مزاد السعادة / للكاتب طارق اللبيب ، سودانية مكتملة

[لامارا]

ﺍﻟﺤﻠﻘﺔ .. 20 ﺍﻻﺧﻴﺮﺓ ..

ﻟﻮ ﺍﻱ ﺍﻧﺴﺎﻥ ﻓﻜﺮ ﺑﻲ ﺍﻟﻌﻘﻞ ﻭﺍﻟﻤﻨﻄﻖ .. ﻣﺎ ﻛﺎﻥ ﺍﻋﺘﺪﻯ ﻋﻠﻰ ﺣﻘﻮﻕ ﺍﻻﺧﺮﻳﻦ .. ﻻﻧﻨﺎ ﻣﺄﻣﻮﺭﻳﻦ ﺑﺘﺤﺮﻱ
ﺍﻟﺤﻼﻝ .. ﻓﺎﻥ ﺍﻟﺤﺮﺍﻡ ﺳﺤﺖ ﺳﺤﻴﻖ .. ﻳﻤﺤﻖ ﺍﻟﺒﺮﻛﺔ .. ﻭﻳﺼﻴﺐ ﺑﺎﻟﻠﻌﻨﺔ .. ﺑﺎﻻﺿﺎﻓﺔ ﻟﻠﻔﻀﻴﺤﺔ ﻳﻮﻡ
ﺍﻟﻘﻴﺎﻣﺔ .
ﻭﺍﻟﺨﺴﺎﺭﺓ ﺍﻟﻌﻈﻴﻤﺔ . ﻭﺍﻟﺤﻤﻞ ﺍﻟﺘﻘﻴﻞ ﺑﻴﻦ ﻳﺪﻱ ﺍﻟﻠﻪ ..
ﻭﻣﺮﺓ ﻗﺎﻝ ﺍﻟﻠﺒﻴﺐ ..
ﺣﻖ ﺍﻟﻨﺎﺱ ﻣﻼﻋﻦ ﻭﻟﻠﻌﻤــﺮ ﻣﺤـّﺎﻕ.
ﺑﺤﻮﻃﻚ ﺑﺎﻟﺒﻼ ﻭﻳﺼـﻞ ﺍﻟﺤﻔـﻴﺪ ﻟﺤـّﺎﻕ .
ﺃﻛﺎﻥ ﻛﺴﺒﻚ ﻗﻠﻴﻞ ﻓﻮﻕ ﺍﻟﺘﻌﺐ ﻣﺎﺣـﺎﻕ.
ﺣﺬﺍﺭﺍﻙ ﻣﻦ ﺗﺴﻠﻔﻖ ﻓﺎﻟﺤـﺮﺍﻡ ﺳﺤّﺎﻕ .
..
ﺍﻟﺸﺎﻃﺮ ﺍﻟﻔﻬﻴﻢ ﻭﺍﻟﺠﺎﻫﻞ ﺍﻟﻤﻐﺸــﻮﻡ..
ﻣﺴﻄّﺮ ﻣﺎ ﻳﺼﻴﺒﻬﻢ ﻓﻲ ﻛﺘﺎﺏ ﻣﻌـﻠﻮﻡ .
ﻣﺎﺩﺍﻡ ﺍﻟﻠﻪ ﺃﺟﻮﺍﺩ ﻭﺍﻟﺮﺯﻕ ﻣﻘﺴــﻮﻡ ..
ﻣﺠﺎﺯﻓﺔ ﺍﻟﺤــــﺮﺍﻣﺎﺕ ﻣﺎﻓﻲ ﻟﻴﻬﺎ ﻟﺰﻭﻡ ..
..
ﺍﻟﻤﻬﻢ ﻓﻲ ﺍﻻﻣﺮ ﻣﺪﺛﺮ ﻣﺎ ﺍﻧﻀﺮ ﺑﻲ ﺍﻟﻘﺮﻭﺵ ﺍﻟﻀﺎﻋﺖ ﻣﻨﻮ ..
ﺑﺎﻟﻌﻜﺲ ﺍﺣﺘﺴﺒﻬﺎ ﻭﺭﻓﻊ ﺍﻣﺮﻩ ﻟﻠﻪ .. ﺑﻘﺖ ﺗﺠﻴﻬﻮ ﺷﻬﺮﻳﺔ ﻣﻦ ﺣﻼﻟﻮ ﻭﺣﻖ ﺍﺑﻮﻫﻮ ..
. ﻭﺍﻟﻨﻴﺔ ﺍﻟﻄﻴﺒﺔ ﻭﺍﻟﻌﻤﻞ ﺍﻟﺼﺎﻟﺢ ﺻﺮﻓﻪ ﻣﻦ ﺍﻻﻧﺴﺎﻧﺔ ﺍﻟﻤﺒﺘﻠﻴﻪ . ﻭﺍﻻﺳﺮﺓ ﺍﻟﻤﻨﻬﺎﺭﺓ . ﺭﺑﻨﺎ ﻳﺤﺴﻦ ﻧﻮﺍﻳﺎﻧﺎ
..
ﻓﻲ ﻛﻢ ﻳﻮﻡ ﻛﺪﺍ ﻭﻣﺪﺛﺮ ﻛﻠﻢ ﺍﺑﻮﻫﻮ ﻭﺍﺧﻮﺍﻧﻪ ﻭﻣﺸﻮ ﻳﻄﻠﺒﻮ ﻏﺎﺩﺓ ﻣﻦ ﺍﻫﻠﻬﺎ ﺑﻌﺪ ﺍﻻﺗﻔﺎﻕ ﻭﺍﻟﻤﻮﺍﻋﻴﺪ ﻭﻛﻞ
ﺷﻲ ..
