وخُلقتِ مِن ضِلعي الأعوجُا=خذني بقايا جروح ارجوك داويني * مميزة *

[قال الزهر آآآه]

ناظرتها سمر مبتديه تنطق ..
-اقولك انا بغيت كانو تسوي عصير .. محد رد .. نزلت لهم لقيتها تصايح وعيونها حمر !! تقول تبي تسافر عندها مشكله ببلدها وماريبتا تهرج معها كنها تهاوشها تعالي بالله شوفي !!كلهم الثنتين مشتبات مافهمت منهم شي !!
قطبت رنا هدب عينها ..
-ماقالت شي لي ابد !! صح انا مستغربه ماشفتها اليوم أصلا!!
هزت سمر راسها ..
-بلا عندها علم ... شوفي كان تحجزون لها بسرعه .. !!
مشت رنا متقدمتها ...
-خلك عند امي لاتحس فينا ولاتقولين لها شي حنا نحل أمور البيت !!!..
-طيب طيب ..
رجعت سمر بروح مبتسمه تقدمت .. جالسه على طرف السرير .. تنبهت ام سلطان لها ..
-علامك ؟؟ مارقدتي ؟؟
ابتدت تمسد رجيالتها ..بخفه ..
-مافيني نوم .. مقابلك يمه ابرك من النوم .. !احد عنده وقت يقضيه معك ويرقد؟!!
تبسمت ام سلطان هازه راسها ..
-لواقتن انتي صادق اخيَك !!هاتي وش عندك وش تبين !؟؟
ضحكت سمر بخفه ..مبتديه تجيب طاريهم الاثنين ..اخوها ونور عينه معه ..
.................................................. .................................
فيلا غازي آل مجفل ...
ترقبته ..امه وحسه يوصلها .. تبي تعرف وش الحاصل الحين وش صار زود !!
اول ماقفل ..التفت لها ولشيهانه ...
-ذولا قبيلة الهواري ... ؟؟؟؟ .. بيجونا بجااهه بشيوخهم ..وكبيرهم عشان نجلا اختي !!!
ارتهبت شيهانه مبتسمه .. وهي تسال ..
-متى ؟؟ نجلا مسافره طيب ؟؟ بتستقبلهم ؟؟
رد عليها بثبات ..
-لا الين تجي .. هي ..ويحظر رجلها معنا !! ابيها تكون فيه !!ابي بعينها تشوف قدرها عندي وشهو !!!
ناظر امه وتابع ..
-والله لأعجزهم تعجيز !!كل شي الا بنت غازي وخيتي الطاهره من كل فعولهم جميع !!
ردت شيهانه ..بسؤال ...
-نايف هم بعد؟؟ متسببين ؟؟ او بس بنتهم ؟
ابعد نواظره لها ..
-لا بنتهم مدري حفيدتهم !! الرجال ماعليهم خلاف اوادم واجاويد وصيتهم مابه منقود البلا من بنتهم الي ماعرفوا يلمونها!! لكن والله والي خلق سابع سما لأخليهم يذكرون اسم اختي وماينسونه ابد !!
نطقت ام نايف ..بثبات الحس ..
-وخالك ؟؟ وش بيغدي عليه يانايف!!
التفت لها بعين ضايجه تنطق شرار ..
-خالي ؟؟ يحمد الله انه خالي وانه اخوك !! لولا انه خالي كان دعسته تحت سيارتي !!.. ودي اعرف الي معه مين ؟؟؟ ليتني اعرف الي تعامل معهم ليت الوليد ينطق ويقول !!!.. لعاد تطرينه قدامي هذا مب قريب هذا عدو!!!..
سكت يهدي نفسه وقت شاف نظرات شيهانه تاشر له ..بضيق .. لانها انتبهت لرجفة أمها ..
ارخى نواظره .. بهدوووء ثم تابع ..
-يمه نجلا بالنسبه لك اعتبري ان الله ماخلقها لاهي ولاسعد !! اخواني الاثنين انسيهم انسي وجودهم !! حتى دخلتها هالبيت مره ثانيه .. بتكون بدون وجودك فيه !!.
شهقت بضيق ..واستهجان ..
-تطردني من بيتي ؟؟
رفع نواظره لها .. بهادي الحس ...
-حاشاك يمه !! هذا شرط بن جلمود !! ماتغاضا عن كل شي الا لهالشروط !!!..
أبعدت نظراتها شاده مبسمها بضيق ..وخنقه ..ترقبتها شيهانه بخذلان .. موجعها ..فجأه رفعت لها أمها نظراتها ..
-وانتي ؟؟ بعد خايفتن على اختك مني ؟؟
ضغطت مبسمها .. مثبته نظراتها بعينها حاشره صدرها بعتب ممتلي خذلان يوجع يقض المضجع ..نطقت بحس هادي متحشرج ..
-يمه اتركي نجلا تعيش !! اختي سامحتك تغافلت عن كل الضرر الي سببتيه لها !!! اتركي اخواني .. لعاد توذينهم .. !!..سكتت حاسه بغصه تهلكها ..ثم نطقت ..رافعه يدها لامه اصابعها .. بترجي ..
-مره وحده اتركيهم وصيري ام عن حق لنا احنا !! بدلي كرهك لهم محبه لنا احنا !!!..حبينا يمه حبينا !!!
انهت كلامها تاركه دموعها تغشى عينها .. بدون تمسحهم .. نشقت .. متابعه ..
-لعاد توذين اخواني .. والله العظيم ان سويتي لهم شي ثاني يضرهم .. لأ هج من هالبيت واروح لسعد لاجلس معه كل عمري واترك هالبيت لك!!
قامت منتفضه .. مب منتببهه لنظرات الصدمه بعين غاده .. ولامنتبهه لنايف الي يناظرها برحمه ..وحنان .. التفتت له .. رافعه اصبعها مكرره ..
-انا صادقه نايف بهج والله لأهج لسعد !!!..
انهت كلامها وطلعت تاركتهم .. أخيرا قدرت تنطق وتهدد وتتوعد .. أخيرا هاللسان وهالروح اتخذت موقف صحيح متأخر .. بس نطق قبل يفوت الأوان ... والله لتوقف بوجه أمها وكره أمها عشانهم ..!
.................................................. .........................
احد شوارع الرياض ..
تبادت خطوات سلطان ...وعينه تترقب المار والرايح والجاي ... بتفكير مبهم ..مقرر وخالص ...احتدت نظرته.... مطمن قلبه انه اتخذ القرار الصحيح ... طول عمره يتمنى يطيح الوليد !! وجاته الفرصه الين عنده ... تنفس ساحب اكسجين يطرد الشحنات بصدره ...مفكر بعمق ؟هل الي سواه صح؟؟ تذكر نظرات امه الي ماغفل عنها ابد .. !! شد مبسمه .. كاره للشعور الي خلاه هالدخيل يعيشه .. من جا .. !! لكن خلاص جا وقته الحين !!! رغم كل شي ورغم الفضايح الي راح تتصدر سمعتهم بسببه !! بيقدم وهو مقتنع ..!!بيزيحه أخيرا ياكم انتظر هالايام !! شد مبسمه ماخذته الهواجس للعقبه الوحيده قدامه والي من خلالها بينهيي الوليد للابد !!!
سعد !!...مجبر هو ! ماله الا هالدرب !! شد قضة يدينه متذكر نظرة سعود وقت ذكر طاريها ..نجلا !!!... يستحيل يخلي شي من السواد المعتلي بحياة اخوه يوصلها يكفيها الي سواه هو فيها ! اشتدت نظراته سواد متغافل كل الوجود ..حاسس بحرقة قلب انه هو بيده وباصراره ... دخلها بينهم !.. ابرقت نواظره طارد حتى استجلاب صورتها ..!! ماراح يسمح لنفسه يدنس حتى خيالها بفكره ... دخلت بينهم طاهره عفيفه وبتضل طاهره عفيفه ...مايدري لاي عمق وصلت علاقتها معه لكن الا ماينكشف كل شي وقدام عينها ويمكن هذا افضل شي بيسويه لها ... !! .. العوق بس سعد !!
مجبر يختار وابد ماراح يضحي بها هي !!!.. للأسف .. الا مايلحقها ضرر !! لكن عالاقل تبقى هي طاهره ماتدنسها وصاخة عالمه الي جا منه !!!
تنهد ... حاسس بضيق ... وشي بروحه مقبوض ... يدري الكل بالبدايه بيلومه !! ويتحمل بالاخير بيعرفون ...منهو الوليد الي دخلوه حياتهم ..تبادت صور امه وضحكاتها .. استشعر .. مرار الضيق يتل صدره ..قد ماراح يصدمها معرفة اصل هالدخيل الي جاهم عقب بطا قد ماراح يرتاح من همه ويطرده من حياتهم جميع وكنه ماخلق ولا انوجد !!.. وهذا الصح ..
تعالت نغمة جواله ... قطب هدب عينه منتبه لنفسه شلون أبعدت خطاوبه بدون يحس .. سحب جواله رافعه .. منتبهه للرقم الخارجي .. تنفس باصرار راد ..يحذر ..
-هلا !!...
تسمع ببطء ... مستفهم ثم نطق ..
-ماشي عالخطه بالتمام ... هو الحين بجيزان ..بشوف لي طريقه بس مابي برمضان !!..
سكت ثم نطق ..بثبات ..
-انتم وعدتوني توروني اثبات !!! وانا انتظر !!! ودام كيذا يحق لي احدد الوقت الي يناسبني !!!
هز راسه مستقبل .. التأكيد
-ادري اني لازم أكون مع رجالكم عارف ! اذا انتم مب واثقين بي معكم !!! انا قادر انهي كل شي بنفسي !! زي ماانا بحاجتكم عشان اخلص منه انتم بحاجتي بعد !!
قفل جهازه ..متنفس بانشراح ... واثق ..انه صح .. وعلى حق ولأول مره بحياته بيمشى بطريق الصح ... وماراح يندم ...
حتى احساسه بالذنب تجااهها ..بيختفي .. مرار الفقد الا مايمر عليها وبتقوى من جديد . موقن لو يخيرون سعد بينها وبينه بيضحي بنفسه هو يدري وش كثر تعني له !!.. دخل كفوفه بجيوبه .. وتراجع متوجه لسيارته .. طارد كل هواجيسه .. ومتقدم بخطط يبي يمشي عليها بهدووء ... لجل تصيب وماتخيب ..
.................................................. .................................


جموهرية العشاق
وقت الغروب ..عقب غداهم الي تشاركوه على سطح اليخت وامام امتداد البحر وضي الشمس .. و
مع تناغم .. حس فيروز .. باغنيتها ..المشهوره ...
شايف البحر شو كبير ..
نظراتها سارحه بامتداد البحر .. امام نواظرها .. تراقب .. بعينها استعدادات شمسهم للغروب .. متراكيه على يدينها وخصلاتها المتهاديه .. تغازل ملامحها .. وتلتمس منها مجموعة لثمات .. خفيفه .. ملت من كثر ماتبعدهم فتركتهم يتراقصون حوالين رسمها وركزت بس بالمنظر الي قدامها .. التفتت للوليد لقته ماد رجله مراكيها عالسياج وبيده كتاب مركز فيه ..بتفطيب .. قطبت هدب عينها .. مبتسمه ومقدمه خاطفه الكتاب من بين يديه .. رفع راسه لها بنظره مصدومه بسوم ..
-علامك ؟ !.. وش فيه ؟
استنكرت ..باستغراب ..
-احد يترك هالمنظر .. ويقرا ؟؟ انت الي علامك !..
تلمست الكتاب ولفته بين اصابعها ..
-اش هذا ؟؟ عن ايش تقرا انت !!.. رفعت له راسها تسأل ..
ضيق نواظره .. متراجع يتراكا وشابك يدينه الثنتين ورا راسه ومرخيه ..
-كتاب سياحي عن موريشيوس...
رفعت حواجبها بفهم .. وهي تبعد شعرها .. بخفه ..
- مب وقته !! خلك معي معي انا بس !!!
تبسم وعينه تضيق اكثر على اكتافها .. واثر يدينه ..
-معقوله هذا كله مني ؟؟؟ متأكده ماضرب شي فيك يوم طبيتي !؟
هزت راسها .. جاذبه شعرها من جديد مخفيه الأثر ..
-لا هذا منك !!
استجلس بتركيز ماد يده .. يترقبها ..
-تعالي !! تعالي اشوف !!
-عادي لاتركز ماتوجع !! قلت لك ماحس فيها !! خلك منها .. ماودك .. نتكلم عن شي ؟؟
ارتخى متكي على ركبه .. وهو مركز فيها ..
-مابي أتكلم بالي يضايقني .. مبسوط الحين .. !.. وش رايك بأكلهم ؟؟ اعتمد هالشيف؟؟ او اغيره ؟؟
تنهدت مقربه تجلس مقابلته ..
-لذيذ اكله ... مره ... ماتشوفني اكلت ؟؟
ضحكت بخفه .. وعينها مطرفه يم البحر وامواجه ... تتنفس وهي مغمضه
نطقت .. بحماس مشرق .. مطالبته .. ببسمه وبرقة نواظر ....
-الوليييد !!
ترقبها متأمل منظرها البهيج .. لروحه ..بلاشعور ابتسم ببطء ..
-عيونه !
فتحت عينها بانشداه .. وترقب ..ناطقه بخفه ..
-عادي بطلب منك شي ؟؟
ضيق نواظره .. راد وهو مركز بها النظر ..
-قولي !
لفت راسها مبعده خصلها ...ومغمضه عينها ..ومبتديه تنطق بحماس شاقي
-الوليد سكر عينك واسمع الموج بس !! سوو زييي !!.. ثواني ثم
لفت له فجاه فاتحه عينها تضحك ببسمه وامر ..
- يله يله .. بقولك بشاركك شي..
غمض عينه امام مرأى نواظرها .. وتنفس ساحب انفاس نظيفه .. خفيفه وعميقه .... مبتدي حسها .. يتغلغل بسمعه ..
-ابي اتشارك معك شي يخصني انا ماقد علمت عنه احد ابد !!!... تخيل معي .. !.. وحس بشعوري ...!انا وين كنت ووين وصلت ...؟؟ .. صرت اشوف حلمي زي قبل وانا مغمضه بس الفرق الحين انه حقيقه !.. لا موحلمي هذا اكبر واكثر بعد .. !! انا هالايام .. أعيش سعادة .. تنسيني كل شي راح كل شي ... !!.. بس تذكرني ..بعيونك ..انت !! وجهك وانت تبتسم بس الي اشوف .. !!.. تدري اني انتظرتك كثيييير كثييير ... ماراح تصدق ان قلت اني لما يجي الليل واحط راسي عالمخده ... أتذكر اول مره شفتك فيها !!!.. وابتسم .. وأقول يارب يجي متى يجي ويطلعني من هالبيت !!!.. كنت اتخيل حياتي كيف بتصير ! لمن اسمع البنات بالمدرسه يتكلمون عن بيوتهم ويومياتهم .. وامهم وابوهم احسدهم فيه عندهم راحه ؟؟يجون؟ يضحكون ؟فرحانات ..!! الي تتكلم عن مزح ابوها وسواليفه ؟والي تتكلم عن اخوانها ونقاشاتهم ؟؟ والي تجيب طاري أمها وسوواتها لهم ومعهم !! والي تحكينا عن ابوها كيف يحب أمها وكيف متوالفين بالبيت !!
تنهدت بعمق ..غايصه بشعورها ومبعده راجعه لذكرياتها وامنياتها بذيك الغرفه الصغيره ..والسرير الي يحتوي ضيقها واحلامها وامنياتها ببيت ابوها ..تابعت .. بحس هادي صادر من عمق روحها الصغيره ..مبعده عن واقعها الي تعيش..
-اخذت وعد على نفسي .ان يكون لي بيت زيهم !!انا بنفسي بخليه زيهم !!وقت يسولفون عن فطور الصباح قبل يجون كنت اخطط براسي اني راح يجي وقت احقق الي ابي !!اقومك واسوي الفطور انا بنفسي !! وبودعك عند الباب قبل تطلع !!..واقول بشتري بخور زين ببخر البيت كل وقت !!.. تبسمت ضاحكه بخفه .. وهي مغمضه توصف باقي احلامها .. العذريه ..
- احلامي تعمقت فيها ليومياتي الي ابي تصير وتتحقق !!وعدت روحي اني اخلي بيتي جنه !! وقلت بستقبله عند الباب .. وبيكون البيت هادي مني مشتكيه ابد ولاراح اضايقه .. !.. ترا كنت مخططه امسج رجلك بموي وملح زي الأفلام المصريه !! وبرتب جدول لوجبات الأسبوع !! شيوخ كانت تعلمني يوميا وش غداهم وتقول انهم مرتبينه من قبل كل واحد يتخير الطبخه الي يبيهاا وترتبها امهم طول أيام الأسبوع !..عاد وقتها انا مادري انت وش تحب تاكل .. أقول بعرف اكيد .. واسوي له الي يبي .. وان ماكنت اعرف بتعلم تعرف انتم غير عنا طباخين عندكم ويمكن مايجوز لك اكلي !!..بس بتعلم .. وبعرف ..
تنفست بعمق ... اكثر ..
-كنت احلم اني اهج من ضرب نايف وكذب غاده .. وسكوت شيهانه !!..وانشغال ابوي الله يرحمه ..واقول بيزورني سعد وبيشوف وش كثر اضحك وينسى دموعي الي كانت تخليني اشوفه مكسور !!
سكتت بتردد ..ثم نطقت بهمس ..
-كنت مشتااااقه لسعد ومادري هو وين ..عشت بذاك البيت الكرييه ..لحالي مع انه مزحوم ..! بس نصوري بس الي يفرحني وجوده وحسه وصوته !! وماسلمت بعد !!من غاده ومن تنكيدها !! تكره تشوفني مبسوطه معه !!ماتبي ابد أكون له قريبه !!انا ابد منيب مثلها وماكرهت اخواني ومستحيل اكرههم ! ادري لاني واحس فيهم !! نايف كنت احس انه يضيق حتى لو يعورني كلامه ! وشيهانه تخاف مب زيي صح أمها عايشه بس ماقد شفت علاقتهم طبيعيه ابد .. !
سكتت ثواني ثم نطقت بمكنون موجود بأعماقها من سنين ...لكن حاولت تمحيه وقدرت وانعاد رجع غصب عن شعورها رجع ينخلق من جديد بسبب الضيق الي شافته بمحبوبها واحتواهم الاثنين !!
-اكره غاده !!..منيب ضاغطه على نفسي خلاص!!.. هي بنت كرهها بقلبي وماخلته يروح ..! لو عشاني انا كنت بنسى وعشان اخواني نسيت !!
بس هالمره انت !! بكرهها لاخر يوم بعمري !! ومراح اسامحها ابد !!! وانتظر اليوم الي بوقف فيه قدامها والله بينا .. بطلب من الله يأخذ حقي !!معد بسامح احد !! أي شي يمسك ويضر حياتي معك ماراح ارضخ له !! ولا بضعف قدامه !!..هي تحسبني نجلا الضعيفه!!الي تسكت وتتحمل !! ماتدري اني وصلت للي كنت اصبر عشانه ! وبقد صبري قبل!! بتشوفني اقوى !
ارمشت بعينها ..فاتحه نواظرها .. مانتبهت متى سكت حس فيروز ومتى اظلمت الدنيا ..سكووون الأجواء وحس الأمواج ..غمرها بنشوه .. سعيده .. مبهجه .. التفتت تشوفه لقته يترقبها ..بصمت ... وكنه يناظر عمق افكارها وقادر يتربع بعقلها ..ويشوف شلون هي تفكر ..ويدري لسانها وش يبي يقول ..!!..
نطقت مبتسمه ..
-احلامي بسيطه .. وانت حققت الي اكبر منها واعمق بالنسبه لي !!ان كنت عشت لحالك صدق ..ابيك تعرف اني كنت انتظرك واتحرى الثواني والأيام تمشي ..عشان تجيني !!..مانسى هيئتك ابد دايم اتخيلها واتذكرها قدام عيني .حتى لو مبهمه ..ومشوشه ...تبسمت تتابع شرحها له ..بعفويه .. جزله ..
-اذكر طولك ..كنت عملاق بالنسبه لي كبييييير أتذكر عينك ونظرتها الحاده ..!! حتى أتذكر يوم تهاوش داده فاطمه !!..وقت كنت اناظرك ..التفت عطيتني ظهرك لانك سمعت احد ينادي سلطان !! لحظتها حسبتك انا سلطان !واول ماعلمني ابوي عن الخطبه رجعت كل ذكرى تخصك براسي استرجعها عقلي لانك انت يالوليد فيها.. !..
ركزت فيه النظر اكثر ..
-انت تقول ماجيتي بالساهل بس انا أقول اني كنت انتظرك وادعي ربي يجيبك بسرعه ..كنت الحياه الحلوه الي ابي اعيشها ..انت تحملت ..وصبرت وقويت عشان تأخذ حقك من سعود ونسيت نفسك لكن نفسك كانت معي انا !! كنت حافظتك من سنين !! كنت ومازلت الين الحين موجود معي !..
ارخت نواظرها لكفوف يدينها ...ساكته ثواني ..
-تدري متى وجودك بحياتي أثر علي!!!؟؟
رفعت راسها متلاقيه بنواظره ..الثابته ..تابت قبل ينطق ..
-اليوم الي جيت تدافع عني فيه ..وحذرت نايف !! وقتها قبل ادخل قلت لشيهانه ان انضربت بلغي الشرطه !! ان جاني شي منه هالرجال واخوك لاتسكتين او بهج منكم !!
انتبهت لعرق نابض بمنحنى رقبته ... ورجفه مشدوده على طرف شفايفه من كبر وعمق شعورها مانتبهت انه يضغط ويجبر أنفاسه تهدى من شي ماتعرفه هي وتجهله ..
تابعت بنفس حسها له ..
-شفت يوم وقفت وانت طالع .. وقلت اني امانتك !!..هينا انت خلقت لك وجود !!من هينا !..قلبي كان بيفر ..من صدري شعوري شلون اشرحه لك ؟ غريب ابيك تختفي وتروح ومادري وش تبي مني بالضبط !!وبنفس الوقت يوم سمعتك تحذر نايف .. حسيت بصدمه وشي غريب .. ! ادري ان سعد دايم يدافع عني ! بس هم قامك غير عن قدامه !! انت محد تجرأ يرد عليك !! نايف ..
رجف فكها عاجزه تنطق وتكمل ..
كان يترقبها بصمت مركز بكل حرف تنطق له ...عاجلها
راد بصوت رخيم وكنه يخاطب فكرها السائل ويجاوب ..عليه
-الليله ذيك بالذات ..تأكدت اني ابيك نجلا !!ابيك لدرجة اني ماقدرت اجلس اكثر وانتي قدامي ترجفين مثل فرخ الطير !!كارهتني وخايفه مني
طلعت هايم بالشوارع ..مقرر اني اطلعك من راسي وحياتي ومن محيطي بكبره انا وسلطان !!
ردت ..بعجل .. شارحه ... ونظراتها له متغافله هيجان شعرها بفعل نسيم الجو المحاوطهم ...
-بنفس وقت طلعتك طلعت هجيت راكضه من المجلس !!وقلبي يدق بقوه ..مب مستوعبه انت وش قلت .. !
قربت .. وجلست تتابع .. ببسمه متكامله ..وعين تشرق ..
-تدري ان قلبي يدق نفس ذاك اليوم لما تقبل علي باي مكان ؟؟ ولما تناظرني واحنا مجتمعين ؟؟ ولما اسمع حسك وانت تتكلم وتسولف لخواتك ؟؟ وتذكر وقت رديت على بنت خالتك وقلت انك مارجعت تدخل مكان امك الا معي ؟! سكتت تحاول تهدي موج أنفاسها ثم تابعت .. بحماس ..
-كل ماشوفك دايم دايم سواء زعلان او راضي او حتى تضحك يالوليد !!
قسم بالله يفز لك قلبي !..ضيقت نواظرها .. بتكشيره لعوب ..
-فيه احد قالك انك رزه؟؟ وجميل ؟؟طيب لا فيه احد قالك لك بنتي عطيه مابعدها جزيه ؟؟!!
ضحك ضحكته الهاديه متفاجئ..
رفعت حواجبها بحرج .. متابعه ..
-صدق أتكلم مامزح !! يعني انت كم عمرك الحين ؟؟ 38 صح؟؟ ثقل وعلم وثقافه يعني رجال كل واحد يحلم فيه ويتمناه لبنته !!طول السنوات الي راحت محد قالك؟؟ كيذا بعض الرجال اذا اعجبهم واحد زين؟؟ اذكر سالفه قصها ابوي لاخواني !!.
رد بهازل الحس ..
-ايه فيه ..مرو علي واجد !!
قطبت هدب عينها ..
-اييووووه!! وبعدين ؟ ليش تعيي !!
رد بعجل ..ثابت ..
-مالي رغبه !!بالزواج !
تنفست .. مرتكزه ..بغرور .. نافضه شعرها عن محانيها .واناملها تتلمس سلسالها ومهرتها اشرقت عينها .. بنظره حبور ..
-ادري كنت تنتظرني !!! جيت انا وخليتك تبي كل شي !!وترغب بكل شي !! قطبت هدب عينها بتكشيره .. ضايجه ..متابعه ..
-بس لو اقدر اشيل ضيقاتك الي تجيك ؟؟؟
كان يترقبها بصمت .. مركز بكل حرف تنطق له .. مستوعب حجم قوة الشعور المتغلغل بروحه سعادة .. هز راسه .. ناطق بحس واضح .. وحاذر .. معترف
-انا علمتك قبل ان تهميزك ازين شي تسوينه؟؟
هزت راسها .. مقطبه ..
-ليه راسك يعورك ؟؟
نفى براسه ..ومتابع ..
-حتى اسلوبك بالكلام ... كتاباتك !!انا موقن عندك ملكة الكتابه !! والتعبير!!عندك قوه مب سهله تقدرين توصلين كل شي تحسينه للي قدامك بكلمات بسيطه لكن عميقه يانجلا !!
شد مبسمه متابع يشرح ..رافع يده ..يبعد خصلها ..

