03-04-17, 01:20 AM
| #1471 | ||||
| نجم روايتي وكاتبة في قسم قصص من وحي الأعضاء 
|  ................. اوقف سيارته امام بيت عمته فريال وفتح حقيبة السياره وبدأ يخرج الاكياس والاشياء التى يحضرها كل شهر بطلب من والده دون ان يعرف احد من بعد وفاه زوج عمته ووالده هو من يتولي كل مايخص عمته دون ان يشعر اى احد حتي والدته لا تعرف هو فقط لانه هو من يحضر الاشياء كل شهر عندما يكون والده مشغول رن هاتفه واجاب :ايوه يا بابا ...انا وصلت وجبت كل حاجه ...حاضر مع السلامه اغلق هاتفه ووضعه فى جيبه وحمل الاشياء واتجه الى بيت عمته رفع يده ليدق الجرس فتحت له عمته وهى تبتسم له ببشاشه :ازيك يا عمر ابتسم ودخل :ازيك ياعمتي اخبارك ايه اشار لها على المطبخ وقال فى حد فى المطبخ هزت راسها بالنفي :لا تعالى حمل الاكياس واتجه الى المطبخ يضعها على الطاوله سالها وهو يجلس هو ما فيش حد فى البيت هزت راسها وهى تخرج زجاجه عصير من البراد وتفرغها فى كوب وتعطيها له :لا الاء موجوده وبتكلم واحده صحبتها وحمزه نايم مراته عند مامتها هتقعد كام يوم وهو جيه هنا امسك العصير وقال هاروح اشوفه خرج من المطبخ متجهاً الى غرفة ابن عمته و صديقه سمع صوتها المرتفع صادراً من غرفة المعيشه وهى تتحدث فى الهاتف قطب حاجبيه وقال بتعجب :حتي فى التليفون بتزعق وهم ان يذهب ولكن استوقفه حديثها وهى تقول :مين ال معجب بيا يا سهيله ؟؟؟ صرخت وهى غير مصدقه :اخوكي اشرف ...الدكتور قالت بغرور :حبيبتي انا كل مكان اروحه الناس بتعجب بيا تعالي شوفى فى الشركه كل شويه عرسان الناس هتتهبل عليا وعلى اناقتي دخل الغرفه ووجدها جالسه واضعه ساق على الاخرى وترتدي خف اكبر من قدمها واضح انه ملك حمزه وبيجامه زرقاء برسومات عجيبه وبنطلون واضح انه ينتمي لبيجامه اخرى لونها اخضر وعليه رسومات ميكي رفع راسه لشعرها التى تخفيه تحت ايشرب لونه اصفرعقدته حول راسها بشكل يذكره بخادمات الافلام القديمه اردفت بثقه لايدري من اين جاءت :لا ياسهيله الواحده الانيقه انيقه فى البيت وبره البيت بصراحة انا بحتقر الناس ال بره شيك وفي البيت مش مهتمين بنفسهم قالت وهى تخفي فرحتها :مممممم ...صراحه موضوع اخوكي فاجئتيني بيه لكن افكر ... تشرفوا فى اى وقت البيت بيتكم مع السلامه ما ان انهت المكالمه قامت تقفز وهى سعيده وتقول :وهتجوز دكتور وابقى مدام الدكتور اشرف ايه الجمال ده هتفت بصوت مرتفع :مااااااماااااا التفتت ففوجئت بعمر يراقبها وعلامات التعجب على وجهه ارتدت للخلف وقالت بضيق :هو فى حد يدخل على الناس بالشكل ده مش تقول احم تكح تعمل اي حاجه مش تظهر زي العفريت تخض الناس هتف بحده:شششششششششششش ....بس ...ايه راديو اتفتح اقتربت منه وقالت بحده وهى تشير له باصبعها فى وجهه :انت فاكر انك فى الشركه عشان تعلي صوتك عليا تجاهل ما تقول وقال وهو يشير لهاتفها :مين الدكتور اشرف ده ؟؟؟ قطبت حاجبيها وهى تتسائل :اشرف مين ؟؟؟ عض على نواجذه وهو يحاول ان يتمالك عصابه :اخو صحبتك كان عايز ايه ؟؟؟ قالت وهى تضع يدها فى خصرها بثقه :عايز يتقدم لي ايه فيها حاجه دي واردفت بسخريه :ولا عند حضرتك اعتراض هتف بغضب :ايوه عندي اعتراض وخليه يتقدم عشان اكسر رقبته صرخت فى وجهه وقالت بحده :انت مين اصلا عشان تعترض وقلت لك قبل كده انت مالكش كلام معايا ماما او حمزه بس ازاح اصبعها الذى تشير به فى وجهه وهتف :لا ليا...