28-12-16, 11:03 PM
| #878 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  \\ سبحان الله العظيم رب العرش العظيم الذي لا إله إلا الله وحده لا شريك له له الملك وله الحمد وهو على كل شيء قدير آللهم صلي وسلم على نبينا محمد صلو عليه الروايه لا تليهكم عن الصلاة والعبادة اللهم بلغت اللهم فاشهد & & & & البآرت السادس والخمسون & & & & يوم شافته....يناظرها وهو متردد ...قالت مرة ثانية : قول آيش فيه ..وبلعت ريقها بخوف لا يكون سمير. .فيه شيء أسامه هز رأسه بلا وقال : زوجة أبوك توفت ريوف فتحت عينها بصدمه :ايشش أسامه : كان خيرة يوم منعتك أمس ماتروحي معاهم صار عليهم حادث وتوفوا كل الي في السيارة ريوف هزيت رأسي وانا باقي مصدومة قلت بهمس : كلهم ماتوا حتى عناد وامه بعد أسامه :ايه كلهم ماتوا عناد وامه وزوجة ابوك السيارة تفحمت حادثهم شنيع كان يالله السلامة ريوف قلت بهمس:تفحمو تخيلت نفسي معاهم ...يالله .. اسامه : ايه الله يرحمهم من توو قلتي ماراح تسامحيها ..بس الحين بقولك الحرمة ماتت سامحي و لك الأجر..الفجر بتكون بقبرها وتسأل عن كل صغيرة وكبيرة ي ريوف ريوف كان يتكلم ...بس مدري وش يقول باقي مصدومه ....من الخبر....ي قلبي ي سمير وش وضعك ..يوم تسمع قلت بهمس: اخوي يدري ... أسامه : ايه عنده خبر واليوم وقت الدفن بيفكونه كفالة عشان يحضر ريوف دموعي نزلت غصب عني ...وقلت بهمس: الله يصبره مصيبه كبيرة اسامه عقد حواجبه وهو مستغرب آخر شيء توقعه تصيح عليها توقع أقل شيء تقوله ...هذا عقابها على الي سوته فيني ... قال بهمس وهو يبعد يدينها عن وجهاا :تصحين عليها ريوف سحبت يديني ومسحت دموعي وقلت بوجع:على الي سوته فيني .بس..حست العبرة تخنقها مدري وش اقول والله وبعد أخوي متعلق فيها حيل أكيد آلحين حالته ماتسر وعضت شفتها ماقدرت تكمل .. أسامه : بتحضري العزاء ريوف هزت رأسها : لا مقدر وبعدين مالي علاقة مع أهلها كلهم كان حاقدين علي وماظن الحين بيتقبلون وجودي . ..بس بشوف اخوي تكفى تخليه يجي هنا .... أسامه : ان شاءالله أهم شيء سامحيها ريوف بوجع:اسامحها اسامه قاطعها: فَمَنْ عَفَا وَأَصْلَحَ فَأَجْرُهُ عَلَى اللَّهِ ريوف بهمس : .الله يسامحها .... اسامه بهمس:ويسامحني ريوف هزت رأسها بلا ... أسامه وقف وقال بضيق :تنظري اموت وتسامحيني..مثل زوجة أبوك ريوف رفعت رأسي وطالعته : مدري خلها بوقتها اسامه فتح عينه بصدمه من الرد:افف بدل ماتقولين بعد الشر ولا ربي يطول بعمرك على الأقل لو مو عشاني عشان عيالك ريوف طنشته ..ومارديت عليه ...باقي مصدومة من الخبر كلهم ماتوا .... طلع ورجع بسرعة وجلس يناظرني بدون مايتكلم قلت بحزن :والله حزينه على عناد حيل ..يأما وقف معي ..ويأما هاوش امه وزوجة ابوي عشاني ... ..الله يرحمك ويعوض شبابك بالجنه ... أسامه بجمود: اللهم آمين ويرحمهم جميع وبفضول يوقف معك كيف أكيد قصدك يوم كنتي صغيرة صح ريوف رفعت حاجب ..بالله هذا سؤال وبعد وقته بالله هزيت رأسي : لا ماهو بس وانا صغيرة آخرها آلحين يوم أخوي بالمستشفى كان زوجة ابوي رافضه روحتي وقف في وجهاا وخلاني أروح اسامه وقف وقال بجمود : الله يرحمه ويثبته عند السؤال كنت بسحب على خويي ويمسك مكاني الليلة كلها بس الحمدلله وضعك يطمن واخليك تسترجعي الذكريات .الجميلة وبروح دوامي خذي راحتك ... ريوف حسيت بقهر من رده فيه سخرية ..يآربي شكاك درجة أولى آلحين الرجآل ميت ...يقول كذآ ..استرجع الذكريات وش قصده بالله من هالكلمة ...طنشت قهري آلحين مو وقته ..افكر في سخافات أسامه سندت حالي على ظهر الكرسي وانا أدعي لأخوي..يآرب صبر قلبه ..امه مهما كان ..ولو فيها عيوب الدنيا كلها ..آكيد مايشوف مثلها ....وانا لو سامحتها ي خوي عشانك والله ... @ @ @ @ @ @ @ @ @ في بيت ابو عصام .. جالسة في غرفتي مالي مزاج اطلع منها وبعد. قلقانه بعد آخر رسالة من وليد ..امس متسغربة بعد اليوم مادق ..وهو يدق كل يوم على اني مارد عليه من وقت مارجعت بيت أهلي....وقفت بقهر من نفسي باقي أقلق عليه وأفكر فيه .. عضيت شفتي آه ..غصب عني ..والله ..مديت يدي وأخذت الجوال. .وكاد أرسل ولادق مانتبهت رميت.. الجوال بقلق ...وخوف ..أكيد فيه شيء ايه والدليل رسالته اللي امس ..وقفت .ومشيت ناحية ا لدولاب ..أخذت لي ملابس واتجهت للحمام الله يعز القارئ واخذت شور بارد . ...وكاد ارتاح شوي بعدها بدقايق كلمت الشور ولبست وطلعت وانا انشف شعري ...سمعت رنة محادثه في الواتس ...قربت منه ومديت يدي ..وسحبت الجوال ..ناظرت كان بعد مكالمة من وليد ..تنهدت براحه..آللهم لك الحمد.وبسرعة فتحت المحادثة بشوف وش كاتب.. ((افتكرتك جايه مع أخوك )) فتحت عيني بصدمه عصام عندهم ..الله يستر ...وبعد رسالته مستفزة وتقهر ..بسرعة نزلت أتأكد من أمي .قربت منها يوم شفتها بالصالة تتقهوى هي وابوي .... رديت السلام وجلست ..جنب أمي وقلت بهمس:وينه عصام ام عصام : راح لبيت عمك ريتآج ..الله يستر ... من هالروحه ..يآرب مايتصادمون ....وهو وليد ويخرب على عمره عصام ..فزعته أبد ماهي بوقتها. .....وليد خبيث يقدر يلف السالفة كلها لصالحه ومتأكدة ميه بالميه ان عمي هالمرة بيوقف معه ...لأني للحين مو مصدقة انا عمي وقف ضده وبعد هدوئه ماهو مريحني ...حسيت بقلقي زاد من هالأفكار...وقفت ورجعت غرفتي ..