وخُلقتِ مِن ضِلعي الأعوجُا=خذني بقايا جروح ارجوك داويني * مميزة *

[قال الزهر آآآه]

-يعني وش بالضبط مطلوب مني ؟؟
-ابي تحكين لها كل شي !!! أسلوبه وطريقته !! وزواجه منك كيف تم حتى لو انتي موافه بس هذا مايعطيه الحق يوذي !! وانا معي أشياء تخصه بعطيها إياها بعد !!
-الله يستر !..اهم شي لايوصلني ابد !!!
-لالا ... بعرف شلون استدرجها ونقابلها !!..
تابعت برجى .. اكثر ..
-تراني بعتمد على الله ثم عليك ... لاتخذليني ...تكفييين !!
-لا ان شاء الله عند كلمتي...!! يمكن بفعلي ذا ..اكفر عن ذنوب كثير الله0عالم فيها !!..يله بسكر...مقدر أطول اكثر
-مع السلامه ...
-مع السلامه ..
قفلت منها مبرقه نظراتها بترقب حبور ... سعيد ... تحس بنشوه عظيمه ... باطشه .. ودها تشوف وجه نجلا المصون تبي تشوف برقة عينها وقت تعرف عنه شلون بتصير وكيف بتختفي .. روحها البريئه وقت تعرف ..عنه ماضيه الغير مشرف وش بتقول !!!!؟؟ نظرتها الممتليه له مراسيل .. كيف بتندفن وينمحي منها الكلام .. !! وقتها بس بيصفى لحاله ..وقتها هي بتمد له يدها من جديد وعشانه راضيه تتقبل علومه وسوالف ماضي شين ..يحاول يخفيه .. !.......بتتقبل غضبه واستهجنه ..راضيه ... لازم يعرف انها غير وحبها له غير !! اعمق واشد ..
.................................................. .................................
جموهرية العشاق ..
موريشيوس
بعد انتهت رحلة الغوص ... توجهوا لمحطه .. ارضيه .. وشاطي .. وبعدها لمركز تسوق ومطاعم ..حافل ..بالسياح .. تاهت نظراتها بترقب .. بطيء ماتبي تفوت أي تفصيله صغيره بهالمكان .. انتبهت لاختلاف اجناس السياح .. الأجانب ... والسكان المحلييين وبسماتهم الي ماتفارق ملامحهم ... تمسكت بيده وهي تتبادى بخطواتها وتسال عن كل شارده ووارده ... ماوقف لسانها ..عن الكلام والسؤال ... مبتهج وممتزج معه الانبهار .. شي جديد تشوف .. تبي تتعرف .. وتفهم .. هالدوله وهالمكان الي انوجدوا بعالمها معه !!! وصلوا لمركز .. متوسط .. الرقي ..ومحلي .. وقف الوليد يترقب المكان ..بنظراته ... التفتت له رافعه راسها ..
- وراك وقفت ؟؟ تعال ندخل !؟؟
قطب هدب عينه .. ونظراته .. مركزه .. بداخل المكان ..
- زحمه ..داخل .. مب ماخذين راحتنا ... !! وغير كيذا ماادخل هالاماكن انا !!! بكل سفرياتي !!!
رفعت راسها له ..
-عن التكبر الوليد؟؟
اشرت بيدها .. للمكان ..
-شوف الناس كلهم يدخلون عادي .. جميع الطبقات محد يقول انا مادخل !! لانه يستقلهم !!!
ارخى نواظره .. لها بتركيز ..
-انا ماستقلهم !! بس بعض الطبقات المتدنيه هينا خطره !!
تنهدت بقل حيله .. ونظره للمكان مقطوعة الامل ..
-طي..ب براحتك!!
تم يترقبها ثواني .. ثم زفر مشدد مسكة يدها ومقربها منه ..
-تعالي الله ياجرني على عنادك ويعيني على عويناتك ذي الي تسبلينهن !!
شدت يده .. تسحبه ..بفرحه
-عادي عادي خل ندخل نتفرج .. وجوعانه بعد انا لازم نتغدى !!!! مره بموت من الجوع !!! وابي دورة مياه .. !! ..
ارخى نواظره لها ..
-لأ غدى مااثق بهالاماكن ... مرتب له انا عاليخت الي بنطلع عليه شويات ... !!
-بالله ؟؟؟ خساره كنت بذوق اكلهم ؟
-الطباخ الي جايبه منهم وفيهم بتذوقينه !!..
-طيب خل نتفرج بس ... عادي ماعندي اعتراض.. !!..
شد يدها .. وعينه تلتفت بحده .. ثم ابتدت خطواته .. تتبادى ..
-يله امشي ...
تهادت خطواتها اللعجلا ... وعينها تتوسد كل ركن ... والاصوات حواليها ... والزحمات ... صدق المكان مزحوم ... والجو خنقه بس جميل ... انتبهت لعربات الفاكههه والبياعه المتجوله ... والكشكات .. المتوازعه ... لبيع التذكارات ... شدت يده ...
-الوليد اشتهيت فاكهتم هذي خل ناخذ منها ؟؟؟
شد مبسمه بتفكير يترقب العربه .. والبايعه ... بتدقيق ..
-لازم؟؟؟
همست مقربه منه .. وهي تضغط أصابع يده ..وتتلمسهم..
-ياربي يالوليد لاتصير حكر !؟؟ مسكينه تاجره عاديه !!! بقولك شي انا اثق بالي زيها اكثر من المحلات المبهرجه !! تدري ليش!!
ارخى نواظره .. محتنيه برقة عينه لحسها ..
-ليش؟؟
-لان تشتغل بجهد !! وتعب ماعندها الي يوقف بدالها وهي ترتاح بالبيت !!! يعني من صميم صميم قلبها تعطي !! فهمت؟؟ زي مايقولن صنع بحب؟؟ زي كيذا فهمت علي انت !! او انا ابربر عالفاضي !!
لاحظت بسمه طارفه جانبيه مستاضحه بها غمازته بخده اليمين ..
-لا منيب فاهم !!!
شدت يده بحمق ..
-والله فاهم بس تحرحر بي !!!..
ضحك بخفه ..هاديه
-تعالي يام الحراير امشي !! ..
قرب محاوط كتوفها وعينه عالبايعه ... يخاطبها .. بلكنه فرنسيه ..واضحه ..التفت لها ..مرخي نواظره وهو مبتسم ..
-وش تبين ؟؟ اختاري ... !..
تنهدت بحماس ...- اممممم هذا ابي منه ! اش هذا ؟؟ وش اسمها ؟؟ كنها فلفل تجيبه مرت ابي من المجمعه !!! ..
سمعته يخاطب البايعه .. ويستفسر منها .. انتبهت انها تحط على النوع الي اختارت شي ابيض ..
-الوليد وش تحط ؟؟ عليها ؟؟
انتبهت انها تبتسم وتسال الوليد .. وهو يرد .. ويمد يده يأخذ الفاكهه الحمرا ..الغريبه ..
مدت يدها ..
هتف بحده مزوح ..
-انتظري !!
ضيقت نظرتها مترقبته باستغراب .. الين شافته يذوقها .. ضيق نواظره بتشديد .. شاد مبسمه لطعمها ... مرر لسانه على شفته ..وقدمها لها ..
-خذي ذوقي يله .. !! حطت لك فيها ملح وفلفل !!
قطبت هدب عينها .. مستنكره بهادي الحس الضاحك..
-ملح عاد !!!
هز راسه ..
- هه كيف طعمها حلو ؟
شد مبسمه ... مرخي نواظره ..
-طعمها حامض حلو وحار كلها مره وحده .. يله ذوقي .. !!
خذتها منه ودستها بفمها تحت نقابها .. اول ماحست بالطعم شدت لسانها ..من تناغم النكهه والحمض ولسعة الحراره ..
-اممممم طعمها غريب بس حلوه ... عجبتني !!
اشر بعينه لها وهو يحاسب البايعه ..
-بناخذ معنا؟؟
-لا
التفت لها متابع ..
-خلاص مابي تكثرين توجعك معدتك انتي ماتتقبلين كل شي !!!
رطبت شفايفها .. مبتسمه تحت نقابها .. تدري انه يتذكر .. حالات الاستفراغ الي تجيها ..
-طيب .. بس جوعانه بالوليد .. ماودك نجرب اكلهم هينا ونشارك هالعالم هالاماكن شوف الناس .. ليه احنا كل شي لحالنا !!!؟؟
تقدم ماسك يدها .. وهو يخطو خطواته ... معها ..
