آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-10-16, 03:00 PM
| #21 | ||||||||
| مراقبة عامة ومشرفة منتدى الروايات المنقولة  
|  بعد دقائق ترد بصووت تعبان ساره : هلا امجاد وبصوت متضايق : هلا ساره ساره : هلا بك ( وصوتها بداء بالبكاء لانها تحس ودها تتكلم مع احد ) امجاد : ساره وش فيك ساره وهي ماقدرت تمسك نفسها زياده وبدت تبكي امجاد نست نفسها وبدت تبكي وتسالها : ساره تكفين علميني وش فيك ساره : اخوي ماجد امجاد وهي توقف عن البكي وكانها تنتظر صدمه مره ثانيه : وش فيه ماجد ساره وهي من البكاء ماتقدر تتكلم : صار عليه حادث وهو الحين بالعناية المركزه امجاد : وش فيه ساره : مدري والله بس منعونا عن زيارته امجاد انا خايفه يموت امجاد والله لو يموت كان اموت انا وتموت امي من التعب والهم والقهر امجاد من لنا غيره امجاد حنا نتعب وهو معنا مو عاد بروحنا امجاد وش نسوي امجاد وهي تكمل بكاها بصوت عالي حتى ان امجاد من الخوف عليها قالت لها خلاص خلاص حنا جايين وعلى طول سكرت منها ودقت على نوف اول اتصال ماردت ثاني اتصال وترد وهي كانت تحط الغداء مع البنات عشان العيال فيصل وزياد نوف : هلا والله امجااادوه امجاد وهي تبكي : نوف تكفي الحقي علينا نوف وهي من الخوف بداء يعرق جسمها وتصرخ بصوت عالي سمعه فيصل وزياد اخوه نوف : وش فيك امجاد امجاد : ماجد اخو ساره صار عليه حادث وهو بالعناية المركزه وساره تعبانه حيل هي وامها وبتموت من البكاء ( وامجاد تتكلم وهي مو قادره تنطق شيء من البكاء اللي فيها ) وانا بروح لبيتهم الحين رووحي هناك تكفين نوف : بسم الله عليهم خلاص خلاص انا بروح هناك مع السلامه فيصل توه داخل المطبخ ويسمعها تقول خلاص خلاص بروح هناك فيصل : وش السالفه ليش تصرخين نوف وهي عيونها تدمع وماسكه يدينه الثنتين بترجي : تكفى ودني لساره الحين تكفى فيصل : وش فيها ساره نوف : اخوها بالعناية المركزه مسوي حادث وهي وامها تعبانات حيل تكفى بروح لهم فيصل ( يعرف وظع ساره كانت نوف تتكلم عن مشاكلها شوي وكان يحن عليها وهو اصلن يعرف ماجد عن طريق البنات يجيب اغراض يودي اغراض ) فيصل : الله يقومه بالسلامه يالله البسي وانا بشغل السياره نوف على طول ولا كلمه البست عبايتها بس وانزلت قبله عند السياره وهي تدعي ربها ان الله يرفق بحال ماجد عشان امه واخته فيصل استاذن من زياد وخواته وعلمهم وطلع بالسياره فيصل : نوف متى سوى حادث ماجد نوف : والله مدري تو تعلمني امجاد فيصل : الله يقومه بالسلامه .... وسكتوا والكل يدعي في قلبه امجاد دقت على ملكه وملكه كانت تتغداء مع اهلها ردت عليها وعلمتها بالسالفه ونفس الشيء الصدمه اكلت وجهها عند اهلها وقامت ووداها وواحد من اخوانها نص ساعه وساعه الا ربع وهن كلهن عند ساره اول من وصل كانت نوف فتحت الباب لها الخدامه وعلى طول ادخلت البيت وهي تدور ساره او امها وتلاقي ام ماجد حتى ان ام ماجد ماعرفتها بس سلمت وهي تبكي نوف نزلت عبايتها وقالت : مايشوف شر ياخاله الله يقومه بالسلامه يارب ( وكانت نوف بنفسها تعبانه بس ماتبي تزود عليهم ) ام ماجد : امين الله يسمع منك ياارب نوف : خاله دقيقه بس بنزل ساره من غرفتها لاتجلس لحالها وتطلع لغرفة ساره وتطق الباب وتسمع ساره تصيح ولا قالت لها ادخلي ولا شيء فتحت الباب ودخلت ساره كانت متوقعه ان اللي فتح الباب الخدامه او امها مارفعت راسها ولا سوت شيء كملت بكاها نوف قربت منها وضمتها وقعدت تبكي وهي تقول ادعي له ان الله يقومه بالسلامه ساره بهاللحظه كانت اول انسانه تتمناها هي اختها اللي ماجابتها امها نوف اول ما سمعت صوتها بداء بكاها يزيد وكانها تنتظرها تجي من زمان ونوف بدت تحاول تهديها وهي بنفسها تبي لها من يهديها لانها عارفه لو حصل شيء لماجد ساره وامها بيروحون فيها وحاولت تهديها وتقولها : ساره تكفين ادعي له بالسلامه وان الله يشافيه وبعدين امك تعبانه خلينا نروح ننزل تحت على الاقل ماتتعب زياده ومسكتها مع كتفها وكانها ماسكه شيء خفيف كانت ساره تتجاوب مع اي شيء قومتها نوف وقامت بسهوله نزلو تحت الا ملكه تو وصلت لان بيتهم ماكان بعيد وجلست عندهم شووي وامجاد وصث وامها معها امها قالت بروح معك وخالتها راح مع السواق لبيتها جلسوا البنات وام امجاد عندهم لين صلاة العصر وهم يدعون ويهدون بساره وامها بعد الصلاة دق التليفون وترد عليه نوف نوف : نعم ...... : السلام عليكم هذا بيت ماجد نوف : ايه نعم ..... : اقدر اكلم خالتي ام ماجد نوف : ثواني .... خاله واحد على التليفون يقول ابي خالتي ام ماجد ام ماجد تاخذ التليفون وصوتها كله رايح من البكاء : نعم فارس : السلام عليكم خاله ام ماجد : وعليكم السلام فارس : خاله انا فارس وبمركم بعد عشر دقائق اكون عند الباب ام ماجد : الله يجزاك خير على خير ان شاء الله فارس : مع السلامه .... وسكر التليفون ام ماجد : ساره قومي اجهزي بيجي فارس ولد عمك بياخذنا للمستشفى ساره تقوم بدون اي كلام وتلبس عبايتها وترجع تجلس ام امجاد : يا ام ماجد خوذوا راحتكم بالمستشفى وتطمنوا على ولدكم والله يطمنكم عليه حنا بنجلس نرتب البيت شوي وننتظركم والبيت بيتنا ام ماجد كانت في نفسها الف كلمه وكلمه بس تكلمت نوف قبلها : الله يقومه بالسلامه وان شاء الله بيقوم احسن من اول بس اذكرو ربكم بداء الكل يذكر ربه شووي وصل فارس وطق الباب وطلعت ام ماجد وساره وركبوا معه وراحوا للمستشفى ام امجاد وامجاد ونوف وملكه جلسوا فغرفة الضيوف ام امجاد راحت للخدامه وقالت لها جهزي قهوه خفيفه للبنات وسووي عصير ليمون وحطيه بالثلاجه عشان ام ماجد وساره ام ماجد وساره وقت مادخلوا المستشفى لقوا فيه عند غرفة ماجد عمه ابو فارس واقف وحوله اكثر من 7 ممرضين و3 دكاتره من ضمنهم الدكتور اللي هو المدير المناوب وكانوا بعض الممرضين واقفين يشوفون المريض من وراء الدريشه ويوم وصلوا قريب من الغرفه الا كل الطاقم الطبي طالع من الغرفه ومسكرين الستاره ام ماجد اول ماوصلت تحاول تشوف مع الدريشه تبي بس تتاكد هو ميت او حي ساره شافت الطاقم الطبي كله طلع ومسكرين الستاره حقت الغرفه لجل محد يشووف قامت تكلم عمها بصوت خفيف : عم لاتقوول ماجد مات تكفى لاتقووله ام ماجد من سمعت كلمة مات وهي تحس الدنيا بتدور فيها بس تبي تسمع رد الدكتور او عمه وساره صوتها صار اعلى شوي وهي ماهي معطيتهم فرصه يردون لا تقول مات لاتقول تكفى لاتقول مات وبدت تبكي بصوت متقطع الدكتور يرد قبل العم وهو يقاطع كلام ساره اللي مو راضيه تسكت : لا يابنتي الولد طيب وحالته متحسنه افضل من اليوم الصباح ام ماجد وهنا بدت تبكي ماتدري فرح ولا خوف من شيء ثاني ساره تطالع بالغرفه وهي في نفسها تقول ليش طيب مسكرين الستائر حقت الغرفه الدكتور فهمها : وحنا الحين نغير له اللبس ونغير المفرش حق السرير عشان كذا مقفلين الستائر ساره : يعني صدق طيب الدكتور : الحمد لله الولد عنده مناعه قويه وجسمه نشيط وقدر يجتاز الصدمه القويه بس يبي له حوالي 24 ساعه او 48 ساعه تحت المراقبه وبعدها نحدد لكم كل شيء فارس بصوت عالي وكل من كان قريب منهم يسمعه : الحمد لله يارب تقومه بالسلامه وتعافيه يااارب يارب قومه بالسلامه الدكتور وهو يكلم فارس : الله يجزاك خير وامين يارب يسمع منك وتراه محتاج دعائكم وان شاء الله ربي بيعافيه ام ماجد : اي والله ياارب تكفى عافه وقوومه بالصحه والسلامه شوووي فتحوا الستاره ممرضتين وطلعوا من الغرفه ساره : دكتور ( وكان الدكتور بيمشي ) الدكتور : آمري اختي ساره : ابي ادخل ازوره الدكتور : شوفي اختي ابسمح لك وابسمح لكم بما انكم اربعه بس بشرط كل دقيقتين يدخل واحد عليه بس ولمره وحده وهذا تجاوز مني انا بشرط ماتتكلم ولا تقربون بالحيل منه ساره : ابشر بس بندخل الدكتور : تفضلوا .. ويآشر للممرضين يعني اسمحوا لهم ابو فارس : ام ماجد ادخلي انتي اول وحده ام ماجد بدون تردد دخلت ووقفت بعيده عنه شووي بس تشوف ملامح وجهه الملامح اللي مابقى منها شيء معروف كل شيء فيها صار فيه دم ولا خيوط عملية جراحيه الملامح اللي بقت كلها ملامح التعب والهم والحزن اللي كان في صدره كاتمه من سنين الملامح اللي بقت ملامح شقاء الايام وتعب السنين الي كان يركض فيها ورى الدنيا لجل امه واخته الملامح اللي بقت نفس الملامح اللي انتهت باسباب الحادث كانت كلها تعب وحزن وهم لجل يرضي امه واخته جلست تقراء وتدعي من بعيد لين ما اشر لها ابو فارس وعرفت انها طولت وطلعت ابو فارس : ادخلي يا ساره وانا عمك بس لاتطولين تكفين نبي نزور كلنا تدخل ساره وتوقف بعيد عن ماجد تطالع فيه وتبكي ماهي مصدقه في يوم راح تشوف اخوها في نفس هالمكان تمسكت باحد اطراف الجدار ووقفت تطالع اخوها من بعيد وهي بتكي فارس شاف الوظع كذا وعرف انها ماهي قادره توقف على رجولها بسرعه اخذ كرسي وحطه جنب ماجد وطلع ساره قربت بهدوء صوب اخوها وجلست بالكرسي وهي في حال يرثى لها مسكت يدهـ وهي تتكلم معه وتبكي ياخوي تكفى قم مالنا غيرك بعد الله تكفى يامسندي قم تكفى لاتخليني بروحي جلست تدعي ربها مايقارب 10 دقاائق الا عمها يناديها تقوم بهدوء وتطلع وتجلس تطالعه من ورى الدريشه وهي مازالت على نفس حالتها دخل ابو فارس وجلس حوالي 10 دقائق وطلع دخل فآرس وكآن هو آخر واحد ماوراهـ احد من دخل وجلس بالكرسي كان ناوي يقراء بس ماقدر هو قاعد يشوف اخوه اللي ماجابته امه واللي كل اهله مايدرون انه على علاقه فيه ومتواصل هو وياه كان خايف من ابوه وعمه ماعرف ان ابوه مايكره ماجد وكل اللي كان يصير بالايام الماضيه من عمه حمد قاعد يشوف ماجد واللي بقى من ماجد مو شيء كثير الخيوط اللي فالوجه كثيره والآجهزه اكثر من 4 أجهزه قريبه منه بداء يبكي وتذكر ماجد كان يضحك ومره كآن يحرجه ومره كان يغيضه ومره ومره ومرات تكون بينهم اشياء كثيره ماينساها تذكر ان ماجد هو الوحيــد اللي وقف معه بأشياء كثيره هو اللي انتشله من انطواءه بعد قصة الحب اللي خسرها وخسر محبوبته واللي هي بنت خاله بعد ما كان يحبها سنين طوال وكلم ابوه وامه ووافقوا بعدها بست شهور يكتشف انها مخطوبه لولد عمتها وان اللي دار بينه وبين امه مجرد كلام وكانت تدري وحتى اخته اللي كانت توصل المراسيل مابينهم كانت مجرد مراسيل فارغه من الحب الحقيقي والحقيقه انها كانت فقط تتسلى بكاء بشدهـ فهو يرى اخوه وصاحبه يعــآني من التعب الشـيء الكثير وحآلته من سوء إلى أسواء وماقدر الا انه يقوول ربي أشفه أنت الشآفي اللهم احيئه مادام الحياة خيراً له وأمته مادامت الحياة شراً له وقعد يكرر الدعاء الاخير اكثر من خمس مرات بداء يقراء المعوذات وينفث على ماجد ( يقراء عليه يعني ) عند ابو فارس وسـآره وقف رجــال بعيد شووي عنهم وتكلم بصوت شوي عآلي سمعه ابو فارس وساره ..... : السلام عليكم | ||||||||
|  |
|
24-10-16, 03:33 PM
| #22 | ||||||||
| مراقبة عامة ومشرفة منتدى الروايات المنقولة
| ****** الجـــزء الـــحــآدي عشــــر ****** ابو فآرس : وعليكم السلام ( وهو يتوجه للرجل ويسلم عليه باليد ) ...... : هذي غرفة ماجد الـ .... ابو فآرس : نعم هذي غرفته ..... : الله يشافيه ويقوومه بالسسلامه يااارب انا فيصل من معارف ماجد سآره عرفت ان فيصل هذا زوج نوف صديقتها ابو فارس : امين الله يجزاك خير تفضل هذي غرفته يدخل ابو فارس ويطلع ولده فارس فارس وهو يسلم على فيصل ولا يدري منو فيصل دخل وشاف ماجد وحآلته وتعبه كان بآين والاجهزه حوله كثيره قراء عليه شوي وماحب يطوول وقام بيطلع ساره : عم تكفى بجلس عنده دقيقتين بس تكفى ابو فارس : خلاص اذا طلع ادخلي يطلع فيصل وهو ماسك يد ابو فارس وواقف عند فارس ويتكلم معهم : الله يشافيه يارب ويقومه بالسسلامه وهذا يا عم رقم عبدالرحمن ولد عمي مدير العلاقات العامه انا كلمته وقال عطهم رقمي واي شيء يبونه يكلموني ولا يستحون او حتى رساله ابو فارس : ماتقصرون والله يجزاكم خير فيصل : انا استاذن يالله الله يشافيه ويعافيه يااارب فمان الله سلم عليهم وطلع فارس : منو ذا يباه ابو فارس : والله مدري بس اكيد خويه فارس : خويه غريبه اول مره اشوفه ابو فارس : وانت تعرف اخوياه فارس : لا مو كلهم .. وسكت ساره جلست شووي وطلعت لانها تعبت واتجهت لقسم انتظار النساء عشان امها ابو فارس : اقول ساره ساره : نعم ابو فارس : هذا صديق ماجد فيصل من هو ساره : هذا زوج وحده من صديقاتي وهو يعرف ماجد بس معرفه سطحيه وهي علمته واكيد جاء يزوره ابو فارس : الله يجزاه خير ساره : آمين ... راحت لآمها لقت امها تصلي للحين وتدعي في مكان ثاني فيصل طلع ودق على نوف فيصل : الوو نوف : هلا بك فيصل : شلوونك وشلون اللي عندك نوف : كلهم طيبين الحمد لله فيصل : تبون اغراض من برى نوف : لا فيه اغراض كثيره وام امجاد طلعت للسوبر ماركت وجابت كل شيء وتو داخله فيصل : الله يجزاها خير طيب انا تو طلعت من ماجد نوف : هاه شلوونه فيصل : والله انا كنت عند الدكتور وتكلمت معه ويقوول حالته الحين احسن منها يوم جاء الصباح وان شاء الله تتحسن بس اهم شيء الدعاء نوف : الله يشاافيه يااارب فيصل : طيب الحين اخليك واذا بغيتوا شيء كلميني تراء بروح ازور عبدالرحمن ولد عمي كلمته وقال حياك وتعرفين بيته قريب من هنا نوف : على خير ولا تنسى كلمه عن ماجد يمكن يسووي شيء فيصل : كلمته وخلصت وعطيت عم ماجد رقمه نوف : الله يجزاك خير ويجزاه خير ويقووم ماجد بالسلامه لامه واخته ياارب فيصل : اي والله آمين وواظح التعب على ساره اشوفها تطالعه من ورى الدريشه ومابقى شيء ماهو في عينها خوف وحزن وهم وام ماجد ما ادري وينها نوف : بسم الله عليها وينها فيه فيصل : مدري والله نوف : يمكن باستراحة النساء فيصل : يمكن .. طيب انا بسكر تبين شيء نوف : لا سلامتك فيصل : الله يسسلمك مع السسلامه نوف : مع السسلامه بمكان ثاني وبعيد عنهم اشواق قامت من النووم وطلعت تدور امها وماحصلتها بالصاله قالت اكيد نايمه خليني اروح اشوف شروق نايمه او قايمه فتحت الغرفه وتحاول تقومها عشان تقولها برووح لصاحبتي رهف وهي تقووم اختها الا تشوف طرف من الصوره بيدها تسحب الصوره بشويش وتشووف اللي بالصووره اشواق : معقووله يا شروق واحد اصغر منك ومو سعودي ...؟ وهي ترمي الصوره على اختها وتقوومها من النووم لين قامت اشواق : اقول انا بروح لرهف خويتي علمي امي اذا قمتي وبعدين الصوره دسيها زين واذا بتكلمين كلمي كبرك مو اصغر منك تضحكين عليه وتطلع وتخليها شروق ما انتبهت الى لاخر شيء قالته : هاه وش تقول ذي وهي تقووم بصدمه وتدور الصوره وتلاقيها جنبها ومرميه وعرفت ان اشواق شافتها وعشان كذا تحسبها تكلمه ضحكت ضحكه خفيف وكملت نوومها ملكه وهي جالسه في بيت ساره مع ام امجاد وامجاد ونوف دق جوالها وشافت المتصل الا هو نفس الرقم اللي مزعجها طنشته وسكر ودق مره ثانيه وشافت ام امجاد تطالع فيها استحت منها وقامت وردت ملكه : هلا مرام .... : هلا بك ملكه يوم ابعدت عن الناس : وش تبي ..... : عندك احد صح ملكه : مالك دخل خلصني وش تبي تراك مسبب لي ازعاج .... : ادري والله بس بعدين رآح تعذريني وقت ماتعرفيني عدل ملكه : اقول خلاص ارحمني مابيك ولا ابي اكلمك وربي خليتني اعيش بضيقه مايعلم فيها غير رب العالمين تكفى واللي يرحم وآلديك لا عآد تدق ..... : وش اسوي انا احبك وربي ماقدرت وربي ماقدرت انساك اول شيء قلت احترام للعلاقه الي تبرطني باخوها بس وربي ماقدرت اجلس مع اخوك اكثر من امي وابوي والسبب انتي ملكه : طيب والمطلوب علمني ..... : ملكه شوفي انا انسان صادق وصريح معك من البدايه انا وربي أحبك وزاد حبي لك من صرتي تطنشيني وانا كل ماطنشتي رسايلي زاد حبي لك لانك جوهره وماشوف غيري يستحقها شوفي ياملكه انا مافكرت اسبب لك ازعاج بحياتي واعرف انك ماراح تقولين لاخوانك عشان كذا اقولك روحي قولي لهم وما اتصل الا اذا عرفت انك لحالك بالبيت او اخوانك اهم شيء ماهم فيه شوفي فكري بكلامي وانا والله صآدق وشآريك ونيتي طيبه ولآفكرت بأذيتك فهمتي كلامي ملكه : طيب انا فهمته بس وش النهاية لهالكلام كله ..... : الزواج ملكه : موب صآدق بكلامك لانك ماترضى تاخذ وحده كلمتك تليفون ..... : ادري وتفكيرك سليم بس انا ازعجتك واعرفك وادري فيك ماتكلمين بس لجل هذا اخترتك وابي نبداء حياتنا من الحين نخطط لها وبعد ماتخلصين دراستك نتزوج وانا الحمد لله قريب بتوظف ان شاء الله ملكه : لا هالكلام ماراح يمشي معي لانك كذاب وتضحك علي بس لجل تستغلني ...