آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-10-16, 02:10 PM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الحلقة الثامنة عشر حبة ولقيت بابا جه وركب العربية وبيسوق احم احم هو الدكتور كان بيقولك ايه يا بابا؟ بصلى بصة مش لطيفة وسكت يالهوى هو الموضوع طلع عدوى ولا ايه؟ يا ترى قاله ايه رخامة المنيل على عينه قضينا الطريق برده في صمت مطبق وكل ما احاول اتكلم ولا افتح بؤى الاقي نفس البصة مابدهاش بقي انا احط الجذمة في بؤى واخلينى ساكتة احسن ووصلنا البيت ودخلنا - اتاخرتوا كده ليه ده انا مجهزة العشا من بدرى ومازلنا في صمت تااااام - غيروا وتعالوا الاكل عالسفرة غيرت وروحت لقيت بابا عالسفرة وعمال ياكل قعدت انا كمان - بس عارف يا بابا منة ما شاء الله كانت طالعة زى القمر لا قمر ايه دى تقول للقمر قوم فز وانا اقعد مطرحك بابا ماكلفش نفسه حتى ورفع عينه يبصلى ولا حتى شذرا - مالك يا بابا في ايه؟ - يعنى مش عارفة في ايه؟ - لا والله مش اخدة بالى - ايه اللى خلاكى تسيبي التدريب في المصنع؟ - التدريب؟ عادى بصراحة شغل تعب وكله قرف وكده ومرتب ملاليم قولت على ايه كل ده؟ - ممممممم عظيم عظيم - هو فيه ايه يا بابا؟ - فيه ان سعادتك خنتى ثقتى فيكى - انا؟؟ ليه عملت ايه؟ - رجعتى يوم الاضراب مع الدكتور بتاعك والله اعلم حصل ايه فقررتى ماتروحيش المصنع تانى وكل ده من غير ماتفكرى تقولى للناس اللى في البيت اللى المفروض انهم ابوكى وامك عاللى حصل لا وكمان اسالك بتكذبي - لقيت ماما اتدخلت وبتقول لا ماتقولش كده ياخويا البت يومها جت وحكتلى وعادى يعنى ده الدكتور بتاعها وماحصلش حاجة ظروف وعدت وانا اللى شجعتها تسيب المصنع لما قالت شغل تعب وكمان بره البلد وانا بخاف عليها - لا والله؟ وانتى عارفة وانا اللى نايم على ودانى؟؟ طرطور انا بقي في البيت ماليش لازمة وبصلى وقاللى امال لو ماكنتش مصاحبك ومعودك تحكيلي وطول عمرى بحاول افهمك واقرب منك الظاهر ان ده اخرة دلعى ليكى لما يجى الغريب يسالنى بنتك سابت المصنع ليه ويقوللى انه وصلك وانا اخر من يعلم وجاى يعتذرلى خلاص بقي اعتبرتونى مت وبتتصرفوا من نفسكم - بعد الشر يا بابا ماتقولش كده بالله عليك - بلا بابا بلا بتاع بقي ماخلاص ومن هنا ورايح لسانك مايخاطبش لسانى ومشي راح الاوضة ورزع الباب وانا قعدت اعيط - معلش يا حبيبتي هو بس متضايق شوية وبكرة يروق ويصفى - اهئ اهئئئئئ يعنى انا غلطت في ايه انا بس عادى يعنى ماحسيتش الموضوع فيه حاجة علشان احكى يعنى وبعدين انتى لما سالتنيى انا قولتلك على طول هو انا عمرى بخبي عنكم حاجة يا ماما؟ - لا يا حبيبة ماما اهدى بس وهو بابا متعصب وشوية ويهدى ماحصلش حاجة - لا يا ماما انتى ماشوفتيش كان بيكلمنى ازاى ؟ بابا عمره ماكلمنى كده - وهو شاف الدكتور ده فين بس؟ - كان في الفرح ماهو صاحب مصطفي ومعرفش ايه اللى خلاه يتكلم معاه اصلا هو كده مش طايقنى وعايز يعملى مشاكل وخلاص - بس يابنتى ان بعض الظن اثم الراجل كان بيسال عليكى وبيعتذر لابوكى يعنى عداه العيب بصراحة - انتى كمان بتدافعى عنه؟ - لا يا حبيبتى انا بس بقول الحق ماتظنيش وحش في الراجل - اهئ اهئئئ خلاص اتخرست اهووووو ولا هظن حلو ولا وحش انا مش عارفة هو اللى بنتك ولا انا - انتى طبعا يا حبيبة قلبي اهدى بس ماتعيطيش - انا رايحة انام ماشي يا حبيبتى تصبحى على الف خير ودخلت اوضتى كملت عياط لحد ما راحت عليا نومة وصحيت على صوت تليفونى - سلام عليكم - وعليكم السلام انتى لسه نايمة؟ - اه - ههههههههههه طب اصحى ياختى اصححى دانا اللى عروسة وصاحية من بدرى وقولت بقي هتتصلى تسالينى عملت ايه وقعدت استناكى تتصلى مافيش قولت اتصل انا بقي مابدهاش - معلش يا منة حصلتلى شوية مشاكل بس - مشاكل ايه؟خير - الزفت رخامة الله يسامحه قابل بابا في الفرح امبارح وحكاله علي يوم الاضراب وبابا زعل منى واتشاكل معايا امبارح حتة شكلة ومخاصمنى - ياباى ليه كل ده هو كان حصل ايه يعنى؟ - معرفش الله اعلم رخامة سخنه عليا قاله ايه تلاقيه قاله بنتك مش محترمة وكانت رايحة تركب مع رجالة ماتعرفهومش وماشية على حل شعرها - لا يا علياء اهدى كده انتى بتخرفي تقولى ايه د\محمد لا يمكن يكون قال كده ابدا - حتى انتى بتدافعى عنه؟ هو عاملكم عمل ولا ايه؟ - لا يا حبيبتي بس الراجل ماشوفناش منه غير كل خير ولو تعرفي كمان الموقف اللى عمله يوم هشام تعرفي اد ايه هو راجل محترم وذوق - عمل ايه خير اشجينى يا حضرة المحامى - يابنتى مصطفي حكالى امبارح انه لما راح لهشام الحيوان قاله انك كنتى خطيبته وبعدين سابك واتجوز بنت عمته لما عرف ان اخلاقك مش ولابد وانتى عمالة تطارديه وهو سقطك علشان يهددك فتبعدى عنه - نعم نعم؟ السافل الحيوان الحقيييييير وانا اللى بقول رخامة اخد عنى فكرة مهببة منين - يابنتى اسمعى للاخر د\محمد بقي قاله عيب اوى اللى انت بتقوله ده وانه حرام وانه اصلا عارفك من زمان وانتى جارتهم وعمره ماشاف منك حاجة وحشة وانه عارف حكايتك اصلا وعارف ان هو اللى طلع ندل وهدده انه هيشتكيه للعميد لو مانجحكيش وهيخلي العميد يطرده - جارنا؟ - اه معرفش ازاى يمكن قال كده بس عشان يسكته - لا هو قال اخته ساكنة في العمارة اللى قصادنا - مممممممم علشان كده بس شوفتى بقي انتى كنتى ظالماه ازاى - علشان كده بقي هشام سافر خاف على نفسه من الفضيحة بس تصدقي ماكنتش متخيلة انه بالحقارة دى - اااااه طلع ازبل خلق الله - وانتى ماقولتليش الحوار ده من بدرى ليه؟ - انا لسه عارفاه امبارح بعد كتب الكتاب جت سيرتك وكده انتى ود\محمد فمصطفي بقي قعد يحكيلي - ممممممممم بس تصدقي كبر في نظرى بس امال هو ليه بيعمل كده وبيغتت عليا ويعاملنى وحش - اعتقد انه علشان بي..... احم - بيايه؟ - ها؟ لا ولا حاجة - قولى يامنة عارفة ايه ومخبية ؟ - يابت انا برده هخبي عليكى؟ - لا ازاااااى انتى؟ اطلااااااااقا - هههههههههه ماشي يا جذمة بس هو قال لصاصا انه الاول كان اخد عنك فكرة انك متدلعة وكده بقي واستغرب لما هشام راح يطلب نتيجتك وفكرك من بتوع نرتبط وكده بس مصطفي بقي فهمه كل حاجة وهو قال انه اصلا اول مابدا يدرسلك وشافك اد ايه مجتهدة عرف انه كان مكون فكرة غلط عنك وكده وهو بيشد عليكى بس علشان شايفك احسن واحدة وعايزك تبقي احسن واحسن كمان - ييييييييه خلتينى احس بالذنب بعد ماكنت هولع فيه - ذنب ليه بس؟ - اصل بصراحة انا بعد كتب كتابك جه يكلمنى وانا ولا عبرته ومشيت وسبته اصلا - عيب كده يا علياء ده مهما كان الدكتور بتاعك دانا لو حد عمل كده مع مصطفي كنت خنقته , المهم بقي مش هتيجى معايا المصنع؟ واهو فرصة تعتذريله - ماظنش بابا يوافق وخصوصا انه مخاصمنى اصلا - زنى انتى بس عليه وخلى مامتك كمان تزن واهو شوية من عندك وشوية من عندها وهو يوافق ان شاء الله - يااااارب ادعيلي يا منة بالله عليكى احسن انا مش عارفة هعمل ايه بصراحةد - يااارب يا لولو يااااااارب هههههههههههه - بتضحكى علي ايه حضرتك - هههههه لا ابدا افتكرت مصطفي وهو بيحكيلي عاللى د\محمد كان بيعمله في دفعتهم - ليه كان بيعمل ايه؟ - هههه كانوا مسميينه عدو الحبيبة كان كل مايشوف ولد ولا بنت قاعدين مع بعض يزعقلهم ويقولهم دى مابقتش جامعة واتفضلوا امشوا من هنا ولا هسحب كارنيهاتكم يالهوووووى كان مشيبهم - غريبة يعنى ما هو كان متبط بزميلته ولا هو حلال ليه وحرام للناس - بس ماتفكرنيش دى قصته تقطع القلب هو ومريم - مريم مين؟ - ماهى مريم دى يابنتى حبيبته ومن ساعة ما ماتت بقي وهو اتغير كده - مممممم هيا تموت وهو يصدرلنا الوش الخشب - يابنتى بقي بس حرام عليكى وهو من النوع اللى يحب الواحد يمشي مستقيم وعلى راى المثل امشي عدل يحتار عدوك فيك - مثل ؟ ما علينا بس برده ده مايديهوش الحق يعمل اللى عمله - وهو عمل ايه يابنتى ؟ - بقولك خلى بابا يقلب عليا - ماهو اكيد مش قصده يمكن مايعرفش ان باباكى مش عارف وكده - بقولك ايه يقصد بقي ولا مايقصدش المهم انه عملى مشكلة وخلاص وكفاية عليكى رغى كده بقي يا عروسة -ههههههههههه عروسة ايه بقي انتى لسه فاكرة؟ عامة الله يبارك فيكى يا حبيبتى وعقبالك يارب - يالا بقي سلااااام سلام وكالعادة بعد ماقفلت قعدت ادور الكلام في دماغى انا غلطانة اه ازاى سيبته ومشيت كده عيب برده ده مهما كان دكتورى انا لازم اروح اعتذرله عاللى عملته يعنى هو كان بيحاول يساعدنى وانا كنت زى المغفلة وعمالة اغلط فيه يا ترى علياء هتروح تعتذرله ويا ترى باباها هيوافق ترجع المصنع ولا لا؟ | ||||
|  |
|
29-10-16, 02:11 PM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة التاسعة عشر قمت خرجت بره الاوضة لقيت بابا وماما قاعدين وبابا بيقرا في الجورنال قلت :صباح الخير ماما: صباح النور يا حبيبتي بابا:___________ ومانزلش عينه من الجورنال ماما: الفطار جوه يا لولو انا:معلش يا ماما ماليش نفس ماما:لا يا لولو الفطار اهم وجبة في اليوم انا: مش جعانة يا ماما شوية كده لما اجوع هاكل ماما:ماشي يا بنتى ولقيت بابا قام دخل جوه وحبة طلع بالجلبية وبص لماما وبيقولها انا نازل اصلى الجمعة عايزة حاجة من تحت؟ ماما: لا ياخويا سلامتك انا: انا عايزة قصب يا بابتى خرج ولا عبرنى فدخلت الاوضة وقعدت افكر مع نفسي في دكتور رخامة وحكايته منين بيدافع عنى ومنين بيعاملنى اسوا معاملة ؟؟ ايه الشيزوفرينيا دى؟ انا اسمع ان دكاترة الفيزيا اللى بتبقي لاسعة منهم شوية بس جديدة ان دكاترة الكيميا هما كمان لاسعين بس هشام السافل للدرجة دى يطلع عديم الاخلاق؟ دانا كنت مخدوعة فيه بشكل يالا الحمد لله والله سبحان الله و}َعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ} البقرة 216 دخلت عليا ماما - لا حول ولا قوة الا بالله البنت اللى حيلتى دماغها طقت وبتكلم نفسها - ههههههههههههه عايزة ايه بس يا ماما - ابدا ياختى هعوز منك ايه ابوكى جابلك القصب - يا حبيبي يا بابا والله كنت عارفة انى مش ههون عليه - طبعا يا عبيطة دا مهما كان ابوكى وانتى بنته الوحيدة - بس هو لحق يخلص صلاة؟ - ههههههههههه اللى اخد عقلك ياختى ماهو نازل من زمان, المهم قومى كده اتملحسيله شوية يمكن يصالحك واهو شكله هدى عن امبارح - ماشي ادعيلي يصالحنى بقي يا ماما - ان شاء الله يا حبيبتى ابوكى اصلا طيب - يارب يا ماما يارب هو فين؟ - في الاوضة روحيله رحت لبابا الاوضة وخبطت عالباب - احم احم ممكن ادخل؟ - __________ - بابا لو سمحت عايزة اتكلم معاك شوية ومن فضلك اسمعنى ومادتلوش فرصة يتكلم ولا يرفض حكيتله بقي كل حاجة من طقطق لسلام عليكم وطبعا كل ده وانا منهارة وعياط عيااااط فبابا حبيبي ماهانش عليه عياطى فصالحنى بقي يس يس يسسسسسسس حبيبي يا بابتى - خلاص بقي بطلى عياط بس من هنا ورايح عايزك تيجى تقوليلي كل حاجة بتحصل بالحرف - حااااضر يخليك ليا يارب يا ابوو احن قلب - هههههههههه شوفوا البكاشة - لا والله يا بابا دانا كنت هموت علشان انت زعلان منى - بعد الشر يا حبيبة بابا. يا عبيطة انا اصلا ماقدرش ازعل منك - يا سلام؟ امال امبارح وزعيق وخاصمتنى كمان - هههههههه لا انا بس خدت على خاطرى شوية , يرضيكى يعنى اعرف عنك حاجة من الغريب ؟ - لا طبعا انا اسفة ومش هتتكرر تانى ابدا ابدا ابدااااااا - ههههههههههههه ماشي - طيب بابا كنت عايزة اطلب منك طلب - ها؟؟ خير؟ - عايزة ارجع المصنع - لاااا انسي, مصنع تانى لا - يا بابا علشان خاطرى - انا قولت كلمة واحدة لا يعنى لا, انا اساسا كنت ببقي خايف عليكى يحصل اضراب ولا يحصل مصيبة وانتى بره البلد - يا بابا هيبقي قضاء وقدر - بصي يا بنت محمد الموضوع ده اقفلى عليه نهائى وماتفتحيهوش تانى - حاضر حاااااضر انا قايمة - رايحة فين؟ - اساعد ماما في الغدا - استنى هنا اشكريلي الدكتور اللى وصلك وتعتذريله عاللى انتى عملتيه انا علياء بنتى متربية كويس وعارفة الاصول صح ولا؟ وده مهما كان دكتورك - حاضر ان شاء الله اما ابقي اشوفه على اول الترم بقي مانت مش راضي تسيبنى اروح المصنع - مانت؟ اسمها مانت؟ - اقصد حضرتك - طب روحى يالا ساعدى مامتك خلصت الاجازة البيتوتية الحقيرة يمكن الحاجة الوحيدة اللى كانت بتصبرنى مكالمات منة اللى كانت بتحكيلي فيها عاملة ايه في المصنع ومع مصطفي واحيانا رخامة واخيييييرا بكرة اول يوم دراسة في الترم الجديد كلمت منة بالليل - ايوة بقي يا مونى ياااااه اول مرة الكلية توحشنى كده - هههههههههه ماتشوفيش وحش ياختى انا ماوحشتنيش ده احنا هنرجع للهم والمذاكرة والمحاضرات والقرف - صدقينى لو ايه اهى احسن من قعدة البيت يابنتى - ههههههههههه اه فعلا بس انا مالحقتش اقعد ولا ارتاح - ههههههههههه وانا عملت ايه بالراحة بلا هم , المهم هتعدى عليا ولا اعدى عليكى؟ - لا مصطفي الاول هيعدى عليا بالعربية وبعدين نعدى عليكى - ههههههههههه تصدقي دانا كنت ناسية مصطفي خالص - هههههههههههههه لا ياختى افتكرى دانتى ماتتخيليش هو فرحان اد ايه انه هيوصلنى بيقوللى هيعوض كل اللى فاته بقي بعد ما بقيت مراته وكده - اللى فاته؟؟هاااار اسود هو ناوى علي ايه بالظبط؟لا مش معقول - ههههههههههههههه يابت لمى نفسك - هههههههههههه ليه شايفانى متبعترة - انتى مافيش منك رجاء - رجاء الجداوى - اه اه قلبيييي الهاتف الذى طلبته قد مامت مشلولاحزينة - هههههههههه خلاص خلاص, بقولك ايه يا منة؟ - ياعيون منةابتسامة - ركزى يابنتى مش وقت تسبيل , بكرة ان شاء الله عايزة اروح اعتذر لدكتور محمد وابقي تعالى معايا بقي وكده - محمد مين؟ - بتتتت انتى هتستعبطى ؟ محمد رخامة - ههههههههههه طب اهدى بس عليا اعملك ايه انتى اللى مقضياها رخامة رخامة لما نستنينى اسم الراجل - ههههههههههه لا ماهو شكله ماطلعش رخامة ولا حاجة - اهاااااااا قولتيلي , طويب - ماشي يالا بقي تصبحى على خير - وانتى من اهل الخير تانى يوم منة عدت عليا هيا ومصطفي وبصراحة كنت محروجة اوى في العربية كنت حاسة انى عزول زمان مصطفي ياعينى نفسه يخنقنى ويستفرد بمراته انا اخلى عندى دم بعد كده واجى لوحدى روحنا الكلية ومصطفي قالنا نقعد في الكافيتيريا عما يجيبلنا الجدول افتكرت اول سنة ليا في الكلية يالا ما علينا طلع د\محمد مش هيدينا الترم ده مش عارفة افرح ولا ازعل بصراحة فقت على صوت منة - يالا يابنتى ورانا محاضرة - ايه ده هو احنا هنبتدى بجد كده من اول اسبوع؟ - اه ياختى الدكتور منتدب وشكله بادئها جد يالا احسن نتاخر ويطردنا - امال مصطفي راح فين؟ - لااااااا دانتى حالتك صعبة اللى اخد عقلك ياختى مصطفي راح يسلم على اصحابه - يالهوى انا باينى نمت فعلا ماحستش خالص - طب يالا - حاااااضر ورحنا واول محاضرة كانت فيزيا وما ادراكم ما الفيزيا حاجة كده استغفر الله العظيم الدكتور قعد يشرح في حاجات كده تحسوها لوغاريتمات مع الاعتذار للوغاريتمات طبعا وشكله كانت ضايعة منه خالص يكتب المسالة والقانون وعما يلفلنا يكون نسي هو بيعمل ايه اصلا ويدخل على حاجة تانية طبعا مستنيين ايه من دكتور جابوه بعد ما طلع عالمعاش علشان يشرحلنا الراجل يكون في عونه بصراحة والله صعب عليا تقريبا كل الدفعة نامت وهو بيشرح وانا اشك ان هو ذات نفسه نام وهو بيشرح وبعدين صحينا فاجاة مالقيناهوش من الواضح انه خلص ومن الاكيد انه مشي - منة - _____ - منة - ____ - يا منننننننننةباصرخ - ايه في ايه؟ - في ايه في ايه ياختى المحاضرة خلصت قومى يالا - خلصت بجد؟ - ااه يالا - يااااااااه دى كانت اطول ساعتين في التاريخ - اه يالا بقي المهم - يالا على فين؟ - يا منة انتى نسيتى مش قولتلك امبارح - قولتيلي ايه؟ - يخربيت الزهايمر , عايزة اعتذر لدكتور محمد - اهااااااا ماشي يالا وروحنا المكتب مالقيناش حد والمكتب مفتوح - منة: اقعدى طيب يمكن راح يجيب حاجة وجاى - ماشي - يييييه صاصا بيرن - طيب ردى وخلصت المكالمة وقالتلى عايزنى اروحله ثوانى وجاية طبعا انا مؤدبة واول مابدات تكلمه سديت ودانى مش علشان منة صوتها واطى ولا حاجة اطلاااااااقا - منة ماتتاخريش بالله عليكى احسن يجى في اى وقت - لا ماتخافيش مش هتاخر ثوانى ومشت منة وحبة ولقيت حد دخل عليا بلف ابص ورايا - هشام؟ - علياء؟ وسكتت شهرزاد عن الكلام مش ح اتكلم واكملكم بقي الحلقة الجاية ان شاء الله | ||||
|
| |
|
29-10-16, 02:12 PM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة العشرون فضلنا متسمرين فترة كأن الزمن وقف وبعد حبة الله اعلم اد ايه لقيت هشام بيقرب منى _ وحشتينى ومسك ايدى وفي نفس ذات اللحظة دخل علينا ايون هو بعينه بغباوته بمواعيده الغير مناسبة على الاطلاق تاتاتااااااااا - ايه ده دكتور هشام؟ حمد الله عالسلامة مش تقول انك جاى كنا نعمل حسابنا ونقابلك في المطار لقيت هشام ساب ايدى - شكرا يا دكتور مالوش لزوم ادينى جيت بنفسي اهو - طب اتفضل اقعد واقف ليه؟ وقعد هشام - ها خير؟ رجعت من انجلترا ليه؟ ولقيت هشام بيبصلى طبعا انا كان وشي في الارض بس كنت شايفة خيال راسه وهيا بتبص ناحيتى - اصل عمتى اتوفت وكان لازم انزل اتمم اجراءات الدفن والعزا - مممممممم البقاء لله - البقاء والدوام لله - ما تخليك معايا هنا يا دكتور , وحسيت بهشام بيدور راسه يبصله , قام د \رخامة كمل كلام - مافيش اى مساعدة اقدر اعملها؟ - لا يادكتور الله يخليك انا بس كنت عايز اديك الظرف ده , اتفضل - ايه؟ ظرف ايه ده؟ - مش عارف المشرف بتاعى قال انه ورق انت كنت نسيته هناك - ممممم ماشي تمام متشكرين يا سيدى - العفو وحسيت تانى بهشام بيبصلى وسمعت صوت رخامة - طيب اى خدمة تانية يا دكتور؟ - اه صح المشرف بيقولك فكر تانى في انك ترجع هما محتاجينلك وباى مبلغ تحبه - ماشي سلملى عليه كتير وقوله انى لسه عند رايي - الله يسلمك ورجع يبصلى تانى وسمعت صوت رخامة تانى - تؤمر بحاجة تانية يا دكتور؟ - لا ربنا يخليك - طب انا هستاذنك بس علشان مشغول شوية اعذرنى - اه ,لا طبعا تمام مع السلامة - مع الف سلامة وقام هشام من الكرسي وماشي لقيته وقف عندى وقاللى - علياء تعالى معايا عايزك وهنا بقي استوووووووب انا مازلت متسمرة زى مانا حد يفكنى يا جودعان طب حد يدينى الم يفوقنى ولا يطس وشي بشوية مية خلونى اتحرك انا اكتشفت انى لما بتفاجئ بحس بشلل كاننا بنعلم لعبة التماثيل لا بتكلم ولا بتحرك الطبيعى انى امشي واسيبهم مثلا ولا ارد ولا اعمل اى حاجة يخربيت المفاجات اللى بتشل الواحد عن الحركة او التفكير سمعت صوت رخامة - علياء هتفضل هنا يادكتور انا محتاجها في شغل - شغل ايه ده؟ - شغل وخلاص اظن حاجة ماتخصكش - ماتخصنيش ازاى؟ علياء تبقي خطيبتى واى حاجة تبعها تخصنى - هههههههههههه والله ضحكتنى اسمها كانت كاااااانت خطيبتك - لا ماكنتش ولا حاجة انا جاى ارجعها اصلا - هههههههههههه دمك خفيف اوى مش بقولك بتضحكنى ترجعها ازاى بس انت كنت سارقها ولا ايه؟ - ايه ده ايه ده؟ اد كده الامور اتغيرت؟ وبقيت بتقلش كمان يا دكتور سبحان مغير الاحوال - احترم نفسك والزم حدودك معايا كويس - ماتخافش انا عارف حدودى كويس اوى ويالا يا علياء انا جاى معاكى البيت هطلبك من باباكى - هههههههههههه هو بس لو تبطل نكت .انت ماتعرفش ان ماينفعش تخطب على خطبة اخيك ولا ايه - قصدك ايه؟؟ - ههههههههههههه ايه يا دكتور مش مركز ولا ايه؟ قصدى ان علياء تبقي خطيبتى - خطيبتك؟ - اييييييوة بالظبط خ ط ي ب ت ى وزى ما قولتلك انا مشغول جدا فبعد اذنك حسيت بهشام بينقل نظره منى ل د\رخامة وبعدين قام ماشي ورازع الباب وراه اتخضيت واتنفضت لقيت د\رخامة قام من على مكتبه وقرب منى رفعت راسي ابصله لقيته طبعا بيبصلى بنظرته التنينية الحارقة تعرفي انى كان ممكن احولك لمجلس تأديبي بس صعلب عليا والدك الغلبان اللى مالوش غيرك وبيثق فيكى وقاعد في البيت على عماه ياعينى , بس يا هانم لما تحبي تتقابلوا ابقوا روحوا مكان بره الحرم الجامعى مش جايين في الجامعة لا واييييييييييه في مكتبي والله هزلت وانا بحذرك لو شوفتك تانى في اى شكل من الاشكال المخلة هيحصل ما لا يحمد عقباه وفاجأة وكأن كلامه فك اللعنة لقيتنى بصرخ وبكل قوتى باصرخ انت ايييييييه انت ايه يا اخى اتقي الله انت لايمكن تكون طبيعى ولا علشان دكتور في الجامعة فكرت نفسك خلاص فوق البشر بلاش بقي عنجهية وغطرسة كدااااااااابة يا دكتور كلنا في الاخر سواسية لا ولابس قناع الاسلام ايه ماسمعتش في دينك انك المفروض تحسن الظن بالناس؟؟ دينك امرك انك تتهم بنات الناس في اخلاقها وشرفها؟ لعلمك بقي انا اللى مش هسكتلك بعد كده انت اساسا بتزعقلى باى صفة ؟ انت مجرد دكتور عندى ليك تشرح وتمتحنى وبس عايز تسقطنى؟ عااادى{ قل لَنْ يُصِيبَنَا إِلا مَا كَتَبَ اللَّهُ لَنَا } عايز تحولنى لمجلس تاديبى؟برده عاادى حولنى انا مابخافش غير من اللى خلقنى انا ماعملتش حاجة غلط علشان اخاف ياا يا دكتور وعلى فكرة انا كنت جاية اعتذرلك انى سبتك ومشيت اخر مرة وضحكت ضحكة سخرية قال اعتذرلك قال عن اذنك يا دكتور وخرجت من المكتب وماشية باقصي سرعة لقيت هشام بيشدنى من ايدى وبيقوللى انتى ازاى تتخطبي لحد غيري؟ انتى بتاعتى انا وبس قمت شديت ايدى من ايده بكل قوتى ولطشته بالقلم طاخ طوخ طاخ طوخ تصدق بالله انا اكتر حاجة ندمانة عليها في حياتى انى عرفتك عايز منى ايه تانى مش كفاية اللى عملته حسبي الله ونعم الوكيل فيك حسبي الله ونعم الوكيل فيكم كلكم وكملت مشي ولقيت منة بتجرى ورايا استنى يا علياء في ايه؟ يا علياء استنى بس ايه اللى حصل؟ وانا مكملة مشي باقصي سرعة واول ماخرجت من الحرم الجامعى ركبت تاكسي وروحت عالبيت ودخلت جرى على اوضتى وماما اتخضتاول ماشافتنى وجرت ورايا اول ماقعدت عالسرير حسيت ان كل قوتى خارت وانهرت بقي في نوبة عيااااااط ماما جرت قعدت تكلمنى وتحاول تهدينى مالك بس يا لولو؟ اعوذ بالله من الشيطان الرجيم مالك يا حبيبتى؟ زعلانة مع منة؟ طب كان عندكوا امتحان انهاردة؟ طب اهدى بس وفهمينى يابنتى قطعتى قلبي حرام عليكى وانا مش قادرة اتكلم ولا انطق ولا اعمل اى حاجة كل اللى قادرة اعمله انى اعيط وبس باعيط وعمالة افتكر من اول يوم دخلت في الكلية لاخر يوم واعيط ماما شدتنى في حضنها وقعدت تهدينى ششششش خلاص ياحبيبتي خير اهدى بس يا لولو وقعدت تقرالى الاذكار وفاجاة مابقتش حاسة باى حاجة حواليا بفتح عينى لقيت ماما قاعدة جمبي وماسكة المصحف بتقرا قران - ماما هو ايه اللى حصل؟ - علياء يا حبيبتي انتى فقتى؟ كده برده يا لولو تخضينا عليكى - ليه؟حصل ايه؟ - انا لقيتك داخلة البيت بتجرى جريت عليكى قعدتى تعيطى تعيطى لحد ما اغمى عليكى مالك بس يا قلب ماما؟ مين اللى مزعلك؟حد عملك حاجة؟ - ماما انا تعبانة اوى وحاسة ان الدنيا بتلف بيا - معلش يا حبيبتي شوية بس والدوا يجيب مفعول وتبقي كويسة ده الدكتور قال ان ضغطك كان واطى اوى وكان ممكن بعد الشر يحصلك حاجة وحشة استنى اما اقوم اجيبلك الاكل ترمى عضمك بيه ويقويكى شوية لا يا ماما الله يخليكى مش قادرة اكل حاجة , خدينى بس في حضنك شوية حاضر يا حبيبتي ,طب اتاخرى بقي اما انام جنبك وانتى اخدة السرير كله كده عارفين احلى حاجة انك تنام في حضن مامتك بحس في حضنها بالامان وان مافيش حاجة في العالم كله ممكن تأذينى - ماما؟ - يا عيون ماما - انا بحبك اوى - وانا كمان يا قلبي ربنا يخليكى ليا يا لولو عارفة مين جه وانتى مغمى عليكى؟ - مين؟ وده بقي اللى هنعرفه الحلقة اللى جاية ان شاء الله | ||||
