21-02-17, 02:13 AM
| #1241 | ||||
| نجم روايتي وكاتبة في قسم قصص من وحي الأعضاء 
|  ................. هتفت نجوى باعتراض وهى ترمق ابنتها بنظرات حاده :تقعدى هنا ليه ...لا طبعا احنا رجعنا يبقى ترجعى معانا البيت تعجب من رفض ابنته للعوده الى البيت واصرارها على البقاء :زينه احنا كلنا ماشين البيت احتضنت يديها وقالت بضيق :مش عايزه ارجع البيت ...عايزه اقعد هنا أنا وليلى نظرت لابنتها بحده :قلت لك لأ تدخل عماد وهو يشير على الفتاتين :عاصم بعد اذنك طبعا سيب البنات هنا لحد ماتخلص ليلى تدريباتها معايا و زينه تخلص امتحانات زينه وهى تنظر لوالدها بترجى :ايوه يا بابا عشان خاطرى موضوع انى اتحرك من مكان للتانى اثناء الامتحانات بيعمل لى قلق وأنا استاذنت عاصم وهو وافق انى اقعد نظرت لابنتها وهتفت بعصبيه:استاذنتى ولا لأ دى حاجه ما تفرقش معايا يلا قومى اطلعى جهزى نفسك نظر لليلى الصامته التى لم تعترض او توافق هو يعلم ان ابنته من بعد الحادث صارت لاتحب البقاء في البيت هى لم تخبره به صراحة ولم تلمح حتى ولكن تصرفاتها اخبرته فسألها بهدوء:ليلى انتى حابه ايه ؟؟؟ رفعت راسها وهى تلعب بقلادتها التى اهداها اياها علي واجابت :اى حاجه يا بابا ...لكن بعد اذنك ولو حضرتك مش هتضايق ممكن تسيبنا هنا لحد ما تخلص امتحانات زينه ده لو مش هيضايق حضرتك كانت تستمع الى حوارها مع والدها وهى تشعر بغيره "دائما حديثها معه لا تظهر له ما تريده على العكس تطرح كل شيء امامه بمنتهى الاحترام والهدوء وتتركه يقرر ودائما يقرر ماتريده هى حاولت ان تفعل مثلها ولكنها فشلت ... نظرت لها وهى تتسائل بغيره اكانت تفعل ذلك عندما تتحدث معه وتترك له القرار في كل شى ...اكيد لان ابنتها مثلها في كل شى حتى في ملامحها لقد صارت مثلها تماما تغيرت ملامحه للغيره وهتفت بدون تفكير وبعصبيه :انتى عايزه تقعدى اقعدى ...ده حاجه تخصك انتى أنا ماليش دعوه بيها ...انا ال تخصنى بنتى و هترجع معايا خليكى انتى هنا أنا مش عايزه غير بنتى وبس اتسعت الاعين وهم ينظرون لهجومها اغير منطقى على ليلى هتف عاصم بغضب اعمى :انتى اتجنيتى !!!ازاى تتكلمى معاها كده هى بتكلمنى انتى بتتدخلى ليه ؟ قاطعته سميره بحده دون ان تعبأ بعاصم او تترك له الفرصه ليكمل حديثه :في إيه يا نجوى من اول ما جيتى وانتى متضايقه ومتعصبه علينا في إيه عشان كل ده عايزه تمشى اتفضلى ياستى ومحدش هيقولك لأ الباب يفوت جمل ...لكن انك تزعقى وتعلى صوتك على بنتى لا ده مش هاسمح لك بيه لا عاش ولا كان ال يزعل بنتى ويكسر خاطرها همست زينه وهى ترتجف :معلش يا تيته عشان خاطرى سميره بغضب :معلش إيه دى اتجننت رسمى كل ماتشوف البنت تطلع جنانها وغيرتها عليها والبنت عمرها ماعلت صوتها ولا قالت حاجه تزعلها نجوى بحده وهى تقوم من مجلسها:أنا اتجنيت ...صح اتجنيت انى قاعده هنا وما رجعتش على بيتى ونظرت لابنتها بغضب:حالاً تقومى تجهزى وتييجي معايا عاصم بغضب :لا مش هتمشى عنداً فيكى هتقعد هنا لحد ماتخلص الامتحانات مع اختها ورينى هتعملى إيه بقى زينه وهى ترتجف بشده وهتفت بخوف من اصواتهم المرتفعه وهى تقوم وتلامس ذراع والدها:خلاص... يا...بابا ..انا...أنا... ماشيه عاصم دون ان ينظر لابنته :لا مش هتمشى هتفضلى هنا نظر عماد لزينه التى زادت رعشتها وهى تقول بصوت خافت وهى تقترب من اختها وتتشبث بها كالغريق وهمست بصوت خافت :ليلى بتخنق... ياليلى ...