وليا كمان يا الاء ........لاني خطيبك فتحت فمها ونظرت له غير مصدقه مايقول وقالت بغضب وهى تصرخ فى وجهه :انا خطيبتك انت ...ومين قال كده ان شاء رفع حاجبه باستنكار وقال :ليه مش عاجبك رفعت انفها عاليا وقالت وهى تنظر له باحتقار :طبعا مش عاجبني ولا راضيه ...انا الاء يوم ما اتجوز اتجوزك انت ليه اتهبلت واردفت بضيق :انا يوم ما اتجوز...اتجوز واحد عاقل مش عصبي بتاع مشاكل وكل مكان يروحه يعمل كارثه وقبل كل ده لازم يكون شيك وكاركتر زيي طبعا قال بسخريه :طب واحده غيرك تتكلم عن العقل....ده عقل النمله اكبر من عقلك والكوارث ده انتي كارثه متحركه مافيش حاجه تمسكيها ال ماتكسيرها ولا الكوارث ال بتعمليها والمشاكل فى المكتب ... كل ده كوم ووقعاتك العجيبه ال بتقعيها كوم ... انا طول عمرى اعرف الناس تقع على ركبها ....ايديها وانتي على وشك فى واحدة انسه تقع على وشها بتبوسي الارض .!!!!.. ونظر لها ولبيجامتها باحتقار :وليكي عين تتكلمي وانتي لابسه كده والله انا نفسي حلوه ...ياشيخه روحي اقعدى على جنب صرخت فى وجهه :مالكش دعوه بلبسي فاهم وطلع من دماغك اني ممكن ارضى اتجوزك فاهم سمع صوت اخيها وهو يقترب واثار النوم واضحه عليه ...اقترب منه حمزه وصافحه ونظر لاخته :جدك ال حدد عايزه تعترضي روحي وقولي له وبطلي صداع روحي اعملي شاي صرخت بصوت مرتفع افزعهم :مااااامااااا..... ...تعالى شوفي جدي عايز يجوزني اسرعت اليها والدتها بقلق وقالت وهى تراها تنظر لعمر بغضب :الاء اسرعت الى والدتها وقالت وهى تشير لعمر:ماما هو صحيح انا مخطوبه لده قال بحده وهو يقترب منها :ده له اسم اتكلمي كويس والدتها وهى تحاول تهدئتها :الاء ...عيب تتكلمي عن عمر بالشكل ده واردفت :ايوه ياحبيبتي جدك وخالك فؤاد طلبوكي وانا وافقت هو انا القي احسن من ابن اخويا هز حاجبيه ليغيضها :شفتي يعني انا خطيبك ولو عايزه تعترضى ياريت تكلمي جدي وبابا واقترب وهو يغمز لها ليذهب :اشوفك بكره فى الشغل يا خطيبتي اسرعت خلفه وفجائه اصطدمت قدمها فى الكرسي ووقعت وقبل ان تلمس الارض شعرت بذراعين ترفعانها وتمنعها من السقوط نظر لها وهو يحاول ان يكتم ضحكته وقال :الحمدلله لحقتك قبل ماتبوسي الارض فتحت فمها لتصرخ فى وجهه ولكنه كان قد ذهب وهى تسمع صوت ضحكاته .............. | ||||
|  |
|
03-04-17, 01:22 AM
| #1472 | ||||
| نجم روايتي وكاتبة في قسم قصص من وحي الأعضاء
| .............. انهى توفيق الصلاه وتلفت حوله يبحث عن زوجته التى ما ان تركت تاليا فى المشفى وهى صامته لا تتحدث كعادتها خرج من الغرفه وجدها جالسه على الاريكه شارده اقترب منها وجلس بجوارها وهو ينظر لها :سرحانه فى ايه تنهدت وقالت :بفكر فى بنتي لما شفتها النهارده وهى تعبانه حتى الكلام مش قادره تتكلم عضت على شفتيها وتساقطت دموعها :وجعت قلبي اوي والتفتت تنظر له قائله :شفت شكل بطنها ازاي كبرت واردفت بحسره :كل الشهور دي عدت ليا بدون ما اشوفها واتطمن عليها ولما تقول لي انا جايه اقولها مش عايزاكي اهي بنتي كانت هتضيع مني فى ثواني بعنادي وقلة عقلي ربت على كتفها وقال :الحمدلله ان ربنا