19-11-11, 01:20 PM
| #21 | |||||||||||
| نجم روايتي وعضو فعال في منتدى صحة ورشاقة  
|  في الصاله... رجوى= حياة خلينا نرقص؟ حياة بإستنكار= اعوذ بالله على هالليل! رجوى= ايه أنا و البنات دائما نرقص لين نداوم من بكره حياة= لا و أنا اقول كل هالأكل اللي تاكلينه و لا يبين فيك اثرك تحرقينه كله...أقول كولي و أنتي ساكته و ركدي شياطينك جلست رجوى تأكل...و هي تقلب جوال حياة بين يدينها...و تتفرج على اللي فيه...و حياة كانت ترسم و مو يمها...لين وصل لها صوتها تكلم... رجوى= هلا وفاء وش أخبارك؟ وفاء بشك= مين؟ رجوى؟ رجوى باللهجه السودانيه= هيا بزاتا..دايرا تسلم عليكي يا زوله وفاء تضحك= الله يسلمك..وش أخبارك؟ حياة تضربها= و الله مستحلتني! وفاء= هاذي حياة اللي عندك؟ رجوى= ايه زهقتني بس ترسم و ساكته..و أنا ما أحب اجلس ساكته أبي أسولف على أحد وفاء= وش أخبار الدراسه؟ وش أخبار ثالث معك؟ رجوى= لا تذكريني بخيبتي..الناس ملخصات و مشاركه و إجتهاد..و أنا لي الله لا المخ يساعد و النفس تساعد..حتى بعض كتبي مضيعتهن مادري متى آخر مره شفتهن وفاء= والله إنك مو صاحيه؟ لازم تجيبين نسبه رجوى= يا أختي هالكلمه كل البنات لا سمعوها انتفشت عيونهم بس أنا عجزت أخاف منها أو اهتم وفاء= أنتي وش تبين تدخلين؟ رجوى تستهبل= والله أشياء كثيره..أبي أدخل السوق..و أدخل الملاهي وفاء= رجوى! أنا اقصد الكليه رجوى تضحك= مادري؟ لازم اعرف من اللحين وفاء بتريقه= المفروض يعني..لو ما عندك مانع رجوى= على قولة رحيل ما ندري حنا نعيش لذاك اليوم أو لا..ليه أفكر من اللحين وفاء= الله يرحم حالك رجوى= وفاء أنتي بأي كليه يمكن أدخل عندك حياة بتريقه= قسم كيمياء..يمديك عليها؟ رجوى بقرف= والله لو عرفت إنك مثقفه ما كلمتك..يله برى اطلعي عن بيتنا حياة= اللي ما يطول العنب رجوى بتحدي= لا تخلوني أدخل طب وفاء= كيف و أنتي أدبي؟ رجوى= عادي طب شعبي ههههه حياة تذكرت تعبها...و خافت وفاء تقول عنه شي... حياة تأخذ منها الجوال= أقول وفاء مع السلامه البنت اصرفت علي رجوى بعناد= وش دخلك مو أمها اللي تسدد فاتورتك..ماراح تقول شي و حنا مسولفين على بنتها وفاء= حياة وش اخبارك اللحين حياة= افا عليك أنا حياة أكيد بخير..حتى لو هالخبله عندي حست وفاء إن حياة تصرف الموضوع و لا تبي احد يعرف بتعبها...عشان كذا ما سألت أكثر... حياة= مع السلامه وفاء وفاء تضحك= مع السلامه..سلمي على جدتك و رحيل و انتبهي لنفسك حياة= يوصل يا قلبي سكرت منها...و سحبت رجوى معها و راحوا ينامون...و هناك لقوا رحيل للحين صاحيه... سكروا النور...و كل وحده منهم نايمه بسريرها...و يسولفون... شوي شوي...بدت تخف سوالفهم...لين عم الغرفه السكون...و كل وحده سرحت بأفكارها و تحسب اللي جنبها نايمات... هالغرفه...و النوم فيها...و جمعتهم...كانت تخليهم يرجعون لذكرياتهم القديمه غصب...و لإحساس دفنوه بقلوبهم...و لأشياء تخيلوا إنهم نسوها... رجوى...كانت تفكر بحياتها...كيف عاشتها...و تتذكر طفولتها...من يوم كانت صغيره و أبوها على حاله...ما يعرف يربي أحد...و لا يهتم بأحد...مو قد المسئوليه و لا يعرف يتصرف... حتى يوم كانت صغيره و أم مشعل تدخل للمستشفى تولد...تركها عند الجيران و اختفى...و اضطرت تجلس عندهم حتى غصب عنهم...ما كانوا يبونها...و لا كانوا يقدرون يرمونها في الشارع...جلست غصب عنهم و عنها... تسمع سخريتهم منها...و من وضعها...تأكل بعد ما ياكلون مع الخدامه...و تجلس أغلب وقتها بعيد عنهم لأنهم يطردونها من بينهم... و اللحين تعودت على هالشي لين ما صار يصدمها...و لا يخوفها اللي بيصير فيهم...و تعرف إنها بتآخذ صدقتها من الناس...برضاهم أو غصب عليهم... ابتسمت بينها و بين نفسها بسخريه...و هي تشوف الحال اللي وصلت له...و الصوره اللي يشوفونها الناس فيها...إنسانه ما تحس...إنسانه ترضى بأي شي...إنسانه ما يهمها شي... قوتها...لعانتها...أخلاقها السيئه...كل هذا شكلته الأيام اللي عاشتها مع أبوها...و اللي كان يسويه فيها... ما عطاها فرصه...تعرف الصح من الخطأ و تختار... ما عطاها فرصه...تسوي اللي يعجبها...و ما ترضى باللي ما يعجبها... ما عطاها فرصه...تعرف وش بتكون...وش شخصيتها... أجبرتها الأيام...و الظروف...تكون رجوى...اللي تعيش عمرها تأكل...و تضحك...و تنام...بأي وقت...و بأي مكان...و مع أيا كان... أما رحيل فكانت مغمضه عيونها بقوه...تحاول تنام...تبي تنام...لكن شي في خيالها طارد منه النوم...ألم في قلبها...رفضت تريحه و تخفف عنه بدموعها... ما تبي تصيح...لأنها تخاف تصيح...تخاف من الحزن...تخاف من الضعف... تحس إنها جسد بدون روح...تتمنى لو مره تحس بروحها... كل شي ما يهمها...كل شي ما يأثر فيها... مو من يوم..و لا من أسبوع...و لا من شهر.....من سنين كيف بعد هالسنين...تنتوقع روحها المذبوحه تحيا...و تنتظرها تحس...أو تفرح...(كذا اريح..وش أبي بروح تجيب لي الحزن و العذاب و الألم) حتى حياة...رجعت تتذكر كل الأيام اللي كانت تتعذب فيها لحالها... كل يوم تشوف فيه نفس المناظر المقرفه لأبوها...و نفس غباء أمها...و حبها الفاني له... لين ناموا...كل وحده مع ذكرياتها...و همومها... •• •• •• •| خــارج الـنـــص |• ••قـبــل سـنــوااات•• صحت في الليل...و هي تحس إن بطنها بيتقطع من الوجع... طلعت من غرفتها هي و خواتها...و فرحت و هي تشوف أبوها في الصاله... رجوى توقف عنده و تصيح= يبه بطني يعورررني أبومشعل= نامي و ما تحسين فيه رجوى= يبه حاولت ما قدرت أنام أبومشعل بضيق= وش تبين اسوي لك؟ رجوى تصيح= يبه تعبانه أبي اروح المستشفى أبومشعل بعصبيه= لا تصيحين عندي..ترى اللي تتعب و تمرض مو بنتي و لا راح تعيش معي..إن قلتي تعبانه بآخذك و ارميك في المقبره عند أمك رجوى بخوف= لااا لااا خلاص بطني ما يعورني ما احس بشي أبومشعل يطالع التلفزيون= يله روحي نامي و راحت تربط بطنها بقوه عشان ما تحس فيه...و حاولت تنام... طلعت رحيل من المدرسه...و هي تتلفت تدور بدور و مها...لأنها كانت تخاف تمشي لحالها و عيال الثانويه يمرون من عندها...و يرمون عليها كلام... و لمحتهم عند آخر الشارع...مشت لهم بسرعه...لكنهم أول ما انتبهوا لها ركضوا عنها بسرعه... صارت تركض وراهم بسرعه...و هم يهربون عنها مع البنات اللي معهم...لين طاحت على الأرض... شافتهم يلتفتون عليها و يضحكون...و يروحون عنها... ••-------•?••?•{n}•?••?•--------•• كانت جالسه تدور بملل...و أمها من ساعات و هي تبدل بملابسها...و اللحين جالسه عند المرايا تسرح شعرها و تحط مكياج...و تمسح... كانت تحاول تكلمها لكنها تسكتها...أو ما ترد عليها... أم حياة= حياة روحي نامي في غرفتك حياة= يمه بدري ما فيني نوم أم حياة= خلاص اجلسي ذاكري..ارسمي..سوي أي شي بس لاتطلعين من غرفتك حياة بضيق= يمه أبي اجلس معك أنتي و أبوي! أم حياة= بعدين مو اليوم حياة تتأفف= كل يوم تقولين لي كذا! أم حياة بعصبيه= اسمعي الكلام و يله روحي لغرفتك تركتها حياة و راحت...و هي رجعت تطالع نفسها بالمرايا تتأكد من جمالها... من يوم جابت حياة...خافت يظن زوجها إنها بدت تكبر...أو صارت أم و لا عادت الزوجه اللي تدلعه... خافت يفكر يآخذ غيرها لأنها تهتم بغيره... عشان كذا ما كانت تبي تقصر عليه بأي شي...حتى لو قصرت على بنتها نفسها... •• •• •• بعد ساعات/ طلعت حياة جوعانه من غرفتها اللي حبستها فيها أمها من بدري...عشان تجهز لزوجها عشاء و جلسه رومانسيه... لكن قبل تنزل...سمعت صوت أبوها في الصاله...يكلم له وحده...يقول لها نفس الكلام اللي يقوله لأمها...بنفس الحب...و نفس الإهتمام... ••-------•?••?•{n}•?••?•--------•• جلست رجوى عند باب الشارع تنتظر أبوها...من ثلاث أسابيع انتقلوا لهالبيت الجديد و اللي كان بعيد عن بيت جدتها بالحيل...عكس بيتهم القديم اللي ما كان يفصلهم عنها غير شارعين... و اللحين تنتظر أبوها على أمل يرجع بدري...و على أمل أكبر إنه يوافق يوديها لجدتها... لكن الساعات كانت تمر و أبوها ماجاء... •• مــن بـكـــره •• طلعت و شافت ولد جيرانهم اللي الكل يشتكي عليه...و على إزعاجه...و مشاكله... كانت خايفه منه بس هو الوحيد اللي ممكن يوافق يوصلها بدون رضى أبوها... و ركضت له قبل يركب سيارته مع صديقه... رجوى= سلماااااان سلمان يطالعها بإستخفاف= وش عندك؟ رجوى برجاء= وصلني لبيت جدتي سلمان= قالوا لك تاكسي..يله ضفي وجهك رجوى= سلمان الله يخليك و أسوي لك اللي تبي سلمان طنشها و شغل السياره...و هي تطالعهم بحقد...(عساكم تدخلون بعامود نور و كل عرق فيكم يتكهرب) لكن قبل يمشي وقفه صديقه... فلاح= وقف وقف سلمان= وش فيك؟ فلاح يكلم رجوى= تبين نوصلك لبيت جدتك؟ رجوى بفرح= إيه سلمان بقهر= فاضين لها حنا؟ فلاح= أصبر أنت..و تسوين اللي نقوله لك؟ رجوى= ايه فلاح= و ما تعلمين أحد رجوى تفكر= إذا وصلتوني كل خميس لبيت جدتي ما أقول لأحد فلاح بهمس= بنت اللذين تعرف تهدد بعد!! سلمان= أنت وش تبي فيها؟ فلاح= اركبي ركبت رجوى معهم و هي فرحانه...و سلمان يطالعها بضيق...و رجوى تذكرت شي... رجوى تشهق= استغفرالله..استغفرالله فلاح= وش فيك؟ رجوى= لا بس قبل شوي دعيت عليكم تصدمون و اللحين يوم ركبت معكم استغفر فلاح يضحك= الحمدلله إننا ركبناك سلمان= ما قلتي لأهلك اللحين يقولون خاطفينك بعد رجوى= إذا وصلت لجدتي اتصل عليهم فلاح= إيه بس كل أسبوع قبل نوصلك بيت جدتك تسوين اللي نقولك عليه رجوى= زين..شغل المسجل بأرقص ضحكوا عليها...و شغل لها فلاح المسجل...و هي دخلت جو و بدت ترقص... سلمان بهمس= وش تبيها تسوي؟ فلاح= راعين البقالات حفظوا وجيهنا و حنا نسرق منهم و بعد مايرضون يبيعون لنا زقاير سلمان ما فهم= و بعدين؟ فلاح= نخليها تسرق لنا ما أحد بيشك فيها سلمان يطالعها= أخاف ما تعرف و تورطنا فلاح يضحك= اللي خلاني أعلمك و أنت غبي يخليني اعلمها..و هي باين اللعانه تمشي بدمها ما تذكر الأسبوع اللي راح كيف تهاوشت مع عيال حارتكم و قوتهم وقفوا عند البقاله...و سكر فلاح المسجل و التفت على رجوى... فلاح= رجوى اسمعيني زين.... صار يقول لها خطته...و هي تسمع بحماس... رجوى= خلاص فهمت سلمان بشك= أكيد؟ رجوى= إيه..يله نزلوا للبقاله و دخل سلمان و فلاح قبلها...و راحوا لثلاجة البيبسي و أول ما شافهم الهندي راح معهم بسرعه عشان يتأكد إنهم ما يخبون بجيوبهم أي شي كعادتهم... و بعد ما رجع معهم شاف رجوى واقفه عند كرسيه...و معها حلاوه... رجوى= بكم هاذي عمي الهندي؟ الهندي= ريال حاسبت و طلعت...و بعد لحظات طلعوا سلمان و فلاح و ركبوا السياره... فلاح= هاه قدرتي تآخذينها؟ رجوى بفخر= إيه و طلعت لهم من شنطتها...ست باكيتات... فلاح يآخذهن= لاااا بنت سوق صدق..أنا نظرتي ما تخيب رجوى فرحت= و أخذت لي حلاو و علك بعد فلاح يضحك= تستاهلينه..يله وين بيت جدتك؟ رجوى= وصلني لمكتبة السلام و اروح من هناك..تعرفها؟ فلاح= أفا عليك أنا حافظ كل شوارع الرياض رجوى= ايه من الدجه اللي فيكم سلمان= والله طويلة لسان! فلاح= خلها دام هاللسان بينفعنا وصلوها عند المكتبه و راحوا...و هي كملت طريقها فرحانه...و فتحت شنطتها...تطالع الحلاو اللي سرقته لرحيل و حياة...و ضحكت و هي تشوف الخمسين اللي سرقتها بعد من الدرج بس خبتها عنهم عشان ما يآخذونها منها... ••-------•?••?•{n}•?••?•--------•• الأستاذه= يله قولوا إذا كبرتوا وش تبون تصيرون؟ يله يا مها مها= أبي أصير أستاذه الأستاذه= و أنتي يا رحيل؟ رحيل= أبي أصير حجر البنات ضحكوا...و الأستاذه طالعت رحيل بعتب على بالها إنها تمزح...لكن ملامحها كانت جديه و تطالع البنات بقهر... الأستاذه بإستغراب= و ليه تبين تصيرين حجر؟ الحجر ما فيه شي حلو رحيل= أبي اصير حجر قاسي و ما يحركه أي شي و لا أحد يقدر يضره الأستاذه تحاول تغير أفكارها= بس أنا كنت اسأل وش تبين تصيرين إذا تخرجتي؟ رحيل= مين قال إني بأعيش..أصلا أنا بأموت قريب استنكرت الأستاذه أفكاره المتشائمه بهالعمر...و قررت تتركها و تكلم الأخصائيه عنها... و كلمتها...و الأخصائيه استدعتها...و استدعت مرة عمها...اللي حاولت تكلمها و تهتم فيها بعد هاليوم...بس رحيل كان قلبها خلاص تحجر...و رفض هالإهتمام المتأخر... ••-------•?••?•{n}•?••?•--------•• طلعت من المدرسه و شافت سيارة أبوها...ركضت لها بحماس...و ركبت و هي مبتسمه...كانت تبي تعطيهم تقريرها الشهري يشوفون درجاتها الكامله...و ابتسمت أكثر و هي تشوف أمها جالسه جنب أبوها... استغربت لأنها أول مره تجي مع أبوها...فكرت بفخر...(يمكن عشاني قلت لهم أمس إني بآخذ تقريري اليوم) لكن لا أبوها...و لا أمها...كانوا يمها...و لا واحد فيهم تذكر هالشي... اختفت إبتسامتها...و انكسرت فرحتها...و هي تسمع صوت المره اللي جنب أبوها...و اللي ما كان صوت أمها... هي= والله مو صاحي يا إبراهيم..ترى البنت بتعلم أمها عني إبراهيم يلتفت بنظرة تهديد= لا حياة ما تتكلم باللي ما يخصها نزلت راسها و عيونها امتلت دموع...و هي تعض على شفايفها بقهر... ساكته و تسمع كل كلمه يقولونها...و تحس بالكره...و الغضب...و القرف | |||||||||||
|  |
|
19-11-11, 01:21 PM
| #22 | |||||||||||
| نجم روايتي وعضو فعال في منتدى صحة ورشاقة
| .•.°.•?•n|[?الــبــــارتـ الـخــــامــســـ ?]|n•?.•.°.•. •• يـــوم الـجـمـعــــه •• طلعت رحيل لغرفتها أول ما رجعت من عند جدتها...و شافت بدور و مها في الصاله اللي فوق...و كشروا أول ما شافوها... وقفت تطالعهم بغرور...و كره... رحيل= سبحان الله لأنكم غاصبيني دائما أرجع لهالبيت و لكم...و لا وحده منكم طلعت من هالبيت...(تطالع بدور) فيه وحده راحت عليها خلاص..و الثانيه يمكن السبب اللي تبيه يطلعها من هالبيت هو السبب الوحيد اللي بيخليني اطلع من البيت..و أكيد ماراح اتنازل عنه تركتهم و راحت لغرفتها...و بدور تطالعها بقهر...و مها بصدمه... مها= تقصد سعود! أكيد تقصد سعود..معقوله عمتي قالت لها شي عنه؟ بدور= كرهي لهالبنت كل يوم يزيد..ليه ما يخلونها عند جدتها و نرتاح تركتها بدور و راحت...و مها تطالعها...تدري إنها جرحتها باللي قالته...بدور كانت الوحيده من بين صديقاتها اللي للحين ما تزوجت...و غيرها صار معهم عيال... لكن تفكيرها رجع للموضوع الأهم...سعود...و راحت تدق على وداد... وداد= مرحبتين مها= هلا وداد وش أخبارك؟ وداد= تمام مها= وش تسوين؟ وداد= كنت اتابع فلم..صح ما تدرين وش قالت لي الخدامه اليوم؟ مها= وش قالت؟ وداد= أنا قلت لك إن رحيل راحت عننا من الصبح صح؟ مها= ايه وداد= طلع اللي موديها مو السواق..سعود و الخدامه مها انقهرت...و تذكرت كلام رحيل...خافت يكون صاير بينهم شي... مها= وش صار؟ وداد= الخدامه تقول إن سعود كلمها و هي كانت تكلمه و تصرخ عليه وهو ما رد عليها مها بقهر= وش قالوا؟ وداد= مادري؟ الخدامه تقول ما فهمت من كلامهم شي..رحت سألت سعود قال تحلمين أنتي و الخدامه أنا كنت أسألها عن بيت جدتها يوم ضيعته.....حسيت إنه ما يبي يقول لي مها= هالبنت والله ما تستحي و معطينها وجه زياده عن اللازم لو تشوفينها كيف تكلم أمي و أبوي بغرور..والله ودي اذبحها وداد= غريبه هالرحيل!.....يوم رجعت ما قالت شي عن سعود مها= إن كان سعود ما قال هي بتقول! بس راجعه و شرها قدامها..أول ما شافتنا و حنا ما كلمناها هبت فينا سولفت معها شوي و سكرت...لكنها ما نست أبدا اللي سمعته...و كل الوقت تفكر...وش ممكن يكون هالحوار اللي دار بينهم...لدرجة إنه ما يقوله لوداد...(و هي كيف عرفت إني أحب سعود؟ كنت شاكه إنها ما جلست عندهم إلا عشان تقهرني...دائما احس إنها تتسمع علينا و تسكت و بدور تكذبني) ••-------•?••?•{n}•?••?•--------•• مشت رجوى في الحاره...لين وصلت بيتهم...و ابتسمت و هي تشوف أبوسعد ينزل من سيارته... رجوى= السلام عليكم يا أبوسعد أبوسعد= هلا يا بنتي و عليكم السلام رجوى...(بنتي!! والله التحطيم) دخلت للبيت...و تفاجأت و هي تشوف شهد و قمر اللي كانوا ينتظرونها في الحوش و هم ميتين ضحك... شهد تضحك= بنتي! هههه لا يكون كسر قلبك بهالكلمه؟ قمر تضحك معها= هذا اللي يعيش حب من طرف واحد رجوى= ضحكتوا بلا ضروس إن شاء الله...رضينا بالهم و الهم ما رضى فينا قمر= و لا يهمك رجووي يمكن أم سعد ورى الباب و يسويلها تمويه رجوى ترز نفسها= أنا أقول مو معقول ما ذاب في حبي..هو أكيد خايف من كذا شهد تشهق= صح نسينا نقولك! رجوى= أنا قايله أول ما شفتكم واقفين طقم كذا..إن عندكم مصيبه شهد= و مصيبه كبيره..أبوي انطرد من البقاله؟ رجوى انصدمت= ليـــه؟! شهد= المالك باعها..و اللي شراها بيسكرها و يفتح شي ثاني رجوى= و أبوي وش سوى؟ شهد= جاء أمس وهو قالب على إبليس..و حط حرته فينا و اليوم من العصر طلع و للحين ما جاء...و دعى علينا و عليك و على أمي و نسى يدعي على اللي شرى البقاله و طرده رجوى= تعالوا فوق نشوف وش بنسوي •• •• •• طلعت فوق...و شافت بدر و فيصل و بسمه في الصاله... رجوى= وين مشعل؟ شهد= طلع من الصبح و ما رجع رجوى= و أمك وين؟ شهد= في غرفتها تنوم حنين راحت لها رجوى...و شافتها جالسه و يدينها على خدها...راحت جلست جنبها...و أم مشعل ارتاحت يوم شافتها... أم مشعل= قالوا لك البنات؟ رجوى= ايه..ما قال أبوي وش بيسوي؟ أم مشعل= هو ما قال لنا من الأساس دخل معصب و هاوشنا و طلع لكن البنات سمعوه في الحوش يكلم أبوسعد و يقوله رجوى= يعني وش بيسوي؟ أم مشعل= مادري شكله طلب من أبوسعد يدور له شغل طلعت عنها رجوى و راحت لغرفتهم...و أخوانها لحقوها... رجوى= وش فيها وجيهكم كذا؟ اللي يشوفكم يقول خسرنا شركاتنا و تجارتنا..الله و البقاله اللي كان يشتغل فيها شهد= على الأقل كانت تصرف علينا..اللحين وش بنسوي؟ رجوى ببرود= اللحين نعيش على خلق الله لين يرزقنا الله..أنا بكره أروح أكلم أم علي..أكيد بتعطينا فلوس شهد...(و كأنه ما يكفينا اللي فينا بهالحاره..بنصير شحادين بعد) ••-------•?••?•{n}•?••?•--------• كان سعود جالس مع أصدقائه...لكن باله في مكان ثاني...يتذكر كلامها...(معقول الكلام اللي قالته عنهم صح؟ أو هي بس تدور لها حجج عشان تكرههم...مين الغلطان؟ هم أو هي؟) محمد= و أنت يا سعود مو ناوي تتزوج؟ سعود انصدم= هاه! ليش؟ محمد= شكلك مو يمنا؟ سعود= سرحت شوي..و ش كنت تقول؟ محمد= عبدالله تزوج و أنا خطبت..ما بقى غيرك..متى ناوي؟ سعود= مادري سعود...(وحده بديت اهتم فيها بس مو قدها و لا قد اللي بيجي منها..و الثانيه تعجبني و أدري إنها تهتم فيني....أي وحده أنسب لي؟) ••-------•?••?•{n}•?••?•--------• وصلوا للبيت...و شافت أم فايز في الصاله...و فايز عندها يشوف التلفزيون... أول ما شافتها أم فايز فرحت...و ضمتها بقوه... أم فايز= هلا يمه..وش أخبارك اللحين؟ حياة تبتسم= الحمدلله بخير أم فايز= تاخذين علاجك؟ حياة= ايه أم فايز= هدي نفسك يمه..و لا تهتمين لشي ما فيه شي يسوى صحتك حياة= إن شاء الله فايز يتدخل= هاذي هي قدامك مثل الحصان..ما يسوى كل هالخوف؟ طالعته حياة بقرف...و لا ردت عليه...لأن عمها كان فيه... حياة= بأروح لغرفتي أم فايز بنظرات اعتذار= روحي ارتاحي تركتهم و طلعت فوق...و أم فايز تلتفت على فايز... أم فايز= اللحين وش تبي في البنت؟ أبوفايز يتدخل= معه حق..البنت ما يصلح لها الدلع الزايد..و أنتي مدلعه هالبنت أكثر من بناتك لين طال لسانها تنهدت أم فايز بحزن...و سكتت...(الله يهديكم..مستكثرين على البنت حتى الكلمه الطيبه..الله يعين) •• •• •• طلعت حياة لغرفتها...و أول ما فتحت الباب شافت وفاء و و لاء اللي أول ما شافتها ركضت لها و ضمتها... وفاء= ألف حمدالله على السلامه يا قلبي ولاء تضربها= خوفتينا عليك حياة تضحك= عشان اعرف غلاتي عندكم وفاء= غاليه ما يحتاج تتأكدين حياة= وش أخباركم؟ ولاء= تمام وفاء= و بنات خالتك وش أخبارهم؟ حياة تفصخ عبايتها= الحمدلله ولاء= سوينا لك عشاء خاص..بنتعشى لحالنا في الحديقه حياة تبتسم= أريح ولاء= وش أخبارك اللحين؟ احسن؟ حياة تبتسم= لا تخافين أنا بخير ••-------•?••?•{n}•?••?•--------•• دخلت وداد الصاله...و شافت سعود جالس عند التلفزيون...جلست عنده... التفت عليها و شافها تطالعه... سعود= وش عندك؟ وداد= كلمت مها قبل شوي سعود= و إذا؟ وداد= تقول إن رحيل من يوم رجعت و هي ثايره عليهم و تتهاوش مع أي أحد قدامها سعود= مو هي دائما كذا...مثل ما تقولون؟ وداد= يعني كانت كذا أحيانا سعود= و عمي ما كلمها؟ وداد= لا..قال لا أحد يرد عليها..و يخلونها و هي بتسكت سعود انقهر= بس هذا مو حل...بسألك اللحين ليه وحده منهم ما تكلمها و تجلس معها..تحاول تفهمها إنها غلطانه و إنهم مو كارهينها مثل ما هي متصوره وداد= صعبه..مها من زمان ما تكلمها لين صاروا يكرهون بعض..حتى بدور ما أظن اللحين تهتم لها مثل ما كانت من سنين..و هي مو بالساهل تصدق أحد..أو حتى تسمعه حس سعود إن كلام رحيل اللي قالته فيه شي من الصح...هم مجلسينها معهم في البيت و تاركينها بحالها...بدون أي إهتمام حقيقي بالتواصل معها... سعود= و أنتي يوم جلست عندنا ما حاولتي تدخلين معها؟ وداد= بصراحه حاولت..هي محيرتني نفسي أعرف كيف تفكر..لو تتكلم و تضحك كيف شكلها..و ليه ما تحبنا......و كنت ناويه اتقرب منها و جربت مره وحده بس من يوم صدتني يوم كلمتها قلت وش حادني افشل نفسي قدامها و افرض حالي عليها كانت وداد تكمل كلامها...بس سعود تذكر كلام رحيل و اللي ينطبق على اللي جالسه تقوله وداد... سعود= و أنتي ليه تقولين لي هالكلام؟ وداد= كنت أبي أعرف وش قالت لك في السياره؟ من بعدها زاد شرها سعود= قالت اللي قالته..مو لازم تعرفين تركها و قام...و هي تطالعه بحيره... و سعود ما قال لها لأنه حس إن الفضول بس هو اللي خلاها تسأل...لأنه واضح إنها مومهتمه تقرب رحيل منهم...و بانيه أرائها على كلام بنات خاله... ما يدري هي كذا فعلا...أو هو تأثر بكلام رحيل و صدقها... ••-------•?••?•{n}•?••?•--------•• دخل أبوسعد للصاله بعد ما صلى الفجر في المسجد...و شاف أم سعد تنتظره و مجهزه القهوه... أبوسعد يجلس= السلام عليكم أم سعد= و عليكم السلام و الرحمه أبوسعد يتنهد= الله يهديك يا أبومشعل أم سعد= وش مسوي بعد؟ أبوسعد= ما سوى شي..بس البقاله اللي كان يشتغل فيها بيسكرونها و انطرد منها أم سعد= أجل كيف بيدفع هالإيجارات اللي متراكمه عليه لك؟ أبوسعد= أنا ما أجرت له البيت و أنا ادور من وراه فلوس..و إلا كان طردته من زمان يعني هو قد دفع شي يسوى..عياله على بالهم ساكنين بفلوسهم ما يدرون إن فلوس أبوهم تروح قبل يوصل الإيجار أم سعد= والله مادري وش تبي فيه هالرجال؟ ما فيه خير لا هو و لا عياله أبوسعد= مسكين و على قد عقله و ما يعرف يتصرف..ما يهون علي اتركه بيننا عشرة عمر أبوسعد= بس هذا أبو عيال المفروض يكون قد المسئوليه مو كل شي بيرميه عليك و يعتمد عليك فيه أبوسعد= لا تلومينه يا أم سعد..الحياة اللي عاشها هي اللي خلته كذا..كان يتيم عايش عند عمه اللي ما خلاه حتى يتعلم و رماه بمزرعته يزرع و يحصد..كان مثل الخادم لهم كل شغلته يودي و يجيب و يآكل اللي يبقى منهم و ينام..لين كبر و هرب منهم لأبو أمه اللي كان جارنا و هناك تعرفت عليه و علمته القرايه و الكتابه..بس هو ما كان عقله عقل دراسه تعود على الشغل بيده و كل همه كان يكسب فلوس حتى وهو ما يعرف كيف يصرفهن..و يوم مرض جده ما بغى يتركه لحاله وهو عارف إنه ما يقدر يصرف نفسه و زوجه أم رجوى على باله إنه بيتغير و يقدر المسئوليه..بس المسكينه ذاقت الويل معه..و يوم ماتت اختفى هو و بنته..تذكرين يوم دورت عليه بكل مكان و مالقيته..لين قابلته قبل ثلاث سنين و شفته على حاله ما تغير أم سعد= الله كاتب لعياله الحياه..و إلا أبي اعرف كيف عاشوا و كبروا و درسوا مع أبو مثله أبوسعد= ربك عوضهم برجوى انفع من أبوها أم سعد بضيق= ايه بس البنت طالعه ما تستحي و طويلة لسان أبوسعد= الله يستر عليها و يرزقها رجل صالح يعينها على همها ارتاحت أم سعد من كلامه اللي معناه إنه مو حاطها في باله...بس بعد ما كانت مرتاحه لجلستهم في بيتها...و لا يمكن تحبهم... ••-------•?••?•{n}•?••?•--------•• | |||||||||||
|
| |
|
19-11-11, 01:23 PM
| #23 | |||||||||||
| نجم روايتي وعضو فعال في منتدى صحة ورشاقة
| •• مــن بـكـــره •• صحت شهد و شافت رجوى في سريرها...جالسه تلعب مع حنين... شهد= ما رحتي للمدرسه؟ رجوى تتريق= إلا رحت حتى قربت أوصل شهد= ليه ما داومتي؟ رجوى= مالي خلق..و قلت أروح لأم علي الصبح احسن..أخاف العصر يصير عندها حريم سمعت من برى صراخ فيصل و بسمه...و قامت لهم... رجوى= خير وش فيكم على هالصبح؟ بسمه= فيصل اخذ سندويتشتي وهو قد أكل قبل رجوى= عطها لها فيصل= ما شبعت رجوى= و أنت وش يشبعك يا معصقل؟ أصلا أنت عندك خرق بالمعده مهما تاكل ماراح تشبع طلع مشعل من غرفته... رجوى= عاش من شافك أخ مشعل..للحين معنا بنفس البيت؟ مشعل= ايه للحين بنفس العش رجوى= وين بتروح ما تبي فطور؟ مشعل يطالع بالصحون شبه الفاضيه= هذا فطور؟ رجوى= ايه مو حنا أمس أعلنا حالة التقشف..بس أنت ما شهدت هاللحظه الأسطوريه مشعل= ما هي جديده تركها و نزل...و هي ما اهتمت...(مشعل يعرف يدبر نفسه ماراح يموت من الجوع) رجوى= يله..يله كل واحد على مدرسته دخلت المطبخ و شافت أم مشعل تغسل الصحون... رجوى= وينه أبوي؟ أم مشعل= من صلى الفجر أخذ شنطته و ما رجع للبيت تركتها رجوى و راحت للغرفه...و هي تفكر بأبوها...ما تغيرت عاداته...إذا صارت مشكله له...يروح و يختفي...و يتركهم لحالهم مو عارفين وش يسوون...و لا من وين يعيشون... جلست على سريرها...و هي تطالع حنين... رجوى= يله نروح حنين حنين بفرح= ويــن؟ رجوى= عند الجيران اخذتها معها و مرت على المطبخ... رجوى= أنا و حنين بنروح لأم علي أم مشعل= زين نزلت الدرج...و طلعت للشارع...و وقفت تراقب البيوت...كانت حارتهم فيها اللي على قد حاله...و فيها اللي حالته متوسطه...و فيه اللي بالنسبه لهم يعتبرون أغنياء... أم علي كانت وحده منهم...عجوز ساكنه لحالها مع خدامتها...و عيالها كلهم متزوجين و لاهين في حياتهم...مع إنهم يزورونها بالشهر مره...بس رجوى كانت تحس إن أم علي مو مكتفيه بهالزياره... راحت و دقت الجرس...و بعد لحظات فتحت لها الخدامه...و دخلت... رجوى= أهلين آمنه..كيف حالك؟ آمنه= زينه كتير رجوى...(أنتي و وجهك..اللحين أنا جايه اشحد و أنتي حالتك زينه كثير) رجوى= أم علي صاحيه؟ آمنه= ايه ادخل دخلت رجوى و سلمت عليها...و حنين راحت كالعاده مع الخدامه للمطبخ...تفطرها... أم علي= وينك يا بنتي من زمان عنك؟ رجوى= بهالدنيا و الدراسه أم علي= الله يوفقك يا رب..عاد نبي نسبه ترفع الراس رجوى= ما لقيتي إلا أنا! أم علي= إن شاء الله ربي يوفقك..بس أنتي اجتهدي شوي..وش أخباركم؟ رجوى= الأخبار شينه أم علي بقلق= اعوذبالله ليه و ش فيكم؟ رجوى= أبوي اطردوه من الشغل..و أكيد كعادته بيختفي لين يلقى شغل أم علي= لا حول و لا قوة إلا بالله..يعين الله يا بنتي رجوى= يا رب أم علي= تقهوي يا بنتي اللحين أرجع راحت أم علي...و رجوى صبت لها فنجال و هي مبتسمه...تدري وين راحت أم علي...تفهم على الطاير و أكيد راحت تجيب لها فلوس... رجعت و إبتسامه حنونه تزين وجهها... أم علي تمد لها الفلوس= اخذي يمه و إذا احتجتي أي شي تعالي يمي رجوى تبتسم= ما تقصرين يا خالتي جلست معها تقهويها و تسولف لها... وصلت حياة عند صديقاتها...و اول ما وصلت قاموا يسلمون عليها...و لينا ضمتها بقوه و صارت تصيح... هنادي بمزح= حمدالله و الشكر اللي يشوفك يقول ماتت..هذا هي قدامك وش حلوها لينا تمسح دموعها= حمدالله على سلامتك يا قلبي..والله آسفه حياة= أنا بخير لا تخافين..و خلاص انسي هالسالفه جلست معهم حياة شوي بعدين راحت لمحاضرتها...و هم راحوا لمحاضرتهم... في القاعه/ لينا= احس حياة تعبانه بس تكابر نوال= صح..وجهها شاحب و تحسينها مرهقه هنادي= خلاص أجل ريحوها من سالفة أهلها..مو كل شوي بنفتحها لها و نتعبها لينا= بس هذا مو حل؟ هنادي= صح مو حل بس هذا اللي بيدك..لينا مو كل الناس مرتاحه بعيشتها..و يمكن بعض الهموم نسيانها احسن..يعني البنت تتناسى همها و تحاول تعيش نجي حنا نقول غصب تذكريه نوال= صح يمكن كذا احسن ••-------•?••?•{n}•?••?•--------•• صحت الظهر...و نزلت تحت...مرت من عندهم في الصاله بدون تلتفت لهم...و لا تكلمهم... دخلت المطبخ و شافت مها...اللي طالعتها بكره...و حقد...و هي تتذكر كلام وداد... رحيل= وش تطالعين فيه؟ تقيمين نفسك قدامي..و تفكرين مين بيختار؟ مها بقهر= وش تقصدين؟ رحيل= أنتي تعرفين وش اقصد؟ مها فقدت صبرها= لا تغترين بنفسك..أنتي منظر على الفاضي و ما أحد يقدر يستحملك و يستحمل عقدك..الكل يعرف قلبك الأسود و حقده رحيل ببرود و قهر= تبين نتحدى؟ مها تعصب= أنتي وش تبين بالضبط؟ رحيل تبتسم بإستهزاء= أبي اشوفك مقهوره و الحسره تأكل قلبك مها= أنتي مجنونه و مو صاحيه رحيل بقهر= ايه مجنونه..بس جناني بيطلع عليكم سمعت أم أحمد صراخهم في المطبخ...و جت تركض لهم... أم أحمد= وش فيكم؟ رحيل تصرخ= دامكم ما تبوني ليه مجلسيني عندكم؟ عشان اشوف كل يوم كرهكم لي؟ اتركوني بحالي حرام عليكم تركتهم و طلعت...و هي توصل للدرج شافت عمها يدخل للصاله و معه أحمد اللي شكله ناداه بعد ما سمعهم يتهاوشون...لكنها كملت طريقها...و لا ردت عليه يوم ناداها... •• •• •• دخل المطبخ و شاف مها و أمها... أبوأحمد= وش فيكم. وش فيها رحيل؟ أم أحمد= تهاوشت مع مها أبو أحمد بعتب= أنا مو قايلكم اتركوها بحالها مها= يبه هي اللي مو تاركتنا في حالنا...كلمناها و عاملناها مثل اختنا ما نفع معها..تركناها ما كلمناها صارت هي اللي تجي و تتهاوش معنا غصب أبو أحمد يتنهد= الله يهديها تركهم و راح...و أم أحمد التفتت عليها... أم أحمد= زين كذا تضايقين أبوك؟ كان ما رديتي عليها مها= يمه ترى والله تعبنا من هالبنت..مو كل مره بنقدر نمسك نفسنا ما نرد على حضرتها و هي كلامها مثل السم و راحت عنها لغرفتها...اللي جلست فيها و القهر يملاها...و كلام رحيل و نظراتها ما تغيب عن بالها...(معقوله يفكر فيها؟ مع كل هاللي يسمع عنها؟ عشان جمالها يعني ما تهمه نفسيتها......و أنا معقول ما يفكر فيني؟) تذكرت سلامه لها...الصدفه اللي شافها فيها بغرفة وداد...و تعليقها عليهم... الذكريات اللي بينهم بطفولتهم... كل هذا معقول ما يتذكره إلا هي... •• •• •• في غرفتها جلست بعد ما سكرت الباب...و هي مرتاحه على أول خطوه سوتها...و كلها أمل إنها تجيب نتيجه و تطلع من هالبيت...و إلا لا هي و لا هم بيشوفون الراحه... لكن خطر على بالها كلام مها...يوم قالت إن سعود لا يمكن يفكر بوحده قلبها أسود...(أكيد يشوفني مثل ما هم يشوفوني..هو بنفسه قال لي هالشي..لكن...لكن....لكن وشو؟ هو بعد مثلهم..ما يختلف عنهم بأي شي..و أنا ما يهمني رأيه) ••-------•?••?•{n}•?••?•--------•• دخلت لينا للصاله...و شافت أهلها جالسين... لينا= مساء الخير الكل= مساء النور أم ياسر= وش أخبارها حياة؟ إن شاء الله احسن لينا= الحمدلله احسن..حتى لو ما كانت بخير بتخليك غصب تقتنعين إنها بخير أم ياسر= الله يعينها هالبنت على اللي فيها..سمعة أبوها بتظل ملاحقتها كل عمرها..للحين الجيران يذكرون سالفته و لا أحد بينساها عاليه= بس كذا ماراح يتقدم لها أحد..هي وش ذنبها؟ لينا= و مين قال لك إنها هي راضيه بالزواج من الأساس..تقدم لها كذا واحد من طرف أم فايز بس هي ردتهم عاليه= يعرفون عن أبوها؟ لينا= مادري..بس ما اتوقع..احسهم بس شافوها و أعجبتهم أم ياسر= والله البنت ما ينقصها شي ما شاء الله..الله يكتب لها النصيب اللي ترتاح فيه لينا= يمه ليه ما نزورهم..أنتي تعرفين أم فايز..عشان اشوف حياة دائما تعرفين عمها ما يرضى تطلع لأحد لحالها ياسر بعد صمت= ما اعتقد عمها بيرحب بهالزياره لينا بإستغراب= ليه؟؟ ياسر= حسيت من الضيق اللي بان عليه أول ما شافني..انصدم بوجودنا بالمستشفى و ما صدق نروح و نتركه أم ياسر= صح حتى جارنا عبيد تقول زوجته إنه قد صادفه بعزيمه و تهرب منه و طلع من العزيمه بكبرها عاليه= يعني مايبي يشوف أحد يعرف بالسالفه؟ ياسر= يمكن يخاف إن السالفه تنتشر أكثر..أو توصل لكل اللي يعرفهم أم ياسر= لا تلومونه معه حق..هذا عنده بنات و خايف على سمعتهم لينا تتنهد بضيق= الله يعين حياة عليه سرح ياسر بتفكيره...(الحمدلله إنها بخير..و الله يعينك على اللي تحملتيه..و اللي بتتحملينه) ••-------•?••?•{n}•?••?•--------•• دخل فيصل للصاله...و شاف شهد و أمه جالسين...انتبهوا للصندوق اللي بيده... أم مشعل= وش اللي معك؟ فيصل بفرح= هذا صندوق عنب من جارنا أبوهيثم شهد بقهر= أنت رايح تشحد؟ فيصل يبرر= لااا أنا واقف وهو ينزل أغراض بيتهم وهو قال لي آخذه شهد بإستحقار= واقف و مطير عيونك فيه..أكيد بيعطيك شي عن عينك فيصل تفشل= ....... طلعت رجوى من الغرفه...هي و قمر... قمر= ياااي وش هذا؟ فيصل بتردد= عنب من جارنا أبوهيثم رجوى تركض له و تآخذ الصندوق= يممم من زمان ما أكلته..يعيش و يجيب و نعيش و نآخذ هههه فيصل فرح= اغسل لك تآكلين رجوى تمسك وجهه و تهزه= أنت والله رجال البيت..اللي ما عمر أبوك و أخوك دخلوا بيدهم شي..أنت لك السبق أول واحد تسويها فيصل بفخر= خلاص أنا أصير أبوهم بعدك رجوى= مو أقولكم هالولد طماع..بيورث منصبي و أنا حيه!...بس أقولك ليه ما طلبت تفاح بعد والله مشتهيته قمر تضحك= هههه نروح نبدلهم رجوى تستهبل= ايه بس خلينا نآكل منه أول ههههه ••-------•?••?•{n}•?••?•--------•• كانت أم أحمد في المطبخ...و سمعت صراخ أحمد و صياحه...و ركضت للصاله و شافته بين يدين رحيل اللي كانت تضرب فيه بكل قسوه... راحت لها بسرعه...و فكته من بين يديها وهو يصيح من الوجع و القهر عليها...و يسبها... و هي طالعتهم بغرور...و راحت عنهم...و هي تسمع بقهر كلام مرة عمها....اللي كانت تهدي أحمد...و لا قالت لها اي شي... •• •• •• دخلت رحيل في غرفتها...و سكرت الباب بكل قوتها...و هي تردد كلام مرة عمها...(خلاص يا أحمد اترك بنت عمك بحالها..و أنتي ليه ما تخليني في حالي..تعبت منهم تعبت..إلى متى بتحمل يعني؟) صارت تضرب الأرض برجلها...تبي شي تطلع فيه القهر...بس مو لاقيه...تخاف اللي تسويه ما يقنع عمها يخليها تروح لجدتها...(معقوله كذبتي لمها تكون صدق؟ معقوله ما ألقى شي يطلعني من هالبيت إلا زواجي من سعود......وهو بيرضى؟ غصب عليه يرضى) ••-------•?••?•{n}•?••?•--------•• كانت غارقه في النوم...قبل تحس باليد اللي تهزها بخوف...فتحت عيونها...و شافت شهد ترتجف قدامها... شهد بخوف= رجوى..باب السطح مفتوح و اشم ريحة زقاير رجوى تجلس= أنتي وش صحاك و ليه رحتي السطح؟ شهد= كنت بأشرب ماء..و سمعت صوت مشي فوق و يوم وقفت عند الدرج شفت نور جاي من السطح نزلت من سريرها...و مشت ببرود...قبل تسحبها شهد... شهد بفزع= ويـــن؟؟ رجوى= ليه مصحيتني؟ مو تبين اشوف مين اللي فوق؟ شهد= بس..... لكن رجوى ما وقفت تسمعها...و تعدتها و راحت ترقى الدرج...و ما اهتمت لشهد اللي كانت تناديها بهمس...و خوف... وقفت عند باب السطح...و هي تشوف اللي توقعته... كان جالس و الزقاره بين يديه...يدخن و ينفخ الهواء بعيد...و باين إنها مو أول مره... رجوى تتقدم له= أووب من متى هالكيف أخ مشعل؟ مشعل فز بخوف...لكنه سوى نفسه مو مهتم...حتى ما طفأ زقارته...و عيونه تطالعها بترقب...عشان يعرف ردة فعلها على اللي تشوفه... مشعل= يعني وش منتظره من واحد بحالتي..و أهله بهالحاله؟ اجد و اجتهد و اطلع دكتور أو مهندس؟ رجوى تتسند على الجدار..وبإستهزاء= لاااا طبعا..أصلا تصير الحتوته سخيفه و مبالغ فيها و ما تصدق..المفروض تكون بهالشكل بالضبط..زقاير..و عشان تكمل الرجوله الفذه تترك المدرسه و تصيع..(و كملت بحماس)لااا و يا سلام عاد لو ادمنت مخدرات و بالمره تاجرت فيها أو احترفت السرقه أو حتى قتلت..عادي يعني ترى شي متوقع من اللي بحالتك..و بأحسن الأحوال تدخل الأحداث..أو ما يحالفك الحظ اللي عمره ما حالفنا..و تموت..يا إما جرعه زايده أو هوشه بين الضايعين اللي معك أو حادث يصيبك و أنت سكران...اختار لك أي موته و درجة البشاعه اللي تبيها..موته يستاهلها واحد مثلك و مثل حالتك اللي تعرفها...(و ببرود) ووو بس..و تموت..يمكن يصيحون عليك يوم..يومين بالكثير..و يسكتون..طبعا لأنك مو الأخو اللي بنتذكر له أشياء كثير حسنه سواها لنا..أنا عن نفسي ماراح اصيح..لأنك ما تسوى..عشت و مت و أنت ما تسوى.....هاه أخ مشعل هاذي الحياة اللي مو غريبه لواحد مثلك..بالتوفيق فيها..و الله يرحمك مقدما تركته و نزلت...و شافت شهد اللي كانت واقفه عند باب السطح تسمعهم تنزل وراها... شهد تصيح= رجوى..ليه ما هاوشتيه؟ كيف يدخن بهالعمر؟ رجوى بقهر= وقفي هالرشاشات اللي بوجهك مالها داعي..و عندك حل من الأثنين يا تروحين تسوين هالمسلسل الخليجي عند أخوك و عاد هو يتأثر و يقرر إنه من اليوم ينصلح حاله..أو تتبعين قاعدته و تصيعين مثله على الطريقه اللي تختارينها..طبعا لأن هذا اللي متوقع من ناس في حالتنا تركتها و دخلت الغرفه و نامت...و شهد للحين واقفه بمكانها تطالع بإستغراب...أول مره تشوف رجوى مقهوره...حتى لو ما بينت هالشي...بس هاذي طريقتها...تفرح تتريق...تحزن تتريق...حتى و هي معصبه تتريق... مسحت دموعها و طلعت للسطح...وقفت عند الباب و ابتسمت براحه و هي تشوف مشعل رامي الزقاره تحت رجلينه...و حاط راسه بين يديه...تتمنى ان كلام رجوى أثر فيه...و تكون هاذي آخر مره يدخن فيها.. شهد= مشعل مشعل فز و عطاها ظهره= نعم شكت إنه يمسح دموعه...حتى صوته كان مهزوز...لكن النور الخفيف اللي جاي من أنوار الشارع و هي واقفه بعيد عنه...ما خلاها تشوفه زين... شهد= قمت جوعانه بأسوي لي شاهي و شي آكله..تبي؟ مشعل= خلاص سويه و ناديني شهد= زين مشعل= رجوى وين؟ شهد= رجعت تنام نزلت و هي مرتاحه...صوته يدل على إنه تأثر...بس إلى متى هالتأثر بيستمر داخله... •• •• •• نامت على سريرها...و غطت وجهها...(عمري ما فكرت بهالشي؟ كلهم صاروا يكبرون و بيتغيرون..كيف بتكون حياتنا بعد سنه أو سنتين؟ وش نهاية كل واحد مننا؟) ••-------•?••?•{n}•?••?•--------•• •• بـعــد يـومـيـــن •• انتهت الحصه...و سلمى هزت رجوى اللي كانت بسابع نومه... سلمى= رجـــــــه يله قومي وقت الفسحه صحت رجوى و هي تتمطط بقوه...و تتثاوب...و التفتت تشوف الفصل اللي كان فاضي... رجوى= وين استاذه بدريه؟ سلمى تضحك= الله يرحم حالك..خلصت حصتها و راحت و جت استاذه عليا و راحت و أنتي تشخريــن علينا رجوى= و ليه ما صحيتيني؟ تزعل علي الاخصائيه اللحين سلمى= استاذه عليا قالت خليها نايمه أريح..نوم الظالم عباده رجوى تتلفت= وين تهاني؟ سلمى= قلت لها تروح تشري لنا لين اصحيك و نلحقها رجوى براحه= الحمدلله كل يوم بأنام عشان تفطروني سلمى تضحك= وش الجديد صاحيه أنتي أو نايمه حنا دائما نفطرك رجوى تقوم= هاذي الصداقه و إلا فلااااا ••-------•?••?•{n}•?••?•--------•• نزلت رحيل...و التعب باين بوجهها...من يومين و هي ما تنام زين...كل تركيزها صار بطلعتها من هالبيت...و اللي قهرها إنها صارت تستفزهم و هم ما يردون عليها...كأنهم استكثروا عليها...تنفس عن هالكره...و الغضب اللي بداخلها... مرت من عند أم أحمد في الصاله...تعدتها للمطبخ...لكنها رجعت...و لأول مره كلمتها بهدؤ... رحيل= أنتي ما تحبيني..و لا بناتك..مره وحده سوي لي شي أبيه..سوي شي لله...خليني اطلع من هالبيت...إن كان ما تهمك راحتي..اهتمي براحتك..براحة بناتك...عيشوا حياتكم و انسوني...خلوني انساكم يمكن أقدر ارتاح أم أحمد بصدمه= و أنتي ليه ما تريحينا و تقولين ليه تكرهيننا كذا؟ طالعتها رحيل بقهر...و كره...و تركتها و راحت...(ماراح أريحكم..خلكم طول عمركم تسألون عن الذنب اللي سويتوه فيني..عن الروح اللي ذبحتوها و بعد ما صارت رماد جايين تدورون عليها) ••-------•?••?•{n}•?••?•--------•• | |||||||||||
|
| |
|
19-11-11, 01:24 PM
| #24 | |||||||||||
| نجم روايتي وعضو فعال في منتدى صحة ورشاقة
| وصلت للبيت...و دقت الجرس...لحظات و فتحت لها بسمه... بسمه بفرح= رجوى أم هيثم ارسلت لنا غداء ريحته تهبل و فيه لحم رجوى= عسى بقى لي شي..و لا انقضيتوا عليه؟ بسمه= لا شهد قالت ننتظرك رجوى تدخل= والله هالبنت احسها مو من عائلتنا! طالعه مؤدبه مادري على مين؟ طلعت للصاله...و شافتهم مع أمهم جالسين... رجوى بتفاخر= عشان تعرفون قيمة فوكيراتي الخطيره يوم نشرت في الحاره خبر طرد أبوي و إختفاؤه..يا رب لك الحمد أمس عشاء من أم علي و اليوم غداء من أم هيثم قمر= هههه أجل أكيد أم موسى بترسل لنا العشاء اليوم رجوى تضحك= شكلي بأقترح عليهم يرتبون لهم جدول عشان ما يجينا عشاوين نفس الوقت أو نجلس يوم بدون عشاء فيصل بضيق= يله رجوى بدلي ملابسك...ميت جوع رجوى ترمي عبايتها عند الباب= و مين سمعك..حتى أنا ميته جوع جيبوا الغداء قامت أم مشعل و شهد يجيبونه...و رجوى جلست بمريولها...جلست جنبها حنين... حنين= ردوى دبتيلي حلاو رجوى= إيه بس بعد الغداء عشان نأكله كلنا فيصل+بدر= حتى حنا جبتي لنا؟ رجوى= إيه بسمه= و أنا؟ رجوى= و أنتي أولهم حطوا الغداء...و جلسوا يتغدون... رجوى= و أخوي مشعل وينه؟ قمر تضحك= حلوه أخوي! رجوى= عشان نتذكر انه يقرب لنا شهد= مشعل أمس ما نام في البيت رجوى= أشك إن هالولد طايح له على عجوز مريشه و متزوجها مسيار قمر تضحك= هههه تخيلي شكله! رجوى انبسطت على السالفه= تلقين لابس لك بجامه ساتان حمراء مقلمه بأخضر يقالك بيقلد الأفلام و يغري هالعجوز بس خبرك فيه ما عنده ذوق أو أي حس فني على قولة حيحو بسمه بحماس= و هي وش لابسه؟ كلهم ضحكوا عليها... شهد= خربت البنت من بدري! رجوى= إيه حقنتيها بهالمسلسلات و الأفلام منذو نعومة أظافرها شهد تسكتها= لابسه ثوب طوييييل بسمه بإعتراض= تكذبين علي اللي تتزوج تلبس قميص نوم قصير رجوى تضحك= ههههه خبره و الله هالبنت خبره! قمر= الظاهر هي اللي متزوجه مسيار رجوى تطالعها بشك= بسمووه..إبتدائي يطلعون بدري و أنتي تجين متأخره نص ساعه(تصرخ عليها) اعترفي وين تروحين؟ بسمه صدقت و بزعل= انقلعوا أنا ما تزوجت قمر= عاد وش هالزواج بعز الشموس؟ رجوى= هذا هو الحب الحار..ما سمعتي الشاعر اللي يقول..اشتقتلك شوق من القلب ماصار..شمس القوايل كل ظهر تزيده شهد= الظاهر أنتي اللي متزوجه رجوى= والله فكره! اتزوج واحد بيته بنص الطريق..و أرتاح عنده و اتغدى و أقيل و العصر أجيكم فيصل= وش يجيبك اجلسي عنده من زين بيتنا يعني؟ رجوى تقوم= مايطاوعني اترككم يالقرود على قولة أبوي...(و بتهديد)بأروح أخمد اسمع إزعاج واحد فيكم والله لا أهد وجهه بدر= زين عطينا الحلاو قبل تنامين رجوى تضحك= و أنتم صدقتم! كنت بس أبي اذوقكم فرحة العز شوي راحت تغسل و هي تسمع إعتراضاتهم...و صياح حنين...بعدها راحت تبدل ملابسها و تنام... ••-------•?••?•{n}•?••?•--------•• الساعه العاشره مساء/ شافت وفاء تدخل عندها... وفاء= أبوي معزوم على العشاء حياة بفرح= والله! و فايز بيروح معه؟ وفاء= ايه تعرفين أبوي لازم يرزه بكل العزايم حياة بتريقه= ايه طبعا هذا الولد اللي لو كان ما جاه الله أعلم وش حالكم اللحين؟ وفاء= تدرين إذا قلت لصديقاتي إن أبوي كان يقول لأمي لو ما جابت ولد بيتزوج عليها يضحكون علي..ما يتخيلون إن للحين فيه أحد يفكر هالتفكير حياة بقهر= تخلف..وش بتقولين؟ وفاء بحزن= أنا عادي عندي يحب فايز..أكيد بيحبه عشانه الولد اللي بيشيل اسمه..لكن اللي يقهرني إني أحس انه ما يحبنا..ما أحس إننا نعني له شي..بالعكس و كأننا حمل ينتظر يرتاح منه..ما يهتم فينا و ما يثق فينا حياة بحيره= باسألك سؤال أنتي تحبين أبوك؟ وفاء= أكيد حياة بقهر= ليه؟ وفاء بدون تفكير= كيف ليه! هذا أبوي مهما كان قاسي مهما كان عصبي..بس بيظل أبوي و له إحترامه و حبه و تقديره..لأني ما اتخيل حياتنا بدونه هو سندنا بهالحياة..إن كان له عيوب كثير فأكيد له عذر في هذا..ولو كان مخطي بحقنا أدعي ربي يغفر له و يهديه..لكن لو بأخسره احس إني خسرت كل شي كانت متأكده إن كلامها ماراح يعجب حياة...و إنها بتسمع إعتراض عليه...لكنها يوم رفعت راسها انصدمت من ملامح حياة المذهوله...و الجامده...لا حظت الدمع اللي ملأ عيونها...و شفايفها اللي ترتجف... وفاء بقلق و صدمه= حياة وش فيك؟ حياة تقوم و تطلعها برا= اطلعي يا وفاء تعبانه و أبي اجلس لحالي طلعت وفاء بدون أي إعتراض...و سمعت حياة و هي تقفل الباب...كانت تبي تقنع حياة بتصرفات أبوها و تلقى له مبررات...ما تبيها تكرهه حتى هو لهالحد...يمكن تلقى فيه عوض عن أبوها...لأنها كانت تخاف من أي مواجه لأبوها مع حياة وش بيصير فيها...بس ما توقعت ردة فعلها تكون كذا...(أكيد ذكرتها بأبوها..اللي أفكر فيه صح..هي تكرهه و لا بتسامحه على اللي سواه..للحين قهرها كبير..وهو اللي مأثر على أفكارها و مشاعرها..هو سبب كل هالتعب اللي هي فيه) ندمت إنها قالت اللي قالته...مو قدام حياة بالذات كان المفروض تتكلم عن الأبوه...لأن اللي يسويه أبوها مهما كان...لا يمكن يقارن باللي سواه أبوحياة... •• •• •• كانت في غرفتها...قدام لوحه بيضاء للحين ما رسمت فيها شي...كرهت بياضها...كرهت صفائها...اللي ما يشبه أبدا حياتها...و أفكارها... و أخذت فرشاتها و الألوان...و صارت تفرغ كل القهر فيها... ••-------•?••?•{n}•?••?•--------•• صحت رجوى...و هي تشوف قمر جالسه على سريرها بجنبها...و تحط مناكير... ابتسمت بخبث...و مدت رجلها وضربت يدها... قمر تصرخ= لاااااا..رجوى عمى إن شاءالله..انحاس شكله رجوى تلبس نظاراتها= أكثر من هالعمى! ادعي بشي جديد..صمم..بكم خلي يصير عندي كوكتيل عاهات قمر= حمدالله و الشكر! صاحيه كارهه العافيه أنتي؟ رجوى= أنا أحب العافيه بس العافيه ما تحبني....روحي سوي لنا شاهي قمر= قولي لأمي شوفيها في المطبخ...بعدين وش هالنوم كله؟ متنا نصحيك مو راضيه رجوى= نايمه على راسك أنا كيفي..الحلم كان طويل و حلف علي ما أقطعه طلعت رجوى و شافت شهد و بسمه يتفرجون على التلفزيون... رجوى تصرخ= أم مشعل سوي لنا شاهي يصحصحني فزت شهد= بسم الله من وين طلعتي؟ رجوى= من ذا رووم..لا لا نجحت بالإنقليزي صرت شاطره و عندي ثقافه شهد= ان كانت هاذي ثقافه أجل أنا بأصير عبقريه راحت رجوى تتوضأ و تصلي...و بعدين جت و نامت على رجلين شهد... رجوى= وش هالفلم؟ وش قصته؟ شهد= انتظري إذا جاء الفاصل أقول لك ضم البطل البطله...و رجوى التفتت على بسمه... رجوى= غمضي عيونك بسموه لين أقول لك افتحيهم بسمه تغمض= يا سلام أبي اشوف الفيلم رجوى= أنا أقول خبرتك من وين جايه؟.......يله فتحي شهد بتريقه= تعجبني الأخلاق اللي تهب عليك فجاءه رجوى تضحك= هههه موسميه..ما تهب إلا بالمناسبات دخلت أم مشعل و معها صينية الشاهي... أم مشعل= قمر تعالي اشربي شاهي قمر من داخل الغرفه= اللحيـــن أجـــي جلسوا كلهم يشربون...و يتابعون فيلم...ورى فلم... و بعد ساعتين...دخل بدر... أم مشعل= وين حنين؟ بدر= تركتها مع فيصل...أبي شاهي شهد تصارخ= خلاص اسكتوا خلونا نسمع.....اتوقع تسافر قبل تشوفه قمر= لا صديقتها قالت له أكيد يلحقها رجوى= يمكن أمها اللي قاتلته؟ شهد تضحك= هههه صح النوم..هذاك الفلم خلص و جاء غيره رجوى بإعتراض= ليه ما قلتولي؟؟؟ قمر بتريقه= أنا أبي افهم أنتي على أي أساس تتابعين..إذا كنتي مو عارفه وش القصه و لا وين الأبطال رجوى= وش أسوي كلهم أشكال بعض..بعدين الترجمه تروح بسرعه مادري كيف تلحقون عليها •• •• •• بعد ساعه/ كانوا يرقصون على أغنيه عراقيه...و الصاله قالبينها فوق تحت...و أم مشعل جالسه تخيط زرار بمريول رجوى... دخل فيصل= هيــه أنتم أم سعد تدعي عليكم رجوى تلف له= الظاهر ما بقى أحد في الرياض ما دعى علينا..خلها هالمره عن نفسها تدعي هي أم مشعل بإستغراب= وين حنين؟ فيصل= رجعت مع بدر وقفوا البنات و التفتوا عليه... رجوى= بدر رجع من ساعه و قال إنها معك فيصل= لا أنا شفتها مشت وراه أم مشعل تشهق= بنتي! راحت رجوى لفيصل و هي تضربه بقهر... رجوى= و ليه ما قلت له إنها راحت وراه عشان يشوفها....يله اذلف دورها أنت و ياه شهد بخوف= أكيد ضاعت رجوى بقلق= البسوا عباياتكم خلونا ندورها...أم مشعل خليك في البيت يمكن أحد يجيبها و طلعوا يدورونها...و تركوا أم مشعل و بسمه مع خوفها...و حزنها...و دموعها... ••-------•?••?•{n}•?••?•--------•• نزلت ولاء من فوق...و راحت لوفاء و أمها و هم يتعشون... ولاء= طقيت عليها الباب ما ردت أم فايز= يمكن نامت سرحت وفاء و هي تحس بتأنيب الضمير...لأنها تدري إن حياة مو نايمه...بس أكيد للحين متأثره باللي قالته لها...(غبيه أنا..توها طالعه من المستشفى تعبانه أروح افتح لها هالسالفه من جديد) •• •• •• في غرفتها تأخر الوقت...اللي راح و هي مو حاسه فيه...لها ساعات واقفه ترسم...ما سكنت يدينها لحظه... و أخيرا حست بالتعب و الراحه بنفس الوقت...بعد ما طلعت كل اللي في داخلها على بياض اللوحه...و تركتها بألوان سوداء...حمراء...رماديه... ألوان كئيبه...مثل كآبتها...و لوحه حزينه تعكس الألم داخلها... جلست و سندت ظهرها على الجدار...و عيونها مركزه على الرسمه اللي قدامها... نقلت نظراتها على ظل الرجل اللي في لوحتها...ظل أسود هزيل و الحزن باين من جلسته...مسجون بين قضبان رماديه...قاسيه...و موحشه...حتى الأرض اللي جلس عليها كانت بلون الدم... كذا هو بقلبها...كذا هو عنها.....بعيد... بينهم شي لا يمكن يجمعهم مره ثانيه...بينهم ذنب...و روح... بينهم عقاب ما تدري مين منهم يستحقه... | |||||||||||
|
| |
|
19-11-11, 01:25 PM
| #25 | |||||||||||
| نجم روايتي وعضو فعال في منتدى صحة ورشاقة
