غرور عشاق للكاتبة / رشا السبيعي (قلب نجد) ( مكتملة )

[فيتامين سي]

بوساره التفت لعبدالله،وهمس له/متى بتطلب زوجتك
عبدالله،ارتبك/هاااه
بوساره قام/ ههههههه ادري انك مستحي
بو متعب التفت عليهم/وش السالفه ي بو ساره
عبدالله خااف/...
بوساره/هههه عبدالله يبي يطلب زوجته ومستحي منكم الرجال هههه
بومتعب/افاا تستحي من حقك..بس وانا ابوك منت ماخذها بتالي الليل،
عبدالله ارتاح/....
بومتعب/انا اقول تنام عندنا الليله والصباح رباح
عبدالله تفاجأ/انام عندكم،لا ي عم،،انا اقول..
بومتعب قاطعه/والله ماتقول لا...انا حلفت تنام مع زوجتك هنا بغرفتها وانا ابوك ترى حنا اهل..
متعب/هههه ي رجااال الشايب حلف مانت براده
بوساره/مدام كذا انا وبسام بنروح ونلاقيكم بكره سلام
عبدالله وبو متعب/سلام...
متعب/تعال ي عبدالله انا بروح قدامك اقول لهم يوسعون طريق لك..
عبدالله عمره ما ارتبك كثر هالليله..،ناظر الساعه1.00
/
/
/
/
بغرفتها~
بدلت ملابسها ولبست قميص حمل زهري فااتح مزموم من تحت الصدر وواسع من على البطن ويوصل للركبه،وفكت شعرها كالعاده عند النوم،وراحت تحط كريم على يدينها..
دق جوالها..وقامت ترد لانه على طاولة المكتب/هلا..
نواف/مساء الشوق
رسيل تضايقت من كلامه/مساء النور
طلعت للبلكونه بس مسكره كل ستايرها وفتحت فتحه بسيطه ووقفت تكلمه/
/
طق الباب بشويش ودخل ومالقاها بالغرفه!!!
فجأه سمع صوتها جاي من اتجاه الشرفه وراح وجلس ينتظرها ع المكتب..وشاف صورته المبروزه على مكتبها.وابتسم وانحرج من نفسه....
وهنا الصوت يوصله وااضح..وحس انها تكلم شاب..
رسيل/نواف افهمني.انا حامل من الرجال اللي أحبه.ومستحيل اتزوج غيره..حتى لو كنت احترمك كصديق بس آسفه ي نواف غير عبدالله ماظن بتزوج حتى لو تركني.
نواف/هذا اخر كلام ي رسيل
رسيل/ايه ي نواف اخر كلام..واتمنى لك زوجه احسن مني
نواف انقهر/مشكوره..يلا سلام
رسيل سكرت الجوال،وتركت الشرفه ودخلت غرفتها وماشافته..كانت متوتره..اتجهت للكومدينه وطلعت مصفاة السجاير وحطت سيجاره واشعلتها وجلست تدخن بتوتر...واسترخت وشافته قبالها ع المكتب، وجاها انقباض/من انت„خيالك مو راضي يفارقني ...عبدالله حرام عليك خلني اناام.

عبدالله قام وهو مصدووم انها تدخن وجلس جنبها واخذ السيجاره منها/ليش تدخنين؟
رسيل شهقت/انت صحيح عبدالله،شلون دخلت من سمحلك
عبدالله استغرب رجفتها وخوفها منه/ي بنت
رسيل حاولت تفك يدها من اياديه وماقدرت/فككني فك يديني اطلع برراا،أنت تبي تذبحني ادري انك جاي تذبحني انا والولد اللي ببطني.صح؟
عبدالله خاف تفضحه وضمها بقوه،علشان تهدأ وهمس باذنها/لا لا مابي اذبحك ولا شيء..بس هدي
رسيل بدأت تهدأ انفاسها مع حضنه وكلامه اللي ريحها/صحيح؟
عبدالله داخ من عطرها وهو محتاج لحضن ولعناق طويل بعد كل هالغربه،نسى كللل شيء بهاللحظه ووابعدها عن حضنه وحط عينه بعينها وناظرها برومانسيه،وهو ساكت..
رسيل بلعة ريقها وهو يناظرها بهالنظرات اللي كانت تحلم فيها من اول ماعرفته،ودها تبوسه ومستحيه،وللحين شايله بخاطرها منه..
عبدالله حاول يتجاهل بطنها..،
رسيل استغلت هالفرصه بعدما اتعبتها نظراته وعذبها بانتظار قبله،سحبت يده بنعومه وحطتها على بطنها وخلته يتحسس الولد..
عبدالله سحب يده وعاش لحظته معها وقرب من وجهها وباس خدها
رسيل غمضت وهي عارفه انه متضايق من البيبي،بس شوقها لاحضانه نساها قسوته وظلمه...
عبدالله باسها وضمهاونام معها بليله من احلى ليالي...
رغم انهم ماتصالحوا،واصرار عبدالله على انزال الولد..وزعل رسيل من سوء معاملته لها طول هالمده اللي تزوجوا فيها..ورغم كل الخلافات...هناك شوق لايمكن اطفاءه..ومن هنا رسيل فكرت انه ممكن يغير رايه بعدما يشوف بطنها..
/
/
/
/
/
/
الصباح~
الوليد قام بدري ولبس..،
نجد/وين النيه
الوليد/نسيبنا نايم عندنا البارح..مايصلح يقوم وما يلقانا صاحين
نجد استغربت/نسيبكم
الوليد ببتسامه/ايه عبدالله نايم بغرفة رسيل البارح
نجد تلخبط كيانها واكلتها الغيره بس ماتبين/ماشاء الله،محد قالي
الوليد وهو يعدل شماغه/اصلن فجأه قرر ينام هنا..يلا عن اذنك
نجد/الله يحفظك حبيبي
طلع الوليد....،
نجد راحت وجلست على طرف سريرها وعضت على ابهامها وهي تحاول تمنع نفسها من البكاء(شفيييك يا نجد للحين تحبينه..خلاص ،خلاص تككفين ...خفي على قلبك،تناسيه ماقلت انسييه..بسس عبدالله نايم بالغرفه اللي جنبي وبحضن وحده غيري انا...)
تنهدت نجد وسمعت صوت بنتها صحت من النوم وقامت تستغفر وتغسل وجهها..
[آآآه من قلب هووااه عذذبه...،
ياكثر ماقلت نسيته ومانسيته
كل ماحل طاريه قلبي تختلفت نبضاته..
احبه ياجعل قلبي يسلاه واتهنى بحياتي]
/
/
/
/
/
قامت رسيل وهي مبسووطه،التفتت على جنبها وتشوفه نااايم..قامت وراحت الحمام و........

..عبدالله تحرك وصحي..،ويستقعد ويتبسم وهو يناظر غرفة رسيل كلها زهر وابيض..نااعمه مثلها..، قام وماعليه غير شورته ..وعرف انها بالحمام وراح يوقف بالشرفه ينتظرها تطلع ويفكر شلون تنزل حملها ..،

خلصت شاورها وتنشفت وطلعت لابسه روب حمل سيور ابيض نااعم مزموم من الصدر وفيه ورده صغيره..،شافته واقف عند الشرفه وابتسمت بخجل/صباح الخير
عبدالله التفت عليها بابتسامه/صباح النور
رسيل/الحمام جاهز حبيبي اذا تبي شاور
عبدالله قرب منها،وهو يطالعها بحب وطبع قبله على جبينها/اكيد ابي شاور..
رسيل تخدرت و للحين خايفه من رومانسيته معها،ماتعودت كل هالرومانسيه والحب منه!!
عبدالله تركها وراح ياخذ شاور...
//
/
/
# بالمطبخ
ام متعب تكلم الخادمه/اخذي هذا الفطور ووديه غرفة مدام رسيل اوكي
الخادمه/اوكي ماما
نجد دخلت/خالتي لمن هذا
ام متعب ببتسامه/لرسيل وعبدالله...قلت من شهور مو شايفين بعض خلني ادلعهم شوي واوديلهم فطورهم بالغرفه..علشان ياخذون راحتهم..
نجد حست بقهرر بس ماباليد حيـــله،راحت تشرب مويه وتبرد على نفسها...
/
/
/
/
//
طلع عبدالله من الحمام ولقى رسيل تنتظره على طاولة الفطور
..
لبس ملابسه وجلس عالكرسي المقابل/وش هالحركات
رسيل/فكرة ماما علشان انت تاخذ راحتك وتفطر
عبدالله/ يعطيك العافيه انتي وامك
رسيل/الله يعافيك..تفضل..
عبدالله بدأ يفطر وباله مشغوول،شلون يفتح موضوع الاجهاض..
رسيل صبت له شاي/تفضل
عبدالله/زاد فضلك..
رسيل مبسوطه للآخر حد دامه رجع لها وبيكون مثل البارحه،بتسامحه عن كل تقصيره وهجره وعذابه بحقها/
عبدالله فكر يكون سياسي بموضوع الجنين والاجهاض علشان يحقق مراده/اقول رسيل
رسيل ببتسامه/سم
عبدالله/انتي عارفه دورتي ماراح تنتهي قبل ثلاث سنوات،صح
رسيل ماتحب هالطاري بس فرحت يمكن يبيها تروح معه/ايوه حبيبي.. ليش؟
عبدالله/يعني ثلاث سنوات راح اغيبهم عنك،وما راح اكون فاضي للبيبي لو فرضنا وولدتي البيبي..
رسيل خافت/شتقصد
عبدالله/اللي اقصده اني حاب اكون مع ولدي من ساعة ولادته ولا اتركه لحظه...علشان كذااا....
رسيل قاطعته وعينها تلمع/ وشو علشان كذا وش تقصد
عبدالله/اللي اقصده انك تنزلين الولد اللي ببطنك ونأجل قصة الاولاد والتربيه بعد رجوعي من لندن..ايش قلتي
رسيل انكسر قلبها وصدق ظنها،كان يسايسها علشان يقولها نزلي الولد..لمعت عينها ورفعت راسها ببتسامه..علشان ماتنزل دمعتها..
عبدالله/هاه وش قلتي ،
رسيل تركت الفطور وقامت واتجهت للشرفه وتنفس باضطراب..
عبدالله/وش فيك..رسيل ..لا تخافين بيعوضنا ربي غيره..بس اللحين تخلصي من هذا..
رسيل قوت قلبها/حراام عليك قتلت فرحتي فيك البارحه
عبدالله/رسيل افهميني، حاليا مابي عيال
رسيل/انت افهمني انت..انا ابيك وانت مو مهتم،انا احتاااجك احتااجك بكل لحظه معي...ابي زوج شاريني مثل ماني شاريته، زوج يحبني مثل ما انا احبه واعشقه..
عبدالله باصرار/اذا تبيني صدق،نزلي اللي ببطنك،.واوعدك ما انساك
رسيل بكت وراحت تجلس على طرف السرير/انت كذاب ي عبدالله كذاب شلون تبيني اصدقك وانت قد كذبت علي قبل
عبدالله/اوعدك هالمره بس صدقيني
رسيل فكرت شوي وناظرته/عطني مهله افكر
عبدالله/راح اعطيك مهله لين الليل اوكي
رسيل/لا بكرا..
عبدالله ببتسامه/اوكي لين زواج اختي.......انا طالع تامرين شي
رسيل قامت واتجهت له بشووق ووله وناظرت عيونه وضمته ضمة غلى،وهمسة باذنه/ابيك توعدني تنام عندي الليله
عبدالله/والله ما ادري استحي،من اهلك
رسيل بالحاح/اوكي نطلع فندق شرايك.
عبدالله قرص خودها بنعومه/مثلما تبين انا تحت امرك...يلا اشوفك الليله..
رسيل ذاايبه فيه/ودعتك الله..ي حبيبي
طلع عبدالله وجلست رسيل تفكر بكلام عبدالله وتوزنه براسها(انا صرت زوجتك ي عبدالله..وباختيارك انت...لكن بصير أم ولدك،وغصبن عنك يا حبيبي..والله ماينزل هالولد الا خالقه)..تحسب انه بتمشي علي حركات اللعب الهادي والسياسه. لا ي عبااادي لاااا .قلبي اللي يحبك مستحيل تخدعه..مره ثانيه..مستحيل،وراح انتقم منك ي عبدالله بس بطريقتي..راح اتركك مثلما تركتني..راح اكسر قلبك مثلما كسرت قلبي راح اقسى عليك واحرمك..وربي راح اقسى عليك...
/
/
/
/
/
بالعصر ~
ام متعب/نجد ي بنتي صبي لي قهوه
نجد/سمي ي خاله
مايا اقبلت/السلام عليكم
الكل/وعليكم السلام..
مايا جلست بتعب/يالله..
ام متعب/بسم الله عليك ي بنتي ،وش فيك
نجد/اصب لك ماء ي مايا
مايا/ايوه ياليت
نجد اعطتها المويه/سمي بالله
مايا/بسم الله...
ام متعب/وش قالو لك الدكتوره
مايا/ماراح تصدقوون
نجد تحمست/بالله قوولي بسرعه
مايا/اللي ببطني توأم.،بس مو متأكده من نوع الجنس
ام متعب رحمتها/الله يعينك
نجد/واااو مبروووك.حلوين التوأم
مايا بدلع/بس ما ابغى توأم انا
الكل/هههههههههه
مايا/ايوه اتمسخروا عليا...الله يسامحكم فين صاحبتي بس
ام متعب/ههههه صاحبتك اليوم مو بالدنيا..زوجها نام عندها البارحه..واليوم نشوفها بالقطاره هههه
نجد/الله يهنيها
مايا/اجل انا بروح لها واقولها خبر التوأم عن اذنكم
ام متعب/وجيبيها معك
مايا/اككييد
رااحت
....
دخلت مايا ومشت مستعجله وعند اللفه تصادمت مع الوليد وتألمت/آآآه
الوليدخااف/مايا والله ماشفتك اسف
مايا حاولت تهدأ ويدها على بطنها/لا عادي..سليمه
الوليد صاد ببتسامه/متأكده..تكفين وش يفكني من عمر،لو يصيرلك شيء
مايا/ههههه لا مافي شيء بس رعبتني،يلا انا رايحه رسيل
الوليد/انتبهي ثاني مره
مايا/اووكي
راح الوليد...
مايا طلعت وهي مستغربه الوليد”صاير مؤؤدب ومايطااالع”../سبحاان مغير الأحوااال.
/
/
بغرفتها جاهزه وتبي تطلع..بس كانت تكلم.
مايا طقت الباب ودخلت/هااااااي
رسيل ببتسامه عرريضه/ هاياااات..اهلا وسهلا
مايا تلفت بالغرفه وهي تبسم/سمعت ان الحبيب نام هنا البارحه،هو فعلا نااام والا شكليا بس.
رسيل ابتسمت ورمتها بالخديده الصغيره/مااايااا
مايا/ههههههه معنااته صار هنا شيء البارحه
رسيل استرخت ع الكرسي/قووولي اشياااااء..
مايا/يعني تصالحتوا،نقدر نقول صافي يا لبن
رسيل تنهدت/لا مو لذي الدرجه..
مايا/شلون مافهمت
رسيل/حبيبتي كل واحد مشتااق ووولهان.بس كل واحد مننا متوجس من الثاني،يعني هو بسياسه يبيني انزل الولد وتحجج انه مو فاضي له هالوقت،وانه مو مخطط يجيب اولاد دحين وانا قلتله عطني وقت افكر
مايا استغرربت/وقدر يغير رايك
رسيل/ههههههههه يغير راي مييين ي ماامااا،،انا عند رأيي وراح احتفظ بالولد...
مايا/طيب ليش تطلبين مهله تفكرين،ليش ما قلتيله بصراحه.
رسيل، حركة شعرها بحيويه/لحاجة في نفسي
مايا/ومتى بتقولين له رايك
رسيل/ليلة زواج ساره راح نروح الفندق سوى وننام هناك..
مايا/انتي مخططه على كبير
رسيل/راح اخليه يشرب من نفس الكاس اللي سقاني منه..
مايا/تعشقينه وناويه تعذبينه!!
رسيل بشموخ/اذا ما عاقبته،ماراح يسامحني ولدي ولا راح يرضى غروري وكبريائي اللي كسرته على شانه
مايا/الله يستر.....
مايا شافت شنطة ملابس صغيره/ايش هالشنطه هذي؟
رسيل ببتسامه حالمه/الليله رايحه الفندق،انا وعبدالله
مايا/بترفعين ضغطي شكلك
رسيل/خليني اتهنى تراني للحين عروس ورربي هههه
مايا/هههههه
رسيل/الا ماقلتيلي وين عمر لي كم يوم ماشفته
مايا/نزلني هنا وراح يزبط جواله اللي تو شاريه طلع فيه مشكله بالشريحه اظن مازبطوا تركيبها او احترقت
رسيل/اهاا
٪٪٪٪٪
/
/
/
/
/
فرع شركة الاتصالات~
دخل عمر واتجه للاستقبال/السلام
الموظف/اهلا وعليكم السلام كيف اقدر اخدمك
عمر/ابي اقابل المسئول هنا ممكن
الموظف/عفوا اخوي وش مشكلتك
عمر/ياخي جيتكم امس تركبون شريحة الآيفون وخربتوها
بهاللحظات طلع بدر من مكتبه وشافه،وعرفه،وجاء/السلام عليكم
عمر ألتفت عليه بنص عين وصد وكأنه ماشافه،وناظر للموظف/يلا بسرعه ناد لي المدير
بدر/آمر
عمر التفت عليه بأدب/محد كلمك،لو سمحت رح مناك
بدر ببتسامه يكبت غضبه وغيرته/انت طلبت المدير...أنا المدير هنا
عمر وقف ما عجبه الوضع/انت المدير
بدر/نعم
عمر/وانا اقول وش هالتسيب والفوضى...
بدر/اي فوضى
عمر/جايكم امس ومركبين شريحتي غللط واحرقتوهااا..تقدر تفسرلي .هذا ايش
بدر صرف الموظف واتجه لعمر وبصوت واااطي/ماله داعي لتصفيت الحسابات الشخصيه هنا..
عمر رفع صوته/اي حسابات شخصيه،،اصلن من انت،بسرعه صلحوا جهازي لا سوي شيء مايعجبكم
بدر عصب بس مايقدر يسوي شيء/هات جوالك وابشر
عمر راح وتكى على الكنبه/الجهاز عند الموظف،بسررعه ضبطووه..
بدر مسوي ذررب غصب عنه/ابشر
عمر يدري ان بدر ملزووم يكون محترم لانه بشركة خدمة عملاء/......
/
/
/
/
الكورنيش~
جلسه حلوه فيها..عبدالله واصحابه اللي بالعمل خالد وتميم..
خالد/كم باقيلك ي ولد
عبدالله/بااقي وااجد سنتين ونص...
تميم/ههههههه والله ماحد غصبك توافق ع الدوره.
عبدالله سرح في البحر/هالدوره مهمه وانتم عارفين راح اترقى رتبتين بعدها ههههههه وراح اتوطى ببطونكم
تميم وخالد/ههههههههههه
عبدالله/الا خالد وش سويت بخصوص اهلك
خالد/انا مقدم نقل للرياض ويااارب انقل،تعبت من العزوبيه هنا
عبدالله/هههه احمد ربك منت بغربه..تميم متى الزواج ان شاء الله
تميم/شخباااررك ههههه تزوووجت وبعد كم شهر بصير ابوسعد ان شاء الله ههههه
عبدالله/لااااااااه ههههه ع البرركه هههه والله توني ادري انك متزوج
تميم/انا تزوجت بعدما تخرجت من الكليه وتعينت هنا بس اهلي بالخرج..
عبدالله/والله توني ادري تصدق
تميم/الشكوى لله منت فاضي
عبدالله/كلنا اهالينا برى جده
خالد/بس زوجتك اهلها هنا..يعني اررحم شووي مننا
عبدالله/اي صح..اشوى
صوت مسج على جوال عبدالله،فتحه وكان من رسيل..
[تعال يا حبيبي انا مشتــآقه...
على انغام صوتك ابسهر الليله
واتوسد صدرك فراش ويدينك غطا...
.....تعال نعيش هالليله احلى حبيبين
......أنتظرك على احر من جمر الساعه 9 في فندق هيلتون جناح 18]
خالدوتميم شافوه يتبسم ويطالع جواله/بوو الشباااب عطنا وجه
عبدالله ألتفت عليهم ببتسامه/شفيكم
خالد بنص عين/وش كنت تطالع ووورررنااااااا
عبدالله/ههههه اقوول رح وراك انت وياه وش دخلكم
تميم/تكفى ورنا يبو محمد بالله
عبدالله/ههههه اما عاااد ....يخوي مافيه شيء وش ذالفضوول
خالد/طيب وين تقترحون نتعشى الليله
عبدالله/ههههه مع نفسك انت وياه انا مشغوول مانيب فاضي بروح..
تميم/وووين توونا الساعه8,30
عبدالله نط واقف/قل قسم..اففف تأخرررت عن اذنكم
تميم/ووين
عبدالله/الاهل ينتظروني بوديهم مشوار
ضروري تخبر زواج اختي بكره،ولا تنسون ترااااكم معزومين بكره طييييب يلا عن اذنكم
راح عبدالله وركب سيارته ومشى مسرع شوي..
خالد وتميم ناظروا ببعض..
خالد/انسدت نفسي شكله الليله بنقضيها نواشف
تميم/هههههههه موب اول مره هههه

/
/
/
...
فندق جــده هيلتون ..
وصل عبدالله ودخل واتجه للجناح المطلوب ووقف ويعدل شماغه واتصل عليها/الو رسيل...افتحي اناعند الباب..
رسيل سكرت الخط بوجهه..
عبدالله عصب وعقد حواجبه/وش السالفه!!..
آنتظر ثانيه...
انفتح الباب...
عبدالله خاف..
رسيل طلت بدلع وانتثر شعرها على جنب/تفضل حبيبي..وش تنتظر.
دخل عبدالله وللحين عاقد حواجبه...
رسيل سكرت الباب واتجهت له ومدت يدها وفكت عقدت حواجبه/وش فيك بععد
عبدالله انهبل على لبسها فستان كحلي عاري للركبه وميك اب نااعم ومثقله رسمة العين ومبينه تسحر ودلعها/يوم سكرت الخط بوجهي خفت لا يكون مسويه فيني مقلب
رسيل/ههههه
عبدالله دااخ من الضحكه/وش يضحكك
رسيل هدأت ضحكتها وقربت منه وهي تهدي تنفسها وعيونها اللي بعيونه مسكت كفوفه ورفعتهم وباستهم/انا ماصدقت انك خلاص قبلت اكون زوجتك،وماني مصدقه وجودك قدامي،تبيني،اواعدك واخليك!!
عبدالله سحب يده من يدينها بهدوء ومشى خطوتين/يعني تحبيني لهالدرجه
رسيل التفتت عليه وهو مقفي يسسحرها/اعشقك ي عبدالله
عبدالله شاف الشموع وترتيب الغرفه الرومانسي والموسيقى الهاديه وطاوله كلها شوكليت وحركات والسرير هنااك حكاايه ورد احمر منثور وشيفون احمر واضاءات وااو، التفت على رسيل/يعطيك العافيه
رسيل اتجهت له ومسكت يده/الله يعافيك....جوعان ي عمري
عبدالله/مييت جووع
رسيل طبعت بوسه على خده/يخسى الجوع ي حبيبي تعال نتعشى تحت...عازمتك.والطاوله جاهزه وخاصه لعيوونك.
عبدالله/تسلمين...هذا كثير
رسيل/مو كثير على حبيبي...يلا خلني ألبس عباتي علشان ننزل اوكي بيبي
عبدالله/اوكي..
رسيل راحت تلبس عباتها وهي تقول بخاطرها(قوول احبك، والا نادني حبيبتي لو بالغلط قووول)..
/
/
/
جالس زياد يترجى ابوه ساااعه/هااه شقلت يبه
ابو متعب بعد سكووت/اسسمعني انا بوظفك عندي وبحطك تحت الاختبار لفتره واشوف انجازك،لان رسيل ألحت علي وتوسطت وكفلتك
زياد استااانس/انت تقوله صااادق يبه... يعني اداوم من بكره
بومتعب/ايييه...صب لي قهووه
زياد/ابشررر بالقهوه والله..
/
/
/
/
/
خلصوا عشاهم..اللي على ضوء الشموع وجو خااص~
عبدالله/يعطيك العافيه ي ذوق
رسيل تنفست وارمشت بدلع/الله يعافيك.
عبدالله جلس يطالعها بتفحص”من جد حلووه”..ابتسم لا شعوريا..
رسيل شافته يتبسم ويطالعها/وش فيك تناظرني كذا
عبدالله حك طرف سكسوكته باصبعه،وبصوت دافي/عاجبتني
رسيل اول مره تسمع منه كلمه حلوه،ماتتخيل شعورها بهاللحظه شلون توصفه،اندفن صوتها وماقدرت تعلق ،،اكتفت بالابتسامه..،
عبدالله،حب ردة فعلها...
...
خلصوا العشاء واتجهوا لجناحهم..
/
/
/
عمر ومايا قبال التلفزيون وسهرانين...
عمر كان سرحان وباله مشغول..،
مايا انتبهت انه موومعاها/عمر
عمر التفت عليها/هلا
مايا/ايش بك من كم يوم وانتا مو على بعضك
عمر/والله ي مايا،افكر باللي تسويه رسيل واللي ناويه تسويه،هالبنت جالسه تعذب نفسها..
مايا/دامها مصممه تسوي اللي براسها مانقدر نمنعها..ولا تنسى احنا ماعشنا ظروفها ولا عانينا مثل اللي عانت منه
عمر بقهر/المشكله انها حلفتني ما اتدخل ولا اتهاوش مع عبدالله هذا..لا وجالسه معه بعد كل اللي سواه فيها
مايا،ناظرته بحب/ايش تسوي ،تعشقه....معذووره
عمر/لا والله يعني لو انا سويت فيك مثل عبدالله راح تسوين زيها
مايا ببتسامه/يمكن عموور..ترى عيون الحب ماتشوف عيوب الحبيب......
عمر ابتسم لنبرتها/اهاا
مايا بتهديد/بس يااااااوويلك لو سويت فيني مثل مايسوي عبدالله لرسيل ...ياااوويلك فاااهم
عمر رفع يدينه مستسلم/ولا حتى كلمه وحده طال عمررك
مايا اعجبها شكله/هههههههه
عمر/لا والله ههههههه
/
/
/
/
/
على انغام موسيقى كلاسيك....
رسيل قامت وسحبت يد عبدالله بنعومه/قوم نرقص
عبدالله تفاجأ/تمززحين...ماعرف
رسيل بدلللع/ماقد شفت افلام يعني
عبدالله/الا بس ماحب هاللقطات
رسيل اخذت يده الثانيه وقومته غصب/يلاا حبييييبي بس رقص سلوو،علشان خاطري
عبدالله استحى/ذالرقص هذا ماعرفه
رسيل نزلت يده لخصرها ومسكت الثانيه وداروا شوي وتكت راسها على صدره وبدت تتمايل مع الوسيقى/ها وش رايك اللحين
عبدالله ارتاح/والله موصعب ههههه
رسيل بعالم ثاني/ههه
عبدالله سكت...،
رسيل تكلمت بصوت هادي/طول عمري احلم بهاللحظه،
عبدالله يحب سوالفها لانها عفويه/اي لحظه
رسيل/لحظة اني ارقص سلو مع اللي احبه لحالنا،واحس انه ملكي أنا وبس،قلبه وروحه وحياته،وهو بعد قلبي وروحي وحياتي،و......<<<تبي تقول ابو ولدي وخافت تخرب اللحظه
عبدالله يستنطقها بهمس/و ايش بعد
رسيل تجمع الدمع بعينها ونزلت دمعه/وكل شيء.. كللل شيء
عبدالله رفع راسها له/وراها عيونك تدمع
رسيل بلعة ريقها وعينها بعينه بسسكاات وتنزل من عيونه لشفايفه وتصد علطول لعيونه..،وبعدهاسحبت نفسها بهدوء من يدينه وابعدت عنه،قربه عذبها وهو مافهمها والا يسوي نفسه مافهمها..
عبدالله فاهم وش تبي بس يحب تصرفاتها الطفوليه،..راح ولحقها،ومسك كتفها وهي مقفيه/رسيل
رسيل ابتسمت والتفتت عليه”تبي كلمة أحبك”/لبيه
عبد الله،قرب منها وضمها وشالها بهدوووء،ونزلها على السرير/
رسيل انجنت تبيه يقول كلمة حب وحده وهو مايحسس....
عبدالله ناظر بعيونها حكي/فيك شيء
رسيل ابتسمت وعيونها تلمع/أحبك
عبدالله ابتسم وضمها بسكات/.....
رسيل تعبت نفسيتها (قوول وانا بعد ع الاقل...لا تحرمنيهااا،آآه تعبت)..
/
/
/
/
/
يوم زواج ”متعب وساره”~
نجد قلبها مع اللي لهم يومين وهم مع بعض ورسيل من جاء عبدالله معاد تشوفها،احرقت نفسها من الغيره~
واقفه وتلبس اسوارتها وماعرفت لأنها ملخبطه وتفكر،رمتها على التسريحه بانفلات اعصاب/اوووه
الوليد التفت عليها،متفاجأ من تصرفها/نجد ياقلبي وش فيك
نجد بزفره كملت لبس اكسسواراتها/مافيني شيء
الوليد ماصدقها لأن حركة يدينها تدل على ان فيها شيء،قرب منها وجاء من وراها بيضمها/نجد
نجد ابعدت عنه معصبه/ابعععد عني انت لا تلمسني
الوليد اسستغررب حركاتها”أول مره تعامله كذا”„سكت وطلع من الغرفه وتركها/
نجد بعثرت اغراضها من التسريحه وجلست تبكي على الاريكه...
شفيني أنا!!
/
/
/
/
/
بالشقه تبع اهل العروس~
وصلت ليلى وعيالها~والكل مبسوط...
كاتي لبست فستانها وتزبطت وراحت لـ ساره/ساارونه شرايك في شياكتي
ساره انبهرت/واااااااااااو رووعه ماشاء الله
كاتي استانست/جد والله
ساره/والله يهبل،
دخلت ليلى/ماشاء الله على بنتي ماششااء الله،وش هالحلى كله
كاتي/يمااااه
ساره/ههههه من يمدح العروس
كاتي/ههههه
ليلى/هههه يلا كاترينا روحي كملي تجهيز نفسك مابقى وقت بنروح القاعه
كاتي/اوووكي...
طلعت
ليلى جلست قبال”ساره”/هاا كيف النفسيه اليوم
ساره/مرتبكه حيل ي خاله
ليلى/هههههه،اوول ما راح تشوفين متعب بترتاحين وبتروح الربكه...بالتوفيق ي رب
ساره/يــآرب
/
/
في الحلاق~
الشباب حوله ويطقطقون عليه.ويضحكون~
متعب/يا عيال والله ان ماسكتوا لاقوم عليكم،اصص خلني اخلص
الوليد/شعليييه...معررس ومستعجل،ارركد وانا اخوك
متعب/وليييد هههههه
الكل/هههههه
متعب/صدق وين زياد
الوليد/زياد راح يشرف ع القاعه
متعب ابتسم وهو يتخيل شلون بتصير ساره له أخييراا..،
الوليد نغز سلطان صديق متعب/ايييه سررح خوينا ههه
سلطان/حالته صعبه ههههههه
متعب/ياليييل
سلطان ووليد/ههههههههه
......رائد يراقبهم من بعيد ويتوعددد...
/
/
/
/
يتبــــع في البارت القــــــــــــادم