بتخنق تراخت يدها الممسكه بها واظلمت عينيها في ثوانى وسقطت ليلى بخوف وهى تهتف بخوف على اختها :بابا الحق زينه اسرع عماد يتلقفها قبل ان تسقط على الارض ويضعها على الاريكه اقترب منها عاصم بخوف وهو يربت على خدها بقلق:زينه فوقى يا بابا... خلاص مش هاتعصب فوقى ... ليلى بهلع وهى تحتضن يد اختها :زينه قومى عشان خاطرى بابا كلم الدكتور نجوى بغضب :بنتى ابعدو عن بنتى انتو السبب عماد وهو يرى شحوب وجهها يزداد اخرج هاتفه وقال وهو ينظر لعاصم:أنا هاكلم الدكتور خالد جارنا ييجى يشوفها عاصم بقلق :بسرعه ياعماد نجوى وهى تشير عليه وتصرخ في وجهه:أنا هاخد بنتى وامشى من هنا ومش هاخليها لحظه عاصم بغضب اعمى :اخرسى ...متتكلميش ...مش عايز اسمع صوتك لو سمعت صوتك هاجى اقتلك فاهمه ...اخرسى مدت يدها وامسكت ذراع والدها وهى تحاول ان تتمالك اعصابها وتحتوى والدها :اهدى يابابا زينه هتبقى كويسه ...اهدى عشان خاطرى امسكت يده واجلسته وهى تربت على كتفه وهى تقول لتبعث الاطمئنان بداخله:هتقوم ان شاء الله اقتربت تاليا من نجوى التى كانت تنظر لعاصم بصدمه شديده وخوف من انفعاله عليها وامسكت ذراعها واجلستها في وقت اخر كانت قد ازاحتها وصرخت في وجهها ولكن وهى في هذه الحاله ...حاله الصدمه جلست وهى تنظر لابنتها انهى عماد مكالمته الدكتور جاى دلوقتى ياعاصم ياريت نطلعها فوق عشان ترتاح قام عاصم وحمل ابنته واتجه بها الى غرفتها وخلفه ليلى و اتجه عماد للخارج ينتظر الطبيب ............... | ||||
|  |
|
21-02-17, 02:14 AM
| #1242 | ||||
| نجم روايتي وكاتبة في قسم قصص من وحي الأعضاء
| ............... فتح عينيه بارهاق شديد واغمضها مره اخرى بتعب ثوانى واعاد الكره ظل ينظر بعينين متعبه دون تركيز دارت عينيه في المكان وهو يرى كل شى حوله ابيض حاول ان يرفع يده شعر بالم في يده نظر لذلك المغذى المتصل بيده واغمض عينيه بارهاق سمع صوت يقول :حمدلله على السلامه نظر لعلي الذى ينظر له باهتمام وهمس وهو يمررلسانه على شفتيه الجافه يريد ان يشرب يشعر بجفاف في حلقه :ميه ياعلي اقترب منه وسكب له كوب ماء واسنده وقرب الكوب من فمه ليشرب علي وهو يضع الكوب على الطاوله بعدما شرب :قلقتنى عليك كده يافخر تخبي عليا نظر لعلي الذى ينظر له باهتمام وهمس :حمزه قالك ؟ قرب كرسيه من فراشه وقال بعتب :كده يا فخر ازاى تكون تعبان بالشكل ده وماتقوليش مرر لسانه على شفتيه الجافه وهمس بتعب :ماكنش ينفع اقولك وانا شايفك فرحان واغمض عينيه بتعب وقال وهو يبتسم بشحوب :مبروك ياعلي ابتسم لصديقه :الله يبارك فيك افتقدت وجودك جنبي لكن ملحوقه الخميس الجاى مش هاسيبك تهرب ابتسم بشحوب وقال :شكلك اقنعت جدك بكتب الكتاب ابتسم وهو يجلس على طرف الفراش بجوار صديقه :اكيد والله كان نفسى اقنعه بدخله كمان لكن خفت هنا تقتلنى دى بالعافيه اقتنعت بخطوبه اقولها كتب كتاب ودخله كتير عليها ضحك وهو يتاوه واشار له :اسكت ياعلي مش هاقدر اضحك دارت عينيه في المكان يبحث عنها :هى اميره فين ؟ وقبل ان يجيب سمع طرقات على باب الحجره ودخول والدته وزوجته أسرعت اليه والدته وهى تنحنى وتقبل جبهته وتحتضنه بحنان :حمدالله على السلامه ياروحى ...كده برضه يافخر تقلقنى عليك همس :أنا الحمدلله يا امى اسما بحنان وهى تقبله :يارب دايما تكون بخير يابنى ويحفظك ليا ولمراتك وبنتك ابتسمت :بنتك مطلعه عين جدتها شغاله عياط وتقول عايزه بابا ابتسم بحنان :حبيبتى ...