آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-05-13, 06:31 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  دار بينا هذا الحوار اللي كان وايد محرج بالنسبة لي وايد حلو بلانسبة له اول شي مد ايده قلت عفوا ما اسلم على غريب جان يخزني يقول سلمي لا تفشليني جدام الناس شيقولون بعدين يعرفون اني مواعدج @@ اوخ ياكبرها عند الله ههههه جان امد ايدي كانت اول يد غريبة امد ايدي اسلم عليه تم ماسك ايدي يقول ايدج ترجف وانا ابي اسحب ايدي ابيه يفج فاتي : لوسمحت لا تنسى نفسك ترا اقدر اصرخ ! اهو : اسمي عادل وعمري 47 سنة موظف بالداخلية متزوج وودي اتزوج صراحة عقب ما شفتج حسيت انه يبيلي اتزوج اثاري الزين كله هني وانا عبالي مرتي محتكرة الجمال ضحكت لأنها قالها باسلوب يونس للحظة تمالكت نفسي قلتله ممكن ندخل بالموضوع عادل : آمري سرحت امبيه عمري ما سمعت ريلي يقول امري !!! ااااااااااااااااه كله منه اهو السبب والله !! فاتي : انا اخت دانة ! عادل : ادري اتوقعت كان واثق جدا انج انتي فاتي : لا تتوفع اني بكلامك المعسول ممكن انجذبلك انا مرة كبيرة وما انجر برذيلة لو على رقبتي !! عادل : افا بس افا شهالكلام انا شنو طلبت فديتج سمعي انا ماراح اكلم دانة لسبب وحد بس ! قاطعته : اللي اهو ؟ عادل : انتي فاتي : نعم @@مبطلة حلجي عادل : شفايفج حلوة تدرين ! فاتي : لوسمحت لا تتحجى براعة . عادل: ماشي شنو تشربين ابي اشوفج ونتي تشربين احس بتكون لوحة ولا اروع بمخيلتي ! فاتي : انا ما شفت بحياتي اوقح منك وهاااااااااا اها ماني شاربة شي عادل : يعني عصبتي ؟ تدرين عاد متعتي اراضيج ياحلو الدلع لما مايكون تصنع فاتي : بقولك شي قبل لا امشي . عادل : أنا كلي لج .. فاتي : ابعد عن دانة واتركنا بحالنا تراها بنت كبر بنتك عادل : وانا من لي ؟ شلون اقدر انسى القمر اللي معصب الحين  فاتي : ارجوك هذا اخر كلام عيب عليك تعيش مراهقتك على كبر ! وبمنو ؟ فبنات خلق الله عادل : انتي منو ايمان والا ام عبدالله ؟ فاتي : نعم @@ وشعرفك باسامينا عادل شوفي حبوبة روحي سألي دانة انا شلون اعاملها . وتعرفين اني مو من النوع اللي يلعب انا اختج لو ابيها جان بمكالمة وحدة اجيب راسها وتجيني لحد عندي فاتي : ممكن اروح ؟ عادل: صبر اوصلج للسيارة فاتي: ماله داعي ارجوك عادل : اذا كان ابو ولدج مايعرف الذوق او مو متعود يدلعج فأنا بدللج بحطج بعيوني لأنج خسارة فيه ! قمت اناوياه بعد ماحاسب او ما طلعنا من الكافيه على يمينا فرع الزهور استأذن مني دقيقة ورجع يقول تفضلي ولو انه الورد ماينهدا للورد نفسه فاتي : لو سمحت مالاداعي عادل : انتي قهوتج ماشربتيها !! فاتي : اخوي وبعدين عادل : ناديني عادل او باباتي ! فاتي : انا بمشي وصلنا السيارة قبل لا اركب استأذنت منه وشكرته وطلبته انه ماعاد يجرب يقرب علينا اكثر من جذي عادل : فاتي انتي تنحبين على فكرة بويهج فيه غمازة حلووة فاتي لوسمحت عادل عادل : عيديها قبل لا تروحين ايده على باب السيارة يبطل الباب لي امبيه انا ريلي مرة وانا توني والدة مافتح لي الباب لا وقيصرية ولادتي ! اذكر قالي عن الدلع خلصينا ! للأقنعة بقية .. | ||||
|  |
|
13-05-13, 06:32 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| طول طريجي افكر فيه كان وسيم لدرجة انه لفت نظري على انه اشيب الزلف ! كان عطره بيدي ! كل شوي شميته بقلبي اقول يا بخت مرته فيه ! ومرة اقول ماتنلام دانو ! ياترى شنو بسوي شلون اتصرف ؟ فتحت باب الشقة اسمع ضحك بغرفة خواتي دشيت والا المح بنوتة تلعب مع عبادي ولدي وخواتي يمها قلت اكيد رفيجتهم سلمت والا دانة تقول سلمي تعالي ياية بسلم ولا امي .gif) ههههههه يما ماعرفتج سوري << من داخلي كارهة اللوك اليديد وايد امي : معذورة قلبي شلونج ماما فاتي : بخير فديتج وانتي ؟ ماما : خلاص برد اعيش عندكم امري لله ما اقدر فراقكم لميتها وقلتلها خو من اول يما ليش !! قالت اتفقنا انا وابوكم انه لي في الشقة دار بروحي واهو بورحه بتحمل هالجم سنة خل تتخرج اموت وازوجها وتكمل دانو دراستها ونزوج اخوكم ونستركم وبعدين يحلها الف حلال ! قلت على البركة يما بدلت رحت غرفة بابا دخلت عليه كان يصلي خلص دعالي بابا :مبروك ردت امج فاتي : شكرا بابا انت اغلى اب في الدنيا بابا : ماتتخيلين يا فاتي شنو استحيت منها لما شفتها مو لابسة عباية راس فاتي : دري فديتك انا ماحبيت اقولك عشان لا اضيق خلقك بابا : الله كريم بس عسى ما تأثر على خواتج ياحلوه بابا كان دوم يعدني انا كبيرتهم اي خو قبل اناجاسوسة عنده هههههههههه عادت المياه تقريبا الى مجاريها !! يمكن مجرى الماي هالمرة غلط لكن الناس مايعرفون شنو الظروف الحقيقة داخل اليت ! امي ويهها خير علينا اتصلو ناس خطاب حق امون ممم امون اهي الفقر طلعت مو دانة ههههههه خايفة ماتبي تتزوج لما اصرينا على السبب انا وامي طلعت الاخخت تقول انها تخاف من اول يوم !!! طبعا انا وامي مصخرناها اسوبع نتطنز عليها هههههههههههه واحنا على العشا والا يطق الباب واخوي يقول شيلو العشا ادخلو داخل عندنا ضيوف امبيه ضيوف شنو الساعة 11 الحين ؟؟ منو بيزورنا مممم والا اسمع صوت عريس لغفلة زوجي  اف اف مابيه شيايبه هذا  بقلبي ميته عليه ابي اشوفه بصراحة ابو عيالي لو شنو ماسوى والا امه تدش علي الدار تحب راسي تقول يا امي ميخالف ترا مهما صار هذا زوجج وابو ولدج لازم تردين رديت وايدي على قلبي خايفة على بابا ودانة ! ابوي من تصرفات امي وخايفة على دوينة من تصرفاتها الطايشة ! كان وايد يعتذر كان يمسح دموعي حتى اني اذكر يومها طلب اني انوم ولدي عند امي بالطريج كان يتغزل فيني يقول وين الكرش طيرتيها على جذي كل ما اتههاوش وياج اوديج عند اهلج بصراحة اقرف من اسولبه احسه مايعرف يتكلم اميه وينه وين عادل كان فنان بالكلمة !ّ وكل ما اذكر عادل اتعوذ من ابليس اقول بقلبي هذا حلالي هذاك لا بس يابنت لا تفكرين بالحرام ! وايد كان يوم حلو حتى انه وعدني بيسفرني فديته بوعبدالله جنه يدري اني كنت تعبانة كانت ردته لي بهالوقت مثل تكملة لقصة الفرح امي ردت وانا رديت ودانو ماعاد تكلم لأنها اكيد بتحس بامي وابوي من يديد يارب هدي سرنا والله احبهم مابيهم يفترقون ! للأقنعة بقية .. | ||||
|
| |
|
13-05-13, 06:41 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رجعت الايام تمر عادية والحمد لله الامن مستتب ههههههه كنت اغير هدومي بروح بيت اهلي ريلي دق يقول بيمرني بعد نص ساعة يعني يادوب البس والبس عبود بنروح عند امي وانا اغير جنطتي انقل اغراضها والا المح الموبايل اللي كانت دانة تكلم فيه عادل !!! مممم فتحته والا اقرا 30 رسالة لي انا بالاسم !! ممممممم مرة كاتب ولهت عليج ومرة كاتب القمر متى موعده مر الشهر وما شفته ! ومن هالسوالف اللي تحسون منها انه مهتم فيني توني بسكر الموبايل والا اييني اتصال منه مممم رديت صراحة عادل : يسعد مسا العيون السود العيون اللي ماغابت عن عيوني لحظة ! يسعدلي قلبج الطيب اللي يحن علي ويرد بعد هالفترة من الاتصالات !! الاميرة ليش ساكته ! الووو الووو فاتي : الو نعم انت منو << اتهبل مو عارفة شقول عادل : انا اللي شغلت لج بالج انا اللي سريتي وعطرج بيدي عادل ماعرفتيني يافاتي تسمحين اكلمج اليوم لو نص ساعة انا راضي مكالمة مو لازم اشوفج لأن دانة ... قاطعته : نعم دانة @@ شفيا بعد @@ لا يكون كلمتها وربي وربي هالمرة اعلم اخوي عادل : انتي دقي ولا تحاتين والا اقولج تعالي انا مكانا تلاقيني المغرب راح انتظرج حتى لو ما ناوية تيين يكفي اني اتخيلج معاي .. صكيت التلفون امبيه قلبي يرقع اف ياربي كلامه معسول شلع قلبي عمري ما فكرت بريال جذي ممم هذا الحب معقول ؟ زين انا متزوجة ياربي شلون ؟ فزيت من طقة الباب والا ابوعبود يزف فيني يا حمارة صارلي ساعة ناطرج انا فتحت حلجي ماتوقعته بيسبني ترا ما امدانا ردينا وماكو شي مستاهل هالسب ! بجيت وقلت مو مشكلة بروح عند امي ابوي تهون السالفة رحنا طول الطريج يكلمني يقول مو تخربج امج وتيينني على يوم لابسة شورت !! ويضحك بصوت عالي نسى انها امي اللي ربتني ! يقول حق عبود وعبود ما يعرف يتكلم عبودي بابا مو تقولها ماما عودة جدام الناس لا تفشلنا !! فاتي : بس عاد كافي انت ما تستحي هذي امي لو شنو ما سوت وبعدين كيفها اهي مو على ذمة ابوي كيفها يا خي ياني كف على خدي حذف راسي وطق الجام بجيت وقلت بنفسي اصبري مردج بتوصلين عند اهلج وتقولين لهم انج ماعاد تتحملين الحين اهمه ظروفهم هانت وممكن يوقفون معاج يابنت ! وصلنا واهو يضحك وبسخرية من وضع بيتنا ! نزلت لهم انا وولدي والا ابوي يحضني مشتاقلي حتى اني عند الباب اقوله بابا خليني ادخل هههههه عبود بحضن ايمان حبيبها دانو وامي يقولون خنسلم على اختنا ياجماعة وخرو شنو طابور هههههه فرحتهم باستقبالي نستني الم الكف اللي خذيته ! تغدينا واتصل زوجي علي يقول سيارتج برا طرشي اختج دانة تاخذ المفتاج انا راد البيت مع صديقي فرحت قلتله بنام عندهم قال اوكي بس ما وصيج امج لا تلبسج جنز ويضحك باستفزاز هالحقير للأقنعة بقية .. | ||||
|
| |
|
13-05-13, 06:42 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تعليقاته كانت تجرحني وبنفس الوقت تخليني اكره تصرفات ماما لدرجة انه الامر اخذ مني كثير من الوقت اكون معاهم اسرح ! ماكانت ابد شخصيتي هادية لكن الهدوء خذيته قناع من هالاقنعة اللي اعامل فيها البشر ! اول ماوصلت كتبتله مسج انا مابي حياتي معاك وان كان هذي اخرتها تعيب على امي او تصرفاتها وتشككني بتربيتي فأنا ارحب بقرار الطلاق رد علي بمسج وكان اهانة للمرة الالف منه ! صج أنج ,,,,,, وماتستحين !! تعودتو على الشوارع والشرشحة انتي مو كفو تصيرين ام اصلا انتى عبدالله اشك انه ولدي وتأكدي انا لو امي ترضى انه اطلقج جان من صيد امس انتي طالق ! عرفت اني بعد هالمسج انه ماراح اقدر اتحمل الحياة معاه وانه مستقبلي صج صج ماراح يترقع لجأت لخالد اخوي لأول مرة ادخله بحياتي هو كان انسان منطوي على نفسه اغلب حياته سفر من عقب ما توظف