02-07-21, 11:06 PM | #2924 | |||||
| اقتباس:
بجد قولت كل حاجة نفسي اقولها باستمتع جداً و انا بقرا التحليل و ارجع اقرأ الفصل احس كذا كل مرة بافهم حاجات كتيرة مش كنت مركزة وفهماه ❤️❤️❤️❤️ | |||||
04-07-21, 08:07 AM | #2926 | ||||
| ريفيو الطيف 34 💥💥 ~~~~~~~~~~~~~~~~ أبيض.. رحلة علاج شمس أو رحلة البحث عن الإشارة بين شك عاصي و قلقه علي نتيجة رحلته و بين يقين ماسة و حسن ظنها بالله.. "زهرة لا يذبل رحيقها أبداً!" برغم رقتها و نقائها الا انها زي العادة قدرت تكون مصدر سكينة عاصي و اتزانه.. قدرت تحتوي ثورته في موقف أولي بالانهيار فيه قلب الأم.. الماسة الصلبة تزداد بهاءا بزيادة الضغط.. ماسة علي يقين من صدق توبة عاصي و ثقة في رحمة الله انه لن يضيعهم او يردهم خائبين.. شعوري بمشاهد عاصي و انتظاره للإشارة و كأن روحه في طريقها للتحرر بتتولد من جديد في حالة مخاض صعبة هتنتهي بصرخة عافية و صحة من شمس.. شمس عاصي.. اللي برغم من ضعفها قدرت تتواصل معاه و تديه إشارة.. فتحت عيونها "الزيتونة" للحظات كافية تديه الأمل.. في مشهد بيقولنا قد ايه فرحة التائب الصادق بعلامات القبول.. قد ايه ربنا رؤوف بينا و بيبعتلنا نفحات وسط الكرب تهون شدته.. "_عيناها زيتونيتان مثلك..تدري خطورة أن تحمل امرأة عيني عاصي الرفاعي؟!" ازاي ماسة جميلة كده!! وصفها لشمس كامرأة شفتها رغبة منها انها تنقل عاصي من حاضر مقلق لمستقبل مبهج.. ماسة خوفها علي عاصي ميقلش عن خوفها علي شمس و ثقتها في نجاة الاتنين راسخ.. "فزلزلتِ عرش جبروته للأبد. " علاقة ماسة و عاصي من اجمل العلاقات التكاملية و أكثرها إيجابية 🤍 ********************* حسام و فهد.. فهد شايف في حسام الجانب الإنساني المظلوم المنهك بجلد الذات شايف حسام المحروم من الحب و الإنجاب قدامه فرصة يعيش حياة طبيعية يتمناهاله تملا خواء روحه شايف في صاحبه اللي محتاج حسام نفسه يشوفه في حين ان حسام مش شايف غير ديمة و سند.. شايف مصلحتهم بعيون الاب.. خايف علي ديمة من قيد جديد مع انسان مش هيديها فرصة تكوين أسرة تعوضها عن من فقدتهم.. خايف من تحميلها حتي مجرد احساس رد الجميل ناحيته.. شايف نفسه عبء عليها مش شريك حياة هيسعدها.. "_الحب ليس لمثلي." "_لا أراني أستحق هذا الحب.." دايما مشكلة حسام انه شايف نفسه مدنسة بذنوبه متستحقش الراحة او السعادة او الحب مشكلة حسام جواه يمكن اكبر منها جوة اللي آذاهم.. بداية الحل هتكون لما يشوف انه يستحق المسامحة و منها يحب نفسه و يبدأ طريق تطهيرها بصورة صحيحة.. تطهير بتوبة نصوحة عن ذنوبه و تكفير عن أخطائه في حق الغير زي ما ربنا ارشدنا مش بتعذيب النفس و جلدها.. ************'**** "حبيبته"!! كل حرف من كلمة كهذه ينفجر داخله كألف شظية.. ويمطر فوقه ألف غيث.. يشعل حوله ألف جحيم.. وينبت تحته ألف جنة! لكن لماذا العجب.. وهذا - بالضبط- ما بينهما!! " لو حاولنا نوصف علاقة حسام و ديمة مش هنلاقي احسن و لا اوجز من وصفك هنا.. ابدعتي 💜 " الطاقة الجبارة لمزيج العجز والغضب والخوف من قرب فقد جنته معها ومع سند تشعل كل خلية في جسده فيتخلى عن حرصه المعهود واهتمامه بالمظاهر فلا يعنيه إلا أن يقهر أنين ذاك العاجز داخله!!" أي ألم بيعيشه حسام؟ انه يكون اللي بيولد الطاقة جواه هو الغضب و الخوف و العجز.. انه يكون رافض حتي يسمع انين روحه المقهورة.. الوصف وجعني لدرجة كبيرة 💔 الجزء الساسبنس في تطور مشوق و حبكة تداخل الشخصيات متقنة كلي فضول للجاي *********************** حسام و سند.. دايما بشوف كلمات الأهل و تقديرهم لابنائهم بترسخ جواهم و من خلالها بيشوفوا نفسهم ازاي.. حسام بفطرة الاب بيغرز في نفس سند انه قوي و يقدر يعيش برغم قسوة فراقه لحبايبه.. برغم حزن سند من كلام حسام الا انه تحفيز كان محتاج يسمعه لأول مرة سند بيشوف ان حد واثق فيه و مش اي حد ده الشخص اللي شايف فيه صورة الاب .. و كأي ابن يهمه يكون مثار فخر والده اتوقع سند هيحاول يكون قد الثقة دي حسام و سند زي ما علاقتهم كنت مصدر سعادة فراقهم لو حصل هيبقي مؤلم يمكن اكتر من فراق ديمة و حسام 💔 ديمة و حسام.. "انت بخير" حالة خوف انتابت ديمة لكن المرة دي مش من أشباحها.. خوفها المرة دي على حسام.. حسام الاب و الحبيب.. حسام امانها الجديد الوحيد.. و بإرادة حسام الاب قدر يتحكم في نفسه لمصلح ديمة خصوصا انه لاحظ انها غير واعية لما قربتله و ده يمكن الفرق عن المشهد الجاي للي خلي حسام يتصرف كحبيب بعد كده مع ديمة كان احساسه بحضور ارادتها في قربها منه.. *************' أصفر 💛 راغب و رؤي و علاقة بتتطور تدريجيا للأحسن راغب بيتغلب علي كل العثرات في علاقتهم بطريقة مثيرة الإعجاب و النهاردة بأن ده في تشجيعه لرؤي على شغلها 💛 نقاش رؤي و راغب عن هيام صح جدا احيانا تجبر احد الطرفين بيتغذي علي ضعف و سلبية شريكه وقتهابيكون محتاج وقفة و حزم و رد فعل إيجابي لان السكوت بيخلي التجبر ده حق و يمتد لعلاقات تانية بالاذي و التدخل السافر زي ما حصل مع عزة و رؤي جنة متصلة ليه خير!! يجعل كلامنا خفيف 🙏🙏 *******'********** بنفسجي 💜 "ملامحه تختلط في عينيها بألف صورة.. ألف وجه.. صورته المبهمة كحبيب هالة الخيالي الذي عرفته قبل أن تراه.. صورته المجرمة التي تبنتها هي بعدها.. صورته القديرة كمحام يجيد عمله.. صورته المحرومة لرجل عاجز ذاق مرارة النقص والمعايرة.. صورته البائسة المنهكة في سهره الطويل.. صورته الحنون الحازمة مع سند.. وأخيراً.. صورته معها هي.. بماذا تصفها ؟! حب؟! ديمة شايفة حسام بكل صوره و مشاعره "انا أراك" ديمة في حالتها الطبيعية مبهجة.. وريتينا ديمة كانت ازاي قبل اللي تعرضتله.. البنت الحالمة المنطلقة.. اللي بتتعلم تعمل صنف مميز من والدتها و مصرة تكمله لوحدها هي طبعا المربي اتدلقت علينا كلنا بعد كده و قلبت خل بس ادينا فرحنالنا بمشهد نحلف بيه 😂😂 بس حقيقي قلبي وجعني من صعوبة رحلة علاج ديمة على نفسها.. قد ايه محتاجة تقاوم و تنتصر بارادتها على هواجسها و قد ايه ده صعب و متكرر بجد من أهم النقط اللي ناقشتيها في الفصل ده أهمية العلاج للمريض النفسي و ازاي بيساعده يسيطر على هواجسه خلال مشوار علاجه .. و ازاي اعتراف المريض بحاجته للعلاج بتفيده و بتنقذه من عذاب و اذي كبير ممكن يلحقه بنفسه و بغيره.. محتاجين كمجتمع نفهم ان العلاج النفسي مش نقيصة و لا عار و انه مش معني المرض النفسي أبدا قلة تدين بالعكس زي ما جبتي في حالة ديمة انها مع العلاج بدأت نفسها هدأ و رجعت تانى لصلاتها و حشمتها.. عجبني كمان انك مجبتيش ان الدنيا وردي بالعكس جبتي انتكاسة ديمة اللي بشوفها منطقية جدا لأنها حصلت لما احتك الواقع مع اكبر و اقسي اتهامات أشباحها و هو اتهامها بأنها "عاهرة" ديمة فخر أهلها بتواجه اتهام من اشباحها في شرفها.. فكانت الانتكاسة بالشكل المتطرف