آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
01-01-20, 09:28 AM
| #472 | ||||
|  سلام احلى كاتبة 😘 سلمت اناملك...رغم اني زعلانة منشان الجازي كتير ....بس اكيد الاحداث رح تنصفها....بتمنى تقوى شوي وتقف بوجه جواد....اسلوبك رائع.....بس سؤال....ممكن...موعد تنزيل الفصل.....و امانة ما تتاخري بالفصل....عم تشوقينا.....خليهن فصلين بالاسبوع....طمعانة بكرمك😉❤ | ||||
|  |
|
03-01-20, 06:15 PM
| #473 | ||||
| مرحبا ابرار يسلمو ايديك كتير ع الرواية الي أكثر من رائعة الجازي محركاتها وعفويتها كان لازم تتزوج شخص يتناسب مع شخصيتها ويشوف ايجابياتها والأشياء الحلوة فيها كتير حزنت عليها لما خسرت بناتها رجاء ما تخلي السنين تمر وبناتها يكبر و من غيرها | ||||
|
| |
|
05-01-20, 02:33 AM
| #476 | ||||
 
| بارت 22 فتح الدرج بالمفتاح ....اخذ نفس عميق تناول الجوال ...ضغط على زر التشغيل .... رجع اخذ نفس وهو يشوف اشعار التشغيل ... رفع نظره للسقف ينتظر الجهاز يفتح ...حس نبضات قلبه هبطت لما اشتغل الجهاز .... دخل رقم نايف على جهازه حتى يشوف اذا مسجل او لا عقد حواجبه لما شاف اسم «الثرثار » لحظه وش يعني هالاسم ؟! مر من امامه بعض اللحظات إلي كانت تثير شكوكه ! يوم المزرعة رفضت تروح معه وجلست اسبوع لوحدها بالبيت مع الزفت نايف! لما طلع للحديقة متاكد وقتها نايف عمل لها حركه وما احد كان قباله غيره ...وليه اصلا واقفه مقابل له ؟! ولما ناداها ارتبكت ارتباك ما هو طبيعي ! والاهم للحين جملتها لما اتصل فيها من جوال امها واول ما انفتح الخط نطقت «كلام نايف صحيح » وش عرفها بنايف ؟! كيف تواصوا مع بعض ؟! حس بكتمه بصدره من هالسوالف ...فتح الرسائل يبحث على اي شيء يريح قلبه ! جحظت عيونه لما شاف رسائل الغزل من نايف للجازي ...غريبه هي ما فتحت شيء ! فتح الواتس نفس الشيء رسائل ما هي مفتوحه ....تمنى لو نايف قدامه ويطحنه تحت اسنانه ...اكثر الرسائل صور لنايف يسألها اي صورة احلى ! وغير الرسائل القذره مثل وجهه! وقف على حيله والغضب بداخله بدأ يتصاعد ما يشفي غليله الا انه يشرب من دم نايف ! قفل الجوال ووضعه في جيبته .... طلع من المكان وهو يفكر وين يلقاه ! ** ** ** جالسه بالصالة بحضنها اللاب تتصفح المواقع لكن فعليا عقلها ابدا ما هو بالواقع ...عقلها وقلبها مع بناتها تتخيل لو ما صار إلي صار كان الحين يبكون او يلعبون او قطعت سرحانها وناظرت امها بروح ميته: نعم حنين بضيق على حال الجازي للحين ما تعدت هالازمة..تبغى تشغلها بأي شيء حتى تنسى : الله ينعم عليك ! لو تشوفين الاكل هزت راسها بطاعه : ان شاء الله وقفت وتوجهت للمطبخ بخطوات هادية...دخلت المطبخ وهي تناظره بسرحان وش تبغى من المطبخ ...نسيت وش تبغى من المطبخ ! استدارت حتى ترجع لفت نظرها طنجرة الاكل !- ضربت جبهتها بخفة ! وش فيها تنسى كذا ! بدات دموعها تتساقط ما هي قادره تصدق متاكده انها بحلم وتبغى تصحى منه باي طريقة ! لفت وجهها بحركه لا اراديه لما سمعت صوت صراخ بالخارج!، تقدمت خطوة للامام بتردد ...خايفة تسمع مصيبة ثانية ...وقلبها ما يتحمل ! فتحت عيونها برعب هذا صوت ابوها ...توجهت خارج المطبخ وقلبها يدق بقوة .. ناظرت الصالة امها ما هي موجوده ! سحبت شالتها على طرف الكنبه ركضت للخارج لما سمعت صوت الصراخ ارتفع ! اول مرة تشوف ابوها غاضب بهذا الشكل ! يضرب نايف وسالم معه ! وامها تصرخ ما تدري معهم والا عليهم! قلبها الصغير ما يستحمل يشوف هالمناظر! غمضت عيونها لماسحبه سالم ورماه برا البيت بقسوة ! اوجعها هالمنظر ! ناظرت ابوهاوهو يتكلم بالجوال بصوت غاضب : زبالتكم هذا هو باب بيتي رميته مكسر المره الجاية رح اذبحه !، دخلت بخطوات للداخل لما توجهوا للداخل.... دقات قلبها تنبض بقوة ما تعرف وش هالسبب ...ناظرت امها إلي تكلمت : كان ما ضربته كذا ما يستحق تدخل السجن بسببه !، وانت يا سالم ! سالم جلس بالصالة وناظر الجازي وبعدها التفت على حنين: يستحق الذبح هالنذل! حنين بتذكر : الاكل وش صار عليه فتحت الجازي حلقها بفزع وركضت باتجاه المطبخ وهي تشم رائحة الاكل المحروق ! توجهت خلفها حنين وهي تردد: حسبي الله عليك يا نايف انحرقت الطبخه بسببه ! *• * متمدد على السرير وملفوف بالشاش الابيض : اخخخخخ يدي احمد كاتم الضحكه : تستاهل قلت لك لا تروح نايف بتعب : انا على بالي لما افاتحه بالموضوع يطير من الوناسه ويحلف ما اطلع من بيته الا لما يذبح الذبائح !. احمد حط رجل على رجل : وهذاهو الرجال من الفرحة بدل ما يذبح الخروف ذبحك انت هههه خزه نايف بقهر : تضحك يا الخسيس احمد بابتسامة ؛انا نفسي اعرف وش قلت له حتى ثارعليك كذا ! تنهد نايف : اااااه يا ضلوعي! المشكله ما قلت له شيء! بس قلت زوجني ابنتك حتى تقهر جدي واعمامي أحمد فتح فمه بصدمه : يالنذل ! نايف بتبرير : قلت له كذا بس علشان يرضى ! وياليته رضي ! يقول ما هو انا إلي اخلي ابنتي اداه انتقم فيها من فلان وعلان ...والجازي معززه ومكرمة في بيتي ! احمد رفع حاجب : طيب ليه ضربوك اجل ؟! عض نايف شفته السفليه : اخخخخ يا عظامي ! ما قلت شيء ! بس قلت له ترى ابنتك تحبني وانا احبها فلا توقف شوكه بحلقنا احمد باندماج: ايوه وبعدين؟! نايف خزه : وبعدين ؟! ما تشوف حالي ! بعدها مت ادري من وين النعال يصفقني والبوكسات من ذاك الكلب ولد عمتها! احمد ضحك بصوت عالي: اما شكلك لما رماك برا البيت وكأنك كيس زباله ههههههههه صراحه منظر يضحك نايف بقهر : تضحك بدل ماتساعدني يا نذل ! احمد وما زال يضحك : انا قلت لك لا تروح وما سمعت كلامي ! احمد ربك اني وقفت قريب علشان انقلك للمستشفى باقرب وقت ههههههههه صحيح تذكرت جدي وعمي على وصول نايف برعب : خبرتهم يا نذل! ضحك احمد بروقان : لا والله بس جدي اتصل وسالني الزبالة معك او لا قلت له ليه ؟ قال وليدمتصل فيه ييجي ياخذ الزبالة ..