حفظها لينا واردف :شفتي عماد ياسعاد ال متضايقه منه وبتقولي بيعاملها وحش ... شفتي ازاي حنين معاها وخايف عليها شفتي كان ازاي مبسوط اننا معاها هزت راسها من بين دموعها:شفت ياتوفيق ربنا يسعدهم هز راسه مؤكدا :ايوه ربنا يقومها بالسلامه ويسعدهم وامسك يدها :يلا تعالى نامي عشان تصحي بدري وتروحي لها ................. فى المساء خرج الى الحديقه يبحث بعينيه عنها الى ان وجدها جالسه مع لميس اقترب منهم وحياهم سالته فريده باهتمام :اتاخرت ليه يا فؤاد فؤاد وهو يبتسم :كنت عند الحج لميس بضيق:ليه يابابا ما جبتهمش معاك وحشوني اوي اجابها بثقه :يومين واجيبهم هنا ضحكت فريده :ما اظنش ان علي هيسيبك تاخده بسهوله ضحك وقال مداعبا :ما تقلقيش هاحاول اجيبهم وهو فى الشغل ضحكا وسمع صوت عمر وهو ينادي على لميس تركتهم واتجهت اليه وهى تقول بصوت مرتفع وهى ترى مروان يسرع الى الاكياس ويفتحها وهو يقول :لميس لو اتاخرتي هاكل كل السندوتشات ومش هاسيبلك حاجه اسرعت الخطي وقالت بتوعد : مروان لو خلصت الاكل هاخنقك ...استنى انا جايه واسرعت اليهم ابتسم فؤاد وهو يسمع حديثهم والتفت ينظر لاخته الشارده التى قالت له متسائله :هو صلاح ابن الحج سليمان كان هنا :ايوه جيه ...اكيد مروان قالك: التفتت تنظر اليه بضيق وقالت بقله صبر :ايوه طبعا ...انا عايزه اعرف مش انا رفضته راجع تاني ليه هو عافيه تنهد وقال بتعجب:انا مش عارفه ليه رافضه هتفت بحنق :انتوا ليه مش عايزين تفهموا انا مش عايزه اتجوز لا هو ولا غيره سيبوني على راحتي فؤاد وهو يرسم التعجب على وجهه :فهمت ان محمد اترفض ...طيب والعريس التاني ال اتقدملك نظرت متسائله :هو فى واحد تاني اتقدم هز راسه وهو يحاول ان يخفي ابتسامته وقال بمكر :ايوه وبيني وبينك ده ما ينفعش يترفض نظرت له بدهشه :اشمعنى يعني .....مين ده بقى رد عليها بهدوء:عاصم ...صاحبي ...امبارح جيه وطلب ايدك مني اتسعت عينيها وهمست وهي غير مصدقه ما سمعت :عاصم ...صاحبك قال مؤكدا :ايوه عاصم ...ليه هو وحش ولا فيه مشكله هزت راسها نفيا :لا مش قصدي... لكن مجاش على بالي انه ممكن يتقدم لي فؤاد بذكاء :لكن انا جيه على بالي ... وواضح انه معجب بيكي حتي امبارح قال لي اوعي ترفضني كانت تستمع الى مايقوله وهى غير مصدقه بداخلها تتسائل معجب بيا ...عايزني ومصر كمان ارتسمت ابتسامه دون ان تدرى على شفتيها ابتسم فؤاد وهو يرى انه اخته هادئه ويظهر الرضا على وجهها قال :عارفه يا فريده انا شايف انه انسب واحد ليكي ...لانه شبهك اوي وحنين اوي وهيحتويكي ويراعي ربنا فيكي انا عارفه كويس وعارفه انه مش ممكن يتعبك او يجرحك واردف وهو يبتسم ويغمز لها :ده بعد ماتتجوزيه ها تقولي الله يخليك يافؤاد على انك جوزتني عاصم ضحكت وهى تخفي خجلها :ياسلام واثق يعني اني هادعي لك قال بثقه :طبعا واثق ...غير اني واثق هتوافقي قالت باعتراض وهى تخفي ابتسامتها :مين قالك اني موافقه ابتسم وهو يشير لوجهها :ضحكتك قالت لي واردف مداعبا وهو يراها صامته وهو يخرج هاتفه :الحق اكلمه وابشره اكيد مستني على نار صرخت فيه بخجل :فؤاد انا ماقلتش اني موافقه ضحك وهو يضع الهاتف على اذنه :لا قلتي بس انتي مش واخده بالك ...ايوه ياعاصم يا ابو نسب ...