آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-10-12, 05:56 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  كلامه ماياب فايده وياها حاول يلين راسها يقنعها يبعدها عن اللي تفكر فيه بس للاسف حطت حاجز بينها وبين كلامهم نزل تحت وطلع للحديقه يجدد الهوا فصدره ويحاول يلقى حل كان يمشي وقف وهو يطالع المظله اللي مسوايه برع كانت يالسه تقلب في المجله وتشرب عصير برتقال فرش..كان بيرجع بس ريوله غيرت مسارها ومشى لها .. عمر:السلام عليكم رفعت راسها ببتسامه عكس اللي باين ع ويهه:وعليكم السلام عمر:شحالج هدى؟ هدى:بخير حست انه متغير بس مايحقلها تسأله ..بس هو حب يفتح قلبه مع انه كان متردد :هدى ابا احدثج فموضوع ماحبت ترفض وبان ع ويها القبول:اوكي تفضل تجدم ويلس :الموضوع يخص شمه..كنت عندها..حالها هب عايبني الدكاتره طمنوها انها بتمشي بس الموضوع بياخذ وقت ..الحين محطيه في بالها انها مابتمشي وكل اللي ينقال لها مب صدج..وطلبت الطلاق..اباج تحاولين وياها..ترمسينها..تقنعينها تسوين أي شي يغير اللي فراسها هدى :ان شاء الله بكلمها ولا يهمك وقف وهو يقول:مشكوره..عيل بخليج عن اذنج هدى:اوكي..مع السلامه.. نجود البنت المعقده في الكلاس مثل مايقولن اللي وياها واللي محد يقرب منها ..كانت يالسه ومرجعه راسها لورى ومريحتنه ع الكرسي ومغمضه عيونها ..حست بحد يلس عدالها لفت راسها وفتحت عيونها وشافتها ..باين عليها الضيق والكابه كانها تشوف نفسها نجود وهي ع وضعيتها:راسج بعده يعورج؟ من غير ماتلف عليها وهي طالع لجدام:وبينفجر نجود:خذتي بنادول؟ ريم وهي ع وضعيتها:ماينفع وياه لاحت راسها ع الصوب الثاني وقربت شنطتها اللي دوم وياها وماتخليها في الكلاس عشان ماتثق في بنات كلاسها..فتحتها ونبشت فيها وعقب ماخلصت لفت ع ريم ومدت ايدها :دوج طالعت ريم الحبه اللي بين صبوعها:شو هذا؟ نجود وهي ع وضعيتها الاولى:اذا راسج ويعه من نفسه بيروح من غير شي..واذا كان وراه سبب يباله شي يهديه وينسيه الويع رغم الصداع اللي تحس فيه الا انها نسته وهي تشوف الحبه وتسمع نجود اللي ماترمس مع حد ومخليه الكل ينفر منها..زادت حيرتها اكيد ورى هالكلام شي اكيد نجود فيها شي يعذبها هذا اللي فكرت فيه ريم .. نجود:تبين ولا لا؟ ريم:في حد غيري عطيتيه من هالحبوب؟ نجود:لا انتي اول وحده واخر وحده ماافكر اخبر حد او امد ايدي لحد..يمكن داخلج تقولين ليش انتي..تقدرين تقولين اني ارتاحلج ..ماضريتيني فشي..ماحسيت انج تتصرفين شراتهم او احتقرتيني ..صح كنت الاحظ انج مب مهتمه بس فداخلي ماقدرت اشل عليج ماادري ليش...والحين تبين الحبه ولا لا؟ طالعت ريم ايد نجود اللي شايله الحبه وثواني والحبه في كفها تاملتها وعقبها قامت .. نجود:بتخبرينهم؟ طالعتها:محد له خص هذا الشي يخصنا نحن الثنتين علقت ع كلامها وهي تشوفها رايحه:اتمنى انج ماتخبرين حد ياريم اتمنى!!!.. كان يالس بهيبته المعتاده ورى مكتبه يدقق في الاوراق ويوقع عليهن..قطع عليه موبايله ..خذه ورد ع المتصل:هاه عطيت الخدم معاشاتهم؟..اعتفس فجأه وكمل بعصبيه..شقلت؟...متى رجعت؟!...انزين انزين ..سكر عنه وهو متنرفز..هذي كيف ترجع من غير ماتعطيني خبر.. قام من مكانه وترك كل شي وطلع وهو معصب وراح ع بيت اخته..كان معصب وقابلته هي برود ولا اهتمت لعصبيته محمد:الحين اعرف من الدريول انج رديتي بدال ماتتصلين ع الاقل وتخبريني إيمان:رديت متاخر ولا حبيت ازعج حد ومن شوي واعيه من الرقاد كان بيقول شي بس قطعت عليه الشغاله اللي يت يايبه لها كوب الكوفي وعقب ماسارت محمد:إيمان هو قرار ومااباج تناقشيني فيه بتين تسكنين عندي.... هنا مب امريكا عشان تيلسين بروحج إيمان: الحين امريكا أأمن من الامارات..خالي..بتم هنا فبيت اهلي..يعني مابخذ راحتي في بيتك ولا نسيت بيتك فيه عيالك وحريمهم واحفادك وين تباني ايلس محمد:اذا هذي هي المشكله مقدور عليها أحمد بينتقل من فلته وبيسكن في قسمه الجديم ..وقلت نقاش لا تناقشيني إيمان من غير اهتمام:ان شاء الله خير محمد وهو يقوم واقف:الليله بتين تتعشين عندنا بطرش الدريول ايي ياخذج وقفت وفأيدها الكوفي:مايحتاي عندي سيارتي وسفري مانساني طريج بيتك ياخالي محمد:انزين انا بسير وبجهز كل شي والاحسن من الحين تجهزين اغراضج اللي بتاخذيهن لبيتج اليديد إيمان:بس انا بعدني ماقررت عصب وصل حده وتقرب منها:والله اذا مايزتي عن اللي فراسج ماتلومين الا نفسج إيمان:وتهون عليك يمنه فقبرها وتنسى وصيتها عصب احترق بداخله كان بينفجر بس تمالك نفسه كتم غيضه وراح..علقت راح مت غير مايأثر فيها مشت ويلست ع الكرسي تتلذذ بالكوفي .. حياتنا قاموس نخط عباراته بايدينا ومشاعره من قلوبنا نحب ونكره وممكن نغير الكلمتين مكان بعض الا ساره اللي مستحيل تبدل كرها لبشرى لحب بعدها دور ع طريقه تخلصها منها ..كانت يالسه ويا خوله في كافتيريا الجامعة وبين السوالف رن فونها طالعته وقالت :هذي خالوه..اكيد عندها خبر حلو..استغربت خوله منها بس ماعلقت ..حطت ساره السماعه في اذنها..الو هلا خالوه خالتها:شحالج حبيبتي؟ ساره:بخير وانتي شحالج؟ خالتها :بخير..حبيبتي بخصوص الموضوع اللي حدثتيني فيه الحل عندي ساره:فديتج خالوه اعرف مااهون عليج خالتها:اكيد ماتهونين عليي وبشرى دواها عندي عيل تأذيج وامج ماتسويلها شي ..ماهقيت نوال تسكت كان لازم تادبها هذي وحده ماتستحي بس ولا يهمج فديتج انا بادبها ساره وهي تزداد فرح في نفسها ولو خالتها جدامها الحين كان رمت نفسها فحضنها: شو بتسوين خالوه؟ خالتها:خليني ارتب كل شي وبتعرفين... السالفه يبالها شوية ترتيبات ساره:احبج خالتها:عيل اشوف سارونه حبيبة قلبي متاذية من هالخايسه واسكت لا حشا والله بخليها تندم...انزين حبيبتي الحين بخليج يوني ضيوف ساره والابتسامه شاقه الحلج :اوكي خالوه باي...سكرت عن خالتها وخوله تشوف الفرح اللي بادي ع ويها وياها فضول تعرف ... خوله:خير شو هناك؟ّ! ساره:هذي خالوه تقول بتصرف ويا بشرى خوله اللي تحاول تفهم السالفه وتحط تخمينات:انتي خبرتيها ؟! ساره بغيض وانزعاج:عيل اسكت لها ..رجعت وابتسمت وكأنها تذكر كلام خالتها..هيه خبرتها وقالت الحل عندها بس السالفه تبا ترتيب وانا اعرف خالتي زين اذا بتسوي شي تسويه مابالج اذا كان هالشي يخصني وانا اغلى وحده عندها خوله مع انها ماتعرف بشرى بس تسمع عنها من ساره وع كثر زياراتها لساره ماصادف وشافتها الا انها من عقب ماسمعت كلام ساره تعاطفت وياها وخافت وقالت بصوت واطي غير مفهوم:الله يعينها عليكن ساره:قلتي شي؟! خوله:لا ماقلت شي ... في نفس اللحظه كانت بشرى يالسه بين ربيعاتها تعزف لهم وتغني عقب ماخلصت من العزف .. حنان وهي تترجاها:بيشووو فديتج ابا اسمع يازمن بصوتج..سمعتها بصوت شمه كانت تينن حبيتها..دخيلج كانن بقولن وهي تنفذ من غير ماتعارض تحب العزف تلقى فيه وسيلتها اللي تفرغ داخله اللي فيها..بدت تجرك صبوعها على اوتاره وقالت الموال باحساس وكانها تعبر فيه عن نفسها بشرى:يازمن قاسي عليا يازمن وش بيديا ...حنان اللي انسجمت وياها..ااااه حبيتها...يازمن قاسي عليا يازمن وش بيديا ..كنت انا اشكيلك حبيبي من جروح اللي فيا 2..فيااا كلهن بتصفيق وبصوت واحد:الله روعه روعه وحده من ربيعاتها:بيشو ممكن تعلميني العزف ابا اتعلم؟ وبدن كلهن يطلبن منها ..لين ماسكتتهن وحده منهن ومنبهتنهن لوقت المحاضره اللي ماباجي عنها شي...وياترى الزمن شو يحضرلج يابشرى؟؟؟؟!!! من الاشياء الصعبه على الانسان انك تستمتع بشي وبعد فتره ايي من يطلب منك تتنازل عنه وتبدا تطرح السؤال ورى السؤال بس يعجز لسانك بين اللي تباه واللي لازم تسويه من يومين بس كانت هي واحمد يالسين وكانت تقوله انها تبا تغير اثاث البيت والديكور والحين ياي احمد ويزفلها خبر انها مابتغير شي من مكانه بس هي اللي بتغير مكانها... يعرف انها بتعصب بتنفجر ويمكن حتى تترك البيت وتروح..بس لازم يخبرها باللي قاله له ابوه... شيخه من عقب ماسمعت ريلها قالت بانفعال: مستحيل اللي تقوله..تباني ارد اعيش ويا اهلك ..لا يا أحمد مااقدر تنهد وهو يسمعها:بس هذا طلب من ابويي ردت عليه بغيض:طلب ولا امر..الحين ياي ابوك يبا البيت ..واكيد انته ماقلتله لا صح؟..وليش تقوله لا ..عيب حرام هذا ابوك طاعته ورضاه واجب..وانا اروح فداهيه مب مهم صح؟..علت صوتها ..قولي صح؟ احمد وهو يحاول يهدي اعصابه:انتي دوم وياهم وعندهم يعني ماشي فرق عود شيخه:تعرف انه فيه فرق اروح عندهم وقضي يومي كله وياهم شي واسكن عندهم شي ثاني..بعدين كيف تباني اعيش عندهم وفيه ابغض شخص ع قلبي عايش بينهم..ميعاد..ميعاد حرمة اخوك اللي تكرهني كره العمى احمد:ماعليج منها تجاهليها شيخه:اذا انا تجاهلتها تظن هي بتتجاهلني ؟ احمد:بس القرار طلع من ايدي ولا اقدر اقول لابويي لا شيخه:عيل ماشي غير ندورلنا بيت ثاني نعيش فيه ونفتك احمد:مااعتقد ابويي بيوافق شيخه اللي حاسه انها اخسرت كل محاولاتها:يعني شو؟ احمد:يعني ياشيخه خلينا هنا احسن لنا ولعيالنا ..فكري زين شو الاحسن نروح ونسكن فبيت بروحنا وحالنا يدهور ولا نتحمل ونكون اقوى ونبقى هنا..كانت تسمعه وهي راخيه السمع...اباج تفكرين زين طلعتنا من البيت مب الحل بهالطريقه مابنحقق شي ويمكن الكل يعادينا وانا بصراحه مابا اخسر اهلي ورضى ابويي وانتي بعد فكري في الموضوع وقلبيه براسج في هدوء ولا تسرعين...قام واقف وهي عقلها معاه ومب معاه..بسير وبرجع واريد اسمع ردج خلاها وسار عنها وهي ماتحركت ويالسه تفكر باللي قاله وافكارها بين نعم ولا... الحقيقه والحلم بينهم خيط عنكبوت ماينشاف بس ينقطع بسرعه ..خيط بايدينا نسجه وبايدينا نقدر نقطعه ..مثله مثل الحب ممكن يقوى ويستمر وممكن يضعف وينهار .. جهزت نفسها وطلعت قاصده بيت عمها ..البيت اللي صارلها مده طويله ماشفته ..فيه اشياء تغيرت يمكن توسع اكثر ..كل شي فيه مختلف ماعدا الذكريات مثل ماهي عمرها ماتبدلت ولا نمحت ..نزلت من سيارتها وعينها تلف ع المكان وسكرت سيارتها وقفلتها وكل خطوه تمشيها تذكرها بشي ..مشت كانها في معرض لوحات وكل لوحه تعبر عن رسمه وكل رسمه فيها من التعابير اللي تعبر عن الامس..شافتها بعدها تذكرها ..مستحيل ماتكون هي ..امبلا هذا هو المكان اللي شافته يحفر لها فيه ويزرعها...كانت طالعه ودوره ..:منصور وينك ياللا غدا..شافته وهو يحفر..شو تسوي؟! منصور وهو ماسك عود خشب ويحفر:ازرع همبا (مانجو) إيمان:حر منصور:سيري داخل إيمان:مابا...تجدمت ويلست جدامه ...اساعدك؟ منصور:لا الحين بخلص.. إيمان:يوم تكبر بتخليني اكل منها منصور:هيه... تنهدت وهي ماسكه بورقه من اوراقها ..كبرت بس ماتذكر انها كلت من ثمرها..في اللحظه اللي كانت لافه فيها وسايره للفيلا رن موبايلها فتحت شنطتها وطلعته كان رقم غريب مع هذا ردت عليه:الو...هيه الحين وصلت..دقايق بس...سكرت ورجعت الفون لشنطتها مشت ورقت درجات المدخل ... هذي هي..اكيد هي..عودها جسمها حتى وان كبرت هي..وياها صوت من ورها وهي توها بتضغط ع الجرس ..:إيمان؟!.... انتظروني مع البارت 7 قراءة ممتعة^^ مع تحياتي: اصداء الحنين | ||||
|  |
|
