05-10-19, 11:31 PM
| #1394 | |||||||||
| نجم روايتي وفراشة الروايات المنقولة  
|  اناااااااااااا اجيت قاااايز😎😍😍😍😍 اشتئتلكم بحجم الوطن 💚💚💚❤❤❤ واشتقت ل كل اشي ممممممممممم حااابب أعلق على البارت لي فات بحكي من وجهة نظري لو تطلق اصايل او يموت مصعب بترتاااح احسن الها وعناد نفس الاشي وبستااااهل لي صاار في من امو واتمنى الو مزيد من العذاب وياااسر حرام منيح خفيفي عليه واتوقع في الباارت جاي انو ام عناد بتعمل فنة او بتسحب اخر ورقة إلها وانو لي كان بشقة هو عناد ومصعب بصير معو مصيبة واخت اصايل اتوقع زوجها بموت والشموخ يااااريت من كل قلبي تتطلق وشدن بصير معها فيلم جديد وابو ياااسر رح يكون نقطة تحول بالقصة ودور مهم وفي حداا بموت بالرواية وحدا بنسجن وعادل راح ينحط بزاوية محشورة ورح يتعب وبس وكتير متحمسةة 😎😎😎😎😎 | |||||||||
|  |
|
06-10-19, 02:01 AM
| #1395 | ||||||||
| مراقبة عامة ومشرفة منتدى الروايات المنقولة  
| اللهم إني أستغفرك وأتوب إليك اللهم صل وسلم على نبينا محمد ( صلو عليه ) @ @ (61 ) @ @ بعصبية : لهالدرجة الموضوع بالنسبه لك سهل عشان يكون همك الحين كيف دخلت وصرخ بجنون : ضيعتيني حسبي الله عليك أهلي داقين علي يقولون الشرطة جت يما بيتنا يدورن علي وش المصيبه اللي حنا فيها وصرخ بصوته كله دبريني طلعيني منها مثل ماورطيني معاك الجوهرة صرخت بقهر وهي تدفه عن طريقها : زيد ماهو وقت صراخك وانهيارك اللحين وعارفة الموضوع ماهو سهل ذي المره شافته بيتكلم قالت مقاطعه كلامه : اللحين خلك من اللوم وفكر وشلون نطلع حنا الآثنين منها ..ودارت بالصاله وهي متوتره حدها وهي تكلم نفسها ذي المره ..لو طلعنا منها يازيد... يكون إنجاز .. وانكنب لنا ...عمر جديد طالعته بتوتر .... أنت بس أجلس اللحين وفكر معي بعقل فتح عينه بقهر وصرخ : أنتِ خليتي فيني عقل اقولك أهلي داقين على رقمي الخاص ويقولون الشرطه تدورك وجوو لما بيتنا ..عارفه وش شرطه يدورن وراي وعارفة وش شايفين بالسي دي مصيبه مصيبه هذي رقابنا بتروح فيها حسته فاقد اعصابه ..على الآخر قالت ..وهي تحاول تقنعه عشان يطلع ..من هنا وهي وقتها ..تعرف تدبر نفسها وهو بحريقه تحرقه هي همها اللحين تطلع من الشقه وجود زيد معاها بيجيب الشرطه لمكانها تعرفه نحس....من يومه يجي ويجلب المصايب وراه ..ايه ماراح يحلها إلا عزيز قالت بخبث : شوف أنت بس كلم عزيز الحين واعطه عنوان الشقه ولو مارد عليك روح شوفه وين وجيبه هنا وهو اللي بيطلعنا منها صدقني صرخ وهو منهار : عزيز وينه اللحين بالسجن صرخت مصدومة وهي تجلس على الكنبه : ايشششششش بالسجن كمل بقهر : وتدرين ان عزيز هو الي نكبنا ومعطي السي دي مصعب صرخت مصدومه : وشلون السي دي بيد عزيز وكيف سلمه له وصرخت بقهر لهالدرجة حنا مغفلين عشان يسويها فينا ال****** زيد وهو مرعوب حده مايدري وش يسوي كل شيء مقفل بوجهه : والله قبل يروح له ارسل لي رسالة وقال فيها رفضتوا تدفعون أنت ومعزبتك وحصلت الي يدفع أكثر بس وقتها مافهمت منه بس شكيت ان وراه مصيبه ..راقبته شفته رايح للاستراحة حق مصعب واخوياه عرفت ان بينهم شيء وبعدها شفت مصعب طلع مع صالح وشوي وجت الشرطه وطلعوا عزيز معاهم عرفت ان مصعب مسوي كمين لعزيز اخذ السي دي وبنفس الوقت سلمه للشرطه وبصرخه شفتي وشلون رحنا فيها كلنا وآللحين عزيز أكيد.. بيخبر عن كل شيء حتى عن تدبيرك لحادث مصعب الجوهرة كانت تسمعه وهي بتموت من القهر صرخت بعصبيه : طول الوقت يلعب فينا والسي دي معاه وبعد مسلمه للمصعب ياغبي ليه ليه طيب ماقلت لي يوم ارسل لك ولا هذا هو أنت ماتحكي لما تصير المصيبه نفسي يوم تتصرف بحكمه بس أنا استاهل مشغله مع رجآل كل واحد اغبى من الثاني همه بس يبلع فلوس زيد بعصبيه صرخ : بعد مارسل لي دقيت عليك وحضرتك مقفله جوالك وصرخ بقهر حتى لو ماهو مقفل ماراح تردي علي مثل العادة خلاص أخذتي مصلحتك مني معاد تبيني بشيء ماغير دمرتيني والحين لازم نطلع من هنااا عزيز يدل عنوان الشقه قد قلت له قبل عن شقتك السريه والحين اخاف الشرطة يحققون معاه ويدلهم على مكانا الجوهرة بقهر صرخت عليه وهي تقوم وتضربه على صدره منهاره : بعد معطيه عنوان الشقه الله يأخذك ماعمرك اثبت لي انك قدها وتقول أنا اللي دمرتك والله ماغير غبائك اللي دمرنا كلفتك مهمة سرقة جيتني بخبر موته قلت لك لاتقول عن شقتي وماخليت حد إلا قلت له وهذا شوف حنا ندفع ثمن تصرفاتك الغبيه دفها بقوه عنه ورماها على الكنبه وقال وهو منهار من قوة الكلام اللي تقوله : أنا الي ذبحته وانا اللي دمرتك بغبائي بسرعة هجم عليها وهو يمسك برقبتها ويخنقها وصرخ وهو فاقد عقله : أنا فعلاً بكون غبي لو خليتك تعيشين بعد اللي صار لي منك الجوهرة كانت تحاول تبعد يده عن رقبتها بس مافيها عليه تحس قوته ...فاقت قوتها بمراحل ...حاولت بس ماقدرت يالله قدرت تنطق : بمـ ووو تتتت فـ ك ني وحاولت ترفس برجولها عشان تحاول تبعده عنها بس أبد قوتها انخارت تحت يده .. ونفسها يضيق أكثر وأكثر ومعاد تشوف ...مر عليها شريط وفاة عمها لا لا ماتبي تذوق نفس الكأس ...بس تحس انها راح تموت نفس ..الموته ..والوجع اللي حس فيه تحسه حالياً ...........لا لا ماتبي تموت ماسوت ذي الآشياء ...كلها وبالآخير تموت ... حاولت وحاولت ترفع يدها بس معاد فيها خلاص أول ماحس بحركة ...رجولها تخف وتراخت بيده ومعاد يحس باي مقاومه منها .....فز واتبعد عنها مفزوع وهو يشوفها ميلت على الكنبه وعيونا مفتوح بطريقة مفزعه ... رجع قرب منها وقال بصوت مرعوب : الجوهرة مد يده وحاول يحركها يمين ويسار صرخ منهار يازفت اصحي يازفت يوم ماشاف اي حركه منها رماها من يده وهو يصرخ منهار لا لا لا لا وركض بسرعة طلع من الشقه ...وهو يرجف ويلهف من الخوف مصيبه .... هذي جريمة ثانية @ @ @ شقة عناد طول الوقت عينها من الجوال ...حدها قلقانه عليه وكل ماتدق يعطيها مقفل ...يالله شافت رقم أبوها ماردت عرفت ان عمها خبره ..وشوي وأميرة بعد دقت ...أفضل شيء ماترد عليهم حالياً مافيها تأخذ وتعطي معاهم بذا الوقت ...اللحين همها عناد تطمن عليه مسحت دموعها وهي تقول يارب ارحم حاله وصبر قلبه ....فز قلبها يوم شافته دخل عليها.. وهو بخير ...خافت لا يصير فيه شيء بعد اللي ...عرفه عن أمه .... جت بتسأل حصلها او فيه اخبار عنها بس ...مافيها تتكلم أبد خايفه من رد فعله وبعد ...وضعه مايسمح للكلام ..عيونه حمراء وجههه مرهق وبعد تحسه ضايع ...شافته يقرب منها رمى نفسه جنبها على الكنبه وهمس بصوت مخنوق :اختفت حزينه عليه حدها والله مايستاهل تكون أمه همست له : أنت ارتاح الحين طالعها وقاطعها بألم : ارتاح اي رآحه عاد وراي آه تحسين بالوجع الي يدق الضلوع وضرب على صدره آه يالشموخ عض شفته مايقدر يفضفض باللي داخله وبعد وش يقول أمي قاتله وراح افقدها لو حصلوها الشرطة ..