آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-03-16, 07:40 PM
| #473 | ||||||||
| مراقبة عامة ومشرفة منتدى الروايات المنقولة  
|  السلام عليكم ورحمة الله وبركاته كيفكم ي عسولات البآرت ان شاءالله بكرة ينزل وآسفة على التأخير يعلم الله انه ماهو بيدي والي امر فيه صعب مايعلم فيه غير الله وحدة انتظروني ولي عودة على الردود ودي لكم نوني | ||||||||
|  |
|
28-03-16, 10:16 PM
| #474 | |||||||||
| نجم روايتي وعضو الموسوعة الماسية بقسم قصص من وحي الاعضاءوفراشة الروايات المنقولة  
| اقتباس:
مساء الورد الف شكر لك يافيتامين سي ربي يسهل امرك يانوني وبراحتك لاتضغطي على نفسك المهم امورك تترتب يانوني | |||||||||
|
| |
|
30-03-16, 01:49 AM
| #478 | ||||||||
| مراقبة عامة ومشرفة منتدى الروايات المنقولة
| آللهم إني استغفرك وأتوب أليك اللهم صل وسلم على نبينا محمد " صلو عليه " الروآيه لا تليهكم عن الصلاة اللهم بلغت اللهم فاشهد ،، ،، ،، البآرت الثاني والأربعون ،، ،، ،، حاولت تتكلم بس ماقدرت ...أشلون نست ..متأخذه..بعد ماطلعت لطيفه ...غبيه الحين وش يفكها يالله ...على المصيبه .اللي طاحت على رأسها .بس خلاص مصيرة يدري لازم تتكلم ...وتقول ايه لازم..حاولت تقوي حالها ...قفلت عيونها من صرخته ... اسامه بصرخه :سرعة انطقي. .. . ريوف بتوترحاولت تقوي حالها شوي وقالت بسرعة وهي مقفلة عيونها ومغطيه وجهاا بيدنها لا يجيها كف يعدم ملامح وجهاا : حامل... اسامه رفع نفسه شوي .. وهو مصدوم هز رأسه يتمنى الي قالته كذب او حلم..ايه أكيد حلم ..قال بهمس : حامل ريوف بعدت بخوف عنه بس ظهر الكنبه وراها مباشرة ماقدرت تبعد أكثر قالت بخوف : الله ارد اسامه بعد عنها وصرخ : اسكتي خلاص ريوف حست بقهر وإهانة أكثر وأكثر ..قالت بغصة: ليت ينزل ويرتاح ولا يطلع لأبو مايبيه ...حرام وش ذنبه وبقهر صرخت ليه ليه طيب مافكرت ...ان هالشيء بيصير .. اسامه بعصبيه : انكتمي أقسم بالله ودي ارميك وانفك منك ومن بلاويك اسامه قرب منها ومسك فكها بقوة وقال وهو صاك على سنونه: مابي هالحمل يتم ريوف هزيت رأسي وانا أحاول ابعد يده عن فكي قلت بألم وبصوت مو مفهوم : ان شاءالله ي ط يح اسامه دف رأسها بقوة ونفض يده بقرف وبعصبيه: لا تفتكري بهااالحمل بتصير لك مكانه ريوف بألم : عآرفة مكانتي ولا عمري في يوم فكرت او عشمت حالي بالعيشه معك ... سكتتت وهي مجروحه خلاص يكفي ..ذل .. تعبت ي ناس ..لما متى تتحمل ...وبلحظة تهور ... وقفت وراحت للجوال اللي مرمي في الأرض ..وحاولت تركبه دقت رقم ام سمير ...بس رمت الجوال بقهر يوم ماردت عليها تبي تبرد قلبها فيها ...اللي هي فيه كله بسبتها الخبيثة .... لما متى بتصبر على شيء هي ماسوته ..ولو جلست كذا ساكته مارح تطلع حقها ...وبتثبت الشي عليها .رجعت دقت بس نفس الحكايه ...ماترد ..رمت الجوال على الكنبه جنبها وهي تعض شفتها واظافيرها خلاص وصلت لحدها وش تسوي ...لازم هالظالمة... ترد عليها ..وماراح تمل بتدق عليها لما ترد ... ،، ،، ،، ،، ،، ،، في بيت أبووليد دخلت الغرفة ...وهي تشوفه يطلع له ملابس ابتسمت بسخريه ....