آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-03-14, 01:16 AM
| #11 | ||||||||
| مراقبة عامة ومشرفة منتدى الروايات المنقولة  
|  البارت العاشر .. عقب ساعات ,, الكل درا بنتيجه ميره ,, والاتصالات ما توقف من ربيعاتها وهلها والكل يباركلها .. وهي شوي تصيح وشوي تضحك من الوناسه .. الساعه 10 ونص نش سالم ونزل تحت وسمع امه تطري ميره لابوه بس ما لقط السالفه عدل .. دش الصاله ووايهم وشل الجريده وقعد يجلبها وامه صبتله حليب وناولته اياه .. وبوخلفان اتصل ببيت اخوه وردت عليه ميره ميره: الوو بوخلفان: حي الله الشاطرين اللي بيضوا الويه ميره: هههه الله يحيك ,, شحالك عمي بوخلفان: بخير وسهاله ,, مبروووك الغاليه ,, شو هالنسبه الحلوه ميره: الله يبارك فيك سالم يرمس امه : ابويه يرمس منو ؟! ام خلفان: ميره بنت عمك احمد سالم: طلعت نتيجتها !! ام خلفان : هيه فدتها .. يابت 96,7 سالم : ماشا الله عليها (مد يده لابوه ياشره انه يبا يرمسها يوم يخلص) بوخلفان: زييين فديتج ,, انا ا نشا الله بمر عليكم اليوم ميره: يا حياااك ,, البيت بيتك بوخلفان: اكووه سالم يبا يرمسج بيباركلج تيبست ميره يوم سمعت اسمه وهو خذ السماعه من ابوه وهو شاق الحلج سالم: السلااام عليكم ميره: هلا وعليك السلام سالم: شحالهم الشاطرين !! ميره: ههه بخير ونعمه سالم: مبروووك يا بنت أحمد ميره:الله يبارك فيك سالم(يستعبط): عاد كم نسبتج !! 69؟!! ميره شهقت : لااااا .. 96 سالم: هههههه هيه ما شا الله عليج ,, يعني غلبتينا!! ميره: طبعاااااا سالم: ياااويلي ع الخقه ميره: هههه سالم: انزييييين بنت احمد .. يلا عيل بنمر عليكم خلاف ويا الوالد ميره: يا حياااك سالم: يحيج ويبجيج .. يلا في امان الله ميره: الله يحفظك سكر عنها سالم وهي طااار من الوناسه ,, وحتى سالم بس جدام ابوه وامه عاادي .. ورد يجلب الجريده وابوه ينغز بالرمسه عشان الدوام وهو اونه مب منتبه له .. عقب ما خلص من الجريده .. لف صوب ابوه سالم: ااامرني الغالي بوخلفان: لا فديتك كنت اكح سالم: تكح !! عن هالحركات .. ادري تنغز بالرمسه بس شو تباني اسوي يعني .. ما بداوم كم شهر وعقب اودره واسافر .. اللحين 7 شهور بقعدهن هنيه عقب برد 5 عشان الامتحانات النهائيه والتخرج وبرد البلاد وبداام ويا راشد فالشركه بوخلفان: انزين يا بويه 7 شهور مب شوي تراهن ,, ولو انت تداوم بيطوف عليك الوقت .. ليش ما تساعد ولد عمك فاداره الشركه سالم: يستوي خير يا بويه بوخلفان: لو انت تداوم جان خطبتلك ويوزتك ,, ماباك تتغرب وانت روحك سالم: كم سنه تغربت روحي !! اللحين يوم مابقى شي ما تباني اتغرب روحي !! انا عايبني عمري جيه ,, اهب واسند على راحتيه بوخلفان: عاد قبل ما عندي لك عروس والا جان يوزتك سالم: واللحين عندك ؟! بوخلفان: عندي سالم: منو ؟! بوخلفان: يوم انت تقول ماتبا تعرس شو تبا تتخبر منو هي ؟! سالم(حس ان ابوه يقصد ميره): لا انا ما قلت مابا مررره ,, لكن هالوقت لا بوخلفان: عيل خلاص سالم: انزين عاد قولي منوو .. يمكن اير رايي بوخلفان: بنت عمك شق سالم الحلج : ميره ؟!! بوخلفان: لا لطيفه انجلب ويهه 360 ْ : لطووووووف !! ,, لا مشكور .. ما بعرس من اصله بوخلفان: ليش بلاها لطووف ,, بنت عمك ولحمك ودمك ومالها غيرك سالم: لا فديتك ابوه ,, عن مالها غيرك ولحمك ودمك .. مب لازم بنت العم لولد عمها بوخلفان: عيل ؟!! سالم: لا مب لازم .. يمكن الله كاتبلها نصيب غيري ,, وانا كاتبلي نصيب غيرها بوخلفان: يعني تبا تفضحني في عمك!! سالم: ليييش افضحك ؟!! .. الدنيا نصيب .. يمكن ايها لي اخير عني بوخلفان: بس عاد عمك حاط في باله انك بتاخذ لطيفه سالم: انا ماقلت ولا لمحت حتى بو خلفان غيض وسالم بعد غيض ( مب من حقهم يختارون لي اللي باخذها .. بس ما عليه شخصيه سالم قويه ولا يصير الا اللي هو يباه .. بالطيب بالصب كلامه هو اللي يمشي ) ام خلفان : استهدو بالرحمن بوخلفان: ما تسمعين ولدج سالم: ولدها شو قااااال ؟!! ام خلفان: خلااص سووويلم لا تراد ابوك بوخلفان: خلييه يراد ,, انا الغلطان اللي بطرتهم ودلعتهم لين خليتهم ما يحشمون رمستيه ولا يسون لي شان سالم: الله يهديك يا بووويه انا ما قلت شي اللحين ,, انا اقولك لطيفه ماباها .. تبا تيوزني بنت عمي .. انا ابا ميره ..والا غير مابا بوخلفان: كيف اخطبلك الصغيره والعوده بعدها سالم: عيل خلاص ,, مب لااازم اعرس بوخلفان : هااا اللي بينني سالم: ابويه لا تتعب عمرك وايد ويايه بالرمسه ,, انا اللي عندي قلته .. تبالي بنت اخوك !! اخطبلي ميره انا غيرها ما باخذ .. ولو تنطبق السما ع الارض ما خذت لطووف ولو اتم بليا عرس يكون احسن وقام وطلع عنهم .. وام خلفان قامت تيب ماي لبوخلفان عشان يشرب ويهدي شوي .. روضه كانت واعيه وتلبس ثيابها يوم سمعت الزعيج لبست بسرعه ونزلت ,,بس سالم خلاص طلع وابوها قاعد بالصاله وامها وياه .. وايهتهم وحست ان الجو متكهرب .. وسكتت لحسن لها .. مر الوقت وعلى الغدا كلهم موجودين الا سالم خلفان: وين سويلم ؟ ام خلفان: ظاهر من الصبح وما رد بوخلفان: فكاك من ويهه ام خلفان: استفر ربك ,, لو استوابه شي ما بيهون عليك خلفان يطالع روضه وكانه يسالها بعيونه (شوو السالفه ) واشرتله (بقولك عقب) ,, تغدوا وعقب ساروا الصاله الثانيه يشربون جاهي ودخل سالم وسفرته على جتفه وسيده سار فوق ولا كأن حد جدامه .. خلفان يطالع روضه وهي تطالع امها وعقب قامت ولحقته فوق .. بطلت الباب ودخلت وشافته منسدح ع الكرسي وحاط السفره على ويهاا سالم: خيييييير شو تبين !! روضه: الخير بويهك ,, ماشي بس ياي اطالع شو فيك سالم: مافيني شي ,, خليني روحي روضه: متاكده ما فيك شي !! فر السفره على الارض من على ويهه وقعد : روويض ما فيه شي .. ولو سمحتي ظهري عني لان عفاريت الدنيا تنط قدام عيوني .. انا يوم بهدى بيج وبرمسج .. اللحين مابا ارمس حد .. ممكن!! روضه: اوكي على راحتك وطلعت عنه .. وهي سايره حجرتها شافت خلفان وشما ياين فوق وزقرها خلفان وتجدمت شما عنهم ودخلت حجرتها خلفان: شوبلاهم؟! روضه: شدراني ,, الصبح سمعت وقعه اعتقد هو وابويه بس على شو ما ادري ويوم نزلت ان سالم قد طلع والحين يوم سرت له برمسه راغني .. قال عفاريت الدنيا فويهي قومي عني مابا ارمس خلفان: ول خيييبه .. شو مستوي بينهم روضه ترفع كتوفها (ما ادري ) خلفان: خلاص برايه اللحين ,, انا العصر برمسه روضه: اوكي وروح خلفان حجرته وروضه روحت حجرتها .. ووعقب شوي سارت صوب قوم خلفان ودقت الباب وفتحتلها شما شما: هلا روضه روضه : اهليين ودخللت روضه ..وخلفان منسدح على الشبريه وحاط حمود على بطنه اونه يلاعبه خلفان: روويض عفاريت الدنيا قدام ويهي ..ظهري احسن لج .. شو تبين يايتنا القايله شما استغربت وروضه وخلفان ضحكو روضه: ههه ماباك ,, ابا حموودي خلفان يحضن ولده : ااااااااااااااااسفين روضه: انتو بترقدون ,, عطووني اياه انا شبعانه رقاد .. بقيل وياه شما: والله تسوين خير انا عيزانه برقد ,,بايت واعي ما خلاني ارقد خلفان: لا اااسف ,,ولديه ما اعطيه حد شما: محد ياب ولد الا انته خلفان: ما يخصكم (ويحب ولده بالقوو ,,وصاح حمود) شما تشله من عنده وتعطيه روضه : ضيجت به ,,شو هالحب الماصخ خلفان: ما اعرف ارقد الا اذا بسته عدل ,, تعالي انتي ببوسج عشان ارقد روضه تضحك عليهم وشما تتحرطم شما: ماااااااصخ خلفان: حرمتيه ,,كيفي روضه: اييه انا بظهر عنكم ,و عن تخترب اخلاقي خلفان: هههههههه ما عليه بنشوفج عقب ويا راشد روضه لبقت من المستحى وشما لفت تطالعه ورافعه حاجبها شما : ما عليج منه هالطفس طلعت روضه وهي شاله حمودي وسارت حجرتها وفرشتله ع الارض في الصاله وانسدحت عداله تلعبه واونهم يشوفون التلفزون ويا بعض وهو حليله ما يعرف شو السالفه اصلا .. وع العصر هم الاثنين راقدين .. دخلت عليهم شما ع الساعه خمس وشافتهم جيه وضحكت عليهم وصورتهم وعقب وخت وشلت محمد بتوعيه وبتسبحه لانها بتسير بيت اهلها .. حستبها روضه ونشت شما: مسا الخير روضه تتمتح: مسا النووور ,, الساعه كم !! شما:خمس وربع روضه: اوووه ,, سنوات الضياع .. وما صليت العصر شما: هههه .. انزين يا لميس يلا قومي صلي وعقب شوفيه روضه: لا مب شايفتنه ,, ما حب جيه ,, لازم من البدايه .. خلاص بشوف الاعاده شما: ههه انزين نحن بنسير بيت قوم يحيى ,, بتين ويانا ؟! روضه: منو يحيى ؟! شما: هههه راشد روضه: لااا ويه بسم الله علينا من لميس ويحيى ,, ا نشا الله نحن احسن عنهم شما: ا نشا الله ,, انزين شوو.. بتسيرين ؟! روضه: لا طبعا .. وين اباااا عشان تتكنسل ويزتيه شما: ههه ما يخصه بيت عمج روضه: وريلي ,, يعني ما يصير اسير شما: انزين عشان ميره روضه: لا ميره انا مرتبتلها طلعه وبحتفل فيها روحي شما: كيفج .. يلا انزين نشي صلي عن تاخرين صلاتج اكثر روضه وهي تقوم : يلا نشيت (وترمس شما وهي تمشي ) سلمي عليهن وحبيلي ميره شما: بس ميره اللي احبها؟! روضه: هيه بس ميره (وطلعت لسانها ) طلعت شما من الحجره وهي تضحك على روضه وروضه دشت الحمام >> وانتو بكرامه .. تتمسح وعقب صلت ونزلت تحت .. يتبع | ||||||||
|  |
|
11-03-14, 01:18 AM
| #12 | ||||||||
| مراقبة عامة ومشرفة منتدى الروايات المنقولة
| البارت 11.. الفليل اتصلت روضه بميره عشان تخبرها عن الطلعه .. ميره: هلاا والله روضه: اهليين وسهلين وبوستين ع الخدين ميره: ماوصلتني الا وحده .. يمكن وحده بالغلط سارت صوب راشد روضه: هههه لا ماطرشت الا وحده ..وبس حقج ..وزين بعد يوم وصلوها لج ميره: ههه لا فديتها شماني اول ما دشت قالت لج امانه وباستني روضه: ياحيها .. انزين حبوبه شو عندج باجر ميره: اممم ..لحظه بشوف سكرتيرتي وبردلج خبر,,ليش تبين تحجزين موعد!! روضه: ههههههههه تطنزين ع عمرج !! ميره: شو تبيني اسويبج .. انتي وسؤالج ها ,, شو بيكون عندي .. ولا شي روضه: خخخ انزييين الساعه 10 ونص 11 تكونين جاهزه ,, انا خبرت ابوج اني بشلج باجر ومتى مابا بردج ورخصني ميره: والله ؟!! روضه: هيه والله.. بنسير وبنهوم ويااج لين تتفجج روسنا ميره:عاد وين بتوديني ؟! روضه: لا مب مخبرتنج ..مفاجأه ميره: اووكي .. عيل لقانا باجر .. بس قبل ما تظهرين من البيت اتصلي مب توقفين فالحوي وتصيحين هرن عقب تحتشرين روضه: ههه اوكي ..ع خير ا نشا الله ..لقانا باجر ميره: مشكوره مقدما روضه: العفوو مقدما ,, يلا في امان الله ميره: الله يحفظج عقب ما سكرت روضه عن ميره فرت فونها ع الشبريه وقامت تلبس بجامتها وهي تلبس سمعت فونها يصيح وركضت تشله ((لازم رنه خاصه لناس خصوصين )) روضه: هاااااالوو راشد: هاااااالوين ,, شحالهم حبايب قلبي روضه: نشكر ربنا الحمدلله ,,انت كيفك راشد: انا لو اشوفج استوي احسن روضه: وااااااااي ع المجامله محلاها .. جان استحي راشد (اونه غيض):انا اجامل ؟! روضه: هههه ,, لا انا .. انا ..خلاص راشد: اهاا ..انزين يلا نزلي انا تحت روضه: انزل شو اسوي راشد: رقصي ,, شوبعد تسوين روضه: شوووووووو ؟!! راشد: ياربي ع الخبال ,, حبيبي انا تحت نزلي ابا اشوفج روضه:اهااااا .. حبيبي انا بدلت ما فيبه البس اللحين راشد: حبيبي يلا عااد لا افضحج بالهرناات روضه: لااا ياويلك .. يلا بلبس عباتي وبنزل راشد: لييييش بعد عباه ؟! روضه: مافيه البس .. بلبس عباه مسكره وبنزلك ..يلا باي راشد: صدق ما تستحين روضه: عيل ما بنزل .. والله ما فيه ابدل راشد: يلا يلا يلا ..اترياج ..وبعد لين 10 اذا ما يتي بصيح هرن ,,وبراويج كيف ما تنزلين روضه: انززززززين خلاص خلاص بنزل يلا بااي سكرت عنه ولبست عباه مسكره فوق بجامتها ولمت شعرها أي كلام وبسرعه وسحبت شيله من الكبت ونزلت تركض وهي في نص الدري تذكرت شي وردت تركض فوق .. بس ما سارت حجرتها سارت صوب سالم دق دق دق سالم: ادخل (فتحت روضه الباب ويوم شافه بعباتها وشيلتها استغرب سالم) ع ويين ؟! روضه: رشوود تحت ..بنزله سالم: بتسيرين وياه ؟! روضه (رفعت كتوفها بمعنى ما ادري) هو قال انا تحت انزلي وانا تعايزت البس وقدني بدلت بجامه ولبست عباه مسكره ,, بنزله اوكي ؟!! سالم: كيفج حبيبي .. ها ريلج ما اروم اقولج لا تنزلين له روضه: انزين يعني انا اوني اخبرك سالم: اهاا هههه تخبريني ,,خلاص عيل وصلني الخبر تقدرين تتوكلين روضه باست اخوها وطلعت : باي سالم: باياات نزلت روضه وهي ع الدري اتصلبها راشد ولا ردت عليه وسكرت في ويهه ..