طططططراخ وتسكر التليفون في وجهه وهي جآلسه تفكر في كلآمه وهل هو صادق او لا وبعدين مايقدر يكذب لانه يعرف اخوانها طيب يمكن يكون علاقته مع اخواني فيها حقد ويبي يفك حقده علي ويمكن ويمكن ... وهي في عمق تفكيرهــا جتها نوف نوف : ملوووك وش فيك ملكه : هاه ولا شيء نوف : كيف ولا شيء وانتي جالسه تفكرين وشايله هم ملكه : هاه ايه جالسه افكر بساره وامها واخوها الله يقومه بالسلامه نوف : الله يقومه السلامه ويعين اهله والله لو صار له شيء ليرووحون فيها ام ماجد وساره ملكه : الله يشافيه عشانهن ان شاء الله نوف : يالله قومي نجلس عند ام امجاد وامجاد ملكه : يالله ويقومن يروحن لـ ام امجاد وامجاد ويسولفن معهن لين اذان المغرب بالمستشفى قبل اذان المغرب بنص ساعه ابو فارس : يا ساره وانا عمك ساره وهي للحين على بكاها : سم ابو فارس : قولي لامك بنمشي الحين خلاص بيسكرون الزياره بعد شووي وحنا طولنا وانا عمك مابقى وقت وان شاء الله انا بكرى الصباح بجي هنا والعصر امركم وان حصل شيء جيت وطمنتكم ساره : طيب .. يامه نمشي للبيت ام ماجد وهي مايعلم بحالتها غير رب العباد للحين وهي تبكي ومو مصدقه فراق ولدها : بسم الله يالله فارس راح قبلهم بشوووي ركبوا مع ابو فارس ووصلهم للبيت وقالهم اذا بغيتوا شيء دقوا علي نزلوا ام ماجد وساره للبيت تستقبلهن نوف وامجاد اما ملكه كانت مع ام امجاد يسولفن ام ماجد جلست باقرب كرسي لا امجاد وبنفس هدؤها وساره اخذتها نوف وراحت لغرفتها فوق امجاد امها قالت لها جيبي العصير من المطبخ امجاد تجيبه وتعطي ام ماجد كاس وام ماجد رفضت تشربه ام امجاد : الله يهديك يا ام ماجد انتي كبيره ومؤمنه بالله سبحانه اذا انتي تسووين هالشيء وش نقوول عن ساره ياقلبي عليها مبين عليها التعب ومو قادره تسوي شيء خليك قويه وانا اختك عشانها هي محتاجتك اكثر من اول ام ماجد سكتت ولا ردت عليها امجاد : يالله خاله عشاني لو شووي منه ... ( مدت الكاس لها واخذته وشربت منه شووي وكانها ماشربت ونزلته جنبها ) نوف وساره بالغرفه ساره بكاها زاد لانها تدري مايدري عن اللي بقلبها لاهلها غير نوف صديقتها ونوف ماتدري هي تهديها او تهدي نفسها اللي من شافت توام روحها كذا بدت تبكي من قلب وهي تقووول لساره : ساره شوفي امك شلون تعبانه ولا اكلت شيء وبين عليها العب وشايله هم بدال ماتوقفين وتكونين قويه قدامها لجل ترتاح شووي تزودين همها هم ثاني يالله عاد ياقلبي تكفين خلاص خليك قويه عشان امك زين ساره اقتنعت بكلام نوف وسكتت وحاولت تداري دمعتها ونزلت تحت وهي يالله يالله ماسكه العبره وجلست جنب امها وامسكت يد امها وام امجاد تدعي بصوت عالي وتذكرهم بالله سبحانه وباللي كاتبه وان الواحد الخير مايدري وينه فيه بهالوقت وصلت رساله لـ ملكه فتحتها ملكه ولقتها من اللي مزعجها كآتب فيها ( آسف لو ضآيقتك آو سببت لك أحراج بس صدقيني يا ملكه وربي احبك ليش منتي رآضيه تفهمين ادري تبين تعرفين انا من انا بقولك منو وانتي فكري وعلميني انا عبدالرحمن صديق اخوك بدر وانا آدري مخطي وغلطان بس وش اسوي عجزت انساك ماقدرت وربي تفكيري كله فيك انا اسف بس فكري وعلميني ) قرآت كلامه وتفكر وش تسووي هي ماتبيه ولا تبي تكلمه او تكلم غيره والحل الحين وشو بهاللحظات دق جوالها وفزت إلا هو اخوها بدر ملكه وهي ترد وخايفه ليش ماتدري : هلا بدر : هلا ملووك هاه شلوونها خويتك واهلها شلوونهم ملكه : ماعليهم الحمد لله بدر : طيب تراي عند الباب يالله اطلعي ملكه : طيب بستاذن واطلع لك تسكر منه وتتتكلم مع ام ماجد وساره : الله يقوومه بالسلامه خاله ومايشوف شر ويرجع لكم ازين من اول انا استاذن اخوي عند الباب ام ماجد : آمين الله يجزاك خير ماقصرتي ملكه : وش دعوه خاله يالله فمان الله الموجودات كلهن : فمان الكريم طلعت ملكه وركبت مع اخووها بدر : هلا ملووكه ملكه : هلا بك بدر : هاه وش سويتي عندهم ملكه : ماسويت شيء بس جلست معهن وسولفت مع ام امجاد وطلعت بدر : وحنا جايبينك عشان تجلسين تسولفين كان خدمتي الناس ماهم لم شغل او شيء يسوونه ملكه : ياويلي وراك كانك معصب اللي يشوفك يقول امك لا يالدب هذي ام امجاد سووت كل شيء وعيت اننا نساعدها بدر : ايه هذي اللي فاهمه ملكه : فاهمه وش انت وش اللي تفهمه بهالامـ..... يدق جوال بدر ويرد عليه ويطنش اخته اللي قهرتها الحركه ذي بدر : هلا ... شلوونك طيب ... الحمد لله انا بخير ... والله معي اهلي رايح للبيت ... خلاص اووكي وينك انت .... ايه الحمد لله انك قريب مني الحين تدرين شلون بمر اخذهن منك عشان ما ارجع ... خلاص خمس دقائق واكون هناك ... ايه ماني بعيد اصلن جنبك هههههههه ... يالله فمان الله وسكر التليفون ملكه : الحين ليه تطنشني وترد على خويك بدر : والله دق تبيني اخليه يسكر ملكه : لا والله ماتخليه يسكر وانا تسحب علي بدر : ايه عادي اختي وامون عليها ههههههههههه ملكه : يوووه اووف منك رايق وتستهبل اقوول ودني البيت بسرعه بلا ملاغه بدر : اصبري بس باخذ من خويي افلام بتابعهن الليله ولو تحلمين ماتابعين معي ليش تقولين بلا ملاغه يالمليغه ملكه : لا والله بتاخرين بعد بدر وبري طفشانه ودي البيت بدر : خلاص اقل من خمس دقائق بس واخذ الاغراض ونكمل مشوارنا ملكه اسكتت ولا ردت عليه وجلست تطالع من الدريشه السيارات وهي تفكر بعبدالرحمن اللي طلع لها من وين ماتدري وكيف تتخلص منه وقف بدر ونزل لخويه ذا وسلم عليه وسولفوا اقل من دقيقتين وركب السياره ومشى بدر : خوذي الاشرطه حطيها بشنطتك عشان مايشوفونها اخواني ثم يزعجوني بنتابع بنتابع اذا خلصت اعطيهم ملكه : طيب .. إلى على فكره منو ذا صديقك اللي بس يجيب لك افلام بدال مايجيب لك شيء زين ينفعك يجيب لك افلام بدر : هذا يستآجرهن ويجيبهن لي اذا خلص منهن وانا اشوفهن وارجعهن وهو يعطي الافلام الحلوه بس وعلى ذوقه ملكه : ومن وين عرفته ذا شكلك عرفته في سينما برى السعوديه هههههههههههه بدر : هذي اللي طفشانه تنكت اقول انطمي اي سينما هذا عبدالرحمن ماله ومال برى السعوديه حده البطحاء ويرجع هههههههههه ملكه وكآنها تركو بالاسم وتحاول تتذكر شكله جزء بسيط من شكله لانها ماكانت مركزه فيه لمحته لمحه بسيطه تذكرت ملامح منه وكانت ملامح حلووه وشدت انتباها بعد ماعرفت انه عبدالرحمن ليش ماتدري وسكتت ماردت عليه بدر : امزح وش جاك ملكه : لا ولا شيء بس اكرمني بسكوتك بدر : سلامات انا وانتي خبول مره انا اضحك واسكتك ومره انتي تضحكين واسكتك والحين عكس خبوول ملكه ولا عطته وجه اصلن ماكانت تدري وش يقوول اللي في بالها بس عبدالرحمن وبس ( عبدالرحمن > عمره 26 موظف بوزارة التربيه والتعليم وهو صديق مقرب لبدر ومن نفس القبيله ) عند اشواق ورهف اشواق : اقولك قاهرتني بهالبنت مو راضيه تكون معي لا وتكرهني كاني ذابحه امها رهف : حيوانه ماعليك منها اشواق : وربي حاقده عليها ابي ادمرها بس كيف مدري رهف : تبين تدمرينها حرام عليك اشواق : حرمة عليك عيشتك انت مالك دخل انا بدمرها مو انتي رهف : طيب شووفي انا عندي طريقه اشواق : وشيء رهف : اصبري وانا اعلمك .. ترفع التليفون وتتصل ثوآني ويرد الطرف الثآني ..... : هلا رهوووفه رهف : هلا بك وش اخبارك طيب ..... : بخير الحمد لله وش الطآري داقه بالعاده انا اللي ادق والاقي سب وشتم هههههههههههه رهف : ادري عنك تدق باوقات غلط وجووي يكوون زفت ..... : لا شكلي ادق والقلب عندك ( يقصد اشواق بس هو مايعرف اسمها ) رهف : المهم اسمع ابراهيم ابراهيم : هلا رهف : ابي منك خدمه ابراهيم : طيب ابشري بس المقــآبل رهف : انت اول اعرف وش الخدمه ابراهيم : لا ابسوويها لك بدوون ماعرفها لو على ابووي وامي بس المقـآبل رهف : نتفاهم بعدين عليه ابراهيم : لا انتي عارفه وش ابي رهف : خلاص اوووكي بس الخدمه تدري وش ابراهيم : وش رهف : عندي بنت بالمدرسه قاهرتني بس تحرش الناس علي من الإداره حتى الطالبات وابي اقهرها ابراهيم : تم وانا اللي بقهرها لك رهف : شلوون ابراهيم : هاتي لي صورتها رهف : امممممم مدري بشووف اذا قدرت بعلمك اووكي ابراهيم : اووكي تم رهف : يالله مع السلامه ابراهيم : مع السلامه اشواق : منو ذا ابراهيم رهف : ابراهيم ولد عمتي اللي اقولك يتحرش فيني دايم اشواق : وش المقابل اللي يقصده رهف : هاه اااااااا يقصد فلوس يبي فلووس لانه محتاج اكيد اشواق : ميخالف نعطيه ليش لا بس اهم شيء تتكسر هالشيماء ( ابراهيم > عمره 24 جآمعي للحين ولد عمة رهف وهو على علاقه محرمه معها وهي اهم شيء ينفذ مطالبها مافكرت بمستقبلها او اخرتها وخاتمتها ) في بيت فيصل واهله شيماء : تدرين عاد انها تقهر احيانا اسماء : حرام عليك وش تقهر ماسوت شيء شيماء : وش اللي ماسوت هذي هي ماخلت فيصل يتغدى وراحت عند خويتها طيب اخو خويتها بالمستشفى هي وش دخلها اسماء : مدري بس عادي يوم راحت شيماء : انتي صغيره وش عرفك عادي او لا اسماء : اخص يالكبيره ياللي فاهمه شيماء : اقوول هي وش اللي خلاها تبكي على اخو ساره خويتها اسماء : وش تقصدين شيماء : والله مدري بس السالفه فيها إنا اسماء : حرام عليك نوف مو كذا شيماء : نوف انا اعرفها احيانا اذا دق جوالها تقوم من عندنا واذا سالتها قالت ساره طيب ساره ماتكلمينها قدامي ليش اسماء : يمكن عندهم شيء مايبونك تعرفينه شيماء : صح عليك جبتيها اسماء : وش في راسك انتي شيماء : اقوولك بعدين بس اصبري اسماء : طيب نصبر وش ورانا زياد : وش اللي وراكم وين بتروحون شيماء : وين بنروح ياحسره ماعندنا احد يودينا اسماء : توي احس اني يتيمه جد شيماء : اقول عن العياره الله يغفر لهم ويرحمهم زياد : خلاص يالله البسوا شيماء وين بنروح زياد : مالكم خص البسوا وقوموا اسماء : وفيصل زياد : انا داق عليه وقايل له باخذ البنات وابطلع شيماء : خلاص تم بنرووح نلبس ( وتقوم ركض عاشن تلبس ) زياد : ههههههههههه يالله وانتي قوومي بعد اسماء : طيب ههههههههههههه لاتعصب وتقوم تروح تلبس ويطلعون مع زياد اخوهم لكذا مول وبعدها بيروحون يتعشون في مكان بعيد عنهم عند ساره وامها نوف جاء فيصل واخذها وامجاد راحت مع امها لجل تخليهم ياخذون راحتهم طلعت ساره لغرفتها وفي داخلها الف هم هم ماجد اخوها ولو حصل له شيء شلون بتكون حياتهم لا ابو ولا اخو غيره يعني هي وامها برووحهم صحيح عمها بين ان معدنه طيب بس ماتدري عن الايام وظلمها من الهم فتحت المنتدى وماتدري وش تسووي فتحت مدونتها وكتبت فيها ليس كما تكتب بعادتها كتبت ( آآآهـ كم أتعبتني تلك التي تدعى الحياة فهي كآنها إحدى الطرق التي أمتلئت بالمياه العكره التي تشووه منظر الطريق ويبقى الطريق فارغ من المشاه بسببها هي حياتي بسبب مابها اصبحت خاليه من الزوار والاقارب فهي بحزنها وهمومها والمصائب التي تأتي متتابعه هي من قست علي هي من جعلتني اقوم في كل ليله واقول ... اللهم اجعلني من من يصلى عليهم في ظهر يوم الغد اللهم اجعل اخر ما انطقه بحياتي هي كلمة سبحان ربي الاعلي في سجود الفجر اللهم انك تعلم بما يحمله قلبي من حزن اللهم تقبلني في هذه الليله اللهم اجعل اخر ليالي حياتي هي هذه الليله واجعل آمي وأخي أفضل حالاً من ماهي عليه الآن ......... ياموت تكفى وينك لك ايام غايب ياموت تكفى شوقي لك وصل حده ........ اللهم اجعل حياة اخي بدل حياتي واسعده فالدنيا والاخره اللهم قوومه بالسلامه وعافه لامي واجعل ما اصابه تكفيرً لذنبه) نزلت الرد وطلعت من المنتدى بكبره وحطت راسها على فراشها تبي النوم يقرب لها ولكن هيهات وين النوم يجيها وهي بهالحاله وبدت نوبة بكاء ولم تتوقف بل نامت وهي تبكي في مكان اخر عادل كان جالس مع اخوياه بالاستراحه وكانوا بيطلعون برى قال ابشوف المنتدى دخلت ساره او لا فتح المنتدى ومالقها راده على رسالته ولاقها موجوده بالمدونه استغرب تطنيشها وشاف انها بس منزله رد واحد من امس وطالعه وقراه وانصدم لانه مايدري وش السالفه اخوها من كلامها صابه مكروه بس وش السالفه وش اللي صابه ..؟ مايدري ارسل لها رساله خاصه ( السلام عليكم خيتوو كيفك ان شاء الله بخير اسف بس وش سالفة الرد اللي بالمدونه سلامات اخوك فيه شيء طمنيني عنك او ماتدخلين تكفين فمان الله ) ارسل الرساله وطلع | ||||||||
|
| |
|
24-10-16, 03:35 PM
| #23 | ||||||||
| مراقبة عامة ومشرفة منتدى الروايات المنقولة
| ****** الجــــزء الـــثـــآنــــي عـــشـــر ****** في مكان أخر نوف كان صدرها ضايق على صاحبتها وامها وماتدري كيف بتكون حالتهم بعد ماجد قالها فيصل : وش رايك زياد عازمنا على عشاء برى البيت نوف تطالع فيه ومستغربه ماتدري وش تقوله الحين هي ضايق صدرها عشان صاحبتها وهو يقوول نروح نتعشاء برى قالت له : سلامات فيصل فيصل : الله يسلمك وش فيك نوف : انت اللي وش فيك انا مالي خلق اطلع لمكان رجعني البيت ورح تعشاء معهم فيصل : طيب وش فيك معصبه تراه اخو صاحبتك وهو الله يشافيه بس انتي وش دخلك نوف : فيصل تراه نوعاً ما يصير صاحبك كم مره تجلس معه فيصل : ايه دعاء وندعي له وزياره وزرناه وخدمه وقدمنا خدمه ماقدموها اهله وش تبين بعد والله هالناس ماتفهم نوف وهي بدت تبكي من صراخه اللي مستغرب : انا ما افهم مشكور ياليت تنزلني بالبيت فيصل : هاه بدينا بالبكاء والتمسكن ترى الموضوع مايستاهل نوف تطالع فيه ولا قالت ولا كلمه سكتت فيصل : نوف انا اكلمك لاتطنشيني ( وهو يكلمها بنبره هاديه ) نوف ولا كانه قال لها شيء : ودني للبيت مالي خلق احد فيصل : مالك خلق احد وانا اللي الف بالشموس من الظهر عشانك تقولين هالكلام نوف : انا ماقلت لك غير ودني بس فيصل حقد عليها : وانا اقوول بتروحين معي للعشاء وغصب عليك نوف : فيصل تكفى مابي فيصل : اليوم ماتغدينا عشانك انتي وصاحبتك والحين بتحرميني العشاء نوف : لا موب حارمتك اياه نزلني ورح تعش فيصل : لا والله واخليك بالبيت بروحك نوف : فيصل وش المشكله طول عمري وانا اجلس فيه بروحي فيصل : من اليوم مافيه خلاص خواتي دايم بيكونون عندك يعني مو مثل اول نوف : فيصل وش تغير فيصل : تغير كل شيء اول شيء اول حنا فبيت بروحنا الحين معنا اخوي وخواتي يعني لازم نشوف اوضاعهم بعد ولو شووي نداريهم نوف : بنظل نداريهم لين متى وحنا متى نداري انفسنا فيصل : وانا ما اداريك يعني ماني مهتم فيك وانا كل وقتي معك بالتليفون اذا ماني جالس معك نوف وهي ماسكه عبرتها : فيصل ترى مو بس بالمكالمات تعتبر نفسك تداريني لا ابيك مثل اول اللي لاجلس يضحك ويسولف ابيه يعرفني مثل اول اذا متضايقه او مبسوطه بدون اتكلم فيصل : اقول وصلنا المطعم انزلي بس نوف : فيصل تكفـ.... فيصل : انزلي وخلصينا بس نوف تطالع فيه وهو يسكر باب السياره وينزل يطالعها مثل اللي يقولها انزلي نوف بهدوء وباستسلام تفتح الباب وتنزل وهو يمشي قدامها يوصل لطاوله اللي حاجزها لهم ويقول بصوت خفيف لنوف ادخلي عند البنات وزياد ياخذ اخوه ويجلس بالطاوله اللي جنب البنات نوف دخلت عند البنات وهي ضايق صدرها حتى انها سلمت بدون نفس وجلست والبنات يسالونها عن ساره وهي تجاوب بس شيماء استغربت حركتها وطنشتها وقامت تسولف مع اسماء بصوت خفيف شيماء : شوفي شلون ساكته ومطنشه ولا عليها اسماء : حرام عليك اكيد متضايقه عشان اهل ساره شيماء : بسم الله كل ذا حُب واخوي ماله اهتمام شوي نوف : ومنو قال ما اهتم بآخوك شيماء : هاه نوف : وانتي وش دخلك بيني وبين فيصل شيماء : هذا اخوي قبل لايكون زوجك ولي حق اني ادافع عنه وانتي ماتعطينه اي حق من حقوقه نوف : لايكون هو مشتكي لك وانا مدري شيماء : اشتكى لي او ما اشتكى بين انه متضايق منك ومن مكالماتك اللي كل شووي مكلمه ساره كانها هي زوجك مو فيصل نوف : وش تقصدين انتي شيماء : ما اقصد شيء افهميها زي ماتفهمينها نوف : لا والله الحين صرتي ماتقصدين شيء بعد كل الل..... فيصل يقاطعها : بس انتي وياها فضحتونا قدام الله وخلقه صوتكم واصل لبعيد نوف : هي اللي بد... فيصل : انثبري ولا ابي ولا كلمه فاهمه او لا قومي انتي وياها منتم وجيه عزيمه اصلن فيصل وقف يطالع فيهن وهن ياخذن اغراضهن ويتغطن ويطلعن ويركبن شيماء واسماء مع زياد زياد : وش السالفه انتي ونوف تطالبون شيماء وهي بدت تتمسكن : اسال اسماء هي من جت ساكته ومعصبه ولا تكلمت معها اتكلم مع اسماء واقولها هي كل شوي تكلم ساره خويتها واخوي مو مهتمه فيه وقلت اكيد انه مهاوشها شوي قامت تطالب وتتكلم ( وبدت تبكي ) وانا اقولها خلاص ما اقصد شيء تقول الا تقصدين كانها تبي تهاوش زياد : وليش تحط حرتها فيك شيماء : مدري عنها وربي مالي ذنب زياد سكت ويفكر بكلام شيماء زياد : اسماء الكلام اللي قالته شيماء صحيح او لا اذا طلع تكذبون علي وربي لاخليكم تندمون كلكم اسماء : لا هي صادقه تقول انها شكلها ماتهتم بفيصل ونوف بدت تطالب وتتكلم زياد : خلاص قفلوا السالفه ولا تتكلمون معها خلووها يمكنها تعبانه شووي وهالشيء مآثر عليها بمكان ثاني فيصل اول ماركب السياره سمع نوف تبكي فيصل : وش السالفه وخلي عنك البكاء نوف وهي تتكلم وتبكي وتحاول قد ماتقدر تطلع الاحرف : انا دخلت وسلمت وجلست اذا سالوني جاوبت اذا ماسالوني اسكت واسمع شيماء تكلم اسماء وتقولها وش فيها ومدري ايش ( وبغت تقول انها