قالت : ي حرام اللي تمنيته ماصار ... ناظرها وهو رافع حاجب : وش تقولي أنتِ لطيفه بقهر : سلامتك وليد بحده :شوفي إذا في رأسك مشاكل أقسم بالله مافيني توني جاي تعبان لطيفه : لا مافيك على المشاكل فيك على الكذب بس وليد عصب وقرب منها وقال بحده : بسوي حالي ماسمعت عشانك بس والله واعطاها ظهره لطيفه شافته بيطلع قالت بصرخه : ايه هذا أنت دايم كذآ يوم اقولك الحقيقه تتهرب وليد ناظرها بقهروقال وهو صاك على سنونه : للمرة المليون اقولك عشانك بس بكبر عقلي ..وعشان تعرفي قد ايش أحاول على حياتنا اللي أنتِ جالسة تهدريها بصغر عقلك .. لطيفه جلست على السرير وهي معصبه: اي حياة لا جابها من حياة عشان احافظ عليها رفعت يدها وهي تشير للباب ..خلاص مثل العادة أهرب يالله ...الله يسترعليك ... وليد قرب منها بس وقف يوم صرخت: وليد تكفى لا تقرب مني ..ناظرها بحيرة مايدري وش يسوي يلقاها من ريتاج ولا من لطيفه ...آه صاير يكرهن الثنتين .... ،، ،، ،، ،، بعد أسبوع في شقة سآمي قالت بقهر وهي تشوفه يتغدا: هوو مرتك رجعت لك من أسبوع ولافكرت تسلم علي ..وش ذا الجور اللي هي فيه ...نشوفها بس تمر من الصاله والسلام ماترميه .. سامي رفع رأسه وقال بجمود: احسن يمه مايكون بينكم اي سلام ام سآمي فتحت عينها بصدمه مو ذا الجواب اللي تنتظرة قالت بحده: ذا ردك علي بدل ماتقوم تعطيها كم كف عشان تعرف كيف تحترم اللي أكبر منها سآمي بقهر من حكي امه خلاص وش يبون منها : يمه مدام البنت كافيه خيرها وشرها وش تبون فيها وبعدين فكونا منها أكيد الحين كلمه منكم وكلمه منها بتطول لسانها ومافيني على صدعتها بدريه بسخريه : اخس ي خوي كله خايف منها عشان لا تطول لسانها وش ذا ....سامي مجنن الحارة يخاف من مرة سامي ناظرها بعصبيه: أقول ي السوسه فكينا من خبثك آلحين وابعدي غلا عن رأسك ترا مطنش بكيفي اللي تسويه فيها ولا تشوفوني ساكت يعني راضي .. ام سآمي قاطعته بعصييه :بعد تهاوش أختك عشانها وين الي يقول مرجعها بس عشآن ابوها مسافر....ومدري آيش سامي رجع يأكل وقال وهو يحاول يمسك حاله مايبي المشكله تزيد وامه تزعل بعد منه : ايه والله عشانه إلا هي مالها مكانه عندي ...وسكت يوم جاه صوتها عض شفته يعني ماطلعت إلا على هالحكي ... : ولا لك مكانه بعد ..حبيبي ليه تحسبني ميته عشآن ارجع لك ولا عشاه الحلوين اللي جالسين قدامك وهي تناظرهن بتصغير بدريه بقهر: حلوين وغصب عنك فاهمة واحترمي حالك اذا ماعندك رجآل يربونك انا ماهو عاجزة عن تربيتك غلا ضحكت بقوة: ايش ايش تربيني أقول شكلك ناسيه العلقه المحترمه عادي ترى لا تغرك هالكرشه والله مافكر الحين اسدحك مكانك واخليك تشوفي التربيه اشلون تصير بدريه بقهر : تافهه من جد غلا بستفزاز : ايه حبيبتي اهجدي ابرك لك سامي بقهر : غلا ابعدي وفكينا غلا ناظرته : اقول ي الرجآل المحترم اللي مسوي فيها نخوه وخايف لا تجيني ولادة وابوي ماهو موجود قدر طيب وحاول ماتتكلم من وراي وكمل كرمك معي ماهو مسوي مرجله وأنت مو يمها أبد سآمي بعصبيه صرخ : فارقي الغرفة أحسن. ...مالك وجود بينا ورجال غصب عنك بس في ناس حرام تكرمهن والله غلا عضت شفتها ..