آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-05-13, 06:15 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  سمعنا خبر اعلان قوات التحالف بالعمل على اكبر عملية عسكرية راح تخلصنا من المعتدي وهي عاصفة الصحراء !! بكاء الفرح ومشاعر غريبة اجتاحت المكان كلنا نكبر حتى اخوي خلود اللي كنت احسه اهبل بالعربي كان يكبر الله اكبر حقيقتا كنا نقوي انفسنا !! الموضوع ماكان يحتمل اي زعل ابوي ياخذ امي للغرفة كلنا تيبسنا توقعنا كف ثاني عادي تعونا صار منظر ضرب امي عادي لكن امي طلعت وهي تبتسم تصالحو  الله وكأن كنا ناطرين خبر عن ديرتنا يفرحنا ياربي الايام اللي مرت خلال فترة بداية الهجوم لقوات التحالف هي من اكثر المراحل صعوبة لأن كان حضر تجول مرات ومرات ماكو ماي ! غير انه لازم ما نبطل ليتات بليل  وكان الليل نفس الصبح خصوصا اخر الايام بعد ماحرقو ابارنا الله يحرق صماخاتهم وتحررت الكويت هذا ابو الايتام اخو مريم ابوي وابو الجميع رحمة الله عليه باباجابر عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] والله ثم والله ياناس كل الناس تحبه ياربي والله ولهنا عليه وقلنا الله اخيرا فرجت ونقدر نطلع نشوف الكويت اول ايام التحرير ماكان يمدينا نطلع ملابسنا يصير عليها نقط سودة من الجو اي صج ما قلتلكم انه احنا يوم سكنا الشقة هذي كانو اصحاب العمارة مو موجودين والضرورة تبيح المحرمات عشان جذي يوم سكناها ما استأذنا كسرنا الباب وسكنا عاد الحين وهقة اهلها بيردون طبعا امي قايلة انه بندفع اجار الاشهر اللي سكناها حتى بابا علم عمو ابو نجوان وانه مايبي ياخذ حق مو له ! المهم على يوم الصبح قعدنا على صوت ترفس باب الشقة يؤ يا ترى منو قلنا اكيد عراقيين يبون ينخشون وي حسرتي وين نولي بطل بابا الباب والا سلاح موجه على ويه ابوي صراخ مو طبيعي طلعو برا يا خونه يا منافقين دشيتو ديرتنا وداشين بيوتنا @@ جان تيي ماما ركض من المطبخ تقول حق الريال انا كويتية وهذول عيالي وين اروح يعني اذا على اجار هالجم شهر بدفعهم لك قالها مابي شي منج طلعي الحين الحين جان يقطونا اغراضنا من الدريشة وهني لأول مرة تنمحي شخصية بابا !! وامي كانت سيدة الموقف ! شلنا اغراضنا وطول الطريج الى بيت يدي ماماعودة تتحلطم صج صج مال بوكس يسكتها لأن ابوي انهزت صورته جدام امي واهي تقول اشوف عبدالله ما نطقت اشوف عبدالله ما تحركت والله ياحيف والله مادري شنو المهم من هاللحظة وانا دوبي ودوب هالمرة  وصلنا البيت نزلنا اغراضنا وردينا طلعنا عشان نعيش فرحة التحرير وللأقنعة بقية .. | ||||
|  |
|
13-05-13, 06:20 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اول ما دخلنا الجابرية امي تقول عبدالله نرجع صليبية اخاف ابوي يرد الديرة ويعرف انه التجوري باقوه العراقيين خلنا بعيد ! لا يقول انك بلغت عليه بابا ضحك ويدتي تقول يسويها البخت والا بابا يكمل طريجه على صليبية على اساس انه بََنام مناك والا اول ما دشينا البيت امي تصرخ عبدالله الحق لقت ماما شي في البيت مثل صاروخ صغير << على حد فهمنا ايامها اثاريها قذيفة من طيارة حربية طبعا انا صورت معاها << كل شي غريب امي توقفنا وتصور شكو مادري ههههههه يعني مو من زين ويوه عيالها عشتو اخس من السواح بمصر هههه ردينا مرة ثانية بيت باباعود كنا مشتتين والله قعدنا مناك لين شهر كامل مر علينا شلون مادري وكان رمضان في يوم نفطر والا الباب يطق !! فتحنا الباب من الفرحة نلملم ونبوس فيهم @@ والا بابا عود ووخالي احمد ونانا ومرت يدي من الاخر ردو الديرة تفاجانا ببرودة استقبال يدي لنا !!! امي تبجي وتحضن وتبوس واهو واقف يخز ابوي !! ابوي نزل راسه للمرة الثانية وقال حق امي اختاري وين نروح ! قالت احنا في بيت ابوي مالنا مكان الحين ! هني عاد رفض الرجل اللي بداخله يسكت ! قالها مالي مكان انا وعيالي مني عيون ابوج تهدد !! اسمع يدي يقول عبدالله انت بلغت عني انا ادري وانت بقتني ادري ! وخذيت مني بنتي وسكتلك الحين عاد بيتي يتعذرك ! ياخاين ! بصعوبة تفرقنا !!! امي ما يت معانا ! وابوي خذانا انا وامون وخالد ودانة ماقدرنا ناخذها امبيه فضيلة تبينا تصرخ تونا بسصرنا صديقات مع خالتنا زين باباعود صبر خل اقولك ترا بابا خوش واحد !! مو عشان من دول الضد بتقول انه ما وقف معاكم بابا عود فرصة يرحم امك عطينا فرصة ! وخذانا بابا ثلاثتنا وامي ودانة مو معانا ولا حتى فضيلة طول الوقت نبجي ونسأل عن مصيرنا ! يبا بيصير عيد امي بتظل فبيت ابوها ! يبا زين اهو ليش كلماك جذي يبا احنا لما نكبر راح نشوف امنا والا بعد شوي اسألة وايدة يابابا وانت ما رديت ! وللأقنعة بقية... | ||||
|
| |
|
