كل يوم لك حال جديدة.. مرة قريب و مرة بعيد/ روايه لملح الحياة وسكرها كاملة

[لامارا]

البارت الحادي عشر,,,



********************************
لفت ولقت خالد بوجهها وطاحت فرشة شعرها من يدها ولفت وجهها عنه وقالت بحدة/خير ان شاءالله وش جايبك؟
تقرب منها وبس حط يدينه على كتوفها بعدت عنه بقوة..
خالد/وضحى..
وضحى بحدة/بعد عني ولاتلمسني لو سمحت..
تنهد وقال بهدوء/حبيبتي انا جاي لك علشان اعتذر..
وضحى/مايحتاج وفر اعتذارك لنفسك ماابيه..
بهدوء قال /حبيبتي..
وضحى/ماابي اعتذارك وماابيك...
تقرب منها وركع لمستواها ولفت وجهها عنه بنرفزة وقالت/روح ماابيك وجودك مو مريحني ابدا...
خالد/انا احبك واسف على اللي سويته ولاقلته وضايقك..صدقيني انا احبك ومدري شلون طلعت مني اصلا ها الكلمة؟
وضحى/روح اضحك على غيري بها الكلمتين..
خالد/وضحى صدقيني..
وضحى/خالد لو سمحت لاتخلي اصواتنا تعلى ..انا هنا مرتاحة واعتقد وجودي قربك يتعبك علشان كذا بظل هنا علطول اريح لنا احنا الاثنين؟؟
***********************************
في بيت ابوتركي كانوا كلهم قاعدين بالحديقة يتقهون ماعدا ام تركي اللي لحقت ابو تركي يوم دخل ونوف اللي كانت موجودة معهم بس عقلها رايح لبعيد..
مشاعل/نف نف وين سرحتي؟
نوف/...........
عبد الله ابتسم وهو يشوف نوف سرحانة وصدق مو معهم.../ماهي معنا من جد مو تمزح؟
مرام/اكب عليها مويه ولااصارخ بوجهها علشان تنتبه..
تركي بحدة خفيفة/وسرحت وين المشكلة؟وش فيها يعني؟محد له حق يسرح شوي!!!
حصة بقهر/على الاقل تحترم الموجودين؟
تركي بحدة قوية/انثبري انتي احفظ لكرامتك ولاتخليني اغلط عليك...
سكتوا كلهم بعد ها الكلمة وبعد ثواني رفعت نوف راسها يوم انتهى شرودها وقامت تناظر فيهم وهم ساكتين وبهمس قالت لمشاعل/ميشو وش صاير؟
ثواني بس وانفجرت مشاعل تضحك وهي تقول لعبدالله/تساْلني الاخت وش اللي صاير؟
عبدالله وهو يبتسم/صباح الليل توك صحيتي من شرودك يابنت!!
نوف استحت من عبدالله وابتسمت تداري فشلتها وجتهم ام تركي وهي تضحك..
مشاعل/اشوف الضحكة مالية الوجه وش قايل لك الغالي؟
ام تركي وهي تجلس بينهم/عطيني البشارة واقولك؟
مشاعل بترجي/لاتكفين قولي بدون شي؟
ام تركي/ابوكم يقول كلمي خواتك واخذوا البنات طلعوا غيروا جو ولاتحاتون شي أي شي بيكون على حسابه...يمه نوف شفيك؟
نوف بارتباك/ها...ولاشي؟
ام تركي/بس منتي معنا يايمه؟
نوف/الا خالتي بس صفنت شوي...
حصة بضيق/كثرانه صفناتك يابنت العم؟
***********************************
الجد ابو خالد/اقول مشعل...
مشعل/نعم يبى...
الجد ابو خالد/انت اللحين كبرت وصرت بئر اسراري..
مشعل/بئر مرة وحدة عاد ياجدي؟
الجد ابو خالد/اوووف انت دايم تقاطعني ماتخليني اقول شي مثل الاوادم؟
مشعل وهو يشرب بيبسي/قول يبى قول ولاتزعل انا اسمعك..
الجد ويقال انه مستحي من مشعل/انا طلبتك قول تم..
مشعل/زين لشنو عاد؟
الجد بخجل/انا ابي اتزوج؟؟؟قالها ونزل راسه بسرعة مستحي من مشعل وظل مشعل ساكت فترة طويلة لين رفع الجد راسه وقال بسرعة/ها شقلت؟
مشعل بذهول/شقلت على شنو ياجدي؟
الجد/على موضوع زواجي؟
مشعل بلامبالاة/وانا شكو ؟؟؟
الجد/يعني موافق ولالا؟
مشعل/ليه ان شاءالله انا العروس وانا مدري؟
الجد/انت رايك يهمني؟
مشعل/ليش؟
الجد/لانك بئر اسراري؟
مشعل/اوووف ردينا على محيط الاسرار هذا؟
الجد/مشيعل لاتسخر مني يايبى..
مشعل/ياجدي انا مااسخر منك بس اذيتني كل شوي وقلت لي بحر مدري نهر مدري بئر اسرار واسرار..يعني من زينها من اسرار؟
***********************************
نورة/انتي جايتني مغثة يعني؟
ياسمين/شسوي فيك فرحانة لي بها الايميل اللي عندك؟
نورة/مدري بس حاسة ان في تغيير بيصير؟
ياسمين/بالله ماتقولين لي وش اللي بيصير؟
نورة/............
ياسمين/انتي اساسا فكرتي وش بتقولين ولاشبتسوين؟
نورة/بضيفه عندي..
ياسمين/واذا ماقبل الاضافة؟
نورة/غصبا عنه يقبلها؟
ياسمين/ليه هي السالفة بكيفك؟وش بتسوين ياحظي لو ماقبل..
نورة/بدز له مسجات ورسايل..
ياسمين/وش بتقولين فيهم؟
نورة/يكلمني ضروري...لاني اعرف نورة؟
ياسمين/طيب فيني اسالك سؤال؟
نورة/شنو؟
ياسمين/اذا قال انا مااعرف منهي نورة يعني بالعربي اهله يبونك ومو عاطينه خبر شبتسوين لحظتها؟؟
***********************************
بتنامين...
لفت نوف لتركي اللي كان وراها وهي رايحة لجناحها هي ومشاعل وقالت/لا..
تركي/شفيك..
نوف/ولاشي...
تركي/أي بس سرحانك زايد اليوم؟
ابتسمت ونزلت راسها وظل يتاْملها وهو ساكت...
نوف/تبي شي؟
تركي تنحنح../ها..لابس كنت ابي اعرف وين ودك تروحين؟
نوف/مدري أي مكان بعيدا عنكم..
تركي/افا..
نوف/ههههه هم قالوا كذا طلعة مافيها انتم..
تركي/لاخلاص انا زعلان منك...
نوف/اوووف زعلان مرة وحدة؟
تركي/أي ولاتحاولين تراضيني!!
نوف/ههه تريك لامااصدق انت تزعل مني!!
تعالي حضنيه بعد!!!!
لفوا اثنينهم لحصة اللي كانت متسندة على الجدار اللي وراهم...
***********************************
كان مشعل بيطلع من البيت وانتبه ان جده يلحقه وين ماراح..
مشعل/جدي في شي؟
الجد/أي..
مشعل/شنو؟
الجد/مارديت عليّ؟
مشعل/ارد عليك بخصوص شنو ياجدي؟
الجد/ماقلت لي موافق ولالا؟
مشعل/موافق والف مبروك بعد..
الجد/يعني خلاص نروح نخطبها بكرة...
مشعل/منهي؟؟
الجدوهو منزل راسه من الحيا/جدة صاحبك اللي جتنا البيت؟
مشعل بصدمة/شنو؟؟
الجد/شفيك قايل شي انا؟
مشعل/بس ياجدي...
الجد/ولا بس ولاشي يابخت من وفق راسين بالحلال..
مشعل بارتباك/جدي انت مو فاهم شي...
الجد/اهبل انا مو فاهم الا فاهم ونص..
مشعل وهو يحاول يرقع السالفة/جدي انا قصدي اقول انها متزوجة يعني كيف بتتزوجها!!!
***********************************
غمضت عيونها بعد ماقالت اللي في خاطرها علشان تداري دموعها وهي متوقعة ان خالد مشى...وبس فتحتهم لقته متمدد على سريرها..
وضحى بذهول/انت شتسوي؟
خالد/قومة من هنا مو قايم..
وضحى/أي بس انا..
خالد/بتغذيني ولالا..
تنهدت وضحى...
خالد/حرام عليك تراني ميت من الجوع؟
قعدت على طرف السرير ونزلوا دموعها وفز لها بسرعة..
خالد بحنان/وضحى انا احبك..
وضحى من بين دموعها/وشهوا الحب ياخالد!!!ان احنا نجرح غيرنا بدون مانحس؟
خالد بتنهد/صدقيني انا ماكنت قاصد انتي بس لاتصيرين دلوعة ياام وليد؟
حطت يدها على بطنها وقالت بخوف/منو قال لك؟
خالد/قال لي عن شنو ياوضحى؟
ندمت انها تسرعت بتساؤلها بس هي سئلت بحسن نية وكرر خالد سؤاله لها
خالد/قال لي عن شنو ياوضحى؟؟؟؟
***********************************
في البارت الجاي...
*حصة وتركي ونوف وش راح يصير بينهم بعد الكلمة اللي قالتها حصة؟
*خالد ووضحى وهل هو فعلا جاي يصالحها وبترضى ولابينقلب حالهم؟
*مشعل وهل بيقدر يتهرب من طلب الجد وشنو بيكون موقف الجد ؟
*طلعة البنات وين بتكون وهل بتصير لهم مواقف فيها ولالا؟

[لامارا]