-غالبا هالاماكن يتسمم منها الواحد هذا غير ان احنا لازم ناكل شي حلال فهمتي ؟؟ تعالي هيناك دورة مياه .. نسائيه ... تبينها ؟؟ او تنتظرين اليخت ؟
-لا ابي اغسل يدي عالاقل ووجهي .. احسني رطبه مره ..وكلي ملح !!.. انت ماعلمتني بنغوص احسب بس بالغواصه !!!.. كان عالاقل جبت معي غيار ! طيب اليخت وش بنسوي فيه غير الغدى ؟؟
-بنتأمل الغروب ! انا حاجزه لهالشي !!!
-الله .. ياسلام !!!..غروووب بعد !! له له ذكرني أقول لسمر لعاد تقول عنك فرعون!!! انت ملك الرومنسيه يااخي !!!!...
تبسم هاز راسه ...
-سمر هذي يبيلها قرصه !!!والي تسمع لها يبيلها شغلن واجد بعد!!
شهقت ببرائه .. ماكره
-الي تسمعها تحب زوجها جدا جدا مسكينه تراها من زمرة المساكين !! بها خذ العلم مني !!!!وانتبه !! ترا الرسول داعي انه يكن منهم !!
ضحك رافع هدب عينه .. ومأشر باصبعه لجبينها ..
-ياصغر ذا الراس ويكثر غثابيره !!
مطت شفتها ..
-قل ماشاء الله طيب انا مدري عنك تمدحني او تسبني بس بفهمها مدحه !! وبمشيها !
ناظرها بتركيز ...
-تدرين اني ماقد سمعت احد كثر مااسمع لك !؟انتي اول شخص استثنيه !؟؟
تنهدت .. متقدمه معه ..
-مب منك من سواليفي انا اجوز واعجب وكيذا !!!! هذا هو !
-اها ...
اشر لدورة المياه بترقب ... ونظرات محتده ... لحوالين المكان ...
هتفت بعجل ..
-يله انتظرك ادخلي بحسب لك خمس دقايق !!!
دخل يده بجيبه وسحب جواله .. رافع اصبعه يشرح لها
-للضروره!!اضغطي بس رقم 1 !! وطولي وانتي ضاغطه فهمتي!!
ترقبته متفهمه حرصه .. ونظراته طوال الوقت ..ياكم كرهت سعود من عمق روحها .. لليقضه المتزايده الي تشوفها بحبيبها وكنه مو من حقه يعيش براحه ..انعدام الأمان الله لايربحه سعود .. شدت مبسمها هازه راسها طارده الفكر فيه .. ومبتسمه .. بليا اعتراض ..
-ابشر ... طيب ..مني مطوله ... بسرعه بجيك !
ركز فيها النظر وبخطواتها ..
-طيب لاتتأخرين بحسب لك .. !!
هزت راسها ... مبعده نظراتها .. تتفرج عالطريق .. والعالم الي حواليها الين الحين مب مصدقه انها خارج المملكه ... بحركه لا اراديه قرصت يدها .. وضحكت .. بخفه وهي تهز راسها لعامله امام دورات المياه ... فتحت لها الباب ..
-ميرررسي !!!
قالتها هازه راسها وضاحكه لتعابير العامله الي ماتعرف وش قالت اللهم انها تتبسم وتترقبها .. بغرابه يمكن عشان نقابها ... صدق ماشافت احد لابس عبايه غريبه !!! أصلا ماشافت سعوديين كثير ..
دخلت شافت المغاسل .والمكان النظيف ..رغم انه موقع متواجد بسوق عام ..الا انه مرتب .. . توجهت للمغسله فاتحه نقابها بعجل ... مستمهله الما ومشرقه به ملامحها .. ونحرها .. تنفست .. بارييحيه .. منتبهه لوحده .. ومجموعه دخلوا بعدها .. سياح أجانب ...تنبهت لنظرات حواليها تترقبها .. قطبت هدب عينها ملتفته لها .. ارتعش نبضها وقت تلاقت نواظرها مع وحده واقفه خلفها بكم خطوه ..استشعرت شي من عدم الراحه .. بس لفت راسها متشاغله .. لو مافيه احد كان خافت بس المكان امتلى سياح ..لفت بارتباك للعامله ابتسمت بعفويه .. لها .. وذيك ردت البسمه بصمت ..
اطرفت بعينها يم الي وراها وواقفه ..بشكل مريب جت عينها بعينها ارخت جيدها
وتشاغلت .. بشنطتها .. تنفست نجلا ملتفته للمرايا فجأه .. غشاها وجع .. شدت يدها ماسكه اطراف المغسله ..مغمضه عينها ..وهي تسحب انفاس ..تلمست معدتها ..بخفه ..جا ببالها الفاكهه يمكن مانسبتها ..توترت ..برجفه ..ماتبي هالنوبات الي تجيها تنعاد !! ملاحظه هي .. سي فيها غريب .. !! جف ريقها ..اطرفت بنظراتها يم الحرمه مره ثانيه لقتها تتكلم بعيده عنها .. نقدت على نفسها ....مبعده خوفها وش فيها هي بعد !؟ قبل شوي تتدعي على سعود بخاطرها والحين تترقب العالم كن مافيه الا هي ينشغل بها سعود !!! حست بتجمع قطرات عرق على جبينها .. قطبت هدبها مبتسمه وقت شافت طفله ..تبي ترفع نفسها للمغسله وتغسل .. رف عت راسها لامها الي جت وهي تتكلم بعجل وكنها تعتذر من نجلا .. تبسمت لها هازه راسها بنفي .. متنهده ..مدركه انه صدق .. شعبهم ودود ..مبتسم ..بغسلت ملامحها من جديد .. حاسه بعطشها وجفاف ريقها نشفت ملامحها ولملمت خصلها المتهاديه .. بلاحذر .. سحبت انفاس .. وهي تخطو ببطء.. ماره من عند نفس الحرمه والي مازالت بمكانها ماتدري ليه ارتهبت منها ! تقوله ؟؟ او تسكت ؟ اخر شي قررت انها تتركها وتمشي .. لبست نقابها... اول مارفعت عينها للمرايا انتبهت لنظرات نفس الحرمه لكن للمره الكم أبعدت عينها .. رجفت دواخلها .. هل تترصدها ؟؟؟ او تترقب غرابة لبسها يمكن .. منظرها مهيب بس مايخوف بس استغربتها .. حمدت ربها عالصوت والازعاج للبنات المتواجدات ... بسرعه تحركت طالعه ... عاجلتها خطواتها ... وعينها تدوره بكل مكان .. اول ماطلعت لمحته وعينه عالمدخل بتركيز ... تبسمت .. له مقدمه .. لامحه بيده غرشة ما هتفت ..براحه ..
- جبت مويه ... هاتها عطشاااااانه مره !!!
ناظرها بترقب ..
-كيف حمامتهم ؟؟
-نظيفه .. ذيك العامله تشتغل هينا تخيل قلت لها ميرسيييي!!! كيذا تنقال شكرا بالفرنسي ؟؟؟ وضحكت حتى وهي تهز راسها لي !!!
ضحك بهادي الصوت .. وهي متابعه تتكلم ..شدت يده .. متباديه مع خطواته وناسيه كل شي ..
- وفيه بنات شقر بعد .. لابسات شورتات لايكون تمقلت فيهن يالوليد ؟؟؟
التفتت له رافعه راسها وهي تسكر غرشة المويه ..
-لا ماشفت احد ابد !!!
تنهدت براحه ..
-ايييييه زين فيه بعد وحده يالوليد تناظرني داخل !!من دخلت !! لالا دخلت عقبي !!! عينها علي كل مارفعت وجهي شفتها ..افففف خفت شوي بس انها تبتسم حمدت ربي ان مامعي شنطه او شي يلفت النظر !!!
شد باطن كفها .. مضيق نواظره
-ليه خفتي !؟؟ قالت لك شي ؟؟ سوت شي يخليك تخافين ؟؟
-لالا حتى لو تقول مني عارفه كلامها باين من اهل البلد ماشفتها انت ؟؟؟ مانتبهت يوم دخلت وراي ؟؟
ارخى نواظره مبتسم ..
-لأ عيوني ماتهافت عالحريم الي مب حلالي نظري مرفوعن عنه !!
قربت منه شاده ذراعه ..
-اه اشوى اني لحالي حلالك .. ومافيه غيري !!!
ترقبت نظرته لها ثابته .. ورزينه ..
-انتي حلال القلب !!!...والعقل ....!!غيره مب مهم ابد !!
قطبت هدب عينها .. بقل فهم ..