ماما كلمى مازن يجيبها أنا متاكد انها مش هتنام وهتفضل تعيط علي وهو يخرج هاتفه :أنا هاكلم حمزه يجيبها التفت لعلي واجاب بلهفه :ايوه كلمه وحشتنى نظر لها وهى تنظر له بصمت وتعجب من عدم حديثها اقتربت منه وجلست بجواره على الفراش علي وهو يشير له قائلا :هاكلم حمزه وارجع لك اسما وهى تسرع خلف علي وهى تقول :استنى ياعلي أنا عايزاك خرجت واغلقت الباب خلفها رفع عينيه ينظر لها وهو صامت اخفضت عينيها وامسكت يده وهى تنظر لراحته وهى تتحدث :حمدلله على السلامه صمتت قليلا وهى لا زالت تنظر لراحته وتمرر اصابعها على خطوط يده وقالت بحزن :أنا دكتوره فاشله وزوجه افشل ...ازاى ماعرفتش انك تعبان ...وتعبك بسبب الزايده وازاى ما قدرتش امنعك انك تروح الشغل وترتاح في البيت رفعت عينيها ونظرت لعينيه مباشرة وهى تشير على نفسها :اكيد أنا السبب انك مش عايز تقعد معايا تساقطت دموعها وهتفت بصوت باكى :أنا عارفه انك زعلان منى همس بوجع ارهق قلبه :زعلان منك لأ ...لكن عندى خيبه امل...صحيح انى فضلت اروح الشغل ولا اني ابقى قاعد في البيت عشان ماتهربيش منى واشوفك بتحبسى نفسك في الاوضه او المطبخ عشان ماتقعديش معايا عض على شفتيه بارهاق واغمض عينيه وهو يلتقط انفاسه :وعشان كده أنا قررت اقعد مع امى واسيب لك البيت تقعدى تفكرى وتقررى ال يريحك لانى تعبت وانا بحارب افكار ومخاوف انتهت ومش موجوده غير في عقلك بس همست بالم ودموعها تتساقط وهى غير مصدقه ماتسمعه :عايز تسيبنى يافخر مرر لسانه على شفتيه الجافه وقال :أنا هاديكى مساحه يا اميره تفكرى وانا بعيد عنك أنا تعبت أنا عايز ارتاح واعيش براحه أنا وانتى وبنتى ...لكن انتى مش راضيه ولا سامحه بكدا نظرت له ودموعها تتساقط وقالت باتهام :مليت منى ؟؟؟ أنا كنت حاسه بكدا انك هتمل منى وتبعد عنى اغمض عينيه بتعب وتنهد بارهاق وهو يشيح بعينيه بعيدا عنها وقال بلهجة يائسة: أنا كل تصرف بيطلع منى بقى بيتفهم بشكل غلط من ناحيتك أنا مش عارف اعمل إيه خوفى وقلقى عليكى بيتفهم انى ديكتاتور ...اقولك فكرى في حياتنا واديكى مساحه عشان تفكرى ...تقولى عايز ابعد عنك ...حرام عليكى أنا تعبت همس وهو ينظر لعينيها وهو يبحث عن شى فقد منه بداخلها :فين اميرتي ال بتفهمنى أنا عايز إيه... فين اميرتى ال كانت امي واختى وحبيبتي وكل حاجه في حياتي كانت تحس بيا من قبل ما اتكلم ال كانت تتفنن انها تسحرنى وتزيد حبي وعشقى ليها ضم راحته على اصابعها واردف بوجع :عشان خاطرى ارجعى اميره القديمه ال بعشقها وبتعشقنى وانا اوعدك انى مش ارجع فخر القديم لاخر يوم في حياتى تساقطت دموعها وهى تنظر اليه ولم تستطيع ان تتحدث سمعا طرقات على الباب ودخول والدته وهى تحمل الهاتف وتقترب منه : عمك شريف ومراته عايزين يكلموك امسك الهاتف واجاب انسحبت بهدوء من الغرفه لم تكن تعرف انه كان يراقبها اشار لوالدته وقال وهو يبعد الهاتف عن اذنه وهو يهمس:ماما لو سمحتى شوفى اميره ماتسيبهاش لوحدها هزت راسها بالايجاب وذهبت اليها اكمل المحادثه وعقله معها ................... | ||||
|
| |
|
21-02-17, 02:15 AM
| #1243 | ||||
| نجم روايتي وكاتبة في قسم قصص من وحي الأعضاء
| ................... نفث دخان سيجارته وهو يتامل الصوره بعينين شبه مغلقتين منذ ارسلتها له خالته وهو يشعر ان بداخله رغبه قويه تحركه ليمحى تلك الضحكه السعيده المرتسمه على وجهها ولايريدها ان تكون سعيده يريدها ان تعانى مثله واكثر لقد طلب من خالته ان تخبره بكل مايخص ذلك الاحمق الذى رضى بها وبسهوله توصل لرقم هاتفه من خلال اصدقائه ولن يتركه يهنأ بها سوف يدخل الشك في قلبه ويجعله يتركها ضحك وهو يخطط بسعاده كيف يدمرهم وهمس بصوت كالفحيح :انتي فاكره اني ممكن اسيبك تعيشي حياتك وتتهني لا وصرخ كانها امامه واتسعت عينيه بجنون :انتى بتعتي أنا ومحدش ممكن يسبقني ليكي فاهمه ياعميه وجلس يضرب باصبعه على الصوره وهو يصرخ فيها :بتعتى أنا وبس ................. جالس مع عماد بعد رحيل الطبيب وقراره بقضاء الليله معهم لكى يطمئن عليها احنى جزعه للامام واراح ذراعيه على ركبتيه وضم راحتيه بشرود وهتفت وهو يلوم نفسه :ازاى انفعل كده قدامها وانا عارف انها مش بتستحمل واعصابها ضعيفه ...