|
| |
|
29-10-16, 03:26 PM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الواحد والعشرون - عارفة مين اللى جه وانتى مغمى عليكى؟ - مين؟ - خالتك جت وماكنتش عايزة تمشي قبل ماتتطمن عليكى بس روحت علشان تطبخ لجوزها وهتيجى تانى بالليل - ان شاء الله وحشتنى والله هيا والبت هناء هيا ماجتش معاها؟ - لا ماجتش قالت انها في الجمعية - يالهوووى تانى؟هيا البت دى مابتحرمش - ههههههههههه لا يا حبيبتي ى راحت جمعية تانية - بلا تانية بلا تالتة البت دى مش هتيجى الا لما يتقبض عليها - (وعلشان الزهايمر وكده عارفاكم اكيد نسيتم هناء دى بنت خالتى اللى كانت دلتنى على جمعية عباد الرحمن وخدت هشام ورحنا لقينا البوكس اخدهم ) - مش هتقوليلي بقي يا لولو ايه اللى حصل خلاكى منهارة كده؟ - ااااه يا ماما اااااااااه هشام رجع من السفر وبيقول عمته ماتت وعايز يرجعلى وشوية حاجات كده - وانتى لسه عايزاه يا لولو؟ - لا طبعا عايزة مين يا ماما ؟ انا نفسي يبعد عنى ويسيبنى في حالى بقي - طيب برده مافهمتش ايه اللى مزعلك هشام ويغور في داهية انتى مالك بقي؟ - ماهو انا لما روحت اعتذر للدكتور بتاعى زى ما بابا قاللى قوم اييييييه من حظى الفريييييد بجد انه يكون رجع من انجلترا لا وايييييه من حسن حظى برده الا متناهى انه يكون رايح يودى امانة للدكتور بتاعى وطبعا استمرار للحظ الحلو يكون الدكتور مش موجود وانا كنت قاعدة مستنياه في مكتبه ومنة تشاء الاقدار جوزها يكلمها فتروحله وتسيبنى لوحدى وفي الختام يدخل علينا الدكتور في نفس ذات اللحظة اللى هشام الله لا يسامحه بيمسك فيها ايدى فالدكتور يفكرنا متواعدين بقي في مكتبه والكتور ده اصلا رخم رخامة السنين والتنين ومعروف انه عدو الحبيبة فقام مدينى كلمتين في جنابي هو شكله فاكر انى مش محترمة وكمان بعد اللى حصل اتاكد من كده المهم انا بقي ماسكتلوش واديته كلمتين انا كمان وخرجت كملت على سي هشام باشا وجيت يمكن اكتر حاجة ريحتنى الالم اللى اديته لهشام طلعت فيه كل غلى وده ملخص لحظى الراااااااااائع فوق الوصف يعنى يا محاااااسن الصدف - لا حول ولا قوة الا بالله معلش يا بنتى على راي المثل قليل الحظ يلاقي العضم في الكرشة - عضم وكرشة؟؟ ايه يا ماما الامثال دى؟ لا وانا اللى بتريق عالبت منة - بتتريقي على امك يا علياء؟ - لا يا ماما لا عاش ولا كان - طب استنى بقي لما اجيب الاكل - انتى مصممة؟ - اه انتى مش شايفة وشك عامل ازاى؟ ومشيت امال يعنى بيقولوا القرد في عين امه غزال مش باين يعنى ييييييييه حتى انا بقيت اقول امثال الله يسامحك يا منة شكلك طلعتى مرض معدى ماما جت وحرام قعدت تأكلنى بنفسها وبعدين سمعت صوت موبايلي بيرن - خدى يابنتى ردى على منة صاحبتك اتصلت كتير اوى وكل ماتتصل اقولها لسه مافاقتش خدى طمنيها عما اروح اودى الصينية - السلام عليكم - وعليكم السلام علياء انتى كويسة ؟وايه اللى حصل يابنتى ؟ اسيبك 5 دقايق الدنيا تتقلب وايه اللى رجع هشام؟ - براحة عليا وهرد على سؤال سؤال انا الحمد لله كويسة وهقولك ملخص الحوار علشان مش قادرة اتكلم انتى سبتينى من هنا هشام دخل عليا من هنا ومسك ايديا من هنا لقتلك رخامة في وشي وافتكرنا بقي بنتقابل قال يعنى يوم ما احب اقابل هروح اقابل في مكتبه ضاقت بيا الدنيا مالقتش غير مكتبه - يالهووى وبعدين؟ - مافيش هشام قال عايز يرجعلى فرخامة قاله انى خطيبته - خطيبته؟؟ ايوة بقي كان قلبي حاسس - حاسس بايه؟ - ها؟ لا ولا حاجة كملى - المهم هشام مشي من هنا لقتلك رخامة ادانى موشح واننا متواعدين ووو - بتهزرى - ودى حاجة يتهزر فيها برده؟ - ازااااى ؟ مش قال انك خطيبته ييعنى اظن لو فاكر انكم متواعدين ماكنش قال كده لان ساعتها كنتى هتكذبيه - والله ياختى ما اعرف انا بقي ماستحملتش واديته بره الكلمتين اللى فيهم النصيب والله حتى ما فاكرة قولت ايه كانى ماكنتش في وعيي - ياعينى عليكى يا علياء وهشام ده كمان منه لله بس د\محمد ازاى يقول كده؟ انا حاسة انى مابقتش فاهمة حاجة - مش انا بقولك يابنتى مابيطقنيش بس اسكتى يا مونى اديت لهشام حتة كف خماسي الابعاد على وشه الواد اتصدم - هههههههههههههه اتاريه كان واقف مكانه مبلم بس كده انده عليكى تمشي ولا تعبرينى؟ - ههههههههههه ده اللى همك في كل الحوار ؟ اصلا ولا حسيت بيكى ماشية كلام رخامة عمال يتكرر في دماغى انا مش عارفة ليه مش نازلاله من زور ده حتى الوحيد اللى بحاول اتجنبه ولا عمرى غلست عليه زى مابعمل مع باقي الدكاترة - والله انا كنت فاكرة علشان.... بس ازاى ...يعنى لو هو فعلا... - منة يا حبيبتي مالك يا ماما انتى لحقتى تتجنني ؟من ساعة ماتجوزتى وانتى مخك اتلحس امال لما تخلفيلك عيلين هتعملى ايه؟ - هههههههههههههه بقي فيكى اللى فيكى وبرده مافيش فايدة عمالة تغلسي - يابنتى الغلاسة فينا بس ربنا هادينا - لا ماهو واضح , المهم انتى بقيتى كويسة؟ - اه تمام الحمد لله - طب خلى بالك من نفسك وريحى دلوقتى وانا هكلمك على بالليل تانى اتطمن عليكى - ماشي يا مونى الله يخليكى - وعايزة اعرف بقي الحوار بالتفاصييييييل المملة - هههههههههههه قولى كده بقي شوفوا البت انا قولت برده مش معقول هتكلمينى لله في لله قال تتطمنى قال - ههههههههههه الله يا لولو مش لازم اعرف - ماشي ياختى يالا سلام - سلاااااام وقفلت معاها ونممممممت ايوة نمت حد ليه عندى حاجة؟ اول مرة كان مغمن عليا يعنى ماتتحسبش وبعين مش هما برده بيقولوا في الاعادة افاادة - لولوووو - مممممممم - يا لولو اصحى بقي كل ده نوم - مممممممم - يا لولو يالا خالتك جت بره - قوليلها نايمة - عيب يا بنتى قومى ربنا يهديكى ماهى جت الصبح ومشي - حااضر حاضر 5 دقايق بس - لا يالا مافيش ولا دقيقة قومى اغسلى وشك كده وفوقي علشان خالتك عايزاكى في موضوع مهم قمت قعدت عالسرير وسالتها - موضوع ايه؟ - ههههههههه دلوقتى صحيتى؟ اخلصى يالا وانتى تعرفي انا خارجة اقعد معاها اياكى تنامى تانى - حااضر حاضر قمت اهو وغسلت وشي واتسرحت وغيرت هدومى مانا كنت نايمة بيهم بقي وطلعت لخالتو - خالتووووو وحشتينى وحشتينى وحشتيييينى - يا بكاشة مانا لو كنت وحشتك كنتى تيجى تسالى عليا مش كده ولا ايه؟ - والله يا خالتو انتى عارفة كلية علوم بقي وقرفها على طول مشغولة (قال يعنى بذاكر بقي وكده هعهعهع بس هقول ايه يعنى الست عندها حق برده) - ايوة يا ست البنات عارفة ربنا ينجحك يا بنتى يارب - يااااااااااارب ادعيلي على طول بالله عليكى يا خالتو - بدعيلك من غغير ماتقولى يا حبيبة خالتك امك حكتلى على هشام الواطى - اه يا خالتو شوفتى ؟ - ماتزعليش يا لولو انا جايبالك الحل اللى يخلصنا منه - ازاى؟ - جايبالك عريس انما ايه نقاااااوة بلا هشام بلا زفت - عريس ايه بس ياخالتو انا والله بعد هشام خلاص حرممممت وتبت الى الله - حرمتى ايه بس ده عريس لقطة يابنتى ومهندس ااااد الدنيا شافك مرة نازلة من عندى ومن ساعتها هيتجنن عليكى ونازل زن زن فوق دماغى - اااه شافنى؟ وعجبته البضاعة بقي وكده وبعدين اصلا شافنى امتى انا من زمان ماجتلكيش - بضاعة ايه يا بت واهو ياختى شافك اخر مرة كنتى عندى بس انا فاتحت ابوكى قال لسه صغيرة وقدامها بدرى على ماتخلص كلية ومش عايز يعطلك وكفاية موضوع هشام قال يعنى انا مش خالتك وخايفة على مصلحتك - وبابا اشمعنى وافق دلوقتى يعنى؟ لقيتها بتبص لماما فماما ردت وقالتلى - اصل انا حكتله على حوار انهاردة وقولتله فرصة يابنتى واهو نقطع لسان كل اللى يجى يتكلم عنك نص كلمة - نقطع لسانه بانى اتخطب؟ ده اللى هو ازاى مافهمتش ؟ خالتو ردت هيا - اه طبعا لما يعرفوا ان ليكى راجل يتخاف منه مش هينطقوا بنص كلمة - راجل؟ انا ليا راجل الحمد لله ابويا لسه عايش ربنا يخليهولى - يابنتى خالتك قصدها - مامااا لو سمحت اقفلوا عالموضوع ده ومن الاخر انا مش ناوية ولا اتخطب ولا اتجوز مدى الحياة انا هوهب حياتى للعلم - يعنى ايه يعنى؟؟ انتى تقابليه وبعدين تتكلمى - انا مش هقابل حد وبالله عليكم بقي تسيبونى في حالى - بنت ! الظاهر انى دلعتك زيادة عن اللزوم هيا كلمة واحدة هتقابليه يعنى هتقابليه ولسه جاية افتح بؤى وانطق لقيتها لفت لخالتى - قولى للعريس هنقابله يوم الخميس ان شاء الله يا ام هناء - ماشي يا ختى انا هقوم بقي علشان ما اتاخرش وابقي سلميلي على ابو علياء - سلاام وسلميلي على ابو هناء وهناء كتير اوى وابقي خليها تعدى عليا وحشتنى البت المفعوصة - ماشي يالا مع السلامة - مع السلامة وقفلت البيت وانا روحت على اوضتى حبة ولقيت حد بيخبط - ادخل - بنوتى حبيبتي عاملة ايه؟ - تمام الحمد لله شوفت يا بابا خالتو وماما عايزين يعملوا ايه؟ - ايه؟ - جايبنلى عريس وماما ما صدقت كأنها عايزة تخلص منى - عيب يا علياء نقول على ماما كده وبعدين انتى عارفة انى عمرى ما هغصبك على حاجة صح ولا لا؟ - ايوة - طيب يابنتى ماما بس نفسها تتطمن عليكى علشان لو جرالنا حاجة يكون ليكى ضهر وحماية تتسندى عليه من بعدنا - بعد الشريا بابا ماتقولش كده تانى - يابنتى كلنا هنموت واحنا يعنى هنخلل - طيب ويعنى اللى هتخطبله ده تضمنوا منين انه يكون كويس ؟ مايمكن يطلع زى هشام - جرى ايه يا لولو انتى اتعقدتى من تجربة واحدة في حياتك امال الناس اللى بتتخطب مرتين وتلاتة واربعة يعملوا ايه؟ - يا بابا انا بجد زهقت انا اضمن منين انه يكون كويس اذا كان هشام اللى كانت كل الناس بتشكر في اخلاقه طلع كده - احنا مانضمنش يا حبيبتي علشان كده فيه حاجة اسمها صلاة استخارة نصلى وربنا بقي اللي بيسر اللى فيه الخير واظن انتى جربتى ساعة هشام وشوفتى ربنا ظهره ازاى على حقيقته - ونعم بالله - يبقي نسيب الموضوع على الله وقابليه بس شوفي هترتاحى ولا لا وصلى استخارة وربنا يارب يكتبلك اللى فيه الخير يابنتى - يارب يا بابا يارب لقيت تليفونى رن - طيب اسيبك بقي تردى عالتليفون - لا عادى يا بابا دى منة خليك - لا ياحبيبتي انا اصلا خارج اتفرج عالماتش - ماشي يا بابا وخرج وقفل وراه الباب وانا كلمت منة اللى استجوبتنى وماقفلتش معايا غير لما عرفت كل حاجة بالحرف وكمان حكتلها على موضوع العريس ورايها من راي بابا وقعدت غايبة من الكلية الكام يوم دول بس بصراحة هقولكم سرررر اووعوا تفكروا انى قررت اسمع الكلام اصلا مش حابة فكرة ان واحد يشوفنى فقال ايه اعجب بيا وعايز يتقدم صحيح انا امورة واتحب لله في لله ومعجبينى كتير بس انا عايزة حد يعجب بيا قلبا مش قالبا منظر وخلاص ماهو بكرة يشوف اللى احلى منى ويعجب بيها برده انا بقي هعمل خطة شريرة انا اروح اطفشه ازاى؟ لسه ماقررتش بس المهم النية موجودة وجه الخميس وماما طبعا عمالة اوامر اعملى ماسكات واعملى واعملى والبسي ده وده والعريس سعادته هيجى ياخدنا بالعربية يودينا الكافيه ولبست واتشيكت ونازلة انا وماما وركبت الوش الخشب وقررت اوريله انى حلوة منظر بس عالفاضي لما نشوف بقي انا ولا هو ولسه نازلة لقيت رخامة في وشي واضح انه كان عند اخته او طالعلها ولقيته واقف يبص عليا طنشته ولقيت عريس الغفلة بيفتحلنا الباب خالتو ركبت وبعدين ماما وبعدين انا يا ترى ايه اللى هيحصل في المقابلة؟ ده اللى هنعرفه الحلقة اللى جاية ان شاء الله | ||||