البارت الثاني عشر,,,,,,,,,,




////////////////////////////////////////////
حصة/ماتحضنينه بعد!!!
نوف بلعثمة/انا...انا...
حصة بصوت عالي/انتي وحدة ماتستحين على وجهك ولافيك من الحيا أي لون؟؟؟واقفة مع ولد عمك وانتي قاطة الميانة بينكم...وش اللي يدور براسك وتخططين له يانوف؟
نوف وهي تبكي/حصة شها الكلام!!!
حصة/يالله بري نفسك اللحين انا قايلة اللي ماتربوا على السنع من البداية....سكتت يوم جاها كف من تركي اللي كان يغلي من العصبية وشهقت نوف بقوة وحطت يدها على فمها لانها اعتبرت حركة تركي بداية لمشاكل جديدة بتواجهها...
حصة بقهر/تضربني ياتركي علشان ها الزبالة؟
تركي بعصبية/اذا مابلعتي لسانك قسم بالله لااقطع العقال هذا عليك!!انتي ماتستحين انتي..عيالك بيصيرون طولك وانتي تفكرين كذا؟
حصة تكلم نوف بعصبية/كله منك انتي طلعي من بيتنا...
مسكها تركي من كتفها بقوة/مالك شي بها البيت سمعتي ولالا؟
تركها يوم شاف نوف نازلة الدرج تركض وراح يلحقها وهو يناديها/نوف نوف..نوف اوقفي وين رايحة...
**************************************
الجد/انا ابي افهم انت من شنو خايف؟
مشعل/انا مو خايف بس قلت لك الحرمة متزوجة؟
الجد/احلف انها متزوجة؟؟
مشعل/والله العظيم...
بانت الخيبة على وجه الجد وسكت وحس مشعل بالانكسار لان مهما كان جده اطيب من جدته ومايرفض لهم طلب حتى مع كلامه وحنته..
مشعل/بس ولايهمك ياجدي الحل عندي وانا ابو مشعل..
الجد باامل/وش بتسوي يعني؟
مشعل/نطلقها من زوجها..
الجد بغباء/شلون؟
مشعل/نشوف شكثر يبي علشان يطلقها ونعطيه؟
الجد/هذا رايك يعني؟
مشعل/أي..
الجد بارتباك/أي بس اخاف خالد مايرضى...
مشعل/خلاص اجل خلي خالد يدور لك جدة صاحبه وتزوجها..
الجد/اووف..
مشعل/انا ابي افهم منو اللي كلمته تمشي انت ولاخالد؟
الجد/انا طبعا..قالها بثقة مهزوزة
**************************************
طلعت الشارع تركض وهو وراها وكانت دموعها مغطية عيونها وهي ماتشوف شي ولاتسمع الا اسمها اللي كان يصارخ تركي فيه وماانتبهت الا وهي قدام سيارة تمشي بسرعة وتعرقلت وطاحت قدام السيارة..
لحظتها بس طاح قلب تركي وجاها مثل المجنون وهو يركض وصاحب السيارة طلع منها وهو خايف وقامت نوف بسرعة وهي تبكي
نوف وهي تكلم صاحب السيارة/تيسر انا مافيني شي..
الرجال بخوف/متاْكدة؟
نوف/أي انت ماصدمتني انا طحت قدام السيارة بس..
تركي بخوف وهو يهمس وراها/نوف...
نوف بدون ماتلف له/صدقني ياتركي مافيني شي خله يروح..
ركب الرجال سيارته ومشى وظلت واقفة وتركي وراها وهي عاطيته ظهرها
تركي بخوف/نوف..اعقلي وتعالي وين رايحة انتي؟
من بين دموعها قالت/اتركني ياتركي..اتركني اروح..
تركي باصرار/مستحيل..
نوف بعصببيية/لاتخليني اقسم ارمي نفسي على اول سيارة تجي ياولد عمي...
**************************************
خالد/سئلتك وماجاوبتيني؟
تنهدت وسكتت..
خالد/وضحى وش صاير؟
وضحى/شي كنت بقولك عنه اليوم بس انت ماعطيتني مجال..
خالد/شنو؟
وضحى/.........
خالد/طيحتي قلبي يابنت الحلال شصاير تكلمي؟
وضحى/خالد انا حامل...
خالد بذهول/شنو؟رفعت راسها تناظره وابتسمت وفي عيونها الف دمعة وقالت باسى/ليش مافرحت!!
خالد بنرفزة/لان مو وقته مااتفقنا نجيب اللحين؟
وضحى بهدوء/عارفة بس الموضوع صار شسوي..
بعصبية اكبر قال/مستحيل مو قبل ماتنفك عقدتك مع الامومة؟
وضحى بحدة/شتقصد؟
خالد/وضحى انتي مو بقد تجيبين عيال اللحين..
كل تفكيرها كان في انها تمسك دموعها لاتطيح قدامه..مو يقول انه يحبها طيب ليش يجرحها بها الكلام!!!
خالد/انتي لازم تنزلينه؟
بهدوء وبدون مقدمات قالت/خالد..اطلع برى...
خالد بذهول/نعم؟
مسحت دموعها اللي ماقدرت تخفيهم اكثر ورفعت راسها/اعتقد لي حرية الاختيار بينك وبين اللي في بطني...وانا اخترته هو وماابيك ياخالد..تفضل روح كمل حياتك وتجريحك لغيري!!!
***************************************
رجع البيت وهو بقمة ضيقته وعصبيته وكانت امه قاعدة ومعها حصة وعبدالله بس واول ماشاف حصة بوجهه صارخ فيها..
تركي بعصبية/طلعي برى ,,,تسمعيني برى ولاعاد اشوفك بها البيت؟
ام تركي بذهول/تركي وش ها الكلام ياولدي!!!
حصة قامت تبكي..
عبدالله/تركي شصاير؟
تركي بنفس العصبية/ماابي اشوفها بالبيت..
فوضى هي فوضى....
لفوا لاابو تركي اللي جاي وراهم يوم سمع صراخ تركي...وسكتوا كلهم يوم شافوه واقف وسطهم..
ابو تركي بحزم وهو يكلم تركي/انا بعدني عايش مامت..يعني محد ياْخذ مكاني..
تركي/لك طولة العمر يبى..
ابو تركي/ومني لين الله ياْخذ امانته بيتي مفتوح لكل عيالي ياتركي..
تركي/يبى انا ماطردتها الا لانها...
قاطعتهم مشاعل وهي جاية توها من فوق/وين نوف اجل انا مو شايفتها؟
التقت نظرات تركي بحصة وقال بقهر/سئليها هي تدري وينها نوف؟
سكتوا كلهم وناظروا في حصة اللي ارتبكت من نظراتهم كلهم...
ابو تركي/وين بنت عمك ياحصة؟
تركي تنهد وجلس على اول كرسي صادفه وقال/ماهي هنا؟
ام تركي/ماهي هنا؟وينها فيه اجل؟
عبدالله بلؤم/انتي مزعلتها ياحصة؟
مشاعل شهقت/لايكون سوت بنفسها شي؟نوفوا اعرفها تسكت تسكت وبعدين تسوي شي مايخطر على بال احد؟
ابو تركي بحزم/وينها بنت عمكم تكلموا؟
تركي بضيق/عند سعود عيت ياتروح عنده ولاماهي رادة..
حصة بقهر/احسن بالناقص هي ماسكنت معنا في البيت الا علشان تفرقنا؟
ابو تركي /كلمة وماني بعايدها ياحصيص انا ماابيك تقولين لي وش سويتي ولاقلتي لبنت عمك ياسودة الوجه بس ياتروحين اللحين لبيت سعود وتعتذرين منها على اللي هببتيه وتردينها معك وتدخل البيت قبلك ولابيتي يتعذرك طول العمر ومو اخوك اللي يطردك منه انا اللي ماابي اشوفك طول عمري؟
ام تركي /يايمه حرام عليك البنت يتيمة ومن صغرها عايشة معنا انتي ليش منتي عادتها وحدة من خواتك بس!!!ترى ذنبها برقبتنا لو صارفيها أي شي انتي شقايلة لها بس؟
**************************************
بعد يومين في مزرعة تركي ونواف(نواف وتركي عندهم مزرعة بالعزيزية ونادرا مايروحون لها الاهل )
ياسمين/وشلون ردت بعدين؟
مشاعل/راحت لها حصة طبعا لان ابوي مارضى يتحرك من مكانه الا اذا نامت نوف بفراشها..
نورة/واااي حصيص غريبة معقولة تفكر كذا!!
ياسمين/بنات نف نف جاية سكروا السيرة ..
نوف اللي توها جاية عندهم/وراكم قاعدين هنا؟
مشاعل/وين تبين نروح؟
نوف/وين نروح!!!نتمشى بها المكان الحلو؟
ياسمين/اول ننزل في بركة السباحة..
نورة باعتراض/لا حبايبي اول نشبك مع فارس..
نوف/قلبي وجهك انتي مع وجه العنز!!
مشاعل/ههههه
نورة/نوفوا اعقلي...
ياسمين/ها نوير اشوف غيرانة على الحبيب ومقهورة لانهم غلطوا عليه؟؟
نورة بضيق/أي حبيب انتي بعد!!!
ياسمين ونوف ومشاعل/ههههههههههه
**************************************
في مطبخ المزرعة...
ام سعد/وضحى يمه علامك وجهك مصوفر مالك بالعادة..مرضانة؟
وضحى بشرود/شوي..
ام مشعل/اكيد ماْخذة برد...
وضحى بنفس الشرود/يمكن..
ام مشعل بحنان/ديري بالك على حالك يمه...
ام سعد بغمز/اخاف في شي جاي لنا بالطريق؟
وضحى بضيق/لاابدا مافي شي...
ام سعد/وليش كذا واثقة؟
وضحى بلعثمة/لان خالد مايبي اللحين؟
ام مشعل/وش عليك من خالد انتي!!
وضحى/شلون شعلي منه؟
ام سعد/يايمه ياوضحى..هذا غشيم مايفتهم وش معنى عيال ..بكرة اذا شافهم قدامه وشال وحط فيهم بيدينه بيحس وش معنى الابوة؟
وضحى/أي بس انا ماابي..
ام مشعل/سمعيها مني ياام وليد انتي تقولينها اللحين وانتي بشبابك وطيشك بكرة يمشي فيك الزمن وتتحسرين انك مامليتي البيت عيال....ياام وليد بكرة تكبرين وماتقدرين على العيال وغربالهم ولاعلى الحمل....الا لؤلؤة وينها ماجت؟
وضحى/بتجي بعدين بيجيبها نواف رجعته من الدوام...ماكانت نايمة زين البارحة وقالت بتريح شوي قبل لاتجي...
**************************************
البنات وهم يتمشون بالمزرعة,,,,
نورة/وااو شي ها المزرعة صراحة...
نوف/والله ينطلع منهم تريك ونويف...
مشاعل/زين يسمعونك ثنينهم وانتي تتكلمين عنهم كذا!!وقسم بالله انك تصيرين تحت التراب...
البنات/ههههههههه
نورة/اقول بنات حلوات....
مشاعل/احم احم...لاتردين نوف الكلام لي لاني انا الحلوة....نعم تفضلي اخت نورة شبغيتي تقولي...
نورة وهي تناظر بياسمين/مالاحظتوا ان الاخت المصونة من انطرى نواف انطمت!!!
لفوا ثنتينهم يناظرون بياسمين اللي كانت سرحانة وهي واقفة عند باب المجلس وتناظر بصورة نواف اللي كانت معلقة والباب كان نص مفتوح....

[لامارا]

