آخر 10 مشاركات
|
| |||||||||||||
| مشاهدة نتائج الإستطلاع: تمنياتكم لنهاية خذني بقايا جروح؟؟؟ | |||
| نهايه سعيده ؟؟ |     | 1,311 | 95.83% |
| نهايه حزينه؟؟ |    | 57 | 4.17% |
| المصوتون: 1368. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
18-07-21, 12:13 AM
| #10941 | ||||
 
|  -وحق الله الي يناديه المنادي !! انك يانجلا تكفيني وتغنيني عن كل مخلوق !!! ان كنت ابي فمب عشاني !!! انا بك اكتفيت عن الدنيا ومافيها !! ابيهم لك انتي وعشانك انتي !! انحنى اكثر لاثم مبسمها بخفه جاذبها اكثر وقابض بكفه منحنى عنقها مثبتها لجل ينهل من حنان الروح الي تسكنها طبه ودواه وكل مايرجاه .. حاوطت رقبته منجذبه له باندماج روحي قوي ثابت وراكز .. مبادلته جمال الإحساس ومطالبته كما هو يطالب ويبتغي .. همس لها بحشرجة روح مكرر وهو يلفها ويجذبها ويعتلي بمتنه ارضه المزهره وموطنه ومسكن روحه الثابت -احبك .. يانجلا ... تكفيني انتي .. عن الدنيا ... جميع !! سمع همسها له مرحب ومندفع كما اندفاعه واكثر -وانا...اح...ب...ك ....احبك ...احبك .... احبك ... شدد احتظانها بين حناياه تارك روحه تبوح بكل مكنون قول وفعل ...وترك جيده يسطر بفعوله ملاحم ..لعشقه ..الجزل الرصين الثابت .... .................................................. .......................... جيزان .. تنفس بسكون منتظر يسمع خط الاتصال مترقب تنهد باحساس ملول .. شد مبسمه مرطب شفته وعينه تتأمل موج البحر ..متوتر بسبب أفكاره .. لقى اتصالات من نايف متكرره كان عنده تعقيب. وتارك جهازه بمكتبه !! اول ماوصله حس الطرف الثاني -هلا سعد ارحب ياخوي !! عسى لاباس دقيت عليك من كم مره !! -السلام عليكم !! كنت اعقب !! انا بعد دقيت عليك يالله رديت وينك عن جوالك ؟! -كنت برا تحت بالاسطبلات !! وتركته فوق اخبارك بشر عنك ؟! -بخير الحمد الله انتم علومكم عساكم بخير ؟! ونجلا دقت عليكم ؟! جوالها مقفل ؟! وراك داق اكثر من مره عسى مافيكم شي ؟! جاه الصوت هادي ومطمن -احنا بخير كلنا بخير ونجول ماكلمناها الا معك اخر مره !! !بس انا اتواصل مع الوليد اماعليهم طيبين بخير مايصادف تكون صاحيه اذا كلمته ! مبسوطين ماعليهم رحلتهم عقب بكره ان شاء الله ! تنفس براحه -اجل وراك داق من كم مره ؟!شلت هم والله !! مرت ثواني صمت ثم نطق نايف -انت الحين مشغول ؟! -لا فاضي توني طالع من العمل مقابل البحر ؟! قول وش عندك ياخوي وترتني ؟! -الموضوع يبيله اخذ وعطى سالفه طويله !! قطب سعد هدب عينه سائل -وش فيه ؟! تخص مين يانايف ؟! -لحظه خل اقولهم لا يدخلون علي انتظر سعد !! مرت دقيقه او اقل سامع حس نايف يتكلم من جهاز السنترال ثم رجع -ايوه سعد !! الموضوع طول الله عمرك يخص نجلا !! قاطعه سعد باحتداد نبره -وش فيها نجلا !!؟؟ -اسمعني خل اكمل مافيها الا العافيه ومبسوطه ومستانسه !! اسمعني لاتقاطعني خل اعلمك السالفه كلها من أولها !! تحرك سعد بتوتر وحس مشحون -قل يله قل !!! .................................................. ................................ قصر صخر آل جلمود مجالس العاملين الخارجيه -قلت لك رقمه الخاص مايعطيهه أي احد دام دقيت على ارقامه الي معك ومقفله خلاص لعاد تدق اذا رجع علمه!! نطق مساعد بضيق -كنت ابي اعلمه وش سميناه !! بقول له انا الي اخترت اسمه يادواود علامك !!! مستحيل كل الي بهالبيت مايعرفون رقمه !! اكيد العم خالد يعرف !! زفر داود بقل صبر -مساعد انت الي علامك !!! اجلس اغث العالم أقول عطوني رقمه الخاص تراه مشغول مب فاضي !! هو يدري سعيد جاله ولد !! وقال بيزوركم!! تنهد مساعد واصابعه تضغط ازرار بجواله ملهي نفسه -تهقى يعني يجي قبل تمايم الوليد !!! تبسم داود هاز راسه -اااي قول كيذا !! تبون السماوه !! استاقف مساعد حمقان ومعاجله بالرد -أي سماوه علي بالحرام ماهمني سماوته !! ابيه يعرف اني سميت ولد اخوي عليه لانه يستاهل !!! ليه كيذا تقول يادواود معودينك احنا نشحذ!!! تقدم داود منه رابت على كتفه -استهد بالله انا امزح معك بشوف بحاول اعرف متى يجي عمي الوليد واكيد قريب تخبر رمضان بعد كم يوم !! تمايم الوليد الصغير متى ؟ -خلاص اول يوم برمضان !! انا طالب سعيد يأخرها عشان عم الوليد !! شلون الحين اذا ماجا والله مب سامعين كلامي !! مرتن ثانيه !! رفع راسه لداود سائل بترقب -داود تتوقع يحظرها اذا عزمناه او مب فاضي لنا !؟ رفع داود هدب عينه وهو يستعد يكمل باقي شغله -عمي الوليد مايرد احد يامساعد ابد !! بس مدري اذا مشغول !! نشوف. بعرف لك انا متى يجي واقولك اهم شي لعد تدق عليه خلاص !! بعدين تعال معك صورة السمي !!؟ تبسم مساعد رافع جواله مبتهجه ملامحه -ايييي شلووون؟!!! معي تعال بالله شوف ؟! يالله عساه يغدي لسميه يالله!! استضحك داود هاز راسه -الله كريم !! ان غدى له فياحظكم حظاه !!! .................................................. ................... جزيرة العشاق مريشيوس .. رفعت يدها تبعد خصلها ... وعينها تترقب سنارة الصيد بيدينه شدت مبسمها بترقب حماسي -خلاص ارفعها ارفعها يالوليد !!! ناظرها مبتسم هاز راسه -خليها شوي تلقف الطعم مضبوط !! تمسكت بالسياج مقربه وهي تبعد خصلها الي ازعجتها من كم مره -بتعرف انها طعم ترا وبتخليك!!! لف لها بتركيز -الحين انا بعرف ورى ماترجعين لسنارتك وتشوفين شغلك !!! ترا صيدك هو غداك!! ركز فيها النظر اكثر ملاحظ احمرار خدودها من الشمس عاجلها قبل ترد .. -حطيتي الكريم الواقي الي جبته لك ؟؟؟ عضت شفتها السفلى وعينها عليه -ايه حطيته كل جسمي من فوق حطيت فيه زي ماقلت لي !!! هزت راسها متابعه ... -ناظر الوليد !!عيو يجوني مدري علامهم ولاسمكه كلت الطعم حقي !!! قطب هدب عينه .. واقف من مكانه ساحب خيط سنارته بحركه مدروسه وبثواني ارتفع ومعه سمكه ترتجف منتفظه بارتجاف .... شهقت نجلا مقربه منه -ماشاء الله عليك !! ترقبته بانبهار يفلتها بيده ويحطها بسبت السمك .. -يله تعالي اشوف شغلك !! متاكد ماحطيتي الطعم زين!! تلقين السمك يجي ياخذه بالراحه !! وانتي غافله !! سحب سنارتها بخفه وفعلا مافيه أي شي. تبسم ملتفت لها -وش قلت لك ؟؟؟ والله اني صادق !! هزت راسها بحمق مكشره -بذمتك تبيني احط دود !!؟ وامسكه بيدي !!! انا حطيته بس من فوقها صراحه!! عجزت ماقدرت اضغطه اكثر !! ابتدى يعدل الطعم ويختار من علبتهم. ملتهي .. ومركز وهو يكلمها -طريقتك غلط !!! شوفي بحطها قدامك !! وراقبي زي ماسويت قبل شوي سوييي اذا علقت فيها سمكه شديها انتي منيب مساعدك!! وشكلي بحرمك من الغدا! استمسكت خصرها بكفوف يدها -الوليد ماتلاحظ اليوم انت متغير !؟ كنك رجعت الوليد حق السعوديه !!!! بانت مواري الرجعه !! ارخى راسه لها مبتسم عقب رمى خيط سنارتها .. -انتي مدلعه !! وييلك شده عشان تنجزين!! ترقبته بتركيز .. جت بترد الا انتبهت لسنارتها تهتز تقدمت بعجل ماده يدها وماخذتها منه -جت سمكتي جا غداي ابعد ابعد !! يالله يارب. يارب لاتخيب ظني يارب اصيد غداي ياااارب !! يارب تراها غداي تراه مب مغديني !!! حركت يدها شاده جيدها كلها وهي ترفعها بكل قوتها .. وفجأه صدمها الي ارتفع وقفت مشدوهه وضحكات الوليد تتبادى حواليها -هذا غداك !! تراه يكفيك يابنت الناس انتي ماتكلين!! ترقبت السلطعون وحركاته المتذبذبه .. بخيط سنارتها -الحين من صدقكك انا اكل ذا !! ؟ التفتت له حمقانه -وتضحك علي بعد ؟! طيب يالوليد ..!! ابتدت تسحب السناره وتحركها تبي تنفض عنها السلطعون .. -روح يله روح !! .. قرب منها الوليد ماخذ سنارتها -امشي يابنت غازي رحمتك بعطيك من سمكي تعالي !! منتيب صايده شي خلاص استسلمي !! تلقف ممسك السناره من يدها شدت فوق أصابعه .. -الوليد ؟ صدق ليه مايجي معي شي اش معنى انت ؟! وش السبب ؟! رفع هدب عينه ناطق بحس مزوح -السمك يحبني !!؟ ماحبك!؟ شدت مبسمها مضيقه نواظرها .. كاتمه غيضها -حبه برص ان شاء الله !!! انا ادري أصلا انت ماعلمتني زين !! قاصد تبي احتد واكل معك صح؟؟؟ بس انا عند كلمتي كلن ياكل صيده زي ماقلت لي امس !!!! عادي مب لزوم اتغدى أصلا !! شبعانه انا !! ركز فيها النظر .. بنظره لعوب -انتي تدورين الزعل دواره عشان يلحقة الترضي !! فتحت عينها بقل تصديق -تقصد تراضيني يعني ؟؟؟؟ غلطان معليش !! لا مابي تراضيني !! ابعد نظراته .. عنها مترقب صيده .. وماد يده يتلمس السمك ..بخفه ونطق .. -لاتصرفين وتتزعلين!! القطعيتين بتلبسينهن لي الليله وبتسبحين !! مطت شفايفها .. مبعده نظراتها -ترا عادي ماهمني بلبسها عشان ارتاح من الزن !! بس راحمتك انا !! هذا كل شي !! قطب هدب عينه مكتف يدينه -راحمتني من ايش ان شاء الله !!! تنهدت بحس مسموع .. هازه راسها بخفه وهي تتكلم بهزل لعوب مغناج -منت متحمل !!! ابد !!! منتب قادر !! بتروح فيها !! ضحك بعالي الصوت .. -شاكي لك ؟؟؟ ركز بعينها النظر مترقب ملامحها بنظره بارقه تعرف مغازيها التعديل الأخير تم بواسطة ebti ; 18-07-21 الساعة 12:35 AM | ||||
|  |
|
18-07-21, 12:14 AM
| #10942 | ||||
| -انتي الي خايفه !!لانك تدرين وتعرفين وش النتيجه !! اكتسى ملامحها شي من الحرج فاتحه عينها متلفته من كل صوب ببطء -ماتستحي انت!! يمكن هالبنات يفهمون كلامنا !! ضحك مستاقف .. هاز كتوفه -عادي ماقلت شي مرتي حلالي !! الي بيفهم يفهم !! زفرت مبتسمه لهم وقت تلاقت نواظرها معهم .. -الوليد !! أصلا مايدرون يحسبوني بنتك!! ضيق نواظره .. ماحي بسمته -طيب !! يعني ؟؟ وشلون نغير وجهة نظرهم ونصححها !! رطبت شفتها وهي تشوفه مبتدي يقرب بخطواته أبعدت متراجعه .. وعينها تترقبهم تدري انتباههم كله معها هي وياه تراجعت بعجل هاربه فيمابين هو يتقدم .. ببطء مانتبهت وقت رجعت بخطواتها لسبت السمك وطت رجلها عليه وعرقل مسيرها المتراجع مما أدى لانهيار جيدها بكبره وسط السطل .. صارخه باعتراض تناثر السمك حواليها بكل مايحتويه من زفر .. شهقت باستهجان -الولييييييد !!! .. ناظر !! هذا حال بالله ؟!!؟ استاقف بينه وبينها كم خطوه موجه كلامه للعاملات.. وهم يتضاحون .. وقفت بصعوبه ويدها تبعد السمك عنها كل لبسها انعدم وتشرب ريح السمك -وش تقول لهم ؟!ليه يضحكون علي !!!؟ تقدم يتلقف يدينها يساعدها -قلت زوجتي ضاقت تحسب السمك بيبعدني عنها!! شهقت بقل تصديق وهي تشوفه يحتظنها ويلم راسها لصدره .. مقرب وناطق يم مسامعها -اعقلي لاتتحركين عشان مااتهور !! همست له بحس واطي -منتب صاحي يالوليد وش فيك؟! وش صاير لك ؟ شلون كيذى قدام هالبنات!!! ضحك هاز راسه .. قارص خدها بخفه .. -هذا انا !! ماسويت شي لسه ماشفتي الي بسوى صدق وتنحرجين منه !! همست بحرج .. -لا بالله الله يحفظك مابي اشوف شي ابعد يالوليد احرجتني !! ابتعد بخفه .. وعينها تترقبهم وهم يشيلون السمك .. وهو يخاطبهم وكفه ماسك كفها محتظن اناملها باستحكام .. ثم ابتدى يخطو خطواته -تعالي ندخل بينظفون المكان .. شدت يدها بحمق -ماصدت شي انا لسه !! خل ارجع أحاول ؟! قطب هدب عينه لها مرخي نواظره.. -معد به وقت بيجهزه الطباخ ورانا شغل !! عضت شفتها بحمق محرج مب مصدقه جنانه الجديد عليها نطقت بحمق منحرج -الوليد انت مب طبيعي !!! عسى خير !!! وقف بالله وقف !! استاقف مناظرهاا محتده نواظره -اخلصي انا جايع!! ارتهبت نظراتها .. ساحبه يدها .. -لااااااا عاد والله ماسوي شي فوق البحر !! رفعت راسها له بعناد ركز لها النظر بقل فهم .. -وش تسوين فوق البحر ؟؟؟ شدت مبسمها بحمق -وين رايحن احنا!!؟ ضيق نواظره يحاول يفهم تلميحها..تدرجت اقكاره الين رجع يناظرها .. ثم فجأه استلجت ضحكاته .. ساحبها من جديد -يابنت الحلال جوعان عيشه امشي نغتسل عشان نتغدى !! بعوضك بعدين لاتشيلين هم !! هتفت بحمق -الوليد !!! ؟ ترا .. زودتها !!! انت وتلميحاتك !! هتفت ناطقه كل كلمه بوضوح .. -انا منيب !! شايله هم شي!!! لف لها وقت وصلوا للغرفه الي بالمركب .. راد ببسمه حبور -وش اسوي اذا فهمك على قدك ياعجيزي !! انا قربت منك عشان ماتستحسين من ريحة السمك عندي !! ابي تشوفيني مثلك !! فهمتي ؟؟ تنفست بخفوت تترقبه بصمت وحرج .. ارتخى بمتنه رافع اصبعه لامس جبينها -هالراس ذا مرات يصير ذرب ومرات يرقد !! أبعدت نظراتها عنه ثم رجعت تسال -وش الشغل الي تقول ؟! طيب -اقصد بنركب (الجيت سكي ) يله عشان نلحق على النهار !! والضو ..! تعالي تحممي معي ؟مافي وقت !! قالها ساحبها بدون نقاش ..مقرر ومنتهي همست بحلطمه -الله اكبر عليك !! ضحك بخفه .. ناطق بهزل لعوب -مايمدي بعوضك بعديييين!! زفرت بعتب .. -تخيل تكون وحده تعرف العربي وتفهم وش نقول ؟؟؟ بالله مب فضيحه ؟؟ نطق بحس لعوب واضح وشارح .. -انتي تغفلين ان احنا زوجين ؟؟ وغير كيذا مهنا الا حريم مافيه رجال حوالينا !!! والاهم انا أساسا ماسويت لك شي !! كلها تهيأاتك ! ترقبته متقدمها ارخت نواظرها لكف يده المحتظن كفها .. شدت اناملها بين أصابعه ناطقه .. بحس هادي .. -الوليد انا بتبعك دايم حتى لو يدك مامسكتني زي كيذا !!دايم بكون وراك ! التف براسه متلاقيه نواظرهم ... سحبها بغفله الين صارت جنبه .. راد عليها .. -خلك معي وجنبي لاتتبعيني ابد ..انتي مب تابعه لاحد ! حتى لي !!انتي شريكة ومكمله مب تابعه الا لربي وربك ...!! شدد مسكته لها .. اكثر واكثر .. تبسمت بحبور .. وحس هازل .. -كيف اكملك ؟؟ !؟؟ والسمك عافني عشاني معك يمكن لو شافوني بعيده حبوني زيك !!.. رد عليها بضحكه هاديه نابعه من القلب .. مناغشها ولاعب باعصابها .. -ليته عالسمك بس !!! قربت متمسكه بمعصمه سانده راسها ومحتظنه ذراعه كلهاا .. -منيب معطيتك فرصه أصلا .. !معك دايم دايم !مايمديك تتنفس حتى الا انا فيه ! ترقبها بنظره عميقه .. -انتي الانفاس أصلا !! رجفت شفتها ..برهبة شعور مكتسي كل ركن بمحاني روحها ..له.. تجهزوا واستعدوا وأول مارقو لسطح اليخت لقوا الغدى على وشك .. يجهز .. والعاملات مجهزين سفرة التقديم .. تنهدت متقدمته مبعده يدها عن يده امام نواظرهم .. ومستجلسه عالطاوله متسانده على يدها تتاملها بانبهار -ماشاء الله !! استجلس قدامها ساحب كرسي .. ثم سحب جوالاته .. أسندت جانب ملامحها على كف يدها وهي تترقبه -وش فيه ؟ احد دق علينا؟؟ تم يترقب جهازه .. شد مبسمه .. نطق بهادي الحس بدون يرفع لها نواظره -سعد !! تبين تكلمينه ؟ تراجعت ببسمه واشراق نواظر -أي عادي دق بكلمه !! ضغط امام عينها زر الانصال .. ومد جهازه لها مترقبها .. بنظره حانيه تلقفته من يده بحماس رافعته لمسامعها .. شدت مبسمها منتظره ونبضها يتسارع بترقب .. مبعده خصلها الرطبه .. هتفت اول ماوصلها حسه -هلا سعد سلام !! اخبارك؟! -هلابك ياخوك وعليكم السلام .. اخبارك! بشري عنك ؟! -بخير بخير يارب لك الحمد انت شلونك ؟ رفعت نواظرها للوليد المتشاغل بجهازه الثاني وتابعت -وشغلك عساك مرتاح بجيزان؟؟ -كل شي زين الحمد الله !؟ كيف سفرتكم ؟ سحبت انفاس ناطقه بحس هادي سعيد -سفرتنا تجنن انبسطت فيها ماودي الأيام تخلص !! تدري انا وين الحين على يخت !!! صدنا سمك !! وجالسين يطبخونه لنا !! طبعا مب انا عجزت اصيد الوليد صاده كله !! ضحكت بهزل متابعه -الجو يهبل ياسعد .. والجزيره جميله كل شي صورته لكم اذا رجعت وجيت انت بوريكم !؟ متى بتجي الرياض !! -بجي قريب ان شاء الله لابد اجي !! قطبت هدب عينها بسبب حسه وتأكيده -وش فيه ؟؟ حصل شي؟؟ نطق بحاذر الحس -الوليد عندك ؟! توترت نظراتها ناطقه بهدووء -ايي .. اش فيه ؟! -مافيه شي اكيد يدري ان ال هواري بيجون عشان الي صار بمجلسه !!؟ بلعت ريقها مرطبه شفايفها .. رافعه نظراتها متلاقيه بنظر الوليد المترقب لها -مادري !! والله عن شي ؟ من قالك؟ -نايف !! طبعا توقعت اختي تعلمني !!! انا اخر من يعلم !! كل ذا صاير لك وانا اخر واحد يدري عنك!!! توترت نظراتها واقفه .. -ماكنت ابي ازعجك ياخوي!! انت بعيد !! مرت ثواني صمت وهي تبتعد بخطواتها مقربه من سياج اليخت .. مستمعه له -عالعموم مب وقته الحين اذا جيتي لي جلسه معك !! تنهدت عينها تترقب الموج . استجلست على طرف السياج .. راده بتأكيد -والله ياسعد مابغيت اشغلك أصلا كل شي جا بسرعه ورا بعض!! وعلى طول سافرنا !! علمك نايف كل شي؟؟ قالك الوليد وش سوى !!! تراه ماقصر !! خذى حقي زي دايم !! وصلها حسه المشتحن عتب حاني -ماتلاحظين نجلا انك الغيتي وجودي بالمره !!! خابر ان الوليد رجلك بس انا بعد اخوك !!!!! ليش اشوف انه حتى مكاني كأخ لك خذاه بالعاني !!!!!؟؟ جمدت أنفاسها مترقبه كلامه .. وعينها تشوف العاملات يجيبون الاطباق ببتتابع -سعد ! هذا كلام تقوله ياخوي ؟ شلون الغيك وانت أصلا معي دايم !! والله كل شي صار فجأه متى يمديك نجي وتحظر !! مب انت جبت ذاك التسجيل ؟؟ هذا الرجال الي ترصدني بس الي صار بديوانية الوليد هذا يخص الي كانت معه وقد قلت لك عنها !! انكشفت قدام الكل والوليد !! للمره الثانيه خذا حقي كله منهم !! تدري انه اشتكى عمته ؟؟ لانها قذفتني ؟؟؟؟ وتدري انه كان بيترك لهم كل شي اذا وقفوا بوجهه !!؟؟ -ادري انه مب مقصر !! بس ليه انا اخر من يعلم ؟ يعني لو نايف ماعلمني عن جية هالناس مادريت!! تنهدت ناطقه بحنيه -سعععد والله اني مابي اشغلك عالفاضي!!! انا بخير الحمد الله وشفني وين الحين!! مسافره وموسعه صدري !! ولاهموني كلهم أصلا حتى ذولا الي تقول عنهم مادريت انهم بيجون ؟؟؟ بس وين بيجون يعني؟؟ -بيت ابوي بيجيبون جاهه معهم ورضاوه لك !! -اه !! هم مين بالضبط ؟؟ -اهل البنت اهل ابوها !! شدت مبسمها ملتفته لجهة الوليد .. والي كان ينتظرها مرخي راسه ومتجاهل كل الأصناف عالطاوله .. -متى بيجون ؟ -اذا رجعتي نايف يبيك فيه !! انتي الأساس !! نطقت بهادي الحس -ماراح اسامحها !!! قلتها لها !! يعني جيتهم مالها داعي!! -هذي سلوم لازم يسوونها ! جيتهم رد اعتبار لك ببيت ابوك وعند قبيلتك بغض النظر عن الي سواه الوليد !! ناظرت الوليد والي كان يترقبها بثبات ..ارتبك نفسها وابعدت نظراتها مترقبه الموج وهي جالسه بثبات -لايجوني ببيت غاده !!! ذاك مب بيت ابوي !!! بيتي هو بيت الوليد !!! وصلها حسه المستغرب والمستنكر -غاده؟؟؟ صاير شي نجلا ماعرفه انا ؟؟؟ غير الي قاله نايف؟ بلعت ريقها طارده صورتها من امامها -عادي نفس حركاتها !! ماتتغير !!! مرت ابوي عمرها ماحبتني سعد !! مابي أتكلم فيها ياخوي بس الي بقوله ان ذاك البيت مب بيتي بيتي بيت رجلي !! الي بيجيني ينصاني له !!! بيت غاده مابيه !!! سمعت حسه المستنكر متعوذ من البعد وشاتم حظه -الله يقلع البعد ؟!؟ الي يخليك جاهلن بكل شي!! هتفت بعجل حاني مطمن -لا سعد لاتقول كيذا !!! ولاتشيل همي ابد !! انا بخير بالعكس ازين اني عرفت انها زي ماهي ماتتغير !! واذا عالبيت تراني ماندمت خل تاخذه وتشبع فيه أصلا عمري ماحسيته بيتي!!! البيت الوحيد الي اشوفه صدق يخصني هو المكان الي أكون فيه مع رجلي!! وين ماكان !! وصلها حسه الحاني .. عقب سمع منطوقها -الله يحفظكم لبعض!! ويرحم حالي نستني وخيتي!؟ ضحكت ناطقه باعتراض -والله انك بالقلب ياروح نجول!! بالله متى بتجي؟؟ احنا بعد بكره ان شاء الله !! -بشوف وش الوضع ان شاء الله بجي واشوفك !! ونتفاهم على جية هالعرب!! الوليد عندك او قمتي عنه؟ رفعت راسها متلاقيه نوظرها معه لانه كان يترقبها .. هزت راسها -أي عندي ! -عطيني إياه ! جمدت أنفاسها برهبه مبعده نواظرها عن الوليد هامسه -سعدد!! وش بتقرل له ؟ سمعت ضحكته الهاديه -يابنت الحلال بسلم على الرجال !! منيب ماكله !! تنهدت براحه مبتسمه بحرج -لا مب قصدي !! بس قلت قاطعها بهزل -فاهمك فاهمك !! يله عطيني إياه ! وقفت متقدمه للوليد الجالس يترقب جيتها نطقت له -الوليد سعد يبيك !! مد يده -هاتيه!! -خذه سعد ! تبادى حس الوليد الجهور المرحب -هلا أبوغازي ارحب !!! جت عينها عالاطباق والاصناف .. البحريه .. تدور بس سمكهم وين ؟! مب يقولون بياكلون صيدهم ؟؟! استغربت ان السفره شامله كل مالذ وطاب من الأصناف البحريه .. استجلست .. براحه ومسامعها يم حس الوليد المرحاب وحواره مع سعد رغم ان سعد طمنها الا ان نبضها معتلي بتوتر .. يمكن لانها تدري عن سالفة نقله وتحس بالذنب ؟؟ او يمكن لانهها حسته شايل عالوليد !! او متضايق عشانها ماعلمته شي ابد !!! انهى الوليد المكالمه بحس هادي ابعد الجوال عن مسامعه .. تاركه عالطاوله متنهد وعينه عالاطباق -يله نسمي !؟ ميت جوع انا ! - ليش ماكلت وانا اكلم ؟؟ كان بديت ! رفع عينه لها مبتدي يحط بطبقه من بعض الأصناف -ماحب اكل لحالي !! وهي مثل أبتدت تسوي مثله .. وتتخير -اها طيب .. تنتظرني يعني ؟؟ ماتنلام ! انا فتنه تسر الناظرين ؟! رفع عينه ببسمه جانبيهه -ماينقالك شي انتي ! قاطعته بعجل هازه راسها. ويدها تتخير السلطات -لاتشيل هم منيب مايقه !!؟ ضحك بخفه -ماشلت هم من هالناحيه !! ابدن !! الموق راحت أيامه خلاص!!! سمي يله وكلي ! ارخت نواظرها للاطباق معاجله وناطقه -الوليد مب مفترض ناكل سمكنا !! ماشوفه موجود ؟وينهم ؟؟هالسمك كبير !! -عاد صدقتي ؟! لو جلسنا عليه ماتغدينا !! تبسمت متذكره صيدها -صادق ... سمت مبتديه تاكل ... مرت دقايق .. وصلها حسه السائل بهدوء -وش عنده سعد ؟! رفعت عينها .. له -يسلم !! ارخت نواظرها مبعدتها عن ترقبه ومتلاعبه بحبة زيتونه بشوكتها .. متابعه -درا عن الي صار وتضايق ا عشاان ماعلمته!! هزت راسها وهي تقابل نظراته المترقبه وتسمع لها باهتمام -بس قلت له كل شي جا عجل ورا بعض وقلت انك ماقصرت ابد !! هز راسه متابع اكله نطقت .. متابعه -الوليد يقول ان نايف كلمه عشان جدان الجوهره .. كلموهم يبون يجون !! قطب هدب عينه مترقبها .. -وبعدين؟؟ تنهدت تاركه شوكتها ومتابعه -قلت لايجون ببيت غاده ذاك مب بيتي !!! ارتفع هدب عينه بترقب تابعت متقدمه ومتسانده على يدها وعينها بعينه -قلت بيتي هو بيت رجلي !!! ذاك بيت غاده!! حقي يجيني لين بيتي انا !! تبسم بطرف شفته متراجع ومتراكي ماد يده يصب له كاسة مويه ثم ناظرها. -بس هم جايين لنايف !! ولسعد بغض النظر عن ان البيت مب لك يعتبر البيت الي تربيتي فيه وكان لابوك بيتك بنظر هالناس !!! قطبت هدب عينها مقاطعته -يعني شلون يالوليد! تبيني اررح هيناك ؟! مقدر اشوفها قاطعها هاز راسه -بتروحين وبتطلع هي !! سكتت وانفاسها تعتلي ردت باستهجان -غاده مرت ابوي تطلع؟؟؟؟ وعشان مين عشاني !!؟؟ مستحيل تسويها !؟ ركزت النظر فيه اكثر ناطقه وشارحه مكنون ..صدرها بحس ثابت وواضح -البيت ذاك أصلا مب بيتي انا بيتي معك !!! ولامره شفت فيه يوم صاحي !! ترقبها بهدووء مدرك شعورها ولايلومها -انا ماعندي مشكله تكون جيتهم عندي بس شينه بحق اخوانك وخاصه اخوك نايف !! فهمتي نجلا! لانه هو الي طلب منهم الحق !! ارخت نواظرها بتوتر وتفكير تابع بنفس حسه الهادي -انا من قبل تقبل انها تطلع !!شارط ان مرت ابوك ماتتواجد بالمكان الي | ||||
|
| |
|
18-07-21, 12:15 AM
| #10943 | ||||
| انتي فيه !! وبتطلع لانها مب قد التصرف الي بتخذه اذا عاندت او كابرت! مد كفه ملامس كفها وشاد عاليه -ادري ان هالبيت تكرهينه!! مب جاي كرهك له اكثر من كرهي له !! ومع ذلك انا اعلمك بالاصح والي اشوفه افضل ! كتصرف العالم مالها الا الظاهر نجلا !! وكون ان الهواري يجون بجاهتهم لبيتي انا عشان يقابلون نايف شينه بحق اخوك وهو مب مرتضيها فلا تجبرينه !! ارخت نواظرها ليده .. متنهده رافعه يدها لجبينها تمسده بخفه -اوووف ..مادري يالوليد مب اني مابي اشوفها خوف!! لا !!لكن ماضمن نفسي برمي عليها كلام واضايق اخواني !! شد اكثر متابع ومكرر -منتيب شايفتها انا اضمن لك !! رفعت نواظرها .. مبتسمه بامتنان ..ثم ارتبك حسها متابعه ببسمه جانبيه .. ونظرات مطرفه بعيد عن عينه .. -سعد يتشره لانه ماعرف شي وقلت له ان كل شي جا بسرعه !! ذكرته بالرجال الي جاب لي تسجيله ! وانت تصرفت معه وعلمته ان هالمره الي ساعدته هي الي خذت جزاها !! الحين ! تبسمت بحنو متابعه -سعد حبيبي يبي يكون معي باصعب لحظاتي بس دايم ربي يكتب بعده عني مدري ليه يالوليد !! مع انه احب اخواني لقلبي وقريب مني مره لكن احس ان الدنيا تبعدنا ماتقربنا !! حست برجفه ضيق وحرارة اجفان ارمشت طاردتها بعجل متنفسه تلاقت نواظرها فيه ناطق لها -يكفي ان البعد فيه سلامتكم الاثنين انتي وهو !! كلها فتره وتعدي ان شاء الله ..! -ان شاء الله .. انت تدري عنهم! وجيتهم ؟؟ هز راسه راد وهو يتراجع ساحب يده من عليها -كلمني نايف عطاني التفاصيل !! ينتظر جيتنا على خير !! راكت ذقنها على كف يدها .. زافره بتفكير -يعني انا وش بسوي الوليد !!! وش بيصير !! -يكفي تكونين حاظره وتتفرجين وتعرفين اتركي كل شي لنايف!! هو الي بيسوي ويتصرف!! رفعت هدب عينها مرطبه شفايفها -الله يعين ويسسر الأمور ! ركز فيها النظر ناطق ... -باقي بعد روحة المحكمه !! رجعت تناظره برهبه .. -وش محكمنه؟؟؟ احتدت نظراته .. شرح لها بحزم -انا قدمت الشكوى زي ماوعدتك وعلمتك وهذي اجرائات لابد منها لازم الشيخ يقابلكم وياخذ اقوالكم كلكم !!! رجفت شفتها متراجعه تتساند بتفكير متذكره صراخ حصه وبكاها المجنون .. وانهيارها امام الجميع ...رجعت تناظره .. مدركه صعووبة موقفه .. كشرت بملامحها بضيق هاتفه .. -لازم المحكمه الوليد؟؟ بندخل محاكم ؟؟؟ بعد !! هز راسه بنظره ثاقبه محتده ..داق باصبعه الطاوله امام نواظرها -الحق حق !! وانا حالف !! حقكك بيجيك وكل من تسول له نفسه يضرك بيسمع به !!! احتنت نظرتها مرطبه شفتها .. -أساسا..كلامك لي بالمكتب ذاك اليوم لحاله جاب لي حقي !!! كبف بفعلك ذا !!!؟؟...ذاك اليوم فهمت وش معنى ان الوحده تطلب من الله الرجل الي يخاف الله فيها قبل كل شي !!! قطب هدب عينه بعدم فهم ... هزت راسها شارحه .. -شيوخ قبل كانت دايم تعلمني ان أمها تقول الله يرزقك الي يخاف الله فيك !! هذا يعني انه مايوذي ولايسمح لاحد يوذي من أساس !! انا معك فيه كثير أشياء فهمتها وعرفتها !! اهتدت نظرته معلق وهو يتراجع .. ويتساند ... -بكل العلاقات نجلا مب بس بين الزوجين!! دايم الي يخاف من الله ماتحذرين منه !!! الحذر والحرص من الي مايخاف الله !! لانه مصاحب ابليس ومستعد يسوي أي منكر بهالدنيا !!!! ارخى نواظره بتفكير مبعد وشارد ... مدت يدها ... له تمسك كفه ..وتشد عليه ... -ونعم بالله !!يارب يسخر لنا ولجميع المسلمين بهالدنبا الي يخافه ويهابه بكل فعوله !! ناظرها مستشرقه ملامحه ببسمه مبهجه لروحها خاصه وهي تشوف خصل شعره تتهافت ودها توصل لجبينه بس الي مانعها نظارته فوق شعره .. تبسمت وقت تقدم مبتسم -امين لاتفكرين ارمي حمولك على الله !! هز راسه. مستاقف -يله يله غيري لبسك وتعالي بنركب .. الجيت سكي!!! !! -انا مابي بتفرج عليك!! هز واسه رافض -لا بتركبين معي !! ناخذ كم لفه بعدها براحتك !! اشر بهدب عينه آمرها بحس نافذ -قوممي!!! وقفت ملتفته للبحر وضي النهار .. هاتفه بحماس -انا عشان بصورك بس -بخليهم يصورونا لايهمك اقبلت عامله معها سله فيها مناشف دافيه .. معطره مدت نجلا يدها ماخذتها وهو مثل .. ثم التفت لها ماد يده -تعالي !! مدت كفها تابعته بخطواته الهاديه .. وعينها يم امتداد المحيط -ياجمال هالمكان انا هالايام جالسه احفر هالمناظر بذاكرتي مابي انسى أي شي !! وصلها حسه مشدد محتضن يدها -ماراح تنسينه لان كل فتره انا اسافر لاماكن اجمل من هالمكان لضرورة الشغل ان شاء الله بتجين معي كل رحلاتي !! رفعت له راسها -يارب متى متى تجي هالايام !! نسافر براحه بدون هم وتفكير !! سحبها .. متقدم لمدرج اليخت ..الخلفي ..و سمعت حسه الهادي الواثق -بتجي ان شاء الله !! وقريبه باذن الله!! .................................................. ........................ مستشفى (؟؟؟؟؟) بجناح مظلم بليا حس فارغ الا من الضيقه الي تدك الروح وشعور الإحباط والخذلان والخساره المهلكه للنبض .. جامد كل الإحساس مابه الا حس الانفاس المتتابعه بتردد ورتن شبيه بطعمه المر سكرات الموت .. ساكن جيدها المتهالك ونظراتها غايمه متوقف بفكرها كل شي !! رفعت اصابعها تتلمس الشاش الي مغطي عيونها بخفه .. مرجفه شفتها برهبه ورعب الين الان رافضه تشوف ملامحها ولاتبي !!! يكفيها تحس فيها تدري من كانت وايش صارت الحين!!! شهقت شهقه عاجله متدرجه بغصاتها .. ضيقه بتخنقها كاتمه أنفاسها !! مازال حس عمها يتبادى بمسامعها ويعتلي !! مازلت طعون صرخاته ونظراته توجعها !! خذلته !!! خذلت الشخص الوحيد الي حبها رغم كل شي فيها !! لفت براسها تترقب ظلام المكان !! مابه حس ابد الا الاجهزه !! ماتدري كم الساعه تنفست باختناق .. جو الوحده موحش مرعب !! أبعدت يدها تتلمس مكان الزر تبي تناديهم تبي تطلع !! ضغطت باصرار ثواني وجتها ممرضه داخله -هلا حبيبتي بغيتي شي ؟؟ رفعت لها الجوهره راسها -ليش مقفلين التلفزيون!! وين الصوت وليش مافيه احد !! ردت عليها شارحه سكون المكان -الساعه ٣ نص الليل الكل راقد !! وانتي كنتي نايمه سكرناه عشان مايزعجك !! تنفست مبعده حشرجة أنفاسها -جاني احد !!! امي جت !!؟ هزت الممرضه راسها -لا والله ماجا!!احد !! -الا اكيد جت امي وعمي منعها تدخل !! قطبت الممرضه عينها بتفكير -ولااحد شفت وقت الزياره حتى عمك الي كان يجي كل يوم معد جا !! رجفت شفتها بتتابع اليم .. صادر منها ونه اليمه قصيره ومنحدر دمعه من عينها هامسه وهي ترخي راسها -معد به جاي عمي ذاك!! خلاص!! قربت منها الممرضه تترقبها برحمه -تبين اكلم احد من اهلك !! عادي بدق لك من جوالي !! او تبين افتح التلفزيون شويات وياذن احط لك عالحرم !! رفعت راسها تناظرها بعين محمره وعين مخفيه -ايه !! بعطيك رقم امي دقي لي عليه !! دست الممرضه يدها بجيبها ساحبه جوالها .. -هاتي .. اعطتها الجوهره الرقم بتتابع ونبضها يرهف السمع وسط هالسكون الموجع الكريهه والوحده الممرضه الي تعيشها ... اعطتها الممرضه الجوال على طول .. تلقفته رافعته بعجل يم مسامعها .. هدت أنفاسها باحباط وقت رد المجيب الالي معلن ان الجهاز مقفل اعطتها إياه بسرعه ماده يدها .. وناطقه بضيق وعبره مكتومه ..اساسا متى دورت أمها ولقاها؟؟؟؟ دايم بعز ضيقاتها وحاجتها مب موجوده ... -انا ممكتومه بهالمكان !!! ابي اطلع !! هزت الممرضه راسها -يمديك تطلعين تمشين شوي !! برا مافيه الا نساء بالليل مايدخل هينا رجال!! تبين تمشين شوي !! ؟ تنفست بصعوبه .. -أي ابي امشي !! -طيب بنادي الممرضات لحظه انتظري !! رفعت يدها الجوهره باصرار -لااااا !! مابي انا بمشي مابي احد منيب بحاجة احد !!! وقفت الممرضه تترقبها بشفقه -طيب الي يريحك !! انا بفتح لك الباب !! بس بناديهم يشيلون ليات المغذي والمضاد !! هزت راسها محاوله تستجلس بصعوبه .. أساسا مشوها قبل بس داخل الغرفه .. رفضت تطلع ماتبي نظرات احد تشفق عليها احساسها ان العيون تترصدها من كل صوب موجع !! دقايق وجت ممرضه تشيل االليات بسهوله قربت الممرضه تحاول تساعدها هتفت الجوهره بنفور -ابعدي مابي احد !!! انا اقدر!! وخري عني !! وقفت تناظرها الممرضه ثم التفتت تخاطب رئيسة الممرضات هزت لها راسها طالبه منها تتركها جت الجوهره على حيلها واصابعها ترجف مدت يدها ضاغطه على جرحها وشاده مبسمها مكشره بملامحها حاسه بوجع يوذي روحها قبل جيدها المضروب نبض عرق بعينها المخفيه .. ومعها انتفض جيدها وهي تتمسك بالجدران .. متباديه خطواتها بانحناء .. مبتديه تخطي ببطء فتحوا لها الباب .. وبان الضي والنور رفعت راسها مقطبه هدب عينها .. ماشيه بخفه .. تحاول قد ماتقدر تثبت متجاهله الوجع بكل مكان بغصنها عمها منصور مابقى شي فيها صاحي .. شدت مبسمها متذكره صراخه وضربه لها عضت شفتها طارده الصور الكريهه من راسها !! تأملت السيب والممرضات الجالسات ورى مكاتبهم .. ابتدت خطواتها تتحرك متسانده على درايزين بالجدار لاحظت وجود مريضه معها مرافقه تتبعها.. ارخت راسها مبعده عينها عنهم وقت شافتهم يسرقون لها النظر .. مشت بانفاس خاويه .. حيل حيل خاويه .. وشعور موحش .. وصلها حسهم وقت مرت من جنبهم -تبين نشوفه؟! وش رايك ؟! انتي يامروج منتي مرتاحه لين تشوفينه !! تعالي قريب هينا تره موجود !!امشي اوديك ! -أي والله تهاني سبحانه قلبي يفر ودي راقد عندي !! -بالعكس مفترض ترتاحين بنطلعين وانتي الي بتهتمين فيه وبتتعبين تحتاجين راحه الحين بس تعالي هينا هم هينا الحضانه!! وقفت رافعه راسها بروح شبه ميته تترقب مسيرهم ماتدري كيف خطواتها تبعتهم بلاشعور .. مشت وراهم الين وقفوا ووقفت .. نبض قلبها بعنف وقت شافت اسرة الأطفال ووجودهم المحيي للروح رجفت شفتها واستعمرت اجفانها حراراه تلهب كل شريان نايض .. ماعرفت شلون انسلت دمعتها الحاره وهي تستمع لخيالات هروجهم وفرحتهم امام قزاز الحظانه قربت بلاشعور تترقب تبي تشوف شي يدفعها يبي يخليها تعرف هي وش خسرت بهالدنيا !! عمرها ماتخيلت قلبها يضرب زي الطبول عشان شي يشبه الي تشوف !! وصلت للزجاج الي بينهم وبين الحظانه .. تلمست مقربه راميه ثقلها وملاصقه جبينها تترقبهم بصمت ظاهر لكن بضوجة شعور مرعب داخل روحها حست بهاويه سحيقه تندفن فيها وتنرمي شهقت شهقات متتاليه ضاغطه على مكان مجروح أُستحل وانسرق منه اثمن ماتملكه روح الانثى !!! خذوه منها بليا اذن انهد جيدها باكيه بلاشعور منهار كل شي فيها صارخه من عمق روحها -ليييييييه !! ليييييييييه ليييييييه لييييييييه !!!!! قربوا منها الممرضات هاتفات لها والي تشيل يدها والي تحاول تساعدها صرخت من عمق روحها ضاغطه على جرحها الموجع ومتابعه بلاشعور -خذااارحمي عمييييييييي!!!! شهقت ساحبه انفاس -خذااااااااه ليييييهي ياربي لييييه!!!! استسمعت حس الممرضه الي قبل شوي -تعالي حاولي توقفين الجوهره قومي معنا !! ابعدتهم بيدها مستجلسه امام جدار الحظانه مب فارق معها أي احد ولاالعيون الي تترقبها بشفقه ورحمه غطت ملامحها باكيه بنشيج مهلك للسامعين -خذوه مني خذوووه فتحت عينها صارخه للمرضه الي قدامها -ليه خليتهو ياخذه لييييييه !!! ضربت رحمها وجرحها صارخه بلاشعور -انا معد اقدر اجيب عيال!!!! معد اقدر خلاص !!! ليه خليتوه ياخذه مني انتو مب دكاتره!!! ليه تركتوه يروح !!! رمت براسها متسانده عالجدار باكيه بانين حار يدمي قلوب السامعين قربت منها الحرمه الي كانت مع اختها -استهدي بالله اختي بسم الله عليك من الضيقه مب زين لك انتي مسويه عمليه شوفي دمك طلع من بطنك خلهم يساعدونك!! فتحت لها الجوهره عينها بااكيه وبعمق بكاها ناطقه بعجز مرعب -خذو رحمي مني !!! شالوه !!! شالوووه مني شالوه!! معد اقدر اجيب عيال !!! شهقت بونه باكيه .. -امممممممممم الله يحرمها !!زييي الله يحرمها روحها وشبابها !! الله ياخذها وقدام عينه !!! الله ياخذها قدامه !!!!! صرخت بجنون وبلا وعي -الله يحرق قلبك عليها زي ماحرقتني يالوليد !!! الله ياخذها !! عساها للموت يارب !!! الله ياخذها !!!! -بس اختي خلاص اذكري الله اذكريه !! تلفتت لمم ضات واقفه وهم يبعدونها عنها سامعه اوامرهم ومتجهه لاختها -امشي تعالي نرجع مروج بعدين يجيبون ولدك !! مب زين لك انتي نفاس لاتضيقين !! مسحت مروج عينها وهي تشوف حالة الجوهره. برهبه التفتت لتهاني هامسه -مسكينه ذا البنت ليه منهاره وليه لحالها !! شكلها ليه كيذا تهاني !! مشيول رحمها !!؟؟ شكلها متعرضه لعنف !!! هزت تهاني كتوفها ساحبتها -مدري مدري الله يرحم ضعفها تعالي عشان يساعدونها احنا مابيدنا شي !! تعالت صرخات الحوهره المستهجنه وانهيارها الباكي. الصادح بكل مكان .. عمرها ماحست بحجم الخساره الا الحين بعمرها ماذاقت طعم الفشل وقل الحيله الا الحين !!! وصل انينها للهمس عقب عطوها ابره مهديه عشان يقدرون يشيلونها عقب انفتح جرحها .. تمت تون بوجع روحي وجسدي -مارا اسامحك يالوليييييد !!!! والله....لاحرق... روحك ...والله !!!!! استاقفت رئيسة الممرضات ومعها صديقتها المناوبه -ياربيه وش حالها هالبنت !!! من هذا الوليد زوجها!!؟ حسبي يالله ونعم الوكيل ! -مدري والله كان عمها يوميا ! يجي !!الحين معد جى ابد !! وجو ثنتين يزرونها بعد والحين انقطعوا مدري وش حاصل معها هالبنت تعاني مب طبيعيه معناتها !! تابعت ونظراتهم تحتويها وقت شالوها الممرضات وسط انينها المدمي -خسارتها كبيره !! شايلين رحمها متضرر مره!! وعينها متهتكه بعد !! عاجلتها صصاحبتها -لاحول ولاقوة الا بالله ! الله يعوضها خير !! .................................................. ................................ جزيرة مروريسيوش .. تبادى حسها الخايف وهي ماسكه يدين الدباب وهو جالس وراها حاسه برصانة جيده المحتظنتها بثبات زززيدينه على خصرها حاثها تثمسك اليدين بثبات وبدن خوف .. -الوليد !!! انتبه وان زلقت انا !!! اسمع مب الخوف اني اطيح لااا اعرف اسبح الخوف اتعور او انجرح!! لاتسرع !! شدد ضغطه عالدواسه ثم مد يده فوق يدها .زيضغط عليه .ومبتدي يتحرك به -تمسكي بي زين !! منتيب طايحه !! تبسمت برجفه متمسكه بذراعه اقوى شي .. ومغمضه ضحك بهادي الحس -الحينن شلون بتستمتعين وانتني مغمضه !!! ترا زي الوافي بالضبط اللهم ذا جماد مب حي !!! افتحي عيونك !!!!! | ||||
