24-06-14, 10:31 PM
| #122 | ||||
|  كيف حالك إن شاء الله دائما بخير ؟ كيف حالك إن شاء الله دائما بخير ؟ كيف حالك إن شاء الله دائما بخير ؟ كيف حالك إن شاء الله دائما بخير ؟ كيف حالك إن شاء الله دائما بخير ؟ كيف حالك إن شاء الله دائما بخير ؟ | ||||
|  |
|
24-06-14, 11:25 PM
| #123 | ||||||||||||||||
| نجم روايتي وكاتبة في منتدى قصص من وحي الأعضاء 
| اقتباس:
سلامة اعصابج حبي وليش تكولين عني شريرة ؟ هو انتي مو ترديها تخلص من سلطان وبالنسبة للوقت قلبي والله دا احاول يكون يومية بين ال9 و11 مساءا بتوقيت بغداد واذا اكدر مرات قبل الوقت او بعده بس المهم يومية انتظري الفصل القادم اقتباس:
وسلطان ما اعرف شنو راح يسوي بعدين ..تتصورين ممكن يتركها بسهولة؟ وراح ينزل الفصل وتدللين اقتباس:
وبالنسبة لسلطان مش مسألة غيرة لكن هو بيدور عليها الزلة ولاقاها جاهزة اقتباس:
مشكورة حبي وفعلا فيه ناس حاقدة مثل ليان وناس بتتصيد الاخطاء مثل سلطان تابعي معي الفصل القادم ويا رب يعجبك اقتباس:
فعلا هدية وقعت بمشكلة والله يستر من نتائجها وبالنسبة لسلطان تابعيني بالفصل القادم اقتباس:
هلا قلبي يمة منج ومن اعصابج هههه اي حبي راح انزل الفصل السابع وتدللين انتي والمتابعات والف شكر عالبوسة حبي اقتباس:
اقتباس:
اقتباس:
| ||||||||||||||||
|
| |
|
24-06-14, 11:27 PM
| #124 | |||||||
| نجم روايتي وكاتبة في منتدى قصص من وحي الأعضاء
| الفصل السابع سلطان لا يزال بنفس العصبية: عمي بصراحة بنتك بعد ما تلزمني, وما اتشرف بيها..خليها تشبع من الجامعة ومن الشهادة. . وخرج من البيت بينما بقي الكل مذهولاً لقراره المفاجئ والذي يُعتَبَر "عيب" في حق الشيخ عبد الفتاح وإبنته. . التفت دحام الى اخته مرة ثانية : احجي شمسوية ولج؟ وجّه الحاج عبد الفتاح كلامه للجميع : اطلعوا كلكم من هنا ,اريد ابقى آني وهدية بوحدنا. . دحام: يابااا, الله يخليك لا تقهر روحك..حسابها وياية آني. ابو دحام: دحام أُخُذ أُمك واطلع من هنا. . وفعلا انسحب دحام ووالدته وبقيت هدية ووالدها في الصالة. هدية ولأول مرة بحياتها تخاف من ردة فعله وجّه أبو دحام نظرات غاضبة لإبنته وبعتب مرير : مع الاسف عليج والله. هدية وهي تبكي بمرارة:لاااا, باباااا ..الله يخليك..اضربني ,اذبحني بس لا تشك بيّة. واقتربت منه وجلست عند قدميه: ابووس ايدك, ابووس رجلك باااباا اسمعني.. ابو دحام: انتي اسمعيني..من اليوم بعد ماكو كُلّية, افتهمتي؟ هدية وهي مستمرة بالبكاء:ما اريد كلشي من الدنيا بس رضاك عني باباا. واقتربت منه اكثر فيما التفت والدها للجهة الثانية : الله يخليك لا تصد وجهك..آني هدية بنتك.. ابو دحام بعصبية: روحي لغرفتج. هدية بقهر: باباا الله يخليك..والله سلطان ظلمني. أبوها و بحدة: لوما شايف شي غلط ما يحجي,شنو يريد يتبلى عليج؟ هدية بجدل :بشنو تريد احلفلك حتى... ابو دحام: روحي لغرفتج هسة. قبّلت رأس والدها وغادرت الصالة الى غرفتها وهي تشعر بمرارة الظلم الواقع عليها...