واثق الخطى ملكاً فى قلبي *مميزة و مكتملة *

[غسق صالح]

السلام عليكم ورحمة الله وبركاته

[سكاى]

السلام عليكم ورحمة الله وبركاته موفق بإذن الله ... لك مني أجمل تحية .

[حياتى هى خواتى]

النهارده ان شاء الله هنزل فصل عشان اللى بيتكعبلوا وبعد كده هيكون يوم التلات بقى عشان خلاص مبقاش ع النهايه كتيير فصل النهارده هتحسوا انه بيفرش للنهايه أصلآ بس المهم أييييه فيه مفاجأه جامده جدى عاوزه تعليقات جامده لانى فرحانه روائيآ ( يعنى م الروايه ) مكتئبه عميآ ( يعنى من عمى ) هروح أقرى وأنزل بقى ( ياللا علقوا على احداث الفصل قبل ماانزله ( طلب بيستعبط )

[butter fly]

هههههههههههههههههههه اعلق قبل ما اقرى الفصل الله فصل جميل تواته بس ليه عملتى كدا فى ادهم لالالا نزار مستحيل يعمل كدا ادم الباااااااااااااااااارد واريج دى هبله و هتنقطنى اروى ياروحى سيبك من رؤى هتولع ان شاء الله علقت اهو فين الفصل ^-^

[رقاوي]

جميل جدا الفصل واخيرا اعترفت اروجة لنزار بحبها وعبدو فسخ خطوبتو من قمر وبهدلهة وعايش قصة اعجاب ياااه ياحياتي فصل فعلا رهيب

[روح هاربة]

فصل ولا اروع رؤى خطبتها عربية وأخذنا الكلى لاادم واريج اعترفت لنزار بحبها

[روح هاربة]

أقصد خبطتها مو خطبتها بغيتي احكي زيك مظبطت معي فيني حزن لأن النهاية قربت ايش يستوي إذا خلصت تعودت عليهم

[حياتى هى خواتى]

معرفش فى ايه المنتدى تقيل وبيودونى لصفحه خطأ دى زهقت رغم انى مقطعه الفصل هجرب متصفح كده واشوف عاوزينوا من غير تنسيق بس أكبر الخط قولوا

[حياتى هى خواتى]

الفصل الخامس والاربعون

الفصل أهداء ل sloomi‏ و Bassantota‏ وnajla1982 و روح هارب

ةقبل ثلاث ايام

[ قمر ]