|
| |
|
29-10-16, 03:33 PM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الثانية والعشرون وصلنا الكافيه ولقيناه برده فتحلنا الباب اه بقي بيحاول يحسن اموره مايعرفش اللى هيجراله ودخلنا الكافيه وجه الجرسون - تشربوا ايه؟ ماما طلبت شاى هيا وخالتو ومامته ولقيت مامته بتسالنى - تشربي ايه يا عروسة؟ - شكرا يا طنط (قال عروسة قال!عرسة تقر.. ولا حرام الست مالهاش ذنب ) - شكرا ايه بس قولى ماتتسكفيش - لا مش عايزة حاجة شكرا (اصلى بصراحة ناوية اشرب من دم ابنك هعهعهع) - هيا بتحب شويبس بالخوخ (ودى طبعا كانت ماما) - خلاص هاتلنا اتنين شويبس بالخوخ (وده طبعا كان عريس الغفلة ومن هنا نستنتج عيب رقم واحد مالوش شخصية واوعواااااا تقولوا انى كمان ماطلبتش يبقي ماليش شخصية لانى اكيد مكسوفة يعنى حتى لو ناوية اطفشه عادى يعنى بؤحرج برده الله !) - طيب ماتاخدها يا احمد وتروحوا تقعدوا لوحدكم شوية تتكلموا (طبعا دى مامت العريس) - اتفضلى معايا بصيت لماما على اساس تنقذنى اروح فين؟ لوحدنا فين؟ لقيت ماما بتهزر راسها وخالتو بتقول - روحى يا لولو واحنا قاعدين جمبكم اهو عيلتنا ركبت ارايل وبقت تجيب الفضائياااات او لالااااا والله على راي المثل الرجالة ماتت في الحرب طبعا اتدبست وقمت من سكات ( حلووو اوى خلينى استفرد بيه بقي تعالى في حضن ماما يا حبيبييييييي دانت هتشوف ايام سووووودة هاهاها ضحكات شريرة متقطعة) و رحنا على ترابيزة قريبة منهم و برده شدلى الكرسي خلاص بقي بلاش الاوفر اللى هو فيه ده ! محسسنى اننا في فيلم عربي قديم - ازيك يا علياء (الله الله ابتدينا علياء حاف كده؟) - الله يسلمك يا استاذ احمد وتقلت اوى على كلمة استاذ (طبعا عرفت اسمه من امه لما ندهت) - ما بلاش استاذ دى خليها احمد على طول زى مابقولك علياء على طول(مافيش دم خاالص نيلة ايه دى ) - لا معلش الالقاب محفوظة - احم (ايوة ياخويا اتنحنح اتنحنح انت لسه شوفت حاجة) - انتى في كلية ايه؟(يا سلااااام على اساس انك ماتعرفش ولا جاى تتقدم لاى واحدة عشوائى من غير ماتعرف عنها حاجة ) - علوم - بس ايه اللى دخلك علوم انا اسمع انها صعبة - زى ماحضرتك دخلت هندسة بالظبط كله قدر ومكتوب - ونعم بالله وعلى كده انتى ناوية تشتغلى بعد ماتتخرجى؟ - طبعا ان شاء الله اصلا الشغل هيبقي عندى اولوية - حتى بعد الجواز؟ - ايوة طبعا هيا الاوليات بتختلف بعد الجواز ولا ايه؟ - لا مش قصدى الفكرة انك ممكن البيت يحتاجك اكتر فتعيدى ترتيب اولوياتك - ااه هو حضرتك بقي عايزنا نرجع لايام زمان اظن الست تعبت كتير جدا علشان تاخد جزء من حقوقها وابسط حقوقها انها تشتغل - ايوة بس لو هتقصر مع بيتها وجوزها ومافيش داعى للشغل يبقي بلاش طالما جوزها مكفيها وطلباتها مجابة - ده على اساس انى بشتغل علشان الفلوس؟ لا طبعا انا بشتغل علشان يبقي ليا شخصية مستقلة واحقق ذاتى ويبقي ليا كيان خاص - وهيا شخصية الست مش من شخصية جوزها برده؟ - يا سلاااام طب ما الراجل يقعد هو والست اللى تشتغل الستات ونقول شخصية الراجل من شخصية مراته , واصلا حاليا الستات وصلوا لمناصب عالية جدا واثبتت كفاءة اعلى من الرجالة وممكن تاخد مرتب اكبر كمان - بس برده القوامة ...(بصراحة طنشته وقعدت ابص لماما واشاورلها نمشي بقي علشان زهقت ) - ايه ماما بتنده ؟ - لا انا اللى بندهلها علشان نمشي بقي اتاخرنا - احم طيب اتفضلى انا اسف ماكنتش اقصد ازعجك - لا عادى ولا يهمك (قولتهاله بمنتهي الرخامة) وخدنا وصلنا لحد البيت وطلعنا ولسه بقفل الباب لقيت ماما بدات بالموشح - انتى اعمل فيكى ايييييييه؟ خلتينى في نص هدومى حرام عليكى وانا طبعا مافتحتش بؤى بكلمة ساكتة ليه ماتنطقي! طبعا مش لاقية كلام تقوليه مانا لو اتكلمت هتدينى موشح اكتر انى قليلة الادب وبرد لقيت بابا اتدخل (حبيبي بابا ده وجه في الوقت المناسب) - خير بس يا ام علياء ايه اللى حصل؟ - اسال بنتك المؤدبة المتربية انا خلاص تعبت وهشيل ايدى من كل حاجة تخصكم ودخلت الاوضة قفلت عليها - فيه ايه يا لولو مزعلة ماما ليه؟ حكتله طبعا على كل حاجة - يا بابا ده شكله من بتوع سي السيد والست مالهاش غير بيتها انا لو اتعينت معيدة لا يمكن اسيب التعيين لاى سبب من الاسباب - بصي يا حبيبة بابا انا معاكى في كل اللى قولتيه بس انتى فعلا كنتى قليلة الذوق معاه وماينفعش كده احرجتى ماما - ماهو انا لو ماكنتش عملت كده ماكنش هيطفش وماما كانت هتدبسنى فيه - ايه هتدبسك دى؟ عيب يا علياء دى ماما وتتمنالك احسن حاجة في الدنيا وقولى بقي انك كنتى عايزة تطفشيه - يا بابا انتوا عايزين تخلصوا منى؟ للدرجة دى مضايقاكم؟ انا مش عايزة اتجوز انا مبسوطة معاكم هنا - نخلص منك؟ ليه يا علياء هو احنا عندنا غيرك؟ انا داخل اوضتى احسن هتعليلي الضغط وانا مش ناقص ييييييييييه حتى بابا كمان زعل اعمل ايه بس ياربي ولقيت منة بتتصل وعايزة تعرف كل حاجة بالتفاصيل حكتلها طبعا - ايه يا بت الرخامة دى؟ ده نظام تطفيش - اه رخامة وده اللى عندى واه بطفشه فيها حاجة؟ - لا يا لولو اهدى بس مالك؟ - مالى؟ شايفانى بتشقلب قدامك؟ هبلة انا ولا ايه؟ - لا يا حبيبتي دانتى ست العاقلين المهم هتروحى الكلية السبت ان شاء الله؟ - لا مش رايحة الزفتة ؟ - ليه بس؟ يابنتى فاتك محاضرات كتير كده - هو كده وخلاص والمحاضرات هبقي اخدها منك مش كفاية بيجيبونا الكلية السبت وباقي الكليات اجازة دى بقت حاجة تقرف - ماشي هدى اعصابك مانا هادية اهو شايفانى بشد في شعرى؟ طيب طيب خلاص سلام - سلام (بصوا انا لما بتعصب ببقي اغلس خلق الله بصراحة ) تانى يوم صحيت لقيت ماما وبابا مخاصمنى حاولت اقضي معظم اليوم نوم علشان ماحتكش بيهم يوم السبت صحيت لقيت ماما برده لسه مابتكلمنيش اموت واعرف انا اللى بنتها ولا سي احمد ده ؟ وبابا مش موجود اكيد نزل الشغل قولت مابدهاش بقي انزل الكلية احسن وكلمت منة - السلام عليكم , ايوة يا مونى - وعليكم السلام وطالما قولتى مونى تبقي بقيتى احسن - هههههههههه احسن من ايه بالظبط؟ عامة بقولك انتى نزلتى الكلية؟ - اه انا في السكة اهو انا وصاصا - طيب انا جاية استنينى - اوكيشن هستناكى في مكتب صاصا - ماشي ياختى يابخت اللى كان المعيد جوزه - هههههههههههههه اهو قرك ده اللى هيجيببنا لوره - لا يابنتى ده مش حسد ده حقد سلام بقي علشان الحق البس - سلااااام لبست ونزلت من غير فطار وماما ولا عبرتنى( ماكنش العشا يا امى قال ست الحبايب قال ) ركبت تاكسي و روحت الكلية يالا اهو موت وخراب ديار روحت عند المكتب بتاع مصطفي وباقي المعيدين بتوع كيميا - السلام عليكم - وعليكم السلام ودخلت لقيت رخامة في وشي (ده ايه الحظ ده ياربي دانا لو بدور عليه مش هشوفه كتير كده) - يالا يا منة - طب ادخلى يا علياء - خلاص خليكى وانا هروح الكافتيريا اجيب حاجة اكلها سلام - استنى بس طبعا مشيت ومادتهاش فرصة لقيت حد بينده عليا ببص لقيته رخامة علياء استنى بس ثوانى بعد اذنك مشيت برده ولا عبرته (عاااارفة من غير ماتقولوا عيب وقلة ذوق وانه دكتور عندى بس انا بصراحة مش ناقصة حرقة دم والله احسن انا اصلا مش هملك نفسي لو قاللى كلمتين تانيين احتمال امد ايدى عليه واجيب لنفسي مصيبة ) روحت الكافتيريا جبت ساندوتش وباكل لقيت منة بتتصل - بقي بالذمة دى عمايل تعمليها؟ - وعليكم السلام ورحمة الله وبركاته - ماشي يا علياء انتى فين؟ - في الكافتيريا - طب المحاضرة هتبتدى مش ناوية تحضرى سعادتك؟ - لا جاية اهو - وعنت باقي الساندوتش في الشنطة (حتى اللقمة الواحد مش عارف يتهنى بيها ) - دخلت المدرج ولسه منة جاية تتكلم الدكتور دخل وبعد عشروميت الف ساعة المحاضرة خلصت الحمد لله وخرجنا ولسه منة جاية تفتح بؤها لقينا مصطفي جاى قمت انا استاذنت علشان امشي - استنى يا علياء هخلص بس السيكشن و نوصلك في طريقنا (ده كان مصطفي) - لا معلش انا هركب تاكسي في السريع علشان مستعجلة يالا سلام عليكم - على فكرة لينا كلام مع بعض وعليكم السلام (دى طبعا منة ) ركبت ميكروباص بقي ماهى مش شغلانة وروحت البيت لقيتهم اتغدوا وسابونى قمت مطلعة باقي السانكوتش كلته ونمت لحد تانى يوم ماحدش فكر يصحينى اصلى حتى ولاااااااااا حد عبرنى تانى يوم صحيت والحمد لله مش عليا محاضرات لقيت ماما محضرالى الفطار شكلها رضت عنى قولت بقي احاول استسمحها شوية وقعدت اتدلع عليها - يا ماما بقي علشان خاطرى سامحينى دانتى اللية والروح الجوانية - عايزانى اسامحك يبقي تقابلي العريس انهاردة كويس (يالهووى هو لسه ماطفش؟ ) - حاضر يا ماما اللى تشوفيه - ايوة كده دى علياء بنتى اللى بحبها (اه بتحبنى لله في لله زى مانتوا شايفين الحب ولع في الدرة ) المهم جه الميعاد وماما دخلت قالتلى يالا يا علياء وكنت طبعا لابسة ومتشيكة وخرجت وانا ببص في الارض وسمعته عمال يتكلم مع بابا غريبة هو صوته مالوف كده ليه؟ ايه الهبل ده؟ ما اكيد علشان اتكلمت معاه قبل كده بس حساه برده متغير وكل ده وانا طبعا شغالة عالوضع الصامت وببص في الارض لقيت بابا بيقول انا قاعد هناك يا علياء واسيبكم تتكلموا مع بعض شوية عن اذنك يا دكتور انت طبعا في بيتك دكتور؟ ايه الهبل ده ؟ هما مش قالوا مهندس ؟ - ازيك يا علياء ولسه برفع طرف عينى كده وجاية ارد السلام - دكتور محمد؟؟ واشوفكم بقي البارت اللى جاى ان شاء الله | ||||
|
| |
|
