آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-12-11, 01:38 AM
| #61 | ||||
| نجم روايتي و أميرة حزب روايتى للفكر الحر 
|  (الجزء العاشر ) المغرب المستشفى غرفة رغد نواف بهدوء : الان انا اقولك البنت صحت بس عطوها مهدئ ونايمه يعني الحمد الله ماله داعي هالدموع حنان وهي تبكي : مااقدر اشوفها منهاره يا نواف نواف مسك يدها : اذكري الله المفروض انك تهديها وتصبرينها وتقويها حنان زادت تبكي : خالي رغد هي كانت مصدر قوتي شلون اقدر اشوفها كذااو كيف اكون مصدر قوه لها وهي اللي كانت قوتي ضمها خالها نواف بهدوء بهاللحظه فتحت رغد عيونها ناظرت حواله بهدوء وبصوت مبحوح :ماي وقف نواف وقرب منها وحنان مسحت دموعها وقامت لها شربها نواف الماي ناظرت فيهم بهدوء ونزلت ادموعها بدون صوت طلعت حنان من الغرفه ونواف قرب منها:اذكري الله يارغد عدلت جلستها ودموعها تنزل بصمت بدون أي كلمه تنهدنواف وهو شايل همها :هذا شي مكتوب وربي كاتبه ومايسير تبكي اذكري الله ادعي له مايوصل له الا دعواتك هو محتاجك بهالوقت كوني اقوى من كذا وااذا على راضاه انتحبت وزاد بكاءها وحطت يدها على وجهها قرب منها وضمها :رضى ابوك تقدرين توصلينه اتصدقي عنه وادعي له وهو يرضى عليك ابوك عمره ماشال عليك ولاتنسي انك انتي اللي ماكنتي تبين تكلمينه بكت وهي تغوص بحضن خالها وبصوت باكي يتقطع :نواف راح وهو يحسبني زعلانه منه نواف هذا ابوي راح ابوي تعرف انا ذلحين يتيمه مالي احد يتيمه لمن كان ابوي موجود الكل كان علي كيف لمن راح بسير يتيمه ومالي سند راح السند يانواف راح السند يانواف راح ابوي بكت بصوت اعلى راح ابوي راح الغالي وانا ماقلت له احبك راح وماقلت له يبه انت دنيتي راح ابوي وهو زعلان مني راح ومسامحني بكت بزياده ضمها له يمكن يهديها :اذكري الله اذكري الله مايسير يارغد اذكري الله بين دموعها ونحيبها بصوت متقطع :لا اله الا الله لا اله الاالله انفتح الباب ودخل بشموخه وهيبته وعصاه بيده ناظرت فيه بهدوء انعدل نواف وعدل جلستها قرب منها بهدوء وبصوت ثابت :عظم الله اجركم اعتدلت بجلستها وبهدوء وهي تحاول تمسح دموعها وبصوت مبحوح :اجرنا واجرك اشر لنواف طلع نواف من الغرفه وبقت هي وجدها ناظر فيها جدها مطلق وبهدوء :كيفك يابنت حصه رفعت راسها له بهدوء ناظرته باستغراب بصوت هادي :طول عمرك تقولين انا بنت حصه وحفيدة مطلق خلك حفيدة الشيخ مطلق صدق لاتضعفين قدامهم حتى لو الوجع اللي بقلبك كبير ادري ايش معناة فقد الاب وهو وجعه انك تسير يتيم حتى لو كنت كبير يابنتي انا هالحياه علمتني كثير فقدة ابوي وامي واخواني وفقدة زوجتي وبنتي الغاليه وهذا انا الشيخ مطلق الموت حق نحزن ونبكي بس دموعنا ماتطلع من على مخدتنا يابنتي الصبر نعمه من الله وغير الصبر قوة الباس يابنتي بهالزمن الضعيف ينوكل وانتي تعرفين ان قدامك طريق طويل مع اهل ابوك كوني حفيدة الشيخ مطلق وخليك دائما قويه مهما كان كبر الحزن اللي بقلبك خلي دمعتك على مخدتك وبس والحزن عالميت ثلاث ايام يابنتي وابوك سار له اسبوع هالدموع هذي ابغاها اخر ادموع قدام مخلوق حتى المرايه لاتشوف ادموعك مخدتك بس هي اللي تواسيك حتى البشر القربين منك دموعك لاتطلع لهم لانك مصدر قوه لهم امسحي وجهك واغسليه بمويه بارده اكيد الكل درى وجاي لك يزورك خلك قويه يابنت الذيب وراسك لاينحني حتى الريح لاتنحنين لها طول عمرك قويه ادري ان موت ابوك كسر ظهرك بس لا خلي الكسر داخلك ولاطلعينه لمخلوق قاومي تعبك وكوني بنت الذيب وحفيدة الشيخ مطلق اللي مااحد يقدر يوطي لها طرف سكت وهو يناظرها كانت تناظر قدامها بنظرة تصميم وهدوء لفة له بعد ماسكت وبصوت هادي : بتظل سندي ياجدي لو وقفت قدام الريح بتحميني من عيال الذيب لو وقفت بوجههم ابتسم بهدوء وهو يوقف :من بعيد يابنتي انتم اهل بس لو احد جرب يضرك بكون موجود بس طول ماانتي بقوتك مايقدرون ياذونك اختفت ابتسامته بصوت غامض :كوني قويه بالحق ولاتظلمين يابنتي الا الظلم طلع من عندها وكلامه يرن باذنها قامت من السرير واعتدلت حست بدوخه خفيفه دخلت حنان عليها وعيونها دموع رفعت رغد راسها وبصوت مبحوح ثابت :تعالي يالغاليه قربت حنان وانهارت بحظن رغد اللي كانت ثابته بهدوء بدون ولادمعه وكان ادموعها اتحجرت بعد كلام جدها مسحت على راس حنان وبهدوء :اذكري الله يحنان هذا مكتوب سكتت حنان رفعت راسها متفاجئه اللي سمعته غير رغد كانت منهاره ايش سار رغد بابتسامه هاديه وبصوتها المبحوح :يلا امسحي ادموعك واذكري الله خليني ادخل اغسل وجهي قامت رغد ودخلت الحمام وحنان جالسه مصدومه بمكانها دخل نواف باستغراب :ايش فيك ناظرة باب الحمام :رغد عادي يعني مو مثل مااتوقعت منهاره ماادري كيف يعني رغد مابكت يعني كانت ماادري ضحك نواف :هههههههههه يابنت ايش فيك ضيعتي عادي مافيها شي طول عمرها رغد قويه لاتخافين عليها وترى ابوي كان عندها حنان :جدي مطلق اجل عرفت انه قال لها كم كلمه نواف خبط جبهته يو نسيت عمامك برى وترى معهم عبد العزيز خايف ادخله تنتكس حالتها بصوت ثابت وبنظره واثقه :لاتخاف علي خليهم يدخلون لفو عليها اثنينهم ابتسمت لهم بثقه وهي ترجع تجلس عالسرير رفعته بجلسه وطلبت طرحتها من حنان ونواف طلع يدخلهم لفة الطرحه على شعرها التعديل الأخير تم بواسطة لامارا ; 26-12-12 الساعة 12:46 PM | ||||
|
|
17-12-11, 01:40 AM
| #62 | ||||
| نجم روايتي و أميرة حزب روايتى للفكر الحر
| دخل اول شي جدها وكان مبين عليه التعب حست انه مكسور من موت ابوها وقفت له وقربت وباست فوق راسه قبل مايتكلم قالتها بهدوء غريب :عظم الله اجرك سندته لين جلس عالكنبه سلمت على عمها ناصر اللي ضمها وهو يعزيها :شدي حيلك يابنتي سلمت على عمها ابو ماجد اللي باس راسها وبهدوء وصوت مخنوق كان اكثر واحد متاثر بعد جدها :انتي مثل بنتي واي شي تبيه مايردك الا لسانك انصدمت بردت فعله بعدها سلمت على عمها ابو عبد العزيز بعد ماجلس لفت وشافته واقف بوجهها ناظر فيها بهدوء مااتوقع انها تطلع بالهقوه كل مره يشوف فيها شي جديد غير قرب منها بهدوء حاولت تكون قويه قدامه هو بالذات لازم مايشوف ضعفها اتذكرت اخر لحظه كانت معه وانهارت معه بس خلاص ماعاد يشوف رغد الضعيفه مد يده مدت يدها بهدوء سلم عليها وبهدوء :عظم الله اجرك بصوت ثابت ونظرة تحدي :اجرنا واجرك مايدري ليش ابتسم نظرت التحدي خلته يبتسم غصب وكانها تقول له معركتنا ماانتهت استغربت من ابتسامته بس مااهتمت وجلست عالسرير جدها بصوت تعبان :ماعليك يابنتي اتمددي وريحي جسمك رغد بابتسامه باهته :لا انا كذا مرتاحه مرى الوقت معهم وبعدها دخلو عماتها وزوجات اعمامها حتى البنات جو لها كانت تتامل الكل بصمت معقوله كلهم جايين لي او جا ين شماته اتذكرت كلمة غيداء صديقتها الناس ماتعرفينهم الا بالشده ناظرت بجدتها المنكسره وجالسه بهدوء جنبها تمسح على راسها وعماتها كل وحده توكلها شي وتجيب لها أي شي تبيه معقوله انا فعلا كنت ظالمتكم ياربي خلاص ماعاد اتحمل كل مره احس فيه شي غلط لمتى ابقى كذا قطع تفكيرها صوت دانيه بدلع : ترى انا ناشبه لك وبعيش معك مروانو طين حياتي تستقبليني استغربت من ماينتها عمرهم ماكانو كذا بس ابتسمت بهدوء :اذا ماشالك البيت تشيلك عيوني اتوتر الجو عند الحريم الى الان رغد ماتدري انها بتطلع لبيت عبد العزيز البنات ماكانو يدرو لجل كذا دانيه قالت كلامها بعد العشاء بيت العم ناصر دخل ناصر بهدوء وشال غترته