بجنون أحبك / للكاتبة ساندرا، مكتملة

[لامارا]

أم رعد بعدم اقتناع: على أن سالفتك مهيب داخه مزاجي , بس أبشري بجلس معها وأتكلم ..

.
.
.

كانت جالسة تفكر لأول مرة بكلام أختها , وتحس أن كلامها أثر فيها ..
وبعد دقيقة دخل البيت ..

أنتبهت له وقامت: هلا ..

سعد: تأخرت أعذريني , كنت بالأستراحة مع الشباب ..

هدى بطفش: ووش الجديد يعني .. !

سعد أستغرب من طريقة أسلوبها: هدى علامك ..؟

هدى من طبيعتها أنها تكبد ألي بقلبها ولا تصرح بألي يزعجها لزوجها , تخاف أنها تجرحه أو تزعله !

هدى بتصريفه: أبد كنت رايحه أنام بس قلت أجلس معك أتكلم , لأن طول يوم بالأستراحة ..

سعد: أها , خلصت صلاة للفجـر ورجعت لك زي العادة يعني , كيف كانت الروحه لعند بيت أختك ..؟

هدى بحزن وقهر بداخلها: ماشاء الله , بيته على مستـوى الصراحة ..
وهي مبسوطة معه , وأنا شقتـي يالله يالله ما أثثها , أو بالأصح أنا ألي أثثتها بفلوس حافز ! ولا كان علوم ..

سعد: أنا مجبرتك أنتي ألي أصريتي على التأثيث ..

هدى أستغربت من كلامه ورجعت كتمت ألي بداخلها !

** هنالك مثل مصري يقول: أبنك على ما ربتيه , وجوزك على ماعودتيه !
وإن كان لها جراءة بالكلام أو ما شابه الآن , لن ينفـع ويسياتي مفعولة بطيئا , لأنها ستتعب على ما أن تعود زوجها على أمورها ورغباتها ..
بحيث لا ترخي الحبل كثيرا , فينظر لغيرك !
ولا تشدي عليه كثيرا , لكي لا يغادر !

.
.
.

وبمساء اليوم التالــي ~

رجعت من دوامها , وأخذت دوش سريع جدا لجسمها فقط..
لبست قميص بنصف كم وطويل باللون الأحمر , كا أي روب بيت عادي ..

فتحت شعرها وعطرته وعطرت جسمها , وحلق ناعم , وشبشب ..

ومكياج بسيط جدا ..

نزلت تحت وجلست بالصالة وهي تتصفح الجريدة ..

شافها من بعيد , وخذ نفس عميق ودخل الصالة: السلام عليكم والرحمة ..
لين رفعت نظرها له: وعليكم السلام والرحمة ,هلا بعمور , حياك ..

عمر جلس جنبها , وسكرت الجريدة تناظر به وحست بنظراته بغرابه: علامك ..؟

عمر: أنا ودي أقول لك شيء مهم وخطير بنسبة لي !

لين با أهتمام: تفضل عمر ..

عمر:أ......................................


فواز دوبه داخل وأنصدم بألي يسمعه من عمر !!





أنتهــــى البارت |

[لامارا]

رواية بجنون أحبك / الكاتبة ساندرا
البارت السادس عشـــر



عمر: أنا كنت بقول لك من قبل ما تروحين للمقهـى مع وعد , بس ترددت ..

فواز أنصدم من كلام عمر ألي يقوله ووقف مكانه جنب الباب الرئيسي ..

لين قاطعته: لا قول يا عمر , ولا أريدك تردد , وأنا ما جلست مع وعد بالمقهى
إلا وأني بغيت أنها ترفه عن نفسها وأني أقدر أتكلم معها ..

عمر: طيب , بس جاء ببالي أقول لك أني ما قلت لك عن تدخين
وتفحيط رائد ويزيد , فأنتي وش عرفك ؟

لين: كلمني بكر , وقال لي أنه شافهم , وحذرته أنه ميقول لفواز ,
وزي منت عارف أنا جيت وتكلمت معهم بس هم همشوا كلامي وهددوني , ولو بغيت الجد أنا منيب عارفه وش السـوات معهم .. !

عمر ناظرها: برأيي أنك ما تدخلين يا لين !
خلك بعيدة أحسن , وإذا عليهم يجي الكلام مني ولا أنه يجي منك , أنا بتفاهم مع أبوي بهالشـي , على أنه بيزعل لأن أحنا عرفنا وخبينا عليه ..


فواز رجع دخل للمكتبة ..

لين تنهدت :طيب ألي تشوفه ..

عمر حب يطمنها: لا تقلقين يا خاله , أنا بتفاهم معه بطريقة وديه بحيث أني دوبني مكتشف وأنك ما تعرفين شيء أبد ..

جات بترد إلا بدخله نانسي: بابا فوار يبغا أنتا في مكتبة ..

لين ناظرت عمر: خلاص ألي تشوفه , أنا بروح أجل له دحينه ..

عمر:إن شاء الرحمن ..

فتحت الباب ~

وبأبتسامه: ندهت ليا ؟

فواز لا حركة ولا كلمة .. !

لين بمرح: وأنا أقول ليه البيت زاد نوره , طلع أنت جاي ..

أقتربت منه إلا بيده وبدون ميناظرها: لمتـى بتخفين علي يا لين ..؟

لين بستغراب: كيــف ..؟

فواز بصدمة: مو كلامك لي أن أحنا كالجسد الواحد , وكنتي أنتي بصدري وتقولين ما نخبي على الثاني شيء , ووين كلامك أحين ..؟

لين بلعت ريقها وبقلق خايفه أنه عرف عن وعد: بأي موضوع تقصد ؟

فواز بذهول: ليه به موضوع ثاني غير رائد ويزيد ..؟

لين تنهدت براحه بداخلها: ما قصدت كذا , كنت أعني ..

فواز قاطعها بحده: لمتى ناويه ما تبلغيني , ولنفترض أن صار لهم شيء من هالتفحيط ولا أنعدمت رئتهم من التدخين , بتقولين لي ؟
وش بينفع بعدين ..؟

لين بخوف: يا فواز أنا ماكان قصدي أني أقول أخبي عليك , بس فضلت أني أنبهم بالأول ..

فواز بنفس حدته: وهل أستمعوا لك ولا ..؟

لين نزلت راسها لأن محد أنصت لها ..

فواز سحب جواله أتصل برائد: تعال بسرعة أنت ويزيد على المكتبة ..

لين: يا فواز ..

فواز مد يده بمعنى أسكتي: شوفي وش بيصير ..

لين فرقعت أصابعها بخوف من حدته وعصبيته , ودقيقتين وجاوا ..

يزيد ورائد أستغربوا من وجود لين !

فواز مد يده: وين سويج السيارة ..؟

يزيد: ليه يبه ؟

فواز بحده: قلت لكم أعطوني أياه ..

يزيد ورائد مدوا له مفاتيح سيارتهم ..

فواز بعصبيه: من متى وأنتوا تفحطون , ومع من ..؟

رائد ناظر بـ لين بقهر: هذه تكذب عليك يا يبه , أحنا ما نفحط ..؟

فواز ناظر لين بحده: كيف عرفتي أنهم يفحطون ..؟

لين بتردد: من بكر أخوي , شافهم بالطريق العام يفحطون ..

فواز مسك كتف ولده: وتكذب علي بعد , لو هي تكذب , بكر أخوها ما يكذب , ووش مصلحته عشان يكذب ..

