نبي نحاول فهد يصارخ: لاحقكم أنا بعد عندي سطل ركب سيارته بسرعه قدمها شوي بحيث يبعدها عن الدخان ..التفت لحرمته الخايفه بجنبه مسك يدها : حبيبتي لاتخافين ومهما صار لاتطلعين بالصغير برا السياره شذا هزت راسها بهدوء ..وهو نزل بسرعه بعد مافتح الشنطه اخذ السطل قرب لأخوه اللي جالس على الأرض منهار ربت على كتفه بحنان وقالها بهدوء: بنتك بتطلع بحول الله ..خلص كلمته وراح يركض لجهة المسبح شاف تركي يملى السطل من موية المسبح ويركض يكبه عند باب مجلس الحريم ..فهد سوى مثله وصار يكب المويه على النيران الثايره فارس صار يتلفت يبي يساعدهم شاف خرطوم المويه اللي ينظفون فيه المسبح سحبه بعد ماشغله وقرب من النيران وصار يررررش بالمويه تركي التفت له : نبي نطفي هالنيران قبل لاتطفينا اتفقنا فارس يهز راسه بحسم: اتفقنا : قرب من صوت الكحه العاليه اللي ميزه وشافها بغرفة البنات خلف النيران وبين النيران طايحه على الأرض بعبايتها بدون طرحه ..حط يده على فمه ونزلت دمعته وهو يفكر وشلون يدخل الغرفه النيران محاوطه الباب من كل مكان تلفت بالمكان الى ان طاحت عينه على بازتين مليانين رمل باقي ماوصلتهم النار تخبط واخذهم بسرعه كب الرمل على الباب وعبر بسرعه شالها بسرعه وقربها لصدره وهو يقولها بحب : بسم الله عليك نوره فتحت عينها وقالتها بصعوبه: احبك بندر سامحني ظلمتك معاي بندر يناظر بالنار اللي غطت المخرج بشكل كلي : اصصصصص لاتتكلمين غمضت عينها وطاحت يدها اليسار وكأنها تودع الدنيا ..بندر ناظر بالمكان بكل خوف : لا لا نوره بتضيع مني ..ضمها لصدره وهو يحاول يغطيها اعطى ظهره للمخرج وهو حاس بحرارة النيران من حوله وبقلب جامد رجع لورى بسرعه ..اول ماعبر من المخرج اللي ياخذه للصاله وحس بالنار تاكل ظهره صرخ بقوووووه : آآآآآآآآآآآآآآآآآآآآآآآآآ آآآآآآآآآآآآآآآآه بموووووووووووت تركي واللي قدر يدخل بعد مااخمدو جزء من مجلس الحريم صرخ من مكانه: تعاااااااااااااااااال من هنا يابندر .اول ماشاف النيران بظهر اخوه قرب منه بسرعه وفسخ تي شرته وصار يضرب النار اللي بظهر اخوه وهو يسحبه لبرى ..اول ماطلعو الثلاثه قرب فهد بسرعه وشال نوره من بندر اللي حط يده عند قلبه وناظر اخوه بألم وقالها بتعب: الحقني ياخوي تركي يصارخ: اخوي قلبه مايتحمل شيله معاي فارس ناخذه المستشفى ماانتظر فارس يوصل ومايدري من وين جاته القوه ماحس لنفسه الا وهو شايل اخوه ويركض فيه بصعوبه ويبكي فارس قرب وهو يصارخ: بمسك رجلينه وانت امسكه من عند كتوفه لاتنسى ظهره محترق مسكوه الأثنين ووصلو للسياره ..وهم يحطونه سمعو فهد يصارخ : انا بسبقكم للمستشفى نوره تمووووووووووووووووت : : : الساعه 11 مساءً بتوقيت السعوديه 2 ظهراً بتوقيت أمريكا.. بعد مادق على أخته وابوه اكثر من مره ناظر بالساعه وبعد تفكير وبينه وبين نفسه : اكيد نايمين بس ماخبرت عنوده تنام بدري ..تبسم وهو يفكر بأخته: يمكن تغيرت بعد الزواج كان واقف بموقف الباص ينتظر عبير متفق معاها ع الغدا برا..بعد ماتأخرت دق عليها وكلها ثواني وجاه ردها.. عبير مبسوطه: هلا مشعل مشعل بهدوء: وينك فيه انا انتظرك بالمكان اللي قلتي لي عليه عبير منحرجه : مشعل قلبي للحين مالبست تو صاحيه من النوم مشعل مقهور: وش هالنوم حنا كنا متفقين هالحين شسوي عبير بهدوء: خلاص بعطيك عنوان بيتنا وتعال البس ونروح بسيارتي مشعل :امري لله هاتي العنوان ..بعد مااخذ العنوان ركب تاكسي واعطاه العنوان اول ماوقف التاكسي عند البيت ونزل ناظر بالفيلا الكبيره.. حط اصبعته على الجرس الصغير مقابل الباب الأسود فجأه انفتح الباب تقدم وهو مستغرب تقدم لباب الصاله اللي تفصل بينه وبين الباب الرئيسي حديقه كبيره ... وقبل يلمس الجرس الصغير يسار الباب فتحت الباب وهي مبتسمه مسكت يده وصارت تمشي بسرعه وهي تسحبه للصاله يسار الباب ناظر فيها كانت لابسه شورت كحلي جينز للركبه وتي شرت ابيض بدون كموم تاركه شعرها براحته لونه الكستنائي المميز نعومته بياضها وجمالها يفتنون أي رجال تعوذ من ابليس ووقف فجأه التفتت له مستغربه وزاد استغرابها وهي تشوف نظراته الحاسمه قالتها بهدوء: شفيك؟ مشعل بحزم : عبير شكلك مافهمتي علي عبير وهي عاقده حواجبها : كيف يعني مشعل يقرب للكنب الأبيض الفاخر اللي بصالة بيت عبير ويحدها تجلس بعد ماهو جلس ناظر فيها بحب وبكل هدوء: عبير انا لما قلت لك ابيك تتحجبين كان قصدي هالحجاب تحطينه قدامي وقدام أي رجال مايجوز بالشرع تظهرين مفاتنك لي عبير بهدوء: بس يـ.. مشعل يقاطعها: عبير أنا عشاني احبك بصدق.. بغار عليك من عيوني قبل عيون أي رجال ثاني ماراح ارضى لحبيبتي بشي الله سبحانه مايرضاه عبير ابتسمت وهزت راسها بالأيجاب: على امرك الحين ابدل ملابسي راحت بسرعه وهو جلس يتأمل الصاله الفخمه كانت مكشوفه على الحديقه بزجاج بحركه حلوه التحف كانت ماليه المكان ..الأنوار والسلالم اللي كانت مصممه بحيث تكشف جزء من الطابق العلوي كل هذا اكد لمشعل الثروه الكبيره اللي يملكها ابو عبير .. كانت دقايق بسيطه حتى وصلت عبير لابسه بنطلون ابيض وقميص احمر للركبه تتوسطه شريطه بيضا وكانت لافه شال احمر مغطيه فيه شعرها ومزينته بشريطه بيضا وجهها خالي من أي مكياج.. ابتسم وهو يناظرها: ايه كذا الأنسانه اللي احبها ابيك دايم تحبين الحشمه قربت منه وجلست بجنبه : مشعل انا ماعمري احد كلمني بطريقتك اهتمامك فيني وخوفك علي مره حلو انا بابا وماما يلبون كل طلباتي بدون استثناء بس دايم مشغولين عني ومايفهموني ولايهتمون يعرفون وش مفرحني او مزعلني اول مره ياخذ باله من طريقتها بالكلام اللي يملاها الدلع لغتها العربيه واضح عليها الغرابه.. قالها بنبره تحمل الجديه : عبير تعرفين وش يعني الاسلام عبير مبتسمه: اكيد مشعل شفيك انا سعوديه مشعل يناظرها: تصلين؟ عبير سكتت ومااعطته جواب مشعل بأصرار: عبير اكلمك تصلين والا لا عبير بعد مانزلت راسها: يعني اوقات اصلي واوقات تفوتني الصلاه ومااهتم مشعل بسرعه: اعوذ بالله عبوره الصلاه عماد الدين صلتك مع ربك سبحانه واجب عليك تأدينها وبوفقتها ..كمل بنبره رجاء: عبير توعديني تصلين كل فرض بوقته عبير مبتسمه: اوعدك مشعل : مو عشاني عشان نفسك عشان اخرتك عبير تهز راسها بالأيجاب: ان شاء الله مشعل بهدوء: تقرين قرآن عبير تهز راسها بالنفي: لا مشعل بسرعه: وليه لا القرآن يدخل لقلبك الأطمأنان عبير : بصراحه مااعرف اقرا عربي مشعل متخرع: وش قلتي عبير تضحك: ادري مستغرب انا تعلمت اللهجه من بابا وماما لأنهم مايتكلمون بالبيت غير اللهجه السعوديه لكن ماعمري درستها ولافكرت اتعلمها ماما اصرت تدخلني مدارس اجنبيه ومالي بالعربي نهائي يمكن تضحك ..بس حتى الحروف الأبجديه لاجيت اكتبها اتلخبط فيها شوي بس مااهتم مشعل مبتسم: والله امرك غريب بس مالومك كله من اهلك ..وقف بسرعه: ياللا قومي لايفوتنا الغدا وراي دوام ..كمل وهو يتبسم: من اليوم انا مدرس اللغه العربيه حقك فضيلي نفسك ساعه كل يوم عبير تناقز : وااااااااااااااو وناسه مشعل مبسوط: اوعدك اغير فيك اشياء كثيره عبير بهدوء: الله لايحرمني منك .. مشعل انا بجد محظوظه عشاني لقيتك وينك عني من زمان مشعل يضحك: كنت مشغول مع الحقيره نجول عبير تسوي زعلانه: لاتجيب طاريها اغار مشعل بسرعه: هالحين بذمتك عمرك شفتي فراشه تغار من ذبانه عبير تضحك: لا مشعل بهدوء : خلاص اجل مالك حق تغارين : : : الرياض ..الساعه 12:15 بعد منتصف الليل .. اشكالهم بالممر بالمستشفى كانت تثيرالقلق ,, تركي واللي كان يفرك بيدينه من الخوف ..ابو سلمان واللي كان مو حاس باللي حوله جالس على الأرض وهو في حالة انهيار تام ..