-اعرفي ان كلمه وحده منك .. تسعدني كيف بكل هالي تقولين ؟ !!..؟؟ ..بعلمك شي نجلا !!؟؟
ارمشت بقل صبر هامسه ..ومبوهته ..بحسه وصوته ..
-ايش؟؟
نطق متابع ..
-انا اتضايق .. بس أي ضيقه تمر علي مايكون وقعها زي قبل تجين ! وانتي فيه .. ماتستمر !!واصلا تصرفاتك تجاه هالضيقه كفيله انها تطردها وماتبقيها !..
ابعد نواظره يم امتداد البحر . ومحيط السكون ثم وقف .. تتهادى خطواته العرجا ..بخفه الين وصل للسياج ..وتساند عليه .. متنفس بهدوووء ومتابع ..
-انا ارتحت وقت علمتيني الشي الي عجزت افهمه ومالقيت له شرح !! بس زاد عتبي على ام طلال !!..وعلى تصرف ابوي رحمة الله عليه ! وعلى ضعف امي الله يرحمها !!!..
التفت لها بكامل جيده وتساند بظهره عالسياج وكتف يدينه ... تارك نسيم البحر .. يحرك خصله بعكس اتجاه منابت شعره الكث ..
-هي تدري انه يكره ابوي من قبلي !! ومع هذا خلتني معه وجنبه ووبيته !! تدري انه يضرني وسكتت !! برد شي فيني لها !! حتى ضيقتي من روحتها اختفت .. !! ابيها تكون سالمه عشان طلال والبنات وبس !! معد يعنيني وجودها !! ولامحبتها الغلط !!..اعتبر محبتها مسمومه ضرتني ومانفعتني ابد !!
نطقت معارضه بهدوووء.. وقت طال الصمت ..
-الوليد ؟ مب قلت لي أحيان الواحد يسوي الغلط بس غصب؟؟ حسبتك التمست لها العذر ؟! والحين يوم دريت عن كل شي مافكرت انها كانت خايفه عليك وعلى طلال والبنات !؟
ركز النظر فيها ... ناطق بهدووؤ..
-فيه اغلاط تغتفر نجلا !!! بس غلطها لأ!! ماكانت مجبوره !!جدي كان عايش !! الدنيا بخير والدوله معها مب ضدها اذا اثبتت شره واذاه !!لكن هي اختارت تسكت وادفع ثمن جبنها وسكوتها انا !!! انا بس الي تضررت منهم جميع !!!!.. تابع باستهجان وقت شاف نظرة عينها .. الحانيه ضيق



يتبع على هذا الرابط

https://www.rewity.com/forum/t441838-1068.html

[قال الزهر آآآه]

-انا الحين مااعيش دور الضحيه المغلوب على امرها نجلا !!! انا أتكلم عن واقع صار !!! هالضرر !!كبرني وقواني ووصلني للي تشوفينه قدامك !!
هز راسه .. معترف بحس نافر .. وعينه لها ..
-بس ماكان بالساهل !!..ترك فيني اثر نفسي .. وجسدي .. احاربه كل ليله !!!وبكل صلاه وبكل ذكر لله!!!.. انا قويت صح بس مب منهم ولالهم فضل علي !!! اناوصلت لهينا بفضل الله وقربي منه !!! ثم جدي !! محد يعرف وش كثر كنت اعاني واجاري شياطيني الي ورثوني إياها بافعالهم كلهم !! محد يدري الا الي ذاق الشين مني !!! اانا بنفسي طلبت الله وصدقت معه !!!وصلت لحالي ذا لاني توكلت عليه هو فقط مب غيره !!!
رجفت شفتها ماتبي تصيح ابد ... ابد تبي تطرد دمعها الي يجي وقت تسمعه يتكلم عن مكنون صدره ... ودها تنششق الأرض ولا يشوف ضعفها الي تكرهه .. عشانه .. ضغطت على اعصابها متنفسه .. ومرخيه نواظرها بعجل ملهيته بحركة شعرها ... ماتبي ينتبه لشعورها ابد ... الين سمعت حسه الي تبدل واصبح حاني وهادي..
- صبرت صبرت وجازاني الله بك !! اقولها لك دايم واكررهها وبكرررها !! انتي جزى صبري !!! بتملين من كثر ماتسمعينها مني بس هذا واقعي الي ماكنت احلم فيه !!
رفعت راسها .. متلاقيه بنواظره ..
احتدت نظرته وهي يتأمل جمالها الي يعشق .. ونطق بصوته المحتزم قوه ووعيد ..
-شي لازم تعرفينه وماتبخصينه !! رجلك وراى طيبه شر مب هين !! مامسكه ولاهجده الا ثنتين !! ميمتي وانتي !!!! لولى وجودها كان شديت وقومت ولدها وخليته يعرف الاستقامه صح !!! ارخيت له الحبل وساق فيها .. لكن كل شر يجي من وراه خير !!هو جابك بعد الله لي !!لولا كرهه ماجيتي !! بس استمراره بأغلاطه معد اقدر اغفرها لان فيه انتي الحين !!معد ينصبر على فعوله ابد !!
ترقبها .. اكثر ..تدري وش يبي يقول ..هي الخير والخير الكثير بعد ..
تابع وهي له تسمع .. مهدد ومتوعد ..
-مرت ابوك ماهجدت عنها الا عشانك انتي لانك تحبين اخوانك !! ولانهم يستحقون منك هالمحبه لاشيهانه ولا نايف !! القذر الواطي الشرذمه الي وصل لبيتي ولغرفتي ولك بياخذ جزاه الاولي والتالي !!..ماخفف حرتي الا انك سلمتي !!!.. وماضرك ومالحق ياذيك !!
تقدم الين وصل للطاوله الي بينهم واسند ذرعانه عليها مرخي متونه و مخاطبها .. بحس .. هادي ..
-الي ابي أقوله وابي يوصل لحمرا النواظر الي قدامي !! بقوله الحين و.. اسمعيه زين .. وافهميه وتأكدي منه !!
ركز النظر ببرقة عينها .. مدرك انها ماسكه شعورها ودمعها ماتبيه يفلت .. رفع يده يمسح باصبعه طرف عينها وهو ينطق ..
-شايبك هالي تشوفينه قدامك مب ضعيف !!قوي بالله قول وفعل !! قادر بعون الله يأخذ حقه كامل بلا نقص وباخذه والحين انا اقولك إياها صريحه
انتي يانجلا مصدر قوتي بعد ايماني بالله سبحانه وتعالى !!وانتي الي مثبتتني ..عن أشياء كثير وعن خطوات مفترض اخطيها بليا حذر وبتهور !!...طلعتي من الصبح كل يوم .. وانا اعرف اني ارجع للبيت بشوف وجهك تفرج لي عن كل هم وضيق !!.. وغير كيذا تبين العلم الصحيح؟؟ انا اعطيتهم اكثر من حقهم هالوقت انا سارقه سراقه لي ولك !! والسفره معد ابي طواريهم جميع ... من الحين بنتجنب ذكرهم كلهم ..!!..
استاقف .. ماشي بخطواته .. .ماد كفه لها .. رفعت يدها له .. مبتسمه عاجزه تنطق .. تحول مسار كلامه وشعورها بقوته وشموخه .. واعتزازه بقربه من الله اثلج بصدرها الشي الكثير ...
شد يدينها ساحبها توقف .. متقدم بها لمقدمة اليخت .. وقف تاركها تتقدمه .. محاوط جيدها بيدينه ومستند بذقنه على راسها .. موجه نواظرهم للبحر وامواجه ..متأمل .. انوار المراكب ... وضي القمر مضوي المكان ... ومنعكس على سطح امتداد سطح المحيط ...حاسس بجيدها بحظنه هادي ومستكين .. همست .. بحس هادي ويدينها تحتظن كفوفه .. حواليها ..
-باقي شي ابي اعلمك إياه !! بقولك كل شي لازم تعرفه !!معدني مخبيه شي !!..مرت ثواني من الصمت ..يتخللها صوت الموج ...
-قولي الي بخاطرك كله عطيني إياه !! خوفك ضيقتك حزنك كل شي يخصك قوليه!!..
رطبت شفتها مرتجف جيدها .. حاوطها اكثر مقرب منها ..شادها له ..متكلم ومأكد ..وهو يلثم راسها بعمق ..
-قولي نجلا معد به ضييقه تقدر تبعدني عنك !!ان طبيت هالمره باخذك معي .. قالها ضاحك بخفه .. ثم تابع ..
-وان طرت طرت بك معي .. !!..معد اضمن اخليك ادري بتتبعيني وتجين وراي ومب فارق معك أي شين يضرك !!
شدد حظنه اكثر .. لها ..مبتدي يلثم جانب جبينها .. وصدغها .. بهدووء.. ثم وقف وقت نطقت .. بهادي الصوت ..
-قبل الي ابي أقوله عطني كلمه ان أي شي قدام بتشارك معك فيه !؟ وقول تم ان الي بتشوفه بشوفه معك !!
قطب هدب عينه كررت برجى وإصرار
-قل تم !!!
هز راسه مركز فيها النظر
-تم لك كلمتي يابنت غازي !!!
ارخت نواظرها ناطقه بثبات ..
-خالتي ميثا .. طلبت مني بالرساله الي أرسلتها .. لي ..ان اذا رحت جده اروح لبنك الجزيره عندها خزينه وانا بس الي اقدر اطلعها !!؟
التفتت له براسها لقته قريب منها وانفاسه الساخنه ..حست بها .. تلاقت نواظرهم .. حتى سواد نظرته معد ترهبها .. شدت يدينه ونطقت ..
-تقول انها ملفات جمعتها على زوجها طول هالسنوات الي راحت وتبيني اقدمها للشرطه عن طريق سعد بدون تدري انت !! وضحت لي ان الي في هالادله خلاصكم جميع من سعود !!..
ابعد نواظره للبحر بتركيز ... تمت تترقب جانب ملامحه الشامخه .. ركزت بجمال رسم جانب عينه ورموشه ...والهدب الغزير المرسوم بحده مسكره لروحها .. ثم تابعت ..
-وفيه تسجيل !!
التفت لها بتقطيب ... مركز ..
تنفست .. شاده مبسمها .. رافعه يدها تبعد خصلها الي تمنعها شوفته زين ..
-قالت لي ان هالرساله ماراح توصلني اذا هي حيه او بخير !! وان جتني ياانها ماتقدر توصلني او ..سكتت ..حابسه الكلام ..مبعده نواظرها ثانيه ورجعتها على طول له منتبهه انه مركز معها ..ويناظرها منتظر تكمل ..
-بيكون فيها شي وان شاء الله ان ظنها مب صحيح !!!..
تنهدت .. موجهه نظراتها للبحرر قدامها ... متابعه ..
-التسجيل .. موجود بمكتبه الخارجي ببيتهم .. علمتني مكان الكميرا .. وطلبت مني ان لقيتها ماتشوفها انت ابد لكن اقدمها للشرطه بنفسي !! تقول بتستدرج سعود وبتخليه يعترف ..
رجفت شفتها ومتنها قبل .. حاسه بحرارة جيده حواليها وجمود اعصابه ..وسكونه .. ركزت فيه النظر منتبهه لاسوداد نظرته...
تابعت ..بنفس الثبات وهي تشد اناملها فوق كفوفه ..
-ام عمار قالت لي انها اعطتها هالظرف لي وتاخر ماوصلني بدري !!..
التفتت له .حرك يدينه يساندها عالسياج محاصرها ..مطرف بنواظره للبحر ..وعينها تترقبه ..تابعت ..
-الوليد خالتي كانت ناويه له نيه !! واكيد كشفها هو !!صح؟؟ يعني هي هينك غصب !! انا افكر انه ..ممكن ..
سكتت ثم تابعت .. وهي تترقب احتداد نظراته ...
-يضرها !!!وش بنسوي !!
لف براسه لها ..
-باخذها منه !!! بجبره يعطيني إياها !!!
بلعت ريقها .. بحذر ..
-شلون ؟؟ وش بتسوي ؟؟
ركز النظر فيها طارد كل فكر وضيق تغلغل بروحه من الي سمع قاصد ومتعني ....وابتسم ..بسمه جانبيه .. خففت حدة نظرته .. رغم الغضب الي استفحل صدره ..
-لاتشغلين نفسك بأحد فكري بس فيني !!! هالراس ذا وهالمبسم الحلو لايهذري الا بي !!..
ابعد نواظره يم البحر متابع ..
-انا جاي هينا ..استراحة محارب ! ابي معك انساهم كلهم !!..
رجع يناظرها .. مدرك ترقبها له وقربها .. تأمل محيط جبينها الصغير ..ورسم هدب عينها المبروم ..رموشها محيط اجفانها والي كان يشك انه كحل وهي خلقه مكحوله ..وسع عينها واسوداد سوادتها لدرجة يبرق بياض العين حوالين بؤبؤتها ..المستاسعه حاليا لانها تترقبه برهبه ..وترقب .. لذييذ يثلج غروره ويبرق مباديه ..وينعش رجولته الي ماعشقت الا هي !
-اطلب منك طلب ؟؟
همست ببسمه .. عاشقه له..
-آمر !!
-لاتفكرين فيهم كلهم ! لاسعود يقدر يوصلني ويخسى يرجع يضرني !!انا وقت اطلب تثقين فيني ابيك تتأكدين اني مب خصم سهل !!انا اصعب مما تتوقعين واقوى مما تتخيلين !! وزادت قوتي لان قليبي الشايب تعلق بك !الشي الي كنت بقوله لك اليوم قبل اعرف هالتفاصيل .. اني عاقل وربي حفظني من الجنون الين الحين لكن؟؟؟ وقت يضرك شي ..او جت لحظه اذوق فيها طعم فقدك فانا وقتها بنجن صدق وبيصدر مني الي يستحيل يطلع مني وانا عاقل !! بكون بايعها وماهمني شي!!..ولااحد بيهمني !! يمين الله الي بيضرك بعد هاليوم لأنسيه اسمه واقلب حياته !!واوجعه باأغلى مايملك !! لابيع الكل يانجلا تفهمين !!! اخت ابوي مانسيتها !! وبتتعاقب وبتاخذ جزاها !!!ماغفلت عنها !!والثانيه بتتراقب لاتحسبين نسيت الي سوته لك !!يعني من اليوم ورايح معد يهمني احد !!!فهمتي وش أقول؟؟؟ تستوعبين الي ابيه ياصالك نجلا!!؟
جمدت نظرتها .. تترقب ملامحه المتوعده وفحيح صوته المتوعد بلسانه ...هامسه ..بموافقه وتأكيد ..
-أي افهم !!..
هز راسه بثبات واستاقف ..داس يدينه بجيوب الشورت ..
-عطيني من عمرك هالايام المقبله انا احتاجها وابيها !! خلي هالاوقات لنا دون غيرنا !..
تبسمت ... بسمه ضايجه شعور يعتلي بها بهجه ..
-انا بعد ابيها هالايام ! وابي أيام عمرك كلها كلها !!
هزت راسها متابعه ..
-زي ماتبي معد بنطري احد ابد .. بنكمل سفرتنا بدونهم جميع ..
طلع كفه ..قابض يدها .. وجاذبها متراجع بخطواته وهو يتابع ..
-يله رجعنا ..يكفينا فعاليات لليوم ..
ضحك بخفه .... متابع ..


-وحطي ببالك ترا الحراسه مشدده حواليك بس انسيهم !!معادهم متعرضينك الا للضروره !!زي اليوم !! هي تحسبك دختي من البحر !!
ضحكت مبتسمه ملتفته له ..متكلمه بحماس ..
-لاتضحك انت ماعلمتني وش دراني احسبهم من شين الحلايا !! لاتذكرني بالله ..هي تسحبني واانا ابعدها تراني ظربتها يالوليد يافشليه !! بعدين شلون شافتني ؟؟ ماكان فيه احد الا العاملات !!
نطق يناظرها بثبات شارح ...
-موجودين تحت عندهم كاميرات مراقبه ... ليش خذت هاليخت الكبير !؟؟عشان ماتصادفينهم ولأنه مجهز للحراسه والطوارئ!!
زفرت بحرج ضايج ..متذكره وقت حذفتها بالعصى ..
-رميت عليها عصاتك !
هز راسه .. متكلم ..بهادي الصوت ..
-ضربتيها وجتها تهزيئه محترمه جتهم كلهم ..!!!..
تنهدت ..
-لايكون كثرت عليهم هرج ؟؟ وش بيصير لهم ؟
-للأسف انهم افضل الموجود واللي اطلعت على امكانياتهم ومابي اغيرهم لان المهم عندي حرصهم وشغلهم ! صحيح انهم من زود الحرص تصرفوا اليوم !! بس تم تنبيههم !!!! وتنبيهك انتي بعد !!
لف لها مضيق نواظره ..
-بعدين انتي ..عجلا الله يصلحك !! ماسمعتنيني ابد!!
وقفت خطواتها .. جابرته يوقف ..
-عجلا ويييين ؟؟ معد شفت قدامي الا وجه سعود تخيلت انه يقدر يضرني ويقهرك !!! عشان كيذى جيتك والله اني طبيت وانا ملامحك بس الي أتذكر صوتك وحسك كل تعليمك لي للسباحه ذكرته عطاني قوه اني اسبحح واوصل لك والحمد الله لقيتك قدامي !! بس فعلا يالوليد انا وقت وقفت حسيت بدوخه يمكن من شكل البحر ؟؟ ووقت مسكتني ارتعبت !!حسبتهم من طرف سعود!
تبسم بسمه جانبيه ..منحني بعجل شايلها ..ومتكلم
-قلت لك لعد تطرينه يخسى ياصلك وانا حي !! انتي سنين عمري الي ضاعت ورجعت بك مب سارقها مني مره ثانيه الا على جثتي !!!!
صرخت باعتراض.. وهو يتقدم بخطواته وينزل متجاهل اعتراضاتها ..
أسندت نفسها وحاوطت رقبته بيدها .. مرخيه راسها بمنحنى عنقه ..ومبادي الصدر ..ضاحكه بخفه وهامسه ..
-نزلني الوليد بتلم علينا كل الي معنا.. !!
تكلم بحس عالي .. ناطق بغته الفرنسيه المتمكنه ....
شدت مبسمها حرج .. دافنه راسها اكثر
-فضيحه انت ..
ضحك بخفه ..
-والله الفضيحه الي صوتها اليوم واصل للمينا وحدود الشاطي !!
ماعلينا ... ناظريني بقولك شي ..
تراجعت رافعه راسها .. وخطواته تتهادى بصعوبه نازل .. الدرجات ..
-ايش ؟
قطب هدب عينه .. متكلم ببسمه وتوعد .. لعوب
-من نرجع انتي الي تستقبليني عند الباب!!! وانتي الي تطبخين لي ؟!!!

[قال الزهر آآآه]

معد ابي اكل من يدين طباخين وانا بالبيت !
وصلوا .. للغرفه .. الموجوده .. نزلها ..بخفه .. واستاقف .. مكمل طلباته الغاليه على روحها ..
رفع يده يعدد باصبعه امام نواظرها المبهوته ببسمه ..
-ابي تسوين لي كل شي تعرفينه !!! وتصبحين معي تفطريني !!!..
ارخى نواظره .. لمقادم رجله ..
-وتمسدين هالرجيلات !!
ضحكت مهتز متنها ... لانه جالس .. يطلب منها الي هي تمنته قبل ... تأملته ..بشغف ..متبادي ثم اشرت له باصبعها ..ناطقه بحس متباهي .. طروب وعذب ..هازه راسها ..بتأكيد
-لك المرحبا ولك ابشر ولك تم ولبيه !!ولك عيني اليمنى قبل عيني اليسرى !!
ضحك بعلو الصوت ضحكه جهور متراقصه طرب ..مشرقه فيه النواظر بهجه وسرور ..راد عليها بحس متبادي ومتغاني ..حسه الجهور..الواثق ..الشاقي ..مخاطبها منتهج اسلوبها ..
- انا مثلِ صقارٍ تولع بحب الطير ..تولعت في فرخٍ قضيبٍ يتل السير
حرك يدينه .هاز راسه متابع ..وهو يلقي عليها من عطر هزيج كلماته الموزونه ..
-صغيرٍ بسنه !!مير عندي ماهو بصغير!!..يامغلاه في قلبي وياكبر منزلته !!
زادت بسمتها رافعه حواجبها ...بانبهار من حسه والقائه لها ونظراته الي تتل القلب ومادونه ..
مسكت مهرتها ونطقت سائله بعين ضاحكه ..
-وهذي ايش؟؟ جيب لي معها سلسال فرخ يتل السير !!!
ضحك على ردها ..
رفعت يدها تغطي ملامحها ..بحرج ضاحك .. زاد من ضحكاته .. لمنظرها ..المبهج لروحه ..
بليا شعور جذب ذراعها حاظنها .. لامّ جيدها قريب الصدر وحول الضلوع وبين الحنايا ..
تمسكت فيه ناطقه ..بتتابع ..
-أي والله جيب لي فرخ دامني بالاخر صرت فرخه!!
شد راسها ..ناطق ..بحسه الضاحك ..
-وش يدريك انتي عن عشق الصقار لطيره ؟؟ والخيال لخيله !! ماقلتها الا من زود غلاك يابنت غازي!!
تراجع ..مبعد شعرها المتهادي حواليها .. ومتابع ..
-انتي المهره وانتي الطير وانتي
قاطعته ..هازه كتوفها بشقاوه ..تلهب روحه ومنطوقه ..
-والفرخ بعد يالوليد !! عادي قولها ..!! بيجي يوم واكبر واغدي طير لصقاري !!
انهت كلامها وهي تحرك حواجبها ..ببسمه ضاحكه منوره ..سرور ..
قبض ذقنها ..هاز راسه.. وراد..بنواظر ..عاشقه ..ومستملكه .
-الله يطول بعمر صقارك !! ويهنيه بك!!قولي امين !!
ترقبته حاسه بجمال قربه .. وتدري من داخله مبسوط ..
-آآآآآمين ...
رفع يده تارك ذقنها جاذب راسها بكفوفه ولاثم جبينها بعمق ..ثم تراجع ..