آآه يمه دمرتي حالك ودمرتيني معك ..... حطت يدها على كتفه ودموعها تنزل على حالته :عناد أنت الحين ارتاح لك على الأقل ساعتين وبعدها ...الله قادر يكرمك وتحصل أمك طالعها بحزن وهمس بغصه : حتى لوحصلتها مدري اي وقت الشرطه بتصيدها اللحين نشبوو لي يحققوون معي وفكروا اني مخبيها زفر بضيق آه أنا كذا كذا فاقدها عضيت شفتي فعلاً ..كذا ولا كذا بيفقدها ..هذي روح وأكيد حكمها قصاص ..حسيت قلبي انقبض يوم تخيلت الموقف.. وهم تالينها يقصونها يالله وقتها وشلون يكون موقف عناد ياعمري ماتخيل أبد قلبي وجعني وهي ماهي أمي أجل هو وشلون .. تنهد بضيق وقف .تحسه .. يمشي بخطوات واحد مصدوم منتهي وكل شيء قدامه سواد ..فكرت تدخل وراه بس عارفه مافي ولا كلمة تواسيه ..وتصبره .. أفضل شيء تخليه شوي على راحته وتروح تشوفه بعدها ..بس يوم سمعت صوت صياحه اللي يقطع القلب ... وقفت بدون شعور وراحت .. للغرفه منظره كان وهو يصيح ....صدمها تحول لطفل.. جالس وهو ضام رجوله لصدره ومنزل رأسه ..ويصيح بحرقه بسرعة قربت منه وجلست جنبه وأنا اقول : لا لا عناد خليك قوي تكفى مقدر اشوفك كذا والله بس سكت يوم رفع رأسه وطالعني وقربني منه ومسكني بقوه وهو ويصيح منهار أكثر من أول ...يالله مافيه ولا كلمة بذا الوقت تنقال ... بدون حس صحت معاه احس قلبي يتقطع مع كل شهقه يشهقها همست له وأنا اصيح معاه : والله ودي اشيل الهم والوجع الي بقلبك ..... بس رده كان شدني بقوه حسيت بعظامي وجعتني من كثر ماهو شاد علي .. بس تحملت ابيه يطلع اللي بقلبه وكاد يرتاح .... عضيت شفتي يوم قال ببحه وهو يصيح : ذبحتني وانهت شي اسمه عناد ....وصرخ بقهر ودي اعرف ليه سوت كذا آيش ناقصها عشان تزهق روح بسبة فلوس همست له وأنا احاول اهديه : لا لا أنت مالك ذنب ..... عضيت شفتي يوم صرخ : وشلون مالي ذنب وأنا ولدها وهي "أمي " وعارفه ايش مصيرها القصاص وشلون بتحمل يوم ينفذونه ماراح اقوى الله يأخذ عمري قبل ذا اليوم مابي هاليوم يجي وأنا عايش ... صرخت وأنا امنع كلامه : لا عناد لا تدعي على نفسك كذا تذبحني والله حرام عليك أموت بدونك وقول يارب سهلها وقويني عشان تخلي أهلك يتنازلون عند دم عمهم صرخ عناد منهار وهو يصيح : يتنازلون من جدك أنتِ ماتعرفين أهلنا وماسكتوو قبل إلا عارفين ان اللي قتله مجهول وطار معاد له أثر مايتوقعون بنتهم اللي من دمهم ولحمهم غدرت فيهم .... الشموخ مادري وش أقول مديت يدي وقلت : وأنا احاول فيه يتمدد تكفى ارتاح شوي والله يحط بقلبهم الرحمة ويفرح قلبك أنت بس ريح اللحي حطيت يد على رأسه وجلست أقرأ اللي حافظته من القران فرحت يوم شفته قفل عيونه ....يارب هون عليه وريح قلبه .... @ @ @ جلست جنب أمها وهي تخبز بالتنور : يمه عجلي شكلها بتمطر ونارك ذي بتخمد وبعدين ليه مسويته اللحين مين بيأكله ... أم ياسر : الله يهدي أبوش يقول وده فيه على العسل اللي جابه من شوي مأكني مسويه غداء ومتغدي بس تعرفينه يموت لو ماتعبني نور وهي تفكر : يمه غريبه لما الحين عمتي نوفه ماجت لشدن توقعت اقوم احصلها عندنا جلست بعد ماخبزت وتنهدت بتعب وهي تصب لها فنجان قهوة : شكلها باقي مادرت بوجودها وسكتت وهي بالها بعيد خايفه من ذي الليلة :وطالعت جهة دريشة غرفة ياسر الله يستر بس حتى اليوم الغداء ياسر أخذه وقال بيتغدى بالغرفة احسه مايبي يجلس مع أبوه مدري كيف الليله بيسرون مع بعض لبيت أبوسعود نور بحزن : شكل شدن يمه اللي خايفه من أبوي أم ياسر بقلق : الله يستر بس خايفه من أبو سعود ومن زوجته أم لسان طويل لا يسمعون أبوش كم كلمة وأبوش يرجع يعصب على ياسر وتنعاد ليلة أمس والله معاد فيني قوه تعبت من عناد الآثنين واحد ماهو راضي يخلي زوجته والثاني ماهو راضي يخليهم بحالهم ويفكنا نور : مستحيل يجيهم خبر ان شدون هنا بهذي السرعة وحنا نخبيها بقدر مانقدر عشان المشاكل اللي بتجي منها ومن رجلها الله يأخذهم ام ياسر فتحت عينها بصدمه من الكلام اللي تقوله : يعني بنخبي شدن لمتى عليش كلام رفعت الفنجان والله لو ماتفلحي من قدامي ذا بوجهش نور فتحت عيونها مستغربه عصبية أمه من اللي قالته : امس قايل بنفسش ذا الشور واللحين معترضه أم ياسر زفرت بضيق : مدري وش كنت اخربط به امس من الموقف اللي أنا فيه إلا ذا الشيء ماراح يصير وأبوش بيقول لأبو سعود عشان مايبي مشاكل لو دري من حد ثاني برجوع ياسر لشدن يقول يعرف منه أفضل من غيره نور بقهر : ودي اعرف وش أبوي عاجبه بذا الآدمي هو بنته كرهين أم ياسر وهي تشوف ياسر طالع من الباب الرئسي ومقبل عليهم ... والضيق واضح عليه ...أشرت لها تسكت ..قرب منها ورمى نفسه على الفرشه جنب أمه ...وتمددد وحطه رأسه على رجولها مثل العادة حطت يدها على شعره وهمست له : ماتضيق إلا تفرج يمه سحب يدها وقربها من شفته وباسها وهمس : ماظنتي يمه رفع عيونه لها وقال ياثقل هالليلة يمه مابي البنت ليه أبوي بيغصبني عليها بتنظلم حيل معي وبعدين حرام باقي صغيرة أم ياسر حطت يدها على وجهه : يمه أنا افداك لاتسوي مع أبوك مشاكل وعلى أمل يوم تتزوجها بتقبلها مثل شدن هز رأسه بلااااا: لاشدونتي حالة ثانية نور همست بسخرية : سبحان الله يغير من حال لحال ومسكت خدها وهي تذكر كم كف أخذته بسبة شدونته ياسر طالعها وصغر عيونه : ممكن ترفعي صوتش شوي نور ابتسمت بتسليك :شدونتك نايمه ياسر رفع حاجب وهز رأسه بلااااااا وقال : روحي شوفيها وليت تخليها تطلع من الغرفة يمكن نفسيتها شوي تتعدل نور وقفت طالعت ياسر يوم قال : ياويلش تعطيها جوالش صرفيها طيب هزت رأسها وهي ماهي فاهمه ليه قال كذا بس ماعندها الجرأة تسأله هزت رأسها وراحت لغرفة شدن .... أم ياسر : من حقها مين يبي الضره ياسر بضيق : آه يمه طول اليوم ساكته وتبي تروح لعمه نوفه بس أنا رافض مابيها تروح لها بدوني وبعد رفضت اخليها تدق على عمتي بذات الليله ماضمن رد فعل عمتي ايش يوم تجي وتشوف روحتي مع أبوي عشان الخطبه وقتها تعلق مع أبوي ويرجع يعصب على شدن ويحرمنا من بعض ... أم ياسر بعتب : ليه يمه خليها تروح لها بيتها بذات الليلة عشان مايضيق خاطرها وقت ماتروح مع أبوك وعمتك عاقله وماراح تتهاوش مع أبوك تعرفه يالله رضي برجوع بنتها ... ياسر : بدون زعل يمه ماضمن ولد اخيش أم ياسر بزعل : وش ذا الحكي وأنا أمك طول الوقت أختك حور رايحه جايه لعمتك فز بعصبيه وهو يقاطعها : ايشش حور تروح هناك وبلحالها صرخ ينادي على حوررررر جاء بيقوم يروح لها أم ياسر بندم ليتها ماقالت مسكت يده تمنعه : يمه تروح عشان تشوف عمتك لو محتاجه شيء وأبوك يوصلها وكلها ساعة وترجع وبعدين خلي أختك نايمه ياسر بعصبية : اقسم برب الكعبه لو تروح لا احش رجولها حش أم ياسر : خلاص يمه معادها رايحه ياسر بقهر : تدرين بعلومه يمه وتخلينها تروح الله يسامحش بس سكت يوم شاف شدن طالعه مع نور استغرب وشلون قنعتها من أول يقنعها تطلع وتجلس مع البنات وهي رافضه ..