قلت له لا تخاف يا جدي الزبالة بالحفظ والصون هههههههه نايف بقهر : الله يأخذك احمد وهو مستمر بالضحك : تستاهل هههههه�� نايف : قوم خلينا نطلع قبل ما يوصلون احمد بكوميديا : طووووووط انتهى الوقت اسمع صوت جدي قريب من الباب سكت لما فتح ابو ناصر الباب والغضب يشع من عيونه : تفووووووووه عليك يا الساقط احمد ناظر نايف بضحكه: شامبوووووو وبلسم من بركة جدي ! ابو ناصر بغضب : انت انكتم ! اكيد انك ماشي معه قاطعه احمد بنفي: لا والله ! بس انا كنت قريب من المكان لما اتصل فيني هالكلب ! ناظر نايف وغمز له بابتسامة ! ابو جواد ضغطه يحسه الف : ما لقيت الا وليدووووو تفشلني قدامه ! دخل جواد وناظر نايف بنظرات ناريه ! ابو ناصر بحسافه : ما لقيت تغازل الا إلي كانت زوجة اخوك ! فضحتنا ! كيف وصلت لها ! نايف بتورط : ءءء ء انا اصلا هي اعطتني رقمها ! وطلبت مني خط وجوال واعطيتها قاطعه احمد : اخذت رقمك حتى تحل واجباتها ما هو تغازلك ! وكم رنيت عليهاوسحبت عليك وما كانت ترد عليك ! جواد قابض يده وماسك نفسه بقوة قبل ما يسددها بوجه نايف ! احمد يبرر لنايف : حرام ترى والله ما يدري انها كانت زوجة اخوة ! جواد بصوت عالي: والحين! نايف بخوف : انت طلقتها وما هي بذمتك وش المشكله لو تزوجتها قطع كلامه لما وجه له جواد ضربه قوية: انكتم! ابو مسك جواد بقوة: اتركه اذا لي خاطر عندك ء! دواه عندي هالكلب ! والله لاربيك من اول وجديد ! قوم قوم الله لا يبارك فيك ! قووووم! تقدم احمد يسانده وقف لحظه لما تفل عليهم جواد وطلع .. طلع من المكان وقلبه يغلي غلي الحين لما كان يقاطع جلساتهم ويتكلمون عن بنت كانوا يتكلمون عن زوجته ! عض على اصبعه الإبهام من الغضب إلي يشتعل بداخله ! يا كرهه للجازي والله الا يكسر قلبها ويجازيها على كل شيء كل شيء ! ** ** ** ** ** وذهبت أنت وعشت وحدي كالسجين ....... , هذي سنين العمر ضاعت ......... وانتهى حلم السنين ............. , قد قلت: سوف أعود يوما عندما يأتي الربيع ........., وأتى الربيع... وبعده كم جاء للدنيا ربيع؟!!!!!! *منقول ** *** *** ** ** جالس بالصالة الصغيرة قدامه مجموعة اوراق وبين لحظه ولحظه يناظر مريم وهي جالسة على الارض وتلعب بمكعبات مرسوم عليها الاحرف! زفر بضجر من الشغل وضع المشروع الي اقامه مع صديقه يتراجع..عض على شفته بضيق دفع دم قلبه لهذا المشروع وغرق في الدين بسببه ومع ذلك نسبة خسارتهم بعد هالسنيين نسبة عاليه! مسح على وجهه بضيق...ارخى ظهره على الكنبه بتعب ..سرعان ما رسم ابتسامه لما وقفت مريم ومدت له بمكعب : بابا وضع الاوراق على جنب وحملها وعيونه تشع محبه : عيون بابا! تأملها وهي تتكلم عن المكعبات فيها جاذبيه غير طبيعيه ! دخلت الجازي وحامله طفلها وخلفها ولدها يبكي : ماما الجازي وهي تثاوب : ابكي من هان لباكر ما في طلوع برا! متى نرجع عند اهلنا الاولاد ضجوا من الجلسة بالشقة ما اقدر اطلعهم رد بهدوء : ان شاء الله قريب لما يرجع ابو عبد الرحمن حتى يمسك مكاني الجازي هزت راسها بتفهم وابتسمت لمريم : تعالي العبي مع عبود عبود برفض : ما ابغى ابغى برا مريم وهي ترجع شعرها القصير للخلف بحركة عفوية : انا ما العب مع عيال! الجازي بضحكه : يممممممه ما ازكاها تجنن هالبنت! عبود مط شفته : انا احلى منها! جواد ناظره : الجمال للبنات ما هو للرجال مريم بابتسامة : بعده صغير عبود بحماس : انا كبير سوفي اطول منك! الجازي نزلت ولدها الثاني على الارض وناظرت جواد بابتسامة : شايف نفسه كثير على قلة سنع ! خز امه بزعل : ماما ! ضحكت الجازي بنعومه : انا وش قلت ! مسكت يد مريم وسحبتها من حضن جواد : تعالي اعمل لك تسريحه حلوة ! عبود ناظرهم بغيره : ماما مو تقولين عندها ام ثانيه ليه ما تروح لها ! ناظرته الجازي وهزت راسها : يمه يمه هالغيور ! جواد خزه بقوة : ان سمعتك تكلمت كذا مره ثانيه يا ويلك ! حرك راسه بتورط وجلس على الارض يلعب بالمكعبات ولا كأنه عمل شيء ! ضحكت الجازي على حركاته وناظرت مريم إلي مطت شفتها ما هو عاجبها : ماما ما ابغى اروح لماما الشريره انا ما احبها ! طالعته الجازي بطرف عينها ما عجبها كل هالكلام : مين قال شريره ! ماما تحبك كثي قاطعها جواد بعد ما زفر بغضب : وبعدين ! الجازي ناظرته بعتب: كلمة حق قاطعها بحزم : قفلي الموضوع يكون افضل ! رجعت تسرح شعر مريم وكل هالتصرفات ما هي عاجبيتها ! ** ** ** ** ناظرت ابوها بضيق : طيب الشغل هنا ما ينفع يعني ! وليد يوزع نظره بين بناته : ما هو كذا ! بس المشروع افتتحناه برا ولازم اتواجد هناك حتى ينجح ! وان شاء الله لما تكون كل الامور تمام ارجع اخذك انت وامك واخوانك! قاطعته بملل من هالسالفه: ما ابغى اسافر ومن هالمنطقة ما رح اطلع ! حنين زفرت بضيق،: يصير خير ! من هنا حتى ينجح المشروع تكونين متزوجه انت وفرح واسافر على كيفي ! دانا : يا ليت اقدر اسافر معكم واترك هالقرود خلفي !، عفست ملامحها وهي تسمع صوت صراخ ابنها ! سميه بضحكه اشرت على ابن دانا شعره مجعد وطويل واسمراني وفمه وسيع وانفه ينزل منه شلالات بألوان متعدده: وش هذا يا دانا يععععع! دانا حطت يدها على خصرها : من غيرتك ! توجهت لابنها تمسح لها وهي تردد : عسللللللل يا ناس عسل! سمية قلبت ملامحها بقرف : يعععععععع! ابغى استفرغ ! فرح ناظرتها : يا لطيف وش برستيج المفروض صورتك لما نظفتي لابنك ابو ريحه معفنه ! حنين عفست ملامحها : خلاص سديتوا نفسي على هالسيرة ! حطت يدها تحت خدها تناظرهم بصمت ....حولت نظرها لمادخلت بنت سميه تبكي وتصارخ ما تفهمي منها كلمة وحده ...