وخلل بين شعره جته شيماء بابتسامه :هلا وغلا ياقلبي منور البيت ابتسم لها بتعب :هلا حبيبتي قربت منه ومسكت راسه تفركه له اول ماقربت شمت ريحة عطر وبنرفزه تركت راسه :ايش ريحة العطر النسائيه اللي معك ناصر وين كنت تنرفز ناصر :يابنت الحلال اذكري الله شافتني تعبان بعصبيه :ايه اغلبني بالصوت وين كنت وايش هالروائح مو رائحه بس قول وين كنت فيه ناظرها بقهر وبانفعال :انتي متى تعقلي ترى طينتي عيشتي بهالغيره هذا مرض مو غيره شيماء فكيني من شرك يامره شيماء بنفعال اكثر :ايه انا شر لكن هن عسل على قلبك وقف ودفها خفيف :ابعدي عني كنت عند رغد بالمستشفى ومع بنات خواتي ولا هذول بعد حرام اشوفهم اوا كلمهم عيشه ماتنطاق اوف تركها ودخل غرفة النوم وضرب الباب وراه بقوى مشت وراه وفتحت الباب بهدوء شافته مدد عالاريكه ويده على عيونه قربت منه بهدوء مسحت على راسه وبحب :انت تدري اني احبك واغير عليك من الهوى الطاير سامحني حبيبي قربت منه وباست جبينه:تدري مااقدر على زعلك شسوي بنفسي حبي لك جنون مااقدر غصب عني هالطبع فيني اغير عليك من أي احد حتى امك لمن اشوفك معها احس بالغيره سامحني حاولت كثير بس ماقدرت والله احبك رفعت يده من وجهه وجلست جنبه وضمتها لصدرها ناظرت بعيونه وبصوت هادي : احبك والله احبك ابتسم بهدوء وضمها له وهو يدفن راسه بشعرها همس لها :لو تتركين هالغيره المجنونه حنا بخير بمخطط التفحيط اتلثم بشماغه قرب منهم وبصوت حاول يقويه :وين مفتاح الفكس ناظرو فيه والكل يشجع ويصفر له :احلى ياكايدهم اخذ المفتاح وركب الفكس ار وبدى يفحط بمهاره بينهم ويطعس بسرعه متمرس سار يلف بسرعه كبيره حس بالاثاره مع كثر التشجيع بس بدى يحس باالالم بيده وبدى جسمه يالمه وقت الابره لف بسرعه وقف وقفل السياره نزل بسرعه والكل يناظره باستغراب تركهم وركب سيارته وراح مسافه وقف عالجنب سار يفتش الدرج بيد ترجف وينكش الاغراض لقها الابره مسكها بيد ترجف ودقها بعضده بتمرس بدى جسمه يخدر ويهدى مدد نفسه على كرسي السياره رجع الكرسي على ورى جواله يدق بس مارد عليه المدينه العسكريه مكتب العقيد مسك الاوراق بهدوء وسار يقلب فيها تركها وعدل جلسته عالمكتب الى متى انا وماجد كذا الكل بدى يلاحظ مو بيدي صعب موقفه كان كبير حاولت اسامحه بس ماتقدرت اه ياحنان اللي احسه شفقه ولا ايش ليش مسحت كل شي وانا كنت ناوي امحي كل شي وانهيه ليش رجعتي كنتي هونتي علي بس القدر جمعنا والله يستر مايفرقنا انا لازم انسى اللي سار ماجد ولد عمي وصديق الطفوله ترك المكتب وطلع ببدلته العسكريه يمشي بهيبه وشموخ والكل يدق له التحيه طلع من المدينه العسكريه متوجه للمستشفى دخل المستشفى سال عند الرسبشن :مكتب الدكتور ماجد الموظف :الدكتور ماجد الان بالكفتريا تركي بهدوء :مشكور مشى الين الكافتريا دخل منها وشافه جالس سرحان صدقتنا قويه ماراح اخلي حرمه تفرقنا اشتقت لك ياماجد تنهد وقرب منه وبابتسامه :طالع شكلك خطير يادكتور بالبالطو لف باستغراب اول ماشافه انصدم وقف بصدمه مو مستوعب ابتسم تركي ومد يده :يعني ماتسلم على صديق عمرك ترك ماجد يد تركي وضمه بيدينه وسلم عليه :ياويلك لوتفكر تتركني ثاني ابتسم تركي بهدوء :كيف الشغل معك جلس ماجد وجلس معه تركي :تمام الحمد الله تركي وهو يناظر الكافتريا :كيف الشغل وبنت عمك معك ممرضه ماجد بهدوء وهو يشرب الكوفي :تدري انها ماتشكل عندي فرق وبعدين احنا مااجتمعنا باقي تدري انا اتوظفت وهي سارت لها ضروف تركي بسخريه :انت كل شي مايشكل عندك فرق نزل ماجد راسه بهدوء تركي بتوتر :ماجد تدري انو مو بالسهوله بقدر انسى يعني اتحملني اشوي ولا ابتسم ماجد :اتحملك كثير بس اشوفك مو اشوف ظهرك ضحكو سوى تركي :يعني تخليني كذا بدون ضيافه ولا انت دكتور بخيل ضحك ماجد :لا اللحين اطلب لك كم تركي عندي الفجرالساعه 3 المستشفى نزل من السياره المضلله وخمس بودي قاردات حوله اشر لااثنين منهم مشو قدامه والباقي كانو وراه اتكلم بمهس :مهند شفت الاوضاع زين ماابي مخلوق يعرف اني جيت هنا مهند بهدوء وهو يمشي معه :لاتخاف طال عمرك تنهد وهو يمشي يدري انه يخون صديق عمره بس هذي مو أي احد هذي لين اللي كان يدور عليها بكل مكان مثل المجنون هذي عمره وروحه هذي الانسانه الوحيده اللي قدرت تدخل قلبه سامحني ياعبد العزيزبس لين لي حتى لو هي بنت عمك هي لي وقفو قدام غرفه اشر له مهند :هذي غرفتها طال عمرك اشر لهم كلهم ينتظرون فتح الباب بهدوء كانت نايمه قرب منها حس بنبضات قلبه تزيد اول ماشافها هي نفسها لين مو شبه الا حقيقه قرب منها واخذ الكرسي وحطه جنبها جلس يتاملها بصمت وعد مني ماتكونين الا لي وين اختفيتي وليش اختفيتي انتي اكثر وحده تعرفيني وتعرفين انو اذا بغيت الشي اجيبه قرب بيمسح على وجهها بس حس يده ثقيله ماقدر يقرب منها شعور الذنب والخيانه لصديق عمره وشعور الحب المجنون له الانسانه الوحيده اللي ملكة قلبه غمض عيونه بهدوء عدل جلسته قرب يده اللي ترجف من اصابعها كانت يده ترجف لمس اطراف اصابعها البارده حس باحساس غير قلبه يدق والحب يسري بكل عروقه و كل عرق ينادي لها ينبض باسمها كانه بحلم وخايف يصحى منه هذي حبيبة عمره ودنيته كانت صاحيه حست بلمسته ورجفت يمكن من رجفى يده ماحس فيها عرفته ريحة عطره ماتنساها ابدا بس خلاص ليش الماضي يلحقها ليش هي نست ومسحت كل شاي تابت لربها ليش الماضي وراها ليش اتركني ياطلال الله يخليك مابتحمل انا الان حتى لو مااحب عبد العزيز بس زوجته ولازم اخاف الله فيه اتركني ياطلال ماابي افتح عيوني لاتذبحني بالماضي سمعت همس وانفاسه قريبه من اذنها حست بقشعريره تسري بجسمها وهو يقول بنبره دافئه قويه متملكه :انتي لي انا وبس تفهمين يالين او اقدر اقول رغد انا حسيت انك تسمعيني بتركك بس بقولك هذي البدايه وابيك تتاكدين انك لي وحدي بس فاهمه لي وحدي بس التعديل الأخير تم بواسطة لامارا ; 26-12-12 الساعة 01:36 PM | ||||
|
|
|
17-12-11, 01:42 AM
| #63 | ||||
| نجم روايتي و أميرة حزب روايتى للفكر الحر
| وقف وتركها وطلع اول ماطلع جلست وفتحت عيونها والدموع تنزل بس بدون ادموع يارغد انا مو ضعيفه انا قدهم انا قدهم كلهم عبد العزيز وطلا ل انا اقوى منهم لاماراح اضعف ماراح اخليكم تبكوني انا اقوى منكم بكت انا اقوى منكم رمت نفسها عالمخده ودفنت راسها فيها الصباح المدرسه دخلت ونزلت عبايتها ولفتها مشت بالشنطه والعبايه مشيه عربيجه شعرها البوي واكمام القميص الموطيه واول ثلاث ازرار مفتوحه من غير سديري المدرسه بياقه واقفه كانها ياقة ثوب مشت من جنب الاداريات ولاحده قدرت تفتح فمها لان مااحد يقدر على ريوف مشت ودخلت الفصل وبصوت عالي بعربجيه : هاي بنات وكأن المدرسه واقفه بكل استهتار دخلت وجلست اخر شي رمت الشنطه باهمال على الارض ورفعت رجلين عالطاوله وجلست بميله مهمها احد كملت المدرسه الشرح لفت ريوف على اللي جنبها كانت بنت سمرا وشعرها بوي ونحيفه :اقول فتو تعرفين وحده هنا اسمها هيا محمد سالم لفت لها فتو :منو وين تعرفينها هالبنت ريوف باستغراب :ليش فتو قربت منها وبضحكه :هالبنت تخصص شباب معروفه بس ينعن شكلها عليها جمال ابتسمت ريوف بخبث :والله ادري عنه سليطين مايطيح الا واقف فتو :ايش تقولين ابتسمت ريوف بخبث :ولا شي بس بعدين بالفسحه عرفيني عليها صرخت المدرسه بقهر :لو سمحتو اذا مو عاجبتكم الحصه اطلعو خلو زميلاتكم يستفيدو ريوف بتريقه :خلصنا السالفه كملي درسك ناظرتها