حب عاثر للكاتبة / نورا ناصر" عراقية" (مكتملة)

[فيتامين سي]

بارت 30
نورا ناصر ..

اني ابجي وزهراء تبجي ..
بقهر وصوت مخنوگ كالت لاتبجين والله يحبج

كتلهه زهراء نمري هذا ملكي تاخذه وحده ثانيه مني.
بعد لحظة صمت كالت ماتزوجتي ؟
. شزوجت خربتهه
.. يامندري اشوو
...سولفيلي منو سعيدة الحظ الي حضت بي؟
سكتت
كتلهه تخافين عليه ولج اني استاهل الي يصير بيه استاهل القهر والعذاب.
.. على كيفج ويا نفسج حبابه ..
.. زهراء تعرفيهه؟ منو هي اعرفها اني .. ؟
.. اي تعرفيها وفاء بنت عمه ..
.. ولج وفاء تاخذه تعبي تاخذه ع الحاضر طول عمرهه تتمنى نظره منه تالي تحمل اسمه
... الله يعوضج.
.. وفاء مو مريضه؟ ؟ شون قبل بيهاا؟ ؟
.. صارت القسمه بعد عيوني انت عبالنه تزوجتي.

وسديته منهه منهاره دخت حيل افترت الدنيا بيه
صداع والشقيقه هاجت عليه .. وكعت فتحت عيني بالمستشفى .. مرتفع ضغطي وعندي تسارع بدقات القلب
اريد اصرخ اريد اكلهم نمري هذا ما اقبل تاخذه غيري اريد ابجي بحضنه وهويكلي اهدئي حبيبتي اني يمج اريدك انمار دخلت بمرحله بس الله يعلم بيهه الم خذلان فراك اشتياق اوووف يا انمار وينك بنيتك مريضه ماتنام ماجنت انام اذا ماتكلي تعالي بحضني واغفيج بنص كلبي هاي المن راح تكولهه يوميه اتعب من البواجي وانام واصبح ع حزن جديد.

راحت ايام واجت ايام اراقبه من خلال مواقع التواصل. .. من اعماقي تعذبت من داخلي تدمرت تمزقت .. توسلت بالقدر مرارا وتكرارا ان يجمعني بي ماصار الي صار ..

بيوم زواجه ردت اشرد من البيت اريد اروح لمكان بعيد اريد اصرخ اريد ابجي شلون ياربي اليوم عريس اليوم يتقربلهه اليوم يكلهه اهدئي حبيبتي شنو الي سوينا وانحرمنه من بعض لان سني واني شيعيه مو؟؟ احنه مو كلنه لدين محمد ننتمي
شنو الغلط ..
بقيت الليل كله الوب اليوم عريس اليوم يحضنهه اليوم يسوي الي كالي نسوي هيج وهيج لحد ما تعبت وغفيت بمكاني بالكاع.
حسيت بأمي فوك راسي .. اخذتني بحضنها ..تحجي بس اني مو بوعيي .. اخر كلمة سمعتها منها تريد تاخذني للنجف.
ثاني يوم حضرنا وطلعنا
اخذتني للنجف
لان شافتني تاذيت زرت وبجيت
بقيت اعاتب امامي بقلبي ودموعي مليانه
كتله ..ترضاهه لان اني من شيعتك ولان هو من سنة عمر .. اشون بيه ..

موحتى اجيناك اني ويا وايدي بيده
وكالي اسمي ابني علي اذا تزوجنه
شون راح اتحمل بدونه .. شون راح اتحمل العذاب ..

كملنه زيارة ورجعنه ..
مرت ايامي مثل السم بين الدووام وبين العزله وحدي وابجي واندب حضي
هو عباله اني عفته وتخليت عنه حضرني من كل المواقع لافيس لا انستا لافايبر مايريد شي يذكره بيه واشوف من غير صفحه بلفيس حليان ع الزواج وسمنان بس اعرفهن عيونه اي اعرفهن ما مرتاحات تارسهن الهم ياترى اشتاقيتلي ؟تذكرني من تحظني وتلعب بشعري وتكلي انتي موبس حبيبتي انتي مرتي وصديقتي وبنيتي الشالعه كلبي انتي نفسي يشمني حيل يكلي ما اشبع منج ااوف يا انمار رحت وراح كلشي وياك تعبي سهري راحتي.

بيوم قررت اخابر زهراء
جاوبتني كتلهه حتى انتي عفتيني ع الاقل خابري كالت والله ما الحك ولج طلعت حامل وماهر لعب بيه لعب وصلت الموت بمسره وهم رجعت حبلت.
..يامتاخذين حب
... ولج نسيته شكم يوم
. غير تنتبهين ياعيني.
..لج شمدريني ماعرفت يصير اذا احنه عدنه دوام لازم يوميه
ضحكت كتلهه غير يحبج
.. لا هو يجي تعبان بس اني الي ما اكعد راحه
ضحكت سكتتت شويه
كتلهه انمار شلونه بس احس دست على نفسي من كتلهه ..
كالت زين
..ومرته ؟
..والله يوم زينه ويوم صحتهه بالنزلان
.. احجيلي صدك هي فرحانه ؟
.. اخذت انمار ليش ماتفرح هي تحبه من زمان بس تره خطيه هي مريضه وماعدهه احد يوكفلها بمرضها ابوها مريض وجبير واخوتها كلهم طلعوا ..وتحتاج علاج ومراجعه خطيه خو مايذبونهااا ...
سكتت اني وهي كملت كلامهاا .. كالت بيوم العرس خفت عليج وردت اخابرج بس ماهر ماقبل كالي تزوديهه عليهه
.. لج اني انتهيت بيومهه التفكير هلكني شلون اليوم عريس ولغيري زفته جيت اموت والله.
.. اطمئني انمار موبس قلبه حبج كولشي بي يريدج ويهواج...
.. شفت صوره ع الفيس حليان
..منيله 24 ساعه يركض بالشمس من الشغل
سولفنه شوي وسديته منهه بس البجي عاده صار عندي ابجي لحدما توجعني عيوني.
ماارتاح اذا ماااطب على كل حساباته .. واباوع لصوره واتذكر ايامنه كلها من اول يوم شفته بتكريت لحد يوم الجرحته بكلامي وزعل وراح تزوج. ...
جبتها ويا من اول مرحله الي بالكليه لحد هسه اني توضفت .. مستحيل انسى ابد .. لحد هسه اخاف من الشغلات الي يمنعني عنهاا .. واتجنبهاا .. صار هاجس يراودني ..
خلص دوامي طلعت من المستشفى اريد ارجع للبيت .دا امشي اريد اصعد بالسيارات شفت سياره سوده واكفه بس مضلله مادري ليش من فتت من يمهه حسيت كلبي يريد يطفر من مكانه جنت مريضه وشاده كانيولا من فتت من يمهه اشتميت عطره اي والله انمار التفت مامبين شي تعوذت من الشيطان
ظليت احاجي روحي شجاج مسره تخبلتي انمار الي بعتي بلحظه يجيج من بغداد بس بقيت امشي والتفت ماعرف ليش كلبي كال هذا انمار بس مضلله كلشي ماشفت منهاا
وصلت للبيت ميته تعب بقت ابالي السياره خابرت زهراء كتلهه انمار وين؟
.. بالحله كال عندي معاملة سياره.
هنا متت اني اكيد هو ليش اجه شافني شنو مشتاقلي ياحبيبي رجليك جابنك تشوفني اكيد جاي عمودي .. لا سياره ولا شي ..

مرت الايام بطيئه بغيابه ..
مره من المرات خالتي سوت عمليه بالمشفى ورحنه نشوفهه اني اختنك من ريحة الديتول طلعت بسرعه برا
شفته كبالي وشايل علاكه مال دواء ياريتني ماشفته جانت نظرته حيل حاده مارفله جفن وتعداني بكل هدوء وبرود وايد بيهه العلاكه وايد بجيبه ايي نفس مشيته بالكليه وشلون اخذ كلبي عبالك غريبه اني.
حتى ماباوعلي بطرف عينه صاير يخبل طول وسمنان والشعر مغير تسريحته واللحيه خفيفه بقيت واكفه اباوعله وهو ولاكأنما مسره كدامه بس شيسوي هنا بقيت متسائله
من رجعت خابرت زهراء وسألتها
كالت صديقه ضابط بالحله ومصوب وراح يشوفه شافج ؟؟
كتلهه اي وهيج ولاعبرني ولاكانما يشوفني اصلا
..ياعيني
مرت ايامي مثل السلحفاه بطيئه اكو تواصل بيني وبين زهراء سمر ماتركتني ابد داىما نتخابر وتحاول تغير جو عليه
احجي وي زهراء واجاههه عموري كالهه ماما باجي وفاء تخربطت وطلع من حلكهه دم
كالت مسره شوي واخابرج رايحه الهاا

كتلها روحي وسديته ..
كعدت انتظرهاا انقهرت عليهاا وعلى انمار خطيه اكيد متعذب وياهاا
ورا شوي خابرتني كالت تخربطت
كتلهه الطبيب شكال؟
..يكول تعبانه لان المرض مشه بكل جسمهه
.. خطيه
.. اي والله تقهر بس الفرحه مالتهه ماتنوصف من تشوف انمار يجي.
.. هوزين وياهه؟؟
.. انت تدرين انمار شون حنين وي الكل اهله الي اذو وامه هو يغسللهه حته يمشطلهه شعرهه تحط ادي وتريد تبوسهن تكله سامحني اذيتك وهويكلهه جان ابني هسه بالروضه.
خنكتني العبره كتلهه يجوز نساني هسه مو؟
..لاولج ذاك اليوم يلعب بمسره وتجي تركض تحضنه واني كاعده كدامهم اشوف تلفزيون يسويلهه منو حبيب عمو وهي دكوله اني وتحضنه كالهه مسرتي بنيتي وفجاه شفت ملامحه تغيرت حسيته تذكرج حته انطاهه موبايله وطلع.
.. لا زهراء خلص ما اعتقد يتذكرني
.. لا والله هواي تصير شغلات احسه باله يمج.
بقيت ع تواصل وي زهراء الهه فضل جبير عليه حيل خطيه بيهه فقر دم وحامل ويوميه مريضه.

مره خابرتني تبجي كالت كلهه عدهه ام واخوات ويرحن لاهلهن بس اني كتلهه احمدي الله ماهر طيب ومامخليج محتاجه شي.
.. الحمدلله بس محتاجه امي احجيلهه اشكيلهه عرفتهه متعاركه كتلهه احجيلي موتكولين اني اختج كال مسره ماهر موتعين استاذ بجامعة بغداد واغار علي لوتشوفين شكد بنات يتوددله وبنت عمه اداوم ويا تكول البنات كومه يحجن بي واخاف ياخذنه مني.

.. ولج هم من يحبون يحبون من كل قلبهم.
.. اي اعرف يحبني
..تحسي متغير؟؟
.. لا اصلا الصبح يروح لدوام ومايكعدني اسويله ريوك بس احس ع بوسته ومن يرجع حتى لو ملتهيه يجي يحضني.
.. بعد شكو
.. هوشاب وزغير كومه بنات دلوعات واحلى مني من هيج اني خايفه.
..ولج هواختارج من بين هاي البنات كلهه غير يحبج وام جهاله هسه يجي يبدلج زين حاجي وشوفي شيكول
.. حاجيته وكالي بطلي سوالف المزعطه عبالك ماتعرفيني بنات عمي ما اباوعلهن اباوع لبنات الناس ورزلني.
ضحكت احسهه صدك طفله
كتلهه عوفج من هاي السالفه ماهر محد تاخذه منج سولفيلي ع مسره ام الوكاحه كالت ولج شحجيلج تشيل عرب
..مشتاقه اشوفهه دزيلي صورتهه
.. البارحه سبحتهه ولفيتهه بالبرنص مالتهه وطلعتهه كلت لاخوهه وديهه للغرفه بين ما اشر الملابس ولج انمار كاعد يشوف اخبار وهي رايحه كبل علي ونازعه البرنص وتسوي شلون هذني الي بتلفزيون وياخذن صور وانمار متخبل عليهه سمعت بس ضحكتهه لكيته يبوس بيهه ويدغدغهه بلحيتهه.

..ههههه فداوي ادلوعهه ؟؟
...اي الحجيه كالت صيحولهه سراوي مومسره بس انمار اول مايطب يصيح مسره وهي ماتجاوبه ويرجع يصيح ودكله اي شبيك خبصتني بس تحجيهه مكسر كتله ليش تصيحهه هيج كالهه ارتاح احسهه تطلع من كل كلبي.
بقينه نسولف شوي تخفف عني سديته منهه رجعت لذكرياتي.
اذكرت انمار من يغازلني من يكولي مسرتي
تذكرت مره كتله اذا صار شي عليه تنساني ؟؟
.. بيه ولابيج
.. كول صار هاي دنيا مانعرف شمضموم النه بيهه مو صح. ؟
... ما امدحلج بنفسي من مدحها ذمها بس والله انتي اول حب الي واخر حب امتلئت بيج لوتجي احلى وحده كدامي ما اباوعلهه حتى بنظراتي ما اكدر اخونج
.. كومه بنات وياك وكلهه تتودد الك ليش الا اني حبيتني؟
..ولج انتي عندج عقل براسج لوتنكه وتالي وياج

ضحكت كال صارلنه 4 سنوات وانتي تساليني شلون حبيتج.
.. شبيك مجرد سؤال.
.. فطيره شسويلج
ضحكت كال اويلي اذوب اخرب ع هاي الضحكه فززتني من ذكرياتي
يسرى كالت ضايجين خلي نروح باجر لكربلاء
كتلهه تعبانه مالي خلك
.. روحي ترتاحين والله
..الله كريم
نزلنه جوا امي كاعده تقره قران شافتني بقت تباوعلي شافتني اذبل كدامهه
كالت مسره تعالي تقربت عليهه
كتلهه ها ماما رفعت خصله من شعري خلتهه ورا اذاني كالت اني ربيت وتعبت اريد اشوفجن احسن اثنين ومرتاحات لاتفكرين اني ماريد مصلحتج ومنعتج
ماتحملت حجيهه واني الغصه بكلبي بجيت
كالت اعرفهه صعبه يا امي هو خوش ولد بس اهله ماشفتي شلون سوو بيج سولج سحر وسنه مريضه ونركض بكل مكان رحنه اني وياج خطار يمهم وشفتي شسون بيج
كتلهه بس اني مزوجته هو مو اهله
لا يبقون اهله هذا عمر اذا صار شي علي وهم مايحبوج والله يشمروج بالشارع وتصير المعاناه اكثر .. هسه هوبعد راح
.. وانتي تبقين هيج اشوفج مثل الورده تذبل كدامي ينحلف بجمالج هسه صايره عجوز وكل الي تشوفج دكول ليش متغيره
.. امي للموت ما انسه انمار وما ازوج غيره كولشي ما اكدر اسوي ولا اكدر اجبر شوي من كسرة كلبه بس اوفي بوعدي اذا مامقسوملي بالدنيا ادعي يقسمليا بلاخره لاتضغطون عليه ولادكلولي اجه فلان وخوش ولد من يمكم ارفضو انسو سالفه زواجي ابقه لحدما اموت لو اصير لانمار
.. تزوج ولج شتفكرين عمامج وابوج من جان اعزب ماقبلو يقبلون من ازوج
.. موكتلج موبالدنيا بلاخره
.. الله يهديج
وكامت كعدت سندت ضهري ع تخم ااااخ يا انمار تغار عليه من الهوه مستحيل اخلي غيرك يلمسني
بهالفتره تقريبا علاقتي رجعت طبيعي وي اهلي بابا طبيعي احسهم ينقهرون عليه
ثاني يوم رحنه لكربلاء
طول الطريق علاء وضياء يتناكرون وضحك وسوالف واني بعالم ثاني
وصلنه للسيطره وسياره كدامنه بيهه خرفان
علاء .. ضياء ليش مارحت وي جماعتك دكوم وياهم ضياء.. خاب هذول جماعتك اكمز روح وياهم.

ضحكت وباوعتلهم .. فدوه يخبلون صايرين
وصلنه لكربلاء اول ماشفت الامام بجيت اجيتك مريضه ورجعت منك زينه تدري يا امامي حرموني من انمار ترضون بالضلم ساعدوني خلوني انسه بقيت ادعي وابجي
صلينه وطلعنه تعشينه بالمطعم بس احس نفسي جسد بدون روح روحي يم انمار
رجعنه للبيت ميته تعب نمنه الروتين ممل الاشتياق قاتل انمار حاضرني من كل المواقع زهراء قليل تحجيلي علي لان تدري بيه اتأذى..
مره دا اتصفح بالفيس ولكيته رافع الحضر عني بالغلط اجت ايدي ع الملصق واندز ارتبكت حيل ماكدرت اعالج الوضع دزيتله مسج
كتله بالغلط قراهه وماجاوبني
بقيت الوب بمكاني
فكرت اتقربله شوي شوي زين يامسره شنو نهايتهه هم الم وخذلان وهو مزوج هسه
اعرف انمار مايخون حتى لو ميحبهه كلت اجرب حضي ينطيني مجال لولا
ثاني يوم هم دزيتله ملصق
حضرني بنفس الوقت
كلش استحقرت نفسي لان عرفت الي داسوي اكبر غلط هو مزوج
واني شكو ؟؟
اووف ..
بقيت اتواصل وي زهراء
كتلهه وفاء مااصار عدهه طفل؟ ..
للحكايه بقيه قليله ...