اونه غيض عليها جان يصيح هرن بيأدبها ,,وهي مسكينه ركضت وبطلت الباب وطلعت برع يوم قابلت السياره حطت يدها في خواصرها ,, اونها غيضت على راشد ..نزل يبتسم من السياره وسار صوبها راشد(وهو يمشي صوبها): ااااااااخ ياويل حالي ع المبهدلين محلاهم روضه رفعت حاجبها : منو مبهدل ؟! راشد: ههههه يديتيه المبهدله (وصل عندها وتقرب منها وباسها) اخبارج حبيبي روضه:تماام .. انت اخبارك راشد: توني بس استويت بخير روضه: يعله مديم (وتذكرت ,,وردت يدها في خواصرها ) نسييت انا مغيضه عليك راشد: هههههه افاا ليش؟! روضه: تستهبل انت تصيح هرن ..ابويه راقد باسها راشد: انززين خلاص اسفيين روضه: وليش تقول مبهدله راشد: هههه اطنز لانج وايد زكرت فديتج اونها كفخته ولفت عنه .. وهو ضحك وباسها :وبعد اسفين روضه: لااااا مابا زعلانه وبعد باسها : افاااااا ,,تزعلين من حبيبج بوسنيده؟! روضه: بوسنيده لو حبيبي ما اطنز عليه وقال عني مبهدله باسها بس هالمره غير ((لا يروح فكركم لبعيد)) قصدي انه باسها بالقوو ..وذوب روضه حتى انها غمضت عيونها وهو يوم انتبه ضحك عليها ..وفجأه سمعوو صوت بغمه وروضه زاغت ونقزت في حظن راشد روضه: اييه شو ها ؟ لوى عليها راشد: ماشي حبيبي ,,حد ها مب صاحي يزاعج فجت عنه وردت سمعت نفس الصوت وتيودت في راشد وراشد يتلفت انتبه لسالم واقف في بلكونته راشد: يعلك اليناان ازيد ما انتم مينون,, ليش تبغم يا المدحوب روعت اختك فجت روضه عن راشد ورفعت راسها تشوفه يرمس منو سالم: لحقتولي نور ومهند ,, وين ما كانو تحابوو استحو وخيلو على ويهكم هاذيل كفار لكن انتو مسلمين اونكم راشد: حووه يا المدحوب هااي حرمتيه سالم: حتى لو حرمتك مب فالحوي وقدام الكل راشد: من الكل ؟!! الكل رقوود الا انت السويحر اللي اطفلت وطلعت على البلكونه سالم:ما اتنفس يعني .. حليلي طلعت وشفت اشياء اخلاقي ما تسمحلي اني اشوفها راشد يلوى على روضه ويبوسها : رووح زين ,,ما عندك سالفه روضه مستحيه من اخوها وسالم اونه يحط يده على عيونه ويستغفر من اللي يشوفه راشد:والله انك مكار .. يلا حول حول بنسير وياك سالم: مغروووم ..وين تبا نص الليل؟!! راشد: حول انته وعقب بخبرك دخل سالم من البلكونه وسكرها ونزل تحت فالحوي عندهم .. روضه:وين بتسيرون؟!! راشد ياشر عليها: بنسير روضه: وين عاد؟!! راشد: نتمشى روضه: اللحين ؟! راشد: شو فيها ؟! روضه: مافيها شي ,, بس انا عيزانه راشد: لا الموضوع مب للمشاور روضه: هههه يعني غصب راشد: غصب ياهم سالم : ها بوسنيده شعندك راشد: اركب يلا سالم: يا ريال وين تبا .. مافيه للسريات راشد: هنيه مب مبعدين ,, يلا عاد سالم: وروضه؟! راشد: ويانا سالم: اسميك شغله انته .. يلا انزين سرينا ركبو وروحو واول ما ظهرو من البيت قالهم سالم نسير نتمشى فمبزره .. واحتشرت روضه انها مب مرتبه .. بس شكلها كان عادي مب مبهدل بس عاد انتو تعرفون البنات ..وعقب قالتلهم عيل يشلون خوات راشد بعد وقالها راشد تتصلبهم تقولهن لف سالم يطالعها وهي فهمت هو شو يبا منها وحتى انتو فهمتو شو يبا اظن ,, اتصلت بميره .. روضه: هلا مياري ميره: هلا عيوني روضه: ها شو تسوين ميره: نطالع التي في انا و لطوف ورفوع روضه: اهاا يعني لطوف راقده وانتي يالسه روحج ,, اوكي عيل يلا لبسي عباتج انا وراشد ياينج ,,بتطلعين ويانا ميره: اييه يا الخبلا اقولج لطوف هنيه روضه: لا حرام عليج لا توعينها ,, يلا نزلي انتي فهمت ميره انا روضه تباها بس هي بس ما تروم ترمس قدام راشد ميره: ههههه مكااااااره ,, انزين يلا , تراني ببجامتيه بس بلبس عباتي وبنزل روضه: اوكي ,,انا بعد الا شراتج ,, بس يلا لا تبطين بسرعه سكرت عنها ميره وطلعت عنهن ولطيفه تسالها شو السالفه وقالتلها يو برد بخبرج ,, ؤكضت ولبست عباتها المسكره وشلت شيلتها ونزلت تحت وتوهم كانو واصلين الحوي وعلى طول طلعتلهم .. بطلت الباب وركبت وشافت روضه ورا ميره: اييييييه ليش يالسه ورا ها ريلج عاادي سالم: سلامه عليج ميره انتبهت ميره ان في حد يالس قدام وعدلت شيلتها بسرعه : هلا وعليك السلاام ولفت تطالع روضه و تتحلف لها وغمزلتها روضه وهي تبتسم ريوس راشد وطلع من البيت ساير صوب المبزره وهم يسولفون وراشد مشغل عبدالمجيد (الف مره خنتني ,, ودعتني ,, خاب ظن الشوق بك ,,صابه قهر ,و الف مره ارجع الدرب اللي جيته ,,والمسافه ضعف بين الخطوه والخطوه سفر ) سالم: اييييييه روويشد ,,شو ها الاغاني!! روحنا مسطلين بنرقد وانت مشغل ها الاغنيه اللي تيب الرقااد ميره: ما يسمونها اغنيه تيب الرقاد ,,يسمونها رومنسيه ,, حزينه ,,كلاسيكيه ,,شي من هالقبيل يا فااهم سالم: لا اختي ملطه بالعنوان .. مكلمج سالم مب فاهم راشد وروضه يضحكون ميره: هاهاها تستظرف اونك سالم: لا احاول راشد: ههههههه انزين اخ فاهم ,,اوه سالم ,, شو تباني احطلك سالم: انا روحي بشغل اللي اباه يلس سالم بنبش في سده السياره ولقى س يدي حمد العامري .. وشغله ..ورد ينبش يدور شو بيحط الاغنيه اليايه وطلع سي دي منوعات لميحد حمد وردو لسولفهم ووصلو المبزره ونزلو .. راشد: لو سمحتو ما نبا عواذل ميره تحط ايديها في خواصرها : نعممم ؟! ليش عيل يايبيني عشان ايلس روحي !! سالم: افااا وانا وين سرت ؟! راشد ييود يد روضه ويسحبها : عندج بوغنيم سارو روضه وراشد وقعدوا بعيد عنهم وميره ركبت ع البونيت ويلست عليه وسالم تساند ع السياره عدالها .. وووووو يتبع .. | ||||||||
|
| |
|
11-03-14, 01:19 AM
| #13 | ||||||||
| مراقبة عامة ومشرفة منتدى الروايات المنقولة
| البارت 12 راشد وروضه قعدوا يسولفون ويتغازلون ويضحكون ..وميره وسالم ساااااااااااااكتين .. سالم يطالع الارض وايديه وينقع اصبوعه وميره عقب ما قعدت تطالع المكان وتتريا سالم يرمس ..طلعت فونها وشغلت الافم ام وحطت سماعاتها وقعت تسمع وكل شوي تلتفت تطالع سالم وهو بعده سرحااان .. مرت نص ساعه وهم ع هالحال .. عقب بندت ميره الفون ونقزت ..كان ودها تنبه سالم وهو فز من حركتها .. ميره: اللي ماخذ عقلك يتهنابه سالم: محد ماخذنه ميره (تدلع): حليلي ..من نص ساعه يالسه عدالك وانت سرحان ولا ترمسني ابتسم سالم ونظراته كلها حب لهالانسانه اللي من اول ما شافها اسرته: السموحه منج الشيخه ميره: السموحه حاااااافه !! سالم بخبث : والله الود ودي انها ما تكون حافه ..بس تقدرين تقولين اني محشم شوي كفخته ميره على جتفه : انززين حشم .. انا قصدي اباها بارده .. يعني مع ايس كريم لو تسمح طالع ساعته: باسكن مسكر اللحين ميره: منو قالك اني ابا من باسكن ..ودني الدكان سالم : دكاان ؟! تبين ها مال نص !! ميره: يااااااااااااالله ما قد كلت منه سالم: ههههه لا بس من زمان ما سمعت به حتى ميره: انزين يلا عاد .. ودني الدكان سالم: بتمشين ؟! ميره: مب بعيد ؟! سالم: لا مب وايد بعيد ميره: اوكي يلا عيل سالم: اول هاتيلي ماي ميره: اكيه السياره تراك متساند عليها .. هاتلك ماي روحك سالم: عيل ماشي سيره ميره: ساااااااااااااالم سالم: عيونه ميره: يلا عاد .. ترا بسير روحي سالم: جربي انتي بس ميره: ههههه انزين يلا مشى سالم : هاتيلي دبه ماي وقفلي السياره ولحقيني بطلت باب السياره وخذت دبه ماي من الثلاجه وقفلت السياره ولحقت سالم ,, مشوا ميره وسالم سايرين صوب الدكان .. تخرطفت ميره وتيودت في سالم عشان ما تطيح على ويها وتعرفون طبعا البنات لازم يصرخن سالم: سلمتيييييي ,, شي عورج ؟! ميره(ترص على شفايفها) : لا عااادي سالم: صدق والله ؟! ميره: مافيه شي ..بسيطه سالم: متاكده ؟! ميره تهز راسها(هيه) كملو دربهم وميره تسحب ريولها لانها وايد تعورها ..جان توقف وتصيح سالم كمل دربه ولا انتبه انها وقفت ..عقب انتبه ووقف ولف يطالعها .. حصلها قاعده على حصاه وميوده ريلها وتصيح .. ردلها بسرعه سالم: بلاااج ميروه ؟! ميره: ريولي تعورني ..ما اروم ادوس عليها سالم: الله يهديج قلتلج شي يعورج قلتي لا (ووخى على ريلها) اشووف يوم شاف ريلها حصلها مجرووحه جرح غزير شوي ووايد تصب دم .. صب عليها باقي الماي اللي فالدبه ومط سفرته من على راسه ونظف ريلها عن الدم ميره: بتخيس سفرتك سالم: عنبو ,,الا هي سفره .. تفداج وطوا ريلها بالسفره ووقف ومد ايده لها عشان توقف سالم: ترومين تمشين لين السياره والا ايبها لين هنيه لج؟؟ ميره: بتخليني روحي ؟! سالم:عيل بتمشين؟! ميره وهي تمسح : شوي شوي ابتسم لها سالم : انزين يلا ..(ويرمسها شرات اليهال) تاااااته تاااااته ميره ترمس بدلع وهي تمشي : سااالم سالم:عيوون سالم ,, روحه ,, حياته ,, قلبه ,, امري استحت ميره : بس عاااد ضحك سالم ومشوا صوب السياره خلاص ما بيسيرون الدكان .. سالم يمشي شوي ويوقف شوي عشان تلحقه ميره لانها ماخلته يمسكها ويمشيها .. يوم وصلوا للسياره شافوا روضه وراشد يتريونهم راشد: وين سرتو؟! سالم يطالع ميره ورد يطالع راشد : حتى نحن سرنا نتغازل ميره اطالع باستغراب (ها شو يقول لاخويه!!) وروضه ضحكت ..وحتى راشد ضحك لان عرف ان سالم يتطنز عليه راشد:انزين يا روميو .. عطني السويج خلنا نروح لان حرمتيه موول مب ويه مازل سالم: افاا راشد: والله ,, انا في وادي وهي في وادي ..كل ما اقولها شي قالت لا تتعب عمرك ع الفاضي انا مسطله وما استوعب شي كفخته روضه وضحكوا الكل ,, حط سالم يده في مخابيه ولا لقى السويج ولف لميره سالم:السويج عندج؟! هزت راسها ميره بمعنى ( هيه ) ومدلته السويج .. ركب سالم هو اللي بيسوق وركب راشد عداله والبنات ركبن ورا وابتبهت روضه لريل ميره روضه: اوووووه مياري بلاها ريلج ؟! رب ما من شر !! ميره:الشر ما ايج .. تخرطفت وتعورت ريولي شوي مر سالم عالدكان وخذ كرتون ايس كريم .. وعطاه ميره وروضه احتشرت حتى هي تبا ايس كريم .. تونه راشد في صفها ويواجع عشان يعطونه .. سالم: البنيه اللي تعورت مب انتو ميره: انزين بعطيكم ماباكله كله سالم: لا لا تعطين حد راشد: لا تعلم ختيه البخل .. خلها دامنها كريمه وبتعطينا ميره: حرام سالم .. عقب بطني بيعورني سالم: هيه صح .. خلاص عطيهم وزعت ميره عليهم الايس كريم ويلسوا يتلحسون ويسولفون لين ما قربوا من بيت بوخلفان راشد: اييه ززلف لف ..بنزل ميره قبل سالم: اسميك جحا .. يعني ننزل ميره عقب نسير نحن بيتنا عقب ترد انت البيت!! راشد: هيه نقعن ضحك البنات وسالم على ذكاء راشد سالم: الله يعينج يا ختيه على غبائه ..جحااا راشد: شدراني وصلوا البيت نزلت روضه ونزل سالم وراشد بعد نزل عشان يبدل مكانه .. دخلت روضه وتوه سالم بيسير عنهم رن فون راشد وانتبه سالم لرد راشد ورد يسمعه .. راشد: هزاع الـ.. ؟!! هيه نعم .. شووو ؟!! .. أي مستشفى ؟! .. اوكي يلا ياينكم سكر راشد وركب السياره بسرعه ووقف سالم عند جامته سالم: رب مامن شر ؟! شو صاير راشد: والله شدراني .. بس هزاع مسوي حادث والشرطي يقول مب قادرين نتعرف على جثه واحد من ماتوا في الحادث لان 2 كانو وياه .. ها غير السياره اللي دعموها والله اعلم كم فيها..واتصلوا عليه لان رقمي اخر رقم في تلفون هزاع سالم: وهزاع شي فيه ؟! راشد: ما ادري اللحين بسير لهم سالم: بسير وياك راشد: يلا اركب ركب سالم بسرعه وريوس راشد ميره: وانا ؟! بتودوني البيت راشد: اوووه وين فيه اللحين الف ع البيت بعد (جدم السياره ودخل الحوي ) نزلي ..