آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-12-11, 01:12 AM
| #51 | ||||
| نجم روايتي و أميرة حزب روايتى للفكر الحر 
|  بيت ابو ركان المجلس الخارجي وقف بثبات وبصوت عميق :ليش تفتحين الماضي يارغد وقفت ومسكت بيده :ابي اعرف كل شي يانواف نفض يدها وجلس عالكنبه وهو يتنهد : مو لازم يارغد صرخة رغد وبصوت ثابت وقوي : ابي اعرف يانواف هالناس اللي كرهتهم واهنتهم ماحطيت لهم اعتبار اهنت نفسي قبل مااهينهم انا طول عمري احترم الكبير قبل الصغير بس امي زرعت هنا وهي تاشر على قلبها حقد وكره ماله معنى بعداثنين وعشرين سنه اكتشف اني حقدت عالناس بالغلط اني حقدت عليهم وهم مالهم ذنب عمامي وجدي وجدتي وقف نواف وهي يبي يطلع مو قد المواجهه مشى بس وقفته رغد صرخ فيها بنفعال :خلاص انسي الماضي واكتفي بالكلام اللي قالوه عن امك رغد بنفعال:يعني كلامهم صح وفيه غير كذا كلام جلست عالكنبه بصدمه :يعني كنت اكرهم وهم مالهم ذنب وامي هي اللي كانت سبب القطيعه رفعت راسها له وهو واقف عند الباب يتاملها بالم :يعني امي ظالمه وانا سرت مثلها ظلمت اهلي وكرهتهم قللت من قيمتهم وكل ماشفتهم يزيد حقدي صرخت بالم وبصوت مجروح :انا كرهت ناس بريئه ضحيه لامي انا كل ماشفتهم دمرتهم بكرهي وزودت عليهم بالتقليل من احترامي لهم كل ماشفتهم اهينهم وبالناهيه هم المظلومين وانا الظالمه ناظرت فيه وبصوت بدى يتلاشى :انا نسخه من امي انا ظالمه قرب منها نواف وجلس جنبها وهو يحط يده على كتفها :انسي الماضي وابدي مع اهلك من جديد رغد ناظرته بنظره عميقه :بعد جدي مطلق عنا بعد وفاة امي له علاقه بالموضوع بلع نواف ريقه بهدوء وحاول يثبت نفسه :قلت لك لاتفتحي دفاتر الماضي بتتعبي يارغد بتتعبي طلع وخلاها بروحها مع الهم الجديد اللي نسها الم زواجها من عبد العزيز ركب سيارته وشغلها وهو يدوس عالبنزين بقوى طارت السياره وطلع صوت قوي حس بالاختناق ليش الماضي ينفتح ثاني ليش تنبشون فيه يا عيال الذيب البنات مو قده مو قده جت على باله موني الانتقام اللي تحول لحلم مستحيل يوصل له ماحس الا وهو واقف قدام بيتها الشمس طلعت والدنيا نور وقف وهو مشتاق ومحتاج لها ضاقت به الدنيا طلع جواله ودق عليها كالعاده ماردت تنهد بالم رجع يدق ثاني الين افتح الخط بدون صوت قال بصوت تعبان منهك :تعبان يااماني حست برجفة قلبها من صوته لقال اماني يعني جدي بصوت هادي :سلامتك من التعب نواف بصوت مخنوق :ليش الحياه كذا ليش الماضي يذبحنا ليش الماضي شبح يطاردنا موني ماكانت فاهمه شي بس الشي اللي فاهمته انها تعبت من تعبه وبصوت حنون:ياقلبي هذي الدنيا لازم نكون اقوى منها حاولت تغير الموضوع وبصوت هادي وخجول :اشتقت لك هالليله مرت صعبه على ناس كثير انتهت والالم ماانتهى معها انفتحت جروح وانفتح ماضي صعب مر يومين والاوضاع عاديه اليوم الاربعاء بيت ابوعمر الدكتور سلمان غرفة ريوف كانت واقفه قدام المرايه تعدل قميصها لابسه قميص بقبه واقفه ابيض مخطط برصاصي ربع كم ويدها مليانه ربطات لابسه بنلطون اسود باهت بحركات غريبه عيونها السودا ورموشها الكثيفه شعره الاسود الحرير قاصته بوي لابسه طاقيه مخفيه كل انوثتها فتحت الدرج واخذت اللي تبيه وحطته يجبتها اخذت جوالها وطلعت نزلت من الدرج بسرعه بتطلع برى تمارس طقوسها لكن وقفها صوت صرخه وتصفيره قويه :ابو الشباب هنا ابتسمت وهي تمشي بثقه محاول اقتباس مشيت الشباب لفت له وشافته متمدد عالكنبه ولاب توب بيده واكواب الكوفي مليانه الطاوله :ايش عندك شكلك مواصل كل هالاكواب ضحك :لا صاحي بدري اليوم تدرين اخوك بدون شغله ولاعمله ردت بستهزاء :وتقولها بكل فخر بدل ماتروح تساعد عمر بالشركه سلطان لمتى بتعيش هل الاهمال ضحك بصوت عالي :قسم بالله مو لايق شوفو مين يتكلم ضحكة وهي تعدل قبوعها : انفع ممثله سلطان بابتسامه وهو مندمج مع الاب توب :تنفعين وبيعطونك جائزة نوبل للسلام ضحكة ريوف :ذلحين تاكدت انك صاحي نوم هههههههههههههه مارد سلطان وهو مندمج رجعت سالته :وين امي سلطان وعيونه مارفعها :عند خالي راشد يجهزون لملكة عبد العزيز اتوقع اذا ماخب ضني ريوف باستهزاء :ايه يوخيتي وهي متى الملكه ضحك سلطان وهو يكمل بصوت حريمي :الله يعين بكره ياوخيتي بس تدرين الله يعين عزوز ورغد قنبله مؤقته بتفجر الكل ماقدرت ريوف الا تضحك على قدرة سلطان بالتقليد :والله موصاحي توديني بعدين اتذكرت ومسكت جيبة بنطلونها بقوى :ولا اقول خليها بعدين يلا تشاو مارد عليها وهو مندمج مع الاب توب طلعت وهي تمشي بحوش البيت لفة ورى البيت بخطوات عارفه وين تبي وصلت عند المسبح الزجاجي دخلت داخل جلست عاقرب كرسي طلعت من جيبتها علبة مربعه مع ولاعه طلعت السيجاره ورمتها بيدها بمهاره متقنه ولعتها واخذت منها وهي تستمتع بالشعور وهي تشوف الدخان يطير قدامها والنكوتين يدخل صدرها هذا هو الموت البطئ قصر الوزير غرفة طلال كان متمدد توه طلع من المستشفى وهو كل تفكيره بهالممرضه دق على مهند بصوت ثابت :تعال ابغاك بسرعه قفل جواله وجلس ثابت سار له اكثر من اربع ايام ينتظر مايدري ليش يبي يعرف عن هالبنت أي شي لانها ذكرته بلين توقع يمكن تكون لين ينتظر التحريات عنها ويبني توقعه انقطع افكاره بصوت دق الباب :بصوت عالي ادخل دخل بهدوءه :سم طال عمرك طلال بصوت قوي : وين المعلومات اللي قلت لك جيبها مهند عطاه الملف اللي كان بيده طلع مهند وطلال اخذ الملف رغد عبد الرحمن الذيب خريجت تمريض ناظر بصدمه العنوان قريب من المدرسه نفس المدرسه اللي اتخرجت منها معقوله الشبه صدفه رجع يقرا ثاني بس اللي سبب له ثوره صدق انها توها تملك معقوله كيف اكيد هي لين اكيد ليش كذبت علي ليش رمى الملف بعصبيه والله ماعديها لك يابنت الذيب والله لااربيك مو انا طلال الــ.. اللي تلعبين فيه والله لارد لك الصاع صاعين بس بتاكد ضرب يده برجله المجبسه هذي اللي رابطتني بس تطيب وانا اعرف كيف اعطيك درس ماتنسينه طول عمرك انتهى البارت التعديل الأخير تم بواسطة لامارا ; 26-12-12 الساعة 11:03 AM | ||||
|
|
17-12-11, 01:13 AM
| #52 | ||||
| نجم روايتي و أميرة حزب روايتى للفكر الحر
| (الجزء السابع ) مصنع مهجور دخل بثبات وبقامته المهيبه وبعيونه اللي تلمع كان لابس بنطلون جينز وقميص ابيض مرسوم عليه جماجم ولابس قبوع اول مادخل سمع صوت قوي :اوه البوس فهدهنا لف وجهه فهد بثبات وصوت قوي :هذا مين دخله هنا قرب منه وبصوت هادي مستفز :طلبتك يافهد ابي اسير الرئيس بدلك فهد بعصبيه :فارس لاتختبر صبري ضحك فارس بثبات :يعني مالك يومين سرت البوس وانت مالك معنا اربع شهورايش مسوي لروس الكبيره قرب منه فهد وبرود مسكه من ياقة ثوبه وقرب من وجهه وبتهديد :لو ماكفيت شرك بدفنك بيدي فاهم ورماه قرب منهم واحد دب ووقف جنب فارس طارق :طال عمرك يالبوس فارس مو قصده سكت فهد وجلس مكانه وهو يتامل بالمكان سبع رجال من غير فهد وفارس فيه كنبات منثوره ورها غبار وبقايا مصنع خشب فهد بصوت قوي :انا طالع والطلبيه تجهز بكره نسلم فارس باستفزاز :ريس بالاسم بس ماعطاه فهد وجه وطلع قرب واحد من الرجال الجالسين :فارس ترى ماانت قده خلك بعيد طلع من المصنع القديم ركب سيارته الهمر ومشى ولع سيجاره دق جواله وشاف رقم عبد العزيز رمى السيجاره من الشباك ورد عليه :هلا بالمعرس عبد العزيز بصوت ثقيل :اسمع عليك الذبايح ابتسم فهد :من عيوني تامر بس عبد العزيز :الله يسلمك يلا تامر على شي فهد بابتسامه :سلامتك قفل وهو يفكر كيف يقدر بكره يحظر الملكه وبنفس الوقت يشرف على العمليه نسى شي مهم موعدهم واحد رجع رفع جواله ودق على اكثر واحد يثق فيه في الشله :طارق اسمع قول لهم العمليه تتاجل للسبت فهمت وقفل جواله لمتى نبقى كذا بس كل شي بوقته حلو بيت ابو ركان الصاله كانت جالسه ولا مهتمه لشي اطالع التلفزيون ولا كان بكره حفلة ملكتها اللي لازم تجهز لها دخلو ابوها وصيته قامت لهم وردت السلام ورجعت جلست تنهد ابوها بالم بس حب يكسر الصمت :باركي لعمتك صيته صيته خافت وبطريقه تلاقائيه مسكت بطنها خايفه هالحركه مافتات رغد اللي كانت حاسه بالهشي بس ماكنت تبي تعطيها امل بشعور غريب ابتسمتوهي تحاول تتصنع السعاده لانها حست بالذنب :ركان بيجي الف مبروك قامت وباست صيته اللي كانت مصدومه وباست راس ابوها :مبروك ياابو ركان جرحته الكلمه ماقدرت تقول ياابوي حس بالجرح في قلبه قامت رغد وخلتهم ماتدري ليش مشاعرها تجاه الكل بدت تتغير مستغربه تصرفها مع صيته بس نظرة الخوف جرحتها وحركتها بعد كانها بتحمي ولدها مني معقوله انا كذا شريره بنظرهم اه ياربي وصلت غرفتها ورمت نفسها عالسرير ايش ينتظرني معك يا عبد العزيز تحت بالصاله صيته باستغراب :مو طبيعيه ابو ركان بهدوء :ليش صيته لفة له :من يوم ملكتها وهي هاديه ماينسمع لها صوت بالعاده ماتسمع الا صريخها على أي احد حتى ردت فعلها غريبه سكت ابو ركان بالم اكيد اللي سار لها مو هين وانا ذبحتها لمن وافقت على زوجها ببقى سلبي طول عمري بيت راشد الذيب (ابو عبد العزيز ) دخل البيت وطلع الدرج بخطوات ثابته وصل لصاله اللي فوق وانصدم باللي شافه ملاك من السما نازله ضحكتها الدلوعه منظرها الطفولي مع رهف بنت اخته شعرها القصيربقصت الايمو وهو حر ابتسامتها الشفافه عيونها بعالدسات الزرقا انتقل من عيونها لشفايفها الورديه الصغيره لجسمها الكتكوت وكانها طفله انبهر فيها وفي جمالها سحرته دقات قلبه تزيد حس بقلبه يطير لها ماكانت حاسه فيه وهو سرحان فيها بس صرخة رهف الصغيره بصوتها الطفولي :حالي فهد لفت بسرعه وشافته واقف اول الصاله حست برجفه قويه واحراج راحت تجري واتخبت بغرفة هدى اللي هي اقرب غرفة حقير طول عمري