البارت الثالث عشر,,,



////////////////////////////////////////
قامت وضحى من مكانها وغسلت وجهها,,لازم تغير نفسيتها شوي لانها قاعدة وسط جماعة والمفروض انهم مايلاحظون ضيقها وزعلها..بس لحظة ياوضحى لو يكون خالد قايل لهم شي عن البيبي اللي جاي وانك حامل وانتي توك نافية الخبر وش بيكون موقفك منهم؟؟؟؟؟لالالا ما اعتقد ابدا ان خالد يسويها..اسا ساً هو لسه ماوصل لحل بينكم كيف بيقول لهم..هو متضايق ومابعد حسم الموضوع معك ياوضحى لاتخلين الافكار تاْخذك وتوديك.....
وضحى....وضحى...وضحى...وين القهوة؟
انتبهت وضحى من سرحانها على صوت خالتها ام خالد تناديها....
وضحى/ها...
الجدة ام خالد/لا تو صحيتي يعني صباح الانوار..
وضحى باعتذار/اسفة خالتي كنت سرحانة معليش سّمي..
ام خالد/اقول وين القهوة؟
وضحى/ان شاءالله اللحين اروح اجيبها لك..
**************************************
نواف/ها شلون النفسيات اليوم؟
تركي/ماشي الحال..مارجعت نوف للبيت وانا مصدق!!
نواف/لو مارجعت ياتركي وش كنت بتسوي؟
تركي/تصدقني لو قلت لك...
نواف/وفيها شك اني مااصدقك عاد...
تركي/كنت بروح اخطبها من سعود ذيك الليلة...
نواف/اوووف مافيه تفاهم ابدا!!
تركي/انت مو متخيل شلون ان البيت مايضم نوف..معناته مافي حياة..
نواف/والله انا خايف ان ها النوف تصدمك ياتركي على الفاضي..
تركي بضيق/نواف خلني عايش على حلمي واللي يعافيك بلاكسر خواطر...
نواف/تدري وش اللي بخاطري اللحين؟
تركي/شنو؟
نواف/اروح المزرعة..
تركي/منة هين علشان البنات رايحين تبي تروح...؟
نواف/فهمتني غلط؟
تركي بحذر/شتقصد؟
نواف ببتسامة/ابي اروح اخرب جو ياسمين!!
**************************************
مشعل/خليلوه خليلوه ..خليلوه خليلوه..
سعد/وحبيبي وحبيبيوه..حبيبي وحبيبوه خليها على الله,,,
الجد وهو ماسك الكورة وحاط له كاب على راسه ومتسند على الباب/وياجعلك نصيبي.. واقولك حلالي
لفوا له اثننيهم/هههه
الجد مسوي ثقل/ها مشيعل وش صار على السر اللي بينا؟
مشعل وهو يغمز لسعد/مدفون ياجدي..
سعد وهو مسوي غبي/شا السالفة؟
الجد/ولاشي..
سعد/لاوالله انا حاس ان في شي...
مشعل/ابدا سلامتك...
الجد/شنو يعني مافي اسرار بين الابو وولده؟
سعد بتفلسف/أي بس ياجدي انت جد شايب ولست اب؟
مشعل بتمثيل/استح على وجهك يالتيس الاربد هذا جدك جنتك ونارك تقوله كذا!!تقوله انت جد؟
سعد/وش اقول اجل!!!هو جد انا ماتبليت عليه؟
الجد رمى الكورة على سعد /قليل الاداب اللي مايستحي اصلا يكون بعلمك اني اصغر من ابوك؟
مشعل لف للجهة الثانية علشان يكتم ضحكته اللي شوي وتطلع بقوة اما سعد مامسك نفسه قال بسرعة/هذا اقوى صاروخ طلع من الارض ياجدي؟
الجد يتهرب من الموقف/امشي بس ياولدي مشعل ماعليك منه هذا راعي مشاكل؟
**************************************
التموا البنات جنب بعض علشان يشوفون فارس اذا كان بيرد على نورة....
دزت له ايميل(ابيك تضيفني عندك)ومارد عليها....بعدها رسلت له(ابي اكلمك بموضوع ضروري وخاص)وبعد مارد عليها....
مشاعل بطفش/بنات اخاف اللحين مو وقت..
قاطعتها نورة بسرعة/لا بلى اللحين يكون بمكتبه ومايرد الا تسع الليل انا سمعت من اخته روان...
ياسمين/ياسلام سلم حتى مواعيد العمل حافظينها؟
مشاعل بغمز/ويقولون مانبيه؟
نورة بنرفزة/سكتوا واللي يعافيكم مالي خلق شي نهائيا!!
نوف/اكتبي شي قوي..
نورة/مثل شنو يعني؟
نوف/مدري..بس شي يخليه يكلمك ويرد عليك؟
**************************************
عبد الله/فيني اشوفك اليوم؟
عبير/مااعتقد..
عبدالله/أي بس انا من زمان ماشفتك؟
عبير/ماعليه حبيبي
عبدالله/طيب وراك مستعجلة كذا!!
عبير/بروح اتغذى...تعرف بيتنا مايتجمعون الا ساعة خمس مع رجعت عوض اخوي من دوامه..
عبدالله/يابختكم وانا الفقير مرمي بها البيت بروحي؟
عبير/أي صدق ليش مارحت معهم؟
عبدالله/مايبون احد وبعدين اروح اقعد مع منوبالله؟
عبير/يعني ماتغذيت لسه؟
عبدالله/لا ابوي مارجع من الشركة اليوم وتركي مايرجع بها الوقت وانا جالس بروحي..
عبير/ياحرام..
عبدالله/كني بكسر خاطرك وبتتنغصين لي من اكلكم اليوم وبتجيبينه لي البيت نقصة؟
عبير بذهول/جنيت انت اجيك البيت عاد؟
عبدالله/شفيها..
عبير/لامستحيل طبعا توك تقولي انا بروحي في البيت؟
عبدالله/ومن قال انك بتدخلين انتي بتعطيني صينية الاكل من على الباب وبتمشين...ها شقلتيّ
*************************************
ام سعد/وين العيال اجل؟
ام مشعل/مع ابوي..
الجدة ام خالد/اللحين بيجون مسوين مصيبة الله يستر منهم؟
ام تركي/حرام يمه هم صدق عليهم حركات بس دمهم عسل..
ام خالد/الا تبن!!هذولا مايجي من تحت راسهم الا المصايب اللهم ياكافي؟
ام تركي/لا عاد الاسعيدان وعليان انا ماارضى عليهم هذولا عيوني المركبة..
ام خالد بكره وحقد/لانك ماتشوفين حركاتهم اللي تغث القلب..جربي يوم عيشي معهم شوفي اذا ماشاب راسك؟
ام تركي بتمني/ودي والله ودي ومنى عيني يجون عندي البيت يونسوني..
ام سعد/اقول ام تركي..
ام تركي/هلا يااختي..
ام سعد/ليش حصة ماجت تتونس معنا اليوم؟
تنهدت ام تركي بحسرة../اه بس اه...شقول بس شقول..
ام مشعل بخوف/عسى ماشر..
ام تركي/الشيطان داخل بينا..
ام سعد/لالالالا وش ها الحكي يا وخيتي وش صاير...
ام مشعل/تكلمي تراك طيحتي قلوبنا
ام تركي/قبل يومين كانت جاية البيت و...............عدلت الجدة نفسها علشان تسمع السالفة عدل,,,
**************************************
(ابي اقولك شي عن نورة يافارس)
تمعن فارس بالكلام اللي مكتوب قباله...بالاول طنش يوم لقى ابيك بموضوع ضروري وخاص بس هذا اكبر من الخصوصية كلها هذا فيه نورة؟بس منو ياترى هذا...
قبل الاضافة علشان يشوف وش السالفة..
((فارس/خير في شي؟
نورة/سلامتك..
فارس/قبل كل شي منو معي؟
نورة/ناس قريبة...
فارس/كثيرة هي الناس القريبة منو بالضبط انت منهم؟
نورة/ناس تعرف عن فارس ونورة؟
فارس/وبعدين؟
نورة/..................
فارس/اقول وبعدين؟
نورة/نورة تحب واحد غيرك يافارس وبيتزوجون ..انساها؟
طالعوا البنات في بعض يوم طول فارس في الرد ودقت قلوبهم من الترقب وانفتحت عيونهم على وسعها يوم شافوا رد فارس..
فارس/اللحين تاْكدت اني ضيعت وقتي سدى معك وانك وحدة غيرانة من شيخة البنات)
**************************************
الجد/مشينا..
مشعل يتعيزز/لاجدي السموحة..
الجد/ليه في شي؟
مشعل بتمثيل/لا سلامتك بجلس هنا..
سعد بتمثيل اكبر منه/بلى فيه...
مشعل/لاياخوك لاتقول...
سعد/الا بقول...
مشعل/ان قلت لااعرفك ولاتعرفني..
سعد يسوي نفسه يقنع مشعل/يبى عادي هذا حسبة ابوك والمفروض ماتستحي منه..
مشعل/أي بس جميله مغرقني ياخوك...
الجد وهو يناظر بينهم مثل الاطرش بالزفة.../شا السالفة؟
سعد/بقول..
مشعل/لا ماتقول..
الجد باصرار/قول ياسعد شصاير؟
لف مشعل وجهه يقال مستحي..
سعد بتمثيل اكبر/الاخ مفلس ومحتاج ثلاثمية لفاتورة الجوال والمدرسة يبون طلبات لاحصر لها ولاعد..
الجد/بس يبى مشعل تعال ولايصير شي بخاطرك لك كل اللي تبيه,,,اللحين الله يهداك احنا بينا كلافة امشي معي بس امشي..
مشى الجد قدامه ومشعل وسعد يتهامسون /اجل المدرسة يبون طلبات؟
سعد بنفس الهمس/على الاقل احسن من ان جدي يكون جنتي وناري لاني صدق مابدخل الجنة لو هي تحت رجله؟؟؟؟
**************************************
بعد صلاة المغرب,,,
خالد بترجي/عادي اجلس معكم..
ياسمين/لا..
خالد/أي بس انا واسطتي قوية..
مشاعل/لاتحاول..
خالد/كلكم محارمي مدري انا محرم بالنسبة لكم يعني عادي...
نوف/الا انا...
لؤلؤة/وانا؟
خالد/انتوا من وين طلعتوا ياحافظ؟
البنات/ههههههه
خالد/انتي يالؤلؤة بنت عمي واخت مرتي مافي أي اشكال..
نوف بثقة/وانا؟
خالد/انتي عاد انا مربيك مع مشاعل من الصغر..
نوف/يعني كل اللي بيني وبينك مايجي خمس سنين متى ربيتني؟؟بس ميخالف روح ربي مشاعل من جديد بعدين تعال وتدخل ان شاءالله؟
البنات/ههههه
مشاعل بهبال/ليه تحسون يبيلي تربية من جديد؟
ياسمين/تصدقين عاد شكلك صاير تحفة...هههه
مشاعل/اقول خالي ادخل وماعليك منهم بس ادخل برجلك اليمين وسمي وصلي على النبي لاتحسد مزرعة اخوي..
خالد/وانا اقول محد يفهمني غير شعلولة القمر..
مشاعل/فديتك انا بس قبل لاتدخل بوكك وجوالك طال عمرك..طبعا للضرورة الامنية

[لامارا]

