19-04-17, 11:02 PM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  تكملة البارت الثالث عشر \\ راكان ناظر للحي حوله وللعيال الي يلعبون بالشوارع: عمي هنا مافي مستشفى لعلاج المخدرات ناصر ببرود: ومن قال اني رح اوديك مستشفى راكان ناظر عمه الي يتكلم ببرود: يعني؟ ناصر: ما رح اخاطر باسم عايلتنا عشانك ... سمعت ان هنا واحد يساعد عيال الناس الاغنياء بتستر من غير لا يسأل عن هوياتهم ولا عن أي شيء يخصهم راكان بهدوء : اها ناصر: نزلنا نزل راكان من السياره واتجه جهة عمه عشان يمشي معه ناصر: شفيك تعرج راكان بهدوء : ما في شيء ناصر رفع حاجب : راكان !! راكان حط عينه بعيون عمه : مشكور يا عمي على كل الي سويته وكل الي تحملته بسببي ... ما ابي اشغلك اكثر ناصر حن قلبه كان يبي يقسى عليه عشان يعلمه درس مو كل مشكله يدخل فيها يقولها عادي ويستنى الحل من الغير حط يده على كتفه: راكان ابني ... والله يا راكان كل الي اسويه عشان مصلحتك صدقني ....وبكل صدق: كلام الناس ما يهمني ..كثر ما يهمني انك تطلع سليم منها ... راكان انا اسوي كل ذا عشان جدك لا يعرف بالموضوع ... عارف جدك لو شاف زله عليك ما رح يمشي الموضوع ...وابوك من جهه ثانيه ما رح يصدق انه مالك يد بالموضوع ... راكان يمكن لو بندر الي صارله كذا يمكن ما كنت صدقته ... راكان انت وضعك غير بعيدا عن الناس الي تدور زلات عايلتنا ... انت نفس العايله تدور زلاتك راكان غمض عيونه ورجع فتحها بهدوء: ادري يا عم وموماخذ بخاطري عليك .. وادري كل الي تسويه عشان مصلحتي ناصر وعينه ما نشالت عن راكان ... ما يدري الي قاعد يسويه صح او خطا ... وما يدري ان كان صدق ذا الرجال رح يساعده او لا .. سمع عنه ... من صديق ثقه : الله يحفظك يا ولدي ابتسم راكان بتثاقل يحاول يخفف عن عمه : يا عم ... ما رح يصيرلي شيء تراني ذيب وكلها كم اسبوع وبرجعلك بالسلامه مافيني الا العافيه ناصر بابتسامه يخفي المه : ان شاء الله .... ما جاوبتني شفيها رجلك راكان : جدي عاقبني اليوم ناصر: ليه وش سويت؟ راكان حكاله الموضوع ناصر بعصبيه: راكان لمتى رح تظل تتصرف بهمجيه وتدخل نفسك بمشاكل غيرك راكان: وش تبيني اسوي اخليه يضرب البنات ... وبعدين يا عم انت اكثر واحد تعرف شهد وانها تتأثر بسرعه وتلاقيها الحين مقطعه نفسها صياح بغرفتها ناصر: راكان بس ذا مو مبرر تقدر تقولي ضحك راكان : ههههه يا عم والله ان عصبيتك ذيه كلها مو عشان جدي... يا عمي ريلاكس احس عادي يعني كله علاج ورح ارجع تنهد ناصر: والله يا راكان خايف عليك... والحاره ذيه ما دخلت مزاجي راكان : لا تخاف يا عم علي ... بس يا عم لا اوصيك على مها ناصر : لا تخاف رح اوصلها لاهلها وما رح اروح لان اتطمن عليها راكان: ممكن سؤال ناصر: اسأل راكان : ليه ما قلتلي انه عم مها هو العقيد سامي الي كان مسؤل عن قضيتي ؟؟ ناصر تنهد: مدري بس حسيت انه افضل شيء ما تعرف ... بس بالنهايه انت روحتله لبيته راكان بشرود: يا عمي انا نسيت كل الي راح ... ومعد فيه شيء يذكرني بالماضي ناصر: الحمدلله راكان يناظر للحاره: وين البيت الي تتكلم عنه ناصر يناظر لجواله ويفتح محادثة صديقه الي ارسله اللوكيشن فيها : البيت مفروض يكون قريب من هنا ... يالله مشينا مشوا راكان وناصر على الاقدام بين الحارات ... لان وصلوا قدام مجموعة من البيوت الشعبيه شاف ناصر مجموعة من البنات الصغار تتراوح اعمارهم بين اربع الى سبع سنين نادا وحده منهن: بنت .. تعالي شوي البنت جات تركض: نعم ناصر : تعرفين بيت مروان احمد ؟ البنت تناظر لناصر وراكان الي واقف ويناظر لكل شيء حوله : انت الزبون صح ؟ راكان ناظرها برفعة حاجب البنت : شفيك تناظرني كذا ... اصلن انت مفروض تنزل راسك للارض .. ترا ابوك ما جابك هنا الا لانه متفشل منك ناصر بحده: بنت ... دلني على بيت مروان وتوكلي بيتكم راكان نزل لمستوى البنت: انت وش عرفك بذيه المواضيع البنت: لا مروان يكون ابوي راكان: اها.. وانتي كم عمرك ؟ البنت بحماس : عمري سته .. وانا الحين ادرس باولى راكان : طيب يا حلوه ... بس مثل ذا الكلام ما ينقال لاحد لازم تصيرين شطوره ومؤدبه البنت باستغراب : ليش ؟ اصلن ابوي يقول كذا راكان ابتسم لها : اممممم تخيلي لو انتي مثلا تسوينها بنفسك وانتي نايمه ... وجاء احد وقال لكل صاحباتك انك تبللين فراشك بتزعلين صح ؟ البنت هزت راسها ببراءة : رح ازعل منه وما رح اكلمه راكان : بالضبط .. والي يجون عند عمك زي كذا ناس اشرار خلوهم زي كذا .. فحرام نتكلم عليهم لانهم حتى هم رح يزعلون ويتضايقون البنت نزلت راسها بحزن : اسفه مقد فكرت كذا ... ورفعت راسها له : وانت ناس اشرار خلوك كذا راكان بابتسامة ألم : ايوا البنت : لا تخاف اخوي يقدر يضربهم ... اخوي مرا طيب راكان حط يده على شعره وحركه بعشوائيه : زين بعدين اذا طلعت من عند ابوك رح اخلي اخوك يضرب الاشرار البنت بطفوليه : خلاص اتفقنا ناصر: والحين دلينا بيتكم هزت راسها .. ومشت قدامهم وهم وراها وقفت قدام بيت شعبي جدرانه نصها مشقق وبابه الحديدي مصدي بس واضح انه لساته مقاوم للصدمات البنت : هذا هو راكان بابتسامه يمد لها توكس شراه وهو رايح يجيب مها بس بعدين حس ماله نفس ياكله: مشكوره حبيبتي ... الحين روحي كملي لعب مع صاحباتك البنت بفرحه اخذت التوكس من راكان : عفووووا ... واتجهت للبنات عشان تلعب معاهم ناصر ناظر للبيت ووهو متردد يفكر بينه وبين نفسه انه ياخذ راكان ويوديه أي مستشفى والي يصير يصير راكان : شفيك يا عم ... خلاص وصلنا والموضوع مافيه رجعه ناصر تنهد ومد يده عشان يدق الباب الي ما حوله جرس انفتح الباب الحديدي وطلع من وراه رجال واضح انه بنهاية الاربعينات .. لابس ثوب مايل للصفار ... ومعلق شماغه على كتفه وشعره فيه شعرات بيض مختلطه بشعره الاسود الباين اطرافه من الطاقيه الي لابسها : تفضلوا اقلطوا دخل ناصر وراكان لحوش صغير والغرف موزعه على طول الحوش من غير فاصل يفصل بين الغرف والحوش دخلهم لاحد الغرف... ما كان لها باب مافي الا ستاره معلقه زي الباب : هلا هلا تفضلوا جلس راكان وناصر على الارض وعيونهم تجول بارجاء الغرفه مروان جلس من غير لا يكلف على نفسه انه يضيفهم كاس مويه : انت الي جيت من طرف ابو منصور ناصر وكل شيء بذا البيت موعاجبه: ايه انا مروان ناظر لراكان من فوق لتحت وحس من مظهره انه انسان صايع .. ويمكن المخدرات من اقل الاشياء الي يسويها : وهذا هو الي تبيه يتعالج؟ ناصر شاد على قبضة يده ما عجبه الاسلوب الي تكلم فيه عن راكان بس مجبور كل ذا عشان يحمي راكان : ايه هو مروان يوجهه سؤاله لراكان : متى اخر حبه اخذته راكان اخيرا نطق من يوم ما جلسوا وهو ساكت : من امس الصباح يمكن على الساعه ثمان او سبع مروان بذهول : مرت 24 ساعه وزياده ولساتك متحمل ؟!! راكان : احس بصدع كل شوي يزيد بس يعني عادي ماشي وضعي مروان يكلم ناصر : خلاص .. تقدر تعتمد ورح اخليه عندي .. وعلى وضعه ذا يمكن يتعالج بدري من اسبوع الى اسبوعين كذا ناصر: ان شاء الله مروان مسك بيد راكان ووقفه : من اليوم رح اكون مسؤل عنك لان تطلع من عندي راكان رفع حاجب وناظرله ناصر وقف معهم : كم تبي ؟ مروان : باليوم 1000 ريال بس راكان : الف باليوم الواحد!!! مروان: خل الكبار يتكلمون ابتسم ناصر على ملامح راكان: خلاص اتفقنا سكت راكان وهو موعاجبه > بخيل*_^ مروان: خذ منه جواله ناصر عقد حواجبه : ليه؟ مروان : صدقني الجوال رح يعرقل موضوع علاجه ... ولا تجي لان يخلص علاجه لانه لو شاف احد من اهله يمكن كمان يأثر على علاجه ... لازم ينعزل عن العالم مدة علاجه كامله ناصر ناظر راكان الي يراقبهم بصمت: وكيف اقدر اطمن عليه مدله مروان ورقه مكتوب فيها رقم: ذا رقمي وبعطيك اخباره اول بأول ناصر بهمس: ان شاء الله راكان قرب لعمه وبابتسامه دافيه : لا تخاف يا عمي كل شيء رح يمشي بخير ناصر ما قاوم وضم راكان لصدره وبصوت متهدرج: انتبه لنفسك يا ولدي... والله يحفظك ويردك لنا سالم راكان اخذ نفس عميييق: ان شاء الله لا تاخذ هم يا عمي تركه ناصر وهو يمد يده له يعني يعطيه الجوال طلع راكان جواله واعطاه عمه... وابتسم لعمه وهو يودعه طلع ناصر وعقله جوارحه معلقه بالشخص الي تركه وراه مروان : اتبعني مشى راكان وراه وخرجوا من الغرفه الي كانوا فيها واتجه لغرفه قبالها بس ذيه غير لها باب حديدي واضح انه قوي ومتماسك فتح الغرفه بالمفتاح الي معه .. لف لراكان: من يوم ورايح رح تكون ذيه غرفتك راكان ناظر للغرفه فااااضيه مافيها الا سرير اسفنجي حتى الاعمده حقه وباب صغير بطرف الغرفه شكله الحمام وفيه شباك واحد عليه قطبان حديديه مرتفع فوق : رح اجلس فيها طول العلاج؟ مروان : ايه رح يوصلك اكلك وشربك كل يوم بموعده ما رح تخرج من هنا لان تتعالج بالكامل تنهد راكان: طيب .... دخل للغرفه وهو يناظر لارجائها قفل مروان الباب الحديدي مشى راكان للسرير ومدد رجوله زي العجايز ورفع بنطلونه وهو يتحسس مكان الضرب: اححححح والله مرا يعور ليتني جلست ... وخليت عادل يشوفها انسدح راكان وحط يده ورا راسه : وش ذيه الحال الي وصلتها .. ما اظن رح اقدر اكمل اسبوعين كامله لحالي بذيه الغرفه... ناظر لساعة يده : الحين شوي وبيأذن العصر ... بقوم اتوضى ....................................... قفلت الباب بقوه وراها : سنه لان تجي .. من متى داقه عليك : منى شوي شوي على الباب ... اااااي يا قلبي ... ترا سيارتي نصفي الثاني والي يجيها يجيني منى تناظرله من فوق لتحت: الحمدلله والشكر .... والله يا وليد العالم كله بيعقل الا انت حرك وليد سيارته : وبعدين ليه داقه موقلتلك تروحين بتاكسي ... انتي ناويه تفضحيني ... تخيلي احد من الشركه يشوفني معك منى: ماخذه احتياطاتي لا تخاف... وبعدين انا استناك بالشارع الثاني الي ورا الشركه وليد : اصلن مدري وين عقلي يوم خليك وحده زيك تسوي مهمه زي كذا منى تذكرت وبعصبيه: احمد ربك... اقسم بالله يكرفوني كرف... لو حمار عندهم كانوا رحموه ... ودي ذا وجيبي ذاك ضحك وليد : ههههههههههههههههههههههههه هههههههههههه الحمدلله محترفه ان الحمار .. ممكن يكون افضل منك وذا ضربته منى بالشنطه : احمد ربك اني صابره وجالسه عشانك... ونشوف نهايتها معك يا الثور وليد : أي ما تشوفيني اسوق تخيلي صدمنا صرخت مها بعد دقايق : المعفن الغبي المجنون ... حسبي الله عليه فشلني وليد يكلم نفسه: ذيه مهما كبرت رح تظل مجنونه منى : لا تجلس تتمتم تطلم زين وليد بتملل : ومين ذا الي تتحسبين عليه ؟! منى تذكرت ورجعت لعصبيتها : تخيل انا منى عبدلله يفشلني واحد زيه... المعفن ولد المدير يستعبط يقول يبي وظيفه وانا زي البقره صدقته ... وصرت اقدمله نصايحه عشان يتوظف وليد عارف منى وتسرعها : هو قالك يبي وظيفه منى : يعني ما قالها قالها ... بس شكله يدور وظيفه وليد: ليه كان معه ملف اخضر منى توها تركز: لا ما كان معه شيء انفجر وليد: ههههههههههههههههههههههههه ههههههههههههههههه اجل على أي اساس حكمتي عليه يدور وظيفه منى وجهها حمر من الفشله : ركز بطريقك لا تسوي حادث وتقلنا وليد كتم ضحكته وكمل سواقه وهو ساكت ................................ ببيت ناصر كانت شهد بغرفتها تبكي : يا بنت فهميني شصارلك من جيت وانتي تبكين شهد زاد بكاها مها بضجر: شهد !! ترا بروح عند اهلي وانتي خليك كملي بكاك شهد جلست وبين شهقاتها: اهئ صح اهئ نسيت رح تروحيمها : الحين عند امك اليوم مها : الحين قوليلي شفيك ليه تبكين حكت لها شهد الي صار مع جدهم بس ما جابت سيرة راكان بالموضوع عشان مها لا تقلق عليه مها : وذيه الانسانه من جت وهي مشاكل مشاكل وبس شهد : الله يعينها على نفسها مها بحزن: تخيلي راكان ما رح يجي معي شهد : ليه ؟ مها : يقول ابو صديقه تعبان ورح يجلس معه ... والله كان ودي انه يجي معي بأهم يوم بحياتي .. بس صديقه محتاجه شهد : لا تخافين احنا معك ... انا وامي رح نجي وخبرت نوف وليان بيجون ... ونسلمك لاهلك واحنا مرتاحين مها بفرح تحاول تتناسى راكان : جد ؟!! شهد: ي بيب اكيد ما رح نخليك ... الحين قومي خلينا نجهز مها قامت معاها : الله يسعدكم يا رب ....................................... وليد: وصلنا منى: ما رح تنزل وليد : ههه وانا اقدر اسويها ريماس تذبحني منى : ايه ذيه المطفوقه نزل وليد ومنى متجهين للمكان الي تلعب فيه دايم ريماس : ولييييييييييد ... وركضت ونطت بحضنه شالها وليد ودار فيها : هلا هلا بالدوب ترا سمنتي .. صرتي ثقيله ريماس: انت دوب مو انا ... وبحماس طلعت توكس من جيبها : وليييد شوووف وليد باستغراب : مين جابلك ذيه الشكولاته ؟ ريماس : زبون ... صح تذكرت : ابيك تضرب الاشرار الي اذوه وليد : فهميني انتي وش قاعده تقولين ريماس بحماس: واحد مرررررا طيب من زباين ابوي ... وقالي انه فيه اشرار خلوه كذا ... وقلتله رح اخليك تضربهم وليد باستغراب اول مرا يجون ناس ياخذون ويعطون وخاصه مع بزره : اها .. منى شهقت برعب وتخبت ورا وليد ومر الشخص الي تخبت منهم من غير لا يعبرهم بنظره حتى لان عقله مو معه وليد : منى شفيك؟ منى: شوفت الرجال الي مر قبل شوي وليد: ايوا ؟ منى : ذا مدير الشركه الي انا فيها وليد بجديه ناظر لظهر ناصر الي مر بجنبهم: وش جابه لهنا ريماس : هذا الي جاب الزبون الطيب وليد بتعقيدة حواجب وهو مقرر يكتشف من ذا الزبون .................................. بجوا الغرفه الي فيها راكان بدا يحس بألم شديده براسه قاعد يهز جسمه من الوجع ويسحب شعره محاوله منه انه يهجد الالم ......................... نهاااية الجزئيه اتمنى تعجبكم | ||||
|  |
|
22-04-17, 12:55 PM
| #34 | ||||||||||
| نجم روايتي وفراشة الروايات المنقولة  
| رواية غاية ف الروعة والجمال حقيقى بس حزنت على اللى حصل لايلين وولادها واتمنى ان الحقيقة تظهر والجد ياخد جزائه على اللى عمله فيهم | ||||||||||
|
| |
|
26-04-17, 04:02 PM
| #35 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ البارت الــــــــرابع عشــــر بسم الله نبدأ وصلت البيت ورمت شنطتها عند الباب ما كلفت عمرها انها تطلعها لغرفتها لانها عارفه ان الخدامه بتجي بتاخذها .... اتجهت لغرفة اختها وفتحت الباب بدفاشه من غير استأذان فزت مخترعه من الي فتح الباب بقوه كذا : وجع وجع يوجع عظامك خرعتيني : بننننت انا صرت احب رجعت تكمل المناكير الي كانت تحطها باصبع رجلها : الله اكبر ومن متى صار عندك قلب وتعرفين تحبين : سعاااد يا غبيه اسمعيني حبييت واحد من عيال عمي سعاد بسخريه: تتوقعين واحد منهم بيناظر مسترجله مثلك ؟؟ جلست على كرسي التسريحه بالمقلوب بحيث ظهر كرسي كان بين رجولها: ههههههههههههه الا ذا الشخص احسه ما تفرق معه سعاد بتملل : نوووف اطلعي برا وقفلي الباب بالله وفكينا من سماجتك نوف : ماني طالعه لان تسمعيني .. تراني اختك الصغيره سعاد: قصدك اخوووي ... شايفه شكلك بالله ..يع حتى استحي اقول للناس انك اختي نوف : قولي الي بتقولينه سالفتي وبكملها سعاد بتأفف : اخلصي نوف بحماااس : راكاااان .. وقعت بغرامه تخيلي انه انضرب عشانا يا لبييييييييييييييه سعاد : حمد لله والشكر وما لاقيتي الا راكان .. تعرفين امي وكرهها له نوف ضحكت: هههههههههههه يا غبيه ذاك اول .. بس الحين خالي عناد رجع سعاد باستغراب : طيب؟ واذا رجع ؟! نوف : تعرفين امك يا حلوه ... رح تسوي نفسها السنعه عند خالي عناد عشان فلوسه سعاد : وش دخل ؟ مو كل خوالي وحتى امي لهم نصيب واحد نوف : هههههههههههههه يا حياتي يا سعاد توني ادري انك بريئه.. يا حلوه خالي عناد ما عنده زوجه وعاش بعيد عن ابنه ... يعني تقدر امي توضح لخالي انها مهتمه بابنه وكذا ... واكيد بيحس بالامتنان لها وبيسجل كم شيء له باسمها... ولو بيتزوج وحده مننا رح يزيد حب خالي عناد لها سعاد بذهول : والله امي موصاحيه ... وبعدين وش عرفك ان تفكير امي كذا نوف : ههههههههههههههههههههههههه ههههههههههههههههههههههههه ههههههههه لاني لو انا مكانها بفكر كذا فلوس من جهتين مرا وناسه سعاد وقفت ومسكتها من يدها وهي تجرها : برا برا انا الغلطانه اني جالسه واسمعك ... وخرجتها وقفلت الباب بوجهها جلست نوف على الارض قبال غرفة اختها وهي فاصله تضحك بس ما تدري ليه كل ذا الضحك: ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هه : أي انتي يا خبله شفيك تضحكين مع نفسك زاد ضحك نوف: ههههههههههههههههههههههههه ههههههههههههههههههههههههه هههههههههههههههههههههههه مدري هههههههههه بس ابي اضحك : حمد لله والشكر... ومشى متجه لغرفته وقفت على حيلها وهي تحاول تلقط انفاسها من الضحك: هيه عموووري اصبر شوي وقف من غير لا يلتفت لها: خير؟ نوف: اجلس تغد معي ... سعاد زي العاده ما تبي شيء عشان الرز يسمن على قولتها ... وامي ذا الوقت برا ... وابوي مسافر يالله عمور عمر : انا مو فاضيلك تعبان وبنام نوف بقهر : اوووف ليتك زي خالد ولد عمي مازن مرا يحب اخواته وعمره ما قال لليان لا ... احسن انقلع لا تاكل بالطقاق عمر: روحي عند خالد خليه يصير اخوك .. ماني ناقص تفاهاتك ... وبعدين انتي شايفه شكلك وجايه مسويه البنت الحساسه الي تبي احد معاها نوف بقهر صرخت : شكلك وشكلك انتم الي خليتوني كذا ... سديت نفسي للاكل الله يسد نفسك ... وراحت لغرفتها تنهد عمر وهو يدخل غرفته يبي يقرب من نوف ويفهم عالمها بس يمكن بيئته الي تربى فيها بين اهل مو مهتمين خلته يصير انسان متبلد وما يفكر باحد ..رمى شنطته الجامعيه على السرير ودخل الحمام(وانتو بكرامه) ياخذله دش يريح اعصابه عند نوف دخلت غرفتها وهي معصبه وتكلم نفسها: شكلك وشكلك ومسترجله ... ليه عمرهم فكروا ليه صرت كذا ... ليتني اقدر اصير زي سعاد عايشه حياتها ولا همها غياب اهلي ... انسدحت على السرير من غير لا تبدل ملابس المدرسه غمضت عيونها : الله لو عندي اخ نفس خالد يهتم فيني ويراعيني ... او اب زي خالي علاء مدلع هلال اكبر دلع ... انسدحت على بطنها وهي تفكر : لو الحين لبست فساتين واشياء بنوتيه كيف بنات خوالي بيناظروني ... احس نفسي بذيه الطريقه رح يوضح علي اني ناقصه واني محتاجه حنان ... والله اني غبيه لو من اول ما صرت بويه ولا اخترت ذا الطريق ما كنت حسيت كذا ... اخترت ذا الطريق على شان الفنت انتباه امي وابوي واقربهم لي .. بس الي صار العكس صارت امي تتفشل مني ... هههههههههه وذا الي زادني اصرار على الي قاعده اسويه ... عشان اقهر امي نفس ما تقهرنا بتصرفاتها المراهقه ..... اخخخخ بس خلني اقوم ابدل بدل الكلام والفاضي ... وضحكت بصوت عالي : هههههههههههههههههه والله لا اخلي عويمر ياكل معي وما اكون نوف اذا ما ازعجته... ونطت بحماس من سريرها عشان تبدل وتسوي خطتها .................................................. ................................ عند رنيم كانت جالسه مكانها بغرفة الطعام ما تحركت ودافنه راسها بحضن امها تبكي وتشاهق فاطمه : فهميني وش صار ؟ وليه ذا البكى كله ووش دخل راكان وجدك بالموضوع ؟ رنيم تبكي: انا السبب اهئ انا السبب الله ياخذني اهئ اهئ انا انسانه غبيه ما افكر اهئ اهئ دخل عناد متضايق من ابنه ومن ابوه الي يعامل انسان بعمر 19 سنه كأنه ورع بالمتوسط .. ووراه كل من عادل وريان فزت رنيم وتمسكت بيد خالها : يا خال اهئ طمني وش صار على راكان ..وختمت جملتها بشهقه قويه حاوطها عناد بيده وجلسها على احد كراسي طاولة الطعام وبحنيه: رنيم حبيبتي امسحي دموعك راكان ما فيه الا العافيه بس فهميني شصار وليه جدك ضربه ؟ رنيم تمسح دموعها بطرف اكمام عبايتها الي للحين ما بدلتها: انا اهئ انا السبب عناد : حبيبتي طيب فهميني السالفه ؟ وانتي وش سويتي رنيم وهي تشاهق : اسفه يا خالي اهئ انا روحت قلت لجدي اهئ اهئ ان شهد قصة شعري وابي اخذ حقي منها ما توقعته كذا قاسي اهئ وبعدين وبعدين نوف جت وقالت انه مو شهد الي قصته ... زاد نحيبها : الي قصته وحده بالمدرسه والجد كان اهئئ بيضربنا وجاء راكان وقفه ... ومعد قدرت تكمل بسبب شهقاتها الي ما قدرت توقفها تنهد عناد : خلاص يا بنتي اهدي اهدي ؟ رنيم : طيب اهئ راكان وينه ؟ عناد بضيق : راح فاطمه وهي للحين مو فاهمه الموضوع: ابوي ضرب راكان ؟ وقف عناد وهو متضايق : ايه فاطمه بضيق على راكان : وانتي مو قلنالك ان شهد مالها دخل ... الا تكبرين الموضوع من يوم ما جينا وانتي مدخلتنا من مشكله لثانيه ريان: يمه رنيم كانت تبي تاخذ حقها فاطمه بعصبيه : انت اسكت ما ابي اسمع حسك ... انت وهي نفس الطينه ومشاكلكم ما تخلص عناد : فاطمه خلاص ... عدا الموضوع على خير فاطمه وقفت بعصبيه : وين الخير والولد انضرب... وراحت غرفتها رنيم: خالي والله ما كنت ادري والله اهئ اهئ عناد : خلاص يا رنيم .. قفلي الموضوع وراكان ما فيه العافيه ... وبعدين تروحين تعتذرين من شهد فاهمه هزت رنيم راسها بانصياع : طيب عناد : عادل دق على اخوك شوفه وين راح عادل : هاه ... شسمه رقم راكان مو معي عناد رفع حاجب : وانت يا ريان معك رقمه؟ ريان يحك راسه : لا مو عندي عناد بعصبيه : اخوكم وما معكم رقمه ... ووخرج من غرفة الطعام متنرفز >> مسوي طالع منها وهو قبل يومين يسأل عن رقم ابنه *_^ جلس ريان على الطاوله بيكمل اكله ضربه عادل بخفيف على ظهره : الناس متضايقه وانت تاكل ريان يرتشف من اللبن : احنا نموت نفسنا جوع ... وراكان تلاقيه رايح يتغدا بمكان ... كله ضرب مو شيء كبير عادل : الله يعينك على نفسك .. المهم تالين وين من جينا الرياض معد صرت اشوفها ريان : تلاقيها ببيت خالي ناصر تلعب مع فهد ... او مع الخدامه ... راكان ذا حتى اشغل امي عن بنتها عادل : وانت كل شيء راكان ... بروح اناملي ساعتين اريح احسن من مقابل وجهك ريان بلع اللقمه الي كانت بفمه: بااي .................................................. ........ طق طق طق : ادخل : شهد مها لساتكم جالسين قوموا البسوا مها : ليه خالتي؟ سناء (ام مهند) : عشان نروح لاهلك ... حبيبتي لازم تسنعين وتكشين شهد فزت : ايوا يمه قوليلها تعبت معاها .. مو راضيه تقول عادي بالنهايه بعيش عندهم وبيشوفوني نفس ما انا عليه مها بلا مبالاه: وذا الصدق سناء وقفت مها : يالله حبيبتي لازم تلبسين يالله يمدينا نخلص قبل المغرب بعد الاذان بنروح يقول عمك ناصر مها باستسلام : ان شاء الله ام مهند ما قاومت وضمت مها بقوه وبصوت باكي : يشهد علي ربي يا بنتي اني صرت احسك بنت لي ثانيه غير شهد .. والله فراقك مرا صعب علي ما توقعت بيوم انك تروحين من عندنا تمسكت مها بام مهند وهي كانت محتاجه لذيه الضمه ونزلت دموعها بكل انسيابيه : والله حتى انا يا خالتي ما ودي اروح بس لازم انفذ وصية ابوي الله يرحمه .. والله يمكن لو عشت عند اهلي ما كانوا وصلوا لمحبتي لكم الحين.. انتي يا خاله صرتي ام لي بعد ما توفت امي الي ربتني ... الله يسعدكم يا رب ابعدتها ام مهند عن حضنها ومسحتلها دموعها :الله يسرلك امرك ويسعدك يا بنتي شهد جت نطت بينهم وبدموع تحاول تخفيها : غش تضمون بعض وما تضموني ابتعدت مها وبصوت تحاول تخليه طبيعي : هههههههههههه يا ربي على الغيره ام مهند : اشغلتوني الله يهديكم بروح السوق بجيب اشياء بسيطه لهم .... وكم حلا خفيف لهم شهد بعيون بريئه : يمه حبيبتي بقلك حاجه بس لا تعصبين ام مهند وعارفه بنتها ما تتكلم كذا الا اذا وراها مصيبه : شهد خلي مصايبك اذا رجعنا من عند الناس شهد: هههههههههه المشكله المصيبه عندهم بتصير ام مهند : شقصدك؟ شهد تخبت ورا مها وطلعت راسها بس : ترا نوف وليان بيجون معنا ويمكن سعاد تجي بعد ام مهند بصراخ: شهد لا اعزمي العايله كلها احسن ... احنا بنروح بيت ناس اول مرا بنجي بيتهم ... تجمعين العالم ليه مها : خالتي انا قلتلها ابيهم يجون معي ام مهند: مها حبيبتي ما يصير وش بيقولون الناس عنا مها : والله خالتي كيفهم انا بنتهم وذولي خواتي بيستقبلونا اهلا وسهلا ما يبونا بالطقاق ابركها من ساعه والله ام مهند : احكي معاكم انتي وياها ضايع يالله روحن البسن وتسنعن ... وانتي يا مها يا ويلك تسوين حركاتك وتلبسين بنطلون وتيشيرت البسي فستان شيء ناعم مها بضحكه : ان شاء الله خالتي ام مهند : صح نسيت ... شهد يالفالحه يوم عزمتي بنات عمامك قلتي لرنيم وجنان ... حرام ما بقي الا هم شهد: يع يمه ما نبيهم ... وبالذات رنيم ذيه ما ابي اسمع اسمها خير شر ام مهند : بلا دلع بنات وانتن بنات عمام لازم تتراضين خلاص مها وفيه فكره جهنميه جت ببالها : ايوا خالتي لازم يتراضون واكيدي على رنيم بالذات انها تجي شهد تناظر مها بحقد ام مهند طلعت عشان تجهز الاغراض وتخلص وبعدها تجهز نفسها شهد تقلد مها : اكيدي على رنيم ... رجعت طبيعي : خير انتي مها : في راسي موال خطييير .. ادعيلي ينجح عشان اعرف طينة اهلي شهد : الله لا يبلانا بس ... قومي خلينا نستشور كشتك ذيه .................................................. ............................... : سوي الي قلتلك عليه ابي اعرف كل شيء عن الزبول رديت عليه بملل : وليد خلاص فهمت ياخي اسأل عمي وبطريقه مو مباشره ما اخليه يحس وليد : والله يا منى انتي مالك امان .. نهايتها تقولين لعمك وليد قالي اعرفك فاهيه منى : تراك محتاجني تكلم معي زين ولا ببطل وليد : خلاص ولا تزعلين بكرا انا بوديك دوامك منى بفرح : امااانه احلف وليد: والله خلاص انجزي منى : من عنيا ريماس: وليد ليه تبي تعرف عنه... هو طيب وحلو كثيييييير احلى منك شكله زي اللعبه وليد: شكلها بنت عمك ذيه البزره متخرفنه عشان توكس ريماس: لا لا هو صدق حلو ... انا قررت بتزوجه عشان يصيرون عيالي حلوين زيه وطيبين يعطون الناس شكولاته زيه وليد قرص خدها بخيف : الله يخلف عليك ... وبعدين منى عيب عليك تعلمين بزره ذا الكلام منى تخصرت : لا والله الحين صرت انا الي اعلمها ... يالله وليد روح عشان لا يشوفك عمي عندنا ويعصب وليد : والله عمك ذا ذابحني نفسي افرفر بالحاره .. بس هو لو شم ريحة وليد بالحاره ولع فيها ... مدري ليه يكرهني انا انسان مرا طيوووب .. وجلس يسوي حركات بعيونه يعنني برئ منى مسكت يد ريماس : وليد روح بيتك الله يستر عليك وليد: ههههههههههههههههههههه اوك باي باي راحت منى لبيت عمها ومعاها ريماس عشان تسأل عن الزبون الي حير وليد ... وصلت الباب وطقته طق طق طق مران جاي ناحية الباب : هاه مين .. اصبر جيت ... تسرت الباب .. فتح الباب : منوي ما تعرفين تطقين الباب زين منى : هااااي عمي دخل مروان وهو يحك راسه : خير شتبين منى : افا عمي ما تبيني مروان : ادخلي ادخلي ريماس ضمت ابوها : بابا وين الزبون الحلو مروان شال بنته : حبيبتي رموسه لا تقربين منه ..ز احنا ما نعرف اخلاقه ريماس باحباط : طيب منى بقلبها شكرا رموسه سهلتي لي فتح الموضوع: عمي مين ذا الزبون صرعتني فيه من يوم جيت من دوامي مروان باس بنته ونزلها على الارض : واحد الله يستر علينا وعليه مدمن ويبون يعالجونه بلا فضايح منى : صح عمي ذكرتني ...شوفت قبل شوسي مدير الشركه الي اشتغل فيها بالحاره عقد مروان حواجبه : مديرك وش بيجيبه هنا ... ناصر جسار مستحيل يجي لمكان زي كذا منى : الا شوفته ... لابس ثوب وشماغ ابيض وكبك فضي .. وامممم اي صح بيده سبحه لونها اسود مروان فتح عيونه : مستحييييييل !!!! يكون ذا من ابناء جسار ... اصلن حسيت شيء خطا ... لان اول مرا احد يجيب واحد يبيه يتعالج ويضمه ومهتم فيه دايم يرمون عيالهم وهو ودهم يذبحونهم .... اكيد الولد له قصه .... وكيف صار عند عايلة جسار ... والولد يناديه عمي منى بتعقيدة حواجب :شقصدك عمي طق طق طق مروان : ادخلي جوا بشوف مين اخذت منى ريماس ودخلو للغرفه الي كان فيها راكان وناصر ونزلت الستاره عليهم : سمعت ان عندك زبون وشكله من النوع الكاش مروان بتأفف: اخلص عبيد وش تبي ؟ عبيد يتجه للغرفه الي متعود مروان يحط فيها المتعاطين وناظر من الحفره الموجوده بالباب الي يتابعهم مروان من خلالها اذا زادت الام راسهم ويعطيهم مخدر صفر باعجاب : والله انه جاك رزق عظيم مروان : وش قصدك؟ عبيد بخبث : فضيلي البيت على الساعه 12 بالليل ورح اجبلك بدل الي تاخذه اضعاف اضعافه مروان بتركيز : فهمني عبيد : الاشكال نفس الي عندك نادر نلاقيها وعليها طلابيه كثير مروان رفع حاجب: عفوا تراه بني ادم مو بضاعه ... تكلم بكلام مفهوم عبيد: مو انت تبي فلوس .. سو الي بقلك عليه مروان : المهم فلوس توصلني .. والولد حلالك ضحك عبيد بخبث : ههههههههههههههههههه ولا يهمك بكرا رح تصحى وبيدك 5000 اذا مو اكثر مروان والموضوع دخل مزاجه : الله 5000 مرا وحده ورا الستاره عند منى الي سمعت كل شيء قررت بس توصل البيت رح تقول لوليد كل شيء .................................................. .......................... : سيري روحي شوفي المجلس الداخلي ... بسام جبت الاغراض الي موصيتك عليها بسام جالس على الكنب بتململ: يمه ذيه عاشر مرا تسألين ريناد: ريلاكس يمه هدي . شفيك كذا متوتره عادي تراها بنتك ام بدر بعصبيه : وانتي وش مجلسك هنا مو قلتلك روحي بخري غرفتة اختك قامت ريناد وهي تتحلطم: اختك واختك وهي لسه ما جت بسام: ههههههههه واك واك فشلوها ريناد : اوص اوص نزلت من الدرج وهي معصبه وتنافخ : يمه غش ليه هي بغرفة لحالها وانا وريناد بغرفه ... خليها معى غرام تراها مو بنت الجيران بنتكم ام بدر : بسمه فكيني من حنتك من الصبح وانتي على نفس الموال صجيتيني بسام: يمه ذيه الانسانه بالذات اسفهيها ما تنعطى وجه بسمه : انت اسكت يا تؤامي النشبه ...الناس عندها تؤام تدافع عنهم الا انت واقفلي بالبلعوم بسام : البلعوم ولا المرئ هاهاها بسمه : هاهاها مرا تضحك صراحه جلست ام بدر على الكنب جنب بسام بتعب: يا رب يا رب ان مها ما تطلعا على ذولي المهبل يا رب .. يا رب طلبتك يا رب بسام وبسمه بوقت واحد : يممممه!!! ام بدر بعصبيه وقفت: مو شايفيني حايسه بنفسي وفوق ذا مزعجيني استغفر الله بس : يمه ام بدر : هلا بولدي هلا ... جزاك خير يا ولدي تعبتك معي اليوم بدر يسلم على راسها : لا يالغاليه لا تعب ولا شيء .. اذا ما تعبت على شانك اتعب على شان مين ام بدر تناظر بسام وبسمه بطرف عين يعني تعلموا: تسلم جاي يركض بخوووف وتخبى ورا امه : يممممممممه !!! بيذبحني : يا حيوان .. والله ما اخليك لو تروح ورا الوزير نفسه ام بدر بحزم: عدنان مشعل شصار عدنان معصب : ابنك الزفت ... كاب مويه علي وانا نايم شوفي كيف ملابسي ام بدر : وانت لمتى ان شاء الله ناوي تنام انا الي قلتله يصحيك عدنان : يمه انا متى ما حبيت بصحى ام بدر : اختك جايه ما تشوفنا كلنا حايسين واخوك بدر ترك دوامه وجاي يساعدنا .. وانت نايم ولا همك وحتى جامعه ما داومت عدنان بسخريه : وانتم كيف تستقبلون بنت ... جايكم شابين يقلولكم عنها... لو صدق عايشه عند ناس كان جو ناس كبار مو بزارين زيهم بدر بعصبيه : عدناااااااااااااان! عدنان لف راجع لغرفته : وانت لا تسوي فيها البار ... وتفكيرك نفس تفكيري ... وراح رجعت ام بدر جلست على الكنبه ودموعها شقت وجهها : تعبت من ذا الولد متى ربي بيهديه جلست بدر قبال امه : لا تاخذين بخاطرك يمه هي فترة مراهقه وبيعقل ام بدر تمسح دمعتها بطرف شيلتها : الله يهديه يا رب جت غرام الي كانت ترتب الاغراض بالمطبخ : يمه خالتي ايلين بتجي بسمه بلقافه : اكيييييد بتجي اذا ما جت بزعل منها ... كيف اقابل اختي وهي مو موجوده عيب ام بدر : الله يديم نعمة العقل ... قفت على حيلها عشان تكمل شغلها بسام قاعد يكتم ضحكته عشان امه لا تقلب عليه هو بعد رمته بسمه بالخداديه وقامت عشان تساعد امها بسام: بدر وين ابوي ؟ بدر: مدري يقول عنده مشوار بيقضيه وبيجي بسام: تتوقع ابوي كيف يعرف ذاك الولد الي شعره احمر بدر: علمي علمك .................................................. .......................................... : هههههههههه حبيبتي والله ... اقسم بالله حيييييل وحشتيني .... افا ما تصدقيني ... ههههههههههههه خلاص انا زعلت .... لا ما رح ارضى لا تعطيني بوسه .... يا لبيييييييييه .. اقسم بالله احبك احبيييك ... يا لبى الي يستحون .... لا شهوده حبيبيتي ... اوك اوك .... وانتي بعد يا قلبي ..... ههههههههههههه خلاص طيب روحي..... يالله ياالله باي ... قفل منها وباس الجوال بقوووووه : الله لا يحرمني منك طق طق طق : ادخل طلت براسها : خالد فاضي؟ خالد : هلا ليان ادخلي دخلت ليان غرفة اخوها الي كانت مزيج بين الاورنج والفضي : كيف المدرسه معك اليوم ؟ خالد : الحمد لله ماشيه ... بس اختبار الرياضيات شكلي جبت العيد فيه ليان : لا ان شاء الله يطلع كله صح خالد حس ان اخته بخاطرها كلام : ليان حبيبتي قولي الي بخاطرك ليان بدموع حكت لاخوها كل الي صار مع الجد ما تحب تخبي اي شيء لو بسيط عن اخوها ضمها خالد من الجنب ومسك دموعها باطراف اصابعه : حبيبتي خلاص يا قلبي... انتي تعرفين جدي وعصبيته وراكان كبير ولا تخافين عليه ... وبعدين يا دلوعه انتي مالك خص بالسالفه وتبكين ضحكت ليان برقه : ههههه .. خالد ذكرتني خالد: ايش؟ ليان : اليوم مها بتروح عند اهلها ... وشهد قالتلنا انه مها تبينا نجي معاهم وبنروح خالد : ما شاء الله ومتى مها لاقت اهلها ليان : تقريبا لها اسبوع .. وامس بندر وراكان راحوا لهم وقالولهم عن مها خال: اها .. باركيلها عني ليان: ان شاء الله .... يالله بقوم اجهز .................................................. ............................... خرجت مستعجله من غرفتها مرا تأخرت فتحت غرفة اخوها بدفاشه بس وقف شعر جسمها كله برودة الغرفه دخلت لجوا : عمور نايم ... اقتربت من سريره لاقته نايم على بطنه وعليه بنطلون جينز ومن غير بلوزه ضربت الارض بقهر كانت تبيه يتغدا معاها بس طولت وهي تاخذ دش خرجت بعد ساعه الا ربع .. قفلت المكيف عليه بس كذا نحاسه وراحت للمطبخ تاكلها اي حاجه ... بطريقها للمطبخ تذكرت شيء وشهقت بصوت عالي كأن روحها بتطلع منها : يا نوووف يا حماره كيف نسيت موضوع مها .. غيرت مسارها لغرفة اختها سعاد نوف: هاااااااااااااااااي سعاد: خير يا ازعاج نوف : الخير بوجهك ... المهم لاقت اهلها واليوم بتروح تشوفهم بتجين؟ سعاد: شوي شوي نوف : يا ربي ... سعاد شغلي مخك معي تراني جوعانه ... بنروح مع مها عند اهلها اعتدلت سعاد بجلستها : اي اهل ؟ ومتى لاقت اهلها وكيف بذيه السرعه بتروحلهم؟ نوف : والله مدري... الزبده الحين بتجين او لا سعاد : مدري نوف: ما في شيء اسمه مدري خلاص تعالي .. عيب ودعي البنت سعاد: الله ومن متى تعرفين العيب انتي نوف نزلت لسانها لها : من اليوم ... وطلعت سعاد رجعت لجوالها : قفلي الباب معك .................................................. ............. تعب من كثر لا يدق بس للاسف يطلعله الجوال مغلق... خايف على ولد عمه من الصبح صوته مو طبيعي وزاد خوفه كلام شهد قبل شوي تقوله ان راكان ما رح يجي مع مها لان ابو عبد الرحمن تعبان .. هو يعرف انه هو وعبد الرحمن متضاربين .. وان راكان فيه شيء زي كذا رح يقوله .. وجواله المقفل زاد حيرته يتمنى ان كل الي يجول بخاطره خطا وان راكان صدق مع عبد الرحمن ويمكن طفى جواله لانه من غير شحن صرخ بندر: اووووووف راكان اطلع من مخي .. ي رب ما يكون فيه الا العافيه يا رب .. مدري ليه احس بضيقه وان راكان فيه شيء الله يحفظه يا رب بنفس هذا البيت بس بمكان ثانين : كيف ابوي يقدر يسوي شيء زي كذا يعامل واحد رجال شنبه خط وجهه بذيه الطرقه كأنه ورع بالمتوسط : اها : ناصر شفيك اتكلم جد انا ناصر وعقله مو معه : طيب وش تبيني اقول .. راكان من عمره 14 وهو ينضرب بذيه الطريقه مافي شيء تغير عناد: وساكتين عن ذا الوضوع ؟؟! لو احد من عيالك كان خليثت ابوي يضربه بذيه الطريقه؟ ناصر : انت قلتها عيالي .. راكان مو ولدي .. وابوي اذا قلتله شيء يقولي انشغل بعيالك وما عليك بعيال الناس ... عناد انت تارك ابنك 19 سنه وجاي الحين تبي تحاسب الكل ... اول شيء حاسب نفسك. بسبب بعدك عن ابنك الكل قام يستقوي عليه عناد زفر بضيق: ما توقعت بعدي رح يسوي ذا كله ناصر : الا تدري ..ولد عايش من غير ام ولا اب ... تتوقع رح يقدر يعيش حياه طبيعيه؟!! عناد : انت كنت موجود ناصر بعصبيه: ووجودي ما ساعد ابنك... ما قدرت اوقف كلام اخوانك عن امه .. عناد راكان ما سلم لا منك ولا من اخوانك ... كل ما يصير شيء او يسوي اي مشكله بسيطه يمكن لاي مراهق يسويها .. الا تدخلون ايلين بالسالفه... الولد ماله دخل باللي سويته او سوته امه عناد: ناصر والله غصب عني ايلين بكل شيء لازم تطلع .. مرا 19 سنه وللحين هي موجوده بكلامنا وتعليقاتنا ناصر ببرود : عناد تذكر المشكله الي صارتلك قبل لا تروح تدرس ببريطانيا عناد بعصبيه انفجر باخوه : ناااصر ... قفل على الموضوع انت عارف انه ما احبه ينفتح خلاااص الي راح راح ناصر باستهزاء : ليه بموضوع ايلين ما راح ؟ انت تعاير ابنك باللي سوته زوجتك !!.. وش بيكون احساسك اذا الناس عايروا ابنك باللي انت سويته ؟! عناد وقف ناسي ان ذا اخوه الكبير مسكته من ياقته : ذا الموضوع ما ابي اي احد يعرف فيه... ناصر اقسم بالله لو اعرف ان احد غيرك عرف بالموضوع والله لاحرقكم واحد واحد ناصر بهدوء : نزل يدك!! عناد ابعد يده عن اخوه وسح بيده على وجه ورجع شعره لورا محاوله منه انه يهدي اعصابه : ناصر ما كان قصدي... وقرب منه وسلم على راسه ناصر : ما فتحت ذا الموضوع الا عشان انبهك... اذا جلست تتكلم على ايلين ترا الدنيا دواره وموضوعك بيطلع ورح تعاني .. وولدك بيعاني معك عناد بهمس : ان شاء الله ... وخرج من عند اخوه من غير كلمه زياده تنهد ناصر بضيق والم ووجع وهو يناظر لجوال راكان المحطوط على مكتبه .. قفله بعد ما شاف اتصال من بندر.. وجلس يفكر براكان وكيف حالته الحين .................................................. ..................................... يتبع... | ||||
|
| |
|
26-04-17, 04:03 PM
| #36 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| التكمله : ان شاء الله ان شاء الله ... بشوف البنات وبردلك ... يلا فمان الله : مين كنتي تكلمين يمه ؟ فاطمه: هذه خالتك سناء.. كيفك الحين ؟ جنان ناظرت للبخاخ الي يطلع من الكوفي الي بيدها : بخير الحمد لله فاطمه: جنان حبيبتي اختك قاطعتها جنان: ادري يمه .. واصلن تخطيت الموضوع من زمان فاطمه بابتسامه : الله يرضى عليك يا بنيتي .... بعد دقايق : خالتك سناء تقول انه بيروحون عند اهل البنت ذيه الي اسمها مها وتقولك اذا حابه تجين انتي ورنيم البنات كلهم بيروحون جنان : انا عن نفسي ما رح اروح .. لا اعرفها ولا تعرفني بيصير شكلي خطا فاطمه : الله يعين .. سفرنا ابعدكم عن عيال خوالك جنان ترتشف من قهوتها : عادي يمه فتره وبنتعود بنفس البيت بس بالدور العلوي جالسه بغرفتها وشعرها غرقان مويه لساتها متسبحه .. ماسكه المقص وهي ناويه تعدل شعرها وتبدا حياتها طبيعيه حست ان كلام اختها جنان صح ان ابوها بيزعل اكثر اذا شاف الي تسويه .. حست ان الموضوع زاد عن حده بعد المصيبه الي سوتها.. ابوها رح يظل بقلبها وما رح تنساه مو بشعرها .. قررت انها تحاول تتقرب من بنات خالها .. وتوضحلهم انها مو راعية مشاكل بس كل شيء جاء ورا بعضه بطريقه غريبه ... بدت تقص شعرها ودموعها تطيح مع كل شعره .. لازلت تحس انه صعب الي تسويه بس مستحيل تتراجع عن قراراتها .................................................. ......................... : السلام عليكم ام بدر باستعجال: ايلين الحمدلله جيتي بوقتك.. جبتي الحلا الي موصيتك عليه ايلين : افا عليك سويتهم وزدت اثنين عليهم ام بدر: ويلوموني فيك ريناد : الله الله بسمه تعالي شوفي امي من الصبح تنافخ علين ويوم جت خالتي ايلين صارت تتغزل فيها ايلين : هههههههههههههههههههههههه غيره يا ربي بسمه نزلت بالمطبخ وكانت فطيره بفمها نزلتها : والله يا خاله صدق اليوم بديت اغار .. شوفي كيف شكلي .. كأني داخله حرب ام بدر تناظر بنتها الي مغرقه دقيق من راسها لا رجليها : انتي بالذات مفروض ما اخليك تطلعين من المطبخ ابد.. بزره انتي شوفي شكلك كيف انفجرت ريناد وايلن من الضحك على بسمه: ههههههههههههههههههههههههه ههههههههه بسمه بحنق رجعت المطبخ وام بدر والباقيات راحوا يكملون شغلهم حتى ايلين جالسه تساعدهم .................................................. ......................... اذان المغرب وقت روحتهم عند اهل مها تجهزوا كلهم نوف زي العاده لابسه بنطلون مشقق وبلوزه رياضيه شهد لبست فستان ناعم لنص الساق باكمام طويله ومستشوره شعرها ومخليته سايح على اكتافها وحطت قلوس وردي وكحل داخل العين ليان كانت لابسه تنوره بيضاء لتحت الركبه بشوي وعليها بلوزه سماويه مفتوحة الاكتاف واما سعاد الي قررت تجي بعد الحاح من اختها نوف كانت لابسه قستان نفس شهد بس مفتوح من الظهر شوي وحطت ميك اب شوي ثقيل واخييييرا صاحبة الشأن لبت بنطلون سكيني اسود ليه بلوزه بيضاء ولا كلفت على عمرها حتى تحط كحل خلت شعرها عادي مفتوح كلهم كانوا ببيت ناصر عشان يمشون من هناك سناء وعباتها بيدها : يالله بنات ناصر يستنانا بالسياره مها بخوف: خلاص بطلت ما ابي اروح سعاد الي نادرا ما تبان طيبتها : مها حبيبتي لا تخافين احنا معك .. وذولي اهلك مو ناس غريبه نوف بصدمه : اختي انتي من متى صايره طيبه وتحبين مها مها : لو ادري كان من زمان جبت اهلي سعاد بغيض : اقلك كذا عشان تنقلعين بيت اهلك وتفكينا مها : هههههههههههههههههههههههه خلاص ما تترقع عرفنا ان فيك جانب مشرق سعاد : امشي امشي بس ونزلوا كلهم للسياره ناصر : كلكم جيتوا البنات بصوت واحد : ايوا سناء : اصبر بقي وحده شهد : مين ؟ سناء اشرت للي جايه من بعيد تركض: رنيم نوف : اوووف وش يجيبها ذيه الهم شهد بضيق : محد ناقصها مها بحماس : الحمدلله جت نوف : اي انتي خبله نسيتي الي سوته معك اول ما جت مها : كل شيء يهون اذا بقدر اغيضهم شهد : حمد لله والشكر ركبت رنيم السياره واكانت لابسه عبايه وبس متحجبه من غير نقاب : السلام عليكم معليش اخرتكم سناء : لا عادي حبيبتي ناصر يناظر لرنيم بمرايته الاماميه : رنيم .. وين نقابك ؟ رنيم باحراج : يا خال انا ما اتغطى ... تعودت بألمانيا بس بالحجاب شغل ناصر السياره : هنا غير عن ألمانيا .. الحين غطي وجهك بطرف شيلتك بس مرا ثانيه .. ما ابي اشوفك من غير غطا رنيم بانصياع وهي تغطي وجهها : ان شاء الله نوف بهمس لشهد : تفشلت شهد : احسن ليت ابوي هزئها مها : مشكوره رنيم انك جيتي معي .. بكذا ما حسيت نفسي ثقيله عليكم رنيم بابتسامه: والله انا الي مفروض اشكرك .. واسفه على كل الي راح يا مها انا غلطت عليك وبحقك ولا استسمحت منك مها : ما عليك الي راح راح .. بس ابي مساعدتك بشيء بسيط اذا وصلنا رنيم : عيوني لك نوف : من متى ذيه صايره طيبه رنيم لفت لشهد: شهد حقك علي واسفه اني اتهمتك ظلم والي تبينه بسويه اهم شيء ترضين عني شهد لفت وجهها : ما رح اسامحك .. اذا الموضوع علي بس عادي .. بس اي شي يوصل لراكان لا والف لا مها : ليه راكان وش دخله بالموضوع انتي ما جبتي سيرته لي ؟ شهد بتلعثم نست انها ما قالت لمها كل الي صار وهمشت الي صار لراكان : ايوا قصدي يوم ... شافتك وصرخت وعمي عناد عصب عليه مها بتسليك وهي ناويه بس يخلص ذا اليوم تتفاهم مع شهد وتعرف القصه : اها رنيم : راكان وبعتذر منه بعد شهد : اذا سامحك بسامحك انا بعد ناصر : وصلنا دب الرعب بقلب مها ما توقعت الطريق قصير كذا : خلاص بطلت برجع بيتنا ما ابي عندهم نوف : هههههههههه توني ادري انك جبانه يالله بلا دلع بنات مها بلعت ريقها بخوف وهي تقرا كل الاذكار الي حافظتها سناء لفت عليهم: نوف شهد انتم بالذات يا ويلكم تسون حركات تفشلنا نوف : افا يا خاله لهدرجه احنا تفشل شهد: ايه يمه احنا مساكين بريئات سناء : واضحه البراءه ناصر يعدل شماغه : يالله باسم الله توكلنا على الله ونزلوا من السياره وكان باستقبالهم ابو بدر (سامي) وعياله ابو بدر يتقدم بلهفه لناصر ولولا وجود محارم ناصر ولا كان ما شال عينه من البنات يدور بنت اخوه الضايعه : هلا ناصر هلا والله ناصر يسلم عليه بحراره : هلا فيك يالعقيد ... يا محاسن الصدف بعد سبع سنوات رجعنا التقينا مها بشهقه خفيفه : هذا الدكتور بدر بدر ناظرلها لدقايق وشال عيونه عنها شهد : احلى الدكتور صار يقربلك نوف : شغليه واسطه والله تستفيدين من وراه مها : اوص فضحتوني ابو بدر : وين مها بنت اخوي ابي اشوفها ابي اشم ريحة الغالي الي راح وهو بعيد عنا مها طاح قلبها بسروالها شهد ونوف بضحك دفوا مها لقدام على خفيف مها بقلبها تتوعد فيهم وتناظر لعمها بخوف ناصر: سلمي على عمك ذولي اهلك تقدمت مها بخطوات قريبه وهي تبلع ريقها .. ما تحمل ابو بدر مشيها وقرب منها وضمها بقوووه لصدره: اخيرا رجعتي يا مها .. ما تدرين قد ايش تعبنا واحنا ندور عليكم وبصوت متهدرج: يوم ابوي طرد ابوك الله يرحمه .. بعدها ندم ودورنا ابوك بكل مكان ما لاقيناله اثر مها بصوت تحاول تخليه متزن وهي غايصه بحضن عمها : ابوي عانى وتحمل كثير عشان يعشنا .. كان احيانا ينام من غير اكل بس عشان يأكلنا ... كرهت ان عنده اهل وما سألوا عنه .. عانى وانتم عايشين بخير ونعمه ابو بدر والعبره خانقته وماسكها عشان عياله : يا مها ادري عانيتوا كثير ... ابوي الله يرحمه ويسامحه ما اعطى جاسم ولا ريال واحد مها ابتعدت عنه : الله يرحمهم جميعا ويغفرلهم كلهم كانوا يناظرون الموقف بصمت ابو بدر : تفضلوا حياكم .. محمد وصل الحريم للمجلس محمد ابو العشر سنوات : طيب ومشوا معه الحريم شهد لمها : الحمد لله ما فشلتينا نوف : اي والله توقعتك تدفين الرجال مها سفهتهم .................................................. ............... كانت واقفه وتهز رجلها بتوتر وكل خليه بجسمها تنتفض : اريام اهدي وصلوا الحين بتشوفيين بنتك ام بدر: مقدر يا ايلين ماني مصدقه بعد ذيه السنوات كلها بنتي بترجعلي .. الله يسامحك يا جاسم الله يسامحك : خالتي ايلين تعالي شوي ايلين : دقايق بشوف بسمه واجيك هزت اريام راسها وهي مو معاها عند مرايات المغاسل كانوا يفصخون عباياتهم ويضبطون انفسهم رنيم قربت من الولد: شسمه يا بطل محمد: اسمي محمد شهد : وانت اخو مها الخبله محمد رفع راسها لمها الي كانت تناظره بصمت : لا تقولين عن اختي خبله نوف : اوخص يا مها حتى البزر يدافع عنك .. شكلنا الحين لو غلطنا عليك يجيك العقيد عمك ويفجر فينا شهقت سناء بقوه : مها!!!!!!!!!!!!! مها بخرعه: شفيك خالتي ؟ سناء : ليه لابسه كذا ؟ كان لبستي فستان اول مرا تجين عند اهلك .|.. ووجهك ليه ما حطيتي اقل شيء كحل وروج خفيف مها : عادي ع الطبيعي احسن سناء تنهدت : الي تشوفينه سعاد : ليان شرايك لبسي حلو ليان بنعومه : ايه ما شاء الله يهبل بعد ما صلحوا نفسهم دخلوا جوا ومحمد دليلهم لان دخلهم للمجلس اريام رفعت عيونها للي داخلات وعيونها تدور بنتها بينهم ما تدري اي وحده ممكن تكون بنتها تعلقت الدموع باطراف رموشها كيف بنتها من لحمها ودمها وما تعرفها .. انقذها ولدها محمد الي يمسك بيد وحده فيهم محمد مسك يد مها : يمه شوفي اختي مرا حلوه .. احلى من بسمه ام بدر بدت تمشي وتحس رجولها مو قادره تشيلها تحس انها ممكن بأي لحظه تطيح مو مصدقه بعد 24 سنه بنتها ترجعلها وكل ما قربت خطوه تزيد معاها انهمار دموعها الكل يناظر بترقب وش ممكن يصير وكيف رح يكون لقاء الام وبنتها اما مها كانت تناظر لامها بتوهان .. تحس بشيء من الشوق .. واحساس يقولها ذيك اك روحيلها ارتمي بحضنها .. وشيء ثاني يقولها انتي عشتي مع ام ربتك .. عمرك ما حسيتي بفقد الام الا يوم توفت ام بدر قربت من بنتها مررت اصابعها على وجهها مو مصدقه ان ذيه بنتها ايه ذيه بنتها الي اخذها زوجها او بالاحرى طليقها منها وهي بعمر سنه مدري السنتين ناظرت لعيون بنتها الي تناظرها بجمود شدت بنتها لصدرها وهي تبكي بصوت عالي اخيرا اخيرا قدرت تضمها .. اخييييرا قدرت توصل لبنتها ... ضمتها بكل قوه تقدر عليها .. تمنى لو تقدر تدخلها بين ضلوعها .. وتقفل عليها عشان لا تغيب عنها وعن عيونها ام بدر : بنتي مها .. بنتي بنتي اخيرا شوفتك وضميتك اهئ 24 سنه وانا زي الضايعه ادور طيفك باخوانك.. اهئ مها ما تدرين قد ايش تعبت .. وانا زي المجنونه ادور عليك وابكي فراقك ... مها انتي بنتي بنتي .. ورجعتي لحضني.. ابعدتها عن حضنها وصارت تقبلها بكل منطقه بوجهها وترجع تضمها مرا ثانيه تبي تطلع سنين الحرمان والوجع السنين الي عاشتها وهي تدور بنتها مها زي الصنم واقفه بين يدين امها تحس باحساس اول مرا تحسه .. تحس ان ضمة ذيه الانسانه .. كأنه شيء قديم من زمان كانت تحس نفسها فاقدته ... حتى يوم كانت بين احضان امها رنيم ... كانت تحس بذا الشعور .. الحين تحس الشيء الناقص الي فيها اكتمل : ليه تركتيني؟ ليه سمحتيلهم ياخذوني .. وببكى ما تدري ليه تقول ذا الكلام بس تحس بحرقه بقلبها تدري ان امها مالها دخلل وان الي صار غصب عنها : انتي كذابه كذابه .. وابعدت عن حضنها وهي نفسها ما تتحرك من حضن امها : لو صدق كنت تدورين علي كان لاقيتيني ... زوجك عقيد شرطي ... كان يقدر يلاقيني ام بدر ودموعها شلال: اقسم بالله العلي العظيم .. انا ما خلينا مكان الا دورناكم فيه .. عمك ما ترك ولا شرطي ما يعرفه الا وقاله ... رجعت ضمة مها : مها لو كنت ما ابيك ما كان استقبلتك بعد 24 سنه مها انتي بكري .. اول ضنى امسك بيديني .. كيف تبيني افرط فيك يا بنتي مها ابتعدت عنها وراحت للبنات وضمت اقرب وحده الي هي شهد وجلست تبكي على كتفها ام بدر تنهدت بحزن يبيلها مشوار طويل لان تقرب بنتها منها مسكت دموعها وحاولت تتماسك : معليش وقفناكم عند الباب تفضلوا حياكم سناء : لا عادي ... اكيد ذيه بنتك وسنوات ما شوفتيها من حقك تسوين كذا واكثر .. الله يحيك تسلمين دخلوا للمجلس .. ومها لازالت ضامه شهد ... بس راحت ام بدر عشان تضبط مكياجها الي اخترب بسبب الدموع والبكا مها وشهد ونوف: ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههه سناء بذهول: شفيكم ؟ شهد: امانه يمه شرايك بمها مو تعرف تمثل سناء بس قصري حسك.. الحرمه مقطعه نفسها بكى وانتم تطقطقون ؟!!! مها : والله يا خالتي مو بيدي.. معرفها وعشت وتربيت مع امي رنيم ولا عمري حسيت انها مو امي لان ما ابوي خبرني بوصيته سناء : خلاص اسكتوا لا تفضحونا رنيم بنفكير: كذابه ما كان تمثيل شهد: طولك يا روح شفيك انتي يالنفسيه رنيم بابتسامه : بس احلل الي شوفته نوف : شعندك اليوم كاثره ابتساماتك رنيم: ابي اصلح علاقتكم معي شهد: زين زين باحد الغرف المطله على المجلس كانوا مقفلين الانوار ويناظرون من فتحة الباب الي يصير بسمه: شوف الحمار يوم راحت امي قامت تضحك ريناد : بسمه يمه والله انها جمييله غطت علينا كلنا بسمه تكش عليها : جميله شكلا بس الاخلاق واضح صفر .. كيف تستهبل على امها مع بنات غريبات ريناد : هيه ترا محد غريب غيرك ... هي عاشت معاهم بسمه : خالتي ايلين مو كلامي صح .. خالتي ايلين عينها على وحده من الجالسات ما شالت عينها عنها .. مو مصدقه كيف الدنيا تدور ورجعت ذيك العايله لحياتها .. قررت تناسهم وتنسى اليوم الي جمعها معاهم .. بس الحين قاعده تشوف سناء زوجة اخو زوجها قدامها مو مصدقه.. تحمد ربها ان بسمه نادتها .. ولا ظلت هناك وشافوها .. هي ما غيرت من نفسها شيء كل الي سوته انها صبغة شعرها وصارت تلبس عدسات بنيه وبس عشان لا تلفت الانتباه بشكلها الغريب هزتها بسمه : خالتي شفيك؟ ايلين : هاه .. لا ما فيني شيء بس تذكرت فيه زبونه طلبت مني حلا ونسيت اسويه وتبيه الصبح بدري.. بروح الحين سلميلي على امك واعتذريلها عني اني مقدرت اجلس بسمه : خالتي سويه هنا وحطيه بالثلاجه واذا روحتي خذيه معك ايلين : لا لا ما ينفع .. لازم اروح بسمه بخيبة امل: طيب بدق على بدر بخليه يوديك ايلين : لا لا ماله داعي .. الحين بدر مشغول .. يالله مع السلامه بسمه : براحتك خرجت يلين من الباب الخلفي الي بالمطبخ عشان لا تضطر تمر قدام المجلس عند الرجال ابو بدر : مين يصدق ان مها ذيك .. هي نفسها مها بنت اخوي كانت قدام عيوني ناصر : اي والله شوفت كيف الدنيا بسام: يبه انت وين شوفتها اول مرا ابو بدر ناظر لناصر ... هز ناصر راسه بمعنى تكلم ابو بدر : راكان .. ذاك الولد ابو شعر احمر الي جاء ذيك اليوم ... كان شاهد على قضيه .. ومن الي شافه صارتله عقده نفسيه ومعد صار يتكلم ولا ياكل كان عمره بوقتها 11 سنه .. وناصر ما ترك دكتور نفسي الا وجابه ونهايتها اختكم .. هي الي عالجته وخلته يتخطى ذيه المرحله بفضل الله ثم هي عدنان باستهزاء وضح بصوته : ومن يومها وهي عايشه عنده لان كبر وصار رجال التمس ناصر الاستهزاء بصوته: هي عاشت عند عايلتنا كامله بين بناتي وبنات اخواني ... وراكان تربى على يدها .. بعد ما طلع من المستشفى كانت المسؤله عنه لان كبر وتحجبت عنه عدنان بسخريه : اها .. زين ربت واحد من عيالكم خزه بدر بعينه : غريبه ما جاء معك يا عم ناصر ورجعله تأنيب الضمير : ابو صديقه تعبان وراح يسانده وبدوا يدخلون بمواضيع مختلفه .................................................. .............. عند الحريم ام بدر دخلت ووراها بناتها بعد ما خبروها ان ايلين راحت : هلا تو ما نور البيت سناء ببتسامه : منور باهله سلمن البنات عليهم ويوم جاء دور مها بيسلمون عليها بسمه قربت منها : مرا ثانيه لا تاخذين امي مهزله لا يجيك شيء ما ترضينه مها بخبث بصوت عالي: ادري انك زعلانه من الكلام الي قلته لامك بس صدق كيف عمي عقيد ومالاقاني ام بدر عصبت من بنتها عارفتها اكيد قالت شيء مو زين لها بعصبيه: بسمه روحي جيبي الحلا من جوا ... وهي تتوعد فيها بينها وبين نفسها شهد تهمس لمها : انتي مو صاحيه ناويه تجيبين العيد سناء: ما شاء الله ذولي بناتك ام بدر : ايه واشرت للي جنبها كانت صابغه شعرها اسود مزرق: هذه الكبيره بعد مها غرام تدرس بالجامعه فيزياء... والي بعدها بسمه الي دخلت قبل شوي بثالث ثانوي ... واخر بنت ريناد بثاني ثانوي سناء : ما شاء الله ام بدر : ما عرفتينا سناء : ذيه شهد وشرت عليها بنتي الوحيده والباقين كلهم اولاد تمعنت فيها ام بدر ذيه شكلها اقرب وحده من مها مع انه واضح انها صغيره : ما شاء الله الله يخليها لك واشرت على نوف وسعاد : ذولي خوات بنات اخت زوجي الكبيره سعاد والثانيه نوف ام بدر : الله يحفظهن سعاد بدلع : تسلمين ريناد تكلم غرام: ييع مايعه غرام : واختها بويه ريناد: نو كومنت صراحه واشرت على ليان وبعدها رنيم : ذيه ليان بنت اخو زوجي وذيه رنيم بنت اخت زوجي الثانيه ام بدر: والنعم والله وبدوا يدخلون بالاحاديث ومن موضوع للثاني ولا تخلو من نغزات مها وكلامها عن امها رنيم .. للان دق ناصر وحان موعد الرحيل سناء وقفت : اكرمكم الله يا ام بدر.. ان شاء الله ما نكون ثقلنا عليكم ام بدر: لا البيت بيتكم وحياكم بأي وقت .. انتم الحين صرتوا من اهلنا ومنا وفينا.. مدري كيف اردلكم جميلكم ... اعتنيتوا ببنتي وصنتوها سناء: تسلمين والله .. مها بنتنا وقفت مها معهم بخوف مو مستعده لذيه اللحظه سناء ضمت مها :انتبهي لنفسك حبيبتي .. واذا احتجتي شيء دقي علينا .. وانتي الحين بين اهلك تمسكت فيها مها ما تبيها تروح ابتعدت عنها سناء وقبلتها براسها وطلعت البنات وحده ورا الثانيه يسلمون على مها لان جاء دور شهد شهد بكت من قلب لانها رح تفارق اختها الي ما جابتها امها : مها انتبه لنفسك .. والله مدري كيف بعيش وانتي بعيده عني .. بشتاق لحسك بالبيت مها ضامه شهد: خلاص بطلت ما ابي اجلس بجي معكم وام بدر تناظرلهم بتأثر والم كون بنتها تبيهم اكثر من اهلها سناء : خلاص شهوده ... مها ما رح تنقطع كل يومين هي بتجينا او احنا بنجيها وودعوا بعض ام بدر حطت يدها على كتف مها : تعالي حبيبتي ادخلي جوا مها بهدوء : ابي انام وين غرفتي ام بدر : الحين بيجون اخوانك شوفيهم وتعرفي عليهم بعدين نامي مها : ابي انام الحين ام بدر تنهدت : براحتك .. ووصلتها غرفتها دخلت مها غرفتها ودخلت بنوبة بكاء شديييييده ام بدر نزلت تحت لاقتهم كلهم كجتمعين ما عدا بدر ابو بدر : وين مها ؟ ام بدر جلست على الكنبه : تقول بتنام .. يبيلها فتره وتتعود علينا بسام: لاااا قهر كنت ابي اشوف اختي الجديده ابو بدر : روحوا ناموا والصباح يصير خير .................................................. ................... : غلطه اني عرفتك يا وليد وليد: قول انك عايش بنعمه عظيمه انك تعرفت على شخص مثلي تركي: لنا ساعه واقفين ومحد جاء وليد يرتشف من عصيره : خل عندك صبر تركي : ولمتى ؟ وليد : مدري لان يجون عبيد ونشوف وش قصته ووش قصده بالكلام الي قاله لعمي مروان ط تركي : وانت خبل تصدق منى وليد : لا تغلط على منى بس انا اغلط عليها تركي: وليد شوف ناظر وليد .. شاف عبيد ومعه 3 رجال يدخلون وبيدهم اكياس شوي كبيره ومروان فتحلهم الباب تركي : والحين وش بنسوي وليد خرج من السياره وتبعه تركي : بنوقف عند الباب وبنشوف بعدين وش يصير تركي : ليتني مايم على فراشي الحين .................................................. ......... جوا بيت مروان مروان : مين ذولي عبيد : ذولي الي بيدفعون واحد من الرجال : وين السلعه عبيد : امش معي ..ومشاه للغرفه الي فيها راكان..: مروان افتح الباب فتح مروان الباب بيشوف اخرتها معاهم كان راكان منسدح بالارض بوسط الغرفه وشاد على راسه بقوه ويأن من الم راسه .. ناظر للي داخلين عنده وهو مو قادر يتحرك من الالم الي ماسك راسه بس قاعد يكرر : حبه ابي حبه الرجال الثاني قرب من راكان ومسكه من دقنه وناظر وجهه: جمييييييييييييل يستاهل كل ريال بندفعه لك مروان : عبيد فهمني وش قصدهم الرجال الثالث والاخير : ذا ولد جميل يتفع لشهواتنا مروان بصدمه :وش قصدك الرجال الي واقف فوق راكان : احنا نحب الرجال اكثر من النساء مروان بعصبيه مستحيل يوصل لمستوى الحقاره ذيه : برررا انت وياه ما نبي فلوسكم ولا شيء منكم عبيد : مروان اهدى رح يجيك مبلغ ما تحلم فيه مروان بصراخ : اي مبلغ .. شرف الناس مو لعبه الرجال قرب منه : يا حلو ذا الولد دخل مزاجنا وما رح نخليه .. رضيت ببالطيب او غصب عنك واحد من الرجال طلع من الكيس مشروب والعياذ بالله شرب بتلذذ وبعدها مسك راكان وجلسه عشان يشربه من المشروب الي بيده راكان لازال جزء منه مركز مسك يد الرجال بكل قوه يملكها : ابعد عني الرجال : ههههههههههههههههههههههههه ه لا لا كيف اقدر اترك انسان بذا الجمال جاء الثاني ومسك يد راكان وشربوه مشروب غصب عنه مروان : ابعدوا عنه جاء عبيد ومسكه ومروان يصرخ باقوى ما عنده يبي يوقفهم واحد من الي ماسكين راكان : سكته فضحنا برا عند تركي ووليد سمع وليد صراخ مروان دخل البيت من غير تفكير وانصدم من الي شافه او بالاحرى انصدم من وجود ذا الشخص بالبيت نهاااااية البارت سبحان الله وبحمده سبحان الله العظيم توقعااااااتكم .. المره الجايه ان شاء الله رح اكتب اسئله | ||||
|
| |
|
26-04-17, 04:04 PM
| #37 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ البارت الخــــــــــــامس عشـــــــر بسم الله نبدأ واحد من الرجال طلع من الكيس مشروب والعياذ بالله شرب بتلذذ وبعدها مسك راكان وجلسه عشان يشربه من المشروب الي بيده راكان لازال جزء منه مركز مسك يد الرجال بكل قوه يملكها : ابعد عني الرجال : ههههههههههههههههههههههههه ه لا لا كيف اقدر اترك انسان بذا الجمال جاء الثاني ومسك يد راكان وشربوه مشروب غصب عنه مروان : ابعدوا عنه جاء عبيد ومسكه ومروان يصرخ باقوى ما عنده يبي يوقفهم واحد من الي ماسكين راكان : سكته فضحنا دخل وليد وانصدم من الي قاعد يشوفه كان عبيد ماسك مروان وواحد ثاني حاط يده على فم مروان يمنعه انه يتكلم وزادت دقات قلبه يوم شاف راكان شبه جالس وساند جسمه على الجدار وواحد كان جالس فوقه وبيده قنينه زجاجيه وماسك فك راكان ويشربه منها والرجال الاخير ماسك يدين راكان ومثبتها على الجدار شد على قبضة يده وبانت العروق بجبهته من العصبيه ما يدري ليه عصب كونه شاف راكان بذاك المنظر ولا لان ممكن انه يكون من عايلة جسار اتجه مسرع وضرب الي يشرب راكان بوكس على وجه بكل ما تاه الله من قوه وطاح فوقه ضرب ناسي الي حوله : يا حيوان!! وش قاعد تسويه فيه ترك الرجال يدين راكان واتجه لوليد وسحبه من فوق صديقه ولكمه بوجهه طاح وليد على الارض وقف وهو يبي يرجع الضربه بس الي كان طايح قام ومسك وليد وثبته والثاني يضربه عبيد بقلق: عوض مبارك اتركوه لو ابوه عرف رح يودينا ورا الشمس راكان كان يناظر الي يصير وهو نص واعي بسبب راسه وزاد عليه المشروب الي شربوه بدا المشروب مفعوله وحاسس ان عقله وجسمه بدا يتخدر بشكل غريب ومع كثر الالام الي يحسها نفسه يضحك ويضحك ويضحك قاعد يناظر للشخص الي قدامه حاس انه شافه بس عقله ما يساعده انه يعرف مين هذا وقف على حيله بكل صعوبه حس الدنيا تدور فيه وعارف بوضعه ذا ما رح يقدر يساعد ذا الشخص الي ينضرب حاول قد ما يقدر وركض بكل ما بقي عنده من قوه ورمى كامل جسمه على الي يضرب وليد وليد بقهر : دامك تعرف تتحرك لييييه جالس تحتهم انت حمااار !! .. كان يتكلم مقهور على راكان مع انه عارف انه مستحيل يفلت من اثنين ماسكينه ركل وليد بقاع رجله ر كبة الي ماسكه وذا خلاه ينحني للارض ابعده وليد عنه وما مداه يفلت من ذاك الي يجيه الي كان ماسك فم مروان ويثبت يدينه صرخ وليد بقهر: ابعد!!! عند راكان ابعده الرجال منه وابتسم بخبث وهو يتمعن ملامح راكان الي بادي التعب عليها مرر اصابعه على خد راكان ونزلها لرقبته راكان كان يحس بضعف شديد استهلك كل قوته الباقيه عشان يبعد ذا عن وليد.. حس بقشعريره تسري بجسمه من لمساتهالرجال ..يحاول يحرك اصبعه بس اصبع عشان يبعده عنه مو قادر فجاءه جلس يضحك بصوت عالي : ههههههههههههههههههههههههه ههه ابعد ههههههههههههههههههههههههه هههههههههههههه أي يعور راسي يعور ههههههههههههه انتبه وليد لضحكه الي مو طبيعي تيقن ان المشروب بدا مفعوله وبدا يفقد عقله ويو ويو ويو ويو ويو ويو عبيد بخوف ترك عبيد: الشرطه الرجالين تركوا وليد وهم ناوين يهربون : عوض تعال الشرطه بتمسكنا عوض يناظر لعيون راكان وهو يتحسس صدره: ما تهمني شرطه ولا شيء كل الي يهمني ما اضيع ذا الجمال !! وليد اول ما تركوه ركض لراكان وابعد الرجال عنه ونزل عليه ضرب لان ذاك تفل العافيه الرجال يوم شافوا ضرب وليد له انحاشوا قبل لا تدخل الشرطه دخل تركي وشاف وليد الي نازل باللي تحته ضرب ومسكه : وليد اتركه لا تذبحه ونبتلي فيه وليد وهو يلهث تفل بوجهه وتركه وقف الرجال بصعوبه ومشى وهو يركع خارج من البيت مروان بترجي : يا وليد استر علي انا مالي دخل.. ما كنت ادري ان كذا قصدهم... الحين بيجون الشرطه قلهم هم الي تعدوا على بيتي من غير رضى مني وليد رمقه بنظره سكتته وهو يمسح الدم الي سال من فمه : مافي شرطه ولا شيء مروان بتناحه : طيب الصوت الي قبل شوي وليد متجه لراكان : انا قلت لتركي اذا مرت نص ساعه وما طلعت .. يشغل صوت سيارات الشرطه بسماعات السياره بصوت عالي مروان تنهد براحه وليد مسكراكان الي كان يضحك بشكل هستيري من ياقته وجلسه وتكلم بعصبيه : انت وش جااابك هنا !! جاوبني كيف وصلت لذا المكان ما لاقى جواب غير ضحك راكان الي زاد عن اول : ههههههههههههههههههههههههه هههههه راسي راسي ههههههههههههه بينفجر ههههههههههههههههههههههههه ههه والله بينفجر وليد بقهر شد على ياقة راكان بقوه تركي حط يده على يد وليد : وليد خلاص خنقته