اعتزلت اهلها اياما فيما تحاول منى الاتصال بها دون فائدة ..أحست بالقلق فقررت زيارتها برفقة والدتها.. كانت زيارة منى هو الشيء الوحيد الذي خفّفَ عن هدية في محنتها تلك.. منى : هدية والله لو تشوفيني بذاك اليوم حتى نوم ما كَدرت انام من خوفي عليج. هدية : الحمد لله على كل حال منى. منى بحقد :متتصورين شكَد كرهته لهذا(سلطان)...معقولة اكو ناس تفكر بهالطريقة؟ ليش هو مو رايح للجامعة وعندة زميلات؟هذا ما طلع ابن عم طلع عدو. هدية: وتلوميني مناوي لأن ما اطيقه..شفتيه اشون شكّاك وعصبي! منى: اي شفته بعيني هداوي, عالعموم الحمد لله خلصتي منه..الله يعوضج بالاحسن ان شاء الله. هدية :والله ما تمنيت اخلص منه بهالطريقة, تعرفين هسة ابوية واخواني شايلين بقلبهم علية وآني بريئة تتذكرين من كَلتلج ميصير ابن العم يترك بت عمه الا شايف عليها شي؟ وهذا سلطان تركني لنفس السبب,يعني آني هسة بنظرهم غلطانة من ساسي لراسي.وحتى مستقبلي ضااع بعد. منى بقهر:الله يعينج هداوي عيني. هدية: لا والقهر ابوية كلشي ما سوالي بس كَاعد يقهر بروحه, آآآآه منى لو ذابحني ولا اشوفه مكسور بهالطريقة وآني السبب.كَوليلي شسوي منى؟ منى:هداوي حبي انتي يتيمة وبريئة ورب العالمين اكيد راح يظهر الحق..بس خلّيج واثقة من نفسج وتحسّبي. هدية بيقين: حسبنا الله ونعم الوكيل. وبعد ان عادت منى من زيارة هدية..تمنت لو تستطيع تغيير حال صديقتها...وهي تفكر في حل ربما يجمع بين قلبين.. مرّت الايام بروتين ممل..حيث تفرّقت الشلة بغياب هدية وابتعاد دريد وتوتر العلاقة بين هديل وليان وبسّام..لم يتبقَ سوى منى وحلا ونغم. ليان التي ايقظتها الصفعة من غفلتها عادت فراجعت نفسها مرارا وتكرارا..لمَ تجد نفسها تفكر بــ بسّام بعد تلك السنوات؟ فعلا ما ذنب هدية ودريد لتشوّه سمعتهما بهذه الطريقة؟ لمَ تفكّر بأنانية دائما وأنها هي مركز الاهتمام؟ ولمَ على دريد ان يلتفت اليها؟ هي دائما كانت أمام عينيه وهو أعلنها مرارا أنها ليست سوى أخت..فمنذ متى تتحول الأخت الى حبيبة؟ هل عليها ان تعتذر؟وكيف ستبدأ؟ توجهت بخطوات بطيئة الى القاعة..لمحت بسّام ودريد فإقتربت منهما:صباح الخير..بسّام ممكن احجي وياك؟ بسّام الذي لم يرفع نظره اليها ردَّ ببرود: مشغول هسة. شعرت بالإحراج..نقل دريد نظراته بينهما:أكو شي؟ بلعت ريقها :اوكي براحتك. وابتعدت عنهما بهدوء. نهض بسّام من مكانه وتبعها ليتأكد فقط..هل تلك هي ليان فعلا؟ بسّام: ليان انتظري. توقفت في مكانها والتفتت اليه:نعم. تأملها بمشاعر متناقضة..فقلبه دوما يسامحها على حماقاتها. بسّام ببرود:راح انتظرج بالكافتريا,اوكي؟ ليان: اوكي مشى امامها بخطوات بطيئة الى ان وصلا سوية. جلست فجلس:خير اكو شي؟ نزلت دموعها رغما عنها وبطفولية لم يعهدها:دا أحس كلكم تكرهوني ومحّد طايقني..اليوم إنت وهديل وباجر دريد وهدية ووراها يمكن حتى أهلي وأهل دريد يكرهوني إذا عرفوا بالموضوع. تنفس بعمق وهو يراها تمسح دموعها :شفتي اشون مرات الانسان يرفس النعمة برجليه..هسة ضايجة وتعبانة لأن تحسين كلنا نكرهج..