ابتسمت بألم بعيون لامعه بكل معاني الحزن ! سميه حملتها : وش فيك يا روح امك ! اكيد هذا القرد ضربك ! دانا مسكت يد ولدها : لا والله ما احد قرد غير ابنتك ! انا بحياتي ما شفت بدلعها الماصخ ! اذا هب عليها شوي من الهواء تبكي «ماما» وجع يطب بأسنانك ! سميه عقدت حواجبها بغضب : بالله ! لا والله اسنانك انت ! تراك دوم تتكلمين على البنت كذا اخاف ييجي يوم وتتعقد البنت والسبب انت ! دانا لوت بوزها : يا لطيف ! يا جعل كل هالعقد تتجمع بحواجبها ! اخخخ لو انها عندي كان فرمتها ! اخخ بطت جبدي بدلعها! وليد بضجر من الازعاج : وبعدين يعني ! حنين خزتهم : كل وحده تحط لسانها بحلقها ! سميه ناظرت دانا كشت عليها وحضنت ابنتها جكر بدانا ! رفعت دانا نظرها للسقف بطريقه كوميديه : يا رب الطف بقلبي ! فرح بضحكه : امووووووت على دانا وحركاتها ! تعطيك جو بالجلسه ما هو مثل الجازي ! تملين منها ! وليد بحده : فرح ! هزت فرح كتوفهاببراءه : ما قلت شيء ! حياتها ممله من البيت للدوام ومن الدوام للبيت ولما ترجع من الشغل تناااااااااام وثاني يوم دوااااام اففففف ملللل دانا خزتها : انت و دخلك فيها ! ان شاء الله تنام 24 ساعة هي حرة ! حنين هزت راسها باسف وهي تشوف الجازي ساكته ولاكانه الموضوع بعينيها ...تحسها فعلا ماتت بعد موت بناتها بس الجسد بقي ! وقف وليد وهو يناظر ساعته : خليني امشي ما في وقت ! ناظر فرح بتنبيه : دراستك ياويلك لو اشتكت منك امك ! سلمت الجازي على ابوها وودعته بحراره بدأت تمسح دموعها إلي تنزل بصمت .....مين يبقى لها اذا سافر ابوها ! وليد مسح لى شعرها بحنيه : الحين اهون عن الشغل واجل هنا ! ابتسمت له بدموعها : رح اشتاق لك لا تطول يا يبه ! وليد تنهد : ما رح اتاخر عليكم ! حنين مسكت يد زوجها وعيونها تنذر بالبكاء : كل يوم تتصل فينا ! ضحك وليد على كلامها وخرج معها بعد ما ودع البنات ! رجعت ادراجها للصالة بعد ما غادر ابوها لخارج البيت ...تنهدت وناظرت سمية إلي وجهها مثل حبة البندورة ! سميه تمسح دموعها و بابتسامة : لا تناظرين اعرف اني مثل الطماطم ههههههه الجازي بشبح ابتسامه : وش عرفك !، سميه بضحكه : سالم يقول لي كذا لما ابكي منه ! الجازي باستغراب : سالم يزعلك ! سميه بضحكه : لا يغرك شكله تراه يبط الكبد دانا من خلفها : يعني ابنتك طالعه له ! سميه ضربتها على كتفها وجلست : تخسين ! دانا بحماس : بالله عمره ضربك سالم ؟! سميه رفعت كم بلوزتها : يخسى هو لو يجرب ويشوف اي مستشفى رح يدخل! دانا تربعت بحماس : ايوة كذا اختي القوية ! سميه خزتها : وانت ؟! دانا تنحنحت : بصراحه في البدايةما اقدر احصيهم من كثرهم لحتى ما حصلت الحل والعلاج ولله الحمد من يومها وما ضربني ! سمية تحمست : وش الحل ؟! دانا لوت بوزها بإحباط : قبل ما يرجع على البيت احط على فمي لاصق ما اشيله الا بعد ما يتغدى ويرتاح ويروق ! فتحت عيونها باستغراب وهي تشوف الجازي تضحك بقوة ! سمية تفرك عيونها بتمثيل : الجازي تضحكين ! الجازي تضحك وهي تتخيل شكل دانا مع اللاصق ! ما تدري السالفه تضحك والا هي من كثر الهموم إلي بقلبها تضحك على أتفه الاسباب ! اخذت نفس الجازي وهي تمسح دموعها من الضحك !، سميه ناظرتها وابتسمت : الحمد لله انك ضحكتي! المهم خلينا بسالفة اللاصق والله ما ظنيت تنفع معي لاني لو بالاشاره الا اردح واطلع إلي بقلبي يعني الضرب رح اكله رح اكله ما في مفر منه ههههههههه! حنين دخلت وهي تمسح دموعها ! دانا رفعت حاجب : انت للحين تودعينه ! بلاها هالحركات يا يمه تراها بس بالمسلسلات اما الرجال الحقيقي العربي لما يسافر لازم نقول جعله يضيع الطريق اسبوعين حتى نفلها على راسنا بلا زوج وخرابيط حنين قرصتها بعيونها : إلي يسمعك يقول عايشه الويل عند زوجك ما كأنه هو المسكين إلي تورط فيك ..والله كل يوم ادعيله على هالمصيبه إلي ابتلى فيها ! سميه ناظرتها بتشفي : ههههن حنين : وانت يا ام لسان مسكين سالم متوهق فيك سميه بدلع: الله يسامحك يمه والله اني عسل! سكتت لما رن جوال دانا : اسكتوا هذا زوزي الحلو ! كشت عليها سميه بقرف وناظرت الجازي : الحين ما الاقي عندكم بالشركة وظيفة ؟! اي شيء ! مراسلة ؟! اهم شيء ارمي العيال عند عمتي نجوى وافك راسي من الصدعة ! الجازي هزت راسها بالنفي : ما في شواغر ! حنين : اقول قومي هذا جوالك يرن اكيد سالم زفرت بضجر وش هالازعاج وخاصة مع صراخ ابن سميه الكبير ) تكلمت حنين بانزعاج : تراه والله ما هو صغير جالس يصرخ ! استغفر الله ! سميه تنادي على عيالها : يلااااااا ابوكم ينتظر برااااا يازفتة بسرعه ! دانا تجمع اغراض عيالها :وين الزفت يا زفت ! حنين هزت راسها باسف : ونعم الامهات :/ ضحكت الجازي بخفة وهي تشوف داناطالعة وساحبه ولدها من قبة البلوزة : ابوك يصارخ تأخرنا عليه ! لحظات عم السكون المكان ! زفرت حنين براحه : ا لحمد لله ! وش هالازعاج ؟! الجازي بابتسامه هادية : دانا تضحك ! ساحبه ولدها وكأنه خروف ! حنين وهي تنادي فرح: قومي شوفي من على الباب واذا وحده من اخواتك لا تفتحين الباب ..خلاص كفوا وزياده ! فرح بضحكه : ان شاء الله ! لحظات رجعت وهي مرتبكه اعطت اشاره لامها عن هوية الموجود حنين ناظرت الجازي وما فهمت شيء! فرح بحرج :-تفضل تفضل يمه هذا جدي ! وقفت حنين وهي تناظر الصالة بحرج بعد ما دمرها عيال بناتها ! وقفت الجازي عدلت بالصالة ..سرعان ما وقفت لما دخل جدها هزت كتوفهاوهي تناظر امها بقلة حيلة هذا إلي قدرت تعدله! ابتسمت حنين بحرج وبداخلها تتوعد بسميه ودانا : هلا يبه تو ما نور البيت ! حكت الجازي شعرها المنفوش ببلاده وبعدها تقدمت من جدها سلمت ببرود وبدأت تنظف بالصالة ! حنين بحرج : دوبهم عيال سميه ودانا طلعوا عفسوا المكان فوق تحت ! ابو ناصر بهدوء : كل العيال يعملون كذا في بيت الجد ...وبنغزه ما تذكرين مره كان معك بناتك وكسروا لنا قاطعته حنين بحرج : ايه اذكر المهم امي كيف ضغطها الحين ! ابو ناصر : والله تعبانه هاليومين وما في احد يمها يقوم فيها والشغاله انت تعرفين توجع قلبها ! وزوجات اخوانك كل وحده منشغله في بيتها وعيالها ! واخواتك نفس الشيء ! يعين الله ! حنين تنهدت بضيق : ربي يسهل عليها ابو ناصر ناظر فرح إلي تساعد الجازي : امين ! اي ساعة طائرة وليد حنين : على3 ابو ناصر يدخل بالموضوع : انا اقول ما هي حلوة تجلسين بالبيت لوحدك ..لو تجلسين عندنا لوقت رجوع وليد تساندين امك ! امك نفسيتها تعبانه كثيره واكيد رح ترتاح لما تجلسين عندها ...