جننتني بجنانها وجمالها وحظني يبيها / للكاتبة Zooba. مكتملة

[لامارا]

(( البارت الثامن والثلاثون ))

غطت هنادي وجهه زينه بشيلتها و مسكت هنادي يدها وطلعت برا بعصبية ..


عند نواف كان واقف يتكلم مع ممدوح وشاف هنادي ماسكه يد زينه وتمشي بسرعه وكان باين انها معصبة .

نواف بستغراب : مدام هنادي وش صاير .
هنادي بعصبية : ابعد عن طريقي ........ وطلعت برا الشركة .

زينه وهي تحاول تفك يدها وبترجي وهي تبكي بخفيف : يمه لحضه الله يخليك الرجال قال انه يعرف
ام....................قاطعتها هنادي بعصبية واول مره تصارخ عليها : بسسسس ما ابي اسمع ولا كلمة اركبي السيارة !

ركبت زينه السيارة بخوف لانها اول مره تشوف هنادي تصارخ عليها .

عند نواف كان منصدم من تصرف هنادي وعصبيتها ودخل غرفة الاجتماعات .

نواف بستغراب : مشعل وش فيها هنادي طالعه معصبة وش الي صا........... وقف لما شاف مشعل يبكي بخفيف .

نواف بصدمة : مشعل ! وش فيك ! ليه تبكي !
مشعل وهو يبكي ؛ زينه يا نواف زينه .
نواف بستغراب : زينه ؟
مشعل وهو يبكي : نواف انا شفت زينه .
نواف بصدمة : نعم ؟ وش تقول انت ؟ وش الي شفت زينه ! اصحئ ترا زينه متوفيه من سنتين .
مشعل وهو يبكي : صدقني نوااف زينه ماماتت انا شفتها بعيوني والله شفتها .
نواف بعصبية : كيف شفتها ! ....... وتذكر البنت الي كانت مع هنادي وقال بنفعال وعصبية : مشعل ! تقصد بنت هنادي!
مشعل بعصبية : مو بنتها والله مو بنتها ! انا متأكد انها زينه زوجتي !
نواف : وكيف متأكد دام البنت متغطيه !
مشعل : تتذكر لما كنت ناسي جوالي ؟
نواف ؛ اي !
مشعل ؛ دخلت غرفة الاجتماعات عشان اخذه وشفت بنت واقفه وكانت سرحانه تناظر النافذة ولما حست اني موجود لفت وشفت وجهها وانا متأكد انها زينه .
نواف وهو مو مصدق : يا مشعل اكيد تشبهها مثل مايقولون يخلق من الشبه اربعين .
مشعل : لا يانواف عيوني ماتكذب والله انها زينه والدليل الندبة الي علئ يدها .
نواف وهو يتنهد ؛ مشعل لا تكون متأكد كثير انت ماتتذكر كلام سالم لما قال انها ماتت .
مشعل بعصبية : اكيد يكذب ! والدليل ان حنا ماشفنا جثتها .
نواف وهو يفكر : طيب وش رايك نروح مركز الشرطة ونسأل سالم مره ثانيه .
مشعل : طيب ..

في بيت ام نايف :

كانت ام نايف جالسه في الكنب وسرحانه تتذكر صوت البنت الي ساعدتها في السوبر ماركت ..
طلعت العنود من المطبخ وشافت امها سرحانه وتفكر وكانت بتروح لها بس سمعت صوت الباب وراحت وفتحته ..

لمياء وهي تبوس العنود : شخبارك العنود وشخبار امي ؟
العنود : انا بخير بس امك لا .
لمياء بصدمة : ليه وش فيها امي تعبانه مريضة !
العنود : لا لا لا هي تعبانة ولاهي مريضة .
لمياء بستعراب : اجل وش فيها ؟
العنود وهي تناظر ام نايف من بعيد : شوفيها .

ناظر ة لمياء ام نايف من بعيد وشافتها سرحانه وتفكر .

العنود : هاذي حالتها من امس مدري وش تفكر فيه !

راحت لمياء عند امها ..

لمياء : يمه .

ام نايف وهي تصحئ من تفكيرها : ها؟ لمياء هلا والله حبيبتي .
لمياء وهي تسلم علئ امها : هلا فيك يالغالية . وش عليه سرحانه ؟ وش تفكرين فيه .
امونايف : لا ابد ولا شي .
العنود وهي تجلس جمب امها : عيارتك يمه من اول مارجعنا من السوبر ماركت وانتي كذا مدري وش فيك .
لمياء : يمه حبيبتي تكلمي وش فيك ؟
ام نايف وهي تتنهد بحزن : لا ولا شي بس امس لما كنا في السوبر ماركت قلت حق العنود تجيب عربة لان الاغراض كانو كثير وانا كنت ماسكتهم وكنت بجلس في الكرسي انتظرها وبدون ما انتبه تعرقلت وطاحو الاغراض مني وكنت بشيلهم بس جات بنت وشالتهم عني.
العنود : طيب يمه وش الغريب في الموضوع البنت حبت تساعدك ليه مستغربة ؟
امونايف : انا مو مستغربة لانها جات ساعدتني .
لمياء : اكل من ايش ؟
ام نايف بحزن : الي مستغربة منه لما سمعت صوت البنت قلبي عورني .
العنود ؛ ليه وش فيه صوتها ؟
ام نايف وهي تبكي بخفيف : يشبه صوت اختكم زينه ........ وبدت تبكي .

لمياء وهي تضم امها : يايمه ياحبييتي في كثير اصوات تتشابه .
العنود عشان تهدي امها ؛ صح يمه ترا مو بس فيه وجوه تتشابه ترا حتئ اصوات.
ام نايف وهي تبكي : عارفه بس انا مشتاقه حق اختكم عشان كذا جلست سرحانه وافكر .
لمياء ؛ حبيبتي والله كلنا مشتاقين لها ادعي يمه انشاءالله نشوفها في الجنة .
ام نايف وهي تمسح دموعها : انشاءالله

لمياء حبت تغير الجو وقالت وهي تاخذ الكيسه الي جايبتها معاها : شوفو عاد انا مسوية حلاا بتاكلون اصابعكم وراه وترا مافيه شوكلاته لان عارفه انك ماتحبينه ....... يلا يمه افتحي فمك .

ام نايف وهي تبتسم : علامك انا اكل لحالي .
لمياء وهي ماسكه قطعه حلا : لا يمه انا انا بأكلك هالقطعه من يدي .

عند هنادي وزينه .. نزلت هنادي من السيارة وهي ماسكه يد زينه بقوة وفتحت باب البيت ودخلو داخل ..

زينه وهي تسحب يدها وبألم : يمه وش فيك سحبتيني كذا ! وليه ماتركتيني اسأل الرجال.
هنادي بعصبية : تسألينه !
زينه وهي تبكي بخفيف ؛ اي هو قال انه يعرف امي اكيد يعرف مين انا ومين امي .
هنادي بعصبية وهي تمسك كتوف زينه وتصارخ : لا والله ! وانتي مشاءالله عليك صدقتي كلامه ! لما قال يعرف امك ! انا ابي اعرف كيف تثقين فيه وانتي ماتعرفينه !
زينه كانت منصدمة من هنادي وصراخها وقالت : انا صدق ما اعرفه ولا عمري شفته بس لما بكئ قدامي حسيته صادق .
هنادي بعصبية وصراخ وبدون ماتحس ؛ حسيته صادق لانك انخدعتي بدموعه جالس يألف عليك قصص عشان يخدعك مايدري انك بنت من الشارع شفتك وخذيتك عندي !!

زينه انصدمت من كلامها الجارح الي ماكان يخطر علئ البال وقالت وهي تبكي ؛ من الشارع !
هنادي بندم : زينه انا انا ............ قاطعتها زينه بعصبية : انا مو بنت من الشارع ومحد قالك تاخذيني ! لانك انتي براضك اخذتيني وغصبتيني اجي معك .......... ودخلت الغرفة وسكرت الباب وقفلته وجلست تبكي بصمت ماتوقعت كل هالكلام يطلع من هنادي ..

عند هنادي كانت ندمانه علئ الي قالته ومتحسفه ..

في مركز الشرطة :

كانو نواف ومشعل ينتظرون سالم وبعد دقايق جا سالم واستغرب من وجودهم .

رفع مشعل راسه وشاف سالم وكان وده يذبحهه .

سالم جلس وشاف نظرات مشعل الي كلها كرره وقال : السلام عليكم .
نواف : وعليكم السلام .
مشعل بعصبية : لاتفكر حنا جايين عشان نعفي عنك لان الي سويته شي لايغتفر .
سالم بندم : عارف .
نواف : سالم حنا جايين نسألك سؤال وابيك تجاوب بصراحه .
سالم : تفضل .
مشعل بعصبية خفيفه : لما خطفت زوجتي شفت الرجال يذبحهها ؟
سالم : اي .
نواف : سالم . تذكر كويس انت متأكد انه طعنها .
سالم وهو يتذكر : انا كنت موجود معاهم وشفت الرجال يرفع السكين عشان يطعنها بس انا ماتحملت وطلعت برا .
مشعل بصدمة ؛ يعني انت ماشفت الرجال طعنها صح !
سالم : لا لاني كنت خايف .
مشعل بفرح وعصبية من سالم : شفت شفت قلتلك يانواف زوجتي عايشه .

سالم انصدم من كلامه بس سكت .

نواف بستغراب : اذا الرجال ماطعنها معقولة تكون هي الي شفتها يامشعل ؟ بس كيف ! كيف وصلت عند هنادي وفي جدة !
مشعل : هذا الي لازم نعرفه من هنادي بس المصيبه ان زينه مو عارفتني مو متذكرتني !
نواف بشك ؛ مشعل انت متأكد انها زينه ! اخاف تشبهها بس !
مشعل : متأكد والله متأكد .
نواف : اذا انت متأكد اجل ليه ماتتذكرك!
مشعل : مدري انا مستغرب مثلك بس اكيد فيها شي يمكن فاقدة الذاكره لان مستحيل مارح تتذكرني !
نواف : طيب وش الحل؟
مشعل : نروح حق هنادي .
نواف بصدمة : مجنون انت ؟ وش الي نروح لها تراها حرمة مو رجال ثانيا مستحيل تكلمنا بعد الي سويته .
مشعل : اجل وش الحل !
نواف وهو يفكر : اسمع اذا صدق هاذي زوجتك لازم نتأكد .
مشعل بنفعال ؛ بس انا متأدكد!
نواف : عارف بس لازم نتأكد اكثر اسمع وش رايك نخلي عبير تروح بيتهم وتتأكد .
مشعل : كيف تتأكد ؟
نواف : تجلس مع البنت وتسولف وتسحب منها الكلام عشان نتأكد اذا صدق هاذي امها .
مشعل وهو يفكر ؛ طيب انا موافق بس اذا سألو عبير مين هي ؟
نواف وهو يقوم : عندي الحل قوم معاي البيت نقول حق عبير ونفهمها الموضوع.
مشعل : طيب انت تعرف مكان بيتهم؟
نواف : اي يلا قوم .

في بيت هنادي :

كانت زينه جالسه علئ السرير وزعلانه من كلام هنادي وفجأه سمعت احد يضرب الباب .

هنادي بندم وهي تضرب الباب : زينه ، زينه الله يخيلك افتحي الباب ابي اكلمك شوي .

زينه ماردت عليها .

هنادي : زينه اذا عندي معزة عندك افتحي الباب .

وبعد ثواني قامت زينه وفتحت الباب ورجعت سريرها .

دخلت هنادي وشافت زينه جالسه علئ السرير وكان باين عليها انها زعلانه وراحت جلست جمبها..

هنادي : زينه حبيبتي انا عارفة اني قبل شوي قلت كلام ماكان لازم اقوله عارفه اني جرحتك مره بس والله ماكان قصدي اقولك كنت معصبة وماكنت منتبهه حق كلامي ، زينه صدقيني انا كنت خايفه عليك من الرجال .
زينه بحزن : بس هو قال انه يعرف امي !
هنادي : كيف يعرف امك وهو من الرياض ! زينه انا شفت الحادث في جده مو في الرياض كيف الرجال يعرفك ويعرف امك مثل ماتقولين وهو من الرياض وانتي من جده !

زينه فكرت في كلامها

هنادي : عشان كذا حبيبتي لا تثقين في اي شخص لان مو كل اصابعك يدك مثل بعض والله يعلم انا ماسويت كذا الا عشانك انا كنت خايفه عليك اكثر من نفسي لانك مثل بنتي المروحومه صدقيني انا راح اساعدك عشان تلاقين امك الحقيقة لو اجلس طول عمري اساعدك بس اهم شي لا تزعلين مني .

ابتسمت زينه حق هنادي حست انها ارتاحت حق كلامها وضمتها وقالت : مدري كيف اشكرك و اسفه لاني صرخت قبل شوي .
هنادي وهي ضامة زينه ؛ عادي حبيبتي لا تتأسفين وانا مابي منك شي كل الي ابيه تثقين فيني وصدقيني راح نلاقي اهلك بس ابيك تصبرين .
زينه : انشاءالله .

في بيت نواف :

عبير بصدمة : يعني زينه عايشه!
نواف : عبير حنا مو متأكدين اذا هي ولا بس كل الي نبيه منك تسوين الي قلنا لك .
مشعل : عبير اذا شفتيها ما بيك تتوترين وتبكين حاولي تمسكين دموعك ما ابيهم يحسون انك جايه من طرفنا .
عبير وهي للحين منصدمة : طيب متئ اروح؟
نواف : الحين لان مافيه وقت احتمال ترجع جده بكرا .
عبير بتوتر : طيب بلبس عبايتي .