29-10-16, 03:46 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الثالثة والعشرون - دكتور محمد؟؟ - انت بتعمل ايه هنا؟(هو جاى يشتكينى لابويا ولا ايه؟ ايه لعب العيال ده!) بس لحظة فين العريس؟ وواضح انى قولتها بصوت عالى علشان لقيته بيرد - اظن مافيش حد غيري هنا - اه امال احمد فين؟ - احمد مين؟ - العريس - اه المهندس , هو مش انتى طفشتيه؟ - ها؟ انت عرفت منين ؟ - عرفت بقي وخلاص امال هاجى اتقدملك ازاى وهو متقدم - تتقدملى؟( ايه الهبل ده انا حاسة انى مش فاهمة اى حاجة في اى حاجة ) - ايوة - ازاى؟ ودى قولتها بنبرة صوت عالى شوية بزعيق يعنى - هو ايه اللى ازاى؟ لقيت بابا جاى وبيقول مالك يا علياء؟ وسمعت د\محمد بيقوله انا هستاذن بقي يا عمى عن اذنك وهستنى ردكم قريب ان شاء الله - حضرتك مش محتاج تستناه انا اصلا مش موافقة لقيت بابا بيزغرلى وهو ولا كانى قولت حاجة وقال السلام عليكم ومشي وقفل الباب من هنا ولفلى - اظن انى لسه عايش ماموتش علشان تقولى رايك بنفسك - يا بابا انت مش عارف ده دكتور رخامة اللى عامللى كل المشاكل دى - يبقي لما سبتكم تتكلموا كنتى تساليه تفهمى منه مش اجى الاقيكى بتزعقيله والراجل كتر خيره محترم وجودى ومافتحش بؤه بكلمة - وانا غلطت فيه انا حبيت اوفر عليه الانتظار وقولتله رايى على طول - انتى عارفة انى مابغصبكيش على حاجة وواضح انى كنت غلطان بس قدامك لاخر الاسبوع تبلغينى ردك يا موافقة يا رافضة بس كنت اتمنى يا عاقلة يا بنت العاقلين انك كنتى تقعدى معاه وتتكلموا وتحلوا مشاكلكم مش لعب العيال اللى انتى بتعمليه ده يووووووووووووه انا من ساعة ماعرفته وانا بعمل كل حاجة غلط ومش عاجبة حد استغفر الله العظيم اما اروح اكلم البت منة يالهوووووى كل دى مكالمات من منة ؟ دانا ماكنتش نايمة دانا كنت مفونة تحت الارض واتصلت بمنة السلام عليكم وعليكم السلام , والله لسه فاكرة؟ معلش يا مونى وربنا كنت نايمة امبارح طوووووول اليوم ماصحتش غير انهاردة وماخدتش بالى من الفون غير ناو - ماشي ماااشي - اسكتى بقي يا مونى عندى ليكى حتة مفاجأة - خيييير ؟ - عارفة مين جه يتقدملى؟ - ههههههههههه قديمة عارفة د/محمد - نعم؟ وانتى عرفتى ازاى بقي - ماهو ده يا فلحوسة اللى كنت عايزة اقولهولك اصله دخل عليا انا وصاصا وانا بحكيله عالعريس الغلبان اللى طفشتيه فقعد يسالنى شوية واخييرا لقيته بيكلم باباكى وصمم انه يقابله بكرة على انهاردة وقالنا بقي انه هيتقدملك هيييييييح بقي - وانتى عارفة كل ده وماقولتيش؟ - نعم مانا كل اما اجى اكلمك يحصل حاجة وكلمتك فون ماردتيش - انا مش فاهمة حاجة في حاجة - مش فاهمة ايه بس؟ انا اصلا كنت متوقعة - متوقعة ازاى؟ - ازاى ايه كل تصرفاته واضحة جدا - لا يا رااااجل؟ وانى مش محترمة وكل ده كان ايه؟ - اهو ده اللى انا مش فاهماه المهم عملتى ايه؟ - رفضته طبعا - انتى عبيطة يابت؟ - والله ما حد عبيط الا انتى يابنتى انتى ماشوفتيش كان عامل فيا ايه؟ - طيب يابنتى اساليه اكيد ليه وجهة نظر - يوووووه مانا خلاص قولت مش موافقة - طيب وهو ماقالش حاجة؟ - هو يابنتى كالعادة بارد قال لبابا هستنى ردكم - طيب حلو اوى اطلبي من باباكى انك تقابليه مرة تانية - ماينفعش طبعا انا قولتله مش موافقة - عادى صلى استخارة وقوليله صليت وعايزه اقابله تانى - لا طبعا ماينفعش طب بصي انا هستنى لما يسالنى او يجيب سيرة وانا هقوله عايزة اقابله تانى - ماشي هييييييح - هيح ايه ونيلة ايه اقفلي يابنتى قفلتينى - قفلتك؟ دانتى بت قفيلة صحيح انا هروح اكلم صاصا اهيح فيه براحتى - ماشي ياختى جتك نيلة بت هيح صحيح سلام - هييييييييح سلام وصليت استخارة وكالعادة ماحلمتش بحاجة وعدى يومين وبنزل الكلية عادى ومابشوفش رخامة معرفش مختفي فين وبابا بيعاملنى عادى ومابيجيبش سيرةة خالص يووووووه مافيش خطة بتمشي ابدا زى ما الواحد عايز قعدت مستنية بابا يفتح الموضوع مافيش اما اقوم اكلم منة تشوفلى حل - السلام عليكم - وعليكم السلام - منننننننة بابا مابيفتحش سيرة الموضوع خالص اعمل ايه؟ - ماقولتلك افتحيه انتى - ييييييه بؤحرج بؤحررررررج - وش كسوف اوى خلاص ممكن اقول لمصطفي يقول ل د\محمد هو يطلب مقابلة تانية - لا طبعا ايه الهبل ده بعد ما رفضته؟ وفين كرامتى بقي - طيب مش هجيب سيرتك هخليه يقول انك رافضة علشان اخدة فكرة غلط ويقنعه انه يقابلك يصححلك مفاهيمك - لا ياختى افرض كرامته هو كمان نقحت عليه وصرف نظر؟ - يييييه والله دوختينى بس اعترفتى اهو انك مش عايزاه يصرف نظر - لا طبعا اقص مش قبل لما اعرف هو ليه كان بيعمل كده - طب انتى عايزانى اعمل ايه دلوقتى؟ - مش عايزة منك حاجة انتى اساسا لا بتربطى ولا بتحلى وانا اصلا جذمة انى كلمتك - الله يسامحك بت صاصا عالويت اقفلى بقي سلام - طب استنى بس ماتقوليلوش حاجة وانا هتصرف - ماشي انتى حرة سلام - سلاام يوووووووووه اعمل ايه انا دلوقتى؟ بصوا انا هروح اكلم بابا عادى علشان بكره الاربع يقوله يجى تانى بقي ولا استنى عالخميس هو يسالنى؟ هو قال هيسالنى على اخر الاسبوع لالا عالاربع علشان يقوله يجى الخميس او عادى الخميس ويخليه يجى الجمعة يووووه خلاص لا مش هقوله طب هو رخامة ليه ماحاولش يقابلنى في الكلية ويكلمنى ؟ يوووووه الراجل ده هيجننى هيجننىىىىىىى وعلشان اعفيكم من حوارات بالشكل ده كتير فانا جيت على نفسي لحد الخميس لقيت بابا بيندهلى بعد الغدا واخييييييييرا - تعالى يا علياء دكتور محمد كلمنى وانا قولتله هرد عليه على اخر النهار هبلغه برفضك بس حبيت اقولك الاول علشان ماتقوليش بلغي شخصيتك - احم انا بصراحة يا بابا صليت استخارة وكنت حابة الاول اقعد معاه تانى يعنى بعد اذنك - ممممممممم خلاص هبلغه يجى عالخميس اللى جاى ان شاء الله - طب وليه ما ممكن يجى بكرة لقيت بابا بيبصلى بصة سخرية يييييييه انا ايه بس اللى خلانى اتسحب من لسانى انا بس يعنى كنت عايزة اعرف هو ليه كان بيعمل فيا كده فضول مش اكتر اه فضول وبسسسسس اوعوا تفهمونى غلط وبابا كلمه وجه قاللى انه هيجى بكرة و هقابله بكرة مش بعد بكرة تيرارارارااااااااا وطبعا جريت على منة بلغتها واخيرا جه بكرة ومحمد جه وماما دخلت ندهتلى بعد ما ادتنى الوصايا العشرة وبابا كان مديهوملى امبارح محسسنى انى هاكله عالم غريبة والله حد يفهم الناس دى ان انا اللى بنتهم يكونشي عاميلهم عمل؟ المهم بقي بطلوا رغي انا قايمة ورايا عريس اقابله خلت الانتريه ووشي برده في الارض اه والله بتكسف الله !! - السلام عليكم - وعليكم السلام وبابا قعد يرغي هو نسي ولا ايه؟ ابابااااااا هو جاى علشانى قوم بقي يا عم يخربيت الرغي - طيب انا هقوم اسيبكم شوية وهقعد هناك هنا لو احتجت حاجة يا محمد يا ابنى اندهلى (طب وانا؟ ومشاعرى ؟ واحاسيسي؟ هو انا مش بنتك احاج؟ انا طلعت لقيطة انا بنت البواب عاااااااا) - ازيك يا انسة علياء قولت انسة اهو علشان ماتضايقيش الالقاب محفوظة برده - الله يسلمك يا دكتور - احم ما بلاش دكتور دى مش لاقية عالموقف خالص - امال اقولك ايه مش الالقاب محفوظة؟ - ههههههههههههه خلاص قوليلي يا انسة انا كمان (هههههههههههه ما الراجل دمه خفيف اهو وبيعرف يهزر امال كان بيصدرلى الوش الخشب ليه؟) فضلت ساكتة - طيب حيث انك ساكتة بقي رغم انى اللى فهمته انك عايزة تسالى عن شوية حاجات ممكن استغل انا الفرصة دى واسالك انا؟ - اتفضل - ليه كنتى رافضة؟ - رافضة ايه؟ - رفضانى - بصراحة كنت حابة اعفيك من انك ترتبط بواحدة مش محترمة - مين الحمار اللى قال كده؟ - والله؟ (وهنا بقي رفعت راسي وبصتله بصة سخرية ) - انتى تفتكرى انى لو عندى شك 1% في اخلاقك كنت جيت اتقدمتلك؟ - والله مش عارفة الموضوع ده محيرنى بس انت اقصد حضرتك كل تصرفاتك كانت تدل على انك مش طايقنى وانك اخد عنى فكرة انى بنت مش كويسة - احم مع تحفظى على كلمة حضرتك بصي رغم انى ماكنتش حابب اخوض في التفاصيل دى عالاقل مش دلوقتى خالص بس واضح ان فيه سوء فهم ولازم اوضحه - اه ياريت - بصي يا ستى يا ترى رخامة هيبرر موقفه بايه؟ ده اللى هنعرفه الحلقة اللى جاية ان شاء الله | ||||
|
| |
|
29-10-16, 03:47 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تابع الحلقة الثالثة والعشرون - بصي يا ستى هو الموضوع كبير اوى فحاولى تركزى (ده ايه الراجل ده ؟ هو هيشرحلى محاضرة ولا ايه؟) انا كنت مرتبط بواحدة معايا في الكلية في دفعتى وكنا طبعا مخططين كل حياتنا سوى وكده وخطبتها واتخرجنا وسافرنا انجلترا سوى بعثة وكنا هنتجوز اول ما نرجع على طول لكن للاسف ماحصلش نصيب وربنا اتولاها برحمته هناك انا طبعا اتصدمت وكنت خلاص كاره الدنيا لانى كنت متعلق اوى بريم الله يرحمها وقعدت معتكف في الشقة ولا بنزل ولا بروح وتقريبا وقفت حياتى خالص لحد ما واحد من زمايلي في الشغل لما عرف اللى حصل وهو كان ملتزم دينيا بدا يجيلي كل شوية ويكلمنى انى اقرب من ربنا وطبعا في الاول كنت ولاا بسمعله لحد ما حبة حبة بدات اسمعله وبدا ياخدنى لخطب يمكن هتستغربي بس فعلا في انجلترا كنت حاسس انى اقرب ما يكون من ربنا وبدات افكر يمكن اللى حصل لريم ده كان صدمة ليا علشان افوق من اللى انا فيه وبدات حياتى تتغير خالص وبدات اقرب اكتر لربنا وارتحت جدا بعدها والحمد لله خلصت الماجيستير والدكتوراه ورجعت مصر كنت باجى كتير هنا عند اختى لان والدى ووالدتى متوفيين وهنا بدات اشوفك وكده ومعرفش ليه حسيت انى اتشدتلك مرة في مرة بس كنت برجع استغفر ربنا واحاول ابعد عن المعاصى واغض البصر وعلى فكرة وانتى دايما كنت الاقيكى باصة في الارض وكنت بحب اوى فيكى كده براءتك واخلاقك وطفولتك واحم بقي - طب وليه ماتقدمتش ساعتها؟ - ههههههههه لو صبر القاتل عالمقتول كنت خايف يكون مجرد اعجاب او انى اكون بحاول انسي بيكى ريم فماحبتش انى العب ببنات الناس وحبيت اتاكد الاول من مشاعرى وفاجاة لقيت هشام جاى يسال على نتيجتك استغربت جدا وقولت يمكن قريبك لان مش معقول البراءة دى كلها تكون من بتوع نرتبط وطبعا اتصدمت لما عرفت انكم اتخطبتم ولكى ان تتخيلي مقدار الصدمة وبعدها لما جيتى المحاضرة متاخر لما طردتك ماكنتش اعرف انكم سيبتم بعض وكنت بحاول اكرّه نفسي فيكى بصراحة علشان كده كنت بعاملك كده وبعدين يا ستى يوم ما شيلك المادة ورحتله الحيوان قاللى كلام مايتقالش خلانى شاايط ومش شايف قدامى - يا سلااااام؟ وتيجى تعاملنى انا وحش؟ - كان غصب عنى والله بس انا مش متخيل انتى ازاى توافقي على حد زى ده؟ - وانا ايش عرفنى انه كده؟ مانا كنت مفكراه كويس - ماهو اكيد علشان قلبك طيب مفكرة كل الناس طيبين زيك - احم - احم احم - طيب وبعدين ماتقدمتش ساعتها ليه برده؟ - بصراحة خفت تكونى لسه بتحبيه او توافقي علشان برده تنسيه (اييييه جو الافلام الهندى الهابطة ده؟) - واشمعنى دلوقتى؟ - علشان خفت استنى اكتر من كده تضيعى منى خصوصا بعد ما سمعت عن العريس اللى طفشتيه وماتتخيليش فرحت اد ايه انك طفشتيه - على فكرة انا طفشته مش علشانك ولا حاجة - مانا عارف هو انا قولت حاجة!! - طيب وفي المصنع؟ - والله فكرة المصنع دى مش عارف احدد اذا كانت فكرة كويسة ولا وحشة قولت اجيبك تبقي قريبة منى رغم انى عارف انه حرام بس فعلا ماكنش بايدى الاقيكى واقفة كل شوية تهزرى مع حد - انا؟ والله هما اللى بيكلمونى - اه وكنتى عايزة تركبي مع يحيى كنتى فعلا هتجننينى واجى اتكلم تعيطى وتخلينى مش قادر انطق وبعد ما اقرر اعتذرلك تقعدى وماتجيش وهبقي اتجنن واعرف عنك اى حاجة مافيش واجى لاختى على امل اشوفك مافيش وطبعا ماكنش ينفع اسال منة او مصطفي مباشر علشان مايلاحظوش وتشوفينى بقي وانا عامل شبه كونان واحاول اعرف اى حاجة وبرده مافيش واضح ان ماليش في شغل المحققين و ما صدقت شوفتك في كتب كتاب مصطفي تقومى تهربي منى ينفع كده يعنى؟ - اه كنا بنلعب القط والفار ما انا لما جيت المكتب اعتذرلك يجى سي هشام يضايقنى وانت تكمل عليا وتزعقلي وتقول انى مش محترمة - انا قولت كده؟ - الحق يتقال انا مش فاكرة بالظبط بس فاكرة ان ملخص الكلام كان كده - بصي انا عادة عاقل جدا ومافيش كلمة تخرج من بؤى غير لما اكون وازنها وعارف اقصد ايه وتتفهم ازاى بس اعمل فيكى ايه؟ الله يسامحك جننتينى انا اول ماشوفته ماسك ايدك معرفش مسكت نفسي ازاى انا كنت ناوى اديله بوكس اظبطه طب وانا مالى انا تهزقنى ليه - لا والله؟ طب كنتى انتى اتصرفي زعقى صوتى وانا كنت وريته شغله - هو انا لحقت؟ وربنا لسه بيمسك ايدى كنت انت دخلت - ماشي يا سيتى عالعموم انا اسف بس احب اقولك انا غيور جدااااا وفي غيرتى مابشوفش قدامى - اه مانا لاحظت صدقنى - خلاص بقي قلبك ابيض احم , طيب انا بصراحة ماكنتش عايز اتكلم في الحوار ده غير بعد كتب الكتاب علشان مايبقاش فيه اى تجاوزات بس .. - كتب كتاب؟ - ايوة انا حابب نكتب الكتاب على طول لانى زى ماقولتلك مش عايز يبقي فيه بينا تجاوزات علشان ربنا يباركلنا في حياتنا بعد كده (ده ايه عصر السرعة ده؟ انا اتكتب كتابي قبل ما اتخطب, يا حلاوة يا ولاااااااد) - طيب يا ترى هتردى عليا امتى؟ - بابا هيرد عليك ان شاء الله - لا بقي مش لاعب المفروض الرد كان امبارح اصلا انا عايز اعرف النتيجة دلوقتى - هههههههههه لسه لما اصحح الورق - طيب ماينفعش تصححى دلوقتى وتجيبيلي النتيجة من الكنترول؟ - تؤتؤ فصبر جميل - اكتر من كده؟ يااااا صبر ايوووووب - هههههههههههه - طيب انتى مش عايزة تعرفي عنى حاجة؟ - تؤتؤ - خالص؟ هزيت راسي باه - متأكدة؟ - ايوة - طيب حيث كده بقي ننده لعمى وامرنا لله - يا بابا - طب استنى يابنت الحلال فكرى تانى - ههههههههههه لا فكرت خلاص ولقيت بابا جه علينا - ها اتكلمتوا و اتفاهمتوا ؟ - اه يا عمى الحمد لله كله تمام والامن مستتب - ربنا يابنى يكتبلكم اللى فيه الخير - (مش عارفة ليه حاسة ان بابا متفق معاه عليا ) - طيب يا عمى استاذن انا - لا يابنى استنى دانت حتى ماشربتش العصير - اعمل ايه بس يا عمى؟ بنتك ماعزمتش عليا حتى , شكلها بخيلة (الواد بيسلمنى تسليم اهالى استنى اصبوهولك في ازازة انت عينك فيه ولا ايه؟) - طب استنى بس تتعشي معانا (عشا ايه ماتقوله يبات عندنا بالمرة !) - لا ربنا يخليك بس بالله عليك يا عمى ولقيته بيبصلى - بالله عليك ماتتاخرش عليا في الرد - حاضر يا ابنى اللى فيه الخير يقدمه ربنا - ونعم بالله - مش عايزين حاجة؟ - لا يا ابنى ماتحرمش منك - ماشي السلام عليكم - وعليكم السلام بابا لف وقاللى - ها لسه مصممة عالرفض برده؟ - احم هصلى استخارة تانى يا بابا وارد عليك ان شاء الله - اهاااااااا هتصلى استخارة , ماشي صلى ياختى صلى ما كان من الاول مش بقولكم شكل بابا متفق عليا معاه طبعا روحت كلمت منة وحكتلها بالتفاصيل - هييييييييييه بقي مش بقولك , انا عايزة من ده يا حوزمبل - بت لمى نفسسسسك وعلي فكرة انا بسجل المكالمة وهسمعها لمصطفي - هههههههههههههه انتى بتغيري يا بيضة؟ - لا طبعا وهغير من ايه واساسا انا لسه ماوافقتش مش يمكن ارفض - ههههههههههههههه يمكن جايز ليه لا , بس طلع كل توقعاتى مظبوطة انا كان قلبي حاسس - ماشي يا سعادة المفتش كرومبو - ههههههههههههه هييييح بقي - يادى الهيه انا هقفل علشان اقوم انام - تنامى ؟ عليا برده؟ طب ماتنسيش الاستخارة - ماشي ياختى سلام - سلاااااااموز يا عروسة ههههههههههه قفلت في وشها اللى بعمله في الناس هيتعمل فيا ولا ايه اجودعان ورحت صليت استخارة ونمت عالسرير قعدت اتقلب وافتكر كل كلمة قالها هيييييييح يخربيتك يا منة عدتينى الله يسامحك بس بصراحة صعبة اوى غيرته دى الله! امال انتى عايزاه يركب ارايل ماهو لازم يبقي راجل كده ويغير وقعدت طبعا اعمل حوارات مع نفسي زى الهبلة الحمد لله ان ماما ماشافتنيش الا الست دى فين صحيح ماظهرتش طول الفيلم اما اروح اشوفها - مامااااااااا يا ماما - ايوة يا لولو انا هنا تعالى والصوت كان جاى من اوضتها - امال بابا فين؟ - اللى واخد عقلك يا لولو مانتى عديتى عليه في الانتريه - بجد؟ يبقي ماخدتش بالى - المهم ازيك يا ست الكل امال فينك بقالى كتير مابشوفكيش يعنى - هههههههههه يا بكاشة انا هنا اهو - احم طب هو انتى رايك ايه في محمد؟ - محمد مين؟ (بالذمة ده وقته ركزى يا ماما ) - محمد الدكتور العريس - اااااه دكتور رخامة - ما خلاص بقي كان زمان - هههههههههههه ولما هو كان زمان جاية تسالينى رايي ليه؟ - الله! مش انتى ماما برده ولا ايه؟ - طيب ياستى قوليلي قالك ايه لما كنتوا قاعدين سوى وحكتلها برده بالتفصيل وبصراحة كده كتيييييير قالتلى - بصراحة انا شايفاه ابن حلال وبيحبك وبيخاف عليكى انتى صليتى استخارة؟ - اه يا ماما الحمد لله - خلاص اتكلى على الله واللى فيه الخير يقدمه ربنا - ماشي يا حبيبتي انا هقوم انام بقي مش عايزة حاجة؟ - لا يا حبيبتي عايزة سلامتك - تصبحى على خير - وانتى من اهل الخير ونزلت الكلية تانى يوم وبرده مامشوفتوش يووووووووه هو بيستخبي منى ولا ايه؟ ارفضه دلوقتى بقي عقابا ليه؟ روحت لقيت بابا بيقوللى - ها؟ محمد اتصل تانى اقوله ايه؟ - الله مش يدينى فرصة افكر - هو شكله مستعجل ده اتصل بيا 3 مرات لحد دلوقتى اقوله في الشغل طب في السكة طب جيت مالقتهاش - طب مش المفروض يعنى نسيبه شوية وكده علشان مايقولش مدلوقين عليه - دا مين اللى قالك الهبل ده؟ - مش عارفة انا حسيت كده - لا يابنتى الولد ابن حلال وشاريكى اتكلى على الله وهو اصلا مستنيكى من الاسبوع اللى فات - مممممممم طيب خلاص قوله يا بابا - اقوله ايه بالظبط؟ - قوله بقي قوله - ايوة يعنى اقوله لا؟ - لا طبعا , احم قصدى اللى تشوفه يا بابا - ههههههههههههههه ماشي يا حبيبة بابا انا هقوله يجي يشرفنا الخميس اللى جاى ان شاء الله علشان نتفق ولقيت بابا بيبوس راسي اه طبعا لازم يبوس راسي مش هيقوله يجى الخميس ! معرفش ايه حكايته مع الخميس والله وماقفلتش قفلة اكشن اهو علشان ماتزعلوش هنعرف بقي اللى حصل في الاتفاق الحلقة اللى جاية | ||||
|
| |
|
29-10-16, 03:48 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الرابعة والعشرون على اخر النهار لقيت تليفونى بيرن اكيد البت منة - غريبة ده رقم غريب - السلام عليكم - وعليكم السلام ازيك يا لولو عاملة ايه؟ - لولو!! مين معايا؟ - انا باشمهندسة جميلة كنت زميلتك في المصنع (جميلة؟ غريبة جابت رقمى منين وعايزة ايه دى كمان) - اهاااااا ازي حضرتك يا باشمهندسة - انا كويسة يا حبيبتي ازيك انتى يا لولو (لولو تانى خير اللهم اجعله خير ) - تمام الحمد لله - امال انتى اختفيتى فاجاة من المصنع ومابقاش حد يشوفك يعنى دانا من زمان كنت خدت رقمك من صاحبتك وعايزة اكلم (ايوة يعنى وايه اللى منعك؟) - فيكى الخير يا باشمهندسة - لا ازاى يا حبيبتي داحنا كنا زمايل برده (بطلى رغى يا ولية وادخلى في المطلوب) - احم هو الباشمهندس محمد لسه بيدرسلكم في الكلية؟ - دكتور محمد؟ لا مش بيدرسلى الترم ده - ممممممم يعنى مش بتشوفيه خالص؟ - اكيد يعنى ساعات بشوفه - بجد؟ طب هو عامل ايه اصله مابقاش بيجى المصنع خالص ولما سألت قالوا اخد اجازة - معرفش والله - غريبة اصله كان حتى وهو في الكلية بينظم وقته ويجى برده المصنع عالاقل يومين في الاسبوع - اه الله اعلم بقي - طيب لو شوفتيه ابقي سلميلي عليه (اجيبها من شعرها الولية دى؟ اقولها اننا اتخطبنا؟ لا بس احنا لسه ماتخطبناش يوووووووه اعمل فيها ايه بس هو خلاص الحياء مات للدرجة دى ؟ ) - روحتى فين يا لولو؟ - ماروحتش في حتة معاكى اهو - اصل بصي هقولك سر بس علشان انتى حبيبتي وبثق فيكى اصل احنا يعنى انا ومحمد (محمد حاف كده؟ يا حلاوة يا حلااااااوة ) - يعنى تقدرى تقولى اننا معجبين ببعض وكده - والله؟ - اه بس ده سر وهو بقي علشان بيخاف من ربنا فمارضاش ناخد ارقام بعض - هو اللى قالك كده؟ - لا اكيد لا يعنى بس انا فهمت من كلامه كده - اهااااا فهمتى من كلامه - طب معلش يا لولو يا حبيبتي ماما بتنده هقفل دلوقتى مش عايزة حاجة؟ - ها؟ لا شكرا - ماشي يا لولو سلام - مع السلامة حاسة ان حد ادانى الم على وشي انا اكيد بحلم حد يفوقنى انا قولت لبابا يقوله اه اكيد لو قولتله يقوله لا تانى هيزعقلى بس محمد ؟ ازاى يعمل كده ؟ بس ما هشام قبله برده كنت فاكراه كويس لا بس محمد مختلف ده بيخاف من ربنا هو انا بحبه؟ اكيد لا يعنى مالحقتش - يا علياء مالك يابنتى سرحانة في ايه تليفونك نازل رن ما تردى - ها؟ - هههههههههههه انتى لحقتى؟ اللى اخد عقلك دى منة ردى دخلت الاوضة وفتحت - ايه يا هانم انتى لحقتى هتنشغلى عنى من دلوقتى؟ وانا بقي اتفتحت في العياط - علياء مالك فيكى ايه؟ - اهئ اهئئئئئئئئئئئ - علياء بالله عليكى ماتخضينى انتى كويسة؟ وعيلتك كويسة؟ - انا عايزة اسيبه يا منة مش عايزااااااه عااااااااااااااا - تسيبي مين؟ - محمدد مش عايزاه بكرهه - يابنتى هو انتى لحقتى اصلا؟ فهمينى ايه اللى حصل؟ مانا سايباكى الصبح في الكلية - بيحبها يا منة بيحبها - هيا مين دى؟ - جميلة اهئئئئئئئئئئئئئئئئئ - جميلة مين؟ - مننننننننة اقفلى مش ناقصة - طب اهدى بس هو لو بيحب تانى ايه اللى يخليه يخطبك انتى تلاقي اللى اسمها جميلة دى بتوقع بينكم - هيا ماتعرفش اصلا واكيد يعنى ماجبتش الكلام من دماغها - طب هيا مين بالظبط وقالتلك ايه؟ - المهندسة جميلة بتاعة المصنع وقالت انهم معجبين ببعض, انا كل مرة يقع نصيبى في حد كده عااااااااااا - يابنتى اهدى بقي بصي انا شايفة انك تستفهمى منه الاول , ان بعض الظن اثم - بقولك قالتلى انهم معجبين ببعض - ماهو بالعقل كده ماحدش ضربه على ايده علشان يتقدملك واهى كانت متلقحة قدامه في المصنع ماخطبهاش ليه؟ - معرفش معرفش ومش عايزة اعرف انا اصلا بكرهه ومش عايزاه - بطلى هبل يا علياء واقعدى معاه وافهمي منه حتى قولى لباباكى يطلب مقابلة كمان قبل الرد - ما خلااااااص قولتله يوافق وقاللى هيخليه يجى الخميس - ممممممم طب مش انتى صليتى استخارة يبقي خلاص سيبيها على الله - ونعم بالله اهئ اهئ - طيب انا هقفل دلوقتى وانتى قومى صلى ركعتين كده واسستهدى بالله - ونعم بالله ماشي سلام - في رعاية الله يا حبيبتي - في رعاية الله قمت اتوضيت وصليت ركعتين والغريبة انى نمتش على سجادة الصلاة ماحستش بنفسي وصحيت الفجر صليت وقمت نمت عالسرير صحيت تانى يوم ومصطفي ورحت الكلية حضرت السيكشن وخلصنا وطبعا ماركزتش في اى حاجة لقيت مصطفي جه وبيقول لمنة - لسه عندكم حاجة؟ - اه محاضرة بس كمان ساعة - طيب تعالوا نقعد في الكافيتيريا - انا: لا انا هروح المدرج عما الدكتور يجى - منة: يابنتى لسه بدرى يالا هنفطر ونرجع وزقتنى ورحنا الكافيتريا وقعدت معاهم سرحانة وكل شوية منة تكلمنى وفاجأة سمعت صوته ببص لقيته جاى بيسلم على مصطفي بصتله بكل حقد وغل وكره في قلبي ولفيت وشي سمعت مصطفي بيعزمه يفطر معانا وهو رفض ومشي مصطفي:طب استنى عايزك وراح وراه - بقي بالذمة ينفع اللى عملتيه ده؟ احرجتى الراجل - احسن مش طايقة اشوف وشه - عيب يابنتى ده خلاص هيبقي خطيبك - اهئ اهئ اعمل ايه يعنى عايزانى اعرف انهم كانوا معجبين ببعض واسكت؟ - لا طبعا انا قولتلك اساليه - لما يبقي يجى الخميس بقي ان شاء الله - ان شاء الله طب كلى بقي انتى ماكلتيش - ماليش نفس قومى نروح المدرج - حاضر حاضر ومصطفي خلص وجه يوصلنا وصلونى الاول بعدها بيجى نص ساعة لقيت منة بتتصل - ايه يابنتى انتى لحقتى؟ - علياء انتى مش قولتى باباكى كلم د\محمد - اه هو قال هيكلمه - ماكلموش يابنتى ولما شافك انهاردة وهببتى اللى هببتيه فكرك بترفضيه يعنى وقرر هيبعد عنك خالص وزعلان جدا - مين اللى قالك؟ - مصطفي لما راح وراه حكاله - لا اله الا الله - هتعملى ايه؟ - هعمل ايه في ايه؟ - هتصلحى الموقف ازاى ؟ على فكرة مصطفي زعلان منك هو كمان علشان احرجتيه قدام صاحبه وقاللى لو رافضة كانت حتى تقوللى وانا اوصله الرفض بطريقة كويسة - يابنتى مانتى عارفة اللى فيها انا فكرت بابا قاله - واهو طلع ماقالوش شوفي بقي هتعملى ايه؟ - معرفش معرفش - علياء انا هسالك سؤال وتجاوبينى بصراحة انتى بتحبيه ولا لا؟ - مش عارفة يا منة انا كنت فاكرة انى بكرهه بس لما جميلة كلمتنى كنت عايزة اقتلها وكان نفسي اقولها محمد ده بتاعى انا وبس تعرفي ساعة هشام خدت القرار انى اسيبه ويمكن اه زعلت واتاثرت بس كنت على اتم الاستعداد انى اسيبه لكن محمد مش عارفة حاسة انى نفسي يطلع مظلوم ونكمل ونتجوز ونعيش في تبات ونبات - هييييييح وتقوليلي مش عارفة , انه الحب يا اختاه - تفتكرى؟ - افتكر ايه انا متأكدة ياختى - طب هنعمل ايه؟ - هنعمل؟؟ حلوة نون الجمع دى انتى تغلطى لوحدك ونصلح سوى - يخص عليكى يا مونى هو مش انا وانتى واحد برده - ههههههههههه بتثبتينى يعنى - حاجة زى كده اتصرفي بقي - يا حلاااااوة كمان بقت اتصرف حاضر هتصرف, بصي انتى تخلى باباكى يرد عليه وهو لما يجى لو سألك اعتذرى وقوليله - لا طبعا علشان يقوللى كنتى غيرانة - مانتى غيرانة فعلا - يووووووه مش بهزر يا منة - طب خلاص ابقي قولى كنتى تعبانة ولا اى حجة - ماشي هروح دلوقتى اكلم بابا - هههههههه ماشي يا ست المستعجلة سلاام - سلام ورحت لبابا لقيته في الانتريه - بابااااا - يا نعم عاملة دوشة ليه؟ - وحشتنى قولت اجى اسال عليك - هههههه قولى يا بكاشة عايزة ايه من الاخر؟ - احم , مش بقول وحشتنى الله هو انت مش بابا ؟ يعنى توحشنى وكده - ماشي هههههههههههه فضلنا ساكتين شوية - احم بالحق هو انت كلمت د\محمد؟ - تصدقي فكرتينى ناولينى التليفون (اعمل فيك ايه بس يا بابا ! ) - اتفضل - بيقول مغلق - مغلق؟ اه تلاقيها شبكة ولا فصل شحن - اه ممكن ,طيب انا هقوم احضر السفرة مع ماما - ماشي يا حبيبتى خلصنا الغدا وكلمت منة - السلام عليكم - منننننننة فونه مقفول يا منة - مين ده؟؟ - يخربيت رخامتك محمد يابنتى ركزى - طب مايمكن فصل شحن ولا شبكة - طب خلى مصطفي يكلمه كده - يقوله ايه؟ - لا يسال عادى يشوف اصلا هيرن ولا لا ممكن يكون عامل لبابا بلوك - لا ماعتقدش مش اخلاقه ابدا - المهم خليه يكلمه - حااااضر - وردى عليا بسرعة - حاااااااضر وبعد حبة منى اتصلت - هو ده اللى بسرعة يا منة؟ - والله بسرعة اهو - طب انطقي - مقفول برده - يا الله اعمل ايه؟ - خلاص روحى اعتذريله بكرة في الكلية - يييييه لسه هستنى لبكرة - هههههههههه معلش ياختى الحب ولع في الدرة - ياباااى عليكى غلسة اقفلي سلام - استنى بس - لا سلام - هههههههههه ماشي سلام والحمد لله جه تانى يوم باعجوبة ونزلنا بدرى ولقيته ماشي في الطرقة جريت عليه - لو سمحت يا دكتور ممكن ثانية - اسف عندى محاضرة عن اذنك ورجعت لمنة اجر اذيال الخيبة - عاجبك كده يا منة؟ - ايه قالك ايه؟ - قاللى عنده محاضرة ومشي ولا عبرنى - معلش هو زعلان برده - يا سلام!! ماهو لو سمعنى كنت هعتذرله - ههههههههه طيب لما يخلص نجيله تانى - ييييييه هستنى كمان ساعتين ؟ - ههههههههههههه اه علشان تبقي تفكرى تانى قبل ماتزعليه - والله انتى فايقة ورايقة - هههههههههه طب بينا عالكافيتيريا - لا تعالى نقعد في المدرج ده ( وشاورت على مدرج قدام مكتبه) علشان لو خلص بدرى نشوفه وعدت الساعتين وماجاش - ييووووووه يا منة راح فين؟ ما ميعاد المحاضرة خلص اهو - عادى يابنتى يمكن حد مش فاهم حاجة فبيشرحله - اهو جه اهووو قومى بسرعة هيدخل المكتب وجريت عالمكتب ولسه جاية ادخل خبطت في واحدة - اسفة يا باشمهندسة جميلة؟؟؟!!! يا ترى جميلة بتعمل ايه في الكلية عند محمد؟ ده اللى هنعرفه البارت اللى جاى ان شاء الله | ||||
|
| |
|
29-10-16, 03:48 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الرابعة والعشرون ج2 باشمهنسة جميلة؟ - انتى بتعملى ايه هنا؟ - لولو ازيك يا حبيبتي ابدا كنت جاية لمحمد (محمد وحاف تااانى؟؟ لافينى سلاح وعد الجثث) - ااااه طيب اتفضلى هو جوه لفيت لمنة وقولتلها استنينى هنا ولو اتاخرت اتصلى بالبوليس ودخلت المكتب اقعد على قلبها انا : السلام عليكم محمد: وعليكم السلام وكان بيبص على اوراق عالمكتب لقيته رفع راسه وبيبص عليا وبعدين خد باله من جميلة ولقيته اذبهل ازيك يا محمد الله يسلمك يا باشمهندسة خير فيه حاجة حصلت في المصنع؟ لقيتها عمالة تبصلى وتبصله وهيا بتتكلم وبتقوله - لا ابدا كنت عايزاك في موضوع خاص خلص الطالبة بتاعتك الاول وبعدين نتكلم - لا اتفضلى عيب برده انتى اللى ضيفة وانا مش اى طالبة لقيتلكم وش الست جميلة اتقلب - علياء مش كان عليكى محاضرة ولا ايه ؟ ولا مش ناوية عالامتياز السنة دى؟ (بقي كده؟؟ بتمشينى علشانها ؟ ماشي يا سى محمد اما اشوف اخرتها معاك ) - ها؟ اه عن اذنكم وانا عند الباب سمعته بيقوللى - هستناكى بعد المحاضرة بتاعتك ماتمشيش وخرجت لقيت منة - ها عملتى ايه؟ - روحى انتى يا منة المحاضرة دلوقتى علشان انقلها منك وهحكيلك بعدين - ماشي سلام بس بصوا انا هقولكم حاجة بس سر ماتقولوش لحد عليها وماحدش يقول انى غلطانة انا وقفت بره جمب الباب اسمع بيقولوا ايه وكان الحوار كالتالى - واضح ان الطلبة بتوعك واخدين عليك اوى - احم, حضرتك منورانا بس خير قلقتينى يا باشمهندسة كلهم كويسين في المصنع؟ - لا ابدا مافيش حاجة حصلت ولا حاجة انا بس حبيت اتطمن عليك يا محمد مابقتش تيجى المصنع , وبعدين بلاش باشمهندسة دى هو احنا مش اصحاب ولا ايه؟ (القرعة بنت الناس الطيبيييييييييين ) هنا بقي ماقدرتش امسك نفسي قال اصحاب قال - احم معلش يا دكتور محمد دكتور محمد محسن طالب حضرتك ضرورى في مدرج واحد - (اصلا مافيش دكتور في الكلية كلها اسمه محمد محسن) - طيب نورتينا طبعا يا باشمهندسة بس زى مانتى شايفة مشغول حاليا فبعتذرلك عن اذنك ونورتينا مرة تانية - لقيت وشها جاب الوان وقالت انا اللى اسفة انى عطلتك مع السلامة ولقيته جه ورايا لحد مدرج واحد وانا عمالة ادعى دعاء فرج الهم علشان ربنا ينجدنى من الورطة اللى انا فيها دى كان لازم يعنى اتسحب من لسانى وجت اللحظة الحاسمة ووصلنا لمدرج واحد اللى كان بابه مقفول وفاجاة اتلفت وخبطت بايدى على راسي كانى افتكرت حاجة - اوبااااا انا اسفة جدا يا دكتور افتكرت هو كان عايز دكتور محمد عيسي (وده اسم دكتور عندنا فعلا مانا مش هقضيها تأليف من مخيلتى ) لقيته بيبتسم وقاللى - عادى انا اصلا جاى اقوله ان الطلبة مش شغالين عنده علشان يبعتهم يندهوا لحد - ها؟ لا اصل هو اصل... اصلا هو ماطلبش انا اللى قولتله اصل هو يعنى راجل عجوز وكده - وبعدين يا علياء؟ - وبعدين ايه يا دكتور ؟ (وطبعا انا ببص في الارض ومرتبكة الله يسامحه بقي اللى ما يتسمى الحب ده) - انا مش فاهمك صدقينى - مش فاهم ايه؟ - مش فاهم انتى عايزة ايه بالظبط؟ يعنى انتى رفضتينى وياريت حتى كان اسلوبك كويس جاية دلوقتى غيرانة من جميلة ليه بقي؟ وواقفة تتصنتي عالباب ليه ؟خيالك كان باين على فكرة، وحتى لو مش باين كنت هحس انك لسه موجودة - (يالهووووووى عالفضايح اعمل ايه بس في نفسي يارب ارد اقوله ايه دلوقتى ) - انا اغير من مين وعلى مين اساسا ؟؟وبعدين عيب جدا تقول انى كنت بتصنت انا اصلا كنت تحت هنا مع دكتور سليم وعن اذنك علشان اروح ابلغ د\محمد عيسى - على فكرة دكتور محمد عيسي مسافر اساسا بعثة بقاله شهر وكل الدكاترة عارفين كده كويس (لا بقي غطونى وصوتوااااااا ) وعلى فكرة جميلة كانت قدامى في المصنع من ساعة ما اشتغلت هناك اظن لو كان بينى وبينها اى حاجة كنت اتقدمتلها من زمان بس انا اخترتك انتى - احم واه بالحق انا اصلا مارفضتش حد وبابا كلم حضرتك تليفونك كان مقفول عن اذنك ولسه جاية اجرى من قدامه قبل ما يحصل حاجة تانية - استنى يعنى ايه؟ - يعنى ايه ايه؟ - يعنى ايه مارفضتيش حد؟ - عادى يعنى مارفضتش حد انا ومشيت من قدامه بس سمعته بيقول - غبي جاى تفصل في الوقت المهم؟ ببص لقيته ماسك تليفونه وعمال بيكلمه ههههههههههههههه الراجل اتجنن وجننى معاه وخرجت بره الكلية ركبتا تاكسي وروحت وبعت لمنة رسالة انا روحت لما تخلصى المحاضرة كلمينى وكلمتنى فعلا وطبعا عالكعادة اشتغلت دور المحقق وانا قولتلها كل حاجة بالتفصيل - ههههههههه وشافك وانتى بتتصنتى عليهم يا فالحة شكلك وحششششش - خلاص بقي يا منة لمى نفسك - ههههههههه استنى بس قتلتينى ضحك ومين دكتور سليم ده كمان؟ طب كنتى اختارى حد موجود اساسا - الله بقي يا منة! الله جه على بالى ساعتها مابعرفش اكدب انا فاجاة كده لازم اكون محضرة - هههههههههههههههههه مش قادرة بالهوى عليكى افرضي كان صمم يدخل يشوفه - عادى يعنى كنت هقوله تلاقينا اتاخرنا فمشي او اى حاجة - ههههههههههههههههههههههه لا فعلا مابترعفيش تكدبي فاجاة - اووووووووفت منك يا منة انتى عليا ولامعايا - ههههههههههههه لا معاكى ايه؟ دانتى طلعتى فضيحة - تصدقي انا غلطانة انى بكلمك اساسا - ههههههههههههههههههههههههه هههههههههههههههه لا بجد مش قادرة ابطل ضحك - طيب ياختى سلام وابقي اضحكى مع نفسك بقي - ههههههههههههه مش قادرة هههههههههههههه - سلام وقفلت لقيت بابا جاى يكلمنى - لولو - ايوة يا بابا - مالك يا علياء؟ - مالى؟ ماليش - وشك احمر كده فكرتينى بايام زمان لما تبقي عاملة عاملة وخايفة - عملة ايه؟ وبعدين انا اصلا كببرت عالحاجات دى - هههههههههههه عندك حق كبرتى خلاص وبقيتى عروسة ياااه اد ايه الايام بتجرى انا لسه فاكر من كام يوم كنت باكلك باديا دول يااااه الواحد عجز اوى - ههههههههههه جرى ايه يا بابتى دانت لسه في عز شبابك - هههههههههههه شباب ايه بقي ليت الشباب يعود يوما البركة فيكى بقي يا لولو - ربنا يباركلى فيك يا بابا - بصي يا ستى محمد كلمنى واتفقنا هيجى الخميس اللى جاى ان شاء الله - ان شاء الله يا بابا جهزى نفسك بقي وشوفي لو ليكى اى طلبات اسفة ماقدرتش اكمل لانى تعبانة والله بس قولت انزلكم اى حاجة | ||||
|
| |
|