اكرها اوف شكله كان له مده لمست خدودها المحترقه من الاحراج والقهر وهي تحاول تخفف برودتها بكفوفها بالصاله ابتسم فهد وهو يضم بنت اخته :كيفك حبيبة خالي ضحكة رهف بدلع :ابي الثوبر ضحك فهد :استغلاليه سمع صوت من وراه يصرخ :فهيدان ايش جابك ماتعرف ان البيت ملغم ضحك عليها :هههههههههه ماكنت ادري وبعصبيه مصطنعه اصغر عيالك فهيدان ابتسمت رون وهي تدفه :يلا اطلع فهيدان قلت لك البيت ملغم قرب فهد بثات وهو يلف يدها ورى ظهرها ويثبتها صرخة رون :يوجع خلاص فهد ابتسم فهد وهو يتركها :علشان تعرفين اسمي زين يلا بروح ابدل وانزل راح قسمه ورهف تمشي وراه لف عليها باستغراب :ايش تبغى الحلوه ابتسمت رهف ابتسامه عريضه :الثوبر ضحك فهد وهو يشيلها معه :تعالي معي نشبه مثل امك ابدل ملابسي ونروح بيت ام محمد كان تركي واقف عند مجلس الرجال الخارجي شاف ماجد نازل من سيارته بس شكله مبهدل وغترته مو على راسه وازرار ثوبه مفتوحه طنش وراح له يسلم :هلا والله حياك ادخل مشى معه ماجد بدون صوت دخلو المجلس لف ماجد وعيونه حمرا وشعره مبعثر وهو يصرخ بالم :طلقها ياتركي انا احبها حنان زوجتي زوجتي ناظر فيه تركي بصدمه قرب منه شم معه ريحه خايسه ناظر بعيون ماجد وكانه عرف انصدم مره ومسكه بقهر وهو يضربه على وجهه بكل قوه :سكرران ياماجد سكران ياولد خالي سكران يالدكتور سار يضرب فيه بقهر وماجد يصرخ :طلقها انا احبها طلقها ناظره تركي بقهر وهو يتنفس بسرعه صرخ باعلى صوته :فوق يماجد فوق سحبه بقوى من ياقة ثوبه عالحمام وهو يدخل راسه غصب تحت المغسله وهو يصرخ بجهد :فوق ياماجد فوق دخل مروان عالمنظر وهو يشوف ماجد يصرخ وتركي باشد انفعالاته ويحطه بالمغسله تحت المويه ويصرخ عليه وماجد يتنفس بسرعه جرى عليهم وهو يسحب تركي :ايش تسوي فيه ذبحته صرخ تركي وهو يبي يمسكه :خلني اذبحه ماجد كان جالس على ركبه ويتنفس بقوى وتنفسه كل ماله يزيد حده وتركي بين يدين مروان يحاول يمسكه وقف ماجد بتهالك ويالله يسند نفسه ناظر تركي بالم اول ماشاف تركي نظرته حس بالالم عليه ماجد بصوت مخنوق مهزوز:سامحني طلع تركي و قرب مروان من ماجد بتسأل :ايش سار وليش شكلك مبهدل كذا ماجد وانفاسه سريعه من التعب بلع ريقه :وصلني بيتنا فوق غرفة حنان وتركي دخل تركي القسم ووجه مايتفسر قربت منه حنان بابتسامه هاديه صرخ فيها :ايش عندك ايش تبغي من حياتي خسرت صديق عمري لابو الساعه اللي شفتك فيها انتي واختك مصايب حست بالاهانه والجرح الكبير مو قادره تناظر ليش كذا جلست عالكنبه مصدومه من الكلام اللي بدون معنى بدون سبب طلع من الحمام بعد ماغسل وجهه وطلع من الغرفه كلها وهي واقفه مصدومه ايش سار ايش غيره بيت ابو ماجد وقفت مصدومه :ماجد ايش فيك كان واقف وثوبه مبهدل والدم ينزل من شفايفه وشعره طاير وفيه دم على ثوبه مشت له بسرعه وهي تضمه وعيونها تدمع:يااخوي شفيك نزل راسه ومو قادر يقول كلمه وهو ساكت مو قادر يبكي مو قادر يعبر باي شي هاالالم مستحيل يقدر يعبر عنه هزته موني بقوى وهي تبكي :ماجد الله يخليك قول دخلت ام ماجد اول ماشافت ماجد على الارض وموني ضامته وتبكي وتسال عن حاله راحت لهم بسرعه وقفت عند راسهم وبخوف نزلت لهم :ايش فيك يمه تكلم وقف بينهم بدون ولاكلمه ماعاد فيه صوت يتكلم راح عنهم وهو يمشي جثه بلا روح ويترنح بمشيته وهم واقفين مصدومين صرخة ام ماجد بقهر بصوت مخنوق :حسبي الله عليها حسبي الله عليها موني وهي تناظر امها ودموعها تنزل :يمه لاتدعي حرام ايش ذنبها ام ماجد بقهر :ماجتنا المصايب غير منها ومن اختها الله لايكسبهم بنات حصه خلفو امهم بالمصايب طلعت موني فوق بسرعه وهي تبكي على حال اخوها معقوله ياماجد سكران راحت لغرفة مريم تلجاء لها دقت الباب مريم كانت جالسه بهدوء تقرا كتاب حطت الكتاب عالكومدينه وبصوت هادي : ادخلي دخلت موني والدموع بعيونها مريم بخوف وهي تقوم لها :ايش فيك مسكت يدها وجلستها عالسريرموني انهارت بحظن مريم حست مريم بالخوف هزتها :ايش فيه موني بالم وهي تعدل جلستها وبين ادموعها :ماجد رجع سكران ماجد اخوي يتعذب شفت الالم بعيونه تعرفي ايش يعني سكران هزها كلام اختها بس الحقد القديم يمنعها تعبر عن حزنها قالت بصوت بارد :يستحق اللي سار له هو اللي فرط فيها موني بانفعال : لمتى بتظلين تحقدين عليه لمتى بتظلين تحطين الذنب عليه كلنا نسينا وانتي باقي الحقد يعيش فيك عشر سنوات عدت وانتي حاقده ايش القلب الاسود اللي عندك غلطتي اني جيت لك طلعت موني وانهارت مريم عالسرير وهي تبكي مو بيدي والله مو بيدي صعب اسامحه صعب وجلست تساندها مخدتها تفرغ فيها الالم وهي تبكي بوجع عشر سنوات والدمعه رفقيتها مهما ضحكة بوجيهم مهما عاشت حياتها يبقى الحزن رفيقها ماتقدر تعيش حياتها وماتقدر تسامحه ما اقدر حاولت ليش مو قادرين يفهمون غمضت عيونها ودمعه عالقه برموشها بيت تركي القديم كان بغرفته القديمه جالس عالسرير وراسه بين يدينه ايش سوى لها ايش ذنبها بان ماجد سكران ايش ذنبها ليش رميت حرتي عليها اه ياربي ليش الدنيا معي كذا معقوله انا اخذ زوجة اعز اصحابي ليش توي افوق ليش كنت بغيبوبه معقوله من سحرها حنانها طيبتها عفويتها شد باصابعه على راسه وهو يخللها بين شعره خلاص ماعاد اتحمل اشوفه بعيوني يتعذ ب وانا السبب كله منك يارغد لو ماطلعتي كان ماجد سكت لحظه بتوتر لا هو يبيها ومستحيل يتنازل عنها هي الوحيده اللي قدرت تنتشله من الماضي من القوقعه اللي كان عايش فيها هي زوجتي ومستحيل اتنازل عنها اه مو قادر افكر مو قادر صرخ من الم راسه صعب لااجتمعو عيال عممام على حب وحده صعب وصديق عمره لابــارك الله فــي رفـيـقٍ تـزعـلـه كـلـمـة عـتــاب ولاجـمــع الله الــرجــال الــلــي تـفـرقـهـم مــــره مايدري ليش خطر على باله هالبيت ذبحه شوفت ماجد الكبير الدكتور بهالمنظر معقوله كل هذا حب لحنان طيب ليش طلقها وتركها وهم مالهم اشهر مع بعض ليش انا افكر حنان زوجتي مااحد له فيها غيري تناقض كبير اعيشه حبيتها بسرعه غريبه مجنونه وقلبي يعتصر الم على ولد خالي شهالمشاعر المتناقضه المتعبه وهالمسكينه اللي فجرت بوجهها كل شي تمدد على السرير يحاول يمكن يجيه النوم مع انه تعود على وجدها جنبه بيقدر يتحمل ينام بدونها وين حبه وجنونه لزوجته الاولى وحبه معقوله نسته حنان زوجته وعمره ناظر بالغرفه ذكريته معه وريحتها ابتسامتها كل شي حوله بس لحظه وصورة حنان تكسر كل الذكريات كيف بسهوله قدرتي ياحنان تمحي الماضي اللي ضليت على ذكراه اكثر من خمس سنوات ماقدر يجلس وقام يرجع البيت بيت ابو محمد غرفة تركي كانت رايحه جايه قلقانه عليه الوقت اللحين الصباح هو تاخر كثير بالرغم الجرح اللي تركه بكلامه اللي بدون سبب خايفه ايش سار له ليش تاخر سمعت حركه عند الباب راحت بسرعه لسرير وسوت حالها نايمه خايفه عليه بس قلبها مجروح منه مستحيل اتبين له انها كانت تنتظره حست بحركته بالغرفه بس حاولت ماينتبه انها صاحيه شافها وهي نايمه ومغطيه وجهها مابين منها شي حس بالشوق نفسه يقرب منها وينومها بحظنه بس مو قادر في حاجز كبير انبنى بينهم جيت ماجد اليوم تعبته وصحته تحول الحلم الوردي لكابوس حس بالتعب بدل ملابسه وراح اتمدد وهو معطيها ظهره ماقدر ينام بعيد عنها مع انهم مالهم ايام الا انها قدرت تحتل كل جزء بتفكيره نايمين على نفس السرير بس فيه حواجز كثيره بينهم وفجوه بدت تنبني كل واحد يفكر بالثاني بس ولا احد فيهم قدم خطوه المغرب (بيت ابو ركان ) الكل يجهز ويروح يجي لان اليوم الحفله جامعه ناس كثير وكانت ورى البيت طاولات وكراسي منظمه بشكل يبهر والكوشه بالونها الابيض والفضي اللي معطيه هيبه لها ومفارش الطولات بالون الابيض والفضي المكان كله باللون الملكي كما هي صفات العريسان القوه والشموخ والهيبه أنتهى البارت التعديل الأخير تم بواسطة لامارا ; 26-12-12 الساعة 11:05 AM | ||||
|
|
|
17-12-11, 01:18 AM
| #53 | ||||
| نجم روايتي و أميرة حزب روايتى للفكر الحر
|  (الجزء الثامن ) بغرفتها كانت واقفه بابتسامه غريبه بطلتها الفوق رائعه فستان احمر فخم من فوق بعلاقات ذهبيه بقصه مثلثه من الصدر كان على جسمها ومن عند الفخذ يبدا ينزل على تحت ويوسع بقصه خطيره وشعرها الاسود ملفوف ومتراميه خصله على وجهها وبعضها مشبكه بكرستلات مع الميك اب الدخاني وروجها الاحمر كانت قمه بالروعه دخلت عليها حنان وهي مرتاحه لابتسامتها : واو ايش هالجمال ابتسمت بهدوء :عيونك الحلوه حنان براحه وهي تقرب منها :واخير اقتنعتي بنصيبك ضحكه قويه صدرت منها وهي تعدل فستانها وتلف على حنان :هذا مو رضى لا حبيبتي هذي بداية الحرب بخليه يندم عالساعه اللي عرفني فيها ناظرتها حنان بخوف :رغد الى الان مااكتشفتي انك تلعبي بالنار رغد بغرور :وانا قد اللعب فيها واتحمل حرقها ولايغرك ابتسامتي وكشختي كلها مو لعيونه لا لي انا انا رغد الذيب حفيدة الشيخ مطلق لازم اكون احلى وحده بالكل وبثقه لاني احلى عروسه واللي سويته كله للناس ولنفسي وابعد مايكون علشانه ولو مو كلام الناس كان ماخليته يدخل ابتسمت وهي تشوف صدمة حنان :ايه بخليه يدخل كلمة نواف وبيدخل تدرين ليش حتى اغتر زياده قدام الكل تدرين صدق اكره ومااطيق اشوفه بس تدرين منصب ولد عمك وكشخته على الاقل يشحن غروري ماقدرت حنان تقول شي طلعت من عندها بدون كلمه ورغد جلست هاديه نزلت من عندها حنان وهي كل يوم تزيد خوف على اختها دخلت المطبخ بهدوء تشوف الشغل كيف شافته جالس مع الشغاله وهو يبتسم بهدوء نفس ابتسامت ابوه اللي كانت تذبحها قربت منه تلقائيا مسكت يده وباستها بهدوء وهي تضحك له كان ممكن يكون ولدها غمضت بعيونه لااخر يوم جمعهم قام بسرعه