قالت كل ذا حُب وخافت ليش ماتدري ) وتقول هي ماتهتم باخوي اصلن قلت لها ومنو قال مااهتم قالت هاه قلت لها وش دخلك بيني وبين فيصل وقعدت تقول اخوي ومدري ايش وصوتها ترفعه علي وانا بس قلت لها لايصير مشتكي لك قالت بدون مايشتكي انتي تكلمين ومطنشته ومدري ايش .... قاطعها فيصل : وشيماء صادقه انتي اغلب وقتك تكلمين اهلك ولا وحده من البنات انا اقعد معهن اكثر من ما اقعد معك نوف : فيصل انا اجلس المغرب كله لحالي والعشاء اغلبه لحالي بس العصر اللي اكلم فيه اهلي مو كل وقتي وبعدين اذا شفتك انا اقفل على طول فيصل : لا والله تقفلينه على طول مبين ليتك تعطيني نص اللي تعطينه اهلك او صاحباتك نوف وهي تطالع فيصل وتبكي بحراره وقهر : الله يسامحك فيصل : ايه الله يسامحني ويسامحك وانهي هالسالفه ولا عاد اشوفك فاتحته نهائياً فاهمه نوف : فيصل وش فيك انا ماقلت شيء اختك اللي تغلط وانا اللي اكلها فيصل : انا قلت شيء قلت لا اشوفك فاتحه السالفه نوف : رح قلها مو لي انا انا ماقلت شيء هي اللي تتكلم و... قاطعها فيصل : خلاص صوتك لايرتفع فاهمه او لا شكلك نسيتي اني زوجك يامدام نوف وبصوت خفيف وفيه خوف : انا مانسيت بس انت شكلك نسيت اني زوجتك وانك ماتجلس معي كثير وصرت تحط اللوم علي انت وخواتك فيصل : الله واكبر الحين صرت ما اجلس معك ومدري ايش اقول لا تفتحين فمك ولا بكلمه انثبري ازين مايصير شيء نندم عليه اثنينا ولا كلمه وسكت فيصل ونوف خافت وسكتت وصلوا للبيت ودخل فيصل غرفته واخذ له لحاف وطلع ينام بمجلس الرجال دخلت شيماء عليه تبي تعتذر منه شيماء : فيصل انا اسفه بس والله ما اخطيت عليها فيصل : لا والله ما اخطيتي وانتي ناطه تتكلمين عني وعنها وش مدخلك بحياتنا اذا احد اشتكى لك تعالي كذا لقافه مانبيها فاهمه ويالله انقلعي عن وجهي ولا تتكلمين بلساني فاهمه شيماء : فيصل طيب افهمنـ.... فيصل : اقول انثبري واطلعي برى ماتفهمين انتي شيماء : طيب انت و.. زياد يقآطعها : لا تفهم وتعرف وش تقول واذا انت معتبر نفسك كبير ورجال البيت اعتبره على زوجتك والدليل انك تبي تنام بالمجلس ولا انت قادر تسكتها جيت لخواتك تسكتهن شيماء : زياد تكفى اسكت خلاص زياد وهو يوخر يدين اخته عنه : ياخوي ترى خواتك هن اللي دايمات لك من زمان وللمستقبل والزوجه بدالها زوجه بس الاخوان مابدالهم اخوان وانت شكلك نسيت اخوانك وفكرت بزوجتك ولاتنسى وصيت ابوي الله يرحمه وصاك بهالبنات وقال الولد يسنع نفسه بس البنات مالهن الا الله ثم انت وبعدين وانا اخوك اذا مرتك متضايقه عندنا خلها فشقتها الاوله ابرك لكم ولنا ولا نزعل على بعضنا خلص كلامه زياد والتفت لاخته وقال لها : روحي لغرفتك ونامي ولا نامي عند اختك انا بطلع ماني جاي الليله ان بغيتي شيء دقي علي ويطنش اخوه فيصل ويطلع يركب سيارته ويرفع جواله ويتصل على شروق شروق تو صحت من النووم زياد : هلا شوشو شروق : هلا بك قلبوو زياد : وينك صايره ماتردين علي وش صاير لك شروق : والله شووي تعب وشووي .... يقاطعها زياد : اجل تعب تراي حي مامت لجل تطنشيني كذا واذا ماتبيني قولي بس مو تخليني بالطريقه ذي اووكي شروق : زياد وش فيك فيك شيء زياد : لا مافيني وش بيكون فيني انتي مطنشه ولا على بالك شروق : زياد امانه ياقلبي وش فيك علمني زياد : مافيني شيء قلت لك غصب يكون فيني يعني وبعدين خلاص تراي مليت وانا ادق وانتي ماتردين شروق : انا اسفه وربي اسفه بس انا عندي كلام اقوله لك انت وينك زياد : تو طالع من البيت وبروح لشاليه شروق : طيب تعال خذني ابيك فكلام ضروري زياد : طيب عشر دقائق وسكر وسكرت هي بعد حوالي العشر دقائق وصل زياد لبيتهم وطلعت من البيت وركبت معه واتحركوا بالسياره زياد : هاه وش تبين شروق : انت وش فيك زياد : مافيني شيء انتي وش بتقولين شروق : والله ماعندي شيء بس عارفه انك متضايق وماتبي تتكلم وقلت خل اقوله يجي لجل اعرف وش فيه زياد سكت شوي ولا تكلم شروق : زياد قلبو تكفى قول وش فيك وربي ضايق صدري عشانك زياد قالها السالفه كلها انو زوجة اخوه تطنش زوجها وتهاوش البنات ومدري ايش زي مايتوقع هو شروق : الحيوانه لدرجه ذي زياد : اقولك صايره نجسه لابعد الحدود شروق : ماعليك منها مصير اخوك يفهمها ويربيها عدل اهم شيء لاتزعل انا توي صاحيه يعني ماعندي شيء وامي اخذت اغراضها قبل شوي بتسافر وابوي تعرفه ينام اغلب وقته برى البيت يعني بجلس على قلبك لين الفجر زياد : والله ياشروق اني من غيرك مدري وش بسوي انتي الوحيده اللي بهالدنيا فاهمتني وتقدرين تريحيني بسهوله شروق : ولو انت قلبي وروحي وعيوني انت دنيتي كلها زياد : كل هالاشياء ذي لي لحالي شروق : ايه بلحالك ولا لك غيرها الا على فكره زياد : وشو شروق : تكفى شف سلمان بيجي او لا ماودي انا انه يجي ( هي ماودها انه يشوفها ليش ماتدري ) زياد : ابشري .. يرفع جواله ويتصل على سلمان زياد : هلا سلووم سلمان : هلا بك وش الاخبار زياد : والله عال العال اقووول سلمان : سم زياد : سم الله عدوم بتجي اليوم الشاليه او لا سلمان : والله ما اوقع خالتي زوجها ماهو فيها اليوم والظاهر بجلي عندها زياد : على خير اجل شكلي ماني رايح بجلس عند خواتي اليوم سلمان : ازين لك بعد زياد : اجل يالله عن اذنك سلمان : اذنك معك وقفلوا زياد : ايه موب جاي شروق : الحمد لله زياد بداء يفكر كيف يصورها اليوم لجل ينتهي من هالسالفه كلها في مكان ثاني ملكه وصلت لبيتهم ودخلت غرفتها وعلى طول اتصلت على رقم عبدالرحمن عبدالرحمن شاف رقمها واستغرب الاتصال رد عليها : مرحبا ملكه : السلام عليكم عبدالرحمن : وعليكم السلام ملكه : عبدالرحمن عبدالرحمن : عيون عبدالرحمن ملكه : وش تبي مني عبدالرحمن : والله ياملكه اني ماقدرت انساك واني احاول قد ما اقدر بس ماقدرت انتي في بالي وربي اني ماقدرت انساك ملكه : طيب كيف صرت تحبني وحنا ماعرفنا بعض عبدالرحمن : ملكه انا كنت اشوفك في كل مكان لو رحت بيت اهلي اشوفك فيه ولو رحت لاي مكان انتي الوحيده اللي فبالي ملكه : طيب اوكي عرفت بس كيف عرفتني ؟؟ عبدالرحمن : كنت اشوفك بمزرعة عمك واستراحته اذا جيت هناك وانتي تعرفين حنا نجي احياناً ملكه : طيب وبالنهايه عبدالرحمن : شوفي ملكه انا ادري انك ماقد في حياتك كلمتي ولد بس وربي هالشيء هو اللي زادني اصرار اني اكلمك واقولك اللي في خاطري تعرفين خواتي لو بقولهم وش بيسوون بس قلت اكلمها انا وان شاء الله اقدر اقنعها اننا نتزوج ملكه : يعني بتقنعني انها الطريقه الوحيده ذي اننا نتزوج فيها عبدالرحمن : ملووكه انتي تعرفين وضعي فالبيت والمشاكل اللي صايره يعني يبي لها وقت وانا مابيك تطيرين من يديني ملكه : اللي على قولتك مايبي احد يطير من يديه يجيه مع الباب مو مع الدريشه عبدالرحمن : لو تبين الحين جيت بس اصبري تكفين علي شوي ملكه : خلاص انا بقفل تبي شيء عبدالرحمن : ملكه ملكه : هلا عبدالرحمن : امانه فكري بكلامي وعلميني لو برساله بس لاتطنشيني اووكي ملكه : امممممم طيب عبدالرحمن : طيب اخليك الحين يالله فمان الله ملكه : فمان الله سكرت ملكه وهي تفكر بالكلام اللي يقوله معقوله يعني جد يحبني طيب ليش مايخطبني لا لا هو صادق عنده مشاكل مع اهله وهي اللي مخليته مايقدر يتكلم الحين يوووووووه خل انام ابرك لي وربي تعبت بسبت التفكير تحط راسها تبي تنام ويذبحها التفكير اكثر واكثر وهي تفكر فيه تجيها رساله من عبدالرحمن ( اول شيء اسف اني ارسلت بس بقولك لك شيء انا يا ملكه فكرت قبل اكلمك اني ما اكلمك عشان اخوك بس والله وعزة جلال الله اني ماقدرت وانا احبك ياملكه وربي احبك تكفين افهميني تكفين وترى رقمي محد يعرفه من اخوانك احفظيه عادي لاني ماراح ارد الى على رقمك ورسائلك بس ) ارسلت له ملكه ( ليش طيب مخلي الرقم لي انا ) عبدالرحمن ارسل ( لاني مابي اسبب لك احراج مع اهلك عادي قولي وحده من البنات وانا ارقام ما ارد عليها ابد ) ملكه قرات كلامه وحست فيه بالاهتمام ونامت وهي تحس بهالاحساس | ||||||||
|
| |
|
24-10-16, 03:39 PM
| #24 | ||||||||
| مراقبة عامة ومشرفة منتدى الروايات المنقولة
| نوف من طلع فيصل من غرفتها بدات تبكي ماتدري وش تسووي ماتدري مع منو تتكلم مافي احد ساره اللي فيها مكفيها والبنات اكيد انشغلوا صارت تبكي بحرقه لانها ماتقدر تسوي شيء وفي داخلها قهر من شيماء ومن فيصل فيصل دخل عليها الغرفه ولقاها تبكي كان داخل يبي يتكلم عليها ويهاوشها لان كلام اخوه اثر فيه بس شافها كذا واتحطم زياده على ماهو فيه وطلع من الغرفه ونزل تحت للمجلس وقفل باب المجلس وجلس يفكر باللي يحصل معهم شيماء دخلت عند اختها اسماء وهي منقهره وتتكلم عن نوف واللي سوته والمشكله اللي صارت بين فيصل وزياد لان فيصل مايحب احد يتكلم عليه واكيد اخذها بخاطره وزياد ماراح يتعذر لـ فيصل لو وش يصير ما راح يعتذر والسبب في نظرها انها نوف وبداء الحقد يدخل قلبها على نوف في مكان ثآني وبعيد عنهم في لبنان امجد كانت امه رآيحه لحفلة خطبة بنت وحده من صاحباتها وقالت لـ امجد تروح معي ورفض وجلس بالبيت وطفش دق على امه وقالها ابطلع ومامعي فلوس قالت له امه شوف الفلوس بغرفتي تلاقيها بالدرج اللي عند التلفزيون تحته قالها طيب وسكر منها راح فتح الغرفه وفتح الدرج وادور الفلوس وماحصلها بس شاف صندوق صغير لونه ذهبي قال اكيد الفلوس وسطه فتحه ولقاء اوراق بس وفتح ورقه من الفضول بيشوف وشيء لقاها صوره لدفتر العائله حق ابوه وفيه اسم زوجته الاولى اللي هي ام شروق و شروق واشواق هذي خالته وذولا خواته وهذي اشواق كبره بنفس السنه مولودين بس هو اكبر منها بشهور وجاه فضول يفتح بقية الاوراق وشاف شيء تمنى انه ما شافه او عرفه ابد لقاء بالاوراق الشيء اللي يخص ابوه وخالته ام شروق والسر اللي مخبينه من سنين كثيره وماحد يعرفه غيرهم ونجوى ومن قبلهم رب العالمين بس والحين هو السالفه القديمه هي ( ابو شروق كان يدير شركة لتاجر كبير بالسن وكان الشايب يثق فيه وهو استغل هالثقه لمصلحته وكان يختلس منها على كيفه التاجر له بنتين وحده ام شروق والثانيه ام امجاد وولده اللي هو ابويزيد وابويزيد كان يدرس بالخارج ام شروق كانت انسانه تحب الطلعات وكانت تحب لها واحد هذا يشتغل بالشركه وكان يدري ان ابو شروق يختلس ابو شروق ماكان متزوج وقتها راح وقالها قالت له هات لي اوراق تثبت هالشيء راح وصور لها اوراق كثيره تثبت انه مختلس اكثر من نصف ميزانية الشركه اللي كانت ميزانيتها بالملايين يوم جاب الاوراق لها قبل ماتفتح الموضوع مع ابوها دخل ابوها مره ولقاها في وظع غير لائق مع الموظف اللي بالشركه عنده واغمى عليه ونوم بالمستشفى جاء ابو شروق بيزوره قاله اسمع هذي وصيتي وامانه تنفذها ابيك تسجل كل الحلال باسم بنتي نوره ( يعني ام امجاد ) وولدي سعود ( ابو يزيد ) بس و فوزيه ( يعني ام شروق ) انا متبريء منها فاهم قاله ابشر ام امجاد كانت عند الباب واقفه دقت على اختها وعلمتها وهي ماتدري وش السالفه انقهرت ام شروق ودقت على ابو شروق وقالت له تعال ابيك فالبيت قالها طيب وجاء للبيت وقالت له لاتنفذ وصية ابوي قالها مقدر ذي وصية الوالد ( وهو بينفذها عشان ياكل اللي يقدرعليه قبل لايطلع بدون شيء ) قالت شوف وعطته نسخه من الاوراق يوم قراها انصدم قالت اسمع انا وابوي تهاوشنا عشانك ( لانها ماتكده ان ابوها ما قال انها مع واحد فغرفتها ) اسمع انت نفذ الوصيه وانا اقدم الاوراق واتوقع الاوراق تسجنك بالقليل 20 سنه يعني وش بتستفيد شف نكون حبايب وننتهي هنا من كل شيء انت تبي فلوس صح انا مستعده اعطيك اللي تبي بس شرطين الاول ماتنفذ الوصيه وتدسها عندك لين نشوف ابوي يقوم او لا والثاني تتزوجني بعد مايرجع اخوي من السفر تتقدم لي وانا اوافق وانا بحفظ الاوراق ولا راح اقدمها قالها وش يضمن لي بعد ما تتوزعون الورث ماتقدمين شكوى علي قالت لو بقدم قدمت الحين وطعنت حتى بالوصيه وراح يصدقوني بما انك حرامي بس انت فكر وعلمني جلس اسبوع وتوفى ابو سعود ( الشايب ) ويرجع سعود من السفر ويحضر عزاء ابوه وبعدها بكم يوم يتصل ابو شروق ويقول لفوزيه ( ام شروق ) خلاص موافق والزواج بعد مايصير لابوك ثلاث شهور متوفي واتفقوا بينهم على كل شيء وكلم سعود وسعود شاور اخته ووافقت وتم كل شيء على خير ان ابو يزيد له 40 مليون وام شروق لها 20 مليون وام امجاد لها 20 مليون هذا بالاوراق بس بالحقيقه ام شروق اخذت 50 مليون وهذا الاجمالي مع المحلات والمستودعات وهو اخذ 30 مليون وهي تلعب بالفلوس بس من بضاعه ومحلات لبضاعه وفلوسها معه وتسحب منها كل فتره والثانيه ) امجد عرف ان الدعوى فيها سرقات واختلاسات بس رجع الاوراق مكانها وسكت وطلع من البيت لـ وين مايدري ..؟ شروق وزياد في الشاليه سواليف وضحك وماتدري وش اللي بيصير لها بعدين زياد : شوشو حبي تكفين قوومي ارقصي وربي زمان ماشفتك ترقصين شروق : من عيووني ( وتقووم تبي ترقص ) زياد يحط على احدى القنوات الغنائيه ورفع لصوت لاعلى حد شروق بدت تتمايل قدامه وترقص وزياد شافها ترقص رفع جواله بيصورها فتح الكاميرا وبداء التصوير وهي من الثقه في داخلها بزياد لم تعارض بالعكس ابتسمت واكملت مابدات به انهى التصوير بمقطع لـ 4 دقايق واكثر من الثلاثين ثانيه جلست جنبه شروق وشافت المقطع وسالته قالت : واااي بايخ رقصي صح زياد : بالعكس يجنن شروق : ايه هين بلا مجامله اهم شيء امسحه زياد : والله انو رقصك خيالي ولو مجنون يشوفك ترقصين يرد له عقله وهو يكلمها كانت عينه على الجوال ومبعده شووي عنها وسواء له نسخ وقالت شروق : طيب صدقتك هههههههههههه امسحه زين زياد : شوفي ياقلبي هذا ديليت واوووكي خلاص حذفته ( وحذف المقطع والنسخه موجوده ) شروق : تسلم قلبوووو زياد : طيب كملي رقص وانا برقص معك تكفين شروق : يالله وبداو كلهم يرقصون ويتمايلون على الموسيقى في مكان ليس ببعيد سلمان كان طفشان يدق على شروق ماردت عليه ( كانت حاطه جوالها صامت وبشنطتها وماشافته ) قال بروح انام بالشاليه اريح لي من البيت وراح للشاليه وحصل سيارة زياد استغرب وهو يقوله مانيب جاي وبجلس عند خواتي ليش طيب يجي دخل وسمع الازعاج وتوقع ان زياد كعادته اذا طفش شغل الاغاني ورفع على الصوت وجلس يدخن دخل وشاف شروق ماسكها زياد من خصرها وهي ترقص معه وتضحك وقف يطالعهم من بعيد ولا عرفوا انه موجود لان الغرفه كانت فيها انوار خفيفه بس وهو عند الباب يعني لو ركزوا بيشوفونه اخذ بعضه وطلع ولا كانه عرف بشيء او شاف شيء وطلع وهو في دآخله قهر من ايش مايدري من صاحبه اللي بداء يخبي عليه ولا شروق اللي يحبها ويموت فيها وهي صارت تطنشه يعني كل اللي صار بالوقت الماضي مجرد مصلحه ...؟ في مكان ثاني وبعيد عن هالناس وضياعهم ساره كانت نايمه تلفتت حولها شوي ماشافت غير بقايا دموعها على المخده راحت لغرفة امها مالقتها فيه نزلت تحت تشوف هي بمصلها او وينها فيه تمشي بشويش وخايفه من ايش ماتدري دخلت الغرفه اللي امها فيها تصلي لقتها تصلي وماتدري من متى وهي تصلي بس الاكيد مانامت طالعت الساعه اللي على الجدار لقتها 3 وعشر دقائق يووووه ياوقت ماودك تمشي كانت تبي تروح للمستشفى ودها تتطمن على اخووها وانتظرت امها لين خلصت صلاتها وقالت لها : يماه انتي مانمتي ام ماجد : الى الحمد لله نمت لي نومه خفيفه وكفتني ساره : طيب روحي كملي نومتك ام ماجد : لا بكمل صلاتي .. وكبرت وطنشت ساره لانها تعرف بتحن على راسها ساره اسندحت على الكنب اللي وراء امها وتفكير وتفكير ونامت وهي ماتدري عن نفسها بعد ثلاث ايآآام ماحصل شيء ابد ماجد بالعنايه المركزه والدكتور يقول حالته احسن من اول وفي تحسن بس على خفيف وهالشيء ان شاء الله يبشر بخير بس انت ادعو له ساره وامها كل يوم عنده لين يطلعونهم الامن ويقولون خلصت الزياره عادل شافها طولت مادخلت خاف عليها وارسل لها رساله ثانيه يبي يتطمن عليها شروق شافت رقم سلمان ودقت عليه بعد مارجعها زياد وسالها وينك مارديتي غريبه قالت كنت نايمه وانقهر وسكر التليفون في وجهها وصارت تدق وترسل وهو مطنش سلمان سـأل زياد وقاله كنت ابدق عليك نروح الشاليه وقلت اكيد مع خواته وهونت زياد قاله اي والله كنت مع خواتي ... وقعد يسولف عليه وسلمان حست في خاطره هالسالفه وسكت ولا قال شيء نوف وفيصل على نفس الحاله مايتكلمون ولا اي شيء يصير بينهم بس قالها لو تكلمتي مع شيماء ياويلك شيماء صارت تذب عليها كلام وهي ساكته اشواق صورت شيماء وعطت الصوره لرهف ورهف عطتها لـ ابراهيم ابراهيم شافها واعجبه جمالها واقتنع انه يجيب راسها له اول شيء وبعدين لرهف امجد ماصار يكلم امه وكل ماسالته امه يقول ليش ماتعلميني عن خواتي وهي تسكت وهو يسكت امه وابوه طفشوا من هالسالفه وابوه كل يوم يكلمه ولا ه راضي يقتنع شروق صارت ماتنام الى وهي تتفرج على صورة اخوها وكانها محتاجته ومحتاجه رجال يوقف معها وينصحها ويهاوشها بعد هاللي حصل بالثلاث ايام ساره كانت هي وامها بالمستشفى عند اخوها بغرفة العناية المركزه دخل عليهم الدكتور وسلم عليهم وردوا السلام الدكتور وهو يشوف ماجد ويقرب منه ويشووف الورقه اللي على السرير ويشوف الاجهزه ويقول لهم : ابشركم الولد احسن من اول بكثير ويمكن اقدر اقولكم انه يقدر يسمعكم الحين بس ماني متاكد ميه بالميه بس ان شاء الله يسمعكم ساره : جد دكتور ام ماجد : الحمد لله والشكر لك يارب ساره وهي تبكي تقرب راسها لاخوها وتهمس باذنه وهي تبكي : ماجد تكفى ارجع لنا ماجد والله فقدناك ماجد بغينا نموت من دونك ماجد والله ... وبدات تبكي بصوت يسمعه الدكتور حتى ان الدكتور قالها بصوت مسموع اختي ماعليش تراه يحس هو يعني لاتخلينه يتعب بكلامك ساره صارت تطالع باخوها وهي تشوف عيونه وكانها من التعب تبي تبكي اكد لها الدكتور كلامه وقال شوفي يا خاله وام ماجد تقرب من الدكتور شوي لجل تشوف الدكتور كان واقف عند يده اليسرى وقرص يد ماجد من تحت ماجد بطريقه عفويه يحرك اصابعه ويحاول يبعد يد الدكتور وهو مو قادر يرفعها ساره وام ماجد بدوا يبكون وام ماجد تحمد ربها ساره تاكدت ان اخوها يسمعها وتقرب لاذنه وتقول تسمعني او ماتسمعني جعل يومي قبل يومك وبدآت تبكي | ||||||||