| من ساعه...و هم قالبين الدنيا عليها...لين بعض الجيران عطفوا عليهم و هم يدورونها بهالوقت و طلعوا يدورون عليها... رجعت رجوى و شهد و قمر للبيت...و أول ما دخلوا شافوا أم مشعل تنتظرهم عند باب الشارع... أم مشعل تصيح= مالقيتوها؟ رجوى= لا أم مشعل= أجل ليه رجعتم؟ رجوى= أبوهيثم و أبوسعد طلعوا يدورونها و قالوا لنا نرجع أم مشعل بخوف= خلونا نبلغ الشرطه..أخاف مخطوفه رجوى= أبوسعد يقول بيدورونها بالحارات القريبه ولو و ما لقيناها بيروح يبلغ جلسوا كلهم في الحوش...ينتظرون أحد يطمنهم... شهد بقهر= لو أبوي فيه أو مشعل! رجوى= ولو كانوا فيه يعني؟ الله و النفع اللي فيهم أم مشعل تصيح= البنت بتروح و حنا حاطين ايدينا على خدنا رجوى بقلق= أوووف..شكلي بأروح اقول لأم هيثم تدق على زوجها يبلغ الشرطه لفت طرحتها...و لبست نقابها و طلعت... كانت بتروح لبيت أم هيثم...لكنها شافت سيارة أبوسعد...لمحت حنين فيها...و ركضت له...و قبل يوقف و هي فاتحه الباب و ضامتها بقوه... رجوى= يا حماره...ما يسوى قلبي يوقف عليك يالدوده و صارت تضربها...و كأنها مسئوله عن ضياعها...و بعد ما صاحت رجعت تضمها من جديد... رجوى= مشكور يا أبوسعد أبوسعد= ما سويت شي يا بنتي..الحمدلله اللي تطمنتم عليها دخلت رجوى للبيت...و أول ما شافوها صرخوا كلهم...و ضموها... رجوى= خلاص البنت سلمها ربي من الخطف بتموت في يدينكم! أم مشعل= وين لقوها؟ رجوى تضرب راسها= تصدقين نسيت اسأله؟...حنونه وين كنتي؟ حنين= فيه ردل اخدني البيت و عطاني حلاو..و امهم دلستني بالمرديحه رجوى= مالت عليك البنت عايشه بعز..و حنا هنا متقطعين عليها..عساك المغص من هالحلاو اللي أكلتيه شهد= رجيـــو لا تدعين عليها أم مشعل= العيال وينهم؟ يمكن ما يدرون إننا لقيناها رجوى= احسن خليهم يفترون لين تتكسر رجلينهم..عشان ثاني مره تتفتح عيونهم و مخوخهم ما خلصت كلامها...إلا و هي تسمع طق على الباب... رجوى من ورى الباب= نعـــــــــم فيصل= حنا افتحي رجوى= و الخيبه..مين قال بأفتحلكم أنتم اليوم بتنامون في الشارع لين تتأدبون فيصل+بدر برجاء= لا رجوى والله آخر مره..تكفين رجوى= لا خلكم يمر الهندي اللي ضربتوه أمس و يخطفكم سمعت صياح فيصل...و ضحكت...بعدها فتحت لهم الباب...و ضربتهم على القهر و الخوف اللي سببوه لها...و بعد ما صاحوا كلهم ارتاحت... رجوى= يله اللحين نسوي حفله بمناسبة رجعة دودتنا(و كملت كأنها بخطبه سياسيه)و هذا إن دل على شيء..إنما يدل على أن قرود صالح..باقون...بااااقووون شهد= خلااااص اسكتي فضحتينا ••-------•?••?•{n}•?••?•--------•• •• مــن بـكـــره •• كانت وفاء و ولاء يجهزون الفطور في المطبخ...و وفاء ما نامت من أمس...تحس بندم و قلق على اللي قالته لحياة...خاصه و هي تشوفها للحين ما طلعت من غرفتها... التفتت ولاء على وفاء اللي كانت سرحانه...و إبريق الشاهي يغلي قدامها و هي مو حاسه فيه... ولاء= وفااااااء فزت وفاء...و انتبهت لغليان الماء و حطت أكياس الشاهي... ولاء= وين رحتي؟ وفاء تتنهد= حياة من أمس ما طلعت من غرفتها و لا أكلت! ولاء بضيق= شفتها أمس بالليل نزلت للمطبخ اخذت لها كاس ماء و طلعت..ملامحها غريبه حتى إني خفت اكلمها شافوها تدخل للمطبخ...و عيونها زايغه من التعب...و وجها شاحب... كانت لابسه تنوره سوداء و بلوزه بيضاء...تقارب لونها مع شحوب وجهها... حياة بصوت تعبان= صباح الخير ولاء+وفاء= صباح النور راحت تشرب ماء...و وفاء تطالعها بقلق... وفاء= حياة اسويلك سندويتشه؟ حياة= مو مشتهيه وفاء برجاء= بس أنتي كل أمس ما كلتي! حياة= ما أحس إني جوعانه وفاء= زين لا تداومين اليوم شكلك تعبانه حياة تروح= مالي خلق اجلس في البيت مشت خطوتين...لكن ما أوصلت للباب إلا و هي تفقد توازنها...و تطيح على الأرض... شهقت وفاء و ولاء و ركضوا يمها...شالوها عن الأرض و حاولوا يصحونها... ••-------•?••?•{n}•?••?•--------•• بعد الحصه الأولى/ التفتت تهاني على رجوى... رجوى تشهق= ....... تهاني= وش فيك؟ رجوى تطلع من شنطتها حلاو= يووو وش هذا ما أذكر إني أخذت هالكثر سلمى تاخذ وحده= متى لطشتيهن؟ رجوى= الصبح مريت البقاله اشري لي عصير و شفت هالحلاو رحمته من شهر ما تحرك شكل ما عليه سوق تهاني= لا ابشرك إنك قضيتي عليه رجوى= لا تخافين العلبه مليانه و لا ظنيت احد يشريه لو اعجبك اجيب لك بكره سلمى تكشر= وااااع بالحليب!! رجوى تضحك= هههه انا شاكه من يوم شفت العلبه كامله من شهر..الحمدلله ما ذقته تهاني= راحت مواهبك على الفاضي..ثاني مره إذا بغيتي تسرقين تنقي شي زين رجوى= مو على كيفك تتنقين..ترى السرقه لها شروط..و الشي المسروق له مواصفات سلمى بسخريه= لا والله ليه ما تألفين لك كتاب! رجوى= لا خليها ميزات حصريه لي..حرام نقطع رزق هالبقالات..مع إنهم المفروض يوم اطردوا أبوي من المهنه اسوي عليهم إنقلاب ••-------•?••?•{n}•?••?•--------•• في المستشفى...طلعت وفاء من الغرفه اللي فيها حياة...و راحت لأبوها اللي جالس على الكراسي في الممر ينتظرهم... وفاء= يبه بيطلعونها بعد أربع ساعات أبوفايز عصب= ليه أربع ساعات؟ وفاء= لين تطلع نتيجة التحاليل..و حطوا لها مغذي أبوفايز بضيق= لو أدري كان خليت فايز يجي و يجلس معكم..لازم أروح المدرسه عندي إجتماع ما تدري كان يسألها أو يكلم نفسه...لكنها ما ردت...خافت تقوله يروح للمدرسه و ما يقلق عليهم...بس خافت يشك فيها...و يفكر إنها تبيه يتركهم لحالهم...(اسكت احسن وهو يقرر وش يسوي) أبوفايز بضيق= ليت أمك اللي جت....خلاص أنا بأروح المدرسه و أول ما تخلصون دقي علي..لا تتحركون من هالغرفه لين أجي..فاهمه؟ وفاء= إن شاءالله يبه أبوفايز= يله ادخلي تركته وفاء و دخلت عند حياة... ••-------•?••?•{n}•?••?•--------•• صحت رحيل...لكنها ما تحركت من سريرها...تعبانه و مالها خلق تشوف واحد فيهم... كل اللي تسويه ما جاب لها اللي في بالها...(ليه يتحكمون فيني؟ ليه يبوني اعيش مع كرههم العمر كله؟ يكفي..قلبي قسى بسببهم..حتى الناس اللي مالها دخل صرت اكرهها..لأني مو لاقيه بداخلي أي مشاعر غير الحقد و القهر و الكره) تذكرت بضيق حياتها اللي راحت...أيام عمرها اللي عدت عليها...و قارنتها بحياة غيرها... الكل عاش حياته...فرح...و ضحك...و ذاق طعم النجاح...تحمس لأشياء...و تعرف على ناس....مر في حياته كثير... إلا هي...من سنين مسجونه بكرهها و أحقادها...فاقده كل معنى للحياه... ••-------•?••?•{n}•?••?•--------•• كانت جالسه من نص ساعه عند حياة...اللي كانت نايمه بتعب و لا هي حاسه بشي... تطالعها بأسى و حزن على حالها...اللي ينقلب بلحظه...و هي تحس بالندم على اللي قالته أمس... جت في بالها فكرة الدكتور النفسي...مين احسن منه يقدر يساعدها...و ينصحها كيف تهدي حياة و تتكلم معها عن اللي داخلها... هزت راسها بقوه تنفض هالفكره المجنونه عن راسها... كيف بتكلم واحد ما تعرفه...و تقوله أشياء خاصه لهالدرجه...كيف تفضح حياة و أسرارها عند غريب...و مين الدكتور اللي بيوافق يعالج عن بعد... و الأكثر من كل هذا...من وين تجيب الجرأه عشان تكلمه بالسر...بحياتها ما كلمت أي رجل غير أبوها و عمها و خوالها الأثنين اللي ما تشوفهم إلا في الإجازات...حتى و هي تكلمهم تنحرج و تتلعثم... تنهدت بضيق...و هي تحس بنفسها عديمة الحيله...و ما تقدر تنفع حتى اللي تحبهم... التفتت تطالع حياة...وجهها شاحب...و التعب يغطي ملامحها...تخيلت شي يصير فيها...المره اللي راحت إنهيار عصبي...و اللحين طايحه قدامها من الضيق والتعب... خافت يجي يوم...و تضعف قوتها أكثر...خافت يجي شي ما تستحمله...خافت تكون نهايتها مثل نهاية أبوها... ارتجفت لهالفكره...و هي تتخيل حياة بهالعمر الصغير بمصحه نفسيه... بدون شعور وقفت و طالعتها بإصرار...قبل تطلع من الغرفه...(ماراح انتظر لين يصير لك شي و أنا واقفه اتفرج..و اتعذر بخوفي...ربي يستر..ربي يعطيني على قد نيتي) مشت في الممر...و قلبها يدق بقوه...مو عارفه وين تروح...و لا عارفه كيف بتقوله...أو حتى وش بتقوله... راحت لموظفات الإستقبال... وفاء= لو سمحتي الموظفه= نعم أختي وفاء بتردد= آآ كنت..باسأل..الدكتور النفسي..يعني..وين مكتبه؟ الموظفه= في الدور الأول (و تأشر بيدها) الباب اللي آخر الممر يوصلك للقسم النفسي وفاء خطرلها شي= فيه دكتوره؟ الموظفه= لا والله أختي ما فيه غير الدكتور بسام تركتها وفاء...و راحت للقسم و هي تمشي بتردد...لين شافت نفسها واقفه عند باب مكتبه... كانت تحس إنها بأي لحظه بتغير طريقها و ترجع مكان ما جت... حاولت تشجع نفسها...و تدق الباب...لكن يدها المرتجفه ما طاوعتها... و انفتح الباب فجأه...و هالشي خلاها تشهق بخوف...لكنها تنفست براحه و هي تشوف الممرضه هي اللي طلعت... و قبل تتراجع و تخونها الباقي من شجاعتها...سألتها... وفاء= أقدر أقابل الدكتور؟ الممرضه تتعداها= مو موجود ارتاحت وفاء...و هدت دقات قلبها المتسارعه... لكن هالدقات رجعت تزيد...و هي تشوف الممرضه تلتفت عليها... الممرضه= الدكتور بسام وصل تركتها و راحت و وفاء التفتت للباب...و شافته يمشي بإتجاهها...وقف قلبها و هي تشوفه...و وقفت متصنمه مكانها مو قادره تتحرك...و عيونها متعلقه فيه... تقدم منها وهو يطالعها بإستغراب...لين وقف قريب منها... د: بسام= نعم أختي تنتظري؟ كانت بتتكلم لكنها مالقت صوتها...هزت راسها بلا...و تعدت من قدامه و هي تمشي بسرعه... كانت تقريبا تركض بالممرات...و قلبها يدق بقوه...و لا تطمنت إلا و هي تدخل الغرفه عند حياة و تجلس على الكرسي بتعب و هي تلهث...(ما تخيلته شاب توقعته كبير!! لا و سعودي بعد! كيف كنتي تبين حياة تتقبله يمه؟) تذكرت شكله...نظراته المستغربه...إبتسامته الخفيفه وهو يسألها...و تنهدت بقوه...و طالعت يدينها اللي للحين ترتجف...(سامحيني يا حياة ما قدرت..و الله ما قدرت) •• •• •• كان واقف للحين يطالع الباب اللي راحت معه...وهو يتذكر كيف كانت تطالعه بذهول و تركيز...و لا فاتته الرجفه اللي بيدينها... واضح إنها كانت تنتظره...كانت واقفه عند مكتبه...و إنتبه للممرضه اللي تأشر لها عليه...(جايه تشوفني! شكلها كانت جايه تشوفني! بس ليه ما تكلمت؟ معقوله تكون؟......إنسى يا بسام..إنسى هالسالفه..بعد كل هالسنين مستحيــل) ••-------•?••?•{n}•?••?•--------•• أبوأحمد= وش أخبارها رحيل معكم اللحين؟ أم أحمد= لا تشغل نفسك يا ابوأحمد..هالخلافات تصير بكل بيت ابوأحمد يقوم لشغله= الله يعين تركها و طلع...و شاف بدور تدخل... بدور= صباح الخير يبه أبوأحمد= صباح النور يا بنتي..وش أخبار صداعك اللحين بدور= الحمدلله احسن أبوأحمد= متاكده ما تبين تروحين للمستشفى؟ بدور= لا يبه تطمن ما فيه شي يستاهل أبوأحمد= الحمدلله تركهم و طلع...و هي جلست عند أمها... أم أحمد= أبوك يسأل عن رحيل و اللي تسويه بدور= سمعته..بس ليه ما قلتي له عن اللي صار..خليه يكلمها أم أحمد= و هي من متى تعبر أبوك أو تحترمه..إلا تنكد عليه و بس بدور= تسوي كل هذا بدون سبب..بس تبي تسكن عند جدتها.....يمه ليه ما تخلونها على راحتها؟ أم أحمد= تعرفين إن أبوك ما يبي يرمي بنت اخوه بعيد عنه ما يدري وش يصير فيها..بعدين لو كان لها خوال يمكن تركها تروح..بس هي ما عندها غير هالجده الكبيره..و اللي مو عارفين متى يجي يومها..بعدين ما تشوفين رحيل كيف ما تعرف تسوي شي و لا تعرف تتصرف بنفسها كيف بتجلس في بيت لحالها مع جدتها ••-------•?••?•{n}•?••?•--------•• كان يمشي في الممر رايح لمكتبه...و قابل الدكتوره ريهام... د:بسام بإبتسامه= صباح الخير دكتوره د:ريهام= صباح النور يا دكتور بسام د:بسام= أخذتي الإجازه؟ د:ريهام= بعد شهرين إن شاء الله..آه افتكرت..تعرف شفت مين النهارده؟ د:بسام= مين؟ د:ريهام= المريضه اللي كلمتك عنها و طلبت منك تكلمها د:بسام بصدمه= حياة؟! د:ريهام بإستغراب= إنتا لسه فاكر اسمها! د:بسام يبتسم= إيه أول مريضه تطردني د:ريهام= واللهي البنت دي مسكينه..شوفتها الصبح في الإسعاف د:بسام بإهتمام= وش فيها؟ د:ريهام= هبوط في الضغط..البت لها ساعات مش آكله حآقه..و نفسيتها زي آخر مره..محبطه و مدآيئه د:بسام= تكلمتي معها؟ د:ريهام= ايوه..بس بتأول إنها دلوأتي بأت كويسه..و وعدتني إنها آخر مره نشوفها هنا..تسدأ..البنت على ضعفها تحس أحيانا فيها قوه خفيه تطلع من روحها د:بسام بإستغراب= كيف يعني؟ د:ريهام= أول ما شوفتها كانت مرهقه و تعبانه..لكن بدآيئ صارت كأنها وحده تانيه د:بسام= بس البنت فيها شي..تعبها و إحباطها ما جاء من فراغ..و دام هالسبب يأثر عليها لهالدرجه..المفروض تتعالج و تتخلص منه..مو يتركونه يقضي عليها شوي شوي د:ريهام= نعمل ايه إن كانت هيا و عمها مش راضيين تركته و راحت...وهو رجع يفكر بحياة و يتذكر آخر مره شافها...و عصبيتها...والكلام اللي قالته... عكس الصوره اللي شافها فيها بالليل...و هي لحالها...كلها حزن...و ضعف...و ضياع... ••-------•?••?•{n}•?••?•--------•• | |||||||||||
|
| |
|
19-11-11, 01:26 PM
| #26 | |||||||||||
| نجم روايتي وعضو فعال في منتدى صحة ورشاقة
| .•.°.•?•n|[?الــبــــارتـ الـســــادســ ?]|n•?.•.°.•. •• بـعـــد أيــــام •• في الحصه الخامسه...كانت مدرسة الجغرافيا تشرح و الكل مركز معها...و رجوى و سلمى يسولفون على بعض...وهم يكتبون على ظهر الكتاب... سلمى= ما دق أبوك؟ رجوى= لا سلمى= وش ناويه تسوين؟ رجوى= و لا شي..بأعيش حياتي سلمى= غريبه ما سمعنا طاري سرقه كالعاده رجوى= والله إنك شيطان رجيم اللحين توزيني على الشر عيني عينك سلمى رجوى= ايه بأسرق رواتب المعلمات شهقت سلمى بخوف...و التفتت عليها المدرسه... المدرسه= خير يا سلمى؟ سلمى بإرتباك= لاااا بس كأني شفت شي أسود يمر عند باب الفصل رجوى بهمس= والله الكذب الجاهز! التفتت المدرسه و البنات يطالعون الباب... رجوى= ماراح تشوفونه..بس سلمى اللي تشوفه..قايله لها الله يهديها تروح لمطوع يقرأ عليها سلمى بخوف= رجوى وجــع المدرسه بعصبيه= خلاص أنتي و ياها..نرجع للدرس و رجعوا يكتبون لبعض... رجوى= شوفي كل شوي تلتفت للباب شكلها خايفه سلمى= أنا اللي كاذبه و خفت صدق انتهت الحصه...و طلعت المدرسه...و التفتت لهم تهاني... تهاني= وش فيكم؟ رجوى= ما فينا إلا الخير..بس تعرفين سلمى لابسها عفريت و يحب يستعرض أحيانا سلمى بعصبيه= اوووف رجه انطمي رجوى= أنتي اللي فتحتي السالفه..يله امسحي كتابك عشان سواليف المره الجايه طلعوا البنات...و جلست رجوى في مكانها ما طلعت من الفصل كالعاده...و رجعت لها تهاني و سلمى... تهاني= وش فيك حاطينك اليوم على الصامت؟ رجوى تهز أكتافها= وش رأيك فيني على الهزاز تهاني= والله شهيتيني للرقص رجوى= بس كذا؟ من عيوني بدت تطق الطاوله و تغني...و تهاني ترقص...لين صرخت عليهم سلمى... سلمى= الأستاذه جـــــت و بسرعة البرق كل وحده جلست مكانها... الأستاذه= ليه صوتكم طالع؟ الكل سكت و ما أحد رد عليها... رجوى بهمس= زين بنت الأكابر غايبه و إلا كان فتنت علينا..تعرفينها سوسه سلمى= فكه منها لها يومين غايبه ••-------•?••?•{n}•?••?•--------•• نزلت بدور لتحت...و شافت أمها في الصاله... بدور تدخل= نعم يمه أم أحمد= أم صالح اتصلت علي..و تقول بتجي هي و أختها يزورونا بدور بإستغراب= و ليه تقولين لي؟ أم أحمد= أبي تلبسين و تتعدلين و تجلسين معنا بدور فهمت وش تقصد أمها...وش الغرض من هالزياره... بدور= هم جايين يخطبون؟ أم أحمد تبتسم= ايه..الله يكتبه من نصيبك يمه..الولد سمعته زينه و خالته دائما تمدح فيه بدور= الله يكتب اللي فيه خير طلعت من عند أمها...و ابتسمت برضا...تتذكر أخت أم صالح ولو كان ولدها مثلها بيكون زين...و نصيب ترضى فيه... ••-------•?••?•{n}•?••?•--------•• بعد ما جففت شعرها...تركته ينزل على ظهرها و أكتافها بكل نعومه...راحت تلبس تنوره حريريه بقصه مايله...بألوان موف و أسود و أبيض مموجه ببعض...مع بلوزه ناعمه موف... وقفت قدام المرايا تتأكد من شكلها...و جلست تحط الميك أب برواق و ذوق... بعد ما خلصت...لبست إكسسواراتها...و رشت عطرها الراقي...و طلعت من الغرفه... نزلت الدرج...و شافتهم كلهم ينتظرونها...عرفت إنها تأخرت بس ارتاحت يوم شافت عمها مو موجود...و إلا كان سمعت محاضره طويله... حياة= وين أبوك؟ وفاء= جاء عنده واحد..يقول شوي و نروح حياة تجلس و تحط رجل على رجل= ايه ننتظر حضرة اللي عنده لين يروح أم فايز= بسم الله ما شاء الله..وش هالحلا كله؟ حياة تبتسم= تسلمين لي يا رب ولاء تنزل من الدرج تركض= حياااة وينك اطلع لك فوق تنزلين تحت حياة تضحك= وش تبين؟ ولاء تجلس جنبها و تعطيها ظهرها= سويلي تسريحه ناعمه و حلوه..بس بسرعه قبل نمشي وفاء كانت تطالع حياة و تبتسم...تحب تشوفها كذا...بكامل جمالها و أناقتها...أنثى رائعه بمعنى الكلمه...كل شي فيها يدل على رقه...و ذوق...و جمال...كل شي فيها حلو و صافي...إلا روحها... اللي محمله...بذكريات أليمه...و عذاب كبير... تذكرت فجأه الدكتور بسام...تمنت إنها قدرت تكلمه...لو يقدر يعالجها...و ترتاح... كانت خايفه عليها من نفسها...و أفكارها...و كرهها... لكن هالدكتور رجل...و حياة مستحيل تتكلم قدامه...(حتى أنا ما أقدر..ما اتخيل إني اكلمه وهو كذا) طلعت من أفكارها و هي تفز بخوف على صوت أبوها العالي يناديهم... ••-------•?••?•{n}•?••?•--------•• دخلت شهد للمطبخ...و هي تطالع رجوى بخوف... شهد تصرخ= رجوووى وش تسوين!! السلم مكسور ليه تطلعين عليه؟ رجوى فوق السلم= اصلح لكم هاللمبه شهد= بس السلم كان مكسور رجوى تضحك= هاها هذا كان..اللحين صلحته شهد= أنا بأعرف أنتي مين لاعب عليك و قال لك إنك تعرفين تصلحين رجوى= سنين الخبره اللي كديت عليكم فيها..أنتم و بيتكم كلكم خراب..مين بيصلحكم غيري؟ شهد= أجي امسك لك السلم؟ رجوى= أنتي ما تستحين على وجهك تشككين بمهاراتي قدامي..(تهز بقوه على السلم) شوفي جودة إصلااااحاتي..آآآآآآآآآآآ ما خلصت كلامها إلا و هي طايحه على الأرض... شهد تصرخ= شفتي!! رجوى= كله منك آآآي..حشى عدوه مو أخت شهد تجلس عندها= وش فيها رجلك؟ رجوى بسخريه= طحت عليها تصدقين؟ شهد طنشتها= حركيها رجوى تحاول= آآآي..صدق إنك نذله تقتلين القتيل و تمشين بجنازته..طيحتني و اللحين تبي تعدم رجلي قمر تدخل المطبخ= وش فيكم؟ شهد= السلم انكسر و طاحت رجوى= من عينك شهد= و أنا وش دخلني بخبالك؟ رجوى= أنا اشك إن هالبنت جاسوسه علي و متعاونه مع الأعداء..(تكمل بإستهبال) شهد أنتي ليه ما تحبيني؟ شهد= قومي بس قومي..خلينا نشوف رجلك وش فيها؟ رجوى توقف و تتسند على شهد= آآآي ما أقدر امشي عليها..عطيني شاش ألفه عليها و مسطره شهد بإستغراب= وش تبين بالمسطره؟ رجوى= ما تشوفين أفلام كرتون إذا طاحت العنز و انكسرت رجلها يلفونها بخشب و شاش حتى تستقيم مرة أخرى ههههه قمر= زين امشي يا عنز نلفها لك رجوى= ما تلاحظون كثرت أمراضي هاليومين..كلها من عين أبوي ••-------•?••?•{n}•?••?•--------•• كانت جالسه في غرفتها...و تسمع الإزعاج في الصاله...و الربكه اللي مسويتها بدور و مها... وقفت عند الباب تتسمع...و سمعت تعليقاتهم... مها= يله انزلي يالعروس و ابتسمي لهم هالإبتسامه السحريه..و خلي أمور التقديم و المطبخ علي بدور= خلاص بأسلم عليهم و الحقك في المطبخ نرتب مع بعض ضحكت بإستهزاء...و راحت تجلس على سريرها...تفكر بقهر...(أنا ميته من غيضي عليهم و هم عايشين حياتهم على الآخر و لا حاسين باللي يسوونه فيني) رمت راسها على السرير و غمضت عيونها...لحظات و خطرت لها فكره خلتها تفز...(صح..هم ماراح يحسون فيني أبدا لو أموت من قهري قدامهم..لكن أي شي بيصيبهم بيخليهم يتحركون) قامت بسرعه...