[فيتامين سي]

/
زياد في قاعة النساء ومعه أمه ويشوفون اللمسات الاخيره..،
ام متعب/يعطيك العافيه ي ولدي سويت كل اللي قلتلك
زياد/هاه تامرين شيء
ام متعب/لا روح..اللحين اهل ساره على وصول..
زياد،طرت بباله فكره/اووكيه يمه عن اذنك انا تراي ماشي هااه
ام متعب/الله معك
طلع زياد واتجه للباب وينتظر وصول ”كاترينا” علشان يواجهها او عالاقل يشوفها...لان له شهوور عنها..
وصلوا كلهم ودخلوا..
زياد انقهر انه ما قدر يستفرد بها،،،قرر يمشي..
،
طلعت كاتي تركض وتنادي/حموووودي حمووود
زياد شاف محمد راح مع السايق وراح وراء الجدار ...
كاتي وصلت،ووقفت/حموو..
زياد قاطعها وسحبها بقوه وراء الجدار ....
،
كاتي خااافت من اسلوبه وصرخت..
زياد سكر فمها بقووه/اشششش ولا كلمه،والا اقسم بالله اخطفك من جد
كاتي ابعدت يده عن فمها/انت وش تبي مني؟
زياد ضم كفوفها بكفوفه،وعينه بعينها/اشتقلك ي بنت ..شفيك علي
كاتي وعينها تلمع وتناظر بعينه/اشتقتلك ي سخخييف
زياد تحمس/ودي اهرب فيك اللحين ،تمشين معي؟
كاتي ابتسمت بوجهه وعينها تلمع وتهز راسها/زيزو مو انت اللي تقول هالكلام
زياد/طيب شسوي،
كاتي رفعت يدها وابعدت شعرها عن وجهها/مادري
زياد شاف الدبله و عصصب/انتي وش لابسه باصبعك هاااه
كاتي حاولت تخبي يدها/
زياد/انتي لابسه خاتمه!!
كاتي،تلعثمت/زياد افهمني..انا..
زياد قاطعها وهو عاقد حواجبه ومعصصب/بسسس فهمتك،بسس
مشى وتركها...
كاتي ماقدرت تلحقه بكت بصمت وهي تناظره وهو مقفي وتاركها...
/
/
/
/
بالفندق~
عبدالله جالس بصالة الجناح وينتظرها تخلص/يلا ي رسييل تأخررنا
رسيل بالغرفه/حبيبي شوي بس
عبدالله قام وبيدخل/ي بنت المفروض اكون عند ساره اللحين و..... <<<سكت مبهور
رسيل فقدت صوته وألتفتت عليه بعفويه/حبيبي دامك جيت تعال لبسني هالاسواره ماني عارفه كيف اسكرها..
عبدالله قرب منها وهو يطالعها عليها اناقه وذووق وريحة عطر/طيب
رسيل مدت يدها بنعومه فطريه وهي ماسكه الاسواره/
عبدالله مسك يدها ومسح عليها بنعوومه رفعها وحطها على خده وباس كفها وعينه بعينها بسكااات،ولبسها الاسواره/
رسيل بلعة ريقها وحست ودها تبكي من فرحتها ”معقوله هذا عبدالله ،حركاته كلها توحي انه يحبني بس ليه مايعترف ليه مايقوول او ع الاقل ليه ما ياخذني معه،.
/
/
/
حفلة الزواج..٪
الكل فرحان لمتعب وساره~..،
ليلى توها جايه من ساره/تبارك الله على ساروونه تهبل ي ناس
نجد/بسم الله عليها اختي..خاالتي مو كأنهم تأخروا بالزفه
رسيل ناظرت الساعه/كلمت عبدالله قبل شوي ويقول بنتأخر علشان اصحاب متعب..
نجد توترت من طاريه.. وقامت.بدون تتكلم..
نجد اتجهت لغرفة العروس..
~~
بعد لحظات...،
رن الجوال وردت/هلا عبدالله...انت جيت..اوكي انا جايه حبيبي...
نجد تسمع وتحترق من داخلها/...
ليلى/ها وش يقول،جاء
رسيل قامت وهي مبسوطه/ايوه جوا..ويبيني اوديه لساره،عن اذنك
ليلى/الله يوفقهم ي رب..
~
~
~
بغرفة العروس/
ساره/احس برجفه وبررد
نجد/ههههههه عاادي شبلاك،
ساره/ي ربي كلما يتأخر الوقت اتوتر اكثر،الا وين عبدالله؟

نجد بدأت تتوتر بس تحاول قد ما تقدر تضبط مشاعرها وتصرفاتها،علشان ماتنفضح/بيجي بعد شوي،انا طالعه يا ساره والف مبروك ي قلبي الله يكتبلك السعاده ويتمم لك على خير.
ساره/امييين الله يبارك فيك نجد
طلعت نجد بسرعه قبل لا يجي عبدالله وتشوفه...
وتفاجأت برسيل وعبدالله قدامها،وقفت وبلعت ريقها وهي تنفس بسرعه...
رسيل بغت تنجن وهي تشوف نجد وعبدالله يطالعون بعض بنظرات جننتها..
عبدالله استانس بشوفتها/نجد؟..
نجد انحرجت من رسيل وموقفها..
مشت نجد بسرعه وتركتهم/...
رسيل لمعت عينها بدمعة غيييره وانقهرت من موقف عبدالله ونظراته الحنونه لنجد ويناديها بشوق بعد!!...
عبدالله صحى على نفسه والتفت على رسيل وشافها معصصبه..،
رسيل ناظرته باحتقار ودخلت على ساره/
عبدالله ماحب انها تزعل عليه/روسي لحظه
رسيل سمعته يدلعها بس ما التفتت..
دخل عبدالله وشاف ساره بس قلبه مع رسيل اللي مبووزه/ماشااء الله تبارك الله...الف مبروك ي ساره
ساره/الله يبارك فيك عبدالله.
عبدالله وعينه على رسيل لحظات ولحظه على ساره/يلا الزفه ي قلبي..
ساره بخوف/عبود انا خايفه
عبدالله/لا تخافين..
وانا معك
ساره/انا حاسه في شيء مو زين بيصير
عبدالله/توكلي على الله وتعوذي من الشيطان..
رسيل/يلا ساره بلا دلع..هذا مجرد توتر ،،يلا
عبدالله/صادقه رسيل..مجرد توتر..ولا تخافين انا ورسيل بنفسنا بنوصلك للغرفه انتي ومتعب..صح ي رسيل.
رسيل ناظرته بنظرات ناريه وصدت/يلا ساااره عااد
..
عبدالله زف ساره وسلمها لمتعب ..ووقف هو ورسيل يتصورون معاهم..،
وشغلوا الدي جي..اغنية”مولعه الدنيا” لمنى آمرشا..
وقام عبدالله يرقص ونسف طرفي شماغه،وهو يتبسم ..والقاعه ولعت مع رقصه..
رسيل تناظره بقلب يدق حب وعشق،وتشوف الحريم منهبلات عليه ومقهووره..ودها تصرخ وتقول سكروا عيونكم هذا حبيبي هذا حلالي انا..وتفاجأت بيد عبدالله يسحبها بنعومه علشان ترقص معه،وهالحركات علشان يراضيها..
رسيل مارفضت بالعككس راحت ورقصت معه وسووا الهوايل..
متعب همس لساره/اختي واخوك اخذوا الجو مننا ماتلاحظين
ساره ماردت من الربكه....

نجد تطالع من بعيد وتحاول تكون عااااديه..وهي تبكي وتصرخ من داخل....
.
خلصت الاغنيه مع تصفيق الحضور..
عبدالله طبع بوسه على جبينها وضمها..
رسيل مو بالارض”اللي سواه اكبر من كلمة احبك”..
كانت ليله ولا اروع ..
/
/
/
/
متعب وساره بسسيارتهم متجهين لفندقهم..
متعب يسترق النظر ويمسك بيدها..

بالسياره الثانيه في الزفه كانوا عبدالله ورسيل..
السيارات جات بينهم وتفرقوا...
عبدالله خاف/ويين راحوا هذولا
رسيل/اي والله ..نااظر منااك هذيك سيارتهم
عبدالله لحقهم..بس جات بينه وبينهم سياره لاند كروز بيضاء تذكرتوا صاحبها...!!
رسيل/من هالمجنوون بغى يودينا بداهيه
عبدالله عرفه وعصصب حدده واخذ جواله ودق/الوه تميم..السلام عليكم...اسسمعني ززين انا رايح فندق هيلتون،ابيك ترسل لي هناك دوريه فااهم...بعدين اقوولك..
رسيل خافت/عبدالله وش فيك ليه تسوق كذا وليه اتصلت بالشرطه..
عبدالله وهو عاقد حواجبه/رسيل،تمسكي زين ترى بسرع
رسيل خافت وقربت تبكي/عباادي قول وش فيييه ومن راعي هاللاند كروزر
عبدالله وهو يسوق ويلفلف من بين السيارات/هذا رائد طليق ساره،وشكله مهوب ناوي على خير..
رسيل تمسكت وهي مرعوبه ويدها على بطنها اللي يدوب بارز خفيف/عبدالله حاسه بغثيااان
عبدالله استغرب/غثياان!!
رسيل/ايييه ناسي اني حامل،لا تسرع الله يخليك بطني
عبدالله وتفكيره مع رائد وكيف يمنعه/انا مستحيل اخلي هالاناني يخرب ليلة اختي..الولد اللي ببطنك مايهم خليه يطيح اصلن انتي كذا كذا منزلته يعني.
رسيل انصصددمت”آآآه للحين يفكر بالاجهااض”
عبدالله اتصل على متعب/الووه متعب..اسررع شووي وسيده ع الفندق...
متعب بالجوال خاف/عبدالله وش فيه؟
عبدالله/رايد وراكم وانا بحده ووقفه بس روح انت وساره ولا تخليها تحس بشيء اووكي
متعب/اوكي..عبدالله
عبدالله/سم
متعب/بعتمد على الله ثم عليك
عبدالله/انت اهتم باختي ولا تشيل هم..
متعب/زين ورسيل معك وش تسوي
عبدالله/رسيل بخير...متعب مع السلامه انا مضطر اسكر .
رسيل متمسكه وخايفه..
عبدالله،اسررع وحد رايد على جنب الخط/وقف يابن اللذينا..
رائد بسيارته شاف عبدالله ومسوي ما اهتم/والله مايتهنى متعب بزوجتي..ساره لي اناااا اناااا
عبدالله فتح القزاز باتجاه رايد ويكلمه بصوت عالي/راايد وقف احسن لك راااااايد
رائد ما ألتفت له....
عبدالله حد رائد يلف مع لفه خطأ ولحقه واتصل بتميم/الوه تميم راح ارسلك موقعي بالسيار ابيك تلحقني عن طريق الجي بي اس .....بسررررعه
شوي ولحظات من المطارده....
الدوريه صارت وراهم....
رائد خاااف واتجه للكورنيش الجنوبي....
رسيل تعبت من هالدواره/افففف هذا وين مودينااا
عبدالله/رسيل افتحي الدرج اللي عندك
رسيل/ليه؟
عبدالله مستعجل/طلعي الفرد منه بسرعه وعطينياه
رسيل خافت/اييييششش!!! فررد...لا ي عبدالله لااا
عبدالله ابعدها وطلع المسدس بنفسه ولف السياره بغوا ينقلبون/
رسيل تبكي من الخوف/تبي تقتله؟
عبدالله ناظرها وهي تبكي وحب يعيشها اكشن/واقتل اشكااله بعد،
رسيل ناظرته بنظرات خايفه وسكتت ماعلقت...
عبدالله اتصل على تميم/اسمع ي تميم..روح له من هذاك الاتجاه وانا من هنا...بسرعه..ترى ماعاد وراه طريق..تراه مايدل في جده..
...
تميم اتجه من الطريق المعاكس و حد رائد ووقفه غصصب..
وقف عبدالله وراه ونزل بسرعه واتجه لسيارة رائد ومعه المسدس وفتح الباب/انزززل
رائد نزل وهو منزل راسه ومتلثم ولابس نظارات سوداء..
تميم مسكه وكتفه على السياره/عبدالله وش مسوي هذا..
عبدالله اشر لتميم يبعد شوي واتجه لرائد،ونزل نظاراته..وتفاجأ..
رائد عيونه حمراء وغرقانه دموع وهو ساكت..
عبدالله تأثر من دموعه،ورجع النظارات له وعصصب،وضرب بيده ع السياره/يعني ترضاها لنفسك وماترضاها لساره!!...وش سوتلك ساره؟؟!!!..قووول وش سووتلك..ضحت علشانك ولا حتى جرحت بيوم مشاعرك...ويوم قلت انت انك بتتزوج ما اعترضت..ودعتك بحب..جررحتها..واتهمتها بالانانيه وهي ساكته ومقهوره،كللله ولا جرح القلوب الحبيبه..اصلن انت ماتحبها،انت لو تحبها
كان خليتها تتزوج بهدوء وباركتلها موب تسويلها قلق..وش قصدك يوم تلاحقها هاااه وش قصدك
رائد بألم/جرب احد ياخذ زوجتك حبيبتك
عبدالله،ارتفع ضغطه ناظره باحتقار وعطاه كف ماكان يحلم به/
رائد/تبي تفهمني انك مثالي وماتخوونها
عبدالله ألتفت على تميم بصوت عاالي يناديه/تمييييم
تميم جاء ومعه العسكري/سم
عبدالله بأمر/ي عسكرري حط له الكلبشات ووده للدوريه
العسكري/سم طال عمرك
العسكري كلبشه ووداه للدوريه/..
تميم/وش السالفه
عبدالله/تميم اخذه وحطه بالتوقيف لين بكره وطلعه بدوون شوشره الله يخليك..انا اهلي معي بالسياره.
تميم/اوككي.بس تعال بكره مضطر توضحلي اللي صااير اتفقنا بو محمد
عبدالله/اووكي عن اذنك
ركب عبدالله السياره وحط مسدسه بالدرج والتفت عليها/شفيك ساكته
رسيل صدت عنه للجهه الثانيه/
عبدالله/لا حوول ولا قوه الا بالله..لا يكون زعلتي بعد
رسيل ماردت..
عبدالله/من صدقك اني بستخدم المسدس مغير بخوفه بس
تميم جاء من بعيد/يــآ بو محمد بومحممد
رسيل سمعت خويه يناديه”بو محمد”..واستغربت!

التفت عبدالله/هلا تميم
تميم/نظاراتك يالاخ طاحت منك
عبدالله ببتسامه/مشكور...يلا سلااام
تميم/سلام
،
رسيل التفتت عليه/ليه يناديك بو محمد!
عبدالله/هههههه علشان ابوي اسمه محمد وبسمي ولدي محمد ان شاء الله
رسيل/نفسك تسمي محمد
عبدالله التفت عليها/ايه..بس مووب اللحين لاتفهميني غلط
رسيل لفت بوجهها ببتسامه/..لو يدري اللي ببطني وش كثر انت تكرهه،كان طاح من مكانه وعاف الحياه
عبدالله للحين ترن باذنه كلمة التحدي اللي قالتها(””وربي لتكون هالواطيه أم ولدك”””......ههههه.مستحييل اخليك تفوزين علي مستحييل ي رسيل)..
رسيل/شفيك سرحت...وين رحت
عبدالله/معك ياعمري.. ها ياقلبي متى بتروحين تنزلين الجنين
رسيل بنظرات استعطاف/عبود.. انا حابه احتفظ في البيبي
عبدالله عقد حواجبه/اجل راح تخسريني..
رسيل قلبها عورها/وش قصدك
عبدالله بنظرات استعلاء وتكبر/يعني يا أنا....يا هالولد
رسيل اخفت حزنها و ببتسامه ساحره التفتت عليه بحب/اكيييد انت ياقلبي..ولا يهمك بكرااا بتتخلص من اللي مضايقك يا حبيبي،انت بس لا يكون خاطرك الا طيب..اوكي
عبدالله استااانس/اححلى اووكي ي عسسل
رسيل حاولت تفرح بقربه وتستمتع بوقتها معه قد مافيها ماتبي تفوت لحظه تكون بقربه،مع أنها تحس ان وراه شيء..
/
/
/
/
/
/
صباح اليوم الثاني~
متعب قام والتفت ومالقى ساره جنبه واستغرررب وفز من مكانه/سوووررري سووري
ساره طلعت من الحمام وهي لافه الروب عليها ورابطته وتنشف شعرها المبلول/لبيه
متعب ارتااح بشوفتها،وضمها/مالقيتك عندي وخفت
ساره استغربت/وين بروح يعني حبيبي
متعب راح وجلس على الاريكه واسترخى/كذا خفت بس
ساره شكت بالوضع/لا مو بس كذا،،متعب البارح عبدالله كلمك عن شيء بالجوال وش قالك وليه ماوصلنا للفندق!
متعب،ارتبك/انتي ليش تنبشين بالموضوع،ماعليك من اللي صار البارح وقولي وش تبين فطورك
ساره خافت/يعني مثل ما توقعت حصل شيء البارح،متعب بتقولي والا بتصل بعبدالله يقولي كل شيء
متعب/يالله والله ماصار شيء الكل بخير وعاافيه،كل اللي صار ان اللي اسمه رائد،كان يلاحقنا البارح في الزفه وشافه عبدالله وابعده عننا وانتهت القصه ارتحتي اللحين
ساره انقهرت/هالاناااني وش يبي فيني بعد للحين يلاحقني
متعب استغرب وصفها له/ليه كان يلاحقك بعدما طلقك
ساره قامت بلامبالاه واخذت كريم مرطب لليدين/ياااكثرر،
متعب عصب/وليه ماكنتي تقولين
ساره/مابي اعطيه اكبر من حجمه..
متعب قام متوتر واتجه للدولاب بيطلع ملابسه بسكات لان الكلام عن طليق ساره ينرفزه،وضح على طريقة بحثه عن لبسه وكأنه مايشوف قدامه/
ساره لاحظته تأخر وصوت بيبان الدولاب زاد،واتجهت له وببتسامه ضمته من وراه تبي تهديه،لان واضح معصب من عقدت حواجبه وهزته بخفيف/أحـبــكك،
متعب ارتخت اعصابه وهدأ،بس مارد عليها..،
ساره فكته ولفت ووقفت قدامه بدلع/ناظرني حبيبي
متعب رفع عينه وناظرها ببتسامه،خفيييفه/
ساره قربت منه وعينها بعينه/اسمعني انا احبك وامووت عليك و مابي منك غير شيء واحد بس
متعب/وش؟
ساره أشرت على صدره مكان قلبه/قلبك مابي غيري يسكنه مثل ماقلبي مابه غيرك احدن يسكنه
متعب ابتسم واعجبته باسلوبها/مو بس قلبي..انا روحي مرهونه علشانك انتي..
ساره ضمته وهي بقمة سعادتها/الله لا يحرمني منك
متعب/ولا منك
/
/
/
/
/
في نفس الفندق بس في جناح آخر...،
قام عبدالله على صوت المنبه،لان اليوم موعد رسيل..،
التفت جنبه ومالقاها،وقام/رسسيييل ي قلبي بسررعه تأخررنا انا رايح الحمام خليك جاهزه
..بعد لحظات طلع عبدالله ولقى كل شيء مكانه وانتبه ان اغراضها اللي ع التسريحه اختفت اتجه لدولابها ومالقى شيء لها وعصصب/وين رااحت؟؟.
أتجه لجواله بيتصل عليها ولقى رسالة واتساب منها..وجلس يقرأها..
[صباح الحب~
عبادي وعدتك اني اخلصك من اللي مضيق صدرك..وهذا انا أوفيت بوعدي لك..تركتك وانا احبك..علشان ترتاح من هم علاقتي بك..،بس الولد أنا آسفه جدا..ماراح انزله..عبدالله..
مشكووور على الليالي اللي اعطيتنياها،لو انها كانت لغرض غير الحب،بس مشكور...ادري انك عمرك ماحبيتني وان اللي جابك لغرفتي ذيك الليله صدفه لا اكثر..
قلبك سكنته ”غيري” ورفض يسكني...وقلبي سكنته انت.....ورفض يسكن غيرك..
بالتوفيق حبيبي...]
عبدالله استرخى على الكنبه وسرررررح ...
/
/
/
/
بيت بومتعب~
بالصاله
اصوات ارتفعت..
الوليد/موووب على كييفه يطلقك
رسيل بهدووء/لا مو بكيفه،على كيفي انا...لأن انا اللي طلبت الطلاق منه..وغصبن عنه بيطلق...
ام متعب/انتي وش تقولين ي بنتي فكري بولدك ع الاقل
رسيل لمعت عينها/علشان ولدي لااازم اتطلق يمه لااازم..
الوليد/انتي شلون تطلبين منه الطلاق ،،ولييييش وش صااير
رسيل تجمع الدمع بعينها/انا ماعندي كلام اكثر من اللي قلته،قراري اتخذته وماراح اتراجع عنه عن اذنكم رايحه ارتاح بغرفتي..
الوليد/وووقفي وييين وييييين
رسيل سفهته وكملت طريقها لغرفتها..
ام متعب/لا حوول ولا قوه الا بالله.. البااارح وش حلاتها معه ورقصوا مع بعض بعد،هذي اكيد عيون النسوان
الوليد طلع برا..معصب/
/
/
فالشارع..،
عبدالله توه موقف سيارته ونزل مستعجل ودخل لقى وليد قدامه بيطلع/السلام عليكم
الوليد،عاقد حواجبه/وعليكم السلام
عبدالله/رسيل موجوده
الوليد ناظره بطرف عينه/انت وش مسويلها علشان تطلب الطلاق منك
عبدالله ارتاع/طلاااق!!!!...أي طلاق يابن الحلال سسووء تفاهم مثلك خابر واختك عنيده شوي
الوليد ارتاح/يعني ماتبي تطلق
عبدالله/اعووذ بالله مانيتي طلاق ولا شيء،بس لو ربي يهديها وتسمع كلامي وتنفذ اللي قلته لها،وتكون زوجه مطيعه،راح نرتاح كلنا
الوليد ارتاح لكلامه/تفضل معي اقلط..اسف ما قلطتك..عصبتبي رسيل،انا داخل اكلمها وانت انتظر هنا بالمجلس بخليها تجي وتعتذر منك واقنعها تسوي اللي انت طلبته منها..لا يكون خاطرك الا طيب
عبدالله ببتسامه/مششكوور ي بو اصيل
الوليد/العفو...يلا عن اذنك
عبدالله جلس وينتظر...،
/
//
في غرفتها~
الوضع متأزم..
رسيل/قلت لاااا يعني لااا ولا تضغط علي اكثر من كذا لاني تعبت ي وليد
الوليد/انتي ليه ماتسمعين كلام عبدالله وتسوين اللي طلبه منك،وش بتخسرين لو طعتي زوجك
رسيل حطت يدها على راسها/محد راح يفهمني،وليد بليييز برااا
قوله اني معاد ابيه ولا عاد ابي اشوف وجهه..
الوليد/موووب بكيفك داامك حامل بولده بتشوفينه
رسيل دخلت دورة المياه وتركت وليد بالغرفه/
الوليد/دددلللع مافيه الا تكسير راس،اذا الوحده زعلت قالت بتطلق،سلماااات وي حنا فيه....اللي طلبه عبدالله راح يتنفذذ فااهمه..
رسيل جالسه على طرف البانيو وتبكي مقهوور”وش تقول لاهلها والناس،ان زوجها قايلها تنزل الجنين وانه مايحبها ويحب وحده متزوجه وللحين يفكر فيها،موقفها ومشكلتها معقده”....
طلع معصب .....
/
/
تحت
المجلس
الوليد/شوف ي عبدالله وانا اخوك..انا كلمتها واصرريت تنفذ طلباتك..بس عاد انت سايرها تعرف الحريم كلمه توديهم وتجيبهم..ترى انا معك..لانها ماعطتني سبب مقنع للطلاق..الله يوفقكم روح وتفاهم مع زوجتك
عبدالله/مششكووور يالنسيب..الطريق في احد
الوليد/تفضل مافيه احد عند جناحها....
/
/
/
طلعت من الحمام واخذت علبة سجايرها والمصفاة واتجهت للشرفه بتدخن كعادتها...،
دخل عبدالله وسكر الباب بالقفل وهو عاقد حواجبه وراح يدورها ومن حركة الستاير عرف انها هناك اتجه بسرعه للشرفه وسحبها داخل وقفل باب الشرفه..
رسيل بعصبيه/انت من سمحلك تدخل عليا بهالشكل يلااا براااا
عبدالله مسكها بذراعها بقووه وسحبها اتجاه الكرسي ودفها عليه بقووه ووجلسها بعنف وقرب وجهه العاابس وضايقها بالجلسه وحط رجليه وحشرها وبقمة غضبه/اجل تبين تحتفظين بالولد هااه
رسيل بلهجه حجازيه/مااالك صلاح ،سيبني
عبدالله شدها من شعرها ولف راسها/اقوول بلا سيبني بلا كلام فااضي،،هالولد بتتخلصين منه قبل لا اساافر مفهووم
رسيل وهي تتألم بشده/لاااا
عبدالله،عطاها كف/انتي كنتي تضحكين علي وتسايريني كل ما قلتلك خلينا نروح المستوصف ننزله تقولين خلينا ننبسط شوي مع بعض انتا بتساافر ...ي كذااابه كنتي مخططه تحتفظين فيه
رسيل بكت/بس هذا اللي فهمته انت!!!.ياخي حراام عليك..انت اناااني اناااني
عبدالله فقد اعصابه/انا اناااني عصبي جشع طمااع نذل،وش تبين بولد ابوه فيه كل هالصفات الشينه!!
رسيل صدت عنه وبدون ماترد ووجهها غرقان دموع/.
عبدالله لف وجهها عليه بالغصب/يلا قوومي البسي عباتك،قدامي ع المستووصف.
رسيل وهي تمسح دموعها/شلون اقوم وانت خانقني كذا،ابـععد عني.
عبدالله قام بشويس خايف تخرب عليه،وتقول لأهلها..
رسيل قامت وكانت تدوخ من الزعل والعصبيه و كثر ضربه لها وتحس بألآم قويه،وقفت وهي تمسك بطنها بقوه وانحنت من شدة الألآم،وصررخت/آآآآه،حرام عليييييييك وش سووويت فيني آآآآآآآآه
عبدالله خاااف حدده اتجه لها ومسكها/لا موب هنا لااااا...بنت خليك قويه لين نوصل المستوصف،انا اتفقت مع دكتوره راح تسويلك اجهاض ماراح تحسين بألم...
رسيل جلست ع الارض وتتلوى من شدة الألم/يمااااااااه الحقيييني
عبدالله نزل بمستواها بيوقفها وحط وجهه بوجهها/بنت قوومي معي
رسيل من حرارة الألم وقهرها منه تفلت بوجهه لانه السبب/براااااا براااا ناد اهلي معاد ابيك
عبدالله عطاها كف قووي بعد هالتفله،ودفها بقووه وطاحت بشكل مؤلم.
رسيل زاد ألمها اكثر وقامت تبي تستقعد وتغمض وتفتح وصارت ترجف/برردااانه الله يخليك قول لأمي هي ماراح تسمعني الجناح بعيد عنهم..تكفى انا انا...
عبدالله خلاها تتألم وتتعذب ومشاعره مختلطه بهاللحظه،لان جانب شخصية عبدالله طيييب وعمره ماكان قاسي..
رسيل حست انها تنزف ظلت تبكي بصمت وتأن،وترمش بتعب/عبادي الله يخليك،انا انزف قول لاهلي يجوون،خلاااص الجنين مات،ارتااح الله يخلييك بموت من الألم..
عبدالله قرب منها وقلبه يعووووره على اللي سواه فيها بس غروره وكبريائه مايسمحوون له يبين اي مشاااعررر حب وحنان..قام واتجه لباب الغرفه وطلع..وسوى نفسه مصدوووم وزعلان بانها تنزف...
المهم تجمعوا حولها واسعفوها..
/
//

/
بالمستشفى~
وليد وام متعب وعبدالله واقفين وينتظرووون...
عبدالله ناظر ساعته/ي جماعه انا آآسف مضطر امشي لأن طيارتي بعد نص ساعه ابي الحق عليها
الوليد/ورسيل
عبدالله متأكد انها سقطت/بأيدي امينه انا تركتها عند اهلها موب اغراب...
ام متعب/طيب ضروري تسافر...
عبدالله/انا على حساب الحكومه وصعب اتأخر يلا ي خاله ويا وليد اشوفكم بخيروسلموا على رسيل انا بتصل فيها بامان الله
ام متعب/بمان الكريم
راح عبدالله...،،،
اقبل زياد ررركض وخااايف/وين رسسيل وين اختي
الوليد/اصصص فضحتنا...اختك بخير
زياد/بس سمعت انها تنزف
ام متعب خنقتها العبره/ي فرحه ماتمت،،
زياد /وش قصدكم
الوليد/احتمال كبييير انها سقطت
زياد انصصددم/لاااااا...رسيل فرحاانه انها حامل،ورحنا انا وياها للسوق نختار غرفه للولد وطلبتني اعلمه سكيت بعد و..
ام متعب بكت...
زياد حاول يكتم بكيته وطلع يركض...
الوليد„حس بالذنب لانه خلا عبدالله يدخل عليها وهي زعلانه منه„/لاحول ولا قوه الا بالله..
/
//
/
/
/
ساره/ايييش تقوول ماني مصدقه...
متعب/هذا اللي صار
ساره،حززنت/يا عمررري يارسييل
متعب قام واخذ شماغه/..
ساره/وين رايح
متعب/بروح اشوف اختي
سارع/اخذني معك
متعب/الوقت تأخر ومادري اذا بيدخلوني اصلا او لا..
ساره/يووه يعني بتخليني لحالي هنا
متعب/مانيب متأخر لا تخافين ي قلبي
ساره/طيب طمني
متعب لبس شماغه وتعطر وطلع/اووكي
طلع متعب
وجلست ساره بحزن على رسيل وعبدالله اللي فقدوا ولدهم/اللحين عبدالله متضايق...ي قلبي
/
/
/
/
/
بغرفتها،بعدما حست بالرااحه~
رسيل عيونها ذبلانه من شدة الألم اللي مر عليها وتعذيب عبدالله لها،،.ومستلقيه على السرير الابيض و سساااكته،..
الممرضه ببتسامه/الحمدلله ع السلامه..
رسيل ماردت عليها،ارمشت بتعب و صدت..،
دخلت ام متعب وكانت خايفه/الحمدلله على سلامتك يا يمه...شلوونك اللحين...وش تحسين به،.
رسيل عورها راسها من اسئلة أمها/يمااااه أنا بخير لا تخافين
ام متعب استانست/الحمدلله..دامك مرتاحه ومؤمنه باللي صار،يا قلبي معوضه خير ان شاء الله
رسيل التفتت على أمها/يماه جووعااانه
دخل الوليد ومعه نجد/يخسى الجوع
نجد ببتسامه/ السلام عليكم
الكل/وعليكم السلام
نجد/الحمدلله على سلامتك ي رسيل..
رسيل،ببتسامه/الله يسلمك..وين اصيل ليه ماجبتوها
نجد/وش تبين بالمزعجه هههههه
رسيل/فدديت ازعاجها
الوليد رحمها/معوضه خير وانا اخوك
نجد/يا قلبي ي رسيل..سمعت باللي صارلك ان شاء الله خيره
رسيل/ي جماااعه وش فيكم علي ”معوضه خير..معوضه خير”حسستوني اني فاقده شيء وش السالفه
ام متعب خافت على بنتها/يا بنتي الوحده ماتصدق انها سقطت.تاخذ وقت على ما تستوعب
رسيل استغربت/سقطت!!
الوليد/ايه نسيتي اللي صارلك
رسيل استقعدت/لا من قال اني سقطت..انا نزفت بس ماسقطت،الجنين للحين بخير
الكل/!!!!!!
ام متعب همست للوليد/اختك منهاااره


.........يتبع

[فيتامين سي]

,
,

رسيل/هههههه،وررربي ماني منهاره ولا شيء..انا مافقدت الجنين اسألوا الدكتوره انا مسويه اشعه سونار في الصباح وشفت بنفسي
دخلت الدكتور/السلام عليكم
الكل/وعليكم السلام
الدكتوره/ها بشري ي رسيل كيفك اللحين
رسيل ببتسامه/احسن من الصبح
الدكتوره/حلو..انتبهي بالمرات الجااايه ،لان هالمره عدت على خير،
ام متعب/تقصدين انها ما سقطت
الدكتوره/لا الحمدلله عدت بخير
الوليد استانس/انا رايح ابشر زياد لانه منهار وحالته حاله
طلع الوليد...،
الدكتوره،التفتت على رسيل/ممكن تخلوني مع رسيل شوي ي جماعه.