ام فارس وابو فارس واللي كانو ينتظرون أي احد يجي يطمنهم كان واضح عليهم انهم بحالة يأس.. طلع الدكتور وناظر فيهم بأبتسامه نظراتهم كانت تترجاه يطمنهم .. الدكتور بهدوء : الصغيره بخير خلال 48 ساعه راح تكون بحال افضل وسلمان بسيطه اختناق خفيف كم ساعه ويصير حاله افضل لكن راح نخليه اليوم بضيافتنا تركي بخوف كبير: طيب وبندر الدكتور: هالحين يجيك الدكتور اللي عنده ويطمنك فارس قرب من تركي يحاول يهديه: معليه هالحين يجي الدكتور ويطمنا انا متأكد انه بخير تركي يهز راسه بالأيجاب: ان شاء الله خير فارس ناظر ابوه : بابا خذ ماما وروحو للبيت مو حلوه جلستها كذا انا بتطمن على بندر وبنت عمي ولاحقكم ابو فارس ناظر بزوجته: ياللا البنت وتطمنتي عليها خل نمشي ام فارس وهي تبكي: ابي اشوفها ابو فارس: معليه بكره تشوفينها ..خلص جملته وتقدم لأخوه اللي جالس على الأرض ..نزل لمستواه وقالها بحب : قوم ياخوي روح ارتاح شكلك مرهق ابو سلمان واللي خانقته العبره: ماراح اتحرك من هنا الا لما اتطمن على بنتي فهد بسرعه: خلاص محمد اتركه انا معاه ابو فارس يهز راسه: طيب كانت دقايق تمر بطيئه وهم ينتظرون الدكتور يطلع ..اول ماطلع تقدمو للدكتور منتظرينه يطمنهم ..ابو سلمان وقف بصعوبه بمساعدة فهد .. فهد واللي يعرف الدكتور: هاه علي بشر كيف البنت علي بهدوء: ماراح اكذب عليكم البنت جلست فتره طويله بالحريق واستنشقت الدخان بشكل كبير والرئه تأثرت حالياَ حالتها مستقره بس هي غايبه عن الوعي حنا راح ندعي انها تصحى خلال الـ 48 ساعه الجايه وان شاء الله خير تركي واللي خلاص ماعاد تتحمل اعصابه : طيب واخوي بندر وشلونه الدكتور: بندر صابته حروق من الدرجه الثانيه بكتفه الأيسر وظهره ..غير هذا ضغطه مرتفع كثير عشان كذا مانبي أي شي يخليه ينفعل لاتنسى اخوك متعرض لجلطه من فتره قريبه تركي يهز راسه : يعني راح يصير احسن الدكتور : بأذن الله تركي: طيب ابي اشوفه الدكتور: انا انصحكم تروحون بيوتكم وتنامون ماتقدرون تشوفون أي مريض حالياً ..ناظر بفهد : واعتقد فهد فاهم الوضع حالياً فهد يهز راسه بالأيجاب : خلاص دامنا تطمنا خل نمشي ونجيهم بكره ابو سلمان يمشي بتعب: يارب سترك : : : الرياض ..23\4 \1424 للهجره.. الساعه 10:30 مساءً.. جوالها ماهدا كل شوي رساله او اتصال .. ردت عليه وهي معصبه: الو.. وش تبي وبعدين معاك البياع بكل هدوء: أنا ماادري وش فيني انتي وش سويتي فيني ريم بقهر: وش هالكلام البياع: والله العظيم من شفتك وانا حالتي لله مو قادر اكل او اشرب او افكر انتي سحرتيني انا متأكد مافيه انسان يتأثربأنسان بهالسرعه ريم: اقول خل عنك النصب البياع: أي نصب والله ياجعل ربي يحرمني شبابي انك دخلتي قلبي وعفستيني فوق تحت ريم بهدوء: وش شفت مني عشان ادخل قلبك البياع يسوي مصدوم: ماادري انا منصدم اكثر منك بس بجد احس اني مثل المجنون غصب عني امسك هالجوال وابدا ادق عليك واحس اني ابي اكلمك انتي فيك شي مميز شدني لك ريم واللي عجبها اهتمامه فيها ومبسوطه عشانه مجنون عليها : وش هالشي البياع: ماادري بس انا متأكد بكره راح اعرفه ريم: طيب لما تعرفه بلغني ياللا مع السلامه البياع بسرعه: اصبري ابي اعرف اسم البنت اللي سحرتني وخلتني اتجرأ اكلم بنت ريم واللي مصدقه كلامه وداخله معاه جو قالتها وهي مستحيه : اسمي ريم البياع : ياويلي على الأسم عاشت الاسامي وانا اسمي عبد العزيز ريم بهدوء: عاشت الأسامي عبد العزيز: ريم تسمحيلي بكم دقيقه زياده ودي اشرح لك اللي بداخلي لازم تفهميني ريم وللي فاضيه وماعندها شي : طيب اسمعك : : : الرياض ..الزمن الحالي .. الساعه 1 فجراً.. بيت ابو سلطان تحديداً .. جالسين على اعصابهم ينتظرون خبر يطمنهم عهود واللي فلتت منها اعصابها قالتها وهي تبكي: ياربي بابا ليه مااخذنا معاه ابي اعرف وش صار على اختي عنود بخوف: وانا مثلك ابي اتطمن عليهم ريم بلا مبالاة: مسويينها مناحه يعني وش يبي يصير فيها قطوه بسبع ارواح ام سلمان بنبره حاده: ريم وش هالكلام ريم بعدم اكتراث: ماشفتوها طلعت مافيها ولا حرق واحد .. يعني مافيها شي بس تحبون تكبرون السوالف عهود بقرف: انتي وشو ماعندك قلب ريم وهي رافعه حاجبها: لاخلاص انا من زمان تجردت من المشاعر عهود تهز راسها بأسف: استغفر الله بس لو ماكنتي اختي الكبيره عرفت وشلون ارد عليك عنود كانت تراقب هالمنظر وهي تفكر :يعني ريم مو بس معاي كذا شكلها مع الكل الله يستر باين عليها بايعتها بتراب ومايهمها شي : : : الساعه 1:15 فجراً بتوقيت السعوديه 4:15 عصراً بتوقيت أمريكا.. ناظر بمشعل اول مادخل المطعم كان لابس جينز اسود وقميص أصفر حزام اصفر واسود وكاب أصفر ..تجاهل نظرات نايف ودخل غرفة الموظفين علق شنطته ولبس زي العمل وطلع بسرعه ربط المريله السودا ومسك النوته الصغيره وحط القلم عند أذنه .. قالها وهو يناظر نايف بطرف عين: شفيك؟ نايف بخبث: انا من صحيت ومالقيتك قلت رايح للحبايب وهالحين بعد ماشفت كشختك تأكدت مشعل مرتبك: أي حبايب رحت اشتري كم شغله نايف يهز راسه بعدم اقتناع: ايه صح صدقتك مشعل: وش تبي بهالسالفه روح اشتغل ازين نايف مبتسم على الأخر : ماعندي شغل باقي ماجات طلبات توصيل مستقعد لك مشعل وهو يمشي : انا بشتغل نايف مسكه بسرعه: تعال هنا راح لها نجاتسي ..ياخي اسمه اهبل ماعلينا منه ياللا علمني مشعل بتذمر: ياليل نايف وش اعلمك فيه نايف مبسوط: الحب الحب علمني مشعل يسوي مو فاهم: أي حب والله ان ماعندك سالفه نايف بعد ماتنهد: يارجال انا ودي احب بس ماادري ليه ماعمري شفت بنت وحسيت انها اخذت قلبي اخوياي بالسعوديه كلهم يقولون لي غشيم ياليتنا مكانك ونحب بالبنات بكيفنا مشعل يضحك: يعني اللي مايحب غشيم نايف : انا داري عنهم بس بيني وبينك ودي احب اشوف بنت كذا احس قلبي فز من مكانه لما شفتها وتصير لي هالحركات واحس بأحساس غريب واقول هذي البنت اللي ابيها والله ماادري ليه ماعجبتني ولابنت شفتها على كثر ماشفت بس تدري لو صار وشفت البنت اللي تسحر قلبي ماراح اسوي معاها علاقة حب لا بتزوجها على طول وبعد الزواج احبها براحتي عشان لاالوم نفسي ولالحظه واكون ماشي بما يرضي الله مشعل كان يناظر نايف وهو يتكلم ..وكان مبسوط بكلامه زاد اعجابه بهالرجال وهو يسمعه وجهة نظره كانت منطقيه وكلامه يدل على انسان عاقل : : : الرياض 22\4\ 1425 للهجره,, الساعه 12 الظهر.. عبد العزيز بنبره ملاها الحب: يابعد روحي والله متقطع ابي اشوفك لي سنه احبك وللحين ماشفتك ريم بخوف: والله حبيبي اخاف عبد العزيز بقهر: وشلون يعني مااشوف حبيبتي .. ليه انا يعني حبيبتي ماعندها ثقه فيني ودايم حارمتني كلهم يسون لحبايبهم اللي يبون بس انا حظي خايس ريم بهدوء: خلاص قلبي ولاتزعل متى تبي عبد العزيز بحماس: اليوم ريم بتردد: اليوم؟ كذا على طول عبد العزيز بزعل: شفتي قلت لك ماتسوين شي عشاني ريم : خلاص حبيبي ولاتزعل الساعه 4 حلو؟ عبد العزيز: حلو بس وشلون؟ ريم تفكر: ماادري عبد العزيز : خلاص استأذني من امك على اساس انك رايحه لوحده خويتك وانا بجي اخذك ريم : خلاص اوكي بس لاتوقف عند البيت اوقف بعيد شوي بعد ما أخذت الأذن من امها لبست وكثرت العطر واستعدت زين وكانت متوتره ..الساعه 4 طلعت من البيت وهي تتلفت اخذت يسار بعد بيتهم على طول وكان واقف بسيارته ..فتحت الباب وركبت بسرعه: ياربي خايفه عبد العزيز: تخافين وانا معاك ..قرب يده من يدها ومسكها وصار يمسح على يدها بأصبعه الأبهام ..كانت متوتره وتحس بخوف بس مامنعته للحظه واستحت تبالغ بردت فعلها او تصرخ عليه اترك يدي هذا مهما يكون عبد العزيز حبيب قلبها : : : : الساعه 8:30 بتوقيت السعوديه 11:30 بتوقيت امريكا.. دخل المطعم وهو شارد ويفكر..حط فلوس الطلبات عند الكاشير بالكونتر ووقف يفكر.. مشعل قرب منه وهزه : وش فيك نايف وهو مستغرب: تخيل وانا اوصل الطلبات كان فيه واحد يلحقني طول الطريق مشعل ببرود: شكلك اعجبتك قصتي البوليسيه وصرت تتوهم نايف بسرعه: لا وربي وصلت طلبات لأكثر من بيت وهو لاحقني تقول اتوهم ..