ابتسم لها بس صدت بزعل عض شفته .... شدن طلعت مع نور ...غصب عني لآني عارفة نور غثيثه وماراح تخليني ..وبعد قهرتني تقول كله ذا قهر وغيره عشان يوسر أبو نظارة ...بيأخذ أمل وطلعت عشان اثبت لها انه ماهمني روحته اليلة و اثبت لها صدق كلامي اني ..مقهورة عشان أخذ جوالي وماخلاني ادق على ..أمي نوفه ولا اروح لها .. بس والله لو على ..الصدق بموت ..من القهر يالله مين قال بغار كذا عليه ..كان أول الموضوع مايهمني كثير بس اهم شيء عندي رجوعي لهنا بس يوم رجعت واشوفه قدام عيني بيروح لغيري لا لا الثمن غالي ..حق جلوسي هنا ...ماقدر اتحمل طالعت نور يوم ضمتني وهي وتقول بستعباط : أقول شدون وربي فقدتش حيل تصدقين حتى رخلة أبوي تدورش بالحوش ....لدرجة زعلت ورفضت تجلس بدونش تقول جيبوو شبيهتي ولا طز بحوشكم مالي جلسه فيه بدونها كشرت بوجهي وأشرت على نفسي : اللحين أنا شبيهتها نور وهي مساكه ضحكتها : هي قالت أنا وشلي ياسر وعينه من شدن : لا نور ترى زودتيها شوي حرام عليش اللحين الحلوة هذي تشبة رخلة أبوش شدن فيني قهر منه ..احسه يقدر يسوي شيء ويمنع هذا الزواج ...استسلامة قهرني حيل ..دفيت نور : ابعدي وجع ملزقه فيني بالعافية نور بضحكه وهي ترجع تضمها : احبش ياسر عارف انها زعلانه بس مابيده شيء رجع تمدد على رجول أمه وقال :يمه قولي لشدون تكلمني حاطه علي وأنا مالي ذنب شدن انقهرت منه يوم رمى الكلام ودخل أمه بينا بس أمه ..ماتكلمت وطنشته يالله احس بيني وبينها حاجز كبيرر و الله ادري انها ماتحبني من زمان . بس صرفته وقامت طلعت الخبز من التنور وقالت : المطر زاد يالله ادخلوو.... فعلاً المطر زاد وينزل بقوه شفت ياسر بعد وقف وقال وهو يمد يده لي : يالله طنشت يده وطالعت نور وقلت قولي له : أنا حابه أجلس ياسر أجل كذا ابتسم بخبث : نور قولي لها راح تمرض وياسر مايتحمل يشوفك مريضه شدن رفعت حاجب وقلت : نور قولي له اهم شيء أنت لا تمرض بذات الليلة نور وهي تطالعهم مفهيه بينهم طول الوقت نور نور صرخت بقهر : الله يقلعكم الآثنين أنتِ ياتنقلعي وتدخلي معاه وأنت ياتدخل وتخليك منها ترى دوشتوني اعوذ بالله متعذبه بكرهكم وبحبكم وجت بتقوم وتخليهم شدن مسكت يدها وقالت: لا خليش معي لا تدخلين نور بحماس : يعني بنرجع نفلهاااا وبعد ذي المرة آمان أكثر وهي تطالع ياسر بدون تنكيد مثل زمان شدن طالعت ياسر مثل الي تقوله كنت تمنعهم يجلسون معي ياسر فهم من نظرتها حقد على نوررر خليه بس يختلي فيها ويربيها على هذي اللسان هوو يبيها ترضى تقوم تزودها بينهم ... رفعت رأسها وهي مستمتعه بالمطر : فقدت ذا الجووو موت نور : غريبه جاية من تركيا وتقولي فقدتي جوو الجنوب ياسر رجع جلس وتنسد على المركى وقال وهو يعتدل بجلسته :اصيله ماتحب إلا جو ديرتها نور بضحكه : يويسرر احس شدون عدتك بلقافتها مصيبه والله لو صرت تتآثر بسخافة شدون ياسر بقهر صغر عيونه : والله وانتي بعد مزودتها ورفع الدله بتهديد نور مسكت بشدن وهي تتخبى وراها :عشان شدون بس هالمرة ياسر رفع حاجب ونزل الدله : عشانها بس وطالع شدن يبيها تتكلم معاه ...بس رافضه نور بخبث همست لشدن: والله وصرنا نتوسط بك حركاااااات اصلاً من بعد مادريت بسفريتش لتركيا خلاص عرفت اني أخوي وقع وماحد سم عليه شدن ابتسمت بسخرية وقالت وهي تشوف ابتسامة ياسر توسعت من كلام نور :كأنش حاسدتني على ذي السفرية ترى ماستمعت أبد وطالعت ياسر اشتغلت مكان أخوك وصرت ممرضه له وطول وقتي بالفندق ياسر عض شفته : اخخخ بعد تذلين صدق مافي إنسانية نور عقدت حواجبها : وشلون شدن بقهر : والله اني افتكيت من غبائك ورجعت له اللحين نور طالعت ياسر : ممكن تفهمني زوجتك مره صارت مغروره ومتكبره الله يسقي بس يوم تطارد الرخلة بذا الحوش ...وتنبسط على كل كلمة أقولها اليوم غيرتها علي وصارت نسخه من شخصيتك مع الآسف ياسر عض شفته بقهر : وبعدين يعني مع طول لسانش ذا ولا حابه اقوم امسح بش البلاط شدن بقهر من تعامله مع نور : اشوف قوم لها بالله نور بهمس : الله يأخذش لا تستفزيه ياسر لو يجلس معاهم زيادة بيقوم وبيطقهم الثنتين ...أشر بيده يالله اشوف قدامي ادخلوو المطر قوي معاد نقدر نجلس فيه شدن اشرت له وبحده صرخت : بتدخل أنت ادخل مافي أحد منعك انا مابي . ياسر بزعل : اوكيه على راحتش نور تحس شدن ماهي طايقه نفسها .. ومتضايقه حدها والله يلوم اللي يلومها مهما حاولت تضحكها وتطلعها من الجوو الي هي فيه بس أبد ماهي معاها حتى... تحس ياسر ..يحاول يستخف دمه عشانها على ...انه مو لايق عليه ..أبد شخصيته تكون كذا والحين شكله زعل منها ...وبدأ فعلاً يعصب وهو يوم يقلب كذا أبد ماتحب تجلس معاه ..وقفت وعشان بعد اخليهم مع بعض ..يمكن ياسر يقدر يخليها تطلع من الحالة الي هي فيها .. أول مابتعدت نور ياسر مسك يدها وهمس لها: ايش ذنبي عشان تكلميني كذا قدام نور شدن طالعته وهي ماسكه دموعها : تقدر تمنع هذا الزواج هز رأسه بلاااااا سحبت يدها وقالت بغصه :يجعلك ماتوفق معاها واعطته ظهرها وتوجهتت للبيت مافيها تقدر تتحمل أكثر والله دخلت الغرفة ...ودها تكلم أمل وتحاول تمنع هذا الزواج بس خايفه ...من خالها مبارك ..لا يرجع يطردها ويحرمها من ياسر ... ماتوقعت راح يجي يوم وتتعلق بياسر كذا و ماتبي أحد يشاركها فيه ..جاء عليها طيف طردها من البيت وحرمانها من أمها نوفه .. وبعدها ضرب عمها وسفريتها لمصر وتعامل خالها ومشكلته مع ياسر .. ضمت رجولها وتكورت ...على نفسها تحس نفسها وحيده وانظلمت كثيررر وراح تنظلم أكثر لو تم هذا الزواج ....وانكشفت سالفة الحمل المزيفه ... | ||||||||
|
| |
|
06-10-19, 02:02 AM
| #1396 | ||||||||
| مراقبة عامة ومشرفة منتدى الروايات المنقولة
