05-02-14, 08:20 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
| 
| ||||
|  |
|
05-02-14, 08:34 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بارت 20 رجعت خلود لبيتها وقفت عند الباب تحاول تجمع مافيها من قوه عشان تدخل..كانت تقول بنفسها انها ماراح تلاقي شي يدل على وجود حرمه ثانيه بحياته, ماراح تشوف غرض نسائي غريب ,ولاراح تشم ريحة ماتخصها.. حست برجلها ترجف ..ودها ماتنصدم ولا تعاني ولا تنطعن من زوجها.. اول مادخل جارح راح ياخذ له دش وخلاها بحيرتها .. وهي دخلت تتفحص البيت بنظرها ,,كانت تشوف البيت على غير العاده مرتب شي ما.. كانت لو غابت اسبوع ترجع تلاقي ملابسه واصله للشارع.. فتحت المجلس اللي قالت لها نسرين انه كان مقفول.. كانت ريحة الشيشه اللي موجوده بالزاويا فايحه منه..ابتسمت وشافت ان ريحة الشيشه تسوى كثير عندها ولا انها تشم ريحة عطر نسائي.. دخلت على غرفتها..غرفة نومها اللي اول مادخلتها قلبها قبض,شمة ريحه العوده فيها ,والسرير اللي واضح انه نايم عليه وكان ينام عليه..بس ياترى كان فيه احد معه وله هو لحاله اللي كان عليه, قربت اكثر واكثر من السرير مدت يدها عشان تاخذ المخده وتشمها ,ولكن.. غيرت رائيها .. ماتبي تكتشف ماتبي تشوف دليل خيانته,ماتبي تظطر تنصدم بالواقع.. بدت تنظف باليوم الاول والثاني والثالث ولكن بداخل قلبها فيه نقطه سودا وفيه حزن وفيه شك وفيه الم ماتقدر تنظفه وترتاح ولاتقدر تواجهه وترتاح,, خلت الأمور مثل ماهي وكتمة بقلبها غصتها باللذات.. ان احساسها يقول ان في احد بحياته. :::::::::::::: بيت اصاله ام سلمان:خلاص تسلمين ياام محمد اصاله:خذي لك بعد واحد ام سلمان:والله ياوخيتي القيلون لاعبٍ فيني لعب,خلاص الله يجزاس الجنه اصاله:وياك ان شاء الله ام سلمان :اللحين سواقس مابيقدر يجيب سلمان بكره من الماطار اصاله:المشكله السياره قالوا يبي لها يومين تصليح,بس لاتشيلين هم,بخلي محمد يروح يجيبه لو انه مو بالماطار بالصين. ام سلمان:الله يجزاس خير , ادري اني بكلف عليكم اصاله:افا عليك لاتقولين كذا ام سلمان: إلا ماقلتي لي.. وشلون محمد بعد طلاقه؟ اصاله:اسكتي بس ولدي ذا انجن رسمي ام سلمان:هــــــــو!! وليه ياكافي؟؟ اصاله:يحب فاتن وللآن متعلق بها , ومع ذلك له كم يوم وهو يزن على راسي يبي يعرس. ام سلمان:وبعدين؟ اصاله: ابد اقنعني اليوم بعد المغرب أروح واشوف عروسته واقابل اهلها ام سلمان: بيني وبينس افضل انه يبي يعرس ويعيش حياته... ومع زوجته الجديده بينسى فاتن . اصاله:تشوفين كذا؟؟ ام سلمان:اي والله .. اذا معزم سايريه وزوجيه على سنة الله ورسوله,ليه التأخير والتردد !؟ اصاله:ياخوفي انه مايقدر ينساها ويفشلنا مع العالم ام سلمان:لاتخافين وانا اختس ,زوجيه وشوفي ذريته,, ويابنت الحلال هذا كله جنون الشباب ,تشوفين اذا مانساها بعد ماتخطبين له مباشره اصاله:... ام سلمان:ماعليس منه بينسى وبيفرح بزواجه ولا كأن فيه شي اصلا اصاله:ان شاء الله هذا اللي اتمناه ام سلمان:وترى للآن مسألة الحرمه قائمه, اذا تبين اكلمها تجي تقرا على ولدس ادق عليها اللحين اصاله:ههه لا ياعمري خلني من خرافاتك انتي والساحره اللي تعرفينها.. وتراك بتجين معي ام سلمان:اجي معس وليه لأ,متى بتروحين لهم ؟ اصاله: بعد المغرب وش فيك فقدتي الذاكره؟ ام سلمان: هههه .. اقول اصاله: سمي ام سلمان:قولس عندها اخت اخذها لسلمان ولدي؟؟ اصاله:الله يقطع ابليسك يعني ماانتي جايه معي لله ها؟؟ ام سلمان:هههههه :::::::::::::::: المستشفى بعد ماقرر د/اسعد ان داليا تساعد د/ احمد, تغير وقت شغلها وصار من الساعه 4 الى الساعه 9 الليل وهالشي كانت كارهته داليا لأنها ماراح تقدر تقابل صديقاتها ولا تغير جو كعادتها ,مع ذلك راحت الشغل بروحها الحلوه وابتسامتها المعهوده اللي ماتفارقها... داليا:مرحبا دكتور د/احمد بعد ماناضر ساعته: ليه مكلفه على نفسك وجايه؟؟ كان تأخرتي كمان ساعه. ناضرت داليا ساعتها:ماتأخرت دكتور الساعه اللحين 4 وخمس دقائق د/احمد: طيب معناها .. مو من حقك تتأخري خمس دقائق داليا بإتسامه:اوكي ,شي ثاني د/احمد:روحي نادي لي المريضه امل يوسف داليا:اوكي.. "وراحت داليا ومزاجها بدا يتعكر من هالأحمد,, وبعد مانادتها ودخلت المريضه,, د/احمد بإبتسامه:تفضلي..ايش عندك المريضه:والله يادكتور حلقي يوجعني مااقدر ابلع منه د/احمد وبهدوء: ومن متى المريضه:قبل اربع ايام بس اليوم وووو ...... " كانت تناظره داليا بإستغراب وتعجب ,باللذات يوم تشوفه يبتسم مع مريضته,ويتكلم بكل ادب واحترام!!! واستغربت انه يقلب بسرعه عجيبه مع غيرها ,وبعد ماخلص الحاله الاولى.. د/احمد:ياانتي نادي لي المريضه موضي محمد,وجيبي لي كوب قهوه ناضرته داليا بقهرواليد بالخصر:انا اسمي داليا,وثاني شي ممكن تطلب اللي تبيه بذوق لو سمحت؟ "د/احمد ناضر لداليا ولأول مره تطيح عينه بعينها ,وحس انها تذكره بروحه بقلبه بحبه , تعوذ من ابليس وقطع صمته صوت داليا اللي ارتبكت من نظرته :اا كيف تحب تشرب قهوتك ؟ د/احمد وهو يجمع تركيزه:اا من غير مبيض داليا:اوكي "وهنا انا ايش اقول لكم عن احمد بعد مافقد انين .. لاهو اللي قادر يعيش حياته مثل اول ,ولا هو اللي قادر يعيش مع خسارته. قرر انه يغير مدينته ,ويكمل شغله بمكان ثاني,,وهذا اللي سواه الهروب .. ومع انه هرب اخذ معه ذكرياته واخذ معه حبه وفقدانه وتعاسته. صار انسان متسلط ومتبلد, إلا على مرضاه.. كان الدكتور الاكثر كفائه واكثر تعاسه. اما داليا راحت تجيب له القهوه وتذكرت انها مشتاقه لفاتن, فقامت تحاول تقلد فاتن بعربجتها ومشيتها بكل جرءاه مهي مكترثه باللي حولها,وجلست تِضحك على نفسها وتضّحك العالم اللي حولها.. وبعد ماجهزت الكوب حبت تحط له ذرة ملح وتعكر مزاج احمد مثل ماعكر مزاجها :::::::::::::::::::: اما بيت جارح ماراح ازعلوا ولا راح ازعجوا ,انا احبوا وراح اتكلم معاه بإحترام ,ولا راح اضايقوا,وحتحمل كلاموا حتى لو كان قاسي.. "كذا كانت تقول بنفسها خلود قبل لاتدخل المجلس على جارح وهو مندمج بالتلفزيون" .. فجلست جنبه وقالت - جارح جارح وهو منسجم بالأخبار:همم خلود:ممكن اكلمك شويا جارح:وش تبين اسمعك خلود:لأ حبيبي ابغاك تركز معايا شويه وطى جارح التلفزيون وقال بملل: نعم ..وش تبين؟ خلود قالت بتردد: امم اا انت كنت تحب وحده من حريمك اول؟ جارح:نعم!! اللحين هذه هي السالفه؟؟ خلود:لأ بس ابغى اعرف تمهيد لكلامي يعني جارح بملل اكثر: لا.. يعني عادي خلود:طيب انو ااا جارح:تكلمي خلصينا خلودبإنكسار :انت ليه حاطط حاجز بيني وبينك ناظرها جارح بإستحقار وسكت كملت خلود: يعني حبيبي انا اشوف انوا ضهرك صار احسن مع ذلك تطلب تنام بالمجلس بعيد عني جارح وثار بعد جملتها وقال بعصبيه:يعني انا مثلا قاعد امثل عليك انتِ ووجهك؟؟ خلود خافت منه وقالت بخوف:لا وربي مو قصدي,بس انا كان نفسي نعيش زي العالم ونجيب لنا ولد وله بنت جارح وقف وقال بصوت عالي :ليه انتي ووجهك شايفه انك مثل باقي حريم العالم!!! خلود ودمعتها على خدها : انا اا جارح: وبعدين من قال لك اني ابي بزاريين منك ها؟؟!! خلود والصدمه على وجهها:يعني ماتبغانا نجيب عيال جارح وبقسوه :لأطبعا انا ماابي شي يربطني فيك ابدا خلود والحروف تطلع منها بخوف:يعني ماتبغاني جارح وهو يطلع من المجلس :وش اللي ماابغاك وابغاك !! حريم فاضيه خلود وهي تلحقه وتمسك ذراعه:جارح وربي اسفه ,انا ماابغى اضايقك لكن ابغى اعرف انت ايش تبغى مني وانا مستعده اسويه جارح وبقلب بارد :كل اللي ابيه انك تحطين لسانك بفمك ولاتزعجيني ولا تكثر قرقرتك ,ودام اني ماقصرت عليك بشي وكل شي تبينه يجيك تنطمين ولا عاد اسمع حسك بالبيت "خلود نزلت راسها والخوف منعها تنطق بحرف زياده,طلع جارح وانفجرت ببكاها اللي شهدت عليه كل تفاصيل البيت" :::::::::::::::::::: نرجع للمستشفى داليا بإبتسامتها : تفضل القهوه د/احمد:خليها على الطاوله وجيبي لي هالأوراق داليا:طيب د/احمد شرب من القهوه وناضر لداليا :ليه طعمها كدا!! غريب داليا بإستهبال :وش فيها!! ممكن لأنك ماتبي فيها الكفي ميت؟ د/احمد مسك القلم بيده ورجع بقعدته على الكرسي وقال بحزم:ذوقيها وشوفي.. داليا: ها .. لالا وع انا اقرف ومااحب اشرب من ورا احد د/احمد:وانا مصمم انك تذوقيها وقدام اصراره ونظرته المتسلطه ماكان قدامها الا تذوق وقالت:امم زينه بس ناقصها مبيض د/احمد:صحيح مبين على وجهك انها طعمه, اجل كملي اشربيها لأنها ماعجبتني,صحه وعافيه داليا:تؤتؤ د/أحمد:ايش بك تفضليها داليا وهي تفك من يدها الكوب بخفه : اوبـــــس,خساره انكب د/احمد بإستخفاف :ذكيه ماشاء الله ,تفضلي مسحيها. داليا ببرود: ماهي شغلتي ,بروح انادي جولي تمسحه د/احمد:براحتك ,واحمدي ربك انوا مافي مرضى تنتضر, وله كان اجبرتك تمسحيه بنفسك طلعت داليا من عنده وتغيرت ملامح الهدوء لمدت بوز:ياجولي جولي جولي:يس دلول داليا:تعالي شكلي بتعامل معك كثير ياجولي ,تعالي لمكتب دكتور زفت جولي:هههه والله هزا دكتور انتي خليك في اسبوع مجنون كتير داليا:تؤتؤمن جد شكل هذا اللي بيصير جولي:ههه هههههههههههههه :::::::::::::::: بيت اهل فاتن بدر:السلام عليكم امه:وعليك السلام هلا والله تعال اقعد معنا بدر:اللحين بجي ,بس ابي اطلع اكلم فتون بموضوع الام:فتون برا ماشفتها وانت داخل بدر:لأ ماشفتها شكلها من ورا الحوش.. امه :ممكن "وراح لقاها مسرّحه فمشى بخطوات خفيفه عشان ماتحس به " بدر:بـــــــــــــــــــو فاتن:تؤتؤ بدر وبعدين معك فجعتني بدر:بسم الله على فتونة قلبي والله ابتسمت له فاتن: خير وش هالفرحه اللي بوجهك بدر:عندي لك مفاجئه فاتن:اها وش هي؟ بدر:شوفي"وطلع تذاكر سفر" فاتن:وين رايح؟ بدر:مو تبين تشوفين تميس ومهند باخذك معي بهالسفره فاتن:هه لميس مو تميس بدر:المهم ذيك اللي بذاك المسلسل اللي مابغى ينتهي فاتن:وش اللي جاب السفره ببالك؟ بدر:عندي شُغل هناك وقلت لازم اخذك تغيرين جو , كم فتون عندي انا؟ فاتن:يسلم قلبك,والله انها جت بوقتها بدر:خلاص اجل جهزي اغراضك ,وبكره ان شاء الله نركب طيارتنا فاتن:اوكي بدر:يله انا بروح اتقهوى مع امي وابوي واقولهم مره وحده عن سفرتنا فاتن:اوكي ::::::::::::: بعد المغرب و ببيت العروس اصاله:يشهد الله اني ارتحت لك ياام فيصل ام فيصل:الله يسلمك ,هذا قلبك الطيب و اصلك النادر ام سلمان:اقول ياام فيصل وين العروس وانا اختس نبي نشوفها ام فيصل بكل طيبتها :ههه يله اللحين اخليها تدخل ,ترى بنتي خجوله وتستحي ام سلمان:ايه ماشاء الله ..الله يحفضها "وقامت ام فيصل نادت بنتها وهج ودخلتها عندهم , ومن اول مادخلت وهج تتصنع الحيى وتناضر الارض" ام سلمان: ماشاء الله تبارك الله اصاله:ما شاء الله ام سلمان وهي تسلم عليها: هلا ببنيتنا الغاليه اما اصاله تسلم عليها وهي تحاول تتذكر وين شافتها: هلا ببنيتي وهج بحياء: هلا بك ام سلمان: لا ماشاء الله يا ام فيصل بنيتس تدخل القلب ام فيصل: الله يسلم قلبك ياام سلمان ام سلمان:وش اسمك ياعمري اصاله وهي تتذكر : انتي سمر صح؟؟ سمربخجل :ايه .. ام سلمان:ماشاء الله يابنيتي بينجن عليس هالمحمد ,صح ياام محمد اصاله بصدمه:ها أي اي ام فيصل:الله يحييكم والله ام سلمان تناظر لأصاله مستغربه سكونها: الله يجزاس خير ياام فيصل ام فيصل: والله منورين بيتي,وزيارتكم هذه على العين والراس "اما اصاله منصدمه من فرحة سمر اللي مبينه عليها وساكته" ام سلمان وتحس فيه شي :اقول يا ام فيصل متى تصير الشوفه تدرين الولد والده متوفي واعمامه كلهم برا ,فبعد ماتصير الشوفه نطلبهم يجون صح ياام محمد اصاله:... ام سلمان وهي تغز بيدها اصاله: صح اصاله:ااا إي صح ام فيصل:والله انتم ناس تنحط على الجرح يبرى واللي تشوفونه هو اللي بيصير ان شاء الله ام سلمان:على بركة الله اذن حددوا اليوم وعطونا خبر,وحنا جاهزين ام فيصل: على وين تو ماشربتوا الشاي اصاله: لأ ماعليه مره ثانيه لان محمد هو اللي جابنا وينتضرنا من اول بره ام فيصل:مثل ماتحبون ام سلمان:يله فمان الله ام فيصل:مع السلامه ""وبالسياره"" ام سلمان: هــو وش فيس ياام محمد ساكته كأنس العرؤوس اصاله:ابد مافي شي ,بس تذكرت شي وضايقني محمد:لاتقولين يمه ان العروس ماعجبتك ؟ ام سلمان:وشي!!... لا والله انها مثل القمر شعرها اسود مثل الليل وعيونها وساع وحلوه, والسنون مرتصه مثل اللولو اصاله بتوتر :خلاص ياام سلمان ,بتشعِرين بها محمد:وش فيك يمه اذا ماارتحتي لهم قولي لي؟؟ اصاله:... محمد:يايمه؟؟ اصاله:لا انا ارتحت لأمها محمد:والبنت؟؟ ام سلمان:ماعليك من امك وانا امك , خذ مني توكل ورح شفها واملك بسرعه محمد:ههه يصير خير,اقول ياخاله ام سلمان:سم محمد:اا ام سلمان: ههههه اسئل لاتستح قول قول؟؟ محمد: لا مو حياء بس ااا هي يعني البنت اا..تشبه فاتن اصاله وكأنها ماصدقت تثور عليه : انت وش فيك انجنيت؟ محمد:ليه يمه هو سؤال اا عادي ام سلمان:وش ذا السؤال ياولدي؟؟يعني انت تبي بنات العالم تشبهها مثلا محمد: لا .. بس ابيكم تقولون لي اذا فيها من فتون شكلها طريقتهاا اا ام سلمان:لاحول ولا قوه الا بالله اصاله:اقول خل عنك هالسالفه اللي مو بوقتها ورح دكتور نفسي اصرف لك محمد:يمه الله يسامحك وش شايفتني مجنون اصاله: إي مجنون رسمي بعد ام سلمان:قولوا لا اله الا الله ياجماعه ,وانت ياولدي تعوذ من ابيلس وخلاص انسى سالفة فاتن محمد: ياخاله وشلون انسى ؟! اذا كانت فاتن زوجتي اصاله بعصبيه:كانت.. كانت زوجتك اللحين لو جاها نصيبها ممكن تعرس مثل أي بنت محمد بعصبيه وهو يزيد سرعته : وشي!!!! تعرس!! ليه على كيفها !! والله لاقتله واقتلها هي بعد اصاله:شفتي ياام سلمان ذا مو جنون وهبال بالله عليك؟ ام سلمان:وش ذا اللي تقوله ياولدي الله يصلحك محمد وبعناد:ايه وانا صادق فاتن لي ,واذا كانت مو لي فهي مو لأحد غيري ام سلمان:والله ياولدي اشوف ان امك معها حق,مفروض تأجل فكرة الزواج شوي محمد:وليه ااجل انا رجل ابي اتزوج,وراح اتزوج ام سلمان:اقول يامحمد, الحمد لله اني وصلت بيتي والله يعين امك عليك مع السلامه اصاله:في امان الله ,اقول ياام سلمان ام سلمان:سمي اصاله:ابيك بكره تجين معي المعهد اسولف معك بموضوع كذا ام سلمان:لاياحبيبتي ,بيجي ولدي ابي اطبخ له وانتضر جيته,دقي علي وبس اصاله: خلاص اجل ادق عليك ام سلمان:ان شاء الله,يله فمان الله اصاله:معك الرحمن :::::::::::::::: المستشفى د/أحمد:ها باقي احد برا داليا:لا خلاص اصلا انتهى الدوام "ووقفت داليا مكانها وهي تبي تسأل ولا تدري كيف" د/أحمد:ايش بك واقفه ليه مارُحتي؟ داليا:ها اللحين بروح ,بس .. دكتور ممكن سؤال د/أحمد وهو يوقع ورقه: لأ كتمت غيضها داليا وهي تناظر فيه وهو سافهها د/احمد: ها ايش بك ليه ما رحتي ,انتي ماحتبطلي سرحان فيا؟؟ داليا وهي مقهوره: ههه سرحان فيك "وطلعت وهي ودها تعطيه كف" د/أحمد:لحضه ياانتي رجعت داليا: للمره المليون ..انا داليا,نعم د/أحمد:فين رايحه قبل لاتاخدي الملفات توديها داليا:امم نسيت د/أحمد:اسمعي بكرا ماابغى تأخير ,وتجيبي القهوه وانتي جايه المكتب ونادي جولي من بدري تنضفوا اوكي؟؟ داليا وتناظره بحقد:... د/احمد: ولاتنسي أي شي وأفضل تاكلي زبيب عشان تقوّي ذاكرتك "كتمت غيضها داليا وطلعت وهي ثواني ..ودخلت مره ثانيه تقول له - دكتور ممكن اعرف متى راح تجي مساعدتك؟ قال وهو خارج : وقت ماتجي تجي "كانت شوي وتصيح بس انقذها جوالها وبالأصح اتصال فاتن عليها بهاللحظه : سلام داليا:اهلين قلبو,كيفك فاتن:تمام وانتي وينك وش اخبارك داليا:اسكتي يافتون ياهو واحد وع وع وع فاتن:هع هذا الدكتور؟ داليا:ايه جنني , تصدقين ..كأن امي داعيه علي فاتن:اف اف لهالدرجه داليا:واكثر ,اسكتي بس..اللي يشوف شكله مايقول ان اخلاقه كذا,والمشكله انه مع غيري بمنتهى الادب والاخلاق فاتن:هع شكله كارهك ,ياقلبي المحبه من الله هععع داليا:من زينه وع وع وع عليه فاتن:هع طيب اسمعي ,انا مسافره بكره داليا:اوما , وين فاتن: بروح مع بدر تركيا داليا: ياهووووو من قدوا؟ فاتن:ههه اجل "من قدوا" داليا:وش اسوي عداني هالجداوي يلعن ابليسه على كلامه يدوخ يافتونه يدوخ فاتن:ههه,ليه يعني وش فيه كلامه؟ داليا: يهبل "ايوا.ياانتي,ايش بك,فينوا" هههههههههههههههه فاتن:هع ياحليلك يادالي داليا وهي تفكر: تدرين وش ودي فتون.. فاتن:ايش؟؟ داليا:ودي اسمعك تضحكين من قلبك مثل اول فاتن:... داليا: قلبوا وين رحتي؟؟ فاتن:اه يادالي اتمنى اقدر داليا:ان شاء الله السفره هذه تغير نفسيتك للأحسن فاتن:نقول ان شاء الله داليا:اف على هالدكتور لو انه ماطلع لي مثل الجني.. كان مداني زرتك وودعتك ياقلبو,بس الوقت متأخر فاتن:ههه معذوره والله ,الله يعينك عليه داليا:لو انك مسافره مكه كان قلت لك ادعي لي هههههههاي فاتن:هع,طيب انا لازم اقفل بحضر شنطة بدر داليا:اوكي عنوني وانا باخذ هالملفات اللي كان بيموت هالعكر لو اخذها معه ووداها للإستقبال فاتن:ههه اوكي دالي:باي " ويوم تلتفت وراها تبي تروح تلاقي د/احمد اللي كان وراها ينتضر تخلص مكالمتها ويقدر ياخذ جكيته اللي نساه ,,وبس شافته انقلب بياض وجهها لحمار وهي تحاول تتذكر وش قالت لفتون عليه" د/احمد وهو يلبس الجكت:انتي فعلا امك داعيه عليكِ "وطلع" "اما داليا ماقدرت ترد او تبرر فكل اللي سوته .. فطست ضحك من الإحراج وعليه" :::::::::::: الساعه 8 الصباح فتحت خلود عيونها وقعدت بكسل على السرير ودخل عليها جارح .. جارح: خير ان شاء الله فيه حرمه محترمه تنام للساعه 8 الصباح؟؟ خلود وهي متعكره من جرحها لها امس: انا صاحيه,وربي صاحيه جارح:وش صاحيه وانتي على السرير قومي نضفي بيتك اطبخي اغسلي خلود بتملل:اللحين انت ايش تبغى ياجارح,ليه مارحت دوامك جارح:لاااا اطرديني من بيتي احسن خلود: لاحول ولا قوه الابالله جارح:مو عاجبك كلامي ياسيده خلود خلود: ياجارح تراني مصدعه ولا لي نفس للمشاكل جارح:اصلا انتي بحد ذاتك مشكله خلود: ياجارح ايش تبغى مني ماتبغاني خلاص طلقني وخليني اروح عند اهلي جارح:اطلقك!! والله لو تموتين ماطلقتك خلود: اجل ايش تبغى!! جارح:ابيك مثل الحريم اللي يقومون ببيتهم وازواجهم خلود وبدون شعور : ليه انت قايم بدورك كزوج؟؟ جارح:وش تقصدين ها؟ خلود بخوف واستدراك : اا مااقصد حاجه جارح:لا تقصدين انا مني رجال ها ,هذا العشم بدل ماتقولين زوجي ضهره يوجعه الله يعينه ويقومه بالسلامه ,قاعده حضرتك تطلبين بحقك خلود: وربي مااقصد,هي كلمه وطلعت جارح:لاتقصدين اصلا انتي قليلة حيى ولاتربيتي قامت خلود وهي مصدعه وتكت على التسريحه:الله يسامحك جارح:ان شاء الله يسامحني انا ماقلت شي غلط ,انتي قليلة حيى ويبي لك تربيه رمت خلود من القهر اغراضها على الارض:لو سمحت احترمني شويا جارح:وشلون تبيني احترم انسانه مهي محترمه ها؟؟ خلود:جارح خلاص دامك ماتبغاني ,خليني اروح لأهلي جارح:اذلفي اصلا اللحين بأطلع احجز لك خلود:... جارح:سمعتي؟؟ خلود بإنكسار: زي ماتحب "وبعد ماخلق مشكله طلع كعادته مخلي قلبها الكسير" :::::::::::::::::::: الماطار وبعد ماشحن بدر شنطهم جا لفاتن وهو مبسوط.. بدر: ياسلام اللحين يافتونتي اخذك وامشيك وتشوفين الدلــ فاتن:بدر ومكمل بدر:وبوريك القصر اللي صوْرت به تميس ,واخذك البحر .. وش رائيك تبينا نخيم ولا لأ فاتن وتعلي صوتها:بدر..اوقف بدر:ليه وش فيه هناك الكراسي بنقعد ننتضر فاتن:لا انا ماراح اقدر امشي انقطع شبشبي بدر:هههههه لاحول ولا قوه الا بالله اللحين وقتك يافتون فاتن:وش اسوي بدر:ابد لاتسويين شي غيري هالمشيه والبسي مثل البنات ذيك اللي لها وش اسمه كعب.. فاتن:اقول لا تتفلسف علي ها بدر:طيب يله نروح نشوف ممكن يبيعون بمكان فاتن:لا ما بقدر امشي رح انت وانا بأنتظرك هنا بدر:خلاص اوقفي .. هنا ولاتتحركين "ويوم راح بدر شافه اللي له قلب ينبض بإسمها.. وبداخله شوق يملى كبر قلبها.. شافه محمد اللي كان ينتضر سلمان,وكان يتأمل فاتن من بعيد,اخذته رجله لعندها من غير مايحس او يبي.. وقرب لفاتن و قال : فتون انصدمت فاتن من شوفته ولا قدرت ترد,لكنها صدت عنه وتمنت يروح عنها محمد وهو يقرب لها اكثر:حبي والله اشتقت لك رجعت فاتن على ورى وهي مشتاقه له اكثر,ولكن وش تقول وقلبه ملاه الشك او اكثر محمد:ليه ماتردين على اتصالاتي,ليه يافتون فاتن وبصوت يرتجف:محمد عيب عليك اللي انت قاعد تسويه محمد:اه يااني مشتاق لصوتك ,فتون وش رائيك نروح "فاتن مابين الخوف وبين الشوق وبين الجرح,ساكته وتسمع جنونه" كمل محمد: فتون خلينا نبعد عن الناس ونروح من هنا, نروح من الرياض كلها ها .. نروح؟؟وش قلتي؟؟ فاتن وهي تتذكر بدر:محمد انت وش فيك صاحي!!! الله يخليك رح من هنا لايجي بدر ويشوفك محمد:مايهم يشوفنا, او لأ انتي زوجتي خليه يشوفنا وخلينا نروح من هنا ..تعالي فتون معي "وسحب يدها ويبيها تمشي معه ماكان بعقله ولاكان يهمه احد ولا كان قاعد يفكر اصلاً.. الناس تجمعت بعد ماسمعوا فاتن وهي تصرخ عليه,, وبدر يوم شاف الناس مجتمعه جا مسرع يشوف اللي صار, ويوم شاف محمد هجم عليه وبدا الضرب من الطرفين.. محمد كان شايفه السبب بطلاقه وبدر يشوف انه سبب لحزن فاتن وانكسارها,, كل واحد حب يطلع غله وياخذ حقه من الثاني ,وكل واحد يبي يأذي الثاني اكثر.. اللين جو حراس الامن وفكوا بينهم واخذوهم للإدراه.. وبعد ماعرفوا الموضوع اعتذروا لبدر وخلوه يلحق طيارتهم. اما فاتن قعدت بالارض تبكي بإنهيار وجسمها كله يرجف,خافت على بدر وخافت على محمد اكثر,جا لها بدر يحاول يوقفها ماقدرت توقف ساعدها تتكا عليه وركبوا طيارتهم,وهو مو داري وش يقول لها ,كان وده يصرخ عليها وبنفس الوقت رأف بشكلها .. ماكان يدري هي متفقه معه او انها صدفه جمعتهم,قرر انه يثق بأخته مثل العاده, ويسكت وينسى الموضوع .. ::::::::::::::::::: اما بالمعهد دقت اصاله على ام سلمان اصاله:ها جهزتي غرفة ولدك؟؟ ام سلمان:ايه اكيد وبخرتها ,هذا الغالي اصاله:ههه الله يخليه لك يارب ام سلمان:الللهم امين اصاله:عموما انا كنت بكلمك على البنت اللي شفناها ام سلمان:وش فيها والله انها قمر اصاله:ماعليك بالشكل ياام سلمان,هذه البنت تدرين من هي؟؟ ام سلمان : لا والله انا مااعرفها ياوخيتي اصاله: هذه البنت صديقة فاتن,ومو أي صديقه لأ غاليه عندها بالحيل ام سلمان:سبحان الله,جد الدنيا صغيره وانا اختس اصاله تفكر :... ام سلمان: وش فيس؟؟ اصاله:هو قال لي انه كان يكلمها,يعني معقوله ماتدري انه زوج صديقتها؟؟!! ام سلمان:اعوذ بالله من تفكيرس يا ام محمد ,اكيد ماتدري وبعدين تعالي هنا وشلون ولدس يكلمها؟؟ اصاله:والله ماادري عنه ام سلمان: اجل هالبنت سمعتها زينه؟؟ مالقى غيرها من بنات خلق الله اللي سمعتهم مثل الذهب اصاله:وش تبيني اسوي فيه ياام سلمان ؟؟ يعني انتي ماشفتي حالته اللي ماتسر ام سلمان:اي والله انه فارط اصاله:ماادري انا احترت وش رائيك اقول لمحمد وله مااقوله,وله وش السواة ام سلمان:والله إن حالة ولدس حاله , بس شوفي البنت شايفتس امس وتبتسم وعادي عندها,ليه تخربين عليهم !!! ودامه هو راضي بها ويعرفها خليهم يتزوجون وبس اصاله:يعني مااقوله ام سلمان:وش تفرق وانا اختس,كله واحد اصاله:الله المستعان ام سلمان: هالأيام هذه كل شي تغير ومابقى شي على حاله اصاله:على قولك :::::::::::: مكالمه من خلود لأخوها خلود وهي تصيح بإنكسار: خميس بكره ابغاك تستنناني في الماطار خميس:نعم!! انتي حتجي جده!! خلود:ايوا جارح مايبغاني خميس:وليه ان شاء الله ايش سويتي من داهيه؟؟ خلود:حرام عليك وربي ماسويت ولاحاجه ,هوا اللي دائما يعاملني بشده ويتصرف معايا كأني خدامتوا خميس:طيب وايش فيها يعني كل حرمه بتخدم زوجها ايش الجديد خلود:ياخميس اقول لك مايبغاني قلي حوديك عند اهلك خميس:اعتذري منوا وانتهينا خلود:اعتذر على ايش ,وربي هوا مايبغى حتى يسمعني خميس:يعني الرجال حيتبلى عليكِ ,انا دحين حدق عليه واشوف ايش الموضوع خلود:طيب استناك ترد علي خميس:يله سلام ودق على جارح اللي مارد الا بعد مادق مره ثانيه.. جارح:هلا خميس خميس: السلام عليكم, كيف الحال ان شاء الله تمام جارح:لا والله مع اختك الله يصلحها مافيه راحه خميس:ليه عسى ماشر إيش اللي صار؟ جارح:يااخي اختك لاتهتم بنفسها , ولا تنضف البيت,وكل هذا مايسوى شي جنب اللي سوته اليوم خميس : وايش سوت كمانا ,بقى حاجه؟!! جارح: ياحبيبي اليوم الصباح وصلت فيها انها كانت ترمي علي الاشياء اللي على تسريحتها خميس:معقوله كل دا تسويه خلود جارح:وش اقولك بس الله يصلحها انا صراحه تعبت معها,يااخي شف لك حل مع اختك خميس:لاحول ولاقوه الا بالله,عموما انا حكلمها ومايصير ان شاء الله الا كل خير جارح:يصير خير خميس:اهم شي انت لاتزعل وكبر مُخك ترى كل الحريم عقولهم صغيره جارح:والله صدقت بهذه خميس:اجل انا اكلمها دحين واوريك فيها جارح:يصير خير خميس:يله مع السلامه جارح:في امان الله :::::::::::::::::::: المستشفى جات داليا بكل نشاطها وحيويتها الساعه اربع الا عشر للمستشفى وبخطوات سريعه تحضر القهوه بعد ماارسلت جولي تنضف المكتب وتحاول تسرع اكثر للمكتب الا ويقابلها د/أحمد وماتمالكت سرعتها وينكب جزء من القهوه عليه .. داليا بإبتسامه وفشله:مساء الخير د/احمد: مبين انوا مساء الخير داليا وهي مستانسه بداخلها:اسفه ماكنت اقصد,هنا جولي صح ياجولي ,ترى جولي شاطره حتى بهالمواقف جولي:هههه,عطيني معطف انا غسل بسرررررعه وبعدين جيب د/احمد:لاحول ولاقوه الابالله" وقعد على مكتبه وشاف اول ملف وقال,تفضلي ست دينا نادي لي سميره محمد داليا:اوكي,بس انا اسمي داليا (ناظرها نظرة"وش تفرق" فطلعت داليا ونادت على سميره ودخلت هي واياها عنده) اول ماقعدت سميره فكت نقابها وقالت: اوه يادكتور د/احمد:تفضلي من ايش تشكي سميره اللي تتكلم بسرعه:يوه انا مااني قادره اتنفس ولا اشم حتى يوم اكل شي مااحس بطعمه ,تصدق يادكتور انــ د/احمد وهو يقعد مقابلها عشان يكشف عليها:اها طيب يادينا قربي لي النور داليا وتفوّتها:اوكي وتكمل سميره:صراحه يادكتور انا تعبت من هالحال حتى من يأسي بعض الاحيان اجيب البصل اشمه اقول ممكن يفكــ.. د/احمد:طيب ممكن هدوء عشان اقدر اكشف عليك وتكمل سميره بلامبالاه:طيب بس اول اشرح لك , انا رحت لدكتور قبل شهرين عطاني ... "وجلست تقرقر وداليا ماقدرت تشوف وجه احمد وهو متضايق والحرمه تكمل الشرح فضحكت وصوتها على د/احمد بصوت عالي سكتت بعده سميره:ديــــــــــــــنــ� �ا قلت هدوء "وبعد ماكشف عليها: اتطمني هي حساسيه مع الأدويه اللي بتاخذيها راح تكوني افضل سميره:اما كل ذا وبس حساسيه د/احمد بتجاهل:وهذه الوصفه تقدري تروحي دحين تاخذيها من الصيدليه ومراجعتك بعد اربع ايام سميره بغير اقتناع: والله ماادري عنك, نشــــــوف داليا بإبتسامه:ها انادي اللي بعدها :::::::::::::::::: وطبعا بهالوقت دق خميس على خلود.. خميس بعصبيه :انتي ايش اللي مسويتوا في الرجال ها!! خلود:وربي ماسويت حاجه خميس:كيف يقول لي انك ماتهتمي بنفسك ولا تنضفي ها !! ايش هوا ليه متزوجك عشان يجيب لك خدم وحشم؟؟ خلود:صدقني يكدب عليك وربي من اول ماافتح عيني اللين انام وانا انضف زي المجنونه مع انوا الدنيا نضيفه خميس:انتي تستهبلي عليَّ وله على نفسك ,وبعدين كيف اليوم ترمي الاشياء عليه ها؟؟ ايش بك انجنيتي!! خلود:انا!!! خميس:لأ انا خلود:وربي مارميتها عليه رميتها على الارض خميس:انا ابغى افهم انتي ناويه تتطلّقي وتجلسي بحلقي وله ايه؟؟ خلود:... خميس:شوفي حركاتك دي إن مابطلتيها لأجي الرياض بس عشان اادبك واوريك كيف تحترمي زوجك وتقدريه فاهمه زادت خلود ببكاها خميس:هوا دا اجلسي صيحي ومثلي البراءه,وربي ياخلود ان ماصرتي حرمه واحترمتي نفسك لأغلط عليكِ سامعه خلود بإنكسار:طيب خميس:واللي يقول لك عليه سويه واهتمي فيه وبنفسك سامعه وله لأ؟ خلود:طيب خميس:خليني اشوفوا يشتكي منك وربي ياويلك خلود: طيب خميس: هيا انقلعي "وقفل بوجهها الخط" خلود:.... قفلت السماعه وزادت دموعها صرخات. :::::::::::::::: المستشفى وبعد ماانتهى دوام داليا دقت على فوزيه داليا:فوووز كيف الحال فوزيه:بخير عساك بخير داليا: الحمد لله قلبي, بغيت اسئلك فوزيه:هلا داليا:مو قبل فتره تسئلين على طبيب انف واذن وحنجره فوزيه:الا داليا:انا عندي لك دكتور عجـــــــيب فوزيه:لا ماابي دكتور ابي دكتوره داليا:حبيبتي فوز هذا ممتاز فوزيه:اكيد؟؟ داليا:ايه اكيد افا عليك فوزيه:خلاص اجل انا كنت بجي ادخل للبشره تعرفين ملكتي قربت وابي اهتم بها داليا:خلاص انتي بس تعالي وانا بدوْر بك المستشفى كلها فوزيه:هه خلاص يصير خير داليا: اجل انتظرك لاتتأخرين فوزيه:لا لا خلاص بإذن الله اربعه اكون بالمستشفى داليا:طيب حلو عشان تدخلين اول وحده فوزيه:اوخص بتتوصين فيني داليا: ههه ايه اكيد كم فوز عندي فوزيه : اوكي داليا:يله حبيبتي باي فوزيه:باي ::::::::::::::::::::: - كيف ممكن يكون ضمير سمر؟؟وهل ممكن يتم كل شي مثل ماخططت؟؟ - كيف راح تكون سفرة فاتن وبدر؟ - ممكن فيه قلوب تدق بالبارت الجاي؟؟ - وبالبارت الجاي راح نبدا نغير جو ونعرف معلومات عن تركيا.. كونوا بالقرب دمتم كما تحبون فتومه | ||||