انا كلمت وليد من قبل وما عارض نهائيا يقول هذا الراي لها تبغى تجلس عندكم بكيفها ! وش قلت؟! وقفت الجازي فتحت فمها بصدمه هذا اخر شيء توقعته ! حنين ناظرته ما لها حجة ترفض وخاصة بوضع امها ! سكتت للحظات و بعدها تكلمت : انا ما عندي مشكلة بس البنات ما رح يأخذون راحتهم ! ابو ناصر خزها بزعل : ترى والله ازعل ! تراه بيت جدهم ! وبعدين انت تعرفين نظام بيتنا ما احد يدخل للداخل من العيال يعني كانهم في بيتهم وافضل ! وبعدين ابنتك الصغيرة تستانس مع البنات حنين ناظرت الجازي بتردد بين امها وابنتها بنفس الوقت ! الجازي تنهدت وتكلمت بهدوء :اجلسي يمه عندجدتي وانا اهتم بإخواني هنا قاطعتها حنين : لا ما اقدر اترك ابو ناصر بمقاطعه : اخوانك بحاجه لامهم فرح ناظرت امها : رجلي على رجلك ! ابو ناصر : وين ولدك احمد ما اشوفه ! حنين : عند عيال عمته ! الجازي ناظرت امها : خذي معك فرح انا واحمد نجلس هنا ما رح يصير شيء ابو ناصر رفع حاجب : ما هو عاجبك بيتنا ! تجلسين في بيت لوحدك ! الجازي ناظرته ببرود استفزه : انا مو صغيرة قاطعتها حنين : الجازي الجازي بتصميم : ما بطلع من بيتنا ! هذا هو بيت جدي اطلعي من الصبح وارجعي المساء علينا ! ابو ناصر ما عجبه كلامها تتحكم بحنين: تراها امك وهي إلي بتقررما هو انت ! الجازي ناظرته : تقرر عن نفسها اما انا ما أحد يقرر عني ! تركتهم وغادرت المكان ابو ناصر عفس ملامحه : ونعم التربيه والله! باكر تمنعك تزورين امك ! وقسم بالله يا حنين اذا ما جمعت قشك وجيتي معي الحين ال قاطعته حنين بضيق : يبه انا ارتب اموري واتصل فيك تأخذني ! ناظرها : نشوف وهذا انا انتظر منك اتصال ! عندي كم شغله اجهزهم وارجع لكم زفرت حنين بضيق بعد ما غادر ابوها ! ناظرت فرح قبل م تتكلم : نظفي المكان زين ! ** * ** ** جلست على السرير وبداخلها نار ما بقى الاتعيش في بيت جدها ...تناولت الجوال واتصلت بابوها وهي تحس الدموع بدات تتجمع بعيونها ...اكيد رح تلحق عليه قبل ما يوصل المطار .....اخذت نفس عميق لما سمعت صوته : يبه ! -هلا جازي ! تكلمت وهي تحس بخنجر وسط حلقها : انت وافقت امي تعيش في بيت جدي ! - ايه البارحه كلمني جدك ..امك عاشت كل حياتها بعيده عن اهلها وما اقدر اكون اناني واحرمها منهن وخاصه وضع امها تعبان اتذكر ماضي حنين ومعاملتها مع امي استحي ارفض لها هالشيء ! قاطعتها باختناق: وانا ؟! - انت ؟! ردت وبدات تبكي : تبغاني اروح واعيش معهم ؟! قاطعها بهدوء : شوفي يا جازي اولا سالفتك طوتهاالسنين ولا انت اول وحده يطلقها ولد خالها والناس ترجع طبيعي ولا كأنه صار شيء ! ما نبغى حقد يمتليء بداخلنا ....جدتك عمرها ما اذتك ليه ما تجلسين عندها قاطعته برفض : م ابغى ازورها يمكن عادي اما اعيش عندهم مره ثانيه واخضع لحكمهم مستحيل ! انا رح اجلس في بيت عمتي نجوى ! - براحتك وين ما تبغين اجلسي ! بس اهم شيءما تتضايقين ! تبغين شيء الحين قاطعته بضيق : سلامتك! رمت الجوال بدات تمسح دموعها لما دخلت امها ... بداخلها جمره للحين تحرقها وما احد حاسس فيها ! حنين بحيره تكلمت : ادري انك ما تبغين ترجعين لذاك المكان! بيت خالك ابو جواد شيء وبيت جدك شيء ما احد قالك تدخلين بيت ابو جواد ! ترى حنا جالسين في بيت جدتك ! يعني جدتك ما لها حق عليك تزورينها ! اخر مره زرتيها لما كانت بالمستشفى وصارت ذيك السالفه ! قولي قبل كم سنة ؟! يعني في بيت جدتك م في غيرنا انا وانت وفرح وجدتك ! جدك ما يجلس بالبيت ! واذا زارها احد ما احد يجبرك تجلسين معهم ! انت مكبره الموضوع بزياده ! الجازي هذي امي والحين بحاجتي ما اقدر اتركها لوحدها ! تنهدت الجازي بهدوء : انا رح اجلس بذي الفترة عند عمتي نجوى ورح امر عليك اطمئن عليك وعلى جدتي ! وقبل ما تعترض اشرت على نفسها : يمه تراني كبرت بعمر 25 ما عدت صغيرة ناظرتها حنين بتأمل فرح تبان اكبر منها الناس تكبر مع الايام والجازي تصغر حتى حجمها تحسها تقلصت ! هزت راسها بالموافقة : اعملي إلي تبغينه ! بس بشرط كل يوم عندي تزوريني اتاكد انك تمام ! ابتسمت بتسليك : ان شاء الله يمه ! *** *** *** *** نجوى رفعت حاجب :: ومتاكده من قرارك ؟! اخوك احمد لما عرف اخذ قشه ولحقها لبيت جدك ! الجازي عدلت جلستها : اذا متضايقه خليني احمل قشي واشوف بيت يضفني! نجوى بضحكه :عيوني لك بيت يا ابنتي ! سعد وهو داخل : نورت والله نجوى : متاكده انك راضيه تعيشين مع هالخبل ! سعد : والله ! وش فيني ما هو عاجبك ؟! نجوى مطت شفتها : لا ما هو عاجبني انت واخوك هايتين ما احد يشوفكم ! سعد : ما نبغى نضايق الجازي نجوى فتحت عيونها باستنكار : يالكذوب دوبها البنت ما صار لها الا ليلة عندنا! ابتسمت الجازي لعمتها : كل جيل هالايام كذا ! نجوى تنهدت بوجع : ربي يفرحني فيهم ! كأنك تاخرت على دوامك؟! الجازي هزت رأسها : صحيح مكسله اروح للدوام ! نجوى : اقول قومي قومي ما عندي بنات يكنسلون الدوام باكر يفصلونك ومن وين نجيب فلوس نعيش! ابتسمت لعمتها : المدير متساهل وما يسأل يعني عادي الوضع ! نجوى بابتسامة: الوضع شوربة ! وقفت الجازي بعد ما هزت راسها : بالضبط ! خليني اشوف ياسمين وين صارت حتى تأخذني معها ! ** ** •** يتبع | ||||
|
| |
|
05-01-20, 02:35 AM
| #477 | ||||