ﺍﺑﻮﻫﺎ ﻋﻤﻴﺪ ﻃﻴﺎﺭ ﻣﻌﺮﻭﻑ ﻣﺎﻓﻲ ﺩﺍﻋﻲ ﻧﺠﻴﺐ ﺍﺳﻤﻮ .. ﺭﺟﻞ ﻋﻠﻰ ﺩﻳﻦ ﻭﺍﺧﻼﻕ ﻭﺷﻮ ﻣﻨﻮﺭ .. ﻭﻋﻼﻣﺔ
ﺍﻟﺼﻼﺓ ﻓﻮﻕ ﻭﺷﻮ .. ﻭﺍﺳﺘﻘﺒﻞ ﺍﻟﻨﺎﺱ ﺩﻳﻞ ﺍﺳﺘﻘﺒﺎﻝ ﻳﻌﺠﺰ ﺍﻟﻘﻠﻢ ﻣﻦ ﺗﺴﻄﻴﺮﻩ .. ﻭﺍﻻﺳﺮﺗﻴﻦ ﻓﺮﺣﻮ ﺑﻲ
ﺑﻌﺾ ﻓﺮﺡ ﻋﺠﻴﺐ .. ﺍﺑﻮ ﻏﺎﺩﺓ ﻗﺎﻝ ﻟﻴﻬﻢ ﻭﺍﻟﻠﻪ ﻳﺎﺟﻤﺎﻋﺔ ﺍﻧﺎ ﻛﻨﺖ ﺧﺎﻳﻒ ﻣﻦ ﺯﻭﺍﺝ ﺑﺘﻲ .. ﻭﺍﻟﻨﺴﺐ
ﻣﺎﺣﺎﺟﺔ ﺳﺎﻫﻠﺔ . ﻟﻜﻦ ﺑﻌﺪ ﺷﻔﺘﻜﻢ ﻭﻋﺮﻓﺘﻜﻢ . ﻭﺍﻟﻠﻪ ﻣﺎﻗﺎﺩﺭ ﺍﺭﻛﺰ ﻣﻦ ﺍﻟﻔﺮﺣﺔ .. ﺭﺑﻨﺎ ﻳﺪﻳﻢ ﺍﻟﻤﻌﺮﻭﻑ
ﺑﻴﻨﺎ .
ﻋﻤﻚ ﻋﺒﺎﺱ ﻗﺎﻝ ﻟﻴﻬﻮ ﻭﺍﻟﻠﻪ ﺍﻧﺎ ﺑﺮﺿﻮ ﻃﻮﻝ ﻋﻤﺮﻱ ﺑﻘﻮﻝ ﺩﻛﺘﻮﺭﻣﺪﺛﺮ ﻭﻟﺪﻱ ﺯﻭﻝ ﻣﺴﻜﻴﻦ . ﻭﺑﺮﺉ .
ﻭﺧﺎﻳﻔﻮ ﻳﻘﻮﻡ ﻳﻨﺎﺳﺐ ﻟﻴﻬﻮ ﻧﺎﺱ ﻛﺪﺍ ﻭﻻﻛﺪﺍ . ﻟﻜﻦ ﻭﺍﻟﻠﻪ ﻫﺴﻊ . ﺍﺧﺘﺎﺭﻛﻢ ﺍﺧﺘﻴﺎﺭ ﺑﻌﻨﺎﻳﺔ .. ﺯﻱ ﻣﺎ ﺍﻧﺎ
ﺍﺧﺘﺮﺕ ﺍﺧﻮﺍﻟﻮ .. ﻭﻧﺴﺎﺑﺘﻲ .. ﻭﺍﻟﻠﻪ ﻓﺮﺣﻨﺎ ﺑﻴﻜﻢ ﻓﺮﺡ ﻣﺎﺗﺘﺨﻴﻠﻮ ..
ﻭﻧﺎﺱ ﻣﺪﺛﺮ ﻭﻏﺎﺩﺓ ﺑﺪﻭ ﻳﺠﻬﺰﻭ ﻓﻲ ﺯﻭﺍﺟﻬﻢ ﺧﻼﺹ ﻭﻳﺸﺘﺮﻭ ﻓﻲ ﺍﻟﻤﺴﺘﻠﺰﻣﺎﺕ .. ﻭﻛﻠﻬﺎ ﺍﻳﺎﻡ ﻗﻼﻳﻞ ﻭﺗﻢ
ﻭﺍﻟﺤﻤﺪ ﻟﻠﻪ ﺍﻟﻤﺮﺍﺩ . ﻭﺍﺗﺰﻭﺟﻮ ﺍﺣﺴﻦ ﻭﺍﺳﻌﺪ ﻭﺍﺑﺮﻙ ﺯﻭﺍﺝ .. ﻭﺳﻜﻦ ﻓﻲ ﺍﻟﻤﻐﺘﺮﺑﻴﻦ ﻓﻲ ﺑﺤﺮﻱ . ﻓﻲ
ﻭﺳﻂ ﺣﻲ ﺍﻟﻤﻐﺘﺮﺑﻴﻦ .
ﺍﻟﺤﺐ ﺍﻻﺗﻜﻮﻥ ﺑﻴﻦ ﻏﺎﺩﺓ ﻭﻣﺪﺛﺮ ﺑﻌﺪ ﺍﻟﺰﻭﺍﺝ ..
ﻛﺒﺮ ﻭﺍﺗﻀﺎﻋﻒ ﻭﻛﺎﻥ ﺍﻗﻮﻯ .. ﻭﺍﻃﻬﺮ ﻭﺍﻋﻈﻢ
ﺗﻨﺎﺳﺐ ﻋﺠﻴﺐ . ﻭﺍﺣﺴﺎﺱ ﻋﺎﻟﻲ . ﻭﻧﻔﺴﻴﺎﺕ ﻓﻲ ﺍﻟﺴﻤﺎﺀ ..