مشعل : طيب بسرعه ..

وبعد 3 دقايق خلصت عبير واخذت شنطتها .

عبير ؛ يلا انا جاهزة ..

طلعو من البيت وركبو السيارة وبعد ثلث ساعه وصلو .

نواف : اتوقع هذا البيت يلا عبير انزلي واحنا بننتظرك هينا .
عبير : طيب ..

نزلت عبير ووقفت عند باب البيت واخذت نفس وظغطت زر الجرس .

عند زينه كانت جالسه تنظف الصاله وفجأه سمعت صوت الباب راحت عنده وشافت مين من العدسة الموجودة علئ الباب وشافت بنت استغربت وفتحت الباب

رفعت عبير عيونها وانصدمت حست نفسها بتبكي بس مسكت نفسها وقالت بتوتر : السلام عليكم.
زينه وهي تسكر الباب ؛ وعليكم السلام مين حضرتك ؟
عبير سمعت صوت زينه وانصدمت اكثر وقالت في قلبها : نفس الصوت والوجهه وقالت بتوتر : انا جارتكم جمب بيتكم شفتكم الصبح داخلين البيت قلت ابي اتعرف عليكم
زينه ببتسامه ؛ ياهلا فيك .......... وفجأه جات هنادي وشافت عبير .

هنادي بستغراب : عفوا مين انتي ؟
زينه : يمه هاذي جارتنا جمب بيتنا تقول حابة تتعرف علينا .
عبير بتوتر ؛ اي انا توني متزوجه وسكنت في البيت الي جنبكم وحبيت اتعرف عليكم اذا ممكن .
هنادي : اكيد حبيبتي حياك تفضلي .

ودخلو الصاله ..

هنادي : وش تشربين يا ....
عبير : عبير اسمي عبير .
هنادي : وش تشربين يا عبير ؟
عبير كانت تفكر في شي يطول عشان تسولف مع زينه وقالت ؛ شاهي .
هنادي وهي تقوم : ابشري .
زينه ؛ يمه انا اسويه لا تعبين نفسك
هنادي ؛ لا حبيبتي انا راح اسويه اجلسي انتي .......... وراحت المطبخ .


اما عبير كانت تناظر وجهه زينه مو مصدقه الي تشوفه

زينه بستغراب : عفوا وجهي فيه شي؟
عبير بتوتر : ها ؟ لا ابد ، انتو من هينا من الرياض ؟
زينه : لا حنا من جده بس جينا عشان شغل وانشاءالله كم يوم وبنرجع جده .
عبير : اها طيب وش اسمك ؟
زينه ؛ اسمي زينه.
عبير في قلبها : زينه! : زينه ايشش ؟

بهالحظة زينه سكتت وماتكلمت .

عبير شافت زينه سكتت وقالت ؛ اسفه قلت شي غلط ؟
زينه بحزن : لا بس انا ..
عبير ؛ انتي ايش ؟
زينه وهي تضيع : لا ابد ولا شي .

عبير كانت عارفه انها تضيع السالفه وقالت : مشاءالله عليك مره حلوه .
زينه بخجل : تسلمين .

عبير بكذب : عاد تصدقين انا هالفترة قاعدة ادور حق اخوي بنت مرتبة عشان اخطبها له ولما شفتك حسيت انتي البنت المناسبه حق اخوي .

زينه بالهحظة بدت تتوتر لانها مو هنادي وفاقدة الذاكرئ ولا تتذكر نفسها ولا حتئ اهلها .

عبير : ها وش قلتي ؟

زينه بتوتر : بس ا انا ....
عبير بدت تحس ان زينه متوتره وعندها شي وقالت ؛ اوريك صورة اخوي !
زينه بحزن : انا ما اقدر اتزوج .
عيير : ليه ؟ مشاءالله عليك مو ناقصك شي جميلة مثل امك .
زينه بحزن وتوتر وهي منزله راسها : لاني ما اعرف نفسي ولا اهلي.
عبير انصدمت : ايشش ؟ بس هاذي مو امك ؟
زينه بحزن : لا هاذي مو امي لما كنت في جده صار لي حادث ولما جسلت لقيت نفسي في المستشفئ وقتها ماكنت اعرف نفسي حسيت عقلي فاضي بدون افكار وشفت قدامي حرمه الي انا الحين اسميها امي قالت لي شفتك في حادث وماقصرت معي قالت بخليك تعيشين معي وبساعدك عشان ترجع لك ذاكرتك .

عبير انصدمت من كلامها وقالت في قلبها ؛ معقولة تكون زينه ! طيب وش اخذها جده .

عبير : انا اسفه ماكان قصدي اذكرك ، بس بسألك سؤال اذا انتي فاقدة الذكرئ كيف عرفتي اسمك ؟
زينه ببتسامه : لما كنت في المستشفئ الممرضه عطتني سلسله مكتوب فيها زينه وتقول انها شافتها علئ رقبتي عشان كذا افترضت ان اسمي زينه .
عبير بستغراب وفي قلبها : سلسله ؟ اكيد مشعل هو الي معطيها السلسله .

عبير ناظرة شعر زينه وطلعت مقص صغير من شنطتها بدون ماتنتبه زينه وقامت من مكانها عشان الي قالها نواف .

عبير : مشااءالله شعرك مره حلو وش تحطين فيه ؟
زينه : هههههههه ما احط فيه شي .
عبير : عادي المسه ؟
زيمه ؛ ههههههه اي عادي .
قامت عبير وراحت ورا زينه ورفعت المقص واخذت خصله وقصتها بدون ماتحس زينه .
عبير وهي تلمس الشعر : مشاءالله مره جميل .
زينه : تسلمين .

وجلست عبير مكانها ..... وبعد ثواني جات هنادي وهي ماسكه الشاهي .

هنادي : اسفه تأخرة عليكم بس جاني اتصال .

عبير : لا عادي خذي راحتك ........... وشربو الشاي ..

عبير بعد ماشربت الشاي ؛ يلا انا لازم اروح .
زينه : اجلسي شوي تو الناس .
عبير وهي تبتسم : حبيبتي ما اقدر اجلس اكثر مظطرة اروح .
هنادي : حبيبتي والله ان سوالفك توسع الصدر.
عبير ؛ تسلمين وانتو مشاءالله عليكم ناس محترمين .... يلا مع السلامة .


فتحت عبير الباب عشان بتطلع بس ناظرة زينه وشافتها تبتسم .... وطلعت برا البيت وماتحملت اكثر وبكت .

مشعل بنفعال : نواف عبير طلعت ..

نزلو من السيارة وراخو عند عبير وشافوها تبكي .

مشعل : عبير .

عبير وهي تبكي : ماصدق الي شفته داخل ماصدق .
مشعل ببتسامه : شفتيها ؟
عبير وهي تبكي : اي شفتها واكيد هاذي زينه .
نواف بستغراب : وش الي يخليك متأكده ؟
عبير : لانها قالت لي شي خلاني اتأكد وبنفس الوقت استغرب .
مشعل : طيب تعالي قولي لنا وش قالت في السيارة .
عبير : طيب .

ركبو السيارة وعبير قالت لهم كل شي ..

مشعل بصدمة : حادث في جده !! كيف وصلت هناك بس ابي اعرف !
نواف : عبير انتي متأكده ان هي نفسها زينه ولا تشبهها !
عبير بنفعال : متأكده نفس الصوت والوجه والتصرف .
نواف : طيب اذا هي صدق فاقدة الذاكره كيف ذكرة اسمها !
عبير : تقول وقت الحادث كانت موجود سلسه علئ رقبتها مكتوب فيها زينه .
مشعل بفرح لا يوصف : اكيد هيييي لاني انا الي معطيها السلسه الحمدالله لك يارب زينه للحين عايشه يعني مايحتاج نسوي تحليل DNA .
نواف : لا يحتاج عشان نتأكد اكثر ، عبير جبتي شعره من شعرها ؟
عبير : اي .. بس لازم اكلم العنود عشان تجيب شعره من امها .
مشعل : لا حوول خلاص مافيه داعي انا واثق انها زينه !
نواف ؛ عشان نرتاح اكثر ويكون عندنا دليل ونوريها هنادي ..لازم نسوي التحليل .

مشعل : اف منك ............ ناظر مشعل البيت وابتسم برتياح وفرح ماكان مصدق انه يشوف زينه ..

عند زينه :

كانت جالسه وسرحانه تذكرة مشعل وكلامه ودموعه .....ولثست سلستها وناظرتها وشافت الحرف الصغير الي تحت اسمها الي كل ماتشوفه تستغرب .

زينه بستغراب : وش ذا الحرف ؟ غريبه ؟

وبعد ثواني طلعت هنادي وشافت زينه رافعة السلسه وتناظرها بستغراب ..

هنادي وهي تجلس جمب زينه : وش فيك تناظرين السلسه ؟
زينه وهي رافعه ؛ لا بس شوفي في حرف تحت اسمي حرف m
هنادي وهي تاهذ السلسه : اشوف .
زينه بستغراب : وش معناته هالحرف؟
هنادي بستغراب : والله مدري ؟ المهم وش سولفتو عنه انتي والجاره؟
زينه بكذب ؛ ابد سوالف عاديه .
هنادي : المهم قومي جهزي اغراضك راح نرجع جده بعد ساعه .
زينه وهي تتنهد : ابي ارجع بسرعه .
هنادي بستغراب : ليه ؟
زينه : كل ما اتذكر الي صار لي في الشركه مدري وش يصير فيني احس بشعور غريب ابي اروح بعيد عشان انسئ الي شفته .. والصراحه لما فكرت بكلامك طلع صحح انا من جده مو من الرياض ومايصير اصدق اي شخص من الرياض .
هنادي : حبيبتي راح نرجع جده وراح تنسين الي صار .

في بيت ام نايف :

وتحديدا غرفة العنود :
العنود وهي تكلم عبير ؛ طيب فهميني ليه تبين شعره من شعر امي !
عبير؛ العنود الله يخليك بعدين اقولك كل شي بس سوي الي قلتلك عليه بسرعه تكفين . انا انتظرك برا .
العنود وهي تتنهد : طيب .

سكرت العنود من عبير ونزلت تحت وشافت انها جالسه تطالع التلفزيون ..

العنود بخفيف ؛ اف ياربي كيف بسوي كذا!

العنود : يمه .
ام نايف ؛ نعم .
العنود ؛ وش تشوفين؟
ام نايف : ولاشي صار لي ساعه افرفر بس مافيه مسلسل كويس .
العنود وهي تقوم : اها .. يمه اشوف شعرك .
ام نايف بستغراب : وش تبين في شعري ؟
العنود : بشوف مين انعم انا والا انتي ....
ام نايف : والله انك فاضيه .


عند عبير كانت تنتظر في السيارة مع نواف ومشعل وبعد ثواني دقت العنود علئ عبير .

عبير : الوو ....طيب خلك جمب الباب .

عند العنود راحت عند الباب وفتحته بشويش عشان امها ماتحس وبعد ثواني دخلت عبير بشويش .

عبير بخفيف : ها وش صار ؟
العنود وهي تعطيها الكيس الصغير الي فيه خصله الشعر ؛ سؤال وش تبين في هالخصله !
عبير ؛ العنود حبيبتي بعدين افهمك واقولك كل شي .. يلا باي ..

العنود بستغراب ؛ وش فيها ؟ وش هالشي ؟

ركبت عبير السيارة .

عبير وهي تعطي نواف الكيس : امسك هاذي الشعره .

مشعل : ماكان في داعي حق كل هذا لاني متأكد انها زينه .
نواف : يابن الحلال عارف بس عشان اذا هنادي كذبتنا نسكر يكون عندنا الدليل .. المهم انا بوصل عبير البيت ونروح .
عبير ؛ نواف وصلني بيت اهلي ابي اشوف امي .
نواف وهو يشغل السيارة ؛ طيب .

وبعد ربع ساعه وصلو البيت :

عبير وهي تفتح الباب ؛ يلا انا بنزل تبون شي ؟
مشعل : سلامتك بس اسمعي لا تقولين حق امي اي شي عن الي صار .
عبير ؛ لا توصي حريص .

في المستشفئ :

كانو مشعل ونواف ينتظرون التحليل وبعد ساعه ونص من الانتظار طلعت الممرضه وفي يدها ورقه .

الممرضه : تفضلو هذا التحليل .

مشعل وهو ياخذ الورقه من الممرضه ؛ شكرا ........ وناظر الورقه.

نواف : ها بشر !
مشعل ابتسم بفرح وهو يضم نواف ؛ زينه يانواف قلت لك انها زينه
نواف بفرح : صدق ؟ الحمدالله ان زوجتك عايشه .
مشهل بفرح : الحمدالله .... بس فيه مشكله .
نواف : وش هي ؟
مشعل بضيقة : زينه مو ذاكرة اي شي اتوقع من الحادث احنا لازم نستفسر عن حالتها .
نواف : كيف ؟
مشعل : نكلم هنادي .
نواف : ماتوقع توافق تقولنا شي .
مشعل بعصبية خفيفة : مو علئ كيفها لان زينه عندها اهل ومتزوجه واذا هي مو مصدقه نوريها ادله تراها كثيره .
نواف : اي والله انك صادق بس متئ نروح ؟
مشعل بنفعال : الحين
نواف : اوك يلا .

طلعو من المستشفئ وركبو السيارة وبعد نص ساعه وصلو بيت هنادي .

