آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-05-13, 06:54 AM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  اعترف يومها حق دانة اني احب عادل واني متعلقة فيه ودي اعرف كل تفاصيل علاقتها معاه دانة : اتمنالج كل خير بس مابليج تزعلين من اللي بتسمعينه فاتي : ازعل يوم يومين والا اندم العمر كله يادانة ؟ دانة: ممم فتوي ترا اهو يكلم اكثر من بنت في رفيجاتي وكله يقولنا نادوني بابا ممم ومرة باسني بصراحة خو انتي قلتي اقول انا قلبي بيوقف احس اني مقموتة اف اف معقول !! يعني عادل مايحبني تمثيل يعني ؟؟ انا وحدة من ضحاياه ؟ قلتلها بس جذي والا اكو بعد وقولي الصج ؟!! دانة : اهو ما طلع مع رفيجاتي بس اذا رفيجات ييلوقونه ويه جان طلعهم احسه مو هين فاتي : زين دقي عليه من تلفونج دانة : انتي قلتي لا ادق فاتي : ياثولة دقي انا يمج دانة : شقوله فاتي : قوليله اي شي المهم سولفي معاه نفس قبل شوفي بياخذ ويعطي معاج ! دانة : اوكي دقت رقمه يدق يدق ما يشيله فاتي : بعد لما يرد دانة : كاهو رد الوو مرحبا عادل : هلا والله منو معاي دانة : شدعوة ما عرفت صوتي عادل لا والله مو مثبت منو تبين دانة ابي اتعرف دام ماعرفتني احسك ثقيل وانا غرامي الثقل عادل : السالفة جذي يعني زين اقول ترا الديرة بحرب تقريبا ! والقصف فوقنا !! ممكن تأجلين سخافاتج وصكه بويه دانة جاااااااااااااااااااان اشق الحلج  الله يعني تكن وصار خوش وليد عقب ما حبني دانة : لا اكيد حس اني من صوبج وقال يضبط الدور صبر خل رفيجتي تدق عليه دانة : الو امونة للحين تحاجين عادل امونة : امس اخر مرة ليش؟ دانة : شكو ماكو امونة : ميت على جسمي يقول مثير دانة : زين بتطلعين معاه والا خايفة كالعادة هههه امونة والله مادري بس عود وايد علي من صجج احب مراهق بالخمسين ماكو شغل !! وصلت البيت وقبل لا تصك المكالمة بلغت دانة انه ما تحسفني على عمري اكثر وان دق عليها تبلغني دخلت غرفتي ابجي بصوت عالي فاتي : معقولة انت يا عادل !! وانا اللي من سمعت طالق !! قلت اول واحد بيفرح فيني انت ممم ياهبلة يا فاتي وربي هبلة يمشون ويجرحون فيج وتسكتين فوق هذا وذاك ماسلمنا من الهم ! من يوم ورايح انا اراويك يا عادل ان ما حفيت عشان تشوفني ما اكون فتفت مسحت دموعي وججمعت قواي جان ادق فاتي : عادل عادل : عيونه سمي فاتي : انا عادل : وانا بعد حبيبتي ولهت عليج هانت هانت والله اخليج تقولين عادل مليت منك هههه انا استغربت يحاجيني جنه ماكو شي قلت اسويله اختبار عادل اسمعني انا مسافرة مع ريلي وابي اشوفك مو قادرة جبرني وخلاص حجزنا عادل : ممممم تمسكيني من ايدي اللي تعورني يافاطمة ؟ كانت اول مرة اسمع صوته وهو معصب !! عادل : فطوم تبين اسفره !! تكفين قولي ايه سفره وانا شاربي على ريال ان ما سويتها عقب عاد كفارة والله غفور رحيم !! مممم طاح من عيني يعني لأني قادر افتري على الاوادم !! جان اقوله لا تدق علي مابي اسمع صوتك عادل : ليش ابي سبب مقنع فاتي : عادل جم وحدة تكلم غيري عادل : وايد فاتي : وانا ابجي عادل شتبي فيني عادل : انتي غير ومستعد اتركهم عشانج فاتي : وليش ماتركتهم ؟ عادل : لأنج ماتبيني فاتي : وتهقى شنو ابي فيك ؟ عادل : كل شي تبينه بيكون بين ايدج جربيني وطلبي فاتي : اوكي بطلب طلب !! عادل تم من قبل لا تقولين فاتي : لا تخليني المحك في يوم وغيب عني !! عادل : ييعطيج العافية ماقصرتي والله عموما ديري بالج على عمرج اول مرة احس اني اندقرت من بنت ما كلمته صكيته بنفس اللحظة وبقلبي اقول مالت على كل ريال يستغل ظروف اي بنت يتعرف عليها ومرت سنة .. خلالها عدلت وضعي وقلت اشتغل مصورة استيديو متنقل على قدي من عرس الى اعياد ميلاد عباديكبر بيدش روضة وابوه هد الديرة وسافر حتى ما سأل عنه @@ ومضطرة ادرسه مدارس خاصة ! وفبيتنا الاوضاع مضطربة خصوصا انه خالد يبي يتزوج والمصاريف اللي كان يصرفها علينا شبه قلت !! لأنها ملزوم فبنت الناس اللي ملج عليها ! اختي ايمان قدمت على الماجستير لأنها انهت دراستها الجامعية ومازال طموحها عالي رغم الظروف الصعبة ودانو تخرجت من الثانوية وماعقلت للحينها خفيفة عسى ما حد ابتسم بويهها الا نطت اقرب منظرة تعدل ميك ابها وهدومها كانت طبيعة شغلي اني احضر مناسبات اجتماعية علىالاغلب ماكنت اتضايق او اتنقب لأني اشتغل مصورة بالعكس كنت امارس احلى طقوس هوايتي بحب عندي من ال**ونات اللي على قدي وكان البعض يساعدني مايقصر ويوزع كرتي على البنات عشان اخذلهم لقطات مميزة على قولتهم لي ستايل في شغلي مو عند غيري