19-10-12, 05:58 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الــــبـــــارت الــــســـابـــع تراخت ايدها عن الجرس ولفت تشوف اللي قال اسمها..ابتسمت لها وغاليه توسعت ابتسامتها صح مثل ماتوقعتها رقت وسلمت عليها غاليه ومازالت الابتسامه تنور ويها:الحمدلله ع السلامه ردت عليها بابتسامه خفيفه واسلوب راقي مب غرور ولا ترفع بس اللي بيشوفها يقول عنها انسانه متكبره ورافعه خشمها:الله يسلمج لفت ايدها ع ذراعها وهي تستعد تدخل وياها وتقول:عاد اوني بعرفج عليهم وبعرفهم عليج تعالي فتحت الباب ومشت وياها الفرق في الطول كم سنتمتر ..إيمان خذت الطول من امها ممشوقة القوام في مشيتها هيبه ..وخذت من ابوها حدة الخشم والعيون ..وقف الكل يوم قالت غاليه:شوفو من يبت وياي..تعالي بعرفج عليهم..موجهه كلامها لهم صبر لا حد يتحرك..تفضلي ..هذي شمه اختي من الابو..وهذي مريم اختي بعد من الابو... تقدمت مريم وسلمت عليها:الحمدلله ع السلامه إيمان:الله يسلمج غاليه:وهذا عمر بعد هو اخويي من الابو عمروالابتسامه ع ويهه:الحمدلله ع السلامه يابنت العمه إيمان اللي ارتسمت ع ويها ابتسامه خفيفه:الله يسلمك ياولد الخال وكملت وياغاليه:وهذي ميثاني .. ميثه اختي من الابو والام ميثه وهي تسلم عليها:الحمدلله ع السلامه إيمان:الله يسلمج غاليه:تحملي اللسته ماشالله طويله...هذا اخويي خالد ولد امي وابويي خالد:الحمدلله ع السلامه إيمان:الله يسلمك غاليه :شهد حرمته شهد:الحمدلله ع السلامه إيمان:الله يسلمج غاليه:وهاذيل اخويي احمد وحرمته شيخه وعيالهم الصغاريه شيخه من شافتها داخله وهي معصبه بس هي من النوع اللي تقدر تكتم بداخلها وتقربت منها وسلمت عليها عشان محد يحس غاليه:وهذي امي حبيبة قلبي فاطمه قربت منها بكل حب:هلا هلا الحمدلله ع السلامه إيمان:الله يسلمج غاليه:قربنا نخلص..هههه..هذي ميعاد حرمة اخويي سالم ميعاد اللي سلمت عليها وهي رافعه خشمها بغرور ومن داخلها حاسه بالغيره منها:الحمدلله ع السلامه إيمان اللي حست بالغيض في نبرة صوتها والكل لاحظ مب بس هي عشان ميعاد انسانه غيوره ردتها لها بادب واحترام وكانها ماحست بشي:الله يسلمج غاليه:وهذا اخويي سالم سالم:ماشالله عليج ياغاليه شاده حيلج..طالع إيمان بنضره وابتسامه ع ويهه..الحمدلله ع السلامه ونورتي البلاد إيمان:الله يسلمك غاليه:وهذي امي امنه ..مرت ابويي امنه:الحمدلله ع السلامه إيمان:الله يسلمج غاليه:وهاذيل التوأم جاسم وريم عيال اخويي مبارك..اكيد بتسألين ووينه مبارك؟...مبارك مسافر واحتمال تشوفينه ع العيد الاضحى..احتمال مب متاكده هههه... واخويي فهد بعد مسافر يدرس وو منصور شراة مبارك وين وين نشوفه...وحبيب قلبي اخويي العزيز سيف اللي رايح قطر وبيرد جريب انزيين وهذا اخويي حمد.. حمد اللي الود وده يسألها بس ماسك نفسه لا المكان ولا الوقت يسمحله يسأل:الحمدلله ع السلامه إيمان:الله يسلمك غاليه وهي تمازح هدى :وهذي حرمته هدى اعتقد ماتعرفينها..ويقولوون انها بنت عمتنا الله يرحمها ضحكت هدى ع كلام غاليه وقربت من إيمان وسلمت عليها..كان سلام عادي ولا كأنهن غايبات عن بعض مده طويله كانت توها غاليه بتقول ..وهــ..قاطعتها حمده:انا بعرف بنفسي ارتاحي انتي..انا حمده بنت خالج..اخت الهبله اللي يالسه تلف فيج علينا اختها من الابو ..كملت وعينها ع ميثه...مادري ميثوه كيف متحملتنج.. غاليه اللي ضربت حمده بخفيف:جب انتي...هيه صح في حد ناقص .. حمده:منال حرمة عمر..توضح لإيمان..هي مسافره مرافقه لامها وصل عندهم وسلم ع بنت اخته واكتملت العايله اللي يحاول ع قد مايقدر يخليها متماسكه وافرادها يكونون ع قلب واحد ..يلس الكل سوالف وضحك..مب بس البيت اللي تغير حتى سكانه تغيرو..ممكن تكون غربتها عنهم هي السبب ولا من صدق هم تبدلو بس اكيد الايام بتخليها تلقى الجواب.... دقايق يلستها وياها خلتها تفكر فيها تحط مية سؤال واحتمال..افتحت لها جزء صغير من اسرارها مع انه يبقى لغز محير بالنسبه لها ويزيد من غموضها..ليش كلمتها هل مثل ماقالت..وشو سر الحبه..كانت متسبحه ولابسه بيجامة النوم وشعرها مبلل بالماي يالسه ع التسريحه وهي تفكر وعينها ع الحبه اللي محطيتنها في منديل..وهي عينها ع الحبه وتفكر في نجود ندق الباب لفت الحبة بسرعه في المنديل وحطتها في اخر درج وسكرته ومسكت المشط..وسمحت للي يدق الباب يدخل انفتح الباب كانت يدتها اللي يايه تطمن عليها امنه:ريم ريم وابتسامه خفيفه ع شفايفها:هلا امايه بغيتي شي؟ امنه:سألت جاسم اليوم الصبح عنج يوم ماشفتج وخبرني انه راسج يعورج بس التهيت بالتجهيز لاستقبال ايمان..وييت اشوفج ريم اللي ماتبا يدتها او أي حد يعرف بالكابوس اللي اييها:لا مافيني شي بس يمكن عشان شهريتي مجربه عشان جيه تعبت لا تحاتين فديتج انا بخير امنه اللي ارتاحت نفسيتها:الحمدلله..عيل بخليج ترقدين الحين ولا تسهرين وراج دوام باجر ريم:ان شاء الله امنه:تصبحين ع خير حبيبتي ريم:وانتي من اهله..كانت عينها ع يدتها لين طلعت وسكرت الباب ولو يدتها لفت بتشوف ملامح غير اللي قابلتها فيها..رجعت تفتح خر درج وطلع المنديل اللي فيه الحبه وتاملتها لاخر مره ولفته وحطتها وسكرت الدرج ... حين تتبلد المشاعر ويطفو على القلب غشاوة الكره والبغض وحين يرتسم في عقلك صورة الشر عندها فقط تتحول الى انسان قاتل..مشت بخطواتها نحو تلك الغرفه غير مهتمه باحترام الخصوصية ولا معتبرة أي وجود لقاطينها في راسها فكرة واحدة الا وهي الأنا... فتحت الباب وكل ملامح التقزز والنفور على محياها... تجمع الكره في ويها وهي تشوفها طالعه من الحمام..ومثل كل مره مابين عليها أي تعبير..مشت للسرير ولا مهتمه لاختها اللي بدت ترمسها بكل بغض ساره:تعرفين اني اكرهج ولا احبج ولا عمري بحبج ولو اشوفج تموتين جدامي مابتحركين مشاعري..ولو تفتحين قلبي مابتشوفين الا السواد متى تموتين ولا تذلفين من البيت وافتك من شيفتج.. بشرى اللي مب مهتمه لكلامها انسدحت في سريرها وقالت وهي تتلحف:يوم تخلصين اطلعي وسكري الباب وراج ولا تنسين تبندين الليت كل هالتطنيش خلاها تغلي فداخلها كانت بتنفجر هجمت عليها وسحبت اللحاف..انتي تافه وحيوانه وسافله وانا اكرهج ..منو تحسبين نفسج تافه وحقيره...اكرهج..كانت ترددها وهي تضرب اختها ..وبدت تنتابها حاله هستيريه كانت طلع حرتها واللي كاتمتنه في قلبها مب قادره تتحمل..وبشرى بعد مافيها تتحمل ضرب اختها وكلامها واهانتها..قامت من سريره وبدت تتعارك وياها ساره تصفعها بايديها وتسبها وبشرى دزها برا الحجره..وصل صوتهن لنوال اللي طلعت وشافتهن يتضاربن حتى اخوانهن اطلعوا كانوا واقفين يشوفوهن وهم كلهم رقاد ..صرخت وهي تشوف بنتها فوق بشرى اللي ماتماثلها في الوزن ..وصرخت عليها:ساااره..ركضت وهي تحاول تسحب بنتها اللي خلاص مب قادره تتحكم باعصابها ..ساره قومي عنها بس...بس ساره فقدت السيطره ع نفسها..امايه خلينيييي ..اكرها اكرهاااا..يمكن البكى خلاها تفقد طاقتها وتتراخى سحبتها امها وورصت عليها بقو تهديها ..حبيبتي بس بس.. ساره ودموعها تسيل وصوتها اللي بح من الصريخ:امايه خليني خليتي اجتلها... نوال اللي تبوس بنتها وتهادي فيها:خلاص حبيبتي اهدي..لفت عينها ع بشرى اللي يالسه ولا عارفه شو اللي تفكر فيه وايديها اللي مجرحه ..همست بشفايفها..روحي حجرتج..قامت وسارت ..طالعت نوال عيالها اللي بعدهم واقفين ..عنود روحو ارقدو ..حطت ايديها ع كتوف اخوانها اللي واقفين جدامها وراحو ونوال رجعت ترمس ساره بكل حب وحنان..حبيبتي تبين ترقدين عندي ..حركت راسها بنعم ورصت ع امها نوال وهي تقومها..ياللا قومي خلينا نرقد في مكان ثاني كان الهدوء سيد الموقف لفترة قصيرة من جهتها.... في داخلها غيره وشك ..تريته لين سار الحمام وطلع كانت ع جمر تترياه يطلع ...طلع وهي ع هدوءها في العاده ماتسكت وتحش في أي حد يمكن في داخله استغرب من هدوءها او يمكن من عشرته لها صار يعرف طبعها مشى لشبريه وزاح اللحاف وهو يالس في سريره ويفصخ ساعته ويحطها ع الكوميدينا وهي بعدها يالسه محلها طالعها :شو مابترقدين؟ سؤاله كان الجرس اللي دق ناقوس الخطر..قامت من مكانها ويت صوب السرير من نظراتها وملامحها باين فيه شي هذا اللي حس فيه وتاكد منه عقب مايلست ع حافة الشبرية وقبالته وقالت والغيض ينهش فعصابها وبكل شك قالت:شو معنااها ذيج الابتسامه والنظره اللي طالعتها فيها؟ سالم اللي عارف ميعاد وعارف تفكيرها اللي كله شك وظنون:منو تقصدين؟! قالت وهي شوي وبتنفجر من برود ريلها:ايمان,,ايمان ياسالم...ايمان اللي قلتلها الحمدلله ع السلامه ونورتي البلاد..ببتسامه عريضه ونظراتك اللي بتاكلها ضحك في نفسه ع تفكير حرمته وعقلها وبنظره عميقه وكانه يدور ع السبب لكل اللي فيه حرمته قال:بنت عمتي وارحب فيها ..فيها شي؟ في داخلها مب قادره تصدقه احساسها واللي شافته يخليها تشك حتى لو حاولت تبعد الفكره من راسها:سالم لا تيلس تلف ودور انا شفتك كيف تطالعها وتبتسملها ولا تظن اني بصدقك تعب من كلامها اللي ماداخل مخه وهو يعرف انها مابتغير اللي في بالها سالم:ميعاد احب اقولج اللي سويته كان من باب الذوق والادب والتصرف الحسن مع انسانه توها واصله عندنا وضيفه في بيتنا واللي فراسج خبال لا اكثر والافضل طلعينه من راسج ميعاد اللي زمت شفايفها بغيض ولا راضيه تستوعب او تقتنع باللي قاله ..قالت:مادري ليش ماقادره اصدقك سالم:والله عاد هذي مشكلتج انتي تقررين اللي يناسبج انا انسان صاحب شغل وبزنس ومالي في هالسوالف اللي مامنها فايده ومب متفيج لرمسة الحريم اللي لا تودي ولا تيب..ميعاد قلت اللي عندي وانتي بكيفج..ورايي دوام فخليني ارقد نسدح وتغطى وهي تفكر باللي صار بعدين تذكرت شي وقالت:المشكله انها السبب خلت عمي يقرر اييب شيخه ويسكنها عندي يعني بقابلها سالم اللي يسمعها تتحرطم قال:ميعاد ياتسكرين الليت وترقدين ياتكملين هذرتج برا قامت وهي تقول بغيض:ارقد ..ارقد ياسالم لين اشوف نهايتها وياكم.. طلعت وهي تحترق بداخلها ساخطه ع كل شي معصبة وحاسه انها ضايعه ومحد مقدر اللي هي فيه ... اصعب شعور هو احساسك بانك شخص مهمل مركون ع الزاوية وكل من حولك مب مكترث للي تسويه..شعور بخيبة الامل والاحساس بعدم الانصاف وتبدا الاسئله تاخذ طريقها لعقلك وتتمركز فمخك فماتعود تشوف الا التشاؤم والشعور بالخداع...بانت ع ويهه علامات الاستفاهم ليش وينهم ليش هالاهمال وعدم احترام المواعيد والالتزام بالوقت هذا كان احساس حمد اول مادخل غرفة الاجتماع وعينه ع الطاوله اللي كان يظن بيحصل رؤساء الاقسام يتريونه عقب مااكد ع اجتماع اليوم وطلب من السكرتيره تبلغهم انه ع الساعه 9:30 بيكون اجتماعهم وياه بس القاعه فاضيه والكراسي محد عليها طلع وهو معصب وسار للسكرتيره حمد:ليلى انتي بلغتي رؤساء الاقسام عن اجتماع اليوم ؟ ليلى:هيه نعم..بس الانسه ايمان اجلته لساعه 11 اغتاض وعصب مهما كان مايحقلها تدخل فشغله:ايمان هنا؟! ليلى:هيه دخل سيده لمكتبها من غير مايدق الباب كانت دقق في الاوراق اللي قدامها تجدم ووقف جدامها ماتفصل بينهم الا الطاوله حمد بصوت متنرفز:كان عندي اجتماع ويا رؤساء الاقسام من سمحلج تلغينه ايمان ببرودها وعينها ع الاوراق اللي جدامها:انا اجلته مالغيته حمد:تبين تصغريني وتقللين من قيمتي جدام الموظفين ايمان من غير ماطالعه:لو كنت بسوي هالشي كانت لغيته..رن تلفون المكتب مدت ايدها وخذته وحمد مشحون بالعصبيه اللي مهما حاول يخفيها الا انها ظاهره ..إيمان وهي ترد ..نعم ليلى..اوكي...هيه.. تناقض بين الشخصيتين رغم انها اخت حرمته الا انه الفرق كبير بينهم هدى لينه يسهل التعامل معاها يقدر يقولها أي شي وتنفذه من غير معارضه او نقاش بعكس ايمان اللي ماتحب حد يفرض رايه عليها وهو مب عارف كيف يوصل وياها لحل..ندق الباب ع خفيف ونفتح ..كان مدير الماليه في الشركه دخل وسلم وردو عليه السلام.. رفعت بصرها لحمد وقالت بهدوء:اوكي حمد بناقش النقاط اللي ذكرتهن في اجتماع اليوم مابعطلك عن شغلك يكفخها يجتلها شو ممكن يسوي وياها كلامها معناه انها تطرده شعور بالمهانه والتصغير....ماحب يكبر السالفه وطلع وهو في داخله يغلي سار ع مكتبه وفر الملف اللي تناثرت اوراقه وهو في داخله يلعن ويشعن في ايمان طلع من المكتب واعصابه خلاص تلفت ... | ||||