العصر بتوقيتي 😂لان وعدتكم العصر ومانزلت لان والله سخنت شويه مدري شجاني 🤕😓اخذت بندول اله صرت احسن.
المهم مسره مشغوله شويه واكو احداث صارت بعد ما بلشت انشر القصه .. لذلك البارت قليل واحداث مو هواي .. اشرفنا على النهايه دعائكم

[فيتامين سي]

بارت 31
نورا ناصر

انمااار
بعد الصار وتخلي مسره عني بسهوله دخلت بدوامه من التفكير تحبني وماتحبني صح اعرفهه متسرعه واعرف خوافه تخاف تواجه بس ع الاقل جان انطتني فرصه نحل الموضوع موبسرعه عوفني راح اصير ع ذمة غيرك هاي الحجايه حركتني حرك مجرد ما حجتهه ماعرفت شسوي بعد ماطلعنه ورجعتهه لدوام ماجنت ناوي اجرحه تبقه مسره بنيتي وترفه واعرفهه تتندم بسرعه فكرت طول الطريق طرقنه مختلفه خلي تشوف حياتهه اني رجال بس هي بنيه ويتقدم بيهه العمر وغير ملحة اهلهه صح صعبه عليه بس ماتخليت عنهه بسهوله والله كمت استحي اطب ديوان بعد ماكنت الايد اليمنى لجدي الله يرحمه لان دزيت ناس ع اهلهه بمافيه الكفايه 8 مرات اني خاطبهه بعد ما نفصلنه ورجعنه كل مره من يجون يلومون بيه تفشلنه من وراك واعديهه شهر شهرين وارجع من جديد اعرفهم يرحون مجبورين بس تلبيه لرغبتي ولان جدي حملهم امانه يرحون وياي لو100 مره كمت ما اخذ الي اخذته بالمره السابقه اروح اشوف غيره تفشلت هواي غير الكلام والمسخره الي اسمعهه من اقربائي واكول كولشي يهون لخاطر الحلوه مالتي شكد جنت اعلم بيهه ماتسرع وتثق بيه بكل الحالات جانت ردة فعلي قويه حييل ورغم هذا قسما بالله مانويت اجرحهه وازوج حتي لو اريد استقر بس الا بعد زواجهه اتحمل اني بس هي اعرفهه تنهار جنت خايف عليهه حيل بيوم الرجعت منهه واني احس نفسي لا لسما ولا للكاع اني طبعي كتوم ما احجي ابد صح زهراء لحت عليه ولاحضتني بس ماحجيت فديوم رجعت من الشغل بالليل ولكيت عمي ابو وفاء يمنه وشفت الوجوه مصدومه سلمت علي وكعدت
كال وليدي جاي اطلب منك طلب
.. امرني عمي
.. وفاء مريضه وحالتهه للاسوء بس بنات واخوتهن بالخارج اني عندي سكر وضغط ع ساعه امشي واوكع ما اشيل هم الباقيات لان مابيهن شي ويزوجن بس وفاء كاسره ضهري اعرف بيهه تحبك وردت انطيهه الك بس انت اختاريت واحترمنه اختيارك يا ابني انت اعزب اريد منك تزوج وفاء ايامهه قليله ع ساعه تموت حقق امنيتهه وامنيتي.

اني ماعرفت شحجي صدك انصدمت عمي جاي يخطب لبنته كتله عمي جيتك ع راسي بس والله مامفكر حاليا ازوج وعندي ظروف تمنعني.
تفاجئت بكلام ابوي كاله هاهي يخويه حضر بنتك ع العقد.
ردت اصيح بوجهه بس سكتت بعد ماطلع عمي
كتله انت منو سمحلك تقرر شايفني شنو كدامك
..اعرف صعبه عليك بس عيب ولا الله يرضاهه تذل شيبات عمك وترجعه فشلان البنيه مرضهه بيهه اكسب اجر بيهه وتزوجهه.
سكتت ماعرفت شحجي حسيت ضغطي علك بسرعه طلعت ما اجت ببالي غير مسره ماعرف اخبارهه تزوجت لا بقيت ليالي ادخن للصبح وافكر بيهه اخذت تليفوني اتصلت بيهه شكم مره يطلع مغلق تاكدت اتزوجت احتمال وغيرت خطهه رجعت ع زهراء
كتلهه ماتخابرين مسره
.. ماعندي جهاز مسرتك شمرته بالمي وعطل.

اباوع لاهلي .. .. الفرحه ماسايعتهم صح وفاء مريضه بس يحبنهه وعدهم المهم يشوفون انمار متزوج من بنات عمه.
جنت كاعد وحدي بالغرفه .. دخلت عليه
الحجيه اظاهر ..عرفتني بشنو افكر ..
كالت ابو سبع لاتسال عليه لادكول بيبتي شونها وينك ناصر بعدك منو بحالي
كتلهه حقج والله الشغل والضروف مامخليتني اشوف دربي
.. شلون قبلت ومسره وين.
.. بيبي انتي شيخه وعلمج جدي ع الصح والغلط انتي حكمي السالفه هيج وهيج بلاضافه لسالفة وفاء

..اسمع نمر وفاء مومن الاصول ترجع عمك وهو مثل الي انطاهه هديه وهي تحبك تكسب بيهه اجر ومسره ياوليدي تذكر حجايتي راح تبقه غصه بكلبك لاخر يوم بعمرك الله ماراد يجمعكم لان اله بيهه حكمه ادعيلهه بالسعاده وانت حاول تنسه وعيش حياتك اعرف مراح تنساهه بس لازم تمشي الحياة
بستهه من راسهه وطلعت
بقيت وحدي احاجي بيبيتي بغيابهه ..
.شتحجين يابيبي انسه مسره وهي انزرعت بيه زرع انسه ضحكتهه الي ماتروح من بالي لوعيونهه البريئه ودلعهه شنسه واني وياهه صار 5 سنين تعبت من التفكير والتدخين والضغط الي ماييستقر
بسرعه صارت الخطبه واني اريد اعرف خبر واحد عن مسره
نزلت للسوك اشتريت جهاز لزهراء لان ماهر معاند وياهه لان مهمله وهذا ثالث جهاز تعطله.

انطيتها الجهاز ..كتلها خابريهه سمعي اخبارهه.
وكليلها اني طالع ..
رجعت شفت زهراء كالت تعال احجي وياك
.. خابرتيها؟ ؟
.. اي مسره مخربه خطوبتها
..الخبر الي كالته نزل صاعقه ع اذني مسره مخربه الخطوبه.
..تحجين صدك؟
.. اي ومنهاره من سمعت بيك خاطب.

توقعتها تزوجت كل هالفتره ما انكر استعجلت بس والله مارحت خطبت الا صرت بهالموقف الي خلاني بي عمي
زهراء تحجي واني مويمهه.
كالت انمار موداحاجيك
.. ولج زهراء شحجي هسه شكول؟
..اني مثلك انصدمت.
.. ليش ماحجت ماكالت ماانخطبت
.. متتصله عليه اكثر من مره جهازي مغلق ومتصله عليك هم مغلق.
مع العلم اني مره اتصلت عليهه ومغلق شنو من حظ عدنه عبالهه تخليت عنهه واني عبالي اتخلت عني ربي ساعدني
بقيت اسبوع احس حيل ماعندي تعبت حيل مسره ضلمتج وضلمت نفسي صح اهلج مايقبلون بس ع الاقل ما اشوفج مكسورة خاطر
قرب الزواج واني مسره ملازمتني ماتروح لحظه عن بالي مالتقيت بوفاء بس بيوم العقد ولحد يوم الزواج بيوم العرس اتمنيت الموت ولج مسره شسويتي بحالتي اشوف اهلي والفرحه مالتهم واني بعالم ثاني شكد حاولت اعرف اخبارهه بس الكرامه حالت دوني ودونهه اول مادخلت وشفت وفاء ماكدرت اباوعلهه شنو ذنبهه البنيه يولي مسره طلعي من بالي شكد صعبه ع البنيه بس مواصعب من موقف الرجال ع الاقل تكدر تبجي تعبر تصيح الا اني الكتمان دمرني ماردت احمل وفاء ذنب دوم الساني يلهج بالدعاء لمسره ادعيلهه بالسعاده اعرفهه ماتتحمل اعرف بيهه تتندم وتاكل بنفسهه اعرف هسه متاذيه بس شبيدي عليها.
عدت ايام الزواج واني بحاله يرثى لها وصلت بيه اكعد نص الليل بالحديقه اختنك ولج مسره انتي حب لو لعنه شنو من حب الي سوه هيج بحالي اريد اطلعهه لحظه من بالي ما اكدر
الي يشوفني يكول معقوله هذا بيوم يهتم لان الظاهر الهم هادئ بس بجتني مسره مااستحسفت الدمعه عليهه تستاهل ابجي عليهه هذا كله بيني وبين نفسي وكدام العالم جبل اضغط ع نفسي ولا ابين ضعفي محد صبرني بس مسره الصغيره احسهه تشبهه نفس الغرور مالتهه وعصبيه وتدلع هواي تعلقت بيهه حيل دائما اسأل زهراء عليهه شلونهه شخبارهه بس اكلهه لادكليلهه اني اسأل عليهه حته لاتبقه عايشه بامل حتى تشوف حياتهه
ولان اعرف بيهه يوميه تفتر بحسابي حضرتها من كل المواقع احسن الهه اريدهه تنسه اذا تبقه يوميه تصفح بيهن تتاذه ماحضرتهه اريد اقلل من قدرهه لا وانما ماردتهه تتاذى
اكثر من مره دزتلي ملصق وكالت بالغلط
ايدي ع الكتابه اريد احاجيهه وما اكدر لحظه ضعفت ردت اكلهه اشتاقيتلج بس بسرعه حضرت الدردشه اعرف جرحتهه بس ع لاقل وفاء مالهه ذنب اشوف الفرحه بعينهه من افوت دكول احس نفسي مومريضه تقهرني اكثر فوك حملي حملهه
بقيت ايام اروح لجامع ابوحنيفه اصلي اقره قران وادعي احس الي صار عقاب الهي لان مشيت بدرب حرام صح احبهه وتحبني بس مالمفروض اتعده والتقي بيهه وحدنه وصار الصار حسيت ربي مايريدني اغلط وجاي يعاقبني ع السويته كل انسان عنده غريزه ماكدرت اتحكم بنفسي مشيت بطريق الحرام بقيت ايام ادعي الله يسامحني ويسعدهه
مره حلمت اجيت امشي بفد مكان حديقه حيل حلوه وناس هواي بس اني جنت ادور ع مسره شفتهه كاعده بلحديقه اجيت يمهه باوعتلي بنظره ودموع تارسه عينهه حاجيتهه شسوين هنا ماجاوبتني احجي وياهه وماترد عليه بس اشوفهه هزيله ومتغيره فزيت من نومي استغفرت ثاني يوم خاني كلبي وقررت اروح اشوفهه من تطلع من الدوام بقيت اكثر من ساعه انتظرهه جانت السياره مضلله ميبين شي شفتهه طلعت لابسه فستان مثل الجبه اسود وبي ذهبي كانيولا بيدهه شصاير بحالهه مكياج ماكو تعبانه حيل تجر بنفسهه كوه للحظه ردت انزل اجرهه واصعدهه واكله مشتاقلج لاتسوين هيج ما استاهل فاتت من يم السياره والتفتت عليهه معقوله حسيتي هنا بقت تمشي وتلتفت حتى خفت لاتضربهه سياره رجعت منهار مارحت للبيت بوجهي للجامع
ادعي اللهي ساعدني اني عبدك الضعيف ماتحمل كل هذا صديقي الوحيد شكد يلومني يكولي ولك جاي تموت نسوانهم ورا سنه تلكا شهر عسل شجاك انت كتله ما اكدر حبيتهه من كل كلبي وجوارحي ماعرف شنو من حب هلكني هلك.

مسره ..
سألت زهراء بقهر ... ماصارت حامل وفاء؟
زهراء .. ولج وينها وين الحمل هي تعبانه ..

جانت زهراء تونسني بالحجي واكدر التهي وياهه بس ايامي بطيئه موحشه مابيهه طعم هواي يجوني ناس يتقدمولي بس ما ااقبل لان كلبي وعقلي يم انمار صعبه ارتبط وعندي امل نرتبط بيوم.

بيوم خابرت زهراء
كالت مهيمن ابن خال انمار خطب.
تفاجات كتلهه منين العروس
..هويحب بنت عمه وخطبوهه
.. اهاا بس مو زغير هو شعجب
... اي ثالث كليه ويشتغل وي اخوته بالمعمل ويريدهه وخبصهم خبص يوميه زعلان الا تخطبوهه ...بيهه الخير ان شاءالله
..ا لشهر الجاي عرسهم
... اه شومستعجلين
.. ايي مو ماكتلج انمار طلع اسمه وي الحجاج.

من كالتلي فرحت اله من كل قلبي.
كتلهه ولج شلون وشوكت قدم
.. خابرنه عمه كال انمار طالع اسمه ولوتشوفين الفرحه الي بالبيت
..ياحبيبي الله يحبه وعزمه لزيارته.
كالت اي والله احنه هم كلنه عمره زغير شلون طلع وهسه دا يخمس باملاكه
.. يروح ويرجع بالسلامه.
سديته منهه واني احس الفرحه ماليتني انمار شكد يحبك ربك وجبر بكلبك شنو الي سويته اني شنو ذنبي وهيج انحرمت منك بعد شهر
صار عرس مهيمن وزهراء دزتلي الصور وشفت وفاء المرض هاد حيلهه الله يشافيهه بس مادزتلي صور انمار كالت والله ماعندي وصوره الحنفوشه مسره كمر تخبل لابسه بدله بيضه وتاج صدوك حلوه والعروس حلوه ونازكه لابسه بدله عدله مونفش شكد تحسفت ع نفسي كلهه حققت حلمهه الا انتي يامسره شنو الذنب الي اقترفتي والله عاقبج حتى انمار الله عوضه بحجه
مرن الايام وانمار راح للحج بعد طولي بس اتخايله شلون لابس ابيض الي مثل قلبه صار العيد
واخابر
زهراء كالت ..مخبوصين بجية انمار والحمل شل حالي شل انام اني وكاعده ماكدر امدد.
ورا يومين هم خابرتني كالت اجه
كتلهه امانه شوفيني صورته
زهراء ..ماشي.
بفيت انتظرها على نار اريد اشوفه
بليل دزتلي صورته لابس دشداشه بيضه وغتره طالع يخبل النور بوجهه كاعد ع التخم وماهر بصفه
حسيت انمار بهاي الملابس وبشوفتي اله هيج كبران 10 سنوات اباوع للصور واحاجيه بالعافيه عليك الله عوضك ردت ادزله مسج
وكلت هو قبل ليروح ماجاوبني من صار حجي يرد عليه خلي احفظ كرامتي وماي وجهي واكعد واسكت احسن الله كفيل بجبر القلوب.

بعدها سمعنه ايهاب خطب وحده ويا طبيبه
عزموا بابا بس ماقبل يروح.

مره كاعده اتصفح بتليفون واجتني يسرى شفتهه مرتبكه
كلتلهه شبيج حبيبتي.
كالت مسره اريد احجيلج شي
.. كولي يسو اكو شي؟
.. قبل لااتخرج اكوطالب ويانه والله وقسما بالله ماسويت علاقه ويا لان انلجم كلبي وما اكرر الغلط بس هو هواي دز بنات عليه واخته بغير قسم وهم حاجتني.
.. اييي وانت تحبي. ؟
.. اي معجبه بي حيل وصراحه احب شخصيته بس والله ماسويت علاقه لان اخاف اعاني مثلج
..اي اذا يريدج خلي يخطبج
..ايي حاجتني اخته يريد يتقدم بس هم مومن منطقتنه
.. واذا مو منطقتنه يعني الا منا وبعدين لاتخافين عبالج مثلي ترى اني من غير محافظه وغير طائفه.

.. راح احجي وي امي بس مستحيه.
.. امشي نروح نكوللها ..
نزلنه اني وياهه لكينه امي بالمطبخ يسرى مرتبكه بادرت اني بالكلام كلتلهه ماما اكو موضوع يسرى تريد تحاجيج بي كالت احجي بنيتي اسمعج سولفتلهه يسرى
كالتلهه ما ادخل اذا خوش ناس الله يسعدج
ع الصار بمسره ياريت الساني اخرس ولا حجيت كتلهه لاماما اسم الله عليج من حبج الي وخوفج لاتعتقدين اكول بسببج الله ماكاتبلنه مسحت دموعهه كالت الله يسعدج بنيتي.
بهذه الفتره انخطبت يسرى
اما اني. صحتي في تراجع .. وزني كل فتره ينزل.
الموضفات الي ويايه بالمشفى يسألوني.
مسره شلون صايره ماتحسين ع نفسج
كل اسبوع اوزن الكه نفسي نازله كيلو مع العلم اكلي طبيعي
مامكتوبلي الراحه
امي تلح عليه اراجع طبيب ..رحت لعيادة طبيب يداوم وياي.
سويت تحليل طلع فقر دم حاد نسبة دمي 7
انطاني علاج.
رجعت للبيت .. الكل لاحظ تعبي ..
بابا كال اخذكم للكاظم نزور ويسرى تريد تشتري تجهيزات من بغداد.
اني فرحت كلش راح اشوف سمر مشتاقتله الي هواي مشايفتهاا
قررنه نروح ثاني يوم حضرنه اغراضنه وطلعنه ضياء وعلاء بقوا بالبيت
رحنه لبيت اهل سمر شوفت سمر ريحتني.
تلوم بيه لج مسره انتبهي ع نفسج كافي دمرتي صحتج لشوكت تبقين هيج شوفي حياتج تزوجي كافي الحياة ماتوكف على احد لازم تستمر الى متى تبقين هيج.
كتلهه لا سمر على انمار توكف ..
.. مسره بس مو هيج لج شصاير بيج.
..سمر انتي امي الثانيه وتعرفيني غير انمار للموت ماازوج حتى الي ازوجه اضلمه وياي مويريد مني حب واهتمام شلون انطي واني كلبي يم انمار.
.. يعني ناويه تبقين طول عمرج بدون زواج وتذبلين يوم عن يوم ؟
.. اي ابقه ما اكدر انمار مومجرد حب وبس تملكني كلي ما اكدر اباوع لغيره سمر افهميني انمار احس يمشي وي دمي
سكتت .. كالت خلي نطلع بليل لكورنيش الاعظميه كتلهه احنه العصر نروح للكاظم ونبات بالفندق
.. ليش مويمنه.
.. بابا ميقبل ويكول ابات بالكاظم.