يجمع هالمعاش ويطير البحرين ! يقول انه وده يعيش هناك انا واثقة انه يبي يهرب من الديرة اللي احنا فيها ! طلبته يوقف معاي ورويته المسج مارفع راسه من الموبايل الا واهو طالع من البيت الكل قاعد يضحك ويسولف امي وابوي بعد يسولفون واحد يعيب على الثاني واحنا نضحك على التعليقات الا انا ... امبيه خالد وين راح ياترى اتصلو علينا المخفر يبون ابوي ! ولدك بالمخفر ! ياحسرتي انا اللي مابغيت ابوي يشيل همي ! الله يسامحك ياخلودي كالعادة ابوي ام خالد انتي روحي اكيد يبون كفيل !! ماما لبسي فاتي وتعالي معاي استحي يما ادش مخفر رحت معاها.. وبالطريج خبرتها كل الموضوع اللي صار ! لأني متوقعة الف بالمية انه خلودي طق ريلي امي ابد ما علقت ولا حتى توقعتها بتعلق بعد شنو بتقول اذا كل السبب كان منها ! اهي اللي يابتلي كل شي صار !! صج انها ماتدري بس كان من الاولى ماتاخذ حياتها وحياة غيرها دخلنا المخفر سألنا عن أخوي قالو بالنظارة ياجماعة شالسالفة والا خالد داخل على ريلي بيذبحه @@ قالنا حجي الشرطي نه لازم يحولونه على النيابة العمة لأنها جريمة كاملة الشروط !قلنا حق الشرطي عفية ولي يسلمك نبي نشوفه قال تشوفونه الحين بس نطرو تخف الزحمة بطرف عيني أشوف امي تتبوسم حق الريال @@ وي وي شفيها ينت هذي @@ تبي تفضحنا اهو ما نزل عينه عنها وصل خالد يلمني يقول انا عشانج كل شي اسوي امي تكلمه يقول حق الشرطي وخروها عني لا تصير جريمتين قتل !! بصراحة امي مستفزة على هالتصرفات الصبياينية !! لا حول ولا قوة الا بالله مشينا وامي ما تأثرت ! نزلتها البيت ورحت مممم مركز سلطان نفس الكافيه ! ادوره كان مفعول رسالته نفس السحر شلون لو يدري اني محتاجه حنانه !! لقيته لابس نظارته ومجابل لاب توبه قربت منه قبل لا يرفع رسه قال فاتي هذا عطرج الحلو شسمه !! عرفني من عطري وانا ريلي من على نفس العطر كان يقولي هندية انتي ؟ شنو ريحة دبراملا @@ يربي والله فرق!! وقف سلم علي طول ما سحت ايدي هالمرة كنت ابي يمسكني حيل ابي حنانه لو هو غريب فاتي : طلبتك عادل امريني على روحي فاتي : نطلع حدي متضايقة عادل هذي مفتاح سيارتي نزلي انتظريني تلاقينها تحت بالمواقف بورش كايين لونها كحلي وكأنها سيارتي نزلت وانا مسلمة نفسي وللي فيها فيها ! خواتي يدقون انتي وين قلت انا بنام بشقتي ريلي بالمستشفى واحمد بالمخفر وامي عندكم وخلو ولدي عندكم ماني رادة اليوم باجر الصبح يمكن ! وبالفعل ركبت سيارته وشغلتها ونطرته الله عطره حلو ريحته عجيبة كنت ابي انسى كل همومي معاه هو قادر على هالشي !انا متأكده انه بينسيني كل مر بحياتي مع اني ماعرفه ! طيب ليش رحب فيني ؟ معناها يحبني << غبية كنت افكر ان الحب جذي ! وصل عادل ,, يه من صوبي بطل الباب عدل الكرسي عادل : مابيج تتضايقين ريولج الطويلة هذي مابي اتعبها ! اوخ من اولها ضغاط ! سلمت امري له فاتي : شوف حدي تعبانة وانا مابي ارد البيت مادري ليش ما عرف احد غيرك ابي اعرف شنو عالمك !! عادل :انا متعتي اروح البحر فاتي : الله بحر يلا نروح عادل مستغرب : يعني تبين نروح ؟ من عيوني نزلنا البحر بس شاليه عادل كان غير امبيه احلى من بيتنا وايد فخم حتى فيه خدم @@ من صجهم هذول يعني عندهم فلوس هالكثر يحطون خدم حتى بشاليهاتهم ؟ طول الطريج ابجي واهو ماسك ايدي وبيده لثانيةيسوق اقوله انا ما ابيك انا ابي بس اهتمام تعبت ماعندي سند لا ام لا ابو وين اروح ؟ كل شي حسيته قلته كان مثابة دكتور يعالجني هدوءه حتى لمسته كان اذا بعد ايده مممم العب بخاتمي يقول ولهتي على ايدي بس كنت احط عيني بعينه كنت ابي هالحنان اقوله اي وانا مو واعية على الخطأ اللي امر فيه للأقنعة بقية .. | ||||
|
| |
|
13-05-13, 06:47 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بعد ساعتين من السوالف اهو متمدد يسمعني باهتمام وانا العب بالرمل على يال البحر واقرق وابجي رفع راسي بيده عادل : فاتي لو الدنيا كلها ضدج انا ابيج تفهمين ؟ فاتي : ابي ارد البيت ممكن ؟ عادل : لا مو ممكن مو قبل لا تخليني ابوس عيونج فاتي : لو سمحت مو معناها اني بمكان خاص فيك اني اسوي كلام براعة شنو انت ما تعترف بشي اسمه صداقة عادل : احبج وانتي معصبة تعجبيني فاتي : تعجبي اكثر لا رديت البيت وراح تكبر بعيني بعد عادل : فاتي لو تشوفيني للحظة بنفس عيني اللي اشوفج فيها بتعرفين شكثر احترمج !! تعالي معاي براويج شي قمنا دخلنا الشاليه امبيه مو صج !! يخسي قصر باباعود @@ يماااااااااا امبيه هذا ولد منو @@ طلعنا فوق وانا على الدري اقوله : امبيه شكو دورين خو كلها شاليه عادل : فاتي لهلدرجة مبهورة بلشاليه انتي ما شفتي بيتي عيل قاطعته فاتي : مابي اشوفه شكرا عادل : اخ بس لو تيوزين عن الدلع وترضخين لي شوي والله تصيرين ملكة على ايدي فاتي : انا ملكة نفسي احسن من احد يملكني مادري عاد زوجي ملكني شنو فادني عادل مد ايده على رف بممر مربع بين غرف لنوم اللي فوق وقال اختاري اي مفتاح تبين فاتي : ابي المفتاح اللي يطلعني من اهني بسلام عادل وهو حاط ايده على جتفي : فطوم انتي بتصيرين محور حياتي !! وانا ماني قادر اشيلج من بالي هاج هذا المفتاح دشي شوفي هالغرفة تعجبج ؟ انا لقافة مني خذيته يعني صراحة مو شاليه امبيه مو صج يعني انا معقول باخذ لي غرفة يعني لا ضاقت فيني الوسيعة بيي مني ؟ خدم وحشم وعلى قولته بس دقي السايق اييج لعندج !! ابطل الغرفة فيها صورة مرة !! هذي اول شي لفت انتباهي جان اصكها بسرعة واقوله بروح بروح مابي اقعد انت شنو تبي فيني ليش تسحرني انته انا بروح ارجوك لاتخليني اصرخ عادل يضحك : فاتي ياعيوني انتي منو بيسمعج لا صرختي حرام هالصوت المبحوح يختفي وبعدين انتي مايلوق لج العصبية انتي الدلع كله !! امبيه سرحت ذكرت ريلي كان يقولي انتي هييي يابقرة !! وهذا يقول الدلع كله امبيه ياجماعة لحقوني بمنظرة ابي اشوف هذا شنو شاف فيني حلو وعجبه @@ اطالع الساعة قال قومي غسلي ويهج يلا مابي اشوف دموع مرة ثنية شوفي شلون ويهج كله كحل ويلا مشينا نحدر الديرة ورانا درب رحت الحمام بغسل ويهي وناسة حتى حمامهم حلو هههههههه زين ما سبحت فيه لول جان ننزل ويبطلي باب سيارته وقبلها تسند على السيار فاتح ايده وانا مجابلته بين ايدينه يقول تسمحين ابوس الانسانة اللي عطتني الامان واوعدها اني ما اكون لها الا سند ؟ يايه بدزه جان يبوس يبهتي قلبي قام يرقع امبيه شنو يبي هذا انا ريلي بعرسي بس باس راسي زين ياترا يبي مني كلام براعة ! زين لو يبي براعة يا ثولة جان من قبل شوي وانتي فوق سوا براعته وخلاني بالشارع !! لا لا شكله حبني امبيه وناسة عادل يحبني .؟؟ ركبنا السيارة بالدرب نسولف قال باجر اخوج خالد عندكم في البيت بس ها مابي تبجين بعد لا المح دمعة وحدة فهمتي حبيبتي ؟ اف اف منين طلعلي بكلمة حبيبتي احس خدر جسيمي ايدي عرقت ماسمعتها من قبل كلهم ينادوني فاتي ماماعودة تناديني سعلوة وابوي يناديني الزعيمة وماما تناديني فاتيووو وصمخ ههههههه وريلي .... ااااااااااااااه يا ريلي كله يناديني بقرة للأقنعة بقية ... | ||||
|
| |
|
13-05-13, 06:48 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رديت شقتي ونمت يومها بروحي ريلي بلمستفى دريت انه تعبان هالكريه على فكرة يدتي تقول فيني حوبة يعني ما تمر السالفة اذا تضايقت لازم اكون راضية كاااااااااك لا تشوفون خوااتي لا عصبوني والله ما يتهنون حتى بنفنوف ههههه وصلت وانا للحين اشك اني وصلت عيوني ما تشوف غير الحلم اللي مساع ! معقول ما يبي مني شي امبيه ياعادل وينك من زمان وينك قبل لا اتنيل واتزوج هالحقير الصبح شلون صار وماحسيت بعمري مادري وعيت على صوت مسج اقرا عادل : صباح الخير على احلى ويه صادفته صباح الحب اللي من البارح وانا احلم فيه ! مممم ياربي ودي ادق اسمع صوته لا يخسي ماني داقة ياني مسج ثاني وانا ابدل هدومي طالعة بروح اشوف شصار على خلود بطلي الباب الورد ينتظر عطف الساقي @@ امبيه معقول ياني للبيت @@ هذا اثول ول شنو من صجه هذا ايا غبي بطلت الباب أنا وكشتي وفلافلي شكلي حده وع كان ما امداني لبست لقيت باقة ورد مو جوري كان طويل ولونه ابيض وداخل برتقالي غريب يعني بس عجيب يهبل يا الله ماعمري لفت انتباهي الورد لكن صجحسيت بسحر يومها من كثر ما اوحالي بامور كثيرة اولها الوانه الهادية مسكت موبايلي بكتبله مسج والا يدق !! الله وناسة ممم ارد @@ لا لا مابي صوتي مو حلو توني قاعدة من النوم زوجي كان الصبح يقول يازينج ساكتة امبيه هذا شنو بيقول مارديت وصلت السيارة واهو يدقدق وهم مارديت كتبلي مسج عادل (عاد تدرين مشتهي اسمع صوتج اول الصبح احس بروعة البحة واخلي يومي من اوله خير)امبيه هذا شيبي لا يدلعني ولاااا كل شي ماكان يعجب زوجي هذا يشوفه روعة !! مو يا امه اهو ماعنده ذوق يا اما ريلي صج عمي هههههه رحت المخفر قالولي خالد عبدالله الحين يستجوبونه بالنيابة العامة وين فيه يا جماعة ما ادل قالولي وين فيه ادارتهم ورحت واخيرا هذا خلودي صباح الخير حبيبي هلا بالغالية هلا فاتي ليش متعبة عمرج حبيبتي لا ياخوي اذا انا ما وقفت معاك منو بيحس فينا احنا اخوان يا خالد ولو شنو ما ابعد عنك وانت بحاجتي << صوت من المكتب دخلو المتهم فاتي : وي حسرتي لا يكتبونله انه متهم بعدين يضرونه بالوظيفة بدش معاه ما رضو اسمع واحد يسأل عن مكت بالمحقق والعسكري الموجود يقوله تفضل طويل العمر والله بشيييييييي بشييييييييي هذا طويل العمر وانا الملكة مادخلوني ههههههه بسني تحلطم خو محد دلعني غير عادل شنو مداج صرتي ملكة لووووووول ودش المفعول به الاخ المبجل ريلي عريس الندامة :/ يصرخ يقول انا اراويج ويهددني وتفل بويهي جدام الناس امبيه وين اروح ماعرف اتصرف مع هالهلاقة .gif) للأقنعة بقية .. | ||||
|
| |
|