بس عمرج ما حسستينا انه انتي فرحانة لأن عندج صديقات وزملاء يحبوج ويحترموج. عضّت على شفتيها بندم :اي صح . وجّه نظراته للفراغ: ولا تنسين.. اللي يحب دائما يسامح,اعرف انه انتي وهديل ما افترقتو من سنوات وآني متأكد هديل ما تكرهج بس مقهورة من اللي سويتيه. فاجأته: وإنت ما تكرهني؟ أجابها بسؤال: وتفرق عندج؟ هزّت رأسها بــ نعم. تسائل: من ايمتة يعني ؟ أجابت بتوسّل: بسّام والله حسيت بغلطتي ولو تعرف بعد اللي صار ظليت ايام ما اكَدر انام. رفع حاجبه:معقولة؟ ومستعدة تفتحين صفحة جديدة وتنسين الماضي؟ بلعت ريقها:مستعدة بس خايفة. سألها: من شنو؟ ليان بتردد:قصدي اذا دريد عرف باللي سويته ممكن.... بسّام:بس اللي سويتيه مو شوية. ليان:وآني ندمانة . بسّام:يعني هسة تأكدتي انه دريد عمره ما فكّر بيج؟ ليان بإحراج:هو دائما يكَولي هالشي..بس بحكم علاقة اهلي بأهله وتلميحاتهم تعلقت بالموضوع وصدكت نفسي. بسّام: وهسة؟ ليان:تصدكني اذا كلتلك انه من اليوم اللي صار الحادث لهدية وعرفت الموضوع من اخوية سمير..اصلا دريد بعد ما يهمني بشي..بس كل اللي ردته انه انتقم منها. يمكن غيرة منها لأن شفت اثنين يتنافسون عليها. بسّام مستغربا اعترافها الجريء:معقولة؟ ابتسمت بألم:اي معقولة..خصوصا وآني اشوفها غيّرت حالكم,,تتذكر شلّتنا اشون جانت؟ سألت فأجابت:صارت هدية الكل بالكل,,اجتماعاتكم بالمكتبة ومراجعاتكم للدروس وعلاقتكم بيها ..بينما آني صرت عالهامش. بسّام: انتي اللي بعدتي؟ ليان: لأنه آني اصلا جيت للجامعة تقضية وقت.وتعرفني بأي لحظة ممكن استلم شغل ومنصب. بسّام: كلنا هيج متصورين بس هدية نصحتنا ووعتنا انه نستمتع بالدراسة بدل الفراغ..وفعلا هذا اللي صار. ولا تنسين هدية يمكن وضعها المادي احسن مني ومنج بس هي انسانة طموحة وكل اللي صار مو تخطيط منها . هزّت رأسها وهي تمسح دموعها: والله عرفت بس متأخرة. ومن هنا بدأت ليان صفحة جديدة أدركت فيها أنه ليس كل ما يتمنى المرء يدركه..وأننا أحيانا نحتاج لصفعات متتالية لندرك أخطائنا بحق انفسنا اولا والآخرين ثانيا.. وبالنسبة للمشكلة التي كانت هي سببها..نصحها بسّام بأن تطوي صفحتها..لأنها من الممكن أن تتسبب في مشكلة اكبر بين عائلتها وعائلة دريد. وبالنسبة لــ هديل..فقد عادت علاقتهما بعد ان اعتذرت ليان وأبدت ندمها عما حصل بسببها. . وحان موعد الامتحانات وكان الكل مشغولا..وتم توزيع الطلبة على القاعات..قررت منى ان تصل لدريد وتوصل له آخر اخبار هدية...وتترقب رد فعله.. لمحته منى وهو يجلس على احد المصاطب. منى اقتربت منه: آآآ...السلام عليكم اشونك دُريد؟ دُريد: اهلا منى اشونج انتي, شخبارج وية الامتحانات؟ منى: والله الحمد لله ماشية , وانتة؟ دُريد بيأس: بصراحة ما إلي مزاج حتى افتح الكُتُب وأدرس..يعني إحتمال أأجل المواد الأخيرة. منى وبمفاجأة لم يتوقعها: هدية تسلّم عليك وتعتذر منك عن اللي صار وية ابن عمها. . دُريد بلع ريقه :خابرتيها؟ منى ابتسمت: لاا,رحتلها للبيت. دُريد بلهفة: يعني شفتيها بعيونج؟ ما بيها شي..اهلها ما أذوها. منى فتحت عيونها مستغربة لهفته. دُريد أغمض عينيه والتفت:آآآ...قصدي...وعليكم السلام ,زين اشون صحتها؟احوالها؟ منى انتهزت الفرصة : هي صحتها أحسن هسة,بس..بس.. دُريد بخوف: بس شنو؟ منى: أهلها منعوها تكمّل دراستها بعد اللي صار. دُريد ضغط على اسنانه بقوة:بس هي ما سوت شي غلط,حرام عليهم يضيعون مستقبلها. منى:مو هذا السبب بس,,,صار شي ثاني بعد. تغير لون وجهه وهو يتخيل أنهم سيجبرونها على الارتباط بإبن عمها بأسرع وقت :شنو اللي صار مُنى؟. منى:هدية فسخت خطوبتها من ابن عمها,او بالأصح ابن عمها هو اللي تركها..وهذا بعُرُفهم يعتبروه (عيب) خصوصا إنه ابو هدية شخصية معروفة بين الناس. دُريد ابتسم:متأكدة منى؟ منى: شبيك دُريد,دا أكَوللك رحتلها للبيت . وبعدين آني كلتلك هذا الشي حتى يكون عندك علم بس. فهم تلميح منى له. منى أكملت كلامها: دُريد اريدك تعرف انه هدية إنسانة صادقة وحبت تبعد نفسها عن اي شبهة , واحترمت تقاليد اهلها وعاداتهم... بس اول وتالي هي بشر ,وبرأيي هدية تستحق فرصة ثانية لو شتكَول؟ وقبل أن يجيب دُريد.. استأذنت منه منى تنتظر ان يكون جوابه فعلا لا قولا. فكّر دريد وادرك حجم الظلم الواقع على هدية..لذا كان يجب عليه ان يتخذ الخطوة الاولى وهي توضيح حقيقة الموقف بينه وبين سلطان وبرائتها هي. وفعلا صارح دريد والده الذي تذمر في البداية لكونه لا يريد لولده ان يكون طرفا في المشاكل بين الفتاة وابن عمها.. اصرَّ دريد على والده ان ما حصل هو سوء فهم لا اكثر ..لذا اتجه دريد برفقة والده وأحد الاساتذة لزيارة الحاج عبد الفتاح الذي ارتاح نفسيا لهذه الزيارة وادرك أنه ظلم ابنته دون وجه حق..وتمنى ان يكون سلطان موجودا ليسمع هذا المديح في ابنة عمه قبل ان يحكم عليها.. وبعد الامتحانات قرر دُريد أن يفاتح والده بموضوع خطبته لهدية . دُريد بإرتباك: بابااا , ممكن احجي وياك بموضوع؟ الأب: إي ابني احجي سامعك. دُريد ارتبك:آآآ..بابا ..آني ..أ..أ..اريد اخطب طالبة وياية. . الأب ابتسم: ما شاء الله تخطب مرة وحدة؟ بس ابني انتَ بعدك ما كملت دراستك واستلمت وظيفتك ,بعده المستقبل كَدامك, على شنو مستعجل؟ دريد :بصراحة ما اريدها تضيع مني. الأب الذي توقع ان تكون ليان هي المقصودة: إذا على ليان فاطمئن..آني ممكن احجي وية عمك ... قاطعه دريد: العفو بابا آني ما قصدت ليان. الأب مستغرب:يعني انتَ ناوي تخطب وحدة غير ليان؟ دُريد بلع ريقه: بصراحة إي. الأب:زين وليان شبيهة؟ دُريد: ليان مثل اختي وهي تعرف بهالشي. الأب: بس آني متصور علاقتكم أبعض يعني....الكل متصورين انه بيناتكم مشروع خطوبة. دريد: باباا صدكَني,عمري ما وعدتها بشي حتى روح اسألها..وبعدين آني من دخلت كُلية وآني نظرتي إختلفت للحياة,ودا أحس ليان مو هي الانسانة المناسبة إلي. الأب:بس يا إبني اتصور عمك (ابو سمير) راح يزعل. دُريد:وليش يزعل؟هو آني اصلا ما تقدمتلها رسمي حتى اكَول من حقه يزعل.