13-05-13, 06:21 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| مر شهر من العذاب !! احنا في بيت وامنا في بيت ولا حتى حاولت تشوفنا .gif) انا كبرت وايمان بعد احمد صار طويل وامي للحين ماحنت في يوم بابا كان يسوي لنا فطور والا الباب يطق ! والا دانة اختي وماما @@ امبيه مو صج صراخ وضحك فجأءة فرحانين وايد بابا وماما دشو الغرفة يسولفون مرة صوت عالي مرة واطي :/ المهم دانة صارت حلوة وناسة بيردون يقعدون معانا لأن ماما كان معاها جيس في هدوم طلعت امي واهي فرحانة لكن ابوي لا مادري شنو صار لكن الكل بخير فبيت يدي وكان قرارها بالرجوع لبابا ولنا قرار معارض لهم للمرة الثانية ! هالشي عرفناه لأن امي قالت ماعاد نزور باباعود لأنه معصب علينا والللي خلاها ترد بالدرجة الاولى انه بتبلش المدارس جريب ما بقا شي ومرت الايام عادية مو من اول اسبوع امي وابوي نامو بغرفتهم ! ايمان كانت تقعد بليل بايلة على عمرها وع وهي على هالحال لين كملت 20 سنة ! هالشي بدا معاها من اول مرة صرخت مستنكرة موقف العسكري ولد صاحب العمارة اتجاه بابا بلشنا دوامات وامي كانت كل يوم الصبح تطق .gif) وتير شعورنا وتأكد علينا لا نزعل من اي كلمة نسمعها بخصوص جنسيتنا ! ( دول ضد ) بيني وبينكم مازلت احقد على بعض الاسماء من الطالبات والله اجتمعت معاهم بالجامعة ووسلمو علي ومارديت لأني كنت اذكر موقفهم مني بعد الغزو شلون يعاملوني مرت سنة وماكو اخبار عن الاسير ( خالي احمد) طبعا بعد ما اتضح انه اللي دفناه كان جندي عراقي وللحين امي تضحك على هالسالفة وتقول انه بابا مو قصده يكون من دول الضد .gif) لكن ساعدهم واكرم موتاهم لووووووول انا صرت في الرابع متوسط وايمان اولى ثانوي تحجبت الثولة .gif) وحجبوني غصب معاها زين انا شكو مابي خو كنت دوم احب ريولي شكلها حلو وايد ناعمة وطويلة بابا ماكان يحب البنت الفصعة بالشارع اخوي كبر بس صوته للحين ماصار خشن لول بس اكو شعر بخشمه ههههه وشوراب تدرون شلون عرفت انه خالد بلغ @@ امبيه شي يضحك خلودي يوم صار 3 متوسط كلم امي بموضوع يعني قسم يضحك يقولها يما انا احب بنت الجيران واتزوجها عاد بنت الجيران كرديه جميلة بنت الذينه اسمها مريم سمرة بس شقرة << شلون مادري عاد مو هني انا انتبهت انه كبر @@ الله يسلمكم لما امي ردت عليه قالتله يأجل الموضوع عرفت انه صار ريال ايمان زين ما تبلع الكتب من يومها معقدة << بس انا الكسلانة لول .gif) اف بس دانة المستانسة الوحيدة اللي للحين ما تدرس بعد جم يوم اشوف امي العودة يت ويابت لنا فضيلة تذكرونها .gif) ماما عودة تقول سلمو عليها لأنها بتسافر زين وين بتروح فضيلة ماما عودة خليها لنا وانتي طسي خو امبيه فضيلة لازم تدش المستشفى يعالجونها شكلها طقت ماماعودة وايد سلمنا عليها كانت تلمنا حيل ولما ماماعودة تفججها عنا اييها كف من فضيلة مو صج وكنا نضحك وترد اهي تضحك معانا ياحلوها فضيلة ماكانت شايلة هم احد كنت احسدها على ينونها الله يرحم الحال مشت الايام كل يمعة نزورها بمستشفى الامراض النفسية ولأنها كانت تحب التفاح بابا كان يطرش معانا كرتون .gif) وننطرها صوب الباب مال الجناح مالهم خو ساجنينهم ما نقدر ندش اييبونها زيارة مثل السجن ! كل تشوفناتستانس ولما نبي نروح تعافر بمكانها جنه خروف يبون يذبحونه حبيبتي فضيلة احسها تحبنا وايد ونرجع البيت كلنا نبجي ماعدا ماما عودة مرات بابا نسولفله يقول لنا قلبها اسود هالحجية يا ساتر امي تسكت بابا عبدالله استح هذي امي ههههه عاد صج والله احسها حقودة بس معقول الزمن يقسي قلب الام ! ما اظن لأن في يوم قعدت بليل بشرب ماي اهي تنام على الارض وانا بالسرير اللي فوق دست على ريولها جان تفز من نومها تقول شوي شوي فضلووو يا يما بسج والله مافيني حيل بسج تطقين فيني حرام اكيد كانت تحلم بفضيلة والله يهداج يا فضول حتى بالحلم تكفخينها هههههههه امي تعلمت تسوق وبابا يببلها سيارة شوي شوي امي قدمت على وظيفة امي ماكانت دارسة فاشلة وايد بالدراسة الغريب كله تزفنا تقول ابي علامات نهائية << حجتي الوحيدة اني اشبهها يعني وراثة حتى الربادة ههههههه ولا مرة سقطنا كنا شطار بابا انكسر ماديا بتجارته مو وايد قام يشتغل بابا احس انه كبر واعليه في يناقش امي انه نستقر في بلدنا طبعا امي قومت الدنيا وقعدت الا السفر برا يعني يا عبدالله انا بديرتي وماحشمتني << لسان حال امي ! شلون لا خذيتني من اهلي وناسي تهقون بيهنيها قالتله انا ادبر نفسي وبالفعل انعدم الشغل وبابا قعد اللي ما يهش ولا ينش على قولة ماما عودة اللي كل ما شافته تقوله حرام عليك قوم اشتغل بنتنا تعبت وامي من الدوام للبيت واخر الشهر تسلم معاشها لأبوي ! وصلت دفعة الاسرى الاولى !! عن طريق الهلال الاحمر ! رحنا نستقبل الباصات ونشوف الناس يبوسون عيالهم الا احنا ماكو خالو احمد مادري وينه سألت امي اللي ردو عنه كلهم قالو نعرفه بس ما رد بس هم بشارة يعني انه عايش وكل دفعة على هالحال نروح ونرجع الا اخر دفعة واحد رفيج خالي بالدوام قال احجزوله بمستشفى الميانين !! قلنا ليش قال احمد راسه يابس مايسمع الكلام يسبون الكويت يسبهم وكل مرة يأخرون ردته .gif) وي حسرتي صار خالي احمد نفس خالتي فضيلة @@ مممممممم واخر دفعة من الاسرى وقفنا ندور اللي ينزل وهو يتهبل احنا اليهال هذا تفكيرنا ندور واحد نفس فضلو ! امي توقعت اعاقة حركية يدتي تقول خل يوصل ما ابي شي !! طبعا يدتي خبرها بخالي احمد من عمره 3 يوم قطته على باباعود وردت العراق عند اهلها نزل كل الباص وماكو خالو .gif) يايين بنمشي والا واحد ينادينا انتو تبون منو ؟ قلنا الاسير احمد ... فلان الفلاني قال اكو واحد ما يتكلمم روحو شوفو اهو @@ قلنا لا ولدنا يتحجى ! يايين بنمشي والا يفز قلب يدتي قالت خنشوف الصبي الأطرم اللي قال عنه الريال رحنا والا واحد ضعيف يعني وزنه بالخمسينات وخشمه امبيه خشمه نفس خالو مممم ماظني اهو اصلع ويهه وارم وما يتكلم بس شاف امي ركض يقولها لال << دلال ممم خالي ليش صار جذي !! خالي قطعو له لسانه @@ الله يقطع لسان كل من غلط علينا وحرمنا من خالي ولا يسامحهم على ما سووه فينا امي العودة تقوله انا امك تلمه وتبجي رحنا نوديه معانا وناخذه بيت بابا عود << امي اللي تسوق السيارة وناسة امي طقت الباب ردت مرة يدي طردتها جان احمد يرفس الباب ويدش محد عرفاه الا يدي وقام يبجي يدي يقول احمد ولدي هذا انت ريال يا يبا وتم يقوله انت ريال وحضنه لما نام احمد كان مجهد حطو الغدا امي خايفة من ردة فعل بابا عود مشت اول ما تطمنت على خالي قالها يدي فضيلو واحمد خلاص سلمت امرهم لله مابقالي الا انتي وعلي ! يا يبا لا تحرموني تكفون ! عرفنا انه الامور ردت وخلاص صفت القلوب وللأقنعة بقية .. | ||||
|
| |
|
13-05-13, 06:22 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| مرة ثلاث سنوات وصار ابوي معتمد اعتماد كلي على امي!! مرت الامور بصعوبة و الاتكالية صارت سمة في ابوي حتى احنا اليهال لا بغينا شي نطلبه من امي ! لأن اذا طلبنا من ابوي بيقول روحو عند امكم انا ماعندي ! اف اف اختلطت الادوار ! عرفتك يبا رجال !!! عرفت صوتك يهد فيني احساس الامان لا عصبت ! الحين ما عاد يمر احساس لا سمعتك يبا ! امي تمردت ! ملت من العباية ! طبعا اكيد بتمل يا جماعة ماعمرها لبست غير هالعبايه على يوم رايحين بيت يدي نزروهم والا تقترح امي انها ماتبي تلبس العباية ! ابوي جن جنونه ! ممممم هوب هوب فجأءة ابوي عادي !! ليش عاد ! الغيرة مالها شغل يبا بالمصروف ! معقول امي ماراح تصرف علينا اذاا ابوي غصبها على العباية ! وقطت العباية ام خالد وآه يما شنو كنتي تعجبيني قبل ورحنا بيت يدي الكل قالها اي اهتمي بعمرج !! بناتج كبروج !! شنو يعني كبرناها انا صار عمري 16 وايمان 17 وخالد15 ودانة 7 خولازم تكبر اول وتالي خو شوي شوي امي كسرت قانون الساعة 9 ! هذا قانون ابوي فرضه عليها من ساقت السيار ة يعني ردة البيت قبل التسع حتى لما كنا نزور خالتي ام جسوم رفيجة ماما كانت تصير 8 ونص امي تقول يلا حان موعد رحيل سندريلا في اول تمرد لأمي على قانون الساعة 9 ابوي طقها ! وامي رفعت ايدها تقوله هووووووب اول تطق ! لما كنت مسؤول عني لما كنت قادر علي الحين لا ! انت والطاولة واحد ! ............................................... هدوء فظيع ! طلقني عبدالله ! شلون ما تدرون انحل الامر ابوي رضاها ! يمكن خاف علينا ! يمكن خاف تقطع امي المصروف ! ممممم تهقون خاف منها ! واحنا بس نفكر شنو بيصير باجر اذا هذا يومنا كملنا دراستنا على هالحال ! ظروف بايخة ! كنت كل يوم اقول يارب ارزقني بزوج نفس ابوي مع انه كل يوم كان يطيح من عيني الف مرة الا اني معجبة فيه وايد على ماقالو كل فتاة بأبيها معجبة ! اليوم اول يوم بالسنة الدراسية الجديدة ايمان قبلوها في جامعة الكويت لو تسألونها عن هدفها بترد عليكم هدفها ان تصرف على البيت خالد فشل بدراستة لرابع ثانوي لثاني مرة وكاهو يعيدها بعد انا نسبتي مادخلتني اكثر من معهد تطبيقي !! ودانة للحين تدابج ههههههه متوسطة واعليه جدامها طريج كااااااك أمي كل طموحها انه تسوي عملية تجميل ! ابوي كبر بس ! ياني بابا يقول يبا تقدملج اليوم واحد ويبيج توافقين ؟ يووووووووه كان يوم عجيب سويت نفسي بنام ركضت على غرفتنا لبست شلحة بيضة قصيرة مع كعب ماما وقمت ارقص وارقص وادور والف واخيرا بطلع من بيتنا اف مابغيت يت امي تقول وانتي مسرع وافقتي!! فطوم اللي متقدملج من اهل ابوج يعني ماكو مستقبل يا ثولة طبعا الله وكيلكم عمج اصمخ يا فتو المهم انه يبيني ثاني يوم رديت خبر لبابا اني موافقة وبلمح البصر كانت الاتفاقات امي حبت خطيبي تقول انه فقير خوش ريال مممم تذكرون خبر حمل امي @@ كان صدمة صراحة تدش علينا والا حامل عبالها بشارة هههههه الكل تضايق الا بابا يعني اكيد بيفرح سواها البطل ههههه مممم يعني شنو يما انا بالكوشة وكرشج جدامج وبالفعل تم الزواج وبالعرس كانت امي بالشهر الرابع يعني كرش مو صج ههههههه دخلت بيتي بنفوف ابيض مع براءة كان كل شي في بيتنا امي تسويه بايدها ! ماكنت اعرف اسوي شي اول يوم يقولي شنو غدانا ! اوخ @@ شفيه هذا من اولها ادق على ابوي يقول لازم وادق على امي اعلمها تقول يخسي ماتطبخينله شنو اول يوم تطبخين! غباء كان اختياري عرفت هالشي متأخر !! وانهدت احلامي مع خبر حملي ! يعني صرت انا نفس امي يوم بغت ترد عند اهلها بس للحظة ترددت بسبب حمالها باختي ! و تعلمت كل شي ! وصرت احسن طباخة ! ودارت الايام وتحققت امنيتي بشبه زوجي لبابا ! بالفعل كنت نسخة من ماما ! عباية راس ! مافي كلية ! افصخه دلاقه ! كان عرق ابوي فيه عطر المسك ! بس هذا لا يعني ياربي اشمعنه انا ! استغفر الله هذا طلبي وتحقق ليش اعصب مو انا كنت ابي واحد يشبه ابوي وماتت احلامي متأملة اني اذا يبت ياهل بيحققها !! حان موعد ولادة امي للطفل اللي غير مفاهيمنا ! الكل عند غرفة الولادة انا ايمان وخلود و امي العودة كان في خطورة على حياة امي لأنها تجاوزت الخمس وثلاثين من عمرها ! فقررو ولادة قيصرية ! للأقنعة بقية ,, | ||||
|
| |
|