وانا أدعي تمر هالزيارة على خير رسالة وليد ...ماهي مريحتني أبد. .الله يستر بس .. مديت يدي وأخذت...جوالي بدق عليه وبشوف الوضع ... دقيت رقمه ..عضيت شفتي بخوف...يوم مارد افف تكفى عصام رد طمني بس . رجعت دقيت مرة ثانية بس نفس الحكاية مافي رد ....رميت الجوال بقهر اففف ...وقتك عصام يآرب مايصير شيء.وتولع بينهم ...كله ولا علاقة شوق وعصام تخرب فزيت على صوت جوالي مديت يدي بسرعة وأخذته ...بس انصدمت يوم شفت الي داق وليد افتكرت عصام ...يالله وش يبي أكيد فيه شيء وناوي يغرد به فيه مستفز درجة أولى ....عضيت شفتي محتارة ارد او لا بس سفهت اتصاله ..مافيني اتحمل استفزازه ثواني وصلني محادثه منه فتحتها (( تصدقين حزين على أخوك حدي )) عقدت حواجبي مستغربه وش قصده ... معقول تمنذل فيه وسوى حركه من حركاته قليل المرجله لا لا جالس يستفزها عشان ترد تعرف أسلوبه سمعت صوت عصام وهو يصارخ بأسمي .وقفت بسرعة وفتحت الباب وقلت بقلق وانا اسحبه بيده : ايش صار وكيفها شوق عصام بقهر :اخخ انطردت ريتآج ايش انطرد هذا الي خايفة منه قلت بقلق:كيف انطردت ماشفتها يعني ..ولا كيف عصام هز رأسه بقهر : لا بس يقال مستحيه وبعد مايصلح نشوف بعض والزواج مابقي منه شيء ريتآج تنهدت براحه من رده حسبي الله على إبليسك خلعت قلبي قلت : وأنت غبي صدقتها تراها كذابه ومسويه ثقيله مافي حد يعرفها مثلي والحين تحصلها تصيح ليه طلعت ...وطاوعتها والحين اثبت لك ...وسحبت الجوال ودقيت رقمها ..وانا اناظر عصام واضحك خليته سبيكر ثواني بس وجاني الرد : هلا ريتاج :هلافيك أشلونك شوق : الحمدلله بخير .. ريتآج غمزت لعصام وهي ناويه عليها : كذا ي شوق يهون عليك عصام يطلع من بيتكم زعلان شوق بقهر : زعلت جدي يأهو قهرني يدوب بس قلت له لازم هالفترة نخفف من شوفة بعض عشان الزواج قرب افتكرت يعترض يقول شيء ماغير وقف الغبي قال ابشري ولا يكون في خاطرك استودعتك الله ولنا لقاء آخر يوم الفرح ريتاج ماسكه ضحكتها وهي تأشر لعصام يسكت قالت بتريقه: قال كذا لقاء آخر حسبي الله على إبليس شوق : ايه مالت عليه الغبي آه فبني قهر ...كان متخيله شيء ثاني مثل مايقولون البنات تذكرين يوم يجلسون يسطرون حكاوي ازواجهم ويقال بسوي مثلن بس ما توقعت الرد بهاللون ليت اني منكتمه .. ريتآج ضحكت من قلب وقلت وانا اقهرها زود :تستاهلي محدن قالك تقلدي تدرين بعصام ثقيل دم .. الخطبه دبلها فوق العشر سنوات والحين ان شاءالله بس فهم منك ولا يفكر قصدك تأجلي الزواج شوق بقهر : يسويها الطينه غبي ...والله ماغير يلم شنطته ويرجع يهج عصام سحب الجوال من يدها وهو مقهور: طينه غبي هاااا هذا جزاي مابي احرجك شوق قفلت في وجهههه عصام بصدمه: قفلت الخبله ريتآج ماتت ضحك ...عليهم ....يالله نسوها همها والله : قلت لك محدن يعرفها مثلي .. @ @ @ @ @ @ في بيت ابو أسامه جالس في بيت الشعر ...مقهور ومحتار وش يسوي ..وكيف يقدر يأخذ جوالها منها ... رفع جواله ودق على لطيفه تجي هنا أكيد عندها حل ..وتقدر تساعده ..أول ماسمع صوتها قال: الوو لطيفه تعالي بيت الشعر بسرعة لطيفه عقدت حواجبها مستغربه : أشلون اخاف حد يجي فجأة من اخوياك رائد بضيق:البوابه مقفلة بسرعة تعالي لطيفه : أكيد عندك بلى رائد بعصبيه :مو قتك لطيفه تعالي بسرعة لطيفه تأكدت آلحين : جايه رائد قفل ...ورمى الجوال ..والدنيا ضايقة عليه ..أول مرة يحس بعجز لهالدرجة ومانادى لطيفه هنا إلا مايبي اسيل او امه يسمعون .... لطيفه دخلت بيت الشعر وقلت بشك: خير آللهم اجعله خير رائد ناظرها بضيق: وين الخير مدام أخوك دايماً يورط الي يحبهم ودايم يخسرهم لطيفه بخوف:بسم الله الرحمن الرحيم لاتخوفني رائد قولي وش فيك رائد كور يده بقهر وقال : الزفت بنت خالتك ماسكه علي شيء كبير حيل ومادري كيف أخذه منها لطيفه عقدت حواجبها وهي مستغربه: بنت خالتي مين تقصد فيهن بنات خالاتي كثير وبعد وش ماسكه عليك وكيف رائد قاطعها : أريج لطيفه بصدمة:أريج ايش بينك وبينها عشان تمسك شيء عليك رائد لازم يكذب عشان يقدر يخلي لطيفه بصفه ويقدر يكسب عاطفتها وتقدر تساعده قال :كان ترسل لي وكل مره تدق علي وانا ماعطيتها وجهه ويوم درت بسالفة خطبتي من اسيل جلست تهددد وفكرت السالفة كلام فاضي مثل عادتها بس لا بعد ماتممت زواجي ارسلت لي مقطع تهددني به لطيفه بصدمه فتحت عيونها :ايشش كل ذا يطلع من اريج صدقني انت الي لعبت فيها وعلقتها فيك اعرفك ي الي ماتخاف ربك بنت خالتك وماسلمت منك حسبي الله صادق اسامه يوم يقول عنك **** رائد مسك يدها :تكفين لطيفه لا تزيدي علي المشكله ماهو في علاقتي معاها المشكله في الصور الي عندها ... لطيفه بعصييه: بعد مصور معاها رائد: ليت كان مايهمني بس الصور لأسيل والخايسة تهدد تنشرها في السوشل ميديا لطيفه حطت يدها على رأسها: يآرب لطفك وبقوه ضربته على صدره غبي طول عمرك غبي أشلون وصلت نفسك لكذآ وبنت الناس الي مالها ذنب في شيء حقير بينك أنت وأريج رائد افف لطيفه مكذيته بقوه وكذا ماراح يستفيد شيء قال بقهر: لطيفه انتي حاطه علي ومحملتني الغلط أقولك لأني ماعطيتها وجهه جالسة تهددد فيني بصور زوجتي والحين ابي منك بس تقدري تجيبي جوال أريج كيف مدري دبري عمرك ... لطيفه بقهر: كيف صورتها وين رائد : مدري أشلون صورتها لطيفه بعصبيه: بحاول اصدقك بس والله عارفة انك أساس المصيبه هذي حسبي الله عليك شوف كيف رجعت لك لأن ربي مايرضى باللي يصير والله لو أسيل تسمع ماغير تطلب الطلاق ومن حقها كيف تأمن على وأحد مافكر في شرف أهله وقبل تكون بنت خالته أخت خويه بعد أنت وفهد من يومكم مع بعض أشلون قدرت تخونه مع أخته رائد بضيق: لطيفه خليك الحين من هالكلام وجيبي بس جوال أريج لطيفه بقهر :أشلون رائد اقدر أخذ جوالها وبعد يمكن ناسختها في أكثر من جوال رائد : لا عندها جوال واحد بس وانتي عآرفة حال بيت خالتي عايشين على الضمان وفهد أكبر مفلس و توها تمسك جوال كاميرا من أصله ماعندها غيره صدقيني ودايم مفلسه وتشكي الحال لطيفه صغرت عيونها بقهر : عارف بعد انها مفلسه وشكل الجوال بعد جايبه انت لها صح ...