و طلعت من غرفتها و راحت لغرفة مها اللي كانت فاضيه... فتحت دولابها...و صارت تفتش بملابسها عن لبس حلو...و أخذته...و مرت على تسرحتها و فتحت دروجها تقلب فيهن...و أخذت لها قلوس و كحل... رجعت لغرفتها...و بسرعه بدلت ملابسها...و وقفت قدام المرايا تحط الكحل...و القلوس...لأن هذا اللي تعرفه بس...و تتذكر إنها من زمان جربت تحطه... فكت شعرها و شالت منه خصل خفيفه و رفعتها... طالعت شكلها بالمرايا برضا...مع إنه شكل غريب عنها...ما تحبه... بس هي ما اهتمت تفكر بإحساسها اللحين... نزلت الدرج بخطوات سريعه...و وقفت عند باب المجلس... رحيل= مساء الخير الكل التفت عليها متفاجأ...أم صالح و اختها منبهرين بجمالها...و أم أحمد و بدور منصدمين من وجودها...و شكلها...و لبسها... دخلت و سلمت عليهم...و جلست عندهم...تسولف مع أم صالح و تضحك على غير طبيعتها...و كأنها وحده ثانيه...بوجه ما قد شافوها فيه طول هالسنين اللي عاشتها معهم... بدور كانت مصدومه بشكلها...لكن فاقت من صدمتها و استوعبت وجودها...و بالأخص سبب وجودها...حست بدموعها بتنزل...هي تعرف إن رحيل مو ناويه توافق على أحد...هي بس تبي تقهرها...أو يمكن ناويه تسرقه منها عشان تطلع عندهم... ما همها السبب...أهم شي إن حلمها انكسر قدامها...مثل باقي أحلامها اللي كان وجود رحيل يكسرها... استأذنت و طلعت عنهم و أمها تطالعها بقلق...لكنها ما قدرت تروح تشوفها و تتترك رحيل لحالها معهم...لأنها ما تضمن تصرفاتها...و لا وش ممكن تقول لهم... •• •• •• في المطبخ دخلت هناء عند مها...و هي تطالعها بضيق.... مها بإستغراب= وش فيك؟ هناء= شفت بدور طالعه فوق و هي تصيح مها انصدمت= ليه؟؟ هناء= مادري كلمتها ما ردت علي طلعت مها بسرعه...و ركضت لغرفة بدور...طقت الباب لكنها ما ردت عليها...و فتحته... شافتها جالسه تصيح...و راحت تجلس جنبها... مها بقلق= بدور وش فيك؟ وش صار؟ بدور تصيح= رحيل مها بضيق= وش فيها هاذي بعد؟ قالت شي يضايقك؟ بدور= لا..نزلت تحت عندهم تسولف و تضحك مها بصدمه= دخلت عندهم!! بدور= ايه..بس من نظرتها لي حسيت إنها دخلت عناد بس مها بقهر= أكيد..يعني ما تعرفينها؟ دائما أقولكم هالبنت مو طبيعيه..حقوده و شريره و أنتي تدافعين عنها حرام مسكينه خليها في حالها...هاذي مسكينه؟ ••-------•?••?•{n}•?••?•--------•• و صلوا لبيت عمها الأصغر(أبومشاري)...اللي كان عازمهم اليوم...و عازم أنسبائه...أخو زوجته و أمها...و أختها و عيالها... دخلوا للبيت...و كانت بإستقبالهم مرة عمها...و بعد ما دخلوا للصاله...شافوا أمها...و أختها المتزوجه و بنتها اللي كانت بعمر ولاء...سلموا عليهم و جلسوا... أم نواف= الساعه المباركه اللي شفناكم أم فايز= الله يسلمك يا خاله أم نواف تطالع حياة= عاش من شافك يا حياة..خبرنا فيك بزواج عمك حياة تبتسم= الله يخليك يا خاله..المهم شفناكم على خير أم مدى= و إن شاء الله دخلتي الطب مثل ما تبين؟ حياة كشرت= لا طالعت أم مشاري أختها بنظره...فهمت فيها إنها ما تبيها تتكلم في الموضوع...لأنها كانت تعرف إن حياة للحين حاقده على عمانها اللي رفضوا إصرارها على الطب...و تتذكر الأسبوع اللي جلست فيه ما تاكل...لكن كل هذا ما خلاهم يرضون... دخلت ضي بنت عمها الصغيره تركض...أول ما شافت حياة...لأنها كانت تحبها بالحيل...و حياة دائما تجلس تلعب معها و تدلعها...رمت نفسها عليها و حضنتها بقوه... حياة= هلا بقلبي..هلا بدلوعتي أنا ضي= حياة اشتقت لك هالكثر(و تبعد يدينها لآخر حد) حياة تضمها= يا قلبي أم مشاري= كل يوم تقول لأبوها ودني لحياة و البنات بس ما يعطيها وجه..و يوم قلنا لها إنك جايه من اليوم و هي تتكشخ لك ضي= عشان أصير حلوه مثلك..(تأشر على ثوبها) حلو؟ حياة= أنتي الحلا كله جلسوا يسولفون مع بعض... •• •• •• في المطبخ...لحقت أم مدى أختها اللي راحت تشوف العشاء وش صار فيه... أم مدى= وش فيك سكتيني؟ ليه هي ما جابت نسبه؟ أم مشاري= إلا جابتها بس عمانها ما رضوا تدخل الطب أم مدى تشهق= ليه؟ أم مشاري= عشان الإختلاط أم مدى بقهر= بس والله حرام يكسرون طموح البنت..بعدين اللي تحترم نفسها ما.... أم مشاري تقاطعها= يعني مو عارفه زوجي؟ و أخوه مثله و أكثر ما عندهم هالأشياء و لا راح يقتنعون فيها أبدا أم مدى= وش دخلت؟ أم مشاري= كلية التربيه الفنيه..و بصراحه مو خساره البنت تحسينها انولدت فنانه أم مدى= الله يوفقها..ما أحد يدري الخيره وين؟....بس وش رأيك فيها؟ أم مشاري= كيف يعني؟ أم مدى بنرفزه= يعني ما فهمتي؟ وش رأيك فيها لنواف؟ أم مشاري= أنتم مو قلتوا تبون وفاء؟ أم مدى= صح أول ما دورنا له خطرت في بالنا وفاء..لكن أنا تذكرت حياة من يوم زواجك و هي داخله خاطري عشان كذا أصريت عليك تعزمينهم اليوم أم مشاري= حياة ما تبي تتزوج اللحين..قالت هالشي أكثر من مره..و ما أتوقع بتوافق..يعني بتخسرون وفاء على الفاضي..لأنكم لو خطبتوا حياة و رفضت مو حلوه بعدها تخطبون وفاء أم مدى= و ليه ما تتزوج اللحين؟ عشان دراستها؟ أم مشاري= والله مادري..آخر عريس كان يبيها قومت الدنيا يوم كلمناها عنه..مادري بس أحس كأنها متعقده من الرجال مادري من اللي سواه أبوها أو من معاملة عمها الصارمه أم مدى= بس نواف طيب و حنون يعني يناسبها أم مشاري= ما أدري....ماراح توافق أم مدى= يووووه لا تفاولين أم مشاري= خليكم على وفاء أحسن أم مدى= والله وفاء ما تنعاب بس أنا داخله مزاجي حياة أكثر..و هذا نواف أخونا الوحيد..يعني المفروض ندور له الأحسن أم مشاري= الأحسن مو بالشكل و بس..إن كانت حياة أحلى من وفاء من برا..فتأكدي إن وفاء تتفوق عليها بقلبها الطيب و تسامحها و أطباعها الهاديه أم مدى بإصرار= بس أنا أبي حياة أم مشاري= يا حبك للعناد..بس تذكري إني قلت لك..بعدين أنتي وش دخلك تختارين له؟ نكلمه عن الثنتين وهو يختار أم مدى= خلاص بس أنا بأقنعه بحياة أم مشاري تضحك= مالك إلا اللي براسك! •• •• •• في الصاله...كانوا البنات جالسين يسولفون مع بعض...قبل يدق جوال مدى و تروح ترد عليه... ولاء بهمس= شوفوا كبري و معها جوال..و أنا لو أموت ما أشوفه وفاء= مو عند أبوي هالحركات..أنا و حياة لو ما الكليه و النقل كان ما شفناه ولاء= الناس تطورت و تعدت القمر و أبوي للحين أفكاره طين حياة= عندك جوالي متى ما بغيتي كلمي فيه اللي تبين ولاء تبتسم= يا عمري يا حيوته..والله إنك أطيب وحده في العالم ابتسمت حياة...لأنها كانت تسوي هالشي بس عناد في عمها...تحب إحساس إنها تعارضه في كل شي ما يبيه...و تشوه العالم المثالي اللي على باله إنه مسيطر عليه بقوته و شخصيته...بس مع كذا هي ما يهون عليها تشوف أي وحده منهم تحتاج شي و ما تساعدها...خاصه و هي تشوف معاملتهم الطيبه لها...و تقارنها بمعاملة بنات عم رحيل... دق التليفون اللي كان قريب من حياة...و لا أحد منهم جاء و رد عليه... أم نواف= حياة يا بنتي ما عليك أمر تردين على هالتليفون اللي أزعجنا حياة= إن شاء الله حياة ترد= ........ المتصل سبقها بالكلام= نايمين على أذانيكم! ليه ولا وحده ترد على جوالها؟ حياة بضيق= عفوا مين معي؟ للحظه انصدم من صوتها...و ما استوعب...و انحرج يوم عرف إنها مو من خواته... نواف= آسف..بس ممكن تعطيني أم مشاري؟ حياة= لحظه نزلت السماعه و راحت للمطبخ تقول لها... حياة= أم مشاري واحد يبيك على التليفون أم مشاري=مين؟ حياة= ما أدري راحت أم مشاري...و وقفت حياة عند أم مدى... حياة= تبين مساعده؟ أم مدى= لا الله يسلمك ما فيه شي نسويه..إلا وش أخبارها جدتك؟ حياة= الحمدلله بخير و جلست أم مدى تسولف معها...و تستفسر عن حياتها...عشان تعرف عنها أكثر... ••-------•?••?•{n}•?••?•--------•• كانت جالسه متمدده على السرير...لأن رجلها كانت ملتويه و توجعها إذا مشت عليها...و شافت حنين تدخل الغرفه و تجلس جنبها...و بيدها كحل أمها... حنين= ردوى حديلي تحل رجوى تبتسم بخبث و تاخذه منها...و تجلسها على السرير...و بدت تثخن حواجبها...و ترسم لها سكسوكه و شوارب... رجوى تصررخ= فيصل جيب ثوبك و شماغك و طاقيتك و عقالك بعد لحظات...دخل فيصل و معه اللي قالت...وهو مستغرب...لكن أول ما شاف وجه حنين...شهق و صار يضحك... أخذت منه رجوى الثوب و لبستها...و كان كبير عليها...و رفعته لخصرها و ربطته...و رفعت الأكمام...بعدين صارت تشخص لها بالشماغ... رجوى= وش رااايك؟ فيصل= هههه تخوووف حنين= ردوووى بأثوووف خلتها رجوى تروح للمرايا اللي معلقه على الجدار جنب سرير شهد... حنين تشهق= هههههه رجوى تضحك معها= شفتي صرتي اللحين أبونا و تسندت على فيصل...و طلعوا للصاله...و شافوا هناك أمها و شهد و بدر... حنين بصوت خشن تقلد أبوها= وين الغداء يا حماره؟ ضحكوا كلهم عليها و هي تقول كلمة أبوها المعتاده...حتى أمها اللي مقصوده بهالكلمه ضحكت معهم...مع إن الكلمه كانت مثل الطعنه في قلبها... قمر تطلع من المطبخ= وش تضحكون عليه؟ رجوى= على أبوي صار نيلز قمر= هههه والله تشبه له حنين بغرور= لااا أنا أحلى رجوى= أنتي سيد الرجال..فيصل بدر اخذوها مشوها في الحاره خلوا الجيران يشوفون أبونا الجديد ما صدقوا بدر و فيصل اخذوها و نزلوا... رجوى تطالع حواليها= وش هالكتب؟ من متى الشطاره بعيالك؟ أم مشعل= بدر و فيصل كانوا يراجعون..جايهم لفت نظر على تدني مستواهم(و بصوت أقرب للهمس) لو خليتيهم يذاكرون رجوى= يرجعون و يذاكرون..خليهم اللحين يروحون يتاجرون أم مشعل بإستغراب= يتاجرون؟! رجوى= ايه..اللحين تجي و هي معبيه جيوبها فلوس شهد= ليه يعني؟ رجوى= ما تعرفين تطلعين فلوس أنتي..الناس كذا توسعين صدورهم..تسوين لهم مهرج ينبسطون و يدفعون قمر ترجع بالقهوه= والله تطورت أساليب الشحده و ارتقى مستواها رجوى بفخر= شفتي الأفكار؟ بس مين يقدر.......صح وين بسمه؟ أم مشعل= في السطح رجوى= هالبنت أشك إنها حمامه..و حمامه مسكونه بعد ما تنزل من هالسطح...ناديها قمر توقف عند الباب و تصرررخ= بسمـــــــــــــــــــــه نزلت عندهم بسمه.... بسمه= نعم رجوى= اخذي هالفلوس و جيبي لنا كيستين ساندويتش و جبن و بيض و بيبسي العائله..يله أخذت الفلوس و راحت... رجوى= اللي نسميه يبه ما دق؟ شهد= لا قمر= نفسي أعرف وين يختفي؟ رجوى= لي عشر سنين ما عرفت تبين أنتي يالمفعوصه تعرفين... أم مشعل وش ناقص البيت؟ أم مشعل= نبي رز..و زيت..و... رجوى= خلاص خلاص اكتبيهن لقمر و خليها تعطيها لأم علي قمر= لا فشيله..استحي رجوى= تستحين أو تجوعين؟ قمر= خلاص أقول لبسمه توديهن رجوى= أنا أبيك تشحدين منها..والله طرارين و تتشرطون مرسلين للمره ورقه باللي تبون...لازم تروحين لها بكلمتين حلوات و دمعتين عشان تكسرين خاطرها...و يا عمري عليها هالعجوز ينكسر خاطرها عليك بسرعه..مو باقي الجيران تطلع روحك على بال ما يعطونك ريال قمر= ما أعرف اصيح..أعرف بس اضحك رجوى تضحك= هههه خليها تقول هاذي انهبلت من الجوع...خلاص أنا أروح بكره يمكن أقدر أنزل هالدرج قامت عنهم شهد... رجوى= وين؟ شهد و هي معطتها ظهرها= بأروح أشرب ماء وقفت في المطبخ و العبره خانقتها على هالحال...و على حال رجوى بالذات...(ليه تتكلم كذا؟ و كأنها راحت منها كل الكرامه و الإحساس..ايه نجوع أحسن..نموت أرحم من هالحال؟ حرام عليك يبه اللي سويته فيها..و اللي تسويه فينا!) ••-------•?••?•{n}•?••?•--------•• | |||||||||||
|
| |
|
19-11-11, 01:27 PM
| #27 | |||||||||||
| نجم روايتي وعضو فعال في منتدى صحة ورشاقة
| دخل نواف الصاله...وهو يسمع أصواتهم العاليه و شكلهم يتناقشون بموضوع مختلفين عليه... أول ما شافته مدى... مدى= خلاص العريس وصل..خلوه هو يختار نواف يبتسم= وش أختار؟ مدى بمكر= وحده من العروسين نواف يجلس..و يطالعهم بإستغراب= عروسين! مدى= ايه أمي تبي لك وحده و خالتي تبي وحده نواف= أهم شي أمي من تبي؟ أم نواف= والله البنتين احسن من بعض..الله يكتبلك اللي فيه خير أم مدى= أنا أقول حياة أنسب لك..صح وفاء ما تنعاب بشي بس يعني الواحد يدور الأحسن أم مشاري= ترى قلت لكم من اللحين ماراح توافق..و بتضيعون وفاء منكم نواف بإستغراب= و ليه متأكده إنها ماراح توافق؟ أم مشاري= تقدم لها قبلك اثنين و رفضتهم..ما تفكر تتزوج اللحين..أو يمكن ما تبي تتزوج أبدا أم نواف= و ليه؟ بسم الله عليها ما فيها إلا العافيه أم مشاري= ايه بس احس اللي سواه أبوها للحين معقدها أم نواف بضيق= الله يسامحه على اللي سواه بزوجته و ببنته نواف= حياة بنت إبراهيم اللي.....؟ أم مشاري= ايه..هاذي اللي تبيها لك أم مدى..بس أنا أقول وفاء أضمن لك و أهدأ و أطيب أم مدى= حتى حياة طيبه..بعدين نواف متفهم و بيعاملها بطيب مو أحسن ما تأخذ واحد يعقدها زياده...و إلا وش رأيك يا نواف؟ نواف يتنهد= اللحين جالسين تتناقشون ساعه و أنتم ما قلتوا لي أي شي عن هالبنتين اللي تبوني أختار منهن أم مشاري= أنا أبيلك وفاء..بنت أبوفايز بأولى كليه قسم كيمياء..البنت حلوه و هاديه و قلبها طيب..و ما فيها شي ينعاب و أنت تعرف أبوها و أمها و سمعتهم بين الناس أم مدى بعناد= بس حياة أجمل ألف مره..و بنت حساسه و فنانه و مع كل هذا شخصيتها مميزه و قويه..والله هي تستاهلك و أنت بعد تستاهلها نواف يقوم= والله ما أدري عنكم..شكلكم بتخلوني أهون أم مدى= وين بتروح؟ نواف= مو ناويه تروحين لبيتك؟ أنا بأروح..يله تجهزي يمه تركهم و راح...و راحت وراه مدى... مدى= خاااالي نواف يوقف= نعم مدى= ما سألتني عن رأيي؟ نواف= بإيش؟ مدى= في عروسك نواف يضحك= يا هالعروس اللي كل واحد له رأي فيها!..يله أخت مدى تفضلي قولي رأيك مدى= أنا مع أمي أقول حياة..أنت بس لو تشوفها مره بتحبها على طول..(و تغمز له) على فكره ترى هي اللي ردت عليك نواف يصرفها= روحي قولي لأمي انتظرها في السياره تركها و راح وهو يتذكر كلام خواته...لكن حياة ثبتت في باله أكثر...ما يدري ليه...يمكن لأنه سمع صوتها...أو لأن المعلومات اللي عرفها عنها شدته أكثر... ••-------•?••?•{n}•?••?•--------•• كانت أم أحمد جالسه مع بدور و مها في غرفة بدور...يتناقشون باللي تسويه رحيل من يوم ارجعت...و بالأخص اللي سوته اليوم...و خلى أم صالح و اختها يطلعون بدون أي كلمه عنها... أم أحمد= خلاص إن شاء الله بنلقى حل يريحها و يريحنا..من يومين وهو طاري علي و كنت بأكلم عمتك فيه بدور بحماس= وشو؟ أم أحمد= المفروض نزوجها سعود..بتستقر حياتها و نفسيتها بعد ما تتزوج و أبوك بيتطمن عليها معه و الـ........ مها تقاطعها بعد ما فقدت أعصابها= سعود لاااا ما لقيتم إلا سعود تبلونه فيها؟ أم أحمد انصدمت= ......... لكن مها ما اهتمت و كملت= يمه حرام عليكم والله تعبنا منها..دائما تجرحنا..و تهزأنا و أنتم اسكتوا عنها..اسكتوا عنها..لين كرهناها من قلب...حقود و حسوده و تتمنى لنا الشر...و اللحين جايين تزوجونها سعود! أم أحمد تحاول تفهم= و إذا تزوجت سعود أنتي وش مزعلك...أو... مها اعترفت= ايه أحبه..ولو ما تزوجته يمه ماراح اتزوج أبدا..مو حتى حلمي بتسرقه مني أم أحمد بصدمه= مهاااا! مها= يمه أنا ما سويت شي استحي منه..حتى هو ما يعرف إني أحبه..بس من يوم كنا صغار و أنا ما أشوف غيره..أسمع عنه من أبوي..و عمتي..و وداد عنه لين تعلقت فيه و صرت اشوف فيه المواصفات اللي أبيها....أنتي يعني مو بترتاحين علي لو اتزوجه أحسن من اللي ما نعرفه أم أحمد= و أنتي كيف عرفتي إنه بيفكر فيك؟ مها= عمتي تلمح..وداد تلمح بس أنتم ابعدوا هالرحيل عن طريقنا بدور كانت ساكته لكن شجاعة مها...خلتها تتشجع... بدور= يمه معها حق...رحيل بجلستها هنا بتخرب حياتنا..أنا بأعنس بسبتها اللي يجي و يشوفها ماراح يفكر فيني..أول خال جيراننا..و اليوم قريب جارتنا..اللحين أكيد يبونه لرحيل....يمه تكفين والله تعبنا من حياتها معنا..خلوها تروح لجدتها ترتاح و تريح ••-------•?••?•{n}•?••?•--------•• بعد ما رجعوا...جلست حياة و مرة عمها و البنات في الصاله...و فايز و أبوه راحوا ينامون... ولاء= ما لا حظتم شي بهالعزيمه؟ وفاء= شي مثل إيش؟ ولاء= إنها مو عزيمه لوجه الله أم فايز= والله إنك ما تستحين! كيف يعني مو لوجه الله؟ ولاء= يمه يعني ما لا حظتي كيف عيونهم كلهم ما نزلت عن حياة و وفاء..و الأسئله و الإستفسارات عن كل صغيره و كبيره طالعتها أمها بقهر...هي كانت ملاحظه هالشي بعد...بس ما بغت تتكلم في هالشي قدام البنات... حياة بقرف= عساهم ناوين يخطبون يعني؟ ولاء= أكيد..ما سمعتي قصائد المدح بالأخ نواف أم فايز= عن التفلسلف و يله روحي نامي بكره عندك دراسه ولاء= يا سلام وش معنى أنا؟ و إلا بتكلمين البنات بشي ما تبيني اسمعه..يمه قولي لي أكيد أم مشاري قالت لك شي..قولي مين؟ حياة أو وفاء؟ أم فايز بعصبيه= ما قالت شي..و أنتي تتخيلين يله قوموا كلكم ناموا راحوا البنات...و هم على الدرج... حياة= وفاء لو طلع كلام ولاء صدق و خطبك نواف..توافقين؟ وفاء بإحراج= أنتي توافقين؟ حياة= طبعا لا..بس أبي أعرف أنتي توافقين أولا؟ وفاء= مادري..ما أعرف عنه شي كثير..و لا قد فكرت المفروض اتزوج اللحين أو إذا خلصت دراستي...ما قد جاني اللي يخليني أفكر بهالشي ولاء= ايه بس نواف يستاهل تفكرين فيه..حلو و طيب و أهله طيبين بعد وفاء تتريق= و من وين هالمعلومات؟ ولاء= من مدى..شكلها تحبه حيل و متعلقه فيه من جلسنا و هي تتكلم عنه...إذا وحده منكم محتاجه أي معلومات لا تستحي تجي تسألني حياة تطالع وفاء= أنا مو محتاجه لهالمعلومات..