الحمدلله نجحت نوعا ما في اول الطريج بمعدات تصوير عادية بالمقابل غيري عندهم اكثر ماوصلو للي وصلته اليوم ياني اتصال من وحدة اسمها سارة وطلبت مني اكون متواجدة في حفل عيد ميلادها بحيث اصورها اهي ورفيجاتها اتفقنا على الاسعار وكل شي صار واضح واخذت العنوان على اساس بالويك اند اكون عندها كانت امي في كل يوم تحطم فيني هوايتي تقول فاتي والله فشلة شغلج رفيجاتي والناس تهقين شنو بيقولون وانا اذن من طين وثانية من عجين بقلبي اقول ماعاد يهمني يما الغالي اللي اغلى من الدينا كان مصبرني الحين مايهمني احد لا انتي يما مع احترامي لج ولا اي احد دانو الوحيدة اللي وقفت معاي ممم يمكن لأني كل شوي اصور فيها خو ماكو شغل لوووووول كانو ز بايني الدائمين دانة وعبدالله ولدي اليوم موعدي مع الاخت سارة جهزت معدات التصوير وركبت سيارتي متوجهة الى العنوان منطقتهم وايد راقية هادية وبعض البيوت عندهم حارس @@ وناسة وصلت بيت الاخت سارة طقيت الانتركم : منو فاتي : فاطمة عبدالله المصورة ابي الاخت سارة طلعتلي ترحب فيني كانت وايد عسولة شعرها حلو وطويل ابتسمتلي سارة : وااااااااااو انتي المصورة فاتي : اي نعم << منحرجة سارة انا عبالي مرة عودة لا تزعلين فاتي : عادي كله واحد سارة : تدرين عاد وحدة من رفيجاتي مصورة عندج ينيت على صورج قلت فرصة دام هالمناسبة يت عشان تصوريني نتمشى بالممر داخلة الصالة امبيه قاعة كبيرة ماشاء الله وبنات زحمة سارة تناديهم : بنات يلا اللي بتصور اليوم كلكم على حسابي !! خذيت موقع لي بالبيت وبلشت الشغل واهمه يرقصون بالصوب الثاني ويضحكون ويسولفون سارة : فاطمة ممكن صور خاصة لي بداري ؟ فاطمة : شنو طبيعة الصور سارة : مع دبدوبي وحركات هبل بنات عرفتي هههههههه فاطمة اوكي يلا فوقه على فكرة اختي هذي سوالفها سارة زين صبر استأذن منهم على ما احاجي رفيجاتي عفية تفضلي شربي لا تستحين اعتبريه بيتج فاطمة : واكثر ان شاء الله ما من حيا انتي اختي نادت الخدم توصيهم يشيلون الاستيديو الخاص فيني يدخلونه غرفة نومها طلعت فوق على الدري كان في براويز معلقة وايد صور كلها لقطات محترفة حسيت اني راح اكسب ز بونة تحب التصوير ومايهمها الاسعار فرحت صراحة خصوصا انه قسط عبدالله للروضة عطوني عليه ثاني انذار لأني متأخرة عنه دخلت الغرفة مع سارة قاعدة تدور شي تلبسه وانا اعدل باغراضي لمحت الصورة اللي كانت .................................................. . اوخ !! سارة تناديني وانا سرحانة فيها ياربي وين شفت هالصورة لفيت ويهي عليها اسألها سارة هذي منو ؟ سارة : بالذمة مو كيكة فاتي اي اي تهبل بس منو ؟ سارة : ليش لفتت انتباهج ؟ فاتي : نظرتها حلوة وتشبهج ياقمر << بير الحجي منها سارة : هذي امي !! << يعني انا معقول اكون فبيت عادل !! انا ييت بريولي لبيته ! شنو هالقدر معقول بنته يا ناس بعد شوي اعرفج عليها بس خل نخلص شغل فطوم احس انج بتصيرين مني وفيني ترا انا مينونة تصوير وكل يوم اصور على قولة باباتي مع كل عطسة ههههههه خلصت شغلي وتوجهنا الى غرفة صاحبة الصورة الغرفة وايد عودة نصها مثل الصالون فيها كراسي وتي في واخرها سرير وفيها ابواب وايدة مادري على شنو يطلون استحيت اني ادش غرفة نوم لكن عرفت بعد ما شفت صاحبة الغرفة ليش اهي ما طلعت لي بالصالة فوق ! كل تفكيري انشل يعني عادل هني ينام مع مرته !! يعني انا واقفة على مكان يمر فيه عادل كل يوم ! سارة تسولف معاي والا تدش امها على كرسي متحرك !! ام سارة : السلام عليكم فاتي : وعليكم السلام فاطمة عبدالله مصورة ومصممة جرافكس وثري دي بخدمتج حبوبة اذا ودج باي لقطة وهذا كرتي حقيقتا لفتت نظري صورتج ملامحج ماشاء الله تخلي الواحد وده يتعرف عليج اكثر احسج فرندلي وايد سارة : فطوم يلا عن سوالف الطرارة لا تخافين بندفعلج فلوس جلسات التصوير ام سارة : سارة استحي عيب فاطمة اكيد تعرفين ياهل سارونة لا تزعلين يا فاطمة فاتي : اي اكيد حبوبة اهي نفس اختي استأذنت وطلعت يومها سهرت على الصور اللي صورتهم لها بداري وصاكة الباب ابجي .. معقول ياعادل انا ادش بيتك ! واني بعد هالعمر سنة واكثر راح التقي فيك ! | ||||
|  |
|