ﻭﻃﺒﻌﺎ" ﻳﺎﺟﻤﺎﻋﺔ ﺍﻻﺧﺘﻴﺎﺭ ﺍﺻﻼ ﺍﺧﺘﻴﺎﺭ ﺭﺏ ﺍﻟﻌﺎﻟﻤﻴﻦ ..
ﻣﺎﻓﻲ ﺯﻭﻝ ﺑﺨﺘﺎﺭ ﺷﺮﻳﻚ ﺣﻴﺎﺗﻮ ..ﺍﻟﺤﻘﻴﻘﺔ ﺍﻧﻮ ﺍﻧﺖ ﺑﺘﺨﺘﺎﺭ .. ﻭﺭﺑﻨﺎ ﺑﺨﺘﺎﺭ .. ﻭﺍﻟﺒﺤﺼﻞ ﻫﻮ ﺍﺧﺘﻴﺎﺭ ﺭﺑﻨﺎ .
ﻧﺴﺄﻝ ﺍﻟﻠﻪ ﻳﺨﺘﺎﺭ ﻟﻨﺎ ﺍﻟﺨﻴﺮ .. ﻋﺸﺎﻥ ﻛﺪﺍ ﻧﺤﻦ ﻣﺄﻣﻮﺅﻳﻦ ﺑﺎﻻﺳﺘﺨﺎﺭﺓ ..
ﻻﻧﻮ ﻟﻮ ﻛﺎﻥ ﺍﻟﻌﺒﺪ ﺑﻌﻠﻢ ﺍﻟﻐﻴﺐ ..
ﻣﺎﻛﺎﻥ ﺍﺻﻼ ﻣﺪﺛﺮ ﻓﻜﺮ ﻓﻲ ﺭﻓﻴﺪﺓ ﺑﺖ ﺍﻟﻮﻛﺎﻟﺔ ..
ﻭﺭﻓﻴﺪﺓ ﺍﻟﻴﻮﻣﻴﻦ ﺩﻳﻞ ﺑﺘﻌﻴﺶ ﺍﺳﻮﺃ ﻣﺮﺣﻠﺔ ﻣﻦ ﺣﻴﺎﺗﻬﺎ .. ﻭﻗﺎﻋﺪﺓ ﻓﻲ ﺍﻟﺒﻴﺖ .. ﻣﺤﻤﻮﺩ ﻛﻠﻢ ﺭﺣﺎﺏ ﻗﺎﻝ
ﻟﻴﻬﺎ .. ﺑﺘﺘﺬﻛﺮﻱ ﺍﻟﺒﺖ ﺍﻟﻜﺎﻧﺖ ﺷﻐﺎﻟﺔ ﻣﻌﺎﻱ ﺍﻻﺳﻤﻬﺎ ﺭﻓﻴﺪﺓ .
ﻗﺎﻟﺖ ﻟﻴﻬﻮ ﻃﺒﻌﺎ " ﺩﻱ ﺑﻘﺪﺭ ﺍﻧﺴﺎﻫﺎ؟
ﻗﺎﻝ ﻟﻴﻬﺎ ﻭﺍﻟﻠﻪ ﻟﻴﻬﺎ ﺍﻛﺘﺮ ﻣﻦ ﺍﺭﺑﻌﺔ ﺷﻬﻮﺭ ﻋﻴﺎﻧﺔ ﻭﻋﺎﻳﺸﺔ ﺣﻴﺎﺓ ﺻﻌﺒﺔ ﺧﻼﺹ .. ﻭﺍﻟﻠﻪ ﻟﻮ ﺷﻔﺘﻴﻬﺎ
ﻣﺎﺗﻌﺮﻓﻴﻬﺎ . ﻗﺒﻞ ﻛﻢ ﻳﻮﻡ ﻣﺸﻴﺖ ﻟﻴﻬﻢ ﻓﻲ ﺍﻟﺒﻴﺖ .
ﺍﻣﻬﺎ ﺍﺗﺼﻠﺖ ﻋﻠﻲ . ﻗﺎﻟﺖ ﻟﻲ ﻣﺤﺘﺎﺟﻴﻦ ﻟﻌﻼﺟﺎﺕ .. ﻟﻐﺎﻳﺔ ﻣﺎ ﺗﺮﺟﻊ ﺭﻓﻴﺪﺓ ﻟﻠﺸﻐﻞ ..
ﺍﻧﺎ ﺣﺴﻴﺖ ﺍﻧﻮ ﻓﻌﻼ ﻓﻲ ﻣﺸﻜﻠﺔ ﻓﻲ ﺍﻟﺒﺖ . ﻻﻧﻮ ﺍﻟﺪﻳﻮﻥ ﻛﺘﺮﺕ ..
ﻣﺸﻴﺖ ﻟﻴﻬﻢ ﻓﻲ ﺍﻟﺒﻴﺖ ﻟﻘﻴﺘﻬﺎ ﺑﻘﺖ ﻫﺰﻳﻠﺔ .. ﻭﺗﻌﺒﺎﻧﺔ ﻣﺎﻗﺎﺩﺭﺓ ﺗﺘﺤﺮﻙ .
ﻭﻗﺎﻋﺪﺓ ﻓﻲ ﺑﻴﺖ ﻧﺎﺱ ﺍﻣﻬﺎ ..