طلعنه العصر للكاظم زرت ودموعي مابطلت احس شوي مرتاحه يمكن لان حسيت بي قريب علي.
رحنه للفندق تعبانين سبحنه وتعشينه خابرت سمر كالت راح نطلع لكورنيش الاعظميه.
رحت كلت لبابا كال يله نطلع.
وصلنه لهناك . لكينه سمر واهلهه
بابا وابوسمر كعدو وحدهم واحنه وحدنه
تونسنه عوائل هوايه.
كاعدين نسولف واكو كدامنه اطفال يلعبون.
وبنوته صغيره باوعتلها شبهتهه ع مسره
كلت لسمر
كالت يمعوده كولي غيرهه.
اني ما اومن بالصدف شفت عموري يجر بمسره وتبجي كاعده بالكاع واني صافنه عليهم ..
لحظه ماوخرت عيني منهم.
رجعت حاجيت سمر كلتلهه ولج هذوله جهال زهراء.
خلي اخابرهه.
طلعت موبايلي ..دكيت عليهه
جاوبتني كلتلهه انتي وين
كالت بالبيت
كلتلهه اني بالكورنيش وشفت عموري مدري غيره ..صدك ولج غير تكولين حتى اجي هذوله اخذتهم ريما لمت الجهال واخذتهم.
..يامادري شنو هالصدفه
داحجي وياهه وحسيت سمر كرصتني عفت زهراء تحجي وسديته من الصدمه باوعت
انمار لابس دشداشه واجت مسره الصغيره تركض دنك عليهه حضنهه وشالهه.
اصعب موقف مريت بي لحد الان هو شوفتي اله بذاك اليوم.
من اتذكره ابجي
شفته شلون يضحك واني هيج حالتي
انمار عايش ومرتاح وهذا حالج مسره
ماكدرت اسيطر ع دموعي
جنه بس البنات كاعدات وحدنه انتبهت يسرى عليه الرجفه لزمتني رجليه ماعرف شجاهن كلبي عقلي حسيت كلشي بيه ينتفض يريده شفت ريما اجت تحجي ويا ماشافني لان ناس هواي انهاريت
كالت سمر كومي نتمشى بعيد
مشيت لغير مكان امشي وابجي فضحني عيوني اريد اهدأ ما اكدر كتلهه خلي نرجع يجوز راحو بس اريد ارجع اشبع منه شوف ولو مااشبع.
من رجعت تلكاني وجه بوجه جان لازم مسره انشليت عن الحركه بقيت واكفه كدامه وهو واكف وعيوني بعيونه وخانني ونزلن دموعي حسيت بذله بسرعه درت وجهي ومشيت من يمه.
كالي اوكفي وكفت باوعتله
كال شلونج ماكدرت اجاوب لان العبره خانكتني واذاحجيت انفجر بالبجي بسرعه مشيت سريع ورجعت اختنكت احس الهوى كله مايمليني متغير حيل كبران وسمنان وحليان بس اني الفراك هد
حيلي.

رجعنه للحله .. الايام البعدها اللتهيت شويه بتجهيز يسرى وعرسهه قرب
وخطوبة علاء وعرسه بعد تخرجه
ضياء اخر العنقود طلع تقنيات بغداد الحمدلله مستورين وعايشين بس الحسره والغصه بكلبي من اشوف كلهه عاشت حياتهه الا اني الالم يذبحني يوميه اطلع وي يسرى نجهز اخذت ع حب يسرى والفرحه ما وسعتهه بيوم حنتهه سويناهه بالبيت واجني خالاتي واقربائنه وخالاتي الي ساكنات باالمحافظات واجني التهيت وياهم طلعت تخبل يسرى واشوف الفرحه غامرتهه فرحت ع فرحهه بدلاتهه يخبلن.
لبست اني فستان طويل وبي فتحه للركبه لونه ذهبي سمعت هواي حجي من النسوان هاي ليش هيج مسره صايره متغيره شوضعفانه ليش ماتزوجت.
اسمع واضم بقلبي.
بعد ما خلصت الحنه زهراء توسلت ادزلهه صورتي ودزيتهه الهه صدوك متغيره الي ماشايفني من زمان ماعرفني
من شافتهه تخبلت كالت شمسوي بيج الفراك ولج مسره انصدمت شكد ضعفانه ملامحج حزينه شعرج ليش هيج كاصته كاريه
كتلهه بعد انمار اني ولاشي اني ضيعته من ايدي
بقت تحجي عليه وسديته منهه
صار الحجي مايأثر بيه ثاني يوم جانت الزفه رحت وياهه للصالون طلعت من البيت وصار وحشه امي بجت هواي عليهه تاكدت من امي ماتبجي ع يسرى بس وانما تبجي ع شبابي الراح شلون شافت النسوان يحجن وشافت مسره ماتت بس جسد كدامهه
اي يا امي مسره الي الضحكه متفاركهه هذا حالهه الله ينتقم منك ايهاب ومن كل واحد اذاني اني انانيه ومغروره شايفه نفسي وعبالي انمار يبقه يتوسل مرت 7 سنوات وحبك بي ومايكبر 7 سنوات اكذب عليك اذا كلت احبك تجاوزت مرحلة الحب بمراحل وصلت لمرحلة التيم والعشق.
اناجي ربي اذا مو بالدنيا اقسمليا بلاخره راح تبقه طول عمري حلمي الوحيد كلما احاول انسه واتعدى واكول خلي اعيش حياتي ما اكدر ضلمتك وضلمت نفسي مويوم ولايومين عشرة عمر مرتك جنت حلالك كل الي يحجي عليه ويكولي انسي اضحك ع عقله يابه شنسه انسه خوفه عليه لو لهفته لوحنيته لوغزله ااوف يا انمار الله يسعدك وين ماكنت.

بعدها قررت اكتب قصتي ..لان كلت خلص لهنا وانطوت صفحة حبي الحزينه .لان اخر مره شفته سعيد ويضحك تزوج وعاش حياته اما اني ماردت اكمل بعده حياتي صارت عاديه . دزيت اله خبر بيد زهراء ردته يتابعهاا ...
كلتله ورجعت حاجتني كلتلي وافق تنكتب القصه .. بس هيج راح تتأذيين ونتذكر ايام صعبه مرت.
اني جنت مصره.
من بين عدة اسماء طرحتهم عليه نورا اختاريت اسم القصه باسم حب عاثر.
وتم تنزيل الاجزاء الاولى من القصه ..

كاعده اقره قران واتصلت بيه سمر حجينه
سديته منهه تذكرت زهراء صار هواي مامخابرتهه اتصلت بيهه ماجاوبت.
عفت التليفون واللتهيت بغير شي.
ورا نص ساعه خابرتني
كتلهه شوماكو ؟
كالت وفاء توفت.
انصدمت كتلهه البقاء لله شوكت ؟
.. صار 3 ايام
.. فجاه لوتخربطت؟؟
.. لا صارلهه هوايه بالمشفى وتوفت.
.. الله يرحمهه
.. اي والله كلش مقهورين عليهه. كلش حبابه ابد ماشفنه شي منهه رغم مرضهه والضحكه ماليه البيت تركت اثر جبير بداخلنه.
.. وانمار شلونه؟
.. انمار ع النمله ينقهر عليها ماينقهر الله يكون بعونه المصايب ماعافته وحده ورا وحده.
سديته منهه واني مصدومه ربي سبحانك ليش هيج انمار حضه الله يرحمهه صح ماشفتهه بس مرتين وصح سوت مشاكل وياي ودزت رسائل بس اعترفت وسامحتهه الله يرحمهه برحمته.
واني على هالحال جتي يمي
سالتني شبيج.
ماما وفاء توفت
شهكت امي كالت الله يرحمهه ويصبرهم
سكتت
كالت مسره لا ترجعين تبنين امل وتتأذين عوفيهه على الله.
طلعت وعافتني بدوامه ظليت احجي وي نفسي شنو معقوله انجمع بي ضحكت ع روحي ولج من جان اعزب ماقبلوا هسه يقبلون
كافي اخدع نفسي
اصحي اصحي تخبلتي ضربت نفسي راشدي
ناجيت ربي ساعدني مر هذا اليوم بالموت ماعرف احس مسلوب مني شي مدري احس بانمار ضايج ومقهور.
ثاني يوم داتصفح بالفيس هو من زمان شال الحضر عني بس مادزيتله شي.
قررت ادزله رساله اعزي بيها
كتبتله البقيه بحياتك.
يتبع.

[فيتامين سي]

بارت 32
نورا ناصر ..

مسره ..كتبت .. البقيه بحياتك ودزيتها اله ..
خليت قبضة ايدي على قلبي .. احسه ينبض سريع .. غمضت عيوني للحظات .. تحسرت وكلي امل يجاوبني .. حتى ارتشف رشفة سعادة .. مجرد مااشوف احرفه على شاشة تليفوني .. انتعش ..
محتاجتها ضروري صار هواي .باوعت للادويتي الي ع ميز اذا يجاوبني اليوم اكيد باجر راح اتخلى عن كل هالادويه
. طلعت من المحادثه ..
ورجعت اتصفح الفيس ..
ماهي الا دقائق .. حتى شفت مسج منه .. ظهر على شاشة التليفون .. بهالحظه قلبي ظل يرقص .. احس شرايينني وعروقي رجع بيها الدم بعد ماكانت جافه.
مثل الارض اليابسه ووصل الها الماي اتبللت وانتعشت
هيج حالتي ..
فتحت المسج .. باوعتله مكتوب حياتج الباقيه
بشوفتي اله وكانما مكتوب .. شعر غزل او خاطره.

اه انمار شكد جنت محتاجه احرفك هذه ..
لحظة سكون محد تجرأ يكتب لااني ولا هو.
وكانه هسه دنتعرف على بعضنا .. وخجلانيين
بقيت متسمره اباوع لحروف كلماته ..
طلعلي النقاط الثلاثه الي تتحرك دليل على جارِ الكتابه خجلت وابتسمت ..
طلعت من المحادثه كلها ..
ولازمه الموبايل ومشنجه ..ايديه علي انتظر وصول المسج ..واخيرا وصل فتحته ..
دازلي شلونج انتِ ؟
كتبت ..اني زينه
.. ان شالله دومج زينه.
مارديت عليه .. بس احس الفرحه ماوسعتني حسيت اكوامل فدواتك ربي ساعدني.
شفته نشط منذ ثلاث دقائق .. يعني سد ..
عفت تليفوني اني همين ..
نزلت جوه ..
شفت امي وابويه يردون يطلعون .. سألتهم
هاا وين ..
امي .. رايحين ليسرى نشوفها ..
.. سلمولي عليها ..
.. ان شاءالله ..

طلعوا رحت للمطبخ .. فتحت الثلاجه .. احس جوعانه اليوم .. باوعت اكو اكو فواكه .. طلعتلي وكعدت اكل وحدي .. هسه يلله حسيت بطعم الاكل صرت اتلذذ بي من سنتين ومااحس بشي واكلي قليل هسه انفتحت شهيتي فجأه ..
خلصت اكل .. غسلت وصعدت لغرفتي .. اخذت تليفوني .. جيكت المسنجر ماكو منه مسجات ..
طلعت رقم سمر خابرتها ..
گتلها والج احزري المن حاجيت هسه. ؟
.. انمار! !!
.. شون عرفتي
.. عرفت من صوتج لان فرحانه ..
... هههه
.. شكتيله؟
.. كتله البقيه بحياتك ..
.. اي عيني مصائب قوم عند بعض القوم فوائدُ
.. لج لتكولين هيج عابت ..
.. لج اعرف وحقج تفرحين انمار مالتج اله انت.
وربي يجمعكم ان شاءالله ..

..انماار
من شفت مسره بالاعظميه بعد رجعتي
دخلت بفتره بس الله يعلم بيهه.
من هم وعذاب وقهر ..
ظليت افكر شون شافتني اضحك اكيد هسه عبالهه فرحان ماتدري بس وي مسره لان احسهه نسخه منهه من شفت الدموع تلالي بعينهه وخانتهه ونزلت شلال على خدها .. حسيت خنجر وانغرس بقلبي
صرت احاجيها وي نفسي
يابنيتي ياحبيبتي شصاير بحالج
يولي والله ما استاهل كل هالدموع.
فاتت من يمي.
بدون شعور كلتلهه اوكفي ..
سالتهه شلونج ماجاوبتني.
عرفت العبره خانقتها ..
اعرفها مسره حافظ كولشي بيهه.
بالحظه ردت اضعف و اخذهه من ايدهه وانهزم بيهه لمكان بس اني وياهه.
الهي تعبت وتعبت هاي المسكينه وياي
يربي انزل الراحه ع قلبها
اني اتحمل كولشي بس اشوفها مرتاحه
اتحسفت الضحكه شلون شافتني اضحك وعبالها مامهتم واني يوميه انام ساعه 4 اكعد ساعه6
اروح للشغل تعبت من السهر مرات احجي لصديقي يگولي تبالغ حقه مايعرف حبها شنو بقلبي
بنفسي مرات اكول يا انمار بس انت حبيت معقوله لهدرجه عشقت.
تمر ايام وليالي اتابع اخبارهه ع صفحتهه اشوفهه تعلق لصديقاتهه لو لسمر ع الاقل اطمئن شويه من اشوف حروفها.
هذا كله بصفحه ومرض وفاء بصفحه
المرض اكلهه اكل والطبيب كال ايامها معدوده وتوقعوا كل شي بأي لحظه
مايفيد اي علاج بيهه.
امي مشلوله واشوف حركتهه شلون صعبه
ابوي تعب والجلطه الاخيره هدت حيله
اخواتي ااااخ منين اتلكاهه مشاكلهن يوميه وحده زعلانه اعلم واحجي ولايفيد
اخر شي تخليت عن مسؤليتهن لماهر
تعبت منهن كبرني 10 سنوات مو بنات بس الهم من وراهن يجيني.
ماحملت مسؤلية احد بس نفسي لان مافارغ افكر بغيري مسره شاغله كل فكري يوميه اسال زهراء عليهه.
صورتها لحظه ماراحت من بالي مرت عليه ليالي عصيبه اطلع بالحديقه ما اكدر احجي بس ابجي يامسره دموعي تنزل عليج وما اكول مايصير ورجال ومدري أيش مع العلم اني يكلولي شكد قاسي ابد مايوم بجيت لو بين عليه الضعف
دائما كتوم بس كدرتي تهزين كياني هز
يوم منهن وفاء تخربطت ردت اخذهه للطبيب ماقبلت كالت ارحموني من الابر خلوني اموت مرتاحه جنت اتكطع عليهه بنت عمي وتحبني ومريضه
وتحس بيه وبألمي ..
جنت واكف يم الكنتور اريد اطلعلي قميص ..
حسيت بيها نزلت من السرير ..
اللتفتت عليها كتلها .. ليش كمتي وانت مريضه
باوعتلي ووجهه تعبان وعيونها مجهدة
...اريد احجي وياك ..
.. جان كتيلي اجي يمج للسرير ونحجي.
احتضنت وجهي بايديها .. كالت .. انمار ليش ماتخطب مسره.
.. اني محذرج ماتحجين بهالموضوع سدي
.. لا والله مااكدر اشوفك هيج متألم يجوز اهلهه ينطوهه هالمره جرب.
تقربت عليهه خليت ايدي ع ايدهه كتلهه هذا الموضوع سدي لاتحجين بي بعد.
ماردت اضوجهه وهي مريضه طلعت برا اخذت نفس من كدما كتمت مجرد ما واحد يجيب اسمهه تجي ضحكتهه بالي رسمة عيونهه كعدت برا شوي حسيت ع طكه وراي التفت شفته ابوي كوه يمشي رحت سندته وكعدته.
كتله ليش طلعت
.. ادور عليك
.. لوصايحني ليش تجي وانت مابيك
..انمار وليدي كلبي جاي يتكطع عليك
.. ليش
.. يوميه اشوفك تكعد للفجر بهذا المكان اعرفك مانسيت اعرف بيك حبيت باخلاص كلي شنو الي اسوي الك وترتاح
.. يابه انت شبيدك هذا مقدر ومكتوب لعد اني وين ووفاء وين غير ربك راد هيج بس اني موبيدي اجذب عليك اذا كتلك احاول انسه اني اصلا ما اسمح لنفسي انساهه.
.. والى متى تبقى هيج.
.. الله موجود بس ادعيلي انت
.. ياابني عمرك صار 32 وانت لاطفل لاعايش حالك حال المزوجين.
.. بيدي شي وماسويته يابه اني احبهه مسره مو حب ويوم ويومين وينتهي هاي وي عمري منا لمن اموت. .. خلي نخطبهه مره ثانيه
.. قصدك تاسعه
.. ميخالف اني اخابرك ع شيوخنه ونجمعهم ونروح

.. ماينطوهه من جنت اعزب ماقبلو هسه تريد يقبلون

... والله ياوليدي جاي اتعذب من اشوفك.
.. لا تهتم ياابه ..
طبطب ع ظهري وكام
رجعت لافكاري عندي صورتهه من عقدنه اخذتهه دائما بمحفظتي ضامهه طلعتهه باوعتلهه مبتسمه والعيون ملونه والحلك فستقايه ابتسمت مشتاقلهه ومشتاق لسوالفهه يوميه تسالني شلون حبيتني وارجع اسولفلهه جنت ناوي اذا جاني طفل اسمي علي لان رحنه زرنه الامام وجانت مريضه جانت تكلي البنيه تطلع عليه والولد عليك واتشاقه وياهه اكلهه احب الاطفال نسوي 7 لو8 وهي من كل عقلهه تزعل نبهني من صفنتي صوت الاذان كمت صليت حاولت انام ساعتين وراي كعده ب6 الغرفه الي اشتريتهه لمسره وغراضهه ونيشانهه مقفوله من اليوم الي انفصلنه لهاي اللحظه منبه الكل ممنوع واحد يدخلهه حتى محد ينظفهه الازهراء
باختصار اني عباره عن جسد وروحي مفاركتني مالي واهس بالحياه من الله قسملي روحة الحج دعيت هناك الهي ياراد يوسف ليعقوب اجمعني بمسره سامحني ع كل ذنب اقترفته
لواحجي سنين ما اكدر اوصف الشعور الي بداخلي 7 سنين حب منهن سنتين فراگ اخذن حيلي
حاولت اعيش الوضع حتى لو ما انسه بس لازم اكمل حياتي شنو حالتي انسان بدون روح شكد جنت اقره كتب وقصص واشوف معاناة المحببين اكول ماكوهيج الانسان نساي يكدر ينسه هو الي يموت يكدرون يعيشون ورا
بس من جربته وعرفت شنو الحب الصادق و الحقيقي حبيت من كل كلبي عشقت موبس حبيبت.

