قلوب متحجرة

[Ray sat]

الفصل الرابع:
دخلت الى منزلها فوجدت والدتها واقفة امامها وابتسامة النصر على وجهها.
سميرة: منيح شرفتي كان وقتك عم يقل.
ايليا-بسخريه-: مين الي لعب بعقلك وحكالك انو جيت بسبب تهديدك.....على فكره بابا رجع من السفر وهوي هلأ برا عم يحكي تلفون .
سميرة: فكرك رح تنجي بجية ابوكي.
ايليا: ليش الكذب صراحة لو بابا موجود او ﻷ كنت رح خليكي تتنازليلي.
بدخلت أكرم الذي القى السلام على سميرة .
سميرة: ايليا روحي اطلعي لعند اختك بدي احكي مع ابوكي شوي.
ايليا: طيب ...طالعة.
صعدت تاركه والدتها والدها.
اكرم-بحدة-: انتي مستحيل تتركي هاي البنت بحالها شوي لسا بلأخير طالعتي بتهديد .
سميرة: شو كنت متوقع مني اعمل حملت اغراضها وطلعت برا البيت.....زفقلها على عملتها.
اكرم: القضية ما كانت رح تنحل بالتهديد.
سميرة: ليش بنفع معها مسايرة سايرناها راحت طلعت بلاوي على راسنا.
اكرم: طيب خلص فضي السيرة.
سميرة-بحدة-: ما رح انهيها البنت عم تروح من بين ايدي وانا عم بتفرج.
اكرم-بسخريه-: هلأ ذكرتيها للبنت وين كنتي لما كانت بحاجتك.
سميرة: اذا انا وقتها ما كنت موجوده انت وين كنت.
اكرم: لا طلعي حالك مثل الشعرة من العجينة .... انتي تركتي بنتك كرمال تهتمي ببنت الناس...من صار الغلطان انا ولا انتي.
سميرة: لا تحكي عنها بنت الناس.
لم ينتبهوا بالذي كان يتسمع عليهم واكتسب ورقة رابحة ممكن ان تفيده...اتت من خلفها نارين.
نارين: شو عم تعملي هون؟
امسكت ايليا يدها واجلستها: انتي شو جابك؟
نارين: شو قصدك؟
وقفت ايليا وسحبت نارين معها ونزلن لعند والدها.
نارين-بفرح-: بابا (وضمت والدها)
ربت اكرم على ظهرها وجلس الجميع.
نارين: اه بابا مطول هون بما انك اشتريت بيت يعني.
اكرم: اه رح ضل هون على طول.
نارين: مبتعرف شو صار الي لما ما كنت هون وبعد طلاقك من ماما.
ايليا-بسخرية-: ما خليتي مكان ولا سوق إلا ورحتي عليه.
ناظرتها نارين بحده.
تكلمت ايليا وهي تلعب بكوب القهوة الذي بيدها: يا الله اليوم شو حابه انبسط ورجع ذكريات الماضي-بغموض-ماما وين البوم صورنا.
سميرة: فوق شو بدك فيه.
ايليا: الك صورة لما كتي حامل فيني .
سميرة: اه.
ايليا: طيب ما الك وانتي حامل بنارين ليش.
سميرة-بأرتباك-: كنت وقتها مشغولة ومتعينة جديد....مش فاضية اشغال.
ايليا: اهااااااا....طيب انا بشبة مين ونارين بتشبه مين.
اكرم: ليش هاي الاسئلة؟
ايليا: كأني عرفت إشي قبل خمس دقايق.
سميرة ناظرت اكرم بخوف في حين هو حاول تهدئتها بنظراته الهادئه.
اكرم: ايليا لو نحكي بعدين شو رأيك؟
ايليا: طيب.....المهم بيتك مأثث.
نارين: اه بابا اذا مش هيك نحنا منساعدك.
ايليا: نحنا مين؟
نارين: انا وانتي.
ايليا: انو تمام بتعرضي بخدماتك انا مدخلتيني ليش ؟
اكرم: على كلن البيت مأثث .
عند ناديا سرحانة بحديثها مع ايليا دخلت عليها والدتها ولكن لم تنتبه لها حتى .
عبير: ناديا.....ناديا.