أخيرآ وصلت لأوضه عمها أول حاجه قررت تعملها لما خرجت م المستشفى هى انها تزور عمها اللى أكيد قلقان عليها وخصوصآ انه حتى اتصال متصلش يتطمن عليها ومش من عاده عمها انه يهملها ..... فتحت باب الاوضه وأتصدمت من أسوأ مشهد ممكن يمر فى الخيال همست : لا ياربى مش حقيقى __برعب : عميييييي __جسمها كله أرتجف وهى شايفه نادر ماسك صوابع عمها و بيضغط بيهم على ورقه بالاجبار وعمها بيحاول يبعده باقصى قوه عنده لكن سيطره نادر على دراع والده كانت اكبر من قوه عمها .... مشهد لو شافته فى فيلم ولا مسلسل ممكن تنهار متخيلتش تشوفه فالحقيقه وتشهد ضعف وانكسار عمها من ابن عاق .... لفت وهى بتصرخ عشان تستنجد بماهر لكن الايد الخشنه اللى لفت على دراعها ورجعتها اوضه عمها والباب اللى اتقفل وسمعت صرخه عمها التعبانه : همل بتى يا ابن ال ،،،،،،،،، __صرخ نادر وهو بيلوى دراعها السليم ويكتم بقها بصوابعه : أاااااه مانت رايد تخلينى الشيطااان الرجيييم جدام بت عمى لكن يكون عندك عدل وتجولها انى بشحت منك مصروفى ومن ماهررر كنى الصغيررر مرتى كلت وشى ( بارتباك ) انى ياجمر باخد حقى منه اللى واكله متفهميش غلط __هزت راسها برفض والمنظر تعب مخها بتتمنى يكون كابوس .... أكيد عمها بيتقطع ده يعتبر كان بيسرقه قدام عينه ومسكته العنيفه لدراع عمها وكأن لامسها شيطان حاولت تتحرك وهى بتشهق برعب بالكعب القصير داست على رجله الحافيه وف ثوانى لفت وخطفت الورقه المفروده فايده وأنكمشت ع الارض والورقه بين أيديها قدام بطنها انحنى بسرعه وهو بيحاول يفك جسمها ويوصل لآيدها صرخت بعلو صوتها وهى شايفه عمها بيحاول يزقه لضيق المكان اللى فيه الورقه بقت تشد أطراف الورقه بشويش وهى بتقطعها بشكل عشوائى زق نادر عمها ووقع ع الارض صرخت وهو بيرفعها من ع الارض بحركه واحده عنيفه وقفت وقطع الورق وقعت من بين أيديها بص للورقه بصدمه ووشه شحب وبأقصى قوه رفع أيده ونزل على خدها أترمت ع الارض بأيدها المتجبسه .... انحنى ولم اجزاء الورق وهى بيخبطها برجله ويمر بسرعه خارج م الاوضه ..... قامت بسرعه : عمييي __حضنت راسه وهى بتعيط : عمييي قول ان دى اول مره يمد ايده عليك __انتفض جسم عمها وحست بقلبها انقسم لما لمحت الدمعه اللى نزلت من عينها رد بخشونه وانكسار : معتفرجش يابتى لما تنحرف الاخلاج ويطول لسانه على بوه وامه يبجى معتفرجش لو زجنى ولا كتفنى و سرقنى معحزنش عشان متبرى منه معنديش غير ماهر راجل ومعايزش غيره __شهقت وبعياط : بس يمكن هو بس بيعمل كده عشان انت بتحب ماهر وبتفضله عليه وكمان بيقول انه معاهوش فلوس __هز راسه بتعب : عتواسينى يابت خوى لاه ياجمر نادر معجون بفساد من وهو صغير ومشاكله معتخلصش هو لو رايد يكون راجل ويصرف على بيته كان مسك شغلى كيه الناس لكن هو طماع مكبرتوش الا ونهب الداخل والطالع وتكتر الشكوى واد عمك ميعرفش م الرضا غير اسمه ..... مريحنيش اشتغلت بيدى وانا ولدى كيه الثور لجل ميطفش الناس لجل اصرف عليه وعلى اخواته ماهر بجى الله يرضى عليه خد شهادته اللى تشرف وجعد تحت يدى مععملش شغله الا وهو شايل نص حملها رايح جاى يضايف الناس يستجبل بوش بشوش ذكى ويعرف ازاى يزود سعر البضاعه وفنفس الوجت يرضى الناس ..... واديكى شفتى الحال وجعت ونمت فى سريرى ومشالنيش ولا شال شغلى الا هو التانى ان جه جعد شويه معايا مايطلعش الا ويطلب فلوس وانى معديهوش شقى ماهر كت الاول بشتغل بيدى دلوج خووه الصغير عيتعب فى الفلوس واالتانى جاى يطلب مبلغ كااابييير لجل يروح مصيف مع مرته __باست راس عمها : كنت اديله ياعمى نادر مكانش طبيعى يمكن مراته بتضغط عليه __أتنهد : ما جمع الا اما وفج __بمرح : ياحااااااج ( جمد لما شافهم وجه جرى وهو بيبعدها ويفحص والده بعينه بلهفه طبيعيه لانه أبنه اللى مش طبيعى أبدآ هو اللى كان بيعمله نادر بقلق ) مالك يا بابا ليه قاعدين ع الارض كده __فتحت بقها عشان تقوله لكن سبقها عمها : مافيش كنا عنتحدث على انفراد __ابتسم ماهر بحب لوالده وبصلها بنظره غريبه وقال بعد مارجع بص لوالده : وبتعيط ليه الهانم __بصلها عمها وبانكسار : لجل انها بجالها كام يوم نسيه عمها حتى مسألتش بتلفون __ماهر باستغراب : انتى مخدتش بالك من دراعها يابابا قمر بقالها كام يوم فى المستشفى دراعها اتكسر __شهق عمها وهو بيمرر عينه عليها مد أيده ليها قربت وحطت دراعها فايده حرك ايده ع الجبس وبصلها بلوم والدموع محبوسه فعينه وقال : كنتى ناويه تخبى عليا لميته خلاص ععجز عن زيارتك بجيت مريض __قال ماهر : دا كان اقتراحى عشان عارف بتحبها قد ايه واحنا صحتك عندنا بالدنيا ولا ايه يا بلوه __بصلها فى اخر كلمه وشها قلب احمر وهى بتفتكر اخر لقاء بينهم فى المستشفى رفعت أيدها تغطى طرف شفايفها وهى بتقف ..... ساعد والده فى الوقوف ورجعه للسرير وهو بيسحب الغطا عليه وقال : انت بقيت كويس اهو بطل دلع بقى يا حاااج وانزل اقعد مع الست المسكينه اللى تحت دى بدل صداع البت قمر __ابتسم عمها بحزن وقال : انى عنزل بس لجل اشيل حمل الشغل عنك ياغالى __انحنى ماهر وطبع بوسه عميقه على جبين عمها وقال بمرح : لا مانا لازم استرجل شويه عشان اتجوز وافتح بيت ولا انت خايف أفلسك __مكانتش قادره تركز فى كلامه لسه شكل نادر وهو بيحاول بيصم عمها ع الورقه بيتكرر قدام عينها بصوت عاالى : بت يا قمررررر __بصتله بهدوء وقلبها دق بعنف وهى بتشوف رجولته فى شكله وتصرفاته تحبه اكتر من حبها ايه كل اللى واثقه منه انها لو ماهر اتجوز غيرها هتقتله وتقتلها وهتثبت للكل انها مجنونه بيه ابتسامه هاديه حنونه كانت على شفايفه وبرقه خشنه قال : بطلى سرحان ياقمر عمك __مدلها دراعه عمها بعد ما ريح وسند طهره ع السرير مشت ولبت دعوته وسندت على صدر عمها العريض وهى بتطلع ع السرير جنبه مسح على دراعها وهمس فى ودنها : مجلتيش عاللى حصل عاد __دفنت بقها فى ودنه وهمست بتردد : ماهر هيتعارك معاه انت عارفه __أتبدل الموقف وهو همس فى ودنها : طالماانك عاشجه واد عمك ليه عملتى فينا اكده __كشرت بوشها وهى على وشك تنهار قدامهم مع خجلها مسحت وشها لما قال ماهر : واضح انكم بتطردونى بالذوق مع كل الوشوشه دى __هزت راسها برفض : ده سر بس بينى وبين عمى __بصلها ثوانى بنظره جميله وقال بخفوت وهو بيتحرك : طااايب اشبعوا ببعض انا نازل لست الحبايب تأكلنى ( باعتراض ) مش لو كنت متجوز كان الاكل مشى ورايا بدل الذل اللى انا فيه ده __بعد ما خرج لفت على عمها وهى بتبعد عن حضنه وسألت : عمو انتى كويس __هز راسه : ربك كريم يجطع من هنا ويوصل من هنا جه ماهر طبطب على جلبى ومشى من غير مايدرى ( طبطب على كتفها بهم ) جومى يابتى جومى افتحى الدولاب ورتبيه اللى ميتسماش كان عيدور على فلوس فيه ومعايزش مرت عمك تحس والله عتموت فيها لو عرفت بفعايل ولدها

**********

بعد ثلاث اسابيع

[ أدهم ]