الابله بقهر بنت لسانها طويل مااحد يقدر عليها سكتت ولفت تكمل درسها المستشفى لمت كل اغراضها وتنتظر نواف يخلص اوارق الخروج اتمنى من كل قلبي يكون اللي امس كابوس او حلم ليش الماضي مو قادر يتركني مع انو تغيرت والله تغيرت انفتح الباب ودخل نواف :يلا هاتي اغراضك الحمد الله عالسلامه برائه ياست ابتسمت بهدوء وهو ياخذ اغراضها ويروحون للسياره ركبو السياره اول مامشى مسافه قالها :بنروح بيتنا رغد وهي تناظر الشارع وبصوت قوي:بيتنا بيت ابوي نواف بهدوء :رغد عندنا مااحد يقدر قطعته رغد بثبات :ودني بيتنا واللي في امه خيره يسوي شي والله لو اطربقها فوق روسهم نوافه تنهد :براحتك بس بغيت اعطيك خبر ان الكل يعرف ان عبد العزيز يبغى ياخذك بسبب قطعت كلامه بصرخه وانفعال :يخسى حتى يقرب مني لو اذبحه هالحقير مايحلم اكون له ايش يحسب الدنيا فالته اروح معه يحلم نواف بصوت عالي :بس رغد هذا اللي تتكلمي عنه زوجك وهو واقع عليك لو فيك خير وقفتي الزواجه من اولها بس اللحين وانتي على ذمته تنثبري وتسمعي كلامه ماتغضبي ربك هالمره انا معه مو معك فاهمه سكتت رغد وتنفس نواف بصوت عالي بعدها قال بتوتر :رغد سامحيني بس انا امر بشويت ضغوطات بعد فترة هدوء رغد وهي تناظر برى :باقي مع اماني بنت عمي تنهد بالم :من متى تعرفي رغد بهدوء : لمن كنا بالمزرعه سمعتها تكلمك وعرفت لمن لقيت رقمها بجوالك شسالفتك معها نواف سكت بدون ولا كلمه لمن ماسمعت منه شي عرفت انه مايبيها تجيب طاري الموضوع طنشت وصلو البيت نزلها ونزل اغراضها وراح دخلت البيت وهي تحس بالغصه شافت جدتها جالسه بالصاله ابتسمت جدتها : انا تركت جدك يرجع المزرعه وانا ماراح اتركك لين تروحين بيت زوجك ابتسمت لها رغد وباست فوق راسها جلست جنبها بس جدتها ضمتها وسارت تمسح على راسها من زمان كانت محتاجه هالحضن محتاجه الحنان حتى تستمد منه طاقتها وقتها غاصت باحضان جدتها ادور عالامان والحنان اللي محتاجته حتى تكون اقوى وتوقف بوجه الكل دخلت هند :لا لا فيه خيانه اخذتي حضن امي ابتسمت رغد وهي بحضن جدتها : خلاص راحت عليك الا ايش جابك ابتسمت هند :انا ناشبه لكم على الاقل اتخلص من زوجة اخوي هالقشره هيا ماادري كيف ببتحملينها لسرتي مرت ولدها ام سالم بتانيب :بس يابنت لاتتكلمي عن بنت عمك وزوجة اخوك كذا هند بزعل : ماترضين عليها لكن انا مايهم ماشفتي شتسوي فيني ام سالم بابتسامه :والله اعرفك يابنتي لسانك مين يقدر عليه ضحكة رغد هند بقهر :ايه عاجبك الكلام مستانسه بالمدرسه جالست رون ودانيه وموني مع صديقاتهم رون للبنات :ترى بتروحون معي لانو بنروح الغدا ببيت عمي راكان الله يرحمه بسلامت رغد وبيكون فيه عشى واليوم اربعاء بنفلها دانيه بدلع :لا نسيت لازم اروح بيتنا ابدل رون :يابنت عادي قولي لامك تجيب لك لمن نروح دقي عليها وانتي ماقلتي لرغد تعيشي عندها دانيه بابتسامه :ماااقدراعيش بعيد عن ماماتي امزح كنت رون دفتها :ماماتي يالدلوعه ناظرت قدامها شافت ريوف تمشي بعربجيه همست لدانيه بالله عطي بنت خالتك اشوي من الدلع فشلتنا دانيه بقرف :لاتجيبين طاريها ناظرتها رون بتهديد دعاء صديقتهم :مين هيا رون بابتسامة مجامله :وحده ماتعرفونها ونغزت دانيه اللي لفت وجهها ناظرت دانيه بموني قربت راسها منها ورفعت شعر موني عن وجهها :انتي ايش فيك طول الاسبوع مو على بعضك موني لفت :هاه شتقولين قربت منهم رون :ايش فيكم دانيه :اشوفها سار لها مده وهي مو على بعضها رون بزعل :حتى انا ملاحظه ايش فيك موني موني بهدوء :مافيه شي انتم تتوهمون دانيه :طيب ايش كنا نحكي عنه سكتت موني بالجهه الثاني شلة ريوف كانت كبيره ومعروفه بالمدرسه كلها سحبت فتو من بين البنات :تعالي وينها البنت خليني اشوفها مشت معها فتوه لين لفو ورى المدرسه وكان فيه وحده متاكيه عالنخله وتضحك صديقاتها حولها ومبين ان معها جوال بين شعرها اللي فاردته وهوطويل ابتسمت ريوف بخبث :اقول فتو معك جوال فتو :لا بس فريده معها ريوف وقفت :روحي جيبيه بسرعه بكميرا او بدون فتو بنظرة خبيثه: كميرا تبينه ابتسمت ريوف صاروخ جيبيه ليا راحت فتو رويوف تراقب البنت فتره بسيطه وجت فتو طلعت ريوف الجوال وصورت البنت كم صوره اخذت المموري وعطت الجوال فتو : قولي لفريده اجيب لها وحده جديده بعدين فتو :لو افهم ايش براسك ضحكة ريوف :هالصور باستفيد منها كثير الجامعه بالكفتايريا جالست عالطاوله بعد ماخلصو محاظراتهم هدى بهدوء:طيب دام ماجد بالبيت خليه يجي دام السواق مب موجود مريم ببرود ناظرتها بدون ولاكلمه هدى بتردد : مريم الماضي راح وماراح يرجع وماجد بالنهابه اخوك واللي سار مريم بجمود: خلاص ياهدى ماجد اخوي مات من زمان قامت وخلتها وهدى تناظرها بالم المدرسه اخر الدوام طلعت رون وموني ودانيه يلبسون عباياتهم دانيه :يؤ ذلحين اجلس فتره لين ماما تجيب ليا ملابس بهلبس اوف ضحكة موني :امشي بس يابنت اكبري كانك بزره صغيره دانيه بدلع :ياربي ايش فيكم علي موني سحبتها من يدها :تاخرنا يلا دانيه مشت معها اشوي شافو رون واقفه تسولف مع بنات دانيه بقهر :هذي اللي برى تنتظرنا ضحكة رون :نسيت يلا نطلع طلعو من المدرسه كان شكله ملفت واقف بثوب اسود وغتره بيضا ومتكي عالهمر رزه وهيبه ووسامه وجاذبيه اول ماطلعو راحت له رون وقفت دانيه بمكانها وبقهر : مستحيل اركب معه موني بصوت هادي : امشي يابنت دانيه بقهر : قلت مااركب معه موني سحبتها :علشان خاطري وبعدين شوفي الكل كيف يطالعه والبنات عيونهم بتطلع عليه يلا اكشخي بولد خالك مشت دانيه بقهربين سنونها : يشبعون فيه موني اكرها مااطيقه موني بهدوء :علشان خاطر رون لاتزعل مشو وركبو ورى قفل السياره ومشو موني بهدوء :السلام عليكم فهد بابتسامه :وعليكم السلام حيالله بنت عمي وبنت عمتي موني بهدوء :الله يحيك سكت ماسمع صوتها من اول ماركبت ورى عدلت جلستها دانيه بعدين طالعت بين يدينها صرخت فجاءه وقف فهد السياره ولف لها ورون لفت دانيه بدلع :يمامي نسيت شنطتي خلونا نرجع بسرعه فهد بعصبيه :كل هالصرخه بس علشان شنطه انتي صاحيه لو سار لنا شي دانيه بكت وبين ادموعها : لاتصرخ عليا وقف بنزل ناظرها بطرف عينه وطنشها عدل جلسته ومشى صرخت دانيه بقهر وهي تبكي :ماابي اروح معك نزلني فهد فلتت اعصابه وصرخ :انثبري ليسير لك شي ماعندي دلع مسكتها موني وهي تبكي مقهوره لف للمدرسه السياره كانت هاديه الا من شهقات دانيه صوت بكاءها حس بالقهر عليها مو قصده يعصب بس حركتها عصبته وهي دلوعه بزياده صوت بكيها يقطع قلبه ليش يافهد ماانت كنت تسمع بكى رنيم ماكانت تاثر فيك بس هذي دانيه غير وصلو للمدرسه وقف وقال بهدوء : انزلي جيبي شنطتك صرخت بطريقه طفوليه : ماابيها ويارب تنحرق وانت معها ماقدر يخفي ابتسامته لو وحده غيرها صرخت عليه كان مايعرف شيسوي فيها بس هيا غير حتى رون ناظرته باستغراب على ابتسامته قال بهدوء : رون روحي انتي جيبيها نزلت رون ودانيه كتفت يدينها ولفت للشارع بقهر وموني تناظرها وكاتمه ضحكتها وفهد ينتظر رون التعديل الأخير تم بواسطة لامارا ; 26-12-12 الساعة 01:37 PM | ||||
|
|
|
17-12-11, 01:43 AM
| #64 | ||||
| نجم روايتي و أميرة حزب روايتى للفكر الحر