بيوم اني بالشغل وخابرتني امي تبجي وفاء متخربطه بسرعه رحت وراهم للمشفى الطبيب ماطمنه احنه قبل 4 ايام داخلين بيهه كال حتى المغذي مايمشي بدمهه ابد ماكدرت اشوفهه واطب يمهه جانت فاقده ماتعرف اي شخص يحجون عليه طب يمهه ماكدرت بعد الضغط عليه دخلت يمهه مابيدي شي اسوي قريت قران يم راسهه وطلعت اشتم هوا بالحديقه

دك تليفوني ماهر من داخل المستشفى كالي البقاء لله بلحظتهه كعدت ع مصطبه بالحديقه كمت اردد انا لله وانا اليه راجعون وفاتهه اثرت علينه كلنه لان ولمدة سنتين ماشفت منهه شي موزين حبتني وتحملتني واستني هواي حتى اهلي تاذو عليهه التهيت بالفاتحه بس اااخ ياكلبي وعقلي الخونه الي اثنينهم مسلوبين مني وفكرهم بمسره حتى استغفرت ربي اني وين وافكر وين بعد وفاتهه الحزن خيم ع البيت ماحسيت بتغير لان من يومي داخل بهالقوقعه اجيت مددت شوي واجتني مسره تركض معلمهه العب وياهه مالي خلك انطيتهه المويايل تلعب بي سمعت صوت اشعارات بس مابيه اكوم اشوف ورا نص ساعه شفته مسره دازتلي رساله البقيه بحياتك جاوبتهه وحياتج الباقيه بعد ماردت احجي
بهذا الوقت اني اعرف بيهه نشرت القصه قررت اقراهه عرفت اسمهه من زهراء قريت اول بارتين وبعدهه انقطعت ماكدرت التزم واكيد راح تعيد الماساة ماتحمل
بقيت يوميه افكر شلون اخطبهه لازم اخطبهه والله اخذ شيوخ العراق كلهه مشيه ع اهلهه هالمره كافي تعبت وهي تعبت اريد اعوضهه عن كل لحظه الم عاشتهه اريد اخذهه بحضني اريد اضمهه لصدري وانسيهه كل العذاب الشافته كمت صليت
وناجيت ربي راح اتوكل عليك
كعدت الصبح لكيت امي وابويه والحجيه بالمطبخ صبحت عليهم تريكت
وكتلهم عندي حجي وياكم
شفت نظرة ابوي الي حسيته قرأ افكاري
كال احجي
كتلهم اني اريد اخطب مسره
باوعت شفت امي ملامحمهه تغيرت
كالت شتخطب مرتك بعدهه ماطلع اربعينهه
..وفاء الله يرحمهه تعرفون شنو سبب زواجي منهه واني ماكتلكم باجر اخطب اعرف الاصول ورا الاربعين تروحون مو هسه.
ابويه سكت
كالتله امي ماتحجي حجي ليش سكتت شكم مره دكيتو باب اهلهه اكو واحد سوه مثلنه

انمار .. اني صرت عصبي كتلهه اي ماكو واحد سوه سوايتج لو مزوجهه بلحظتهه جان ابني بالمدرسه هسه موكافي عذاب عبالج نسيتهه لو اخر يوم بعمري اتزوجهه
صار حجي وعلت اصواتنه
امي .. عبالك يقبلون عمامك وخوالك تذلهم ويوميه مفشلهم
انمار .. لاتدخلين كتلج اخطبهه يعني اخطبهه.

صاح بيهه ابويه كافي يامره اذا ماقبلو اخوتج يرحون وياي اروح الم شيوخ الفلوجه واخذهم ماتشوفين حال الولد الى متى يبقى مايعرف مصيره والبنيه منتظرته لسه ما ازوجت.
التفت عليه كال ابني عيب من عمك نحجي هسه خليهه ورا الاربعين ونروح بس حاول توصللهه خبر طلعت للشغل وبالي مشغول بيهه شلون اوصللها خبر لو اخلي زهراء تخابرهه لو اني بين هي وهي جنت محتار ..
كملت شغلي رجعت بالليل فتحت تليفوني دزيتلهه رساله ع الخط هلا مسره شلونج اذا صارلج مجال اريد احجي وياج.
انتظرت الى ان ورا دقايق اجتني رساله منها فتحتها بابتسامه. ..
هلو انمار اني زينه اذا انت زين.
بقيت ماعرف شلون ابدي بالموضوع.
تجرأت ودزيتلها.
راح احجي بدون مقدمات مسره تعرفين بكولشي صار اريد اتقدملج بالاسبوع الجاي.
بقيت انتظر ..تاخرت برد يمكن تفاجئت
واخيرا ردت. ..
اهلي شلون واذا ميقبلون.
ضحكت ذكرتني باول مارحت حاجيتهه هم كالت اهلي.
كتلهه مالج علاقه عوفيهه وراي
للحكايه بقيه اخيره

[فيتامين سي]

نهاية ج 2
نورا ناصر
هذا بارت تصبيره حسب طلبكم لان النهايه حطول شويه ..

مسره ..
من كالي انمار راح اتقدملج جنت بين الفرح وبين الخوف والتفكير شغلني افكر واحاجي نفسي.
شلون خاف ميقبلون ونرجع للصفر
احساس ثاني اكبر الفرحه جوايه تحسسني باني اريد اطير من الفرحه.
معقوله بعد الفراك انجمع بي معقوله الله يجبر بخاطري ايست
ركضت لسجادة الصلاة .. اصلي وادعي ربي الطف بحالي.
خلصت ورجعت افكر ..
متردده افتح الموضوع وي اهلي مواخاف منهم لابس اخاف من ردة الفعل وانصدم بعد مابيه صار يحاجيني بين شكم يوم مجرد حجي عادي شلونج اخبارج
احس هستوه بدت علاقتنه
وهستونه نتعرف على بعض ..
عده شكم يوم راسلني
كال باجر ادز اهلي
بيومهه متت من القلق بقيت للصبح ادعي وابجي الهي الطف بحالي.
ثاني يوم اندكت الباب .. طلع علاء ورجع
كال هذا شيخنه واهل انمار .. حضرنالهم ضيفه .. امي تفاجات كالتلي تدرين ؟
كتلهه لا سكتت .. من طلعو استحيت من بابا
صعدت فوك
ورا شوي اجتي امي كعدت يمي .. ازدادت نبضات قلبي .. وانتظرها تحجي ..
كالت ابوج مايريد يوكف بطريقج ولا اني الي شفتي كافي عليج احنه موافقين بس بشروط مانريد الماساه تنعاد وبس يسال عمامج وخوالج.
سكتت ماعندي حجي .. بس گلبي ظل يغنيي من الفرح .. الابتسامه انرسمت بخجل .. اطرافي تريد تكوم تساند قلبي وترقص ..
بس طلعت امي دكيت علي وحجيتله.
كال ان شاء الله خير لاتخافين صيري هادئه.

اني مستحيل اكدر اهدأ احس نفسي طايره طايره من الفرح
بس القلق بداخلي مافارگني لان صرت متعوده ع حظي العاثر والصدمات الي يهديها الي القدر ع طبق من ذهب ..
العصر جتي يسرى حجيتلها كل شي .. فرحت .. سوينه عشا سوه ظلت تحجيلي ع زوجها شون يحبها .. ومرتاحه وياا ..
بالليل وبدعوة من شيخنه
اجو عمامي وخوالي
حضرنه الجاي اني وامي
وبقينه بالمطبخ ونسمع
بلاول هدوء وانوبه صار الصوت عالي .. اباوع لامي
و الخوف مبين عليهه
اما اني رجليه ماعانتني كعدت بالكاع
يسرى تهدي بينه
ضلوا ساعه بس الهوسه وضياء وعلاء يهدون
وامي دكلهم لا تحجون ابوكم يحجي
ورا ماطلعو اجه بابا
كال عمج وخالج ماقبلوا
امي ..موكافي دمروهه صار سنين كالولك اذا انطيتهه نتبره منك الولد نخلي شروط علي وهو شاريهه
بابا .. عمها يكول مانطيتوهه لايهاب بقى بحسرتهه واحنه نعرف انمار هو الي اعتدي على ايهاب ورجله بلاتين وصدره ماخله علاج مافاده واخوج كال ليش تنطيهه للغريب ولدنه اوله بيهه
امي ..ليش موزوجو بناتهم شومادخلت انت لوبس حضنه
.. بس شكم يوم وتعدي وان شالله خير.
رجعت لغرفتي دموعي مطر ليش مامكتوبتلي السعاده.
خابرت انمار حجيتله كال اششش مالج علاقه مره وحده ثقي بيه اسكتي لاتحجين خليج ع نفس الموقف ثقي بيه.

كتله هو اني شنو بيدي اسوي راح اسكت.
ظل يهدي بيه كال نامي
.. مانعسانه
..لا نامي لا تتعبين صدك

نمت ثاني يوم دوام
مر شكم يوم نفس الشي
هم اجه الشيخ ضيفناهم .. وظلينه نسمع الحجي ..كاله ترى ناس ينحلف باخلاقهم ماخلو شيخ ماجابو هالمره اذا جاب شيوخ اكبار لاتزعل انطيهه هديه اله

طلعوا هم موصلين خبر لشيخ يجون ثاني يوم وانمار حتى ماحجالي كال حتى ماتبقين قلقه
اجو لبيتنه هالمره شيوخ كبار حتى بابا كال شيخ شمر وشيخ ادليم وشيخ جبور ووو تقريبا بيهم 10 وابو انمار واحنه شيخنه جاب شكم شيخ من يمنه حضرنه الضيافه واني بيه خوفه اديه ورجليه يرجفن عمامي وخوالي اجو هذا كله احنه مانعرف قبل ساعه انطونه خبر طلع شيخنه جامع عمامي وخوالي صار حجي كالهم بابا هاهي توكلو ع الله بالخير عليكم اني من سمعت هيج بسرعه وكعت بالكاع وانغمى عليه امي وخالتي كعدني وامي تبوس بيه واني دموعي تنزل ماعرف شحجي ابجي من الفرحه
راحو الناس واني صعدت بحجة اسبح
خابرت انمار بس كلت الو
كال حبيبتي بالخير علينه ..
ماكدرت احجي اطلقت العنان لدموعي .. بس ابجي اللساني نعكد
كال لاتبجين كطعتي كلبي خلال اسبوع نزوج لاتبجين ارحميني
كتله ما اصدك انمار اني راح اصير مرتك
.. تصيرين مرتي وام جهالي همين
خلي اروح ابشر ماهر
سديته منه خابرت سمر سولفتلهه
سمعت الهلوله بالتليفون وتبجي من الفرحه ما اكدر اوصفهه لا ابد ماكو فرحه راح اعيشهه بعد هاي ركضت ابوس بالقران هو الوصل بيني وبين ربي صعدتلي امي باستني كتلهه امي ليش مافرحانه
كالت شلون مافرحانه ومسحت دموعي بس قلقه عليج اجتنه يسرى تهلهل خفت خاف ايامي الاخيره خاف اموت قبل لا تكمل فرحتي ماكو اعظم من هاي الفرحه ابد ابد
معقوله بين يوم وليله ربي يفتحهه عليه بعد المعاناه والتعب شكد الناس لامتني انسي عيشي حياتج كافي بس انتي حبيتي بالغتي هواي كومه حجي سمعت بس بداخلي كان بصيص امل لابد يوم ننجمع ماكدرت اخونه حتي بافكاري ماكدرت اصير ع ذمة غيره
من بين هذه الفرحه تذكرت كلام بنت خالي دكولي صايره اووفر مسره شدعوه الي يسمعج انتي ليلى وتضحك
ماعرفت شحاجيهه بلحظتها طبعا ماتعرف الي بداخلي شنو بس تعرف تجرح بالكلام
اتخذت من الصمت وسيلة للرد على كل من جان يحاجيني بهذا الموضوع ..
حاولت هواي انسي ماكدرت حاولت اطلع من هاي الحفره الي وكعت بيهه وماكدرت
عبالهم سهل الحجي قابل رايده الاذيه لنفسي بس موبيدي والله حبيته حب حقيقي وبنيه صافيه بس الله يعلم بيهه صح الفرحه احسهه باعماقي بس كلام امي خوفني كالت عمج كايل لابوج اريد اشوف شلون تنطيهه واحنه ماقابلين ماخليهه تزوج بغير محافظه مدامهه رفضت ايهاب هذالكلام خله فرحتي ناقصه خاف صدك يخربهه وماتكمل.
.. انمار كال خلال اسبوع هو عقد هو زوااج كافي اعيد نفس الماساه سلمت امري لله.
اجه بابا كال ابو انمار اتصل عليه كال بعد باجر المشيه
امي .. شنو كتله ..؟
كتله هلابيكم بس ياريت تجي نسوان قبل المشيه يتفقن ع غايب وحاضر خاف تصير اشكالات بالمشيه هو كال لا ابومسره انتو اطلبو الي تريدو مانحدد اي مبلغ بالمشيه هي نعقد وانتو بكيفكم حددو الحاضر والغايب.
كمت من يمهم و الفرحه ماواسعتني
اريد اطير فوك الغيوم .. رحت باوعت لنفسي بالمرايه كرصت خدودي خاف حلمانه معقوله ؟
الهي ما اعضمك وما اكرمك صبري ماراح ابلاش كلساع اركض للقران ابوسه لان الوصل بيني وبين ربي
انمار مايتصل هواي الا ع شغله ضروريه بدينه نحظر للمشيه امي كالت مانحجي ولانكول خلي تعدي ع خير خاف تنحسدين قبل المشيه.
بليل كاعدين نسولف اني وامي واجه علاء كال عمامي اجو
كلت .. لاهلا ولامرحبا
دخلنه سلمنه عليهم عمي الي معارض
كلي هاولج الي تريدي صار بنات اخر وكت تتخطبن بالجامعات.
اني مارديت سكتت ..
علاء ... عمي شنو هالحجي الولد رايدهه ع سنة الله ورسوله ومدام ابويه عدل محد اله حكم علينه

عمي .. صاير السانك طويل وماتحترم وللك
.. لا العفو ماغلطت بشي بس هاي موحجايه مال تتخطبين بنتك موحبت ابن خالهه وتزوجته منوكدر يفتح حلكه بكلمه
باوعت على عمي كام على علاء يريد يضربه
بنفس اللحظه دفعه علاء
علاء .. بصياح .. والله الي يجاوز منكم علينه مو عبالك نستحي وعمامنه ومن هالحجي اخلي المحاكم بيناتنه كافي طلعوا من حياتنه لاهي زغيره ولا ماعدهه احد دمرتوا شبابهه بسبب ايهاب الكلب وهذاك تزوج وبعده عينه عليهه.

بهاللحظه اجه بابا جان برا ا
لكا الوهسه كال لعلاء اسكت
علاء ..ليش اسكت شنو مكطمه مسره ماعدهه احد وياهو الي يجي يسمعهه حجايه الولد خطيبهه ونفصلت منه وبقت تحبه ليش ماتقبلون لان رجال من صدك مومثل ايهاب العار الي داس حرمة بيت عمه وسكتنه الكم
بابا افتهم الموضوع
كالهم بنتي هي واني عدل اريد اذبحهه اريد ازوجهه اريد انطيهه فصليه محد اله كلمه عليه خاف انطيتكم عين زايده اكول اخوتي ولازم احترمهم.
عمي.. ابومسره نتخارب من ورا النسوان ؟
بابا ..وليش نتخارب بنتي زوجتهه لاحسن واحد مال وجاه وحسب ونسب كولي النقص مالته شنو؟
...سني !!
.. مسلم لولا ؟؟ اني شيعي وهو سني واثنينه نبينه محمد
.. ولدهه المن يتبعون عمامهم لوخوالهم ؟
.. بابا وشنو الفرق اني قابل
...حتى هي هسه تصير سنيه
.. واذا صارت مالي حكم عليهه واجبهه تتبع زوجهه لادورون اعذار.
... ومو ميته مرته وهاي ولدنه بدون زواج وولد خالهه ...اخي موبالكيف ماتريدهم اجبرهه علمود ترضون انتو. ؟!
.. ايهاب يحبهه ويكول ازوجهه اريد وشتريد اقدملهه حتى انطيهه حاضر 25 مليون واوصل لل50

..لو يصير ايهاب نبي هالخسيس الي ماحترم عمه وداس بيتي ماانطي ..
.. وانت صدكت ؟؟
.. بابا بعصبيه كاله كوم اطلع برا وغلط علي ودفعو ا عمامي البقيه وطلع بقو عمامي 3 يهدون بيه كالوله خلي يولي مايعرف يسولف ومدري شنو كالهم باجر المشيه الي يريد يجي اهلا وسهلا والي مايريد حتى اكول اخوتي ماتو.
كلوله صدك جذب ياخوي شعدنه غير يسرى ومسره نحضر وع راسنه طلعوا بابا ارتفع ضغطه بقينه نهدي بي الحمدلله ع اهلي والنعمه الي الله رازقني بيهه تاكدت جانوا يرفضون بسبب حجي الناس وعمامي مو بسبب انمار ..
صعدت لغرفتي وانتظر باجر بفارغ الصبر ..
الليل كله مانمت .. وكل شويه اباوع للساعه .. واحس الوقت يمشي بطئ،ع عيني .. وعيني مدتاخذ نوم ..
يتبع ..
طبعا اني انتظر القصه تخلص بس انتم ماتصبرون تردون اخبارهم اول باول وتفاعلكم يشجع وتستاهلون 😘😌

[فيتامين سي]

نهاية ج 3
نورا ناصر

كوه اخذت عيني نوم ..
كعدت الصبح واحس هسه نولدت من جديد.
نزلت جوه .. شفت خالاتي وامي كاعدات
استقبلني بالهلاهل ..ضحكت ودمعت عيوني.تقربت من امي حضنتها بستها وباوعت لوجهه ..الدمعه معلگه برمش عينها ..ماكدرت افسرها دمعة حزن لو فرح ..
تريكنه ع السريع وبدينه التحضيرات والتنظيف ويانه خالاتي وبناتهن لمه حلوه وهوسه وضحك
بس بنات عمي ولاوحده اجت.
الفرحه الي بداخلي عميقه وشعور غريب ماحسيت بي حتى باول خطوبه
جتي يمي امي كالت.. ترحين للصالون
كلتلهه لا بالبيت اسوي شعري والبس بدلتي ما اروح.
امي .. بكيفج حبيبتي
ووخرت شعري من على وجهي
شويه واجت يسرى كالت تليفونج انمار يتصل
جاوبته
كال حبيبتي ترى اهلي يجون.
كتله هلابيهم ..
سديته منه ورجعت اعاونهم ..
تغدينه كلنه .. وورا الظهر سبحت ونشفت شعري وسوتليا يسرى مكياج خفيف
بس ما اسيطر ع رجليه بيهن رجفه ماعرف ليش كلت من يجون بس البس.
صارت ب3 .. بداو يجوون خوالي وعمامي
عمي الي معارض زواجي مااجان بين الحضور
ما اجه
دخل علاء ..كال اجه شيخنه وجايب ويا شيوخ لان كالو مشيتهم جبيره.