نزل مشعل ومعاه نواف وراحو ضربو جرس الباب مره وحده وبعد ثواني اظربوه مره ثانية.

مشعل بعصبية : ليه مايفتحون! ........ وضرب الباب بيده .
نواف : اهدا يامشعل وش فيك بشويش ..

وفجأه طلع رجال من بيته وشاف مشعل ونواف واقفين جمب باب بيت هنادي .

الرجال : السلام عليكم .

مشعل ونواف : وعليكم السلام .
الرجال ؛ ترا اهل هالبيت طلعو من ساعه .
مشعل بستغراب : طلعو ؟ وين راحو !
الرجال : اتوقع سافرور لانهم طلعو ومعاهم شناط سفر.
مشعل بصدمة : ايشش!


وبسسسسس ردودكم وتوقعاتكم وشوي وانزل البارت الي بعده 💐🌼

[لامارا]

(( البارت التاسع والثلاون ))

مشعل بصدمة : ايشش!
نواف بصدمة ؛ اكيد سافرو جده !
مشعل بعصبية وتوتر : كيف تسافر ! وزوجتي معاها ! .
نواف : اهد يامشعل وش فيك تراها لسئ ماتدري انك زوجها خلاص اهدا كل شي ينحل تعال نروح المطار يمكن نلحق علئ طيارتهم .
مشعل : طيب يلا .

ركبو السيارة وبعد نص ساعه تقريبا وصلو المطار ودخلو داخل وراحو عند الاستقبال :

مشعل : السلام عليكم .
الاستقبال : عليكم السلام كيف اقدر اخدمكم؟
نوواف : لو سمحت الطيارة المتوجه الئ جده متئ موعد اقلاعها ؟
الاستقبال ؛ بس الطيارة اقلعت من ربع ساعه .
مشعل بصدمة : انت متأكد !
الاستقبال ؛ اي متأكد .
مشعل : طيب نبي نحجز تذاكر حق جده اليوم .
الاستقبال ؛ ابشر . بس الساعه 7 لازم تكونون متواجدين هينا .... تفضلو التذاكر .

وطلعو من المطار .

مشعل : نواف.
نواف : هلا .
مشعل : انا احس اني متعبك معي هالفترة اذا ماتبي تروح جده براحتك ما ابي اغصبك .
نواف بعصبية خفيفه : وش هالكلام وش الي متعبني ! ترا مشكلتك هي مشكلتي فاهم ومستحيل اروح مكان قبل مانحلها سوا لاني مو انا الي اترك خويي في هالموقف .
مشعل ببتسامه ؛ كفوو هذا الخوي الي مايتخلئ عن خوييه .
نواف : ههههههههههههه المهم اركب السيارة عشان اوصلك وتروح تجهز شنطتك ترا مابقي شي علئ صلاة المغرب .
مشعل : اوك .


في بيت ابو فهد :

نزل فهد تحت وجهه باين انه تعبان ..

ام فهد بصدمة وخوف : فههد وجهك اصفر من كثر ماتسعل الله يخليك حبيبي تعال اوديك المستشفئ صار لك 3 شهور وانت علئ هحاله .
فهد وهو يسعل بقوة : ما. ... .....
ام فهد وهي تمسك فهد وبخوف : تعال اجلس اسم الله عليك .
فهد بعصبية وهو يسعل : يمه .. مافيني شي خلاص اتركيني ...
وطلع برا .

ام فهد بخوف علئ فهد : ياربي مدري وش فيه يارب انك تهديه وتحفظه وتبعده عن كل شر .

عند فهد ركب سيارته وبدا يسعل بقوة وبعد ثواني وقف وفتح مرايه السيارة وناظر وجهه وانصدم من وجهه التعبان والهلات السودا والسعال الي كل شوي يزيد تنهد بشويش وشغل السيارة ومشئ وبعد ربع ساعه وصل المستشفئ .

في الطيارة :

كان مشعل جالس في الكرسي وفي يده اسوارة زينه وابتسم وقال بهمس وهو يناظر الاسواره : جايك يازينه ..

في المستشفئ : بعد ربع ساعه من دخول فهد في غرفة الدكتور طلع فهد وهو ماسك ورقه ومصدوم وعلئ وجهه علامات الحزن وفجأه جاته سعله قويه واخذ المنديل وحطه علئ فمه وبعد ماخلص من السعال ناظر المنديل وكان مليان دم ...... جلس بتعب وتذكر كلام الدكتور ..

الدكتور بحزن : من متئ وانت تسعل ؟
فهد بتعب : قبل ثلاث شهور .
الدكتور بعصبية خفيفه : وليه ماجيت المستشفئ ! المفروض اول ماتحس نفسك تعبان تجي هينا وتكشف .
فهد بستغراب : دكتور وش فيك ؟ انا فيني شي ؟
الدكتور وهو يتنهد : انت عارف بأهمالك هذا وش صار فيك ؟
فهد : وشو ؟
الدكتور : سرطان في الرئه .
فهد بصدمة : ايش! دكتور تمزح صح ! اكيد التحليل غلط !
الدمتور ؛ للأسف التحليل مو غلط واكيد انت تدخن عشان كذا صار فيك.
فهد بخوف وتوتر : طيب اكيد المرض له علاج وانا مستعد ادفع الي تبيه بس ابي ارجع سليم.

سكت الدكتور شوي وقال بحزن : للأسف انت تأخرة يافهد والمرض بدا يكبر وينتشر في جسمك يعني احنا مانقدر نسوي اي شي ونسبة نجاح العملية 4 بالميه .


نرجع حق فهد الي كان يبكي بخوف من الخبر المحزن وفجأه سمع أيه من التلفزيون الي كان قدامه الي هي : ﴿ وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلاً (27)﴾
........وتذكر سواته الشينه مع بنت عمه تذكر لما خطفها تذكر لما خدرها تذكر لما باعها عند رجال قذر تحسف قد شعر راسه وندم علئ الي سواه وبدا يبكي بحرقه وندم حس بغلطه الي محد يسويه تذكر كلامه مع امه وابوه وكيف يعاملهم تذكر البنات الي لعب عليهم وكسر قلوبهم ..


في جده الساعه 9 :

في الفندق :

مشعل : نواف .
نواف : هلا ؟
مشعل : انت تعرف مكان بيت هنادي !
نواف : افاا عليك اكيد اعرفه علئ نواف مايصعب شي.
مشعل بفرحر: كفووو والله . بس كيف؟
نواف : مو مهم كيف المهم اني عارف مكان بيتهم.
مشعل : طيب مكان بيتهم وعرفناه بس باقي المستشفئ الي تعالجت فيها زينه لازم اروح عشان استفسر عن حالتها.
نواف وهو يفكر : المستشفئ؟ مدر............ وتذكر كلام هنادي في الشركة لما قالت حق زينه عندك موعد في مستشفئ ال......... وقال بنفعال : مشعل .
مشعل : ها وش فيك !
نواف وهو يحاول يتذكر ؛ انا عارف اسم المستشفئ بس مو متذكر اسمه .
مشعل بسغراب : عارف ؟ كيف عارف !
نواف : اتذكر لما طلعت انادي هنادي عشان تجي المكتب سمعتها بالصدفة تقول حق زوجتك عندك موعد في المستشفئ بس المشكلة مو ذاكر اسمها كويس .
مشعل جلس قدام نواف وقال بترجي : نواف الله يخليك تذكر انت املنا الوحيد تكفئ .


نواف حاول يتذكر وبعد دقيقة تذكر اسم المستشفئ وقال بنفعال : بس بس بس تذكرة اسمها ال........... تقريبا بس كيف بنلاقيها !
مشعل وهو يقوم وبحماس : نسأل الناس يابوووووي قوم يلا .
نواف : ههههههههههههه طيب طيب .

وطلعو من غرفة ونزلو تحت وسألو الاستقبال عن موقع المستشقئ وقال لهم ....... وركبو السيارة وبعد نص ساعه وصلو ..

نواف ؛ مشعل اتوقع هاذي المستشفئ .

مشعل : طيب يلا انزل .
نواف : انت روح وانا بجيك بس بوقف السيارة مافيه مكان هينا.
مشعل وهو يفتح الباب ؛ طيب ..

نزل مشعل من السيارة ودخل المستشفئ وبدون ماينتبه صقع في بنت وطاحت .

مشعل : اسف ماكان قص............ وقف لما لفت نظره الندبة الي كانت علئ يدها .
رفع عيونه وناظر عيونها وابتسم بفرح لما شاف عيون زينه .

زينه وهي تقوم ؛ لا عادي .......... وناظرة الرجال وانصدمت وقالت بخوف وتوتر : انت !
مشعل بفرح : ز............. قاطعته زينه بعصبية : ولا كلمة تراني مانسيت الي سويته هذاك اليوم ......... مشت بس مشعل مسك يدها وقال : الله يخليك اسمعيني .


زينه بعصبية ؛ وتمسك يدي بعد ! اتركها لا والله اصرخ والم عليك العالم .
مشعل ابتسم علئ عصبيتها حس انه اشتاق حق حركاتها المجنونه وقال بثقه ؛ ماتقدرين .
زينه بصدمة وبمسخره : خير ؟ وليه انشاءالله ؟

مشعل سحب زينه بقوة وهمس في اذنها وهو يبتسم : لانك زوجتي .

زينه فتحت عيونها بكبرها ودفت مشعل بقوة وقالت بخجل وخوف : زوجتك في نعالي . اقول تلايط وبلا كلام فاضي ......... وركبت السيارة وهي متوتره مره .

ام هنادي بستغراب : ليه طولتي ؟
زينه بتوتر : ها ؟ لا علئ بال ما اخذت الادويه ورجعت ......... وناظرة النافده وشافت مشعل يغمز لها وخافت اكثر وبدا وجهها يقلب الوان من الخجل حست انها انبسطت من كلامه وتصرفاته وفي نفس الوقت خايفه منه ومو مرتاحه ..

عند نواف :

وقف السيارة ونزل وشاف مشعل واقف جنب باب المستشفئ ويبتسم .

نواف بستغراب : وش فيك توزع ابتسامات ؟
مشعل وهو يبتسم : شفت زينه .
نواف بصدمة : صدق ؟ طيب وينها ؟
مشعل : مشت .
نواف بصدمة : وليه تروح ! ليه ماكلمتها وقلت لها كل شي !
مشعل وهو يتنهد بضيقه ؛ مارح تصدقني لانها ما تتذكرني ومو عارفتني وبعدين لا تخاف وين بتروح منا يعني ؟ هي زوجتي غصبا عن الكل والأدله كلها عندي المهم يلا تعال ندخل .
نواف : طيب.

دخلو داخل وراحو عند الاستقبال :

مشعل ؛ السلام عليكم .
الاستقبال ؛ وعليكم السلام .
مشعل ؛ لو سمحت في مريضه اسمها زينه وكان عندها موعد قبل شوي .
الاستقبال ؛ بأسم مين ؟
مشعل : بأسم هنادي ال ......
نواف : نبي نقابل الدكتور الي عالجها .
الاستقبال : قصدك الدكتور حمد عندك موعد من قبل؟
مشعل بطفش من اسألته : لا بس تراه موضوع ضروري .
الاستقبال ؛ اجل اسف ما تقدرون تقابلونه بدون موعد .
مشعل وهو يفصل : علئ كيفك هو !

عند الدكتور طلع من غرفته وسمع هواش عند الاستقبال ..

الدكتور بستغراب : خير وش صاير ؟
الاستقبال : دكتورحمد هالاثنين يبون يقابلونك بدون موعد .
مشعل : انت الدكتور حمد !
الدكتور : اي نعم تفضل .
مشعل : دكتور حمد انا اسمي مشعل وذا خويي نواف المهم عندي موضوع مهم ابي اناقشك فيه وما يتأجل.
الدكتور بستغراب : طيب تفضلو مكتبي ...

ودخلو المكتب ...

الدكتور وهو يجلس : تفضلو وش هو الموضوع ؟
مشعل : دكتور انا ببدا الموضوع بختصار . في مريضه اسمها زينه كان عندها موعد معك قبل شوي .
الدمتور : تقصد زينه الي امها مدام هنادي؟
مشعل : بالضبط.
الدكتور بستغراب : طيب ومين انت عشان تسأل عنها ؟
مشعل وهو يتنهد : انا زوجها .
الدمتور بصدمة واستغراب : زوجها ؟
مشعل ؛ اي نعم زوجها وانت اكيد مستغرب وانا عارف انها قبل سنتين صار لها حادث وافقدة الذكرة .
الدكتور بعصبية خفيفة : دامك عارف ليه ماجيت وسألت عن البنت ! مو حرام عليك ! انت تدري ان البنت اول ماصحت وش كان حالها !
مشعل بحزن ؛ عارف يادكتور بس صدقني صار شي غير متوقع وانا راح اقولك كل شي لا تخاف وراح اوريك عقد الزواج عشان تصدق اني زوجها
الدكتور : تكلم ة

مشعل قاله كل شي .