وهي تحس ألم رجع لها من الصبح قطع بطنها من.... وصابرة على حالها ... تتمنى ماتجيها ولادة حتى أبوها يجي بس وين ابوها يالله شهر.. وتشوفه ...والحين رجع لها آه أكيد الحين يروح ماعليه بتصبر شوي قوت حالها... و ناظرته وضحكت بسخريه :هههههه لا لا حرام تكفى اعطني وجهه بموت بدونك سآمي بغيض : غلاااااا بدريه بسخريه من أخوها : هذا اللي دايم ربي يقدرك عليه ... سامي صرخ بعصبيه : كم مره أقولك لا تحشري حالك يعني ...للميون اعيدها وليت تفهمي ... غلا ابتسمت بنصر ودخلت المطبخ. ..أخذت مويا ... ورجعت الغرفه بس أول ماقفلت باب الغرفه انحت بألم. .. آآآ زاد عليها بقوه ..شافت الأرض نزل منها سائل ..فجأة بهت وجهاا ..وقلبها دق بسرعه لا لا مستحيل تسكت عن حالها الحين بعد ذا الشي نزل منها .. صرخت بألم : سآآآآآآآمي ... سآمي اول ماسمع صوتها فز واقف ..بسرعه ركض للغرفه فتح الباب بسرعه انصدم من الي يشوفه .. قال وهو مرتبك : آيش اسوي غلا صاحت بخوف ...هي جاهله في هالشيء أكثر منه قالت بتوتر:ودني المستشفى وهم يتولو أمري وصاحت بقوه آه ليت امي معي .... سامي بسرعه قال وهو يقرب منها يهديها : يالله وصاح بقوه يمه بدريه ..ماعليك لا تخافي ماراح يقصروا معك ... غلا هزت رأسها ماتبي شفقتهم عليها بس مافيها الخوف سيطر عليها ..وتبي اي أحد يروح معاها. . ام سآمي يوم دخلت الغرفه وشافت غلا قالت بتوتر غصب عنها : اي والله هذا النفاس بدريه ناظرت أخوها اللي متوتر وخايف حده : امش بسرعه ساعدها وروح فيها المستشفى كان ودها تطنش ماتروح معاهم يوم شافت أخوها يساعدها تمشي وامها تلبسها العبايه بس تذكرت راجح ..آكيد بيزعل منها ...وبعد في شيء بقلبها خلاها تأخذ العبايه من أمها وتلبسها معاها وتساعدها .... وبعدها الكل راح معاها.....للمستشفى التعديل الأخير تم بواسطة فيتامين سي ; 16-08-20 الساعة 06:56 PM | ||||||||
|
| |
|
30-03-16, 01:51 AM
| #479 | ||||||||
| مراقبة عامة ومشرفة منتدى الروايات المنقولة
| في المستشفى ،، ،، ،، سآمي رفع ساعته وناظر امه وقال بتوتر : يمه كل ذا ولادة بدريه ناظرته ودها كانت محلها وراجح كذا قلقان عليها بس استغفرت الله ...وهي تدعي انها تقوم بالسلامه ..وربي يعوضها على الي فقدته ...يالله كل ماتذكر انها فقدته تتألم قالت وهي تطمنه: ماعليه الصبربس ي خوي .. فيه كذا حريم تتعسر ولادتهن ماعليك ان شاءالله تقوم بالسلامة سامي هز رأسه مستغرب من بدريه وش ذي الحنيه نزلت فجأة وهي من تووو متهاوشه معاها بس ...الحين ماهو وقت يفكر في بدريه وتصرفاتها ....خايف وحالته حالة لها ساعتين داخله غرفة الولادة ولا حس ولا خبر...ناظر امه اللي تقول : يزين حريم أول الوحده تولد في بيتها وبسرعه ربي يسهل عليها وتقوم بعد تطبخ غداها وتخم بيتها . ...ومن يوم جت هالمشافي ماشفنا خير الوحدة تعض الأرض لما تولد ...وتروح بيتها يالله اسبوعين وتقدر تمشي بعد ... حس بتوتر.. من كلام امه أكثر. ..خايف عليها ...حيل ..فز يوم الباب فتح وبسرعه تقدم.. للستتر اللي طلعت ..قال بخوف : بشري : مبروك مدام ولدت ام سامي بفرحه: وش جابت ان شاءالله السند .. سآمي بفرحه: مايهم اللي هو هو أهم شيء قامت بالسلامه : بنت ام سامي حاست بوزها :هوو ودنا في الولد والله بدريه بحسرة:طيحته الولد انا يمه سامي حس بضيق من كلامهن ...