-لا يالوليد فيه محارمك لاتنسى امهاتك الثنتين وخواتك من الجهتين وعماتك بعد !!!
شد مبسمه وهو يبعد نظراته عنها .. ثم يهز راسه..بدون يرد بالصوت ..
- عاد خل اكمل لك .. ماسوت شي بس تتبسم وتناظرني يمكن مستغربه نقابي ولبسي ؟؟؟ صح الوليد ماشوف سعوديين كثير !؟؟
-قليل يجونها هالجزيره اغلبهم المالديف .. او السيشل !..اخترت هذي ..بالعاني !!
-اها .. المالديف سمعت فيها الثانيه لا ..
-كلهم نفس بعض .. مايختلفون .. تعالي نشتري ملابس من هالكشك !!
التفتت للمكان الي يأشر عليه .. شافت ارفف تذكارات .. وفساتين صيفيه .. باقمشه زاهيه مبهجه للنظر .. وقبعات قش ..متنوعه .. اشكال والوان
- الله شوووف .. هالاساور ؟!! هذي هم يسونها يالوليد ؟؟ اكيد هي تشتغل عليها صح ؟
اشر براسه لها ..
-كل هالاشياء يدويه هم يصنعونها ويبيعونها عالسياح !..
-ايه واضح .. حلو شغلهم .. هالاساور تجنن اشكالها شوف صدف بعد وهذي لولو !؟...
سمعت حسه الهادي .. يخاطبها ..
-خذي منها الي عجبك خذيه كله لو تبين !!!؟
ضحكت متراجعه رافعه راسها له..
-اما كله عاد مب لهالدرجه !!
قالتها وهي تتخير كذا شكل ولون .. اختار لها فساتين ملونه بالوان الصيف
واحد ..اصفر قماشه صيفي خفيف.. متدرج بطبقات عاري الظهر وينربط من خلف الرقبه ..والثاني ..هي اختارت ... اخضر ..متوسط الاخضرار ..
!! وقبعة قش شكلين مختلفين .. وهو اخذ الي طلبته له ..
- هذا الوليد اللون ماقد شفتك تلبسه ابد .. خذه بالله والبسه طقم معي ؟!
ترقبه بين اناملها .. وهي تفرده قدام ناظريه .. هز راسه .. وهو يمد يده يتلمس قماشه البارد ..
-طيب .. باخذه .. وش اطقم عليه ؟؟ شوفي الألوان
التفتت بفرحه .يم الشورتات والبناطيل ..
-شورت !!! دام بنروح عالبحر يجنن هاللون هذا معه يناسب ..مره القميص لونه اخضر متوسط مشجر والشورت ابيض مشجر بوريقات خضرا نفس لون القميص ؟؟
-وش رايك ؟ جميل صح ؟؟ ..
تبسم وهو يقيم الي اختارت .. بنظرات ثابته ..
-حلو!!. ...يله نحاسب .. دام خلصنا ..
اشترا الي اختارت ..والي اختار ... وطلعوا من المكان .. يد بيد ...
وداها لمغسله قريبه وتم غسل ملابسهم مستعجل ..
تمت تسولف وتساله .. وهو يرد .. شي بحوارهم .. غير المود عنده ماتدري وشهو لمده وجيزه ثم رجع يناغشها .. ويساليها .. عادي .. تجنبت هي كل مايمر بخاطرها ويكدرها .. قصدا .. وهرب .. ماتبي أي فكر او إحساس يعدم لحظاتها الحلوه معه .. ابد .. رغم ان بأعمق عمق صدرها .. ناقوس ينبض .. شرار خفيف يذكرها بهم وكدر وسواد الضيق حواليهم الا انها طردته .. واعتلت فوق السحاب فوق كل فكر سارح ...بالاجنحه الي أعطاها لها وليدها عاشقها الحبيب ..
ركبوا قارب .. صغير .. متوجهين لليخت .. المتربع عالساحل ..المبهج .. ترقبته .. بفرحه ..
-يهبل ياكبره كبير مره ! معنا احد ؟؟ او خذته لنا لحالنا ؟؟
لفت تناظره .. رد عليها ببسمة تأكيد ..
-لا لنا لحالنا ... وراك نجلا ؟؟ علميني تبين السياح يشاركونا كل شي ؟؟
ضحكت بخفه متمسكه باكياسها ..
- لا مب قصدي .. اسال بس ...!! يعني صدق استغرب متى جهزت ورتبت واستأجرت ؟؟
تبسم لها بدون تشوف نظرة عينه بسبب نظارته الي منعت عنها الشوف ..
-هذا كله مرتب له من قبل .. انا آمر وغيري ينفذ !..
-اها ماشاء الله ...عليك ... تنفست .. بحس مسموع متابعه ..
-تبهرني دايم .. !!
زادت بسمته وهو يترقب المكان ..باريحيه
-عساه دايم الدوم !!!
وصلوا لليخت ... مبتدي بخطواته يتقدمها ويخاطب كابتن القارب ... اول مااقبل .. لمدخل اليخت تجمع امامه المستقبلين .. من ضمنهم عاملات .. مبتسمات ..وكابتن اليخت بنفسه ..والمساعد تبعه .. تركها تتقدمه وتبعها .. بحذر .. اول ماركبت .. رفعت نواظرها ..مترقبه المكان بانبهار ... مسك يدها وجذبها وهو يتكلم مع الكابتن ومستمر .. اما هي تاهت بنواظرها لجمال المكان وفخامة اليخت وكبره .. تقدمت للمقدمه .. التفت لها ..
-تعالي ندخل داخل فيه دورة مياه وكل الي تبين .. بعدها نشوف نتغدى برا او تحت !!
-الوليد ابي اتفرج عليه .. كل هذا كله لنا لحالنا ؟؟؟؟
-ايه لنا !!! خذي راحتك !!
قالها ساحب نقابها .. بخفه .. مترقب ملامحها ...
-اول ننزل غيري لبسك .. وتجهزي ثم تعالي نستكشفه سوا !!
هزت راسها .. موافقه ..
-طيب ..اي ابي اتحمم ليت جبت شامبو معنا !.. ماشتريت انا أقول وش نسيت !..
-فيه فيه .. موجود كل شي .. ادخلي تحممي انا برقا فوق اشوف الأوضاع ..وين ودك نتغدى هينا او برا !؟؟
ابتسمت مبعده طرحتها وعينها عالاركان .. والجلسه .. والفاكهه
-مرتبين لنا المكان هينا ومجهزينه ؟؟؟ كيكه بعد الوليد أتوقع يحسبونا معاريس؟؟ !!اه لو يعرفون !
سمعته بدون انتباه .. يسالها ..
وش يعرفون ؟؟
ضحكت بخفه راده بدون تنتبه وكنها تخاطب شعورها ونفسها .. ..
-مايدرون وش مرينا به لين جينا هينا !!وش شافت نجول عشان تجي هينا !!
سكتت فجأه قاطعه كلامها ...مدركه انها قالت شي مفترض ماتقوله بحس عالي التفتت له مترقبته بصمت ..
كان متساند عالباب ... ومكتف يدينه على صدره .. ورافع نظارته ..فانتبهت لنظرته الي مرت .. بعجل .. مافاتها لمحة الندم او يمكن الضيق .. الي استضاح بسوادة عينه .. وهو يناظرها .. عضت شفتها يمكن هي بدون قصد تذكره بااشين ايامهم ..لكن مب قصدها .. تجي ذكراها كيذا بدون تخطيط .. تركت عبايتها ..وفكت جديلها امام نواظره .. وتقدمت تأخذ اكياسها .. متكلمه تبي تطرد هالشعور الي سير عليهم .. وتبعد الصمت المزعج ..
-ازين شي سويت .. خليتنا نغسلهم !!! تدري لو انا ؟؟ لبستها على طول !!!
ابتسمت بتوتر .. مغمضه عينها تدري انه مازال واقف وراها ..وموجود ..التفتت طارده توترها ومبتسمه .. ثم وقفت تناظره ..
-وش فيك واقف ؟؟ ماتتكلم ؟؟ ما عليك مني ابثرتك بالسوالفمن الصبح روح روح خلاص شوف شغلك ..!!!
استقام بوقفته وابتدت خطواته ..تتفدم ناحيتها بحذر ... ارتبكت تاركه الي بيدها وملتفته ونواظرها له .. بترقب ..وصل الين تقلصت المسافه الي بينهم .. واصببحت مجرد خطوه وحده .. ارخى نواظره لها .. بتركيز ..
همست بتساؤل .. هادي ..
-وش فيك الوليد ؟؟
امتدت كفوفه ماسك كتفها وحسه ...الهادي .. المشحون .. والي ماقدر يتحكم ..بذبذبات .. الشعور فيه ..