|
| |
|
19-10-12, 06:00 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| كان ودها اليوم بعد تيلس وياها تكلمها تسمع منها حتى لو كان بشكل غامض قصير ما يتعدى جمل قصيره بس المهم عندها تعرف عنها اكثر تدخل لقلبها وتشوف الاسرار اللي فيه..اشغلت تفكيرها البارحه ولاول مره ترقد ومايزورها الكابوس ..بس للاسف نجود اليوم غايبة ومكانها في الكلاس فاضي..كانت سايره لكلاسها وشافت البنات متيمعات ويت صوبها ريعتها سلامه ريم:شبلاهم متيمعات جيه؟ سلامه:اسراء عيد ميلاد امها هالجمعه وتبا تشتريلها هديه وتاخذ رايهم ريم اللي خطرت ببالها امها اللي ماتعرف عنها شي:ايوا حلو سلامه اللي شايله فخاطرها على ريم والسبب نجود اللي مستغربه انها ترابعها ربعت ايديها وقالت:ريم...شو السالفه؟.. شفتج يالسه ويا نجود ريم:انزين وشو فيها اذا يلست وياها؟ استغربت من ردها كل هذا وتقول شوفيها ردت بطنازه:لا ابد مافيها شي نجود بنوته حبوبه وطيوبه والكل يحبها ولا معقده ولا فيها شي ريم اللي اول مره تشوف سلامه بهالشكل :تغارين من نجود؟ دافعت عن نفسها :انا اغار من نجود؟!..لا مااغار منها ولا تهمني اصلا بس انتي ربيعتي وتهميني وماباج ترابعين وحده شراة نجود الله اعلم باللي بداخلها...صح فيه بنات انطوائيات وخجولات بس ع الاقل يضحكن يعطنج ويه بس اللي في حالة نجود الواحد بصراحه يخاف ولا يقرب منها..البنات شافنكم ويا بعض وسألوني..قلتلهم هي مافاهمه شي وانتي تفهمينها اياه ..طلبو مني اقولج لا تحتكين فيها وايد وخلي كل شي سطاحي ريم اللي مادخل شي من اللي قالته سلامه لعقلها:انزين واذا اثبت عكس اللي تقولونه عنها معقوله؟!! ريم تفكر جي عقب كل اللي سمعته واللي واضح ع نجود بعده تبا ترابعها؟ سؤال بان في عيون سلامه وهي تسمع كلام ريم منصدمه من ردت فعلها اللي مب مقنعه وقالت بحزم تعرف اللي بتقوله مب من قلبها يمكن محاوله انها تمنع ريم عن قرارها ويمكن تخسر ريم من عقب اللي بتقوله حطت عيونها بعيون ريم وقالت:ريم اذا رابعتي هذي اللي اسمها نجود انسي إنا ربايع.. خلتها واقفه وسارت عنها مشت وقلبها يعتصر ع ربيعتها الروح بالروح..قلبها يعتصر ودموعها نزلت صح ريم ماشافت دموعها بس قلبها عورها وهي تسمع كلام اعز انسانه ع قلبها يمكن تتراجع ويمكن تستمر .... طلع من الشركه ونار الغضب شاعله بصدره وراح ع مكتب ابوه وهو حاس بالمهانه من بنت عمته..دخل عليه وكان عنده اجتماع اترياه لين يخلص يلس يعد الدقايق اللي تمر كانها دهر محد يقدر يلومه تصرفها وياه اقهره ..خلص الاجتماع والكل غادر ماعدا محمد وعياله احمد وسالم..كان باين ع ملامحه الغضب محمد من عقب مايلس ورى مكتبه: خير ياحمد فيك شي؟ حمد من غير تردد خذ قراره وهو في دربه لشركة ابوه جاوب:ابا اسحب اسهمي من شركة بنات عمتي وارجع هنا علت ع ويوهم علامات الدهشه سالم وهو يساله:ليش شو السبب؟! حمد اللي في داخله غيض مكبوت يبا يفجره عشان يرتاح: ابويه مستحيل اتم ويا ايمان في مكان واحد محمد بهدوء عشان يفهم السالفه:ليش شو ستوى بينكم؟ حمد وبعده في داخله نار: ايمان لا احترمتني ولا احترمت قرراراتي وقللت من هيبتي وقيمتي في الشركه باي حق اتم وياها محمد:عشان عمتك الله يرحمها..عمتك يمنه اللي وصتني فبناتها..انا بغيتك تكون سند حقهن يحسن وياهن ريال يهتم بحلالهن ويمنع الغريب يقرب منهن ويطمع فيهن ..انا مابعلمك شو لازم تسوي..واجبك انك تكون وياهن مب تخليهن بروحهن حمد اللي عصب زود:مااعتقد انها تحتاي حد وياها..وانا بصراحه مليت منها محمد:حمد..اياك تحت أي ظرف من الظروف تتخلى عن بنات عمتك او تسمح للغرب يطمعون فيهن..واذا على ايمان انت اهدى وخبرني بالضبط اللي صار وانا بتصرف حمد اللي حس انه غلط في انه خبر ابوه وقال عشان يدارك السالفه:لا لا ترمسها محمد:عيل ماشي جدامك غير انك تتحمل مهما كانت هذي بنت عمتك ..حمد عشان خاطر عمتك الله يرحمها تحمل ايمان وكون صبور ع تصرفاتها..مهما كان هي مالها حد والواجب انك تكون قربها مهما سوت او قالت رغم انه في داخله رفض الا انه هدى شوي وكلام ابوه اثر فيه نوعا ما مثل وايدات من اللي في سنها تحب الكشخه واللبس خاصة اذا سايره الجامعه كانت تمشي وهي شايله كتبها والنظاره الشمسيه ع عيونها سمعت اسمها وتنرفزت وعرفت من يزقرها لفت عليها وقالت:اسمي شيما شيما شيمااا مب شمه حنان اللي مسويه لها طاف:اوهووو خلاص عاد شسوي لسان تعود ازقرج شموه شيما:لا والله وانا اقول ليش ربيعاتج يوم يشوفني يقوللي شمه اثاريه كله منج..بعدين يالخايسه شو اللي كاتبته في البي بي حنان اللي خمنت قصدها وفي نفس الوقت استبعدته:شو؟ شيما:شو اللي سمعتيه بصوتي وحبيتيه بصوت بيشو..حتى في البي بي كاتبتني شمه؟ حنان اللي تضحك ع شكل شيما المعصب:هههههه..مب انتي تحبين اغاني عبدالله رويشد ومن بينهم يازمن طلبت من بيشو تغنيها..بعدين يوم اقول شمه الكل يعرف اني اقصدج يعني اسمج ارتبط باغاني الرويشد شيما:لا والله حنان اللي غيرت الموضوع لانها تعرف انها ماتقدر تغير اللي في راسها بخصوص اسم شيما:انزين سمعي شو رايج ببيشو؟ عقدت حواجبها مستغربه السؤال:هي ربيعتي ولا ربيعتج؟..ليش تسألين؟ حنان بتردد :امممم ابا اخطبها لاخويي ماتدري شو احساسها في هذي اللحظه وكانه ماي بارد انسكب عليها ولا يمكن تتوقع انها ممكن تسمع هالشي ونطقت بعد فتره قصرة ماتعدت الثواني:بيشو؟! حنان وبكل حب لانها الاقرب لبشرى وتعزها:هيه بشرى فيها شي؟ بعدها ع حالة الاستغراب وعدم الاستيعاب:لا بس... حنان:هي بس يبالها تزيد كم كيلو وطول شعرها وتتعدل صدقيني بتطلع قمر شيما:خفي علينا ياجويل بحلق..بعدين يمكن اخوج مايوافق حنان:افففف هو مابيعرف الحين اول شي بحاول اغير بيشو..يعني بس تطلع من المود اللي هي فيه وتهتم بصحتها.. ماتحمست للموضوع وشكت بنجاح السالفه:ماادري والله حنان:انتي ماعليج الموضوع عليي المهم ماقلتي شرايج فيها؟ شيما:حنون مااعرف بشرى زين مايلست وياها الا مرتين وع السريع بس من اللي اسمعه عنها لها معجبات والكل يمدح فيها وبالمختصر هي ربيعتج يعني تعرفينها اكثر عني نصيحتي انتي غيريها بالاول وبعدين شوفي شو بتسوين حنان اللي اقتنعت وتحمست:اوكي بس هذا سر بينا ماتروحين وتنشرينه شيما:لا افا عليج مابخبر بس ان شاء الله كل شي يصير اوكي..واذا بغيتي نصيحه او شي تراني موجوده حنان ببتسامه:تسلمين يا احلى شمووه.. قاطعتها بعصبيه:شو ماسمعت بلعت ريقها وضحكت بعبط:لالالا قصدي شيوم حبيبة قلبي شيما:هيه عبالي بعد..اقول تراج اخرتيني ياللا انا سايره سي يو حنان:سي يو راحت شيما وحنان بدت تفكر كيف تنفذ اللي فراسها... احيانا تنشغل عقولنا بكذا شي منها اللي يكون قدامنا يشغل تفكرينا ويسيطر على عقلنا والثاني بعيد ماكنا منتبهين حقه بس فجأه لقيناه في دايرة تفكيرنا..وهذا حال ريم كانت في حجرتها تكتب واجباتها بس عقلها سبح فيها لبعيد كانت ماسكه قلم الرصاص بين اصبوعها وتحركه وهي تفكر بنجود وبكلام سلامه وبنفس الوقت اخطرت عبالها امها اسئلة تزاحمت في عقلها وافكار بدت تنبش فمخها..فجأه نزلت القلم ع الدفتر ووقفت وطلعت من حجرتها كانت تبا تسأل وتستفسر.. راحت لحجرة يدتها بس مالقتها..كانت امنه يالسه في الصاله اللي تحت تتقهوي..نزلت ريم وشافتها مشت بهدوء مثل اللي يستعد زين ..تجدمت ويلست ..حست انها فيها شي .. امنه:ريم فيج شي؟ ريم وهي عينها ع يدتها:امي وين؟ ارتعب خفوقها وهي تسمعها تقول هالسؤال ارتبكت وهي تقول:وانا شو مب امج؟ ريم وهي تبرر ليدتها:اكيد انتي امي اللي ربتني ومن ييت الدنيا ماعرفت ام غيرج..بس انا اسال عن امي اللي شلتني فبطنها ويابتني للدنيا امنه اللي حست انها احصرتها بسؤالها اللي ماتوقعته ولا مستعده انها تجاوب عليه تلعثمت الكلمات بس لازم تلقى حل لهالموقف اللي لقت نفسها فيه:ريم حبيبتي انتي وجاسم يتوا للدنيا وانا اللي ربيتكم .. وهذا اللي تبا تفهمه وين كانت عن تربيتهم:وامي ليش ماربتنا..امايه اباج تكلمني عنها ... تنهدت وهي تشوف اصرار ريم واسئلتها اللي تتحاشى انها تجاوب عليها:امج ماعرفتها زين كانت تروح عند اهلها اكثر من انها تيل سويانا وماكانت جريبه مني .. ريم:انزين ابويي طلقها ولا ماتت؟!! امنه:وشو اللي يابها على بالج الحين؟ استغربت سؤال يدتها كيف شو يابها على بالها هذي امها من حقها تسأل عنها مب كفايه انها ماتعرف اذا هي حيه او ميته ريم:امايه جاوبيني امي ماتت؟..ولا مره يبتو سيرتها ولا مره قلتولنا عنها يدتها اللي بدت تنزعج من هالسيره اللي اندفنت :ريم حبيبتي اباج بس تعرفين اني ربيت جويا اخوج وانتو بعدكم ماكملتو سنتين..ريم انتي بنتي ولا تبين تزعليني ...مثلت الزعل اوهي من جد زعلت بس هذا اللي بان ع ويها وشافته ريم...انا امكم وبتم امكم بس باين اني مهما سويت بتم فعينكم يدتكم وبس..وقفت وهي تقول..بسير اشوف الشغالات اذا سون الفواله اليوم ابوج بييه ضيف راحت عنها وريم بدل ماتضايق انها زعلت يدتها زادت حيرتها وبدت الافكار تزيد فعقلها... حين يجتمع الليل والبحر تاخذك افكارك لابعد نقطه قد يمتد لها بصرك كان واقف يتأمل البحر ويشوف الاضاءة اللي يايه من بعيد مسافر بفكره..في هالليل اللي مغطي حدود السما ..ماكانو متفقين ع الميعاد بس يمكن كل منهم يحب هالمكان ..تجدم منه وهو يشوفه منحني ع الجسر وابتسم ..وتقرب اكثر وسوا مثله منصور:صرنا نتلاقى مثل الاغراب ابتسم ساخر من كلمة اخوه:نحن بالفعل اغراب يامنصور..سواء كنت مسافر او لا فانته غريب..تخيل سافرت وطلعوا كل قشي من القسم الخاص فيني وعطو القسم لاحمد يعيش فيه..بحجة انه ابوك مايبا ايمان تعيش بروحها ركز بس في اخر كلمه قالها وطالعه كانه يبا يتاكد او يسال ليش:ايمان مبارك:هيه ايمان بتسكن في الفيلا اللي كانت لاحمد طالع لجدام ورجع يسرح في ذكرياات جديمه ..تذكر قبل ماتسافر وكيف انهم زعلو من بعض.. تذكر كيف كان معصب وراح يكلم ابوه عشان يمنعها:ابويه صدج موافق انها تسافر محمد:هيه..شو فيها اذا سافرت؟ منصور وهو يحاول يضبط من انفعاله:شو شو فيها؟..ابويه هذي بنت كيف بتخليها بروحها هناك محمد اللي بدا يمل من حنة ولده:يامنصور هي مب بروحها بيروح وياها خالها .. ماقدر يقنع ابوه ورمسها هي منصور وهو يحاول يمنعها من اللي في راسها منصور:يعني شو فيها اذا درستي هنا؟ ايمان:مافيها شي بس انا ابا ادرس برا حلمي ادرس في امريكا منصور:ايمان ترا هناك ماشي امان وانتي بنت ايمان:منصور لا تحاول انا خذت قراري سفر بسافر وخالي موافق منصور:بس انا مب موافق ايمان:باي صفه ان شاء الله منصور:ولد خالج ايمان:بس خالي موافق وانت مالك راي عقب رايه وسفر بساقر بسافر يامنصور بسافر بسافر بسافر كلمه تردد صداها في راسه ورجع منها للواقع ع صوت مبارك اللي قال ماتفكر ترجع الامارات؟ منصور:اذا سالتك نفس السؤال شو بيكون جوابك؟ طالعه بنضره كانه سبح مع السؤال:مب الحين بعده الوقت ماحان وهو مقفي لف عليه منصور وقال:بس انا برجع الامارات وجريب بعد طالعه وابتسم وقال:good luck my bro وراح عنه ..تم منصور يطالع زوله وهو ساير وهو يتنهد نطق اسمها"ايمان" ومشى هو بعد وناوي انه يرجع للامارات في مكان ثاني انهى كل شي بعكس منصور اللي توه قرر انه بيرجع للامارات...اما ناصر ففرحان انه بيرجع رغم اعتراض موزه على قراره وانه بعده في فترة نقاهه بس ناصر وع قولته ادرى بنفسه ولا قدرت هي وبدر ولا الدكتور يمنعونه عن قرراره وطلع ع مسؤليته.. قراءة ممتعة^^ انتظروني مع البارت 8 مع تحياتي اصداء الحنين | ||||
