آخر 10 مشاركات
همسات عاشق * مميزة ومكتملة * (الكاتـب : نسمة صيف 1 - )           »          كأنني ظله! (3) سلسلة فراء ناعم (الكاتـب : Just Faith - )           »          524 - الهاجس المر - جيني كارترايت - ق.ع.د.ن (الكاتـب : ^RAYAHEEN^ - )           »          يامن أتيت من النجوم (للكاتبة سارة منصور ) (الكاتـب : سارة منصور - )           »          172 - سهم في القلب - سالي وينتوورث ( إعادة تنزيل ) (الكاتـب : * فوفو * - )           »          وعانقت الشمس الجليد -ج2 سلسلة زهور الجبل- للرائعة: نرمين نحمدالله [زائرة] *كاملة* (الكاتـب : نرمين نحمدالله - )           »          كما العنقاء " مميزة ومكتملة " (الكاتـب : blue me - )           »          حسناء ضوء القمر (47) للكاتبة: سارة كرايفن ... كاملة (الكاتـب : Gege86 - )           »          177 - في يدها نار - جيسيكا ستيل (الكاتـب : PEPOO - )           »          أترقّب هديلك (1) *مميزة ومكتملة* .. سلسلة قوارير العطّار (الكاتـب : كاردينيا الغوازي - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree1935Likes

إضافة رد
 
LinkBack أدوات الموضوع انواع عرض الموضوع
قديم 26-02-19, 02:12 PM   #31

زينه 4

نجم روايتي ومشاركة بمسابقة الرد الأول وابنة بارة بأمها

 
الصورة الرمزية زينه 4

? العضوٌ?ھہ » 372378
?  التسِجيلٌ » May 2016
? مشَارَ?اتْي » 3,336
?  مُ?إني » قلب امي
? الًجنِس »
? دولتي » دولتي Saudi Arabia
?  نُقآطِيْ » زينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond repute
¬» مشروبك   water
¬» قناتك mbc4
?? ??? ~
يمّه على داعيك يزداد قدّي بك افتخر يا ملهمه يا عظيمه
?? ??? ~
My Mms ~
افتراضي


جاري القراءه

مع أنى استغرب من أن زوج حنين رجل وله مكانته وحكمته وانسان من يومه رحوم خدوم وحنين تزوجته وعاجبتها شخصيته ولكن ماقدر او لم يربي اعياله اكبرهم الجازي ! ماعرف يخلي محاسبه ع ن افعالها !! اعيالهم يغالطون يقلون اطفال جهلاء الجازي مصيبه متحركه واخوها اردى منها اطلق نار ! وماشاء الله عدا لها نصبها لما انتحلت شخصييه أمها ! وكذبها وعدم اهتمامها كلها أشياء استغربتها من رجل حكيم زي ماصورته لنا الكاتبه !! ولا محاسبة ولده بندر !! بصراحه يستاهلون هم ماجنو ع اعيالهم ومالوم الناس لا شافوا يعيبوا اعيال حنين ! بنظري يعني اعيال اخوان حنين ربوا اعيالهم افضل من تربيه حنين لـ اعيالها مدري صراحه فيه كميه تناقض بروايه ما يتقبلها عاقل ؟؟ محاسبة لـ الجازي وتصرفاتها تعدي لانها تبي تشوف نفسها في المحاسبه والله لو انها فاقده الاهليه يعني مجنونه هنا لا حرج عليها بس جامعيه صراحه مو منطقيه ! عدم اهتمامها بـ نفسها مع أن بنات هالوقت يحبون الاهتمام مو شرط يكون ع الموضه بس اقل شيء حدود المقعول الجازي كنها يتيمه ماعندها اهل وكنها ما عاشت بعائله !! والام عادي والأب عادي


زينه 4 غير متواجد حالياً  
التوقيع

كل يوم حكاية تسرد على مسامعنا مزيدا من أمل
تخبرنا بأن ما عند الله أفضل
تجعلنا نتفائل ...💛💭
رد مع اقتباس
قديم 02-03-19, 09:18 AM   #32

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ?ھہ » 216
?  التسِجيلٌ » Dec 2007
? مشَارَ?اتْي » 82,839
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


السلام عليكم ورحمة الله وبركاته كيف حالك إن شاء الله دائما بخير ؟

تنويه من الكاتبة


السلام عليكم....اعتذر عن تنزيل البارت الليله...كتبت جزء صغير ما قدرت اكمل من المرض 😷
ان شاء الله لما اجهزه اعطيكم خبر....دمتم بخير




لامارا غير متواجد حالياً   رد مع اقتباس
قديم 03-03-19, 04:01 AM   #33

modyblue

نجم روايتي

alkap ~
 
الصورة الرمزية modyblue

? العضوٌ?ھہ » 321414
?  التسِجيلٌ » Jun 2014
? مشَارَ?اتْي » 18,416
?  نُقآطِيْ » modyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond repute
افتراضي

لتدرك ان الارزاق واحوالنا بيد رب العالمين هو الذي قدر لكل شخص نصيبه !

لعله خير
ياهلا بكاتبتنا الجميله عودة رائعه برواية متميزة بقلمك المبدع
اسلوبك المتميز مابين الجد والساخر والموجع المضحك المبكي يتلون بجميع المشاعر ف ذات اللخظة يجذبنا حتي نفاجى بانتهاء البارت احيييك وسعيدة بعودتك واشكر لامورة لنقل رواية ل الرائعه ضاقت انفاسي ف انتظار القادم بشوق وفقكم الله واسعدكم


modyblue غير متواجد حالياً  
التوقيع


رد مع اقتباس
قديم 08-03-19, 10:34 AM   #34

عبد جبار

? العضوٌ?ھہ » 424248
?  التسِجيلٌ » May 2018
? مشَارَ?اتْي » 440
?  نُقآطِيْ » عبد جبار has a reputation beyond reputeعبد جبار has a reputation beyond reputeعبد جبار has a reputation beyond reputeعبد جبار has a reputation beyond reputeعبد جبار has a reputation beyond reputeعبد جبار has a reputation beyond reputeعبد جبار has a reputation beyond reputeعبد جبار has a reputation beyond reputeعبد جبار has a reputation beyond reputeعبد جبار has a reputation beyond reputeعبد جبار has a reputation beyond repute
افتراضي

سلامتك كاتبتنا بالانتظار اليوم مع شوية طمع فيك تنزلي بارت طويل او بارتين اذاممكن متابع لك... دمتي بصحة وعافيه.