البارت الرابع عشر,,,


//////////////////////////////////
خالد/والله عاد غصبا عنكم بدخل,,,
نورة/ها خالي بدينا؟
خالد/نواف مابعد مشى وكاهو بيدخل المجلس..
ياسمين بقهر همست لنوف اللي جنبها/وش ها المنة ياربي ماتسوى علينا جينا مزرعته!!!
نوف/نزلي صوتك لايسمعونك الاوادم؟
ياسمين/اوووووف..
خالد/وش عندكم تتهامسون انتي واياها؟
ياسمين/سلامة عمرك مالك شغل,,
هههههههههه
خالد/انتوا بس شفتوني عاطيكم وجه خلاص ترى اللحين اوريكم العين الحمرة..
نورة/وش بتسوي يعني؟
خالد/ابدا..بس بقطع ها العقال عليكم..
نوف/أي صدقناك عاد...
هههههههههههههههه
مشت لؤلؤة عنهم وبعدها قالت مشاعل/الا...خويلد شسالفتك ماسالتنا اليوم عن شي وماهو من عوايدك؟
خالد فهم بس سوى روحه مضيع/انا..عن شنو؟
مشاعل/وضحى...
خالد/.........
ياسمين/شكلكم متهاوشين؟
خالد بدون اهتمام/لاعادي بس كلمتها وعرفت اخبارها ليش اسالكم عنها بعد؟
نوف/مو صحيح الكل ملاحظ ان مرتك مو طبيعية اليوم؟
مشاعل مسكت يده وقامت تغني/ياقلبي انت الفقير...صالحها يعني شيصير...مدام وضحى ياقلبي دلوعة لازم تصير...
**************************************
اما برى المزرعة كان نواف واقف عند الباب وهو يتحلطم بروحه.....
وبعدين يانواف بتظل واقف لين يطلع لك خالد اللي من دخل نسى عمره!!!
أي طبعا لازم انتظره فشلة ادخل واروح المجلس بروحي..بس دخلتي داخل هي بيت القصيد لجيتي هنا...لو ظليت بالمجلس ياسمين ماراح اشوفها ولا بوصل لها؟طيب اللحين اذا شفتها شقول لها؟هاذي مشكلة ثانية يانواف مافكرت فيها..
تدري شلون انا ليش حارق دمي عليها بشوفها وبكلمها خلها تولي بللي مايحفظها ان شاءالله,,
///////////////////////////////////////////////////////////////
مشعل بهمس/مو كاْنك فلست جدي اكثر مني على اساس اني انا المفلس واللي مستحي اقوله؟
سعد/ملزوم يدفع لي مو بصير زوجته على سنة الله ورسوله..
مشعل/هههههه قصر حسك لايسمعك..
سعد/تتوقع لو عرف مافي جدة صاحبك وشلون بتكون ردة فعله؟
مشعل/بيطيح علينا اكيد
سعد/ومتى بنقوله انها بح...
مشعل/مو اللحين طبا خلنا نتبحبح شوي...وبعدها يصير خير
سعد/اقول..
مشعل/قول...
سعد/وش رايك اتزوجه صحيح؟
مشعل فطس ضحك والجد لف لهم وقال بغباء/شفيكم؟
***************************************
في المطبخ كانت واقفة قبال الثلاجة وعاطية الباب ظهرها وماحست على دخلته الا يوم قال لها/شتسوين هنا بروحك؟
انتفض جسمها ومالفت له بس قالت بحدة/انتظرك تطلع؟
خالد/لهدرجة وصلت بينا..انك ماتبين تشوفيني؟
وضحى/اللي مايبيني ماابيه..
خالد/سمعي...
لفت له وقالت بحدة/ماابي اسمع منك ولاشي....
بهمس قال لها/اذا خلصنا العشى تلبسين عبايتك وترجعين معي البيت لازم نتفاهم!!
وضحى/تحلم يابابا...
خالد بعصبية/وضحى...
وضحى/مستحيل اني اروح معك...وعلى فكرة ورقتي بتوصلني؟
خالد بعصبية اكبر/ماهو بكيفك سامعتني انا اللي اقرر ها الشي وماهو لعبة كل يوم والثاني قلتي ابي ورقتي توصلني!!!الزواج مسؤلية يابنت الناس وطالما انك مو قدها تخلي عنها من اللحين؟
احم احم احم...
لفوا اثنينهم لمشاعل اللي عند الباب...
مشاعل/يقولك جدي اطلع تعشى معه هو ونواف في المجلس برى,,
////////////////////////////////////////////////////////////////
باخر الليل كان تركي جاي ياْخذ امه وخواته من المزرعو بعد مامشى الكل ..
تركي/عسى عجبتكم وانبسطتوا؟
مرام/حيييييل
ام تركي/يالله كل وحدة تشيل اغراضها معها ..
نوف/انا ومشاعل جهزنا كل اغراضنا...
مشاعل/نوفوا..
نوف/هلا..
تقربت منها مشاعل وهمست باْذنها وبعدها مشت يوم قالت نوف لها لا...
مرام/وش تبي؟
نوف/ولاشي بس تذكرت انها نست شي ماجابته وراحت تجيبه,,,
ام تركي/روحي جيبي عشى اخوك لاننساه وانا بروح اشيك على المسبح يمكن نسينا شي؟
بعد مامشوا...
تركي/انبسطتوا؟
نوف/نوعا ما...
تركي كرر كلمتها/نوعا ما...شنو يعني نوعا ما؟يعني ماانبسطتي؟
نوف/بيني وبينك كنت افكر بحصة...
تركي/حصة؟
تنهدت وقالت/ماتمنيت الامور بيني وبينها توصل لها الشي اساسا انا فكرت اني مااكلمك اصلا!!
تركي/واهون عليك ماتكلميني؟
نوف/تركي انا ماابي احد يغلط عليك ولاحتى يفكرمجرد تفكير سيء عن انك..
قاطعها باهتمام/انا اهمك يانوف؟
نوف/اكيد تهمني ياولد عمي..انت ماتدري غلاتك شنو بالنسبة لي؟
//////////////////////////////////////////////////////////
يوم ثاني بمجمع الراشد الصباح...
كان نواف عارف انها بتكون هنا لان سمع اخوها امس يقول انه بيجي معها من الصباح وماجت الساعة ثمان الا وهو يدور بالمجمع لين شافهم بعدين على حوالي العشر وانتظر فرصة ان مشعل يبتعد عنها وراح يكلمها...
نواف/وانتي طالعة كذا لاولي ولاهم يحزنون؟
ياسمين بقهرقالت/اخوي معي؟
نواف/امحق هذا اخو اللي معك؟وينه اشوفه؟
ياسمين/راح يتمشى؟
نواف/خوش والله..
ياسمين/وانت مفكر اني بسحبه و بدخله معي محل محل ادخله!!
نواف/انتي من منو ماْخذة اذن انك تطلعين من البيت ان شاءالله!!!
قامت تناظره بقهر وحست انها بتموت منه ومن تصرفاته لكن لا..لحد هنا وبس يانواف رفعت راسها وقالت بقهر/تصدق عرفت اللحين ليش بنت الناس ماقدرت تعيش معك لانك فعلا لاتطاق!!!
نواف بصوت عالي/انا اللي طلقتها مو هي اللي تركتني؟
بدون اهتمام قالت وهي تفك شيلتها من على راسها وتحطها فوق كتوفها وسط نظراته والذهول اللي فيهم/والله؟!!!تصدق عاد لو حلفت لي ماصدقتك؟
قالتها ومشت وهو واقف يناظر فيها كيف تجراْت تسوي كذا...هاذي لازم تتاْدب وتوقف عند حدها؟
/////////////////////////////////////////////
في بيت بو تركي...
عبدالله/صباح الروقان...
مرام/هلا وغلا..
عبدالله/هلا فيك...
مرام/يابعد عمري..
عبدالله/ياقلبي انتي...
مرام /مو كاْنك قلبتها مغازل من الصبح ولالان اليوم خميس يعني؟
عبدالله/ههههههه
مرام/اقول ماسمعت؟
عبدالله باهتمام/لا..وش صاير؟
مرام/في خبر صار وانا عرفته من البارح؟
عبدالله/عن منو؟
مرام/يود ردينا البارح سمعت ابوي يكلم امي فيه؟
عبدالله/طيب يخص منو؟
مرام/مشاعل....
سكت شوي وبعدها قال/احد متقدم لها وخاطبها؟
مرام/أي وابوي موافق عليه لانه يصير ولد اخت صاحب ابوي ...
/////////////////////////////////////////////
العصر في بيت الجد..
طبعا ياسمين رجعت من المول وهي بقمة ثورتها من الاخ نواف وسكرت عليها باب غرفتها ماتبي تشوف احد بس يوم حرقها الجوع طلعت من غرفتها رايحة المطبخ تاْكل شي ويوم دخلت شافت جدها هناك...
ياسمين/سلام...
الجد/كاءنه منة ها السلام؟
ياسمين/جدي؟شقلت انا عاد!!
الجد/مدري عنك قاهرة الرجال..
بضيق قالت/أي رجال؟
الجد/منو غيره بعد ولد اخوي نواف...
دق قلبها بقوة معقولة اتصل وقال لجدها عن موقفهم البايخ..
الجد/البارحة بالمزرعة يادوبه ياْكل؟
ياسمين خفت شوي من توترها وقالت الحمد الله البارح مو اليوم..بعدها قالت بصوت عالي لجدها/طيب وانا شكو اساسا انا ماابيه ياجدي؟
الجد/اسمعي عاد بلادلع بنات..وبتتزوجين نواف غصبا عنك؟
ياسمين/جدي مايصير انا نفسي عايفته كيف تغصوبني عليه!!
الجد/ووجع ان شاءالله اذا سمعتك تقولين ها الكلام كسرت عظامك...
بعناد قالت/ماابيه مو غصب؟
الجد بصراخ/لاتخليني اطردك من البيت ترى بيتي هذا واذا بتكسرين كلامي مالك قعدة فيه ومالك طلعة منه الا على بيت نواف ولا اذا ماتبينه طلعي من بيتي من اللحين ماابيك

[لامارا]

البارت الخامس عشر,,,,



///////////////////////////////////
تركي/وين رايح؟
بروح بيت عمي..
تركي/خير..
نواف/لازم اْادب ها البنت ياتركي؟
تركي/انت هدي شوي..
نواف/شا اهدي بس ياتركي ها المجنونة ماخلت فيها أي هدوء ولارواق؟
تركي/ياولد الحلال اذكر الله...
نواف/لااله الا الله...
تركي/كيف بتروح؟وشنو بتقول؟
نواف/........
تركي/وسالفة ولدك ولامو ناوي تقول لجدي شي عنه بعد!!
نواف بضيق/بقول..
تركي/اسمع يانواف...انتظر لين تجي صلاة العشاء وبعدها روح وكلمه عن سالفة ولدك واذا حسيته طاخ وماهو متضايق كلمه عن ياسمين اما اذا حسيته معصب هدي شوي واجل الموضوع لغير وقت...
نواف/لا انا..ااْجل موضوع ولدي بس مااْجل موضوع ياسمين؟
///////////////////////////////////////////////////////////
في بيت بو تركي كانوا ام تركي وابو تركي قاعدين بالحديقة مع البنات بس,,,,وهم يسولفون ومشاعل تسوي اظافرها وهي تغني وامورها ماشية تمام التمام لين قال ابو تركي..
ابو تركي/اقول ياالعروس..
سكتوا مشاعل ونوف وناظروا في بعض..
وقالت مشاعل بلقافتها المعهودة/مني يبى؟
ابو تركي/البارح يامشاعل تقدم لك شاب من زينة الشباب وانا وافقت,,
بخوف قالت مشاعل وهي فاتحة عيونها على وسعها/شنو يعني وافقت يبى؟
نوف وهي تهدي الموضوع/يعني قصده يقولك انه من ناحيته مو معترض عليه وساْل عنه..
ابو تركي/أي ساْلت عنه يانوف؟هذا ولد اخت ابو سالم صاحبي...اسمه فواز السديري ..الولد يتيم ووارث من ابوه خير واسمه يهز السوق هز..
بضيق قالت مشاعل/أي..ويعني؟
انقذها جوالها اللي دق من اجابة ابوها اللي كان قالب ملامحه من سؤالها وكان خالها خالد هو اللي متصل/الو....هلا خالي....لا..ماشفتها اليوم؟..لاماهي عندي...ولاكلمتني؟ليش!!طيب..ب� �تاْذن من ابوي واذا رضى انا ونوف بنجي,,,
/////////////////////////////////////////////////////////
ام مشعل بقلق/ياربي وين راحت ها البنت؟
الجدة بلااهتمام/قلعتها...
خالد بتاْنيب/يمه..
الجدة/يعني وين بتروح؟ تلاقيها رايحة تزط من ها المطاعم وكاْن طبخ امها مو حلو...
حطت ام مشعل يدينها على را سها وقالت بحزن/ياربي وينك فيه يابنيتي؟
مشعل بخوف/انتي متى فقدتيها يمه؟
ام مشعل والحزن كاسرها/يايمه هي من رجعت معك من السوق حبست روحها بدارها ويوم رحت اصحيها للصلاة صلت ونامت العصر واللحين رحت اصحيها للمغرب لقيت الدار خالية ومافيها احد..
خالد/غريبة هي مو من عوايدها تطلع وماتقول لنا ولاماترد على تلفوناتنا اذا اتصلنا؟
ام مشعل/ياخوي شوفها تكفى...
خالد/هدي ياام مشعل انا دقيت على البنات وسئلتهم قالوا ماشافوها ولاهي معهم ولامرتهم؟
الجدة بحقد/اكيد متفقين معها؟
خالد/يايمه كاهم جايين بالطريق ولو على قولتك متفقين معها مابيتعبون نفسهم ويجون؟
الجدة/تمثيل بتمثيل مااصدق احد فيهم...
ناظروا في بعض وسكتوا...
الجدة وكاْنها تذكرت شي/ان شاءالله بيتعشون هنا الليلة؟؟؟ماتكفيهم ليلة الخميس اذا تعشوا بعد الليلة؟
///////////////////////////////////////////////////////////////////
نواف/انتي شسالفتك؟
وضحى/أي سالفة؟
نواف/ليش بايتة هنا من يومين؟
سكتت وماردت عليه..
نواف بتاْنيب/متخانقة مع خالد؟
لؤلؤة/لاتشغل بالك...
نواف/ياسلام شنو يعني مااشغل بالي؟
لؤلؤة/هي تعبانة شوي ولاالسالفة مافيها هواش...
نواف/انا مو مصدق بس بعديها...
تنهدت وضحى وسكتت...
نواف/سمعوا..
وضحى/خير..
نواف/بما انكم قاعدين بقولكم شي...
لؤلؤة/خير..
نواف/انا عندي ولد..
ناظروا في بعض بدون تصديق وبصدمة قالوا ثنتينهم بصوت واحد/شنو؟؟؟
وضحى/أي ولد؟ومتى جبته؟وشلون؟
نواف/من ريم...
لؤلؤة/ليش انت رديتها يانواف؟
نواف/لا...
وضحى/لا....يعني يوم طلقتها كانت حامل؟
نواف/أي...
لؤلؤة/وغبرتنا!!يعني اللحين ولدك عمره اربع سنين؟
نواف/أي..
وضحى بانفعال/وليش توك تتكلم؟
نواف/ولدي وبكيفي...
وضحى قامت وهي معصبة وقالت/وليش مكلف على حالك وقايل لنا مدام احنا ضيوف شرف عندك؟
///////////////////////////////////////////////////////
وصلوا نورة ومشاعل ونوف بوقت واحد وكانت ام مشعل راكبة غرفة ياسمين تدورها من جديد وكاْنها بتشوفها...
دخلوا الصالة وماكان غير خالد وامه ومشعل قاعدين....
نورة/ها..شفتوها؟
خالد/لا..
مشاعل/وين راحت؟
خالد/انا لو ادري ماساْلتكم؟
نوف/طيب متى فقدتوها؟
الجدة/الناس تسلم اول؟
راحت نوف حبت الجدة على راسها ووراها مشاعل ونورة اللي حبتها بسرعة ولفت لخالد تساله
الجدة بعصبية/شوف ها الوكيحة نوير سلامها من فوق لفوق؟
نورة/احد زعلها ولاقال لها شي؟
الجدة/أي زوجي...
مشعل بضيق اول من تكلم/شنو قال لها؟
الجدة/مدري...
مشعل بتوعد/وانا اقول وينه؟
خالد/طيب يمه انتي ماتعرفين شنو قال لها؟ ولا ليش قال اصلا؟
الجدة/انا مااحب الفتنة..
خالد بنرفزة/يمه واللي يعافيك هذا وقته؟
نوف/وين ممكن تكون بس؟
لف لهم خالد وقال بضيق/انا اللي اساْكم وين ممكن تكون؟
مشاعل بترجي/فديتك يالغالية قولي ليه هاوشها؟
الجدة/علشان نواف..قال لها بيطردها من البيت اذا ماتزوجت نواف؟
خالد بضيق/ليش هو نواف اصلا تكلم وقال ابيها علشان يروح يهاوشها المسكينة؟
نوف/خالد..
لف لها خالد بسرعة/ها نوف,,
نوف/انا ادري وين ممكن تكون ياسمين بها الوقت؟
نورة/تدرين؟
نوف/أي..حطيت نفسي بموقفها وعرفت وين ممكن اروح ومااتوقع بفكر بمكان ثاني,,,
/////////////////////////////////////////////////////////////
شمة/علامك سرحان وتفكر؟
سعود اخو نوف/افكر بنصيب نوف؟
شمة زوجته/ليش هي ماتنازلت لك؟
سعود/لا..
شمة بحقد/ووجعة ليش؟
سعود/لانها كانت قاصر...
شمة/أي...
سعود/واللحين خلاص لازم اشوف لي حل...
شمة/شنو بتقول لها..
سعود/بخليها تسوي لي وكالة عامة وبسوي على اساسه عقد بيع وشراء لنصيبها من البيت والورث...
شمة/ومتى بتكلمها؟
سعود/في العيد..
شمة/اوووف يعني بعد شهرين؟
سعود/انا مالي خلق اروح بيت عمي اشوفها هناك ويسمعني تركي كم كلمة من هنا ولامن هنا. وانتي ماتبينها تجي عندك هنا؟
//////////////////////////////////////////////////////////
لؤلؤة/وضحى شفيك؟
وضحى/ولاشي...
لؤلؤة/منتي ملاحظة انك صايرة عصبية وهذا مو زين على البيبي؟
وضحى وهي حاطة يدها بقهر على بطنها وتتكلم بضيق/أي بيبي انتي بعد!
لؤلؤة/شفيك؟
وضحى/............
لؤلؤة/صار لك يومين هنا وخالد من طلع مارجع..كبرت بينكم السالفة؟
بعصبية قالت وضحى/عساها ماتصغر ولاتنحل؟
لؤلؤة/ياوضحى مايصير..مهما كان هذا ولد عمك وابو ولدك؟
وضحى/......
لؤلؤة/ليش ماتفكرين تصالحينه انتي بنفسك؟
وضحى/مستحيل؟
لؤلؤة/شيلي العناد من بالك..
وضحى/والولد اللي هو مايبيه؟
لؤلؤة/منو قال لك عاد انه مايبيه؟
وضحى/هو بنفسه؟
لؤلؤة/يمكن انه ماتوقع ها الشي ولاانه كان متضايق ولا..
قاطعتها وضحى/لؤلؤة لاتوجدين له أي اعذار الله يخليك..