|
| |
|
05-02-14, 08:38 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بارت 21 تركيا من اول ماوصلوا وبدر بحالة روقان وفرح مو طبيعيه, لأن الجو كان خيال والفندق اللي سكنوه كان مطل على منضر طبيعه وجزء من البحر يعني... مكان ينسيك الهموم كلها. بدر:فتونه يله خلينا نروح نتغدى برا فاتن بهدوء:لا بدر.. رح انت وجيب لنا شي ناكله انا ماودي اطلع اليوم بدر:اما عاد اقول, خلك من النكد وانا اخوك والله مايليق عليك الا الرجه فاتن:ماعليه بدر بس اليوم ارتاح ,ومن بكره انا اللي بزعجك على الطلعه بدر:... فاتن:بليز بدر: طيب نمشيها لك يافتون ,مثل ماتبين... وخلاص اجل, انا مره وحده بزور نايف واعطيه الاوراق الخاصه بالشغل اللي طلبها مني فاتن: اوكي..بس لا تتأخر؟ بدر:لا طبعا , ماراح اتأخر فاتن:اوكي بدر ويبيها تبتسم قال : مع اني ادري يا ابو الشباب انه لو تأخرت بتقدر تدبر امورك هههههههه وله؟؟ "ابتسمت له فاتن من غير نفس وطلع من الجناح .. و ما كودت ان بدر خلاها لحالها طلّعت جوالها ودقت على اصاله بسرعه وهي متخوفه على محمد .. تبي على الاقل تتطمن عليه خاصةً ان الرجال ساعدوا بدر على الضرب فيه وشافت بعينها قد ايش تأذى,,دقت ودقت ولا ردت عليها اصاله فخافت اكثر ..وبدت تكلم نفسها بصوت عالي.. "معقول جرا له شي..لا ان شاء الله هي شوية كدمات ... ايه اكيد مافيه شي مثل الحصان مافيه حتى جرح واحد ,, انا اللي فيني كل الجروح ..اه اصلا ليه اسئل عليه ؟؟ مفروض اني مادقيت..ليتني مادقيت واحد مثل محمد مفروض مااسئل عليه.. قاسي وخاين وناكر العشره وفوق هذ كله طلقني بسهوله ,, لا لا يافاتن مايستاهلك هالمحمد... "وتذكرت صورته اللي محتفضه فيها راحت مسرعه وفتحت شنطتها ومحفظتها وطلعت الصوره وهي ناويه تحط حرتها فيها وتقطعها .. مسكت الصوره بيدها واستنشقت شوية هوا وقطعتها من النص,,ولكن وجعها قلبها ولاقدرت تقطعها اكثر .. بلعت غصتها ورجّعت الصوره مكانها ونوت انها لارجعت بتلزقها وتحتفظ فيها,, بهاللحظه سمعت صوت العصافير بالبلكون..راحت لمصدر الصوت وشافت الطبيعه واستنشقت من الهوا البارد وتنشطت من الهدوء حولها ابتسمت وعزمت انها لازم تكمل حياتها بعيد عن الذكريات بعيد عن الحب بعيد عن محمد ... :::::::::::: الرياض روج احمر وشعر سايح وعيون وساع بضلال برونزيه .. فستان ابيض وعقد لولو يعني اميره او احلى بشويه.. هذه هي خلود بقلبها الأبيض بإنتضار جارح.. دخل جارح ويوم شافها قام يضحك لين جلس وحط رجل على رجل وقال: يعني لازم يكلمك اخوك عشان تتزينين وتصيرين مره خلود:... جارح:كان من اول طيب خلود:وايش الفايده ياجارح ؟؟ جارح: وش اللي وش الفايده؟!! خلود: ايش الفايده اني اهتم بنفسي ,وانت اخر من يهموا دا الشي,انت حتى ماتجلس معايا ساعه وحده باليوم جارح: ليه شايفتني فاضي!!! انا انسان مشغول ,وله الفلوس اللي غارقه بها هذه من وين تجي ها؟ خلود:الفلوس مو كل شي,انا راضيه انك ماتعطيني حاجه,بس عطيني من وقتك شويا,,ساعتين تلاته وربي مو اكتر جارح:ههه سبحان الله انتم يالحريم مافي اغرب منكم ,تبيني اخلي شغلي واقعد معك هنا بالبيت !! والله حاله خلود:طيب على الاقل خلينا نروح مطعم او أي مكان بالرياض انا للحين مااعرف شوارعها جارح:قلت لك مو فاضي,اذا تبين تتمشين دقي على اختي تجيك هي وسواقها خلود:انا ماابغى اطلع مع اختك ابغى معاك جارح:وانا مااني فاضي لك خلود:طيب على الاقل خليني ازور بيت عمي جارح:شوفي لو مافيه بنتهم روحي لكن ان فيه هالفاتن,لاتروحين ولاتجين خلود:ابغى افهم ليه ماخد موقف منها؟؟!! جارح:لأنها تعبي راسك بكلام تافه ولا له لزمه خلود:انت مره غلطان فاتن غير كدا بالمره جارح:المهم واضح كلامي ,اعصيه وشوفي وش يصير لك خلود:طيب حاضر زي ماانت تبغى. جارح:ارفعي صوت التلفزيون,اه ياظهري خلود بخوف:يوجعك؟ جارح: يوجعني حتى افكر اسافر المانيا اشوف وش سالفته خلود: المانيا !! جارح:قومي جيبي لي قهوه راسي مصدع خلود بإتسامتها :حاضر ::::::::::::: المستشفى اصاله:ها ياولدي وشلونك اللحين محمد:لاتخافين يمه مافيني الا العافيه اصاله:حسبي الله عليهم شباب هاليومين, زين انها جت على كذا,بس ياولدي مره ثانيه خلهم يسرقون السياره عادي ولاانهم يضرونك بهالشكل محمد:خلاص يمه هم سرقوا اهم شي وما تفرق ان اخذو أي شي ثاني اصاله:وشي!!! مو انت تقول انك مسكتهم قبل لايسرقون الكفر محمد:ها ..ااايه يمه الله يصلحهم هالشباب اصاله:يله لاتشيل هم انا دقيت على ام سلمان تسوي لك الحلبه ويوم نرجع البيت تشربها.,وماتشوف بعدها الا العافيه محمد:يمه الله يجزاك الجنه وش حلبته اصاله:انت وش دراك انا اللي اعرف,وبعدين انت لازم تقوم وتهتم بصحتك اجل وشلون بتروح تخطب من الرجال وانت تعرج!! محمد:هههه ..اه اصاله:سلامتك ياقلبي من الاه :::::::::::::::: و بالمستشفى اللي تشتغل بها داليا د/احمد جا قبل موعده بكثير وكان يقرا بكتاب ومندمج يوم دخلت داليا وبصوتها الرقيق تقول:مساء الخير مارد فقربت داليا وبصوت اعلى: مساء الخير د/احمد ناضرها وقال بإستياء:ياانتي سوري اا دينا وانا اقرا كتاب لاتزعجيني ابدا مفهوم داليا وبفشله:اه اوكي,بس انا اسمي داليا ناضرها من تحت نضارته الدقيقه وقال:ماتفرق تفشلت بعد هالمره وقالت داليا:اوكي انا اعتذر د/احمد:فين قهوتي؟ داليا:راح تجيبها جولي,تفضل هذه ملفات المرضى اللي جايين لك د/احمد:اوكي نادي لي على اول ملف... فوزيه داليا وبإبتسامتها :اوكي بنادي فوزيه. "طبعا طارت داليا تنادي فوزيه لكن وهم رايحات للمكتب قالت داليا :حبيبتي فوز فوزيه:هلا داليا:تصدقين احسن شي سوته لي فاتن,بانها عرفتني عليك فوزيه:هههه يوه كأن فيه تضبيط امور داليا:لا ااا بصراحه تعرفين الصديق وقت الضيق فوزيه:ههه اقول وش عندك قولي داليا:يعني اممم اطلبك طلبه؟ فوزيه:جربيني داليا:اممم بصراحه الدكتور ذا عصبي علي ,لكن مع مرضاه غير فوزيه:اها وش عندها دالي ؟!!! طاحت وله ايش؟؟ داليا:أي طحت ياقلبي!! فوزيه:ها اجل فهميني داليا:بعدين افهمك فوزيه:لا والله اللحين تفهميني؟وش بينك وبينه وليه تهتمين فيه؟وليه تبيني اسئله؟ داليا: ول ول ول كل ذا تبيني اجاوبك عليه!! فوزيه اللي وقفت: ولا راح اتحرك من هنا لين تقولين لي على كل شي داليا:ههههههههههههههه فوز حياتي فوزيه:يالبيه داليا: قلت لك بقول لك لكن اللحين انا محتاجه مساعدتك فوزيه: وش يظمني انك بتقولين لي بعدين ؟؟ داليا: هههه ليه انا العب عليك يعني؟؟ فوزيه: طيب امري لله وش تبين تعرفين؟؟ داليا: بس ابيك تسئلينه عن الدبله اللي لابسها ,لأن اللي قالوا لي عليه ان زوجته توفت فوزيه:ههه اجل ماتحبينه ها علي انا هالحركات داليا:يوه فوز وبعدين معك ,ترى بتزعليني منك فوزيه: صادقه فتون يوم قالت خكريه,طيب اسمعي داليا: ياقلبي انتي اللي اسمعي ,لو تأخرنا اكثر من كذا راح يقول لنا هالدكتور المجنون تأخرتوا وبيخليني انادي اللي بعدك فوزيه: لا لا اجل يله دخلنا داليا: اوكي عمري بس..شي ثاني قبل لاندخل فوزيه: يالبيه داليا وهي تبتسم:تراه يحب ان مرضاه يشرحون له كثير ويتكلمون كثير يعني اسئلي قد ماتبغي واستفسري على رااااحتك,وخلك على طبيعتك الحلوه فوزيه:اها الله يبشرك بالخير يله اجل بسم الله داليا:ههه يله ::::::::::::::::::::: جده وليد وهو يدخل على خميس: سلام خميس:اهلا وليد وهو طاير من الفرحه :ابشرك خميس:خير ان شاء الله وليد:قدرت اخذ موعد مع الرجال عدل خميس جلسته: جد وليد:ايوا افا عليك احنا بنلعب خميس:طيب الحمد لله ,على الاقل اعرف عن نيتوا وليد:ماتدري قد ايش احتجت لواسطات,المهم لازم تكون بالموعد عندوا ولاتتأخر ولادقيقه خميس:طيب كويس,بس انت ماعرفت عنوا حاجه وليد:لا طبعا خميس:الله يستر وليد:ان شاء الله خير لاتشيل هم خميس:ان شاء الله وربي انا محتاج احط النقط على الحروف معاه وليد: ربك يعين ,يله انا حبيت ابشرك .. بس لازم اروح عندي جوله خميس: الله يجزاك خير ياوليد ,صراحه من غير وقفتك معايا ماكنت عارف ايش كنت حسوي وليد: لاتقول كدا احنا اخوان :::::::::::::::::::: نرجع لفوز يوم دخلت مكتب د/احمد د/احمد وهو يرتب الاوراق :ها اخت فوزيه من إيش تشتكي؟ فوزيه:انا يادكتور اعلى انفي يوجعني مــره د/احمد: ومن متى؟ فوزيه:هذا الاسبوع الثاني د/احمد وهو يقعد بكرسي الفحص :اها ,قربي لي النور يادينا فوزيه:ههه لا مو دينا هذه داليا هههههههههههههه ماتعرف اسمها ههههه د/احمد ناضرها بإستغراب:... فوزيه: اقول لك .. داليا د/احمد:ليه تعرفيها "داليا تهز من وراه راسها بلا" فوزيه:ايه .. لاااا لا انا لأني جيت هالمستشفى قبل كذا وقابلتها كم مره د/احمد:اها,طيب خليني اكشف عليك ِ ممكن فوزيه:ايه بس قلي اول لك كم بهالمجال؟؟ استغرب د/احمد: نعم فوزيه:ايه انا قبل كذا رحت عند دكتور والله لايوريك عن حالتي بعدها "وناضرت لداليا وكملت" كان بس وجع بسيط ومااخذت الادويه اللي كتبها لي, الا والالم يزيد واروح لك لإستشاري بمستشفى... وصراحه خطير بس اللحين مسافر د/احمد بلا اكتراث:طيب ممكن دحين تخليني اكشف فوزيه:ايه طبعا "ومامداه يمد يده الا قالت :ماشاء الله متزوج "وهي تناضر لدبلته" د/احمد بملل: يااختي خليني اكشف دحين ترى عندي 4 ملفات يعني 4 حالات تنتضرني داليا بشماته :لايادكتور 3 حالات بس فوزيه تبتسم لها وتقول:يادكتور قولك متى بيروح الوجع ترى عندي مِلكه بعد فتره د/احمد:ازا خلتيني اكشف دحين ممكن بعدها اقولك فوزيه بإستغراب:اها طيب اكشف يادكتور وش اللي مانعك!!!! ,بس ماقلت لي انت متزوج؟؟ د/احمد وعشان يخلص منها رد:ايوا فوزيه: اها مشاء الله عايشين هنا بالرياض د/احمد والملل بان بوجهه : دحين جايه لأنك تعبانه ,او لأنك تبغي تتعرفي على سجلي؟؟؟ فوزيه:يوه يادكتور وسع صدرك وانا اختك ترى مافيه شي يستاهل د/احمد: طيب ممكن اكشف دحين؟ فوزيه بتريقه:دحين؟؟ د/احمد:.... سكتت بعدها فوزيه مع ان ودها تضحك على شكله, وخلته يكشف وهو متوتر وطفشان . اما داليا استانست بداخلها ان فوزيه خلته على اعصابه مثل مايسوي فيها وبنفس الوقت .. شكت انه قال متزوج عشان بس يسكت فوز. :::::::::::::::::: صباح غير صباح الدموع صباح تركيا قام بدر وهو يحس بنشاط كبير وحماس..ودخل على غرفة فاتن ولا لقاها وراح على البلكونه وشافها ماسكه كوب الكفي بوجهها الذبلان وبعيونها الحمرا من السهر وبحزنها اللي يطغى على كل شي فيها... بدر:فتونه فاتن بكسل:هلا بدر:يله قومي اجهزي ترى الرجال ينتظرنا عشان يمشينا فاتن: اللحين؟؟ بدر:ايه اللحين فتونه يله فاتن:.... بدر: وش فيك شكلك مانمتي؟؟ فاتن : ها ااامم .. ماجاني نوم تعرف الجو حلو والقعده هنا ماتنمل. جلس بدر بالكرسي اللي جنبها وقال بهدوء: انتي للآن متعلقه فيه؟ فاتن:ها ااا وش هو؟؟ بدر:فتون لاتستهبلين تكلمي معي مثل مااتكلم معك,فهميني وش وضعك؟؟ فاتن:... بدر: يافاتن لاتحسسيني اني المذنب, تكلمي معي ليه كل هالحزن ؟؟ فاتن بتعب: وش تبيني اقول؟ بدر:انتي للآن تبينه؟؟ فاتن:.... بدر:بعد كل اللي سواه,بعد كل اللي عانيتيه منه؟؟ فاتن:... بدر:فاتن تدرين عاد .. زين اني تصرفت بسرعه وله كان اتوقع انك بترجعين له.. فاتن:..... بدر:صحيح اني ماكنت طايقه ولاحبيت طريقة ارتباطه فيك والسرعه اللي صار بها كل شي,مع ذلك احترمته لانه زوجك ..وصدقيني... انا مو ندمان الآن على أي شي سويته لك فاتن: خلاص يابدر بدر بحزم :لا مو خلاص,انتي لازم تسمعيني للنهايه ,انتي فتونتي ,اختي حبيبتي عرضي وشرفي,لازم تعرفين اني سويت الشي اللي مفروض أي اخ يسويه لأخته.. دمعت فاتن وحاولت تتمالك رجفتها قدام بدر:.... مسك بدر يدها وناظرها بحنان: لو انه كان صاينك ,ومحافظ عليك.. كان حطيته فوق راسي مو بس احترمته,لكن يافاتن خلي العواطف عنك وفكري بعقل ,محمد ماخانك خيانه تُغتفرلأ,خانك بالزنى ..وانا مستحيل اخلي اختي مع انسان منحط لهالدرجه فاتن ودموعها على خدها: كفايه بدر:لا مو كفايه انتي لازم يافاتن ترجعين اقوى من اول ,مو معنى طلاقك انك انكسرتي,لأ ... معنى طلاقك انك كسبتي كرامتك كسبتي دينك ,كسبتي صحتك وعافيتك فاتن:..... بدر:فاتن ,فتـــــــونتي,فتون وانا اخوك مافيه شي بالدنيا يسوى دموعك يا الغاليه زادت فاتن من بكاها وقام بدر وضمها له بقوه وقال لها بإذنها : انا مستعد اخسر حياتي , مقابل اني اعطيك حياة كريمه مع انسان يستاهلك "ظمته اكثر فاتن ولأول مره بعد طلاقها تحس براحه,تحس بطمأنينه,تحس انها تشوف ضوء,وتحس بدم يجري بعروقها بكت وبكت وبكت, ودمعت عينه من حالها ,حب راسها ورجع ظمها اكثر وهو يحس بغصتها بقلبه. ::::::::::::::::: اما محمد بعد ماطلع من المستشفى اول شي سواه..دق على.... سمر: اهلين محمد:كيف الحلو؟؟ سمر:تمام , ياقلبي ..طمني عنك وينك؟ محمد:ههه اشتقتي لي سمر:اكيد..وخفت عليك بعد مو من عادتك تقطعني. محمد:اه ياسوسو تعرضت لحادث بسيط , لكن حصل خير سمر:بسم الله عليك ياقلبي سلامتك محمد:الله يسلمك سمر بخوف :عسى ماصار فيك شي؟؟ محمد:لا الحمد لله بسيطه,حتى اني دقيت ابي اعرف متى نجي انا وخالي اشوفك,وبعد نتفق مره وحده سمر:ههه ياعمري..وليه مستعجل محمد:اكيد بستعجل احد يسمع هالصوت ,وبيشوف الزين كله ومايستعجل؟؟ سمر وتجس النبض:ووش دراك اني حلوه؟؟ امك الغاليه وصفتني لك؟ محمد: الكل مدح وارتاح لكم,باللذات ام سلمان ماشاء الله عليها قالت هالبنت ملاك سمر:هههه محمد:ماقلتي لي متى نجيكم؟ سمر بدلع :تو الناس قلبي بدري محمد: لا الله يخليك مليت من الوحده, ابي زوجه,اهــ ابي حب ..ابي حضن يدفيني ,وقلب يحبني ويخاف علي. سمر:بسم الله على قلبك ياحبي من الآه محمد: اجل يله متى اجي؟؟ سمر: وش رائيك بالاسبوع الجاي محمد:وليه ياسوسو التغلي ,خليها هالاسبوع سمر:اممم اول شي تقول لي وبكل صراحه محمد: وش اقول لك, وانا حاظر سمر بدلع:انت خلاص نسيت زوجتك؟ محمد:... سمر:قلبي رد علي محمد سكت لفتره ثم قال:انتي تعرفين قصتي مع فاتن سمر:اها محمد: قولك اقدر انساها بهالسهوله؟ عصبت سمر:اجل ليه تبي نسرع ارتباطنا وانت للان مانسيت طليقتك محمد انتبه لجوابه :مو قصدي ياسوسو بس انا ابي اتزوج عشان انساها ولاعاد تهمني ,ابيك تِنسِينِي اياها,ادري انك تقدرين سمر:حمود قلبي انا انسانه غيوره مره , ودامك بتصير الوحيد اللي بقلبي ابي انا بعد اكون الوحيده اللي بقلبك محمد بغصه:ماراح يصير الا اللي يرضيك بس انتي حددي لي يوم سمر:راح احدد لك اذا وعدتني انك ماراح تذكرها من بعد اليوم,وراح تقدّر غيرتي ياحبي محمد:.... سمر:اوعدني قلبي محمد:خلاص سوسو ,يصير خير سمربدلع اكثر :لأ ماابي ابيك توعدني,مو انا سوسو حبيبتك محمد:ان شاء الله سوسو:اكيد محمد: اكيد, لاراح اذكرها ولااجيب سيرتها بعد,حلو؟ ابتسمت سمر وقالت:اجل تستاهل العجله وراح اقول لأهلي انك بكره بتجي محمد: جد سمر:اي جد ,كم حمود عندي محمد:اه اجل ادق على خالي واخليه يفضى لي بكره سمر: هههه ..اوكي ::::::::::::::::::: نرجع لتركيا مسك بدر الجوال وكان بيدق على نايف يعتذر منه على التأخير ويأجل طلعتهم بسبب نفسية فاتن.. إلا ويسمع من وراه صوتها.. - بدر بدر وهو يلتفت لها :هلا فاتن: يله بدر وابتسم: نطلع ؟؟ فاتن: اجل اقعد واخلي تمشيات تركيا؟ قرب بدر عند فاتن اللي باين عليها التعب ومسك خدها: هذه فتون اللي والله مشتاق لها من زمان "لبست عباتها ونقابها لأنه بدر معها ,وهو من الشخصيات اللي مايحب التفريط بالحجاب حتى لو كان بعيد عن ارضه .. وهم نازلين بالاصنصير" بدر:فتون انا قلت لك انه شريكي هو اللي بيمشينا؟ فاتن:وليه يعني !! انا ماودي نرتبط باحد. بدر:ولا انا ولكنه حلف انه يمشينا واحرجني,وانا لو ماكنت اعرف قد ايش هو شخص محترم ,ماكان سمحت له بهالشي. "ويوم نزلوا قابلهم نايف اللي كان ينتظرهم بمقهى الفندق" وقال :وينك يارجل؟؟ مواعيدك مهي مضبوطه بدر:وانا اخوك دام معي حرمه فمعناها لاقلت لك بقابلك 6.. اعرف اني بقابلك بعدها بساعتين . بدر: هههه,لا..وانا اخوك لاتقول كذا الله يصلحك "ومشى قدامهم" فاتن وتحاول توطي صوتها :كأنه مو عاجبك؟ بدر:لا افا عليك عاجبني ونص يله مشينا ركبوا سيارة نايف وساق بهم مساعده مصطفى.. ومن اول مامشوا .. انبهروا بكثرة الطبيعه والجو الخيال.. كانوا يتأملون الشوارع والناس والأجواء بسكوت ماقطعه غير نايف يوم قال: شفت ذا يابدر بدر:ايه مسجد صح نايف:صحيح هذا مسجد السلطان احمد وهو اضخم المساجد هنا بدر:ووش ذا اللي جنبه؟ نايف:هذا متحف اياصوفيا بدر:احلف نايف:ههه وش احلف عليه؟؟ بدر:اوقف اوقف دامه متحف. فاتن وبصوت واطي:يوه يابدر اللحين بتنزل المتحف؟ بدر:اصلا وش بالدنيا احلى من المتاحف "فاتن بنفسها..يالله صباح خير" نايف: يااخي مااذكر رحنا مدينه إلا وتزو بها ذا المتاحف بدر:ماشفتني بمصر ,كل يومين اروح لمتحفهم يااخي متحف عظيم نايف:اجل وراه ماشفناك مُدرس للتاريخ!! بدر:لا انا الأعمال الحره تستهويني اكثر ..اما التاريخ احبه كثقافه ومعرفه مو مهنه نايف:اجل بتستانس هنا بوريك متاحف واثار كثيره باستنبول "فاتن بنفسها:عز الله تمشيت,الله يلعن ابليسهم هالتحفتين" بدر:ههه والله ودي بس ادري ان بعض الناس مايحبون المتاحف ,واخاف تدعي علي ههه نايف :... بدر: تدري انا وش فكرت, اننا نقعد هنا لبعد بكره ثم نزور انطاليا وبودم نايف:رحتها قبل؟ بدر:لا صراحه انا دائم اجي هنا باستنبول ولاقد زرتها سياحه بس شغل نايف:اجل انا معك برائيك , لأن لو رحت انطاليا وبودم, بتلاقي الطبيعه والجو عجيب وافضل من هنا "فاتن حست بملل من سواليفهم باللذات يوم نزلوا للمتحف لأنها عكس بدر بحبها لهالاماكن. وانقذها من التذمر اتصال من .. فايزه اللي كانت عند اريج" فوزيه:اجل تركيا ها؟؟ فاتن:هههه اهلين فووز اريج:وليه ماقلتي يعني خايفه نكبحش >> نحسدك فاتن:ههه لا والله بس السفره جات مفاجئه فوزيه:علينا هالحركات اريج:قولي لي كيف الجو؟ فاتن بكسل : خيال يابنات ليتكم معي فوزيه:شكل صديقتك هي اللي بتجي وراك شهر عسل فاتن بإستغراب:صديقتي من؟؟ وشهر عسل بعد!! فوزيه:ايه لاتسوين انك ماتدرين انها تحب وبتعرس فاتن:عن من تتكلمين؟؟ فوزيه:عن دالي اريج:اما دالي تحب ؟؟ فوزيه:ايه طبعا هي ماوضحت بس افا عليكم انا افهمها وهي طايره فاتن وتبي تمشي معها على الخط :طيب ومن سعيد الحظ؟ اريج:من جد من؟؟ فوزيه:الدكتور اللي تشتغل عنده فاتن:طيب وينها هي مااهي معكم اريج:لا من بعد ماتغير وقت شغلها عصريه ماصرنا نشوفها فوزيه:ايه ماقلتي لي سافرتي مع مين؟ فاتن:مع بدر فوزيه: بس اريج:يعني من بيكون معهم يالملقوفه فوزيه:ابوها امها أي احد ,انتي مالك دخل فاتن:هههه انا ماادري كيف تروحون وتجون مع ببعض وانتم اربع وعشرين ساعه هواش اريج:خلك منها بس قولي لي ..وش راح تجيبين لنا هدايه؟؟ فوزيه:ايه صح اهم شي الهديه فاتن:هديتكم اهم مني؟ فوزيه:ههه لا والله اننا مشتاقين لجمعتك معنا, الفترات الاخيره صرنا نجتمع بدونك كله من هالمحمد "دقت اريج فوزيه عشان تفهم ولاتجيب سيرته لكن وش يفهم او يسكت فوزيه" وكملت فوز :بس ماادري يافتون وش اللي خلاك تسمعين كلامه ولا تجتمعين معنا ,اه هذا الحب وياليته يستاهل حست فاتن بضيق وحاولت ماتبين:خلاص يافوز كل واحد راح بطريق اريج:ماعليك من هالقرقاره المهم تمشّي ووسعي صدرك ولا تخلين مكان الا وتروحيه ولاتنسين تصورين الطبيعه فاتن:يصير خير اريج:يله حبيتي مع السلامه فاتن: سلام "وبعد ماقفلوا" فوزيه:ليه خلصتي المكالمه كنت بقولها وش صار على البنت اللي ضايعه اريج:انتي يابنت ماتعرفين تمسكين لسانك شوي فوزيه:ليه وش قلت؟؟ اريج:لا ياعمري ماقلتي شي,البنت توها متطلقه وتجيبين سيرة طليقها كأنه امر عادي فوزيه:اي عادي وش فيها فاتن مو اول وحده تتزوج وتتطلق,وبعدين فاتن قويه اريج:ابــــــــــــــاي منش فوزيه:اقول بس قومي خلنا ننزل السوق بأشتري اشياء ناقصتني اريج:اممم مدري بستأذن من امي وبشوف "اما فاتن ماكودت تهرب من افكارها.. لحقها اسم محمد وجرحه بهالطلعه بعد .. كانت تمشي معهم ولكن ماهي حاسه بأي شي حولها, ولا طعم لأي شي ..كل اللي كانت تحسه الملل باللذات بعد ماردت على البنات " :::::::::::::::::::: بالمستشفى نهاية الدوام ولأن المرضى اللي عند د/احمد انتهوا وباقي وقت على نهاية الدوام راحت داليا تسلم على الصبايا اللي ماشافتهم من زمان بقسم التمريض ..وبعد ماشبرت الاسياب تشبير دخلت لمكتب احمد عشان تقول له عن اللي تبيه.. دخلت بخفتها المعهوده وتعجبت يوم شافت ملامح احمد الحزينه وهو يناظر لشي بيدينه.. ناضرته داليا لفتره ثم قالت:سلام دكتور د/احمد يوم شافها تلخبط وقفل بسرعه المحفضه وحطها بجيبه... فقالت داليا بجرءتها:هههه اتوقع لو انها صورة زوجتك ماكان ارتبكت وخبيتها اهممم حتى انت عندك هالحركات يادكتور ناضرها د/احمد بإستغراب وقال: ما شاء الله من سامح لك تشيلي الكلافه؟؟ انحرجت داليا وقالت: صراحه يادكتور انت شخصيه معقده وانا انسانه متفائله ومااحب النكد ,بليز ابتسم وخل الامور بيننا اخويه د/احمد:ليه انتي جايه هنا تشتغلي وله تُدقيها صحبه واخويه!!! لفت وجهها داليالأنه ماعجبها الكلام وجات تطلع بس تذكرت سالفتها داليا: دكتور د/احمد وهو يرتب الاوراق اللي قدامه:... داليا: دكتور د/احمد:اسمعك داليا: ترى بكره انا مني جايه د/احمد:وليه ان شاء الله؟؟ داليا: عندي ظروف وراح اقدم على اجازه د/احمد:ومين اللي بكرا ان شاء الله حيساعدني هنا؟ قالت داليا وهي طالعه:خلهم يشوفون لك وحده صبرها مثل ايوب إبتسم د/احمد بعد ماطلعت وحس انها ملّت من معاملته الجافيه. ::::::::::::::::::: الرياض ماصدقت دخلت خلود للبيت وتحط الاشياء اللي شرتها بالارض من ثقل الأكياس جارح:بدري ؟كان انتضرتي للساعه 12 خلود انفجعت من صوت جارح:ااامم متى جيت جارح:انا من بعد العصر وانا هنا؟؟ خلود:طيب ليه ماقلت لي انك بالبيت انا توقعت انك كعادتك بالشغل جارح:اصلا انتي منتي حرمه ,لاتعرفين متى اجي ولامتى اروح ولا اذا محتاج شي او لأ خلود:ياجارح انا مستأذنه منك امس, وقلت لك اني بروح مع اختك السوق جارح:ايه,بس مفروض راجعه بدري خلود:ياحبيبي دوبها الساعه عشره ,هي ساعتين قضيتها ورجعت جارح:هذا اللي بقى ترجعين الساعه 12 وله 1 بالليل عَرفت خلود انه يبي يسوي مشكله فما حبت ترد على أي شي يقوله جارح:وين قهوتي ها؟ وله بس فاضيه للأسواق وقلة الحيى خلود:دحين اجيبها جارح:لا ماعاد ابي شي انا من بعد العصر انتضر حضرتك تجين تسوين لي اياها "خلود ماطلعت من البيت الا بعد العصر مع ذلك سكتت" جارح:ماتردين لأنك عارفه انك غلطانه ماتردين,هذا انتم يالحريم فالحات بس هات فلوس وجب وود خلود:.... جارح:وين شماغي الجديد اللي شريته؟ خلود:في الدولاب جارح:لا مو موجود,شكلك والله ماتدرين وين الله حاطك خلود:ياجارح انا حطيتوا بنفسي اجيبوا لك؟ جارح:لأ ماعاد ابي شي منك "وطلع وقفل الباب بقوه وراه, ثم دخل مره ثانيه" جارح:اسمعي بكره في عزومه عند الــ... ابيك تحجزين لك بمشغل زين وتلبسين من هالجديد فاهمه خلود:حاضر جارح: واسمعي دقي على أختي واعرفي منها عن عاداتهم وتقاليدهم لاتفشيلنا معهم,تراهم ناس مهمين. خلود:حاضر جارح وهو طالع:حاضر وحاضر وبالنهايه ماتكونين فاهمه شي. ::::::::::::::::: صباح جديد وصباح تركياا كان بدر كعادته مروق,ومصحصح ..فإستلم فاتن نكت وهي قايمه من النوم متنحه, وطول الطريق كان يقول النكته ويضحك عليها وفاتن تناضر فيه وتحك راسها مافيها من التركيز شي... اللين وصلوا عند نايف اللي كان ينتضرهم , وهو يجري هالمكالمه نايف: خلاص كلها كم يوم واعوضك حبيبي - والله ان عندي شغل - ان شاء الله بجيب لك هديه كبيـره - يله بابا اكلمك بكره ,نام بدري ها - مع السلامه بدر: هذا الشبل ماشاء الله ؟؟ نايف: ايه هذا نواف بدر:كم عمره اللحين ولدك؟ نايف: تقريبا اربع سنوات,يله خلنا نركب هالمركب ماحبت فاتن انها تركب المركب لأنها اصلاً تحس انها دايخه وقالت لبدر بصوت واطي:ماينفع نروح للجزر بطريقه ثانيه سمعها نايف وقال:من غير المركب مانقدر نوصل للجزر بدر:يلف فتون بطلي تناحه على هالصبح هههههه يله "ضربته فاتن بكتفه وركبت...ومشى المركب" بدر:ماشاء الله تبارك الله نايف: منظر عجيب ها؟ بدر:أي والله, اللحين هذه اشجار صنوبر اللي محاوطتنا؟ نايف:ايه ..عاد كل مادخلنا اكثر كل ماكانت اغزر "كانت تتأمل فاتن جمال الخضره وتحاول تبعد أي ذكرى من راسها" بدر:فتون ...فتون,,, فاتن:وشي بدر:وش فيك مسرحه اقول لك شوفي هاللي يسبحون فاتن:اها "وبدت تحس انها بتطيح ومال جسمها..مسكها بدر وقال: الله يلعن ابليسك يالدايخه اقعدي منتي وجه وقفه والله. فاتن وتجمع عربجتها الباقيه: هي انت تراك تهزئني من الصبح وانا ساكته ها بدر:هههههههههههههه وش اسوي لك ,من اول ماقمتي وانتي متنحه,لاتطيحين علينا ثم ننشب بك فاتن وتحسه احرجها قدام نايف اللي مايناظر تجاهها:طيب يابدر بدر وهو يبي يستفزها:هههههههه تأملي بس الطبيعه تأمليها والله ان بكره تتحسفين على تفويتها بهالتناحه فاتن:انت بتحترم نفسك وله شلون بدر وعاجبه ان فاتن بدت تتجاوب معه: لأ فاتن وقامت لزاويه المركب ولحقها بدر:سلامات!! فاتن: بطيح عشان تتوهق فيني ,وتنغث بدر:هههههههههه اقول اعقلي وانا اخوك, اسفين امشي بس اقعدي لاتطيحين من جد فاتن: يعني انت اسف بدر:هههه ايه اسف فاتن وهي تروح تقعد:ناس ماتجي الا بالعين الحمرا نايف وهو مبتسم على هبالهم :ها اللحين بكره رايح على بورصه يابدر؟ بدر:أي ان شاء الله نايف:خلاص روحوا واستمتعوا بها وبخلي مصطفى يروح معكم ,وانا اقابلكم ان شاء الله لاخلصتوا ببودوم بدر:والله ماودنا نكلف عليك يانايف نايف:لاتقعد تقول لي كلام الأفلام ,انا ان ماكان عندي شغل كان رحت معكم والله "فاتن بنفسها تقول الحمد لله ان عندك شغل اف مااني قادره اخذ راحتي" :::::::::::::::::: الساعه 7 المساء ببيت سمر انتظر وانتظر وانتظر تدخل سمر عشان يشوفها محمد.. وبعد ماطال انتظاره .. دخلت عليه سمر بحلاوتها وجرءتها وابتسامتها.. انتظر وانتظر وانتظر يحس بالشعور اللي حس به اول مره يوم شاف فيها فاتن ... لكن خذله شعوره ورسم ابتسامة مجامله رد على ابتسامتها فيها ابو فيصل: وهذه بنيتي جعل الله يكتب لكم الصالح يارب محمد وهو يركز بملامحها: وشلونك ياسمر سمر بصوتها اللي يحبه: انا تمام الحمد لله محمد: انتي اللحين ماتشتغلين ياسمر صح؟؟ سمر:اول كنت اشتغل بس اللحين خلاص,ولا ابي اشتغل ابو فيصل:وش نبي بالشغل وانا ابوك ,المره مالها غير بيتها وزوجها محمد:صحيح سمر وهي تناظر لمحمد بحب:انا ماابي أي شي يشغلني عن زوجي محمد وهو يبتسم لها برضى: وهذا العشم فيك ابو فيصل وهو مو حاب هالنظرات بينهم: طيب يله اجل سمر قومي وانا ابوك ادخلي,خلهم يحظرون لنا الشاهي سمر وماودها:اوكي "ومشت بكل انوثه لين طلعت" " اما ابو فيصل اخذ محمد معه للمجلس اللي فيه خاله " محمد:اقول ياعم ابو فيصل:سم محمد: انا مستعد لكل طلباتكم,بس ياليت اننا نعجل بهالزواج ابو فيصل:والله ياولدي اننا نشتري رجال ,وانت تدري البنات ودلعهم خال محمد:ياخوك خير البر عاجله يعرسون وبعد شهر العسل تجيب اللي تبيه ابو فيصل:حتى ولو.. البنت محتاجه تجهز لزواجها عم محمد:خلاص اجل خذوا لكم شهر ,وحنا علينا القصر والعشى واللي تبونه حاظرين. ابو فيصل:يصير خير ان شاء الله انا اكلمهم ومايصير الا اللي الله كاتبه خال محمد:خلاص انت شير عليهم ان يكون نهاية الشهر الجاي الملكه والزواج ,ورد علينا ابو فيصل:يصير خير ان شاء الله. خال محمد: على بركة الله,يله مشينا ياولدي ابو فيصل: وين ياخوك تعش خال محمد:لا الله يجزاك خير ماتقصر لكن اللحين بروح الماطار عندي سفرة شغل. ابو فيصل:الله المستعان اما سمر اللي كانت عند الباب تتنصت لكل اللي يدور, راحت لأمها سمر: اقول يمه قولك بيمديني اجهز بشهر؟؟ امها:وشو؟؟ وليه شهر بس,وبعدين انتي وش دراك؟؟ سمر:ها امم اصاله ذك اليوم قايله ماسمعتيها؟؟ امها:لا وانا امك ماانتبهت,بس وش شهر مايمدي حتى اجهز فستاني سمر:لايمه يمدي ان شاء الله امها:والله يابنات الايام هذه لا فيه حيى ولاخجل,وش فيك طايره على الزواج سمر تتدلع: يمه كل الامهات يتمنون زواج بناتهم وانتي تقولين كذا,وبعدين ابي اعرس مثل صديقاتي ولا هم احسن مني؟ امها:يخسون مااحد مثل بنيتي يارب تحفضها حضنت امها وابتسمت ابتسامة رضا. :::::::::::: قبل الفجر وببيت احمد اللي كان نايم بشقته فتح عينه يوم شم ريحه تغلغلت باعماقه.. ريحة عطرها اللي سحرة قلبه, ابتسم وفتح عينه اكثر ويوم مال على جهة يمينه شافها .. فز من مكانه ثم رجع بعدم تصديق ومسك بيدينه البارده وجهها الدافي.. إبتسمت ثم فتحت عينها احمد:انين؟؟؟ انين بإبتسامتها الطفوليه وبجمالها البريئ وبصوتها اللي ذاب فيه :حبيبي احمد بفرح ووله :انين انين:قلبها وروحها نعم احمد وهو متيم يبي يروي عينه من شوفتها:.... انين: إشتقت لي؟؟ اخذ يدها وحطها على قلبه وقال لها تحسين بهذا ؟؟ "هزة راسها بــ إي" احمد: تراه تعبان من بعدك.. ابتسمت له وحطت اذنها على قلبه وسمعت دقات قلبه ..وقالت: سلامة نبضك ياقلبي رفع راسها وناضر لعينها وقال: راح اجيك انين: تجيني!! احمد: تعبت من فرقاك ,ولا انا قادر اعيش حياتي من دونك انين وهي تضمه لصدرها:وايش كمان؟ احمد: ماعدت طايق زوجتي ولاحتى اولادي ولاحتى جده بكبرها انين وهي تضمه اكثر: وايش كمان احمد وهو يحس السعاده بكل اجزائه تسري:ابغى اجيك وارتاح انين:حبيبي احمد:نعم انين:تبغى ترتاح ؟ احمد:ياليت انين: ... احمد:قولي لي ايش اسوي؟؟ انين: خلي قلبك يدق مره تانيه حط عينه الذبلانه بعينها الساحره وقال بإنفعال: انا مااقدر احب مرا تانيه ,انا مستعد اخلي كل شي بهالدنيا والحقك,انا راح اجيك ..صدقيني قريب راح اجيكِ . انين :تُحبني؟ احمد:اكتر انين:تعشقني؟ احمد:اكتر انين:اجل عيش حياتك ولاتعذبني احمد بإنكسار:حياتي من بعدك ياانين ماهي حياة انين:حياتك من بعدي ياقلبي ,بدايه لحياة جديده لك احمد وهو يقرب وجهه لوجهها :لاتروحي انين وهي تقرب له اكثر:تبغى سعادتي؟ احمد وهو يحبها بشغف:ابغاك انتي.. انتي سعادتي انين:.... احمد:لا - لا تروحي - انين لا ياانين - انين - انين قام من النوم .. متعجب.. مستنكر.. خايف... ويحس بضيق بتنفسه راح قدام المكيف ويحاول يستنشق هوا,ويحاول يستوعب حلمه اللي حسه مثل الواقع ..واللي للآن بسببه قلبه يدق بقوه ولاهو راضي ينتظم,سمع لصوت الاذان ..وحس بقلبه يوجعه..راح توضى وصلى وحس بشوية راحه بعدها. ::::::::::::::::: تركيا تحديدا بورصه وهم بالسياره بدر:ها يامصطفى وين تحب تودينا؟ مصطفى :المكان اللي انتوا عايزينوا,ايه رائيكوا نروح لحديقة لونا بارك بدر : طيب حلوهالمكان ؟؟ مصطفى :هيَ حديقه كبيره جدا وفيها ملاهي واشجار وحتى فيها بحيره ومراكب . بدر:وش رائيك فتون ؟ فاتن:عادي خلنا نروحها. بدر:نروحها ليه لأ فاتن وهي تناظر لبدر :تدري وش ودي؟ بدر:انتي تامرين وش تبين فاتن: ودي باسكريم بدر:من جدك اسكريم بهالبرد يالمجنونه فاتن:تؤتؤ انا ودي باسكريم يعني وش اسوي بدر:اقول يا ابو الشباب اعقل بس ترى العقل زينه مصطفى وهو يضحك على نقاشهم:هناك فيه ايس بيتمطط فاتن وهي تناضره بنص عين: .... بدر:وشلون يتمطط يامصطفى مصطفى : حتشوفوا دلوئتي, كيف بيحركوا الايس بعصايتين ويرئصوا بيها فاتن: والله شكل ذا المكان فله بدر وهو مبسوط ان فاتن بدت تتأقلم وترجع لطبيعتها المرحه:تصدقين انا ماودي اروح هالمكان فاتن وهي تدور على جوالها بالشنطه:والله مو على كيفك بنروح يعني بنروح بدر:يعني تتحديني فاتن:ايه اتحداك يابدير بدر:قلت لك لاتقولين بدير فاتن:اصلا بدير او بدر او بدوري كلها بايخه بدر:ههه بالله اسكتي الله يرحم والديك ,اسمك فاتن وانتي ام العربجه ماشفتي من الانوثه شي فاتن:ياحبيبي انا فاتنه بأخلاقي وجمالي اللي مايحتاج لا احمر ولا اخضر مثل هالبنات بدر وهو يقلدها :"فاتنه بأخلاقي" بالله لااحد يسمعك يقعد يضحك عليك أي اخلاق ياابو الشباب ,ماتذكرين الهندي ذاك اليوم بالسوق يوم سرسفتي لأمه يوم طيح اغراضك من غير قصد فاتن:ايه لأنه كسر اشياء غاليه هو ووجهه بدر:هههههههههههههه فاتن :يعني اللحين مسكت علي هالموقف ,وماتتذكر المسكين اللي يوم كنا بالمستوصف وهو يناضر عادي ,مسكته من ياقته وصفقته...وهو مو بخبري ,يا ابو غيره سخيفه "وماسكتوا ولا انتهى هالحوار الطويل اللين قال مصطفى بصوت عالي عشان يسمعونه": وصلنـــــــــــــا ياقماعه ناضروا ببعض وضحكوا لأنهم ماحسوا بالطريق ولا انتبهوا لجمال الطبيعه ولا المناضر اللي حولهم قد ماكانوا مندمجين بالهواش :::::::::::::: - هل ممكن تستمر علاقه محمد بسمر - هل ممكن يرتاح خميس بعد مايقابل الشخصيه اللي ورا خسارته ؟؟ - وهل ممكن يدق قلب احمد؟؟ - مزيد من فضفضة القلب , وراح نبدا بكشف بعض الاقنعه بالبارت الجاي دمتم كما تحبون فتومه | ||||
|
| |
|
05-02-14, 08:48 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بارت 22 بداية يوم يحمل من الأحداث الكثير وبدايه من بيت داليا قامت من النوم وهي طايره فرح.. مأجزه وتبي تستغل كل دقيقه من اليوم.. خذت لها شور ودقت بعدها على فاتن اللي كانت تفطر بالبلكون وجوالها بعيد عنها.. دقت مره.. ومرتين.. لين هو اللي رد عليها بدر:.... داليا: فتون قلبو وش لونك,اخبارك يالقاطعه "بدر يسمعها وده يقولها شي من اللي بداخله" داليا:الو ..فتون..الو.. تؤ الله ياخذ هالاتصالات ياربي. "وقفلت السماعه وهي ماهي داريه بالقب اللي رجف من صوتها .. ناظرت نفسها بالمرايا وقامت تقلد مشية فاتن من كثر ماهي مشتاقه لها وقعدت تضحك على نفسها لانها دائما تحاول تقلدها ولكن تفشل اكثر من المره اللي قبلها.. حظّرت نفسها وراحت بنفسيتها الحلوه وبإبتسامتها الشرحه تقابل فوز واريج اللي بالسوق من صباح الله خير عشان يقضون اللمسات الاخيره لحفل فوزيه العائلي بكره " فوزيه:تصدقون يابنات كل مامرت ساعه وقرب الوقت على حفلتي اخاف اكثر اريج:اما عاد انتي تخافين,والله انتي تخوفين داليا:ههههه لا اروجه مو لهالدرجه فوزيه:يسلم لي الذوق تعلمي منها يالحظرميه البايخه داليا:جد انها مرجوجه وملقوفه وكأنها فاتن بعربجتها لكن طيوبه وقلبها ابيض فوزيه:لا يعني اللحين كحلتيها انتي وجهك ,كان سكتي على الجمله الاولى اريج:ههههه كفوك تستاهلين يالسعوديه اللّطعه داليا:هههه اريج: اللحين بتزعل وتروح بيتها تشوفين داليا:لا فوز حبيبتي ماتزعل مني ثح؟ فوزيه:لا مازعل منك ازعل من اللي جنبك,الا يابنات سمعتوا عن ساره اريج:من ساره؟ داليا:ساره بنت ال.. اللي تزوجت وعمرها 13 سنه؟ فوزيه:ايه هي,اللي تزوجت من ورع مثلها اريج:لا انا ماعرفها ,لكن إيش فيها؟ فوزيه: ابد ياحبيباتي اللحين هي بيت ابوها وحلف وقسم ابوها انها ماترجع لزوجها الا اذا اجر لها بيت اريج:ليه هو وين معيشها اول؟؟!! فوزيه: ياحبيبتي هذه تزوجت وهي صغيره وزوجها بعد كان صغير بالبدايه كان ماسك شغل ومأجر بيت ومن احسن مايكون ,لكن بعد سنتين بدا يستهبل ولا صار يروح شغله ولايهتم بإيجار ولايحزنون فسكن بيت اهله داليا:اجل كيف كان يصرف؟؟ فوزيه:ابوه بداية الشهور كان يساعده وبعدين مل من منه اريج:اصلا هذا هو اللي يتزوج وهو صغير يمل بعد فتره ويحب يرجع لحياته الاولى من غير مسئوليه او هم داليا:ياسلام!! والضحيه يعني البنت او الاولاد اذا كان عندهم!! فوزيه:مو شرط ياريج اهلنا تزوجوا وهم صغار وللآن الحمد لله بخير اريج:ياعمري هذا اول كان الرجال عقله يوزن بلد ويشيل مسئوليات الدنيا والأخره وهو يضحك,اللحين من يتزوج صغير مايقدر حتى على ايجار بيت داليا:صح بس مو كلهم ترى,يعني لو تشوفين بعض المناطق عندنا يتزوجون وهم صغار واغلبيتهم يكونون قد الحمل اريج: حتى عندنا يالحضارم كذا,لكن انا اللي اشوفه واسمعه زواج الصغار مثل ماله محاسن ,تضهر سيئاته بعد فتره من الزواج,يكونون اعتادوا على بعض ويبدى الملل ويبدى الشاب او البنت بكسر الروتين ويشتاقون لحياتهم الأولى داليا:شوفوا هالمسئله هذه لها تشعبات ولوفتحناها الآن مابيمديني لا اروح اودي هدية اماني ,ولا اشوف سمر فوزيه:أي صح بتجين الليله زواج اماني؟ داليا:ايه اكيد ان شاء الله بس اللحين بودي لها هديتها ,وبالليل نلتقي ان شاء الله بعرسها فوزيه:طيب وش جبتي لها؟؟ اريج:هههههههههه بلا لقافه وخلي البنت تروح مو كل يوم بتاخذ اجازه داليا:ههه جد صادقه الله واعلم اللحين متى باخذها مره ثانيه فوزيه:وكيف بتروحين؟تبينا نوصلك داليا:لا اخوي قلت له يغيب عشان يوديني وبنفس الوقت يأجز عن المدرسه اللي مايروحها اصلا الا مرتين بالاسبوع اريج:هههههاي خلاص عنوني سلمي لنا عليهم داليا:يوصل ان شاء الله,ويله مبروك مقدما فوز فوزيه:تدرين لو ماكانت ملكتي بكره صغنونه كان خليتك تجين مع الشله داليا:عادي ياقلبي اهم شي العرس فوزيه:ايه اكيد ابيكم كلكم معي بذيك الليله اريج:يالطعه بلا قرقره خلي البنت تروح داليا:ها بديتوا ؟؟ ههه يله باي يمديها اماني عصبت من انتظاري فوزيه واريج:ههه باي ::::::::::::::: اما يوم جات الساعه اربعه ونص و بالمستشفى تحديدا ذاق د/احمد القهوه اللي سوتها كرستال وقال:إيش دا يانتي حاطه سكر؟ كرستال:ايوا دكتور انتي مافي اشرب سكر د/احمد بضيق: لا انا ماحب السكر كرستال:طيب انا سوي واحد تاني د/احمد:لا خلاص مابغى روحي نادي على المريضه داليا ا قصدي امم ريم محمد كرستال بإبتسامه على حالته:اوكي د/احمد :ايش اليوم النكد دا اللي باين من بدايتوا؟؟ كرستال: نعم دكتور؟ د/احمد: ماكلمك انتي ,روحي نادي المريضه كرستال:اوه ..اوكي. ::::::::::::: وطبعا بعد ماراحت داليا الذوق تودي الهديه لأماني وتبارك لها, راحت لبيت... سمر وفتحت لها امها.. وكالعادها طلعت دالي لغرفة سمر ودخلت بأطراف رجلها عشان تخوفها باللذات ان سمر قاعده على النت ومندمجه داليا:بو سمر:يمه ,الله يلعن شيطانك ,ماتعرفين شي اسمه استئذان ؟؟ داليا:ههههههههههه,علمتني فاتن هالحركات خخخ سمر وكأنها تذكرت فخبت صوره كانت على طاولة المكتب داليا:وش ذا اللي خبيتيه ها؟؟ سمر:ولا شي بلا لقافه داليا:اها اكيد صورة خطيبك,لاتخافين ماراح اسرقه,هاتي خليني اشوفه سمر:امم لا هو مو حلو داليا: ههه لو كان اسمر فخلاص معناها خقه عندي يله وريني سمر: لا قلت لك ا ابيض مو حلو داليا:عادي ابي اشوفه وبقول واو يجنن هههاي سمر:لا لا ماله داعي "فحاولت داليا تاخذ منها الصوره اللين سحبتها منها بخفه وقالت:تصدقين كأني شايفته قبل كذا سمر:ا لأ ,,قصدي ا ممكن بالشغل شفتيه "واخذت الصوره ورفعتها" داليا وبتفكير عميق:لا,انا ..."وتغير وجه دالي" سمر بتوتر:ا مم ماتبين نزور البنات؟ داليا وهي مصدومه وكأن ارتباك سمر دليل على صحة تفكيرها:هذا مو زوج فاتن ياسمر؟؟ سمر ابعدت نضرها عن داليا:... داليا:سمر ردي علي تكفه لاتخوفيني سمر:.... داليا بضيق:سمر هذا زوج فاتن؟؟ سمر:كان داليا:يعني جد هو؟؟ سمر وهي تقعد على سريرها :يعني انتي وش تشوفين داليا:يا الله ياقوة قلبك ياسمر سمر:ليه انا وش سويت ,جا خطبني وافقت وين المشكله داليا:بس مالقيتي غير ذا, زوج اعز صديقاتنا؟؟ سمر:كان زوجها اللحين هو طليقها ,يعني ماتفرق لو انا وافقت عليه او على غيره داليا وصوتها يرتفع تدريجيا:وشلون بتقدرين تحطين عينك بعينها؟ها سمر وبإنفعال:هي اللي ماكانت محافضه عليه, ولا تبيه صح وله لأ داليا وتناضرها بإستغراب:وش اللي انتي قاعده تقولينه؟؟انا ماني قادره اصدق سمر وش ف سمر تقاطعها:وليه يعني,,تراني تعبت من كثر ماخاف واخبي ,انا من اليوم ماراح يهمني شي ولاراح يفرق معي شي (داليا استوقفتها كلمة"تخبي" وقالت) :وش تخبين ليه فيه شي اكثر من كذا!! سمر:... داليا:سمر ردي علي وش الموضوع؟؟ ترى فاتن صديقتنا ماهي عدوتنا ياسمر.. هذه فاتن سمر وكأنها لقت الضوء الاخضر لمشاعرها: فاتن وفاتن وفاتن اف .. خلاص انا انخنقت من فاتن وشوفة نفسها "والله لأوريه ,وتراني سويت فيه ,و و و و مليت من برودها وغرورها,انسانه غبيه داليا وهي مو مستوعبه سمر:.... وكملت سمر: الى متى بتحَملها واتحمل شوفة نفسها علينا ها ؟؟ داليا وبخيبة امل :تدرين..حتى انا مثلها غبيه لأننا توقعناك بيوم صديقه سمرمن غير اهتمام:ايه صح انا انسانه ماعندي قلب ولا إخلاص ارتحتي داليا:انتي ليه تعاملينا بهالطريقه سمر وش اللي غيرك؟؟ وش فيك!! سمر:لأني أبي اعيش حياتي مثل مابي ,انا عاجبني محمد وصار من نصيبي ,وفاتن حقتك راح اقطع علاقتي فيها ,راح اسوي اللي ابيه من غير ماتكونون بحياتني داليا وكأنها تبي تجمع تركيزها:سمر.. سمر:... داليا:انا ادري إن ممكن بعض المواقف انتِ فاهمتها غلط,وممكن صار شي بينك وبين فاتن وانا مادري عنه ,بس انتي قدامك فرصه ترجعين مثل اول وماتمادين بالغلط.. سمر:... وكملت داليا: يعني تقدرين تقطعين علاقتك بمحمد,ويرجع كل شي مثل ماكان سمر:وليه؟؟ اصلا انا ماصدقت داليا:وش اللي ماصدقتي!!! سمربملل:ماله داعي تعرفين اكثر داليا:ليه مو تقولين ماراح تخبين ولا تخافين خلاص قولي لي كل شي مره وحده ,ترتاحي وانا بعد ارتاح,انتي وش اللي براسك ياسمر؟ سمر:وليه تبين تعرفين؟ داليا بإستهزاء:اعتبريه فضول,او اعتبريه نهاية خدمة الصداقه اللي تبين تنهينها بإصرار سمر:ماعندي شي ينقال داليا:بس انا متأكده ان عندك شي ولازم تقولينه"وقربت داليا من سمر وسألتها:انتي لك يد بطلاق فاتن؟ ناضرتها سمر لفتره ثم لفت عينها عنها وقالت:صدقيني ماودك تعرفين داليا وهي تقعد قبالها:لأ غلطانه انا ودي اعرف سمر: نصيحه مني لك ,لاتعرفين اكثر عشان نفسيتك يا الليدي دالي داليا وتشوف الكره بعين سمر:لأ قولي لي لأن ماتوقع انه لا انا او نفسيتي نهمك سمر وهي توقف:براحتك دامك تبين تعرفين راح اقول لك,ومره وحده ارتاح "داليا بدت تحس بخوف من اللي بتسمعه " سمر:شوفي انا ممكن اللي سويته بنضرك راح يكون بشع,بس بالنسبه لي فهو الذكاء واستغلال الفرص داليا وهي بقمة توترها:تكفه قولي اللي عندك من غير مقدمات سمر:انا يوم شفت فاتن مو مقدره النعمه ,ويوم عرفت قد ايش ممكن يحب محمد حبيت اتعرف عليه اكثر,تدرين فئة الرومانسين هذه قليله "داليا وبدا دمها يغلي" كملت سمر:بالأول كنت ارسل له رسائل وكأني غلطانه يعني كأني ارسل لأخوي... جرّيته وخليته يتكلم معي..مع ذلك "بذاك الوقت " ماكنت افكر اني اخذه من فاتن او اني اخرب بينهم ,يعني كان فضول اني اعرفه وبس داليا بإستهزاء:قلبك طيب يعني ماكنتي تبين تفرقينهم!! سمر:لأ داليا عصبت وقالت:انتي تكذبين علي او على نفسك؟؟؟ انا عمري ماشفت اوقح منك بحياتي سمر: لاتغلطين تراك بيتي داليا وهي تقرب من سمر: اذا قدرتي تخلينه يكلمك ,معناها انتي اللي كنتي ترسلين له وتشكينه بفاتن سمروبإندفاع: عجبني ويوم دخل مخي قلت لازم افرق بينهم وهذا اللي سويته, طلّعت رقم ثاني بس عشان اشكه فيها ,بس هو كان عنده خيار يايثق فيها او انه يطلقها داليا:... سمر:ازيدك من الشعر بيت ,,انا يوم كنت ماكلمكم ولاعرف اخبارها هو كان يقول لي عن كل شي وانا كنت ارسل له عشان يشك فيها ههه محمد فعلا شخص بريئ وطيب بدون شعور داليا عطت سمر كف بكل قوتها وقالت : انتي تدرين اني راح اقول لمحمد عن كل فعايلك؟ سمربإستهزاء:ههههههه انا اقص يديني الثنتين اذا قدرتي تضرّيني,او حتى تأذيني بشي بسيط,اعرفك قلبك طيب "ناظرتها داليا بقهر وكره وطلعت من بيتها وهي تحس ان جسمها كله اقشعر,,عمرها ماتخيلت ان سمر ممكن تكون خاينه للعشره او انها تقدر تأذي حتى الناس اللي يحبونها.. عمرها ماتوقعت ان فيه ناس ممكن يتغيرون كُليا ويتجردون من الإحساس والمشاعر.. عمرها ماكانت تتوقع ان القلب الأبيض هالأيام صار هدف لضعفاء النفوس,وصار عيب الشخص يكون بقلب ابيض.. حست ان كل شي يتحرك حولها, وحست بكبر مسئوليتها تجاه فاتن وشلون راح تقولها ,او اذا كان الأفضل انها ماتقول لها. :::::::::::::::: اما بالليل سيارات فخمه واضواء ساطعه وطبقه الستقراطيه مرموقه .. شافت هالمنظر خلود وخافت ناظرت بجارح وقالت: حبيبي انا لازم ادخل ,قصدي لازم احضر جارح:ها اجل؟! جايبك تسليني بالطريق مثلا اخلصي انزلي خلود:طيب ماعرف احد ,كيف وايش بسوي جارح:والله ان مانزلتي اللحين لأغلط عليك تراني طفشان منك "خافت خلود وفتحت الباب" جارح:اسمعي لاتفشلينا سامعه خلود:طيب جارح:ولاتعشين ,وامشي زين واذا قدموا لك شي اشكريهم مو تفشلينا خلود:حاضر جارح:يله اخلصي انزلي خلود:طيب .. "ونزلت ومن قبل لاتدخل تحس برجلها ترجف,وقلبها يدق" جارح وهو يدق بوري خلود:نعم جارح:خذي الكرت يالدايخه وشلون بتدخلين خلود:اوه اسفه جارح:اف استغفر الله ,خذي الله يصبرني عليك بس :::::::::::::: بهالوقت وبزواج أماني دقت فوزيه على.. داليا وتحاول ماتبين:اهلين فوزيه:وينك يابنت ؟؟يله اخلصي داليا:ا لا انا مم فوزيه:وش فيك؟؟ داليا:ماراح اقدر احضر,اعتذري لي بليز من اماني لاجات فوزيه:من جدك وله تستهبلين!! داليا:لا صدقيني ماراح اجي,صارت لي شوية ظروف فوزيه:دالي وش الموضوع وش فيك داليا وتحاول تتمالك اعصابها اللي ماقدرت تصيطر عليها بعد ماقابلت سمر: يافوز بليز لاتسئلين تراني تعبانه مره فوزيه بخوف: سلامتك وش فيك؟؟ داليا:مافيني شي بس احس بغثيان فوزيه:اها طيب حياتي ماتشوفين شر انا بكره اتصل عليك واتطمن داليا:اوك فوزيه:باي داليا:باي قفلت وهي فعلا تحس بغثيان وللآن مو قادره تستوعب الدناءه اللي وصلت لها سمر,, كل ماتذكرت وجع فاتن الفتره اللي رحت والمها وحزنها ,زادت بغيضها لسمر.. وكل مافكرت بشكل فاتن يوم تدري باللي صار,تحس بضيق وخنقه.. هذه هي الصديقه اللي تحس بأنها قلب لصديقتها.. واي طعن لها.. تحسه فيها معها. :::::::::::::::::: وبهالوقت سمر بعد كانت تكلم ... محمد:افا عليك لو تبين جزر الهواي وديتك سمر:ههه مره وحده محمد:اي افا عليك سمر:وه فديتك حبيبي والله انك تجنن محمد:اجل تحبيبي؟ سمر:ههه لاتحرجني محمد:يعني انا مافيه مثلي سمر:أي اكيد محمد:يعني أي وحده ممكن تحبني سمر:وش تقصد حبيبي خير ان شاء الله؟ محمد بحزن:اقصد سمر:ايش؟ محمد:وشلون فاتن ماحبتني؟ سمر وبعصبيه:وش هالكلام يامحمد ,وش جاب سيرة فاتن اللحين؟ محمد تدارك ضعفه:ها..ياعمري ا .. امزح معك سمر:لا هذا مو مزح يامحمد,انت تبي تضايقني وبس محمد:صدقيني فاهمه الموضوع غلط سمر:لا مو غلط ولا شي,محمد انت متى بتنساها؟؟ محمد:ههه كل هذه غيره منها سمر:انا ماغير منها انا اغير عليك ,ومارضى يكون احد بقلبك غيري محمد:ههه اوكي مثل ماتبين سمر:حمود جد لاعاد تجيب سيرتها مره ثانيه ترى اتضايق محمد:خلاص ان شاء الله,بس لاتزعلين سمر:محمد انا ماني قاعده امزح,لاتسكتني محمد:خلاص سموره صدقيني ماسكتك,بس انا حاظر للي انت تبينه فأقولك خلاص سمر: محمد اكيد؟؟ محمد:طيب ليه تقولين محمد,دلعيني شوي وله ماستاهل سمر:انا بإيش وانت بإيش محمد:ههه طيب خلاص ماراح اذكرها سمر:.. محمد:وينك ليه سكتي ؟؟؟ههه خلاص لاتزعلين ويله عاد سمعينا كلامك الحلو سمر:لا مابي اقول لك شي محمد:خلاص سوسو ,سماح هالمره سمر بدلع:نشوف محمد:طيب يله قولي لي غزل سمر:ههههه انت اللي مفروض تتغزل بي مو انا محمد:طيب اقول لك وش ودي سمربنعومه:وش ودك؟ محمد:ودي اجيك واخذك واضمك واب قاطعته سمر:بس حمود عيب محمد:هههههههههه,ليه تستحين.. خلاص حنا اقل من شهر ونملك يعني انتي بحكم زوجتي سمر:حتى ولو تونا مابعد سوينا شي. محمد:طيب على الاقل خليني اشوفك سمر:لا مابي محمد:مو على كيفك,بجيك انا ابي اشوفك سمر:حمود بلا جنون محمد:يعني انتي ودك؟وله ماودك سمر بعد ثواني:دامك حبيبي عادي اكلمك,بس اني اشوفك صعبه ياقلبي محمد:اجل امرك ونقعد بالسياره ماراح نروح مكان سمر:لا وش هالكلام يامحمد تبي ابوي يزعل علي محمد:اموت انا بالرضي سمر:أي طبعا اللي مافيه خير باهله مافيه خير بالناس محمد:طيب انا وش يصبرني لين زواجنا سمر:ياسلام مثل ماكنت تصبر على زوجتك كل هالشهور ,تصبر علي اسبوعين محمد وهو يتذكر فاتن ولسانه يقول اللي يمليه عليه قلبه من غير مايفكر :فاتن هذه مادري وش سوت فيني سمر:تؤ ويكمل محمد بدون شعور:خلتني احبها لدرجه اني اصبر عشانها ولا ارضى ازعلها, وامشي واسايرها حتى لو على حساب راحتي,,, الو الو سمر سوسو,, هههه وش فيها قفلت السماعه ذي المجنونه اه ياقلبي... وينك يافاتن.. اشتقت لك. :::::::::::: نرجع للحفله دخلت خلود وهي تحاول تتذكر كلام اخت جارح.. البسي الفستان الأسود راح يبين جمال جسمك ,وطقم الالماس الناعم لأنهم يحبون النعومه.. حطي مكياج يحدد جمالك وقوة ملامحك,ولاتكثرين منه ارفعي راسك,امشي بهدوء ,ولاتبتسمين الا نادراً.. وان سألوك انتي من..قولي لهم بكل كبرياء انا خلود زوجة جارح صاحبة الحفله رؤى: اهلا خلود وهي تصافحها:مرحبا رؤى:انتي حرم من؟؟ خلود بكل تواضعها:انا حُرمة جارح رؤى بإستخفاف:جارح خلود:ايوا رؤى:انتي أي وحده فيهم؟ خلود وهي تبلع ريقها:انا اخر وحده رؤى:اها ,عموما تفضلي "ويوم جات تروح ورى المضيفه توريها مكانها سمعت رؤى تقول" - اسماء روابي شفتوا هذه روابي:من هذه؟؟ رؤى:ههه زوجة جارح اسماء:ياي الجديده روابي :هههههه شكلها مشت خلود ولا كأنها سمعت شي وقعدت بالمكان المخصص لها وهي تعد الثواني وترتجي بقلبها الوقت ينتهي على كذا.. وترجع البيت,,لكن هالأمنيه صعبة المنال بهالوقت لأن اسماء وروابى جو لعندها وجلسن روابي:هاي خلود خلود: اهلين روابي:اجل انتي زوجة جارح ها خلود: ايوا روابي:انتي من وين؟؟ خلود:جده روابي:اها..وش عائلتكم؟؟ خلود: انا من عائلة ال.. اسماء: وش هالعائله ؟؟!! ماسمعت بها قبل كذا!!! روابي:وش تشتغلين ياخلود؟؟ خلود:انا ماشتغل روابي وهي تكلم اسماء بصوت واطي:هههههههه هالمره اخذ حلوه بس فاشله اسماء:واضح ههههههههههههههههههههههههه ههههه ه "خلود سمعتهم وناظرت للجه الثانيه" مسؤلة الحفل:تفضلي خلود مع انها عطشانه والعصير يغري شكله:لاشكرا خذت لها روابي كاس وقالت:تدرين ياخلود خلود: ايش؟ روابي:انا مستغربه sorryبس كيف اهلك زوجوك لجارح؟؟ اسماء:هههه خلود وهي تناظر لوقاحة اسماء :ليه يعني ايش بو جارح!؟ روابي: ابد بس معروف عنه انه مزواج ,وانتي توك بداية شبابك خلود وتحاول تبتسم: النصيب امل:ياروابي اسماء اسماء:نعم امل:تعالن الآن بتجي صيته روابي:كان ودنا ندردش شوي بس للأسف لازم نقوم "اسما راحت على طول من غير استئذان" روابي:يله عن اذنك ياحلوه ابتسمت لها خلود من غير نفس:اذنك معاكِ "وحمدت الله مليون مره ان امل هذه فكتها منهم ومن خبثهم" :::::::::::::::::::: صباح تركيا بورصه ويوم بنقضيه مع فاتن وبدر بهالصباح هذا على غير العاده قامت فاتن وتحس بنشاط غريب .. تفاؤل ..سعاده..وراحه ودورت على بدر لقته نايم فحبت تصحيه بطريقتها فاتن:بدور يالله قوم ترى ماصارت بدر:فاتن شوي شوي قربت له فاتن: بدر بدر:تونا بدري نامي يافاتن نامي فاتن قلبت الوجه الاخر:هي انت وش انام قم اخلص علينا ترى اليوم قال مصطفى بيودينا جبل ,ويمديه ينتظرنا بدر: جبل براسك ان شاء الله اسكتي فاتن:ههههه لا مو براسي جبل بالتلفريك بنوصل له.. قم اخلص فتح بدر عينه وقال: لاتحلمين ابوي حلفني ماخليك تسوين شي خطير فاتن:لا والله ومن قالك انه خطير؟؟ عادي تلفريك اركب وانزل,وبعدين تعرف لو رحنا بالسياره كم يبيلنا؟ بدر وهو يقوم:كم يبيلنا يافيلسوفة زمانك؟ فاتن:ساعه وليه ان شاء الله؟؟ بدر:تعوذي من ابيلس يافتون فاتن:اقول بدر لاتصير نكدي ,وبعدين انا ابي اشوف الغابات من فوق وبالجو البارد النقي "وسوت انها تشم الهوا" بدر:ههههه "نقي" اجل فاتن:ايه نقي ام الكلمه ياشيخ,وصح وين الكميرا بدر وبعد مادخل الحمام يقول:نسيتها فاتن شهقت:نسيتها!! بدر:صراحه مع السرعه,والربكه خليتها على السرير فاتن:اف قلت لك انا اخذها ,سويت فيها لا انا اخذها بدر:ههه من النكدي اللحين؟؟ فاتن:طيب اللحين انا وشلون اصور بدر: وش تصورين؟ فاتن:مصطفى يقول ان فيه شجره تاريخيه ,وشلال وشلون اصورهم وريهم البنات بدر: فتون خلاص بنشتري اللحين كميرا وكأن ماعندك جوال تمشين حالك فيه!! فاتن:لأ مابي امشي حالي ابي كاميرا بدر:خلاص فتون بلا زن بنشتري وحده اسكتي,وبعدين تعالي هنا وشلون كلمتي مصطفى؟؟ فاتن وتحك راسها:دق على جوالك امس بعد مانمت وانا رديت عليه بدر وهو طالع من الحمام:سلامات يابو الشباب؟؟ فاتن بعربجه : مصطفى عادي بدر:لا مو عادي ,لاعاد تكلمينه مره ثانيه سامعه وله لا فاتن:خلاص طيب بدر:فاتن اتكلم جد فاتن:يوه بدر خلاص قلت لك طيب وجهزوا نفسهم وراحوا على التلفريك وماقول لكم عن الإرتياح اللي حست فيه فاتن بهالروحه .. من يشوف الغابات والجو الصافي وشلال شيلا اللي بحد ذاته روعة ومريح, ويكون معه صحبه طيبه ومايستانس؟!!! فاتن ماخلت لا شجره ولا شلال ولا خضره الا وتصورت عندها ,اما بدر كل ماحس بوناسة اخته يرتاح ويخف وجع الضمير اللي يحس به وقضوا نهارهم كله بضحك واستمتاع. اما وهم راجعين بالليل مسكت فاتن بيد بدر وقالت:بدور مشكور بدربإستغراب:على ايش؟؟ فاتن:على السفره,انا جد كنت محتاجه لها بدر:يله اهم شي وسعي صدرك وانجني وشمي من هالهوا "النقي" على قولتك ,لأنك بترجعين للرياض وحرها فاتن:من جد الايام جرت بسرعه ومابقى غير كم يوم وراجعين بدر:خلاص عاد بلا طمع فاتن:ههههع,وش رائيك بتحدي بليستيشن بدر:لا يابو الشباب لازم نروح البيت ننام بكره بنروح انطاليا فاتن:وليه مستعجل خلها بعد بكره بدر:لا يافتونه نايف بينتضرنا فاتن:يوه على هالنايف اللي بلشتنا فيه بدر:هههه الله يجزاه خير, ترى هو مو فاضي ولايترك شغله عشان أي احد,بس عشان تعرفين ان اخوك له علاقات فاتن بإستهزاء:الله واكبر يالعلاقات بدر: ههههاي وش عرفك انتي بهالامور فاتن وبعد تفكير: اقول بدور بدر:هلا فاتن:انت مانت ناوي تتزوج ؟ بدر:... فاتن:ترى ودي افرح وارقص واستانس ودي بيوم اطلع كل الطفش اللي احسه بدر:يعني ماعندك طريقه غير تزويجي!! فاتن:هع ايه بدر: انسي,اصلا انا خلاص شايل فكرة الزواج من راسي فاتن:عجيب امرك , إما داليا او انك تقعد بحلقي بدر ويحاول انه مايتأثر:من داليا؟؟ فاتن:هههع حلوه اجل نسيتها ها بدر:يله بس نزل هالمطعم فاتن: دائم تقول اني اصرف واهرب من المواضيع اللحين عرفت انا طالعه على من بدر:هذا هو يامصطفى؟ مصطفى:ايوا حضرتك, دا مطعم ويازانت ياشانت ::::::::::::::::::::: بيوم جديد وبصباح جديد وبإحساس جديد.. كان ينتظر هالصباح اكثر من أي شخص غيره.. قام وهو يحس بقلبه مقبوض من انه يقابل هالشخصيه الغريبه.. جهز نفسه..شرب قهوته..ساق سيارته ..وصل لمكتبه الضخم وقابل السكرتير اللي خلاه ينتظر ساعه وربع وبعد كذا قال .. استاذ خميس خميس:نعم السكرتير:تفضل .. استاذ أسعد في انتضارك دخل خميس لمكتب ضخم جدا.. ويحاول يسرع من خطوته عشان يقدر يشوف الرجل اللي خسره الوف,وخسره مناقصات بالملاين ..من غير مايعرفه ,او حتى يعرف السبب ورا كل هذا.. وصل خميس لحد مكتبه وهو يشوف لملامح هالرجل اللي ماقد شافه قبل كذا بحياته أسعد بإستعجال:تفضل ارتاح اخ خميس ,بإيش اقدر اخدمك؟ خميس:أول حاجه انت تعرفني؟ أسعد:طبعا .,اكيد اعرفك,فياليت تدخل بالموضوع على طول لأن عندي اجتماع بعد 10 دقائق خميس:انا مابغى منك حاجه ,غير اعرف انت ليه داخل للسوق ومستقصدني؟ليه ماتاخذ غير المناقصات اللي تخصني؟ أسعد بإبتسامه:لأني حاب ادمرك خميس وهو متعجب من هالشخصيه الغريبه:طيب ليه؟ أسعد:لأن هذا اللي مطلوب مني خميس وهو فاتح عينه مو مستوعب هالشخصيه؟ومين اللي طالب منك دا الشي أسعد:حاب تعرفوا خميس:اكيد اسعد: للأسف ماسمح لي اوضح شخصيتوا,عندك شي تاني ؟؟ خميس وهو معصب: كيف ماسمح لك ,انا ابغى افهم لمتى حيضل الوضع كدا,انا ماذيتك ولا اذيت أي شخص ؟ أسعد وهو يطلع من المكتب:فكر بالموضوع دا كتير,يله عن اذنك راح يبدا الإجتماع "وطلع اسعد على اجتماعه , اما خميس ضل ماسك راسه يبي يفهم وش اللي قاعد يصير وليه في شخص يبي يضره بهالشكل!!! وايش هالانسان الصريح اللي قاله بكل وضوح انه يبي يدمره!! تعجُب؟؟استفهام؟؟ضيق..وتساؤ لات براس خميس مو قادر يحلها او يجيب عنها.. طلع من مكتب اسعد وهو بحالة صدمه من أسعد وبروده ومن الشخص الغامض اللي مايعرف عنه اي شي حتى اسمه. :::::::::::::::: المستشفى على نهاية الدوام د/احمد: دينا داليا:نعم دكتور د/احمد وهو يناضرها بملامحها الحزينه:بقى احد؟ داليا بضيق:لا مافيه احد د/احمد وهو يناضر الساعه وباقي على الدوام نص ساعه : احم غريبه داليا بعد ماكانت جالسه وعيونها على الارض وتفكر : وشهو الغريب؟ د/احمد:مو من عادتك هالهدوء والحاله اللي لك يومين فيها داليا بتفكير:والله يادكتور ضايق صدري ,لي يومين ولاقدرت ارتاح فيهم. د/احمد ترك القلم وناضر بعينها :إذا حابه تتكلمي انا ممكن اسمع داليا استغربت من اهتمامه:انا بحيره ولا ادري وش اسوي؟؟ د/احمد:قولي لي ممكن اساعدك داليا وكأنها ماصدقت تبوح باللي على قلبها:عندي صديقتين واعرفهم من سنين وحده منهم مثل ضلي ماكنا نفترق ولا نعيش بعيد عن بعض والثانيه كانت اخت او اكثر لنا ,وقبل امس اكتشفت ان سبب من اسباب طلاق صديقتي الاولى.. هو من صديقتي الثانيه د/احمد:كيف تسمي انسانه بصفاتها صديقه داليا:صح صادق هي عدوه مو صديقه د/احمد:طيب للآن ماعرفت انتي بايش محتاره؟ داليا:اه مادري اقول للاولى عن الموضوع وله ماقولها ,اخاف تعرف يوم الزواج وتكون صدمه بالنسبه لها د/احمد:ليه هي ناويه تتزوج من طليق صديقتها داليا:تخيل يادكتور د/احمد:اهمم,انا اشوف ان ممكن تمهدي لها زواجهم من بعض ولكن مايحتاج تقولي لها انها كانت سبب لطلاقها داليا:اللي يضحك ان لو قلت لفاتن عن ملكة سمر راح تدق تبارك لها د/احمد وهو يناضر لداليا ويسرح فكره بالحزن اللي بعيونها وكان مثله بعيون انين :.... داليا:د/احمد انت معي د/احمد:ها ايوا ,ا انا اشوف انك توصلي لها الخبر على دفعات ,بالنهايه اكيد راح تتضايق لو عرفت من شخص غيرك داليا:والله مادري,عموما انتهى الدوام ولازم امشي د/احمد:ايوا اكيد داليا:مشكور على نصائحك د/احمد:ماسويت حاجه ::::::::::::: اما هنا .. الوحده.. والحاجه.. والضلم... خلود تحاول تنام .. وتحس بضيق ,تبي احد تحكي له,تشكي له ,يسمع لها ,يخف عنها..لكن من قامت من على سريرها وكل الي كانت محتاجته حضن دافي,يحسسها بالامان ينسيها الإستهزاء اللي صار لها قبل يومين بالحفله.. حضن يحسسها بقيمتها حضن يحسسها انها انثى حضن يحسسها بالراحه حضن يحسسها بالحب... قامت وخذتها رجله لجارحها .. فتحت باب المجلس وشافته نايم ومخلي الضوء خفيف بالغرفه.. قربت منه وكانت تتوقع انها هي اللي محتاجته.. قربت منه وشافت العرق مجتمع على جبينه,حست به يعاني..حست بأنه يشوف حلم من احلامه اللي تأذيه وتأذي مشاعره,مسحت بيدها البارده المويه اللي على جبينه ,وحست بخوفه وحاجته من غير لايطلب.. ظمته وقربت اكثر له ,وضمته اكثر وحطت راسه على صدرها ونامت وكأنها ام ضامه طفلها وخايفه عليه.... وش نقول عن الحب ياجماعه؟؟ حبيبي قبل لاتطلب بجيك وقبل لاتسأل بعطيك وقبل لاتغمض عيونك بفرش عيوني ..احتريك واذا كل هذا مايكفيك... بياخذك قلبي يخبيك.. حبيبي لو تدري بحبي.. وكيف راح تدري بحبي او مقدار حبي لك اه ياقلبي يبيك..ولمتى ابكي عليك اضل انا اللي ارتجيك واذا انت ماتقدر تجي..انا حبيبي اللي بجيك :::::::::::::::::::: تركا تحديدا انطاليا نايف:ها كيف شفت انطاليا؟ بدر:اصلا كفايه ان الجو ادفى من بورصه ,يارجل ثلج هناك فاتن وبصوت واطي: لايكثر انت وصديقك ذا , ترى جعت ابي اكل "ابتسم نايف لأنه سمع ,اصلا صوت فاتن عالي حتى لو توقعت انها موطيته فهو بالحقيقه عالي" بدر:يله رايحين اللحين على المنتزه فاتن وهي مركزه :اف ام الحركات شف الشلال بدر:اقول نايف وش اسم ذا الشلال؟ نايف: هذا ياطويل العمر شلال الدودان,ومن المنتزه بيبان اكثر ,عن اذنكم بس برد على هالاتصال ""وبعد عنهم أكثر"" - ياماجد ليه للآن البضاعه ماوصلتوها؟ -اجل انت وش شغلتك؟ -لالا ابد مو عذر - شف هالتاخير اللي صار مسئوليتك,ولازم توصل البضاعه بالليل وإن ماوصلت فأنا مظطر اتعامل معك. قربت فاتن من بدر وقالت: هههاع على باله صديقك يخوف بدر:هههه فاتن: شف شف عيونه هع هع بدر:هههه خلك بحالك وعن اللقافه فاتن:اقول الله يعين زوجته عليه بدر:بلا لقافه ياختي واسكتي لا يسمعك وماصدقوا وصلوا المنتزه الا على طول طلبوا الغداء.. وبعز مافاتن دايخه من الجوع وتاكل يدق جوالها .. بلعت لقمتها وخافت يكون من نفس الرقم اللي يتصل من الصبح عليها ,,طلعت الجوال وشافت اللي هي خايفه منه.. "اتصالات من محمد ماهي راضيه توقف باليومين اللي راحو..واخرها هذا خافت ان يشك بدر فقامت من الطاوله وقررت ترد وبعد مابعدت عنهم ومستحيل يسمعونها ردت" - خير وش فيه ؟؟وليه داق؟؟ محمد:... فاتن:وش تبي؟؟ مغيره رقمي مع ذلك جبته وش تبيني اسوي مثلا؟؟ محمد وهو مستمتع بصوتها: وحشتيني فاتن:انت وبعدين معك؟؟ محمد:اه يافاتن ,جد اشتقت لك فاتن وهي تناظر لبدر من بعيد : تراني مارديت الا لأني ابي اقول لك اني خلاص نسيتك,فخلاص انساني انت بعد انا مستحيل اكون لك محمد:... فاتن: ليه تزعجني؟؟وش تبي اصلا محمد:... فاتن: الو ..الو محمد:اسمعك ومابي شي اكثر من اني اسمع صوتك فاتن:انت مجنون,وانا الغلطانه ارد على امثالك,لكن اسمع... لو تدق من هنا للسنه الجايه ماراح ارد عليك وراح اغير رقمي مره ثانيه ,عشان ترتاح "وقفلت السماعه وتحس بقلبها يتقطع,,على قد ماكانت مرتاحه,على قد ماحست بضيق,وعلى قد ماكانت قويه معه,على قد ماتحس بحنين له وعلى قد ماكانت ترفضه..على قد ماهي بكل مافيها تبيه..." اما محمد... ضل على وضعيته وهو يفكر بكلامها ,الا ان دخلت امه وهي تقول:السلام عليكم محمد:هلا يمه من وين جايه؟ اصاله:من الخياطه ,كنت اسوي بروفا على فستاني,الا انت ماقلت لي متى ناوي تغير غرفة نومك للآن ماتحركت ولا سويت شي؟!! محمد:ومن قال اني بغيرها؟ اصاله:اجل بتجيب العروس بعفش زوجتك الاولى؟؟ محمد:هه واذا بترضى تلبس من ملابسها بعد ,بكون في قمة السعاده اصاله:لا والله انت انجنيت رسمي محمد:اه يمه جننتني اصاله:ياحبيب قلبي اسمع كلامي ,شف لك دكتور يسمع لك وطلع له كل اللي بقلبك وارتاح محمد:يمه لاتقعدين كل شوي تجيبين لي هالسيره وكأني مجنون جد اصاله:ومن قالك ان المجانين هم اللي يروحون لهالدكاتره,ياحبيبي انت وكأنك بدوامه ولاراضي تطلع منها محمد:يمه انا مافيني الا العافيه,يله تصبحين على خير اصاله:لاحول ولا قوة الا بالله ,الله يصلحك ويهديك يامحمد. ::::::::::::::::::: - وش اخر عناد محمد؟؟ - قولكم كيف راح يتصرف خميس؟؟ - وش راح يصير برجوع فاتن للرياض - اوعدكم بارت قوي جدا من اقوى ماكتبت للآن كونوا بالقرب دمتم كما تحبون فتومه | ||||
|
| |
|
05-02-14, 09:00 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بارت 23 بيت نسرين ولأن خالد تعبان اجْز ونام للظهر بالبيت فقام وهو يقول... - ياالله على هالازعاج نسرين:ههههههه هيدا صوت عكاز جارح خالد:من جد هذا الانسان غريب يوم ماتكون فيه زوجته ماغير يقوم وسليم ولا فيه أي شي,ومن تجي زوجته حالته تسوء نسرين:ههه شو ياالبي هالحكي ,هيدي كلا تمسيليي عم يعملا ,مابعرف شو بيستفيد منا خالد:لا مو معقول,في احد عاقل يتظاهر بالمرض!!! اف ازعجنا نسرين:صدئني جارح هيدا في شي منو طبيعي ابدا خالد:الله واعلم . نسرين:ليك .. هيدا صوتوا ماهيك خالد:الظاهر نسرين:امم راح روح اتطمن على خلود خالد:لا لاتروحين ولاتجين ,مالك دخل فيهم نسرين:بخاف يعملا شي خالد:وش راح يسوي فيها يعني,زوجين وتهاوشوا عادي نسرين:حبيبي بليز بس بدي اتطمن عليا خالد:قلت لك لأ, زوجين واختلفوا حنا وش علينا "قامت نسرين من عنده وهي متضايقه وراحت لمطبخها الملاصق لمجلس خلود وتسمع لصوت جارح المخيف وهو يصرخ على خلود ,من اول مارجع من بره " ::::::::::::::::: بيت اهل فاتن داليا:مساء الخير ام فاتن: اهلين بداليا تفضلي حبيبتي داليا: كيف الحال يالغاليه ام فاتن:الحمد لله ياقلبي ,تعالي ادخل قَومي صديقتك من اول ماجات من هالتركيا وهي نايمه داليا: ههه انا اوريك فيها اللحين ام فاتن:أي والله اللحين بيأذن العصر وهي ماصلت الظهر حتى داليا:ههههه ,خلاص خليها علي "دخلت داليا وولعت الانوار وطفت المكيف ,وقامت فاتن تبي تسب تحسبه بدر الا وتشوف حبيبة قلبها " فاتن:دالي داليا بشوق :اهليـــــــــــــن بقلبوا وحشتيني يالدبا فاتن:هع وانتي اكثر ,كيف الرياض بدوني؟ داليا:وع وع وع ,بس وش هالوجه المنور والحركات فاتن:ههع الا قولي وش ذا الوجه المفقع نوم داليا:هههههههههههه,الله يلعن ابليسك والله اشتقت لهبالك "وماغير يسمعون دقت باب قويه استغربوا وش ذا الدق..فإنفتح الباب وتدخل فوز وتطب على فاتن " فاتن:ههع خنقتيني فوزيه:وحشتـــــــــــــــ� �ـيني داليا:ههه اقول وخري يالدبا لاتأذين فتون فوزيه: انتي شب يالناعمه مالك دخل فينا حنا نعرف لبعض فاتن:هههههع هع كيف الحال وش اخبارك ,اهم شي بشريني متى عرسك؟ فوزيه:يمه عرسي بعد اسبوعين مره خااااااايفه فاتن:اجل اشوه اني رجعت على الاقل يمديني اشتري فستان فوزيه:اهم شي تحضرين عرسي مو تِبَدين صديقتك سمر علي فاتن بصدمه:ايش؟ فوزيه: عيش .. وش فيك زواج سمر ماغيرها فاتن:سمور بتعرس!! داليا بتوتر: اا ..امم ايه فوزيه:بنفس يوم عرسي تخيلي الصُدف فاتن بضيق: والله انا مره زعلانه منها لاتدق ولاتسئل ,وفوق هذا كله بتعرس ولا تقولي!! داليا:اصلا اممم سمر تغيرت مو مثل اول فاتن:وش اللي تغيرت يادالي بلا استهبال فوزيه:من جد غريبه !! فاتن: عموما انا لازم اروح أو اكلمها ابارك لها مهما كان هذه صديقة عمر,وياويلها مني ,انا اوريها شلون تخبي علي فوزيه:ههه يله اجل انا بروح فاتن:وين تروحين توك داخله؟؟ فوزيه:لأني كنت قريبه قلت خلني اسلم على هالبنت,بس اللحين بروح على الخياطه واشوف فستاني تخيلي للحين ماخلص فاتن:فستان عرسك للآن ماخلص!! فوزيه:شفتي شلون داليا: طيب روحي على الله يمديك فوزيه: على فكره فاتن:هلا فوزيه:ماتعرفين رقم كاترين الجديد؟ فاتن:وشي من كاترين يالمجنونه؟ فوزيه: يالنسايه الصحافيه اللي اقول لك عنها جتنا الكليه فاتن:إي اذكر قلتي لي, بس انا مااعرفها فوزيه:معقوله؟؟ هي ماخذه رقمك من زمان وقالت لي انها كلمتك فاتن وهي تستدرك الإسم :وليه ..تاخذ..... رقمي!!! فوزيه:ياطويلة العمر هي كانت بالكليه تبي تاخذ ارائنا عن .. الزواج بعالمنا العربي..وكان كل كلامي معها عنك , لأنك الوحيده من صديقاتي اللي تزوجوا فاتن وكأنها تجمع الأفكار براسها: فووز انتي وصلتي لها اخباري ,هي كاترين ماغيرها داليا وهي تستوعب الموضوع ولا تبي تبين لفوز: ااا فوز قلبي ,ماتبين تروحين الخياطه فوزيه:الا والله ,يله بنات اشوتكم ها ,,ااا قصدي اشوفكم ههههههه "فاتن مصدومه وساكته" داليا: يله حبيبتي باي "اما فاتن تحس انها بدت تتذكر الفديو والضيق بان عليها" ::::::::::::::::: بيت خميس خميس:سميره ياسميره سميره:ايوا جايه..نعم حبيبي؟؟ خميس:فين الزفت اللاب توب سميره:اهوو ,رفعتوا عن البزوره خميس:الله ياخدهم ونرتاح من قرفهم سميره:وي!! ايش بك ياخميس ,ليه صايره اعصابك كدا؟؟ خميس:اقول لك ,تراني قرفان من نفسي روحي شوفي لك دبره .,وخري عن وجهي سميره وهي طالعه :يالطيف ,براحتك خليك خميس:تعالي تعالي سميره:نعم خميس:انتي اخدتي امس فلوس من محفضتي؟؟ سميره:احم ايوا ياقلبي, تعرف عشان كان عندي حفله ومحتاجه اشتري لي فستان خميس:عارفه لو اخدتي بعد كدا ريال واحد من غير علمي ,ماحيصير لك طيب سميره بإستغراب:حبيبي فهمني ايش اللي صار , انت عمرك ما كنت تدقق بالاشياء دي خميس وهو معصب:فاهمه كلامي وله لا سميره تضايقت وقالت:طيب خلاص خميس:هيا روحي عن خلقتي طلعت سميره من مكتبه وهي مقهوره من معاملته لها,ومستغربه من حالته النفسيه السيئه اللي وصل لها ... بنفس الوقت ماتقدر تتفاهم معه او تعرف وش فيه الا اذا هدى." ::::::::::::::::: نرجع لبيت فاتن داليا: وشفيك فتون؟ فاتن وبإنزعاج: ولا شي داليا: ماعليه قلبي ,وسعي صدرك..فوز هذه من يومها غبيه ولسانها يسبق عقلها فاتن:لا بالعكس فوز انسانه طيبه نظيفة قلب ,تتصرف من غير خبث وعلى نياتها...ولكن طاحت بإنسانه خبيثه ولئيمه داليا:صدقيني ماراح يضيع شي عند ربي فاتن:اه ياداليا عرَفت وشلون تدمر بيتي برساله وحده بس داليا:..... فاتن: وحشنـي داليا:فتون خلاص انتي للحين تذكرينه فاتن:وعدت نفسي اني بنساه ووالله اني احاول واحاول ولا اقدر ... افرح واستانس واسافر ومع ذلك لاقعدت لحالي مااذكر الا هو داليا وتبي تطلعها من هالجو:يعني اللحين انا قاعده معك وتبدينه علي وتذكرينه ضمت فاتن داليا:وه فديتك مافي بغلاتك بقلبي داليا:ياكذبك يافتون "إبتسمت فاتن وهي تطرد الافكار اللي بدت تتجمع براسها وقالت :" - المهم خلك من وجع هالراس داليا:فديتك..نعم فاتن:ماقلتي لي وش جبتي لسموره هديه,انا افكر اجيب لها شي فخم وغالي بعد داليا وتغير وجهها:.... فاتن:وش فيك ,وين رحتي داليا:معك..ااا انا ماراح احضر زواجها فاتن:ايش ..من جدك!!! داليا:ايه ماراح احضر ,وانتي بعد لاتحضرين فاتن: سلامات دالي ويش فيك ,هذه سمر ,,سمورتي حبيبه قلبي .. والله بحضر لو ايش مستحيل مااقدّر صديقتي ..عيب عليك دالي داليا: صدقيني ماتستاهل فاتن:وليه ان شاء الله,تلاقين البنت انشغلت بزواجها وقصرت بسؤالها.. عاد لازم نعذرها داليا:اااممم لا مو عشان كذا,بس فاتن: ها اجل؟؟ داليا ومو قادره تقول فكذبت وقالت: ايه زواجها اسلامي وعائلي ضيق يعني ماله داعي نروح فاتن بإبتسامه: بلا استهبال لازم نوقف معها بفرحتها داليا:امم هي ماعزمت احد فينا وشلون نروح؟؟ فاتن:مانحتاج عزومه هذه سمورتي ..داليا وش فيك؟ داليا:يوه يافاتن على عنادك فاتن:وش السالفه كأن فيه شي وماتبين تقولينه؟ داليا وهي تتهرب: ااا شوفي الساعه كم ؟؟وش يفكني اللحين من هالدكتور فاتن: اللحين من جدك بتداومين ,بدل ماتقدين معي الليله !!! داليا:هه جد واحشتني بس مااقدر اخذ اجازه ,يله باي فاتن بعربجه:المهم اسمعي انا بروح زواج سموره واذا ماجيتي ياويلك ,, قال ايش"ماراح احضر "على كيفك هو؟؟ داليا وهي تناظرها بحب والكلام بشفاتها مو راضي يطلع: باي فاتن:هع ادري خفتي هههعع باي داليا وهي تطلع من الغرفه نازله الدرج: ايه مره فاتن وهي تلحقها:ههه انتبهي بس لاتطيحين داليا:هههه باي "ومامداها تنزل اخر درجه الا وتصقع ببدر" بدر يحسبها فاتن: اه وشفيك طايره يالمهبوله داليا منحرجه: امم سوري طبعا مع الصقعه طاحت الرميه من وجه داليا فقام يناظرها بدر وقال : ااا داليا داليا:... بدر: اسف..تعورتي داليا: لا انا اللي اسفه ماكنت اقصد يله سلام "بدر كانت نضراته تودع داليا اللين اختفت من قدامه,وفاتن اللي كانت تشوف من اول انفجرت ضحك على شكل بدر,فقام طلع لها وعضها" :::::::::::::::: ببيتها اللي تحس به انها غريبه.. وبغرفتها اللي تحسها قبرها.. تذكرت اللي صار بالظهر بينها وبين جارحها .. ضمت مخدتها ودموعها على خدها وهي تتذكر تفاصيل اللي صار وانقال... جارح: وليه فيه وحده مُحترمه تطلب من زوجها شي غصب عنه خلود:وربي مو دا قصدي ,بس جارح:وشي كنتي تحسبين اني بحس بك او اني ابيك؟؟ خلود:وربي لأ.. بس انا شفتك معرق ووجهك كان يتألم وكأنك تشوف حلم مزعج ,فحبيت اهدّيك واحضنك عادي جارح:لأ مو عادي هذه اسمها قلة ادب ,وجرءاه تخليني افكر بشك فيك خلود:... جارح:ليه ماتردين ,اصلا ماكان باقي الا انك تفـــ خلود بإنكسار وعيونها بالارض: كفايه جارح:هذا هو .. قول الحق ماتقدرين عليه خلود بتوسل:كفايه ياجارح لا تجرحني ,وربي تعبت من الجروح جارح:جعلك ماتطيبين منها ,تدرين خلود:... جارح:لو اشوفك مره ثانيه تدخلين المكان اللي انا نايم فيه ماتشوفين خير خلود:.... جارح:انا لو ماكنت مشغول الصباح كان يمديني صبحت عليك بالعقال خلود:.... جارح: هذا اللي ماخذه منك ,كل ماقلت لك كلمه نزلتي لي هالدمعتين يعني مره حساسه الاخت خلود:خلاص ياجارح ,عمري ماراح اجي جنبك جارح:هذا اللي ابيه ,اصلا شوفتك تجيب لي الهم والغثى خلود:طيب ليه اجل مخليني على ذمتك جارح:لأني مااحب الطلاق,مو لأني احبك خلود وتحس بسكين بصدرها: طيب اللين متى ياجارح جارح: ههههه لين تموتين إن شاء الله خلود بضعف وقلة حيله: بس انا احبك ولاسويت لك إلا كل خير ليه ماتحبني ؟؟ جارح:لأنك انسانه ممله وتجيبين الاكتئاب خلود وهي تقرب منه وعيونها متوسله:انا خلاص ما ابغاك تُحبني ..بس ابغاك تعاملني بلين ولطف,هوا دا كل اللي ابغاه منك. جارح:... خلود:وربي ماابغى حتى انك تجيني او تقولي احبك,بس ابغاك تعاملني كويس جارح:انتي الظاهر ماتفهمين خلود:يعني انت تكرهني؟؟ جارح وهو يناظر لعيونها: أكثر خلود:.... "وطلع وخلاها بإنهيارها طلع وهو كاسر.. انوثتها... كبريائها... احساسها... طلع وهو ماسح بكرامتها وعزتها بنفسها ... طلع وكسر أي مشاعر ممكن تحملها له بقلبها الطيب." :::::::::::::::::::::::: اما بالمستشفى وبعد ماانتهى الدوام بساعه الا ربع طلع دكتور احمد من مكتبه بيروح بيته الا ويشوف داليا قاعده ولا راحت على غير العاده د/احمد: سبحان الله تجي متأخره ,وتروحي متاخره داليا بإبتسامه:سواق جارتنا ماراح يجي وكلمت اخوي وللآن ماجاني. د/أحمد:لو اقدر اوصلك كان وصلتك بس ماينفع داليا:لو تبي تساعدني رد على جوالك لأني اكره هالنغمه والمسلسل كله "كان نغمه طفاك القدر ياشمعتي" د/احمد:لأ انا ما ابغى ارد على دا الانسان داليا:.... د/أحمد يوم شاف داليا سرحت بضيق:للحين ماانحلت مشكلة صديقتك؟ داليا:لأ ماقدرت اقول لها د/أحمد:بالعكس دحين تعرف احسن من بعدين داليا:مااقدر اجرح فاتن ولا ادري وشلون اقولها اصلا د/أحمد وهو يشوف ملامح داليا وهي حزينه : عارف ياانين انوا الموضوع صعب ولكن لازم تعرف داليا بإبتسامه:انا ماادري لمتى راح تلخبط بإسمي انا داليا د/أحمد: اوه انا ايش قلت؟؟ داليا:قلت انين د/أحمد: .... داليا:ممكن اسئلك سؤال د/احمد:تفضلي داليا:انت ليه تجي بدري وتروح متأخر,انا اعرف المتزوجين عكسك تماما د/احمد:انا زوجتي بجده ماهي هنا. داليا:مو هي أنين !! د/احمد بضيق:الله يرحمها داليا:انا أعرف وحده اسمها انين وبعد توفت لاتكون هي د/احمد:مااتوقع انها هيَّ لأننا من اهل جده داليا:ايه هي تصير بنت عمة صديقتي فاتن وشفتها مره عندها جلس د/احمد:صح هي عندها خال هنا داليا:الله يرحمها,فاتن تأثرت بوفاتها مره د/احمد وكأنه يتأمل بالفراغ: مافي احد يعرف انين بقلبها الأبيض ومايحبها داليا:اجل كيف تقول ان زوجتك بجده د/احمد:ديك ام العيال , وتقريبا العيال هم الرابط الوحيد اللي يربطنا داليا وهي مستانسه بداخلها:الدبله هذه اللي لابسها لمن فيهم؟ د/احمد بغصه :لأنين,انا ماني قادر اشيلها داليا تناضر جوالها:انا لازم امشي اخوي بإنتضاري د/احمد: طيب كويس جا ...لأن الوقت تأخر داليا:امم باي د/احمد:مع السلامه "وضل احمد قاعد مكانه مستغرب كيف قال عن حياته وتكلم بخصوصياته لداليا,لان باللذات بيته مايحب يتكلم عنه لاي كان ,لكن داليا فيها شي يختلف ولا يدري وشهو؟" :::::::::::::::: اما فاتن اللي توها راجعه من السوق..وكل هذا كانت تدور على فستان وهدايا لفوزيه وسمر, دقت على سمر بتردد:الو فاتن بفرحه:سلام يالعروس سمربإستغراب:هلا فاتن:وشلونك اخبارك يابنت وش هالقطيعه؟؟ سمر:موجوده فاتن:مع اني زعلانه منك ..لكن مبروك حبيبتي الف مبروك ,وعقبال ماتجيبين بنوته وتسمينها فتون سمر عرفت انها ماتدري للآن:امم شكرا فاتن:اقول وش ذي الرسميه "شكرا,تمام,خير" ,وله في احد جنبك؟؟ سمربدون اهتمام:لأ, قصدي الا في فاتن:خلاص فهمت,اكيد عريسك جنبك ومسويه ثقيله وحركات,,سمور سمر:نعم؟ فاتن:ارسلي لي صورته تكفه سمر بإندفاع:وشي؟؟ فاتن:يمه ماراح اكله بشوفه بس بيقتلني الفضول سمر:ماعندي فاتن:اوما عاد يالنصابه سمر بملل:قلت لك ماعندي فاتن:هههع خلاص اكيد احرجتك معه بكلمك بوقت ثاني يله احطي سمر:يله باي "استغربت فاتن لهجة سمر معها ولكن اللي يحب من قلب دائم يطلع اعذار ,والصداقه عند فاتن لها قدسيتها بقلبها واحترامها" :::::::::::: وبعــــــــــد اسبوعين من تجهيزات كثيره .. و اسبوعين من تهرب الصديقه من صداقاتها... واسبوعين من خيانه وطعن بالظهر... واسبوعين من تردد وخوف على المشاعر.. واسبوعين طويله بتجهيزاتها لهذا اليوم.... واسبوعين من السفره الطويله... تقابل بدر مع نايف بدر:هلا والله بأبو محمد نايف:هلابك ,وشلونك بدر:بخير جعلك بخير وينك ,طولة الغيبه يارجل؟ نايف:ابد وانا اخوك بس انتضرت اوقع اخر عقد ورجعت بعدها بدر:الله يعين,الا وش عندك اول مره تطلب نتقابل بعيد عن المكتب نايف:هههه,لأن الموضوع اللي ابيك فيه بعيد عن الشغل بدر وهو يشرب القهوه:امرني حبيبي نايف:مايامر عليك عدو,بس تعرفني انا انسان عملي مااعرف لا الف ولا ادور بدر:هههه اكيد مايبي لها نايف:صراحه يوم فكرت ارتبط مره ثانيه ,حبيت اخذ من طرفك.. بدر:ها!! نايف:وفكرت بأختك .. فحبيت اطلبها مبدئيا منك بدر:... نايف:لكن ماادري عن اوضاعها اذا كانت متزوجه او مرتبطه؟ بدر:لا بالحقيقه هي متطلقه نايف:اهمم بدر:بس انا اللي اعرفه انك متزوج؟ نايف:معقول ماتدري ان زوجتي توفت بولادة محمد؟؟ بدر:ايه صح صادق ,والله اني كنت ناسي نايف:يعني وش الوضع اجي اطلبها رسمي من الوالد او وش تشوف ؟ بدر:هههه والله ياابو محمد انت رجال وكفو,وانا لو بايدي الشور, كان قلت لك موافقين... لكن انا افضل اشوف رائيها لأنها قريب تطلقت ولا ادري وش موقفها نايف:خذ وقتك ماعندك مشكله بدر:خلاص اجل انا اليوم ماراح اشوفها من الصبح وهي بهالكوفيره يااخي ذا الحريم مجانين نايف:ههه..الله يصلحك ليه مجانين؟؟ بدر:ايه صح نسيت ان انت نصير المراه نايف:ههههه انا مو شرط اني نصير المرأه.. لكن انا انسان تربيت على احترام الجنس اللطيف "بدر هههه "بدر بباله عربجة اخته ويقول أي لطيف" نايف: ماقلت لي كيف الشغل هالايام :::::::::::::: بالمشغل داليا مثل ماتعرفون..شخصيه رقيقه لها اسبوعين الآن.. لاقدرت تصدق الي صار.. ولاقدرت تواجه فاتن باللي تعرفه.. ولاكانت تقدر تجرح فاتن بخبرها عن سمر .. وكانت يوم تمهد لها تشوف تحمُس فاتن لسمر ودفاعها عنها فتسكت..وتحاول تقول لها بس ماتقدر.. وكل اللي سوته من الصبح انها تحاول تقنع فاتن ماتروح زواج سمر.. فاتن: يابنت يله اخلصي خليهم يسون لك المكياج داليا:ها ااا طيب شوي,اقول فتون فاتن:هلا داليا:للحين ماعزمتنا سمر وشلون تبين تقطين وجهك عندهم وتحضرين لها؟؟ تعالي بس معي لزواج فوز وخلك منها. فاتن:قلت لك سمور اختي ومااحتاج عزومه لزواجها,افهمي داليا:انا صراحه ماراح اروح فاتن:هع كيفك.. انا بروح داليا: اف الله يلعن ابليسك فاتن:ابي افهم وش اللي صار بينك وبينها خلاك بهالموقف تجاهها!!! داليا:صارت اشياء كثير واهمهم انها قالت كلام ماينقال فاتن بعدم تصديق:ههع سمر هي اللي قالت كلام ماينقال؟؟ داليا:ايه فاتن:هههههههههههع هع هع لهالدرجه حاقده عليها حرام عليك,تراها سموره عشرة عمر داليا بتريقه: أي صح ذكرتيني بالعشره فاتن:اكيد عشره ولاتهون علي ,ترى والله بزعل منك يادالي مالك حق تتكلمين عنها بشينه داليا بفقدان امل:تبين الصراحه فاتن:ايه وش اللي صار بالضبط؟ حاولت داليا تفكر من وين تبدا و قالت:اوعديني اول انك ماتروحين لزواجها وانا اقول لك كل شي فاتن: في المشمش يادالي في المشمش داليا:اف ياربي عنيده وغبيه فاتن:ههههههع داليا: فاتن من جد الموضوع والله كبير ومن كثر ماهو مُهم ماقدرت اقول لك اياه من اول. فاتن وهي تناظرها : جد!! داليا: ولاحتى للآن اقدر اقول لك عليه فاتن بعربجه :هع اجل اقلبي وجهك ,ترى الوقت تأخر وانتي للآن ماسويتي مكياجك اخلصي علينا داليا :طيب ممكن تاخذيني بجديه شوي وتسمعين للي بقوله فاتن: طيب يله اخلصي قولي داليا:تذكرين يوم تقولين لي انك شاكه من ممكن يكون اللي يرسل لمحمد ويشككه فيك فاتن بلا مبالاة:ايه طيب؟ داليا: اممم فاتن: وشو داليا: بصراحه يافتون فاتن: ايه هي اللي ابيها "الصراحه"مع اني ماادري وش دخل هالسالفه بسمر دالي: لأنها فاتن:ايوه داليا: ااا لأنها بصراحه .. هي السبب فاتن:من هي؟ داليا:سمر هي اللي كانت تبي تفرق بينكم فاتن:هههههههههههههههع هعهع الله يرجك اليوم زواج البنت وانتي قاعده تفترين عليها "ملّت داليا من استهتار فاتن بها ,قامت اخذتها على جنب وقربت منها وهي حاطه عينها بعين فاتن... وقالت:اليوم تدرين سمر من راح تتزوج؟ فاتن وكأنها بدت تنتبه لداليا:من بتتزوج؟ داليا:راح تتزوج من محمد فاتن :... داليا:عرفتي فاتن:محمد من؟ داليا:محمد زوجك اول فاتن وخرت يد داليا من عليها وقالت بعصبيه:لهنا وكفايه ياداليا ,انا ماتعودت عليك حقوده لهالدرجه ان كان صار شي بينك وبين سمر, مو معناه اني اخذ موقف مُعادي ضدها داليا: صدقيني هذا اللي صار فاتن:دالي لهنا وكفايه ,انا فعلا مصدومه منك داليا:فاتن افهمي ,انا مااني قاعده امزح معك ,انا اتكلم جد فاتن:خلاص ياداليا ماعاد ابي اسمع منك أي شي. "راحت جلست بعيد عن دالي ودقت على بدر يمرها وكانت قاعده على اعصابها بالإنتضار,اللين ماجت داليا وجلست جنبها .. وقالت:فاتن انا حاولت امهد لك بالايام اللي راحت ,لاني ماكنت ابي اجرحك وانا ادري مقدار حبك لمحمد وسمر لفت وجههها فاتن عنها:... وكملت داليا: لكن تقدرين تدقين على اصاله وتسئلينها اذا انا صادقه او اكذب عليك "توترت فاتن وحست بصدق داليا اللي عمرها ماكذبت عليها " وقالت:محمد مستحيل يتزوج بعد طلاقنا بهالسرعه هذا اذا فكر يتزوج, ومستحيل بعد ان سمر توافق على محمد مستحيل داليا وهي تناظر لفاتن بإنكسار:سمر خانت صداقتنا يافاتن, ومحمد طول معرفتك فيه كان خاين اقشعر جسم فاتن وناظرت لداليا ووجهة جسمها كله تجاهها: احلفي ان اليوم زواج محمد من سمر داليا وهي تناظر لعين فاتن اللي بدت تحمر:... فاتن:احلفي داليا:والله يالغاليه انها خانتك, وانه اليوم زواجهم من بعض "فتحت عينها فاتن وهي ماسكه بيد داليا بقوه ..وسمعت رنة بدر عليها ولاقدرت تقوم وتطلع .. ولا قدرت تنطق بحرف او تفصح عن مشاعر الغضب بداخلها.. دقيقه ودقيقتين وخمس وعشر وفاتن مكانها وكلام داليا يدور ببالها وينعاد قامت داليا حاولت تقوّم فاتن وهي شاده على يدها وركبت معها بسيارة بدر وقالت: بدر اذا ماعليك امر ودنا على بيتكم بدر بإستغراب: ماتبون تروحون عرس صديقاتكم داليا:لأ... ااا لأن فاتن داخت وترتاح احسن لها بدر بخوف: اوديها المستشفى؟ فتون وش فيك؟ فاتن بجمود : بدر بدر:عيونه فاتن:ودني على عرس سمر ناظرتها داليا بصدمه : ايش؟!! بدر:اكيد؟ فاتن بصوت واثق:اكيد انا بخير بس انت تعرف الخكريه داليا بدر:مثل ماتبين داليا بصوت واطي: فتون ..حبيتي ..قلبي بليز عشان خاطري بلاها هالروحه فاتن وكأنها ماتسمع:بدر ممكن تنتظرني بس اسلم عليها وترجعني معك بدر: ريحتيني من المشاوير اكيد بأنتظرك. داليا:فاتن وش راح تسويين فاتن وهي تناظر لها: راح ابارك لها داليا وتحس قلبها يتقطع: فتون انا اعرفك ..وادري انك ماراح تروحين تباركين لها,وش راح تسويين؟؟؟ فاتن:.... داليا: فتون فاتن:تحبين تباركين لها معي او تحبين تنتظريني هنا بالسياره؟ داليا:ماراح تقولين لي؟؟ فاتن:.... داليا: سمر اصلا مستحيل تكون بالقصر هذا الوقت,اكيد انها بالكوفيره توها ماجات فاتن:.... داليا: وش راح نروح نسوي!!! فاتن:... داليا:فتون بليز قولي لي على ايش ناويه فاتن:.... :::::::::::::::: جده قامت سميره تشوف التقويم عشان تعرف التاريخ .. ويوم لقته مثل ماتوقعت دخلت لمكتب خميس... سميره:حبيبي وربي مايهون علي اتعشى وانت ماتاكل معايا,لك يومين دحين لااكلت ولا قعدت معانا خميس:قلت لك مالي نفس ياسميره سميره:طيب على الاقل احكي لي فهمني ايش اللي صار ,ايش اللي مضايقك؟؟ خميس:... سميره:يعني طيب اهم شي ماانت زعلان مني,ترى وربي زعل الدنيا كلها ولازعلك علي خميس:قلت لك الموضوع بشغلي وبس سمير: حبيبي وربي اشتقت لك واشتقت تتكلم معيا ونجلس سوا. خميس:.... سميره وهي تجلس جنبه:حبيبي طمني ليه متضايق لك دحين اكتر من اسبوعين؟ خميس:لاتقلقي مافيني شي سميره: اكيد ياقلبي خميس:ايوا..سوي لي كاسة شاي ماني قادر اركز بالاوراق اللي قُدامي سميره:ياحبيبي لو اكلت حيرجع لك تركيزك كلوا,عشان خاطري بس شويا خميس:خلاص جيبي لي شوية فاكهه بس سميره:من عيوني,دحين احلى فاكه ياقلبي..بس خميس:ها ايش عندك؟؟ سميره:طيب ركز معايا وخلي اللي بايدك دحين خميس: سميره تراني مره مشغول قولي ايش عندك سميره:احـــــم بكره في حفله مهمه مره لوحده من البنات وكنت ابغاك تعطيني مبلغ صغير كدا عشان اجيب لها هديه خميس وهو يناظرها بحده: اقول لك عندي مشاكل بالشغل,وعندي مشاكل ماديه وانتي تقولي لي حفله وهديه!!!! سميره: حبيبي الحفله مره مهمه خميس بضييق: خلاص لاعاد تروحي سميره بترجي:حبيبي عشان خاطري ,وربي الحرمه دي ماتقصر معايا خميس:... سميره بدلع :حبيبي الله يخليك خميس: استغفر الله العلي العضيم سميره:... خميس: امري لربي ,بكرا حستلم الفلوس اللي من نصيب اخواتي وحعطيك اللي تبغيه سميره: يارب يحفضك لي ياقلبي ياحبي ياتاج راسي خميس:خلاص ممكن دحين تخليني اركز شويا سميره: اكيد ياقلبي اكيد ::::::::::::: ببيت اصاله محمد ماكان يحس بسعاده ولا حزن ممكن شعور عادي وكأنه ملئ للفراغ ومو اكثر ... كانت تبخره الخدامه على دخول امه من المشغل وقالت:هاتي المبخره سنتيا انا ببخر ولدي سنتيا:حاضر ماما "وبهالوقت يسمع جواله يدق وشاف الرقم وحس بسعاده تسكنه ورد بلهفه" - حياتي - وبصوت مكبوت: نسيتني ؟؟وبتتزوج غيري؟؟؟ محمد:اه ياروح محمد وشلون اقدر انساك فاتن وهي تحس بالجرح ينزف: ليه تسوي فيني كذا؟ محمد:ياحبي انتي اللي طلبتي هالوضع وله انا الله العالم بحالي, انتي لو كنتي تحبيني ماكان سويتي سواتك فاتن:اجل وش اللي خلاني ارضى بإهاناتك..وش اللي خلاني اسامحك وانت تجرحني كل يوم اكثر؟؟ محمد بفرحه وصدمه :يعني تحبيني؟؟!! فاتن بإنكسار : انت طول عمرك خاين ولاراح تتغير بيوم محمد:حبي اذا بترجعين لي مستعد الآن اطلقها ,بس قولي انك بترجعين لي فاتن:... محمد:مستعد اللحين اروح لأبوك احب راسه واعتذر منه ,واخلي هالليله اللي مايهمني فيها احد ,اهم شي فيها رضاك فاتن: والله يامحمد لو انك اخر رجال بالدنيا عمري ماراح اكون لك ولا ارضى بك محمد بضعف:حبي تكفه قولي انك بترجعين لي "قفلت فاتن الخط": اصاله بإستنكار :هذه فاتن؟؟ محمد وكأن انتقلت له حالة الجنون اللي بفاتن :يمه فاتن تحبني اصاله وتناضر له بعصبيه:وبعدين محمد هو يضحك:يمه والله تحبني يمه دقي عليها وشوفيها اذ ترجع لي اصاله:محمد لاترفع لي الضغط وتتعبني انا لازم اروح الصاله اللحين محمد:يمه هي ماتبيني اتزوج,يمه كلميها اصاله وبعصبيه تصرخ:محمد ..بنات الناس مو بلعبه بإيدينك,ابيها ولا ماابيها وكلام فاضي محمد:يمه خلاص اطلقها اصاله:حسبي الله ونعم الوكيل,اسمع يامحمد والله العضيم وهذاني حلفت ان ماعقلت وحطيت عقلك براسك وتممت زواجك والله لأغضب عليك يامحمد ليوم الدين محمد:بس يمه فاتن ,وشلون تهون عليك؟ اصاله:انت صاحي وله مجنون انت مطلقها بالثلاث يعني مستحيل تحل لك محمد:بس يمه انــ اصاله:بلا بس بلا هم ,اللحين نطلع ونروح القصر فاهم محمد وكأنه يبي يهدي امه :طيب دقي على فاتن بس تطمني عليها اصاله:مالك دخل بفاتن اكلمها او لأ مايهمك,انساها ولا لك دخل بها محمد:وشلون مالي دخل بها..يمه هذه فاتن اصاله:محمد انا بديت اتعب يامحمد محمد:... اصاله: عشان خاطري خل الليله هذه تعدي على خير محمد:بس يمــ اصاله:تكفه عشاني لاتتعبني وخلينا نكمل هالليله محمد : ... اصاله: محمد اذا فعلا تعز امك لاتنزل راسي قدام الناس محمد وهو يناظر لرجاء امه:مثل ماتبين اصاله:الله يرضى عليك يارب ::::::::::::::::::: ويوم صارت الساعه 12 ونص وباب احمد يدق احمد:ايوا ايوا... لحضه "وراح فتح الباب ووقف جامد يوم شافها" انين: حبيبي احمد:... انين:ماحتقُلي اتفضلي احمد بفرحه:تعالي مو بس جوا,تعالي لحياتي كلها انين:حبيبي احمد وهو يضمها:يا اهم مافي وجودي نعم انين:مشتاق لي زي ماانا مشتاقه لك؟؟ احمد:شوقي اكبر من إني اوصفوا ,ياانين انتي خيالك معايا حتى بأحلامي انين وهي تبتسم : عارفه "احمد ساكت ويتأمل انين" انين:انت عارف انا ليه جيت لك اليوم؟ احمد:لأنك اشتقتي لي انين:اكيد اشتقت لك زي ماغيري مشتاق لك,واكيد محتاجه لك زي ماغيري محتاجه لك.. احمد:بس انا مايهمني غيرك انين:تُحبك وتبغاك ومشتاقه لك ,حِن عليها يااحمد وخلي قلبك يدق مره تانيه احمد: انتي كيف تقبلي بحبي لك شريكه ابتسمت انين وقالت :انا مكاني عالي وواثقه انوا مااحد بالدنيا يقدر ينافسني بحبك احمد:خليني اجيكِ انين:لأ يااحمد تراها محتاجه لك احمد:من هي؟؟ انين وهي تضمه :خلي قلبك يقول لك احمد:لا لاتروحي انين ..انين لاتروحي..حرام عليك ,,لاتروحي "فتح عينه وهو مخنوق ,كان على غير كل مره متضايق,, شوقه لها هالمره اكبر من كل مره ,,حس بقلبه بيطلع من مكانه ,وحس بأن انفاسه بدت تظطرب.. وحس بشوق كبير وبحاجه لحضنها الدافيــ. :::::::::::::: ببيت اهل فاتن خيانه ولاهي بخيانه عاديه.. وحُب يتحطم بكل خشونه واذيه ماصدقت فاتن توصل البيت وتطلع لغرفتها و تصرخ على داليا اللي وراها: روحي عني خليني بحالي .."ودفت داليا عنها " وكملت: روحي بيتك ولاابي اشوفك ابداً فاهمه. "اما داليا قدّرت وضع فاتن وحبت تخليها اللين تهدى وقعدت بالصاله الخارجيه الى ان تطمن عليها, اما بدر مادخل البيت لأنه مافيه احد وامه راحت لعرس فوزيه... لكن مامرت نص ساعه... إلا وتشم داليا ريحة حريق ودخلت بسرعه غرفة فاتن وشافتها تحرق صورة محمد وهي تأن وتقول كلام ماقدرت تسمعه .. فقربت لها اكثر وسمعتها تقول امنتك الله لاتلعب علي دقيت لي صدرك وقلت لي تم وقلت لي من اليوم مااقسى عليك واعلمك تنسين معنى الهم واوعدك اخاف على مشاعرك ومشاعرك هي الأهم مااذكر اللي مر اهو شهر اسبوع وله يوم!! تدري الايام تجري مثل مايجري النهر ومثل ماعين المُحب تذرف دموع "" وبكت فاتن وهي تقول"" حطيت ايدي على قلبي واحسه ينتفض منظر وهزقلبي وكأنه عاصفه بنص البحر ارتبطت بغيري ... وغيري صديقة للعمر امنتك الله ...لاتقول اني بواقع مو حلم واني اشوفك تخون اه يامحمد ..خون.. صدقني ماصار يهم ... لكن طلبتك.. لا تختار اللي من الخيانه امر "صرخت وهي تقول" خونني .. خونني .. خونني.. مو مع صديقه عطيتها صدق الوعد واخذتها بحضني يوم احتاجت قلبٍ ومدد وامدحها واقول الاخلاص من طبايعها ترى اعرف كل شي عنها حتى اكثر من اقاربهاا امنتك الله إخنث بوعودك كثير واوعدك ابعد واكون ابعد من البعد البعيد بس المهم.. خلها ابعد من قلبك من البعد اللي وعدتك وقول لي الا هالحلم لايمكن مهما يكون انه يصير "تقطع قلب داليا بعد ماسمعتها وطلعت بهدوء من غير ماتحس بها فاتن .. طلعت تركض من بيتهم وركبت بالسياره اللي امها ارسلتها لها,وهي مو قادره تنسى ونين فاتن وقهرها ... مو قادره تنسى الحروف اللي سمعتها.... مو قادره حتى تواجه وتقوي صديقتها... وتحس النار تشب بقلبها وتحس بطعم الخيانه وتحس انها مطونه من سمر مثل مافاتن مطعونه منها ... :::::::::::::::::::: اما بصالة الأفراح .. جا وقت الكل ينتظر فيه يشوف العروسه.. الكل عينه موجهه على الباب اللي راح تنزف منه.. الكل جاي يبارك ويهني ويشوف هاللحظه اللي اهم من كل لحظه.. اما سمر.. فستانها مثل ماطلبته.. تصمم لها.. راحت لأرقى كوفيره بالرياض تزين طلتها... كل شي صار مثل ماتمنته.. وكل شي كان مثل ماهي أمرت وتدللت.. قلبها يدق.. فرحانه .. مستانسه.. متوتره.. وسمعت اغنية الزفه اللي اختارتها لجنات إشتغلت...وعرفت ان هذا الوقت اللي راح تنزف فيه لأمير قلبها ... إنفتح الباب بخفه وعلى مهل .. وبانت عروستنا اللي كل العيون عليها وتسمي.. وتخطي بخطواتها الخفيفه.. وابتسامتها مافارقت وجهها .. وهي عائشه الكلمات اللي بالاغنيه اللي كانت مختارتها بدقه تقول... اسمع كلامي وصدئوا انت اللي روحي بتعشقوا .. كان حلم ونفسي احققوا اني ابقى ليك قربني منك ضمني ..قد مااحبك حبني من غيرك انت يهمني؟؟ دنا روحي فيك.. ملهوفه عليكــ ومسلمه تقدر تقول مستسلمه حاسه اني طايره بالسما "" يعني تحبيني؟؟!! - انت طول عمرك خاين ولاراح تتغير بيوم - حُبي اذا بترجعين لي مستعد الآن اطلقها ,بس قولي انك بترجعين لي -:... - مستعد اللحين اروح لأبوك احب راسه واعتذر منه ,واخلي هالليله اللي مايهمني فيها احد ,اهم شي فيها رضاك - والله يامحمد لو انك اخر رجال بالدنيا عمري ماراح اكون لك ولا ارضى بك - حبي تكفه قولي انك بترجعين لي.. "" كانت سمر بنص الصاله يوم سمعت ان زفتها انقطعت وداير هالحوار المسجل فيها.. ارتجفت ودمعت ,والتفتت تشوف عيون الناس حولها .. اللي ماسكه فمها من الصدمه ,واللي فاتحه عينها مو مستوعبه ,واللي تنظر لها بشماته ,واللي تقول..ياحرام.. واللي تضحك ولاهمها احد.. مع ان رجولها ثقيله ولكن نفسها اللي إنهانت ساعدتها انها تركض من الصاله وهي تصيح مبتعده عنهم.. مجروحه.. ومنذله .. ومتفشله قدام الكل ,, وصارت سيرة اهل القصر كلهم ..محمد اللي مايحب سمر,وكان بيطلقها عشان وحده"" ::::::::::::::::: - قولكم اللي صار برد قلب فاتن؟؟ - سمر وهل ممكن تنكسر بعد اللي صار؟ - تطورات راح تكون بين جارح وخلود - تطورات راح تكون بين جارح وخلود -ونقلات جديده وكبيره واكشن again.. بالبارت الجاي كونوا بالقرب دمتم كما تحبون فتومه | ||||
|
| |
|
05-02-14, 09:54 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بارت 24 بالقصر وبعد الزفه اللي اربكت الجميع.. اصاله دقت على محمد: حبيبي محمد:هلا يمه اصاله:يله خذ زوجتك وروحوا على الفندق محمد وهو يناظر ساعته : مو قلتوا الزفه يبيلها وقت !! عموما يله انا رايح للسياره اصاله:اقول محمد محمد:هلا اصاله:ارئف ببنت الناس وحافض عليها وانا امك محمد:يصير خير يالغاليه يله قفلت اصاله ودخلت على سمر الغرفه: قومي يابنيتي وحاولي تنسين اللي صار سمر وهي تصيح:كيف وليه يصير كذا؟؟ليه ياخاله ليه اصاله:تبين نصيحتي سمر:.... اصاله:دامك تحبين محمد ,ومحمد يبيك وجاك وطلبك بالحلال ,انسي كل شي وفكري بحياتك معه وبس, وخلي كل شي صار ورا ضهرك سمر بإنكسار :معقول ذاك صوت محمد,معقول انه كان يتكلم علي!! معقول ذاك صوت فاتن؟!!! اصاله:.... سمر:دامه مايبيني ليه جا وطلبني؟؟ليه اصاله:لا انتي ولا انا متأكدات من صحة ذاك التسجيل, باللذات ان مسؤولة المسجل مالقيناها!!! فلا تخربين ليلتك بإيدينك سمر: خلاص خربت ليلتي,ماشفتي الناس ونظراتهم لي؟؟ماشفتي؟؟ اصاله:وانا امك الناس لو صار شي او ماصار,, راح يطلعون كلام وعيب بالليله,لاتفكرين بكلام الناس سمر:.... اصاله:توني مكلمه محمد وكان طاير من الفرحه سمر:... اصاله وتبي تخفف عنها:وعاد تدرين ..من يوم شافك اصلا وهو متحمس لهالزواج,وسعيد بانه ارتبط فيك سمر وهي تمسح دموعها:جد؟؟ اصاله:ههه ايه جد واكيد بعد,قومي وانا امك امسحي دموعك وضبطي مكياجك وروحي لرجلك اللي يمديه ينتظرك على نار سمر:.... اصاله: قومي وانا امك قامت سمر وهي تحاول تنسى وتسمع لنصيحة اصاله,,وتعتبر انه مافي شي صار .. قامت وحاولت تصدق انه تسجيل مُغرض ولايعني شي.. قامت وهي تحاول تنسى اللي صار قدام الناس ... وتحاول تفكر بالانسان اللي حبته بكل مافيها ... راحت مع محمد الفندق بهدوء ولاجابت سيره عن اللي صار..ولاكأن فيه شي صار اليوم الأول كان صعب.. والثاني بدت تنسى من فرحتها بحبيبها اما اليوم الثالث فهي فعلا نست ..وكل اللي يهمها حبيبها اللي قدامها وصار لها وصارت له؟ ::::::::::::::::::: بثالث يوم تدق فوزيه على فاتن.. فاتن وهي مالها خلق: هلا بالعروس فوزيه:فتون الله واكبر عليك كل ذا يصير ولاتقولين لصديقتك فاتن:وش صار؟؟وش فيه فوزيه:سوي انك هبله ولا انتي فاهمه شي. فاتن وهي تحك راسها :فوز وش السالفه؟؟ فوزيه:اللحين تدرين ان محمد بيتزوج سمر ولاتقولين لي بلعتها,لكن اللي سويتيه فيها وما تقولين لي ... هذه كبيره فاتن:ها!! اا انا وش سويت فوزيه:يوه على الهبل اللي مايليق عليك,بس تدرين بنت ابوك كفوها وتستاهل,اصلا انا لو مكانك يافتون كان حرقتها وحرقته مو بس خرّبت زفتها ""فاتن هنا شرد ذهنها و تذكرت.. يوم طلبت من بدر يوديها على قصر الافراح اللي بتقوم فيه ليلة سمر.. وتتذكر شعورها بالانسكار والخيانه والقهر والغضب.. وتتذكر يوم فصخت طقمها وطلّعت من بوكها المبلغ اللي عطته المسؤله عن الزفه عشان ترضى انها تاخذ منها جوالها اللي فيه التسجيل وتشغله بنص الزفه" فوزيه: هي وين رحتي؟؟؟ فاتن: ها ااا انا معك فوزيه:طيب وش راح تسويين بعد ,قولي لي وانا اساعدك افا عليك فاتن:وش بسوي ,ماراح اسوي ولا شي اصلا خلاص لاسمر ولامحمد يهمني فوزيه:اما خلاص بتسكتين فاتن:اه يافوز ابي افهم في عروس بالدنيا تدق على صديقاتها تسولف ثالث يوم زواجها؟؟؟ فوزيه:ههههههههههه ايه انا ماصدقت ان الحبيب طلع ..واللحين بدق على الحضرميه اللي جوالها مشغول ماادري تكلم من؟؟ فاتن: لهالدرجه ماتبين شي يفوتك فوزيه:أي افا عليك,اصلا انا توني مااخذت الاخبار الكامله فاتن بابتسامه:والله انك عجيبه فوزيه:اوكي اكلمك بعدين وبقول لك عن شعور سمر يوم خربت زفتها ههههههه فاتن: اوك احطي فوزيه:ههه طيب باي قفلت فاتن وتمنت انها ماردت ولاتذكرت اللي صار ...مع ذلك حاولت تكذب وتبين لنفسها انها قويه وانها تخطت مرحلة الحزن.. وقامت تقعد مع اهلها ولكن.. جسد بلا روح.. جسد بلا مشاعر.. جسد بلا استيعاب.. ::::::::::::::::: ببيت جارح راحت خلود للمجلس تنادي جارح للغداء ووقفت يوم سمعت صوته.. هادي.. ناعم .. ذايب.. صوت عاشق .. صوت ماقد سمعت جارح يتكلم فيه.. لِين وضعف..ماقد توقعت ان جارح ممكن يتصف فيه.. سمعته وهو يقول... - ليه ياقلبي بس؟؟ - لو بيديني اللحين ماكان جيتك يعني؟؟ - ومن قال ؟؟ - بالعكس ,لكن وش اسوي عندي هالمصيبه هنا ,ولااني قادر اتحرك مثل اول - ليه؟؟ - اكيد - يعني اكيد - خلاص يابعدهم -انا بسفرها بعد شهر ونشوف - ههههههه افا!!! من متى انا اكذب عليك؟؟ رجعت خلود خطواتها الثقيله لورا..وهي تحس انفاسها تثقل عليها ,وماحست غير بدموعها المالحه ماخذه مجراها على خدودها .. رجعت وخذت معها انكسارها ..وكرامتها .. ودخلت غرفتها وقفلت الباب عليها وهي تفكر بأنين وانه جا الوقت اللي تمتلك فيه مثل جراءتها وتنهي حياتها بيدها وتلحقها.. ::::::::::::::: وهنا بعد ..كان فيه اتصال من فوزيه لــ اريج: ههههههه اللحين بتخلصين من هالاستهبال وتقولين لي وله لأ فوزيه:وش تبيني اقول لك؟؟ اريج:ابـــــــــــــــاي على اللطع ...قولي لي وش صار وش سويتوا؟؟ فوزيه:ههه استحي اريج:اف ياالله عليك يافوز مايليق عليك هالحركات تكلمي وش صار؟؟ فوزيه:طيب وش تبيني اقول لك ,اسئلي وانا اجاوب اريج:قولي لي من البدايه يوم دخلتوا على الفندق وش سوا ,وش قال فوزيه وهي تظبط قعدتها :اه يااروجه وش اقول وش اخلي..اسمعي ياطويلة العمر ...اول مادخلنا الفندق وانا قلبي احس نبظات الفرح فيه تحولت لخوف قام و ماجد:فوزيه فتحت عينها فوزيه وتلتفت وهي تشوف ماجد وراها: ااا ماجد ,متى جيت ماجد:ممكن اكلمك شوي اريج:هههههههههههههههه فوزيه بصوت واطي: الله ياخذك .. اريج:هههههههههههههههه فوزيه:اا خلاص اروجه اكلمك بوقت ثاني اريج:ههههههههههه خلاص ههه اوكي فوزيه:الله ياخذك اريج:هههههههههههههههههههه� �ه فوزيه:باي اريج:باي ماجد بصوته الهادي: تعالي اقعدي جنبي قربت له فوزيه وجلست:نعم ماجد:كنتي تكلمين صديقتك؟ فوزيه:احم..ايه ماجد: وش كنتي بتوصفين لها؟؟ فوزيه وبدت تحمر :ها ؟؟ انا اا ماكنت بوصف شي ماجد وهو يناظر لعيونها: فوزيه ابي اقول لك شي.. فوزيه:.... ماجد:اذا تبين علاقتنا قويه دائم ,ومشاعرنا صافيه لبعض.. لازم اللي بيننا يضل بيني انا وانتي فوزيه:احم انا ماكنت بقول شي ماجد:فوزيه.. فوزيه:.. ماجد:ماله داعي الكذب,انا ماراح الومك لكن ابي اوضح لك ..فإسمعيني فوزيه:نعم ماجد:اللي يصير بيننا كزوجين يخصنا انا وانتي ,أي شخص ثاني ماراح يهمه ولاراح يخصه من الاساس,والمفروض تكونين بير لسري مو العكس فوزيه:.... ماجد:حبيبتي..اوعديني فوزيه:ها ماجد:اوعديني ان اسرارنا مااحد يدري بها,وعطيني الامان انك تكونين مخبأ لخصوصياتي "فوزيه وهي تفكر بانها ماتقدر" ماجد:ههه وش فيك؟؟ لهالدرجه صعب عليك هالشي!!! فوزيه:لا مو كذا ماجد:اجل؟ فوزيه وهي تتخيل نفسها تقول للبنات "مااقدر اقول لكم": ان..يعني..امم ناظرها ماجد بإستغراب:... فوزيه وهي خايفه ياخذ عنها فكره:امم خلاص اوكي ماجد بشك:اكيد؟ فوزيه:ها..اممم ايه ان شاء الله ماجد بابتسامه وهو يبي يحرجها:اوكي ممكن اللحين توصفين لي اللي كنتي بتقولين لها اياه فوزيه حمرت وتحس انها مدخنه من الاحراج:... ماجد:ههههههههههههه فديت اللي يستحون انا قامت فوز من عنده وهي بقمة احراجها. :::::::::::::::::::: اما هنا العرسان الثانيين ..بالفندق عند سمر ومحمد تحديدا... كانت سمر طايره من الفرح برغم كل اللي صار.. كل تفكيرها كان انها ارتبطت بمحمد وان فاتن انتهت من حياتهم .. تفكر بانه تحقق كل اللي خططت له وتعبت بتنفيذه.. محمد وصار لها ..فاتن وصارت من الماض.. وهي هنا تمتع عينها باللي حبته وضحت بصداقاتها وضميرها وقلبها عشانه .... كان محمد مسرح يوم قالت بهدوء سمر:حبيبي محمد وهو ينتبه لها:هلا بأحلى عروس سمر:وش فيك؟ محمد:ابد مافيني شي ,امم وش هالزين كله .. وش هالحلى سمر:... محمد وهو يقرب الكيس اللي شراه: شوفي قلبي جبت لك هديه ابتسمت سمربخجل:ثانكس محمد:لأ اللحين افتحيها سمر:اللحين محمد:ايه سمر بفرح :اوكي محمد وهو يضمها :ها وش رائيك؟؟ سمر:... محمد: وش فيك حبي!! شميه " شمت سمر العطر اللي مو غريب عليها..و تذكرت ان هالريحه هي عطرها .. ايه عطر فاتن محمد:وش رائيك فيه؟ "ناضرت سمر محمد وشافت فرحته وناظرت للعطر وحست بالقهر... لكن ماكانت تقدر تبين انها تعرف ان هالعطر عطر فاتن" محمد : حبي يله رشيه عليك ودي اشمه من زمان عن هالريحه "ناظرت سمر لعيونه وتأكدت بانه يشوفها فاتن,ويتخيلها فاتن,وانه تزوج فاتن ماتزوجها هي" محمد:وشفيك حبي ليه ساكته سمر بضيق:حبيبي انا مااحب احط عطر قوي مثل كذا الا بالزواجات محمد:ماعليه بس رشه وحده مو اكثر سمر اضطرت تبتسم: بس ريحته قويه محمد:حبي عشان خاطري "اضطرت سمر بعدها انها تحط منه" محمد وهو يقرب منها ويستنشق من ريحة محبوبته:اه يااني احب ريحته سمر: وطيب انا ... تحبني؟ محمد وهو مغمض عينه وهو ضامها ويفكر بفاتن:ايه احبك احبك احبك سمر: حبيبي اطلب منك طلب محمد:انا عيوني لك سمر: لاعاد تناديني غير سوسو محمد وهو يفتح عينه على واقعه :ها .. سمر: بليز حبي لاتناديني غير سوسو, سمر بس لاتناديني بغير اسمي محمد:.... سمر:ابيك تخصني باسم ماقد ناديت احد فيه قبلي محمد:اوكي احلى سوسو شي ثاني؟؟ سمر: سلامتك ياقلب سوسو محمد:اه سمر:ليه ياحبي الآه محمد وهو يقربها لها اكثر ويشم من العطر اكثر :ابيك سمر:حبيبي انا لك محمد:ابيك سمر وهي تحس بشي مو طبيعي: محمد محمد:همم سمر: انا احبك حمودي واموت فيك ..ولا اقدر اعيش بدنيا غير اللي انت فيها محمد:اه سمر:حمودي انا ماابيك تحب غيري ,ولاابيك تجرحني..انا والله العظيم احبك حب جنوني ومو طبيعي ومن بعدها لازم نطلع ونقفل الباب على العروسين . ::::::::::::::::: اما هنا بالقلب المعلق وببيت اهل فاتن فاتن بصراع بداخلها.. كل ماقالت مايهم..تذكرت سمر.. ضحكتها .. اسرارها.. اخوتها.. وتحس بطعم الخيانه المر.. وكل ماقالت لازم تِقوى.... تخونها القوه و تتذكر محمد .. تتذكر انه صار لصديقتها .. كلامه الحلو صار لها.. نظرته اللي تحبها صارت لها.. كلامه الممتع يوجهه لها .. تحس النار تشب بصدرها ولاتدري وشلون تنسى .. الباب يدق ويدق ويدق.. لين دخل بدر وولع النور.. بدر: سلامات ياابو الشباب وش عندك نايم لبعد العصر؟!! فاتن: اا لا مااني نايمه بدر: شوفي وجهك وشلون مفقع نوم ههههههههههه قومي يله من على هالسرير تقول مريضه ابتسمت له فاتن :ووش تبي؟؟ بدر :اليوم اجازه وقلت قم ياولد ود اختك حبيبتك السوق.. تقضى وتتدلع وتغير جو فاتن: لا أي سوق ,مالي مزاج ابدا بدر: اما!! من جدك ,سوق هذا سوق... ماتبين تروحين!!! فاتن:.... بدر:يله انا مصر امشيك اليوم..قومي فاتن: اموت واعرف وش عندك مصر انك تطلعني من البيت بدر:هذا جزى اخ يحب اخته, ويبيها تسوي الاشياء اللي تحبها,وتغير جو الكئابه اللي رجع لها فاتن:لاااااا علي انا بدر:إحسني النيه يافتون فاتن:انا اعرف مقدار كرهك للسوق باللذات ..وش عندك يابدير؟؟ بدر:ولا شي بس اا نبي نطلع نتمشى فاتن: وش السالفه وش موضوعك؟؟ بدر:انا لا ولا شي وش عندي "فاتن وهي تناظره بنص عين" بدر:ههههههههههه طيب نتمشى واقول لك. فاتن بضيق:امري لله نروح السوق ونشوف وش عندك يابدر بدر:ههه بتعرفين.. بس ابيك تروقيــــــن قبل ..يله فاتن: طيب على بعد المغرب بدر:اللحين بيأذن المغرب ياحلو ,,معبال تقوم وتفرفش وتنعنش وتكشكش فاتن: هع وش اكشكش بدر:تسوين كدشك ذا اللي والله ماادري وشلون تمشطينه "فاتن ناظرت لبدر بحب وابتسمت ,وقرب لها بدر وشالها دخلها على الحمام وطلع." ::::::::::::::::::::::::: المستشفى دخلت الحرمه اللي نادتها داليا وهي بعمر الخمسين للدكتور تشكي له حالتها وكانت معها بنتها الفاتنه بعمر 14 سنه..كاشفه وجهها وحاطه مكياج خفييف وعبايتها لافته بشكل كبير كانت تكلم بالجوال وتقول: ههه ليه البنات ماراح يجون؟؟ - اخاف نمل بالحالنا - طيب من بيكون فيه؟؟ - واو خلاص اجل مري علي - ههه طيب - اسمعي الاستراحه قريبه وله بعيده ؟؟ - هه خلاص اجل بنفلها - اوك ..باي كل هذا وداليا ماشالت عينها عن البنت وقربت لها وهي تقول.. - مرحبا البنت: اهلين.. "ووجهة نظرها للدكتور" هادكتور كيف ماما؟؟ د/احمد: تعرضت لجو بارد ,,بس بسيطه ان شاء الله داليا: انتي وش اسمك؟ البنت:انا مها,وانتي؟ داليا:انا داليا البنت:تشرفنا ,انتي سعوديه؟!! داليا:ايه ..اقول مها مها:هلا داليا:صديقتك هذه اللي كنتي تكلمينها قبل شوي؟؟ ناظرتها مها باستغراب:ايه ليه داليا:ابد بس سمعت انك بتطلعين معها لإستراحه لحالكم ,وحبيت اقول لك شي مها:!!!!! داليا: ابي اقول لك ان الثقه هالايام لازم نحتفض بها شوي, وانه مااحد يستاهل نعطيه الامان او نثق بأفعاله مها:سوري بس انتي وش دخلك؟؟ داليا: انا انسانه جربت الخيانه وكان ودي اقول لك ان طعمها مر وقاسي مها بإستخفاف:خلصتي؟؟ سكتت داليا وهزة راسها مها: طيب حلو,يله ماما نروح الصيدليه امها:اصبري شوي الله يصلحك. مها:اقول دكتور د/احمد اللي يعطي امها الوصفه:نعم؟ مها: هذه اللي معينها عندك مشرفه اجتماعيه ؟؟او ممرضه؟ د/احمد: كيف؟؟ مها: قول لها لاتدخل بشي مايخصها وتقوم بشغلها وبس داليا اللي تضايقت منها: قلبي اللي قلته لك لمصلحتك, وانتي لك الخيار تسمعينه او لأ مها:ههه سوري بس ..هذه اسمها لقافه د/احمد اللي مو فاهم شي: داليا ممكن تنادي لي على المريض سالم محمد داليا:اوكي مها وهي عند الباب بدلع : باي دكتور د/احمد اللي كاره وقاحتها مع داليا:..... مها:ههههههههههه طبيعي تزعل "حرك راسه احمد بالاستنكار وسكت على غبائها وكتب ملاحظاته بالملف..وهو يسمع لصوت ضحكها من السيب." :::::::::::::::: نروح للسوق وجنونه.. وبمحل بيع الساعات تحديداَ فاتن:طيب بكم هذه؟ البائع:دي عليها عروض حضرتك سعرها الاصلي 5000 وبعد الخصم ب3050,تحبي تقربيها بدر:لا بعد لبسها لها وش رائيك فاتن:يوه يابدر اهجد ولا تقعد تسوي لنا افلامك "ناظر البائع لبدر بإستغراب" بدر: لايعني عادي اللي يقوله ياالاخت فاتن: بدر اف بدر:ماتشوفينه وشلون ,امشي امشي مافيه شرى من هالمحل طلعت فاتن قبل لايسوي لها فضييحه قدام الناس: انت متى تبطل هالحركات؟؟ بدر:يعني ماتشوفيه اشلون شوي ويلبسك اياها فاتن:والله انه ماسوى شي.. ومحترم ويتكلم بكل احترام بس انت فيك عفريت غِيره بدر وهو يهدي نفسه:شوفي محل يبيع فيه غير الهنود ماتدخلين سمعتي فاتن:اصلا مستحيل ادخل ولا مكان خلاص ,انا طول عمري مااحب اصلا انزل معك السوق بدر:احسن فاتن:تدري شلون رجعني البيت بدر وهو يتذكر:لا وش ارجعك البيت فاتن:خلاص مليت بدر:اوما مليتي يالنصابه,ادري زعلتي بس مفروض انك تعودتي خلاص فاتن:مااحد يتعود على الفشله قدام الناس يابدر بدر:ههههع خلاص ماعليه ,يله نروح نتعشى باي مطعم تبينه فاتن وبإستهزاء:وش رائيك نروح بعد مطعم هندي؟ بدر:ههههه اذا تبين ايه ماافيه مشكله اكلهم لذيذ على فكره فاتن:تعرفني مااحب الحار بدر:خلاص اللي تبينه فاتن:يااخي في شي غريب "اللي تبينه,اوكي,حاضر ,"لا لا هذا مو انت فيه شي بدر:صراحه فيه موضوع وابي اكلمك فيه لي يومين بس كنت اشوفك ماانتي رايقه,وش فيك؟ فاتن:اا لا انا مافيني شي ,قل موضوعك وش عندك تبي سلف؟ بدر:هع فاتن:او ممكن تبيني اشوف لك بنت الحلال؟ بدر:لا عاد هذه كثري منها فاتن:اجل بدر:بعد مانتعشى ونشرب لنا كفي نروق ,و اقول لك ::::::::::::::::::::::: بيت اصاله اصاله: محمد!!! محمد:ههه ايه محمد يمه مو عفريت "وحب راسها" اصاله:ههه بسم الله عليك ياقلبي لكن غريبه ووين زوجتك بالفندق؟؟ محمد:ايه نامت وانا ماقدرت اغفى لأن الكلام اللي ابي اقوله مو راضي يروح عن بالي اصاله:أي كلام حبيبي؟؟ محمد:اه يمه اه اصاله:سلامة قلبك من الاه وش فيك ياقلب امك؟؟ محمد: يمه لي 3 ايام مو قاد افكر غير باتصال فاتن اصاله: لاحول ولاقوه الا الله محمد: يمه انا احبها وابيها هي,والله ماابي غيرها اصاله:خلاص هالكلام اللحين ماعاد ينفع ,كل شي انتهى وانا امك..انت اعرست وفاتن مطلقها وبالثلاث محمد:يمه وش مطلقها بالثلاث !! اصلا الشيخ قال بانه ماينفع اطلقها ثلاث طلقات اصاله: وشو؟؟ محمد:ايه الشيخ قال لي طلق وحده,وانا اقدر ارجعها بس بعقد جديد اصاله:يعني!! والمطلوب؟؟؟ محمد:ابيك تكلمينها لأنها غيرت رقمها ,وابيك تقولين لها اني ابيها اصاله:.... محمد:يمه انا اكلمك اصاله:مو كلامك كلام مو صاحي, انا ماادري انت مهبول وله انجنيت ؟؟؟ في احد بالدنيا معرس له ثلاث ايام ويفكر بالزواج مره ثانيه؟؟؟ محمد:يايمه انا قلبي متعلق بفاتن ,ولاانا قادر اعيش بدونها اصاله قلبت وجهها:... محمد كمل: يمه في احساس انا مااني قادر اصيطر عليه,وفيه شي يخصها هي مايخص غيرها اصاله:استغفر الله العلي العظيم محمد:يمه تكفه كلميها اصاله وهي تناظر لولدها اللي يوجعها قلبها عليه: ياحبيبي فاتن مستحيل ترجع لك محمد:ليه يمه ليه؟؟ليه تقولين كذا؟؟ اصاله وهي تتذكر ان سمر صديقتها:اا محمد:ايش؟؟ اصاله: لأن اا فاتن قالت لي محمد:يمه في شي صح؟؟ اصاله:لا ابد مافيه الا العافيه,رح وانا امك لزوجتك ,لاتخليها لحالها الوقت متأخر محمد:يمه,ليه ماانتي راضيه تريحين قلبي؟؟؟ اصاله:... محمد:طيب عطيني رقمها الجديد اكيد انها معطيتك اياه اصاله:محمد ولاتفكر تدق على البنت او تكلمها محمد:طيب وش الحل ؟؟ اصاله: الحل انك تعيش حياتك بعيد عن فاتن,وتفكر بزوجتك وبس محمد:هذا اخر كلام عندك اصاله:.... "عرف محمد ان امه ماراح تساعده وفكر يكلمها بس بوقت ثاني ,عشان تفهم اصراره وحبه لها " ::::::::::::::::::::::: يتبع....... | ||||
|
| |
|