فجأه مسك مشعل وركض معاه لغرفة الموظفيين اللي تصير يمين الكونتر ..اول مادخل الغرفه قالها بعجله: بدل ملابسك بسرعه خل نطلع من الباب اللي هنا وربي لمحته بيدخل المطعم مشعل يبدل القميص بسرعه: تتوقع مين هذا نايف بعد مااخذ شنطته: ماادري هاه خلصت مشعل ياخذ شنطته: ايه نايف مسك يد مشعل وهو يتقدم للباب الخلفي للمطعم ناظر يمين ويسار بعد مافتح الباب وقالها بهدوء: ياللا مشعل بخوف: ارعبتني يارجال خل نوقف نشوفه مين ونضربه وخلاص نايف يناظره بطرف عين: لاقوي وافرض انه مسلح مشعل يفكر: مسلح ويلاحقنا ليه نايف بقلق: ماادري هو لابس كاب مخفي وجهه ماقدرت اشوفه انا خايف انه من رجال نجلاء شافني وعرفني وصار يلحقني عشان يعرف مكانك مشعل بأرتباك: تهقى كذا .. ليه يلحقك وهي ماعادت موجوده عشان تعطيه فلوس تغريه فيها نايف : ماادري كانو يمشون بالممرات الضيقه المظلمه خلف المطعم واللي كانت عباره عن مخارج طوارىء لعمارات ومباني مختلفه ..فجأه سمعو صوت خطوات خفيفه وراهم التفت مشعل وصرخ: ورانا ورانا .. صارو الاثنين يركضون بكل قوتهم والرجال يركض وراهم ...اخذو يمين بسرعه كبيره وتخبو ورى سلالم لأحد العمارات نايف وهو ياخذ نفس بشكل سريع قالها بهدوء: حاول تهدا لايسمعنا مشعل وهو يهدي انفاسه: طيب قرب الرجال منهم وصار يناظر يمين ويسار ويصارخ بنبره غريبه : نــــاييف مشعل يناظره بأستغراب: وش عرفه بأسمك نايف يناظر بالرجال مستغرب : مين هذا ..دقق بملامحه وحاول يتعرف عليه لكن الظلام والكاب منعوه يعرفه الرجال يسترسل: نااايف تعااااااال انا شاواني نايف ياخذ نفسه ويدخل بحالة اطمأنان : شاواني الله يقطعه وقف قلبي مشعل وهو يضحك: وانت عيشتنا بحالة رعب اثره خويك هو غبي ليه يلحقك بهالطريقه ..كمل كلامه وهو يحاول يوقف: ياللا نروح له نايف يسحب مشعل بسرعه وبصوت واطي: لااجلس حتى لو اعرفه مابي اطلع له مشعل مستغرب: ليه نايف: هالتعبان يطالبني بـ 1000 دولار قبل شهرين كنا ببيتهم وكسرت صحن بدون لاادري وهو يقول انه صيني تراثي وغالي مشعل: طيب يمكن صادق عطه فلوسه نايف مقهور: يخسى والله انه كذاب صحن من السوق البالي مايسوى 10 دولارات يبي ينصب علي مشعل يوقف: قول له هالكلام وان اصر خل ندفع له نايف يوقف: اف منك طيب ياللا ..وكمل وهو يضحك: اسمع الضحك هالحين يتكلم باللغه الفصحى مشعل يضحك: ليه عاد نايف: مدري عنه يقول امه عربيه مشو الاثنين مسافه بسيطه وشافوه وهو يمشي مبتعد عنهم ,, نايف يصارخ: شــــــــــــــــــــاني مشعل يضحك: هالحين اسمه شاني نايف بنبرة سخريه: لا اسمه شاوني بس وش الفرق هو واسمه الغبي شاوني قرب من نايف وهو مبتسم على الأخر وبنبره تضحك: السلام عليكو ..لماذا تهرب مني يا نايف مشعل كان كاتم ضحكته وهو يسمع شاوني يتكلم عربي فصحه.. نايف يقلد: لقد ضننتك سارق شاوني يضحك: اردت ان ادعوك كل اصدقائنا سيأتون لبيتي اليوم مشعل يدفه: ظلمت الرجال نايف بنبرة سخريه: لا اخاف اكسر صحن ثاني ابو 1000 دولار وتلاحقني عشانهم مابي اروح شاوني وهو مبتسم: لا اريد قيمة الصحن وان كسرت صحن اخر فعتبره ملكك نايف يهمس لمشعل: ماقلت لك انه نصاب والا احد عاقل يتنازل عن قيمة صحن غالي شاوني يناظرهم: هل ستأتي ؟ نايف ببرود: واللهي اشاور خويي ..والتفت لمشعل: هاه هل ستذهب مشعل وهو يضحك: لااعلم نايف بحماس: فيه واحد مصري عليه نصب مو طبيعي بس ضحك ..ناظر بشاوني : عزت معكم شاوني : نعم نايف يسحب مشعل: خل نروح مشعل كان يمشي وهو يتذمر : يارجال لو نروح البيت ننام ابرك نايف يناظره: خل نتسلى لنا شوي وإن مااعجبتك الجلسه وعد نرجع البيت مشعل بهدوء : طيب وصلو شقة شاوني ..كانت متواضعه مره كنب ناعم وقديم نوعاًٍ ما تتوسطه طاوله خشب عاديه جداً وتلفزيون صغير..مطبخ تتوسطه طاولة طعام وغرفة نوم صغيره بجنبها حمام.. مشعل يناظر بالشباب الأربعه اللي جالسين على الكنب ويناظر بنايف وبصوت واطي: شكله فقير كسر خاطري نايف يضحك وباللهجه المصريه : ياحنين ..قرب من الشباب وبدا يأشرعليهم من اليمين لليسار..اول واحد كان عريض واسمر اشر عليه وقالها بهدوء: هذا صالح مثلنا سعودي يدرس ادارة اعمال .. مشعل يسلم عليه : تشرفنا نايف يأشر ع اللي بجنبه كان ابيض ونحيف مره: هذا انس سوري .. كمل وهو يأشر على اللي بجنبه كان نحيف وباين عليه طويل وبشرته حنطيه شعره اجعذ : هذا عزت مصري ..اشر على اخر واحد واللي كان قصير دوبي شوي شعره ناعم وبشرته بيضا: هذا خالد كويتي بعد ماسلم على الأربعه جلس ..جاب له شاوني علبة عصير برتقال بدا يشربها وهو منحرج من وجوده بينهم وملاحظ معرفتهم ببعض نايف يبي يكسر جمود مشعل: مشعل تدري ان عزت بطل بمصر مشعل يهز راسه بالأيجاب وهو مبتسم: جد نايف يقلد اللهجه المصريه: اومااااال قولو ياعزت عملت ايه عزت بكل غرور: دنا عملت حقات كتيره بمصر انا بالحي بتاعنا بيسموني دراع الأسد اصلي كنت مره بجنينة الحيونات ولقيت الأسد بيجري على بنت صغيره روحت جريت وراه وأطعتو حتت مشعل يسوي مستغرب: لا قطعته حتت قوي ماشاء الله عزت : ايوه ومن يوميها بيسموني دراع الاسد نايف بحماس: قوله على قصة البحر عزت يهز راسه: ايوه فكرتني ..ناظر بمشعل وهو يسترسل: انت بتعرف الاسكندريه طبعاً مشعل: ايوه بعرفها عزت يعدل جلسته: انا مره كنت هناك وانا بعوم شفت ديل كبيره بتعوم انا مش عارف كانت ديل قرش والا حاجه تانيه مشعل يقاطعه: سبحان الله ماشفت زعنفها شفت ذيلها عزت مرتبك: لا اصلي بقولك مش عارف قرش والا سمك كبير المهم انه كبير اوي وبديت بعملية الاخلاء واخد بالك معايه مشعل مستغرب: عملية اخلاء عزت متحمس: ايوه طلعت العيال والحريم من البحر ورجعت البحر تاني ودخلت مع القرش بعراك شديد مشعل داخل معاه جو: وقتلته عزت بهدوء: لا مقتلتوش هرب عشانو خاف مني ..وفجأه ضرب يدينه ببعض: آه لو كنت قتلتو كنت عرفت دا قرش والا ايه نوعه مشعل فاطس: عراك شديد وحالتك حاله وماعرفت نوعه خالد يضحك: ايه كان يعاركه وهو مغمض انس يشاركهم الضحك: لا ماتضلمو للزلمه القرش يومها كان حالق شواربو مشان هيك ماعرفو عزت بقهر: الله دنتو بتتريأو بأه نايف فاطس: نتريق لا حرام عليك مانتريق ابد اجل بذمتك واحد يتعارك مع أسد وقرش ولما يشوف كلب مايقدر يوقف على بعضه من الخوف عزت وهو يسوي قوي: مين دا اللي مابيوأفش على بعضو صالح يضحك: ابد مهوب انت : : : الرياض..يوم السبت الساعه 2:30 الظهر,, بعد الحادثه بيومين .. بندر واللي داخل بنوبة غضب قالها وهو جالس على السرير ويدف اخوه وهو يصارخ: اقول لك وخر عني بروح اشوفها يعني بروح اشوفها تركي وهو ماسكه ويحاول يهديه: ياخوي يرحم امك اجلس ماتشوف حالتك روق تكفى بندر بقهر : وش فيها حالتي كله كم حرق وخر عني تركي بروح اشوف نوره تركي يتنهد: يمكن اهلها عندها او شي بندر: اهلها عندها الساعه 2 الظهر ؟ وسلمان طلع من المستشفى خلاص يعني مستحيل يكون فيه احد عندها ..وقف بصعوبه وهو حاط يده عند كتوفه ويمشي متألم تركي يهز راسه وهو يمسكه : ياربي منك عنيد مشى مع اخوه الى قسم النساء ..العنايه المركزه ..وقف قبال الغرفه وناظر اخوه بخوف : هالحين نوره هنا تركي وهو يتلفت : ايه وش تبي تسوي بندر بهدوء: بدخل لها تركي بخوف : ياربي وان شافك احد وش بتقول لهم انت مين بندر : انت اوقف هنا راقب المكان انا بقول اني اخوها دخل للممر الضيق قبل الغرفه حط الرداء الأخضر عليه وهو يتألم من ظهره دخل وناظر فيها وهي مغمضه عيونها .. جهاز التنفس اللي مغطي نص ملامح وجهها ..صوت جهاز النبض حسسه بالخوف ..قرب منها وحط يده على يدها وقالها بهدوء: نوره انتي اقوى من كذا انا متأكد بتصحين عشاني وعشان اهلك انا احبك انتي دنيتي ومالي غيرك ..نوره لو يصير عليك شي والله اموت ..