13-05-13, 06:48 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| دخلت غرفتي فبيت ابوي وركض اقط هدومي وابطل الجيس والا ساعة ماركة !! امبيه يخسي ما اخذها انا من وين لي اعطيه هدية نفسها عشان يهاديني ماركات امبيه شكلها وايد غالي جان ادق عليه فاتي : الو << بصوت مختفي مستحية عشتو لوووول ما مداني والا يقاطعني عادل: احلى الو ياروح الو بعد عمري اللي قالت الو تدرين عاد ما سمعت وحدة تقول الو جذي من قبل اهو الالو مالج ليش غير الالو مالهم هههههه فاتي:ضحكة من قلب عادل : حتى الضحكة غير ياناس اقدر اقول احبج وال تو الناس << ساكتة عادل : ودي اقول الو ردي بس مستحي الالو مالتي تفشل نقدتيني عقب ماقلتي الو هههههههه فاتي : زين بقولك اسكت ابي اتكلم خو .gif) عادل : انا كلي لج الحين قولي تعال اييج مشي من بيتنا << قاطعته : تعال عادل : يهون عليج امشي هالطريج فاتي : لا بس ما يهون علي تقول شي وماتسويه عادل : تبين نطلع حبوبة نسهر شوي ندردش ؟ فاتي : مممم لا ماقدر عادل : تقدرين فكري بس ولا بغيتي كتبيلي مسج بكون يم بيتكم طلعي من الباب الخلفي للعمارة بكون هناك فاتي : مينون لا .gif) مابي عادل : فتوي حبيبتي العمر لحظة !واذا طاف العمر مانعيشه مرتين ! فاتي : عادل بينا مسج صكيت التلفون نابي اتذكر ليش دقيت !! نسيت اقوله عن الساعة ياحلو سوالفه عيار امبيه يونس الحين عاد شلون اقوله اني ابي اشوفه وانا مابي خو لا يقول خفيفة لووووووول كتب مسج منه عادل ( يلا قلبو لا تتأخرين ناطرج تحت على احر من جمر )اقرا وميته من الضحك قلبي يرقع اطل من الدريشة والا محد قلت يقص علي رحت نومت عبادين ولدي وارد الغرفة والا اربعتش مسج @@ انا تحت الانتظار صعب احبج كثر ما تطنشين يازينج زيناه حياتي وينج الو يا حلو صبح صبح يا عمي صبي ماي على سيارتي راضي بس طلي من الدريشة مينووووووووووووووووووووون يهبل الله ما توقع انه الحب حلو هذا الحب معقول ؟ جان البس جينز وبلوزة بيضة وركض نزلت عد ما قفلت غرفتي يعني نايمة داخل ركبت السيارة وحرك على طول وصلنا الشارع الرئيسي وووقف شفيك ؟ ما بست ايد اميرتي يحق لي اوقف اصلا الديرة بكبرها توقف عشان ابوس ايدج امبيه ريلي كان يقول عن ايدي مضرب هريس هههههه هذا شفيه بس يبوس فيها ؟ عادل : وين الملكة تبي تروح ؟ فاتي : والله يارفيق انته سوق وين ماتبي انا يقولك بعدين من يوم ورايح اسمك شمس الصبي مالي فاهم عادل : وانتي بعد من يوم ورايح اسمج قمر حياتي فاهمة ياربي شيبي هذا كله قلبي بين اهلي وخذاني منهم اف اف انا متزوجة يعني لازم ممممم خطوط حمرا جدامي شنو قاعدة اهبب انا !! عادل : ممكن الاميرة تفكر بصوت عالي ؟ فاتي : ابي اتمشى على البحر شوي ابي اكلمك بموضوع عادل : تبين نروح ناخذ لنا سويت فيه حمام سباحة ؟ فاتي : انت ليش معقد الامور شدعوة الحين معاك اليزابيث تايلور قاطعني : تخسي الا هي انتي تسوينهم فاتي: اي شي تبيه سوه امبيه مو قادرة اقاومك رحنا هيلتون كان اول مرة ادشه صاير صوب فحيحيل محافظة الأحمدي وايد بعيدة عن بيتنا المكان على الاغلب بس للهاي ستاندر يعني ماكو هلاقة واي شنو امشي وانا ابتسم من الوناسة حدي عشت دور الملكة وكأن الحقيقة مابيها تنتهي .. ولا جنه برد البيت بعد شوي باكل هوا من ريلي .gif) مشينا كل شي جاهز وترحيب مو طبيعي له كان في بالي اسألة وايد بس كان بكل كلمة له فيها دلال ودلع لي انسى اهم اسألتي .. للأقنعة بقية .. | ||||
|
| |
|
13-05-13, 06:50 AM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| استأذن مني يقط قميصه وقلت اخذ راحتك قال تبين تقطين حجابك ؟ اخذي راحتج هااااااه حجابي @@ لا :/ شكرا وهو يفصخ قميصه عادل : تدرين احس شعرج ناعم وطويل واحس ريحته حلوة تهقين انا صح ؟ فاتي : زين يعني اذا شعري مفلفل شنو بيكون مو حلو اصلا الكيرلي موضه <<بشوف شنو رده ! عادل : وخري ايدج شوي ابي اشوف الحرير لا انتثر شلون بيكون سلمت له نفسي فصخني حجابي وانتثر الحرير اللي كان الشي الوحيد اللي يغري ريلي فيني !! مسك شعري ولفه على ايده وشمه انا خفت انه اندمج بامور اندم عليها بعدين فاتي : ممكن نتكلم ؟ عادل : ممكن اتمتع بملامحج واحنا مع بعض خليني على راحتي ابي بس اشوف الجمال اللي خلقه ربي لعباده خليني اعرف سبب فزة قلبي عليج بكل رمشة عين منج ! فاتي : اذا تميت جذي مضطرة اخليك وارد البيت عادل: فاتي مفتاح البورش تلاقينه فوق الطاولة اذ بتروحين باجر اطرش سايق ياخذها لا تحاتيني ممممم اوف اوف قهرني برده فاتي : اوكي سلام مسك ايدي وياااااااااااه على مسكته الحنونة شنو احبها بقلبي اقول يارب لا يقول رووحي عادل : تعودت ابوس ايدج لا سريتي.. فاتي : مع السلامة خلاص قفلت حدي انا ندمت حتى في يوم كلمتك عادل ضحكة قوية فاتي: انت شنو بتينني عادل: لا فاتي ها عيل عادل : احبج معصبة تونسين فاتي : الحين وين فيه المفتاح عادل : امبيه حبوبة تنسين وايد انتي كاهو منك على الطاولة ويضحك من كل قلبه فاتي :زين تدري شلون انا صج صج بروح عادل : وانا صج صج احس قبل ما كنت عايش لما ما كنت اعرفج ! فاتي : ياهييي لا تاخذني بالكلام المعسل ترا برجي العقرب وصوب العقرب لا تقرب عادل : انا عاد غرامي ال****ب الحلوة فاتي: انت شتبي فيني قمنا من صوب حمام السباحة ورحنا زاوية فيها كراسي جلد فخمة كبيرة وايد كان احلى من صالة باباعود عادل: بقولج شبي فيج تعالي بس لعبي بشعري بسولفلج والله فاتي :زين لا تلزق وايد حط راسك على ريولي بس خل المخد على ريولي عشان لا تحوشني عادل: عيل ما اقول ماتبين اقولج شبي فيج ؟ فاتي زين خو قول ها أها هذا صماخك شكبر صماخك ههههههه عادل: انا يا فاتي ماعشت طفولة حلوة ولا حتى مريت بمراهقة تدرين قبل شنو كانو يسموني؟ انا ساكتة ابيه يسترسل بكلامه عادل: معاي ؟ أنا اهز براسي كمل عادل : كانو بالمدرسة يسموني المعقد لين وصلت مرحلة الجامعة كان شكلي مو حلو وضروسي مو حلوة وكنت كل ما تقربت من بنت تقول عيوبي وما تشوف الحلو فيني حتى عملية تجميل سويت تخيلي انا شنو كنت !!!! فاتي ولا عليج امر يبيلي البوك تلاقينه داخل قميصي مناك فاتي : حاضر وخر بس خل اقوم عادل : ما اقدر ابي اتم حاط راسي على فخذج احلى من اي مخدة فاتي : توخر والا شلون ؟ عادل : مجرمة معقول تسوينها هههههه يلا وخرنا قومي اشوف رحت يبت البوك وطلعلي صورته قبل واهو بالعشرينات وع ماكان حلو @@ خشمه كبير وفيه حبوب وايد وشعره مقرع من صوبين مع انه شباب !!! فاتي :يؤ هذا اخووك عدل ؟ عادل: هذا انا قبل التعديل لووووول فاتي : معقول ؟ للأقنعة بقية .. | ||||
|
| |
|
13-05-13, 06:50 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| انا الله يسلمج دكتور ومتخصص بمجال الحروق والتجميل وبعد ماخلصت دراستي توظفت بالمجال العكسري لأمور كثيرة مابي اسهب في ذكرها منها انه ابوي يبيني نسخة منه فاتي : طيب لا تزعل مني بهالكلمة انا اتوقع اللي نفسك عنده فلوس وعايش ومنصبه مرموق يبي يتسلى بمشاعر انسانة فيجرفها معاه الى طريج مادري شنو اخرته عادل : ارجوج لا تكملين انا ما اقدر اقول الا اني بالفعل تعلقت فيج خصوصا انج رديتيلي بدون اي ضغط مني كان بامكانج تكسرين الجهاز او الخط وتطنشيني لكن رديتي لأنج حسيتي فيني قاطعته فاتي: لا ياعادل انا ماحسيت فيك انا ما امداني افكر لأني لو فكرت اكيد بكون على غلط !! عادل: مو قلتلج العمر فرصة ! فاتي : زين والله ربي وربك اللي فوقنا شنو ماراح يعاقبنا ؟ والا الحب المحرم لذيذ!! انت من وين طلعلتي والله ماكنت ماقصة شوف عادل انا يمكن اني تجرأت وخذيت حيز بحياتك بدون ما نحسب حساب لبعدين ابيك تفكر باجر لا رديت بيتكم وانا رديت بيت ريلي شلون بنعيش هل انا راح اتحمل انك تلمسني واكون جزءمنك وبنفس الوقت انسانة ثانية تشاركني فيك وهل راح اتحمل اعيش الخوف على اهلي من فضيحة بسبتي انا فاطمة اللي الكل يشكيلها انا خال اخوي قام يناديني يمه انتي الوحيدة اللي تستاهلين تكونين ام هل يا عادل انا بخون ابوي وامي واخوي وكل من خذا انطباع حلو عني ؟ عادل انت انسان رائع بغظ النظر عن ملامحك او جم عملية تجميل سويت ؟ لكن لزم نعيشها صح فكر فيها لحظة بس وتدري اني ييت في الوقت الضايع يمكن لو تسافر اليوم ماحتى تذكرني عادل : اوكي قومي لبسي خل نروح ابيارد البيت فيني النوم فاتي : زعلت من كلامي ؟ عادل : يلا مشينا شرايج انتي تسوقين السيارة ؟ فاتي : عادل زعلت ؟ عينك بعيني رد علي انت زعلت لمحت دمعة ترقص بعينه ويااااااااه ما اقسى لحظة ضعف الرجل !! عادل انا اسفة وحضنته بقوة نسيت انه ماكان لابس واني مو زوجته ! بكاء بصوت مو طبيعي جرح فيني طل شي حلو وكأنه يقول انتي تعبتيني انتي على كثر ما سويتلج وتعبت عشان انول منج اهتمام جرحتي فيني عادل : ارجوج يلامشينا لبست ونزلنا وركبت السيارة وبالطريج كنا نسمع اغنية (Careless Whisper) للمميز العالمي جورج مايكل ولا حتى تكلمنا نص كلمة والصوت كان عالي جدا لدرجة اني ما وصلت البيت سقت وانا مادري على وين بس اذكر انه ياني مسج والا دانة تقول لا تردين الحين توه خالد دخل البيت !! الحل ؟ قالت ينام وردي قلت اوكي قبل لا اوصل البيت طلبت من عادل يتحمل بروحه ويدير باله على نفسه واذا يبي يكلمني لا يتردد للحظة واني حبيته والله يشهد لكن الحب ابد مايكون عنوان صح لعلاقتنا !!! للأقنعة بقية .. | ||||
|
| |
|
13-05-13, 06:53 AM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رجعت بيت اهلي الساعة 5 الفير وتسحبت وساعدتني دانة بالسالفة دخلت معاي الغرفة تسالني شنو سويت ؟ فاتي : مادري مادري ياريتج مامسكتي تلفون يا دانة ولا حتى جبرتيني اني انتشلج من موقف وقطيتني بدهاليز من امور انا نفسي بغنى عنها ! مادري مو قادرة انام يا دانة والله تعبانة ياالغالية تدرين ماودي ارد البيت يختي مليت من الطق والاهانات والتقشف وكل ما اطلب يقول ماعندي اف ليمتى دانة : يامعودة قزريها من هالصوب وهالصوب فاتي : @@ يعني شنو مافهمت دانة: خو محد يدري عن عادل يلا عن الهبل شنو ماتعرفين ضحكيله ودلعيه خو الحين كلنا نعرف هالسوالف هذا وانتي متزوجة وماتعرفين يا حظي هههههههه فاتي : جب ولا كلمة انا ما اسمحلج تحاجيني بهالأسلوب انا اتم اكبر منج مو عشان سالفة اني اخذ رايج تردين علي بهالاسلوب دانة : اوه فاتي لا تصيرين معقدة نفس امون يعني بالذمة منو صار يخاف الحين تدرين عد اذا ماتبينه علميني اكو وحدة من رفيجاتي ميته تحاجيه اعطيها رقمه فاتي : وقسم بالله اذا سويتيها اذبحج وربي اعلم ابوي وخالد تفهمين دانة : خير خير لا تعظيني فاتي يلا طسي بنام ورديت بيتي ثاني يوم وطالعادة تقشف مرار وقرف وياريت فوق الصبر يقدر او يبين بعينه كل ما طلبت شي قال هاج السيارة روحي خل امج تعطيج !! ومرت الايام وما دق لي ولا انا دقيت .. كان غيابه بناء على طلبي ! ليش اوله عليه حتى مركز سلطان اتعمد اروح اطل من بعيد ما القاه ياترى وينه !! غاب كان حلم ؟ زين اذا حلم شلون خو ساعته بيدي ؟ وحتى عطره للحين اشمه على حجابي اللي فصخني اياه ! ماغسلته خشيته عشان لا تروح ريحته قصيت شعري كرهته مابيه دام عادل ما يلمسه وينه عن حبيبته مو يقول انه يحبني اروح عن دانة ابيها تخبرني اي خبر عنه ما تتكلم حتى يوم مرات اخذا من المدرسة ما اشوفه وادور بين الناس ابي المحه ماكنت المحه لما تجرأت وسألت دانة فاتي : دانو شلونجم سارة بنت عادل دانة : وع شيفة عمرها جنه محد حلو الا اهي تولي زين تعالي شيابها على بالج ؟ لا يكون ولهتي على عدووووووووووولي << قالتها تستهزء فتي : جب انا سألت عن البنت دانة : لا عيل خل اقولج مرة وحدة عنه فاتي : قولي تكفين اقصد هاه ترا ما يهمني بس قولي من باب سوالف دانة تضحك : فاتي يلا عاد احسج بتزنطيني عشان اعلمج لووووول فاتي : زين قولي دانة الله يسلمج الحين حاجزينهم ما تشوفين بالاخبار يبون يطقون صدامو شنو ماكو معلوم رفيق تضحك معاي ماتدري سالفة رفيق شنو تذكرني بعادل فاتي : زين يعني منو يودي بنته بيتهم ؟ دانة : عبالج فقر نفس اهلج لا يبا هذي اهي تتدلل متى ما بغت سايق متى مابغت ابوها بعد دلوعته مالت عليها حدها غثا وعووو فاتي :زين زين المهم اهو محجوزا انا بروح بيتي تبين شي دانوو : لا مابي شي بس اذا حاجيتيه قوليله دندش تقولك هاي يا حلو فاتي : جب عاد يلا باي سي يو الويك اند بقزززج صح بوديج سوق شرق دانة : اوكي بس قولي يارب ما نسمع صفارة الانذار واحنا مناك لووووول طلعت اشوف ابوي قبل لا ارد البيت والا مرتفعة حرارته رديت بفصخ وانام عنده جان يقولي بابا روحي مافنيي الا العافية فاتي : بابا عادي انام اليوم عندكم لما تصير زين ارد بابا ما اقدر اتم احاتيك اختج امون موجودة لا تحاتين وامج ما تقصر شايلة البيت والله اني مستحي منها بنت الناس فاتي : رضاك بابا بابا : رضا قلبي وربي يارب رديت البيت ونا افكر فيه بالطريج ترددت اتصل او لا والا اقرر اني بكتب مسج !! كتبتله عاد (كنت لعيوني جفن كنت اقرب من ظلالي اتمنالك كل خير ) ما امداه يوصل المسج ياني اتصال منه عادل : وحشتيني فاتي: انا عادل : قولي الو فاتي / ال ,,,, و عادل : كنت ميت وحييت فاتي : أنا عادل: انا بعد احبج فاتي : ارجو,... عادل :عطيني فرصة فاتي : عطني انت... عادل قولي الو .. فاتي : طمني عليك عادل : الحين انا ابي اشوفج فاتي : بس انت محجوز عادل : يعني تعرفين اخباري اول بأول ! فاتي : تهق.. يقاطعني : احبج فاتي اسكت بتكلم : عادل :مابي فاتي : اف اف عادل يوز بحاجيك عادل : للحينج حلوة لم تعصبين ؟ فاتي : محتاجتك عادل :وانا كلي لج فاتي مابي تبعد عني عادل : انا مابعدت انتي رحلتي فاتي : غصبن عني عادل: وانا اللي يضايقج مابيه فاتي بس انا عادل : قوليها تكفين فاتي : ا ح بك عادل : ياااااااااااااااااااااااا ااااارب حرام تكون هذي لغيري فاتي : لا تقول جذي عادل ابي اشمج ريحتج ولهت عليها فاتي : عطرك للحين بحجابي عادل انتي كلج مافارقتي خيالي فاتي : ما ابيه ابيك انت عادل ردي البيت صفارة الانذار اشتغلت ارجوج لا تخليني احاتيج الحين انا مضطر خذ موقعي طمنيني لو بمسج عنج !! وانقطع الاتصال كنت قريبة من البيت نزلت وخذيت ولدي و ركض على البيت اكره ما علي هالصفارة تعبني نفسيا زوجي قالي نومي الياهل ابيج بموضوع قلت حاضر وايدي على قلبي بوعبدالله : ابي استقر بالاردن صراحة الوضع ما منه امان بالديرة ومرد كل واحد لديرته شقلتي فاتي : انا مالي ديرة غير الكويت تبي تروح روح بروحك انا مو مضطرة ماعرف احد مناك وعيشتهم مو نفسنا وع ماكو احلى من ديرتي زوجي : والله مصدقة عمرج انتي فاتي : انت خذيت رايي وانا هذا رايي زوجي : زين هاتي بوسة فتوي فاتي : تعبانة بخمد زوجي : انتي شكلج حيوانة مو كفو احد يحترمج فاتي : شكرا من اصلك الطيب ! زوجي واهو يجر شعري : تدرين عاد ان ما خليتج تتحسرين على كل لحظة قليتي ادبح فيها علي ما اكو ن بوعبدالله بقلبي اقول مالت فاتي : تبي شي بنام مانمت كنت اتقلب كل شوي اروح الحمام اخذ مو بايلي معاي ابي اشوف ياني منه مسج او لا تعلقت فيه وايد يمكن لأني ما شفت من زوجي اللي شفته معاه.. مرت الايام وانا مكتفية بمسجات بيناا وكنت وايد اطول عند اهلي على اساس اتطمن على بابا حقيقة ايام شوي تخوف من الاخبار اليدوم عاجلة ! لكن حبيتها لأن امي كانت ما تطلع لوووول كانت تطبخ بنفسها وحشني اكلها دخلت غرفة بابا اقومه عشان يتعشى معانا والا نايم