10-02-18, 02:22 AM
| #2482 | ||||
 
|  ياجماعة لفوق ليه شاغلين حالكم كريس وعجوزها عندهم شطحات يالطيف مافينا نتوقع شي فخلينا ننتظر ونشوف اخرتها بالنسبة لحوات بتار مابظن الهم ايد باختفاء الموبايل ويمكن البزران هنا الي اخدوه بتصير بكل العائلات هالبلية مغناطيس للصغار مستحيل اقاومه | ||||
|  |
|
10-02-18, 01:03 PM
| #2485 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|   بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته  هلا وغلا بالغالية كريستو الجميلة المبدعة قلتي مشتاقة لبعض الردود الطويلة قلت عل وعسى واحد منهم يكون ردي فقررت أمدد أصابعي وأطقطق أعلى لوحة الفاتيح وبه نستعين نبدأ رحمة وبادي رحمة أولا هي صراحة غير سوية الظاهر من قبل الحادث أطباعها شينة موب متزنه ما تعجبني أبد يعني مثلاً آخر موقف من البداية قال بادي لها لا تفتحين الصندوق وعن اللقافة جات هي بكل لعانة وعناد وبجاحة وقلة أدب وعدم احترام حق خصوصية بادي وافتحت الصندوق بتقولون طيب هي ما تلفت الأوراق هذي نورة لو بتشوفون نورة بعد وعلى غير العادة أيضاً ما كان قصدها تكب الحليب يعني ما كانت متعمدة بس لو مو لقافة رحمة ولو مو فاتحة الصندوق وبعد اهمالها إنها حطت الكوب قريب منه بدليل بأقل حركة انكب على الأغراض إللي فيه فبالنهاية حتى لو هي مو كابه الحليب هي السبب في ما حصل فأحسن خل تتأدب ولو بعد تذلف بلا رجعة يكون أحسن لأنها ما فيها شي سنع لا خلقة ولا أخلاق وقد طفح الكيل منها يعني مثل المثل اللي يقول بريء براءة الذئب من دم يوسف هو الذئب في هالموقف بريء لكن في الحقيقة الذئب يظل ذئب ولن يكون بريء ومسالم أبداً أما هي فغير متزنه لا كلامها عدل ولا نظراتها هينة ولا سوالفها طبيعية ولا كلامها منطقي باختصار البنت ما تصلح تكون زوجة بادي يعني سوالفها لو كانت مع عواد ولا بتار ولا جلوي كان أقل شي ثوروا فيها تذكرون جلوي يوم الخدامة تكب الحلا اللي مسويته نوق شنو سوى فيها خلاها ما تسوى بيزة ولا عواد شنو سوى في نادية شي أهو صار يخجل منه أما بتار فحكايته حكاية علم في وجه نوير۔۔۔۔ رحمة وهي صراحة عقوبة موب رحمة هي رجمة ما تصلح إنها تكون زوجة بادي وأنا أدري إن كريستو ما راح تفرق بادي عن رحمة بس كلمة الحق تنقال بادي كثير عليها۔۔۔۔ اللي راح تفقدها نوق مثل ما يقولون التم المتعوس على خايب الرجا في شغلة فجرتها نورة البارت اللي قبل الأخير إن الجد رفض يزوج بادي من نوير صح للحين ما عرفنا السبب ؟؟؟ إن شاء نعرف في البارتات الأخيرة نوير وبتار أنا أدري في بنات ماخذين صف نوير وبنات ماخذين صف بتار أنا على قولة عادل إمام لا مع دول ولا مع دول أنا مع الحق أوكي تحليل شخصية نوير نوير ظروفها قاسية وهي شخصية متعنته في آراءها وكل عند روحها هي صح كثير البنات حطوا لها اعذار إن ظروفها خلتها تصير في اللي هي عليه يعني في النهاية شخصيتها تكونت وهي الآن إمرأة ناضجة تركت سن المراهقة من فترة يعني هذي نوير وهذي شخصيتها وتغيرها صعب نجي حق بتار وأنا قاعد أقرا البارت اكتشفت شنو مشكلة مشكلته إن نادر كان يتكلم عن نوير وبتار قعد يرسمها في باله شخصية مغايره لشخصيتها الحقيقية يعني بتار حب نوير اللي هو تخيلها ورسمها في باله وهي تختلف عن نوير الحقيقية فهو قاعد يحاسبها لأنها تختلف عن البنت اللي في باله وفي هذا هو غلطان وأي شخص يفكر مثله غلطان إما يكون الشخص اللي نحبه مثل مانبي ونتصور ونتخيل ولا لا خلاص انت ما تستاهل حبي لك الواحد لازم يحب الثاني بمزاياه وعيوبه ويتفاهم ما يفرض على الثاني بالنسبة لموقفه من دراسة نوير للطب صراحة انصدمت فيه كنت أحسبه منطق غيرة بس كلامه صدمني " لا .. الله يستر على بنات المسلمين .. ماعندي مانع لكن حتسيي عن حياتي أنا .. ووضعي بالديره والتنقلات الصعبه .. ماهوب دايما بكون فاضي أجيب وأودي ولاّ أنتظر زوجتي لساعاتن متأخره .. لالا .. كلن وهو أعرف بنفسه وأللي يناسبه .. وعندي أخوين لي متزوجين من ممرضات ودكتورات .. وهذا أختيارهم وهم حرين فيه لكن أنا لااااا وأنتي مايجوز لتس تختارين تسذا من راستس .. حياتتس قبل شي وهالحين شي ثاني " يا سلام يعني عشان مالك خلق تجيب وتودي خلاص تبطل طب وأنا اللي على بالي غيرة وسالفة اختلاط طلع الأخ موب فاضي انزين عندي حل انفجاري خلاص خلها تسوق ولا تجيب انت ولا تودي أدري بينجلط بتار من هالاقتراح بس مو سبب يخليها تغير التخصص عشان هو ما عنده وقت صراحة منطقة ما عجبني بتار صراحة يحب شخصية خيالية هو متخيلها ما هي نوير الحقيقية حتي لو تلاحظون كل ينادي نوير الصغيرة ونوير فيها صفات وعيوب كثير لكن كلمة صغيرة ما هي منهم فهي لا هي صغيرة بالعمر بالنسبة حق بتار لأن بينهم شهور ولا هي صغير بالعقل لانها ناضجة وفاهمة ومتحمله مسئولية من مدة غلطة نوير عدم الوضوح من جهة وغلطتها الثانية لما قالت حق عواد إن بتار عنده علم وموافق وهذا كذب وأسوأ شي عند الرجل لما المرأة تكذب عليه المسافرون للقصيم مشعل ما تضيق إلا عند الله سعه ربك يفرجها يا شعول وهونا وتهون يمكن خيره إنك تعرف وش صار بالضبط عشان تعرف تتصرف ، جلوي ما كان يعرف الحقايق عشان كذا تصرف غلط ومن وجهة نظري كون أم جلوي خذت جزها وانكشفت بعد ما راح تأذي يعني ام نوق و وعد المفروض يحطون يدهم في ماي بارد بس السالفة يبي لها جرأة في اتخاذ القرار۔۔۔۔ عبدالعزيز صراحة كل الرواية كان ماهو مضبوط لكن يوم إنه حمد ربه على زوجته شي جميل ما راح أقول كبر بعيني بس قلة اللي يعترفون بقيمة زوجاتهم وهذا شي يشكر عليه جلوي زوجة مريضة و زوجة موجوعة ما أدري منو القبسة أنت ولا هم بس شكله أنت أكيد انت لأن نوق لما تزوجت تهنت مع عبيد وعدم الخلفة كل من أم خيال النضالة ولما ماتت راح حسدها معها وسبب أمك ونورة بس كلنا ودنا نعرف ليه أم جلوي حاقدة على نوق ؟؟؟؟؟؟؟!!!!! أما بوعبدالله و منصور خايفين من اللي بينتظرهم واللي بينتظرهم ما هو قليل نادية وعواد نادية تحملت وما قصرت وياما قالت حق عواد خف عصبيتك بس هو اذا عصب ينسى روحه هي البارت السابق ما قالت حق فارس إنه هددها بديون فارس وهذا طيب منها قالت حق فارس جزء من الفعايل وليس كلها وهذا فارس زعل من بعض الحقايق لو داري بالكل كان وش سوى ؟؟ وأحسن شي لما قال له فارس أخسرك ولا أخسر إختي صراحة بطل الاجتماع المنتظر إذا كان عدم حضور بتار ماله مبرر قوي صراحة ما يستحق إنه يكون شيخ لأنه لازم يفصل بين حياته الخاصة وبين أموره العامة وفي مسألة بو نادر الأمر مو متعلق بنوير لا الأمر يمس أبوه وأمه وجماعته لأن صارت مشاكل من ورا هالأمر الاجتماع المهم فيه راح يبان البارت القادم للحين في المقدمة لا أخذت حق ولا باطل ولا انكشف شي جديد غادة صنف غادة من البنات أخس أنواع الحريم ما عندها كرامة تعرفون هويام في حريم السلطان من هذا الصنف بس هويام قادرة وقوية لأن السلطان يميل لها أما غادة غبية لأن بتار ما التفت لها وحتى لو حصل وبتار ترك نوير فآخر وحدة راح يرتبط فيها هي غادة وللأسف أمثال غادة كثير ومحد خسران غيرهم المهم ننتظرك باكر بكل حب وشوق وإن شاء ما يكون البارت الأخير ولا الرواية الأخيرة يمكن البارت 70 راح يكون الأخير يعني الأربعا الجاي ننتظرك ما نشبع من الرواية وأبطالها وأكيد منك شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . التعديل الأخير تم بواسطة فيتامين سي ; 10-02-18 الساعة 03:43 PM | ||||
|
| |
|
10-02-18, 02:01 PM
| #2486 | |||||
| اقتباس:
| |||||
|
| |
|
10-02-18, 05:52 PM
| #2488 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
| مساء الخير .. ومازالت نورة وشرها يطال الجميع .. حتى لو كان من غير قصد منها .. مثل الحليب اللي انكب بالصندوق .. لازم تخلف وراها دمار وخراب .. بيوت و غضب وقهر وفراق .. وش دخلها تفتش بأشياء غيرها .. وتنتهك خصوصيات الناس .. لو ما الوقاحة وقلة الأدب ووو .. بادي ذكرى عزيزة عليه تخص أهله .. والشي الوحيد اللي بقي له منهم .. ورحمة أخطأت يوم فتحت الصندوق .. وهذا ليس من مكارم الأخلاق .. ومحاسن الشيم حتى وإن كان .. هالشي يخص زوجها .. وتصرف بادي كاان قاسي .. ولم يسمع لها وهي تؤكد له .. أنهاا مو هي اللي خربتهم .. بس كيف يصدق وما في غيرها .. شاافت الصندوق ووصااها عليه .. بتار ونوير الأمور بينهم تتعقد أكثر .. لكن حتى لو كان في مشاكل بينهم .. وحتى لو كانت نهايتهم فراق .. ما توقعت أنه يفوت فرصة .. إظهار ما عنده من حقائق .. حاسة أنه يظهر باللحظة الأخيرة .. فما فيه فرصةة أفضل من هذه .. حتى تنكشف كل الحقائق .. ويأخد كل ذي حق حقه .. وينال كل