-يله البسي عبايتك ... بنرجع للفيلا ... ابي تعشى واحط راسي واناااااام ... مابي افكر بشي ..ولا في احد !!!..
شدتت قربها له ثانيه لامته بقوه ثم ..تراجعت متنهده .... ونظراتها .. تيحث عن اغراضها ..
-طيب خالصه انا.... كل اغراضي مجمعه ... خساره باقي اليوم ماصورت شي !!!
-بيمديك الأيام جايه ... مايخالف ان نقص يوم واساسا فعاليتنا الاخيره ابي احتفظ بذكراها بينا !!! تخصني لحالي !!!يكفي الي شافوها هينا !!!
التفتت له وهي تلبس عباتها .. بنظره سعيده وتكشيره لعوب.. محركه هدب عينها..
-يوووه معد ابي أتذكر ابد ... !!
تنهدت لافه طرحتها ... طارده الذكرى
-ماانسى ريقي كيف جف .. !!من الخوف!
ركز فيها النظر ...
-الحمد الله عدت على خير ...!! لاتفكرين فيه !..برقا وارقي وراي لاتتأخرين .. !!
هزت راسها وهي تجمع اغراضها وكميرتها ... مرت دقايق استعدت
ثم تبعته لسطح اليخت ... تأملت المكان ... تدوره ..اول ماشافته قربت منه ..
-ياجماله هاليخت !! يجنن ... فيه بركه !! شفتها تحت ... ! وصالة جلوس كبيره .. حلو مره مره !!والغرف وش كثرها !!
استمسك عصاته ... وشنطه تخص اغراضهم الخاصه ...
-تبين نرجع له .. بالايام الجايه ؟؟
هزت راسها ..متقدمه ..
-لالا .. بس يعني ابي اقولك شكرا عالمكان اعجبني !! ومنظر الغروب يهبل !! أتوقع اني صرت اعشق البحر يالوليد !!! قبل كنت اخاف من البركه والحين ناظرني حبيت البحر بكبره .. !!
تبسم .. وو ينتظرها تتقدم عشان يتوجه للقارب ..
-زين اهم شي عجبك ... باقي الأيام الجايه بيجوز لك التخطيط باذن الله ... !!
تلفتت عالمكان وهي ماسكه يده ..وتتبعه..
-الوليد وينهم ؟؟؟ حتى العاملات مافيه ؟؟
اشر بهدب عينه .. شارح لها ..بحس هادي وحاذر ..
-خافن مني !!!..من سمعوني اتفاهم مع فريق الحراسه وهن مرتهبات .. !!.. !!
شدت كفه .. ضاحكه ..
-ارعبتهم اجل ؟؟ احسن عشاني خل الكل يهاب ويخاف !!..
تنفست بحبور ساحبه انفاس ..
-يالله يازين هالشعور !! لما تحس ان فيه احد يقلب الدنيا عشانك .. !! ويسوي كل شي لك عشان بس مايضرك شي !!ويتوعد ويهدد وخاصه ان كان قول وفعل !!
شد يدينها ... يساعدها ..الين استجلست ... وعينها يم .. كابتن القارب ... اما الوليد وجه كلامه لكابتن اليخت الي ظهر .. وقت نزلوا .. تبادل معه كم كلمه .. وودعه الوليد .. ببسمه .. ونظره حذره .. هاديه .. جلس جنبها .. ماد رجله ومسند عصاته .. والتفت لها ..
-كنك اغتريتي ؟؟
مدت يدها تدسها وسط كف يده الجزل .. مبتديه باناملها .. تتلاعب بشعرات ظاهر الكف ..
-أي بغتر !! انا مغروره ويحق لي بعد !!!
شدت يده ..اكثر .. ساحبتها لصدرها .. وضاغطتها عليه ..
-الوليد بن جلمود يحبني انا !! ويعشقني انا !!! كيف مااغتر !!
استمهلت نظراته ... بعينها .. راسمه بمنطوقها بسمه خفيفه على مبسمه ..
تابعت ..هامسه . بعفويه .. وشفافيه ..ماتخفى عليه ...وهي ترخي يده وسط حظنها وتمسدها من جديد ..
-احبك يالوليد ..الله لايحرمني منك !قول امين ..!
ضحك بهادي الصوت مرخي نواظره .. قطبت هدب عينها ببسمه حانيه تحت نقابها ...
-انا اقولك احبك وانت تضحك؟؟
رفع عينه لها .. شارح .. نفسه ..
-احبك الي تجي منك انتي تقول اضحك يالوليد وانبسط بالوليد وعيش فرحان !!..كرريها دايم نجلا تراها لي جبر خاطر !!
ردت بحس هامس حاني .. عذب طروب ..
-الله يجبر خاطرك ويوسع صدرك ويسعدك ويحقق للك الي تبي الله يجمعنا دايم على خير بدون ضيق وزعل !!
ركز فيها النظر ... باجهاد .. حاني ..وباهت عند اخر منطوقها لكن كل الي يرجيه من الله ان قلبها وعقلها الي يعاكسون صغر سنها يفهمونه ويدركون تصرفاته ..! يرجى من عمق روحه ان روحها ماتنسى كل الي يصير بينهم الحين وصار من قبله ..شد يده على كفها هامس بهادي الصوت ..
-آمين...
.................................................. ...............................
الرياض ..
الساعه .. 2ونص ..منتصف الليل
قصر صخر ال جلمود ..
تراكت رنا ... لامه رجولها وذقنها مسنود على ركبها وهي تتأمل .. وتستمع لكلام سلطان .. وسوالفه مع أمها الفرحانه بوجوده ... تنهدت ..بصمت ..وبنفسها تتمنى ان كرهه الأسود للوليد يختفي ... للابد ... لانه بيضر نفسه قبل الجميع الكره والحقد ينهي صاحبه اول شي ... يعز عليها سلطان ..ويعز عليها اكثر ان أمها كبرت وتستحق الراحه زيع عليها اكثر واكثر اذى الوليد !!وحب أمها له وتعلقها فيه !..الحين تستهال انهم هم يشليون عنها الحمول مب هي الي تشيل .. تنفست .. مرخيه نواظرها لجوال زناد .. من أرسلت له الرد ماارسل شي..توقعت بسرعه يعلمها الموعد الي قرروه ... شدت مبسمها مرتجفه أطرافها وهي تتذكر حسه وكنه بهاللحظه تسمعه ! وعيده وتصريحاته .. هزت راسها طارده .. التفكير فيه .. منتبهه لسلطان يخاطبها ..
-ايش؟؟ وش قلت؟ مانتبهت!
ترقبها سلطان وعينه عليها ... تبسم مره ثانيه ..
-أقول الي ماخذ عقلك ؟؟؟ مين ؟
ردت بعجل تبعد خصلها .. بثبات ..
-انت !
رفع حواجبه ..بتركيز مطرف نواظره لأمه الي ابتدت تصلي الوتر ..
اشر لها بعينه ..وهي قرب هامس لها ..
-تعالي ابيك برا ..
ناظرته هازه راسها ... مطرفه عينها لاجهزتها ... ثم قامت .. تتبعه ... وقبل تطلع ..التفتت لأمها .. تطمنت انها بصلاتها ..
اول ماطلعت من الجناح... لقته واقف ..ينتظرها ..
تبسم لها .. يسألها ..
-وش رايك دام مافيك نوم نطلع نتمشى برا ؟؟
ردت له النظره بشي من الحنو المخذول
-يله جيت بوقتك ابي اشم هوا ..
تبعته الين طلعوا ..متخذ طريق الحديقه .. بخطوات هاديه رتيبه ..وهي جنبه ..
ابتدى يخاطبها .. بهدووء..
-من زمان مامشيت بهالطريق ... ! اشتقت لكل شي !..
التفتت له .. راده بنفس هدوووؤه ..
-انت حارم نفسك ياخوي ... وش يمنعك تجلس معنا ..
ناظرها بتركيز ..
-رنا؟؟ مابي افتح موضوعه تكفين انا كثرت عليك هرج الفجر .. وانفعلت وانتي مالك ذنب ..
تمت تترقبه بصمت ... وهو يتابع كلامه وشرحه ..
-مااحبه ياعالم !! غصب ؟؟ تقبلوا اني مااطيقه !! المحبه من الله وانا ماادانيه ! اشوف انه كذاب ومنافق !!
جت تنطق .. رفع يده ..
-للمره الثانيه مابي اتجادل معك بس ابيك تفهميني رنا !!!! ..مب شرط انا اصير مثلكم واتقبل وجوده ... انا مابي علاقتي فيه تخليككم تنسون ان لكم اخو من امك وابوك اسمه سلطان !!!
قاطعته .. بعجل ..
-من يقوله ؟؟ شلون انسى اخوي؟؟ مستحيل سلطان غلاك باقي ياخوي !!انا ابيك انت الي تعطي نفسك فرصه وتشوف الوليد كأخ زينا !
حرك راسه مبعد نواظره يم الفراغ وهو يمشي بهدووؤ ..
-انا اعرفه ماتحتاج روحي للفرص!..الي ابي أقوله لك الحين وناديتك عشانه ودي صدق تنتظرين وتحكمين علي اني الغلطان والمتمرد !! انتي الي اعطيني فرصه اثبت لكم صدق كلامي !!
وقفت رنا تكتف يدينها وتميل راسها ..
-سلطان ؟ لاتسوي شي يضايق امي ! انت شايف وضعها تراه يختلف عن قبل !
هز راسه ..
-حذر لاتخافين .. ولاابيك تزعلين مني .. وانا اخوك !! اصبري وبتشوفين صدق كلامي !!
تكلمت بقل حيله ..
-سلطااان!
-ايش يارنا ترا م بذيك الصعوبه يعني ! طلبت بس شوية صبر !!!
تنهد مبتدي يمشي
-وبعد اعترف اني غلطان مع رجلك !
قطبت هدب عينها شاده مبسمها متركه بعجل تابعته ..
-ايش ؟ اش قلت ؟؟
التفت لها ..هاز راسه ..وهو يدس كفوفه بجيبوب بنطلون الترينق اللي لابس..
-مفترض ماتصرفت معه بهالشكل ! ترا بغض النظر عن عدم تقبلي له الا انه رجال ونعم سائل عنه انا !!
ترقبته محتنيه نظرتها ..حاسه برجفه تسري بعروقها تشابه الفرحه ..
-سالت عنه انت؟؟ متى؟
-اكيد بسال !! انتي اختي حتى لو اخوك المبجل قرر ووافق ! لو لقيت عليه شي واحد والله مايتم هالزواج !..انا اخبره من قبل !!
تنفست بحشرجه بسيطه .. مبعده نواظرها ولامه روبها .. وعينها عالحديقه الي وصلوا لها ...
-الوليد بغد سأل ويبخصه زين ..!!
التفتت له رافعه راسها ..انتبهت انه رافع حواجبه .. باستهجان .. ورد
-انا اهم شي يارنا انتم خواتي ترتبطون بالي يستحقكم !! لانكم غير كل البنات !!
ارخى نواظره .. متكلم بتوهان وكنه يخاطب نفسه مو هي ..
-انا عرفت كثير بنات وتماشيت معهن بعلاقات كلها غلط بغلط !!بس كله برضاهن هن !!ولاتمنى ان الله يعاقبني فيكم انتي وسمر !!
تحشرجت أنفاسها .. مبعده عينها تسمع له ..وشي من الضيق مبتدي يتغلغل بروحها ..نطقت محاوله صوتها يكون ثابت ..
-محدن يشيل وزر احد ياخوي كلن بياخذ جزاه بهالدنيا !!! اهم شي تعرف انت انك غلطت وتتراجع وتتوب عن الغلط أولا في حق الله !!!ثم بحق نفسك !
-ان شاء الله ..انا ابي اتغيير رنا !! ..
لفت راسها له .... مبتسمه ..
-زين ياسلطان الله ينور بصيرتك ياخوي !..نحتاج وجودك بينا لانك تكملنا انت قطعه منا كلنا !!..
وقف مترقبها .. مركز بعينها ..
-بتعطيني فرصه اثبت الي انا اشوفه صح؟؟
ضيقت نواظرها .. متنفسه طارده تنهيده تدري يقصد الوليد .. هزت راسها ..
-اعطيك ومستعده ادعمك واوقف معك بس بشرط !
-ايش؟؟
-ان عرفت ان كل الي تفكر فيه وهم من عقلك وروحك الي تكره وجود الوليد !! ابيك تعترف بهالشي وتوقف خلاص!! والله ياخوي مب ناقصين !!ماقول لك غصب تحبه !! لكن تكون محايد وتتعايش مع وجوده !..يكفي ان احنا نحبه وامي تحبه !! واساسا بعد كفايه نغث البنت الي صارت منا وفينا خاصه عقب ارتاحت مع اخونا !..توعدني سلطان ؟؟؟ هااااه!
شد مبسمه ..محتده نظرته .. لطاريها ..
-اوعدك!!
هزت راسها مبتسمه تابعته وقت تحرك ماشي ..
-وش رايك نتسابق ؟؟
التفتت له بصدمه مبتسمه
-الحين ؟؟
-أي الحين قبل كنت اخليك تسبقيني خل اشوفك بهالعمر !
رفعت اصبعها مهدده ..
-لالا لاترحمني !!! سابقني بدون غش!!!
هز راسه .. يتجهز بوقفته ..مبرقه نظراته شقاوه تخبرها زين وتعشقها .. في اخوها المتمرد مثل ماوصف نفسه..والي رغم كل شي فيه تحبه وتحبه حيل بعد ..
-يله استعدي لك الي تبين ...
اشرقت نظراتها ... بفرحه عابره متذكره لحظات قديمه ليتها تعود وترجع وقت كان اكبر هم لها من يسبق الثاني!..
-واحد اثنين ثلاثه ... !!!!!!
ابتدت خطواتها تجاريه ... وضحكاتها تسبقها ... وقبلها تركت شبشبها و .. تعادت خطواتها كما كانت وقت الطفوله حافيه .. وضاحكه ... بليا هموم
.................................................. .................................
جده ..
شقة العنود ..

-توكلي على الله ..يالعنود انتي مؤمنه لاتخلين الشيطان يغلبك!! هذا طريق كلنا ماشين له !! وابوك تعذب مسكين اسال الله أن يجعل كل الي أصابه رفعه له وراحه من هم الدنيا!!
انهت ....فاطمه كلامها وكفها يشد على يدين العنود الساهيه بنظراتها بدون أي رد او تعبير غير دموعها المسترسله بدون تنطق وكن اللسان فيها انشل وانكتم ومعد فيه أي قدره يهرج مع احد ..
جالسه بغرفته وقدام سريره وخزينة ادويته وعلاجاته وكل الي يخصه راح خلاص وحسه المجهد اختفى من الوجود بعد .. نشقت رافعه يدها ماسكه مابين عيونها ضاغطه بقوه كود تسحب بضغطها شي من الإحساس الخاوي الي تعيشه الحين ارتجفت شفايفها لانها اول ماغمضت انرسم جيده المجهد وعيونه المبتسمه وسمعت صوته الحاني اهتز متنها رافعه كفها الثاني ومخفيه كامل ملامحها ناشجه ..هامسه بانين مجروح
-ليه يبه رحتتتت ليييييييه ! ليه ليه..
تبادى حس صاحباتها حواليها ...
-العنود استهدي بالله استغفري يختي لاتقولين هالكلام يومه هذا !!
تعالى حس صالحه
-ياربي يالعنود طول عمرك قويه شدي حيلك عشان ولدك بعد !
اهتز متنها اكثر بلاشعور ضاغطه ملامحها تاركه خصلاتها تحاوط جمال رسومها الذويانه من وجع الفقد
-راح ابوي يابنات!!! وش الدنيا بدون حس ابووووي !! ااه ياشين الموت ياربييييييي!!
حست بحظن يلمها ويربت على اكتافها
-الله يرحمه ويغفر له هذا يومه راح عند الله وكلنا بنروح ابكي يالعنود طلعي الي بقلبك كله!
ارتجف متن العنود اكثر بانين مكبوت تبادى حس يزيد
-يمه!!؟
بلغت ريقها المتغضن ومخنوق من الغصات المتجمعه بصدرها أبعدت شوي عن حظن صاحبتها ورفعت راسها بتوهان يمثل الثبات
وهي تمسح ملامحها المجهده
-هاه حبيبي وش فيك! تعال
ارتكز يزيد وعينه عليها ينظر لها برحمه استاقف بكبر وهو يقرب منها ونظراته يم الي جنبها بحذر
ارتخى يكلمها ويهمس باذنها بخفوت
-يمه اللاستاذ مشعل يقول انه دق وارسل ماتردين ! جوالك مقفول
تنهدت هازه راسها
-جوالي ماشحنته يابوي شوفه بالشنطه هيناك خذه اشحنه ! وش يبي ماقال لك!؟
هز راسه
-يقول انه ارسل لابوي يعلمه واتركي جوالك مفتوح!
رجفت شفتها وعينها ترتبك امام نواظر المستمعات وقت قال ابوي
-طيب طيب خذ جوالي واشحنه ثم روح ارقد الوقت تأخر ياولدي !
جت عينه على سرير جده ونطق بحس ذاوي
-ابشري يمه
تحرك واقف ماخذ جوالها وطلع ...
قربت منها صديقتها واقرب وحده لها بشغلها رغم انها متحفظه مع الجميع
-العنووود؟ اذا أبو يزيد اجودي وطيب خليه يشوف اموركم الباقيه ترا يبغالها رجال منتي قادره تخلصين أوراقه واغراضه كلها لحالك !؟
تساندت ماسحه عينها مبعده نواظرها بارتباك
-الله يعين ..
ابتدت الاسئله الفضوليه حواليها
-هو هينا بجده!؟
مرت دقايق ماتدري كم وهواجيسها ماخذتها لبعيد بعيد حيل لمكان تجهله .. وياليتها تكون فيه ومعه ..
ارخت نواظرها وبعمق روحها كم تمنت ان الي يناديه يزيد ابوي يكون ابوه صدق بعمق كسرها بهاللحظه وبعمق وجع فقدها تمنت تربطها فيه اقوى علاقه ويكون ثمرتها حبيب قلبها الصغير يزيد !! .. تاهت بافكارها عن الهمسات حواليها ... متذكره رسالته قطبت هدب عينها متزايد فيها النبض وهي تستاقف ..
عاجلتها صالحه
-وي اشبك يالعنود ؟!
حركت راسها مخاطبتهم
-مافيني شي تذكرت ابي افتح جوالي !
تبعتها صالحه بخطوات عجلا
-عسى خير ياقلبي الحين نص الليل اشبك ؟!
دخلت الصاله شافت جوالها مشبوك زي ماطلبت من يزيد
خذته واستاقفت لصالحه
-مافيني شي بفتحه من بعد دفن ابوي وبداية العزا مقفول اكيد بيكلمني احد ! نشقت وعينها غايمه
-روحي صالحه انا بخير الحين ارتاحي انتي والبنات وراكم دوام
-اخس عليكي يابت !! اروح واسيبك ؟! وانتي بدي الحاله؟! حجلس معاكي اليوم وبكرا كمان هادا وقتنا الصديق عند الضيق والحاجه !
احتنت نظرات العنود بامتنان وجهد ..
-الله يسعدك ياصالحه وبيتك ؟! مابي اخرب نظامكم
تبسمت صالحه مجلستها عالكنب
-بيتي مافيه الا العافيه اجلسي دحين على جوالك وبروح اجيب لك شي خفيف تاكليه عشان تنامي شوي قبل الصلاه!
استجلست العنود وهي تسمع لها هازه راسها بتوهان
-ماتقصرين شكرا صالحه
-مافي شكر بين الاصحاب البنات يتجهزوا بيخرجوا ونفضل سوا انا وانتي !
قالتها تاركتها .. لحالها ..
ارخت نواظرها يم جوالهها الي بين ايديها .. مازلت تحس بثقل دموعها وتستشعر ضيق أنفاسها كل ماتذكرت ملامح ابوها الي راح ..
هذا ثاني يوم له بالقبر !! بالحفره المظلمه جيد ابوها الذويان الحين فيها !! راح مثل أمها الي سبقته .. تحدرت دمعتها بثقل يهلك شعورها .. الصامت .. ابتدت اصابعها تفتح الجهاز المغلق .. انتظرت ثواني وبلاشعور تبادت اصابعها تتحرك تبي توصل لرسالته لها ..تلمست بيدها اسمه ورجف متنها من حروفه الواضحه واسلوبه الثابت الي ماتغير ابد !! وقفت نظرتها عند كلمه وحده حروف هالكلمه كفيله انها تشعل بها كل ساكن يكفي تقراها من جديد وتحيا عروقها السقيمه من الحياه اجمع
(حرمي )
شدت مبسمها يمكن هذا عوضها!! ربي خذا وعطا ؟؟ من ارسل ماردت عليه .. مر امام مسامعها حس البندري ووصف زوجته ! اذا يحبها ليه يتزوج؟! فكرت اكثر بتعمق قالتها لها البندري في بيضا داخل وخارج والوليد فيه من السواد الموحش يمكن مالقى عندها شفه وسكن وجعه الدايم والي ممتنع يقوله وينطقه لاحد !!! قطبت هدب عينها تقرا من جديد تفكر اكثر وش يقصد بالي تعرفينهم واعرفهم؟! أبو يزيد !! !؟؟؟
ارتهبت نظرتها برجفه داخليه كارهه طاريه وذكراه ؟! فعلا ذاك المصيبه اذا حاول يستفرد بها الحين وهي بلاحول ولاقوه!؟ وين بتروح؟! وين بتفر وتهج؟!
تنفست برهبه اكثر واقتناع تام ان جية الوليد لها بهالوقت بالذات رحمه من الله واكبر عون !! هي ماراحت له هو الي طلبها !! ليه تحس بالذنب ! هي انسانه تحتاج وجود رجل بحياتها !! وكيف لو كان هالرجل مثل الوليد بن جلمود !! ؟ الكيان الفذ ! والعنفوان الأصيل الصادق ! مامر ولاراح يمر عليها لو حتى بالاحلام مثل روحه ابد ! فرصتها وجت لين عندها ليه ماتستغلها ليه ماتطالب روحها برجوعه !؟ غمضت عينها منرسم زوله وهيبته وحظوره الي فقدته من سنين ظاهريا فقط !!
لكن بالاعماق موجود !! من تجرا عقبه تعشق رجل !!؟ هو القادر الوحيد الي يدخل حياة ويبني له فيها صرح وتماثيل ووجود ومكانه ماتنمحي ولاتنزال !! اثره الي يترك عميق حيل حيل !! مايترك مجال لغيره يسكنه ابد !
انتفضت من حس صالحه
-العنووود ؟! اشبك من اول انادي ؟!
ترقبت الصينيه والوجبه الخفيفه
قطبت هدب عينها
-الله يعطيك العافيه صالحه بس مني مشتهيه شي !!
-مو على كيفك لازم تاكلي !!! العنود اش قلنا؟!
رفعوا روسهم وقت دخلوا البنات عليهم
-يله خارجين احنا بكرا بنجيك تأخر الوقت وانتوا بتريحوا؟!
تبسمت لهم بتوقف
-لالا لاتوقفي كلي العنود وارتاحي حبيبتي بكرا راجعيين ؟!
هزت راسها لهم
-الله يسعدكم ماقصرتوا كلكم؟!
-ولو ماسوينا شي لو مو صالحه زنت نروح كان جلسنا كلنا؟!
ردت صالحه مخاطبتهم
-انتو وراكم بيوتكم انا ماعندي شي ماتقصروا وربي يكفي جلستكم الين ذحين ؟! حزن عليها تاكل وتنام شويا ؟!
تكلموا قدامها عنها وهي ساكته تناظرهم بصمت وتوهان .. وبيدها الجوال .. بلعت ريقها الجاف .. وهي تسمع همساتهم مبتعدين مانتبهت انها تبحث عن شي بجوالها .. بالبوم الصور .. تبادت صور ابوها وضحكاته .. رفعت راسها شافت كرسييه بالزاويه فاضي وخالي امتلت نظراتها دموع حاره تحرق جوف الروح .. وقفت بلاشعور تتوجه للكرسي المركون..
تلمسته بخفه جالسه قدامه تلمست مكان المقادم ومقعد الكرسي وهي تنشج نشيج قاهر يذبح السامع
-امممممم يابوووووي ياحبيبي يابوووووي!!!
ماحست بحس صالحه حواليها تمسكت بالكرسي تمسحه بيدينها وتبوس مكان مركن رجوله السقيمه بحياته
-يالبا رجيلاتك يابوي جعل موطى رجليك بالجنه ياحبيبي !!
نشجت بحس مكتوم .. متضعضع.. غير موزون مستمر عاجز يوقف وكيف يوقف والفقد اكبر حتى كبر الوجع
انتبهت لصالحه ..
-العنود جوالك!! شوفي اهدي بالله !! مكتوب ابويزيد ؟! أبو ولدك خذي الله يهدي سركم يارب !!

[قال الزهر آآآه]

ارتجفت مستجلسه بعين تاييه ماليها الدمع تاركه شعرها يتهادا حوالينها وانفاسها ضايجه عينها عالجهاز ثم على صالحه وهي تتكلم وكنها ماتستوعب وقت نطقت الاسم من جديد
-مين؟!
قطبت صالحه هدب عينها مقربه وحس الجوال يتواصل
-أبو يزيد !! أبو يزيد !!
وقفت بعجل ساحبه الجوال وهامسه بربكه
-ايه ايه اكيد درا عن ابوي ؟! قاله يزيد قبل شوي !!
ترقبتها صالحه وترقبت ترددها
-ادحري الشيطان وردي الوحده فينا مالها غير زوجها أبو ارلادها ياعنود؟! أنا بروح اشوف يزيد واطل عليه واكلم سماح وراضيه اطمنهم من اول يسالو ردي براحتك؟؟
تركتها صالحه ونبضها يرجف عينها عالشاشه رفعت بعجل تحتاج حسه الصامد تحتاجه كله تحتاج وجوده وقوته تستند عليها .. جاها قبل في عز ضعفها وقواها الين اصبح يجري بدمها ذكره فقط كيف شوفه!! وسماع حسه !!
ردت برجفة حس حاولت انه يثبت قد ماتقدر
-الو؟!
وصلها حس صوته الصادح الضاري..
-السلام عليكم ..
ردت بثبات النبره المتماسكه .. وداخلها يرجف ودها تشكي الفقد بس شي ماسكها !!
-وعليكم السلام .. !
-عظم الله اجرك بالوالد يالعنود !!
كانت صامده بس وقت نطق اسمها واه ياكم تعشقه من مبسمه وحسه الرجولي الملهب لكل ذكرياتها معد تحملت الصمود ارتجف جيدها عاجز يثبت النفس فيها نشقت بصمت .. مخنوقه كلماتها ..
وصلها صوته .. الرخيم .. يمدها بشعور حيل تحتاجه وتبيه ..
-الله يرحمه ويسكنه الفردوس ! انما المؤمن عند الصدمة الأولى!! اثبتي هذا يومه ومكتوبه ! عرفت قبل شوي من مشعل !؟جوالي كان مقفل عشان كيذا مادقيت قبل ؟!
بس قالي انه قام بالواجب وتمت الصلاه عليه والدفن بدون مشاكل؟
تحشرجت أنفاسها .. راده بصوت مكتوم
-الله يعطيه العافيه ماقصر استخرج الأوراق والاثباتات وكل شي !! ..
-الحمد الله ... يزيد اخباره ونفسيته كيف ؟!
-نايم صاح شوي بعدين لهى مع الداخل والطالع .. اهتز متنها بحشرجه ..
متابعه كلام ولدها
-يقول انا بعد جدي راعي البيت!؟
رد برصين الصوت
-زين ..! لو مابين لك اكيد انه متضايق ويعطيك العكس ! انتبهي له ؟! انا بسكر الان دقيت بوقت مب مناسب المعذره منك؟! بس ابي اتطمن على
شدت مبسمها بارتجاف .. ناطقه بحاجه ومقاطعته ..
-الوليددد؟!
-نعم ؟!
همست بحشرجه ركيكه وبكا متواصل ..
-انا موافقه !!! كل شي !!! موافقه عليه ..بس لاتتركنا !! لعاد تخلينا يالوليد !؟ تم !!! تم لكل شي تبيه انت!!!
مرت ثواني مشحونه بحسها الناشج الي انفلت بدون تفكير وتدبير !
-يكون خير .. انا خارج المملكه اذا جيت تفاهمنا ..! أي شي تبينه مشعل متكفل فيه !
سكتت كارهه تهورها ومصدومه ببرود حسه وكلامه لها بعد موافقتها ونطق رغبتها له بلاشروط .. رطبت شفتها ناشقه مبعده دموعها ..
-طيب !! يعطيك العافيه ماقصرت .! مب مقصر مشعل أصلا!! وشكرا عالاتصال ؟! لاتتعب نفسك دامك بالخارج ؟ مشعل يكفي ويوفي ؟!!!
رد بهادي الصوت المهلك لها
-تمام ..! أي ابي أقوله واحرصك عليه !! احتمال يتواصل معك احد من طرف أبو يزيد ؟! ان حصل
قاطعته بغضب متحشرج
-انت أبو يزيد ؟!!!!!! ولدي مايعرف غيرك انت؟!!!!! لاتقول على ذاك الفاسق أبو يزيد !!!!
تابع وكنه مااستشعر لغضبها
-ان حصل وتواصلوا معك او جابوا رقمك ووصلو لك بلغي مشعل وعلميهم الي طلبت منك !!
سكت حسه ثواني لدرجة فكرت انه قفل بدون يوادع جت تبعد الجهاز تتاكد الا بحسه ينطق وبثبات عميق رصين زلزل بقايا حصونها الي بنتهم بايام ولحظات قليله
-كلامك الي قلتيه لاتكررينه حتى مع نفسك!! ولاقدام ولدك ! يزيد مب ولدي !! ان كان رجعت لحياتك مب عشان احد !! ؟ انا مااتحمل غلطات واختيارات غيري !!! جا يتابع قاطعته هامسه
-ليه رجعت!!!اذا مو بسبب ابوه النكره ليه رجعت!!
ادر..
قطعت كلامها المتهور كانت بتقول انها تدري بزواجه بس كتمتها رافعه يدها تكتم مبسمها المرتجف بضيق ..
سمعت سؤاله المفاجئ .. ونبرته الهاديه
-وش اعز شي تملكينه بهالدنيا !!وتهابين عليه اكثر من نفسك!!
سكتت بدون رد ثانيه ثم نطقت بدون تريث بحس ذويان
-يزيد ولدي !!
تابع سائلها بقوة تصميم
-ليه؟!ليه هو؟!
قطبت هدب عينها باستغراب
-كيف ليه لانه ولدي قطعه مني ضناي !!
نطق بعد صمت وجيز معترف بصوت جزل مهيب ممتلي قوة شعور وثقل
-انا رجعت لك ولكل شي اكرهه بهالمجال !!
عشان الي اغلى من ضناك!!!
جمدت أنفاسها حاسه بسريان شحنات كهربا تتفض احاسيس له مدفونه .. شعور يشبه ضيق القهر وشي حيل يوجع يدك ويهلك روحها الانثى من اعمق مكان ماتدري هو احباط او مرار غيره ؟!
همست بحس مبحوح متماديه وهي تعرف الاجابه من أساس لكن تبي تضرب توقعاتها واحلامها برده عليها المتوقع
-مين؟! تكفا قول مين ؟!
جاها رده المنتظر بصوت زاخم ممتلي بنبرته مشاعر استملاك فخور وظلال محبه عميقه تتمازج مع كل حرف
-مرتي !!
بهتت نظرتها بتضارب مفاهيم
-حتى لو عشانها وش يحدك نرتبط ؟؟!! انت قادر تحمي ولدي بدون ارتباط !!!
رد بهادي الصوت
-كل هذا نتفاهم عليه اذا رجعت!!
قاطعته باستهجان حزين
-ابي اعرف لو سمحت !! يحق لي اعرف !! ليه عشانها لازم نتزوج!؟ ليه ترجع لي عشانها!!
تساندت على كرسي ابوها حاسه بعدم توازن حدايده الي تضغط باسفل ظهرها كله.. شي بصدرها هوى من علو شاهق مرتفع ومستمر يسقط بعنف .. ان كان بتعيد تلوم البندري فهي غلطانه الي تحسه الحين صعب سماعه بصوته الرصين وبهيبته المعهوده وحظوره الطاغي من صوت بس!!؟ يعترف ويقر شي يوجع كما ضرب السوط الحامي .. ترآت امامها نظرات عينه عصيبته وغضبه واندفاعه المجنون لها بعز ضيقتته هيجان أنفاسه وقت يكون معدوم الشعور شدت مبسمها سامعه نبرته الي عشقتها من عرفته ومن صار لها حليل ومن استملك فيها الجسد قبل الروح
-وجودك بعصمتي ووجود يزيد !! بيحميها هي وانا بعيد!!!
همست بليا إحساس مدركه أخيرا وعارفه جواب سؤالها قبل تسال
-هذي امانتك!!!
تابعت تنطق بتوهان ممرض
-انت تبيني انا احافظ على امانتك !! الي هي مرتك!! هي الامانه الي جبت طاريها برسالتك لي !!!؟؟انت بتساوم علينا عشانها ؟؟
وصلها حسه النافذ إقرار ..
-أي نعم!!!!
رفعت يدها تسد مبسمها ماتبي تنهان اكثر امامه تدري بيعرف ويعرف تدري بيحس وبيسمع وبيفهم من حسها وقوة نبض قلبها الي بتوصل له من رعشات صوتها الضايج .. شدت يدها اكثر واكثر واكثر كاتمه حتى النفس غمضت عينها اقوى شي ناشجه بكتمه يتيمه
بلعت ريقها مبعده يدها وماسحه دموعها ..
-طيب بس سؤال واعذرني عليه !! ادري ثقلت عليك باسالتي بس بعرف واذا كان تشوف سؤالي مايستحق الاجابه المعذره منك لانرد وسكر !!
مرت ثواني صمت ثم نطقت متسائله
-الوليد؟!
-تفضلي !!
حاولت تثبت حسها وماتبين وش كثر حست انها مغلوبه على امرها وكيف تعيش الحين صدمة فوقتها من عمق احلامها الي تو ابتدت تظهر مسرع انهارت ممداها تتخطى فرحتها برجوعه حتى!!ممدى تظن انه بيكون العون والسند والعوض
-مره قلت لي انك يستحيل تستقر مع مره !!
قاطعها عارف مقصدها بصوت ثابت مزلزل كيانها العاشق له كله ان كان ظنت انها نسته فهي غلطانه شلون تنساه !! والي مثل صموده الجلمود ينسى !!!
-اعشق تراب رجليها يالعنود!!! ولولا اني مضطر اساوم بوجود يزيد عندي عشان احميها من شر حياتي السودا مانصيتك ابد !!! ولابكسرها بك!!! بس عشانها انا مجبور !!
شدت مبسمها .. تاركه دمعه حاره تنزل تحرق معها باعترافه الصريح وشموخه واعتزازه بذكر عمق محبته لها تكوي اخر نفس لخيالاتها الحلوه معه..
-يله فمان الله
قالها منهي الاتصال وخط التواصل وقاطع كل برقة امل ارعدت بسماها للابد أعطاها من الشعور اليآئس وجع يكفيها لمدى العمر !!! أبعدت الجهاز وعينها تترقبه بصمت .. ماتدري ليه حست بنار تلسع وتعتلي بروحها وكره عميق لها الي قدرت تستوطن حتى النطق وحس الروح فيه ..!!تبادى حسه يتكرر ويتكرر
مرتي !!!
مرتي!!!
مزتهي بذكرها بوضوح .. ارخت نواظرها لكفوف يدها عينها عالجهاز مب مصدقه الي سمعت تنفست بتسارع وضيق وتخبط رافعه ركبها ومرخيه راسها عليهم باكيه بحس عالي مغبون حاسه انها فاقده كل شي ابوها واملها وراحتها ومن عقبه احلامها الي اعطتها دافع ليتها ماسمعته ليتها مابينت لهفتها عليه مثل الخبلا !! ليتها حفظت ما وجهها من وضوح فرحتها فيه وخضوعها له الظاهر من توسلاتها !! زاد نحيبها بحس مقطوع
-وي وي اشبك ياعنود اش حصل !! استهدي بالله ياصحبتي !!!
لمتها صالحه بحنو تاركتها تطلع الي بداخلها بدون تمنعها لازم تطرد ضيقها معذوره الي راح ابوها مب حد هين .. قطبت هدب عينها متذكره أبو يزيد..
نطقت بعجل تهاديها
-اهدي ياعنود خلاص ياروحي انتي الحمد الله زوجك موجود ! أبو ولدك وشريك حياتك ! ان شاء الله انو
قاطعتها العنود بحس بكا عالي ونشيج حامي دافنه نفسها بحظن صالحه بليا شعور ..
سكتت صالحه متنهده مبرقه عينها
-لاحول ولاقوة الا بالله ... لاحول ولاقوة الا بالله ..
.................................................. ..............................