مسح دمعته وهو حاس بألم فضيع يقطع داخله قرب من وجهها تبسم وهو يتأمل ملامحها الحلوه ..نزل لجبينها بصعوبه باسها وطلع من الغرفه وهو بحاله صعبه قالها بألم : ياللا نروح غرفتي وهم يمشون ناظر بأخوه: تركي نوره بتعيش صح تركي يبتسم: ان شاء الله : : : الساعه 3 الظهر .. وصل على البيت دخل وهو مبتسم ام سلمان وهي تضمه: الحمد لله ع السلامه يالغالي سلمان بهدوء: الله يسلمك ..ناظر فيها وهي تمسح دمعه بطرف عينها ..باس جبينها بحنان : مافيني شي يالغاليه عهود مبسوطه: الحمد لله على رجعتك سالم عنود كانت تناظره بتوتر وماتدري وش تقول اخيراً قالتها بهدوء: الحمد لله ع السلامه غابة الأبتسامه من وجهه وهو يرد عليها بدون نفس: الله يسلمك ناظر بريم اللي جالسه بكنبة الصاله : ماتبين تقولين لأخوك الحمد لله ع السلامه ريم بدون نفس: ماصارت شوية دخان ماتحملتهم عموماً الحمد لله ع السلامه سلمان يهز راسه : الله يسلمك اول مابدا سلمان يمشي.. قالها ابو سلمان بنبره حازمه: ياللا يالعنود امسكي زوجك وطلعيه فوق تقدمت العنود بأرتباك حطت يدينها على ذراع سلمان وبدت ترقى معاه الدرج بهدوء اول ماغابو عن ناظر الجميع سحب يده بقوه وقالها بقرف : وخري يدك الخايسه عني اساساً مو محتاج لك بس ماحبيت احرج ابوي عنود بعدت يدها عنه وهي حاسه بالأحراج حست ان ودها تبكي بحرقه من قهرها وحسرتها ..وصلت معاه للغرفه جلست على السرير بصمت سلمان يناظر فيها وبنبره حاده: كلمي امك دقت علي اكثر من مره تسأل عليك عنود بهدوء: ماعندي جوال سلمان: جوالك بالدرج خذيه وانقلعي عن وجهي عنود بسخريه: يعني رجعت الثقه سلمان : أي ثقه ماهي مسألة ثقه كثر ماهي مسألة قرف مااتحمل اشوفك اقرف لما اناظر فيك كل مااتذكر انك كنتي صيد رخيص لغيري وانه اخذ منك اللي المفروض هالحين يكون لي احس اني اكرهك وكل الحب اللي بقلبي لك تلاشى وتحول لنار تحرقني لدرجه ماعاد اتحملك ..وكمل بنبره تحمل القسوه وهو يصارخ : اخلصي انقلعي عن وجهي اخذت جوالها بهدوء وطلعت من الغرفه وهي ماشيه سمعت صوت نغمة الرنين بجوالها شافت الرقم كان غريب ردت بهدوء: الو نوف بسرعه: الو هلا عنوده عنود تحاول تخفي قهرها: هلا نوف اخبارك نوف : انا بخير انتي اخبارك شدعوه نسيتي اختك من تزوجتي ماادري عنك عنود بهدوء: شسوي مشغوله تعرفين حياه جديده نوف : المهم مابي اطول عليك انا بكره بجيك ابي اشوفك اشتقت لك عنود بتردد: ايه بس.. نوف تقاطعها بسرعه: مابي أي اعذار بجيك العصر ياللا اشوفك بكره عنود ببرود: الله معاك : : : الرياض ..سنة 1425 للهجره .. يوم الثلاثاء .. جمادى الأول,, لف بالسياره كثير وهو يسولف معها اخيراً التفت لها وقالها بملل: حبيبتي والله طفشنا من اللفه بالشوارع وجلست المطاعم تخنقني خل نروح شقتي ريم بسرعه: لا لا وشو ادخل معاك شقه عبد العزيز يمسكها من يدها : انتي حبيبتي وعمري وزوجة المستقبل المفروض تسوين لي أي شي ريم بتردد: ماادري عبد العزيز بعد ما وقف السياره : اقول انزلي بس نزلت معاه وكانت ترقى الدرج وهي متردده ..اول مادخلو الشقه اللي كانت عاديه باب رئيسي يطل على الصاله المكونه من كنب بني اللون وطاوله صغيره وتلفزيون وعلى اليسار باب للمطبخ وموزع يحتوي على حمام وانتم بكرامه وغرفة النوم الرئيسيه.. ريم تناظر بالمكان: عايش هنا لحالك؟ عبد العزيز يسوي مسكين: ايه تتخيلين مالي احد وحداني على قولهم ريم بعد ماجلست : انا معاك قلبي عبد العزيز يمسك يدها ويبوسها: الله يخليك لي راح المطبخ بسرعه ورجع وبيده علبتين ببسي ..فتح العلبه لها وفتح علبته وقالها بهدوء: اشربي شربت شوي من العلبه وهي مستحيه: صح كلامك هنا احسن من المطعم بس ماادري استحي وانا جالسه معاك لحالنا عبد العزيز قرب منها ومسك يدها بعد ماحط العلبه ع الطاوله وقالها بنبره حنونه: تصدقين ياريم كل يوم يمر احبك اكثر .. نزل طرحتها وبدا يمسح على شعرها بحنان وكمل بنفس النبره: انتي كل دنيتي الله لايحرمني منك ..قرب منها اكثر ولما حست بأنفاسه قريبه منها .. تسلل الشيطان لقلبها وكان جليسهم الوحيد بلحظه غاب فيها الادراك غاب فيها الدين والخوف من المولى عز وجل بلحظه سيطر الشيطان بوساوسه وساد الانحدار الأخلاقي على هذه الأجواء المزينه بأعمال الشيطان ..سلمت اغلى ماتملكه بطبق من فضه لرجل لا يوجد بينها وبينه رباط ديني رسمي .. خدشت عفتها وشرفها بفعل الزنا ووقعت بكل بساطه بالفاحشه : : : الرياض الزمن الحالي ,, الساعه 6 المغرب.. المستشفى تحديداً ,, جالس على السرير بجنبها وممسك بكتاب قصص اطفال يقراه لها .. حور بدلع: اف طفشت ابي اروح البيت فارس يمسح على شعرها : بنجلس هنا كم يوم بس وبعدها بوديك وين ماتبين حور بحماس: المكان اللي ابي فارس: ايه اللي تبين حور مبسوطه: ابي اشوف الأسد فارس يضحك: طيب نوريك الأسد ولاتزعلين حور بهدوء: فارس غنيلي شوي فارس بهدوء: حلقي يوجعني مااقدر حبيبتي خليها لبعدين سكت وهو يفكر وشلون كان ممسك بالعود ويغني بالوقت اللي اخذو بالهم من الحريق ..كان ممكن يموت والعود بيده ..وشلون بيقابل ربه بغناء وطرب وعزف ع العود هذي الأعمال اللي لأخرته.. فكر وشلون ماعنده شي تاركه لأخرته القرآن ماختمه ولاكان يقراه الا نادر ..فكر كم مره جلس فيها يدعي ربه او يستغفره معظم اوقاته يجلس يغني فيها ..قالها بينه وبين نفسه بخوف: ياربي الله كتب لي عمر عشان اتوب وابطل هالأغاني اللي ماراح تفيدني بشي وبزاويا ثانيه.. ابو سلمان كان عند بندر بغرفته يتحمد له بالسلامه .. قالها وهو يسترسل بكلامه: انا بجد مو عارف وشلون اشكرك ع اللي سويته مع بنتي بندر مستحي : لا ياعمي انا ماسويت شي ابو سلمان بنبره تحمل بداخلها هيبه ووقار: شوف ياولدي انابجد شفت فيك الرجال العاقل الفاهم ..زاد اعجابي فيك وانا اشوف خوفك على بنتي ..تدري ليه زاد اعجابي ومازاد غضبي؟ بندر يبلع ريقه: ليه ابو سلمان بهدوء: المحبه اللي بقلبك هذي انا مااقدر احاسبك عليها بس اقدر احاسبك على اشياء ثانيه لو غلطت فيها وانت والحمد لله رجال والنعم جيتني من الباب تطلب بنتي على سنة الله ورسوله ومارحت لأساليب اللف والدوران او رحت للبنت بندر وهو يحاول يخفي خوفه: لا الحمد لله نفهم الأصول حنا ياعمي ابو سلمان بعد ماوقف: بأذن الله لما تقوم بنتي بالسلامه ماراح يكون غيرك زوج لها وهالمره انا اللي شاريك ياولدي بندر تلعثم وارتبك وماعرف وش يقول من الفرحه وقف رغم المه ورغم كل شي وباس ابو سلمان بجبينه: الله يخليك لنا ياعمي ابوسلمان بهدوء وهو مبتسم : الله يحفظك ويقوم بنتي سالمه ونفرح فيكم : : : الساعه 1:30 بعد منتصف الليل ,, نزلت من غرفتها تشرب مويه ..وهي راجعه حست بصوت حركه جاي من برا ..خوف كبير تملكها وهي تفكر وش معقول يكون هالصوت ..قررت تتحرك بسرعه لغرفتها لكن ومع اول خطوه من خطواتها حست بالصوت يقترب لباب الصاله ..حست بخوف كبير وتلفتت يمين ويسار بسرعه وبخطوات مرتجفه دخلت المطبخ وتخبت تحت طاولة الطعام ..ضمت رجلينها بيدينها وكانت خايفه مره ..اول ماتحركت قبضت الباب زاد خوفها وبدت تلوم نفسها : ليه نزلت انا المفروض انثبر مكاني اموت من العطش ومااتحرك هالحين لو كان حرامي او شي وشافني مستحيل يصدقني سلمان ..مستحيل يصدق هالحوادث تصير معي غصب عني ..بعد ماانفتح الباب شافته وهو يدخل دققت بالشكل وسط الظلام واخيراً ميزته وبصوت واطي وهي مستغربه: هذي ريم..طلعت بسرعه من تحت الطاوله وراحت لريم اللي كانت حاطه رجلها على اول درجه .. عنود بهدوء: ريم وش كنتي تسوين برا ريم بأرتباك: انتي اللي وش تسوين هنا عنود : انا كنت اشرب مويه ريم بتوتر: انا كنت طفشانه ونزلت اشوف تلفزيون ولما طفيته سمعت صوت برا طلعت اشوف مين فيه عنود بينها وبين نفسها: كل هالوقت تتفقدين مين فيه ..