ام متعب قامت/خذي راحتك
نجد قامت ولحقتها......
رسيل ببتسامه/خير دكتوره وش فيه
الدكتوره/اخت رسيل انتي مدخنه صح
رسيل هزت راسها بابتسامه/ييب
الدكتوره/كنت عارفه من نسبة النيكوتين العاليه بدمك
رسيل بدوون اهتمام/والمطلوب دكتوره
الدكتوره/تتركي التدخين نهاائي او عالاقل لين تولدين،لان الحامل المدخنه عرضه للاجهاض باي لحظه والولاده المبكره
رسيل،مطنشه/طييب متى اطلع انا
الدكتوره/شكلك منتي مقتنعه بكلامي
رسيل بلا مبالاه/ههههههه الا كيف ما اهتم..بس انا وراي شغل ياليت تخرجوني بسرعه
الدكتوره/اووكي...
/
/
/
/
/
/
اليوم الثاني...،
ساره بالجوال/متى وصلت لندن حبيبي
عبدالله/امس الفجر
ساره/الحمدلله ع السلامه.
عبدالله/الله يسلمك...
ساره/والحمدلله على سلامة زوجتك والجنين
عبدالله/هاااه
ساره/هههههه وشو هااه..بعد لاتكون للحين ماكلمتها تتحمدلها بالسلامه
عبدالله/هااه..الا ردت علي أمها وتقول نايمه
ساره/اجل ابشرك...الولد بخير وامه بخير وعدت بسلام..
عبدالله بضيييق/اوكي انا استاذن بنام„الوقت تأخر،وانا وراي دوام،سلام
ساره استغربت ردوده وبروده/سلام....
/
/
/
/
مرت الايام...
سامر اصبح موظف رسمي بالشركه...
كاترينا مابعد تحدد ملكتها على مشعل...
والكل على حاله....
رسيل ومايا يداومون بالمؤسسه حقتهم..،والاوضاع تمام..،
وهي بمكتبها جاها مسج من ”نواف”[سمعت بطلاقك بعدما تزوجت وانقهرت..ليتني ماتزوجت...أحبك يا اغلى من سكن قلبي]
رسيل بلعت ريقها ونزلت دمعتها ورفعت راسها،تبي تكون قويه وانهارت دموع بعد شهور من الصمت وابتسامات المجامل...وتذكرت جملة[لاتندم على من حبيت وخلاك اندم على من حبك وخليته]......
/
/
/
/
/
بعد فتره...*
في شاليه فخم ع البحر...
العزومه كانت على حساب بومتعب، اللي للحين مايدري باللي صار بين رسيل وزوجها...هذي بنته وحيدته ودلوعته ومايرضى عليها...
رسيل حاسه بتعب من الصباح بس ما قالت لاحد وجالسه بالصاله وتكلم بالتلفون...لأن مابعد احد يوصل من العايله او المعازيم..غير عايلة ابو متعب...
رسيل وهي تكتم ألمها/مايا وينك تأخرتوا
مايا بالتلفون/رسييل انا وعمر ماراح نجي الليله...عمر عنده اوفر تايم..
رسيل حاولت تتنفس براحه وتخفف ألمها/مايا ما اتفقنا على كذاا... انا محتاجتك بهالوقت،
مايا/رووسي لاتتقطعين قلبي ..ماني قادره اتحمل
أبو متعب كان بيدخل وسمع رسيل وصوتها تعبان وكأنها تتألم...ووقف يسمعها...
رسيل/عذاااب احس بألم فضيييع..
مايا/قوولي اميين الله ياخذ عبدالله ،اللي خلاك بهالحاله وراح
رسيل/لااا تكفين لا تدعين على عبدالله...مهما حصل يظل حبيبي..
مايا/حبيب مين يا ماما....عبدالله طلقك يا حلوه..مايحتاج اذكرك بالورقه اللي وصلتك لمكتبك بالمؤسسه„إلا متى بتقولين لاهلك عن طلاقك
رسيل/ماراح اقول لاحد عن طلاقي..مابي ابوي يتضايق ويضيق صدره ولا ينهان علشاني،ومابي امي تموت قهر مني..انا ما استاهل دمعه منهم..من تزوجته وانا اعاني منه ولا قلت لهم...جات على هذي اقولها،لا والله ماقولهم.
مايا/رسيل صوتك فيه شيء مو عاجبني
رسيل بألم يعصرها/من صباح حاسه بألام بظهري ومغص يروح ويجي..
مايا خافت/رسيل هذي علامات ولاده..بس توك بالسابع مايمديك
رسيل/مادري والله..بس ألم فضيييع
مايا/الله يستر قولي لأمك لاتكون ولاده مبكره ولا حاجه
رسيل تذكرت كلام الدكتوره عن التدخين والولاده المبكره وموت المواليد لامهات مدخنات...ودب الرعب بقلبها/الله يستر،مايا انا تعبانه ماني قادره اتكلم معاكي اكثر،يلا مع السلامه
مايا/باي قلبي بس طمنيني عنك
رسيل /اوكي...
قامت رسيل واتجهت للغرفه القريبه منها ووقفت بنص الطريق، ورصت على بطنها بقوه..وطقت بيدها على الباب علشان احد يسمعها/يماااااا ألحقييييني يماااااااااه
بومتعب مسح دمعته واتجه لها مسوي نفسه ماسمع شيء/خير ان شاء الله وانا ابوك وش فيك
رسيل استحت من ابوها وحاولت تكتم ألمها وماقدرت،جلست ع الارض وتتألم بشده/مافيني شيء
بومتعب ابتسم من كبرياءها واخذ بيدها وقومها/عنادي ماراح عنك بعيد..
ام متعب جات ركض/ووش فييك ي رسيل اسمع صوتك تصيحين
بومتعب/الظاهر ولاده مبكره..
رسيل،بين امها وابوها حست وكأنها تووها طفله صغيره وجودهم حولها ريحها/تعباانه يمااه
ام متعب/روحي مع ابوك السياره بجيب عباياتنا انا وياك والحقكم
رسيل وهي تبكي/ماني قااادره امشي آآآآآآه
بومتعب شالها وتذكر يوم شالها وهي صغيره ويلاعبها،وهي تضحك من قلب بشقاوة اطفال،بس اللحين تتألم وتبكي من قلب على جروح بصدرها والم جسمها والولاده/هدي وانا ابوك مافيه الا الخير ان شاء الله..
رسيل سبح وجهها دمووع/
/
/
/
/
/
بعد يومين صحت رسيل وكانوا الكل حولها وكانت تبكي بحررقه/انا السبب يمااه اناااا..الدكتوره قالتلي اتركي التدخين بس انا طنشتها وكنت اشيش بعد...آآآآآآآه يماااه آآآه
ام متعب تبكي معها/بس يمااه بس،،الله يكتبلك الخير بالجاي ان شاء الله
مايا ونجد وساره بكوا معها..وصارت مناحه...،
مات الجنين وقلب رسيل تقطع معه.. الخبر انتشر وقلب حياتها فووق تحت،وخلاها تتغير 180درجه....
وصل الخبر لعبدالله اللي فرح بانتصاره عليها وكمل حياته بينساها وكأنه ماعرفها..
=========
/

[فيتامين سي]

بعد مرور ثلاث سنوات...،




المؤسسه~
مكتب رئيس مجلس الاداره٪
رسيل تكلم بالجوال وتضحك/ششووفي ،ميووش ترى مصختيها كل يوم،اعذار وتكفين ماقدر اجي وبزاريني ومادري ايش
مايا بالجوال/رسسيل حرام عليك،قسم ماني ملحقه وانتي عارفه الشغاله جديده ويبي من يعلمها ،بس كلها فتره بسيطه وبداوم..اووكي
رسيل/خلاص سامحتك ههه
مايا/لا والله ههههه
رسيل/اهم شيء شخبار سعد وفهد غيرهم مايهمني
مايا/كويسين بس عفااريت خصوووصا فهووودي
رسيل/ههههههههههه
مايا/ايووه اضحكي ايش وراكي
رسيل/اقوول احمدي ربك بس ههههههه
مايا/هههههههههه
/
/
/
/
/
نادي هواة السكيت والسكوتر والهوكي..
زياد دخل وببتسامه/السلام عليكم
قام الموظف/هلا استاذ زياد
زياد/ها كيف الوضع اليوم
الموظف/تماام وابشررك جانا عرض من 3شركات بدعم فريق المحترفين
زياد/حلوووو،اجل هات اوراقهم ونشوف العرض الانسب لنا
الموظف/ان شااء الله
زياد/وقل لياسر يتجهز لاننا نبي نطلع نشوف صالة العروض حقتنا كيف صارت لان لنا اسبوعين ما مريناها نبي نشوف الشغل ماشي مضبوط والا لا
الموظف/اوكي
زياد راح وجلس على مكتبه ويتصفح اوراق الشركات الداعمه..
/
/
//

/
/
بالليل ~
ساره/نجدددددد تعااالي واخذي بنتك عن عزوز
نجد/بسم الله على بنتي لا تصرخين عليها
ام متعب/هههههههههههه
رسيل دخلت على صيحتهم واتجهت لأصيل واخذتها/شششفيييكم على اصووولت قلبي،
ساره/جاااتكم المحاميه حقت اصيل
رسيل/ساااروونه ترى ان ماتركتي اصيل براحتها ،والله لاخذ ولدك هذا واخليه لعبه بيدها واربطك قدامها تناظرين كيف تلعب فيه عروسه
نجد/هههههههه
ساره عصبت وقامت عليها/والله
رسيل قامت ونزلت اصيل جنبها وهربت وتنادي/سعوووودي فهوووووودي الحقوووني
ساره ارتاعت/ جايبه شياطين مايا وعمر معك بعد
سعد وفهد كانوا بالحوش يلعبون سكيت سمعوا صوت رسيل ودخلوا/ماااماااااا
رسيل/انا هنا ي حبايبي تعاالوا
سعد ناظر ساره بنظرات ناريه/ بعدي عن ماما
ساره/ تعال ي نتفه وش بتسوي
فهد شاف ولد ساره لحاله واتجه له ومسكه بدون مايشيله/ثــاااره لووحي عن مامه والا باخذ ولدك وارميه في الذباله
الكل/ههههههه
رسيل/شااااطر حبيبي يفزع لامه
ساره تركت رسيل/خلاص حبيبي تركت ماما يلا روح عن عزوز
فهد ترك ولدها واتجه رركض لرسيل ومعه سعد وضمتهم/فدديت اولادي الشاطرين
ام متعب/خووش تربيه والله،
نجد/هههههههه يا حلووهم ي خاله يهبلون
ساره/علشانك شايله ولدك بغرفتك وبنتك اكبر منهم ومرتاحه هم بصف بنتك
الكل/ههههههههههه
دخل متعب وابوه/السلام عليكم
الكل/وعليكم السلام
سعد وفهد اتجهوا للجد تعلقوا برقبته/جدوووجدووووو
شالهم وضمهم بحب/ي هلااا وغلاا بـ فهد وسعد
متعب اخذ فهد وشاله عن ابوه/شخبار الحلووين اليوم
فهد قلب عيونه بدلع وضحك...،
رسيل جات وحبت على راس ابوها/هات عنك ..وقت نومهم يبه
متعب/خليهم مشتاق لهم
رسيل/لا صعب، هم اللحين طلاب روضه و مايا مسويتلهم جدول ونظام اذا خربته عليها وش بيفكني منها ههههه
متعب/هههههه
رسيل شالت سعد ومشت/فهوود تعااال..
فهد يلحقها/ماماا شيليني
رسيل/فهود بلا دلع تعاال شلون اشيلكم كلكم انا شلتك قبل شوي
فهد لحقها وهو يبكي/ماااااماااااا
رسيل تسمعع وقلبها معورها/تعااال ي دلوع
شالتهم كلهم مع بعض واتجهت لغرفتها وحطتهم على السرير/يلا نبدل ملابسنا ونلبس البجايم وعلطووول نووم
سعد تثااوب وانسدح وناام ...
وفهد اتجه للتسريحه يلعب ما حوله نووم،..
رسيل شهقت وشالته للحمام تغيرله/لا سعوودي قووم حبيبي..
غيرتله وخلصته واتجهت لسريره وحطته وهو نااايم وغطته..
ألتفتت على فهد وشهقت،..
فهد ع المكتب وحايس اوراق العمل حووسه بالروج...ولعب بوجهه وملابسه..
رسيل معاد فيها تصبر عليه اكثر اتجهت له وضربته/ليييه كذااا ليييه
فهد بكى ببرااءه/
رسيل وهي تلم اوراقها/يالله منك يهالولد منت راضي تأدب،شوف سعد احسن منك
فهد زاد صياحه ويمسح دموعه ويتنهد..
رسيل سفهته وجلست تلم أوراقها...،
دخلت ام متعب وعصبت عليها/وش بلاك على فهود بعد ضربتيه كالعاده
رسيل بانفلات اعصاب/يمااه هالولد جنني،مايفهم كم مره افهمه ويستهبل علي
ام متعب عصصبت واخذت فهد معها/انا اقوول لا عاد تاخذينه من مايا،خليهم عند امهم ابرك لهم منك
رسيل ناظرتها وغرقة عيونها دموع/تهزأيني علشان هالنتفففه
ام متعب تبي تسكته وماسكت طوول يبكي وانبح صوته وطلعت به عن الغرفه..
رسيل جلست على مكتبها وتلم الاوراق المبعثره وبكت العبره اللي خنقتها..
لحظات ودخلت ام متعب/رسسيل وين البخاخ تبع الربو
رسيل،فزت واقفه ورمت كل الاوراق/فهههد
ام متعب/الولد انكتم معاد يتنفس
رسيل طلعت البخاخ ولقته واخذت فهد من امها وجلست على الارض وتربعت ورافعه راسه وتحطله بخاخ/فهوودي ياقلبي رد علي فهووود،فهوووود
فهد ياله رد النفس وضمها وهو تعبااان يبي ينام/ماامه..
رسيل/ياااقلب ماامه انت ورووحها وكل حياتها
فهد غمض عيونه وناام وهو يتنهد العبره..،
ام متعب،مسحت دموعها/زين كذا بغيتي تروحين الولد
رسيل ساكته وضامه فهد على صدرها بحنان وتمسح على شعره ودموعها تسيل/..
طلعت ام متعب معصبه/الله يهديك بس
رسيل شالت فهد وراحت لسريرها ونومته جنبها وبحضنها وجلست تراقبه طووول الليل...،
/
/
/
/
/
بعد ايام من هالاحداث...،
في الدمام~
بو محمد/خير ي مشعل ي ولدي
مشعل/عمي انا مستعحل وبتزوج شف كم عمري انتظرت اربع سنين ومافيني اتحمل اكثر
بو محمد بس اتفقنا بعد التخرج والبنت باقيلها سنتين
مشعل/انا مصمم اننا نتزوج اللحين وماله داعي دراسه
بومحمد بحزم/انا اسف مالك عندي زوجه واعتذرلي من الوالد
مشعل/هذا اخركلام
بومحمد/هذا اتفاقنا والبنت ماوافقت عليك الا بعد هالشرط مايصير تخلفه اللحين
مشعل قام معصب وطلع----

،
كاتي مو بالارض طايره بالسماء من فرحتها اخيييرا تحررت من ارتباط مشعل ورمت خاتمه...
/
/
/
/
بعد اسابيع ع الاحداث السابقه~
مايا توصي المربيه بالاسبانيه وترجمتها/اسمعيني كويس،نورسين اديها رضعتها ورانسي تنام بعد ساعه..اووكي كريستي
كريستي/حاظر سيدتي
ام مايا اتصلت وؤدت مايا/هلا ماما...لا لا ...مايحتاج تجين اليوم..كريستي فهمتها الوضع وفهمت
ام مايا/كويس انا عارفه ان كرستي راح تنتبهلهم.
مايا/يعني يا ماما انتي ماليه يدك منها
ام مايا/ههههه ي بنتي نسيتي كريستي هي بنت جيراننا في ملقا
مايا/ماااماا وانا ايش عرفني باهلك وجيرانك يادوب اعرف خوالي..
ام مايا /هههههه يا بكاااشه ع العموم راح امر عليهم بعد نص ساعه واتطمن لا تخاافي روحي للشغل مرتاحه
مايا/انا دحينه في الطريق للمؤسسه،باي ماما
ام مايا/باي ياحبيبتي
/
/
عمر وهو راجع بـ سعد وفهد من الحضانه/بابا اسمعوووني ان شاء الله مافي ضرب بزران اليوم
سعد جالس بهدوووء ويهز راسه بأدب ودك تااكله..
عمر التفت يدور فهد/بابا فهووود
فهد مايسمعه لاصق بالقزازه ويناظر خلق الله ويسوي حركاات لقاافه..
عمر رفع صوته/فهووود اجلس مكااانك ابعد عن الباااب الله يصلحك
فهد بعناد/لاااا
عمر/فهوود،خلاص مافي ماما بوديكم البيت
فهد جلس/لا لا لا ابي ماااماا
عمر/يلا اقعد شااطر زي سعد
فهد جلس وتكتف وسكر فمه/...
عمر يطالع فيه من المرايه العاكسه وكاتم ضحكته..
رن جواله ورد/هلا روسي
رسيل بالجوال/هاا وينك
عمر/قربت اوصل..بس تعالي وين بتودينهم
رسيل/زياد وعدنا يودينا للصاله الرياضيه نشوفها اليوم..انا والصغار..
عمر/اجل انتبهي عليهم..
رسيل/اقوول اخلص بس
عمر/روووسي تراك متهوره
رسيل/ههههه هات عيالي بس
عمر/طيب لا تتأخرون
رسيل/الساعه 6 بنكون بالبيت..
//
/
/
/
/

من المطار...اتجه الى فرع وزارة الداخليه...خلص اوراقه علشان يسافر للديره...ويشوف أهله..تلفت في الاماكن تغيرت بس حبه لهالارض ماتغير...وحاليا صارمسئول كبير وترقى رتبتين واصبح رائد.....
بالليموزين ..طلع جواله واتصل باقرب رقم وهو يتبسم/ألووه
بدر بالحوال/لاااااااا وووصلت ههههه
عبدالله/ههههه
بدر/الحمدلله ع السلامه...هلا وغلا من متى هنا وليه ماقلت لي ي ولد
عبدالله/وصلت الصباح اليوم خلصت اوراقي بالوزاره والان متجه للديره
بدر/المفروض قلتلي وارتحت من دوخة الليموزينات
عبدالله/ماحبيت ازعجك..ادري انك متزوج وعندك مسؤليات الا شخبار الصغيره
بدر/بخير
عبدالله/نسيت وش سميتها
بدر/ساره
عبدالله تبسم وهو يتذكر اخته/عاشت الاسامي..يلا بدر استاذن بدر/ههه طيييب مع اني ودي اتوطى ببطنك يومنك ماخليتني اشوف خشتك
عبدالله/ههههه فمان الله
بدر/فمان الكريم
عبدالله سكر الجوال وهو يتبسم/يا رفيق
السايق/نعم سير
عبدالله ناظر الساعه5,30/روح شمال جده
/
/
[[[علقتني في ?واگ وطحت من قدگ گسرت خاطر خفوقي وانطفى نور? ما صنت ع?دي يومنّي صاينن ع?دگ علقت الأمال فيگ وجات مگسور?]]]]
/

بيت بو متعب..~
وقف عبدالله..وتردد..وطلع جواله علشان يدق على ساره..
بهاللحظات وصلت سيارة رسيل والصغار مع سايقهم..
السايق نزل وفتح الباب..ونزلوا سعد وفهد يتراكضوون ..
رسيل خاافت ونزلت مستعجله وتعباانه من الركض وراهم/سعووود وفهووووود وقفوااا
فهد نقز حواجبه وسحب شنطة سعد وهو يمشي قدامه..
سعد عصب وراح يركض وراه ويبكي/ااااااا
رسيل تلاحق فهد وتهاوشه/فهوود وقف والله لاوريك
فهد انحاش وهو يضحك على اللي سواه...
رسيل راحت لسعد وشالته وضمته وتسكته/فددديته حبيبي..ماعليك بوريه فهود..خلنا نروح نلحقه
فهد طل يبي يشوف احد لحقه وشاف رسيل جايه ومعها سعد وبنظرات تهديد..قرر يهررب ،واصطدم بـرجال قدامه،،
فهد يبي ينحاش منه/
عبدالله ضحك على حركاته لانه يراقبه من اول مانزل من السياره/شسوووويت في امك واخووك ههههههه
فهد يبي ينزل ويحاول يتفكك منه...بس سمع صوت رسيل خاف وضم عبدالله/بتضرربني
رسيل جاءت وهي معصبه/فهووود وييينك
شافت عبدالله قدامها وماسك فهد، ورجعتلها الذكريات القديمه،جروحها واهانتها وعذابها والنزيف اللي سبب لها......، العبره وصلت حلقها وبلعتها وحاولت تكون قويه وتسوي نفسها ناسيته وتسفهه وفعلا حقرته وكأنها ماشافته/فهووود انزل
فهد لف وجهه وضم يدينه حول رقبة عبدالله بعناد/لاااا
رسيل ودها تضربه على تصرفه وموقفه البايخ خصوصا انه مع عبدالله،نزلت سعد /يلا حبيبي اخذ شنطتك وادخل انا باخذ فهود واجي
عبدالله يطالعها وكاتم ضحكته على شكلها مع البزران/السلام عليكم
رسيل ولا كأنها سمعته„سحبت فهد غصب/تعال يـ...
عبدالله مسك يدها/بشويش ع الولد عورتيه شوفيه يتألم
رسيل هالكلمه رنة باذنها وألتفتت عليه بنظرات ناريه/انت آآخر واحد يتكلم عن الألم..هات الولد بس
عبدالله بلع ريقه من كلمتها اللي بالصميم ومسح على راس فهد وهداه/خلاص فهودي روح مع خاله،ماراح تضربك
رسيل اخذت فهد منه وهي تخزه/خاله بعينك
عبدالله مسك يدها/طلبتك ماتضربينه
رسيل التفتت عليه وسحبت يدها بقوه وحقرته ومشت وتسحب فهد بعنف ...،
عبدالله استغرب تصرفاتها بس ابتسم بنفس الوقت.
طلع متعب واستقبل عبدالله/ هلاحياك الله ي عبدالله اقلط
عبدالله دخل معه/هلا بك
/
/
/
بغرفتها وحاشره فهد تهزأه/انت وبعدين معاك؟.. هااه.متى برتاح من لقافتك وشقاوتك هااه؟
فهد لاحظ حلقها اللي بأذنها واعجبه ومد يده ببراءه/ ماما ابي هذا
رسيل ارتخت عصبيتها وجلست تضحك وهو بحضنها وتضمه/ششقي هههههههه
سعد شافها تضحك ونط بحضنها وجلسوا يلعبون.
/
/
/
/
بالمجلس~
ساره جالسه عند عبدالله ويسولفون/اخييرا خلصت غربه اخييرا
عبدالله/ابشرك..ها ساره شخبارك وش اخبار عزوز
ساره/بخير الحمدلله
عبدالله/طيب جيبوه وينه ودي اشوفه
متعب/ساره قومي جيبي عزوز...انا طالع عندي موعد...خذ راحتك
يا عبدالله البيت بيتك
ساره/من عيوني لو انه توه نايم
عبدالله/هههه مووب مشكله...
دخلت ساره تجيب ولدها وتشوف سعد نازل مع فهد يركضون من الدرج ويضحكون/سعووود وفهوود وش مهبببين
فهدضحك وهو يناظر سعد وطلعوا/ما ثوينا ثي
سعد/ههههههه
ساره طلعت الدرج بسرعه واتجهت لغرفتهاولقتها مفتوحه وعزوز يبكي ورضاعته والعابه بالارض وصاحت/والله لا وريكم يا شياطييين
رسيل جات ركض من الحمام وشعرها مبلول كانت مرعووبه/وش فيييه وش صاااير
ساره باحباط/ناظري عيال مايا وش سووا بغرفتي وولدي
رسيل/ههههههه فديييتهم،عاادي كل يوم نفس الشي بغرفتي
ساره/روووسي روحي ورااك لتنتف شعرك
رسيل/هههههههه..شفيك وين بتطلعين اميرك
ساره وهي تسكت عزوز وتهديه/خاله عبدالله تحت ويبي يشوفه
رسيل قلبها من طاريه ورق شجر في مهب الريح بفصل الخريف،سوت نفسها عادي/اييه...انا رايحه اكمل كشختي
ساره/وين بتروحين
رسيل/معزومه عند وحده من صاحباتي سهره بناتيه يعني
ساره،بنص عين وابتسامه/بناتيه هااه
رسيل حركت شعرها ببتسامه/لا فيها شباب بعد ههههه باااي
ساره اخذت ولدها وطلعت/هههههههه (وربي ان عبدالله مايستاهلك)..