[قال الزهر آآآه]

موريشيوس جموهرية العشاق
الساعه ٢ بتوقيت الجزيره
قفل جهازه وعينه تترقب الشاطي بسكون وثبات وشوي من الحذر يغالبه الجهد تنفس ساحب انفاس داسّ الجهاز ويدينه بجيوب بنطلون بجامته تارك نسيم أمواج البحر تداعب خصل شعره بخفه جامد احساسه يدري ان العنود مازالت تكن له بعض الشعور ويمكن اكثر من الاغلب مشاعره خاليه متدرجه مابين حمق ونشوة انتصار !! المكالمتين الي اجراهم مهمه له فيها أعطاها الغرض الوحيد من اقدامه على خطوة ارتباطه فيها من جديد!! واما نشوته المفرحه لعروق جيده بهاللحظه معرفته بفشل مخطط عدوه اللدود وقف ببطء ماشي بخطواته العرجا وواقف امام موج الشاطي بثبات برجلين متباعده تارك روب البجامه يتهادى مع مسير تيارات الهوا الليلي المنعش .. تعمقت نظراته لسواد امتداد البحر مترقب المكان وهدووؤه ممتزج سواد عمق الليل ومتماثل مع اسوداد نظررته هو!! ..يدري انه يتربص به !! وخابر انه طالب تصفيته ! ياكم وده الان يسمعه صوته !! والأكثر انه لأول مره يتمنى يشوفه بعد فشله الارعن !! للمره المليون!! اشتدت مقابض يدينه داخل جيوبه متذكر انه وصل الين بيته ووصل لها هي بالذات !! روح قلبه الي تخصه !! ارتجف نبض عرقه المتواجد بمنحنى رقبته !! مسترسل بافكاره لكلامها واعترافها بنوايا امه !! او من كان يشوف انها امه!! شلون تجتري تسحب نجلا لنفس المكان !!! بدون حساب أي عواقب !! سحب نفس ثخيين مستشعر قوة غضبه..!! وبنفس اللحظه تبادى مسير يخت بعيد عن الشاطي .. قطب هدب عينه مبتسم بطرف شفته الجانبيه وهو يتذكر كلماتها الي اطربته اليوم تنفس بقوه مزحوم الصدر بانفاس زاخمه منرسم امامه مشهد قفزها من على اليخت بلاحذر عشانه !! تتابعت ذكرى سوالفها وكلامها .. زادت بسمته .. وقت تذكر كلمتها يوم قالت عن نفسها فرخ !!
قسمها له !؟ طلبه المتكرر ولأنه يعرف قوة ايمانها وارتباطها بخالقهم الاثنين .. وانها بالقسم يستحيل ماتوفي !
ارخى راسه ونواظره حاس بحركة فوق أصابع رجليه انتبه لسلطعون صغير يتهادا بخطوات اطراف مفاصله المتعدده قطب هدب عينه مركز .. متابعه الين تعداه واختفى وسط الموج ..
سحب يدينه يشوف الوقت .. توقع انها تجي باي لحظه طول ماهو يكلم العنود عينه كانت للبوابه الي توصلها له
وروحه تعيش ترقب مشحون رغم ثبات صوته واحساسه تذكر ابيات قد مرت عليه وقراها
(‏" أأعودُ منتصِرا بكل معاركي
‏وأمام عَيْنيها البريئة أُهْزَمُ !
‏لي ألف بيتٍ بالفصيح أجدْتُها
‏لكنني في حبها أتلعثمُ ".)
من كان يصدق انه يشوف نفسه في هالاحرف الان !!! هو الوليد !!! ؟ معد يستغرب معها أي شي ابد !! ولايستنكر أي تصرف يصدر منه !
هز راسه لاف بجيده الشامخ مبتدي بخطواته يسلك مسيره راجع للفيلا مجهد متنه يبي يرتاح .. مرت ثواني الين وصل وعينه تطوف بالمكان مالها اثر بالمقدمه تقدم ماد يده لعصاته المركونه .. تعب بدونها .. ابتدى يتبادى لسمعه حس دندنتها الهامس مشى بهدوووء الين وصل لغرفة الملابس المجهزه لهم مانتبهت له رفع هدب عينه متأمل هز اكتافها وهي واقفه امام المرايا سادله شعرها على متونها باريحيه قطب هدب عينه وهي مستمره تغني وتدنن باغنيه يعرفها شلون ينساها .وهو الان وبهالحظه انرسم جيدها المتراقص قبل وأول بدايتهم ... رفعت راسها وبيدها مرايا صغيره تابع يدينها تلمس هدب عينها بترتيب وهي تهز اكتافها ومعه شعرها يتهادى بحركه عفويه على متونها .. استند بكتفه على الباب وكتف يدينه .. يتأملها من اسفل مقادمها
وشبشبها الخفيف الأبيض ترقب بهوت حناها وخلهالها متدرج بنظرته لساقها المبروم بنعومه وصغر ..رسم الساق
وصل لقميصها المورد برسمات بتلات واسعه مابين البينك والزهر والاصفر والأبيض والفوشيا والموف ماسك بخصرها بارضييه لونها ابيض مغطي اكتافها وتارك اذرعها تتحرك بعفويه مع حسها الطربان .. انتبه لبرقة شعرها تحت الاناره وسواده الحالك تنهد بقل صبر لحاجته انه يدفن أنفاسه فيه ومايبتعد ابد ..! طول هالوقت غافله عنه اما هو وقف يسطر هالمشهد لجل يحفظه بذاكرته تذكر جواله طلعه ببطء مستمهل وعجل بنفس الوقت فاتح الكاميرا مصورها بحركاتها الغنجا تبسم مضيق نواظره
مرت ثواني قبل يتراجع تاركها مايبي تنتبه لحس الفديو معه وصل للسرير المواجه منظر الشاطي والفناء الخارجي
اسند عصاته بخفه واستجلس رافع رجله ومتراكي عالخداديات رافع ذراعه ورا راسه وعينه على جواله ببسمه خفيفه.. انتبه لصوتها وهي مقبله تركض بخطواتها وتطب عالسرير بانتعاش
قطب هدب عينه تارك الجوال
-وش فيه ؟؟
هزت راسها واقفه عالسرير مبتسمه وضاحكه
-هذي حركة سمر شفتها تسويها لخالتي واعجبتني !! من اول ابي اجربها !! متى طلعت من الحمام مانتبهت لك ؟! من اول انت هينا !!؟
ترك يده على صدره ورفع رجله بشكل متخالف
وعينه لها
-من شوي ! شلونك الحين اشوفك افضل !!
هزت راسها شارحه
-اييي سويت لي عصير لالا ماسويت شفت الي جابوه مع العشا حطيت معه تانج وشربته تنشطت يازين نكهة التانج معه !! وبعدها كلت وزاد نشاطي ..
استجلست على ركبها عند وسطه ماده يدها ساحبه كفه المستريح على صدره باريحيه
قطب هدب عينه شاد كفه ومحتضن اناملها
-اصابعط بارده !!..
تلمسها محتظنها ..
ترقبته ببسمه..
-من فقر دمي !!! ان شاء الله اذا رجعنا باخذ عصير زبيب اسود تعرفه ؟؟؟ يرفع الحديد !! .. شيخه علمتني أمها قبل تسوي عمليتها خذته ووصل دمها ماشاء الله 13 !لاتفكر كثير تكفى !!
مدت يدها تمحي التقطيبه بين هدب عينه
وغيرت الموضوع
مشرقه بنظراتها وهي توجه له كلامها
-هاه وش تبي ؟! اكبسك !! او اهمز راسك !؟ او اسولف لك ! الين تنام!؟ لاتشيل هم الاذكار قريتها يوم صليت لي ولك !؟ هاه يله قول وش تبي ؟!
وصلها حسه الآمر .. وعينه تترقبها بتوهان لذيذ لحد الهذيان الممتزج براحة تعكس ضي السعاده .. بنواظره
-اذا رجعنا بسوي لك تحاليل شامله !1والحين طفي الانوار وسكري الباب السحب !!
رطبت شفافيها متحركه تنفذ كلامه ...سكرت الانوار
-يكون خير .. خل ننبسط هالايام وبعدها الي تبي بيصير !وطفينا النور وش رايك نخلي الستاير نور القمر حلو وخفيف .. همس ببحة صوت
-خليه الي تبين !
تركت الستاير بس سحبت الباب ووقت مدت يدها تجره عشان يتسكر عاكسها نسيم الهوا مغازل بسمتها ومحرك خصلها تارك عين عاشقها تتمهل فيها النظر ثبتت نظرات عينه عليها وكنه يرسمها مع ان المكان اظلم الا ان وقوفها وحوالينها الهوى يحرك شعرها وملابسها ارهب نبض قلبه لها .. وللمره الثانيه يتمنى يندفن بسوط كثافة شعرها ويتنفسه
نطق بهادي الصوت
-تعالي نجلا!
هزت راسها متكلمه
-اوه سكرته أخيرا!! مابغيت!؟
قالتها متقدمه بخطوات هاديه .. يم السرير
وقبل تندس جنبه سمعته
-فيه ريموت جنب الباب يقفله اتوماتيك انتي غاويتن تعذبين نفسك وتعذبيني معك؟!
شهقت بخفه ضاحكه بحرج داسه نفسها تحت اللحاف
-بالله ؟! والله وينه؟! ليه ماعلمتني وش يدريني !!
حست فيه يتحرك يلف لها
رفعت عينها تترقبه لقته لاف بجيده جهتها مستند على يده وعينه عليها
-الوليد تراك فوق اللحاف بتبرد !! المكيفات بارده مره !
خاطبها بهادي الحس
-بردانه انتي ؟!
-عادي اذا تلحقت ماحس بس اطرافي تبرد متعوده ..!!
سحبت يدها ومدتها له تتلمس صدره
-شوف صدرك حار ويدي بارده مره!!
قطب هدب عينه .. بتركيز .. وحس نافر
-فرختي بردانه وانا موجود !!؟ لا لا بحق !! ياشيخ بن جلمود
قالها وانهى كلامه وهو يتحرك بخفه يسحب اللحاف من تحته وبنفس الوقت سحبه من عليها .. ترقب جيدها الصغير وضمها لرجولها منسدحه على هيئة نومة المولود وعينها تنتظر وتترقب بعفويه ..
ابعد روبه عن جيده ..كعادته الدايمه ..
دس رجوله باللحاف وهو يستنطق
-تدرين وش ودي ؟! الحين ؟!
مطت شفتها بنظره رحوم مستضعفه هامسه
-الوليييييد تعبانين خل ننام !!
التفت لها فجأه منصدم بملامحها وهي تترجاه بمغزى يفهمونه الاثنين ضحك بعالي الصوت وهو يريح متنه ويسحبها لصدره لاف جيده حولها ..
حست بتدرج ضحكاته وصوته وحرارته الي احتوت برودتها بمحبه وحنان
-ياخبيثه انتي منيب المح لشي من الي ببالك!! مع انها مب شينه !! بس انتي مجهده !! وانا بجهدك زود !! شدد حظنه حواليها حابسها وممسد ظهرها. بهدوووء
ضحكت باختناق داسه مبسمها برقبته
-نصاب لاتكذب انت بعد مجهد لاتحطها فيني !! كلنا مجهدين!!
ضحك وهو يدفن راسه بكثافة شعرها
ابتدت أصابعه تحتظنها وتتلمس جيدها .. باستملاك حاني
قربت منه شاده نفسها له .. سامعه حسه المشحون ببحة حس مجهد ..
-ابي ادس راسي هينا .. قالها وهو يتنفس قربها ببطء مبتدى بقربه يطرد برودة أطرافها ورجفة ارهاقها ..
تابع بنفس حسه .. الهامس
-ضميني ..نجلا !
نفذت مطلبه بدون أي همس او اعتراض زاحفه يدينها الثنتين وحاظنه جيده مع انه بالمعنى الصريح والواضح هو الي حاظنها .. نطق بنفس الرتن
-الحين .. انا بسولف لك .. اسمعي شايبك ان حكى ..
ضحكت بحشرجة سعادة وهي تمسد ظهره ويدها الثانيه مغروسه بنهاية اطراف شعره ..
هامسه
-يله.. اسمعك..
نطق بثبات هامس اجش
-تذكرين يوم اسمعك اغنية عشقت الليل ؟!
همهمت بخفه
-اممم
-صدق انا انتظر الليل من جيتي لاني احب المكان الي انام فيه ! من قبل تحبيني حتى !! كان يكفيني انك موجوده بالجناح! .. مع ان الليل هذا قبل اكرهه واتهرب من النوم !! من كنت صغير !! وقتها جدي الله يرحمه شديد شوي واهم شي عنده المرقد بدري عشان الصلاه ماتفوتنا!! أتذكر اني اندس بفراشي بذيك الغرفه !! تذكرينها نجلا!! سكنتيها اول مارحنا جده !!
همست بخفوت
-اممم اذكر !
-على فكره احب ذيك الغرفه انا ! كان جنبها صوت وحس ام عمار ! كل الأوقات زينه الا وقت النوم !
حاول جدي يمنعني عنها بوقت كبرت ورقاني الدور الثاني !! بس نزلت لها فجأه عرفت ان جدي نقل أبو عمار وام عمار الملاحق لان عيلتهم ابتدت تكبر ويحتاجون استقلاليه ! .. يعني رجعت لنفس السكون الي اكره !!
كنت زي كيذا انام بس بدالك ماكان فيه الا الفراغ والبروده !! داخلي حار لكن خارجي بارد وساكن مابه حس!! اذني ترهف لاي صوت !!
شد اكثر دافن راسه بنحرها الين تلمس بشرتها بشفايفه وهو يتابع
-الحين انا احس بنفس كل شي وكل ليله احسه واتذكره وانا قاصد !! عشان احس بالنعمه الي انا فيها الحين !
كل ماقريت الاذكار وحرصت عليها شكرت الله وكل ماستودعتيني عند الأبواب شكرته!! والحين تقولين بتطبخين لي ؟ وبتسوين لي أشياء جديده علي !! مب قصدي ناقصني اكل !! لا المقصد رغبتك انتي بالاهتمام فيني !! حماسك ابسط احلامك سعادتي انا !! لاسفر ولافلوس ولا ذهب !! كل هذي عندك مب شي !! تدرين وش ابي نجلا!! ادري ان طلباتي واجد وادري انك راضيه بها بس انا صرت غير !! احب اطلب منك واحب اعلمك وش ابي !! عكس انا وشهو قبل !!!
كانت اناملها مستمهله تمسد ظهره وشعراته الناميه والمستطيله غامرها شعور طمأنينه وسكون مهيب وراحه عجيبه لصوته المختلف والمرتاح
-وش تبي؟!
لثم نحرها بخفه متابع .. بخفوت
-ادري بتشوفيني اناني !! ويمكن معك حق ! لكن بقوله لاني معد صرت اكتم رغباتي معك !
مرت ثواني صمت ثم تابع ..
-ودي ماتحتاجين مخلوق ابد!! يوم اقولك ابيك قويه انا صادق اطلبها وانا اتمناها صدق !! مابي احد او جنس مخلوق يشوفك ضعيفه ابد!! لانك مب ضعيفه قويه شخصيتك فيها قوه وجلد رغم صغر سنك الا انك صدق قويه !!واعرف ليه انتي كيذا !! لانك قريبه من الله لدرجة اني اشوف الرضا والسماحه على وجهك كله !! مابي تسنتندين على أي مخلوق بعد الله !! الا انا !! دموعك ابيك تتعلمين وتوقنين بداخلك انها غاليه قلتها لك قبل واعيد الحين لاتبخصينها عند أي احد !! الا ربي هو الاحق يشوف ضعفنا نجلا !! فهمتي علي !!
-اممم فهمت ..
تنهد بحراره انفاس تصدم بنحرها وهو يضمها له اكثر
-ياكبر عشقي لهالمكان يانجلا !! تهقين امي لو عايشه حظنها زي حظنك ذا !!
تبسمت بحنان راده
-لا احلى من حظني !! أتوقع الام غير اكيد غير يالوليد !!
همس مكرر
-الام ..الام..
الله خذا امي بس رزقني بزوجه بطعم الام!!!
قطبت هدب عينها ...مبتسمه وهي تتراجع براسها تدور عيونه تلمست ذقنه وشفايفه هامسه بثبات
-عطاك زوجه وعطاني أبو واخو وصديق وزوج وحبيب وكل شي !!
فتح نواظره يترقبها مبتسم ..
تبادت اناملها تبعد خصلات شعره عن جبينه .. بخفه وسلاسه
- ليه احس فيك شي تخاف منه !!

حرك راسه موافق بحس لعوب
-أي والله اني أخاف !!
قطبت هدب عينها
-قول علمني ؟! وش فيه؟
-اخاف يجون عيالك وتنشغلين عني !!
ابرقت نظراتها باشراق ضاحكه بهمس
-انت صادق !!
قالتها وهي ترجع تحظن راسه بس هالمره سدحت نفسها وجذبته له وهو مطاوعها بتحركاتها .. مسدت جبينه بهدووء اول ماحست بثقله على صدرها .. ابتدت تنطق بهدوء بسوم
-يالبيهم عيالي !! الا قول يمكن انت تنساني مب انا!!
-حطي ببالك برقدهم بينا هينا !!
شهقت بصدمه ضحوك
-أيش ايش!!؟ تحطهم وين ؟!
تنهدت متابعه قبل ينطق ويرد
-أي وباخذ حمودي ينام بحظني ومهرتك خلها عندك !! بسمي عليه وامسد شعره واهاديه الين ينام!
رد بعاجل الحس المعترض
-مايخسى الا هو !!! اقصد بجيب لهم اسره عندنا مب على سريري!! بعدين ميميتي موجوده يروح ينرزع بحظنها !!
شدد حظنها متوعد
-مكاني ابن امه الي يجيه ويستحله!!!
ضحكت بهمسات منتشيه سعادة مناغشته
-طيب هو ابن امه صدق !!!
-لاتعكرين جوي خلاص لاتجيبين طاريهم انا قايل لك مابي طاري احد أصلا بس انتي عبيطه!! تعانديني !!
شهقت باستنكار ضاحك
-وش دخلني انت الي جايب طاريهم !!
تنهد بحس مسموع
-ابييييي انااااام نجلا ..اقري ايات السكينه احب اسمعها بصوتك !!
ترقبته بحنو مجهد واصل فيها الاجهاد حده بس عشانه معاكسه نومها ..ابتدت بحسها تقرا عليه ايات السكينه القريبه من القلب والروح بخفووت متدرج تبسمت وهي تشوفه يسحب خصله كثه من شعرها ويقربها من مبسمه يكتم بها أنفاسه قبل تغفى عينه وتستكين .. تابعت همسها بالقرايه الين استشعرت ثقله وسكون أنفاسه .. ارخت مبسمها لاثمه جبينه مشاركته مزون نعاسه اللذيذ غفت عينها بس بسمتها مافارقت مبسمها ابد .. ياكم تمنت لياليهم تكون بهالسكون المريح للنفس .. تناغمت أنفاسها بعطر أنفاسه وجيده وعطره المتشرب بكامل عروقها مستسلمه للنوم ..ولحفظ الباري الحصين
.................................................. ...................................