وبعدين ليان الف من يتمناها. الأب: والله ما اعرف شأكَولك إبني.. بس ليش ما تنتظر يعني يمكن تتفاهم انتَ وليان. دُريد بعصبية: طول عمري مو متفاهم وياها,ليان انسانة عنيدة وتحب تتملك. الأب:زين ما كَلتلي من اي بيت تريد تخطب , قصدي بنت منو؟ دُريد: آآآ...هي مو من هنا .قصدي (وبلع ريقه) الأب ابتسم: بس اريد اعرف هي نفسها زميلتك اللي غيرت حالك. دُريد فتح عينيه وأحمرّ وجهه:إي بالضبط. الأب: بس ما كَلتلي منين هي بالضبط. بلع ريقه بتردد: بابا تتذكر من كلتلك إنه صارت مشكلة بسببي بين طالبة وابن عمها؟ الأب عاقدا حاجبه:اي اتذكر بس بوقتها كلتلي انه هي مخطوبة لأبن عمها. دريد:اي صحيح بس هسة فسخوا الخطوبة و... قاطعه الأب: بس يا إبني ..هذولي الناس يختلفون عنا,وآني شفتهم بعيني, يعني يمكن مينطون بناتهم للأغراب. دُريد: ليش يعني؟ هو إذا ابن عمها تركها يعني لازم تموت بنظرهم؟ الأب: لااا ابني بس همَ يبقون بيت واحد , يختلفون اليوم ويتصالحون باجر. دُريد بلع ريقه: يعني شنو بابا؟ الأب:احسك راح اتدخّلنا بمتاهات بهالخطوبة.وبصراحة آني مو متعامل وية هيج نوع من البشر,اي نعم ممكن تكون بيناتنا مشاريع تجارية لو مقاولات لكن إنهُ أناسبهم !اشوفها صعبة. دُريد: بس..بس... الأب: اسمع ابني انتَ تكَول ابن عمها ناهي عليها ومقرية فاتحتهم وهمَ صغار. دُريد: اي صحيح بس هو تركها هسة. الأب: بس ممكن يرجعّها بأي وقت؟. دُريد: شنو هي ؟ لعبة بيدة حتى يتركها ويرجّعها بكيفه؟ الأب: يبقى ابن عمها وأَولى من الغريب. استمر دُريد اياماَ يقنع والده وحاولت والدته أن تتدخل بمنعه من هذه الخطوبة..وأخيرا تدخلت وجدان واقنعتهم ان سعادة دريد هي الاهم. وبعد ظهور النتائج ونجاح دريد..اراد ان يكمل فرحته بخطبته وهدية...اتصل ابو دريد بالحاج عبد الفتاح وحدد معه موعدا للقائه دون ان يخبره عن هدف الزيارة. وبالمقابل اتصل الحاج عبد الفتاح بأخوانه ومن ضمنهم ابو سلطان وابلغهم بضرورة التعرف على الاستاذ شاكر بإعتباره احد اهم رجال الاعمال. على الجانب الآخر وصل الى مسامع سلطان أن دريد ووالده بدأوا بالتقرب من عمه وعائلته فأحسَّ بالخطر من ضياع هدية وثروتها من بين يديه..لذا قرر أن يتصالح مع عمه ويوضح له ان قراره قد حدث في لحظة غضب.. وفعلا ولطيبة قلب الحاج عبد الفتاح..قبل اعتذار ابن اخيه وسامحه على تهوره بحق ابنته. اليوم هدية ومنى تتحادثان على الهاتف .. مُنى: باركيلي هداوي نجحت .. هدية بفرح: الف مبرووك مناوي تستاهلين كل خير . مُنى:حبيبتي اشكرج.. ماكو اخبار جديدة؟ هدية:لا والله, بس صار ابوية احسن من قبل من بعد ما زاروه دُريد وأبوه ووضحوا الموقف, ورغم هذا بقى مانعني من الكلية ويكول مو ناقص مشاكل من سلطان. منى: وبيت عمج ما حاولوا يصلحون الوضع؟ هدية:بلي سمعت انه سلطان رايح للمعمل ومعتذر من ابوية..وتعرفين انه ابوية مستحيل يكَطع علاقته بأعمامي بسببي..وعادي تصالحوا. منى بخوف: يعني رجعتو مخطوبين؟ هدية:تدرين منى بعد ميهمني هالموضوع ولا سألت ولا اريد أعرف. منى بإصرار:قصدي ما اعتذر منج؟ هدية بسخرية:سلطان يعتذر؟؟ لا عيني سلطان شايل على خاطره مني و يريدني اراجع نفسي واشوف انه البيت احسن من الدراسة اللي اريدها. منى:الله يعينج يا رب. هدية :مناوي ما كلتيلي اخبار البنات والشباب ونتائجهم؟ منى: الحمد لله كلهم نجحوا..وأكو مفاجأة متتوقعيها. هدية بقلق:خير صار شي. منى بفرح:ليان انخطبت. بلعت ريقها وهي تتسائل..هل استبدلها دريد بهذه السرعة. أكملت منى :ما سألتيني منو خطبها يعني؟ هدية بغصّة:الله يسعدهم ويهنيهم. منى التي ادركت تفكير هدية ارادت طمأنتها:اي والله هداوي الله يسعدهم..سبحان اللي جمع بسّام وليان. هدية بعدم تصديق:ليان انخطبت لبسّام؟ منى بمشاكسة:ايوة يا عم..وطلع قلب الأخ محجوز بس الك. هدية :منى لا تحجين الغاز رجاءاً.أيّ قلب تحجين عنه؟ منى:هداوي بصراحة دريد سألني اذا يتقدملج..توافقين لو لا؟. هدية بقلق:شتكَولين منى؟مستحيل طبعاَ. منى: وليش مستحيل..انتي مو تكولين سلطان عافج. هدية وهي تبكي: منى الله يخليج..خابريه وكَوليله لا تورط نفسك. مو ناقصة مشاكل. مُنى: هدية شبيج ؟ يعني بدل ما تفرحين كَعدتي تبجين؟ هدية: على شنو افرح مناوي؟وآني متأكدة فرحتي راح تموت بمكانها. مُنى: يا ساتر يا رب.. كَولي يا الله وان شاء الله ميصير الا اللي تريديه. هدية: وتتوقعين الموضوع يعدّي على خير؟ نسيتي سلطان واللي ممكن يسويه؟ عبالج بسهولة يعوفني لدُريد؟ مناوي الظاهر انتي متعرفين سلطان زين. مُنى: هسة انسي سلطان وتفائلي خير, مو هو اللي تركج؟ شنو يطلبج بعد؟ هدية: ما اعرف عندي احساس يكَول حتى فرحتي ما راح تكمل. مُنى دمعت عينها: لا يصير دمج ثقيل هداوي. وان شاء الله يصير خير ما دام ابوج فهم السالفة. وأخيرا حان موعد زيارة دريد ووالده للحاج عبد الفتاح وهناك حيث التقى الاستاذ شاكر بأخوة الحاج عبد الفتاح وتعرّف اليهم ..وفجأة انتبه الجميع لدخول سلطان برفقة أحدهم وجلس بجانب والده ما هي الا لحظات حتى تكلّم الحاج عبد الرحيم : العفو يا جماعة الخير. انتبه الحاضرون للحاج عبد الرحيم الذي بدأ كلامه:بما انه الكل حاضرين هنا..وكلكم تعرفون قبل فترة صارت مشاكل بسيطة بيني وبين اخوية وهالمشاكل تصير بكل بيت اريدكم اليوم تصيرون شهود على صلحنا آني واخوية(ونهض الحاج عبد الرحيم وقبّل رأس اخيه امام الجميع) وأكمل كلامه: وحتى نقطع الاشاعات اللي صارت اريدكم تشهدون على عقد ابني"سلطان" على بنت اخوية.. (وأشار بيده):وهذا ابني حاضر وحتى الشيخ حاضر واحنة حاضرين بكل اللي تطلبوه. التفت دريد الى والده وقد تغير لون وجهه..فيما والده حَمَد الله الف مرة أنه لم يبادر بطلب يد ابنة الحاج . وفعلا تمَّ عقد قران سلطان وهدية وكان دريد ووالده والحضور من ضمن الشهود. التفت ابو دريد الى سلطان مباركاً:مبرووك عليك بت عمك ابني. ابتسم سلطان وردّ المباركة ثم التفت الى دريد بسخرية: وانتَ ما راح تباركلي؟ (سبحانك اللهم وبحمدك اشهد الا اله الا انت استغفرك واتوب اليك) | |||||||
|
| |
|
24-06-14, 11:28 PM
| #125 | ||||||||||||