ودخل الحمام وهي جلست كانت مصدومه منه طلع بعدها وشعره مبلل قال لها بصوت مبحوح :قومي جهزي أغراضك ناظرته بصدمه :ليش عطها ظهره وراح لغرفة الملابس :انا مسافر خلاص يحنان اللي بينا أنتهى صرخت بألم :وشو انتا ايش تقول بعد إيش انتهى بكت يومها جرح عميق الليله اللي حست كل شي تغير انقلبت حيتها فوق تحت نفضت راسها وهي توقف بسرعه وهي تتذكر الان هي زوجة تركي ومايحق لها تخونه حتى بالتفكيرناظرت بولد ماجد نظره اخيره وطلعت للحفل تستقبل الناس وهي تمشي بنكسار داخلي وهدوء خارجي بنعومه بفستانها الاصفر الناعم جاي مع عيونها العسليه ووجه الهادي كانت اثيريه بهدوءها ونعومتها مجلس الرجال دخل بحضوره المميز بس كان فيه من يسانده بسبب رجله وهو يلف بالمكان طاحت عينه على عبد العزيز قرب بابتسامه هاديه تخفي براكين :مبروك يالمعرس عبد العزيز بفرحه :طلال هنا حياك الله وين هالغيبه طلال بهدوء : سالفه طويله يااخوك كان بيمشي بس عبد العزيز وقفه :افا تتركني وتروح ابتسم طلال وجلس جنبه وعبد العزيز واقف يستقبل يالحرقه اكون انا واقف مع زوجها واستقبل المباركين بعرسها ليش هالكابوس اغلى اصحابي تسير حبيبتي زوجته بنت عمه يمكن يكون فيه غلط بس شكلها صدق اتمنى من كل قلبي ماتكونين لين حس بتعب سند نفسه وهو يحاول يخفي أي الم ممكن يتسرب لداخله وهو يفرح لفرحة صديقه بنفس اللحظه اللي يتالم فيها من زواج حبيبته هذا ذنب كل بنت لعب فيها عند البنات رون بهدوء :موني ايش فيك لفت موني :ايش رون وهي تقرب منها وهم واقفات عند الكوشه :انتي مو طبيعيه ابتسمت بالم :مافيه شي قربت دانيه منهم كانت لابسه فستان لونه وردي ناعم عليها بابتسامه :يلا بنات نرقص مو كل يوم ملكه يلا طلبت اغنية نجوى كرم انا قلبي مصنع بارود اشتغلت الاغنيه صرخة رون وموني اتحمست معها بدت دانيه ترقص هي ورون وموني دبكه والكل يناظرهم والصفقات تتعالى بخطوات ثابته مع ثقه رون بفستانها المدموج بتموجات السماوي وشعرها ملفوف ويتراقص معها اماموني كانت لابسه فستان حرير لونه موف بوردي على الطولات وبالتحديد الطاوله القريبه على الكوشه الخاصه باهل الملكه هدى بهمس : يارب ماتيجي مريم بعد مانزلت فنجان القهوه : لاتخافي مصره تيجي حلفتني ادق عليها هدى بقهر :تتوقعين يدخل عبد العزيز ضحكة مريم بسخريه :تتوقعين تتنازل عن دخلته لازم ترضي غرورها قدام الكل ولا ليش هالحفله الكبيره المبالغ فيها مو مخلين احد مو عازمينه وكل هالكشخه تروح عالفاضي قربت منهم مها بفستانها السكري جمالها الرائع وثقتها اللي تنعكس عليها مخليها مميزه بحظورها :ليش جالسين قومو يلا ابتسمت مريم بسخريه :ذاك اليوم مااحد فينا اتحرك ولا انتم ياحريم الذيب تموتون عالفشخره والنفخه الكذابه مها بصوت غاضب :مو كذا خلافتنا بينا وقدام الناس لازم مايظهر شي فهمتي قومي يلا نجهز ذلحين تنزف رغد مريم بقهر وهي تلف وجهها : مو ملزومه اجهز لزفت ضرة اختي ولو مو ابوي كان ماجيت اصلا هدى مؤيده : وانا قلت مااحط يدي بشي اخوي تزوج وفرحنا له وانتهى الموضوع ناظرتهم بقهر بس مووقت كلام ونقره راحت عنهم لاتفقد اعصابها وتخرب الدنيا فوق عند رغد حنان بهدوء :يلا انزلي رغد مشت بغرور وثقه نزلت الين وصلت للباب الخلفي للبيت اللي يطلع عالحوش مكان الحفل ناظرة بهند اللي جنبها :بديت اتوتر هند تمسك يدها تساندها :شي طبيعي توكلي على الله بس انتظري لمن تبدى الزفه تشغلها حنان صوت اغنية راشد ياقمر الكل كانت انظاره عالباب ينتظرون طلتها اول مابدت الاغنيه ياقمر غمض عيونك قبل لايشرق ضيها طلعت من الباب وهي مبتسمه بثقه وتحاول تقاوم أي توتركانت مبهره تعالت الاصوات بالاعجاب خايف انك لو ترها يستحي بك كل ضي مقبله والليل يعزف خطوت النور بسناها ياقمر مالك مكان دام جت بالنور رغد كانت تمشي بثبات للكوشه لفت وجهها بابتسامه وشافت جدتها الجالسه ليش تطرين علي الى الان احس بالذنب الله يسامحك يمه وينك يمه احتاجك انا حست بالعبره بتخنقها بس قاومت اول ماقربت عند جدتها سوت حركه صدمت كل اهلها قربت من جدتها وباست راسه ام سالم تمسح دمعه خانتها بطرف شيلتها وبصوت مخنوق :مبروك يابنتي رغد بصوت هامس :سامحيني ضمتها الجده اكثر :مسموحه يابنتي مسموحه يابنت الغالي قربت ام عمر وسحبت رغد وهي تقاوم دمعتها :يلا رغد لاتخربين مكياجك تخرعين ولد اخوي ابتسمت مجامله وكملت طريقها وجلست عالكوشه عند الرجال واقفين يقلبو العشا تركي وهو رافع ثوبه بيده :هات هينا يا جاسم جاسم وهو شايل الصحن يتحلطم :مافيه غير جاسم تعال وروح كان مافيه هنود مليان المجلس ضحك فهد اللي كان يجهز الماي :اقول بس تعلم المرجله ولاتسير مثل الحريم تقرقر جاسم حط الصحن :المرجله هدت حيل يعني ناظر تركي عالترتيبات وان كل شي جاهز كانو الشباب كل واحد يروح ويجي لف بس جت عينه بعيون ماجد اللي كانت عيونه كلها ندم ماقدر يقرب منه او يسامحه وذيك الليله بتظل حاجز بينهم مشى بدون مايعبر ماجد وطلع يقول لجده كل شي تمام فهد ناظرهم وحس بالوضع مو طبيعي قرب من مروان :ايش ساير بين ماجد وتركي ارتبك مروان بس حاول مايبين :مافيه شي امش يلا نروح نقلط الرجال ومشى عنه وقف فهد يناظر فيه حس ان فيه شي مو طبيعي بالكوشه عند رغد جالسه بهدوء وتناظر الكل جت لها حنان :رغد نواف بيدخل بس عبد العزيز مو راضي رغد بعصبيه مكتومه وبين اسنانها :هذا ايش فاكر نفسه حنان اتهديها : اهدي يارغد واذا مادخل شي عادي رغد بقهر : لا مو عادي ابيه يدخل والا لااقوم الدنيا فوق راسكم مشت حنان بتوتر وقفتها هند بهمس :ايش ساير حنان بخوف وصوت هادي :رغد تبي عبد العزيز يدخل وهو مو راضي اخاف تقوم الدنيا تعرفين رغد هند بقلق :شنسوي سحبتها حنان داخل البيت :بسرعه دقي عليه اقنعيه باي شي انا بروح اشوف الناس وردي عليا طلعت حنان وهند طلعت جوالها مسكته يارب ايش هالبلوه دقت على عبد العزيز كان عند الرجال جالس بهدوء وهو متوقع الاعاصير اللي داخل شاف رقم عمته هند ابتسم بسخريه رد عطاها مشغول هند سارت تمشي وتيجي بقلق ياربي مو قت عنادكم والله رغد مايتامن لها الله يهديك ياعبد العزيز قلت انك الكبير قطع توترها وافكاره اختها ام عمر :ايش فيك هند ناظرت لها هند براحه :تعالي انقذيني ياهاله ام عمر بخوف :من ايش قربت هند منها وبصوت هادي : رغد تبي عبد العزيز يدخل وهو مو راضي ورغد معصبه وتقول لو مادخل ماراح يسير طيب وهو مو راضي يرد علي والله لو يقومون الدنيا واحنا مو حمل كلام الناس هاله بهدوء :انا بدق عليه اشوفه بحل الموضوع الله يهدي ابوي لو ماسوى اللي براسه راحت هند وام عمر مسكت جوالها ودقت عليه اول ماشاف رقم عمته هاله ماقدر يطنشها بالنهايه لها غلا غير رد بهدوء بعد ماقام بعيد عن الرجال : هلا والله هاله بابتسامه هاديه :هلا فيك مبروك يالمعرس عبد العزيز بهدوء :الله يبارك فيك العقبه لعمر وسلطان هاله بمزح :الاول بس ماادعي لثانيه ضحك عبد العزيز :هههههههههههههههه هاله :المهم ابيك تدخل يلا ننتظر حنا عبد العزيز سكت اشوي بعدها قال بصوت واثق :بس انا مو داخل هاله بثبات :لو قلت علشاني عبد العزيز بثابت اكبر :انتي على عيني وراسي قطعته هاله بهدوء :ياولدي لاتكسر فرحتها بملكتها يكفي انها مو راضيه بكل شي لاادمر فرحة عمرها مااتوقع انك قاسي كذا البنت مثلها مثل غيرها تبي تفرح مو لانك فرحة قبل ماراح تهتم لها انت تزوجتها وانت راضي بكل شي لاتيجي اللحين قطعها عبد العزيز وهو يتنهد :خلاص بدخل ابتستم هاله بفرحه :ايه كذ الله يسعدكم ويهدي سركم التعديل الأخير تم بواسطة لامارا ; 26-12-12 الساعة 04:33 PM | ||||
|
|
|
17-12-11, 01:20 AM
| #54 | ||||
| نجم روايتي و أميرة حزب روايتى للفكر الحر
| بد المكان بالحركه الكثيره كل وحده ادور على طرحتها وعبايتها المعرس داخل وخال العروسه قامت مريم بهدوء ودقت على ساره :وينك فيه ساره وهي تاخذ نفس: دخل مريم بهدوء : بيدخل ساره بصوت راجف : انا جايه بالطريق مريم بقلق: ساره لاتيجي احسن لك قفلت ساره الجوال بدون ماتسمع أي كلمه من مريم كانت مرتبكه تتنتظر طلته بتشوفه اخير من قريب حاسه بتوتر خايفه أي احد ينتبه لها اتفضت لمن سمعت صوت ورها ضحكة دانيه : موني ايش فيك اللي يشوفك يقول انتي العروس ابتسمت بارتباك :ابدا ناظرات فيها رون بشك فيه شي غريب مصيري اعرفه ياموني دخل تركي بشموخه وهيبته بالبشت الاسود وطلته المبهره وكان بده نواف اللي مايقل عنه جمال وجاذبيه ابتسامته الساحره الزغاريت تعالت رغد كانت تناظر فيه حست بارتباك مو طبيعي بس وقفت ثابته بابتسامه باهته موني انتفضت من شافته حست قلبها بيفضحها مع الكل كان غير بحظوره ابتسامته عيونه كل شي فيه غير حاولت تتناظر كل شي الا جهته رعب مو طبيعي مع ان كل الايام اللي فاتت كانت تعيش هالبرود ليش اللحين تحس بالارتباك كان ماشي وهو متردد لاول مره يحس انه اتسرع بخطوه نفسه يعرف اذا ساره موجوده اولا خايف عليها تنهد بتعب وهو مابعد شافها وقفو لحظه وكان الزمن كله وقف ناظر فيها بجمود مابين شي على ملامحه بس من داخله ماينكر انه انبهر فيها لكن نظرة التحدي اللي بعيونها خلته يبتسم ابتسامة سخريه انقهرت من ابتسامته بس قلبها انتفض لمن باس جبينها حست بحراره غريبه تسري بعروقها بس حست بالقهر لمن زادت ابتسامت السخريه وكانه حس فيها نزلت عيونها بقهر وهو وقف جنبها تقدم نواف بابتسامته الواثقه :الف مبروك يالغاليه ابتسمت له بحب :الله يبارك فيك قرب منها وباس راسها ابتسمت له وقف جنبها من الجهه الثانيه وبدت المصوره تصور حست بروحها بتطلع مسرحيه غبيه هيا البطله الفلاش يطلع نجمه مشهوره تتصور لدور البطوله يؤ ايش فيها افكاري سارت