| ياسمين بضحكه : تاخرت عليك ! ردت عليها الجازي: الساعة قريب 9 اليوم اكيد رح انطرد ! ياسمين بضحكه: خلاص اذا انطردتي اضبط لك واسطه تتوظفين في شركتنا ! وبعدين هالعجوز المدير معطيكم وجه ! يا حظكم ! الجازي تتأكد من اغراضها : ومن شر حاسد اذا حسد ! ياسمين تثاوب : نعسانه يا عالم ! صحيح ما قلت لك ؟! الجازي ناظرتها: لا ياسمين بفرح : البارحة زوجة خالي جاءت عندنا لمحت انها تبغاني لولدها! الجازي عفست ملامحها : غبيه! ياسمين بدفاع : ما هو كل اصابعك واحد ! هزت الجازي راسها بتسليك : صادقة صادقة ! خلص نزليني هنا اكمل مشي مع هالازمة ما رح اوصل ! دخلت الشركة بخطوات هادية ولا كأنها متأخرة ! استغربت اوضاع الشركة مقلوبة فوق تحت ! اقتربت منهاعاملة النظافة بتحذير : حاولي توصلي مكتبك قبل ما احد يشوفك ! المدير تعبان وجاء مندوب عنه يداوم ولما جاء ما لقى غير كم موظف مداوم والباقي للحين ما داوم ! قلب الشركه فوق وتحت ! وقرر يفصل المتأخرين من الشركه ! هزت راسها بلامبالاه لانه الوظيفه ما تهمها تطلع للشغل حتى تشغل وقتها ! تقدمت من المصعد بهدوء التقت بزميلتها ميسون ركبت معها المصعد وهي تعدل نقابها ! ميسون بخوف : يا رب ما يكون وصل قسمنا ! الجازي والله ليضيع مستقبلي لو انطردت الجازي بهدوء: قولي هالكلام لما يكون الرزق بيده كله على بعضه موظف مؤقت ومتى ما رجع المدير القديم يرجع كل شيء مثل ما كان ! ميسون: ليت الفعل سهل زي الكلام ! انفتح المصعد نطقت بهدوء : توكلي على ربك ! ميسون : والنعم بالله ! دخلوا القسم ووقفوا لما كان رجال واقف قريب من قسمهم ومعه مجموعة موظفين مما يدل انه نائب المدير ! قبل ما يدخلوا القسم وقفهم بصوت عالي : انتن موظفات ! ردت الجازي بهدوء: لا مراجعات تركته بدون ما تناظره ودخلت القسم بنفس الهدوء ميسون بفرحه : الحمد لله مشت عليه ! ** ** ** احد الموظفين الفتنة تسري بعروقة : استاذي لو سمحت تراها موظفة هنا ! اصلا بهذ القسم ما في مراجعين ! رفع حاجب باستنكار كيف تكذب عليه ناظر الموظفين يتأكد من الكلام : صحيح هالشيء ! ايده واحد ثاني : ايه نعم صحيح ..هذاالقسم بالذات فيه تسيب غير طبيعي دوم بهذا الوقت يداومون ! وتدخل على القسم اكل وطبخ ولا كأنه مكان شغل ! وكله من راس هذي إلي كذبت من شوي عليك ...متوظفه بالواسطه هنا عن طريق ابوها يكون صديق حضرة المدير ! قاطعه بحزم : يصير خير ! اعطيهم خبر بعد ساعة هذا القسم له اجتماع بنفس المكان ! رجع يكمل اشراف على الاقسام وهو يفكر بوقاحتها كيف صغرته قدام الموظفين وتكذب بكل جرأة ! ** ** ** ابوناصر جالسين بالصالة يرتشف من القهوة :ما شاء الله قزم وما قدرت عليها ! كيف تسمحين لها تعيش في بيت كله عيال ! حنين بداخلها ضجر من تدخل ابوه : يا يبه عيال عمتها ما يجلسون بالبيت وبعدين صغار! وابوها راضي ام ناصر بنفسية افضل بشوفة حنين : ربي يوفقها حنين بابتسامة : امين ! ابو ناصر مط شفته : كل هالسالفة ما لها داع هالوظيفة بين الرجال ومزاحتمهم ..تجلس في بيتها على الاقل يتوظف مكانها رجال عنده بيت ومسؤوليه والله ما صارت البطالة للرجال الا لما زاحمت النساء أماكن عملهم حنين بدفاع : هاي ارزاق وربنا امرنا نسعى للرزق ام ناصر قاطعت الحديث : والله مشتاق اشوفها اتصلي فيها تمرك اليوم! حنين بحرج من امها : ما ظنيت لانها اليوم معزومه في ييت صديقتها ابو ناصر صفق يدينه ببعض : ونعم التربيه ! حنين ناظرت ابوها : يبه تراها ما هي صغيرة اقولها هذا ممنوع وهذا ابو ناصر عفس ملامحه: ما خرب هالبنت الا انتم وترقيعاتكم ! ام ناصر ناظرته ما عجبها كلامه : اترك البنت بحالها ...الله يوفقها ويفرحها ! حنين ناظرت ابوها بطرف عينها وهو يتمتم بكلام ما هو مفهوم :-امين ! ** ** ** ** رفعت نظرها لما حست الكلام موجه لها بقوة : هذا اخر انذار رح يتقدم لهذا القسم وبعدها فصل مباشرة ! رفعت حاجب وما عجبها طريقة كلامه معهم ردت باعتراض : بس هذا الكلام مخالف لقوانين الشركه ! الشركة تعطي قبل الفصل 3 انذارات ! عقد حواجبه باستنكار كيف قاطعته : والله ! تدرين عليك صار الحين انذارين ! الاعتراض على القوانين ممنوع ! ردت بنفس الهدوء ّ: رح ارفع اعتراض للمدير بنفسي ! قوانين الشركة ما يطلع لك تعدلها على كيفك بطريقة تعسفية ! سحر بدلع وهي تناظر نائب المدير : حصل سوء تفاهم يا جماعه ناظرها نائب المدير للحظات بإعجاب عدل وقفته و بعدها تكلم : هذه المره رح اعديها لكن المرة الجايه رح يكون فصل مباشرة ! ميسون بعد ما طلع نائب المدير ناظرت سحر بابتسامه: الظاهر انلجم المدير من جمالك يا سحر ! سحر ابتسمت بغرور وهي تعدل غرتها إلي طالعه من الشال : ادري! تنهدت الجازي وانشغلت باللاب قدامها ...تكره هالشخصيات إلي يركضون خلف جمال البنات وعامله نفسه رزه! مالت عليه وش بغيض ! اكره ما عليها سوالف الحب وهالخرابيط ! من ايام طلاقها قفلت قلبها بقفل من حديد ! ما احد يستحق تخلص له وتضحي عشانه ! تنهدت بضيق ورفعت راسها على كلام سحر : ربي سخرني لك والا كان انفصلت يا جازي!- الجازي عدلت نظارتها بلا مبالاه: الارزاق بيد ربنا اذا لي رزق هنا رح اخذها غصب عن الكل! ورجعت تكمل شغلها متضايقة من سحر كيف مبسوطه على نفسها ! ** ** *** وضعها حاليا متنقله من بين الشغل لبيت جدها لبيت عمتها ....الركود والهدوء يغلف حياتها ! ناظرت سوسن إلي تكلمها : ماتملين من الشغل ! الجازي بهدوء : اقطع الملل بالشغل ام ناصر ناظرتها بابتسامه : عسى ربي يرزقك الرزق الحلال ! الحازي ابتسمت بمحبة لجدتها : تسلمين يا جدة سوسن بفرح لرؤية الجازي :وش رأيك نطلع انا وانت نتمشى بالحديقة نغير جو ! الجازي ما تبغى ما لها خاطر تجلس مع احد او تكلم احد لكن مضطره تساير سوسن إلي تعاملها وكأنها ملك نازل من السماء ما تقدر ترفض حتى ما تظن لانه جواد طلقها ما تعطيها وجه ! تنهدت بوجع من طاري جواد! ما تدري تحس بداخلها ما زالت تنزف من سيرة جواد ...يمكن لانها للحين تحس بطعم الغدر والخيانة ! او لانه دمر حياتها ! كان بإمكانه من الخطبه يكنسل كل شيء وكل شخص يمشي بطريقه ! ليه دمرها كذا ! دوبها باول عمرها مطلقه وبدون عيال ولا شيء ! خسرت كل شيء! طلعت بدون شيء عضت على شفتها من الوجعىإلي بداخلها ...ليه هي إلي طلعت خسرانه من هاللعبة وهو ! هو حياته مستمرة ولا كأنه صار شيء ! زوجة اولاد بيت وظيفة يا رب لا اعتراض على حكمك بس هو مبسوط بحياته وهي تدمرت من الداخل الى فتات ...مستحيل ييجي اليوم إلي يتجمع فتاتها ! خلاص انتهت مكتوب لها تعيش بجسد خاوي ! كم يذوب قلبها لما تشوف عيال اخواتها ...