بعد دقايق من دخول الشيخ .. صار مراكض ولد خالاتي واخوتي ..
امي لزمت ضياء ولك شكوو ..
ضياء .. الشيخ كال انصبوا جادر لان مشيتهم جبيره.
بسرعه ركضوا اخوتي والولد جابو جادر

بسرعه نصبو ومخبوصين. واني كاعده بمكاني بدون اي حراك لساني يلهج بالدعاء ادعي ربي يسهلها وييسرهاا .. اغمض واجر نفس،مكدر اصبر بعد.
ورا شوي كالو اجو .. باوعت للساعه 4 وربع
غمضت عيوني واحاجي نفسي اي يامسره ربج لطف بحالج هذا الوقت والتاريخ مااراح انساه بحياتي.

الكل كامت يباوعن من الشباك .. اريد اكوم اباوع وياهن ماكدرت.
قارنت وي الخطبه الاولى جنت اباوع من الشباك وعادي فرحانه بس طبيعيه هسه لا اريد اوكف ما اكدر كلهه متكومه يم الشباك واني كاعده ع الكرسي ابتعدن من الشباك وفتحن باب المطبخ دخلو اهله كمت وكفت انتظرهم يفوتون حتى اسلم.
. اول وحده فاتت الحجيه بوستني من خدي وحضنتني وحضنتها
كالت بالمبارك عليج يبنيتي.
وراحت كعدت ..
وراهه عماته دخلن سلمن سلام حار والفرحه بعيونهن بعدهن خالاته كوه يسلمن حتى وحده منهن بستهه وماباستني بس ما اهتميت لان بالي بس يم انمار وانتظر دخلته
فاتت زهراء حضنتني حييل وباركتلي
عبالك عرسهه من الفرحه
اخواته سلامهن عادي ريام ماكو ماجايه
دخلت ريما تدفع بامهه بالكرسي
بهااللحظه مر عليه شريط مرضي ووصولي للموت بسسبب السحر ..
خليت هالشي ورايه لخاطر انمار
وحتى ماتكول متكبره نزلت لمستواهه سلمت عليهه شفت دمعتهه وكعت ماعرفتها ندم لو فرحه.
دخلو كعدو بالصاله
الاستقبال بي الزلم
كالت الحجيه .. حضرن ترى وره المشيه يعقدون.

خلصت المشيه اخذوني .. كعدت خلف الباب بنت خالي سوتلي كل التجهيزات رجليه بالمي فوك راسي ابيض مكتوب بي( انا فتحنا لك فتحا مبينا)
كلهن واكفات ع راسي يسوون الطقوس سمعت الشيخ يردد دموعي بللت ايدي منعزله عن العالم الخارجي بس وي الشيخ كال اذا قبلتي قولي نعم هنا حسيت راح يوكف كلبي من الفرحه من الخوف من الرهبه ماعرف شنو الشعور بقيت ساكته عادهه مره ثانيه امي واكفه يمي لزمتني حسيت بحرارة ايدها

كلت نعم بخنكه وكوه طلعت حتى صوتي مبين مو طبيعي.. سمعت الهلاهل وطشو جكليت
انوبه عقدله الشيخ
.. كومي بدلي حتى يلبسج الحلقه.
كمت .. سعادة مستحوذه عليه ممصدكه
انمار راح التقي بي بعد لحظات
اخر مره شفته باللاعظميه واخر مره مسك ايدي من كتله راح انخطب.
لبست فستان ماروني مخصر ع الجسم اني ضعفانه حته اعضام ركبتي مبينه نزلت شعري ومكياجي عدلته لان بجيت
شعوري ماينوصف بكلمات ..
رجعت كعدت ع التخم وزهراء يمي.
صاحت لمسره .. الصغيره لابسه بدله بيضه
كالتلهه هاي مرت عمو انمار حبيبته
دكولهه لا بس اني حبيبته اخذتها بوستهه
رجعت زهراء كلتلها هي هاي حبيبته
باوعتلي تكولي والله اذبحج بالسجين
ضحكت..
يسرى فتحت اغاني وظلن يركصن.
وصللهم خبر راح يجي
اشتعلت صوت الهلاهل وانخبصن
اااخ يمه تعالي الحكيلي راح اموت مااتحمل الفرحه شفته اجه وعينه مانزلهه عني لابس قاط اسود وقميص ابيض تقرب يمي اني واكفه ومدنكه راسي خجلانه حيل
لزمني من اكتافي قربني اله بقوه وباسني من راسي
همس باذني مبروك
كتله مبروك الك
كعدنه
يسرى فتحت اغنية حسام اليوم اجمل يوم بعمري اليوم احلى يوم.
كلماتها وصلت لاعماقي ..
شفت امه تباوعلنه وتبجي ماعرف دموعهه شنو. ايدي لازمها و ما عافهه.
الحجيه طلبت منهم ان نبقى لوحدنه ..
دخلونه بالغرفه
انسدت الباب اني ركضت حضنته وطرت رفعني ليفوك حاضنته وابجي بقينه دقايق واحد حاضن الثاني نزلني اخذني ورحنه كعدنه .. لزم ايدي مسح دموعي
كال لاحبيبتي هاي اني يمج.
.بتوسل كتله . لاتعوفني بعد عفيه .
باوعت . لعيونه انترست دموع
دنك باسني من ايدي كال الاسبوع الجاي زواجنه كتله ما الحك
..شعندج جنج ورد اني قابل تجيني بملابس البيت فدوه لكلبج ماكو تاخير تعبت ومانعرف شمضموم.

..هاهي ماشي ..
... لازم نروح لان طريق طويل وااشتري اي شي بنفسج بهاي الايام.
..ماشي حبيبي ..
سلمت علي وباسني من راسي وراح
رحت سلمت ع اهله امه باستني
كالت بنتي ابريني الذمه الله يسعدكم
كتلهه مبريه الذمه
راحو واني بوجهي للغرفه غسلت وبدلت وسجدت سجدة الشكر.
اجت يسرى كتلهه كرصيني خاف حلمانه
كالت ولج تعاي شوفي شكد جايبيلج مهر
نزلت لكيتهم يسولفون.
كعدت يمهم
علاء .. اكبر مشيه يمكن بالعراق شيوخ عليهه العتب حتى عباتهم من ذهب ههههه
ضياء... شفت هذا الشيخ ابوكرش ساعته ذهب وعباته ونافخ نفسه.
علاء... لك لو منزعههم العبايات مالاتهم وابيعهه الا اشتري بيت.
بابا ..صدك رفعة راس وعمه الشيخ كال اذا يوم سمعتو بيهه مامرتاحه لوصاير شي عليهه بسببنه هاي عكلنه نذبهه كدامكم.
امي ..وشدعوه هلكد فلوس.
بابا. ... اني ماحبيت احجي لان سوالف نسوان مال المهر بس ابو اصر كال هي اغلى من المال وشي قليل بحقهه.
صفنت ورحت بغير عالم
لهسه ممصدگه ...معقوله ربي هيج عوضني
سنين واني ادعي
الى ان نشرت القصه كل شي تغير وصرت من نصيبه اكيد دعوات المتابيعين الصادقه والنابعه من القلب كون اشوفهم ابوسهم وحده وحده.
رجعت خابرت انمار
كتله شنو رايده فلوس منك
انمار .. شكو مسره
.. ليش هلكد حتى الله ميقبل بغلاء المهر.
.. والله انحرجت من ابوي ماقبل.
.. زين ليش هيج ؟
.. ابويه يكول حتى يعرفون عمامهه الي رفضو شكد غاليه علينه.
..ماريدهم اشو ملابس وذهب عندي خير من الله.
.. هسه دخليهن اذا ماتصرفيهن هذا حقج ضمي يجي يوم وتحتاجي.
.. مدامك وياي ما احتاج شي انت عندي واني مكتفيه احس روحي مليانه
..يجوز ازوج الثانيه عاد يفيدنج
... ايباااه شحدك
..اني مقرر ازوج 4 وانتي تبقين الاولى.
عصبت عبالك صدك كتله دسويهه وشوف.
.. مثلا مثلا شسوين
.. احطلك سم واسمك وانت ونسوانك
ضحك كال تغارين
كتله .. لا
.. لعد هاي شيسموهه ؟
نرفزني كتله انماااااااار شنو هاي.
..ولج شو صايره ممتحملين.
.. ماحب اسمع هيج
.. لاتصدكين بحجي جان كدرت انساج كل هالسنين. وبقى يتغزل وسوالف صار سنين ماسامعتها .. كال مسرتي عرفتي شرط اهلج شنو ؟
.. ليش هم شرطو عليك ؟؟
.. اي و محد يدري بس خالج والشيخ مالتكم كايلين لابويه.
... نمري شكو خوفتني
.. يردون بيت وحدج وباسمج.

بوقتهه ضجت حيييل كتله شنو كل همهم الفلوس

..لا موهيج بس يضمنون مستقبلج.
.. وشكتلهم انت؟ ؟
.. قابل نخربهه ع بيت كنالهم ميخالف.
.. يله عود نجذب عليهم ونكلهم خلا باسمي.
..لاتحجين بالجذب.
.. شبيك داشاقه
.. خلي اشوف شلون تصفه اسمع من ابوج اذا هاي اخلي باسمج.
.. هواحنه نكعد وي اهلك لوحدنه ؟
..لا شسوي وي اهلي وحدنه بس اسبوع العرس يمهم لان اكوتعديلات بالبيت.
.. انمار اني خايفه من ايهاب.
.. ما اريد اخوفج بس نتوقع كولشي منه لان عديم غيره بس لاتخافين ماخذ حذر ونزوج بالفندق موبالبيت وثاني يوم نسوي غده بيت اهلي بس تحملي اسبوع بنفس غرفتنه القديمه بعدهه مقفوله بين ما اكمل البيت.
.. هوشبي نقص؟
.. مابي شي هو بناء جديد بس كاونتر ماكملان وغرفة النوم وصيت عليهه من كركوك عود توصل
.. ماشي وين ماجان بس المهم نتزوج.
.. اي والله ان شاء الله ما اقصر وياج ولاتصيرين فاهيه كملي غراضج كلهن اخذي اجازه وبعدين انقلج ببغداد.
.. يعني هالاسبوع نتزوج؟
.. اي مااريد تأخير ..
.. يمعود وين اللحك اجهز ..
.. معليه .. تعاااي بدشداشتج .. ..
يتبع ..

عصرت القصه الكم عصرر الاحدااث من قلب الحدث هذا اخر مااوصلني طبعاا .وهذا اخر ماحدث . وبعد مااعرف شي .. سبحان الي غير القصه وقلب موازينها
بقى بس الزوااج .. وان شاءالله الله يتمملهم ..
بس تتواصل وياي مسره انزل بارت .. اني هذه الاحداث ردت. كلها اسويهه ببارت واحد بعد ماتكمل ع ارض الواقع بس الحاحكم خو المسنجر ورسائل البيج والخاص مال الوات مينفتحن من كد الرسائل ع القصه 😂الصوره 👇😂

[فيتامين سي]

بارت 35
نورا ناصر.

سديته منه نزلت اركض جوه
شفت بابا بالهول كتله بابا ليش طالب يسجل بيت باسمي حتى فشلت منه شنو تقيموني بفلوس ؟!!

بابا تفاجا كال شنو بيت شنو هالحجي منين جبتي؟ ؟
حجيتله كل شي ..
حسيت عصب كال انتن اغلى ماعندي وتعرفن اني كل وحده مخليلهه حصه للمستقبل بس مال انزل من قدرج لابنتي لو ع ركبتي ما اسويهه.

.. اسم عليك بابا حبيبي
امي ملخت نفسها وكالت حتى ابن امي يطعني ولكم شسوينه لان زواجناهه للغريب ومانطيناهه لاولادكم.

بابا .. اهدأي يامره ..
امي .. شراح تسوي
.. راح اخابر ع الشيخ ..

اخذ تليفونه وراح بقينه اني وامي نسولف بالموضوع
رجع بابا
كال الشيخ هم متفاجئ ويكول خالها كال الهم طلب اهلهه.
امي... صدك تحجي الله بلانا بشلون اقارب ..
بابا .. انتظري لاتحكمين خلي اتصل باخوج وافتهم منه؟ ...
رجع خابر ع خالي وهم نكر يكوله عمامهه كالولي.
ماما ماتحملت خابرت ع اخوهه وتعاركت كالتلهم والله اذا مارفعتوا اديكم عن بيتي الا اروح للمحكمه واطالب بورث ابوي وابيعلكم الاكو والماكو مبين خاف خالي وبقى يتعذر.
ماما كالت لبابا خابر ابو انمار واتعذر منه.
خابره بابا وفهمه السالفه.
من سده كال تدرين شيخنه يكول الي ويا جايبهم الطريق كله يحجون ويكولن عمرنه ماشايفين هيج مشيه وهيج اصول عدهم ونعم ما اختاريتو بس عرفت قصد اخوتي رادوا ينزلون من قيمتي ويفشلوني.
اني عفتهم يسولفون وركضت اخابر سمر اول ما اتصلت جاوبتني.
كتلهه خلصت ولبست الحلقه.
رأسا سمعت الهلاهل ومووحده كومه وامهه تهلهل وباركتلي.
كتلهه انمار مصمم هذا الاسبوع العرس ومالحك.
... مسره اذا ماسكتي اجي اموتج شبيج عريانه اخذي الضروريات وازوجي وهناك اشتري ليش فاهيه متسرعه بكولشي ومن توصلين للزواج تصيرين فاهيه انتي ضامنه ابن عمج شيسوي ولج انمار كسرله رجله وتريدي يسكت والله اني مامطمئنه لايهاب.
.. لج سمر لاتخوفيني بروحي خايفه.
..مدامج خايفه استعجلي.
سديته منهه الفرحه جبيره ماتنوصف.
بس ايهاب مخوفني سكوته يخوف
مر الاسبوع كلمحة البصر بين التجهيزات وصالون وهوسة البيت
خابر انمار كال سوي يوم واحد حنه وعرس لان ماكدر اجيب اهلي مرتين.
كتله انتو هم تسوون هناك هوسه.
.. نسوي غدا طبعا واستأذنه من عمي كال براحتكم شوف حياتك بس اني كلتلهم بدون حفله هنا
عود اخذكم لمسره وسون حفله.
.. انمار خاف اموت منا للعرس
..تسكتين لو اعرف اسكتج بطريقتي.
..خايفه من ايهاب هذا حقير ومااعرف شنو المضموملي.
.. ماريد تكولين اخاف واني يمج اطمئني حبيبتي.

جان كلامه يطمني طلعت اشتري غراض
رحت للبديري حجزت 3 بدلات ووحده هديه منه

اختاريت بدلة العرس اوف وايت نفش اردانهه كيبور قررت مااسوي تسريحه عاليه اريد شي بسيط بس بعده الخوف متملكني اخاف يصير شي وماتكمل الفرحه انمار اكثر مني انشغل ويركض 24 ساعه راد يجهز البيت وما كدر لان الوقت قليل.
كال نزوج بغرفتنه هي بعدهه مقفوله وملابسج وكامله اسبوع ونرجع علما يكمل البيت واذا متحبين عادي اخذج ثاني يوم لتركيا
فرحت كلت حته اتجنب المشاكل وخاف وحده تسمعني كلمه موحلوه اروح لتركيا.
بعدها اكتشفت جوزاي منتهية مدته
ولازم اقدم وقدمت على جواز ووقت ماعندي
انمار كال مومشكله من يطلع نروح موالا بايام العرس.
كتله حلوه بايام العرس غير شهر عسل
انمار .. اني وياج كل ايامنا عسل اهم شي احنا سوه

كتله ياحبيبي ان شالله اعوضك عن كل لحظه الم.

... ان شالله ما اقصر وياج.
سديته منه اركض انظف بالبيت بين البيت بين التجهيز انهلكت يسرى تجي وياي بس حامل ونخاف عليهه كملت تنظيف وصعدت اريدل اخذ ملابس اسبح.
رحت جيكت تليفوني لكيت رساله من رقم غريب جريده مورساله كعدت اقره بيهه.
هاست مسره تحضرين مو فرحانه بعرسج ههههه والله الا ادمرج ومايرفلي جفن حقيره ساقطه الله اعلم شسويتي ويا وشغلطتي وماكدرتي تزوجين اله هو اني وياج لاخر يوم الا ادفعج الثمن ياخاينه تلعبين ع الولد وسويتي نفسج وفيه بالحب.