| اصايل ....صحيت من النوم ..على صياح عادل تحركت بتعب ..وأنا احس رأسي ثقيل حيل ...رضعته وبعدها سحبت جوالي وشفت الساعة انصدمت ..العصر كله ذا نوم ...وشلون نمت تسذا ..تذكرت ليلة البارحة وشلون كان.. دفيت المفرش ..وقمت غسلت وجهي توضيت وصليت ... وطالعت جهة ولدي ابتسمت بألم ...وأنا اتذكر وشلون أبوه طردنا من حياته مسكت جوالي ..وأنا اتذكر وعدي له اني بدق على أبوي الصباح واللحين صرنا العصر وأنا مادقيت أكيد بيرجع يجرح فيني ويسمعني كلامه السم مثل العاده .. فتحت رقم أبوي ..بس ترددت عارفة بيرد علي ويقول خليتس جنب رجلتس ...وماراح يفهم اني رجلي هو اللي طردني من حياته .... أفضل شيء أدق على شمسه ...دقيت ماردت ارسلت لها رسالة ( شموس ردي ضروري ) طيحت الجوال من يدي برعب يوم اندق الباب همست بخوف : مين : ماما افتح باب تطمنت يوم سمعت صوت نانوو ..قربت من الباب وفتحته وطالعتها بخوف : ماما بابا مصعب يبي تحت ... حسيت بقلبي وقف بلعت ريقي بخوف : يبيني خير يارب يالله وشلون ..بقدر اواجهه امس تركته بحالة مايعلم فيها غير ربي والحين مافيها أبد تغامر وتروح له برجولها فكرت ماتروح ...له وتجلس بغرفتها لما يجيون شمسه وعواد وبعدها تطلع من حياته .. طمنت نفسها وهي عارفه ان مافيه يرقى الدرج ...طالعت نانووو يوم أكدت عليها : بابا قال ينزل بسرعة يالله عشان مايصير مشاكل معصب مره اصايل نعم نعم معصب مره وتبيني أنزل قلت بخوف: الله يسامحتس بس أنا ناقصه عشان تزيدينها علي روحي قولي له ماما نايمه هزت رأسها برفض وقالت : لا بابا يقول مافي ينزل معي يطردني من هنا حرام ماما أنا عندي اطفال محتاج فلوس .. عضيت شفتي ..يطردها والله يسويها قاسي من يومه يالله تنزل وترحم هذي الضعيفه هي واطفالها ..وتقول له ان أهلها جاين لها ..وبعد تدق قدامه ...عشان يتأكد بس ليت شموس ترد ..رجعت دقت على شمسه ماردت عضت شفتها ... ماهو بوقتس شموس تكفين ردي ...فكرت تدق على عواد بس استحت ..وبنفس الوقت خايفه ...من المشاكل لا تكبر ...دموعها نزلت من الوضع اللي هي فيه ... وبعد وشلون راح تتفاهم مع أبوها يوم يدري بالسبب الللي بينهم ...سمت بالله وأخذت عادل وهي تقول يارب حنن قلب بابا علينا .. ونزلت له شافته جالس قدامها بالصالة ...بلعت ريقها وتقدمت بخطوات مرعوبه ..وكلها تردد ..خايفه موت منه ...وجه مايطمن تحسه مستعد يذبح بهذي الللحظه ..بدون مايهز له شعره جلست على أول كنبه بعيده عنه شوي .. طالعته يوم أشر لنانوو تأخذ عادل ...وتروح ...بطني وجعني من حركته أول مابتعدت نانوو قال بحده وهو يأشر على ساعة يده : متى حنا اصايل عرفت قصده قلت وأنا ابرر له: آسفه راحت علي نومه والله مدري وشلون ماحسيت بنفسي مصعب هز رأسه وابتسم بسخريه : قلتي راحت عليك نومه صرخ بعصبيه موعدنا الصبح صح واللحين العصر عضيت شفتي وأنا احس بذل وش أقول مقدر ادق عليه اخاف منه أكثر من خوفي منك ... وبعد لو دقيت وقلت له رآح يجي وأكيد بيسأل عن السبب ويدري باللي صار بكون بمصيبه أكبر من اللي أنا فيها اللحين بس فزيت من صرخته : على ماظن احكي معك بلعت ريقي وقلت بخوف:مصعب استهدي بالله والله توني دقيت على شمسه ابيها هي ورجلها يجيون لي بس ماردت علي واللحين برجع ادق قدامك مصعب بعصبية : ماتبين أبوك يدري اصايل عضيت شفتي وأنا امنع دموعي وقلت بمحاولة أخيره : ليتك بس تفهمني والله يومها خبيت عنك عشان سكتتت يوم صرخ ورفع يده بتهديد : انكتمي مابي اسمع شيء ثاني منك بذبحك والله ماسك نفسي بالعافية اصايل ولا تجلسي تتعذري ان أختك ماردت دقي على أبوك بسرعة اصايل قالت بسرعة وهي تبي تثبت له : والله دقيت شوف رقم شمسه وبعد رسلت لها ورفعت الجوال وقربته منه عشان يشوف الرسالة مصعب شاف الرسالة ..قال بحده : تصرفي ودقي على أبوك بسرعة اصايل عضت شفتها وهي تنزل الجوال : طيب بدق عليه بس اعطني فرصه ادور عذر قوي اعطي أبوي صدقني ماراح يرحمني مايختلف عن قساوتك مصعب بقهر وده يذبحها :قساوتي للحين ماشفتيها وفيني اوديك بنفسي لأهلك بس أبي أبوك يجي يأخذك من بيتي عشان وقتها لعل وعسى يفهم اصايل كلامه أوجعني حيل نزلت رأسي والغصه ذابحتني : طيب لك ماطلبت بدق على أهلي يجيون لي وبفكك مني للأبد ورفعت جوالي ودقيت رقم شمسه وأنا ادعي الله هالمرة ترد فرحت يوم سمعت صوتها فكتها من مكالمة أبوها ابتسمت بوجع يوم سمعت ترحيبها :هلا بحبيبة أختها وربي توني بدق عليتس اشغليتني يوم شفت رسالتس بغصه :شمسه تقدري أنتِ وعواد تجوون يمي الحين همست بخوف : عساه خير طالعته وشلون يطالعها بحقد همست لها :لا تسألي تعالواا وتكفين اليوم الله يخليك شمسه بسرعه قالت وهي قلقانه صوت أختها مايطمن : مصعب فيه شيء ولا عادل طالعت مصعب بخوف : لا كلهم بخير وتكفين تعالي بدون ماتسألي شمسه بقلق : ان شاءالله ولا يهمتس بنجي اللحين بكلم عواد ونجي يمتس بس طميني أنتِ بخير اصايل همست : مافيني شيء تعالو بسرعة انتظركم وقفلت الجوال مافيها تقدر تتكلم أكثر ... وقفت مافيني أجلس معه ...صحت على نانووووو عشان تجيب لي عادل ..شافتها طلعت من المطبخ أشرت لها تقربه مني بس انصدمت يوم قال : نانوو من اليوم عادل تحت مسؤاليتك طالعته بصدمه تبي تفهم ايش يقصددددد قال ببرود مستفز :انسي انك خلفتي صرخت بصدمه : لاااااا مصعب مهما كرهك لي ماتسويها فيني وقف وهو يتسند على عكازه وهو يمثل البرود :والله دخلتي ذا البيت بلحالك تطلعي مثل ماجيتي وعادل بيتربي بعز أبوه ................. صرخت وهي توقف بوجهه معترضه طريقه : تكفى لا توجعني بولدي دفها عنه بقساوه و صرخ على نانووو : أنا طالع وانتِ مهمتك من اللحين بدت ..وتحطينه بعينك ولو تعطينها اقسم بالله مثل ماقلت لك قبل أول طيارة لبلدك فاهمه وبسرعة وديه للغرفة اللي جهزتيها له اصايل لا لا لا وبعد ..طالب منهم يجهزون ..غرفته وكل ذا وهي ماتدري ...بس لا ماراح تسكت ...بسرعة مسكت بمصعب وهي تشوف نانوو راحت للغرفة الي يوم ولدت جلست فيها قالت وهي تترجاه :والله مااااستاهل ذا كله منك انا خلاص بطلع من حياتك بس أخذ ولدي معي اوعدك حتى مصرف مابيه لعادل انسى شيء اصايل ولدها بحياتك تكفى بس ماتحرمنا من بعض هذا طفل وش ذنبه وذنبي ننحرم من بعض مصعب بقساوه قال وهو صاك على سنونه : تبين تعرفين وش ذنبه ذنبه ان أنتِ أمه وأنا أبوه قلت من قبل الحمل ذا ماكنت راضي به لأني عارف وحده كذوب مثلك مايصلح تكون أم لعيالي انصدمت ...من كلامه يوم ذكرها ..بسالفة زعله عشان حملها ...ماتوقعت بعد ما ولدت وشاف ولده قدامه ..باقي يرجع ويذكر هذي السالفه ...صرخت وهي موجوعه من كلامه : طيبب حلوو مصعب خلاص انت ماهو راضي كان بوجود ذا الطفل بينا خلاص اوعدك أخذه ومعاد بيكون لنا وجود بحياتك لا أنا ولا هوو تكفى لا تبعدنا عن بعض بموت مقدر بدونه طالعها بقرف وقال :معاد ينفع خلاص قررت وانتهى بسرعة طاحت عند رجوله بذل وهي تترجاه : طلبتك ماتحرمني من ولدي خذ الي تبيه مني بس عادل لاااااا ماقوى فراقه رفعت رأسها تطالعه وقالت بأخر أمل لها عشان النايفه يامصعب مصعب وهو يحس بتوازنه يختل من تمسكها فيه ..