خليته لأنه قبلها كان يوصيني على خواتي وكان خايف عليهم مادري ليش قلت اذا قعدته اكيد بيرجع يكلمني بنفس الموضوع رحت بنام والا خالد يكلمني انه عينه على وحدة يبي يخطبها ضحكت لأني ذكرته بأول وحدة كان خاطره يتزوجها كان عمره ايامها 13 سنة هههههه صار الغدا ثاني يوم رحت اطل على بابا واقومه كان جسمه باارد ممماااااااااااااااااااااا ااااااااااااااااااااااااا اااااااات لحقو علي بابا ماااااااااااااات يماااااااااااااا خلوووووووود وامون ارجوكم تعالوووووووو شوفوه ابوي شفيه ارجوككم الا ابوي ارجوكم اذا راح بروح معاه لا يروح بابا بابا ارجوك تكلم تعال اتصل خالد بالاسعاف يونا وسجلو حالة وفاة اغلى انسان بالعالم على قلبي مات بابا الحنون مات وحسرته على امون اللي عنست مات يفكر بامي اللي تغيرت عليه مات واهو شايل همي انا وخلود ودانة مات الطيب ابو القلب الكبير بانتظار سيارة البدلية للموتى قعدت عند رجول الغالي اشمها اشم جسمه واهمه يبعدوني ياناس والله مو ريحة بشعة هذا الغالي خلوني خلوني اخذ رضاه ارجوكم دينا سودة ماعاد اشوف يبا ماعاد احد يصبرني يبا وين اروح ياربي خله شوي لما اموت خله يدفني خله واخذ عمري وخله خله تكفه يارب ابوي هذا هذيان وصراخ وبجي ماله والي كانت من اسوأ ايام حياتي يوم مات الغالي..... ايام كئيبة بدون الغالي ابوي مات وماعاد شي يقدر يوقف الصررخة اللي بداخلي والله لومنو ماراح اغير قراري اليوم بعد اربعين المرحوم مابذني ماي كالعادة ما اخذ قرار بدون اذن حبيبي رحت غرفة بابا فاتي :بابا خلاص مو قادرة يابابا شوفه يطقني حتى بعزاك يبا كان يقول الله لا يرحمه الي يابج وكأأن كان ذنبك انه هذا زوجي يا بابا بابا ماعاد اقدر اتحمل اي دقيقة معاه قبل ارد اشكيلك الحين انت سريت يبا الحين بس ماراح احاتيك لأني عارفة انه حضن الارض ادفى عليك من هالدنيا يابابا مسحت دموعي طلعت اقولهم قراري امي رفضت دانة تقول بلعنته يزاه اهو حقير ومايستاهل اختي تعيش معاه امون ساكته كالعادة مو عاجبها شي خصوصا انا كان كل شي اسويه تنقد عليه !! وكأنها انولدت عشان تغثني هالبنت ماما : فتوو نطري اخوج يرد من البحرين وقوليله فاتي : اخوي مو ناقصه مشاكل يما تكفين خليني اخذ قرار واحد بحريتي !! كل خطوة خطيتها بحياتي بس عشان اراضيكم انتي وابوي والا خواتي ارجوكم بس كافي طلعت بعد ما وصيتهم على نفسهم كان اول مرة اطلع من البيت عقب وفاة الغالي رحت اتسوق اجيل البيت ناقصه ماجلة وشوية ادوات تنظيف دقيت على بوعبدالله قلتله كلمة ورد غطاها مالي رده على بيتك ان صج صج ريال من ظهر ريال طلقني !! ضحك : ماشي فاتي الريال يعرف شلون يتعامل معاج عدل !! صبرج بس ان ما خليتج تصيحين الداد مني ماكون ريال صكيته بويهه وما امداه يكمل المحاضرة ساعة على ما خلصت الاغراض وشريت رادة البيت والا الاقيه عند الباب نزلت الاغراض جني ماشفته دخلت بيتنا والا يطق الباب يصرخ بطلو يا ............ ياللي انتو ... ياللي فيكم دقيت على 777 ويو خذوه قلت حق دانة تقول لهم انها اهي اللي مبلغة يه الشرطي يقول مقدمين بلاغ المتهم بالسيارة ويلا تعالو المخفر نسجل قضية راحو وانا وراهم بالسيارة دخلت عند المحقق يقولي : حمد لله على السلامة فاتي الله يسلمك اخوي المحقق: شالسالفة يبا فاتي: اخوي انا كنت برا اتسوق جان ارد البيت مافيه احد ادق على امي والا تقول انها مني وريلي متهجم عليهم انتي على ذمته قلت اي قال صبر المتهم دخل ما اروع ملامح الذل على ويهه اكرهه غبي حقير كنت ما عمري سمعت منه كلمة فيها خير بوجودي او غيابي دخل وراسه بالارض كالعادة ممثل المحقق : انت ريل الاخت زوجي : لا ماعاد زوجها من اليوم لف ويهه صوبي فاطمة انتي طالق طالق طالق اشهد ياخوي هالمرة ماعاد مرتي من يوم ورايح ياااااااااااااااااااااااا ااه اخيرا اف مابغيت واخيرا الحين اقدر اقط الاسود وارد اطير بالسما حررررررررررررررة من الفرحة بجيت ! مممم لا لا والله زعلت ممم احس اني فرحت بس ماكملت فرحتي يعني هم يديد هاللقب مطلقة !! بس مو معناها اني بموت بالعكس انا كل يوم عن يوم اقوى المحقق : فاطمة منو صاحبة البيت قلتله امي قال ناديها رحت فهمت امي اللي صار وقلتلها لاتتنازل دانة غمزتلي قربت اهمس لها فاتي : طلقني دانة : حلفي يعني ادق ابشره لولولولوش فاتي : جب احنا بمخفر استحي دانة : اي خو ماقلنا مايصير نضحك بعد :/ طلعت امي وقالت يلا مشينا كل من ركب سيارته انا رحت مع دانة وامي وامون بروحهم فاتي : يما برد البيت انا وامون عشان بشيل هدومي وبييكم امون : ارتاح مخج الحين هذا وانا للحين ما تزوجت اختي تتطلق امبيه الناس شلون بيون يخطبوني فاتي : امون جب يرحم امج لا اطيح حظج بالشارع امي : بس عاد ذكرو الله يلا امون يلا امي خليها تروح يالله يمديها فاتي : امون اييج يوم تحسين باللي مريت فيه ! بس ما اقول الا الله على كل من ظلمني ! | ||||
|
| |
|
| الكلمات الدلالية (Tags) |
| أقنعة |
| أدوات الموضوع | |
| انواع عرض الموضوع | |
|
|
العرض العادي