|
| |
|
18-07-21, 12:16 AM
| #10944 | ||||
| فتحت عينها وبثانيه ابتدى يسرع الجيت سكي ... اول شي ارتهبت انفاسها ثم ابتدت تستمع معه وهو يعدي أشواط وامتار ويلفلف بحركات مدروسه تارك قطرات الما تغزيهم بلا هواده .. تتالت ضحكاتها وصرخاتها .. الحماسيه اخذ معها كذا لفه وبالاخير قررت تنزل تبي تصوره من اليخت رجعها وابتدى هو يشوط فيه أشواط امام نواظرها الوجلى له .. بعجل خذت كمرتها وابتدت تصوره اول مانتبه لها ارسل لها قبله طايره بالهوى تبسمت رافعه هدب عينها وضاحكه بخفه منتبه لخصلاته المتاطيره الين مبسمه وهو مستمع عالاخر اخذ كذا لفه امامها وحواليها عرفت انها كانت حارمته المتعه صدق لانه افتعل تحركات تشوفها خطره لكن هو منها متمكن لاحظته يعاكس الأمواج باحترافيه تمت تصوره بسكون بدون حتى تعلق روحها عاجزه تذكر له وصف مبهوره فيه من الراس للساس.. اقبل عليها بعد نصف ساعه مرتقي درجات السلم تقدمت له هاتفه معطيته الروب -خذ البس ملابسك كلها مويه !! مد يده وهو يرفع شعره ونظاراته وعينه عليها -هاه!! نرجع مره ثانيه ناخذ لفه !!؟ تراجعت مبتسمه فاتحه عينها -لالا شكرا استمتعت والله بس كفايه بعدين خل نتفرج عالمناظر احد يفوتها !!!؟ الشاطي هينا رهيب صافي لدرجه مب طبيعيه !! هز راسهه راد عليها رابط روبه حواليه ومتقدم ماسك كفها مبتدي يجذبها ويمشي للسياج بمقدمة اليخت -لانه فاضي !! تنفس بعمق وعينه تستمهل النظر .. -ماودك نرجع صح الوليد؟؟ التفت لها مرخي نواظره ومركز -أي بالله ماودي !! لو رمضان مب قريب مارجعت ممددت !! ولو ماعندي شي مهم بعد كان جربنا رمضان اول الأيام هينا !! قطبت هدب عينها شاده أصابعه -لاااا وين الوليد حلاة رمضان ببيتنا !! ومعنا خالتي والبنات !! احب لمة الفطور ومتحمسه مره مره لصيام هالسنه !!! تنهدت ببسمه متابعه وعينها تدوره -تدري ؟؟ انا اشوف رمضان ذا بيكون افضل شهر صيام مر علي بحياتي !!! كيذا عندي إحساس !!! وصلها حسه وهو يترقبها -ان شاء الله !! انا متحمس له هالسنه لانك موجوده ! تبسمت برحابة روح .. مقربه منه محتظنه ذراعه -كلنا وانا اكثر منك !! والله !! ضيقت نواظرها .. -الوليد بسالك ؟ وش تحب اكلات رمضان! ؟ ابعد نواظره يم الأمواج تارك النسيم البارد يتهامس مع خصل شعره الرطب ..! ثم التفت لها سائل -تعرفين القيمات؟؟ رفعت هدب عينها -كيييف!!! اكيد اعرفها ماتخلى سفرتنا منها !! ابوي يحبها بالدبس والعسل والباقي بالشيره!! والله لو تشوف قيماتي صغيرات !! تنزرط والله!! هز راسه مبتسم بضحكه خفيفه رافع هدب عينه -سويها لي !! هزت راسها بعجل -ابششششر !!! بس ذي ؟ بعد تحب شي ثاني ؟! قول !! لف براسه مفكر ومتردد وكنه يبي يتذكر شي معين ابتدى حسه ينطق بهادي الصوت -فيه اكله ماعرف وش اسمها بالضبط تشبه القرصان بس مب قرصان!؟ تعرفين القرصان!!؟ التفت لها سائل -أي اعرفه ! بس كمل وش الاكله اوصفها اكثر ! -هي زي الرقاق خفيف اخف من القرصان يكون ناشف ثم يصبون عليه ايدام خضار ولحم يغرقونه ويتقدم حار!؟ مره لزم علي شريك عمل افطر عنده ورحت !!! اذكر انه اعجبني قال اسمه بس ماركزت عليه نسيت !! أصلا مستبعد اني اطلبه من أي احد !!! !! مدري هو عريك او هتفت مقاطعته .. بحماس -ثرريييييد!!!!!!! اشرقت نواظره بسمة عجب -أي أتوقع !! -لا اكيد هو اعرفه اهل رجل الجازي خالة شيهانه من الشرقيه تجيبه لنا من وحده تعرفها تبيع الرقاق ذا !!! بطلبه لك ابشر !! اعرفه اعرفه الذ من القرصان واخف !! عاد بالسمنه و القرع يجنن لذيذ !!! ومع كاسة لبن !امممم زادت بسمته مترقبها .. متساند عالسياج -هذا الي ببالي الحين ان تذكرت شي ثاني بعلمك !! تنفست بهدوء هادي -زين لايجلس بخاطرك شي الي تبي بسويه لك !! اذا رجعنا دقيت عالجازي وطلبت رقم الحرمه منها !!! تدري ان الي تسويه هذي ربة بيت هذا مشروعها يالوليد من خلاله اشترت سياره لولدها وتمشي ايجار شقتهم وتصرف على عيالها !!! تبيع قبل رمضان فقط ويوصل مدخولها تقريبا حول ٣٠ الف وعليها !!! ربي مبارك لها برزقها ماشاء الله .. !! نطق بهادي الصوت المتبادي مع حماسها -أي احد نجلا يجتهد ويدور رزقه بيعينه الله وبيساعده .. !! اهم شي ماييأس ويصعب الأمور ! تدرين ان الرزق مكتوب مثل العمر!!؟ محد بياخذ رزق احد !! في كل شي بهالدنيا محد بياخذ رزقك !! شدت مبسمها متأملته بعشق غامر أنفاسها .. ملفت نظرها خصله الي استطالت حوالين جبينه .. سائله فجأه -الوليد انا صدق اكفيك !؟ تشوف اني كفو لك؟؟! ارخى نواظره لها بنظره حبور .. -انتي تكمليني مب تكفيني وبس !! كل نفص فيني انتي تملينه !!! تبسمت متنفسها ساحبه انفاس عميقه وملتفته لامواج البحر .. -انا اسعد بنت على وجه الأرض الحين !!! التفتت له لقته يترقبها بصمت .. ثم ضيق نواظره متأمل حمار اجفانها -انا ملاحظ حمار بعيونك !! اول قلت يمكن من موية البحر المالحه!! بس مب كنه طول !!؟ قطبت هدب عينها .. -مادري ماحس بشي لاحكه ولايحرقني عادي !!! يمكن عشاني اسبح أيام ورا بعض ! لاتشيل هم اذا قاطعت السباحه بالبحر بترجع !! شد مبسمه مقطب هدب عينه .. متابع -يمكن !! مفترض جبت لك نظاره خاصه !! للبحر ! هزت راسها بحماس -المره الجايه ان شاء الله !! الحين لاتهوجس بي ابد ابد !! هتفت مقربه منه وسائله -بعدين وش الشي المهم الي عندك !! تقصد روحتنا جده ؟! سحب يده منها ودسها بجيوب الروب مستاقف وعينه على مد امتداد المحيط .. -بتستفتحين مسجد اهلك نسيتي!!؟ شهقت -يوووووه صادق صادق خلص ؟؟؟ جهز خلاص ؟! التفت لها مبتسم بسمه جانبيه -ايه خالص اول صلاة بنصليها فيه التروايح !! رفعت يدها لصدرها بفرحه -بروح انا معك الوليد !!؟ بصلي فيه ؟؟! دايم اصلي بالبيت وادري البيت افضل !! بس هذا غيرررر مسجد اهلي !!؟ التفت لها ناطق بثبات .. مبهج لزلزلة..نبضاتها ..الفرحانه -اكيد بنصلي فيه جميع وميمتي معنا بعد !! بوديها مع البنات !؟!!! تلمست السياج متنفسه بعمق ومغمضه عينها -ياربييييه ياربيييه يارب انا مبسوووطه شكرا ياربي شكرا !! ياربي ياحبيبي !! شكرااااا تنهدت فاتحه عينها وملتفته له -الوليد انت !! وش أقول عنك ؟؟؟ ياخي مدري انت حقيقه او حلم !!! ليت فيه زيك ازوجه شيهانه !!! ليت منك واجد بعد ازوج شيوخ !!! رفع حواجبه مبتسم وناطق بهزل -افا !!! وانا حاامدن ربي لانك وحده ومافيه غيرك ولااتمنى لك اشباه !! وانتي ا تبين مني درزن!!! توزيعات!؟! ضحكت مقربه منه داسه راسها بصدره ومغمضه -انت الأصلي لي بس اقصد اطباعك يعني مسكينات يستاهلون والله!؟ سحب يده اليسار يمسد ظهرها وعينه تتامل امامه ،، ناطق بهادي الصوت .. -فيه عريس لشيهانه !!! رجال ونعم بعد !! ماقول مثلي ؟! لاني مانزه نفسي ولاازكيها !!لكن مابه خلاف !! تراجعت فاتحه عينها بصدمه -من جدك؟!!! انت صادق ؟! صح قلت لك محد خطبك لبنته بس مب عاد بسويها واخطب لاختي ؟!!!!! ضحك بعالي الصوت مرخي نواظره -من قال بنخطبه !!!! ؟؟ الرجال بيخطبها ومقدم !!! قطبت هدب عينها مبعده نفسها بترقب -مين الوليد ؟! تعرفه؟! من قالك نايف يعني ؟؟ أصلا انا ملاحظه نايف صاير قريب منك اكيد قايل لك ؟! صح ؟! مين بالله علمني؟! حرك حواجبه بخفه -حيلك يابنت غازي؟! اخوك مايدري عن شي!!! زفرت بقل صبر مقاطعته -الوليد بتجلطني علمني وش هالبرود فيك ؟! ضيق نواظره لها وعينه تستمهل النظر حوالين نحرها ومبتدى الصدر سائل بمكر -انا بارد ...نجلا ؟!!!!! اشرقت نظراتها بحرج مبعدتهم ناطقه بهزل هادي -تعرف قصدي لاتحرف كلامي. !! يله علمني !!! زم شفته مبعد نواظره -منيب معلمك ؟!!! خل يجيكم العلم اول. ثم تعالي لي !! وباخذ حقي منك!!ووقتها اعرف ..ارد عليك !!! تنفست بحده واعتراض -الولييييييد !!! يعني انت تعرفه ؟؟ من طرفك طيب ؟! رد بحاذر الصوت المصمم -منيب هارجن به!!! غيره وش عندك سوالف تنسمع !!! ضيقت نواظرها ملتفته مثله ومتراكيه عالسياج رفعت مقدمها وتبادى حس خلخالها متراكيه على السياج عشان تعتلي اكثر .. ونسيم البحر يحرك خصلها باريحيه ... -يعني مافي فايده مب قايل لي شي؟ هز راسه نافي ورافض !!! أبعدت نواظرها باحساس غريب و فرحان متذكره ملامح شيهانه لكم تتمنى ربي يعطيها مثلها ويسوق لها ربي الانسان الي يستحقها لانها تستاهل ومختلفه عن أمها باشواط .. لفت له ناطقه بحماس يباري فرحتها الي تعيش مبتديه تناغشه .. ببسمه ..جانبيه .. -يعني منت معلمني ؟؟؟ مره ؟؟مره؟؟ هز راسه نافي ... ! أبعدت نواظرها ... مستنطقه تعرف عناده واصراره وان قرر شي ماراح يتراجع عنه ابد ... ابتدت تتكلم .. برغباتها ... -اممممم عندي مخططات ابي اسويها برمضان!! تبسم مقطب هدب عينه -وش هي ؟! غير الي قلتي لي قبل!؟ هزت راسها وابتدت تنطق وتسأل ..التفتت له سائله -الوليد انتو تفطرون بالعاده بغرفة الطعام؟! صح؟؟ مابي هالمكان بغير !! تعرف الساحه الي قدام الحديقه ؟! فيه مكان ينفع ارتب فيه جلسه حلوه للفطور منها نسمع الاذان وترا برا احس انتعاش والله !! تقدر نحط مكيفات ؟؟ وشاشه تلفزيون او مايمدينا؟! بخاطري ترتيب معين مدري يميدينا أولا !! سكتت تترقب انطباعه عقب كلامها .. -نفطر برا ؟؟! مادري عن خالتي !! قاطعته بعجل هاتفه -خلها علي بيجوز لها مره مره ترا الي بعمرها ماتحب الكتمه !! خل نجرب وش ورانا ؟! التفتت للبحر من جديد جت ترفع يدها تبعد شعرها لكن سبقها هو ورفع يده يبعدهم لخلف اذنها .. وهو ينطق -بيمدي هالاشياء بسيطه !! مايبيلها الا أوامر وتتنفذ!! تنفست بفرحه متلاقيه نواظرهم -يسعدك يارب ويخليك لي والله بننبسط. وتشوف !! تغيير للجميع !! تابعت بنفس الحماس .. -انتم بالعاده اول يوم تنادون احد ؟؟؟ جده نوره وعمه ساره وحنان ؟؟؟ واعمامك ؟؟ او لحالكم ! ناظرها بتركيز .. -مادري والله غالبا أكون بجده او مسافر الخارج ... نادر اتواجد معهم اول الأيام !! هالمره اعتبرها الأولى لي !!! مطت شفايفها ... بتفكير ... وتابعت .. -مابي اول يوم معنا احد ابي كلنا بسفره وحده ... !! سكتت متذكره .. وجود سلطان ... رجعت تنطق بحذر .. -او سلطان موجود ؟؟؟ قاطعها حسه .. -مب فيه مب جالس !!! ثقي ان المكان الي انا بكون فيه هو بيفر منه !!!! ثبتت نظراتها عليه وهو ينطق .. ويتابع شارح ... بحس هادي -سلطان عمره ماتقبلني !!.. مدت يدها تشد فوق كف يده ..طارده الكلام عنه من أساس -بكيفه انت مب حاجته !! ماعلينا اجل دام مب فيه هو اجل بيترتب اول يوم زي ماابي ... تنهدت بحماس مبتسمه وعينها متلاقيه به النظر .. -الوليد انسى بالله !! ذكره لايضيق خلقك ! خل اكمل لك وش بسوي بعد ... تبادىت هروجها وهو لها مستمع ..باريحيه ... مستمهل إحساس الراحه والسكينه الي يستشعرها مع حسها الي يحبه ويعشق ذبذباته .. اصبح متأكد انها له كما المسكن والمهدي .. ترقبها بتركيز ..مب تارك أي تفصيله تفوته ابد .. حتى هو متحمس لصيام رمضان معها .. من كثر ماهرجت واستنطقت مكنون احلامها له .. كل شي فيه بعد تحمس .. ترقب شعرها المتهاتف حواليها .. وين كان العام ووينه هالسنه .. ؟؟ تابع منتبه لحسها -بس هااه بختار ديكور الجلسات والتنسيق كله كله انا ابي اختاره .. هو تقريبا يشابه شي اسمه الخيمات الرمضانيه !! يعني !! بس مصغره وكيذى ! قطب هدب نواظره -وانتي وش عرفك بالخيام الرمضانيه!!؟ فتحت عينها ..بعجب -كل بالمسلسلات بالمسلسلات!! -والمسلسلات ماقالت لك ان هالخيم فيها طرب ومغنى!! شهقت لامسه صدرها -اعوذ بالله !!! وش بلاك !! هي يالوليد نوعين وحده ماتجوز ووحده تجوز !! | ||||
|
| |
|
18-07-21, 12:18 AM
| #10945 | ||||
| تبسم بهزل -ايييوه؟! والي تجوز بالله وشهي ؟! رطبت شفايفها ناطقه بنظراتها قبل اللسان -الي تجووووز وحلوه ومقبوله حقة العوايل يعني الي يجي شكلها زي الخيمه ويجتمعون فيها الاسره يفطرون ويتقهون ويسولفون !! فهمت ؟! هذا قصدي !! بس اثاثها يجي تراثي او رمضاني وكيذا!! فهمت علي !؟ -امممم فهمنا ..!! عادي اختاري الي تبين .. وبيجهزونه! نطت بفرح صافقه يدينها ببعض ومندفعه محتظنه ذراعه -يوووه الله لايحرمني من هالراس والمبسم قول امين !!! تبسم بنظره حانيه -ااامين .. ! .................................................. ..................................... تبادت الساعات والدقايق والثواني .. بعجل وكما حال كل لحظه نعيشها حلوه تمر ترفرف حوالينا وتعتلي بنا لفوق السحاب تاخذنا وتتركنا نتصاحب مع الامال ونعانق الاحلام .. نبني من الاستحاله اركان ثابته .. بعد مرور يوم قصر صخر آل جلمود تنفست سمر بحمق هازه راسها -شلون طلعت؟!!! كيذا !!! ماشافوها البوابه!!! معقول ؟! رنا يعني شي مايدخل العقل اش هالتسيب !!!؟ ترقبت رنا العاملات بحمق وهي مكتفه يدينها -ماريتا!!!! انتي معها وشغلكم مع بعض ماقالت لك شي ابد!! ردت بارتباك وخوف -مافي مدام مافي قول !!! شدت سمر مبسمها متسانده عالباب وعينها تترقب الجميع -غريبه غريبه يعني انا قايله لها بيجي مستر وليد خلاص ليش هجت وش بتستفيد رنا!!! وش السواة الحين ! التفتت لها رنا رافعه هدب عينها -أتوقع لازم نبلغ !! ومانتاخر ! التفتت لهم رنا تصرفهم ونظراتها ثابته تترقبهم جميع .. اول ماراحوا لفت لسمر -لاحظتي ماريتا خايفه!!؟؟ هزت سمر راسها متقدمه وساحبه كرسي وجالسه -اكيد بتخاف هي خويتها ومعها دايم!! اول أصابع الشك بتجي عليها هي!!؟ صدرت زفره تأفف من سمر -اوف اوف !! انا ماقهرني الا شلون هربت رنا !!! وحراس الامن الي عند الباب!! ؟ تدرين بيجي الوليد بكره! ؟ وأول شي بيدري ان وحده منهن هربت!!؟ هزت رنا اكتافها -وش عليه منها بنبلغ احنا ! يمكن سمر تحسبنا نكذب عليها !؟ ومانبي نوديها ؟! هزت سمر راسها باستهجان -وييييييين سمر كانو لها معنا عمر عمررررر!!!؟؟؟ يعني ماتعرفنا !؟ -سمر وضع أهلها متأزم ضاقت بها الدنيا!!! فرت بتشوف أي مكتب يمكن يسفرها او يجيب جوازها منا !؟؟ هزت سمر راسها بعدم اقتناع -ماش مااقنعني كلامك رنا !!؟ اهم شي لاتدري امي ابد ! تقدمت رنا بتطلع ومعها كوب قهوتها البيضا وسمر صبت لها وتبعتها -لا مستحيل مانهبلت سمروه!!! منيب فاضيه أساسا ! توني كلمت الطباخ خلصت القائمه تبع اول أسبوع !! ورتبتها ! تبسمت سمر ملتفته رافعه كوبها اطراف شفايفها -اهم شي ! سفرة الطعام طلعت لهم كذا وحده غير الي اشترينا ! هزت رنا راسها -أي أي شفتهم مجهزينها ؟! معد بقا وقت مرت الأيام بسرعه كن الوليد سافر امس سبحانه ياعجل الدنيا! تبسمت سمر بنظرات حانيه -قلبي يقرقع من الشوق لهم والله! اييييييييي ترا جت المخاوير حقتي قياستها مضبوطه حقتك حطيتها بجناحك !! وحقة نجول معك! -زين اذا رقيت شفتهم اانا مره لهيت بتجهيزات بكره الي طلبناها !! زففرت سمر بفرحه -بحياتي ماتوقعت اتحمس لاحد كثر نجلا والوليد!!! سبحان مغير الأحوال اول يجي ويروح ماندري أصلا هو فيه او لا !!! الحين وجوده فارق يارنا !!! ناظرتها رنا بتفكير -من قبل وجوده قوي بينا بس احنا كنا نتحاشاه !! واتوقع انه يخفف تواجده مستقصد بسببنا!!! مطت سمر شفتها متذكره معها -صدق فعلا هذا التفسير المنطقي !! رفعت رنا هدب عينها وقت قربوا من المدخل هامسه - اسمعي بندخل على امي لاتبيييننن شي ابد انتهبهي يزل لسانك!!؟ ضيقت سمر نواظرها مرهفه السمع -عندها سلطان اظن اسمعيهم !؟ اقبلوا داخلات وحس ضحك امهم متناغم مع روايح العوده والبخور اشرقت بسمتهم -سلام -السلام عليكم ! االتفتت لهم امهم راده السلام ومثلها سلطان -وعليكم السلام خلصتن ؟ هالمره بشوف وش بتسون ؟ اعتمدت عليكن هالسنه!؟ استجلست سمر -بتشوفين الي يسرك باذن الله بيعجبنك بنات مهره !! التفتت لسلطان -سلطان معي قهوه بيضا حقة اهل الغربيه تبي ؟! طل براسه يشوفها مستغرب -وش قهوه بيضا؟! سحلب يعني؟! هزت يمر راسها نافيه -لالا غير عن السحلب .! تبي اروح اجيب لك!؟ -هاتي !! من شاور وانا اخوك ماعطى!! رفعت حواجبها مبتسمه بتكشيره -لازم اسالك وان ماعجبتك نرميها ؟؟؟؟؟ نعمه ذي لازم نحفظها !! لفت لامها مبتسمه بمكر -صح ميمتي ؟! عاجلتها رنا -ميمتي حقة الوليد لاتقولينها مب حلوه على لسانك!؟ شد سلطان مبسمه بقل راحه وهو ينشغل بجواله وقفت سمر تاركه كوبها. ومتقدمه -من شابهه اخاهه ماظلم !! احب اقلده بكيفي !!! أكملت بسمتها بعين لعوب والتفتت لأمها -يمه تبين ؟ بخفف السكر لك اجيب لك ؟! -هاتي ! او وصيهن يجيبن ! خل تجي كانو بسالها عن أهلها وش غدا عليهم! ردت رنا -لا خليها تحرك رجولها يمه وش وراها كانو ماعليها اليوم هاديه ان شاء الله انهم بخير!! تدري بجي الوليد ويحل امورها! طلعت سمر سامعه نهاية كلامهم متباديه بخطواتها رفع سلطان راسه وتساند حاط رجل على رجل -وش بها كانو؟! حقتنا ماغيرها!؟؟؟ هزت رنا راسها -أي أي الي عندنا من زمان !! ابد تبي تسافر عندها مشكله بديرتها والجواز عند الوليد !!! رفع حواجبه باستهجان مستنكر -وليه دامه حظرته مب فيه يحتفظ بالجوازات!!!! ؟ شدت رنا مبسمها تناظره بترقب ردت ام سلطان بهادي الصوت وسبحتها بيدها -كانوا أساسا صارت لنجلا! وبعدين الجوازات كلها عند اخوك وين تنحط ؟؟ اذا مب عنده ؟؟هو كبير البيت !!! شد مبسمه مرخي نظراته ليدينه وجواله -فهمنا!!!! دخلت سمر ومعها الصينيه متقدمه -سمي يمه هذا حقك تقدرين تشيلينه ؟؟؟ التفتت لرنا لقتها واقفه ومقربه -هاتيه باخذه حطته قدام امهم -خله يبرد لك شوي !! سمروه كان بردتيه لامي !! عطت سمر سلطان كوبه. ولفت تتكلم -بيبرد امي ترا ماتشرب على طول استطعمه سلطان بتلذذ -امممم وش هالقهوه ذي! فيها لوز!!؟؟؟ ناظرته سمر بحماس -ايه وزبيب !!! وش رايك ؟ نجلا عطتنا الطريقه من بعد ماجت من جده !! وقابلت ربع الوليد هيناك!! مرت ثواني صمت ثم نطق -يعطيك العافيه انتي وياها !! خذت كوبها واستجلست -امين ياخوي !! هاه وش الخطه ؟؟ ماقلت لنا بتجلس تصوم معنا رمضان!!! ؟ ابتدى يشرب قهوته وعينه تركز بعينها -مادري عندي اشغال !!! الوليد متى يرجع!! ردت رنا بعجل -بكره طيارتهم !! بس مدري أي وقت ! بيعلمنا خالد !! شد مبسمه متابع وهو يرخي نواظره ثم يطرف بها لأمه الي تترقب كلامه تلاقت نواظره بها -تخبريني يمه مابي اقابله!! مب عن شي بس كيذى نفسي ماتبي !! افضل اني ماشوفه!! تكلمت رنا وعينها عليه وعلى أمها بحس هادي -طيب لو اول أسبوع حلو نتجمع ونصوم مع بعض !! تكلمت ام سلطان قبل ينطق ويرد -براحته !! كلن يرقد عالجنب الي يريحه يابنتي !! محدن يعاف صيام ديرته وبلاده !! ولمة اهله واخوانه !! الا المحروم! احتنت نظرته لها -برجع يمه وعد مني لارجع العمر قدامنا بتجي رماضانت وبنقضيها سوى !! تنهدت متسانده -رنا هاتي قهوتي !! رفعت له عينها وتابعت -تضمن عمرك!!!؟ انا ماضمن روحي!! الحين معكم وبكره يمكن منيب معكم!! تحركت سمر مقربه وهاتفه -لاحول ولاقوة الا بالله وش هالكلام !! يمه حبيبتي الله يطول بعمرك ويبلغنا رمضان أعوام مديده وانتي بصحه وعافيه!! التفتت لسلطان تخاطبه بعتب -وش بلاك ياخوي !! خلاص عشان امي اول يوم عالاقل !! استجلس ثم وقف متقدم .. وهو ينطق بضيق -مقدر مقدر لاتجبروني على مقابله!! قرب لاثم جبين امه ثم استجلس عند رجولها -اهم شي جيت شفت الغاليه وتطمنت عليها ؟؟؟ غزال ماشاء الله ! غير كيذا والله أصلا عندي شغل !! مرتبط بمواعيد مهمه مقدر أأجلها!! لثم كف امه الدافي -فديت هاليدين وراعيتها لاتضيقين !! والله وعد السنه الجايه ان الله كتبه وقاله لأكون براس الطاوله حاظر معكم!! عارضته امه وعينها مركزه بعمق خذلان روحها فيه -راس الطاوله حي وموجود الله يديمه ويحفظه ان شاء الله تجلس جنبه وتعينه وتعاونه!! الدنيا بليا اخوان ماتسوى ضفر منتوف !! قربت منه سمر مأشره بحمق سسكت بدون يعلق الا بكلمات تخفي وراها الكثير -الله كريم!! اهم شي اروح وانتي راضيه علي يامهرة القلب!! هزت راسها رافعه يدها متخلله اصابعها شعره الكث -الله يرضى عليك ويهديك ويردك لييتك ياولدي !! ترقبتهم رنا بتوتر ماهدى الا يوم هجد سلطان عن تكرار الاسطوانه. ماحست انها تتلمس سبيكتها الي على صدرها اول ماستشعرتها جا ببالها زناد !! من طلعوا ذيك الليله معد تواصل معها ابد !! من راح وبعد هدا تفكيرها ماتدري تصرفها معه صح!!؟ او غلط!! كل ماجلست مع نفسها كررت مشاهد وجوده وحس كلماته لها وردودها الهجوميه عليه !! عضت شفتها موقنه ومؤمنه ان قربه القصير استهضمته الروح لو هي تنكر ! روحها ماكرهته ولا نفرت منه وهو يدري !! ارتجف جيدها منتبهه لسمر تاشر لسرحان امهم بعد راح سلطان استجلست متلكمه بحماس -اجيب حناك يمه احني رجلك!! خلاص جاهز الحين ! -هاتيه ! استاقفت بحماس مفتعل -يله سمر وش رايك احنيك!! معها ! -مب شينه والله مابي كثير سوي لي دايره بس !! -طيب. يمه اول شي بنقع رجيلاتك ومسدهن ثم احنيهم !! ماردت ام سلطان .. سارحه بحال هالولد المستنكر .. تنهدت رنا هازه راسها بضيق منه تعالى حس نغمة جوالها دست يدها بجيبها بعجل سحبته مقطبه ان مافي اتصال نبض قلبها مدركه انه جهازها الثاني بسرعه سحبته مرتبكه وناطقه -سمر برد خلك مع امي لين اجي ! -طيب روحي !! لفت سمر لأمها مقربه -فديت هالعين السارحه لاتضيقين يمه !! هذا سلطان وهذا طبعه من خبرناه!! وسعي خاطرك تكفين !! -الله كريم مالنا الا دبرته وتصريفه!! هزت سمر راسها -أي هذا هو يمه الله المدبر ونعم بالله وسعي خاطرك بس ! واستبشري بكره بيجون عيالك الي تحبينهم !! قمزت متربعه على سريرها وهاتفه بحماس -خل اعلمك بالتفصيل وش جهزنا ورتبنا !! تباين حسها الحماسي وهي تعلمها بالتفصيل وش ترتيباتهم .. اول ماطلعت رنا .. ردت رافعه الجوال يم مسامعها بارتباك شل لسانها سمعت حسه الرخيم -السلام عليكم ! رطبت شفتها متنفسه بعجل -وعليكم السلام ... -اخبارك رنا ! واخبار الوالده ؟ -الحمد الله بخير انت كيف حالك! وخالتي والبنات؟! مرت ثانية صمت ماتسمع الا أنفاسها .. -بغيت اتشاور معك بموعد الزواج!! جد علي طاري ماحسبت له حساب !! عندي مؤتمر طبي بروسيا بكون حاظر فيه باذن الله !! واشوف من الأفضل انه يتقدم!! قاطعته بحس هادي -عادي عقب ترجع!!! نطق راد -مافي مجال فيه دورات راح القيها انا وبتأخر !! تنفست بهدووء ضايج تبي ترد من جديد الا سبقها -لاتقولين عادي بعدها بعد!! ؟ انتي زرجتي ومكاننك معي !!! نطقت باعتراض -طيب أصلا مايمدي داخلين رمضان ولافي وقت ارتب واجهز رمضان ضيق الوقت فيه!! -يمديك وش بتسوين يعني ؟! ردت بحمق خفيف -بسوي أشياء كثير عشان كيذا افضل انك تخلص شغلك كله ثم نقرر موعدنا تونا بدري أصلا !! مفترض اخطط لحلفة الملكه !! قاطعها بحزم متصاعد -قلت لك بيكون فيه زواج !! ولو علي ماسويته كبير ! مايهمني الناس كثر مايهمني القرايب فقط! رفعت هدب عينها -لا انا ابي كبير !!!! وبعزم كل معارفي وصديقاتي والي يعز علي!! يكفي بعد تملكت بسكات!! قالتها بتعني .. رد بهادي الصوت -انا مستعد اعطيك حق الضوله بدل السكات!!! واعطيك ضعفها عشر مرات !! تدرين انتي وش ضروف ملكتنا!! تنهدت بارتباك محرج -اعرف مب قصدي الفلوس وماهمتني !! ليه دايم تشوف اني سطحيه بتفكيري !!! ؟؟ سكتت حاسه بالعرق بيدها سمعت رده الثابت -ماشفت منك الا السطحيه رنا!! أساس مشكلة شخصيتك رؤية كل موضوع يخصني بسطحيه !! لو ركزتي شوي وعطيتي نفسك مجال تتعمقين ماكان ذا حالنا!! بلعت ريقها .. مقطبه هدب عينها -وش تفصد ؟! ممكن تشرح لي ! -ماعلينا مني الحين ابي احط تاريخ عشان اتفاهم مع الوليد فيه! وش رايك ثالث العيد!! فتحت عينها بتسرع -بعد رمضان على طول!!!؟ لا مستحيل ابدا!!! أيام العيد يعني ؟ ماستعديت لانفسيا ولا شي !!! -رنا تدرين ان حفل الزواج مجرد اعلان!! ولو اعلنه واسوي عشا واجيك اخذكك ماعلي ملام!!! وتخبرين الزوجه اذا بغاها زوجها ورفضت وشهو حالها!!!؟ توترت .. -لاتشيل هم يمدي بخدمك وبسوي شغلك لك !! ادري تبي تكسرني وتهزني لكن منت قادر!! ابد ماراح تتخطاني يازناد!! اذا انت عنيد فانا عندي قوة تحمل واقدر اتحمل أي ضغط!! تنهد بقل صبر -انتي الكلام معك ضايع انا وين وانتي وين! رنا !! مابي اتعب معك واصل حدي الليله من الجهد انا قدرتك وكلمتك وبغيت نحدده مع بعض لكن دام ذا اسلوبك وردك!! فاانا اقولك من الحين زواجي منك بيكون ثالث العيد !!! وان كان عالوليد انا بتفاهم معه !! وكل شي انا جاهز له !! تساندت عالجدار مكتفه يدها بحمق | ||||
|
| |
|
18-07-21, 12:19 AM
| #10946 | ||||
| -اجل ليش كلمتني من الأساس اذا انت مخطط ومقرر!! مب انا مجرد زوجه أقوم بشغلك وواجباتك!! ليه ليه تدق وتشاور !! ولاتقول سويت لك قدر !!! قدري محشوم من قبل اعرفك!! سكتت وانفاسها معتليه انتفض جيدها وقت حست بيد تلمسها لفت شافت سمر تأشر بيدها وعينها مفتوحه باستنكار اشرت لها وش تبي هزت سمر راسها راسمه باصابعها على خدودها وهامسه -يمه يمه يمه منك ولسانك!! اشرت رنا براسها هامسه -روحي !!!! قطع تشاورها مع سمر حسه الغاضب -شوفي يابنت الناس !! اسلوبك العوج ذا!! قبل تتركين عنبة بابكم خليه!! لايجيني!! لسانك الطويل ذا صدقيني بقصره!!! كل ماجيت اعطيك اعذار قاطعته -لاتعطين.. قاطعها صارخ -اسمعيني ! ! لاتقاطعيني!!! وانا أتكلم !! سكتت برهبه .. مستمعه -كلمه وحده اقولها لك ومنيب عايدها !!! بتعتدلين !!؟ او جيتك الحين عدلت اسلوبك بنفسي !! صرخ مكرر -ردي!!؟ اجيك رنا!!! ردت بعجل هادي -لا لاتجي !!! معد سمعت حسه ابد.. تمت مترقبه بارتباك ثم نطقت -انت لازم تعرف ان فرض الراي بين الزوجين غلط !! انت ماكلمت تشاور انت تفرض !! ومقرر وخالص !! من ناحيه تبي كلامك يتنفذ !!! ومن جهه مبتدي تتحكم بتحركاتي كلها !!! لااا هذا غير الموشح الي عطيتيني عن وش مفترض اسوي !!! بالله يازناد لوين بنوصل ؟! مافي تفاهم التوافق الفكري بينا صفر !!! رد بحس ثابت رخيم -مايهمني التوافق اهم شي رغبتي فيك !! انلجم لسانها .. ثم نطقت بلا شعور -وش الرغبه زناد!!! احنا اوادم نحس ونشعر!!! -رنا زواجي منك تم وانتهى من اليوم الي حطيت يدي بيد اخوك خلاص انتهينا !!! لاتتوقعين اني بتراجع عنه مب ذي سلومي !!! انا عطيت اخوك كلمة رجال ماتنرد!! همست رافعه يدها لصدرها -وانا!؟ وراييي!! انت استدرجتني !! خليتني امشي ورى ظني !! لاصححت لي ولاشي !! وبعدها اجبرتني أوافق وامشي وراك الين وصلنا لهينا!! سكتت تسحب انفاس مشحونه ثم تابعت -وتعيد وتكرر انك بتربيني !!! انت ماعملت حساب للوضع الي كنت فيه انا !!!؟. لاتنكر انك هددتني الا هددتني لاتقول تقدرين تعلمين!!! نسيت!!! نسيت ! قلت بخلي اخوك يمرغ راسه بالتراب وهددتني بصحة امي !!! وش متوقع مني !؟؟ نطق بهادي الصوت الرخيم -قبلها انني وش سويتي !!؟. قبل أوجه لك أي كلمه انت يارنا وش وجهتي لي !؟؟؟ انتي اتهمتني بمرجلتي !! وبشرفي كرجل !! اسمعي يابنت الناس !! زناد بن عبدالرحمن عينه ماتجي على محارم غيره !!! ولايطمع ببنات الرجال والحمايل !!! اليوم الي قررتي تهاجميني بمكتبي !! كانت اللحظه الي انتي سحبتيني فيها لحياتك!!! لاني يستحيل اسكت عن الاهانه !!! واحمدي ربك اني اخترت تكونين زوجتي !!! وننيتي لك سليمه!! اما عن ليه وكيف قلتها لك!!! كيذا!!!! ابيك تحت طوعي وببيتي !!! أتوقع لين هينا والكلام بيني وبينك انتهى تفاهمي كله مع اخوك !!! شدت مبسمها هاتفه -لحظه استنى !!! -نعم ! تحشرت أنفاسها بقل ادراك مشتتها كما العاده هي موقعها وين بالضبط هو عقاب لها او رضا !! -زناد انا مب فاهمه شي!!! وضعنا ذا ليش كيذا !! اذا على كلامي لك وقت دخلت مكتبك انا اعتذر !!! طبيعي بشك مب شي مستغرب!!! لما اعرف انك خاطب مرت اخوي كم مره !!! ثم ادري انك حليت موضوعي ودفعت مبلغ وقدره عشان تأخذ اغراضي !! يحق لي استغرب ليههه!!!! يحق لي اتسائل واشك !!!.. ليه يازناد ليه كل هذا ليه!!! ليش تدفع عشان وحده ماتعرفها هالمبلغ كله!!! ؟؟؟ هزت راسها باستهجان -لااااا!! وصادف ان هالبنت اخت الرجال الي تزوج ضي نوره!!!! الي كانت لزناد!!!!! سكتت فجأه رافعه اناملها تكتم مبسمها بصدمه .. كتمت حتى النفس !! لايعتلي ويحس به !! حاسه بجمود أطرافها ورعشة نبض شريانها وشلل تفكيرها الين رد صادمها بحس غاضب -قلت لك لعاد تطرينها بهالشكل!!!! ولاتظنين ظنونك الدنيه !! لكن مافيه فايده!! شهقت بضيق معارضته -انا اشرح!! قاطعها بحمق نافر مستميت -لاتشرحين!!!! ان كان هالخراط بيجي على لسانك اسكتي حتى نفسك لاتسمعينها هالكلام!!!! انتي ليه تفكيرك وسخ بهالشكل !!!! رفعت يدها كاتمه مبسمها بصدمه من هجومه عليها .. -انتي قلتيها كان!!!! كان زناد اضي نوره!!!! والحين صار الي صار وتزوجتك انتي !!! انتي مرتي !!! واجب عليك تحشميني وتحترميني وتتكرمين تبعدين ظنونك المقرفه عني !!....فكيني من تفاكيرك ولاتبحثين بسوالف مضت وراحت !! انتي تضرين نفسك ومرت اخوك قبل تضريني انا !!!! انهى كلامه قاطع المكالمه بحمق .. شدت الجهاز بين اناملها بضيق وحسه الصادح يعتلي بسمعها ويتكرر وقت قال صارخ (كان!!!كان زناد لضي نوره) اهتز متنها بضيق ... رفعت يدها ماسحه دموعها التفتت لقت سمر تترقبها ببرقة عين تلاقت نواظرهم ثم شدت مبسمها المرتجف هامسه -يووه يارنا كل هذا بقلبك !!! ليه ساكته وكاتمه يختي!!! هو وش مسوي؟؟؟ أي فلوس الي دفع !؟ نشقت هازه راسها .. متوجهه للمغاسل تغسل ملامحها بحمق معتلي جيدها تبعتها سمر ناطققه بهدوء هامس -رنا!!! رنا!!! لفت لها رنا هاتفه -وش فيه سمر !!؟ وش تبين مب سمعتي كل شي !!! خلاص وش تبين تعرفين يعني !!! انا أصلا زواجي منه عقاب لكل شي سويته شين!!! تدرين !؟ ان اكبر عقاب انك تتزوجين واحد زيه !!!؟ كاتم مآربه ماتعرفين هو وش يبي بالضبط !!! تحسين انك نكره معه!!! مالك قيمه !! او هامش !! تساندت سمر عالمغاسل .. سائله بترقب خايف -رنا يعني هو لين الحين يفكر بنجلا!؟ تلاقت نواظرهم مابين اجفان رنا المرهقه ونظرات سمر المترقبه بقلق هزت راسها بتوهان -لا ! سكتت لحظات ثم تابعت -مادري مادري مدري عن شي ياسمر راسي تعبان !! مدري وش يبي مني هالرجال!!! ماعرف وش نيته بالضبط ! خايفه ياسمر ! هتفت سمر ببرقه دامعه وضايجه لمنظر رنا -تطلقي !!!! رنا تطلقي الحين ولا بعدين اذا انتي مب مرتاحه وهذا كله صاير تطلقي !!! عضت رنا شفايفها ثم تحشرج صوتها -مقدر !! -ليييييييه ؟؟ وش يمنعك رنا !!! وشو كثير بنات ملكوا وانفصلوا عادي !!! اهم شي مايتم الزواج وانتي مب مقتنعه !!! بتندمين بعدين !! تنهدت رنا بصوت مسموع مجهد -قد ندمت وخلصت سمر !! ماستفدت شي !! مقدر اطلب الانفصال صعب!! -ليه رنا قولي علميني وش يمنعك ؟! زفرت موجهه انتباهها لها -انسي الي سمعتيه! وانتبهي تنقلينه لاي احد ياسمر هذي حياتي وتخصني !! ماقولك مالك دخل؟ لا مب قصدي اقصد انها خيارتي وطريق انا اخترته وبمشيه !! مابي احد يتدخل بيني وبين زناد!! ترقبتها سمر برحمه وضيق وهي الي مفكره انها مبسوطه وتتدلع اثاري بقلبها هم وشي كبير بينهم الاثنين جاهلتن فيه !! ودها تسال وتعرف وش مضمون سوالفها الي سمعت !! وش دفع زناد !!! ؟ ولمين!؟ هزت واسها بتاكيد -ابشري طيب ! -احلفي سمر لايزل لسانك عند امي او نجلا او عماتي !!! رفعت اصبعها محذره -انتبهي سمر انتبهي ترا كيذا بتضريني!!! هزت سمر راسها متنفسه بضيق -لالا منيب قايله والله العظيم !! بس انت بشيل همك رنا !! تبسمت رنا لها مبعده خصلها -قويه اختك لاتغرك عيوني ذي ! شوفي سمر انا اعترف لك اني قبل غلطت اغلاط وش كثر اخرها كانت بحق نجلا !! فأي ابتلاء امر فيه الحين انا اتقبله بصدر رحب !! اهم شي لايكون عقاب يمس اسمي وشرفنا !! دام زواجي من زناد عقابي راضيه فيه !!! هو اهون من غيره !! بالله قولي ياكثر البنات الي تزوجو رجال مب متوافقين سوا !! بتمشي الحياه عادي !! عاجلتها سمر ناطقه بسؤال -يعني انتي مب متقبله زناد ابد رنا!!! ركزت بعمق عين اختها ناطقه بحشرجه وهي تشد مبسمها -حتى لو تقبلته سمر !! انا مقدر اباري ذكرى كان متعلق فيها وحيه بذاكرته !!! ونفس هالذكرى هي روح اخوي وتسوى نظر عينه وعيونا بعد !!! حست بغصه تكتم نفسها وتابعت -زناد مانساها ابد !!! ويمكن تزوجني .. عشان يسمع اخبارها !! شهقت سمر -لا مستحيل يارب وش هالخبال !! دكتور زناد مب كيذا !! تبسمت رنا -مب شرط يكون سييئ سمر فيه رجال كيذا يعيشون عالاطلال!!! عالعموم انسي ! هذا مكتوبي كل شي جا ورا بعض بدون تفكير !! سبحانه لما ربي يكتب شي كيف يصير بلا صبر !! سكتت سمر مصدومه من الي سمعت لدرجة عجزت ترد -انا بروح فوق سمر بريح شوي خلك عند امي !!! قولي الحنا ماجهز صرفي السالفه بدون تشك بشي !!وماوصيك كل شي قلناه كبيه ولاعاد تذكرينه حتى لنفسك !!! قالتها وتحركت طالعه من المكان ومتوجهه للدور الثاني متخذه الدرج مسرى لها ركضت بخطواتها بعجل وثقل فوق صدرها متشعب .. كاتم أنفاسها .. .................................................. ........................... جزيرة موريشيوس تنهدت براحه وهي تتلفت شاده مبسمها تحاول تتذكر لفت له أخيرا -ماتوقع نسيت احد كلهم خذت لهم !! رجعت ترفع عينها له -الوليد عادي اخذ لعمار وأبو عمار!؟؟؟ ارخى نواظره لها -خذي !! خذي للي تبين !! بس وريني وش بتاخذين لهم ! -ينفع ميداليات !؟ او تيشرت؟! ابي شي بسيط لهم !! لانه اجمل من هينا بس اذا رحنا الرياض اشتريت لهم عطور وعوده تقدمها لهم منك! وش قلت ؟؟ رفع هدب عينه مفكر -تدرين ماقد قدمت لهم هدايا !؟ تمسكت بكف يده مبتديه تخطو وسط الزحام والحس المتبادي حواليهم السوق مليان والممرات عالم مختلف من جميع الاجناس والاعراق. هي حتى خلته يدخل أماكن عمره مافكر يدخلها ويتفرج فيها -حلوه الهدايا يالوليد الرسول وصى عليها عليه افضل الصلاة والسلام !! مو لازم تصير بمناسبه !! انا احب اهدي لو رساله !!! تبسمت ملتفته له رافعه واسها -كنت اهدي سعد هدايا وش كثر رسايل!! ومره اطبخ له كيك!!! ومره اشتري أقلام؟! ركز فيها النظر سائل -عطيته خاتم؟!! ضحكت بخفه .. مدركه العمق الي خلف سؤاله -لا ماحصلت مناسبه !! انت اول واحد اعطيه !! تبسم .. رافع كف يده .. متأمل خاتمه وناطق -أساسا ماقد لاحظت بيده خواتم !! مب يحب يلبسها !! انا احبها !! لان جدي محمد رحمة الله عليه كان يلبسها ! انهى كلامه وناظرها .. تبسمت بسمه جانبيه.. -محد اعطيته زي الي اعطيتك يالوليد ارتاح حتى اخواني!!! ركز فيها النظر ماحي بسمته .. ناطق بهادي الحس -ولابتعطين !!! شي اكيد يعني انتي كلك حلالي وانا الوحيد سترك والي اشوفك مثل ماخلقك الله !! انا بس نجلا الي اقدر انتفس انفاسك من قريب ومحدن مثلي !!! ارتبك نفسها مبهوته من منطوقه ..هاتفه باحراج ..ومتلفته .. -وش كلامك ذا الولييييد !!! أصلا اكيد الحب الاخوي مختلف عن حبي لك !! قاطعها بعجل ... صارم -انا متعلق بك اكثر من اخواني واخواتي !! ارتهبت أنفاسها معتلي نبضها وعينها بعينه موقنه صدق شعوره .. لها ..احتنت نظرتها له ..و فتحت عينها زايده بسمتها تحت نقابها .. وهازه راسها -طيب ...طيب... ابشر ..انت أساسا الغلا والحب كله انت الحياه لي!! هزت راسها وقت لمحت بسمته وتركيزه وقت همس -تسلكين لي !!!؟؟ نفت براسها .. -لالا والله لا ... بس عشان الحين خل نخلصهم كلهم مابي انسى أي احد !! لفت بعجل منذكره وهاتفه -الوليد مساعد تتذكره؟! تبي تجيب له شي ؟! قطب هدب عينه .. -لا جيبي لمحيط العائله فقط !! رطبت شفايفها. مبعده نواظرها متأمله التحف والتذكرات .. تتخير .. ولسانها ينطق يشرح جمال الي يعجبها له اما هو كما حاله دايما مستمع لكل همسه وحرف يصدر من لسانها وفكرها متعمق اكثر بكينونتها الي يعشق والي تفردت لحالها فيه واتعدت حصنه المنيع الشديد.. .................................................. ..................................... قصر الجد صخر آل جلمود جناح الجده نوره شدت حنان مبسممها .. مترقبه حال أمها .. الصامت من جو من بعد الفضيحه الي صارت وامهم متناسيه وجود حصه تماما وبنتها معها .. ولاكأنهم خلقوا من أساس.. ولو على هالشي بس هانت لكن حصه من درت عن بنتها وهي تبي تتواصل مع امهم .. ومب مصدقه ان امهم رافضه أساس ذكرها وطاريها هي وبنتها ولاتدري وش صار لها بعد تبادت همسات تسبابيح ام صخر بحس خافت .. وسبحتها مابين اصابعها .. دخلت ساره بحس هادي مقربه منها رفعت لها حنان راسها -السلام عليكم !! قربت تلثم جبين أمها .. -كيف حالك يمه ؟! ماودك ننزل الحديقه تحت نتقهوى!؟ ماردت متابعه .. ذكرها للخالق .. تنهدت ساره مستجلسه جنبها متأمله شيلتها المرتبه حوالين ملامحها .. -يمه !! ودي اكلمك بشي تكفين اسمعي مني !! رفعت أمها راسها قاطعه ذكرها -اهرجي بس ان كان عن شينة الذكر اختك لاتنطقين!!! عجزت فيكن !! طاريها لعاد ينذكر عندي ابد!!! شدت مبسمها ساره متابعه -امي انا ماادافع عنها ابد حصه غلطت والحين تدفع ثمن اغلاطها ولاااقولك سامحيها ولااجبرك يمه لان غلطها كبير وتعدى الجميع واستمر حتى لولد اخوي صخر الله يرحمه !! انت بس ابيك تطلعين من غرفتك وترجعين تسولفين وتتكلمين وتضحكين !!! يايمه ياحبيبتي انتي حتى معد تطرين رمضان الي تحبين ذكره!!! دايم هالوقت نرتب لجية اخواني وهالمره مااطريتهيم ابد ولاتبين جمعه لهم!!! خلي حصه بس اخواني عبدالله وعبدالكريم وش ذنبهم بالي صار !!! ؟ قاطعتها أمها سائله .. -الوليد ومريته رجعوا؟؟؟ ردت حنان هالمره مقربه مستجلسه من الجهه الثانيه -لا لين الحين ان شاء الله بكره !! تبين نروح لهم بكره نستقبلهم ؟؟!! ردت امهم بحس ثابت -لاااا!!! تنهدت ساره -ليه يمه!؟ مب تحبين الوليد ؟ وتنبسطين معه؟! -مالي وجه يابنيتي احط عيني بعينه ابد!! انا مع حصه ظلمت مميمته!!! انا حرمته حظن ابييه !! ارتجفت شفتها واطراف يدينها مدت ساره كفها تحظن اصابعها المرتجفه -يمه يمه الله يحفظك ماكنتي تدرين !!! حصه يمه ! قاطعتها بحس قوي معترف -انا غلطانه كبر غلط حصه واكثر !!! لاوقفتها عند حدها ولاجبت هالولد عندي يتربى!!! سمعتن صراخه !!! وحسه!! وحسرته ياقلبي عنه!!! زفرت حنان برهبة شعور وضيق -اوووه مابي أتذكر انا بعد ذاك اليوم ليته ينمحي من راسي !!! اشرت لها ساره هازه راسها بعتب -ذاك اليوم جا وراح وخلاص وصار الي صار وانتهى !!الحين احنا مقبلين على شهر فضيل !! وش فيكم! شهر الصيام الله يبارك لنا فيه !! هزت ام صخر راسها .. -الله كريم ..! دام الوليد بيجي بكره على خير !! ودوني لمهره بسير عليها ! تبسمت ساره -ايوووه هو ذا يمه اطلعي وغيري جو ! نطقت حنان هاتفه -لو ندري مهره مرت اخوي طبك كان من اول اصرينا تروحين لها!؟ .................................................. ........................... فرنسا باريس .. تجهز طلال للرجعه ..ظاهريا لجل يجيب خواته .. ويرجع لابوه تبعا لمخططاته المفترضه .. -تجيبهم وتحجز على طول راجع !! ان منعك !! قل له ان امه ذي مب شايف رقعة وجهها الي يسد النفس !! تنفس طلال وهو مرخي نواظره بحمق اول مارفع راسه تلاقت نواظره بامه الخايفه اشرت بعينها تبيه مايرد ويسكت شد مبسمه بالع ريقه بجهد ملتفت لابوه مترقب حالته المترديه وهو يشرب من هالسم الهاري المحرم امام نواظرهم بكل اريحيه فعلا أبو ضل زي ماهو ماقدر انه يخفي سواده ولاقدر يطول اكثر من كيذا على طول بان على حقيقته ..... مستمع له وهو ينطق يتابع -أصلا هو مب موجود !! فر الكلب !! قاطعته ميثا بحمق -ولدي مب كلب !!!! الله يشرفه عنك وامثالك !! تبادت ضحكاته المستهجنه بحس نافر كريه ثم خذا غرشة فاضيه من خمره رماها تحت رجلها متناثره شضايا الزجاج حوالين مقادمها ومع ذاك تم راسها مرفوع وعينها بعينه -انتي تسكتين!!!ذا مب ولدك!!! ولد صخر حبيبك وحبيبتي انا!!! كلي تبن !!! ولعاد تقاطعيني !!! شفتي لو انه يشبه سلطانه !!! ماكرهته!! شفتي لو سلطانه عاشت عشانه ماكرهته!!! لكن هو آفه مفروض يلحقها !!! ليه يعيش !! وهي راحت!! زفرت بكره -مب انت تقرر!! من يعيش ومن يموت !! الله يحفظ الوليد عنك !!! وياخذ عمرك !! استاقف بتوهان .. وكاسته بيده ... وقف طلال معه متقدم هتفت امه -طلال!! نطق له طلال بحس ثابت -انا بروح واجيب لك خواتي !!! وانت وعدتني امي ماتوذيها!!! اشر سعود باصبعه على صدر طلال -تجيبهم غصبن عنك وعنها!!! انت يالرمه ماتتشرط علي!!! انا ابوووك!!! تفهم وش يعني ابووووك!!!! تهالكت انفاس طلال امام هالكلمه سهلة النطق صعبة التمثيل والاثبات على شخص مثل ابوه!! رجف فكه .. وعينه متلاقيه بنظرات عين ابوه المحمره الضايجه شرار ناطق بحس مختلج ..محبوس من سنين -ابوي الي اعتدى على اخوي !!! انفتحت عيون سعود صارخ -صدقتهم!!!! تصدق بابوك ياطلال!!!! امك تكذب وهو يكذب !!! هو يكرهني معلمة انا!! لكن وش أقول !!!! غاسلن مخك هالتنخ ولاعبن فيك!! قاطعه طلال بحس نافر ومعترف ضارب صدره بحسره ومستنطق -انا !!! انا شفتك بعيوني !!!!! انا سمعت صوته ينادي!!!! انا شفتك يابوي !!! شفتك بعيني ذي !! انت !!!! | ||||
|
| |
|
18-07-21, 12:20 AM
| #10947 | ||||
| تراجع مرتجف كل مابه ومتابع -انت!!! ضارب صدره بيده.. -انت اغتصبت اخوي !!! انا شفتك !!! شفتك بعيني !!! نطقها أخيرا بحسره ضايجه .. وعين محمره كاتمه بعمق عمر سنينها وجع مدفون -انا شفتك يابوي !!!!لاتقول ماسويت!! هتفت ميثا برهبة شعور .. وبصدمه بعمق روحها وهي تسمع صرخاته -طلاااال!!! التفت لها بعين لايمه -كل شي اعرفه انا مب خبل!!!! كل شي ادري عنه!!!! ليه رحت للوليد وتركتكم!!! ليه خليتكم وتبتعه!!! لاني اعرف وادري وش جاه منكم انتم الاثنين!!!! انا وجودي الحين عشان خواتي وبس !!!! بس خواتي !!!! هتفت بدمعة عين وغصه -طلال يارلدي انا ماسويت له شي !! شد مبسمه مترقبها بوجع مخذول ناطق بهادي الصوت -انتي يمه سويتي معه الأعظم!!! ظلمتيه صغير !! وظلمتيه كبير !! قاطعه حس ابوه.. -طلال!!! انا كنت سكران!!! مانيب بوعييي!!! انا مدري أصلا انا لمسته او لا!!!! ماتذكر !! نشج بحس عالي هاز راسه بضيق -انت تدري تدري !!!! وتعرف !!! كلكم الاثنين تعرفون وش سويتو له !!! تنفس ساحب أنفاسه المختلجه ماسح عينه المدمعه -ليتكم مب اهلي !!! انا خجلان فيكم قدام ربي حتى!!! ونت ميثا مستاقفه.. بعرج .. هامسه -طلال !!! ولدي اسمعني !! تراجع امام نواظرهم -منيب سامع لكم !! كلكم !!! التفت لابوه متابع -انا منيب معك بعد اليوم!!! واصلا طول عمري منيب معك!!! ارجع للحق يبه وسلم نفسك واعترف !!! انا اعرف انت ويش أصلا ادري انك تاجر مخدرات وممنوعات ادري الدوله تبيك !!! وانك هربان!!! اعرف كل شي كل شي !! نشجت ميثا بقل صبر وحسره اكيده تمنت انه مانطق ولااعترف قدام ابوه الخسيس تمنت الأرض انشقت وماسمعه يقول كل هالحكي الي بينكبهم !! تابع طلال بثبات وقوة أعصاب - انا بس بقوم بحق الله فيكم !! غير كيذا لاتطلبوني شي !! امي باخذها وبرجع بها !!! عشان خواتي !! وانت خلك هينا واتركنا بحالنا !! اشتدت نواظر سعود مقرب -وش هالهرج !!!؟ تروح وين وتاخذ امك على وين!!؟ تابع بحس عالي مستلج -انت!!! وامك وخواتك كلكم تجلسون معي انا!!! مكانكم معي !! مب معه ولد الفاجر !! كانك بتروح ومنتب راجع فمافيه روحه!!!! بتنطق هينا وانا اعرف شلون اخذ بناتي منه!!!! انت ضامنه!!؟ تضمنه عليهم!؟؟؟؟ فتح طلال عينه بعدم تصديق -وش قصدك؟!!! الوليد ياذيهم!!!!! مستحيل الوليد مب مثلك يبه!! ولاهوب زيك ابد !!! اخوي يخاف الله رباه جده والله حافظه!! مب مثلك ابد اخوي انا معاشره وعارفه لو بيضر كان ضرني انا !!!! ضرني انا!!!! ضرب صدره بتتابع .. ضايج -انت مب فاهم لين الحين !! اخوي ذا رجال!!! من ظهر رجال!!!! قاطعه حس صفعه مدويه مختومه على خده -يخسى وتخسى انت وابوه معك!!! غسل مخك ولعب عليك !!! ويسحبك له !!! انا الغلطان الي تركتك معه تتبعه زي الحمار !!! ياامعه!!!! دام انكشفت علومك !!! طلعه من هالديره مافيه !! منت راجع ياطلال!!! احتدت انفاس طلال متراجع هاز راسه -محد بيمنعني ارجع !!! باخذ امي وبنخليك!!! أصلا انت متعود !!! وش بيجد عليك وجودنا فيه!!! ؟؟؟ اتركنا نعيش حياتنا يكفي تدخل الوليد بكل عذروب منك لنا!؟ نفض سعود يده -لعاد تطريه !!! الكلب الاجرب الي غسل مخكم كلكم !! وياعالم وش يقول لخواتك بعد !!! ورني شلون بتطلع ياطلال !!! خلني اشوف يله حاول بس!! اسودت نظرات طلال ملتفت لأمه وناطق بثبات -انا برجع للسعوديه!!! وبقدر ارجعك !!!رجع التف لابوه -بيعطيني جوازك بنفسه !! وبيخلينا نروح !! والا!! رد ابوه باستهجان وقربت امه تعرج بخفه من وجع جيدها .. الي استضاح امام طلال -الا ايش!!!!!؟؟؟؟؟ تهددني !؟ تهدد ابوك لعنة الله عليك!!! رفع طلال هدب عينه باستنكار منتبه ليدين امه الي احتظنت ذراعه -الله!!! وانت تعرف الله يابوي !؟ وينك عن الله يوم كنت تضرب الوليد وتحبسه !! بالسرداب !!؟ وينك عن الله وانت تحرقه بيدينك!! ومايهمك حسه وبكاه!!! وينك عن الله وانت تبطش به وتعتدي عليه !!!!!! لاتجيب اسم الله على لسانك !! رجف فكه واكتحلت نواظره حمار عاجز يمنع إحساس الخذلان الكريييه الي يعيشه الحين .. ابتدت أنفاسه تزفر ونواظره تلمع وتبرق متابع بضيق واعتراف -انا بنفسي رحت وسمعت عن صيت صخر بن جلمود !! ليتني ولده انا بعد !!! ليتني اخو الوليد !! قاطعه حس سعود الصارخ بجنون وهو يتقدم ويمد يده ضاربه باقوى ماياجد !!! ضربه صفعات متتاليه موجعه متبادي حسها ومتمازج مع صرخات ميثا -سعوووود!!!! الولد لايروح من يدينا !!!! ابعد اشتدت يدين طلال مانعها تقرب اكثر وبنفس الوقت وقف قدامه مستقبل الصفعات والصراخات منها تعتلي .. -سعووود !!! شيل يدك !!! شي...ل قاطعها طلال -اتركييييه يمه!!! استمرد سعود اكثر وهو يشوف ثبات طلال امامه ونظراته المحروقه قهر ولوم وخذلان ماتحمل اكثر يشوفه وللأسف روحه الواطيه الضعيفه .. بطشت كما عادتها استمر يضربه كفوف متتاليه وكل مالاحظ ثباته استمر واستمر ..شد طلال نفسه اكثر -توقف !!! قدامي!!!؟ بكل برود!!! ... وتتحداني!!! انت تتحدا ابوك!!!؟؟ وعشان مين !!!! عشان صعلوك !! نافخ ريشه!!!!!؟؟؟ هه ؟! خذ !! هذا قدرك!! تم طلال رغم رجفات روحه يتلقى من ابوه الضرب .. متماسك .. معاكس اضطراب شعوره وانفجاره الداخلي .. -السبله الي تقول عنه اخوي انا بنفسي بنهييه!!!؟؟!!!! وانا بنفسي بخليه يتمنى انه مانخلق !!! وقف وانفاسه مهتاجه يحرك يدينه اوجعته من قوة الظرب ترقب ملامح طلال والاحمرار المتدرج حوالين مبسمه ودم شفايفه .. من قوة ضرباته له .. ومع ذلك تم ثابت .. -انت ولدي انا !!! مب ولد غيري !! عشان تتبع غيري !!!؟؟ مكانك معي من زمان!! فوووق !!! اصحى لنفسك !! احنا مب حاجته ولانبيه!!! قاطعه طلال .. وسط انين امه المستمر وبكاها الصامت وتحسبيها بهمسات متقطعه -انا مابيك!! ابيه هو! ابي حياته النظيفه!! ابي صلاتنا بالمسجد وابي شغلنا وجهدنا وتعبنا الي نراعي الله فيه!!! ابي ضحكته معي وابي لعبنا سوا !! ابي اخوته هو مابيك انت!!ابي أعيش نظيف مثل ماامرنا الله الي انت ماتدري به !! انا اصلا جالس معه عشان مايتهور ويذبحك!!! مب عشانك عشان مايضيع اخوي لانه يستاهل حياه زينه يعيشها انت مب موجود فيها !!! سمعتني يبه!!! اترك الوليد !؟ واذا تركت خواتي وامي انا مستعد اجلس معك!! ومارجع له!! ترقبه طلال ناطق بحس جهور واضح ومكرر -اترك امي وخواتي مالك عازه فيهم!!! وانسى الوليد وحياته !! قرب سعود ماسك جيب صدر طلال وساحبه !! -انساه!!! بعد هالعمر تبي انساه!! ويوم وصلت معه لهالحد تبي انساه!!! هو الي ماتركني اخوك طيرني من الديره !! اخوك ماخلى لي مكان بالسعوديه بكبرها وتبي انساه!!! والله مانساه !!! موته على يدي انا!! لاحرق روحه على مرته شد طلال ممسك ايدين ابوه طول وقته ساكت ومتحمل بس وقت جا الطاري لمرت اخوه عجز يثبت استهجن صارخ .. ووجع مبسمه يهدد كل شي فيه .. -والله ماتاصلها ولاتلمسها ولاتضره بها!!! ضحك سعود بعلو الصوت قايبض يدينه اكثر ومحتده نواظره ومهدد -باخذها وبتشوف!!! مب انا الي انسحب بالاخير!!! نفض يده عنه ساحب جواله -وانت دام كل شي صار عالمكشوف بتنثبر مع امك الين اخلص منه !! استلجت انفاس طلال بثوران ملتفت لامه قابض يدينها -يله يمه مشينا !!! ناظرته بعجز شاده مبسمها وعينها غاشيها الدمع هامسه -ليتك هجيت ياولدي !!! -قومي يمه بطلع وبتطلعين معي !!! تغافل حس ابوه وصوته مب منتبه الا بصدمة انفتاح الأبواب ودخول رجال فتح عينه بانشداه ملتفت لابوه -وين تفكر نفسك بتروح!!!!؟؟؟ ياولدي !! قلتها لك انت بتجلس معي وخواتك بعرف اجيبهن!!! هز راسه لهم امام مرآى طلال .. وتقدموا لهم الاثنين -اششششش طلال اششش ترا بيفرقنا !!! لاتتكلم ياولدي!! صرخ طلال -ابعد يديك عن امي !!! ابعد !!!!! وخر يدك !!! ناظر ابوه صارخ -ييمين الله ماسامحك ليوم الدين!!! ان ضريت اخوي وخواتي!! تبادت ضحكات سعود -خذوهم من البوابات الخلفيه لحد ينتبه عليكم !! جايكم باليل انا!! التفت لطلال.. -مب مسوين لكم شي اهجد واركد !! روح معهم بسكات عشان ماياذونك انت وامك!! ليت شطارتك ذي بمكانها!! وقت حس طلال انه محاصر ويستحيل يطلع ويفر سحب جواله فاتح شريحته وكاسرها قدام عين ابوه الي انجن ثم حذف جواله داعس عليه برجوله بعجل قبل احد يوصله ويقرا أي شي يخص اخوه .... قطع بتصرفه حلقة الوصل الوحيده ومعد يدري بيقابله من جديد او لا ... سمع حس ابوه ... صارخ .. -خذوا جهازه ... خذووواه دعس عليه طلال بكل قوته الين تفتت مانعهم ياصلونه الا وهو شضايا ..عقبها صرخ ابوه .. -اه يالخسيس !!! اه .... قرب منه ماد يده وضاربه بظهر كفه ... صرخ طلال .. -انت معدتي آثم!!! امي لايلمسونها!!! الوليد قادر يسلمك للسلطات وبتشوف!! انا بشهد انا بنفسي بشهد !!! التفت سعود لاحد رجاله مأشر له كان واقف ورا طلال فهم الرجال مقصده فضرب طلال بكوع يده من الخلف صادفته ضربه افقدته الوعي معاجلها صرخة ميثا -طلاااال!!!! ويلك من الله ياسعود !!! -ودوهم !!!! ترقبها بحمق ثم ترقب حال ولده الي وصل له من يدينه.. ماكان يبي الأمور تحتد معه لين هينا !! هو الي حده -لمي لسانك!حالنا ذا وصلنا اه منك انتي ! انتي السبب بكل شي !! انا كنت مهدي اللعب عشان ولدي !! اشر براسه له -لكن دام ذا حاله معد به فايده الصبر !! سدي فمك وانقلعي معه لين اجيب البنات!!! شدت مبسمها مغشي عينها الدمع ونظراتها يم ولدها الي خذوه -الله ينتقم منك !! يارب انت شايفه شلون تجبر وبطش يارب تل روحه وريحني منه!! ضحك برعب مستهجن ساحب بكت دخان ومبتدي يولعه .. ويناظرها بكره.. -شفتي هاليد الي ضربت ولدي!!!؟ رفع يدينه قدامها.. مبتدي امام نواظرها يسحب سكين ويشق بها باطن الكف همست برعب وهي تشوف دمه يسيح امام نواظرها -مجنووون !! انت مجنون ياسعود!!! -توك تدرين !!! شوفي انا بيدي وش سويت !! عشانه تتوقعين بعد الي صار منه لي !!وكرهي لولدك الي انا اعتديت عليه ومنيب ندمان وش بسوي !!!! هه وش بسوي !! انفتحت عينها برعب مستوعبه مقصده والي يبي يوصله لها هزت راسها صارخه .. -لااا !! لااا ياسعود!!! لاتوذيه فيها !!! تكفى !!!؟ حرك شفته مناظرها بنظره لعوب ناقمه وحاقده... -فيه عنده غيرها!!! .. سكت وقت ارتهبت نظراتها له .. وتابع ... -فيه خواته !!!!..فيه عالمه الي حبه ولدك !!!! اقدر اخسف به كله !!!