ﻭﻋﻨﺪﻫﺎ ﺣﺴﺎﺳﻴﺔ ﻓﻲ ﺟﺴﻤﻬﺎ ﻟﺪﺭﺟﺔ ﻣﺒﺎﻟﻎ ﻓﻴﻬﺎ .. ﺟﺒﻬﺘﻬﺎ ﻓﻮﻕ ﻛﺪﺍ ﺷﺎﻳﻠﺔ ﻗﺸﻮﺭ ﻗﺸﻮﺭ ..
ﺍﻧﺎ ﻭﺍﻟﻠﻪ ﺩﺍﻳﺮﻙ ﺗﻤﺸﻲ ﻟﻴﻬﺎ ﺍﻟﺰﻭﻟﺔ ﺩﻱ ﺻﺎﺣﺒﺘﻚ .. ﻣﺎﺻﺢ ﻧﺤﻦ ﻧﺘﺨﻼ ﻋﻨﻬﺎ ﻓﻲ ﺍﻟﻈﺮﻭﻑ ﺩﻱ ..
ﻳﺎﺯﻭﻝ ﺍﻟﻤﻬﻢ ﺭﺣﺎﺏ ﺭﺣﺒﺖ ﺑﺎﻟﻔﻜﺮﺓ ﻭﻣﺸﺖ ﻟﻲ ﺭﻓﻴﺪﺓ ﻓﻲ ﺍﻟﺒﻴﺖ ..
ﺍﻭﻝ ﻣﺎ ﺭﺣﺎﺏ ﺷﺎﻓﺘﻬﺎ ﺩﻱ ﺍﻧﻘﺪﺕ ﺑﺎﻟﺒﻜﺎ .. ﻭﻣﺎﻟﻚ ﺭﻓﻴﺪﺓ .؟
ﻛﺮ ﻋﻠﻲ ﺍﻟﺤﺼﻞ ﻟﻴﻚ ﺷﻨﻮ؟ ﺩﻩ ﺷﻨﻮ ﺩﻩ ﻭﺟﺎﻙ ﻣﺘﻴﻦ ﺩﻩ .. ﻭﺍﻟﻠﻪ ﺍﻟﻌﻈﻴﻢ ﺩﻱ ﺍﻟﻌﻴﻦ ﺍﻟﻤﺎﺻﻠﺖ ﻋﻠﻲ
ﺍﻟﻨﺒﻲ .
ﺭﻓﻴﺪﺓ ﻗﺎﻟﺖ ﻟﻴﻬﺎ ﻭﺍﻟﻠﻪ ﻳﺎ ﺭﺣﺎﺏ ﺗﻌﺒﺖ ﻭﻗﺮﺑﺖ ﺍﺟﻦ . ﻣﺎﺧﻠﻴﺖ ﻋﻼﺝ .
ﻣﺎﺧﻠﻴﺖ ﺩﻛﺘﻮﺭ . ﻭﻧﺎﺱ ﺍﻻﻋﺸﺎﺏ .
ﻗﺎﻟﺖ ﻟﻴﻬﺎ ﻛﺎﻥ ﺗﻤﺸﻲ ﻟﻲ ﺷﻴﺦ ﺗﺸﻮﻓﻲ ﺍﻟﺤﺎﺻﻞ ﻋﻠﻴﻚ ﺩﻩ ﺷﻨﻮ؟
ﻗﺎﻟﺖ ﻟﻴﻬﺎ ﻣﺸﻴﻨﺎ ﻗﺎﻟﻮ ﻣﺎﻓﻲ ﺍﻱ ﺣﺎﺟﺔ . ﻭﺍﻟﺪﻛﺎﺗﺮﺓ ﺑﺮﺿﻬﻢ ﻣﺎﻋﺮﻓﻮ ﺩﻩ ﺷﻨﻮ؟ ﺩﻱ ﺑﺲ ﺍﻣﺘﺤﺎﻥ ﻣﻦ ﺭﺑﻨﺎ
ﺍﻟﺤﻤﺪ ﻟﻠﻪ ﻏﺎﻳﺘﻮ ..
ﻭﻋﻘﻴﻞ ﺯﻭﺟﻲ ﻟﻴﻬﻮ ﺷﻬﺮ ﻭﻧﺺ ﻣﺎﻋﺎﺭﻓﺔ ﻋﻨﻪ ﺧﺒﺮ ﻭﺗﻠﻔﻮﻧﻮ ﻣﻘﻔﻮﻝ . ﻭﺍﻫﻠﻮ ﻓﻲ ﺍﻟﺒﻠﺪ ﺫﺍﺗﻬﻢ ﻣﺎﻋﺎﺭﻓﻴﻦ
ﻋﻨﻮ ﺣﺎﺟﺔ .
ﻭﻛﻴﻒ ﺩﻛﺘﻮﺭ ﻣﺪﺛﺮ ؟
ﻗﺎﻟﺖ ﻟﻴﻬﺎ ﺍﻟﺤﻤﺪ ﻟﻠﻪ ﺩﻛﺘﻮﺭ ﻣﺪﺛﺮ ﻛﻮﻳﺲ ﻃﺒﻌﺎ" ﺍﺗﺰﻭﺝ ﺩﻛﺘﻮﺭﺓ ﻣﻌﺎﻫﻮ ﻭﻫﺴﻲ ﺳﺎﻛﻨﻴﻦ ﻓﻲ ﺍﻟﻤﻐﺘﺮﺑﻴﻦ
ﻓﻲ ﺑﺤﺮﻱ .