|
| |
|
24-10-16, 03:41 PM
| #25 | ||||||||
| مراقبة عامة ومشرفة منتدى الروايات المنقولة
| ****** الجـــزء الــثـــآلــــث عــشــر ****** ابو فارس وفارس كانوا برى يتكلمون مع مدير المستشفى المناوب ( الدكتور اللي كان معهم اول الايام ) وكان يقولهم انه باذن الله من اليوم نتوقع انه يصحى والحمد لله ولدكم مناعته قويه وجسمه ما شاء الله ساعده وجوالك عندي لو حصل شيء بدق اخبرك واطمنك ابو فارس : الله يجزاك خير دكتور والله انك ماقصرت معنا وانا اشوفك تتكلم مع اهالي المرضاء كلهم واكيد الكل يشعر انك مهتم بولدهم بس والباقين مطنشهم الله يكتب لك الاجر الدكتور : امين وياك وهذا واجبي وعمل انساني اقوم فيه وان شاء الله يقوم ولدكم بالسلامه ابو فارس : امين الله يجزاك خير الدكتور انا استاذن عن اذنكم ابو فارس وفارس : اذنك معك الله يجزاك خير فارس : يباه انا مريت مركز الشرطه ولقيت صاحب ماجد وقالوا لي للحين ماعرفوا اللي سارق الفلوس ولازم ينتظرون ماجد لين يصحى لانه يمكن الفلوس بمكان ثاني ابو فارس : الله يعينه والله مادري وش بيسوي اصلن هذي 180 الف ماهي بسيطه فارس : المشكله الشركه انها الحين تقول لسعد حنا بنقدم شكوى انك سارقها حنا معطينك اياها وانت شكلك اللي معطيها خويك عشان يجي احد ويصدمه من وراء وتسرق الفلوس ابو فارس : يعني قصدهم انه متعمد الحادث لا ماهي معقوله فارس : ادري بس وش بيثبت عكس هذا ابو فارس : الله يستر على سعد ويقوم ماجد بالسلامه ويارب يلاقون الفلوس فارس : امين ساره وام ماجد طلعوا من الغرفه ابو فارس يكلمهم : هاه شلونه اليوم ساره : عم والله اليوم احسن بكثير ابشرك صار يحس اذا قرصناه يحرك يده فارس من سمع هالكلام راح على طول لسرير ماجد ابو فارس : ماشاء الله الحمد لله والشكر لك يارب الحمد لله والشكر لك يارب ام ماجد : اي والله الحمد لله ابو فارس : طيب وش رايكم نمشي الحين للبيت ساره : عم بنجلس شوي ابو فارس : بينتهي وقت الزياره وبعدين ان شاء الله انه بخير ماعليكم ام ماجد : خلاص بنمشي طلعوا من المستشفى وراحوا لبيتهم شروق تتصل على سلمان من ثلاث ايام وهو مايرد عليها وترسل له رسايل ولا يرد عليها من القهر اللي فيها وهي ماتدري ليش مايكلمها ارسلت له رساله كاتبه فيها سلمان امانه معك اذا كنت تقراء رسالتي الحين وتطنشها تكفى رد تكفى عشاني دق سلمان وربي ضايق صدري عشانك تكفى رد ارسلتها له سلمان كان مطنشها وقراء الرساله وطنشها اكثر وكان مع زياد بالسياره وقفوا عند بريك كوفي وسال سلمان وش اجيب لك سلمان : بلاك كوفي الله لايهينك زياد : وانت ماخليت القهوه للحين يالشايب ههههههههه سلمان : لا بخليك انت ومانيب مخلي القهوه هههههههه راح زياد يطلب سلمان متعود مابينه وبين زياد شيء اخذ جوال زياد وقعد يشووف مقاطع ويضحك على بعض المقاطع بس انصدم يوم شاف مقطع رقص شروق يطالع الى هي بالمقطع عادي ولا عليها من احد وكان محد بيعرفها من القهر مسحها ثم ندم انه مسحها ومايدري وش يسوي نزل الجوال وهو يفكر وش يقول لزياد وقرر انه يسكت كانه مايدري عن شيء ابراهيم اتصل على شيماء طبعاً بعد ما اخذ رقمها من رهف واشواق بعد دقايق ردت : هلا ابراهيم : مساء الخير شيماء : مساء النور نعم ابراهيم : الله ينعم عليك مرسله كول مي على هالرقم شيماء : لا ما ارسلنا .. وقفلت ابراهيم ضحك وارسل لها رساله ( طيب ليش معصبه رقمك جايني رسالة كول مي ومالها داعي تعصبين عشان رساله ههههههه ) شيماء قهرها برسالته وردت ( طيب دامها ماتستاهل ليش داق ومرسل الحين ) ابراهيم ( بالعكس انا قلت اكيد احد يبيني ضروري ) شيماء ( ايه مبين انك انسان مهم اصلن ) ابراهيم ( الحمد لله لي اهميتي هههههههه ) شيماء طنشته وما ارسلت له ولا تبي ترسل وابراهيم قال اخليها كم يوم واشوف وش اسوي معها أمجاد امها اليوم قررت تقولها عن يزيد ولد خالها امجاد كانت مذكرآتها وكانت تكتب ( لستُ أملِك سواء قلبي الذي يساورني ليلاً ويؤنسني نهاراً فهو الوحيد الذي بقي معي وبقي بجوآري ذلك الذي كنتُ اتمناه لم أعد اتوقع مجيئه إلي ولم أعد أراه في أحلامي ولا زلتُ أقول بإنني لن أكون إلى لك بإذن الله ) سكرت دفترها وهي حايره وتبكي وتفكر وش بتسوي اذا رجعت امها وكلمتها عن اللي خطبها من جديد ووش بتقول لآمها وش راح يكون عذرها كيف تقنع امها بهالوقت وهي بهالعمر وهي تفكر بهالموضوع امها تطق الباب امجاد : هلا يماه تفضلي ( وكان صدرها ضايق ومبين عليه التعب والهم ) ام امجاد : زاد فضلك .. يوووه وش فيك امجاد : مافيني شيء ام امجاد : بنتي واعرفك وش فيك قولي لي امجاد : يماه مافيني شيء لازم يصير فيني شيء ام امجاد : ماجد ولد ام ماجد فيه شيء امجاد : لا الحمد لله تو قبل ساعه كلمت ساره وتقول انه بداء يحس باللي حوله ام امجاد : الحمد لله طيب انا جايه بكلمك عن موضوع كلمته عنك زمان امجاد وهي بدت تخنقها العبره : يمااااه يماااه تكفين مابي اتزوج الحين عشان خاطري قولي لهم تبي تكمل دراستها ولا قولي لهم ولد خالها يبيها اهم شيء يروحون ومايجون تكفين يماه ( وهي من بدت تتكلم صارت تبكي وتكسرالخاطر) ام امجاد وهي فاهمه بنتها ليش تصيح بس ماحبت تقهرها اكثرمن كذا وقالت لها : وانا امك مايصلح نقولهم ولد خالها يبيها امجاد : طيب ليش مايصلح انا اهم شيء يروحون ماعاد يرجعون ام امجاد : شلون نقولهم ولد خالها يبيها واللي متقدم لك يزيد ولد خالك امجاد : هاه ( وقفت عن البكي وانصدمت ) ام امجاد : وش هاه ماتسمعين انتي امجاد : يزيد ام امجاد :ايه يزيد كلمني قبل كم يوم امجاد : يبيني انا ام امجاد : لا والله يبيني انا وش رايك اوافق امجاد : يماه لا صدق والله يبيني انا ام امجاد : الحمد لله والشكر شكلك ماتبينه اصلن كنت حاسه بروح اقوله تبي تكمل دراستها وتقول ماتبي تتزوج الحين امجاد وهي تمسك امها : يماه هو تحت ام امجاد : والله انك خبله لا بروح ادق عليه واقوله امجاد : لا لا لا لا لاتقولين له تكفين ام امجاد : هاه ماعاد به حياء ولا وشلون امجاد : هاه لا بس اقصد يعني شلون بس بفكر يمكن مدري اكمل دراستي بعد الزواج مدري بس يمكن كذا ام امجاد : يمكن بس مدري اكيد كذا طار وشتقولين انتي مافهمت شيء موافقه او لا امجاد : ايه لا لا لا يعني بفكر ( وهي صار وجهها احمر من الحياء جد ) ام امجاد : الحمد لله والشكر بس اهم شيء تراهم بيجون الاسبوع الجاي لاني قلت له اصلن انك موافقه لاني اعرفك وفاهمتك من ايام ثانويتك امجاد : هاه شلون من الثانويه ام امجاد : اصلن اللي يشوفك يدري انك تحبنيه ماتعرفين تخبين يالخبله امجاد : انا مبين علي كذا ام امجاد : لا مبين على راعي البقاله جارنا ( تقوم وتخلي بنتها وهي تكلمها ) اهم شيء لا احد يدري ابد فاهمه خلينا نخلص كل شيء وبعدها نتكلم يالعروسه امجاد ماسمعت غير يالعروسه : الحمد لله والشكر لك يااارب الحمد لله ام امجاد تطالع في بنتها وتقول : اي والله الحمد لله والشكر وتطلع وتخليها امجاد جلست مايقارب نص ساعه وهي تفكر بكلام امها ومن الوناسه افتحت المذكره وكتبت بعدالصفحه اللي قبل شوي ( الله اعلم سبحانه بما يجول في خاطري فلقد غمرتني السعاده فمن شدة الفرح خفت ان يصيبني مكروه بسبب هذه الفرحه لانني لم اتصور انها سوف تاتي وبهذه السرعه ربي الرزقني رضاك ومن ثم رضاءه كم احببتك وفي هذا اليوم امتلئ قلبي لك حباً وشوقاً لرؤيتك) سكرت المذكره وانسدحت وماتبي غير تنام وتفكر وتفكرونامت وهي تفكر ملكه بعد تفكير طويل اقتنعت وارسل لت رساله ( شوف عبدالرحمن انا موافقه اكلمك بس بشرط ماتتعدى حدودك وتوعدني متى ما انتهت ظروفك تجي تتقدم لي اووكي ) عبدالرحمن كان جالس مع بدر اخوها وجته الرساله وقام على طول وقال عن اذنك بكلم بدر : ايه روح كلم يحق لك من كثر اللي تكلمهم واللي يحبونك عبدالرحمن : ههههههههههه لاتخاف محد يحبني كثرك هههههه عبدالرحمن اتصل على ملكه عند ملكه شافته عبدالرحمن يتصل وضحكت قالت وش فيه مايقدر يرد على رسالتي اول ردت عليه : هلا عبدالرحمن : هلا والله بهالصوت ملكه استحت : ايه هلا بك عبدالرحمن : شوفي قبل اتكلم ابشري باللي تبينه بيصير كم ملكه عندي ملكه : مشكور عبدالرحمن : ملكه انا وربي احبك واموت فيك وقسسم لو تشووفين وش كثرحبك بقلبي كان ماجلستني ولا دقيقه ماتسمعين صوتي ملكه : شوف انا تو اكلمك يعني مو متاكد من هالكلام بس مع الايام بتثبت هالكلام او عكسه وراح نشوف عبدالرحمن : لاتخافين انا راح اثبت لك اكثر من اللي قلته ملكه والحياء ذبحها : طيب بس تكفى لاتحرجني بكلامك عبدالرحمن : لا لا شوفي من الحين وحطيه في بالك لاتقولين لاتحرجني بتغزل فيك براحتي حبي وحياتي وبقول اللي بقوله محد له خص غيرك فاهمه ملكه ساكته من الحياء عبدالرحمن : طيب خلاص الحين بس بسكت عشان ما احرجك بس بعدين ترى ياويلك تسكتين فاهمه هههههههههه ملكه : هههههه ابشر وقعدوا يسولفون حوالي نص ساعه وعبدالرحمن سحب على بدر خويه وبعدها قفل ورجع له بدر : كل هالوقت ماقدرت تفتك منها عبدالرحمن وهو يدري ان بدر يدري انه يكلم بنت بس مو في باله اخته قاله عبدالرحمن : يابن الحلال تو اقنعتها تكلمني بدر :من وين لك عبدالرحمن : عطاني رقمها واحد من العيال ويالله وافقت بدر : ياخي عندك ثلاث وش تبي فيها عطني اياها عبدالرحمن : اعطيك اي وحده الى ذي بدر : اقول توك مكلمها مسرع تحبها هههههههههههه عبدالرحمن : ههههههههههههههههههه | ||||||||
|
| |
|
24-10-16, 03:44 PM
| #26 | ||||||||
| مراقبة عامة ومشرفة منتدى الروايات المنقولة
| الساعه 10بالليل عند ابو فارس وهو جالس مع ولده فارس ويتكلمون عن ماجد ومشكلته بالـ 180الف ريال تلفون ابو فارس يتصل ابو فارس : هلا ...... : السلام عليكم ابو فارس ابو فارس : وعليكم السلام ورحمة الله وبركاته الله الله انا ابو فارس .... : انا الدكتور جمال ابو فارس : يالله حيه ونعم والله د جمال : الله يبقيك وينعم بحالك انا والله داق اتطمن عليك واطمنك عن ولدكم ماجد ابشرك الولد صحى وحنا بنبقيه بغرفة العناية المركزه لين الصباح لجل نتطمن عليه ابو فارس : الله يبشرك بالخير الله يبشرك بالجنه د جمال : امين وياك ان شاء الله يالله انا استاذن ابو فارس : الله يستر عليك ومشكور د جمال : العفو هذا واجبي فمان الله ابو فارس : فمان الكريم فارس : وش السالفه ابو فارس : ماجد ابشرك صحى الحمد لله يقولون بيخلوونه بالعنايه لين الصبح لجل يتطمنون عليه ازين فارس : الحمد لله والشكر لك يااارب يباه بعد اذنك بدق على ام ماجد وابشرها ابو فارس : ميخالف دق وانا ابوك فارس يرفع جواله ويتصل على بيت ام ماجد في بيت ام ماجد ساره كانت قريبه من التليفون يوم سمعته يدق ردت عليه ساره : هلا فارس : السلام عليكم ساره : وعليكم السلام فارس : خالتي فيه ساره : جالسه تصلي والله الحين فارس : طيب يابنت عمي قولي لها فارس اتصل ويسلمك عليك ويقوووول ابشرك تراء ماجد صح من الغيبوبه ساره : هاه ماجد صح صدق والله متى صحى فارس : والله تو الدكتور كلم ابوي وقاله ويقول بنخليه بالعنايه لين الصباح ونتاكد من سلامته وبعدها نطلعه للغرف التنويم ساره جت بتتكلم الى امها واقفه جنبها وتسمعها تصرخ قطعت صلاتها وجت ساره شافت امها وصارت تكلمها ساره : يماااه ابشرك ماجد صحى من الغيبوبه ام ماجد : وانتي من قالك ساره : فارس على التليفون الحين ام ماجد تاخذ التليفون منها : هلا بوليدي فارس : هلا بك خاله والف الحمد لله على سلامته ام ماجد : من قالك انت فارس : ابوي تو مكلمه الدكتور وقاله بنخليه لين العصر بالعنايه واذا طيب ماعليها شر نطلعه لغرف التنويم ام ماجد : الله يجزاك خير ويوفقك ويسعدك الله يبشرك بالجنه فارس : امين وانا حبيت ابشرك وان شاء الله بكرى بمركم بدري مو كالعاده ام ماجد : اي والله ياولدي تكفى مرنا قبل العصر بساعه فارس : ابشري ياخاله ماطلبتي شيء ام ماجد : الله يستر عليك فارس : امين فمان الله ام ماجد : فمان الكريم ... تسكر منه ساره : يماه الحمد لله ماجد صحى الحمد لله ( وهي بدت تبكي ) ام ماجد : اي والله الحمد لله والشكر لك يااااارب ساره من الفرح ماتدري وش تسووي ارفعت جوالها واتصلت على نوف الى تلاقي جوال نوف مقفل تتصل على الثابت وترد اسماء : هلا ساره : السلام عليكم اسماء : وعليكم السلام ساره : انتي شيماء اسماء : لا انا اسماء انتي منو ساره : اهلين اسووم انا ساره اسماء : اهلني ساره وشلونك وشلون اخوك الحين ان شاء الله طيب ساره : الحمد لله بخير وابشرك صحى قبل شووي كلمونا المستشفى وقالوا انه صحى من الغيبوبه اسماء : الحمد لله على سلامته ساره : الله يسلمك من كل شر اقول اسووم ممكن اكلم نوف اسماء : طيب دقيقه اسماء راحت تنادي نوف طلعت من الصاله لقت شيماء نازله وتقولها وين رايحه اسماء : ابنادي نوف ساره على التليفون شيماء وهي تطالع فوق احد سمعها او لا : روحي قولي لها عند اهلها تبي تتعشاء هناك واكيد بتتاخر اسماء : لا ماني كاذبه عليها شيماء : يالخبله امس متهاوشه مع فيصل والحين تبين تخلينها تستانس وتكلم صاحبتها روحي قولي لها ولا ترى بقول لفيصل ان اسماء جالسه عند هالتليفون وترد على كل من هب ودب اسماء : بس لو تدري نوف بتزعل شيماء : وانتي خايفه انها تزعل ولا تخافين على اخوك يالخبله اسماء : طيب اسماء ترجع لتليفون وتكلم ساره : هلا ساره ساره : ايه هلا بك اسماء : ماعليش بس مالقيتها اثرها رايحه لاهلها تتعشاء عندهم وتبي تطول يمكن هناك ساره : طيب على خير اذا جت سلمي عليها وقولي لها اللي قلته لك اووكي اسماء : ان شاء الله ساره : فمان الله .. وتسكر التليفون اسماء سكرت التليفون وشيماء تكلمها شيماء : انتي خبله لهدرجه اسماء : ليش شيماء : ماعليك منها اي احد يبيها قولي لها ماهي فيه طالعه نايمه جالسه مع زوجها صرفيهم اسماء : طيب شيماء : وبعدين ترى فيصل مايحب يشوف نوف تكلم بالتليفون لا يزعل عليك شيماء وهي تكلم اختها جتها رساله فتحتها ولقتها تحويل 300 ريال سواء من رقم غريب وهالرقم طبعاً رقم ابراهيم بس هي ماتعرف اسمه اسماء : وش الرساله اللي شكلك مصدومه منها شيماء : هاه ولا شيء انا بروح غرفتي عن اذنك تسحب على اختها وتطلع لغرفتها تشوف الرقم وتتصل عليه ابراهيم شاف رقمها ورد عليها : هلا شيماء : هلا بك نعم محول رصيد انت ابراهيم : ايه محول رصيد شيماء : وشووله تحول احد قالك محتاجه ابراهيم : لا والله تراها 30 ريال بس لاني بلغي الشريحه وحولتها لك ماعندي احد اعرفه عنده سواء وانتي معصبه قلت خل اخليها تروق شيماء : لا اللي انت محوله 300 مو 30 ابراهيم : اووما 300 شيماء : ايه 300 ابراهيم : خلاص فداك انا مابيها شيماء : لا برجعها لك كيف ارجعها ابراهيم : تبين ترجعينها لي ارسلي لي رسايل حلوه انا ماعندي رساله شيماء : لا رسائل اسفه ابراهيم : ليش شيماء : ماعرفك عشان ارسل لك ابراهيم : طيب انا اعرفك او لا شيماء : مدري عنك ابراهيم : لا والله ماعرفك وارسلت لك 300 يعني من شنو خايفه لا اعرفك ولا تعرفيني شيماء : طيب انا مابي ارسل لك ابراهيم : خلاص لاترسلين لي مع السلامه انا مشغول الحين وسكر التليفون في وجهها هي انقهرت وارسل له رساله ( سلامات تسد التليفون فوجهي وتبي رسائل بعد ) طنشها ولا رد عليها برساله انقهرت ونزلت تحت وخلته براحته سلمان قال لزياد نزلني بالبيت اهلي يبوون اغرااض نزله زياد وركب سلمان سيارته ودق على شروق شروق شافت الاتصال وردت على طول : هلا سلووم سلمان : هلا بك شروق : وينك من زمان ماترد سلمان : ماعليك من هالكلام ذا اسمعي انتي ذاك اليوم تصرفيني وتكذبين علي وانتي كنتي مع زياد بالشاليه صح شروق : هو قالك صح سلمان : لا ماقالي انا شايفكم بنفسي ودخلت ولقيتك ترقصين انتي وياه وطلعت وكنت اخر شيء اتمنى اشوفه اني اشوفك بهالشكل وبهالمنظر شروق : سلمان اسمعني سلمان : انتي اسمعيني هالكلام ابقوله لك ولا ابي زياد يدري عنه لو درى صدقيني بتخسرين زياد وانا بخسره بعد انا فتحت جواله ولقيت لك مقطع رقص وملابسك ما شاء الله كانت محتشمه وتراي مسحته ليش مدري بس لو سالك كانك ماتدري عن اي شيء شروق : سلمان المقطع مسحه هو بنفسه قدامي سلمان : اقولك انا اللي مسحته قبل نص ساعه شروق : وانا شايفته يوم يمسحه قدامي قلت له امسحه قال خلاص وامحسه قدامي وانا اشوف سلمان : وانا تو شفته ولو تبين اقوولك شلوون كنتي ترقصين قلت لك شروق : طيب يعني كذب علي ليش وش يبي بالمقطع سلمان : مدري بس انتبهي ولا عاد يصورك فاهمه لا عاد يصورك ابد وانا اعذريني بقفل ولا عاد تتصلين ويقفل بوجهها شروق رجعت ودقت عليه شوي ورد عليها سلمان : وش تبين شروق : سلمان انا اسفه بس وش اسووي هو قالي لاحد يدري وخفت اقولك ويسالك وتجاوبه سلمان : زياد يعلمني بكل شيء بس شكل انتي اللي ماتبين شروق : لا هو اللي قال لاتقولين لاحد سلمان : كيف لاتقولين لاحد وهو مايدري اني اكلمك بتضحكين علي قديمه يا شروق قديمه العبي على غيري انا صحيح اهتم فيك واداريك بس انك تحطيني مضحاكه وتلعبين علي اطنشك واخليك تضيعين بكيفك ماني مسؤل عنك انا شروق بدت تبكي : سلمان انا وش اسوي انا عارفه انك تحبني وماحبيت اجرح مشاعرك واخليك تجي وتشوفني مع زياد وقلت له كذا وانا والله شايله همك وافكر فيك والدليل اني كم لي وانا اتصل فيك سلمان تكفى وربي انك الوحيد اللي احسه صادق معي من هالناس وانت الوحيد اللي اقدر اقوله كل شيء ويعرف كل شيء عني وباقي تحبني تكفى سلمان سلمان : وش فايدة حبي لك دامك تحبين غيري وانا وش ابستفيد من هالشعور اللي تشعرين فيه بس تكذبين وبعدها ترجعين شروق : سلمان تكفى انا مابي اخسرك انا والله اني من .... ( سلمان سكر التليفون في وجها رجعت تدق عليه بس لقته مقفله ) ارسلت له رساله ( سلمان تكفى افهمني والله مالي بعد الله غيرك سلمان تكفى ) عادل فتح المنتدى ماحصل ساره متصله من ايام ارسل لها رساله خاصه ( السلام عليكم ياقلبي تكفين طمنيني عليك والله لي ايام ضايق صدري عشانك امانه اول ماتدخلين تطمنيني عنك فمان الله ) ارسل هالرساله وطلع كان عنده بالاستراحه خوويه سعد اللي هو صاحب ماجد بالشركه عادل : اقول سعد وش صار على خويك ماجد سعد : والله مدري امس جيته وللحين بالعنايه الله يقومه بالسلامه بس عادل : امين ان شاء الله والفلوس اللي سرقت وش صار عليها سعد : اليوم الصباح مريت مركز الشرطه وقالوا اننا حولنا القضيه للبحث والتحري وان شاء يلاقون اللي سرقها عادل : الله يعينك ويعينه لو مالقوها سعد : اي والله الله يعين عادل : الى اقول سعد هو وش اسمه ماجد الى ايش سعد : ماجد ............ ابوه ميت وعنده بالبيت امه واخته بس والحين اكيد مالهم احد غيره بعد الله عادل : اهااا الله يرحم ابووه ويقوومه بالسلامه لامه واخته سعد : وانت وش له تسال عادل : مدري عندي وحده بالمنتدى بنفس اليوم اللي صار على خويك الحادث هي تقول ادعوا لاخوي يقوم بالسلامه سعد : اهااا ايه انا اذكر كنت معه وقال برح اجيب جهاز اختي اللاب توب من المحل خربان عادل : ماتعرف اسمها سعد : والله اني ما اذكر بس اتوقع قريته بدفتر العائله مره اللي معه ساره عادل : ايووه هي اسمها ساره سعد : بذمتك يعني هي عادل : والله مدري صراحه بس اصبر مصيرنا نتاكد سعد : هي شاعره صح عادل : ليش وش دراك سعد : انا احياناً اقرى رسائل بجوال ماجد واشوف قصائد لها يعني بيتين ثلاثه وكنت اقوله هالقصايد حلوه يقول من اختي هي تكتبهن عادل : اي والله انها تكتب ابياات كثيره دايم بالمنتدى سعد : طيب وش بتسووي عادل : ماراح اسووي شيء وانتي اسكت لاتقوله اذا صحى ان شاء الله اختك تدخل المنتدى اللي فيه خويي خلك ساكت سعد : ليش شايفني حمار هههههههههه عادل : تقدر تقول شووي مو دايم ههههههههههههه سعد : اقوول وخر برووح البيت وراي داوم عادل : خذ رآحتك ابراهيم ارسل رساله لشيمــاء ( اهلين وراك معصبه طيب والله انك شكلك دايم معصبه شوفي يابنت انا انسان اتكلم بواقعيه وانتي تعصبين علي انا اعجبني صوتك واسلوبك بس لو ماتعصبين كان ازين على العموم انا اسمي ابراهيم وعمري 25 وآنتي ..؟ ) وصلتها الرساله وردت عليه ( تدري انك نشبه مالك دخل فيني معصبه او لا وبعدين وش اسووي لك ادور لك عروسه او لا ) ابراهيم رد عليها برساله وسائط وكان مرسل لها صورته وبما انه وسيم فلابد انه يشد انتباهها كاتب تحت الصوره ( هههههههه حلوه تدورين لي عروسه هذي صورتي واسمي عندك وعمري قدمي لي وياليت تكونين انتي العروسه بس بدون عصبيه ههههههههه ) شيماء شافته وخقت ومو قادره تبعد عيوونها عن صورته صحيح الولد حلوو بس وش يبي ( طيب انت وش تبي ) ابراهيم عرف انها شبه لانت ورق قلبها لو شوي هههههههه ( شوفي انا بصرآحه كنت اكلم وحده وهالبنت خليتها وقت ماتزوجت والحين عايش وحداني وانا ساكن عزوبي يعني معذور يوم اطفش اللي ابيه بس نكون اصدقاء بس لا اكثر ولا اقل وانا اوعدك ما ازعجك بي وقت تتصلين انتي اما انا ما ازعجك اوعدك ما ادق ) شيماء ( طيب انا ماعرفك كيف اثق فيك ) ابراهيم ( لا تقولين لي شيء خاص عنك الى لين تثقين فيني ) شيماء ( طيب انا وش يثبت لي انك ماتعرفني ) ابراهيم ( والله اني ما اعرفك وربي ما اعرفك ولا ادري وين سكانه ) شيماء ( خلاص انا بقفل جوالي الحين اخوي بيجي ) ابراهيم ( طيب خوذي راحتك وانا تراي اصير فاضي على الساعه 1 ونص ياليت تفتحين جوالك ) انتهى الجزء الثـآلث عشر توقعآتكم بعد مانتهى هالجزء + التقييم ^_^ | ||||||||
|
| |
|
24-10-16, 03:48 PM
| #27 | ||||||||
| مراقبة عامة ومشرفة منتدى الروايات المنقولة
| ****** الــجــزء الــرآبــع عــشــر ****** نوف لها ثلاث ايام ماتشوف فيصل الا وقت الاكل واحياناً ياكل مع اهله تحت وكانها خدامه مو زوجته ضاقت الدنيا فيها كانت مقفله جوالها وفتحته ولقت رساله من ساره انها متصله عليها اتصلت عليها وقبل ماترد ساره يدخل فيصل نوف كانها ماشافته ردت ساره عليها : هلا نووف نوف : هلا ساره وش اخبارك ساره : الحمد لله ابشرك ماجد صحى من غيبوبته نوف : صدق والله ما شاء الله الحمد لله على سلامته ما شاء الله كم له ساره : والله تو ماله ساعه نوف : ما شاء الله الحمد لله فيصل : نوف سكري ابيك ساره سمعت كلام فيصل لان صوته كان عالي : طيب نوف انا بقفل الحين وان شاء الله بكرى اكلمك نوف : طيب على خير سلمي على خالتي اووكي ساره : ابشري فمان الله نوف : مع السلامه فيصل : انا ماقلت لك قفلي وراك كانك ماتبين تقفلين نوف : هذاي قفلت سم بغيت شيء اسويه لك فيصل : لا والله هذي نبرة استهزاء نوف : لا مو استهزاء جد تبي شيء لاني ما اشوفك من ثلاث ايام الى تاكل وتنام وتطلع فيصل : اشوفك طفشتي مني ماتبيني اخدم عنك نوف : فيصل حرام عليك والله تعبت وش فيك كذا فجآه تغيرت علي فيصل : تحرم عليك عيشتك انا صار علي حرام علي وانتي حلال عليك نوف : وش اللي حلال علي انا ماسويت شيء فيصل لاتاخذني باخطاء غيري فيصل : صوتك لاترفعينه فاهمه او لا نوف : ان تكلمت بصوت خفيف قلت لاتستهزئين وان رفعت صوتي قلت قصريه تبين اسكت عشان ترتاح حضرتك ويرتاحون خواتك فيصل : خواتي مالك شغل فيهن نوف : وانا سبيتهن قلت تبون ترتاحون فيصل : اشوف لسانك صايل وصرتي ترادديني بالكلام نوف : اجل تضلمني واسكت فيصل حرام عليك انا احبك والله اني احبك ليش تطنشني زي كذا فيصل : لانك ترفعين الضغط وماعندك احترام لاحد لا لزوج ولا لغيره نوف : لا انت محترمتك وحاطتك فوق راسي بس خواتك ماعليش اشوفهن تغيرن علي مو ملزومه احترمهن اللي بيني وبينهن سلام وبس فيصل : وانا مع خواتي اللي يبي خواتي ابيه واللي مايبي خواتي مابيه نوف انصدمت من كلامه ولا قالت ولا كلمه فيصل : اشوفك سكتي تبين خواتي او لا نوف : فيصل ممكن توديني بيت اهلي فيصل : اول جاوبيني واوديك لو تبين للمقبره نوف وهي خلاص مو قادره تمسك نفسها اكثر من كذا وبدت تبكي : ف ف فيصل خلاص ودني بيت اهلي مابي اجلس ودني بيت اهلي ولا ابدق على احد اخواني يجي وياخذني فيصل : لا والله تطلعين من بيتي باخر الليل مافيه اجلسي وبكرى اويدك مكان ماتبغين نوف : فيصل تكفى فيصل خلاص واللي يرحم والديك ودني تكفى فيصل : قلت الكلام اللي عندي ..... واخذ شماغه وطلع من البيت نوف بدت تبكي ولا تدري وش تسوووي فكرت وفكرت وبعد تفكير قررت واتصلت على اخووها مانع مانع : هلا بالزين كله هلا باللي ماتذكرنا الى اذا جت تعزمنا ههههههههههههه نوف : هلا مانع والله انك رايق مانع حس بصوت اخته فيها شيء : نويفه فيك شيء نوف : لا مافيني بس ابي اجي عندكم تعال خذني مانع : من عيووني بس فيصل يدري نوف : مابيه يدري بعد مانع : نوف صاير بينكم شيء نوف والعبره خانقتها : لا بس تكفى تعال الحين مانع : اصلن انا قريب من بيتكم يبي لي عشر دقائق بس نوف : طيب اذا وصلت علمني مانع : طيب اووكي وسكروا امجد قرر يكلم امه امجد : يماااه نجوى : عيون امك امجد : لو قلت لك سر وقلت لك امانه تقوولين لابوي تقولين له نجوى : لا بحفظه لك امجد : حلو ابيك تحفظين هالسر مثل ماحفظتي سر ابوي نجوى وهي بين عليها انها اختبصت لانها ماتحب هالسيره : ماعلينا من سر ابوك شو سرك امجد : نفس سر ابوي نجوى : كيف نفس سر ابوك امجد : انا شفت الاوراق اللي تثبت انا ابوي يختلس من الشركه والاتفاق اللي موقعه مع خالتي اللي هي زوجته الاولى نجوى : انت شفت اي اوراق امجد : اللي عندك انتي قريتها كامله نجوى : ومن سمح لك تشوف شيء موب لك امجد : شفتها وخلاص المشكله مو هنا نجوى وهي بدت تخاف من اي شيء : شو المشكله اجل امجد : اني بدي اقول لابوي كل شيء واقوله اني عرفت كل شيء بس ابي خواتي مايهمني اي شيء نجوى : لا امجد حبيبي اذا انت قلت لابوك ابوك بيسبب لي مشاكل تكفى انسى هالسالفه امجد : انساها وما افتحها ابد لاي انسان بشرط واحد نجوى : وش الشرط امجد : تعلميني بكل شيء نجوى : انت عرفت كل شيء امجد : لا ابي افهم مو اعرف بس نجوى وبدت تفكر هي بين نارين نار زوجها وولدها : طيب بقولك بس توعدني ماتحكي لا اي احد امجد : اوعدك مابحكي لا اي احد نجوى : طيب اسمع ( وتقوله كل شيء ) رهف و اشواق كانوا في المجمعات وكان معهن ابراهيم وكان يسولف عليهن ويقول بسووي وبسووي وهم على هالكلام استاذنت اشواق وراحت لدورة المياه ( اعزكم الله ) ابراهيم استغل هاللحظه وتقرب من رهف لين صاروا في وضع غريب وبمكان عام بعد بس كانوا في مطعم وكان في بالهم محد يشوفهم دام فيه جدار وستاره فجآه ويدخل عليهم اثنين اعضاء هيئه ورهف كانت اقرب مالها انها في حضن ابراهيم مسكوهم وجروووهم اشوواق شافت الوظع كذا وحطت رجلها سلمووا ابراهيم لمركز الهيئه ورهف قامت تبكي وتبكي لين فكووها وقالت والله ماعاد اطلع معه وهم مايبون يقولون اننا نصير لبعض بعد محاولات منها ومن باب الستر فكووها واول ماطلعت اتصلت على اشواق اشواق بغت ترد وخافت يكون عضو هيئه يدق عليها وسحبت سيفون على المكالمه وهي خايفه عند الباب تطلع جوالها وتتصل على السواق وتقوله يجيها لانها كانت جايه مع سواق رهف وهي تنتظره الى رهف واقفه قدامها رهف : اشواق وش فيك ماتردين اشواق : انتي طلعتي وشلون رهف وهي تضحك : ههههههههههه انا ماعلي خوف اطلع بسهووله ماعليك انتي ليش ماتردين اشواق : كنت خايفه عضو هيئه هو اللي يتصل من جوالك رهف : يخسي ياخذ جوالي لا ويتصل منه بعد خخخخخخخخخ اشواق : ههههههههه طيب وابراهيم رهف : ابراهيم ماعليك متعود ياخذون عليه تعهد ويطلع هههههههههه اشواق : يعني عادي متعودين رهف : انا لا بس هو ايه اشواق : الحمد لله وبعدين ليش اخذوكم رهف : هاه ايه شكوا فيني وقعدوا يسالون وقالوا امشوا هههههههههههههه اشواق : بس كذا رهف : ايه بس ماعليك اقوول السواق بيجي اشواق : انا كلمت سواقنا وبيجي رهف : لا تكفين قلبوو بنروح للبيتنا لاتروحين لبيتكم اشواق : وراي بكرى دوام رهف : لا تخافين انا ادبر لك ورقه عذر بس تكفين وربي مشتاقه لك اشواق : انا عندك من العصر كيف مشتاقه لي يالنصابه رهف : وش اسووي مقدر ابعد عنك لو بكيفي خليتك تسكنين عندي اشواق : والله فكره بقوولها لأمي بس خليها تجي من السفر رهف : امك مسافره اشواق : ايه لها يمكن اسبوع او اقل رهف : وابوك اشواق : كالعاده مانشووفه رهف : اجل ليش تروحين للبيت اشواق : مدري ههههههههههههههه رهف : اجل بتنامين عندي وغصب عليك اشواق : لا مو غصب بس بنام هههههههههههه مانع اخذ نوف وراحوا للبيت بالطريق مانع : وش السالفه نوف : مافيه شيء مانع : لا فيه ومو من العاده تتهاوشون وش السالفه نوف : مانع تكفى مافي عشاني خلاص مانع : لا بتقولين لي ولا بدق على فيصل واساله نوف : لا خلاص لاتدق عليه ولا شيء مانع : يالله قولي نوف : السالفه ومافيها .... وتقوول له السالفه من اولها لآخرها مانع : اهاا خلاص جوالك معك نوف : ايه معي ليش مانع : هاتيه نوف تمد له الجوال مانع ياخذه ويتصل على واحد شووي مايرد يتصل ثانيه مايرد مانع : سمي جوالك ... ويطلع جواله ويدق نوف : دام جوالك يدق ليش تدق من جوالي مانع : اصبري .... ( اللي اتصل فيه مانع رد عليه بسرعه ) : هلا والله ..... : هلا بك مانع : وش الاخبار ..... : بخير الحمد لله انت وشلونك وشلون عمي وعمتي مانع : كلهم طيبين بس زعلانين عليك يقوولوون ماعاد يسير ولا يمر ..... : والله يابن الحلال خلها على ربك والله البيت والشغل والاهل انت عارف عاد مانع : ابد معذوور والله يافيصل وانا اخووك مير انا تو مريت البيت ومالقيتك ولقيت اختي وقالت بروح للبيت تحس انها تعبانه قلت اتصلي على فيصل ودقت تبي تستاذن منك مارديت عليها قلت خل ادق عليه يمكن عند رجال ومايبي يكلم حريم ههههههههههههه فيصل : هاه انت بتاخذها معك الحين مانع : الله الله ليش فيها شيء وانا اخوك فيصل : هاه لا مافيها شيء بس كان انتظرت وانا اوديها مانع : لا مايحتاج نتعبك انت تو تقول خلها على ربك تعب هالبيت قلت اريحك فيصل : والله انك ماتنمسك تلاقها على طول على خير مانع : على العموم القهوه بكرى بي وقت مرني فالبيت او نطلع انا وياك ابتفاهم معك ههههههه فيصل : هذا تهديد ههههههههههه مانع : لا هذا اسلوب العزايم الجديد عشان يخافون ومايجون ههههههههههه فيصل : والله يابن الحلال ان شاء الله اني بمركم بالبيت منها اسلم على عمتي وعمي مانع : خير ماتسوي ما اطول عليك تبي شيء فيصل : ابد سلامتك مانع : الله يسلمك ... فمان الله فيصل : فمان الكريم مانع : هذا فيصل وخلصنا منه نوف : ليش تكلمه مانع : لانك زوجته نوف : وانت اخوي مانع : والمراءه وانا اخوك ماتطلع من بيت زوجها الى باذنه وانا ابخص بهالامور هذاي اخذتك واستاذنا منه عشان مايزعل ويتشره نوف : مدري براحتك مانع : لا براحتك انتي نوف : لا تتريق تراي ماني فاضيه مانع : اقول تعرفين تلعبين بلوت نوف : ايه نسيت انك علمتني ذاك اليوم عليها مانع : اذا على لعبك ذاك اليوم مابيك تلعبين معي هههههههههه نوف : وخر عني موب رايقه لك مانع : ههههههههههههههههههههههههه في مكان ثاني شروق من الضيقه اللي فيها ماتدري وش تسووووي قامت تتصل عليه وجواله مقفل وتكرر اتصالاتها اكثر من مليوون مره لانها عندها قناعه انه بيفتح الجوال بعد شووي كل بعد خمس دقائق ترجع تدق عليه بعد كذا اتصال مسك الخط وكانها مو مصدقه بدت تمسح دموعها وهي تنتظره يرد ماتوقعت انه يرد بس اكتشفت انه راد له شووي وقاعد يسمعها تبكي شروق : سلمان سلمان : نعم شروق : سلمان تكفى لاتخليني سلمان وربي انكي اتكلم بصدق انت بالذات مابي اخسرك يمكن لو اخسر زياد اتعب وانساه بس انت اخوي اللي مو من دمي تكفى لاتخليني سلمان : وليش ما اخليك وانتي تحبين زياد شروق : وش تبيني اسووي سلمان : انسيني شروق : ماني قادره سلمان : بتتعودين على فراقي شروق : سلمان انا لو حبيتك اكيد راح نتفارق لان الحب مصيره الفراق بس انا معتبرتك اخ لي وعشان كذا مابي اخسرك سلمان : كيف تعتبريني اخ وانا اعتبرك حب لي يعني تصادم مشاعر شروق : سلمان تكفى خلك معي سلمان : انا اسف رديت عليك بس لجل اقوولك انسيني فاهمه انسيني للابد لا عاد اشوفك داقه فاهمه مع السلامه شروق : سلم..... قفل في وجهها ودقت عليه مارد مره مرتين ثلاث وهو مايرد شروق ارسلت له رساله وقفلت جوالها كتبت له ( سلمان اذا انت ماتبيني ماراح اجبرك بس تذكر اني انتظرك بي وقت تتصل واتمنى ترجع ) بالمستشفى الممرض اسمه ماجد برضوا نفس اسم ماجد وكان هو اللي عند سرير ماجد ويراقب حالته الممرض ماجد كان يتابع حالته ويشووف التحسن من زمان الممرض ماجد توقع ان ماجد يسمعه فقام يناديه : ماجد ماجد تسمعني اذا تسمعني حرك اصبع يدك هذا ماجد كان يلتفت على خفيف ويحاول يحرك لو جزء بسيط من جسمه وبصعووبه يحركه الممرض ماجد : لا تتحرك انا احركك بس وش تبي ماجد بداء يحرك شفايفه اللي ناشفه من زمان الممرض ماجد فهمها وجاب ابره فيها ماء شبه بارد والابره كانت كبيره وكان ينزل ماء على خفيف في فم ماجد ماجد كان يحرك شفايفه مع كل ماء ينزل وكانه يبلل ريقه الممرض ماجد بداء يسولف عليه ويقووله ان اهلك كل يووم وهم عندك ويدعون لك وبس يبونك تقوم بالسلامه وكان يشووف ماجد وعيونه تدمع الممرض ماجد : لا تبكي يا ماجد انت رجال وبعدين لو عندي اهل مثل اهلك كان ياشيخ قمت مثل الحصان لهم الحين ورجعت بكرى الصبح اكمل اعلاجي ماجد يطالع له بعيونه وكانه يضحك الممرض ماجد : ايه اضحك ماعليك الدنيا تراها ماتسوى تبي اقولك نكت ...... : وانت جالس تنكت عليه ولا تعالجه الممرض ماجد : هههههههه اهلين دكتور جمال د جمال : هلا بك ههههههههه وش فيك الممرض : زي منت شايف احاول اسليه صحى من نومته اللي قبل ساعه د جمال : هلا ماجد شلوونك الحمد لله على سلامتك تدري يا ماجد عم ابو فارس وولد عمك فارس واهلك ما شاء الله تبارك الرحمن صابرين ويدعون لك والحمد لله ربي استجاب لدعائهم وهذاك طيب تبي نوديك لهم ولا تجلس عندنا الممرض : تراه يادكتور ماهو صغير عشان تضحك عليه د جمال : ليش هو كم عمره الممرض : 25 سنه دجمال : ما شاء الله احسبك 15 ماهو باين انك كبير ههههههههههههههه الممرض : قوويه يادكتور دور غيرها هههههههههههههه د جمال : طيب انا بروح ادور غيرها واجي تبي شيء يا ماجد ماجد يهز راسه وهو لسان حاله يقول ليتني اقدر اقول شيء بهالحاله كان ضحكت ولا كلمت امي الممرض : يقول يبي شيشه هههههههههههه د جمال : لا ما شاء الله مايشيش هو يالله عن اذنكم ويطلع الدكتور ويخليهم بروحهم ويرجع الممرض ماجد يتكلم معه على خفيف وهو بالاساس يتكلم معه عشان يشوف استيعابه | ||||||||