عبد جبار غير متواجد حالياً   رد مع اقتباس
قديم 10-03-19, 02:56 PM   #35

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ?ھہ » 216
?  التسِجيلٌ » Dec 2007
? مشَارَ?اتْي » 82,839
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

















يتبع بارت ظ¥



زفرت بألم والوجع ما هو خامد...ومنحرجه تنزل لهم وتسألهم عن مسكن لوجعها!!!
وقفت بتعب ومسحت حبات العرق من جبينها...ناظرت انعكاس وجهها على المرايه...وجهها خالي من المساحيق الا حول عيونها الاثار ما زالت موجوده...تحس فيه انتفاخ من كثر ما فركته.... او انتفخ من كثر ما بكت....
جالسه هنا ما هي قادرة تتصرف... ولا احد معبرها انها عروس!!!
شعرها للحين على وضعه ما لها حيل تمشطه.... قفلت الضوء....وجلست على السرير...زفرت بضيق من الحال إلي وصلت له.....عجزانه عن عمل اي شيء،....لانها تجهل المكان وتجهل الافراد إلي يسكنون بهذا المكان!!!
غمضت عيونها لثواني لكن سرعان ما نقزت لما سمعت صوت يسألها : وش فيك؟!
رفعت نظرها لجهة الصوت...مع الظلام ما ميزت الشكل....لكنها ميزت بحة الصوت...تعرفها...
تعرف صاحب الصوت ..نزلت نظرها بحرج لما ربطت الصوت بنفس الشخص إلي كان يزور جدتها !!!
كان موجود بالشركه...قطعت افكارها وسؤال يتردد بداخلها
وش جابه هنا؟!!!
زفر بضيق وهو يناظر هيئتها بالظلام.. وما عبرت سؤاله...يقال انها مستحيه...
متيقن انه دور الحياء والخجل ما يناسبها ابد!!!
للحين يذكر لما كانت تتكلم مع الموظف والوضع عندها عادي...
والحين جايه تمثل انها خجوله!!!
بالرغم انه نوى السفر ويترك المكان لفتره وبعدها يرجع.....لكن فكر ان الهروب ما هو الحل المناسب!!
انكتبت زوجه له.. والزواج ميثاق غليظ ما هو يوم ويومين!!!
متيقن من صفاتها السيئة وما فيها شيء يشفع لها....حتى شكلها يوم الزواج ابدا ما عجبه!!
وكلام امه الصبح عن بشاعتها زاد من ضيقته!!
لو كانت ما هي مزيونه واخلاقها زينه كان وافق عليها وتنازل عن شروطه...
لكن يتزوج شينه واخلاقها شينه...هذا كان فوق طاقته!!!
لكنه بعد تفكير ودراسه لوضعه...قرر يتم هالزواج ما يدري وين الخير...وهو يقدر يمشيها على الصراط!!!
وما هي حرمه إلي تخربط كيانه وتزيد ضيقته....طريقة حياته واسلوبه ما رح يغيره ورح يمشيه عليها غصب عن الراضي والزعلان ..
ليه يضيق خلقه على شيء ما يسوى!!!
لا هو اول واحد ولا اخر واحد يتزوج بنت ما يبغاها...لكن هو الامر يتعدى الى" كره "
يكرها وما يطيق سيرتها من فعايلها وما لقى شيء يشفع لها ومع ذلك رح يجور على نفسه...ويكتم مشاعره في قلبه..لكن لمتى رح يكتم في قلبه ؟؟؟!!
***
..
...
...
...
بالصاله الداخلية جالس مع امه ...رفع حاجب باستغراب : النيه انه سافر
ام جواد وهي ترتشف من القهوه بهدوء : ما سافر
غير رايه يبغى يسافر مع الجوكر!!
بدر هز راسه بتعجب : ومتى السفر؟!
ام جواد ابتسمت وهي تحرك حواجبها : ما في سفر!!
عقد حواجبه بعدم فهم : كيف؟!
اقتربت منه وهمست بابتسامه انتصار : حلفت عليه ما اكلمه ليوم الدين اذا سافر معها...وما ارضى عليه!!!
عاد تعرف جواد ما يحب يكسر كلامي وافق!
بدر مط شفته بسخريه : قولي ما هو مصدق احد يهونه عن الطلعه...ترى لو حاط في باله السفر الا يسافر وما عليه من احد...
ام جواد بعد اهتمام : المهم انه ما يروح...وخلها تندفس بالبيت!
بدر رحمها : كان اخذها وسافر معها ..مهما كان بين العائلتين تبقى عروس!!!
ام جواد عفست ملامحها بقرف: امحق عروس.. انا ما ادري عمتك على وش متوحمه؟!
ما صدقوا يرمونها علينا لانه ما احد رح يقبل فيها.. شوف امها جاءت لبيت جدك تتوعد وحالتها حاله لو ما اخذها جواد وكأنه حمل وتبغى ترتاح منه ...الله يستر وش مهببه هالنصابه ويبغون يتخلصون من بلاويها!!!
بدر ما عجبه الكلام : اي بلاوي الله يهديك يمه...كل السالفه ترى ما هي حلوة قدام الناس بنتهم ترجعلهم بنفس الوقت!
ام جواد بتبرير : اكيد هذا من الاسباب بس انا اتوقع انها مشاكلها كثيره ويبغون يتخلصون منها!
هز بدركتوفه': كل شيء جايز!
يمكن
بتر كلمته لما شاف جواد داخل عليهم من الباب الخارجي : السلام عليكم
بدر بابتسامه : هلا بالعريس!!!
ام جواد باستفسار : وين طالع برا؟!
جلس بهدوء : صليت الفجر والتقيت بأبو حسن واخذتنا السوالف!!
بدر : وش صار مع ابو حسن؟!
رد جواد وهو يناظر اخوه : ما في جديد !!!
بعدها إلتفت على امه : اشوف الكل نايم!!
ام جواد وهي تمد له بالقهوة : اخواتك ما عندهم دوام اليوم
!!
وابوك في بيت جدك؟!
هز راسه وما تكلم....حس بعيون امه اسئلة كثيره.. ومن ضمنها "وين زوجتك المصونه"
طنش نظرات امه...وانشغل بجواله!!!؛
بعد صمت لفتره قصيره ناظر امه وهو يسمع صوت شذى يردح من جهة الدرج؟!،
بدر باستغراب : علامها هذي صوتها يلعلع؟!
ام جواد رفعت حاجب : يمكن تتشاجر مع رنيم!!
او
سكتت لما شافت شذى متوجه لهم ووجهها منتفخ من الغضب : هذي اخرتها!!!
يا فضيحتي بين البنات!!!
تسلطت الانظار على الكائن الصغير إلي لحق بشذى والعرج واضح بمشيتها ...ام جواد وزعت نظرها على شذى والجازي.. تكلمت بدون ما تسمع السالفه...وجهت كلامها للجازي بحده : من اول ايامك تعملين مشاكل...ترى ما اسمح لك إلتزمي حدودك...كلمه وحده بحق وحده من بناتي رح تشوفين تصرف ما يعجبك ابدا....
بدر وقع نظره على الجازي وجهها احمر من الاحراج وهي تسمع ردح ام جواد عليها...مستغرب من كلام امه...ما يشوف البشاعه إلي وصفتها امه..بالعكس البنت كيوت وصغيره ما احد يصدق انها بالجامعه ...انسانه عاديه ...يمكن لما تقارنها بجواد تحس ما في تناسب بينهم....جواد تناسبه فتاه اجمل من كذا بكثير..قطع افكاره وتكلم وهو يناظر امه : خلينا بالاول نفهم السالفه بالاول وبعدها قولي إلي تبغينه!
جواد ما ناظر جهة الجازي...ما له نفس يشوفها..طالع شذى وهو عافس ملامحه : وش السالفه يا شذى؟!
نزلت الجازي نظرها للارض من شدة الاحراج من الكلام إلي رح تقوله شذى!
ما كانت تتوقع انه المزيون اخو شذى هو خطيبها!!
ما تبغى جواد يسمع كلام شذى وتصغر بعيونه!
هو الشخص الوحيد إلي ما تبغى يعرف بشيء!!
يكفي سالفة الشركه..وحركاتها في بيت عمتها!!!
غبيه كيف ما فكرت البارحه انه اخو شذى نفسه زوجها؟!!