[فيتامين سي]

/
بالمجلس ~
سعد وفهد يلعبون ويحوسون..وعبدالله معهم مبسوط عاجبينه هالاثنين وعنده فضوول يعرف من عياله..،
تعاال ياولد
سعد عصصب ماسك نظارات عبدالله/انا اثمي ثعد
فهد متعلق برقبة عبدالله ويلعب بشعره وينتفه
عبدالله/ههههه طيب يا ثعد عطني نظارتي
سعد هز راسه بالنفي/
عبدالله/ يافهد وخر الله يصلحك
فهد وخر وهو يطالع عبدالله بنظراات/انت من؟
عبدالله/هههههه انا عبدالله
فهد/اثلن انا اعرفك
عبدالله استغرب/لا كيف تعرفني
فهد/ثورتك عند ماما رثيل ثح ي ثعد
سعد ببتسامه بريئه/اييه عند ماما
عبدالله استغرب انها للحين محتفظه بصوره!!/وينها الصوره
فهد/فوق بالغرفه كتيييير
سعد/ايه كثييير
عبدالله،بذكاء/طيب وروني وحده من الصور
قام سعد/طيب
فهد لحقه..
دخلت ساره ومعها عزوز/هههه ازعجوك التوأم
عبدالله/هههههه يا ملحهم
ساره/شياطين لقيتهم عافسين غرفتي ومقومين عزوز وجلست اغيرله علشان كذا تأخرت...
عبدالله/هاتي عزوز بسم الله تبارك الله
ساره/شرايك عاد بالله موب حلو
عبدالله/هههه الا مزيووون ههههههه
ساره/طالع لي
عبدالله/نسسخة متعب ولا يشبهك ولا شي. ههههه
ساره/ههههه
عبدالله تذكر شيء والتفت/الا صح بسألك هالبزران المماليح من عياله
ساره/ههههه قصدك فهد وسعد
عبدالله بحماس/ايه
ساره/هذولا عيال رسيل
عبدالله تفاجأ/وشو
ساره/رسيل تزوجت عقب ما طلقتها وجابت فهودي وسعودي
عبدالله انقهر مايدري ليه/ليه؟؟ بهالسرعه تزوجت
ساره بنص عين/اجل تنتظرك يا عين ابوي..اصلن من طلبت الطلاق بنفسها معناته كارهتك وانت ماتدري
عبدالله تضاايق وما بين/يعني هذولا عيالها
ساره ببتسامة نصر/ايه عيالها شفييك..
عبدالله يحاول يكون طبيعي”أبتسم”/لا لا مافيني شيء..
ساره قامت/بروح اجيب الشاهي
عبدالله/لا مايحتاج بروح
ساره/والله ماتروح لين تشربه معي اقعد بسس
راحت ساره وعبدالله جلس سرحاان وعزوز يلعب جنبه..ويتذكر كلمة رسيل قبل شوي يوم قال لفهد روح لخاله”خالته بعينك”

سمع صوت طفوولي شقي بجنبه/عبدالله..
عبدالله التفت عليه ببتسامه/ايوه يافهود
فهد ببتسامه/هذي ثورتك انت وماما
سعد/ثح ماما حلووه ي فهد
فهد/اثلن ماما تدنن
عبدالله ماصدق انهم جابوا الصوره ماتووقع انهم راحوا يجيبونها صدق/يا ملاقيف..وش سويتوا!!!
فهد ببراءه/ماما تمثط ثعرها وتحط عطر وماثافتنا واخذناها وهربنا هههه
عبدالله/هههههه مصيييبه ياهالثنيين
فهد/ترى ثعد معه نظارتك
سعد هرب
عبدالله ببتسامه/فهود روح جبب النظاره
فهد/طيييب
راح ركض..
عبدالله لف الصوره يبي يشوفها وسرررح فيها..هذي في فندق الهيلتون وكانوا مع بعض باوول ليله لهم بالفندق..ليلتها طلبت رسيل يتصورون وجايبه كاميرا مؤقته وتصوروا كانت رسيل متعلقه برقبته وهو ماسكها من الخصر ومحاوط ذراعها وسطها ويناظرون بعض بنطرات تتخللها ابتسامات سااحره يتذكرها عبدالله ززين..تذكر هذيك الليله اللي من اربع سنوات..
سمع صوت خطوات ساره جايه وحط الصوره بمخباته..
///
/
/
/
/
/
اليوم الثاني~
هوشه من الصباح بين فهد وسعد..،
رسيل طفشت منهم لانها البارح نامت متأخره..بعد سهرتها برا/يا اولاااد اسكتوووا
ماسمعوها كملوا هواش وجوا ينقزون على سريرها..
رسيل شوي وتبكي من ازعاجهم/ياللـه
سعد يبكي/هاااتهااا هي حقتي انا
فهد ينقز وهو لابس النظارات/لا لا لا
سعد/انا اللي اخذتها مو انتاااا
فهدعلق/لا لا لا
رسيل استقعدت ومسكت فهد/وش اخذت من اخوووك عطه اللي يبي
فهد طاحت النظارات من عيونه لانها واسعه ومسكها/لا موب نظاراته
رسيل اخذتها منه وشهقت/انتم منين جايبين هالنظارااات!!
سعد/حقت عبدالله
فهد/اخذناها منه البارح
رسيل بلعة ريقها/عبدالله
سعد/اثلن ماقالي ثيء
فهد ببراءه/الا قالي يا فهوود روح جيبها من ثعد يوم عطيناه الثووره
رسيل خااافت/بعد عطيتوه صووره اي صووووره انطقوا يا ملاقيف اي صوووره
سعد/ثورتك انتي معااااه اللي دايما تحطينها هنا بالدرج
رسيل فزت من سريرها واتجهت للكومدينه ومالقت الصوره وشهقت وحطت يدها على راسها/ لااااااااااا.....وش سويتوا فيني حسسبي الله على بلييسسكم..ياررربي وش اسويبهم هالثنيين
فهد وسعد هربوا من الغرفه...،
رسيل جلست على طرف سريرها وترجف من الاحراااج/ياللــــه وش بيقول عني عبدالله اللحييين..بيقول للحين محتفظه بصورتي ليـــه....افففف احرااااج وقهررر
/
/
/
/
/
الـــديــــره~
عبدالله على سريره نااايم والصوره على صدره..
ام عبدالله من وراء الباب/عبدالله يا ولدي قووم عبدالله
عبدالله فتح عيونه وحرك يدينه واستقعد ويشوف الصوره اللي سهر ليله وهي بحضنه.تنهد وعينه ناعسه من قل النوم
ولسان حـاله يقول (آآآآآه ماني مصدق ان غيري ذاق هالحضن يا رسيل)
باس الصوره وحطها تحت المخده..وقام..
/
/
/
/
بجلسه عائليه~
متعب/ساره
ساره/لبيه
متعب/ماقالك عبدالله متى بينقلون هنا
ساره/هالاسبوع ان شاء الله..قد شراء بيت وهو بلندن عن طريق صاحبه
ام متعب تكره طاريه،قامت وتركتهم بدون تعليق/
ساره عارفه انها ماتحب طاريه بس متعب سألها...
رسيل مع الاولاد وهم يلعبون سكيت هم وزياد ومهند اللي يدربهم عليه...
ساره/حبيبي متعب
متعب/هلا
ساره/انا افكر اسوي حفله كبيره لاخوي بمناسبة تخرجه ووش رايك
متعب متردد علشان اخته/عبدالله يستاهل
ساره استانست/مشكووؤر ياعمري
متعب/بس ساره،انتي عارفه وضع اختي وهو طليقها،مابي احراج
ساره/ههههه لا تسمعك رسيل اللحين بس...ماتشوفها مطنشه وناسيه الموضوع
متعب/اخاف انها تناساه بس
ساره/حبيبي انا حابه اسوي هالحفله خصيصا علشان اختك واخوي..
متعب عقد حواجبه/ساااره انهبلتي انتي،ناسيه انهم مطلقين مايصير كلامك هذا
ساره باصرار/بس انا ابي ارجع زوجة اخوي له..
متعب بقلبه شيء وما يقدر يقوله/صعب وما اظن ان رسيل بترجع له..
ساره/خلني اجررب منت خسران شيء
متعب/ولو اني اتوقع فشل محاولاتك بس يلا نشوف
ساره/اسسمعني بالاول..الحفله بتكون في الشاليه
متعب/لا لا لا ..الشاليه حق اهلي لاا
ساره/مو مشكله نستأجر واحد ثاني،وخل الباقي علي
متعب/متى بينقلون هنا قلتي
ساره/الاسبوع الجاي
متعب/خير ان شاء الله.
/
/
/
/
/
/
الديره~
عبدالله/هاه يمه جهزتوا انفسكم ترى بكره بنمشي
ام عبدالله بضيق/ايه كل شيء جاهز
عبدالله/شفيييك يمه
ام عبدالله/بتطلعني من بيتي وديرتي وماتبيني اتضايق
عبدالله/يا يمه الله يخليك لي انا حاليا معاد اقدر انقل برا جده..شغلي اصبح في فرع الوزاره الكبير مو ظابط صغير صرت راائد..
ام عبدالله/عسى ربي يوفقك انا قايمه انام
راحت ام عبدالله لغرفتها..،
بسام التفت على عبدالله بحماس/شفت عزوز ولد ساره
عبدالله ببتسامه/اييه وصورته شووف
بسام طالع الصوره وهو فرحاان/ي لبيييه كبررر...اذكره يوم انولد كانت ساره عند اهلها،كلل يووم اجيهم واخذه...طيب صورة خالد ولد نجد
عبدالله تفاجأ/جابت ولد بعد
بسام/ايـه.
عبدالله سررح مايدري وش فيه..”نجد ورسيل”كل وحده ماخذه جزء من قلبه...تعذذذب وقلبه حيرره”...الرجال يحب اكثر من مره لكن المرأه لها رجل واااحد فقط...
بسام/حسسافه لو كان حمودي مامات كان اللحين كبير ونلعب معه
عبدالله التفت عليه مستغرب/من حمودي ذا
بسام/ولدك
عبدالله تنهد ببتسامه..وقام/يلا تصبح على خير روح نام ورانا قومه بدري وسفره..
اتجه لغرفته،.ودخلها وقفل عليه الباب وشاف خيالها وهي واقفه عند التسريحه توها ماخذه شاور وشعرها مبلول لابسه شورت وبدي وتلتفت له وتبسم له..
عبدالله ابتسم تلقائيا...وراح يغير ملابسه وينام..
/
/
/
/
/
بعد اسبوع ع الاحداث السابقه~
المؤسسه٪
مايا اخذت الملف وقامت واتجهت لمكتب رئيس مجلس الاداره..
طقت الباب ودخلت..
رسيل ماسكه سماعة التلفون وتكلم/اووكي استاذ حسام اتفقنا...انا موافقه...متى تبي ......اوووكي خلاص بكره يناسبني...ياهلا..مع السلامه
مايا تخزها بنص عين/ومين هذا حسام
رسيل ببتسامه/هههه سااالفه طوويله بعدين اقولها لك ها راجعتي الملف الـ..
مايا قاطعتها/رسيل...هالمرره ماراح اسكت عن اي تصرف متهور لك..اذا بتتزوجين حسام علشان تغيضين عبدالله او تلفتين انتباهه فأنتي غلطاانه ماراح اخليك تضحين بنفسك عـ...
رسيل/هدي هدي هههههههه..اي زوااج واي خرابيط ههه هذا حسام صافي العدنان..رئيس شركة العدنان
مايا/حسساام العدنان ماغيررره...
رسيل/اي نعم
مايا/ووش يبي
رسيل/ماراح تصدقين
مايا/قووولي يلاااا
رسيل/يطلب مني اوظف بنته ”رغد” عندنا
مايا فتحت فمها/ايششش..احنا نوظف بنتو
رسيل/ايه يبيها تدرب عندنا وتستفيد مني ومنك هههه قال هي بتقدم على طلب توظيف عندنا وطلب نوافق وقال ان راتبها هو اللي بيدفعه بس من دوون مانقولها انه ابوها هو اللي بيدفع..علشان نقدر نخليها موظفه كفؤه
مايا/فعلا رجال مخه يفكر
رسيل/قصدك حنا اللي مدرسه يتعلمون منها البنات
مايا/ههههه يا ثقتك اللي موديتنا بداهيه
رسيل/ههههه اححب اكون واثقه من نفسي ومن شغلي
مايا تذكرت شيء/سمعت ان عبدالله رجع وصار ساكن جده
رسيل مسويه مو مهتمه.وتقرأ الملف وماتدري وش مكتوب فيه/ايوا
مايا/سمعت ان اخته ساره مسويتله الليله حفلة كبيره بمناسبة ترقيته رتبتين وصار رائد
رسيل توترت وبدأت تتصفح الملف بسرعه/ماشاء الله معلوماتك كويسه عنه
مايا بنص ابتسامه/ساره قالتلي وهي متصله تعزمني
رسيل/اهاا
مايا بنبره جديه/ها ايش ناويه تسوين
رسيل/وش قصدك
مايا/انتي عااارفه انا ايش بقصد
رسيل قامت بتروح السكرتيره/ اسألتك مبهمه ومادري وش تتكلمين عنه
مايا عصبت/لا اسألتي واضحه وانتي فاهمتني كوويس
رسيل التفتت عليها،وعينها تلمع دموع/ماااضي وانتهى ليش تقلبين صفحاته؟...انتي صاحبتي وانتي اكثر شخص يعرف عني وعن اسراري..مايحتاج ابرر لك قراراتي اذا كل شيء وااضح قدامك..واذا صممت على شيء يصير
مايا تأثرت منها/انتي صديقتي حبيبتي،ما ارضى اشوفك تذبلين قدامي،واسكت ماراح اخلي الوضع على حاله
رسيل مسحت دموعها وابتسمت ابتسامه كبيره مصطنعه/انا مبسووطه من قال اني حزينه ،،هذا انا قدامك ماذبلت..ميووش اذا تحبيني راح توقفين معاي وماراح تخربين اللي بيني وبينك
مايا نزلت دمعتها وراحت تضمها وتقول بخاطرها(والله ان ابتسامتك هذي تجرح قلبي ،عااارفه انها مو طبيعيه)
رسيل بكت بصمت وهي تضم مايا...
/
/
/
/
/
الليل~
حفله طويله عريضه في شاليه كبير وحلووو ع البحر..
حضروا الكل..ماعدا رسيل ..،ومعها الصغار..
ام عبدالله تلفت تدورها بين المعازيم...
ام متعب جالسه وبجنبها مايا،وتهمس لها/والله لولا غلات ساره عندي ماجيت حفلة هالـ...
مايا قاطعتها/خاااله لا يا خاله انتي اكبر من كذا
ام متعب/سكتنااا
،
ام عبدالله شافت ساره وسألتها/سارونه بنتي ماشوف رسيل وينها؟..
ساره انحرجت/رسيل مابعد جاءت بس بتجي..
ام عبدالله/اشتقتلها لبى قلبها
ساره ببتسامه/‎بتصل عليها واستعجلها علشانك.
ام عبدالله/مشكووره يابنتي،الله يعلم اني اعتبرها مثل بنتي
ساره/حتى هي يا خاله تحبك والله
ام عبدالله/ادري بها عسل
/
//
/
مايا بالجوال/رسسييل انا شوري عليكي تجييين
رسيل بالجوال/انهبلتي،مانيب جايه..وش يوديني حفلته
مايا/كذا بتبينين للناس انك مقهوره منه..احسن لك تعاالي وانتي رافعه راسك مع حماتك واخوك اللي مسوين الحفله وخلي الناس يشوفونك مو مهتمه فيه،كذا عبدالله بيقول للحين تفكر بالزعل خليه يشوف انك ماهميتيه وماراح تحبسين نفسك علشاانه
رسيل سكتت تفكر/...
مايا /يللااا سلام فيه وحده جايه تسلم عليا..بااي
رسيل قفلت الخط وجلست تفكر بس سعد وفهد مجننينها يلعبون حولهاوينططون/والله اذا ماني رايحه فهو علشانكم يالملاقيف
سعد/ماااماانبغى نلوح معاااهم كلهم رااحوا
فهد ماهمه اي شيء،راكب سيكله ويحوس بالصاله...
رسيل ناظرتهم باحباط/الله يصلحكم
/
/
/
مايا وهي تسلم/اهلين اختي بس ماعرفتينا
البنت الكيووت ابتسمت بدلع/ممم انا رغد حسام العدنان،الموظفه الجديده عندكم
مايا ببتسامه/اهلييين رغد...ماشاء الله كم عمرك
رغد ببتسامه/23سنه
مايا/والله مواضح عليكي،ماشاء الله انتي كيف وجيتي هنا تقربين لهمم والا حاجه
رغد/ممم احنا جيران عبدالله الصاري اللي تو ساكن بجده وعزمتنا أم عبدالله..هم توهم ساكنين جديد جنبنا علشان كدا جينا انا وماما نهني ونبارك
مايا طالعتها فووق تحت/ماشاء الله،طلعتوا جيران الرائد عبدالله الصاري
رغد ببتسامتها/ايوه..الا فين استاذه رسيل،سمعت ام عبدالله تسأل عنها وعرفت انها هنااا..وشفتك هنا وفرحت
مايا/كيف عرفتيني؟
رغد/مره شفتك في جريده انتي واستاذه رسيل،وقريت عنكم تحمسست وقررت اصير زيكم
مايا ابتسمت على حماسها(نفسسسي اشوف ردت فعل رسيل اذا عرفت انك جارت عبدالله)..
/
/
/
/
/
نجد واقفه مع ساره ويستقبلون ويرحبون...
ساره/نجد وش راايك بالترتيب
نجد/رووعه يستاهل عبدالله
ساره ببتسامه/اي والله يستاهل،لبى قلبه
نجد/مادري ليه ماحضرت رسيل
ساره/ناسيه اللي صار
نجد/لا مانسيت
ساره/مادري شفيها هالايام
نجد تنهدت/ماتنلام،تحبه وهو تركها
ساره/شلون تحبه وتطلب منه الطلاق
نجد/ترد كرامتها..لا تنسين ولا تتغاضين عن حركات اخوك لانه اخوك،هو جرحها يوم يسافر بالسنوات وتاركها،ويووم هي بغرفة العمليات وتنزف سافر قبل يتطمن عليها..ترى اسلوبه قاهرني قبل لا يقهرها..سااره حنا بنات ونعرف بعض
ساره بنبره جديه/بهذي صدقتي،اخوي كان جلللف بتصرفاته.
نجد ببتسامه/فدديت رسيل بس ليتها جاءت كان وسعت صدورنا من هالرسميات
ساره/وش بتسوي يعني
نجد/اااقل شيء بتغير هالشريط الغبي اللي انتي حاطته وبتحط طقطقه وبترقصنا
ساره/ههههههههه بهذي صدقتي
رن جوال ساره وردت/هلا
عبدالله بالجوال/سارونه..جات رسيل
ساره استغربت سؤاله/لا ما راح تجي
عبدالله/بذمتك
ساره/عبوود وش قلتلك انا
عبدالله/سااره لا تستهبلين علي،،انا دريت ان رسيل ماتزوجت وان هالعيال موب عيالها،عيال عمر خالها
ساره/تبيها يعني
عبدالله تردد/سسااره
ساره/بس هي ماحضرت....عبدالله هي معاد تبيك
عبدالله سكر الجوال من دون مايحس وطلع من مجلس الرجال واعتذر من متعب لحظاات ...
،
،
،
،
وصلت رسيل ومعها الاولاد والمربيه/فهوود يا ويلك ان سويت شقاوه
فهد نقز حواجبه ونزل من السياره مع سعد
رسيل تحاول تستجمع شجاعتها وقوتها وتنزل بشمووخ/يا تيريز
المربيه/نعم مدام
رسيل/انتبهي كووويس ترى هنا في بركه وبحر وبلاوي
المربيه/اوكي مدام
رسيل تلفتت/وين راح هالولد؟
سعد تشبث بعباية رسيل/ماما فهودي راح للبسه منااك
رسيل جاها احباط/ياللـــه...تيريز اخذي سعد وادخلوا انا بجيب فهود واجي
تيريز/اوكي مدام..
راحت رسيل تدوره ومالقته وهي تهمس علشان اللي بعيد مايسمع/فهوودي وينك
مالقته وهو راح يلحق البسه..
وقفت رسيل تطل بين الاشجار يمكن دخلها ونسى نفسه كالعاده...
مالقته وحاولت تطلع من الاشجار وشافته واقف قبالها من هناااك ويطالعها ببتسامه غريبه واهتز قلبها هز وخافت/اففف
عبدالله قرب بخفيف منها ووقف بسكات..
رسيل ولا كأنها شافته طلعت من الاشجار بسرررعه وهي تحبس دموعها وشافت فهود يناديها/ماااماااا
رسيل شالت فهود وابعدت عنه ..
فهد شاف عبدالله وأشر بيديه وناداه/عبـداللـــه
عبدالله أشرله ببتسامه..
فهد/ماما ثووفي عبدالله هنااك
رسيل/اسسسكت ولا كلمه
فهد ببراءه/مااامااه ابي عبدالله
رسيل سكرت فمه بيدها ودخلوا....
/
عبدالله وقف شوي مكانه ومو مصدق انها رسيل(هذي وحده ثاانيه...وش بلاها تغيرت صارت تتهرب مني ولا تشوفني قدامها،وش بلاها معاد تحب تطالع فيني مثل اول وش بلاها تنفر مني كل ماشفتها ارتبكت وهربت!!.............-عبدالله اللي سويته فيها مو قليل،...بس هي كانت تحبني لآخر لحظه كانت تعشقني رغم كل شيء وش معنى اللحين بتكرهني!!!)
/

[فيتامين سي]