الدكتور بصدمة : يعني زوجتك انخطفت والي خطفها قال انها ماتت
مشعل : اي قال انها ماتت .
الدكتور بشك : بس الحادث صار في جده مو في الرياض .
مشعل : عارف بس المشكلة هي وش جابها جده . هذا الي لازم نعرفه من زينه وانا اليوم جاي استفسر عن حالتها .
الدكتور ؛ طيب . هالبنت اول ماجات المستشفئ كانت معاها مدام هنادي وهي الي شافت الحادث وجلست جمبها ومافارقتها والرجال الي كان معاها توفئ والبنت اول ماصحت ماقدرة تتذكر شي وحاولت تنتحر .
مشعل بصدمة : تنتحر !!
الدكتور : اي بس لو مو الله ثم مدام هنادي كان البنت راحت فيها ولما فحصناها لقيت ان عندها فقدان ذاكره اقترحت انها تروح عند دكتور نفسيه شاطره بس مدام هنادي ارفضت وقالت ماتبي البت تتذكر اهلها لان مر يومين ومحد سأل عنها.
مشعل بعصببة وصدمة ؛ ارفضت ! وليه ! ومين هي عشان ترفض !
الدكتور : فضلت انها ترجع طبيعيه بدون ادويه .
نواف ؛ طيب دكتور الحين عادي تروح عند دكتوره نفسيه؟
الدكتور؛ اي عادي بس ماتوقع البنت تقتنع لانها حطت في راسها انها ترجع مع الوقت .

قام مشعل وطلع من غرفة الدكتور معصب وكان وراه نواف .

نواف : مشعل وش فيك عصبت !
مشعل بعصبية : وكيف ماتبيني اعصب ! انت عارف ان بسبب هنادي انا وزينه افترقنا سنتين!
نواف وهو يهدي مشعل : عارف بس انت لا تعصب اهدا شوي ..
مشعل بعصببة وقهر : انا ابي اعرف ليه سوت كذا ! ليه رفضت ! ليه ماتبي ذاكرتها ترجع ليه ! ....... وقال بنفاذ صبر : نواف وين موقع بيت هنادي !
نواف بصدمة : وش بتسوي !
مشعل بعصبية : يعني وش بسوي ! بروح اكلم هنادي .
نواف : اي بس ............ قاطعه مشعل بعصبية : نواف وين موقع بيتهم .
نواف : طيب بجي معك .


اركبو السيارة ومشوو .... وبعد ساعه وصلو المنطقه .

مشعل بعصبية خفيفه : اي بيت فيهم؟
نواف : الي قدام شوف رقم البيت نفس الرقم الي في الاوراق بس قولي وش بتسوي !
مشعل نزل من السيارة وفتح الجيب وطلع منه شنطة صغيرة وقال ؛ نواف كل ما ابيك تنزل معي خلك هينا في السيارة ..


في بيت هنادي :

ام هنادي وهي تجلس : هنادي .
هنادي ؛ هلا يمه .
هنادي : هلا يمه .
ام هنادي : وين زينه ؟
هنادي : تتروش ليه تبين شي ؟
ام هنادي ؛ اي كنت ابي اسولف معاها والله ان سوالفها تفتح النفس المهم علئ ماتطلع زينه بروخ ارتاح شوي ..... وقامت غرفتها وبقت هنادي لحالها وبعد دقايق سمعت صوت الجرس وقامت هنادي وقال : مين ؟
مشعل بعصبية خفيفه : مشعل مدير شركة ال .......

هنادي انصدمت منه خاصه انه جاي بيتها .

هنادي افتحت الباب شوي وقالت بعصبية : وش تبي ؟ لك عين جاي بعد الي سويته ؟ اذا انت مفكر اني راح اوقع العقد فأنت غلطان انا مايشرفني اتعاون مع امثالك .

مشعل بعصبية خفيفه : انا مو جاي عشان هاالموضوع انا جاي عشان موضوع زينه الي هي زوجتي .
هنادي بعصبية ومسخرة : زوجتك ؟ بس بنتي ماتزوجت عشان تجي بقذراتك وتقول زوجتي .
مشعل بعصبية : بس هاذي مو بنتك ! انا عارف كل القصة عارف ان انتي شفتيها وقت الحادث واخذتيها المستشفئ وعارف ان زينه افقدت الذاكرة .

هنادي انصدمت من كلامه كيف عرف !
هنادي بصدمة ؛ وانت وش دراك !
مشعل : مو مهم تعرفين المهم الحين انا جاي اقولك انها زوكتي وعندها اهل.
هنادي وهي مو مصدقة مشعل وبعصبية : بس انت من الرياض والحادث كان في جده كيف تبيني اصدقكك !





مشعل : عارف ان الحادث كان في جده بس بقولك شي واحد ترا زوحتي كانت مخطوفه والي خطفها قال انها ماتت مقتوله وطبعا ماصدقت لان ماشفنا جثها ولما شفت زينه ماصدقت عيوني وانا متأكد انها زينه وانا مدري كيف جات جده الجواب عند زينه .

هنادي كانت منصدمة من كلامه وقالت : اذا صدق زوجها ورني دليل .

مشعل وهو ياخذ الشنطة : امسكي هاذي الشنطة فيها كل الادله عقد الزواج والصور وكل شي .

افتحت هنادي الباب بتردد وخوف ومدت يدها واخذت الشنطة وفتحتها وشافت البوم اخذته وفتحته وانصدمت لما شافت زينه لابسه فستان ابيض وكان معاها مشعل وطاحت دمعه من عيونها ........... وسمعت مشعل يقول بعصبية خفيفه ؛ وانا كنت في المستشفئ قبل شوي والدكتور قالي انك رفضتي ان زينه تروح عند دكتوره نفسيه وان هالدكتوره مره شاطره و تقدر تحل الموضوع ممكن اعرف ليه رفضتي !

هنادي تذكرة كلامها وقال بحزن وهي تبكي بخفيف : ماكنت ابيها تتذكر اهلها .
مشعل بصدمة : ليه !
هنادي وهي تبكي : لان اول مااشفتها شفت بنتي الي توفت اول ماشفتها دخلت قلبي ماكنت ابيها تروح مني كنت ابي اربيها انا والله العظيم ماكان قصدي شي لما رفضت كل الي كنت ابيه اخليها جمبي ماكنت ابيها ترجع لأهلها وانا عارفة الي سويته غلط بس ماتحملت لما شتفها تذكرة بنتي ..

مشعل عرف انها تبكي وتنهد بخفيف وقال : فاهمك الدكتور قال لي كل شي والي سويته مع زينه محد سواه لولا الله ثم انتي كان زينه بقت في الشارع .
هنادي وهي تمسح دموعها : بالعكس انا ماسويت شي والله يعلم ان زينه مثل بنتي واكيد انت جاي تكلم زينه .
مشعل ؛ ابي اكلمها ابي اقولها كل شي .
هنادي بحزن : اسمع يامشعل انا افضل انك ماتكلمها لانها مارح تصدقكك لانها ما تتذكر شي .
مشعل : طيب والحل ؟
هنادي : خلني انا اكلمها وافهمها الموضوع والدكتوره انساها لان زينه مارح تقبل وعارف ان الغلط غلطي من البداية ثانيا الدكتوره بتعطيها ادوية كثيره وكثرة الادوية مضره اتركني انا اكلمها وبعدين اكلمك .
مشعل تنهد وقال : طيب سجلي رقمي عندك.
هنادي : طيب ......... وراح مشعل ..

عند هنادي قامت من مكانها وشالت الشنطة وحست ان احد واقف وراها لفت وشافت زينه واقفه ومنصدمة وعيونها كلها دموع .

هنادي بصدمة وتوتر : زينه !

اما زينه مشت بسرعه وشافت قدامها الحمام دخلت وقفلته وجلست تبكي بحزن وبألم تحس عقلها مشوش من الكلام الي سمعته . اول شي انصدمت لما سمعت مشعل يقول انه هو زوجها وانصدمت لما عرفت ان هنادي ماتبي ذاكرتها ترجع حست ان هنادي انانية جلست تبكي بحرقة ..

عند هنادي كانت تضرب باب الحمام .

هنادي بخوف علئ زينه : زينه زينه حبيبتي افتحي الباب انا عارفه انك مصدومة وتبكين بس الله يخليك افتحي الباب مايصير تبكين في الحمام انا خايفه عليك الله يخليك اطلعي ابي اكلمك تكفين .

وفجأه جات ام هنادي.

ام هنادي بخوف : وش فيك وش صاير ؟
هنادي بتوتر وخوف علئ زينه : زينه تبكي في الحمام .
ام هنادي بصدمه : تبكي ! ليه وش فيها !
هنادي بخوف علئ زينه : يمه سالفه طويله . انا بس ابيها تطلع من الحمام لانها جالسه تبكي داخل .
ام هنادي وهي تضرب باب الحمام : زينه افتحي الباب حبيبتي افتحيه .

اما زينه اول ماسمعت صوت ام هنادي قامت عشان بتفتح الباب بس بدون ماتنتبه حق الماي الي كان موجود علئ الارض داست عليه ومشت وطرااااااااخ طاحت بقوووووووووة علئ راسها لدرجه ان صوت الطيحه تنسمع من قوتها . بهالحظة حست بألم قوييي في راسها حاول تقوم بس ماقدرت كان الألم مسيطر عليها مسكت راسها بقوة حست انها تذكرة شخص وكان واضح في ذاكرتها و بدا ألم راسها يزيد لما جاتها ذكريات كثيره بدت تتذكر ناااس وكانو واضحين في الذاكرة تذكرة انها انخطفت تذكرة وجه الشخص الي كان يحط في خشمها المخدر وتذكرة رهفف وفعايلها .. وتذكرة مشعل وكل الاشيااء الي صارت معاهم هواشهم وحبهم تذكرة امها خواتها و كل شي كانت منصدمة من الذكريات الي جاتها وكان ألم راسها يزيد اكثر واكثر وكانت تحاول تنطق اسم الي هو : مش .... .. واغمئ عليها من قوة الألم ..

عند هنادي وام هنادي :

هنادي بخوف : يمه ما اسمع صوت زينه !
ام هنادي بخوف : اخاف صار فيها شي !
هنادي بخوف اكثر وهي تضرب باب الحمام : زينه زينه ردي علي زينه !!
ام هنادي بخوف : ماترد اكيد صار فيها شي!

هنادي بدا خوفها يزيد وراحت بسرعه المطبخ واخذت مطرقه ..

هنادي وهي ماسكه المطرقه : بسم الله ............ وبدت تضرب قبضة الباب بقوة وبعد ثواني من الضرب انكسر وفتحت الباب وشافت زينه مغمي عليها ...

وراحت عندها وحاولت تصحيها بس ماصحت وقالت حق ام هنادي تطلب الاسعاف وتجيب عبايتها وعباة زينه .

عند مشعل ونواف :

كان مشعل جالس في السيارة ويناظر بيت هنادي بحزن وبألم وشوية دموع .

نواف ناظر مشعل وشافه يناظر النافذة بحزن وسرحان .

نواف ؛ مشعل .
مشعل وهو يصحئ من سرحانه ويمسح دموعه ؛ هلا .
نواف : انا عارف انك زعلان ومنقهر بس الئ متئ بنجلس في السيارة ؟ ترا مارح تستفيد اذا ناظرة البيت انا اقول نروح الفندق وترتاح شوي وانشاءالله هنادي تتصل عليك وتقولك وش صار .
مشعل : معاك حق يلا شغل السياره ............. ومشووو وفي الطريق شافو سيارة اسعاف رايحه طريق بيت هنادي .

مشعل بصدمة و بنفعال : نواف نواف .
نواف بستغراب : وش فيك ؟
مشعل بنفعال : اررجع بسرعه .
نواف بصدمة : ليه وش فيك!
مشعل بنفعال ونفاذ صبر ؛ ماتشوف سيارة اسعاف رايحه طريق بيت هنادي اكيد زينه فيها شي .!
نواف وهو يلف : طيب طيب .


وبعد دقايق وصلو وشافو السيارة اسعاف واقفه جمب باب بيت هنادي وفجأه انفتح الباب وشافو الاسعاف شايلين زينه .

مشعل انصدم ونزل من السيارة وراح عند هنادي .


مشعل بخوف الئ زينه : وش فيها زينه !
هنادي وهي تبكي ؛ سمعت كلامنا ودخلت الحمام تبكي ومدري وش صار ماسمعنا صوتها وكسرنا الباب وشفناها طايحه .

مشعل انصدم من كلامها وبدا يخاف وركب مع سيارة الاسعاف .

وبعد ربع ساعه وصلو المستشفئ وطلعو زينه من السيارة ومشعل وراهم .

الممرضه : لو سمحت ماتقدر تدخل........ وسكرت الباب وتركت مشعل خايف وقلقان ..

وبعد 7 دقيق طلع الدكتور .

مشعل بنفعال : ها دكتور بشر !
الدكتور : لا تخاف مافي شي خطير . حطينا عليها مغذي وانشاءالله شوي وتصحئ ..

دخل مشعل الغرفة وشاف راس زينه ملفوف بشاش راح عندها ودمعته علئ خده ومسك يدها وباسها وقال : الله يخليك اصحي ......... وتذكر انها ما تتذكره وشافها تتحرك قام من مكانه عشان ماتنصدم منه وكان بيفتح الباب بس فجأه سمع صوت وراه وكان باين عليه تعب وبنفس الوقت مبسوط : يالمصرقع .



وبسسس ردودكم ياحلوين باقي بس باااارت من الروايه وطبعا طويل شوي 🌻 يلا شجعوني عشات انزله🌻

[لامارا]

(( البارت الأربعون والاخير))

فجأه سمع صوت وراه وكان باين عليه تعب وبنفس الوقت مبسوط : يالمصرقع .

التفت مشعل وهو منصدم ودموعه علئ خده ..

عند زينه قامت بصعوبة وقالت وهي مبتسمة : مشعل .