رائد بحزن: لأنه بصف لين , وأي شيء تريده بيقول صح ..

فواز:.......

يزيد كمل على اخوه: لو تقول أي شيء عنا بتصدق , ولا تستعجل بتجيب سوالف ثانية عن بقيه اخواني واخواتي ..

لين:......

وطلعوا من المكتبة دون أي كلام , وطلع وراهم بس أنه طلع من البيت مرة وحدة !!

ملحقت تكلمه أو تعطيه أي كلام من حزنها ..


بالأستراحة ~

أبو بلال أول مشافه أنبسط وصار يولمه ويصب له القهوة والشاي ويقدم له التمر ..

أبو بلال: والله أني من شفتك أنبسطت , حياك الله ..

أبو عمر: الله يجزاك خير , أجل مابعد يجي أبو خالد ؟

أبو بلال: جاء من عشر دقايق , بس بالحمام هو أكرمك الله ..

أبو عمر: اها ..

إلا يدخل هاني ويسلم عليه ..

أبو خالد: تعابير وجهك فاضحتك , علامك يا أبو عمر ..؟

أبو عمر تنهد: مدري وش أقول لك يا هاني , العيال ضد لين وكل كلمتهم , أني ظالمهم بزواجي ذه .. !

أبو خالد: وأنت وش تشوف ..؟

أبو عمر: أنا مشوف منها إلا كل خير يا هاني , وأخاف أن من حبي لها مشوف أي شيء سلبي فيها ..

أبو خالد: عيالك ضدها , طالمة أن ألي تقوله لهم بصلاحهم جميل جدا , أمثال أنها تنصح العيال وتجيهم باللين ..

أبو عمر بتفكير: نصدق عاد ولا قد مرة قالت أضربهم أو تدخلت في حاجة تخصهم بستثاء جانب المهم فيهم , وأبيك يا أبو خالد بشي مهم أنك تراقب العيال بهالأسبوعين ..

أبو خالد: أبشر , بس ليه .؟؟

أبو عمر: بكر أخوها يقول أنه شافهم يفحطون على الطريق العام وياليت لو تخصص ناس معينة تراقب هالشيء , وتعطيني خبر ..

أبو خالد: أبشر ما طلبت شيء , بس أنت صف ذهنك , وأشور عليك أنك تسفرها تغير جو أحسن وأفضل لو 3 أيام , على قد الأوف ألي عندك ..
أبو عمر باأقتناع: فكرة زينه , الله يجزاك خير ..


كانت تهمش أي رسائل منه , وكانت متواجدة بس ماترد عليه ..
وطفش !
أيمن: يا ريفي صدقيني أنا أبيك جد , وسبب كلامي أني أشوفك لأني بجد حاب أشوف الأنسانه ألي يحبها قلبي ..
ريفان تقرأ كلامه بس ما كانت ترد عليه أبد !


خلصت من قراءة سورة الملك , وظت تستغفر وهي تنتظره وكل ماتتصل به جواله مغلق , خافت أن يصيبه شيء ..

قامت مسحت مكياجها ولبست قميصها الدانتيل البرتقالي , رفعت شعرها بتوكه صغيرة
وجزء من شعرها أفردته تسبحت بالعطر وخفتت النور وتسطحت بالسرير وهي تستغفر وتسبح العزيز الجبار لحين قدوم الساعة 11 ..
فتح الباب بشويش وشافها جالسه بالجلسه وتشوف التي في وتاكل عنب الاخضر ..

ابتسم بلا شعور واقترب بشويش منها ...

وجات بتحط العنب بفمها الا سحبها منها واكلها ..


يتبــع ~

[لامارا]

ابتسم بلا شعور واقترب بشويش منها ...

وجات بتحط العنب بفمها الا سحبها منها واكلها ..

لين التفت على طول فرحت لما شافته وقامت على طول وجات بتبوسه بس بطلت واكتفت:الحمد لله على السلامتك يابو عمر..

فواز ابتسم:احين كذا ترحبين بزوجك.؟؟

لين:.........

فواز :قولي بعد ان الشعب معنا..>>يقصد عياله..

لين اخفت ابتسامته:ودي والله بس شفتك قالب علي اليوم ومنعتني عن اني ابوسك فا قلت ببطل....

فواز باندفاع:لااااااا الا انك تبطلين...

لين:هههههههه..

واقتربت منه وباست جبينه:نورت..

فواز:النور نورك ومد بوكيه ورد جوري..

الي كان مخبيها ورى ظهره..

لين بفرحه كبرى: يا الله لي انا..

فواز:أي طبعا الورد للورد..

لين لمعت عينها وهي تاخذ بوكيه وصارت تتأمل الورد بتمعن وبصمت ..

فواز ينتظر أي كلمة منها وهو يناظرها: لين ؟

لين وهي تبكي: الله يعطيك العافية , أجم بوكيه قد حد أعطاني أياه ..

فواز مسمع دموعها بطرف شماغه وضمها بصدره و30 ثانية جلسها بالكنب ومد لها كوب مويا وسم عليها: علامك بكيتي حبيبتي ..؟

لين وهي تمسح دموعها المتجدده: بجد حبيت مفاجئتك يا فواز ..

فواز مسح على شعرها ورجع شربها مويا ..

لين: آسفة بيجوز أني صرت حساسة بزيادة ..

فواز: طيب وش ألي بكاك ..؟

لين: ألي بكاني أني معتقدت أني بتزوج واحد مثلك فواز ..

فواز:.........

لين : أنا ممدحك زيادة عن حدك , بس هذا ألي أشوفه أنك كويس معايا وطيب ولله الحمد ..

فواز: أنا كنت ناوي أسئلك سؤال كان شاغلني شوي ..

لين باهتمام: تفضــــل ..

فواز: أنتي تحبين طليقك ..؟

لين تفاجئت من سؤاله: مافهمتك ..؟

فواز: أقصد كنتي تحبينه , وكنتي تعاملينه نفس ماتعامليني , نستيه ولا ..؟

لين بتفكير مطول وبعدها ردت: أنا مكنت أحبه صح , بس مقدر أنساه ..

فواز رفع حاجبه: وليــــه ..؟

لين: طبيعي جدا مهما وش كنت أحبك أو أهتم بك فواز , يظل ياسر هو طليقي , ولا يمكن أنساه .. مو حبا به , بس الواحد ما يقدر ينسـى بين يوم وليلة ..

فواز بحزن بداخلي: باين أنك تقدرينه حيــل ..

لين مسكت يده: أنت تقدر تنســى منال ..؟ وعن حياتك معها ..؟

فواز:.............

لين مالت راسها وبابتسامه:شفت أنك ماتقدر تناسها , وبعدين لا يمكن أن منال كلها سلبيات , لابد يكون به إيجابيات تحبها بيها ..
فواز وهو يحاول يتذكر: أمـــمم

لين: لابد به ذكرى لايمكن تنساها ..

فواز أبتسم وهو يتذكر الذكرى: لما سميت ولدي عمر , وقامت حرب , جابت أبوها وأهها ومستعدة تجيب الوزير بعد !


رجــع ذاكرته قبــل 20 سنــه ~


بالصاله وهو جنب ابوه وفرحان لاول حفيد وحفيده له اندق الباب بقوه فتحت الخدامه وطلعت بوجها منال..