|
| |
|
19-10-12, 06:02 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الــــب8 ـــــــــارت وقف سيارته الفتك برا ونزل بكشخته المعتاده يوم يزور بيت خالته وريحة العطر ودهن العود تنشم من بعد ميل ليش لا وكل هذا للي سماها قلبه وغلاه..وصل للفيلا وتحديدا لقسم خالته..من عقب مادق الجرس افتحتله الشغاله...دخل ومشى للصاله وشافها يالسه انتبهت عليه يوم سلم وتلقته ببتسامه سعاده وهي تشوفه مقبل عليها وفداخلها تذكر ربها وتسمي وهي تشوف كل هالوسامه والرجوله ع ولد اختها وريل بنتها..تجدم وهو مبتسم وهوى ع راسها وحبه..قال وهو ييلس:شحالج خالتيه ان شاء الله بخير فاطمه:بخير والحمدلله ..اخبار امك وخوانك ماجد:الحمدلله كلهم بخير وسهاله..._تمنى لو انها حد مشتاق لشوفتها سماع صوتها .._عيل غاليه وينها؟ ابتسمت كانت حاسه انه يبا يسال عنها بس متردد:غاليه موجوده ..انته سير الميلس تقهوي وحطلك هريس وكل وانا بسير ازقر غاليه وهو يقوم:ان شاء الله .. كانت غاليه قالبه حجرتها فوق تحت تنظف فيها وترتبها ومتعصبه بشيلتها..وشاده حيلها في التنظيف ولا داريه باللي ياي يبا يشوفها ومتوله عليها..ندق الباب غاليه وهي تلم في الاغراض:من؟ نفتح الباب ودخلت فاطمه وشافت الفوضى اللي في الحجره:شو هذا؟!! غاليه بصوتها الهادي مع انها تعبانه من التنظيف:ارتب فاطمه:كان قلتي للبشكاره تنظفها غاليه:شفت نفسي فاضيه وماعندي شي قلت انظف امها اللي يايه تقولها عن ماجد وخذتها السوالف:انزين روحي تسبحي وتعدلي ماجد هنا غاليه بانفعال وهي ترمي اللي في ايدها:ياسلاااام وهذا ليش مايتصل ماشي اختراع اسمه تلفون .. بس صوت امها اخرسها وهي تسألها:وتلفونج وينه؟ وقف عقلها لثانيه وكانها الحين بس تذكرته:صح وين حطيته... بدت تنبش عنه وامها الطالعها ومدت ايدها وقالت والموبايل فايدها:دوج .._شافته وعضت شفتها من الفشله.._..مخليتنه في الصاله يمكن عشر مكالمات محد رد عليها ومسج..مسكي.._تجدمت بهدوء وهي في قمة الاحراج _..ياللا روحي جهزي عمرج وروحي عند ريلج وخلي البشكاره تكمل تنظيف خذت موبايلها وردت وهي بعدها منحرجه:ان شاء الله.._عقب ماطلعت امها ..زفرت _..كله منك يامجود... تملل من اليلسه يطلع التنهيده ورى التنهيده وهو يالس يتريا تاخرت قالت بتزقرها ولين الحين محد يا فكر انه يروح بس تراجع مب حلوه في حقه يسير شو بيقولون عنه وبنفس الوقت هو مشتاق لغاليه ويبا يشوفها..ماطول وايد في تفكيره ونفتح الباب ودخلت بابتسامتها العذبه وجمالها اللي انبهر فيه غاليه:السلام عليكم ماجد وهو يشوف كل هالجمال والحلى جدامه قال وهو مبهور فيها:وعليكم السلام ورحمة الله وبركاته تجدمت وسلمت عليه:شحالك ماجد؟ ماجد والابتسامه على ويهه وذايب فيها:بخير..انتي شحالج؟ غاليه:بخير..حياك تفضل ايلس...احطلك شي تاكله؟ ماجد وعيونه عليها:لا الحمدلله كلت وايد غاليه:بالعافيه ماجد:الله يعافيج..حبيت الهريس وايد لذيذ انتي مسويتنه؟ غاليه:لا هذا من عند جيرانا اول امس كانت ملجة بنتهم واليوم عندهم ضيوف ويابولنا شوي ماجد بشك:وانتي سرتي الملجه؟ غاليه اللي راحت بدون شوره وحست انه يمكن يعصب:هيه.. ماجد اللي عصب شوي:وجيف تسيرين من غير ماتخبريني؟ غاليه وهي تبرر:قلت هم جيراني اليدار باليدار ومايحتاي اقول ماجد:ان شالله لو شبر بعد تخبريني غاليه نرفزه خفيفه:اوكي خلاص اسفه..._من باب تغيير السالفه_..احطلك هريس؟ ماجد:مابا ..بدت التشطيبات تخلص فقسمنا ان شاء الله يوم نخلص كل شي باخذج محلات الاثاث بتنقينه على ذوقج وانا ماراح ادخل غاليه :ليش؟!!..احسن نختاره ويا بعض يمكن ذوقي مايعيبك ماجد بثقه:لا بيعيبني ..بعدين انتي بتيلسين فبيتنا اكثر عني وانا ابا راحتج وتكونين مستانسه فالمكان اللي بتسكنين فيه حست بشي كبير بقلبها وهي تسمعه شعور بالسعاده بالحب .. ماجد:انزين وين تبين تسيرين شهر العسل؟ غاليه:انت وين حاب تسير؟ ماجد:ماادري..انتي قولي غاليه:اممم..سويسرا ماجد بموافقه ومن غير اعتراض:خلاص سويسرا..بعد تبين نسير مكان ثاني؟ غاليه:شرايك قبل مانسير سويسرا نسوي عمره.. ماجد:خلاص تم..غاليه.. متى بيي هاليوم اللي اخذج وياي ونعيش مع بعض ايلس وياج من غير حواجز تمنعني ابتسمت بخجل وطالعته وقالت بحب:ان شاء الله بيي ويمكن ..يمكن تمل مني.. ماجد:انا امل منج؟.. مستحيل..انا احبج وقلبي متعلق فيج وبتم احبج الحين وعقب مايجمعنا بيت واحد وحتى من بعد مانييب عيال..ويكبرون ويعرسون ونشوب انا وياج ونقابل بعض غاليه:ههه...ان شاء الله ماجد:ان شاء الله كانت متسنده ع اليدار بقرب الدريشه وعينها ع قسم حرمة ابوها ..او بالاصح ع اللي طالع من البيت كانت تتامله بنظرات عميقه فيها احساس محد يفهمه ولو شافوه ممكن ينفهم بعكس اللي هي تقصده..حست بالباب يوم انفتح وطالعت لجدام من غير ماتتحرك ..كانت اختها ميثه اللي استغربت من وقفتها ميثه:بسم الله بلاج واقفه جذا؟!!!. مريم اللي لفت راسها صوب الدريشه ونظرها لبرا:اطالع راعي الفتك عقدت حواجبها..راعي الفتك؟!! ..استغربت من اختها وياها الفضول تعرف:اشوف.._مشت ووقفت قدام الدريشه من عقب مازاحت الستاره كلها ..عشان مريم كانت زايحه شوي من الطرف ..وشهقت :هذا ماجد ولد خالتي من زمان عنه .. شوي كانت بتفتح الدريشه بس مريم قاطعتها وهي مستغربه:شو بتسوين؟! ميثه:بزقره بعد شو بسوي مريم اللي ماعيبتها الفكره:بتزقرينه من حجرتي ميثه:وهو شدراه انها حجرتج سخيفه.._لفت بتفتح بس للاسف_...شفتي راح كله منج مريم اللي ضحكت ع خفيف وسخرت من اختها:ههههه احسن تستاهلين.._بعد ثواني بدت عليها الجدية وقالت بنبرة تحمل بداخلها شي عمييق مثل اللي يدور ع شي محير_..ميثوه...شو شعور غاليه الحين من عقب ماصارت لماجد؟ استغربت من سؤال اختها كيف لها تسال مثل هالسؤال:كيف يعني؟!! بعدها متسنده ع اليدار طالعت لجدام وربعت ايديها وقالت:مرات اقول بسأل غاليه عن مشاعرها لماجد .._لفت راسها لاختها_..اكيد يحبون بعض صح؟ كلام مريم لخبطها وخلاها ماتستوعب اللي تبا توصله اختها من كلامها اللي مثل الالغاز وبنفس الوقت ودها لو تهزبها لصغر سنها:مريوم شو تخربطين؟...شو يحبون مايحبون انتي شو لج فهالسوالف؟ّ!...بس مب منج من ماري تشوي وخوان ميقيل يخلص في التي في تابعتي الاعاده في اليوتيوب يلست ع حافة سريرها:مايخصه..بعدين ذاك مسلسل عمره مابيعبر عن الحب شراة الواقع كلمات خلت اختها تتوسع عيونها ويشك عقلها مستحيل أي حد يقول هالكلام الا اذا يحب ...تقربت وهي مصدومه بس فداخلها شك وتبا تعرف الاجابه يلست ع حافة السرير من الصوب الثاني:مريوم حبيبتي انتي باجيلج السنه اليايه وبتخلصين ثانويه فاهتمي بدراستج احسن من هالسوالف اللي مامنها فايده مريم اللي احساسها في هاللحظه غير وحتى لو بتشرحه لميثه ماراح تستوعبه وبترجع وبتقولها نفس الكلام اللي قالته من شوي صغيره..دراستج..بس القلب اذا تحرك فداخله الحب ماهمه شي..تاكدت ميثه من اللي في بالها يوم سالتها مريم: شو بيكون شعورج اذا حبيتي؟ وسعت عيونها اكيد اختها مب في عقلها:مريوم خلي عنج سوالف الحب..وقفت وهي تقول..اهتمي بدراستج انا رايحه باي عينها ع اختها لين اختفت عن عيونها ورى الباب اللي سكرته وهي طالعه..قامت بهدوء ومشت للتسريحه وهي عينها ع نفسها في المرايه مدت ايدها وسحبت شباصتها الصغيره اللي مثبته شعرها بها ونسدل شعرها ماخذ طريجه على كتوفها لين نص ظهرها قالت بعيون فيها شي من الحزن:صح مب حلوه بس شكلي مقبول مملوحه اااه لو اعرف اذا هو يحبني او لا..بس متاكده من قلبي احبه واتمنى يكون حقي .. | ||||
|
| |
|
19-10-12, 06:03 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| دخل للبيت وفي راسه شي واحد شاف غاليه وامه يالسات في الصاله وياهن الفضول يعرفن سبب كل هالاستعيال اللي هو فيه وسؤاله عن شهد..ووجوده في البيت في هالوقت اللي المفروض يكون فيه في الدوام .. خالد اللي ماعنده وقت حتي يسلم او ييلس قال وهو واقف:وين شهد؟ نطقت امه :شهد فحجرتها... ماعطاها فرصه تتحدث ونطلق ورقي فوق مشى لقسمه..دخل وهو يزقرها استغربت من ييته الحين وطلعت بسرعه من الحمام وقلبها زادت نبضاته.. شهد والخوف فقلبها وباين ع محياها :خالد شبلاك؟! خالد:ماشي بس ياللا لبسي عباتج وتعالي وياي بدا عقلها يسال ويزدحم بالاسئله زاد خوفها وقلقها :ليش وين بنسير في شي..اهلي فيهم شي؟ خالد اللي لاحظ خوفها:بلاج متروعه الكل بخير .._تكلم بهدوء _لا تخافين ماشي مستوي بس انتي تجهزي وانا بترياج في السياره لا تتاخرين طلع عنها وهي تحاول تهدا بس مستغربه من ييته وطلبه اكيد فيه شي ولا كان خبرها وين بيسيرون سؤال يتردد ومية استفهام وراه ركضت للكبت وطلعت عباتها وشيلتها ولبست ع السريع ونزلت قالت في نفسها اكيد انه خبر امه او حد من خوانه راحت للصاله وكانت فاطمه وغاليه يالسات ..حست انه الوضع عادي وهن لاحظن قلقها ومن لبسها باين انها بتطلع شهد:خالد قالكم شي؟ غاليه:لا بس يا وسال عنج..شهد شوصاير؟!! وقبل ماتتحدث سمعت هرن السيا ره وردت بسرعه:مادري..خالد يترياني ياللا مع السلامه نقلت لقلوبهن الخوف فاطمه وبنبرة خوف:شبلاهم؟! غاليه:مادري بس ان شاء الله خير... من عقب فنيان القهوة اللي صبته لها اختها وكتفت من شرب القهوه..يايه بس عشان تنفذ شي كانت بنت اختها السبب فيه من غير ماتتاكد ولا دور ورى الموضوع وليش لا وساره غاليه ع قلبها واعز وحده ع قلبها من بين كل عيال اخوانها.. وضحى :سمعي انا يايه وعندي موضوع بقوله لج نوال وهي تمازح اختها اللي ماتزورها دوم:وانا اقول ماتزورني الا ووراج شي وضحى اللي عصبت وتنرفزت ولوت بوزها:خلاص مابقولج شي,,حشا مايسوى عليي نوال وهي تضحك:افا عليج ياوضحى..قولي اللي فخاطرج. .. ._ وهي تراضيها_ياللا عاد مسويه فيها زعول وضحى اللي رجعت لطبيعتها متناسيه ومطنشه كلام اختها:سمعي ..بييوكم خطاب اندهشت من كلام اختها وماقدرت تتمالك نفسها وضحكت:ههههههههه..الله يقطع بليسج ياوضحى ..تبيني اعرس؟!!..هههههه وضحى اللي قطعت ضحك اختها وخلتها تقلب ملامحها 180 درجه :مب حقج نوال بجديه كانها تبا تسكر الموضوع:لا تقولين ساره؟...ساره ماافكر ازوجها الا عقب ماتتخرج من الجامعه وضحى:ولا ساره بعد اذا مب حقها ولا للساره عيل من عقدت حواجبها وفي عقلها يدور السؤال وقالت:عيل منو؟!! وضحى:بنت ريلج الله يرحمه فتحت عيونها ع الاخر وهي مندهشه..وبدت تذكر لها مزاياه :تراه ريال والنعم يشتغل في الاعمال الحره وعنده عزبه وخير ..وانا قلتله انها بنت ريلج وقال مابينساج بيدفعلج انتي مربيتنها يعني بحسبة امها واطلبي اللي تبينه وهو صح اكبر عنها بوايد بس مثل ماقلتلج ريال والنعم فيه نوال اللي مب قادره تصدق اللي تسمعه قالت:هذا بيعرس ولا بيشتري ناقه؟..يعني انا ماوافقت ساره تاخذه تظنين بخلي بشرى تتزوجه..بشرى بنتي واللي بياخذها لازم يكون يستاهلها ويصونها وضحى اللي مستغربه من اختها:هذي بنت ريلج وتقولين عنها جذا هالكثر تحبينها قالت بصوت كلها حزن وحب:بشرى مب بنت ريلي.... بشرى بنتي ربيتها وهي بعدها في شهورها الاولى ..