فيك الخير تصدق ... رائد بقهر :لطيفه مو وقتك أبد بسرعة دبريها بأي مصيبه وبعد الخبله ريوف قولي لها تسوي اي مصيبه تمنع هالزواج انا حاولت بس شوفي كيف الرد كان تهديد بصور زوجتي والله يعز علي أسامه يأخذ مثل أشكالها لطيفه بقهر منه : انكتم آلحين خلني ادوراي مصيبه أخذ الجوال وبعدها أسامه نفكر بحل له هو بعد اغبى منك رأسه والف سيف إلا يأخذها الله يسامح امي بس ... رائد : تكفين ساعديني التعديل الأخير تم بواسطة فيتامين سي ; 04-01-17 الساعة 01:04 AM | ||||
|  |
|
28-12-16, 11:05 PM
| #879 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| قبل العيد بأسبوع عند ريتآج انشغلت حدي ...بموضوع زواج عصام ..طول الوقت مع أمي أجهز وانشغلنا حيل بالأسواق. ..والحمدلله حتى آلحين...الأمور تمشي تمام التمام ..يآرب سهلها يآرب ..والي مستغربته بعد وليد معاد يدق أبد..بعد آخر مكالمة بينا ...مافي بيني وبيه اي إتصال والحمدلله نفسيتي زانت عن أول ..بذات بقربي من أمي .....ناظرت أمي....الي موراضية بالفستان ... قلت : يمه والله حلوو ام عصام بحيرة : مدري احسه ماهو لايق علي هاللون ريتآج ابتسمت لها : يمه التغير حلوو ويكفي انا فستاني وفستانك مع بعض ام عصام بضحكه : يالله ماعندي إلا اقتنع به مافي وقت عاد لتفصيل ريتاج عضيت بقهر: والله يمه هذا ردك يعني ماتبي تطقمي معي ام عصام ابتسمت بحنان : ي قلبي امزح معتس وطالعت عصام الي جاي وهو معصب ..وملابسه معدومة.وقفت بخوف: خير يمه عصام بعصبيه : والله ماغير اربيه ال**** واخليه يطلق من فوق خشمه بعد ريتآج قلبي وقف أكيد يقصد وليد ...توني أقول الحمدلله الأمور تمام التمام قلت بخوف عليه لا يخرب على عمرة ومابقي شيء: عصام كم مرة قلت لك لاتدخل خلاص شيء بيني وبينه أقدر احله عصام بقهر: والله ماضيعتك غير شخصيتك الضعيفه هذي مفروض تمرمطيه بالمحاكم ماهو تجلسي تنتظري قرارعمي وأبوي ولا يكون بعد لك نيه ترجعي له هذا حرام تعشي معه خلاص خلي عندك كرامة ريتآج فتحت عينها بصدمه واشرت على نفسها : آلحين لأني مابي اخرب عليك ...ولاابي المشاكل بين ابوي وعمي وآخر شيء تجي تقول شخصيتي ضعيفه وبدون كرامة هذا جزاء الي يفكر بغيره وقربت منه بقهر وضربته على صدره تستاهل الي جاك من وليد واستاهل انا الي ضحيت عشانك ...وبسرعة طلعت غرفتي ...وقفلت على نفسي الباب مابي أشوفه عارفة انه راح يجي ...رميت حالي على السرير وجلست اصيح بقهر بعد كل هالتضحيه عشانه يجي يقول شخصيتي ضعيفه ...ومالي كرامة & & غلا ناظرت بنتي ...الي تلعب بيدينها ..ي قلبي عليك ... زفرت بضيق ..طفشت تحس بوحدة ...آه ي ام محمد الله يسامحك متى ناويه ترجعي الحارة ..سحبت جوالي ودقيت عليها بتونس شوي معاها ...أول ماسمعت صوتها حسيت براحه : هلا والله بهاااالصوت غلا : ياهلا فيك ي القاطعه ام محمد ابتسمت بحب : ي قلبي والله ماقطعت إلا بضروف حدتني الله يعيني بس ويصبرني المهم كيفك وكيف البنوته غلا ناظرت بنتها بحب : الحمدلله انا والبنوته تمام قولي لي متى ناوية ترجعي بس والله طفشت بدونك ام محمد : والله شكل هالمرة مافي رجعة واخوي بيعرض بيتي الي في الحارة عندكم للبيع ونزيد على القيمه وبأخذ بيت هنا عند أهلي على قدي غلا بضيق: لا أشلون يهون عليك تخيليني كذا لحالي في الحارة والله احتري رجعتك بسرعة والحين تصدميني بهالخبر ام محمد : وش رجعك الحارة لايكون ي غلا بينك وبين رجلك شيء غلا بقهر: فكينا من سيرته تكفين ام محمد : غلا اتقي الله بنفسك وش فكينا من سيرته هذا رجلك خلاص ومالك غيرة آلحين فكري بعقلك وخليك من التفاهات الي ماراح تنفعك غلا بضيق: تكفين داقه عليك بتونس معك مابي شيء ينكد علي غيري السالفة ام محمد بحده : غلا والله بديت اعصب من جد غلا ابتسمت : ي قلبي الي عصبت ام محمد بقهر : غلا حرام عليك والله رفعتي ضغطي بس الشرهه ماهو فيك الشرهه في الخبل الي مشى معك وبعد مخلي بنته عندك صدق انه خبل غلا بزعل: حتى إنتي معترضة على وجود بنتي معي ام محمد قاطعتها بقهر: السالفة ماهو إعتراض السالفة بالعقل ي غلا الحين لو مرضت بنتك نط عليكم حرامي ولا ناسيه بعد يوم نط علي في بيتي والحمدلله أخوي كان موجود وبغيت أموت وآلحين لو تكررت معك وش بتسوين بهالحارة لحالك الي كان لك سندغير رجلك مات الله يرحمه .... غلا : لا الحرامي مانط غير بيتكك لا تجلسين تلعبي براسي ويقال تخوفيني ... ام محمد : أقسم بالله مابه عقل برأسك غلا بضيق: تكفين غير السالفة وخليني أعرف أخبارك وش مسويه هناك وليه قررتي تأخذي بيت