وهو يالله متسند على العكاز قال بعصبية : اصايل لا تحاولي ماراح اغير قراري خلاص انتِ تقلعي تجهزي وانتظري أهلك يجيون يأخذونك وانسي شيء أسمه عادل فاهمه هذا ولدي وأنا مسؤول عنه صرخت بقهر وجع : بس أنت ماتبيه كان وتوك قلتها بنفسك مصعب : كنتت فاهمه كنت والحين ابيه و بعد ابيه يعيش مكرم بعز أبوه وبعيد عن أم مثلك اصايل بغيت انجن وانهبل من كلامه صرخت منهاره : تبي تبعدني من حياته وتجيب له زوجة أب ويعيد تاريخك ويطلع متعقد ونفسيه مثلك ...لا ماراح اخلي ولدي يطلع نسخه منك ويكون أذيه للي حوله مصعب كلامها ذبحه وجاء على الوجع صرخ بعصبيه :ايه ابيه يصير مثلي مالك دخل بس انتِ اطلعي من حياتنا هزت رأسها وهي تصرخ : لا لا ماراح اسكت مصعب مثل العاده وارضخ لالا لا بوقف لك وبدافع هذا ولدي فاهم ولدي ومافي قوه تأخذه مني ... مصعب ابتعد وقال : نشوف ايش يطلع معاك اصايل صرخت منهاره وهي ترفض تخليه يطلع : لا لا ماتقدر تأخذه لا تنسى فيه قانون يمنعك عن تجبرك وتسلطك وبيكون تحت رعايتي فاهم أنا الاحق فيه أنا اللي تعبت فيه وأنا اللي احبه أنت ماتحبه وتوك اللحين ذكرت انك كنت ماهو راضي بوجوده .. صرخ بصوته كله وهو يحاول يبعدها عنه : ميري طلعت وهي مفزوعه من اول هي والخدم بالمطبخ يسمعون اصواتهم من البارح عايشن برعب بذا البيت أشر لها تقرب : بسرعه قلعيها لغرفتها لما يجيون أهلها ميري قربت من اصايل اللي رافضه وتحاول تمنع حركة مصعب وماتخليه يطلع بس فكرت بفكرة محنونه ..يمكن تقدر تخليها تأخذ ولدها وماتنحرم منه بسرعة ركضت مثل المجنونه للدرج وهي نيتها تأخذ عبايتها وتاخذ ولدها وتشرد من ذا البيت ايه مصعب ماراح تقدر تقنعه وراح يجيون أهلها وبتروح معاهم ومثل ماقال جيتي بلحالك تطلعي بلحالتس ..لازم تسوي شيء ولا تنحرم من ضناها بسبب ظلم وجنون مصعب ... مصعب بسرعة اشر لميري تلحقها وصرخ بعصبيه : قفلي عليها الغرفه ماهو ناقص اي تصرف غبي منها وقت مايجيون أهلها خليها تنقلع معاهم حس بدوار مسك على رأسه وتقدم خطوه وجلس على الكنبه ...وهو يمسك على رأسه ...زفر بضيق وهو متأكد هذا الدوار بسبة جرعة الربوو أخذ نسبه أكثر ... ميري بسرعة نفذت اللي طلبه وطلعت لفوق وراها شافتها تلبس ..العبايه وتهذي ..بلكلام ماتدري وش تقول ... حاولت تمنعها ...بس رفضت ... قالت بخوف وحزن : ماما اجلس هنا لو ينزل بابا مصعب مجنون يقتل أنت وبعدين يقتل أنا فيه موت كل بيت اصايل هزت رأسها : لا لا تهديده ماينفع معي مايقدر مايقدر يمنعني عن ولدي ..هوو مابيه بقلعته بس ولدي لا لا ماخليه ... وماهو فاقده عقلي عشان اخليه تحت رحمة أب مثله ... وجت بتطلع بس ميري وقفت بوجها صرخت : قلت لتس مافيه قوه تمنعني فاهمه ابعدي عني ميري وهي تحاول تمنعها ..بسرعه قدرت تسيطر على اصايل وبخفه سحبت المفتاح وطلعت وقفلت الباب عليها ...هذا أفضل شيء تسويه سمعت صراخ اصايل وهي تضرب الباب وهي منهاره: ميري افتحي لا تجي أنت بعد علي تكفين إلا عادل تكفين ساعديني وخليني أخذه و اطلع من هنااااا تكفين ميري أفتحي وضربت بكل قوتها على الباب ميري وهي تصيح معاها : ماما انا اسف بس أنت بس يجلس شوي لما يجي أهل أنت بابا قال بعدين افتح باب ويطلع من هنا اسف ماما مقدر أنا خوف اصايل كانت تصرخ ...وهي فاقده عقلها .... مره تسبها ...ومره تهددها ...ومره تترجاها ...بس بدون فايده ...حاولت تفتح الباب ...بس أبد لا جسمها يساعد.. ولا قوتها تساعد ...عشان تكسر باب صرخت وهي تعبانه وصوتها رايح من الصراخ .. ماتقدر تأخذه مني ...ماتقدر تاخذه مني .. بسرعة دورت بعيونها للجوال بتدق عليه بس تذكرت ان جوالها تركته بالصالة .... طاحت بالأرض منهاره تصيح بعذاب مصعب عذبها وقتلها على الآخر ...ليه تسذا مارحمها حتى يوم طردها من حياته طلعها خسرانه من كل شيء حتى من ولدها ..... ماتستاهل هذا العقاب منه ميري قلبها يتقطع على حالها ...بس مافيها تقدر تقول كلمة الحق بذا البيت اللي ينطق بكلمة الحق يروح صاحبها بعدها ... أفضل شيء تنفذ اللي ينطلب منها وبس ... نزلت شافته قدامها بالصالة متمدد ...حست بقلبها يدق وبيوقف من الخوف قالت بترددد وهي تناوله المفتاح : خلاص بابا فيه قفل طالع المفتاح بحده وقال : خليه معك لما يجيون أهلها افتحي لها تمام هزت رأسها بخوف أشر لها تروح بسرعة.. طارت من قدامه ...قفل عيونه ...وهو يسمع ضربها على الباب وصراخها وصياحها ....ماراح ارحمك اصايل مثل ماخليتني مسخره بين اصحابي ..وماراح اخلي ولدي لك مابي ..أحد باقي يوجعني فيه .... واللي بيني وبينك انتهى خلاص وأنا عارف ماراح اقطع اي شيء بينا إلا يوم أخذه عندي وقتها معاد شيء يربطنا فعلاً ... رفع جواله دق على عادل وعلى الشباب بس مثل العاده بس هالمره كلهم مقفلين جوالاتهم ابتسم بسخريه ...مسوين مختفين عني يال******* مايبون يقابلوني بعد مابلغوووا عليها وانقبض عليها بهذي السرعة بسبتهم ونجت من عقابه شخصياً حتى أنا خلاص مابي عاد اقابلكم ...وبقهر ولا لي وجههه بعد اللي صار .. بذات عادل بعد مانقذ زوجته صعب صعب عاد تصير بينهم صداقه ..حس بدموعه تنزل من القهر ... للحين ماهو مستوعب شكل اصايل يوم ينقذها خويه ... صغط على رآسه بوجع من امس مواصل والدوخه رجعت تلعب فيه .... @ @ @ بشقة عناد أول ماحسيت نفسه انتظم فرحت من قلبي انه نام .. ...غطيته بشويش وتسحبت ..بحذر بس عضيت شفتي يوم جواله رن ..بسرعة أخذته من الشاحن وصمته..وأنا أشوف رقم أبوي .. يدق على عناد بعد ..لا تكفى يبه لا توجعه يكفي اللي فيه ... طالعت عناد اللي تقلب بس حركته هدت ..بسرعة طلعت من الغرفة ...ورجع الجوال يرن بيدي ..لازم ارد واتفاهم معاه ...قبل يقول شيء لعناد ..فتحت الخط.. وأنا عيني من باب الغرفة ...مابي اي شيء يزعجه همست بقلق: هلا يبه بحده : ادق على جوالك ماتردين ويوم دقيت على جوال رجلك ماشاءالله اشوفك رديتي الشموخ قفلت عيوني وأنا ابعد الجوال من صراخه قلت بتصريفه غبيه : يبه اسفه كنت مشغوله بعصبيه : مشغوله بوشهوو هااا بعد المصيبه اللي صارت الشموخ عضيت شفتي : يبه قاطعها بصراخ : بعد المغرب بإذن الله طيارتي جهزي نفسك هذا اللي خايفه منه قلت مقاطعه : لا يبه ماراح اجي معاك .... بس سكت يوم صرخ علي : ولا كلمه فاهمه وشلون اخليك على ذمته وأنا ماضمن ايش من عقد فيه إذا هذي سوات أمه أجل هو ايش والله مو مستعد افقدك باي لحظه يالشموخ ويكفي السمعه بس اللي خلفتها أمه ... قفلت عيونها بصبر : يبه عناد ماله ذنب حرام عليكم يكفي اللي فيه وبعدين أنت مفروض تقولي اجلس معاه بذي الظروف .. صرخ بعصبية : هي كلمتين جهزي نفسك وبس ولا تجادلي كثير وهذي النوعيه ماينفع معاهم الواجب البعد عنهم غنيمه بس أنا استاهل زوجتك له .. الشموخ بقهر من كلامه : من الحين يبه لو تبي تجي زيارة حياك بعيوني بس لو تبي تاخذني لا ماراح اجي معك بس سكت يوم حسيت بوجود عناد وهو واقف قدام باب الغرفة ..