مشعل ناظر زينه وعيونه مليانه دموع وقال وهو مو مصدق : ز زينه .......... وركض عندها وضمها بقوووه .

مشعل وهو ضام زينه ويبكي : زينه زينه انت تتذكريني !
زينه وهي تبكي : كيف ما اتذكر حبيبي وقلبي وروحي .

مشعل بعد عن حظن زينه ومسك وجهها وقال : ماتدرين وش صار فيني في غيابك حسيت اني بمووت من دونك .
زينه بحب وهي تبكي ؛ بسم الله عليك وانا بعد رغم اني ما اتذكرك بس كنت احس شي ناقصني خاصه لما اناظر السلسله واناظر حرفك الصغير تحت اسمي كنت احس انه فيه شي .

مشعل : ومو بس انا الي كانت حالتي كذا حتئ اهلك واهلي كانو متعلقين فيك مرره ومانسوك ولا لحظة .
زينه بفرح : صدق ! طيب قولي كيفهم وكيف احوالهم ؟
مشعل : بخيرر وكلهم مشتاقين لك وترا عبير تزوجت .
زينه بصدمة : تزوجت ! اماااا مين؟
مشعل : هههههههه خويي نواف .
زينه : هههههههههه اف قهررر ماحضرت عرسهممم ...... وقالت بحزن : اكيد كانو يعتبروني ميته .
مشعل : لا يازينه احنا عمرنا ما اعتبرناك ميته طول عمرنا نحسك جمبنا حتئ وانتي موجوده
زينه ببتسامه : صدق ؟
مشعل : اكيد . زينه في اسئله كثيره في بالي اول سؤال راح اسألك الي هو كيف رحتي جده ! يعني مو معقوله من الرياض جده .
زينه تذكرة الي صار وتنهدة بضيقة وقالت: بقولك كل شي من البدايه الئ النهاية بس ابيك تمسك اعصابك .
مشعل وهو يتنهد : طيب.

زينه قالت له كل شي .

مشعل كان منصدم من كلامها الي ماكان يدخل العقل وبدا يبان علئ وجهه العصبية .

مشعل بصدمة وعصبية : رهف وفهد !
زينه بحزن : اي تذكرة الي سوه فيني وشوف النذاله فهد مغير اسمه عشان محد يشك فيه .
مشعل بعصبية : وربي كنت شاااك ان فهد ورهف. وهالنذل الي اخذك جده سوا لك شي ؟
زينه : لا لما جلست شفت نفسي في السيارة وهو كان يسوق وقتها كنت ميته من الخووف .
مشعل زاد حقده وكرره حق فهد ورهف وقال بعصبية : بس والله ما اسكت واقسم بالله والي خلق السماوات اني راح اقطهم في السجن . والأدله كلها موجوده وترا مو بس جريمه وحده جرمتين .


عند هنادي سمعت كل شي وانصدمت من الي سمعته ........ وبعد ثواني دخلت .


زينه ناظرة هنادي وابتسمت ..

هنادي لما شافتها ابتمست ارتاحت مره وراحت ضمتها ..

هنادي وهي ضامه زينه : الحمدالله علئ السلامه حبيبتي .
زينه : الله يسلمك .
هنادي بفرح وهي تناظر مشعل ؛ ها بشري ذكرتي زوجك؟
زينه خجل : ههههههههههه اي .
هنادي بحزن : اكيد انتي زعلانه مني انا
زينه : مستحيل ازعل من امي الثانيه .

هنادي انبسطت من كلامها خاصه لما قالت لها امي الثانيه ..

هنادي : وانتي بنتي الي ماجابها بطني ..... وقالت بمزح : طيب قولي لي ذكرتي اهلك ولا بس زوجك .
زينه : هههههههههه لا اكيد ذكرت مين اهلي بس الي مستحيل انساه هو شي واحد .
هنادي : وش هو ؟
زينه : انتي مستحيل انساك وانسا الي سويته معي والله اني تعودت عليك مدري كيف بروح ويمر يوم وما اشوفك .
مشعل وهو يبتسم : وهي صادقة مادري كيف نشكرك الي سويته شي كبير .
هنادي وشوية دموع : مافيه داعي تشكروني والله يعلم اني زينه صارت بنتي من اول ماشفتها .
زينه : طيب ماتبين تسأليني كيف جيت جده وانا من الرياض ؟
هنادي : مافيه داعي لاني سمعت كل شي انا ما اصدق الي سمعته كيف ولد عمك يسوي فيك كذا !
مشعل : في هالدنيا في كثير ناس مايخافون الله حتئ لو كانو من اقرب الناس لك .
هنادي بعصبية خفيفه : اسمع يامشعل قول حق اهل زينه علئ الي سواه فيها ولا تسكتون اطلبو الشرطة خلو القاانون ياخذ حقكم منهم .
مشعل : اكيد مارح نسكت وربي لو ودي يعدمونهم ..

زينه جات في بالها فكرة وقالت : يمه تجين ابيك تجين معي الرياض .
هنادي بستغراب : ليه ؟
زينه : ابي امي تشوف امي الثانيه ابيها تشوف انك ما تركتيني ولا لحظه .
هنادي ببتسامه : من عيوني حبيبتي وانا ودي اشوف امك انتو متئ بتروحون الرياض ؟
مشعل : بكرا خلاص ماعندنا شي في جده .
هنادي : اها وترا توني قبل شوي سألت الدكتور ويقول اذا خلص المغذي تقدر زينه تطلع من المستشفئ وعطاني ورقه مكتوب فيها ادوية بسيطة لازم نجيبهم من الصيدليه .
مشعل : طيب عطيني الورقه انا بروح اجيبهم من الصيدليه .
هنادي وهي تعطي مشعل الورقه : تفضل .

قام مشعل من مكانه وقال : انا بروح اجيبهم من الصدليه خلك جمبها يامدام هنادي .
هنادي : ههههههه من عيوني .

فتح مشعل الباب عشان بيطلع بس وقف وناظر زينه وابتسم لها ..... وطلع

هنادي انتبهت حق نظارتهم وتأكدة انهم يموتون علئ بعض .
هنادي بمزح : شكلكم تموتون علئ بعض اعترفي متئ تزوجتو ؟
زينه : اممم قبل 3 سنين .
هنادي : صدق ؟
زينه : مع اني كنت مغصووبه .
هنادي بصدمة : مغصوبه ! انا فكرت بتقولين لي انكم متزوجين زواج عن حب .
زينه : ههههههههههههه ترا حتئ هو مغصوب يعني انا وهو ماكنا نبي بعض كنا كارهين بعض .
هنادي وهي مو مصدقه ؛ مستحيلل . تراني شفت نظراتكم قبل شوي .
زينه : هههههههه اسمعي علئ مايجي مشعل بقولك كل شي .


نروح عند مشعل طلع من المستشفئ والابتسامه مافارقت وجهه .. وشاف سيارة نواف وراح عندها وركب .

مشعل بفرح لا يوصف وكان باين عليه : هااااااي .
نواف انصدممم من مشعل الي صار لها سنتين بارد الكلام والتصرفات : هاي ؟
مشعل وهو مبتسم : اي وش فيك ؟
نواف : اووه اوه وش صاير وش فيك مبسوط الف ؟
مشعل ؛ البشارة يانواف زينه رجعت لها ذاكرتها واذاكرة كل شي .
نواف بصدمة وفرح : صدق ! مبروووووك هاذي الاخبار الحلوه .
مشعل : الله يبارك فيك . والله يانواف ماني مصدق احس اني بطيررر من الفرحه .
نواف : ههههههههههه وش فيك شوي شوي . طيب سألتها اذا تذكرة مين الي خطفها .
مشعل بكرهه ؛ اي تخيل مين .
نواف : مين ؟
مشعل : فهد ورهف .
نواف بصدمة : فهد ورهف ! قصدك رهف الي كنت تكلمها !
مشعل : اي شفت حقارتهم وحقدهم .
نواف وهو للحين مصدوم : طيب كيف فهد ! انا اتذكر سالم قال ان الي قاله يخطفها واحد اسمه صقر!
مشعل : صح كلام سالم لان فهد الحقير مغير اسمه عشان محد يشك فيه .
نواف وهو للحين مصدوم : وجع وشذا النذاله ؟ معقوله فهدورهف يسون كل ذا ! يعني مو كافيه الي سووه اول مره !
مشعل ؛ المفروض اول مشكله سوها مانسكت عنها ونخبر الشرطة .
نواف ؛ والحين وش بتسوي ؟
مشعل : اكيد بخبر الشرطة وبخلي الكل يدورن عن سواتهم الشينه يصبرون بسس.
نواف : طيب متئ بنمشي الرياض ؟
مشعل : بكرا . اي صح نواف ابيك تحجز 4 تذاكر .
نواف بستغراب : ليه 4 واحنا ثلاثه ؟
مشعل : الرابعه حق هنادي تبي تجي معنا .
نواف : خلاص ابشر .
مشعل : طيب الحين اخذني الصدليه في شوية ادويه لازم اشتريها حق زينه .
نواف وهو يشغل السيارة ؛ اوك .

(( يوم جديد الساعه 10 الصبح في بيت هنادي ))

عند زينه :
كانت تلبس عبايتها لان مشعل ينتظرها برا ........ وبعد ثواني دخلت ام هنادي .

ام هنادي : ها حبيبتي جهزتي اغراضك ؟
زينه ؛ اي توني خلصت ..
ام هنادي بحزن : والله مدري كيف بيكون البيت بعد ماتروحين تعودنا علئ حسك وكلامك وضحكتك وصوتك في هالبيت .

زينه حست ام هنادي بتبكي وقامت من مكانها وضمتها : وانا بعد مدري كيف بخليكم والله اني تعودت عليكم تعودت اني اجلس الصبح والاقيك جالسه تفطرين بس اوعدك ياجدتي اني راح ازورك بين كل فترة وفترة بس الله يخليك لا تبكين ترا دموعك غاليه .
ام هنادي وهي تمسح دموعها ؛ حبيبتي ....... وقالت بمزح : بس عاد لا تنسينا هناك اهلك وهينا اهلك .

زينه : ههههه مستحيل انساكم لان انتو اهلي بعد . وعاد تدرين انا اعتبرك اول جده لي لاني مالحقت علئ جدتي الي هي ام امي ولا لحقت علئ جدتي الي هي ام ابوي الله يرحمهم .
ام هنادي : الله يرحمهم .
زينه : اقول جدتي ورا ماتجين معنا الرياض ؟
ام هنادي : لا حبيبتي ما احب اركب الطيارة انتي اول ماتوصلين سلمي علئ امك سلاما كثير .
زينه : انشاءالله حبيبتي .

وبعد ثواني طلعت هنادي ومعاها شنطة صغيرة :

هنادي : وصل زوجك؟
زينه : اي وهو برا ينتظرنا .
هنادي : طيب . يمه ماتخافين هنا لحالك؟
ام هنادي : لا وش يخوفني الله يهديك حرمه كبيره تبيني اخاف ؟ بس اسمعي لاتطولين كثير عشان ما ابقئ لحالي .
هنادي : لا يمه مارح اطول بس بجلس يوم في الرياض وبكرا انشاءالله راح ارجع وانا رايحه عشان اشوف ام زينه .

زينه : يمه يلا مشعل وصديقه برا .
هنادي : يلا

وطلعو برا البيت وشافو مشعل واقف ومبتسم ..

هنادي : السلام عليكم .
مشعل : وعليكم السلام . ها جاهزين؟
هنادي : اي .......... ركبت هنادي وزينه كانت بتركب بس مشعل مسك يدها .

زينه بتوتر : وش تسوي ! اترك يدي .
مشعل وهو يناظر زينه ومبتسم وبهمس : مارح اترركك لاني مشتااق لك...

فجأه طلع نواف من السيارة وقال : يلا مشعل وش تسوي .


زينه سحبت يدها بسرعه ودخلت السيارة .. طبعا نواف ومشعل قدام وهنادي وزينه ورا ..

ركب مشعل السيارة ونواف شغل السيارة ومشئ . . عند مشعل كان يناظر المرايه الي قدامه وكان يشوف عيون زينه ويبتسم .

زينه انتبهت حق نظارته ونزلت عيونها بخجل .

في بيت ام رهف وتحديدا غرفة رهف :

جلست رهف من النوم وهي مفزوعه من كاابوس .... قامت من سريرها بخوف وشغلت النور واخذت كاس ماي وشربته .

رهف بخوف : وش هالكابووس . معقولة تكون زينه عايشه؟ .............. وتذكرة البنت الي شافتها في الشركة وزاد خوفها .

رهف بخوف وصدمة : مستحيل ! مستحيل تكون عايشه اتذكر الممرضه قالت انها ماتت كيف بتكون عايشه !
....... ورفعت جوالها واتصلت علئ فهد .


عند فهد :

كان يكح بقوة وكان باين عليه التعب وبعد ثواني سمع جواله يرن اخذه وشاف اسم رهف ..

فهد بتعب : الو .
رهف : الوو فهد عارفه ان اتصالي غريب بس اسمع انا شاكه في شي .
فهد بتعب : وش هو ؟
رهف بخوف : انا شاكة ان زينه عايشه .