ملخبطه لفت وجهه وناظرت بعيونه مباشره ماتدري من وين هالشجاعه حست نفسها وقحه بس هو عطها نظره قويه نظرة تصغير حست بالقهر رفعت حاجبها له باستنكار ولفت وجهه وجلست جلس وهو يبتسم ماشفتي شي يابنت عمي جايك الاكبر بشوف تحملك ناظرهم نواف وهو يشوف شكلهم ولا كانهم عرسان ابتسم بقهر بالطاولات الخاصه موني ماشالت عيونها عنه سمعت بنات وراها :يؤ ياحلوه يهبل الثانيه بضحكه :عيب استحي الرجال اليوم معرس تبين تسيرين الثالثه ضحكة البنت :انا مااقصد المعرس اقصد المزيون الثاني شكله اخوها ووه ياقلبي حست موني بالقهر نفسها تلف عليها وتسوي لها شي بس خافت تنفضح قدام الكل واقف جنبها وهو يناظرهم اثنينهم هز راسه بقهر وهو نفسه مايتم شي بس خلاص كل شي تم وانتهى قرب راسه من رغد وهو يقول بابتسامه خبيثه : تذكرين الوعد اللي بينا يوم ملكتك ايش يسير لفة عليه بصدمه وبعصبيه مكتومه بين اسنانها :من جدك انت انتبه عبد العزيز عليهم ولف راسه يشوفهم نواف بابتسامه خبيثه :لازم تكونين قد التحدي حست بقهر منه لمن شافت ان عبد العزيز منتبه قالت بصوت حاد :قلت يوم ملكتي مو يوم يقبروني ابتسم عبد العزيز باستهزاء ولف راسه عنها بغرور حست بالقهر نفسها تضربه تسوي فيه أي شي يكسر غروره وعجرفته بس قطع افكاره صوت نواف :خلاص بعديها وبنخليها عالعرس يلا ياحلوه فمان الله وطلع بدون حتى مايكلم عبد العزيز وهو ماشي فكر انو اكيد موني بتكون بين هالناس شافته بس هو ماشافها في مكان ثاني ماقدر يتحمل مشى بخطوات متباعده وهو يناظر المكان والرجال طلع من المجلس طلع من البيت كله مشى بالشارع وهو يحس الالم يزيد يده توجعه جسمه بدى يحكه جرى بخطوات سريعه شاف عماره تنبني عظم دخل فيها بسرعه واالم يزيد رفع كم ثوبه ويده ترجف بقوى طلع من جيبه ابره غرسها بتمرس وكان حافظ مكانها بعدها بدى يتاوه وهو يحس براحه رخى نفسه وغمض عيونه ودمعه باقيه بين رموشه وقفت تعدل نفسها بعد مانزلت عبايتها لمن اتاكدت انه نواف طلع ابتسمت وهي توقف توترها ثبتت باقة الورد الحمرا الفخمه بخيش بيج مع خمري مشت تبي تروح لهم بلعت ريقها بالم وهي تمشي بخطوات ثابته بروح ميته وقلب مجرووح بالحفل اول ماطلع نواف قامو عمات عبد العزيز ورغد وام عبد العزيز وخواته راحو يسلمو عليه وعلى رغد اللي ابتسمت بسخريه ماسلمو عليها الا لم جى عبد العزيز وقفو خواته يرقصو مع الاغاني بحماس وخالته لحظه الكل اتوجهت انظاره جهت الخلف لمن دخلت هدوء غير همس بيسط بين الحظور رفع عينه وهو يناظرها بحب اسرته بحضورها مشت وقلبها مجروح وروحها تتعذب لمن شافته وهو جنبها انتبهت لنظرة عيونه الحب فيهم نظرة الهفه بس جرحها باقي بقلبها خنقتها العبره وحبست دموعها وهي تمشي بالم وثبات ظاهري بس داخلها مجروووووووووحه مكسوره من داخل محطمه رغد ناظرتها بقهر هالحركه راح تكلفك كثير ياساره ماكنت متوقعه منك واللي قهرها اكثر انها لمن قربت ساره وقف لها عبد العزيز بابتسامه حب وبنظرة حنان لينت خشونته وقسوته مهمها عبد العزيز وساره كثر ماهمها منظرها بين الناس قربت ساره بفستانها النيلي وشعرها المرفوع بابتسامه باهته وعيون حابسه دموعها سلمت عليه وعطته باقة الورد قرب منها وباس جبينها قدام الكل والكل مصدوم من الحضور حست رغد بالاهانه القويه بس ثبتت نفسها جلس عبد العزيز وساره ولا لفت على رغد شغلو الاغاني وقامت ترقص والبنات يرقصو معها حنان كانت تناظر اختها بغصه مو عارفه تسوي شي بالذات لمن قربت منها وشافتها كيف ماسكه فستناها بقهر عماتها ماعجبهم الوضع بس مااحد قدر يتكلم وعيون عبد العزيز تحرس ساره وهي ترقص بس رغد طفح فيها الكيل قربت من حنان وهمست لها ناظرتها حنان بخوف بس رغد ناظرتها بقوه وثبات وبعدها لفت على عبد العزيز وهمست باذنه :بنطلع كان يتامل في ساره وقطعه صوتها ناظر فيها بصمت ثم وقف ووقفت معه طلعو من المكان وامه وعماتهم وحنان معهم بس ساره جلست عالطاوله ورجولها مو قادره تحملها وهي تشوفه ماشي ورغد جنبه رغد شافتها ومن القهر مسكت يد عبد العزيز حتى تقهرها عبد العزيز استغرب حركتها بس ماعلق دخلوهم مجلس الحريم وراحو جلس اشوي وجلست جنبه وهم ساكتين وقفت رغد بثبات :يلا بروح انام عندي دوام بكره وراحت بدون حتى ماتشوف ردت فعله طلعت فوق غرفتها وجلست تبدل ملابسها تحس انه كابوس وبينتهي اما هو طلع من المجلس بهدوء انا اعرف كيف اعدل راسك يابنت امك ووالله لااعلمك كيف يكون الادب التعديل الأخير تم بواسطة لامارا ; 26-12-12 الساعة 04:34 PM | ||||
|
|
|
17-12-11, 01:21 AM
| #55 | ||||
| نجم روايتي و أميرة حزب روايتى للفكر الحر
| يوم الجمعه بيت ام محمد شقه محمد ومها صرخة بقهر في وجهه :الى متى انت كذا يااخي حس اشوي ايش هالبرود هذا نزل الجريده بهدوء :ايش سار مها بعصبيه :هذا اللي يجلطني شوف لي حل مع هالشغاله محمد برود :طيب نزليها عند امي وخذي وحده ناظرته مها بقهر :تدري العتب مو عليك علي انا اللي جيت اطلبك تركته ورجعت المطبخ وهو برود رفع الجريده يقرا في المطبخ تكت على الثلاجه وهي تحس بقهر من محمد ليش دائما بارد ومايمهم شي بديت اشك انه اصلا يهتم لي او لبنته يارب صبرني على هالعيشه غرفة تركي وحنان جالس عالسرير وماسك راسه بين يدنه بقوه من امس مارجعت حنان من عند ابوها والى الان ماكلمها مايتمني ترجع حس بالضيقه ليش مااتمنها ترجع لانها السبب باني خسرت صديق عمري وولد عمي مو ذنبي شسوي هذا قدري اه ياماجد ادري اني استحق اللي يسير لي لو وقفت بوجه جدي يومها وخليت ماجد ياخذها لو استغفر الله يارب ارحمني ماعاد فيني اتحمل انا اتكلم عن زوجتي كذا كنت مرتاح وانا بدون احد بحياتي الله يرحمك يالغاليه رحتي وتركتيني وقف عند بوابة المستشفى نزل من السياره وهو منزل راسه وقف قدامها وهو متردد يدخل المستشفى اولا نفسه يشوفها لو من بعيد اه ياعمر لمتى بتعيش كذا حس بضيقه وقف وسند عالسياره طلع من جيبته بكت دخان طلع سيجاره وسار يدخن وهو يتامل المستشفى نفسه يروح بس مو بيده خايف الى متى تبقى كذا ياعمر الى متى قلبك يبقى هنا تنهد بالم العصر مصنع الخشب القديم واقف بثبات وهو يصدر الاوامر لهم ويشرح لهم العمليه بعد ماخلص مشى وجلس على كنبه طلع بكت الدخان بيطلع السيجاره الا اللي واقف بوجه وبصوت مستهزاء :ايش رايك ياطويل العمر تجلس هنا انتا مو قدها رفع راسه فهد برود :فارس ابعد عن وجهي فارس باستهزاء :لاتقول مو طايق شوفتي ايش فيني قمر فهد ماسك اعصابه ويحاول يكون هادي : ابعد عني يافارس انت مو قدي نزل راسه وهو يحط عيونه بعيون فهد :يعني ايش بتسوي فيني انفعل فهد رمى البكت عالارض ومسك فارس من ياقته عطه بوكس قوي على وجهها طاح فارس من قوته ناظره فهد بقوه وصوت عميق :قسم بالله لو ماتبطل استفزاز المره الجايه ذابحك طلع وتركهم وهو بقمة عصبيته ركب سيارته ومشى بالشوارع وهو يفكر بتنجح العمليه او لا دق جواله ماكان يبي يرد بس لمن شاف الرقم رد بسرعه :سمي طال عمرك صوت ناعم :ابيك اليوم ابي اشوفك عقد حواجبه بقرف :ارسلك احد بصوت ثابت وضحكه خفيفه :قلت ابيك انت ماابي احد بقرف :طيب جاي متى قالت بضحكه :يعجبني انك ماتحب زعلي لانك تعرف وين يوصلك تافف فهد :لاتختبرين صبري متى قالت بدلع :اللي تبي ياقلبي بس اليوم قفل جواله بقرف بدون حتى مايقول لها مع السلامه اوشي المستشفى رغد بغرفة الممرضات جالسه تشرب ماي دخلت عليها عبير :سكتي الدكتور هادي معصب رغد باستغراب :ايش عنده عبير بضحكه : واحد طرده من الغرفه ويقول وهي تخشن صوتها وتثبت وقفتها والله مايكشف على زوجتي غير مره مثلها ضحكة رغد باستهزاء :طيب ايش الجديد عبير :ولاشي بس تعرفين دكتور هادي جديد جاي من برى على هنا مو متعود رجعت رغد تشرب من الماي نزلت الكاسه وهي تقول : مصيره يتعود مشكلة هالناس مستحيل بناتهم يدرسون طب او تمريض ولمرضو حريمهم ماطلبو غير حريم طيب دامك مو راضي بنتك او اختك ليش تسوي فيها دخلت غيداء بابتسامه :يؤ العروس هنا لفة شفايفها بقرف :اوف لاتبدي بليز طلعت عبير من الغرفه وقربت غيداء من رغد :ايش سار بينكم امس ضحكة رغد وهي تتذكر :دخلونا مجلس الحريم وقفت وقلت له عندي شغل تركته ورحت فتحت غيداء عيونها بصدمه :من جدك انتي ولاتمزحين ضحكة رغد :ههههههههههههه ليش امزح بيت ام عمر نزل من سيارته ودخل بيتهم وحالته ماتسر اول مادخل لقى امه جالسه بالصاله ام عمر وقفته وهو يبي يطلع فوق : وين كنت ارتبك اشوي حاول يثبت صوته :تحقيق يمه ابتسمت ام عمر بهدوء : لا ياولدي بس تاخرت شوف الساعه كم ذلحين من امس وانت برى البيت تنهد عمر بهدوء :هذا انا رجعت ام عمر بصوت حزين : لمتى تبقى كذا ياعمر سكت عمر ومارد عليها وطلع غرفته أنتهى البارت التعديل الأخير تم بواسطة لامارا ; 26-12-12 الساعة 04:35 PM | ||||
|
|
|
17-12-11, 01:28 AM
| #56 | ||||
| نجم روايتي و أميرة حزب روايتى للفكر الحر