ساند بكتفه على كتف ادم وعينه على صوره نزار اللى فشاشه اللاب توب قال بمرح : يابنى تعالى فى ناس هنا مبيبطلوش سؤال عنك __نزار بعد صمت : جدتى تعبانه شويه __ قال بجديه : مش حجه جدتك يانزار انت كده بتعلق حياتك ع الفاضى أنا كنت هعمل كده لكن مرتاحتش أهم حاجه الصراحه قعدت معاها قلت كل اللى جوايا مخلتش كلمه فنفسى وهى قالت برضه وأهو كل واحد منا فى جنب لما حد فينا يحس انه فيه مجال للرجوع هيحاول وعشان الطرف التانى بيحب هيقبل ..... تعالى يانزار واتكلم معاها وفهمها __نزار بحده : مشش عااايز نصايح اللى عايز ينصح ييجى مكانى ويورينى هيعمل ايه __أتدخل ادم بملل : عندك حق واصلآ لو سمعت كلام الاهبل ده وحاولت تفهمها ( هز راسه بأسى مصطنع ) أريج مبتفهمش __نزار : لا انت اللى بتفهم ماهى واخده صفاتكم المعفنه ( سكت شويه وقال ) وبعدين أنا لو جيت جدى هيخلينى اطلق انت ناسى اتفاقنا ياادهم __ ابتسم وقال : حد قالك تقول كلام انت مش قده __ بغضب : متعصبنيش .... انا مش عارف اختك عايزه ايه حيرتها ملخبطانى وكمان جدى متصلش ولا طلب اجى __قال بضيق مفاجئ قبض قلبه : معرفش بس يمكن يكون الطلاق يشبه سيره موت بطئ أاحنا حتى انفصلنا من غير مانقرب لسيره الطلاق __أتدخل أدم : حتى لو طلبت الطلاق متطلقش لو مانتش راجل نفذ طلب مراتك __ضحك بخفوت : يخربيت دماغك فهمنى دى والنبى هتقعدها على ذمتك بالعافيه __ببرود : أه مانت صح ومغلطتش وتيجى واحده ناقصه عقل تخرب بيتك بكلمه عجبتها فى الافلام (هز راسه بسخريه يقلد الستات ) تلقنى بقولك تلقنى .... يخربيت هبلهم كلهم تلاقيهم بيقولها بنفس الاداء لا ولو طلقت هتكون الظالم خاين العشره بايع العيش والملح ( باستنكار كمل ) عيش وملح أيييييه !!!!!! وهما مبياكلوش غير لحمه بتلو ....وتلاقى ايموشن المصدومه راكب فى وشها مش هى بت الهبله اللى طالبه مصدومه من أييييييييه!!!!!!!! .... ونزار ابن عمك ماشاء الله منقى الماده الخام للغباء __بصله وقال : ممكن متتكلمش احسن افقع بطنك واسحب الكلى اللى شحتنهالك دى وأرميها لكلاب السكك تنهش فى لحمها __نزار بخشونه : سيبك منه ده عديم دم __خبط أيده فى بعض : مع انى موصى الدكتور يكترله دم __ببرود شاور أدم على الشاشه : بص كده بذمتك الوش ده تفرط فيه الا واحده بغباء أختك __بص لوسامه أبن عمه وقال بتحذير : يابااااارد أختك __نزار : أخته دى دموعها منشفتش عشانه وخساره فيه دمعتها ..... ياللا اسيبكم وانت ياادهم افتكر ان وراك شغل وتعالى __بص للساعه بقالهم حوالى ساعه بيتكلموا بعد كتفه عن كتف أدم ورفع عصير أدم من على الكومدينو وهو بيشرب منه بتأنى : اللى عايز ياكل أو يشرب يلزق فى الاوضه دى __بص لأدم الساكت وسأل : عملت ايه فموضوع رؤى __بكسل : رؤى متهمنيش فحاجه عشان افكر فيها __لفله فجأه : الا البت اريج مسألتكش عن الحب __أبتسم ابتسامه كسوله : أه قلتلها اجابه هتخليها تتأكد انها بتحب ( بصله وكمل ) قلتلها الحب هو اروى هى هتلاقى نفسها بتحب أروى هتفكر نفسها بتحب __ضحك وهو بيخبطه : بطل تتريق على غباء اختك دى روجى دى شيكولاته__أروى مفارقتش ادم لحظه لكن حتى بعد نجاح العمليه الحزن مفارقش عينيها ولو لثانيه بيحس ان أروى أخته يمكن عشان طيبتها وتدينها الواضحين وبجد بيتمنالهم السعاده طيب بالنسبه لغرامه وحبيبته مش بيتمنالها السعاده أتنهد بضيق فهو مبيشوفهاش دلوقتى الا من بعيد وقليل لما يوجهلها كلام .... أنفتح الباب ودخلت والدته على أيدها صينيه أكل كبيره قالت بابتسامه : جعت __أبتسم أدم ببطئ ابتسامه كسوله ونطق : لسه ملحقتش أهضم الفطار __حطت الصينيه وهى بتقرب شدته نزلته من ع السرير وقعدت مكانه جنب أدم وقالت بأمر : ياللا ياواد موسى خدم علينا احنا عيانين عاااد __بصلهم بغيره واعترض : لا والله طيب واحده قدمت كليتها هديه لابنها وواحد بارد قبل الهديه أنا ذنبى ايه فعيد الميلاد ده __قالت والدته بحنان لأول مره تظهره : خوك فتحوا بطنه وانى زييه عتهملنا جعانين __أنفتح الباب ودخلت أريج بصوا لسكونها الغريب وشها الشاحب الهالات السودا تحت عينها بوزها البارز بتكشيره طفوليه بطنها البارزه راحت قعدت جنب ادم من الناحيه التانيه بصلها بضحكه : ده ايه الصمت العميق اللى مسيطر عليكى ده __رفعت عينها بانتباه وهمست : هتحط ناكل ولا امشى __بصلها لحد مااستوعب وأعترض : لاااا لحد هناااا وبس البنت هتقعد وانا اخدم عليكم هأ هزلت __قالت والدته اللى ملامحها متفرقش عن أريج : ياولدى متنشفش ريجنا عااد اختك مرضانه م الصبح وانى امرتها تاجى حط عاد متغلبنيش __أتحرك وهو بيجيب الترابيزه القصيره ويرفعها بخفه ونزلها محاوطه رجل ادم .... دخل والده وهو بيمسك طبقين ويمشى يرصها وهو معاه لحد مانقل محتويات الصينيه قدام ادم ووالدته واريج وقف هو وهو بيمسك رغيف العيش يقسمه اتنين ويدوق الاصناف الموجود والده كان واقف جنب أريج وهو بيأكل الكل مره أريج مره أدم مره والدته قال بابتسامه : كل انت يابابا __قال والده بحنان : لما ياكلوا كنى عاكل __قالت والدته : منتحرمش منك ياابو أدهم جادر يا كريم __غمست لقمه وهى بترفعها لبق أدم اللى أكلها ومضغها بطاعه بصراحه موقف ادم ده يضحك هادى ومطيع غير قبل دقايق بس أحلى حاجه حصلت من ورا أزمه أدم هى تعديل علاقه أدم بوالدته اللى فاجئت الجميع بموقفها ورفضت عرض نزار وحلفت اكتر من يمين ان جوز بنتها مش هيتبرع ولا حتى هو حتى والده محدش قدر يغير رأيها أبدآ ... أترعبوا من سنها لكن الدكتور أكد انها اكتر من مناسبه وان الكلى لما تكون من قريب حى ده أفضل لأدم خفوا على أدم الموضوع ده وهو أستودع ربه أخوه ووالدته كان حالهم صعب قلوبهم تقريبآ متوقفه حوالى أربع ساعات ونص أروى ضغطها أنخفض وعلقولها محلول ووالده كان أسوءهم حال وهو قاعد ورافع راسه ساندها ع الحيطه البيضا مغطى وشه بطرف عمته صوابعه مفروده على ركبته والرعشه واضحه فيهم كل شويه يرفع أيده يضغط بيها على قلبه يتقدموله هو ونزار برعب يتطمنوا عليه لكن مياخدوش منه غير طبطبه ع الكتف وهزه راس يطمنهم بيها وفى عز رعبه جاله اتصال من غرام ........ هز راسه وهو بيبعد أفكاره اللى دايمآ بتلف وترجعلها بص للمه الجميله اللى أتمناها سنين طويله دى قال ادم وهو بيمسك ايد والدته يمنعها من حشر المعلقه فى بقه : فين اروى هتاكل تحت __أريج رفعت ايدها لبقها : يييي نسيت دول قالوا هيستنونى ........ نزلنى يابابى __مسك أيدها والده وهى بتضغط بحملها عليه وتنزل ع الارض : تعالى ياروح بابى __بضحكه : والله البنات دول نعمه سمعتوا بابا بيقول بابى ازاى تحس انه بيشتم هههه __قال والده وهو بيرميه بالمعلقه : أختك كل كلامها سكر عجلدها كييييه دى __مشت أريج للباب قال بمشاغبه : روجى هتاكلى مرتين أنتى نفسك بتتفتح بعيد عن نزار ولا أيه __أنكسرت نظرتها وكشرت باعتراض : مأكلتش ....... الاكل مش حلو لو مش من أيده __فتح بقه ببلاهه والكل كان زيه تقريبآ و يمكن لو قالت الكلمتين دول لنزار بنفس الطريقه ياكلها هى نفسها مشى وراها ومسك دراعها قدام السلم وقال بحنان : أريج اتصلى بيه وقوليله كده نزار شاف منك كتير وشاف م الدنيا اكتر متستخسريش فيه كلمه حلوه __سألت بخجل جميل : هو مش بييجى ليه __قال بكدب : مستنى منك أتصال تعرفيه فيه أنتى عايزه أيه لو عايزه تتطلقى هيطلق حالآ لو مش عايزه قوليله مش عايزه ليه