| بسياره ثانيه ضحكة :قلت لك اجيبها بس يلا كم سعرها سلطان بابتسامه وهو يسوق : يابنت لو هي كلها يمكن يكون لها سعر شسوي بصورها ريوف بخبث :يعني بصورها ماتقدر تجيبها سلطان ناظره بطرف عينه : انتي بنت ضحكة ريوف بهستيريا :ههههههههههه سلطان بضحكه :الحمد الله والشكر المهم خلي صورك عندك انا ابغى الاصل ريوف بخبث :اجيب لك الاصل بس بشرط ابي شي ثقيل سلطان : اللي تامرين عليه ريوف :يسير فيها تخطيط ماعليك الا انها تجيك سكتو شوي بعدين لف عليها :هاتي الصور ضحكة وهي اطلع المموري اللي مسحت منها كل شي الا صور هيا اخذها سلطان بابتسامه خبيثه بيت ابو ركان اجتمع الكل عالغدا بعد الغدا روحو الكبار وبقوى البنات بالذات ان جدتهم هنا رغد طلعت غرفته بعد فتره اندق الباب رغد بهدوء :ادخلي دخلت هند وبتردد :رغد عبد العزيز يبيك تحت وقفت رغد بثبات :بنزله استغربت هند وطلعت ناظرت رغد نفسها جت وقت المواجهه ياعبد العزيز بنهيك من حياتي خلاص لبست عبايتها ولفت طرحتها ونزلت وهي ناويه انها بتوقفه عند حده وتنهي هالمهزله جالس عالكنبه بالمجلس ينتظر دخولها بيكون هادي بحاول فيها ماراح اقسى عليها مهما كان هي بنت عمي ويتيمه تنهد سمع صوت الباب رفع عيونه شافها داخله وقف لها مد يده يسلم مدت يدها :السلام عليكم ترك يدها وجلس: وعليكم السلام جلست بعيد عنه بمسافه ساكته عبد العزيز بهدوء وهو يناظر قدامه ولا يناظر فيها : انا جاي اقولك تجهزين علشان بنسوي عشى صغير الاسبوع الجاي وبتروحين معي مايسير تعيشي هنا لوحدك سكت بعدها ناظرت فيه بقوى وببرود :خلصت لف لها وشاف نظرة التحدي بعيونها ناظرها بنظره قويه هالنظره خوفتها بس مابينت له وبكل قوه وقفت وعطته ظهرها : اسمعني زين بطلق اللحين واذا مو اللحين برفع عليك قضية خلع هالمزله لازم تنتهي فاهم دبر نفسك والا ببهدلك بالمحاكم ومااظن انك يارجل الاعمال المعروف مستعد تخسر سمعتك ياولد الذيب تالمت بقوى وطلع صوت تاوهها من قوة مسكته لعضدها قرب وجهه من وجهها : انتي مو كفو احد يحشمك الحين تروحي تجيبي عبايتك واغراضك وبتروحين معي بيتك وهالافكار الغبيه تنسيه تعرفين انك تكلمين مين عبد العزيز الذيب يابنت فاهمه كانت انفاسه حاره وتتصاعد بسرعه من الغيض السانها انربط وهي بوجهه تمام حاولت تتكلم حاولت تجمع قوتها بس غصب قدام هالهيبه والقوه ماقدرت الا تقول بصوت مهتز : ماابيك صرخ بقوى ورمها بعيد عنه : روحي جيبي اغراضك ولو ماجبتيها انا بطلع اجيبك انتظرك برى طلع وصفق الباب وراه وقفت وجسمها كله ينتفض ماراح اطلع لك ايش بتسوي يا عبد العزيز مشت بخطوات مهزوزه عكس قبل طلعت عالدرج حمدت ربها مااحد شافها دخلت غرفتها قفلت الباب ورمت نفسها عالسرير مو قادره تبكي بس في الم قوي بداخلها مين هي حتى توقف بوجهها هو اقوى بكل شي لانه ذكر لانه رجال الكل معه وانا لاني انثى لازم اسكت لازم ارضى بكل شي يحددونه لي لازم يعرفون ان لي كياني حنا الحريم مولعبه بيدهم يحددون مصيرنا مثل مايبون ماراح اسكت لهم وبعرفهم ايش يعني انثى قويه ماراح ابقى مستسلمه راح اكون اقوى منهم وابين لهم انو القوه مو رجال ومره القوه بالشخصيه بالعقل بالتفكير بالجبروت مو بالجنس ياما رجال بس ماخذين اسم ارجال وهم اشباه رجال ويما حريم عن مية رجال بس دامها انثى فهي لازم تكون ضعيفه تحت امرت كل الذكور المتسلطين وقف عند السياره وقت وهو ينتظر عرف انها ناويه تسحب عليه بس مو انا يارغد ماعرفت مع مين تلعبي مسك جواله ودق على هند :اسمعي سوي لي طريق لغرفة رغد هند بخبث : ايه بدينا يااخي قطعها عبد العزيز بنرفزه : هند هند بخوف : طيب لاتعصب لحظه انتهى البارت التعديل الأخير تم بواسطة لامارا ; 26-12-12 الساعة 01:38 PM | ||||
|
|
|
17-12-11, 01:47 AM
| #65 | ||||
| نجم روايتي و أميرة حزب روايتى للفكر الحر
| (الجزء الحادي عشر ) بعد دقايق دق جواله وكانت هند قالت مافيه احد كلهم بالجلسه الخلفيه للبيت دخل البيت وهند قدامه توصله لغرفة رغد وقفت عند الباب عبد العزيز بثبات : خلاص روحي هندتبي تتكلم بس قطع كلامها نظرته القويه تركته هند بخوف وراحت دق الباب وسمع صوتها :قولو له ماراح انزل واعلى مافي خيله يركبه عصبته فتح الباب بقوى ودخل اول ماشافته انصدمت قامت بسرعه من السرير تبي تختفي بالحمام بس كان اسرع منها كانت عبايتها عليها وطرحتها مرميه صرخ عبد العزيز :انتي مو كفو احد يحشمك امشي قدامي يبغيلك تربيه من اول وجديد حاولت تسحب يدها منه وبعصبيه :مالك دخل فيني اتركني ناظرة فيه بقوى :اصلا متربيه قبل مااشوفك يالحقير ضربها كف قوي ويده تهتز من الغيض : اسمعيني عمري مامديت يدي على احد بس انتي اللي حديتني على هالشي واللحين تروحي معي واللي في امه خير يمنعني سحب الطرحه من السرير لفها على راسها وسحبها وهي تصرخ: اتركني ماابي اروح معك اتركني سحبها من على الدرج ونزل كان الكل واقف بالصاله لمن سمعو الاصوات العاليه ناظر فيهم بجمود البنات اللي مو محارمه اختفو والباقي وقفو الجده : ياولدي اتركها عبد العزيز بعصبيه : مااحد له دخل زوجتي وانااصطفل معها صرخت رغد وهي تحاول ادفه: ماابغاك ماتفهم سحبها بقوى وطلع فيها من البيت ركبها السياره وحط قفل الامان ومشى بكل سرعته وهي تصرخ : ماابي اروح معك وقف ماابيك ماتفهم بشتكي عليك بالشرطه بحقوق الانسان برفع عليك قضاي وقف ياحقير وقف عصب منها ازياده على الفاظها سحبها من الطرحها رمى الطرحه واصابعه تخللت بشعرها وسحبه جهته وهو عين عليها وعين عالطريق: يمين بالله لو ماسكرتي فمك لتشوفين شي ماشفتيه بحياتك انا الى الان ماسك نفسي ورمها على جنب ماقدرت الا انها تبكي رغم العهد اللي اخذته على نفسها بس ماقدرت بكت بالم بوجع ضربته سحبت لها كانها خروف عنده مو كانها انثى لها كيانها وشخصيتها حيوان ماعنده مشاعر بكت وبكت حاولت تكتم دموعها وصوت شهقاتها ماتبيه يسمعها بس غصب عنها السياره كانت عاكسه فما كان يبين منهم شي رغد طرحتها مرميه وشعرها منتثر على وجهها وتبكي اما هو يسوق بيد ويد يمسح فيها راسه حاس بالرحمه عليها بس هي نرفزته ماقدر يتحمل عمر ماوحده وقفت بوجهها بهالطريقه وهالاسلوب وكانه ولاشي قدامها انا عبد العزيز اللي يهابوني رجال تقلل من قيمتي بلسانها الطويل لكن اذا ماربيتك من جديد يارغد مااكون عبد العزيز سمع صوت جواله يدق رفعه وشاف رقم ابوه طنش وقفل الجوال اكيد يدورون عليه لازم يبعد عنهم فتح جواله وجاه موجود من رقم ابوه وعمامه بس طنش ودق اول مارد الطرف الثاني : حمد حمد :سم طال عمرك عبد العزيز بهدوء : احجزي لي شاليه بس لااحد يدري بعيد عن المنطقه حمد باستغراب : وشاليهاتكم طال عمرك عبد العزيز بنرفزه : قلت لك احجز لي واحد بعيد عن المنطقه فاهم حمد بلع ريقه : تامر طال عمرك قفل الجوال ورجع قفله من جديد وحطه بجيبته ناظر فيها نامت على جنب وشعرها حوالها والدموع على جفونها حس بالقهر من نفسه ليش يستقوي عليها وهي يتيمه بس هي حدته على هالشي اعذريني تنهد وقف السياره على جنب لف عليها تنهد بهدوء وهمس : سامحيني ورجع مسك الطاره وكمل طريقه بيت ابو راكان الجده دقت على كل اعيالها المجلس كل عيال الذيب بستثناء الجد اللي مسافر الاعمام كلهم معصبين على عبد العزيز والكل يدق عليه لين عطاهم جواله مقفل ابو ماجد بعصبيه : روحو شوف باي دهيه راح هذا الرجال العاقل الكبير مانلوم البزران اجل ماجد وهو يهدي ابوه : يبه اذكر الله مايسير كذا وقف فهد وهو يناظرهم ببرود :ايش فيكم واحد اخذ زوجته وراح ايش سار يعني لاتكبرونها واحد وزوجته يسطفلون ماانتم اول ناس باركتم هالزواج يعني شالجديد الكبار كلهم ناظرو فيه بحقد ابوه بعصبيه :فهد فهد برود عدل شماغه وهو طالع :يزعلون من