فهد حس انه انبسط من كلامها وقال : صدق ؟ الله يبشرك بالخير .
رهف بصدمة : الله يبشرك بالخير ؟ اقولك يمكن زينه عايشه تقولي االه يبشرك بالخير ؟ وين البشارة بالظبط!
فهد بتعب ؛ البشارة ان زينه عايشه . اسمعي رهف اتا قررت اني اروح مركز الشرطة واعترف في كل شي .
رهف بصدمه ؛ نعم ! انت بكامل قواك العقليه ! وش الي تروح مركز الشرطة وتعترف !! تبي تروح السجن تبي تضيع !
فهد بتعب وندم ؛ ترا الي سويناه غلط واكبر غلط الله يلعن ابليس الي خلانا نسوي كذا الي سويناه حرام والله مايرضاه وانا في اخر مراحل عمري ولازم اعتذر منهم وانا مستعد ادخل السجن بس ابيهم يسامحوني قبل لا اموت . امس كنت عند الدكتور وقالي اني مريض بسرطان الرئه .
رهف بعصبية : انا وش دخلني اذا انت مريض ولا سليم ! اسمع ياندمان اذا تبي تروح تعترف في كل شي انا مالي شغل وما ابيك تذكر اسمي فاهم جعلك تموت قبل يومك ....... وسكرت الخط في وجهه .

رهف بتوتر وخوف : ياربي وش اسوي اخاف هالحقير يروح ويعترف في كل شي انا لازم اسافر لازم اهرب قبل لايصير شي .

في بيت ام مشعل الساعه12 ونص في غرفة عبير :

عبير كانت تكلم مشعل ومبسوطه .

عبير بفرح : صدددق !! الحمدالله لك يارب يعني هي خلاص تذكرتنا كلنا !
مشعل ؛ اي الحمدالله .
عبير بترجي : طيب مشعل الله يخليك ابي اكلمها .
مشعل بنحاسه : لا لا تكلمينها .
عبير : ليه!
مشعل : هههههه خلاص باقي نص ساعه ونوصل وراح تشوفينها الزبده اسمعي سوي مثل ماقلت لك طيب .
عبير ؛ طيب ..... سكرت .

نزلت عبير تحت وراحت المطبخ وشافت امها .

عبير بنفعال ؛ يمه!
ام مشعل وهي متروعه : بسم الله انتي وش فيك ! روعتيني!
عبير : يمه اسمعي ابيك تتصلين علئ ام نايف وتعزمينها علئ الغدا .
ام مشعل بستغراب : ليه وش المناسبه ؟
عبير بكذب ؛ مشعل راح يرجع من جده ومشروعه نجح .
ام مشعل بستغراب : صدق ؟ الحمدالله . بس يعني مشعل مو اول مره مشرعه ينجح وش فيه الحين ؟
عبير : مدري يمه المهم الحين ابيك تعزمينها .
ام مشعل ؛ طيب طيب . مدري وش فيه اخوك مشاريعه دايما ناجحه وماكان يسوي عزايم . بس تعالي ليه ام نايف بذات ؟
عبير خلاص ماقدرة تسكتت اكثر من الحماس والفرح : يمه خلاص بقولك كل شي بس لا تنصدمين .
ام مشعل بستغراب : قولي .


عبير قالت لها ان زينه عايشه .

ام مشعل بصدمة : عايشه !
عبير بفرح : اي يمه عايشه والله عايشه .
ام مشعل وهي مو مصدقه : كيف عايشه !
عبير : يمه سااااااالفه طويله عريضة بس المهم انها عايشه والحين جايه مع مشعل .
ام مشعل بفرح : الحمدالله لك يارب بس وش اخذها جده !
عبير : يمه بنعرف كل شي اذا جاو بس روحي اعزمي ام نايف ولا تقولين لها نبي نخليها مفاجأه .
ام مشعل بفرح : من عيوني ..

الساعه 1 جات ام نايف مع بنتها العنود يبيت ام مشعل .

ام مشعل بفرح : حيا الله ام نايف والعنود وش اخباركم .
ام نايف : الحمدالله بخير بس الله يهديك فاجأتيني كنت توني بطبخ الغدا الا انتي دقيتي علي وقلتي في عزيمه بس تعالي وين الحريم ولا بس عازمتني انا ؟
ام مشعل بتوتر : ها؟ اي الحريم مابعد يجون ...تفضلو
ام نايف وهي تجلس : طيب ماقلتي لي وش مناسبه هالعزيمة ؟
ام مشعل ؛ اووه والله انها مناسبه احلئ مناسبه .
العنود بحماس : خالتي وشو المناسبه حمستيني؟

وبعد ثواني نزلت عبير وسلمت علئ العنود وام نايف .

عبير وهي تجلس : كيفكم شخباركم ؟
ام نايف : بخير حبيبتي انتي كيفك وكيف زوجك ؟
عبير ؛ بخير حبيبتي ...... وفجأه جاها اتصال من مشعل : الو هلا ..... اوك باي .

عبير : العنود تغطي اخوي مشعل بيدخل يبي يسلم علئ خالتي
العنود وهي تلبس النقاب ؛ طيب .

وبعد ثواني دخل مشعل ووراها زينه وكانت متنقبه ..


مشعل وهو يبوس راس ام نايف : شخبارك خالتي .
ام نايف : بخير انت وش اخبارك عساك طيب ؟
مشعل : بخير الحمدالله .

ام نايف ناظرة البنت الواقفه واستغربت وقالت : مشعل مين هالبنت الي معك ؟.

ام مشعل بفرح : هاذي مفاجأه يا ام نايف .

ام نايف استغربت : مفاجأه ؟

مشعل ببتسامه : تعالي .

مشت زينه وراحت عند ام نايف ورفعت يدها وشالت النقاب عن وجهها .

ام نايف انصدمت وفتحت عيونها بكبرها من الصدمة وبدت دموعها تتجمع ووقفت وقال بصدمة : ز زينه !

زينه ماتحملت وضمت امها بقوة ..
ام نايف ماكانت مصدقة الي قاعدة تشوفه وقالت وهي تبكي : انتي بنتي زينه !
زينه وهي تبكي وتبعد عن حضن امها : اي يمه حبيبتي انا زينه .
ام نايف مسكت وجهه بنتها وقالت وهي تبكي : مااصدق ماصدق الي قاعدة اشوفه نفس العيون الخضر والوجه اي انتي بنتي حبيبتي .... .......وضمتها وجلست تبكي وقالت : وين كنتي وين رحتي وتركتينا وين !
زينه بعدة عن حضن امها وقالت : يمه بقولك كل شي مارح اخبي اي شي
........ وناظرة العنو وشافتها وراحت عندها وضمتها ..

ام مشعل بفرح ؛ الحمدالله انها عايشه وسليمه عبير روحي جيبي ماي .
عبير ؛ انشاءالله .

مشعل : اكيد كلكم منصدمين بس لا تخافون راح اقولكم كل شي .

مشعل قالهم كل شييي ..

ام نايف بصدمة لا توصف : فهد ولد ام فهد ولد عم زينه !
مشعل : اي فهد .
ام نايف بعصبية وصدمة : طيب ليه يسوي كذا ! وش عنده مع بنتي ! ليه خاطفها !
عبير : اكيد هاذي فكرة رهف الحقيرة .
ام نايف بعصبية : حسبي الله ونعم الوكيل فيهم علئ الي سووه في بنتي الله لايوفقهم ولا يحللهم انا لازم اقول حق ابو نايف عشان يتصرف .
مشعل : اكيد ياخالتي انا بقول حق الكل وبشتكي بعد لان هالشي ماينسكت عنه ..
ام نايف : طيب انتي مع مين كنتي ساكنة كل هالفترة ؟
زينه : مع حرمه اسمها هنادي والله يايمه انها ما تركتني واعتبرتني مثل بنتها واكثر وتراها جات معي بس راحت بيتها وبعد شوي بتجي .
ام نايف : جزاها الله خير انا لازم اشوفها عشان اتشكرها علئ الي سوته معك .

وبعد نص ساعه جات هنادي ودخلت بيت ام نايف وشافت زينه جالسه وجمبها حرمه .

هنادي : السلام عليكم .

الكل : وعليكم السلام .
ام نايف ببتسامه : انتي هنادي؟.
هنادي ؛ اي انا هنادي .


قامت ام نايف وسلمت علئ هنادي .

ام نايف : كيفك شخبارك ؟
هنادي ؛ بخير الحمدالله .
ام نايف ببتسامه : بنتي قالت لي كل شي سويتيه معاها والله مدري كيف اشكرك الي سويتيه كبير ومحد يسويه .
هنادي : مافي داعي تشكريني لان زينه مثل بنتي واكثر وانا ما سويت الا الواجب
ام نايف : حبيبت قلبي تسلمين اجل اليوم غداك عندنا .
هنادي : خلاص صار .

والكل عرف ان زينه عاايشه وانصدموو ماصدقو والكل جا بيت ام مشعل عشان يشوفون زينه .

عند ابو نايف قاله مشعل كل شي وانصدم ونفس الوقت عصب وراح بيت ابو فهد والعصبية باينه علئ وجهه .

في بيت ابو فهد :

كان ابو فهد جالس يشرب الشاهي وفجأه سمع احد يضرب الباب بقوة وقام وفتح الباب ..

ابو فهد بستغراب ؛ هلا ياخوي .
ابونايف بعصبية : لا هلا ولا مسهلا وين فهد الي مايستحي علئ وجهه وينه !
ابو فهد بستغراب : اهدا يا اخوي وش فيك ؟ وفهد وش مسوي !

عند ام فهد سمعت صراخ وطلعت من المطبخ وشافت ابو نايف معصب .

ابو نايف قاله كل شي .

ابو فهد منصدم ؛ نعم ؟ ولدي فهد يسوي كذا !

عند ام فهد الي كانت منصدمة من الي تسمعه ..
ابو نايف بعصبية : اي وانا جاي الحين اخذ ولدك القذر مركز الشرطة قولي وينه !

وفجأه سمعو صوت فهد كان جاي من برا يقول بتعب : انا هينا ياعمي .

التفت ابو نايف وشاف فهد وراح عنده وعطاه كف محترم ومسكه من بلوزته وقال : واطي قذر تسوي كذا في بنت عمك !
فهد بتعب ؛ انا عارف اني حقير وواطي وانا مستعد اروح السجن صدقني ياعمي انا ندمان علئ الي سويته .
ابوفهد بعصبية ؛ يعني كلام ابونايف صحيح ! ....... وراح عند فهد وعطاه كف وقال بعصبية وصراخ : ليه تسوي كذا ! وش هنذاله الي فيك ! مافكرت قبل لا تسوي هالشي الحقير مافكرت في اهلك !
فهد بتعب : اسف يبه والله اني ندمان قد شعر راسي سامحني علئ كل الي سويته معك ومع امي وانت ياعمي سامحني علئ سويته في زينه الله يخليك حللوني ترا ايامي قليله ..
ابو فهد بصدمة : وش تقصد !
فهد بتعب ؛ يبه انا مريض بسرطان الرئه والوقت تأخر علئ العملية .

ابو نايف انصدم من كلام فهد وناظر وجهه وشافه اصفرر من التعب ......... وفجأه جات الشرطة ومعاهم مشعل .


عند ام فهد لما سمعت صوت سيارة الشرطة قامت من مكانها وهي تبكي وراحت ورا الباب وقالت وهي تبكي : لا تكفئ تكفئ يا ابو مشعل لا تاخذون ولدي السجن ولدي مريض الله يخليك تكفئ .

ابو نايف سكتت شوي وتنهد وقال ؛ استغفرالله .
فهد سمع صوت امه وقال بتعب : لا يمه انا لازم اروح السجن واخذ عقابي .سامحيني يمه علئ الي سويته فيك .

اما ام فهد جلست تبكي بقوة وتترجئ ابو نايف عشان مايخذون فهد .

ابو فهد بحزن ؛ ابو نايف انا عارف ان فهد غلط كثير بحقكك انت وبنتك ولازم ياخذ عقابه بس مثل ما انت شايف الولد تعبان ومابقي له وقت اكثر الله يخليك خله يعيش ايامه الباقيه مع امه شوفها كيف تبكي .

ابو نايف ماتكلم ولا كلمة وراح عند مشعل : مشعل انا متنازل عن القضية .
مشعل بصدمة : ليش ياعمي !
ابو نتيف : فهد مريض بسرطان الرئه وايامه قليله ابيه يكون مع امه وابوه بس اسمع البنت الي كانت معاها تروح السجن وتاخذ عقابها .
مشعل تنهد وقال ؛ خلاص الي تشوفه ياعمي .

في بيت ام رهف :

كانت ام رهف جالسه تشوف التلفزيون وفجأه نزلت رهف وكان باين عليها ملامح الخوف والتوتر .

رهف بخوف وتوتر : يمه قومي جهزي اغراضك بنسافر .
ام رهف بصدمة : نعم ؟ بنسافر ؟ وليه نسافر ؟
رهف بخوف : يمه الله يخليك لا تسأليني احنا لازم نروح نسافر .
ام رهف بعصبية و شك ؛ وانا بجلس اسمع كلامك ! رهف حطي عينك في عيني ليه تبين تسافرين !
رهف بعصبية وتوتر : يمه اذا ما تبين تجين معي بكيفك بس انا مستحيل اجلس هينا ........ وصعدت فوق .

كانت ام رهف بتلحقها بس وقفت لما سمعت صوت الباب وراحت وفتحته وشافت زينه وعبير ومعاهم لا بتوب .

ام رهف بستغراب : مين انتو .

زينه وعبير افتحو النقاب وام رهف انصدمت لما شافت زينه !.

