07-02-14, 11:26 AM
| #121 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  لبست قميصها من السترج بلون الأسود باأكمام حاير وفتحه الصدر مربعة ومزمزم من الصدر وفيونكه بنفسجي فاتح وعند نهاية كم الحاير مزمزم وفيونكه بنفسي من ساتان طبعا .. وصندل فلات أسود دباج وسيحت شعرها ورفعت جزء من شعرها بتوكـه فوقه وتسبحت بالعطر وعطرت شعرها , وأساور بنفسجي وأسود , وقلادة ماسكه بعنقها من دباج .. لين( أنا ولا أنت يا سيد فواز , أنا متأكدة أنك أنت ألي بتفوز با أجباري , بس أنا ألي بطين عيشتك بالمزرعة , وأن ما قلت أنو نرجع البيت بهاليومين مكون أنا لين ) أنفتح الباب فجئه وأنبهر بشكلها وجمالها وصار يناظرها وهي ما حست به , سحبت شنطتها وعبايتها .. فواز: رايحه للعرس ولا لشاليه ..؟ لين بدون متناظره: الأثنين معنا , أنا جهزت خلاص .. فواز: يلا أجل أمشـي .. الكل جهز أغراضه , ورتب لرحلة ألي بيجلسون فيها 3 – 4 أيام .. و3 سيارات .. عايلة أم رعد , وفواز وعياله سيارتين .. نزلت من السيارة وبستغراب: ذي مزرعة !؟ فواز يتمغط وبرائه: ليه أنا قلت العكس .. ؟ وراح عنها , لين بقهر: آآه منــــك يا فواز , أنا أوريك .. ركضت وراه وسحبت شنطتها وضربته بظهره .. فواز: آآآه .. لين بابتسامه: تستاهل يا مخادع .. فواز وهو يتحسس ظهره: وش ألي ضربتيني به حديدة ..؟ لين: قول ماشاء الله .. فواز: وش تعطيني ..؟ لين بنفاذ صبر: يووه فواز قول ماشاء الله .. فواز يريد يحرق أعصابها: ترى عيني والقبـر .. لين بقهر: طيــب .. وتوجها للبيت , شلحا عبايتها وعلقتها .. كان الجو بارد مرة , ولا به شمس أبد .. دخلت المطبخ وكان مليان غبار والثلاجة وسخه .. بصوت وراها: آيش رايك تنظفين المطبخ ..؟ لين برفض: لا , مريد .. فواز: غصبن عنك وأنا قسمت الأعمال على العيال , بيسان وريفان بالتواليت وعمر ويزيد ورائد بالمجلس , ووعد ونانسي ....... لين باندفاع: غير شغلتي , مريد أنظف المطبـخ .. فواز بتفكير وبخبث: خلاص حياتي لا تزعلين عندي لك شغله سهله حيــــل .. لين بحماس: أوك .. وبالحظيرة ! لين ويدها على خشمها وبخوف: من جدك أدخل هنا , كبار حيل فواز يخوفون .. فواز: ذا أسهـل شغل جبته لك .. لين باندفاع: خلني على المطبـخ أفضل .. فواز بهمس: أنســي , أنا عطيتهم كلمة .. ومسك يدها ودخلها بالخظيرة غصبن عنها وبوسط صراخها وسكر الباب !! وعم الصمت لدجاجات ! لين مسكت كم بلوزته وظلت وراه وبهمس: فواز ذول سكتوا ..؟ فواز: أكيد من هيبتي ( وبيده الثانية رفع كيس الأكل ) وبدأ الصراخ واللمه .. لين شدت على كتف فواز وبصراخ: آآآه .. وصار ينثر الرز شوي .. لين أكتفت بالنظر .. فواز مسك الكيس: يلا شدي حيلك ! وطلع من الحظيرة وخلها لحالها , والكل التفت لها وبخوف تهمس عند الباب: فواز أفتح الباب , صاروا يدقون رقبة وهم يمشون .. فواز فرط من الضحك: ههههههههههههههه أي يلا شدي حيلك .. لين بلعت ريقها وهي تناظرهم أعدادهم تزيد 55 , وهي حظيرة متوسطة .. وبخوف: بعطيكم بس لا تأذونـي .. ومن اللبكه جات بتطلـع بالكيسه الرز إلا طاحت من يدها .. ! الدجاجات بهجوم: بــاق بــااق , بــــــــــــــــــــــــ ـااااااق .. لين تفاعلت معهم: آآآآآه .. ولموا الدجاجات على رجلها لأن الكيسه تحتها وبصراخ: فـــــواز .. فواز ميت ضحك وهو يناظرها من برا الحظيرة .. لين بخوف أكثر بسبب هجومهم: فــــواز أفتــح الباب , لا ياكلونــــــي .. فواز: وش المقابل لو طلعتك ..؟ لين باندفاع: ألي تريده .. فواز: والله ..؟ لين بنفس أندفاعها: والله .. وفتح لها وطلعت وحطت يدها بيده وسكروا الباب .. لين تنهدت براحة .. فواز يناظر يدها ألي لامست يده وطاحت عينها بعينه .. لين أنتبهت لنفسها وبعدت يدها وباندفاع: بروح للتواليت .. وهي تمشي وأطراف شعرها يتطاير مع الهواء العليل , سمعت صوتهن العالـي بغير قصد .. ريفان كفتت يدها: كـل ذه عشان ما تريدني أخذه , قمت تطلع عليه كلام ما ينقال .. !! عمر: يا ريفان أنا أريد مصلحتك , وأنا توقعت أنك بترفضينه على طول مو تقولين بفكر .. ! ريفان: هذه حياتي وأنا أبخص بيها , ولاحظ أن أبوي ما عارض .. عمر: أسمعي يا ريفـي , حطي ببالك أن أهله مهوب زي أبوي وطيبته , يعني هو لا وظيفة ولا أخلاق .. ريفان: أنت عمرك ما جلست معه , وجالس تعطيني نبذه عنه .. ! عمر : أنا أعرفك يا ريفان منتي مستحمله العيشه مع أهله , ولا تنسين هم ألي بيصرفون عليك .. ريفان التفت له: أبوي لما تزوج أمي , جدي هو ألي يصرف عليه وعايشه ملكه أمـي , فا آيش هي المشكلة لو وافقت عليه .. عمر: يعني أنتي موافقة ..؟ ريفان: أي نعــم موافقـــــة .. لين ( باين أن أحد خاطب ريفان , وعمر شايف أنه مو كويس وهي مصره ! ) وهي كانت تفكر وعقلها مهوب معها إلا بحد يمسك كتفها من ورى .. التفتت بسرعة وبخوف: بسـم الله .. عمر: آيش تسوين هنا ..؟ لين : بصراحة يا عمر أنا سمعت كلامك أنت مع ريفان بغير قصد بس كان الأصوات عالية و ..... عمر: أنتي أحد أفراد هالعايلة ولا بد تعرفين .. وصار يمشي معها وقال لها كل القصة .. لين: طيـب ليه معترض عليه ..؟ عمر: أولا لأن أبوه بخيل فا كيف بيصرف عليهم ؟ وثانيا أفعاله وتصرفاته من قبل , والمشكلة أن ريفان تدري وموافقة ؟ لين: طيب هي أستخارت ..؟ عمر: كنها مو مصدقة أن أحد تقدم لها , منيب عارف وش السوات معها ..؟ يتبــــع | | ||||
|  |
|
07-02-14, 11:27 AM
| #122 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| عمر: كنها مو مصدقة أن أحد تقدم لها , منيب عارف وش السوات معها ..؟ لين حطت يدها بكتفه:أمكن هي البداية لها ! عمر بعدم أستيعاب: ما فهمتك ..؟ لين: طالمة هي تريده يا عمر خلها , أنت قلت ألي عندك , مرات الواحـد ما يتعظ إلا بعد خوضه لتجربة .. عمر: صحيح يا خاله , بس آيش رايك أنتي تكلمينها با أسلوبك أنك تقنعينها .. لين: أنا مريد أتدخل , ولو فعلا بغيتوا رايي كان عرفت هالشيء من البداية , على الأقـل من جهة أبوك , بس أبوك محب أني اتدخـل وهذا ألي شفته أنا من تصرفاته الأخيرة .. عمر: لين أنتي مبسوطة معنا ..؟ لين: بني آدم عيشته ما ترضيه .. عمر مسك زندها قبل لا تروح: أنتظر ردك .. لين ناظرت به: لا .. عمر: وش ألي مو عاجبك بيها ..؟ لين ألتفت له: وش تريد تعرف ..؟ عمر: كـل شيء يا ليـن .. لين: طيب , وش ألي موضـح لك ..؟ عمر: لا أكون صادق معك , انا ملاحظ أن أبوي منزعج مرة منك , ويا لين ترى مو كل شيء يصير زي ما تحبي ولو به أمور زاعجتك با أبوي , أنتي شكليه على كيفك بالصبر والأسلوب , وهالشيء بيدك أنتي وبس .. !! لين:ا....... عمر قاطعها: فكري بكلامي زين .. وراح منها وتركها حايره من أمرها .. وصارت تمشي وفكرها مهوب عندها , كلام وكلام ميثاء وكلام نورة وكلام وعد , تنهــدت بصمت .. دخلت للمطبـخ وكانت نورة وأم فواز يجهزون للفطور .. لين حست بجوع من لما شافت النواشف بالطاولة , ومدت يدها على الزيتونه وجات بتاكلها إلا بيد فواز سحبها من يدها وأكلها وباندفاع: ممنوع الأكـل إلا بجمعه الأسرة .. لين تخصرت : بالله .. فواز أقترب منها وهمس لها: أنا راب هالأسرة وأنا ألي أكل بالأول .. لين رفعت حاجبها: يا ســـــلام عليك .. فواز بتريقه: وعليك , بس هذا هي الشروط ألي أحنا ماشين عليها من زمـان .. لين: عادي نفس عاداتكم , ممكن توخر من وجهـي طيب .. فواز: صايره فضه معي اليوم .. لين جات بترد بقهر إلا تذكرت كلام عمر ( ترى مو كـل شيء يصير زي ما تحبي ولو به أمور زاعجتك با أبوي , أنتي شكليه على كيفك بالصبر وبالأسلوب , وهالشيء بيدك أنتي وبس !! ) وبتردد: آسفه فواز , بس حبيت أشتغل مع أختك وأميمتك .. فواز ببتسامه: هذه لين ألي أعرفها , وأحين يلا قبالي بنفطـر سوا .. لين: ألي تشوفه .. فواز بغرابه: بسم الله , علامك قلبتي , فيك أنفصام شخصية .. !؟ لين حاولت تكتم قهرها وجات بتروح إلا بيده حاولت أنها ما تلتفت له وبقهر: أترك يدي .. فواز سحب يدها بقوة وفقدت توازنها وألتطمت بصدره العريض , ألتقت نظراتهم ببعض , نظراته الحادة تقابل نظراتها المتوترة .. وبهمس:لين أنا أحبـك .. لين: أنت تكذب .. وبنفس همسه: أفعالي وش تدل لك ..؟ لين: أنك تكرهنـي .. ! فواز شد على يدها: ليه ..؟ لين: هالكلام اطرحه لنفسك .. فواز: طيب بطرحه لقلبي وهو يجاوب , أنتي قلبي جاوبـي .. لين: متوكد أني قلبك ..؟ فواز: لين أنا أسـف ... لين بعدته عنها بقوة: أسمـع يا فواز عمـر الحب ما كان بكلمتين , إذا مابه أهتمام ملهاش لزمه ! فواز:...... لين: أسمح لي بشوف شغلــي .. وتركته شارذ بكلامها .. عند الأفطار .. وعد: ووش قلتي يا ريفي ..؟ ريفان: ....... بيسان بقهر: السكوت علامة الرضا .. أم رعد: علامكم أنتو , تفكر بالأول وبعدها يصير خير .. بيسان: مابه لزوم تتفكر لأن باين أنها موافقة .. ريفان قامت من مكانها بقهر: أووفــ بس , وافقت أو ماوافقت مالكــــم شغل فينــي .. ولين كانت بتدخل , إلا بكتفها تلطم كتف لين .. ريفان بقهر: وجــــع إن شاء الله ( وطلعت من المكان ) لين ناظرت الكـل: علامهـــا ..؟ أم رعد ناظرت لين: كلميها يا لين وشوفي أيشبها ..؟ لين مقدرت ترد على نورة محبت تكسفها , ولحقت ريفان وفتحت الغرفة: معليش بس كنت ...... ريفان بحده وبصرامة: لا تدخلين أحسن لك , ولا بتشوفين شيء ما يسرك ترى !! لين: يا ريفان مريد الشر لك , بس كنت أريد أعرف سبب عصبيتك وزعلك من أسرتك ( أقتربت منها ) ذول أهلك يا ريفان ويريدون الخير لك , وأنا مو جايه أقول لك رفضـي أو وافقي , لأن هذه حياتك وأنتي ألي بتعيشين معه مو أحنا , بس فكري شوي بالأمور الثانية , وبكذا بيكون تفكيرك ممتاز مـ ... ريفان ببرود: أنقلعــي برا , ولا أطلعك أنا بنفسـي .. لين تنهدت بصمت وقامت ولما طلعت من غرفتها جاء بوجها فواز !! لين: بسم الله .. فواز بحزم: ريفان بالغرفة ..؟ لين بغرابه وبتردد: بالغرفة .. ! ودخل الغرفة , كان عندها فضول أنها تعرف بس " التصنت " عادة مهيب حلوة , نزلت تحت تفطر مع البقيه .. وسرعان ما جاء فواز وبنته معنا بالسفـرة .. وأنقضـى هذا الصباح سريعا ..! لين: على أساس عندك دوام اليوم ومرتبط , وليه متغيب ..؟ فواز: به أحد يغطـي مكانـي الحمدلله .. لين كشرت وجها وصدت.. الا بدخله عمر وهو ملاحظ الجو الي بينه وبين لين وباندفاع:يبه جاء ابو خالد واسرته بالمجلس... فواز قام وبقصد:احسن لي من هالجو الي انا به.. لين؟؟!! وطلع فواز جلس قبالها عمر:الكره بملعبك ولا؟ لين بقهر:انا من اسمع نصايحك انقرد.. عمر:يبا له صبر هو مترجم ع منال مابعد يترجم ع لين لين كشرت.. عمر:ابوي تضايق لجلستي مع مرت هاني عارفه؟ لين:الله يجزاها خبر لانها علمتني كيف اتصرف مع ابوك.. عمر:هي لو تعرف تتصرف كان مخلت زوجها تعبان هو ماتكلم لكن التعب باين من خذها والكل يشهد بهالشي أي حاجه تقولها طنشي يالين.. لين:وش تريد ياعمر وش خلاصه كلامك.. عمر بود:ابوي تعب مره وتحمل المسؤوليه وهو صغير وهي الي يهتم فينا.. يتبـــع | | ||||
|
| |
|
07-02-14, 11:28 AM
| #123 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| عمر بود:ابوي تعب مره وتحمل المسؤوليه وهو صغير وهي الي يهتم فينا.. لين قاطعته:رجاءا عمر لا تجلس تحنني عليه هو غلط ولابد يعرف غلطه ولا ببين له انم اعندي كلمه او شخصيه.. عمر بابتسامه:تقدرين تفرضسن رايك عليه وتقدرين تزيدين اعجابه بك خصوصا انك تقولين انه مايحبك.. لين بقناعه:نعم مايحبني.. عمر:طيب اجلسي معه بالليل برا وامشي معه وقولي كل احلامك وطموحك وحا ينصت لك ويحاول انه يحققها لك... لين بعدم اقتناع:خير ان شاء الرحمن.. وسرعان مادخلت ميثاء وبدات النصائح والتحقيقات.. وعلى الساعه 10 بالليل راحت.. عمر بهمس لابوه:يبه لين تنتظرك برا تريدك ضروري.. فواز بغرابه:انا؟ عمر هز راسه بالايجاب قابلها عند........... عند شجره العايله.. لين وهي تضم نفسها:اف منه كل ذه ع بال مايجي بصير قالب ثلج.. وانتظرت دقيقتين وفتحت جوالها واتصلت به واداها مشغول.. لين بقهر:يديني مشغول ولاتكرم حضرته... وشمت ريه عطره التفتت له كان مسوي عمامه والعوارض معطته هيبه والمسواك بفمه.. كنه اماراتي ابتسمت من شافته ونست كل قهرها ع تأخيره.. فواز بادلها بالابتسامه:هلا.. لين فهت من بسمته:هاه.. فواز: اسف لاني تأخرت.. لين باندفاع:لا اصلا ما تأخرت.. فواز مشى معها :كويس.. وهي مكفته يدها سحب يدها وشبك يده بيدها وشد عليها كذا افضل.. لين أرتبكت من حركته .. فواز رددها: بسم الله الذي لا يضر مع أسمه شيء في الأرض ولا في السماء وهو السميع العليم ( كرروها 3 مرات ) .. وبعد صمت 8 ثوانـي .. لين: سبق وقلت لي أنك تريد تعرف عن سبب زعلي , وحطيت ببالك أن ميثاء لها دور .. تذكر لما تكلمنا عن السفره وافقت وحمستني ولما رجعوا بناتك تغير رايك , أنا أحب الرجال يكون له كلمة وحدة ويلتزم بيها .. ولو أنت مو قدها لا تعشمن وتقهرني .. وتوقعت أنك بتتذكر وتبلغني عن أنشغالك مع بناتك أو لحدوث أمر طارئ مو تسيبني كذا .. فواز بندم : يعلم ربي أني ما تقصدت , اصلا نسيت الموضوع , ولما أقترحوا البنات بالسفر , قلت نسافر كلنا , ومنها جمعه للأسرة .. لين: حبيت يكون لي معك ذكرى , ونروح لحالنا لو كم يوم .. فواز: آســف .. لين رفعت يدها من يده: بــدري .. فواز أقترب منها وباس جبينها وبهمس: آسـف .. لين أرتبكت من قربه:ا..... فواز باس خدها الأثنين: أسف أسف .. لين بعدته : خلاص قبلت أسفك .. فواز كتم ضحكته: علامك مرتبكه ..؟ لين باندفاع: لا أنا منيب مرتبكه , بس لأني حرانه .. فواز: حرانه ؟ لين أنتبهت: لا أقصد بردانه .. فواز:ههههههههههههههههههه مقلت لك أنك مرتبكه .. لين بقهر: يعني غصب أقول لك أني مرتبكه .. فواز رجع شبك يده بيدها: طيب حبيبتي بس لا تعصبين .. لين: كلامك يعصبني .. فواز: طيب آيش تريدين رضوتك ..؟ لين: رضوتي غالية .. فواز باس باطن يدها: تدللـــــي .. لين بتفكير: طيب , أفكر وأقول لك .. فواز: أوك , بس لين رجاءا لشفتي حاجة زعلتك أو تضايقك بلغيني من وقتها , أريدك توعديني .. لين: أوعـــــدك .. فواز: الله يحفظك يارب .. لين: وياك يارب , ماعندي شيء حاب تقوله ليا ..؟ فواز: ريفان تقدم لها ولد خالها .. لين تدعي أنها ما كانت تعرف: ماشاء الله , ووش رايك بيه ..؟ فواز: أنا ما يعجبني تربيتهم وأسالبيهم , ووكلت رجال من الأستراحة ينشدون عنه وجاني خبره بنفس اليوم , تذكرين لما سألتك عن ريفان ..؟ لين: أي .. فواز: قلت لها أنو ماله بالرياض , ودوبه راجـع من الخارج عشان دراسته .. لين: ولما رجـع , له بالمسجد ..؟ فواز: ما أخذ شهر من رجع .. لين: طيب , ريفان موافقه ..؟ فواز: حسيت من ردود فعلها وكلام عمر أنها موافقة ! لين: وأنت موافــق ..؟ فواز تنهد: أنا مريد أظلمها , وذي حياتها مهيب حياتي , وأريد تأخذ رجال كفـو يقدرها , مو أي رجال حتـى منعرف شيء عنه , صعـب والله .. لين حطت يدها على كتفه وبا بتسامه: يا عين أبوي , لو كان من نصيبها بتأخذه حتى لو هي رافضه وأنت رافض ! وربك بيكتب ألي به الخير والصلاح .. فواز بقلق: واله أني أحاتيها يا لين , صعبة أقطها على رجال مو كفـو .. لين أبتسمت ومسحت عدة مرات على ظهره وبثقه: أن الله لن يضيعها , وأسعدني حبيبي أنك تفكـر بهالتفكيـر السليــم , من عندها أب مثلك ويقلق .. ؟ فواز أبتسم وهو يحس با أرتياح: تعرفي آيش ألي يحببني بك ..؟ لين: وش ..؟ فواز: أسلوبـك , لو كان أحد متوتر ولا تعبان تسحبين كل أرهاقه , أنا محظوظ بزوجه مثلك .. ## ماذا فعلت لين لتخفف قلق فواز ..؟؟ لامست يده ومسحت على ظهره عدة مرات وهي تثني عليه , فمثل هالحالات لاتذكري أنه فشل أو عن اخطائه , فقط يريد أن تخففي عليه وأبتسامه منك ودفعه بسيطة , ولن ينســى موقفك معه أبدا , ولن يتردد أبدا بـ اللجو إليك مرة أخرى إن شاء الرحمن .. لين بحب: يا عين أبوي .. فواز سحبها لحضنه: أحبــــك .. لين لأول مرة أستشعرت أنها طلعت منه وهو يعنيها:.......... فواز وبهمس: يالبــا ريحتك .. بجهة ثانية , كانت منى وجود يتمشون ولمحتهم من بعيد وهي تسمعها تضحك أقتربت شوي .. وشافته وهو قبالها يمسح على شعرها وهي مبتسمه وباين أنها مندمجه معه .. جود صدت بحيا: ماشاء الله , الله يحفظهم يارب , خلينا نروح منــو .. منى بقهر: حسبي الله عليها , ما تستحــي .. ! جود: أنتي ألي ما تستحين , شفتي هالموقف صدي وخلينا نروح لأن أمي أتصلت فيني من شوي تريدنا نرجـع .. منى: أحنا لو بنرجع , بنرجــع معهم , ألحقيــني .. يتبـــــــع | | ||||
|
| |
|
07-02-14, 11:29 AM
| #124 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| جود: أنتي ألي ما تستحين , شفتي هالموقف صدي وخلينا نروح لأن أمي أتصلت فيني من شوي تريدنا نرجـع .. منى: أحنا لو بنرجع , بنرجــع معهم , ألحقيــني .. جود باندفاع: لا منـــى .. منى طنشت أختها ودرعمت لهم .. لين أبتعدت عن فواز .. منى وهي تناظر لين بنصف عين: هلا خالـو .. فواز: هلا منــو .. منى مسكت يد خالها: تأخرت , أمي تريدك .. فواز:........ منى وسحبت خالها وسحب يده من يدها وباندفاع: أنا عندي كلمة رأس لحبيبتي لين .. منى أنصدمت من كلام خالها .. فواز: قولي لها بالصباح نتكلم , بس أحين مشغـول .. منى مازالت مصدومه: بس خالــي .. فواز مسك يد لين: تعالـي لين .. منى مصدومة بقوة من خالها , جات جود وسحبتها من يدها ولما بعدوا .. جود: انتي أكيد أستخفيتي .. منى:......... جود مسكتها من زندها بقوة: يا منـى تصرفك مهوب مقبول , بس أنتي آيش تكنين لخالي فواز ( وبصراخ ) جاوبينـــــي منـى .. منى بين دموعها: أي أنا أكن مشاعــــر تختلف عن كونـه خالــي .. جود بصدمة كبرى حطت يدها على فمها:...... منى بقهر الدموع تنزل على خدها: كلكم شاكـــين أني أحب خالــي , فا شكــم بمحله أنا أحبــه مو بـس أحبه أنا أعشقـــــه .. جود رفعت يدها وعطتها كف وبحده: أنتي وكاد أنك أستخفيتي .. منى ويدها على خدها: وليــه أنكـر أكثر من كذا .. جود حطت يدها بفم أختها: أنتي مهبوله أسكتـي قبل ليسمعك أحـد .. وسحبتها لداخل .. بعيدا عن هذه الأجواء ~ لين: ليه قلت لها كذا ..؟ فواز: لمتـى بنسمع كلامهم , وأصلا جيتها غلط .. لين: طيب , بس هي حساسة وكاد أنها زعلت منك . فواز: وهذا ألي تبينـه .. لين مفهمت عليه: وش مقصدك ..؟ فواز: كلمتني نورة وقالت أنها شاكه أن بنتها تحبني .. لين بستغراب: أكيد تحبك مو أنت خالها .. فواز: لا أعنـي حب فوق أني خالها .. !! لين بصدمة: من جدك أنت ..؟ فواز: وبه مزح بهالأمور يا لين , صرت الاحظ تصرفاتها معـي بالمزرعة كل شوي معـي وتمزح ومعك تتضايق مع انك ماسويتي لها شيء .. لين : توقعت أنك مو ملاحظ , أنا بس شكيت بالأول .. فواز: مكن ألاحظ لأني كنت أظن تعلقها فيني لأنها تحتاج لحنان الأب , خصوصا أن أبوها ما تشوفه إلا بالأسبوعين مرة أو مرتين بسبب طبيعة شغله .. لين تنهدت: صحيــح .. فواز كمل: وبعد كلام نورة أقتنعت أنها تحبني حب محرم , ولابد نورة تعرف أني متوكد أنها ...... لين حطت يدها على كتفه : يا عين أبوي لا تخبر نورة بألي لاحظته من منى , تكلم مع منـى بنفسـك وتناقش معها بهالموضوع , بس لابـد تتخـذ الوقـت المناسـب باليـوم المناسب .. فواز:........ لين كملت:البنت بمرحلة حساسة ومراهقة , وأن قلت لأمها وكاد أنها بتعاقبها او تضربها , نورة طيبه مابه خلاف بس أن تعرض حاجة لبنتها او شافت حاجة غلط لابد تفرجيها الوجه الثاني , ونورة يكفيها ألي بيها .. فواز ببتسامه:ياحبني لك , وتقهريني لقلتي أني محبك .. لين بضحكه خجل نزلت راسها .. بصباح اليوم التالـــي , الساعة 9:00 وبعد الدوش السريـع , سيحت شعرها ورفعت جزء منه بتوكه .. حلق طويل ناعـم ذهبـي وساعة سنقـل .. جلابية قصيرة لنصف الساق , بقماش من الساتان أصفر واللون البرتقالي عند الأكمام ونهاية الجلابية .. والصدر قصته مثلثه كاشف شوي من صدرها , ومن تحت الصدر ربط بنفس القماش ويتدلاء منه دوائر كبيرة مزينه ومزخرفه بطريقة جذابة , وفلات زحف أسود باأحجار أماميه برتقالية .. ومكياج جذاب بسيط بالجفن المتحرك رسمه بالأي لينر البني , تحت العين غلتزر برتقالي .. فتح الباب , وشافها بكامل أناقتها وجمالها وهي تتسبح بالعطـر , أقترب منها وبهمس : ليه العطر وأنتي انفاسك دخـــون .. لين ناظرته بالمرايه وبنفس همسه: يا عين أبوي .. فواز أبتسم ولفها قباله , باس جبينها: فديت هالزيـن وهالطله .. لين بدلع: عجبتك حبيبي ..؟ فواز: بكل حالاتك تعجبيني .. وعد فتحت الباب ولما شافتهم بهالحالة: أحم أحـــم , أقول يبهت وخرت مصارت كل ذه عشان تناديها للفطور ..؟ لين بضحكه: طيب .. فواز بقهر: آوفـــــ , ميخلون الواحد يأخذ راحته مع حرمته .. وعد تدعي أنها مسمعته: وش تقــول يبه ..؟ فواز باندفاع: أقول يلا انزلوا .. لين ووعد كتموا ضحكتهم .. ونزلت معهن وفواز يتحلطم .. مكانت ريفان معهن بالسفـره وبهمس : وينها ريفي ..؟ وعد بنفس همسها: من جاء السيد أيمـن وهي ما تأكل شيء , مغير تفكر .. لين: مسكينه وكاد أنها متوترة .. وعد: محسيت أنها متوترة , هي موافقة وأنا متوكده .. لين: وش ألي خلاك متوكده كذا ..؟ وعد: أساليبها وحركاتها , واليوم وأنا أناديها عشان الفطور كانت مبسوطة .. !! لين بغرابه: عجيب والله .. وبعد يوميـن بالمزرعة و تحديدا ببيت أم رعـد .. فتحت الباب وشافتها متمدده بالسرير متكوره باللحاف , تنهدت وجلست بطرف السرير .. وبهمس: منو خلاص عاد ما صارت .. منى شدت اللحاف: ما أبي احد .. جود: يا منـو انا منيب عدوتك أنا .... منى باندفاع: اطلعي برا جود , مريد أحد .. جود بقهر: أنا جيتك عشان أمي شاكه أن بك حاجة , قلت أبلغك عشان تأخذين حذرك , لأنها أن عرفت صدقيني محدب يفكك منها .. وقامت وطلعت من الغرفة وتركت منـى بحزنها ودموعها .. !! . . . أول مرجعت من المزرعة صارت تنظف البيت مع نانسـي ووعد .. عمر طلع من غرفته وشافهم متجمعين لتنظيف أبتسم: صباح الخير .. الكل: صباح النور .. عمر: من أمس تنظفون ..؟ لين وهي تمسح الطاولة: البيت كبير يا عمر .. عمر: تبون مساعدة ..؟ لين ووعد باندفاع: أي .. عمر:هههههههه ول .. ورجع لغرفته ولبس بجامته وصار ينظف معهم .. رمـى نفسه بالكنب وبشهادة: بجد أن حياة الولد أفضل من البنات بكثير .. وعد: هذا وأنت بس منظف مكان واحد كيف لو منظف زينا , أمس نظفنا الدور العلوي .. لين ببتسامة: يعني حس فيهم وطلعهم بعد , ترى جلسه البيت تخنك يا عمر .. عمر: أي بالله صادقه , وطالمة أبوي بالدوام آيش رايكم نطلع برا نتغدا .. وعد بحماس: وناسه والله .. وراحت تبلغ خواتها .. لين مسكت يد عمر وباستها: الله يسعدك يا ولدي قد ما تسعد غير .. عمر أبعد يده :أستغفر الله , أنا ألي أبوس يدك مو أنتي ( سحب يدها وباسها) الله يحفظك يارب .. أكتفت أنها تبتسم , سحبت جوالها وأتصلت به تستأذنه.. يتبــــع | | ||||
|
| |
|
07-02-14, 11:30 AM
| #125 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| عمر أبعد يده :أستغفر الله , أنا ألي أبوس يدك مو أنتي ( سحب يدها وباسها) الله يحفظك يارب .. أكتفت أنها تبتسم , سحبت جوالها وأتصلت به تستأذنه.. فواز: طيب حبيبتي لحالكم يعني ولا ..؟ لين: لا , حا تروح معنا الغالية والبنات .. فواز: طيب حلو أجل , حاولوا أنكم ترجعون بدري مو تبطون .. لين: أي طبعا بس حا نتغدا .. فواز: الله يوفقكم يارب , أستودعتكم الله .. لين: فمان الله .. بمطعم رآقـــــي على الساعة 1:11 ظهرا .. قدمت ألذ وأجمل الأطباق , وبالطبع لا نقدر على تهميش التصوير , الكل قد ألتقط صـور عدة .. عمر بملل: هــاه نأكل ولا باقي .. بيسان: ههههه , لا خلاص .. أم فواز: أبتلشنا والله بالأنستغرام .. لين: هههههههه , يلا عوافـي .. ** من أجمـل اللحظات هو تجمـع الأسرة وممازحتهم لنا , فلا تحاولي أن تباعدي عنهم , أجلسي مع أسرتك وأخرجي من غرفتك .. فإن البر ( للوالدة والوالد ) هو أن تجلسي وتتقهوي معهم , أمزحي معهم با أدب , تحدثي معهم , أنها أحدى أسباب التوفيق ( رضـى الوالدين ) فا أسعـي لو بالقليل بارك الله بك .. وبالسيارة ~ بيسان: عادي أروح المجمع ..... , بس بأخذ غرض .. عمر: طيب بس لا تطولي .. لين: يلا أنزلوا .. عمر: بس ...... لين نزلت , وسحبت كرسي أم فواز , وعمر شال جدته وحطها بالكرسـي .. وصارت تدفها .. عمر: ليه ..؟ لين: صعبة تنزل لحالها , وبعدين بيجوز أن البنات يريدون حاجة .. ! عمر: إن شاء الله .. نزلت بيسان تشتري غلاف لجهازها ووعد وريفان بالمثل .. ومشينا لمحل العطور , وشممت أم فواز كم عطر , وكان يعجبها العطور الخفيفة أكثر من الثقيلة , أخذت لها عطر رغم رفضها .. لين: يالغالية , ليه أحنا منزلينك أجل , لابد تشتري لك كم حاجة حلوة .. عمر باندفاع: آيش رايك بهالفستان يمه ..؟ لين با أنبهار: ماشاء الله مرة روعه .. عمر: من ذوقك صح ..؟ لين: آيش عرفك ..؟ عمر: لأنك تحبين أمثال هالجلابيات الفخمة الساترة .. لين أكتفت أنها تبتسم .. أخذها عمر لها ورفضت أنه يدفعها .. عمر: بس.... لين قاطعته: أنت أخترتها لي , وأنا شريتها .. عمر: كنت حاب أجيب لك حاجة .. لين: الجيات أكثر .. عمر باندفاع: لا لا , لأزم تشترين صندل وأكسسوارات عليه .. وعد: أوه من قدك يا يمه , والله وصار عمر يعرف للستايل .. عمر بغرور: طول عمري .. الكل عدا بيسان وريفان:ههههههههه .. وبعد نصف ساعة راحوا للبيت , نزلت لين وأم فواز .. لين: روحوا لأمكم أعملوا زيارة لها .. عمر: أبشري .. لين: الله يرضى عليكم , أستودعتكم الله .. جهزت العشاء لين مع نانسي وبعد ساعة رجع فواز من الدوام وشافها بكامل أناقتها .. لابسه بنطلون شورت لنصف الفخذ وردي , على تيشيرت أبيض خفيف نصف كم , وصندل عالي وردي , وفادره شعرها مكياج بسيط جدا .. فواز ببتسامه: الحمدلله , بجد أني ملك .. لين أقتربت منه وبادلته با أبتسامه: أشتقت لك .. فواز: وأنا أكثر , أجل أنبسطتي بالروحه لسوق .. لين وهي تساعده بشلح ملابسه: وآيش عرفك أن رحنا السوق ..؟ فواز يلبس بجامته: أميمتي أول مادخلت وهي تثني عليك وتدعي لك .. لين ببتسامه: أها .. فواز باس يدها: ياحبني لك , وبعدين غريبة العشاء بجناحنا ..؟ لين بدلع: حبيت نغير جو شوي .. فواز: فديتك .. وبعد العشاء الطيب .. لين: شكلك مهوب عاجبني , علامك يا عين أبوي ..؟ فواز تنهد: ريفان موافقه .. لين: قابلتها أنت اليوم ..؟ فواز: أي , وقالت لي رايها أنها أستخارت وأرتاحت .. ! لين بدون رده فعل : الصراحة كنت متوقعة أنها بتوافق , وطالمة أنها شاورت ربها وأرتاحت , براحتها الأهم أنك اعطيتها نبذه عن حياتها الجديدة .. فواز: وكلمني أبو أيمن وقال متى التحليل .. لين جلست جنبه: أنا مشوف أن به حاجة أنك تنتظر أكثر من كذا , بكره يحللون و...... أنفتح الباب .. ريفان: هلا يبه , أريد أتكلم معك شوي .. فواز: أي تفضلي بنتي .. ريفان: وعلى أنفراد .. ! أنتهـــــــى البارت | | ||||
|
| |
|
25-02-14, 05:32 AM
| #129 | ||||||||||
| نجم روايتي وفراشة الروايات المنقولة  
| الرواية غاية فى الروعة والجمال انا لما بشوف اسمك على طول بدخل واقرا روايتها وبصراحة بيعجبتى اسلوبك جدا انا قريت روايتك كلها اللى قبل دى ومن اشد المعجبين بيكى وبتمنالك المزيد والمزيد من التألق والابداع والتميز دائما ولك منى اجمل وأرق تحية | ||||||||||
|
| |
 |
| الكلمات الدلالية (Tags) |
| للكاتبة, أحبك, بجنون, ساندرا |
| أدوات الموضوع | |
| انواع عرض الموضوع | |
|
|
182Likes
.png)
العرض العادي