13-05-13, 06:24 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| امي طلبت من ابوي يوقع انها تسكر الرحم شلون مادري اهي عملية يسونها بعد الولادة عشان لا تحمل مرة ثانية واذا بتحمل لازم عملية عشان تقدر مممم ابوي يحاول في امي واهي تبجي تقوله عبدالله بس عيالنا شكبرهم ههههههه بابا جونكر فديته ههههههه عاد ابوي وقع على مضض!! كان حده متضايق على هالسالفة وكأن حاس في شي يصير عقبها ممكن يغير في حياتنا 180 ْ يتنا الممرضة تتبوسم مبروك ماما جيب بيبي ولد الله قصدها اخوي علي خالد يبجي امبيه شكبرك لا تبجي ماما بخير مبروك يما << كنت بشهري الخامس حزة ولادة امي شعور بايخ انا وامي نفس الوضع لوووووول اختي ايمان تحاتي ولادتي وايد كانت باليوم تدق الف مرة فاتي بشري ولدتي << واهي تدري انه تو الناس ههههه واعليه بعض البنات تحوشهم حالة (انفهاق) اذا تعقدو بالدراسة لوووول من النظرة تحسون ثولة طبعا محد اثول غيري انا اللي وقفت قيدي من الكلية والسبة الحمال مع انه غيري كان تحمل وتولد بنفس الكورس ويداومون والحياة سعيدة علاوي انولد بعيب خلقي بصمام بقلبه اكو فتحة وقالو احتمال تسكر مع مرور الوقت بس اللي ماكان عادي انه اكو صمام شبه مسكر !! وقالو لازم نسويله عملية بس بمل يزيد وزنه امبيه امي ما صدقت تييب اخو حق خالد بعد هالعمر ياربي الحمدلله على كل حال الغريب بعلاوي انه كلنا جلحان ملحان ههههههههه واهو اشقر وعيونه خضر !! كان لعبة البيت مر اربع شهور وانا للحين ماحسيت بعوار الطلق مر موعد ولادتي وانا هذي انا ما ياني شعور بالولادة لما قال الدكتور احنا نولدج قيصرية لأن ضغطج ارتفع والياهل استوى على الاخر لوووووول امي وعلي بحضنها تهدي فيني وتقول ما يعور لا تخافين وايمان كل ما نقومها يغمى عليها اقولكم معقدة حتى الحنان زايد هههههههه خالد انا العلة اللي كنت في البيت كله مع بعض نسوي دقات بامون فاكيد بيخاف علي بعدين منو بيعل قلب امي وامون غيري هههههه الكل ينطر الخبر لما قالهم الدكتور ولدت يابت ولد زوجي كان يبجي مادري امي تقول احسه وايد قوي انصدمت لما عرفت انه بجا تهقون يحبني :$ طلعوني بعد الافاقة على الجناح العمومي مستشفى حكومي طايح حظ يلا ماعليه المهم ولدي بحظني  شوي والا يبون ولدي وع مو حلو يما جيكي يمكن ولدي غير الكل يضحك خو انتي جلحة شنو بيكون ولدج كاااااااك اول مرة اشيله كنت ارجف وصدري قام ينقط حليب على هدومي!! امبيه استحيت منهم جان انادي ابوي للحينه يبجي هههههه ابي المه اهديه ساسرته بأذونه قلتله يبا اكو حليب دمر هدومي جان يقول ليمتى اقولج اسرارج حق امج انتي بنية امبيه صح نسيت مامي << اصرخ اكو حليب على هدومي الكل قام يضحك يااطخه يا اكسر مخه ههههه ولدي كان مافيه شي بس علي للحين مريض ياربي يشفيه يقولون عمليته عقب 4 شهور يعني يصير عمره 11شهر عشان يقدرون يسون له قلبه طلعت من المستشفى ابي هدية والا كلمة مبروك من ريلي ماكو كان بارد وع اول يوم زارني وانا عند امي يابلي شهادة الميلاد لأنه كنا نتهاوش على الفون انا بسمي ولدي بكيفي واهو يبي على اسم جده اسماعيل امبيه اسم قديم خو  طلعت بسلم عليه والا ماسك شهادة ميلاده وفيها اسم بابا  امبيه ولدي اسمه عبدالله << تبجي وربي كانت احلى هدية يتني بولادتي خلال هالاشهر كنا عايشين بمقارنة ولدي واخوي ههههههه اجلح واشقر ممم من الاخر التوأم المختلف لووووووول كل ملابسهم نفس بعض بس المقاسات تفرق نفسي انا وامون قبل تذكرون ولدي كان يتحرك وايد ونموه طبيعي بس علاوي لا كان اذا يحبي يصير ويهه ازرق وماما تزفنا لا نخليه بروحه على الارض امي اضطرت تقدم على تقاعد والله ستر انه لها رصيد بالغرفة التجارية اللي جمعوه مع سنوات العمل وقبلو تقاعدها عشان تتفرغ لرعاية علاوي وين ما تروح كان معاها جنه ميداليتها اليوم عاد دقو مستشفى الصدري لأمراض القلب ! وقالو المريض علي عبدالله باجر دخول عشان يسون له قسطرة لمعرفة حالة القلب وتقرير ماهية العملية !!! البيت اعتفس تلفوني ماسكت ايمان تدق تبجي وامي من صوب وخلود من صوب :/ دانة ماكانت مهتمة تقولهم انتو مكبرين السالفة على الفاضي وايد كانت متفائلة ! استأذنت من زوجي انه نعيش مع اهلي هالايام لما الله يعدي هالازمة على خير ! وافق ويه معاي وامي وايد فرحت بتقديره لي اذكر يدتي تقول حق زوجي اني ساحرته هههههه والله ماساحر الا انتي يا ماماعودة كاااااااك كان بيتنا وايد معتفس وامي مرة قرآن مرة تصفق حق علي ترقصه ماكانت توقف كامرا الفيديو عن علي حتى بالمقارنة يبووووووووووي شنو كان ضغاط مو طبيعي خالد يقول علاوي جنه شاورما اول الليل وعبدالله ولدي جنه سيخ كباب هههههههههه لأن علي كان متين وعبدالله ضعيفونو الساعة 9 الصبح كان موعد دخول اخوي غرفة القسطرة ! كلنا عند الباب ماعدا دانة كان عندها امتحان ! امي سلمت علاوي للمرضات داعية ربها انه يرد لحضنها بلسلامة .. بجي مو طبيعي مع انه ياهل الا انه اكل قلوبنا بجماله كان جميل وايد ابوي حضن امي وبجا انا واقفة اصبر اموت واعقلها مابيها تبجي كافي امي خالد منهار مو عارف شنو يسوي ! ريلي قطني واستأذن بيروح الدوام @: دوم مفشلني للأقنعة بقية .. | ||||
|
| |
|