منال بعصبيه:وين العيال يالنذل؟

ابو فواز: قام استهدي بالله يامنال الموضوع مايحتاج لكل هالعصبيه الزايده وهو مجرد اسم!!

منال بحده:مجرد اسم!!

وانا الي تعبانه بالحمل والولاده من الي تعب انا ولا ولدك المراهق..؟؟

ابو فواز:يا ام عمر استهدي بالله..

منال كشرت بقوه:ويع قال ام عمر قال هالاسم لابد انه يتغير ولا مالي جلسه بهالبيت..

وبعد الرضوه الي كانت عباره عن طقم ذهب ثقيل من اختيار منال العالم..

وجلست بالمجلس جمعت صديقاتها تتكلم عن رضوتها وانها ضربته!وهو جاء شخصيا وباس راسها!

فوزيه:والله شجاعه يا منال منتي بهينه والله..

منال بغرور:افا عليك هو عندي زي الجربوع...

الصوت كان عالي وسرى لصاله وهو يذاكر انصدم من كلامها..

لين قاطعته:ووين الذكرى الحلوه؟

فواز تنهد:بيجوز صح كلامك ان لابد يكون لها جانب مشرق بس الي شفته معي شين بس مع صديقاتها كلام واسلوب!!

لين:......

فواز كانت جميله مره انبسط لشفتها حاطه حمراء او مكياج اولبست لبس مرتب ..

لين:.....

فواز بس كانت تتزين لو جات تطلع او لدوامها او ربيعاتها بيجونها وهكذا..

لين باندفاع:وش الي صبرك عليها طول هالسنين يعني لابد يكون به حب بينكم..؟

فواز ناظر لين بنظرات غريبة ما قدرت تفسرها: أنا كنت أكن حب لها رغم أسلوبها معي , ببداية زواجي لها , وبعد 3 سنوات تلاشــى هالحب , أهملت حبي لها وهمشتني ولابه شيء جديد ..
لين: يعني كانت أول حب لك هي منال ..؟

فواز بصراحة:أي ..

لين: وأحيــن ..؟

فواز: ليـــن وبس ..

لين أبتسمت بحيا: ياعين أبوي ..

فواز كنه تذكر شيء وباندفاع: قبل لا أنســى الصباح الساعة 8 بنسافر ..

لين بغرابه: نسافر فجئه كذا ..؟

فواز: لقطــر , نغير جو لو يومين ..

لين: وكاد أنك تمزح ..؟

فواز: لا ما أمزح , وجهزي لي أغراضـي , ولا بغير رايي ..

لين قامت باندفاع: لا دحينــه بقــوم ..

وطلعت الشنطتين وصارت تحط الأغراض ..

فواز يناظرها وحس أنه مذنب ( شوف يا فواز قد آيش فرحت لما قلت بنسافر لو يومين !

كنت تطلع وتسفر منال على هواها ولين ملكت قلبك عاجز أنك حتى تبسطها ؟ أي نوع من الحب ألي تكنه لها , تحبها وتحرمها من أبسط حقوقها ؟؟ )

وقام دخل التواليت يفرش أسنانه وينظف وجهه باصابونه ولما جاء بيطلع ساعدته بلبس بجامته , وهو يحس كنه بجد طفلها مهوب زوجها وبس .. !

وسدحته بالسرير ولحفته لمت أغراضها وسكرت الشنطتين , أنسدحت بالسرير وخفتت على النـور ..

فواز وهو يناظرها: وين حابه تروحين بقطر ..؟

لين بحماس: كــل مكان ..

فواز ببتسامه عريضة: أبشـري ..

لين صارت تتكلم منطلقه عن حماسها وشوقها لسفر وهو يستمع لها ويشاركها بالحديث , وسرعان ما أنطقلوا لموضوع حساس شوي لليــن ..

فواز: وحا نجيب ولد ولا بنت , بس وش حابه يكون أسمه ..؟

لين تغير معالم وجها وبتردد: فواز أنت وش قاعد تقول ..؟


يتبـــع ~

[لامارا]

لين تغير معالم وجها وبتردد: فواز أنت وش قاعد تقول ..؟

فواز بحماس: أنا نفسي يكون عندي ولد منك أريده يشبك , قلب امه وروح أمه وكل شي امه ..

لين بنفس ترددها: فواز أنت ماتدري أني عقيــم ..؟

فواز: عارف وكل شيء عنك عارف , وأنا أريد منك عيال بسفرك للخارج عشان تحملين وتجيبين بيبي صغير ..

لين لمعت عيها:فـواز ..

فواز قاطعها: يا لين عارف وش بتقولين أنك ما تجبين عيال وهالشيء عارفه , بس مابه حاجة تصعب على العزيز الجبار ..

لين: بس أنت قلت أن من شروطك أنك تريد وحدة ما تجيب عيال ؟؟

فواز: بس أنا ما قلت هالشيء , أميمتي وأختي هم ألي قالوا لأن أميمتي حست أنها ظالمتني بقرار زواجي لمنال تحمل العيال بسن المراهقة ..

لين بقلق: يعني أنت تريد عيال ..؟

فواز: منك أنتي وبس أنا أريد عيال ( وحط يده ببطنها ) وهنا بيجي بيبي صغير حلو على أمه ..

لين بكت غصب عنها وفواز طمنها وهو يهديها ..

فواز يغير الموضوع: ما قلتي وش بتسمينه لو كان ولد , أو بنت ..؟

لين بضحكه رغم دموعها: هههههههه مابعد يتكون حتــى ..؟

فواز بحماس: قولي عاد ..؟

لين ببتسامه عريضة: لو كان ولد بسميه معاذ , ولو بنت بسميها حنين , آيش رايك ..؟

فواز: جميــل , حبيت أسماء عيالــي ..

لين:هههههههههه ..

فواز باس يدها وناظر فيها: وقســم أحبك ..

لين: وأنا أكثــر ..

وتكلم كل منهم لما غلبه النـــوم ..

.
.
.

أم رعد : فا أنا أريد شورك ..؟

منى كشرت: أصلا هي سخيفة وأنا محبها !

أم رعد تريد تسحب منها الكلام: وليه ما تحبينها ..؟

منى: حركاتها سخيفة مع خالو , يعني متقول أن به صغار تستقبله وحالتها حالة ..

أم رعد: عادي هي تستقبله ما تسوي شيء عيب أو محرج ..

منى بغيره واضحة: حتى ولو المفروض أنها ما تستقبله طالمة أحنا موجودين , وحركاتها ولبسها ماله داعي أبد ..

أم رعد بغرابه: يا منى هو زوجها ومن حقه أن يشوفها أنيقه ومتزينه له !

منى: هي مهيب حلوة , مدري ليه يحبها ويهتم فيها ..؟

أم رعد: ووش عرفك أنه يحبها ..؟

منى: نظراته توضـح له أنه يحبها ولا بعد ميت فيها ..

أم رعد: طيب وهي ..؟

منى بحزن: الحب من الطرفين للأسف ..

أم رعد: وليه هالحزن يا منى , مو هو زوجها وعادس وشيء طبيعي لو حبها أو حبته .. !!

منى ناظرت باأمها:........

أم رعد بشك: أصدقي القول أنتي تكنين مشاعر لخالك فواز ..؟

منى توترت من سؤال أمها:.......

أم رعد كملت: مشاعر أكثر من أن كونه خالك ؟

منى أنربط لسانها ولا قدرت ترد عليها ..