عند أهلك والله مصدومه من قرارك كان ودي ترجعي ونرجع لشغلتنا ام محمد : والله هنا ارتحت أكثر وبذات مع وجود أهلي واخوي سلمان الله يطول بعمره والحارة مثل مانتي عارفة أهل رجلي أشلون وبذات أخوه كل يوم ناط يبي يسوي مشاكل غلا بخبث: عارفة ليه يسوي مشاكل ي الغبية والله يبيك وكم مره خطبك بس انتي مسويه فيها ام محمد بحده: غلا غلا بضحكه : اخخخخ عصبتي والله الصدق كان وافقتي عليه وكسبتي أجر في عيالك وعياله ام محمد بعصبيه : غلا والنهايه معك وبعدين وش ذالحكي بالله غلا :وافقي عليه ي شيخه وباقي صغيرة حرام عليك تجلسي كذآ وعمرك توه 35 ام محمد بضيق: وش صغيرة الله يرحم والديك بنتي هالسنه جامعه و غلا قاطعتها: ولافي ولده بعد بالجامعة يعني حتى هو كبير ويناسب وضعك ام محمد بقهر: يآربي ارتاح من ام رجلي احط فيك غلا برجا: تكفين غيري رايك وافقي عليه وارجعي الحاره ونرجع مثل مكان ام محمد ابتسمت : ايه هذا الي تبيه أرجع غلا بصدق: اي والله وبضحكه اليوم بأخذ بنتي وبنروح نسير على ام لافي ام محمد بقهر: غلا انتي فاضية بقفل غلا بسرعة: لا لا تكفين فكري والله لمصلحتك ام محمد : غلا وش جالسة تقولي بالله عارفة مين لافي هذا الشر كله عنده غلا :بالعكس شايفته حنون بذات على عيالك بس انتي يوم رفضتيه كانت ردت فعل وصارت المشكله بينك وبينهم ام محمد: ماتعرفيه والله زوجته ماطلبت الطلاق من فراغ غلا : خلاص المره ماتت ام محمد : بس قبل تموت طلقها ...هذا ماينضمن غلا : وش يدريك وش بينهم كان وخلاص ام محمد : أقول غلا لا تلهيني عن سالفتك الي صدق تشيب الرأس أقول دقي على الخبل الي معك وخليه يجي يأخذك وخليك مني انا الحمدلله مرتاحة عند أهلي ...وآخر وحدة تفكر تنصح انتي اوك لأن حياتك صدق يبي لها التعديل .. غلا بتريقه: اوك بدق عليه بس بشرط ام محمد: قولي شرطك وشهوو غلا :قبل ادق عليه وافقي على لافي ...وعضت شفتها يوم انقطع الخط اخخخ ...قفلت بوجهي طيب طيب ...طالعت بنتي تناظرني ي قلبي على العيون ...حملتها ...وجلست ابوس فيها اخخخ تصدقين وش الي قاهرني ...انك نسخه من العربجي أبوك ..ابتسمت بعد تضحكين. ..اخخ منك بس ..إلا على طاري العربجي ...مرسلة له يجيب أغراض لغرام من الصبح ..ولما آلحين ماجااا ...ومارد إلا بكلمه ((ان شاءالله )) ولما الحين ماشرف ...افف ... والله بنتي حليبها مخلص وش الدبرة .. أخذت جوالي ودقيت عليه هذا لازم يسمع كم كلمة ويالله تنفع فيه أول ماسمعت صوته قلت بقهر: متي ناوي ان شاءالله تجيب الأغراض الي طالبتها منك قال بصوت ثقيل من النوم: روحت من دوامي تعبان نمت بعد الفطور على طول شوي اصحصح واجيبها لك غلا بقهر :حرام عليك كيف يطاوعك قلبك نايم وبنتك ماعندها حليب اسامي حط يده على شعره وقال بطفش من تذمرها:قلت لك كنت تعبان ومواصل خلاص فكينا غلا بعصبيه: ايه مواصل ماغير سهر بهالاستراحات والسبرته وببقهر رفعت صوتها يوم قفل بوجهاا ...وش حكاتيهم اليوم ماغير تقفيل بوجهي رمت الجوال بعصبيه ...قال آيش كان تعبان ومواصل ....وقفت وانا ادور شيء أشغل نفسي حتى يجي ...وبعد لازم أهدى شوي ...مافيني على المشاكل معه ... حسيت بجوع ....دخلت المطبخ وانا افكر وش اسوي لي أكله خفيفة ...تمشي الحال ..اليوم سويت لي بس شوربه وفطرت ....فتحت الثلاجة ...اففف فاضية رجعت للغرفة ...وأخذت جوالي فتحت الواتس وكتبت له ((جيب لي وجبه معك من ماك )) ابتسمت بنذاله . يوم شتفه جاري الكتابه .((أومر ثانية ي الشيخه ))ميلت فمي بقهر يتمسخر الأخ كتبت له بسرعة ((لو تذكرت ارسلت لك عادي لا تشيل هم )) رميت الجوال وانا اضحك ايه سآمي ماينفع معه إلا كذآ ... .. رحت للغرفة وحملت بنتي وحملت المهز باليد الثانية وطلعت لصالة ...حطيت المهز في الارض ...وحطيت غرام ....جلست على الكنبه مقابلتها ...فتحت التي في ...وجلست اقلب فيه بطفش ...يالله كابه ماغير اكلم نفسي .. طالعت غرام وهي تطالع بالسقف ..رفعت عيوني معاها اشوف وش تطالع ...نزلت رأسي لها وانا اضحك أقول ي بنت سامي لا تخبلين فيني ... رجعت اقلب ...بالريموت ...خليته على برنامج ...جلست اتفرج وتحمست مع المسابقة ...واي فريق بيفوز ...كنت اجاوب على بعض الاسئلة وبعضها ماعرف ...ومندمجه على الآخر.... إلا على صوت الباب فزعني ...وقفت بسرعة وانا اردد أخيراً جاا فتحت الباب ... قال بعصبيه وهو يدف الباب : أشلون تفتحي على طول كذآ وش قايل انا تأكدي مين على الباب قبل غلا : أقول مافي غيرك بيجي آلحين لا تجلس تنافخ علي وبعدين سبحان الله رمضان مافي خوف الحارة حيه ... سامي بقهر: والله عجزت فيك كيف تفهمي مدري غلا أخذت العشاء من يده وقلت بسخريه: يكفي الفهم خليناه لك سآمي دخل ا باقي الأغراض ..وقفل الباب ناظرها بحده : للمرة المليون أعيدها لك غلا لا تفتحي الباب قبل تعرفي مين غلا بنفك من صدعته قلت بطفش : ان شاءالله سآمي طالع غرام قرب منها وجلس على ركبه في الأرض وحملها ..بوسها بخدها أكثر من مره .. غلا بسخرية : ماشاءالله ي الأب الحنون نايم ومطنشها سامي وقف وحمل غرام وجلس على الكنبه ابتسم على جنب على كلامها ابشري آلحين يجيك الرد الي يمحي هالسخريه كلها : ايه حنون ومن كثر حناني أفكر اغير رأي وأخذ بنتي معي صراحه الوضع مايطمن ..بذات معاك مايتأمن عليها ..