ناديا: هممممم...شوفي؟
عبير: مالك سرحانه؟
ناديا: ولا اشي.....(محاولة تغير الموضوع )...رحتي على عمتو رانيا.
عبير: طردتني.
ناديا-بأستغراب-: ليش!؟؟
عبير: ما بعرف.....بس الا ما بعدين اعرف كل اشي .
ناديا: متى رح اطلع ؟
عبير: بكرا الصبح...... و يا ويلك تعملي هيك مرا ثانية.
ناديا: ماما كانت نزوة اعرفت غلطتي مستحيل عيدها.
في منزل ديانا جالسة مع رانيا وتالا وغسان .
غسان: اه ماما حكتلي تالا انو وصلك الموضوع.
رانيا: أنو موضوع؟؟؟؟؟
غسان: موضوعي انا وناديا.
رانيا: يا سلام ومتى كنت انت وناديا موضوع لحالكم؟
غسان: ماما منشان الله.
رانيا: غسان وبعدين.
تالا: نفسي افهم لية رافضة كنتي تحبيها لناديا.
رانيا: وهلأ بطلت.
بدأ غسان يتأفأف.
رانيا: انا الي مش فاهمتوا الحب الملائكي هاد منين اجا.....يعني صار الها 20سنة قدامك.
ديانا: عادي هلأ اكتشف.
رانيا: انتي لو تسكتي احسن.
غسان متجاهلا والدته: انتي ديانا...احكي معها.
ديانا-بكذب-: حكيت معها ..بس رفضت .
غسان-بخيبة امل-: ليش؟؟؟
ديانا: البنت ما بدها .
غسان: طب ليش؟؟
ديانا: حرة هي شو علاقتك.
رانيا: يا سلام صحلها واحد مثل ابني.
ديانا-ببرود-: انتي على اساس مو رافضه .
تالا: خلص غسان انا بحكي معها.
ديانا-باستنكار-: يا سلام يعني غصب بدك تخليها توافق .
تالا: انو مش غصب بس..
ديانا: لا بس ولا اشي.
رانيا: مالك بتصرخي عليها.
تلفت اعصاب ديانا ولم تعي على نفسها بدأت بالصراخ: حرة انا....حرة مش بيتي بعمل الي بدي اياه انتوا وين كنتوا قبل عشر سنين مأنتوا كنتوا بالمزبلة اجيتوا وعيشتوا بالنعيم من على ظهري .
صدمة بالنسبة للثلاثة الجالسين لم يتخيلوا يوما ان تقول لهم ديانا هذا بوجههم .....وهي صعدت على غرفتها تبكي.
عند ديانا دخلت هي و والدها الى منزلها الجديد .
ايليا: مرتب.....طلع ينال مزوق.
اكرم: ايليا....الي سمعتي مني من أمك بضل مخبى وما بطلع لأي مكان.
ايليا: طيب خلص سر.
اكرم: اطلعي فوق في غرفتين وحده الك وحده لنارين اختاري الي بتعجبك .
نزلت ديانا الى الاسفل ورأت انهم جمعوا اغراضهم يريدون الذهاب
ديانا: لوين رايحين؟
تالا: ما بنضل ببيت انطردنا منو.
ديانا: تالا بلا زناخة بتعرفي اني احكيت عن غير قصد.
غسان: قصد او عن غير قصد المهم الحكي طلع منك.
رانيا: يلا يا ولاد.
جلست ديانا على الارض تبكي ...حن عليها قلب رانيا: انا ما كان قصدي والله .
ذهبت اليها رانيا وضمتها رتبت على ظهرها لتهدئها وقالت ﻷولادها ان يصعدوا بأغراضهم.
وصل مراد الى المطار وجد باستقباله ينال صديقه .
ينال: كيف كانت الرحلة.
مراد: منيحا....شو وين السيارة ؟
ينال: تعال.
ركبا السيارة
مراد: كيفها بنت مديرك؟
ينال: شو بدك في البنت مراد؟
مراد: ما بدي إشي سألت لا تنسى كانت صديقة الطفولة.
ينال: على كلن انا جهزتلك غرفة في بيتي بدك تنام عندي.
مراد: تسلم....بس رح روح على الفندق لحد ما الاقي شقة.
ينال: براحتك.