يااااا الله رفعت نظرها بعيون ذابله لسوسن إلي تتكلم :اروح اجيب شيء نشربه ! هزت راسها الجازي ونطقت بصوت مخنوق : ما تتأخرين لاني قاطعتها سوسن بسرعة :ان شاء الله ان شاء الله زفرت بضيق وهي تمسح من طرف عينها دمعة متخلفة ! تقدمت خطوة خطوتين بالحديقةتحاول تستنشق اكبر قدر من الاكسجين ! رفعت نظرها للسماء بعيون دامعة وهمست بصوت جار عليه الزمن من الحزن : يا رب وقف السمع عندها وهي تسمع ضحكات طفولية قريبه منها !، جالت بنظرها تبحث عن مكان هالضحكة ! مالت راسها بتعب من هالحال وهي تشوف طفله تركض باتجاهها وخلفها طفل ثاني يلحق فيها خلال ثواني اصطدمت الطفلة بالجازي وهي تناظر للخلف وصدى ضحكاتها بالمكان !، نزلت الجازي على مستواها وناظرت الطفلة المنصدمة من وجود الجازي ! ناظرتها بتأمل ...مسحت على شعرها بحنان وبصوت وكانه في خنجر بوسط حلقها : انتبهي لا تسقطي على الارض ردت الطفلة وهي تناظر للخلف : الحين يمسكني ! وبسرعه ابتعدت عن الجازي وهي تركض والطفل من خلفها يركض ! ابتسمت بألم ودموعها تتساقط وهي تناظر الاطفال..جلست على الارض بروح خاوية ! قلبها ما هو قادر يتحمل اكثر ! كل شيء حمل ثقيل على قلبها ... مسحت دموعها بخفة لما حست بقرب سوسن إلي تتكلم قبل ما توصلها : جالسة هنا ! اقتربت ووضعت الاغراض على الارض بابتسامة : تدرين كم سعادتي بشوفتك ما ادري من زمان اول ما شفتك دخلت قلبي ! ابتسمت لها الجازي بالم وبداخلها تصرخ ليتني ما شفتكم ولا عرفتكم ! سوسن تتابع الكلام بمصداقية : وش فيك حزينة كذا ؟! ادري كل إلي مر عليك ما هو سهل ! احمدي ربك هذا ابتلاء من عنده ! انت على الاقل افضل مني حصلت على الطلاق وتحررت ! انا اعيش بجحيم مع زوجي من كثر المشاكل ...اهرب هنا حتى ارتاح لو شوي ! لما اسافر عنده اموت مشاكل وجحيم ما تنطاق وفوق هذا ما يجلس بالبيت ولا في عيال يملون علي حياتي ! اعيش بالغربة مثل السجينة اهرب هنا حتى اتنفس ! انا عمري يمضي واحس نفسي عاجزه عن إتخاذ قرار واحد ! لا تظنين انك الوحيده بهذا العالم تعانين ...على الاقل انت شفت عيالك حضنتيهم لصدرك اما انا ! كملت ببكاء كم مرة عملنا اطفال الانابيب وما زبط! وصلت للاشهر الاخيرة وفجاة بدون سابق انذار ما يتم الحمل ! مسحت دموعها وابتسمت :وهذا انا اعيش حياتي واضحك ..دنيا وحده اعيشهاعلى الاقل احاول ابسط نفسي شوي ! الجازي هزت راسها: الكلام اسهل بكثير من الفعل ! ناظرت الاطفال يركضون: ليتني طفلة مثلهم واركض واكبر همي لعبة! سوسن تغيرت ملامح وجههالما شافت مريم تركض ..تتمنى يكون عندها الجراه وتقول لها هذه ابنتك ! ما رح تصدمها ! رح ييجي يوم وتعرف لكن ما هو عن طريقها ! لا لازم تخبرها حراااام تشوف ابنتها قدامها وما تحضنها ...اكيد بداخلها نار مشتعلة وما رح تطفي الا برؤية ابنتها ! بس كيف تقول لها ! تخاف تصيبها صدمه وقلبها ما يتحمل ! الجازي ما انتبهت على ملامح سوسن عيونها على مريم وعبود وهم يتراكضون خلف بعض والشبه بينهم كبير ! سوسن تنهدت وتراجعت عن قرارها خايفة من نتائج اخبارها يمكن يكون تهور وتكون النتيجه سلبيه لازم تمهد لها وهذا هو الافضل ... مدت للجازي من الشاهي :تفضلي اخذته الجازي وارتشفت منه وعيونها على سوسن إلي تسأل باستغراب : ما ادري مستغربه مع انك تخرجت وتوظفت بس ليه ما تزوجت للحين ! حست الجازي وكأنه احد شطرها نصفين من هالسؤال! ليه ما تزوجت للحين ! بداخلها ترد بواقعيه ما احد تقدم لها حتى لو تقدم لها احد الزواج محذوف من قاموس حياتها لكن فعليا ما احد تقدم لهاوخطبها بعد طلاقها...تنهدت وردت بهدوء : الزواج اخر شيء افكر فيه ! سوسن عقدت حواجبها : لا تقولين تجربتك الاولى هي السبب ! صدقيني ما هو شرط اذا ما فشلت بالمرة الاولى تفشلين بالمرة الثانية ! تدرين وش نفسي ؟! ناظرت حولها وبعدها كملت بصوت منخفض : نفسي تتزوجين شخص واصل والكل يمدحه بالمجالس وتعيشين بسعاده معه وخلي جواد اخوي ينقهر ! ضحكت الجازي بمراره : تفكيرك غريب ! إلي يسمعك يقول ذايب بحبي ! ما صدق ييجي ذاك اليوم ويتخلص مني ! سوسن قاطعتها : لا لا غلطانه عمر الامور ما انحسبت كذا ! الرجال حتى لو كان يحب غيرك يبقى بقلبه شيء من التملك وما يحب احد يلمسه ! يعني لو تتزوجين تقنعيني جواد ما رح يتضايق ! الجازي تصحح لها معلوماتها : انت ما تعرفين اخوك يمكن يتضايق اذا تزوجت لانه ما يحب لي الخير ويحاول يدمر كل شيء يبسطني ! والله ما اسامحه طول حيااااااتي ! صدقيني اذا انكسر شيء بقلبك مستحيل يتصلح ! اخوك كسر بداخلي اشياء كثيرة مستحيل تنصلح ! سوسن ماتعرف وش ترد او ترقع التزمت الصمت للحظات وبعدها تكلمت : جينا هنا نستانس انسي النكد والحزن ! الا ما قلت لي معقول ما خطفت قلب واحد من هالموظفين بعيونك الحلوة ؟! ابتسمت الجازي بدون نفس: يقطع سوالفك ! تدر سكتت لما وقع نظرها على جدها متوجه لجهتهم ..قلبت ملامحها سبحان الله هالجد ما تحبه ولا تطيقه ما تدري ليه متضدد لها بهذا الشكل ! اقترب منهم بحركة مقصوده تكلم : سوسن ...زوجة اخوك الجازي ساعه لها تدور على عيالها خذيهم لها قاطعته سوسن : الحين اكلمها ليه اروح انا قاطعها بحزم : اقول قومي خذي عيال جواد امهم قلقانه عليهم ! سوسن وقفت بضجر وناظرت الجازي : انتظريني ما رح اتاخر! وقفت الجازي وهي تنفض عبائتها : ما اقدر اتاخر أكثر من كذا سوسن باحباط:لاااا ليه ؟ ،الجازي ترد لجدها كلامه بطريقه غير مباشرة: سعود وسعد عيال عمتي وعدتهم اعزمهم على المطعم على حسابي ! وبعد العشاء مواعده صديقتي نتسوق حطت سوسن يدها على فمها تخفي ابتسامتها وهي تشوف ملامح جدها إلي اكره عليه خروج البنت من البيت ! ابو ناصر رفع اصبعه يوجه الكلام للجازي لكن وش يقول وش يحكي دام ابوها إلي مسؤول عنها معطيها الاوكي ! نزل اصبعه بقهر وسحب نفسه متوجه للداخل كأنه بركان مولع ! اطلقت الضحكة سوسن بعدمااختفى جدها عن عينها :انا احب جدي لكنه يضحكني بهذه التصرفات ! الجازي هزت كتوفها بلامبالاه: إلي بيته من زجاج لا يرشق بيوت الناس بالحجارة! سلاااام ! توجهت للداخل حتى تأخذ اغراضها وترجع لبيت عمتها نعسانه تبغى تنام وتشبع نوم ! دخلت وهي متوقعة هالاجواء المشحونه ! ابو ناصر اشر عليها لما دخلت : كانكم عايشين باروبا تاركينها على مزاجها ! وين عاداتنا وتقاليدنا ! حنين ناظرت الجازي بانزعاج كم مره تقول لها تعمل إلي تبغى بس ما هو قدام جدها تتكلم عن إنجازاتها ! الجازي ما تكلمت..