| ( الجزء التاسع ) مر اسبوع كان عادي بس الغريب ان حنان مارجعت لتركي وباقيه في بيت ابوها رغد ابدا ماكلمت عبد العزيز ولااحتكت فيه يوم الاربعاء بيت ابو راكان كانت جالسه بغرفتها دخلت عليها حنان وبهدوء :ابوي يبغاك تحت ماردت عليها رغد لانها الى الان تتجتنب ابوها حنان بتوتر : انزلي له رغد بلا مباله :ايش يبي حنان بلعت ريقها :يبيك وبعدين حرام كل هالوقت وانتي باقي زعلانه من ابوي ما يسير سكتت رغد تبي تنزل له صرخت حنان :وين رغد باستغراب : لاابوي حنان بتوتر :ببجامتك رغد ناظرت ببجامتها : ايش الجديد بلعت حنان ريقها وهي عارفه انها ماراح تعديها لها رغد بس قالت بتوتر : عمتي هاله تحت البسي وانزلي رجعت رغد وجلست عسريرها :لمن تروح قولي لي حنان توترت وحست بقلق : قومي يلا ابوي يبيك وين ينتظرك مافيها شي بدلي ويلا انزلي هو بالمجلس تنرفزت رغد بس قامت لابست بنطلون جينز وبلوزه لونها موف طويله للركبه وربطت شعرها فوق عطرت نفسها ثم نزلت دخلت على ابوها المجلس وبدون نفس :سلام ايش عندك حس بالقهر من اسلوبها مع ابوها قال بصوت ثقيل : ماتعرفي تسلمي مثل الناس لفت بصدمه لمن شافته عبد العزيز حست برجفه خفيفه بس حاولت تثبت نفسها :هذا سلامي وناظرته بتحدي قام ابو ركان وهو قلقان :يلا اترككم تتفاهمو طلع ابوها وهي مشت بتطلع وراه وقف عبد العزيز بوجهها حست بخوف وهي اطالعه وهو بهيبته قريب منها بلعت ريقها بخوف وهي تحاول تقوي نفسها بصوت مرتجف : بعد عني بطلع مااظن بيننا كلام ابتسم بهدوء وهو يشوف خوفها بالنهايه هي بنت قال بصوت ثابت وهو يقرب وجهه منها : بيننا زواج مو بس كلام بس بما انك مستعجله كانت منزله عيونها بالارض وهي تبلع ريقها بخوف تحس برجفه نفسها توقف بوجهها بس كل شجاعتها تخلت عنها بهاللحظه ضعفة بالنهايه هو الجانب الاكبر بعد ماسكت وقت قطع الهدوء وهو يلف وجهه بيطلع :اتجهزي العرس بعد العيد ومشى وقفت لحظه ثم استوعبت الوضع مشت ووقفت بوجهها وهي معصبه بصوت عالي : مو على كيفك تحدد وتيجي بس اتبلغني زواج مافيه الا بعد سنه ناظرها بسخريه :وانا لازم اسمع كلامك ناظرته بقهر نفسها تسوي فيه شي تذبحه بس هو طنشها وراح انقهرت طلعت غرفتها وهي معصبه دخلتها وقفلة الباب وبقى وهي تصارخ بقهر : هومين شايف نفسه هالحقير والله مااعديها واذا يبي يتزوج خليه يتزوج بروحه دخلت حنان الغرفه بخوف: رغد ايش فيك جلست رغد عالسرير بعصبيه وهي تحرك يدها بالهو : مافيني شي بس الباشا يبي يتزوج بعد العيد كانو مو زوجنا انا مو مستعده له مو مستعده قربت منها حنان ومسكت يدها وهي تهديدها طلع من البيت وابتسامه هاديه على وجهه مايدري ليس استانس لمن شافها معصبه ومقهور هذا هدفه يوقفها عند حدها ركب سيارته وشغلها رايح والله اتوقعت منك رد فعل اقوى من الكلام لكن هين هذي البدايه يارغد الايام بيننا وصل بيته ونزل دخل البيت وتخللت ريحة العطر باعماقه ابتسم بهدوءاول ماشفها واقفه قدامه قرب منها وهمس باذنها :اشتقت لك انتفضت ولفت بسرعه ضحك بخفيف عليها اما هي ابتسمت بخجل : خوفتني المستشفى مشى بالممرات وهو يتعرف المكان وظيفته الجديده وبنفس المستشفى اللي فيه بنت عمه ممرضه دخل قسم الجراحه حتى يبدا اول يوم له كدكتور دخل مكتبه الجديد جلس عالكرسي ورمى الاب كوت عالمكتب تنهد اليوم اول يوم بحياتي لازم امسح الماضي كله جت صورة حنان في باله مسك راسه بين يدينه انسى ياماجد ماعادت لك لازم تبداء من جديد روحي من حياتي ياحنان يكفي خسرت اعز ناسي انا السبب انا تركتها ورحت استاهل اللي يسير ليش اللحين بس رجعتي لحياتي كنتي مختفيه منها مسح وجهه بكف يده وهو يعدل جلسته من اليوم حياه جديده وانسى ذيك الليله المشؤمه شاللي خلاني اشرب وانا تركته قطع افكاره دق الباب قال بصوت هادي :ادخل دخلت ممرضه سعوديه متلثمه قالت بصوت جدي :دكتور طالبينك بالعمليات وطلعت سحب الاب كوت من المكتب وطلع وهو يقول بنفسه توكلت على الله التعديل الأخير تم بواسطة لامارا ; 26-12-12 الساعة 04:36 PM | ||||
|
|
|
17-12-11, 01:29 AM
| #57 | ||||
| نجم روايتي و أميرة حزب روايتى للفكر الحر
| بيت ام محمد بالصاله جالس تركي وامه ودانيه ام محمد بهدوء لدانيه :قومي جيبي الشاي دانيه بدلع :نادي وحده من الشغالات ايش فايدتهم زينه بس ام محمد بانفعال :دانيه قلت لك قومي قامت دانيه بقهر : قولي ابي اخوك بسالفه مو تخدميني وراحت بسرعه لفت ام محمد لتركي : وانت متى تجيب مرتك سار لها اسبوع ماسك الرموت وضغط عليه بقوى وهو يتفرج عالتلفزيون : يمه هي طلعت بنفسها ترجع بنفسها ام محمد بجديه : يعني صدق فيه شي تركي بملل : مافيه شي خلاص قفلي الموضوع اتنرفز ام محمد :تركي دخل مروان بهاللحظه حس تركي انه انقذه مروان وهو يناظر امه وتركي : السلام عليكم ردو السلام بهدوء ضحك مروان : اوه ليكون قطعت القمه بس ابتسم تركي : لا مافيه شي اجلس ناظرته امه بعتب وقامت ناظر مروان تركي : هيا انت ليش مزعل امي لف تركي عالتلفزيون وهو يلف : مو مزعلها ولاشي وانت ايش دخلك دخلت دانيه ومعها صينية الشاي مروان صفر وهو يضحك : لا مااصدق دانيوه جايب صينية شاي ياكبرها عند الله ضحك تركي :هههههههههه اما دانيه عصبت وحطت الصينيه وبدلع وهي معصبه : ايه ليش ايش شايفني عندك ايش فيكم اليوم كل احد يهزئني من جهه قام مروان وهو يضحك مسكها من شعرها بخفيف : افا ياحلوه نمزح معك واصلا كم دانوه حلوه عندنا ضحكة بدلع : وحده واللي هي انا جلس مروان ودانيه جلست جنبه وسارت تصب الشاي تركي ضحك : ياشين الناس اللي ينضحك عليهم بكلمه تركت دانيه الشاي ومسكت علبة الفاين ورمت فيها تركي : انا ماادري كيف حنان متحملتك اختفت الابتسامه من وجهه ولف عالتلفزيون وهو سرحان لاحظه مروان وسكت وهو عارف ان فيه شي مو طبيعي يسير مع اخوه بيت ابو ماجد غرفة موني حاطه التليفون عالسبيكر وجالسه عالجهاز المكتبي : وبعدين يعني ننزل اليوم السوق صوت رون :ايه ابي لي كم جزمه وشنطه تدرين السبت المدرسه موني قامت من الجهاز ومسكت التليفون بيدها : المهم نروح اليوم السوق دقي على دانيه وريوف رون بصوت عالي : لاواللي يسلمك ريوف لا انتي تدرين بانو هي ودانيه مايتقابلو ومن غير كذا تعرفين ريوف بالسوق دائما ملفته بلبسها لعبايتها ولفتها للطرحه مااحب اروح معها اماكن عامه دق جوال موني قدامها وهي ماسكه سماعات التليفون رجفت يدها وهي عارفه النغمه لمين قالت بصوت مرتبك : رون اكلمك بعدين وماعطتها فرصه تتكلم وقفلت بوجهها مسكت جوالها اخذت نفس وردت ابتسمت وهي تسمع صوته القوي اللي يهزها من داخل :مساء الورد حبيبتي اتوردت خدودها اخذت نفس :مساء النور قال بصوت مازح :بس قالت بصوت هامس : ياقلبي نواف : وه باقلبي وه بروح فيها انا ابتسمت : بسم الله عليك في عديونك سكت اشوي نواف وتغير مزاجه لو تدرين ان عدويني هم اهلك واخوك وولد عمك استغربت موني سكوته همست : نواف نواف بصوت هادي: لبيه ياعيون نواف بيت ابو عبد العزيز بالصاله رون بصوت عالي : اوها هدى وصمخه بنتاخر مر من جنبها فهد: اقول انتي ايش فيك تناهقي ناظرته من فوق لتحت : ايش الالفاظ السوقيه هذي ناظرها فهد بصدمه وهي تضحك عليه قرب منها بيضربها بس هي جرت برى ضحك عليها نزلت هدى وهي تلف طرحتها قابلت فهد وهو طالع فهدناظرها : ايش فيها الدنيا مقلوبه مشت هدى بستعجال : بنروح السوق الدومات قربت يلا تشاااو لف راسه يمين ويسار وهو يضرب يد بيد: الحمد الله يارب وكمل طريقه برى عند الباب كانت سيارة السواق ركبت هدى معا رون رون :بسرعه على بيت عمتي منيره مشى السواق لين وصلو البيت دقت رون على دانيه انها تطلع داخل البيت وقف مروان بوجهها وهو كاشخ :يلا ياحلوه ناظرته دانيه بصدمه وهو تلف طرحتها : ايش عندك ابتسم ابتسامه عريضه : انا اوديكم ماعندنا بنات يروحو مع السواق ابتسمت بخبث : قول ابو اشوف حبيبة القلب مروان بابتسامه : اشتقت لها بعدين اعتدل وناظر بدانيه : عيب يابنت انتي صغيره ضحكة دانيه : هههههههه اشوف مين الصغير بس ياحلو البنات برى مع السواق مروان غمز لها : افا عليك اصرفه بس اشوف بعد قلبي اخذ محفظته ومفاتيحه ووقف قدام مراية المدخل عدل طاقيته وجكيته لابس بنطلون اسود وبلوزه رصاصي مخربش عليها بالابيض مع جكت اسود وبوت رصاصي بابيض وطاقيه مخططه رصاصي باسود وشعره الطويل من تحت الطاقيه ابتسم لنفسه ومشى بابتسامة طلع من البيت شاف سيارة السواق راح جهة السواق اول ماوصل كانت دانيه جايه دانيه فتحت الباب من عند البنات مروان بابتسامه :يلا انزلو بسيارتي ارتبكت من صوته وشكله الخطير مسكت يد رون بقوى وهي مو قادره تتكلم اما رون :لا مو لازم نروح مع السواق مروان بابتسامه خبيثه :مااقدر اخليكم بالسواق لازم اوصلكم رون بضيق :من متى مهتم فينا طنشها مروان وقال لسواق :انت روح انا اخذهم ومشى لسيارته كانه يقول لا بدون مناقشه رون تركت يد هدى بقهر :اوف لازم يعني هدى وهي هيمانه تتتابعه بنظرها :طيب جزاته يخدمنا ونزلت من السياره هي ودانيه اضطرت رون تنزل بعدهم وركبو السياره مع مروان بيت ابو ركان جلست جنبها :لمتى وانتي هنا ايش بينكم تنهدت حنان :مافيه شي رغد باصرار : الا فيه قولي حنان يكفيني اللي فيني من ولد عمك حنان بهدوء نزلت راسها : عادي خلافات عاديه مافيه شي وبعدين تدرين الان العوده للمدارس فحبيت اول اسبوع اداوم من هنا الين تخلص الشقه حقتنا سكتت رغد وماحبت تقول شي قامت رغد ناظرتها حنان :وين بتروحي رغد بقهر : اشوف صرفه مع ولد عمك اللي مو صاحي لو سار لي شي منه كيف زوجنا بعد عيد الاضحى كنت حاطه اقل شي سنه سنتين بطفشه بدون زواج بس ولد عمك ناوي شر وبالشر انا اعند منه والله مااعديها له وبيجي يوم بيندم قد شعر راسه حنان :رغد هذا نصيبك ارضي فيه مايسير كذا رغد بعصبيه : ليش ماتقولي هالكلام لنفسك وانتي جالسه هنا وتاركه زوجك أي رضى واي هم يحزنون لاخر يوم بعمري وانا بوقف بوجهه مو انا اللي احد يدوس لي على طرف واسكت له قامت رغد معصبه وخلت حنان بمكانها اه يارغد ليتني مثلك بس ماقدر اوقف كل احد عند حده بس انا غير لازم ارجع لتركي ليسير شي ماابيه انا رضيت من البدايه ولازم كل شي يمشي واتحمل اغلاطي طلعت غرفتها جهزت اغراضها كلمت السواق يجهز السياره ونزلت وهي ناويه ترجع بهدوء فوق بغرفة رغد متمدده على سريرها وتفكر كيف اقدر امنع هالزواج باي طريقه لازم فيه مفر من هالعله اوه نسيت ابوي يوه ابوي زمان ماكلمته