وبعد أخاف أقصر معاها وانا بعيد... غلا بعصبيه : والله مارجع معك حطها في بالك سامي ضحك بستفزاز: مين قالك برجعك خلاص الي بيني وبينك انتهى من زمان غلا فتحت عينها بصدمه وش قصده قالت بتوتر: قصدك تعيد حركتك الندله وتأخذ غرام مني سامي هز رأسه بدون صوت وهو مبتسم بتسفزاز غلا بسرعة قربت منه وجلست على الأرض مسكت حطت يدها على ركبته :تكفى لا والله اموت ي سآمي سآمي طالعها كيف خايفة وتترجاه ..قال بحزم: أجل تأدبي ولا اسمع لك نفس وحركات الهياط والسخريه خليها عنك غلا بسرعة حطت يدها على فمها .... سآمي قال بضحكه : قربي العشا غلا وقفت أخذت كيس العشا ناظرته به وجبتين بهمس وهي تتذمر يعني شكله مطول . اليوم زفرت بضيق..الله يعين ... سآمي صغر عيونه :وش تقولين غلا ابتسمت بدون نفس: سلامتك خذ بالعافية وهي تمد له الوجبه أول ماااخذها نزلت نفسها شوي وحملت بنتهاا قال بهمس:خليها غلا : عشان تأخذ راحتك بالأكل رجعتها مكانها ..في المهز وهي ودها تطيرها للغرفة وتقفل عليها بعد مسوي لها رعب ....خايفة يأخذها ... أخذت وجبتها وهي متوترة .ونفسها انسدت ..معاد تبي غير انه يفارق .... رن جوالها ...مدت يدها وأخذته وهي تناظر رقم ام محمد ينور الشاشة ..خلته على الصامت ورجعته مكانه يوم يروح تدق عليها عارفة بتعذر ليه قفلت بوجهاا قال بجمود: مين غلا رفعت عينها له وقالت: ام محمد بعدين ادق عليها سآمي رفع حاجب : طيب ليه ماتردي عليها آلحين غلا محلاي ارد عليها آلحين من توو اقولها عايشة لحالي ومابي سيرته تنفتح والحين اقولها الرجآل عندي ...قلت بأبتسامه مالها داعي : ماهوو وقتها بس فتحت عيني بصدمه من الضحكه القويه اللي ضحكها سامي ضحك بقوه :لا تقولين بس عشاني وخايفه تشغلك عني والله وفيك الخير ومرة سنعه غلا حسيت بقهر ...جالس يتمسخر علي الآخ قلت وانا احاول امسك نفسي :لا السالفة ماهو كذا بس ماعرف أخذ راحتي معاها في الكلام وحد عندي سامي رجع يأكل: هاا قلتي لي ماتأخذي راحتك معاها وأحد موجود إلا على طاريها أخبارهم وش مسويه مع أهل رجلها باقي بينهم مشاكل ولا انحلت غلا : باقي وبتطول مدام رافضه لافي سآمي عقد حواجبه : رافضه لافي ليه هو خطبها مجنون وش يبي فيها عندها عيال وكبيره غلا بقهر:وش كبيرة والله بدريه أختك أكبر منها وبعد لا تنسى هو بعد عنده عيال وش كبرهم سآمي : عارف بس مفروض بدل المشاكل هذي كلها والسبب خطبه مثل ماتقولين والله انه غبي لو بجدد شبابي أخذ لي وحده في الطعش ماهو قرب الأربعين غلا ماحبيت كيف يتكلم عنها كذا قلت بقهر: أقولك اصغر من أختك ياليت توافق عليه وراح ترتاح بس عقلها مصدي .. سآمي بسخرية : ي بوي اسمعووا مين الي تنصح أقول خليك في حياتك ابرك... غلا بقهر رجعت وجبتي بالكيس نفسي انسدت وقلت : سآمي أنت جاي تدور مشاكل صح سآمي هز رأسه بلا..: المهم قولي لي بنتها في اي سنه آلحين بالجامعة غلا بقهر: أول سنه سامي رفع يده يحسب: إذا كانت دافوره وماترسب وكاد عمرها الحين 18 غلا بقهر قاطعته:وليه الآخ يحسب عمرها بالله سامي ابتسم على جنب : لا تسيء الظن بس بعرف كم عمر امها غلا بحده: ي رجال جالس تحسب عمر البنت عشان تعرف عمر الأم روح بس والله لك نيه شينه سآمي وقف وجلس على نفس الكنبه الي جالسة عليها وقال بهمس: وش هي النيه الشينه بنظرك آلحين غلا توترت من جلوسه على نفس الكنبه ..بعدت نفسها شوي وقالت :أقول ليه ماتروح مابقي شيء على السحور وأكيد امك قلقانه عليك ...آلحين وتبيك تتسحرمعاها سآمي رفع حاجب: افاا طردة غلا بسخرية : لا مين قال طرده بس خايفه على امك تدري فيها ماتحمل فراقك.. وسكتت يوم جواله رن سآمي حرك جسمه شوي وأخذ جواله من على الطاوله جنب مفتاحه .رفعه بسرعة يوم شاف رقم عمار:هاا بشر ي خوك ان شاءالله خير عمار : والله مافي يده شيء يقول غير بعد العيد ولاتنسى أبوك قضيتة كبيرة ي سآمي سآمي قال بعجز: اي والله كبيره حيل الله يسهل يآرب عمار بحزن عليه :ماعليه ان شاءالله ربي يفرجها خلك بس قوي وانا أخوك سآمي هز رأسها وقال: والنعم بالله ..يالله بحفظ الله غلا يتكلم عن قضية أبوه ...يعني جالس يدور حل ..عشان يطلعه قلت بقهر: أشلون تدور له مخرج .والسيف الاحدب ينتظرة ماله مخرج عنه لا تتعب حالك..الناس الي بذمته ضاعت واجد وأكبر دليل انا شوف كيف وضعي بدون أبوي ..وبعد مقومين له محامي وأكيد أجرته من الفلوس الحرام الي كان يكسبها من الضعاف الي ضيعهم بس على الفاضي خلها في بالك هالشيء سامي بعصبية: ابوك كان مقدر عليه لا تحملي أحد بضياعه وموته والمحامي أجرته الله يعطي أمي العافية الفلوس اللي جمعتها وانتي خابرة فيها اعطتني وقالت لاتقصر معاه وبإذن واحد أحد السيف مايطول رقبته وانا حي غلا بصدمه: قيمت له محامي بفلوسها بعد الي سواه فيه وضحكت بسخرية صدق ان امك .مدري أشلون تفكر و أبوك مفسد بالأرض وجزاه السيف ... سامي وقف بعصبيه ومد يده وقفل فمها بقوه قبل تكمل كلامها قال وهو صاك على سنونه: انكتمي وان شاء الله ابشرك بطلوعه قريب .. وبسرعة اخذت مفتاحي و طلعت .. وانا مولع منها ...و لو أجلس أخذ وأعطي معاها ..والله ماغير اذبحها على هاللسان ....ركبت السيارة ..وانا ودي اطلع عصبيتي في اي شيء ...مقهور منها ماطلبت منها تهون علي ...ولا طلبت منها توقف معي ..ليه حشرت حالها بالسالفه آلحين. ...ودي ارجع وأكسر رأسها ويبرد قلبي شوي....