من احراجها ما فكرت بذي النقطه!!
لو فكرت كان تنكرت عن شذى حتى ما تعرفها...لكن الحين خلاص كل شيء باااان وما في مجال للترقيع!!
رفعت عيونها لشذى إلي تتكلم باندفاع وهي تتمنى لو معها مقص وتقص لسانها الطويل!!
غمضت عيونها للحظات وهي تسمعها تتكلم :هذي زوجتك المصون
قاطعها جواد بحده :،شذى تكلمي بأدب وبدون ردح!
اعطاها نظره اجبرتها تخفف من نبرة صوتها :،هذي هي نفسها القزم إلي بالجامعه...نفسها إلي تقول انك خطبتها ورفضتك..وإنك ميت عليها !!!
وذابح حالك عليها!!
كيف الحين اطالع البنات لما يعرفون انها زوجة اخوي وانا الغبيه طول الوقت امدح زوجة اخوي وبالاخير تطلع نفسها هذي !!
إلتفتت الجازي للخلف بعد ما تحطمت وهي تسمع رنيم تكمل كلام وهي متكتفه وتناظرهم : يا حرام مسكينه...عسى امك وابوك بالجنه يالكذوب!!
تراها نفسها البنت إلي تقول انها يتيمه!!؛
وطول وقتها دايره بالاسواق لا سائل ولا مسؤول!!
حاولت الجازي تأخذ نفس ...ما قدرت حتى النفس خانها!!
ما تدري ليه عاجزه كذا ... تعجز عن نطق كلمه وحده!!!
دوم ما تسكت لشذى..ليه الحين انخرست؟!!!!
تتمنى لو جواد ما هو موجود حتى تعرفها قدرها!!!
كل سكوتها وعجزها عن الكلام لانه حدث امام الشخص إلي ما تبغى تبان صغيره امامه!!!
والحين كل شيء تدمر!!!
البارحه بدأت حياتهم الزوجيه واليوم دمرتها شذى!!!
انقطع النفس عنها وهي تسمع شذى تتكلم بقوه : تراها ما هي عرجاء...بس تبغى تفشلنا قدام الناس!!
حسبي الله عليك مثل ما فشلتينا !!!
ام جواد تناظرها باستحقار : مين يصدق كل هالفعايل من تحت راسك يالنصابه!!!
رفعت راسها تبغى تبرر والدموع تلمع بعيونها : خالتي انا
قاطعتها ام جواد بجفاء وبنبره فيها وعيد : رح اعمل نفسي ما سمعت شيء من بناتي.. لكن قسم بالله لو تصرفتي تصرف يفشلنا ما رح يصير خير...انا حذرتك وانت حره!!
تركتهم وغادرت متوجه لغرفتها!!!
بدر طالع اخواته : صدق سخيفات وما عندكن سالفه!!
تركهم وغادر ما يبغى يحرج الجازي اكثر!!!
تنهد وهو قابض على يده بقهر ...ما في شيء جميل يشفع لها....فتح البارحه صفحه جديده وكانه اول مره يشوفها!!
لكن تصرفاتها السيئة تلاحقه!!!
نصابه،كذابه،كلها مشاكل، حركات بزران....غمض عيون بقهر وهو يتذكر شكلها لما كانت على جدار عمتها..يحاول يتغاضى عن افعالها.. لكن ما هو قادر!!!
هذي اخرتها هو يخطبها وهي رافضيته؟!
ما بقى الا هي ترفضه!!!
صدق متخلفه وعقلها ناقص...لو كانت طبيعيه ما تصرفت كذا!!!
يذكر نفسه كل هالافعال اقترفتها وهي بيت ابوها...ما رح يحاسبها!!!
رفع نظره لها بنظره احتقار ما قدر يخفيها....عمره ما توقع تكون زوحته بهذا الشكل!!
ناظرته بتردد...ما تدري كيف تبرر موقفها وبصوتها إلي تتكلم فيه بالعاده': انا اسفه...ما كنت ادري انها اختك ...وما كنت ادري انك _نطقتها بغصه_ خطيبي!
نقزت لما تكلم بصوت عالي : جيتي تكحلينها عمتيها!!
انا ما ادري عقلك هذا كيف يفكر!!!
اعطاها نظرة غاضبة وطلع من البيت بكبره!!!
بعد خروجه طالعت شذى ورنيم بقهر :لا يدخل الجنه قتات!
رنيم بسخريه طالعتها : صايره مطوعه ما شاء الله!!
شذى بضحكه : غطي وجهك حتى تكتمل الصورة!! بالله ناظرت نفسك بالمرايه قبل ما تنزلين!!!
الجازي تكتفت : ماا حتاج المرايه
....جمال طبيعي وش حلاتي ...ما هو مثلكم!
ومدت لسانها بطفوله!
رنيم فتحت عيونها باستنكار : نعم!!
حنا جمالنا طبيعي ما هو انت يالقزم!!
مطت الجازي شفتها وهي تشوف بياض رنيم وشذى ما هم بحاجة لمبيض :صحيح انت بيضاء بس ملامحكم ما هي حلوه!
يعني بس قشرة بياض!
شذى انقهرت من كلامها وحست انها تنغزها على انفها الطويل..ناظرت الجازي بتقييم وردت لها النغزة: قولي مقهورة من طولي!!
الجازي طالعتها بنفس نظره التقييم : تتفاخرين بنفسك وكأنك خلقتي نفسك بيدك....سبحان الله!!
كلنا خلقة رب العالمين وما احد يتميز عن الاخر الا باعماله..يعني اذا حضرتك طويله وبيضاء تدخلين الجنه..!
او انك احسن من العالم؟!
ترى خذيها نصيحه مني "ما بتكبر الا المزبله " تواضعي شوي احسن ما يطقلك عرق!
تحركت الجازي ترجع لجناحها والعرج واضح برجلها وقبل ما تتكلم شذى سبقتها الجازي وتكلمت : لا تنسي تحجزي تذكرة للخرطووووووووم!!!
تحول وجه شذى وصار لونه احمر وبغضب : دوبك تعطي دروس ونسيتي "ولا تنابزوا بالالقاب"
صدق انك ممثله بارعة بالكذب..وبعدين ما في احد هنا تفشلينا قدامه جالسه تعرجين!!!
تابعت الجازي خطواتها وهي تردد بصوت مرتفع : يخاطبني السفيه بكل حمق
قطعت كلامها لما إلتفتت للخلف... وشافت خالها ابو جواد داخل ويناظرهم باستغراب من صوتهم المرتفع..ابتسمت باحراج..ونزلت بخطوات سريعه متحامله على وجع رجلها وبترحيب: هلا خالي...كيفك؟ عساك طيب؟!
ابو جواد مستغرب من عرجها ما عمره سمع انها عرجاء..حتى بالشركة لما شافها ما يتذكر انها برجلها عرج!!
سلم عليها ببرود للحين ما يعرف خيرها من شرها...وبشكل عام ما يرتاح لها وخاصه انها ابنة وليد إلي ما يطيقه...سألهم بعد ما سحب يده منها : علامه صوتكم طالع؟!
الجازي سبقت على شذى وتكلمت باحراج : نعمل مناظره بالشعر يا خالي!!
وناظرت شذى وهي تبتسم بعباطه : صح يا
-حكت راسها- والله نسيت اسمك!!
ناظرتها شذى بقرف وتكلمت : اسمي شذى إلي رح تحط المر بحلقك!
الجازي بعباطه : بس حددي اشرب المر شرب والا بلع!
مدت لسانها لها بدعابه!!
همست شذى بكره : وقحه
وتركتهم وغادرت بعد ما لحقتها رنيم!
تنهدت براحه بعد ما غادرت...ناظرت خالها بابتسامه دافئة : اجهزلك الفطور يا خالي!!
رد بنبره جافه : لا!
طنشت نبرته وتوقعت يمكن طريقة اسلوبه بالكلام كذا..هي ما تعرفهم ولا تعرف طبيعتهم..وبنبره هادئة ردت : اممم احضرلك قهوة والا شاهي؟!!!
تجاوزها بهدوء بدون ما يعبرها ولا يرد عليها!
ناظرت زوله....وحز بخاطرها تصرفه..
احيانا الطفل الصغير تستحي تطنشه..كيف كذا طنشها ولا كأنها تكلمه!
اخذت نفس وهي تحاول تقنع نفسها انه يمكن ما سمعها!!
بلعت غصتها وهي تناظر انحاء البيت...وشعور الغربة غزاها!!
ياااه مشتاقه لابوها وامها واخوانها وعمتها ..تتمنى الحين تكون في بيت عمتها وترج البيت رج!!
قررت ترجع لجناحها افضل لها من مقابلة اهل هالبيت الواضح انهم كلهم نفسيات...ما تدري كيف تتعامل معهم؟!!!