باتي اليوم عند روضه ميره: اوكي نزلت ميره تسحب ريلها ودخلت البيت شوي شوي وهم شخطواا السياره وطاروا للمستشفى وصلوا المستشفى ودخلو قسم الطواري وسالوا عنهم ودلتهم النيرس وينهم .. لقوا لمه شرطه عند باب الرفه وسارلهم راشد وسالهم وخبرهم انهم هم اللي متصليبه عشان ايهم .. وودوه صوب الغرفه اللي كانو حاطينهم فيها .. دخل راشد وسالم ووياهم الشرطي بس طبعا سالهم اول شي شو يقربون لهزاع وقالوله انهم ربعه ويرانه .. كشف الشرطي عن ويه الريال الاول وانصدمو الاثنينه وقامو يطالعون بعض ويذكرون ربهم ويترحمون عليه وعيونهم تغرغر من الدموع .. وكشف الشرطي عن ويه الريال الثاني وكانت المفاجاه او المصيبه الاكبر .. صرخ راشد ومسك الريال من جتوفه وتم يصارخ والشرطي يدزه وسالم تصنم في مكانه راشد ودموعه تسبق كلماته : اييييه لا تستهبل .. ووووين بتسير وبتخلي عيااااااالك .. سلطاااااااااان .. لا تكسر ظهريه .. لا تخليني روحي يا خويه انا ما اروووم الريال الاول كان ربيعهم هزاع والثاني كان سلطان اخو راشد وفي غيرهم بعد واحد .. بس راشد يوم شاف اخوه وانهار الشرطه طلعته بسرعه من الغرفه وطلع سالم وراه بخطوات ثقيله وبصمت وصدمه .. حاولو يهدون راشد وسالم قعد على الكرسي مجابل راشد يطالعه ودموعه تنزل بس بكل صمت .. وعقب ساعتين يت النيرس لسالم لانهم ماقدروا يتفاهمون ويا راشد النيرس: اخوي انت تقرب للي سوو حادث ؟! سالم بصوت خانقته العبره: ولد عم سلطان النيرس: انزين اخوي ,, كانت وياه حرمه فالسياره سالم: حرمته .. شو حالتها هي ؟! النيرس: والله ما ادري شو اقولك .. اخوي الحرمه حالتها خطيره وهي في غيبوبه اللحين لان الضربه يتها بالراس سالم: غيبوبه ؟! النيرس : ادعولها انتو .. عموما اخوي .. الدكتور يباك بخصوص هالمريضه سار سالم صوب الدكتور سالم: هلا دكتور .. انت زقرتني ؟! الدكتور : ايوه يا ابني .. انت بتأرب للست اللي كانت فالحادث سالم: هيه الدكتور: والله يا ابني مش عارف أأولك ايه .. بس مافيج داعي اني الف وادور سالم: خير دكتور ؟! الدكتور: الست حالتها خطيره وهي فالعنايه دلوأتي نحن مش قادرين نعملها أي حاجه دلوأتي.. بس لبكره الصبح احتمال ندخلها العمليه .. وانا ما اظمن لك انها هتعيش لان الضربه أويه فراسها سالم: وليش ما ادخلونها العمليات اللحين؟! الدكتور: ما نأدرش لان دأاات ألبها ضعيفه أوي وما بتتنفسج كويس والعمليه هتكون صعبه ..نحن هنعمل اللي نأدر عليه سالم: خير لبكره الصبح ا نشا الله الدكتور:خلاص انا استأزن بأه عشان اشوف المريضه سالم: اوكي .. وطمني دكتور الدكتور: خير انشا الله سار سالم وقعد عدال راشد ..راشد منهار ع الاخر مب رايم يوقف دموعه ويهاذي باخوه .. لوى عليه سالم وصاح بس سالم يبا يكون قوي قدامه عشان ما ينهار اكثر .. وتذكر اخوه خلفان وقام عن راشد واتصل بخلفان .. الساعه 4 الفجر .. خلفان يوم سمع صوت سالم قفز وطلع عن شما من الحجره خلفان: هاا بوغنيم ..شو بلاك ؟! سالم (ما يروم يرمس): بو أحمد ..يا خلفان ..بو أحمد رااااح خلفان: شو تقول انته .. منو بو أحمد ؟! سالم والصوت مبحوح : سلطان خلفان: شو تقووول !! سلطان !! سالم: الله يخليك خلفان تعال الدختر ما اروم انا روحي هنيه خلفان: وراشد؟! سالم: راشد ويايه لكن ها روحه انهار يوم درا عن اخوه خلفان: اوكي يلا ياينكم سكر عنهم خلفان ودخل بسرعه الحجره ولبس كندورته وشل سويجه وطلع ونشت شما على قرقعته سالته شو السالفه وع وين رايح ما رد عليها .. نزل يركض وركب سيارته وشخطبها وروح للدختر .. تروعت شما ونشت وميره وروضه كانن واعيات يوم سمعن صوت السياره طلعت روضه وشافت ان سياره خلفان مب موجوده .. وسارت صوب حجرته .. فتحت الباب شوي شوي وشافت شما رايحه راده فالحجره ودخلت روضه: شو السالفه شمووه ؟! شو فيه خلفان ؟! شما : ما ادري .. ياه تيلفون وربع تذكرت روضه انم يره قالتلها ان راشد وسالم سارو لربيعهم مسوي حادث وطلعت بسرعه صوب حجره سالم ولقت فراشه مثل ما هو يعني ما رد البيت للحين ..يعني احتمال هو اللي اتصل بخلفان .. بس مب اكيد ردت حجرتها وشلت فونها واتصلت بسالم وما رد عليها.. مره مرتين ثلااث ما رد وعقب اتصلت براشد ونفس الشي بعد ما رد عليها .. وحاولت مره ثانيه تتصل بسالم بس هالمره رد عليها .. سالم: الوو روضه زات من سمعت الصوت: شو بلاك سالم ؟! سالم (يحاول يعدل صوته): ما فيه شي .. شو تبين ؟! روضه: وين انت؟َ! سالم: مشغول شوي .. برد ارمسج عقب روضه: انزين خلفان ليش طلع من البيت اللحين مسرع .. انت اتصلت له سالم: هيه .. خلاص رواضي برمسج عقب سكر عنها بس ما ارتاحت حست ان في سالفه وراهم وسارت صوب شما تخبرها .. خلفان وصل الدختر وبسرعه صوب سالم وراشد .. راشد خلاص هلك وودته النيرس لغرفه عشان يريح شوي وسالم وقف ويا خلفان ويلس يخبره بالسالفه خلفان: وحرمته بعددد ؟!! سالم يهز راسه (هيه) خلفان: الله يعين .. لا حول ولا قوه الا بالله ياالدكتور صوب سالم وقاله ان الحرمه توفت وما قدروا يسعفونها او يسولها أي شي .. عقد على الكرسي وحط راسه بين ايديه وتم يستغفر وهو يصيح وخلفان سار صوب الشرطي وشافت شو السالفه وشو الاجراءات .. وقالهما نهم بيدفنونه هو وحرمته الصبح .. ورد لسالم يرمسه ولحقه الشرطي ووقف يرمسه .. وطلع ان الحرمه مب رفيعه حرمت سلطان ..سلطان كان وياه نسيبه اخو رفيعه وهو توفى بعد ..وهزاع كانت وياه حرمته وتوفت هي وريلها .. ما عرف خلفان يفرح والا يزعل على رفيعه .. أذن الفجر وقامو سالم وخلفان يصلون .. وخلفان خذ التيلفون عن راشد عشان ما يتصل بابوه ويخبره .. هو اتفق وياهم انه بيسير يصلي في المسيد وعقب بيرد البيت عند ابوه وبيخبره وبيسير وياه عند عمه .. سالم سار المسيد اللي فالمستشفى يصلي وخلفان روح بيصلي فالمسيد اللي عدال البيت عشان يلاقي ابوه وعمه هناك ,, عقب الصلاه طلع خلفان ووقف عند سيارته يتريا ابوه .. وعقب ما خلص بوخلفان سار صوب ولده بوخلفان: صبح الخير خلفان يحب ابوه على راسه: صباح النور بوخلفان يحط ايده على راس خلفان اونه بيمط شعره : شو ها يا بويه .. ناش دهمان ما تحط السفره على راسك ابتسم خلفان ودمعت عينه بوخلفان: اللهم صلي على محمد .. شوبلاك يا بويه خلفان: الله لا يبلاك .. ماشي .. اركب بنرد البيت بوخلفان: لا انا بمشي ..برايك انت سير بسيارتك خلفان : خلاص عيل .. نتلقى فالبيت ركب خلفان ومسح دمعته وريوس وسار للبيت وبوخلفان بعدمشى صوب البيت .. قعد خلفان فالمنصه يتريا ابوه ويوم وصل ابوه وشافه تروع .. حس ان في شي مستوي .. سار صوبه ويلس عنده .. وشوي وياب الطباخ الدلال للشيبه وخلفان يتحنحن ويعدل يلسته ومب عارف يتصرف اصلا .. حس عليه بو خلفان: خير يا بو محمد .. شعندك؟ خلفان: والله يا بويه ما ادري شو اقولك .. لكن هاي هي الدنيا .. ما تدوم لحد عدل بوخلفان يلسته وكانه يتريا يسمع شي من خلفان بس خلفان سبقنه دموعه وما رام يرمس بوخلفان: لا تطير لي عقلي يا بويه .. شعندك؟! خلفان : سلطان ولد عمي أحمد وقبل لا يكمل خلفان رمسته قطعه بوخلفان: لا حول ولا قوه الا بالله خلفان: راااح خويي يا بويه .. راااح بوخلفان : انا لله وانا اليه لراجعون .. هاي هي حال الدنيا (وقف بوخلفان ووقف وياه ولده) حادث؟! خلفان يهز راسه(هيه) بوخلفان: وشو منفد العرب الا هالسياير .. لا حول ولا قوه الا بالله ودخل بوخلفان ولحقه خلفان خلفان: انزين ابويه .. عمي ما عنده خبر بوخلفان: لا يا بويه انا ما اروم اخبره .. سير انت لعمك .. اعفني من هالشي خلفان : لا يا بويه دخيلك .. لوانت ما رمت اقولك اياها الا بطلوع الروح .. عمي كيف بقوله بوخلفان: عيل اصبر لين الساعه 7 .. وبنسير رباعه خلفان: انشا الله دخل بوخلفان حجرته ياخذ حبوب الضط والسكر وخلفان سار فوق .. دخل حجرته وحصل شما منسدحه على الكرسي فالصاله وراقده .. دخل الحجره واتصل بسالم وقاله يرد البيت وايب راشد وياه لان قعدتهم ما منها فايده هناك لين يخبرون بوسلطان وعقب بيسيرون كلهم وبيغسلونه وبيدفنونه .. سار سالم لرفه راشد واقنعه انهم يردون البيت يريحون شوي وعقب بيردون للدفن .. وسار راشد وياه .. وصل سال بيتهم ونزل ودار وفتح الباب لراشد ونزله لان راشد كان سرحانه بس جيه يمشي .. سار ويا سالم فوق حجرته .. وانسدح على الشبريه وانسدح سالم عداله ومن التعب ماحسوا بعمهم الا راقدين .. وخلفان قعد عند راس شما ويمسح عليها لين نشت شما: حبيبي وين سرت ؟! خلفان يبوسها : خلج من وين سرت .. قومي ابا اقولج شي قعدت شما: امر خلفان: لا اول تسلي وبدلي وانا بنزل تحت عند ابويه شوي وبردلج استغربت شما وما عارضت قانت تتسل وهو سار لحجره سالم قبل يشوفهم اذا يوا والا ولقاهم رقوود ,, طلع عنهم ونزل تحت .. وما لقى ابوه ,, يعني بعده ما طلع من حجرته ..ورد مره ثانيه فوق ولقى شما تصلي الصبح .. قعد فالصاله ويوم خلصت سارت وقعدت عداله شما: خير بومحمد شو بلاك ؟! خلفان : حبيبي انتي انسانه عاقل وتفهمين وتعرفين ان كل شي بايد الله ..صح زاغت شما : صح خلفان: وتعرفين ان الله اذا اراد شي ,و لا بايدي ولا بايدج نقدر نرده شما: خلفان حرقتلي دمي .. قول شعندك؟! نزل راسه وسكت لثواني ورد يطالعها : سلطان سو حادث شما وايدها على قلبها : شو فيه اخويه ؟! خلفان بصوت خانقتنه العبره : مااات شهقت وتمت تطالع خلفان باستراب تحاول تستوعب شو يقول .. عقب دفنت شما عمرها بحظن خلفان وصاحت .. لوى عليها خلفان وحاول يهديها شوي .. وعقب دقايق بعدها عن حظنه وباسها وهي تمت مثل الصنم دموعها تنزل بس بدون صوت .. قام عنها خلفان بيطلع جان توقف وراه وتلحقه شما: لا تخليني خلفاااان رد خلفان ولوى عليها : حبيبي .. لازم اسير لابوج .. برد لج حياتي شما تبتعد عن خلفان وتمسح دموعها : اوكي نزل خلفان عند ابو ولقاه يترياه فالصاله .. قعد عداله وقعدوا هم الاثنين محتارين كيف يسيرون ويخبرونن بوسلطان عن ولده يتبع .. | ||||||||
|
| |
|
11-03-14, 01:21 AM
| #14 | ||||||||
| مراقبة عامة ومشرفة منتدى الروايات المنقولة
| البارت الـ 13 سار بوخلفان وولده لاخوه بوسلطان عشان يخبره ويخلصون اجراءاته ويدفنونه .. وعقب ساعه قدر بوخلفان انه يخبر اخوه عن ولد .. بجره .. ابو اول احفاده .. لحظات صعبه مرت على بوخلفان وخلفان لين ما قدروا يخبرون بو سلطان .. بس بوسلطان كان اقوى من ولده راشد .. وكل امره لله .. وترحم عليه .. اكيد غصب عنه نزلت دموعه وضاقت به الدنيا وضاق صدره وزعل على ولده بس فالاخير هو ريال مومن وراضي بقضاء الله وقدره .. ساعات والعايله كلها درت بوفاه سلطان .. والخبر وصل رفيعه اللي كانت عند اهلها .. وما تنحسد على وضعها مسكينه .. اخوها وريلها راحوا بيوم واحد .. ردت فيعه الين لان بوسلطان قالها لازم انها ترد ( سلطان كان موصلنها سويحان عند اهلها وراد العين ويا اخوها .. جاوزهم راعي شاحنه وكانت جدامهم سياره هزاع اللي كان راد من دبي على نفس الخط بعد اسبوع عسل مع حرمته لانه توه معرس ..لكن الله ما كتب لهم عمر مع بعض .. وتوفوا كلهم ) راشد بعده راقد وسالم نش وشاف ربيعه واخوه راشد راقد عداله وويه كله حزن .. دخل وتسبح وطلع فالصاله يتصل بخلفان يشوف متى الدفن عشان يوعي راشد ويسيرون .. وقاله خلفان انه عقب صلاه الظهر بيصلون عليهم وبيدفنونهم .. وكان باقي ع الصلاه تقريبا ساعه .. اتصل سالم بروضه وقالها تيه الحجره .. روحت له وقاله تدخل تشوف راشد وتوعيه دخلت رضه عليه وقعدت عند راسه وتمت تمسح على شعره ودموعها تتناثر على خدها .. نش راشد على لمسها وشهيقها .. يوم شافت مسحت دموعها وهو اعتدل بيلسته .. لحظات وهم بس يتكلمون بنظرات العيون .. وعقب قام راشد ودخل الحمام >> وانتو بكرامه ,, عشان يتغسل وطلع وخذ كندوره من كبت سالم ولبسها .. قامت روضه بتساعد راشد وبتسكرله عقم الكندوره .. ودزها بعيد عنه استغربت روضه تصرفه بس قالت عادي هو متضايق وخله يفجج ضيقه فيني .. طلع راشد الصاله وشاف سالم قاعد على الكرسي وميود راسه بيديه .. وقف قدامه وبصوت مبحووح: متى الدفن ؟! رفع سالم نظره لراشد وطاحت عيونه بعيون راشد ولا قدر يتحمل ودمعت عينه ووقف ولوى عليه تنهد راشد ودموعه غلبته .. وضك عن سالم : متى ؟ سالم: بنصلي الظهر وعقب عليه وبندفنه راشد: انزين يلا نسير ماشي عن الصلاه ..