أم رعد: أنتظر ردك يا بنت ..؟

جات بترد إا بدخله رعد: هلا ..

منى تنهدت براحة , كما لو كان رعد حقا قد أنقذها من هذا الموقف !

وقامت لغرفتها على طـول ..


وبغرفة العيال ..

عمر: وليه تطلعونها مذنبه وهي صادقة ؟

يزيد: أنت معها ضد أخوانك ؟

عمر: أنا مـــع الحق ياخوي ..

رائد: لا تلومه حبه لها أكبر من هالشيء ..

عمر بحزم: لا تظن أنك أنت وأخوك بتأثرون علي بكلامكم لأني واثق وكل الثقة بتصرفاتي وأحاسيسي مع لين , ولا بيني وبينها أي شيء ..

يزيد بقهر: أنت أبعد من السالفة , ولا لك شغل فينا ..

عمر قام: أن ما تركت أنت وأخوك التفحيط , أنا ألي بتدخل بالموضوع , وأنت تدري رايي عند أبوي كيف ..

رائد: تهددنا يا عمر ؟

عمر بدون أهتمام: أعتبروه ألي تعتبرونه , سلامتكم أولـى من هالشيء ..

رائد: أنا نفسي أعرف شغله وحدة , وش راح تستفيد من ذه كله ..؟

عمر: على أساس لو صار شيء لكم , لا سمـح الله ملوم نفسـي , أو يأنبني ضميــري ..

رائد حط يده بصدر أخوه الأيسر: لا تخاف علينا يا أبو قليب , شيل نفسك منا وبس ..

عمر نزل يد أخوه: جـاكم العلـم , وأحين أنا بنــام تصبحون على خير ..

وأنسدح بسريره , وترك رائد ويزيد بقهرهم ..


صحت من بدري متحمسه لروحه , أخذت دوش سريع وسرحت شعرها إلا بدقه الباب ..

نانسي: مدرام , ريفان وبيسان في تحت ..

لين بذهول: طيب , يعطيك العافية !

وهي لابسه الديشمبر البنفسجي جلست بكرسي التسريحة تحدد حواجبها وتكثف ماسكارتها ..
طلع فواز من التواليت أستغرب لما شافها جالسة , عادتا تقوم تقابله وتمد له منشفه الشعر ..

وباين أنها سرحانه ..

فواز بصوت مسوع: أحــــم ..

لين أنتبهت وقامت على طول تمد له المنشفه وجلس بكرسي التسريحة: ألي ماخذ عقلك يتهنـى به ..

لين وهي وراه تجفف شعره:محدا غيرك حبيبتي , جات نانسي تقول أن ريفان وبيسان تحت ..

فواز ناظرهت بالمرايه وبستغراب: من جــــد ؟

لين هزت راسها بالإيجاب , فواز قام على طول لبس بجامته السوداء ورجع شعره لورى تسبح بالعطـر سريــع ..

وطلع من الغرفة , لين أكتفت أنها تناظره لما طلع , ووقع نظرها شنط السفـر ألي مجهزتهم وفتحت الشنطة , ورجعت ملابسها بالدولاب ..


بالصالة ~

أول مشافوه , ركضوا له وأخذهم بالأحضان كنه سنين مشافهم , وهو بالمثــل ..

جات وعد وأم فواز وبعد السلام والعناق الطويـل ..

وسرعان مانزل عمر وأستقبلهم بالأحضان ..

أم فواز: أشتقنا لكم والله ..

بيسان: وأحنا بعد يا جده .

عمر: من ألي جاتكم ..؟

بيسان: خالــي عيسـى ..

فواز ناظر بعمر وبهمس: مقلت لك مهوب صابرين حتى أسبوع !

ريفان: البيت وأهله وحشوني ..



يتبـــع ~

[لامارا]

ريفان: البيت وأهله وحشوني ..

جات نانسي: الفطــور جاهز أحيــن ..

على الساعة 9 , نزلت تحت وشافت الكل متجمـع بالصالة ..

صوت كعبها كان يضرب بالأرض التفت الكل غصب ..

كانت لابسه فستان أحمر دمـي بموديل فرنسـي بأكمام حاير وماسك من عند الصدر ويوسـع من تحت ..

فستان جدا بسيط , مكياج لبناني ناعم مرة وشعرها ويفي ..

وببرود: السلام عليكم ورحمة الله وبركاته ..

الكل: وعليكم السلام والرحمة ..

فواز يناظر أناقتها الزايده , حس كنها بتروح لحفلة ..

بيسان وريفان ينتظرون لين بحقد ..

لين وهي مازالت واقفه: الحمدلله على يتكم , زاد نور البيت ..

ريفان بدون نفس: با أصحابه منـــور ..

لين: بالإذن ..

وطلعت من الصالة راحت للمطبخ كلت بسكويت شاي وهي تلبس عبايتها , أتصلت بيها أم عبدالاله وسرعان ما طلعت ..

فواز: بناتي أنا ما أريد أي مشاكل مع لين , طيب ؟

ريفان: لا تدخل فينا أجل !

بيسان: هي ألي تتسبب دايم .

فواز: أنا بتكلم معها , بس مريد مشاكل ..

وبالمشغـــل ~

بالأستقبال تحديدا ..

لين بحزن: تصوري حتى مافقدوني بالفطور , أو أحد كلف نفسه يناديني ..

ميثاء بقهر: أنتي السبب يا لين , كلا طيبه وتمشين بنفس طريقتك بياسـر , غيري وشوفي الشدة وش تفيد ..

لين: هالمرة بجد يا ميثاء بطبق كلامك , وبمشي عليه ..

ميثاء: شوفـي مثلا من جاو بناته نسـى حتى نفسه !

وراح طيران لهم , وأنتي جالسة مكانك تراعينه , وأصلا هو نسـى موضوع السفره .. !

لين جات بترد إلا برنه جوالها: هذا فواز ..

ميثاء: أي ردي شوفـي آيش يبغــى ..

لين:مريد أرد عليه أعرف أني بعصب وبقط كل ألي عندي بريح شـوي ..

ميثاء: ألي تشوفينه صـح سويه ..

لين تغير معالم وجها ..

ميثاء: علامك .؟

لين تنهدت: هالكلمة تضايقني لا تقولينها !

ميثاء: طيب , سوي ألي قلتيه لأنه صح ..

لين أبتسمت لها ..

جالس مع أمه بالصالة ~

أم فواز: روق يا ولدي ..

فواز بعصبيه: أروق وهي تطلـع حتى متقول لي .. ؟؟

أم فواز تبرر لها: مسكينة يمكن من العجلة نست ..!

فواز بحده: وغير ذه متأخره , شوفي كم الساعة أحين ..؟

أم فواز: تحكم بس 6 وبتجي .. !

وبعد عشر دقائق من الصمت والأنتظار , حكمت 6 وولا جات ..

فواز أتصـل فيها وجوالها مقفل وبعصبيه: مقفله جوالها بعد .. !!

أم فواز بتوتر: بتصل أحين با أم عبدالاله , بس اتعصب يا يمه ..

وأتصلت باأم عبد الاله ..

وسرعان ماردت ..

فواز يناظر الساعة وهو يحرك رجله بتوتر ..

أم فواز تناظره وبهمس تقول لحظة بتعطيها السماعة ..

جات أم عبد الاله للين ..