29-10-16, 03:49 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقة الخامسة والعشرون جه يوم الخميييييييييس طبعا ماما ماسابتنيش في حالى خلتنى قلبت البيت راسا على عقب وتنضيف بقي ماقولكوش اه الحوار بتاع نامى وارتاحى علشان وشك مايبانش مرهق ده اوشاااااااااعات اوعوا تصدقوه ماما بقي واقفة في المطبخ طول اليوم تطبخ كل الاصناف على وجه البسيطة - يا امى يا حبيبتي هو مش هيتغدى - يابنتى ماحنا هنعزم عليه افرض وافق يبقي ماعندناش اكل؟ - اكل ايه بس يا ماما هو لو بياكل الكميات اللى انتى طبخاها دى انا مش هتجوزه اصلا اخاف على نفسي يقوم جعان بالليل ياكلنى - يابت لمى نفسك وبعدين انا بطبخ بس كذا صنف مانا معرفش بيحب ايه هو بقي يبقي يختار - لا والله؟ دانتى معملتيهاش معايا انا اللى هو بنتك لو مابحبش حاجة تقوليلي نعمة ربنا وهتاكلى يعنى هتاكلى - يابنتى ده ضيييف واكرامه واجب - براحتك بقي انا تعبت معاكى ورايحة اريح بقي هبطت - ماشي يا حبيبتي روحى وناميلك شوية - لا خايفة انام ولما اقوم يبقي شكلى باين عليه انى نايمة - يابنتى الحلوة حلوة لو قامت من النوم والوحشة وحشة لو بتستحمى كل يوم - ايوة يعنى وانا مين فيهم دلوقتى؟ - انتى زى القمر يا روحى لقيت بابا دخل علينا المطبخ - ايوة طبعا ومين يشهد للعروسة - نعم نعم يا سي بابا انت عندك اعتراض ولا ايه؟ - هههههههههه لا طبعا انا اقدر؟ دانتى احلى عروسة ربنا يبارك فيكى يابنتى - اااه طويب انا هروح انام بقي بس بالله عليكى يا ماما ساعة واحدة و صحينى - هو احنا مش هنتغدى الاول ولا ايه؟ - ههههههههه لا يا بابا ماما عاملة وليمة ومش هتخلص دلوقتى خالص - تتغدى ايه يا ابو علياء مش لما الضيف يجى علشان تاكلوا سوى - ناكل ايه؟ الراجل جاى بعد المغرب علشان نتفق يعنى مش جاى يتغدى ولا حاجة وانا مت من الجوع انا سبتهم بقي بيتشاكلوا اقصد بيتناقشوا ورحت اناااااام وصحيت من نفسي لقيت الساعة 7 بالليل يا خبررررررر ليكون جه ونسيونى نايمة طب اعمل ايه دلوقتى اخرج ولا اخلينى هنا اكيد لو جه هيفتكرونى في مرحلة ما طب هطلع كده من غير ما اغسل وشي؟ وانا لو خرجت باب الحمام في وش الصالة لو مش شادين الستارة هيشوفنى اوووووه ياربي اعمل ايه في العيلة دى اما اتصنت عالباب كده اشوف فيه صوت بره ولا لا لا مافيش صوت بس ممكن بيتكلموا بصوت واطى وايه العمل دلوقتى ياربي ايوووووووة انا ارن لماما الحمد لله ان التليفون معايا حبة لقيت ماما داخلة الاوضة - ايوة يا علياء عايزة ايه بترنى ليه؟ - برن ليه ايه يا ماما هو ده اللى بقولك صحينى بدرى هو محمد بره ولا لسه ماجاش؟ - ههههههههههه ماجاش ايه ده جه ومشي - نعم؟ هو مبن ده اللى جه ومشي؟ - يا حبيبي سالمة ودانك الدكتور بتاعك جه ومشي - بقي ده وقته هزار يا ماما - والله مابهزر - ازاى يعنى جه ومشي مش فاهمة هو مش انا العروسة ولا ايه - والله يابنتى انا ماحستش بالوقت في المطبخ غير لما لقيت الجرس اتلبخت وابوكى فتح وانا قعدت اخلص الاكل وعملتله عصير وقدمتله حلويات وشوية ولقيت ابوكى جه قاللى انه مشي - انا فهمت كده - فهمتى ايه؟ - انا اكيد لسه نايمة وبحلم - ههههههههههه لا والله زى مابقولك كده ابوكى قال اتفقوا على كل حاجة ولما جه يندهلك قالوا لا باين - قاله لا؟ - والله ما فاكرة ابوكى قاللى انه قال ايه - قومى يالا اتغدى انا مارضتش اصحيكى تتغدى معانا قولت اسيبك براحتك فضلت قاعدة عالسرير متنحة شوية ايوة يعنى انا هصحى امتى؟ يارب بس اصحى بدرى احسن ماما تنسي تصحينى يادى الكابوس اللى مش راضي يخلص - يا علياء لسه قاعدة بتعملى ايه عندك قومى يابنتى اتغدى - ماما اقرصينى كده - ههههههههههه ليه علشان احصلك في جمعتك؟ - اقرصينى بس يا ماما لو سمحتى - البت اتهبلت الحمد لله ان عريسك عايز يكتب الكتاب على طول علشان يبقي اتدبس - ماما والله مابهزر اقرصينى - اهو ياختى من عنيا - ااااااه - الله! مش انتى اللى قولتى اقرصك - ايه ده يعنى ده بجد - علياء انتى لسه نايمة ولا ايه؟ فوقي يابنتى - نايمة؟ ياريييييت دانا شكلى طلعت صاحية - لا حول ولا قوة الا بالله البت ياعينى اتجننت عالعموم الاكل عالسفرة قومى بقي لا ماهو مش معقووووول اللى بيحصل ده هما غاصبينه عليا ولا ايه؟ مش لدرجة انه مش عايز يشوف وشي يعنى امال ماكنش عايز يمشي المرة اللى فاتت ومستعجل عالرد راحت فين كل الرومانسية دى؟ ولا انا استعجلت ووافقت ففكرنى مسروعة عليه مش بقولكم الراجل ده هيجننى شئ لا يصدقه عقل اما اروح لبابا اشوف عمل ايه - ابابااااا - ايه يابنتى السوقية دى (سوقية ايه انت لسه شوفت حاجة يا حاج) - معلش يا بابا خدنى على اد عقلى المهم يعنى سمعت خير اللهم اجعله خير ان محمد جه واتفقتوا الكلام ده صح؟ - ايوة مظبوط - هايل عظييييم طب ينفع تقوللى اتفقتوا على ايه - هتنزلوا تشتروا الدبل والشبكة بكرة ان شاء الله والخميس اللى جاى لا اللى بعده كتب الكتاب - والله؟ طب كنتوا ناوي تقولى ولا بتقول بس علشان سالتك؟ - ازاى يعنى اكيد لازم تعرفي مش انتى العروسة (الله ينور علييييك يعنى عارف ااهو ) - مش عارفة بصراحة يعنى حيث ان ماحدش سالنى رايي في اى حاجة ففكرت انه غير رايه وقرر يخطب ماما ولا حاجة - هههههههههههه انتى زعلانة علشان ماخدناش رايك في ايه ياستى ؟ - اى حاجة يعنى هو مش انا العروسة ولا ايه؟ - هههههههههه طيب لو مش عاجبك حاجة قولى واحنا نغيرها - مش لما اعرف الاول الاتفاق ايه ابقي اغير - هههههههههه طيب ياستى هو طلع عنده فيلا صغنونة ورثها عن ابوه الله يرحمه بس هيغير العفش كله وكان عايز يجهز كل حاجة من فرش وصينى وسجاجيد بس انا اللى حلفت ماحد مجهز بنتى غيري انا ماعنديش غيرك والحمد لله الحال ميسور - ممممممم وايه كمان؟ - عايز يكتب الكتاب بسرعة وقال انك عارفة وانا بصراحة شايف انه ابن حلال فوافقت وطبعا بالنسبة للدهب فانا ماطلبتش منه غير دبلة حتى لو دهب صينى بس هو اعترض وهيجيب شبكة كاملة جدع اوع الدكتور ده يا لولو - جدع؟ اها جدع (الله يسامحك يا ابى ... وماتدمعيش ياعيييين ) - عايزة تعرفي ايه تانى؟ - لا موتشكرين هعوز اعرف ايه يعنى اكتر من كده ؟ بصوا بقي انا مش هتكلم اهئ اهئئئئئ يا صغيرة عالهم يا لووووزة ماااشي يا محمد انا هوريك انا هخليك تكره اليوم اللى شوفتنى فيه لا بلاش هخليك تكره اليوم اللى اتولدت فيه اه استنى عليا دانت هتشووووووووووووووف وخلص اليوم وجه سعادة الباشا ياخدنى انا وماما نجيب الدبل واخته جت معانا وبعد التعارف والسلامات روحنا لمحل الدهب وفي المحل بقي - - نقى يا لولو ماتتحرجيش انتى ماتتخيليش انا فرحانة اد ايه ان ربنا جعلك من نصيب اخويا - شكرا ده بس من ذوقك - هههههه شكرا ايه احنا خلاص هيبقي زيتنا في دقيقنا انا هروح اشوف مامتك وانتى نقى براحتك (هيا يعنى جت عالدبل وهياخدوا رايي فيها؟) سمعت محمد بيكلمنى - مالك سرحانة في ايه؟ - ها؟ لا مافيش اتفضل حضرتك نقي - هههههههه ليه هو انا اللى هلبس دبلتك؟ وبعدين ايه حضرتك دى؟ - عادى يعنى يا دكتور تعبير عن الاحترام - ههههههههههه لا احنا نرجع لحضرتك تانى عالاقل ارحم من دكتور - على فكرة يعنى بلاش دكتور احنا مش في الكلية وهنكتب كتابنا قريب ان شاء الله - اه امتى صح ؟ - هو بابا ماقالكيش؟ - لا قاللى بس ماكنتش مركزة بصراحة - ماكنتيش مركزة ولا ماكنتيش مهتمة؟ - وايه الفرق؟ - لا طبعا فرق كبير لو مش حابة نكمل في الموضوع عادى مافيش احراج قولى وانا عادى يعنى و... و يعنى ..... اكيد يعنى انا اتمنالك كل خير مع اقصد يعنى اى حد يعنى لو هتكونى مبسوطة يعنى حتى لو حد غيري (هيقعد يتهته كتير بقي ولا ايه؟) - اظن لو ماكنتش عايزة اكمل ماكنتش جيت صح ولا ايه؟ - مش عارف يعنى انتى جيتى اه بس مش مهتمة وحتى دبلتك مش عايزة تنقيها - لا مش مش مهتمة انا بس ماكنتش عارفة اننا هننزل انهاردة ويادوب عرفت امبارح بالليل فماكنتش مظبطة نفسي - انتى كان وراكى حاجة انهاردة؟ انا اسف والله بس انا لما اتفقت مع بابا ماعترضش - اه ماهو ماسالنيش - ممممممم - ممممم ايه؟ مش فاهمة يعنى - ههههههههههه طيب ياستى ايه رايك نروح انهاردة ونيجى الميعاد اللى يناسبك - لا خلاص نروح ايه طالما نزلنا - لا مش طالمات نزلنا ولا حاجة انا اعرف ان ده بيبقي من احلى الذكريات عند البنات وانهم بيهتموا اوى بالتفاصيل دى فتعالى يالا نروح وانا هقولهم ان جالى شغل ومضطرين نمشي - بجد؟ - اه طبعا هكذب عليكى يعنى وحياة دكتور محمد محسن - هههههههههه لا خلاص مصدقاك بدام ححلفت بالغالى - نعم؟ مين ده اللى غالى ده؟ - ماحدش, مش ننقي الدبل بقي ولا ايه؟ - دلوقتى عايزة تنقي الدبل؟ ماشي اتفضلى ياستى - (ماحدش يقول انى رجعت في كلامى طب بذمتكم يعنى ينفع افضل زعلانة منه وهو على استعداد يمشي ويجى يوم تانى علشانى؟ اكيد لا يعنى خلاص بقي وكمان المسامح كريم بقي وكده) ونقيت دبلة اموووووووورة هيا سيمبل خالص وعليها زى نقش فرعونى وماكنتش عايزة انقى شبكة لانها اصلا ظاهر عالفاضي بس هو صمم ونقالى على ذوقه شبكة في منتهى الرووووووعة لقيت اخته جت وعلى فكرة عسولة خالص مش زى مابسمع عنهم خالص - ها مبسوطة؟ هزيت راسي باه - ههههههه طيب يا عروسة ماتروحوا تنقوا بقي دبلة لمحمد الباترينة بره - ها؟ - لقيت ماما بتضحك , روحى معاها يا سهى (اه نسيت اقولكم ان اسمها سهى) اصلها بتتحرج خديها وروحى - تعالى معانا يا ماما - هههههههههههههه جاية روحوا وانا هحصلكم على مهلى محمد مشي معانا وانا مسكت في ايد سهى وطالعين بره ياوب مشينا خطوتين لقيت سهى بتقوللى استنى هروح اجيب ماما حصلونى عما اجى فضلت طبعا واقفة متسمرة في مكانى وهيا اتاخرررررررررت - طب ماتيجى ننقي احنا عما يجوا - ها؟ لا نستناهم عيب علشان ينقوا معانا - ماشي براحتك وبعد حوالى 10 دقايق جت لقتنا واقفين في نفس المكان - انتوا لسه واقفين هنا؟ يا علياء الراجل اهوياااانى عليكم - اصلها مش عايزة تنقي من غيركم (ماى هيروووو بيدافع عنى) ومشينا خطوتين كمان ووصلنا الراجل قعد يورى لمحمد تشكيلات كتير وهو قعد يختار وفي لاخر قاللى انتى ايه رايك؟ انا ببص كده في العلبة لقيت دبلة شبه بتاعتى عليها نفس النقش قولتله - حلوة دى - قال خلاص هاخد دى قام الراجل قال - طيب كنت خلينى افرجها هيا بقي ايوة طبعا لا يفتى ومالك في المدينة طبعا انا وشي جاب كل الالوان ومشيت خطوة بعيد شوية عما محمد حاسب الراجل وجه وصلنا وروحنا البيت وجم يدونا الشبكة ماما رفضت وقالت لاخته تخليها معاها يفرجوها لقرايبهم معرفش انا مال قرايبهم بشبكتى ؟! وماما قعدت تحلف عليهم يطلعوا يتعشوا معانا مارضوش وقبل اما اطلع محمد ندهلى - علياء لو سمحت - نعم؟ - بعد كده لما نبقي بنشترى حاجة بلاش تبتسمى للبياعين - ابتسم؟ بياعين مين؟ - بصي انا عارف ان مش قصدك بس بصراحة انا ... بصي خلاص اطلعى علشان ماتتاخريش على ماما وخلى بالك من نفسك مع السلامة اطلعى يالا مش همشي غير لما تطلعى - مش فاهمة حاجة انا طلعت وغيرت وكلمت منة الندلة اللى نست ان ليها صاحبة وماكلمتنيش من امبارح تسال عملت ايه وبعد اللوم والعتابات وطلع حرام باباها تعبان وفي المستشفي المهم حكتلها بالتفصيل( لانها اصرت انى احكيلها احسن تقولوا ماعنديش دم ) وقالتلى - قصده انه بيغيييييير هيييييح بقي - نعم ؟ بيغير من ايه؟ هو انا عملت حاجة؟ بقي بالذمة ده راجل عاش في انجلترا كذا سنة؟ شكله هيخنقنى - بت انتى عايزة تتجوزى اريل؟ - لا طبعا بس - مابسش اتهدى بقي وافرحى مبروك يا لولوووووو - الله يبارك فيكى يا حبيبتى وعقبال فرحك يارب - امين ياختى لحسن حاسة انى قربت اخلل - يابت مستعجلى على ايه جتك نيلة , يالا روحى بقي اتطمنى على باباكى سلام - سلاااااام اسفة كنت تعبانة ومشغولة وكل حاجة بس بارت مكلبظ اهو | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