....
....
...
....
طالعت زوجها بقهر : وهذي هي تصرفات ابنة حنين خانم!!!
انت متخيل كيف رح يكون شكل بناتي بالجامعة قدام البنات بسبب سوالف ابنة حنين!!!
زفر بضيق : كل شيء بينحل
قاطعته وهي توقف وتشبر بيدينها بقهر : كيف ينحل وانا اشوف القهر بعيون ولدي،!!
ومع ذلك احترام لكم سكت!
ما هي من مستوى ولدي حتى يتزوجها...انا ولدي ما تليق فيه الا ملكة جمال!
وبنات عيلتنا ما شاء الله عليهم جمال ذباح ليه نتركهم ونزوجه غريبه ما فيها شيء يجذبك!!!
اشر لها تهدي شوي : يا بنت الحلال مسأله وقت ورح ازوجه من بنات العيله الكل يتكلم عن جمالها واخلاقها
قاطعته بعدم تصديق : تزوجه؟!
وعمي ابو ناصر موجود؟!
والا خانم حنين إلي رح تفضحنا بكل مكان...كيف تزوجه؟!
تكلم بنبره اقرب للهمس وكأنه سر بينهم ما يبغى يطلع : الحين انت من عقلك بعد شوفتك لزوجة جواد انها رح تحمل؟!
عقدت حواجبها بعدم فهم: كيف؟! وش دخل سالفة الحمل
قاطعها بنفس الهمس : نحيله كثير وفوق هذا قصيره..يعني ما اتوقع انها تحمل
قاطعته بإحباط: ما هو شرط اذكر وحده بالجامعه كانت تدرس معنا صغيره كثيره من ناحية الحجم ومع ذلك حملت وعندها درزن من العيال..يعني ما هو شرط
رد باقتناع بكلامه : انا متأكد وعندي امل كبير من هذي الناحيه...بعد سنه نقول نبغى نشوف عيال جواد وابنتكم ما تجيب العيال
زفرت بملل : اتحملها سنه تحت عيوني؟!!
وبعد السنة يطلقها؟!
قاطعها بحزم : لااا طلاق حنا ما نطلق حريمنا...لكن التعدد شرع ربنا ومن حقه جواد يكون عنده عيال!!!
صدقيني لو اخر يوم بحياتي الا ازوج جواد بالبنت إلي يبغاها وما رح اوقف بطريقه...لاني احس انه انظلم بهذا الزواج...لكن هذا الكلام يصير بعد سنه على الاقل...لا تنسي انها اختي ومضطر اتحمل هالمده!
ردت بضيق : عسى هالسنة تمر بسرعه
هز راسه وبتأكيد : هذا الكلام ما ابغى اسمعه بيني وبينك ...وانت حاولي تتجنبيها ما نبغى مشاكل..
مطت شفتها : احاول..لكن لو ما عجبني شيء من تصرفاتها ما رح اسكت لانها الحين محسوبه علينا!
هز راسه بتأكيد : هذا شيء مفروغ منه..انتبهي على تصرفاتها واي شيء مخالف لعاداتنا ما تسكتي عليه
...
.....
.....
ام ناصر ناظرت حفيدها بانتقاد : وينها الجازي ما جاءت تسلم علي!!
هذا وانا جدتها!!
جواد بهدوء ظاهري : وين تطلع يا جدة وبعدها عروس!
على اخر كلمه مط شفته بسخريه من هالعروس!
ام ناصر طالعته وما عجبها كلامه : إلي يسمعك يقول من بعد المسافة؟!
هذا حنا الباب بالباب!!
وانت ليه تارك زوجتك وجاي لهنا؟!!
ابتسم بدون نفس على انفعال جدته : تعرفين يا جده ما اعرف اجلس بدون ما امر واسلم عليك!!
ام ناصر رفعت حاجب : لا تترك زوجتك لوحدها بعدها غريبه وما تعرف احد واكيد تحس بالغربة بمكان ما تعرفه!!
تبغى الصراحه اخاف عليهامن امك!
عقد حواجبه وما عجبه كلامها : ليه قالوا لك امي تأكل لحوم بشريه؟!
ام ناصر مطت شفتها : ما هو كذا بس انت تعرف الكره إلي بين امك وعمتك حنين...اخاف تطلع كل الكره على هالضعيفه!
رد بسخريه : لا تخافين على حفيدتك..ترى ينخاف علينا منها!
تنهدت لما فهمت نغزته عن انتحال الجازي شخصية امها..وبتبرير : لايغرك هالتصرف ترى البنت طيوبه
وما
قاطعها بلامبلاه : ومن سوء حظي طلعت زوجة لي!
اخخخ يا جدة اتركينا من هالسالفة ترى فيني قهر وما احد حاس فيني!
امالت شفتها بسخريه : يا كذبكم يا الرجال تلقى الواحد فيكم يصج راسك وهو يردد طول الوقت ما ابغاها وما احبها وعنده ظ،ظ¢ بزر هذا لو كنت تحبها كم يكون عندك عيال؟!
قل الحمد لله غيرك ما هو لاقي بيت يسكن فيه ولا وظيفه وانت ربنا انعم عليك وظيفه وبيت وسياره وزوجه ..احمد ربك..وزوجتك صغيره تقدر تخليها تمشي مثل ما تبغى!
والبنت اعرفها ما رح ترفض لك طلب انا ما انكر انه عليها حركات مجنونه شوي....هذا لانه ابوها تركها تعمل إلي تبغاه بس لما يحزم معها تمشي معه!
ناظر جدته باستغراب : ابوها كيف قابل حركاتها؟!
ما عنده احساس؟؛ وفوق هذا عامل نفسه وجه بن الناس وهذي حركات بناته؟!؛
ام ناصربترقيع : يا ولدي حياتهم مختلفه عن حياتنا ..وفوق هذا حنين تقول ابوها يشوفها طفله صغيره وكانها بالمتوسط علشان كذا يتغاضى في بعض الاحيان عن تصرفاتها!!
مط شفته وما عجبه التبرير...وسأل جدته عن جده ابو ناصر يبغى يغير الموضوع وينسى شوي سيرتها!!!