حل الصباح.......
عند ديانا نامت عند عمتها رانيا بعد ان بكت طوال الليل تراكمت الهموم عليها لدرجة انها ضعفت موتت سالي اثرت فيها ولكنها حاولت المكابرة في النهاية لم تستطع قامت من على السرير وجلست في الشرفة على الكنبة وتأملت شروق الشمس تتمنى عودة الزمن وانها لم تتركب اي غلطة ولكن حدث ما حدث حست عليها رانيا عند نهوضها تسألت بحيرة عن السبب اعتادت على ديانا القوية القادرة التي حتى في وفاة والديها تكابرت على نفسها ولم تضعف.
رانيا: شايفتك صايحه.
ديانا: اه....ازعجتك.
رانيا: لا صحيت لحالي.
ديانا: اسفه علي صار مبارح بتعرفي ما كان قصدي الحكي.
رانيا بعرف ...... يلا روحي البسي كرمال تلحقي جامعتك صار الك اكمن يوم تاركتيها.
ديانا: طيب
في الجامعة كانت ايليا جالسة تنتظر...رأت ناديا اشرت لها.
ايليا: شو عم تعملي هون مش لازم تكوني بالبيت.
ناديا: شفت حالي منيحا جيت.
ايليا: منيح اذا هيك ....الموضوع لسا شاغل بالك.
ناديا: مش راضي يطلع...انو سالي تعمل هيك مستحيل.
ايليا: يمكن الموضوع كان غصب عنها.
ناديا: ممكن.....بس لية ما خبرتنا.
ايليا-بسخرية-: على اساس اغلاطك بتروحي بتشهري فيها .
-المهم هلأ ....سمعت بأنك حاكية مع رولا.
ناديا-بأرتباك-: اه لحظة تهور.
ايليا: بنعيدها ولا ﻷ...
ناديا: خلص ايليا....ما بعيد شي ...بعدين انتي كنتي موافقة زمان شو صار الك؟
ايليا: ناديا بشكل جدي انا فكرت الموضوع لعبة مش انكن تعملن هيك...
قطع حديثهن صوت هاتف ايليا.
ناديا: ليش ما عم تردي.
ايليا: رقم دولي .
ناديا: شو يعني!!؟؟
ايليا: خايفه يكون ياسر .....محاكمتي بعد اكمن يوم ما بدي حط علي مخالفة كمان.
ناديا: على خير.
في فرنسا.... جالسة امام التلفاز رأت الخادمة تمشي بذلك المقعد تضايقت مروة .
مروة: اههه متى رح نرجع ....ما خلص علاجك.
محمود-بصوته الخشن الذي عفى عليه الدهر-: لسا يا حبيبتي ما خلص العلاج.
غصت مروة بالطعام الذي تأكله شربت المياه.
مروة-بصوت حاد-: حبيبتي مره وحده.....حبتك عقربه.
وقامت من مكانها ودخلت غرفتها.
مروة: انا لية ما ابعث الهم رسالة واريح حالي .
في الجامعة ...
ناديا: يلا انا عندي محاضرة.....انتي ما عندك.
ايليا: لا بعد نص ساعة محاضرتي.
ذهبت ناديا والتقت بديانا.
ديانا: شو عمل تعملي هون....مش لازم ترتاحي بالبيت.
ناديا: ﻷ هيني منيحا ولا تعيديلي محاضرة ماما الصبح.
ديانا: طيب شفتي ايليا.
ناديا: بالكفتيريا......يلا سلام عندي محاضرة.
ذهبت ديانا الى الكفتيريا لتجدها تتحدث الى الهاتف وعلامات الفرح طاغية بوجهها .
جلست ديانا على الكرسي بأستغراب.
ايليا: خلص مروة حكيتلك ما انتهبت ....بضرب بالمندل انو انتي.
فرحت ديانا عندما سمعت بأسم مروة وبدأت تبتسم فمروة صديقتهما منذ الطفولة اخذت الهاتف من ايليا .
ديانا: كيفك مروش.
مروة: وانتي كمان رح موتك.
ديانا: شو عملت؟
مروة: ما بتردي على تلفونك.
ديانا: شو بعرفني انو انتي؟
مروة: والله لازم تعرفي ......ورح موت ناديا كمان ليش مغيرة رقم تلفونها.