بس خلاص بعتبره انتهى من حياتي هو اللي باعني برخيص لهالخايس اللي ماراح اسكت له اهدد اهدد ومن اشوفه مااقدر اسوي شي ليش يمكن بسبب هيبته صعب على أي احد يتعامل معه كيف وانا بنت بس ماراح اسكت ومصيري برجع له الكف كفين السوق نزل مروان ونزلو معه البنات مسكت رون جوالها ودقت على موني :وينك فيه موني :انا في البيت ماقدرت اجي لانو امي عندها حريم ايش رايكم لمن تخلصو تيجو عندي رون بعصبيه :يسير خير قفلت الجوال وناظرت بمروان اللي معهم :موني مو جايه يلا نكمل مشو البنات ومروان وراهم هدى كانت تمشي وهي مو قادر تشتري شي بسبب وجود مروان دخلو محل كل وحده راحت بجهها هدى وقفت عند بلوزه عجبتها مره في لونين xxxxxه بينهم احمر ووردي مسكتهم ثنتينهم تختار وحد منهم وهي xxxxxه سمعت صوت قريب منها يقول بهدوء :الوردي عليك احلى لفت بسرعه وخوف بس حست دقات قلبها تزيد ورجولها مو قادره تحركها عيونها ثبتت بعيونه وهو ابتسم بحب حس برجفتها غمز لها :الوردي احلى ياقلبي وراح عنها بحركه تلقائيه حطت يدها مكان قلبها ياربي بيذبحني قربت منها رون :ايش فيك انتفضت بخوف ولفت عليها رون باستغراب:ايش فيك ناظرت هدى باللي ورى رون وبتوتر :مافيه شي فزعتيني لفة هدى واخذت البلوزه الورديه رون :مو الحمرا احلى هدى بخجل وهي تضم البلوزه :لا هذي احلى انتبه لحركتها وابتسم تسوقو البنات مروان معهم خطوه بخطوه وهدى اشوي تتسوق واشوي تتامل بمروان اللي ينتبه لها ويبتسم ويغمز ويهبل فيها وهي تضيع كل شي بيت ابو ركان نزلت وهي لابسه عبايتها بيبد دوامها سمعت صوت التليفون ومااحد حوله مسكت السماعه رفعتها صوت رجال :السلام عليكم رغد باستغراب :وعليكم السلام الرجال :بيت عبد الرحمن الذيب رغد بتوتر :ايه اول ماسمعت الكلام حست الدنيا تلف فيها سندت نفسها باالطاوله وبغصات صوت يالله يطلع : مت بيت ام محمد بغرفة تركي دخلت بعد مانزلت شنطتها وهي تحاول تقوي نفسها مشت بالغرفه بقلق تنتظره بتشوف أيش ردت فعله جلست عالسرير وهي تفرك يدها بتوتر ابين له ان الوضع عادي ولاكأن شي سار بينا ياربي كيف اقابله معقوله بيكون لقاءن عادي ليكون يعصب لانو تركته ويمكن يزعل لرجعتي ويكون مقرر طلاقي طلاق!!! ابدا مراح افكر بالهفكره مهما كانت حياتنا انا ذقت عذاب انو اعيش مطلقه نزلت دموعها بهدوء اكيد يقولو انا السبب مطلقه مرتين وكلهم عيال عمي ياربي ايش ذنبي اذا حظي كذا بكت بهدوء اه ياجدي وابوي كله منكم ومن نفسي لاني ماقدرت اوقف لكم المستشفى مشت بخطوات متهالكه وعينها تدمع وروحها موجعه تون بالم معقوله يروح بدون مايسامحني معقوله يتركني بالهدنيا لا يارب عرفت قدرك يبه لاتروح وانت غضبان علي ياابوي سالت الرسبشن وقالو بغرفة العمليات مشت ودموعها تنزل بصوت مخنوق ابوي سامحني يبه لاتروح ياسند دنيتي مهما زعلت منك وقلت تبقى ابوي اه ياابوي وصلت للعمليات وشافت الكل مجتمع رجال كثير اكيد عمامها وعيال عمها مشت ومهمها احد وعينها على باب غرفة العمليات تحول تسند نفسها وهي تحرك رجولها بصعوبه وقفت قدام الباب مباشره وعيونها عالباب ناظر لها بهدوء من اول مادخلت لين وقفت قدام الباب بطريقه غريبه واكتافها تهتز وصوت وناتها كل الرجال لفو وجههم ونزلو عيونهم بالارض قرب منها وهو يحاول يكتم غضبه من تصرفها مسك اكتافها بيحاول يبعدها كانت واقفه وماتشوف شي عيونها كلها دموع تدعي من كل قلبها ان ابوها يقوم يارب تقومه يارب يسامحني يارب مايروح وهو غضبان علي بكت بالم اول ماحست باليد اللي على اكتافها لفت وجت عينها بعينه قال بصوت جامد : ابعدي عن الطريق ماتشوفي هالرجال قالت بصوت باكي يرجف مخنوق ضايع : هذا ابوي مو ابوهم انصدم حس كانه يكلم طفله صغيره اتوقع منها رد اكبر من كذا لفت عنه وهي اطالع باب الغرفه تنتظر أي خبر سيارة عمر انا لازم اروح لها المستشفى اشوفها سار لي اكثر من شهر ماشفتها ليش يمنعوني عنها مسح بيده على وجهه وهو يسوق غير طريقه للمستشفى اليوم بشوفك يعني بشوفك وماهمني أي احد ليش يبون يحرموني منك انتي اغلى شي بحياتي حس بغصه وضيقه اه يابعد قلب عمر مشتاق لك اليوم بروي شوقي ماهمني احد بتظلين حبيبتي وعمري قطع افكاره دقت الجوال طلع جواله من جيبت الثوب شاف رقم سعد رد بهدوء : السلام عليكم حياك يارجال سعد بصوت مكتوم :وعليكم السلام عمر بقلق : ايش في صوتك سعد بغصه : خالتي عطتك عمرها وعمي بغرفة العمليات عمر بصدمه :أي خال وعمه سعد بصوت حزين : عمي ابو ركان سار عليه حادث هو وزوجته وخالتي توفت قبل مايسعفونهم بس عمي بمستشفى .....بغرفة العمليات بيصلو عليها بكره الظهر عمر بضيقه : إن لله وإن اليه راجعون لاحولا ولاقوة بالله عظم الله اجرك سعد :اجرنا واجرك فمان الله عمر :فمان الكريم قفل جواله ولف عالمستشفى اعذريني ماقدرت اشوفك تنهد بالم وهو يسوق رايح يشوف عمه ببيت ابو ماجد وقفت موني تعدل بالمطبخ الضيافه لجارتهم اللي بيجون سمعت صرخه برى طلعت وشافت امها طايحه بين يدين ماجد اخوها وعيون ماجد حمرا ولابس الغتره بدون عقال وحالته حاله حست بشي صعب ماتبي تعرف مين راح نزلت بمكانها وهي تبكي ودموعها تنزل ماتبي تقرب وتشوف امها ماتبي تقرب وتعرف مين راح خايفه حاول ماجد يسند امه ويصحيها انتبه على اماني كيف مصدومه وجالسه تبكي بصمت واقفه بمكانها صرخ عليها :تعالي ساندي امي قامت تجري وهي تبكي استوعبت الوضع وان امها طايحه شالوها عالكنبه ناظر ماجد باماني وبصريخ : روحي جيبي مويه جرت بسرعه للمطبخ وهي تبكي حتى بدون ماتعرف مين اللي راح اخذت كم كاسه وكل وحده اطيح منها جت الشغاله قالت لها بصوت مبحوح : ودي مو يه ماما دخلت مريم المطبخ وهي تبكي :اماني خالتي صيته راحت سارت تصرخ خالتي راحت وعمي بالمستشفى بين الحيا والموت بكت اماني زود ومريم تبكي قربت منها وساندو بعض يـبكون على خالتهم اللي راحت وعمهم اللي بين الحيا والموت المستشفى كانت واقفه قريب من الباب وظهرها للرجال اللي ينتظرو وعيونها على الباب تنتظر أي خبر يطمنها عيونها تبكي وهي تدعي يارب مايموت غضبان على يارب مايموت وهو ماسامحني قرب ووقف قدامها ناظرته بهدوء وبصوت مخنوق :منو كان مع ابوي وقف جامد معقوله ماتدري ان خالتي توفت تنهد بالم وبصوت هادي :خالتي وعطتك عمرها وقفت تناظر فيه بصدمه وهي ثابته ولاشي يتحرك منها بدون أي ردت فعل انتظر منها تصرخ اتسوي شي بس كانت جامده حتى دموعها وقفت قرب منها وهو مستغرب من ردت فعلها بس انفتح الباب وطلع الدكتور كلهم لفو له سال عبد العزيز :طمنا يادكتور الدكتور بهدوء :عظم الله اجرك الكل كان قريب وسمع الخبر والكل سار يذكر الله كل واحد من اخوانه لف وجهه بشماغه وهو يحاول يخفي دموعه عن الناس هذا اخوهم سندهم اول ماجاه الخبر انتظر ردت فعلها بس كانت ساكته قرب منها ومسكها من اكتوفها بس هي طاحت بين يدينه وكانها ورقه صرخ وهو ينادي الممرضات وشالها بيده التعديل الأخير تم بواسطة لامارا ; 26-12-12 الساعة 04:37 PM | ||||
|
|
|
17-12-11, 01:33 AM
| #58 | ||||
| نجم روايتي و أميرة حزب روايتى للفكر الحر
| السوق كانو جالسين بالكوفي بعد جلست التسوق مروان جلس معهم وجلس بوجه هدى عيونه مايشيلها عنها وهدى منحرجه ورون مقهوره منه دق جوال مروان رفع حاجبه لها وغمز نزلت راسها مستحيه ورون نفخت بقهر اول ماكلم بالجوال انقلب وجهه ميتين لون بصوت مصدوم :لاحول ولا قوة الا بالله طيب جاي وقف وناظر فيهم وبصوت مخنوق :يلا قومو بسرعه طلع والبنات متافجئات حتى مااخذو طلباتهم طلعو وراه بستغراب رون بعصبيه: قلت لكم ايش نبي فيه هدى بضيق : رون ناظرتها رون بقوه سكتت هدى وراحو ركبو السياره والجو متوتر مروان كان يسوق بقوى وبقلق بيت ابو عبد العزيز صرخت باعلى صوتها وهي تبكي :ياويلي ياأختي راحت وماشافت ضناها ياولي راحت بنت امي وابوي مسكها فهد وهو يصرخ : يمه اذكري الله بكت وهي تصرخ :راحت اختي ياولدي راحت اختي ياويل قلبي عليك ياصيته صرخت وهي تبكي بالم ووجع قلبها على اختها راحت ومافرحت بولدها حاول فهد يهدي امه ويمسكها بس هي كانت تبكي وتصرخ بهاللحظه انفتح الباب ودخلو هدى ورون بس انفجعو بمنظر امهم جرو عليها هدى بخوف وعيونها تدمع :ايش ساير زاد بكى ام عبد العزيز : راحت اختي وهي تضم ولدها راحت اختي انفجرت رون تبكي وهدى معها صرخ فهد :بس انتي وياها اذكرو الله وترحمو عليها مايسير كذا دق جوال فهد حس الدنيا انقلبت لاحول ولاقوة الا بالله وقتها صرخ بعصبيه :وقتك انتي خير ايش عندك ردت ببرود : ابيك اللحين فهد بعصبيه :فاضي لك انا قفل الجوال بوجهه دق جواله ثاني رفعه بعصبيه :خير انقلب وجهه : ايش هالمصايب لا اله الا الله لاحولا ولاقوة الا بالله قفل الجوال وكلهم يطالعون فيه فهد بهدوء: عمي بعد عطاكم عمره صرخت رون وهدى وزاد بكاهم بقهر بحرقه خالهم وعمتهم بيوم واحد صعب الموت لشخص كيف لااثنين وبنفس الوقت كارثه صابت هالعائله بموت اثنين بنفس الوقت بيت ام محمد بكت بهدوء وهي تدعي ربها :اللهم اجرني بمصيبتي خيرا منها اللهم اجرني بمصيبتي خيرا منها الاحولا ولاقوة الا بالله سار مروان يمسح على راس امه ودانيه جالسه جنبها تبكي مروان بهدوء: هذا يومهم مكتوب لهم اصبرو واحتسبو الاجر عند الله كلنا لهالطريق يمه سار يمسح على راس امه وراس دانيه ويهدي فيهم دخل تركي وشكله مبهدل و االشماغ على كتفه هموم الدنيا على راسه اول ماشفته امه جى باس فوق راسها وعزها بكت منيره بهدوء ولسانه يلهج بذكر الله شهقت بين دموعها :روح ياولدي حنان فوق ماعرفت بشي جت اليوم وشكل مااحد قال لها اطلع شوفها لايجيه احد يفجعها ناظر امه بصدمه وطلع فوق وهو يفكر جته بروحها كيف بيخبرها