ام رهف بصدمة : انتي زينه بنت ام نايف !
زينه ؛ اي نعم انا زينه .
ام رهف بفرح : انتي عايشه !
عبير : اي ياخالتي زينه عايشه .
ام رهف بستغراب ؛ طيب ليه قالو انك توفيتي !
زينه : اسمعي ياخالتي احنا بنقول كل شي .
ام رهف استغربت : كل شي ؟ .
عبير : ممكن تخلينا ندخل ؟
ام رهف بستغراب : اي تفضلو

دخلو داخل وجلسو .

زينه : اسمعي ياخالتي انا بقولك كل شي بقولك ليه انا عايشه .

زينه قالت لها كل شي قالت لها عن فعايل بنتها رهف الي ما تتصدق ..

ام رهف بصدمة : نعم ؟ بنتي رهف ؟
عبير ؛ اي رهف .
ام رهف بعصبية ؛ بنتي مستحيل تسوي كذا ولاتدخلون بنتي في مشاكل لاني واثقه في بنتي .
زينه ابتسمت وقالت ؛ كنت عارفه ان ردك راح يكون كذا عشان كذا جبت لك الدليل .

ام رهف بصدمة : دليل !

طلعت عبير الابتوب وشغلت الفيديو الي في الشاليه وعطته ام رهف تشوفه .

زينه : هاذي اول جريمة سوتها بنتك واحنا وقتها سكتنا وماحبينا نقول حق احد بس عشانك عزيزة علئ امهاتنا بس الشي الثاني الي سوته فيني ماينسكت عنه .

ام رهف بصدمة وهي تشوف الفيديو : ماصدق ماصدق بنتي رهف تسوي كذا ! عشان كذا اليوم كانت خايفه وتبي تسافر !

حطت ام رهف الابتوب علئ الطاولة وصعدت فوق وهي معصبة ودخلت غرفة رهف وشافتها ترتب اغراضها .

رهف ناظرة امها وشافتها معصبة وقالت : يم............... مامداها تكمل كلامها لانها حست في كف قوي من امها لدرجه انها طاحت علئ الارض .

رهف بصدمه وهي ماسكه خدها : يمه !

ام رهف بعصبية وهي ماسكه بنتها وصراخ : انتي ايش من بشر ! ليه تسوين كذا ليه !

رهف بعصبية : يمه انا وش س......... وقفت لما شافت زينه وعبير واقفين جمب الباب

ام رهف بعصبية وصراخ ؛ ليش وقفتي ؟ انصدمتي صح ؟ كنتي حاطه في بالك انك خلاص ذبحتي البنت !
رهف بدت تخاف اكثر وقالت بكذب : يمه انا ماني فاهمة وش تق....... ام رهف قاطعتها بعصبية وقالت : لا تكذبين البنات قالو لي كل شي كل شي سويته حتئ سواتك في الشاليه انا ابي اعرف شي واحد ليه سوتي فيها كذا ! انا وش قصرت معاك فيه ! وش الشي الي تبينه وماجبته لك ! وربي اني ماخليت شي تبينه الا وجبته لك !

رهف بدت تبكي من الخووف .

ام رهف بعصبية وشوية دموع : الحين تبكين ! بعد ايش ! بعد سواتك الشينه ! وش اقول حق الناس الحين ؟ اقول لهم ان بنتي مجرمه ! مافكرتي فيني قبل ماتسون هالشي ؟ مافكرتي في ربك ؟

رهف وهي تبكي وبخوف وندم ؛ يمه الله يخليك سامحيني .
ام رهف بعصبية : اسامحك ؟ مستحيل من اليوم ورايح انتي مو بنتي لاني انا ماعندي بنت تسوي هالشي الحقير .

عبير : خالتي الشرطة برا .
ام رهف انصدمت لما سمعت عبير تقول الشرطة برا ناظرت بنتها وشافتها تبكي من الخوف حست انها بتخسر بنتها ومارح تشوفها مره ثانيه وبدت دموها تطيح وقالت بحزن وغصه ؛ قومي البسي عباتك .
رهف بخوف وهي تبكي بقوة وتترجئ امها ؛ يمه الله يخليك ما ابي اروح السجن تكفين ساعديني صدقيني خلاص انا عقلت الله يخليك ..... وناظرة زينه وراحت عندها ونزلت عند رجولها وقالت : زينه تكفين الله يخليك سامحيني انا عارفة اني غلطت في حقكك بس تكفين ما ابي اروح السجن الله يخليك .
زينه بعصبية خفيفة : قومي .

قامت رهف وهي تبكي .

زينه : اسمعي يارهف تراني ماني حقيرة مثلك عندي احساس وحاسه فيك بس الشي الي سويته مو شوي بسبب حقارتك ونذالتك انا افترقت عن اهلي وزوزجي سنتين واظن ان السجن مو كافي تدرين هالحظة ودي اذبحك بس ماني مثلك ثانيا انا خففت عنك العقوبة عشان امك الي ماتدري عن فعايلك الشينة المفروض تبقين في السجن 6 سنوات بس انا قلتهم 2 سنتين عشان تتأدبين وتحسين بغلط وتفترقين عن امك سنتين مثل ما افترقت عن اهلي وتحسين بالاحساس الي حسيته وان الانسان مو لعبة عندك...... وطلعت برا وتركت رهف تبكي بندم علئ سوته حست رهف بالحظة انها ولاشي وان مستقبلها ضاع بسبب غيرتها وحقدها .

الساعه 10 في شقة زينه ومشعل وتحديدا غرفة النوم .

كان مشعل علئ الابتوب وفجأه دخلت زينه وشعرها رطب ولابسه بجامة شورت


كانت خجلانه شوي لانها اول مره تلبس كذا قدام مشعل بس داست علئ خجلها ودخلت بثقه وما كأن صاير شي وراحت عند المرايه تنشف شعرها .


عند مشعل خق علئ شكلها ولبسها ناظرها وابتسم وحط الابتوب وقام من مكانه .

عند زينه ناظرة المرايه وشافت مشعل يقوم من مكانه ويبتسم ولفت عشان بتتكلم بس مشعل حضنها بقوة .

مشعل بحب وهمس : زينه عندي طلب .
زينه ؛ وش هو .
مشعل بعد عن حظنها وقال بهمس وحب : لا تتركيني مره الله يخليك انا ماكنت عايش كنت ميت بدونك


زينه ابتسمت وهزت راسها بمعنئ مارح اتركك .


مشت زينه عشان بتنشف شعرها بس مشعل مسك يدها وسحبها بقوة وصار وجهها في وجهه وحط يده اليسار علئ خصرها .

زينه استحت ونزلة عيونها ومشعل رفع وجه زينه بيده وناظر عيونها بحب وزينه حست نفسها بتمووت من الخجل وكانت بتتكلم بس مشعل باسها في فمها 💗😳 بقوة وزينه انصدمت من حركته بس بعدين غمضت عيونها ... وبعد دقيقة بعد مشعل عن زينه وشالها وحطها علئ السرير وباس جبهتها ورقبتها وقال بهمس وابتسامه : احبك .ووووووووووووووووووو 💜


(( بعد شهر ))

في المستشفئ :

كان مشعل يكلم ام مشعل .

ام مشعل : ها مشعل صحت زينه ؟
مشعل بخوف : اي صحت بس وجهها تعبان . يمه انا مره خايف عليها .
ام مشعل وهي تضحك : هههههههههههههه خايف ؟
مشعل بصدمة : يمه الله يهديك ليه تضحكين !
ام مشعل : انا اعرف وش فيها بس مارح اقولك يلا باي ..... وسكرت في وجهه 😂

مشعل بستغراب : وش فيها امي!

وبعد دقايق طلعت الدكتوره وعلئ وجهها علامات الفرح .

مشعل بخوف : ها دكتوره بشري !
الدكتوره ؛ الف مبروك المدام حامل وصار لها اسبوع .
مشعل بفرح لا يوصف : صدددق !!!

دخل مشعل وشاف زينه ماسكه بطنها وتبتسم .

راح مشعل وضم زينه بفرح : زينه بجينا بيبي انا مره مبسووط .
زينه : هههههه وانا بعد مو مصدقه .
مشعل بفرح : طيب قومي نروح البيت نبشر امي وانا متأكد انها كانت شاكه انك حامل بس ماقالت لي تركتني خايف عليك .
زينه : هههههههههههه يازينها خالتي .

وطلعو من المستشفئ :

مشعل وهو يفتح باب السيارة : تفضلي .
زينه : ههههههههههههههه اوه وش هالدلع المفاجأه لو ادري كان حملت من زمان .

ركبت مشعل السيارة والفرحه باينه علئ وجهه .

زينه : مشعل تبي بنت ولا ولد .
مشعل وهو يسوق : الي يجي من الله حياه الله بس اسمعي وش رايك اذا جانا ولد نسميه مطلق .
زينه بصدمة : نعم !
مشعل وهو يضحك : هههههههههههههههه امزح معك لازم نسمي ولدنا او بنتنا اسم حلو .
زينه وهي تفكر : اممم وش رايك اذا جانا ولد نسميه عبدالعزيز .
مشعل ؛ لا لا لا انا اقول امير .

وجلسو يتناقشون علئ الاسماء بدون مايعرفون جنس البيبي 😂 (( متحمسين علئ جية البيبي 😁 ))

وبعد نص ساعه وصلو البيت :

مشعل بفرح وهو ينادي امه : يممه يمه وينك .

طلعت ام مشعل من المطبخ وهي تركض : ها وش فيك !
مشعل بفرح : يمه زينه حاااامل .
ام مشعل بفرح : صدق ! مبررروك حبيبتي ..... وضمت زينه .
مشعل بمزح : طيب يمه وانا ؟ مارح تباركين لي ؟
ام مشعل : هههههههه اكيد راح ابارك لك . ......... وضمت مشعل

ام مشعل : اسمعي زينه حبيبتي ما ابيك تشيلين شي ثقيل ولا تتحركين كثير .
زينه : هههههههههههه من عيوني .
ام مشعل ؛ مشعل ساعد زوجتك عشان تروح فوق ترتاح شوي .
مشعل وهو مبسوط : انشاءالله ..

مشت زينه عشان بتصعد بس مشعل مسك يدها وقال بنفعال : وين وين !
زينه : بصعد فوق .
مشعل ؛ بس امي قالن اساعدك ........ مشعل شال زينه .

زينه بصدمة : وش تسوي !
مشعل : بساعدك .
زينه ؛ خالتي مو قصدها انك تشيلني قصدها انك تمسك يدي !
ام مشعل : هههههههههههههه الله يرجك يامشعل .
مشعل : هههههههههههه عادي طيب كل ما بتصعدين او تنزلين بشيلك .
زينه : لا والله ؟
مشعل ببتسامه : والله .

وصعد مششعل وهو شايل زينه ووصل جمب باب الشقه ونزل زينه .

مشعل ببتسامه ؛ ادخلي يابعد هالقلب .
زينه : ههههههههه طيب .

دخلت زينه وجلست علئ الكنب .

مشعل جمب زينه وقال لها ؛ وش تبين تاكلين وش مشتهية ؟
زينه بدلع : اممممم الحين مشتهيه فراوله .
مشعل وهو يقوم ؛ من عيوني ...... قام مشعل وطلع برا عشان يجيب لها فراوله لان ماكان موجود في الشقه .

اخذت زينه شنطتها وطلعت جوالها ودخلت قروب (( المصرقعات ))

زينه ؛ بنااااااااااااات وينكم .
جود : هااا وش فيك .
عبير ؛ هلاا زوزز .
زينه ؛ انا حاامل 😳
عبير : نصاااااابه قولي والله .
زينه : والله 😝
عبير : صدق ؟؟؟ يااالبيه اخيرا بصير عمه 😍😂
جود : هههههههههههههههههههههه مبرووك
بيادر : يااااالبيه فديت الحوامل مبرووك .
زينه : الله يبارك فيك 😍 .
لمياء : مبرروك زوز و عقبالي .
زينه ؛ الله يبارك فيك بس متئ انشاءالله صار لك متزوجه ثلاث سنين يعني قبلي 😂.
لمياء : هههههههههههه وش اسوي عبوود ماكان يبي بزراين والصراحه وانا بعد ماكنت ابي احس مالي خلق بس امس اتقفنا خلاص نجيب بزراين 😂
جود بمسخره : تو الناس ليش مستعجله صارك ثلاث سنين متزوجه .
لمياء : بلا مسخرره ويلا فكري في الخطاب الي جاينك .
زينه : خطااااب !
بيادر : صدق جاك خطاب !
جود : وجعععع لا ماجوني بس اتصلو علئ امي وقالو راح يجون المغرب وشكلي برفض .
زينه : ززقه ليه خلاص تزوجي .
جود : مدري بصلي صلاة استخاره .
لمياء : اكيد لازم بس لا ترفضين فكري شوي .

وجلسو يسولفون 😳

[لامارا]

تابع :

الساعه 2 الليل وتحديدا في غرفة زينه ومشعل ..

كانت زينه نايمه في حظن مشعل وفجأه صحت وشافت مشعل نايم وجلست تصحيه .

زينه : مشعل مشعل .
مشعل صحئ من نومه وشاف زينه وقام بسرعه وقال بخوف : هلا ياقلبي وش فيك تبين شي يألمك شي ؟
زينه بخجل : مشعل ابي اكل.
مشعل وهو يناظر الساعه : الحين !
زينه : اي الحين الحين وبموت اذا ماكلت هالشي .
مشعل : طيب حبيبتي وش تبين اجيب لك ؟
زينه بخجل : بقولك بس لا تتمسخر علي وابيه لاني اذا ما كلته بموتت .
مشعل انصدم ؛ طيب وش تبين تاكلين ؟
زينه بخجل وهي تحك راسها ؛ ابي ابي ورق شجر من الشجرة الي جمب البيت واحط فيها ملح وبهارات دجاج .