مرت ثلاث أيام .. عالجميع .. لروح نجلا كانت كما نعيم الجنه ومثلها روح الوليد .. هم الاثنين سرقوا من العمر لحظات تخصهم ويستملكونها بلا أي تأثير خارجي او ضيق متغلغل طردت نجلا هواجسها وتفكيرها بغير شخصه هو معشوقها الي تحب تعمقت بكل ذرة تفصيله فيه من رسم الملامح الين هفوات انفاس روح النبض فيه .. قابلت وليدها الطفل ووليدها اليافع ووليدها الشاب عشقتهم جميع حبت تدرج حسه فيهم كلهم لانهم اجتمعوا وخلقوا منه عاشق مكتمل الرجوله فذ المخبر والمنظر ابحرت في محيطات عالمه وغاصت الين اسفل القاع رغم استشعارها الارتباك في محانيه وشي من ذبذبات شعور الخوف الا ان التمازج في قوة مشاعرهم واكتمال نضج حاجتهم الاثنين لبعض غطى على كل نقص ممكن يبان وتحس فيه .. وهو مثل .. ويمكن اكثر واكثر اللحظات الي طالب فيها من أيام عمرها عززت شعور نبض الحياه المتجدد بتواجدها حواليه ومعه .. طيبها الي تبارى مع شكوك أيامه السود عفويتها الي طغت وتأصلت واستوحدت طارده حس الجمود فيه عشقها الغض الندي والي تعلم منه حب الحياه كل ثانيه يعيشها بقربها يجاهد بثقل انفاس انه يحفرها ويأسس وجودها بزاويه بذاكرة العين والعقل .. ان كان الي عاشه وبيعيشه بهالايام المسروقه من لحظات أعمارهم هي الجزى الوحيد راضي به بس يستمر ويكتمل بانتصاره امام السواد الي خذا منه الكثير ..
زناد استمر متجاهل رنا ببرود وكن العقد الي جمعهم اسكن كل الاضطرابات الي اشعلتها هي بروحها الناريه وهجومها الضاري مستمهل ومنتظر اللحظه الي تتبعه هي كما تبعها هو بلا شعور ..كان بسنوات عمره المتصاعده يتساآل متى نبضه يرجف ؟! ومتى يحين وقت انشغال الفكر ؟. رافض الزواج المدبر !! روحه تطمح لاختيار القلب وتخطيط العقل يبي التوازي مابين الاثنين يبي العمر الي بيعيشه قدام يكون هو متصدر اختيار توأمه فيه!! ولقاها في عنفوان نطراتها الكاره له وفي قوة ثقتها باندفاعها رغم تضعضع دواخلها هجومها وثوران روحها وادراكها نضج فكرها الماضي المخطي !!النبض المحارب لجل ماتتنازل وتنسحب لنفس الغلط !!هذا الصراع الي استشعره فيها زلزله وكنه يتحداه ويحذره انه يستحيل يصمد امامه وصدق !!! تصاعدت رغباته المتمثله باستملاك هالروح الي خلقها الله فيها وترويضها لعشقه هو ..
رنا انتظرت ونفسها ضايجه من فكرها والترقب ؟! مقهوره انها تنتظر أي شي منه ومستغربه ؟! وأيضا طارده هالفكر ومنشغله بالتجهيز لجية امه هذا لحاله هم بالنسبه لها يحتاج يأخذ وقتها ..
الجوهره تم إزالة رحمها منبع انبعاث الروح والامال وزينة الحياه بسبب المضاعفات عينها المتضرره بعد المعاينه المستمره ماقدروا يترصلون لحل تهتكت انسجة القرنيه وفقد الرؤيا اصبح شي حاصل لامحاله !! اما روحها الثايره والي كارهه الدنيا والجميع مازالت على حالها لكن في تحسن بسيط لايذكر وكن غفيانها هروب من واقعها المرير الي شافت الصدمه الي مرت فيها تصاعدت وصفها لكابوس محتدم مصاحبه الم نفسي ومعنوي وجسدي مستديم ..تفوق وترجع ..تحس بالوجع و تهرب تطالب بتخدير كامل يفصلها عن عالمها الي واجهت فيه الرجل الوحيد الي حطمها وافنى فيها شموخ عشقها المجنون له بكل سهوله واستنقاص واستصغار .. غافله عن الضرر الي راح يصدمها معرفته وقت تصحى وتعي وجودها بهالحياه الكريييهه الي رسمت طريقها هي وبتعيشه
حصه شرارة روحها ماطفت ابد الوضع الي انكشف امام الجميع اخمد عنجيهتها وكسر شوكة طغيانها ولسه قدامها الحد الي الين الحين مب مصدقه انه بيصير مستبعده ان الوليد يقدم .. ويشتكي .. فكرها كله شلون تجمع بناتها حواليها أيا كانت الطريقه
.................................................. .............................
فيلا عبدالله
مجلس استقبال الضيوف
تعالى حس عبدالله بجهور الصوت
-وش تبين مني اسوي ؟؟ انفضحنا وامي عافتها ؟! واصبري بننفضح زود الوليد قدم الشكوى خلاص !!والله الي يشوفه ذاك اليوم يعرف انه مب متنازل لو على قص رقبته !!!
التفت لساره متابع باندفاع غاضب
-الرجال بيترك كل شي ان ماخذى حقه ومالومه اختك تمادت وغلطت وجا الوقت الي تحاسب فيه!؟
ترقبته ساره مرهبها حسه ومب مستعجبه الغضب الي يجيش بصدره ولاهو لحاله كلهم كلهم
-الله يعين ياخوي ويصلح الحال مفروض من قبل من زمان وقت كنتوا قادرين تتصرفون !! مانتظرتوا الين وصلنا هالحال!! بنتها
قاطعها صارخ وهو يضرب يده بالطاوله ويحذف فنجاله
-لابارك الله فيها من بنت ولا باليوم الي جت فيه !! هذي بليه مهيب بنت !! الله رحم ابوها مات وماشاف سود فعولها النكرا!!! لكن احنا الي غلطنا من البدايه ماربيناها هي!!! البنت تلحق صيت أمها والعون ان أمها فعولها تسود وجيه الرجال وتنكسها!
عاجلته ساره ونظراتها مبرقه وروحها ترتهب
-حاشاك ياخوي من سواد الوجه!! وسع صدرك واستهد بالله !!
نطق نافض يده وساحب منديل يمسح أصابعه من رذاذ القهوه
-لاحول ولاقوة الا بالله !!! اخوك عبدالكريم حالف ماتدخل له بيت ومتبري منها ومن ذكرها !!! الشكوى وصلت للمحكمه وبيحدد الشيخ جلسه !
بلعت ريقها الجاف وبرهبه قطبت هدب عينها تستمع له وهو يتابع
-يمكن يستدعون شهود !!! وبتحققون من التسجيل صدقه من كذبه !!
ناظرها بتركيز ونظره مغلوبه مايحسده عليها عدو
-بتشهدين ان طلبك الوليد !!؟
أبعدت نواظرها بصدمه من سؤاله .. الي علّ صدرها ودكه دك !!! اختها جرتهم لمتاهات موجعه لهم قبلها هي !!
كرر سؤاله لها
-عندك استعداد تشهدين !!
ردت بثبات الصوت ..
-والتسجيل مايكفي!!؟ هي معترفه فيه ؟!
-لا مايكفي الشيخ مب مكتفي فيه هذا حد شرعي!!؟ لازم يتأكدون من كل شي يقدم لهم !!..
تبادى حس خالد الجهور داخل ومسلم
-السلام عليكم !؟ حيا الله عمه !؟ نورتي الدار!
توجه لابوه يلثم جبينه وكف يده ثم مشى لها
وقفت له مبتسمه بقل حيله مرحبه فيه
-هلابك حبيبي اخبارك ؟! اخبار رانيا ؟؟عسى اموركم تمام؟
تمم سلامه بلثمة راسها وهو يرد بعفويه مبتسم ملاحظ كدرها وضيقها
-امورنا تسرك ان شاء الله كلنا بخير اخبارك انتي وجدتيوالعمه الصغيره!؟
-طيبين بخير
التفت شاف فنجال ابوه عالارض
-وش حاصل .. يبه ؟!
شدت ساره مبسمها وعينها على اخوها
-طاح من يدي !!
تحرك خالد منحني شايله
-فداك يالغالي الحين اصب لك غيره !!
رفع راسه له
-مابي شي ياولدي تعال عطني اخبار الشغل عقب ولد عمك عسى الأمور طيبه ؟!
استجلس خالد .. يشرح له بالتفصيل
ترقبتهم ساره ووقفت تتستاذن
-يله اجل دام كلامكم عن الشغل بدخل داخل ! امك صاحيه ؟!
التفتوا لها جميع
-أي توني جاي من عندها ابتسام ورانيا يتقهون؟!
مطت شفتها هازه راسها تهوجس اكيد حصه ماتبي تنزل الله يصلح الحال هزت راسها
-بروح لهم اجل سولفوا على راحتكم!
سمعت حس اخوها يرد بحاني الحس
-لاتطلعين لين تتعشين معنا !

[قال الزهر آآآه]

-ان شاء الله عسى بيتك عامر ياخوي
طلعت من عندهم متوجهه لقسم النساء وتفكيرها ضايج وملكوم .. شلون تحتفظ بالي عرفت بنفسها لازم تعلم حصه !! عضت شفتها متقدمه وداخله عليهم حسهم ياصلها وسواليفهم
-السلام عليكم ياحبايب !!
ردت ام خالد بحبور وبسمه مرحابه
-وعليكم السلام يالله حيها بنت الوافي !!
عاجلتها رانيا وهي توقف تتوجه لها تسلم بفرحه
-هلا عميمه من متى انتي هينا!!
سلمت عليها وعينها على ابتسام المقبله
-من قبل كنت مع أبو خالد بالمجالس ! اخبارك حبيبتي اخبار امك واخوانك!وابوك!
-بخير الحمد الله
-هلا عمه نورتي لو ندري من قبل ان جياتك بتكثر جبنا عمه حصه من زمان!
تبسمت ساره بحنو..
-ليت الظروف غير الظروف..و انتوا ماتجون ابد طلي على عماتك !! وش بيمنعك!
-والله ولا شي بس دخلتك علينا لها طعم ثاني عمتي الحبيبه !!
تبسمت ساره متقدمه لام خالد الي وقفت تسقبلها
-هلا ياهلا .. نورتينا
-نوركم يامم خالد اخبارك ياغاليه بشري عنك ؟
-بخير الله يسلمك
التفتت لابتسام
-صبي قهوه لعمتك بسوم!؟
كانت ابتسام واقفه وراها بالدله وبيدها فنجالها .. علقت مبتسمه
-صبيت أساسا.. انتظر تجلس
هاك عميمه
استجلست ساره باريحيه تاركه شنطتها
-سلمتي حبيتي وين رهف اجل ؟؟
-بتجيك الحين زايرتها بنت جيرانا ! نجود !
-أي زين وحصه عمتكم ماتنزل؟!
هزت ابتسام راسها وهي تسال رانيا اذا تبي قهوه
-لا ابدا!! تبين رنوش!
-لا خلاص شربت ارتاحي
التفتت ساره سامعه ام خالد
-والله حصه جالسه بروحها واحنا تاركينها على كيفها !! مير وش الي غدا عليكم ياساره؟ وش الي حصل ووصل اخيك هالمواصيل !! مايبي يشوفها قدامه ابد ولا يبي طاريها الله يهديه!! ترا المشاكل بين الاخوان تصير بس ماتهدم ولاتقطع!! اخييك مير مره كارهن طاريها حتى!!
تسمع لها ساره وعينها على فنجالها وحرارته الي تلسع اطراف اصابعها
-والله ياام خالد الي صار شين عظيم الله يعديه على خير !! حصه اختي الله يصلحها مابفت لها بالخاطر منفس!!! الله يعين بس!!
-لاحول ولاقوة الا بالله والله ياساره اني استغربت وش يطلعها من بيتها بهالعمر !! كبرنا عالمشاكل الي تخلينا نجرجر روحنا !! من مكان لمكان!! والله اني منيب كارهتن جيتها لكن المره مالها الا بيتها وزعلتها من رجالها بهالعمر غلط!
واكبر غلط
بلعت ساره ريقها رافعه راسها
-هو طاردها ياام خالد !!
واجهت استهجان ام خالد ببرود
متابعه
-حصه هالمره غلطها كبير اكيد بيعلمك اخوي اصبري عليه ولاتزيدين ترا والله الي فيه مكفيه!!
-أي بالله ياعويني عينه انه ضايق مره الله يجيب العواقب سليمه ويصلح البين!
-أي سليمه يام خالد الوضع ازمه وش كبرها لكن الله يعديها ويصبر قلوبنا ويهدي حصه يارب !! الي بيصير شي ماقد تخيلته حتى ولاجا بفكري ! يارب الطف فينا يارب!!
ارخت نواظرها ثم تابعت ناطقه بحس مكتئب معلنه بضيق
-الجوهره بنت حصه امس شالو رحمها !!
صدمهم حس صارخ وسط سكونهم المستمع رفعت راسها شافت حصه قدام الباب مقبله بخطوات عجلا
-وش تقولين!!! انتي وش تخذرفين به بنتي انا !!؟ شالو رحم بنتي انا جوهره بنتي ياساره !!؟
وقفت ساره بارتباك مرعب وعين دامعه هي جايه أساسا تعلمها لانها لازم تعرف بس مو بهالطريقه تبادى صياحها وحس ام خالد
-لااله الا الله لاوحول ولاقوة الا بالله وش حاصل لها ليه وش صاير ياساره!!؟
رفعت رانيا يدها كاتمه شهقاتها المصدومه التفتت لابتسام برهبه لقتها تناظرها بصدمه واستغراب للخبر الي صدمهم كلهم مابينهم الا شهقات حصه وصمت ساره وذكر الله على لسان ام خالد
صرخت حصه سائله بنياح
-وش صاير ساره ؟؟ بنتي ليه شالوا رحمها قبل كم يوم قلتي انها بخير !!! كنتي تكذبين !؟؟ كنتي تكذبين علي !!! ساره احكي انطقي بنتي وينها!!
بلعت ساره ريقها ناطقه بلاتوقف
-حصه اذكري الله اول واهدي بنتك بالمستشفى ظاربها منصور عمها !! ومن المضاعفات الي صارت شالو رحمها !!
سكتت مدمعه عينها وهي تقول هالخبر المفجع
ردت حصه بصرخه
-الله يأخذ عمره هالمنصور !!! الله يأخذ عمررررررره..!!
ونت بحس باكي متابعه بعدم تصديق ..
-يعني مب جايها عيال!!!! بنتي انحرمت من الظنى!!!! بنتي خلاص معدهي بسايره ام ساره!!!؟؟؟ حسبي الله عليكم الله لايسامحك ياعبدالله
التفتت تنادي اخوها بعالي الصوت
-هذا الي تبيه ياعبدالله!! ؟ بنتي مب جايها ظنى !!! بنتي انحرمت من العيال!!!
استجلست باكيه بانهزاهم ماسكه راسها بين كفوفها .. ومنحنيه باهتزاز الين ركبها
وهي تون بضيق وحسره
-ياااااااعوين امك يالجوهره!!! منتيب شامه ريحة العيال يابنتي !! ياحسرتك يابنتي !!!
تخالفت النظرات مابين الجميع وكلها تتدرج لصدمات وخيبات مخفيه ترقبت ام خالد حال حصه برحمه هازه راسها بضيق ومتنهده
اما رانيا تقدمت لعمتها
-عميمه اهدي هذي كتبة ربي خلينا نفهم وش صار تكفين لاتصيحين!! خلاص ريحي نفسك ياعمه!!
تلمستها رانيا برحمه وهي ترفع راسها لعمتها ساره باستفسار هزت لها ساره اكتافها بعجز ناطقه وهي ترفع يدها وتمسح دموعها
-شالوا رحمها خلاص !! وعينها اليمنى تضررت الشوف منها معد هو وارد !!!
ونت حصه بحسره مخفيه ملامحها تحت كفوف يدها وهي تتلقى الصدمه ورا الثانيه
-اااااااه يابنتي ..ااااااه !!!
جمدت نظرات رانيا برهبه هامسه بشفايفها بدون يطلع حسها
-عيونها بعد!!؟
هزت ساره راسها .. الا بصوت أبو خالد
-وش فيكم ؟! عسى خير ياحصه لسانك مب قلت لااسمعه !!؟
رفعت حصه راسها بغضب سافر ونافر ومضطرب ..
-كله منك بنتي عابت من الخلفه منك انت!!!
قربت له تنشق بلاشعور وعينها تنطق شرار
-الله بيسالك عنها خذوها قدام عينك وانت تدري ان منصور جني مب تاركها !! ويلك من الله ياعبدالله ويلك من الله ياخوووووي ياعزوتي يالسند الي كسرني في بنتي !!!!
ترقبها واقف وعينه لساره الي انربط لسانها عاجزه تنطق وقفت له ابتسام مقربه لامسه ذراعه
-يبه تعال اجلس ريح
لف لها براسه وعينه يم اخته ونواحها المكتوم بلاشعور
-وش صاير علامها الجوهره!!؟
ردت ابتسام وهي تطرف لحصه الي استاقفت راده بحمق باكي
-الجوهره شالو وحمها !!!! وعابت عينها!!! بنتي راحت فيها وشان حال دنياها !!!! اشرت باصبعها ..وعينها تنطق دموع وشرار ضيق ..
-انتم كله منكم انتم تعرفون عمها وجدها وخليتوهم ياخذونها !!!!! لاانصفتوني قبل ولارحمتوا بنتي الحين !!!
ارتكز يناظرها بثقل وصمت الين انهت عتبها الضايج ..
-الحين جايه تلوميني في الي صايره لبنتك!! بنتك العوجا الي ماعرفتي تربينها ؟؟! اللوم عليك انتي لحالك !! انتي السقيمه الي اسقمتيها ووصلتيها لهالحال!!!
رفع يده مرهب بصوته المكان والسامعين
-الام الام !!! الام مدرسه الام الساس والراس الام الي تربي مب الام الي تجيب وترمي وغدانها وتعثى بالدنيا فساد شاغلتن نفسها بخلق الله واذاهم !!! جاك ياحصه حق الله !! ذوقيه ولاتلومين الا نفسك !!
ترقبته بعدم ارتكاز وتوهان هامسه له بضعضعة انفاس
-الظنى غالي ياخوي ولو غلط تبقى بنتي الي شلتها بارحامي تسع شهور !! بنتي الي نصيتني ناسي نفسك مارقدت ومجهد عشان تشوفها وتأذن باذنها !!! نسيت ياعبدالله ذيك البنيه ؟ نسيتها!!!!
رد مهتدي صوته وعينه لها
-مانسيت وش الي حارق قلبي ياحصه الا ندمي اني سميتها وفرحت بجيتها!!! شين ماجبتي ياحصه!! بنتك مشت الدرب الي مشيتيه لكن مب كل مره تسلم الجره!!!
رجفت شفتها مقربه منه ومنحنه تبوس اقدامه وتتمسك فيهم
-ابوس رجولك ياخوي جيب بنتي !!! ابوس رجلك الثنتين جيييييييب بنت...تي !!!! من ..لها ..غيري ..!!! عابت بنتي من بيحيبها كثري ..!!! ياخوي جيب بنتي !!! جيب بنتي !!!
تمت تلثم رجلينه ..بجنون متتابع مع كلماتها المضرجه حسره وترجي
-قومي ياحصه !!قومي !!!! لعاد لي نظر ولا لسان عشان اهرج الاوادم واجيب بنتك!!! ولاانتي فاضيتن لها وراك حد الشرع!!بتذوقينه!!!
انحت لها ساره وابتسام
-قومي ياحصه قومي ياويختي تكفين !!
-لا لا لا منيب قايمه جيبها ياعبدالله عشان ابوي تكفا لو ابوي عايش جاب بنتي !!!
-لو ابوك عايش تبرا منك من سنين!!! نكبتي ولده وولد ولده !!!
الوليد قدم شكوى ضدك والحين وصلت المحكمه !!!!! انتي بتدخليني على اتلى عمري للمحاكم !!! وعلى ايش ؟! فضايحن تسر العدو والمترصد !!!
تراجع متنفس بحمق مخذول وعينه عليها ..شدت رانيا بسمتها ..وهي تلاحظ رجفة فك عمها وانحناء اكتافه وظهره الي طول عمره مصلوب .. وشامخ ..
وقفت لاحقته مابين ابتسام وساره واقفين عند حصه يهادونها بعجز وام خالد الي لسانها يحوقل بضيق
شافته متهادي بخطواته .. البطيئه ..
قربت اكثر هاتفه مناديته
-عمي!!؟ وقف عمي
وقف ملتفت لها صدمتها نظرته الخاويه ..
-لاتضيق ياعم كل شي له حل وسع صدرك جعل عيني تفداك!!
ابرقت عينها وقت لاحظت انحناء راسه وهو يهزه بذبول ..
تركها واقفه عاجزه تمنع دموعها تنزل الخبر الي سمعته عن الجوهره وانهيار عمتها وحال عمها يتل الصدر تل !!! نشقت .. مرتهبه من سماع حس خالد. قدامها
-رانيا!!؟ وش فيك!!؟ وش صاير ؟! ليه الصياح!!؟ وش هالصريخ !!
رفعت حواجبها مقربه منه بلا شعور بخطواتها وسانده راسها بصدره .. وضامته .. استنكر فعلتها هاتف
-وش فيك رانيا اهرجي !!
همست بحشرجه..
-عمي ضايق مره وعمتي حالها يوجع منظرها وهي تترجاه وتحب رجوله وجعني ياخالد!!!
لم جيدها بخفه .. جاذبها تماشي خطواته الين دخلو غرفه من الغرف فتح الاناره والتفت لها
-وش صار داخل ؟!
بلعت ريقها راقعه بدها تمسح دموعها وناطقه معلمته الي صار كله ..ارخى نواظره الأرض وهو جالس على يدين الكرسي المفرد ويدها بين كفوفه واقفه قدامه..
-لاحول ولا قوة الا بالله ..!! يالله استر وسلم!!!
شدت مبسمها .. متابعه
-وقت دريت ان الجوهره شالو رحمها ياخالد وجعني قلبي !! تدري شلون شالو الرحم!!! يعني ماتقدر تصير ام ابد !!! ابد !!! ياربيييه ياخالد وش ردا حالها زي كيذا ليه الجوهره
قاطعها هاز راسه وهو يجذبها توقف قدامه مقربها ورافع راسه لها
-الله يصلحها ويصبر عمتي وابوي !!
-اااي ياخالد عمي عمي شكله اووووف وش اقولك ؟؟؟ بحياتي ماشفته بهالمنظر كتوفه منحنيه يهوش عمتي وهو مغبون !!!
تلمست اسفل بطنها بلا شعور
-انا ورحمي موجود داخلي ولو اني ماقدر اشيل عيالي فيه بس وجوده راحه لي وامل كبير بعد !!! رجفت شفتها وهي تتخيل حال الجوهره..
-ياربي وبس !! كيف بشيل الي صار اليوم من راسي منظرهم يوجع يوجع!!
ترقب بعينه يدها المتلمسه بطنها ..
بعين ضايجه وضايقه من وصفها الي سمع عن ابوه
-الله يعين ابوي! وعمي
رفع راسه يناظرها
-تدرين رانيا ابوي واابوك الين الحين يلومون انفسهم على شي سوته عمتي حصه بام الوليد!!
قطبت هدب عينها باستدراك
-قاله عمي تصدق؟؟ قال بنتك تمشى ممشاك!! وجاب طاري حد شرعي ياخالد !!
هز راسه
-هذا عاد سالفه ثانيه !! هم !!! مدري شلون ابوي وابوك بتحملونها !! والوليد استحاله يتراجع فيها مرره!!!
قطبت هدب عينها مستفسره
نطق لها بالي يعرف شهقت برهبه
-يالله ياخالد وش صاير لنا !!! ورى وضعنا تردا كيذا!! وش هالمشاكل !!
-موجوده بس ماكنا نعرف شي !! الوليد جمع جمع جمع وتحمل ثم قلب عاليها واطيها وباع كل شي حتى المشيخه!! شفتي الشيخه!!!؟؟ كان بتنازل عنها ويتركها ويترك الرياض أتوقع!!! لو ماسوى الي يبي او احد رفض ومنعه كان بيقدم يسويه ثم يترك لال جلمود كل شي!!
تنهدت مكتفه يدينها
-ياربي سترك المهم الحين هذا وقتنا ياخالد لازم نوقف مع ابوي وابوك مساكين حقهم علينا نشد من ازرهم عمي عبدالله اوجع قلبي قسم بالله اشوى انك ماشفت الي شفته انا !! ترقبها
محتني بنظراته لها ياكم يعشق هالروح الحانيه ب هالجيد .. مد كفه يشد فوق كفها
-انا ماتشمت ابد يارانيا بس العمه اذت الوليد ومرته وامه وابوي ابوك خابرين هالشي ويدرون ان الدنيا تدور ويعرفون ان الله يجازي الصاحي والردي بفعوله كل مايقدم الانسان بهالدنيا بيلقاه قدامه قبل اخرته !!!رانيا الله يعدي عقوبة عمتي على خير الي سوته فعلن يشيب الروس والله !!
تنهدت .. بحسره ..
-ياربييييييه !!!
.................................................. .................................
جمهورية العشاق
موريشيوس
الساعه ..٤ مسيان ..
واقفه تتأمل المنظر البانورامي العجيب من قلعة ادلايد ..التاريخيه ..مستطربه بسمعها حس الوليد وهو يسرد لها تاريخ هالقلعه بالتفصيل لدرجة تجسدت مشاهد منطوق حروفه..
-عاد وقتها انبنت بالقرن التاسع عشر عشان الجيوش البرطانيه هذاك الوقت كانو يتخذون من القلاع حصون لهم من العدو .. !! شفتي هالاسوار شلون عاليه!! وبنائها هندسي ممتاز وقوي ورصين باقي الين هالوقت !!
تنفست برهبه لجمال المنظر ..
-يعني هذا المكان الي احنا واقفين فيه اكيد صارت فيه احداث وقصص يالوليد !! ناظر بالله المنظر يازين خلق الله ببلادهم ماشاء الله !!
التفتت له هز راسه وعينه تترقب نفس ماتشوف عينها متابع بحسه الزاخم ..
-تدرين ان اسمها على اسم الملكه ادليد !! تم بنائها تحت اشراف وليام الرابع !! طبعا هم لانهم يسمون عيالهم زي نفس الأسماء بس يضيفون التدرج العددي الأول!!؟ الثاني ؟! الثالث !! ولان بريطانيا استحلت هالاراضي وسكانها الأصليين فرنسيين فخافوا على انفسهم واستظلوا بين جدران هالحصن المتين !!
تنهدت برهبه ناطقه بحماس
-بعد محتليين ومايبون ينطردون عجيب والله!!؟ ياحرام بالفرنسيين !!؟
هز راسه بنواظر مقطبه
-أساسا حطي ببالك لو كل مواطن تعاون مع الثاني بقلب صادق بدون غش وتدليس وسرقات وفساد كان امداهم استرجعوا ارضهم المشكله مو خوفهم من البرطانينن ؟! لانجلا الحروب كانت اهليه بينهم مافي تكاتف ولافيه تعاضد ابد !! فضاعت الأرض والوطن !! حطي ببالك اوض الوطن تسقى بدم الوفا من الشعوب وروح موقده شاعله نار تحامي عن أي دخيل ودسيس يفسدها !! بس بعض النفوس الضعيفه تطمع بالطعم الي يقدمه لها العدو فتسرق وتنهب وتخون!! وليته بالاخير يصعد ويعتلي مكانه!!؟ اول من تنقص يده ويقتص منه العدو الي ساعده لانه يعرف انه خاين والخيانه لاتغتفر !!والي خان ارضه وتراب وطنه يستحق الموت يستحق التنكيل فيه والتشهير !!!
رطبت شفتها مرتبه حجابها .. وهي تستمع له بانصات عجيب وعميق ..
-صادق يالوليد الي يهون عليه الوطن مايستحق يعيش فيها ولايستحق كرامه!! مد يده لكفها المسنود على سياج القلعه شاد عليه ومتابع
-الخيانه بكل مكان طعمها مر نجلا!!
شدت اناملها بين أصابعه المستحكمه
ملتفته له مترقبه نظرته الصامته المرتقيه شموخ متغلغل فيها شي من خذلان مخفي ومستور..تتبعت رسومه وخصلاته المتشرده بتلاعب حسي لذيذ حوالين ملامحه ..وتواصيفه الجزله .. تدري يقصد سلطان وفعوله .. المجحفه نطقت موجهه اهتمامها له ..
-الله يبعد عنك كل خاين !!
ارخى نواظره لها .. متلاقيه نواظرهم .. شاد على اناملها محتظن كامل كفها ..
-آمين .. ركز فيها النظر ..
-تذكري نجلا اني مااخون !! ولااضرب بالظهر !! ابد !!
احنت راسها مرخيه نواظرها لكف يده محركه طرف الانامل مابين شعيرات يده .. بهدووء
-ادري !!
مد يده الثانيه رافع ذقنها
- كيذا راسك ارفعيييه !!! لاينحني ابد !! تذكري هالشي بعد !!!الراس هذا مايرتخي الا لخالقه!!
تبسمت مبعده نظراتها وهي تهز راسها
-وين ينحني لي راس وانت فيه !!؟ علمني وين وين وين !!
رفعت كفها وسع الامتداد..
-يارب اشهد تراه لي الحياه والرضا !!يارب شايبي يطول عمره ويمتد !!
ضحك بهادي الحس ..
جاذبها مبتدي يشد عصاته ويمشي
-تعالي نروح الاطلاله الثانيه بتكون عالمحيط الهندي .. بتعجبك !! الجهه الثانيه طبعا اخطر عليهم لان يجيهم منها السفن الحربيه يعني جبهة العدو من البحر !! بس مع قوة هالحصن محد قدر يغلبهم !!
شدت يده بتاكيد
-وانت تتكلم عن هالحصن سبحانه جا ببالي التحصين الي امرنا الرسول عليه الصلاه والسلام فيه !! زي هالحصن يالوليد يحمينا ويحفظنا من كل جهه !! يعني لو كل الأطراف ارادت بهالحصن شر عشان بنيانه قوي مايضره شي !!
هز راسه مأكد ..
-عليه افضل الصلاة والسلام !!
معك حق !! يافيلسوفتي المزيونه!!
ضحكت بتدرج حماسي هادي مبهج روحه ..
-يبغالي دفتر اكتب فيه كل مسمياتك لي كلها !!
اشر بعينه لها مركز و مقطب هدب عينه
-مزيونه انتي نجلا!!
اكتسى ملامحها الحمار الضاري وكن حمار الدم تبادل الأدوار مع بشرتها المشرقه كما ضي الاشراق ..تابع كلامه ومنطوقه بلا رحمه لقليبها المختلج
-جميله تسرين النظر !! مدري مهرتي بتجي تشبهك او تشبهني !!؟ان جت تشبهك فالله يستر ببني لها مثل هالحصن لحدن يشوفها !!
رفعت راسها ضاحكه برجفة سعادة و.. بعجل تاركته يتامل حمار رسومها من الحيا .. والاحراج ..كرر بحس رجولي زاخم
-والله ان جت تشبهك مصيبه !!
استاقف مبعد نواظره
-هه شوفي هالاطلاله والشاطي !!!!..
تلفتت بالمكان شاهقه
-الله ... وش هالمكان الحلوووو !!
استشنقت انفاااااس عميقه ... مبتديه ترفع كميرتها تصور ..
-شوفوا هذا المطل احنا واقفين اعلى مكان بقلعة !! التفتت للوليد
-اش اسمها الوليد سمعهم صوتك!!؟
-قلعة اديليد !! ..
تبسمت له متابعه
-فديت الصوت .. أي شفتي سمروه ؟! زي هالقلعه الي فيها بطلك الاعمى !! جين جت هينا !!
ضحكت بخفه مسكره كمرتها وملتفته له لقته يناظرها مقطب
-من بطلها الاعمى!
-الروايه الي قريتها عطتني إياها بطلها اعمى !! كانت البطله تقص له وتوصف له الأماكن بصوتها !!
شد مبسمه بخفه وهو يبعد نواظره .. مستمع لها
-عاد تعلق فيها وتزوجوا بالاخير !!
ناظرته بطرف عينها ..
-الوليد يعجبك صوتي !! ؟ او مزعج؟!
ارخى نواظره لها .. مبتسم بطرف شفايفه كان متساند على سياج القلعه .. بيدينه الثنتين..
-يعني مرات ومرات !!
رفعت حواجبها
-والله ليه افا عليك توقعت تمدحه لين الصبح !!
ضحك بهادي الحس
-مفترض تعرفين الجواب بدون تسالين؟!!
انشدهت بتفهم
-اممم فهمت عليك تعشقني تموت فيني !!! كل شي كل شي تحبه فيني !!
قاطعها راد بثبات
-كل شي الا الموق !!
قطبت باستفسار
-ايش الموق ؟!
-يعني اذا سقتي الغلا !! وتماديتي بالحد معي !!
قربت متسانده زيه بس الفرق انها ارتقت درجات عشان تقدر تطل اكثر وهو لا مب محتاج ..
-متى مقت عليك ؟؟ لفت راسها رافعته له
ناظرها بثبات يتداخل مع سكون نظرة عينها ويزلزلها
كررت السؤال بعفويه
-والله قول تراني ماعرف يعني متى انت شفت تصرفي موق عليك !!؟ قول عليك الأمان !! بمسك اعصابي منيب راميتك من هينا!!
ضيق نواظره ببسمه لعوب .. راد
-عاد الحلال باسمك اول من يشكون به انتي !!
دارت نظراتها بمكر مرتهب
-صادق !! يله بالله يالوليد قول متى انا مقت عليك!! وتعديت حدودي !!؟
ركزت فيه النظر وهو يبعد نواظره للمنظر الخورافي امامهم الاثنين ناطق باسترسال
-يوم جيتك ليللة رجعتنا بام سلطان وقلتي لي لا !! وتمنعتي عني !!ثم زدتي عليها وقلتي ماعندك كرامه!!!
جمدت نظرتها عليه ونبضها اعتلى وهو يتابع ..بحس متخلله شي من الغموض ..المبهم
-ذيك الليله مارست على نفسي اقوى حدود الثبات !! لاني لو تركت راحتي كان صار شي بينا..اجاهد نفسي مأوصل له معك!!
وتر جيدها حسه .. ردت بعد ثواني صمت ..
-اسفه يالوليد !! كرهت نفسي حسيتني غير ناضجه ابد !! بس انت عاقبتني بغيت افر يوم جيتك وطنشتني وفوقها هشتني وطردتني!!
ثالتها بلوم عتب هامس
اطرف بعينه لها .. صادمها برده
-كان جلستي حتى لو قلت لك روحي !!؟ حتى لو شفتيني معصب وثاير منك كان جلستي واصريتي وعاندنيتي كاالعاده!! .. عالاقل كنت رقدت ذيك الليله براحه !!
قطبت هدب عينها .. وهو يتابع
-دايم اذا قلت لك شي يضايقك لاتسكتين !! ردي بحدود وتواصلي معي بس مب تطلعين من المكان !!!؟..
الا مااهدى تالي الوقت !!
نطقت باستغراب
-انت عكس الجميع اجل ! قد سمعت ان الرجال اذا عصب مفترض ماتجلسين قدامه ولاتردين عليه اطلعي وابعدي عنه وخليه الين يهدا من نفسه !! وانت تقول عانديني وردي وناقشي !! ؟؟؟
التفت لها متساند عالسياج .. مترقب زوار سياح مد يده يجذبها تقابله هو بس وراد على كلامها
-كل رجل وله أسلوب!! يختلف رجلك غير عن الي سمعتيه !!.. الوحده ماتعرف الشخص الي تبي تعيش معه الا مع العشره ىانجلا !! حتى محيطك من صديقات ومن اشخاص اخترتيهم يكونون جنبك لابد تعاشرينهم !! لان العشره هي الساس ومنه تقدرين تحكمين!! وتعرفين تتعاملين مع الشخص ! يعني انا اذا تضايقت احبك تكونين معي وقدامي !! حتى لو شفتيني صارخ او ثاير ! اكره انك تطلعين وتتركين المكان اسكتي ماعليه بس اجلسي !!اهم شي قدامي !!
رطبت شفتها .. رافعه حاجب لعوب
-طيب ان مقت مره ثانيه وش بتسوي ؟!
احتدت نظرته لها متعاكسه ومخالفه بسمته الجانبيه الي أظهرت غمازة خده النادره ..
-مب على كيفك !! والله ان عاد عدتيها لأخذ الي ابي غصبن عنك!! انتي كلك حقتي ولي !!
تنهدت مبعده نواظرها بمكر
-اشوى حسبت بتلطعني شهر بعد !!
اتسعت عينه صدمه ثواني وتدرجت لضحكه مباغته هارج بحسه الضاحك
-مالك طب !!!!! يمين الله مالك طب !!
ضحكت مو لكلامه؟؟؟ لا !!! عشان ضحكته وسعادته الي تشوفها من اتفقوا يعيشون احلى أيام العمر وبعيد عن الكل !! مكان وفكر
من اصبحوا ووصلوا للقلعه حظروا الفعاليات والعروض الموسيقيه وبعدها تسوقوا ببعض المحلات البسيطه الي تبيع احجار معدنيه قيمه بأسعار رمزيه وبعدها بيتوجهون للمتحف الوطني ثم تغدوا بمطعمها المتاح و بيتوجهون لمتحف بيني الأزرق
التفتت له وهم يمشون
-الوليد ماتلاحظ. السواح قليل مره !!
شد يدينها بخفه