ويعطيها الخبر وقف عند الباب متردد وياخذ نفس كيف اقولها كانت جالسه عالكنبه بعد ماكشخت ولبست احلى ماعندها ظلت تنتظره بملل وهي تلفلف بالقنوات انفتح الباب عدلت جلستها وهي تبتسم بس اختفت ابتسامتها من شكله قامت له بخوف قربت وبهدوء: ايش سار لك تنهد تركي وجلس عالكرسي جلست جنبه ومسكت يده :ايش سار ضم يدها بيدينه الثنتين وبهدوء وصوت هلكان من التعب : تدرين ان الدنيا حياه او موت وان ماديم الا وجه الله حس برجفة يدها بين يدينه وشفايفها بدت تهتز تنتظر الخبر قال بتنهد :أبوك سار له حادث وقفت وهي تبكي :ابوي ايش فيه راحت عند الدولاب مسكت عبايتها :يلا وديني له بشوف ابوي وقف جنبها تركي ومسكها من ذراعها بقلق وهو يناظر عيونها :عمي عطاك عمره صرخت بكت بالم رمت العبايه :لا ابوي ماراح سارت تضرب فيه بهستريا لا انا مو يتيمه يكفي امي راحت ضربته بقوى وهي تصرخ وتبكي بالم اكبر ابوي ماراح انت كذاب بعدت عنه وسارت ترمي كل شي بالغرفه وتبكي بهستيريا وين ابوي لا ابوي مامات تكذب علي ابي ابوي ابي ابوي وسارت تصرخ بااعلى صوت وينك يبه يبه بكت بحرقه وهي تصرخ يبه وانهارت على الارض وهي تبكي كان يناظرها ومو عارف يسوي شي قرب منها وهو تعبان مره مسكها من كتفها وضمها له بكت بحرقه بحضنه : راح ابوي ماعد لي احد بالدنيا تركي وهي يضمها ويمنع دموعه من انها تنزل: انا معك ماراح اخليك بكت زياده : بيجي يوم وتتركني تنهد بالم وهو يضمها اكثر : وعد ماراح اتركك بكت بحرقه : ابي ابوي ياتركي جيب لي ابوي تنهد بالم وهو يهديها وهي تبكي بين يدنه انتشر خبر الوفاه بسرعه اعلنو الدفن بيكون بكره بعد صلاة الظهر الكل اجتمع في بيت ابو ركان بس رغد كانت باقي بالمستشفى فاقده الوعي الكل حالته صعبه فقيد واحد يهز اسره بكامله كيف فقيدين وبنفس اليوم جوى الحزن كان مالي البيت وكان الجدران بتنطق وتبكي مع اهلها اظلمت الدنيا بعيون الكل والالم بكل القلوب مر اسبوع بعد وفاتهم وانتهى العزا ورغد باقي غيابه عن الوعي المستشفى غرفة رغد جالسه جنبها تبكي وهي ماسكه يدها :متى تصحين يارغد تعبت اه راح ابوي راح الغالي ومالي غيرك بعده قومي علشاني الله يخليك لاتخليني كالعاده تكلم نفسها ورغد ماتحس باي شي حولها انتهى وقت الزياره وطلعت من الغرفه وهي تدعي لاختها تقوم بالسلامه بيت ام عمر صوت الاغاني باعلى شي وجالسه ترقص وماهماها احد انفتح الباب ودخل سلطان قفل المسجل وقف بوجهها :انتي ماتستحين على وجهك عمك ماله اسبوع متوفي وانتي مشغله الاغاني على اعلى صوت يعني ارحمي شعور امك ضحكت ريوف وهي توقف بوجهه : يااخي مات شسوي له يعني لو ابكي بيرجع وحيتنا ماتوقف على واحد ميت نظل طول عمرنا حزنانين مرت ثلاث ايام خلاص واصلا اللي يسمعك امك موجوده راحت لبيت خالك يعدلون ملابسه وملابس زوجته يتبرعون فيها ضحكة زياده ولاتحاول تنصح وانت امس دخلت البيت سكران ناظرها وهو يحك جبهته : يعني ماانفع انصح ضحكة وهي تحرك راسها :ابدا سلطان جلس عالسرير قالت ريوف وهي تجلس جنبه وترفع رجلها بجلسه شبابيه وبصوت خشنته اشوي ضربت على رجله : قول ايش تبي ضحك سلطان: فهمتيني ريوف بضحكه : من متى تنصح اصلا بس عرفت هالمقدمه ورها سالفه ابتسم تفهميني عالطاير بس بغيت منك اطلعين هالبنت هي بمدرستكم وطلع من جيبته ورقه وعطها اخذت الورقه وهي تفكر :مااعرفها بس بشوفها ابتسمت بخبث : كم السعر وقف سلطان : لمن تلاقينها نتفاهم وقفت معه وحطت الورقه بيده : نتفاهم قبل سلطان بملل : اوف استغلاليه ولاتزعلين لك اللي تبين ابتسمت بخبث :نسافر سوى بدون احد سلطان ضحك :انا صاحي اسافر معك اعرفك لبغيتي تفلينها تدرين لو انك مثل البنات كان وقفت لك بس دامك كذا خذي راحتك ضحك وطلع بعد مارمى الورقه عليها مااهتمت لكلامه ورجعت تشغل الاستريو من جديد بيت ابو ماجد غرفة موني خلصت صلاة المغرب قامت وشالت سجادتها وفكت شرشف الصلاه دق جوالها عرفت النغمه ماردت عليه من بعد وفاة عمها تنهدت بالم وهي تمسك الجوال ردت بصوت مبحوح :الو نواف بصوت ملهوف : وينك ليش ماتردين خفت عليك عظم الله اجرك انسابت دموعها بهدوء على خدها وبصوت مبحوح : اجرنا واجرك نواف بخوف : ايش فيك مسحت دموعها وبصوت مبحوح واثق : نواف لا عاد تتصل فيني خلاص مابينا شي انا خنت ثقة اهلي وقبلها انا اغضبت ربي والانسان مايضمن عمره والموت يجي فجاءه واللي احنا نسويه اكبر غلط اذا فعلا تحبني انت تدل بيتنا اتمنى من كل قلبي تمسح هالرقم وماعاد تتصل والله يوفقك بحياتك قفلت الجوال وسحبت الشريحه وكسرتها ورمت الجوال عالسرير وجلست تبكي بالم خلاص انتهيت من حياتي يانواف بس حبك باقي بقلبي والله احبك بس مااقدر اكمل بالذنب علاقتنا من اول خطاء يارب ارحمني وسامحني مشت لدرج التسريحه وطلعت صندوق طلعت منه هدايا نواف وصورته بينهم ناظرت الصوره نواف علمتني احبك وخليتني مجنونتك كيف بقدر اعيش من دون وجودك بحياتي نزلت دموعها احلى ايامي معك لاتفكر تخليني انا انتظرك لاتحرمني منك ضمت الصوره وجلست تبكي تودعها الوداع الاخير يمكن ينتهي من حياتها ويمكن يرجع يخطبها ماتدري بس اللي تعرفه انها ماراح تنساها ابدا ويبقى بحياتها دائما عرفت الحب معه وبيضل الحب دائما نواف انفتح باب الغرفة ودخلت مريم انصدمت بشكل اماني قربت منها بخوف : مو ني ايش فيك ارتبكت اماني وخبت الصوره تحت المخده رفعت راسها لمريم : مافيه شي تعبانه اشوي تنهدت مريم بالم : كلنا تعبانين بس لازم نصبر نفسنا انزلي امي جت من بيت عمي الله يرحمه منهاره تعالي نشوفها موني بهدوء : انزلي وانا بلحقك المستشفى جالس عند راسها ومصدوم من القرار المفاجئ لموني معقوله تتركني انا خلاص ادمنت صوتها وجودها بحياتي غير غيرت نظرتي بالانتقام من اهلها علمتها دروس الحب خليتها تعشقني بس السحر انقلب عالساحر وسرت انا الهايم فيها انا مجنونها اه يانواف كيف بتتحمل بعدها رفع نظره لرغد لو تدرون حقيقة اللي حولكم انتي واختك لوتدرون بالحقيقه المدفونه انا اكتشفت الحقيقه متاخر الا بعد ماانعمت عيني بالانتقام اتمنى السر يظل مدفون وماتعرفونه لانكم وقتها بتكرهون امكم انا كنت ناوي انتقم بس لمن عرفت الحقيقه احتقرت نفسي الله يرحمك ياحصه ويسامحك تذكر ذاك اليوم لمن دخلت عليه دخلت حصه وهي تبكي وتصرخ :طلقني يااخوي طلقني بسبب اخوه قرب منها نواف بخوف : ايش فيك ياحصه حصه قربت منه :طلقني بسبب اخوه ابو ماجد هو يحبني بس اخوه ضحك عليه انا احبه واحب بناتي ماابيه يتركني ومن يومها عاشت اخته عندهم بعدها بسنتين اتوفت البنات قبل وفات امهم بسنتين كانو يحسبو انها ماتت مايدرو انها كانت عايشه برى السعوديه تنهد بالم بس توي قبل سنه عرفت انها كانت ظالمه مو مظلومه يارب مااحد ينبش بالماضي ناظر رغد قرب منها ومسح على راسها متى تصحي يالغاليه بالليل باستراحه دخل بسيارته الهمر قابلته اشجار مسافه طويله لين وصل للاستراحه داخل سمع صوت الاغاني والضحكات المختلطه شاف مااحد برى اكيد من البرد نزل من السياره عدل قميصه لابس قميص لونه ابيض مفتوح اول ازراره ونص داخل بالبنطلون ونص بر ى ومعه جاكيت لونه بني ماسكه بيده وبنطلون جينز مشى و حاط يد بجيبت بنطلونه ويد ماسك فيها الجاكيت دخل المكان والكل التفت له الهيبه المتوارثه بالعائله دخل بغرور ونظرة سخط على الكل مااحد يعجبه ناظر جهت البار وشاف سلطان ولد خالته معه وحده قرب منه :اوه سلطان هنا ضحك سلطان بعد مابعد البنت اللي راحت قام وسلم عليه :اوه الجنتل هنا ابتسم فهد بعد ماجلس على كرسي البار وحط جاكيته على رجوله وجلس بطريقه مايله : اشوفك اليوم جاي للمزاج سلطان بضحكه :كل يوم جاي اتوقع انك اليوم اول مره تشوفني صاحي بنبره استغراب :تدري مستغرب مع اني دائما اشوفك بس مااحد يعرف سرك من الاهل ودائما يقولون فهد ماله بالهحركات ورجال وومن نعم الرجال ضحك فهد :ليش انا مثلك لاحبيبي لبغيت اسكر نمت بمكاني ومع الرجال رجال سلطان رفع حواجبه :يعني انا مو رجال فهد كتم ضحكته :انا مااقصد بالمعنى اقصد بالتعامل تدري مااحد يقدر يشك فيني سلطان لف وهو يشرب كاسة المويه :صدق ليش ماشاركت عمر بتجارتك انقلب وجهه فهد ولف الجهه الثانيه بهدوء :سلطان انت تعرف ان اعمالي مشبوها وماابغى ارمي عمر بشي ماله ذنب فيه الا صدق اخباره سلطان :ماادري عنه تدري انه عايش مع الاطلال اول مره اشوف واحد يعشق بنت مثله بس تدري على قولتهم حب الطفوله اصدق حب مع ان عيال عمي كلهم يلومنه ويبونه يشوف حياته بس هو مو راضي عايش على امل ابتسم فهد :اخوك رهيب وغريب وفي مره وشخصيته خطيره ضحك سلطان وهو يشرب المويه :هههههههههه تبي تخطب له انت ضحكه فهد :هههههههه ناظره باستغراب :الا صدق ايش فيك من اليوم تشرب مويه بدل هالسكر سلطان بابتسامة خبث : بس منتظر وحده لخلصت منها شربت وضحك جى بودي قارد لابس اسود باسود وقف عند راس فهد : طويلة العمر تبغاك صفر سلطان :اوهو ياشخصيه والله انك واصل ناظره فهد بطرف عينه ومشى وهو شايل جكيته بيده وسلطان يضحك التعديل الأخير تم بواسطة لامارا ; 26-12-12 الساعة 04:38 PM | ||||
|
|
|
17-12-11, 01:33 AM
| #59 | ||||
| نجم روايتي و أميرة حزب روايتى للفكر الحر