ده. قررت تنتقم من حسام في سلطانة الكائن الأقرب لقلبه.. حالتها عمتها عن بشاعة فعلها و بغياب كامل السيطرة و الوعي اذت سلطانة باستخدام الدوا نفسه اللي جابهولها لعلاجها.. اتمنى سلطانة تعدي منها و يكون تأثير الدوا عليها بجرعة كبيرة ملوش نفس أثره علي الإنسان.. و ان كان الفعل نفسه هيكون له عظيم الأثر علي نفس حسام و سند و ديمة نفسها لما ترجع لوعيها.. ************************ أحمر.. ❤️ يسرا في عيون ابراهيم و مستر ربيع و هبة.. هبة و جمال قلبها و سريرتها حبت يسرا كأخت مغارتش من جمالها و لا شافته تهديد ليها بالعكس ادتها حب و تعليم و حنان و خوف عليها من الحسد لشدة جمالها.. روح نقية نادرة حقيقية التدين واثقة من نفسها و من اختياراتها في الحياة.. مستر ربيع بعين الخبرة شايف خوفها من اللي مخبياه و مقدره و في نفس الوقت شايف صدق حبها لإبراهيم و معتبره رزق عظيم و مكافئة لعفته و زهد قلبه عن الحرام.. ابراهيم برغم احساسه انه في حاجة غلط الا ان حبه ليسرا مشوش علي احساسه ده "_نقطة خمر واحدة كافية لتدنيس نهر من لبن! هكذا هو الكذب عندما يطعن ظهر الثقة!" "_بل واقعي! المؤمن لا يلدغ من جحر مرتين!" كل فصل و كل جملة بشوف حسم ابراهيم و عدم تهاونه في الكذب بيخليني افكر هل هيقدر يوفي بالوعد و حقيقي معنديش اي تصور 🤔 ظهور صورة يسرا علي التليفزيون 🙆♀️🙆♀️🙆♀️🙆♀️ مين طفا النور 😅😅 يا تري عرفوها كلهم و ايه هيكون رد الفعل؟!! أتصور علي الاقل مستر ربيع هيعرف لان من البداية و احساسه بيقوله في حاجة ناقصة و اخيرا فادي في المستشفي 💥💥💥 الفصل مشوق جداا و فاصل و مليان أحداث محورية استمتعت جدا بيه شكرا من القلب ان وسط انشغالك قدرتي تكتبيلنا فصل بالجمال ده 💙💙💙 دمت بالف خير ❤️ | ||||
04-07-21, 03:41 PM | #2927 | |||||
| اقتباس:
| |||||
05-07-21, 02:33 PM | #2930 | ||||
| اخضر الفصل 31 لسا تقريبا مخلصة حالا مشهد عزة وايهاب في فصل زاخم بالأحداث الي تخلي الواحد يكلم روحه الحقيقه 🙆 بس هم بالذات انا مش قادرة ما افضفضش عليهم اكتر من كدة ..انا حتى لسا ما خلصتش الفصل ..مش ممكن جمال الحبكة دي ! كل مرة بيجي سيرة اللون الاخضر بتمنى أن مشهدهم ما ينتهيش ..عيني بتتلكأ على سطور مشهدهم على امل اني افضل معاهم اطول فتره ممكنة ..ببالغ !! لا والله حبكة ايهاب وعزة دي عايزه روايه لوحدها ..ما اكدبش لو قولت حبكتهم بس ممكن تتنشر ورقي 👌 من كتر ما هي ملهمة حبكة تحس انها متكاملة الأركان .. تشويق .. اجتماعي .. رومانسي .. انساني.. ناهيك عن مناقشتها لزيف المواقع التواصل الاجتماعي ازاي الإنسان في لحظة ممكن يكون أسير ل like .. comment.. views !! تسليط الضوء اصلا على استعراض البعض ليومياتهم وحياتهم لكل من هب ودب على النت !! ...عايز تتشهر طلع مراتك على الهواء وتاجر بيها ..عايز تتشهر صور أدق تفاصيل حياتكم لكل الناس ..عايز تتشهر حتى تاجر بمرض أو فقدان عزيز ليك !! ..كله في سبيل views الكتير والتريند الزائل مش بقولك حبكة متكاملة الأركان ❤️ ...حبكة حقيقي متعوب عليها اوي ورائعة بكل أطرافها وبعيبوهم ومميزاتهم عزة : مع اني ما بحبهاش ..بس انا على الأقل بحاول افهمها..بحاول اني اتعامل معاها كحالة إنسانية موجود في الواقع !! ..وده الي بعمله تقريبا في كل روايه بقرأها . لكن جديد عزة أنها بتنجح كل فصل باستقطاب احترامي وتعاطفي اكتر من الفصل الي قبله من اول ما اتجوزت ايهاب..