اقل من ساعه ,, خلنا نسير المسيد طلعوا من الحجره ونزلو تحت واتصلبهم خلفان وقال لسالم يسير الدختر عشان ايي ويا سلطان بسياره الاسعاف للمسيد .. لين وقت الصلاه يرانهم دروا وعربهم كلهم .. تيمعوا كلهم عند المسيد العود .. وعقب صلاه الظهر صلوا عليه وعقب ساروا المعشره بيدفنونه .. راشد كان شال اخوه مع مجموعه ريايل وهو اللي نزل القبر مع خلفان ونزلوا سلطان ودفنوه وعقبها الريايل تسلم عليهم وتتعزيهم وراشد من خلص دفن على طول ركب السياره وشخطها وروح .. مرت ثلاث ايام العزاء .. وراشد كان اكثر واحد متأثر من موت اخوه كان شرات الصنم .. يوقفه سالم يوم حد يحدر وييلسه ويناوله كوب الماي ويشربه وهو بس يطالع بعيونه بعد ما خلص العزاء .. بوسلطان كلم بور فيعه وقاله ان ها بيت رفيعه لانها ام عياله وهو ما بيخليها تسير سويحان ع الاقل لين تخلص عدتها عقب هي حره .. اذا بتيلس ترا ها بيتها وهم هلها واهل عيالها واذا بتسير بعد هي حره .. وبورفيعه ما خالف راي لبوسلطان .. رفيعه قعدت في قسمها .. يعني راشد ما يشوفها ولا ايي قسمها اصلا .. دوم خواتها وخوات سلطان عندها وامها تيها مرات وام سلطان ما تخليها روحها ابد .. بس راشد ما ارتاح وسار بوظبي وقالهم عشان تاخذ رفيعه حريتها اكثر هو بيقعد في بيت بوظبي .. ها الفتره راشد حتى الشركه والشل اهمله .. مرات بس كان ايي يشوف شو يبون وشو محتاجين ويروح .. انقطع عن اتصالاته لروضه وهي وايد تحاتيه .. وكل ما تتصل به يا انه يرد عليها ويكلمها برسميه واااايد ويا انه ما يرد اصلا وها اللي يصير في الب الاحيان .. حتى روضه تعبت نفسيتها وايد من جفا راشد اللي بدون سبب ,, واللي هي تعتقد انها في هالحاله مفروض تكون اقرب منه مب ابعد عن قبل .. بعد 3 شهور من وفاه سلطان .. وفي يوم من الايام ..سار راشد العين ومر يسلم على اهله ,, بس طبعا اتصل قبل عشان ما تكون رفيعه فالصاله مع انها ابد ما كانت تطلع من قسمها يعني حتى طلعته هو من البيت مالها داعي .. المهم .. دخل وسلم وحظن امه وخواته وقعد وياهم شوي يسولف بس راشد 360 ْ تير عن قبل .. يعني مب هو راشد الاولي .. والكل ملاحظ هالشي وامه وايد حاز في خاطرها تغيره .. صح هي ما تدري عن اللي يصير بينه وبين روضه بس تحس ان في شي بينهم لان حتى روضه ذبلت وتغيرت عن قبل .. سأل راشد عن ابوه وقالوه انه فالعزبه .. وانه هالفتره تعلق بالعزبه اكثر .. فراق سلطان وضغط راشد عليه بغيابه عن البيت اثر فيه .. ترخص راشد من امه وسار صوب ابوه فالعزبه .. وعقب ما سولف وخذ وعطا وياه .. صدمه باللي طلبه منه بوسلطان: انته شووو تقول ؟! راشد: اللي سمعته يا بويه بوسلطان: لانك تحبها بتودرها .. انت مينوون ؟! راشد: لا مب مينون .. بس انا مابا اعيش وياها واتعق بها اكثر وتتعلقبي ونيب عيال وامووت عنهم بوسلطان ( معصب): لااا اكرم انك صااحي راشد: اذا مب انت اللي بترمس عمي انا اللي برمسه بوسلطان: كيفك ,, بس تأكد انك اذا سويت هالشي اني بعتبرك ميت ومب موجود فحياتي و ما بزعل لموتك حط راشد عيونه بالارض ولا عرف كيف يرد على ابوه .. استسمح من ابوه ورد بوظبي .. بوسلطان زعل من افكار راشد الغبيه اللي مالها داعي ولا معنى .. وعقب يومين اتصل راشد بروضه .. قرر انه من رسه لراسها ينهي سالفه العرس .. روضه يوم شافت رقم راشد فرحتلانها من 3 شهور راشد ما اتصل بها .. راشد: الوو روضه: الوو مرحبا راشد: المرحب لاهان ,, شحالج رواضي؟! روضه (اللحين شحالي .. عقب 3 شهور جفا تسال عن احوالي ) راشد: رووضه ؟!! روضه: هاا ,, هلا اسمحلي يقطع ما اسمعك راشد: اهاا ( وبعد لحظات صمت) اممم ..ما بتساليني ليش متصل ؟! روضه: صح اتصالك غريب .. بس تدري اني ما بسالك ليش اتصلت ,, لاني في كل لحظه وثانيه اترياه ما عرف راشد شو يرد عليها والا كيف يبدا بالموضوع وياها .. وبعد لحظات صمت : رواضي انتي تدرين اني احبج .. واني بموت لفراقج واني ما اتحمله روضه ودموعها على خدها : واثبتلي هالشي يا راشد .. من 3 شهور وانا ما ادل ارضك من سماك راشد: عشانج يا روضه ,, والله عشانج انا ابتعدت روضه: عشاااني ؟! راشد: ما ابا يستويلج اللي استوا برفيعه .. ماباج تتعلقين فيني واموت عنج في أي لحظه روضه: شوو هالكلام يا راشد راشد: لاني احبج ماباج تزعلين علي ,, ماباج تكونين وحيده بمووتي روضه: الاعمار بيد الله .. ويمكن انا اللي اموت قبلك ,, ها مب منطق يا راشد راشد: ما حد فاهمني ,, حتى انتي استويتي ما تفهميني روضه: نفهم شووو بالضبط ؟! ,, وضح مقصدك عشان نفهمه راشد: خلاص خلاص ,, اللحين الشباب يايني ..برمسج عقب سكر راشد عن روضه والشباب كانت حجه عشان ينهي السالفه لانه ما عرف يرد عليها .. وهي من سكر عنها فتحت سيل دموعها .. وصاحت على راشد وعلى حبه .. وعقب يومين اتصل راشد بروضه .. بس هالمره ما ردت عليه لانها من مكالمته الاخير وهي تعبانه ولا ذاقت طعم النوم وعيونها ما جفن من الدموع .. وطرشلها رساله وسايط (( مهما جلسنا نضحك وناخذ من الحب المتاع ,, لابد لحظات المفارق نرتشف كاساتها )) وردت طرشتله وسايط بعد (( دامك اخترت الفارق ودست من بعضي وكلي ,, اخذ عيني واخذ عقلي واخذ خفاقي وداعه قال ليه !! وقلت عيني لاجل دمعاتي تهلي ,, يمكن اذا شفت دمعي يحزنك كثر اندفاعه واخذ عقلي لاجل تدري كيف منك ما يملي ,, كيف طيفك في خياله كل وقت وكل ساعه واخذ خفاقي معك لله في لله يا اللي ,, ما دريت بقيمته عندي سوا لحظه وداعه وكان لا هذا ولا هذا ولا هذا حصلي ,, الفقير ان مات عذره .. مات من كثر القناعه )) من سمعها راشد تلوم ونزلت دموعه .. وقلبه عوره على روضه وحس انه كان يفكر غلط .. بس يا ترى .. بينفعه لومه وندمه ؟! وبيتراجع عن فكره وقراره والا لا ؟!! يتبع في البارت الـ 14 .. | ||||||||
|
| |
|
11-03-14, 01:22 AM
| #15 | ||||||||
| مراقبة عامة ومشرفة منتدى الروايات المنقولة
| البارت الـ 14 .. الكل على حاله من فتره .. ميره تعلقت بـ سالم اكثر وخصوصا بعد موت اخوها حست انم محد تم لها بهالدنيا غيره وغير اهلها .. شافت وقفته ويا راشد وعقب ويا ابوها ,, كان يحاول انه ما يحسس عمه بفراق سلطان وغياب راشد اللي ماله سبب ولا مبرر .. تدهورت امور الشركه وراشد مب على عادته ولا من طباعه الاهمال وخص بالشغل .. حاول خلفان وياه كم مره بس بدون فايده ,, راشد يمشي على هواه وشوره وافكاره اللي مالها صحه اصلا .. مر شهر من اخر مره يكلم فيها راشد روضه .. محد تكلم بسالفه روضه وراشد لان الوضع ماكان يسمح .. صح انهم مب عايبنهم ان بنتهم تتم معلقه جيه بس هاي هي الظروف .. وبعد كم يوم طلعت رفيعه من العده .. وسار لها بوسلطان قسمها .0. دق دق دق .. رفيعه: تفضل بوسلطان يفتح الباب : دام فضلج ويوم شافت عمها وقفت : مرحبا عمي ,, اقرب بوسلطان: جريب الغاليه .. (وقعد) شحالج يا بنتي ؟! رفيعه : الحمدلله .. انت شحالك يا عمي ؟! بوسلطان: الحمدلله .. بخير بشوفتكم حولي وبخير غرغرت عيون رفيعه :الله يخليك لنا ياعمي بوسلطان: بنتي انا ياينج بموضوع رفيعه:امر بوسلطان : ما يامر عليج ظالم .. يابنتي انتي اللحين طلعتي من عدتج .. يعني انتي حره اللحين .. تبين تيلسين هنيه تراج في بيتج وبتمين معززه ومكرمه شرات ما انتي ,, وجانج تبين تردين بيت اهلج وتشوفين حياتج تراه بعد من حقج ,, وفي كلا الحالتين العيال من حقج وما اظن انج بتمنعينهم عنا نزلت دموع رفيعه : مالي حياه عقب سلطان .. وان كان لي تراها لعياله بوسلطان: اصيله يابنتي .. لكن فكري وتشاوري واللي بتقررينه ترانا موافقين به هزت راسها بالموافقه واستسمحت من عمها ودخلت الحجره ,, مارامت تمسك عمرها اكثر .. دموعها غلبتها وبوسلطان طلع من قسمها وسار للصاله يخبرحرمته باللي دار بينه بين رفيعه .. وبعد ايام يت رفيعه عند عمها وقالتله انها بتم هنيه وانها ماتبا عيالها يربون بعيد عن اهلهم .. استانس بوسلطان لقرارها واكيد رحب بهم .. بس قالها انها ما بتم في قسمها القبلي وبتنتقل هي وعيالها للملحق اليديد اللي بنوه لراشد وهو بيوعولها حجرته الحاليه وبيفتحنها على قسمهم ,, طبعا رفيعه ما طاعت لانه هالملحق اللي هو عباره عن فله من طابقين مبنايه على طلب راشد وانه باننها لانه بيعرس .. بس بوسلطان اصر عليها .. وهو على حق عشان تاخذ راحتها اكثر وتكون في بيت بروحها وعقب اصرار وحنه عمها وافقت لكن طبعا طلبت من عمها انه يتصل براشد قبل ويشاوره .. اتصل به وقاله وراشد ابد عارض وقال سوا اللي تبونه .. وباليوم الثاني سار بوسلطان وودا وياه رفيعه وميره ولطيفه دبي ومروا على الشارجه وخذالها اثاث شي على ذوقه وشي على ذوقها لبيتها اليديد .. وهي شوي تصيح وشوي تبتسم وتحمد ربها ان الله ارزقها عم مثل أحمد .. عـ المسا رجعوا البيت وكانت ام سلطان مب موجوده ,, مسيره على ام خلفان روضه كانت بغرفتها ولا تدري ان حرمت عمها عندهم فالبيت ,, ومن الملل يا انها يالسه عـ النت او تقرا كتاب او ترتب رفتها وكل يومين تسويها شكل يديد .. كانت تسحب الكرسي اللي في صالتها بتغير مكانه وانجرحت في يدها .. دورت فـ الدروج عـ لزق ومالقت ,, نزلت تيب لزق من عند امها .. وصلت عند الصاله ولا انتبهت ان ام سلطان يالسه لانها يالسه ع الكرس اللي ظهره للباب روضه: مامتي ابا لزقه جرووح لفت ام سلطان تشوفها وهي ترمس بالفون : فديتج شو يارحنج ابتسمت روضه لانه انتبهت لوجودها : مرحبا عموه (ووايهتها) شحالج؟ ام سلطان :بخير يعلج الخير .. انتي شحالج يابنتي روضه: الحمدلله ام خلفان: شو يارحنج ؟؟ روضه: ما ادري ,, كنت ادز الكرسي الخشب اللي فـ صالتيه وحسيت بـ يرح ام سلطان ترمس بالفون: هيه رواضي (التفتت روضه تطالعها) لامب وايد .. يابويه والله انه يرح عادي لاتي ولاشي هي مب سايره الدختر عسب يرح ..زين زين .. سلامن يبلغ ,,يلا فـ امان الله (وعقب ماسكرت ) يسلم عليكم بوسنيده (ترمس روضه) احتشر يوم سمعج تدورين لزقه وقبل لايسكر احتشر اكثر لان درا انج روحج تدزين الكراسي ابتسمت روضه لعمتها لكن من ورا خاطرها وسارت تيبلها لزقه من وين ما قالتلها امها .. وعقب ع طول سارت فوق .. تضايجت وايد لانها ابدا مب عارفه شو وضعها ويا راشد .. حالتها وافكارها اللي تيها ابد ما تنحسد عليها .. وعقب حوالي ساعه دخلت عليها ميره .. وهي كانت يالسه بصالتها ميره: السلااااااااام عليكم استانست روضه عـ هالمفاجأه : هلاااااااا وعليكم السلاام (وتلاون) فديتج مياري تولهت عليج ميره: باااااااين .. والدليل حارقه فوني من الاتصالات والمسجات روضه: هههههه ,, والله اني ساااهيه .. ولا ايه الفون ولا ارمس حد ميره: راشد معطنج فرصه اصلا ترمسين حد تغيرت ملامح روضه وغرغرت عيونها .. وحست ميره ان شي بينهم ميره: متزاعلين (ما رامت روضه ترمس وصاحت وحضنتها ميره) ايييييه رواضي لا تخوفيني عليج روضه وهي تصيح: راشد مايباني يا ميره ,,مايبااااااااني يودتها ميره من جتوفها : انتي شو تقولين .. راشد ما يشوف دونج دون ولا حد(ن) يكون ,,كيف ما يباج؟! روضه: ها قبل ميره: ليش شو تغير عليكم ؟! روضه ما رامت ترمس وحطت يدها على ويها وتمت تصيح ,,حاولت ميره تهديها وتعرف السالفه بس ما رامت .. نزلت ميره تحت عند امها وقالتلها انها بتبات عند روضه وسمحتلها امها لان ميره تمت تحن .. ولا رامت ترد البيت وروضه بهالحاله .. وسارت فوق عند روضه .. وام سلطان ردت البيت .. ميره: انا ببات عندج اليوم ..ومب فاجتنج لين ما اعرف السالفه ابتسمت روضه بين دموعها : حياج وتمن البنات لين الساعه 3 يسولفن .. روضه هدت وخبرت ميره باللي صاير بينها وبين اخوها ميره عصبت وايد على راشد ,, كيف يفكر بهالطريقه !! وقررت انها لازم ترمسه وتحاول ترد له عقله .. حاولت ميره تير جو على روضه وتبعدها عن تفكيرها بـ راشد ميره تطالع الساعه فالفون : توه الليل رواضي شو بترقدين ,, انا ما فيه رقاد روضه: ميرووه أي توه الليل .. الساعه 3 وشوي .. انا برقد هنيه عدالج عـ هالكنب وانتي طالعي فلم ميره: ما احب اشوف روحي انسدحت روضه عـ الكرسي ولاسوت لها سالفه وهي تمت تير عنها اللحاف وتلعوزها .. واندق الباب وفزت ميره ميره: ايه رواضي منو ياينج اللحين روضه تضحك : منو بيكون يعني .. يا واحد من اخواني او شما ميره:انزين قومي فتحي عن يدش علينا سارت روضه وفتحت الباب وكان سالم اللي ياينها .. تجدم بيدش ولايمت الباب وردت على ورا سالم: شعندج؟! روضه: ميروه هنيه ابتسم سالم: والله هزت روضه راسها وهي تبتسم (هيه) سالم: انزين بسهر وياكم .. الله يخليج رواضي روضه: بتسهر وياها اسهر ..هي سارطه عين الديج ما فيها رقاد ,, انا برقد عنكم عيزانه شق الحلج وعيبته السالفه: انزين عادي رقدي ,, بسهر وياها روضه: انزين اصبر عاد ,, بقولها قبل سالم: لا لا لا ,, اخاف ما اطيع وانجرح بعدين روضه: ياويلي عليك يابوجرح .. انزين بقولها تلبس شيلتها دخلت روضه وقالت لميره ان سالم بيدش ييلس وياهم شوي لان ما فيه رقاد ويالس روحه .. ميره ما قالت شي دخلت حجره روضه دخل سالم وقعد فالصاله ,, وميره بدلت ولبست جلابيه بدال البجامه ولبست شيلتها وظهرتلهم فالصاله .. سلمت وقعدت .. سالم ما شل عيونه من عليها وهي ميته مستحى منه .. بس عقب شوي تالقلمت وردت عاادي ,, سوالف وضحك وعقب شلوا فلم وقعدوا يطالعون وروضه منزعجه من صوت التلفزون وصوت ضحكهم .. شلت لحافها ودخلت الحجره .. وهم تموا يشوفون الفلم لين خلص واول ما خلص اذن الفجر .. ترخص سالم وسار يصلي فالمسيد وميره بعد قامت تصلي .. كانت من احلى السهرات ,, سوالف وضحك وزاد تعلق ميره بـ سالم .. كانت تسرح فيه يوم يضحك وهو كم مره انتبه عليها ونزلت راسها تبتسم .. شو بيصير بين روضه وراشد .. وهل بتحصل تطورات بين سالم وميره .. فالبارت الـ 15 | ||||||||