اعرف انج مستغربه من حبي لها..ياوضحى انا قبل ماياخذني ابراهيم الله يرحمه اشتغلت سنه كامله تطوع في مؤسسة ايتام ..في الشهر الواحد بالاربعه والخمسه اييونا..كنت اصيح وانا اشوفهم من غير ابو ولا ام .. كنت اشلهم بين يديني وقول حسبي الله ونعم الوكيل..في شهر العسل خذتها ويايي يوم قالي بيحطها عند حرمة اخوه رفضت وقلتله لا من الساعه اللي خذتني فيها بشرى صارت بنتي واذا بنسافر بناخذها ويانا مستحيل فيوم اقسى عليها او اضربها او حتى اضرها او ازوجها من واحد مب متاكده انه بيحبها وبيعزها وبيعاملها زين..واذا بتقولين انها ماراح تزوج دامني اقول جذا..عادي القلب اوسع لها من البيت وانا مب عيزانها عن لقمتها..بلغيه انه ماعندي بنات للزواج..وانا مستحيل ازوجهن قبل ماياخذن الشهاده ويتخرجن من الجامعه ع الاقل اذا مالقن ريل يصونهن شهايدهن بتنفعهن ..واكثر من جيه ماعندي ياوضحى.... طلعت من عند اختها مثل مادخلت ..نوال حطت كلمتها الاخيره واللي سكرت الباب واقفلته عشان هالموضوع ماينفتح من يديد..وصل الخبر لساره اللي كانت متفائله ومحطيه امال كبيره ع اللي بتسويه خالتها بس خاب املها..كان الخبر بالنسبه لها صدمه غير متوقعه خلتها تعصب وكبر كره بشرى فقلبها وزادت رغبتها في انها تتخلص منها ... اذا كانت ساره تبا أي شي يخلصها من بشرى ..فـــ ريم تحاول تلقى حل مايخليها تخسر سلامه وربيعاتها وبنفس الوقت تبا تتقرب من نجود..كانن واقفات عند باب الكلاس قبل مااتي المس يتحدثن عن الامتحان ويحطن توقعاتهن للي ممكن اييهن فيه..كانن توهن بيدشن الكلاس ولمحتها وهي سايره .. ريم:سلامه سلامه اللي كانت داخله جدامها لفت عليها:نعم ريم اللي كذبت بس عشان ماتزعل ربيعتها اللي ماصدقت انها تراضت وياها:بسير اشرب ماي اذا يت المس خبريها سلامه:اوكي بس لا تتاخرين ريم:اوكي... في داخلها متردده خايفه او قلقانه ليش لا وهي تحس انها بتخون ربيعاتها واكثر وحده هي سلامه ربيعتها اللي وياها من ابتدائي اللي من يومين اكذبت عليها وقالت لها انها مابتتكلم ويانجود ..سلامه اللي فرحت عشان ريم اللي رجعت لعقلها كانت تمشي للحمام وقلبها وعقلها بين نعم ولا.. بس الحين ماينفع الكلام هذي جدامها دخلت وشافتها طالعه رايحه تغسل ايديها تقدمت منها عقب ماطلعن البنتين اللي كانن موجودات.. ريم اللي قلبها زايده نبضاته:عندج تلفون؟ نجود:لا ريم:عندج ايميل؟ نجود:هيه ريم:تحدرين دوم المسن؟ نجود اللي بدت فداخلها تسال وين تبا توصل من اسئلتها:هيه دخلت ايدها في مخباها ونجود تراقبها وطلعت ورقه صغيره ومدتها لها:هذا ايميلي ضيفيني نجود اللي محتاره:اوكي حطيه في مخبايي عقب ماحطته لها عشان ايدين نجود مبلله ماي تراجعت لورى كان فخاطرها شي بتقوله لنجود وعندها احساس انه بيزعل نجود وبيضايقها بس من نظرها احسن حتى لو صعب عليها... ريم وهي متردده ومستحيه انها بتقول هالكلام بس هي شبه مقتنعه:بنرمس بعض بس ع المسن يعني مانكلم بعض في المدرسه.._مثل ماتوقعت بتصدمها بتضايقها..حبت تدارك الموضوع وتبين السبب _...يوم تحدرين المسن بخبرج ليش ..انزين؟ رغم اللي بداخلها الا انها ماحبت تبينه اكثر مع انها ريم حست ولاحظته عليها:اوكي مب مشكله ريم اللي ماقادره توصف احساسها في هاللحظه لوم على خجل من تصرفها:اوكي عيل اشوفج الليله..الحين بسير الكلاس وايد تاخرت..مابتين؟ نجود اللي متضايقه من كلام ريم ليش ماتباها تسولف وياها هنا؟؟؟ هي فيها شي غلط؟ او شي تستحي منه ريم؟..في داخلها معصبه متنرفزه بس تحاول تكون هاديه:امبلا بيي عقب شوي؟ ريم اللي مب عارفه شو تسوي من جانب ماتبا تخسر ربيعاتها ومن الصوب الثاني متلومه انها تقول هالشي لنجود هي ماتمانع انها ترمسها وتيلس وياها بس فيه شي اكبر عنها ويمكن حتى نجود مابتستوعبه :عيل بسبقج..لا تتاخرين عشان المس بتخبرنا عن الدروس اللي بتيبهن لنا في الامتحان نجود:اوكي طلعت ريم ونجود تحترق بداخلها مع انها يلست وياها وقدام الكل ليش الحين ماتبا حد يدري عنهم ...سحبت مناديل ورقيه ومسحت ايديها وفرتهن في الزباله بكل غيض وطلعت... كانت توها بس مخلصه دوامها ..ومع انها اسمحت لها تروح الانها شافتها يالسه فمكانها..استغربت منها والثانيه كانت تفكر باللي بتسويه..كانت خايفه تردها تترياه ع احر من الجمر انها تطلع من مكتبها ..وطلعت وقفت ليلى وهي خايفه وقالت كتمهيد"انسه إيمان"..لاحظت انها مرتبكه او مستحيه بس اكيد مب ع طبيعتها وقفت مكانها تترياها تقول اللي عندها..تحركت ليلى من مكانها ويت عندها من عقب ماكانت يالسه ورى الطاوله ومدت اللي فايدها لها وهي تقول:هذي بطاقة عرس ..عرس اختي واتمنى انج اتين..بصراحه راح افرح اذا ييتي وعلى فكره انا قلت للعايله بعزمج..بليز لا ترديني ماتتصورين كثر شو بكون فرحانه اذا حضرتي خذتها عنها وتاملت الديزاين:نايس.._فتحتها وطالعت التاريخ _...امم ان شاء الله بيي..ثانكس ليلى كانت بطير من الفرح وهي تسمعها:مشكوووره انسه إيمان.._ابتسمت لها إيمان وراحت..وليلى طالعت فوق وقالت بترجي_..ياارب تكون إيمان من نصيبك ياعبدالله عمره الصغيره مايخليه يدرك او يفهم بشكل كبير اللي يصير من حواليه او معنى النغزات اللي قالتهن شيخه وهو يسالها"ماما متى بنرجع بيتنا ابا اللعب فغرفتي"وهي موجهه كلامها لابوه:اسال ابوك هو اللي عنده العلوم.. رفع عينه عن شاشة اللاب وهو ماد ريوله ومحطينه عليهن كان فوق السرير وهي جدام التسريحه وولدهم ع الارض يلعب بسيارته.. احمد وعينه عليها :وليش مايسالج انتي ..من يينا هنا وانتي ماده البوز علت صوتها وردت عليه بعصبيه:عيل تباني استانس وانت يايبنا هنا احمد اللي رد عليها بصوت عالي:اضني شرحتلج الاسباب وفهمتج بس انتي شكلج ماتبين تفهمين السياره ساكنه ع الارض وايده عليها وعيونه ع امه وابوه اللي كل واحد فيهم يعلي صوته ع الثاني مافاهم ليش يتنازعون ..زمت شفايفها بغيض ولفت صوبه:شو تباني افهم انك جبرتني ع شي مااباه كل واحد يغلي من صوب رد عليها:فكينا من هالسالفه شيخه:مابفكك لين تلقالنا حل سكر شاشة اللاب بقو وهو يقوم قال:الحل اني اسير مكان ثاني .. ومن شدة العصبيه اللي هو فيها ماشاف العاب ولده اللي شاتهن وبعثرهن..مثل مشاعر ولده اللي متبعثره ولا فاهم سبب كل هذا ولا هم قدرو انه موجود والمفروض مايتنازعون قدامه... دام العتب في سلم الأحباب مسمـوح قل لـي وش اللـي غيـرك لاتكابـر أصبحت انا لك روح وانته لي جروح وانا اندب الفرقى واجامـل وصابـر الى متى اقبـل علـى البـاب واروح احسب مسافاتـي واعـرف المعابـر وانا الذي غنيت مـع ساجـع الـدوح وعليت لك من فيض شعـري منابـر احرص على عشقك واعلي به صروح وجزيتني كني معـك شخـص عابـر اجي وانا مجـروح واروح مجـروح خابـر بنيـاتـك ولانــي بخـابـر الجسم حـي وداخلـه قلـب مذبـوح وكسرت رجلٍ مالقـى اليـوم جابـر كانك تبينـي افضـح السـر وابـوح والـوم دور الوقــت واقـول غابـر عبدالله العصيمي عطى سواق التاكسي اجرته ..وقف يتامل البيت من برا ومشي وهو يسحب شنطته وراه لف عينه على الفيلا الثانيه ..اللي بتسكن فيها حبية قلبه اللي صارله مده مالتقى فيها .. كيف راح راح يكون اول تلاقي بين منصور وايمان؟ مريم هل تعيش قصة حب ومنو يكون؟ خالد وشهد شوا لسالفه ووين رايحين؟ ساره هل بتنجح في مخططاتها؟ غاليه وجاسم هل بتتحقق احلامهم؟ شيخه هل بتم حاقده ولا ممكن تتغير؟ منو عبدالله وشو علاقته بليلى وليش تتمنى ايمان من نصيبه وهل بتكون من نصيبه؟ نوال نفت كرها لبشرى وذكرت الاسباب؟هل بتم هالمحبه ولا ممكن تتغير ريم وين بتوصل في اللي تسويه؟وهل بيصير شي اكبر؟ هالبارت فيه شخصيات غابت بس اكيد دورها موجود انتظروني مع البارت التاسع قراءة ممتعة^ـــ^ مع تحياتي: اصداء الحنين | ||||
|
| |
|
19-10-12, 06:05 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الـــبـــارت 9 كانت تساله وهو يتجاهل الاجابه وهي مع ردوده المختصره تخاف اكثر..واخيرا وصلو وجهتهم...سؤال واحد في راسها شو نسوي هنا؟! ..ومر فخيالها صورة ذاك اليوم وهي واقفه ويا غاليه ..يعني اكيد سمعهن وهن يتحدثن لفت عليه ...ومثل كل مره يكلمها فيها.. شافت في عيونه نظرة حب تعودتها دوم منه ونطق لسانه باسلوبه الهادي المحب.. خالد ويهه اللي فيه الرضى:ماهان عليي اشوفج جيه ولا اسوي شي قلت دامج تتعالجين انا بعد ابا اتعالج تاكد شكها وحست بالضيق والندم على كلامها هي وغاليه:يعني سمعتني انا وغاليه خالد:حتى لو ماسمعتكم المفروض افكر بهالشي..الزواج مشاركه وتعاون وانا اسوي هالشي لاني احبج وكل ماشفتج تحاتين وتعانين بسبب هالسالفه كل ماتاكدت اني لازم اسوي شي ومااخليج بروحج..ياللا نزلي خلينا نسير لموعدنا شهد اللي متلومه وحاسه انها غلطانه ومنحرجه منه:خالد انا اسفه خالد:لاتتاسفين ..مثل ماقلتلج احبج وماباج تتحملين بروحج ابا اكون وياج ..بنتاخر ع موعدنا اذا تمينا نسولف توكلي على الله ياللا طالعها ببتسامه ونزل وهي نزلت وبعدها متضايقه من نفسها وفي نفس الوقت مرتاحه عشان خالد يحبها ومستعد يسوي أي شي عشانها مع كل ماحاولاتها وياها الا انها تحس انها ماقادره تساعدها واليوم قررت تجرب شي مختلف ..راحت عندها في حجرتها ودقت ع الباب ودخلت من عقب ماسمحت لها..شافتها يالسه مهمومه من يصدق هذي شمه اللي كانت دووم تضحك وتغلس ع الكل واذا حد زعلان او متضايج طفربه لين ينسى اللي فيه شمه اللي كانت دووم وياها من هي صغيره وياما دافعت عنها ضد خوانها وكانت دووم تقولها هدى لا تصيحين ولا تخلين حد يصيحج واللي يزعلج سويله طاف مستحيل تكون هي نفسها اللي يالسه جدامها الحين..مشت عندها راسمه ابتسامه خفيفه تتمنى لو ترفه عنها,,رفعت عينها لها يوم قالت هدى :تعرفين شو نفسي فيه الحين.._طالعتها يمكن تبا تعرف ويمكن نظره عاديه مالها معنى بس هدى بتحاول وياها وكملت_..ابا اسير البحر واباج اتين ويايي..ياللا خلينا نسير مالقت من شمه غير الصمت وعيونها اللي لفت لمكان ثاني سارحه بعيد ومطنشه هدى اللي تنهدت بس هي خلاص حطت في بالها تساعدها مدت ايدها وحطت كفها ع ايد شمه اللي ع الكرسي :عشان خاطري ياشمه..بلييز تعاليي وياي ..لا ترفضين..وحتى ولو باخذج ويايي بالقو..شمووه.._صدت صوبها وهدى بتسمت لها وشمه ملامحها هي نفسها شمه:في شو بتفيدني روحة البحر...لا تعبين نفسج ياهدى مب ساير هدى باصرار:بتسيرين..حبيبتي مابتخصرين شي ياللا خلينا نسير اباج اتين معاي في اشياء با اقولها.. تعرفين احس براحه وانا اتحدث يوم اكون يالسه ع البحر الله يخليج تعالي وياي تنهدت غصبا عنها بس عشان ماحبت تكسر بخاطرها:اوكي..بس مابنطي ابتسمت :اوكي بحكم انشغاله الدايم ولا عنده وقت لشي غير الشغل هالشي مسوي فجوه بينه وبين اولاده ايسوون اللي يبونه يطلعون واييون ويسافرون وهو مايدري عنهم او يتفاجأ بانهم برا مثل ماتفاجا انه سيف مسافر الا عقب ماتصل على حرمته فاطمه بخصوص موضوع الخطبه .. فاجأته بكلامها:وعدني يوم يرد من قطر قطر كلمه تردد صداها في راسه ولده مسافر قطر وهو اخر من يعلم ولا كانه ابوه عصبيه على ضيق صرخ عليها:كيف يسافر قطر انا مب ابوه؟ في نفس اللحظه وصلها اتصال من سيف ع الخط الثاني ..فاطمه تعودت على عصبية ريلها ولو حتى بتحاول تهديه اذا فقد اعصابه مستحيل يهدا زاعق وصرخ واحترقت اعصابه وسكر عنها..ورجع سيف يتصل بامه ..اللي ردت عليه وهي متضايقه من تصرفه كلمته بلوم وعتب:الحين كيف ماتخبر ابوك انك مسافر قطر..