طالعت جهة بيت أبوي يالله...صار مهجور ..ليته ما كتبه بأسم زوجته الجديدة كان رجعت أمي وسكنا فيه وأكون قريب من بنتي والخبله أمها . ..... عند غلا افف..الله يصبرني كل مره يوم اطلب غرض كذآ بينشب لي ....قفلت الباب بعد ماطلع وجلست اتأكد من تقفيله وسوس فيني ..وبعد ام محمد ماقصرت ذكرتني بسالفة...الحرامي ...طالعت الساعة باقي توها تجي وحدة ..ناظرت الوجبه حقته ماكملها ....جالس يتليقف ويحسب عمر البنت ..قهرني مدري وش عنده مع هالبثينه ...ماغير البسمه تنشق بوجهه شق يوم يجيب سيرتها وبعدها حرق دمي بسالفة أبوه....أخذت الريموت وانا اغير القناة افف برنامجي انتهى وماعرفت اي فريق فاز جاا وخرب علي وقفت ورحت اتوضى بصلي القيام الله ي رمضان مابقي غير أسبوع وتنتهي أول مافرشت السجادة ...سمعت شيء طب بالحوش ..فزيت بخوف: يمه .. معقول سامي رجع ..والباب مقفل قام طب ...وقفت وانا اتأكد من باب الصالة ...من خوفي سحبت كنبه بعد وجلست عليها .. وانا اناظر بنتي ...جلست ادعي وادعي. ..أول مرة احس بهالخوف ..ليتني مادقيت على ام محمد هي الي ذكرتني بسالفة الحرامي .....شوي الي اسمع شيء نط مرة ثانية .... يمه بعد اثنين ..ارتحت يوم سمعت صوت القطاوه وبعد شكلهم متهاوشين ...حسيت براحه يعني هالحوسه كلها قطاوه ... جلست شوي ..إلا صوتهم اختفي ... زفرت براحه... صدق اني خبله ..قمت سويت لبنتي رضعه ..ونيمتها ..وبعدها .صليت وجلست اقرأ قرآن ..... ... | ||||
|
| |
|
28-12-16, 11:06 PM
| #880 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| في بيت ابو اسامه والتحديد بغرفة رائد ناظرها وهو تنشف شعرها المبلول ...يالله لو تدري وش بتكون رد فعلها أكيد ...حسبي الله عليكي ي اريج آخر شيء توقعت تلعب معي هاللعبه القذره ...عضيت شفتي بقهر ..يآرب الليلة تمشي الخطه....وتقدر لطيفه تأخذ الجوال ... أسيل طالعته في المرايا ... وهي مستغربه له أسبوع وحالته ماهي عاجبتها ماغير ساكت ..ويفكر طول الوقت ...كملت تجفيف شعرها ...وقربت منه وجلست على السرير ...قالت بقلق: فيك شيء رائد أبد وضعك مايطمن رائد بتوتر:لا مافيني شيء أسيل هزت رأسها : لا والله فيك شيء متغير حيل لك أسبوع وانت ابد مو معي وماغير ساكت والعادة جوك مو كذا رائد إبتسم غصب عنه مايبها تحس أكثر : اسوله مافيني شيء أسيل ابتسمت برقه : مدام قلت اسوله طمنت شوي بس اسوله ماتحبك كذآ ساكت رائد إبتسم بحب : ماعرفت لك والله مره تقولي اركد ومره تقولي ماحبك وشكلك كذا اسيل ابتسمت : مدري شكلي ماهو متعودة على كذا ارجع زي أول ي زينك مسوي جووو رائد ابتسم بضيق ليت اقدر ارجع مثل أول بالي مشغول ي اسيل وقلبي محروق ...ال*****معيشتني برعب لكن هين ... ان شاءالله اليوم تنحل .... أسيل : أقول رائد بقول شيء بس اتمنى ماتزعل مني أشلون لطيفه تسوي حفلة بمناسبة طلاقها احسها شيء مدري كيف مفروض ماتسويه رائد اخخ لو تدرين ليه هالحفله كلها قلت بزعل مصطنع: أسيل الي مرت في لطيفه مو قليل خليها تسوي الي تبي ولا تجلسي تنتقدي ولا لانه ولد عمك الي انفكت منه أسيل بسرعة مسكت يده :لا لا تكفى رودي لا تزعل مني ايوه صح مالي دخل انا هي بكيفها رائد ناظرها بحزن ..يكره كذبه وتمثيله عليها بس والله لمصلحتها ...ي قلبي ي أسيل فيك براءة ماهي في أحد ومايصلح وحدة مثل أريج توسخك بشيء مالك فيه ... @ @ @ @ عند ريوف كملت نظافة الشقه ... وأخذت شور وتوضيت وصليت العشاء بعدها أخذت الفحم الي اشعلته قبل ماصلي حطيت عليه بخور ودرت به في الصالة ...ومجلس الحريم الي توي مفصله فيه كنب ماله غير يومين واصل ... كملت تبخير البيت كله ..وحطيت المبخرة على الطاولة ...وجلست على الكنبه بتعب ..آه ي خوي أشلون يجي العيد وانت مسجون آه ي فرحتي يوم شفته ومن يوم رجع وانا متضايقة على حاله ..آه يوم جااا يسلم علي ضمني وصاح حسيت قلبي تقطع عليه بذات يوم يقولي تكفين سامحيها ...والله يوم قالي راجع للسجن المدة انتهت قلبي انوجع عليه ..وبعد حاله مايسر أبد. ....الله يصبر قلبك ي خوي ..ويفرج عنك قريب يآرب....ويحنن قلب رائد ليته يتنازل عن حقة الخاص والحق العام يهون ...يآرب عمه صيته توفي بوعدها لي ..بس وين تقدر تقنعه وامه فوق رأسه ... ي قلبي طيبة قلبها غير ..يوم سمعت بخبر وفاة زوجة ابوي دقت علي ..ي قلبي يقال تصبرني ماتدري أشلون العلاقة كيف ...تفتكر الحريم كلهن مثلها ..استغفر الله أذكروا ..محاسن موتاكم.. ناظرت الباب ..يوم سمعت صوت المفتاح يتحرك ...شرف الله يعيني ... من يوم اخوي رجع السجن وانا ساحبه عليه ..ولا أكمله أبد يرمي كم كلمة بس اطنش ...وطبعاً الأخ عنده كرامه زيادة.....مستحيل يتعذر ...رد السلام وجلس وقال : ليه ماتجهزتي ولاناسيه حفلة لطيفه ريوف قلت ببرود: لا مو ناسيه ورحت الغرفة بسرعة تجهزت وسويت مكياج خفيف ...ورشيت عطر وطلعت وانا لابسه العباية شفته مشغول بالجوال قلت وانا اضبط الطرحه في المرايا الي عند المدخل : الهديه الي وصيت فيها جهزت أسامه وقف وتقرب منها وقال : كل شيء توصي في يصير بس فكي التكشيرة ذي ريوف طالعته في المرايا : بعض مرات اشك فيك أقول معقول ذا أسامه أسامه إبتسم بخبث :لا تطمني أسامه بس نفسيتي مرتاحه تتوقعي من تغير أثاث البيت ولا عشان ملكتي قربت ريوف كشرت بقرف : اتوقع الأولى أسامه ضحك بصوت عالي مستفز ريوف لبست عطاي بقهر : مشينا أسامه وهو يضحك :تفضلي ي الشيخه @ @ @ @ @ لطيفه زفرت بضيق ..