|
| |
|
11-03-14, 01:23 AM
| #16 | ||||||||
| مراقبة عامة ومشرفة منتدى الروايات المنقولة
| البارت 15.. اجازه سالم قربت تخلص ,, تقريبا 3شهور او اقل وبيرد عشان امتحاناته النهائيه .. ومن عقبها خلاص بيرد للبلاد وبيستقر نهائيا بس هالمره سالم قرر الاستقرار بمعنى شامل عشان جيه قرر انه بيرمس ابوه عشان يخطب له ميره عقب يومين من هاذيج السهره .. سالم رمس ابوه وقاله يخطبله ميره ,, تردد بوخلفان في بدايه الامر .. كيف يخطب الصغير والكبيره بعدها ما عرست ولا انخطبت وخصوصها انها اصغر عن سالم او بمعنى ثاني تصلح تكون لطيفه عروس لسالم .. فهم سالم ابوه انه يبا ميره لانها تعيبه وبوخلفان ما عارض رغبه ولده وبالفعل رمس اخوه واخوه رحببهم بس قبل بيشاور البنيه كالعاده .. ميره يوم عرفت اكيد استانست بس ما بينت ويوم رمسها ابوها قالتله الشور شورك واللي تشوفه .. ولطيفه طبعا حقدت على اختها .. لان لطيفه يعيبها سالم .. او على قوله ميره هي تحقد على كل اثنين يحبون بعض .. ومثل ما سوت ويا روضه وراشد اكيد الدور على ميره وسالم .. سالم ما صدق خبر ومن رد عليهم عمه انهم موافقين على طول اصر على ابوه انهم يخطبون رسمي .. وبالفعل عقب يومين سارو وخطبوها رسمي .. سارت لطيفه لميره في حجرتها اونها بترمسها .. بعد ما صار كل شي رسمي واستوت ميره خطيبه سالم .. لطيفه: وانتو ما عندكم الا هالعايله تاخذون منهم وياخذون منكم ؟! ميره: وللأسف ما عندهم اخو زياده عشان تستوين حماتي يا لطوف غيضت لطيفه لانها حست ان ميره تطنز: صدقيني هو ما يحبج هو يبا ينتقم من راشد ويسويبج شرات ماسوى راشد بروضه ميره تبا تغايض : برااايه حلاال على بوغنيم نرفزت لطيفه وطلعت من الحجره .. وميره شلت فونها واتصلت بروضه روضه: هلاااا والله بعروستنا ميره حز بخاطرها لان هي كانت تقول جيه لروضه بس الله يسامحك يا راشد روضه: حوووو مياري وينج ميره: هااا ,, هلا ,, سوري كان يقطع ما اسمعج عدل ,, شحالج رواضي؟! روضه: تمام ,, انتي شحالج؟! ميره: الحمدلله ( وبدن سوالفهن اللي دووووووووم ما تخلص ,,, وعقب نص ساعه دخل راشد على ميره ) راشد: مبروووك يا احلى عرووس روضه من سمعت صوت راشد تلخبطت وميره ما عرفت تدارك الموقف لانها حست بربكه روضه روضه: مياري برايج برمسج عقب سكرت عنها وميره قامت توايه اخوها : هلا راشد ,, شحالك يا الغايب ؟! راشد: تماام .. بس خلاص ما عدت غايب ,, انا رديت للعين اللي ما اصبر عنها ولا عن اهلها .. دمعت عيون ميره: ليتك داريت لاهلها قبل ما يذبلون ويذبل شوقهم لك راشد: ما عدت اعنيلهم شي ؟! ميره: للاسف ,, حتى صوتك ما تبا تسمعه حس راشد بغبنه وضيج وطلع من حجره ميره .. ميره تمت واقفه مكانها لدقايق تفكر عقب قررت انها تنهي معانات اغلى انسانه على قلبها وتفض هالسيره ويا راشد ويرسي البنيه على بر .. ولحقته .. هو طلع وتوه بيركب السياره طلعت وراه ميره وزقرته وركبت وياه .. حرك راشد سيارته بدون ما يدري لوين ساير .. وميره ساكته عنه وعقب قالته يوقف في مكان عشان يتكلمون .. وقف راشد في مبزره في نفس المكان اللي اخر مره شاف فيه روضه ورمسها وكان وياها .. نزلت دمعه من عينه حرقت قلبه قبل خده .. ميره: ما تفيد دموعك يا اخوي ,, انت اللي ضيعت روضه من بين يديك راشد: لاني احبها ,, وما اباها تتعذب ,,ضيعتها ؟! ميره: اللي يحب لازم يتعذب ,, وهي تعذبت بغيابك يا راشد .. عيون وكلام الناس ما يرحم .. شو بيقولون عنها لو ودرتها عقب الملجه .. انت ما عليك بتلقى غيرها .. بس هي شو بيفججها من الرمسه والكلام اللي بينقال راشد: اللي بيرمس عنها بقطع لها لسانه ميره: لا يا اخوي ,, الدنيا مب بهالسهوله راشد: ميرووه والله انا احبها ميره: اثبتلي ,, ما عاد ينفع الكلام راشد: انا تأثرت وايد بموت سلطان وتعذبت اكثر لان عنده حرمه وعيال ,, موت سلطان كسر ظهر رفيعه وكسرني ولا ابا روضه تعاني والا يستويبها شي لو مت عنها ميره: قول كلام يدخل العقل ,, ها مب منطق يا راشد راشد: محد فاهمني ميره: وضح مقصدك وبنفهمك .. انت اللحين بالنسبه لها ميت وهي تتعذب مليون مره لان انت بيدك جتلت حبك فداخلها (راشد موخي وعيونه تدمع ) ما فكرت بموقفها قدام اهلها يوم يسألون عنك .. ماتدري انها لو حاولت تتجاهل الكل يذكرها ويذبحه بدال المره الف باليوم (صرخ راشد وقاطعها ) راشد: بسسسس ,, خلاااص ياميره ,, خلااااااااص ميره: ليش ما تبا تسمع ,, مب هاي اللي تحبها وما تباها تتعذب ,, خلني اخبرك عنها ,, خلنس اقولك انك غلطان اذا فكرت انها بترتاح وما بتتعذب اذا ودرتها بالعكس يا راشد ,, انت تزيدها وتتفنن فتعذيبها بعد .. تسال عنها قدام هلك وقدامها لكن هي مب معبرنها ولا تتصلها ولا تسال عنها راشد: ميره الله يخليج بس .. مابا اسمع اكثر ميره: ضميرك يأنبك ؟! ,, اشك اصلا ان عندك ضمير طالعها راشد بغيض وعيونه حمر من كثر الدموع وهي ولا عليها ولا كانه يطالعها ميره: اسمعني ,, عندك 3 ايام يا انك تسير وتتفاهم وياها واشك في انها تسامحك ويا انك توصللها ورقه طلاقها وبيدك واظن ان ها القرار الاحسن لها شو بيقرر راشد وشو بيصير بينه وبين روضه !! يتبع فالبارت الـ 16 وقبل الاخير | ||||||||
|
| |
|
11-03-14, 01:25 AM
| #17 | ||||||||
| مراقبة عامة ومشرفة منتدى الروايات المنقولة
| البارت 16 راشد رد ميره البيت وهو سار غرفته ,, انسدح ع الشبريه وحاول انه يستسلم للرقاد بس ما قدر .. صوره روضه قدامه وصوتها يرن فأذنه .. وافكار تتضارب بعقله " اطلقها والا لا ؟! " وميره بعد ماياها الرقاد هاك اليوم لانها حست انها قست على اخوها بس الصراحه يستاهل ,, تمت لين ما صلت الفجر عقب رقدت لين اذن عليها الظهر .. اما عند روضه .. نشت الساعه 9 .. ماكان لها بارض تسير الجامعه واصلا ما عندها الا كلاس واحد وسالم نش الساعه 10 ولقاها يالسه فالصاله روحها تقرا الجرايد سالم: صباح الخير روضه: هلا والله .. صباح النور والسرور سالم : وين امايه عيل ؟ روضه: يمكن سارت ويا ابويه العزبه والا المزرعه سالم: وانتي ليش ما سرتي الجامعه ؟! والا ماشي دوام روضه: ما عندي الا كلاس واحد وتعايزت اسير سالم: زين يا حيج يا كسوله (ويلس عدالها) صبيلي حليب صبتله وصبتلها حليب وردت تقرا الجريده .. وصاح فونها روضه: هلا والله ميره: لا اهلين ولا سهلين روضه: هههه ,, عوذ بالله ليييييش ؟! ميره: تسالين بعد؟! ما تدرين شو مسويه اونج!! روضه: لا والله ما ادري شو الجرم اللي ارتكبته بحقج ميره: ليش ما داومتي اليوم ؟! انا منو بيردني يوم انتي محد روضه: ههههههههههه بس عشان منو بيردج !!.. ولا يهمج ,, الساعه كم تخلصين ؟! ميره: عندي اللحين بريك لين 10ونص وعقب كلاس لين 11 وربع واخلص روضه: 11 انا عند الباب ولا يهمج يا بنت أحمد ميره: ماعليه بنشوف ,, وعلى فكره قبل لا انسى روضه: امري!! ميره:ابا ارمسج في موضوع يقترب من حد الخطوره فالاهميه عشان جيه ما يحتاي تحلفين لان غدايه عليج اليوم روضه: هههههههه خلاص ,,تم ميره: يلا عيل .. اترياج روضه: باي سكرت روضه عن ميره وتمت تضحك عليها .. وسالم كان قايم بيطلع بيمر الشركه لانه تعودت في فتره غياب راشد عنها هو اللي كان يدير باله عليها وعلى امورها .. روضه: سوويلم!! لف لها سالم: امري روضه: شو عندك الساعه 11 سالم: ما ادري .. بس انا بسير الشركه اللحين ,, ليش شو تبين! روضه: اممم.. ما يستوي تفضي عمرك وتمر ع مياري الجامعه وتيبها شق سالم الحلج : طبعا يستوي .. متى تخلص هي ؟! روضه: 11وربع بس اكيد يظهرونهم قبل بشوي يعني فهالحدود خلك هناك سالم: خلاص انا يوم بوصل الجامعه بتصلبج تخبرينها روضه: اوكي طلع سالم وهو مستانس ,, مر الشركه وكان راشد هناك ,, ررغم تعب راشد وارهاقه لكنه ما بغى يقصر اكثر من ما هو مقصر في امور الشركه .. حاول سالم يخلص كم شغله لين وصلت 11 لان الشغل متكدس على مكتب راشد بسبب غيابه لفتره عن الشركه .. خلص سالم الساعه 11 وشوي وطلع يطير صوب الجامعه ,, وقف عند الباب واتصل بروضه وروضه بدورها اتصلت وقالت لميره انها تترياها برع واها يايه بسياره سالم .. طلعت ميره وما شافت السياره ,, شافها سالم وصيح لها هرن ويت صوب السياره وهي تتحرطم فتحت الباب ميره: شحقه واقفه اخر شي (وانتبهت انه سالم) اووه سوري وصيح اللي وراهم هرن سالم: لا عادي افاا عليج ,, انا الغلطان ما صعدت السياره ع الرصيف لج ميره: هههههههه( وتلفتت فالسياره) وين رويض؟ ورد اللي وراهم وصيح هرن اطوووول >> شكله معصب ع الاخر سالم: يلاااا عاد ركبي ,, عقب سولفي وتخبري عن اللي تبين ركبت ميره وحرك سالم بسرعه ,, وهي اتصلت بروضه وروضه ما ترد عليها ميره: بصفعج اييييييه ردي سالم: ترمسين منو انتي ميره: هاي اختك تستعبط ما ترد عليه ,, تدري اني بزلزلها سالم: هههههه ميره: تضحك !! يايزلك انته سالم: وين تبين تسيرين انزين .. البيت ؟! ميره: لا البحر !! وين يعني بسير .. طبعا البيت سالم: انزين لا تحرقين السياره من الغيض ابتسمت ميره ولفت عنه الصوب الثاني .. وصلها بيتهم (بيت سالم) ونزلت ميره بسرعه .. طبعا طول الدرب ما عطت سالم مجال انه يرمسها ويوم وصلوا البيت بغى يرمسها شردت عنه سارت ميره فوق لحجره روضه وماحصلت روضه فالحجره تمت تزاقر وطلعت روضه من الحمام (كرمتوو) روضه: بلاااج تزاعجين ميره: ادورج روضه: كنت اتسبح ميره: اشم ريحه نظافه (وتوايهن) شحالج يا الزفته روضه: هههه تمام ,, بس ليش زفته ..حليلي اسوي فيكم خير ميره: لا مابا ,, خلينا ع كيفنا .. لا تدبريلنا لقاءات ودق سالم الباب ( طبعا سمع جمله ميره الاخيره) هالكثر عايفتني يا بنت العم استحت ميره وما عرفت بشو ترد عليه وروضه هلكت ضحك سالم: افااا ما هقيتها منج يا بنت احمد ميره : والله ما قصدت شي .. فهمتني غلط سالم: محد قالي ,, روحي سمعت روضه : هههه يا ابن الحلااااااال ,, طوفها هالمره عشاني .. ولانك رضيت اعزمنا ع الغدا اليوم سالم: اممم (ويطالع ميره ) ارضى بدون محد يراضيني ؟!! ميره (فهمت تلميحه ) اقووول رووويض ,, قولي لاي حد يتريا اي شي مني .. لو تنط في عينك نخله ما بيحصله هلكوو روضه وسالم ع ميره .. وطلع سالم عنهم من الحجره ووعدهم انه يطلعهن يغديهن .. وقت صلاه الظهر وسار المسيد يصلي وعقب ما خلص صلاه ,, لقى راشد فالمسيد وزقره راشد سالم: لبيه راشد: لبيت حاي .. وين دارك ,, دورتك فالشركه وما لقيتك سالم: هيه انا طلعت حوالي 11 من هناك راشد: اهاا ,, واللحين وين بتسير؟! سالم: والله الا فالدار ,, امر راشد: ما يامر عليك ظالم ,, فخاطريه رمسه وودي اخبر كبها سالم:اممم ,, خلاص عيل تعال ويانا ..نحن بنسير نتغدى وقول اللي عندك عقب راشد: انت ومنو ؟ سالم: رويض وميره راشد: لا ما ينفع ,, خلاص مره ثانيه سالم: يا ريال لا ثانيه ولا ثالثه ..بتي تتغدا ويانا يعني بتي ..حرام عليك ياخي حرمتك متولهه عليك تغيرت ملامح ويه راشد ونزل راسه بالارض وحس سالم بربكه راشد ويوده من جتفه سالم: لا تتحرى اني ما ادري عن ختيه ولا اللي صايرلها .. بس انا احترم قرارها بانها ما طلبت لين اللحين مني المساعده .. ومب معناته انه هي ما خبرتني يعني ما ادريبها لا انا مخلنها ع راحتها ..واحترم وجه نظرك ورايك .. ولا لي حق اني ادخل واحدد مصيركم انت انسان واعي واعتقد انك تعرف شو قاعد تسوي ,, بس خلني اخبرك شي قبل ما تقرر اي شي رفع راشد راسه وكانه يبا يسمع اللي يقوله سالم باهتمام سالم: رويض ختيه الوحيده اللي ما ارضى حتى النسمه تضيجبها .. ما اسمحلك انك ترد وتذبلها عقب ما ارتوت ولو شوي ..مع انها ما ردت رويض القبليه راشد: سالم انا والله احب رويض سالم: مافي داعي تحلف وتقول لي انا .. المهم انك تقدر تقنع رويض بهالشي عقب ما فقدته منك ترقبوا الاحداث المشوقه فالبارت الاخير | ||||||||