سحبت نقابها لبسته بهدوء تناولت حقبيبتها ورجعت تناظر امها : تبغين شيء يمه ! ابو ناصر بغضب : وش تبغى منك يعني؟! انتبهي على عيال عمتك واعزميهم على عشاء دسم ! ما عاد احد يستحي تركهم وتوجه لغرفته ..قبل ما تتكلم حنين اشرت لهاالجازي مع السلامة ! وغادرت المكان بخطوات هادية تتأمل كل ما هو حولها ! تحب تمشي بوقت الغروب ..بما انه قريب الغروب رح ترجع لبيت عمتها مشي !- طلعت من بيت جدها بخطوات انسان ضائع يبحث من حوله عن نور يهديه للطريق الصواب ! شبكت يدينها ببعض وهي تمشي وقدام عيونها صورة ابنة جواد ! فيها شيء ما تدري وش تحس فيه تجاه هالبنت ! بالرغم انها ابنة جواد ومع ذلك ما حملت لها مشاعر كره ! ما تشبه جواد ولا الجازي ! فيها شبه من شخص ما تدري بالضبط مين ! لحظه ! فيها من نايف ! نايف ! اه من ذكرى هالبزر ! يمكن تشبه نايف بطريقة كلامها حتى اخوها فيه شبه كبير من نايف ! لحظه ! ما يشبهون نايف كثير ! فيهم شبه من! قطعت افكارها لما قطعت الطريق للجهة الثانيه....توجهت لاحد الاعمده واسندت ظهرها عليه ...واطلقت نظرها تتأمل نفس المكان ! المكان إلي ما رح تنساه بحياتها ! كل فتره لازم تمر هنا وتوقف على امل تلقى البنات ! يمكن الخاطف قلبه يحن عليها ويرجعهم لها ! مجنونه البنات خلاص راحوا ! هزت راسها بالرفض ما تبغى تقتنع بالامر الواقع ! قلبها من الداخل ينبض ! رفعت نظرها للسماء بعيون لامعه ...يا رب ! من اي شيء خلق قلب الخاطف ؟! حتى الحديد يلين وقلب الخاطف ما يلين ولا يحس ! لو يعرف كم تعذبت حتى رزقت بالتوام كان ما سرقهم ! سبحان الله كيف الاقدار ! فرح معهم وما اصابها شيء عايشه حياتها ! والتوام بح ! يا الله لو عاشت وحده وحده بس ....استغفر الله لا اعتراض على حكم الله ! قطع اندماجها بعالمها صوت الجوال ...اخرجته من شنطتها ...ناظرت الاسم لثواني ...تنهدت وردت بهدوء : الو _ وينك ؟! بنفس النبره : راجعه للبيت _راجعه مشي هزت راسها وكانه يشوفها : ايه _ دقيقه واكون عندك ردت : انا عند قاطعها : ادري بمكانك انتظريني ! قفلت الخط وارجعت الجوال بمكانه ! رفعت نظرها بعد دقائق لما سمعت صوت الهرن ..اشرت له وتقدمت للسيارة ...فتحت الباب الخلفي وركبت بهدوء وهي ترد السلام! رد بسخريه : انا لو امون على البلديه او الاشغال العامة الا اطلب منهم يشيلوا هالعمود من هنا ! ابتسمت : ترى راسي مصدع بدون صوت ! هز راسه : ايه مجبور اسكت السيارة سيارتك اخاف باكر تسحبيها مني ! غمضت عيونها : سعود ممكن تقفل حلقك شوي سعود بابتسامة : امرك عمتي بس اخر سؤال : كيف خطيبتي فروح ! مطت شفتها الجازي بسخريه سبحان الله هالبزران كبروا بسرعه :ّ تسلم عليك ! سعود ابتسم للجازي يعتبرها أخته الكبيره ..بداخله حزن على حالها ....يتذكر زمان لما كانت كل حياتها ضحك ووناسه ولعب لكن من لما تزوجت وكانها ثوب وانقلب ....يكره جواد بقوة لانه بنظره هو إلي دمر الجازي وحولها لرماد ! ** ** ** من اول ما طلعت من بيت جده عرفها وهل يخفى القمر ؟! رفع حاجب وهو يشوفها تغادر على رجلينها لوحدها بالرغم انه بيت عمتها بعيد عن هنا ! والوقت قريب من ا لغروب ! لكن كعادتها ما غيرتها غير مباليه ! وفوق هذا عايشه في بيت عمتها بدون محرم ! ما يدري ابوها دمه من وش مخلوق ! فضوله اجبره يتبعها بدون ما تنتبه عليه ! عقد حواجبه وهو يشوفها واقفه بهذا المكان ! ضاق خلقه لما تذكر ذيك الحادثه ! يا قو قلبها ! ولها عين ترجع لنفس المكان ! وش تنتظر واقفه بهذا المكان ! نفسه يكون له عليها سلطه اخخخ ! ركز نظره لما مسكت جوالها وتكلمت ..ما يدري مع مين تتكلم ! مكالمه قصيره وارجعت الجوال مكانه ! دقائق واقتربت منها سياره ...اقترب بسيارته حتى يتعرف على هوية السائق ! عقد حواجبه بعدم معرفه ! لو كان من محارمها كان جلست من الامام ! بس هذا شاب صغير! هي ما تتعرف الا على البزران ! تنهد وبدا الغضب يشتعل بداخله هذه ابنة عمته وسمعتها من سمعتهم ! تبعهم حتى وصلوا لبيت نجوى تاكد انه من عيال عمتها ! عاد ادراجه وهو حاس بالضيق ما يدري يمكن كان يبغى اي دليل يثبته عليها انها ما تستحق الحضانة ! بداخله كره ما هو طبيعي لها وخاصة بعد سالفة نايف كرها بزياده بالرغم انها ما غلطت والغلط كله من اخوه بس ما يدري ليه تولدت هالمشاعر مضاعفه ! ** ** ** ** سوسن ناظرت امها بقوة : ما رح اسكت ! وبعدين لا تهدديني بجواد شذى ناظرتها : اشوفك محامي دفاع عنها من متى هالصحبة ! سوسن اشرت لها : انت بالذات اخرسي ما لك شغل ! ام جواد بحده : سوسن وبعدين معك ؟! اقولك اخوك يبغى يخبرهابالوقت المناسب بس لا تتدخلين قاطعتها بقهر : بالوقت المناسب؟! وبسخريه : ومتى هالوقت المناسب ؟ ! لما توصل الثانويه والا لما تتزوج تعزمونها على الزواج ! اقولك البنت جالسه معي وتناظر ابنتها وهي ما تدري انها ابنتها ! انت متخيله وش اقسى من هذا الشيء! لو تشوفينها كيف ذابله من فراق بناتها حتى الزواج رفضته شذى مطت شفتها : صدقتيها ! مين رح يتزوجها وهي ما بتخلف ! يمكن تقدم لها شيبان ! او واحد مطلق عنده درزن عيال مش فارقه معه انها ما تخلف ! اما عزابي مستحيل احد يتقدملها سوسن ناظرتهم بشماته : ما مر وقت طويل حتى تنسين ! ناسيه اخوك المهندس العزااااااابي إلي ذبح نفسه وفضحنا حتى يخطبها ! ام جواد بقهر : انت جالسه تتشمتين فينا ! سوسن تنهدت بضيق : ما هو شماته يمه ! بس كلام شذى مثل وجهها الاجرب! وبكذب تابعت كلامها : انت ما تدرين انه نائب المدير شاب عزابي خطبها 3 مرات ورفضته ! و5 موظفين عزابيين من الشركة إلي تشتغل فيها خطبوها ورفضتهم ! ترى ما هوناقصها شيء ! لو تشوفينها مثل اللعبة ! جمال ووظيفة وصغيره ومتعلمة والعيال مثل ما انجبت من جواد ربنا رح يرزقها ! شذى انقهرت منها :دامها بذي المواصفات الملائكية اخطبيها لزوجك سوسن ناظرتها باستصغار :طول عمرك عقلك بحجم حبة السمسم واصغر فما رح اعتب عليك ! خليك بزوجك السراق افضل لك ولا تتدخلين بغيرك ! شذى احمر وجهها بغضب وحملت نفسها وطلعت من الصاله بغضب بدون ما تنتبه لجواد إلي واقف قريب منهم ! ام جواد ناظرتها بقهر : انت وبعدين معك ؟! ليه حاشره نفسك بكل شيء ! موضوع يخص اخوك انت ما لك دخل سوسن باصرار : لي دخل ! رح اخبر جدتي وهي بطريقتها تعرف كيف تخبر الجازي قاطعها وهو يدخل بغضب : وقسم بالله حرف واحد تنقلينه لجدتي او للزفت الجازي الا اخذ البنت واهج من هالديره وشوفي كيف رح احرمها طول عمرها ! مثل ما قالت لك امي اتركي المركب ساير ولا تتدخلين ! انا بالوقت المناسب رح اخليها تشوفها وتعرفها ...