عارف انك منتظر على نار اسرعت مبتعده وهى تخفي ضحكتها وهى تسمع اخيها يخبره بالموافقه تعجبت من حالها كيف انها في لحظات تغيرت واعلن قلبها الاستسلام بمجرد ان سمعت انه هو من تقدم واتي يطلب يدها من قبل حتي ان يذكر اخاها مميزاته كان قلبها قد اعلن موافقته حلم المراهقه قد تحقق بعد كل تلك الاعوام سمعت صوت مروان يقول :ماما تعالي اسهري معانا ابتسمت وقالت :اسهروا انتوا تصبحوا على خير واتجهت الى غرفتها وهى متاكده انها لن تنام لانها سوف تقضي سهرتها بالتفكير فيه .................. | ||||
|
| |
|
03-04-17, 01:30 AM
| #1473 | ||||
| نجم روايتي وكاتبة في قسم قصص من وحي الأعضاء
| فى اليوم التالي... عقدت ذراعيها على صدرها وقالت وهى تهز قدمها بعصبيه :دلوقتي بس افتكرتي ان عندك ام ولازم تشوفيها وتسألي عليها اقتربت من والدتها وقالت معتذره :سامحيني ياماما ...لكن اليومين ال فاتوا انشغلت اوي مع ليلى وتعبها وعاصم نظرت لها والشرر يتطاير من عينيها وهتفت بشكل جعل زينه تجفل وهى تقاطع حديثها :ليلى ...الله ياخد ليلى ونرتاح منها هى ليلى اهم مني انتي غبيه ولا مش بتفهمي مفيش حد اهم من امك اتسعت عيني زينه وقالت مدافعه عن اختها :ماتقوليش كده ولا تدعي عليها ياماما ...انا عارفه انك بتكرهيها لكن ما تدعيش عليها دي اختي نجوي بغضب من حديث ابنتها ودفاعها عن تلك البغضيه قالت بحده :طبعا انتي لازم تقولي كده لانك مش عارفه ...انها عقربه وانها هي السبب قى طلاي انا وابوكي واردفت بحقد وكره :هى سبب تعاستي وبعدي عنك وعن ابوكي يا زينه واردفت بكذب :دي حولت تقتلني اتسعت عيناها وهى تهز راسها غير مصدقه | ||||
|
| |
|
03-04-17, 01:34 AM
| #1474 | ||||
| نجم روايتي وكاتبة في قسم قصص من وحي الأعضاء
| البارت الثلاثون زينه باعتراض :مش ممكن يا ماما تكون ليلى السبب اكيد فى حاجه تانيه حصلت خلت الطلاق يحصل وتقتلك ازاي ليلى مش ممكن نجوي وهى تنظر لابنتها باستنكار:قصدك اني باكدب عليكي جيه اليوم ال تتهميني بالكدب ...طبعا اكيد ابوكي والعقربه لعبوا فى عقلك وقالوا لك ان امك وحشه وانها هى السبب فى الطلاق زينه بدفاع عن والدها واختها :ماما ماحدش فيهم جاب سيرتك خالص لابابا ولا ليلى سألتها بفضول :عاصم ال بلغك ان احنا انفصلنا هزت راسها بالنفي:لا... ليلى اشتعلت غضبا وهتفت :العقربه هي ال بلغتك وهو ما قالش حاجه ما كلفش خاطره يجي يقول لك ...طبعا ما اهتمش بيكي فى وجودي بس كان بيخاف مني ويهتم لكن بعد الطلاق مش مهتم بيكي ...كل اهتمامه ببنت احلام حب حياته مش انتي واردفت بغضب وهتفت بعصبيه : لو فيكي شويه عقل كنتي سيبتي كل حاجه وجيتي ورايا... كنتي كمان قاطعتي ابوكي ... .....ابوكي ال ولا همه زعلك ولا رد فعلك كأنك ولا حاجه ...طبعا لان اهم حاجه فى حياته بنته ال بيحبها وبيعقشها ال ممكن يبيع الناس كلها عشان خاطرها ... عشان كده انتي لازم تعاقبيه على عملته السوده معايا وتيجي تعيشي معايا هنا مع امك ال بتحبك وبتخاف عليكي وبتهتم بمصلحتك ... لازم يعرف انه غلط فى حقك يوم ما طلقني وانك تعبانه من موضوع الطلاق ده ومش مرتاحه نظرت لوالدتها وبدون ان تشعر قالت :ماما ...اجي اعيش فين انتي ناسيه اني متجوزه وليا بيت قالت بغضب :متجوزه ...انتي فاكره اني دى جوازه تليق بيكي ...