[قال الزهر آآآه]

-انا راغب هالجزيره لانها حاليا غير معروفه مبهمه !! قليل الي يجيها !! وماهي مطمع للطبقات العليا ماتلفت نظرهم من أساس والمتوسطه مايخبرونها شادين حيلهم عالمالديف !!
-امممم وانت قاصد نجي هينا!!؟ اكيد قاصد !! بس ليه دام تقدر تستاجر فريق حراسه متمكن باي مكان ؟؟
التفت مرخي راسه يناظرها ..ويرد
-جيت هينا تمويه لشي ببالي !! لاتشغلين هالراس به !!
رفع راسه متأمل المكان ثم نطق متابع ..
-اذا انتهت الأمور باذن الله ! وديتك الي احسن منها !!
هزت راسها نافيه الي وصل له من كلامها
-لالا مااقصد انها ماجازت لي بالعكس يالوليد فاضيه وشعبها حباب وخلقة الله فيها تجنن اعجبتني ابي دايم نجيها ويكون لنا فيها ذكريات!! تدري اني احبها ومستحيل انسى هالسفره معك ابد !!! بسميها سفرة الاحلام !!
الخضار والمناطر والطبيعه وانت وانا وش ابي يعني !؟ مابي شي زود ابد !!
لفت له لقته يترقبها وواقف حتى مانتبهت انهم واقفين ..
-ادري انك انبسطي بها بس اقصد بوريك أماكن غيرها بلف بك الدنيا الي اعرف وقد زرتها !! ابي ارجع اشوف المناظر كلها معك ان شاء الله وان جا يوم من الأيام وديتك جامعتي الي تخرجت منها وخذت الدكتوراه!!
يله البسي نقابك بيواجهنا عالم برا
ابتدت تلبس بخفه وهي ترد بحماس
-من وين تخرجت يالوليد ؟! مو بالسعوديه؟
-لا من فرنسا !! بوديك لها بعون لله!!
تبسمت ماسكه يده ومتقدمه
-ان شاء الله ..
مرت الدقايق ووصلوا للمتحف تفرجوا فيه وتمعنوا ومعهم متحدث عن حظارة الجزيره وتاريخها تفرجت نجلا عالطوابع الي اشتهر فيها المتحف
-شوفي نجلا هالطابعين تبع الرسايل زمان من اندر واغلى الطوابع !! اثريه وقديمه ! تخص هالحظاره بالذات!
-الله على زمن الرسايل !! والطوابع !!
تفرجوا عالقطع الخزفيه النادره .. لفت نظرها كل تفصيله ماعدت ولا ثانيه صورت بانبهار وهي تستمع للوليد يترجم لها ويفهمها لدرجة استغربت منه معرفته هالمعلومات !!
-الوليد من وين لك هالمعلومات!! امدى هالرجال علمك كل هذا !!
تبسم وهو يضيق نواظره ويقدم يتأمل تحفه خزفيه جميله ونادره
-قريت عن كل شي يخص هالجزيره قايل لك انا قارئ نهم !!
تنفست مترقبته ببسمه
-نفسي اصير زيك !! اطلع واقرى واعرف عوالم وثقافات ثانيه!
استاقف هاز كتوفه
-صيري!!ليش لا مب صعب !! القرايه شغف نجلا !! طبعي اذا حبيت الشي أصبحت شغوف فيه ! انتي تحبين الكتابه !!انا ملاحظ
قاطعته بحماس
-انت بعد كتابتك تهبل !!
التفت لها فجأه مبتسم بسمه شاقيه وعينه تبرق لها
-انتي ملهمتي !!!
رفع يده قبل ترد واساسا ماعندها رد قدام الشعور المتملكها والحلو الي تعيشه
-اليوم خلصت رحلاتنا بنتعشى بالفيلا قدام الشاطي مرتب لنا جلسه بتعجبك !!
ارخى نواظره مقطب بتاكيد
-اليوم عازمك عالعشا ..! جلسه مميزه ومرتبه !! تجهزي لها !!
مشت معاجلته بخطواتها متحمسه. وهي تتمسك بذراعه
-حمستني ! يعني انكشخ قصدك !؟ وش البس؟! شفت الفستان الي شريناه امس ؟! بلبسه وانت بعد يالوليد تجهز لي !!
شد محتظن كفها ..
-لأ البسي الي انا اخترته لحالي !!
ردت باعتراض ..هامس مقربه ومتمسكه بذراعه وناطقه ..
-بالله ذاك ينلبس بعزيمة عشا !!!!
ارخى راسه مضيق نواظره ..بتأنيب
-وش قلنا احنا ؟؟؟
تنهدت مبتسمه بفهم ... وضاحكه ..
-قلنا المره السنعه تتبعل لزوجها !!والعله مب هينا ؟؟ لااااا المشكله اذا هالزوج يبيها غير مؤدبه !!!!
استضحكت ملامحه بهادي الحس .. ناطق بحس حاذر ..
-انتي ويييييين والادب وين !!
ركز بملامحها المصدومه وتابع قبل تنطق ..مكرر كلامها له
-بس معليه عسل على قلبي والله !!
جت تنطق بس سكتت ضاحكه تدري يقلدها ..
تهادت خطواتهم .. وحسها العفوي المعترض مالي المكان ..
وهو مستمع لها باستمتاع .. مطمأن كاسيه الهدوووء
.................................................. ...........................
فرنسا
باريس ..

-يعني مب اول مره يسحبها من تحتك ويتفرج عليك ليه متضايق هالمره!!
التفت سعود...بكامل غيضه ..
-انطم !!! يخسى !! ان ماصدته هالمره بصيده قدام!!! لو ادري شلون دبرها !!! اكيد وراه ظهر !!! معه احد متاكد !!
ترقبه صاحبه الغاوي
-تقصد من عندنا هينا!!!؟ يمكن والله ! توقع بس مين يمكن يجي ببالك!! الحين أبو يزيد يترصده ويترصد اخباره مثلك !!
التفت سعود له منتبه
-تدري الكلب كان متزوج مرت مشهور!!؟؟؟
رد صاحبه باستنكار
-يارجال؟!
-أي متزوجها مانكب مشهور الا هي أصلا !! كان يدورها !!مدري وين أراضيها الحين بغا ينجن يوم عرف ان هالفاجر ماخذها !!
ترقبه صاحيه بتركيز
-ماسمي القناص من عبث لاتستهين فيه !! ان رجع للساحه زي مو مترتب له يمكن يتخطانا !! جميع !!
-يخسي !!! بيرجع !! لا!!! انا استهنت فيه زي كل مره ! توقعته مثل ابوه قلبه فضيخ !! طلع لحمه مر!!
تراجع متساند ... وحس صديق له عارف بمخططه سابقا قرب منهم ضاحك ومتقدم ..
لمس كتفه واستجلس مقابلهم
-هاه بشر سبع ولاضبع!!! جت ولا ماجت!!؟
سكت سعود والتفت خويه الجالس للي اقبل عليهم
-منهي ؟!
حرك صاحبهم عينه بمكر خبيث
-ماعلمته ؟! والله اني جاي ابي تبشرني ابي اشوفها!!
نطق سعود بحمق ظاهر
-فلت منها الكلب !!! كان عارف ويدري اني بترصده !!! سوى لي تمويه قاصد !!! هالنكره الشرذمه مب لحاله متأكد !!! فيه احد من الجماعه يسنده !!!مستحيل يختفي اسمه وتحركاته الا احد يسنده !!!
-افا والله طلع مب سهل!!!!
ترقبهم صاحبهم مستغرب
-انتم تقصدون مين !؟ من الي تبي تشوفها!!
سكت سعود كاتم غضبه كل ماتذكر المهزله الي حط نفسه فيها امام الجميع !! هو؟ ينهان من واحد من هالعصابه الرمه!! بسبب ولد صخر!!؟!!!
نطق العارف للجاهل
-حرم القناص! محسوبك كان ناوي
اشر بيده على رقبته باشاره معينه وهو ينطق
-يذكه على قولته صوت وصوره ويجيب مرته يتهنا بها
ضحك بعالي الصوت صادمه صرخة سعود وتكسيره لكاسته
-انشب !!! بسويها وتشوفون ان ماجبتها وحرقت قلبه عليها ماكون المطنوخ الي تعرفون!!
استعجب صاحبهم بتركيز ناطق باستنكار
-سعوووود انت صاحي ولامجنون!!! ليه تفتح علينا باب !!! انت تدري انهم يبونه معهم وهو نفطة الوصل للسعوديه !!! شلون تغامر بتصرفك الارعن!!!! انا احسبك بتغثه بس !!!! غير كيذا القناص مب هين !! ان عرفو بتصرفك ذا بيعاقبونك!!! تدري احنا مانقرب ونوذي بعض!!
التفت له سعود
-هو مب منا الين الحين !!! ولي كامل الحريه اتصرف معه!!! مالك دخل ولاتتدخل !!
ضرب الطوله بعصبيه
-الا بتدخل اذا بتجيب اخرتنا لزوم اتدخل !! لاتتفتح العين عليك ياسعود!! ان تراجع القناص عن الاتفاق معهم ودروا انه بسبتك !! بتنتهي انت!!! لحالك !
لف للي مترقب بصمت
-وانت جاي فرحان!!!؟ اجل خذ العلم !! القناص داري عنه ومخططه الي مثل وجهه !! لكن مادري ان كان داري ان نيته شرفه !!! وأهله!!
احنا نسلب وننهب ونذبح لكن مانغتصب حريم غيرنا!!! هذا الي اتفقنا عليه انا وانتم من البدايه !! من سنين مب جديد علينا!!! اذا كنتم رخوم وعينكم تجي على حريم غيركم فااخس عليك انت وياه!!! حط ببالك ان تواجهتوا انا معه بكون!!!
رد سعود بهادي الصوت
-هو قبلها كان اخس مني خذى مرت مشهور وتزوجها وهو يدري انه يدور عنها !!! لا واخفاها عنه هي وولده !! هو الخسيس الدني الي حط يده مب عينه على مرة غيره!!! ان ماخليته يذوق هالحسره مشهور قبلي بيذوقه إياها !! فليش ا ضيعها من يلغيريدي !! البنت لي والله ان لمسها احد وحط عينه عليها منهم جميع لاقلب عليكم كلكم وطز بمجمىعتكم وشغلكم معكم !!
ترقبوه بصدمه متدرجه مابين غضب واستنكار
-هد اللعب ياسعود !!!
رفع صاحبه المحذر اصبعه بتأكيد وعينه تترقبهم الاثنين
-اسمعوني كلكم اجل !!وخذوا العلم !!
القناص راجع وبيقابلهم وله شروط عشان ينظم لهم ولنا !! والله اني كنت حاسس ومستغرب اثاري السالفه خراب فعلك ياسعود !! الله العالم وش شرطه لاتستبعد تصفيتك !! على يده وانا ماستبعد يوافقون تدري ليه ؟
لانه وقت يوعد مايخلف واتفاقه كلام رجال مايطيح بالأرض !! بيشترونه ويبيعونك ياسعود !!! انتبه لنفسك!!
.................................................. ..........................




فلل جدان الجوهره
اسرة الهواري
بمجلس الرجال
تبادى الحس المقهور الشايط غضب
-هذا الي صار !! وهذا جزاها ومنيب ندمان!!! ابي اذبحها وانقص ماعندي خلاف!! الموت من سبايبها شرف لي !!
ترقبه راكان بصمت مشحون ضيق
تابع منصور بنفس الحمق الغاضب الضاري
-أصلا لو ماشلتها من يديني كان امداني خالصن منها ومرتاح!!!
ابعد ركان نواظره للفراغ رغم ان المجلس باذخ السعه و مبهج للنظر فاخر يدل على مكانتهم الانه يحس انه وسط كهف مظلم من كل جهه التفت له بنظره ثاقبه وحس متوعد
-منصور !! البنت تضررت منك يمين الله ان زدت من فعولك لها لابلغ عليك واشتكيك !!! بنفسي !!
استوقد النظره منصور ناطق باستنكار
-تعقب!!!
رد راكان بقوة صوت جهور
-لا ماعقب !!! الجوهره بنت اخوي امانته لي !!! خذت حرتك وعاقبتها الين هينا وخلاص!!!
شد منصور مبسمه ونظرته مهلكه متشدغه فيه الاوداج
رفع يده واصبعه محذر
-راكان ! هالبنت لابد لها من رجال يمسكها انت ماقدرت عليها!! سوت الي براسها حكم عقلك يالمتعلم واتركني انا الجاهل بنظرك!! بعد تصرفها هذا لزومن تنفذ الي قررناه لها وابوي موافق !!! ترا مب لاحقك الا ضيقة صدر ابوي وبس!!! الين هينا ووقف بنت اخوك الله يرحمه سودت وجيهنا لازم تنستر!!! بييت رجال يمسكها !! انت وش تحسبني !! حيوان!!! بهيم!!! وقع فعولها اشد علي منك!!! هذي بنت اخونا!!! قطعه من وجيهنا !! كل ماتجي رحمه بقلبك لها تذكر حسها وصوتها ومغازلها مع السلوقي الي معها!!! تذكر انها كانت بينا ومعنا وقدامنا ومع هذا طلعت وقابلت تذكر انها ضيعت شرفنا وشرف اخونا !!! فعلها الردي ماجرها لحالها جرنا جميع !!! انا معك ياقاتل مامقتول والله ياراكان لاذبحها ان مازوجناها !! تذلف لبيت رجلها !!
احتدت نظرات راكان الجامده ناطق بعجل
-ومالقيت الا خويك ذا !!؟ كبير والدنيل ملفعته من كل صوب !!
-تحمد ربها وجه وقفا أبو مصلح رجال دين وادمي وزين انه رضا فيها !!!
انتفض نبض بمنحنى عنق راكان ورجف فكه بضيق .. هاتف ببحة صوت
-انت تبيعها ياخوي !!! تبيع بنت اخونا!!! هي ارخصت نفسها لانها عوجا وتحتاج تقويم !!! وانت وش سويت بتغلط اغلط اكبر لانعالج امورنا بهالشكل !!!
تنهد منصور .. بقل حيله
-مابعتها !! الرجال يدور له مره مرته مريضه ويبي الي تراعيها وتنتبه لها ولحاله بالبيت .. وبناته متزوجات مب فاضيات يبي وحده تحلل له تكون قريبه منه وبنفس الوقت تشرف على مرته..!
فتح راكان عينه
-تبيها تخدم ؟؟! يعني متزوجها عشان مرته !!تمرضها وتخدمها !!؟؟
هز منصور راسه
-الي هو !!! اهم شي تذلف على ذمة رجال !! ويمكن هذا الأنسب لوضعها !!! علمني من بيفكر ياخذها الحين !!؟؟
عاجله راكان راد ومنتفض
-ومالقيت الا أبو مصلح!!! مب قادر حتى يوفر لها الي هينا لاهو مثلنا ولا بمستوانا!!
ركز منصور فيه النظر
-اهم شي يخاف الله !!! مصلي وحافظ القران ورجال راعي نخوه ودين !!! وهي تنطق حقها وماجاها خلها تذوق حرة الفقر !!
شد راكان مبسمه مدقق فيه النظر
-أي فقر نسيت ورثها !!؟ او بعد ناوين عليه !!؟
استهجن منصور باستنكار متراجع بضيق
-انا !!!!! انا اكل حلالها ياركان ! ثمن كلامك ياخوك!! لو تبي تعطيها إياه عطها !! لاهمتني دراهمها ولاهمتني هي !!! افهم يارجال يامتعلم!!! شرفنا ضاع مع بنت اخوك ابي ارجعه واستره !!! همني هالشايب وشيبات راسه الي تستحق رفعة الراس مب تنكسيه!! ماعز عليك شكل ابوك ومنظره بمجلس بن جلمود !!!! طز فيها وبرحمها معها ليتني خذت روحها وارتحت ولاشفت ابوي منكسن راسه!!!
سكت منهي كلامه معد يقدر يزيد اكثر
تنهد راكان .. بقل حيله ..
-الله يكون بالعون !! يارب !!
التفت لمنصور ناطق
-وابوي وراه جامعنا ؟ على موضوع هالزواج المدبر !!؟ خلاص علمتني ووصلني العلم !
لف له منصور متابع كلامه
-اكيد عشان بيت ال مجفل اخبره بيكلمهم ! كنت بدق انا ورفض الا يكلمهم هو ! حط ببالك ذولا بعد يبيلهم عنوه وجاههه ورضاوه الله لايشق بنا فشلتنا هالخايبه مع بن مجفل !!!
والله ياحرة اخوها قدام عيني !! حط نفسك مكانه ياراكان لو هالبلوه مكان مرت بن جلمود وش كنت سويت!!! هاه !!! قل علمني وش كان سويت !!! او لاتقول بعلمك انا وش بسوي !! والله مب مرضيني الا شوفة بنتهم فاطسه بسود فعولها!!!
ولو الله جل شانه ماامر بالستر كان علوم بعد !!!
استجلسوا وقت سمعو حس ابوهم داخل
-السلام عليكم ..
زين جيتوا
وقف راكان وعقله يوزن كلام منصور يدري انه حق وانه صادق رفضه هو لشي ثاني للاذى المستديم الي سببه لها !!
-ارحب يبه يالله حيه
قرب منه لاثم راسه ويده
وبعده منصور
-يالله حي هالراس جعلي مابلاه يابو منصور ! ارحب بمجلسك ارحب !!
تقدم أبو منصور بخطواته الهاديه الرزينه وملامحه الشايخه مجسده تجاعيد تكرار السنين .. استجلس
على صوت راكان
-فواز ! تعال جيب القهوه!!!
-ابشر ياعمي !!
هز أبو منصور راسه وعينه عليهم
-اجلسوا قريب هينا!!
تلاقت نواظرهم وهو يتقدمون جالسين وهو بينهم منصور بنظره ابيه مترصده ومنتظره !! وراكان بنظره حازمه مترقبه !
-سم يبه !
-سم يابوي !
دخل فواز جايب القهوه
-هاتها فواز انا بصب !
-حاشا ياعمي الدكتور !!
كرر راكان بحازم الصوت المطالب
-ماعليك زود يالنشمي هاتها ابيها انا !! مابه احدن غريب !! مغير حنا !
هز فواز راسها وهو يمده بالدله
والفناجيل
-سم
-سم الله عدوك ..!
-بغيت شين ثاني مني ؟؟ ياعم!
تكلم أبو منصور هالمره
-لا ياولدي مانبي توكل ابي اهرج العيال !!
-ابشر ابشر
طلع بخطواته العجلا امام نواظرهم
رجع راكان يناظر ابوه .. بتركيز
وابوه مثله يبادله النظر بترقب
-انا كلمت ال مجفل وخذت معهم موعد !!
رد منصور بحماس مترقب
-اقديت طول الله عمرك !!
كانت نظرات أبو منصور لم راكان نطق بثابت الصوت
-انا طالبك ياولدي قل تم!!
قطب راكان هدب عينه راد بعجل
-لبيت ماطلبت يابو منصور حاشاك من الطلب والتطلب ! انت تامر امر وانا انفذ بلا منه !!
احتنت نظرات أبو منصور
-بيض الله وجهك ياولدي!! ان رحنا بعد امر الله ابي يكون لنا نسب مع آل مجفل !! وابيه من طرفك انت!!
سكت ثواني يشوف رد فعله ثم تابع بثبات الصوت
-انت رجال ونعم !! فخر لآل هواري !! وكل من يرغب لك ويبيك!! انتظرتك تقدم من كم مره واشوفك شاد حيلك لكن ياولدي مهنا نصيب !! بينا وبين ال جلمود !! لعل الله قدم لنا الي صار لجل خيرن يتبعه!! انا اشوف ان نسبنا لال مجفل رفعه لهم ورد اعتبار !! نسبهم يشرفنا مثل ماشرف بن جلمود!!! وش قلت!!
كان يستمع له بصمت مدرك مفاهيم المضمون .. وبملامح حانيه مرتجيه مايدري انه عقب اخر وصل تم بينهم قطع كل آماله الي انبت من سنين وسنين..طلبها الي عرفه وشهو قدره وانه مجرد طريق ومنفذ خلاص !! اجبار مو رضا!! ارخى نواظره محتبس فيه الشعور !! فعلا صار الوقت الي يتقدم بحياته .. لاهي مكتوبتن له ولاهيب حلالٍ له !!.. لعل بالامر خيره !! لانه أولا وأخيرا تدبير وتساهيل من رب كريم
رفع راسه متلاقيه نظراته مع ابوه مدرك ترقب منصور
-الي تامر عليه يبه والي تشوفه على ذا الخشم لاهنت وماعاش من يردك!!
هتف منصور بحماس نابع من القلب
-بارك الله فيك ياخوي !! الله يرفع قدرك !
هز أبو منصور راسه بثبات حاني وبسمه رضيه
-الله يرضا عليك دنيا واخره ! ويعمر بيتك ودنياك بكل خير ومسره ياولدي !! لاتستهين بالعوض يابوك !! انسى وتقدم بحياتك!! جيب لك عيال يشيلون اسمك ويذرعون بصيتك الي يرفع الراس بكل مكان !! من عافك خسران يابوك !! عز الله انك رفعه وشرف وزينة الرجال !! ماقولها من مدحه عشانك ولدي ؟!!!!
رفع يده مأكد ومتابع
-انت رضي وترفع الراس والله يجازي رضا الوالدين بالدنيا!! ومعه يجازي صافي النوايا بكل خير !!
هز راكان راسه وهو يقدم يلثم كف ابوه ..
-الله يطول بعمرك يابوي ! طيبي ماجا من فراغ انا ولدك وطيبي من طيبك انت !!
شد ابوه على كفه .. مبتسم
-ونعم بحالك ونعم فيكم جميع !! اجل ان شاء الله ان رحنا خلو هالمطلب لي انا !!
التفت لمنصور .. بعين محتده
-كلم عمانك كلهم يجونا الليله بروسهم بدون عيالهم ابيهم جميع عندي !!
-ابشر بسعدك ابشر الحين اكلمهم واحد واحد !!
-سلمت ..
استاقف راكان
-تامر على شي ثاني يابوي ..؟ مضطر اطلع وراي شغل!
-مايامر عليك عدو توكل يابوك !! وبكره موعد أبو مصلح بيجينا يخطب ابيكم كلكم فيه!!
تلاقت نواظر منصور براكان وبينهم مرت مراسيل مخفيه عن عدم رضا راكان وتأييد منصور
نطق راكان .. بحسه الثابت مخفي كدره وضيقه لهالحال
-انت تشوف أبو مصلح قد الامانه يابوي !!؟
رفع له ابوه راسه بشموخ ونظراته احتدت سواد شاد عصاته
-هو على الهقوه !! ومن فوقها !!
هز راكان راسه واصله المقصد ..
-كلامك لاقبله ولابعده شور وراي الله يكتب الي فيه الخير !!
قالها متراجع
-يله فمان الله !
طلع بخطواته المتهاديه باحساس خاوي وخالي .. متدرجه .. أفكاره ومبعده لكن بنفس المحيط الي يعرف ..
وصل لين مدخل بيتهم دخل متغافل حس الجميع والاصوات .. خواته وبناتهم ومرت اخوه ويناته ..اقبلت عليه بنت اخوه الصغيره مضاوي صارخه بفرح معلنه بحسها الطفولي السعيد