جانت هاي الرساله صاعقه ماعرفت شسوي بسرعه ردت ادوس مسح بس كلت خلي اخابر انمار دكيت جاوبني.
حجيتله ..
كال لاتمسحين الرساله ولاتحضري خلي يدز ولاتجاوبي.
.. ليش ؟
.. احسن سوي الي اكولج علي وكوليلي اول باول ولاتهتمين حبيبتي شي طبيعي ردة فعل ايهاب
و هالمره لاتسكتين وتضمين السالفه روحي لاهلج احجيلهم بسرعه.
كتله ماشي سديته منه ورحت لماما انطيتهه الرساله لطمت ع صدره
..عزا بعينج يامسره ولج حضج بيا طينه لازك
جيبي اشوفهه لابوج
راحت شوفتهه لبابا صار عصبي
كال ياربي شنو هالبلوه اخوان لو ثعابين.
ماما كالتله خابر اخوك وكفهم عد حدهم.
.. راح يكلج منو يكول ايهاب هذا رقم غريب وايهاب ورا مشية مسره سافر لايران وماموجود ادعي يامره الله يعديهه ع خير.
شفت الحيره والخوف بعيونهم.
خفت وصعدت فوك .. واني افكر ..
دقايق و صاحني بابا.
نزلت كعدت يمه
كال بنتي الاتسوين هوسه خلي ياخذج بسكوت حتى محد يدري.
امي .. شتحجي مسره الي ضيعت شبابهه علمود انمار ماتريدهه تفرح وتلبس حالهه حال البنات وتتباهه كدام الناس لا حجي روح احجي للشيخ حتى اذا صار شي لاسامح الله مويكولون ماحجيتو.

رجع بابا خابر الشيخ وسولفله.
كاله راح اخابر عمامهه واحذرهم واني اجي يوم الزفه اوكف لان فشله من عمه شيخ عشيرتهم.

بقيت خايفه فرحه ممزوجه بخوف وقلق وتفكير خاف يصير شي ع انمار دعيت ربي خلي اموت اني ولا تفجعني بي.
قلق وترقب وخوف وبأي لحظه متوقعه يصير شي.

قبل العرس بيوم اجتني سمر هي واهلهه من الصبح حبيبتي عبالك زواجهه الفرحه مالامتهه حضرت غراضي والجنط كومه.
طلعنا اني وسمر وخالتي نفتر بمجمع اسطنبول دك تليفوني.
فتحته يسرى كالت وينج ارجعي عاد البيت هوسه.

كتلهه ليش منو اجه بعد؟
.. خالاتي وبناتهم وبنات خالي كلهه تبات يمنه ومقرررات يسولج حفله بالليل يله كافي تفرفر.
.. يلا راجعين بس اكمل كم شغله.
سديته منها كملنه مسواك ورجعنه.
لكيت البيت هوسه خالاتي اول ماطبيت الهلاهل توصل للشارع وبناتهم.
احس الكل فرحان ع فرحي امي اشوفهه فرحانه وكلساع تبوسني بسرعه بدلت ونزلت اريد اسوي عشا وي امي
ماخلني كالن عروس روحي اكعدي.
صعدت بغرفتي اخذت ملابس ورحت اسبح
كملت نزلت تعشيت.
بعد العشا كالن يله خلي نسوي حفله صغيره صعدت بدلت ولبست بدله لونهه بصلي وشعري رفعته شوي
ومكياج .. نزلت جوخ
ضياء جايب ديجي وبدت الحفله بس خالاتي وبناتهن وخوالي.
واهل سمر واجن جيرانه.
عمامي ولا واحد منهم اجه.
تونست حيل حتى ركصت وي سمر.
ماما كالت كافي اتعبين روحج
روحي حضري غراضج لاتنسين شي.
اخذت كلام امي ..
صعدنا اني وسمر حضرت جنطة الفندق خليت الملابس الي احتاجهه ومكياج وعطر وغسول للفندق نرتب ونسولف وناخذ صور.
جنه كاعدين وفاتحين الجنطه ونرتب
كتلهه سمر خايفه
.. لج لالتخافين هي مثل الابره وغمزتلي.
.. ضربتهه ع ايدهه كتلهه ولج وين راح بالج اقصد من ايهاب خايفه.
.. هاعيني متخافين من نمر مو؟؟
.. ولج ضبي السانج شنو ياكل نمر؟
..اي باجر يفترسج يطلع قهر 7 سنين.
خجلتني ابتسمت.
كالت خطيه باجر تجين تزحفين.
.. ولج ليش متسكين خجلتيني.
كرصتني من خدودي.
كالت فديت الخجول باجر يامسرتي صيري جريئه وخلي ماينسه هذا اليوم ابد.
.. ولج عبالك هسه اعرفه اشو استحي.
.. ولي ولي صيري سباعيه وخلصي الليله دلع ولاتفكرين بالخوف ونمرج سبع يغمرج بالحنان.

شافتني مبتسمه كامت من كدامي واجت كعدت بصفي بحركه سريعه.
كالت لج مسيران هم حجيتو ع هذا اليوم. ؟
جريتهه من اذنهه كتله اشو صايره متستحين؟
.. لج عوفي اذني الله يرحم ايام زمان حتى البوسه تسولفيلي عنها اي عيني اي عود هاي اني سمر.
.. لج مصخمه الاتعرفين كولشي.
.. لعد شلون اصلا اني تخايلتكم ليكدام.
ضحكت كتلهه عزا بعينج.
.. دكوليلي سولفتو ؟
.. لا
.. كذابه ما اصدكج البارحه لنص الليل تخابرين بي شخلصتوهه مثلا يعلمج اصول الدين؟
.. لج سوالف عاديه بس كتله خايفه اني قصدي ع ايهاب وكالي لاحبيبتي لتخافين ثقي بيه.

.. بس ماكالج غير شي.
.. ولج وتالي وياج كالي اشتريتلج سيت نوم ماروني غامق وتلبسي باول ليله كتله ما البسه كال موبكيفج البسجيا كوه.
.. اي عيني ماروني ماروني ولج مسره اذا مالبستي وادلعتي اموتج هذا اليوم الي تنتظري بفارغ الصبر
دانحجي دك تليفوني اخذته شفته انمار جاوبته
كتله هاحبيبي
.. هلا حبيبتي شلونج؟
.. اني زينه شدسوي
..رحت جبت مي وبيبسي واجيت وانتي شدسوين؟

.. احضر بغراضي وحضرت جنطو الفندق.
...مممممممم شخليتي بيهه ؟
.. قاط اجي بي ثاني يوم ومكياج وغسول ومال صلاه.
.. بس؟؟!
.. لعد شكو؟؟
.. متاكده ؟؟
.. ايي.
.. يله بعد احسن حتى تبقين بدون ملابس يكتلج البرد الفندق بارد.
.. لا خليت اتراك حتى البسه.
.. شنو عيدي ؟
.. تراك
.. عود البسي الا اشكه ع راسج ولج تريدين تجلطيني 7 سنين انتظرج وتجيني لابسه تراك
.. لعد خوما اضل لابسه سيت نوم مو اريد انام.

.. تنامين ؟؟لج مسره هذا اليوم مويوم عادي للصبح ابقيج.
.. اصلا تعبانه من هسه ويجوز بسياره انام.
.. هاي الاعذار ماتشفعلج والله حالف اخليج للصبح

ياشجاك ماشايف ..؟
.. اي لعد وين شايف بس تفكيرج بذيء موقصدت غير شي بس نبقه سهرانين.
.. لا موقصدي.
ك.. لاهاهي ولايهمج تريدين ابقى للصبح نبقى شورانه يبووو خجلني
كتله انمار خجلتني.
.. فديتهه بنيتي روحي نامي يله وراج تعب موتجيني مابيه حيل.
ضحكت اني كتله واذا كتلك مابيه حيل وكولشي ماحصلت
كال لا عاد هنا يطلع النمر الي بداخلي مو انمار من صدك اجبرج
يمه من كال هيج شهكت وسديته كلبي يدك سريع ورا شوي اجتني رساله منه كاتب حبيبتي روحي نامي وارتاحي عود افكر منا لباجر اسويهه لولا احبج.

ثاني يوم ماما كعدتني من الساعه 8.
كوه كعدت مااكدر تعبانه حيل
كالت كومي امي ماتلحكين اسبحي وروحي للصالون.
كمت اتريكت وسبحت وحضرت غراضي صارت ساعه 10
اخذنه علاء بسيارتنه اني وسمر وبنت خالي.
يسرى متكدر الحمل متعبها
رحت لصالون حواء شغله حلو صديقتي سوت عدهم وعجبني اتفقت وياهه تسريحه بسيطه تعوف شعري مفتوح وتسوي بف من فوك ونازل ع اكتافي ومكياج بسيط ونازك ما اريد هوسه
كعدت انتظر دوري كالت افتحي شعرج حته يجف
فتحته اني وسمر كاعدين نسولف ع الترتيبات مال القاعه عزمت صديقاتي الموضفات وكالن نلبس نفس االلون سمر رادت تلبس وياهن ماقبلت كلتلهه انتي مميزه.
الاغاني حضرتهه سمر انمار ماخابرته ابد بس واني هناك.. دزلي رساله صباح الخير.
ملحكت ارد .. تحجي وياي سمر واني كلبي يدك الف رغم الهوسه والتعب بس شعوري لايوصف.
خابرتني زهراء كالت شلونهه عروستنه.
.. زهراء الفرحه ماتوصف لج ممصدگه.
.. حبيبتي تستاهلين كل خير لوتشوفين هنا فرحة عماته و الحجيه حتى بجي بجت تكول شوفو فرحة نمر شلونهه.
.. عليج الله زهراء كوليلي فرحان هو؟
.. يولي الضحكه مافاركته وعمي ماخله بشر ماعزمه واخو الشيخ يمكن عازمين نص العراق لويهجمون ع الخضراء يفلشوهه.
.. ضحكت كتلهه حضرتو نفسكم ؟
.. اني كلساع ابدل وياج وكلهن حضرن ومخبوصين.
..كلكم تجون ؟
.. اي بنات عمه وخواله وخالاته بس اهل وفاء مايجون.. عمه ابو وفاء دز 4 طليان كال اذبحوهن ع رجل العروس من عندي. يله ولج روحي هسه تجين وتشبعين مني .
سديته منهاا

صار دوري جنت لابسه بنطرون وفوكا قميص شيفون بصلي بدت ام الصالون وسمر حبيبتي تباوعلي واشوف الدمعه بعينهه.
ظليت احاجي نفسي اااوف لج مسره حلمج تحقق وكعدتي هاي الكعده تشتغل بيه ام الصالون و
انعاد شريط حياتي من اول مالتقيت بنمر وشكد عانيت ولحد هاي اللحظه يستاهل التعب ويستاهل انتظره كل هاي السنين اروح فدوه لحبيبي الي وفه بوعده.
بعد ماكملتني ام الصالون
دارت وجهي بأصابعها تأملتني للحظات
كالتلي ماشاء الله تخبلين.
كتلهه تسلمين.
اجت سمر اخذتلي شكم صوره بكاميرا خاصه عندي

كالت تعالي البسي البدله.
رحت للغرفه لبست اول وحده ماروني ونفش حيل ولبست طقم الماس ناعم وحجل ذهب برجلي هدية ماما.
باوعت لنفسي بالمرايه التاج ع راسي اليوم انزف اميرة لحبيبي بعد اكو اعظم من هاي الفرحه.
حاجيت مسره انتي خاف بحلم طويل.
ع صفنتي سمعت النليفون
طلعته باوعت للشاشه هي ماما.
رديت عليهاا
كالت وينج امي اجو اهل العريس وانتي ماكو؟
كلتلهه هياتني اجيت.
علاء واكف بالباب اول ماطلعت شافني.
كام يصوفر كال شنو هاي ياحلو.
ضحكت بوسني من راسي صعدت بالسياره..

اول ماوصلت للقاعه بوجهي لغرفة الاستراحه تلكتني ماما ويسرى بوسني.
وكالن ماشاء الله العين بارده عليج.
ماما حبيبتي مسويتلي لفه كالت الا تاكليهه يله اطلعين لايصير عندج هبوط.
اكلتها كملت وتحضرت للطلعه اجتني ماما مره ثانيه خلت ايدهه بايدي وسمر ويسرى من الجهه الثانيه داخلي يردد الحمدلله والشكر قريت ايات ودخلت اول ماخليت رجلي اجتني صوت الهلاهل والصلوات وجوكليت وورد والاغاني ارتفعت جانت الاغنيه
امشي بهداوة ياحلو دربك خطر
خوفي عالخصرك لا تميل وينكسر
فرحتي عظيمه احس غشاوه بعيوني من كدما جمعت الدموع. صوت بداخلي مسره لاتبجين مووكتهه وصلت للكوشه والهلاهل تزداد كعدت وعدلتهه سمر بدت تاخذلي صور ولقطات مصورة القاعه.

اجو اهله سلمو عليه وحده وحده اخواته قسم فرحانات ونص كوه يسلمن من ضمنهن ريام معبسه جانت الفرحه اكثر شي واضحه ع زهراء وريما ولينا الزغيره اجتي الحجيه بوستني كالت ماشاء الله وين راح نخبيج من ياعين.

خالاتي كالعاده سلامهن من ورا خشمهن ويتفيكن ومغرورات لان متمكنات بس عماته بسيطات وهلهلن ومبينات فرحانات كالن تعذرينه منكدر نركص نستحي من اخونه.
كتلهه لاجيتكم كافيه شفت امه رنا يدفعون بيهه بالكرسي بنص الممر تريد توصل تسلم عليه وصلت للكوشه مايصعد الكرسي لان درجات وعالي
صارت بعيني انمار مو امه الي وصلتني للموت.
نزلت اني وبدلتي لجوه .. بوستها ..
بهاللحظه وكف بعيني انمار ردت ارفع راسه
كدام الكل مجان يهمني شي ..
ظلت تبجي ..
كالت الله يهنيج ويرضا عليج بالخير عليج.
كتلهه شكرا خاله.
لزمت بدلتي و رجعت لمكاني واحس بشعور غريب ماعرف خوف ارتباك احس راح يصير شي ياربي عديهه ع خير احس الانظار كلهه علي صديقاتي لابسات كولهن فساتين وردي قصيره وسمر لبست بدله طويله مخصره شذري كولش حلو يسرى حامل لابسه بدله اسود ورصاصي وبطنهه شكبرهه.
بدأت الحفله وام القاعه مرحه شعلت الجو والركص يخبل صديقاتي وبنات خالي وزهراء وسمر موتن نفسهن من الركص ذببن لحم.
اهله كلهم كاعدين ولاوحده تحركت كانما غربه بس يباوعن وكل اثنين يشاورن سوه مسوين احزاب عوائل عمامي وعماتي بجهه ونظرات الحقد باينه بعيونهم واهل انمار بجهه بس خالاتي مشاركاتني الفرحه وام سمر تفتر وي امي توزع وتستقبل بالضيوف ونعم الصديقه اهل اعتبرتهم.
كمت بدلت البدله الثانيه جانت زيتوني روعه اول وحده البسهه اني ما انكر الكل تعجب بيهن لان بدلات البديري حلوات كومني اركص على اغنية دالي اريده اريده رجعت لمكاني طبعا الاغاني من تحضير سمر وانطتهن لام القاعه بعدهه لبست بدله مونفش طويلهه بيهه ذيل وبدون قيود وقصة الصدر تفاحه مخصره ع جسمي هاي اشتريتهه لونهه بنفسجي اخذت صور كالو استراحه للاكل انفتحت اغنية
خيروني ابن العم خيروني ابن الخال ضحكت ع سوالف سمر تمنيت وحده من اخوات انمار تكوم تركص تاخذ صوره وياي بس زهراء ولاوحده تحركت عبالك غريبات بس ماردت اضوج نفسي بهذا اليوم خلصت الاستراحه لبست بدله مونفش حيل وبدون قيود وردي صحت ماما اخذنه صور اني ويسرى
كالت البسي بدلة العرس يله رحت لبستهه خلتلي سمر البركع وزهراء عدلت شعري سمعت ام القاعه كالت تحضرو لاستقبال العروس اول مادخلت ماما تمشي وياي نفس الشي هلاهل بس من خالاتي وعمات العريس خالاته حتى ماكامن بقن كاعدات وشفت وحده تهز بايدهه كعدت ع الكوشه واخذ صور ورا ربع ساعه كالو اجت الزفه بس سمعت هاي الكلمه رجفت رجليه انمار ماحجيت ويا طول اليوم سمر يمي تهديني كالو سوو مجال راح يدخل ياويلي
كلهن كامن اخواته راحن تلگنه بالباب و يهلهلن مادري شعجب.
دكات كلبي الف اديه ترعش.
وزهراء من يمي تهوسله
دخل انمار تلگته نظراتي من بعيد ..
شفته تقرب بخطواته عليه كمت من مكاني اريد اركض احضنه عينه مانزلت ابد يباوعلي لحد ما تقرب وصار قريب علي لزم ايديه وباسني من راسي.
يباوعلي بنهم. گال شنو هالجمال ارحميني اليوم.
ابتسمت .. حس ع رجفة اديه وشفايفي كعدنه.
كال اهدئي حبيبتي انتي ملكي هسه هاي اني يمج.
تنفست الصعداء .. مو مصدگه الي اني بي.
حلم علم.
انفتحت اغنية حسام اليوم اجمل يوم بعمري اليوم اجمل يوم
اليوم اغلى انسان بحضني اليوم احلى يوم
بكدالحب البينه وبيني بكد الشوك التارس عيني
كلمة احبك متكفيني والحب يكبر دوم
واني لازمه ايده ويهمسلي حبيبتي عمري اليوم اجمل يوم اني خجلانه لان اشوف الكل يباوعلنه دك تليفونه ماهر مادري شكاله بس شفت ملامحه تغيرت كال يله حبيبتي هوبس كال يله متت رجليه سعفه صارت اجن عماته يمه كامن يهوسن واحسهن بحركه يهوسن لان ماعجبهن الوضع صارت مثل المنافسه خالاته وعماته ماعرف ليش فجاه ثارن وصوت الهلاهل عاليه وخالاته يهوسن
معدل والله معدل كل القوط تلوك علي
هاي الرادهه وهاي التمناهه بنت الشيخ لابن الشيخ جبناهه ومن هوسات عماته
هوالشافهه وهو انعجب بيهه وهو الكال لامه روحي خطبيهه
الحاكم كال هذا العرس منين عمامه شيوخ واهل امه السلاطين بهاي الهوسه واحس الفرحه غامرتني اجت اخته ريما صعدت يمنه وتهوس
ادلل خويه ادلل فوك الميه انحط ميتين
واخونه خوش اخو يستاهل الهوسه اخواتهه الكبار وياهه يهلهلن
والحجيه بيبته كامت وتقربت يمه تهوس
وين دورهه ولكاهه فصوص روبه ياكفاهه
واخذنه شمعه بيتكم والفوس متفيدكم
ونشكر من عمهه وابوهه نشكر من كال اخذوهه
وزهراء الحلوه هم ذبتلهه هوسه لاركص حيل واكسر الكاشيه الله وياج ايام العزوبيه.
حسيتهه صارت مثل المنافسه منو اقوى هوسه بس جانت اقواهن عمته الجبيره لزمت مايك الديجي وكالت
والشيعه وانطو مره والشامت يرجع ليوره.
صدك ضحكت.
وام انمار وهي ع الكرسي هم ذبتلهه هوسه امبارك عرسك يوليدي.
كالهن كافي ماتشبعن يله تره ورانه طريق.
اجت امي وعيونها مليانه دموع
تقربت من انمار لزمته من عكسه.
صوت الخبصه البقاعه عالي
تحجي ميسمعها هو طويل وهي اقصر
دنگ الها همست بأذنه
كالتله انطيتك قطعه مني ديربالك عليهه
كالهه لاتوصين خاله بعيوني.
حضنتني امي وبجت اني اريدلي حجه بسرعه بجيت كالو راح يخرب مكياجج.
كال لازم نروح ورانه طريق وتصوير.
لبست وخليت ايدي بايده وطلعنه وصلنه لباب القاعه ماهر تقرب شاور انمار ماعرف شكو السيياره اباب القاعه الهلاهل والجكوليت وضربوا صعادات صعدني انمار بالصدر لان هو يسوق وهو افتر يسلم ع اهلي واجه يمي بس مو ع بعضه ملامحه تغيرت فجاه ومن صعد اشر لماهر بيده ماعرف شكو بس تحركت السياره شوي دك تليفونه سمعته كال ماشي خليكم بحذر كتله انمار شكو جر ايدي باسهه كال ماكوشي حبيبتي بس ملامحه تحجي غير شي اجه ابالي ايهاب شناوي وليش هيج اخذوا حذر واشاوره ماهر؟
يتبع ..