13-05-13, 07:00 AM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بعد يومين ياني اتصال من سارة ها فطاميييييي شلونج يا حلوة خلصتي الصور عسى مضبطتهم عندي لج خوش خبر فاتي : مبروك انخطبتي سارة : لا اقنعت ابوي يصور معاي انا واهو وامي واخوي عفية لا يطوفج صارلي شكثر احن عليه << دخت انربط لساني ! سارة : فطوم لا تستحين ترا ابوي عود يعني لا تحاتين مايبصبص لوووول فاطمة : لا عادي قلبي عادي سارة : مرة وحدة بحاسبج على الصور القديمة وهم مابخليج تروحين ابي اصور بملابسي اليدد يوني هدايا من ابوي فاطمة حاضر حبيبتي متى امرج سارة :دقيقة دقيقة تصرخ باباتي متى تيي المصورة عندك شي اليوم بليل صوته يقولها اي يبا حياها بس ترا بس صورة مثل ما اتفقنا تدرين فيني كيكة واخاف على عمري ضحكوو وانا من داخلي ابجي !! سارة خلاص يا توتة تعالي بليل عادل: عيل مصورتج اسمها توتة سارة : اووو يبا يوز عن المغازل للحين بنات المدرسة يسألون عنك هههههههه يلا توتة سي يو بليل فاتي : اوكي سي يو فكرت اعتذر لكن فلوس مدرسة ولدي !!! طيب واذا يعني عادل ! شنو يعني لا شفته اصلا انا اكبر من اني انهز من انسان تافه بعيني << طبعا ميتة عليه بس ابي اصبر نفسي على موقف اللقاء اللي من قبل لا اروح وخايفة من ردة الفعل !!! امون الاسبوع الياي عندنا خطاب لها يمكن نفتك يامعودين لوووول ودانو مستانسة انه امون لا تزوجت بتكون لها الدار بروحها ههههههه امي يتني تسولف معاي عن تجهيزاتنا لعرس خلود وانا والله ما اذكر اني فهمت شي لأن كل تفكيري مع عادل وشلون بشوفه اليوم !! اجلت حديثي مع امي جهزت معدات التصوير ودخلت داري احترت شنو البس ذكرت انه يحب اني البس ابيض كان يقول انه الابيض احلى لون ويعكس صفاء قلب اللي لابسه لبست نفنوف ابيض ناعم طويل فيه شريطة على خصري لونها وردي وحجابي كان وردي مع ابيض وركبت سيارتي رايحة لبيت الانسان الوحيد اللي دخل قلبي رايحة اشوفه حبيبي اليوم اول شي سويته عقب ما حركت اني رحت محل التسجيلات شريت شريط CARELEES WHISPER للمغني جورج مايكل هذي الاغنية كنت اسمعها معاه لما رحت الشاليه اول مرة ! كان في مقطع اذا سمعه يقول فاطمة لا تتركيني اوعديني خل الفرح دايم معاي ارجوج سمعي الكلمات زين اللي اهو يقول فيه Now that you're gone... Now that you're gone... Now that you're gone... Was what I did so wrong? So wrong that you had to leave me alone? وصلت واتصلت على سارة قلتلها انا تحت يتني نفس الفراشة ماشاء الله كانت جميلة وايد هالبنت تيرني من ايدي وتقول لخدامتها شيلي اغراض عمتج سارة : شعليه عندج خدامة لووووووووول فاطمة : امبيه سارة حرام تقولين لها عمتج سارة : خو تاخذ معاش مو بلاش لول وصلت الصالة كان اخوها الصغير بالمتوسط تقريبا وامها موجودين استأذنت مني تنادي ابوها على ما ارتب معدات التصوير انا هني حسيت البرد دش بعظمي سلمت على امها حبوبة حيل كانت واخوها كان نسخة مصغرة من عدول وكأن خذيت جرعة منه قبل الا انصدم باللقاء الاول عقب هالعمر !! لافة ويهي مشغولة بالاضاءة وطريقة توزيعها عشان اخذ اللقطات لحبيبي العائد !! شميت عطره !! حبيبي وربي حبيبي امبيه مو عارفة شسوي سارة تناديه براويك هالمصورة والله يمكن تقول هذي رفيجتج بابا حدها كيوت وعنونة انا عبالي مرة عودة اول مادقيت عليها صوتها مبحوح حده ياحلوها توتة اعرفج على باباتي رفعت راسي ويت عينه بعيني !!!!!!!!! سارة تسولف مادري شنو قالت واهو بعد كان مشغول فيني احس عيونه احتوتني وكأن محد غيرنا بالبيت بقلبي اقول احضني حبيبي وعوضني غيابك وبقلبه يقول وينج ليش رحلتي !!! اسمع صوت كسر لفيت ويهي والا اخوها واهو يحوس باغراض التصوير طاحت منه عدسة من عدسات كامرتي ! صحيت من روعة اللقاء !على الصوت والام تعتذر وتنادي الخدامة تعدل الامور قلتلهم لا تشيلون هم انا باخذ لكم جم لقطة بالعدسة العادية وبتعجبكم واذا ماعجبتكم باجر اشتريلي وحدة وارد اصوركم الام تنادي الخدامة تهمس لها طلعت الخدامة فوق ونزلت قالتلي أمهم : فطومة حبيبتي اخذي فلوس العدسة والباجي هديةمني لج وسامحيني ياقلبي تدرين ياهل مو قصده ! وحساب صور سارة ان شاء الله ابوهم يعطيج فاتي : حبوبة عادي اهو اخوي الام : عادي شنو احنا ندري انه العدسة مرات اغلى من الكامرا لا حبيبتي الحق حق يالغالية وانتي ما قصرتي معانا فاتي : شكرا اختي زين يلا ناخذ الصورة يا جماعة الف ويهي والا عادل للحين على نفس النظرة ! بقلبي اقوله : امبيه حبيبي لا ينتبهون على حبنا ارجوك ارمش !! ناديته اخوي هذا مكانك وعدلت مواقعهم وضحكنا وخذيت فوق العشرين لقطة ممممم اربع منهم كانو لي انا صورة عادل وبسسسسسسسسسسسسس ماكانو يدرون حرام كنت اخليهم ياخذون الوضع تمام واوجه العدسة عليه اهو هههههههه خلص اليوم الحلو وياية بطلع ناداني على المكتب اهو سارة استأذنت من الام سمحتلي بابتسامة واعتذرت للمرة الالف !! عن تصرف ولدها ! دخلت المكتب واهو يرحب : ياحيالله توتة سارة : بالذمة يبا كنت متوقعها جذي عادل: لا والله يبا ماتوقعتها ابد سارة : ادري فيك تخيلتها كرش هههههههه انت كله تقول البنات مايعرفون يصورون هههههههههه قاطعتهم : انا بثبتلك هالمرة انه المصورة البنت احسن بوايد من محترفين رياييل خصوصا انه رؤية البنت لها ذوق خاص فيها ! سارة : يبا ميخالف اتزورنا فاطمة كل جم يوم عادل : بس توتة عاد عطينا خصم تدرين بنتي خو مو لله تبي زوارتج هههههههههه بقلبي اقوله : تامر على روحي وما اقول لا .. رجعت البيت اعدل الصور بالفوتو شوب حقيقة كانو من اروع اللقطات في حياتي ياربي مو قادرة اغمض عيوني وانا افكر فيه ياني اتصال من رقم غريب بس الوقت حده غلط تقريبا 1 نص الليل منو بيكون ياساتر فاتي : الو عادل : ااااااااااااااااااااااااا ااااااااااااااااه يا نظرتها ااااااااااه فاتي: اهلا منو ؟ عادل : ااااااااااااااااااه يا بحتها ياناس فاتي وبعدين بتقول منو والا شلون عادل : للحين عصبيتج حلوة ! فاتي : تذكرني ؟ عادل : السؤال غلط عدليه اجاوبج فاتي : مممم ولهت علي عادل : حرام عليج بسج ! اقولج عدلي السؤال ترفعين سلاح بويهي @@ فاتي : مممم بس عاد عادل : مانسيتج عشان اذكرج فاتي : وينك من زمان ! عادل : كاني تحت بيتكم ! فاتي : اقصد وينك عني من زمان << ركض على الدريشة بشوف صج @@ عادل : نزلي لا اصرخ واقول ابيها ! فاتي : مممابي عادل : ببصكه واعد للعشر نزلي بالبجامة لا ادش البيت واللي فيها فيها فاتي :يا مينون عادل : 1 فاتي : بليز عادل عادل : 2 فاتي : على ما البس يا شقول عادل : 3 ابيج بالبجامة فاتي : مو لابسة حجاب عادل : 4 كاني طالع فوق قلت بالبجامة فاتي : حافية عادل : 5بخطفج وربي ركضت اقول حق دانة دانة نايمة بطلت باب السكة والا واقف انا شورت وبلوزة ورافعة شعري يامينونن حافية تعالي لا يقعد ابوج لمني وشالني للسيارة ماهمني احد لو منو يشوفني ماهموني الناس ! كنت ابيه لو ماعد ووقف عد جان كملت عنه عادل : ولا كلمة عطيني ايدج لا تبجين << كنت ابجي لأنه قال لا اقعد ابوج عباله بابا للحين عايش وي فديتك يبا كنت انت الي مصبرني على همومي ! طلعنا لأقرب واجهة نزلنا على البحر كان مد طيب انا حافية !! بطل دبة السيارة يابلي صندل مال البحر ماله قال لبسي لبست وركضنا على البحر مو عارفين شنقول بس نضحك ونلم بعض عادل : ابي اسبح تعالي فاتي : لا لا وربي لا اخاف عادل : معاي ؟ فاتي : ممممممممم منو قال !@@ يلا انا قبلك لووووول عادل : ابي كل شي صار تقولينه لي فاتي : انا حبيتك وانت خنت هذي السالفة باختصار عادل : وانا تبت الله ياخذني اذا كلمت عقب ذاك اليوم ابشرج صرت عاجل حبيبي فاتي : شنو تبي تعرف عادل : ولدج شلونه فاتي : يبوس راسك بخير ولدي عادل : ابوج !! فاتي: الله يرحمه .. عادل : ام سوري بيبي والله ما دري ! فاتي : دونت ووري فديتك عادل : دانو الخبلة . فاتي : بالكلية الاسترالية عادل وامون المعقدة ؟ فاتي : اسكت مو يوها خطاب وافقت ؟ خالد بيكون راد من السفر بس يقصون المهر الاربعاء والله يتمم عليها يمكن شوي تتحرر بافكارها هههههههه عادل : وانتي !! فاتي : انا تطلقت ومثل ماشفتني اشتغل اصرف على نفسي على قدي عادل : تتزوجيني حطيت ايدي على راسه اقوله شكلك خذيت برد ياقلبي عادل :قولي موافقة والله نتزوج حتى قبل المعقدة عشان تطق على راسها من الغيرة ههههههه فاتي : لمني ارجوك خدرت والله احس اطرافي بردانة رحنا السيارة ولفني بالفوطة رادين البيت عادل : يايكم الثلاثاء فااتي : يصير خير << مو مصدقة كان شكلي هيلقي وايد اشوف نفسي بالمنظرة وانا اضحك باسني ويقول : ريحتج زفرة سمج وع شنو هاللوعة فاتي : تحبني عادل : الايام بتثبتلج .. طلعت قبل لايشق النور والناس تشوفني رديت البيت | ||||
|
| |
|
13-05-13, 07:02 AM
| #33 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| مانمت من فرحتي يومها رحت ابشر ابوي عني دخلت غرفته الدافية ولميت هدومه يبا فاطمة بترتاح مع اللي اختاره قلبها خلاص لا تخاف انا بخير لقيت اللي ابيه يبا لا تحاتيني فديتك الحين عاد نام مرتاح بابا ماعاد ابجيلك كل يوم من الغربة بهالدنيا لقيت احن انسان من عقب عينك يا يبا فديته يبا لو تشوفه شلون يطالعني والا شلون مو مقصر علي << يطق الباب لا لا ما يطق الباب كانت المصرقعة ترافس هههههههه دانوو : فاتيوو عن الهبل طلعي وقوليلي شصار لا علم امي فاتي : جب انا مشغولة دانو : انادي امي اقولج فاتي : احبه احبه روحي علميها لوووووووول دانو : عادي حتى انا احبه ههههه فاتي : انتي زين ما تحبين راعي الدكان والسبة لقافتج دانو : انا زعلت فاتي : بالطقاق ياقلبي دانو تصرخ تنادي امي : يما خشمي ينزل منه دم جان اركض على الباب بتطمن عليها دانو : كااااااااااك للحين ينقص عليها فاتي : يا ملقج دانو : يا كرهج ههههه فاتي : بيتزوجني دانو : @@ فاتي: باجر بيي ييب الملاج ماراح ننطر خالد اهو يبيني انا بس دانوو: ومرته وسارة مافكرتي فيهم !! فاتي : تهقين بيقولهم ؟ << جان يدق تلفوني فاتي : الو سارة : توتة وينج عاد مو قلنا نبيج احتكار فاتي : هلا سويرة شلونج حبوبة اتنا موجودة امري سارة : قطوتي والدة ابي اصور مع عيالها فاتي : هههههههههه ينيتي ؟ سارة : شكو شكو قطوتي خو يعني اذا كبرو عيالها مو لازم يعرفون منو مع**تهم ههههه فاتي : زين عيل سويرة اقدم استقالتي ماكو صور بعد اليوم سارة : صج توتة  فاتي : صراحة اخاف من القكاوة تبيني بعد اصورهم !! سارة :توتة تعالي نتعشا مع بعض تدرين ودي امي تطلع اتمشى معاها ما ترضى تقول مابي احرجج تقول الكل يخزها لأنها معاقة فاتي : ماحب اتعشى برا سارة : توتة وين بيتكم فاتي : ليش بتصورين في البيت بعد هههههه سارة ودي تصيرين صديقتي فاتي : انتي صديقتي بدون ما تزوريني تأكدي ماعليه سويرة انا عندي ظروف هاليومين عرفتي ما اقدر اقولج تعالي وانا مشغولة سارة : ممم ام سوري خذيت عليج وايد عدل فاتي : لا ياقلبي تدرين شلون الحين ادق عليج نزلي نطلع مع بعض شقلتي ؟ سارة : على حسب شنو سيارتج :/ فاتي : عيل جب ماني ياية دامج بتطنزين حمدي ربج بركبج سيارتي اصلا عزيزة ماتحب احد غيري سارة : منو عزيزة ؟ فاتي : سيارتي خو هههههه سارة : اي معذورة مسميتها اكيد مالها ماركة لووووووووول فاتي : سويرة امرج الحين والا ؟ سارة : حياج لبست واستأذنت من امي قلتلها بروح اشتري دراعة نستقبل فيها خطاب اختي امون عقب باجر وبشتري حق امي بعد وحق دانة وامون لا لأنها حدها تغث الواحد بذوقها وصلت البيت طقيت هرن طلعتلي الخدامة ماما تقول تفضلي مدام ولييييييين مابي ماكو وقت اف اف دخلت بيتهم والا ناطرتني بالصالة فاتي : مساء الخير مدام مدام : اسمي حنان ناديني حنان احلى من هالرسميات فاتي : الساعة المباركة يا حنان حنان : تعشي معانا يافاتي ريلي يمكن يطلع الشاليه اليوم ودي خلج عفية شوية فاتي : والله يا حنان انا قايلة حق امي بروح اشتري درراريع لي ولها وبدلة حق اختي تدرين اختي بتملج الأربعاء وماراح نسوي عرس لأن اهي ماتبي فبياخذها عقب الملجة ويسافرون مرة وحدة حنان : ماشاء الله على البركة عيل تدرين شلون تعالي معاي حركت الكرسي بساعدها رفضت قالت لا خليني اعرف تعالي معاي وبروايج شي بيعجبج فاتي : حاضر دخلنا المصعد وطلعنا غرفتها بالدور الثاني نفس الغرفة اللي شفتها فيه اول مرة حنان :فاتي بطلي الليت عفية بطلته اشرت لي على باب قالت دشي قبلي وبطلي الليت عشان نشوف شنحوس فيه عرفت انه الباب يودي لغرفة تبديل الهدوم امبيه هذي لو تشوف خزانتي بتضحك ضحك سنة بساعة عفيسة والهدوم فوق بعض اهي ماشاء لله حتى الجواتي حاطتهمم بكبت بروح @@ حنان : فاتي طبي وتخيري انتي جسمج ما يفرق انا شوي امتن منج يعني ضيجي اللي يعجبج صدقيني على لبسة وحدة الا ااذا عادتني غريبة فاتي : عيوني انتي والله اني ارتحتلج ياحنان وعادتج اخت لي خلاص انتي اختاريلي وواثقة بذوقك اختارتلي نفنوف احمر ناااااااااااعم عجبني من قبل لا تختاره !! حنان : عاد اللي حق امج اختاري انتي بليز هذا اخترته لأنج من جيل اختي يعني اعرف ذوقج وبعدين على فكرة النفنوف من ذوق عدولة حبيبي فاتي : بعد عمري يا حنان الف شكر بستها ومسحت دمعتي لمحتني .. حنان : ارجوج لا تفكرين انه عطف مني او شفقة انا بس ودي اقدملج هدية وصدقيني لو قادرة اروح معاكم السوق جان رحت اقول بقلبي ما تدرين يا حنان انه دمعتي نزلت مستحية من نفسي شلون تعامليني وشلون انا اخونج !!! حنان وهذا طقم ناعم صج انه اكسسوار لكن صدقيني فخم ويلوق على النفنوف نادت الخدامة تشيل لي الأغراض وتنزلهم بالسيارة حنان : اوكي يلا نتعشا شرايج ؟ فاتي بأبتسامة : مشينا توني ابطل لها الباب والا سارة لابسة جان تلمني امبيه توتة تكفين ما صدقت صارت عندي اخت نفسج تكفين خل نطلع فيني قززززززززززز مو طبيعي حنان : سارة خل فاتي تتعشا عندنا اليوم والله اني حبيت سوالفها ذكرتني بخالتج عبير الله يرحمها سارة : خو لبست يما  حنان : سارونة ياقلبي سارة : نرد مبجر يما تكفين حنان خلاص فاتي بنتي اعرفها اذا حنجت تقوم تحن تكفين روحو فرفشو وسامحيني على القصور ياقلبي باستني ورحت انا وسارة من ركبنا السيارة واهي تضحك علي وعلى القرمبع تقول هذي عزيزة غربل الله بليسج خسارة فيها البانزين ياتوتة .gif) شوي والا يدق علي عادل !!!!! امبيه حسرتي شسوي ؟ سارة ردي عادي ما اتكلم اذا تبين فاتي : لا عادي كله واحد طاف سارة : فتوي امي امس وابوي كله يسولفون عنج حتى خدامتنا عبالها انج خالتي للأقنعة بقية .. | ||||