|
| |
|
24-10-16, 03:51 PM
| #28 | ||||||||
| مراقبة عامة ومشرفة منتدى الروايات المنقولة
| في مكان ثاني ساره من الفرح ماتدري وش تسووي حست بأحساس انها ودها تدخل المنتدى زمان عنه وبتطمنهم ومنها تتطمن على عادل اللي ماتدري عنه شيء فتحت المنتدى ولقت رسائل من عادل ومن كذا عضو بالمنتدى بس رسائل عادل غير عن كل هالرسائل رسائل عادل تشوفها الاهم من بينهم وطبعاً هو مو متصل بدت تقراء كل رساله من رسائل عادل لحالها وبالنهايه ارسلت ( صباح الخير وش اخبارك ان شاء الله طيب ابشرك اخووي طيب الحمد لله وصحى من غيبوبته قبل ساعه بس ماشفناه للحين واتمنى تدعي له ان الله يقومه بالسلامه مشكور على اهتمامك ) راحت وبدت تقراء رسايل بعض الاعضاء وترد عليهم وتشوف الموضوع الي نزلته ومن رد عليه وكذا بعد نص ساعه لقت رساله خاصه واحده فتحتها لقتها من عادل قرتها ( صباح النور ساره وش اخبارك انتي وش علوومك الحمد لله على سلامته والله يقوومه بالسلامه لكم ياارب وبعدين حرام عليك وربي جالس على اعصابي لي كم يوم والله ان حتى النوم يالله تغفى عيني مدري انتي بخير او لا تدرين امس رحت لخويي اللي كان مرافق معي بالمشفى وقلت له تذكر الرقم اللي دق علي وانا بالمشفى قال ايه قلت ابيه قال صعبه من وين اجيبه وانا ماحفظته وندمت ليتني حافظه على العموم الحمد لله انك بخير والله يسعدك ياقلبي وين ماكنتي ) قرأت رسالته وكانها استغربت نوعاً ما ردت عليه ( هلا بك اول شيء كيف عرفت اسمي ..؟ وثاني شيء وش تبي برقمي ..؟ ثالث شيء ( يآقلبي ) ..؟ اسفه بس انصدمت من كل هالاشياء الغريبه اعذريني بس ابي توظيح ) قراء رسالتها وتبسم وهو يبيها كذا كتب له ( اول شيء اسمك انتي دايم تنزلين قصايد باسم ساره وصور باسم ساره بمدونتك مثل قصيده بدر بن عبدالمحسن وثاني شيء رقمك وش اسووي يا ساره والله اني شايل همك خايف عليك يكون صابك شيء والله اني من قريت هالخبر ودموعي على خدي وثالث شيء انا اللي اسف اذا قلت كلمه بالخطاء بس قلتها مدري كيف اعذريني عليها يكفي انك بخير يالغاليه ) قرات رسالتها وانقهرت لانها حست اها غبيه حيل كيف مشت عليها سالفة المدونه ردت عليه ( ايه صح اسفه نسيت المدونه .. انت شكلك تدخلها اغلب الاوقات ورقمي الحمد لله انه ماحفظه والله لانصدم جد اذا دقيت مدري مو اقصد شيء بس مدري خايفه مو متعوده اكلم شاب والحمد لله هاليومين انا بخير ولا تتاسف عادي دامك تقول ماتدري شلون قلتها عادي اعتبرني ماسمعتها ) عادل ( تدرين يا ساره فيه شيء بقوله لك تتقبلينه مني ) ساره ( قول انا اتقبل منك كل شيء ولا يمكن ازعل عليك ) عادل ( انتي بالنسبه لي انفاس اتنفسك انتي بالنسبه لي العين والشوف ساره انتي اهم شيء بحياتي من عرفتك وانا اعتبرك شيء مو عادي ) ساره ( تسلم من ذووووقك وانت والله عالم انك غالي وان مافيه مخلوق بهالمنتدى اسولف معه واضحك معه غيرك انت بالنسبه لي شيء ثاني مو مثل باقي الاعضاء ) عادل ( ساره انا وربي ماقدر على فراقك ) ساره ( ولا انا اقدر على فراقك ) عادل ( ساره وربي لو قلت لك احبك اصير كذاب انا اتنفسك مو احبك بس اسف ادري بتزعلين او تاخذين بخاطرك بس سامحيني انا طالع ياليت تهتمين بنفسك وطمنيني عنك وعن اخوك فمان الله ) ساره قرأت كلامه وانصدمت ماكانت متوقعه بيوصل للحب لا الحب ممكن بس كيف حبني انا معقوله احبه كاني فرحت يوم قالها لا مو فرحانه بالعكس عادي ترددت كثير وكثير وفتحت المسن ولقت افنان متصله افنان : اهلين سااااارونه ساره : هلا بك فنووووو وش اخبارك افنان : بخير الحمد لله شلونك وشلون اخوك ساره : الحمد لله طيب وابشرك صحى من الغيبوبه قبل من ساعه بس ماشفناه افنان : الله يشافيه يااااارب وبدواء يسولفون ويضحكون حوالي ربع ساعه بعد هالربع ساعه ساره : اقووول فنوو افنان : عنووونها ساره : هههههه تسلم لي عنوونك تذكرين الولد اللي قلت لك عنه افنان : ايه الجرح القديم ساره : ايووه عليك نور هو ذا افنان : وش فيه ساره : اليوم نتراسل بالخاص وقالي كلام كثير افنان : وش قال ساره : قال كثير بس اللي استغربته شيء واحد افنان : قالك احبك ساره : ايه بس قالها بطريقه ثانيه افنان : شلون قالها ساره : قال انا لو قلت احبك اكون كذاب انا اتنفسك مو بس احبك وطلع افنان : ايوه وش قلتي له ساره : ماقلت له شيء افنان : طيب وش بتسوين ساره : مدري افنان : انتي تحبينه ساره : مدري افنان : شلون ماتدرين ساره : والله جد مدري هو صحيح اني افقده ويوم دخل المستشفى حسيت به شيء يقول تطمني عليه وهو من ناحيته احس باهتمام وهالاتمام يريحني كثير و... تقاطعها افنان : وتقولين ما احبه خلاص هذا هو الحب ساره : لا ما احبه افنان : انتي قد حبيتي ساره : لا افنان : خلاص اساليني هذا هو الحب انتي تحبينه بس مستنكره شيء اسمه حب ولا انتي تحبينه وبعدين حرام تخلينه كذا تراء كلها منتدى ولا مسن ولا ان خربت جوال يعني مافيه شيء يخوف وبعدين انتي تقولين واثقه منه ومن طريقته ساره : مدري والله خايفه افنان : شوفي انتي اول كلميه مسن وشووفي هو حبيب مو حبيب اخلاقه كيفها وبعدين قرري تكلمينه جوال او لا ساره : اكلمه جوال لا ياحياتي لو اني مجنونه افنان : اجل وش بتسوين ساره : بس بكلمه مسن افنان : ايه هين وقت ماتسولفين بالمسن راح تملون من المسن وتروحون جوال ولاتقولين ماقالته افنان ساره : اخاف ماعمري كلمت احد افنان : لا قولي هالكلام لغيري انتي مكلمته هو بنفسه يعني عادي غامري وكلميه صدقيني ماراح تخسرين شيء كلها شريحة بدون اسم وانتهت السالفه ساره : يعني ماراح يعرفني لو اخذت شريحه بدون اسم افنان : لا ماراح يعرفك ...... وقامت افنان تعطيها وصايا شيطانيه لين ماقفلت المسن ورجعت ساره المنتدى وارسلت لـ عادل رساله ( آممممم مدري وش اقوول لك بس احس اني مبسوطه ليش مدري على العموم تراي مازعلت وانتظرك تدخل بكرى وعدنا بعد المغرب لاني بروح زياره لاخوي فمان الله يالغالي ) وقفلت المنتدى وحطت راسها تبي تنام وكانت تحس انه اسعد انسانه بالدنيا لاول مره تلاقي اللي يحبها وهي تكن له بعض المشاعر واخوها بنفس الوقت قام سالم يعني اسعد لحظات حياتها مع انها ماكانت تفكر انها تحب في مكان ثاني ابراهيم بعد ماطلع من المركز وكان كفيله واحد من اخوياه ويالله طلعوه اتصل على شيماء ماردت فتح الرسائل وقام يكتب لها رساله ووقت ماخلصها الا هي تتصل عليه رد عليها : هلا والله شيماء : هلا بك ابراهيم : تصدقين كنت اكتب لك رساله بس كويس انك دقيتي شيماء : طيب وش كنت تبي ترسل ابراهيم : كل ذي شرافه عشان تعرفين شيماء : لا بس هماك بترسلها لي ابي اعرف ابراهيم طيب بقراها لك انا كاتب لك اهلين وين اللي على وعدنا ولا صح انتي ماوعدتيني بس ماتوقعت انك بتطشنيني لاني عندي احساس واحساسي مايخيب انك لي وباذن الله نكون لبعض بس وانتي دقيتي قبل ارسلها شيماء : ياواثق من وين لك هالثقه ابراهيم : لازم الواحد يوثق بنفسه لدرجة الغرور شيماء : حلوو يالمغرور ابراهيم : والله بحياتي كلها ماكنت مغرور بس يوم عرفك حسيت ودي اصير مغرور شيماء : ليش ابراهيم : لاني احسك تستاهلين الغرور واحسك جميله لآبعد الحدود شيماء : هههههه تسلم من ذوقك بس يمكن اطلع شينه ابراهيم : وش قلت لك لازم تكونين واثقه من نفسك شيماء : طيب خلاص انا جميله ابراهيم : طيب وش اسمك يالجميله شيماء : الحقيقه ولا تبيني اكذب عليك من البدايه ابراهيم : لا الحقيقه لانك لو كذبتي وبعدين علمتيني صدقيني ببعد لاني ما احب احد يكذب علي اذا بتكذبين علميني ابتعد عنك من الحين جد شيماء : هههههههههههه طيب اسمي شيماء ابراهيم : عاشت الاسامي ويستمر التعارف ويبداء ابراهيم يخطط على راحته بدمار شيماء نوف أرسل لها فيصل رساله ( حلوه تدقين على اخوك وتقولين له تعال خذني وانا حمار فالبيت ماني رجال ) نوف قرات رسالته وطنشته ولا تبي ترد عليه بس شوي واندمت وارسلت له ( فيصل حياتي انا دقيت على مانع يجي ياخذني لاني خفت اجلس اكثر وتقهرني اكثر ونندم على بعض فاخلني ارتاح فبيت اهلي شوي وانت ارتاح شوي وكل منا يراجع حساباته وبعدها نتفاهم وابشر باللي يرضيك ) قراها فيصل وحس بقهر مايدري هو قهر منها او من نفسه فكر يرسل لها ثم قرر يخليها زياد دق على ريناد زياد : اهلين رنووو ريناد : هلا بك وش اخبارك زياد : الحمد لله انتي شلوونك ريناد : بخير الحمد لله دامك بخير زياد : ترى اللي طلبتيه مني جاهز ريناد : وشو زياد : صورت لك شروق ريناد : من جد طيب متى اجي اخذ المقطع زياد : لا زي ما اتفقنا جيبي معك اللي قلت لي عليهن والمقطع تاخذينه الليله ريناد : اووكي بس عطني ساعه او ساعتين وارد لك زياد : اووكي قفلووا وريناد اتصلت على صاحبتها المغربيه واتفقوا على كل شيء زياد من الوناسه راح بيشووف المقطع فتح الاستديو مقاطع الفديو المقطع مو موجود قعد يدوره ويدروه ماحصله انقهر اتصل على سلمان بعد لحظات سلمان يرد : هلا زيزووو زياد : هلا سلمان ابسالك انت ماسح شيء من الاستديو من عندي سلمان : لا ليش زياد : اكيد سلمان : وش جاك اقولك ايه مامسحت ليش ممسوحه الذاكره زياد : لا مقطع واحد كنت حافظه وانمسح سلمان : عساه ماهو مهم زياد : لا مهم وبالحيل ومدري كيف اجيبه سلمان : والله مدري عنك انت ومقاطعك زياد : يالله بس مع السلامه سلمان : مع السلامه زياد ارتفع ضغطه مايدري وش يسوووي توقع انها شروق اللي ماسحته واتصل عليها شوي وترد عليه شروق وهي حيل منقهره ماتدري وش ليش حافظ المقطع عنده شروق : هلا زياد : هلا بك وش اخبارك شروق : تعبانه شوي احس مانمت زين زياد : سلامتك طيب ابسالك انتي فاتحه جوالي يوم كنتي بالشاليه شروق وتبي تعرف السالفه وليش حافظ المقطع : ايه ليش زياد : انتي ماسحه شيء شروق : ايه لقيت المقطع اللي كنت ارقص فيه وقلت شكلك مامسحته او انه رفض خل اجرب وجربته وانمسح بس زياد : طيب من سمح لك تفتحين جوالي شروق : انا مسحت المقطع اللي لي زياد : ولو انا مسحته يعني بكذب شروق : هذا اللي قاهرني انك تقول مسحته وانت تكذب ليش زياد : اشوفك صرتي ترفعين صوتك شروق : وليش تبيني اقصره اساساً وش كنت تبي بالمقطع زياد : حياتي عشان اتذكرك بس شروق : تو اشوفك ترفعين صوتك والحين عشان اتذكرك تغيرت النبره زياد : شروق لاترفعين لي ضغطي اووكي شروق : طيب ماجاوبتني وش تبي فيه المقطع زياد : قلت لك والله بس عشان اتذكرك اذا فقدتك شروق : مدري قلبي ناغزني وخايفه زياد : تخافين مني انا شروق : بصراحه ايه زياد : لا انا حبيبك وروحك تخافين مني شروق : هذا اللي مخوفني اكثر زياد : قلبووو تكفين وربي عادي لو حفظت مقطع عندي بالجوال وكل شيء اشوفه شروق : لا مو عادي كيف عادي زياد : تكفين شروق : انت ليش مُصِر على المقطع امانه معك منو تعطيه اياه زياد : كيف منو ابعطيه انتي شكلك خبله شروق : اسفه مظطره اقفل تبي شيء زياد : وين تقفلين شروق قفلت في وجهه ولا لقت لكلامه ادنى اعتبار زياد انقهر وارسل لها شروق تقفلين في وجهي التليفون قرت شروق الرساله وطنشته وهي خايفه ليش ماتدري زياد انقهر وبعد ربع ساعه ارسل لها طيب والله لا اخليك تندمين يالـ............ قرت كلامه وانصدمت من اللي كاتبه وانقهرت وبدت تبكي واتصلت على سلمان سلمان مطنشها وقايل لها لاتدقين وهي لقت الجوال مقفل اساساً انقهرت وكملت بكاها لين ماجفت دموعها ونامت الساعه 3 ونص قبل صلاة العصر بدقائق فارس يتصل على بيت ام ماجد ويقولهم انه عند الباب يطلعون ويروحون معه وصلوا هناك مع الصلاة صلوا العصر ثم فتحوا الزياره راحوا يسألون عن رقم غرفة ماجد وصف لهم الموضف رقم الغرفه والقسم اللي فيه كان في قسم التنويم العام لانهم مايدرون بالعظام واغلب عظامه مجبره الباطنيه برضوا تعبانه وظهره برضوا قالوا بالتنويم العام ويدارونه المختصين وكان بغرفه خاصه دخلت ساره وام ماجد بالغرفه ولقوا ماجد نايم جلسوا عنده وهم مالين من كثر مايجلسون عنده وهو مايدري عنهم قعدن يسولفن ام ماجد وساره لين صحى ماجد وبداء يطالعهم وعيونه تدمع ام ماجد وقفت تطالع فيه وقعدت تمسح دموعه وتحط يدينها على وجهه وخدوده وساره بالجهه الثانيه ماسكه يده وتبوسها وتبوس راسه وهي تبكي ساره : الحمد لله على السلامه ام ماجد : الحمد لله على السلامه وانا امك ماجد وكان يتكلم بصعووبه بس نسبياُ مفهوم كلامه : الله يسلمك يماه ... قالها وهو يطالع امه ثم التفت لساره وقالها : الله يسلمك ام ماجد : لا تتكلم وانا امك اسكت حنا نسولف عليك ونقول لك كل شيء وبدت تسوولف هي وساره عن عمه ابو فارس وفارس وكيف وقفوا معهم وماخلوهم ولا يوم وهم منسجمين معه طق فارس الباب : السلام عليكم ام ماجد : وعليكم السلام السمووحه وانا امك نسيتك عند الباب فارس : لا عادي بالعكس مقدر يا خاله .. هاه ماجد ما شاء الله اثرك انشط مني وهو يقرب من فراشه ويسلم عليه ويحب راسه فارس : شلوونك ان شاء الله بخير ماجد وهو بصعووبه يتكلم : الحمد لله بخير فارس : خلاص لاتتعب نفسك انت بس حاول تقراء لك كل يوم المعوذات وآية الكرسي بس وجزاك الله خير ماجد : طيب ( وهو كانه صغير ويسمع كلام اي واحد قريب منه ) فارس : خلاص بخليك تجلس مع اهلك انا بطلع اتمشى شووي ... مع السلامه ماجد كان يطالع فارس وهو يطلع لين قفل الباب وطلع وكانه يقول اجلس لا تروح ام ماجد : تبيه يجلس معك يماه ماجد التفت على ساره وكانه يقول وساره وين تروح ثم تبسم وساره شافت الابتسامه وبادلته نفس الابتسامه وهي ماتدري ليش ساره : لا تطالعني كذا مانزلت مكافاتي ( وهي تلطف الجو وتحاول تضحكه ) ام ماجد : الا طالعه لها اكثر من اسبوع بس قاعده تلعب فيها ههههههه ساره وام ماجد بدواء يسولفون عنده بشويش وهو يسمع ومبسوط فيهن فيصل راح لبيت ابو مانع ويوم وصل هناك دق على مانع وفتح له مانع الباب وسلموا على بعض ودخله المجلس وقعدوا يسولفون وتطرقوا لموضوع نوف وقال مانع الكلام اللي قالته نوف وانه هو مو غريب وانه يعتبرك اخو ولا ماكان تطرق لهالكلام معك وقال له : انا ما اشوفك يافيصل اخطيت ابد ولا اشوف نوف اخطت بعد بس انتوا تسرعتوا بفهم بعضكم غلط يعني انت ماحاولت انك تداريها وتراعيها شوي وتشوف وش فيها ولا هي قدرت تفهمك كلامها واللي تقصده ومن ناحية الكلام اللي حصل مع خواتك انا اشوفه عادي وانا اخوك يعني البنات لازم تحصل بينهن حساسيه وبعدين خواتك يحسن بغياب امهن ومو متصورات ان اللي يداريهن نوف مو امهن ولا اللي اعرفه انهن حلوات مع بعض من قبل وفاة الوالده فيصل : والله وانا اخوك انا ماصرت ادري وش اسووي مانع : وانا اخوك انا اللي بقولك وفكر في كلامي انت ريح نفسك كم يوم وهي بتريح نفسها كم يوم وصدقني كم يوم وبتشتاقون لبعض وبتجي زحف لهنا واهلك راضهم قد ماتقدر وانا اخوك وزوجتك راضها بعد فيصل : ربك يعين مانع : طيب عن اذنك بجيب عصير واجي هههههههههه فيصل : لا ابمشي والله مانع : لا ان شاء الله بتجلس فيصل : والله اني مظطر اي والله اعذرني مره ثانيه تكفى مانع : الله يستر عليك ولا تقطع تراك وعدتني فيصل : على خير فمان اله مانع : فمان الكريم عن ام ماجد وماجد وساره وهم للحين يسولفون وماجد يتبسم معهم ويضحك طق الباب فارس تغطوا ام ماجد وساره وفتحت الباب ساره فارس : ماعليش ياخاله بس فيه اثنين من اخويا ماجد بيزورونه ام ماجد : ابشر بنطلع الحين فارس : طيب ام ماجد وساره البسوا عباياتهم وتغطوا عدل وطلعوا طلعت ام ماجد وساره وراها وشافت الاثنين واحد كان مو لمهم والثاني كان يطالع ساره ودخلوا وساره مستغربه من اللي يطالعها ذا ؟؟؟؟ انتهى الجزء الرآبع عشر ولاتنسووني ^_^ من التوقعات وماتجود به انفسكم هههههههههههه | ||||||||