يتبع على هذا الرابط

https://www.rewity.com/forum/t441838-1046.html

[قال الزهر آآآه]

-نجلا .. قريتي الي كتبته بقاع البحر ؟؟ ركزتي ؟؟ او لا ؟؟
رطبت شفتها بحركه لااراديه . مرخيه نظراتها وتاركتها تتهادى مابين رسم نحره ومبتدى عنقه ..لازرار قميصه ..بلا شعور ..راده ..بعجل .. اكيد قرت شلون ماتعرف ؟؟!! ..
-ايه قريتها كتبت لي انتي لي حياه !!
شدد مسكته .. وامتدت أصابعه .. يم ذقنها رافع راسها يبي تتوجه نظراتها له .. ونطق ..بثبات الصوت
-انتي شي جميل !!عالم مختلف عن حياتي كل يوم لي معك يختلف فيه كل شي .. ابد مايشبه الي راح .. يوميا اصبح الصبح ونظرتي للحياه تتجدد .. من يوم عرفتك ومن يوم شفتك ..واللحظه الي شلتك فيها ..كل شي تغير ..لو ماكنت منتبه وفاهم ؟؟ لكني متأكد..وش حسيت انا بذيك اللحظه !!..الله خلق بيني وبينك شي يستحيل اقدر انكره ..او اشيله ..فيه رابط انوجد لي معك يابنت غازي كل ماله يغلظ ويثقل ..ويزيد!!!ويكبر مايصغر ...........

شدد مسكه كتوفها اكثر ..وتابع وعينه تبحث. ...بنظرها مرسى وملفا ومكان ..
-نجلا!؟ حطي براسك الي شايل هالعقل الكبير والي قدر يستوعب انسان مثلي وروحك الي قدرت تحتويني كلي بعد كل شي شافته مني !! ان كل لحظه عشتها معك من اول يوم احبها !! وحافظها !!واني يستحيل افلتك من يديني .. انا متمسك فيك مثل انفاسي ..!!.. وان حصل واوجعتك بيوم ابيك تعرفين وتتاكدين اني انحرق من داخلي اكثر منك !!! انا مر الي سويته فيك الين الحين مب مريحني !! كل ماشوف طيبيك واعيش فيه ؟!يستلج الضيق فيني !!. وكل ليله ..افتح عيني وانا بحظنك ومعك أكون فرحان بصدري فيه شي صعب افسره ..اغمض وافتح من جديد بتأكد انتي فيه او لا !؟ يمكن تضحكين بداخلك علي لكن
جت تنطق رفع يده يمنعها متلمس مبسمها ..
-لاتقولين شي .. خليني أتكلم ..انا بصدري كلام معك ماينضب ابد ابي اعلمك وافسر لك أشياء فيني مدري انتي مثلي او تختلفين ؟؟ لساني يبي يتكلم ويهرج الين اشيب ..واعجز عن النطق !!! بعلمك ان حتى أيامنا الأولى بالنسبه لي أيام ماحلمت بها ابد !!..رغم شينها لكن عرفت نفسي الي دفنتها وماقد حسيت بها من أساس !!!! عرفت اني انسان من حقي احب واتعلق !!من حقي يكون لي بيت ومن حقي يكون لي مره وشريكة روح!! من حقي يكون لي..
سكت مشتحن كل مافيه مخنوق من حس الشعور المختلج فيه .. وجالس يشرحه لها ..بلسان قلبه قبل العقل حتى !!!
تابع بحس مضطرب ..يذكر لها الشي الي كان يخاف منه وينكره على نفسه ..
-.. زوجه ..تحبني !....
تابع مشدد على كلماته بايقان ظاهر ..وواضح ..وكنه يخاطب نفسه قبل يوجه لها هالكلام ..
-عرفت انه من حقي احب وانحب!!!واعيش حياه سويه !! مافيها كوابيس وامراض !!
همست ..برجفه ..وهي تلمح اضطراب فكه ..وحركة توتر رمشه ونظرته المختلفه عن دايم حيل مختلفه ..
-الولييييد..!
تابع بنفس حسه متجاهل لهفتها ونظرتها له ..متجاهل كل شي الا الشعور بعطفها وحنان الحس الي يطلع منها يبيه ومحتاج له ..دوم ..
-محد حبني كثرك انتي !! وادري اني مستحيل ادور غيرك ابد !..بس فيه أوقات ننجبر انا نغلط بحق الي نحبهم ..عشانهم!! بس عشانهم !!..
رمشت بتوهان ..مب فاهمه ليه هو ضايج ..عشان موضوع سعد يمكن ؟؟ وكنه يعيد كلام ميثا بلسانه .. !!..كنه يشرح حالها لها !!..مافهمت هالتضارب ..والصدف .. !!..
هزت راسها مقاطعه كلامه الي يبي يبتدي فيه ..
-الوليد اذا قصدك عشان موضوع نقل سعد انا فاهمتك !!! وعارفه ليه كيذى تسوي !!! ابدا مب متضايقه منك وادري انك حكيم وتبي تبعده عن شر سعود !!!..
هزت راسها متابعه ونافيه ..
-انت ماتوذيني ولاغلطت بحقي ابد !!! ان شاء الله لما كل شي يخلص وترتاح من هم سعود بترجعه زي ماقلت وبتزين الأمور وبنرتاح كلنا واولنا انت !!!!
رفعت كفوفها ساندتها على صدره ..ومتابعه بحماس يرهف .. ويستكين به النبض ..ويسلم ..
-انا قلت لك امس انت مب لحالك انا معك !! ..بصبر واتحمل كل شي المهم ان انت بخير وكلنا بخير !!..والي يفرحني دايم ان الحق معك انت !!؟
ترقبها بصمت متابع رجفة رموشها وثبات حسها المسكن له .. وزين منطوقها الي يحتاجه دوم بس هالمره يحتاج يتأكد من الفعل !!! يبي فعل !! شلون يضمن وقتها نفسه!؟؟ان فكرت بس تروح!!شلون يضمن والحين انها بتضل ثابته وماتنحني وتنكسر!! ..تمعن بكل تفصيله فيها .. تحركت بعجل حاظنه جيده ولافه يدينها حوالين خصره تاركه جانب ملامحها يرتاح على اسفل صدره .. شدت احتضانه ..لدرجة سمعت نبضه الهادي الثابت ..لف يدينه حواليها ..شادها له .. بحزم رجولي ثابت ..
مايدري وقت تشوف وتعيش اللحظات الي بيقدم عليها وش بتسوي ؟؟ هالعيون المبرقه وعود وآمال .. وحياه بيرجع يشوف الكره والضيق فيها ؟؟ شد مبسمه بضيق ..موقن ان الي بيسويه هو الصح .. سعود وصل لها بسهوله ومايضمن يوصل لها من جديد لازم بيده يكون ضمان سلامتها ولازم يكون قوي بعد ومافيه اقوى من ..وجود العنود ويزيد تحت سقف بيته وتصير تبع اسمه حليله !! عشانها نجلاه !! بس عشانها !!..اسودت نظرته .. متخيل بس .. ضيق الشعور الي يستهلك داخله .. لو شاف الوجع فيها ... معد يقدر يخاطر ابد ...ماله الا هالطريقه ..هي أولا وهي ثانيا وهي آخراً...وجودها بس يعتبره ثباته .. بتنكسر لكن حبها الي يثق فيه بيقويها ويقويه!! ايه نعم يثق فيها ويثق لان هي العطيه الي جت عقب صبره وعقب كل شي صار !!!..
-الوليد .. ابد مابيك تشك لحظه اني اظن فيك ظن شين او اكره أي تصرف منك !!! والله العظيم انا اثق فيك اكثر من نفسي حتى !!!
تنفس حاسس بثقل يقبض بصدره .. وهو يسمع كلامها ...نطق .. بحشرجه مضطربه .. وحس رجولي زاخم غليظ