**********

[ أروى ]

أتنهدت : معلش يا حبيبه ماما بس انكل ادم تعبان جدآ ياروحى وانا مش هعرف اجى و أسيبه ... انتى معاكى ننا وميزو بس هو مش معاه حد .... صح يا حسنا __شهقت بصوت خافت صغير جدآ : سح بس انا عايزاكى __خنقتها العبره وقالت بصوت متقطع : وانا والله عاوزاكى نفسى اغمض عينى وافتحها الاقيكى فحضنى بس اعمل ايه __سكتت شويه وهمست : تعالى __شهقت بخفه وردت : حاضر ياروحى هاشوف انكل أدم واجى .... روحى دلوقتى لننا وأسمعى كلامها __ شهقت : ماسى باى __أبتسمت بين دموعها : باى يا قلبى __خرجت م المطبخ وهى بتمسح دموعها قعدت بسرحان جنب غرام المشغوله بأكل بنتها الجميله ثنت رجلها تحتها وهى بتفكر بحزن فى حياتها اللى انقلبت بشكل مش معقول ..... أختها رجعت للحياه بقالها خمس سنين ورجوعها السبب فى طلاقها من أدم أنشغلت بجرحها و بحياه بدر ومرض بدر وبعدها برجوعها لأدم وسعادتها الجديده عليها كل ده وعمها عارف ان اختها عايشه ومخبى عليها معاه رقم يوصلها لأهلها ف لندن لكن ينكر انه يعرفلهم طريق عشان حياتها مترتبكش هو ده مبرر عمها السخيف ... نفاها من عالم اهلها بحجه انه حياتها هتتلخبط تعمل ايه دلوقتى زعلانه من أدم ومش قادره تتخلى عنه فى ظروفه دى ولا حتى قادره تعاتبه لا وفبطنها طفل هى أكتر من سعيده بيه حتى لو اختارت تنزع قلبها بقسوه وتقدم أدم لأختها فهيكون فيه حاجه تشبهه معاها زى ما مشى بدر وساب معاذ وحسناء بس الموضوع مع ادم هيكون مختلف أدم الراجل اللى عشقته اكتر من نفسها فضلته على مبادئها وعلى بنتها اللى اهملتها مش حسه انها تقدر تعيش من غيره بس قبل كده حست انها ماتت بعد ماطلقها لكن عاشت واتجوزت وخلفت صح ربنا وحده اللى يعلم ان وقتها أنطفت كل فرحه فقلبها : أرووى ...... غرام يازفته __رفعوا عينهم لأريج اللى واقفه قدامهم بتصميم بصولها باستغراب قالت : م النهارده اللى هشوفها سرحانه هخبطها على راسها كفايه غبااء بقى .... كل واحده تعرف هى عايزه أيه وتعمله __هزت راسها غرام وقالت : ربنا يكملك بعقلك ... أقعدى ياماما كلى جوعتينا وجايه تقولى حكم !!!!!!! __سحبت كرسى وقعدت وهى بتضحك : معلش ساعات بأفور __أبتسمت بحب لأريج وقالت : ولا يهمك ... ومش هنسرح تانى عشان عيونك __بصت أريج لغرام : أتعلمى ... جوزك عسل وأروى جوزها بارد سبحانك ياررررب __غرام ابتسمت : تقصدى انى بارده وأروى عسل يعنى ........... شوفى ياأخت جوزى أخوكى عمل المستحيل عشان يخفف دمى ومبيخفش دمى غير معاه مع الناس بتنشن بعيد عنك __أريج : لا والله انتى احسن واحده كفايه انك طباخه شاطره وبتعرفى تتعاملى مع جودى وبتهتمى بادهم أنا معملتش ولا حاجه من دول __مسكت أيدها وهى بتبص للأكل اللى برد ومافيش واحده فيهمم ليها نفس تمد أيدها : هتتعلمى كل حاجه ياحبيبتى احنا وصلنا لحد فين __قالت غرام وهى بتنزل بنتها بعد ما مسحت بقها : النهارده انا هعلمها طاجن الباميه باللحمه و أنتى هتعلميها الكستر __هزت راسها أريج كتبت ورقه فيها كل الاكلات اللى عايزه تتعلم تعملها سموا بالله وحركوا المعالق ببطئ وهما بيحاولوا يفتحوا نفس بعض سمعوا صوت ادهم : يالى هناااا __لفت الحجاب على شعرها بسرعه وبصت لغرام اللى حركت أيدها بطئت قبل ما تمثل اللامبالاه وهى بترجع تاكل نادت عليه أريج جه ونقل نظره بينهم لكن عند غرام ثبتت شويه عيونه وهو بيقول : جودى ومونص مش معاكم __محركتش غرام عينها عن الاكل وقالت أريج : عند جدو وعمتو فاتن فى المجلس __أتنهد : طيب فيه ناس م الشغل جايين لأدم وجاى أمجد صاحبه ومراته بيقولك يااروى حطى مراته فعينيكى وصاحبيها .... هروح اشوف جدى هيأكلهم ولا ايه