أم عبدالاله: أم فواز أتصلت وقالت أن جوالك مغلق , وفواز حرق الجوال من كثر ميتصل ..

لين محبت تبين لها أنها على خلاف معه وخذت السماعة منها وبتردد: هلا يمــه ..

أم فواز بحماس: هلا يمه وينك فيه أنتي ..؟

فواز قام وسحب الجوال من أمه وبحده: هلا والله بالهانم , وين رايحه حضرتك من دون حتى متشاورين ..؟

لين قصرت على مستوى الصوت وحاولت ماتبين لبكتها: معليش كنت مشغولة و.....

فواز قاطعها بحده: وش هالشغـل ألي ماخلك تبلغين زوجك بطلعتك , وبعدين شايفه الوقـت أنتـي ..؟

لين: معليش فواز أنا مشغولة مرة مضطرة أسكر , فمان الله ..

وسكرت على طول .. !

فواز فتح عينه على الآخر وناظر با أمه ..

أم فواز بقلق: وش قالت ..؟

فواز بنفس ذهوله: سكرت الخط بوجهـي ..

أم فواز بتمتمه: مسكينة تلقـى الشغل فوق راسها ..

فواز بعصبيه: حتى وإن يكن , المفروض تبلغنـي , بس بس وعدها لما ترجع من البيت ..

وقام من الصالة وترك أمه بقلقها ..



بالغرفة ~

وبالواتس تحديدا ..

أيمن: وليه رجعتي للبيت ..؟

ريفان: ووش يهمك أنت , وبعدين أن كلمتني مرة ثانية بخلي عمر يتفاهم معك ..

أيمن: يا ريفان أنا شاريك .. !

ريفان بسخريه: كان جيتني من الباب مو من النوافذ يا سيد شاريني ..

وباندفاع: فمــان الله ..

وحضرته من الواتس ومن جوالها كله بحيث لو أتصـل عليها يصير كلا مشغول ..


على الساعة 10:11

رجعت وفتحت الباب بشويش وهي تتلفت يمين ويسار , تنهدت براحة وطارت للغرفة شلحت عبايتها ..

وشلحت ملابسها , لبست قميصها الأحمر الساتان , وتسبحت بالعطر , وفردت شعرها
وحطت مناكير الأحمر با أصابعها وأصابع رجلها , وخلخال ذهبي برجلها , ولصقت طابعه بكتفها زي النقشه ..

فتحت القرآن وصارت تقرأ سورة الملك ..

جنب الباب بالجوال : طيب خلاص بكره أنا بتلقي فيك بندر بعون الله , أي أنت حدد المكان , أوك فمان الله ..

وفتح الباب وشم ريحه المكان , وعرف أنها موجودة راح للغرفة وشافه فاضي !

وراح للجلسه وشافها جالسة تشوف ألتي في وبيدها شوكولاته ..

فواز بحده: هلا والله بالخانو , من متى جايه حضرتك ..؟

لين تسوي نفسها مندمجة بالفلم وتضحك:هههههههههه ..

فواز بقهر توجه قبالها وطفـى التي في والتفت ها , وهو يشوف كامل أناقتها وجمالها زايد اليوم كله .. !!


يتبـــع ~

[لامارا]

فواز بقهر توجه قبالها وطفـى التي في والتفت ها , وهو يشوف كامل أناقتها وجمالها زايد اليوم كله .. !!

لين حطت رجل على رجل: وليه طفيت التي في عليا ؟ أتابع فلمي الكوميدي زي منت عارف ..

فواز رفع حاجبه: بالله ! وأنا جالس أتكلم ..

لين ببرود: ويعنــي ..؟

فواز: جالسة تتريقين حضرتك ..؟

لين مسكت المبرد وهي تبرد أظافرها : منيب فاضيه عشان أتريق معك , دوبني راجعه من الدوام وتعبانه ..

فواز بعصبيه: يا لين أنتي عارفه بالقوانين , لما اداوم أنتي تداومين وأم عبدالاله مظن أنها خالفت بهالشي ..

لين قامت وأقتربت منه وبنفس برودها: ليه تريد تمشيني على هواك أستاز فواز ,
أنا لي شغلـي وأنت لك ألتزاماتك وأنا بالمثـل , وهالشيء غافلين عنه والمفروض نتناقش عليه على أساس كلن منا يكون على بينه ..

فواز أستغرب من كلامها: لين علامك ..؟؟

لين رفعت حاجبها : لين متعود عليها أنها لينه وطيبه وألي تشور عليه تمشي به , وبس الدلال الزايد بيضيعني وهذا ألي شفته ..

فواز مسك يدها وقربها منه: وش قاعدة تقولين أنتي ..؟

لين نزلت يده بشراسه: لا تلمسني رجاءا , أنا أسمعك من دون حتى ما تلمسني ..

فواز يصر على أسنانه: حركاتك ذي يا لين ما تمشي علي ترى , وأنا لو بتناقش معك بتناقش على ظهورك وهالشي أظن من حقـي .. !

لين عطته ظهرها وهي تعب باأصابع يدها: فعلا من حقك , وزين أنك خبرتني على أساس أبلغك أني بداوم زسي ماكنت ببيت أبوي بالزبط ..

فواز باندفاع: أيــــوه هذا أنتي قلتيها. ببيت أبوك وهنا ببيت زوجك ..

لين:........

فواز بحده: لا تخليني أحطك براسي وأمنعك من شغلك ..

لين ببرود: العقد ألي بيتكلم مهوب أنا , ومن ضمن شروطي أنو ما تمنعني من الدراسة أو من شغلي , وذا كان أتفاقنا مو ..؟

فواز: والله وصوتك طول , علمتك ميثاء ولا من ..؟

لين: هالمرة أنا ألي شفته صـح وسويته , ماشفت شيء من طيبتي معك , ما شفت أي حاجة تذكر بجد .. !

سبتك على هواك وكل شيء تريدها سويتها لك , بس أنا ألي أريد أوصله يا فواز أنك ماكنت مقتنع أنك تتزوج وحدة غير منال ..

فواز أنفجع من كلامها أقترب منها ومسك كتفها: لين أنتي تظنين أني أحـــب منــال ..؟

لين رفعت نظرها له: أنا مظن , أنا متوكده , مالومك لأن هالشيء أختيار قلبك مهوب عقلك ..

توجهت لسرير وخفتت النور , وتلحفت وبهمس : تصبح على خير ..

فواز ظل مكانه واقف مصدوم من كلام لين له وهو يردد ( معقــولة تظن أني أحب منال ؟؟ )


على الساعة 9 صباحا ..

صحى وبعد الدوش السريع , طلع من التواليت والجو كان بارد بسبب التكيف , أول مرة ينتبه لهالشغله .. !

أن لين هي تخاف عليه حتى من البرد ..

طف التكيف , ولبس بجامته سماوي مع رصاصي ..

تسبح بالعطر الهادئ ..

رجع شعره لورى فتح الباب الثاني ألي بالجناح نفسه ولا شافها موجودة .. ؟

نزل تحت بالصالة شاف نانسي تمسح الديكورات ..

ريفان وبيسان جالسين يشوفون التي في ..

فواز: السلام عليكم والرحمة ..

البنات: وعليكم السلام والرحمة ..

قاموا باسوا راس أبوهم , جلس جنبهم : أجل وين لين ووعد ..؟

بيسان : مسويه نفسها النشيطة وخذت وعد يجرون برا ..