[فيتامين سي]

الاخير
نورا ناصر

ابتعدت السياره وماهر يمشي بصفنه وحده
التفت عليه كالي حبيبتي شجاج ليش ايدج ترجف.

كتله خاف يطلع حلم.
ضحك كال هسه من نوصل اخليج تتاكدين حلم لولا
باوع للطريق ورجع باوعلي .. كال شطالعه تخبلين عيني بارده عليج ربي يحفظج
جر ايدي باسهه.
ظليت متمسكه بيده حيل وهو يحس برجفتهه وكلساع يهديني.
اكو شعور بداخلي يكول راح يصير شي ربي عديهه ع خير.
كتله انمار اني خايفه.
.. منين خايفه حبيبتي ..
...خاف يصير شي
... لاتخافين ابعدي عنج هاي الافكار.
شكد حاول يطمني بس اني كلبي مثل النار تذكرت تليفوني.
كتله انمار نسيت تليفوني.
كال لا يسرى انطتنيا هذا بجيبي تريدي؟
.. اي جيبه اريد اخذ صور.
انطانيا اخذنه صور ورجعته اله لان ماشيله جنطه بس المسكه.
سياقته هادئه وماهر بصفنه ماخله سياره تمشي ويانه حتى لايصير شي فجاه انمار خفف بالسياقه وماهر ورا ياشرله.
ثواني وسمعت صوت طلقات قريبه حيل علينه عبالي يضربون بالزفه.
وكف السياره انمار وجر المسدس مالته من السياره لزمت ايده.
كتله انمار شكو لاتنزل.
كال لاتخافين حبيبتي بس اشوف شكو
.. انمار شسوي بالمسدس وانت عريس ؟
دموعي كامت تنزل شلال ظليت ابجي.
كال لاتبجين ماعليه شي والله بس اشوف شكو عافني ونزل
واني متت خوف اجتني تركض ريما وعمتهه وزهراء كتلهن شكو شصار.
كالن ماندري اشو اخوتي نزلو يركضون.

اني اذكرت تهديد ايهاب زدت بالبجي.
كتلهه ريما صيحي انمار خلي يرجع.
.. متشوفين شلون هوسه والزفه وكفت.

ظليت ادعي ياربي ساعدني.
اردد ايات بكلبي ربي احفظ انمار.
وين حظج مسره امي تعاليلي شوفي حتى بزفتي ماتهنيت.
بعدهن يهدن بيه اجا انمار شافني ابجي
كال ليش تبجين قابل شكو.
ماحاجيته
انمار ... ريما روحن صعدن بسرعه وبوجهج للبيت راحن البنات
حرك السياره
درت وجهي.
كال زعلتي عليه ؟
كتله اكو عريس مسدسه بيده ويعوف عروسته.
.. لعد غير اعرف منو هذا الي جابنه من القاعه لهنا يمشي ورانه.
.. شكو غير ايهاب لوكاتليك هسه؟
.....ضحك كال دومج متشائمه ابد ماعندج تفائل.

بقيت زعلانه وماارد عليه.
كال فلي عاد مسره كولشي ماصار.
كتله والهبطه شكبرهه حتى بعد ما اخلف
ضحك كال لا باول اسبوع تصيرين حامل.

بقيت كالبه وجهي علي وهو يحاول يغير الجو.
واني قافله ..
كال ولج مسره كافي عاد لومانتلاحك نفسنه جان رمه ع سيارتنه.
شهكت وضربت صدري جر ايدي من صدري

كال ولج شكم مره كايلج لاتضربينه هيج.
... يمه منو هذا؟؟
.. مادري ماهر مراقبه من القاعه يمشي ورانه وهو رمه طلقتين عود لان عرس وتضيع.
... ولزمتو ؟
.. اي هم 2 بسياره يكولون عدنه زفه وتيهناهه عبالنه انتم بس اني واحد منهم اعتقد نفسه الي رمه عليه وصوبني اعرف بوقتهه تصوبت بسبب ايهاب بس ماحجيت حته لاتصير عداوه بيناتنه وانوب يامستوره انستري.
...جان صارت ثارات مو؟
... اي واخذج فصليه.

ضحكت كتله مثل القصص يكتلهه وبعدين يحبهه.
ضحك ..كتله انتو متاكدين يمشون ورانه من القاعه

... ولج اي ماهر متاكد منهم ... من الحله يمشون ويانه.
.. زين وين وديتوهم؟
.. اخذوهم رجال عمي الشيخ يفتهمون منهم خلي نتاكد منو دزهم لان ارتبكو ومبينين جذابين.

... انمار خلي نروح للبيت مو للفندق.
ضحك كال ياربي شكد جبانه بنتي كولشي ماكو لاتضيعين هذا اليوم بالخوف والقلق هاي راح نوصل للاستوديو.
..ماريد تصوير نصور بكاميرتنه خلي نروح للفندق اخاف.
وبجيت تخيلت ايهاب واكفلي بالباب ويكتلنه.

كالي حبيبتي لاتزعليني منج احلى يوم هذا ننتظره صار7 سنين اروحلج فدوه كافي بجي اعرف حجم الاذيه الي بداخلج والخوف من ايهاب بس والله اعوضج عن كل لحظة الم ومدامني موجود لو ع ركبتي ماخلي واحد يدوسلج طرف كافي مكياجج خرب ورانه تصوير.

.. اي راح اسكت بس اني اشهك.

وصلنه للتصوير نزل سلم ع الناس بالزفه ورجعهم نزلني وسمر وزهراء وياي اهله ماشفت واحد منهم عدلت مكياجي لان خرب شوي.

اجت المصوره كملنه تصوير وطلعنه للفندق حاجز سويت كامل كلش حلو نظام تركي دخلني جوا.
كال بس اجيب الوصل واجي.
بقن زهراء وسمر يمي تحسرت ع اهلي محد اجه منهم يسرى رجلهه ماقبل ولاخاله ولاعمه ضجت حيل هو راح يسلم ع ابو وماهر.
زهراء كالتلي هاي احلى ليله لاتخلصيهه بجي تونسي مومثلي انهزمت بصف الكنتور ههههه.

علكن ملابسي بالكنتور والاكل خلنه بالثلاجه لان امي مسويه اشكال الاكل.
طلعن ودخل انمار سمعت صوت الباب مال السويت انقفل رجليه ترجف شجاج مسره موهذا اليوم الي تنتظري موهذا اليوم الي بجيتي علي موهذا انمار الي انتظرتي كل هاي السنين لج مسره تحقق حلمج وانتي وانمار وحدكم احاول اشجع نفسي واسمع خطواته تقترب واني واكف ومدنكه راسي واحس كلشي بيه ينتفض مدري فرحه مدري خوف مدري ارتباك
تقرب عليه اني واكفه قريبه ع الباب حضني حييييل كال بحزم .. اذا بجيتي اعوفج واطلع كافي مسره رجاءا
اني عيوني مدمعه رفع وجهي قربه اله
كال هاي صرتي الي بعد عليمن هالدموع.
رفع خصله من شعري باسني بخدي هدأت خله ايده ع خصري وقربني علي وباسني من شفايفي رجعني ليوره ولزمني من وجهي.
كال انسي كولشي خلينه اني وياج بعالمنه لاتخربين هاي الليله بافكارج انتي مرتي هسه.
هزيتله راسي وعيني مدمعه بس اخاف ابجي

كال شوف ياربي ادري هالعيون عليمن متروسات دموع شحدهه هاي الدمعه تنزل الا اعاقبج اذا نزلت ضحكت من ضحكت وكعت دمعتي ضحك وشالني مثل الطفله واديه ملفوفه ع ركبته.
كال جنت ع نفسها براقش.
دفنت راسي بركبته وبسته كتله انت حباب وتحبني ماتزعلني.
نزلني ع جربايه وصار بصفي ورجلي بالكاع واحنه بعدني بالبدله.
كال اي حباب وي الكل بس وياج لا واحبج اني حيل.

خجلانه خدودي صارن نار واستحي اباوع بعيونه ولاعبالك هذا انمار مدري شجاني كرصني من خدي كال شوفي لاتسوين اغرائات ترى مشتعله عشيرتي.

ضحكت.
كتله خلي اروح اسبح لان متت حر.
كال يله كومي بسته من خده وكمت.
كتله اريد ابدل انتظرني برا
...شنو عيدي وضحك بده يتقرب لمن صار ضهري ع الكنتور واني بيدي سيت النوم.
كتله والله استحي.
.. انتي اليوم يرادلج كتله.
فرني ليوره وفتح السحاب حسيت اصابعه تمشي ع ضهري وباسني من ركبتي ولفني بحضنه.

رحت سبحت ولبست سيت نوم اوف وايت ماخليت مي ينزل ع شعري بقه نفس التسريحه بس رفعته وطلعت.
اول ماطلعت هوجان مدد ع جربايه ومبدل
كال نعيما
..الله ينعم عليك حبيبي.
تقرب عليه جرني علي حسيت بانفاسه قريبه حيل وصلت لاعماقي كتله انمار مامستعده خليهه بعدين.

ولاعبالك حجيت ولا جنه يسمعني
بسرعه باسني بوسه قويه بادلته واخذني لجربايه ايده تفتر ع طول جسمي ماحسيت بنفسي رحت بعالم ثاني وماعرف شكد مر وقت بس همس يم اذني كال ها هسه مستعده ؟
اني مغمضه هزيتله راسي بمعنى اي وووو....
جرني ع صدره باسني من راسي.
كالي مبروك حبيبتي.
ماكدرت احجي لحظة فرح لاتوصف واخيرا مرتك صرت الله عوضني كل هذا العذاب بقيت ساكنه بحضنه وقت طويل هدوء مخيم ع الغرفه ماعرف شنو ابال انمار هسه.
كتله حبيبي بشنو تفكر اندار عليه وايده ع فخذي كال اثرهه بعده بفخذج ماريدهه تبقه بكلبج تذكرت الجويه عرفته لان شافهه خليت ايدي ع ركبته
كتله حبك نسانيهه بس موتسويهه مره ثانيه.
باسني من راسي.

كال اعتذرتلج قبل وهسه هم اعتذرلج بوسته
يله كومي نسبح ونصلي ونتعشه.
... مابيه حيل

.. اسويلج حيل؟؟
... لا لا عفيه.
.. لعد كومي

سبحنه وصلينه شعوري ماينوصف هو مكتف ادي سني واني باسطه اديه شيعيه بعد ماكملنه سجدت سجدة الشكر على هاي النعمه الي بيهه.

كملنه كال راح اخابر يجيبونه عشا من جوا

..لا ماما سوتلي كولشي.
.. ليش حبيبتي تعبتيهه هذا المطعم جوا ونوصي.

.. اني تتخربط معدتي اذا اكلت من برا انت هسه روح بالغرفه ولاتطلع خلي اكمل تحضيرات

.. ليش ؟
دفعته من ضهره كتله اكعد من اكمل تعال
..دخليني اباوعلج بس ..
..ابد ماعرف اشتغل.
.. ماشي.
طلع ..حضرت الميز شموع ام العطر وسيت شمع داير مداير الميز ع شكل قلب وخليت الاكل الميز كلش حلو صار والجو رومانسي باوعت لنفسي لابسه تراك لان سبحت اريد ابدل واعدل شعري شلون واذا طلع تخرب المفاجئه رحت للغرفه.
شافني كال ها ماالله سهل.
.. لاتتطلع تخرب المفاجئه بس خلي ابدل.
.. لا عليمن البسي دشداشه لوكايلتلي اجيبلج جبه بنيتي شعندج طويل ومستور البسي.

ضحكت كتله غير علمود الصلاة
.. لادورين حجج موكملنه صلاة بس خليج هيج الا اشكه حتى توبين ماتلبسي بالغرفه يمي.
.. هسه اصبر وشوف.
هويحجي واني اسوي بشعري ويباوعلي
كال وهسه كتلني الجوع.
...بس ابدل واجي.

رحت للحمام بدلت فستان قصير لونه فضي جهه بدون قيود وجهه كلهه ورد طويل وبي فتحه فوك الركبه عدلت شعري ومكياج خفيف وطلعت

شافني وكف وبقه يباوعلي من فوك ليجوه كصني كص وبده يتقرب علي.
كتله الاكل راح يبرد كال ماريد اكل انتي احسن وجبه ورفع شعري ليوره وباسني من كتفي.
كتله يله نمري خلي نتعشه حسيته رايح بعالم ثاني كال ماريد تعاي اتعشه بيج لزمته من تشيرته واني قصيره كتله بس اني جوعانه
... تعال بويه شوف حال ابنك لج دخيل ربج انتي واجتني البوسه ع شفايفي فجاه.

كعدنه تعشينه لحظه من العمر من كملنه.
كال تعالي تقربي
تقربت
كالي غمضي
غمضت رفع شعري وحسيته يلبسني كلاده
كتله افتح؟
باسني من عيوني كال فتحي شفتهه كلاده ذهب كولش حلو اسمي واسمه وفد تصميم خرافي كولش عجبتني بسرعه حضنته وبسته من خده
كتله تسلملي حبيب قلبي
كال انت تدللين
تليفوناته مغلقه.
كال الصبح نفتحهه تذكرت الماروني الكالي علي شو ماشفته وينه كتله وينه
ضحك كال ماجبته
.. ليش ؟؟
..اني اكولج ليش لان خفت عليج اول يوم وميصير خاف تتاذين واني ما اضمن شراح يصير من تلبسي بالبيت تعوضيني.
ضحكت كتله لازم لهدرجه فاضح
كال لا بي اردان وبجامه جوا وحته بدي.

ضحكت كتله صدك ؟؟
..اني عليمن متعب نفسي واشتري اي شي كدامي اشكه واخلص.
.. يمه شجاك متحلف بيه.
كال والله خطيه انتي شراح يخلصج مني

ثاني يوم حسيت بوساته ع وجهي.

فتحت عيوني كتله صباح الخير حبيي.
.. ياهلا بهالصباح صباح النور حبيبتي.
رفعت نفسي وبسته من كصته.
سحبني وصرت فوكا.
كتله عوفني خلي انكوم نحظر نرجع
.. شوي ونكوم
.. اخاف اواجه الناس.
.. وشمسوين وتخافين ماحب تكونين ضعيفه اريدج سباعيه ترى ينوكل حقج.
هويحجي واني احرك اصبعي ع صدره همس يم اذني مسرتي ليش تثيرين الشيطان البداخلي
رفعت نفسي كتله يجوز اختنكت مني ثكيله.

.. منيلج بس جلد و عظم اسمني شوي منين ما الزمج بس عظم لحمه ماكو.

بعدنه دنحجي دك تليفونه
اخذه كال هذا ماهر جاوبه
باركله كاله ماشي راح نجي.
من سده اني مخليه راسي ع صدره.
كال يله كومي حبيبه خلي نروح يكول غدا وناس هواي تعال من وقت.

كمنه سبحنه وماتريكنه ماما مخليتنه كيك اكلنه كل واحد شوي لان مانشتهي بدلت لبست قاط بنطرون وستره طويله ومكياج خفيف ولبست ذهبي انمار هم بدل لبس بنطرون نيلي وقميص مقفل بازرك خليت ملابسنه بالجنطه دا اعدل بالستره مالته اريد اخليهه بالجنطه وكع منهه شيت حب
نزلت للكاع اخذته قريته حب ضغط كولش ضجت ياحبيبي
كتله نمري اخذت حبايتك كال اي شاف نظرتي تقربلي كال مدامج يمي انوب اخذ 2 بليوم
كتله ليش
.. لان حلاوتج ترفع الضغط..
بوسته ..
اجه يمي ع المرايه يمشط بشعره واني كاعده حضني وباسني.
كال كملتي
.. يلله كملت
.. يله نطلع اخذت غراضي وطلعنه بالطريق
كتله انمار استحي شلون راح ادخل وحدي.
.. اني وصيت زهراء ماتعوفج.