|
| |
|
11-03-14, 01:26 AM
| #18 | ||||||||
| مراقبة عامة ومشرفة منتدى الروايات المنقولة
| البارت 17 .. عقب كلام سالم صعب التفكير عند راشد ولا قدر يرمس سالم بالموضوع اللي كان يباه عشانه اصلا .. راشد كان يبا يخبر سالم بالسالفه كلها ويطلب منه حل ومساعده في انه يرضى روضه وينهي الموضوع ع خير ,, لانه عقب ما راجع افكاره ويا عمره عرف انه غلطان .. بس بعد فوات الاوان عند روضه سالم رد البيت لانه مواعد البنات يغديهن وراشد بعد رد البيت بس رد لغرفته وداوامته اللي عق عمره فيها بعد ما استأذنت ميره من امها بس طبعا ما قالت منو بيوديهن ,, وام سلطان تتحرى روضه بتوديها عشان جيه طاعت ,, طلعن البنات ويا سالم ع الساعه 1 وشوي .. استانسو وايد بهالطلعه وغيروا جوو .. مرن يومين وراشد على حالته .. وعقب يومين .. نش راشد الساعه 8 وراح الشركه وخلص اوراقه المهم وخلص كمن شغله عنده ,, وع الساعه 10 ونص طلع من الشركه وسار صوب الجامعه واتصل بروضه .. روضه كانت توها طالعه من الكلاس وترمس ويا ربيعاتها وبتسير صوب الكانتين عند ميره .. ورن تيلفونها وردت بدون ما تشوف الرقم وهي عبالها ميره المتصله روضه: يايتنج غناتي ,, توني ظاهره من الكلاس راشد: مرحبا رويض انصدمت يوم سمعت صوت راشد ووقفت مكانها راشد: الووو ,,, رويض !! وينج ؟! روضه: .... امم .. الـ ..ـووو راشد: مرحبا وسهلا ,, شحالج غناتي (دمعت عين روضه ولا رامت ترمس ) ادري اني ما استحي ع ويهي وان المفروض ما اتصل بس رويض انا محتاجنج ولازم نرمس وننهي هالموضوع ع خير روضه : بالنسبه لي انا كل شي منتهي راشد: اسمعيني لو للمره الاخيره ,, لو سمحتي رويض لا ترديني روضه : شي بعد تام ما قلته يابوسنيده راشد: انا عند باب الجامعه اترياج ,, وارجوج ما ترديني ..لو المره الاخيره اللي اطلب فيها منج شي (روضه ساكته وتفكر ,, تطلع تسمع شو عنده والا لا ؟! ) ان كان باقي لي بقلبج ذره غلا يا رويض ارجوج انج تظهريلي روضه تمت ساكته وعيونها تدمع وفي هاللحظه طلعت ميره من كلاسها اللي كان عدال روضه وشافتها ولا انتبهت ان فيها شي ويتها وهي كوول وتضحك وضربتها على جتفها تنبها انها وراها ميره: يلا رويض نروح ,, خلاص السير كنسل الكلاس الثاني يعني بظهر وياج وروضه ما ترد على ميره وتسمع صوت نفس راشد وهو يتريا رد روضه ,, انتبهت ميره ان روضه فيها شي لان وحده من البنات اشرت لميره ,, ويوم شافت ويها عرفت ان شي جايد مستوي وهي ماسكه التيلفون ,, زقرتها مره ومرتين وروضه ما ترد بس تطالعها ودموعها تنزل على خدها ,, سحبت ميره التيلفون من يد روضه لانها ماتت من الزياغ ,, تحرت شي مستوي ومخبرين روضه وعشان جيه هي تصيح ومنجلب مودها .. ميره بلهفه وخوف : الووو راشد (وخانقتنه العبره) : هلا ميره ميره: بسم الله الرحمن الرحيم ,, بلاكم؟! راشد: مياري انا عند الجامعه اتريا روضه برع ,,دخيلج اقنعيها تي عندي ابا ارمسها ,, خلاص تعبت ما اروم اتحمل اكثر عن جيه ..انا خبل وما اعرف افكر ولا عندي سالفه يوم قلت اني بودرها ,, دخيلج خليها تي ابا ارمسها ,,دخيييييييلج ميره: زين زين خلاص يلا باي سكرت عنه ميره وسحبت روضه من يدها وسارن صوب الحمام ,, خلتها تغسل ويهها وتمسح دموعها وعقب سحبتها للباب وهنيه وقفت روضه وكانها من الصبح تمشي مب بارادتها روضه: ميره (ولفت ميره صوبها) ما بطلع له ميره: روضه ,, لا تقسين يا روضه عليه .. روحه متندم روضه: اقسى عليه !!!!!! اناااااا اقسى عليه يا ميره !! ميره(حست انها قالت شي غلط وان روضه مسكينه ما سوتبه شي ولا قالت شي من بدت هالسالفه):سوري رويض ما قصدت ,, بس اقصد انه سمعيه ويمكن تكون هاي اخر مره ,,اصلا اعتقد ا نهاي اول مره ترمسون فيها من صارت بينكم هالسالفه .. سمعي مبرراته واعتذاراته ويمكن تقتنعين باللي يقوله .. انا معاج انه غلطان ,,بس معاه لانه عرف غلطه وياي يصلح الموقف .. ارجوج روضه لا تنهين سعادتكم بسبب عناد او حفظ كرامه ترا هاا كله بدون الحب ما يسوى شي روضه: خلصتي كلامج !! (ميره تطالعها وعيونها تغرغر ) ,, طلعت اللحين انا الغلطانه لاني ما ابا اسمعه .. بس هو مب غلطان لانه ابتعد بدون سبب ولا مبرر ,, انا الغلطانه لاني تريت شهر واثنين وثلاثه وهو ولا هامنه ,, غلطانه لانه لي كرامه !! والا غلطانه لان ها اخوج !! والا غلطانه عشان شو ؟!! ميره: عطيه الفرصه الاخير يا روضه ,, وما بتخسرين شي (ولفت ميره بتروح عنها .. بس تذكر شي ) بس تذكري كل لحظه حلوه ويا راشد وكل كلمه وكل موقف دار بينكم وتذكري محاسنه يمكن تشفعله هالزله .. انا بسير الكانتين وباتصل بالدريول ايي ياخذني واتمنى يوم اتصلج عقب اني القاج عنده ( وروحت عنها ) روحت ميره وروضه تطالعه وهي مجفيه وتفكر .. تسمع كلام قلبها والا عقلها ؟! والا شو تسوي ؟! وقطع حبل افكارها صوت التيلفون و ردت عليه راشد: انا اترياج رويض لبى قلبها ندا راشد ومشت ريلها صوب الباب : يايتنك (وسكرت عنه) طاااااااااااااااااااااااا ااااااااااااار راشد من الفرحه وعدل سفرته وطلع العطر اللي تحبه روضه عليه وتسبحبه وجدم السياره يوم شافها طالعه من الباب وتتلفت تدور السياره .. وركبت روضه سكرت الباب وحطت اغراضها على المسند اللي بينها وبين راشد ( الثلاجه) وعدلت شيلتها ,, شكلها عاااااااادي ولا تبتسم وملامحها ما تغيرت وكانها راكبه مع دريول مب مع حبيب قلبها راشد .. وراشد مفتر صوبها ويطالعها ( الحمدلله اني ياي الأس أل والا جان ركبت عني ورا) وعقب فتره لفت عليه روضه: انت ما بتمشي !!(وهو سرحااااااان فيها ) رااااشد ( ودقته على جتفه وانتبه) ما بتمشي ؟! راشد: هاا .. لا يلا بحرك حرك راشد السياره وما يدري لوين يسير بس يحوط فالشوارع ويضيع وقت ويطول طريج ونص ساعه على هالحاله ولا واحد منهم رمس .. وهم مشغلين الاف ام وكل واحد صاد الصوب الثاني .. يت اغنيه عبدالمجيد اللي روضه تموت عليها ويوم سمعها راشد طوول (يعني اهداء ) يا اغلى من روحي علي .. يا اغلى شي واحلى شي .. ان قلت احبك شفتها .. هالكلمه في حقك شوي وفجأه بندت روضه الراديو وصاحت ,, وقف راشد ع اليمين ولف صوبها تم يطالعها ومب عارف شو يقول والاشو يسوي عشان يسكتها ,, وهي تصيح وحاطه يدها على ويهها .. راشد: رويض فديت روحج ما تصيحين ,, ادري عورتج الاغنيه وادري اني انا مااستحي والا اخيل منج اعذبج ويايه .. بس الله يخليج خلاص عاد روضه ولا كانها تسمعه بالعكس زادت صياح ,, مسكها راشد وخوز يديها عن ويها ولوى عليها .. هي ذابت بحضنه وتمت تصيح وهو يلوى عليها اكثر واكثر عشان يخوز الوله اللي فيه ويحاول يسكتها ,, ويمكن حظنه يختصر عليه كلام وااااااايد .. وعقب دقايق هدت روضه وبعدت عن حظن راشد مع ان ما كان ودها لانها حست بحبها له يتجدد ومشاعر يديده تتضارب في داخلها .. تساندت على الكرسي وعدلت شيلتها ومسحت دموعها وبصوت مبحوح قالت : ردني البيت راشد ما فتح حلجه ولا قال شي .. حرك ولكن في خاطره بيطول الدرب عقب بيوديها البيت .. اذن الظهر وقالها انه بيخطف المسيد عن تفوته الصلاه لين يوصلها البيت .. حصلوا مسيد على دربهم ونزلو كلهم ..لانه اصر عليها تصلي فالمسيد مع انها كانت تبا ترد البيت وبتصلي هناك .. بس استسلمت لطلبه ونزلت وياه .. دخلت مصلى النساء وتمسحت وصلت ويا الامام وكان فالمسيد مجموعه حرمات بس مب وايد (طبعا الصوت ناقلينه عندهم ) .. وهي في سجودها كانت تدعي ربها انه يسرلها امورها وتنحل سالفتها ويا راشد على خير .. وان الله يهديها على الراي الصواب ( تصر على رايها بالطلاق والا تسمعه وتعطيه فرصه) وعقب الصلاه ظهرت ولقته يترياها عند السياره .. حرك بس ما سار صوب البيت ,, روضه: انت وين ساير ؟ ما رد عليها واتصل بسالم وساله وين هو وكانو قراب من الشركه وسالم هناك ,, كان بطلع اصلا بس راشد قاله يترياه وعقب اتصل بمندوب الشركه وقاله يترياه برع عند سالم في الباركات .. وصل عندهم وقف السياره عدال سياره سالم وروضه تطالعه مستغربه ( ها شوي سوي !! ) راشد : وين سويج سيارتج ؟ روضه : شو تباه ؟! راشد: ووينه ؟ روضه: شو تباه ؟! ردني عند سيارتي وانا بسير بها البيت هز راشد راسه وشل شنطتها وهي تطالعه ,, خذ منها السويج ونزل من السياره وسار صوب سالم والمندوب يوم شافه سار صوبه عند سياره سالم .. قال لسالم انه شال روضه وسيارتها عند الجامعه وعلى دربه يودي المندوب الجامعه ياخذ السياره ويوديها البيت عقب يرد روحه .. سالم استغرب ,, روضه ويا راشد !! سالم: رويييض ويااك ؟ راشد: هيه سالم: تراضيتوو ؟ راشد: نتراضى سالم : هههه زين زين ,, الله يهديكم راشد : آمين ,, زين عيل يلا لا تعطلونا ولا نعطلكم سالم: الله يحفظك روح راشد عنهم وركب سيارته وشاف روضه تلعب بفونها ,, خذه من يدها واغلقه .. طبعا احتشرت عليه بس ما سوالها سالفه .. هو ما رام يغلق فونه لانه بزنس مان بس عقب حشره روضه وشمعنى انا وشمعنى انته ,, اغلقه وسار صوب دبي روضه يوم شافت الفه احتشرت عليه روضه: راااااشد حرام عليك والله تعبانه مافيه لطريج دبي وكانها ترمسها روحها ولا حد يسمعها ,, بالعكس يعطي السياره ريس وهي تمت تتحرطم عقب ملت لانه مووول ما يرد عليها .. بطلت السده وقعدت تدور شي من السيديات بتشغله .. اختارت اي واحد منهم لان كل السيديات مكتوب عليهن منوعات 1 و2 والخ .. اول اغنيه اشتغلت ( راضي بتعذيبي اذا كان ,, انتو عن التعذيب راضين ,, غالين ولكم قدر وشان ,,عنكم نحن ماهو بسالين ) روضه اول ما سمعت الاغنيه لفت اتطالع راشد وهو بعد لف ويت عينه بعيونها وكانه فهم روضه شو تقصد بهالنظره وبسرعه نزت رويض نظرها عنه وهو رد يطالع دربه ,, ع الساعه 2 الا ربع وصلو جماعتنا دبي ( الستي سنتر بالتحديد ) نزل راشد وروضه بطلت الباب بتنزل وحست نفزه بقلبها ويودت صدرها راشد كان واقف جدام السياره وشافها وياها بسرعه ,, راشد: حبيبي شو بلاج ؟! روضه وهي ميوده قلبها : ما اعرف ,, بس حسيت بنغزه في صدري حط راشد يده مكان ما روضه حاطه يدها : يمكن افتريتي غلط روضه تاخذ نفس بصعوبه : يمكن اونه يساعدها تعدل عمرها .. ويساندلها السيت : ايلسي شوي استريحي (وعطاها السويج) شغلي السياره وفتحي المكيف بسير بسرعه باخذلج ماي وبرد .. انتي ارتاحي روضه: لا حبيبي عادي مافيه شي بس نغزه بسيطه وخلاص بتخوز راشد يوم سمع حبيبي تلخبط زين ما طاح غشيان ,, روضه من مده ما قالتها وبعدين هي زعلانه يعني مستحيل تقوله لكنها طلعت عفويه من قلبها .. فدييييييتج يا رويض والله اني سخيف وما استحي اعذبج ويايه نزلت روضه وراشد بعده واقف جدامها ,, قفلت السياره ومشت وهو واقف .. لفت عليه ودقته على جتفه وفز روضه(بابتسامه): بلااااك !! بسم الله عليك راشد: هاا .. لا ماشي (وتوه انتبه) ليشن زلتي ,, ارتاحي شوي ضحكت عليه ومشت عنه ولحقها ,, يود يدها بس هي سحبت يدها من يده لف يطالعها بس هي ولا عليها ولا كانه تشوفه .. قالها راشد انهم اول شي بيتغدون ومشو بيسيرون فوق وروضه كل شوي تيود صدرها ويبين من ملامحه ويها انه شي يعورها لانها كل ما تمسك مكان الويع تتغير ملامح ويها .. وهم ع الدري كانت ماسكه قلبها وتتويع وكان واقف وراهم شابين الشاب الاول: سلامت قلبج يا قلبي الشاب الثاني: يعله فيه ولا فيج راشد عصب حده ولفلهم ودغشهم من حلوجهم: انتو ما تستحون على ويهكم روضه: رااشد ,, الله يهديك ..شوي شوي بالتفاهم (وفجت ايديه عنهم) خلهم يولون عنك الشاب الاول: افاا يا بوسنيده ,, تدغشني من حلجي طالعت روضه هاللي يتكلم ويوم شافت ضحكت : فهوووود فهد: هيه فهوود ,, عقب شو عاد عقب ما قطعلنا هالدفش حلوجنا روضه: هههههه ماعليه امسحها فويهي (ولفت ع الثاني) هلاا حمد شحالك حمد: حالي يرثى له عقب دغشت ريلج يوم انتبه راشد منو هم وركز فويهم تم يضحك من الخاطر فهد: هيه اضحك ,, شعليك انته وتوايهو .. راشد: اسمحولي والله اني ما انتبهتلكم ,, اتحراكم من هاذيل اللي مضيعين المذهب حمد: ونحن لو ندري انك انت اللي وياها جان ما استهبلنا روضه: يعني بكون مع منو مثلا!! فهد: ما توقعناج معاه ,, قلنا يمكن سالم ..