ابوك اتصل وهو معصب زين مايرتفع ضغطه سيف وهو يبرر موقفه :امايه سرتله البيت ماحصلته ولا لقيته في الشركه واتصلت عليه في المطار وقبل مااركب الطياره بس مارد علي شو اسوي بعد؟ امه بنفاذ حيله:استغفر الله العظيم..ابوك معصب الله يستر الحين بيقلب البيت ع روسنا سيف اللي يعرف ابوه ويعرف كثر شو هو عصبي رد عليها:هذا هو من عرفناه وهو يعصب.. فاطمه وهي تحاول تقنعه:ماعليه ياميه رمسه وتسامح منه كانو ربعه يزقرونه وحب ينهي المكالمه بسرعه:امايه بسكر الحين الشباب يتريوني برمسج خلاف فاطمه:وابوك؟ سيف:ان شالله خير يالله مع السلامه وسكر بسرعه ..فاطمه اللي خايفه وقلقانه:استغفر الله العظيم استغربت ميثه من امها اللي يت وشافت ملامح امها المتغيره وبادي عليها الضيق:امايه شبلاج؟ قالت بضيق قلقانه من اللي ممكن يستوي بين ريلها وولدها:اخوج سيف ميثه اللي خافت يكون مستوي عليه شي قالت بخوف:شوبلاه؟!! فاطمه وهي طمنها:مافيه شي ..بس ابوج متصل وعصب يوم درى انه سيف مسافر ولا عطاه خبر ميثه:يعني الحين سيف اول مره يسافر ولا يخبره؟...راح مسقط ويلس ثلاثة ايام ورد وابويي مادرى عنه.. فاطمه اللي عصبت من بنتها:هذا ابوكم ومها كان الواجب يدري عنكم ميثه اللي تنرفزت:شو يدري عنا؟...بعدين هو ييلس في بيت خالتي امنه اكثر عن هنا..مع انه الحال نفسه عندهم هم بعد مب مهتم فيهم فاطمه اللي تدورله اعذار عشان ماتبا عيالها يشلون فخاطرهم عليه هي تعرف انه غلطان وانه مب مهتم فيهم بس حتى لو يبقى ابوهم:ابوج يدورلكم لقمة العيش يباكم تكونون احسن الناس ميثه اللي حاسه انها تبا تعبر عن اللي داخلها ماتنكر انه ابوها بس من حقها تلقى شوية اهتمام :الله يعطيه العافية و طولة العمر...بس مهما كان من حقنا نحس بوجوده حوالينا نيلس وياه نحس فيه ويحس فينا مب بس دوم شغل شغل شغل.._حست انها مهما تحدثت مابيتغير شي ففضلت تغير الموضوع_..امايه ربيعتي في الجامعه عازمتني ع عيد ميلادها وعازمه كل ربيعاتها فاطمه:انزين شوفي ابوج ميثه:بس في حال يعني مارمسته بقول لخالد فاطمه:سو اللي تبونه انسانه غيورة وحاقده محد يعرف سبب كل هذا وليش تتصرف بهالشكل مشاعرها باينه للكل وتتعمد تجرح ولا تحب تخفي شي واذا بغضت شخص ممكن تنغزه بكلمات مثل السم وهذا اللي صار مع شيخه اللي كانت توها طالعه من قسمها وتلاقت وياها كانت بتتجاهلها وبتسير بس اسلوب ميعاد وطريقة كلامها خلاها توقف ميعاد وبنبرة تنغز:ان شاء الله مرتاحه هنا ؟ شيخه اللي تقدر تخفي مشاعرها بس قدام ميعاد ماتعرف ليش تحس بالغيض ولا تقدر تتحكم باعصابها:بخير ياميعاد ومب ناقصني شي ميعاد اللي مستانسه وهي تشوف العصبيه على شيخه وتبا تزيدها اكثر واكثر:ان شاء الله دووم معني قلت يمكن تنتقلون في بيت بروحكم بعيد عن هنا شيخه اللي تعرف نواياها وحاسه انها وجودها ويا ميعاد مابيي من وراه الا المشاكل بس احمد طنشها ولا سمع كلامها شيخه:وليش ننتقل لبيت ثاني الحمدلله البيت عود وانا مرتاحه ويا اهل احمد واعتبرهم اهلي ميعاد اللي مب مصدقه وشاكه :هيه بدليل صوتكم انتي وياه البارحه منه كلمه ومنج كلمه شيخه اللي مغتاضه منها:ليش انتي كنتي تصنتين علينا؟!! ميعاد:لا بس كنت طالعه وسمعتكم وشفت احمد طالع وهو محرق شيخه وبنبرة تهديد:ميعاد اللي يصير بيني وبين ريلي مالج خص فيه سمعتي بانت عليها ابتسامه ساخره:اذا مثل البارحه اعتقد مابيكون شي خاص والكل بيعرف عنه شيخه اللي تعبت من الكلام وياها وعصبت منها:انتي ماتستحين على ويهج..ورمستج خليها حقج..انتي وحده مريضه وتبا علاج نفسي..قلبج اسود ولا اظن بينظف من اللي فيه ميعاد:انا اللي قلبي اسود ولا انتي ياشيخه ..انتي اللي قلبها اسود انتي وريلج شيخه وهي تهددها:ميعاد احترمي نفسج وخلج فحالج سارت عنها وميعاد نار ثايره في داخلها وردت:ماعليه ياشيخه تتحسبيني مااعرف عن نواياج انتي وريلج بس والله والله مااخليكم تتهنون .. دخل مكتب اخوه وهو معصب وشال فايده ملف فره جدامه سالم اللي مهما يكون هادي الا انه في لحظه ممكن ينقلب ويتحول لشخص ثاني خاصة اذا الشي يمسه.. عقب مافر الملف جدام احمد قال:انته من سمحلك دخل عصك في اللي مايخصك..انا قايل لابويه هذا المناقصه مالازم نقبلها وشرحتله الاسباب تقوم انت وتوقع ع الموافقه احمد:اول شي انا اخوك العود ويوم ترمسني رمسني باحترام..ثاني شي ابويه عطاني الصلاحيه اني اوافق اولا وانا مالقيت أي شي يخلينا نرفضها..ثالث شي اذا مب عايبنك الشغل هنا دورلك مكان ثاني واشتغل فيه سالم:عشان يحلالك الجو..لكن لا يا احمد ولا في احلامك اخليلك الشركه واروح منها طلع من عنده وهو مغتاض وشايل على اخوه واحمد بالمثل ضحك وهو يسمع اخته تحدثه عن ايمان وتمدحها قدامه.. عبدالله:مب هي المتسلطه اللي شايفه نفسها ورافعه خشمها..وماخليتي شي ماقلتيه عنها ليلى وهي تبرر موقفها:هذا يسمونه الانطباع الاول ..بس اكيد اذا احتكيت في الناس وعرفتهم زين بتتغير نظرتك حقهم عن اول مره شفتهم فيها حط الكتاب اللي يقرا فيه على صوب:بس ماافكر اعرس الحين ليلى اللي تحاول تقنع اخوها وتلين راسه من العناد اللي هو فيه:انا ماقلتلك عرس اباك بس تشوفها عبدالله اللي مب مهتم وايد بالموضوع بس يجاري اخته:انزين ووين بشوفها؟ ليلى:في العرس_عقد حياته مستغرب من اللي قالته وكملت كلامها تشرحله اللي تقصده_..يوم تدخلون الكوشه...بخليها تيلس في مكان جريب من الكوشه وبنفس الوقت تقدر تشوفها عبدالله:وكيف بعرفها؟ ليلى:هي ماتتغشى وانا بكون واقفه عدالها ابتسم وقال:ماشالله عليج مضبطه كل شي...انزين واذا ماعيبتني؟ ليلى:انت شوفها وان شاء الله بتعيبك عبدالله:بشوفها ليش لا... ليلى ببتسامه ع ويها:هذا هو اخويي وحبيبي كلمات يدتها خلتها تفكر اكثر وتحتار وتسأل نفسها ليش يدتها تهربت من الموضوع وليش محد ابد كلمهم عنها..شخص ثاني وموضوع ثاني شغل عقل ريم اللي المفروض منتبهه لدراستها بس مب قادره تركز في شي..كانت يالسه فحجرتها تدرس اوكانت ناويه تدرس بس عقلها مشغول بشي غير متشتته مب قادره تشل الافكار اللي مسيطره في بالها مالها نفس تدرس قامت وطلعت ودقت ع باب غرفة اخوها الملاصقه لحجرتها واللي كان ع سريره وكتابه بين يديه ويدرس من عقب ماسمعت صوته فتحت الباب ودخلت جاسم: شو بغيتي؟ مشت صوبه ويلست على حافة الشبريه:جاسم انت ماتبى تعرف عن امي يمكن عمره مافكر فيها او يمكن غيابها عنه من يوم هو ياهل خلاه يتعود ع نسيانها بس ييت ريم الحين وسؤالها اللي ماتوقعه خلاه يستغرب وعدل يلسته وربع ريوله وقال:شو يابها على بالج؟.. تنهدت وقالت:مب مهم شو.... انت تبا تعرف وينها ولا لا؟ جاسم:تصدقين ولا مره فكرت..تعرفين ليش؟..عشان من يوم انا صغير حطيت فبالي انها ماتت ريم:بس نحن مانعرف اذا هي ماتت ولا لا...سالت امي امنه عنها مافهمت شي من رمستها كانها ماتبا تقول..حتى اهلها مانعرفهم؟..معقوله ماعندها اهل؟...واذا هي ميته ليش مايرمسون عنها؟..شو مسويه؟ جاسم اللي محتار في حال اخته وانفعالها ولا عارف كيف يرد عليها بس عطاها حل هو الانسب لكل اسئلتها:محد يقدر يجاوبج غير ابويه سأليه كانه بدال مايعطيها حل زاد من اسئلتها وحيرتها وقالت بتسأل:ابويه؟! هو وينه عشان اسأله؟!.. حتى هو بعيد عنا موجود وماموجود.. جاسم وهو يأكد كلامه:بس هو الوحيد اللي عنده الجواب..صدقيني احسنلج من انج تمين جذا وتعذبين روحج ريم:انزين بتسأله ويايه هو كان بس يقدم اقتراح اما انه يسويه فلا....... امتعض وكأنها الفكره ماعيبته:ساليه انتي وشوفيه شو بيقولج ريم:بس انا اباك ويايي مب بروحي جاسم:ريم انا مايهمني الموضوع وايد بس دامج تبين تعرفين اوكي سأليه ريم اللي تنرفزت من كلام اخوها اللي مب مهتم وكأن اللي بتسأل عنها امها بروحها:انت ليش بارد جاسم:الحين صرت بارد عشان بس قلتلج مابا اسأل؟ ريم:تعرف انك تشبهه في البرود جاسم وهو يدافع عن نفسه:انا مااشبهه بس انا تعودت جي ولا ابا اشغل بالي وعور راسي بشي مابيغير عندي شي قامت وهي تقول ومعزمه ع اللي في راسها ومصره عليه:انزين ياجاسم خلك بس انا لازم اعرف عن امي من ابويي او غيره طلعت عنه ومن عقب ماعكرت مزاجه شوي بس رجع لطبيعته وخذ كتابه اللي حطاه ع صوب وبدا يدرس فيه | ||||
|
| |
|
19-10-12, 06:05 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| كانت يالسه في الصاله والريموت في ايدها وتتنقل بين القنوات سمعت جرس الباب يرن كذا مره بس محد فتحه زقرت ع الشغالات بس محد يا والجرس بعده يدق ..ازفرت وحطت الريموت من ايدها وهي قايمه سحبت شيلتها من ع الكنب وحطتها ع راسها وطلعت كانت الدروازه مسكره وياها صوته من عقب ماسألت :من؟ غيث:هذا انا غيث ولد عمج لفت الشيله على اثمها وثبتتها بايدها وافتحت :هلا غيث عيونها الدعج سحرنه :شحالج حمده؟ حمده اللي دوم ع طبيعتها ويا الكل تتصف بالذرابه والاخلاق العاليه حمده:بخير الحمدلله..وانت شحالك واخبار الاهل؟ غيث:الحمدلله كلنا بخير.. يبتلكم سمج لو تزقرين ع الشغاله تشله حمده:ان شاء الله وراحت حمده وقلبه سار وراها..وسرح بعيد وماصحى الا ع صوتها :غيث غيث اللي لف صوبها:لبيه.._طالع الشغاله_سيري بتحصلينه في الدبه..-طلعت الشغاله من عقب ماوسع لها ورجع يطالع حمده_..سمعت انج بتاخذين الليسن حمده:هيه.._سكتها ييت الشغاله اللي دخلت وراحت داخل وكملت_..باجيلي بس الشارع وان شاء الله انجح غيث وهو يمازحها:عاد نبا حفله حمده:ان شاء الله بسوي حفلة تخرجي والليسن ويا بعض غيث ببتسامته العذبه:هيه بس عاد مب كيك وخرابيط نبا شي عوود ابتسمت:خلاص ولا يهمك بذبح قعود..مع اني مااكل لحم رجاب غيث:ههههه..خلاص القعود عليي ومن عزبتنا وبعد وياه صخل دامج ماتاكلين لحم الرجاب..وهدية النجاح بخليها مفاجأه حمده:بعد فيه هدية غيث:هيه شقايل عيل معقوله بنت عمي تتخرج ومايبلها هدية منقوود حمده:تسلم ياغيث غيث: الله يسلمج..الحين بسير بتسبح مب طايج عمري من ريحة السمج ..ياللا بخليج في وداعة الله حمده:مع السلامه هي سكرت الدروازه وهو ركب سيارته وقال"يارب تكونين من نصيبي ياحمده"..وسكر الباب وحرك سيارته وراح من عقب ماشاف اللي متعلق فواده فيها.. يتملك احساسماتعرف ليش تحس فيه بس نابع من داخلك ويدفعك تسوي شي يمكن ماتقدر توصفه او تكونمخطط له من قبل بس عندك طاقه من اعماقك تحثك انك تسويه وهذا هو حالفهد..كان يالس في واحد منالكافيهات... نزل الكوفيبعد ماشرب منه وقال:ناصر فيصل:خير فهد: افكرارد البلاد استغرب منكلامه وتفاجأ: ترد البلاد ليش؟! كان يتكلم بشي من الاحساس الغير مفهوم له :مادري بس فيني شي مااقدر اوصفه ..شي,,,,مادري بس من ابا ارجع ابتسمابتسامة تعجب:فهد ما ادري الصراحه انت فاجأتني...وايدين يتمنون انهم مكانك يسافرونويكملون دراستهم في الخارج اما انك تسافر تدرس وبعدين ترجع لبلادك تكمل دراسهبصراحه هذي اول مره تصير اسمحلي شي غريب فهد:وينالغرابه اني ارد بلادي؟!...انا ماييت هنا بمنحه عشان اقول انها خساره..انا ييت مننفسي وعلى حسابي ونفس الشي برد الامارات بنفسي فيصل اللي بعده هب مستوعب بس حب يجاريه:انزين ممكن تخبرني شوالسبب؟ فهد اللي سكت شوي :ما ادري..مرات تمر علينا لحظات مانفهما ولا نعرفالمغزى من وجودها وانا امر في هاللحظات_ ..حرك كوب الكوفي وكمل.._فيني رغبه انيارجع الامارات لا تسالني ليش لاني صدج ما ادري شو سبب هالاحساس فيصل:يعني مجرد شعور مؤقت وممكنيروح شرب منالكوفي ونزله:مااعتقد محتار فيحالة ربيعه:ليش؟! فهد:منبداهالكورس والاحساس فيني بدا يحطاستنتاجات من راسه:مب عايبتنك الدراسه؟..الوضع؟ تنهد وسكتشوي وقال باريحيه:بالعكس كل شي اوكي الدراسه التيتشرز السكن السيرفيزز كل شي متوفرومريح ..واي واحد يتمنى اللي انا فيه بس فيني شي يقولي ارجع تعب مب قادريوصل لشي:يعني تظن انه فيه شي يترياك هناك وممكن يصيرلك؟ سكت لانه ماشي جواب وبعدين قال:مادري يمكن بس اللي متاكد منه شي داخلي يباني ارجعللبلاد مل منالكلام مب قادر يجمع: بصراحه يافهد خبصتني ابتسم:لاتختبص ولا شي فيصل:يعنيممكن باجر تقول ان اللي في راسك اختفى؟ فهد:ماادري...المهم..._وقف وهو يقول_قوم خلنا نسير اريد ادرس شويباجر عندنا امتحان فيصل:عقباللي قلته حد له خلج يدرس ابتسم:خلكمن اللي قلته اذا عزمت بعطيك خبر خلنا نسيرياللا وقفوهويقول:اوكي ياللا.. ومشى وياهمن غير مايدري السبب اللي عشانه يفكر يرجع لبلاده.. | ||||