الرجال مو واعي ولا يدري وش يقول ما رح تاخذ منه حق ولا باطل تركه وليد بقهر ووقف بعصبيه:لازم لازم اعرف قصته ... ذا الولد بيجنني من يوم شوفته مقدرت ابعد تفكيري عنه .. اخذ نفس وبهدوء : تركي ساعدني نوديه السياره مروان وقف بينه وبين راكان : مستحيل ما رح اخليك تاخذه واذا جوا اهله وليد بعصبيه يحاول يكبتها : يا عم لا تخليني اغلط عليك !! مستحيل بعد ذا الي صار كله اخليه عندك دقيقه ثانيه مروان : ما كنت ادري ان عبيد ذيه نيته وليد بصراخ : من متى عبيد يسوي اشياء زينه انت عارف عبيد اكثر مني وعارف وش سوا باخوك مروان : كم مرا اقلك عبيد ماله دخل للي صار لعبد الله وليد : الا له دخل والله لا انتقم من كل شخص اذاه وكان سبب بموته والله لا انتقمله تركي قرب من وليد وضغط على صدره بخفيف : وليد خلاص اهدى انت عارف عصبيتك رح تضرك شد وليد شعره لورا وهو يستغفر اخذ نفس يهدي اعصابه : تركي خلنا ناخذه للسياره ... ووجه كلامه لمروان من غير لا يناظرله : اذا تشافى رح اجيبه بنفسي لك سكت مروان ودخل احد الغرف من غير لا يستناهم يطلعون حتى : قفلوا الباب وراكم سند تركي راكان بصعوبه على كتفه بسبب ترنحه من الضحك ووليد مسك من الجهه الثانيه ومشوا فيه للسياره اسنده وليد عل السياره وراح تركي وفتح الباب عشان يدخلونه ... سدحوه بالمرتبه الخلفيه تركي: اطلع عنده وانا بسوق ركب وليد من غير حرف وحط راس راكان على رجوله ناظر لملامح وجهه واضح انه متألم بقوه بس ضحكه ما وقف ولا ثانيه يضحك ويأن بوقت واحد ويكرر راسي بينفجر تنهد وليد تنهيده وصلت لمسامع تركي تركي : وين بتوديه ؟ وليد : للبيت تركي : وابوك؟! وليد : ما رح اخليه يشوفه تركي : وكيف بتدخله البيت يا فالح .. وغرفتك بالطابق العلوي .. اذا ما شافوه ابوك بيشوفونه الخدم وبيقولوله وليد وعينه على راكان : ذا الوقت الكل نايم محد بينتبه تركي : اتمنى وصلوا لبيت وليد او بالاحرى لقصر وليد كان فخم فخم بكل ما تعنيه الكلمه فخامته واضحه من اسواره من غير لا تدخل جوا وليد: تركي وقف من ورا رح ندخله من باب الحارس والسياره خلها برا نفذ تركي الي قاله ووقف السياره ورا السور عند باب الحارس وخرج من السياره واتجه للبيت الي جالس عنده وليد فتحه وخرج وليد وطلعوا راكان واسندوه تركي: لازم تسكته ولا بيفضحنى وليد : امسكه شوي اسند تركي جسم راكان كله عليه وبحكم نحفه كان سهل امساكه ... فتح وليد باب الراكب وفتح درج السياره وطلع لزقه وقطعة قماش تركي بذهول : مو من جدك ؟ مجنون انت وليد مافي حل غيره امسكه بس راكان يضحك: ههههههههههههههههههههههههه هه انت مجنووون هههههه مج امممم اممممم تركي مسك يدين راكان مع انه ما يحتاج لان مافيه حيل يحرك نفسه ... ربط فمه بقطعة القماش وثبتها باللزقه وساعد تركي باسناده ودخلوا من باب الحارس كانت غرفة الحارس على يمينهم وزرع على طول السور .. وكان فيه ممشى بالوسط مشوا عليه لان وصلوا لباب القصر الر ئيسي كان مرا كبير وغريب كان باب شكله زي الالماس الصافي وعليه تشجيرات بالحديد المصبوغ بالابيض فتحه وليد وقابلهم ممر ذهبي طويل مشوا فيه لان وصلوا للصاله الي كانت مقسومه لنصين من كبرها ... اتجهوا للدرج الي بنص الصاله .. وطلعوا لفوق وصلوا لجناح وليد الي كان كامل ومتكامل ولحاله الجناح ينفع بيت .. فتح وليد الباب وهو تعبان من طول الطريق وفيه كدمه في وجهه تحرقه .. قابلتهم طاله كبيره نوعا ما فيها كنب اسود وثلاث طاولات زجاجيه بالمنتصف وتلفزيون بلازما كبير معلق بالجدران وعلى جوانبه سماعتين كبار .. نزلوا راكان على الكنبه الي بدا يفقد وعيه رمى وليد نفسه على الكنبه الثانيه بتعب فرك تركي كتفه بتعب من سند راكان : وليد وين الاسعافات الاوليه لازم نداوي جرحك وليد مغمض عيونه : ما يحتاج تركي : بلا دلع الا يحتاج وليد بصوت متخدر واضح عليه النوم والارهاق : تركي ما يحتاج خلاص زفر تركي من عناد وليد: طيب براحتك .. انا ماشي .. بكرا بجيك وليد وبدى يتسلل النوم لجفونه : همم هممم خرج وليد من البيت متجه لبيت الي يبعد حوالي نص ساعه من بيت تركي ............................................. : اوف جوع ججوع بموت بطني يقرصني.. حماره انا حماره .. مسويه حساسه طالعه ابكي انا ووجهي لو جلست عندهم يمكن كانوا عشوني ... جلست على السرير بعد ما كانت منسدحه وحطيت يدها على بطنها : والله مو قاهرني الا انه يطلع الدكتور بدر اخوي .. مرا قهر كنت اذا ما صارلي نصيب مع ماهر اخو الخبـ... شهقت : يا ربي نسيت اقول لخلود والله بكرا لتذبحني .. وقفت : خلني اروح اسويلي اكل .. شوي رجعت جلسة : لا لا يا مها تخيلي احد يشوفك .. ويحسبني بسرق بيتهم .. رجعت وقفت مرا ثانيه : والله مع نفسهم انا بنتهم وواجب عليهم يأكلوني .. فتح الباب بشويش طلعت راسها وناظرت يمين ويسار ما شافت احد الدنيا هدووووء مو طبيعي ناظرت لساعة يدها كانت الساعه 1:00 بعد منتصف الليل شافت لمبه صغيره مشغلينها بالممر .. نزلت من الدرج بهدوء ووقفت نهاية الدرج وهي ما تدري وين تروح ما تعرف المطبخ وين : يا ربي ذيك الملسونه يوم امها قاللتلها تجيب الحلا بأي اتجاه راحت .. فكري يا مها فكري شغلي مخك شوي .. شافت ضوء مفتوح اتجهت للضوء تنفست براحه يوم تأكدت انه المطبخ وحمدت ربها انها ما ضيعت ... فتحت الثلاجه تدور شيء تاكله.. شافت صينية حلا ووقه مكتوب فيها (بسام يا تؤامي العزيز يا ويلك تلمس الحلا حقي بذبحك)ابتسمت بخبث: ابشري من عيوني ما رح يلمسه بس ما رح تلاقينه ..مالي نفس بحلا الحين بس محد قالها تكتب رساله .. اخذته وحطته على الطاوله الي بالمطبخ .. ورجعت للثلاجه تدور حليب او أي شيء تاكله مع الحلا مالها خلق تسوي قهوه بذا الوقت كان راجع من الاستراحه بعد ما راح ناصر قرر انه يروح عند العيال شوي عقد حواجبه وهو يسمع صوت من المطبخ اقترب منه ودخل شاف الحلا على الطاوله رفع راسه للشخص الي يفتش بالثلاجه باندماج مها : يالله ذا الحليب يفي بالغرض .. لفت تبي تروح تاكل الحلا شهقت برعب للشخص الواقف عند الباب ويناظرها : هااااا .. حطيت يدها على قلبها هو يوم شافها انبهر بالجمال الي فيها تنجنح ولف وجهه عنها تكلمت بنرفزه: مرا ثانيه تنحنح مو تفجع خلق ربي.. وابتسمت بقوه : دكتور بدر والله ما توقعت ولا واحد بالميه تكون اخوي عقد حواجبه وفتحها بصدمه من الصوت الي سمعه : مها!!! مها لفت وجت قدامه والحليب بيدها : ايه المتدربه مها بدر لف وجهه مرا ثانيه : يا بنت انا مو محرم لك قربت مها منه ومسكت يده : لا تسوي مستحي الحين انت اخوي .. والله وناسه نجحني والله خلاص تعبت صراحه ... ترا معليش كرفتنا كرف مو صاحي .. ليه حاقد علينا لذيه الدرجه سحب بدر يده بحده : بنت !! مها : شفيك نفسيه الحمد لله والشكر بدر بقلة صبر لانها كانت واقفه عند الباب : مها !! اطلعي من هنا لا يجي احد ويشوفنا سوا مها بلا مبالاه : واذا شافونا عادي قرب بدر منها ولزقها بالباب وسند يده علىالباب : واذا شافونا كذا عادي؟؟ مها بخوف كبت الحليب بوجهه .. رجع خطوه لورا .. وهي ركضت لغرفتها من غير لا تناظر وراها مسح وجهه وهو يزفر : شكله محد قالها فوق عند مها دخلت الغرفه وقفلت الباب بالمفتاح قفلتين وتكت بظهرها على الباب وحطت يدها على قلبها الي يدق بقوه : يا ربي وش قصته ذا .. وش قصده انه مو محرم لي .. وامي ينادونها ام بدر ركضت لجوالها وراحت لرقم اقرب انسان لها وضغطت على زر الاتصال من غير تردد طلعلها : الرقم الذي تتصل به مغلق فضلا اعد المحاوله لاحقا رمت الجوال على السرير بقهر و ورمت نفسها على المخده : راكان وينك محتاجتك اهئ اهئ نتعرف على اهل مها اولا الاب سامي (ابو بدر ): انسان حنون وطيب مع عياله .. متقاعد بعد ما كان عقيد وصيته منتشر بالبلاد وكل من يسمع اسمه يوقف فخر واعتزاز.. كان متزوج بنت خالته وجابته ولد وبعدها تطلقوا لاسباب بنعرفها بالبارتات الجايه .. وبعد الي سواه اخوه تزوج بنت عمه عشان تقاليد العايله اريام (ام مها) : انسانه حنونه وطيبه بس مشكلتها تتنرفز بسرعه بس كمان بسرعه ترضى .. عاشت عذاب فقدان بنتها بعد ما طلقها جاسم اخو زوجها الحالي بسبب حبه لوحده ثانيه .. تزوجت ابو بدر وهي مو راضيه مجبوره بسبب تقاليد العايله الي جبرتهم على بعض تأقلمت معه وبدت تحبه وتتقبله كزوج .. ربت ابنه بدر كأنها امه ما فرقت بينه وبين عيالها الباقين بدر : عمره 27 سنه دكتور جراحه ومتطوع لتدريب المستجدين .. انسان عصبي وحازم يحب زوجة ابوه ويكن لها احترام عظييييم جدا .. لانها كانت ام حقيقيه تطلق ابوه وامه وهو بعمر اربع سنوات بسبب حادثه مع صغر سنه الا انه للحين ما نساها ... يحب خواته كثييييييير .. جسمه رياضي وفيه جمال بدوي بشرته حنطيه وشعره كثيف مرا بس ابدا ما يخليه يطول مسوي عوارضه مها : غنيه عن التعريف وبعدين التؤام غرام وعدنان عمرهم 20: وشتاااان ما بينهم غرام البنت العاقله تساعد امها .. شخصيتها هاديه بس اذا عصبت ينقلب كل شيء عندها .. ما تسكت عن حقها بيضاء ووجها دائري مطلها كيوت وبرئه .. تدرس بجامعة الملك سعود حقوق عدنان: انسان انطوائي محد يفهم وش الي بمخه .. مو مهتم لاحد بالعالم .. لسانه متبري منه .. واي شيء بقلبه يقول ولا يحب حساب لكلامه ... يدرس بجامعه سعود نفس اخته .. يدرس كيمياء عن رغبه منه وبعدهم كمان تؤام الي هم بسام وبسمه 18 سنه: مرا يشبهون بعض بكل شيء بالشكل والتصرفات .. فرفوشين ومعطين البيت جو .. بس يحبون ينرفزون بعض .. بس لو واحد منهم تعرض لمشكله يوقفون ايد وحده ...بسمه قاصه شعرها لاكتافها ونااعم بالحيييل بشرتها بيضاء نفس اختها عيونها ناعسه .. ما ترضى على امها ولا تحب احد يغلط عليها .. وبسام ملامحه نفس ملامح اخته بس شعره مقصوص طبعا .. وعيونه احد من اخته .. يدرسون بثالث ثانوي علمي ريناد 17سنه: تحب اختها بسمه وتقلدها تقريبا بكل شي شعرها لنص ظهرها مجعد من ربه .. وتكره ذا الشيء وتتمناه يكون ناعم زي خواتها .. بشرتها سمرا تدرس بثاني ثانوي ادبي مشعل: 15 سنه مشاكس حمد 14 سنه : يخاف كثير من اخوه عدنان محمد 10 سنوات : دلوع العايله .................................................. ...................... بصباح اليوم التالي فتح عيونه وجواله بيده .. نام وهو يستناه يدق ... قام زي المقروص ومسك جواله على امل انه يلاقي رساله منه او مكالمه .. تنهد بيأس بعد ما اكتشف انه مافي أي رد منه .. طول امس وهو يدق عليه وجواله مقفل .. رجع انسدح وحط يده على قلبه .. يحسه يعوره لان فيه شخص عزيز عليه تركه امس .. وزاده اختفى ولد عمه الي ما يدري وين راح .. قام وراح الحمام (وانتو بكرامه) اخذله دش صباحي .. وخرج وهو لاف المنشفه على خصره ومعه منشفه صغيره ثانيه يمسح فيها شعره .. توجه للدولاب وطلعله .. بنطلون رمادي قطني وبلوفر اسود .. لان الجو خلاص بدا يصير بارد .. لبس وخلص وهو ناويي يروح بيت عمه ويسأل عن راكان!! قبل لا يروح دوامه طلع من غرفته وهو نازل الدرج استوقفه : بندر بندر لف لها : هاه؟ : الناس تقول هلا لبيه وهي تقلده : مو هاه بندر بتأفف : شهد اخلصي وش تبين ؟ شهد: مين بيوديني اليوم ؟ بندر: خلي فيصل يوديك بطريقه شهد : فيصل وتعرفه ما يطلع الا سبعه ماني ناقصه تهزئ من على الصبح رد بتملل : خلاص انتي اجهزي دقايق وجايك شهد بلقافه: وين رايح بندر : لا تصيرين ملقوفه زي مها باااي .. نزل تاركها دخلت غرفتها عشان تكمل تجهيز كانت لابسه مريولها بس بقي تمشط نزل الدرج باستعجال عشان يسأل عن راكان وبعدها يرجع يفطر وياخذ شهد ... شاف امه داخله غرفة الطعام وبيدها صحن فيه خبز وتتحلطم بندر : يمه شفيك سناء ما صدقت على الله احد سألها : اخوك فويصل ذا اتعبني مو راضي يصحى ... الحين سته يالله يمديه يجهز وتعرفه ساعه بالحمام رد بندر بضحكه : يمه لا تزعلين نفسك عشانه .. تعرفين فيصل ما رح يصحى الا على وقته ست ونص .. وشكله ما يحظر اول حصه تنهدت سناء : الله يعيني على ذا الولد.. ابوك متحلف فيه اذا ما نجح ذيه السنه بندر: والله أي شي يسويه ابوي هو يستاهله صراحه .. عمره 20 سنه وللحين بالثانوي ما صارت سناء : الله يعين ... تعال افطر بندر : بروح لراكان وبعدها بجي افطر عقدت سناء حواجبها : تروح لراكان!! امس ابوك يقولي راكان سافر مع مع صديقه لان ابوه تعبان بندر بقق عيونه بصدمه : سااافر !!! سناء باستغراب : ليه ما تدري بندر : يمه وين ابوي ؟ سناء يمكن بمكتبه ركض بندر باتجاه مكتب ابوه .. مو مصدق راكان يسافر من غير لا يقوله فتح الباب من غير لا يدقه : يبــ .. بتر كلمته يوم شاف المكتب فاضي كان بيخرج بس لمح شيء خلاه يدخل لجوا .. شاف جوال على مكتب ابوه .. متاكد ذا جوال راكان مستحيل يلخبط رفع الجوال ولفه من ورا .. كان الكفر حق الجوال مصممته له مها ... كان ملزق عليه قماش مكتوب عليه بالذهبي اسم راكان.. وبالابيض قلب صغير .. وفيه حرف الام .. رجع الجوال مكانه بصدمه .. تذكر كلام ابوه عن راكان كيف كان معصب منه .. حاول يبعد كل فكره موكويسه جت بباله : بندر!! وش تسوي هنا بندر لف للصوت وشاف ابوه واقف ومعه ملف تكلم بصوت حاول انه يكون هادئ بالنهايه ذا ابوه : يبه وين راكان ؟ ناصر ببرود وهو يدخل لمكتبه : سافر بندر بعصبيه مكبوته : يبه اذا سافر ليه جواله هنا عندك.. وراكان مستحيل يروح مكان من غير لا يقولي ناصر بحده: ومن سمحلك تدخل المكتب وتفتش فيه بندر شاد على قبضة يده ما يبي يعلي صوته على ابوه : ما فتشت دخلت ابي اكلمك وشوفت جواله على المكتب ناصر : اطلع برا مشغول الحين بندر بصراخ ما قدر يسيطر عليه: يبه !! ماني طالع لان تقولي وين راكان ناصر بحده : بندر .. صوتك لا يعلى فاهم .. والحين برا .. وولد عمك انا سفرته عشان يعقل شوي ويبطل يسوي تصرفات مراهقين بندر بعصبيه : يبه راكان ما كان قصده كل الي يبيه مها تعيش مع اهلها ليه تسوي فيه كذا حرام عليكم راكان يلاقيها من وين ولا من وين كل يوم يدخل بشيء ناصر: وراكان هو الي جاب ذا كله لنفسه بندر بقهر : لانه يساعد الناس صار هو الغلطان!! يبه مو انت علمتنا ان الواحد اذا يقدر يساعد لا يخبل بمد يده للناس ويساعدهم .. والحين راكان صار غلطان يعني تربيتك لنا كلها خطا ناصر بعصبيه : بندر! دخلت سناء على صراخهم ومعاها مهند سناء : شصاير ناصر بعصبيه : مهند خذ اخوك وطلعه برا .. لا والله لا ارجع اربيه من جديد بندر : ماني طالع لان الاقي جواب لسؤالي مهند يوم شاف ملامح ابوه الي ما تبشر بخير مسك بندر : امش بندر معي بس ابوي يهدا ارجع كلمه .. مع انه مو فاهم الموضوع بندر بقهر : ما رح اتحرك من هنا ناصر صفقله : لا برافو عليك حتى قلة ادب والمرادد تعلمتها من راكان .. وبصراخ هز البيت هز لدرجة ان شهد وفيصل نزلوا من غرفهم : سناء مهند اطلعوا برا .. وانت اجلس خلك سناء خافت على ولدها نادرا ناصر ما يعصب لذيه الدرجه : ناصر استهدي بالله خلاص بندر بيطلع ناصر : سناء ما تسمعين .. شهد كانت واقفه عند الباب وخايفه تشوف ابوها يهاوش اخوانها ايه بس يوصل لذيه الدرجه ويصارخ على امها نزلت دموعها وتذكرت شكله بذاك اليوم يوم جاها معصب بسبب رنيم نزلت دموعها وهي تترقب الي بيصير مهند : يبه بندر مو قصده .. وناظر لبندر يعني اعتذر منه ناصر اخذ نفس يهدي نفسه .. من امس وهو متوتر ومو قادر يمسك نفسه خايف بالحيل على راكان جلس على كرسي المكتب وهو يستغفر بصوت مسموع وتكلم بهدوء : مهند خذ امك واخوانك ابي اكلم بندر بموضوع مهند تطمن شوي يوم شاف ابوه هدا .. حاط اكتاف امه ومشاها معه وهي عينها ما نزلت من على ابنها بندر طلعوا برا وقفلوا الباب لفت سناء لابنها مهند .. ابتسم يطمنها فيصل يتمغط: اخيرا احد ثاني بالبيت يتعاقب مو بس انا رمقته امه بنظره خلته يبلع العافيه ويصعد غرفته اما شهد كانت جالسه عند الباب وتبكي داخل بالمكتب لازال بندر على نفس قفته وشاد على قبضة يده ناصر بهدوء : تعال اجلس تقدر بندر للكرسي وهو حاس انه زودها مع ابوه ناصر ببرود: تشوف تربيتي لك خطا ؟! بندر رفع نظره لابوه وبعده نزله بسرعه : مو قصدي بس ناصر: بس ايش ؟؟ بندر: يبه .. راكان ناصر : راكان ايش ؟ بندر : راكان ما يستاهل الي تسونه فيه .. يبه راكان ما غلط ومالك حق تسفره .. ووين وديته اذا هو مو ابنكم طيب خلوه يعيش حياته لا تربطونه فيكم ناصر حط عينه بعين ولده: شقصدك؟ بندر بصراخ : راكان قالي ان انتم مو اهله .. لو اهله صدق كان ما عاملتوه بذيه الطريقه ... عمي عناد مو ابوه لا تحطون امه عذر ناصر بعصبيه : بندر .. تكلم زين وفهمني شقصدك بندر من غير لا يحسب لكلامه : راكان ولد حرام ما انهى كلمته الا بالكف الي جاه من ابوه .. ناصر ونفسه يعلى ويهبط .................................................. .................. فتح عيونه بتضايق من الصوت الي صحاه فز بقوه وهو يشوف حالة الي قدامه قرب منه : راكان راكان كان يأن بالم راسه يعوره وزاده الم المشروب الي امس كان طايح على الارض .. طاح من على الكنبه وقاعد يضرب براسه على الارض على امل انه يخف شوي قرب منه وهو يناديه بخوف : راكان .. مسك راسه الي يضربه بالارض .. حس بلسعات حاره من جبهته حط راس راكان بحضنه يحاول يهديه .. بس زاد راكان بأنينه ما يدري وش يسوي وكيف يساعده .. ناظر للساعه بقي نص ساعه قبل خروج ابوه للدوام رجع ناظر لراكان .. شكله مستحيل يتحمل اكثر .. سمع دق على باب غرفته توتر .. وقف وحاول يوقف راكان معه بصحوبه .. ودخله لغرفة نومه .. لانه نام امس هو وياه بالصاله الي بجناحه .. فتح باب غرفته : توك تصحى تمغط محاول انه يكون طبيعي : أي يبه توني اصحى ابوه : مانت ناوي تروح اليوم الجامعه ؟ رد وليد بكسل: الا بروح شوي.. كذا ..محاضرتي اليوم تبدا الساعه تسع ابوه : زين .. بس جاي بقلك يمكن اتأخر وليد : طيب راح ابوه .. قفل الباب بتنهيده .. وحمد ربه ان ابوه ما شك فيه ولا صارت علوم .. راح لغرفة نومه .. وجاب فوطه وبللها بمويه بارده وحطها على راس راكان .. الي كان يتحرك يمين ويسار ويأن بألم .. قاعد يناظرله بشفقه .. هو ايه ما يعرفه زين بس في شيء يجذبه لذا البني ادم ... وقف واخذ الفوطه بيرجع يبللها مرا ثانيه .. تعثر بشنطته الي كانت مرميه جنب السرير من امس ومحاوله منه انه يثبت توازنه حاول يمسك بالسرير بس يده جت على رجل راكان .. الي زاد انينه .. عقد حواجبه بعد ما وقف .. وقرب من رجله ورفع بنطلونه شاف علامه خضرا من ورا .. نيم راكان على بطنه .. ورجع بيشوف رجله وانصدم من علامات الضرب الي فيه .. حس بغضب وقهر ونفسه يعرف مين ذا الي يضرب راكان بذيه الطريقه بكل مرا يشوف فيه علامه جديده: مين ذا الخسيس الي يسوي فيه كذا ... وناظر وجهه المتألم : مستحيل يكون من عايلة جسار.. ذيه العايله صيتها بكل مكان ومستحيل يسكتون .. عن حق واحد من عيالها .. رفع راسه للساعه : اكيد ابوي الحين طلع .. طلع جواله لاقى رساله من تركي طنشها .. واتصل على طبيب العايله .................................................. ............ طق طق طق طق فتحت عيونها على صوت الباب .. جلست على حيلها وهي تناظر لنفسها نامت ببنطلونها وتيشيرتها ما بدلتهم .. ناظرت للجوال وقفلته بقهر ان راكان ما سأل عنها .. ووقفت بتأفف واتجهت للباب : خيير ابو الازعاج ياخي ام بدر بابتسامه : معليش حبيبتي شكلي صحيتك من النوم مها رجعت للغرفه وتركت الباب مفتوح:نعم!! ام بدر : الحين صارت الساعه 9 يا بنيتي ولسه ما صحيتي قلت اجي اصحيك شهقت بقوه ووقفت للشنطة ملابسها الي جابتها معاها ولسه ما فرغتها بالدولاب : يا ربي تأخرت على المستشفى ام بدر مسكتها ورجعت جلستها على السرير: بدر يقول .. اليوم معطيك اجازه.. وبابتسامه فخر ببنتها : ما شاء الله عليك يا مها ما توقعت انك تدرسين ب الا يوم خبرني بدر اليوم تذكرت مها الي صار امس مع بدر وحست بقشعريره بجسمها وسألت: الحين بدر اخوي؟ ام بدر هزت راسها بلا: لا بدر ابن عمك سامي ..الله يهديك امس ما عطيتينا فرصه نعرفك على اخوانك مها : طيب بقوم ابدل .. وجوعانه ابي اكل وترا احب اكل على الفطور حليب واوريو بس الام بابتسامه حنونه : ولا يهمك يا بنتي انتي بدلي وانزلي بتلاقين كل شيء جاهز اخذت مها منشفتها ودخلت الحمام وانتو بكرامه .................................................. .............. النهايه توقعاتكم امممم وش قصة عبد لله الي وليد ناوي ينتقمله؟ هل مروان له دخل بالي صار لعبد لله؟ راكان وش بيصيرله ببيت وليد؟ وليد ليه متعلق وخايف على راكان ؟ ووش قصة مع عايلة جسار؟ ناصر يا ترى وش رح يسوي لابنه؟ هل رح يعدي الموضوع الي قاله على خير او لا؟ واذا عندكم اشياء وتوقعات اضافيه قولوها واعذروني على قصر البارت سبحان الله وبحمده ... سبحان الله العظيم | ||||
|
| |
|
04-05-17, 01:05 PM
| #39 | ||||
|  السودان روايتك مميزة واتمني لك مزيد من التقدم وانا بصراحة سجلت بالمنتدي مشان روايتك تحياتي الك بالنسبة التوقعات ما أعتقد ناصر يمشي الموضوع واحتمال يخبر بندر ان راكان مدمن ومها بتمني تتحسن علاقتها بامها وراكان يرجع سالم واحتمال عناد يعرف بالموضوع | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