كلمة الحق داخل البيت الجده جالسه تبكي وهند تهديها :يمه ماهو مسوي فيها شي وهي بنت عمه لاتخافين عبد العزيز عاقل تلاقينه بس كان معصب اشوي يهدى وماراح يسير شي ام سالم بين دموعها : ياولي على بنتي يتيمه يستقوي عليها لو شفته ماراح ارحمه حنان كانت جالسه هاديه ماتدري تبكي على اختها تزعل عليها او تستانس ايه تستانس لان عبد العزيز رجال كفو مافيه وحده ماتتمناه الكل يعرف حنيته وطيبة قلبه صح احيان قوته وجبروته تخوف بس انه رجال بكل الكلمه تحس انهم لو اجتمعو يمكن يقدرون يتقربون وتتطمنى على اختها لان مافيه وحده تقدر تعيش بدون رجال سند لها بالحياه على جنب ثاني رون وموني ودانيه دانيه بابتسامه : اه لو يسرقني خطيبي كذا موني بعصبيه : قسم منتي صاحيه يابنت السالفه مو رومانسيه اخذها معصب منها يعني يبي يأذيها انا اللي خايفه منه ساره اختي لدرت سكتت موني رون بهدوء : خليني نروح لها نشوفها دانيه :نروح بس ماياخذنا اخوك الشرير ابتسمت موني غصب : خلاص نزوجك اياه وتسير قصتكم مثل رغد وعبد العزيز دانيه بنفعال : يخسي هذا اللي باقي اخذه هو ولايحلم حتى باقي لي اخذ هالمعقد العصبي البارد غمزت لها موني انها تسكت لان رون مبين عليها اتضايقت من كلامها دانيه قربت من رون : حبيبتي انا اسفه والله مو قصدي بستعرفين انو مااطيق اخوك ضحكة موني بصوت واطي : تبي ترقعها عمتها انفتح باب البيت ودخلت العمه هاله سلمت عالكل وجلست جنب امها :ايش فيك يمه ماسار شي زوجته واخذها ام سالم :يابنتي ماشفتي كيف سحبها هاله بهدوء :يمه هذا عبد العزيز وكلنا نعرفه لاتخافي مو مسوي فيها شي وهو انسان يخاف ربه التعديل الأخير تم بواسطة لامارا ; 26-12-12 الساعة 01:39 PM | ||||
|
|
|
17-12-11, 01:50 AM
| #66 | ||||
| نجم روايتي و أميرة حزب روايتى للفكر الحر
|  عند البنات رون بهدوء :اول مره اشوف عبد العزيز منفعل كذا وعصبي مره ويعامل احد كذا موني :تتوقعو ايش الموضوع اللي خله ينفعل كذا رغد مسويه شي دانيه بزعل :اذا انتي بنت عمها قلتي كذا كيف الناس الغريبه مهما كان رغد بنت خالي والمفروض كلنا مانرضى عليها بغض النظر عن الاوضاع موني :موقصدي اتكلم عليها بس يعني وقفت رون وقطعت كلامهم :انا بروح يلا قالت بصوت عالي لجدتها :يلا تامرونا على شي الكل :سلامتك وقفو معها البنات اخذو عبايتهم وراحو مع السواق كلهم بيت ابو عبد العزيز الدور الثالث شقة عبد العزيز ببرود خارجي ونار داخليه :قلت لكم عادي رجال واخذ زوجته انقلعو عن وجهي بكمل الفليم مريم بعصبيه : انتي ماعندك احساس اقولك زوجك راح واخذها ومااحد يدري وينهم دقي عليه شوفيه ساره ببرود :اليوم او بكره مصيره بياخذها قامت مريم معصبه ناظرت بهدى : قومي هذي ميؤس من حالتها مابيضيعك الا هالبرود وقفت هدى مع مريم وطلعو اول ماقفلو الباب انهارت ساره عالكنبه تبكي بالم بحرقه بنار بقلبها وروحها ذبحتني ياعبد العزيز ذبحتني شهقت وهي تحاول تمسح ادموعها ليش ابكي ليش ابكي خلاص هو راح هو اختار انا مو زعلانه هذا اللي ربي كاتبه وقفت راحت الحمام تغسل وجهها وقفت قدام المرايه تتامل بوجهها معقوله يحبني ويسوي كذا ياخذ غيري ليش ماصبر انا ايش ذنبي اذا ربي كتب ليا كذا ليش تتركني ياعبد العزيز وانت تعرف اني احبك شهقت بين دموعها بالم معقوله بتحبها كثر ماكنت تحبني بدلعها مثل ماادلعني لا لا انت لي انا بس احبك والله احبك لاتتركني انهارت بالحمام وهي تمسك بالمغسله وتبكي بالم لاتروح ياعبد العزيز لاتروح الشاليه بعد ماحجز له حمد شاليه عرف مكانه وراح للشاليه وصل ونزل من السياره وهو يمدد جسمه ناظر جهتها وشافها نايمه انا ايش سويت أي عقل عندي اسوي كذا ببنت عمي بس لا لازم تعرف حدودها رفع عيونه وهو يشوفها داخله الشاليه وتتلفت بالمكان ولافه الطرحه على وجهاا ناظرت فيه ببرود وابتسامة سخريه : كذا بينت انك رجال نظر فيها بصدمه ابدا هذي ماتنكسر ماخفت عليها صدمته حست انها رجعت كرامتها مشت من جنبه بدون اهتمام وهي تتامل بالشاليه سكت عنها ولف وجهه للكنبه هذي ماينفع يتعب حاله معها دخلت وشافت غرفه تحس نفسها مكسوره من داخل مشتته وضايعه لكن ماممنع انها تبين له انها قويه وبتبقى قويه وماراح يكسرها دخلت حمام الغرفه وغسلت وجهها والله مااعديها لك ياعبد العزيز لازم ادق عليهم بشوف حنان وجدتي بس شلون جلست عالسرير تنهدت الان مافيه حتى ملابس انا لازم افكر زين ياربي انا مشتته مافيني اسوي شي اه ياابوي الله يرحمك ياترى مسامحني حست بغصه ودمعه عالقه بين ر موشها ياترى ياابوي سامحتني بليتك ترجع بي اعتذر لك يالغالي اه يادنيا غمضت عينها ونزلت الدمعه على خدودها وطاحت على الارض وحيده مارفعت يدها لعيونها حتى ماتبين جرحها حتى لنفسها مددت حالها عالسرير وغمضت عيونها بهدوء تفكر بابوها وتدعي له اه ياربي ارحمه واغفر له وسامحني غفت وهي على هالحاله وعبد العزيز غافي عالكنبه بالصاله بيت ابو عبد العزيز الصاله جالسه مريم وهدى على جنب يسولفون اما رون متمدده على رجل موني ودانيه فاتحه البلاك بيري واطقطق فيه رون بتريقه :يابنت شطقطقين فيه دانيه بابتسامه :اكلم مروانو اخوي التفت لمن سمعت الاسم ضحكو البنات وارتسم على وجهها ابتسامه خجوله موني بتريقه :شكل في بعض ناس بيجيبو بيبي بس لجل عيون ناس رون بمزح :مو شكل الا اكيد ومن الحب ماصرف تشتري العالم للقربه ضحكو البنات هدى بخجل : قليلة ادب سمعو صوت نحنحه كل وحده لبست طرحتها وعدلتها رون عدلت جلستها اما دانيه لبست طرحتها مو طايقه تشوفه يرفع ضغطها يعاملها كانها طفله من وهي صغير مااطيقه ابدا دخل بابتسامه بالثوب والشماغ برزه وشموخ وريحة العوده تسبقه بالمكان ابتسم بهدوء وهو يجلس جنب هدى بالطرف وبعد هدى كانت مريم :اخبار بنات عمي كلهم ردو عليه الا دانيه مطنشته وماسكه البيبي مريم ماقدرت تجلس قامت على طول البنات كلهم ردو الا دانيه طبيعي جدا خروج مريم من المكان فهد ماشال بنفسه ناظر هدى ناظرته بالم وقامت وراها موني بابتسامه : انت اخبارك يافهد فهد وهو يناظر دانيه بغضب : الحمد الله يالله انا اقوم تامرون على شي رون قامت وجلست جنبه وبابتسامه عريضه وهي تناظر دانيه تبي تقهرها تعرف دانيه تمووووووووت بالبيتزا بس ماتحبها بالحمه :نبي بيتزا لحمه بس بدون خضار صرخت دانيه تلقئيا وهي ترفع راسها من البيبي :لا حبيبتي نبي بيتزا بدون لحم مااحبها بلحم كتمت رون ضحكتها هي وموني اما فهد ابتسم بهدوء دانيه حمر وجهه وحطت يدها على فمها تلاقئيا ماقدر فهد الا يفجر ضحك وكل البنات قامت دانيه بزعل ودموعها بعينها وهي مره حساسه قامت بعدها موني تلحقها غرفة هدى هدى بالم :لمتى وجود الرجال بحياتك مرعب ترى فهد ولد عمك وتراك تروحين مع السواق بالجامعه مريم ببرود :السواق مااروح معه الا ومعي الشغاله ولاني مضطره مو مضطره اجلس مع اخوانك او عيال عمك وحنا لوحدنا بالمزرعه جلست لانو كانا الكل مجتمع قطعتها هدى :والان يعني لحالكم جالسين مريم بصرخه :لانو وقتها ابوي جالسه وماابيه يشيل همي تتتوقعي لمن اجلس معهم شاللي يسير ليا اذا حتى عمي ناصر اخاف منه بكت مريم بالم هدى افهميني الماضي يذبحني يذبحني يشككني بكل من حوالي اكرهه ماجد اكرهه صرخت هدى وهي تهزها من اكتافها :فوقي ياشيخه ماجد ماله دخل بالسالفه بغرفة رون موني ماسكه ضحكتها ودانيه تبكي وتهزء :هو ايش شايف نفسه اصلا انا اكرها ماعنده سالفه اصلا ليش يضحك تافه موني كاتمه ضحكتها :الان