....
....
...
....
متمدده على الكنبه وسارحه بأفكارها من البارحه ما شافت جواد...من بعد سالفه شذى!!
ما معها رقم له تسأله عن مكانه!!
من بعد السالفه ما نزلت تحت....معتكفه بالجناح من وجع رجلها..الظاهر لما ركضت على الدرج وهي لابسه الكعب زاد وجعها ...واليوم ما هي قادره توقف عليها نهائيا!!
تمشي على رجل وحده.....حلفت يمين ما تلبس الكعب نهائيا بعد ما ذاقت الويل من الوجع!
ليه تستحي من قصرها...ربنا خلقها كذا!!
إلي يبغى يتمسخر يتمسخر على كيفه..رح تأخذ حسنات وهي جالسه!
عدلت جلستها وهي عافسه ملامحها من الوجع لما شافته دخل الجناح...
ما ناظر جهتها نهائيا..دخل غرفة النوم وضرب الباب بقوة خلفه!!!
رفعت حاجب وفتحت فمها تحلل الموقف "تصرفه اني معصب وما تتكلمين معي ولا تدخلين الغرفه"
حتى السلام ما رده!!
تنهدت ما تدري وش هالعائلةإلي وقعت معهم!!
وقفت بتعب وتوجهت للمطبخ تشرب مويه ....تبلل ريقها من هالعيشه إلي تنشف الحلق..ما هي متعوده على هذي الحياه وعلى هذا السكون!
ومع ذلك رح تجبر نفسها تأخذ طبعهم وتعيش معهم...
تابعت خطواتها مطنشه لما سمعت باب الغرفه انفتح..بس وقفت لما سمعته يكلمها : تقدرين تمشين عادي ترى ما في احد بالجناح غيرنا....ما اذكر انك عرجاء وانت على ظهر السور!!!
تنهدت بهدوء بالرغم ما عجبتها نبرته لكن بنفس الوقت ما تبغى مشاكل...التفتت له وتصرفاتها الصبيانيه تورد لها الحرج قدامه... ابتسمت باحراج حتى تغير السالفه : اجهزلك قهوة؟!
طالعها وهو رافع حاجب..يكلمها بشيء وترد بشيء ثاني...ما يثق فيها ومتأكد الابتسامة هذي تمثيل...اخذنفس يهدي اعصابه...وبنبره هاديه :ما ابغى شيء....لا تنسي بعد المغرب تنزلي عند اهلي..جدتي ام ناصر رح تكون تحت!
تركها وطلع.....انمحت ابتسامتها...وحل مكانها الحزن على ملامحها!!
ما احد يحس ويشعر فيك الا اهلك.... يعرفون انها ما هي عرجاء..ومع ذلك ما احد اهتم او سالها وش فيك تعرجين؟!
حملوا عرجها على الوجه السيء وانها تبغى تفشلهم!!
ما تدري ليه الناس نفوسها مريضه كذا!!
من اول ما جاءت هنا وهي تكتم وجع رجلها.. وما احد حس فيها!!
لو كانت امها معها كان اهتمت بحالها وسحبتها على المستشفى غصب عنها!!
المفروض ما تسكت عن وجع رجلها..لكن بنفس الوقت تخاف يكذبونها!!
محتاره ما تدري كيف تتصرف معهم وكيف طريقة التعامل؟!
مستعده تتغير وتتعايش مع تصرفاتهم وحياتهم بس بنفس الوقت يفهموها وش يبغون منها وش المطلوب؟!!!
مسحت دمعه تسللت على خدها ...وتبعتها دموع...
تبكي فراق اهلها
تبكي الغربه
تبكي زعل زوجها من اول الايام
تبكي جفاء بيت خالها
تبكي وجع رجلها
اخذت نفس وهي تمسح دموعها..تخاف يدخل عليها احد فجأة وهي تبكي!!!

....
...
..
...
بمجلس الحريم يضج المكان بأصوات الحريم...كل وحده حاطه راسها براس الثانيه...وهذي تضحك وهذي ولدها يبكي!!
شذى وهي تقترب من بنات عمها وتتكلم ببغض : يا كرهي لها!!
متفشله منها!!
سمر باقتراح : انت قدام البنات بالجامعه كذبيها...وخاصة انت تقولين ما احد عرف بحفلة الزواج انها نفسها!!
شذى بتفكير : صادقه اصلا انا ما عرفتها يوم الزواج!!
وناظرت الجازي ابنة عمها : سمعت انك متحمسه تشوفينها؟!
الجازي بنعومه طبيعيه : من كثر ما سمعت عنها..عندي فضول اشوفها على طبيعتها!
رنيم بضحكه : انصحك لما تيجي تغمضي عيونك واحتفظي بصورتها بالزواج بعقلك على الاقل باينه بالزواج انها كبيره شوي!
تدري انها
سكتت واشرت بعيونها على الجازي إلي دخلت المجلس!!
همست شذى للبنات: علامها قصرانه بزياده!
رنيم بنظره خاطفه : ما هي لابسه كعب!!
واشرت بعيونها : شوفي كيف وجه امي!!!

ام جواد ناظرتها باحراج مع انه الموجدات سلفاتها وبناتهم..لكن تفشلت من الجازي...قصيره حيل اقصر من اول...وللحين تعرج وكأنها مصممه انها تفشلها!!
كتمت قهرها وناظرت سلفاتها بحرج : هذي الجازي!!