حبيبتي فوقي ابوكي قلل منك وجوزك واحد مطلق عنده طفله وكبير قلل منك عشان خاطر صاحبه لكن خلاص لحد هنا ومش هاسيبك تعيشي مع البني ادم ده وهاطلقك منه اتسعت عيني زينه وهتفت قائله :اتطلق من عاصم ... نجوي بتاكيد وهى تبتسم :واجوزك ال احسن واحلي واغني نظرت لامها وهى غير مصدقه والدتها تريدها ان تنفصل عن عاصم ...عاصم حلم حياتها وفارس احلامها وعشقها الاول والاخير ...عاصم الذي يعشقها ويخاف عليها هو الامان هو كل شيء في حياتها ......"بالسهولة دي " اشتعلت زينة غضباً وقالت بحده :لا طبعا انتي بتقولي ايه اتطلق من جوزي ليه ده انا اموت لو بعدت عن عاصم عايزه تقتليني عشان بس هو ابن صاحب بابا لأ والف لا واردفت وهى تحاول ان تخفي غضبها :انتي بتحاولى تنتقمي من بابا بيا مش مهم انا ووجعي المهم انك توجعي بابا نجوي وهى تقبض على ذراع ابنتها :لا هتطلقي عشان ابوكي يعرف غلطته هتفت زينه بمراره :اى غلطه بابا عملها انا مش شايفه انه غلط انا على العكس شايفه ان كده افضل لينا كلنا تغيرت ملامحها فى ثواني للغضب ورفعت يدها وصفعتها بقوه وهى تهتف بجنون :انتي غبيه... مش بتحسي... فى واحده عاقله ماتزعلش على طلاق ابوها وامها انتي ايه ...مش زعلانه اني اتطلقت فى السن ده منظري قدام صحباتي وقرايبي ....ابوكي خلى ال يسوى وال مايسواش يتكلم عليا انا بطلت اروح النادي عشان ما حدش يسالني اطلقت ليه وضعت زينة يدها على خدها وهى تهتف بحرقه :لا مش غبيه وبأحس اوعي تفتكري اني مش واخده بالي من ال كان بيحصل فى البيت والخناقات والزعيق وضغطك علينا كلنا وتهديدك انك تسيبي البيت وتاخديني ...غير الفترات ال كنتي بتسيبي البيت وتغضبي بسبب او بدون سبب فى اوقات كنت محتاجاكي فيها ...كم مره قعدت ابكي واتعلق فى رجلك انك ماتسبيش البيت ...وماكنش بيهمك ولا كنتي بتسمعي عياطي ماكنتيش بتسمعي غير نفسك ... واردفت بمراره : انتي عمرك مافهمتيني وعمرك ماعرفتي انا عايزه ايه او محتاجه ايه ...حتي فى فتره المراهقه لما بلغت جيت لك اقولك وانا مرعوبه على ال حصل معايا ...فاكره ردك عليا ...: ايه القرف ده انا مش فاضيه للكلام التافه ده ورحت لليلي وهي ال هدتني وقعدت تتكلم معايا بهدوء وتفهمني انتي فين فى حياتي انا مش فاكره اني اتعلمت منك حاجه كل ال اتعلمته من ليلى وبابا وبس واردفت بغصه : ودلوقتي تضربيني وتتهميني اني مش بأحس عشان منظرك قدام صحباتك وقرايبك نجوى وهى تقترب من ابنتها وتشير باصبعها فى وجهها :انتي مش زينه ...مش بنتي اكيد هي العقربه لعبت بدماغك ...ده مش كلامك ده كلامها ...طبعا خليتك جنبها وقعدت تكرهك فيا وتقول لك اني السبب فى الطلاق من عاصم واني انا سبب المشاكل واردفت بحقد :الله ياخدها ويخلصنا منها يا ريت كانت ماتت يوم الحادثه وخلصنا منها هتفت زينه بذعر وخوف على اختها :ماتدعيش... ماتدعيش على اختي حرام عليكي سبيها فى حالها هى عمرها ما اذيتك ليه بتعملي كده ...طلعيها من دماغك هتفت نجوى بحده : لا مش هاطلعها لحد ما اخلص عليها وان شاء الله قريب اوي اتسعت عيني زينه وشعرت بخوف احتل قلبها وهى ترى نظره التوعد والكره من عين والدتها وقالت وهى تضغط على اسنانها :مش هاسمح لك تقربي منها ولا تلمسيها ... لانك هتلاقيني واقفه قدامك وبامنعك نجوي باستنكار وغيره :تقفي معاها ضد امك ...