05-02-14, 09:55 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تابع...... بعد ماتعشوا بدر: فتون وشفيك الأيام اللي راحت؟ فاتن:... بدر:مافيه غير صديقتك داليا اكيد هي اللي مضيقه صدرك,انا لو منك اقطع علاقتي فيها فاتن:هههع داليا.. بالعكس ,بقول لك شي يابدر داليا هذه علمتني ان الصداقه بهالايام نادره,وان اللي يلاقي صديق مفروض يمسك به ويخبيه عن عيون الناس بدر:الله واكبر وش هالفلسفه فاتن:من جد ,مو كل شخص نعرفه مفروض اننا نقول عليه صديق بدر:والله يااختي شكلك ماخذه على راسك صح فاتن:هههع انا اخذت اقوى مقلب بالدنيا ومااتوقع في بحياتي شي اصعب من اللي عرفته خلاص بدر:ياحليلك يااختي هذا وانتي ماشفتي شي بالدنيا فاتن:.... بدر:وين رحتي وش اللي ماخذ عقلك؟ فاتن:اااانا ولاشي انا معك,تدري في سؤال انا من اول ابي اسئلك اياه وناسيه بدر:وش هو؟ فاتن:انت غيور غيره غبيه اسمح لي يعني ,مع ذلك خليت صديقك بتركيا يركب معنا ويودينا ويجيبنا ,ليه غريبه بدر:هههع شوفي نايف هذا من بداية شغلي لليوم وانا معه ,اعرفه اكثر مما تتخيلين ,اغلب سفراتي بعد كاانت معه ,عمري ماشفته يغلط او يتمادى حتى ولو بنضره.. تصدقين .. نايف من الاشخاص النادرين اللي شخصيته ببلاده مثل شخصيته واحترامه لعاداته وتقاليده وهو بره فاتن:اف كل هذا تعزه بدر:طبعا ,وممكن بالكلام عليه بتخليني ادخل الموضوع اللي ابيك فيه فاتن:ها الله يستر من موضوعك بدر:موضوعي هو الخير بحد ذاته,اسمعي وانا اخوك,انتي تدرين قد ايش اغليك وابي مصلحتك واخاف عليك فاتن:هع وش الشسالفه ياابو الشباب؟ بدر:ماامزح انا اتكلم جد فاتن:اوكي انا معك على الخط بدر:صراحه جاك عريس وانا مستحيل اتمنى لك واحد اقل منه فاتن:.. بدر:شوفي انا ماابيك تتسرعين او ترفضين وتتمسكين بالماض,صدقيني فتون هالعريس راح يسعدك ويحافض عليك ويحترمك فاتن وهي تتذكر زواج محمد من سمر: عريس بدر:والله انه من افضل الناس اللي اعرفهم واصلح الرجال لك فاتن من غير ماتناظره وبعد تفكير بسيط :اوكي وقف بدر من الصدمه انها وافقت بهالسهوله,ويوم انتبه لنفسه جلس وهو مستانس:يعني موافقه فاتن وهي تضحك على شكله:امم مو انت توك تقول لازم ماافكر بالماض هذا اللي بسويه,انا لازم اكمل واعيش حياتي مثل ماغيري عاشها بدر:فتون من جد تتكلمين ,ترى بدق على الرجال واقول له موافقين فاتن وقلبها يوجعها :انا عطيتك كلمتي بدر فرح:والله انك فهده,بس تدرين لو داري انك بتوافقين بسهوله,كان ماوجعت رجلي بهالاسواق واللف والدوران فاتن وتبي تخفي حزنها: يعني مو لله توديني السوق بدر:ههه بس انتي ماسئلتيني شي عنه فاتن:دامك متحمس له فأنا اثق بأنه مثل ماقلت بدر:عموما هو نايف ,طلعت زوجته متوفيه بولادة ولده,وبالنسبه لأخلاقه فانا قلت لك شخص محترم وواعي ومثقف,حتى ماديا مرتاح,,فتون انتي معي؟؟ فاتن وهي توها تنتبه له:ها ايه معك بدر:والله ماانتي معي يالنصابه ,قومي بس خلنا نمشي,واقول لابوي وامي فاتن:أي ابوي وامي يمديهم بسابع نومه بدر:والله من الفرحه ماانتبهت للوقت ::::::::::::::::::::::: ثاني يوم دخل لبيته وهو مستغرب الهدوء اللي فيه..حتى التلفزيون اللي ماكانت تقفله مايسمع له حس.. دخل يدور عليها بكل مكان لين لقاها بالمطبخ.. واقفه ومعطيته ظهرها ولاتتحرك.. كان يشوفها ويحاول يعرف وش فيها واقفه بهالشكل.. اما هي كان تفكيرها كله تبي ترتاح.. تبي تموت.. تبي تنهي حياتها وتنهي كل الاهانات اللي تعرضت لها.. تبي الجراءه تجيها وتقدر تغرس السكين اللي ماسكتها بصدرها... وكانت تعد واحد اثنين ثلاثــ جارح: خلود؟؟ "فكت خلود من الفجعه السكين من يدها وطاحت بالارض" قرب جارح ورفع السكين:وش كنتي بتسوين بها؟؟ خلود:ها جارح:وش كنت تسوين بالسكين؟؟ خلود:ولاحاجه كنت افكر ايش اطبخ جارح:واول شي تسوينه هو انك تمسكين السكين!!! خلود وهي تناظر لملامحه:جارح جارح وهو يبعد عينه عنها:وش تبين؟ خلود:اذا مت راح تفتقدني؟ جارح:هههههههههههههه سبحان الله من جد ناقصات عقل ودين خلود:... جارح:اقول ابدي اطبخي بس بلا كثرة حكي خلود وهي منقهره من بروده: مالي نفس اطبخ جارح: ها يا اخت خلود!!! وش عندك ماتبين تطبخين؟؟ خلود: تعبانه جارح:ههههههه اقول اطبخي بسرعه لأحط السكينه هذه براسك خلود: جارح انت ليش بتعاملني كدا ؟؟؟ جارح:بدينا الموال البايخ"وجا يطلع فمسكت ذراعه خلود وهي تقول" - مين الحرمه غيري اللي بحياتك؟؟ ليه ماتكلمني زي ماتكلمها وتحترمني زي ماتحترمها.. جارح:وش فيك انتي انجنيتي!!! خلود:انا ماانجنيت انا سمعتك باذني تكلمها ,سمعت الضعف اللي بصوتك ..سمعت مقدار حبك لها..سمعت قد ايش بتحترمها وتعمل لها حساب جارح وهو يناظرها بتهديد: انا كم مره اقول لك لاتقربين من المكان اللي انا فيه ها؟؟؟ خلود وبدت تخاف: طيب قول لي من هي ؟؟ جارح وهو يمسك ببلوزه خلود: هذه اللي تسواك وتسوى عشره من امثالك.. هذه اللي ابيع الدنيا كلها لرضاها.. هذه اللي تسكن بقلبي وانتي ماتجين عبده لها خلود وهي بقمة انهيارها:خلاص اسكت جارح: مو انتي تبين تعرفين من هذه انا بقول لك من هذه خلود:خلاص ماعاد ابغى اعرف حاجه ,كفايه جارح: مره ثانيه إما تحسبين لكلامك حساب او تنطمين ولاتسئلين "خلود تحس انها مو قادره توقف من الضعف والقهر والاهانه والصدمه" جارح وهو طالع من المطبخ:اسمعي..مره ثانيه يوم تسمعيني اكلمها ,تطسين وتبعدين عن المكان اللي انا فيه فاهمه وله لأ خلود:... جارح بصوته المخيف:سامعه خلود وهي تحاول تصيطر على شهقاتها:.... جارح وهو يناظرها بكره علا صوته: سمعتي وله لأ؟؟ خلود وبقمة بكاها:اا طيب جارح: حريم هم ,حريم اخر زمن. ::::::::::::::::::::::: الفندق سمر وهي تناظر لمحمد بحب :حبي محمد:هلا سمر:ليه ما احس بأنك مبسوط ؟ محمد:اا انا!! بالعكس سمر: يعني اكيد مرتاح معي؟ ضمها محمد:ايه اكيد سمر:تدري حبيبي وش اتمنى؟؟ محمد: وش تتمنين؟ سمر:ودي الله يرزقني بأول مولود ولد محمد:وليه يعني؟ سمر:ابيه واحد مثلك ..ياخذ صوتك وطيبتك وحلاوتك بعد محمد:يعني مايكفيك محمد واحد سمر:انا لو عندي منك 9 من صلبك ومثلك ,مايكفوني من حبي لك محمد:نضريه عجيه للحب سمر:لأ حبيبي محمد:وشي سمر:هذا ماهو بحب والله اني اعشقك محمد قام يناظرها يدور بملامحها ملامح :اكــــــــــــيد سمر:ايه محمد:اكيد سمر:ههههه ايه محمد:اكيد سمر:ههههههههه وبعدها لازم نقفل على العرسان الباب :::::::::::::::: وبالمستشفى بنهاية الدوام د/احمد:يادينا وين الكتاب اللي كان هنا؟ داليا: داليا يادكتور داليا د/احمد:طيب فين الكتاب داليا وهي تحك اذنها:اممم الكتاب؟ د/احمد:ايوا الكتاب؟ داليا:صراحه اخذته امس عشان اقراه ونسيته بالبيت د/احمد:ايوا ومن اذن لحضرتك تاخديه داليا:امم صراحه عجبني موضوعه واخذته ,سوري ماعطيتك خبر د/احمد:كمان مو تاخدي اذن لأ حتعطيني خبر داليا:... د/احمد:خدي الملفات دي وديها داليا:اوكي.."وقبل لاتطلع" دكتور د/احمد وهو يفتح لكتابه الثاني:نعم داليا:خلاص بكره بتجي ممرضتك؟ د/احمد بلا مبالاة:ان شاء الله "ورجع يقرا بالكتاب" داليا انتضرت يقول شي بس لقته مندمج مع الكتاب ومو معطيها أي اهتمام..وكأن فراقها مايفرق عنده... فطلعت تودي الملفات, وهي مقهوره من بروده ::::::::::::::::: وبعد شهر.. مرت فيه الصعوبات بذكريات صعبه ومؤثره.. وبعد مامرت غصات ثقيله على القلب.. وبعد ماانكشفت بعض الأقنعه... وبعد شهر من احداث بدت تطور وتاخذ شكل جديد تعالوا شوفوا وش صار... :::::::::::::::::::::::: بيت اصاله دخلت سمروهي طايره من الفرح للبيت دورت على اصاله ولقتها بغرفتها.. دخلت وهي بقمة السعاده : خاله باركي لي اصاله:مبروك لكن على ايش؟ سمر:توني مخليه السواق يوديني المستشفى وقال لي اني حامل اصاله:ماشاء الله مبروك ياقلبي الف مبروك ان شاء الله سمر:الحمد لله ياربي ,بس تكفه خاله لاتقولين لمحمد ,انا راح اقول له اول مايجي,هو يمديه اللحين على وصول اصاله: ان شاء الله سمر:الا وش هالفستان الحركه؟ اصاله:قاعده اقيسه لإن بكره زواج بنيتي فاتن,وامس ملكتها سمر بدهشه:فاتن ماغيرها؟ اصاله وبفرحه:ايه فاتن ماغيرها بتعرس وبزفها تستاهل بنيتي الا على دخول محمد:وش قلتي؟ اصاله: بسم الله الرحمن الرحيم انت متى دخلت؟ محمد بضيق: قلتي فاتن بتعرس؟؟ سمربدلع وهي تمسك بيده:حبيبي ووش تبي فيها تتزوج او لأ وش فرقت؟ محمد:اصبري ياسمر ,يمه فاتن بتعرس؟؟ اصاله:صادقه زوجتك,انت وش دخلك؟ محمد وهي واصله معه: وبعدين معكم اكيد يهمني ,اللحين من جد بتعرس؟ سمر بقهر :محمد ليه يهمك امرها ,وش تبي فيها!! محمد وهو يصرخ:قلت لك اسكتي,يمه فاتن مفروض ماترتبط بغيري سمعتي "وطلع من البيت" اصاله:الحمد لله والشكر هالولد ذا انجن سمر وهي واصله معها : ابي افهم وش سوت فيه هالفاتن سحرته وله وش الشسالفه اصاله:سمر لو سمحتي الا فاتن ,تراها بنتي ولا ارضى عليها سمر وهي تطلع من الغرفه:استغفر الله انا الاقيها منك ولا من ولدك ذا المسحور اصاله:لاحول ولا قوة الا بالله "اما سمر شبت الغيره بقلبها وبدت تحرقها باللذات انها تدق على محمد ولايرد عليها, حست بغيض يمتلك قلبها ويوم فقدت الامل انه يرد عليها... دقت على فاتن" ::::::::::::::::::::::: اشتاقت له ,اشتاقت للكنته الحجازيه واشتاقت تسوي له القهوه وتقدم له اياها بابتسامتها, اشتاقت غلطه بإسمها واوامره العصبيه... اشتاقت تشوفه كل يوم ..وتتكلم معه كل يوم .. ولأن دوامها رجع بالصبح ماصارت تشوفه ولا تتقابل معه حتى لو بالصدفه,اخذت الكتاب اللي له شهر وهو عندها له وراحت تودي له اياه بوقت دوامه.. راحت وكلها شوق كلها حماس كلها سعاده انها بتشوفه وتكلمه.. راحت وكلها امل انه يشوف حبها له بعيونها ويحسه راحت له وكلها اماني انه يحبها ويعترف لها بحبه,, وصلت لمكتبه وقلبها تزيد دقاته ,حاولت تخفي ارتباكها وتبتسم مثل عادتها دقت الباب ودخلت ,, توقعت انها دخلت مكتب غلط وطلعت تشوف رقم الغرفه لقتها هي,,دخلت مره ثانيه وتقول: مرحبا ,مو هنا مكتب الدكتور احمد؟؟ الدكتور: الا لكن هو مسافر له اسبوع اللحين داليا وبصدمه:مسافر!!! الدكتور:!!!! داليا:طيب ماتدري اذا كان راح يرجع؟؟ الدكتور:لا والله ماعندي خبر داليا:طيب شكرا "طلعت من المستشفى وهي بقمة الضيق,عكس ماجات تحس بأنها خسرته ,كانت تتمنى انها استغلت جرائتها وبينت له اعجابها ,كانت تتمنى انها خذت رقمه ودقت عليه, حست انها فقدته ولا راح تشوفه مره ثانيه. ::::::::::::::::::: السوق فاتن بإنزعاج:عيووش عائشه:هلا فاتن وهي تناضر بجوالها:هذا رقم سمر عائشه:هذيك الخسيسه ماغيرها فاتن:اي عائشه:لا تردين فاتن:ماراح ارد بس غريبه داقه عائشه:لا غريبه ولا شي تلاقينها داقه تعتذر او انها تبي تبارك لك فاتن وبصدمه:شوفي هذا رقم محمد اللحين عائشه:محمد!! وهذا كيف وصله رقمك الجديد؟؟ فاتن:اكيد خذاه من جوال اصوله ,اصلا كل ماغيرت رقمي خذاه منها من غير ماتدري عائشه:هذا جد قليل حيى فاتن:غريبه داق هو وسمر بنفس الوقت,اكيد فيه شي؟؟ عائشه:وش يهمك فيهم ؟ تعالي بس ان شاء الله نلاقي الجزمه هنا ونكون خلصنا فاتن بإنشغال بال: ممكن صار شي لاصاله؟ عائشه:انتي ليه قاعده تفكرين فيهم,حتى لو لأصاله لاتردين فاهمه,خلك منهم وشوفي اذا عجبك شي فاتن:.... عائشه: يله فتون ترى رجلي وجعتني فاتن:طيب طيب ::::::::::::::::::::::::: بيت جارح جارح:ياخلود,خلود خلود:نعم جايه جارح:وينك كل هذا انادي؟ خلود:كنت بالمطبخ,نعم جارح:جهزي اغراضك خلود:أي اغراض؟ جارح:جهزي شنطتك بوديك لأخوك ,لأن عندي سفره وممكن تطول خلود بفرح:طيب اللحين احضرها جارح:هي انتي وقفي خلود:نعم جارح:هو كم اسبوع وبأجي اخذك فاهمه خلود:طيب جارح:يله بسرعه خلود وهي تتذكر: جارح جارح: اف وش تبين خلود:ماينفع ااجل سفرتي لبعد بكرا جارح:لأ ماينفع لازم بكره خلود:الله يخليك,زواج فاتن بكره خليني احضروا وبعدها اسافر على طول جارح:انتي ماتفهمين ,بقره؟؟ قلت لك فاتن هذه انسيها لاتروحين لها ولاتجيك خلود:بس انت دق عليك ابوها ووعدتوا نحضر الزواج!! جارح:ليه لازم اللي يوعد ينفذ ؟؟ أاقول بس اقلبي وجهك وحضري اغراضك اخلصي,الفجر طيارتك :::::::::::::::::: جده بالمطعم وليد:مبروك الف مبروك خميس:الحمد لله ,انا من جد مااني عارف كيف اشكرك يااحمد د/احمد: لاشكر على واجب, تضل انت اخت الغاليه ربي يرحمها ,وانا مستحيل كنت اقدر ارفض لك طلب زي دا وليد:الحمد لله بالشراكه دي نقدرنرجع للسوق بقلب جامد خميس: الحمد لله احمد:عاد البركه بشطارتك ياخميس ,انا مااعرف شي غير بالطب خميس:لاماتشيل هم يالنسيب ,اعتبر فلوسك راجعه لك مع الارباح احمد: اكيد في ثقه يالغالي,يله دحين انا لازم ارجع الرياض وليد: من جد تعبناك معانا احمد: انا لو اقدر اخدم بشي اكتر من كدا ماكان قصرت خميس:والله عارف احمد:يله سلام وليد وخميس:مع السلامه "وبعد ماراح" وليد: احمد ربي انو قدرنا نقنعوا ودخل معانا خميس:الحمد لله ,اصلا لو ماوافق وربي كنت حفلس وليد:الحمد لله عدت على خير خميس:الحمد لله. ::::::::::::::::: بالليل تحاول تنام لكن عيونها تجافيها النوم وتعصاه, وتاخذ جوالها اللي حطته صامت من ازعاج محمد اللي كل شوي يدق وتلاقي رساله منه.. (فاتن اسمعي ,اذا تبين تقهريني او تتزوجين بس لأني سويتها قبلك.. فخلاص ,, حقك جاك وخليتيني على اعصابي ودمي يغلي وعرفت وشهو شعورك يوم انا اعرست .. كفايه ولاتتممين ليلتك وله ترى راح اتصرف بجنون ) "قرت الرساله وقلبها يدق مو بس شوق خوف بعد,, ويوم ماردت عليه ارسلها.." (مستعد اطلقها لو هالشي ماراح يخليك تتزوجين,تكفه ردي علي) انتضر ردها ولاجاه فأرسل (تدرين انا قد ايش احبك؟؟) بهالوقت انتهت فاتن من كتابة اللي تحس به وارسلت له (انا وانا شف كم صايره فيني الأنا انا تموت بشوفتك وانا تقول ابعد خلاص انا تخلص لحضرتك وانا تدور بك اخلاص انا تسامح زلتك وانا تزين خطاياك وانا تعبت من الأنا وصلتني لحد العنى ..وصرت ادور مابقى الين صبري علي بكى يكفي كذا.. انا تعبت من البكى اسمح لي تنساك الأنا واسمح لي انسى مابقى واعيش بعدك في هنى) قرى الرساله وثار جنونه يدق عليها كل ثانيه,ويحط حرته بسواقته وسرعته الجنونيه,وده يخرج من جسمه ويوصل لها ,وده يقابلها ,,, وده يسوي اشياء كثيره ومافيه غير سرعته المجنونه هي اللي يحط حرته فيها. مقهور.. ندمان.. مجنون هذه هي حالته... :::::::::::::: اليوم الثاني جده سميره:حبيبي ليه ماقلت لي انك بتجيب اختك الصباح خميس:زوجها دق علي امس وقال لي استقبلها في الماطار سميره:وايش جابها جده خميس:وانا ايش عرفني ياسمورتي ,حطي لي الغدا تراني جيعان ,وله ترى حاكلك سميره:اف خميس: ايش بك؟! سميره:حبيبي ولا حاجه بس انت عارف اخواتك الله يهديهم ومشاكلهم خميس:ماعليه ياقلبي استحمليهم شويا بقلبك الطيب سميره: وانا ايش اللي جايبني لورا غير قلبي الطيب؟؟ خميس:يسلم لي قلبك وكلك سميره:حبيي انت خميس:ممكن دحين تحطي لحبيبك الاكل سميره: ههه من عيوني ياعيوني خميس:تسلم لي عيونك وراحت تحط له على قومة خلود من النوم:السلام عليكم سميره :اهلا خلود:كيف الحال سميره:والله شوفة عينك اليوم بس مشاكل, على قدوم الحاضرين خلود قربت وسلمت عليها :... سميره:وخري خليني احط الغدا خلود:طيب ..اساعدك سميره:ساعديني بأني مااشوفك على السفره نزلت راسها خلود..ورجعت بثانيه ذاكرتها لسميره ومعاملتها السوقيه لهم ...لملمت ذاكرتها ورجعت للغرفه اللي كانت نايمه بها. :::::::::::::::: بيت فاتن داليا: ها كيف العروس,,تؤتؤ وش فيه وجهك تعبان فاتن بكسل:مانمت من امس داليا:هههه كل هذا توتر ها فاتن:اه ياليت داليا:اجل وش صار فاتن: محمد من امس وهو قاتلني رسائل واتصالات داليا: لايكون رديتي عليه فاتن: طبعا لأ داليا:ماعليك منه ,والله انه مايستاهل ضفرك ياحلو فاتن:... داليا: يله قلبي قومي خذي لك شور خلنا نروح المشغل فاتن:داليا داليا:عنونها فاتن:انا فكرت بكلام محمد ولقيته صح داليا:أي كلام ان شاء الله فاتن:اني بتزوج بس عشان اغيضه,وله انا ماودي لا بنايف ولا بغيره داليا: فتون فاتن:انا لازم انهي هالعرس "وخذت جوالها" داليا:بتدقين على من؟ فاتن:بكلم نايف واعتذر منه جرت عليها داليا وخذت الجوال منها :انتي صاحيه وله مجنونه؟ّ؟؟ فاتن:انا بصير مجنونه لو تممت هالزواج وانا قلبي مع محمد داليا:فاتن حبيبتي ,انتي قاعده تتكلمين عن واحد لعب بمشاعرك ولا اكتفى خانك وكان اخر همه انتي,قاعده تتكلمين عن واحد تزوج صديقة لك من غير أي احساس او تردد بأذيتك. وخلك من كل اللي قلته وقولي لي,ان كان يحبك من جد ليه ماتمسك فيك ولا طلقك؟ فاتن:... داليا:خلاص يافتون انسيه او اكرهيه عشان ترتاحين فاتن وتحس بخنقه :انا ضعيفه بحبه يادالي ,علمني الضعف وعودني عليه دالي:بس انتي عمرك ماكنتي ضعيفه ,لاتسمحي له يدمرك يافتون,انتي تستاهلين حياة جديده ببدايه جديده ,تستاهلين الفرح ياقلبي.. فاتن:.... داليا: اللي تحسين به طبيعي وراح تقدرين تتغلبين عليه,صدقيني وثقي بكلامي فاتن وهي متردده :وان ماقدرت احب نايف؟ دالي وهي تمزح:راح تحبينه,دام بدر حبه انتي بعد راح تحبينه اصلا ذوقكم خايس ذوقكم واحد فاتن ... داليا: الا طبعا ذوقكم بانكم حبيتوني,ههههههههههه هو الشي الوحيد اللي عليه الكلام تعرفين كل شي له استثناء,ويله قومي بلا دلع خلنا نروح :::::::::::::::::: بيت اصاله سمر بتوترها :خاله ماشفتي محمد؟ اصاله: من بعد الغدا لأ,ليه انتي ماتدرين عنه؟ سمر:انا مااكلمه من امس,واللي يقهر بعد انه ماجا اعتذر لي اصاله:الله يصلحه ويهديه سمر:اقول خاله انتي بتسافرين معنا بعد بكره؟ اصاله:والله ماكان ودي بس محمد حلف علي وللحين متردده,احتمال مااسافر؟ سمر ومو عاجبها الكلام:اها اصاله:بس لاتخافين انتم بتسكنون بفندق وانا اذ نزلت بنزل عند اعمام محمد ببيتهم سمر ارتاحت:ايه لأ عاتي حتى لو قعدتي معنا ترى مافيها شي اصاله:ههه لا زين اجل سمر:يعني مصممه تروحين زواج فاتن اصاله:انا مستغربه كيف انتي ماراح تحضرين؟ سمر:امم تعرفين فاتن عقلها صغير وتحسب اني اخذت منها محمد اصاله:لا اجل فاتن اللي عقلها صغير؟ سمر:إي اصاله:الا في سؤال من اول ببالي ممكن اسئلك اياه سمر وتتصنع الابتسامه: ايه اكيد اصاله:اللحين محمد كان يقول لي انك كنتي تكلمينه,بس هالشي بعد ماانفصلوا او قبل؟ سمر:ها اا لأ انا ماكنت اكلمه ,بس يعني بعد ماانفصلوا كان يقول لي انه يبي يجي يخطبني اصاله من غير تصديق:لا سمر وهي طالعه:أي ,يله عن اذنك بروح اخذ لي شور ::::::::::::::::::: اما بدر بعد ماانهلك من .. ودي فلانه, وجيب ووصل فلانه ولاتنسى علانه.. اخيرا رجع لبيتهم وجهز نفسه ولاصار يرد على أي اتصال لأن مابقى عنده وقت ولازم يجيب باقة فاتن وبعدها يروح للقصر يستقبل المعازيم... وفعلا طلع من البيت وشغل سيارته ولا انتبه ان محمد يلاحقه وبقلبه غيض وكره وغل من تفرقته عن فاتن... لحقه اللين وصل لمحل الورد وبعدها..قرر انه يغير خطته ومايأذيه هو بس لأ , يإذي نايف وبدر بنفس الوقت فنزل وفتح سيارة بدر اللي من استعجاله ماقفلها ومشى بها للقاعه اللي بيقيمون بها العرس. طلع بدر من المحل مثل المجنون يدور سيارته اللين قالوا له اصحاب المحلات انه واحد سرقها ,حس بضيق لكن الوقت ماراح يسعفه ركب لموزين وطلب منه يوديه على القاعه :::::::::::::::: بالمشغل داليا: ههه وش فيك كأنك مضروبه اضحكي ابتسمي الله يلعن ابليسك "وقربت منها" انا لو مكانك كان رقصت بعد, بس وش اسوي حضي نايم ممكن لأني اعرفك وتنقلين لي النحس هههههه فاتن بإبتسامه: ممكن ترى انا نحس اصلي داليا:ههههههه ليه عسل على غفله,,عموما تراك طالعه تخققين ,اقري على نفسك فاتن:اقول مناك داليا:هههه طيب انا بقرى عليك,وعلى فكره لو سمحتي خلاص شوية انوثه خلك مره فاتن:هع انوثه,يعني قصدك امشي مثلك ,واتكلم بدلع ,واكل بشويش داليا:ههههههههههه ليه هذا الشي صعب!!! فاتن:ايه طبعا داليا:ههههههه اه يابطني ,بالقوه تطلعين من البيت وبالقوه تحطين مكياج وبالقوه تلبسين فستانك ,وبالقوه تردين علي ,ويوم جيتي تتكلمين قمتي تقولين كلام مهبوله فاتن:والله من اللي احسه ,حاسه قلبي بيطلع من مكانه وكأني قاعده اسوي شي غلط داليا:اقول لاتبدين موال ..خايفه وماابي.. يله قومي حطي اللمسات الاخيره خلينا نروح للمصوره,تراها تبينا نروح بدري فاتن:اف انا ماادري وش نبي بالصور ووجع القلب داليا:عمري ماشفت وحده معقده مثلك يله امشي,ومالك دخل :::::::::::::::::::: اما قدام القاعه وقفت سيارة المعرس..ونزل عريسنا الرزه,ويوم نزل حاول يخفي ابتسامته اللي يحس فيها ..مايبيها تخسره هيبته قدام الأشخاص المهمه اللي تنتضره.. نزل وهو مرتاح .. وهو مستانس من اختياره.. ومن التغيير اللي بيدخل بحياته بعد روتين طويل.. رفع راسه وضم بشته وماامده يخطي خوات معدوده الا يجي محمد بسيارة بدر ويصدمه وينحاش كل اللي واقفين عند الباب انذهلوا .. اللي وقف مكانه ..واللي اخذ رقم السياره.. واللي جرى على نايف واخذه على المستشفى ::::::::::::::::::::: - قولكم وش صار بنايف؟؟ - سميره واللي بتسويه بخلود - محمد وهل ممكن هذا اقصى شي يسويه..اممم ابي اقول لكم لأ توه بيبدا جنونه بالبارت الجاي. اوعدكم ببارت ناري ..جهزوا اعصابكم.. دمتم كما تحبون فتومه | ||||
|
| |
|
05-02-14, 09:59 AM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بارت 25 رفع راسه وضم بشته وماامداه يخطي خطوات معدوده الا يجي محمد بسيارة بدر ويصدم نايف وينحاش كل اللي واقفين عند الباب انذهلوا ..اللي وقف مكانه واللي اخذ رقم السياره واللي جرى عليه واخذه على المستشفى بهاللحضه هذه وصل بدر وشاف هالمنظر اللي هزه,وشاف ابوه واقف عند البوابه بدر مذهول: وش اللي صار؟؟ ابوه: لاحول ولاقوه الا بالله,صدموا نايف بدر بخوف على نايف: ان شاء الله ما تأذى؟؟ومن اللي خذاه ؟ ابوه:اعمامه شالوه وودوه على المستشفى بدر:خلاص اجل انت وابوه عشوا الرجال وانا بروح الحقهم على المستشفى ابوه:افضل شي ..بس اسمع لايوصل للحريم هالخبر بدر:ان شاء الله ابوه: واسمع طمنا عليه اول ماتوصل بدر:يصير خير "ولكن ماامدى الحادث يصير الا واحتاج بس عشر دقائق عشان يوصل للحريم.. ويوم درت فاتن باللي صار.. رفضت انها تنزف واضطرت امها تقدم وقت العشاء وتضييف معازيمهم وخذت عيوش فاتن بسيارة زوجها و وصلوها للبيت عشان تغير ملابسها ,وتستوعب الصدمه,بعيد عن هذيك الاجواء ::::::::::::::::::: صباح الدوام المستشفى كعادتها داليا مداومه ولكن عقلها مع فاتن واللي صار امس ..ولا ارتاحت لين دقت عليها. داليا:ها طمنيني وش قالوا لك على نايف؟ فاتن:يقولون انه تأذت رجله ,وضهره جات له رضوض قويه,غير كذا مخلينه ينتضرون نتايج التحاليل اللي سووها له داليا:ومتى بتزورينه؟ فاتن:انتضر بدر للآن مارجع للبيت ولايرد علينا حتى داليا:غريبه وين راح فاتن:ماادري طمنا الفجر على نايف وبعدها ماصار يرد,وبعدها قفل الجوال داليا:يله ان شاء الله"وقاطعها صوت اللي يسلم,اللي من شافته سكتت وعيونها عليه" - سلام..قاطعتك؟ داليا متنحه:لا ابدا,اوكي فتون ادق عليك بعدين قلبي فاتن:اوكي د/احمد:كيف الحال؟ داليا: تمام,قالوا لي انك رجعت جده؟ د/احمد:انا مارجعت بس سافرت لشغل داليا:.... د/احمد:اتوقع اكتر من شهر مرتاحه انتي وجولي مني "داليا وبقلبها تقول أي راحه في بعدك ؟؟" د/احمد:انتي معايا داليا: ااا ايه اكيد معك ,انت نقلت دوامك للصبح ؟؟ د/احمد:صرت اداوم بالنهار والعصر داليا:اهم الله يعينك على كذا د/احمد:اوكي بس حبيت اسلم,يله اشوفك داليا وقلبها يرقص من الفرح:اوكي..اكيد ::::::::::::::: بالشرطه المحقق:وشلون مااهي سيارتك وفيه شهود خذوا رقم السياره,وعلى هالاساس جايبينك بدر:صدقني انا اخو العروس وشلون راح اصدم زوجها ,وبعدين انا قلت لك اكيد فيه احد كان يراقبني ويوم نزلت لمحل الورد,سرق السياره المحقق:وليه ماجيت بلغت على طول؟ بدر:ماكان فيه وقت وكنت ابي استقبل المعازييم,وبعدين كل محلات الورود والمحلات اللي جنبها شافوا الرجال وهو يسرق سيارتي والكل قام يشرح لي وش اللي صار المحقق:من شافه؟ بدر:معضم اصحاب المحلات كانوا واقفين عند باب محلاتهم و قالوا انه كان متلثم ,اخذ السياره وطار بها المحقق:شف انا كل الادله اللي معي ضدك فمضطر تضل عندنا الى ان نتأكد من شهودك,ونجري بعض التحقيقات بدر:طيب اذا تسمح لي ادق على الاهل ابلغهم المحقق:عطني رقمهم وانا اوصل لهم الخبر بدر:خذ رقم الوالد000000000 :::::::::::::::::::::::::::: بعد العصر قام محمد من النوم وهو مستانس باللي انجزه امس.. قام وهو يشوف المسافه بينه وبين فاتن اقرب.. اخذ له دش بارد ونزل شاف امه محمد:ام محمد وشلونك؟ اصاله:قلت لك مليون مره قل يمه محمد:هههه يمه وياقلبي وياام محمد وياعين محمد وشلونك اصاله:ماشاء الله وش هالمزاج الرايق!! محمد:ههه يمه وين سمر؟ اصاله:اكيد انها جالسه بره محمد:اها انا طالع لها تامرين على شي يالغاليه؟ اصاله:سلامتك "وفعلا طلع محمد لمكان المسبح وشاف سمر تشرب قهوتها بهدوء" محمد: سلام ياسوسو سمر التفتت لعكس جهته:... محمد: سموره..حبيبتي سمر بزعل:نعم؟ محمد:وشفيه الحلو زعلان؟ سمر:لاوالله ,ولاكأنك سويت شي محمد وهو يضمها ويقعد جنبها:انا وش سويت,خلي عقلك كبير ياسوسو ,وبعدين فيه احد يزعل من حبيبه سمر:ايه دامك تذكر غيري .. بزعل محمد بخبث ويبيها تقوله اخبار:خلاص ياحبي ,مو هي تزوجت يمديها الان بشهر العسل وانتي هنا زعلانه سمر :حتى ولو لاتذكرها وتزعلنا محمد:ازعلكم!! انتي ومن؟ سمر:انا والبيبي محمد بفرحه:انتي حامل سمر بدلع:اهم محمد:هههه اجل بصير اب؟ سمر:ايه بتصير اب محمد:هههه يابعدي والله ياسوسو سمر:ههههه بس ترى مانسيت انك زعلتني وابي الرضوه محمد:افا عليك انتي بس تدللي امري وش تبين؟ سمر:هو شي واحد اللي بيرضيني محمد:امري سمر وهي تناظر عيونه:ابيك بس لاعاد تذكرها ,وتنساها وتحبني من قلبك محمد:... سمر:وشفيه صعبه يعني؟ وبعدين هي خلاص تزوجت ويمديها اللحين بتموت من الفرح محمد:ليه هي زوجها عائش؟؟ سمر:نعم!!! محمد:ااقصد اممم زواجهم امس تم على خير سمر:اكيد تم انت وش قاعد تقول عرف محمد انها ماتدري عن اللي صار:مو مهم خلينا فيك ,وش اللي ببطنك ولد وله بنت سمر:ههههههههههها حبيبي اللحين مايبان انا ببداية الحمل محمد وهو يكذب:اها ,طيب اسمعي بروح اسلم على الوالده ماشفتها سمر:اوكي حبي ..استناك لاتتاخر محمد:ايه يله بس بسلم "ودور على امه لقاها تلبس عباتها وطالعه" محمد:يمه اصاله:سم محمد:امم ماقلتي لي وشلون زواج فاتن امس اصاله بطولة بال:انت وبعدين معك؟ محمد:يمه بس اتطمن خلاص فاتن مثل اختي اصاله:اكيد مثل اختك محمد:ايه يمه افا عليك اصاله بحزن:حبيبتي اكيد صابتها عين محمد بإهتمام:ليه وش صار لها اصاله:ابد زوجها صدمه واحد حسبي الله عليه محمد:احم اصاله:لا وبعد انحاش ياجعلهم يمسكونه محمد وهو يحك شعره و يقاطعها :مات صح؟ اصاله:اعوذ بالله من الشيطان ,وش هالكلام يامحمد محمد:ها لأ بس توقعت,يعني ...هو عائش؟ اصاله:ايه الحمد لله انتبه وابعد جسمه عن السياره لكن انصاب,الله يشفيه محمد بضييق:وعرفوا من اللي صدمه؟ اصاله:ايه فيه من اخذ لوحة السياره وطلعت سيارة بدر محمد:وان شاء الله مسكوه الشرطه اصاله:انت وشفيك قاعد تدعي على العالم ,وخر بس خلني ازور ام سلمان واتطمن عليها. محمد:طيب يمه اول شي كلميني فهميني اصاله: خلاص قلت لك كل شي وش تبي تعرف بعد؟؟ محمد:ابي اعرف فاتن وش ردة فعلها؟؟ اصاله: اه ياقلبي على بنتي,الحمد لله ان فاتن شخصيه قويه وله كان يمديها المسكينه فاقده اعصابها محمد:وليه تفقد اعصابها لا حبته ولاتبيه اصاله:محمد محمد:نعم اصاله:وخر عن وجهي احسن لك محمد:ههه طيب يمه وانا صادق اصاله:محمد زوج فاتن بياخذ فتره ويقوم وان شاء الله يصير احسن من قبل ,ويسعد ويعوض فاتن عن اللي شافته ..فلو سمحت وخر وخلني اروح ,ام سلمان تنتظرني "خلاها محمد تروح وهو يحس بضيق توقع ان نايف مات لكن مخططاته للآن فاشله لأنها افكار وليدة ساعة غضب " :::::::::::::::::: المستشفى ابو فاتن دخل معها لغرفة نايف اللي منوم بها سلم عليه وتطمن على حالته الجيده وطلع عشان يروح مع المحامي لبدر لثاني مره .. وقال انه بيحاول يمر فاتن بعد ساعه... اما فاتن منحرجه من نايف ومن اهله اللي جايين لزيارته فاتن تكلم ام زوجها: حمد لله على سلامته امه:الله يسلمك,والحمد لله انها جت على كذا اخته:أي والله الحمد لله اخته 2: ان شاء الله بس يمسكون اللي سواها فاتن تتمنى انها ماجت وخايفه يدرون انهم متهمين بدر اللي هي متأكده انه ماسواها نايف وهو يبتسم:اقعدي امه:قومي يا نوف خلي فاتن تقعد بكرسيك نايف:لا وليه تقوم خلوا فاتن تقعد هنا"واشر بجنبه على السرير" بلعت ريقها فاتن:لا عادي انا مرتاحه امه:اجل يله قوموا نخليهم يقعدون مع بعض شوي اخته نوف:لا تو الناس اختها موضي تاشر لها :خلاص نزوره بوقت ثاني,يله حبيبي ماتشوف شر "وسلمو عليه وطلعوا,وجلست فاتن بالكرسي اللي جنبه,ساكته ومستغربه الوضع ,وهي تحس بإن نظرات نايف موجهه لها وهي شاغله نفسها بشنطتها الدفشه.." نايف:مافيه حمد لله على السلامه فاتن وهي تناظر لرجله المجبسه:اجر وعافيه نايف: انا اعتذر خربت فرحتك يالعروس فاتن:لا ابدا,اصلا انا اللي حضي من يومه نحس نايف:هههه,بالعكس "فاتن وهي تناضره ومنحرجه تساله وش يعني بالعكس" نايف:تدرين يوم كنا بتركيا انا كنت احارب على مشروع دائما يجيني الرفض فيه,لكن بعد جيتك انت وبدر بيوم واحد وافقوا عليه فاتن وانحرجت اكثر وتبي تصرف:كأنه حر نايف:لأ مو حر بس انحراجك هو اللي مخليك تحترين بلعت ريقها فاتن :.. نايف قال بهدوء:فديته فاتن ناضرت حولها:من هو؟ نايف:الحَمَار اللي انكسى به وجهك "فاتن تقول بنفسها الله يلعن ابليسك خلاص" نايف وهو يناضرها بإعجاب:اقول "وفكر ثواني وقال"اميرتي ناضرت فاتن الارض: ... نايف:ماودك تقربين اكثر ,ترى مااراح اكلك فاتن:ااا لأ انا مرتاحه هنا نايف:تدرين قالوا لي عنك اشياء كثير بس..نسوا اهم شي "ظبطت فاتن جلستها وهي تتعبث بجوالها من الاحراج " نايف:ماقالوا لي انك خجوله "فاتن بداخلها تقول..والله من يفقع وجهك" نايف: هههه فاتن وتحس بمغص جاها : وشو؟؟ نايف: من جد من جد حمرتي وبقوه بعد. فاتن وتعظ شفتها وتناجي عربجتها:وبعدين يعني نايف: وش هو اللي بعدين؟؟ فاتن:يعني خلاص يعني عيب نايف وبصوته الهادي: ووين العيب فاتن وهي تدور بقاموس عربجتها: الكلام المحرج هذا ترا ماله داعي نايف: الكلام المحرج!! بس انا ماقلت احبك او قربت لك او أي شي فاتن:.... نايف:.... "ناظرته فاتن الا وتشوفه يناظر لها بطريقه خلت قلبها يضرب بقوه" نايف: من اليوم ماراح اناديك الا اميرتي ممكن؟ "فاتن وشوي وتصيح" نايف: انا يوم شفتك تتعاملين مع بدر بطريقتك ..قلت انك قويه حتى على مشاعرك..لكن اليوم انا عرفت عنك شي اتحدى ان احد قبلي عرفه "فاتن تسمعه وهي كارهه الوضع وتهز برجلها من التوتر" نايف: اكتشفت ان اميرتي تخفي بتصرفاتها القويه خجلها ورقة مشاعرها فاتن وهي توقف: انا بطلع نايف بإبتسامته الهاديه:وين,جا الوالد فاتن:ااا ايه اممم بروح اا اكيد هو عند الباب نايف: خلاص انا بكلم مصطفى يوصلك له فاتن: لا لا مايحتاج ,انا ادل الطريق زين سلام " طلعت فاتن لاستراحة الحريم وهي ترجف ,,ماكانت تدري انها ممكن بيوم تستحي لهالدرجه,,ولاتوقعت انها يوم بتكون مظطره تسمع لكلام حلو وترد عليه..ولا كانت تدري بانها لا خجلت يحمر وجهها بشكل ملحوظ لهالدرجه.. دقت على ابوها وقالت له انها بالاستراحه تنتظره ...ومع انه طول عليها ولكن شافت ان الانتظار افضل من سماع ذاك الكلام من نايف. :::::::::::::::::::::: جده سميره:ايوا ياخلود.. ماقُلتي لي كم ناويه تجلسي عندي خلود:الله واعلم بس ان شاء الله مو كتير سميره:طيب وايش عندوا زوجك مسافر؟ خلود:مااعرف سميره:ايش هو اللي ماتعرفي؟زوجك ولا قال لك معقوله!!! خلود:لأ ماقال لي سميره:طيب واختك ماحتروحي تزوريها وله ايه ؟ خلود:الا طبعا,بس لأنو زوجها كان مسافر ورجع امس ماحبيت اضايقهم وهو تعبان وراجع من السفر سميره:ايوا يعني عندك احساس ها خلود:...... سميره: طيب بدل ماانتي قاعده خدي العيال ذاكري لهم خلود بتواضع: طيب سميره وبتمادي :ايش طيب يله دحين ذاكري لهم خلود وهي قايمه:طيب..يله حبايبي نذاكر "تعودت خلود على سماع "طيب" وتعودت على الاستغلال,,وتعودت على ضعف شخصية خلود وانتهازها " :::::::::::::::: وقت العشاء بيت اهل فاتن فاتن بضييق على حال بدر:يمه يله قومي تعشي امها:لا مالي نفس ابوها:قومي يابنت الحلال ولدك ان شاء الله بيطلع بكره فاتن:جد يبه ابوها:ان شاء الله جبنا راعين المحلات والكل شهد ان سيارة بدر انسرقت فاتن:الحمدلله يارب,يله يمه عاد وش احلى من هالبشاره امها:انا مابرتاح الا لاشفت ولدي قدام عيني,لو سمحتم خلوني بحالي ابوها:لاحول ولاقوة الا بالله ,ارفعي الاكل يافاتن مااحد له نفس ياكل فاتن:لاحول ولاقوه الا بالله..طيب وبعدها دخلت فاتن غرفتها ودخلت المسن وتلاقي داليا بنك.. عاليه وانا بنت ابوي وطول عمري غاليه: مرحبا فتون كل يوم بحال يادنيا:اهلين عاليه وانا بنت ابوي وطول عمري غاليه: قولي لي كيف نايف؟ كل يوم بحال يادنيا: لاماعليه سليم ولسانه جريئ ويخوف بعد عاليه وانا بنت ابوي وطول عمري غاليه: هههههه اجل مثير للإهتمام كل يوم بحال يادنيا: يمه ياداليا لأول مره بحياتي انحرج بهالطريقه,,من جد ماهو بصاحي عاليه وانا بنت ابوي وطول عمري غاليه: ههههههه اما استحيتي يالعربج!!! كل يوم بحال يادنيا: والله انا استغربت من نفسي اكثر منك عاليه وانا بنت ابوي وطول عمري غاليه: ههه يعني بدا القلب يدق كل يوم بحال يادنيا :ههه لاياشيخه فلم هندي هو شفته امس وحبيته اليوم وبكرا بيموت عاليه وانا بنت ابوي وطول عمري غاليه: اعوذ بالله منك ومن لسانك كل يوم بحال يادنيا: شب بس ,وقولي لي ماعرفتي اخبار عن د/احمد؟ عاليه وانا بنت ابوي وطول عمري غاليه: ابشرك رجع يافتون بطير من الفرحه كل يوم بحال يادنيا: لا اجل الف مبروك عاليه وانا بنت ابوي وطول عمري غاليه: اه مر علي وسلم وناويه بكره اسير عليه بمكتبه كل يوم بحال يادنيا: ههه وش ذا يااللزقه !! اثقلي شوي عاليه وانا بنت ابوي وطول عمري غاليه: ههه حرام عليك والله اني نسمه كل يوم بحال يادنيا:ههههه ياحبك لمدح نفسك عاليه وانا بنت ابوي وطول عمري غاليه:بشري وش صار على بدر؟ كل يوم بحال يادنيا:لا الحمد لله بكره راح يطلع عاليه وانا بنت ابوي وطول عمري غاليه:قولك من اللي سوى هالشي كل يوم بحال يادنيا:الله واعلم ,بس نايف عموما رجل ناجح وممكن له اعداء عاليه وانا بنت ابوي وطول عمري غاليه:الله يستر بس كل يوم بحال يادنيا:أي والله عاليه وانا بنت ابوي وطول عمري غاليه:يله انا بنام اخاف تطلع لي هالات سودا وانا بكرا عندي دوام ولقاء خخخ كل يوم بحال يادنيا:هع حلوه لقاء يله احطي عاليه وانا بنت ابوي وطول عمري غاليه:ههاي باي ::::::::::::::: اما ببيت فوزيه فوزيه:تؤتؤ زوجها ماجد: سلام زوزو وش فيك؟ فوزيه وهي تروح وتجي: ماجد بشر سددت جوالي؟ ماجد:وانا اقول في شي قلتي لي عليه ولاقدرت اذكره,نسيت ياقلبي فوزيه وانقلب وجهها وهي تكلم نفسها:يالله كيف اعرف وش صار مع سارونه وخالها ماجد:وش تقولين فوزيه:ها لا مااقول شي ماجد:اذا تبين تكلمين خذي جوالي وانا اللحين بسدد لك اياه فوزيه:لا خلاص بس سدد جوالي اهم شي ماجد:ههه يله اللحين فوزيه:اقول ماجد ماجد:هلا فوزيه:وين كنت؟ ماجد:وديت اغراض لأمي فوزيه:اها..وطيب وشهي الأغراض؟ ماجد:طلبت خضره وشوية اغراض فوزيه:اها,اكيد في احد بيروح لها,غريبه مادقت علي ماجد:زوزو خلك من امي فوزيه وهي تمسك تلفون البيت وتدق:طيب بس بكلمها اسلم عليها ماجد:من هي؟؟ فوزيه:امك ماجد وهو يروح للغرفه :هههه لاحول ولاقوه الا بالله فوزيه :الو خاله وشلونك؟؟ :::::::::::: اما بالمستشفى د/احمد: ايوا تفضل داليا:مرحبا د/احمد وهو مندمج بكتابه: اهلا أي خدمه داليا ومنقهره لأنه ماعرف صوتها: تفضل د/احمد يرفع عينه : !!! دينا داليا بإبتسامتها: حبيت اقدم لك القهوه اليوم جينا السستر:خلاص دكتور شرب كفي د/احمد: لاعادي ماهي مشكله مشكوره داليا:دكتور د/احمد:نعم داليا وهي تطلع :انا داليا مو دينا ابتسم د/احمد وشرب قهوتها اللي لها مذاق خاص :::::::::::::::::::::::::::::: رساله لجوال فاتن المرسل..اصوله (يابنيتي اليوم تعبت فجأه واحس اني مااني بخير ودي تزوريني,وتطمني محمد اخذ زوجته بالصباح وسافروا مااحد بالبيت الا انا والخدامه) كانت فاتن لابسه عباتها وبتروح مع ابوها زيارة نايف لكن يوم قرت هالرساله خافت على اصاله وحست ان قلبها قبض ..وبنفس الوقت ماراح تقدر تقول لأبوها انها بتروح عند اصاله لانه ماراح يوافق ففكرت شوي تم راحت لابوها" فاتن:يبه,انا ماراح ازور نايف اليوم ابوها:افا ليه فاتن وهي ترتجل:توه جاني مسج ام وحده من البنات تعبانه مره وووممكن انها تودع لازم ابديها وازورها ابوها:لاحول ولاقوة الا بالله, والله عيب فاتن:طيب وش اسوي ودي اروح لنايف ,بس البنت مسكينه مااحد عندها حتى يواسها ابوها:طيب يله اخذك بطريقي فاتن:لا اا داليا بتمر علي,لانها هي بعد بتروح ابوها:راحتك ,بس دقي على رجلك واعتذري له فاتن: اممم اوكي :::::::::::::::: اما بالتوقيف "بدر مقهور وهو يروح يمين وشمال ويحاول يفكر ويكتشف من اللي سوا فيه كذا.. من اللي له مصلحه يأذيه؟؟ واكيد دامه اخذ سيارته بالتحديد عشان يصدم نايف بالتحديد ..هو شخص يعرفه زين,ويعرف نايف ..ويبي يورطه ويأذيه.. محمد محمد محمد مااحد غيره اللي يجي براس بدر,,مع ذلك يحاول يلاقي احد غيره..ويحاول يشوف أي شخص ثاني ممكن يستفيد بأذيته هو ونايف.. ولكن مايلقى أي شخص ثاني" الشرطي: بدر بدر:هلا الشرطي: تعال معي "طلع بدر معه وهو يحس بضيق من كثر الظغط اللي حس به ,ولا ارتاح لين شاف ابوه" ابوه:هلا بولدي بدر وهو يحب راس ابوه: هلا يبه ابوه:يله الحمد لله هانت بدر:وش صار معكم؟ ابوه: اللحين ياخذون اقوال الشهود وان شاء الله الليله بتطلع بدر:الله يجزاك خير على هالخبر,والله ان الجلسه هنا تتعب الاعصاب ابوه: الحمد لله انها جات على كذا . :::::::::::: وبالسياره داليا: زين انك دقيتي وله كنت ناويه اروح وانــــــــــــــام فاتن:اشوه اني لحقتك,وله كان ماقدرت اروح لها ,تدرين ابوي مانعني اروح لاصاله بالمره داليا:طيب هي وشفيها ماقالت لك؟؟ فاتن:ماادري بس شكله ضغطها,والمصيبه انه محمد وسمر سافروا قبل لاتطيح عليهم داليا:ياالله,طيب من اسعفها؟؟ فاتن:اكيد خدامتها سنتيا,مافيه غيرها داليا:اشوه إن عندها احد المسكينه ,بس ترى انا ماراح انزل ,انتضرك بالسياره, تراني تعبااانه وابي انام فاتن:اوكي ,ماعليه ادري مدوختك معي بس وش اسوي . داليا:عاتي يابنت الناس وبعدين اهدي ان شاء الله مافيها الا العافيه فاتن:ياربي الله يعلم اني احبها واغليها كثير,وهي بكوم وبدر حبيبي اللي الله العالم فيه داليا:لاتخافين ,ان شاء الله اصاله مافيها الا العافيه,وبدر على قولتك طالع الليله فاتن: ان شاء الله , خلني بدق اعتذر لنايف داليا:ايه دقي وحطي سبيكر,عشان اتعلم واستفيد فاتن: ههععع تبين تتعلمين مني انا .. اقول اهجدي بس . داليا:ههههههههه يامامي منك فاتن:الو نايف: هلا بأميرتي فاتن:سلام نايف:وعليك السلام والرحمه ,وينك مو كأنك تأخرتي؟ فاتن:اا صراحه ماراح اقدر اجي اليوم نايف : انتي بخير؟؟ فاتن: ايه لا انا بخير الحمد لله. نايف: خلاص اجل راحتك فاتن بإحراج:مو عشان شي بس صديقتي بمستشفى ثانيه مسويه عمليه وبروح ازورها نايف بهدوءه:انا ماسئلتك,وعادي مايحتاج تبررين فاتن ومتعجبه من تفهمه :اوكي نايف:مع السلامه فاتن: اا..مع السلامه داليا:ههههههههههههههه بغيتي تقولين له احط ههههههههههههههههاي فاتن:بايخه داليا:ههه وش قال لك فاتن:عادي عنده,تصدقين شخصيته غريبه هالادمي داليا:ليه وش قال؟ فاتن:قال عادي داليا بإستهبال:شايله هم انه زعل فاتن:ياسخفك ياداليا داليا:ههههه عاتي حنا صقيقات قولي لي لاتستحين فاتن:اقول الحمد لله اني وصلت بأنفك من وجهك داليا:ههههاي,انا بنام لين تجين لاتتاخرين فاتن: اوكي ::::::::::::::::::::::::: مكالمه من نسرين:هاي ووينك؟ خلود:انا بجده ياقلبي سوري مامداني اسلم عليك نسرين:عن جد؟؟ خلود:حبيبتي من جد سوري بس تعرفي عندي واحد مجنون نسرين:تأبريني ياالبي انتي خلود:تسلمين لي حبيبتي نسرين:دخلك,من هني الرجال اللي عند جوزك اليوم ازعاج منو طبيعي خلود:ليه هوا جارح بالبيت ماسافر؟؟ نسرين:لأ شو سافر خلود:والله مااني عارفه للرجال دا ,وكدا وله كدا خلاص ماعاد تفرق نسرين:شو هوي اللي مابتفرق تئبريني هيدا جوزك خلود:لكن مايبغاني ولا يبغى حياتنا تستمر ,ايش ابغى فيه نسرين:شو يعني؟ خلود:يعني خلاص ماراح ارجع لوا ,واللي شفتوا من العيشه معاه يكفيني وزياده نسرين:عن جد عم تحكي خلود:انا ماصدقت انها تجي منوا ويقول لي سافري نسرين:..... خلود:واحد مايبغاني ولايحبني ولاناوي يجيب مني طفل ولا حتى معطيني حقوقي ايش ابغى فيه وله هوا اصلا ايش يبغى فيني؟؟ "قطع كلامها سميره اللي كانت تسمع للمحادثه وهي تقول:نعم ياقلبي ايش انتي ناويه تعيشي عندي !! خلود:نسرين حبيبتي اكلمك بعدين نسرين:خلاص راح انطرك خلود:اوكي باي ::::::::::::::::::: نرجع لفاتن يوم دقت جرس بيت اصاله فتحت لها الخدامه,ودخلت فاتن.. واول مادخلت حست براحه,,حست ان هذا هو بيتها وانها مفروض عائشه هنا مع حبيب قلبها محمد سنتيا:يله مدام فاتن ماما اصاله تستنى انتي فاتن وهي تناظر لتفاصيل البيت: ... سنتيا: مدام فاتن فاتن: يله طالعه لها سنتيا: تبغى شاي او قهوه؟ فاتن:لا ماراح اتأخر بس بشوفها واطلع سنتيا:اوكي وطلعت فاتن لغرفة اصاله وشافتها متغطيه حتى مو قادره تجلس تستظيفها .. قربت لها ورفعت عنها اللحاف وتشوف المخدات بمكانها ..وماسمعت غير صوت تقفيلة الباب ... ويوم تلتفت .. شافت محمد يقفل الباب وحط المفتاح بجيبه. انصدمت فاتن ورجعت على ورا وفتحت عينها: محمد!!! محمد وكله هيام بفاتن:اشتقت لشوفتك فاتن استوعبت ورمت الطرحه على وجهها ..قرب منها محمد وسحب طرحتها ورماها بالارض وقال:تأخرتي وشوقي زاد لك فاتن وهي ترجع بخطواتها وعينها عليه متأهبه: محمد انا اللحين على ذمة رجال غيرك محمد عصب:انتي للحين بنضري زوجتي فاتن وهي تحس الدنيا تدور بها:محمد الله يخليك لاتأذيني انا عمري ما اذيتك وخر عني خلني انزل محمد:صدقيني حتى لو ابي مااقدر اخليك,فتونه انا اشتقت لكل شي فيك.. عيونك..جنونك,,نضرتك"وقرب منها" حتى ريحتك اشتقت لها فاتن قامت تصرخ:اصاله اصاله محمد:هههه امي وسمر خليتهم يسافرون واخذت جوال امي من شنطتها من غير لاتدري عشان ارسل لك ,شفتي قد ايش مخليتني مبدع فاتن بترجي:محمد الله يخليك خلني امشي محمد وحاصر فاتن بالجدار وصارت مقابله له تماما غمض عينه وشم انفاسها وقال:خليتيني بنَضَر العالم مني رجال ,سمحتي لأخوك يفرقنا ورضيتي بإهانتي ومع ذلك "مسك بيدينه كتوفها وقال" احبك وابيك لي فاتن وهي تصيح وتحاول تبعده: محمد ابعد وافهمك اللي صار الله يخليك محمد لاتأذيني محمد:وشلون قبل لا اخذ بحقي ها فاتن حست انها فقدت الامل فيه وحاولت تجاريه:اوكي محمد وهو يحاول يركز:اوكي؟ّ!! فاتن:ايه لكن خلنا نتفاهم بالاول واوعدك بيصير اللي تبيه محمد:ههه لعبتي علي كثير وهالمره ماراح اصدقك فاتن:محمد حبيبي الله يخليك خلنا نتفاهم محمد:... فاتن: بليز نتفاهم محمد:حبيبك؟؟ فاتن وهي تحس بصعوبة الحروف اللي تنطقها:ايه حبيبي وقلبي ويشهد الله اني ماحبيت احد مثل ماحبيتك محمد قرب منها وكان بيحبها لكن مدت يدها ومنعته وقالت :مو بالحرام محمد:فاتن انا احبك فاتن:وانا بعد بس ,مو كذا الحب هذه خيانه يامحمد محمد وهو يصرخ بوجهها: الخيانه انك تزوجتي غيري وماراح اخلي احد يمسك قبلي,ولا له احد حق فيك مثلي فاتن وتحس انها ماهي قادره توقف ولكن تعصر عقلها ودها تقنعه قبل لايضيعها:انا تزوجت عشان ارجع لك محمد: لاتكذبين فاتن:محمد انت تزوجت لأنك تبي تغيضني,بس انا تزوجت غصب عني محمد وهو يداعب بإيدينه وجهها:من قال لك اني تزوجت عشان اغيضك,لأ فاتن:.... محمد وبدت ملامح الحزن بوجهه:انا تزوجت عشان اتخيلها انتي كنت اخليها تحط عطرك,وتلبس الوانك اللي تحبينها ,حتى شعرها كنت ابيه يكون مثلك,لكن عمري ماحبيتها ولا حسيت انها انتي فاتن وهي تصيح:خلاص يامحمد تكفه لاتعذبني محمد:فاتن انا احبك,ليه تصيحين انا مااقدر اضرك والله مااقدر اضرك فاتن وهي منهاره:وانا مااقدر اعيش بدونك,بس مو بهالطريقه وخر عنها محمد خطوات وجرت للباب تحاول تفتحه بس لقته مقفل وقالت:محمد الله يخليك افتح الباب محمد وهو يجلس على اقرب كرسي:مو قبل لانتفاهم فاتن:على ايش؟ محمد:انتي قاعده تلعبين علي ولاتبين ترجعين لي صح؟ فاتن:انا قلت لك قلبي معك وحبي لك,لكن نايف لازم منه بحياتي محمد:الى متى؟ فاتن:باقرب وقت راح ارجع لك محمد وبعيون مصره:انتي لو مارجعتي لي راح اقتل نايف انا مجنون واسويها فاتن بخوف:لا يامحمد انت اعقل من انك تنهي حياتك وحياتي بعدك قرب لها محمد وهو يدور الصدق بملامحها:جد تحبيني فاتن: مثل ماانت تحبني ,بس انت عارف موقفي من الخيانه انا مااقدر اخون ,محمد اذا تحبني جد افتح لي الباب وخلني اروح وانا اوعدك انفذ كل اللي وعدتك فيه قرب محمد منها اكثر وضمها حس بخوفها وانفاسها السريعه وصوت بكاها اللي خلاه يفتح لها الباب وتروح وتجري من قدام عينه "كانت فاتن تحس بثقل خطواتها وتحس ان انفاسها راح تخونها وتوقف ماصدقت تشوف السياره وتركبها ,فزت داليا من صوت بكاها وقامت وهي تقول": وشي ماتت؟؟ فاتن بتلعثم:امشي يا كومار بسرعه امشي داليا بخوف:فتون وش فيك؟؟وش اللي صار؟ فاتن وهي تشهق بين كلماتها:محمد محمد داليا:محمد!! فاتن:داليا وين شنطتي شنطتي داليا:كانت معك يوم نزلتي فاتن:ياالله شكلها عنده,أي اكيد طاحت مني داليا:فتون اهدي شوي وفهميني فاتن:جوالي بالشنطه اخاف يرد على نايف لادق داليا:يالله,اكيد ماراح يسويها ,لاتقلقين..بس انتي فهميني وش صار؟؟ ::::::::::::::::: نرجع لجده عند خلود وسميره تحديداً سميره وبصوت عالي:اسمعي اذا حتجلسي على قلبي يوم اسبوع بالكتير ماشي,لكن انا مستحيل اسمح لك تعيشي عندي اكتر من كدا فاهمه؟ خلود وبإنكسار: اذا ماتبغيني اجلس ببيت اخويا فين ممكن اعيش؟ سميره:في أي داهيه مايهمني اهم شي ماتقعدي في خلقتي وتقرفيني خلود:لو عندي مكان تاني كان رحتوا سميره:عندك بيت اختك خلود: مو معقوله بيت اخويا فيه واروح اسكن ببيت زوج اختي سميره:قلت لك انا مايهمني "وبدخول خميس من بره" خميس:خير ايش بكم اصواتكم واصله برا؟؟ سميره:ولاحاجه حبيبي بس خلود الله يهديها معصبه وتقول ماتبغى ترجع لزوجها وانا احاول افهمها ان الحرمه مالها غير زوجها وبيتها خميس:ايش!! وليه ان شاء الله ماحترجعي لزوجك؟؟ خلود:في اشياء كتير صايره وكنت حجلس معاك على رواق واقولك عليها سميره:حبيبتي خلود زوجك انسان طيب وكريم ومافي رجال كامل كل شخص فيه عيب ماهي مشكله خميس وهو رايح غرفته:اسمعي كلام سميره وبلا كلام فاضي وبلا قلة حيى خلود بقهر:سميره انتي ماانتي عارفه الرجال دا قد ايش يهينني,ومايبغاني سميره بعد ماراح خميس قربت لخلود وقالت :انا حخلي ايامك اسود اذا عشتي عندي فاهمه "وطلعت من عندها" :::::::::::::::::::: بالرياض اتصال بين سمر:حبيبي انت للآن مالحقتنا,مو قلت بتجي بطيارة الليل؟؟ محمد بضيق:ايه لكن صارت مشاكل اكبر بالشغل ولاراح اقدر اجي سمر بقهر:اجل ليه الحييت علينا نسافر دامك ماانت متأكد من وضعك محمد:خلاص اللي صار صار ,غيروا لكم جو يومين وارجعوا سمربدلع:حبيبي ماابي لازم تجي اصاله :هاتيه انا بكلمه - محمد من جدك؟ محمد:يمه ماراح اقدر اصاله:وش فيك حبيبي؟؟ وش فيه صوتك محمد وهو يحس بشوقه لفاتن بيخنقه:يمه بسألك اصاله:امر محمد:يمه ..ااا .. وله اقول ,خلاص ماله داعي اصاله:قل وش فيك؟ محمد:لا ولا شي يله تامرين على شي اصاله:خذ زوجتك تبيك محمد:لا يمه ماابي اكلمها سلام "وقفل واغلق جواله وقعد يفكر بلحظاته القليله مع فاتن ..وان هالدقائق كانت عنده اهم من كل الوقت اللي عاشه مع سمر.. كان يغمض عينه ويحاول يتذكر تفاصيلها .. عيونها .. ريحتها انفاسها خوفها.. كل شي فيه كان ينبض لها هي مو لأي احد غيرها... وقعد يفكر .. هل يطلق سمر..او يخليها تربي اللي ببطنها.. يخليها على ذمته ..او يطلقها ويِثبت لفاتن صِدقه.. واذا بيطلقها فمتى متى متى... ووشهو الوقت المناسب اللي بيطلقها فيه..كان بيسئل امه هالتسائولات اللي ملت راسه بس.. ماحب يضايقها... :::::::::::::::::::: اما فاتن اول مادخلت لبيتهم شافت بدر, واول ماشافته نست كل اللي صار لها و جرت عليه وضمته,حست به الامان..حست به الظهر,حست به الانسان اللي يحميها ووجوده يحسسها بالراحه والطمأنينه. بدر وهو تعبان: هه خلاص يابنت وخري تراك خانقتني فاتن: وحشتني يالدب حمد الله على السلامه بدر:الله يسلمك يارب امهم: وخري عن الولد شوفي وجهه صاير مثل الفسدق "ابتسمت فاتن ووخرت عنه,وهي تشوف ملامح التعب اللي على وجهه" بدر وهو يشوف نفس الملامح على وجهها: وشفيك فتونه؟؟ فاتن: ابد ااا بس توني راجعه من عند ام صديقتي مره تعبانه بدر:والله اني تعبان انا بعد حتى مافيني اخذ دش,بأدخل انام,يله تصبحون على خير امه:ادخل ياقلبي وانت من اهله. اما فاتن شافت بدر وهو يروح عن نظرها وبعدها دخلت غرفتها هي بعد وبدت بالتفكير وللآن محتاراه ولاتدري وش الحل.. اخليكم مع تفكيرها.. اه ياربي ماادري وش اسوي.. ما ادري ان كان الحل اني اقول لبدر..او اسكت.. اقول لبدر؟؟ لا لا يافاتن لا تسوينها..لو قلت لبدر على اللي صار راح يقتله .. اكيد بيقتله..بدر نار وماعنده تفاهم,,حتى لو قلت لأبوي راح يقول لبدر.. طيب انا وش اسوي ؟؟ معقول ماعندي خيار الا اني انفذ اللي وعدت فيه محمد؟! لكن وش يضمْنّي محمد؟؟ ممكن ينجن ويتصرف بتهور ويخرب كل شي ويرجع الموضوع اسوء مماهو عليه,, يا الله انا احبه واموت عليه لكن و ش ذنب نايف؟؟ وش ذنبه؟؟ وانا لو مااذيت محمد هواللي بياذيني؟؟ انا لازم اخلِص لنايف لكن ياخوفي من جنون محمد,انا لازم افكر بحل انا احب محمد لكن متزوجه من نايف.. اه ياربي .. يافاتن قوي نفسك..قوي نفسك قوي نفسك الصح صح والغلط غلط.. انا عمري ماخنت ولا راح اخون والصح حتى لو صعب لازم اسويه,, "وبعد تفكير طويل قالت لنفسها " خلاص مابقى غيرحل واحد ولازم اضغط على قلبي واجازف واسويه. ::::::::::::::: - تتوقعون فاتن بتقدر تتصرف بهالمواقف؟؟ - هل ممكن جرءة داليا تخليها تفصح عن مشاعرها؟؟ - سميره واللي ممكن تسويه بخلود البارت الجاي شاعري كونوا بالقرب دمتم كما تحبون فتومه | ||||
|
| |
|
05-02-14, 10:03 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بارت 26 بعد اسبوع من الاحداث السابقه.. وببيت اهل فاتن بعد ماارتاحت وطلّعت رقم جديد لها بحجة انها تبي تغير رقمها الاول .. وبعد ماحاولت تتناسى كل اللي مرت به مع محمد.. وبعد ماارتاحت من نايف لانه بالمستشفى للآن.. كان اليوم يصادف مباراه مهمه بين الإتحاد والهلال.. فكانت فاتن مندمجه بكوي بلوزه الاتحاد وحبت تدخل بالجو كعادتها ,وكل تفكيرها كان بالمقاطع اللي بتغنيها لبدر عشان تقهره وتضحك يوم تتخيل وجهه .. ولكن قاطعها صوت ابوها وهو يناديها.. - ويافاتن فاتن:هلا يبه ابوها:وينك يابنيتي كل ذا ماتسمعين فاتن: كنت اتهيئ للمباراااا ااا قصـــــــــــدي اكوي كنت اكوي ابوها وهو يهز راسه على هبالها: المهم .. دق اللحين اخو نايف يقول انهم طلعوه للبيت فاتن بفجعه :ها؟ ابوها:وشفيك بسم الله عليك ؟ يعني هو ماقال لك! فاتن وهي تبلع ريقها: اا لأ امها: ههه ممكن يبي يسويها مفاجئه ياحليله هالنايف ابوها: المهم جهزي نفسك واذا تبين بأوديك انا فاتن:اليوم امها:لأ بكره فاتن: لا مو كذا بس مفروض يرتاح ببيته وبعدين يعني اروح ليه العجله امها: من جدك وله تمزحين؟؟ فاتن بعربجه: يمه من جد اتكلم ,اصلا اليوم فيه مبارة ابوها يناظرها بتعجب مو مستوعب هبالتها:.... الام: وتخلين الخدم هم اللي يخدمون رجلك وانتي هنا مثل القرد ابوها: الله يصلحك يافاتن وش مباراته يابنيتي !! والله ماخربك غير بدير امها: اخلصي روحي اجهزي ,واحجزي لك عند كوفيره تسوي لك شي بهالشوشه والقرف اللي فوق راسك يله فاتن: طيب انا ماجهزت نفسي فبكره ان شاء الله اروح ابوها بحزم:روحي جهزي نفسك يافاتن. فاتن وهي تناظره بدا يعصب قالت:طيب ""وراحت غرفتها وشافت نفسها بالمرايا ,الشعر كيريلي مثل ماتحبه والبلوزه مرسوم عليها ولد صغير بسنيين ,والبرموده اللي ماتقدر تستغنى عنها.. والزنوبه اللي مايريحها غير لبسها.. وقعدت على السرير تفكر باللي راح تسويه تهتم بشكلها وله لأ,تغير من نفسها وله لأ,ومحمد وش تسوي معه ؟وان كان من مصلحتها تنفذ اللي فكرت فيه او لأ.. ناضرت للساعه كانت تبي داليا تجيها وتساعدها شوي,لكن عرفت ان باقي لها ثلاث ساعات على انتهاء دوامها فقررت انها بس تدق عليها داليا:اهلين حبيبتي فاتن: يادالي اليوم بروح بيت نايف داليا:ههه قولي سلام ..مرحبا فاتن:اقول لاتخليني افقع وجهك ,اقول لك بروح اليوم بيت نايف داليا: اسمه بيتي,بروح بيتي. فاتن:اف حتى مااني مهيئه نفسي وش راح اقول له, كيف بقعد معه من جد اف داليا:هههههه عنوني هذا زوجك ,وبتروحين بيتك ياقلبي على قولهم عش الزوجيه فاتن:اقول بلا ثقالة دم وقولي لي وش البس وش اسوي داليا:ابد أول واهم شي هالكدش اللي فوق راسك تستشورينه فاتن:يوه وليه دائماً تِبْدون بأحلى شي فيني؟ داليا:ههههههه,لأن الرجال ماراح يحب هالكدش وبعدين كأنه اول مره يعني فاتن:لا بس محمد كان يحب شعري مثل ماهو,وماكنت اضطر اني احرقه داليا:هههه الله يلعن ابليسك وش تحرقينه ؟؟تستشورينه بلا هبال فاتن:اف غيره داليا:شوفي لك فستان واااو مع كعب وشوية مكياج ياعمري وبس الموضوع مره بسيط فاتن:وشي!!! اول شي,اني البس فستان مستحيل ممكن جكت وبنطلون ويخب عليه,ثاني شي اني احط مكياج فهذه صعبه مره علي داليا:فتون هذا مو ابو الشباب اللي بتقابلينه,هذا زوجك ولأول مره بتكونون فيها لحالكم ,استحي على وجهك. فاتن:اف داليا:يله بسرعه بتسوين اللي قلت لك عليه ولا اجييك واللي يخصمونه اخذه منك فاتن:هع عادي اهم شي تعالي داليا:هههه يله فتونه بلا دلع روحي اجهزي ,عيب عليك مخليه الرجال طالع من المستشفى ينتضر هههه فاتن: اضحكي واتريقي يجيك يوم يادالي داليا: ههه يارب يسمع من بؤك ربنا فاتن: ياشين مصاختك يله احطي داليا: طيب اسمعي احجز لك بالمشغل فاتن: لا بس خلي وحده تجي تستشور لي شعري داليا : وبتسوي لك مك اب ههه باي فاتن:احطي :::::::::::::::: رايحه ..جايه.. ورايحه ..جايه.. تحس انها مقهوره ,,تحبه وضحت بكل اللي حولها عشان تحصل عليه ,, تزوجها وطارت من الفرح لكنه.. مايحس بها وتزيد تحبه وتحبه.. ويزيد بجفاها ويبعد عنها. رايحه ..وجايه .. وتاكل ضفرها من التفكير لين شافتها اصاله اصاله:يابنيتي الله يصلحك انتي حامل ومفروض تريحين ولاتفكرين,تعالي انزلي معنا اقعدي واستانسي,يوومين وراجعين لمحمد سمر:انا خلاص ماابي اقعد هنا انا لازم ارجع الرياض اصاله: ياحبيتي مابقى شي هانت سمر: ابي افهم ليه ماجا ليه؟ اصاله: اكيد شغله يابنيتي سمر:لألأ ياخاله انا مقهوره ولامقتنعه بسالفة انه عنده شغل,وبعدين اللي عنده شغل يقفل جواله ليه؟؟ اصاله:حتى انا امه وودي اتطمن عليه ,لكن تلاقينه متضايق من لخبطة شغله ولايبي يرد على احد سمر:اف الان لنا اسبوع وهو على هالحال!!! اصاله: اعذريه وانا امك "سمر خلت اصاله وراحت على غرفتها و خذت جوالها ودقت مره لين فصل ودقت مره ثانيه وثالثه لين ردت عليها" داليا: نعم؟؟ سمر:اخيرا رديتي داليا:نعم خير ووش تبين؟ سمر:هو شي واحد اللي ابيه داليا:خير؟ سمر:ابيك تقولين لفاتن تبعد عن زوجي,واذا دق عليها لاترد فاهمه داليا:ههههههههههههاي سمر وهي مولعه من الغيض:وش اللي يضحكك؟؟ داليا ببرود:انتي اللي تضحكين, معقوله كل الخبث اللي فيك وللآن ماقدرتي تصيطرين على قلب محمد؟ ياحراام كسرتي خاطري سمر وهي شوي وتصيح:ماتدرون قد ايش يحبني محمد وله ماكان قلتي هالكلام,المهم اسمعي انا داقه انذرك انتي وصديقتك خلها تحترم نفسها وتبتعد عنه داليا: ومن قال لك ان فاتن يهمها محمد او غيره ,, والله صادق اللي قال "كل يشوف الناس بعين طبعه" سمر: المهم وصلك الخبر داليا: بقولك شي يالحلوه... فتونتي عائشه بسعاده مع زوجها,لاتفكر فيك ولا بمحمد ,خلته لك ..بخيانته وكذبه هني على قلبك "وقفلت السماعه" انقهرت سمر وكان ودها تفجر داليا ببرودها ,دقت على محمد وللآن جواله مقفل وللآن فيها حره ولاتدري تطلعها بمن. ::::::::::::::::: جده سميره: هي انتي ايش صار معاكِ انتي ودا زوجك خلود بقلة حيله :مادق عليَّ ولاسئل سميره:انا قلت لك انتي اللي دُقي وقولي لوا كمان انك تبغي ترجعي خلود:بس انا ماابغى ارجع سميره:ياحبيبتي مو على كيفك خلود:... سميره:اسمعي انا على بلاطه ..