ﺭﻓﻴﺪﺓ ﻗﺎﻟﺖ ﻟﻴﻬﺎ ﻧﻔﺲ ﺗﻠﻔﻮﻧﻮ ﺍﻟﻘﺪﻳﻢ ؟
ﺍﻧﺎ ﻋﺎﻳﺰﺓ ﺍﺗﺼﻞ ﻋﻠﻴﻬﻮ ﺍﺑﺎﺭﻙ ﻟﻴﻬﻮ .. ﻗﺎﻟﺖ ﻟﻴﻬﺎ ﺍﻳﻮﺓ ﻧﻔﺲ ﺗﻠﻔﻮﻧﻮ ﺍﻟﻘﺪﻳﻢ . ﺍﺗﺼﻠﻲ ﻋﻠﻴﻬﻮ ﺑﺎﻟﻨﻬﺎﺭ ..
ﻣﺮﺗﻮ ﺍﺳﻤﻬﺎ ﻏﺎﺩﺓ ﻏﻴﻮﺭﺓ ﺍﻋﻤﻠﻲ ﺣﺴﺎﺑﻚ. ﻫﻬﻪ
ﻗﺎﻟﺖ ﻟﻴﻬﺎ ﺗﻐﻴﺮ ﻋﻠﻴﻬﻮ ﻣﻦ ﺷﻨﻮ ؟ ﻛﺎﻥ ﺷﺎﻓﺘﻨﻲ ﺑﻘﺘﻨﻊ .. ﻭﺑﺪﻝ ﻣﺎﺗﻐﻴﺮ ﻣﻨﻲ .. ﺑﺘﻘﺮﻑ ﻣﻨﻲ ..
ﺭﺣﺎﺏ ﻛﻤﻠﺖ ﻭﻧﺴﺘﻬﺎ ﻭﺯﻳﺎﺭﺗﻬﺎ ﻭﺍﺗﺼﻠﺖ ﻋﻠﻰ ﻣﺤﻤﻮﺩ ﺟﺎﻫﺎ ﻭﺭﺟﻌﺖ .
ﻭﻛﺎﻧﺖ ﻃﻮﻝ ﺍﻟﻄﺮﻳﻖ ﺑﺘﺒﻜﻲ ﻋﻠﻰ ﺭﻓﻴﺪﺓ ﺍﻟﻜﺎﻧﺖ ﻣﺘﻞ ﻗﻄﻌﺔ ﺍﻟﻘﺸﻄﺔ
ﺑﻘﻰ ﺟﺴﻤﻬﺎ ﺯﻱ ﺟﺴﻢ ﺍﻟﺘﻤﺴﺎﺡ . ﻭﺗﻌﺒﺎﻧﺔ ﻭﻣﻬﻠﻮﻛﺔ . ﻭﻇﺎﻫﺮ ﺍﻧﻬﺎ ﻣﺎ ﻛﻮﻳﺴﺔ ﻛﻠﻮ ﻛﻠﻮ ..
ﻭﺭﺣﺎﺏ ﻛﻠﻤﺖ ﺩﻛﺘﻮﺭ ﻣﺪﺛﺮ ﺑﻲ ﻣﺮﺽ ﺭﻓﻴﺪﺓ .. ﺑﺲ ﻗﺎﻝ ﻟﻴﻬﺎ ﺭﺑﻨﺎ ﻳﺸﻔﻴﻬﺎ . ﻭﻣﺎ ﺍﻫﺘﻢ ﺑﺎﻟﻤﻮﺿﻮﻉ ﻛﺘﻴﺮ
.. ﻭﻻ ﺭﻛﺰ ﻓﻴﻬﻮ ..
ﺑﺎﻻﺧﺘﺼﺎﺭ ﺭﻓﻴﺪﺓ ﺑﻘﺖ ﻛﻞ ﻳﻮﻡ ﻣﺎﺷﺔ ﻓﻲ ﺍﻟﺴﺎﻟﺐ ﻭﺍﻟﺘﺪﻫﻮﺭ .. ﻭﺣﺴﺖ ﺑﻲ ﺍﻧﻮ ﺩﻱ ﺍﻟﻨﻬﺎﻳﺔ .. ﻭﺍﻧﻬﺎ ﺡ
ﺗﻤﻮﺕ .. ﺑﺲ ﺭﺑﻨﺎ ﻣﻦ ﻓﻀﻠﻮ ﻭﺭﺣﻤﺘﻮ ﻫﺪﺍﻫﺎ ﻟﻲ ﺣﺎﺟﺔ .. ﻭﺭﺑﻨﺎ ﺩﺍﻳﻤﺎ ﻛﺮﻳﻢ ﻭﺭﺣﻴﻢ ﺑﻲ ﻋﺒﺎﺩﻩ ..
ﻭﺍﻣﻜﻦ ﺍﻟﻤﺮﺽ ﺩﻩ ﻛﺎﻥ ﻟﻲ ﺧﻴﺮ ﻟﻴﻬﺎ ..
ﻳﻮﻡ ﺍﻟﺼﺒﺎﺡ ﺷﺎﻟﺖ ﺍﻟﺘﻠﻔﻮﻥ .. ﻭﺍﺗﺼﻠﺖ ﻋﻠﻰ ﻣﺪﺛﺮ .. ﻭﻃﺒﻌﺎ ﻣﻦ ﺍﻳﺎﻡ ﺍﻟﻌﺮﺱ ﻛﺴﺮﺕ ﺷﺮﻳﺤﺘﻬﺎ ﺍﻟﻘﺪﻳﻤﺔ
.. ﺍﻟﻤﻠﻴﺎﻧﺔ ﺑﻲ ﺍﻟﺼﺪﺍﻗﺎﺕ ﺍﻟﻤﺎ ﻧﺎﻓﻌﺔ ﺩﻳﻚ .. ﻛﺴﺮﺗﻬﺎ ﺧﻮﻑ ﻣﻦ ﻋﻘﻴﻞ .. ﻭﻋﺸﺎﻥ ﺗﻔﺘﺢ ﺻﻔﺤﺔ ﺟﺪﻳﺪﺓ
ﻓﻲ ﺣﻴﺎﺗﻬﺎ ..