ديانا: خلص مروة بدك تموتينا كلنا......ما بتعرفي شو صار بغيابك .
مروة: شو صار.؟
ديانا: ياسر مسكتوا الشرطة .....وسالي توفت قبل اسبوعين .
مروة-بصدمة-: إيش...... معقول كل هاد صاير....وهلأ كيف ياسر....وسالي كيف ماتتت؟؟؟
ديانا: متى راجعه رح احكيلك كل اشي بس شوفك.
مروه: عم حاول بالعجوز الي معي.....الأخ مصدق حالو بدو يتعالج .
ديانا: الله يلعنوا....المهم حاولي ترجعي.
مروة: طيب ماشي.
ديانا: يلا مروة باي عنا محاضرة.
مروة: باي بس والله اذا قطعتني لموتكن
ديانا-بضحكة-: خلص برجع برنلك.
اغلقت ديانا الهاتف واعطته الى ايليا.
ديانا: بدي احكي معك بموضوع مهم.
ايليا وهي تلعب بتلفونها: احكي.
اخذت ديانا الهاتف من يد ايليا : حكيتلك موضوع مهم.
ايليا: طيب احكي يلا هيني مركزة معك.
ديانا-بتوتر وارتباك-: يوم كنا.......(وتلعب بيديها بتوتر).....كنا بالمزرعة .
ايليا: ديانا احكي لا توتريني .
ديانا: انتي وقتها اعطيتي الابرة لسالي على اساس الدوا الي انتي جبتيه......الي صار انو انا غيرت نوع الدوا.
ايليا-بصدمه-: إيش..... انتي واعية على حكيك......ديانا انتي شو عملتي.
ديانا: انا كنت بدي اعمل شي منيح......كانت رح اضل طوال حياتها مقعدة ما بتقدر تحرك الا عيونها .....وبعدين حطيت فرضية انو ممكن تشفى وقتها وين منصفي .
لم تجد ايليا ما ترد به على ديانا فهي محقة نوعا ما .
ديانا: والمصيبة انو طلبت الدوا من رولا........وهلأ عم تهددني تدور دليل ضدي.....وحكت رح اترك الموضوع اذا خليتك توافقي على انها تاخد ناديا.
ايليا: حسابها عندي رولا......وانتي ما لقيتي إلا رولا .
ديانا: هاد الي صار....المهم عندي محاضرة رايحة عليها.
غادرت ديانا تاركه ورائها ايليا غارقة في التفكير.
في الفندق عند مراد طرق الباب فتحه فدخلت رنا .
رنا: اووووو لابس ومتزبط ..لوين؟؟
مراد: عندي جامعة اليوم .
رنا: بدك تروح من اول يوم.
مراد: طبعا ولا بدك اياني ارسب .
رنا: لا ترسب ...المهم ليش مناديني ضروري .
مراد: شو نسيتي خطتنا الي اتفقنا عليها وانا بأمريكا .
رنا: لا ما نسيت ....بس اتراجعت .
مراد-بعصبية-: اتراجعتي رنا....ليش طيب نسيتي شيرين والي صار فيها .....عمنا والي صار فيه.
عندما ذكر مراد اسم شيرين تجدد الحقد الدفين بقلب رنا مره اخرى .
مراد: وهلأ انتي معي او جيب وحده غيرك.
رنا: لا خلص انا معك.
مراد: طيب يلا نطلع.
في منزل سميرة ....نزلت نارين الدرج في ابهى حلتها رأتها سميرة ونظرت الى ساعتها.
سميرة: لية متأخرة على الجامعة؟
نارين: مش رايحة على الجامعة.....طالعة مع بابا.
سميرة-بعصبية-: يعني مطنشة الجامعة كرمال ابوكي.
نارين: صار الي زمان ما شفتوا.
سميرة-بضيق -: طيب روحي .
قبلت والدتها وخرجت مسرعة.
عند رانيا كانت تتحدث مع زوجها على الهاتف .
رانيا: الي انا شايفتوا انو لازم ترجع ديانا ما بترتاح الا بوجودك انت عمها وفاهمها لو شفتها مبارح واصلا انا شايفتها الها اكمن يوم مش منيحا .