************

[حياتى هى خواتى]

[SIZE="5"]

[ أدهم ]

مهندسين العربيات والشباب اللى بيشتغلوا فى المركز بتاع أدم جم يزوروه وهو أتهلك من الضيافه وكرم جده المبالغ فيه حلف ليتعشوا والعدد كبير ..... دخل المطبخ لكن مكانش فيه غير والدته وغرام وحماته خطفه شكلها بيعشقها وهى متبهدله لابسه بنطلون مشجر وبلوزه ساده باللون السكرى شعرها ملفوف باهمال وخصل منه لازقه فوشها العرقان م الحركه والحراره وعبايتها وحجابها على كرسى أتقدم وأتنحنح لفوا ولما شافوه رجعوا لشغلهم لكن لاحظ ارتباك غرام قال بخشونه : فين التانين

__ردت عمته فاتن : الزحمه بتعطل ياولدى متسعفش امك طلعتهم

__قال بدفاع طلع غصب عنه للى تخصه : وليه غرام مطلعتش معاهم

__أيدها جمدت على كميه أطباق كبيره تشبه السيرفيس لكن اتحركت بعدها وهى بترص ع الترابيزه قالت والدته بسخريه : عايزنى اجعد مين الحوامل اللى ميعرفولناش طبع ولا جمر الا عتهزر وبس

__سكت شويه وحواجبه معقوده كل ماييجى يلاقيها فالمطبخ اللى يعرفه ان كان فيه ستات فى سن والدته بيساعدوا فى الطبخ هنا وقت العزومات والضيوف راحوافين ميعرفش لا وغرام رغم غرورها لكن حد يطلب منها طلب بس وهى تدور على طول صاحبه واجب مش تربيه جده سحب الكرسى وقعد وهو بيرفع عبايتها وحجابها يحطهم على رجله ... الحواجز اللى بينهم ووضحت للكل بتخنقه غرام كانت اقرب له من انفاسه مهما حاول يبين المرح لكن حاسس بخنقه مسيطره عليه لمس عبايتها بصوابعه بحنان وكأنه بيعوض فقدانه ليها قال : قدامكم كتير أنا هربت من جدى

__قالت والدته بحزم : كان عطانا خبر بدرى عاااد جايبلنا جيش وجاى يتشرط

__ضحك بصدمه : جدى ليه ودان فكل مكان خدى بالك وبعدين ممكن تسيبك من دا كله وترتاحى ياماما انتى ناسيه العمليه

__بصتله عمته بغيظ : ماهى عتتنطط جدامك اهو هى دى حاجه عتهدها

__فردت والدته صوابعها الخمسه فوشها : الله اكبر من عينك يا جليله الدم وانى اجول اللى عيحصلى انى وولادى من ايييه تااريه من عينك المدوره

__أبتسم وبص لغرام أختفت ابتسامته ياساتر لما تقلب وشها ولا بلياتشو ممكن يفك عقدتها وقف بسرعه وهو شايفها بتسحب صينيه كبيره م الفرن مليانه عيش مكسر : أستنى

__بصتله باستغراب قرب منها وهو بيمسك من أيدها القماشه ويسحب الصينيه يرفعها سأل : احطها فين

__شاورت ع الترابيزه زفر وهو بيحطها فاكره نفسها ايه دى اذا خيروه بين الجمال والتواضع هيختار التواضع صح ميستغناش عن ملامحها بس مش عشان جمالها الساحر لا عشان هو بيحب شكلها بيعشق عيونها بنظرتهم الحاده القويه بيحب رفعه حواجبها الانيقه شفايفها المليانه طولها المتناسق مع عرضها فى جسم مثالى ....بعد أيده لما حس بالحراره توصلها من القماش ...... بص لقمر اللى دخلت وقال لوالدته :عمتى فى ضيفه جت برا تعالوا انتى وماما وانا هساعد غرام على ما تمشى

__طلعوا الاتنين وغرام بتتحرك بخفه تحط العيش فالاطباق الكبيره وبعدها ترجع للحله اللى مغطيه نص البوتاجاز ترفع غطاها فينتشر البخار حواليها وبعدها تدخل المغرفه فيها وتطلع بقطعه لحمه غرزت طرف سكينه فيها ورجعتها وهى بتغطى الحله أنتبه لقمر اللى قالت : أدهم انت رحت النهارده عند مدرستى

__هز راسه : أه كنت بتمشى مع جودى و منصور

__ بحماس : البنات هبلونى حسسونى انهم شافوا احمد عز ..... بيخطبوك منى

__أبتسم وهو بيخطف نظره لغرام الصامته وقال : خلاص شوفيلى منهم عروسه حلوه

__صرخت : هياااااااا نجاه اللى هتموووت عليك لا ومن عايله صقر وامها من عايله الجاسر عكسى يعنى

__ضحك بخفه وقال بخبث : يخربيت شيطانك أنا معتش هتجوز اطفال تانى شوفيلى واحده مطلقه أرمله معنسه كده يعنى

__ صرخت : لااااه يا شيخ عقدتك أختى ولا أيه

__ : ما تخففى صوتك المزعج ..... عبدالرحمن فيه أنوثه عنك ... ياعينى على بخته المايل ... وقعته سودا

__سكنت فجأه والحزن ملى عينيها قبل ماتهمس : عبدالرحمن اخويا وبس

__خرجت بعد ما قلقته فجده بيخطط لخطوبه كبيره خلال الايام دى البيت ده محدش فيه مرتاح ولو حد ارتاح بيكون فيه التعبان بس ان شاء الله ياخدوا بأيد بعض لبر الامان بص للمطبخ الفاضى الا منهم لف أيده على دراعها وسحبها لورا وهو بيلف جسمها يسنده ع التلاجه غطى عنها الرؤيه بوقفته قدامها وانحنى ساند جبينه على جبينها نفخ نفس ساخن وهمس : وبعدين ياعديمه القلب والاحساس

__خدت نفس متوتر وهى بتحاول تبعده همس بمشاعر غصب عنه بتنفض صدره بعنف : هنفضل نتجاهل وجود بعض كده كتير واحنا عارفين محدش فينا قادر يتجاهل التانى