[لامارا]

البارت السادس عشر,,,,




//////////////////////////////////
كانوا البنات قاعدين بغرفة ياسمين ينتظرون أي خبر يجيهم عنها وكل وحدة منهم نست كل اللي تفكر فيه وشاغلها,,,مشاعل نست صدمتها قبل ساعات قليلة بخبر العريس اللي جاي وموافقة ابوها عليه,,ونورة نست فارس وخيبة املها في انها توصل له ورفضها له اللي لازم يعرفه,,,ونوف نست عبدالله وحصة وسعود اكثر ناس شاغلين بالها,,,
ماظل عالق بذاكرة ها البنات الثلاث الا ياسمين في ذيك اللحظات والمكان اللي ممكن تكون هي فيه اللحين,,,,وليش ماقالت لوحدة منهم على الاقل؟
مشاعل/نوف..انتي وين قلتي لخالد يروح يدور عليها؟
نورة/أي صدق وين قلتيله؟
وقفت نوف قبال النافذة وماردت عليهم,,
////////////////////////////////////////////////
في مجلس ابو خالد...
نواف/عمي بغيتك بسالفة؟
ابو خالد/خير يانواف محتاج شي..
نواف/سلامتك ياعمي..
ابو خالد/اذا قاصرك ولاقاصر البنات شي لايردك الا لسانك يانواف قولي ولاتستحي..
نواف/ربي يسلمك ياعمي والله مو قاصرنا شي..
ابو خالد/اجل شفيك ياولدي يانواف السالفة ماهي سالفة سلام وترحيب لانك البارحة كنت معي بالمزرعة وشايفني؟
نواف/عمي..صراحة انا مو عارف شقول لك..
ابو خالد/قول ولاتستحي ياولدي,,
تنهد نواف بقوة وبعدها قال/عمي انا عندي ولد؟
حط ابو خالد فنجانه من يده على الطاولة وسكت...
نواف/عمي انا عارف انك بتلومني على سكوتي بس صدقني مدري وش اللي خلاني ماافتح معكم السالفة واخبركم...
ابو خالد/من طليقتك؟
نواف/أي..
ابو خالد/وناوي تردها؟
نواف بعصبية/معصي اردها...لاياعمي انا مااردها لو شيصير..
بعد فترة سكون مرت قال له ابو خالد/طيب وياسمين؟
////////////////////////////////////////////////////////////
راشد/انت داق لي يافواز؟
رفع راسه وقال/أي...بس بالاول هلا وغلا,,
راشد/هلا فيك ياولد اخوي...
فواز/اشوف من تقسم الورث بعدت عني ياراشد...
راشد/لابعدت ولاشي بس مشاغل الدنيا...
فواز بدون اقتناع/اها...مشاغل الدنيا اجل!!
راشد/فواز وش عندك؟
فواز/ليش حرام اني ادق لك يعني واتطمن عليك...
راشد/لامو حرام بس انا عارف ان عندك شي وتبي اسمعه..
فواز/طيب..من النهاية انا خطبت ياراشد وقريب ان شاءالله الملكة...
راشد/افا...انا امس متعشي في بيت عمك عادل ماجاب لي سيرة؟
فواز/.......
راشد/انت ماخطبت بنت عمك يافواز؟
فواز/لا..
راشد/لا؟؟
فواز/خالي خطب لي بنت صاحبه والجماعة موافقين؟
سكت راشد ومارد والكلام مبين من ملامحه انه مو عاجبه,,,
(طبعا فواز السديري هذا اللي خاطب مشاعل بنت بو تركي,,,شاب وسيم نوعا ما مايل للسمار يتيم ماعنده غير خاله ابو سالم اللي هو صاحب ابو تركي وبينهم عشرة اما عمامه فمن بعد مااستلم ورث ابوه اللي كان كاتب معظمه لولده بعدوا عنه واللي زاد بعدهم عنه انه ماخطب وحدة من بناتهم...
راشد/يكون عم فواز ومقارب له بالعمر اهم شي عنده بالدنيا الفلوس ويبيع نفسه علشانها وبترجع تقوى علاقته من جديد بفواز بعد ماانتهت بتقسيم الورث لااسباب بتعرفونها بعدين)
////////////////////////////////////////////////////////////
وصل المكان اللي قالت له نوف يروحه..وقف سيارته ونزل وكانت ياسمين قاعدة عند باب المقبرة وحاطة راسها بين رجلينها بس خالد عرفها ووقف جنبها وناداها باسمها ورفعت راسها يوم شافته يناديها..
مسكها خالد من يدها ووقفها على رجولها..وهمس/تعالي...
ياسمين بدموعها/لا..ابي اقعد هنا ياخالي؟ابي اظل جنب قبر ابوي,,,
بحنان قال/تعالي..الدنيا ظلمة ومايصير تظلين واقفة هنا بروحك بكرة اجيبك صدقيني...
مشى معها للسيارة ويوم ركبوا قامت تبكي بصوت عالي..
خالد بحنان/انا ابوك ياياسمين ابوك واخوك وكل شي...
ياسمين من بين دموعها/لاياخالي انت ماتقدر تكون ابوي...وتحميني؟
خالد/افا ياياسمين كذا تقولينها بوجهي!!
ياسمين بتعب/خالي انا احبك واعزك واحترمك كثير بس انت لايمكن تكون..
قاطعها/وش اللي ناقصك عاد ياياسمين و..
لفت وجهها عنه لعند النافذة وقالت باسى/مابتفهمني؟
خالد باصرار/لابفهمك قولي كل اللي في خاطرك؟
ياسمين بتعب اكبر/ابي الامان ياخالي..ابي بيت يضمني ويكون بيت ابوي..ابوي ياخالي ومحد يعايرني اني ضيفة ثقيلة وبنطرد لو مامشيت مثل مايبون ونفذت اوامرهم؟
سحبها خالد من يدها وضمها لصدره وقامت تبكي عليه بقوة وحس هو ان دموعه مغرقة عينه وبيبكي معها بااي لحظة بس شيسوي امه وابوه وتغيريهم مستحيل ومحاسبتهم على كلامهم بعد مستحيلة!!
بعد عنها شوي وقال بمرح وهو يحاول يخفف عنها/اوووف لو يجي احد يشوفنا ويروح يقول لوضحى كان صدق بتخرب بيتي!!
رغم انها متاْلمة ومتضايقة بس ابتسمت له وبادلها هو الابتسامة ,,
//////////////////////////////////////////////////////////
بعد ماوصلت ياسمين البيت علطول لغرفتها وخالد قال لااخته تتركها وماتكلمها لين تهداْ شوي وهي اكيد بتجيها..
وفي غرفتها جلست على فراشها وشالت عبايتها والبنات حوالينها..
نورة/كذا تخوفينا عليك؟
مشاعل/لا صراحة ماتوقعناها منك ياسمسمة؟
نوف/خلاص اتركوها ترتاح وبعدها لكل حادث..
قاطعهم صوت ياسمين اللي انفجر بالبكي وهي تقول/ترى حرقة قلب ان احد يقعد يعايرك انه يطردك من بيته اذا ماسويتي اللي يبيه؟
نورة/يبى جدي وجدتي مرفوع عنهم القلم من زمان من قبل لايشيبوا؟؟ومحد يشره عليهم...
مشاعل/لمتى بنظل نقولك طنشي..
نوف/يابنات خلاص ياسمينة اللحين بتعزمنا على عشى وحبذا لو كان كنتاكي لان ورانا سوالف عظيمة وبالاخص ان مشاعل بتنخطب؟
نورة وياسمين بصوت واحد/شنو؟
مشاعل وكاْنها تذكرت/أي صح ذكرتيني,,خالد ماصدق على الله يشوف ياسمين ..حس انه تعبان حيييل ويبي يحط راسه ويرتاح بعد ها اليوم خصوصا انه من الصبح في الدوام ومن العصر راح بيت ابوه يوم تكلمه ام مشعل تقوله عن ياسمين وللحين وقفته...
دخل الشقة وتفكيره بوضحى ينزايد...وش ممكن يكون الحل ياخالد لمشكلتكم....حياتكم كل يوم لها حال ,,,متى بتستقرون بس؟؟
تنهد بقوة وهو ضايق وفكر يطلع صورة وضحى...حس انه من زمان ماشافها دخل غرفتهم وطلع البومات الصور اللي عنده وجلس على الكرسي بالصالة يطالعهم ووقف عند صورة زواجهم,,,ظل يتاْمل ويتاْمل..لين انتبه لصوت الباب ينفتح لف ولقاها جاية وظلت بمكانها يوم سكرت الباب ولقته يناظرها,,,ظلوا ساكتين فترة طويلة وهم يناظرون في بعض وهو بعده ماسك صورة زواجهم,,,
قطعت الصمت ها المرة وضحى يوم قالت/اقعد ولاما الزمك؟
لف للجهة الثانية ومارد عليها..
قالت وهي واقفة مكانها/هذا يعني اني ماالزمك؟؟؟

[لامارا]