..
..
.. دخلت متفاجئة من المجلس كله حريم...والازعاج غير طبيعي.....
توقعت وجود جدتها بس،!!
انحرجت من هالاعداد...كل ذول اهل امها يعني قرايبها لكن ما تعرف احد فيهم......وزاد حرجها وهي تشوف كيف نظراتهم تسلطت عليها!!
إلي متأكده منه ما هو عاجبهم شكلها!!
شيء متوقع بالنسبة لها وسمعته بإذنها من جواد يوم الخطوبه!!
اذا ما عجبت العريس كيف تعجب هالاعداد!!؛
طول عمرها تعيش حياتها بالبساطه وما تهمها الشكليات..ما رح تستحي من قصر قامتها ولا من شكلها...هذي خلقة ربنا ولازم تشكره عليها!!
ابتسمت بهدوء بعد ما اخذت النفس...تحاول تخفي توترها...
تقدمت وهي تمشي على رجل وحده : السلام عليكم ....
وطالعت ام جواد بوجه بشوش : خالتي
قاطعتها ام جواد بجمود :سلمي من اليمين وما له داعي نفتح دفتر العائلة رح تتعرفين عليهم مع الوقت!
انحرجت من اسلوب ام جواد معها.. ومع ذلك طنشت اسلوبها.. وتوجهت تسلم على الموجودين بوجه مبتسم!!
وبداخلها استغراب من استقبالهم لها.....كم وحده وقفت بوجهها....والباقي يسلم ببرود....
ولا كأنها عروس!!
غريب في عائلتها يعاملون العروس وكانها ملكه او كائن نازل من السماء!!
العروس بالنسبة لهم شيء كثير!!!
اما اهل امها العروس ولا شيء بالنسبة لهم!!
للحين ما تدري وش السبب بالضبط!!
ترقع لهم يمكن اسلوبهم كذا!
وطبيعتهم كذا!!
بعد السلام ناظرت المكان مزدحم...ما لها مكان....
اشرت لها ام جواد تجلس جنب حرمه ما تدري وش صلة القرابه بينهم!!
ناظرت المكان الصغير وجلست بهدوء .....
تراقب بعيونها الحاضرين...تطنش نظرات شذى المشحونه بالكره...
وعيونها على البنات إلي مع شذى ورنيم وجمالهم الرباني،!
وسؤال يتردد في ذهنها "كيف جواد تركهم وخطبها هي؟؟؟"

...
...
...
...