|
| |
|
19-10-12, 06:06 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| دخلت البيت وسارت للصاله وشافت غاليه يالسه..غاليه اللي كانت تفكر فيها وفخالد والسبب اللي خلاهم يطلعون من غير مايخبرون حد تجدمت شهد وسلمت ويلست وتنهدت.. غاليه اللي متشوقه تعرف وهي تدري بشهد ماتغبي عليها شي:وين سرتو؟ شهد: المستشفى غاليه اللي اندهشت من الكلمه:ليش؟! شهد وهي تشرح لها حالها يوم وصلو للمستشفى:بغيت امووت ياغلوي..ستحييت منه تمنيت الارض تنشق وتبلعني ولا احط خالد في هالموقف..تذكرين ذاج اليوم يوم تحدثنا عن العلاج وجيه..خالد سمعنا..واليوم كان موعدنا في المستشفى غاليه اللي فرحت بعكس شهد اللي بعدها متفشله ومنحرجه من خالد:حبيبتي المفروض تستانسين خالد يحبج وسوى هالشي عشانج ولو غيره كان قوم الدنيا على راسج....انزين وشو قالولكم؟ شهد:ماشي باجر بيطلعن نتايج الفحوصات. غاليه وهي تدعيلهم من قلبها:يااارب تكون فحوصاتكم اوكي وتتعالجون وتيبون يهال شهد:ان شاء الله ربي يسمع منج غاليه:عيل خالد وينه؟ وهي توقف :خالد سار مشوار وعقب بيسير دوامه عنده شفت الليله غاليه اللي تعرف كثر شو اخوها يعاني من دوامه خاصة انه شفتات غمضها اخوها وقالت:الله يكون بعونه شهد:امين يارب..بسير اتسبح وبعدين بيي غاليه:اوكي.. نزل ع السلم بسرعه وسار للصاله كانت امه واخته يالسات هزاع وهو واقف:امايه انا ساير توصون ع شي؟ امه:بتسير ويا غيث؟ هزاع:لا من شوي متصل فيه كان ياي من البحر امه:دومكم ويا بعض شياكم هالمره؟ هزاع:والله لو ماالحراره اللي صابتني كان سرت وياهم..غيث اخوي وربيعي وانا وياه روح وحده امه:الله يخليكم لبعض هزاع:امين...امايه من زمان عن عمتي امنه ماناويه تزورينها؟ اخته اللي تعرف اللي بقلب اخوها قالت وهي تنغزه بالرمسه:هيه صح من زمان ماشفت بنات عمتي شمه و مريم _وركزت وهي تنطق اسمها_ وحمده طالعها بس ماعلق وقالت امه:ان شاء الله بنسير عندهم هزاع:انزين انا بسير ياللا من رخصتكم ..:مع السلامه وطاحت في اذنه كلمة اخته وهو مقفي وهي تقول لامها:امايه دام اخواني مابيكونون حد في البيت ع الاسبوع الياي ابا حمده اتي تبات عندي بصراحه اباها تشرحلي اشياء مب فاهمتنها ابتسم وقال:فدييت هالطاري وكمل طريجه وقلبه فز من سمع اسمها.. قضن وقت حلو ع البحر ورجعن شافهن وهن ينزلن وهدى وقفت يوم شافته مقبل والشغاله راحت توصل شمه داخل تجدم عمر:هابشري شو صار؟ هدى:يعني حسيت انها بدت تتحسن بس يبالها طولة بال وان شاء الله اقدر اساعدها عمر:مشكوره ياهدى تعبتج هدى:لا تشكرني شمه بنت خالي واختي وانا ان شاء الله بساعدها _استغربت من نظرته_..شبلاك؟! عمر:لا ماشي بس مستغرب...كيف انتي وحمد متوالفين ويابعض..هو عصبي وحار ومحد يقدر يتفاهم وياه..وانتي عكسه هاديه ابتسمت:حمد ماعليه كلام بس مشكلته مايعرف يعبر كانو يسولفون ولا منتبهين للي يطالعهم من ورى زجاج البلكونه اللي فوق ..ميعاد اللي كانت طالعهم وقالت:طبعا حرمته مسافره وريلها دوم فشغله اكيد كل مالقو فرصه بيسولفون مع بعض ومب المره الاولى يصير هالشي..ياترى لو منال عرفت او حمد درى شو بيسوون ؟ | ||||
|
| |
|
19-10-12, 06:07 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| كانت معصبه منه ومن عناده نصحته بس هو اصر ع كلامه عقب ماريح في السرير قالت موزه وهي معصبه من ناصر:قلتلك خلنا بعدك تعبان قلت لا مافيني شي وهذا اللي صار تعبت ولا قدرت تسافر..وبدال مانسير المستشفى يايين فندق ناصر وهو باين عليه التعب وموزه حاشرتنه وصوتها مسويله ازعاج ومع هذا مطنش:بدر بعده مايا زمت شفايفها بغيض هي محترقه وهو لا مهتم بصحته قالت:لا بعده مايا..ناصر خلنا نسير المستشفى هناك بترتاح اكثر ناصر:مابرتاح الا يوم ارد الامارات دخل بدر على صوت خالته وهي تقول:لا حول ولا قوة الا بالله بدر:خالي بشرني شو صحتك؟ ناصر اللي ماهامنه غير السفر:لقيت حجز؟ بدر:كله فل يمكن باجر او اللي عقبه موزه وهي بعدها معصبه:الحين ماعندك عذر بنسير المستشفى..بدر ياللا ساعدني خلنا نسيربه المستشفى ناصر اللي قال بعصبيه:مب ساير أي مكان وبنتم هنا موزه وهي تتشكى لبدر:شايف شايف عمايل خالك..هذا اللي بينني بدر اللي خاف الموضوع يكبر وخاله يتعب مسك خالته:خالتي خالتي اهدي وتعالي ويايه ..خلينا نطلع طلعو وموزه بعدها معصبه :والله خايفه عليه بدر:ادري ياخالتي والله ادري.._وهو يصاصرها عشان مايسمعه خاله_..انا لقيت حجز.._كلمته خلت مودها يتغير ونملامحها تتبدل وكمل_بس ماحجزت عشان خايف عليه..انتي خليني احاول وياه وان شاء الله بقنعه يسير المستشفى موزه اللي تعرف اخوها وعناده:ماظنتي تقدر بدر:لا تقولين جيه ان شاء الله بقنعه المهم انج ماتعصبين تراه هب زينه لج ولا له موزه اللي رجعلها هدوءها:لا حول ولا قوة الا بالله ..انزين ابتسم وحبها ع راسها:هيه هذي خالتي اللي اعرفها... كانوا متيمعين ع العشا ماعدا هي واختها روضه اللي راحت تزقرها وبعدين يت بروحها وهي تيلس مكانها قالت:ماتبا عشا نوال:ليش ماتبا؟ رفعت روضه كتوفها ونزلتهن:مادري ساره:انزين ماتبا تتعشا بكيفها خليها تولي نوال اللي ماعيبها اسلوب بنتها:وتبيني اخليها تموت يوع قامت نوال وراحت تشوف بشرى وساره عصبت وانفجرت فروضه وبدر اللي يالسين يضاربون ع الاكل وكل واحد فيهم يسحب الاكل من صوب ويقول ماله لين وقفتهم ساره بصرخه هزت المكان:بس انته وياها.. وقفو عن الضرابه وهم يطالعونها وهي تطالع لمكان ثاني وتحترق بداخلها ومن شدت غيضها ضغطت بقو ع الهمبرقر اللي بين يديها وطاح اللي فيه وخوانها يطالعونها وخايفين وهي مب حاسه.. وشي واحد مسيطر عليها هو الغضب والحقد... (بدر=11 ,روضه=13 , عنود 16 ,ساره=19 ,بشرى=20 ) عند نوال وبشرى وهي تحاول وياها .. نوال:قومي تعشي طالبين من برا بشرى اللي يالسه تحل واجباتها:مابا عشا تعشو انتو عليكم بالعافيه نوال وهي تصر عليها:بشرى حبيبتي جيه مايوز شوفي كيف صايره كانج ميته..ياللا قومي بشرى:مابا عشا نوال اللي متضايقه وماعايبنها حال بشرى بس شو في ايدها تسوي ولا شي:لا حول ولا قوة الا بالله..بخلي العشا في الصاله اذا بغيتي تعشي طلعت من عندها وقلبها يحاتيها ... كانت يالسه ويا خالها في مكتبه في البيت من عقب ماتعشوا وهي المره الثانيه اتي بيت خالها من عقب رجوعها من امريكا..وبسبب اصرار خالها انتقلت عندهم في الفيلا اللي برا محمد:اخبار الشغل؟ ايمان:بيرفكت محمد:الحمدلله....ايمان اذا احتاييتي أي شي في الشغل او غيره ماباج تستحين انا موجود اطلبي اللي تبينه ايمان:مشكور ياخالي ماتقصر.._قامت واقفه_انا بسير الحين بس بغيت منك شي محمد:امري ايمان:معزومه على حفله وابا هدى تسير ويايه محمد:هدى شورها بايد ريلها اذا ماوافق تقدر وحده من البنات تسير وياج ايمان:بس انا ابا هدى..من رديت من امريكا مايلست وياها ولا طلعت وياها..انته قوله وهو اكيد مابيقول لا سكت شوي:انزين بقوله ايمان:اوكي تصبح على خير محمد:وانتي من اهله طلعت من مكتبه وكانت بتطلع بس وقفها صوت غاليه غاليه:تو الناس لفت عليها ببتسامه:وراي دوام باجر ولازم ارقد بدري غاليه:هيه شعليج بزنس ومن ماتنلامين مب انا وشموه خلصنا جامعه ومقابلين بعض ههه.....يعني مابنشوفج ولا بتيلسين ويانا؟ ايمان:لا ان شاء الله بيي وبيلس وياكم وانتو بعد حياكم باي وقت غاليه اللي مستغربه انها تقول هالكلام وفي نفس الوقت فرحانه:يعني عادي ابتسمت:اكيد عادي فديتج غاليه:هذا العشم يابنت عمتي..وانا اللي قلت يمكن امريكا تغيرج ايمان:لا تحاتين من هالناحيه دراستي برا ماغيرت فيني شي بس اللهم زادت من ثقافتي غاليه:ريحتيني اضحكت ع خفيف:هههه..اوكي فديتج انا سايره الحين تصبحين على خير غاليه:وانتي من اهله وهي توها سايره للصاله التقت بمريم اللي حست انها مضايقه من شي غاليه:مريوم شبلاج؟ مريم:اشوفج وايد ويا ايمان غاليه:انزين وشو فيها بنت عمتي وفرحانه بشوفتها مريم:ماادري ماحبيتها احسها شايفه نفسها ورافعه خشمها فوق غاليه:ههههه وليش ان شالله؟ مريم اللي معصبه من ايمان:يعني ماسمعتيها ع العشا شو قالت.._وهي تعايب عليها_ بس باكل سلطه عشان مامتعوده اتعشا..مالت غاليه اللي ضحكت على اختها:ههههه انزين شو فيها؟!!... حبيبتي.. هي تحافظ ع وزنها مريم:بطرانه..اونه تحافظ ع وزنها..يعني حنا تاعبين عمرنا والطباخ ماخلا شي ماسواه واخر شي ماتاكل ياخي ع الاقل تجامل غاليه:انزين تراها مب متعوده..يعني مب شراتنا نشوف الاكل ونضرب بالخمس ويريته يسدنا عقب مانترس بطونا بعدنا نرد وناكل.._تقربت منها ولفت ايدها عليها وباسلوب حنان وحب_ حبيتي انتي ..ماعليج منها بس والله انها حبوبه يمكن مايلست وياها وايد بس والله حبيتها..ياللا تعالي بيلس وياكم اشوف الفلم عشان الحين بيبدا ولين اوصل بيتنا بيطوفني وايد منه..ياللا في اللحظه اللي ودعت فيها غاليه وهي توها طالعه من الباب ونازله اخر درجه من المدخل التقت وياه..لقاء فيه وايد من الاستفهامات مايدري شو يسوي يعاتبها يلومها يسألها عن بعدها عنه ولا يعبر عن مشاعره وشوقه لها يمكن كبرياء الرجل يمنعه او يمكن خوفه من انها تصده تجدم وقال:مساء الخير ايمان:مساء النور منصور وعيونه كلها شوق بس الحاجز اللي بنته يمنعه يعبر عنه قال وكانها ماتهمه:الحمدلله ع السلامه ايمان:الله يسلمك..شحالك منصور؟ كان يحب يسمع اسمه على لسانها يحب نطقها له يستمتع وصوتها يطلقه مايدري ليش في هاللحظه يحسه عادي رد ببرود يخفي وراه قلب يحترق:بخير انتي شحالج؟ ايمان اللي يمكن اللي باين عليها نفسه اللي بداخلها او هي مثل منصور واكثر ردت:بخير... منصور:سمعت انج انتقلتي هنا...ان شاء الله مرتاحه؟ ايمان:الحمدلله..مع الوقت اكيد بتعود ع المكان وع الكل منصور:مع انه مب غريب عليج هنا عشتي شوي من طفولتج والناس اللي ساكنينه بعد تعرفينهم..الا اذا الغربه غيرتج يابنت عمتي ايمان:ماانكر انها اثرت فيني انا ابتعدت وايد عن هنا واكيد ماشي بيتم على حاله منصور وكان سؤاله ورى معنى يخصه:حتى المشاعر؟ ردت عليه بثقه:حتى المشاعر يامنصور.. طلع وهو معصب وتقرب منها.. حمد:في الشركه وقلت عادي مايخالف هي صاحبة الحصه الكبيره في الاسهم تسوي اللي تباه لكن تدخلين في خصوصياتي وحياتي الخاصه وتكسرين كلمتي قدام ابويه وتصغريني جدامه لا ياايمان كل هذا ومنصور يتفرج ولا فاهم شي ومستغرب من اللي صاير ايمان وهي طالعه:وكيف دخلت في خصوصياتك؟ حمد:قلت لاختج تتصل بج وتقولج مابتسير وياج تروحين انتي وتقولين لابويه ايمان بكل برود:يعني خالي وافج؟ حمد:هالمره بس راح اسمح لها وهذي اخر مره تسوين جيه..مفهوم؟ ايمان:تصبح على خير سارت ولا كانها سمعت شي ولا عطت كلامه أي اهميه تجدم منصور وسأله:شو صاير؟ ومالقى من حمد الا العصبيه:مايخصك رجع داخل وسكر الباب بقو..ومنصور وقف مكانه مستغرب ومحتار كانت توها تستعد للرقاد رن فونها خذته وشافت الرقم وعرفت انه لولدها امنه:الو مبارك:مساء الخير امنه:مساء النور هلا مبارك..شحالك؟ مبارك:بخير انتو شحالكم وشو مسويين؟ امنه:الحمدلله كلنا بخير مبارك:وجاسم وريم شخبارهم ماشي ناقصنهم؟ امه اللي سكتت شوي بعدين قالت:ناقصنهم انته تضايق ماتصل عشان يسمع هالكلام:امايه ارجوج لا تبدين ترمسين في نفس السالفه بدت تلمحله من غير ماتخبره عن ريم:مبارك عيالك بدو يكبرون..وكل ماكبرو كل ماكبرت اسئلتهم مبارك اللي حس بالالغاز في كلام امه:أي اسئله؟! امنه:مبارك عيالك مايعرفون شي عن امهم ويمكن يسألون قال بشك:ليش هم سألو؟! امنه اللي تتحاشى انها تخبره:مب مهم بس لازم ياتخبرهم او تلقى حل كلام امه حيره ليش الحين تتكلم في هالسالفه؟ّ!.:خلاص انا بتصرف وراح اسكر هالسالفه وللابد امه اللي خافت ولامت نفسها:شو بتسوي؟! مبارك اللي زاد من حيرتها وخوفها من رده:لارديت البلاد بتعرفين..فمان الله انها المكالمه وهي بدا الخوف يتجمع في قلبها وعقلها يطرح السؤال ورى السؤال في مكان ثاني وفي نفس البيت كان حاس بالشوق لها صح يكلمها كل يوم بس المكان فارغ ضيق على كبره واتساعه عمر وهو يرمس منال وهو منسدح في السرير: خبريني شو مسويين؟ منال:الحمدلله كل شي تمام..باجر ان شاء الله بيسولها فحوصات وعقب بنشوف شو بنسوي عمر:وانتي شخبارج وولدي شخباره؟ وهي يالسه ع الكرسي وتمسح ع بطنها بحب:نحن بخير وماناقصنا الا شوفتك عمر:فديتكم والله..انا بعد مشتااق وايد حقكم.. منال:ان شاء الله اذا قدرت ابدل ويا حد من خواني برجع عشان ماخليك بروحك عمر:هيه ترا حالتي صعبه يعني مااستبعد اذا تميت جذا اين واتخبل وادخل مستشفى الميانين منال:بسم بالله عليك لا تقول جيه..الله يخليك لنا عمر:ويخليج حقي.. منال:انزين بشوف امي اذا قدرت برمسك عمر:اوكي..سلمي عليها منال:ان شاء الله ياللا باي عمر:باي سكر عنها وتنهد وحط راسه ع المخده وايده ورى راسه وبدا يسرح بعيد.. وهي توها طالعه من الحمام ياها ويع فظيع في بطنها اضغطت بايدها عليه ولا قدرت تتمالك نفسها الويع يقطع امعائها سحب نفسها بصعوبه مسكت مقبض باب الحجره وهي تفتحه ماقدرت تتمالك نفسها ونزلت ع الارض وتزقر بنتها عايشه وبصوت كله ويع والم شديد:امل..امل كانت يالسه ع شبريتها تدرس ووصلها صوت امها وقامت مفزوعهوركضت بطلت الباب وشافت امها متاكيه ع باب حجرتها وتون شهقت امل وركضت عندها ودموعها ع خدها وتشاهق امل وهي مرعوبه وخايفه ع امها امسكتها :امايه شو فيج امايه عايشه وهي تتويع وماسك فبنتها وايدها الثانيه ع بطنها:امل ..امل بطني ..بموووت امل اللي خوفها يزيد:امايه لااا امايه ...امايييييه قراءة ممتعة^^ | ||||
|
| |
|
19-10-12, 06:08 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 10 "امي"كلمه تتردد في داخلها و الشي الوحيد اللي شاغل بالها مع صداها في داخلها تحس قلبها بيطلع من مكانه كيف لا وهي اغلى ماتملك في الوجود... دموع تنسكب من عيونها ماقادرة توقف صايح وخوف ورعب في قلبها ..وهي يالسة برا ع الكراسي وام سعود تحاول تهديها ..ماعرفت شو تسوي وهي تشوف امها تتوجع فاتصلت على ام سعود اللي بدورها خبرت ريلها وعلى طول شلو عايشه ع المستشفى.. دموع تسيل ولسان مايردد غير اسمها.. ام سعود وهي تحاول تهديها:بس فديتج بس لا تصيحين امج ان شاء الله بخير ومافيها الا العافيه الحين بيي عمج ابوسعود ويطمنا عليها بس ياميه بسج صايح.. امل وهي في حضن ام سعود ودموعها تمشي على خدها كيف لها توقف دموعها وشهقاتها وهي خايفه على اعز شخص فحياتها والوحيد اللي بدنياها ..كيف تصبر وتقوي نفسها وامها ماتدري عنها ..كيف تنسى منظر امها وهي تون من الويع اللي مع كل شهقة الم من امها كانت تحسها تنغرس فصدرها..مر وقت اللي كل ثانيه تعذبها وتزيد من دموعها وخوفها...وهي غرقانه في دموعها وتفكيرها في امها قامت بسرعه من حضن ام سعود يوم سمعتها تقول"ها يابوسعود بشر" قامت مفزوعه معلقه عيونها عليه تتوسل فداخلها انها ماتسمع شي شين..قالت بصوت متقطع من الصايح وعيونها تهل دمع وام سعود ماسكه فيها"عمي امي وينها.."كانت روحها منهاره من الخوف والقلق على امها منظرها خلاهم يحزنون عليها هم مايلومونها هذي امها اللي مالها غيرها في الدنيا ابوسعود:لا تخافين امج بخير..هي فيها الزايده ودخلوها غرفة العمليات يسولها جراحه.. ام سعود حمدت ربها بس امل طيرت عيونها ..زايده او غيرها تركيزها كله كان في شي واحد امها في غرفة العمليات شهقت :ابا اشوف امي..الله يخليكم خذوني عندها ابو وام سعود مقدرين انفعالها وخوفها ابو سعود وهو يطمنها: هي بخير لا تخافين..تعالي بوديج عندها ام سعود مسكتها ومشت وياها وراه... الحين شو تسوي ..واعيه ولا راقده؟؟..هذا اللي قاله في نفسه وهو متسند ع طرف بلكونة حجرته يطالع الفيلا المقابله لحجرته سابح مع هدوء الليل وسكون الهوا اللي تهمس نسماته بخفه وتتسلل بين الاوراق مثل ماتتسلل الذكريات لعقله واللي يشتاق لها قلبه ذكريات واطياف ضحكات بريئه وخطوات سريعه في المكان اللي كل زاويه فيه لهم فيها قصه قصة فرح لعب ضحك وحتى دموع صح دموع دموع تذكرها كانت المره الوحيده اللي شاف فيها دموع ايمان يمكن عشان الموقف والوضع يحتم عليها تنزل اذا في ذاك اليوم الكل بكى وصاح كيف هي لا واللي راح كان شخص قريب منها اسمها ارتبط باسمه كانت المره الاولى اللي شافه فيها دموعها والمره الاولى اللي حس انها تحتاجله وتحتاج لوجوده فقربها .. اذا كان منصور يسافر مع ذكرياته ففي مكان ثاني كان يكلمها وفي كل حرف شوق وله حب واحتياج مفتقد وجودها وحدة وملل غيابها شي مب قادر يتحمله تعود ع ويها كل مسا وابتسامتها اللي تنور صباحه وعذوبة مبسمها وهي تكلمه وجمال عباراتها وهو يسمعها كان الحنين مركب ياخذه عندها والشوق مينا يرسي عليه .. "يعني بطولون فسفرتكم"جمله نطقها لسانه وحس بمعناها قلبه بطولون يعني غياب وبعد وقت يمضي وهي بعيد عنه..ردت عليه وحست باللي فكر فيه عقله وحس به وجدانه:الايام بسرعه تمر يعني تغمض عين وتفتحها وتلقاني عندك متى كلمه شهق بها قلبه اللي متعلق فيها ورست عليها تنهيد طلعت من صدره صح تمر بس حلاتها لامرت وهي عنده مب وهي بعيد:بس ماقادر اصبر يوم ارد البيت وايلس فقسمنا يبدا الشوق يلعب فيني تواسيه بعبارتها وكلماتها اللي تطلع برقه وحب:ماعليه حبيبي تحمل شو نسوي عاد...اتصلت على خواني مشغولين بس اخويي حارب قال بياخذ اجازه وبيي ابتسم وفي نفسه يتمنى اخوها ياخذ الاجازه بسرعه وياخذ مكانها وهي ترد حقه:ان شاء الله..محد غير اخوج حارب يحس فينا ضحكت ع خفيف وهي تسمعه وقالت:هيه هو حليله مايقصر..تراه هو اقرب واحد ليي من بين كل اخواني عمر:الله يخليكم لبعض منال:امين عمر اللي مشتاق لسوالفها :انزين بنيلس بس نرمس عن اخوج حارب ابتسمت بخجل:شو اسوي انته يالس تسأل بانت على ويهه ابتسامه:انزين خلاص مابرمس ولا بسأل...وحشتيني اذا هو وحشته فهي الشوق ذابحها بس تحاول تكتمه داخلها:وانا بعد مشتاقتلك وااايد.. اذا عمر ومنال قاتلهم الشوق ومنصور يتذكر ايامه ويا ايمان فهناك شخص ثاني يالس يتعذب بس مب شراتهم كل خليه فجسمه ترتجف ومع برودة الغرفه الا انه العرق مغطي ملابسه بعده يزورها بين فتره وفتره واذا كثر اغيابه مايتاخر عنها غير يوم او يومين..شهقت شهقة لو حد مر عند حجرتها بيسمعها قامت مفزوعه ويمكن هالمره كان اقوى حطت راسها بين ايديها وضغطت ويع شديد ماقادره تتحمله.. ومن بين المها ودموعها تذكرتها صح ليش لا هي اللي تقدر تخوز الويع من راسها قامت بسرعه للتسريحه وفتحت اخر درج.."وينها كانت هنا"هذا اللي قالته وعيونها متفاجأه ..ماحصلتها ..هي متاكده محطيتنها هنا..انفعلت ويع راسها يضغط عليها اسحبت الدرج واستقر ع الارض نفشته وهي معصبه"وينها"..كلمه تتردد في راسها اللي شاحننه الويع ..دورت في الادراج اللي فوق بس من غير فايده..عصبيتها زادت وبدت ترمس بعصبيها وهي تنبش بين الاغرض "متاكده محطيتنها هنا وينها"..رفعت راسها صوب الباب ..جاسم اللي شاف العفسه واخته اللي باين عليها فيها شي وزاغ قلبه:ريم شبلاج؟!! ريم اللي ماكانت حاسه بنفسها ويع راسها بيقتلها والحبه اللي مالقتها وحالة الخوف اللي يتها كل هذا خلاها تنفعل ردت بضيق:ماشي بس كنت ادور بنادول وماحصلت شي جاسم اللي ارتاح خفوقه قال وهو يهديها:خلاص بييبلج من عندي اصبري طلع عنها وهي تفكيرها في الحبه اللي اختفت وسؤال يدور في راسها :وين راحت منهو شلها؟؟!!!.. دخل جاسم وهو يايب لها حبتين بنادول تقرب منها يناولها"دوج" عطاها وسار للثلاجه وطلع غرشة ماي وناولها اياها من عقب مافتحها..بلعت الحبتين وراهم الماي شربت نص الغرشه كانت حاسه بجفاف فظيع ..ناولته اياها وسالها"بسج؟"..هزت راسها بمعنى نعم وهي منزله راسها وتحاول تهدا ..حط الغرشه ع الثلاجه ورجع يساعدها تقوم..تخطت الدرج اللي قدامها ومشى جاسم وهو ماسكنها ماحاسه بنفسها ونسدحت فسريرها وتكومت ع نفسها من التعب لحفها وهو مستغرب من حال اخته بس مب عارف كيف يساعدها او شو فيها طلع عنها وسكر الباب من عقب ماسكر الليتات ....في اليوم الثاني مانسى شو صار جهز نفسه وعقب ماتعطر ولبس ساعته واخذ كتبه طلع تقرب من باب حجرتها ودق الباب ع خفيف وناداها:ريم.._بس ماياه جواب عقد حياته بتساؤل وخوف ودخل ..كانت بعدها ففراشها..تقرب منها وبدا يوعيها وهو يهز كتفها_ريم..ريم..ريم قومي..ريم نومها كان ثقيل بس اكيد بسبب الصداع.. بدت تحس:هممم جاسم:قومي مابتسيرين المدرسه؟ قامت وهي دايخه والدنيا دور فيها بس مستوعبه اللي يقوله اخوها يلست وهي تحاول تستعيد نشاطها اللي مثقلنه النوم :امبلا بسير جاسم اللي حب يطمن عليها:بعده راسج يعورج؟ ريم اللي ماتبا اخوها يشغل باله مع انها مب بخير بس ماحبت تكبر السالفه:لا جاسم:عيل ياللا قومي بسرعه ترى ماباجي وقت ..انا بسير اتريق لا تتاخرين وهو توه بيمسك مقبض الباب ياه صوتها:جاسم لف عليها وحط عيونه بعيونها:شو؟ ريم:لا تخبر حد عن البارحه وخصوصا امي امنه جاسم اللي بس بغى يطمنها لانه مايحب يخبي شي عن امه امنه خاصة مثل الوضع اللي كانت عليه ريم البارحه:انزين مابخبر حد بس هي خافت يسوي مثل المره اللي طافت يوم خبر امنه عنها قالت:احلف انك مابتخبر أي حد وبيبقى سر بينا حنا الاثنين جاسم اللي يعرف نفسه زين ماراح يقدر خوفه عليها يجبره يقول قال:خلاص اوكي ريم اللي تبا تلزمه بكلمته واكيد اذا حلف مابيخبر:احلف سكت وتنهد ولاح راسه ونزله وهو مغمض عيونه وبعد ثانيه طالعها مع انه مب مقتنع بس دامها تبا هالشي فهو ملزم يلبيه:والله مابخبر حد لا هو خوف ولا شك بس نظرنها له دور التاكيد على حلفه:وعد؟ تضايق منها وعصب:ريم تراني حلفت شو تبين اكثر ريم اللي تجاهلته وبس شي في بالها انها تتاكد من كلامه:وعد؟ جاسم:اوفففف..وعد شي غير.؟ تراخت نظرتها بس ملامحها مثل ماهي:خلاص سير بلحقك وهو يفتح الباب:اوكي طلع وهي يلست شوي عابسه ومتضايقه بعدين نزلت ويت عينها على الدرج والاغراض معفوسه فيه فكرت في الحبه عبست وكملت طريقها للحمام... | ||||
|
| |
|
| أدوات الموضوع | |
| انواع عرض الموضوع | |
|
|
3Likes
العرض العادي