ازاى ما أخدتش بالى ...كل مره بأسكت عشان خاطرها ...ازاى ماقدرتش امسك اعصابى ...انا السبب في تعبها عماد وهو يربت على كتفه :عاصم انت سمعت الدكتور قال انها بقت كويسه ...بطل تلوم في نفسك اى حد كان في مكانك كان لازم ينفعل رفع عينيه ونظر لعماد بتعب وهتف وهو يشير على نفسه ويتحدث بصراحه :أنا تعبت ياعماد معاها محدش مصبرنى غير زينه ...انسانه غيوره انانيه مش بتفكر غير في نفسها حتى بنتها الوحيده تيجى في المركز الى التاني ...هتقولى ليه ما انفصلتش عنها ...ايوه هارتاح لكن زينه وليلى مش هيرتاحوا لانى عارف لو انفصلت عنها هتفصل البنتين عن بعض انت ماتعرفش ازاى كانت بتحاول زمان هما وصغيرين تفصلهم عن بعض تنهد عماد :عارف ياعاصم وشفت ده لكن أنا عايز اقولك حاجه وفكر فيها كويس البنات كبروا خلاص وزينه بقت ليها حياتها الخاصه وليلى كمان جيه الوقت ال تفكر في نفسك وراحتك ياعاصم الانسان مش بيعيش غير مره واحده ...ليه يعيش تعبان ومش مرتاح ليه ...قولى ...اوعى تفتكر ان استمراركم مع بعض بعد ال شفته النهارده فيه اى مصلحه لك او لبناتك على العكس والدليل ال حصل لزينه وليلى... زينه على الاقل بتعبر بشكل الانهيار لكن ليلى ياعاصم ال بيحصل معاها ده كتير التقط انفاسه وهو يردف قائلا :فكر ياعاصم وقيس الموضوع لكن المره دى ياريت تفكر في مصلحتك و في ال يسعدك تنهد وقام واتجه الى الحديقه ليجلس بمفرده ............. | ||||
|
| |
|
21-02-17, 02:16 AM
| #1244 | ||||
| نجم روايتي وكاتبة في قسم قصص من وحي الأعضاء
| ............. بعد يومان سمع رنين هاتفه معلناً عن رساله امسك علي هاتفه وعض على شفتيه بغضب وقام من خلفه مكتبه وهو يحاول ان يكتم غضبه وانفجاره الوشيك فمنذ يومين منذ تلك الليله وهو لا يكف عن ارسال تلك الرسائل الوقحه الغبيه التى تشبهه ذلك المختل المريض يقسم انه مختل افعاله كلها تؤكد ذلك وتلك الرسائل جعلته يجزم انه امام انسان مريض لقد حاول الاتصال بذلك الرقم اللعين الذى يبعث من خلاله الرسائل ولكنه وجده مغلقاً كلما حاول طلبه يجده مغلقاً اقترب من نافذه مكتبه يفكر كلما اتته رساله يزداد قلقه عليها يعرف انه لن يكتفى به على العكس سوف يظهر لها ...لقد علم من عماد ان عاصم قرر ترك الفتاتين الى ان تنتهى ليلى من تدريباتها وهذا الشيء جعله يطلق زفره ارتياح ان حبيبته بخير لانه يعلم انه يخاف من عماد ولن يجرؤ على الاقتراب منه اخرج هاتفه وابتسم وهو يرى صورتها وهى تضحك بسعاده مع والدها بالامس عرف ان اخته فاطمه ذهبت لزيارتها كان يعرف ان فاطمه سوف تتعلق بها ...اما والدته فيشعر انها تقبلتها ولكن ليس تماما ...لكنه يعرف انها لن تصمد كثيراً امام شخصية ليلى سوف تتعلق بها كما حدث مع فاطمه سمع طرقات على باب مكتبه ودخول سعيد وعلى وجهه يظهر القلق نظر لها وسأله :في إيه يا سعيد ؟ نظر له وهو يشير لها على الخارج :مستر علي ممكن لو سمحت تيجى لحظه بره قطب حاجبيه وهو يبتسم له :شكلك كسرت حاجه يا سعيد هز راسه وعينيه :لا والله يا مستر بس تعالى لوسمحت نظر لها وهو يرى توتره وقلقه وخرج خلفه فوجد العمال مجتمعين امام باب المطعم اقترب منه ورفع عينيه ليرى سبب تجمعهم ففتح عينيه على اتساعهما مما يرى امامه وجده دميه كبيرة الحجم ممزقة الملابس معلقه من رقبتها و منزوعة عينيها ومغرقة بالدماء ابتلع علي ريقه ولم يستطع ان ينطق اشار سعيد بيد مرتجفه الى الدميه وهو يقول بقلق:ده عمل يا مستر أنا سمعت ان العرايس بيعملو بيها عمل للواحد عشان يقف شغله واردف بدهشه وهو يقترب من العروسه :مستر ده مكتوب اسم واحده هنا ...ليلى اتسعت عينيه وهو يرى تلك الدمية التى ارسلت رعشه من عموده الفقرى لجميع جسده ليس خوفا منها ولكن من مضمونها فقد فهم على الفور انها رساله له خصيصا من ذلك المختل الذي يريد ان يبث الرعب بداخله وقد نجح بالفعل هتف بغضب شديد وهو ينفجر فيهم كالبركان الثائر وظهر ذلك واضحا من وجهه المحمر وعروقه النافرة وهو يصرخ في وجوههم :عايز افهم الزفته دى اتعلقت ومحدش شافها فيكم ازاااااااى ...انتوا بتستهبلوا ...حد يفهمنى همس البعض منهم :يامستر دى اتعلقت وقت ما احنا قافلين وبنظف لان سعيد اول ما فتح الباب لقاها في وشه هتف سعيد بخوف من علي الثائر في وجوههم بغضب :ايوه يامستر أنا بس فتحت الباب ودى خبطت في وشي والله ده ال حصل نظر لهم وهو غير مصدقه واتجه لمكتبه يفتح حاسوبه وهو يرى تلك الكاميرات التى تسجل كل شيء بالفعل وجد الكاميرات الداخليه سجلت وجودهم وهو يقومون بالتنظيف ووجد سعيد يقترب من الباب ويفتحه لترتطم تلك الدميه بوجهه فيقفز للخلف بفزع وهو يصرخ امسك هاتفه وهو يقوم بالاتصال دقائق وسمع صوته :وعليكم السلام ...ازيك ياعماد ...فى البيت ولا في الشغل طيب كويس عايزك ضرورى أنا في المطعم ...لما تيجى اقولك بس ضرورى ياعماد ...سلام ................ جالسه في الشرفه تتامل عش العصافير الموجود على الشجره الكبيره ابتسمت بلا وعى وهى ترى كيف تطعم الام صغارها لم تسمع تلك الخطوات التى اقتربت منها رفعت راسها وابتسمت ما ان رات ليلى تمد يدها لتلمس طرف الكرسي امسكت يدها واجلستها بجوارها مدت يدها بالطبق الذى تحمله لها وقالت قبل ان تسمع اعتراضها لو ما اكلتيش مش هاكلمك سامعه تنهدت وامسكت طبق الشطائر منها ووضعته على الطاوله امامها ساد صمت بينهم قطعته زينه وهى تهمس بسخريه :تعرفى ان ماما ليها يومين مش بتكلمنى بالاصح من تانى يوم تعبت فيه مشيت مسألتش عليا ولا قالت بنتى الوحيده اطمن عليها واردفت بمراره :حتى من بعد ما سافرت أنا ال بكلمها واطمنها عليا هى نسيتنى خالص ولما عاتبتها مره وقلت لها ليه ياماما مش بتسألي عليا وتعرفى اخبارى ردت عليا :مش انتى بتكلمينى وتقوليلى اخبارك خلاص اكلمك أنا ليه هو كلام وبس ... تعرفى ان كتير بتمنى انهم ينفصلوا هتفت ليلى غير مصدقه ما تسمعه من اختها: زينه انتى بتقولى إيه اردفت بقوه :وانتى كمان بتتمني كده لكن خايفه عليا ...وخايفه انها تبعدنى عنك وعن بابا ...لكن واردفت ودموعها تتساقط:أنا تعبت ياليلى وبابا صعبان عليا اوى مش مرتاح ولا سعيد بالمره عارفه ...عارفه ياليلى لما عاصم كان بيتجاهلنى وبيعاملنى وحش افتكرت بابا وقلت ازاى مستحمل السنين دى كلها وبيعانى بالشكل ده بقاله عشرين سنه وانا مجرد الفترة البسيطة دى انهرت وتعبت ......ما تتخيليش بابا صعبان عليا ازاي ..واجهشت في البكاء احتضنت اختها وهى تربت على كتفها :بابا لو شافك كده هيزعل اوى همست :هو بابا جاى ؟ هزت راسها :ايوه جاى يطمن عليكى وقلت له انك مش بتذاكرى هتفت بعتب:ليه يا ليلى تقوليلوا ليلى وهى تمد يدها وتمسك الطبق وتعطيه لها :سألنى عليكي وقلت له وهو قال جاى يراجع معاكى المادة دي يلا كلي قبل ما ييجى ويتخانق معاكى زينه وهى تنظر لاختها وتضربها على كتفها وهى تقول بدلع :مش بحبك ضحكت ليلى واجابت :وانا كمان يلا كلى ................. | ||||