اللي سمعناه انكم متطلقين تغيرت ملامح روضه وراشد وتمو يطالعون بعض وفهد حس بالاحراج ومسك يد اخوه حمد: السموحه منكم .. قاطعه راشد: افاا عليك حصل خير ,, يصير سوء الفهم مرات (وحط يده حول روضه ويرها صوبها) انشا الله ما يفرقنا غير موتنا .. بس كنا متزاعلين شوي ..واللحين خلاص اتوقع انشا الله انه طاح الحطب روضه مااااتت من هالحركه وحست بالاحراج اكثر (ليش يجذب عليهم ,, زعلنا مب بسيط ومنو قاله اني رضيت والا بردله اصلا) بس ماحبت تحرجه جدامهم .. نسيت اعرفكم على فهد وحمد .. فهد وحمد عيال صالح خال ام روضه ..حمد 25 سنه ويشتغل فالxxxxات وكان يبا روضه ويحبها بس سبقه راشد وخطبها وهو خطب وحده من معارفهم حليوه وحبوبه بعد وانشا الله عقب شهر تقريبا عرسه وفهد 19 سنه واول سنه في كليه الطيران >>>> نرجع لروضه وراشد عزمهم راشد ع الغدا بس اعتذروا لانهم اصلا مواعدين الشباب وسايرين صوبهم بيتغدون وياهم ,, ساروا روضه وراشد فوق صوب المطاعم .. ودشوا اول واحد ( اونو ) ها مطعم رهيب واكلاته تجنن وفي نفس مستوى جيليز بس ها اكله تقريبا ألذ>> ما اسوي دعايه تراني بس صدق يعيبني .. قعدوا ويابولهم المينيو ,, واختاروا ويتريون الاكل .. طلع راشد فونه مخباه وفتحه ,, جان ترفع روضه حاجبها : مب قلنا انه مغلق ابتسم راشد : فديت روحج والله ,, كل ما فيج يذبحني روضه: مب موضوعنا .. ليش فتحت فونك ؟! عيل حتى انا بفتحه راشد: هههه فتحته اجيك بس اذا حد اتصل من الشركه ,,بس طلع اخوج حارق التيلفون روضه: انزين اتصله شوفه شو في خاطره راشد: توج واجعتيني يوم فتحته وتبيني ارد اغلقه اللحين عادي اتصل لاخوج روضه: ها بوغنيم مب اي حد راشد: والنعم الساع من بوغنيم ( زاخ راشد الفون بيتصل بسالم جان يتصل به سالم ) لا طاري حد غير سالم: سود ويهك يا الخايس ,, منو غيري معثور تبا يتصلبك راشد: هههههههههه شو في خاطرك ليش متصل الف مره سالم: ما عليه يا الزفت ,, بنتلاقى ترانا ان الله احيانا ,, وين ختيه ؟ راشد: ختك عندي ,, شو تبابها ؟! سالم: وليش مغلقين تيلفوناتكم ؟! راشد: كيفنا سالم: واااااااااااايه ,, انزين قولها ترمس ابويه لانه يتخبر عنها راشد: ااسف سالم: روويشد لا تحلفني الله ايك لين عندك وادوس في بطنك راشد: هههههههههههه عوذبالله بلاك لابق اليوم ,, نسولف ياخي سالم: مالي بارض عالسوالف ,, وقول للطمطمه اللي عندك ما عليه والله براويها راشد: ايه ايه شو تقول انته,, اونه يهدد .. الله لا يخليني ان خليتك تقولها شي سالم: عليه منك والا منها ,, يلا يلا باي سكر راشد وهو هلكاااااااان ضحك ع سالم روضه: بلاه سالم!! راشد: ههه شدرانيبه ,, مغيض ويتحلفلج ويقول ابوج يتخبر عنج اتصليله خذت شنطتها وفتحتها بتطلع فونها بس مالقته: خليته فالسياره؟ راشد يرفع كتوفه (ما ادري) ردت تدور عدل بس ما لقته : عطني فونك مدلها اياه واتصلت بابوها سالها وين هي وقالتله انها ويا راشد فدبي استغرب ابوها وقالتله يوم بترد بتفهمه ,, المهم هو كان يبا يسألها عن السياره بس قالها خلاص يوم بتردين بنرمس سكرت عن ابوها ووصل الاكل وقعدوا يتغدون ويسولوغ ويضحكون وللحظات روضه نست انها زعلانه من راشد لانه غرقها حب وغزل ونساها كلل شي وطبعا اتعذرلها ورمسها بكل صدق وهي حست الصدق في كلامه وفي عيونه عشان جيه سامحته ونست كل شي وفتحت صفحه يديده ووعدها بانه يبقى لها وتبقاله باذن الله وان ما يفرقهم سوا موتهم .. خلصوا غدا وقاموا والابتسامه تنور ويهم هم الاثنين .. | ||||||||
|
| |
|
11-03-14, 01:28 AM
| #19 | ||||||||
| مراقبة عامة ومشرفة منتدى الروايات المنقولة
| البارت 18 ابتسامه فرح ,, ابتسامه سعاده ,, ابتسامه حب .. ابتسامه أمل كملوا حواطه ودخلها باريس غاليري وخذلها الي تباه وزود >> رضوه ,, وعقب ما صلوا العصر طلعوا في السياره ,, راشد ماسك يد روضه وهو يسوق وكل شوي يبوسها وروضه ميته منه .. راشد: مابا ارد العين .. بنزلج البيت وبتم روحي والله يعلم متى بشوفج مره ثانيه روضه: ههه عن المكر عاد راشد: حرام عليج والله اني ما امل شوفج ولا اشبع منه روضه: رااااااااااااشد راشد: عيونه روضه: بس عاد ( وسحبت يدها من يده) وبسوالف وضحك وغزل ونسيان للماضي قبضوا درب العين .. وعند شيشه البترول وقف راشد بيعبي السياره بترول ونزل ياخله رد بول ولروضه فيتمنسي .. ويوم رد بيركب شاف روضه قاعده مكانه طالعته تترجاه يخليها هي تسوق وما قالها شي .. ابتسم ودار وركب عدالها شوي ويأذن المغرب وصلوا جماعتنا العين راشد كان متروع وتام على اعصابه من سواقه روضه لان السياره سريعه وهي ما تروم تتحكم بها وايد بس شوي يسوي ما يروم يرد طلبها يوم بغت تسوق بوخلفان طار من وناسته يوم شافهم نازلين من السياره وهم يضحكون بس هم ما شافوه انه موجود نزل راشد ودار صوب روضه وهي نزلت وتساندت عالسياره راشد: تزهبي ترا العرس عقب العيد روضه: شوووو؟ راشد: اللي سمعتيه .. رمضان عقب اممم.. حوالي شهر والعرس عقب رمضان باسبوع يعني عندج حوالي شهرين روضه: لا انته مب صاحي ,, شو شهرين؟ خوزها عن باب السياره وركب ونزل الجامه ,, وهي واقفه تطالعه وحاطه يديها في خواصرها راشد ( وهو يريوس): انا قلت اللي عندي ,, ويوم الرمسه تستوي رمسه ريايل خلاص الحرمات مالهن شور روضه: لا والله راشد: نتفاهم بعدين ,, عمي بيخبرج بكل شي .. اللحين انا هيداني اتسبح والحق ع الصلاه وروح بوسنيده وهي دخلت البيت تتحرطم عليه ,, شافت ابوها وهي داخله ووايهته وسارت فوق تسبحت وصلت المغرب وعقدت عمرها على الشبريه ورقدت لين الساعه 2 فليل .. دخل عليها سالم ويوم لقاها راقده طلع لكنها سمعت صوت الباب ويوم شافت الساعه قامت بسرعه لانها ما صلت العشا ,, وعقب ما صلت سارت غرفه سالم لانها توقعت انه هو اللي كان ياينها سالم : حي الله العروس باست اخوها وقعدت عداله : الله يحيك سالم: هههه يعني خبرج روضه: خبرني ,, بس مب على كيفه سالم : تبين نصيحتيه !! (طالعته روضه باهتمام وجنها تقول هيه) لا تطولين المده اكثر ,, اللي صارلج مع راشد ممكن ياثر تراه واذا كان العرس قريب ما بتهتمون بالموضوع وبتنسونه وها الاحسن وبتبدون من يديد ,, لكن اذا كانت عندكم مده اكبر بتمون تعيدون وتزيدون فاللي صار وبيتيددن الجروح ويمكن يصير غير جيه حست روضه ان كلام اخوها صح ,, نزلت راسها وتنهدت وحط يده حولها وضمها لصدره وصاح فون روضه ويوم شافت الرقم ابتسمت وطالعت سالم .. شل الفون من يدها ورد هو عليه ميره : يا الهواامه يا السخيفه ليش ما تردين عليه ,, حرقت فونج وحرقتيلي دمي ابا اعرف سالم: وليش اللقافه سكتت ميره وحاولت تركز على اللي رد عليها سالم: اخبارج يا ام علوم ميره : ههه تمام ,, ليش ترد على فونها يمكن كنت بقول شي مابا حد يعرفه غيرها سالم: لاااه ,,وانتي ما تعرفين تيودين لسانج لين تعرفين منو اللي راد عليج ميره: انا متصله على فون روضه يعني شي طبيعي ان روضه اللي ترد عليه بس عاد اللقافه تصير مرات وحد غيرها يرد سالم: بس بس بس ,, الله يعيني على هاللسان استحت ميره وروضه هلكت ضحك عليهم وعطاها سالم الفون روضه: ههه هلا مياري ميره: سخييييييييييييييييييييييي يييييييييييف احرجني روضه: هههههههههههه ماعليه حصل خير ميره: خلينا منه اللحين ,, اخبارج انتي !! شو صار !! روضه: ههههههههههههههههههههههههه ههههههههههههههههه ميره: روووووووووووويض روضه: ههههه ما اروم ميروه ميره: يا الله منج ,, بموت ابا اعرف روضه: برمسج عقب ميره: هب راقده لين ترمسيني تراني روضه: ههه اوكي سكرن عن ميره ويلست تسولف شوي مع سالم وعقب راحت حجرتها .. نست ان ميره تترياها .. فتحت لابها ويوم شافت انم يره اون لاين ذكرت ودقتلها .. طبعا عقب ما هزبتها ميره شوي قالتلها رويض اللي صار بينهم هي وراشد ,, وتمن يسولفن لين اذن الفجر وعقب كل وحده سكرت وقامت تصلي وردن يرقدن .. الصبح الساعه 10 وشوي روضه نشت ونزلت تحت .. لقت ابوها يالس يطالع التلفزيون ويجلب الجرايد ,, وايهته وصبتلها حليب ويلست عداله تجلب الجرايد وياه .. وعقب شوي ,, بوخلفان: امايه روضه روضه: امرني الغالي بوخلفان : مابطول عليج السالفه ,, انتي ترمسين راشد وضني انه خبرج انه يبا العرس عقب العيد روضه بمستحى : هيه ابويه خبرني بوخلفان: وشو رايج روضه: والله يابويه ما ادري ,, بس انا اشوفه وايد قريب وانا ما بيواحيلي اخلص شي بوخلفان: بس هو من زمان مالج عليج ومن قبلهات عاطينج عشان تتزهبين .. روضه: لكن انت تدري ان كل شي توقف فتره بوخلفان: بعد يا بنتي مب زين اتمين هالكثر خاطبه وعقب مالجه وتأخرين العرس بعد سكتت روضه للحظات وعقب ردت على ابوها : خلاص ابويه اللي تشوفنه يوالمكم سوه بوخلفان: مب اللي يوالمني انا ,, مب انا اللي بعرس ,, انتي يا بنتي اللي بتعرسين ( سكتت عنه وتموا للحظات ساكتين) خلاص عيل ,, انا بقوله يأجله لين عقب العيد العود .. واكثر عن جيه ماشي روضه: تبا الفكاك مني يعني بوخلفان: ابا الفكاك من هالحيره اللي حاطيني فيها من فتره ,, تراني مب ما افهم ,, وملاحظ ان الاجواء مب طبيعيه ابتسمت روضه ونزلت راسها وافقت روضه على العرس بعد ما اقتنعت بكلام اخوها وابوها .. مرت الايام وروضه مسكينه تراكض تخلص زهابها .. ما تطيع ترمس راشد وراشد مستخف يبا يرمسها بس هي مب راضيه لين العرس .. مر رمضان واليوم العيد وعشان خاطر ابوها وافقت روضه انها تطلع وتسلم على راشد بس ما كان بروحها وياه طلعت وسلمت على عمها وراشد كان واقف عدال ابوها .. بوسلطان: حي الله الشيووووخ روضه: ههه الله يحيك يا عمي بوسلطان: شحالج يا بنتي روضه: بخير الحمدلله ,, مباركن عيدك بوسلطان: عساج من العايدين والسالمين وراشد بياكلها بنظراته .. متووووووووله عليها من حوالي شهرين ما شافها ولاسمع صوتها .. لفت روضه بتروح جان يزخها سالم من يدها .. سالم: ريلج .. ما سلمتي عليه ماااااااااااااااااااااااا اااااااااااااااااااااتت روضه وراشد شق الحلج .. طالعته ونزلت راسها روضه: اووووه .. هلا راشد .. مباركن عيدك راشد: مباركن عيدك من بعيد كفخه خلفان على جتفه : استح على ويهك وحشم الكل ضحك الا روضه اللي تمنت الارض تنشق وتبلعها .. فجت يدها من سالم وروحت ولحقها راشد وهو يرمس عمه: اسمحلي عمي ( وظهر من الميل سوراها) لحقها وزخها من يدها وهي تفاجأت به تحرته سالم روضه: راااشد!! راشد: اول مره تشوفيني روضه: ههه لا بس تحريت سالم ,, ما توقعتك بتلحقني راشد: لااااااااه !! روضه: هههه والله راشد: وين حبتيه طالعته روضه ورفعتله حاجبها راشد: لا تحاولين تخوفيني ,, ما عليه منج .. درتي عليهم وحبيتيهم الا انها .. اوونه اووه نسيت روضه: هههههههه انا ما ابا راشد: لا تغايضيني وانتي تعرفين اني ما اتقاشر روضه: شو بتسوي يعني ؟!! طالعه راشد بنظره تحدي : شو بسوي ؟! روضه: ههههههههههه خلاص خلاص ,, دخيلك قرب منها راشد وهي حضنته وباسته بالقوو وروحت عنه وهو تم واقف ومستااااااااااااانس منها .. دخلت البيت وهي اصلا بتطير من الوناسه لانها هي بعد متولهه عليه وايد وحس بهالشي اكثر في حظنه مر الاسبوع ع روضه مثل البرق ولكنه مر عن ميه سنه ع راشد .. | ||||||||
|
| |
|
11-03-14, 01:29 AM
| #20 | ||||||||
| مراقبة عامة ومشرفة منتدى الروايات المنقولة