مستحيل اخليك عائشه هنا ,احلمي خلود:طيب فين اروح سميره:قلت لك روحي بيت اختك خلود:... سميره:ماتِبغي تثقلي على زوجها حتثقلي على قلبي ,لا ياحياتي احلمي خلود:انتي ماانتي عارفه جارح ولا عارفه عن أي شي انا مريت فيه سميره :مايهمني وبطلي كدب زايد ,لاتفتري على الرجال خلود بترجي: طيب ممكن بس ادُق عليه وتسمعي ايش يقولي وتاخدي فكره هوا كيف بيعاملني سميره:.. خلود وهي تدق عليه وتحط سبيكر:اسمعي خلود: كيف الحال جارح:انا زين.. خلود:ان شاء الله طيب جارح:اخلصي وش عندك ياخلود؟؟ خلود: انت في الرياض؟ جارح: ايه يعني وين بكون بالمريخ؟؟ خلود وهي تناظر سميره بإنكسار:لأ بس انت مو قلت لي حتسافر تعالج ضهرك جارح:لا ماراح اسافر خلاص قال لي الدكتور مافي امل لاتتعب نفسك وتسافر خلود بتكذيب:الدكتور قال لك كدا؟؟ جارح:ايه قال لي يعني انا اكذب عليك انت ووجهك خلود:ياجارح ليه تكلمني بالطريقه دي,انا ماقلت حاجه جارح:كذا مزاج انا مااحبك ماادانيك ماابي اشوفك ولاابي اتكلم معك خلود بقهر:دامك شايل كل دا في قلبك ليه مخليني على دمتك؟ جارح:اجل تبيني اجيب خدامه وانتي موجوده خلود:... جارح:... خلود:الله يسامحك جارح:يسامحني وله مايسامحني اخلصي وش عندك؟؟تبين فلوس؟؟ خلود :لا ماابغى حاجه جارح: خلاص اجل سلام ,واسمعي مو كل شوي تدقين فاهمه "وقفل الخط" خلود وهي تناظر سميره ودمعتها بعينها : وربي ان المعامله دي ولا حاجه جنب الاشياء اللي فعلا بيسويها سميره:ههههه "بلعت ريقها خلودوهي تناظرها بإستغراب" سميره : طيب والله حلو اللي بيسويه فيكِ خلود:.... سميره وهي طالعه من الغرفه :احمدي ربك انوا مستعد يُصرف عليكِ ,وله انتي ايش تبغي مثلا؟؟انو يعاملك احسن من كدا؟؟؟ ياحبيبتي دا مستواكِ ههههههههههههههههه ::::::::::::::::: بالمستشفى دقت الباب... د/احمد:تفضل دخلت داليا:مرحبا د/احمد وهو مندمج يكتب بالورقه:أي خدمه؟ داليا:حبيت ارجّع لك كتابك رفع راسه د/احمد وناضرها: دينا داليا:داليا د/احمد : طيب ياداليا أي كتاب؟ عطته اياه داليا:هذا اللي اخذته من غير علمك د/احمد:اها ,لا مو مشكله خلاص خليه معاك داليا بإبتسامه:لا لا مايحتاج لاني قريته مره ماراح اقراه مره ثانيه خله معك "اخذه د/احمد,ورجع يكمل الكتابه" انقهرت داليا وقالت: انا طالعه تامر على شي د/احمد بلا اكتراث:لا شكرا طلعت داليا وهي فاقده الامل فيه .. ضنت انه على الاقل يستلطفها ,او انها تعني له لو شي بسيط .. ولكن الواقع دائما يثبت لها العكس. :::::::::::: اما الساعه 6 المغرب جا لفاتن هالاتصال نايف:اميرتي فاتن:احم هلا نايف:كيف الحال فاتن:تمام نايف:وصلك؟ فاتن:وشهو؟!! "ام فاتن وهي تفتح الباب وتقول: فتون خذي" "قربت فاتن من امها وهي تاخذ منها الكيس الثقيل" نايف:اللحين وصلك؟ فاتن بإستغراب: ايه هذا منك؟؟ نايف:اكيد ..افتحيه لو سمحتي "فاتن وهي تحك راسها فكت الكيس اللي على نظام الشنط وكان بداخله فستان طويل ذهبي ونعوم فيه كرستالات هاديه و انيق بكل ماتعنيه الكلمه" نايف: وش رائيك؟ فاتن:... نايف:لاتقولين ماعجبك فاتن وهي منبهره من جمال الفستان: ها ااا الا حلو نايف:ابيك تلبسينه الليله ,ودي اشوفه عليك فاتن وهي تحك خشمها وتحس بتوتر: اممم نايف:ابيك من اول ليله لنا مع بعض الى ان اموت يافاتن,وانتي اميرتي فاتن وهي تمسك كدشها :اميره نايف:ايه طبعا فاتن :... نايف: فاتن فاتن:نعم؟ نايف:متى بتجين؟ فاتن وهي تجلس من التوتر: ااا ماادري اا لأن يعني... على تسع الليل نايف: لو اقدر اجيك بنفسي واخذك كان جيت ممكن تعذريني فاتن : لا عادي نايف:اوكي اجل السواق بيجيك وانا راح اكون بإنتظارك فاتن:... نايف:مع السلامه فاتن:هلا ""قفلت السماعه وتحس قلبها يرجف .. مو متعوده على هالمعامله .. ولامتعوده على هالاسلوب .. ولا تدري وش هالشعور اللي صابها بالخوف والتردد والإرتباك... تحس وهي معه غير عن نفسها اللي تعرفها .. مطلوب منها اشياء... اصعب من اللي هي تبيها , ومطلوب منها انها تكون انثى وهالشي اصعب عليها من أي شي ثاني.. تحس بأنه مطلوب منها اشياء فوق عن طاقتها "" ::::::::::::::::::::: اما ببيت اريج ابتسام:ههههه من جد اريج: طيب ممكن لايق عليها فوزيه: اقول لك لابسه احمر صارخ كأنها شذايا طراطيع اماني:ياحبكم بتقطيع خلق الله اريج:هههه سُكتي يالطع...كملي فوفو اماني: الله يلعن ابليسكم ,مااحد مخربكم الا هالجنيه فوزيه:افا افا ازعل يعني اماني:يااختي استحي على وجهس صايره مره وللحين مع هالمهبل والتقطيع بخلق الله ابتسام:يوه يااماني اسكتي خليها تكمل السالفه اماني: ههه والله مافيه امل فيكم.. انا رايحه اريج:وين بدري؟؟ اماني:لا ياقلبي بروح اسوي العشاء لبيبي فوزيه:ههههههههههه اماني وهي تلبس عباتها :سلامات وش يضحكس فوزيه: انا اللي عندي البيبي ,ياناس ماتجي الساعه ثمان ثمان ونص الا حط راسه ونام ابتسام:اما !! فوزيه: اسكتي بس اماني:يله اشوفكم اريج:ان شاء الله حبيبتي مع السلامه اماني:هلا ابتسام:اجل من يجي ياخذك ويوديك ويجيبك؟؟؟ فوزيه:ابد ماغير متعامله مع السواق ابو عبد الله ,وله لو اني بنتظر ماجد كان انجنيت اريج: ايوه وين كنا؟؟ فوزيه:على ام الاحمر اريج: لا على زوجك,ماقلتي لنا رومانسي وله لا, وش حركاتكم يااختي كلمينا عن حياتكم شوي ..وجع ابتسام:هههههههههههه فوزيه وهي تتذكر وعدها:انا وماجد اريج:لا انتي وشاروخ خان فوزيه وودها تقول:اا وش تبين تعرفين؟؟ ابتسام :كل شي يااختي لاتصيرين ثقيلة دم فوزيه وهي تحك راسها:... ابتسام:اللحين كل ذا حيا؟؟ اريج:كنش؟؟؟!!! فوزيه:بصراحه ابتسام بحماس:ايه فوزيه:مااقدر اقول اريج: اف فوز يله عاد بلا استهبال فوزيه:طيب وش اسوي وعدته وله والله السواليف على لساني وودي اقول لكم ابتسام:طيب بس شوي اريج: يله عشان خاطرنا فوزيه وهي تقوم: انا رايحه لاني والله لو قعدث ثانيه بعد بقول اريج وابتسام:ههههههههههههههههه� �ههههههه ابتسام:خلاص اجلسي لاتقولين شي فوزيه:مااقدر اصلا انتم حتى لو ماتبون تعرفون ,انا لساني صار يحكني اللحين وفيه اشياء ابي اقولها اريج:ههههههههه يعني ماتظمنين لسانك؟ فوزيه: لا ابدا .. يله باي اريج:هههههههههههههههههههه� �ههه ::::::::::::::::::::::: اما هنا وبعد ماخلت السواق ينتظر للساعه 10 ونص .. وبعد تردُد وبعد ماتهزئت من امها ,,ركبت مع السواق اللي وداها على بيتها.. وصلْها ودخلت لبيتها الجديد.. دخلت وهي مستثقله الخطوه,ولقت سيلين بإنتضارها... - انتي ماما فاتن فاتن وهي متورطه بالكعب اللي لابسته:اهمم سيلين:اوكي تفضلي عند بابا فوق فاتن وبدا قلبها يدق بقوه:وين فوق؟؟ سيلين:هوا قال يطلع ياخذ دواء ,بعدين هوا مافي اانزل فاتن:اهمم سيلين:بابا يستنى انتي كتير فاتن وودها تعطيها كف:اهمم سيلين:بابا في يحضر اشياء عشان انتي كتير فاتن ووصلت معها:خلاص ياانتي "كفايه انتي في توتر انا كتير" ""ركبوا الاصنصير ..ودلتها على الغرفه ووقفت فاتن عند الباب بعد ماشكرتها وخلتها تروح متردده تدخل او لأ ,انحرجت وشلون تتدخل عليه بالغرفه؟؟ وكيف تدخل ومفروض منه هو يستقبلها.. ويوم تذكرت تعبه.. جمْعت شجاعتها دقت الباب ولقته مردود فإنفتح ... دخلت ولقت الإضاءه الخافته ماليه الغرفه .. المساحه كبيره جدا.. اللون الابيض والاسود طاغي على المكان.. اباجورات من كرستالات تلمع بشكل راقي موزعه بحرفيه كبيره بالغرفه جذبها ريحه البخور اللي ماليه البيت.. وعينها جات على السرير وشافت نايف اللي مستلقي ونايم فارتاحت شوي ... فصخت عباتها وشالت شعرها عن وجهها وهي مااهي حابه شكله,لأنه ستريت ومنعم ملامحها اللي مزينتها بكحل عربي وروج هادي شافت التفاصيل من حولها وجذبها ديكور الغرفه اللي كان فيها تقريبا كل شي وجات عينها على شي هي ماصدقته .. شافت على الجدار صورتها معلقه بعد تكبيرها ,فتحت عينها زين وقربت عشان تشوف الصوره بوضوح ,ابتسمت وهي تشوف شكلها وكيف قدر يحصل على صورتها ويكبرها وبعد يعلقها وسمعت"" نايف بهدوء:اكيد انها مو احلى من الطبيعه التفتت فاتن وهي مرتبكه: .... نايف بإبتسامه يحاول يوقف زين بسبب رجله اللي متجبصه:اعتذر خذاني النوم عن استقبالك بسبب الحبوب اللي اخذها فاتن بخوف كل ماقرب لها اكثر:ااا لأ عادي قرب منها نايف وحب راسها وقال:نورتي بيتك رجعت فاتن خطوات لورا وهي تحس انها غريبه قدام غريب:امم شكرا نايف وهو يناظر بعيونها: تو مانور هالمكان "واخذ يدها وباسها وكمل.." حياك بقلبي وحياتي وعالمي. فاتن وهي تبعد عينها من عينه: انــ نايف وهو يحط يده على فمها:لاتقولين شي انا اللي محتاج اقول فاتن وتبي تتهرب من الوضع : امم وين الحمام نايف وهو يبتسم على ربكتها اشر لها:هذاك "ابتسمت فاتن مجامله ومشت وهي تبطي بمشيتها عشان ماتطيح من الكعب وهي تسب بداخلها داليا على هالنصيحه,دخلت الحمام وهي متوتره وخايفه واللي ريحها يوم شافت ان نايف للآن تعبان,مع ذلك حاسه بالضيق ولا تدري ليه... طولت وهي جالسه تنتضر الوقت يضيع ,ولا ودها تنحرج مع نايف ,ويوم ملت طلعت وتدور بعيونها مالقته,وكأنه افراج لراحتها,وسمعت الباب يدق نقزت فاتن": اا تفضل سيلين: ماما الأكل جاهز بابا يستنى ,ممكن تجي معايا فاتن:اهمم لحضه"وراحت تدور لها على أي شي غير الكعب ,ولبست شي مريح.. وراحت له" ::::::::::::::::: يتبع.... | ||||
|
| |
|
05-02-14, 12:30 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| جده سميره: خلصتي خلود:ايوا خلاص نضفت غرفة العيال والمطبخ زي ماقلتي سميره:خلاص انلقعي على غرفتك هيا خلود:طيب "و بعدها على طول دخل خميس للبيت" سميره:اهلا حبيبي وقلبي خميس:كيف الحال سميره:مشتاقه لك ياقلبي ,طمني كيف الشغل خميس:اه على الشغل الله يعين سميره:اعذرني حبيبي ماسويت عشاء ,يادوب دحين مخلصه من شغل البيت خميس:ليه فين خلود ماتعاونك؟ سميره:ايش اسوي لها ماابغى اجبرها على حاجه,مهما يكون ضيفه عندي خميس:ايش هوا اللي ضيفه,فينها هي سميره:اربعه وعشرين ساعه بغرفتها ماغير اسمع شويا مسجل وشويا صوتها وهي تضحك وتكلم جوال,او انها نايمه,بس ماعليه حبيبي خليها براحتها عصب خميس ودخل عليها الغرفه:انتي ايش تسوي اربع وعشرين ساعه بالغرفه؟ خلود بخوف:وربي ولاحاجه,بس حبيت مااضايقكم بوجودي سميره وهي واقفه وراه :ماعليه حبيبي خليها خميس:لا مااخليها ,انتي ايش شايفه زوجتي عندك؟خدامه ,مابقى الا تجيب لك اكلك عندك "نزلت راسها خلود وخافت منه" سميره:ماعليه حبيبي عشان خاطري اهدى شويا خميس:اسمعي من اليوم تقومي بدري وتطبخي الاكل وتساعدي سميره بالبيت فاهمه خلود:طيب خميس:خليني اشوفك بالغرفه ومخليه سميره تشتغل لوحدها سميره:حبيبي انت يله نطلع خلاص خميس وهو طالع:هوا مو مخربهم غير دلعك الزايد لهم خليهم خليهم,وشوفي كيف بتعاملك :::::::::::::::::: نرجع لفاتن يوم راحت لنايف.. وعلى طاولة الطعام. نايف اول ماشافها ابتسم وقال بهدوءه: ماكنت اتوقع ان الفستان حلو لهالدرجه فاتن:... نايف: اميرتي.. ناظرته فاتن:... نايف وهو يسحب لها الكرسي:تفضلي "انحرجت فاتن وجلست وحاولت تبعد بالكرسي عنه,وجلس نايف اللي عينه عليها ولا قدر يشيلها" نايف: شكلك تحبين الاكل بارد فاتن: ها نايف: سمي وكلي و بدا هو ياكل وعينه عليها وهي متوتره,ثم حط ملعقته وقال:ليه كل هالتوتر؟ فاتن:ها ممم لا مو توتر بس صراحه شبعانه نايف:ماعليه جامليني بلقمتين مسكت فاتن ملعقتها وقامت تقلب بالاكل وقالت:نايف ممكن اسئلك سؤال نايف وهو ماصدق انها تكلمت:اكيد,تفضلي فاتن:ليه انا... يعني ... انا مااتوقعت بيوم تجي تخطبني نايف:راح اقول لك ,لكن ممكن تصبين لي عصير بالاول "صبت العصير واضطرت تقوم تعطيه لانها قاعده بعيد عنه " فاتن :خذ اامم تفضل شدها نايف له ومسك بها من خصرها وهو جالس مكانه ,واخذ الكاس وحطه على الطاوله وقال:وليه مو انتي اللي اختارها؟؟ فاتن وتحس بقلبها بيطلع من مكانه:.... نايف: عجبتيني يافاتن, كلامك ..جنونك ..قوتك اللي تخبين وراها خجلك عجبتني فاتن:... كمل نايف: وحتى طبيعتك انا حبيتها فعلا,,يعني بصراحه للآن ماشفت شي فيك انا ما احبه "كانت فاتن تسمعه مذهوله من كلماته وقلبها يرجف تتذكر محمد ..وترجع تركز بكلام نايف حست انها خاينه ولاتستاهله ..وبعد ماانتهى من كلامه تجمع الحزن بعينها " وقف نايف وحاول يخفي الم ضهره ..ويوم وقف مسك بإيدينه وجه فاتن و قال:ليه مااحس بسعادتك!! فاتن:.... نايف: متضايقه مني؟ فاتن: لا ابد اا مممم مافيني شي نايف: اميرتي وانتي معي ماابيك تزعلين او اشوف الحزن بعيونك مثل ماانا شايفه اللحين,ابيك دائم سعيده مثل الفراشه تطيرين وتحلقين وخلي كل همومك علي "وجع قلبها هالكلام اكثر .. ابتسمت مجامله له وراحت تجري على غرفتها,وحب نايف انها تروق لحالها فما لحقها وخلاها... كانت تحس بصراع كيف انه بين ايام تنتهي قصة حبها لمحمد وبين ايام تتزوج غيره .. تتزوج من إنسان راقي بفكره وتصرفاته ومايستحق غير الاخلاص.. صراع بين حبها واخلاصها للآن بداخلها ... بين وعد عطته محمد ,ووعد لزوجها يوم تزوجها" :::::::::::::::::::::: و صباح داليا اللي كانت على غير عادتها متضايقه لأنها اُجبرت تعطيه رقم فاتن..هددها بيروح لبيتها او يدق على زوجها فعطته الرقم وشافت ان هالشي اهون من انه يكبر المصيبه بتصرفاته المجنونه.. وما امداها تهدى شوي.. إلا تسمع.. - صباح الخير تفاجئت داليا بجية د/احمد:اهلين صباح النور د/احمد:ممكن اكلمك بموضوع داليا وتحاول تخفي ضيقتها:اللحين؟ د/احمد:قبل الزحمه داليا: اوكي وراحت داليا وراه وحست انه اخيرا راح يبرد قلبها.. اخيرا بيعترف بان فيه شي.. اخيرا راح ينكسر حاجز الصمت.. واخيرا راح يكون فيه شي متبادل. د/احمد:تفضلي داليا وهي تجلس:شكرا د/احمد:بالحقيقه الموضوع جدا حساس ومهم داليا:الله يستر ..انا اسمع د/احمد:صراحه انتي انسانه مميزه ونلتي احترامي الشديد داليا وهي تسمع لدقات قلبها:شكرا د/أحمد: وممكن انا بالامور دي مااعرف اتكلم وو وارتبك شويا داليا وهي تناظره بابتسامتها: تكلم مثل ماتبي انا اسمعك د/احمد:كنت عارف اني اعني لك شي وبتخبي لي شوية احترام كدا..فدا الشي هوا اللي خلاني اكلمك بالموضوع داليا:... د/احمد: انا حدخل بالموضوع مباشره واخذ رائيك داليا:اهمم د/احمد:صراحه في شخص وحب يتقدم لك ولكن ..حب انو يسئلك عن رائيك قبل مايتقدم,وحطني بالمدفع داليا وتحسب انه يمزح: يله عاد دكتور وش الموضوع د/احمد بجديه:هوا دا الموضوع,رجل باخلاق عاليه ويشتغل حتى معانا بالمستشفى داليا وتحسب انه يقصد نفسه وحست بخجل:امم صراحه ماادري هالمواضيع هذه مفروض تتناقش مع اهلي مو معي د/احمد:يعني ادق عليه واعطيه رقم الوالد؟ داليا شكت بموضوعه:من هو هذا يادكتور؟ د/احمد:الدكتور خالد تغير وجه داليا وقالت :من الدكتور خالد؟ د/احمد: اللي بقسم الباطنيه داليا وتحس بدمها يغلي منه:... د/احمد:صدقيني لو كان عندي اخت كان تمنيت لها واحد زي الدكتور خالد داليا وهي كارهه الوضع: لا ماعليه انا امزح معك انا انسانه ماافكر بالزواج اللحين د/احمد: بس الدكتور خــ داليا وهي تقاطعه:عن اذنك "وطلعت" "استغرب د/احمد ورجع بكرسيه على ورا وهو يشوفها تطلع بعصبيه,وحاول يفسر ملامحها وانزعاجها" ::::::::::::: بيت نايف فتحت عينها فاتن على ازعاج جوالها ,لقت انها نايمه على سريرها وشافت جنبها بخوف,مالقت نايف ارتاحت وقامت بكسل اخذت لها شور.. واخذت الجوال تشوف من اللي داق من على الصبح.. ويوم شافت رقمه حست بخوف وقامت تناضر حولها وردت يوم دق مره ثانيه على طول - :وينك؟؟ فاتن وهي تفتح عيونها:انت ليه داق,وش تبي ..صاحي انت وله مجنون؟ محمد:وليه ماتبيني ادق ,وش سالفتك ..ماراح توفين بوعدك ؟؟!! فاتن وهي خايفه ان يدخل نايف:انا ماوعدتك اني ارد عليك ولا اتفقنا انك تتصل اصلا محمد:انا مادقيت عشان ازعجك او ااذيك,لكن حبيت اذكرك بوعدك وبنفس الوقت اقول لك ان شنطتك عندي فاتن:ادري خلها ,انا ماابيها محمد:لكن شنطتك فيها جوالك,وفيها بعد خاتم خطوبتك يالعروس فاتن:ادري,ماابي شي منهم ,بس اقفل جوالي او ارميه حتى محمد:بالعكس انا بخلي جوالك معي واذا دق زوجك راح ارد عليه فاتن:محمد انت وبعدين معك؟ محمد:اذا ماجيتي تاخذين الشنطه واشوفك راح ارد عليه اذا دق,او ممكن انا اللي ادق عليه فاتن:محمد انت وش تبي بالضبط محمد:ابيك فاتن:اف,,يامحمد والله حرام اللي انت قاعد تسويه فيني ,انت ليه تبي تأذيني؟ محمد:اذا تعتبرين حبي اذيه ,فأنا مصر على اني ااذيك فاتن:حنا مو اتفقنا محمد:وانا عندي احساس انك تكذبين علي فاتن:صدقني مااكذب لكن عطني وقتي لاتوترني وتخليني اخرب كل شي محمد:اه ماتدرين بالنار اللي بداخلي يوم افكر انك معه فاتن نقزت من مكانها يوم سمعت دق للباب: من سيلين :بابا نايف بإنتضارك على الفطور فاتن بربكه:طيب طيب,محمد ارجوك لا تتعبني محمد:انا مشتاق لك فاتن:محمد اذا فعلا تحبني راح يمر عليك السواق بالمغرب وراح تعطيه الشنطه محمد:لكن انا ابي اشوفك فاتن:قلت لك انا ماراح اخون,وكفايه احساسي بالذنب من ذاك اليوم محمد:... فاتن: اعتبره طلب ولاتردني محمد:شوفي عشان تعرفين مقدار غلاتك عندي واني راح اوفي بوعدي وانتضرك,واني انتضر انك انتي بعد توفين,راح اعطي سواقك الشنطه فاتن بفرح:جد؟ محمد:لكن ابيك توعديني انك تعجلين بطلاقك منه,والله ان النوم مايجيني كل مافكرت انك مع غيري فاتن وتحس قلبها يوجعها:خلاص ...اوعدك "وقفلت السماعه ,راحت للمرايا تحاول تبتسم تبي تخفي ملامح الخوف والتوتر وهي ناويه تسوي اللي قررت انها تسويه... نزلت وهي تحس انها ضايعه ماتعرف بالبيت ولا شي ,او حتى تدل أي شي فيه ,الا ان شافت سيلين فاتن:وين بابا؟ سيلين:من زمان يستناك بالحديقه ماما فاتن:ومن وين اطلع سيلين:تفضلي ماما من هنا كانت تمشي فاتن وهي تشوف من حولها رُقي المكان والهدوء اللي يعم البيت والالوان الهاديه اللي تتناسق مع الطراز الفخم اللي بالأثاث .. راحت للحديقه وهي تشوف نايف مقرب لوجهه الجريده ويقرا بإندماج وشافت ولد صغيرون ياكل بكل هدوء وترتيب فاتن:صباح الخير نايف وهو يحط الجريده على الطاوله:صباح النور ابتسمت فاتن للصغير:مرحبا محمد:HALLO فاتن:انت البطل؟ محمد:Yes نايف:حبيبي هذه ماما فاتن اللي قلت لك عنها محمد وهو يناضرها من فوق لتحت: You arebeautiful فاتن: شكرا سارا: the teacher is waiting youMohammed محمد:.... نايف:روح بابا لاتتاخر على مُدرسك محمد بإنزعاج : no no no نايف: ليه حبيبي محمد: Heis stupid فاتن وهي تشوف وجهه المعفوس:ههههههههههههه نايف وهو يبتسم لها: لو ادري ان محمد بيخليك تضحكين كان خليتك تقابلينه من امس "فاتن بس سمعت اسمه بلعت ريقها وسكتت" نايف وهو يكلم محمد: حبيبي مااحد يقول على مدرسه كذا محمد:..... نايف:يله رح وبعدها راح أخليك تروح النادي مع ناصر "محمد قام يناظره بنظره تعني" اكيد" نايف:اكيد محمد وهو متحمس : ok فاتن بإستغراب: هو كذا دائم كلامه كله انجليزي؟ نايف:كل اللي حوله من الخدم يتكلمون معه انقلش حتى الاولاد اللي يلتقي بهم,وعيال اخواني بعد فاتن:اهمم نايف:يالله سمي,وكلي فطورك فاتن:.. بسم الله "وبدت تشرب الشاي وهي متردده وتبي تتكلم" نايف:في شي؟ فاتن:ها..لأ ابتسم نايف وكمل شرب قهوته فاتن حست بيأس وتعبت وتبي تتكلم وترتاح فقالت:إلا فيه نايف:ادري ,لكن اذا تبين تقولينه تفضلي واذا لأ فمعك وقتك. فاتن وهي تحك راسها ولا تدري من وين تبتدي قالت:تخيل لو "وسكتت" ناظرها نايف باهتمام: لو ايش؟؟ فاتن بغباء: .. امم تخيل لو ..هذا لو..يعني افترض مثلا.. ان محمد ازعجني وش راح تسوي ,امم اقصد كيف بتتصرف؟ نايف ترك اللي بيده وركز معها:تقصدين محمد من؟ فاتن وهي تهز برجلها: محمد نايف: رجلك الاول؟؟ فاتن:ايه نايف:شوفي فاتن فيه خط احمر دائما وخط فاصل لكل شي بالحياة, واذا احد تعدى معي هالخط,معناها هو اللي بدا ومفروض يتحمل العواقب حست فاتن ان بطنها مغصتها "وكمل" ليه هو دق عليك؟او ازعجك؟ فاتن بتهور وخوف على محمد:لا هههه لأ طبعا من وين بيعرف رقمي او يكلمني ,اصلا على أي اساس يكلمني؟؟ نايف بتكذيب:اكيد فاتن:ايه اكيد نايف:اهمم عموما كملي فطورك وانا بأدخل اخذ جلسه لضهري,يمديهم بإنتضاري, وبعدها عندي لك مفاجاءه فاتن:اهم قام نايف واخذ عكاز يساعده على المشي ودخل,وبعدها حمدت ربها فاتن انها ماقالت له على محمد لأنها تحسبه متفهم وممكن يحل الموضوع بالعقل بس طلع يخوف بنضرها,خلت الأكل وراحت للسواق تدله طريق بيت محمد ,وقامت بعدها تدُور بهالبيت كان حجمه متوسط ..فخم وراقي.. وبكل زاويا فيه صور معروضه بحرفيه واضحه :::::::::::::::: بالسياره زملائه وبدا كلٍ ينشغل بعالمه,,اللي تزوج,واللي من شغله لبيته ,واللي زادت مسؤلياته.. حتى اللي كانت تسليه صارت مع زوجها بعيد عنه.. وحتى السفر مايقدر عليه بسبب القضيه اللي عليه.. اما القلب .. فيحس به بالشوق الكبير .. بالضما لصوتها,,لضحكتها,,لجرائتها,,ل خفة دمها كان يتمنى انها تمت الخطبه وصارت من نصيبه.. يكلمها .. يشكي لها .. يتقاسم همومه معها ويرتاح.. كان وده تحس به .. تبادله مشاعره الصادقه .. تندم..تسئل عنه..حتى تدق عليه بالغلط.. لكن ماصار من كل هالامنيات ولاشي.. داليا بعيده عنه كل البعد.. ويحس بأنه متضايق وحيد وحزين... مسك خط الشرقيه وراح للبحر يرمي همومه فيه ويتناسى المشاعر اللي تزاحمت بداخله,وهو يقول ..."اصبر يابدر ماضاقت الا فرجت,,ماضاقت الا فرجت" ::::::::::::::: نرجع لنايف ويوم انتهى من الجلسه العلاجيه..قام يدور فاتن اللي لقاها بغرفتها و ابتسم يوم شافها مندمجه بصورته وقال :وسيم ها ؟ فاتن ناضرته بإحراج:امم صراحه الصور بهالبيت عجيبه نايف:تحبين الصور فاتن:ماكنت اضن انها ممكن تستهويني قرب نايف جنبها واشر على صورته:انا اللي راسمها فاتن:جد نايف:ايه انا اعشق الرسم واكيد اذا ماكنت نجحت بإدارة الأعمال كنت راح اكون رسام فاتن:... نايف:حاولت ارسمك قبل فاتن :... نايف:لكن ماقدرت..تدرين ليه فاتن وهي تبعد نظرها عنه:ليه نايف:لأني كل ماجيت ارسمك ..احس اني ابي اشوفك ,ولأني كل ماشفتك أحس اني ابي اقرب منك ..ولأني كل ماقربت منك رجعتي خطواتك لورا مثل اللحين "فاتن وبدت تحس بخوف" وكمل نايف:عموما,جاهزه فاتن:وشلون جاهزه نايف: للسفره فاتن:نسافر!! نايف:ايه انا عندي اجتماع بعد اسبوع بدبي فقلت نسافر من اللحين ونقضي لنا يومين قبل الشغل فاتن:بس انا ماحضرت اغراضي نايف:مو مهم ,البسي عباتك..هذا اهم غرض فاتن: من جد تتكلم,وضهرك نايف:كلها ساعتين الا,يله لبست عباتها فاتن وهي متعجبه من هالانسان ,وركبوا الطياره وبس طارت... مسك نايف بيد فاتن وقال:تخافين من الطيران فاتن:لا بالعكس انا مو خوافه نايف بهدوءه :لكن انا مااحب الطيران وارتبك منه..ولأني اخذت الحبوب احس بالخمول في جسمي ناظرته فاتن بتعجب...وقرب راسه حطها على كتفها وضم ايدينها بصدره وقال: تدرين وش احس فاتن وتحس بقلبها يخفق:... نايف:احس اني مالك الدنيا "فاتن قامت تناظره وهو مغمض عيونه وتشوف ملامحه" نايف:وتدرين بعد وش احس فاتن:... نايف:احس بأن حياتنا راح تكون ممتعه.. فاتن:.... نايف: وتدرين بعد وش اشوف؟؟ فاتن:... نايف:اشوف انك راح تتعبيني .. ولا راح اسمع منك احبك قريب.. واحس انك راح تجنيني..تعذبيني..وتقسين علي..مع ذلك.. راح اكون سعيد "فاتن وبدت تلين ملامحها وهي تشوف تفاصيل وجهه وهو مغمض" وبعدها كمل نايف: راح استمتع بتعذيبك لي تدرين ليه؟؟ فاتن:.... نايف:..لأنك بالنهايه راح تحبيني.. وراح ابدأ اعذبك واخذ بثاري منك ..تدرين شلون؟؟؟ "فاتن ابتسمت على طريقته يوم يسئل ويرد " نايف:بعودك على الدلال ..وبعودك على الحنان ..وبعطيك كل يوم ثلاث بوسات.. وحده بعينك ووحده بشفاتك ووحده على قلبك..وبعد ماتتعودين راح احرمك من الثلاث "فاتن وبدت لحظتها تحس بقلبها يوجعها وودها تصيح" نايف: فاتن فاتن: ... نايف:فاتن فاتن:همم نايف: قولك بقدر اقسى عليك ؟؟؟ "بلعت ريقها فاتن وغمضت عينها ماودها تضعف" دقيقه وثلاث وعشر بعدها سكت لانه بدا يغفى لين نام..وهو ضام يدها بصدره وعلى قد ماهي مرتبكه من قربه منها..على قد ماهي متفاجئه منه ومن كلامه وتفكيره.. وحست بإحساس غريب بعد ماسمعت كلامه..... انسان قوي بتعامله مع الرجال وانسان ناجح وكلمته ينحسب لها حساب مع ذلك.. يوم يكون معها مايخفي الطفل اللي بداخله .. ولا يخفي ضعفه وحاجته..ولا يخفي حتى مشاعره... ماقدرت فاتن تسوي شي طول الطريق غير انها تحاول تفكر نفس تفكيره..وانها راح تخلص له وتعيش معه احلامه واحساسه.. وانها راح توفي له حتى بمشاعرها قد ماتقدر.. ::::::::::::: جده دخل خميس البيت وتفاجئ بالهدوء اللي فيه ,دور على سميره ولا لقاها حتى عياله مهم موجودين,وراح لغرفة خلود ولقاها بوجهها الحزين خميس: ايش بك كدا وجهك يسد النفس,فين سميره والعيال خلود:طلعت خميس:وفين راحت؟ خلود:عند جارتنا خميس:ومين سمح لها تروح دي التانيه,عموما قومي حضري لي الاكل خلود:بس سميره ماسوت حاجه وقالت لي مااسوي خميس:انتي قاعده تستهبلي ولا ايه"وسمع صوت الجرس وراح يفتح لقاه ولده وهو ميت بكى" خميس:ايش بك؟؟ايش فيه خالد وهو يصيح:عمه خلود تضاربت مع ماما وضربتها وماما عند جارتنا تقول لك وديها عند بيت اهلها خميس:انتي ايش بك انجنيت نادي امك قولها تجي بسرعه على البيت دخلت خلود غرفتها وقفلت عليها الباب,وجات سميره وهي تصيح وتصرخ:ماتخليني مره تانيه مع اختك الشرسه دي,ياانا ياهي بالبيت خميس:وطي صوتك وفهميني ايش اللي صار؟ سميره:اه ياربي اختك ضربتني خميس:وليه ضربتك؟ايش اللي صار سميره بتمسكن:ولا حاجه قلت لها انا حطبخ اليوم وانتي بكره قامت سبتني وسبتك ,ويوم قلت لها لاتغلطي على زوجي ضربتني وقالت لي انا مااشتغل لاعندك ولاعندوا خميس والغضب بان على وجهه راح يدق على خلود:افتحي خلود:وربي ماسويت شي ولا قلت حاجه خميس:قلت لك افتحي الباب لأفتح راسك دحين خلود:طيب لاتضربني خميس:والله لأكسر راسك واطلع دمك خلود:وربي ماسوييت شي ,حرام عليك ياسميره ماتخافي من ربي؟ سميره وهي تمثل البكى:خلاص حبيبي سامحها لكن خليها تشوف لها مكان تعيش فيه خميس:وربي ان مافتحتي لأكسر الباب واكسرك خافت اكثر خلود ومو من طبعها العصيان فتحت الباب وبعدها خذت ضرب ماشافت مثله الا منه . ::::::::::: دبي اول ماطلعوا من الماطار..كانت سيارة اللمويزين السوداء بإنتضارهم,,ناضرت به فاتن وناضرت للسياره قرب بجنبها وقال بإذنها:قلت لك انتي اميرتي .. ركبت فاتن السياره وهي تفكر يوم تقول لفوزيه عن هالموقف وش بتسوي..وقاطعها صوت نايف الهادي:كنت اتمنى اكون بهالأيام بكامل صحتي فاتن:... نايف وهو يسحب يدينها ويقربها له:لاتسكتين..تكلمي "فاتن وتقول بنفسها ودي اعطيك بوكس" قرب منها اكثر نايف وفك نقابها لأن السياره مضلله: لاتحرميني شوفتك فاتن:..... وناظر نايف للحَمَار اللي بدا يكسو وجهها, فقالت فاتن بعربجه:يااخي لاتناظرني كذا يااخي نايف: هههه انا مو اخوك ياحبي..انا زوجك فاتن:... نايف:شفتي هالشراسه اللي بتصرفاتك.. انا ماراح اهدى ولا ارتاح لين اروضها فاتن:... نايف:فاتن فاتن:... نايف:فاتن فاتن وهي ماتناظره: نعم نايف: ماابي منك غير شي واحد بس ممكن "فاتن وهي تحول تناظره" نايف: ابيك توعديني بوعد صغير راح يريحني كثير فاتن:... نايف وهو يمسك بوجهها عشان تناظره: ابيك توعديني انك ماتخليني بيوم اندم اني حبيتك وراح احبك اكثر فاتن:... نايف:اوعديني "فاتن وهي تحس بجرحها يألمها ولسانها يخونها " نايف:فاتن فاتن وبصوت مكتوم: اوعدك ووقفت السياره بهاللحظه.. ويوم شافت فاتن وين وقفت رجعت هوا من انفها وكأنها مو مصدقه ,شافت عنه وسمعت عنه وماتوقعت بيوم تروح له .. اول مانزلت رجلها سمعت لصوت زفه كلاسيك كانت بإستقبالهم ومسك نايف بيدها وضمها ليده ومشى بها الممر اللين وصلوا غرفتهم بفندق اتلانتس الساحر.. وهنا لازم نطلع ونخلي العروسين لحالهم. ::::::::::::::::: - قولكم احساس نايف وتنبئه بمستقبلهم ممكن يكون بمحله؟؟ مزيد من الاكشنات والمفاجئات بالبارت الجاي كونوا بالقرب دمتم كما تحبون فتومه | ||||
|
| |
 |
| الكلمات الدلالية (Tags) |
| للكاتبة, أضلعك, مكتملة, وخبني, ضمني |
| أدوات الموضوع | |
| انواع عرض الموضوع | |
|
|
العرض العادي