/
فصل جـديـــد


آخر السهره وراحوا اغلب المعازيم...
مايا/شفتي البنت اللي جاءت وسلمت عليك اللحين
رسيل بضيق/ايه وش فيها
مايا/هي رغد العدنان
رسيل ابتسمت/بالله..يا حليلهااا اجل هذي هي موظفتنا الصغنونه الكيوت،،غرريبه وش جايبها هنا
مايا/جارت عبدالله الصاري البيت بالبيت وام عبدالله عزمتها هي وامها تعرفين هي وحيدة ابوها من البنات
رسيل فتحت فمها والتفتت تناظر رغد طول وعرض وبنظرات ماتتفسر وهي ساكته والافكار تدور براسها/....
مايا/شفيك سكتي هههههه اشتغلت الغيره معك هههه
رسيل ناظرت مايا بنص عين/بااااايخه
مايا/هههههه
ام عبد الله/يا هلا برسييل يا هلا بالغااااليه
رسيل انحرجت/هلا فيك خالتي
ام عبدالله/افا يا بنتي وراك يابنتي ماعاد تتصلين ولا عاد شفتك
رسيل/والله مالي عذر...ادري اني مقصره معك بس اووعدك ماعاد اقطعك
ام عبدالله/طيب يا بنتي زوريني ترى بيتي صار في جـده ومعاد لك عذر ما اشوفك
رسيل انحرجت/اككيد بزورك..
/
/
/
/
بغرفه جانبيه في الشاليه واقف عبدالله ويتكلم مع ساره...
عبدالله،ببتسامه/تكككفين حاااولي تطلعين رسيل لي هنا
ساره خافت/لاااااا يووو بتدري انه انا مطلعتها وبتقتلني..انت ماتعرفها زين
عبدالله/طلبتك يا ساااره لا ترديني ابي اكلمها بموضوع.
ساره بنص عين/يماااه منك.....نسسيت اللي سويته لهاااا...ترى كلنا لنا عيووون وندري وش حاصل بينكم
عبدالله تأفف/انتي بتجيبينها والابتذليني
ساره فكرت شوي/شووف الليله صعععب انك تشوفها
عبدالله/ليش؟
ساره/عبدالله خابرتك ثقيل،شفيك!..أسمعني انت لازم تبعد عنها هالفتره...لين تهدأ....وبعدها حاول تقرب منها حبه حبه وانا بساعدك
عبدالله جاه احباط/هذا اخر كلام عندك
ساره/ايه وافضلك
عبدالله تركها ومشى....
ساره كسر خاطرها وهو مقفي وزعلان(ذوق الحرمان اللي ذاقته رسيل وحس بوجعها)
/
/
/
/
/
انتهت العزومه...
الوليد ومتعب وفهودي وسعودي ومعهم اصيل على الشاطئ ويلعبون بموية البحر..واخر وناسه....
بس نجد طلعتهم وطلبت من الوليد يطلع الاولاد لان وقت نوووم وبرد عليهم..
ودخلوا الاولاد وروشوهم ونوموهم...
~~~

بقوا البنات سهرانات بالشاليه~
الكل طالع برا يتمتع بالاجواء. والاطفال ناموا...
متعب والوليد جالسين معاهم..وآآخر وناسه..وعبدالله راح يوصل امه واخوه البيت..والسواقين ودوا الحريم الكبار البيوت ..والبنات بينامون بالشاليه
رن جوال متعب..،
متعب/يارب سترك من اللي بيدق هالوقت
ساره/رد يمكن احد من الاهل..
متعب فتح جواله/هلا....ايوه أنا...ايييش
الكل خااف..
متعب سكر الجوال وقام وهو مخنوق/وليد قوم معي
رسيل قامت معه/وش صااار انطق تككلم
الوليد/يامتعب وش بلاك
متعب/في مشاكل من عمال المصنع وهوشه صايره بالشركه قوم نروح نشوف وش صاير
رسيل/خخخفت علبالي احد صايرله شيء..
متعب/لا مافي الا العافيه،يلا وليد
،
،
طلعوا من عند البنات والو ليد موب مرتااااح..
الوليد/متعب شالسااالفه وانا اخوك
متعب وهو يركب السياره بسرعه/اخوك زياد صاير له حادث وودوه المستشفى
الوليد انفجع/زيـــــــآآآآد
متعب/اسسسكت واركب خلنا نلحقه..
/
/
/
عند البنات~
السهره بدأت وسوالف حلوه..
نجد/الله يستر على بنتي من المويه..غطسها ابوها بالبحر وهي ماتحبه،نامت وهي زعلانه
رسيل/المشكله فهوود..فيه ربو وحساسيه بالصدر وسااعه بالبحر راافض يطلع، الله يستر عليه من البرد..نام وهو تعباان من كثر اللعب
مايا بخوف/اي والله فهودي وضعه صعب،اذا جاته الحاله اتعب نفسيا منه..
ساره/من عقب هذاك اليوم،يوم يلعبون بالرمل برا وهو اغمى عليه بوسط البزران ررحمته..
رسيل سكتت وهي تحس انها مخنووقه من العبره_
مايا جنبها وربتت على كتفها...،

المربيه جات ركض/مدااام مدااام
رسيل ألتفتت بخوف/وش فيك تيريز
تيريز/مداام فهود كان نوت بريث
رسيل فزت وراحت ركض ولحقتها مايا..،
نجد وساره قاموا ولحقوهم..
_
_
فهد معاد يقدر يتنفس بس يصدر من صدره أزيز وشفايفه صار لونها ابيض..وتحت عيونه احمر..
رسيل شالته ورفعته/فهووود رد علي يا قلب امك
فهد موقادر ياخذ نفس ولا قادر يصلب نفسه/مـآمـ..
رسيل بكت وضمته/تيريز هاتي البخاخ بسرعه
تيريز بكت/مدام مافي جيب نسيت
رسيل انقهرت منها/انتي وش تقولين...شلوون تنسين شيء مهم زي هذا...
نجد راحت ركض وغلت مويه وحطت فيها ملح..وجات مسرعه/رسسيل تعالي انا غليت مويه خليه يستنشقها
رسيل تبكي بحرقه/ماينفع معاه،الربو عنده حاااد قد جربته
ساره انقهرت/اتصل على متعب ووليد مايردون
رسيل شالت ولدها وطلعت فيه لبرا/ليش يروحون كل السواقين الله ياخذهم انا طالعه ادور ليمووزين
مايا وهي تبكي معاها/ياليت عمر موجود
ساره اخذت عباية رسيل ولحقتها..
نجد /ساااره اتصلي على عبدالله خليه يجي مافي غيره
ساره خافت من ردة فعل رسيل/هاااه..

رسيل طلعت به برا وهي تحاول تهووويه وصرخت/بناااااات ولدي معااد يتنفسس احد يساعدني تكفووون. الله يخليكم.
/
طالع من بيته ولابس بدلته بس ما اتجه للعمل بعد اتصال ساره راح مسرررع وكلمات ساره ترن بأذنه(فهود جاته ازمة ربو حاده وقطع النفس..ورسيل منهاره وماعندنا احححد تعااال وده المستشفى الله يخليك)....
وقف عبدالله داخل الشاليه واتجه لمدخل الحريم وينادي/سااااره
ساره فرحت/هذا هو جاء
رسيل ماعاد تفكر من اللي جاء ومن اللي بيوديها اهم شيء تنقذ فهد..لبستها ساره عباتها بسرعه وزينة طرحتها وهي ماشيه وولدها بين يديها فاااقد الوعي...
عبدالله دخل وشافها ماسكه فهد وهو زي الخيوط بين يديها وخاف/وش صار لفهود
رسيل وجهها غرقاان دمووع وحالتها حاااله/ ربوووو ماخلاه يتنفس تكفى يا عبدالله الحقني
عبدالله مرعوب من شكل الولد اخذ فهد منها وحضنه وباسه وهو يمشي به لبرا/فهووود ياملقووف تكلم تكلم انا عبدالله
رسيل/بسررعه يا عبدالله الله يخليك الولد مايتنفس فقد وعيه
عبدالله طلع مسرع للسياره وهي معاه....
/
/
/
/
بالمستشفى ..~
دخل الطوارئ وهو يصيح على الريسبشن/وين الدكتووور بسرررعه
الموظفه /ايش المشكله
عبدالله عصب/شايفه الولد فاقد الوعي بين يديني
الموظفه بلعة ريقها من الخوف /دخله من هنا وانا بطلب الاطباء
الممرضات اخذوا الولد ودخلوا وجاء الدكتور وعرف رسيل لانه فهد صار معرووف عندهم_
رسيل جلست تطالع فيهم وتبكي ويدها على راسها/فهووودي ماااماا قووم..فهووود
الدكتور/اخت رسيل كل شيء راح يكون تمام انتي هدي خلينا نشوف شغلنا
عبدالله استغررب تعامل الطبيب/اوكي دكتور شوف شغلك بسرعه وطمنا يلا
الدكتور حط اكسجين واعطو ابرة حساسيه وخلوه تحت الملاحظه..،
عبدالله واقف ويراقب فهد شلون تغير لون شفايفه واحمر تحت عينه وصفر لون جسمه/الحمدلله بدأ تنفسه ينتظم
رسيل ورمت عيونها من البكي/الحمدلله..بغى يوقف قلبي هالولد
عبدالله ببتسامه مد يده ومسك يدها باطرافها وضم كفها بكفه/بسم الله عليك انتي وياه...والله كأنك أمه..محظوظ بحبك فهد
رسيل ماعلقت سحبت يدها من يده وظلت تراقب فهد وبس...
عبدالله قرب وضمها من وراها/تبين شيء انا طالع اجيب قهوه
رسيل ماتوقعته يسوي هالحركه حست انها تجمدت هزت راسها بالنفي وماقدرت تتكلم/
عبدالله/كابتشينو واسبريسو والا تركش كافي
رسيل فكت يدينه منها وابعدت عنه والتفت عليه و رفعت ناظرها له وطالعته وهي رافعه حاجب ومنزله الثاني ومبين متضايقه من مسكته/....
عبدالله ببتسامه وهوطالع/فهمت..كابوتشينو
رسيل شافته طلع ابتسمت بذبوول وأختفت ابتسامتها والتفتت على فهد اللي حالته صايره ماتتحمل اي شيء وهو طفل،يحب يلعب اي شيء ..بس اذا ركض تعب واذا ضحك كثير بيتعب واذا بكى يتعب..(آآآآه ياحبيبي..آسفه انا السبب)
/
/
/
/
/
بغرفة التنويم.....
متعب جالس عنده/يااااخي روووعتنا عليييك ،،وش فيك انت
زياد ببتسامه/لا تخافووون رضوض بسيطه
الوليد بعباطه/اهم شيء السياره ماصارلها شيء واجد هههههه
زياد/ياللئيــــم ههههههه
متعب/طيب ليه لافين يدك
زياد/لا تخاف بسيطه تمزق عضلات بس
الوليد/اشوى اننا مادقينا على ابوي
زياد/اي والله تكفون لا يدري انا اللي بقوله لاطلعت بكره ان شاء الله..
متعب/اجل حنا بنقعد معك للصبح وش ورانا غير اخونا
زياد/ههههه اقووول وش تبوون بسس
الوليد/هههههههه
/
//
/
/
/
بغرفة الملاحظه...جالسه رسيل قبالة السرير على كرسي مريح ومسترخيه حاسه بإرهاق/
دخل عبدالله وشافها مررهقه راح لها ومد عليها الكوب/تفضلي
رسيل اخذت الكوب/يسلمو
عبدالله التفت على فهد وراح لسريره وهو يتأمل ملامحه رموشه الكثيفه وشعره الاسوود الكثيف ورسمة عيونه الحاده،ولا شيء يشبه اخوه سعد لان سعد كل شيء فيه بني شعره وعدساته عسليه..
رسيل تطالع فيه وهو عند فهود،صاير اووسم من قبل والبدله العسكريه زايدته وسامه بلعة ريقها وغمضت عيونها بهدووء ماتبي قلبها يخذلها..،
صحت على صوت عبدالله جنبها/اذا بتنامين روحي ع سرير المرافق وانا بجلس اراقب فهودي
رسيل تفاجأت بجلوسه جنبها/لا مابي انام
عبدالله بنص ابتسامه/عرفت ليش كل هالاهتمام بفهودي
رسيل بلعة ريقها وألتفتت عليه وهي خايفه،وماقدرت تتكلم/
عبدالله لاحظ نظراتها الاستفهاميه/لأنه يشبهك..وكثيير يشبهك بعد
رسيل حاولت تصد علشان ماتبين ربكتها...،
عبدالله لاحظها متغيره عن قبل،ماقدر يبعد عيونه عنها..،وكأنه يشوفها لأول مره.
رسيل حست عيونه بتاكلها،وانتبهت ان طرحتها على رقبتها والشعر منثور وبقايا كحل الميك اب تبع الحفله رفعت الطرحه وعدلت حجابها..
عبدالله ابتسم على حركاتها وهي تغطى منه/تغيرتي والله..
رسيل اخيرا تكلمت/قصدك رجعت رسيل اللي قبل لا تعرفك
عبدالله/لا والله تغيرتي..
رسيل ما عاد تبي تكون ضعيفه قدامه حتى لو حبه كسرها بيوم..قررت توريه شخصيه غير شخصية رسيل اللي تموووت على عبدالله وتبي رضاه ولا تقوله غير حبيبي،،
قررت تبدأمن الليله،قامت ونزعت طرحتها كلها وعباتها وحطتها ع الكرسي،وقالت بدون اهتمام/انارايحه التواليت انتبه على فهود اوكي
عبدالله بلع ريقه وهو يشوف هالكشخه والشعر المنثور بدوون غره..والفستان لؤلؤي قصييررر لانها كانت بحفله ما امداها تروح البيت وتغير. وكعب صندل شانيل عالي ونحييف شوي..
رسيل دخلت الحمام وهي تحس بالانتصار بعد نظرات عبدالله لها..عدلت شعرها وغسلت وجهها من آثار البكى...وطلعت له..
عبدالله متكي ويفكر وسرحاااان..دق تلفونه ورد/
طلعت رسيل بهاللحظات ولا كأنها تشوفه..اخذت عبايتها ولبستها ولفت الطرحه على راسها
عبدالله يكلم وعينه عليها/قلتلك خل كل شيء لين بكرره الليله مانيب جاااي ......الاهل بالمستشفى ماراح اداوم الا بكره..يلا سلام
رسيل تذكرت انها ماجابت جوالها/سوري عطلتك عن عملك
عبدالله ببتسامه تزيده وسامه/افا عليك حاضرين للحلوين
رسيل/ثانكيو
عبدالله تردد وبعدين قرر يتكلم/رسيل انا حاب اتكلم معك بخصوص الـ...
رسيل التفتت عليه بشموخ/بخصوص ايش..مابينا خصوصيات ،والزم حدودك معي لو سمحت
عبدالله تفاجأ من ردها/عطيني فرصه
رسيل رفعت يدها تأشر له بالسكووت/بسسس انتهينا
عبدالله قام ومعصب..
رسيل خااافت بس مابينت..،
عبدالله اتجه للنافذه وووقف يناظر العالم برااا...
رسيل تمنت لو انه تكلم تمنت لو حاول يضمها غصب مثلما كان يسوي..تمنت لو يأمرها ترجع معه بالعنف اللي كان يتعامل به معها اشتااقت لانفاسه...بس جررحه لها كبيــــــر...
[[توك تجي مشتاق ؟ لا لا تأخرت
فـات الآوان و ذكــرياتـك قديـمـه

خلاص أنا عقب المـفـارق تغيـرت
حتى العذر ما عاد للعـذر قيمـه]]

/
/
/
/
/
الــصبـآح~
بومتعب بنفسه اتجه للمستشفى وقف سيارته ونزل من سيارته معصب_ودخل سأل عن بنته وفهد واتجه لغرفتهم...فتحه بدون مقدمات/
فهد شافه وانبسط/ابووووي هههههههه
بومتعب نسى عصبيته ببتسامة فهد واتجه له/صباااح الخير
فهد وقف على سريره/ابوووي جاااء ابوي جااء
بومتعب ضمه/ هلا هلا هلا...
رسيل طلعت من التواليت،وشافته/هلا يبه
بومتعب/اهلين..سلمات ان شاء الله،وش صار
رسيل حبت على راس ابوها/ازمة ربو حاده..بغى يروح مني فديته
بومتعب/بسم الله عليه
فهد/ابوويه
بومتعب/لبيه
فهد/بنلوح بيتنا
بوم متعب/ان ششاء الله حبيبي هاللحين
بهاللحظات دخل عبدالله وتفاجأ بابومتعب/السلام عليكم
بومتعب التفت عليه وهو عااقد حواجبه وما رد/يلا يابنتي جهزي فهد بنمشي بسرعه
رسيل خافت/ان شاء الله يبه..
عبدالله/اوكي انا استأذن ...الف سلامه لفهد ولا يشوف شر
رسيل/الله يسلمك
طلع عبدالله...
بومتعب بصوته الخشن/ لحظه
عبدالله التفت عليه وهو ماسك الباب/سم طال عمرك
بومتعب اتجه له وطلع معه/
،
في غرفة الانتظار~
عبدالله استغرب سكوته/طلبت تكلمني..خير ياعم
بومتعب،بصوت صاارم/مافي خير دامك تقرب من بنتي
عبدالله/بس ا....
بومتعب/اسسسمعني انا بنتي هذي وحيدتي وانا غلطت يوم زوجتك اياها...قهرتها ذليتها جرحتها اهنتها....كل هذا ماكنت اعرف عنه شيء،وسمعته بالصدفه وهي ماتدري اني عرفت،علشااانها بس ماتكلمت ومافتحت فمي وفرررحت من كل قلبي انها طلبت الطلاق منك وحققته لها،لـــــكن يا عبدالله ان تعرررضت لها ثاني مررره ياويلك ،ماراح تلوم الا نفسك
عبدالله/ياعم عبدالعزيز
بومتعب/ولا كلمه ماناديتك علشان اسمعك ناديتك علشان احذرك
عبدالله/ياعمي انا ناوي اتقدم وارجع رسيل
بومتعب عصصب من طلبه/نعم نعم...
عبدالله/ابي ارجع زوجتي ..
بو متعب من بين اسنانه/حااامض على بوزك اعطيك بنتي مره ثانيه..انت مالك عندي لا زوجه ولا غيرها.فااهم
عبدالله/افااا ليش يا عمي
بهاللحظات طلعت رسيل ومعها فهد بيمشون ،وسمعت رسيل كلام ابوها/يلا يبه مشينا
فهد شاف عبدالله واستانس/عبداللـــه
رسيل ضغطت على يد فهد علشان يسكت/ابي عبدالله ابي عبدالله...بوووي ابي عبدالله
بومتعب منقهر بس مايقدر يرفض له طلب/خليه يروح يسلم على عبدالله
رسيل ماتبي فهد يحب او يتعلق في عبدالله/بس يبه
بومتعب/اترركيه يروح لعبدالله
رسيل فكت يده وهي ما ودها/

عبدالله واقف ويطالع بحركات فهد ومستاانس انه عطلهم عن الروحه،شاله فووق ودار فيه/هلا وغلا بفهوود
فهد يضحكك ويحرك رجلينه،بس مايترك لقافته اخذ البريهه اللي على راس عبدالله..
عبدالله/ياحبني لك يا ملقوف
فهد لبس البريهه على راسه وهو يتبسم/باخذهاا
عبدالله/ليييه؟
فهد /بث كيذااا
عبدالله/طيب خذها بس لا تضيعهااا ززييين
فهد/ذين
رسيل ملللت وتلفت اعصابها/فهووود رجع اللي اخذته
عبدالله/لا خليها معه فداااه..يلا فهودي روح لماما
فهد/باااااي
بومتعب،تضااايق من حال بنته بس وش يسوي/....
رسيل تناظر فهد وهومستاانس ببريهة عبدالله ولابسها ومسوي ظابط
/
عبدالله يمشي وكلمة بو متعب ترن بأذنه(حامض على بوزك ترجعلك بنتي)..
تملكه ألم....وحسره بهاللحظه،
/
/
/
/
/
بالليل_
جمعه عائليه...وضحك كالعاده _تعليقات على بزارينهم.،
ام متعب/رسيل وانا امك انتبهي ع الولد،لا يصيرله مثل البارح
ساره/اي والله فهود معاد يتحمل
رسيل أنبها ضميرها اككثررر،لأنها السبب في حالة فهد..
نجد/ورسيل وش دخلها...مهيب أمه علشان تقولون لها هالكلام.المفروض مايا وعمر يديرون بالهم اكثر على فهد،
أم متعب عورها قلبها بس ماتقدر تقول شيء...
رسيل ألتفتت على نجد بنظرات/فهوود وسعوود عيااالي ومسؤلين مني بعد...اوووكيه
نجد/طيب ليه زعلتي ترى والله ماقصدت شيء يارسيل
رسيل،قامت معصبه ونفسيتها تعبانه واتجهت لغرفتها/
نجد/يا جمااعه وربي ماقصدت شيء
ام متعب/ادري يا بنتي..اصلن رسيل موب زعلانه منك ولا شيء هي اصلن صدرها ضايق من عقب سالفة فهودي بس صدقيني
نجد،حز بخاطرها/يا عمرري يا رسيل
ساره/كلام خالتي صح رسيل متضايقه على فهود بس
نجد/الله يشفيه يارب
الكل/اامييين
/
/
/
/

بغرفتها~
جالسه على طرف سريرها وتبكي وهي تحس بالبرد وتضم يدينها لبعض،سرها المكتوم كل ماله يكبر بداخلها،كل ماله يضيق صدرها من همها،صارت تفكر بفهد وحالته الصحيه(أنا لازم اعالجه لاازم،من بكره بسأل عن احسن مستشفى بالعالم يعالج الربو وبروح بفهودي له،حبيبي يا فهد،الله لا يحرمني منك ياقلب ماما)
رن جوال رسيل ومسحت دموعها وحاولت تكون عاديه/مرحبا ميوش
مايا بالجوال/السلام عليكم
رسيل/وعليكم السلام،هلا حبيبتي
مايا/رووسي بقوولك شيء بس لا تعصبييين
رسيل/وليش اعصب يعني
مايا/عمر كلمني قبل شوي وقالي انو ..دورته خلصت وبيبدأ دوره ثانيه مدتها اربعة شهور..
رسيل/الله يعينه..طيب وش بتسووين انتي
مايا/طلب مني اسافر له انا واولادي
رسيل خافت/انتم اكيد تمزحوون،ميووش وفهد
مايا/وربي عارفه بس ظرووف
رسيل/اسستحاله تروحون
مايا/انتي راح تكونين مشغوله بالشركه لحالك وفهود خليه يجي معايه
رسيل،بلعة ريقها بخوف/لااااا فهد لا...
مايا/طيب ايش بيقولون الناس،وانا اخلي ولدي عندك وعمره3ونص
رسيل/ماعليكي منهم..اهم شيء قلبي انا ماراح يتحمل بعد ولدي عني..اسستحاااله
مايا/حبيبتي بتحطين نفسك بموقف محرج،
رسيل/راح نقول انك منتي قادره،تاخذينهم كلهم معك وهم صغار وبناتك توأم صغار ويبيلهم رعايه وبعدين اصلن هو دايما عندي ايش الفرق
مايا/فرق كبير...ترى هذاك اليوم بالشاليه الكل لاحظ عليك ماعطيتيني فرصه امسك الولد
رسيل/وش اسوووي نسيت نفسي وانا اشوف ولدي يموت قدامي.ما عاد همني احد..
مايا/بسم الله عليه..الله يخليه لك يارب
رسيل/اميين يارب
مايا/صحيييح ماقلتيلي ايش صار معك انتي وعبدالله..
رسيل تنهدت وجلست تحكي معهااااا..
/
/
بعد الاحداث السابقه بفتره^
بالمركز ~
تميم وخالد جالسين بالبدله الرسميه/عالبركه يابومحمد
عبدالله/الله يبارك فيكم
تميم/ماشاء الله عليك، والله صبرت ونلت تستاااهل هالمنصب والرتبه
عبدالله/مشكور..عقبالكم
تميم/ههههه انا مالي شغل بالسفر والمرمطه وراي عااايله وبزران
خالد/وانت صاادق ههههههه
عبدالله/ههههههه،تميم كم صار عندك عيال
تميم/ثلاثه والرابع بالطريق ههههه
عبدالله/ماشااء الله
خالد/سوات اللي تخرج من هنا وتزوج علطوول
تميم/هههههههه
عبدالله/ههههه
تميم/وانت كم عندك
عبدالله جاء يتكلم ورن تلفون/لحظه شباب،الو...سم طال عمرك...اللحين تلقاني عندك..
تميم وخالد قاموا...
عبدالله سكر الخط وقام ببتسامه/مثل ماسمعتوا،العميد طالبني،يلا كل واحد على شغله ههههه
تميم دق تحيه ببتسامه/آمرك سيدي
خالد/هههههه
عبدالله/ههههه
/
/
في مكتب العميد~
العميد/ابيك ي رائد عبدالله تكون قد هالمسؤليه وتبيض الوجه
عبدالله بصوت واثق/تطمن يا طويل العمر...باذن واحد احد ماياخذون بيدي وقت ..راح ألقي القبض عليهم كلهم
العميد/اسمع ابي تنقي الضباط اللي تثق في كفاءتهم لمهمتك ونفذ وراح يكون الدعم جاهز باذن الله للقبض على الارهابيين
عبدالله/آمرررك


/
/
طقت باب المكتب..
رسيل وهي مشغوله بالكمبيوتر/تفضلي
دخلت رغد بابتسامه عريضه/السلام عليكم استاذه رسيل
رسيل ببتسامه/وعليكم السلام هلا رغد
رغد وبيدها ملف/استاذه الاوراق اللي اعطيتيني اياها كلها راجعتها ومضبووطه مافي كلام
رسيل/اكييد
رغد مدت الملف/خوديها واتأكدي بنفسك
رسيل اخذتها وحطتها ع المكتب/اوكي راح اشوفها تقدرين تروحين تشوفين شغلك
رغد/استاذه رسيل ممكن اسألك سؤال
رسيل/تفضلي
رغد/فين الاستاذه مايا ماداومت من يومين
رسيل/كانت تجهز للسفر امس سافرت مع زوجها بعثه كم شهر وراجعه ان شاء الله
رغد/الله يرجعها بالسلامه
رسيل/امين،
رغد/استاذه ممكن اسألك سؤال تاني
رسيل ببتسامه/كثرت اسألتك يا رغد ورانا شغل هههه قوولي وش سؤالك
رغد/ههه اسفه طولت عليكي
رسيل/عااادي قوولي وش عندك
رغد/انتي متزوجه؟؟
رسيل،ترددت/ها...كنت متزوجه..بس انفصلت انا وزوجي من زمان
رغد تفاجأت/اسفه ذكرتك بالماضي
رسيل/ههههه اخلصي بس وش عندك على هالاسئله
رغد/بصرااحه انا تقدملي واحد وخايفه من هالخطوه ومتردده من الزواج وابي نصيحتك
رسيل/ليش متردده؟!
رغد/ماني عارفه..
رسيل/بالعكس الزواج حلو..انتي بس استخيري واذا ارتحتي وافقي
رغد/استخرت وكل حاجه ووافقت بعد..
رسيل/زززين مبروووك
رغد/ابيك تنصحيني اطلع مع خطيبي والا لا
رسيل/انتم تملكتوا وسويتوا شبكه والا لسى
رغد/لسى
رسيل ناظرتها بنص عين/اجل لا تطلعين معه..واذا بيزعل ،ماراح يطول زعله لانه بيحس بقيمتك،وراح تكبرين بعينه وبيستعجل باجراءات الزواج صددقيني،لا تسوين نفسك مدلووقه عليه حتى لو تحبينه نصايحي ترى من تجربه ههه
رغد/ هههه تسلمين يا احلى استاذه..اوكي راح ارسله مسج واقوله ماني طالعه معاك،الا بعد الزواج وبسسس
رسيل/ايووه خليك كذا قويه.
رغد/طبعا
رسيل ناظرتها ببتسامه/يلا ماقلتيلي اسم الخطيب المحظوظ.
رغد ببتسامه خجوله/عبدالله ولد الجيران
رسيل طاح القلم من يدها من المفاجأه/هااا
...
...
يتبع

[فيتامين سي]

فـصل جديـــــــــــــد

بنفس المكتب
رغد استغربت/استاذه رسيل فيك حاجه
رسيل حاولت تستوعب وتكون طبيعيه/لا لا مافيني حاجه ولا شيء، رغد روحي شوفي شغلك
رغد قامت/اوكي عن اذنك استاذتي
طلعت وسكرت الباب
رسيل عضت على ابهامها علشان ماتصررخ،واخذت اقلامها ورمتهم على الارض/حسبي عليك جننتني جننتني...توووك سااكن جديد وخطبت بنت الجيرااان لا وموظفه عندي بعد...انا لازم اطردها لازم......
رن جوالها وردت معصبه/نعععم
ام متعب/شفيييك تنافخين
رسيل هدأت نفسها/لا بس كنت مضغوطه بالشغل شوي
ام متعب/اسمعيني الليله بتجينا ام عبدالله وام ساره..ابيك تجين بدري موب تتأخرين
رسيل عصبت/مووب لازم احضر مااابي
ام متعب/وين بتروحين بعد الدوام
رسيل/بمر ولدي واخذه من الروضه واروح اتمشى معاه
ام متعب/براحتك،بس بتاخذينه بدون تغيرين له
رسيل الا بغيرله وبمشي.
ام متعب/طيب برااااحتك مع السلامه
رسيل /باي
/
/
/
/
/

بالـلـيــــل~
جلسة حريم وسوالف....
ام ساره/وين رسيل من جيتكم ماشفتها
ام عبدالله/اي والله وينها تووني بسأل
ام متعب تفشلت/كانت مشغوله اليوم وعقبها اخذت ولدهـ.. أقصد اخذت فهود لموعده في المستشفى
ساره تحاكي نجد بجنبها/ماني مصصدقه ان فيه أم تترك ولدها وتسافر للخارج بدوونه
نجد/اي والله استغرربت من مايا بصراحه..حتى لو ان رسيل صديقتها وتثق فيهاوين قلب الأم..
ساره/بصرااحه شيء غررريب..
ام ساره/هووو يا ام متعب العرب راحوا وخلوا ولدهم عندكم..
ام متعب تورطت/ههههه الولد تربى بهالبيت ويعتبره بيته وهو ولدنا موو غرريب رسيل هي اللي مربيته
ام عبدالله تذكرت الماضي وعورها قلبها من ولدها اللي طلقها ومن المولود اللي مات من سنوات مضت...
/
/
/
/
/
/
في الرد سي مول~
جالسه على كافيه وفهودي جنبها يشرب عصير..ويتفرج بالناس..
رسيل تطالع فيه بحب/حبيبي
فهد ألتفت عليها وابعد شعره عن عيونه ببراءه/ها
رسيل/شرايك نقص شعرك
فهد مايحب الحلاقه والمقص لانه تقيد حركته/لاااا مااماا
رسيل/حبيبي شوف شعرك صار طوويل،انتا بنت زي اصيل
فهد/لاه
رسيل تقلده وكاتمه ضحكتها/الا بنت زي اصيل
فهد عصب وحرك رجليه بزعل/مــآآآمااه..
رسيل/هههه خلاص انتا ولد شاطر
مرت من عندهم عائله..والولد يكلم ابوه/بااباا
الاب /نعععم
الولد/بابا ابي الالعاااب
الاب/شووي ونرووح بس لا تسوي لنا شقاوه....
رسيل تسمع الولد وتبسم على حركاته...
فهد كان يطالع وسرح شوي..
رسيل التفتت عليه وتبسمت/ههه حتى فهود بيسرح..
فهد تذكر حاجه والتفت عليها/مااماا
رسيل وكاتمه الضحكه/يانعم
فهد/ وين بابا
رسيل تفاجأت من سؤاله/بابا راح
فهد/وين
رسيل/مادري
فهد/بروح مع بابا
رسيل خافت ماتدري ليه/لا حبيبي خليك معايه
فهد/طيب بث اذا جاء بابا بروح معاااه ثح ي ماما
رسيل/طيب...(هذا اذا عرف بوجودك بهالعالم..لكن قد ما فيني بحرمه منك..مثلما حرمني سعادتي وأمومتي قدام الناس..)