|
| |
|
13-05-13, 07:04 AM
| #34 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  عشيتتها وردينا البيت ورسايل حبيبي واتصالاته ما وقفت من صوب ورسايل الخبلة دندون من صوب ! حسيت انه سارة ودها بصديقة لأنها وحيدة امها ما عندها غير اخ وايد اصغر منها تقول انتي تطلعيني امي ما تقدر !! كسرت خاطري رديت بيتنا اطق الجرس محد يبطل احاول ابطل بمفتاحي وايدي كلها اغراض هم ما قدرت الغبية دانووو : ردي مكانج مانبيج فاتي بطلي يا رقلة دانو فتووو ذلفي ما نحبج فاتي :والله ارد دانة : لالا يرحم امج صبر بطلت الباب وانا ميتة من الضحك اهي حدها مقهورة شلون اطلع مع سارة اللي تكرهها !! واهي مطنشتها ياحلوها تغار دانووو سلمت على امي وراويتها النفانيف عجبوها وقدرت معروف حنان وكلمتها بخصوص عادل كانت موافقة ونذرت انها بتسوي حفلة لي ماصارت ولا استوت بس عقب ما تزوج امون وتروح العمرة ! فاتي : يمه من صج @@ بتروحين عمرة ماما : فاتي ولا عمري حسيت بوحدة بحياتي حتى وانا بعيد عنكم الا لما رحل عبدالله !! لميتها وبجينا فاتي : يما معقول كنتي تحبينه زين ليش يمه هاللي سويتيه ليش خليتيه يموت !! ماما : رحمة الله عليه كان طيب وانا باذن الله بروح العمرة وارجع نفس ما كان يتمناني حتى لو مات ريحته في البيت دخلت امون : يماااا مابي خلاص هونت صراحة مابي اتزوج خو انا ماشكيت لكم خو ماما : ايمانوو الأوادم مو يهال عندج شنو باجر بيون خلاص خو مابقا شي حبيبتي لا تخافين يما مابي خو كيفي دق تلفونها مسحت دموعها : هلا حبيبي لا مافيني شي اسولف مع امي على نفنوفي باجر اي امي تسلم عليك << الهبلة تحاجي ريلها توها تقول مابيه ههههههههههه جان ابوس امي واسلم عليها اقولها مبروك اختج فضلووو مينونة وبنتج مينونة يعني العايلة قاضية تبارك الرحمن ضحكنا ورحت داري اكمل فرحتي بصوت الغالي فاتي : الووووو عادل : مو الو فاتي : لا الو ونص عادل : احبج فهمي فاتي : انا غبية حبني اكثر عشان استوعب هههههه عادل : البحر فاتي: مايكفي عادل : السما فاتي : مممم افكر عادل : وينج من اليوم ادق ماتردين فاتي : وينك عن بيتك عادل : طالع ماني صوبهم فاتي : كنت عندكم @@ عادل : مممممم شكلهم باقوج مني فاتي : انت الغالي عادل : اي اي قصي علي بجم كلمة فاتي : بيبي بنام عادل : حلفي وانا يايج من الشاليه عشان بشوفج @@ فاتي بيبي والله توني بس رديت حدي خدرانة واحس راسي يعورني عادل : نامي عندي فاتي : عادل دام نويت الحلال فيني خلينا ننطر لين يجمعنا بيت واحد وبتمل مني حبيبي عادل : الحين انا شقلت قلت تعالي نامي بالشاليه خو كل واحد بغرفة فاتي : عليك نور كل واحد بغرفة يعني هني غرفة ومناك غرفة فج عدول بنام بيبي عادل : افا فتوي يرضيج انام بالسيارة فاتي : من صجك عادل نزلي خو فاتي : خو مو كل مرة عادل ما اقدر والله ماتسوى علي هالمرة خالد في البيت يعني تدري ورانا ملجة امون الله يعديها على خير باجر عادل : خلاص نامي تصبحين على خير قلبي سوري ازعجتج جك والا يصك التلفون !! جان اطلع بجيك على خالد وينه فيه يمكن اقدر ازرق من البيت اذا نايم والا خالد بالصالة يقول ولهت على سوالفج ام عبود فاتي : تعبانة فديتك ارتاح توك واصل خل نفتك من امون باجر بنقرق على راحتنا ههههههه خالد : زين قلبي تصبحين على خير بس ببشرج ترا امي بتروح عمرة فاتي : يبشرونك الجنة دريت منها فديتها الله يهديها خالد : بس مو جنها توها تحس متأخر فاتي : ارجوك هذي امي وتتم امي لو شنو ماسوت !! خالد : اسف يالغالية يلا بنام انا دشيت غرفتي حدي منغثة من خلود ليش تكلم على ماما ومن هالعادال اللي مو عارفة شلون اتصرف معاه دلوع مو صج اطل من الدريشة الاخ موقف السيارة وقاعد يدخن تحت هههههههههه وناسة يحبني لوووول نمت من التعب قعدنا الصبح تريقنا وطلعت انا ودانو رايحين السوق نبي هدية حق امون والا اشوفه تحت مريت يم السيارة واطق الجام ابيه يقعد تحرك جان نروح السيارة دق علي مارديت تم لاحقني ويابلي الهدية مالت امون منه لأنه على قولته ريلي امبيه شعور حلو انه واحد يهتم جذي بكل شي مر اليوم بسلام وامون للحين صامدة تقول خلاص ابيه خو كل ساعة لها راي عيارة بنات على قولة امي صار بليل وكلنا كاشخين ناطرين اهل ريل امونوو وريلها خذوها وراحو مو صج البجي يومها ياربي احنا بالفرح بجي وبالهم تدرون شنو ولهت عليه يوم راحت امون ؟ ولهت على وقفتي ورا الباب !! يوم بابا يستجوبني يقولي فاتي منو زراكم وانا موموجود دخلت غرفته وقعدت ورا الباب اكلمه ودموعي ماوقفت من نفسي اسولف وارد على نفسي وخايفة حدي سرحت فابوي شلون يغار على امي وشلون مرت علينا ذيج الايام ! طلعت على صوت خالد يناديني : فاتي والله فرحان حدي بس وولهت على بابا يافاتي لميته حيل اقوله فاتي : خالد بابا اكيد معانا وحاس بفرحتنا بامون وفيك والفال حق دانو دانة : اي اي الفال لي قولو امين خالد : استحي يا حظي انا اخوج دانة : وانا اختك بعد اهلا وسهلا هههههههههه خالد رايح ينام : دانو انا اقول اللي بياخذج لازم يكون يتعاطى عشان ينسى همومه هههههههههههه مرت الايام يانا عادل وتقدملي ووافق خالد بعد ماخذا موافقتي سارة كانت تتصل وايد ما كنت ارد عليها خايفة ارد عليها كتبت لي رسايل وعادل طلب مني ما ارد ردت امون من شهر العسل وباركتلي ودانو للحينها تتحلطم مني ومن ولدي ليش انومه بغرفتها دانة : امون ريلج مأذيج اخذي عبيد عندج امون : لا وي ماعوزك شكو اخذه انا مممم والا اقولج ماني قايلة ماما : ايمان حامل @@ امون : وي يما شلون بقولج خو :$ دانة : تكفين مايلوق ويييييييييييع انا خمطتها بوس وبجي مبروك مبروك ياقلبي ةوالله مبروك امبيه ضاع الحجي بقلبي ابي ابارك لها بسرعة بروح ابشر ابوي نسيت انه عادل عندنا في البيت ركضت على دار بابا احاجيه مايرد بابا خل اقولك امون بتصير ام بابا والله مو صج شكو شكو امون تصير ام اضحك وانا ابجي دخل علي عادل تخيلته ابوي .. فاتي : بابا وينك اقولك امون حامل خو عادل : ذكري الله فاتي ذكري الله يبا فاتي : بابا بتزوج عادل وبييب اخو حق عبيد بعد عادل : لا حول ولا قوة الا بالله يا بنت الحلال ذكري الله قومي غسلي ويهج خل نطلع ما اذكر شنو صار بس الاكيد اني نمت من البجي بغرفة امي صحيت كانت تصلي ماما وتدعيلنا وتقول دق تلفونج وايد اقرا رسالة والا وحدة تبي مني اصور لها حفلة تخرجها دقيت اتفقت معاها على الموعد والسعر وزهبت اغراضي امي قالت فاتي ماعدتي حرة نفسج حتى لو ماملجتو للحين دقي استأذني منه دقيت فاتي : بيبي عادل : عيونه فاتي : بيبي طالعة عادل : اوكي انطرج فاتي : بيبي يوز خو عادل : ها وين طالعة @@ فاتي : رايحة اوردر تصوير عادل : فاتي انا قصرت عنج بشي !! فاتي: ممممم لا قلبي بس مايصير خو عطيتهم كلمة من قبل اسبوعين << جذبت لول عادل : اوكي من يوم ورايح التصوير هواية ارجوج فاتي انا ما راح اقصر ان شاء الله عليج فاتي : اوكي يلا باي عشان بمرك براويك شنو شريتلك عادل : اوكي بيبي في امان الله طلعت متوجهة للعنوان مع اختي دانة لأنها رفيجة البنت وكانت معزومة على الحفلة دخلنا البيت وبلشت تصوير وفجأءة تيي عيني بعين بنت الغالي !! فاتي : @@ سارة ! سارة : اي توتة انا سارة اللي ما ولهتي علي ولا دقيتي تدرين امي تسال عنج واقولها يما تسلم عليج فاتي : مممم سارة تدرين انتي حفلة اختي وظروف ياقلبي دانة : يلا فتفت خلصي بنروح << بنفسية !! سارة : اوه دانة تعرفين توتة دانة : اي فاتي اختي سارة : صج @@ يابختج فيها انا حبيتها وايد ووعدتني تعلمني على التصوير ! قاني : سويرة انا ياية اشتغل فديتج صبري بس واكلمج خلصت شغلي بسرعة وعدتها اني بزورهم باجر استانست وايد فديتها قطيت دانو البيت ورايحة حق حبيبي وانا حدي ولهانة على حضنه فاتي : مساء الخير على ارق انسان بالعالم عادل : قولي صباح الخير فاتي : يا زعلان يا زعلان عادل : تغنين بعد فاتي : شسوي احبك عادل : شنو يايبتلي فاتي : يعني ماتبيني عيل هاك الجيس انا رادة البيت عادل ايدينه الاثنين يلفون جتفي : فاطمة اوعديني انج بتكونين الفرح بحياتي . فاتي : ما اقدر عادل : ليش احس اني في يوم بتروحين فاتي : لأن اكيد بتزفني اذا ما طبختلك وبعصب عليك وبقولك مابيك عادل : اتكلم جد فاتي : وانا استعبط عادل : فاطمة قولي وعد عشان لا ابوسج فاتي ............... عادل يعني ؟ فاتي يعني .. عادل : بحرج وماني بايسج على قولتج بمل منج في يوم فاتي: عادي اصلا اشم ريحة زقاير وع عادل عيل تعالي وربي اتوبج منهالكلمة يركض واركض لما تعبت : ارجوك بس برد البيت عادل : قولي اسف فاتي : موبي عادل : قولي اسف لا ...... فاتي الف اسف الف الف الف اسف عادل : تعالي نروح نتمشى شوي تكفين فاتي : ماكو وقت بيبي الحين خالد يكون وصل بيتنا عادل : مشكورة على الهدية فاتي: من قال هدية هات فلوسها اخلص ماعندي بانزين ههههههههه عادل : خلي سيارتج وردي بسيارتي قلي فاتي : اوك سلاااااااام للأقنعة....... آخر قناع بقية .. | ||||