كريم: طيب بحاول اجي اليومين هدول.
رانيا: وشو صار على اوراق طلاقي ...كأنك حاطهم على الرف .
كريم: رانيا كرمال الله حلي عني بهاي الفترة .
رانيا: ما رح حل عنك......انت لو تحس في الموعانة الي بعانيها عبير صرت استحي اطلع بوجهها .
كريم: واولادك..
رانيا مقاطعة اياه: تالا وغسان كبار ما عليك منهم.
كريم-بتهديد-: بتعرفي انو ما بطلعلك نفقة صح ﻷنك انتي الي طالبة الطلاق وقتها وين بتصفي بالمستنقع الي طلعتك منو لا مصاري ولا بيت ولا اشي.
رانيا-بخوف-: ما بتعملها.
كريم: بعملها وبعمل ابوها.
رانيا-باستسلام-: خلص انسى موضوع الطلاق.
كريم-بضحكة -: متأكدة.
رانيا: متأكدة.
اغلقت الهاتف: عرف يضرب ضربتوا صح بس ما بكون اسمي رانيا اذا ما فرجيتك الويل.
في الكفتيريا بعد ما خلصت محاضرتهن.
ناديا: والله رنت الكن ....يا الله شو مشتاقة الها..... اعطيني التلفون رنلها.
ديانا: دقيقة اعطيكي الرقم ....واحكي معها ببيتك براحة...صراحة مش مستعدة اسمع موشحات منها.
ناديا: ههههههه يا حياتي يا مروة.
ديانا-بتذكر-: اه صح نسيت احكيلك..
ناديا: شو ؟؟
ديانا: غسان عشقانك.
بدأت ايليا تضحك بصوت مرتفع .
ايليا: شو عملت رانيا...
ناديا: على فكرة جرحتيني بالصميم ليش ما بنحب انا
ايليا: مش هيك قصدي بس متخيلة شكل رانيا...
ديانا: اصلا الموضوع اتسكر حكيتلوا انك رفضتيه.
ناديا: يا سلام مين سمحلك تحكي بأسمي.
ايليا: ليش ناوية توافقي علية مثلا؟
ناديا: مش هيك بس......
ايليا: بس شو؟
ناديا : ولا شي .
اتت رنا لهم.
رنا: مرحبا بنات.
ناديا وديانا: هلا.
رنا: بصير احكي معك شوي ايليا.
ايليا: احكي هون
رنا: خاص شوي.
وقفت ايليا وذهبت برفقة رنا.
ايليا: اممممم .....خير.
رنا: بصير اليوم تيجي لعندي البيت.
ايليا: ليش ان شالله خير.
رنا: روان بدها تشوفك وهي عنا بالبيت .
ايليا: اهااااا عندكم بالبيت حكيتيلي.
هزت رنا رأسها بتوتر.
ايليا: طيب ببعتلك رسالة لم اجي.
وذهبت بأتجاه طاولة صاحباتها.
ديانا: شو كان بدها منك؟
ايليا: الله اعلم...يعني كذبت علي وحكتلي انو روان عندهم اكيد في اشي وراها.
ناديا: يعني بدها اياكي تروحي بيتها.
ايليا: اه.
ديانا: ورح تروحي.
ايليا: طبعا بدي شوف شو بدها.
نظرت للساعة وقامت.
ايليا: يلا انا رايحه.
ديانا: لوين؟؟؟؟...ما عندك محاضرة على ما اعتقد.
ايليا: لا بدي روح واعدة بابا نتغدا مع بعض.
ناديا: عمو اكرم هون وما بتحكيلنا.
ايليا: انسيت.....على كل حال بدك اتزورنا ...تعن باليل....بتعرفن البيت الي جنب بيتنا الي كان معروض للبيع صار لبابا يعني صرنا ساكنين في .
ناديا: واو صاير احداث كيف سمحتلك عمتو سميرة.
ايليا: صار وافقت ...يلا باي.
مراد: بلعت الطعم
رنا: ما بتوقع انها صدقت الكذبة بس الي متأكدة منو انو رح تيجي.
مراد: اهم شي تيجي وبعدها كلو بينحل.