13-05-13, 06:25 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  الدقايق تمر ببطء كل ما طلعت ممرضة قمنا وقفنا ! ممم لا جديد دانو من دخل علاوي المستشفى مازارته والسبة امتحاناتها ممم دقيت عليها على اساس امرها تشووف علي من يطلع من غرفة العمليات رحت لها البيت جاهزة ولابسة طولت واهي تحوس زفيتها مادري ليش احس الوقت يمشي بسرعة واحنا برا المستشفى امبيه دانوو تبجي تقول فاتي شنو اخذ حق علاوي اي لعبة كانت مشتريتله العاب ما امداه لعب فيهم راح يفرح اكيد فاتي اخذهم كلهم انا : لا خليهم واخذي وحدة ماراح يلعب فيهم تعبان اهو ركبنا السيارة تسولفلي انه علاوي مايحبها اسألها ليش ؟ تقول انا الوحيدةاللي يشوفني يخاف انا:ليش عاد اكيد طاقته دانة:لا الله فاتي ماحب اشوف ياهل مااحوس بخشمه احبه يكون نظيف وامي تزفني اذامسكته غصب انا:خو انتي كل شي عندج غصب خليناالحين نشوف شنو صار عليه وييب الله خير بعدين حطي خشمه بيدج حوسي فيه دخلنا المستشفى اول دخولي مرت جنبي عايلة تبجي يؤ يا حسرتي والا ولدهم متوفي امبيه عاد انافيني صفةكلش مو شي وايد اخذ السالفةمن اولهااستغفرالله حرام التطير او التفاؤل والتشاؤم بصفة اخرى المهم نغزني قلبي رحنا ركض على غرفة العمليات مالقيت اهلي هناك دانة راحت لقت ابوي بالممر يبجي يقولها ليش ييتي !! امي بغرفة علاوي بالجناح تقرا قرآن ! امبيه يا دانة تقول عن نفسها قبسة امبيه لا يصير شي بعلاوي كلهم متجمعين بغرفة علاو اقولها يما شنو طولو تقول ذكرو الله علاوي بخير قلبي يقول انه بيرد مافيه شي ! رحت عند ابوي اقوله شفيك يبجي يقول وقعت على العملية يابابا والله خايف عليه ياربي وين اروح رحت ادور احد اسأله مالقيت الكل يحاتي دخل علينا ريال عود على كرسي متحرك يساعده هندي يسلم اوخ باباعود ماشاء الله كبر يما يما باباعود كاهو شوفي لمت باباعود وقعدت عند ريوله تقول يبا علاوي لا يصير فيه شي والله اموت يبا قولهم يردونه يباعلاوي اشقر وعيونه ملونة يبا شووف شوف صورته باباعود مافتح حلجه باي كلمة ! كان هذيان امي اكبرمن الموقف ضيعنا يمكن الكل كان يفكر بأمي وتركنا علاوي لرعاية الله عزو وجل امي كانت حزينة حزينةوالله الكل واقف والوجوه صفرا ! الدكتور طلب ابوي نزل ابوي يكلمه ! يقوله الكلية وقفت عند علي خالد: يبا بشر !! مابشره ابوي .. لاحول ولا قوة الا بالله هذي الكلمة الوحيدة اللي كان يقولها نروح ونرجع على الغرفةانا ودانة وطلع ابوي ترك المكان ! زين وعلاوي يبا تعال علاوي بغرفة العمليات وين رايح دانة قالتلي تعالي ندخل اذا مادخلتي ما راح اسكت وربي اصرخ بالمستشفى وربي وربي رحت وراها الغرفة اللي قالو عنها افاقة ! قلت للمرضة بشوف علي ! قالت علي منو قلت علي اخوي انا سستر مال هوا اشرت لي على السرير ياربي بعيد ما اشوف شي ممكن ادخل نتطمن !! قالت صبر ياربي والله والله الوقت بطيء والصبر نفذ ابوي نزل يقول روحو مع خالد البيت ! نعم ليش البيت انت شتقول لاااااااااااا ارجوك ما نخلي امي بروحها تكفة يبا لا مو وقتك تتمرد علينا يبا خلنا خلنا اليوم بس مع امنا ابوي همس بصوت تعباااااان علي مات يافاتي روحي يبابا روحي اخذي اختج وروحي فاتي : مو بكيفك مايموت اصلا مايموت اخوي ما امداني فرحت فيه والله ما امداني انا الوحيدة اللي بعيدة عن بيتكم ماشتفه صبر انت شتقول دانة : جذااب علي مامات كاهو شفته على السرير الممرضة تقول صبر انا بصبر ماني رايحة روح انته اذا بتروح تعودنا على قسوتك يبا خلنا هالمرة ارجوك نصبر سحبتني من ايدي بعد سمحت لنا السستر نشوفه واشرت على السرير امبيه لا مو علي حبيبتي نبي علي عبدالله الدموع ماخلتني المح يمكن,, امسح دموعي وعيني على السرير يا جماعة اللي اشوفه صج جسد مكفن بقرطاس لونه ابيض ! نفس الشرشف مال المستشفى اللي يحطونه تحت المريض يؤ علي علي علاوي اخوي قوم قوم << دانة تهز السرير قوم ماعاد العب بخشمك والله قوم ماعورك بس قوم قومممممممممممم ارجوك سحبونا عشان نطلع بابا خطوتي ثقيلة يابابا مو قادرة اطلع بروحي روحي راحت مني يبا اااااااااااااه يابابا آه قسم بالله قسم بالله احس اني يومها طلعت روحي طلعت طلعت خلاص مات علاوي وانتهت الفرحة اللي كانت فبيتنا ! رحنا ننادي امي ياويل حالج يا دلال اسمج دلال وماشفتي من اسمج شي ! لاحول ولا قوة الا بالله نقولها يلا يما روحي البيت غيري هدومج ونرد نتطمن على علي تقول مابي خلوني اذا انتو تعبتو انا لا صدري فيه حليب احس علاوي يوعان ايمان :يما يالله تكفين خالد ماتكلم ولا كلمة كان تعبان كان مصدوم مادري بس انه كان يمسح دموعه عن امي ماتشوفه يبجي لأنها ماترضى انه يبجي اقتنعت اخيرا امي انه خلاص تروح تغير بس قبل قالت ودوني عنده الحين الكل عرف خبر وفاة علي الا امي خفنا عليها قلنا بنخبرها في البيت نزلنا تحت على العمليات والا بويه امي الجراح اللي سوا العملية ابتسمت بويه الدكتور تقوله بشر ياخوي ياعسا ايدك تنلف بحرير يارب ياعسى تحب الكعبة يارب ياعسى تفرح بعيالك يارب ياعسى عمرك عمر شعيب النبي قول امين الجراح : معلشي ياحجة قضاء ربنا جسد الطفل فقد المناعة بمرحلة متقدمة من العملية امي : للأقنعة بقية .. | ||||
|
| |
|