|
| |
|
21-02-17, 02:18 AM
| #1245 | ||||
| نجم روايتي وكاتبة في قسم قصص من وحي الأعضاء
| ................. نظر لوالده الذى يفكر بعمق بعد ان انهى اتصاله مع ابنته فؤاد وهو ينظر لوالده : فريده قالت لك إيه ياحج ؟ تنهد الجد :قالت الكلام ال بتقوله كل مره مش عايزه اتجوز أنا كفايه عليا ابنى مروان فؤاد باعتراض:يا حج ماينفعش الكلام ده فريده لسه صغيره 42 سنه ال زيها لسه ما اتجوزش حرام ال بتعمله ده وبعدين صلاح ابن الحاج سليم ما يتعيبش ده مافهوش غلطة مرر يده على ذقنه :لولا انى وعدت علي انى اقعد لحد كتب الكتاب كنت سافرت لها وعرفت أأثر عليها فؤاد وهو يشير لوالده :لا تسافر ولا حاجه أنا هاجيبها هى ومروان لحد هنا وبالمرة تحضر كتب الكتاب وفرصه تغير جو وتتكلم معاها إيه رأيك أنا هاكلم عمر النهارده يسافر ويجيبهم ابتسم الجد:والله فكره يا فؤاد مش عارف ليه ما فكرتش فيها .............. بعد يومين نظرت للحقيبه التى في يد ليلى وهى تقول باستنكار:ليلى أنا لسه راجعه من عند صفا وتعبانه خلي تاليا او فتحى يوصل لك الفستان للفندق ليلى باصرار :لا انتى يا زينه ماحدش ينفع للمشوار ده غيرك انتى ....ثم انتى فاضيه زينه بضيق :ليلى البسى غيره مش لازم ده ال تقابلى بيه علي بكره ليلى بضيق:كل ده عشان قلتلك وديه التنظيف بطلى دلع وساعدينى زينه بعبوس:ياريتني ماخلصت امتحانات كنت قاعده مرتاحه كل شويه تعالي روحى وانا عايزه افهم أنا رحت لصفا ليه دى اشتغلت عليا شغل هى والعاملات ال عندها كإن بكره فرحى وكل ما اجى اقولها لا مش عايزه تصر اكتر واضح ان صفا نسيت انك انتى العروسه ليلى وهى تبتسم بمكر:لا ما نسيتش بس أنا موصياها عليكي كل ال يتعمل لي حاجة تعمل لك زيها يلا بقى فتحى مستنى تحت هيوصلك تنهدت بضيق واخذت الحقيبه من يدها :اول ما ارجع مش هاعمل اى حاجه غير انى اكلم عصومى مش عارفه ليه مش بيرد عليا النهارده بس ارجع واشوف الموضوع ده تركتها وانصرفت ابتسمت وهى تهمس :يارب يسعدك يا زينه .............. دخلت الفندق وهى تتحدث مع ليلى بدهشه :ليلى كلمى صحبتك ال بتشتغل هنا قوليلها اني وصلت الفندق عشان تيجى تاخد الفستان مني اوك سلام اقفلت الخط وجلست في بهو الفندق الخمسة نجوم لتنتظر صديقة شقيقتها التى تعمل بالعلاقات العامة في الفندق جلست تلعب في هاتفها وشعرت بملل فوضعته في حقيبتها بضيق وهى تقول لنفسها :لو اتاخرت هامشى واسيبها تسلل ذلك الصوت المحبب الى اذنيها :وحشتينى اوى اجفلت و رفعت راسها غير مصدقه سماع صوته هنا لتجده يقف امامها ويبتسم لها بحب صرخت وهى تقفز لترتمى بين ذراعيه وهى تصرخ باسمه بسعاده :عصومى وحشتنى اوى ...اتاخرت ليه ....وليه مش بترد على التليفون ضحك وهو يرى الناس تنظر اليهم وهمس :زينه الناس بتتفرج علينا ابتعدت بخجل وهى لازالت تنظر له وهى غير مصدقه انه يقف امامها سألته وهى تنظر حولها :انت بتعمل إيه هنا ؟ ابتسم ورد بغموض:شغل وامسك يدها وقال وهو يتجه الى المصعد:تعالى في مطعم فوق اكله جميل اوى وقفت امام المصعد ونظرت له وهمست :عاصم أنا مش بركب الاصانصير فتح المصعد وادخلها وقال بثقه :متخافيش أنا معاكى نظرت له وللباب الذى اغلق وهتفت بضيق:عاصم بقول لك مش ... وقبل ان تكمل جملتها اسكتها بقبله متملكه كانه يخبرها فيها كم افتقدها وبلا وعى منها وجدت يديها تحيطه وتسقط الحقيبه من يدها وتنسى كل شيء لم يشعرا بأن المصعد قد توقف ولا بالباب الذى فتح ابتعدت عنه بسرعه ما ان وصل صوت المصعد الى اذنيها وهى تخفض راسها بخجل وتعض على شفتيها انحنت تلتقط الحقيبه شعرت باصابع عاصم تحتضن كفها وتخرجها من المصعد لم تستطع ان تنظر له وهى تشعر ان وجهها يشتعل وقلبها يتراقص بسعاده وقف امام غرفه واخرج البطاقه من جيبه وادخلها وفتح الباب ودخل وهى خلفه همت ان تسأله لما نحن هنا ولكن توقفت انفاسها وهى ترى الغرفه المضائه بالشموع وتلك البتلات الحمراء على الفراش على شكل قلب واقتربت لتنظر الى الطاوله التى بها قالب حلوى يتوسطه صوره لها رفعت عينيها ونظرت له غير مصدقه وهى تهمس :عاصم اقترب منها وهو يحتضن خصرها وينظر لعينيها بوله :هى دى المفاجئه انتى طلبتى منى نبدأ من جديد عشان كده اعتبرى الليله اول ليله لينا مع بعض وضع يده في جيبه واخرج دبلتين وقال وهو ينزع تلك الحلقه من يدها اليسرى ويلبسها حلقه ماسيه رقيقه :المره دى أنا ال اخترتها عشانك محدش اختارها غيري مدت يدها والبسته له في اصبعه وهمس وهو يشير لها على الحمام :اسيبك دقايق تجهزى غمز لها وانصرف وهو يرسل لها قبله اتجهت الى الحمام وهى غير مصدقه تشعر انها في حلم ...اجل حلم جميل لاتريد الاستيقاظ منه بعد عده دقائق دخل الغرفه وتلفت حوله يبحث عنها نزع جاكته والقاها وبدأ بفك ازار قميصه والقاه جانبا سمع صوت باب الحمام يفتح التفت اليها واتسعت عيناه وهو يراها بقميصها الاحمر القصير الذى يظهر مفاتنها وشعرها الذى تركته منسدل على كتفيها العاريتين وظهرها اقترب منها وهو كالمسحور ووقف امامها ينظر لها وهو يمرر اصابعها على وجنتيها برقه وتوقفت اصابعه على شفتيها وهمس وهو يقترب منها :تعرفى انك وحشتينى اوى بشكل انى كنت بشوفك في كل الناس ماكنتش متخيل انى اتعلقت بيكى بالشكل ده لكن اليومين ال سافرتهم عرفت فيهم قد إيه أنا بحبك ومقدرش اتخيل حياتى من غيرك يازينه واردف وهو ينظر لعينيها بحزن:اوعى تكوني لسه زعلانه منى وضعت اصابعها الرقيقه على شفتيه تمنعه ان يكمل وهمست برقه : :ما اقدرش ازعل منك ...قلبي مش بيسمحلى انى ممكن ازعل لانى بحبك ...بحبك لدرجه عمرك ماتتخيلها واشارت على قلبها انت ساكن هنا ياعصومى انحنى يحملها بشوق وهو يقول :ياروح عصومى هتفت وهى تشير لطاوله :عصومى مش هناكل غمز لها وقال وهو يضعها على الفراش:بعدين ياقلب عصومى عايز اقولك موضوع مهم قوى اهم من الاكل ضحكت وهى تقول بدلع :عصومى ................... | ||||
|
| |
|
21-02-17, 02:20 AM
| #1246 | ||||
| نجم روايتي وكاتبة في قسم قصص من وحي الأعضاء
| ................... في المساء احتضنتها نهاد بمحبه وهى تقول :وحشتينى اوى يا فريده ابتسمت وهى تنظر لها :وانتى كمان والله يانهاد اخبارك واخبار الولاد ايه دارت عينيها وهى تقول:فين حبيبة قلب عمتها هتفت لميس وهى تسرع الخطى وتحتضن عمتها:عمتوووو وحشتينى اوى اول ماعرفت ان عمر هيجيبك قلت احضر لوازم السهره عشان هتكون صباحى نهاد وهى تمسك يدها وتجلسها وتجلس بجوارها :لا طبعا النهارده انتى معايا لميس وهى تتلفت حولها:فين مروان هو مجاش معاكى فريده وهى تشير للخارج :لا جيه وقاعد برة مع علي انتى عارفه متعلق بعلي ازاى واردفت وهى تقول :صحيح طمنينى عملتى إيه في امتحاناتك نظرت نهاد لفريده وهى تستمع للميس من يراها يظن انها اخت لميس الكبرى وليست عمتها الصغرى نظرت لملابسها السوداء التى لم تتغير لونها منذ وفاة زوجها لقد تزوجت صغيره وانجبت بعد زواجها مباشرة وبعد عامين توفى زوجها وترك لها مروان لقد تقدم لها كثيرين ودائما ما ترفض نظرت لملامحها الجميله وابتسامتها التى تسرق القلب فؤاد دائما يخبرها انها هى من اخذت حكمة والدتها وذكائها في تصرفاتها سمعت صوت عمر يناديها استاذنت واتجهت اليه ................ هتف فؤاد وهو يشير الى الطعام باستنكار :عاصم ده مش اكل لقمتين وتقولى شبعت ابتسم وهو يتناول محرمه ويمسح بها يده :الحمدلله كفايه كده فؤاد وهو يقوم :اروح بقى اعمل فنجانين قهوه يعدلوا المزاج عاصم بتاكيد:ايوه يا اخى وحشتنى قهوتك اتجه الى داخل المنزل وترك صديقه في الحديقه ................. خرجت الى الحديقه تبحث عن هاتفها لقد اعطته لمروان واخبرها انه تركه على الطاوله في الخارج تنهدت بضيق وهى ترى الاضائه الخافته ندمت انها لم ترتدى نظارتها الطبيه أسرعت الخطى وهى تمعن النظر في المكان رات فؤاد يقف بقرب الطاوله ابتسمت واسرعت اليه كان يتحدث في هاتفه وهو يضع يده في جيبه ويتمشى مجيئة وذهاباً في المكان واثناء التفاته اصطدم بشخص ما اتبعه سماعه لصوت انثوي يتأوه مد يده بسرعه وامسكها من ذراعها قبل ان تسقط ارضاً ونظر اليها وهو يعتذر ويترك ذراعها :اسف سامحينى ما كنتش واخد بالى وهم ان يبتعد ...دققت النظر فيه وهمست دون ان تشعر:عاصم!!! شعر انه يستمع الى اسمه لاول مره كانت تنطقه برقه جعلته يلتفت لينظر اليها وجد نفسه دون ان يشعر يتمعن في تلك الملامح الهادئه في تلك العينين النجلاوتين وانفها الرقيق وشفتيها المكتنزه ولكن ما جذبه بشرتها الخمرية الصافيه تماماً يشعر انه قد رآها من قبل اين متى لا يدرى ...شعر بحنين ناحيتها لم يعرف سببه رات الحيره على وجهه ابتسمت بخجل :مبروك لليلى اقترب منها وقال وهو يحاول ان يتذكر اين رآها سابقاً :الله يبارك فيكي نظرت بخجل من نظراته المتمعنه لها واخفضت راسها بخجل وقالت :عن اذنك تركته وذهبت ظل يراقبها وهى تبتعد اغمض عينيه وهو يستغفر الله :شكلك اتهبلت فوق يا عاصم سمع صوت فؤاد وهو يناديه اقترب منه وهو يحاول ان يطرد صورتها من رأسه انتظرونى البارت القادم... | ||||
|
| |
|
21-02-17, 02:50 PM
| #1249 | |||||||||||
| نجم روايتي  
| الحمد لله عماد مؤيد قوى لأنفصال عاصم عن نجوى كأنه كان حاسس بيا و بكلامى معاكى ، و مع ظهور فريدة أخت فؤاد اللى عندى يقين أنها كانت بتكن مشاعر لعاصم قبل كده يبقى ممكن قوى نفرح بأنفصال عاصم عن نجوى فى القريب العاجل ان شاء الله . أدهم ده انسان مريض فعلاً و هروبه المستمر ده بيشكل خطر على ليلى لكن أنه يشكك على فى ليلى و يسبها يبقى بيحلم . و اخيراً اتلم شمل عاصم و زينة و أتمنى أن حنان و اهتمام عاصم بزينة يكون تعويض عن اللى شافته من نجوى و أنانيتها مهما أدعت حبها لكن اللى زى نجوى مش بيحب غير نفسه . فخر و أميرة و مرحلة انعدام الثقة بينهم و خوف من تكرار أخطاء الماضى و للأسف المرحلة دى بتشكل أزمة كبيرة بينهم و ممكن تهدم حبهم من الأساس و كويس أن فخرى ترك لأميرة المساحة اللى تفكر و تقرر فيها عاوزة تتغير و تستمر وعاه و لا لأ . بارت جميل يا سامراء و ما فيش غير جوز العكننة نجوى و أدهم اللى ضايقوا الواحد بوجودهم . دمتى مبدعة سامراء و فى انتظارك | |||||||||||
|
| |
 |
| أدوات الموضوع | |
| انواع عرض الموضوع | |
|
|
178Likes
.png)
العرض العادي