في امريكا عند محمد تسلل ودخل سجلات الطلبة وبدأ يبحث عن اسمها ولكن لا يعرف ما هو اسمها الرباعي لذا كانت عملية بحثة طويلة ناظر الصور لم تكن ولا واحده منهن دخل علية موظف الأمن.
الموظف: WHAT ARE YOU DOING HERE?
محمد: I'm sorry ….I'm just serch a my girlfrinds …we are stuyding in thes ….
الموظف مقاطعا محمد: shatup….I don't care for you story…..goout
محمد:Ok ..ok
وخرج محمد خائب الظن.
في المطعم جالسة مع والدها تتناول طعامها رأى اكرم صديق قديم له وقف وسلم علية وبعدها ذهب بعد ان رأى مجموعه من اصدقائه جالسين بالطاولة المجاورة له.
ايليا: افففف باب تركتني ورحت .. (رن تلفون والدها حملته فرأت المتصل والدتها ) أيش ماما.
سميرة: يا سلام وانتي كمان معطلك من الجامعة واخدك معو .
ايليا: شو قصدك بأنتي كمان؟
سميرة: اخد نارين من الصبح وانا هون عم بنتظرها على الغداء.
ايليا: بابا اخد نارين....
سميرة: ليش نارين مش معكوا...
تداركت ايليا نفسها: ﻷ معنا بس قصدي طلعت بسيارتها ولا مع بابا.
سميرة: ما بعرف ما شفتها......بعدين شو هاي الاسئلة اعطيني نارين برنلها بطلع مغلق
ايليا: مش هون بالحمام.
سميرة: ماشي بس تطلع خليها ترنلي.
ايليا: طيب سلام.
"غريب وين رايحة نارين بس الا ما اعرف شو القصة "
دفعت حساب الطاولة وطلبت من النادل ان يعطي الهاتف لوالدها وان يخبره انها خرجت
في فرنسا جهزت نفسها تريد الخروج .....فاستوقفها صوته الذي تكرهه بشدة.
محمود: لوين رايحة
مروة: على جهنم....
محمود بتنهيده قوية : اليوم عندي مراجعة للعلاج.
مروة: اه انا شو علاقتي فيك.
محمود: مشان اتكوني معي.
مروة-بضحكة عالية-: كون معك مرة وحده ......من وين لوين بهتم الك اصلا ...ان شالله تموت وارتاح.
وخرجت غاضبه.
وصلت ايليا بيت رنا طرقت الباب ففتحت لها رنا ادخلتها واجلستها .
ايليا: شو مش شايفه حدا غيرك بالبيت.
رنا: اه كلهم طالعين.
ايليا-بسخرية-: وروان وين؟؟؟؟؟
رنا: هلأ بتيجي......شو تشربي؟
ايليا: قهوة.
دخلت رنا الى المطبخ و معدل ضربات قلبها تخطى المليون حضرت القهوة وميزت كوب ايليا وضعت فيه منوم واذابته جيدا خرجت وبيدها الصينية ووضعت الكوب عند ايليا امسكت ايليا بالكوب وبدأت تتحدث.
ايليا: شو في رنا بعرف انك كذابة وانو روان مش هون......شو بدك من الاخر؟
رنا: بدي احكي معك .
ايليا: بخصوص شو؟؟؟
وبدأت ايليا تشرب قهوتها مع نظرات رنا المتوترة اليها.
ايليا-بحدة-: احكي...
رنا: بخصوص عمي معن .
ايليا: مالو؟
رنا: ما بدكك تتنازلي عن الدعوة.
ايليا-بسخرية-: هلأ ذكرتي عمك صار إلو سنتين مسجون.
رنا-بارتباك-: يعني خلص بكفي سنتين لو تطلعي.
ايليا: لا والله. محكمة الدولة بأيدي مهوي.
وبدأ راس ايليا يدور بها.
ايليا: اي راسي؟...-وبصراخ- شو حاطيتلي بالقهوة .
حاولت الوقوف ولكن خارت قواها ووقعت

[um soso]

السلام عليكم

ارى انك متواجده بالمنتدى ولكن روايتك على وشك الاغلاق لانها متروكه دون جديد
ارجو انزال فصل جديد والاستمرار بالتنزيل على الاقل اسبوعيا تجنبا للاغلاق
بالتوفيق