رفعت نظرها على دخول جدتها الوحيده من اهل امها إلي تحسها قريبه منها
تقدمت الجده بعدما اطلقت الزغروده ..وسلمت عليها بحراره وهي تبارك لها !
الجازي بمزح همست لجدتها : من انت يالعجوز ؟!
الجده بدون مقدمات طقتها بعصاتها على رأسها : انا جدتك يا قليله الخاتمة !
حطت يدها مكان الضربه وهي عافسه ملامحها : والله يوجع يالجازي !
رجعت ضربتها الجده على يدها بخفه : هذا انت تعرفيني يالخايسه !
الجازي تفرك مكان الضربه وبضجر عفوي هامس: خربتي ام البرستيج يا جدتي!
ام جواد تناظر وما وصلها همسات الجازي الا صوت الجده وبقلبها تردد«تسلم يدك »
كل عيون الحاضرين على الجده إلي جلست جنب الجازي بعد ما صممت الجده تجلس جنب الجازي ...حضنتها بقوه وبصوت عالي تتكلم وكأنها تجاكر احد الحاضرين : هذي حفيدتي الغاليه على اسمي !
ترفع الراس حفيدتي المهندسه يا حظ حفيدي فيها !
باكر يقولون المهندسه الجازي زوجة المهندس جواد !
الجازي خنقتها جدتها وبهمس لجدتها المتحمسه للمديح : فكيني ..خنقتيني انت وهالعطر نفس ريحة بف باف للصراصير !
خزتها الجده وبهمس : ما كنت ادري انك صرصور ورح تتأثرين من هالعطر !
فكت الجازي نفسها وبهمس : دوبك تقولين مهندسه والحين صرصور!!
وصارت تهف على نفسها : خنقتيني يا جده بذا العطر انت غرقانه بعلبه العطر !
قرصتها بخصرها: انكتمي !
وطالعت ام جواد : عسى حفيدتي زينه معكم؟!
ام جواد بدون نفس: للحين ما شفنا خيرها من شرها
الجده بابتسامة: خير رح تكون ان شاءالله !
الجده همست للجازي :علامك لابسه هالعباية؟!
ردت وهي تشوف انها الوحيدة لابسه عباية : اخاف احد يدخل فجأة لهنا والبيت مشترك ما هو بيتي لوحدي اخذ راحتي!
الجده بتأكيد : صادقه يا ابنتي!!
وبهمس تسأل عن احوالها : كيف بيت خالك معك؟!!
ابتسمت بمجامله: الحمد لله بخير
كتمت ضيقها من تعاملهم الجاف معها وناظرت جدتها إلي مسترسله بالاسئلة: جواد كيف معك؟!
هزت راسها بهدوء : الحمد لله!
رفعت نظرها على دخول نغم وميس وهي مستغربه سمة الطول بارزه عند اهل امها!!
تتوقع اقصر بنت بالمجلس هنا عندهم ظ،ظ¦ظ سم !!!
وقع نظرها لام جواد تناظر ميس ونغم بفخر واعجاب عكس نظرتها لها !!
ناظرتهم وهمست لجدتها : مين ذول؟!
ام ناصر بهدوء :ميس ونغم سلفاتك!!
الجازي بإعجاب : واااو
ام ناصر قرصتها بفخذتها وبهمس : وطي صوتك...انت عروس كل حركاتك محسوبه عليك
سكتت ام ناصر لما اقتربت نغم وميس يسلمون على جدتهم وعلى الجازي !
وقفت الجازي بطبيعتها المبتسمه وسلمت بهدوء وهي تحس بفارق الطول بينهم!
وقفت الجده وهي تكلم ميس : تعالي وصليني للبيت
تكلمت الجازي : وين يا جدتي دوبك واصله!!
ام ناصر بهدوء : تعابنه يا ابنتي..قلت اسلم عليك بما اني ما حضرت العرس...ربنا يوفقك
ابتسمت الجازي لجدتها : سلامتك يا جدتي!!
ميس مسكت يد جدتها بشويش وغادرت مع جدتها بعد اعتذار ام ناصر ما تقدر تجلس اكثر من كذا ..
جلست مكانها بهدوء وعيونها تناظر كشخة من حولها بتأمل ..
مر الوقت عليها وهي تشعر بالملل من هالجلسه كل وحده راسها براس الثانية ويتهامسون ويضحكون...
نفسها تغادر هالمكان ...
إلي متأكده كل همسهم يحشون فيها..
تنهدت وهي تشعر بسخافة عقلهم....
يتفاخرون بشيء ما هو بيدهم...ربنا خلقها كذا قصيره...حتى لو كانوا يشوفونها ما تناسب ولدهم وهذا من حقهم...بس على الاقل يحترمون مشاعرها..ترى لها مشاعر واحاسيس مثلهم!!
وما دقت بابهم تعالوا اخطبوني!!
نفسها تعرف ليه خطبوها؟!
ناظرت ساعة الحائط ظ،ظ :ظ£ظ كتمت ضيقها متى تنتهي هالسهره الممله!!!
استانست لما بدأت الحريم تطلع ..واخيرا رح تنفك من هالجلسه الممله وترجع لغرفتها وتريح رجلها...
ام جواد ناظرت الجازي بانتقاد حاد بعد ما غادر الجميع وما بقى الا نغم وبناتها : انت وبعدين معك؟!!
متعمده تفشليني قدام الناس؟!
جالسه تعرجين وفوق هذا لابسه عباية..انت عروس المفروض تتزيني وتلبسين احلى لبس...والا تبغين الناس تقول شوفوا زوجها ما اشترى لها ملابس؟!
انت وش تبغين منا بالضبط؟!
شوفي نغم كأنها هي العروس ما هو انت!!
رفعت الجازي نظرها لنغم لابسه فستان سكري لنصف الساق واكمام شيفون وماسك عليها عند الخصر....وعامله بشعرها حركات ناعمه ومكياج ناعم....
رجعت ناظرت ام جواد إلي مستمره بكلامها الحاد : هذا اخر تنبيه لك يا ابنة حنين...بعدها رح يكون لي تصرف ثاني معك!
فاهمه!!!
رنيم تناظرها بتكبر : خبرتكم عن بلاويها وتصرفاتها المخجله بس ما احد سامع لي!
وقفت الجازي ببرود عكس النار إلي بجوفها من الكلام إلي تسمعه...نفسها تمسح فيهم الارض وتعلمهم قدرهم..وبنفس الوقت اهلها ربوها ما ترادد الاكبر منها حتى لو غلطوا عليها...اخذت نفس تهدي حالها وناظرت رنيم بحده : انت لا تتدخلين...خالتي بمقام امي تحكي إلي تبغاه لانها اكيد تبغى لي الافضل.. اما انت ما اسمح لك تتدخلين .. اهتمي بنفسك يكون افضل!
وناظرت ام جواد بهدوء : انا اسفه خالتي اذا سببت لك الاحراج... تصبحي على خير
لفت وجهها وغادرت المجلس وهي تعرج ...والدمعه معلقه برموشها.....
اجتماع هالعائلة كان ثقيل عليها...جلوسها فوق طاقتها....
تحس بطعم الغربه بهذا المكان...وزاد عليها كلام ام جواد الجارح!!
قبل ما تصعد الدرج شافت جواد وخالها جالسين بالصالة...
ما فيهاحيل تروح لهم....وخاصه انها تحس نفسها شخص غير مرحب فيه...ومع ذلك تدوس على مشاعرها وتقوم بالواجب...
تقدمت منهم وهي كاتمه الالم...وقفت قريب منهم بابتسامة : مساء النوور
ابو جواد رفع نظره لها بهدوء : هلا
كتمت ضيقها لما شافت جواد ما عبرها ولا رفع عينه عن الجوال...تكلمت بنبره هاديه : كيفك اليوم خالي!
ابو جواد بملل : بخير!
ورجع ابو جواد يناظر بالجوال ....حست مكانها غلط وما احد معبرها او محسسها بوجدها!!
عضت على شفتها تمنع سقوط دموعها..لفت وجهها وغادرت لغرفتها...
وبداخلها امور كثيرتكسرت...
**
....
...
..
بالمجلس رنيم تناظر امها : شفتي يمه هالحربايه النصابه..حتى تكسبك بصفها تقول هالكلام!!!
ام جواد بهدوء : ادري بها على بالها تضحك علي بكم كلمه...ما تدري اني اعرف انها ابرع وحده بالتمثيل!!
شذى بكره : نفسي امسكها من شعرها واحوسها حوس!
يقال انها مؤدبه ومسكينه!
ترى يمه انا اعرفها على حقيقتها بالجامعه
ام جواد قاطعتها : ادري ادري..انا ام جواد وما هي بزر تضحك علي!
انا إلي رح اخليها تذوق العلقم بيديني!
والحين انا إلي رح ابدأ معها شغل الحموات...
وتركتهم وتوجهت للصاله...ناظرت جواد وزوجها كل واحد يطقطق بجواله!!
تكلمت بنبره مرتفعه حتى تجذب انتباه جواد وابوه : انا لهذا الحد ما رح اسكت!!!
ابو جواد رفع نظره : وش فيك؟!
ام جواد بقهر حقيقي : وبعدين مع زوجتك؟!
حالفه يمين تفشلني قدام العالم؟!
ناظر جواد امه باستغراب : وش فيه؟!
ام جواد تشبر بيدينها: داخله تعرج علينا قدام الحريم وفوق هذا لابسه عبايه ولا كأنها عروس علشان يقولون زوجها بخيل ما اشترى لها شيء!!!
هذي المخلوقه تبغى تفشلني قدام العالم!!
اسمعني يا جواد زين..شوفلك صرفه معها انا مو مستعد اتفشل قدام احد ...المره هذي الضيوف اعمامك المره الجايه رح يكون الضيوف ناس غريبين عنا!
جواد بهدوء ينهي المشكله : خلاص انا اتفاهم معها!!
جلست ام جواد بقهر بعد ما مطت شفتها: نشووف وش رح يطلع معك!!!
***
**
**
**
**
**
**
تحس نفسها احسن شوي بعد ما طلعت الكبت إلي داخلها بالبكاء...ما تدري من لما جاءت هنا ما عندها الا البكاء!!!
ناظرت جواد لما دخل الجناح...الشخص إلي دق قلبها له قبل ما تعرف انه زوجها...وهو الشخص الوحيد إلي ما تبغى يعرف بحركاتها وبمصايبها...لكن القدر انه يكون شاهد عليها!
نزلت نظرها لما جلس قريب منها بعد ما رد السلام!!
ردت السلام بهمس!
ابتسم بداخله بسخريه...مقطع حالها التمثيل...المشكله يحس هالدور ما هو لايق عليها...
ناظر جهة الشباك وتكلم بهدوء : وش فيها رجلك؟!
ترددت تخبره او لا؟!
بس لازم تخبره حتى تروح على المستشفى وتتعالج...
محتاره بالجواب!
رفعت نظرها له ...وعيونه على جهة الشباك!
تنهدت ومدت رجلها بشويش..ورفعت مكان الكاحل وبنبره طفوليه : توجعني!
نزل نظره مكان ما اشرت...تأمل اللون الازرق حول كعب رجلها وبتساؤل: من وين جبت الحبر ودهنت رجلك حتى صار لونها كذا؟!!
فتحت عيونها بصدمه من كلامه.....