كلنا ضحكنا مو بس فهد ناظرتها دانيه بين ادموعها وشهقت بس عيب قدامه كذا ماقدرت موني تمسك ضحكتها طاحت عالسرير وهي ماسكه بطنها دانيه تمس دموعها بقوى : اكرهكم وكانت بتقوم بس مسكتها موني وهي تضحك وتحاول تكتم ضحكتها :تعالي خلاص خلينا نجلس نتونس دفت يدها دانيه وهي توقف بميله :ايه تبين تتسلين عليا دخلت رون بالهلحظه وموني واقفه قدام دانيه اللي باقي الدموع بعيونها رون بابتسامه : اوف اوف من زعل دنو دانيه بدلع :انتم واخوك ال قطعتها موني :مافيه شي ارسلتي بيتزا ابتسمت رون وهي تناظر دانيه اللي جلست عالسرير وهي ماده بوزها :لجل عيون ناس راح فهودي وبيجيب بيتزا بدون لحم دانيه بزعل :اصلا ماابي رون بابتسامه وهي تغمز لموني : فهودي اخوي اللي مايروح بسهوله بيروح لنا ولا بعد قال لانك زعلتي بيجيبها ولاهو ناوي يكنسلنا دانيه لفت وجهها وبقرف :مابي رضاوته يعن قطعتها موني اللي عارفه انها بتبداء الشتايم وهي تعرف ايش كثر رون متعلقه بفهد اخوها :المهم يجينا شي انقنق عليه مغربيه ونروح بشقة عبد العزيز كانت نايمه عالسرير وباقي دموع عالقه بعيونها ولامه نفسها وضامه ركبها بيدنها بدون غطى وهي تون بالم بعد الحمام اللي اخذته وطلعت نامت عالمكيف الشاليه صحت من النوم وعدلت جلستها انتبهت حولها على غرفة النوم حقت الشاليه رجعت غمضت عيونها ياربي ايش اسوي مابيدي شي عدلت جلستها ابي اكل ابي اغير ملابسي ناظرت نفسها بالمرايه اللي بالغرفه لازم اسوي شي بس انا الان محطمه مكسوره لازم لي فتره راحت جهت الشباك وتكت عليه وهي تفتح لنسمات الهوا تدخل شافت ان الشمس على وشك تغيب اه متى يغيب الالم من حياتي الان تزوجته بعد كل شي سويته مسكت راسها مو قادره افكر احس راسي مشتت يكفي موت ابوي لازم اخذ استراحه جت بتطلع دورت عالطرحه ماراح اطلع له كذا وقفت عند الباب قبل ماتفتحه شلون مو زوجي ولو طلبني لامستحيل بس مو مستعده تلعني الملائكه لازم افكر بفكره يرجعني للبيت شلون بس لازم ارجع حتى هو ينشغل بساره وانا اقدر افكر كيف اتخلص منه لازم اقنعه نرجع باي طريقه لازم امنكون بروحن لازم نرجع ابي اجمع شتاتي الان مافيني افكر لازم اخذ راحه بصالة الشاليه كان صاحي من فتره بس مو قادر يقوم يتحرك توه يحس بعظم الظلم اللي سببه لها يحس حاله مجرم لاتحسبي يارغد انو حسيت اني رجال بالعكس بفعلي هذا احس نقصت من قدري كان كل همي غروري ماهمتني رجولتي كيف اقدر اصحح خطئ حس بحركه عند راسه رفع عينه وطاحت بعيونها نزلت راسها وهو نزل راسه جلست قدامه وهي تعدل احجابها كان الصمت سيد المكان هي تناظر بالارض وهو يناظر فيها ينتظرها تتكمل حست برجفه مو طبيعيه بوجوده له هيبه غريبه تحسس اللي قدامه بالضعف مهما كان وجود ها بمكان هي ورجال غريب عنها من فتره حتى لو كان زوجها مو متعوده عليه تحس بمشاعر مختلطه من الخحوف والرهبه والتوتر حاولت تتمالك نفسها بس طلع صوتها مهزوز وهي تناظر الارض :تكفى خلينا نرجع ماترضاها بحق بنت عمك تطلع من بيتها بهالطريقه لو احد سواها غيرك لووحده من بنات عمك او حتى ليا بترضاها انا عارفه انك مابترضها فواللي يسلمك رجعني يكفي انو الى الان موقادره استوعب وبغصه ودمعه عالقه بعيونها موت ابوي ناظرها بالم وجرح عميق بداخله تبقى انثى مجروح تبقى بداخلها انثى مهما كان جبروتها لابد تنكسر حس بالقهر من حاله وهو يشوف انكسارها استحقر نفسه كثير وقف بهدوء وهو ياخذ شماغه :لك الحشيمه يابنت العم ووعد ماتطلعين من بيتك الا باللي يشرفك انتظرك بالسياره وطلع وقفت وهي تبتسم بسعاده كانت خايفه يسوي فيها كبرياء وغرور ويستلذ بكسرها بس فعلا الرجال تبقى معادنهم مهما غلطو طلعت وراه بعد ماغطت وجهها بالشارع قدام بيتزا هت حط الاغراض بالسياره يبي يركب شاف منظر خلاه ينزل بنت شكلها بالمتوسط وحولها ولدين موقفينها بالزاويه قرب فهد منهم قلع عقاله وسار يضرب فيهم واحد شرد والثاني بين يدين فهد يضربه بالعقال البنت راحت عند ابوها وحكت له اما فهد ماسك الولد وضرب فيه جو الرجال يفكوه وماقدر صرخ فهد :لو اختك سويت فيها كذا هرب الولد الثاني وفهد عدل ثوبه وحط الطاقيه على راسه والشماغ على اكتافه والعقال فوق الطاقيه لف وشاف شايب كبير بالعمر ومعه البنت الصغيره الشايب بصوت متهالك وبنبرة امتنان :الله يخليك لشبابك ياولدي ويستر عرضك مثل ماسترت عرضي ابتسم فهد براحه من دعاوي الشايب قرب منه وباس راسه بهدوء :هذا حق وواجب ياعمي ماحنا برخومه نشوف الشرف يضيع ونتفرج اخذ الشايب رقم فهد ابتسم له فهد وراح لسيارته وهو يسوق تذكر دانيه وموقفها دلعها يذبحه وبنفس الوقت يقهره تعذبه بس هي ارقى واصفى من انه يدنسها ويدنس برائتها يحبها من يوم كانت صغيره كان ينرفزه دلعها بس كان يموت فيها الى الان وهو يحبها رغم فارق العمر الكبير بينهم الا انه يموت فيها بس مو بيده وصل البيت ودق على رون تيجي تاخذ الاغراض لانه رايح ارسلت الشغاله اعطها الاغراض وراح التعديل الأخير تم بواسطة لامارا ; 26-12-12 الساعة 01:40 PM | ||||
|
|
|
17-12-11, 01:51 AM
| #67 | ||||
| نجم روايتي و أميرة حزب روايتى للفكر الحر
| بيت ام محمد شقة تركي دخل الشقه بعد ماكان مستلم لقها جالسه عالكنبه وتلعب بخصل شعرها وتتفرج عالتلفزيون على توم وجيري وتضحك ابتسم لضحكاتها قرب منها بشويش جى من وراها ونفخ عند رقباتها مسحت رقبتها بيدها رجع ثاني بس هي لفت بسرعه شافته وضحكة ابتسم لها ولف عندها كان شكله بالبدله العسكريه غير مره ياخذ العقل وقفت له وباست خده :يعيطيك العافيه حبيبي جت بترجع بس حاصرها بيدينها على خصرها :وين لا حبيبي ابتسم بخبث دخول الحمام مش مثل خروجه ضحكة بخجل :تروكي بروح اسوي لك عشى ابتسم وهو يضمها ويلعب بشعرها :انتي عشاي بيت ابو عبد العزيز الصاله رون وموني ومريم وهدى ياكلون البيتزا ودانيه جالسه عالكنبه ماتبي تاكل منها لانها بنظرها حقت فهد رون تغريها وهي تاكد البتيزا وترفعها :امممممممم طعمهااا جونان فاتتك دانيه موني وهي تاخذ اكله منها وتسحبها والجبنها ذايبه بين فمها وقطعة البيتزا :امممممممم لذيذه قفزت دانيه وجلست معهم تاكل :اصلا البيتزا حقت المطعم مو حقت اخوكم وطالعت بهدى ورون ضحكو البنات عليها بيت ام محمد شقة محمد جالس على قناة الجزيره الرياضيه وكاسة الشاي قدامه والسيجاره بيده دخلت عليه بهدؤ كانت لابسه فستان هادي لونه بحري قصير ورافعة شعرها ومنزله خصل وميك اب خفيف وريحة عطرها الهاديه جلست جنبه ناظر فيها بعدين رجع يناظر بالتلفزيون تنفست بقهر وهي تحاول تتغلب على دموعها وبمحاولة ثانيه مها بدلع :حمودي حبيبي ماشال عيونه عن التلفزيون ووهو مندمج:نعم حست دموعها بتنزل بس مسكت حالها وهي تمنع خصتها اربع سنوات وحال هو حاله انتظرت يتكلمه بس هو رجع اندمج مع المباره ساكت عمك اصمخ تنهدت وهي تهز راسها بقهر ميؤس منه اخر محاوله قربت منه وبدلع مسكت كتفه :حبيبي انا طفشانه نومت رهوفه خلينا نطلع نتعشى برى محمد ببرود :مها ماتشوفيني اطالع المباره روحي انزلي عند امي خلاص بتنفجر بتصرخ فيه الى متى هتقدر تتحمل غرقت عيونها بالدموع قطعت ثلج عمره مابيذوب ابدا دخلت الغرفه غيرت ملابسها ولبست بجامتها ومثل كل مره رمت نفسها عالسرير وهي تبكي يارب صبرني وغيره يارب مافيه مثل النوم هروب من الواقع اما هو ولاكان سار شي متحمس مع المباره وسيجاره ورى سيجاره بدون أي اهتمام وانها ممكن ادمر حياته وصحته بيت ابو عبد العزيز