-اقسمي لي!!!
قطبت هدب عينها .. جت تتراجع شدد حظنه ولم راسها لصدره مايبي تتحرك ومايبي عينها تجي بعينه ابد مايبي ان شاف نظرتها له يضعف ..ويعلمها شي مفترض ماتعرفه بالوقت الحالي ..مايقدر يخاطر بمعرفتها منصبه الحساس ومايثق بالي حولها ابد .. العين عليها وممكن تحط نفسها بخطر دون تدري مثل سالفة ..امه والجوال !!!..تابع مطلبه الغريب لها وله بنفس الوقت ..
-اقسمي لي انك ماتطلعين من بيتي ابد !!! احلفي نجلا اني حتى لو ذبحت سعود بيديني وطلبوني للحق تتمين مرتي !!وان مت اموت وانتي مرتي !!!..
عضت شفتها ..مرتجف نبضها من صوته الغريب ومن كلامه ...وتكراره ومضامين مخفيه ترهب شعورها
-يله احلفي لي !!!!اقسمي ...نجلا !!!..
شدت اصابعها قميصه ..هامسه باستنكار راجي ..وخايف
-ليه كيذا تقول انت ؟؟؟ تخوفني يالولي...
قاطعها ..مرخي مبسمه دافن راسه ..بنحرها ..وناطق .. بضيق .. معترف ..وياكثر مايعترف لها ..ويقول ويحكي ..وبيستمر ينطق لها ويعيد ويكرر الي عمره مانطقه لغيرها .. ابد ..
-انا مالقيتك بالساهل نجلا !! حتى جيتك.. كانت صعبه لي !!.صعبه لو بحكي من هينا الين تملين ماراح تفهمين !!.يشهد الله علي اني بدونك منيب حي !!!..حتى النفس بيكتم على صدري !!!..اثبتي عشاني ! اوقفي دايم عشاني !!!..انتي الحياه لي !..تراجع بعنف ..مشتده يدينه حوالينها وزايد اسوداد نظرته .. ومشتحن منطوقه .. ببحة ايقان وادراك ..
-مب قلت لك الله حفظني من الجنون !!! انا مريت بضيقات كانت اكبر من عمري شفت شي لحالي مامعي احد عانيت بحالي !! وذقت الرعب لحالي !!! شفت كوابيس تمنع عيني من النوم !! شفت سعود يستبيحني كل ماترمش عيوني !! اسهر انتظر انام ماانام ابد!! يجي الصبح علي ..وانا مختنق مكتومه انفاسي !!!.انـــــــــا .... !!!
.سكت .. محتقنه نواظره ..باحساس مرعب مهلك وكنه يتذكر شي يكره يقوله .. ترقبها بسواد نظرات تتوجه لها ..لعينها ولقلبها وكل مافيها .. صوته الي يطلع من روحه يشبه الصرخه الي تستنجد بها دون غيرها ..
-كنت لحالي نجلا !!!!...اهوجس لحالي وتنعاد الطواري علي وانا بلحالي !!..اسال نفسي ليه !؟ ليه يكرهني ؟؟؟ انا وش سويت ؟؟؟ انا بحق هالادمي وش اذنبت ؟؟؟ انا .... حتى .. كنت مستعد اناديه ابوي !!!!
انا وش حيلتي بعمري واانا صغير عشان اوذيه ؟؟كنت ببعده عنها بس !!! وش بيدي اسوي له اكثر ؟؟ وخرته عنها مابيه يضربها زي دايم !!! رحت له وانا ادري بيحط حرته فيني وبيمد يده كالعاده او بيحرق يديني !!!لكن هو !!!!
اشتدت نظرته وثقل فيه النفس .. مستجلب ..طواري وصور تشرخ ضماد جرحه من جديد ..يحاول يستجمع شضايا كاس مر شرب منه وكسر فيه الكثير ومازال !!! ارتجف فكه .. ناطق .. بحس شاكي ومشحون ولأول مره ينطلق لسانه بلا توقف .. يلوم ويصرخ ..يدور منفس .. او احد يرد الصدى حتى .. !!نطق صارخ ..
..-فصخني !!!وجردني صرخت وصرخت محدن سمعني !!!..ناديتها بعالي الصوت ماسمعتني ..بح صوتي ..وانا اصرخ .. ويدينه تتلقفني .. بلا رحمه ...سرق مني روحي نجلا !!! سرق اماني الي أصلا انا ماعرفه ..سرق حياتي وصغر سني سرق كل شي مني كل شي نومي وراحتي واحلامي حتى خذاها معه ترك لي الضيق والخوف ترك كل شي يوجع !!! ترك نفس تكره الحياه !! ضايعه مشتته ناقمه على الكل توذي الكل بالخفا وماترحم !!!ترك انسان مشوهه غير الي تعرفينه الحين !!!!انا لين الحين اسال نفسي ليه؟؟؟؟؟؟ يكرهني ..!!هالرجال !!!!!.. لييييه ؟؟؟؟ !!!!
طول ماهو يتطق عيونه ترجف كما حسه ..اجفان النظر حتى تستغيث من القهر ..تابع و..روحها تنتفض وملامحها ترجف ..وعينها تبرق .. بعينه دون كل شي كانت عينها بعينه مب حاسه بشدة مسكته الي تحفر بكتوفها حفر ولاهي حاسه بالوجع الي ينقله لجيدها من قوة أصابعه ..لكن حاسه بهلاك يقبض قلبها ويعصره بقسوه يشد ويشد ويضيق مجرى الدم بالشراييين ... ...احتبست امام انفجاره دموع عينها وضيق رجف بها من اعلى سما لأصى قاع ...
نطقت هامسه ..بخنفه موجعه ..وعجل هامس وثابت
-لان نفسه دنيه !! لانه اوسخ خلق الله ولأنه مايخاف الله ابد ولايعرفه !!! يكرهك لان عينه على امك!!!!! .. وابوك خذاها !!!!! هو بعد له يد بفراقهم !! له يد بتهايم امك !!!!يكرهك لانك ولد صخر الي اختارته سلطانه !!!! ..
قطب هدب عينه ...المكتحله ...حمار ...قربت منه رافعه راسها له ومتلمسه بكفوف يدينها ملامحه ... ومتابعه بهمسها الثابت ..
-واستمر يكرهك لانك ارتفعت وصرت افضل منه كبرت ورفعت راس ابوك واسمه ومعه امك !!! قويت وماكسرك مع الي سواه ماكسرك ابد ولا كسر ابوك !!... !!انت قوي وواقف على حيلك شايل اسم قبيله بكبرها لها مكانتها ولها حجمها بين القبايل انت شرف كل اهلك يالوليد وعزوة لكل محتاج !!! انت انسان كبير وعظيم .. !!..يارب لك الحمد والشكر زوجني اياك ومب سلطان !!! راسي مرفوع وافتخر فيك كل مجلس بدخله بكون رافعه راسي لاني زوجتك انت !!!..مب غيرك !!.
نظراته لها غايمه ..ساليه بليا روح ...وحس ..استاقف ..مبعد يدينها عنه ومتخذ من نظراته الحاده الي ازدادت سواد سد منيع يفصلها عنه ....
ناطق بحس بعيييد عن موانيها ... بعيد عن روحها ..الي تنوجع له ومنه وعليه ..
-من وين عرفتي هذا كله ؟؟
ابرقت نظرتها ناشقه ... وعينها ثابته بعينه .. قلبها واجعها مره ..مره ..
-خالتي ميثا علمتني كل هذا !!!..
سأل بثبات حاد ...
-وش قالت لك بعد ؟؟؟وش غيره تعرفين عن حياتي ؟؟؟ وانا جاهلن به !!!؟؟
قطبت هدب عينها ...مقربه وناطقه بهمس راجي ..
-الوليييد ان..ا
قاطعها بحده .. مثبتها بمكانها بنظرته المزداده سواد ...
-وش غيره ؟؟؟؟قولي !!
وقفت منصدمه من نفوره ..وانغلاقه ..الصادم لها ..رفعت يدها تمسح دموعها بعجل ..ثم