البارت السابع عشر,,,



///////////////////////////////
باْخر الليل في غرفة ام مشعل طقت ياسمين الباب ودخلت لقت امها ماسكة صورتها هي واخوها مشعل يوم كانوا صغار وتبكي وبس شافت ياسمين مسحت دموعها..
ياسمين بخجل/يمه...اقدر اقعد معاك شوي؟
بحنان قالت ام مشعل/تعالي...تعالي يمه...
جت لعند امها طيران وحطت راسها بحضنها وهي تعتذر/يمه انا اسفة على اللي صار اليوم..
ماتكلمت امها بس حطت يدها على راس ياسمين ومسحت على شعرها وقامت تتنهد الشي اللي صار خلا ياسمين تتندم زيادة وتتحسر على موقفها السخيف وقامت تبكي/والله يايمه ماققصدت شي من اللي سويته انا احبك يمه ومقدر على زعلك صدقيني مااعيدها ثانية يالغالية...
ام مشعل/يمه انا مو زعلانة منك انا بس مت خوف عليك...كل اللي ابيه اني اتطمن عليك انتي واخوك...كثير ها الشي يايمه ياياسمين؟؟
///////////////////////////////////////////////////////////
تركي/عريس؟؟لمنو؟
ابو تركي/لمشاعل,,
هدت النار اللي كانت تغلي فيه شوي لانه كان خايف ان العريس يكون لبنت العم..
تركي/وانت تعرفه؟
ابو تركي/شلون مااعرفه هذا فواز السديري ولد اخت ابو سالم..
قاطعهم عبدالله اللي كان يصب الشاي لهم/أي ...بس عرفته؟
تركي/منو؟انا مو ذاكره؟
عبدالله/هذا اللي عنده شركة ال...
ابو تركي/ولد اخت ابو سالم ياتركي ماعرفته؟
تركي/هو ماقط زارنا البيت صح لاني مااتذكر شكله؟
ابو تركي/لا مازارنا...
تركي/ومشاعل عطيتها خبر ..
ابو تركي/قلت لها المغرب قبل تروح بيت خالتها...
عبد الله/خذ لك اللحين متى بترد ؟؟البنات مدري شلون يفكرون خايفة ومترددة ومدري شنو؟
ابو تركي/ومن قال اني انتظر ردها عاد؟؟
عبدالله/شلون يبى؟
ابو تركي/انا الولد اعرفه وموافق عليه ومافيها كلام زيادة؟
تركي/واذا مشاعل قالت لا؟
ابو تركي/ماعندنا بنات يقولون لا ...البنت اهلها يدورون لها العريس ماهو بكيفها...نحب بناتنا أي وندلعهم أي بس يختارون رجاجيلهم بكيفهم لاوستين الف لا بعد!!!
/////////////////////////////////////////////////////////
ظلوا ساكتين فترة طويلة ومحد منهم تحرك ولاتكلم وكل واحد فيهم تفكيره يقوله ان الطرف الثاني هو اللي لازم يبدي بالكلام وعلى ها الحال طالت فيهم السكتة وماْكان احد له نية يتكلم..
وضحى كانت بتبدي بالمعروف وبتتكلم طالما انها جت بنفسها الشقة بس غيرت رايها وظلت ساكتة وبعدها مشت من قدامه بدون ماتقول شي ومن قربت منه وشم ريحتها حس انه هو فاقدها بجد مايتهياْله مسك طرف عبايتها بسرعة وقال بلهفة ماقدر يخفيها/نور المكان برجوعك؟
لو لف لها ذيك اللحظة كان بيشوف اكبر ابتسامة مرتسمة على شفايفها صحيح انها كانت ممزوجة بدموعها بس كانت صادقة ومالقت نفسها الاتمشي للغرفة بسرعة عنه علشان تتنفس بارتياح.وكاْنهم يلتقون لأول مرة؟..
/////////////////////////////////////////////////////
يوم ثاني الصباح..
سعد/علامك معصب كذا ومو طايق احد؟
مشعل بدون نفس/ولاشي..
سعد/بلى في شي..اساس لو مافيك شي مو كذا كشرتك على وجهك ومخلينا نهرب من المدرسة ونهايل بها الشوارع؟
مشعل/ابي اذبح جدي؟؟
سعد/وجدتي بعد؟؟ليش نذبح جدي بروحه عاد؟
مشعل/انا اتكلم جد؟
سعد/وانا ماامزح تراها ثقيلة دم اكثر منه؟؟
مشعل/ليشش يمنون علينا ان احنا قاعدين عندهم في بيتهم؟
سعد/قايل لك انا تعال معي وابوي عجز من كثر مايكلم امك انت مدري ليش متحمل قاعد هناك؟
مشعل/امي...لو امي ترضى تجي عندكم كان انحلت بس امي تبي تقعد عند ها الشياب الله ياخذهم ويفكنا منهم ومن شرهم؟؟؟
سعد/امين يارب العالمين...
مشعل/امس ياسمين زعلها الشيبة وطلعت من اليبت زعلانة وودي اشتري لها شي افرحها فيه اليوم ماراحت الجامعة والبنات البارحة ناموا عندها؟
//////////////////////////////////////////////////////////
اليوم غير...جلست لانها سمعت صوت خالد برى يحوس شكله ماراح الدوام تحممت ولبست قميص نومها الستاني الوردي اللي يحبه خالد وتركت وجهها بدون شي وطلعت الصالة اللي كانت معفوسة فوق تحت من خالد وجلست هناك وصوت خالد بالمطبخ...تاْملت المكان وانتبهت ان خالد كان ينام بالصالة وهي طول الليل تسال نفسها وين كان ينام والفراش على حطة يدها ماتغير من يوم طلعت من البيت؟؟؟
رفعت راسها يوم سمعته يقول بروقان/صباح الخير؟
/////////////////////////////////////////////////////////////
حصة/اهم شي انكم لقيتوها ياخالتي؟
ام مشعل/الحمد الله..........الا انا زعلانة منك ياحصة؟
حصة/انا!!!ليه عاد ياخالتي؟
ام مشعل/يمه هاذي سواة تسوينها في ها المسكينة؟
حصة/خالتي بتوقفين معها ضدي؟
ام مشعل/يايمه هاذي مالها غيركم مو كافي اخوها اسود الوجه تاركها عندكم؟
حصة بقهر/لانه عارفها ومايبي يبتلش فيها؟
ام مشعل/لايايمه مو زين عليك كذا هاذي يتيمة؟
حصة/هاذي شايفة لها شوفة وحاطة عيونها على واحد من اخواني انا متاْكدة؟
ام تركي/ابركها من ساعة لو ياخذها ولد عمها ياْخذ فيها اجر وبعدين نوف ماعليها كلام وطول عمرنا نعدها وحدة منا وفينا..
حصة/خالتي!!
ام مشعل/خلاص قصري حسك تراها نايمة هنا البارح مع ياسمين وماابيها تنزل وتسمعك؟
/////////////////////////////////////////////////////////
الجدة/شيبي منك نواف؟
الجد/تقصدين البارحة؟
الجدة/أي انت نمت وماقلت لي!!
الجد/أي انا مانمت سويت روحي نايم؟
الجدة/وليش يعني؟
الجد/علشان لاتساْليني؟
الجدة/ياسلاااام؟
الجد/كنت ابي افكر؟
الجدة/في شنو؟
الجد/في اللي قاله نواف؟
الجدة شهقت بصوت عالي/درى انها طلعت وقال ماابيها؟
الجد/طلعت؟؟؟وين راحت؟؟
الجدة/قول سالفتك بعدين انا اقول اللي عندي؟
الجد/لا انتي اول تتكلمين؟
الجدة/لا انت تقول اول؟

[لامارا]

البارت الثامن عشر,,,



////////////////////////////////////
وضحى وهي تناظر بفراشه اللي حاطه على الارض قبال التلفزيون/صباح النور؟
قرب الطاولة منها وحط صينية الفطور وقامت تناظرفيها ورفعت راسها له/شنو هذا؟
قعد قبالها على الارض وقال/فطور بالله فكرتيه وليمة؟؟
وضحى/هذا كله فطور وبعدين يوم انك شاري كل شي من برى ليش ماتركتهم بصحونهم بدل ماتطلع لي صحون من الدولاب ولا لانك مو انت اللي بتغسل مو مهم؟
خالد برواقان/اولا هذا فطور علشانك لازم تاْكلين زين,,ثانيا حطيتهم هنا علشان يفتحون نفسك للاكل يعني بصير ذرب وبسوي لك حركات,,,واذا على الغسيل يسلم راسك انا اغسلهم ماما وضحى انتي بس سمّي,,
مسكت صحن الزيتون الاسود تاْكل منه وقالت بشماتة/هذا فراشك الجديد؟
ناظره خالد ورجع يناظرها وهو يضحك وهي كملت بنفس الشماتة/زين انك عارف نفسك وقيمتك؟
خالد/يالله عن الشماتة؟
وضحى/الا صدق خالد انت ليش كنت تنام هني؟وماتنام بالغرفة؟
تنهد وقال برومنسية/مقدر انام فيها...الغرفة فيها ريحتك واذا دخلتها اصير مثل المجنون لانك مو فيها؟
///////////////////////////////////////////////////////////////
في غرفة ياسمين...
نورة/اجل جايك عريس يامشاعلوا؟
مشاعل/سكتوا واللي يعافيكم بطني يعورني من قال لي ابوي بالسالفة؟
ياسمين/ليه؟
مشاعل/لانه ابوي واذا هو مقتنع بيوافق بدون مايشاورني
نوف بشماتة/تطمني عمي وافق وخلص ماسمعتيه يقول فواز ولد اخو ابو سالم وانتي تعرفين زين علاقته بعمي ابو سالم؟؟
نورة/واسمه فواز بعد!!!
نوف/أي فواز...
لفت لها مشاعل/اللحين هو متقدم لي ولالك؟؟حتى اسمه مانسيتيه؟؟
نوف/هههه
نوف/شوفي اخذيه انتي وليلة العرس اروح معك اقوله عمي مسوي عرض تزوج مشاعل وخذ معها نوف مجانا!!
نورة وياسمين/هههه
نورة/لامو كذا نوفوا انتي جارية عند مشاعلوا وبتوهبك للامير فواز مثل ايام الجاهلية؟
ياسمين ونوف/هههههه
مشاعل بزعل/ياربي ارحموني انا خايفة ماابي ارد بيتنا ..
ياسمين/احسن ظلي معنا ذوقي اللي انا ذايقته من جدي وجدتي؟
////////////////////////////////////////////////////////////
ابو تركي/مشاعل ماردت من بيت جدها؟
ام تركي/لا
ابو تركي/ومتى بترد؟
تركي/خل عبد الله يمر عليها ردته من الدوام المغرب لان بنتكم شكلها سمعت سالفة العرس وانحاشت؟
ام تركي/هههه
ابو تركي/واحليلها مشاعل ماني مصدق انها بتتزوج؟
عبدالله/الفال لنا ياتركي...
سكت تركي ومارد بشي...
ام تركي/ها خلاص شكلك نويت ياعبادي؟
عبدالله/أي والله ودي اتزوج واستقر..
ابو تركي/الساعة المباركة والله...
ام تركي/يالله عاد ياتركي تحرك انا مو مزوجة عبدالله قبلك؟
شرب قهوته بهدوء وقال/يصير خير..
عبدالله بترجي/لاتكفى احرق دمك شوي ماابي انتظر كثير؟
ابو تركي وام تركي/ههههه
ابو تركي/المهم لاتنسى ياعبدالله تمر اختك تجيبها من بيت جدك لاني بقوم ارتاح شوي والليلة فواز وخاله عشاهم عندنا ولاتقولون لها..ابيها تظل على طبيعتها؟
///////////////////////////////////////////////////////
مشعل/ياسمين غمضي عينك؟
ياسمين/ليه؟
مشعل/غمضيها وانتي ساكتة؟
غمضت عيونها والبنات معها...
مشاعل بمرح/انا بعد اغمض عيوني؟
مشعل/لا..
مشاعل/افا...
نورة ونوف/ههههه
ياسمين وهي مغمضة/اشم ريحة اعرفها زين ويحبها بطني؟
سعد/خبري يقولون يحبها قلبي مو بطني؟
ياسمين بمرح/انت شيفهمك بالله؟؟عزك وانت ساكت..
هههههههه
مشعل/يالله افتحيها اللحين...
ياسمين بحنان/اللله...لمنو هذا لي..
سعد/اجل لي؟؟توه يقولك غمضي عيونك ياحظي!!
ياسمين بنفس الحنان/الله لايحرمني منك يالغالي..
الجدة من وراهم/وش دعوة جايب لك طقم الماس عاد لو مسكنك بقصر!!!جايب لك من ها المطاعم الزفرة ؟؟بس خساير فلوس ؟
نورة /جدتي انتي اكبر تحطيم بصراحة خربتي اللحظات الحلوة؟
الجدة بلااهتمام/لانكم مو انتوا اللي تشقون وتجيبون القرش غيركم يجيبه وانتوا بس صرف بهبال اخرتها بتخسفونا الله يخسفكم؟
سعد بهمس/اذا مااطلع لك قرون واخليك تصيرين تكلمين الجدران من اللي بيجيك مااكون انا سعد وهاذي لحيتي!!
مشاعل بهبال/وينها لحيتك انا مو شايفتها؟ياخلاف حتى شوارب مافيك؟
////////////////////////////////////////////////////////////
وضحى/خالد احنا ليه حياتنا كذا!!
خالد/شفيها حياتنا؟
وضحى/ليه يوم احس انك تحبني مووت وايام تمر بينا سودة وكريهة؟
خالد بابتسامة/هذا علشان احنا مميزين ومانرضى نكون مثل باقي الناس لازم حياتنا تكون مثلنا!!
وضحى/والله!!
خالد/أي والله..
وضحى/......
خالد/المهم حبي..
وضحى/هلا..
خالد/انتي باْي شهر اللحين؟
وضحى/الثامن..
خالد/جد والله؟
وضحى/انت شرايك؟
خالد/مدري؟
وضحى/عاد خالد لاتصير مسطل كذا يعني بكون باْي شهر يعني؟
خالد/وانا وش يعرفني انا ماافتهم بها السوالف نهائيا؟
وضحى/اجل اكرمني بسكوتك؟
خالد/الا هو تحرك في بطنك اللحين؟
وضحى بانفعال وهي تضحك/خالللللللللللللللد لاتجلطني توني بسم الله وش ها الاسئلة؟
خالد سكت شوي وبعدها ضحك على نفسه وبعدين همس لها/وضحى....مبروك...ربي يتمم لنا بخير ان شاءالله
//////////////////////////////////////////////////////////
تركي/من صدقك؟
نواف/أي من صدقي..
تركي/لا انا مو مصدق..
نواف/بلى صدق انا البارحة تكلمت مع عمي وهو قال لي خذ ولدك وجيبه عندك خل يتربى بحضنك..
تركي/ولو ماكان جدي قايلها انت ماكنت بتفكر تاْخذه عندك؟
نواف/بيني وبينك ياتركي لا..
تركي/افا..ليه كذا عاد؟
نواف/خله يقعد عند امه اذا ظل عندها بيكون عقبة لها ومابتتزوج مرة ثانية؟
تركي/قول الصدق انت ودك تردها؟
نواف/حشى والحشى عن الف يمين؟هاذي اردها مرة ثانية!!واخليها على ذمتي ليه بالله انجنيت ؟
تركي/اجل ليه ماتبيها تتزوج؟
نواف/وها الحريم بس سالفتهم من زوج لزوج والعيال تربيهم الدنيا؟
سكت تركي لانه عارف نواف ونظرته السودة على الحريم من تزوجت امه وتركته هو وخواته...(وهاذي عقدة وضحى مع الزواج وخوفها المستمر من ان خالد يتركها وعقدة نواف اللي خلته يكره كل الحريم باالعالم)
نواف بهدوء/تركي..
تركي/هلا,,
نواف/الليلة؟
تركي/الليلة شنو؟
////////////////////////////////////////////////////
بعد صلاة المغرب في سيارة عبدالله كان ساكت طول الوقت ومافي غير مشاعل اللي كانت طول الوقت تهذر وماظل شي ماقالته وعبدالله بس يناظرها ويناظر الطريق لين قطعت جوه نوف اللي كانت تناظرهم ثنينهم..
نوف/عبدالله..
عبدالله بهدوء/هلا..
نوف/شفيك؟
عبدالله/ولاشي..
نوف/مو صحيح ..
ابتسم لها..
نوف/شفت ان فيك شي...
مشاعل/انا مااحس فيه شي هو صدق متغير شوي ها الولد بها الايام ...
دفها عبدالله من كتفها/أي ولد انتي بعد ماتشوفين طولي وعرضي!!
نوف بااعجاب ماقدرت تخفيه/خزينا العين...
عبدالله ابتسم..
مشاعل/أي من قدك في ناس يدافعون عنك؟
نوف بثقل/هذا الحق؟
عبدالله/سمعتي الناس الذويقة؟
مشاعل/يبى تجاملك انا اعرفها..
نوف باندفاع/لاحشى مااجامل اصلا انت من يوصلك ياعبدالله؟
لف لها وقال بهدوئه المعتاد/بصدقها ها المرة تدرين ليش؟
مشاعل بلقافة وكاْنها هي اللي تنساْل/ليش؟
عبدالله وهو يناظر في نوف/لانها بدون ياولد عمي ؟؟