__أترعشت رموشها وثبتت نظرتها فعينه وبثبات مصطنع : وقته الكلام ده !!!!!!!

__رفع حواجبه الاتنين ورفع أيده يبعد بصوابعه خصل شعرها .. يتأمل ملامحها بحريه وجوع .. مسح جبينها وجنب خدودها من عرق و حراره المطبخ غمض عينه وفتحها وبجمود مفاجئ : صح مش وقته ورايا حاجات أهم .... قوليلى ياغرام تعرفى الراجل المتجوز لو نسى انه متجوز بيعمل ايه

__ بجمود مشابه جاوبت وهى بتبعده استجاب ليها وبعد : متدورش على مبرر للخيانه الراجل المحترم محترم وانت رغم كل حاجه .... محترم ياابو جودى

__أبتسم بسخريه وقال : مين قالك كده ده حتى أنتى اللى معالجانى بنفسك من الحريم

__بحده وهى بترفع ايدها ترجع خصله لورا : مش الحمد لله والشكر لله .... أتعالجت

__رفع حواجبه بغيظ : لأ

__رفعت دقنها بشموخ وقالت بصوتها الحاد : بكرهك ياأدهم

__رفع راسه بضحكه عاليه أتردد صداها فى المكان قربها منه بخفه وهمس بمشاعر مختلفه وبواقى الضحكه : وأنا بعشقك

__جمدت نظراتهم وصوابعه بتتحرك على دراعها اللى ماسكه بحنان يناقض غيظه منها وجهلها نظره خاصه وبخفوت : عندك شك

__رمشت بضعف وهمست : مش جارحنى غير شكك فى حبى أقسى اتهام منك ده

__أبتسم من قلبه وبتبرير : غصب عنى انتى مجربه نار الغيره

__خدت نفس عميق وبنبره عاديه : بس مجربتش قسوتك

__قال بحاجه : مش هترجعى

__رفعت عينها ليه ونزلتها لصدره اللى بيرتفع ويهبط : انا محتاجه وقت احاسب نفسى واعاقبها أنا غلطت كتير وجه الوقت اللى أقسى على نفسى

__ ابتسم ببطئ : أول حاجه بطلى تقولى أنا ولو ع العقاب محسوبك موجود

__هزت راسها يمين وشمال : لأ كرامتى هترفض أى حد يعاقبنى غيرى أنااااا .... اه غيرى بس من غير أنا

__بص لشفايفها وهو بيقرب منها وبيهمس بسحر : متقسيش على روحى لو سمحتى

__وعند اول لمسه أنتفض من صرخه : أدهااااام

__بعدت غرام بارتباك وهو بص لوالدته اللى كملت بأمر : امشى مع جدك وبوك مشوفاكش داخل اهنيه الا وجت مانادى عليك ( خبطت بأيدها فبعض ) خيييبه والله عطل الحرمه الوحيده الخفيفه اللى حيلتنا اييييه مجادرش تصبر عااااد

__قال بغيظ حقيقى : خلاص خلاص طالع مبخربش جوك مع موسى بس ماشييي ملحوقه

__مسكت أقرب معلقه ورمتها : امشى يا جليل الحيا جال موسى جال موسى دا سيدك وسيد بلدكقال وهو بيطلع : يابخته والله بيكى حاولى تعلمى مرات ابنك شويه

**********

[ أريج ]

كانت قاعده فى حضنها جيدا الصغيره نسخه من صاحبتها نفس العيون والملامح بس على أصغر وأرق نفس الشعر ضحكتها الشقيه كانت بتحركها فى حضنها وهى حابسه دموعها وبتفتكر حياتها قبل نزار ونضال مسكت ورقه وقلم وهى بتقيد جيدا فى حضنها كويس كتبت نضال وجنبه الوحش الوسيم وطلعت سهمين منهم وفطرف السهمين كتبت نزار على الوحش الوسيم عملت علامه x‏ وعلى نضال رسمت قلب ... عينها أتعلقت بأسم نزار وحست قلبها بيخبط فى صدرها بعنف وخوف عكس الرقه اللى كان بيدق بيها لنضال بتردد ورعشه رفعت القلم وهى بترسم نص قلب خدت نفس عميق وهى بتهمس : خليكى شجاعه يااريج زى ماقالت الدكتوره اعترفى عندك كل الاعراض أعتررررفييييي

__برعشه أكبر مدت أيدها وكملت نص القلب واثقه من مشاعرها لأنها سألت كل شخص قابلته عن تعريف الحب وللدهشه كان لكل حد ف عايلتها اجابه مختلفه لكن اكتر اجابه حبتها هى لآدم اللى بكل اختصار قال [ الحب عندى هو أروى ] وأروى قالت [ أحساسك بالانتماء لشخص ده أهم م الحب نفسه ] أدهم قال [ لما يغيب عنك تحسى انك ناقصه ] ووالدها قال [ الغيره .... لو جات سيره حد غيرك جنب أسمه تحسى كان صدرك فيه نار جهنم ] وده بس اختصار لكلامهم لآن حواراتها كانت كتييير معاهم ولازم تسأل لحد ما يهربوا منها الا أدم هى اللى هربت منه سخييييييف قلبت فى أوراقها كتبت فيه كل ملاحظاتها عن الحب وعلامه صح قدام كل اللى بتحس بيه ناحيه نزار وكله كان قدامه علامه صح .... رفعت جيدا وهى بتحط دبدوب صغير فأيديها باقى الورق فيه كل الاكلات اللى نزار بيحبها وبيطلبها م المطعم كتيييير أتعلمت لحد دلوقتى حوالى سبع أكلات وهتتعلم كستر وباميه النهارده رتبت الورق وحطته ع الترابيزه وهى بتحط الفاظه عليه ونزلت من أوضتها للصاله أتفاجأت بوجود بنت مع اروى وغرام ووالدتها جمعت صورتها المألوفه وقالت بفرحه : سما العروساااا


__وقفت سما بسعاده وضحت عليها بعد ما كانت محرجه وهى أتحركت ليها وحضنتها وبين أيديها جيدا قالت بفرحه : بجد كنت عاوزه أشوفك

__رجعلها الاحراج وهى بترد بأدب : وانا والله ربنا يعلم

__فات ساعات وهما على قعدتهم ضحك وكلام نسوا كل همومهم لحد ما سمعت صوت رامز م الباب الخارجى قامت وراحتله سلمت عليه قال : هاتى جيدا بقى يا ستى هاخلع القعده من غير جوزك ملهاش طعم