قال : بشوفها الحين : لا لا ينقل غرفة تنويم بعدين شوف هز رأسه وهو فرحان انها ولدت بنت ولد مايهم اهم شيء طلع متعافي . .. ،، ،، ،، ،، ،، في شقة اسامه قفلت وهي ضايقه ...مافيها تروح للحنه ماهو لازم تحني الله يهدي لطيفه حنت عليها بالقوة إلا تجي ...وبعد مستغربه اسامه من وقت مادري بالحمل مارجع البيت...مرتاحه كثير وهو مو فيه ..يالله كل ماتذكر كلامه يوم دري عن الحمل ..قلبها ينحرق .. حطت يدها على بطنها وقالت بهمس: ليتك تجي يمه وتعيش احسن من عيشة امك وي خوفي يوصلك نحسي ... ابتسمت بسخريه اشلون بتزين عيشته وهو لسى توه ينفخ فيه الروح وابوه رافض وجوده بعد زفرت بقوة .. وهي ترجع تلمس بطنها بس ربك كريم يمه قادر يسعدني ويسعدك رن الجوال في يدها نزلت نظرها للشاشه... شافت رقم خالتها تدق ..حست بضيق ...ندمت يوم فكرت تدق عليها..بس كان في لحظة غضب ..يالله خليها تدق لما تمل ...ماراح ارد عليها وانغص على عمري بصوتها ...اتجهتت للمطبخ ..وحضرت لها أكل. خفيف وطلعت الصاله وفتحت التي في ...وجلست تتابع برنامج .. وهي محتارة ترجع تدق او لا ...جالسه تلوم حالها ليه ماعندها القوة اللي تخليها ترد عليها وتتكلم بعد ...ليت القوة الي جتها قبل أسبوع ترجع لها ....رجعت تأكل ونفسها منسده ي دوب ترفع الللقمه إلا تسمع صوت المفتاح في الباب.. ...همست يآرب ابعد شره عني وفكني منه ومن لسانه ... رجع البيت وهو قرفان..وحالته حالة ...ناظرها جالسه تأكل وقف وقال بقهر: بكل برود تأكلي عادي وانا منحرق وحالتي حالة ماسك توكيل عن اخوياي كله ابي انسى والتهي وابعد عن هالبيت ... ريوف رفعت رأسها وناظرته وهي مقهورة من ذي القساوة فيه قالت ببرود : وش اسوي اذبح عمري يعني اسامه قرب منها بسرعه ومسك شعرها وهزها بعنف : هيي لاتفكري حامل بسكت عنك لا بالعكس ماودي فيه عشان احافظ عليه خلي في بالك هالشيء. . ريوف حطت يدها على يده وهي تحاول تفك شعرها من يده وقالت بغصه: يالله وصلت فيك .. تقتل شيء منك اسامه فك شعرها وناظرها بشك .. وقال بوقاحه: وش يدريني انه مني ... ريوف فتحت عينها بصدمه تصل فيه لكذا لا والله الشي ذا ماينسكت عنه قالت والدموع عالقة في عيونها : اذا ربي كتب وربي تمم هالحمل الله لا يهينك وقتها اقرب مستشفى وسوى تحليل وتأكد بنفسك ...وبس وقتها صدقني والله بأخذ ولدي وماتشوف رقعة وجهي ولا وجهه اسامه ضحك بقوة: ههههههههه اخس يقال تهددد اقول ليت يتنفذ هالتهديد الحين ...وانفك منك ومن للي في بطنك بعد ريوف وقفت وقابلته وقالت بغصه: اللي في بطني ولدك رضيت ولا مارضيت اسامه بعصبيه : اشلون صار كذا ريوف يالله رجع يقول أشلون : قدرة ربك على كل شيء أسامه تعوذ من ابليس وجلس يستغفر ..وقال بحده : اسمعي الحمل ذا لو تم ..بأخذ لك شقه مع ولدك واجلسي فيها ومصروفك يوصلك لما عندك انا مالي شغل فيكم ..غير المصروف الي يمشي لكم بس ريوف : ليت من الحين تسوي هالشيء. . وتأخذ لي شقه واسكن لحالي ...