يمكن أحد ثاني يحتاجها وفاء بحذر= أنتم خلاص خليتوه خطب؟ بعدين لو كان اللي تقوله ولاء صدق..أنا متأكده إنهم اختاروك أنتي له حياة= يكون أحسن عشان أرفضه..و نرتاح منه كلنا ولاء تضحك= حياة أنتي ناويه تعنسين..يمكن وفاء تبي تتزوج؟ حياة تدخل غرفتها= هي الخسرانه..تصبحون على خير دخلت و سكرت بابها...و وفاء أول ما بعدوا عن غرفتها مسكت ولاء... وفاء= أنتي مو عارفه إن حياة ما تطيق هالطاري؟ ليه تفتحينه قدامها؟ ولاء= و أنتي على بالك إذا تجنبنا هالطاري قدامها يكون احسن..خلينا نتكلم معها عادي..و نخلي الموضوع بضحك وفاء تتنهد بضيق= مادري! بس أنا خايفه يصير فيها شي أو تتعب مره ثانيه..ماراح تستحمل أكثر ولاء= الله يستر..و يختارك نواف أنتي..يمكن تشجعينها على الزواج وفاء تدفها= روحي نامي احسن تركتها ولاء...و هي راحت لغرفتها تفكر...(نواف!!) و سرحت تتذكر الكلام اللي سمعته عنه...بس ما تدري ليه كان يطري عليها ملامح الدكتور بسام... ••-------•?••?•{n}•?••?•--------•• الساعه الواحده بعد منتصف الليل/ دخلت أم أحمد غرفتها...و شافت أبوأحمد جالس على السرير... احتارت كيف تفتح معه الموضوع اللي من اليوم تفكر فيه...و خافت من ردة فعله...لكنها بنفس الوقت اقتنعت بكلام بناتها...و خافت جلسة رحيل هنا...تعقدهم حتى هم... أم أحمد تجلس= أبو أحمد أبوأحمد= نعم أم أحمد= كنت أبي اكلمك بموضوع..بس أخاف تفهمني غلط أبوأحمد بإستغراب= وش هالموضوع؟ أم أحمد= بس اوعدني ما تزعل..و تسمع كلامي للآخر و تفكر فيه زين أبوأحمد= قولي يا أم أحمد وش فيه؟ أم أحمد= رحيل و الحاله اللي هي فيها من رجعت من عند جدتها..أدري بتقول تجلس كم يوم على هالحال ثم تهدأ..بس رحيل اللحين كبرت و اللي تسويه أكيد تقصده..هي ماتبي تجلس في هالبيت..اليوم قالتها لي بنفسها..البنت ما تحبنا مهما حاولنا فيها..من سنين و هي مو متقبلتنا مادري ليه.......أدري إنك تبي تراعيها لأنها بنت أخوك بس شوف حالها كيف كل يوم يسوء أكثر عن اللي قبل..أخاف نضرها في جلستها هنا أبوأحمد بشرود= وش قصدك؟ أم أحمد= نخليها تروح عند جدتها..جدتها بعد محتاجه أحد يجلس عندها و يمكن هالشي اللي مخلي رحيل تتمنى تروح..تدري هي كيف متعلقه فيها..و أنت تقدر تتطمن عليها بأي وقت و إذا احتاجت لأي شي ماراح نقصر عليها..و يمكن إذا راحت هناك حتى حنا تتحسن علاقتنا معها أبوأحمد= .............. أم أحمد= وش قلت؟ أبوأحمد يتنهد= والله مادري؟.....بكره أروح اشوف أم سعود و اسمع رايها مهما كان هي عمتها ••-------•?••?•{n}•?••?•--------•• •• مــن بكــره/ يـــوم الأربـعـــاء •• صحت رجوى من ساعه...لكنها رجعت تنام بعد ما سوت اللي في بالها... و اللحين و هي تسمع أصواتهم...و إزعاجهم كانت تضحك تحت غطاها... شهد= وين مريولي قمر؟ قمر تدخل للغرفه= مادري!! حتى انا مالقيت مريولي بسمه تدور في دولابها= حتى أنا!! فيصل يدخل= ليه كل ملابسنا مرميه في الحمام؟ التفتت شهد تطالع رجوى...و راحت ترفع عنها الغطاء...و شافتها تضحك... شهد= رجوى وين ملااابسنا؟ رجوى تجلس= في الحمام مرميه..و صبيت عليها باقي البيبسي من عشانا..و شوي ماء شهد بقهر= ليــه؟؟ رجوى= ملل مابي أغيب لحالي قمر= بس عندنا مراجعه اليوم رجوى بإستهزاء= وش دعوه ذاكرتي؟ فرحوا بدر و فيصل و طلعوا يلعبون في الصاله... شهد بقهر= كان خليتينا حنا عندك و خليتي الصغار يروحون للمدرسه..اللحين تفوتهم الدروس ما يفهمون رجوى بلامبالاه= و إذا ما فهموا عادي..و إذا ما درسوا عادي..يعني الجحش لا كبر وش بيطلع غير حمار شهد= لا تقولين هالكلام قدامهم ترى يصدقون و ما يذاكرون..مو كافي غيبتنا بعد! رجوى بضعف مصطنع= أنا تعبانه خفت اموت و أنتم مو عندي شهد= مو على كيفك تموتين و تخلينا لحالنا رجوى= والله المصلحه..تتاجرين بحياتي على حساب منفعتك..(تلتفت لقمر) مو أقولك جاسوسه ••-------•?••?•{n}•?••?•--------•• بعد ماراحوا بناتهم لدراستهم...جلست معه في الصاله... أبوأحمد= دقيت على أم سعود و بأروح لها اللحين أم أحمد= الله يكتب اللي فيه الخير..بس أنت قول لهم إننا ما قررنا نتركها تروح عند جدتها إلا لمصلحتها..أخاف يقولون إننا حنا اللي رميناها لأننا متضايقين منها •• •• •• على الدرج...وقفت رحيل تسمع كلامهم بفرح...(و أخيرا..و أخيرا شالوا قناع هالطيبه و قرروا يتركوني بحالي! هذا بس عشاان مصلحتهم..مو خوف علي) لكنها خافت عمتها تعقد السالفه... و ما تحركت من مكانها على الدرج تنتظر عمها على نار...تبي تسمع وش بيقول لمرة عمها... لين بعد ساعتين بس...سمعته يدخل...نزلت للدرجه الأخيره عشان تسمعهم و هم في الصاله... أبوأحمد يجلس= السلام عليكم أم أحمد= و عليكم السلام و الرحمه أبوأحمد= تكلمت مع أم سعود و سعود..أم سعود تقول مو زينه تجلس البنت و هي بهالعمر لحالها عند جدتها..و تخاف تتعلق فيها و يصير لها شي..وقتها إذا رجعت لهالبيت بتكون بحاله أسوأ من اللي هي فيها رحيل كانت تسمعهم بغيض...و هي بصعوبه تسيطر على نفسها...(لا تقولون هالكلام! جدتي لا يمكن تروح و تتركني لحالي) أم أحمد= يعني ماراح تخليها تروح؟ أبوأحمد= سعود كان جالس معنا..و يقول لو نتركها تروح احسن لها..دامها متعلقه بجدتها لهالدرجه..نخليها تجلس عندها و تهتم فيها مثل ما تبي..لأنه لو صار لها شي بتحس بالذنب و بتلومنا على هالشي أم أحمد= صادق أبوأحمد= يعني برأيك اقولها تروح أم أحمد= توكل على الله أبوأحمد= لا إله إلا الله •• •• •• ركضت رحيل لغرفتها...قبل يشوفها عمها...و هي تحس براحه... دخلت غرفتها و جلست على سريرها...لين جاء عمها و قال لها...إنه بيتركها تروح...و طبعا جملة توصيات و مشاعر...ما وصلت أبدا لقلب رحيل... طلع عنها و هي التفتت تطالع غرفتها...(اليوم..و هاللحظه..بينتهي العذاب..بينتهي القهر...بأنساهم للأبد) صارت ترتب أغراضها و تجمعهم...و هي تتذكر كلام عمتها...و كلام سعود...(ليه تكلم و قال لهم يخلوني أروح؟ اقتنع بكلامي و صدقه؟ أو يبي يريح اهله من وحده ما تبيهم..و لا واحد فيهم يبيها....حتى هو) ما اهتمت لهالشي و تناسته...لأنهم من اليوم شي انتهى في حياتها...و لا له رجعه أبدا... بتحاول تعيش باللي بقى من روحها...و ما تدري لو بقى للحين فيها إحساس بهالحياة ممكن تكمل فيه... •• •• •• ما صدقت رحيل نفسها و هي واقفه بحوش بيت جدتها...و تطالع شنطها القليله اللي معها...ما كان عندها شي كثير تآخذه...لكن هالشنطتين كانوا إختصار لكل حياتها...و دامها جابتهم هنا...يعني خلاص بترتاح من عمانها للأبد... تأملت بيت جدتها...بيتهم...بيتها من اليوم...و هي تتخيل كيف حياتها بتكون فيه... دخلت الصاله و شافت جدتها...اللي ابتسمت بفرح أول ما شافتها...راحت و ضمتها بقوه...و جلست جنبها... أم ساره= خير يا بنتي؟ اليوم وجهك غير عن كل يوم؟ رحيل بفرح= خلاص يمه بأعيش معك هنا أم ساره بإستغراب= وافق عمك؟ قطع كلامهم التليفون اللي بدأ يدق... راحت أم ساره ترد...و من كلامها...عرفت رحيل إنه عمها...و أكيد يقول لها عن جلستها هنا...و يعيد قائمة التوصيات اللي مالها داعي... ما كانت حابه تسمع وش يقول...عشان كذا راحت تدخل شنطها...لين يخلص... ••-------•?••?•{n}•?••?•--------•• رجع سعود من دوامه للبيت...و شاف وداد في الصاله... سعود= السلام عليكم وداد= و عليكم السلام و الرحمه سعود يجلس= وين أمي و أبوي؟ وداد= مقيلين..وش عندك تأخرت ما تغديت معنا؟ سعود= عندنا إجتماع في الشركه وداد= رحيل خلاص سكنت عند جدتها؟ سعود= ايه وداد= أمي تقول إنك أنت اللي اقنعت خالي بهالشي؟ سعود= ايه وداد= ليه؟ سعود= البنت مو مرتاحه في بيت عمي..و كل هالسنين تحس إنها غريبه عنهم و متعلقه في جدتها بشكل كبير..حتى جدتها جالسه لحالها و محتاجه اللي يهتم فيها..يعني من الأساس كان المفروض يعيشون مع بعض وداد بعد تفكير= صح..شكلنا خلاص ماراح نشوفها أبدا......ما أتوقع إنها تبي نزورها..بس أكيد أمي و خالي بيشوفونها حتى لو ما كانت تبي..و إن قالوا إنها تغيرت ذاك الوقت نزورها سعود= إذا خلصتي تحليل روحي جهزي غداي راحت عنه...وهو رجعت أفكاره لرحيل...(صح..من اليوم ماراح نسمع عنها أي شي.....كذا أحسن لها...و أحسن لي..أخاف اتعلق فيها و أنا مو حمل هالشي..أنا أبي وحده استقر معها و اعيش حياة هاديه مو وحده بتجيب لي عوار الراس و المشاكل و اصير بين نارين هي و أهلي.....هذا لو وافقت علي من الأساس) ••-------•?••?•{n}•?••?•--------•• بعد العصر/ دخلت حياة لبيت جدتها بعد ما وصلها عمها...و شافت رحيل عندها...و سلمت عليهم... رحيل بفرح= حياة أنا بأسكن هنا على طول حياة بإستغراب= كيف على طول؟ رحيل= يعني خلاص بأعيش عند جدتي حياة بفرح= والله!! رحيل تبتسم= ايه حياة= الحمدلله عشان نتطمن عليك يمه أم ساره= أنا بخير بس أنتم لا تخافون تركتهم رحيل...و راحت للمطبخ تسوي لحياة عصير... أم ساره= ما كان المفروض تطلع من بيت عمها عشاني حياة= يمه أنتي تدرين إن رحيل ما تحبهم..حتى هم ما يهتمون فيها..أنا ادري إنك تبين لها الأمان عند عمها بس صدقيني هي هنا بتكون مرتاحه أكثر..ولو عمها كان فيه خير ماراح يتركها أو يقصر عنها في شي حتى و هي بعيده ام ساره= أنا أخاف بكره ينساها..حتى الصرف ما يصرف عليها و هذا حقها عليه حياة= اريح لها لو ينساها..و الله يخليك لنا يمه تنهدت أم ساره بقلق و سكتت...لكن حياة كانت مرتاحه لجلسة رحيل هنا...عشان جدتها...و الأهم عشانها هي...باين الراحه في وجهها من اللحين...(إن شاء الله جلستك هنا تريحك يا رحيل..مو قبل كنتي دافنه نفسك و أنتي حيه) ••-------•?••?•{n}•?••?•--------•• مرت بدور من غرفة رحيل و شافتها مفتوحه...راحت بتسكرها و شافت مها واقفه عند الباب... بدور= وش تسوين؟ مها= مو مصدقه إنها خلاص راحت و ماراح ترجع بدور= مو أكيد مها= ليه هي مو راحت عند جدتها خلاص؟ بدور= بس جدتها كبيره في العمر..ما تدرين لمتى بتعيش ولو صار لها شي أكيد رحيل بترجعلك..و اضمن لك من اللحين إنه أسوأ من الأول سكتت مها و هي تتخيل هالشي يصير...كيف بترجع لهم رحيل إذا ما بقى لهما مكان في الدنيا غير عندهم...أسوأ مثل ما تقول بدور...أو منكسره و ضعيفه بعد ما راحت جدتها... لكنها تمنت إن عمر جدتها يطول...و إنها ما ترجع لهم...ما تبي ترجع تعيش القهر منها من جديد...و الأهم تخاف إنها فعلا ما تلقى غير سعود يطلعها من هالبيت...(يارب ما ترجعين يا رحيل إلا و أنا طالعه من هالبيت) ••-------•?••?•{n}•?••?•--------•• طلعت رجوى من الغرفه و هي تعرج...و شافت اخوانها و هم يلعبون أونو...و أم مشعل و حنين جالسين معهم...الكل كان موجود... إلا الغائبين الدائمين...مشعل و أبوه... قمر بفخر= رجوى فزنا أنا و بدر على شهد و فيصل أربع مرات على التوالي رجوى= إيه طبعا إتحاد الكواكب أنتم قمر و بدر شهد= أصلا هم يغشون بس للحين ما قدرت اكشفهم رجوى= أجل ادفعي ثمن غبائك.. أم مشعل= رجوى وش العشاء..ترى ما عندنا شي رجوى= اللحين اروح اجيب لكم عشاء....بس لا تفرحون مو من المطعم من البقاله قمر بتريقه= فطور هذا مو عشاء؟ رجوى= عادي نجرب طعم الفطور في الليل...ايه صح بأدق على حياة اقولها ماراح اجي عشان ما يقلقون علي و سحبت سلك التليفون الطويل...لين قربت له... رجوى= مرحبا حياة حياة= مرحبتين رجوى= لاااا ذبت..كنت فوق الكرسي صرت تحته حياة تضحك= أنتي؟! رجوى= ايه وش فيها أنا! يا عمري يا أنا..ليت كل الناس أنا حياة= لا حرام عليك تدعين على البشريه رجوى بفخر= يحصلهم مخيخي حياة تتذكر= صح ليه داقه؟ ليه مو في الطريق اللحين؟ رجوى= اشتكى علي الشارع من كثر ما أمشي فيه..قال ترى بيتبناني و اصير عامود كهرباء فيه ما أحد مشور فيه كثر ما مشورت حياة بتريقه= ايه عاد من الطول...لا صدق رجوى= الصدق يا حيحو إني ماراح أجي هالأسبوع و يله استحملوا بعض ما عندكم أنا حياة بقهر= ليـــه؟! رجوى= أبوي انطرد من شغله و كعادته إذا صارت مصيبه اختفى و ما أقدر اترك القرود لحالهم في البيت..لازم أنا أرعى مناصبي حياة بسخريه= أي مناصب إن شاءالله؟ رجوى= الراعي الرسمي للشحده..و المتحكمه بالصادر و الوارد من عشاوات الجيران اللي تجينا..و رئيسة الأمن و الأمان في عشنا و... حياة تقاطعها= خلاص..خلاص قولي محتاجه شي؟ رجوى= الجيران ما قصروا اللي عطى من خاطره و اللي بنخليه يعطي غصب حياة تضحك= تدرين رحيل خلاص بتسكن عند أمي رجوى بفرح= والله! زين إن شاء الله تنفتح شوي بدل ما هي مثل التلفزيون المسكر حياة= يكفي أنتي منفتحه على العالم كله رجوى بتفاخر= وش نسوي نواكب العولمه..سلمي على ستو و خيتو •• •• •• سكرت حياة منها...(يا وسع بالك يا رجوى! مادري لو فيه شي بهالدنيا ممكن يضايقك) جت عندها رحيل... رحيل= مين تكلمين؟ حياة= رجيو..ماراح تجي رحيل بقهر= ليه؟ حياة= أبوها انطرد من الشغل و اختفى..و ما تقدر تترك أهلها لحالها سكتت رحيل...و بانت للحظه بعيونها نظرة حزن عميقه...قبل ترجع النظره القاسيه لها... حياة= رحيل وش فيك؟ رحيل= لا و لا شي..بس خساره رجوى ماراح تجي قامت عنها و راحت للمطبخ...و تفكير غصب عنها يجي في بالها...كل ما تسمع حياة تتكلم عن بنات عمها...و رجوى عن خواتها...الكل عنده أحد إلا هي...الكل يعتمد عليه أحد إلا هي... عايشه مثل العدم...ولو تموت ما أحد بيتذكرها بعد يوم من وفاتها... ••-------•?••?•{n}•?••?•--------•• | |||||||||||
|
| |
|
19-11-11, 01:28 PM
| #28 | |||||||||||
| نجم روايتي وعضو فعال في منتدى صحة ورشاقة
| رجعت رجوى و بسمه و حنين من البقاله...و دخلوا البيت... بسمه بتحذير= رجوى ترى اللي بالفرواله لي لا تاخذه قميره رجوى تضحك= لا آخذه أنا بس بسمه بإعتراض= لااااا حقي أنا اللي اخترته دخلوا الصاله...و شافوا البنات عند التلفزيون... قمر= واااو آيس كريم!! رجوى= شفتوا كيف أنا طيبه و أحبكم..جالسه أغريكم لأني بأسوي انتخابات بيني و بين أبوي و بآخذ منه حق الأبوه...احس إني استاهله أكثر منه فيصل مصدق= و نسميك يبه رجوى رجوى تضحك= اللــــــه حلوووه...و ربي لا يقه علي..و على مجهوداتي اللي أفنيتها في هالبيت..لا و من الزين بعد كل هذا حتى أبوي يسمونه أبومشعل و أنا الكبيره! من زين نفع الاثنين شهد تتابع مسلسل= أقول يبه ترى ازعجتنا وش رأيك تخلينا نتابع بروااق رجوى طنشتها و صرررخت= صـــــح نسيت اقولكم أم رائد عندها عشاء اليوم..الحمدلله وفرت علينا أغراض العشاء..ما جبت شي أم مشعل= ايه بس ما عزمتنا رجوى= و مين قال بنستنى عزيمتها؟ أم مشعل= تبيننا نروح؟ رجوى= أكيد بنروح شهد تلتفت= لو تبنيا عزمتنا..بعد ما امداك مسكره بوجهها التليفون رجوى= و حنا بعد ما نبيها..حنا رايحيين نتعشى..و نسولف مع باقي الجيران ماراح تطردنا قدامهم..(تكمل بإستهبال) وإلا يعني عشانه بيتها تعزم اللي تبي و تطنش اللي تبي قمر تضحك= عاد تخيلي شكلها و حنا داخلين! رجوى= هههه ما يحتاج تتخيلين بعد شوي بتشوفين..(تلتفت على فيصل و بدر) بس اسمعوني أنتم لا تصفقون عيالهم إلا بعد العشاء..يعني الواحد يستحي على دمه شوي قمر= هههه لا ما تقصرين تستحين والله رجوى= المهم..آنسه أناقه البسي بدري مو تأخريننا على الناس شهد مطنشه= ما أعتقد فيه أحد ينتظرنا عشان نتأخر عليه رجوى= ولو بس إذا كانوا بينصدمون خليهم ينصدمون بدرري حنين بلهفه= فيه لحمه؟ رجوى= ايه فيه لحم كثيييير شهد= حشى هالبنت قطو! رجوى= هي افهم منك..ما سمعتي المثل اللي يقول تعشيت قال ايه..عرمشت قال لا ..قال أجل ما تعشيت ••-------•?••?•{n}•?••?•--------•• جلست على كرسي تسريحتها...و سندت يدينها على التسريحه...و هي تطالع نفسها بالمرايا... شعرها اللي يوصل لحد أكتافها...و مقصوص بدرجات كثيره...يلتف حول وجهها الدائري...بملامحها الهاديه...الكل يقولها إن طيبتها تبين من ملامحها...و عيونها... و نظراتها المتردده و الخجوله...أكثر شي يجذب فيها... تنهدت و هي مستغربه من حالها...أول مره تتأمل نفسها بهالشاعريه...أول مره تاخذها أحلام اليقظه...ما تدري ليه... أو يمكن تدري بس ما تبي تعترف حتى بينها و بين نفسها...ما تبي تحس بغبائها...هي مو مراهقه عشان تفكر بهالسخافه... مع كل هذا...رجعت للمره الألف...تتذكر الموقف اللي صار بينهم...حتى لو كان بسيط...حتى لو ما تعدى الثواني...لكنها غصب عنها بس تتذكره... و ما تغيب من بالها ملامحه الوسيمه...نظراته الدافيه و الحنونه...إبتسامته الهاديه... أول مره تشوف رجل بهاللين و التسامح...بدون النظرات الوقحه...أو المسيطره... ضحكت على نفسها...هي خلاص خلته طيب...و فسرت أخلاقه على ملامحه... ولاء تهزها= هيـــــــه وين رحتي؟ وفاء تفز= ولاء! وش فيك؟ متى دخلتي؟ ولاء= اللي آخذ عقلك..لي ساعه اكلمك ما دريتي عني وفاء انحرجت من نفسها= سرحت شوي ولاء تجلس على طرف التسريحه= سويت قهوه تعالي تقهوي معي وفاء= زين ولاء تشوف الأوراق اللي على التسريحه= مين بسام؟ وفاء انصدمت= هاااه ولاء تأشر على الإسم اللي بالورق= مين بسام هذا؟ وفاء تكذب= ولد أخت صديقتي..دائما تتكلم عنه و تذكرته ولاء توقف و تضحك= لو ما كنتي وفاء..كان قلت إنه واحد تحبينه راحت لكن صوت وفاء و قفها... وفاء= ليه يعني؟ ولاء بإستغراب= وش اللي ليه؟ وفاء= ليه عشاني وفاء ما تفكرين بكذا؟ ولاء= مادري؟ بس ما أحس إنك تفكرين بخرابيط البنات هاذي عندي شعور إنك انولدتي و عقلك كبير...احس ما تهمك الرومانسيات..و تنتظرين ولد الحلال المناسب اللي يرضى عليه أبوي و يقدمك له..و اتخيلك تعيشين حياة مثل اللي عايشتها أمي و مرة عمي...مطيعه و هاديه..تسوين كل اللي ينقال لك..و بعد اتخيل تجيبين بنتين و ولدين كلهم مؤدبين مثلك ابتسمت وفاء بدون ما تحس بفرح= زين و حياة كيف تخيلتي حياتها يالمؤلفه؟ ولاء تبتسم بحماس= حياة فيها شوي اكشن...و لها ثلاث خيارات...يا أما تتزوج واحد و يروضها و تحبه و هذا الإحتمال خيالي زياده عن اللازم..أو تتزوج بالغصب و تقرر تنتقم من الرجال بزوجها و تذبحه..أو إنها بتوقف بوجه أبوي و تعانده و أبوي يثور عليها و هالحل صراحه مالقيت له نهايه مادري مين بيغلب الثاني وفاء تتنهد= و فرحانه و أنتي تقولينها؟ ولاء بحزن= لا والله مو فرحانه..بالعكس أنا كل يوم ادعي إنك تعنسين أنتي و ياها وفاء= ليه؟ ولاء= لأنها هي ما تبي تتزوج..و أنتي بطيبتك و غبائك هذا حرام تتزوجين واحد يستغلك وفاء توقف= خلينا نروح نتقهوى احسن راحت معها و هي تتذكر كل كلامها...(معها حق..و كأنها جايه تصحيني من الغباء اللي كنت أفكر فيه..يعني وش متخيله؟ قصة حب من أول نظره؟) لكنها مع كل هذا...كانت تحس إنه شي حلو مر بحياتها لا يمكن تنساه...على الأقل أول حلم لها...أول شخص تفكر فيه... ما تدري وش معنى هو بالذات...ما صار بينهم أي شي يسوى هالإحساس اللي بقلبها...لكن يمكن عشانها حست أول ما شافته إنه مألوف و مريح بالنسبه لها ما تدري ليه.. يمكن قد شافته من قبل في المستشفى...أو في أي مكان...ما تدري... ••-------•?••?•{n}•?••?•--------•• كانت أم رائد جالسه تضحك مع وحده من جاراتها...و انصدمت و هي تشوفهم يدخلون...و الكل يسلم عليهم...على بالهم إنهم معزومين... سلموا بكل جرأه و جلسوا يسولفون مع الموجودين...و هي تطالعهم بحقد...و إستحقار... أم سعد بقرف= ليه عازمتهم؟ أم رائد= و مين قال لك إني عازمتهم..هم كذا راميين وجيههم أم سعد= حمدالله و الشكر..صدق شحادين..اطرديهم أم رائد= تبيني اطردهم قدام أم علي شوفي كيف فرحت بجيتهم..لا ما أقدر..المره لها احترام و تقدير عندي و أدري بيضايقها طردهم جلست رجوى عند أم علي... أم علي= وش أخباركم يا بنتي؟ رجوى= بخير يا وجه الخير...و حنا نحتاج شي و أنتي موجوده؟ أم علي= الله يغنيكم من فضله رجوى= آمين أم علي= روحي يا أمي سولفي مع البنات رجوى= أي بنات؟ الجلسه معك تسواهم أم علي= الله يسلمك..بس أنا أبيك تنبسطين مع خواتك رجوى= عشانك بس قامت و راحت عند البنات...اللي كانوا قله يحبونها...و اكثرهم يعاملها بتعالي... جلست و صارت تسولف و تضحكم مع البنات اللي يكلمونها...و هالشي خلى بنت أم رائد تحس بالقهر...و حبت تفشلها... منى= أقول رجوى أمي كانت جامعه ملابس بتوديها الجمعيه الخيريه نتبرع فيها..بس أنا تذكرتكم و قلت الأقربون أولى بالمعروف..وش رأيك تبينها؟ ترى ما انلبست إلا مره..بس تعرفين ما نحب نلبس الشي مرتين رجوى فهمت قصدها= خلاص بكره ارسلك العيال ياخذونها..ما تقصرون..(ترفع يدينها و تدعي من قلب) الله يعطيك على قد نيتك..و يجازيك بمثلها..قولوا آمين يا بنات البنات= آميــن طالعتها رجوى بمكر...و هي تشوف الخوف بعيونها من هالدعوه...لأنها أكيد عارفه نيتها السوداء من ورى اللي قالته... ••-------•?••?•{n}•?••?•--------•• كانوا نايمين بغرفتهم... حياة= رحيل مرتاحه اللحين؟ رحيل= أكيد حياة= أنا بعد مرتاحه إنك هنا..خلاص انسيهم يا رحيل و انسي اللي راح و حاولي تعيشين حياتك..و تلقين شي تقضين وقتك فيه..حتى المفروض تكملين دراستك بعدين..ما أحد يحق له يحرمنا من حياتنا يارحيل رحيل تتنهد= بأحاول يا حياة لا تخافين حياة= و أي شي تحتاجينه أنا موجوده رحيل= الله يخليكم لي غمضت عيونها...و هي تفكر بكلام حياة...معقوله تحيا روحها من جديد...معقوله جلستها هنا تغير فيها شي...أو بتبقى مثل ما هي...عايشه جسد بدون روح...بدون إهتمام بأي شي... ••-------•?••?•{n}•?••?•--------•• الساعه الواحده ليلا/ جلست رجوى و بحضنها حنين...مع بسمه وقمر على الدرج...مكانهم المعتاد إذا ملوا من بيتهم...و بغوا يسولفون... قمر= رجوووي قاهرتني وش اسوي فيها؟ حتى فرقت بيني و بين صديقاتي رجوى= يا ربي عليكم كانكم بقر..و لا وحده طلع فيها خبث مثلي قمر= شكلك اخذتي كل جينات الشر اللي بأبوي و ما بقيتي لنا شي رجوى= اسمعي بس أنا اقول لك وش تسوين فيها..باكتب لك ورقه فيها سب لصديقاتك على لسانها و حطيها في درجها..و قولي لصديقاتك انك شفتيها تقراها هي و وحده معها و يضحكون ولو مو مصدقين روحي طلعي الدفتر و خليهم يشوفون قمر بإحباط= ماراح يكون نفس خطها رجوى تصرخ= ياااا عنز اسرقي دفترها يوم السبت و أنا اقلده لك قمر اعجبتها الفكر= حلووو اعتبريه عندك سمعوا صوت أحد يمشي في الحوش... قمر= مين هذا؟ رجوى= يمكن مشيعل انصدموا و هم يشوفون أبوهم يدخل عليهم... رجوى= يبــــه!! راحوا يسلمون عليه... رجوى بسخريه= من طول الغيبات جاب الغنايم أبومشعل بفخر= و أنا جايب غنايم رجوى= لقيت شغل؟ أبومشعل= ايه و مو أي شغل..شغل في شركه كبيره انظف واحد في حارتنا ما يحلم يشتغل فيها رجوى= وش عينوك؟ لا يكون نائب المدير! مسكها مع شعرها يهزها= أنا مو قايل لك تقصين هاللسان يا حمار رجوى= خلاص خلاص..بس قول وش تشتغل؟ أبومشعل= الفراش الخاص لمدير الشركه بكبره رجوى= لاااا حلو حلو..بس يبه تعرف تسوي شاي و قهوه أو اعلمك؟ أبومشعل= مو أنا اللي اسويها فيه هندي يسويها..أنا اوديها و بس رجوى= أبووك يا عيال العز واحد يسوي قهوه و واحد يوصلها...يبه ليه ما تاخذني أصبها أبومشعل يدفها عن طريقه= انقلعي عن وجهي هناك تركهم و طلع فوق...و رجوى التفتت على قمر... رجوى= خلاص راح مفعول الشوق عند أبوك..هههه ما طول لين رجع لحالته •• •• •• بعد ساعاتين/ نامت رجوى على ظهرها...و هي تسمع صوت شهد الواطي و هي تقول لحنين قصه عشان تنومها... شهد= و اشتغل أبومشعل في الشركه الكبيره بنشاط و جهد...لين في يوم تعب و لا راح للشغل..و قلق عليه المدير لأنه كان يحبه و يحترمه و راح يتطمن عليه..و هناك شاف شهد البنت الحلوه و هي تهتم بأبوها و أعجب فيها و حبها و قرر يتزوجها و راحوا شهر العسل للبندقيه رجوى بصوت عالي= ههههه بندقيه و إلا فستقيه..والله قصتك مستهلكه و ممله شهد بإحراج= بسم الله أنتي ما نمتي؟ قمر= وين ننام و أنتي ازعجتينا بأحلام اليقضه مادري القصه اللي تقولينها رجوى= تعالي حنحون أنا أقولك روايه أكشن أحلى من رواية شهد نطت حنين بسرعه من سرير شهد...و راحت تنام عند رجوى... حنين= يله دولي رجوى تعلي صوتها عشان تسمع شهد= و كان أبومشعل رجلاٌ غشاشاُ يتسمعو على مديره و يسرقو منهو الصفقات و الكفوف هههه حنين= وثي الثفقات؟ رجوى= هذا واحد معه فلوس كثييير يروح يضرب واحد معه فلوس كثييير و ياخذ هو كل الفلوس حنين يقالها فهمت= ايه عرفت رجوى= الله من الكذب..المهم إن أبومشعل كان عندهو فتاتون ذكيتن جدن تدعى رجوى..أخذت منه الصفقات وأرسلتها لشركة أخرى و استلمت منهم كمشة فلوس و هربت خارج البلاد و استمتعت بحياتها حتى النخاع حنين بإعتراض= و أنا؟ رجوى= وش فيك أنتي؟ حنين=ليه ما رحت معك؟ رجوى= ههه القصه الثانيه أخذك معي..وش رأيك بقصتي قموور؟ قمر= على سخافة قصة شهد إلا إنها أحلى شهد= ههههه أخذت رجوى وسادتها وضربت قمر بقوه...و قمر ردت لها الضربه بنفس الوساده...و صاروا يتضاربون و يصرخون لين صحوا بسمه اللي كانت غارقه في النوم... بسمه تلتفت لشهد= وش فيهم؟ شهد= ما عليك منهم ارجعي نامي لكن بسمه جتها وساده طايره من رجوى...و بحماس و ما كأنها توها صاحيه من النوم صارت تلعب معهم...و ضربوا شهد بعد...لين صارت الغرفه كلها حرب في الوسايد الطايره...و صراخهم و ضحكهم واصل لآخر البيت... ••-------•?••?•{n}•?••?•--------•• | |||||||||||
|
| |
|
19-11-11, 01:29 PM
| #29 | |||||||||||
| نجم روايتي وعضو فعال في منتدى صحة ورشاقة
| .•.°.•?•n|[?الــبــــارتـ الـســابــــعـــ ?]|n•?.•.°.•. •• بـعــد أيــــام •• صحت شهد من نومها...و التفتت تشوف خواتها...بسمه و قمر صاحيات...و بس رجوى اللي كانت نايمه... قامت من سريرها و صارت ترتبه...و هي تطالع برجوى...تخاف تصحى و تضحك عليها مثلها دائما إذا شافتها ترتبه...و ضحكت و هي تشوف سرير رجوى...ما تدري كيف تنام فيه وهو بهالحال...(نايمه هي و ملابسها و كتبها..الله يعين هالسرير كل شي عليه!) أول ما طلعت من الغرفه...فتحت رجوى عيونها...و نطت من سريرها على سرير قمر...بعده سرير بسمه...لين وصلت سرير شهد...و خربت ترتيبها...راحت تاخذ قلم ألوان من شنطة بسمه...و كتبت على الجدار اللي جنب سرير شهد...(أثبتت الدراسات الرجويه أن الترتيب الدائم سبب رئيسي لأمراض القلب و التهاب العقل و إنتشار الإكتئاب المزمن بأنحاء الجسم) و رجعت تنام...و غطت وجهها... رجعت شهد للغرفه...و شافت سريرها و قرت اللي مكتوب على الجدار...عصبت عليها و راحت تهزها... شهد بقهر= رجوووى ليه تخربين الجدار؟ رجوى ترفع عنها الغطاء= كيفي..بيت زوجي مستقبلا و أنا حررره فيه شهد= أوووف تركتها و راحت ترتب سريرها...و أخذت من درجها صور ورد و بدت تحطهن على الجدار تغطي كتابة رجوى...راحت لها رجوى و حطت يدها على راسها...و صارت تقرأ عليها... شهد تبعد يدها= قالوا لك مجنونه رجوى= لا شكل فيك مس..ساكنك جني بستاني على هالورد اللي غرقتي فيه شهد= الله يعلم مين اللي من سريرها ناطه على الشر رجوى= زين..جوعااااانه شهد= و أنتي متى شبعتي؟ رجوى= عندنا بلعه؟ شهد= يوم اطلع و قمر في المطبخ تسويلها..... ما كملت كلامها...إلا و رجوى طالعه بسررعه من الغرفه... •• •• •• دخلت تركض لقمر...و تعلقت برقبتها... رجوى= جوووعااانه قمر تحاول تبعدها= بسم الله خنقتيــني رجوى للحين ماسكتها= تأكليني معك؟ قمر بضيق= ايه بس فكيني رجوى تفكها= هههه ما تجين إلا بالعين الحمراء قمر= لا يا عيوني أنتي اللي بتسوين الشاهي رجوى تضربها= مالت عليك أخذت الإبريق...و رمته بسرعه و هي تصرررخ... رجوى= آآآآي قمر تشهق= يا خبله أنا توي طفيت على الإبريق! رجوى تنفخ على يدها= و أنا وش يعرفني؟ اشم على ظهر يدي قمر= خلاص حطي عليه زيت لا يلتهب..أنا اسوي الشاهي رجوى تضحك= كان من الأول! و وفرتي علينا هالإصابات قمر بإستغراب= وش دعوه تحسين أنتي! والله احس بتدخلين علينا يوم و رقبتك مقطوعه و راسك متعلق على صدرك و أنتي تضحكين رجوى تنفجر ضحك= ههههه تشبيه بليــغ..بس مرعب قمر تضحك معها= وش نسوي؟ مسهرتنا شهد أمس عند فلم رعب..يله روحي حطي على الحرق زيت لا تنسين..ارحمي يدينك والله ينفعن سجل مرضي للإصابات اللي تعرضتي لها بحياتك ••-------•?••?•{n}•?••?•--------•• بعد المغرب...في الصاله...دخلت حياة و شافت أم فايز و البنات... ولاء= صح النوم يا كسوله حياة تبتسم= أنتي آخر وحده تتكلم عن الكسل..الله يعينها عمتي كل صبح و هي طالعه نازله عليك وفاء= صادقه..أنا كل صبح أمر عليها اصحيها..و كل مره ألقاها غرقانه بالنوم أكثر من اللي قبلها ولاء بسخريه= أجل أنتي أول ما نفتح باب غرفتك صحيتي! حشى نوم ذيبه أم فايز= ليت كل البنات مثل وفاء حياة= كان الدنيا تصير كلها خير ولاء تطالعهم بنص عين= الله من الزهق..لا هوشات و لا صراخ وفاء= حرام عليكم وش فيها ولاء..كلها زين حياة تضحك= و أنا ليه ما أحد مدحني وفاء= أنتي شمعة البيت..و نوره ولاء بتريقه= وش هالمساء المفعم بالمشاعر! أم فايز= الله يخليكم لبعض ولاء تصرخ بإستهبال= خلااااص بأصيييح دخل أبوها...على صوتها العالي... أبوفايز بعصبيه= أوص و قص..اذلفي لغرفتك يله انحرجت ولاء و تضايقت...و طلعت بسرعه من الصاله...لحقتها وفاء لأنها تدري إنها بتروح كعادتها بعد أي صرخه من أبوها تصيح...و قامت معها حياة...لكن صوت عمها وقفها... أبوفايز= انتظري أنتي يا حياة أبيك بموضوع وقفت حياة...و رجعت بضيق تجلس...و وفاء نست ولاء...و وقفت وراء الباب تتسمع...و هي حاطه يدها على قلبها اللي بدت نبضاته تزيد...و هي من ملامح أبوها تتوقع الموضوع اللي بيكلم حياة فيه...بس اللي ما تتوقعه ردة فعل حياة...إلى أي درجه من القهر...و الإعتراض بتوصل... حياة= نعم أبوفايز= بكره جايينا خطاب لك..و أنا وافقت عليهم..تعرفينه..(التفت على أم فايز)نواف نسيب أبومشاري حياة كانت تسمع...و الغيض...و الكره...يتصاعد بنفسها...و أنفاسها المتلاحقه تخنقها عن أي كلام تبي تقوله... حياة بهمس= مــابي أبوفايز يلتفت لها بعصبيه= نعـم!! حياة توقف= مااابي اتزوج أبوفايز بغيض= ما شاورتك..بهالمواضيع أن اللي أقرر طالعته حياة بقهر...و هي تجمع كل قوه داخلها...و ترفع صوتها... حياة= هاذي حياتي و أنا اللي أقرر كيف بأعيشها أبوفايز يوقف و بعصبيه= أقول اتركينا من هالخرابيط و الدلع اللي ماله داعي..و نواف بتآخذينه غصب عليك..و أحمدي ربك إن واحد مثله فكر يآخذك و إلا ناسيه أبوك و سواد وجهه و فضيحته اللي سواها..أنا قلت بتعنسين عندي ما أحد طال بوجهك حياة توقف و تصررخ بقهر= مااااراااح اتزووجه لو تمووت كف قوي امتد على خدها...خلاها ترجع تطيح على الكنب...طالعته بنظرات كره...و حقد... قبل تطلع من الصاله و تركض لغرفتها...و لا انتبهت لوفاء...اللي كانت تركض وراها...و تناديها...لكنها ما سمعت... •• •• •• في الصاله...صب أبوفايز قهره كله...على أم فايز... أبوفايز= شايفه دلعك لها وين وصلها؟ البنت صار لها لسان تراددني..و ترفع صوتها علي..والله لو ما بكره جايينها الناس لأعلمها الأدب أم فايز بخوف= هدي نفسك يا أبوفايز..و إن شاء الله ما يصير إلا الخير..تلقاها بس تفاجأت و.... أبوفايز يقاطعها= غصب عليك و عليها بيصير خير..و بكره لو ما طلعت مثل بنات خلق الله و قابلت الناس..والله ما تشوفين الخير لا أنتي و لا هي تركها و طلع...و هي جلست حاطه راسها بين يدينها...تفكر بهالمشكله اللي مالها حل...صعب تقنع حياة توافق...و الأصعب تقنع أبوفايز يتراجع عن هالخطبه... •• •• •• في غرفتها...قفلت على نفسها...و جلست تحت سريرها...ترتجف قهر...و هي تردد بألم...(جاي يعايرني بأخوه!! اللحين صارت فضيحته خاصه فيني أنا؟؟ هو بالذات ماله حق! ماله حق!) تذكرت ذاك اليوم...اللي راحت تقول لعمها عن سوايا أبوها...و مكالماته...ترجته...و صاحت عنده...عشان يكلمه... للحين تتذكر الكف اللي جاها منه...و صوته الغاضب يهددها...تحترم أبوها و ما تتكلم عنه كذا...(كان يعرف و سكت..رفض يكلمه..دام الناس ما تعرف..عادي..أنا و أمي مو مهم..المهم الناس ما تعرف..و اللحين أنا اللي أشيل العار؟؟!!) سمعت طق الباب...و صوت وفاء القلق تناديها... لكنها ما ردت...كانت بحالة قهر...و ضيق...و تخاف لو تفتح هالباب و تشوف أحد...أو تطلع لعمها تسوي شي تندم عليه... •• •• •• دخلت وفاء على ولاء...و شافتها جالسه على مكتبها و مكشره...سكرت الباب و تسندت عليه... وفاء= نواف خطب حياة ولاء تلتفت عليها و تشهق= وش قالت؟؟ قالت لها وفاء اللي صار... ولاء بكدر= يارب ما يصير فيها شي..حرام عليه ما يكفي التعب اللي هي فيه بعد بيغصبها على الزواج...ليه أبوي ما يحس؟...(كملت تكلم نفسها بأسى) وهو من متى حس فينا من الأساس وفاء= الله يستر.. ولاء= كلمتي حياة؟ وفاء= ما رضت تفتح لي..و لا ترد علي ولاء= أبوي وينه؟ وفاء= سمعته يطلع ولاء= بأروح اشوف أمي..أكيد متضايقه وفاء بضيق= بس وش نسوي؟ خايفه على حياة..هي ما تتحمل طاري الرجال؟ كيف زواج هالمره؟...ولاء روحي طقي عليها ولاء= و على بالك بتفتح؟ ما تعرفين حياة؟ وفاء= يعني إذا تركناها احسن ولاء بضيق= مين يعرف وش الأحسن..ادعي ربك يرحمنا وفاء تتنهد= يااارب تركتها ولاء و نزلت لأمها...و هي راحت تطق على حياة للمره الثانيه...لكن ما جاها جواب... رجعت لغرفتها...و جلست على سريرها تفكر بضيق...التفتت تشوف جوالها اللي على السرير...و طرى على بالها الدكتور بسام...و تذكرت الكرت اللي أخذته من المستشفى...و فيه رقم مكتبه... لكنها كانت فكره براسها بس...مو سهل تتنفذ أبدا... ••-------•?••?•{n}•?••?•--------•• طلعت رحيل للحوش...بعد ماراحت جدتها كالعاده هالوقت لجمعة الجارات...و راحت تسقي النخلات الثلاث اللي في الحوش...و هي تتذكر زيارة عمها قبل أمس...اللي جاء لحاله...لا زوجته و لا بناته فكروا يجون معه...و هذا اللي كانت متوقعته...(ما صدقوا يرتاحون و ينسون! أحيانا أحس إني المفروض ما أطلع من بيتهم و أجلس أنكد عليهم عيشتهم و لا أخليهم يرتاحون..اعيشهم العذاب اللي عيشوني فيه..القهر..و الخوف) تذكرت عمها...كيف سكتته و هي تسأل ليه ما أحد منهم جاء معه...نظراته المنحرجه و المرتبكه...لكنها ما سألت هالسؤال حب فيهم...لا...بس عشان تحرج عمها...و يرجع يفتح لهم محاضره...و تدري إنه بعد كم يوم بيجيبهم معه غصب...وقتها تطلع حرتها فيهم مثل ما تعودت...و تراقب الغيض المكبوت بعيون مها...و الكره اللي يملأ نظرات بدور...و ملامح هناء و أحمد و أمها المستنكره للي تسويه...و اللي متأكده إنهم يسألون نفسهم مية مره عن سبب هالكره... حتى عمها بنظراته العاجزه...الحايره...وهو يشوف كل حنانه الكذاب و إهتمامه ينصد بجدار قسوتها و برودها... تعودت تشوف هالأشياء من سنين...لين حست إنها ادمنت عليها...