|
| |
|
24-10-16, 10:41 PM
| #29 | ||||||||
| مراقبة عامة ومشرفة منتدى الروايات المنقولة
| ****** الجـــزء الــخــآمــس عــشــر ****** ساره مستغربه من اللي يطالعها ذا ؟؟؟؟ ... : السلام عليكم الحمد لله على السلامه .... : السلام عليكم ماتشوف شر ان شاء الله ماجد : وعليكم السلام الله يسلمكم ..... : ما شاء الله انشط مننا انت وجهك هالمملوح فارس : من ناحية مملوح انا متاكد فيه الملح كله ...... : الملح عنده ولا شيء هو حلى ولا انا غلطان ياسعد سعد : هههههه انت تقول شيء غلط كل كلامك صح هههههههههه عادل : ايه بدينا بالمجاملات ههههههه فارس : عاد سعد من زمان وهو معه لسان مصري ههههههه ماجد : سعد وش صار على الفلوس اللي بالسياره سعد : هاه ماعليك يابن الحلال انت اول قم بالسلامه وربك بعدين يحلها ماجد : تراها بالسياره سعد : ايه ندري انها بالسياره ماجد : اجل وشلون تقول بعدين يحلها ربك فارس : لا تشيل هم ياماجد الفلوس اصلها ماهي بالسياره سرقت وسعد بلغ عن السرقه ماعليك واليوم انا جيت للمركز الصباح وقالوا انهم يراقبون اثنين اخوان شاكين بأمرهم لانهم هم اللي مبلغ عن سيارتهم كانت عند سيارتك ومشو ومانبي نضلمهم ماجد : وليش ماقلتوا لي فارس : اللي يشوفك يقول صاحي لك اسبوع ههههههههه عادل : ههههه وبعدين انت وش محرق رزك خلهم مصيرهم كم يوم ويلاقونهم انتبه على نفسك وصحتك واهلك اولى فيك سعد : وعادل صادق خلك من هالكلام كله اهم شيء صحتك ماجد بدات عليه الآفكار تروح يمين ويسار وش بيسوي لو مالقوها اكيد ياهو ياسعد بينسجن وسعد اكيد قالهم الفلوس معي يعني هو بيفصلونه اونا بيسجنوني غير الفصل بداء التفكير بامه واخته العيال قعدوا يسولفون شوي ثم استاذنوا عشان يطلعون اطلعوا من عند ماجد وساره وامها دخلوا واول ماجسلوا ام ماجد تكلم ولدها : وش فيك انت تعبان تبي تنام ماجد : لا والله شبعان نوم كم لي يوم وانا نايم ويتبسم ساره : تدري فالبيت انا ما انام قلت يكفيني نوم اخوي ههههههههه ماجد : ايه واظح انك تعبانه حيل ووجهك تراه اصفر ساره : ياقلبي حتى وانت تعبان شايل همي ماجد : لاخوي يوم بحياتي وانا بشيل همك ساره : بعد عمر طويل يالشين ام ماجد : خلاص انتي احسن اضربيه يالخبله بس تهاوشه وهو تعبان ساره بدت تسولف عليه حوالي ربع ساعه وهي جالسه عند راسه وتسولف له عن مسلسل هو يتابعه ابراهيم اتصل الظهر على شيماء وماردت عليه لانها ماوصلت من المدرسه وشيماء اول ماوصلت تغدت وجلست مع اخوانها لين صلاة العصر وطلعت لغرفتها حطت راسها تبي تنام وشافت اتصال ابراهيم قالت خل ادق عليه دقت ابراهيم : هلا والله بهالصوت شيماء : هلا بك وش اخبارك ابراهيم : دامني سمعت صوتك انا بخير انتي شلونك شيماء : الحمد لله انا بخير ابراهيم : ياجعله دووم يالغاليه شيماء : تسلم ابراهيم : وش عندها مستحيه شيماء : هههههه ايه موب متعوده على هالكلام ابراهيم : لاتعودي من اليوم ورايح بقولك زي كذا واحلى بعد شيماء : على كذا بروح فيها هههههههههههههههه ابراهيم : لا كل شيء الا تروحين انتي شيماء : الله يسلمك ابراهيم : ويسلمك .. الا اقول شيووم شيماء : هلا ابراهيم : وش رايك تغنين لي شيماء : لا ووع من زين صووتي ابراهيم : اذا صوتك شين وش اقول عن صوتي هههههههههه شيماء : لا مو مغنيه ابراهيم : لا تتغلين والله عادي تكفين مشتاق اسمعك تغنين وخاصه انتي بتنامين وانا بنام يالله شيماء : والله ما اعرف تعرف والله ابراهيم : تكفين عاد يالله غني عشان خاطري شيماء : لا اذا ملزم بقولك قصيده ابراهيم : طيب تلحنينها شوي شيماء : اممممممم اي شوي ميخالف ابراهيم : يالله شيماء : طيب اصبر خل اتذكر آممممممممممممم ايه صح بس شووف تراها كذا عاديه يعني مو اللي فيها اعنيك اووكي ابراهيم : طيب اووكي شيماء : طيب احم احم لا تقول اني ذكرت .. ولا تقـول انـي نسيـت كيف يعني .. يذكرك انسان لحضـه مانسـاك ادري اني صدق احبك .. وادري انك مادريـت اني حتى ضد نفسي صـرت ياعمـري معـاك لو اقول اشكثر احبك ! ما تصدق لـو حكيـت داااام حبي فـووق والله مستـواي ومستـواك (كل حرف ٍ لك كتبت ) و (كل حرف ٍ لي قريت) (في شي ٍ من عناي) و(فيه شي ٍ من غـلاك) في غيابك ... ياحبيبي ياكثـر ماقلـت لييـت وياكثر ما قيييل عني في غيابـك وش بـلاك مو مهم اللي جرى لي ... المهم انك رضيـت دام يزعلني زعلّك ... ودام يرضينـي رضـاك انت دمع ٍ في عيوني .. مابكيتـه لـو بكيـت وانت كل اللي كتبته ... وانا بس اللـي قـراك وانت درب ٍ من بديته فـي حياتـي منتهيـت وانت تعني لـي بهالدينـا نجاتـي والهـلاك ( ما اعرف كاتبها والله ) ابراهيم : ....... شيماء : الو ابراهيم وينك ابراهيم : هاه هلا شيماء : وش فيك لاتقول مو معي ابراهيم : ياشيخه ارووح ملح وش هالصوت وتقوولين ماعرف والله اني رحت فيها شيماء : لا عاد مو لهدرجه ابراهيم : ايه وربي اني صادق وبعدين حرام عليك والله لو هالصوت عندي كان على طول اصدرت شريط وغنيت شيماء : هههههههه ايه صح ابصدر شريط خلاص تم ابراهيم : شيووم تراي ما امزح ادري تخافين من اهلك بس مجرد كلام هههههههههه شيماء : طيب ممكن تخليني انام ابراهيم : طيب اووكي وانتبهي على نفسك اوكي شيماء : اووكي وانت بعد ابراهيم : اووكي فمان الله شيماء : فمان الكريم وقفلوووا شيماء حطت راسها وبدت تفكر فيه لين نامت ابراهيم لا فتح مقاطع الصوت وسمع التسجيل وكان مسجل صووتها وهي تقوول القصيده وصار عنده لـ شيماء 2 الصوره والصوت بس كان تفكيره لأبعد البعيد ماكان يبي يضرها الحين يبي يطقطق على راسها وبعدها يدمرها نرجع المستشفى ام ماجد وساره : كانوا يسولفون بعد ما نام ماجد قطع عليهم الكلام فارس يطق الباب فارس : ماعليش خاله بس ابوي ومعه رجال بيزورون ماجد ام ماجد : ابشر الحين بنطلع تطلع ام ماجد وساره ابو فارس : السلام عليكم ام ماجد وساره : وعلكيم السلام ابو فارس : ام ماجد وشلونه ماجد اليوم ام ماجد : والله الحمد لله طيب بس مدري احس لسانه ثقيل وانا خايفه يظل طول عمره كذا ابو فارس : لا ان شاء الله مع الايام الجايه بس كم يوم ويتعدل باذن الله وهذا كلام الدكتور لي تطمني ام ماجد : الله يسمع منك ابو فارس : امين ... تفضل يا ابو عبدالله ماعليش طولنا عليك ابو عبدالله : لا عادي ... يدخلون على ماجد ويحصلونه نايم ويصحيه عمه صحى ماجد وشاف عمه وابتسم شاف ابو عبدالله .... امجاد اليوم مختبصه وحالتها حاله اليوم يزيد وعمها واهله بيجوون الكوافيره من قبل العصر وهي بالبيت شروق واشواق وام شروق موجودين من قبل العصر والكوافيرات 2 شروق : وش فيك رايحه فيها خلاص تراها خطبه بس مو ملكه ولا زواج كانه بيدخل الحين بعد الصعر ههههههههههههههههههههه اشواق : وراه يدخل الحين لا يدخل الليله ازين لها تراء امجاد : وجع انتي وياه مايستحون اقول انثبروا ام شروق : هاه وش فيك تصرخين كل ذي خايفه شروق : يماه تراها خايفه من اليوم تحسبه الدخله العصر ام شروق : ههههههههههههه لا قبل العصر اتفقنا معهم هههههههههههههههه امجاد استحت من خالتها واسكتت شروق : وين راح لساانك هههههههههه ام امجاد : والله لا انتي ولا بناتك تستحون وش تبون فيها خلوها هههههههههههه ام شروق : طيب بنخليها هالمره هههههههههههههههههههه الكوافيره كانت تضحك عليهن طبعاً الكوافيره الاولى عند ام امجاد وام شروق والثانيه عند البنات قبل صلاة المغرب يدق ابو يزيد على جوال اخته ويقولها ترى بعد المغرب ان شاء الله على طول حنا عندكم ام امجاد قالت لهم الله يحيكم وقفل وعلمت البنات وتجهزوا وجهزوا البخوور امجاد كانت مو شايلتها الارض من الفرح قررت بهالفرح تكتب ولو سطر بسيط قبل الخطبه عشان تكتب بعد الخطبه استاذنت ودخلت غرفتها وفتحت مذكرتها وكتبت ( آآآهــ كم تمنيت هذا اليوم منذوا ان كنت صغيره كُنت اراك بالأحلام ومازلتُ أراك بالآحلام فلم يتحقق بعد رؤيتي لك اتمنى من الله ان تكون لي وحدي وأن أكون لك وحدي ) قفلت مذكرتها لانها خافت انها تبكي نزلت تحت وجلست على الكنب واشواق وشروق يتريقون عليها وهي جالسه تطالعهم وماتبي ترد عليه شروق : تكفين ابدخل بدالك ماراح يدري امجاد : تدخلين وين يالخبله شروق : اذا طلب بيشوفك امجاد : لا لا لا وشلون اشوفه لا يمه مقدر شروق : شفتي عشان كذا اقوولك بدخل اشوفه بدالك مايدري بتلثم ههههههههههه اشواق : تدرين وانا بدخل والبس عبايه شروق : ليش اشواق : محرم هههههههههههههه شروق : خخخخخخخخخخخخخخخخخ امجاد : اقول قومي انتي وياها تراي موب رايقه لكم ام امجاد : شروق اشواق تعالوا انتو فاضيات قوموا شوفوا المجلس مرتب او لا يالله امجاد : ازين ههههههههههه عند ماجد وابو فارس وفارس وابو عبدالله ماجد ابتسم يوم شاف عمه ابو فارس ويوم شاف ابو عبدالله استغرب انه جاي ابو عبدالله وهو يسلم عليه : ماشتوف شر يا ماجد ماجد : مايجيك الشر يابوعبدالله ابو فارس : ابو عبدالله كلمني وقال يبي يزورك وقلت حنا نوصلك اسلام وقال لا والله ابزوره ماجد : ماتقصر يابوعبدالله ابو عبدالله : وش دعوه تراك عزيز وغالي وبالنسبه ياماجد لاتشيل هم الفلوس اللي انسرقت من السياره عمك قالي وتفاهمنا على كل شيء ماجد : تفاهمتوا على وش ابو فارس : خلاص يا ماجد هو راعي الحلال ماعليك انتهى كل شيء انت دير بالك على نفسك وبس ابو عبدالله : وعمك صادق الفلوس فلوسي وماعليك ربك يرزقني غيرها اهم شيء الصحه فارس جالس بينهم ومايدري وش السالفه ابو عبدالله : على العموم انا استاذن الحين ابو فارس : بدري يا ابوعبدالله ابو عبدالله : بدري من اعماركم ان شاء الله اهم شيء تطمنا على ماجد وان شاء الله لي زياره ثانيه ابو فارس : حياك بي وقت وانا اخوك وماقصرت والله ابو عبدالله : وش دعوه حق وواجب يالله فمان الله ابو فارس : الله يحيك مع السلامه ويطلع معه لين وصلوا لعند الباب الرئيسي حق المستشفى ووعند الباب ابو فارس : جزاك الله خير وان شاء الله مثل ماقلت لك الفلوس باذن الله انا اللي بسددها لو مالقوها بس عطني يومين اجيب لك الشيك ابو عبدالله : لا يابو فارس انا بعد ماشفت ماجد وحالته طابت خاطري من الفلوس ان كانهم لقوها زين على زين وان كانهم مالقوها ربي يعضوني غيرها وخيرً منها بعد ابو فارس : والله مدري شقولك يا ابوعبدالله ابو عبدالله : يا ابو فارس نظرة امه واخته لي وهم مايعرفوني وانا ماعرفهم شفت بعيونههم الحزن عليه كيف تبيني بعد ماشفت اللي شفته بعيونهم وعين ماجد اجي واحرمهم منه واقول سددني لا والله ربك يعوض اهم شيء يقوم بالسلامه ابو فارس : بيض الله وجهك وماقصرت والله انك احرجتني واني مدري شقول لك ابو عبدالله : لا تقول شيء يا ابو فارس ماغير ابي منك ومن ام ماجد الدعاء لي ولعيالي بالصلاح بس تكفيني ابو فارس : ابشر بها بظهر الغيب والله وانا اخوك ابو عبدالله : جزاك الله خير يالله انا استاذن مع السلامه ابو فارس : الله يستر عليك فمان الكريم ابو فارس يتجه لغرفة ماجد ويلاقي ساره وامها عند الباب ابو فارس : ام ماجد انتي وساره الله لايهينكم ادخلوا داخل ابيكم ام ماجد : ابشر يدخلون ويجلسون ويتكلم معهم ابو فارس مع فارس وماجد وام ماجد وساره ويقوولهم عن ابوعبدالله ووش قاله وان موضوع الفلوس انتهى كله ويحمدون ربهم ويشكرونه ابو يزيد وصل هو ويزيد وامه وخواته الثنتين اللي هن ابرار ومضاوي دخلوا البنات ابو يزيد كان يسولف مع يزيد ودخلت ام يزيد وام امجاد وام شروق وخلوا البنات هناك بروحهن ابو يزيد بداء يتكلم : انتي تعرفين ليش جايين وانا اخوك ام امجاد : والله هاليوم انتظره من زمان ابو يزيد : البنت وش رايها ام امجاد : البنت ان شاء الله انها موافقه ابو يزيد اذا تسمحين لي خليها تجي بالمقلط ابيها ام امجاد : ابشر وانا اختك ام امجاد يوم دخلت على البنات : امجاد روحي للمقلط امجاد بصدمه وذهول : هاه ليش لا مابي يمه ام امجاد : وش اللي ماتبين خالك يبيك لحالك البنات ضحكوا عليها شروق : خوافه للحين مصدقه انو فيه دخله الحين ابرار : ليش هي تبيها الحين عادي اكلم يزيد ويدخل الحين امجاد : كولي تراب انتي وياها وتمشي من عندهم وهي يالله تشيلها الارض يوم دخلت لقت خالها جالس سلمت عليه وحبت راسه ابو يزيد : الله يسلمك ما شاء الله ليتني داري عن هالزين كان كل يوم اجي اكحل عيوني بشوفته امجاد راحت فيها وماتدري وش تسووي نزلت راسها تحت ابو يزيد : المهم يابنتي انا تراي بحسبة ابوك ولاتستحين مني وانا ابوك ابي رايك ومابي اسمعه من امك ابيه منك انتي انتي موافقه على يزيد او لا امجاد ساكته ووجها صار علبة الوان ابو يزيد : وش رايك يابنتي قولي شيء عشان ارتاح مابي اظلمك ابيك تمشين برايك امجاد : الراي لك ياخال وانا بنتك وهذاك ولدك ابو يزيد : يعني موافقه ان شاء الله امجاد ولا كلمه ولا حتى نفس ابو يزيد : اجل الف الف مبروووك وان شاء الله ربي يسعدكم فالدنيا والاخره ويرزقكم الذريه الصالحه اللي تعينكم على دينكم ودنياكم ويقووم عنها ويرووح للمجلس وهي تقوم وتروح طيران للبنات وعيونها 99 % منها دموع البنات : يوم شافوها : هاه وش فيك وش صار قولي لنا امجاد جالسه تطالع فيهم وساكته البنات : ههههههههههههههههههههههههه هههه شروق : وش فيك يالخبله امجاد بهاللحظه ودها تضم شروق من الفرح وبنفس الوقت تبي تتوطاء في بطنها ابرار : لا البنت جد فيها شيء البنات : هههههههههههههههههههههههه اول مادخل ابو يزيد على يزيد وامه وعمته ام امجاد وام شروق ابو يزيد : الف الف الف مبروك ياولدي يزيد يقوم ويحب راس ابوه : الله يبارك فيك يايبه ويحب راس امه وراه عماته الثنتين وكل وحده تبارك له ابو يزيد : اقول وانا اخوك ام امجاد : سم ابو يزيد : ترى يزيد مستحي وهو قايل لي قل لعمتي وده يشوفها وهذا من شرع ربي يزيد يطالع ابوه اللي قاعد ينصب ماقال شيء هو بس سكت وانصدم معقوله يشوفها ام امجاد : ابشر من حقه ومن حقها بعد وترووح ام امجاد للبنات ابو يزيد : وش رايك فيني اعجبك ام يزيد : هو صد قالك ابو يزيد : لا بس الوظع معجبه ولدي واعرفه ماتشوفين سعابيله تقوطر على ثوبه ام شروق : حرام عليك الولد راح فيها من الحياء ابو يزيد : اقول هيه لاتسوي شيء تراها شوفه بس ام يزيد تسبتسم وتسكت ام شروق تضحك وتطالع فيه وهو سكات يطالع ابوه ومستحي لابعد الحدود عند البنات ام امجاد : اقول امجاد شروق : جاك الموت يا تارك الصلاة اقول خاله متى يصير دوري وادخل داخل هههههههههههه ابرار : هههههههههههههههههههه يالخبله بتاكلينها ههههههههههههه امجاد وهي ميته قهر من هالثنتين لا ومضاوي واشواق ميتات من الضحك ام امجاد : ان شاء الله اني لاوريتس بيوم ملكتك واجننك اقوول امجاد قومي يزيد يبي يشووفك امجاد من الصدمه تمسكت بشروق شروق ماتت من الضحك وتبي تفك نفسها ماقدرت ام امجاد : امجاد وش فيك يالله قومي روحي للمقلط امجاد يالله تقووم وترووح للملقط بنفس الوقت ابو يزيد قال لولده روح للمقلط واجلس راح يزيد ومعه امه تكلمه وتوصيه ام امجاد فتحت الباب وقالت لامجاد ادخلي قبل تدخل امجاد قامت ام يزيد وطلعت امجاد دخلت وراسها منزلته تحت يزيد يطالع فالارض وكل واحد يطالع فالارض يزيد يوم حس بقربها رفع راسه بيشوف امجاد كانت قريبه منه وجت بتتكلم وشافته وصارت تطالع فيه فجاء يرفع راسه يزيد وتتقابل عيونهم في بعض | ||||||||
|
| |
|
24-10-16, 10:55 PM
| #30 | ||||||||
| مراقبة عامة ومشرفة منتدى الروايات المنقولة