قرب مني وأخذ الجوال وقال :حياك بنتك جاهزة الشموخ صرخت معترضه : ماراح اخليك فاهم وسحبت الجوال من يده : يبه ماراح اخليه لاتجي مقدر افهمموووا عاد وارحموني أنتم الآثنين ورمت الجوال بالأرض وبسرعة ركضت للغرفة ورمت نفسها على السرير ...وهي تصيح ..ليه حتى هو مايحس فيها ...حست بثقله على السرير يوم جلس ...نزل نفسه شوي وهمس لها : أنا مقدر وقفتك معي ..بس حنا مفترقين من قبل مايصير هذا الشيء ليه هالصياح الحين وبعدين بالله ماهي فرصه لك عشان تطلعي بكل شموخك زادت بصياحها هذا الآدمي عجزت عشان يفهمهااااا ...حست فيه يحاول يرفع وجهاا عشان تطالعه طالعته وقالت بوجع : شموخي لو طلع من حياتك بينكسررر قفل عيونه بألم وهمس لها : حنا الاقدار رافضه تجمعنا واللحين خليك كذا عاقله وقومي جهزي حالك وأنتظري أبوك وبعدها الله يحفظك وانا بحاول اوصل لأمي قبل مالشرطه تصيدها مهما كان كبر غلطها بحاول باللي اقدر فيه عشان احميها ... الشموخ هزت رأسها برفض قفل عيونه بوجع وقال بغصه : جتك الفرصه الحين والعذر القوي اللي يخليك تقولي مابي عناد ورأسك مرفوع بدون ماسمعتك تتأذى وبنفسه أبوك بعد جاي لك ..وهز رأسه بحسرة انه فعلاً راح يفقدها هذي المره الحظ لعب معاك يالشموخ دموعها زادت من ..صدمها بكلامه حتى بهذي اللحظه وهو يفكر وشلون يبعدها عنه ويجرحهاااااا عضت شفتها بوجع وقالت : ماهي الشموخ اللي تتستغل الفرص ياعناد وشوفني قدامك رفضت اخليه يجي هز رأسه برفض : أنا مارضاها لك تجلسي على ذمة رجآل وأمه .... مدت يدها وحطتهاعلى فمه تمنعه يكمل وهمست له : أنا ماشوف ومابي إلا هالرجآل وراضيه عندك مانع ومسحت دموعها وقالت روح شوف وين أمك وابوي بيجي وبستقبله على عيني ورأسي.. بس روحه معه مستحيل ومالي طلعه من بيتك وقفت وطالعته بتحدي حتى لو رفضتني ياعناد جالسة لك اوكيه وماتقدر تمنعني فاهم لو هو ..بحالة غير ذي ..الحالة كان ...يمكن قلبه فز من مكانه بسبة كلامها ..بس حالته أبد ماتسر لا عدوو ولاحبيب وقف... وهو عاجر عن الرد عارف ان أبوها جاي وعارف انه رآح يأخذها ...وبيفقدها مثل ماراح يفقد أمه .... @ @ @ صرخت بقهر يوم قفل من عندها : ليه على طول قلت لها كان كذبت عليها وعلى الأقل قلت لها ابيك تجي معي تحضرين خطبة أميرة وبعدها يوم تجي هنا نمنعها ماتقدر ترجع له صرخ بعصبيه وهو يدور بالصالة : بنتك هذي مابها عقل قبل فترة جايه وهي مألفه مصيبه بعمرها عشان تنفك منه واللحين رافضه تخليه وأنتِ تقولي أكذب عليها من جدك ساميه راح تصدقني بعد ماهددها عمها قبلي أم أميرة سكتت مقهوره وبعدها قالت بحده : ماعليك فيها اسحبها من شعرها وجيبها والله ماهو ناقصه بنتي تجلس عند واحد أمه مجرمة ماضمن بنتي وش يصير عليها وبقهر ضربت على فخدها ليتك حجزت لي معك كان عرفت اربيها وغصب اتلها والله ماضيعها إلا دلعك لها اي كلمة لازم تمشيها علينا ... صرخ بقهر : يالله حصلت لنفسي حجز بعد المصيبه اللي قالها صقر ... وذي المرة معصي تمشي كلمتها علينا بتلها من شعرها وتجي غصب عنها معي .... أميرة وهي حزينه على الشموخ ايش ذا الحظ على أختها ...بس كبرت بنظرها ...يوم أبوها كلمها ورفضت تخلي زوجهاا ...بس الله يستر من الجاي أبوها مستحيل يسكت ويخليها بحالها ..... | ||||||||
|
| |
|
06-10-19, 02:05 AM
| #1397 | ||||||||
| مراقبة عامة ومشرفة منتدى الروايات المنقولة
| (الجنوب) صلت المغرب ورفعت السجادة طالعته بطرف عينها وهو .. واقف قدام المراية ... يصبط نفسه ...عضت شفتها يوم سمعت صوت أبوه وهو ينادي عليه ..يبيه يستعجل ..حست بالغصه ذبحتها ...يالله طول اليوم ماسكه نفسها بالعافية ...لا تنهار ..وتحاول تقوي شخصيتها ...جلست على السرير ومعاد فيها تقدر تمسك نفسها أكثر رفعت رجولها ونزلت رأسها وصاحت بحرقة ...... وهي تحس صوت أبوه يذبح قلبها ...بدون رحمة .... طالعها بحزن وقرب منها وجلس جنبها وتنهد وهو يرفع وجهاااا بس رفضت نزل نفسه شوي وهمس : شدون والله موجوع حدي لا تزديها علي ... يالله ماسك نفسي ... شدن دفت يده و صرخت بحرقة : ماقدر اشوفك مع أمل ليه أبوك مايحس وش بيأخذ من ذا الزواج تكفى ياسر سوي اي شيء متأكده أنك بتقدر مثل ماقدرت تخليه يقتنع اكون على ذمتك ياسر :والله ماقدر صعبه ياشدن أنا وعدته ولا صدقيني لو رفضت مافي أحد بيتأذى غيرنا شدن رجعت نزلت رأسها وصاحت بحرقه ياسر مافيه يشوفها كذا ..بس فعلاً لو يعاند او يرفض بينحرم منها وهذا الشيء اللي ما يبيه : شدون والله هالشيء اسويه عشانش رفعت رأسها وطالعته وهي تصيح : عشاني تقوم تزوج أمل حرام والله حرام أنت جالس تذبحني كذا ماهو تنقذني ياسر مد يده ومسح دموعها وهمس : تدرين فيني مابي لا أمل ولا الزواجه ذي كلها وفعلاً أنا انقذش وانقذ نفسي بعد أبوي لو عاندنا معاه فعلاً هالمره بيحرمنا من بعض إذا أنتِ تقوي أنا ماقدر ....عض شفته بيأس يحسها كل مايتكلم زيادة تنهار بالصياح صرخت وهي منهارة : خلاص ابعد مابيك روح اخطب روح تزوج أبي أمي ودني لها وبسرعة دفته عنها وهي تقول قبل تطلع تعطيني جوالي ... وقف وابتعد عنها وهو مقهور أكثر منها ..مايبي هذا الزواج كله ..بس مابيده شيء ..وأكثر شيء قاهره وموجعه حالتها ..توقعها تسكت لآنها عارفة من البداية ماتوقعها بتنهار كذا في الآخير ..قال : ابشري بس ارجع واعطيش جوالش وبعد اوديش لها شدن مسحت دموعها : ودني لها قبل تروح تطمن ماراح تتأخر ... ياسر قفل عيونه وقال بضيق : قلت لش يوم ارجع وطلع من الغرفة وهو يسمع صراخها وصياحها وده يروح فيها لعمته ... بس مستحيل يوديها وهو مايكون معاها والزفت ولد خاله موجود هناك يخاف عليها ... شاف نور بوجهه قالت بزعل : أبوي يقول تأخرت هز رأسه بضيق وقال نور روحي لشدن وخليش جنبها ... نور بترددد: ياسر لا تروح سوي اي شيء تنهد بضيق : نور تكفين لا تزيديها علي يعني أنا بيدي شيء مدام أبوي فيها نور بعصبيه : والله ماهي حلوه وشدن اجمل منها الله يأخذها الخاينه حور طلعت من المطبخ وهي تسمع كلام نور خلت ياسر يطلع من الصالة وقالت بقهر: الحين شدن اجمل منها وين الجمال ياحسره طولها شبر وشعرها جعد ... مافي إلا بياضها يشفع لها بس ابشرش ماهو مطلوب بعد ذي اليومين يازين بس لون السمار اللبناني وهي ترفع يدها شوفي الجمال بس .... والطول وهي ترفع نفسهاااااا نور : اقول خلي عنش بس والله تموتي وتوصلي لجمالها ولا نسيتي انش محتره من جمالها وهي تقلدها ايت اجمل أنا ولا شدن ذبحتش الغيرة حور بحقد : أنا اغير منها ذي الدخيله نور بعصبيه : ليت ياسر بس يسمعش والله لايذبحش حور اعطتها ظهرها وتحركت رايحه لغرفتها وهي تقول : عشتووو قال ياسر قال ناسيه انه هو اللي كان يطلق عليها كذا ياسر أول ماطلع شاف سواق عمته يوقف قدام بيتهم همس بضيق لا أبد ماهو وقتش ياعمه.. قرب منها يستقبلها ويرحب فيها رفعت يدها تمنعه يقرب منها وهي معصبه :واصل من امس ومخبي عني بنتي وماعرف إلا من حور انها هنا لهالدرجة ياسر ماتبيني افرح برجعتها ... مستخصر علي الفرحة أنت تدري بحالتي من يوم ماسافرت وابتعدت عني ...