وماعليك صدقني مافي حد بيدري إني مو ساكنه معك هنا ولو أهلك فكروا يزروني في يوم اكيد قبلها يعطوني موعد وبطر هذا الوقت اجي لشقتك والله يعنيك تتحمل وجودي لما أهلك يروحون ... اسامه بملل من الي تقوله :اقول بلى تخريف وفارقي عني الحين ودخل الغرفة ...ورمى حاله على السرير...يآرب ..الطف كيف اخلف من وحده ماضيها مايشرف ...ومع مين مع أخوي. ..قفل عيونه ورفع يده على رأسه وشد شعره وهو يحس رأسه بينفك ...يآرب يحصلها من زواج آسيل من أخوه ولا من هالحمل اللي ماضرب له حساب أبد ولافكر بيوم يخلف منها انا اخلف من هالحثاله ...سحب المخده من تحت رأسه وحطها على وجهه بقهر وده يذبح عمره ولاتكون ام عياله ...مايتخيل أبد ...يكرها والحين زاد كرهه لهاا .... ،، ،، ،، ،، بعد مانقلوها لغرفة التنويم يالله حست حالها ..خلقت من جديد ألم ماعمرها ذاقته ولا شيء يوصفه ...اللهم لك الحمد ...شافت السستر تلف بنتها وتناولها.. عشان ترضعها أخذتها منها ... وشافت ملامح وجهها صاحت غصب عنها .. ضمتها لصدرها وبدت ترضعها ...حست بحب لها المخلوقه في يدها ...ضمتها بحنان وهمست ...مدري اشلون اوفي بوعدي يمه بعد شوفتك ..رفعت رأسها للي دخل شافت سآمي. .. وامه وأخته. ..نزلت رأسها لبنتها ... سامي وهو يناظرها ويشوف كيف ضامه بنتها لصدرها ويحس بالخوف في عيونها قال ببحه : الحمدلله على السلامة غلا بتعب وخوف بعد لا يأخذه الحين : الله يسلمك ام سآمي ببرود : مبروك على أنه كان ودنا في الولد.. بس ماعليه مدام جاا الولد تجي البنت ... سآمي ابتسم بسخريه : سبحان الله وين اللي ماتبيها اشوفك ضامتها بعد غلا مالها وجهه تتكلم ..سكتت ونزلت نظرها لبنتها ...حست بقرب سامي منها نزل نفسه شوي ..وأخذ بنتها منها حست بروحا تنسحب منها ...أشلون لو أخذها على طول .. سامي باسها بحنان ابتسم لها وهو يناظر ملامح البريئة رجعها لها وقال بهمس : تودعيها ...عندك اليوم بس ... غلا حست روحها تنشطر من هالكلمه قالها ...بس لازم تقسى شوي...عشان تنفك من هالعايله نزلت عيونها لبنتها آه مافيها ..تبعد عنها سبحان الله كانت تبي تولد بسرعة عشان تنفك والحين تمنت ماولدت عشان تضمن جلسوها في بطنها بس تكون معاها. ...حست بتعب وماتدري وش يقولون ولا هي يمهم أبد ...ضمت بنتها لصدرها وقفلت عيونها بتعب ... وماحست فيهم بعدها ...... ،، ،، ،، ،، نزل سلطان من السيارة وقال بجمود : قول لماما بابا يبيك ضروري من عند الباب سلطان : طيب خلى ريماس تنزل معايه ناصر بحدة: كيف تنزل وهي نايمه سلطان مو راضي يتحرك بدونها : لا تنزل ريماس ناصر عصب : وبعدين يعني ..بسرعة طير لامك ورجع ركب السيارة وهو يتمنى ماترفض ...عنده آمل كبير يوم درت بزواج آسيل يكون عقلها ..طخ شوي ...خلاص مل من هالحالة ولما طنش السالفة يحسها طولت أكثر.ناظر ريماس النايمه فرح يوم نامت عذر عشان يشوفها بس يآرب ماترسل أخوها مثل العادة..بذات يوم شاف سيارته الواقفه ...يعني موجود ..نزل يوم شاف سلطان رجع يركض سلطان وهو تعبان من الركض : بابا ماما تقول مصدعه ناصر عصب ..بسرعة سحب جواله ودق عليها .. سمع صوتها قال بعصبيه: بنتك نايمه أشلون ادخلها بالله منيره بتعب:الله يهديك ضروري تتأخر لما وقت نومتها كان جبتها ابكر شوي ناصر عض شفته بقهر: الحين وقت عتاب ليه تأخرت يعني انا السببب خليتها تنام يالله كل شيء ترميه علي منيرة ابتسمت وش فيه ذا مشتط كذا ..