وبصوت مسموع: اها طيب تصبحين على خير ريم رقت الدرج بسرعه بدون لاترد على العنود رقت الدرج بهدوء وهي تراقب ريم اللي بدت تختفي عن ناظرها ..كلام ريم مااقنعها.. فيه سبب ثاني ورى وجودها برا ..قالتها وهي تفكر: هالبنت وراها سر وانا لازم اكتشفه : : : الساعه 2 صباحاً بتوقيت السعوديه 5 مساءً بتوقيت أمريكا.. بعد مااخذ طلب الزبون تحرك بسرعه وحط الورقه ع الكونتر عشان يجهزون الطلب ..التفت عشان يشوف اذا فيه زبون ثاني وشافها وهي داخله المطعم كانت طلتها مختلفه ساحره كان يناظرها وهو متأكد انه مو الوحيد اللي انسحر بهالطله ..كانت لابسه بنطلون اسود وقميص للركبه ازراره جنبيه ..كان القميص خليط من اللونين الأزرق السماوي والأخضر ..وكانت لافه شعرها بشال حرير خليط من نفس الألوان ومزينته بورود صغيره كرستال .. قرب منها بسرعه وناظر فيها بعد ماجلست وبنبرة قهر: عبير وش جابك هنا عبير بهدوء: وحشتني اشتقت لك مشعل وهو يناظر بنايف اللي ياخذ الطلبات عشان يوصلها ..ويرجع يناظر بعبير: اول شي ريحة عطرك وصلت لخشم كل واحد بالمطعم وثاني شي انا كنت عندك الظهر وقت درس العربيه عبير بكل دلع: تغار علي؟ مشعل واللي زاد قهره من برودها: ايه اغار وبعدين مو مسألة غيره لاعاد تحطين العطر بهالطريقه نايف مشى من جنب مشعل وهو طالع نغزه مع خصره وقالها بخبث: الحب الحب مشعل يناظرها: زين كذا ياللا اطلبي شي سريع عشان تمشين عبير مبتسمه ع الأخر: اموت انا بالعصبي مشعل واللي حس انه دخل بحالة غليان: هذي اللي بتجنني عبير بدلع: خلاص لاتعصب ابي 2 بيتزا وسط سفري باخذهم وبروح عند خوياتي مشعل يناظرها : قلتي لي؟ عبير تهز راسها بالنفي : لا مشعل ببرود: خلاص اجل هي بيتزا وحده صغيره لك تاكلينها هنا وتنقلعين ع البيت ومافيه طلعه عبير مبسوطه: طيب اللي تامر فيه مشعل بنبره يحاول يكون جدي فيها: وش تبين تشربين مع البيتزا عبير : جوس اورنج مشعل: طيب : : : الرياض الساعه 1 الظهر .. المستشفى تحديداً,, دخل غرفة اخوه وهو مبسوط ع الأخر وقالها بحماس: صحت يابندر صحت بندر بسرعه: مين تركي وهو مبتسم ع الأخر: مين يعني حبيبة القلب بندر والفرحه مو سايعته: امانه عليك بذمتك صحت تركي بهدوء: أي والله تعبانه شوي بس الدكتور يقول ان حاله افضل وانها راح تتحسن بندر واللي قام من سريره : انا لازم اروح اشوفها ياربي مو مصدق نوره رجعت لي اخيراً تركي يمسكه من كتفه : اجلس ياخوي تشوفها بعدين اول شي هي صاحيه يمكن ماترضى تدخل عليها وثاني شي الدكتور كلم اهلها وزمانهم جايين بندر يجلس بسريره: ياللا الحمد لله اهم شي انها بخير ..وبعد تفكير: تتوقع ابوها يكلمها بموضوعنا او ينتظرها تتحسن ..كمل بسرعه: تتوقع توافق والا لا تركي يضحك: اصبر ياخوي اصبر الصبر زين : : : الساعه 2 الظهر .. جالسيين على طاولة الطعام ..والكل ياكل بصمت.. ابو سلمان يقطع صمتهم : اللي يبي يروح معاي لنوره يخلص غداه بسرعه عهود بسرعه: انا بابا بروح معاك عنود بهدوء: حتى انا بروح معاكم ابو سلمان : شوفي زوجك ا ذا راضي سلمان ببرود: تبين تروحين روحي ريم بمكر:عنود البارح جلستي لأي ساعه تهذرين بالتلفون عنود بسرعه وهي متخرعه:أنــــــــــــــــ� �ـا؟ ريم : ايه انتي سلمان رفع عينه وصار يناظر عنود بنظارات قويه ومخيفه عهود بسرعه وهي تضحك: أي تلفون يامفيه وهي كانت معاي البارح ريم تبتسم بدهاء: ادري بشوفها وش تقول سلمان رجع ياكل بصحنه ..شوي وحط الملعقه ووقف: الحمد لله انا شبعت ببدل ملابسي وبسبقكم لنوره عنود قربت من عهود وقالتها بصوت واطي: عهود وربي مامسكت التلفون مدري ليه اختك تألف كلام عهود تتبسم: ادري فيها نفسها خايسه عشان كذا سكتها بعد ماخلصو غداهم رقت الدرج بسرعه ورى العنود وناظرت فيها بمكر: انتي اسمعي تحطين راسك براسي تندمين فاهمه عنود بهدوء: مالي شغل فيك ريم تضحك: ايوه كذا تعجبيني : : : الساعه 3 الظهر ,, جالسه بالصاله تشوف تلفزيون وتهز رجلينها بطفش .. ناظرت اختها بملل: ياربي ادري اخطيت وتوووووووبه بس والله محد يتحمل الحبسه بالبيت جنا ببرود : لك عين تتكلمين بعد سواد الوجه اللي سويتيه جود بحزن : لا والله مالي عين بس والله طفش وملل ..سكتت شوي وهي تفكر وكملت بصوت عالي : تدرين جنا بهدوء: وشو؟ جود بعد ماتنهدت : ضيعت من يدي رجال بمعنى الكلمه وركضت ورى واحد حقير صح كنت غبيه جنا تتبسم : من زمان وانا اقول لك هالكلام بس ماكنتي تقتنعين بكلامي جود : الحمد لله ماصار لي شي والله تعلمت من غلطتي وندمانه عشاني ظلمت انسان بريء ياربي وش كثر كنت حقيره طيبته وقلبه الكبير حسسوني بالذنب اكثر جنا بهدوء: معليه لاتزعلين انتي بشر وكل بشر يغلط وش رايك نلبس ونروح نزور بندر جود: ياللا ولا الجلسه بالبيت : : : الساعه 4:30 العصر,, جالسه بالصاله مع العنود وتسولف معاها عن الملابس والمكياج وكلام فاضي.. نوف بحماس : وين جوالك برسل لك بلوتوث فساتين سهره روعه عنود بملل: لامابي مالي مزاج نوف بسرعه: ياللا عاد حملتهم عشانك عنود ببرود: طيب ..اخذت جوالها من الطاوله وفتحت البلوتوث ..وبعد ماارسلت نوف الصور ناظرتهم ببرود اكبر وقالتها بملل : حلوين نوف وهي تمسك حلقها: عنود جيبي لي مويه نشف ريقي من الهذره عنود وقفت : طيب ناظرت بالعنود وهي تختفي من ناظرها وبسرعه اخذت جوال العنود وحطت الجوال بمخباتها ..كلها دقايق ورجعت العنود بكاسة المويه ..شربت نوف شويه من الكاسه وقالتها بسرعه: عنوده وين الحمام عنود تناظرها بطفش وتأشر ع الحمام وانتم بكرامه : هذاك وقفت بهدوء وراحت للحمام دخلت وقفلت الباب طلعت الجوالات بسرعه من مخباتها اخذت رقم سلمان بسرعه ودقت على ياسر .. ياسر: الو نوف: هلا ياسر: كل شي تمام نوف: افا عليك بس ياسر: طيب ياللا لاتطولين عندها طفشت وانا الف بالشوارع نوف : خلاص دقايق بس قفلت من ياسر ..جلست بالحمام دقيقتين وبعدها طلعت ..راحت للكنبه شالت شنطتها وحطت جوال العنود بحركه سريعه : ياللا عنوده انا بروح اخوي برا العنود مبتسمه: الله معاك..ناظرتها وهي تطلع وبينها وبين نفسها: اف اشوى طلعت .. اخذت جوالها ودقت على خالها فهد .. فهد بسرعه: هلا والله بالغاليه عنود: هلا بك اخبارك فهد: بخير الحمد لله وانتي عنود: انا بخير بس زعلانه عليك فهد بسرعه: افا ليه عنود : من تزوجت مازرتني ولامره فهد بهدوء: انتي عارفه اللي صار علينا عنود : طيب تجي تتغدا معاي بكره فهد مبتسم: صار اجيك كله ولا زعل الغاليه : : : الساعه 6 المغرب,, المستشفى تحديداً .. وهم طالعين بعد زيارتهم لأخوهم ..شافت فارس عند المصعد ...ناظرت فيه وهي تتأمله وشلون ماكانت تحس بقيمة هالأنسان قبل .. فارس اخذ باله من وجودها ومن نظراتها بس تجاهلها تماماً وتحرك من مكانه بسرعه متجه للمصعد الثاني جود تناظر بجنا: شفتي كيف تجاهلني وماعبرني جنا بهدوء: وش توقعتي منه يعني تصرفه طبيعي جود : يعني خلاص ماعاد يحبني جنا تضحك: اتوقع انه حالياً يكرهك وتحمدي ربك ان كان يكرهك اتوقع حتى كره ماوده يكرهك جود بقهر: حرام عليك جنا ببرود: هذا الواقع : : : الساعه 7 المغرب,, وهو داخل البيت وبطريقه لباب الصاله جاه اتصال من رقم غريب رد ببرود: الو نوف بكل وقاحه: الو أخ سلمان سلمان مستغرب: معاك نوف: انا فاعلة خير ابيك تشوف جوال حرمتك المصون وتعرف أي الحريم انت متزوج ..خلصت كلامها وقفلت بوجهه حس ببركان يثور بداخله وبدون احساس تقدم لباب الصاله ودخل وهو معصب ويصارخ : عنوووووووووووود وينها عنود وقفت بسرعه بعد ماسمعت صراخه وهي خايفه وقالتها بهدوء: وش فيه سلمان قرب منها وهو معصب والكل يراقبون المشهد مستغربين .. اول ماوصل عندها قالها بنبره تحمل العصبيه: وين جوالك ياهانم مدت له جوالها وهي ترجف وبعد مافتح الجوال ضغط كم ضغطه وصرخ بكل عصبيه وهو يشدها من شعرها للدرج: لايالحقيررررررررررره انا بربيك يالخايسه نهاية الجزء | ||||||||||||||