13-05-13, 06:28 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رجعنا البيت هالمرة كلنا مع بعض للأقنعة بقية .. لكن من غير علي كل الناس يوونا يعزونا امبيه عزا علي كان وايد عود اول ما دخلنا العمارة الحارس عرف بجا وايد وحتى اللي يغسل السيارة كان يغني حق علاوي كل يوم صبح يشوفه وراعي البقالة ياربي ملامح الشارع حزن كان بيتنا كل واحد بغرفة امي بدارها تشم هدوم علاوي وابوي يبجي ولده اللي ما امداه فرح فيه وزوجي قاعد يواسي خالد .. البيت ما فضى ! صار العصر موعد دفان الغالي ! ابوي مارضا نروح امي قامت تصرخ ابوي رضخ وقال يلا قومو خلصوني كلنا رحنا ناطرين علي يوصل من المستشفى صليبخات مقبرة الشيعة مع انه بابا سني الا انه امي مارضت تبي علاوي بالمقبرة اللي اندفن فيها الشهيد خالي ودخل علي المغسلة ! طلعو الرياييل بعد ما غسلو جثة المرحوم يه دورنا نودع اخونا لآخر مرة ! والله ما انسى هاللحظة علي كان يبتسم فديته امي مسحت على راسه تقوله نوم العوافي يما ارتاح حبيبي انته طير ياقلبي يه دوري ياجماعة انزل راسي ابي ابوسه احس شي يسحبني صوبه امي تقولهم بشوف بس عمليته شافت امي خياط العملية شقو صدرك ياعلي اااااااااااااه يا علي واغمى عليها شالوه دفنوه خالد وايمان وانا ودانة لامين بعض نبجي ابوي لأول مرة اشوف راسه منحني ( ليومي اللي اكتب فيه ابوي رقبته ما نرفعت منحنية!) ردينا البيت كل يوم موعد رضعة علي كان حليب امي يدر! تروح تمسح صدرها بهدومه ! منظر مبكي حقيقة ! الكل لاحظ كره امي لأبوي ولومها المستمر له بأنه سبب بوفاة علي لأنه وقع على العملية ! الحين بعد ما غاب اللي جمع شملنا في يوم طلبت امي في يوم تجتمع معانا احنا البنات واخوي خالد عشان تبلغنا انه حياتها مع ابوي لهني وتنتهي ! ومن يوم ورايح ماعاد تعيش معانا ! تبي ترحل عن حياتنا واحنا ماعدنا نعتمد عليها وصتنا على نفسنا ! وقالت لا تزعلون انا راح ازوركم ! وبالفعل تطلقواا طلاق بااااااااااااائن ! لا رجعة فيه الحين لازم نعرف انه ماعاد لنا ام صار البيت مسؤول من ايمان وخالد ابوي ماعاد يطلع من الغرفة ماماعودة تتعطف علينا تزرونا كل اسبوع مرة دانة نزل وزنها النص انا مليت من تعليقات زوجي ايمان وقفت قيدها ! خالد طلع من المدرسة شفتو شلون الام تلم !! سقط قناع الحب في عيني .. كان هذا القناع الالف اللي يطيح بعيني يا ناس ! | ||||
|
| |
|
13-05-13, 06:29 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ايام مرت .. والخطاب صارو يطقون بابنا يبون يتزوجون ايمان !! ومرة طلبو اختي دانوو مع انها بالمتوسطة ! ابوي : فاتي ابيج بموضوع دشي وصكي الباب يقول بابا انا ماعاد اقدر اتحمل الحياة بهالوضع ابي استر خواتج وازوجهم وارد ديرتي على الاقل اموت بين اهلي وناسي على طول قلتله اششششششش لا تكمل انا بنتك مداس ريولك انت شتقول!! انا بدونك ما اعيش بابا انا فاتي حبيبتك تذكر يوم قالت امي ابي عيالي انا جييت عندك انت بس ما ابيهم بابا انا ابيك مو مشكلة عندي شنو ظروفنا ! بابا : فاتي يباا دقي على امج قوليلها ترجع البيت !! انا بخليكم واسلم امري لله يبا ما يصير احكركم بعد على الاقل اهي تقدر تجابلكم انا مابيدي حيلة ! زين يبا كلهم عادي راح يقدرون يعيشون اتوقع معاها انت ما فكرت فيني @@ معقول تنسا فطوم بابا زين اذ امي رضت ترد ميخالف تقعدون فبيت واحد ! كل واحد بصوب بس خلوكم انتو صرتو ملكنا مو ملك نفسكم ! يبا احنا ما عدنا صغار يعني انا صرت ام ومداني فهمت هالمسؤولية بابا بليز قال كلميها اذا ترضى ياريت يبا الناس يخطبونكم ويسألون عنها شنو متوقعة اقول ؟ انهيت كلامي معاه وركض على غرفة البنات بنات دريتو ابوي بيرد امي ضحكو ضحكة استخفاف والله العظيم انتي وياها اكلمكم جد ردت دانة بصوت عالي : مو لما اكون ابيها ختولي باعتنا شنبي فيها وع وع صج اكرهها حتى ما عنت عمرها وما دقت ! دانة لا تقولين جذي مهما كان هذي امي انتي يا ايمان ردي شفيج لمتني تقول فطوم ودي اتزوج وافتك من هالبيت اوف لاعت جبدي من هالمسؤولية ودي كمل دراستي بنات خلق الله يدرسون واللي كبرو على وشك تخرج الا انا ! ولهت على كل شي بالجامعة انا صراحة ما اايد ردتها البيت انا : ليش يا ايمان على الاقل تصرف عليكم ! ايمان : يعني بس يايبينها تكدون عليها وهذي حالتها والله ومالت على هالحنان الي بقلوبكم انا اقول لو امي بترد يا اما ترد ترتاح من هالشقا ! يا اما خلوها تعيش حياتها يمكن تتزوج انسان يعوضها عن التعب اللي تعبته دانو : امبيه تخيلو امي مع كرشها تحب واحد ويتحدا اهله ويتزوجها كلنا ضحكنا ههههههههه ما كنا نعتبر انه امنا ممكن احد يعجب فيها غيرنا ! مع انها كانت حلوة لكن متينة ! ما عمرنا شفناها كاشخة ! كله طباخ وتنظيف فديتج يما .. ثاني يوم الصبح .. دقيت على خالتي ام جاسم : خالتي ابي امي اذا دقت عليج خل تحاجيني ام جاسم : فطوم امج مسافرة !! انا : نعمممممممم .gif) امي شنو @@ شتقولين انتي امي ماعمرها ركبت تكسي ! تركب طيارة @@ امبيه لا ارادي صكيت التلفون ركضت على ريلي اشكيله ريلي : شنو متوقعة من وحدة صايعة تركت بيتها وعيالها انتي من صجج تقولين لها يما ! هذي ام هذي ! انا : اظن امي ربتني اني ما ارد عليك حتى لو غلطت علي ! بس هالشي ما يمنع اني ماعاد تفرق وجودك وغيبتك بحياتي واذا تبي تطلق طلق انا امي اشرف من اهلك كلهم كلهم فاهم يا حقير تركت البيت وطلعت وخذيت عبدالله معاي رحت عند خواتي بحجة اني بقعد معاهم ما قلتلهم عن اي شي قلت يومين ويحس بغلطته ويردني ! وانا عندهم كنت احاول اقوم بوجبات امي واسولف وياهم تعلمت بهالمرحلة بحياتي اسوأ طبع فيني اني اعبر على جرحي عشان لا حد يحس فيني واصير ارجوز بس غيري لا يزعل !! شهرصابرة وابوي كان بس هو اللي يعرف السالفة اللي بيني وبين ريلي تخيلو حفاظ ماكان ييب حق عبدالله !!! بالأيام كنت كل يوم ادق على خالتي ام جاسم اسألها امي ردت ؟