فواز: بيسـان أحنا وش قلنا ..؟

بيسان: أسفه يبه ..

فواز ناظر نانسي: جهزي الفطور بغرفتي بفطر مع لين ..

نانسي: إن شاء الله بابا ..

ريفان باندفاع: وأحنا يبهم تريد تفطر معنا ..؟

فواز: الجيات أكثر ..

مسح على شعرها وطلع برا ..

بالحديقة ~

لين: لابد أنك تغيرين روتين يومك ولا كيف بتنسين ..؟

وعد: أنا معزمه أني أنساه لين , ولابد أغير روتيني عشان محس أني أشتقت له ..

لين أبتسمت لها: أي كلمة أقولها تمشين عليها ..؟

وعد التفتت لها: لأنك أمي .. !

لين:.......

وعد: والأم لا يمكن أنها تضـر بنتها ..

لين مسحت على شعرها وباست جبينها: الله لا يحرمني منك يا بنتي ..

وعد: ولا منك ( وشافت أبوها من بعيد وبحماس ) يبــه ..

لين صدت على طول ..

وراحت ضمت أبوها , وأقترب منها وهو يشـوف سترها ألي يحببه فيها أكثر ..

لابسه بجامه فضفاضة بلون الفستقي , ومن تحت ضيق زي حركة علاء الدين ,
با أكمام طويلة ورافعه شعرها ذيل حصان , محدده حواجبها وغلوس هادي وبلاشر مشمشي , وحلق ناعم فضـي ..

فواز: صباح الخير ..

لين بدون متناظره: صباح النور ..

فواز: كيفك ..؟

لين:.......

فواز: أنما أنا قلت لنانسي تجهز الفطور خاص لنا بالغرفة ..

لين ناظرته: وأنا ماقلت بفطر , فطور جماعــي أفضل ..

فواز: وأنا قلت بنفطر لحالنا .. !

لين بعناد: أفطر لحالك أجل ..

وعد شافت الوضـع بينهم مو كويس وبحماس: آيش رايكم نسوي تحدي , ألي يفوز بيمشـي الثاني على كيفه ..

وطبعا بيكون جري دورتين حول الحديقة وألي يسبق الثاني هو الفايز ..

لين وفواز بندفاع: تــم ..

فواز أخفـى بسمته وكل منهم وقف وخذت قماش وعد وصارت تعد :واحد ثنين أستعداد

أنطــــــــــــــــــــــ ــــــــــــــــلاق

وركض كل منهم بسرعة فائقه , بينما بالدورة الثانية سبقها فواز وأعلــــن عن فوزه ..

وعد بحماس: الفائز فواز ..

فواز بفرحه وهو يحاول يلتقط أنسفه: لا داعي لتصفيق ..

لين وهي تحاول تلتقط أنفاسها: لا ..

فواز أقترب منها وبنصر: أنا فزت , يلا فوق عشان نفطر ..

لين رفعت حاجبها : منيب مضطرة أنفذ كلامك ..

[لامارا]

لين رفعت حاجبها : منيب مضطرة أنفذ كلامك ..

وعد باندفاع: بس أنتي وافقتي عليها , وكل منكم لابد يتقيد بالقوانين ..

لين بقهر: وعـــد ..

وعد ببرائه: أسوي واجبـي لا غير .. !

فواز أخفى بسمته: يلا أجـل نفذي كلامـي ..

لين:..............

فواز كمل: نفـر بالغرفة يلا ..

لين كفتت يدها وبرود: منيب مجبورة أتقيـد بالشروط ..

فواز أقترب منها أكثر وهو يناظر بعيونها: لأنك الأم لابـد أنك ماتخالفين بوعودك ..

لين: ولأني الأم بسوي ألي أبيه .. !

فواز بستسلام: طيب منيب جابرك تفطرين معي , بس تعالـي أريدك بموضوع مهم ..

ودخلوا داخل البيت ..

وجاء بيدخل الغرفة إلا بصوت بيسان: بابا أبيك شوي ..

فواز ناظر لين: دخلي على بال ما أرجــع ..

لين ناظرت بيسان ( رجعنـــا لطير ألي )

توجهت لتسريحة وهي تدهن يدها باللوشـن , وتزبط شعرها ..

فتحت الدولاب وأختارت بجامة باللون الأحمـر بدون أكمام ماسك على جسمها شورت مخطط بالطول بالأبيض والبدي سادة بوسطة مرسوم فيونكه بيضاء ..
شبشب أبيض , فردت شعرها وتسبحت بالعطـر وهي تفكر ..

دخلت بالجهة الثانية وشافت الفطور فوق الطاولة ..

مكون من كورسان , شاي , خبز بالسكـر , بيض مسلوق , زيتون أسود وأخضر ..

محست بدخوله وأنتبه لشكلها وأقترب منها وبهمس: يا زين صباحـي وأنتي به ..

لين توترت من قربه وبعدته: خيــر !!

فواز مسك يدها: الخير بوجهك , تعالـي نفطر سوا ..

لين نزلت يده من يدها: لا تلمسني , وانا مريد أفطر وليه ماتبي تفطر مع بناتك أفضل ..؟

فواز: ما تبين نفطر سوا أفضـل ..؟

لين ببرود: مابه حاجة أفضل .. !

فواز جلسها جنبه: أصدقي القـول وش ألي مزعلك ..؟

لين ببرود: أبـد ولا أحد .. !

فواز: ليه أجل تكلميني كذا ولا تسمعين كلامي ..؟

لين حطت رجل على رجل وهي تلفح بشعرها وبدلع: لو ما أسمع كلامك كان رحت دوامت اليوم بس
مريد مشاكل وعوار رأس معك , ولما أكلمك كذا أعتبر هالشيء بحد ذاته رائـع , لأني أكلمك بلباقه !

فواز: وش هالنبره ..؟

لين بدلع: كيفي ..

فواز توتر من جمالها وريحتها العطـره ألي تلفـح عليه: قولي وش غلطي ؟

لين بخبث: ماغلطت بشيء . بس الطيبه ماتنفـع بهالأيام فا قلت أتخذ الأسلوب الأمثل لعلاقتي معك أفضل ..

وقامت فتحت باب الغرفة وعلى طول شافن وعد بوجها..

وعد بحما: سبحانه دوبني بدق الباب بجيب لكم العصير ..

لين: الباب يقول تعالي أنتي وخواتك للغرفة ضروري ..

ولبست ستره طويلة عشان تستر مفاتن جسمها ..

ورجعت مكانها ..

فواز: وين رحتي ..؟

لين جات بترد إلا جاوا البنات وبحماس: تعالوا أفطروا معنا يقول البابا ..
بيسان: قلت متريد تفطر معنا يبه ..؟

لين باندفاع: لا غير رايه ( وقامت وبتلميح ) أبوكم الله يحفظه ســــرعان ما يغير رايه عشانكــم ..

وطلعت من الغرفة , وراحت لجناحها النوم ..

شافت السرير مو مرتب زي ماتبي , قامت ورتبته ومسحت التسرسحة والمرآيه وهي تسمع ضحكهم وسوالفهم وشد انتباها ..

ريفان بحماس: فكرة حلوة بيسان , وش رايك يبه ؟

فواز بابتسامه: خلاص أبشروا ..

وعد وبيسان وريفان صرخوا بحماس وضموا أبوهم من الفرحة ..