[قال الزهر آآآه]

أبعدت نظراتها ثواني بس و رجعت له .. شافت الصدود وشي يقهر روحها ويدكها دك يفتت ويدوس اضعف ركن مخلوق داخلها من الوجع !!.. نطقت بتعلمه معد تبي تخبي عليه أي شي .. يستحق انه يكون عارف وفاهم واساسا هالشي متأخر كثير حيل متأخر ..
-اعرف ان عمي صخر كان يبي يتزوج خالتي ميثا !! وهي الي كان يبيها من أساس !!!
سكتت مرتهبه من سواد نظرته لها ... ووضوح الصدمه بعينه .. وملامحه .. جف ريقها حاسه بتوهان يسيطر عليها .. ورجفه معتليه كامل جيدها ..
-خالتي سلطانه اعترفت لخاله ميثا انها تحب عمي صخر .. وتتمنى من خلال معرفته بجدك انه يخطبها وهذا الي صار وحققته خاله ميثا لها رفضت ابوك وطلبت منه يتزوج امك !!! وسعود كان يبي سلطانه .. وعلم ابوك !! لكن عمي صخر تجاهله وخطبها وتزوجها !!!..بلعت ريقها الجاف ..وتابعت .. وهي مدركه انه ابعد عنها اميال واميال ... انغلق وهو توه يفتح مكنون روحه لها !!
-بعدها سعود تزوج ميثا ... ومدري شلون عرف القصه كلها !! وكرهها وبهذلها !!.. ثم ابتدى يخرب حياة ابوك وامك !! وعمتك ساعدته .. !!!..بعدها جيت انت !!!..
رجفت شفتها ...مغشي عينها الدمع .. وهي تشوفه يبتعد ..
-الوليييد..لحظه اسمعني !!..
تقدمت متجرأه وماسكه كتفه ..مترجيته بحس خافت ...
-لاتتركني وانت متضايق ..اجلس نتكلم !!!
التفت لها ..بنظره هاديه كئيبه ضايعه ..لكن وقعها عليها يشابه ضجيج ..العالم اجمع ..
-ابي اقعد لحالي ..ممكن ؟؟
نشقت ..برعب ..من هالكلمه بالذات ..
نطقت بحشرجه ..وضيق ..ورجفه
-لاتجلس لحالك !!!مابي... تجلس... لحالك!!
ترقبها ثم ابعد نواظره .. بدون صوت!! لكن نطق..بحس نظراته ووجع روحه الثابت الي يضعفها ..ويشتتها ..ويبعدها ..عنه اشواط ومسافات
من خلال سحبه ليدها بعيد عنه وابتعاده متراجع .. وعينها تترقب ابتعاده عنها ...
كتوفه الشامخه وهو يمشي بخطواته العرجا ثبات .. ارتكاز جيده ..وسكونه الحذر .. الين اختفى ..من نواظرها ... شلون وصل نقاشهم لهالمنحدر الكريه ؟؟؟ ..رجفت شفتها ..تاركه عبرتها الي خانقتها .. تعتلي تسابق أنفاسها ... وعقلها يتذكر كلامه ووصفه لحاله وشعوره ..الي وصلها .. اهتز متنها .. لشوفتها عمق الوجع بروح هالانسان الثابت الصامد .. امام الكل ؟!! لكن داخله مهموم وموجوع !!! يسكنه ليل اسود يجهد روحه لو مابين وتكلم !!!داخله مازال ينزف ويخاف ومرتعب !!
داخله مرتكز مكان عميق مايسده الا وجود الام ..هزت كتفها بقل حيله .. وش تسوي!! هي مثله ماحست به الا مره وحده بس ! كيف تعطيه من هالشعور وهي له فاقده وجاهله .. لو قرت ولو عرفت ولو تثقفت .. وجود روح الام طب وسد وضماد ودوى ..اعتلت أنفاسها ..بغضب مبتدى يتصاعد ويتبارق ...
رفعت يدها تمسح دموعها بعجل وحمق !! مب كيفه يجلس لحاله !!!! مب هذا اتفاقهم ..ولا الي قرروه مع بعض!!!..
خذتها خطواتها يم سطح اليخت .. من مكان ماجت ..تلفتت براسها ..
تمسكت بحذر وقت استشعرت حركة اليخت وتذبذب الأمواج . قطبت هدب عينها .. بشعور تايه ..مجهد ..رطبت شفتها مقويه نفسها مب وقت ضعف جيدها الي يصاحبها الحين ....شافت .. عاملات يبتسمون لها .. استجمعت قوتها ..ماسحه دموعها بكفوف يدها بعجل .. ومبعده خصل جديلها ..قربت منهم تحاول تسالهم وهي تأشر بيدها لهم ..
-Where's my husband?
مافهموا كلامها .. شافت نظرتهم لها يحاولون يفهمون .. اشرت بيدها وهي تعيد سؤالها .. اشرت لها وحده لمؤخرة ..اليخت .. هزت راسها لهم طارده بسمتها .. وراتسم مزيج توترها من جديد .. .. راحت
تدوره ..مشت بخطوات عجلا .متوجهه له متغافله كبر اليخت ومب منتبهه لاي شي فيه ..ابد ..ماقدامها الا نظرة عينه وصوته وهو يقول فصخني وجردني !! وسرق عمري !! شهقت .. وعينها تبحث عنه .... بدون تنطق تخاف يسمعها ويحترز ويعاندها بجموده وحذره .. تلفتت وعينها سارحه بالمكان البحر!! ..موجه هادي ... ... والمراكب المصفوفه ... متباعده .. على مد النظر .. تنبهت للشمس المتدرج انتصافها السما وحوالينها شعاع.. تتجهز للمغيب .. عضت شفايفها .. كانوا يبون يتاملون لحظات الغروب ..!!!؟؟كان يضحك ومبسوط ...عضت شفايفها ..متمسكه بحذر ...
مشت بخطواتها ... تبحث عنه ... مالقته .... لسانها رافض يناديه حاسه بحمق ..يعتليها .. يكبر ويكبر .. ليش يبعدها عنه وهو يحتاج تكون معه ... هي مادورت وراه كل شي جاها الين عندها ماسعت لماضي حياته ابد !!!..