انتهى البارت انتظروني السبت القادم بإذن الله..دمتم بخير







لامارا غير متواجد حالياً   رد مع اقتباس
قديم 11-03-19, 09:44 PM   #36

modyblue

نجم روايتي

alkap ~
 
الصورة الرمزية modyblue

? العضوٌ?ھہ » 321414
?  التسِجيلٌ » Jun 2014
? مشَارَ?اتْي » 18,416
?  نُقآطِيْ » modyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond repute
افتراضي

السلام عليكم
يبدو انك في طريق كله اشواك يالجازيه وهذا ماجنته يداك وتاثير الماضي الله يعينك عل القادم
احببت الجدة جدا
وفعلا نبيه حبر هههههه
سلمت اناملك وشكرا لامورة عل النقل الممتع


modyblue غير متواجد حالياً  
التوقيع


رد مع اقتباس
قديم 11-03-19, 09:51 PM   #37

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 39,187
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


السلام عليكم ورحمة الله وبركاته

الجازي زودتها فيه عروسه تهمل شكلها بهذا الشكل

خاصه وهي عارفه الناس اللي بتعيش معهم

الجازي المفروض تخفف من مناقرها وطول لسانها مع أخوات جواد

لأن هذا ماهو في صالحها

لكن الشرهه على أمها اللي تركتها على كيفها المفروض تنصحها وتوجهها وتعلمها

ماهو تتركها تروح وهي ماتعرف حتى ترتب نفسها

جواد طيب وفيه خير وممكن الجازي تكسبه لو إهتمت بنفسها وعقلت من الجنان

وحركات الأطفال

أم جواد وأبو جواد ماهم متقبلينها ومثل اللي ينتظرون لها الزله بدل مايحاولون

بالطيب يمشونها على كيفهم ويعدلون تصرفاتها

تسلم يمينك ومنتظرين باقي الأحداث حبيبتي

شكرا لموره على النقل لا خلا ولا عدم منك يارب


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-03-19, 06:22 PM   #38

alhaera

? العضوٌ?ھہ » 307735
?  التسِجيلٌ » Nov 2013
? مشَارَ?اتْي » 111
My Facebook My Twitter My Flickr My Fromspring My Tumblr My Deviantart
?  نُقآطِيْ » alhaera has a reputation beyond reputealhaera has a reputation beyond reputealhaera has a reputation beyond reputealhaera has a reputation beyond reputealhaera has a reputation beyond reputealhaera has a reputation beyond reputealhaera has a reputation beyond reputealhaera has a reputation beyond reputealhaera has a reputation beyond reputealhaera has a reputation beyond reputealhaera has a reputation beyond repute
افتراضي

تسلمي على البارت الرائع جواد وعائلتو راح اجلطوني🙄😓😓😰😰نفسيتهم مريضة الله اعين الجازي مسكينة 😢في انتظار الاحداث القادمة يا مبدعة 💐🌸💐

alhaera غير متواجد حالياً   رد مع اقتباس
قديم 12-03-19, 10:30 PM   #39

زينه 4

نجم روايتي ومشاركة بمسابقة الرد الأول وابنة بارة بأمها

 
الصورة الرمزية زينه 4

? العضوٌ?ھہ » 372378
?  التسِجيلٌ » May 2016
? مشَارَ?اتْي » 3,336
?  مُ?إني » قلب امي
? الًجنِس »
? دولتي » دولتي Saudi Arabia
?  نُقآطِيْ » زينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond reputeزينه 4 has a reputation beyond repute
¬» مشروبك   water
¬» قناتك mbc4
?? ??? ~
يمّه على داعيك يزداد قدّي بك افتخر يا ملهمه يا عظيمه
?? ??? ~
My Mms ~
Lightbulb

لاحظت أن الكاتبه دائم بطلات رواياتها عنيدات متمردات مشتت التفكير قليله الحظ تصرفاتهم دائم عوجاء اذكر في رواية اقدار البطله حتى اخر الأجزاء اعند منها مافيه ولاتعرف مصلحتها ولا تضحي من شأن احد ولاتهتم في صغير ولاكبير اتمني أن الجازي تبعد عن هالطريق وتأخذ خطوه ايجابيه بحياتها وتعدل سلوكها وتفكر أن اعمالها ما جنت عليها وكذبها الغير مبررر مايشفع لها ابد متاكده انها ماراح تكسب زوجها لانها اصلآ ماعندها خبره وامها ماكانت لها مربيه ابد وابوها كمان هو من خرب بنته ! لم يقف موقف صارم واعد تربيتها !وأصبحت كذابه ونصابه حتى محد صار يصدقها احد ولا فيه وحده عاقل تقول انها يتيمه! ! الانسان اخلاق واذا وجد مايعيب به كره الناس ومن وصف الكاتبه الجازي اسماها لايليق بها لان الجازي دائماَ من تسمى به تكون بنسبه من جمال مقبول او جمال مبهر والبطله من وصف الكاتبه لاتحظي بشئ من هذا! يعني ع قولتهم شين وقوي عين
والجازي هي من وصلت نفسها لذلك ماني متأ سفه عليها لانها مو طفله هي جنت ع نفسها ي تختار طريق الصح وتنهض بنفسها او ترجع لبيت أهلها افضل ويبدو لي انها بترجع لبيت أهلها حتى لو ما تطلقت من جواد! مع أن الانثي شوي اهتمام شوي عقل شوي كريزما تكون ملفته مو محتاجها أنها تكون خارقه في الجمال بس الاهتمام مطلوب وهو عند الجازي معدوم وصراحه استغرب دور الام وينه هنا! وكمان يبدوا لي أن الجازي ما تغطي وجهه بدليل أ، بدر شافها !
شكراَ لامارا ع النقل


زينه 4 غير متواجد حالياً  
التوقيع

كل يوم حكاية تسرد على مسامعنا مزيدا من أمل
تخبرنا بأن ما عند الله أفضل
تجعلنا نتفائل ...💛💭
رد مع اقتباس
قديم 13-03-19, 02:48 AM   #40

ام ريان

? العضوٌ?ھہ » 56408
?  التسِجيلٌ » Oct 2008
? مشَارَ?اتْي » 90
?  نُقآطِيْ » ام ريان is on a distinguished road
افتراضي جازان

الروايه ممتعه لكن اتفق مع القارئه الماضية على ان الروايه تكرارا للروايه السابقه أقدار نفس نمط وأسلوب البطله نراه في بطلة الروايه اللامبالاه عدم الاهتمام بالمظهر والآخرين لكن تستطيع الكاتبه القفز بنا عن ذلك فهي كاتبه مبدعه وتسطيع تغيير الأحداث حتى نتعايش مع روايه مستقله بااسلوب جديد وافكار مستقله عن الروايات السابقه وتستطيع إبحارنا بقلمها للروايه متميزه. مع تمنياتي بالتوفيق

ام ريان متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 05:00 PM



Powered by vBulletin® Version 3.8.9
Copyright ©2000 - 2020, vBulletin Solutions, Inc.