زي ما قلعني وحدني اطلع من ديرتي !!! صرخت برعب .... متتابع لاعنته ولاعنه اليوم الي عرفته فيه ولاعنه نفسها الي صبرت وتحملت هز راسه نافض كفوفه وساحب منشفه لامها حوالين يده الي تصب دم -اقلعوها من وجهي !!! سدو فمها !! وبالفعل اسكتوها اجبار ونظراتها مرعوبه ساحبننيها مطلعينها من مكانه اما هو .. استفحل فيه الضيق وسود الحقد والكره كلام ولده له والي متصبر عشانه انهى كل ثباته المجرم!! صرخ مكسر الي حواليه من القهر .. -بوريك يالوليد الكلللللب !! انت خذت مني كل شي !!! كل شي!!!!! حتى الي سويته لك ماكسرك!!! ماهدك !! رمى كل شي قدامه مب مستوعب حالته الي وصل لها .مع طلال ... ابد .. .................................................. ........................ تنهد هيثم ..بقل حيله هاز راسه -الله يهديك ياطلال!! زفر متحرك من مكانه داس جواله بجيبه وهامس لروحه -وش بقول للوليد الحين!!! وش بقول!!!!!؟؟؟ استاقف بجيده متأمل المكان بتفكير وش بيسوي ؟! شلون يعلمه ان طلال طلع مشيول بالخفا !! حرك نواظره شاد مبسمه .. هل يقول ؟! ويتهور وبكيذا الوليد يمكن مايمشي على خطتهم المدرجه لهم مع شبكات القياده!!! او يسكت الين تنحل الأمور وبيطلعونهم مع الوقت !! -اوف اوف اوف !!! الله يصلحك ياطلال شلون استفزك ابوك!!!!!! رطب شفايفه متقدم بخطواته يفكر ويدرس خطوته الجايه وشهي بالضبط !! حتى ان سكت اكيد الوليد بيستغرب اختفاء طلال اكيد!! فكر بداخله ويمكن طلال يلاقي طريقه ويطلع !! بس مع الي شافه والرجال الي معه ويخبر انهم تبع عصابات متداخلة الأطراف ..!! صعب!!! حيل صعب !!! .................................................. ............................................. قصر صخر آل جلمود جناح ..ام سلطان الأرضي -حييتي وبييتي ياخالتي ..! يامرحبا بك !! ابطيتي علينا وينك؟ هزت ام صخر راسها بصمت -حي اصلك يامهره!! انتي عالمتن بالحال! وين اطلع واجي !؟؟ تقدمت رنا شايله الدله مستمعه لهم بصمت -صبي لجدتك وعطيني انا بدون مسمار!؟ هزت راسها -ابشري يمه !!.... -سمي امي نوره! مدت الجده يدها ماخذه الفنجال .. -سلمتي يابنتي ! تعالي اجلسي قريب وبشريني عنك واحوالك! تبسمت لها -بصب قهوه لامي واجيك ابشري !! تراجعت هاتفه لها حنان -رنا هاتي الدله بصب لنا انا روحي انتي لامي عطيها علومك !! اول ماقربت رنا منهم همست لها ساره -رنا وسعي صدرها بعلومك خل تغير جو شوي اشرت لها رنا .. -ابشري عميمه تضيق الخاطر متضايقه مره!! ناظرتهم حنان جهة ام سلطان وامها ورجعت تنطق وهي تأخذ الدله -أي مره روحي يله !! سمرروه وينها!! خل تنعوشها شوي !!! -فوق بتنزل اكيد شوي !! قربت من جدتها بخطواتها عقب صبت لامها واستجلست -لبيه يامي نوره وش تبين من علومي اعطيك!؟ -هاتي اخبارك واخبار رجلك وهله بشري عنكم عساك مرتاحه يامي!؟ تلمست رنا كف جدتها ساحبته ولاثمته ناطقه بحس حبور لو كان كاذب ويعاكس شعورها -أي مرتاحه زناد طيب !! مره ! وامه يوم جتنا تحسينها فرحانه ياجديده مره رفعت يدها تتلمس سلسالها وتعليقتها -شوفي امي نوره هذا حقها عطتني إياه هديه !! هزت راسها ملاقيه نظر جدتها وناطقه -شفتي؟! هالتعليقه لها ناظري فيها صور زناد اول مانولد وويوم تخرج! شوفي ؟! فتحتها لها تشوفها .. -يامشاء الله تبارك الله الله يسخره لك ويسعدكم!! تنهدت رنا متابعه بسمتها -امين يارب ويسعدك امي نوره .. ليتك جيتي يوم جو !! تشوفين خواته عن قرب وتجلسين معهم يوسعون الصدر !! ابتدت تعددهم باصابعها -مهره والعنود والهنوف !! العنود مخطوبه لولد عمهم !! وعنده بعد عقاب !! استجلست متسانده وشارحه سوالفهم وجيتهم .. وجدتها تستمع لها شوي تبتسم وشوي تشاركهم ام سلطان .. -ولدك سليطين مازارني ولابين ولاقال وين جدتي !! وش عوقه هالولد!!! لايسأل ولاياصل !!! يامهره! ارخت ام سلطان نواظرها -والله ياخالتي انه مشقيني مب مريحني !! اهوجس به !! رفعت راسها لها متابعه -تدرين انه جا ماله أسبوع والحين بيرجع يسافر !! حتى رمضان مب صايمه معنا!!! رفعت الجده فنجالها -عوايد !! صدق من قال النار ماتخلف الا رماد!! ردت ام سلطان بضيقه طارفه -اطلب الله يهديه ماقدامي ولابيدي الا الدعا له!! تلفتت لخالتها متابعه محتنيه نظرتها -وين الرماد ياخاله ؟! والوليد نسيتيه!!؟ نار على علم !!! غطى بذكره الطيب على ابوه رحمة الله عليه!! أبعدت خالتها نواظرها يم يدينها .. مرتجف فكها وذقنها وقت طرت مهره الوليد وتذكرت وجوده والي صابه وامه من سبايبهم.. اختلج حسها وصوتها .. ومنطوقها متنهده بلاكلام .. ترقبتهم رنا عاضه شفايفها ثم رفعت عينها لأمها .. اشرت لها ام سلطان تبعد وتقوم هزت رنا راسها وقامت بهدووء رجعت تناظر خالتها .. -وسعي خاطرك ياخاله !! الوليد يعلم الله ماجا منه خطيه !! لاتلومينه ولاتضيقين !! وش تبين منه يسوي !! يسكت!!؟؟عالظلم! اهتزت يدين ام صخر تاركه فنجالها ثم رفعت راسها متلاقيه نواظرها بعين مهره ومدمعه بحشرجة ضيق .. عجزت حتى تناظرها رفعت اطراف يدها تسحب طرف مسفعها وتمسح عينها -الله يلوم الي يلومه يامهره!! انا خجلتن منه !!! ومالي وجهن اشوفه مرتن ثانيه!! احتمت نظرة مهره -لاااااااه ياخالتي لااااااه هذا ولد صخر ولد حبيبك !! لانصدين عنه !! هو الحين يبي وقفتك معه!! مب صدك وضيقك يالغاليه!! الوليد يحبك ويقدرك ويحشمك !! ويعلم الله انه صبر على الجوهره وفعولها مع أمها شييين واجد ماتخبرينه !! لكن الانسان ياخالتي؟؟؟ له طاقه!! وله قدرة تحمل !! والله اني متوكده لو عليه هو صبر وتحمل!!! بس وقت تعداه الشين ووصل لمريته الضعيفه !! يتيمة والدين شلون يسكت ياخالتي عن الظلم!! مسحت ام صخر محاجر عينها .. -انا مالمته يامهره انا راحمته!! ترقبتها مهره بحنيه .. وشي مخفي بروحها ماتقدر تبوح به!! اذا خالتها ضاجت من ماضي فهي خوفها من حاضر ومستقبل يضره من ضناها هي !!! تنفست بهادي الحس | ||||
|
| |
|
18-07-21, 12:22 AM
| #10948 | ||||
| -انتي ماقصرتي خالتي قلتي كلمتك لحصه وقدامه !! والحين لاتبعدين عنه ! الوليد ونعم الرجل شايل حمول وش كبرها !! وان كنتي شايلتن هم انه بيلومك لا والله !! الوليد قلبه نظيف لايحقد ولايكره!! رفعت يدها لصدرها مأشره -انا خابرته زين عشت معه هالثمان سنين وبنكمل التاسعه !! بخصته وعرفته وحافظته!! قلبه كبير بس انه وحداني !! ويوم جت نجلا وصار زواجهم رغم انه معارض بس اني توسمت بها خير وصدق ظني !! البنت هذي شرحت صدره خلتنا نشوف ضحكاته مع اخياته ومزوحه الي يحبها قلبك!! تقاربوا بنياتي معه اصبحن يدورونه ان اصبحن ومعد يستغنن عنه لاعن مجلسه ولا على عيشه ولمة سفره!! شوفي لهم كم غايبين !! والله لو تعرفين وش مسويات البنات عشان يستقبلونه بكره هو ومريته!! ان يستاسع صدرك الضايق !! مير وش رايك تجينا بكره وتستقبلينه معنا!؟ هزت ام صخر راسها -الله لايحرمهم من بعض !! وانتي يامهره زين ماسويتي !! الله يجزاك بالخير ! انا نفسي ضايقه خلني ابرد !! جوفي به حره ان شفته بتدمع عيني وبضيق خلقه!! انبسطوا انتم معه لاحقه انا خير وصلهم حس سمر مقبله من المدخل -الله الله!!!!! امي نوره هينا !!!!! ومحدن علمني !؟! التفتت لعماتها ورنا معهم -رنا خاينه مب شي جديد!! انتي عمه حنو ؟!!!! عمه ساره!!! دقو دقه عالاقل!!؟ علقت حنان مستقبلتها -احسبك تدرين والله!! -مادريت والله لهيت عندي اختبار لو ماعندي غبت عشان الوليد ونجلا بكره جايين!!! قربت من ساره لثمت جبينها -اخبارك عميمه وش مسويه؟! -بخير الحمد الله تراجعت عنهم راكضه لجهة جدتها وامها متلقيه راس أمها نوره -يامرحبا باامي نوره الحبيبه لبا عمرك !! وحشتينا لثمت راسها وجلست جنبها تمسد رجيلاتها -لبا هالرجيلات مصغرهن !!! ضحكت باستشراق ملتفته للجميع -رنا تعالي بالله ناظري رجول امي نوره زي صغر رجيلات نجول !!! مشى الوقت .. وهم يتسامرون ويسولفون مبعدين كل هم عن قلوبهم جميع سمر الدنيا مب سايعتها لقرب جية الوليد ونجلا ورنا مثلها الفرق انها دفنت ضيقها وخوفها من الجاي والقادم .. تبادى حس جوال امهم .. رنا لفت براسها مرتبكه لايكون زناد لانها تاركه أجهزتها فوق .. وسمر قامت مقربه تستمع -الله يعطيك العافيه ماقصرت يابو عبدالله!! لا بالله كفيت ووفيت !! شدت سمر مبسمها هازه راسها وراجعه تكمل سوالفها لعماتها -هذا خالد ولد عمي !! يوميا يدق على امي ماقصر ابدن!!!! تمت رنا تترقب أمها الين سكرت وتبسمت لهن ونطقت -بنااات؟! ولد عمكن توه ظاهر من عندنا روحن شوفن برا .. مقدمة القصر!!! قبت سمر هدب عينها موقفه بحماس -وين يمه ؟! أي قسم الرجال او النساء!!! استاقفت رنا معها -يمه ليه ؟! وش فيه برا؟! رفعت حنان هذب عينها سائله -انا يام سلطان عادي اطلع!!!!؟! هزت راسها مبتديه تحرك رجلها -ايه ايه كلكن !!! لفت لخالتها .. -يله باخاله قومي شوفي معنا!؟ -وش فيه برا يامهره؟!! خالد وش مسوي!؟ استاقفت ام سلطان مقربها منها سمر مركزه .. -يمه وش فيه خوفتيني ؟! تبسمت ام سلطان -تخافين من ايش ؟؟!!!! افلحي انا قادرتن امشي !!! يله ياخاله يله ساره !!! حنان قومن قومن!!! ارتهبت مشاعر رنا بربكه وهي تلمح فرحة أمها تبسمت بلاشعور وخطواتها تتقدم ركضت سمر من جنبها -والله محدن يسبقني !!! بطلع اشوف مهره وش مسويه!؟!!! ركضت سمر متباديه خطواتها الين وصلت لمدخل النساء فتحته بكامل سعته .. شهقت بصرخه وعين مبهوره ... -يمااااااه تهادت خطواتها طالعه ورافعه راسها .. متباديه نظراتها مزتهيه بسرور ومتبارقه مع اشراق وبرقات سيور الانارات المتهاديه حوالين كل ركن وجدار جمدت أنفاسها مترقبه وهي تتراجع بخطواتها اكثر واكثر .. تقدمت رنا بصدمه وبسمه مستشرقه مبهجه أنفاسها حتى تتراقص فرحه وهي تشوف عقوود الانارات ... متهاديه من أعالي قصرهم الين اصغر جدار .. والممرات .. والاسياب ... عقود الانارات مضويه فوق ضي انوارهم زود وزود .. عجزت سمر تنطق مرخيه راسها لأمها ضاحكه بلاشعور مبرقه نظراتها هاتفه -يماااه وش سويتي ؟!!! وش ذا كله!!؟. متى امداهم مانتبهنا لشي !!! رفعت راسها تترقب بحماس وخطواتها تتراقص وتتراكض ... -شفتواااا امي وش سوت ؟؟؟! رنااااا تذكرين بيت جداني!!!؟ ذكرتي جدي الله يرحمه يوم يستقبل امي ويستقبلنا!!!؟. ارتهبت مشاعر رنا مدركه ان أمها تبي تستقبل اخوها زي استقبال ابوها أمها لها بديرتهم .. رجفت شفتها وقتها كانو صغار وذيك ديره وبيت صغير والحين هي ملت قصرهم الكبير والكبير حيل حيل و الي اشرق باستدامة وجود اخوهم الحبيب !! هي زادته نور وتراحيب وضي اكبر ويفوق بيت جدانها !! تبادى حس حنان!! -الله وش ذا وش ذا كله !!!! ذكرتيني ببيوت اول يامرت اخوي !!! تبسمت ساره مشرقه نظراتها مثلهم وملتفته لامها ومرت اخوها تلاقت نواظرهم رفعت هدب عينها هامسه بشفايفها -أي بالله انك امن لهم الاثنين!!! تبسمت زايده بسمتها متقدمه تتفرج على هالعقود الطويله والمممتده ..بشكل فني مبهر .. -ماشاء الله تبارك الله يامهره تذكرين وقت جيت اخطبك لصخر ولدي؟؟! التفتت لها باسمه مستذكرين ..ماضي جاب لهم هالغيمه الرحوم.. -أي اذكر ياخالتي ابوي رحمة الله عليه لاجو خطابنا اضوى بيوتنا ويوم رجعت لهم وجبت سلطان حطهن لي !!! نذرته بنفسي ان كان قدوم سلطان للدنيا ساق هالضي !! فالوليد مثله يستحق من له يستقبل مجيه صغيرن كان او كبير !!! -بارك الله فيك يابنت الاجواد!! عز الله انك جدتي بخيرك على الجميع ياحبيبه!! تراكضت سمر امام نواظرهم .. -يمه يمه يمه الله يسعدك جعل عمرك طويل يافنار بيتنا انتي !!! يهبل المكان يمه ذكرتنيا بايامممم قربت مرتخيه لاثمه يدينها -يالبيه يالبيه جعلنا ماننحرم منك دنيا واخره !! ياربيه ودي اشوف وجه نجول والوليد !!! قربت رنا منهم هاتفه -يالله يمه ياربي يحرم رجيلاتك عالنار !! البيت عمري بحياتي ماشفته كيذا!!! سويتي فيه الي يسويه جدي الله يرحمه تذكرين امي جديده اذا جيناهم ؟! وش تسوي ؟! هزت راسها .. مأكده -اييييه اخبر وشلون انسى استقبال هلي لي !! رحمة الله عليهم جعل مسكنهم الفرودوس الأعلى ! التفت رنا لعماتها -قد قلت لكم جديده الله يرحمها .. تستقبلنا عند الباب ببرقعها وتصفق بيدينها تهلي وترحب ..!! اذا شافت امي مقبله شوي وتركض !! ضحكت سمر -أي أتذكر يمه انتبهي تسوين زيها وتركضين رجولك توها ترا!!! قربت ساره وحنان .. جايات من ممر الحديقه .. -يووه يامهره الحبيبه الانوار الين الحديقه هيناك!!! روحوا شوفو امكم مسويه جلسه تدرون وين بالضبط!!!! هتفت سمر نظراتها متبين أمها وعمتها حركت حنان هدب عينها -تذكرون المرجيحه!!!؟؟؟ تخبرونها؟! روحوا شوفوا امكم وش سوت بها !!! هتفت ساره لحنان معاتبه -حناااان!!! لاتخربين !!!! ركضت سمر وتتبعها خطوات رنا .. يم الحديقه الخلفيه .. وضحكاتهم تتناغم مع روحانية استقبال الشهر الفضيل رغم انه مقبل بعد يومين الا ان استشعار قربه تتنفسه الانفاس اول ماوصلوا وقبل حتى !! لمحو أكاليل الضي حوالين المرجيحه الي تخص نجلا والوليد .!!! وقفت سمر ضاحكه .. بلاشعور -رناااااا امي لبا عمرها شوفي وش سوت صلحتها!!!! وزينتها!! سمعت حس رنا المشرق سعادة -االا شوفي الجلسه الي هينا !!!! ناظري سمر !!! قربت خطوات سمر وانفاسها تلهث وعينها تترقب جلسة السدو المستاسعه والاثاث المتناغمه الوانه يبهج الروح والديكورات .. دخلت بخطواتها .. تنظر لكل ركن ببهجه وفرح -رنا امي هذا كله سوته عشان الوليد!!؟ شفتي شلون تحبه امي!!! لفت لها سمر محركه راسها بملامح مشدوهه -اشك انه لد امي !!! امي تحبه تحبه يارنا !!! لحقتها رنا داخله تتفرج عالاثاث التراثي المسعد للشوف من الاواني والمنقل .. والتكييف وشاشة التفزيون المستعرضه ... همست باستغراب -امي متى قررت ومتى كلمته !؟ انا اغلب الوقت معها ياسمر!!! -يوه منك يارنا هذا خالد اكيد من غيره!!! والله انك يامهره مب هينه!!! لفت لها رنا -قولي ماشاء الله !! -ماشاء الله ماشاء الله يله تعالي نروح لهم !! ........................................ قطب هدب نواظره قافل جواله مستنكر الي يشوف .. وهو مقبل بسيارته لدرجة ركز النظر بيتأكد هذي بوابتهم وهذا طريقهم؟!!!! شد مبسمه بتقطيب متقدم بمسير سيارته الين وصل البوابه .. استبطا مسيره فاتح الجانبي له اول مااقبل عالبوابه انفتحت له لكنه وقف مما استدعى حارس الامن يطلع له -سم طال عمرك! اشر له سلطان -وش السالفه؟!!! وش قلب حال البيت كيذا!!!؟ -والله ماعندي علم يابو صخر !! هذا الأستاذ خالد ولد عم عبدالله!! هو قبل شوي طلع !! مع العمال من الظهر يشتغلون!!! شد مبسمه هاز راسه -طيب شف شغلك!! قفل شباكه بدون حتى يسمع الرد ضعط بنزين متقدم مستغرب وش دخل خالد ؟؟؟ وليه أصلا ذا كله !؟ .. فجأه استنارت ذاكرته رابط هالي يشوف عن قرب بذكريات طفولته الحلوه بالديره وقت يزورون بيت جدهم تبسم بلاشعور يوم استبانت العقود حوالين قصرهم لدرجة صار زي البدر مضوي .. استلهمت روحه تفرصيل ذيك الأيام المشرقه في حياته .. استشعر حتى طعمها واحساسها تحركت سيارته مقبل منتبه لتواجد احد خارج مدخل النساء.. قرب اكثر واكثر وعينه تتبع عقود الاكاليل بكل مكان .. الين وصل شاف امه وجدته وعماته وقف سيارته راكنها.. فتح بابه ساحب جوالاته ومفاتيحه -هلا جده !!! نورتي ؟! تقدم منهم بخطواته لها عاجلته ساره وحنان تتبعها -اهلييييين سلطان عاش من شافك؟! كم لك هينا ماشاء الله!!! هزت حنان راسها بعتب -هو هينا له أسبوع بس ناسي بيت جده وعماته!! تبادى حس الجده -ياهلا !! وينك ياولدي تجي وماتنصاني ! قرب لاثم جبينها ويدينها -والله اني ناويها بس انشغلت !! اسالي مهرة القلب هذي هي قدامكم !! خي حتى نادر تشوفني والله!! رفعت جدته له راسها -عاد وش مشغلك !؟! مسكت لك مكان بشغلكم؟! زين كان مسكت تعين وتعاون! هز راسه نافي -لا ياامي نوره مابعد لكن قريب قريب ان شاء الله بمسك وبعجبك وبرضيك!!! -ان شاء الله ان شاء الله نطقت ام سلطان بحس حاني وواضح -الله كريم يجي ويستقر ويشيل شوي من حمول الوليد ! ناظر امه ثم ابعد عينه .. ردت جدته بحنو الحس -ايييي الله كريم !!! عيالك قدها ان شاء الله يامهره!! كان عندك وحيد وربي اكرمك بثاني !! وش الخبيئه الي لك مع الله يوم جازاك الله بولدن بار بك مثل الوليد! احتبست أنفاسه مترقب بصمت كارهه حاس باقتلاع جذور راحته حتى!؟؟؟ تراجع مترقب المكان قاطع السالفه قبل ترد امه -وش الجديد عندكم؟! وش صاير يمه! ذكرتني باستقبال جدي لنا!! ناظرهم يشرح -مب تقول امي يوم جيتو انتم تحظرون السابع الي سواه ابوي هيناك كان جدي كيذا مسوي ببيتهم!! فرحان فيني!!؟؟ نطقت حنان مبتسمه -أي قالوه اذكر هالسالفه! علمونا رفع راسها متنفس براحه طارد التفكير بالوليد وطاري الوليد -روعه المكان بس ذا لاستقبال رمضان او شلون! وش المناسبه الحين؟! جت ام سلطان تنطق الا وصلهم حس سمر منادي -يمهه المكاااان يجننن مانسيتي المرجيحه وسالفة نجلا والوليد !!!!! بيفرحون ان شافوها مره !!! مررره !!! تابعت ناطقه بدون تتنتبه لوجود سلطان .. وعينها على عماتها -تعرفون انتوا السالفه صح ؟! صح تعرفون؟! الوليد شاف نجلا اول مره على ذيك المرجيحه بالعزيمه الي سواها ابووو قطعت حسها وقت انتبهت لسلطان المستتمع لها .. -جيت.... سلطان ؟!! هلابك! شفت .. نطق بهادي الحس -أي مرجيحه؟!! وش السالفه؟! تلفت بينهم يدور اجابه.. قربت رنا منتبهه لوجوده -هلا سلطان زين جيت خل تلحق عالعشا الحين بنحطه !! وش رايكم ندخل يله يله يجماعه !! تنفس سلطان مبعد نواظره مدرك انها تصرفه -انا متعشي !! بس بعرف وش سالفة هالانوار وش صاير ؟! بتتزوجين بكره وانا مدري ؟! ارتبكت نافيه براسها .. سمع حس امه .. -هذا لجل جية الوليد بكره على خير !! جمدت نظرته ثانيه ثم التفت لها رافع هدب عينه -اها .... قلتوا الوليد!!! اكيد طبعا!! استهجن حسه بهزل كاره ومتمهزي -وجاي من وين هو؟! مجاهد في سبيل الله!!!؟؟؟ وراجع هقب فوز!؟ نطقت ساره بحس هادي حازم -امك حبت تستقبلهم عقب هالغيبه !! فرحانه فيهم الله يطول بعمرها ماقصرت!! يله ندخل اجل؟! هز راسه متلاقيه نواظره بعين عمته .. -تبون تدخلون ادخلوا !! خذو راحتكم!!! لاتخلوني اعطلكم؟! تكلمت امه بحس حاني -تعال كل معنا خل نجلس على سفرتن وحده جدتك ولهانتن عليك! التفت لأمه بحس عاتب متناقل نظراته بينها وبين جدته -لو ادري ان جدتي الولهانه بتسوي لي زي ماسويتي لولد رجلك !!! ماطلعت من الرياض ابد!!! قالها .. مبتسم ومتراجع .. ثم تقدم بخطواته يم الممر المؤدي للحديقه .. همست امه وعينها عليه -الله يصلح الحال!! يله خالتي ندخل ؟! -هو علامه متهاوشن مع اخوه؟! هاه يامهره؟! -وهو متى رضا عليه ياخالتي !؟ الله يعين موكلتن عليهم الله !! الله يوالف مابين قلوبهم .. !! لاتشغلين نفيستك تقدموا متراجعين كلهم الا سمر الي يوم جت تتحرك حست بمسكة سلطان لها .. هامس بثبات.. -لحظه سمر ابي أتكلم معك خلهم يروحون! والحقيني !! عضت شفتها هامسه -طيب ! ترك يدها وابتدى بخطواته يمشي .. مبعد .. لفت براسها شافت رنا تناظرها وهي تدخل وراهم جميع اول مادخلوا رجعت لها هامسه -سمر؟؟؟ بنت؟! تعالي !؟ وقفت سمر متراجعه لها -هاه وش تبين ؟ بروح اشوف وش يبي ؟! -اسمعي اذا كثر عليك كلام على الوليد لاتعطينه مجال فهمتي يعني مب اقصد تردين بجفاسه؟!!! لاااا انتبهي !! سددي وقاربي فهمتي ؟! حاولي تقربين اكثر وتبيينن غلا اللاثنين فهمتي ؟؟ زفرت سمر -اووووف !! الله يصلحك ياسلطان !! طيب عسى ماتهور واجيب العيد !! واعدد له غزواته الي تفشل قال يتمهزا بالوليد!!! شفتي يقول ليه جاي من جهاد يقول !!!! يتمهزا به!! وينه هو؟؟؟ قبل وينه؟!!! امي امس شوي وتترجاه يجلس؟!!! وحظرته محطي نقره من الوليد !!! عساه يجي طرفه !!! اناني هالسلطان!!! مايحب احد بس نفسه قسم بالله انه يحب نفسه!!! متأكده انا من هالشي !!!! -اشششششش سمر!!! هذا الي مابيه!! مب ناقصين هوشات سمر!!! مب عشان احد الا امي !!!! تبين تخربين فرحتها ؟؟؟ خلها تكمل بجية الوليد ونجلا بكره فهمتي !!؟ زفرت سمر بحمق مبعده خصلها وشعرها رابطه من جديد -دمي فاير رنا!!! قهرني قهرني الوقت الي الوليد كان يجاهد مابين جده والرياض ويجينا مهلك تعبان!! هو وينه!؟؟؟ امه او ام الوليد هي!! رفعت رنا يدها تسكر مبسم سمر -بس بس يختي !! امي امنا جميع حتى الوليد!!! اركدي سمروه!! يله روحي لاتتاخرين ولاتطولين!! بروح اشرف عالعشا!!! وزي ماعلمتك!!!سمر بالله تراني بتوتر مايعلم فيه الا ربي !! احتنت مظرات سمر لها متذكره سوالفها مع زناد تنهدت بحس مسموع -طيب خلاص روحي !! بتعوذ من ابليس !! الله يصلحك ياسلطان!!! أبعدت خطوات رنا متراجعه .. | ||||
|
| |
|
18-07-21, 12:23 AM
| #10949 | ||||
| تاركتها لحالها .. اما هي ابتدت تلتتف للمكان الي مشى منه تعرفه .. زين. تهادت خطواتها الين لمحته واقف عند المراجيح .. شدت مبسمها مقطبه هدب عينها ومقربه اكثر اول ماحس بوجودها التفت براسه ويدينه بوسط جيوبه -تاخرتي؟! تبسمت مقربه .. -رحت وراهم عشان امي تتطمن!! تخبر امي التوتر شين لصحتها!! واحنا شاكرين ربي حفظها لنا مانبي نأزمها من جديد !! سكتت وعينها بعينه مترقبها الين خلصت ثم ابتسم بسمه جانبيه ماوصلت عينه الجامده ضيق وحمق .. رفع نظراته للمكان مبهوته برقة عينه .. -ماشاء الله اشوف مره مستعدين !!! تبعته بنظراتها يم المكان -احنا ماندري كله ترتيب امي !! وخالد ولد عمي تو بس شفنا كل شي !! -اه خالد !!! الدرع حقكم بعد الشيخ الفلتان!! استلجت نظراتها .. -سلطان !! اذا بتتكلم على اخوي الكبير كلمه وحده منيب جالسه اسمع لك !! اذا ماحترمته انت شي راجع لك !! بس انا احترمه حاظر وغايب !! لو سمحت لاتجيب طاريه كيذا !! -اوه !!! حتى انتي؟!!!! -ايه حتى انا رفعت كفوف يدها هازه راسها -ومابي افتح كلام عنه ابدن !!ولاعندي استعداد.. لانك بتسمع مني شي مب مرضيك!!! استهجن حسه .. بضيق .. -الله!!!! اعقلي يابنت واحشمي اخوك الي اكبر منك!!! بلاهبل!!! مب انتي الي توجهيني !!! رجفت شفتها وقت تغيرت نبرته لها .. كتفت يدينها بالعه كلامها الي بتقول -طيب الي تبي !! الحين وش تبغا مني ؟! ليه مناديني؟! ترقبها وترقب ثورة أنفاسها حاسس بنار بصدره وقهر منها ومن ذاك الي ساب منه حتى محبة اخته ذي!! نطق بحس نافر -وش السالفه!! الي قلتيها هيناك!! اشر عالمرجيحه -وش دخل ذي اللعبه بالوليد!!!!! وامي ليه مبهرجتها كيذا!!! اخبرها خربانه ليه صلحتها !!!!؟؟؟ تتابعت اسئلته لها ورا بعض وهي من حمقها منه عجزت تمسك لسانها ولاتبي هزت راسها ببسه وعينها عالمكان الي اشر عليه!! -تذكر عزيمة ابوي الي حا فيها الوليد اول مره!!!؟؟ يوم قالو ان ابوي كان يبيه يجلس وهو وفض!!! -ايه وش فيها ؟! شدت مبسمها مبعده نواظرها له .. -هينا الوليد شاف مرته!! كانت راكبه هالمرجيحه ورجلها مجروحه!! وهو الي طلعها !! وقتها عمرها خمس سنوات!! صغيره كانت !! ترقبت عينه الجامده فيها وتقطيبة عينه.. لها تابعت مبعده نواظرها وحسها وقت تتكلم عن اخوها الحبيب مختلف -هينا كانت بدايتهم!! نجلا تتذكره وتعرفت عليه وعرفت من ساعدها وقت شافت المرجيحه من جديد!! وهو بعد تذكرها!! هزت كتوفها ساحبه انفاس -سبحانه ربي جمعهم قبل سنيييننن وماكنوا يدركون انهم بيتزوجون وبيجمعهم ربي من جديد!!! تتبادت ضحكات سلطان المستعليه انصدمت من ضحكه ملتفته .. له باستغراب وهو مستمر يضحك رافع يده لها -لا منيب صاحيه!!!! من جدكم ؟! وش هالخراط!!!! وش هالعبط الي انتوا فيه!!! قابلها وقابلته!!!!!! لا واجتمعوا!!!! قطع كلامه ضاحك بلا وعي ... استفزها بالصميم تابعت مقاطعه ضحكه -الا صدق صار حتى هي كانت تحسبه انت!!! ويوم انخطبت وخطبها ابوي على بالها ان الي شافته هو انت!!!! سكت فجأه .. منلجم وهي تتابع بحس نافر -بس سبحانه مب انت!!!! يعني شوف تياسير الله وحكمته!!! هي طول هالسنين تحسب انها مخطوبه للشخص الي شافته وبتتزوج الشخص الي شافته!!! وتتامل وتنتظر وبالاخر ربي سبحانه ماخيب رجاها خذته صدق !!! قاطعها .. بحسه مأشر لصدره -انا الي تنازلت عشان كيذا خذاها!!!! هي لاتعرفه ولاتدري انه مخلوق من أساس!!! هزت راسها ببسمه مدركه حمقه -أي أي هي ماتدري تحسبه انت!!! بس هو مب انت!!! هو الوليد !!! صراحه هو الي يستاهلها!! انهت كلامها وقبلها انهاه هو بصفعه مدويه لجم فيها مبسمها بلاشعور.. استفزه منطوقها وتبجيلها للوليد .. رجف فكها بصدمه محتده نظراتها ومدمعه عينها من قوة ظربته هتف بقل ادراك -سمر؟! ماقصدت!!! مسكت مبسمها المرتجف ناطقه برجفه وعينها تدمع من قوة صفعته لها تراجعت بخطواتها .. -عمرك ماتوصل مواصيله!!! لو تحاول من هينا ليوم الدين!!! تدري ليه !! لانك ماتشبهه !!! الوليد يوم احتجناه تدري وش سوى !!! يوم شاف دموعنا تعرف كيف تصرف!!!!!؟؟ قاطعها متقدم -اسمعي وانا اخوك!!! تراجعت بقهر متابعه وكنه مايتكلم -تدري تدري ؟؟؟؟؟ بس يوم شاف دموعنا وش سوى ؟؟؟ ضمنا وباس روسنا !!!! مو مره ولامرتين اكثر من مره!!!! وقال انا موجود لاتشيلون هم شي بالدنيا !!!!هذا واحنا ماكنا معه زي واحنا معك !!!!وانت !!!! وش سويت؟! عشان قلت كلمة الحق والصدق ضربتني !!! احتنت نظرته رافع يده شاد مبسمه وناطق -سمر قلت لك ماقصدت!!! من متى انا اضربك!!! عاجلته راده .. باستنفار ودموعها تصب -ومن متى ماوجع تنا!!!!!! !! اذا رجعت عشان توذينا في امي وفي الوليد فاحنا مانبيك!!! ارجع مكانك لاتفرقنا!!!! شدت مبسمها .. مترقبته .. وسامعه حسه النافر -انا ماقصدت!!! اسمعيني !!!! -مابي اسمع منك شي !!! فارقنا وبس ارجع للخراب حقك والي الوليد يطلعك منه دايم!!! بس هالحين بنحلف عليه يخليك ومايجيبك !!!! تركته مبعده وراكضه .. وهي تنشق بضيق .. اماهو التفت مناديها -بنت!!! سمروه!!!!! والله اني ماقصدت!! ارجعي !!! سكت مترقب ابتعادها .. ثم لف بجيده يم المكان عينه جت عالمرجيحه بتركيز ... محتده نظراته.. ومحتبسه أنفاسه شاد مقابض يدينه بضيق ..!! ومتعاليه صرخات داخليه بروحه كاررره وين ماولى وجهه وروحه الا مايلقى له ذكر !! استحل كل شي كل شي !! .. تتابع بمسامعه حس سمر الباكي ونطقها عن فعله معهم .. حتى علاقته الي يحبها مع خواته شانت بسبته!! مثل السم وجوده بحياته!!! استملك كل شي !! نغزات سمر.. له وان حتى نجلا من الأساس كانت للوليد مب له قهرته!!! استفزت مكامن رجولته وغيرته!! ابرقت بذاكرته بعض الصور متذكر لفتات متباعده.. ذاكر مستدرك ذيك البنيه!! بجدايلها وعينها المكحوله !! تقدم بخطواته.. يم المرجيحه.. سمع حس رنا يحذره -سلطان انتبه تلمس شي امي سوته !!! وقف ملتفت لها ناطق بضيق وحمق شارح مكنون خاطره -كل مكان هينا لي انا!! ابوي سواه عشاني مب لاحد ثاني!!!! شدت مبسمها متابعه -ادري !! بس انت وعدتني لاتنسى احنا اتفقنا !!! والحين انت وش سويت ؟! ضربت سمر ! شلون تضربها سلطان سمر مب صغيره ؟! ولاغلطت بشي !!! هز راسه مبعد نواظره -قلت لها ماقصدت هي الي عيت تسمع!!!! كلكم اذانيكم سادينها !! كتفت يدينها .. بقل حيله -ليتك ماستعجلت!! وش سوت لك سمر عشان تضربها !!! من متى تمد يدك ؟؟؟ لو تشوف وجهها شلون !! الحين مب قادره تنزل لأمي بسبتك!!! زفر بقل صبر وحمق وضيق رافع يده -انا بروح عنكم واتركم عشان ترتاحون أصلا!!!! غلطان الي جيتكم!!! قالها متقدم ومتعديها .. وماشي .. التفت. تناظره رافعه هدب عسنها متنهده رافعه راسها -يالله !!! الله يصبرنا وبس !!! ........................................ جزيرة العشاق موريشيوس فتحت عينها بتوهان موجع.. ضاغطه مبسمها ويدينها تحتظن جيدها .. ماصدقت يطلع من المكان .. استمرت ضاغطه على روحها عشان مايحس بها .. تضحك بلا شعور وترخي مبسمها بلا إحساس... مب هين الي تحسه ويتزايد !!! ترقبت المكان .. بضيق حاسه بوجع بجيدها .. يتفاقم ويزيد .. معقوله هذا زي ماتتخيل !!! غمضت عينها ضاغطه معدتها تحس باسياخ حاره تقطع دواخلها .. وتكتم أنفاسها .. تقدمت بلاشعور .. عطشانه.. ماجا ببالها الا عصيرها والبودره الي صارت تعشقها اكثر من العصير !! قطبت هدب عينها وريقها جاف تبي تستبق اللحظات قبل يرجع ويشك فيها ووضعها الي أصبحت حتى هي تستغربه .. اول مالمحت علبتها .. قربت بخطواتها .. ماده يدها .. قاتحه العلبه بعجل لاحظت انها بتنتهي ومابقى الا القليل.. ارتهبت أنفاسها قالبه العلبه لباطن كف يدها وأول ماتهادت بودرة العصير رفعت يدينها لمبسمها تلحسه بشراهه رجفت يدها وانفاسها .. شرقانه تحركت بعجل ساحبه غرشة المويه الكبيره وفاتحتها بدون تصب لها رفعتها كلها شاربه منها تاركه قطرات الما تنسل حوالين مبسمها مختلط كل شي مابين شعرها .. وخدها وانتشار البودره حوالين شفايفها .. شربت وشربت وشربت .. بانهاك!!! وعينها تايهه بالمكان مستشعره الم ووجع يدك روحها ومعدتها!! ثم اجنابها !!! معد تعرف الوجع وين بالضبط!! تحسه يجري مجرى دمها بالشرايين !! انهد جيدها ماسكه المويه لامتها تراكت عالجدار وعينها هايمه.. وروحها تسحب الهوى.. تحس انها مخنوقه .. تبي تتحرك لازم تقوم قبل يجي ويشوف ..!! مرت ثواني حست خلالها بانحسار الألم الغريب .. تلمست مكان رحمها اسفل بطنها .. ضاغطه عليه وهامسه برجفه.. ملهبه للروح متضضع شعورها مابين ضيق وانتشاء هايج مضيع ادراكها -يارب كل هذا حمل !!! يارب !! غمضت عينها ضاغطه اكثر حاسه بحراره باجفانها ... تلسعها ماتهديها فيه بروحها خوف منزوي اليوم بس استشعرته حركت راسها المرتخي عالجدار تترقب المكان .. إحساس مختلف ضايج يجيش بصدرها وسكون ينتشي بصمتها .. رفعت يدها منتبهه لبقايا بودرة التانج الي خلص وانتهى ..!! قطبت هدب عينها .. خلال هالايام اليسيطه قضت عليه بشراهه تبسمت برجفه رافعه باطن كف يدها ومطلعه لسانها ساحبه كل ماتبقى بضحكه طارفه تدري هذا وحم!!! مب قد شافت الجازي تلحس الطين!!!! وضحكوا عليها هي وشيهانه!!! هي زيها بس الحين تلحس عصير !! اهتز متنها ضاحك بوجل .. مبتديه تتحرك مب قادره توقف أساسا ابتدت تحبي بخفه .. حاسه بدوخه ..تاركه شعرها يتهافت ويحاوطها من كل صوب تحركت الين وصلت لعامود موجود.. استندت عليه واقفه بجهد .. مترقبه حالها وحال المكان .. رطبت شفتها مستكينه أنفاسها لازم تتحمم بسرعه قبل يجي زفرت بهدوووء هامسه بحس شاقي بعيييييد عن مدارك عقلها الغافل -مايندرى مهره !؟ ولامحمد!!!؟ يارب من فيهم بيجي قبل !!! ضحكت بخفه متحركه عقب حست بقدرتها تثبت .. انحنت تشيل غرشة المويه وتصب كل الي فيها بالمغسله قدها انعدمت من بقايا....التانج وتوسخت!! التفتت لاعبة عصيرها مكشره -يوه خلصت اشوى بنرجع بكره !! تنهدت ساحبتها وراميتها بسلة المهملات تحت المغسله الموجوده.. هي وغرشة المويه.. ترقبت المكان ساحبه مناديل بسرعه وماسحه المكان ومرتبته.مع ان فيه عاملات نظافه متوفرات وقت الطلب . التفتت للمدخل تتسمع .. تنفست بهادي الحس مرتاحه انه تأخر صارت تستصعب انها تخبي عنه حالتها الي تسير عليها ماتدري وش يمنعها !؟ ليه ماتقول له؟! بالعكس يمكن يعرفون هينا وتكون لهم ذكرى حلوه ؟! هزت راسها مانعه افكارها تسترسل اكثر ! لالا يستحيل تقول له شي هي تعرف حساسيته لهالموضوع لو مابين لها ولو اظهر انه عادي ومبسوط لكن الا داخليا مايتأثر اذا ماصدق حدسها وتوقعها ...بتدعي ربها وبتطلبه .. يكشف لها صدق شعوورها لجل تعرف ... قبل يحس فيها .. تبادت خطواتها يم دورة المياه ... قطبت هدب عينها بتوهان مافيها .. تعبي البانيو مويه .. تنفست متراجعه تبي تتوجه لحوض السباحه الخارجي .. ضغطت الزر لجل ينفتح لها الباب باريحيه وتمردت خطواتها يم البركه مترقبها بريق الما .. وجمال المكان... قربت اكثر واكثر .. وهي تضيق نواظرها تبي تثبت .. زفرت بهمس .. مستجلسه عند الدرج المتدرج العمق .. مبتديه تنزل مقادمها بخفه .. شهقت من برودة الما.. مانتبهت وتغافلت انها حتى ماشالت لبسها عنها ابتدت تغوص بجيدها مستقبله البروده الي تباري برودتها وقل احساسها ... خذت نفس عميق قبل تغوص بكامل جيدها تحت المويه ... وشعرها متبادي حواليها يتراقص على سطح الما وينسحب لها بخفه... ابتدت فقاعات الانفاس .تعتلي وعينها مغمضه تعيش بعالمها الخاص واحلامها .. الي تتزايد يوم عن يوم... ماتدري كم تمت معد تعي شي بالوجود ... طايره وسط السحاب المتمثل بالما... فجأه انسحبت ... وهي تستشعر قبضه ثقيله تحاوط ... خصرها وتنشلها رافعتها .. طلعت شاهقه بعمق .. وشعرها معطي رسومها وحس الوليد -نجلا!!!!! علامك!! نجلا!؟؟؟ ضحكت شارقه وهي تطرد الانفاس الي حبستها رافعه اناملها تبعد خصلها حاسه بحرارة جيده تحتويها .. فتحت عينها مرتجف فكها وشفايفها وضحكاتها الخافته تتبادى -وش فيك؟! انا !! انا غصت ماغرقت!!! وراك خفت!! ارمشت بعينها .. ماسحه بواقي الما تبي تشوفه اول مافتحت عينها تلاقت نواظرهم شافته مركز بملامحها بتقطيب .. متوتر رفعت اصبعها تمسد بين نواظره الممتليه ما -كنت اسبح يالوليد!!! شيل هالتقطيب !! خله يروح .. تنفس بارييحه متصادمه أنفاسه الساخنه ببرودتها ابتسم بسمه جانبيه خفيفه هامس بثبات وهو يحتظن جيدها له -خوفيتيني!!! ؟ احسبك دختي وانتي تسبحين!! ضحكت بخفه متلمسه اكتافه .. ونافيه براسها -لا...لا ياروحي انت سبحت انا !! انتبه لقميصها عليها -تسبحين بلبسك؟!! | ||||
|
| |
|
18-07-21, 12:24 AM
| #10950 | ||||