|
| |
|
05-12-10, 04:30 AM
| #30 | ||||||||||||||
| مراقبة ومشرفة سابقة ونجم روايتي
| عندما تغيب الفرحه وتتلاشى الأبتسامه عندما يسود الشر ويتغلغل الحقد فهل يكون هنالك مكان للنهايات السعيده؟ انها مجرد أوهام تلك النهايات التي تملئها الضحكات مجرد اسطوره جميله في عالم الحكايات أما عالمنا فهو عالم غامض مخيف يخفي الكثير اليكم الفصل ماقبل الأخير من روايتي حيث تشرق الشمس على ابطالنا من جديد أشياء تظهر وأخرى تختفي وتمر بهم تباعاً هذه الأيام الفصل التاسع والعشرين ((الجزء الأول)) الرياض ..قبل أن نتوقف والساعه تشير للـ 4:40 عصراً.. طلعت الجوالات بسرعه من مخباتها اخذت رقم سلمان بسرعه وخزنته بجوالها .. غيرت توقيت جوال العنود ورجعت التاريخ لأمس وبدت ترسل مسجات لـ ياسر وهو يرد عليها بعدها سوت مسح للسجل ونظفة القائمه بحيث مسحت كل الأرقام الصادره والوارده ودقت على ياسر من جوال العنود.. ياسر: الو نوف: هلا ياسر: كل شي تمام نوف: افا عليك بس ياسر: طيب ياللا لاتطولين عندها طفشت وانا الف بالشوارع نوف : خلاص دقايق بس ياسر: اهم شي لاتنسين ترجعين تضبطين التاريخ والوقت وتسوين اخر خطوه نوف مبسوطه ماعليك اعجبك قفلت من ياسر ..ودقت على العنود من جوالها وردت بسرعه تركت المكالمه تستغرق دقيقه وقفلت ضبطت التاريخ والوقت ودقت على ياسر تركت الخط مفتوح وبعدها طلعت ..راحت للكنبه شالت شنطتها وحطت جوال العنود بحركه سريعه : ياللا عنوده انا بروح اخوي برا العنود مبتسمه: الله معاك..ناظرتها وهي تطلع وبينها وبين نفسها: اف اشوى طلعت .. اخذت جوالها ..وبالجهه الثانيه ياسر اول ماسمع صوتها وهي تشيل الجوال قفل الخط على طول بالوقت اللي قفلت فيه نوف الباب وبدو الأثين يضحكون.. نوف وهي تضحك: اكيد الغبيه ماراح تلاحظ من يومها عنود غبيه وماعندها سالفه بس عندها كل شي تتمناه أي بنت ودايم الحظ معاها ياسر وهو يتحرك بالسياره:خلاص بعد انتقامك هذا ماضنتي الحظ يبي يكون معاها لحظه نوف بأبتسامه يملاها النصر : احسن ياسر بهدوء: تلقينه هالحين يضربها ضرب ..هز راسه وهو يكمل: يده والقبر انا مجربها نوف تناظره بطرف عين: حنيت عليها ياسر ببرود: لااحن عليها ولاشي هي كانت من باقي اهلي عشان احن عليها وحده لاراحت ولاجات نوف بخبث: ايه تعجبني ياسر وهو عاقد حواجبه : بس مو فاهم حقدك الكبير نوف بكل حقد الدنيا: اكرهها مااحبها ياسر: دامك تكرهينها ليه كل هالسنين معاها نوف بهدوء قاتل: مصلحه مثلها مثل أي واحد اعطيه جوه عشان اخذ منه اللي ابيه ياسر هز راسه بالأيجاب وقالها بملل: اهم شي بردتي حرتك لأني طفشت من هالسالفه ابي جديد نوف تضحك وهي ترفع حاجب : ماعليك انا اليوم بضبطك وبوريك احلى جديد ياسر بحماس: حلوه نوف تتبسم: الا قول خيال وجديده بالسالفه وانا قلت اول واحد ياسر ..كملت بخبث : ماافكر بغيرك ياحلو ياسر مبسوط: ياسلام وناسه هاتي الرقم نوف ترسل الرقم: ارسلت الرقم وترى البنت تو طالعه من صدمه كبيره مااوصيلك ياسر بدهاء: افا عليك بس : : : الرياض..7:15 المغرب..حيث توقفنا.. صرخ بكل عصبيه وهو يشدها من شعرها للدرج: لا يـــــــــــا الحقيررررررررررره انا بربيك يالخايسه عنود تمسك يده تحاول تبعدها: سلمان اترك شعري الله يخليك شدها للدرج بسرعه وهو بنوبة عصبيه وموقادر يسيطر على نفسه : انطمي مابي اسمع صوتك ..ركض بسرعه وهو يشدها بكل قوته وعينه يملاها الحقد .. عهود تلفتت بسرعه وهي تصارخ: ماما تعالي بسرعه سلمان جن ام سلمان جات بسرعه وناظرت فوق مكان ماتناظر عهود وشافت سلمان يشد العنود بعنف وعنود تصارخ ..رقت الدرج وراهم بسرعه : وش تسوي يالمجنون اترك بنت الناس سلمان دخل غرفته وهو يصارخ: خلوووووووووووني محد له شغل فيني ..رماها على السرير وقفل الباب باللحظه اللي وصلت ام سلمان وبدت تضرب ع الباب بقوه وهي تصارخ : ياسلمان افتح الباب وفهمني وش صاير : قرب منها وهو يناظرها بنظره غريبه مخيفه اول مره تشوفها في عينه رجعت لورى وهي تترجاه بنظرة عيونها وبصوتها الواطي : لاسلمان تكفى لا الله يخليك والله ماسويت شي قرب منها وهو مقهور وبداخله بركان ثاير.. سيطر عليه الغضب وعماه الشيطان بلحظة غضبه وبدا يضربها بوحشيه صار يصفقها على وجهها مره ورى الثانيه بكل قوته وبدون رحمه وهو يصارخ: يالحقيره يالتعبانه انا تسوين فيني كذا ..رفع الجوال اللي كان بيده طول الوقت وقالها بقهر: رسايل حب وغرام.. رمى الجوال بقوه على الجدار لدرجه صار كل جزء من الجوال بجهه ..شدها من شعرها وهو يهزها بكل قوته: حمار عندك انا مو رجال حافظه رقمه بجوالك وكاتبه يسوري ..كمل كلامه وهو يصرخ بحسره: حيووووووووووووووووان انا عندك يابنت الكلب ..شدها من شعرها ورماها ع الأرض وصار يرفسها برجله وهو يصارخ: اكرهك عنود اكرهك يلعنه يوم حبيتك فيه يالخايسه ..دمرتيني ..ضيعتيني ..ضيعتي سلمان الواثق سلمان اللي مايهمه شي ضيعتي الأنسان القوي اللي بداخله هزيتي رجولتي ..دمعة عينه وهو يضربها بحسره : خلييييييييييتيني اتمنى الموووووووووووووووووووت ..ياحقيره انا حبيتك وش ذنبي تلعبين فيني وش ذنبي كل ماناظرت وجهك اتذكر ان واحد حقير ابن كلب اخذ منك اللي المفروض يكون لي ..صرخ وهو يضربها بقوه : علميني وش ذنبي ..علميني وش اخطيت فيه عشان يصير شرفك عقابي ..ضربها بقوه وهي فاقده الوعي وصرخ بقوه: تكلمي يالعنود لاتجننيني : ام سلمان التفتت بخوف تناظر بريم اللي مسنده جسمها على باب الغرفه المقابله وتلعب بأظافرها ببرود : خلوه يربيها عهود بقهر: وش هالكلام يالخبله عنود ماتسوي شي مدري ليه اخوك معصب ريم ببرود : اكيد مسويه شي ماراح يضربها عبث ام سلمان واللي كانت تصارخ من ورى الباب ومافهمت ولاشي من اللي قاله ولدها ناظرت بعهود بسرعه وهي تمسح دمعتها من طرف عينها: دقي على ابوك بسرعه لاتموت البنت مااسمع حسها : : : بالمستشفى الساعه 8 مساءً.. بعد ماسمعت صوت التلفون اللي بجنبها على الطاوله ..مسكت السماعه وقالتها بكل هدوء: الو بندر بنبره ملاها الحب: احبك نوره متخرعه: بندر بندر مستغرب: ايه بندر وراك تخرعتي سامعه صوت عفريت نوره واللي ارتبكت : لا بس بندر يقاطعها: لا بس ولاشي كنت ابي اشوفك صاحيه والا لا مسافة الممرات يابعد حيي وانا عندك نوره بسرعه: أي ممرات لا لاتجي بندر بأصرار: الا بجي زيارة المريض واجبه نوره بأستخفاف: ماتضحك قلت لك لاتجي مابي بندر ببرود: عاد صار عندك علم لاتقولين مو مستعده انا 3 دقايق وانا عندك يابعد عمري نوره تو تبي تعترض بس ماامداها لأنه قفل الخط بعد ماخلص كلامه .. التفتت للطاوله وأخذت طرحتها لفتها بصعوبه وهي تحاول ماتحرك ابرة المغذي اللي بيدها غطت وجهها وغطت جسمها بشرشف المستشفى الأبيض .. دخل الغرفه وناظر فيهاوبدا يضحك قرب منها وجلس بدون خجل على السرير وقالها بنبرة سخريه: قولي قسم نوره وهي مرتبكه: بندر فيه كرسي اجلس عليه بندر بتمرد: لا مابي بجلس بجنبك بعدين ياحلوه كلها ايام وبتصيرين على ذمتي نوره متخرعه: أيـــام؟ بندر بثقه: ايه ابوك وعدني ان قمتي سالمه بيزوجك لي وهذاك الحمد لله ماعليك الا العافيه وانا واحد مستعجل وابي اتملك بأسرع وقت نوره بقهر: حلوه تقررون حياتي بدالي بندر وهو يسحب الغطا عن وجهها: مدري عاد تفاهمي مع ابوك نوره تمسك الغطا تحاول تمنعه لا يفتح وجهها لكن بندر كان اقوى منها نزلت راسها بخجل وقالتها بهدوء: بندر وش هالحركات بندر ببرود: مااستحي شسوي بنفسي نوره بقهر: ماتعودنا هالحركات سلامات تشيل غطاي بندر ببرود: لا انا متعود خواتي دايم كاشفات نوره: انت قلتها خواتك بس انا غير بندر بثقه: انتي قريب بتصيرين زوجتي يعني كيفي صح ماراح اخليك تكشفين اغارعليك بس انا عادي اشوفك نوره تناظره: واثق ماشاء الله عليك بندر بأصرار: ايه واثق وغصب عنك هالمره مو كيفك شوفي ابوك على باله انا حبيتك من طرف واحد وجيت ركض من الباب مثل أي رجال سنع مايدري بقصة الحب الجميله .. ترفضين والله لأعلمه بكل السالفه نوره بقهر: لاتهدد بندر بأصرار : الا بهدد يلعن ابليسك تشوهت وكنت بموت عشانك وجايه تقولين مابيك مين ترضى فيني هالحين مالي غيرك نوره بقهر: يعني لو فيه من ترضى بتروح لها بندر يبي يقهرها: افكر نوره بدلع: روح بندر يضحك: وين اروح والله مالي غيرك نوره: ........ بندر مبتسم: تغارين علي يابعد روحي نوره تبعد نظرها عنه: لا بندر فطس ضحك: الا وربي تغارين وتموتين فيني ..لما شلتك بالحريق قلتي لي احبك نوره واللي تذكرت اجزاء من الموقف حست بالأحراج تلون وجهها باللون الأحمر بندر يضحك: يالبيه اموت انا باللي تستحي نوره بعصبيه مصطنعه: قوم اطلع بندر مابيك بندر واللي مازال يضحك: مو لايقه عليك العصبيه ابشرك .. بعدين واضح انك تتصنعينها نوره :روح بندر مبتسم : قلت لك مالي غيرك وين اروح.. كمل كلامه بنبره جاده :نوره امانه وافقي كفانا عذاب نوره بهدوء: بندر انت ماتفهمني انا اخاف هذا زواج مو لعبه بندر بهدوء: ويعني الحب اللي بيننا لعبه؟ نوره مرتبكه: لا والله بس الزواج يجر وراه مسؤوليات بيت واطفال وخايفه حياتنا بكره يملاها الشك بندر : اوعدك نوره مايصير هالشي والله انا مو متخلف .. يعني بذمتك انا لو افكاري كذا متخلفه بجي اخطبك؟ كنت بقول مابي وحده حبتني وكلمتني قبل الزواج بس انا ماافكر كذا انا واثق فيك وادري انك ماعرفتي غيري ..انا ابوي ورغم انشغاله علمنا وشلون نكون منفتحين ع الحياه وشلون نقيس الامور بعقلانيه بعيد عن أي افكار رجعيه نوره واللي عجبها كلام بندر قالتها وهي تتبسم: كلامك حلو يابندر ويطمن بس مااضمن بكره بندر يناظرها: ماتثقين باللي اخلص لك وماحب غيرك ومستعد يموت الف مره عشانك ماتثقين باللي كان ضايع بدونك ..باللي انتي حلمه وماضيه ومستقبله ..حط يده عند قلبه وضرب ضربتين بخفه وقالها بعد ماتنهد: نوره انا تعبان لاتشوفين ضحكتي تقولين مرتاح انا وجودك وكلام ابوك هو اللي مريحني بس واللي خلقني وخلقك تعبااااااااااان مره وماعاد اتحمل اكثر ولااقوى اصبر نوره نزلت راسها وسكتت بندر بنبره تحمل الترجي: نوره ردي علي الله يخليك قولي موافقه نوره بهدوء: خلاص لما يكلمني بابا بقول له موافقه انا بعد مااتحمل بعدك اكثر بندر واللي حس الروح ردت له قالها بفرح: يابعد عمري الله لايحرمني منك نوره بسرعه: بس هاه الملكه مو الحين والزواج بعد التخرج بندر بقهر: اوف اوف ليه هالتعذيب نوره بدلع: تبي والا كيفك بندر يسوي مسكين: امري لله اللي تبينه يقول لك نص العمى ولا العمى كله نوره متخرعه: انا عمى؟ بندر يبي يكحلها: هاه لا يعني العوض ولا القطيعه نوره متخرعه اكثر وتأشر على نفسها: انا عوض ؟ بندر يستخف دمه: لا انتي نوره نوره تضربه بخفه: قوم بس روح غرفتك عطيتك وجه عيب عليك انا للحين ماصرت على ذمتك بندر يتحلطم بصوت واطي: ايه موت ياحمار نوره تحاول تسمعه: وش قلت ؟ بندر بسرعه: لا اقول قريب ان شاء الله نوره : ياللا روح غرفتك والا ترى بغير رايي بندر يناظرها: اشوف بدا التهديد هين يانوير اصبري تصيرين على ذمتي بلعن خيرك نوره بسرعه: نــــــــــــعـــــــــــ م بندر بسرعه: لا لا وربي امزح انا موقدك هالحين تغيرين رايك موراعية مزح ابد نوره بدلع: ايه احسب ياللا روح بندر يوقف: طيب رايح لاتدفين : : : الساعه 8:30 مساءً.. رمى جسمه على الأرض بقوه بجنب جسمها وهو منهار ويبكي حسرته ..ناظر فيها وهي فاقده الوعي وقالها بيأس : ذنبي الوحيد احبك يالعنود ..كسرتيني يابنت عمي ..رجع يصارخ مره ثانيه: أي حماااار يتحمل كل هذا .. بهالوقت وصل ابو سلمان وبدا يضرب الباب بقوه وهو يصارخ: سلمان افتح الباب تعوذ من ابليس..افتح الباب ياولدي خل افهم وش صاير ..ماجاه رد من سلمان وسمع صوت بكاه اللي تملاه صرخات الحسره ..رجع كم خطوه لورى وهو يصارخ: وخرو بكسر الباب ..ضرب الباب اول ضربه ورجع مره ثانيه وضربه الضربه الثانيه ..رجع للمره الثالثه وضربه بكل قوته وانفتح الباب ..تقدم بسرعه هو وام سلمان ..مسح وجهه بكفينه من هول المنظر بنت اخته فاقده الوعي ووجهها كله دم وولده منهار جنبها ..احتار يروح لمين قرب بسرعه للعنود تحسس أنفاسها الضعيفه مره وصرخ بقوه: عهود بسرعه دقي على عمك فهد خليه يجي بسرعه ..قربت ام سلمان من العنود تحاول ترفعها .. ابو سلمان بسرعه: لاتحركونها اخاف عندها كسر او شي اصبرو يجي فهد ام سلمان بخوف: بس يابو سلمان البنت نفسها ضعيف اخاف تموت ابو سلمان وهو يلتفت لسلمان : الله لايقولها ..سحب سلمان لصدره وهو حاط يده ورى راسه : وش فيك ياسلمان ماعهدتك كذا عمرك ماسويتها سلمان وهو منهار ويصارخ: بتموت انا قتلتها بتموت صدقني ابو سلمان بعصبيه : لاماراح تموت اصحى لنفسك انت شفيك سلمان يصارخ: انا تعبان مااتحمل خلاااااااااص ابوسلمان بصوت عالي: اهدى سلمان اهدى ..وقف وهو يوقف سلمان معاه وسحبه للحمام وانتم بكرامه فتح الصنبور وحط راس ولده تحت المويه وقالها بحده: لازم تهدى مو كذا تنحل الأمور وانا ماربيتك كذا مازوجتك عشان تسوي ببنت عمتك كذا .. بهالوقت وصل فهد دخل الغرفه بسرعه ناظر بالعنود وهو متخرع : عنوده ..قرب منها بسرعه مسك يدها وقالها بسرعه: نبضها ونفسها ضعيف لازم ننقلها ع المستشفى بسرعه ريم تتحلطم: اكيد حبيبة قلبه بيموت وهو يشوفها بهالحاله عهود ناظرة اختها بقرف: انتي مريضه مو صاحيه ابو سلمان بعد ماطلع من الحمام: وش نقول للمستشفى سلمان ضاربها فهد وهو يحاول يتمالك نفسه قالها بعصبيه: سلمان حسابي معاه بعدين بس اهم شي عنوده لاتضيع مننا نقول طايحه من الدرج او أي شي المهم باخذها للمستشفى ..شالها بهدوء وصرخ ع عهود: حطي عليها عبايتها ..سحبت عهود العبايه وغطت العنود بسرعه..مشى فهد بسرعه وهو يناظرها بخوف وحاس ان وضعها صعب .. ابو سلمان وهو يلحقه: انا جاي معاك : : : الساعه 9:30 مساءً بتوقيت السعوديه 12:30 ظهراً بتوقيت أمريكا .. عبير تقرا بصعوبه وببطىء : قل هو الله أحد ..الله الصمد ..لم يلد ولم يولد ..ولم يكن له كفواً أحد .. مشعل يصفق: شاطره عبير بدلع: وش شاطره ذي ماسك بنت الروضه مشعل : احلى بنت روضه عبير تضحك : لا والله مشعل : ايه والله بعدين انتي بجد شاطره عشانك بفتره بسيطه بديتي تقرين ..اخذ نفس بصعوبه قفل الكتاب اللي قدامه وقالها بهدوء:خلاص كفايه لليوم نكمل بكره عبير تناظره: شفيك مشعل لك ساعه احسك مو على بعضك مشعل وهو يمسح بيده على صدره: ماادري شفيني احس بضيقه خايف اهلي صاير عليهم شي عبير تتبسم : لاتقول كذا ان شاء الله مافيهم الا الخير بعدين تقدر تدق عليهم وتتأكد .. ناظر بساعته وقالها بهدوء: ايه والله تو بدري عندهم يمدي ادق ..طلع جواله بسرعه ودق على امه .. ام مشعل بسرعه: هلا والله بحبيب قلبي مشعل مبسوط: هلا والله بالغاليه كيفك يا ماما وكيف اخباركم جميع ام مشعل : اخبارنا تسرك وكلنا بخير وموناقصنا غير وجودك مشعل بهدوء: الحمد لله اليوم حسيت احساس غريب خفت لايكون صاير عليكم شي ام مشعل :لا يابعد قلبي ماعلينا شر كلنا بخير الحمد لله اهم شي انت بشرني كيف امورك مشعل بهدوء: اموري كلها تمام والدراسه باقي للحين مابدت ام مشعل : الله يوفقك مشعل بهدوء: جميع يالغاليه ..ياللا تامرين بشي ام مشعل: سلامتك مشعل : ربي يسلمك مع السلامه ام مشعل بحب : في حفظ الله يالغالي حط الجوال بمخباته وناظر عبير بحزن: تصدقين باقي احس بضيقه مع ان صوت ماما كان عادي وطمنتني بس ماادري شفيني اللهم اجعله خير : : : الرياض ..