وهي تناظر الأغراض على الطاولة رائد تكفل بكل شيء ...آه وش ذي الحفلة البايخه ..بس الله يقدرني وأقدر أخذ الي ابيه ..وليت فعلاً مثل مايقول رائد ان معاها جوال واحد بس ..ليت هالثقه تجي بمكانها يآرب رفعت جوالي وانا أعيد العزيمه لها ((لا تنسين أريج مافي حد يضبط الحفلة ويقومها ويقعدها غيرك وبيني وبينك نغيض أسيل خليها توصل لاختها قد آيش انا فرحانه بطلاقي ومافي حد يساعدني بهالجوو غيرك )))قفلته ورميته بقهر على الطاولة ارسلت لها المحادثه ذي أكثر من مرة ابي اتأكد من جيتها شوي وصلني الرد ((ي قلبي والله جايه لا تشيلي هم شوي واشوف نفسي لهادرجه جيتي تهمك بحفلتك ياقلبي انتي وان شاء الله ازوجك باخوي أحسن من ابو النسوان اخخ ي إني اليوم بطقطق عليه قدام بنت عمه الدلوعه )) كشرت بقرف ..ورجعت الجوال وجلست مشغوله بالتحضير ... شوي وأذن العشاء طلعت بسرعة لغرفتي صليت العشاء والتراويح ولبست وتكشخت ونزلت ..وانا اتأكد من كل شيء. .. رجعت دقيت على ريوف ...أكد عليها افف ي هي غثتني رافضه تجي بس حلفتها وافقت غصب ...أشلون لو تدري ان أريج جاية شافت أسيل نازل وهي متكشخه .ومعاها السيد رائد اخخ بس ودي اسطره بكم كف ابتسمت لاسيل..كان قبل ماتطيقها بس سبحان الله بعد ماتطلقت خلاص ...كل شيء تغير واليوم هالشيء كله عشانها وليت بفائدة بس يآرب...يسرها ولا تنفضح البنت بسبب تهور أخوي....وخباثة أريج....ي هي صدمه كان يوم دريت بخلاقها ...الله لا يبلانا و يهديها ويهدي جميع بنات المسلمين.ناظرت رائد الي يناظرني مثل الي يقولي تكفين اليوم ريحيني ... رديت السلام على أسيل وقلت : مو كانهم تأخروا أسيل وهي تسحب شوكلاته : لا لا بس انتي مستعجله اممم بسألك لطيفه وياليت ماتزعلين مني وشهوله هالحلفة احسها مرة مالها داعي والسبب لاتعليق لطيفه ناظرت رائد تبيه يرد بدالها رائد بعصبيه : والنهايه يعني ماهو من توو قايل شيء مالك فيه لا تجلسي تنتقدي ودي اعرف وش مستفيدة من هالحكي حابة تحتفلي معاهم اجلسي ماهو حابه اطلعي غرفتك وانثبري فيها شافها تناظره مصدومه حزن عليها بس هالشيء يسويه لمصلحتها ناظر لطيفه وقرب منها ونزل رأسه لها وسلم فوق رأسها وقال بتمثيل : مبروك حبيبتي احتفلي على كيفك وبهمس ماوصيك تكفين سوي الي طلبته من بالضبط ...وطلع أسيل مصدومه أول مره يكلمها كذا .تحس حالها تفشلت ..بلعت الغصه غصب خلاص شوي ودموعها تنزل ..طالعت لطيفه وقالت بهمس: آسفه إذا ضايقتك بسؤالي .. لطيفه : خذي راحتك بس رائد تدخل وخرب علي ماخلاني ارد عليك ..وقفت يوم شافت ريوف ..داخله عليهم ريوف قربت منها وسلمت عليها ورجعت بسرعة طلعت من الباب وطالعت أسامه الي ماسك الهديه بيده وقلت بسرعة : ارجع آسيل موجودة أسامه بجمود:اوك خذي أجل وطالع لطيفه الي واقفه جنب الباب أشلونك لطيفه قربت منه وسلمت عليه وهي حزينه عليه ...آه لو تدري ي أسامه وش مخبى لك ...بس بإذن الله بسوي الي بوسعي وامنع هالزواج كله .... ريوف ابتسمت وهي تمد الهديه للطيفه : ي قلبي هذي مني لك ودي اجيبها بمناسبه غير هذي وأحسن بس ان شاءالله الجاي أفضل لطيفه : ي سلام مين قدي ريوف جايبه لي هديه . ريوف ابتسمت لها ..وطالعت أسامه الي أعطانا ظهره وطلع من البوابة بعدها دخلنا .ومشيت لناحية الجلسة الي مسويتها لطيفه شفت أسيل واقفه تطالعني قربت منها وسلمت عليها .. ويدوب افك العباية ..إلا اشوف أهل لطيفه كلهم جاين البنات والحريم ...انصدمت ناظرت لطيفه ...بعتب كذبت علي قالت بس ماغير صديقاتها واسيل بس ...سألتها عن اريج بالتحديد قالت لا صعبة تطلع وهي مخطوبه ....كذا طبعهم الخايسة كذبت علي ...طالعت اسيل الي همست : ذي وش جايبها وبعد خويتها معاها استغربت من كلامها ... جلست وانا متوتره ..مابي اقابلها ...باقب أسبوع ويملك عليها أسامه ...وقفت يوم قربوا يسلمون سلمت ..عليهم كلهم ويوم وصل الدور على أريج قربت بسلم بس مدت يدها حسيت بفشله ..ناظرت لطيفه الي واقفه وراها .هزت رأسها لي مثل الي تقولي طنشي عشاني .....بس بردت قلبي اسيل وردت لها الحركه قويه حيل يوم قربت أريج تسلم عليها ...طنشتها وسلمت على الي جنبها...بس انا وين اودي وجهي هذي ولسى باقي ماصارت زوجته وهي كذا أخلاقها معي ...بس الي محيرني وش بينها وبين أسيل ... جلسنا كلنا بعد مالحريم راحوا للمجلس الكبير ناظرت نايحة أريج ...شكلها معصب ...وتناظر الكل بحقد بعد حركة أسيل....طالعت أسيل الي همست لي :لاتزعلي مني بالي بقوله بس ودي ابرد قلبي استغربت تكلمني كذا ومابيني وبينها شيء ماغير سلام بس يالله ماتجي عليها دايم مادخل البيت إلا أحد يحذف علي كلمه تسد النفس قلت بهمس:خذي راحتك تفضلي انتظرتها تكمل الي بتقوله بس انصدمت الكلام مو موجهه لي والحين عرفت ليه تأسفت قبل تقول اسيل بدلع رفعت صوتها: افف ي اريج صدق وجهك مغسول اشلون تجين بيت خطيبك ولا يمكن سلومكن غير سلومنا حنا تحرم البنت بيت أهل خطيبها حتى يتم الزواج بس والله ي زينها هالعادة تحسين كذا بشيء مميز ماهو جايه رايحه يكون مالك أريج بقهر قاطعتها وهي تعلك بصوت مستفز :إلا اطمنك سلومنا مثل بعض بس عشان الحلوة نختنتي اجي وجيت ي قلبي لايكون جيتي ثقيله عليك أسيل ابتسمت بسخرية لطيفه وقفت : خلو ابليس عنكم وخلونا نفلها ريوف طالعت لطيفه بعتب ...