انتبهت لملابسه واجهزته .وعصاته مركونه ... عند جلسه كراسي بمؤخرة اليخت ومواجه حوض سباحه كبيره بس مو موجود بالمسبح ..تقدمت بعجل .. متلمستهم ثم تلفتتت ماسكه .. سياج اليخت العالي ملاحظه تدرج الطريق الين مكان للنزول للبحر .. ..قطبت هدب عينها الين جمدت نظرتها وهي تلمح جيده .. يضرب بذرعانه موج الما ... من شدة سرعته .. استشعرت كمية الغضب داخله يباري غضبها وهيجان كرهها لكل شخص بهالدنيا آذاه .....رطبت شفتها .هازه راسها مبعده شعرها و .. .. متمسكه اكثر .. حاسه ..بغشاوة توهان ..من شوفة البحر ..تحتها .. وحس الضيق .. حست بجفاف ريقها .. وتعاجل نبضها .. المجنون ..رفعت اناملها تتلمس جبينها ... مستغربه حالها الي تبدل .. بثواني ... استلجت معدتها ..تمسكت بالسياج اكثر مبتديه نواظرها تزوغ ... شعور ممرض غشى جيدها ... كله شدت بيدينها عالسياج .. مبتدي جيدها يميل بانحدار .. ... فجأه حست بأحد يلمسها ويقبض على ذرعانها .. باستحكام .... التفتت برجفه ... وانفتحت عينها وهي تشوف تفس المره الي كانت معها بدورة المياه بالسوق .. ماسكه معصمها وتنطق بكلام غير مفهوم
همست بخوف .. -انتي مين ؟؟ وش تبين ؟؟ وش تبييين !!
لفت راسها برهبه ..يم مكانه ..ماشافت الا راسه ومبتدى جيده ..من بعيد ..
حاولت تبعد يدها ..صارخه ..رغم إحساس دوختها .. وغثيانها ..
-الوليييييييد!!! ابعدي ...يدك!!!
شافتها تصوت لأحد ..نشف دمها خوف وهي
... تلتفت ..بنظراتها منتببهه لكم واحد ..يتقدمون ..ناحيتها ... جمدت أنفاسها رعب وخوف ... وعينها تلمح سلاح بخواصرهم .. رجعت بنظراتها المجفله لحس الحرمه الي تخاطبها نشف دمها بعروقها وقت شافت سلاح بخصرها ..زيهم ..التفتتت..براسها رغمم ضجيجه وشعور المرض الي تحسه تدور الوليد من جديد ...اول مالمحته عينها المرعوبه .... صرخت بحسها .. المستغيث..
-الولييييييييد !!!!..صرخت بتتابع ...
-الوليييييي يد !!!!....الولييييييييد...
امتلت روحها خوف .رعب وهي تحس انها مستحكمه بين يدها .. لفت براسها ادركت قربهم منها .... قاومت .صارخه ... مبعده يدينها ... ملهبها الرعب وهي تشوفها مصره تمسكها .. وتسحبها .. وصوتها يعلى ... هزت راسها .. بعين تايهه مرتعبه ماجا ببالها الاشي واحد .. سعود !!..وصلهم !!... صرخت ... تنادي ببحة صوت اخفاها ااحساسها المرتعد والمهتاب ..
-الولييييييد ..... شهقت ... ناطقه بقل حيله ..
-ناااااااظرني !!!
..غمضت عينها مستجديه ..كل قوه بجيدها الصغير ..متحركه ..بعجل .. وهي تقاوم دوختها ..رفعت رجلها ضاربتها بساقها .. الين تحررت تهادت خطواتها حاسه بضجيييج مالي مسامعها .. وكلمات مبهمه .. خذت عصاة االوليد ... وبكل قوتها حذفتها ..واول ماتراجعت المره عنها ووراها الرجال الي معها تحرك جيدها بلا شعور محركه ومسيره ..ثباتها معد تدري وش صار وكيف التفتت رافعه نفسها وسمعها يسمع أصواتهم وراها وعلو صراخهم . جت عينها عالموج .. ولون عمق البحر ..رفعتها .... على حس الوليد الصارخ .. الراعد المبرق ..والي يسبح باتجاههها ...تلاقت نظراتهم سمعت حسه يصرخ بها ... ماتدري وش قال .. نبضها الي يعتلي رهبه ..كاتم عنها فهم الكلام ... رمت بنفسها .. بدون شعور ..بتروح له ولاتطولها يد سعود القذر .. يايموتون سوا ؟؟!!لكن مايقهره فيها ابد ... مايسرق طفولته ثم تتركه الحين وتسمح له يسرق .. عمره الجديد الي يشوفه فيها مثل مايكرر ويعيد ..!..اخر نظره لها شوفته يتجه لها ..وعيونه تنطق شرار .يشابه رهبة خوفها ...وضجيج روحها .. رمت نفسها رغم جهد جيدها واحساس المرض الي اكتساها ..نظرتها له اعطتها قوه ..وروحها الي تبي تكون جنبه ومعه .. ثقتها الي بناها هو داخلها !ثباتها الي يبيه كل هذا مدها جلد ... تهرب ..من خوفها ورعبها .. وتتبعه ..وين مايكون ...
/
\
انتهى البارت

كلمه مني انا قال ...
الي بتقول قصييير !!!! لاتكتب لي .... والي بتقول ماقي احداث ... لاتكتب لي ...
استقبل نقاش المشاهد والحوارات ...
اما الغياب شهور والعوده ب8 صفحات !!!!
او الاستمرايه ..
بهالنهج ...
طبعا
كلامي موجه لفئه معينه الحمد الله الين الحين ماصادفتها بس يعني لو تبي تطق بابي خل تقرا كلامي قبل ..