كتله اوك ..بس اني حيل مرتبكه اليوم غدا يعني كلهه موجوده حتى اكو ناس ما اجت للحنه اكيد تجي اليوم.
كتله انمار سؤال كتله اذا اهلك سالوني ع النيشان انطيهم ؟
.. اياج تنطي والي تحجي كليلهه انمار مايقبل اعرفهن حشريات وهسه يسالنج كليلهن مايقبل.

وصلنه لشارعهم رجليه حسيتهم ثلجن لزمت ايده كتله نمر لاتعوفني اطب وحدي.
.. لاتستحين هوبيتج صار.

باوعت من بعيد ومبينه السيارات والجودار اول مره اشوف هيج بعد اكبر من المشيه مرتين.

كتله يمه شكد ناس
... يمكن ابوي صاح بسماعه ع العزيمه ويضحك وصلنه للباب.
شفت الجهال يركضون ويصيحون اجت العروس اجت العروس
ماقبل انزل فتحوله الباب وطبب السياره والناس هووواي نزلنه خليت ايدي بايده صار رمي طلق ماهر يضرب اني حيل لزمت انمار وهلاهل وصلوات وجكوليت واني مدنكه وبعدين الهوسات.
تلكني عماته طببني كال برجلج اليمين دخلت اول هوسه اجت باذاني
رناوي شيلي جنطتج البيت اجت راعيته.

وصلت للصاله كعدت ع التخم هوسه وكلهه ملتمه فوك راسي اجتني زهراء بوستني وباركتلي واخواته واقربائه اني بقيت كاعده بمكاني شفت رنا كاعده بدايه الصاله ومحد يمهه وتباوعلي كسرت حاجز الشر رحت سلمت عليهه باستني وباركتلي رجعت لمكاني شفتهه تباوعلي من فوك ليجوه.
ورا شوي صاحت الحجيه زهراء ريما تعالن لمرت اخوجن تصعد ترتاح اجني وصعدت لغرفتي ااااخ ياغرفتي مثل ماجنه مخططين ونفس الصوره من قررنه نزوج مامتغير شي ذهبي لونهه ومرتبه وبارده ثلج من السبلت والفرشه اوف وايت تخبل.
كالن تسبحين كتلهن لا لان هسه سبحت
كالت ريما بدلي ونزلي يمهن لان اقربائنه ينتقدون
كتلهه ماشي
طلعت ريما
ظلت زهراء تعزل بالجنطه مال الفندق.
كتلهه زهراء انمار كال لاتشوفيهن شي
.. اي ديربالج هسه يجنج يركضن حشريات بالذات خالاته.
.. شنو هالتخلف ؟
... لا بس هن الي مايحبنهه هيج مو مهيمن ازوج ولاوحده صعدت واني اذكر لعبن بيه لعب وطفله كلشي ماعرف بس ماهر وصاني ما احجي وحتى خالته كرصتني من زندي لان ماقبلت.

..عزا متوحشات.
... يخافن من انمار

دنحجي واندك الباب عبالك هجوم خالاته ومرت خاله ومرت عمه كتلهم تفضلوا كعدو ع الجربايه.

كالت مرت عمه بالعافيه عليج شوفينه النيشان ؟

يمه بقيت ماعرف شحجي حجتهه بصيغة امر.

كتلهه انمار وصاني مايقبل.
...وليش مايقبل هاي عاداتنه يله عيني شوفينه حتى نروح نبشر.
تنرفزت ماعرفت شجاوب.
زهراء ...شنو تبشرن والله اذا سمع انمار تعرفن شيسوي.
ضحكت مرت عمه بضحكه شيطانيه.
كالت والله ياخواتي كتلجن كال لوهي لوما ازوج لان متورط وياهه من زمان.
كتلهه خاله شنو هالحجي ترى اني بنت عائله محترمه عيب هالحجي ماتصدكن هذاك انمار وروحن سألنه.
هزن اديهن وطلعن
سمعت وحده دكلهه يمعوده معيوبه ولسانهه شطوله مدري منين جابهه ماتحملت ردت اروح اهد عليهه جرتني زهراء كالت اكعدي انتي بس كولي لانمار هسه يطردهن مثل ريام.
... لج شفتي شحجن ميستحن.
... ولج حتى عليه هم حجن ويصيحلي الفكريه بس مدام ماهر زين طبهن مرض انت هم لاتهتمين اسبوع وترحين لبيتج ابد لاتحجين.

سكتت بس كلبي يغلي عليهن شكد حقيرات ودنيئات زهراء .... يلله بدلي بين ما اروح اشوف مسره هاي عرمه تلكيهه كتلتهه واحد.
... ماشي
بعدني حايره شلبس انفتح الباب انمار ركضت حضنته.
حضني قوي .. كال اشتاقيتيلي بسرعه

بجيت.
كال ياربي ادري دموعج ورا الباب منين اطفيهن. كتله انمار خالاتك ومرت عمك هيج كالن
... منو بالضبط هيج حاجتج؟
.. ماعرفهه
... لاتبجين اني اعلمهن هسه.
حسيته انقهر حيل خفت علي غيرت الموضوع جريته للكنتور كتله تعال كلي شلبس.

كال من رحت للحج جبتلج مثل القفطان طلعليا لونه فستقي وبي شذر بصدره كولش حلو وفخم كعد ع جربايه كال يله بدلي.
رحت للحمام اريد ابدل
كال تعالي وين؟
.. لعد ابدل كدامك ؟
.. لاشلون تبدلين حرام مو؟ ولج قسما اذا مابدلتي كدامي هسه اليوم ماخليج اطلعين لباجر وتعرفين شسوي اخليج تزحفين زحف.
شهكت وضربت صدري هي عاده عندي هاي.
بسرعه صار يمي جر ايدي.
كال ولج وتالي وياج.
...انسه ..!!!
... شلون اكسرهه ممنوع تضربين صدرج هيج مفهووم؟
.. عود ليش ؟؟
.. احبه ما اقبل ..
تقرب اكثر انهزمت منه.
...والله يامسره عد كلمتي اذا مابدلتي هنا.

...استحي.
...تعالي بسرعه بدلي كدامي وكسري هذا الحاجز تستحي ام حلك اني ابن البارحه موعبالك 7 سنين

... مالابسه شي جوا غير مره خلي اتعود عليك.
... تبدلين لواكوم اني ابدلج.
خجلت اكثر من البارحه كمت انزع الستره ولابسه كيمونه جواها.
وهو يباوعلي كتله انمار ما اكدر والله مو من اول يوم.
اجه يمي كال رفعي ايدج.
واني اجر وهو يجر كتله استحي والله نزعني الكيمونه كوه بسرعه ختلت بحضنه ضمني لصدره حيل كال لادكولين استحي قابل عريانه فدمره يله لبسي.
بدلت وخدودي حمر.
كال ولج راح ينفجرن جنهن طماطه
...من وراك
... لعد بالماروني شحالج اليوم؟!!

فززني دكة الباب ريما فتحته
كالهه اكو واحد هيج يدك
ريما ..والله دكيت هواي بهدوء بس انت مسلطن يا ابن امي و النسوان تسال عليهه الحجيه كالت روحي ناديهه وكولي لنمر يبيبي الليل طويل.
وانهزمت.
.. ولج ملعونه اني ضحكت عدلت نفسي ونزلت ويا ع الدرج.
شافتنه امه هلهلت راح باسهه من راسهه رحت كعدت والكل تباوعلي مونظرات عاديه عبالك يردون يفترسوني غريبه من الحله وشيعيه بنصهم مامتقبلين الفكره وحده كالت خاله والله طلعتي تستاهلين هلكد منتظرج ضحكت كتلهه شكرا خاله.
صارت هوسة الغدا اني صعدت لغرفتي خابرتني ماما ويسرى وسمر سولفت لماما ع الصار بالطريق.

كالت اي يا امي الشيخ خابر وكال لازم ايهاب يمشي عليهم الولد معترفين دازهم ايهاب.
اووف .. شتريد مني ياكلب ماكفاك السنين الضاعت من عمري.
تغدينه وصلينه ونمنه لان كلش تعبانين حتى انمار تعبان محد كعدنه.
كعدت ب5 كعدته كتله حبيبي فشله هلكد نايمين جرني ونومني ع ايده كال اششش رجعي نامي وجره نومه ل8 كوه كعدته عبالك صار سنه مانايم كتله شجانه ع نوم.
كال حتى تسهرين بالليل.
كتله دكوم خلي ننزل نزلنه جوا سلمنه عليهم يسوون عشا خالاته ماكو ولامرت عمه الي حاجوني سالت زهراء كالت حاجاهن انمارج وغسلهن غسل وراحن زعلانات.
فديته ياربي ياخذ حقي من حلك السبع شفته واكف يم المغسله يتوضى وشلون يمسح بشعري بي شعرايان مطشرات شيب لايكتله.
رحت جبتله الخاولي اخذه مني
كال انتي تبتعدين عني امتار لان اني في حاله يرثى لها
.. اشش لحد يسمعك.
... ومايسمعون
باسني من خدي ماكو احد.
... ماترحين تصلين؟
.. هسه اجي وراك.
كملنه صلاه وتعشينه اجوهم خطار بالليل انمار ماشفته ل12 لمن راح الخطار صعدت فوك بعد شويه اجه اول مافتح الباب كال

.. اسمع ياحلو بوجهك للكنتور الثاني ثاني واحد معلك حضري وانطيني مسكول.
ضحكت كتله شبيك مستعجل.
.. ولج لاتضحكين بسرعه.
سد الباب.
رحت فتحت الكنتور شفت السيت الماروني اخذته تأملته فدشي روعه طويل من الصدر لحد الخصر كيبور ومن الضهر مفتوح من جوا شيفون وفتحه ع طويله استحيت وترددت بس تذكرت كلام سمر واشوف فرحته هو خلي اعوضه عن كلشي صار لبسته ولبست حجلي وسويت شعري رمشتله اجاني.
اول مادخل قفل الباب تقرب علي لزمني من خصري اني خجلانه ومدنكه رفع راسي وباسني من كصتي لفيت اديه ع ركبته ورفعني ليفوك وشالني للجربايه طبع البوسه ع شفايفي وايده تجول بكل مكان رحت لعالم ثاني ويا عالم بس اني ويا عالم حبنه احس بلمساته بحرارة قلبه كملنه خلاني ع صدره بقه يتغزل بيه واني حاضنته اريد اشبع انفاسي من عطره والعب بلحيته ماحسيت ع نفسي غفيت شوي وكعدت شفته كاعد.
كتله شنو غفيت ؟
.. مواكلج فطيره
ضحكت.
كتله انت لمساتك منوم.
حضني حيل ونمنه
ثاني يوم كعدت ستوه طالع من الحمام
مخلي خاولي ع راسه كتله نعيما حبيبي.
كال الله ينعم عليج بنيتي كومي اسبحي كافي نوم.

مرت كم يوم نفس الروتين مشتاقه لاهلي ملتهيه بلخطار اهله متجنبيني ابد مايحجون وياي بس زهراء وريما
مالي علاقه بالبقيه اهم شي انمار
اجه كالي لملمي غراضج كمل البيت مانننتقل بسرعه خلي اودي الغراض ويرحن البنات يرتبن وانوب ننتقل.
كتله ماكوداعي تكلفهن اني ارتبهم هن ملابس
.. هوكامل من كولشي لعد يوم الجمعه ننتقل بقينه اني ويا الحب غامرنه يوميه نسهر بعالمنه الخاص انزل جوا يم البنات ما احجي شي بس اساعد زهراء بشي قليل وماتقبل زهراء.

راحت تصلي ومسره تلعب بالشاحنه خفت تتكهرب اجيت شلتهه ظلت تبجي.
اجت ريام تجرهه مني كالت ليش ضربتيهه؟
كتلهه ماضربتهه بس شلتهه حتى لاتلعب بالكهرباء

...ليش تجذبين موشفتج ضربتيهه؟
اني صرت حديه بكلامي كتلهه شنو تكذبين دا اكولج ماضربتهه شنو تتبلين عليه.
.. اي عيني منو يكدر ع لسانج الي لف رجال طول بعرض.
سكتت واسمع اخته الجبيره المتزوجه ام كاعده ع الدرج وتصيح ياغريب كون اديب.
انقهرت كلش طلعت زهراء ع الصوت كالت شكو كالتلهه ضربت مسره بعدهه باول اسبوع.

زهراء ...واذا ضربتهه غير سوت غلط وبعدين هي بنتي اليوم صارت عزيزه عليجن وادافعلهه اشو يكتلهه الجوع ماوحده تنطيهه لفه.
ريام .. والله يازهراء طولان السانج.
زهراء ... لا طولان ولاشي مسره مثل اختي وبمقام امهه لاتتدخلن بالصغيره والجبيره.
... ريام ..ولج زهراء اذا ماسكتي اجي امسح بيج الكاع.
زهراء/ ريام احترمي نفسج احسلج تايهتلج وتمسحين الكاع اذا ماتعرفين تسولفين اسكتي ريام/صفيتي وي الغريبه ونكرتي طيبتنه.
ريام/ ياغريبه تحجن عليهه قصدجن مسره الي احنه كاعدين ابيتهه هسه تعرفنهه وتحرفنهه تدرن كولش زين البيت بيت انمار و ماكو غربه غيرجن .وعافتهن وصعدت تفاجات بالي سمعته جرأة زهراء وقوتهه منين جابتهه وخلتهن وحده صافنه بوجه الثانيه صدك قوتهه تدل ع اكو رجال بضهرهه ومن تحجي بزودهه.
ثاني يوم خطوبة سمر كتله نمري اريد اروح باسني من بين عيوني كال موتتدللين بدلت وحضرت نفسي نزلنه سوه .
شافتني امه كالت وين يمه ؟
كالهه خطوبه صديقتهه سمر
كالت ميصير تطلع غير ورا السبعه
.. لا كلاوات شوي وارجعهه.
اخواته واكفات شفتهن ماعاجبهن الحجي بس مالي علاقه بيهن طلعت ويا رحت لسمر حبيبة قلبي تخبل طالعه وخطيبهه حلو فرحت بيه حيل
كالتلي ولج شلون صايره صاكه هذا الليل مأثر عليج كتلهه ولج ماتوبين كالت ولج احجيلي حلو العرس كتلهه هسه تجربي كالت بس مومثلكم لهفتكم اكبر اني خفت عليج بقيت افكر بيج كلت هاي اليوم تموت جوا ايده
كتلهه بالعكس رقيق ورومانسي حيل اصلا ماحسيت ابد
... يعني موجكة ابره؟
... لا اصلا ولا ادري بنفسي
... اي عيني هذا نمرج لويصلخج صلخ دكولين ماحسيت
سولفنه شوي وخابرت انمار اجاني سلمت عليهه كتلهه صرت قريبه عليج وبيتي وحدي انوبه تجيني بوستهه وطلعت صعدت يمه
كال مانرجع للبيت خلي اخذج لبيتنه شوفي ونروح للمطعم نتعشه رحت للبيت ماشاء الله يجنن اثاث اخر موديل اللون البارز السمائي يدري بيه احبه دخلت لغرفة النوم روعه بسرعه حضنته كتله ليش هيج بغرفه وحده اني وياك بس نعيش سوه
كال يله اترسيلي البيت جهال
ضحكت ...
.. يله نتعشه ونرجع خاف يجون خطار رحنه للمطعم تعشينه ورجعنه الوجوه ماتبشر بخير حتى من سلمت محد ردت السلام بس الحجيه طنشتهم وصعدت فوك.
منتظره يوم الجمعه وانتقل لبيتي لهنا انتهت قصتي تعلمت من اخطائي هواي ما اضم ع انمار ولا اكذب الصح والغلط احجي ماكو احلى من الحب لازم نخلي املنه بالله جبير اني من قررت انشر قصتي ماجان عندي امل ابد دعوات المتابعين نقلتني الى حياه ثانيه شكري وامتناني لنورا الي شاركتني وبجت وضحكت وياي حبيبة قلبي وشكر خاص وقبلات حاره للمتابعات الحلوات حبايبي ربي يحفظكم من كل مكروه ويحقق كل اميناتكم تسلمولي ع كل دعوه طلعت من قلبكم شاركتوني فرحتي وحزني
بفضلكم تغيرت حياتي وانجمعت بحبيبي ربي يرزقكم ويزوجكم ويحبلكم وكلهن سوه😂
افرح من اشوف تعليقاتكم
بس انتقل للبيت وارتب الغراض اسوي دردشه وياكم كلكم واجاوبكم وحده وحده سواء بالفيس وبالوات بيني وبينكم السهره الكم مولانمار 😉 ابقى وياكم سهره طويله وكفتكم مراح انساهه ابد قبلاتي الحاره الكم وبلاخص شلة عبير حبيباتي ربي يديم صداقتكم تاخرت عليكم بس كوه فرغت نفسي الكم حتى انمار زعلان اروح ارضي 😘😘
انتهت ...
جان من المفترض ان تكون النهايه حزينه من راسلتني مسره عمود انشر قصتها جانوا منفصلين كلتلي اريدهم يدعولي بعد ماانشرت القصه ومن وصلنه للبارت 6 توفت زوجته الله يرحمها وكل شي تغير .. سبحان الله الي جمعهم مثل قصة جهاد وجنه بعد ماانشرته رجعوا لبعض فدوه لعين متابعيني 😍الله يستجابلهم لان فعلا دعواتهم صادقه من القلب الله يسعد مسره وانمار كلش ضجت لان خلصت هواي تعلقت بيها ضحكت بجيت ودعيت وتحمست.
بالنسبه للبنات الي دزولي قصصهم ان شاءالله كلها اقراها واختار الابرز ..
انتظروني بقصة جديده وياريت يبقى نفس التفاعل
اخيرا دعواتكم لمدينتي البصره والفاتحه على ارواح شهداء البصره
الى اللقاء
نورا ناصر ❤

[لامارا]

[ندى تدى]

جميله وقمة الروعه


تسلم ايدك حبيبتي ووفقك الله