| بيت ابو ركان جالسه بغرفة ابوها على سريره تحس بخنقه حتى ادموع عينها جفت من يوم وفاته وهي جالسه هنا خايفه على رغد وعذبني فراق ابوي بكت وهي ترمي نفسها على سرير ابوها ببكى اليوم شالو كل شي يخصه كل شي يذكرنا فيه تحت بالصاله تركي بهدوء : يمه ابغى اروح اشوفها ام محمد :اطلع لها فوق مافيه احد طلع تركي لها مشافها بعد مابلغها الخبر يارب انها ماتكون شايله منه معقوله تحقد عليه لانه هو اللي بلغها اول ماصول الدور الثاني احتار أي غرفه بس شاف قسم بعيد معزول اتوقع انه هو راح وفتح الباب سمع صوت شهقتها دخل بالصاله حقت الجناح لين وصل الغرفه فتح الباب ودخل لها اول ماسمعت صوت الباب بصوت مخنوق تحت المخده : هند خليني بروحي قرب منها جلس جنبها عالسرير وحط يده على اكتافها نقزت ولفت عليه عرفت انه تركي عدلت شعرها البني الطويل بيدها وهي تحاول تمسح عيونها قرب منها ومسك يدها بحنيه وبصوت دافئ :أخبارك ياقلبي نزلت حنان راسها ويدها ترجف من قربه وبصوت هامس :بخير سحبت يدها منه وكانت بتنزل من السرير بس هو مسكها وجلسها جنبه مسكها من اكتافها ووجهها جهته : حاولي تقاومي هااللألم اللي بعيونك نزلت منها دمعه : غصب ياتركي انا يتيمه ابوي راح واختي بين الحيا والموت ماادري عنها انا وحيده راحو كل اللي حولي قرب منها وضم راسها بيدينه وهو يمسح دموعها بطرف اصابعه :انا معك ولامو حسبتني من اهلك ناظر بعيونها وبحنان : انا امك وابوك واختك واخوك انا دنيتك كلها انهارت ورمت نفسها بحضنه ضمها له بحنان وهو يمسح على راسها :قلت لك انا اهلك كلهم ماابي اشوف دموعك يالغاليه انا معك ومثل ماوعدتك مابترك ابدا كوني اقوى ياقلبي رفعت راسها وهي تبتعد عنه بهدوء:قلتها قبل وهزئتني بدون سبب وعايرتني قطع كلامه وهو يقرب وجهه من وجهها وعيونه بعيونها وبصوت هادي اسرها وذوبها :خلاص انسي كل شي من اليوم انا دنيتك وانتي دنيتي بلعت ريقه بخجل من قربه اسرتها عيونه ابتسمت بخجل من كلامه قرب منها انفتح الباب بقوى هند بخجل : ماكنت ادري ابتعدت حنان عن تركي تركي بقهر: يعني ماتعرفي ادقي الباب هند بمزح تغطي احرجها :ماشفت ورقه مكتوب عليها ممنوع الدخول او الازعاج تركي وقف وهو يطلعها برى الغرفه :اللحين عرفتي يلا اطلعي برى يااختي ابي اتهنى انحرجت حنان وهند رفعت حواجبها : ياقليل الادب بعدين انا خالتك دفها على برى وقفل الباب وهند تصرخ برى الغرفه : عندكم بيت هين ياتريك مردوده انت وزوجتك الشمطاء ضحكة حنان وتركي رجع جلس جنبها وبابتسامه : يالبى هالضحكه الاستراحه مشى مسافه لين وصل للصاله الكبيره اللي تبعد تمام عن الصاله الخارجيه كان حول المكان حرس مشى بثبات ولاهز فيه شعره دخل الصاله الفخمه بالونها الاورنج والزيتي مع البيج كانت قمه بالفخامه والبار الصغير اللي على الجنب شافها جالسه عالبار وقفت تناظره بخبث كانت قمه بالانوثه والجمال لابسه فستان اسود ينسدل على جسمها المميز وشعرها الشكولا مسدول على اكتافها بحريه عيونها الرماديه الواسعه ورموشها السودا الكثيفه ابتسامتها الجذابه تسحر أي رجال بغمزاتها عالجنب شفافيها الجذابه بس ماكنت تهز فيه شعره قرب منها وبملل وبرود : ايش عندك خلصيني وراي شغل حست بالقهر جمالها الاخذ ولارجال يقدر يوقف بوجهها وبرود فهد معها يخليها تعصب وتنقهر منه قربت منه ولفت يدها على رقبته وبصوت دلع :متملل مني حبيبي ناظرها بسخريه ونزل يدها : رنيم عندي شغل اخلصي علي المستشفى صحت ولفت حولها انا وين استوعبت انها بالمستشفى رفعت يدها تمسح على ر اسها شافت المغذي بيدها اوف ايش هذا رجعت اتمددت بتعب وراسها تحسه ثقيل غمضت عيونها بقوى وكأن كل شي مر قدامها صوت عبد العزيز وهو يبلغها وفاة خالتها وصوت الدكتور وهو يعزيها بابوها صرخت باعلى صوت صرخة الم صرخة قهر راح ابوها وهو مسامحها غضب والدين بكت بصوت عالي وهي تصرخ بصوت مجروح صرخة عذاب يبه بكت بحرقه يبه تبكي وهي تصرخ يبه كسرت كل شي على الطاوله جت بتوقف سحبة المغذي ودمها يسيل ودموعها تنزل بالم ابوها راح وهو مو راضي عليها راح وهو غضبان ياعذاب فرقى الاب يوم تسير يتيمه واقوى العذاب موته مو راضي عنها نزلت من السرير وطاحت على الارض البارده وهي تبكي بحراره بحرقه قلب وتصرخ يبه سامحني يبه لاتروح مني يبه دخلو الممرضات ومسكوها يهدوها بس هي تصرخ باعلى صوت راح وماسمحني راح ابوي بدون مايسامحني يبه عطوها ابره مهدئه تدريجيا بدى صوتها يختفي وهي تلهج باسم ابوها بيت ابو عبد العزيز شقة عبد العزيز جالس على مكتبه وصورتها ماتفارق خياله طاحت بين يده بدون حركه انهارت قدامه مااتوقع ردت فعلها دائما قويه ونظرت التحدي اللي بعيونها اول مره احس اني ظلمتك يارغد وظلمت نفسي وزوجتي اللي احبها بس كله بسبب عنادك حركتك بالملكه نرفزتني عمر مااحد وقف ابوجهي مثلها حالة ساره مو طبيعيه من اول ماعرفت انها اول ماتصحى بتعيش معي كيف اخليها وهي مسؤلية الله يعين والله اعرف انها ماراح تسمع الكلام بس مو انا اللي تقدر توقف بوجهي حط راسه بين يدينه وهو يتنهد يارب سترك قام وطلع من المكتب شافها جالسه عالتلفزيون بس بالها مو عندها سرحانه ولا تشوف شي قرب منها بهدوء وهو شايل همها جلس جنبها وبهدوء : ساره ماانتبهت له ولا ردت رجع ثاني يناديها بصوت اعلى اشوي وهو يحط يده على يدها :ساره انتفضت لفت وشافته جنبها هم كبير بصدرها حاولت ترسم ابتسامه بس فشلت نزلت راسها ماقدر يقول لها شي كان بس يناظر فيها كلمه بس تنسين كل شي كلمه ياعبد العزيز غصه مو طبيعيه كان عندي امل كبير ان رغد تمحي كل شي بس لا مااقدر اتحمل اشوفك مع غيري انت لي بس انانيه حب تملك أي شي بس انت حبيبي ودنيتي من يوم وعيت عالدنيا وانت حبي الوحيد اتزوجنا وزاد لك حبي حتى سار جنوني لاتتركني مااقدر اشوفك مع غيري كذا انا اموت بالبطئ ماكانت حاسه بالدموع اللي تنزل ناظرها بالم وهو يقرب منها مسح دموعها بطرف اصابعه ماقدر يقول شي غير انه ضمها له وهي تبكي بين حضنه الم وقهر وغصه كيف ببتتحمل احد يشاركه حضنه يكون جنبه وحده تحس بلمساته الدافي بحنانه وطيبته حتى لو مايعرف يعبر عن حبه تكفي لمسه منه يارغد ماعرفتي النعمه اللي ربي رزقك فيها ضمها وهو يمسح على راسها يبي يطمنها همس لها بهدوء :احبك ياساره واللي خلقني احبك التعديل الأخير تم بواسطة لامارا ; 26-12-12 الساعة 04:40 PM | ||||
|
|
|
17-12-11, 01:34 AM
| #60 | ||||
| نجم روايتي و أميرة حزب روايتى للفكر الحر
| الاستراحه صحى من النوم رفع راسه وهو يفركه بيدينه الثنتين ناظر حوله وعرف هو وين رجع مدد راسه عالسرير وهو يفركه بيده يحاول يخفف الصداع انفتح باب الغرفه دخلت منه بابتسامه مشرقه لابسه تنوره فوشي قصيره وبدي ابيض شيفون وشعرها الطويل مرفوع بربطه فوق كانت رائعه بكل ماتعنيه الكلمه بجمالها وانوثتها القويه بابتسامه واثقه ناظر لها برود ورجع وهو يفرك راسه قربت منه بصوت غنوج بدلع :صباح الورد حبيبي مارد عليها وهو يفرك راسه من الصداع وقف وهو مطنش وجودها وحتى مارد عليها بنفعال :فهد الى متى كذا اخذ له ملابس من الدولاب دخل الحمام بدون مايرد عليها رمت الوسادت وهي تصرخ بقهر :اعمى ماتشوف قدامك الى متى يافهد جلست تنتظره بعد فتره طلع من الحمام وهو يمسح شعره بالمنشفه ناظرته بابتسامه خبيثه :يليتك دائما سكران ناظرها بطرف عينه بدون كلمه رمى المنشفه جهتها وطالع بالمرايه مشط شعره وبعده حركه بيده وهو ينفضه مشى جهة السرير اخذ ساعته وبوكه وجواله ومفاتيح السياره عدل ياقة القميص وهو طالع مشت ووقفت قدامه بميله :وين بتروح وتخليني ناظر لها ببرود: تدرين شلي مخليني صابر عليك قربت منه ومسكته من ياقة قميصه وهي تصرخ بقهر وعيونها تدمع : لمتى بتظل كذ ا بارد معقوله مااهز فيك شي الكل يتمنى ظفري وانت ماتبي حتى تناظر فيني نفض يدها ومشى بدون أي كلمه نزلت على الارض تبكي منهاره طلع من الاستراحه وهو ناوي يروح البيت بمكان ثاني عند المستشفى نزل بخطوات ثابته هالمره بشوفها مهما يكلف الموضوع مشى من بوابة المستشفى دخل القسم وقلبه يرجف ماراح اتحمل اشوفك كذا بس خلاص ماعاد اقدر اتحمل مااشوفك وقف قدام الباب وتنهد بالم داخل داخل فتح الباب بهدوء حس بالم قوي يعصر قلبه شعور مؤلم وكانه ينتشر بكل جسمه شافها بس مو بعقلها نفس الوجه الابتسامه العيون الهاديه الحالمه الوجه الهادي بملامحه الناعمه قرب منها بهدوء لفة جهته :مين انتا طعنه قويه اجتاحت قلبه قرب منها وجلس عالسرير بلع ريقه والعبره خانقته ماقدر يتكلم شي يخنقه بقوى جلس ساكت يتاملها لفت عنه وهي اطالع قدامه عدلت جلستها وهي تنفض شعرها المزعج من على وجها وبصوت عالي : يبه بس انت وولدي مااسمع لكم صوت فيه هنا رجال غريب غمض عيونه بالم ودمعه نزلت غصب منه قربت منه باستغراب واتناظر وجهه :ليش الدمعه مسحت دمعته باناملها الناعمه بكل هدوء :ليش تبكي انتا كمان ماعندك بابا وبيبي عادي انا اعطيك بيبي وقفت وجلست عند ارجوله :ليش انتا اتبكي اجيب لك عمر ولد عمي هو دايما لم ابكي يمسح دمعتي شوفه هذاك هو جالس بالزاويه ماقدر ياتحمل الالم سارت ادموعه تنزل مسك يدها ونزل عندهاا وبصوت مخنوق :انا عمر مسح على راسها سكتت بين يدنه وهو يـبكي على حالها فجاءه نقزت من بين يدينه وقفت بعيد عنه وهي تصرخ :عمر امسك البيبي عمر تعال نزل راسه بين يدينه وهو يحاول يقاوم الالم ليش انا جيت ليش ماتركتك ليش مو قادر انساك وقف لها وراح بوجهها مسك كتوفها :شوفيني انا عمر حبيبك انا ولد عمك ناظري هنا مسح على راسها انا عمر حبيبك جومانه حبيبي ناظرت بعيونه بصمت وهو يناظر بعيونها بحب ابتسم لها بس هي تركته وراحت جلست عالسرير وغطت حالها باللحاف وقف يناظرها وقلبه ينفطر عليها كل مره نفس الحاله ليش تكسريني ياجومانه ليش طلع من الغرفه وحالته صعبه وهو يحاول يخفي عيونه الحمرا من الدموع بالنظاره الشمسيه طلع لسيارته وركبها وساق بكل سرعته يمكن يختفي من هالدنيا ولايشوف عذاب حبيبته بعيونه انتهى البارت التعديل الأخير تم بواسطة لامارا ; 26-12-12 الساعة 04:39 PM | ||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