-عمي راكان جا جاااااا عمي راكان !!
تبسم منحني فاتح يدينه
-يامرحبا .. يامرحبا بعين عمها !!
تقدمت راميه نفسها بسن ايديه ومعترضه بحس طفولي مبهوت سعادة
-الجوهره بتهوشني ان سمعتك لاتقول عينك انا قلبك ياعمي هي عيونك!!! والله تنكد علي ان درت عنك!
بهتت بسمته لو سمعها قبل كان هان عليه لكن ذكر طاريها الي مايفارقه احباط عمق الخذلان الي يسكن داخله ويسوط بنبضه عظيم وموجع
لثم جبين مضاوي هاز راسه
-قلبي يكفيكم كلكم ياروح عمك !! اخبارك انتي وشلون مدرستك!!
-زينه انوم بدري وقوم بدري واسمع الكلام !!
-اقديتي وانا عمك !! الله يحفظك ولايورينا بك مكروه!هز راسه مأشر
-شوفي لي طريق خل تتغطى امك بمر ارقى غرفتي !!
تحركت بعجل متحمس
-طيب الحين اقولهم .. فيه بعد خالتي جود !! جت معنا !
-الله يححيها ..
انصرفت راكضه ووقف هو داس كفوفه بجيوبه محتبس شعوره ..
سمع صوتها المبتهج
-تغطوووووا جا عمي الدكتور رااااكااااااان !!! بيرقى غرفته!!
تبسم يدري بها تحب تناديه بهالاسم .. بلاشعور تذكر حس الجوهره
(عمي حبيبي الدكتور راكان يحق لي اماري به عند صديقاتي .. أصلا من يشوفونك تجي تاخذني وكلهن صافات مايستحن ) حرك حواجبه بانشداه وكنه يطرد الصور ويطمسها سحب انفاس مكتومه يبي الفرج من ضيق الشعور الي يعيشه
اقبلو بنات خواته وبنات اخوه
-ارحب ياعم !! السلام
-هلا عمو الجميل !!
-لبا هالطله وينك مبطين عنك ياعمي !!
-وخرو عن خالي لو سمحتو انا المبطيه انتن كل أسبوع تشوفونه!!!
.................................................. ............
قصر صخر آل جلمود
رنا بقسم المطابخ .. تكلم طباخهم
-خلاص !! وصلتك القائمه !! زيد عليها بقلاوة بالقستق ! ولاتكثر شيره عليها !! أي زين !! لااوصيك بكره ابي كل شي كالعاده وازين !!
هزت راسها بتفهم
-تمام !! زين يعطيك العافيه !
قفلت منه سنترال الموجود بالمطبخ ..
لافه على حنان المترقبه لها
-اوف أخيرا خلصت يارب ماانسى شي !!
تبسمت حنان .. بمكر
-مختبصه انتي مره !! تراهم قد جو قبل الوضع عادي !! او عشان الحين صرتو نسايب !!
شدت رنا مبسمها ببسمه متوتره
-احس فيني توتر ياحنو !!! ابلشتني كانو من جهه تبي تسافر باي طريقه وجيتهم بكره !!! كلها تجمعت !
-اييي كانو ليه بتروح وش صاير لها !
-مشكله عند أهلها انا عادي براحتها تروح !! بس امي كلمت خالد حتى الجوازات تبع الخدم كلها مع الوليد واكيد عنده بجناحه !!
هزت حنان راسها
-اجل كلموا الوليد !
فتحت رنا عينها باستدراك مبتسم مستنكر
-امي حالفه حلف محدن يدق عليه يبثره او يطلبه شي !! وكانو مستعجله مالومها أهلها بعد !!! وحتى لو نكلمه مفتاح جناحهم معهم ومكتبه تحت مقفل !! يعني مامن فايده!! تعالي نطلع بالله طفشت من جلسة المطبخ مسنتره فيه من العصر !
ضحكت حنان بعفويه
-عاد ذي قومة الحموله ماتنلامين !! لازم تدبكين العين بتكون بكره مسنتره عليك !!
هزت رنا كتوفها ..
-اكثر شي موترني ام زناد ياحنو !! احسها ترهب مره !!
-اييي اييي رزه رزه حتى ابتسامتها فخمه!! من كبيرات السن المميزات! تهقينها شديده رنا!!
حركت راسها
-كل شي وارد !! بس شخصيتها قويه مدري عن شدتها عاد!!
-وش بتلبسين ؟!
عضت شفتها بتفكير اخر شي فكرت فيه اللبس كل همها المقام الي بيقابلهم ..

[قال الزهر آآآه]

-تصدقين مافكرت!!
-طيب بيجي بعلك!؟
التفتت برهبه محاوله تدمج فيها الثبات
-لا وش يجيبه ؟! زياره نسا!!!
-اها مدري قلت يمكن يجي يسرق لحظات معك دام هله فيه!!
رفعت يدها لصدرها بلاشعور
-لالا ماتوقع تعالي عند جديده وامي خلي اختيار اللبس بعدين !! تحمسي لبكره!!
حركت حنان حواجبها بتكشيره لعوب
-يانصبك والله مب هامك الحماس الا ماتبيني ابثرك بشوري !
انهت كلامها ضاحكه بخفه وهي تتقدم معها مقبلين على جناح ام سلطان الي فيه جدتهم وسمر
-لا والله خل نلحق على قهوة نجول البيضا سمر مدهره ومسويتها !!
تبسمت حنان مقطبه
-لبا عينها نجول اخبارهم يارنا!!
-طيبين الله يسعدهم ويرجعهم سالمين اشتقنا لهم !!
-امين صادقه لهم وحشه !
.................................................. .............................
جموهرية العشاق
موريشويس..
ترقبت نفسها متأمله منظرها شدت مبسمها هامسه
-ارسم بكحل او مب لزوم!!؟ اممم الا برسم عيني من زمان ماتكحلت !! قربت تبعثر اغراضها عالتسريحه لقت قلم الكحل السايل وفتخته مبتديه ترسم بدقه حوالين الجفن العلوي على خط مسير الرموش العكش ..تزيد رسم خط خالقها اسوداد..ارمشت بعينها ...منبهره وسعيده لمنظرها شدت مبسمها متذكره حسه وكنها تسمعه بجانب مسامعها
(مزيونه انتي نجلا)
اول مره يوصف جمالها بشكل مباشر ارهب قل ثباتها الدايم .. طردت الانفاس بتوتر لذيذ مشحون
وهي تحرك خصلات شعرها .. حوالين متونها .. فرقته من المنتصف تدري يحبه بهالمنظر .. تراجعت ..وهي تأخذ لون مناكير اشترته من ضمن الأشياء الي خذت مع ان نادر تلون اظافرها بس هاليوم مميز لها رفعت يدها تشوف حناها معد باقي الا ظلاله .. اذا لونت اظافرها بيجي شكلها افضل ترفقت بنظراتها لساقها مكان خلخالها مقرره تحط على اظافر رجولها بعد .. حذته بعجل واستجلست مبتديه تطبق الي قررت .. خذتها الهواجس بحالها الحين .. وكم قدر السعاده الي تستشعرها وهي معه .. حلم وامنيات يارب تمتد الى مالا نهايه .. ابتدت تهف انامل يدينها وعينها تتبارق معجبها جمال اللون .. على أطرافها ... مدت ساقها المضوي ..المبروم مبعده شعرها عن اكتافها .. تتامله باعجاب .. هامسه
-أخيرا خلصت يله انشف بسرعه!

ماتدري الوليد وينه ماطل عليها عقب تجهز ولبس وماشافته حتى كانت وقتها بحوض الحمام طلع قبلها وخلص ومعد رجع يطل ..
عليها ... قطبت هدب عينها مبعده الفكر الي بيضايقها .. اكيد يكلم المطعم الي اتفق معه !! ويشوف الترتيبات وقفت متنهده .. ملتفته ومتوجهه يم فستانها ماتدري ليه وقت تشوفه ترتقي بها بعض من همسات الحيا المستنكر .. سحبته بخفه مبتديه تفك روبها تبع الحمام وتلبسه ..
رفعته ثم اسدلته فوق متنها الغاوي .. تاركه نعومته تتسابق مع نعومة جيدها ابتدت تسحبه وتمسده حوالينها .. لبست التطقيمه الداخليه ثم التفت لنفسها منبهره بمنظره عليها تبسمت بحماس تبي تشوف عينه اذا شافها
تقدمت بخطواتها ساحبه عطرها المتميز
(لورينزو فيلوريسي..تينت دو نيجي)
تنفسته بعمق ثم ابتدت تبخ من عبيره الزاكي
-الله مااجملك !!
حطته مبرقه بها النواظر بحماس ..
بنفس الوقت واختلاف الأماكن .. كان الوليد عالشاطي مترقب النتيجه النهائيه للاتجهيزات الي طلب .. وقف ماسك عصاته .. مستجمع أنفاسه الهاديه .. بطمأنينه لذيذه وترقب الذ .. ابرقت عينه وهو يشوف ضي البدر منعكس على صفحة امتداد بحر المحيط.... رفع يده يشوف ساعته .. تاخرت نجلاه تاركها من بدري .. لف بمتنه يشوف التنسيقات .. المتمثله بخيمه متباعدة الأركان الأربع .. تمركزت الاضائات على امتداد خط سيرها المفترض الين مكان جلستهم الي اكتملت بوجود طاوله .. مجهزه بالفضيات الفاخره .. وصحون الخزف النادره .. تقدم بخطواته الهاديه .. بيروح يشوف وينها وليه تاخرت اكيد تشاور نفسها عالفستان الي طلب !! ماينسى وقت تحلطمت يوم خذاه لها ..!! صحيح انها تستجذبه بحياها المغروس فيها لكن يعشق جرئتها اكثر .. يعشق شوف رغبتها بتواجدها معه وبين يدينه تعطيه من الإحساس الممتلي مزن وكبر ..ترتقي به فوق فوق فوق .. حد الغرور الرجولي واكثر ..
التف بمتنه مقرر يروح يجيبها ويشوف وش مأخرها ..
اول ماهتدت خطواته ابرق فيه سواد العين يم مقادمها ثم استمهل فيها النظر ببهجة روح ..وترقب بطييئ يسلب الروح مضامين السلام ويزلزل ويصدح بعالي النبض المستفرد دون البشر كلهم الا لها !! اكتشف ان قلبه يتناغم ثورانه مع عشقه بآن واحد يصول ويجول ويتمرد الين يستملك حمرا النواظر الي تخصه دون غيره
تبسم وهو يشوفها مقبله ببسمه مبهوره وعينها مشرقه فرح نسيم الليل يتلاعب بخصل شعرها المسترسل .. فوق اكتافها الثابته شموخ..عاشق لها ويعشق تفننه في رسم خيالاته فوق هالغصن الي يتحرك مقبل له .. كما عادته اختياره للون وللتصميم ارعد في سماه رعود وبروق وعواصف تظغى شرار مايطفيها الا مطرها هي !!
تدرجت نظرته لرسم فستانها الأحمر الدمي متفارق حماره مع بياض بشرتها الصافي منسدل على متنها بخيوط صدر رفيعه عالاكتاف من زود لين الحرير انرسم فوق جيدها رسم زانه اكثر واكثر ..
مد كفه لها متنفس عطرها الغازي والي تنفسته حتى شعيرات جيده
تبسمت ماده يدهها لكفه
-وش هالمكان وش هالترتيب !! !
لفها امام ناظريه منتبه لفتحة ظهر فستانها المرتخيه ثم فتحته الاماميه والي استجرأت ووصلت الي اعلى رسم الفخذ
لاحظت نظراته تبسمت بحرج شاده يدينها ومرخيتهم تخاول تستر رجلها وتسحب الفتحه بخفه
-اعجبك فستاني !؟
ابرقت نظراته بعينها راد بحس زاخم
-يهبل .. !!!
سحب معصمها مرخي مبسمه يلثم باطن المعصم مستشنق انفاس من رذاذ عطرها المتوسم فيها بلا بخل
نطق ببحة صوت
-اه منك اه !!
عضت شفتها .. وهو يرفع راسه لها وينطق بثبات ونظراته لها بتركيز حالم عميق
-ياجعلك لي بجنات النعيم كما الدنيا !!
رجف متنها بهجه وربكه .. وهي تسمعه يتابع بحس سمعته هي جهور لكنه عكس السمع وعكس الإحساس!!
-مثل دايم تسرقين مني كل شي حتى العقل الرزين الي تميزت به تسرقينه!!
ضحكت بخفه ناطقه بحس حاني
-وانت بعد حلو لبسك
تلفتت للمكان بانبهار
-وتجيهزاتك !! صرت استحي اسالك متى سويت وخططت احسني ماعطيك قدرك صح يالوليد!! كل شي تنظم وكل شي ترتب وتجهز كل شي تعرف وبكل شي تفهم !!
تبسمت متنهده .. تابعته بخطوات هاديه .. وعينها تشع ربكة سعادة ..
مو مصدقه الي تشوف رفعت راسها له تخاطبه بهادي الصوت المبهور
-الوليد !؟ وش هذا كله!!! وش يميز اليوم ؟!
التفت مرخي نواظره
-هذا كله مب شي !!!
شهقت بامتناع وحس فرحان
-والله ماقصرت كيف مب شي !
يهبل المكان وتجهيزاتك تهبل
تبادت نظراتها حوالين المكان لا الورود ولا الطاوله المجهزه باناقه فاخره .. تسر الناظرين .. معد تقدر تقول شي ابد ..
جلست وقت ماهو جلس متقابلين .. معد عرفت توقف بسمتها الي تشع ضي ونور .. متلفته والنسيم يناغش خصلها .. تساندت على يدها متأمله الاطباق والوورد والتنسيق .. قربت من ورده حمرا بنفس لون فستانها سرقت من عطرها انفاس بعمق وهي تغمض عينها ..
-حلم حلم حلم والله يالوليد انا بحلم !!! نجول ؟ لاتفكين عينك تراك بسريرك الحين بتسمعين غاده تصارخ تناديك!!! رجفت شفتها مب مستوعبه ان عمق الذاكره عندها استجلب تفاصيل متبقيه باهته لكن موجوده
..حست بكف يده يحتوي يدها ويشد عليه وينطق بحسه
-لاغاده بتتادي ولاانتي فوق سريرك!! انتي بموريشويس مع فرعونك !! وهذي اول سفره لنا خارجيا ومب الاخيره باذن الله!!
فتحت عينها مرمشه لقته يناظرها بعين مممتد سنا بريقها لها هي .. تنهدت شاده يده
-ان شاء الله يارب !! الله لايحرمنا من بعض !!
تبسم متراجع ومتساند !
-امين .. وش رايك نتعشى الحين !؟ او شوي ؟!
-منيب جوعانه لكن اذا جايع عادي ناكل !
هز راسه
-لا نأجله اجل !! او نبتدي بالمقبلات افضل !! وبعدها تدرج القائمه ؟
صفقت بيدها بخفه
-الله نفس طبع تدرج رواية سمر !! مقبلات ثم حساء ثم طبق رئيسي وبعدها تحليه !!
امممم حتى الروايات عيشتني ؟! قلي بالله شلون اجازيك!
ميلت راسها ببسمه
هز راسه مأكد لها بحس ثابت
-جازيني الحين وانتي تعلميني وش طموحك بالحياه!! غير الي قلتيه عن زواجنا !! ابي اعرف انتي وش تبين تحققين وش تبين تنجزين لنفسك ولشخصك!!
رطبت شفافيها .. بتفكير .. سمعت حسه يعاجلها متابع
-قلتي تتطلعين وتقرين ! ولاحظت انك تكتبين ماشاء الله !! وش محطيه ببالك الإنجاز الي تبين توصلين له ؟!
رمشت عينها مكتفه ذرعانها عالطاوله ومتسانده عليهم وعينها تترقب بريق الشاطي ..
-نفسي .. سكتت بتردد .. ملتفته له شافته يحرك راسه يحثها تنطق وعينه تضيق
-وش نفسك؟! قولي !! لايردك شي !؟
قطبت هدب عينها بتفكير ساهي
-نفسي ادافع عن البنات المظلومات!!.. ومرات ابي أكون متلقيه لمشاكل الأطفال الي يعانون مشاكل عند أهلهم !!
هزت راسها شارحه
-المشاكل الصعبه اقصد !! لما يكون محد يفهمهم او يسمع لهم !! ابي أكون شخص مايخافون منه ويعلمونه ونحل المشكله مع بعض !!
سحبت انفاس وشدت مبسمها متراجعه بارتباك
سمعته ينطق ويعلق
-حلو اختيار موفق !! لو كل طفل لقى له روح تسمع له تشبهك كان الدنيا بخير !
رجعت تناظره .. وهو يتابع
-فعلا ينقصنا عالم تشتغل من قلب بمراكز التأهيل !! ناقص توعيه للاسره والمحيط الاسري !! يعني مسماك بيكون مستشاره اسريه !!
ضيق نواظره وتابع بمكر
-او زوجيه!!؟
قطبت هدب عينها مبتسمه
-لالا زوجيه لسه بدري علي اسريه ممكن !!
تقدم متساند
-خلصي ثنوي واقدمي عالقسم المطلوب ولاتوقفين عند حد معين واصلي اكتسبي خبرات علميه وميدانيه كملي ماستر !! اقصد ماجستير !! ثم بعدها الدوكتوراه!!
دقدق باصبعه بتأكيد عالطاوله
-شوفي انا اثق بقدراتك واعرف انك متمكنه وعندك الشغف للعلم !! حطي ببالك هالاهداف وبتوصلين !! تدرين مجالك ممتع ويسعد ويجدد الطاقه !! تدرين ليه؟؟
-ليه يالوليد ؟!
-لانك بتسحبين طاقتهم السلبيه وتعطينهم طاقتك بتسوين لهم زي ماسويتي معي !! بتحتوينهم !! وتوجيهنم !! فهمتي ؟؟
نطقت بعجل
-اعجبك يعني ؟!
-اكيد !! يناسبك نجلا !!
تبسمت بشاعريه
تابع باصرار وتأكيد
-وان شاء الله كل حفل تخرج لك بكون معك فيه وداعمك!! حتى مناقشاتك بحظرها. ان الله قاله !!
-أي مناقشات؟!
-رسايلك الماجستير والدوكتوراه!!باذن الله !!
رفعت حواجبها بتفكير
-اه ان شاء الله يارب
ركز فيها النظر
-انا جدي محمد رحمة الله عليه حظر تخرجي ! مع انه واحد بس اغناني عن الجميع
-خاله ميثا ؟! وطلال ؟!
هز راسه نافي
-ماجت مسافره!! وطلال كان معهم ! وقتها كان رافض يروح واصريت عليه ! ابيه مع البنات!
قطب هدب عينه مقاطع افكارها
-ماجعتي ؟!
ضحكت بخفه
-شكلك جوعان الا جيبه يله ! يمدينا نسولف .. معنا الليل بطوله!
شافته يرن جرس جنب يده دقايق الا اابتدت تسمع حس خطوات شافتهم متقدمين بعربات الاكل ..
-ممدا ماشاء الله !
ترقبت وضعهم للصحون وبسماتهم العفويه المرحابه..
حطوا المقبلات ثم الشوربه ثم الطبق الرئيسي والي كان غريب عليها بس لذيذ اعجبها .. عباره عن شريحة لحم بصوص خارجي وبطاطا مهروسه
استمتعت بكل لحظه وهي تتذوق النكهات الجديده عليها
قطبت هدب عينها متذكره
-الوليييد ؟! تذكر المطعم الي رحنا له بالمول ؟! غرناطه تتذكر ؟!نفس وجباتهم بس هذي الذ مليون مره ؟
-ستيك هذاك نوع وهذي نوع اللحوم تبع الستيك مختلفه ؟!
-هذي ايش لها اسم نوعها؟!
-هذذذذي ريب آي .. ويل دن ..
انا طلبي نص استوا انتي استواء كامل طلبت لك ؟
-اها وليه ماخذت لي زيك ؟!
اشر بحواجبه
-معدتك ماضمنها !!
تنهدت مبتسمه
-ايي صادق الاحظ اني مااتحمل اكل جديد يمكن؟! او دسم على جوع؟!
مع ان هذي دسمه بس لذيذه اعجبتني ! وطول اليوم وانا اكل أساسا مب على جوع يعني !
-بالعافيه ..
-الله يعافيك.. ترقبته بتردد وهو يشرب من كاسة المويه
-الوليد!!
هز راسه وهو يشرب عاجلته بعجل
-ابي اوريك شي ؟! من اول كنت بعطيك إياه بس ماكتب ربي !!
-ايش؟!
ترقبت يده وخاتمه الي تحب
-اعتبرها ثاني هديه مني لك ؟! بروح اجيبها واجي !
هز راسه بثبات
-طيب .. يله روحي ! ولاتبطين !
وقفت بعجل
-لالا برجع لك طييااااره !! بعدين احد يترك هالمكان الزين ويبطي عنه ؟!
تركته متهاديه خطواتها بعجل أخيرا جا الوقت الي تشاركه وتوريه إياه
دخلت غرفة الملابس مبعثره شنطتها بعجل طلعته بين يدها وتاملته واناملها تتاكد من مظهره ..
وقفت تاركته عالتسريحه وداخله تغسل يدينها ومبسمها رجعت عدلت مكياجها وتعطرت وطلعت ماسكته جنب صدرها بعجل ..
اول مااقبلت عليه. انتبهت انهم شالوا الصحون والاطباق .. وأضافوا مكانه طبق فاكههه مشكل ومنسق بجماليه ملفته تلاقت نواظرهم نظراته بسرعة البرق ترقب الي بين يدينها منتظر
رفعته مظهرته بوضوح
-شوف ؟! هذا كنت بعطيك إياه ليلة رجعنا بيتنا مع خالتي بعد مالبنات قدموا هداياهم انا سويت ثنتين لخالتي هديه ولك !
ترقبت رد فعله وملامحه وهويتذكر
-يوم الصور الي عطيتها ؟! تذكرت وقت مقتي قصدك!؟؟
ضحكت بتدرج
-ايييييي جبتها ياحبيبي انت يوم مقت عليك الله لايعوده من يوم !؟
جلست مادته له ..
-شوف ؟!