| البارت 19 يــــــــــــــــــــــــ ـــــــــــــــــــــــــ ــــــــوم العرس .. راشد من نش ( ها اذا رقد اصلا ) وهو متوتر وكله يفاتن ويواجع على اي شي .. زعل لطيفه وميره وطفر امه من كثر ما يواجع ويزاعج .. اما روضه متوتره وشعورها متضارب وشما واقفه وياها من الصبح واصلا ما خلتها ولايوم .. عقب صلاه المغرب ميره ولطيفه خلصن مكياج وردن البيت يلبسن فساتينهن عقب بيسيرن عند روضه وعقب القاعه ,, شما تمكيجت مع روضه وتمت معاها تصادي راعيه المكياج والشعر .. من اذن العشا شما لبست فستانها وقالت لروضه انها بتيها كل شوي بس لازم اللحين تنزل للقاعه توقف مع امها وعمتها ,, تمت ميره قاعده عندها ولطيفه نزلت مع شما .. عقبها بدا وقت التصوير .. روضه هلكت من هالمصوره اللي تخبلت على روضه وجمالها ,, خلتها تسوي حركات رووعه وتصور ورويض خلاص طفرت .. الفستان ثجيل ولاعت جبدها على قولتها منه ,, وميره قاعده عندها وتضحك عليها .. ميروه كل شوي تنزل وترد بس ما تتاخر على روضه .. طلعت ميره تشوف الاوضاع على قولتها فالقاعه وهي طالعه شافت سالم بس ما وقفت له ومشت بسرعه وما كانت تدري لوين رايح وهي راحت القاعه وردت عقب عند روضه .. اول ما دخلت ميره فرت الشيله والعباه وهي تمشي ومب منتبه على اللي جدامها ميره: فدددديت من لاقيت وانا سايره شق الحلج سالم : يعله يفداج روضه والمصووره ضحكن (طبعا المصوره بس جيه ضحكت ,, حشرن مع الناس عيد ) تصنمت ميره جدامه وهو الصراحه اللي تصنم من اللي يشوفه جدامه سالم: يااويييييل حالي والله اني ما اروم انتبهت ميره على عمرها وشلت شيلتها وعباتها في يدها وشرد وهو لحقها بسرعه ,, حاولت روضه تزخه من ايده بس سوالفها طاف وركض ورى ميره .. ميره تمشي بسرعه فالممر وتلبس عباتها وهي تنتفض .. مشى بخطوات سريعه وراها وهي سمعت صوت الكندوره وهو يمشي ولفت وراها تشوف ولقته .. سرع خطواته ووقف عدالها .. هي خلاص بتمووت من المستحى ولا تروم تشرد وقف جدامها وهو يبتسم ابتسامه تذبح ويطالعها بنظرات تذبح وهمس لها بصوت يذووبها : احبــج زين ما طاحت ميره من طولها ,, غمضت عينها وخذت نفس وفتحت عيونها شوي شوي وعيونها بعين سالم اللي يطالعها ويبتسم تبادولوا كلام وايد بهالنظرات اللي ما كملت ثواني لان ميره اول ما انتبهت لعمرها شردت بسرعه من جدامه وهو تم واقف مكانه يضحك وعقب روح لقاعه الريايل وهو شاق الحلج تقول اليوم عرسه مب عرس راشد الدقايق تجري بسرعه على روضه وتعدي كنها سنه على راشد ,, يا الوقت اللي لازم تطلع فيه روضه للقاعه .. طبعا ما اخبركم عن الارتباك اللي فيها والشعور اللي حس به طلعت روضة للقاعه وكنه القمر طالع ع الناس ,, كل الناس تطالع وتصلي ع النبي من الجمال اللي يشوفونه يمشي قدامهم ...... مشت روضه وهي تبتسم وبربكه لين وصلت للكوشه وشما ما خلت اي حد يساعدها ما تبا حد يخرب عليها ولا يخلي العرب تشوفه .. وصلت للكوشه وبعد دارت ع الكوشه وطبعا ها كله بتوجيهات شما اللي تطالعها وتأشرلها ,, وعقب ركبتلها ميره وساعدتها وقعدت .. وشوي وقامن يسلمن عليها وين البنات وربايعها يتصورن معاها ,, وعقبها قالوا ان راشد بيدخل ,, وهني روضه كنها اول مره بتشوفه ,, ارتبكت ودور بعيونها حد ايها بس ميره ابتسمتلها ولا سوتلها سالفه .. دخل راشد ومعاه ابوه وعمه بوخلفان وخلفان وسالم ,, سالم كان يمشي قدامهم وايول ومرتبش عقب مسك يد خلفان ورجوا ورا راشد وابوهم وعمهم وعطوها يااااابس ,, وصار التشجيع عاد .. وصلوا ع الكوشه واونه اصطلب شوي سالم لان خلفان قاله بس هد الريس شوي .. المهم هو راشد ,, اللي انا نسيته وقعدت اخبركم عن سالم المخترش .. راشد كان صوت دقات قلبه ما تخليه يسمع اي شي عداله>> حشى هو العروس ,, ونظراته تطير صوب روضه ولا يقدر يشوف حد في هاللحظه غيرها اما روضه من دخلوا وقفت وهي منزله راسها ونظرها في الارض بس يوم سمعت ان العرب نرتبشه ويصفقون لحد رفعت نظرها وشافت سالم وابتسم لخبال اخوها .. ويت عينها بعين راشد وبسرعه نزلت راسها وراشد ماااااااااااات من هالنظره .. وقف راشد قدامها وحبها على راسها وباركلها وهي ذاااااااااااااااااااااابت ولا رامت ترد ,, زين منها انها بعدها واقفه على طولها اصلا .. وقف راشد عدالها ,, مسكها ابوها ولوى عليها وباركلها ودمعت عينها راشد: ها ها ها ها ,, ما نبا صياح ابتسمت وعيونها انرست دموع .. وحتى ابوها بعد عيونه غرغرت ,, بنته الوحيد طبعا بيزعل لفراقها مع انها ما بتسير مكان الا بيت اخوه لكن بعد يحس ان الوضع بيتغير عليه وعقب وايها عمها واخوانها واتصورا وياها ,, بو سلطان وبوخلفان يبون يظهرون خلاص لكن سالم ما خلاهم الريال مرتبش ويباغم ويضحك ويحلف الا انكم تيولون ويايه .. نط من الكوشه عند راعيه الدي جيه والبنات تخبلن نط صوبهن .. رمسها وقالها تحط اغنيه ترتوب يرتبشون عليها .. وهو بيركب الكوشه مره ثانيه بس مب من الدري ,, من وين ما نط ,, يعني بيتعلق وبيركب ,, يته ميره ووقفت عداله وهي تفور من الغيض .. ميره: خلهن ينفعنك اللي تستعرض جدامهن وقفت وشكلها بتطلع من القاعه بكبرها ,, وقف سالم وعيونه تلحقها وماعرف شو يسوي ,, الاغنيه بدت وخلفان زخه من يده وهو ييول بس سالم مب مركز ابد ولا ايول اصلا خلفان: بلاك ياريال ,, ربشتنا وانت اسهيت سالم: ميره غيضت خلفان: ههههههههههههه ما عليك منها ,, حركات بنات سالم: وين شما ؟! لف خلفان يدور عليها بعيونه وغمزلها (يعني تعالي) ,, وقفت شما عدال الكوشه وهم نزلوا اونه يابس خلفان: لحقي ختج يا شما شما: بسم الله بلاها سالم: ميروه غيضت عليه وطلعت شما: لا يمكن راسها يعورها ,, ما تغيض عليك سالم: فتنت عليه شما: شووو ؟! هههههههههه خلفان: سيري طالعيها ,, وقوليلها عن الخبال ,, هو يشوف ولا يشوف غيرج ,, وها كله حقج .. لا تخربين على عمرج العرض اللي يسويلج اياه .. تراج عقب بتتمنينه شما: ياسلاااام سالم: دخيلج شماني سيريلها ,, وانا اللحين بظهر ,,بس اتأكد انها ردت ومب مغيضه شما: ههه اسميكم سالفه انتو بعد نشوا عنها وكفخ خلفان سالم بالخفيف وقصده استعيد حماس واربشنا مره ثانيه وجنه من الغيض على ميره ,, سالم يال يوله رهييييييبه ..ما كد يالها وهو مروق .. وصار التصفيق والتشجيع وعقب اغنيه اغنيه وعقب يابس يابس غيره .. لين ما ركبت عمته على الكوشه ويودته من كتوفه وسحبته وياها لين راعيه الدي جيه وخذت المايك من عندها .. العمه : اذكروا الله وصلوا على النبي المصطفى وانته يابوغنيم ما قصرت عرضت عرض طيب واربشتنا بس يلا عاد خل الحرمات ياخذن راحتهن ,, وحتى انته يا بومحمد يلا بعد ..ويا اخوك وسالم يتبسم ويحبها على راسها وخلفان يأشر لها من بعيد ان ماله خص والكل صلى على خير البشر (عليه الصلاه والسلام) وسالم اشر لراعيه الدي جي تشغل بعد اغنيه ترتوب عشان ايويل وهو طالع وما صدقت خبر لانها اصلا تخبلت عليه .. معرسنا بعده على الكوشه .. ماصار شي ولا دار حديث بينهم لانهمك انو مرتبشين ويا سالم اصلا وخلفان كان عدال راشد وراشد كان اذا بيعلق ولا بيقول شي يقوله لخلفان .. وعقب ما طلعوا الشباب بشوي وركبن الحرمات اللي يقربونلهم واهلهم على الكوشه يسلمون بوسنيده مسك يده حرمته ووقف بيطلعها .. توكلوا معارسنا على الله وطلعوا من القاعه ولا حد درابهن الا عقب اسبوع او اكثر اتصل راشد بسالم وسالم كان قاعد في الصاله مع امه وشما ويلعب محمد ولد خلفان استغرب سالم الرقم بس رد: الوو راشد: الوو مرحبا سالم: خس الله هالويه ,, شو تبا متصل اللحين !! جان كملت شهر !! راشد: هههههههههههههههههههههه بلاك ,, كيفنا ,, بنشوفك انته سالم: لا انا اعرف المذهب هب ظاهر وورايه عرب يحاتون وما اقولهم وين ارضي من سمايه راشد: الله ؟! انا معرس وكيفي عاد ويا حرمتيه سالم: مالت عليك وعليها بعد ام خلفان وشما يطالعونه ومستغربات منه ( ها بلاه هداد ع العرب ) عقب انتبهت شما شما: ها راشد ؟! سالم: هيه ها البطيخ راشد راشد: سويلم اسطلب تراني بسجلها لك وبتشوف يوم برد سالم:اتروع منك راشد: يلا يلا عطني ختيه خلك عنك الرمسه الفاضيه سالم: اول انته عطني ختيه راشد: ختك محد سالم: وين سارت؟! راشد: راقده سالم: هاي بعد مذهبها اخس عن مذهبك ,,دوك شما شما: الوو راشد: مرحبا هلا شما: مرحبتين ,, وين يا اسود الويه راشد: ههههههه بلاكم علينا ,, خلونا نستانس شما: استانسوا ما قلنا شي ,, بس بعد ما فيها شي ان طمنتونا .. مب تسرون بليلكم ولاحد يدريبكم اكثر من اسبوع راشد: ههه ادري غلطنا بس بعد ,, نبا نأكشن شوي قي حياتنا شما: لا اسميكم اكشنتونا .. المهم ,, شحالك انته وشحال العروس ؟! راشد: طيبين ولا نشكي باس .. والعروس راقده .. خذتلها اول ثلاث ايام ما ترقد مستحيه عقب طاحت طيحه واستوت ترقد رقااااااد شما: هههه حليلها .. انزين يوم بتنش رد اتصل عيل , ولا تنسى تكلم قوم ابويه لانهم يحاتنكوم بعد راشد: عمتيه عندج ؟ شما: هيه .. اكيه ها (وناولت عمتها التلفون) عمتيه راشد بيرمسج ام خلفان : مرحبا ابويه راشد: هلا مرحبتين عمتيه ,, شحالج ام خلفان: طيبه طاب حالك ,, انتش حالك ,, ورويض شحالها راشد: الحمدلله كلنا بخير وسهاله ا مخلفان: يا حيكم .. وين رويض عنك؟ راشد: رويض راقده ام خلفان هب رقاد ها ,, بس بس وعها راشد: لا برايها على راحتها ,, يوم بتنش بخليها ترمسكم ام خلفان: زين فديتك .. رد السلام عليها راشد: الله يسلمج ,, يلا في امان الله سكر عنها راشد ودخل الحجره على روضه ولقاها طالعه من الحمام متسبحه وشعرها خرسان ولابسه نفنوف احمر,. يوم شافته استحت وهو سار صوبها ومسكها من خواصرها راشد: انتي على شو ناويه !! (استحت اكثر ونزلت راسها ) والله انج تجننين (وتقرب اكثر وقالها بصوت يذبح) أحبــج ذااااااااااااااابت روضه وضكت عنه بسرعه وخذت الفوده وطلعت عنه الصاله وهو تم يطالعها ويضحك عقت بعمرها على الكرسي وخذت نفس بالقوو كأن راشد كان موقف عنها الاكسجين عقب ربع ساعه سارت روضه الحجره بتشل مشط تسحي كشتها ويوم دخلت شافته منسدح على الشبريه وتحرته راقد وايقت عليه شوي شوي وشافته راقد .. خذت اللحاف ولحفته لكنه نقز بسرعه لوى عليها وهو يضحك وهي ماتت من الزياغ روضه: رااااااشد فجني راشد: ليش تشردين عني كل ما زخيتج ,, جاني ما هقيت اخذج ماتت روضه من المستحى ولا عرفت كيف بترد عليه : اووه دخيلك فجني راشد: مابا قولي احبك عقب بفجج روضه بدلع : راااااااشد راشد: ااااااااااااااااااه يا ويل راشد روضه: بس عاد فديتك ,, فجني راشد: اول بوسيني روضه تطالعه وكانها تترجاه بعيونها وتقول لا راشد: بوووووووووووووووسييييني طبعا ماشي مجال ولافكه من راشد .. باسته وقامت عنه بسرعه مرت الأيام احلى من العسل على معاريسنا ,, ثنينتهم مستانسين مع بعض .. وعاشوا احلى ايام حياتهم .. وحان وقت العوده الى ارض الوطن .. روضه مب قادره تتريا اكثر وكل شوي تسال راشد كم باقي من الوقت لين ما طفر منها لانه يبا يرقد وهي موول مب مخلتنه راشد: روووووويض بس عاد ,, طفرتيبي روضه (اونها مسكينه وتطالعه بنظره مكسوره): ليش تزاعج عليه ابتسم راشد وحضنها : اااسف حيااتي ,, (باسها وبعدها عنه) ابا ارقد وانتي مب مخلتني روضه: لا تتأسف , انا اللي اسفه .. بس والله ما اروم متووولهه راشد: انزين خلاص بس ,, (وطالع ساعته) اممم باقي تقريبا ثلاث ساعات روضه: انزين خلاص ارقد ,, عقب ساعتين بوعيك راشد: اشك انها عقب دقيقتين روضه: هههههه لا بس عاد استطلبت راشد: بنشوف وحط راشد راسه على كتف روضه وغمض عيونه ورقد وروضه شغلت فلم وقعدت تطالع تبا تمشي الوقت عقب ساعتين وشوي نادى الكابتن بقربهم من مطار دبي .. الوناسه مب مكفيه روضه من كثر وناستها .. وعت راشد واستعدوا للهبوط وصلوا على ارض الدوله بسلامه وردتهم مثل سيرتهم محد يدريبها ,, عشان جيه محد كان في استقبالهم خلص راشد الشنط وطلب تكسي وردوا العين ,, وطول الدرب وروضه متشوقه لردت فعل اهلها وخصوصا سالم لانها متولهه عليه حب راشد يغايضها جان يقولها: اول بننزل بيتنا بس روضه خذت الموضوع عادي : اوكي عادي راشد: هههههه اوني عاد ابا اغايضج شوي ,, ادريبج متولهه على هلج روضه: وليش انت مب متولهه بعد على هلك !! بنسلم عليهم وبنروح عند هليه راشد: فديييت العاقله روضه: تفدااك وصلوا معاريسنا العين وكان وقت المغرب اللي العده الكل يكون قاعد في الخيمه مع ابوهم ,, دخل راشد ووراه روضه راشد : السلااااااام عليكم الكل طالع صوب الباب وباستغراب .. نقزت ميره ولوت على اخوها وفجته بسرعه ولوت على روضه الكل وقف وتوايهوا وحصلولهم هزبه من الكل ,, عقب السوالف والضحك قاموا معاريسنا وساروا حجرتهم ووصوهم ما يخبرون هل روضه لانهم بيسونلهم مفاجاه بعد ,, ساروا قسمهم بيتسبحون وبيريحون عقب بيسيرون | ||||||||
|
| |
|
| الكلمات الدلالية (Tags) |
| (مكتملة, المجمد, الاحباب, الذوق, الساعه, تنقية, بقلم/, راقي |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