| نجم روايتي ومصممة في منتدى قصص من وحي الاعضاءوفراشة متالقة بعالم الازياء والاناقة ومركز اول بمسابقة ملخصات  
| اي والله بعد احسن روحة بلا ردة ان شاء الله ياسلطان لا مو ع اساس انت تشرفها والله هي تاج راسك.. ع الاقل دريد ماعرف وحده وابتعد عن كل حياته من عشقها الا انت ياسلطان افندي من يوم وعيت ع الدنيا ولهسة تتصارع ع البنات لان ببساطة زوجتك موجودة..ما اعرف شنو راح يكون مصيرها معقولة اهلها ماراح يخلوها تداول؟؟ماهر ومنى ممكن يساعدوها ..موقف دريد صار صعب حاليا..حتى لو اجة تقدم الها راح يكون هناك شك..للاسف هذا طبع الاغلبية ماكو تفاهم العصبية تعمي العيون والبنية تروح بيها بدون حتى فهم ولا واحد يسمعها..ليان تستاهل الصفعة واكثر من هذا..الفصل يجنن وغيرة دريد تموت ياشوق وتالي وياج و وي ابطالج الي يخبلون..دريد لهدية وهدية لدريد لازم لازم بانتظارج ياشوق وبشوق عااااارم | ||||||||||||
|
| |
|
24-06-14, 11:29 PM
| #126 | ||||||||||||
| نجم روايتي ومصممة في منتدى قصص من وحي الاعضاءوفراشة متالقة بعالم الازياء والاناقة ومركز اول بمسابقة ملخصات
| نازل فصل ثاني؟ راح اقراه وارجع ارد ان شاء الله | ||||||||||||
|
| |
|
24-06-14, 11:30 PM
| #127 | |||||||||||
| مشرفة اسرة حواءوذات الذوق الانيق وفراشة متألقة،ازياء الحب الذهبي ..طالبة مميزة في دورة الخياطة جزء1وأميرة فستان الأحلام ولؤلؤة بحر الورق وحارسة وكنزسراديب الحكايات و راوي القلوب  
| مساء الورد سوورى على التاخير قفلة شريرة يا شوق معقول احنا ارتحنا من سلطان الحقير البارد وليان هى السبب فى كل ما حدث لهدية حسبي الله عليها متخوفة من ردة فعل اهل هدية فى الفصل الجاى بعد ان فضحها سلطان يعطيكى العاااااافية شوق وبانتظار الفصل الجاى ودمتى بود | |||||||||||
|
| |
|
24-06-14, 11:41 PM
| #128 | |||||||||||
| مشرفة اسرة حواءوذات الذوق الانيق وفراشة متألقة،ازياء الحب الذهبي ..طالبة مميزة في دورة الخياطة جزء1وأميرة فستان الأحلام ولؤلؤة بحر الورق وحارسة وكنزسراديب الحكايات و راوي القلوب
| نزلتى فصل جديد وانا ما انتبهت وقريت الفصل الجميل سلطان بصراحة كرهته بعد ان فضحها رجع واعتذر ليمنع دريد من خطبتها حسبي الله ونعم الوكيل فيك يا سلطان تم عقد قران سلطان وهدية والمسكين دريد لم يلحق يخطبها يعطيكى العافية شوق وبانتظار الفصل القادم ودمتى بود | |||||||||||
|
| |
|
24-06-14, 11:43 PM
| #129 | |||||||||||
| مشرفة اسرة حواءوذات الذوق الانيق وفراشة متألقة،ازياء الحب الذهبي ..طالبة مميزة في دورة الخياطة جزء1وأميرة فستان الأحلام ولؤلؤة بحر الورق وحارسة وكنزسراديب الحكايات و راوي القلوب
| الذين يشاهدون محتوى الموضوع الآن : 18 ( الأعضاء 12 والزوار 6) قمر الليالى44, مورا اسامة+, شوق2012, gom, منيرة أحمد, Iraqia, روكسانا, إيناس, Lama9, المثقفه, zezeabedanaby | |||||||||||
|
| |
 |
| أدوات الموضوع | |
| انواع عرض الموضوع | |
|
|
2Likes
.png)
.png)
.png)
.png)
العرض العادي