قالت بهمس: خلاص نازلة وقفلت ... ناصر سكر وهو معصب ...يبي له شوي وينفجر ... من الحاله الي هو فيها يتعذب يوم يأخذ عياله ويتعذب يوم يرجعهن ..لمتى بيتحمل يعني ... نزل نظره لسطان وهو يقول: بابا ماما وراء الباب تقول اعطاها ريماس ..بسرعة ناصر فتح باب السيارة وحمل بنته واتجهه للحوش .. ودخل شافها واقفه وراء الباب ..يالله من زمان عنها .. حس بشوق لها. ..يحس العصبية الي من توو راحت كلها. قرب منها وقال بهمس: أشلونك منيرة رفعت حاجب من توو يهاوش والحين أشلونك قالت : توو الناس ولا لايكون مو أنت الي معي من توو على الجوال ناصر ابتسم : شوفتك نستني حالي بعد منيره حست بفرحة يوم قال كذا تحس .. بدونه ضايعة مرة بس لا لا مو هي اللي تطخ من كم كلمة قالت بسرعة وهي تخفي توترها من كلامه : هاتيها عنك ناصر نزلها لها وقال بهمس: متى ناويه تحني منيره ابتسمت بسخرية : لسى عندك أمل ناصر قال بوجع من ردها: لآخريوم بعمري.... منيره مسكت يد سلطان وقالت بسرعة : تصبح على خير ... واعطته ظهرها ودخلت البيت وهي تسكت سلطان لا يصحى حسون ويحوسهم ماهي ناقصة ... ناصر تنهد بتعب يالله يحس حالة كل مايجي يتعقد ..وش الي يسويه ويرضيها ...لا هو قادر يطلقها مثل ماتبي ولا قادر يتحمل هالعيشه ... | ||||||||
|
| |
|
30-03-16, 01:53 AM
| #480 | ||||||||
| مراقبة عامة ومشرفة منتدى الروايات المنقولة
| في بيت ابو وليد ،، ،، ،، في الصالة قالت بقهر وهي تناظرها : تكفين اسكتي ترى ماهو عاجبني بس توبه معاد أمشي وراء ذوقك ..الخايس شوق رفعت حاجب : والله انك غبيه طالع عليك يجنن ريتآج : ليت أخذت اللي أمي قالت لي عليه شوق بقهر منها : لسى عندك .وقت ..روحي خليها تفصلك امك وهذا وجهي لو تعبت حالي مرة ثانية عشانك وصدقيني بيخرب لو اضفتي شيء على قصة الصدر ..والله حلوو كذآ ريتآج رفعت الفستان : آلحين ذا حلوو بس خلاص مافي وقت العرس بعد يومين . والله يعيني .. ويآرب بعد التعديل يضبط شافت القهر في وجهه شوق طنشت ..وهي تنادي ميري عشان تعطي السواق خبر تبي ترده للمشغل ..عشان التعديل سكتت وهي تشوف وليد ...داخل ..يآرب يطلع مايجلس معاهم بس وين ذا يفوت جلسه هي جالسة فيها . ..تذكرت روحتها للمشغل لازم تقول له ماهي ناقصه صدعه رد السلام رتاج وشوق : عليكم السلام جلس وقال بجمود: وين أمي شوق :نايمه وليد هز رأسه وناظر ريتآج. ..اللي وده يعرف لمتى هالتطنيش ميري:يالله مدام السواق جاهز وليد رفع حاجب وناظرها بدون مايفتح فمه بكلمه ريتآج يوم شافت نظرته قالت بدون نفس : بروح المشغل فستاني يبي له تعديل وليد رفع حاجب : الحين تعطيني خبر ولا تستأذني ولا وش افهم يعني لو ماجيت هالوقت كنتي بتروحي من غير ماتقولي ريتآج بجمود: كم مره أقولك افتح جوالك قبل ما تحكم وليد بحده: فتحت جوالي وشفت رسالتك بس مارديت عليك إني موافق ..