لين وهي تمسح سياج السرير , تأثرت بكلامهم ولما حست بدخوله صارت تمسح وتسوي نفسها مشغولة ..

فواز بحماس: لين يلا جهزي نفسك بنروح بعـد نصـف ساعة لقطـر ..

لين:..........

فواز: ليــن أنا أكلمك ..

لين التفت له وبيدها المنشفه : طيب , شنطتك جاهزة روح مع بناتك وأنا مقدر أروح عندي عزيمة لبيت أهلـي مكلمتني أميمتي من بدري على أساس أحضرها ..

فواز: أي أجليها . !

لين بغرابه: وليـه أأجلها وأنا فاضيه , ومهوب كل مرة أأجل بعزايم أمي , مرة لما بناتك ضربوني كلت تبن ومشيتها وأحين مقدر أعذرني روح أنت وبناتك وأنبسطوا ..

فواز أقترب منها: عنادك ذه مهوب من صالحـك يا لين , مدري من ألي ضاخ بعقلك وقواك كذا علي , على العموم أنا منيب مترجيك تبين تروحين أو ما تروحين هالشـيء راجــــع لك ..

لين:............

فواز سحب شنطته وطلعها برا الجناح ورقع الباب بقوة , لين نزلت دمعتها غصبن عنها مسحتها على طول لما جات لها وعد متحمسه: وااو بنسـافر يمــه , يلا جهزي نفسـك ..

لين بدون منتناظرها: مقدر أنا متزمه ..

وعد: بس ....



يتبــع ~

[لامارا]

لين بدون منتناظرها: مقدر أنا متزمه ..

وعد: بس ....

لين مشت من قدامها بسرعة: أسمحـي لي ..

وعد أكتفت بالنظر وسرعان ما طلعت من الجناح ..

وجهزوا كل منهم شناطهم وحطوها بالسيارة وعمر ورائد ويزيد بالمثـل ..

وأم فواز طبعا ..

عمر: وين لين ..؟

فواز: مهيب رايحه عندها ألتزامات ..!

الكل:............

وحركوا السيارة ..

على أذان الظهـر ~

تسبحت بعد سواتها للغداء , لبست برمودا زيتي على بلوزة سكرية ناعمة ..

وشبشب سكري , مكياجها بسيط جدا جوا عينها كحل زيتي لامع ومكثفه الماسكارا , بلاشر وردي وروج طافـي كورال , حبه خال قريب من شفتها وحددت حواجبها , تسبحت بالعطـر ..

رافعه جزء من شعرها بتوكه سكريه , شكلها روعـه مرة ناعمة وأنيقة ..
رتبت السفـره وجهزت الكؤؤس الزجاج الآنيقه والطقـم الفاخــر ..

جات ميثاء وجلست بالصالة ..

ولين ترتب السفره ألي كانت بالنكهة الإيطالية , بيتزا وسلطة وفوتشيني بالخضار شوربة بالفطر وخبز فرنسي بجانب الطاولة وقماش تحت مقلم بالأزرق والأبيض ..

شموع برائحة الكرز وأضائه خفيفة ..

وجات ميثاء جلست بالسفره وبحماس: يالله وش هالفــن , لا يمكن شغل وترتيب شغاله ابد لمساتك بيها ..

لين: فعلا , آيش رايك ..؟

ميثاء : أي باين ما شاء الله , بس غريبة عازمتني غداء , وليه مابه أحد بالبيت , هادئ مــرة ..

لين تحارب دموعها: سافــروا ..

ميثاء بصدمة: هــاه من جدك , وليه ما رحتي معهم ..؟

لين حكت لميثاء القصة كلها وهي تبكي ..

ميثاء بقهر: با الله ! مسوي نفسه يحبك يعني , ألي يحب ما يسوي سواته يا لين , خذيها مني ..

لين تمسح دموعها: صادقه والله , بس منيب عارفه وش أسوي , تظنين أني تصرفت صح ..؟

ميثاء: أول مرة تعجبيني أصلا وزين أنك سويتي سواتك , عشان يتأدب ..

إلا بنغمه جوالها واتس آب .. !

لين خذت جوالها وبحماس مفكره أنه فواز و وبخيبه أمل: طلعت وعد !

ميثاء بتفكير: أسمعي عشان تقهرينهم صوري الغداء بسرعة وأرسليه لها قولـي أنا أتغدا أحين , عشان يشوفه السيد فواز ..

لين بتأيد , أخذت جوالها وصارت تصور بجهات متنوعة لسفرة الإيطالية ..

وأرسلتها لها وكتبت: معيش أنا أتغدا مع حبيبتي ميثاء أخلص غداء وأحكي معك ..


وبالسيارة ~

وعد مررت جوالها لعند خواتها وبعدين جدتها وأبوها شاف الصور وأنقهر لما عرف أن ميثاء عندها ..

فواز ( بتضخ بعقلها أحين بكلام فارغ والله يستر , وش الجاي , بس أرجع وأحط النقاط على الحروف يا ليــن .. )


وبالعصـر ~

أندق الباب وفتحت نانسي ..

أم رعد شافت البيت هادي وتوجهت على طول لصالة , لأن أمها تكون هنا دايم ..

بس شافت ليــن !!

لين رحبت بيها وجلست جنبها ..

أم رعد: أجل مابه أحد بالبيت ..؟

لين: أي سافروا صباح اليوم .. !

أم رعد بصدمة: أما عاد سافروا , وأنتي طيب ليه ما رحتي معهم ..؟

لين: ما أبي أروح , مالي مزاج .. !

أم رعد: متوكـــده ..؟

لين:.........

أم رعد : أنا عرفت أن أمس رجعوا ريفان وبيسان البيت , وليكون زعلتي من جيتهم ..؟

لين ببرود: وليـه أزعل , مالي شغل بيهم ..

أم رعد حطت يدها بيد لين: يا عمري أنا عارفه أن ورى ردك وبرودك شيء ثانـي , وبيجوز أن فواز زعلك مو ..؟

لين:.........
أم رعد: أنا مريدك تسكتين أريد تجاوبيني لين ..

لين ناظرتها: صدقيني أي كلمة بقولها لك أحين مراح تفيد بشيء , لأني خذته وخلاص ..!

نورة: افهم انك ندمتي بختيارك له؟؟

لين: لا تزعلين مني انا ندمت لتسرعي..

نوره :وليه ندمتي عشان انه مهوب مستعد لبدايه حياة جديدة ..

لين: جلست بداية زواجي اتفهمه وافهم شخصية اخوك ولما عرفت انه نسى منال
وحياته معها , انبسطت قلت احين بثبت وجودي , ولما حاول بس حاولت منعني وسكر الابواب بوجهي ,
مقول انه مقصر كل شي موفره لي بأكمل وجه , بس فواز بواقعية ما يبيني ولو اغيب عنه ايام مهوب حاس فيني ابد , يقول يحبني وهو مجرد كلام..