[لامارا]

البارت التاسع عشر,,,



/////////////////////////////////////
في بيت الجد وقت العشى كانوا قاعدين كلهم ياكلون ومشعل يتكلم بمرح عن سوالفه وهم يسمعون له وياسمين تكمل له اللي نساه لين دق جوال الجد وسكتوا كلهم,,,,
رفعه وقام يناظرهم..
الجدة/منو هذا اللي داق؟
مشعل/يعني بالعقل لحق يعرف منو متصل عليه وهو توه راد؟؟ولامفكرة زوجك يعرف يقراْ الاسماء ان شاءالله؟
الجد وهو يكلم/أي..اي...واخذته؟...اي..مثل ماقلت لك؟
ياسمين/يمكن خالي خالد...
ام مشعل/لا مااظن خالد قبل شوي كان متصل...
ياسمين وهي تشرب شوربتها بلااهتمام/وانتوا ليه شاغلين بالكم؟
الجدة/لانه زوجي ولازم اعرف في حياته كل شي؟
مشعل/عشتوا ياالشياب؟؟؟
الجدة/شياب بعينك يالثور؟
مشعل بعصبية/انا ثور؟؟
ام مشعل/ششششش...ابوي مو عارف يتكلم منكم...
الجد وهو بعده يكلم/أي..حياك البيت بيتك ومن يقول لا...انا قايم افتح لك المجلس ...سكر جواله ووقف,,,
الجدة/منوهذا...
قال وهو يناظر ياسمين/نواف عنده ولد يياسمين؟
بالبداية صدمها الخبر ورفعت راسها علشان تفهم الموضوع ويوم شافتهم يناظرونها كلهم قالت بلااهتمام/وانا شكو؟
///////////////////////////////////////////////////////////
وبوقت العشى بمكان ثاني....وتحديدا في بيت ابو تركي لبست مشاعل عبايتها ونزلت..
مشاعل/انا ابي افهم شي واحد ليه ابوي مصر اني اودي الشاي له برى وهو مع عمي بو سالم؟
ام تركي/سئليه؟
مشاعل/قدام الرجال اسئله يمه؟
ام تركي/خلاص اجل وديه وانتي ساكتة..
مشاعل/اخواني وينهم؟
ام تركي/تركي راح يتحمم وبينزل وعبدالله كان هني بس الظاهر راح يجيب العشى...
مشاعل/وليه جايبين عشى من برى بعد!!طول عمره عمي بو سالم ياْكل معنا..
ام تركي/والله عاد انا مالي خلق اسئلتك هذا الشاي وروحي طلعيه له برى انا بقوم ادق على اختك حصة بشوف اخبارها اليوم ماكلمتني؟
///////////////////////////////////////////////////////////
على كورنيش الدمام,,,,
كانوا ماسكين ايادي بعض وهم يمشون
وضحى/تصدق عاد ياخالد..
خالد/شنو..
وضحى/لو اقولك ماتضحك..
خالد/لاماراح اضحك قولي..
وضحى/قبل لانتزوج كنت لمى اشوف اثنين ماسكين ايادي بعض اتنرفز...احسها حركة غبية شنو يعني بيضيعون اذا مامسكوا ايادي بعض؟
خالد بابتسامة/واللحين؟
وضحى بخجل ممزوج بحب/اللحين اموت اذا يدي مالامست يدك!!
شد خالد على يدها وهمس/يابعد قلبي انتي..
وضحى/.....
خالد/الا الصدق ليه ماحبيتي نقول لهم اليوم عن حملك؟
وضحى/مدري كنت ابي اعيش اليوم كله معك؟
خالد/خلاص اجل بكرة نقول لهم,,,
مرت فترة سكون وبعدها قالت...
وضحى/خالد انت كنت تقصد الكلمة اللي قلتها لي!!
خالد باندفاع/لاياقلبي صدقيني,,,,عطيني فرصة اشرح لك واقول..
وضحى/لاياخالد انا ماابي نتكلم عن شي فات من حياتنا انا نسيت السالفة كلها بس ابي اعرف اذا كنت تقصدها ولالا؟
بصدق قال/طبعا لا ياحياتي...
وضحى/ريحتني ياخالد..تصدق خفت يجي ها البيبي وتظل شايل عليه واكون انا السبب؟
خالد/شها الكلام انتي عارفة زين غلاتك عندي؟
////////////////////////////////////////////////////////////
الجدة/شنو انتي شكو؟انتي ناسية انك بتصيرين زوجته؟
ام مشعل/أي بس شلون ؟متى جاه الولد وليش ماقال لنا؟
الجد/هذا هو قال؟
مشعل/وكم عمره؟
الجدة/وانت شعليك بالله؟
مشعل/هو مو يبي يتزوج اختي لازم نعرف عنه كل شي؟
الجدة/ياحظي هذا ولد عم امك ماهو غريب عنا؟
الجد/قوم بس يامشعل وافتح المجلس لنواف تراه برى,,,
رفعت عيونها تناظر بجدها لانها من تكلموا بسالفة الولد سرحت عنهم,,,
الجد/وانتي تلبسين عبايتك وتجيني طيران المجلس؟
ياسمين بعصبية/وان شاءالله جاي يعرفني بولده؟
الجد/لا جاي يملك..
طاحت الملعقة من يدها وقالت ام مشعل/شنو؟كذا يملك بدون مقدمات يبى؟
الجد/هو البارح كلمني عن ولده وانا قلت له جيب ولدك وتعال املك البنت ماعندها مانع وتوه كلمني يقول العصر اخذ ولده وكاهو جايب الشيخ وبيملك يعني عندي خبر مو ماعندي؟
ام مشعل/وليه ماقلت لنا يبى الا اللحين؟
///////////////////////////////////////////////////
ام تركي وحصة على التلفون/أي يمه,,,
حصة/وهي شقالت؟
ام تركي/مابعد تكلمنا معها بالسالفة,,
حصة/لمتى عاد؟
ام تركي/توها رادة من ساعتين...
حصة/مو تقولين ابوي موافق يعني رايها لابيودي ولابيجيب؟
ام تركي/أي بس لازم تفهم الموضوع باقتناع مو بااجبار يمه؟
حصة/امممم...والهانم شتسوي؟
تنهدت ام تركي/يايمه لمتى ها الحكي عاد؟
حصة/قولي لاابوي ولااخوي اللي طردوني من البيت علشانها لمتى؟
ام تركي/يايمه نوف برقبتنا ومايصير تحطين لها العداوة؟هاذي بنت عمك ياحصة وبحسبة اختك حرام عليك؟
حصة/يمه هي اللي بتفرقنا؟
ام تركي/يايمه نوف رابية معنا انا وابوك ربيناها وحالها حالكم ليش كذا كارهتها هذا بدل ماتتشفقين عليها لانها يتيمة؟
حصة بقهر/بنشوف وش اخر ها اليتيمة؟
ام تركي/لاحووول..انا قايمة اشوف مشاعل شسوت..مع السلامة يمه
//////////////////////////////////////////////////////////////
في غرفة نورة انطق الباب..
نورة/منو؟
ام سعد/انا..
نورة/دخلي يمه,,,
ام سعد بعد مادخلت/شتسوين؟
نورة/سلامتك قاعدة ارتب دولابي بنطلوني الاسود مدري وينه شاكة انه عند ميشو,,
ام سعد/وين تشوفين والدولاب قايمة فيه حروب؟
نورة/هههههه
ام سعد/ضحكي على خيابتك ياحظي؟
نورة/برتبه يوم الخميس...
ام سعد/كل اسبوع نسمع ها الكلام؟
نورة/فضحتينا عاد يمه..
ام سعد/وبيظل دولاب ملابسك كذا حتى بعد ماتتزوجين...بتفشلينا مع فارس؟
تنهدت نورة وسكتت...
ام سعد/انا طالعة مع خالتك ام فارس بنروح نتشرى اغراض للبيت تجين معنا؟
نورة/مالي خلق اطلع توني رادة من بيت جدي,,
ام سعد/زين تبين شي..
نورة/وين بتروحين؟
ام سعد/يمكن التميمي...
نورة/لابغيت شي بدق عليك...
ام سعد/طيب....تركتها امها وطلعت ورجعت لهمها اللي تحاول تهرب منه(فارس)راحت فتحت لاب توبها من جديد وهو شاغل افكارها ياربي شلون تقنعه انهم مايناسبون بعض شلون؟
////////////////////////////////////////////////////////////
في حديقة بيت ابو تركي..
مشاعل/السلام عليكم,,,
ابو سالم وفواز/وعليكم السلام...
كانت مشاعل متحجبة بس لانها ماتتغطى عن بو سالم اللي بحسبة عمهم وطول يومه معهم ويسافرون ويروحون معه بس يوم شافت فواز دق قلبها وماعرفت شتسوي ..وقف ابوها بسرعة وشال منها الصينية وحطها على الطاولة وتوقعت انه يسحبها من عبايتها ويدخلها بس تفاجاْت فيه يقول لها/يبى مشاعل هذا فواز..خطيبك جاي يسولف معك وتتفاهمون...قعدي يبى وشوفوا متى بتحددون الملكة وانا مع عمك بنروح الخيمة وعشاكم بيوصلكم...
هي وش اللي صدمها بالضبط من كلام ابوهاوخلاها واقفة مكانها ماتدري؟
هي كلمته خطيبك اللي صدمتها وجمدتها ولاسولفوا مع بعض وتفاهموا ولاحددوا موعد الملكة ولاشنو بالضبط؟رجعها للواقع فواز اللي وقف قبالها يناديها,,
////////////////////////////////////////////////////////////
لؤلؤة نزلت لمستواه وقالت/شسمك؟
احمد..
لؤلؤة/مشاءالله شكلك شاطر...
احمد/طبعا,,
ابتسمت لؤلؤة/في هاذي تشبه ابوك...
احمد/انتي منو؟
لؤلؤة/انا عمة لؤلؤة..
احمد/في هنا عيال قدي..
لؤلؤة/لا
احمد/اوووف انا وين مااروح مافي عيال كبري حتى خالاتي ماعندهم غير بنات
لؤلؤة/احمد....شلون الماما؟
احمد/مو طيبة,,,,
لؤلؤة/ليه؟
احمد/مو قايل لك
لؤلؤة/ليش عاد انا عمتك...
احمد/اذا انتي عمتي قولي لي متى بتجي امي تعيش هنا معي؟
لؤلؤة/ليش امك بتجي تعيش هنا؟
احمد/أي
لؤلؤة/منو قال لك..ابوك؟
احمد/لا هي قالت لي...
لؤلؤة/والله مدري ابوك محد يدري عن اللي بيسويه ولايفكر فيه اذا رد اساْله
احمد/هو وين راح؟
لؤلؤة/مدري قال عنده مشوار بيقضيه وبيرجع
احمد/انتي وين قايمة؟
لؤلؤة/بدق على عمتك وضحى تجي تشوفك؟
احمد/مافي احد غيرك بالبيت
لؤلؤة/لا
احمد بدى يبكي/انا ابي ارد لاامي...