/
في جهه المقابله للكافيه مر بسام ومعه اخوه عبدالله...،
بسام ابتسم وهو يشوف فهد/فهوووود
عبدالله/شفييك تصايح فشلتنا
بسام/هههه فهد موجود هنا ناااظر
عبدالله ناظر ويشوف رسيل جالسه جنب فهد ويسولفون ومندمجين بالسوالف وابتسم على شكلها وهي تسولف من جدها معه..
بسام/بروح لهم
عبدالله/لا
بسام/مع نفسك بسلم على رسيل..العشره ماتهون على قولت أمي هههه تبي تجي حياك
عبدالله/هههههه
~
بسام راح لها/السلام عليكم
رسيل مدت يدها وسلمت بحرااره/هلاااا بسبسسس حبيييبي شخبااارك
بسام انحرج/ههههه كبرنا ماعادنا بسبس ههه
رسيل/بعيني انتا بسبس مهما كبرت هههههه يلا اجلس
فهد يطالع في بسام/هييييي ووخرر
بسام ناظره وحاول يشيله ورفض وجلس قبالها/فهوود انا بسااام نسيتني
فهد ناظره يتذكره وماتذكره...
رسيل/نسى..من زمان ماشفتك...ماشاء الله طالع لحااالك وش تسوي هنا
بسام جاء بيتكلم وقاطعه من الجهه الثانيه/جاي معي أنا
رسيل ألتفتت بسرعه متفاجأه/عبدالله
فهد نط من كرسيه واتجه لعبدالله/عبــد اللـــــه
عبدالله يحححبه ضمه بقووه/هلاااا وغلاااا حبيب عبدالله
رسيل تعبت نفسيتها،وعصبت على فهد/فهووود تعاااال اجلس مكاانك
عبدالله/خليه معي شووي بس
رسيل ناظرته بنظرات ناريه وجلست مكانها..
عبدالله يستغل الفرصه/ممكن اجلس معكم..
رسيل تبي تقول لا بس لان بسام موجود بتضطر تكون هاديه/تفضل
جلس عبدالله وفهد بحضنه/شلونك رسيل
رسيل خنقتها العبره بعد هالسؤال منه وحاولت ماتبين/كويسه
بسام/فهود تجي ناخذ ايسكريم
فهد استانس/ايوه
رسيل/لا فهوود
بسام/تكفيين يا رسيل ابي اتمشى معه شوي
رسيل بقلة حيله/اوكي بس لا تبعدون
بسام استانس/يلا فهووود
اخذ فهد وراحوا...
رسيل ارتبكت وقامت تناظر ساعتها بتملل والتفتت عليه ولقته يطالع فيها وزاد توترها/انت وش تبي مني بالضبط..
عبدالله/ابيك
رسيل تكره بروده/بهالبسااااطه جاي تقول ابيك!..
عبدالله استحى ماعنده عذر/..
رسيل انقهرت وكملت/وينك يوم قلبي ميت عليك وينك يوم انا عندك وجنبك اتمنى ضمه غلا..وينك يوم انا اقولك كل يوم احبك،وانت تسفهني وينك يوم انا انزف في غرفة الطوارئ بولدك،سافرت وتركتني بين ألآمي الكل حووولي إلا انت ومابي من الكل الا انت.وينك يوم قالولك اني سقطت،ليه مارجعت تطمن عليه دام انك تقول تحبني؟! طيب ليه ما اتصلت ليه وليه وليه...
عبدالله شاف دموعها تذرف بدون توقف ونبرة الوجع باينه بصوتها/أنا آسف
رسيل وهي تمسح دموعها بسرعه علشان الناس ماتلاحظ/ههه بالله
عبدالله/روسي انا اسف راح اعوضك عن كل اللي فات بس وافقي اني ارجعك
رسيل من بين اسنانها/انت واحد كذذذاااب كذذاااب...لانك ايقنت ان نجد معاد يمكن انها تكون لك..جيت تبيني صح،،لكن لا يا عبدالله لا..انااللحين تعافيت من حبك اللي جاب راسي للارض،وفكرة اني ارجعلك مستحيله..
عبدالله تفاجأ من طاري ”نجد” اللي معاد يأثر فيه مثل قبل،صحيح يحبها بس مو حب زي قبل،لأن رسيل بدأت فعلا تسكن قلبه،،،اصلن هو اللي بغاه لمن قالها ”تنزل الولد” كان وقتها يبي يكسر عنادها والا هو يحبها من زمااان..
رسيل شافته ساكت ولا رد عليها وانقهرت اكثر.لبست نظاراتها السوداء علشان تخفي تأثرها/....
عبدالله بعد سكوووت مد يده وسحب نظارتها بشويش واخذها/ناظري فيني
رسيل خزته وصدت عنه/
عبدالله بلهجة أمر صارمه بس بصوت منخفض/قلتلك ناظريني يعني حطي عينك بعيني مفهوووم
رسيل ماردت عليه..
عبدالله مد يده لمعصم يدها وضغط بقوه/قلتلك حطي عينك بعيني
رسيل ألتفتت وهي تتألم/آآآي
عبدالله/اسسسمعيني،كل اللي قلتيه بحقي صح انا كنت اناااني وغبي زياده على ذلك تدرين ليه
رسيل عينها بعينه وتسمعه/...
عبدالله/لان كان عندي ملكة جمال مثلك وبغروري الغبي ضيعتها من يديني..
رسيل/شبعت حكي فك يديني بس وجعتني
عبدالله/رسيل كل شيء مضبووط بس اللي رجعني لك موو علشان فقدت الأمل بنجد..لا لا..نجد بالنسبه لي ماضي وماعشته بعد ولا اعرف زينه من شره..انا ما أبي الا الماضي اللي عشته معك،ابيك مثل ما انتي،
رسيل اوول مره تسمع عبدالله يتكلم بهالطريقه وهالكلام،ماعلقت فضلت تسكت/
عبدالله/هاااه وش قلتي
رسيل/اوول كذبك انك خاطب بنت جيرانكم وجاي تغازلني بالسوق
عبدالله تفاجأ/بنت جيراننا!!....
رسيل/انكر بعد انك خاطب بنت جيرانكم رغد حسام العدنان
عبدالله ببتسامه/هو حسام جارنا عنده بنت اسمها رغد،يعني اللي خطبها عبدالله ولد جيرانا اسمها رغد
رسيل،دققت بكلامه واستغربت..
عبدالله/هههه ولد جيرانا اسمه عبدالله وخطب من بنات حسام.موب عبدالله أنا..أنا لك انتي وبس
رسيل وقفت بكبرياء وهي من داخلها فرحانه انه موب متزوج/وانا مثل ما قال ابوي ”حااامض على بوووزك”
عبدالله/لا تتحديني
رسيل كانت بتقفي ورجعت له وجلست علشان محد يسمعهم/والله أني اتحداااك، واتحداك بعد عمري ماراح اذل نفسي لك لو ان قلبي يحبك ومغرم فيك
عبدالله بنظرة ثقه تذكر حلفها وتحديها انها تجيب منه ولد/هههه قد تحديتيني وخسرتي
رسيل تذكرت الموضوع اللي يقصده وابتسمت/من يقول اني خسرت يكفيني من تحديك اني خليتك تنام معي وانت عااشق ومشتاق وماتقدر تنكر هالشيء..
عبدالله/هههه بس مافي ولد يعني خسرتي..
رسيل ناظرته بابتسامة نصر وقامت/هههه صحيييح
عبدالله استغرب ابتسامتها العريضه والضحكه ونبرتها..،
بسام جاء ومعاه فهد..
فهد/مااماا اكلت ايثكريم
رسيل مسحت فمه بالمنديل/بالعااافيه حبيبي يلا مشينا
فهد/يلااااا
رسيل/باي حبيبي بسام
بسام/لحظه..رسيل
رسيل التفتت له/هلا
بسام /ابي رقم جوالك ..ممكن؟
رسيل ببتسامه/طبعا ياقلبي سجل عندك
بسام استانس وطلع جواله/
رسيل/هاته اسجله احسن
بسام مده عليها/سمي
رسيل سجلت رقمها وعطته جواله.../تفضل،،وش بتسميني عندك
بسام بفرحه/اختي رسيل
رسيل/يا لبى قلبك يلا باااي
بسام/بااي
راحت رسيل وهي تحس براااحه وطعم انتصاار،قالت كل شيء بداخلها لعبدالله فرغت كبت السنين..ودها اللحين تعدل مزاجها وتسهر مع صاحباتها بس مافيه احد يمكن ترجع البيت ويمكن تروح مكان ثاااني....
/
/
/
/
بالسياره~
بسام يقلب بالسيديهات ويدور شيء يسمعونه.
عبدالله/وش قااعد تسوي انت
بسام/ابي اشوف سيدي اناشيد والا شيء
عبدالله/هههههه تحسب انك بتلقى اناشيد طيور الجنه بسيارتي ههه ههههه الله يصلحك
بسام عصب والتفت عليه/لا والله..تنكت!..أقصد اناشيد اسلاميه والا شيلات
عبدالله/ايييه اششووى ...ماعندي غير ابونوره
بسام/طيب ماعندك شيلات الصحراء
عبدالله/اللي يسمعك يقول رااعي ذوود و مايتابع الا الصحراء..ترااك بزررر للحين
بسام عصصب/عمري14سنه مانيب بزر
عبدالله/ههههه خلاص امسحها بوجههي انت رجال وسيد الرجال بعد،انت اخو عبدالله يا ذيبان
بسام مارد عليه..
عبدالله/اقول بسام ليش تعطي رسيل جوالك قبل شوي
بسام وهو ماد بوزه/علشان تسجل لي رقمها
عبدالله استاانس/يلا خذ جوالي وسجل رقمها فيه..
بسام/ههه مع نفسسك
عبدالله/افا وانا ولد ابووي..هالكلمه لي أنا
بسام/هههه لا تقعد تهايط علي مانيب معطيك الرقم..رسيل معادهيب زوجتك وش تبي برقمها
عبدالله ناظرفيه معصب/وانت وش دخلك تاخذ رقمها..
بسام/ككييفي مدرستي واختي،وهي اللي اعطتني الرقم وما رفضت
عبدالله ناظره بنص عين ومعصب/عز الله انها درسستك العناده
بسام استاانس وجلس يشغل سيديهات....
//
/
/
/
/
رسيل لها ربع ساعه من دخلت عليهم وهم بس يطالعونها باستفهام/
ام متعب ترقع/حبيبتي ها وش قال الدكتور عن ولدك في الموعد
رسيل فهمت ان امها تصرف/كوويس يا ماما واحتمال نلقى له علاج بالخارج واروح واعالجه بنفسي..
ام ساره وفهد في حضنها/يالبيه ياهالولد شلوون صااير من الربو
رسيل/الله يشفيه
الكل/امييين
ام عبدالله جنب ام ساره/هاتيه خليني احبه
رسيل/فهودي حبيبي روح لجدتك وسلم عليها
ام عبدالله تحب تصرفات رسيل لانها ماتغيرت عليها حتى عقب طلاقها من ولدها/الله يصلحه ويخليه لكم..هالمملوح
رسيل/جزاك الله خير يا خالتي هيونه
ام عبدالله بابتسامه باسته وجلسته بحضنها/والله مالوومك يوم تاخذينه من اهله غصب عنهم..بسم الله عليه
رسيل مبتسمه ابتسامة انتصار وبداخلها تقول(ايه أنا اخذته غصب عن اهله وبحرم اهله منه بعد..يحلم ابوه ان ناداه باسمه هههه)
نجد تطالع رسيل الليله مبسوطه على غير العاده ووجها رجع له لونه وعيونها تقطر فرح وابتسامتها ماتفارقها والغريب انها سهرانه معهم بالعاده تروح غرفتها بدري!!...
/
/
/
سرى الليل ..الكل رااح لبيته ولغرفته...
الوليد صحى وهو يدور مويه/نجد انتي سهرانه
نجد/ايه بغيت شيء
الوليد/الجيك فاضي ابي مويه
نجد/اي والله نسيت اعبيه اسفه حبيبي سامحني
الوليد/شدعووه روحي جيبي مويه.
نجد ببتسامه قربت منه وحوست شعره وهربت بالجيك/هههه
الوليد/رااايقه
نجد وهي عند الباب/صحصح هههه
الوليد ابتسم ورجع يتسلقي..
،¢
نجد وهي رايحه تبي تنزل سمعت صوت من صالةةالتلفزيون اللي فووق وكأنها رسيل تكلم بالجوال وراحت تسمع علشان تتأكد.. ووقفت عند الباب......
رسيل /ايوه مثل ما قلتلك شفته الليله وجلسنا مع بعض في الكافيه طول الليل آآه ورد لي روحي يا مايا....
نجد ببتسامه(وانا اقوول وش هالنور بوجهها اثرها مقابلها الحبيب طوول الليل هههه،،،خلني اسمع وش مهببه بعد)

رسيل تكمل/ بس انا عند موقفي وهو طلب يرجعني وررفضت طبعا..لا يا قلبي مو انا اللي اذل نفسي وارجع ثاني مره.............ايووه انا ما قاهرني الا فهودي متعلق فيه ...شكلي بحرم ولدي من شوفت عبدالله نهائيا..كل ما اشوفه مع ابوه اتعب نفسيا
..
نجد تفاجأت وانصصدمت ونزلت ركض للمطبخ/فهوود يطلع ولد عبدالله ورسيل!!!!!!!....الله يعينك يارسيل ،ان ماخاب ظني جرحك كبير والا ماتسوين سواتك هذي وتخبين عن العالم ان عندك ولد بالحلال ومن زوجك حبيبك ...
/
/
/
/
بعد فتره من الوقت.......،
اجتماع العايله في الشاليه العائلي..لابو متعب...،
الكل متواجد..،والمناسبه عيد الاضحى~
رسيل جالسه وتعطر فهد وتطبع على خده بوسه/كل عام وانت بخير وصحه وسلامه يا حبيبي
فهد وبعينه النوم يسأل ببراءه/مامه..وين العيد..متى بيجي؟
رسيل ابتسمت وضمته بحنان/العيد انت يا فرحة اعيادي.
دخل زياد وهو يتبسم/السلام عليكم
فهد اتجه له ركض/ذياااااد العيد بيجي
زياد ورسيل/هههههههه
زياد اتجه لرسيل وسلم عليها/من العايدين
رسيل ببتسامه/من الفايزين ان شاء الله....متى فكيت جبسك
زياد وهو يمسح على راس فهد/البارحه
رسيل/كيف حاس بها اللحين
زياد/تنمل بس الحمدلله
رسيل/ايوه طبيعي تنمل بعد الجبس
زياد/يلا نطلع الكل برا وبيعيد باقي انتي وولدك
رسيل/هههههه نااايم ماكان يبغى يقوم دوووبني خلصت تلبيسه
فهد كسلان وفيه النوم بس محد خلاه يكمل نومته/.....
/
/
/
/
/
/
من جهه ثانيه~
لابس بدلته الرسميه وعيد على أمه واخوه ....
ام عبدالله/بعد بتداوم وحنا عيد
عبدالله/ههههه شغلنا مايفرق عيد والا موب عيد...بعدين حنا جنود الوطن نعمل على توفير الامن علشان احبابنا يعيشون العيد وتكتمل فرحتهم بالامان
ام عبدالله/الله يوفقك يا ولدي
عبدالله/امين
بسام زعلاان/يعني مافي عيييد هناااا
عبدالله/افااا هههههه الا في عيد بس اصبر شوووي الساعه خمسه اطلع من الدوام وخلوكم جاهزين نبي نفلهااا
بسام/اككيييد والا مغير تسكيته
عبدالله/افاا عليييك بس الا اكيد....يلا استاذن..سلاااام
الكل/سلاااام
/
/
/
/
في المديريه~
دخل عبدالله الاجتماع وكان متوتر/السلام عليكم
الظباط قامواله/وعليكم السلام
عبدالله جلس وباين بوجهه الجديه والصرامه/اسمعوا يارجال..المجموعه المشبوهه اللي حنا نراقبها من مدة شهر ونص،تأكد لينا من المراقبه انها متووورطه في اعمال غير مشروعه وانها تخطط لعمل ما..وبما اننا وضعنا خطه للإقاع بها ،،ابي اللحين كل واحد وش سوى علشان هاليوم
الظابط،تميم/الشاليه المقصود في مكان راقي شمال الكورنيش..
الظابط خالد/والقوات كلها هناك ومتأهبه..بس تنتظرالاشاره
عبدالله ناظر ساعته وقام/اجل انا رايح الموقع وابي معلوماتكم اللي تجيكم من مكالماتهم توصلني اول باول مفهوم
خالد/يلا انا معك
عبدالله/يله مشينا..
/
/
/
/
في اجتماع العائله~
البنات جالسات وبينهم قهوه وحلى والصغار يلعبون في الالعاب..
رسيل شافت كاتي سرحانه بعيد ومو معاهم بس تلفت وكأنه تدور عليه...ابتسمت واخذت جوالها وارسلت رسالة واتساب لزياد علشان يجي داخل وان امه تبيه في غرفة التلفزيون ومحد موجود]
،
ومهند و محمد وعزوز يولعون العاب ناريه....
زياد قرأ المسج وراح بيدخل وبطريقه شاف عزوز ومحمد وتذكر أختهم اللي يعشقها...انقهر من ذكرياته معها ومنها لانها بتتزوج غيره...
،
،
رسيل بذكاء طفت جوالها والتفتت عليها/كاتي حبيبتي بليز
كاترينا/هلا
رسيل/المثل يقول صغير القوم خادمهم وانتي اصغر وحده
كاترينا/هههه امري
رسيل/روحي وحطي جوالي بالشاحن لانه طافي من الشحن
كاترينا/من عيوني بس وين الشاحن؟
رسيل ببتسامه/تلاقينه بغرفة التلفزيون..
كاترينا قامت وراحت....،
رسيل(يـــآرب يتفاهمون)
/
/
/
/
/
دخل زياد وجلس ينتظر أمه/وش تبي بي الوالده،،تووني كنت عندها..!
دخلت كاترينا وهي تحط الهد فون باذنها وتدندن مع اغنيه تسمعها وتتمايل واتجهت للدولاب تدور الشاحن....
زياد شاف مقفى البنت الطويله وشعرها بني مدرج لنص الظهر وتنوره سكيني قصيره لونها اسود وبلوزه كت لؤلؤيه..ولابسه سلاسل واساور شيك..وعطرها فواااح..
كاتي التفتت على الكنب تشوف يمكن طايح منا والا شيء وتفاجأت بزياد قدامها وابتسمت وكانت ردة فعلها حلوه...
زياد وقف وهو مبهور فيها لانها متغييره حييل/انا ماكنت اقصد اني ا....>>>>سكت
كاترينا مشت اتجاهه بخطوات هاديه ورزينه„وقفت قدامه/هاي
زياد بلع ريقه/هاي
كاترينا ناظرته بشكل بانورامي وزادت ابتسامتها/زايد وسامه عن قبل
زياد،ناظرها بشكل بانورامي و رفع حاجب ونزل الثاني ومشى وتركها بدون ما يتكلم...
كاترينا خنقتها العبره وهو يمر بجنبها ونطقت ودمعتها تنزل/زيزو
زياد وقف شوي وهو متردد وكمل مشي....،
كاترينا لفت عليه وناظرته وهو مقفي/أشتقتلك..
زياد وقف والتفت عليها وهو ساكت/....
كاترينا قربت منه ووقفت عنده وعينها بعينه لحظات وتكلمت بهمس/ليه ابتعدت عني يا زياد
زياد/ انتي اللي اخترتي البعاد
كاترينا سكتت وعينها سرحانه فيه، وتكلمت بصوت بمبحوح/احبك
زياد تأفف وقرر يمشي..
،اصوات اطلاق ناار قريبه وقويه..
كاترينا ضمته من الخوف وبكت/ززيااااااااد
زياد استغرب اطلاق النار بكثافه/اهدي بسم الله عليك..
كاترينا وهي تضمه/زيااااد ايش هذا..انا خااايفه
زياد رفع يده ومسح على شعرها/كاتي حبيبتي لا تخافين
كاترين نست اطلاق النار وفكته وناظرت بعيونه وتبكي/من زماااان ما سمعتها منك...آآآه شكثر محتاجتك
فجأه رجع اطلاق النار وجاءت اصوات ركض وصياح داخل الشاليه..
كاترينا ضمته/زيزو شكل فيه مصيبه صايره
زياد فكها/انتي اجلسي هنا وانا طالع اشوف
كاترينا/زياد انتبه على نفسك حبيبي
زياد طلع وصدم في الحريم اللي سمعوا الجمله الاخيره من كاترينا...انحرج زياد وطلع مستعجل...
الحريم كلهم لفوا على كاترينا ويطالعونها بنص عين...
الا رسيل مو معهم....
كاترينا طالعتهم وهي تمسح دموعها وبكل جرأه/شفييكم تطالعووني كذاا ..!!
الحريم راحوا مجلسهم وتركوها..
ام كاترينا دخلت على بنتها ومصعت اذنها مصع/انتي وش جالسه تسوين مع زياد وش بينك وبينه..هاااه
كاترينا بحركات طفوليه/احححببه يمااه اموووت عليييه اعشششقه.
ام كاترينا عطتها كف صوته هز الشاليه/اصص ولا كلمه حسبي عليك يا سويدت الوجه..
/
/
/
يتبع

[فيتامين سي]

فصل جــديــد


في نفس الشاليـــه

بو متعب/يا عيال لا احد يطلع ترى المنطقه محاصره عسكر ومشتبهين بالشاليه اللي جنبنا..
الوليد/قصدك ان شاليه ابو مازن وكر ارهابيين
بو متعب/ايه الشرطه تو مبلغيني محد يطلع من هنا..
رسيل دخلت عليهم وتبكي../يا عالم احد شاف ولدي
الرجال صدوا عنها..
زياد قام وطلعها...ولحقه اخوانها ..
الرجال قاموا يتهامسون/من وين ومتى جالها ولد!!!
ابو متعب يسمع ومتضاايق......
زياد/رسيييل انهبلتي تدخلين بهالشكل ع الرجال
رسيل/يوووووه وين ولدي انت فاااضي وانا قلبي محترق
الوليد جاء معصب/يا بنت امسكي نفسك فتحتي العيون عليك
رسيل تركتهم وراحت تدور/فهوووووود يمااامااا رد علي
زياد لحقها وراح يدور معها..
/
/
/
/
وفي سيارة قائد العمليه~
اتصال لاسلكي/رائد عبدالله لو سمحت معك الملازم راشد
عبدالله مركز معهم وقبالة الموقع/نعم معك الرائد عبدالله
الملازم راشد/طالع عمرك كل الموقع محاصر ولكن فيه مقاومه شديده ويبدولي انهم كثير وعندهم ذخيره،لازم نسوي شيء
عبدالله ناظر الشاليه وجاته فكره/ملازم راشد استمروا من جهتكم اطلاق النار للدفاع عن النفس،نبي نمسكهم احياء،وانا راح ادخل انا وخالد من جهة الشاليه اللي جنبهم لانهم مايتوقعون هالشيء وراح نعرف كيف نتصرف بالداخل اوووكي علم
الملازم راشد/علم طال عمرك..
/
/
زياد شاف الالعاب علشان يدوره يمكن صايرله شيء،ولقاه نايم داخل الزحليقه..وناسي الدنيا ابتسم وشاله واتجه لرسيل/لقيييت ولدك نايم ولاهوب داري عن العالم هههههه
رسيل اخذته وهي تمسح دموعها/بيجنني هالولد...
زياد/الله يصلحه،يلا ادخلي وسكروا البيبان ززين
رن جرس الشاليه وفتح البواب بسرعه لانهم الشرطه...
رسيل شافت الدوريه داخله وراحت تدخل وتطل من اقرب شباك...
زياد/يارب سترك
بومتعب طلع ومعه الرجال/خير ان شاء الله بشروا يا رجال
نزل عبدالله وهو لابس لبس المهمات الخاصه ومعه رشاش كلاشنكوف وحزام على خصره/السلام عليكم يابو متعب
بومتعب وعياله تفاجأوا/عبدالله!!!!
خويه النقيب خالد/هذا الرائد عبدالله قائد العمليه .
عبدالله وهو مستعجل/ياعمي بومتعب حنا مستعجلين بس نبي نستأذنك نستخدم سور الشاليه حقك راح نتسلل من خلاله.ونكمل مهمتنا
بومتعب اعجبه حماس وعمل عبدالله/تحت أمر الوطن،روح وانا ابوك والله معك...
زياد/بروح معهم يبه
عبدالله/مايحتاج..ادعولنا لان اكتشفنا عددهم كبير...
بومتعب/الله يوفقكم يا ولدي
راح عبدالله ركض
بومتعب ناداه بنبرة أبوه/عبدالله
عبدالله لف وهو مستعجل/ سم ياعمي
بومتعب/انتبه على نفسك
عبدالله ابتسم له ومشى يركض للسور هو وخويه خالد....،
رسيل كانت واقفه وتناظر من وراء الشبابيك وشافت عبدالله وعرفته،وقالتها من دون ما تقصد/ يارررب سترك ولطفك..الحريم جوا لها عند الشباك/وش السالفه
رسيل ماسمعتهم كان قلبها مع عبدالله/يارب تحفظه لي يارب تحفظه لي.....
ام متعب خافت/يابنت وش فيك من تناظرين انتي
رسيل انتبهت لنفسها وشافتهم حولها وتركتهم وجلست/ولا شيء
ام متعب وهي تسمع اطلاق النار/الله يستر..شفيهم زادوا
رسيل حطت يدينها على اذانيها وسكرتها وراحت ركض لغرفتها/
نجد رحمتها لانها عارفه وش مضيق صدرها...وقالت للحريم ان قائد العمليه هو عبدالله الصاري
/
/
/
/
في الشاليه المجاور تسلل عبدالله وخالد ودخلوا عليهم،.
عبدالله دخل ولقى اثنين افغانيين يجهزون اسلحه ومسكهم وربطهم وسكر افوامهم/...
دخلوا عليه اثنين واطلقوا عليه النار ولف بسرعه وما اصابته ودخل خالد من وراهم ومسكهم..
حصلت ربكه داخل صفوفهم ودخلوا ...
عبدالله اتصل على اللي برا وقالهم يقتحمون المكان...
الكل بنص ساعه محاصر وبدون اصابات تذكر...
عبدالله دخل يفتش الموقع ومعه خالد وعسكريين..
سمعوا صوت غريب وقرروا يدخلون يشوفون من؟؟
عبدالله لمح واحد مصوب مسدسه تجاه خالد وخالد يفتش وما يدري...
عبدالله نط للمسدس وسده بيده ورفعه للسقف وخرقة الرصاصه كفه...وصرخ..
/
/
/
/
/
بالليل~
الكل زار عبدالله، بالمستشفى..والوزاره كرمته ..
بو ساره عند راسه ويناظره وساكت،من خوفه،والقلق اللي اليوم..
بومتعب بفخر/تستاهل السلامه يا ولدي
عبدالله/الله يسلمك ياعمي
الوليد ببتسامه عريضه/بصراااحه رفعت روسنا يعطيك العااافيه ياعبدالله
عبدالله/هذا واجبنا
زياد/كفو
خالد/عمري مانيب ناسي اللي سويته علشاني
عبدالله/ماسويت شيء يا رجال
متعب دخل/عبدالله..اختك وامك برا يبوونك
بومتعب/اجل انا واخوانك بنمشي بالسلامه يا ولدي
عبدالله/الله يسلمكم
///
/
/
//

/
رسيل جالسه على اعصابها وحابسه دموعها بالجهه الثانيه من الصاله من الصبح ما ذاقت شيء ومن عرفت ان عبدالله مصاب اكتئبت..
الكل حول التلفزيون وينتظرون الاخبار..،
جاءت الاخبار وكان باول خبر زيارة الامير للمصابين..
الكل/رررسسيييل تعااالي شووفي
رسيل جات ركض ووقفت تناظر على اعصايها والمذيع يقرأ الخبر..وطلعت صورة عبدالله وهو منوم بالمستشفى ويده ملفوفه بالكامل..
ام متعب/ياااعمرري شكله متعوور واااجد
نجد تأثرت واهتز قلبها له/اي والله يقول الوليد ان الرصاصه خرقت كفه واتلفت العصب والعظم ونزف واجد...
ام متعب/والله كفو هالعبدالله هذا اثبت انه رجااال ونعم فيه
رسيل ماتحملت تشوفه بهالشكل وطاحت مغمى عليها..
امها جاتها ركض والبنات معها....
/
/
/
بعد يومين عالاحداث السابقه~
طلع عبداللله من المستشفى وابو ساره مسويله عزيمه بمناسبة سلامته..في ”بيت عبدالله”
نجد بغرفة الاستقبال ورسيل عند المرايه تعدل وتناظرها بنص عين/شلونك اللحين
رسيل واقفه عند المرايه وتعدل شعرها،وبقمة وناستها/تمااام
نجد تقط حكي/الحمدلله ع سلامة حبيبك
رسيل ماانتبهت/اللله يسلمك........هااه حبيبي؟
نجد/ههههه ايه..ترى قبل امس روعتينا من تعبك علشانه الكل حس بحبك له
رسيل عصبت/ نجججدد وش هالكلام عيييب
نجد/هههه اجل الحمدلله على سلامة ابو ولدك
رسيل بلعة ريقها وخزت نجد،وتلعثمت/اي ولد انتي هلوستي هههه
نجد بجديه قربت منها/بلا استغبااء ولا تنكرين ان عندك ولد من عبدالله
رسيل حاولت تتهرب/انا مالي اولاد من احد ،نجد لا تتهميني
نجد مسكتها/افرضي ان عبدالله مات وهو مابعد درى ان ”فهد” ولده..كيف ضميرك بيسامحك
رسيل خنقتها العبره ومشت وتركتها،لانها ماتقدر تفضفضلها/...
نجد انقهرت من ردة فعل رسيل/وش هالسر اللي مخبيته..
رسيل رجعت لنجد وهي تترجاها/نجد اترجاااك واطلبك ماتقولين هاللي تعرفينه لأحد مهما كان
نجد سكتت بذهول/...
رسيل حطت يدها على كتف نجد/اووعديني ماتقولين لاحد عن حقيقة فهد
نجد ترددت وقبلت وهي مقهوره/اوعدك
رسيل باستها على خدها/مشكوووره
/
/
/
في مجلس الرجال~
بوساره/حيالله الجميع...
الرجال/الله يحييك
بوساره/عبدالله كنك تعبان والا شيء
عبدالله/لا يايبه مافيني الا العافيه..تطمن
بومتعب/طهور ان شاء الله ياعبدالله
عبدالله/الله يسلمك يابومتعب
بومتعب/ترا عشاك بكره عندنا والحاظر يبلغ الغايب..
عبدالله/ماله داعي ياعم..
بومتعب/انا حلللفت وهذا حقك
عبدالله/اجل الله يعينك
/
/
/
/
/
رسيل سألت الخادمه عن غرفة عبدالله وعلمتها واتجهت لها بدون احد يحس عليها ودخلتها وتقفلتها..وجلست تناظرها وهي مستعجله خايفه لا احد يشوفها..،
/
/
/
/
/
\
وصلوا بيتهم بعد السهره --
زياد معه ظرف بيج وينادي/رسيل تعاااالي
ام متعب جاءت/شالسالفه
زياد/اسف يمه ازعجتك
ام متعب/وش صااير
زياد/هذي اوراق علشان علاج فهود برا
رسيل نومت فهد ونزلت/ايش فيك تنادي زيزو
زياد/تعالي جالك هالظرف
رسيل اخذت الظرف وجلست تفتحه وهي مبسوطه/هذا من المستشفى اللي راسلته في ألمانيا....
ام متعب/وش يقولون
زياد/قبل كل شيء من بيسافر معك انتي وولدك
رسيل استمرت في القراءه وببتسامه/الحمدلله قبلوا يعالجون حالة ولدي...
زياد/طيب من بيسافر معك،ترى ما اقدر اروح واترك شغلي