ﺑﺲ ﺭﺑﻨﺎ ﻣﺎ ﺍﺭﺍﺩ ﻟﻴﻬﺎ ﺳﻌﺎﺩﺓ . ﻻﻧﻮ ﻓﻲ ﺣﻴﺎﺗﻬﺎ ﻓﻲ ﻣﻈﻠﻮﻡ .. ﻭﺣﻖ ﺍﻟﻤﻈﻠﻮﻡ ﻣﺎﺑﻀﻴﻊ ..
ﺍﻫﺎ ﻟﻤﻦ ﺍﻟﺮﻗﻢ ﺍﻟﻐﺮﻳﺐ ﺟﺎ ﻟﻲ ﻣﺪﺛﺮ . ﻓﺘﺢ ﺍﻟﺨﻂ ﻭﻗﺎﻝ ﺍﻟﻮ ..
ﻗﺎﻟﺖ ﻟﻴﻬﻮ ﺍﻟﺴﻼﻡ ﻋﻠﻴﻜﻢ ﺩﻛﺘﻮﺭ ﻣﺪﺛﺮ ..
ﺳﻜﺖ ﻣﺴﺎﻓﺔ .. ﻭﻋﺮﻑ ﺻﻮﺕ ﺭﻓﻴﺪﺓ ﻃﻮﺍﻟﻲ .. ﻗﺎﻝ ﻟﻴﻬﺎ ﻋﻠﻴﻜﻢ ﺍﻟﺴﻼﻡ ﻭﺍﻟﺮﺣﻤﺔ ..
ﻗﺎﻟﺖ ﻟﻴﻬﻮ ﻣﺒﺮﻭﻙ ﻳﺎﺩﻛﺘﻮﺭ .. ﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﺴﻌﺪﻙ ..
ﻗﺎﻝ ﻟﻴﻬﺎ ﺍﻟﻠﻪ ﻳﺒﺎﺭﻙ ﻓﻴﻚ .. ﻣﺮﺣﺐ ﺑﻴﻚ .. ﻛﻴﻒ ﺍﻧﺘﻮ ؟؟ ﻭﻛﻴﻒ ﻧﺎﺱ ﺍﻟﺒﻴﺖ .. ﻭﻛﻴﻒ ﻋﻘﻴﻞ؟ ..
ﻗﺎﻟﺖ ﻟﻴﻬﻮ ﻛﻮﻳﺴﻴﻦ ﺍﻟﺤﻤﺪ ﻟﻠﻪ ..
ﻣﺪﺛﺮ ﻃﺒﻌﺎ " ﺍﻧﺎ ﻋﺎﺭﻓﺎﻙ ﻣﺘﻀﺎﻳﻖ ﻣﻨﻲ .. ﻭﻧﻔﺴﻚ ﺗﻘﻔﻞ ﺍﻟﺨﻂ ﻓﻲ ﻭﺷﻲ .. ﻟﻜﻦ ﺍﺧﻼﻗﻚ ﻣﺎﺑﺘﺴﻤﺢ ﻟﻴﻚ
ﺗﺤﺴﺴﻨﻲ ﺑﻲ ﻛﺪﺍ .. ﺍﻧﺎ ﻋﺎﺭﻓﺎﻙ ﻛﻮﻳﺲ ..
ﺑﺲ ﺍﻧﺎ ﻋﻨﺪﻱ ﻣﻨﻚ ﻃﻠﺐ ﻭﺍﺣﺪ ..
ﻗﺎﻝ ﻟﻴﻬﺎ ﺍﺗﻔﻀﻠﻲ .
..
ﻗﺎﻟﺖ ﻟﻴﻬﻮ ﺍﻧﺎ ﻗﺒﻞ ﻛﺪﺍ ﻃﻠﺒﺖ ﻣﻨﻚ ﻗﺮﻭﺵ .. ﻭﻗﻠﺖ ﻟﻴﻚ ﺍﺑﻮﻱ ﻣﻄﺎﻟﺐ .
ﻭﻣﺪﻳﻮﻥ .. ﺍﻧﺎ ﻳﺎﻣﺪﺛﺮ ﺩﻱ ﻣﺎﻛﺎﻧﺖ ﺍﻟﺤﻘﻴﻘﺔ ..
ﺍﻟﺤﻘﻴﻘﺔ ﺍﻧﻮ ﺍﺑﻮﻱ ﻣﺎﻋﻨﺪﻭ ﺍﻱ ﺩﻳﻮﻥ .. ﺑﺲ ﺩﻩ ﺍﺗﻔﺎﻕ ﺟﻬﻞ ﺑﻴﻨﻲ ﻭﺑﻴﻦ ﻟﺒﻨﻰ .. ﻭﺍﻧﺎ ﻫﺴﻲ ﺍﺗﺼﻠﺖ
ﻋﻠﻴﻚ .. ﺍﻛﻠﻤﻚ ﺑﺎﻟﻤﻮﺿﻮﻉ ﺩﻩ ..
ﻻﻧﻲ ﻋﻴﺎﻧﺔ ﺷﺪﻳﺪ .. ﻭﻣﺎﻋﺎﺭﻓﺔ ﺍﺣﺘﻤﺎﻝ ﺩﻩ ﺍﻟﻤﻮﺕ ..