شقة عبد العزيز دخل للشقه بهدوء كانت هاديه جلس عالكنبه وتنهد رغد رجعها بيتهم بيسوى لها عشى وياخذها ناظر بالشقه هدوء غريب اكيد ساره نايمه راح للغرفه دخل كانت بارده حس برجفة جسمه سمع صوت ونات خاف وزادت دقات قلبه راح لها بسرعه قرب منها لمس راسها حس بحراره نار زاد خوفه عليها بصوت يرجف مهزوز :ساره قلبي زادت وناتها قام بسرعه دور العبايه رمى الطرحه على الارض اخذهم سوى مشى للسرير وهي يتعنقل بخطواته قرب منها لبسها العبايه بستعجل بدون مايقفلها حاول يفوقها ماقدر شالها ورمى الطرحه على وجها نزل بخطوات سريعه ودقات قلبه تزيد وخوفه عليها ساره ياقلبي لاتخليني تكفين لاتعاقبيني نزل للسياره ركبها السياره عكرسي الراكب وراح مسرع متوجه لللمستشفى بيت ابو ركان دخلت البيت شافت جدتها وهند جالسات بالصاله لمن شافتها جدتها بابتسامه :هلا والله بانيتي جت لها رغد سلمت عليها وجلست جنبها هند بابتسامه :لاتوقلي هربتي منه ضحكة رغد :لاهو رجعني عرف غلطته ور جعني يلا انا بروح ابدل ملابسي واخذ شور احس كان يوم عصيب مره متعب هند بتريقه :يابختك عشتي مغامره ناظرتها رغد بطرف عينها وقامت مطنشتها طلعت غرفتها قلعت عبايتها وطرحتها اخذت ملابسها تاخذ شور واخير حريتي لازم افكر كيف اتغلب على الوضع مستحيل استسلم بس الان مو وقت التفكير بريح حالي وبس دخلت الحمام تاخذ شور بيت ابو عمر نازله من الدرج الطرحه على اكتافها وتغني اغار من الهوى وثوبك اغار تخيل من اهلك وهي بنص الصاله سمعت صرخه باسمها لفت راسها وهي مبوزه :خير ان شاء الله ايش عندك تصارخ عمر بصرخه خلها تعدل وقفتها المايله :على وين ياهنم وين عايشه حضرتك ماتشوفي الوقت كم ومن مين استئذنتي وكيف تروحي لوحدك ريوف بتلعثم :مو من احد بس بكره اجازه رفعت عيونها بعيونه طول عمري اطلع بدون اذن ومامعي احد شالجديد لاتقول انك صحيت من غيبوبتك وتبي تعدلنا كان بقيت عايش على الاطلال مع المجانين قرب منها عمر وهو ضاغط على اسنانه وقابض كف يده بقوى يحاول يكتم غيضه ومايتهور:ثواني لو مانقلعتي والله مايحصلك طيب طارت فوق وهي تتحلطم عليه رجع عمر الصاله وهو ماسك اعصابه لاينفجر ام عمر بهدوء :خليها انتا عارف انها ماعندها احد خلها تطلع تغير جوى عمر بقهر وهو باقي قابض يده :ماخربها غير دلعكم يمه جت الشغاله :بابا في بابا بدر يبغاك برى اتنهد وقام من عند امه اللي تناظره باسى راح له طلع برى وشاف بدر متكي على سيارته قرب منه سلم عليه عمر بابتسامه هاديه :حياك داخل يالغالي بدر بهدوء :عمر انا مو جاي اتضايف انا جاي اعرف ايش وداك عند جومانه عمر بصوت ثابت :بدر لاتنسى جومانه زوجتي قرب منه بدر بنرفزه :ادري انها زوجتك بس جومانه خلاص ميؤس من حالتها انتا عرف ان مرضها الشيزوفرينيا مافيه علاج انت لازم تشوف حياتك لتقعد على سراب يا عمر صح جومانه اختي بس انت ولد عمي واقرب من اخ ليا عمر بهدوء :وانت بتنساها يعني بدر بنرفزه :انا اخوها هذي حياتي ماشيه وانا موجود جنبها ماقطعتها ومتزوج وعندي عيال عمر بالم :مااقدر يابدر راعو شعوري مستحيل اعيش مع وحده غير جومانه وقف بدر قدامه :ياعمر ماقلت لك انساها خلك معها بس تزوج شوف حياتك عمر ناظر بعيون بدر ويده على قلبه : فيه وحده مستعده تعيش مع شبح انسان ترضاها لااخواتك انا مارضها لاختي ارضاها لبنات الناس انا عايش ومو عايش وقلبي مع أختك مسك كتف بدر :حياك تعالي اتقهوى مشى بدر يركب السياره لاوالله انا مواعد واحد بس لمن عرفت انك رحت المستشفى جيت اشوفك مسك باب السياره وركبها وعمر وراه ناظره وهو يشغل السياره :ياعمر ترى العمر يمشي بيجي يوم تحتاج لااحد يشيلك فكر بعقل ياولد عمي وخل قلبك سكت عمر وماقال شي وبدر راح بالسياره في مكان ثاني دخال الغرفه بسرعه ورمى الاغراض راح لسرير رمى المخده وهو يطلع اللي تحتها طلع الابره حقناه بالسائل جلس عالسرير وحطها بذراعه ارتخت كل اعصابه اللي كانت مشدوده وغمض عيونه ودمعه وحيده تنزل بين رموشه تحكي عذاب انسان السمتشفى واقف عند غرفة الملاحظه وهو متوتر يروح ويجي يارب احفضها لي يارب جلس عكرسي الانتظار ويده على راسه وهو يدعي لها انتهى البارت التعديل الأخير تم بواسطة لامارا ; 26-12-12 الساعة 01:41 PM | ||||
|
|
|
17-12-11, 01:54 AM
| #68 | ||||
| نجم روايتي و أميرة حزب روايتى للفكر الحر
| (الجزء الثاني عشر ) السمتشفى واقف عند غرفة الملاحظه وهو متوتر يروح ويجي يارب احفضها لي يارب جلس عكرسي الانتظار ويده على راسه وهو يدعي لها حطي لها مغذي ويحاول ينزلو حرارتها سمع صوت اذان الفجر ردد مع الاذان وقام لمسجد المستشفى يصلي بعدين يرجع لها بيت ابو ركان خلصت صلاتها وجالسه على سجادتها بعد ماخلصت قرائت وردها جلست تدعي لولدها وزوجته وهي تمسح دموعها بشيلتها قامت من السجاده شافت النور بدى يطلع طلعت من غرفتها وجلست بالصاله بعد ماندات الشغاله تسوي لها القهوه وتجيب التمر ناظرت بالمكان اه يالدنيا هذا هم كلهم تحت التراب كلنا من تراب ونهايتنا لتراب ليش الجبروت يالدنيا الله يرحمك ويسامحك يابنت مطلق وقفة بغرور :البيت يتعذرك هذا بيتي وانا حره فيه وولدك مو موجود ناظرت فيها بشموخ :هذا هو استقبالك لضيوفك يابنت الاجاويد حنا مو جين لك نبي نشوف بناتنا مشت عنها وعطتها ظهرها :مالك بنات عندي انتم ماتملو وتركتها لحالها بالصاله واقفه وهي طلعت فوق مسحت دمعه نازله من عيونها بشيلتها الله يسامحك كانك زرعتي الحقد بقلوبنا قبل ماتزرعيه بقلوب بناتك الله يرحمك ويستر عليك بمكان ثاني دخل البيت بخطوات حذره طلع غرفته اول ماشافها راح جري للغرفه نكت السرير لين لقى الابره طلع المحلول حط الابره فيه وبعدين غرسها بجسمه وهو يغمض وعيونه ومثل كل مره دمعه يتيمه نزلت من عيونه المستشفى جالس جنبها عالسريروماسك يدها والثانيه فيها المغذي يناظر فيها بتامل والله ندمت ياساره نسيت مشاعرك غروري وكبريائي عماني عن اشياء كثيره ظلمتك يالغاليه ظلمتك ياقلبي باس يدها عالخفيف وبصوت مسموع سامحيني يالغاليه والله مو قصدي اجرحك سامحيني ياساره سمعت صوته وكانه بعيد كانه حلم مو قادره تفتح عيونها ابدا تحس راسها ثقيل بيت ابو ركان جالسه الجده وحولها عيالها ابو ماجد وابو عبد العزيز وناصر ابو عبد العزيز :زين انه رجعها وعرف غلطه ابو ماجد: طيب هو وينه ابو عبد العزيز وهو يشرب فنجال القهوه : ادق عليه يقول مشغول ام سالم :الا ايش قال ابوكم ناصر : يمه احنا ماقلنا له ولانبغى احد يقوله شي خليه كذا واذا انتي تبين تروحين عنده المزرعه عادي رغد تجلس عندي ام سالم :لاوالله ياولد انا بجلس هنا عند بنيتي بغصه وهي تمسح دمعتها بطرف طرحتها في بيت الغالي الكل همس بصوت واطي : الله يرحمه بيت ام محمد بالصاله ضامه المخده بيد واليد الثانيه ماسكه الروايه ومندمجه فيها لدرجة عيونها سايره حمرا نزل من الدرج وهو يعدل البدله العسكريه عنده استلام من صباح الله خير قرب منها بهدوء واول ماوصل عندها صرخ :شتسوين تقزت وطاحت الروايه منها ويدها على قلبها والدموع بعينها :حرام عليكم اختكم الوحيده تبون تذبحوني بدري عارف انها حساسه ولام نفسه قرب منها وضمها بيده من كتفها :خلاص يالدلوعه ماسارت مزحه فكت عنه بدلع وهي تمسك الروايه : لو طاح قلبي كان رضيت ضحك تركي:دانيه يالدلوعه خلاص غريبه صاحيه من بدري دانيه بابتسامه عريضه : قول مانمتي وبعدين اليوم خميس خساره اعدي ايامي الاجازه بالنوم كلها يوم والسبت يجي ضحك تركي وهو يلعب بشعرها :فلسفه غريبه الا صدق شتقرين ابتسمت دانيه وهي تفتح الروايه :الجنيه لغازي القصيبي مره خطيره مو قادره اتركها لين اخلصها عقد تركي حواجبه :غازي القصيبي افكاره متحرره وغربيه دانيه بابتسامه :تركي انا لمن اقراء له يعجبني ادبه اسلوبه وانا مو صغيره حتى مااعرف الصح من الغلط ابتسم :فديت الكبيرين يلا انا رايح الدوام عطلتيني وقفت له دانيه بيد الروايه واليد الثانيه رفعتها دقت التحيه العسكريه :فمان الله سيدي ضحك تركي وطلع من البيت رايح دوامه ودانيه كملت تقراءالروايه التعديل الأخير تم بواسطة لامارا ; 26-12-12 الساعة 01:42 PM | ||||