على ماظن يعني تنثبري مكانك ماهو خلاص اعطيتني خبر يعني روحي ودربك سلامة شوق وقفت بسرعة ماتبي تحرج ريتآج أكثر وراحت غرفتها ريتآج شافت شوق يوم تطلع الدرج زفرت بضيق وقالت : والله مو وقتك أبد وروحتي ضروريه الفستان خرب بالمرة ويالله يتعدل وتذكر ان الزواج مابقي له وقت ماعندي وقت انتظر رسالتك الي بتعطف فيها علي ... وليد قال بهمس: ماعندك وقت تنتظري وكمل بحده بس انا عادي انتظر لما تحني علي مسويه مطنشه ولا كني رجالك ولي حق عليك ريتآج بقهر منه:وليد تكفى خليني اروح السواق ماهو فاضي لي الحين عمي يرسله مكان ومعاد يرجع طول اليوم ...الكلام ذا مأخوذ خيره كم مرة قلت لك مالك شيء عندي ولا لي شيء عندك خلاص كلها فترة. . وليد ميل فمه بسخريه وهو يغير السالفة:لهاالدرجه فرحانه لزواج أختك ريتآج ابتسمت أكيد ذا الرجآل استخف: أكيد بفرح إذا مافرحت لاختي بفرح لمين وبذات يوم مأخذت اللي في بالي بالك فصارت فرحتي فرحتين ورفعت حاجب تغيضه.. همست ابشر بتصغير العقل معك هذا اللي ينفع معك أنت وليد بحده:اللي في بالي بالك بيصونها أحسن من هالرخمه بتأخذة ريتآج بسخريه : أخوه الكبير قبلها م صان بنت عمه تبي اللي اصغر منه يصون وماهو قصور بناصر بس معليش ي خوفي يمشي خطاك ورفعت كتوفها سوري صرت معقده من عيال العم وليد قال بقهر:ذا كله عشان ليه ماعطيتك وجهه بداية زواجي اتاريك كنتي معانيه. .. ريتاج ضحكت بقوة على سخافته: ههههههههه ماهو مثل معاناتك الحين وغمزت له بستفزاز وليد وقف بقهر استفزاته بقوة : أشوف تقدري تروحي مع السواق وفستانك البسيه كذآ وهذا وقتها لو رحتي ...بعد ريتآج بقهر :الفستان برفعة جوال بس بيكون عندي أحسن فستان الله يطول في عمر امي وابوي واما روحتي لزواج اختي صدقني مافي قوة تقدر تمنعني ....إلا لو ربي أخذ أمانته وليد بعصبيه : أشوف كيف تحضري بالله وهذا ماهو على رجآل لو حضرتي وهو يشير لشنبه .. ريتآج عصبت بقوه ...بس سكتت ماتبي تزيد المشكله أخذت الفستان وطلعت لفوق بسرعة ....في ستين داهيه ماهو لازم يتضبط ومن اصله مايبي له تعديل بس هي حابه كان تغير شيء بسيط ...... وبتحضر غصب عنه ..و تشوف كلمة مين تمشي .... ،، ،، ،، ،، اليوم الثاني في المستشفى فتحت عيونها ببطئ و ...وهي مو مصدقه ان بنتها لسى في حضنها .. حست براحه جلست طول الوقت تستغفر وتحمد الله انها في حضنها باقي عندها أمل كبير في سآمي انه م يأخذها وينفذ اللي بينهم ايه سآمي يحبها ....ومستحيل يعذبها ويأخذها ابه وبعد أشلون يربيها ماراح يعرف مستحيل هو رجآل ودايم المره تتحمل هالشيء ...ايه أملها كبيرر ... بس حست برعب يوم شافت سآمي دخل وامه معه ... قال بجمود: يالله كتبوا لك خروج غلا رفعت حالها شوي ..بتعب ..وقالت بهمس: ان شاءالله وبصعوبه قامت وأخذت العبايه ...وهي قلبها يرجف يآرب يغير رأيه بدون مااذل عمري له ...ناظرت ناحية بنتي النايمه بسلام ..والله اذل عمري كله لك قلت وانا البس الطرحه : مبروك أنت الكسبان ومستعده أعيش معاك على الحلوة والمرة سآمي إبتسم على جنب وناظر أمه اللي حملت بنته قال بخبث: طول عمرك عاقلة تفضلي .وهوو يشير للباب... غلا حسيت بنظرته لي ماهي مطمنه ..والله ناوي على اللي في باله بلعت ريقي للمرة المليون ..وقلت بهمس مابي امه تسمع : اثبت لي انك أعقل مني وانا أملي فيك كبير سآمي قرب منها وأخذ اغراضها الي على جنب وقال بهمس : طول عمري اعقل منك ماله داعي اثبت واملك هالمرة بيخيب .. غلا مشيت معه بدون مافتح فمي بكلمه عارفة ..