ﻭﺑﻮﻋﺪﻙ ﻟﻮ ﺭﺑﻨﺎ ﻣﺪ ﻓﻲ ﻋﻤﺮﻱ .. ﺑﺴﺪﺩﻫﺎ ﻟﻴﻚ ﻋﻠﻰ ﺩﺍﻳﺮ ﺍﻟﻤﻠﻴﻢ . ﻭﻟﻮ ﺍﻧﺎ ﻣﺖ ﻓﻲ ﺍﻻﻳﺎﻡ ﺩﻱ.. ﺗﻌﻔﻲ
ﻟﻲ ﻳﺎﻣﺪﺛﺮ .. ﻋﺸﺎﻥ ﺍﻟﻌﺸﺮﺓ ﺍﻟﻜﺎﻧﺖ ﺑﻴﻨﺎ ..
ﻗﺎﻝ ﻟﻴﻬﺎ ﻭﻻﻳﻬﻤﻚ ﻳﺎ ﺭﻓﻴﺪﺓ .. ﺍﻧﺎ ﻋﺎﻓﻲ ﻟﻴﻚ .. ﻭﺍﻋﺘﺒﺮﻳﻬﺎ ﻫﺪﻳﺔ ﻣﻨﻲ ..ﻭﻣﺴﺎﻫﻤﺔ ﻓﻲ ﺯﻭﺍﺟﻚ ..
ﻭﻋﻤﺎﺭﺓ ﺑﻴﺘﻚ .. ﻭﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﺸﻔﻴﻚ .
ﻣﻌﻠﻴﺶ ﻳﺎﺭﻓﻴﺪﺓ .. ﺍﻧﺎ ﻣﻀﻄﺮ ﺍﻗﻔﻞ ﺍﻟﺨﻂ .. ﻻﻧﻲ ﺍﻧﺎ ﻓﻲ ﺍﻟﻤﺴﺘﺸﻔﻰ ﻭﺑﻨﺪﻫﻮ ﻋﻠﻲ .. ﺍﻟﻈﺎﻫﺮ ﻓﻲ
ﻣﺮﻳﺾ ﺗﻌﺒﺎﻥ .. ﻣﻊ ﺍﻟﺴﻼﻣﺔ ..
ﻭﺗﻴﺖ ﺗﻴﺖ ﺗﻴﺖ .. ﻗﻔﻞ ﺍﻟﺨﻂ ﻭﺩﻱ ﻛﺎﻧﺖ ﺍﺧﺮ ﻣﻜﺎﻟﻤﺔ ﻣﻊ ﺭﻓﻴﺪﺓ ..
ﻓﻌﻼ ﻣﺪﺛﺮ ﻛﺎﻥ ﻣﻨﺰﻋﺞ ﻭﻣﺸﻐﻮﻝ .. ﻭﻫﻮ ﻣﺎﻋﺎﺭﻑ ﺍﻧﻮ ﺑﺎﻟﻤﻜﺎﻟﻤﺔ .. ﻛﺎﻧﻪ ﺍﺟﺮﻱ ﻋﻤﻠﻴﺔ ﺟﺮﺍﺣﻴﺔ ﻧﺎﺟﺤﺔ
..
ﺭﻓﻴﺪﺓ ﺑﻌﺪ ﻗﻔﻠﺖ ﺍﻟﺨﻂ .. ﻓﺮﺣﺖ ﻓﺮﺡ ﻛﺒﻴﺮ .. ﻭﻛﺎﻧﻮ ﻛﺎﻥ ﻓﻲ ﺟﺒﻞ ﻓﻮﻕ ﺭﺍﺳﻬﺎ ﻭﺍﻧﺰﺍﺡ ..
ﺍﻟﻴﻮﻡ ﺩﻩ ﺫﺍﺗﻮ ﻛﺎﻧﺖ ﻋﻨﺪﻫﺎ ﺧﺎﻟﺘﻬﺎ ﺟﺎﻳﺔ ﻣﻦ ﺍﻟﻌﻤﺮﺓ .. ﻗﺎﻟﺖ ﻟﻴﻬﺎ ﻳﺎﺧﺎﻟﺘﻲ ﻣﺎﺟﺒﺘﻲ ﻣﻌﺎﻙ ﻣﻮﻳﺔ ﺯﻣﺰﻡ؟
ﺍﻣﻜﻦ ﺭﺑﻨﺎ ﻳﻜﺘﺐ ﻟﻲ ﻓﻴﻬﺎ ﺍﻟﺸﻔﺎﺀ .
ﻗﺎﻟﺖ ﻟﻴﻬﺎ ﻭﺍﻟﻠﻪ ﺟﺒﺘﻬﺎ .. ﺑﻌﺪﻳﻦ ﺑﺮﺳﻼ ﻟﻴﻚ ..
ﻭﺳﺒﺤﺎﻥ ﺍﻟﻠﻪ .. ﻛﺎﻧﺖ ﻣﻮﻳﺔ ﺯﻣﺰﻡ ﺍﻟﻤﺠﺎﻧﻴﺔ ﻫﻲ ﻣﻔﺘﺎﺡ ﺍﻟﻔﺮﺝ ﻟﻲ ﺭﻓﻴﺪﺓ .. ﺑﺎﻟﺮﻏﻢ ﺍﻧﻮ ﺍﻏﻠﻰ ﺍﻟﻌﻼﺟﺎﺕ
ﻻﺩﺧﻠﺖ ﻻﻣﺮﻗﺖ ..
ﻭﻻﻧﻬﺎ ﺍﺗﺤﻠﻠﺖ ﻣﻦ ﺍﻟﻈﻠﻢ .. ﻟﻮ ﻣﺎﻋﻔﻰ ﻟﻴﻬﺎ ﺍﻟﺪﻛﺘﻮﺭ ﺍﻟﻌﻈﻴﻢ .. ﺣﺒﻴﺐ ﻗﻠﻮﺑﻨﺎ .. ﻛﺎﻥ ﺍﻟﺤﺮﺍﻡ ﺍﻫﻠﻜﻬﺎ ..