مرورا بتأثرها بإياد واستغفارها على طول !!! ..لحد دلوقتي هي بس صعبانه علي ..انا شايفاها من سيء لأسوأ ..كل يوم بتسقط في درك التنازلات اكتر واكتر ...كل يوم بتزيد اصطناع اكتر ..ده غير ثقتها بنفسها الي انتهت تقريبا ..حتى صداقتها ب ايهاب الي كنت بحسدها عليها فقدتها ما بقتش حتى قادرة تفهمه ولا هو مديها الفرصة لده .. كلاهما ساجن قلبه في عتمة خوفه .. قافل على روحه ب ١٠٠ بمفتاح ..الي هو انا تعبتلها والله 💔 هو الي هم فيه مالوش آخر🥺 ده حتى ياربي لما ظهر بصيص من النور ..وقولت هاااااا قد سقطت العبااااءة 😃😃 ..لاقيتها راحت مغيرة رأيها ولبست البجامة ثاني 🙂 !! هي دي عزة على حافة المنتصف السخيفة دوما تقف الاصفر المجنون يدفعها ..والازرق الخواف يبقيها!! ..ياكش نعرف نرجع لونها في الاخر 🤷🏻♀️ بس ثواني فيه حاجه غريبه بتحصل ! خيالات عزة !!! " ما اعرفش ان كانت دي بادرة أمل تتدعوني إلى احترامها اكتر واكتر ..ولا للخوف عليها وربما منها !!؟ " حتى الآن هي في السليم يعني في النهاية خيالتها منحصرة في زوجها لعلها تتحقق ..لكن تخيلها ل "صورة ايهاب الكاملة " ..هي الي مخوفاني شوية ..مافيش حاجه بتحصل في الحبكة دي مالهاش سبب أو هتاثر وتسمع في حدث جاي قريب .. (انا ههبد دلوقتي) 😂😂😂 وأخشى ما أخشاه أن تتبدل صوره "ايهاب" الكاملة دي ب "اياد" زي ما هي وصفت قبل كده أنه هو الصورة الكاملة من ايهاب شكلا وموضوعا. !! Over thinking جدا اتمنى يكون هبد 😬😬 اما عن الفاجومي الي ما عادش فاجومي : طيب انا بعشق ايهاب 😅 غريب مش كده ..ايهاب مش عارفه ليه شخصيه مش بس مش محبوبة لا دي مش مفهومة وما حدش حاسس بيها مع أن سواء هو أو عزة المفروض يتفهموا بس من غير تحامل ..بس نفهمهم ونستوعبهم ايهاب لا هو نصاب ..ولا سارق ..ولا زاني ..ولا لعب بمشاعر بنات الناس !! ولا قتل أو حتى اتسبب في موت حد !!! ..يبقي يتكره ليه 😅😅 علشان اناني في حق عزة ! ..عمري ما شوفت كده ..ليه؟! هو احنا بنلوم الغريق لما يتشبث بطوق نجاة حتى لو كان مثقوب ؟؟ ...ايهاب بيغرق وما عدش فاضلة الا عزة ..وحتى لو.. ده أداها حرية القرار مرتين اما ذنبه تجاة اخوه say what ..انا مش مغلطاه قد ما انا مغلطة أمه في الواقع ..ده غير أنه بيحاسب نفسه ليل نهار ..وحاسس بالذنب .. "انا لست جبان أو أناني ..انا فقط .. أحتاج فرصة" طيب لو الفرصة دي جت يا ايهاب هتهرب ووتخضع لسلطان خوفك وتفضل كده فاقد هويتك ومزيف ولا هتمسك فيها ؟! ..هتفضل فعلا أناني زي ما انت وتجرح احب واحده لقلبك زي ما جرحت اخوك وسندك ؟!..هل فعلا اياد عنده حق انت زي ما انت ؟! ..ولا الي حصلك اثر فيك ولو شيء بسيط ؟! يعني اتمنى يعني أن تكون الولية الحربوءة الي اسمها بتول دي 😂 ..الفرصة الي ترجعلك لقبك ثاني ...اوعى تضعف يا ايهاب 💔💔 انا براهن على عودة الفاجومي بإصرار رغم جميع الأحداث المشتعلة دي ..عندي امل اشوف ايهاب ثاني لاني حبيته زي عزة ❤️ هو فية بس حاجه واعذرى قارئ ذاكرته ضعيفة زي حلاتي هو اياد عرف أن بتول بترسم على ايهاب منين وايه الي بتسعى ليه بتول اصلا ؟؟ منتظرة معالجتهم بكل شوق و هل هم اصلا مكملين ..ولا هيوصلوا لمفترق طرق ؟؟ .مين عارف!! عموما هنشوف انا ما بحبش اكتب تعليق طويل علشان بتكسف اسبب ملل لحد ..فأتمنى انك ما تكونيش مليتي مني يعني 🥺🥺 (سارة حمدي) | ||||
أدوات الموضوع | |
انواع عرض الموضوع | |
|
|