سكتتت يوم قال أخوها بحده : اقول خلي عنش المعاتب اللحين و جايه وأنتِ حاطه علينا سبتها ترى مارضيت برجعتها إلا حدني الشديد القوي وأشر لياسر وهو يقول : امش الجماعة ينتظرونا نوفه انقهرت من كلام أخوها بس مافيها ترد عليه ومايهمها اللحين إلا برجعة بنتها بس قلبها وجعها يوم قال الجماعة ينتظرونا شافت كشخه ياسر عرفت ان وراهم بلى قالت بشك : لا يكون بتمم خطبتك من بنت أبو سعود ياسر رفع كتوفه ماله حيله ...وتحرك لحق أبوه نوفة دخلت معصبه وهي تنادي بأسم شدن شافت نور قدامها وأم ياسر ...قالت بعتب : اللحين مافي حد يقولي غير حور الله يعافيه لو ماوصلت لي كان يمكن مادريت بوجود بنتي حسبي الله بس أم ياسر بقلق : هلا هلا تفضلي ومعليش والله أخوش الله يهديه سبب لنا رعب ويالله قدرنا نقنعه نوفه رفعت يدها : حسبي الله عليه يوم طرد النايفه قلنا معاه حق ..واللي سوته يحق له يطردها ..بس شدن مظلومه وحاط حيله فيها واتجهت لغرفة ياسر وفتحت الباب شافت شدن بحضن نور منهارة تصيح قربت منها وهي تقول :تصحين يمه وأنا موجوده ماعشت والله شدن أول ماسمعت صوت أمها حست روحها رجعت لها صرخت منهاره وهي تفز من حضن نور وتقفز بحضن أمها : يمه وضمتها وهي تصيح منهارة يمه بموت نوفه وهي تصيح معاها : بسم الله عليش يمه خلاص يمه يجعلني أخذ ضيمش خلاص شدن لاتوجعيني جايه وأنا فرحانه برجعتش لي شدن وهي تصيح بحضن أمها: مقدر اتحمل والله توقعت عادي بس يوم جاء وقت الجد مقدرت يمه ماقدرت بموت احسني من القهرر يمه خذيني معش مابيه خليه يروح لها وأبوه يرضى عليه نوفه أشر لنور تجيب مويه وبسرعة نور تحركت وراحت جبت المويه أخذته منها وحاول تشربها .. وحطت شوي بيدها ..ومسحت على وجهاا وهي تضمها لصدرها : الله يطعني عنش يمه كل ذا يصير لش ومافي حد يقدر يوقف بوجهه مبارك ... شدن همست لها : بروح معش نوفه مستحيل تسكت خلاص : بأخذش معي وبنرجع بيتنا وخلي مبارك يقرب صوبنا والله ماغير أنا ذي المرة بفضي الرشاش برأسه .......رفعت رأسها من حضن أمها وقالت وهي تطالعها : صدق يمه بتأخذيني طيب رجلش نوفه رجعت ضمتها : ايه يمه صدق ورجلي بكيفه حستها هدت عن أول ضمتها زيادة لصدرها وهي تسمي عليها تحبها وتعشقها وكل دمعه تنزل من عيونها توجع قلبها للحين ماهي مصدقه انها بحضنها توقعت يوم راحت معاد بشايفتها ....... @ @ @ صقر طول اليوم برا ...كان بمركز الشرطة ..بعدها رآح للشركة يوم دق عليه الموظف ..عشان موضوع المشروع الجديد اللي استلمته الشركة ..ولازم يوقع على الورق ...دخل البيت شاف مصعب قدامه بالصالة لاااااااااا ..هذي اللي مايبي يشوفه بذا الوقت ... .. ابتسم بسخرية ..يحسه انصدم من وجوده و ندم انه جاء وهو موجود قلل بوقاحته المعتاده: لايكون جاي من عندها .. مسرع تزورها ضاعت هيبتك ياصقر بين مراكز الشرطة وضحك بستفزاز ... يالله هذي نهاية حبك لها.. ياما حذرتك بس طبعاً أنا غلط بنظرك وهي الصح ..واللحين معاد أقول إلا الله يعينك لما تمسك سرا عشان يعطونك موعد زيارة وابتسم بتشفي وقال خبرها بزورها تمام هز رأسه بعجز من هذا الولد ..ومن وقاحته تذكر مكالمة عادل يوم قاله ...لو شاف مصعب يقول انهم قبضوا على الجوهرة عشان مايرجع يجن ويسوي شيء ويرجع يدورها ... قال والتعب واضح على صوته : قلعتها ولو تبي تزورها عندك المركز وحريقه تحرقكم الآثنين مصعب رفع حاجب : لا لا قلعتها مره وحده اممم لا يكون بتسوي حالك قدامي انه خلاص ماتهمك ..والله بتموت وراها ورفع يده تصدق ودي يجي اليوم اللي يقصونها فيه بشوف وش وضعك ياترى بتعزم مرتك الجديده على مطعم مثل ماسويت يوم وفاة أمي ولا لا ذي حبيبة القلب وبتدفع دم قلبك عشان أهل المييت يسامحون صرخ بعصبيه : قلتك قلعتها وليت يقصونها اليوم قبل بكره مصعب ترى تعبان وبعد كم مره قلت لك لاتنسى أنا أبوك ماهو بواحد من أخويك ابتسم بسخريه : لا لاا صقورر مره زعلان من حبيبة القلب ماتوقعت هذا الرد تدعي عليها يقصونها رفع يده يمنعه يكمل كلامه : مصعب أبد مافيني اتحمل كلامك السم الحين يكفي الندم والحسره الي بقلبي و.... مصعب ماقدر عاد يمسك نفسه صرخ مقهور : قلت لي يبه ندمان بعد وشهوووو قولي بعد وشهوووو بعد ماضيعت ذا البيت يوم دخلتها فيه صقر بقهر صرخ : اسكتت مصعب اسكتتت خلاص كلن اخذ عقابه معاد ينفع الحكي وسكت يوم انفتح الباب والي دخلت منه عقد حواجبه مستغرب جيتها لهنا.... :عجزت ادق عليك ماترد جيت بنفسي ... مصعب ابتسم بوقاحه وقال :شوف مين الي جت قلتها والله صقور مايقدر يعش بدون نسوان أشر لها تقرب : حياك الشايب فاضي حده والعقبه اللي بطريقك طارت خلاص ادخلي وعليك الآمان .. طالعته بحذر طول عمرها تهابه وأبد ماتحبه ولا تقرب صوبه بذات من كلام الجوهرة عنه بس لازم تحاول تقرب منه و..تكسبه بصفها اف سحر اللحين خلي صقر أول يرضى بعدين فكري بولده قالت مطنشه كلام مصعب : ياليت تجي معي ونتكلم بمكان غير هناااااا مصعب ضحك بصوت عالي مستفز :ليش طيب مو هنااااااا سوسو طالعته وهي مقهوره حدها من ضحكته المبالغ فيها رجعت طالعت زوجها اللي يطالعها بصمت : صقر ياليت نطلع .... بس فجأة سكتت يوم صرخ عليها منهار : اي شيء من طرفها مابيه بحياتي فاهمه يالله برا صرخت بقهر : أنا ايش دخلني لو هي وسخه مصعب رفع حاجب وقال بتحذير لها :فكري بس عاد ترجعي ترفعي صوتك سوسو طالعته بقهر رفعت يدها : لو سمحت لا تدخل بيني وبين أبوك مصعب ابتسم على جنب وبسخرية وهو يحط يده على صدر : اوه آسف والله معاك حق بس اعتبي على صقور ماعرف يربي وهذا وهو مخلف ولد واحد وطالع أبوه الحمدلله يبه وأنت حريمك كلهن عجايز وتكه والقبر ولا تكاثر نسلك ويطلعون عدمين تربيه ماتحترم وتقدر اللي قدامها ابتسم يوم شافها وجهاااا احمر من القهررررر .... صقر عرف ان سخريته هذي وراها مصيبه بسرعة أشر للباب وقال : أنا طلقتك خلاص وشهوله جايه ... سوسو صرخت مصدومه وهي تحط يدها على فمها : ايشششسس طلقتني صقر ليه طيب مصعب ابتسم بشماته وصفق بيده :برافووو صقر أبو مصعب طالع مصعب وهو يزفر بضيق أشر لها : مثل ماقلت لك ويالله مابي اشوف رقعة وجهك هنا مصعب أشر عليها بتحقير: والله يبه بتنط لك عارفها ذي النوعيه وجيهيم وسيعه صعب الخلاص منه ضحك بصوت عالي يوم سمعها تدعي وتلطم على وجهااا كمل بشماته : تستاهلي حد يتزوج صقر مافي مرة تطلع من تحت يده إلا ميته ولا قصاص ولا متشردة مثل حالتك أول ماطلعت طالع أبوه بسخرية : عذبت جنس حواء معاك الله يسامحك مايستاهلوا هذي المعامله القاسيه منك أبو مصعب بحده : مصعب خلاص للمره المليون أقولك أنا ابوك وطريقتك بالكلام هذي خليها عنك وخلاص اللي قهرتك بحياتك بتأخذ عقابها وش تبي أكثر ولا تبيني أموت عشان ترتاح مصعب بحقد : عقابها قليل بحقها وظلم بحقي صقر قرب منه وحط يده على كتفه وقال :الله فكك منها لا راحت رقبتك بسبة وحده حثاله مثلها مافكرت حتى بصلة الدم ...