انا امك ياغبيه فوقي ... زينه وهى تهتف بوجع وقد غرق وجهها بالدموع:ايوه اقف معاها وانا بشوفك بتظلميها حرام عليكي كفايه طلعيها من دماغك هى وبابا لان بابا مش ممكن يرجع لك خلاص الحياه بينكم انتهت صرخت :غبيه وامسكتها من ذراعها بقسوه :طول عمري بقول عليكي غبيه مالكيش شخصيه تابع لاختك ...عمري ما شفتك بتختاري وتقرري حاجه صح ... حتى يوم ما اتجوزتي اخترتي غلط ...وجايه حاليا تقفي مع ابوكي واختك ... نجوي بجنون :انا مش عايزه اشوفك يلا غوري من وشي ابعدت يدها بهدوء عكس الالم الذى بداخلها بسبب كلامها الجارح :هو اني اسمع كلامها ونصايحها ابقى تابع... على كده ده جميل لان كل نصايحها بتفيدني غير انها صحيحه ...وجوازي من عاصم ده احسن اختيار عملته فى حياتي عارفه ليه ...لانه بيحبني وبيخاف عليا ...وانا لو لفيت الدنيا مش هالقي زي عاصم فى حنيته وحبه ليا و حاضر انا ماشيه ومش جايه تاني ابتعدت بخطى سريعه وهي تحاول الا تضعف واثناء خروجها اصطدمت بشخص رفعت راسها فوجدت خالتها امامها كان يظهر الشحوب والحزن على وجهها تشعر ان خالتها قد كبرت من الحزن قبل ان تفتح فمها قالت ناديه :اوعي تسمعي كلامها وتخربي بيتك امك جواها نار وعايز تولع فى كل ال حواليها اوعي تخسري جوزك واهلك اسمعي كلامي نظرت لها زينه ولم تستطيع ان تتحدث و خرجت من البيت وهى لا ترى امامها من تساقط دموعها وهى تتجه لسيارة والدها المنتظره .................... | ||||
|
| |
|
03-04-17, 01:37 AM
| #1475 | ||||
| نجم روايتي وكاتبة في قسم قصص من وحي الأعضاء
| .................... نظرت لاختها وقالت وهى تعقد يديها حول صدرها :ايه ال جابك مش انا شيطانه هزت راسها وهى تنظر لها بكره :لا انتي تفوقتي على الشياطين على الاقل الشيطان لما نقول اعوذبالله من الشيطان الرجيم بيتحرق ويختفي لكن انتي ايه نوعك ...وايه الكره والحقد ده وقالت وهى تشير على نفسها بحيره والم وهى غير مصدقه ماتفعله اختها بها :انا عايزه اعرف انا عملت لك ايه عشان تستغلي تعب ومرض ابني فى اغراضك وانتقامك من جوزك وبنته مره تحرضيه يضرب عريس ليلى والمره دى جايه تقولي له يحاول يقتل مرات عماد صرخت فى وجهها بغضب :لييييه ...حرام عليكي ده ابني الوحيد ماعنديش غيره ليه بتعملي كده اشاحت نجوي بيدها بحده:هو ابنك يعمل الحاجه وتتهميني ناديه وهى تقبض على ذراعها بقسوه : لا مش باتهمك انا متاكده وهو ال قال لي انك انتي صاحبة فكره حادث مرات عماد ازاحتها وقالت بسخريه:ابنك المجنون ده هو كل ما يعمل عمله تيجي تلبسيها فيا روحي وديه مصحه يتعالج وخلينا نخلص من جنانه رفعت يدها وصفعتها بقسوه وقالت بمراره :مجنون ومين جننه مش انتي والافكار ال كنتي بتحطيها فى دماغه منك لله يا شيطانه لكن انا مش هاسكت ومش هاخليكي لو ابني اتعاقب انتي كمان معاه انا هاقول لعماد انك انتي ال بتحرضي ابني ومش هاسيبك زي ماوجعتي قلبي فى ابني وشوفي بقى منظرك قدام عاصم وبنتك لما تتسجني ضحكت نجوي بسخريه وهي تفرك مكان الصفعه ببرود:روحي واتكلمي وقولي لبكره الصبح هنشوف مين يصدق ام المجنون ناديه بتوعد هتشوفي ام المجنون هاتعمل فيكي ايه وتركتها وانصرفت وهى تسمع صوت ضحكات نجوى .................. | ||||