رسيل بثقه/مولازم احد يسافر معي
ام متعب/لا والله بتروحين لحالك
زياد/عادي يمه وش فيها
ام متعب/شلون بتروحين لحالك،
رسيل/ههههههههه
/
/
/
/
/
/
دخل غرفته بعد تعب يوم كامل تعب واستقبالات...،
جلس على سريره واسترخى بعدما غير ملابسه..وألتفت على جنبه ولاحظ وردة جوري بيضاء بباقه ناعمه ومعها ورقه مصفطه..مد يده على الكومدينه وأخذها وقرأها[الحمدلله على سلامتك يا بطل..]
عبدالله شم الورقه و ابتسم وارتسمت قدامه صورة رسيل/انتي اكيد
/
/
/
/
/
مرت ايام ع الاحداث السابقه~
جالس فهد يلعب ومعه اصيل..،
نجد/ساره على وين اشوفك تتجهزين
ساره/ بروح لخالتي ام عبدالله وامي هناك للحين
نجد/اجل لحظه البس واروح معك..
ساره/طيب من بيقعد مع فهد
نجد/ناخذه معنا..
ساره/اخاف تزعل رسيل
نجد/شدعوه تزعل،،يلا بس خلينا نخلص ونروح
ساره/اجل يلا لا تتاخرين علي
/
/
/
/
/
/
/
/
/
بعد المغرب~
رجعت رسيل،من برا..بعدما تغدت مع رغد برا..،
دخلت تنادي/فهوووووووود
ام متعب كانت جالسه بالصاله/ليه متاخره
رسيل شافتها وابتسمت/السلام عليكم ،شلونك يمه
ام متعب/وعليكم السلام
رسيل جلست ونزعت طرحتها/البيت هادي وين الصغار ووين فهود
ام متعب وهي تطالع التلفزيون/ببيت عبدالله
رسيل ما فهمت/هااه...من عبدالله؟
ام متعب التفتت عليها واول مره تعترف/ابووه
رسيل تلفتت ورجعت تناظر امها وتقصر صوتها/يمااه وش ذالكلام..انتبهي لحد يسمعك بس
ام متعب/محد موجود..الكل ببيت عبدالله
رسيل وقفت على حيلها/وليشش تخلينهم ياخذون ولدي معهم
ام متعب/ماكنت موجوده..وبعدين شفيك معصبه الولد ببيت ابوه
رسيل عصبت/انتي شفيك اليوم.،ناقص تقولين لي انك علمتيه بأنه ابو فهد..
ام متعب ببرود/وش فيها.
رسيل قامت متنرفزه/والله مابقى الا هي..
ام متعب/اصلن بيعرف اللحين والا بعدين
رسيل،بانفلات اعصاب/اقسم بالله لو احس بس انكم تلمحون له اني لاهرب انا وولدي ولا عاد تشوفوني،يمااه لا تخليني اسوي هالشيء.
ام متعب/اقعددي وين راايحه
لبست طرحتها وطلعت مستعجله وهي تكلم السايق يطلع..،
/
/
/
/
/
في الملاهي~
عبدالله شايل فهود ومعه بسام شايل اصيل وعزوز وحمود..اخوان كاترينا....ويلعبون..
،
،
،
وقفت سيارتها ونزلت معصبه ومستعجله..وتحاول تسوي كنترول على تصرفاتها ...دخلت وشافتهم مستغربين دخلتها~
رسيل انحرجت وابتسمت/السلام عليكم
الكل/وعليكم السلام
ام عبدالله/هلا بالغاليه تفضلي
رسيل/اسفه جيت من دون اعطيكم خبر بس بصراحه انا جايه اخذ ولدي..اقصصصد اخذ فهوود والتفتت على نجد تخزها..
نجد خايفه من الهواش..
ساره ببتسامه/استريحي،عبدالله اخذ البزران وطلعوا يتمشون واخذ فهد معه
رسيل خافت/اخذ فهودي معاه!!..ليييه؟؟!......اقصد ليه محد قالي الله يهدي نجد..ززين كذا
ام عبدالله استغربت تصرفات رسيل/رسيل تفضلي اجلسي وانا أمك
رسيل/لا ماعليه بطلع برا انتظرهم يجون
ام ساره/يابنتي علامك متوتره كذا استريحي الولد بيد أمينه
رسيل جلست وهي على اعصابها...
ساره قامت وصبت لها شاهي/اشربي شااهي بالنعاع وارتاااحي ،،،
،
،
بعد نص ساعه..
رجعوا عبدالله وبسام والصغار..
دخل بسام أولا ومعه اصيل ونايمه/السلام عليكم
الكل/وعليكم السلام.
نجد قامت واخذت بنتها وراحت تدخلها ...
رسيل فزت واقفه/بسوم وين فهود
بسام/مع عبدالله بالمجلس عيا يتركه
رسيل نست نفسها وطلعت له/يلا عن اذنكم
طلعت وسكرت الباب واتجهت للمجلس..
الكل مسستغرررب!!
/
/
رسيل شافت الباب فاتح ودخلت ووقفت وهي تشوف عبدالله يطالع فهد بحنان وهو نايم بحضنه،،ويمسح على شعره الكثيف..
رسيل قسست قلبها ودخلت/لو سمحت ابي الولد
عبدالله ارتاع/انتي شلون جيتي هنا
رسيل ناظرته بنص عين/انت اللي شلون تاخذ ولدي من دون اذني!!!هاااه..
عبدالله/اشش بتصحينه من نومه
رسيل مدت يدها واخذته/اقول ابعد عني بس خلني امشي
عبدالله استغرب توترها ورجفت يدينها وعصب من تصرفها/اقول الحمدلله ان ولدنا مات والا كان ذاللحين معذبته والله اعلم بحاله،ياعديمت المسؤليه..
رسيل تخدرت يديها شوي وخنقتها عبرة القهر من كلامه وبنفس الوقت ماتبي ترد وتقول هذا ولدنا ياعبدالله ربيته وكبرته وأدبته لين انت نفسك صرت تحبه وتتنفس هواه..هذا ولدنا اللي الكل يحبه..وانت اللي حرمتني افتخر فيه قدام الناس وحرمتني أمومتي وانوثتي..
عبدالله لاحظ عيونها لمعت وهي ساكته وما ردت عليه وبدأت ترجف/رسيل وش فيك
رسيل/يعني لو ولدنا عايش كنت بتحرمني منه
عبدالله باصرار/مثل ما حرمتيني قربك.
رسيل/بس انت اللي ابتعدت انا ماحرمتك شيء..والحمدلله ان ولدك مات قبل لا تعذبني فيه..عن اذنك تعبت..
طلعت مستعجله وما انتظرت رده/....
عبدالله لام نفسه شلون هو كان قاسي معها..،
/
ام عبدالله سمعت الكلام هي وساره..-
نجد كانت تنتظرهم وسمعت بعد..لانهم رفعوا اصواتهم..عورها قلبها حيل عليهم وحست انها مسؤله عن اللي جالس يحصل بس تعبت من سرها ووعدها لرسيل...~
/
/
/
/
رسيل جالسه بغرفتها وهي تحس بتعب قلبها وروحها بعدما حست ان اهلها بدأوا يتعاطفون مع عبدالله وانهم يأيدون فكرة انهم يقولون له عن ولده...،قلبها المجروح جرحه ما بعد ألتئم.. غرور وكبرياء جرحها صار ينزززف بداخلها ويتجدد بطعونه..ليلها مانامته ابد وبالها مشغول..تروح للدوام وهي مشغولت البال ..وترجع نفس الشيء..،افكارها الجنونيه تعصف براسها وتبي تنفذها وماتقدر ...وتحاول..،
/
//
/
/
/
/
بالليل~
ساره/والله هالايام رسيل موب عاجبتني من هذاااك اليوم ببيت عبدالله وانا محتاره فيها
نجد عارفه وساكته/يمكن علشان عبدالله طليقها وكان بينهم علاقه وكذا.
ساره/يمكن بس ماعتقد ان هالشيء يسببلها كل هالتوتر،لانها مازاد معها الا هالايام..يعني من بعدما اصيب برصاصه بغت تموت من لهفتها عليه وهي بكت اكثر من امه عليه..وكانت تسألني عن صحته دوم..بس تغير الوضع فجأه وصارت تخاف على فهود من نسمة الهوى..تخيلي اذا داومت تاخذه وتحطه بحضانه مع مربيته ومحد له حق يطلعه الا هي وبس يعني لو تروح أمها وابوها ماقدروا يطلعونه!!!
نجد عااارفه السبب وسااكته..،متردده بين وعدها وضميرها..
ساره/نجد شفيك ساااكته وماتعلقين...
نجد بتردد/انا اعرف وش سبب توتر رسيل وتصرفاتها كلها انا فاهمتها وعاذرتها فيها..
ساره استغربت/وش قصدك وش بلاها
نجد/حبيبتي،رسيل خايفه من اخوك لا يحرمها من ضناها،
ساره مافهمت/ أي ضنى
نجد ببتسامه/خايفه من اخوك لا يحرمها من ولدها لو عرف انه عايش وما مات مثل ما الكل فاهم..
ساره شششهقت/قصصدك ان ولد عبدالله عايش وما مات
نجد هزت راسهل بالنفي/بسم الله عليه عايش بيننا والكل بحبه وملقوف بعد
ساره نزلت دمعتها/يعني فهودي ولد عبدالله...ماني مصددقه
نجد/لاتقولين لاحد
ساره/طيررري بس والله لاقول لاخوي واللي فيها فيها..
نجد/ساره لاتخربين حياة رسيل
ساره/وبعدين يعني وش بيصير لو عرف
نجد/ساره اخوك جرح رسيل والا ماكانت تخبي خبر مثل هذا
ساره/ولو خبر مثل هذا ماينسكت عنه..
رنت ساره الجوال على عبدالله ومايرد/الجوال مقفل شكله نااايم
نجد عصبت/احسسن علشان تراجعين نفسك وماتقولين له
ساره ناظرتها بنص عين وابتسامه وقامت/عن اذنك بناام
نجد/نوم العوافي
/
/
/
/
/
الصباح وعلى الفطور...
عبدالله يكلم ساره/خير ساره وش عندك متصله باخر الليل البارح
ساره/ههه عندي لك خبر بمليووون لا لا بملاييين
عبدالله/وشو اخلصي علي
ساره/افااا...لا خلاص هوونت
عبدالله وهو يشرب كاسة الشاهي/بكيفك
ساره/ترى ان سكتت موب من صالحك لان الخبر يهمممك واااجد ويخص رسيل بعد
عبدالله شرق بالشاهي وعدل جلسته/رسيل وش فيها قوولي
ساره/ايوه صحصح معي
عبدالله/ساااره بلا سمااجه وانطقي
ساره/تعرف الولد اللي أسمه فهوودي
عبدالله/وش فيه فهودي ،روعتيني السالفه تخص فهود والا رسيل
ساره/السالفه متعلقه فيهم كلهم ومتعلقه فيك انت بعد
عبدالله/يالييييييل انتي بتتكلمين والا اجيك اتوطى ببطنك
ساره/اصلن اذا قلتلك الخبر بتجي صاارووخ انا متأكده
عبدالله/ساره بتقولين وش عندك والا لا
ساره/بقول خلاص وباختصار،فهد يصير ولد رسيل مو ولد مايا ولا عمر ...
عبدالله/اجل منين جابت فهد انطقي
ساره ببرود/جابت فهد من واحد أسمه عبدالله محمد الصاري
عبدالله طاحت بيالته على الارض وسكت متفاجأ....وشريط اهاناته لها وهواشه الدائم ينعاد قدام عينه،خلاها تنكر ابوته لولدها علشان ماتفقده واستغنت عن أمومتها قدام العالم علشان تحمي ولدها وتحافظ عليه...
ساره تنادي ومحد سمعها...
عبدالله سكر الخط وامه عنده..
ام عبدالله/عبدالله وش في عيونك تدمع
عبدالله،ببتسامه مختلطه بدموع الفرح والحسره/يمه تعرفين فهد
ام عبدالله/فهود ولد عمر ومايا وش فيه
عبدالله قاطعها/لا لاااا هذا ولدي انا ورسيل يمه موب ولد احد ثاني.
ام عبدالله/ياولدي انت شكلك مهلوس ولدك مات من زماان
عبدالله/الكل يظنه مات مثل ماكنت ادعي واتمنى بس عاش وانا حبيته وياما تمنيت انه ولدي أنا،
ام عبدالله وهي متفاجأه/فهوود يطلع ولدنا وحنا ماندري
عبدالله قام/
ام عبدالله/وينك رااايح
عبدالله/بسترد ولدي وأمه
ام عبدالله فرحانه ومتفاجأه ومتلخبطه/الغريب اهلها ساكتين ولا احد نطق وليه خبت وجود ولدنا عننا
عبدالله ماقدر يجاوبها وطلع....،
/
/
/
/
/
في مجلس الرجال~
بو متعب/في الحقيقه بعد اللي صار وسويته،انا راجعت نفسي بس بنتي ماتبي ترجع للاسف
عبدالله قاطعه/يا عم عبدالعزيز انا عرفت ان ولدي للحين عايش بسم الله عليه وانا جاي اطالب بولدي وزوجتي
بومتعب/بس على حد علمي ماتبي بزران وتبيها تسقط،وش غير رايك
عبدالله/ياعمي انا احب رسيل واللي صار عناد وغرور،اعترف بخطاي واستاهل كل اللي تقولونه بحقي واي عقوبه انا مستعد لها بس لاتحرموني من فهد
بومتعب/تعتقد لو فهد كان يدري انك ماتبيه وانك ضربت أمه وخليتها تنزف وراك وسافرت تعتقد انه بيحبك انا عن نفسي ما اثق فيك
عبدالله،نزل راسه مايدري وش يقول/كلامك كله صحيح والله يلوم اللي يلومك..بس وروني فهد ابي اشوفه
بومتعب ناظر ساعته/والله من صبح ماشفته ولا حتى سمعت صوته،لي ساعه وانا قايلهم يجيبونه..
ام متعب جات ركض/يابو متعب الللحق،رسيل وولدها مالهم آثر بالبيت..
بومتعب/افاااا
عبدالله/وين راحوا
ام متعب خافت من وجود عبدالله/انت هنا!!!
بومتعب/ايه وعرف كل شيء
ام متعب/رسيل هربت من البيت واخذت ولدها واغراضها وكل شيء،حتى جواز سفرها وجواز سفر ولدها معها..،
عبدالله تفاجأ/وين بتروح يعني
ام متعب بكت/انت وش تبي مننا بذمتك ليش مجنن بنتي ليييش
عبدالله طلع ركض واخذ جواله واتصل بكل شركات الطيران وشاف اذا راحت والا لا وعمم على اصحابه باسم ولده...ودور عنها بكل الفنادق وسأل عن حجز باسمها ومالقى سأل بطريقته في الشرطه ومالقى لها اثر...
اخوانها دوروها من جهتهم ومالقوها...واتصلوا على مايا وعمر يسألونهم عنها وحلفوا انهم ماشافوها ولا كلمتهم،،
/
\
/
يتبع

[فيتامين سي]

فــصــــل جـــــــديــــــد،
مروا اسبوعين ورسيل مختفيه~


نجد جالسه وضميرها مأنبها/ليتني ماقلت لأحد عن سر رسيل،جنيت عليها

ساره/لاتقولين هالكلام،هالسر ماكان راح ينتخبى اكثر من كذا
ام عبدالله/ياحسررة قلبي بسس وين راحت رسيل بالولد
ساره/راحت مكان آمن اكيد..وهذا ولدها،لاتخافين عليهم
نجد/رسيل تحب ولدها حب خلاها تنكره قدام العالم وتنكر وجوده علشان ما حد يحرمها منه.
ام عبدالله/ومن بيحرمها منه يعني
نجد،بأسف/عبدالله كان مهددها انها تنزل الحمل وكان مضايقها وهي كاافحت علشان تحتفظ فيه.. وبكذا هو ماله اي حق في فهد،انا سمعت هالكلام بعد طلاقها بس ماكنت اعرف ان ولدها ظل عايش وما مات..
ساره سكتت مصدومه بهالكلام وما عندها تعليق..
/
/
/
/
في مكتبه جالس عبدالله باحباط العالم..فكرة هروب رسيل والولد منه قاهرته(وين راااحت؟؟!!..وين اختفت عني ليه حرمتني ولدي)
طلع عبدالله جواله وفتح على الصور ويشوف صور فهود عنده..ويتبسم ويتخيل ضحكاته وشقاوته/شلون ما عرفت انه ولدي وكل شيء واضح فيه،يشبه رسيل حتى بشقاوتها وبلون شعرها،مايشبه سعد او عمر...شلون ما لاحظت اهتمامها فيه اكثر من اللي المفروض تكون أمه!!
تذكر كلام رسيل له دايما (راح تندم يا عبدالله وربي راح تندم وراح تاكلك الحسايف)..(هـ الواطيه راح تكون ام ولدك)ههههه وربي انك وعدتي ووفيتي يا بنت عبدالعزيز...بس وينك اللحين وين أاراضيك لاني لاقيك ولا اخوانك لاقينك !!
/
/
/
//
/
/
/
بشقه فاخره~
أثاثها قمة الفخامه وواضح انها مرتبه وضعها بالشقه من فتره..
رسيل جالسه قبال التلفزيون تفرج بافلام ومريحه راسها وفهود عندها يلعب بلعبته...
رسيل ناظرت الساعه/فهود ماما
فهد التفت عليها بكسل/نعم ماما
رسيل ببتسامه/قووم نام بسريرك
فهد وهو كسلان/مااابي انااام
رسيل/هههه صحييح طيب تعال بحضني هنا
فهد قام وراح يجلس بحضنها وناام..
رسيل ضمته لصدرها بحناان وقامت توديه لسريره..
واتجهت لسريرها وهي تحس باحساس النصر~حرمت عبدالله من فهد وكسرت عناده وانتقمت لكرامتها...وهربت من اي
شي ممكن يأثر عليها ويخليها تتراجع عن اللي ناويه عليه....
صحيح تحس بملل والوحده ارهقتها،بس هي مقرره كلها أيام وتسافر للخارج ...
/
/
/
/
/
بالشرقيه ~
ام محمد/ ان ماقلتي وش بينك وبين زياد لا تلومين الا نفسك لا تحسبيني ساكته عنك هذيك الفتره يعني نسيييت لااااا انطططقي
كاتي وهي تبكي/مابينا غير الحب العفيف
ام محمد عطتها كف/اي حب عفيف وانا شايفه على خده آثار الروج حقك،تستهبلين انتي
كاتي/بوسه بريئه وعفويه مو اكثر
ام محمد/انا ماني مصدقتك،الله يفشل بليسك الشاب حتى ماتكلم وجاب طاري خطبه وزواج
كاتي/اللحين مشغول بأخته لا فضى بيجي يخطبني
ام محمد/انتي للحين تكلمينه وياويلك ان كذبتي
كاتي/ايه اكلمه
ام محمد/بتجنني هالبنت
كاتي/انتي مو تبين الصدق
ام محمد سحبتها /اعترفي وش صار بينك وبينه ومتى تعرفتوا يالحبايب
كاتي جلست وقامت تحكي لأمها...
امها تسمع وهي مصصدوومه...
/
/
/
/
/
ام عبدالله،تصطنع الهدوء وهي تطالع في عبدالله/وش مجلسك وانت ماتدري وين ولدك وأمه
عبدالله/ماخليت مكان مادورت فيه هلكت وانا ادورها تقولين فص ملح وذاب
ام عبدالله/طيب وش بتسوي
عبدالله/سوات الله..بدور من جديد واطلع برا جده
ام عبدالله سكتت شوي وهي تخزه بنص عين..وبقلبها حكي..
عبدالله خاف من نظراتها/يمه وش فيك تناظريني كذا
ام عبدالله/انت صحيح مثل ما قالت العجوز مويضي كنت هاجر زوجتك سنه بعد الزواج
عبدالله تفاجئ من هالسؤال”شلوون عرفت خاله مويضي”/هاااه!!!
/
/
/
/
/
بالشقه٪
رن الجرس/
فهد استانس/ثعععد ثعد جااء
رسيل/اقععد بس هذا مو سعد..هذا خالو زياد تعال نفتح
فتحوا له الباب...
رسيل/اهلا
زياد دخل واستقبله فهد بالاحضان وشاله على كتوفه/هلااا بالغاااالي هلااا
فهد يضحك ومبسووط/ذيذووو ههههه
رسيل/خلاص فهود انزل.
زياد/خليه ماعليك...
رسيل/كيفك زياد
زياد/بخير...آسف ماجيتكم من يومين
رسيل مدت بوزها/لا عاد تعيدها ملييت
زياد/ههههههههه
رسيل/شيضحكك
زياد/العااالم قالبين الدنيا عليك وانا معهم مسوي ادور عليك...والله اني رحمتهم ههه
رسيل سكتت وهي تخزه...،
زياد/شفيييك،..رسيل متى بترجعين البيت
رسيل/ماني راجعه
زياد/وشو
رسيل بجديه/حاليا ماني راجعه..
زياد/بكيفك
رسيل تذكرت موضوع وناظرته ببتسامه/شخبار الحبيبه
زياد بضيق/معذبتها أمها..وعرفت بكل شيء بيننا.
رسيل/والله...ياحرام.....طيب وش بتسوي انت ،،
زياد/ما اقدر اسوي شي حاليا الكل مشغول بك..ولو افتح موضوع خطبه والا شيء محد معطيني وجه
رسيل/ايوه صح...زيززو انا اسفه
زياد/عااادي اللي صبرني هالسنين بيصبرني
رسيل/وبتقدر تتحمل تعيش وهي بعيده عنك
زياد استحى/وش ذالاحراااج
رسيل/من جد اتكلم انا لا تستحي
زياد/احبها ولو انها كانت رافعه ضغطي يوم توافق تتزوج غيري
رسيل/زيزو انت عارف انها كانت مغصوبه ومابيدها ترفض
زياد ماعلق لانه يكره هالطاري....،
رسيل قامت/انا بسوي كافي تشرب كافي
زياد استغرب/تعرفين تطبخين؟!!
رسيل/ههههه زياااد مووب لهالدررجه انا ترى سهل الكابتشينوا ولا تخاف اعرف اسويه ههه
زياد/هههههههه
/
/
/
/
/
/
يوم من الايام~
طالع من مقر عمله وركب سيارته وحركها وهو يداعب سبحته وسرحاان في اللي مسويته رسيل واختفاءها(يعني اعمم في الدوريات واقولهم دوروا ولدي ضايع والا اقول خاطفته أمه)....(هو اصلن معها ومن ولادته...معها حق تخاف مني،هددتها بما فيه الكفايه،حاولت اتسبب في اجهاضها كم مره..،واللحين أنا مهتم وقلبي بيتقطع على الولد اللي ما كنت ابيه ينولد!!!...وش سويتي فيني يارسيل!؟)....(ليتني ماعرفت ان فهد ولدي)يمكن اخف علي،لاني ماقدر اواجهه..والدليل اني قمت اتكلم مع نفسي...آآآه يا رسيل..
عند الاشاره عبدالله لمح زياد وشافه يضحك ويكلم بالجوال..ولا كأن اخته مختفيه!!! „„عبدالله استغرب ولحقه وين بيروح لقاه وقف عند سوبر ماركة واشترى اغراض وطلع...!!
واتجه لوجهه غير معروفه!!
عبدالله كان مركز معه/اقص يدي اذا ماكان يعرف مكان رسيل
رن جوال عبدالله وكان أمه ورد بسرعه/هلا يمه..ايه بالطريق...وشووو وش فيه بسااام...اوكيه مسافة الطريق بس اخلص موضوع عندي سلام..
عبدالله لاحظ انه ضيع زياد وانقههررر وضرب بيده على الدركسيون بقووه/انا متأكد انه رايح لها متأكدد ياللــــــه...
/
/
/
/
في بيتهم~
ام متعب بضيق/وييين راحت هالبنت
بومتعب/رسيل عمرها ماتسوي شيء غلط
ام متعب/بس هالمره غير وانت ادرى،البنت مجروحه وحست اننا موب واقفين معها اكثر من قبل..
بومتعب/ومن يقول
ام متعب بحسره/انا لمحت لها اننا بنقول لعبدالله عن ولده،وقلتلها بعد انه من حقه يعرف وهي عصصبت لحظتها وتغيرت فجأه واختفت بعدها...
بومتعب/بنتي معها حق،الولد لها لحالها ومحد له حق واللي بيتجرأ وبيفتح فمه لا يلوم الا نفسه،
زياد جالس ويتقهوى وياكل حلى ويسمعهم......
الوليد يسمع ومقهور/بس طليقها يدور عليها وعلى فهود..ويقول يبي ولده
متعب دخل وهو متضايق/ السلام
الكل/وعليكم السلام
متعب/ها بشروا في اخبار عن اختي
الوليد/لا للحين
متعب بضيق قام ومعصب/اذا عرفت ان عبدالله هددها وكان وراء هروبها والله ماخليه
بومتعب/اررركد بس عبدالله دراء عن الولد بعدما اختفت اختك
متعب/طيب ليه تهرب
ام متعب/خافت اننا نقول لعبدالله عن ولدها وهربت،هي ماتبي عبدالله يتهنى بالولد.
الوليد/مع اني كنت اعتقد انها تحبه
زياد يطالع ويسمع/...
ام متعب/والله انها تعشقه مهوب بس تحبه..
بومتعب/هروبها منه بهالشكل وكل هالزعل دليل جرح ماتحملته منه وهي تحبه علشان كذا خيبة املها فيه كانت كبيررره،
الوليد/والله لو اعرف مكانها لابرد كبدها بعبدالله هذا
متعب وبهدووءه المعتاد/ماراح يداويها الا جارحها
زياد سمع الجمله الاخيره وتحمس بس خااايف من رسيل....
/
/
//
/
/
/
/
رسيل واقفه وباين معصبه/زياااااد
زياد/انا اقول جربي وتكلمي مع عبدالله،وتفاهموا بينكم
رسيل تعبت نفسيتها/زياد كنت متوقعتك فاهمني بس للاسف
زياد/خلاص خلاص ..ماراح اقول لعبدالله عن مكانك ولا شيء ارتاحي ولا تخافين
رسيل/ااكييد زيزو
زياد بتردد/ايه..يلا سلام
رسيل/سلام...
سكرت الخط وهي مو مطمنه،تذكرت حد ممكن انه يساعدها واتصلت/الووه ...كيف الحال كويسه؟؟......،،رغد حبيبتي ابيك بخدمه بسسسيطه......
/
/
/
/
/
بالليل~
عبدالله بالطريق ومشتاق يشوف رسيل وفهود/والله كنت حاس انك عارف مكانها،بس ترددت
زياد/شوف يا عبدالله انا جايبك،علشان تتفاهم مع زوجتك رغم انها ماتبيك ولا تبيلك شوفه بس انا اقول تتفاهمون وتراضون علشان خاطر فهود،مسكين مايدري وش السالفه لا تضيعونه بعنادكم وانانيتكم.
عبدالله بخوف/الله يكتب اللي فيه الخير
زياد/امين
طقوا الجرس كذا مره ومحد رد...
طلع ولد الجيران الصغير/انتم ايش تبغون
زياد/حبيبي وين جيرانكم ماشفتهم اليوم
الولد الصغير/الا شفتهم وهم يسافرون اخذوا شنطهم واغراضهم وسافروا
زياد بندم/لااااااااا..ليتني ماقلتلها عنك يا عبدالله
عبدالله انجن من تصرفها معه وحط يده على راسه...
زياد التفت على عبدالله ومسكه من ياقة ثوبه/انت وش مسوي لأختي علشان تكرهك لهالدرجه؟! انطق وشسويت فيها خليتها تهرب منك ومننا..
عبدالله هدأه وطمنه/قل لا اله الا الله وتعوذ من الشيطان،رسيل راح اوصل لها سواءا هنا او باقصى مكان بالدنيا..
زياد/انت ماتبيك ماتشوفها تهرب منك
عبدالله/صدقني بجيبها بس عطني فرصه..
زياد/مالي الا اني اصدقك..
/
/
/
/
/
بريطانيا~
مايا جالسه ومتوتره/عمر انت ايش تقول مو صحييح
عمر/والله هذا اللي عرفته من اختي تقول ان رسيل مختفيه من فتره والارجح انها سافرت برا..
مايا غطت وجهها بيدينها وبكت....
عمر جلس يواسيها/مايا وشوله البكي اللحين هااه،هي زعلانه وحابه تقعد مع نفسها فتره وبترجع اكيد
مايا/انا الغلطانه ما كان لازم اتركها لوحدها يا عمر خليتها بالوقت اللي احتاجتني فيه ونسيت نفسي مع اولادي
عمر قرب منها وضمها/حبيبتي اللي صار مكتوب.،انتي عارفه رسيل اذا زعلت تتصرف مثل الاطفال وتهرب وماتحب احد يكلمها بس من تهدأ بترجع اكيد انتي لا تقعدين تلومين نفسك
مايا ضمته وهي تنهد وكملت بكاها/....
/
/
/
/
/
عبدالله للعسكري/سويت اللي قلتلك
العسكري/طال عمرك سألنا المنافذ البريه والبحريه ومافي اي معلومه تفيد بخروج وحده بهالاسم
عبدالله/طيب..والفنادق والشقق المفروشه
العسكري/كلها نفت وجود وحده بهالاسم
عبدالله/طيب جبت تقرير الخطوط بأسماء المسافرين بتاريخ يوم السبت الماضي
العسكري/اي طال عمرك واعطونا تقرير السبت والاحد والاثنين بعد لاننا طلبنا منهم هالشيء
عبدالله/اووكي هات الملف وروح شوف شغلك..
العسكري/امررك
عبدالله اخذ الملف وقعد يتصفحه ويشوف الرحلات والمسافرين..ويدوور وبدأ ببريطانيا لان احتمال تروح لخالها عمر بس مالقاهاه
..واثناء البحث تفاجأ باسمها على قائمة المسافرين لبرلين.رسيل عبدالعزيز متعب العالي وتحتها اسم فهد عبدالله محمد الصاري.،بلع ريقه وهو يقرأ اسم ولده،..تذكر ضحكاته ولعبه وقد ايش هو يحبه ومتعلق فيه..وتذكر رسيل يومها تمنع فهد منه.....(فهمت الدرس يا رسيل فهمته)
/
/
/
/
/
/
/
/
مرت 3 اسابيع ع الاحداث السابقه ~
رسيل لفهد/حبيبي لا عاااد تفتح الشباك تاااني مفهوووم هنا برررد
فهد/مااامااا ابي ثعد
رسيل تذكرت سعد وانفطر قلبها/وربي اني مشتاقتله فوق ماتصور
فهد مافهم عليها وجلس يلعب بلعبته..
رسيل نزلت دموعها وهي واقفه عند الشباك تطالع المطر ينزل،غرربه رووح هااايمه ماتدري وين تهرب ومن مين!!!..
[[ ليته يحس بنزف جرح انتظاري
وليته يعرف شلون يقدر يداويه
مو مشكله ماهو الفراق انهياري
المشكله لا مت ساكت وانا ابيه ]]
/
/
له اسبوع موجود، في ألمانيا ومو لاقيها!!
رن جرس جواله ورد/هلا بدر....اخيرا رديت علي
بدر بالجوال/اعذرني ياخوي الوالده كانت تعبانه وااجد وانشغلت معها، انت شخباارك بشرني عنك
عبدالله/سلمات ع الوالده ماتشوف شر
بدر/ولا تشوفه انت.....خير وش موديك ألمانيا؟!!
عبدالله ماحب يضيق صدره مع مرض أمه/ ابد جاي سياحه،وكنت ابيك معي
در/والله ودي بس صعبه اخلي الوالده ،مثلك عارف
عبدالله/الله يعينك،اجل اخليك ،انا عارف الوقت متأخر.تصبح ع خير
بدر/وانت من هله بس لا تقطع عطني علومك طيييب
عبدالله/اوووكي باااي...
جلس عبدالله على كرسي تحت تساقط الثلوج..والشوارع بدأت تخلى من الماره..
،
[[وينك حبيبي يا عذب الانفاس...
وينك يا غلى روحي ومعذبتني،،