بسبة فلوس ... ابتسم بستهزاء : يالله تمنيت هاليوم يجي اللي اسمع حقيقة الجوهرة على لسانك بس تآخر واجد يبه حتى يوم جاء هاليوم احس ماله طعم تدري ليه يبه لأني ماخذت حقي لا منك ولا منها قاطعه : حقك مني خذه أنا مستعد له وهماك دايم تقول ظلمتك من بكره البيت اسجله بأسمك واسلمك الحلال كله وتورثني وانا حي والجوهرة بتاخذ حقك منها يكفي رقبتها اللي بتطير صرخ بعصبيه : لااااااامابي بيتك ولا فلوسك والجوهرة عقوبتها ماتكفينني يوم حبت تلعب بعرضي فاهم ايش عرضي وهذا مايشفيه وهو يضرب على جهة قلبه إلا يوم اشوف دمها علي يدي ذاك الوقت اعرف اني فعلاً أنتقمت لعرضي ويشفى غليلي منها ... صقر ابتعد عنه عارف مهما قال .. الحكي ضايع معاه ..انسحب لغرفته .... وخلاه وهو منهار يصرخ ويهذي بكلام مكررر من امس وهو يعيد ويزيد فيه ..تعب خلاص منه ومن مشاكله يفكر فعلاً يكتب كل شيء يملكه بأسمه ويبتعد عن الرياض كلها ...يمكن يوم يطلع من حياته يركد ..بس مدام موجودين بحياة بعض مستحيل يتغيررر ... وبيفضل طول عمره شايل منه بسبب أم مافيها خير زرعت الفتنه بينهم ...وماتتت بشرها بس خلت وراها حصاد حقدها مصعب وهو يرجف من العصبية ...ويصرخ بصوته كله ...افهمووو ..عاد مافي أحد توجع منها مثلي رجع رأسه لوراء وهو يحاول يأخذ نفس مايبي نفسه يضيق عليه الحين ماهو وقت ..تعبه أبد ....تلفت حوله يدور البخاخ ماحصله ..شافه بين الكنبتين مرمي مافيه ينزل نفسه ..صرخ : ميررري بسرعة طلعت تركض اليوم ماراح تخلص منه أشر لها تجيب البخاخ بسرعة ركضت ونزلت نفسها أخذته واعطته ..هوو وهي ترجف ...من الخوف شافت وجهه معرق وصاير أحمر ... اخذ منه وأخذ اكثر من جرعه وهو يحاول يحصل نفسه ...همس ماهو بوقته أبد طالع جهة جوال اصايل يوم رن ...أشر لها تجيبه شاف اسم أختها بالشاشه قال بصوت مخنوق : روحي بسرعه افتحي لها وخبريها ان أهلها برأ ... ورجع رأسه لوراء وهو يأخذ نفس يحس بضيق بصدره حتى البخاخ ماجاب نتيجه بسرعة رقت الدرج ..نفذت الي طلبه ..منها وفتحت لها أول ماشافت الباب انفتح بسرعه طلعت من الغرفة ودفت ميري من طريقها ونزلت الدرج وهي تصرخ باسم ولدها مصعب شافها نازله من الدرج وهي منهاره قال بعصبيه وهو يأشر على الباب : اقسم برب الكعبه لو ماتأخذي حالك وتطلعي لأهلك بدون مشاكل لا أقوم لك وبدل ماتطلعي على رجولك تطلعي محموله ... صايل بقهر صرخت وهي مطنشه تهديده : ماتقدر تسوي شيء ماتقدر وصرخت بصوتها كله نانوووووو طلعي ولدي وراحت تركض للغرفة اللي عادل ونانوو فيها مصعب صرخ بعصبيه وهو يقوم بسرعه مشى وهو يرتكي على عكازه وهو معصب حده شاف نانوو فتحت الباب بسرعة أشر لها تدخل وتقفل الباب وصرخ بعصبيه وهو يمنع اصايل توصل لها: أختك برأ لا تطوليها قلت لك ولدك والله مايطلع من هنا إلا بموتي اصايل صرخت منهارة وهي تدفه : ماراح اطلع من هنا بدونه ...ورجعت تضرب الباب بقوه تبي نانوو تفتح مصعب بسرعة رجع مسكها بقوه وهو يبعدها عن الباب ..يوم شاف أختها دخلت وهي تركض وبصوتها كله تصرخ : فكهاااااااا يجعلك يدك الكسرر طالعها وهو محتقر صراخها عليه وقال بيرود مصنع : حلووووو مدام جيتي يالله خذي أختك وتصحبكم السلامة اصايل بسرعة ركضت لاختها وهي تطلب فزعتها : شموس انا ماقدر له تكفين خليه يعطيني ولدي وقوليله خلاص بطلع من حياته ... شمسه مافيها ..تتكلم معاه ماتقدر مهما كان رجآل غريب عنها واللحين يوم صرخت عليه غصب عنها من الموقف اللي شافت أختها فيه واللحين بعد وضع أختها مايسمح انها تسكت قالت وهي تطمنها : ماعليتس فيه بنأخذه معنا وطالعته بتأخذ ولدها غصب عنك فاهم مصعب رفع حاجب وقال بوقاحة : لا مو فاهم وياليت أنتِ تكوني افهم مني وتأخذي أختك وتطلعوو من هناااااا عشان ماعندنا حريم يتجادلون مع رجاجيل عيب ... شمسه حدها انقهرت من وقاحته وقالت بتحدي : صادق في ذي بس والله عندنا رجاجيل يعرفون يتجادلون مع قليلين المرجله اللي مثلك عصب حده من ردهااااااااا...وقال :وينهم ماشوفهم شمسه بقهر : اللحين أخليك تشوفهم اصايل بسرعة مسكت بيد شمسه عشان ماتروح لعواد وبعد ماتبي شمسه توقع معاه تعرف مين مصعب وتعرف بعد لسان شمسه وشلون ومصيبه لو تدخل عواد والله واحد فيهم بيتسطر قتيل هنا .... بسرعة قالت : ماعليتس فيه شموس الحين خلينا نأخذ بس عادل من هنااااااا ونطلع مصعب صرخ بعصبيه : قلت لك عادل ماراح تأخذينه اقتصري الشر ياصايل شمسه بقهر من كلامه : اسمعي يالله معي للسيارة وعواد ينزل يتفاهم معاه ولا تخافي ولدتس بيطلع معتس الدنيا ماهي فوضه فيه محاكم وقانون يربيه مصعب ابتسم على جنب وقال بسخريه : كلامك عين العقل ويالله اخذيها بس تكفين لا ينزل شيخ العربان حقكم اوكيه لانه ماله حق الولد ولدي وخلاص بنتكم من اللحين ( طااااالق ) وانتهى اللي بينا ويالله وأشر للباب وهو يطالعهم بتحقيررررررر ... ===== خلونا نوقف هنا ونقول كتتتتتتتت لان معاد فيني اكتب اعذروني تعبت نفسيتي من مشاكل ومصايب هذا الآدمي وعلى العموم .... انتظروني ياجمهوره العزيز ... وان شاءالله عاد لكم وجهه بس تدافعون عنه & نونــي بنت الجنوب & (سبحان الله وبحمده سبحان الله العظيم ) ( الوتر أحبتي ) " الله يرحمك يامن وجعني فراقك " | ||||||||
|
| |
|
06-10-19, 02:09 PM
| #1399 | ||||
| مساء الجمال لا لا لا ارجوش نوني ارحمينا كل قفله اقوى من الثانية 💔 ياحرام والله اصايل ما تستاهل بصراحة مصعب بديت اكرهه لانه شخص مو متزن في حكمه وحبه اما الشموخ وشادن الله يعينهم على اهلهم وقراراتهم التعسفيه | ||||
|
| |
|
06-10-19, 05:09 PM
| #1400 | ||||
| اممممممممم لا تعليق انجن رسمي مصعب و ما خلى طريق للتفاهم شو ذنبها اصايل فوق كل المر الي ذاقته معه يطلقها و يوخذ ابنها عندي الفضووول مليون اعرف شو قصت امه هل هي فعلا مظلومه او خاينه فعلا شدن و ياسر و الشموخ و عناد الله يصبرهم على بلوتهم دائما بتخلينا ع اعصابنا للبارت الجديد كتبتي فابدعتي كما انت دوما نوني بانتظاااار جديدك ♥♡♥♡♥♡ | ||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
.png)
العرض العادي