[لامارا]

البارت العشرين,,,,


////////////////////////////////////
جاي يملك عليها الليلة!!!وبها الوقت؟؟وش ها الوقاحة اللي فيه؟؟
يمكن اني مو موافقة ليه بعد جايب معه الشيخ وجاي!!
كله منك ياجدي انت اللي قلت له اني موافقة وبعتني برخيص وصغرتني بعيونه وماعاد اهتم بشي!!
لا,,نواف جاي يرد لي موقفي وحركتي معه بالراشد قبل يومين انا اعرفه..هذا مو صاحي...ماعرف يرد لي الحركة الا بملكتنا!!!احد يجاكر احد يملك عليه؟مستحيل انا ماابيه لو شيصير ماابيه..اكرهه كره الموت,,,
ياسمين,,,ياسمين...رفعت راسها ولقت جدها يناظرها بغضب انتي مالبستي عبايتك للحين؟
بتردد قالت /جدي,,
الجد/شنو؟
ياسمين/انا ماابيه..
الجد/مو بكيفك الشيخ ينتظر..
ياسمين بهدوء مايناسب الموقف/أي بس انا مو موافقة ؟
الجد/لاترفعين ضغطي وامشي معي بسرعة ترى نواف مستعجل وراه مشاوير,,,
فتحت عيونها على وسعها ونزلوا دموعها وقالت بغصة/وليش جاي يملك مدامه مستعجل ها الكثر؟؟؟
////////////////////////////////////////////////////////////////
فواز وهو يناظرها/تفضلي اجلسي...
مشاعل وعيونها بالارض وهي بين الحياة والموت قالت بصوت مخنوق وماينسمع/ها..
فواز/علامك ليه خايفة مني كذا!!
مشاعل/........
فواز/انا قايل لعمي بو تركي اني بشوفك وبسولف معك ولامستكثرة علينا شوفتك؟
مشاعل/..........
فواز/يوم انه قال لي انك موافقة قلت فرصة نقعد مع بعض ونحدد موعد الملكة وش رايك؟
كلمته صدمتها بس مع ذلك مارفعت راسها ..وش يعني ابوها قال له انها موافقة؟؟؟هي يادوب البارحة انعطت خبر بالسالفة!!!!لايبى تكفى لاتسويها فيني...
فواز بمرح/مشاعل والله دريت انك تستحين خلاص طار علينا الوقت واحنا مابعد قلنا شي؟
////////////////////////////////////////////////////
شعارها في الحياة انها ماتفقد الامل ابدا مهما كانت الظروف...
اصرارها على انها توصل له رفضها ماينوصف...فارس ها الانسان اللي بحياتها ماشافته واللي دايم اذا تكلموا عنه يرفعون مقداره للسماء واللي اقحموه حياتها بدون موافقتها...
عندها خيارين...يا ان فارس مايرد من دبي ويظل هناك علطول وترتاح من كابوسه الثقيل بحياتها وها الشي هي ماتقدر عليه ولافي يدها انها توصل؟؟ ولا انه يرفضها بنفسه وها الشي اللي لازم تحققه..لازم تفهم فارس من هناك ان نورة ماهي نصيبه...؟؟
بقمة قهرها ارسلت له(ليش ماعجبك موضوع فارس ونورة..اعتبره جاي من فاعل خير قبل لايطيح الفاس بالراس)كان عندها حلم ولاامل انه يرد عليها اللحين بس شكلها بتطول كثير على ماتسمع رده واجابته؟
//////////////////////////////////////////////////////////
ماتدري على أي اساس وقعت عقد الزواج وقالت موافقة وهي رافضته من الاساس!!!هل لانها لازم تقول كذا وتجاري الكل؟ولاعلشان جدها اللي واقف فوق راسها ونظراته اللي مافهمت معناها ؟ولا لانها تبي توقف تصرفات نواف الطايشة معها لحدها ومابيصير ها الشي الا اذا كانوا قراب من بعض؟؟
كل اللي عرفته بعد ماعطت جدها الدفتر ان الشيخ قال مبروك ودخل المجلس وانها مشت موعارفة وين تروح وكاْنها مسيرة وناداها جدها...لفت له بدون ماتتكلم...
الجد/شيلي عبايتك..
ها.../قالتها بتلبم ..
الجد/اقولك شيلي عبايتك وشيلتك؟
شالتهم وهي موعارفة وش يفكر فيه جدها..
اخذهم منها وقال/ادخلي سلمي على نواف قبل لايمشي...وانا بروح انادي على امك قايل بيسلم عليها...
بصدمة قالت وهي تناظر شكلها/جدي شنو يعني ادخل اسلم عليه؟؟
الجد/شفيها..
ياسمين/فيها اني مو لابسة ولامتجهزة!!انت مو من صدقك ياجدي؟؟انا قاعدة اتعشى تقولي قومي املكي الرجال بالمجلس لاودخلي سلمي عليه بعد!!
جاها صوت نواف الواثق من وراها/وان شاءالله تبين يعطونك خبر مسبق؟؟
دق قلبها بقوة من صوته وتذكرت موقفهم قبل يومين وحست ان الدم بعروقها...
نواف/ماتردي؟
لفت له ولقته متسند على باب المجلس بهدوء,,,
/////////////////////////////////////////////////////
وضحى وهي تتاْمله/قلت لي اسمك احمد؟
احمد/اووف كم مرة ساْلتيني؟
خالد/ووجع ان شاءالله هاذي عمتك كلمها عدل؟
وضحى/ماعليه ياخالد لاتصارخ عليه؟
خالد/ماتشوفينه كيف يتاْفف وهو يكلمك؟
احمد/انت منو؟
خالد/انا ياطويل العمر ولد عم ابوك وزوج عمتك...
احمد/يعني ساكن هنا؟
خالد/لا..بس بتشوفني كثير...
وضحى/انت بالروضة صح؟
احمد/أي..
وضحى/شرايك انا وانت نصير ربع واصحاب؟
احمد*/اختاري ياانتي ياعمتي لؤلؤة مايصير كلنا ربع؟
خالد/ابوك وينه عنك؟
احمد/قال بيروح شوي وبيرد...
خالد/منت هين ياحميدان لسانك شطوله؟
وضحى بتاْنيب/خالد!!
خالد/من اللحين اقولك ولدي وليد مالك شغل فيه ولاتكلمه بعد فهمت؟
وضحى بنفس التاْنيب/خالد؟
//////////////////////////////////////////////////////
كان عارف ان مشاعل مو هني بس هاذي فرصة ماتعوض علشان يسولف مع نوف اللي فقد وجودها من الامس كل ماحس بنار بصدره وطلع من غرفته وتسمر قدام غرفتها.,..كذا حاله بمجرد تنام في بيت جده ولابيت خالته مايقدر يستقر,,,
تنهد بهدوءوطق باب غرفتها ووقف على جنب ..بعد ثواني فتحت له الباب وابتسمت,,,

نوف/هلا وغلا شلونك؟
تركي/انتي شلونك؟
نوف/دامك بخير كلنا بخير...
تركي/مشاعل ركبت ولابعدها في الاختبار؟
نوف/اختبار؟؟أي اختبار..عمي قايل لها تودي الشاي له و..
قاطعها تركي وهو يغمز بعيونه/وماغطت فترة طويلة؟
نوف بحرج/شويات...
تركي/يبى هذا فواز يبي يشوفها..
رفعت راسها بسرعة وقالت/اللي متقدم لها؟
تركي/لايابابا عند ابو تركي خلاص هذا زوجها ويمكن سمى عيالهم بعد!!
نوف/تدري ياتركي عمي يخوف من ها الناحية؟
قال بحدة/لاتطمني الا انتي يانوف؟
نوف بذهول/الا انا شنو ياتركي؟
////////////////////////////////////////////////////////////////
انتظرت يمكن مو كثير بس بالنسبة لنورة حست انها انتظرت نص عمرها لين فكر يرسل لها(خل فعل الخير لغيري ولاتجيبوا سيرة الغالية..انا لها وهي لي وماهميتوني بللي بتقولونه ياعواذل)
ماتدري ذيك اللحظات هي بكت من شنو في رده بالضبط؟؟
جاها احباط قوي من رده ..لامستحيل لاتصعبها اكثر...كتبت له بسرعة(وانت ترضى تتزوج وحدة ماتحبك)رد عليها(عواذل شبقول غير ها الكلمة؟؟)
نورة بسرعة(انا وحدة من قرايبك واعرفها زين اصلا كل البنات اللي بالجامعة يعرفون قصة حبها لخالد)ماتدري ليش حطت اسم خالد بالذات؟؟يمكن لانها فعلا تحب خالها وهو دايم في بالها بس ها المرة من جد انصدت من رده لها(هههه مو انتي اكيد وحدة من بنات عمي ولامن بنات خالي وحاطة عينك عليّ وتبيني اخذك وتبين تخربين صورتها في بالي...اقول سمعي تراها اشرف كل ها البنات اللي بالعالم وابشرك انا راضي عن حبها لخالد..اصحي يابابا هذا خالها واكيد بتحبه)
مو معقول انت يافارس والله مو معقول؟؟؟؟حتى علاقتي بخالد تعرفها؟؟وش اللي ماتعرفه عني بس!!