الساعه 10 مساءً.. ابو سلمان واقف قبال غرفة الطوارىء وهو يفرك بيدينه : الله يستر لهم اكثر من ساعه داخل وماجانا خبر يطمن وش اقول لأختي هالحين؟.. اقول لها ولدي وصل بنتك لهالحاله سلمان وهو مسند جسمه على الجدار قالها بتوتر: بتموت ادري بتموت شفتها وشلون كانت تنزف وفاقده الوعي ابوسلمان بقهر : اسكت ياسلمان يرحم امك ام سلمان وهي تبكي: الله يحفظك يابنتي ..كملت بنفس الخوف: الله يهديك ياولدي الله يهديك بهالوقت طلع فهد بسرعه من غرفة الطوارىء ..دف سلمان بقوه ومسكه من ملابسه: كذا سويت بالبنت ياعديم الأحساس عنود حالتها صعبه عندها نزيف داخلي وخسرت دم كثير غير الكدمات اللي تملى جسمها ..شده بقوه وقالها بقهر: لولا هاللي لابسه كنت علمتك كيف تكون رجال وتتقوى على حرمه.. ترك ملابس سلمان وناظر فيه بقرف: والله لو يصير للعنود شي ماتلوم غير نفسك سلمان يعدل ملابسه : وخر عني انا مو ناقصك هز راسه وقالها بقهر: ماعهدتك كذا ياسلمان خبري فيك رجال ..التفت لأخوه وقالها بحسره: كذا علمت ولدك ياخوي يتقوى على حرمته بدال لايكون سند لها ياحيف ع الرجال بس ابو سلمان بحسره: لاتزيد همي ياخوي والله سلمان ماعمره سواها مدري وش صاير له فهد وهو يناظر سلمان بقهر: عنود مثل النسمه ماتسوي شي انا اعرفها زين سلمان ببرود: لاتقول اعرفها زين فيه امور كثيره تجهلها فهد بعصبيه : كل تبن واسكت أي امور هذي اللي تخليك تسوي فيها كذا ولك عين تتكلم بعد ..مسك جواله وبدا يدق الأرقام بهدوء.. ابو سلمان بسرعه: بتكلم اختك؟ فهد : لا وانت الصادق بكل زوج اختي ابو سلمان بتوتر: يرحم امك ياخوي لاتقول له ولدي ضاربها خلها تقوم بالسلامه وبعدها يصير خير مانبي مشاكل زياده فهد يناظره: خايف على ولدك ومو خايف على هالمسكينه اللي بالأنعاش؟ ابو سلمان: الا والله خايف عليها والله يعلم بس مابي احط الزيت على النار فهد يهز راسه بالأيجاب: ماراح اقول له مو عشان ولدك اللي ماعنده جنس الرجوله بس عشان غلاتك ياخوي : : : الساعه 10:30 مساءً.. طقت باب غرفة جدتها بخفه وقالتها بصوت واطي: ماما صاحيه ام سالم واللي انبسطت وهي تسمعها تناديها ماما قالتها بحب: ايه يابعد امك صاحيه فتحت الباب ودخلت وهي مبتسمه قربت وجلست على السرير بجنب ام سالم وقالتها وهي مستحيه: ماما انا لي فتره احس بدوخه ونفسي تحوم وشسمى.. نزلت راسها وقالتها وهي مستحيه: تتوقعين معقوله اكون حامل؟ ام سالم بهدوء : ايه روحي المستشفى وشوفي ويارب يكتب لك ضنى صالح لجين بفرح: يارب ادعي لي ياماما ودي بطفل يربطني بأحمد ويعلقنا ببعض اكثر ويزين حياتي ام سالم بحب : يارب يابنيتي والله اتمنالك السعاده ودي افرح فيك واشوف عيالك قبل لاياخذ ربك امانته لجين بحب: بسم الله عليك ماما ..باستها بجبينها وطلعت من الغرفه وهي متأمله خير : : : الساعه 3 الفجر بتوقيت السعوديه 6 المسا بتوقيت أمريكا.. دخل المطعم بسرعه وسحب مشعل من يده : تعال معي مشعل وهو يحط الصحن الدائري اللي بيده :على وين والدوام نايف بسرعه: شيل المريله اخذت أذن ياللا شوي ونرجع\دج مشعل شالها بسرعه ولحق نايف حط الخوذه ع راسه وتشبث بنايف اللي انطلق بسرعه كبيره .. مشعل يصارخ: كل هالعجله رايح على وين نايف مركز بالشارع هالحين تشوف وقف قدام محل نظارات واشر بمبنى مقابل لهم يفصل بينه وبينهم شارع : هنا راقب هنا .. بس ان شاء الله ماتكون طلعت مشعل مستغرب: مين هي ؟ نايف مركز بالمبنى : الحين تشوف ..وبسرعه : شف شف ..اشرقدامه وقالها بسرعه: هذي مو البنت اللي انت تحبها ؟ انا مو قصدي اناظر فيها بس كنت اوصل بيتزا هنا وشفتها تدخل مشعل يراقب عبير وهي تركب سيارتها وتتحرك : ايه هي بس وش تسوي هنا ووش هالمكان نايف يناظر: ماادري بس ماريحني شكل هالمبنى عشان كذا جبتك تشوف مشعل مسك جواله بسرعه ودق عليها وبعد ماجاه ردها قالها بهدوء: هلا حبيبتي عبير مبسوطه: هلا قلبي مشعل : وينك فيه؟ عبير : انا مشعل بسرعه: لا جدتي اكيد انتي وينك قولي عبير بهدوء: انا بالبيت وش فيك مشعل مشعل : مافيني شي بس الحين بجيك عبير بسرعه: لا لا تجي بابا هنا مشعل واللي يحاول يخفي قهره: اها طيب اكلمك بعدين عبير بهدوء: اوكي .. ضغط الزر الأحمروهو يفكر وبعد صمت قالها بهدوء :كذبت علي نايف تخيل انا كنت واثق فيها ومتأكد انها مستحيل تكذب علي بحرف والحين تقولي انها بالبيت وهي بمكان ثاني نايف بهدوء: لاتنقهر ولاتظلم البنت حنا للحين ماندري وش فيه هنا ..ناظر بمشعل: تجي نسأل؟ مشعل بهدوء: ياللا ..تقدمو للمبنى وبعد ماوصلو رقى الثلاث درجات اللي تسبق الباب ضغط بخفه على الجرس ..فتح له الباب شاب اجنبي انيق وناظره بأبتسامه .. مشعل بسرعه: soru soru ..خلص كلمته ونزل الدرجات بسرعه سحب نايف وهو يمشي بسرعه وواضح على خطواته القهر : مايحتاج اسأل نايف يحاول يوقفه: مشعل لاتظلم البنت خلنا نسأل مشعل وهو معصب: وش اسأل انت شفت بعينك شكل اللي فتح الباب انا اللي حمار وشلون اثق فيها بهالسرعه وانا مار بتجربه قاسيه نايف بهدوء: حاشاك مشعل لاتقول كذا مشعل بهدوء: خل عنك بس وخل نرجع المطعم : : : الرياض ..يوم الأربعاء .. الساعه 8 الصبح .. بعد ماطلع الدكتور من غرفة العنايه شافه جالس بالممر ناظر فيه وقالها بهدوء: سلمان مارحت البيت سلمان يوقف بتعب: لا .. دكتور خلني اشوفها من بعيد دقيقتين بس وبروح على طول الدكتور بأبتسامه: طيب البس من هنا وادخل عليها سلمان بأبتسامه: ان شاء الله لبس الزي الأخضر ودخل عليها ..صار يناظرها بحزن وهويسمع صوت الأجهزه ويراقب جهاز التنفس اللي على وجهها ..ناظربملامحها البريئه وبينه وبين نفسه: ماادري عنود ازعل عليك او اقول تستاهلين انتي حرقتي قلبي بس رغم خيانتك وحقارتك معي ماكنت اتمنى اشوفك كذا ..هز راسه بهدوء وقالها بحزن: ماادري ياعنود وشلون اتصرف انا بكل لحظه اموت الممرضه بعد مافتحت الباب بهدوء: لو سمحت لازم تطلع سلمان بهدوء : ان شاء الله : : : الساعه 10 الصبح .. كانت جالسه تنتظر نتيجة التحليل بتوتر ..وبعد ماسمعت اسمها وقفت وهي موقادره تكبت انفعالها قربت من الممرضه اخذت نتيجة التحليل وكانت تنتظرها تبشرها بالحمل.. الممرضه بهدوء: تفضلي للدكتوره لجين بصوت واطي : ياربي ماعاد تقدر تصبر اكثر راحت لغرفة الدكتوره بخطوات سريعه واول مادخلت وبعد السلام قالتها بسرعه: بشريني دكتوره الدكتوره بهدوء: للأسف مافيه حمل لجين مستغربه: بس انا حاسه بكل اعراض الحمل الدكتوره بهدوء: نقدر نسميه حمل كاذب مجرد اعراض انتي تتوهمينها بسبب رغبتك بالحمل بس انا سبق وقلت لزوجك بعد الحادث اللي صار احتمال حدوث حمل ضعيف جداً لجين بعد مافتحت عينها بقوه: وشلون يعني ماراح يصير عندي طفل الدكتوره بهدوء: كل شي بيد الله انتي لازم تخلي ايمانك بالله قوي ومافيه شي يصعب عليه سبحانه وتعالى لجين وقفت وهي مصدومه وقالتها بهدوء: خير ان شاء الله ..شكراً دكتوره : : : الساعه 1 الظهر.. بعد ماطق الباب بهدوء فتحه بشكل بسيط وقالها من ورى الباب : نوره انا بندر أدخل؟ نوره بعد ماعدلت جلستها ولفت طرحتها زين : ايه ادخل بعد مادخل ناظرها بحب والابتسامه تزين وجهه: كيفك اليوم نوره بهدوء: الحمد لله ..ناظرت فيه وهو لابس جينز ازرق وتي شرت ابيض وقالتها بهدوء: بتطلع من المستشفى؟ بندر بهدوء: ايه طالع الدكتوركتب لي على خروج نوره بعد مابرطمت: ليه طيب انا مايكتب لي على خروج بندر وهو يتبسم: ان شاء الله لما تصيرين احسن وتضبط امورك راح يكتب لك على خروج ..سكت شوي وكمل بنفس النبره: انا قلت مستحيل اطلع بدون لااشوف نوره حبيبتي نوره بهدوء: ايه انت لو طلعت بدون لاتشوفني كنت راح ازعل عليك بندر يناظرها: نوره باقي للحين على وعدك نوره : ايه خلاص ماعاد اغير رايي بندر مبسوط: الحمد لله ياللا اشوفك على خير يالغاليه نوره بحب: على خير خذ بالك من نفسك بندر بهدوء: ان شاء الله يتبع.. | ||||||||||||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