وينك بعترف لك يامرهف الاحساس..
محدن سكن هالقلب مثلك ومبتليني]]
/
/
/
/
رسيل واقفه عند فهد وهو بجلسة العلاج حقه...
الممرضه تعبت من حركة فهد بس تساايره..¢
رسيل تبسم على حركاته وتساعد الممرضه عليه....
خلص العلاج وطلعوا....

فهد بتملل/ماما مابي الجاكيت
رسيل/لااا مايصير بررد عليك ياقلبي
فهد/ماما شيليني تعبت
رسيل/ههههههه والله انك دلوع
شالته رسيل ومشوا شوي..
فهد شاف بسه وانجن عليها يحب البساس/ماماا نذليني بثرعه خلاث
رسيل نزلته/ههههه وش فيك مره شيليني ومره نزليني تلعب عليااا ههه
فهد انطلق ركض للجهه المقابله/بثه ياماما
رسيل لحقته خافت تضيع/فهوود وقف..
استوقفتهم سياره وطل راعيها وواضح انه بالاربعينات وهو يتبسم/
رسيل مسكت فهد بنص الشارع/ليش تسوي فيني كذا هاااه
فهد زعل على البسه اللي هربت..
اتجهت رسيل للرصيف وتنتظر تاكسي..
وقف راعي السياره الاربعيني وهو يتبسم/السلام عليكم
رسيل استغربت وخافت بنفس الوقت وعدلت حجابها/وعليكم السلام
الرجل/واضح من لهجتك انك سعوديه
رسيل/ايوه
الرجل/معك اخوك راشد المسعد موظف بالسفاره السعوديه..تبين اوصلك
رسيل(ياكرهي للتميلح)/لا شكرا..بروح بتاكسي
راشد/مابي اضغط عليك،براحتك بس لا تنسين اذا بغيتي اي خدمه اخوك راشد موجود بالسفاره..
رسيل/ماتقصر اخوي..
مشى صاحب السياره..
رسيل وقفت تاكسي وركبت وراحت..
/
/
/
/
نفس الرجال وسيارته وقف عند عبدالله/توصيله يا ولد العم
عبدالله ابتسم له وركب/السلام عليكم
راشد/وعليكم السلام..هلا والله بالسعوديين
عبدالله/ههههه شدعوه تراني واقف لحالي
راشد/لا والله من زمااان ماشفت غير موظفين السفاره واليوم بالذاات شفتك وشفت قبل شوي بنت سعوديه تعجبك متحجبه بحياها ومعها ولدها الله يصلحه..
عبدالله طرأ عليه رسيل وفهد/متأكد انها سعوديه
راشد/افا عليك من فرحتي بالعرب تكلمت معها و تلقفت وقلت اركبي اوصلك وهي رفضت والله اني استحيت مير تحمست هههه
عبدالله تحمس/تقدر ترجعنا لمكانهم اللحين
راشد/ابشرر بس ليه
عبدالله/ مشبه عليهم
رجعوا لنفس المكان ومالقوا احد.....
عبدالله جاه احباط..
راشد/اكيد راحت..
عبدالله التفت لراشد/الولد ابيض و شعره طويل اسود وفيه حبة خال اسفل خده اليمين
راشد/هههههه اللي متأكد منه ان شعره طوويل وهو ابيض وملقووف،هههه بس تعااال وش دراك انت
عبدالله استرخى باحبااط/هم اكيييد هم
/
/

يتبع
/

[فيتامين سي]

فصل جــــديــــد


جـــده~
ام متعب جالسه بغرفة بنتها وتتأمل صورها وصور ولدها..وصورهم مع بعض وهذا سعد معهم باغلب الصور..
نزلت دمعتها على بنتها..ولفت الصفحات وشافت الصور الباقيه كلها لعبدالله ولها معه..!!!
البنت للحين تحبه ومحتفظه بصوره..أجل لييش تهرب منه ليش ماتبيله شوفه ولا تبيه يعرف ولده!!!
دخلت نجد عليها وتبسمت وجلست جنبها/خااالتي بسك دمووع رسيل قوويه وعااارفه وش تسوي انا متأكده انها بتجي مره ثانيه..
ام متعب ابتسمت وهزت راسها وقامت وطلعت..
نجد شافت الألبوم مفتوح على صورة عبدالله وهو يحتضن رسيل من وراء وشاقين احلى ابتسامه..
نجد حست انها تختنق وسكرت الألبوم وطلعت ركض وسكرت باب الغرفه واتجهت لغرفتها وهي تبكي...
/
/
/
/
/
/
قام بدرري وشاف أمه نايمه وقرر يطلع من الغرفه وانتبه للنافذه وشاف الثلوج تتساقط وابتسم وكأنه جته فكره اتجه لها بهدوء وصعد على الكرسي ثم الطاوله ثم فتح الشباك وصار يلعب بالثلج،بس الهواء باارد وصار يرجف..
رسيل حست ببرد ولمت البطانيه حولها وتلحفت زياده..وسمعت صوت ضحك فهد واستقعدت بسرعه وشافته وشهقت/فهوووود
فهد خاف، وحاول ينزل واختل توازنه وطاح ع الارض..
رسيل راحت له ركض وشالته/فهوود فهووود
فهد يبكي ونزف من جبهته جرح بسيط/ماما لا تضربيني
رسيل ضمته لصدرها بحنان/ماراح اضربك يا عمري..
فهد/ماما انا دوعاان
رسيل/ههه جوعان حبيبي،الللحين اسويلك احلى فطور بس خلني اعقم جرحك،واحط لصقة جروح،يلااا
فهد /يلااااا
/
/
/
/
عبدالله وراشد في كافي ويفطرون~
راشد/والله قصتك قصه
عبدالله/شسوي ،هذا اللي صار
راشد ببتسامه/والله انها كفو..وتستاهل ثقلها ذهب لاتفرط فيها
عبدالله/هذا اللي بيصير ان شاء الله
راشد/شووف انا عندي بيانات جوازها واللي عرفته من موظف السفاره احمد انها جايه تعالج ولدها من الربو في مركز متطور هنا.
عبدالله/فعلا فهود عنده ربو حاد،بس شدراكم
راشد/اي سعودي يجي هنا ناخذ بيانات اقامته وبيانات وصورة جوازه..وبعضهم يحطون جوازهم هنا ويتنقلون بالاقامه..
عبدالله،تحمس/يعني تعرف مكانها
راشد/ايه بس مقدر اعطيك اياه بدون اذنها
عبدالله/افااا
راشد/ههههههه امززح بس على حد علمي غيرته لان احمد يقول انها كانت بفندق خمس نجوم ..وما اعتقد انها بتقعد طول هالفتره بفندق..
عبدالله جاه احباط،وصد مقهور--
راشد ع العموم انا بعطيك عنوان الفندق وانت روح وشوف يمكن للحين بالفندق ولا طلعت..
عبدالله تجدد الامل عنده ...
/
/
/
/
/
موعد جلسة فهودي العلاجيه..
رسيل سكرت الجاكيت ولبسته كاب شتوي..
وهي لابسه جاكيت طويل كروشيه لونه رمادي غامق شوي وحجاب ولافه شال..ولابسه بنطلون جينز ازرق غامق وجزمه كلاسيك.
فهد/ماما بنلوح البيت
رسيل/مو اللحين ماما
فهد/مااماا ابي الوح مع ذيذو
رسيل/بعدين ماما بعدين
فهد شاف اولاد يلعبون/ماما بلوح العب معهم
رسيل/لا
فهد/ماما
رسيل/فهوود اسسكت بعد المستشفى بنروح نلعب اوكي
فهد استانس وهز راسه/ايووه.
/
/
/
/
/
عبدالله راح الفندق ومالقاها فيه واصلن غادرته من زمان..
طلع عبدالله من الفندق وهو يفكر وين بيلقاها..،تذكر شغله ولبس نظاراته ومشى مستعجل وركب سيارة راشد اللي اعطاه اياها تحت تصرفه لين يخلص شغلاته...
،
،




المركز الطبي_
نزل ركض من سيارته واتجه للكونتر يسأل عن فهد وأشرت الموظفه للباب/انه خرج للتو مع والدته
عبدالله/طلع مستعجل وشافها راكبه تاكسي وناداها بس ماسمعت ومشت
عبدالله ركب سيارته ولحق التاكسي...،
وصلوا للعماره~
رسيل نزلت بسرعه وشالت ولدها اللي كان نايم واتجهت لشقتها،وهي تحس بربكه وخوف..
وصلت الشقه ودخلت وقفلتها واتجهت للسرير وحطت فهود..ونزعت جزماته والشال حقه الجاكيت وغطته كويس ..
وطلعت تنزل جاكيتها وحجابها وراحت تسويلها كوب قهوه ...
رن جوالها وردت ببتسامه/هلا رغد.....
رغد بالجوال/السلام عليكم
رسيل/وعليكم السلام..
رغد/كيف حالك اليوم وايش اخبار فهود
رسيل/تمااام الحمدلله
[صوت جررس باب الشفه]
رغد/ايش هالصوت المزعج
رسيل وهي رايحه تفتح الباب/هذا حارس العماره طلبت منه اغراض من السوبر ماركت....
رغد/اها...انتبهي ترى انتي لحالك...
رسيل/هههه اعرف ادبر نفسي لا تخافين.
رغد/الحمدلله..
رسيل سكرت الجوال....فتحت باب الشقه خفيف وكلمت الحارس انجليزي ومدت يدها بالفلوس/شكرا لك ضع الاشياء على الارض واذهب..
مسك يد رسيل بقوه.
رسيل خافت وحاولت تسحب يدها وصرخت/اتررك يدي
دخل وهو ماسكها وسكرالباب وبحركه سريعه سد فمها/اششش
رسيل قلبها يدق بسرعه من الخووف،وعينها بعينه وتبي تبكي وهي ترجف من الخوف
عبدالله حاول يهديها/انا عبداله لاتخافين
رسيل ابعدت يدينه عنها ودفته/اانت انت وش جابك وراي وش تبي مني،انت شلون جيت هنا
عبدالله/لا تسأليني شلون جيت انا من فتره ادورك
رسيل بانفلات اعصاب/براااا
عبدالله ناظرها بخبث/وان ماطلعت
رسيل عصبت/انت شلون تتجرأ وتلاحقني هاه!!..من عطاك الحق
عبدالله سفهها ودخل يتفرج بالشقه/ماشاء الله الشقه حلوه،
رسيل،توترت/
عبدالله جلس بالصاله واخذ الريموت/والله هالكنبه مرريحه
رسيل جاءت ووقفت عنده بتوتر/وبعدين معك؟!
عبدالله وهو يضغط بالريموت ويغير بالقنوات/عندك ام بي سي
رسيل اخذت منه الريموت وطفت التلفزيون/لمن اكلمك ناظرني فاااهم
عبدالله قام ووقف عندها ولاصق وعينه بعينها متعمد/سمي ياقلبي هذا انا قدامك واناظرك، اسمعك تكلمي
رسيل بلعة ريقها من قربه ودفته/ابعد عني.. مو كذااا
عبدالله كتم ضحكته بابتسامه/وين فهودي
رسيل/مين فهودي؟فهود مع امه
عبدالله ببتسامه/طيب ادري انه مع أمه.
رسيل زاد توترها/شوف عاد انا لحالي هنا وما معي احد...جلوسك معي بهالمكان مايصلح،اطلع وبكرا حدد مكان عام اتقابل انا وياك فيه
عبدالله/هههههه لا لاااا ما راح تهربين مني مره ثانيه..
رسيل ناظرته باحتقار/وين اهرب ومن مين ؟؟ اصلن ماهميتني،يلا برا بس
عبدالله وقف يطالعها بشوق/تعبانه من فراقي..صح؟
رسيل خنقتها العبره وحاولت تكتمها ورفعت يدها بتضربه كف..
عبدالله مسك يدها بقوه وصدها وعينه بعينها وقربها له وسحبها لصدره وضمها غصب عنها...
رسيل كانت بقمة ضعفها وانهيارها دفته وابعدته عنها بقوه وهي تبكي/لا تلمسني مفهووم..
عبدالله حس بالذنب اكثر/طيب براحتك ما راح ألمسك
رسيل ناظرت بساعتها وهي تمسح دموعها/وقت نومي،بليز ممكن تطلع،
عبدالله/لا مو ممكن
رسيل تركته وراحت غرفتها وسكرتها......
عبدالله وقف يناظرها وهي مقفيه ولسان حاله يقول[ والله اني سااكن بـ اقصى خفوقك ♡
واني اسرح في خيالك لو تكاابر

ايه واثق اني آجري في عروقك
صعب تقنعني بـ اني شخص عاابر]]
/
رسيل بدلت ملابسها،لبست قميص عادي لونه زهري و كت و لتحت الركبه وقلبها مع اللي في الصاله،قلبها يرجف وتحس ببرد داخلها،وجوده أربكها وهز وجدانها،..
اتجهت لفهود وباست خده وعدلت لحافه وراحت لسريرها اللي بجنبه..انسدحت وتغطت باللحاف عن البرد..وهي تنثر دموع الشوق و تتمنى لو عبدالله يدخل غصبن عنها وبدون ياخذ رايها لانه لو خيرها غرورها بيخليها ترفضه..
/
/
بالصاله جالس ومحتااار يدخل والا لا...النوم مستحيل يطب عينه،قربه منها بحد ذاته مولعه..فهد اللي اكتشف انه ولده علقه في رسيل اكثر واصرارها على رفضه وعدم اخباره ان فهد ولده علللقه فيها اكثر واكثر..تطنيشها ولا مبالاتها له جننوه عليها..نزل جاكيته ودخل عليهم الغرفه،شاف فهد وتبسم له من بعيد..
ألتفت على سرير رسيل واتجه له وهو يفتح ازرار قميصه وينزله ويرميه ع الكرسي..
رسيل حست فيه لانها صاحيه،بس ما ألتفتت،علبالها بيشوف فهد وبيطلع..
عبدالله جلس على طرف السرير ونزل فانيلته الداخليه ورماها وفتح اللحاف ودخل معها..
رسيل ولعت حرارة جسمها،ودموعها زادت مع تنفسها ويدها تجمدت..وشوي شوي تحس بحرارة انفاسه على رقبتها من وراء،..
عبدالله لصق فيها وهو يضمها من وراء بسكاااات/......
رسيل حست بالدفا والروح رجعت لها..واسترخت بأحضانه..
/
/
الصباح الباااكر~
قامت رسيل وشافته نايم جنبها،تركته وراحت تشوف الثلج اللي يتساقط بغزااره،..فكرت باللي صار البارح”ليه سمحتله يلمسها..ليه البارحه نامت باحضانه من دون أرق وتفكير،حست بنشاط وحيويه من زماااان ماحست فيها..،
عبدالله حس انه محد جنبه وقام لها..
رسيل حست به يقترب وسوت نفسها ما تدري/....
عبدالله بروقان/صباح الحب
رسيل ماردت عليه،وحاسده نفسها على هاللحظه معه/..
عبدالله لفها عليه وهمس وعيونه بعيونها/يقولون آلعذر مايمحي الخطيه..بس اتمنى اني اخفف من وجعها عليك..يابعد قلبي
رسيل،عينها بعينه وهي تبسم بدمووع شوق/ماقول غير حسبي عليك اعشقك وانت تحفر قبري،
عبدالله ابتسم لها وهو يمسح دموعها/جبتي راسي يا بنت عبدالعزيز
رسيل/بعدما كسرت قلبي يا ولد محمد
عبدالله/ماراح تصدقين،اني حبيتك من أول ايام زواجي بك من ساعة ما عاندتيني ووافقتي على الزواج مني وانا احسك غير،ورغبتي فيك ماتصورينها بس كنت ابي اكسر عنادك وغرورك،
رسيل/ماتدري انك كاسرني من عرفتك
عبدالله طبع بوسه على خدها/زايده حلى
رسيل استحت وحطت راسها على صدره/...
عبدالله/شلون فهود ولد خالك بعد العلاج؟!
رسيل رفعت راسها من صدره،مستنكره كلامه/هااه!!
عبدالله/شفيك حبيبتي
رسيل بنظرات قتاله ومدت بوزها/بس فهود مو ولد خالي
عبدالله يبي يسمعها منها/اجل من ولده؟!!
رسيل بدلع/ولدي أنا وبس
عبدالله/اها..من ابوه طيب؟!
رسيل حطت عينها بعينه وسبلتها بحركه تسحر/ابوه حبيبي
عبدالله ذاااب من كلامها ونبرة صوتها الناعمه دوخته،ضمهااا حيل وماخلاها..

صوت من بعيد/مــآمـآآآه.
رسيل/رووح ماماااه انتا
عبدالله/فدييييتك ليتك تقول بابا
رسيل جاتها فكره/عبدالله خلك وراء الستاره،بخليه يناديك..
عبدالله تحمس/يلا
رسيل راحت لفهود وقومته/صباحو حبيبي
فهد وهو يحك عينه/ماما انا دوعاان
رسيل مسحت على شعره/اللحين نسوي فطوور ونفطر سوى مع بابا
فهد فتح عيونه ع الاخر/وين بابا؟؟
رسيل/هنا معنا بالغرفه
فهد تلفت وما شافه/وينه ماما
رسيل/انت ناده بيطلع لك،قول يا بـابـا تعااال
فهد وقف على سريره وناداه ببراءه/بـآابـآا تعاااال
عبدالله طلع من وراء الستاره ببتسامه/لبيييه يقولها بابا
فهد استااانس/عبدالله عبدالله
عبدالله جاه وشاله ودار فيه وضمه/انا عبدالله وبابا كلهم
رسيل خنقتها العبره وهي تشوف دموع عبدالله وهو يضم ولده بحراره،ومسحت دموعها..
فهد ببراءه مسح دموع عبدالله/خلاث يا عبدالله لا تبكي
رسيل/فهوود قوله ي حبيبي ي بابا لا تبكي
فهد،طبع بوسه على خد عبدالله/بابا حبيبي لاتبكي
عبدالله طالع في رسيل إمتنان/الله لا يحرمني منك ومنه
رسيل ابتسمت له..
عبدالله/يلا اللحين خلونا نليس ونطلع نفطر برا..
فهد استانس/بابا نطلع معك فالثياره
عبدالله/ايه يلا بدل ملابسك..
.....
تعثر عبدالله وطاح من فوق كنبة الصاله.....وقام مفزوووع،وعرف ان اللي صااار كلــــــه حــلـم!!
قام واتجه للحمام غسل وجهه وطلع يدور رسيل وفهود بغرفتهم ومالقاهم!!!!/وين راحت؟!!!......ماني مصدق ان اللي عشته كان حلم!!...لايكون هربت مني بعد!!.،اففف وش خلاني انااام
اتجه لدولاب ملابسها ولقى كل شيء مكانه وفتح ادراجها ولقى اوراقها وجوازها/طيب وين راحت!!
طلع على اصوات فهد ورسيل داخلين/
فهد استاانس ومو مصدق/مااامااا عبدالله قااام
رسيل ناظرته باحتقار وصدت للمطبخ/.
عبدالله جلس على ركبه و مد يديه/مررحبا فهوود
فهد اتجه له ركض ونط/ ههههههه
عبدالله/وين رحتوا عني
فهد/لوحنا المثتوثف
عبدالله مسح على شعره وباسه وضمه من قلب وهو يشم ريحته وخنقته العبره/..
رسيل طلعت من المطبخ وشافته من بعيد ورجعت للمطبخ متأثره،ماتبيه يشوف دموعها...
شوي وطلعت ومعها صينية كرواسون بالجبن والزعتر وابريق شاهي. وحطته بالصاله ..
عبدالله يشوفها تمشي ومتغيرره..
رسيل جلست وصبت له كوب شاي ومدته له بسكات/..
عبدالله ببتسامه/تسلم الايادي..
رسيل ماردت عليه..صبت لها شاي وجلست تشربه واخذت الريموت وتطالع بالتلفزيون...
عبدالله جلس يتأمل ملامحها وكل شيء فيها/وين كنتم فيه
رسيل وهي تطالع التلفزيون/مو شغلك
عبدالله/لا والله
رسيل ،بدون نفس/اي والله..فهووود تعال اجلس جنبي هنا.
فهد استغرب وقام/..
عبدالله مسكه/شفيك روعتي الولد
رسيل ناظرته باحتقار/وانت شدخلك بيني وبينه...اصلن وش مخليك هنا للحين
عبدالله يكتم عصبيته/افااا هذا كرم الضيافه عندك
رسيل بانفلات اعصاب/انا ما استضفتك عندي ..انت اللي فرضت نفسك علي بالغصب،لذلك حس على دمك وفااااارقني
عبدالله/رسيل شفيك كلامك صاير قاسي وناشف،قلت اسف خلاص
رسيل قامت ،وارتفع صوتها/يلا خلاص.هذا اللي عندي „قوم وفارقني.
عبدالله حس بجديتها/يعني ماتبيني
رسيل سفهته،واخذت فهد ودخلت غرفتها..،
فهد ساكت من الخوف واصواتهم ارتفعت/..
عبدالله لحقها ووقفها بيده على كتفها/تعااالي موب بكيفك تنهين كلامك معي وتمشين سافهتني
رسيل نزلت فهد على طرف السرير والتفتت على عبدالله/انا انهي الحوار متى مابغيييت فااهم،،ماعااش من يتحكم فيني غير ابووي،ويدك هذي ان مديتها تلمسني ثاني مره عساها الكسر.
عبدالله حاول يتحكم في عصبيته لانها نرفزته/يابنت اعقلي وخلينا نتفاهم مع بعض
رسيل انقهرت من ببروده/يلا بس،،شبعت خرابيط، انت اناني وحياتي معك ممله ومابي ارجعها ثاني مره.
عبدالله حس بألم خفيف بيده المصابه/دام كذا...اجل عطيني ولدي وعيشي حياتك براحتك
فهد قررب يبكي وهم يتهاوشون عنده....
رسيل خافت وبلعة ريقها/اي ولد واي خرابيط...شكلك انهبلت،ولدك انتا ذبحته من زمااان ،تذكر والا اذكرك،بعدين هههه شلون تذكره اللحين وانت ماتبيه وكنت بتذبحني علشان يموت!!
عبدالله مالقى رد وعوره قلبه/....بس انا عرفت ان الولد عايش
رسيل بإصرار/وانا اقولك بالعربي الفصيح مالك ولد عندي فهمت والا لا
فهود نزلت دموعه وهو يناظر فيهم وما حسوا به/...
عبدالله طلع اوراق فهد الثبوتيه وشهادة الميلاد من المستشفى اللي ولد فيها/وهذي وش تقولين عنها
رسيل بلعة ريقها من الخوف ولمعت عينها/كذذذب
عبدالله راح للدرج وطلع جواز فهد وفتحه ووجهه لها/وهذا بعد كذب!!..هااه كذذب!!
رسيل نزلت دموعها واخذت الجواز منه/انت شلوون تسمح لنفسك تفتش باغراضي هااه
عبدالله باصرارا وهو عاقد حواجبه/المهم انه جواز فهد ولدي أنا
رسيل نزلت دموعها غزيرره/انت ماتبيه شخلاك تلاحقنا اللحين..اتركنا نعيش بسلام بدوونك لا تسوي نفسك اب حنون،،
فهد بكى وهو خايف من اصواتهم اللي ارتفعت/مااامااا
رسيل شالته وضمته/حبيب ماماه بس بس..انبسطت اللحين خوفت الولد
عبدالله بخوف على فهد/كله من عنادك
رسيل ظلت واقفه تسكته/حبيبي فهود بس
فهد سكت وطالع في عبدالله وهو ماد بوزه وخايف..
عبدالله قرب ومد يديه لفهد يبيى يشيله ويسكته/تعال حبيبي
رسيل ابعدت يده بقوه من زعلها/قلتلك ابعد
عبدالله حس بألم بعروق يده لأنها مابعد تلتئم كلها واعصاب اليد كانت متقطعه ويده عليها لفه،ما رد عليها ولا قال شيء طلع بسررعه وهو يمسك يده المصابه بيده الثانيه وواضح يتألم/..
رسيل انقهرت وخافت عليه(شسووويت،ياربي،نسيت اصابة يده„ياقلبي يتألم)
نزلت فهد وهي متوتره وخانقتها العبره وتحاول تكتمها/فهودي تعال بابا فيه دم بيده خلنا نروح نحط بلاستر له
فهد شهق/فيه دددمم!!! وين بابا
رسيل تنهدت وقررت تقوله/عبدالله هو بابا
فهد طالع فيها وهو ساااكت ومحتااار!!
رسيل وهي مستعجله طلعت ادوية فهود واخذت الاسعافات الاوليه وطلعت

وشافت عبدالله واقف يتألم بالصاله/عبدالله
عبدالله ألتفت عليها ونزل يدينه ولا كأنه يتألم/هلا
رسيل خنقتها العبره ورحمته راحتله ومسكت يده وفتحت كفه/انت تنززف
عبدالله حاول يسحب يده بشويش/عادي ما يوجعني
رسيل/تعال اجلس انظف جرحك واغير لفتك
عبدالله/مايحتاج
رسيل خلته يجلس غصب/اقول اجلس بس..
عبدالله جلس وو يتألم وساكت ويتفرج ومستمتع انها خايفه عليه وملاحظ عيونها تلمع ورجفت يدينها وهي تنظف جرحه نسته الألم/
رسيل تكلمت وخنقتها العبره/أنا آسفه ماكان قصدي ازيد على جرحك،
عبدالله/عااادي مايوجعني
رسيل من زيادة رجفتها نقضت جرحه بدون قصد وشافت عمق جرح الرصاصه
عبدالله تألم هالمره لأنها لامست جرحه/آآآآآهـ
رسيل رحمته/جعل يدي الكسر،انا آسفه عبدالله
عبدالله تحمل وسكت/ لاتدعين على نفسك تكفين وكملي ماعليك
رسيل كملت تنظيف الجرح ولفته وخلصت/
عبدالله/يعطيك العافيه
رسيل/الله يعافيك
فهد واقف بعيد ويشوفهم وخايف.
عبدالله شافه خايف/تعال حبيبي مافي شيء،تعال انا عبدالله
رسيل وهي تمسح دموعها/فهود تعال بوس بابا
عبدالله استانس والتفت على رسيل ابتسم لها بامتنان
فهد محتااار بينهم..
عبدالله فتح ذراعيه له/فهود حبيبي تعال
رسيل/فهود تبي بابا يروح ويخليك
فهد هز راسه بالنفي/لااااا
رسيل/طيب تعااال والا بيروح ويخليك
عبدالله قام/انا خلاص بسافر
فهد ،جاء رركض وضمه
رسيل بنبرة مخنوقه/هذا اللي ماكنت تبيه
عبدالله نزلت دموعه وهو يضمه/آآسف ياقلب ابوك آآسف
فهد مسح دموع عبدالله وطبع بوسه على خده/بابا انا احبك
رسيل اول مره تشوف فهد يقول هالكلام واستغرربت،لانها دايم تطلبه يقولها ومايقولها...
عبدالله انهبل ع الحركه وشاله/وانا بعد احبك
/
//
/
/
بعد أيام ع الاحداث السابقه”
في جــــده~
مايا توها واصله/يا خالتي مو معقوله لين دحين مافي اي خبر عن روسي
ام متعب بحزن/وش نسوي تعبنا ومالقينا طريقه نلقاها فيها
مايا/حتى انا ..ماكلمتني ابددداا ليش يا رسيل لييييش؟
نجد/اذكروا الله ياجماعه،وادعوا انها تكون بخير
مايا/اللي عرفه عمر انها سافرت خارج المملكه...
رن تلفون البيت وفزت ام متعب وردت/اكييد هي..الووه
رسيل بالتلفون/الو...يمه السلام عليكم
ام متعب ماصدقت/وعليكم السلام من ؟..رسيييل وينك يمه قطعتي قلبي عليك
رسيل حاولت ماتبكي/يمه انا بخير لا تخافين..
ام متعب/وين اختفيتي عني ووييين
رسيل/يمه انتي ناسيه اني بعالج ولدي في ألمانيا والا ايش!
أم متعب/انتي بالمانيا لحااالك
رسيل/هههه لا معاي فهودي
ام متعب/يابنت كيف تروحين لحالك برا
مايا جات ركض وطلبت تكلمها/خالتي بليز خليني اكلمها
ام متعب/رسيل اخذي مايا بتكلمك
رسيل/الو مايا
مايا بكت/رسييل ويينك يابنت؟!!حرام عليكي اللي سويتيه فيني وفي اهلك
رسيل/آآسفه اني ماقلتلك اي شيء عني الفتره الماضيه ماكنت ابي انكد عليك..
مايا/ياقلبي متى بترجعين
رسيل/بعد اسبوع اواسبوعين على حسب حالة فهودي
مايا مسحت دموعها وابتسمت لطاري فهود/كيف فهودي حبيبي اشششتقتله
رسيل/ماعليه مبسووط
مايا/الحمدلله..بس غريبه ايش خلاكي تتصلين بعد كل هالوقت
رسيل/حنييت شسووي..يلا ميوش باي
مايا/باي بس لا تقطعينا
رسيل/اوكي باي
مايا سكرت التلفون وهي مبسووطه/الحمدلله
نجد وساره/كيف رسيل ووش اخبارها
مايا ببتسامه عريضه/كوويسه الحمدلله
البنات/الحمدلله
نجد/فديت خالتي راحت لغرفتها وهي تبكي
مايا /الله يعينها..
/
/
/
/
ألمانيا~
طلعت رسيل من غرفتها بعدما نام فهودي ولحفته وطلعت للمطبخ وكانت مبسوطه انها سمعت صوت أمها ومايا وعرفت ان الكل بخير..صبت لها عصير وراحت للتلفزيون وجلست تتفرج على فيلم/
شويات ويطق جرس الباب/..
رسيل قلبها دق بسرعه وناظرت الساعه9/جاااء
رن الجرس مره ثانيه وقامت تفتح وقبل ناظرت بالعين الساحره وعرفت انه هو،وفتحت بسكات/...
عبدالله ببتسامه/مساء الخير
رسيل ببرود/مساء النور
عبدالله/ممكن ادخل
رسيل برسميه/فهودي توه نايم تعال بكرا..
عبدالله/هذي طرده؟!
رسيل عطته نظره ”يعني افهمها زي ما تبي”
عبدالله فهمها ومشى/عن اذنك
رسيل فررحت وسكرت الباب/باي
عبدالله رجع يرن الجرس...
رسيل فتحت الباب/نعم يا عبدالله
عبدالله/ممكن اشوف رسيل
رسيل ابتسمت/تستهبل انت
عبدالله دخل وسكر الباب وهو يتقدم اتجاهها...
رسيل تتراجع على وراء ووقفته بيدينها على صدره/وووقف ايش فيييك انت
عبدالله وقف وهو يتبسم/مالي احد هنا اتعشى واسهر معه،عادي اقعد معك..
رسيل/انت دخلت مايحتاج
عبدالله قرب يبي يبوس خدها/..
رسيل منعته وابعدت عنه/رجاااءا تبي تجلس هنا بشقتي تلزم حدوودك معي،ماخليتك تدخل الا علشان فهد،حركات المتزوجين تنساها لا شفتني مفهووم،،لا تحسب اني علشان دخلتك هنا اني سهله.لا يا روح امك..احمد ربك اني اعترفت بابوتك لفهد والاما ماكنت ناويه اكتبه باسمك بعد،بس خوفي من الله منعني.
عبدالله تذكر جملته لها أول ماتزوجها(لا تسوين معي حركات المتزوجات)وهذا هي اليوم تقولها له....وذاق من كاسه..
رسيل ملت من نظراته لها ومشت تقعد بالصاله وتركته/......
عبدالله حس ان شريط تعذيبه لها ينقلب ضده وقسووتها غررريبه وماتوقعها بهالقسوه،خصوصا انه يعرف انها تعشقه...
أخذ مفتاح الباب وطلع...
رسيل سمعت صوت قفلة الباب وجاءت تشوف وتفاجأت وتضااايقت وضربت بيدها الباب ونزلت دموعها/ليييه تروووح ليييييييييه .......
... مسحت دموعها وهي مكتئبه وحاسه بالوحده ..ودخلت تغير وتلبس ملابس النوم ما انتبهت أن المفتاح مو موجود بالباب..
/
/
/

يتبع