__أبتسمت ومرجحت جسمها قدام وورا بسعاده وبتأييد : أه صح

__ضحك على حركتها وجه أدهم من وراه : أه ياعديم الاصل دانا بقالى ساعاااات بضايفك أكل وكلت شرب وشربت شيشه وجبت حلو وحليت فاكهه وزلطت وكل ده والقعده ملهاش طعم امال لو كان ليها كت كلت صحاب البيت

__بصت بغيظ لأدهم : ممكن تبطل غيره من جوزييييي

__أدهم بضحكه : فينك يانزار والله لو سمع كلمتين زى دول ليروح فيها

__ضحك رامز وقال : أدخلى بس هاتى جيدا عشان اعدى على جوزك من يومين كان عايز يشوف جيدا

__بصتله باستغراب ومشت لجوه شالت جيدا من جنب منصور اللى وقف باعتراض : واخده البت فين

__ : اسمها جيدا مش بت وباباها عاوزها هايمشوا

__ رفع أيديه الاتنين ونزلهم وهو بيضرب رجله فى الارض : يووووه بجاااااا خليه يتلقح مع الرجاله بجه

__فتحت عينها على وسعها فعلآ قعده منصور هنا غلط عليه بيلقط ألفاظ بشعه بس خلاص هى واظبت مع الدكتوره النفسيه بعد رده فعلها لما قالها نزار انه هو نضال حست ان مش هى اللى بتتكلم وكأنها راكنه فى زاويه فراسها ذاكره مبتستخدمهاش أبدآ ولما سمعت من نزار اللى رد عليه الذاكره دى بس ذاكرتها المستخدمه كانت بتشتتها حست انها مجنونه أو مريضه زى ما نزار حس وراح يستعين بهمسه وقررت تروح لدكتوره عشان مش هتسمحله يستعين بهمسه تانى بتحس باهانه كبيره وبنت خالته بتحاول تعالجها ............ وقفت وهى بتمد جيدا لرامز اللى خطفها بحب وسعاده وهو بيغرقها بوس وجيدا تضحك بصت تحتها لمنصور اللى بيبصلهم بضيق حطت أيدها على شعره وحضنته لرجلها رفع عينه بغضب ليها وقال : كل اللى بيجوا هنا بيمشوا الا انا وبابا معتش بييجى عشان ترتاحييييي

__دخل بخطوات غاضبه صغيره ولذيذه حتى عصبيته تجنن بس حزنه بيجرحها منصور متعلق بنزار وعبدالرحمن وماجوش ولا مره الصعيد يشوفوه حتى ضمت شفايفها بأسى وعينها لجوه لحد ماقال رامز : ياللا همشى انا بقى

__قال أدهم فجأه وهو بيحط أيده على كتف رامز وبجديه : فى سؤال محير أريج يارامز حتى انا معرفلوش اجابه ....... أريج بتقول ان يوم وفاه جيدا انت أتهمت نزار انه هو اللى قتلها بما انه وداها للمستشفى دى ....... ليه علاقتك حلوه بيه كده

__قال باحراج : بصراحه مكنتش بعقلى وحتى طردت أهلها واتخانقت معاهم أكيد نزار مش هيقصد انه يقتل جيدا دا غير ان جارتنا كانت معاهم وقالتلى بعدها ان نزار كان مصر يوديها لمستشفى اللى فيها الدكتوره لكن جيدا اللى صممت ع المستشفى دى لدرجه انها كانت هترمى نفسها م العربيه لولا جارتنا مسكتها فاضطر يسمع كلامها وكمان اتصل على الدكتوره وانتى عارفه لولا الدكتوره مكناش عرفنا الجريمه اللى حصلت

__شفايفها أرتعشت وحست بقبضه من حديد مسكت قلبها رفعت أيدها لقلبها قال أدهم : طيب هى سألتنى اذا كنا نصبنا على سراج وخدنا شركته وده حرام قولها الشركه دى بأسم مين

__رامز : بس نزار حذرنى

__قاطعه أدهم بزهق : ملكش دعوه بكلام نزار قول على ضمانتى

__رامز بحذر : الشركه بأسم أريج

__غطت شفايفها وبشحوب : بأسمى انا

__أدهم بحنان : أه بأسمك انتى و انتى متعرفيش شرا الاسهم كلف نزار قد ايه مكانش هدفه مادى قد ما كان هدفه ينتقم ويقهر سراج مفكره كل الخطط دى ببلاش نزار صرف كتير فى انتقامه وصرف فى جوازه وصرف عليكى كتير مع مصاريف الجامعه اللى كانت بتروح ع الفاضى بسبب فشلك فيها واحد تانى كان من أول سنه سقطتى فيها قعدك فالبيت بس لا هو ولا رامز عملوا كده

__قال رامز : فأول سنه قلت أطلع من وراه بمصلحه طلبت منه سلفه كان عارف انى طماع بس وافق و دفع حوالى نص المصاريف عشان جيدا

__قلبها أنتفض وهى بتتمنى يسكتوا لكن أدهم كمل بانتقاد : هو ايده سايبه فالفلوس عنده كرم الصعايده بزياده حتى مصاريفه الشخصيه لبسه جزمه وساعاته التفاصيل فى ديكور شقته م الاخر نزار اقل واحد معاه فلوس فينا أنا وادم فلوسنا بتزيد مبتنقصش

__ختم كلامه بضحكه لفت وهى بتطلع لأوضتها بسرعه حابسه دموعها دخلت وهى بتنزل ع الارض وتسمح لدموعها تعبر عن حزنها شوقها حبها للأنسان ده اللى ظلمته بكل غباء

************

[ أدم ]

عينه على xxxxب الساعه اللى وصلت ل 11 بالليل والهانم لسه مشرفتش عامل ضيوفه ببجاحه وقله ذوق يمكن يمشوا ويفكوه منهم لكن لزقه لقووا بقى القعده الحلوه والضيافه والضحك اللى ع الفاضى والمليان هما دول الشباب اللى فالمركز دماااغ فاضيه مافيهاش غير العربيات والفيس بوك سواء مهندسين أو بدون شهاده مفرقتش معاهم .... قلبه أرتجف بشوق لما انفتح الباب فتحه متعديش جسمها وواثق انها هتحاول تعدى منها عشان هتخاف يكون نايم وتزعجه لو فتحت الباب وقفلته وفعلآ مرت بجنبها من فتحه الباب وقفلته بشويش قال بجمود : ايه مشفتيش النور مفتوح أتعميتى