|
| |
|
03-04-17, 01:44 AM
| #1477 | ||||
| نجم روايتي وكاتبة في قسم قصص من وحي الأعضاء
| وضع امامها كوب الليمون وقال بحنان وهو يجلس امامها :اشربي لمون عشان تهدى تنهد بضيق من شكل زينه المنهار فى البكاء وهو يلوم نفسه انه سمح لها بالذهاب الى تلك المجنونه ...مالذى قالته لها او فعلته لزينه لتنهار بهذا الشكل شهقت من البكاء وقالت بصوت باكي :مش عايزه اشرب حاجه يا بابا واردفت وهى تنظر له بعينين مليئه بالدموع وانفها المحمر وهى تحاول ان تتماسك :بابا هو انا شخصيتي ضعيفه ومش باعرف اختار ...هو صحيح اني تابع لليلى ... ومش بعرف اعمل حاجه غير بمشورتها هو ...هو واختنقت العبرات واشجهت بالبكاء وهى تقول :علي طول شايفاني ناقصه ...وطول الوقت بتنتقدني فى كل حاجه اعملها ...مش عاجباها اي حاجه بعملها تنهد بضيق وانحني للامام وقال بهدوء :زينه مين اقترح انك تدخلي الجامعه الامريكيه وتدرسي فيها اجابت وهى تمسح دموعها :انا ال كنت حابه ادرس فيها وطلبت من حضرتك وحضرتك وافقت واردف بنفس الهدوء :ومين شجع ليلى انها تدخل مسابقه التصوير واقنعها رغم انها كانت رافضه اجابت وهى تنظر له :انا سالها وهو ينظر لمكتبه :ومين بيجي كل صيف يشتغل معايا في المكتب والاسبوع ال فات لما تعبت مش طلبت منك تيجي تقعدي فى المكتب تساعديني هزت راسها بالموافقه قال بعقلانيه وهو ينظر لها بحنان :حبيبتي انا لو شايفك ضعيفه او ماعندكيش ثقه فى نفسك ماكنتش قلت لك ان انتي ال هاتديري مكتبي وتكوني شريكه معايا ولا كنت طلبت مساعدتك... لو انتي ضعيفه ماكنتيش صبرتي على عاصم وغيرتيه وخلتيه باسلوبك وعقلك الكبير انه يحبك رغم ان شخصيه عاصم صعبه لكن قدرتي على تغييره لو كنتي ضعيفه ماكانتش ليلى قالت لك على الكوابيس وطلبتك جنبها لولا انها شايفاكي قويه وهاتسنديها ماكانتش قالت حاجه انحني بجذعه للامام واحتضن كفها وقال :زينه انتي شخصيتك قويه وجميله... ماتخليش حد ياثر فى شخصيتك ولا يهزها مهما كان الشخص ده يا بنتي ... كلنا بنحتاج نتشاور فى امورنا ونسمع اراء الناس الفاهمه ال عندها خبره وهاتفيدنا فى حياتنا... الرسول عليه الصلاه والسلام افضل الخلق كان بيشاور اصحابه ويسمعهم ... همست :عليه الصلاه والسلام اردف وهو يمسك كوب الليمون ويقربه منها وقال :اشربي يلا ابتسم وهو يراها تاخذ الكوب وترتشف منه وتحتضنه بين راحتيها قالت وهى تنظر لكوب الليمون بهدوء :ليلى قالت لي ان حضرتك طلبت ايد طنط فريدة سالها بترقب :وانتي رايك ايه؟؟؟ رفعت عينيها تنظر اليه وقال بصراحه :فى الاول زعلت ...لكن لما قعدت مع نفسي وفكرت ... وبعدها زرت ماما قلت ليه لأ...... جيه الوقت ال تعيش حياتك وتكون سعيد ...انا كتير كنت باتمنى انكم تنفصلوا لاني تعبت من جو المشاكل والزعيق وكنت بزعل عليك انك مستحمل كل ده علشانا اردفت بثقه :عيش حياتك وانا متاكده انك هتكون سعيد لان طنط فريدة هتحبك اوي عقد حاجبيه بتعجب وهو يسمعها :نفس كلام ليلى اتسعت عينيها وقالت بدهشه :هي ليلى كان ردها كده ...