|
| |
|
13-05-13, 07:13 AM
| #35 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رديت البيت مالي خلق احد احس اني متضايقة حدي من موقف سارة شلون كانت متشوقة تشوفني وشلون كنت باردة معاها كتبتلها مسج ( سويرة اذا قاعدة دقي ابيج ) دقت ما امداه وصل لها المسج @@ سارة : امبيه توتة ما صدقت تدرين فاتي : هلا سارة بشريني عنج قلبي سارة تعبانة والله يافاتي الكل عباله انه مرتاحة ومحد يدري فاتي : زين اشمعنه انا من بد الناس تقولين لي سارة انتي وايد قريبة مني صرتي خصوصا انج دخلتي بيتنا وكنتي قريبة من امي وابوي يحبج نفس اخته والله بقلبي اقول ياربي شالحظ .gif) نقديني اكثر اف اف ياربي عاد الا انا ما اتحمل ضميري يأنبني فاتي : قلبي سارة اشكيلي سارة ميخالف اشوفج ؟ متى الحين والله اذبحج لا تطلعين من بيتكم ياويلج من ابوج سارة : لا لا باجر شقلتي على فكرة ترا دانة كانت رفيجتي قبل ومرة مريتكم خذيت منها كشكول .gif) فاتي : اوكي قلبي بس نطري اردلج خبر لا تيين بدون ماتدقين تدرين مرات محد في البيت نمت وقلت يصير خير باجر دانو قعدتني من النوم تقول شوفي منو عندنا لحقي فاتي : عادل لا يدش امبيه قايلتله خلاص بعد مابقا شي خو لازم يوله علي ياربي شنو هذا عدول حدك لزقة << اتحلطم كلها يومين على ما احظر للحفلة ياربي مستعيل بكل شي طلعت حتى مو مشكة شعري @@ سارة : السلام فاتي طولتي ما دقيتي امس قلتي انج تعبانة قلت اسير عليج وافاجئج فاتي : هلا سارة حبيبتي الحين ابدل ونطلع فاتي : لا لا فاتي شفت سيارة جنه سيارة ابوي تحت بعمارتكم اخاف يشوفني والله يكوفني سارة : فاتي خل اشوف الصور اللي مصورتهم فاتي : تفضلي بالدار على ما اقولهم يسوون لج غدا الحين حزة غدا ياقلبي بغدي ولدي معاج دانووو حسبو حساب سارونة تتغدا معانا دشت داري جنها لايعة جبدها من البساطة !! سارة : معقول فاتي هذي صورج وهذي دارج .gif) ذبحيني ما اصلا ما اقعد فيها عفية مابي اتغدا فاتي : اغديج برا ؟ سارة : اي اي قومي لبسي وييبي عبيد اذا تبين فاتي : صبر ابطل الباب الجرس يدق فاتي : منو ؟ محد يرد والعين السحرية سواد @@ اوهووو ما تكبر يا خلود من هالحركات يوز يبا صرت ريال للحينك تملق بطلت الباب حياك والا بويهي عادل!! اااااااااااااااااااااخ يا حظي العوي !!!! سارة شافته بس اهو مو منتبه يأشرلي بسويتج سيارة حبيبي تعالي شوفي سيارتج اليديدة خو لا تخزين جذي فتووو تكفين هاج روحي قزي فدانة على كيفج ههههههههههه انا متسمرة مكاني سارة : السلام يبا لفت ويهها علي : هذي اخرتها يافاتي تخونين امي واهي فتحت لج حتى كبتها !! ولبستي من ملابسها ! عادل مصدوم سارة ولا كلمة زايدة ورفع ايده بيطقها ! صديته عنها سارة : ماشاء الله برافو تكملين الدور للنهاية ! وانت يا يبا خلاص يعني امي ماتت!! عادل : سارة يبا ردي البيت بعدين نتفاهم !! فاتي : عادل اخذها وفهمها وبعدين تعال مسك ايدي وهمس لي : لو شنو مايصير يافاتي انتي وعدتيني فاتي : والله احبك راحو وعلى موعدنا بقا يوم على حفلتي! اتصلت بمعارفنا واعتذرت منهم تحججت بوفاة واحد من اهل عادل المقربين ! يدق علي ما ارد في اول يوم راح تبتدي حياتنا فيه مسجات فوق العشرين مسج (صبرت يومين نفس ما طلبت عروستي مني شفتي شلون حبيبج مطيع ) (يصير ادق والا لما ادش الصالة خو بفهم من زمان ماصرت معرس فتو ردي خو مستحي ريلج هههههههههه) ( اوخ كل هذا مستحية مني ) ( فاتي حدي حدي ولهت على عيونج ) ( فاتي ردي خل ابوسج وصكيه ) صار موعد الحفلة ودخلو علي وانا على فراش ابوي الله يرحمه دموعي على خدي دانة وامي قومي فاتي قومي لبسي يما قومي عبود يبي يشوف امه العروسة طق باب البيت عادل كاشخ لابس بشت يهبل فديته دش الغرفة نفس المينون شفيها فاطمة طلعت دانة تقوله ماتت فاطمة .. ما امداك ياقلبي تفرح ...؟!! ما امداج يا عيني تتهنين .. .gif) ، كانت هذي قصة حياتي مع الاقنعة ,, وآآآآآآآآآآه يا قسوة ايامي ااااااااااااااه يا زمان الاقنعة ,, مليت زيف الوجوووه !!  تمت | ||||
|
| |
|
26-02-14, 08:04 AM
| #36 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|
| |||||||||||||
|
| |
|
| الكلمات الدلالية (Tags) |
| أقنعة |
| أدوات الموضوع | |
| انواع عرض الموضوع | |
|
|
العرض العادي