كلمه منه كلمه مني يمكن يخليه فعلاً يعاقبني ...تقدمت امه وقلت بهدوء: هاتي انا احملها .. ام سآمي لسى مصدومه من الي قاله لها سآمي في السيارة اعطتها وهي تفكر أشلون تربي وتتحمل مسؤوليه طفلة وهي بهالعمر هي يالله تساعد حالها. ..وتبي من يداريها تقوم تربي طفله مرة وحدة...ناظرت سامي تبيه يغير رأيه بس لا شافت الجد في عيونه...طلعووا كلهم للسيارة ...وركبووا غلا طول الطريق وانا عيني على الطريق اي حارة بيدخل امم لو دخل حارتنا أكيد بينفذ الاتفاق اللي بينا أول ماشفت مدخل حارتنا ضميت بنتي بقوة وقلت برجى : تكفى سآمي اقولها للمليون انا راضيه باللي تسويه فيني بس غرام ماتحرمني منها سامي رفع حاجب وقال بسخريه : بعد مسميتها ولافكرتي تأخذي رأيييي بعددد .. تعبتي حالك وأنتِ فكرتي لها باسم .. غلا قالت بسرعة : عادي غيره لو تحب بس تكفى لا تحرمني منها وعادي رجعني بيت أبوي بس بنتي معي سامي صرخ بقساوة : انكتمي ولا كلمه غلا بعصبيه: والله ماتقدر تأخذها وضمتها بتملك ولا أحد يقدر يأخذها سآمي عصب أكثر : آلحين حنيتي عليها بعد آيش بعد ماكان تدعي عليها غلا بصرخه : خلاص سامي ماله داعي الحين هالحكي وتكفى ماتحرمني منها ام سامي بخوف تشوف ولدها معصب والبنت تصيح وغلا بعد تصيح : خلاص استهدووا بالله وأنت بعد خلها عندها لما تفطم خذها انا يالله اساعد عمري بتحملني مسؤوليه فوق طاقتي يمه سامي بقساوه: والله ماهو رجآل لو تركتها عند وحدة مثلها وانا بنفسي بربيها غلا بصرخه : انا مو اي وحدة انا امها فاهم سامي ضحك بوجع: امهاا وين وين اللي ماتتشرف تخلف مني وين اللي تتمنى ينزل غلا حست بيأس ...طول ماتترجى فيه هو جالس يذكرها قالت وهي تصيح وتحاول تسكت بنتها اللي تصيح في يدها : آسفة والله كنت متهورة ومدري وش أقول بس الحين اختلف كل شيء تكفى سامي عاقبني بأي شيء غير تأخذ عني غرام سامي طنش صياحها وصارخها عليه وقف عند بيت أبوها ونزل بسرعة ...وجا يفتح الباب الي وراء بس غلا كانت أسرع وقفلته بسرعه ..بس بسرعة تداور للباب الثاني ونفس الحكايه ميلت جمسها وقفلته رجع لباب أمه بعصبيه وفتحه ...ودخل يده وحاول يصل للباب بس حس بضربة... غلا على يده بسرعه... دف يدها بقوة وفتح الباب .. ونزلها بقوة وأخذ ... بنته بقساوة منها غلا وهي تصيح حاولت وحاولت بس ماقدرت قالت وهي خايفه ان ..بنتها تعورت من سحبته لها قربت بسرعة وهي بتتأكد منها بس حست بيده تدفها على السيارة وقال بسرعة : ادخلي بيت ابوك بسرعة ....واللي بينا انتهى. .. غلا حست الدنيا سودة يوم شافته ركب السيارة ..قربت من الباب قبل ..مايحرك وهي تضرب في الدريشه مثل المجنونه تبيه يعطيها بنتها ... سآمي فتح الدريشه وقال: ،،،،، كتتتتتتتتتتتتت ،، ،، لا ابيح ولا اسامح من ينقل روايتي او يقتبس منها بدون ذكر اسمي ولا ابيح اللي ينقلها على الانستقرام حتى بذكر آسمي استودعتكم الله الذي لا تضيع ودائعه سبحان الله وبحمده سبحان الله العظيم " الوتر أحبتي " | ||||||||
|
| |
|
| أدوات الموضوع | |
| انواع عرض الموضوع | |
|
|
27Likes
.png)
.png)
العرض العادي