هم الوحيدين اللي كانت تقدر تطلع فيهم قهرها...و كرهها الكبوت...(لازم تدفعون الثمن..طول ما أنا عايشه و أتذكر) دخلت للبيت...و راحت لغرفتها هي و البنات...تتذكر الأيام اللي راحت و هي هنا...ابتسمت و هي تحس براحه لمجرد إنها تصحى و تنام قريبه من جدتها...حتى الجيران اللي هنا...مع إنها تتعامل معهم برسميه و جفاء...إلا إنهم ما كانوا يثيرون فيها أي كره أو حقد...بس عشانهم يحبون جدتها... كانوا طيبين...بس هي الظاهر خلاص...تعودت تعيش عمرها لحالها...مع أفكارها...و أحقادها...تعودت تعيش بجمود و سكون... و هالشي كان واضح عليها...لدرجة خلا الناس تتحاشى تكلمها...لأنهم متأكدين من صدها و جفاها... حتى لو حاولت تتغير...تختلط بالناس...كان فيه شي داخلها يمنعها... ما تلقى شي تقوله لهم...و لا كيف ترد عليهم...و لا تتعامل معهم... ••-------•?••?•{n}•?••?•--------•• دخلت ولاء على وفاء... وفاء= فتحت لك؟ ولاء= لا وفاء= و لا ردت عليك ولاء= بعد ما تكسرت يدي من الطق..ردت علي..و قالت إنها ما تبي تتكلم مع أحد وفاء تتنهد= و كيف صوتها؟ تحسينها صايحه؟ ولاء= لا..كان صوتها عادي وفاء= الحمدلله ولاء= بالعكس لو صاحت احسن..على الأقل ترتاح..تلقين الوجع اللحين كله في قلبها وفاء تطالعها بإستغراب= ...... ولاء= والله صادقه..أنا كل ما صرخ علي أبوي اصيح..و مره زهقت قلت بطنشه و لا راح أصيح..حسيت إني مخنوقه كل اليوم و راسي مصدع..و معدتي توجعني..و يوم صحت ارتحت سرحت وفاء تفكر...(هذا حالك بيوم واحد بس! أجل كيف حياة اللي من سنين حابسه كل القهر بقلبها) ولاء= وش تتوقعين يصير بكره؟ يمكن ما تطلع حياة من غرفتها؟ وفاء= ما اتخيل وش بيسوي فينا أبوي ••-------•?••?•{n}•?••?•--------•• دخلت مها للصاله...و جلست عند بدور... مها= عرفتي رحيل وش قالت لأبوي؟ بدور= ايه أمي قالت لي مها= والله تقهر هالبنت..حتى و هي بعيده مو مرتاحين منها....اللحين مو سكنت عند جدتها اللي بغت تذبحنا عشانها..خلاص وش تبي فينا تسأل عننا؟! بدور= هاذي المشكله إنها ما تبي تشوفنا..حتى لو رحنا لها يمكن ما تقابلنا..ليه تسأل عننا مادري؟ مها= عشان تضايق أبوي بس..تبي تبين له إننا حنا اللي ما نبيها...أو يمكن ما لقت هناك أحد تطلع شرها عليه قالت أجيبهم اسم بدنهم شوي بدور= بس أنا ماابي اروح مها بإستنكار= و مين قال لك بنروح..أنا قلت لأبوي إنها ما تبينا و لا تحبنا بس تسأل تبي تحسسك بالذنب كعادتها ••-------•?••?•{n}•?••?•--------•• دقت أم مدى...على أم مشاري...و سلمت عليها...و بعد ما سألت عن أخبارها... أم مدى= جهزي نفسك بكره بنمر عليك أم مشاري= ليه؟ وش عندكم؟ أم مدى= بنروح بكره نخطب حياة رسمي..وافق عمها على نواف أم مشاري= يعني كملتي رأيك و اقنعتيه بحياة أم مدى= تفآئلي خير..و إن شاء الله ربي يوفقهم أم مشاري= آميــن..بس حياة وش رأيها؟ أم مدى= بكره نعرف..بس إذا عمها وافق أكيد هي موافقه أم مشاري= لا مو أكيد..الأكيد إنه بيغصبها..الله يهديك بس..زين يعني لو اخذته غصب! أم مدى= ماراح تلقى أطيب و أحن من نواف..لا تخافين هو متفهم اللي فيها و عنده إستعداد يتحملها ••-------•?••?•{n}•?••?•--------•• بعد المغــرب/ طلعت رجوى من الغرفه و شافت شهد عند التلفزيون تتابع مسلسل...و أمها و قمر جالسين يتابعون بدون إهتمام... مرت بين شهد و التلفزيون...و وقفت لعانه تتمطط قدامها... شهد= يوووه رجوى بعدي بأشوف تقوله أو لا رجوى= اللي أعرفه إن القول ينسمع ما ينشاف شهد تدفها من قدامها= أنا عندي بالثنتين رجوى= والله مسرفه بحواسك على غير سنع مرت من عند قمر و وطت على رجلها... قمر= آآآآي ما تشوفين رجوى بإستهبال= أوو رجلك! بسم الله واصله لهنا و أنتي هناك قمر= اذكري الله لا تشليني..يا متر و نص رجوى= مخليته لك الطول..ما تدرين إن كل قصير حكمه أو نقمه قمر تضحك= و أنتي أكيد نقمه شافت بسمه و حنين يدخلون للصاله... أم مشعل= وين فيصل و بدر؟ بسمه بإعتراض= طلعوا يلعبون في الشارع..و قالوا ياويلكم تطلعون معنا رجوى= والله صار للذبانه دكانه و صارت تسكر على بكير! وهم وش دخلهم هالنتفه و المعصقل صاير لهم راي؟ بسمه بفرح= نطلع نلعب في الشارع؟ رجوى= لا خلي شارعهم لهم..أنا العبك لعبه أحلى حنين= و أنا رجوى= كلنا..حتى سيده أناقه و كركر بيلعبون قمر تحمست= وشو؟ رجوى راحت للمطبخ...و أخذت سائل غسيل الصحون... رجوى بفخر= اليوم بندشن ساحة تزلج في بيتنا..و الدخول مجاني تحمسوا و نزلوا للحوش...حتى أمهم نزلت تتفرج عليهم... فتحت رجوى صنبور الماء اللي في الحوش...و صارت ترش الماء في كل مكان...بعدها و زعت الصابون بكل مكان... رجوى تصرخ= ابتدأ وقت المرررررح صاروا يركضون و يتزلجون...يطيحون و يقومون...و صراخهم و حماسهم...واصل لآخر الحاره...لدرجة إن فيصل و بدر رجعوا على أصواتهم...و دخلوا هم و العيال اللي كانوا معهم يلعبون معهم...و امتلأ الحوش الضيق فيهم... ••-------•?••?•{n}•?••?•--------•• | |||||||||||
|
| |
|
21-11-11, 01:16 PM
| #30 | |||||||||||
| نجم روايتي وعضو فعال في منتدى صحة ورشاقة
| جلست وفاء بغرفتها لحالها...و الجوال بين يديها...خزنت فيه رقم الدكتور...و كل دقيقه...تحاول تفتح الخط...و تتراجع...لكن خوفها على حياة...و ردة فعلها...خلاها تتشجع...(بس وش أقول له؟) راحت لمكتبها...و أخذت ورقه و قلم...و كتبت اللي بتقوله...عشان ما تتلخبط...أو تنسى...و بيدين مرتجفه دقت الرقم... وفاء= السلام عليكم الموظفه= و عليكم السلام و الرحمه وفاء= لو سمحتي..ممكن أكلم القسم النفسي الموظفه= لحظه.......تفضلي أختي زادت دقات قلبها...و تسارعت أنفاسها...لين حست إنها ماراح تقدر تتكلم...لكنها غمضت عيونها بقوه تتخيل حالة حياة اللحين بعد الكلام اللي قاله أبوها...و تتخيل لو ما طلعت بكره وش راح يصير فيهم...و كل هالأشياء شجعتها شوي... انتبهت للصوت اللي يتكلم من زمان...و أول ما عرفته...سرت رجفه في جسمها... د:بسام= ألــو وفاء بصوت لاهث= السلام عليكم د:بسام= و عليكم السلام و الرحمه وفاء= ..... د:بسام= نعم أختي وفاء= الدكتور بسام؟ كانت تعرف إنه هو...متأكده إنه هو...لأن صوت كان يرن في أذنها كل الأيام اللي راحت...بس كانت متوتره...و ماتعرف كيف تبدأ... د:بسام= ايه أختي..تفضلي وش بغيتي؟ وفاء بتردد= كنت..كنت....أبي آخذ رأيك..بحاله نفسيه عندي د:بسام يبتسم= تفضلي أختي كان حاس بتوترها...من صوتها المهزوز...و هي ارتاحت إنه على الأقل بيسمعها... وفاء= بصراااحه...مو بس إستشاره...أنا...أنا أبيك تعالجها د:بسام= خلاص أختي أعطيك موعد و ..... وفاء تقاطعه= لا....أنا أبيك تعلمني كيف أعالجها..و أنا.... د:بسام بضيق= أختي ياليت توضحين وش تبين؟ أنا مو فاهم شي! وفاء= قريبتي تمر بحاله نفسيه صعبه..و بترفض تتعالج عند دكتور نفسي..و أنا أبيك تقولي كيف أعالجها و أنا بأسوي كل شي د:بسام يتنهد= أختي أنتي تسوين كل هذا عشان ما تدفعين فلوس الإستشاره؟! وفاء بإحراج و ضيق= لا..بس قلت لك إنها ماراح ترضى تتعالج..و أبوي ماراح يخليها تروح لدكتور نفسي د:بسام= اعذريني أختي..صعب أصدق هالكلام...كثير مثلك يدقون اللي يتهرب من دفع قيمة الإستشاره و يآخذ وقت مرضى أحق بالعلاج..واللي يدقن يبون يضيعون وقت و يألفون لي أمراض بس عشان يتعرفون..أنا مو عارف أنتي صادقه أو لا..بس مابي انخدع مرتين..و حتى لو كنتي صادقه..العلاج النفسي ما يتم بهالطريقه وفاء تفقد أعصابها و تصيح= بس...بس...أنا أبي...أساعدها...مو هاينه علي...والله حرام اللي يصير فيها...أخاف يصير لها شي...وش أسوي؟...ما بيدي غير هالحل...وش أسوي؟؟ سكت بسام...وهو يسمع شهقاتها...و حس بضيق لأنه جرحها...من أول ما دقت و هي مرتبكه و خايفه...و باين إنه كان الحل الوحيد عندها...تأفف بخاطره...كان ضعيف قدام دموع المرأه...و لا قدر ينهي هالمكالمه...و يكسر بخاطرها... د:بسام بحنان= هدي نفسك أختي..و اعذريني..فيه ناس تحب تتلاعب و أنا مر علي كثير..قولي اللي تبين..و إن شاء الله أقدر أساعدك هدت وفاء...من أول ما سمعت صوته الهادي...يكلمها برقه و حنان... وفاء بضيق= مادري من وين أبدأ? د:بسام= اللي يريحك..اللي يجي بخاطرك قوليه وفاء تتنفس بقوه= بنت عمي..هي طبيعيه ما فيها أي شي..بس..بس إذا جاء طاري أي رجل تضيق فيها الدنيا د:بسام= ليه؟ تعرفين السبب؟ ترددت وفاء...ماتبي تقول له...مهما كان يبين إنه طيب...هي ما تعرفه...و لا لها حق تفضح أسرار حياة قدامه...ما تضمن وش يصير بعدين... وفاء= ايه..بس ما أقدر أقول..هالشي خاص فيها..مالي حق أقوله د:بسام يتنهد ببملل= يا أختي المريضه ما تقدر تجي..و أنتي مو راضيه تقولين لي حالتها كامله..كيف تبيني أساعدها؟ أو حتى أشخص حالتها..أنا آسف بس ....... خافت وفاء يسكر...و ترجع لحالها بهالمشكله...حاولت تقنعه... وفاء تصيح= الله يخليك..لا تسكر..أبوي غاصبها تتزوج..جايينها خطاب بكره..و هي من عرفت سكرت على نفسها الباب..و أنا خايفه عليها...أنت قد شفتها...والله أنا صادقه...حياة...لو تتذكرها...الدكتوره ريهام طلبت منك تشوفها بس هي ما رضت تتكلم انصدم بسام...وهو يسمع اسم حياة...ما تخيل إنه بيوم بيعرف عنها شي...و هاللحين رجعت حالتها تصير بين يدينه... د:بسام بعد صمت= زين قوليلي اللي تقدرين تقولينه وفاء= عندها ذكريات من سنين صارت..و هي اللي عقدتها..من يومها و هي تكره الرجال.. د:بسام= و هالذكريات مرتبطه بشي عام؟ أو بالرجال خاصه؟ وفاء= لا بالرجال خاصه د:بسام= و هالذكريات..سريه ما تبي أحد يعرفها؟ أو تسبب لها نوع من تأنيب الضمير؟ أو صعبه عليها و تحزنها؟ وفاء= لا كلنا نعرفها..يعني هي صعبه عليها و تضايقها..و لا عمرها جابت طاريها أبدا..حتى حنا ما نقدر نتكلم فيها قدامها..كنت اتخيل إنها نست بس هي أبدا ما نست تنهد بسام وهو يفكر بضيق...وش اللي ممكن يكون صاير لها من سنين...و معقدها... د:بسام= زين أنتي تقولين إنها إنسانه عاديه جدا..بس من طاري أي رجل ينقلب حالها..صح؟ وفاء= ايه د:بسام= أي طاري لهم..أو موضوع عن غيره يفرق؟ و كيف تكون ردة فعلها؟ وفاء تفكر= يعني إذا جاء طاري رجل بسالفه عاديه تكشر و تسبه..بس إذا كان في الموضوع ظلم رجل أو إستبداده تعصب و تثور..و إذا كان الأمر له صله فيها وقتها تكون عصبيه أكثر و تروح لغرفتها تقفل عليها د:بسام= و بعد ما تطلع كيف تكون حالتها؟ وفاء= عاديه..ترجع لطبيعتها..بس ألاحظها متضايقه شوي..أو تتعب بسرعه..لين ترجع مثل أول د:بسام بعد صمت= غالبا..اللي عندها كبت وفاء بإستغراب= كل هاللي فيها و بس كبت؟! د:بسام= الكبت مو سهل مثل ما تتخيلين..صحيح كلنا نكبت أحيانا أشياء تضايقنا..بس يكون عن وعي مننا..لكن إذا زاد الكبت و صار هو الحل لكل مشكله تواجهها يعتبر حاله مرضيه..تخليها تتصرف تصرفات غير طبيعيه وفاء بقلق= بس حياة تصرفاتها طبيعيه..حتى أحيانا احس إنها نست الموضوع د:بسام= هي صحيح مستبعده الفكره و ما تفكر فيها..عشان تبعد عن نفسها التوتر و القلق..بس الفكره ما زالت موجوده و محتفظه بكل قوتها وفاء بخوف= يعني وش ممكن يصير فيها؟ لو استمرت تكبتها؟ د:بسام= تظل في اللاشعور و تعبر عن نفسها بطرق مختلفه..مثل أحلام مزعجه..شعور بالضيق..تصرفات خطأ..أو جريمه....أو يمكن الظروف تستفز هالشي المكبوت و يظهر فجأه و يحطم سدود الكبت كلها و تنهار وفاء تنزل دموعها= ....... د:بسام يكمل= راح ينقلب الكبت عندها بعد ما كان وسيله دفاعيه بيصير وسلة هجوم و تزداد قوته..و القوه اللي كانت فيها تبدأ تضعف..و إحتمال تتعرض لأمراض صحيه وفاء بذهول= كل هذا فيك يا حياة!! وش أسوي؟ د:بسام= المفروض تقنعين أبوك يخليها تراجع عند دكتور نفسي..و عشان تقتنع هي اخذوها لدكتوره وفاء بضيق= أبوي لا يمكن يقتنع بهالشي..و لا أحد فينا يقدر يواجهه د:بسام= و لا تقدرين تكلمين أي أحد يأثر على أبوك..مالها خوال؟ وفاء= لا..ما فيه غير عمي..ولو عرف بهالشي ردة فعله بتكون أسوأ من أبوي....دكتور الله يخليك ساعدني باللي تقدر عليه..يمكن ما نقدر نعالجها كذا..بس على الأقل أخفف عنها..أعرف اتصرف معها لا شفتها بهالحال سكت لحظات...خافت فيها إنه ما يوافق على هالشي...خاصه بعد ما عرفت إن حالتها مو سهله... د:بسام= خلاص بأكون معك..بس هالشي ترى مو صح..يمكن فيه أشياء داخلها حنا مو عارفينها..و نهملها......(و بتراجع) العلاج بهالطريقه يمكن ما يجيب نتيجه..اخاف نضرها أكثر ما ننفعها وفاء= تكفى يا دكتور..أنا لحالي ما أعرف اتصرف د:بسام يتنهد= خلينا ننتظر ردة فعلها على اللي بيصير بكره..و عليه نشوف كيف نتصرف معها؟ و كيف تكلمينها؟ وفاء= مشكور دكتور..بس... د:بسام= بس ايش؟ تبين شي ثاني؟ وفاء= بس كنت أبي اعرف متى اتصل..أخاف تكون مشغول د:بسام= ذكرتيني مو دائما أرد على تليفون المكتب..اخذي رقم جوالي وفاء تشهق= هاااه د:بسام= فيه مشكله؟ اعتقد الجوال أو التليفون ما يفرق وفاء بإستسلام= خلاص كم الرقم؟ عطاها الرقم و بعدها سكرت...و هي تتنفس لأول مره بإرتياح...تأملت رقم جواله بإبتسامه باهته...(رقم شاب بجوالي؟! ما تخيلت هالشي أبدا!) حست بالقلق...و الخوف يرجع لها مره ثانيه...(لو أحد عرف؟ لو درى أبوي عن اللي سويته؟) خافت من هالفكره...لكنها ابعدتها من تفكيرها...عشان ما تتهور و تمسح رقمه... •• •• •• تنهد بسام وهو يراجع في باله كل اللي سمعه عنها...(وش ممكن يكون اللي عقدها لهالدرجه؟) غمض عيونه بقوه وهو يحس بقهر...من الأفكار اللي صارت تطري في باله... طول عمره يتعامل مع حالاته بعقلية الدكتور...ليه حالتها بالذات تثير عواطفه...و توجع قلبه...(يمكن لأني حاس إن ما حواليها أحد يقدر يساعدها..و يطلعها من اللي هي فيه) ••-------•?••?•{n}•?••?•--------•• •• مــن بـكـــره •• كانت من أمس واقفه قدام لوحتها ترسم...ما تبي تفكر بأي شي و اشغلت نفسها بالرسم...لكن و هي تشوف اللوحه ما فهمت شي منها...كلها غموض...و فوضى...كانت أمواج ثايره بألوان متضاربه...بوسطها قارب صغير تستنكر العين وجوده سالم بين هالأمواج القويه...لكن القارب كان موجود...بألوان واضحه و مسيطره على الموج كله رمت الفرشاة من بين يديها بتعب و ملل...و هي تطالع باللوحه و تحاول تدور لها معنى... لكنها رجعت تتذكر كلام عمها...و اللي بيصير اليوم...(لازم اتصرف بعقل..لو اعترضت عمي ماراح يسمع لي..و بيقلب البيت علينا كلنا..أنا ما يهمني بشي..لكن عارفه إن أم فايز و البنات بيتأثرون..و أنا مابي أضايقهم..و عمي أعرف كيف اتصرف معه..و هالخطبه ماراح تتم) سمعت الآذان...و راحت تتوضأ و تصلي...بعدها طلعت من الغرفه و قابلت وفاء... وفاء تطالعها بتفحص= صباح الخير حياة بهدؤ= صباح النور وفاء= وش أخبارك؟ حياة= بخير وفاء= تفطرين معي؟ حياة= ايه ميته جوع نزلت معها...و وفاء تطالعها بإستغراب...(ليه هالهدؤ؟ و لا كأنه شي صار أمس! أكيد ما رضخت لرأي أبوي..بس وش ناويه عليه؟...معه حق الدكتور..حياة تكبت كل اللي يواجهها و تعجز عنه) ••-------•?••?•{n}•?••?•--------•• بعد الحصه الأولى...طلعت الأستاذه من الفصل...و التفتت سلمى لرجوى... سلمى= وش جالسه تسوين من الصبح؟ مدت لها رجوى يدها...و هي راسمه على كل أصبع ملامح وجه...اللي مبتسم...و اللي حزين...و اللي مكشر...و ملونتهم و مسويه لهم قصات... رجوى= شوفي رسمت عيالي سلمى تضحك= تعيشين و تجيبين..الله يخليهم لك رجوى تضرب أصابعها بالطاوله= مالت عليهم ما ينفعون تهاني تلتفت عليهم= أمهم مين؟ رجوى= لا هم طالعين على أبهاتهم..لو طلعوا علي كان نفعوا البشريه سلمى= ليه من كم واحد جايبه عيالك؟ رجوى= من ثلاثه..أبو سعد حبي الأول منه اثنين(و تأشر على أصابعها) شوفيهم وش ملحهم مبتسمين و متعفطين على أبوهم..و هذا من أبوهيثم مكشر مثل أبوه..اليوم الصبح شفته بسيارته مكشر و تخيلت إني زوجته و بيوديني للمدرسه و توحمت و جبت هالولد بهالشكل..و هالأثنين الحزينين عيال شاهد..فلم هندي حزين على أبوهم سلمى= حشى ما بقيتي بهالحارات رجل إلا مريتي عليه! حتى الهنود ما سلموا منك رجوى= ماااا تدرون؟ أمس حلمت إني سرقت منه و كشفني و بلغ الشرطه و سجنوني..و بعدين تحسف و طلعني بس بشرط إني اتزوجه..و تزوجته و رحنا للهند و سرقنا جزيره و عشنا فيها..طلع آخذني طمعان بمواهبي السرقيه تهاني= والله مادري هالأحلام اللي كل يوم تقولينها صدق أو كذب رجوى بإستخفاف= حمد الله و الشكر حلم..أكيد مو صدق...إلا صح وش عندها البرنسيسه شذى غايبه لها قرن؟ سلمى= سمعت البنات يقولون أبوها توفي..و يمكن ما تكمل هالسنه دخلت عليهم أستاذة التاريخ...و الكل سكت...ينتبه للشرح...و رجوى طلعت دفتر الأدب تحل الواجب اللي ما حلته...لأنه كان عليهم الحصه اللي بعدها... ••-------•?••?•{n}•?••?•--------•• صحت رحيل...و طلعت للصاله و شافت جدتها... رحيل= صباح الخير يمه أم ساره= هلا صباح النور..تعالي يمه افطري رحيل تطالع عبايتها= يمه بتطلعين؟ أم ساره= ايه فيه وحده تعرفها أم سعيد ساكنه بعيد و تعبانه بنروح نزورها و تشوفها أم سعيد لو تبي شي رحيل تتنهد= زين يمه جلست أم ساره معها شوي...بعدين طلعت لمشوارها و رحيل جلست لحالها...ما تدري وش تسوي...و راحت تتسلى بترتيب البيت... ••-------•?••?•{n}•?••?•--------•• | |||||||||||
|
| |
 |
| أدوات الموضوع | |
| انواع عرض الموضوع | |
|
|
284Likes
.png)
العرض العادي