او لا اللي اعرفه انها مسافرة مصر مانعرف احد مناك ياترى امي شعندها ؟ وكان هالسر مأرقني خصوصا انا من النوع اللي ما يعرف يكتم السر!! مرت اسبوع والا تتصل خالتي ام جاسم تقول فطوم امج راح توصل اليوم على الكويتية الساعة 11 بليل قلتلها اهي تبينا نكون مناك قالت اي مسويتلكم مفاجأءة رحت بلغت خواتي انه بوديهم مشوار وقلت حق اخوي مارضى قال روحو بس لا تتأخرون انا مابي اروح عباله اني بعشيهم برا وبس مايدري فديته انه بيشوف امي بعد عمري يما واخيرا بشوفها ماحبيت اصر عليه قلت اول وتالي بيشوفها خذيت خواتي غصب والله قبل كنا نتهاوش منو يركب جدام بالسيارة الحين غصبتهم عشان اييون معاي الحمدلله على كل حال وصلنا المطار مع رفضهم التام باقتراحي انه نقعد بستار بوكس لأنهم ما يحبون هالجو ماكانو اجتماعين ابد خواتي يمكن من الظروف الشينة اللي مرينا فيها ممم كانو جدا يستحون حتى مني عقب ما اتزوجت استأذنت منهم اني مشبهة على صديقة لي نزلت بسلم عليها جان ادق على خالتي ام جاسم الو وينكم خالتي :امج للحين ما وصلت انا : خالتي احنا بستار بوكس ام جاسم : تعالو صالة الاستقبال أنا :اوكي كاني باخذهم وبنزل . رحت فوق لقيت لمحت دانة تخش شي بجنطتها !! ممممم وين ايمان ؟ قالت ها ( مرتبكة ) ايمان راحت الدبليو سي الحين بترد انا : زين شنو اللي خشيتيه بالجنطة بسرعة دانة : (اعتفست) ممم بعدين اقولج يلا طلعينا مانبي نقعد مني بيني وبينكم ما قدرت اثبت شنو بالجنطة اللي من شافتني اخترعت وخشته ! قلت لا حقة مردي بعرف خليني اعيش فرحة امي الحين نزلتهم تحت ايمان تركض ورا عبدالله هبل فينا ولدي يومها انا ويمان لابسين عباية عادية لكن دانة كانت كاشخة مادري ليش حسيت انها اوفر يمكن لأني مو متعودة اشوفها تلبس برا كله عباية كانت مضى على غياب امي تقريبا عن حياتنا مدة اربع شهور من بعد وفاة علي بشهر ! يعني خمس شهور امي بعيدة عنا عادي جدا نحسها كبرت ملامحها وصلت طيارة امي انادي خواتي تعالو همه مستغربين شفيني ! منو بستقبل اللي مهتمة لهلدرجة ولا خالتي امجاسم تشوفهم تسلم عليهم وتقولهم امكم الحين بتوصل ياااااااااااااااااه ما اروع ابتسامة ايمان كانت صج مدمعة بس والله كنت احس بصدق فيها ركضنا واقفين وحدة ماسكة ايد الثانية يت مامي خالتي :كاهي دلوووووووووووولة واااااااااو نيو لوك وايد دلول تهبلين صايرة والله شاطر الدكتور ! امي تمشي ببطء تبوسها دانة يما خلاص بتردين لنا ! امي مو قادرة تمشي تناديني فاتيووو تعالي سلمي على مامي لا وع يما لا لا امبيه مابي اصرخ مو امي خو هديتهم ركض على السيارة رافضة شكل مامي اليديد !! ايمان قالت يما ما نقدر نطول ابوي قاعد ابروحه روحي انتي ارتاحي نشوفج وقت ثاني دانة :يما بنام عندج تكفين امي : مالي خلق ابوج يدقدق وعد لما اقدر امشي راح ازوركم واطول بالقعدة معاكم وعد والله وصلو السيارة انا راسي على السكان وابجي مستحيل هذي امي ياريتني ما رحت معقول كلام ريلي صج استغفرالله ليش يما صرتي جذي ! طول الطريج دانة معجبة فأمي والنيو لوك امي يا جماعة الخير ماعاد عندها كرش ومادري جان لما شالو الكرش شالو معاها العباية امي اللي ماكانت تقط العباية لابسة جنز !!!! ياربي والله ارفض هالشي شنو بناتها عبايات واهي جنز ! حجتها انه بابا حرمها من وناستها وانها تعيش عمرها ما عجبني ابد ستايلها اليديد ! حتى اني غرت عليها واحد لما كنا نسلم عليها مانعرفه كان يطالعها !! ياريتج يما للحين تلبسين عباية راس!! للأقنعة بقية ,, | ||||
|
| |
|
13-05-13, 06:30 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ردينا البيت كلنا مستنكرين هاللي شفناه حقيقة كانت صدمة ! معقول امي جذي هذي امي ام العباية والكرش لابسة جينز @@ زين معقول ماما سافرت بروحها ! مادري احاجي زوجي والا لأ ؟؟ يعني اللي ما يحن على ولده بحفاظة تهقون بيحس فيني لا قلتله امي تغيرت علي بيلمني لا بجيت من الوله على لوك ماما قبل! حطيت بقلبي وسكت حتى بابا ما قلتله ايمان اذكر مانامت يومها بس تتقلب دانو خاشة شي عني مادري شنو قمت اراقبها ! بعد جم يوم لقيت دانة تعدل بهدومها واهي طالعة من الحمام والا يطيح منها تلفون !! اوخ @@ أنا :موبايل منو هذا ؟؟ دانة : مال صديقتي .. انا : هاتيه دانووو دانة : لاعفية فاتي ما اقدر مال رفيجتي انا :دانة هاتيه لا ادق على خالد يتصرف بنفسه ! دانة : والله اقول كل شي والله والله بس تكفين خالد لا بليز فاتي انا : اوكي هاتيه وروحي قعدي نطريني بالدار خذيت منها الموبايل ورحت دارنا انبش فيه وال مافيه غير رقم واحد مكتوب باباتي !! اجيك والا مو رقم ابونا @@ امبيه حسرتي اختي قامت تحاجي @@ ياربي مو عارفة شلون اتصرف صج انا ام بس مو عارفة اكون ام عشان وحدة طولي ! زين ياترا ادق على الريال ؟ والا شسوي ؟ خشيت الموبايل ورحت شلت فيشة تلفون البيت هم خشيتها على طول دشيت عليها الدار طق طق طق مو طبيعي لما فججت عظامها واهي ما عندها كلمة على لسانها الا انتو السبب!! ابوي وامي السبب انتو كلكم ماتحسون كلمن يبي راحته وشايل همه بروحه ماقلتو اني ابي اهتمام انتو ما تبويني انا ما غلطت والله ماغلطت لما حسيت بعوار بيدي لميتها حيل اقولها يابقرة وربي نحبج وربي بس امي وابوي مايقدرون يردون دانة : ليش فاتي شدعوة اذا ردو يعني بيسون شي ! ايمان دشت الغرفة تقول فاتي هدومج كلها دم من ورا !! قلت اخيرا نزلت دورتي تأخرت شهر وشوي علي ! ماكان دم دورة ! نزيف ما تحملت الالم دقيت على خلود يه وداني مستشفى الصباح قالتلي لازم دخول حبوبة بنسويلج تنظيفات هذا اجهاض قلت الحمد لله على كل حال دقيت على ريلي ابيه يكون معاي بهاللحظة تفل بويهي وقال روحي شوفي امج تشيش بمقاهي يلا ذلفي يا حقيرة مالت على تربيتج !! اصلا ان اشك حتى بعبدالله يكون ولدي !!!!!! ياربي شسوي انصدمت بس ابي اتدارك الموقف عشان خالد لا يعرف شنو قال ريلي ولا يروح يسويله مصيبة وتزيد مشاكلنا ! خذيت جنطتي بلغت اخوي وقال انا اييج باجر الصبح ارتاحي ولا تشيلين همنا بليل عقب التنظيفات قاعدة بروحي والا اسمع رنة غريبة !مصدر الصوت جنطتي ... ذكرت انه تلفون اختي دانة رديت قلت هلا منو @@ << كان نك نيمه بالموبايل باباتي قال حبيبتي نايمة !! قلت لا قال ادري ما تنامين اذا ماسمعتي صوت باباتج !! بفهمه اني مو دانة ما يمديني الا وهو يقول هاتي بوسة @@ عاد انا هني انصدمت وصكيت الخط ! امبيه صج صوته حلو بس امبيه معقول ببوسه !!! احنا فاتن حمامة يوم تبوس انور وجدي بالفلم كنا نغمض عيونا هههه شيبي هذا صار الصبح وانا مانمت ! عوار خف وايد لكن التفكير اكثر زاد ! دانة ليش جذي تسوين حجي براعة مع الغريب ! ياترى هل امي سبب بعلاقة دانووواليديدة مع هالريال ! للأقنعة بقية ,, | ||||
|
| |
|
13-05-13, 06:30 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| كلمت بابا بكل شي ماعدا سالفة دانة ودار اني اجهضت وزعل مني عباله اني اجهضت بكيفي !! افا عليك بس يابابا الا فاتي عاد صج اني ما احب اليهال لكن مالي قلب على اذية احد هالمرة ااذي ضناي !! يتني دانة تتحمد على سلامتي وتصبرني على اللي صار ! وتعتذر ان كان اجهاد صابني بسبب طقها يوم صدمتني باللي سوته قلتلها ما اسامحج الا اعرف هذا شنو سالفته ! دانة : فاتي انا الوحيدة فيكم ما عشت مع امي وابوي مع بعض من انولدت ! يا عند هذا او عند هذي وجان زين اثنينهم مهتمين فيني امي تعطيني فلوس وابوي يقول بابا روحي عند امج محد فاهمني بنهاية دوام المدرسة تعرفت عليه كان ياي ياخذ بنته كبري والا اشوفه امبيه فاتي وايد حلو ( انا توقعته شاب@@ ) فتي ما تتخيلين شنو ودي يصير ابوي بالصج اها يعني دانة كانت تدور عن الحنان لقيتها يعني لو انا اهتمي باختي ممكن اعوضها قمت اخذها بحضني كل يوم انومها والله انه عبادي ينام عند امون بفراشها واني انا انام مع دانو والسبة اني توقعت انه الحنان هذا اهو اللي ينقصها ماكنت ادري ان السالفة صعبة ! في يوم رحت ارقابها بالنهاية دوام المدرسة لبست عباية راس وخاشة ويهي وين ماتروح اقرب صوبها والا الاخت تسبل حق واحد بعيونها @@ امبيه وين قاعدين جان اتلها منهدومها واطقها للسيارة << حمقت حيل والله ما استوعبت شلون صرت بس المهم صارت ردينا البيت قلتلها ماكو دوام مانبي مدارس من يوم ورايج وماكو مصروف وماكو طلعة الحين عاد فهميني شلون بتغمزين حق الرياييل بهالحال ياجليلة الحيا فكرت اني اكلمه ترددت وايد والا اقول السالفة حق امون على انها سالفة رفيجتي كان راي ايمان انا لو مكان اختها جان كلمت الريال لأن الاخت ماعمرها سوت شي بدون سبب لأنها ياهل أكيد بتنجرف بس اهو عاجل وريال عود لازم يخيل على دمه ويفكر فبنات الناس ! اقتنعت بكلامها طلعت بروحي اتمشى والا ادق عليه من تلفوني قلتله ممكن نتعرف كنت مرتبكة وايد قال منو نتي قلت انا رفيجة دانة ودي اشوفك بقولك شنو صار لها قال اقدر اشوفج عاد ي؟ اهلج يرضون ؟ قلت اي حقيقة ماكنت متوقعة اي شي بيصير المهم كان ودي ارعف شلون تجرأ لعب بمشاعر بنت مراهقة اهو : اوكي نلتقي انتي وين ؟ فاتي : انا على البحر ضايق خلقي قلت اتمشى شوي اهو : تعالي مركز سلطان فوق اكو خوش كافيه فاتي : ماشي تم بعد ساعة انا هناك بالطريج ماكنت افكر بأحد لا ام ولا ابو ولا احد حتى ريلي نسيته حسيت اني بشوف هالمجرم وبتم اهين فيه لين يوخر عن اختي صارت الساعة 6 ويه الموعد الاول ! دخلت من كثر ما كنت خايفة اسمع رقعة قلبي وانا امشي ! اتصلت عليه والا يقول شفتج ياقمر ! فاتي : هاه @@ وينك انت ؟ اهو : انا كاني طلي يمين شوي بتشوفيني فاتي : اها سكر شفتك كاني يايه جان اروح فوق تحت على الدبليو سي مادري ليش ترددت جان يدق يقول تعالي فاتي : هاه مابي استحي اهو : لا قلبي تعالي ماكو احد امان وهدووء اليوم دوامات لا تحاتين مو زحمة رديت له وقعدت على الكرسي مجابلته .. وللأقنعة بقية | ||||
|
| |
|
| الكلمات الدلالية (Tags) |
| أقنعة |
| أدوات الموضوع | |
| انواع عرض الموضوع | |
|
|
العرض العادي