بس انت خليك بعيده احسن ما تتقلدي خطيتها بتصرفاتك العوجاء ! سوسن ناظرته بقهر : تصرفاتي ما هي عاجبيتك ! والله حرام إلي تعمله خاف ربك إلي مطلع علينا انت ما تسمع انه ربنا حرم الظلم وجعله بيننا حرام ! وانا كنت اظن انك اخونا الكبير سندنا عندك ذمة وضمير وتخاف ربنا ! لكن للاسف ! يا خساااااارة ! ناظرته بتحسف وغادرت المكان ! بعد ما غادرت جلس بعد ما زفر بغضب : حنونه بزيادة ! ام جواد ناظرته بهدوء : وهي صادقه ! ليه تخبي عنها حياة البنت ! قلت لك من قبل خلاص خبرها على الاقل تشوف ابنتها كل اسبوع ! انت تشتت ابنتك لما تكون تعرف انه لها ام ثانيه بس ما تعرفها ! مسح على وجهها بضيق : يصير خير ! ام جواد خايفه يكون للجازي حوبه وترجع لابنها وبتأكيد : متى ؟! ناظر امه بضيق : يمه قلت لك من قبل قريب ....انتهينا ! * ** ** ** في اليوم الثاني ما تدري شيء بداخلها يحثها ترجع لبيت جدها تشوف ذيك الطفله ما تدري تذكرها بشخص ! وقفت عند بيت جدها اخذت نفس ودخلت من الباب الرئيسي بخطوات هاديه ......سرعان ما ابتسمت لما شافت الصغيره بالحديقه معها بالون مربوط بخيط وتلعب فيه بفرح ! ابتسمت بسعادة لملامح مريم الباسمة ! اقتربت كم خطوة ورفعت نظرها لفوق لما طيرت نسمات الهواء البالون ..علق البالون بحديده على ظهر سطح بيت ابو ناصر! تمنت الجازي لو معها بالون وتعطيها للطفله لما شافتها تبكي ! اقتربت منها بحنيه ...مسحت على راسها : لا تبكين باكر اشتري لك وحده اكبر منها ! مريم وهي تبكي ناظرت الجازي ما هو باين غير عيونها ...استمرت بالبكاء وما ردت ! ابتسمت الجازي وروح الاطفال والشيطنه دبت بداخلها : دقيقه اجلبها لك وارجع ! دخلت للداخل بحماس ! وضعت اغراضها بسرعه وتوجهت للسطح بخطوات سريعه ! اول ما وصلت اخذت نفس عميق من التعب بسبب الركض عن الدرج ! تقدمت بابتسامه وهي تشوف البالون عالق بحديده فوق سور السطح ! ركبت على ظهر سور السطح .....تنفست بشويش ...تقدمت خطوة بحرص ..خطوه ثانية ! توسعت ابتسامتها لما اقتربت من البالون ناظرت للاسفل واشرت للطفله بيدها ! توسعت ابتسامتها لما شافت سوسن متوجه لبيت جده ا اشرت لها وبصوت مرتفع : سوسن سوسن ناظرت حولها تبحث عن مكان الجازي مافي احد ...رفعت نظرها لفوق لما سمعت اسمها مره ثانيه ! حست جسمها تيبس وهي تشوف الجازي واقفه على ظهر سور السطح ! صرخت برعب من هالمشهد مجنونه تحس نفسها رح تعملها على نفسها من الخوف ! ابتسمت الجازي على خوف سوسن ...تحركت حتى تمسك البالون ما تعرف كيف تدعثرت وكادت تسقط عن ظهر السطح ...ما تعرف كيف نجت ومسكت بقطعة الحديد إلي علقت عليها البالون ! مع صراخ سوسن زاد ارتباكها ! بلعت ريقها بصعوبة ما هي قادره تتحرك تخاف تكون الحديده ما هي ثابته وتسقط من اعلى السطح ! ما تبغى تفجع امها بهذا الخبر ! هي ام تعرف كم هالخبر يفجع ويذبح الأم ! ما تبغى تموت الحين كيف تلاقي ربنا بتقصيرها وذنوبها ! همست بداخلها يا رب ان نجوت الا اتوب من كل الذنوب يا رب لا تفجع ابوي فيني! للحين صدى صوته باذنها وهو يردد البارحه بالجوال «الجازي لو خيروني بين عيالي كلهم الا اختارك انت » صرخات سوسن ارعبتها بزياده تحسسها فعلا انها بخطر وفرصة نجاتها صفر ! سوسن إلي تناظر الجازي وتصرخ برعب خايفه عليها ...حست بالامل لما اقترب منها جواد برعب : وش فيه ! اشرت سوسن لفوق وهي تبكي ! رفع راسه وانصدم من البنت إلي بين السماء والأرض معلقه ! ما اعطاه عقله فرصه ينتظر خلال ثواني كان مغادر المكان ! غمضت عيونها بقوة لما سمعت صرخات امها وفرح ...يا الله كله من سوسن ! ما تبغى امها تشوفها وهي تسقط! لا اله الا انت سبحانك اني كنت من الظالمين ! عفست ملامحها وهي تسمع صوت بغيض بالنسبة لها : لا تتحركين ! للحظه فكرت تسقط نفسها ولا يمن عليها بمساعدته لها ! ما يدري وش طلعها هنا وش سالفة هالبالون إلي بيدها ! تكلم وهو يمد يده بحرص : امسكي يدي ! تكلمت برفض : ما ابغى ! انتهى البارت ..دمتم بخير | ||||
|
| |
|
05-01-20, 05:36 AM
| #478 | ||||
| بارت رائع مضت السنون وجواد مازال يمارس ظلمه دون إحساس واهله ماضون معه عسى يذوقوا حوبة الجازي سوسن رائعة .ممكن جواد يجد بتصرف الجازي الأخير السبب الي ياخذ فيه الحضانة مهما تكلمت الجازي2 بحق إلا أن نفسي لاتهضمها. ممكن يكون في رابط بين شغل الجازي ومشروع جواد .بإنتظار إبداعاتك أبرار . | ||||
|
| |
|
05-01-20, 05:19 PM
| #480 | ||||
| يعطيك الف مليون ترليون عافيه ابرار بارت و لا اروع مليئ بالاحداث والتي توصف وجع الجازي و حزنها و ان شاء الله رح يكون معرفتها بابتها قريب و رجوع البنت الاخرى اقرب و ربنا يفرح قلبها و ينصرها على من ظلمها و ان شاء الله ما ترجع لجواد مره ثانيه حتى لو صار يعشقها مو بس يحبها لانه اكبر ظلم بحقها هو رجوعها لجواد و شكله نصيبها رح يكون مع مسؤلها الجديد ربنا يحميلها ابوها و امها و يحفظ كل اب و ام لبناتهم لانهم جد همه سند البنت بالحياه بعد رب العالمين سلمت اناملك عزيزتي على هذا الابداع | ||||
|
| |
|
| أدوات الموضوع | |
| انواع عرض الموضوع | |
|
|
15Likes
العرض العادي