ﺭﻓﻴﺪﺓ ﻣﻊ ﺯﻣﺰﻡ ﺑﺪﺕ ﺗﺤﺲ ﺑﻲ ﺭﺍﺣﺔ ﻓﻲ ﺟﺴﻤﻬﺎ .. ﻭﺍﻟﻜﺎﺭﻭﺷﺔ ﻭﻗﻔﺖ . ﺑﻌﺪ ﻳﻮﻣﻴﻦ ﻓﻘﻂ ﻣﻦ ﺍﻟﻜﻼﻡ ﺩﻩ
ﻋﻘﻴﻞ ﺟﺎﺀ ..
ﻗﺎﻝ ﻛﺎﻥ ﻓﻲ ﺍﻟﻐﺮﺏ ﻭﻣﺸﻰ ﻻﻧﻮ ﺍﺳﺘﺤﻰ ﻣﻦ ﺍﻟﻔﻠﺲ . ﻭﻣﺸﻰ ﻳﺸﻮﻑ ﻟﻴﻬﻮ ﺭﺯﻕ ..
ﻭﺍﺧﻴﺮﺍ ﺭﺑﻨﺎ ﻓﺘﺢ ﻟﻴﻬﻮ ﺑﺎﺏ ﺗﺠﺎﺭﺓ ..
ﻭﻗﺎﻝ ﻟﻴﻬﺎ ﺍﺑﺸﺮﻙ ﻳﺎﺭﻓﻴﺪﺓ . ﺍﻧﺎ ﺗﺒﺖ ﻣﻦ ﺍﻟﻤﺼﺎﻳﺐ ﺩﻳﻚ . ﻭﺑﻘﻴﺖ ﺻﻠﻮﺍﺗﻲ ﺍﻟﺨﻤﺲ ﻣﺎﺑﻔﺮﻁ ﻓﻴﻬﺎ ..
ﻭﺣﺄﻗﻴﻒ ﻣﻌﺎﻙ ﻻﻣﻦ ﺗﺒﻘﻰ ﻛﻮﻳﺴﺔ .. ﻭﻛﻞ ﻳﻮﻡ ﺭﻓﻴﺪﺓ ﻣﺎﺷﺔ ﺍﺣﺴﻦ ﻣﻦ ﺍﻟﻘﺒﻠﻮ .. ﻭﺭﺑﻨﺎ ﻣﻦ ﻋﻠﻴﻬﺎ
. ﺑﺎﻟﺸﻔﺎﺀ .
ﺭﻓﻴﺪﺓ ﺑﺲ ﺷﻐﺎﻟﺔ ﺗﺪﻋﻲ ﻟﻲ ﺩﻛﺘﻮﺭ ﻣﺪﺛﺮ ﺑﺎﻟﻌﺎﻓﻴﺔ ..
ﻭﺗﺪﻋﻲ ﻋﻠﻰ ﻟﺒﻨﻰ ﺑﺎﻟﺸﺮ ..
ﻭﻣﺎﻋﺎﺭﻓﺔ ﺍﻧﻮ ﻟﺒﻨﻰ ﺍﻟﻤﺴﻜﻴﻨﺔ ﺑﺮﺿﻮ ﺑﺎﻋﺖ ﺳﻌﺎﺩﺗﻬﺎ . ﻭﺻﺤﺘﻬﺎ ﻓﻲ ﻧﻔﺲ ﺍﻟﻤﺰﺍﺩ ﺍﻟﻌﻠﻨﻲ ﻟﻠﺴﻌﺎﺩﺓ .
ﻭﺍﻻﻥ ﻟﻴﻬﺎ ﺷﻬﺮﻳﻦ ﺑﺘﻐﺴﻞ ﻓﻲ ﻣﺮﻛﺰ ﺍﻟﻜﻠﻰ ﻓﻲ ﺑﺤﺮﻱ .
ﺭﺑﻨﺎ ﻳﺸﻔﻴﻬﺎ . ﻭﻳﻬﺪﻳﻬﺎ ..


النهاية



ﻧﺴﺄﻝ ﺍﻟﻠﻪ ﺍﻟﻌﺎﻓﻴﺔ ﻣﻦ ﺍﻟﺤﺮﺍﻡ .. ﺍﻟﻠﻬﻢ ﻻﺗﺒﺘﻠﻴﻨﺎ .. ﺍﻟﻠﻬﻢ ﺍﻋﺼﻤﻨﺎ ﻣﻦ ﺣﻖ ﺍﻟﻨﺎﺱ .. ﻭﺍﺑﻌﺪﻧﺎ ﻣﻦ ﻛﻞ
ﺷﺒﻬﺔ ..
ﻭﺍﺯﺭﻉ ﺍﻟﻘﻨﺎﻋﺔ ﻓﻲ ﻗﻠﻮﺑﻨﺎ ﺑﻤﺎﺗﻘﺴﻤﻪ ﻟﻨﺎ ﻳﺎﻛﺮﻳﻢ ..
ﺣﺒﺎﻳﺐ ﻗﻠﺒﻲ ﻟﻴﻜﻢ ﺍﻟﺘﺤﻴﺔ ﻭﺍﻻﺟﻼﻝ .
ﻭﺗﻘﺒﻠﻮ ﻣﺤﺒﺘﻲ ﻭﺍﺣﺘﺮﺍﻣﻲ .

[Topaz.]