__لفت وبصتله بعتاب ودخلت وهى بتفتح الدولاب وتسحب بيجامه قطنيه ركنتها على جنب .. خفى ابتسامته هنا فى قسم الاولاد معندهاش رفاهيه تروح اى مكان تغير فيه هدومها وكل يوم تستناه ينام عشان تغير وهو بيحب ذلها فبيتعمد يسهر طالما عامله زعلانه تشرب بقى ..... قعدت على كرسى بعيد وهى بتحاول تمثل انشغالها ب تليفونها بلعبه من العابها المفضله .... صمت تقييييل قبل ما يقول ببرود : جعاااان

__رفعت راسها وبصتله أتأمل ملامحها بجنون قبل ما يأكد : عاوز اكل لحمه وفته

__بدهشه : دلوقتى !!!!!

__ : عندك مانع

__هزت راسها برفض وقامت خرجت بعد ربع ساعه دخلت والصينيه فأيدها حطتها على رجله ...قبل ما تبعد مسك أيدها : أكلينى مش عاوز أوسخ أيدى

__أتنهدت وقعدت بطاعه على طرف السرير وجهآ لوجه وفأيدها المعلقه تأكله معلقه وبعدين قطعه لحمه بشويش وكأنها بتستنى طفل يمضغ بصعوبه متعرفش انه ممكن يمضغها نفسها دلوقتى رفعت المعلقه وكانت هتنزل أيدها لما لقته لسه بيمضغ الاكل ببطئ مسك معصمها وبلع بهدوء وهو عينه فعينها المرتبكه قبل ما يزق معصمها دافع المعلقه لبقه ورجع يمضغ من جديد وهمس : ناقص تخلينى أفتح بقى تتأكدى بلعت ولا مخبى الاكل فى سقف بقى

__قالت بضيق : مقلتش حاجه

__ببرود : ولا تقدرى تقولى .... ياللا شيلى شبعت ومتنزليش تانى حطى الصينيه هنا للصبح

__وقفت وهى بتبعد الصينيه وتحطها على ترابيزه بعيد رجعت بفوطه مدتهاله لكن مدلها أيده من غير ما ياخدها فهمت طلبه وبصبر مسحت أيده اللى ملمستش الاكل ورفعتها لبقه سحبها من دراعها وهو بيقعدها جنبه ع السرير ويتعدل فى قعدته من غير ما يضغط على جرحه قال وهو بيبعد الفوطه ويرميها بعيد : لو عندك صبر أيوب هجيب أخره بلاش اسلوب الخصام معايا انا بالذات

__بهدوء قالت : مش مخاصمه صدقنى ولا بلوم عليك أنا بس مش عارفه أتصرف ازاى

__سحب الحجاب من على راسها وهو بيحرر شعرها المكتوم تحت الحجاب وبجمود فاجئها: هتتصرفى ازاى يعنى هتسيبى بيتك وجوزك عشان ترضيها خلاص حبيتى دور المسكينه المضحيه

__بدفاع : كنت فاكره انى هعمل كده بس كل يوم بيفوت بحس انى مش بكرم الاخلاق ده

__ بأمر : ولا هتكونى يااروى واحده وحصلتلها ظروف رجعت لقت حياتها اتغيرت ترضى بقى ولا تحاول تخرب حياه غيرها ..... أنا استحملت خمس سنين ولولا أختك دى كان زمان حسنا بنتى وكنت أول راجل فى حياتك ... لكن أنا ضحيت ومقدرتش أكمل لما اكتشفت ان حياتى واقفه ( بهمس صادق ) واقفه مستنيه يرجع ملاكى لحضنى مره تانيه مكنتش مخطط أقابلك بس النصيب بتاع ربنا أتمسكت بيكى وخليتك فدبى عشان ابعدك عنها لكن انتى جيتلها برجلك

__ نزلت دموعها الشفافه وقالت : بس كان لازم تقولى أزاى اختى عايشه ومعرفش أنت متعرفش ماما هزقتنى ازاى النهارده أتهمتنى انى انانيه وخطفتك من رؤى ... رؤى كلمتها وحكتلها بشكل غلط

__حضن وسطها وهو بيقربها منه وقال ببرود : ومن أمتى هما أهتموا طظ فيهم كلهم من أول أبوكى مرورآ بامك وأخوكى واختك وحتى عمك طظ فيه .... أبن أدم صقر مش هيتولد من غير أب سواء رضيتى أو لأ

__شهقاتها موقفتش بحذر : حسنا كلمتنى ومش مبطله عياط لو توافق أسافر الاسبوع ده هبعد عن رؤى وعمى والكل حتى عنك لحد ما الوضع يهدى ونشوف هيحصل ايه

__عارف انها هتضعف تحت ضغط الكل لكن قال بصوت ميقبلش النقاش : هتفضلى معايا منين ماكون اللى فبطنك ابنى أناااا ومعتقدش انى هعرضه للخطر بسفرك فى الطياره

__بيأس : وحسنا ومعاذ وماما

__ : اللى عاوزك يجيلك وعلى حسابى

__خدت نفس : ممكن فى مره تفكر فيا ... أنا مش بنزلك كلمه أه ... لكن كده حرام ياآدددم ..... عندى بنت مقدرش اسيبها اكتر من كده ده غير انى عايزه اهرب من هنا بأى شكل

__دفعها من طهرها لحضنه وهو بيأكد : أروى متخربيش بيتك لانى مش هسمحلك بكده وسيبى موضوع حسنا دا عليا

__خدت نفس مرتعش : بيجرحونى بظنونهم

__ : طظ فيهم قلتلك قبل كده

__همست بخفوت وجع قلبه : أنا مش بقوتك .... أقسى حاجه ان يتقال عليا خطافه رجاله ومن مين .... أختى وأمى حتى عمو لامنى كتير عشان اتجوزتك من غير ما يعرف

__ضمها أكتر وهو بيلمس طهرها بحنان : خليكى معايا وانا اعوضك عن الكل ... محدش يستاهل شعره منك حتى انا بس راحتك معايا ... اذا كنت واثق فى حاجه بحياتى فهى حبك ليا

__هزت راسها اللى بدأت تتقل وبكسل : انتى عارف انى بحبك ربنا زرع حبك فى قلبى ساعات بحس انه رحمه وساعات بقول ده ابتلاء ..... آددم ساعدنى اتصرف تصرف يدخلنى الجنه مش واثقه فغدر الدنيا فكل اللى بسعى له جنه فى الاخره تكون فيها انت جوزى وحبيبى وميفرقناش اى حاجه عن بعض

__ همس : عايزه تنامى

__ : اااه تعبانه م الصبح مقعدناش غير مع سما .... عاوزه ارتاح ياآددم

__رجع بجسمه وهو بيفرد جسمها ويسحب الغطا عليها : ارتاحى ياروح أدم

********** لسه فيييييه الاهم‎ ‎^_* [/sizec]