بعد هي الي ملزمة عليها الله يسامحك بس ...ليتك خليتني احفظ ماي وجهي وانثبر بشقتي لطيفه قالت بتوتر يآرب تضبط معاها الخطه :يالله ي بنات نبي نفلها بس قبل كل شيء ...هاتي الجوالات.....بحطها بمكان بعيد عشان ماتنشعلن عني ..اليوم كله لي تنهدت براحة يوم الكل أعطاها بدون إعتراض وأكثر شيء ريحها يوم شافت جوال أريج بيدها ...قالت بأبتسامه مصطنعه: بعد ساعتين اسلمكم هي وبسرعة تحركت لغرفتها ودقت على رائد الي قال لها تجي المطبخ بيدخل من الباب الخارجي ....بسرعة خبت جوال أريج و نزلت وهي تزوع إبتسامات ..وماسكه جوالها يقال يتكلم حد جاي ..بسرعة دخلت المطبخ شافت ... رائد متوتر حده قرب منها بسرعة : وينه بسرعة لطيفه ناولته : خذ وبسرعة خلني ارجعه رائد أخذه وهو مرتبك .. فتح الأستوديو. ..ماحصل صور بس فتح الملفات الخاصة بالملاحظة حصل صورة أسيل طالع لطيفه بقهر شوفي ال***** وبعد في مناسبة الصورة كان لها شوفي المكان لطيفه طالعت الصورة فعلاً بمناسبه وبكامل كشختها حسبي الله عليك ي أريج بس الصورة ماهي تمام شكلها بسرعة التقطتها قلت بسرعة وانا متوتره : يالله بسرعة احذفها وخلني أرجع لهم الجوالات رائد بخبث: لا ي قلبي هذا الجوال لو رجعته بكون غبي لطيفه بصدمه: وش تقول انت اتفاقنا لولقيت صور تحذفها بس رائد بقهر: أشلون احذفها وكاد لو رجعت لها الجهاز تقدر تسوي اي مصيبه وترجع الصور ..رفع الجوال وقال هذا لازم يكون عندي وبعد افرمه فرم لطيفه : أشلون البنت تبي جوالها والله ماغير تسرقنا رائد : لا مو سرقة ولا شيء جوال ورجع لصاحبه لطيفه بقهر :ايه أنت الي جبته صح وهالثقه كلها إلا أنت عارف ماتقدر تجيب غيرة ...بس اطمنك هذي خبيثه وكاد لعبت بغيرك وجاب لها مثل الي جبته أنت ونسخت الصور بعد رائد بثقه: لو فعلا كان عندها نسخه ثانيه كان ماحفظت الصورة بالملاحظات دليل ماعندها غيرها وبعد الصورة مو واضحه تمام دليل انها مرتبكه ... لطيفه : طيب وش أقولها جوالك اختفى فجأة رائد بخبث: قولي لها رائد أخذه لطيفة فتحت عيني بصدمه : ايشش بتسبب مشكله أنت رائد بضحكه: أتحدى تفتح فمها وراح تشوفي بنفسك وطلع وهو يضحك بصوت عالي .... لطيفه .. حست نفسها محتارة خايفة تحصل مشكله. .. طلعت لهم ....وهي راسمه إلابتسامة المزيفه على وجهاا بس وقفتها كلمة أريج الي حرقت دمها بدلع: بنات ابي اشاوركم في تفصيل فستان الفرح طلعت أكثر من صورة ومحتاره لطيفه قربت منهم وجلست وقالت بسخرية: بدري اريج أريج ناظرت ريوف وابتسمت بخبث: وش بدري عآرفة إن ملكتي مابقت منها غير أسبوع وبعدها وناظرت ريم يقال مستحيه ريم ابتسمت بنذاله وهي تكمل عنها :وأكيد بعدها ي لطيفه الضابط بينهبل يوم يشوفها وبيقرب الزواج أكيد وحطت يدها على يد اريج وقالت بخبث ي قلبي جهزي عمرك من آلحين ريوف حسيت بقهر ...منها ومن الي جالسة تعزز لها ..صدق مايستحن قلت بدون حس: أكيد بينهبل لقي الي لايقه عليه وبسخريه فصلي ي قلبي فصلي ...وبعد بختار معك بعد اريج وقفت وقالت بصوت عالي تبي أمها وخالتها يسمعون:وش قصدك ريوف ميلت فمها:الفيهم يفهم بس انصدمت يوم شفتها .. طايرة لمجلس الحريم وهي تصيح ...طالعت لطيفه الي وقفت وراها ... أسيل همست لها:بردتي قلبي والله غير بينصدم ..زوجك الخبل ذا ابتسمت بتشفي: قلتيها خبل وسكتنا وحنا نشوف العاصفة الي مقبله علينا يالطيف ام اسامه بحده :وش قايله لأريج ي ريوف ريوف طالعت أريج وامها الي تناظرني بحقد قلت ببرود ظاهري وانا أحس حالي تورطت معاهم : اساليها هي ايش قلت ام أسامه بحده: سألتك انتي ماسألت أريج ريوف : ماقلت غير انهم لايقين على بعض غلطانه شيء اريج بصراخ ماله داعي : كذابه قصدك منها السخرية ام أسامه قربت من ريوف وقالت بسخريه: تصدقين انك صادقة لايقين على بعض من كل النواحي وانتي غلطه وصلحها والدليل يوم خطب اللي ترفع الرأس وناظرت أريج بفخر ريوف حسيت بقهر ...من كلامها بس والله ماسكت اشرت على اريج بسخرية : هذي اللي بترفع راسه عز الله راسه وطى ام أسامه بعصبيه :والله ماغيرك واطي ي قليلة الأدب ام فهد صرخت بقهر: أمشي ي أريج مدام بدايتها كذآ ينعاف تاليه ام أسامه بصدمه: وش هالكلام ي سعاد ام فهد :والله إني صادقه حنا لانحب المشاكل ولا نحب نجي يمها ومرة ولدك زودتها ويالله ي اريج بسرعة البسي عباتك لطيفه قربت من خالتها وهي تهدي عليها: تكفين ي خالة هدي وبعد ريوف خلاص اسكتي ام أسامه بحده: والله ي سعاد لو به طلعة بتطلع هذي ام انتي واريج المكان مكانكم والبيت بيتكم والحين بدق على يكسر رأسها ويخليها تأكل تراب لطيفه صرخت : يمه مايصير كذا ام أسامه بقهر دقت رقم أسامه وقالت بعصبيه: الي ماتحترم أهلي ي أسامه وش جزاها وحطته اسبيكر وهي تناظر ريوف بتشفي ... :: :: كتتتتتتتتتتتتت معزومين على ملكة ولدي الضابط في البآرت الجآي بتكون حماس وراح تنبسطوا هههههههههه & نـــونـي بنت الجنوب & استودعتكم الله الذي لا تضيع ودائعه سبحان الله وبحمده سبحان الله العظيم " الوتر أحبتي " الله يرحمك يامن اوجعني فراقك التعديل الأخير تم بواسطة فيتامين سي ; 29-12-16 الساعة 12:05 AM | ||||
|
| |
 |
| أدوات الموضوع | |
| انواع عرض الموضوع | |
|
|
27Likes
.png)
العرض العادي