|
|
|
17-12-11, 01:57 AM
| #69 | ||||
| نجم روايتي و أميرة حزب روايتى للفكر الحر
| المستشفى دخل ماجد بهدوء وبهمس :كيفها عبد العزيز اللي كان شكله مبهدل من السهر وعروق عيونه حمرا منغير الشماغ على كتفه بصوت تعبان :باقي ماصحت شوفهم يماجد ماجد بهدوء:ان شاء الله تقوم اهم شي الحراره نزلت تنهد عبد العزيز وهو يمسح على راسه :الله كريم ربت ماجد على اكتافه :قوم نصلي الظهر والله كريم يفكها علينا عبد العزيزقام معه وهم طالعين همس عبد العزيز بوهن:احد درى عمي او عمتي ماجد تنهد :لا مو قايل لااحد لين نطمن عليها وراحو متوجهين لمسجد المستشفى لصلاة الظهر بيت ابو ركان لابست طرحتها وهي تعدل نقابها هند وقفت قدامها : يابنت توك ماامداك تراتحين امس طلعتي من المستشفى ومن غير روحتك مع عبد العزيز ورجعتك رغد بدون اهتمام وبرود :سار ليا اسبوع وكم يوم مارحت المستشفى الاجازه خلصت وطلعت مو مهتمه لهند اللي واقفه تبي تمنعها تروح المستشفى طلعت رغد ركبت مع السواق والشغاله وراحت للمستشفى ناظرت بالشوارع وهي تتنهد الله يرحمك يبه أشتقت لك مسامحني يبه حست بدمعه حاره على خدها نزلت يدها من تحت النقاب ومسحتها اه يبه ابي اشتغل ابي اشغل نفسي عن التفكير تعبانه موجوعه متالمه مو قادره اتحمل جرح عميق ابوي راح وهو مو راضي عليا يارب سامحني يارب ابوي يكون راضي علي خنقتها العبره وحاولت تقوي روحها وصلت المستشفى راحت غرفة الممرضات دخلت لبست الاب كوت عدلت نقابها وحطت شنطتها تحس بالم داخلي روحها منهاره مكسوره بس مستحيل تسمح لنفسها انها تنكسر قدام الناس مشت بخطوات ثابته عكس الروح المكسوره داخلها راحت الرسبشن ابتسمت لها الموظفه رغد بصوت هادي : وين استلامي اليوم الموظفه مسكت الاوراق تقلبها بيدها بعدين ناظرت رغد :الطوارئ رغد بصوت هادي :مشكوره وراحت لقسم الطوارئ وقفت عندالرسبيشن الطوارئ وهي تقراء ملفات المرضى حتى تكون على علم بالحالات جتها عبير :الحمد الله عالسلامه رغد عظم الله اجرك هزتها الكلمه من داخل لكن قالت بصوت بارد :اجرنا واجرك بغرفه من غرف الطوارئ جالس جنبها ومو قادر يتركها من امس وهي تحت المراقبه حرارتها تروح وترجع يسمع صوت وناتها اللي تقطع قلبه من داخل كانها خناجر بقلبه الى الان ماصحت وهم قربو عالعصر مسح باصابعه على خدها بهدوء يمكن تحس فيه تحس بخوفه بحبه سمع صوت الباب ينفتح سحب يده وعدل جلسته اول مادخلت كانت عارفه انها ساره بس انصدمت من وجوده حاولت تكون طبيعيه مارفع عيونه عليها لانه اصلا ماعرفها حست بدقات قلبها شعور قلق منه مو خاف كثر مو قلق هالانسان ماتتوقع ردات فعله لوعرف انها داومت تنهدت بهدوء مسكت يد ساره وهي تقيس الضغط والحراره حاولت تكون ثابته قال بصوت تعبان وعيونه بالارض :كيف حرارتها وضغطها هزها صوته ماتدري شهالتاثير اللي ساير لها من صوته بس قالت بثبات وصوت جامد :الحراره نزلت 38 ونص و ماقدرت تكلم كلامها لانه رفع عيونه عليها لمن عرفها زين بلعت ريقها من نظرته اماهو حس انه تعبان مافيه يناقشها عرفها من صوتها البارد المتجمد لاولى مره تشوفه بهالمنظر تعبان مرهق دائما تشوفه قوي صلب شامخ دامك تحبها ليش تعذبني ليش حرام عليك رجعت ناظرت بساره معقوله اللي فيها منا انا مالي ذنب اذا هو مايعرف يراعي شعور زوجته قطعها صوته بثبات رغم شكله المرهق : من سمح لك تطلعين من البيت بدون شوري التعديل الأخير تم بواسطة لامارا ; 26-12-12 الساعة 01:43 PM | ||||
|
|
|
17-12-11, 01:59 AM
| #70 | ||||
| نجم روايتي و أميرة حزب روايتى للفكر الحر
| رغد بجمود ولاكانها سمعته :الضغط مضبوط والحراره بعطيها ابره الان ضغط على يده وهو يحاول يمسك اعصابه كان ناوي يتكلم رجفت من نظرة عيونها ولكنها مابينت كان بيقوم لها لولا صوت ونات ساره اللي بدت تفتح عيونها ترك رغد وقرب من ساره مسك يدها وبصوت دافي :ساره فتحت عيونها اشوي اشوي وهي تحس بالم قوي برسها سمعت صوته همست بصوت تعبان متقطع :عــ..ـبـ..د الـ..ـعـ..ـز.يـــ..ز استغلت الفرصه وطلعت من الغرفه وهي طالعه قابلت ماجد ناظرت فيه بحقد وراحت استغرب ماجد من هي بس طنش ودخل عند اخته شاف عبد العزيز ساندها ويشربها مويه ابتسم وانسحب بهدوء ناظرت فيه وهو يشربها المويه وعيونها بعيونه التعبانه ويدها على يده اللي ماسكه الكاسه ودموعها بعيونها تنزل بدون ادراك تنهد بالم :ليش هالدموع يالغاليه وسحب الكاسه وحطها عالطاوله وهي عيونها باقي بعيونه ساره بهمس وصوت مخنوق تعبان بغصات :ليش رحت عني قرب منها عبد العزيوز وضمها له :انا جنبك هنا مسح على شعرها وهو يحس بحرارة جسمها تعذب قلبه وروحه مسح على راسها مرتاحه بحضنه مصدر الامان لها تحس انها تحلق بعيد وهي بين احضانه راحه كبيره تحتويها ماهمها تعب جسدها خلاص دام روحها تعانق روحه دامها بين احضانه الم الجسد يهون مسح على خدها باطراف اصابعه وبصوت مداعب همس بذنها :تبين تعرفين غلاتك رجفت كل خليه بجسمها من صوته ولمست اصابعه ابتسم بخبث :الى الان ياسرونه ابتسمت بخجل وهي تحاول تعدل جلستها ضمها له اكثر وهو مبتسم :مافيه مفر مني قرب وجهه من وجهها وانفاسه تداعب وجهها وحرارة وجهها تزيد عن الحراره اللي فيها نست الدنيا كلها وهي بين احضانه وتتنفس انفاسه مهمها شي الا قربه وبس بيت ابو عمر نزلت جري بعد مالبست عبايتها وشنطتها بيدها تبي تروح قبل مااحد يمنعها سمعت صوت ورها جمدت ياربي مو ناقصه ابي اطلع اغير جوى غلض صوته وهو كاتم ضحكته شافها جمدت :وين رايحه بلعت ريقها بخوف بس بعدين استوعبت لفت بشوي اشوي اول مالفت عليه ضحك اما هي ناظرته بقهر :سليطين طيحت قلبي الله ياخذك سلطان بضحكه :وجع لاتدعين الله ياخذك قبلي ريوف بتعالي :طيب شوف مين يجيب لك هيا ذيك ابتسم سلطان وبخبث :بتجيبنها لانك لو ماجبتيها ماراح تطلعين من البيت تعرفين مااحد بيقول ليا شي ريوف بقهر :يعني لانكم رجال لازم تحددون مصيري لكن هين بس انا بطالب بالمساوه بين الرجل والمراءه ضحك سلطان :تتدرين احس كلمة المسواه شي مضحك اذا الناس اللي طالبو فيها هم نفسهم مستدين ارجعي للعصور الاوربيه القديمه وشوفي كيف كانت المراءه لاتسوى وانتي بكرامه مداسهم وشوفي العصر الاسلامي وتعرفي ان الاسلام كرم المراءه لاتحاولي ادوي عن المسواه لانها ببساطه فقاعه لو وصلتي لها انتي المتضرره وراح يطلع الدرج ضحكة وهي تصفق بيدينها :برافو برافو من متى سلطان هالافكار جديده سلطان بابتسامه :ابدا موضوع قريته بالمنتدى امس وجاي اتفلسف عليك حظك انو مو شارب وضحك وتركها ضحكت وطلعت من البيت مرتاحه عمر ولاابوها موجودين وامها معزومه على عرس التعديل الأخير تم بواسطة لامارا ; 26-12-12 الساعة 01:45 PM | ||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