يتبــع ~

[لامارا]

لين: جلست بداية زواجي اتفهمه وافهم شخصية اخوك ولما عرفت انه نسى منال
وحياته معها , انبسطت قلت احين بثبت وجودي , ولما حاول بس حاولت منعني وسكر الابواب بوجهي ,
مقول انه مقصر كل شي موفره لي بأكمل وجه , بس فواز بواقعية ما يبيني ولو اغيب عنه ايام مهوب حاس فيني ابد , يقول يحبني وهو مجرد كلام..
نورة بتفهم : طيب تدرين أن للحب أنواع يا لين ..؟

لين بستغراب : كيف ؟؟

نورة عدلت جلستها: به حب تملك وبه حب اهتمام زي حبك انتي لفواز وبه حب عادة ألي هو حب اهتمام زي حبك
انتي لفواز وبه حب عادة ألي هو حب فواز لك,, انه متعود عليك لا اكثر !!
لو يحبك لزم عليك انك تروحين معه وولا رضى يروح ألا وانتي راضيه لو نسبيا او على الاقل اتصل بك , مو ؟؟ على الاقل با أسم زوجه ..

لين با اهتمام : طيب ..

نورة كملت : حاولي انك تكسبينه لين ,, تلاعبي بالأدوار ..

لين بيأس : وكيف يا نورة ؟؟

نورة بحماس : انا اقول لك ..


بالدوحة ~

صورت ريفان المعارض والمناظر الجميلة , كتبت بحالتها بالواتس برب الرياض باك قطر ..

وهي تخفي ابتسامتها بخبث , بس عشان تقهر لين ..

تعشوا بالمطعم الفخـم ..

وصورت الأكـل وحطته صورة عرض ونفس الشيء بيسان ..

ريفان بهمس: عاد نفسي أشوف رده فعلها ..

بيسان: أكيـد ميته من القهـر لأن أحنا وهي حتـى أسبوع ما سافرت ..
ريفان: ههههههههه ..

وعد يمعتهم وبحده: أولا هي رفضت بسبب شغلها , وأكلي أنتي وياها بصمـت ..

ريفان رفعت حاجبها: مصاحبتها كم يوم , وصرتي معها ضدنا ..؟

ريفان معطتهم وجه وصارت تأكل ..


على السـاعة 12 بالليل ~
رجعت من المـول ..

أخذت معطرات جو غير ومعطر مفارش , شمـوع ومفرش لطاولة تبع جناحها , مفرش أسود من أطرافه ذهبي مرة فخـم ..

وعطر جديد لها , بجامات وقمصان بيت ناعمة ..

وهي ترتب وتسمـح غرفتها ..

وبالنسبة لـ فواز ..

منسدح بالسرير يطالـع سقف الغرفة ..

وتاره بجواله , مشاف منها أي أتصال أبد ..

أنقهر ودخل الواتس وشافها متصل الآن أنقهر أكثر ..

فواز ( يعني أنتي فاضيـه حتى رسالة ما رسلتي ولا أتصلتي , هيـن يا لين )

وبعد يوميــــن , بيوم الجمعة ..

وهي لافه الديشمبر بجسمها , وتدهن العود وتستشور شعرها وتفير أطراف شعرها ..

لبست فستانها المخملي النيلي ماسك على جسمها , وقطعة شفافه بنفس لون البشرة على يدها وتزينه رسمه باللون الذهبي الباهت يتلف حول يدها بنفس القماش الخفيف ..

عقد ناعم ذهبي وحلق ذهبي , رفعت جزء من شعرها بتوكه ..

مكياجها السكري بالجفن المتحرك وكحل عينها نبياي وكثفت الماسكارا , وروج طافـي وردي خفيف وبلاشـر وردي ..

تسبحت بالعطر , وكعبها العالـي ينسمع بالبلاط ..

توجهت للمجلس , وبعد السلام ..

بكر: أجل على هالزين بيجي أبو عمر من السفـر ..
لين: إن شاء الله الرحمن ..

بكر: وليه ما رحتي معهم عشان تتسلين ..

لين ( هالسؤال كرهته من كثر ما يتكرر لي ): كنت مشغولة وعندي ألتزامات ..

بكر ناظرها: يا لين لا تخلين أي شيء يلهيك عن زوجك , زوجك أهم من شغلك ..

لين تدعي البرود: الطيب ماله حظ بهالزمن يا خوي ..

بكر: ما فهمتك ..؟

لين:...........

بكر وهو يشوف ملامحها : لين أصدقي القول , فواز سوا لك شيء زعلك , أو صار شيء ..؟

لين بنكران: أبد بس تعبانة شوي ..
بكر: الله يحفظك يارب ..

لين مدت له القهوة و الحلا , وسالفة تجر سالفة , وبعد نصف ساعة ..

أنفتح الباب الرئيسي فجئة , ونانسي جات تشيل الأغراض ..

بكر: باين أن فواز وصل من السفـر ..

لين:.........


نانسي: ماما في مجلس مع رجال ..

فواز بستغراب: رجــال ..!؟

توجه للمجلس بسـرعة ..

لين ببتسامتها: لحظة بروح للتواليت وبجيك ..

بكر ماسك جواله: أخذي راحتك حبيبتي ..

عند الباب فتحته وهو طلع بوجها وألتطمت بصدره العريض , وكان بيطيح لأن كل ثقلها عليه , تراجع لورى لما وصل عند الجدار ومسك كتفها عشان ما تطيح ..

لين رفعت عينها له وباندفاع: نانســــــي أ.......

أنصدمت لما شافته , صار يناظر فيها وبجمالها وسحر عينها ..

فواز ( أول مشفتها أنبهرت باأناقتها وريحتها العطره , صرت أناظر فيها وأنا أحس كني أول مرة أشوفها ! مبعد عنها سنتين )

وعد شافتهم بالغلط وأبتسمت بلا شعور وهي تشوف نظراتهم ببعض , وبعد 8 ثوانــي : أحــــــــــم ..

لين ابتعدت عنه بسرعة والتفتت لوعد وباأحراج: هلا ..

وعد أقتربت منها وضمتها : هلا وحشتيني يمــه ..

فواز عدل شماغه ودخل للمجلس ..

لين سحبت وعد لصالة لأن بكر بالمجلس ..


يتبــــع ~

[لامارا]

لين سحبت وعد لصالة لأن بكر بالمجلس ..
وعد : وش هالزين ما شاء الله ..

لين : وكنه مبين عند أبوك ..

وعد: أبوي من شافك وأنا حسيت أنه بيضمك بس مأخذ بخاطره عليك ..

لين كفتت يدها: والله مدري من الثاني ألي بيأخذ خاطره عليه ..

وعد ببتسامه: أبوي يحبك يا لين بس حبه غير عن حبك ..

لين:.......

وعد: مو كان كلامك لي أن به حب أهتمام وبه حب تملك و و و ,
حب أبوي غير عن حبك مابعد تعرفينه , وهو توقع منك الأهتمام عشان كذا ماخذ بخاطره << نفس نظرية أم رعد " نورة "

لين بحزن: حتى ولو ياوعد المفروض ابوك مايسوي سواته..

وعد:طيب خليه يراضيك بطريقتك الخاصة ..

لين:ا.........

الا بدخله ام فواز بترحيب :هلا ببنتي ..

لين التفت لها واقتربت منها بتبوس راسها ويدها...

وجاوا العيال ..

وبعد السلام والترحيب الخاص من قبل عمر وهو يناظر رائد ويزيد بنصف عينه وبخبث:اشتقنا لك مره يا لين ..

لين بابتسامه:وأنا أكثر ..

وعد:فعلا مشتاقين لك ..

الا بدخله فواز صار يناظرها بطرف عينه عشان ما تنتبه له ..

واندق الباب راح يزيد فتح الباب وبصدمه : أنت ..!!


أنتهــــــــــــــــــى البارت |