| ريناد تتصل على زياد زياد شاف رقمها وكان ضغطه مرتفع ومارد عليها اتصلت مره ثانيه مارد وقالت اكيد انه مشغول اذا فضى يتصل جلس دقيقه واتصل عليها ثواني وردت ريناد : هلا زياد : هلا بك ريناد : وينك عن الجوال زياد : اسف ماكنت اسمعه ريناد : شكلك متضايق من شيء زياد : تدرين انا قبل كم يوم مصور المقطع واجي الحين ادوره عشان اعطيك اياه ماحصلته يوم اتصلت على شروق تقول انها هي اللي ماسحته قلت ليش قالت بس انت ليش حافظه قلت لها عشان اتذكرك كل ما اشوفه قالت لي لا اسف ماقدر اخلي المقطع عندك ريناد : طيب ليش قلت لها انت زياد : انا اصورها وهي تشوف ويوم جت بتتفرج نسخته بذاكرة الهاتف وشافته وقالت امسحه قلت ابشري ومسحت واحد والثاني فيه بس مدري وش دراها انه فيه ثاني ريناد : طيب يمكن شافته بعد مانزلت جوالك زياد : لا انتي تعرفيني ما انزل جوالي عند احد ابد حتى لو انتي كيف عاد هي ريناد : طيب كيف شافته زياد : اي والله صح كيف فاتت علي ذا ريناد : يعني معقوله تاخذه من غير ماتدري انت زياد : لا ماتاخذه ابد ولا عمرها فكرت تاخذه ريناد : طيب منو اللي ياخذ جوالك عادي زياد : الى سلمان بس ريناد : انت متى اخر مره شفت المقطع زياد : امممممم امس ريناد : ومتى اخر مره ركب معك سلمان زياد : اليوم ريناد : اجل سلمان اللي مسحه زياد : لا مايسويها ليش يسويها ريناد : شووف انا اعرف واحد بالاتصالات ويبي يخدمني بي وسيله زياد : طيب وش نبي فيه ريناد : ابدق عليه واقووله يشووف رقم سلمان ورقم شروق وابتحداك اذا ماكانوا يكلمون بعض اذا مايكلمون بعض بجيب لك المغربيه اللي قلت لك عنها بدون مقابل وش تبي بعد زياد : والله مدري صراحه انا ماهمتني المغربيه همني اذا جد يكلمون بعض او لا ؟؟؟ ريناد : دقيقه بسكر واتصل فيه اذكر مداوم الحين بشوف وش يقول لي زياد : طيب سكرت ريناد وهي تتمنى يطلع كلامها صحيح لجل تنتقم من شروق وتنفرد بسلمان لحالها اتصلت على خويها وكلمته وقالها بكرى الصباح يعلمها بكل شيء الحين مايمديه النظام موقف قالت له اووكي موب مشكله وسكرت منه واتصلت على زياد زياد : هلا هاه وش قال ريناد : قالي كذا وكذا ( قالت له كل شيء ) زياد : طيب بكرى انا انتظرك تصلين علي اووكي ريناد : من عيوني زياد لبى عيوونك ريناد : الا اقولك انت فاضي الحين زياد : لبيه امري ريناد : اذا فاضي مرني طفشانه وماعندي شيء ابطلع ههههههههه زياد : ابشري ماطلبتي شيء مسافة الطريق ريناد : كم يبي لك يعني زياد : يمكن نص ساعه ريناد : اووكي بطلع المشغل الحين اللي عند البيت كالعاده زياد : اووكي سكروا وبعد ماتفقوا على اللقاء ملكه صحت من النوم العصر ولقت اتصالين من عبدالرحمن اتصلت فيه وهي بفراشها رد عليها عبدالرحمن : هلا والله ملكه : هلا بك عبدالرحمن : نايمه ملكه : اي والله وتو صحيت عبدالرحمن : اجل مشتاقه لي وقلتي بسمع صوته ملكه : ايه ههههههههههههههه عبدالرحمن : عاش مصرف ههههههههه ملكه : ايه ماعلينا وش اخبارك عبدالرحمن : الحمد لله انتي شلوونك ملكه : الحمد لله بخير بس تدري اليوم بنروح لبيت خالتي عبدالرحمن : اكيد ماتقدرين تكلميني ملكه : هههههه اكيد مقدر فبيت خالتي ماجلس بروحي اجلس مع البنات عبدالرحمن : طيب عادي ارسل لك رسائل ملكه : ايه اووكي عادي بس مانكثر لبعض عشان محد يشك عبدالرحمن : اووكي ملكه : طيب تسمح لي الحين بروح اخذ لي شور والبس قبل نطلع عبدالرحمن : اووكي خوذي راحتك وانتبهي على نفسك ملكه : اووكي وانت بعد عبدالرحمن : اوكي فمان الله ملكه : فمان الكريم قفلوا وراحت ملكه تتجهز قبل تروح لبيت خالتها ساره هي وامها عند ماجد وفارس قالهم ربع ساعه ونمشي دق فارس على جوال ام ماجد وقالها انا عند باب المستشفى وجت بتطلع ماجد : الا ساره وش صار عليك بالكليه ساره : بصراحه حذفت هالترم قلت للبنات وخلصوا لي كل شيء ماجد : ليش ساره : بعدين نتفاهم ماعليك لاحقين على الظرب هههههه ماجد : طيب ام ماجد : يالله فمان الله ياولدي ساره : فمان الله خيوو ماجد : فمان الكريم الله يستر عليكم امجاد ويزيد امجاد وقفت وهي مو قادره توقف اكثر من كذا يزيد كان مستحي يطالع فيها والسبب ليش مايدري بس يوم حط عينه عليها ماحرك عينه لاي مكان ثاني غير وجهها حتى فستانها مايدري وشلونه ام امجاد : امجاد اجلسي وانا امك امجاد جلست وهي تدعي لامها لانها قالت لها اجلسي لانها لو ماجلست كان طاحت واول ماجلست دق جوال يزيد وكانت نغمته قوويه وكان بيده اليسرى وهي قريبه من اليسرى وفزت يزيد من الربكه مايدري وش يسوي رد على اللي متصل عليه يزيد : ههههههلا ..... : هلا والله وش الاخبار يزيد : الحمد لله طيب بخير ..... : وش فيك مختبص بالكلام يزيد : وش فيني مدري بس انت وش تبي امجاد من رد يزيد وهي قدرت ترفع راسها وتطالع فيه وهي ماتدري وش يقول صارت تطالعه وكانها اول مره تشوفه ماتعرفه اصلن ..... : افاااء ذي طرده يعني يزيد : اقوول عبدالسلام والله اني مشغول اكلمك شوي مع السلامه عبدالسلام : طيب فمان الله يزيد سكر ومن غير شعور رفع راسه وشافها تطالع فيه وكانت تطالع بوجهه وناسيه اللي حولها ومانتبهت انه يطالعها لانها تطالعه وتفكر فيه وتهوجس في وجهه يزيد وهو يحاول يتمالك اعصابه : وشلون دراستك امجاد : هاه يزيد عرف انها مفهيه وتبسم ابتسامه خفيفه : اقول دراستك شلونها امجاد يوم شافت ابتسامته راحت فيها : زينه يزيد استغرب هالاجابه البسيطه والغبيه بصراحه يزيد : الحمد لله انها زينه امجاد وهي تخربها : وشيء يزيد يتبسم : دراستك امجاد : وش فيها يزيد ماقدر يمسك نفسه وقعد يضحك بشويش : ههههههههههههه لا ولاشيء امجاد راح وجهها احمر ودرت انها جابت العيد : عن اذنك وهي تركض ومايمديه يلتفت عليها الى وهي عند الباب يزيد : امجاد امجاد مافيها تتكلم وقفت تطالع فيه بس استغربت انه ناداها يزيد وهو واصل لعند الباب اللي يطلع للمجلس : شوفي هالهديه البسيطه على الطاوله تراها لك ولا احد يشوفها حتى امي امجاد ترددت ترجع تاخذها او لا بس يوم شافته طلع وسكر الباب معه راحت اخذتها وطلعت غرفتها على طول من غير محد يحس بي شيء دخلت الغرفه ويوم جت بتفتح الهديه طق باب غرفتها امجاد : منووو شروق : انا يزيد هههههههههه ابرار : لا تكذب انا يزيد ههههههههههههه امجاد وهي تفتح الباب : اقول تراكم زودتوها هههههه ابرار : طيب اسفين بس ... وهي تدخل بغرفتها ومعها شروق ويسكرون الباب عن اشواق ومضاوي ابرار : قولي لنا وش صار داخل مع خيوو امجاد : وش دخلكم شروق : لا عاد يالله قولي جد جد وش صار امجاد : موب قايله ابرار : تكفين عاد شروق : يالله قوولي امجاد : لا موب قايله ابرار : طيب .. وهي ترفع جوالها وتسوي انها بتدق امجاد : وش بتسوين ابرار : بقول ليزيد امجاد تقول اخوك شين وكانه اول مره يشوف بنت امجاد : لا لا لا تكفين خلاص والله اقوولك يالشينه انتي وياها ابرار : يالله قولي شروق : ههههههههههه خوافه وهي ما اخذته ههههههههههه امجاد : اقوول انثبري ترى والله ماقول شيء شروق : خلاص هاه سكت امجاد وهي تقولهم وش صاار من دخلت لين طلعت ماعدا عن الهديه ماقالت عنها شيء شروق وابرار ميتات من الضحك عليها امجاد : هذا جزاي اني قلت لكم شروق : لا والله ههههههههههه بس والله جالسه معكم كان رحت فيها من الضحك عليكم ابرار : اخووي يستحي من متى ههههههههههههههههه امجاد : اقوول انثبري انتي وياها شروق وابرار يضحكوون للحين امجاد وهي تفتح الباب وتطلعهن وحده ورى الثانيه : اقول انتي وياها الشرهه علي انا وتسكر الباب وهي تسمع ضحكاتهن برى عند الباب وتطنشهم وتروح تفتح الدولاب اللي فيه الهديه وتفتحها ملكه وصلوا لبيت خالتها وجلست مع بنت خالتها ريماس وجلسوا بغرفة ريماس وعندهن عزام والبراء عيال اخت ريماس الصغار يلعبون عبدالرحمن ارسل رساله لـ ملكه ( هلا قلبي وش اخبارك هاه وصلتي بيت خالتك ) ملكه قرت الرساله وارسلت له ( ايه وصلنا تو وترى امي تقول يمكن نجلس لين الساعه 1 الفجر ) عبدالرحمن ( اوووما 1 سلامات وانا وش بيصبرني يالدبه ) ملكه ( وش نسووي امي ودها تجلس لهالوقت وبعدين مو دايم نجي لبيت خالتي وبعدين موب دبه انت الدب ) عبدالرحمن كان منزل جواله بالسياره ونزل يطلب لاهله عشاء عشان ياخذه بعد صلاة العشاء عشان كذا ماقراء الرساله الا بعد ما ارسلتها بربع ساعه ورد عليها بس قبل لايرد عليها ملكه شافته طول مسحت الرسايل حقاته اللي قبل شوي وقعدت تسوولف مع ريماس يسولفون عن الكليه وعن نوف وساره وامجاد لان ريماس تعرفهن معرفة اسماء وماشافتهن غير مره وحده يوم زواج اختها عزمتهن ملكه وحضروا الزواج ام ملكه تنادي ملكه وتقووول تعالي ابيك ملكه : اقوول ريماس دقيقه بنزل لامي واجي ريماس : طيب اووكي قامت ملكه وراحت لامها وقبل لاتطلع ريماس : اقول ملووكه عادي اشوف جوالك برسل لي رساله حلووه مااعندي رسايل جوالي جديد ملكه امها كانت تناديها بنفس الوقت وماسمعتها زين بس قالت : اووكي فتحت الجوال ريماس وقرات رساله ورسالتين بنفس الوقت رد على ملكه عبدالرحمن وكتب لها ( يالبى امك ياشيخه انا حبيتك اصلن عشان امك لبى قلبها وعشان بدر بس هههههههه وبعدين انا مانيب دب يالشينه ههههههههههه امزح لاتزعلين وربي اني احبك ولا راح احبك مثلك .. طيب خوذي راحتك واذا رجعتوا ارسلي لي رساله وتراي بطلع مع بدر الحين وش اسووي نشب لي يقول ماعندي احد يعشيني هههههه ) كانت ريماس تقراء رساله ثانيه يوم وصلتها الرساله طلعت والجهاز تلقائياً يوديها لرساله الجديده دامها بالرسائل هي وشافت الرساله مكتوب الاسم حلووومه فتحتها على بالها حلوووه انصدمت من اللي مكتوب وقالت في نفسها : معقووله ملكه تكلمين واحد لا ويعرف اخوك بعد وش انتي ناويه تسوين فحياتك نزلت الجوال وهي ماتدري وش تسووي شووي وجت ملكه وقعدت تسوولف معها وتشووفها مره معها ومره تفكر تسالها : ريماس فيك شيء ريماس : لا مافيني ليش ملكه : مدري كانك خايفه من شيء هههههههههه ريماس : لا بس قاعده افكر ملكه : بشنوو .. قطع كلامها صوت رساله بجوالها فتحتها الى هي من عبدالرحمن كاتب فيها ( اسف ملوكه لاتزعلين بس امزح معك تكفين سامحيني ) ملكه استغربت وش فيه ذا سوت له رد وارسلت له ( سلامات ابزعل من وش عادي تراك ماقلت شيء يعني متعوده ان البنات يقولون يادبه ههههههه ) هي على بالها انه على الرساله الاولى للحين ماشافت الرساله الاخيره عبدالرحمن قراء كلامها واستغرب ( الحمد لله انا قلت انها زعلت عشاني قلت لها ماحبيتك الا لجل امك وبدر اخوك طيب تسسلمين ياقلبي انتبهي على نفسك ) ملكه وصلتها الرساله وهي تقراها انصدمت وش يقول ذا وتناظر بريماس الى ريماس تطالع فيها وتفكر قالت في نفسها معقووله جت رساله وهي قراتها دخلت الرسائل وشافت رسالته ولقتها مفتوحه وقراتها وتطالع ريماس ولا قدرت تقول شيء وصاروا يتبادلون النظرات بس فيصل يوم طلع من عند مانع ارسل رساله لنوف ( عندي عتاب للصاحب اللي اعزه واغليه وفـي خـاطـري له من الـشـوق شـيءً كثير) قرات رسالته نوف وارسلت له ( ياصاحبي ليه تكتم وانت اغلى من العين ياللي ملكت القلب قلي وش اللي تبي تقوله ) فيصل ( لو قلت لك مشتاق بكون كذاب الشوق ذابحني وانا في انتظارك ) نوف ( تدري انك اغلى من الروح واللي تبيه ابشر بيجيك لعندك ) فيصل ( لا يانوف لاتجين خليك كم يوم ريحي ويوم ترتاحين اتصلي اجيك ) نوف ( انت فيك شيء فيصل ) فيصل ( بس مشتاق لك ) نوف ( اذا تبي والله الحين ارجع معك او اخلي مانع يرجعني ) فيصل ( لا يالغاليه خليك كم يوم عادي وبعدها انا اجيك اووكي ) نوف ( اكيد تبيني اجلس ولا بس تقولها كذا ) فيصل ( لا من قلبي اقولك هالكلام ) نوف ( الله لايحرمني منك يالغالي ) فيصل ( ولا منك يالغاليه ) وكل واحد نزل جواله وبدوا يفكرون بحالهم فيصل قرر انه يبعد مشاكل البنات عنه لانهن اكيد بيتمشكلن كثير مع بعض فقال اخليهن واحاول من بعيد لبعيد انهي كل شيء نوف قررت انها تبعد عن شيماء ومشاكلها لو على حساب راحتها اهم شيء فيصل وبس شيماء وعبدالرحمن قاموا يسولفون بكل وقت وابراهيم كل مايكلمها كان يكلمها عن نفسه وانه ماتهمه الدنيا وانه مو محتاج فلوس ومدري ايش اما شيماء كانت حالتهم نسبياً حلوه بس مو كل شيء تبيه يجيها قالها وش رايك اجيب لك جوال هديه شيماء : لا مابيه مشكور عبدالرحمن : لا جد والله بجيب لك على الاقل نتراسل بكل وقت عادي يعني بي وقت تبيني تكتبين لي لو ماعندك رصيد على طول ادق عليك شيماء : لا اصلن صعبه اخواني وش اقوولهم عبدالرحمن : ليش هم مايعطونك فلوس وتجمعينهن شيماء : الا بس مو معقوله اجمع ماشتري شيء لين اقولهم جمعت وشريت جهاز فيها صعبه عبدالرحمن : طيب اعطيك فلوس وانتي اشتريه شيماء : بيقولون لي منين لك هالفلوس كلها عبدالرحمن : شوفي عندي فكره حلووه بس هل انتي موافقه جد اعطيك الفلوس شيماء : اذا مافيها مشاكل ايه عبدالرحمن : شوفي قولي لاخوك الكبير انو حنا 10 بنات بالمدرسه وبنسوي جمعيه من 150 كل شهر لمدة 10 شهور وكل شهر تاخذها وحده وودي ادخل معهن قالوا لي انتي اول وحده تاخذينها لان القرعه طاحت علي انا وانا قلت لهن مادري ادخل معكم او لا واذا رفض اقنعيه لين يقتنع واذا اقتنع انا اعطيك الفلوس وكل ماتجيك 150 من اخوك احفظيها عندك او اشتري فيها شحن وفعلي الخدمه شيماء : بس بيرفض اكيد عبدالرحمن : لا انتي جربي معه وماعليك شيماء : اممممممممم مدري بشوف وارد لك عبدالرحمن : اووكي براحتك شيماء : طيب انا بقفل وابروح لاختي جالسه بروحها انا قلت لها باخذ شور بس عبدالرحمن : طيب اوكي انتبهي على نفسك شيماء : طيب وانت بعد عبدالرحمن : اوكي .. باي شيماء : باي سكرت شيماء وصارت تفكر بهالكلام وفي نفسها تقول والله فكره حلووه بعد تفكير اقتنعت تكلم فيصل بهالكلام طلعت من غرفتها لاختها اسماء اللي جالسه عند التلفزيون جلست عندها وقالت لها سالفة الجمعيه ذي واعجبتها اسماء السالفه وقالت والله حلوه لو نسويها انا والبنات وبعد قناعة اختها هي اقتنعت جد بالموضوع وقررت تكلم فيصل ملكه وريماس ريماس خربتها وبدات الكلام بعد ماشافت ان الوظع خلاص انكشف ريماس : منو اللي تكلمينه ذا ملكه : هذي بنت ريماس : لا ولد ولا معقوله بنت بتقولك انا بطلع مع بدر اخوك ؟؟ ملكه ساكته ريماس : ملكه تكلمي تراي بنت خالتك ماراح اضرك وهالكلام وعد بيني وبينك ملكه وهي اصلن الخوف دخلها من عرفت ريماس بالسالفه ريماس : تكلمي وربي ما اتكلم عند احد ملكه : هذا عبدالرحمن ريماس : ومنو هذا ملكه : صديق بدر ريماس : وكيف يكلمك ومن متى ووشلون وبدر اخوك مدرى للحين عنه ملكه قالت كل شيء لـ ريماس من اول شيء لأخر شيء ريماس : وانتي خبله صدقتيه ملكه : هو انسان صادق ويقول بيتقدم لي اول ماتنتهي مشاكله ريماس : افاااء يا ملووكه انتي اصعب وحده ينضحك عليها بسهوله يضحك عليك واحد خاين الصداقه والاخوه اللي بينه وبين بدر ملكه ساكته ريماس : ملكه فكري بكلامي الولد لو صادق كان جاء مع الباب مو مع الشباك واذا تبين رايي ارسلي له رساله قولي له لاتكلمني ولا تراسلني بعد هالرساله ابد اذا صادق تحبني تعال تقدم لي اما تكلمني الحين اسفه مقدر اخون اهلي وصدقيني بيطنشك ولا راح يوصل لك ابد ملكه : بس لو غيرت رقمي يجيبه من اخوووي بدر عادي ريماس : ماعليك اذا رجع يزعجك وقتها يحلها ربك بس انتي سويها وصدقيني ماراح تخسرين اي شيء ملكه تفكر بكلام ريماس ريماس قالت بنزل اجيب شيء ناكله وارجع لك فكري بكلامي بعد عشر دقائق رجعت ريماس وقلت ملكه شبه تدمع عيونها ريماس : وش فيك ملكه : مافيني شيء ريماس : الا عيونك تقول انك تبكين ملكه : لا مابكيت بس تخيلت اللي طاح فيني امي او بدر مو انتي وش بيصير ريماس : يوووه والله ان كنتي عايشه فانتي بخير هههههههههه ملكه : خلاص برسل له رساله الحين بس اذا قفلته وش اقوول لاهلي ريماس : انتي ارسلي الرساله وماعليك ملكه : طيب ..... ارسلت له رساله ( اسفه عبدالرحمن انا مقدر اخون اهلي اكثر من كذا اذا تحبني جد تعرف وش تسوي ومن وين تبداء ) ارسلت له الرساله وقفلت الجوال وقالت هاه وش اسووي الحين ريماس : دقيقه هاتي الجوال ملكه تعطيها الجوال ريماس تطلع الشريحه وتحطها في فمها وتكسرها كسره خفيفه عشان ماتشتغل ابد ملكه : طيب وبعدين ريماس : مافيه شيء خلاص نقوول عزام هو اللي كسرها بسنونه ملكه : من وين لك هالافكار انتي ريماس : ماتطلع الى عشانك هههههههه بس اهم شيء انتبهي منه تراء اللي يبداء بحرام ينتهي بحرام ملكه : لا اعوذ بالله خلاص والله ماعاد اكلمه ابد ريماس : ان ازعجك علميني وانا اعلمك وش تسوين ملكه : مشكورره ريماس ريماس : وش دعووه العفوووو عبدالرحمن وصلت له الرساله وقراها انصدم بداء يتصل عليها والجوال مقفل اتصل كذا مره بس للحين مقفل ارسل لها رساله ( سلامات ياقلبي انا وعدتك بتقدم لك بس اصبري علي .. اذا فتحتي الجوال دقي ابيك ضروري ) انتهى الجزء الخــآمس عــشـر ومثل ماتشوفون تغيرت اشياء كثيره بأبطال الروايه واشياء ممكن ماتوقعتوها التعليقات + ..... <-- كالعادهـ خخخخخخخخ رأيكم بالروايه بشكل عام | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