مخطيء عقابه .. مشعل أتمنى ما يتهور ونفذ اللي براسه .. أنه يفكر بسبب حتى يتراجع عن الخطوبة .. عبد الله كانت بداية وصيته .. بنوق لأنه يعرف أنها أكثر من عانت .. وانظلمت وخرب بيتها .. بسبب ذنب اتهمت به .. وهي لا ذنب لها فيه .. وكل اللي صار من تخطيط نورة .. وهو اللي وقع بفخها .. فأخطأ بحق عائلته وضاع وضيعهم .. شو اللي بيصير بهذا الاجتماع .. وما هي الحقائق اللي راح تظهر .. xيعطيك العافية على الفصل الرائع .. بانتظار القادم .. موفقة بإذن الله .. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛ ؛؛؛؛؛؛؛؛؛؛؛؛؛؛؛؛؛؛ .. | ||||
|
| |
|
10-02-18, 09:01 PM
| #2489 | ||||
| بارت كشف الحقايق واظهار الحق على الباطل ورجوع الكرامة لاصحابها بارت بيكون متعب نفسيا بس لابد منه لتطيب الجروح وتلتئم نوق & جلوي بتار & نوير نورة & ام جلوي بارت كشف الحقايق واعلان ختام راوية من اروع ماقرأت ينافس انفاس قطر ومشاعل الحربي وصدود وطيش ارجو انها ماتكون الةخيرة وفي روايات بقادم الايام كريستال ابدعت بقلمك اتحفتينا بمشاعر ابطالك كانا معهم بحق وحقيقة كريستال اتعبتِ من بعدك تحياتي : كهرمان اصفر❤❤❤ | ||||
|
| |
|
11-02-18, 12:34 AM
| #2490 | |||||||
| نجم روايتي 
| السلام عليكم ورحمة الله وبركاته 💗 بداية في بادي صح انه رحمه تلقفت ع أغراضه وهو منبها لكن نورة م تروح إلا وتدمر كل شي وراها .. رحم رحمه والله من طردها مع أنها بررت له انها مو هي لكن كل الادله ضدها.. هي صح ذكرياته مع أهله ويحق له يعصب وكانت النتيجة مدمرة والله تدرين كريس انا انسانه م أحب أحتفظ في شي م أحب أبد احتفظ .. والله إنها م تعرف الحياة وتوها صغيرة أحس أنها ع نياتها لكن نفذت كلامه وأنها طردها مع أنه م قصد تطلع من البيت لكن لكل شخص كرامه وهو قسى عليها توها طالعه من مصيبة فقدت أهلها وهو الحين يطردها من بقى لها لا زوج ولا اعمام م فيه إلا جدتها شوفوا عاد غادة وراء جوال نوير سمعت انه يبيها وسوت كذا عشان يعصب عليها .. أحاول احسن الظن في شيخه يمكن غادة قالت ليش زوجه أخوك م تساعدكم وراحت نادتها عشان تضبط خطتها غادة وأخذت جوالها وحذفته جعله للماحي ولأن فعلا م عندها كرامه خير شر وبعد في البارت السابق من قالت لنوير مضايقتك انا لا جد من انتي عشان تقولين الكلام .. وبعدين شيخه م قلتي الله يسهل عليك دام زوجك يبك جد والله الحين تقديم العشاء أولى من اخوك وبعدين م عندك نظر وين جلسوا مع بعض بتار ونوير بالعكس جلس مع الكل إلا هي .. وبعدين حركه أم بتار م حبيتها وش يضر لو كانت الجمعه عائليه بين الأم وعيالها م يحتاج عالناس كلها والله العظيم مدري كيف تفكيرهم من ولدها وإلى بناتها وحتى هي صراحه حوار نوير وبتار يدخلون بشي ويطلعون لشي ثاني انا دار مخي معم بالله عليهم كيف يبي يحلون مشاكلهم وهم كذا .. وترى يا بتار