| هزت راسها .. بعفويه وهي تحتظن اكتافه وتسند راسها على صدره .. -عادي أصلا كنه لبس سباحه مايفرق !! نسيت ؟ انك تركتني اسبح بدون فستان وسط البحر!.. حست بنبضات صدره معتليه تراجعت مقطبه هدب عينها تناظره ببسمه خفيفه وهي تسحب باطن كف يدها يم صدره وفوق مكمن النبضات المجنونه الي تستشعرها -قلبك يدق بقوه!!! قاطعها .. شارح .. وهو يرفع حواجبه .. -دخلت ادورك ماحصلتك!! اول ماطلعت هينا ماشفت الا سواد شعرك .. وكلك تحت الما!! وش متوقعه مني ؟! اكيد بخاف ! شدت مبسمها .. مقربه لاثمه ذقته .. ومحاوطة رقبته .. ثم تراجعت تترقبه .. -لاتخاف صرت اعرف اسبح ماشاء الله ! أصلا كنت ناويه اتحمم وغيرت راييي ابي استفيد من البركه حدها قريبه وخاصه لنا ! تدري ماسبحنا فيها؟! كله بالبحر!! ارخى جبينه ملاصقه بجيبنها وناطق -تبين نتعشى هينا!!! اكنسل حجز العشا الخارجي والمسرح؟! ابتدت اطراف اناملها تتلاعب يخصل شعره الخلفيه والنازله على رقبته.. -أي عادي الليله عشانها الاخيره ابي اجلس معك هينا ! كل شي تفرجت عليه والمسرح مب لازم!! متى رحلتنا بكره!؟ خلصت كل شي ؟ ابعد راسه مترقب شفايفها الكرزيه وقطرات الما مستمهله بثقلها على رموشها .. أساسا هو طلع يكلم .. ماقدر يتواصل مع هيثم .. يبي يعرف حال طلال وميثا .. تطمن عالاوضاع الباقيه.. وتواصل مع الرقابه الي محطيها على سلطان .. مابه شي جديد .. -أي خلصت كل شي جاهز .. -بنرجع بعد بطياره خاصه او عادي مع الناس ! ابتدت تتلاعب باناملها على واس كتفه .. -لا بخاصه .. ودك مع الناس؟! رفعت له عينها -لا عادي بس اسأل .. .. ! تحرك واقف بكامل طوله الفارع -التفتي اجدل شعرك ترا الكلور مب زين للبشره والشعر .. كان رفعتيه!! تبسمت وقت حست ببعد يدينه من حواليها ثانيه فقط ثم استمسك خصرها لافها .. انتبهت ان عمق الما واصل الين معتلى خصره اما لها الين تحت اكتافها .. حست باصابعه تتحرك وتجذب شعرها كله.. همست ناطقه -ماعندي بكله ! -معي !! مد معصم يده .. لها. قطبت -هذي بكلتي؟!!! صح ؟ الي ذاك اليوم؟! لفت له مبتسمه .. -الا صح بكلتي يوم ارقص عالمكتب وتاخذها ؟! ليش لابسها الحين .. ! توني انتبه لها ! تبسم مرجعها مكانها.. ولافها مبتدي فعلا يجدل شعرها .. -هي معي أصلا رجعيها اذا خلصنا ترا باخذها منك! مرت ثواني .. الين خلص جديلتها .. ترك شعرها على جانب جيدها -هه وش رايك فيني ؟! مب تعلمتها! ارخت راسها متلمستها .. -أي والله ماشاء الله عليك!! ..اصلا وش الي ماتعرفه انت! التفتت له .. مبتسمه .. ترقبها بصمت ثواني ثم عاجلها مرخي راسه ودافنه برقبتها .. وحاظن ظهرها له -ماعرف ؟ ماعرف شلون اصبر عنك !! هذا الي ماعرفه ولاابي اعرفه!!! تنفس اكثر دافن مبسمه بمنحنى عنقها .. ارخت نفسها وتساندت على ظهره .. معطيته حريه الاحتضان.. مستشعره لثماته المتعمقه .. بجيدها .. مبتدي بسكون روح يتدرج بلمساته الحانيه الين اكتافها .. محتظن غصنها باشتداد.. هامس ببحة حس ثابت متبادي -اموت بين الخد !! وعيونه السود! لفها بيدينه مبعد مبسمه جاذبها تقابله متابع .. -وحواجبن ربي بملحه قرنها!! وشعرن بدهن المسك!! والورد مكدود!!! هز راسه وقطرات الما .. تتهادى حواليهم -جديلتن تضمني ؟! واحتضنها!!! ياعيد!!!انا مولعن بصغير السنٍ!!!!؟؟ تدرجت أصابعه متلمس شفتها الي ماتفارق خوافي ليله واحلامه وامنياته .. -لو مبسمه سمّ قبلتّه له وانا راضي!!!! انهى منطوقه منحني جاذبها له لاثم مبسمها .. بتعمق متدرج .. رفعت كفوف يدينها تحاوط ملامحه الشرقانه من الما !! بخفه .. متهاديه اناملها حوالين مبسمه المتعمق بها مستقبلته بعشق متفرد علمها هو اساسياته واركانه وتعمق معها فيه.. ابتعد عن مبسمها راجع يدفن راسه بنحرها بلا ثبات .. متدرجه لثماته المزتهيه شوق وعشق يتجدد كل يوم وكل وقت ..!! تراجع .. مبتعد وعينه تدور عينها .. رفع هدب عينه .. ناطق .. وهو مركز بعمق نواظرها له -نجلا ! اجهدك انا ؟ بمطلباتي ؟! صرت اشوفك هشه مره !! تتعبين بسرعه ! وعيونك تذبل ! الوم نفسي وأقول انه مني ؟! انا ماراعي ضعف بنيتك ولااراعي قل نشاطك!! لكن والله انه مب بيدي !! شي غصبن عني !! اشتاق لك دايم ! قطبت هدب عينها .. تبي تستوعب مقاصده .. وشرحه لنفسه وحاجته الدايمه لها .. تبسمت دواخلها معترفه ومكتشفه انه ملاحظ حالتها ونسبها لقربه المتواصل منها والي ماينقطع ابد... اه لو يدري انها شاكه ان رحمها شايل منه نطفه صغيرونه!! لو تقول بس ؟! ترقبت نظرته لها وتركيزه تأملت..احتدام لون السواد بعينه .. موقنه.. انه يحتاج وجودها كما وجود الما بالحياه.. قاطع تفكيرها .. قابض ذقنها منبهها من توهانها -سمعتيني ؟! انتي معي؟؟؟ ليه تبتسمين ماقلت شي يضحك؟!!! انا صدق معد استغني عنك !! انتي شايفه وضعي !! يمكن مب طبيعي لك !! لكن شي مهم لي واشوف انه بدا يأثر عليك !!! ميلت راسها .. مشرقه نظراتها مترقبه كل ملامحه بحب عميق .. وصولا لشيبات ذقنه المتفرقه .. -يوووه يالوليد !!! انا مجهده من خروجنا كل يوم ! والحماس الي اعيشه كل يوم !!! الأماكن الي نزور ونروح لها !! شي جديد علي !! ماقد عشته !! وحط ببالك بعد انه معك انت !! حبيبي وزوجي !!! انا أعيش فوق السعاده اضعاف واضعاف!! لاتقول هالكلام !! انت مايجي منك الا كل شي احبه انا !! رفعت اصبعها مأشره لصدره.. -كل شي كل شي يجي منك اتقبله!! واحبه وتراني انا بعد احب مره ابسطك!! ودي دايم اشوفك مكتفي بي عن كل شي !! ترقبها ببسمه ونظره غازيه وغاويه.. وهي تستنطق له كل هالكلام .. والي طلع من عمق محبتها ووصل له بادراك وسهوله .. قبض كف يدها .. متراجع .. -تعالي نجلا!! ابتدت خطواتها تتقدم تابعته وهو يمشي وسط الما الين وصل للدرج مبتدي يعتليه .. وهي تتبعه نطقت بحس سائل .. -وين!؟ الوليد !! خل نسبح شوي !! نستغل هالبركه بكره راجعين !! ترا مابي البحر !! اعتلى معها بخطواته..جاذبها .. يم ساحه خضرا مشجره ومزدانه ورود .. اشكال والوان.. بجانب البركه.. وقف خذا معه روبه.. قطبت هدب عينها وقطرات المويه تتناثر حوالين ممشاهم راسمه طريقها معهم وين ماتوجهوا!!! وقف تارك يدها تمت تترقبه وهو يفرش روبه .. عالارض .. همست ببسمه مصدومه مبعده خصلها الرطبه ومبعده جديلتها.. -بنجلس هينا!!! ؟؟ رفعت له راسها وهي تشوفه يجذب يدينها و يستجلس ويسمح لها تجلس جنبه .. بس ببعد خفيف -تعالي!!! كانت مستجلسه على ركبها والمويه منها تتبادى .. تبسمت بقل تصديق -وين نجلس كلنا مويه!!!! ضيق نواظره لها .. ثم ابتدى .. بخفه يفتح ازرار قميصه الي لابس .. فتحت عينها .. ملتفته بوجل .. هامسه -الوليد بلاهبال!! نطق بحاذر الحس الامر وهو يتأمل جيدها من مقادمها الين ساس الراس .. -ابيك نجلا!!! والحين !! .. ارتهبت أنفاسها مرجفه نظرتها له .. بقل ادراك مرهب ومنتشي بها لفوق السحاب .. جذبها بذراعه .. محتظن خصرها وناطق وهو مبتدي يدفن مبسمه بنحرها -مب قلتي تتقبلني دايم !! ؟ اجل تقبلي اني ابيك دايم !! شدها اكثر له .. مب معطيها حتى مجال تبتعد .. جاهل انها يستحيل عنه تبعد وتصد!! مدت يدينها تحتظن جنونه الاثم فيها .. مستقبلته وممتزجه معه بكل اندفاع حاني محتويه بكبر حبها له كل توقعاته منها ومعطيته من الحنان والتقبل الي يبيه ويرغبه منها دون غيرها.. ملاحظه اختلاف عمق عشقه لها كثر مااصبح لها راغب ومتطلب كثر ماستشعرت انها عشانه تبي تثبت وتقوى!! كل مره يطالبها بالقرب هي ماتشوف بس عاشقها العملاق ولاالثاير !!! لاااا تستشعر حبيبها الصغير مسلوب الطفوله .. محروم الضحكه والبهجات العميقه الي استحقها وانحرم منها .. جادت معه وبتجود اكثر رغم جهد الجيد ..وخوفها المدفون .. بتعطي الى مالا نهايه .. .................................................. ........... واشرق اليوم الموعود بالرجوع .. لديار الوطن من بعد الغياب الللذيذ الجميل الي تقاربت فيه انفس أرواح ذاقت من الهم واعتلت بثقة باريها وماانخذلت .. قصر صخر آل جلمود ... الساحه الخارجيه .. تأملت نواظره بانبهار .. الاضائات.. والضي المشتعل بكل ركن والي اوجد من وسط الظلام منظر مبهج للروح .. ارخى راسه ناطق بحس مستعجب -كل هذا!!!!؟؟؟ سوووه بيوم بس؟!!! اما هالعالم يادواود ماشاء الله عليهم!!! خلو بيتهم مدينه كامله!!! ناظر شلون انوارهم عطت على حوايرنا كلها لاااا!؟ غطت عالرياض بكبرها بعد !!! الله يهنيهم ياذكر الله وبس!! ناظر داود بحماس مبتسم -والله اني فرحان بجية عمي الوليد!!! بشوف وش يقول وقت يعرف .. ان ولد سعيد زي اسمه!! ضحك داود بخفه .. -ماقد حصلت وانا موجود صراحه!!! حتى انا الي اعرف !! تصفح مساعد كتابه الي بيده داس قلمه وسط الصفحات.. ثم مطق متابع -هو من بيجيبه من المطار؟! هز داود اكتافه .. -مادري والله ماعندي علم ! محد عطاني امر استقبله !! اكيد هو مرتب لها ! استجلس مساعد .. بتفكير -والله الود ودي اروح استقبله بس مادل طريق المطار!! سمعت ان هو عنده طياره خاصه رايح فيها يقولون العيال!!! لها مخرج ثاني غير المطار صح!!ودي اروح وش رايك توديني؟؟ ارخى داود نظراته يم الشغل الي بيده.. -ويييين؟!!! يجي من صالات الطيران الخاص !!! مب مع العالم الي زينا!! ضحك مساعد بخفه متقدم .. يساعد داود -أي عالم ياداود انا ياولد ماقد شفت مطار!!! ولاطياره!! .................................. جناح سمر .. واقفه امام مرايا غرفة ملابسها وبالتحديد عند تسريحتها ..مقربه ومضيقه نواظرها يم اثر ضربة سلطان.. لها ... سمعت حس رنا .. -جربي حطي خافي عيوب !! بيختفي ! تنفست بحمق -بحط بحط !! لفت لها بحمق -شفتي رنا ؟!! تدرين ليه ضربني ؟! انقهر مني لاني مدحت الوليد!!! وش يبي اجل ؟ وده اسكت!!!؟ واسمعه وهو يقلل منه!!! لا والله محدن يجتري يذم اخوي بالشينه!!! قطبت هدب عينها رافعه اصابعها متلمسه مكان الضربه -صح انها جت قويه!! هزت راسها بعين مسشرقه بسمه متابعه -بس يستاهل فروعون نجول!! من يفزع له!! ضحكت رنا .. -والله انك خبله ! الله يصلح الحال! -امي سالت عني ؟! -أي بس قلت رجعت مجهده تبي ترقد عشان تتنشط قبل يجون ! -زين قلتي كيذا !! وسلطان وينه؟! ماقال شي ؟! هزت رنا اكتافها -ماشفته عقب امس !! اخبره يقول بروح واخليكم! بس استحاله يسافر ومايمر امي !! -يجلس او يسافر معد تفرق معي رنا!! اهم شي لاينكد علينا ! امس شاف بس امي وش سوت وانقهر!! اجل لو يشوف احنا شلون بنستقبلهم! وش بيسوي!!! -هو واعدني مب مسوي شي المهم متى تجهزين انتي يله اعجلي حطي خافي عيوب وكثري بلشر أي وحطي روج غامق شوي ! وانزلي قبلي بروح اتحمم واتجهز! مطت سمر شفتها وهي تختار لها لبس من دولابها.. -رنا!؟؟ اخبارك مع زناد؟! نطقت رنا بقل اهتمام .. -عادي مافي جديد!! معد كلمته !! التفتت لها سمر مختاره لبسها -مدري ليه احسك ظالمته هالرجال!!! بالله لاتقولين شي الين اخلص !! انا اقصد انتي من البدايه معه في حرب !!! مدري شلون وضعكم!! حتى اسلوبك معه امس شين مره!! الحين مب يقولون الوحده لازم تقدم تنازلات وتصير هينه لينه عشان تكسب رجلها!! ؟ رفعت رنا حاجب مبتسمه -ماشاء الله !!!! والله صرتي تنصحين بعد !!! ضحكت سمر بخفه -اعجبك والله من كثر مااقراى واسمع صار عندي خبره !!! تدرين انا الي اعلق على مشاكل خوات صديقاتي وغالبا غالبا يكون كلامي هو الصح !!! والله انهم يرجعون لي يقولون منتيب هينه سمروه!!! تنهدت رنا متغافله طاريه. -تزين الأمور !! زناد يبي الزواج ثالث العيد ! رمت سمر فستانها ... مقطبه هدي عينها -ايوه ؟! مره قريب متى يمدي ؟! -مايمدي على شي ولامهتم يبي نتزوج ونسافر عنده مؤمتمر ! -اهااااااا أبعدت نواظرها مفكره ثم رجعت لها -حطي ببالك لو قلتي لامي بتقول لك المره تتبع زوجها وبتخليك توافقين!! ضحكت رنا راده بهادي الحس -ايييي اكيددددد متوقعه -عاد عشانه زناد بتقول طيعيي واسمعي شور أبو عبدالرحمن!!!! تنهدت رنا ناطقه بحماس -والله ياسمر اني مشغله بالي بجية نجول والوليد !! متناسيه كل شي ! وغير تحظيرات رمضان مب منكد علي الا هجة كانو!!!!! أي زن سمر راسها بتقطيب وهي تستجلس -هذي عاد الي فاقعه مرارتي اكثر من سلطان!!!! يختي عقب كل شي ! نسويه معها !! تهج!!! خالد وش يقول ؟! رفعت رنا هذي عينها مكتفه يدينها -مابيده شي لازم عشان يبلغ يكون جوازها معه !! يعني مب مستفيدين ابد ننتظر الوليد مب اقولك انا متنكده بسببها!!! لاني بعلمهم عنها!! هتفت سمر -لالا لاتقولين عادي مشي الأمور اليوم بكره علميه !! -ماينسكت عليها سمر ترا تجي مسائله على الوليد !!! لازم يبلغ!! ويعتبر متأخر ! تنهدت متابعه وهي تتقدم -انا بطلع اجهزي انتي وانزلي تحت ! -فكري بكلامي لاتعلمينه اليوم شي ابد !! -بشوف ...بشوف ... هتفت سمر -رنا جده بتجي وعماتي؟! -لاااا من امس قالوا مب جايين! عمه ساره بتروح لعمتي حصه ! وحنان بتجلس مع امي نوره! .................................................. ....................... تنهدت متسانده على كرسيها وعينها على الشباك بترقب حماسي مبهج .. ويدها تتلاعب باطراف شعرها .. ارخت نواظرها يمه مبتسمه متذكره الوليد وهو يسحب بكلتها منها ويسترجعها له!! اول مابتدت تتجهز مستغربه احتفاظه لها شافته يلبسها بمعصمه تحت ساعته.. ماقد انتبهت انه يحطها هيناك ابد !! رجف نبضها متذكره الجنون الجامح الي تشاركوه وطغى هو فيه ..احتبس شي من الحمار وشعور الرهبه وقت رفعت راسها وتلاقت نواظره معها .. ضيق نواظره لها .. مبتسم -علامك!!؟ تبسمت طارده الصور والاحراج لو يعرف وش تفكر فيه والله مايعديها لها بالساهل ... -مافي شي متحمسه اشوف الكل خاصه امي مهره!! رطبت شفايفها .. سائله -كم باقي نوصل؟! ارخى نواظره مريح هدبه من التقطيب -راح الكثير ! روحي ارقدي لك شوي !! وجهك مرهق !! وعيونك محومره من كلور المسبح!!! -بتجي معي ؟؟ -انا شبعان وعندي كذا شغله بشوفها جايبها معي ! قالها وهو ياشر على شنطته !! تراجعت مسانده راسها .. -لا ماحب انام على سرير طياره أخاف !! بجلس هينا .معك!! ترقبها مركز .. بنواظرها المجهده مب مرتاح فيها شي متغير عليه هشاشتها صايره ملفته .. وبرودة جيدها المتزايده .. حتى نظراتها تايهه واحيان يحسها تضحك بلاشعور .. متذبذبه..لازم يسوي لها تحاليل شامله وكامله !! شد مبسمه .. ناطق لها بحسه الزاخم .. -تبين اسدح لك الكرسي ! شوفي فيه ريموت جنبك ارفعيه وريني إياه! تلمست باطراف يدها تبحث عنه مبعده خصلها .. لقته .. ضغطت زر وسحبته بيدها .. رفعت راسها -هذا ؟ وش اضغط ! كان يتأمل أطرافها المحمره بتركيز واجفانها وقت رفعت راسها له خلته يوقف على حيله .. شافته يستاقف .. ببطء .. ويتوجه لها خطوتين .. انحنى لها ساحب الريموت وتاركه ثم ابتدى يفتح حزامها .. -هذا ليه رابطته الين الحين؟!! كان فتحتيه بيضايقك !! قبض معصمها -قومي نروح نريح بالغرفه!! غيرت راييي !! -ليه ؟! مب قلت بسدحه لك؟! -مب مريح !! قدامنا وقت !! انتي خايفه لاني قلت مافيني نوم بجلس معك اكمل لي شغل وانتي ارقدي !! ارخى جيده ساحب شنطه له دبلوماسيه .. ومحموله .. -خذي ذا شيليه !! مدت يدها ماخذته وعينها تترقبه .. وهو يأخذ اجهزته معه .. ويستاقف -عصاتي مالها لزمه يله قدامي امشي ! لفت متقدمته .. صادق احساسه فيها غفوة نوم .. بس تبيه معها .. ماتبي تكون لحالها اول ماوصلت تركت المحمول عالطاوله .. وترقبته وهو يترك اغراضه .. ويلتفت لها -يله انسدحي .. ! يله اشوف !! تبسمت بحنيه له ناطقه بهادي الصوت -طيب ..طيب .. تنفست بهدووء ساحبه اللحاف وأول شي استجلست تفتح الكوتش الي لابسته بخفه ثم رفعت رجلها الثنتين داستهم تحت اللحاف .. اطرفت بعينها له شافته مقطب هدب عينه يناظرها بتفكير .. تلاقت نواظرهم -وش فيك؟! ليه كيذا تناظرني ؟! كان متساند على كف يده .. -منتيب عاجبتني نجلا!؟ يمكن انا مثقل عليك !! وانتي ساكته!! سحبت اللحاف -لاتقول كيذا !!! فيني نوم بس امس من الحماس للرجعه كنت اتقلب !! اكيد حسيت بي انسدحت لامه طرف اللحاف تخت ذقنها وعينها عليه .. تابعت -اكيد حسيت فيني !! -هذا الي انا مستغربه !! انتي البارح واصله حدك من الاجهاد !! ماخبر اني ترك بك طاقه تسهرين ومعذبك سهرتي !!! رفعت كفوفها تغطي ملامحها هاتفه -ياخي تفشلني لما تتكلم كيذا !!! لا وعيونك هذي وانت تناظرني ترهبني !!! سوت فتحه صغيره تشوفه منها لقته مبتسم مرخي نواظره لاوراق سحبها من شنطته مبتدي يقراها .. سمعت حسه -نامي نجول .. !! اتضايق ان شفتك مجهده كيذا !!. أبعدت اناملها تترقبه بصمت بدون تعلق .. على كلامه.. فقد ترقبته .. بحب عامر ممتلي وغاشي روحها له.. جت عينها.. على أصابعه وخاتمها بالذات .. تبسمت بتوهان ناعس .. متذكره سؤاله ان كان اهدت سعد خواتم .. همست بلاشعور -الولييد؟ ناظرها بتركيز بدون يرفع راسه -ههم! .. نطقت بكلمه تستشعرها .. ضايج بها احساسها التعبان المجهد -احبك !!! تبسم بسمه جانبيه متلاقيه نواظرهم هي عينها مرهقه تايهه بملامحه وهو مركز ب ثبات ضاري وواضح تابعت هي بحسها الخافت ..وكنها تساير هواجسها المبطنه والي حتى لها ماتظهر مختفيه .. ماتدري شلون طلع من لسانها هالمنطوق ماتعرف حتى كيف وليش.. -قد نمت.... مع مره ...غيري!!!؟؟ جمدت نظرته فيها .. تارك قلمه الي بيده فوق الأوراق المتبعثره .. وواقف .. متقدم وعينها تترقب مسيره الاعرج .. همست هاتفه -ليش قمت؟! -وش الطاري نجلا ؟!!! ليه تستاليني هالسؤال؟!!! رفع اللحاف مستجلس بكامل لبسه .. وعينه بس تترقبها .. زحف بجنبها مقابلها .. متابع بس بحس هامس يتماشى مع بهتان نظراتها -قولي؟! نجلا ؟! زادت بسمتها .. مناغشته -اسأل عادي !! مب تقول انا مااصبر !! شلون صبرت طول هالسنين !!! انهت منطوقها .. مبتسمه .. هدت نبضاته .. المرتعده .. ثاني مره اليوم يحس صدق بالخوف !! المرهب لروحه !!..وكن لسانه عاجز وكل شي فيه عاجز ولايبي ينطق .. تأملها .. محتنيه نظرته مرخي راسه ماد يده يبعد خصلها ورى اذنها بخفه متلمس نعومة بشرتها .. ومستبرقه عينه صفاء لونها واشراقه .. -انا قصدت اني مااصبر مب لاني احب العلاقه فقط!! لمجرد الفعل وبس!!! الي كنت ابي أقوله اني مااصبر عنك انتي ابيها معك انتي ولااصبر عنها مع انتي !!! فهمتي ! ارمشت عينها بثقل .. ناطقه .. بلسان ثقيل .. وشعور خاوي مبتديه تمد اصبعها تتلمس ذقنه وتتبادى الين شفايفه -تذكر يوم تطلقني!! ؟ يوم قلت لك مايدخل علي رجال غيرك؟! شد مبسمه متابع معها بتركيز -ايه اذكر ! مسك كفها رافعه لاثم .. اطراف اناملها تبسمت برجفه ساحبتهم -خلني ..اكمل تراني دايخه مره !! ابي اقولك !! منعها تسحب يدها مشدد حظنه لها -وش تقولين؟! اسمعك!.. استثقلت عينها تعاكس النعاس .. الثقيل ناطقه وهي تسحب يدها وتتلمس صدره وتنطق -انا عفت بيت ابوي وصار هذا بيتي !! حقي !! لاتخلي وحده تاخذه مني !! تبسمت بضحكه ضايعه وتابعت -حتى مهره بنتنا!!! اهتدت نظرته مترقب خمولها الغريب عليه .. هذيان لسانها .. تنفس بعمق قابض كف يدها ومنسدح وساحبها بيدينه -تعالي ياروح بيتك وروح الوليد !! تركت جيدها ينسحب معه بانصياع وطوع سدح راسها فوق صدره.. واستحكم حظنها .. متلامس ذقنه فوق جبينها . .. كان متساند على ظهر السرير وصاير لها هي مركن ومسند وفراش ماد رجله العرجا والثانيه ثانيها باريحيه .. سمع صوتها الناعس -قلبك لي انا!! لاتحب غيري يالوليد!! تلقى كلماتها باحساس ثقيل يغوص بصدره كما مراسي السفن وقت تنرمى بثقلها بعمق البحر لجل تثبت أماكنهم .. احتظن جيدها لصدره.. ماد يده الثانيه يتلقف كفها الحر .. متمسك فيه ومحتظنه بقوه.. وناطق -نامي ياعجيزي !! نسيتي انك مهرتي ؟! الأولى!! حركت راسها بخفه هامسه -لا مب كيذا!! | ||||
|
| |
|
| أدوات الموضوع | |
| انواع عرض الموضوع | |
|
|
73031Likes
العرض العادي