.................................................. ...........................
دمتم لي ...
واه من سعود ... الله ياخذك ياسعود .. اخذة عزيز مقتدر الله يتل روحك من جيدك ويزلزل من تحتك ومن فوقك وجانبيك

[Maha bint saad]

الذين يشاهدون محتوى الموضوع الآن : 296 ( الأعضاء 62 والزوار 234)
‏Maha bint saad+, ‏Rama96, ‏همسة حوووب, ‏Alaa_lole, ‏جنان32+, ‏ندى طه, ‏أم نوره, ‏رغم العنا ابقى انا+, ‏396396, ‏..هناك أمل .., ‏أم الحور, ‏سكر نبات, ‏koka 88, ‏الآمال, ‏نوشا محمد, ‏دانه البحار, ‏نيفادا, ‏رهف بدر, ‏برق الشمال+, ‏نوره ام عبدالمجيد, ‏هواسا, ‏أملي بإلله, ‏atoofa, ‏Fsab, ‏marwa2010, ‏أنامل الشّعراء, ‏أحلام قرنفلة, ‏نوورات, ‏هاجر!, ‏Alanoud., ‏سما وقمر, ‏ننههى, ‏Rooryy, ‏اكليل الورد2019+, ‏مــــــلاك, ‏لارينسا الفيصل, ‏مثااايل, ‏أم بثينه, ‏نانا+, ‏أم عبدالل+, ‏سارا لونا, ‏Nouf3, ‏محبة ريم, ‏eman90, ‏قال الزهر آآآه+, ‏Tala8, ‏أم أحلام, ‏صعب نلتقي, ‏حلم فتاه, ‏حكايتي قلبي, ‏ريما الشريف, ‏ذكريات الأمس, ‏هنوذ, ‏روعتي, ‏ام هنا, ‏وعدي الابدي, ‏هيفااا, ‏قبيلية+, ‏كيان العمر, ‏جميلة آل, ‏Dall, ‏جودي -

ماقصرتي ياقال …

بيض الله وجهك كل شوي اقول وين اللي تقول بنزل جزئيه بسيطه …

عز الله انك وفيتي وكفيتي 💓💓💓

لي عوده للتعليق بعد الانتهاء من القراءه …

[جنان32]

واه من سعود ... الله ياخذك ياسعود .. اخذة عزيز مقتدر الله يتل روحك من جيدك ويزلزل من تحتك ومن فوقك وجانبيك


😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭
ليش ليش كذا ليش تنكدين عليه سفرته
ماقلت لك لاتزيدينه عذاب ماقلت تراه امانه عندك
😭😭😭😭 😭😭
تبعثرت حروفي ماعاد اقدر اكتب شي
المشهد الاخير 😭😭😭 محزن موجع يشد الاعصاب
😭😭😭😭 وصفه للاعتداء يوجع القلب
يرررررررررررحم وبس 🥺🥺😭🥺🥺🥺
برجع للتحليل بس اصبري بقراه مرات وكرات
استوقفني هالمشهد لازم اطلع اللي بخاطري🥺🥺🥺
#################

همسه لك مجرمتي ومبدعتي وزهرتي
المشاهد مليئه بالاحداث والمشاعر
خاصة المشهد الاخير اكاد اجزم انه استنفذ طاقتك وجهدك🥺
فلذلك اقول لك استمري على النمط الذي ترتاحين له واحنا معك
ولن نحبطك لان مثل هذا الابداع وجمال الوصف واسلوب السرد الممتع
يستحق منا ويجيب علينا ان نقف بجانبك ونسندك ونشد من ازرئك
ونعطيك دافع ايحابي للاستمرار على هذا الجمال 😍
اذا اردت ان تستمرين بهذا النهج استمري
رأيت نفسك تريدين ان تجعلين البارت طويلاً افعلي مابداك لك
بالنسبه لي واهم شي عندي عدم اقفال الروايه ..
اشكرك عظيم الشكر والامتنان على هذا البارت الجميل الممتع
والذي في اخره شد اعصابي وزلزل قلبي 🥺😩
ابدعتي كعادتك في الوصف والسرد لاعدمناك غاليتي 😘
🛑🛑🛑🛑🛑🛑🛑🛑🛑🛑🛑🛑🛑🛑🛑🛑
متى ناااااويه ترحمينه❓❓❓❓❓
تكفين خلاااااص يكفيه عذاب لاعاد تزيدينه😭😭

[أملي بإلله]

السلام عليكم ..
أهلاً وسهلاً والحمدلله ع السلامة..
والله وحشتونا مرررة

[برق الشمال]

عمري وقلبي قلبي قبطاننا تراني ماخلصته بس اني ماقدرت اصبر مااعلق😅

اول شيء شكرا شكرا شكرا على كل حرف كتبتيه لنا
شكرا على كل سعاده اوجدتيها لنا
شكراا على كل دمعه طلعت وبتطلع مع المشاهد
شكراا على كل شعور اعطيتينا اياه

شششششششششكرا ولا توفيك حقك💓💓

وبعيد مره ثاااانيه تراني لسى ماخلصته😅 بس ماقدرت اصبر مااكتب 🥰🥰

همسه اخيره ؟ بالله عليك هذا قصيرك !! علمينا بس اذ كان هذا قصيرك ايش طويلك !!!!!

[حلم فتاه]

اول شي تسلم ايدك يامبدعتنا ماقصرتي
مشكوره من اعماق القلب يالحبيبه 😘😘❤
بس اني مصدومة من الي صار كيف نقلبت الرحلة كذا
شكيت من وضع المراءة الي شافتها نجلا مرة اقول يمكن
الوليد هوالي مخليها تتابع نجلا ومرة اقول اكيد سعود
وللوضع الي صار في السفينه شككني اعظم
بالله عليش ياقال لاتفجعينا ويصير في نجول شي
واه من السعود النذل الجبانالحقير السافل الله ياخذه
ويريح الوليد منه.
وحتى البندري اكرهها هالخبيثه قاعده تلعب على الصوبين
ودي الو امسك شوشتها ونتفها اليها
واخيراً ماهو قصير بالعكس اشوفه مناسب الينا
عجبني القرار ينزل الينا كل اسبوع. اضينا بعذا الشي
بصراحه تعجز الكلمات لي في كل القواميس امام ماتكتبيه الينا
شكراً شكراً شكراً يامبدعتنا وقبطانتنا المزهرة دائماً
والي عوده مرة ثانيه لتعليق
لان اني مصدومة الحين وباعيد قراءته 🥺🥺

[اكليل الورد2019]

يا بدايات الصباح الجميلة بفتح الرواية
ويا نهايات الفرح بهالقفلة الموجعه وبكل ما هو آتي...

مرحبا بك يا سيده التفاصيل الجميلة...قال
والله شوفة الرواية مفتوحه اصدمتني وفرحتني مثل الغريب الي رجع لداره ولا هوه مصدق رجعته...ههههه لدرجة فتحت الصفحه واغلقتها ورجعت افتحها خوف اني اتخيل انها مفتوحه😊
وهالبارت نزل بوقته...خاصه في هالتوقيت لانه الظروف ماش كل شي يضيق الخلق...

امممم عندي احساس المره الي شافتها نجلا بالحمام والي طلعت لها باليخت من طرف الوليد لحراستها مش زي ما فهمت نجلا انها من سعود

وصف الوليد بلي سواه الردي كريه الوصف "سعود" ادمى قلبي...ياني ودي انتفه وريت من يعتدي عليه وهو رجال بشنبه كود يقهر نفسه الرديه

ماضي واسرار الوليد...في خيوط لا زالت غامضه ومخلي الحماس الاف مؤلفه والتشويق تووووب...العنود وشروق والبندري حبكه وتساؤلات كثيره تقود لافكار وخيالات وتحليل....من هو الوليد وشنهو ماضيه

زناد × رنا...اهانها بكلماته ومسح بكرامتها الارض...انا تهت فمشاعر زناد لرنا شرايكم نتشارك التحليل...كل وحده تقول رايها،؟؟؟؟تهجون يحبها😏

فالاخير...شكرا يا حبيبتنا قال على مجهودك ولو تكتين حرف لك كل الشكر والتقدير...ولا غبار على جمال حرفك وكلماتك وروعه تفاصيل سردك

الله يبارك فيك ويبارك لك في وقتك وصحتك وعافيتك

دمتي بود وبانتظار البارت القادم بكل شوق ولهفه

[ريما الشريف]

استمري يا مبدعة وقلمك راقي جدا