الخطأ عليك جلست مع الكل إلا زوجتك يعني هو بمزاجك كل شي وبعدين كلامك لها طقت كبدي مو هذا اللي تبيها وراسمها في بالك انسانه غير عنها ومشكلتك تتعامل ع هذا الأساس الشخصية اللي في بالك ونوير شي ثاني وهي قالت لك بس انت ملزم ع كلامك اذا نوير ضايعه انتي فيك تناقض والله كيف تدور الوفا فيها بالله عليك مو هي المفروض اللي تدور الوفا فيك وفاك لاخوها نادر ع الأقل اشوف كل شي يطير من بين يديهم والا بنت اختك سعيت لها في دراستها الحين عجزت توفر لزوجتك اللي تحتاجه ترى لعلمك فيه تخصصات نسائية بحته أو اطفال .. وحتى نوير من اختارت هاالتخصص تبي تعوض سنين عمرها بتخصص يستاهل وله مستقبل لا هو عناد فيك ولا شي لكن من قالت شرطها خبله م كانت واضحه معه ولا كان كسبت ولأن اشوف انه يقدر يوافق عليه لكن طريقتها هي اللي خلته يرفض والا .. وبعدين اذا انت رأسك مالك كرامتك م تحملت كلمه منها أجل انت وش سويت شوي وتدوس عليها والله يقهر وبعدين اذا انتي قدمت وفعلت وهي م قدرتها ع قولك هي أو نادر وش يقول مين اللي اول قدم وفعل .. واللي استغربه وبشدة بعد هو شيخ قبيله يعني يشوف مشاكل كثيرة ويواجها ليش من تزوج صار مو قادر يحل مشاكله الخاصه وبعد المفروض يكون حليم وعنده صبر لكن من أول مشكلة صارت بينه وبين نوير اعطاها كف .. م اقول إلا يا خسارة سعي الجدة أنها ترجعكم لبعض وبعدين هو م كان متوقع انه ترجع له الحين كيف والله نوير تدل درب المفارق أجل يجرح واسكت لا والف لا .. والله كلهم يقدرون ع الفراق ترى م فيه أقوى منهم في المكابرة والعناد مشعل كنت أعرف أنه الحقيقة موجعه عليك واتمنى ان وعد م ترفضه بس لأن يستاهل ولا أحب انه ينكسر خصوصا أنه يبي يسحب هالخطبه أتمنى انه توافق وتخيب ظنه عبدالعزيز أخيرا أخيرا أخيرا صحيت وعرفت قيمه الاهل والزوجه ولا صار مصيرك مثل عبدالله من وراء نورة فارس أخيرا وقف قدام عواد والله طولها كثير هالعواد وغير طبوعك يا ابو طبوع لأن راح تخسر الكثير من وراها .. والحين تبعد نادية عنهم وإن شاء الله ترتاح وترتب حياتها أحيانا نحتاج البعد وبقوة بعد مثل حالهم الحينx أخيرا اجتمعوا وفتحوا الوصية أولها من قال إنه راضي عليك أبو نادر وآخرها حلال لهم وفوقها اعتذار منه أتأمل خير من الوصية في حياه بناته والله حالهم من يسمعون صوت ابوهم اوجعني حيل وفوقها أبوه وأمه وإخوانه يارب شوي وابكي معهم كيف بارت الليله اما عدم رد بتار ع الجوال ولا حتى مساعد شافه هذا وراه شي لا يكون تعبان عاد بشوف ايش يصير والله متحمسه حيل سلمت اناملك كريس إبداع فوق إبداع تبارك الله .. واعترف انه تعليقي بسيط مو قد البارت لكن عجزت يطلع مني شي التعديل الأخير تم بواسطة فيتامين سي ; 11-02-18 الساعة 12:49 AM | |||||||
|
| |
 |
| أدوات الموضوع | |
| انواع عرض الموضوع | |
|
|
368Likes
.png)
العرض العادي