[قال الزهر آآآه]

مد يده بتقطييه هاديه وملامح مستكينه .. لاحظت شعراته المتنافره مع النسيم وكنها تباريها ترجع ورافضه
ارتهبت روحها وهي تترقب أصابعه المستحكمه تفتح دفترها جف لسانها وريقها بترقب هالدفتر جمعت فيه اول شكرا كتبها لها !! وتعني لها الكثير كل رد منها ومنه جمعته هينا ..
مرت ثواني ودقايق واصابعه تستمهل النظر .. بتمعن محبب مهيب كل حرف انكتب حطته فيه كل اهداء أعطاها إياه موجود ..
رفع لها عينه ..
تكلمت برهبه عجول
-الوليد اعجبك!؟
تبسم بحنو ونظره عميقه تعكس دواخله
-معك قلم ؟!
هزت راسها نافيه
-فيه قلم داخل بجيبه لحظه
قامت تتبادى خطواتها بعجل وعينه ترجع تقرا جمال رسم كل حرف كتبوه الاثنين ويستدرك معانيهم الاعمق
جت بثواني تلهث
-هه خذه ؟! معليش كنت اركض ..
مد يده مبتدي يفتح صفحه جديده ويكتب
جلست وقلبها ينبض وهي تسال من جديد
-اعجبك ؟!
نطق بهادي الصوت
-اكيد اعجبني !! بكتب لك شي وابيك تردين عليه الان !! وكل ماقريتي كلامنا تذكري هالوقت ! وهالايام !؟
اشرقت نظرتها
-طيب بس شوف وش رايك نحطه بجناحنا بمكان نعرفه الاثنين وكل مابغينا نكتب لبعض نكتب فيه بدون نعلم يعني اقصد تجي انت مثلا تاخذه تقراه وتلقى شي كتبته لك له كم ..يوم ؟؟؟ وانا بعد اجي القاك كاتب لي شي !؟ أي شي مب لزوم شعر او قصيد أي شي ودك يوصلني او تحسه معي وتبي تكتبته اكتب لو زعلان !! وش رايك يالوليد؟! مب حلوه الفكره؟!
مرت دقايق وهي تترقبه وتتأمل استحكامه لممسك القلم !! كان يخط بيده لها دون الخليقه .. حتى بسكونه يغمرها كما السيل ...ومايرحم !!!رفع راسه منتهي
-حلوه خلاص تم !! تبسم كامل ابتسامته وهو يشوف ترقبها تبي تقرا
-هات طيب بشوف وش كتبت لي ؟! طبعا هذي اول مره نكتب قدام بعض ونشوفها بنفس الوقت !!
مدت يدها بترقب ..
وعينها تبرق تدور حروفه الحزله وحط يده الي تميز به ..
لو مب متاكده انه يستحيل يسمع نبض قلبها كان اقرت ان صوته بيزلزل بسمته الي يباري بها امام ضعفها تجاهه
(طفلتي .. لم يكن إختياراً أن احبك !! كل مافي الامر أنهُ .. لن يصيبنا الا ماكتب الله لنا .... وانتي ياإمرأتي ... اصبتني !!! ... ياإمرأةً اسميتها وطني ..!قد أصبح نبض قلبي ومازال ...ينبض وكأنما أراد ان يفتح ممراً في صدري ليهرب اليك )
رجفت دواخلها لعمق الشعور والمترامي خلف حروفه ومسمياته لها تدرجه بداها من طفله لاأمرأه .. الهب برودة كل طرف بجيدها .. سمعته ينطق بثبات الحس
-ردي علي واكتبي لي ! وزي ماقلتي مب لازم رد مباشر بنفس الصيغه هاتي الي تحسينه الحين بالضبط!!
رفعت راسها .. له
-يعني انت بتقرا كلامي الحين ؟؟! او عادي بعدين ؟!
ركز فيها النظر مشدد بحسه ..
-الحين!!!
رطبت شفتها بربكه وهي تتلمس القلم مبتديه تكتب تحت كلامه المخطوط لاحظت انها اول مره تدرج خطها معه بنفس الصفحه .. ابتدت تخط بلاشعور .. مكنون خافق تبي يوصل له ويتاكد منه
مرت ثواني ودقايق قم ارتكزت مبعده خصلها ومترقبته وهي تمد يدها له
-خلصت .! ه
مد يده وعينه على الدفتر والصفحه المفتوحه .. كان متساند عالكرسي ورافع رجل على فخذه .. ومسند ركبته على طرف الطاوله ..
تمت عينها عليه عاجزه تبعدها مع انها بتطير وتوقع .. اتخذت من انشغاله بالقرايه لترقبها منظره وهو منحني يقرا مزتهي فيه اللبس ماازاهه ..
تأمل كلامها قاريه بتمعن .. رفع عينه لها ثم ارخاها يقراه لجل يتغلغل كل حرف مدرك ويعرف انه وصله
(سأبقى لك الوطن دائماً... سأبقى بجانبك مهما اخترت !! ومهما خذلتك الحياه!! .. انا لك حين يثقلُ العالمُ على كتفيك .. !!! وكيف لا ؟ والوطنُ يصمدُ من روح الاوفياء)

لكم يتمنى ويتمنى ويتمنى انه يكون نقش في ليلها ونهارها قدر عالي ماينهز !!
تبسم رافع عينه .. لها وسامعها تهتف ..
-كيف ردي ؟!
هز راسه لها شارح
-لاتسأليني ابد عن رايي فيك او أي شي تكتبينه !! ابيك تعرفين انه بيعجبني اكيد !!وابيك تدرين ان كل حرف تكتبينه لي وتنطقينه اعتبره عهد منك ووعد !!
شدت مبسمها ..
-ادري ..! ماكتبتها من الهوى !! ..
تبسم ملتفت للشاطي .. وامواجه المتناغمه .. مقرر .. وراجع يخاطبها
-وش رايك !! ناخذ شوط سباحه!!؟
رفعت هدب عينها باستنكار ضاحك
-بفستاني هذا ؟! ومكياجي !!!
اشر بعينه .. بمكر .. ناطق .. بثبات الصوت
-لأ !!! بالقطعتين الي خليتي منصور يشوفهن !!
ضحكت بحرج
-كنت اكذب لين الحين تذكر !!؟ علمتك اني اكذب بعد !!
-ميخالف الحين ابيك تلبسينها !!
قالها وهو يستاقف ومبتدي يفتح ازارير قميصه برتن هادي
-وش تسوي ؟! لابس انت تحت ملابسك شورت السباحه ؟!
هز راسه
-أي يله قومي بسبقك والحقيني !!
وقفت تتحلطم بحس خافت
-طيب بس ! ماتخاف يكون فيه احد من حراسك!!! كيف البس قطعتين ؟!
ناظرها بتركيز وهو يذف ملابسه .. عالكراسي ..
-مافيه احد !! الحين مافيه !؟ تلبسينها او اجي اساعدك فيها ؟!
-لا لا بلبس روح اسبح بجيك شويات ..
ضيق نواظره مدرك توترها وتهربها ولعثمة لسانها ..
-اقولك شي ؟؟؟ انتي راعية طويله وانا الصبر عندي منتهي !!
فاجئها مقرب جاذب يدينها
-الولييييييد !!! بتغطسني بلبسي وكشختي !!! لا بعد وكحلي !!! بغسل وجهي عالاقل !!؟ انتظر بالله !!!
تقدم محتزم يدها وهو يناغشها
-مابه احد غريب انتي بتصيفين .. ! حاولت توقف .. التفت لها بقل صبر منحني شايلها ..
ومتقدم بخطواته يم تدرج عمق الما ... الين وصل حد الموج لمنتصف جيده رفعها بيده ثم رماها وسط الما بلاحذر سامع حسها الصارخ المعترض ..
-الولييييييييييييد!!!!!!!
استاقفت بصعوبه ماصدقت توصل مقادمها للقاع الناعم .. كحت بحشرجه مبعده خصلها عن ملامحها متذوقه ملوحة الما
-شرقت ..!!!! يحرق عيني الملح !!؟
استاقف مكتف يدينه ..
-يله خاطري اسبح والله !! اسبحي معي !
-طيب والله كنت ناويتها بس شوف فستاني شلون اسبح ؟!
ركز فيها النظر صرخت بحمق
-لا عاد !!!! الوليد علامك فصخت الحيا !!!؟ لو شافني احد !!!
هز كتوفه باصرار طفولي عجيب
-مكاني مستأجره بحلالي !!! حر انا !!
تقدم منها جاذب لبسها باريحيه .. شهقت باعتراض ..
-مجنون قسم بالله انت مجنون !!
ضحك بعالي الصوت وعينه تبرق سواد حوالينها متأمل برقة قطرات الما على اكتافها وذقنها المرفوع ..
-مجنونن بك انتي الي هبلتي هالراس !! يله عالجيه !!!؟ انتي طبه !!!
جمع فستانها بقبضه وحده وحذفه للشاطي ..
همست متحلطمه
-فستااااني الحلو !! اخرتها ينحذف كيذا !!!
التفت لها مبعد شعره عن جبينه ..
-تاليته بينحذف جت عالمكان !! اخلصي علي واسبحي يامره !!!
ابتدت تحرك يدينها وتنطق شارده
-قليل ....ادب !!!
أبعدت سابحه .. سمعته يهرجها
-ترا بالليل تنتشر ثعابين البحر !! اذا ابعدتي !!
وقفت برجفه مالتقته
-انا .. بعرف انت تبي تسبحني او تمرضني !!!؟؟؟
نفض يده بحمق لعوب
-انا بتحرك من هينا ان لحقتيني وقدرتي ؟؟؟ لك الي تبين !!!
شدت مبسمها ماطه شفتها
-الي ابي!!!!؟؟؟ الي ابي؟؟؟؟
اشر براسه بحسه الثابت
-الي تبين !!!
هزت راسها
-طيب تم !!!
قاطعها قبل تبدا رافع اصبعه ..
-وان فزت انا وخسرتي انتي بطلب منك الي ابي !!!
ضيقت نواظرها
-لا مايصير كيذا !!! ادري بتفوز !!!!
-خلي عندك طموح ماتدرين يمكن تفوزين انتي !!
تنهدت بهزيمه مبعده شعرها
-عالاقل لو معي شباصتي .. شعري بيثقل علي !! تقدر تربطه لي ؟؟ او تجدله على ورا !!
اشر لها تقرب
-تعالي !!
تقدمت معطيته طهرها وابتدت كفوفه تجمع شعرها الوطب. بقل خبره ..
ارخت اكتافها
-سعد كان يجدله لي ترا !!!؟؟؟
سمعته ينطق بحاذر الصوت
-انا الوليد منيب سعد !!!
حست بتوتر يده صرخت بهمس وهو يربط شعرها بعقده بليا شعور
-احححححح وش سويت !!انت !!!
-ربطه لك ريحتك منه عقدته ازين من شغل سعد !!! وش رايك ؟؟
اطرفت له بطرف عينها تترقب حمقه المزوح ..
نطقت .. هامسه برجى
-الوليد علمني بالله اذا انت فزت وش تبي مني !!؟ وانا بعلمك والله!!
ناظرها بتركيز ثم انحنى يم مسامعها هامس ..
-ابي تعلميني شلون اجدل شعرك!! وكل شي سواه لك سعد انا ماسويته!!؟
تراجع واقف .. رفعت له نظراتها ببسمه مصدومه همست بليا شعور
-تغار انت من سعد !!؟
احتدت نظرته بعتب .. مخفي وهو ينطق كاذب
-لا ماغار منه ولاااغار من احد !! بس ابي اسوي الي قد سواه لك!!
رفعت حاجب له هازه راسها
-تراه كان يحنينني!!!
قطب هدب عينه
تكلمت مذكرته
-حنا العيد نسيت!!؟
نطق باندفاع
-احنيك ليش لا!!!؟ منيب عاجزن عن حناك!!
ضحكت بانشداه ممتزج بصدمه من نظرته الصادقه بمطلبه
-انا بعد ابي اعرف طلال وش كان يسوي لك واسويه !!؟ مشط شعرك!!؟ قص اطافيرك!!؟؟
ركز فيها النظر راد ومعترف بهادي الصوت
-انا محد سوا لي شي !!! انا تعلمت!!! مشطت شعري !!! وقصيت اطافري انا بنفسي!!!
بردت بسمتها ..
وهو يتابع
-الحين انا اشاركك الي كنت اتشاركه مع طلال !! سباحتنا بالبحر باليل!!
تنفست بهدوووء .. هازه راسها مبرقه نواظرها باعتراف زاخم
-والله ان عقدة شعري هذي ازين من مليون جديله !!!

اشر بهدب عينه معاتب وممتنع راشها بالمويه فجأه ومبتعد سابح
-ماعلي منك بتعليمني الجديله مب عشانك عشان مهرتي ! تباهى وهي تتذكرني جادلن شعرها !! مثللك كل وقت تذكرين سعد !!
انتفضت ضاحكه بغضب مازح
-ياذا المهره ذي!!! اوريك انا بفوز !! وان فزت ! يالوليد تراني ابي شي وقل من الحين تم!!!!
لف راسه لها وهو يضرب باذرعه عمق الما
ناطق بعالي الصوت
-تم يابنت غازي !!! تم!!
تحركت بحماس .. تباريه تتلاحق سرعته .. بشق انفاس ...
وروحها ممتليه ..حنو لوليدها الصغير الي تلاقت به وتعيش معه اجمل اللحظات ..
.................................................. ..........................



تهادت شمس الاشراق .. معلنه .. تبادي يوم جديد وامال جديده ترسم واقع كما الحلم ..وليتدرج ليرسم لنا أطياف وذكريات مقبله تعيش معنا العمر كله وتضوي ليل الهم بقادمنا قبل حاظرنا ..
فلل عبدالرحمن آل مجفل
جناح ام زناد
-انا خالصه يمه بناتك باقي ماجهزن !! شوفي يمه وش رايك بهديتي لرنا؟
رفعت ام زناد راسها وهي تحتزم مسعفها المتبارق ..
رفعت مهره هدب عينها مبتسمه
-الله .. الله .. وش هالزين يام زناد كل هذا عشان شوفة مرت ولدك؟!
هزت ام زناد راسها وعينها على الي بيد مهره!!
- انا رايحتن ازور ام الغاليه مرت الغالي جعلي ماعدمهن من شر .. تبسمت واشرت
-وش زينه ماشاء الله هالتغليف !!
قربت مهره محطيه الهديه الي شرتها وغلفتها .. وجلست
-امين يمه والله كلنا فرحانين له مره
اطرفت لها ونطقت بحذر
-بس ماتلاحظين زناد هاليومين يمه مب على خبرنا؟! ماش خاطره فيه شي !
ركزت بها ام زناد النظر
-اخيييك وراه شغلنن للليل !! مستشفاه !! وامور ابوك واشغاله !! كله فوق ظهره!! اهم شي تملك وارتاح ..!!
شدت مهره مبسمها
-الله يعينه يارب بتجيه رنو توسع خاطره ان ضاق!!
تبسمت .. الا على دخلة أبو زناد
-السلام عليكم ..
-يامرحبتين وعليكم السلام يابو زناد!! يالله حيه !!
استاقفت مهره
-هلا ابوي وعليكم السلام جيت بدري اليوم عسى مابه خلاف!
-الحمد الله مافيني الا العافيه
لثمت جبينه .. متراجعه وهي تبتسم وتشوف نظراته لأمها
-شفت مريتك المزيونه ؟! كاشخه لمرت ولدها!!
تبسم مقرب بخطواته الهاديه الرزينه ووجلس على كنبة الجلسه ونطق بهادي الصوت
-امك مزيونه من سنين؟ مب شين جديدن عليها ! ماجذبكن الا هي !
استشرقت بسمة مهره بانبهار وحرج
وهي تترقب ملامح أمها
-اويلي عالغزل اويلي اويلي !!!
انفتح الباب بدخول الهنوف .. والعنود
هاتفات
-خلصنا !!!! يو ابوي هينا !؟ سلام يبه
قربت الهنوف والعنود تتبعها
وتهتف بحماس مرحاب
-هلا ابوي ياحي هالعين ماشفتك الصبح قمت ادورك قالو مشو! وراك مانتظرت الفطور الي من يديني ويعجبك؟
تبسم لها وهي تلثم يدينه وتجلس جنبه
-امعزوم اليوم عالفطور وطلعنا مبكرين !! احد يفوته عيشتن مثل عيشتك يابنتي !! ؟
اعترضت مهره مقربه وبيدها هديتها
-وانا يابوي ؟؟؟؟ قهوتي الي تعدل الكيف !!؟ يمين الله انك ماتداني الا هي !!! وراه المدح بس لها ! ؟
تبسم هاز راسه باستقامه ناطق بجهور الصوت الحبيب

[قال الزهر آآآه]

-انتي بعد! كلكن يابناتي يازينة البنات الله يحفظكن وياقكن ويسمح حظوظكم دنيا واخره!!
تنفست الهنوف مستجلسه مقابلته ومهفهفه شعرها المسدول
-عاد اكيد يابوي انا اغلاهن !! يقولون القعده حبه رعده!!!
قالتها مكشره بهزل ضاحك وعينها على خواتها
ضحك ابوها وتتبعه أمها ..
-مير انتي يالهنوف خذتي الي ماخذنه خواتك واخوانك!!
ترقبتهم امهم بفخر ثم تابعت
-خلصتن؟! نمشي !! مانبي نتاخر عالعرب !!
اشروا بروسهم ناطقين ومختلفه ردودهم
-أي
-يله مشينا
-يمه انا بقا عبايتي جيت اوريك هديتي !! بشوف رايك الا وين هديتك يمه لرنا ؟! ماشوفها !؟
التفتت للعنود
-تدرين بغيت اوديها عيت وجيت الحين ماشوفها وينها؟
نطقت ام زناد ببسمه خافته ..
-هديتي مع اخوكن زناد !
شهقت الهنوف
-يوه يمه وراها معه ؟ يعني هو بيودينا!؟ او السواق ؟!
-بيجيبها الحين .. !
قطبت مهره هدب عينها
-ودي ودي اعرف وشهي ؟ وش معنى يمه زناد يشوفها ويعرف واحنا لا وش عطيتها ؟؟
-بتشوفين ان شاء الله وش له العجله الركاده زينه يابنتيني ..!
التفتت لابو زناد مخاطبته
-منا متاخرين ان شاء الله عقب العشا وراجعين !! عاد اني والله مابي اجلس واطول بس ام سلطان حالفتن علي !
هز راسه
-حق وواجب ابد اجلسوا ذولا انسابنا مب غرب وانتي راعية واجب يالغاليه !
تبادت أصواتهم وصيحاتهم جميع
-اوووووه اليوم راضي ابوي مره مره !!!
عاجلتها العنود
-الله يجعله دايم فرحان اكيد بيفرح يقول انسابنا ولمين؟؟ لزناد من متى يبونه اهلي يتزوج!!
تبادى حس جوال امهم
رفعته وردت
-هلابك ! ايه بغرفتي يابوي تعال ! ماطلعنا انتظرك!
اشرت مهره بحماس
-زناد!!؟
هزت امهم راسها مبتديه تكتحل من مكحلتها ..
نطقت بحماس الهنوف وهي توقف
-بجيب شي لاحد ينزل امانه تكفون بنسوي حركه له اذا دخل !!
بعجل توجهت لخارج الجناح ثواني راجعه بجهاز تسجيل وعيونها تبرق
-الحين بشغل شي قبل يدخل وارقصن له يابنات خل نغير المود شوي مب كل مره زناد بيعرس !!
ضحكت العنود
-والله انك مهبوله بس شاطره يله شغلي بيجي اعجلي
تبسمت ام زناد وأبو زناد يترقبهم بنظرات حانيه ..
جهزت الهنوف الاغنيه ووقفت التجسيل هامسه
-بروح اشوف اول ماشوفه بجيكن ركض
طلعت بخفه وخواتها يتبوسمن وراها ..
سمعوا حس ابوهم
-الله يوفقه ويسعده ويرزقه الذر الصالح !!
-امين يابو زناد ويحفظك ويطول بعمرك لهم يالغالي !!
تلاقت نظرات الهنوف والعنود بفرحه تحفهم كما دايم مستشعرين الالفه بين أهلهم كما دوم .. ثانيه دخلت الهنوف راكضه
-جاجا جا يله ادهرن خواتي !!
ضغطت تشغيل وتعالى صوت احد المطربات .. يعلي ويرحب بعريس اليوم .. اقبل داخل بنظراته المبهوته ببسمه غريبه جميلة المنظر تاهت عينه مابينهم وحس زغاريطهم ..
وتصفيق امه الخفيف ويد ابوه الي يباري بها فرحتهم وفرحته له ولده البكر .. رجف شي من شعور السعاده بروحه .. وهو يستشعر شعورهم الي وصل لاعماقه .. قربت منه العنود جاذبه يده ومحركتها بخفه .. تبسم ضاحك مشاركهم .. بخطوات هاديه .. وقفت له امه تتلقاه رافعه يدينها الثنتين .. معتزيه بفرحتهم جميع ومحتزمه بها عن هموم الدنيا وثقل الضييق ..وصدق من قال ضجيج العائله هو نسمات الروح الصافي وسكون الوجدان الحقيقي الثابت ..
.................................................. ................................
مستشفى ( ...)
ثقل مستهجن ومستعلي محاوط كل جيدها الملكوم .. ولسانها يهتف ..بحس شبه مفهوم ...
-با...با...!! .. بابا.!
عضت حنان شفايفها مدمعه عينها بقل حيله كثر ماشدت كثر ماحست بطعم الدم .. وهي تتأمل حال الجوهره والي وصلت له ...ملامحها الجميله أصبحت لاشي الا الوان مرجفه للعين .. التفتت لساره هامسه
-ساره!!! وش تقول ؟! تنادي ابوها!!
هزت ساره راسها .. ماسحه مدمعها مقربه هامسه بحنو
-الجوهره!!! الجوهره!!؟ ... تسمعيني!!؟
همهمت ببطء.. موجع ..
-اممم خ..اااله... سا..ر
تلمست ساره يدها شادتها
-أي أي ساره خالتك ... تحسين بوجع !! اناديهم يعطونك
قاطعتها بحسها الواهن ..
-ييووور جع... جسس ... م ي كل..ه يووووجع... !! ض..ربني.. ع..ميبييي!!
نشقت حنان بحس مسموع ... وهي تقرب لها .. وتستمع ..
-اكر..هه..! كل...كم اكر.... هكم...!!
-جوهره لاتقولين هالكلام مامنه فايده تعافي الحين وقومي بالسلامه !!
ارتجف فك الجوهره لمن تحركت حاسه بوجع يتل الجيد ويهده كل مكان يوجعها كل عضو فيها يألمها ... ودها تصرخ بس لسانها ثقيل .. والصور الي تشوفها بخيالاتها مرعبه حد السقم ... شافته يصرخ بها ويطردها ويهينها ويكسرها قدام الكل !! شافته شلون ينظر لها وكنها الما وروح الما !!! قتلها مرتين !!! ذبحها من الوريد للوريد !! مارحم قليبها الي انتفض بس له والي سلم بس له !! قبلها هي !! شعور بغيض يعتليها وامنيات سودا مزلزله تتمنى تحصل وتسمع بها !! ودها تشوف قلة حيلته وقت يفقدها ويتغلغل سمها المذموم بجيد غصنها المتبادي !! ودها تشوف روحها شلون بتذوي وتنصهر قدامه !! وهو بلاحول ولاقوه!! حاولت ترفع يدها .. حازه بوخز بعظامها ووجع مرير
تلمست ملامحها المتورمه بيدها اليمين .. شهقت بحشرجه وهي تحس بالشاش مخفي عينها .. ابتدت يدها اليسار تتلمس مكان الألم ببطنها .. بخفه جمدت انفاس حنان وهي تتبع حركتها قربت من ساره شاده ذراعها .. كلهم الثنتين حبسوا انفاسهم ..فيما بين يدها تتحسس مكان الضماد اسفل بطنها بشعور غريب مرعب تبعتها يدها الثاني مبتديه ترجف وتتلمس هامسه بحس مبحوح مجفلد
-هذا!!!! أي..ش !!! عم..ي طعني!! بس..كين!؟؟؟؟؟؟ هاه!؟
ارتهبت حنان وهي تطرف لساره بمراسيل صامته عجزت تبلع غصتها وهم يسمعون الجوهره
-وش..ه..ذا !!! يعورني!!! ف..يه ..جرح... هينا..!!
انفتح باب الجناح ودخلت ممرضه
-لو سمحتوا بيدخل عمها عشان وقت الزياره لاينتهي !!
شهقت برعب وعينها تدورهم
-لاه !!! لاه!!! ماب..ي !!! ب..يذبح..ني !!!
نطقت ساره بعجل
-هذا عمك راكان مب منصور الجوهره!!! اهدددي!!!
تعالت شهقااااااتها ... تتابعت وناتها واعتراضها
-ما..بي....كسرته انا....مابي ..اشوووفه !!!!!! لا..!! لايدخل!!
شدت حنان مبسمها وهي تلبس نقابها
-يله ساره خلاص وقتنا انتهى !!! قربت من الجوهره ماسكه يدها
-الجوهره انا حنان!! اسمعيني واهدي عمك بيدخل وبتقابلنيه !!! كل شخص خذلتيه بتقابلنيه !!! ولاتلومين احد انتي كله منك انتي !!! فهمتي !!!
انهت كلامها بحشرجة صوت نفضت الجوهره يدها
-اكرهك !!!! انا اكرهكم كلكم !!!! عمركم ماحبيتوني !!!! فضلتوا الدخيله...!!!ب..نت. الغر..ب !!!
عاجلتها حنان .. بهادي الحس الحازم ..
-الجوهره ؟؟ اذا تبين تعيشين !! براحه نظفي داخلك (ان الله لايغير مابقوم حتى يغيروا مابأنفسهم )
النتغيير الحقيقي عشان ترتاحين يبدى من عندك مب من لوم وكره الناس!!! وليتهم أي احد احنا اهلك والي نحبك ونخاف عليك !!!
رجفت شفايف الجوهره مبرقه عينها بدمعات حاره ..هامسه بضيق لايم ..
-عمركم ماحبيتوني !! انتي بالذات !!
هزت حنان راسها متنهده ..وعينها على ساره ثم طلعت
التفتت الجوهره تدور ساره
-خاله!!
مدت يدها تحاول تنظر لها من بين كدمات ع ينها ..
انتفض جيد ساره والممرضه تعيد
-يله اختي !؟؟ اهدي الجوهره !! عمك من دخلتي ماوقف على راسك الا هو !!
شدت ساره يدها حاظنتها ومقربه منها
-سمعتي؟! عمك راكان يحبك الي صار غصبن عنه !!؟ انتي ربطي يده الجوهره؟!!!!
صدر انينننننن موجوع بقلة حيله وادراك
-اه ه ه ه !!!!! خذلته ا..نا.... وفشلت..ه !!!! قه..ر...ته....بيكرهني!!!!
هزت ساره راسها
-مستحيل يكرهك انتي قطعه منه الجوهره بنت اخوه !! انتي غلطي لكن يمديك تتراجعين وتتغيرين !!! محد معصوم من الغلط حبيبتي !!! لحقتي الشيطان وشوفي وش حصل !!! وش استفدنا كلنا !!انتي انتي وش استفدتي !؟؟!
شافت ارتجاف شفايف الجوهره وصمتها المكتوم ..
-انا مظطره اطلع وبحاول اتطمن عليك !!! تدرين من علمني عنك؟؟؟ عمك راكان !!!! هو يستحيل يضرك !!!
تراجعت تاركه يدها .. وقبلها شدت الجوهره على اناملها سائلتها
-عم..ي منصور!! كان بيذبحني!!!؟؟ صح؟؟ طعني!؟
-لاتفكرين بالي سواه عمك منصور !؟ تحسني وارجعي وتوبي توبي الجوهره عن فعايلك الي ماترضي الله!!
انسابت يدين الجوهره وعينها المفتوحه للسقف.. ودمعه طارفه منحدره من طرف شق العين المتورم ..
استاقفت ساره لابسه نقابها
-استودعتك الله ..