غريبه ما قالتش ليا هى قالت لك ايه ابتسم وقال:قالت لي عيش حياتك وانا متاكده انك هتكون سعيد اردف بسعاده :انتي وليلى تفكيركم زي بعض حتي شخصياتكم قريبه ... لكن انتي شخصيتك اقوى هشان كده يا زينه عايز اطلب منك حاجه واوعديني تنفذيها هزت راسها بثقه وقالت : قول يا بابا واعدك من قبل ما اعرف انفذ كلامك تنهد وقال :خلي بالك من اختك مهما حصل اوعي تخلي حد يتدخل بينكم ....اختك ما لهاش غيرك ولا بتثق فى حد زيك حتى لما تتجوز يا زينه اوعي تتخلي عنها وانا هاعمل المستحيل اني اخليكم جنب بعض زينه بثقه وتاكيد وهى تمسك يد والدها :ماتوصنيش لاني انا عاهدت نفسي من يوم الحادث اني مش ممكن اتخلى عنها ومش هاسم لاي حد انه يفرقنا واردفت بلهفه:بابا ازاي هتخلينا جنب بعض ابتسم وقال :اقول لك لكن اوعي تقولي لاحد هزت راسها بتاكيد وبدأ يتحدث وهى تستمع باهتمام .................... | ||||
|
| |
|
03-04-17, 01:55 AM
| #1478 | ||||
| نجم روايتي وكاتبة في قسم قصص من وحي الأعضاء
| فى صباح اليوم التالي هتفت الجده بقلق :حادثه ياعماد والله كان قلبي حاسس ان فى حاجه وهى طمني بخير والحمل قال وهو ينظر لليلى الشاحبه وهى تضم كفيها بقوه الحمدلله هى بخير والحمل بخير لكن الدكتور طلب تقعد كام يوم لحد ماصحتها تستقر سالته بصوت مرتعش :الحادثة دي كانت جنب البيت ولا عند الكليه عرف ماتفكر فيه وقال عند الجامعه الجده بقلق :هى فاقت وبتتكلم .....عماد لازم تكلم مامتها عشان تيجي تطمن عليها اجابها وهو يرتشف قهوته :مامتها جات لها امبارح والنهارده جات بدرى وهي قاعده معاها ...انا جيت اطمنكم واخد دش وارجع لها قامت الجده وهى تقول :انا هاجهز واجي معاك ونظرت لليلى تعالي ياليلى نجهز هزت راسها وقالت وهى شارده :احصلك ياماما تحركت جدتها وتركتهم نظر لليلى الصامته وقال متسائلا :زينه فين اجابت بشرود:راحت تزور مامتها سالها باهتمام :مين وصلها ؟؟؟ اندهشت من سؤاله :بابا ...وهى مع بابا فى المكتب تنهد وجلس صامت يمرر اصابعه على طرف الفنجان وسالها بهدوء:علي جاي النهارده ومش عايزك تتهربي منه زي كل مره كفايه ياليلى علي تعبان ومضايق وشاي فان تصرفاتك دي كانها بتقول انا مش واثقه فيك هتفت باعتراض :لا مش صحيح انا بثق في علي وبحبه اوي ...لكن ياعماد انا ...مش عايزه انه يضر بسببي عماد بهدوء:ليلى الواحد لما بيتعب بيطلب الناس ال بحبها تكون جمبه حتي لما يكون خايف ...علي اكتر واحد ممكن يحسسك بالامان ويقف جمبك ويدافع عنك ... لانه جوزك وبيحبك اوي اقعدي النهارده واتكلمي معاه وقولي كل ال فى قلبك عشان ترتاحي قالت بهدوء:حاضر صمتت وقالت بتردد :عماد هى الحادثه ال حصلت ....... قاطعها وهو يحاول ان يكون هادئاً :لا مش هو انا عارف بتفكري فى ايه لكن مش هو ...وماتقلقيش قالت وهى تقبض على راحتيها :عماد ليا يومين بحلم بماما وكل ما اكون معاها يظهر كلب عايز يأذيني.... اول مره عضني وبعدها بدأ يعض فى الناس ال معايا لحد ما طلعت لي عصايا وقالت لي واجهي خوفك واخلصي منه كان يستمع اليها باهتمام وقال يحثها على الحديث :وبعدين اجابته :قعدت اضربه وفي اثناء الضرب حاول يعضني لكن كنت اسرع منه وغرست العصايا فى رجله ومعرفش يتحرك قالت بثقه وتاكيد:عماد انا عايزه اواجه الكلب لكن فى ارضى مش ارضه ...هاتهولي هنا فى البيت .......... انتظروني البارت القادم | ||||
|
| |
 |
| أدوات الموضوع | |
| انواع عرض الموضوع | |
|
|
178Likes
العرض العادي