مشعل انصدم من الشي الي تبيه وقال بستغراب وصدمه : ايششش ! تمزحين صح !
زينه : افف مشعل قلتلك لا تتمسخر بعد وش اسوي اشتهيته .

مشعل بصدمة : وش اشتهيتيه انتي قد اكلتيه مره !
زينه : لا .
مشعل : اجل وش تبين فيه !
زينه وهي شوي وتبكي : مشعل يعني تبي الولد يطلع في وجهه ورقه شجر ترا بموت اذا ما اكلته ابيه الحين الحين .
مشعل : طيب طيب خلاص اهدي لا تعصبين ........... قام مشعل وطلع من الغرفة وهو مصدوم من طلب زينه الغريب 😂 ........ وراح غرفة امه وطق الباب بشويش وبعد ثواني افتحت ام مشعل الباب .

ام مشعل بستغراب : مشعل ؟ وش فيك جايني هالوقت ؟
مشعل : مصيبه يمه .
ام مشعل بخوف : مصيبه ! خير وش صاير زينه فيها شي !
مشعل وهو مصدوم وبنفعال : تخيلي يمه زينه صحتني من النوم وتقول تبي تاكل .
ام مشعل بعصبية خفيفه : الله يهديك خوفتني الحين هاذي مصيبه وبعدين عادي البنت جالسه تتنسا .
مشعل ؛ يمه انتي تدرين وش مشتهيه تاكل !
ام مشعل بستغراب : وشو ؟
مشعل بنفعال ؛ تقول تبي ورق شجر وفوقه ملح وبهارات دجاج !
ام مشعل : ههههههههههههههههههههه ورق شجر مره وحده !
مشعل : يمه الله يهديك وش فيك تضحكين قول لي وش اسوي !
ام مشعل ؛ عادي حبيبي هاذي النساه البنت اذا حملت تشتهي اي شي حتئ الاشياءالي ماتجي علئ البال .
مشعل بصدمة : وش قصدك يمه ! يعني اجيب لها ورق شجر !
ام مشعل : هههههههههه اكيد لا جيب لها شي يشبه شكل ورق الشجر مثل الفجل وهي بتذوقه ومارح يعجبها وبترميها بسيطه ..
مشعل بتوتر : طيب عندنا فجل ؟
ام مشعل : ماتوقع فيه شوف انزل تحت وشيك اذا فيه .

مشعل وهو يتذكر : كأن في مطبخ شقتنا فيه فجل بروح اشوف اذا فيه ......

ام مشعل : هههههههه يازينك يازينه ورق شجر .

دخل مشعل الشقه وراح غرفة النوم عشان بيشوف زينه دخل داخل وشافها ناااايمه وحمد ربه الف مره دخل وسكر الباب بشويش عشان ماتصحئ وصعد السرير وناظر وجهه وتذكر طلبها الغريب وابتسم وباس جبهتها وحضنها بشويش وانسدح وغمض عيونه .

(( بعد تسع شهور ))

كان مشعل جالس في الصاله تحت مع زينه وبطنها صار كبير كأنه كوره 😂

مشعل وهو ماسك ملعقه وفيها شوربه : يلا اشربي .
زينه وهي تحس نفسها شبعانه : لا لا مشعل الله يخليك خلاص ما اقدر .
مشعل بعصبية خفيفه : يلا بس هاذي عشانك وعشان البيبي .
زينه وهي ترفض : بس............... مشعل قاطعها بعصبية خفيفه : افتحي فمك !

زينه افتحت فمها واكلتها .

زينه : بس خلاص مابي شبعت .
مشعل ببتسامه ؛ طيب .

وفجأه حست زينه في البيبي جالس يتحرك داخل بطنها .

زينه بفرح وهي حاطه يدها علئ بطنها : ههههههه مشعل .
مشعل بستغراب : ها وش فيك ؟
زينه : حط يدك علئ بطني .
مشعل بخوف : لا لا اخاف يصير شي في البيبي .
زينه : مارح يصير شي جيب يدك .

مشعل حط يده علئ بطن زينه وحس بحركة البيبي وانبسط كثير .

مشعل بفرح لا يوصف : الولد جالس يتحرك !
زينه : هههههههههههه اي .

مشعل حط اذنه في بطن زينه وقال : حبيبي انت اكيد تسمعني ؟
زينه بستغراب : وش تسوي ؟
مشعل : انا قريت في الانترنت ان البيبي يقدر يسمعنا .
زينه : صدق !
مشعل : اي اسكتي ابي اتكلم معه اسمع حبيبي اذا جيت في هالدنيا لازم تكون مثل ابوك مو مثل امك لان امك كانت بتاكل ورق شجر .

زينه وهي تضرب مشعل بخفيف : هييي لا تخوف البيبي وبعدين اكيد بيطلع علئ امه الي هي انا .

مشعل حط اذنه علئ بطن زينه وقال : نشوف .
زينه ؛ ههههههههههه مجنون ........... وفجأه حست زينه بألم قوي في بطنها وقالت بنفعال وخوف : مشعل!
مشعل بعد اذنه عن بظنها وقال بخوف : وش فيك !؟
زينه وهي ماسكه بطنها وبألم : مشعل مشعل الولد بولد مشعل اااااييي .

مشعل بنفعال وخوف : يمممه يمممه .

طلعت ام نايف من المطبخ وقالت بخوف : وش فيك !
مشعل بخوف : البيبي بيولد زينه (( 😂😂😂 نعم ))
مشعل استوعب الي قاله وقال : زينه بتولد البيبي !!
ام مشعل بخوف وانفعال : قووووم قوم جيب عباة زينه بسرعة .

قام مشعل صعد فووق وهو يركض واخذ عباية زينه وشيلتها ونزل تحت وماسكر باب الشقه .

مشعل بنفعال : امسكي يمه .
ام مشعل بخوف : روح بسرعه شغل السيارة .
مشعل بنفعال وتوتر ؛ طيب ........ طلع مشعل من البيت وركب سيارته وشغلها ..

في بيت ام نايف :

كانت ام نايف تكنس وبعد 5 دقايق سمعت جوالها يرن ..

ام نايف طفت المكنسه واخذت جوالها وشافت اسم ام مشعل ؛

ام نايف : هلا والله ام مشعل ................... صدق ! ....... طيب طيب يلا جايه باي باي .

ام نايف بنفعال وتوتر : العننوود العنود .

عند العنود وسمعت صوت امها تنادي وطلعت من غرفتها وقفت جمب الدرج وقال : هلاايمه !
ام نايف : جيبي عباتي وشنطتي بسرعه .
العنود بستغراب : ليه وين بتروحين !
ام نايف بنفعال : اختك زينه في المستفشئ بتولد بسرعه جيبي عباتي !
العنود بصدمة وهي تصعد ؛ طيب طيب .

في المستشفئ :

كانت ام مشعل متوتره وخايفه وجالسه تستغفر ......... وبعد ربع ساعه جات ام نايف .

ام نايف بنقعال : السلام عليكم .
ام مشعل بتوتر: وعليكم السلام ليه تأخرتي .
ام نايف بخوف علئ زينه : خلينا من هالسالفه قولي كيف زينه الحين !
ام مشعل بتوتر : والله مدري للحين ماصار شي ومشعل معاها داخل .
ام نايف بصدمة : معاها داخل ! وش يسوي !
ام مشعل : والله يا ام نايف قلت له لا تدخل بس ماكان يسمع مني كان ميت خوف علئ زينه .


عند مشعل كان مع زينه داخل وماسك يدها وميت خوف عليها .

مشعل بخوف : زوز ياقلبي تحملي تحملي !

زينه بألم لا يوصف : اايييييييييييي مشعل بموت بموت ايييييييييي .

الدكتوره بتوتر : شدي شوي الولد بيطلع .
وفجأه زينه حست بألم قووووووي لا يوصف ومن قوة الألم رفعت يدها ومسكت شعر مشعل وشددددته بقوة .

مشعل وزينه شاده شعره بقوة : زينه وش فيك لحضه !

زينه وهي ماسكه شعر مشعل وتشده بقوة : اااي اييي اااااااي ..

عند الامهات :

كانو متوترين وخايفين لما سمعو صراخ زينه وجلسو يدعون لها .

ام نايف بخوف : يارب انك تسهل عليها

وفجأه سمعو صوت بيبي يبكي ..

ام مشعل بفرح : ام نايف تسمعين الي اسمعه !
ام نايف بفرح ؛ اي اي.

وبعد 3 دقايق طلع مشعل وهو مبسووط مره وكان شعر طاير فوق 😂😂

مشعل بفرح : ابشرركم زينه ولدة وجابت ولد وصحتها وصحت الولد بخير .

ام مشعل بفرح : صدق ! الحمدالله .
ام نايف بستغراب : مشعل وش فيه شعرك كذا !
مشعل وهو يلمس شعره ؛ اوه شعري من زينه الله يهديها حطت حره الألم في شعري وشدته بقوة .
ام مشعل : هههههههههههههههه تستاهل قلتلك لا تدخل .

وبعد ربع ساعه طلع الممرضه .

الممرضه ؛ مبروك ماجاكم تقدرون تشوفون البنت والبييي ..

ودخلو داخل وشافو زينه متسنده علئ السرير وتناظر السرير الي جنبها كان موجود فيه ولدها .


ام نايف بفرح : مبروك حبيبتي .
زينه ببتسامه : الله يبارك فيك .
ام مشعل : مبروك زيونه انشاءالله يتربئ بعزكم .
زينه : الله يبارك فيك .

ام نايف وهي تناظر الولد : يسلم قلبه حبيبي يازينه تصدقين شوفي خشمه مثل خشم مشعل .

مشعل بثقه : اكيد .
ام مشعل : لا لا اصلا الوجه كله وجه زينه .
زينه بثقه وهي تناظر مشعل : اكيد ..

مشعل جلس جمب زينه وقال وهو يأشر علئ شعره : شوفي وش سويتي فيني .
زينه ؛ ههههههههههههههههههه
ام نايف : هههههههه ليه شديتي شعر زوجك .
زينه وهي مفتشله وتسلك حق عمرها ؛ يمه يعني انا الصراحه من الألم ماكنت اشوف الي قدامي ومدري فجأه حسيت يدي الثنتين في شعر مشعل .
مشعل وهو مو مصدقها ؛ لا لا صح
ام مشعل : ههههههههههه لا تلومها يامشعل ألم الولاده لا يوصف .
زينه : ااي والله ياخالتي وربي حسيت نفسي خلاص بموت من الألم ......... وناظرة وجه ولدها وقالت ببتسامه ؛ بس لما شفت وجه ولدي نسيت كل الألم الي كانت حاسه فيه .
ام مشعل : اكيد حبيبتي كلنا كذا البنت اول ماتشوف ظناها تنسئ كل الالم الي حست فيه لان الذريه نعمه من الله .
ام نايف : طيب ماقلتو لنا وش بتسمونه ؟
مشعل : عبدالعزيز .
زينه بستغراب : عبدالعزيز ؟ بس مشعل انت كنت رافض هالأسم ؟
مشعل بحب ؛ صح انا كنت رافضه بس ما ابي ازعلك .

زينه استحت مره وابتسمت بخجل .

ام مشعل : ههههههههههه مين قدك يازينه يموت فيك .

مشعل يمزح : اي هالولد بنسميه عبد العزيز والولد الثاني انا بسميه علئ كيفي .

زينت بصدمه : اي ولد ثاني !
مشعل : وانت انشاءالله حاطه في بالك بس تجيبين ولد واحد ! لا حبيبتي مايكفي .
زينه : وشو الي مايكفي مابي اجيب مره ثانيه خلاص ما ابي احس بألم الولاده مره ثاينه.
ام نايف بمزح ؛ اقول بلا دلع بتتعودين انشاءالله .
زينه : يمه انتي احين معي ولا معه .
ام نايف ؛ معه .
مشعل: ههههههههه كفو ياخالتي .

ام مشعل بفرح : قولو امين .

الكل امين .

ام مشعل : يارب انك تدوم هالضحكة علينا وماتفرقنا وتحمينا برحمتك الواسعه وترزق كل محروم الذرية وتحفظ عبدالعزيز من كل شر وتسعده في حياته .
ام نايف : امين انشاءالله .

مشعل ناظر زينه وشافها مبتسمه وجلس جمبها وحظنها بقوووة من الفرحه .

وبسسسسسسسس والله .


النهاية


(( انتهت والحمدالله ))

عارفة ان الرواية مررره طويله 😝 علئ العموم اشكر كل من تابعني في روايتي يازينكم وانشاء الله الرواية كانت خفيفه عليكم .. يلا ابي رايكم في الرواية ياحلوين 😍😂... واذا بتنشرون الرواية اكتبو اسمي .. للكاتبة : zooba.

[Emanmah]

رواية رائعة حقا اعجبتنى جدا

[#أرجوان#]

شـكــ وبارك الله فيك ـــرا لك ... لك مني أجمل تحية .

[bent.dz]

حـلـوة يـآ بخـت زينـة في مشـعـل اللـهم ارزقـنـآآ مثـله يـآ رب ♥.♥
مشكـورة و بالتوفيـق

[ورود المحبه]

سلمت الأنامل رواية جميله

[#أرجوان#]

شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية .

[مايا البدر]

شـكــ وبارك الله فيك ـــرا لك ... لك مني أجمل تحية .