وخُلقتِ مِن ضِلعي الأعوجُا=خذني بقايا جروح ارجوك داويني * مميزة *

[ام اصو وكيكي]

عسى المانع خيرر قال
💔💔

[قبيلية]

طمنينا عنك قال عسى المانع خير يارب

[همسة حوووب]

قال لهم ثلاث ايام تقريباً مادخلت اتوقع عندها ظرف واعتقد الله واعلم انها ماكتبت لانها قالت مشغوله عندها ناس ببيتها هيگ فهمت من اخر شي نزلته....

[سما وقمر]

ياليت طمنتينا ي قاال علشان ماننتظر
في بارت او بتاجل او حتى لو انك بتتاخرين بتنزلين
مع خالص حبي لك ولجمعتنا هناا للانتظار

[قال الزهر آآآه]

السلام عليكم ورحمة الله وبركاته ..
اسعد الله صباحكم بكل خير ...

شكرا عالتواجد الحي وعالرقي وعالانتظار الرحب .....


المعذره تأخرت عليكم ..

[قال الزهر آآآه]

جاااااااااري انزال البارت

[قال الزهر آآآه]

البارت الثامن والعشرون

آكـــــــــــــــــــــــ ــــــــابر
والكِبر
فيني
غدى
من
ثقلِ
همّه
ينـــــــــــــــــــــــ ـــــــــــوح

استند بصمت ... متذكر حسها وهي تتأسف منه .. غمض عينه .. بغضب .. داخلي موتجه لشخص سعد شلون اجبرها ؟ وكيف طلعت معه من أساس !!!هتف صوت بروحه ..
-يمكن هي راحت صدق ؟؟ وعلمته ؟؟ وانفعل ؟؟ يمكن صارحته !!؟؟
قاطع أفكاره نغمة جهازه ... ارخى راسه يشوفه شاف الرقم ضيق نواظره ... متضاربه هواجسه مب فاضي .. يكلم احد ... رفعه جا بيرد انقطع الاتصال ... شد مبسمه ضاغط عالرقم ... بقل صبر .. رافعه .. لمسامعه ...
رد عليه صوت حرمه ...
-الو !!؟؟ من انت ؟؟؟
قطب هدب عينه .. بترقب .. ناطق بقل صبر
-الرقم هذا داق علي من كم مره !! انتي الي مين!!!!؟
وصله حسها الملهوف
-أي أي أي انا داقتن عليك انت الوليد!؟
ضاقت نظراته بترقب رصين
-أي نعم!!!
تابعت باستعجال
-أي أي انا لقيت بنتن بالامل جايبها اخوها تقول بكلم رجلي !! دقينا مارديت طلعنا وهي طلعت هجت عن اخوها !!!..لحقناها ..راكبتن مع سياره ..لحالها ... الله حسيبه بيسرقها انت رجلها ؟؟
احتدت نظرته وهو يستمع لها حاسس ببخار يتجمع حوالين مسامعه ويبخ من راسه .. نطق هاتف بلاشعور
-هذي مرتي !!! من معك انتي !!! وينكم فيه!؟!!!!
معد ردت بس سمع هرجها .. وغشاوه من البهتان حوالين نواظره ونبضه يضرب ضرب نطق بعجل مرهب
-الوووووه!!!!!!
وصله الرد
-الو نعم!!!
نطق الوليد بحس نافر ضايج وراعد ..
-تشوفونها الحين وينكم عنها!؟ بالضبط ؟!!
-أي احنا لاحقينها !!! قدامنا نشوف السياره!!!
هتف بعجل غاضب وآمر
-خلك وراها لاتغيب عن عينك ابد !!!
-أي احنا وراها لاحقينها ابشر بسعدك ابشر !!
استفردت أنفاسه بحراره تلهب جوفه وهو يستنطق
-لوين متوجه الكلب !!
-تعرف ؟؟؟؟؟ شكله متوجه لها !!
اسودت نواظره بظلام محموق مستشيط
نطق مستجلس وعينه يغشاها ضباب يمحي حتى مسار السيارت امام الرؤيا حاسس بشواط نيران يدبي بعروقه دبي
-تقدر تشوف نوع السياره ورقمها!! عطني الرقم !!!؟؟
-أي خابر خابر ..نوع السياره؟؟؟؟؟ لونها؟؟؟
رفع الوليد نواظره جت عينه على أعمدة الانارات وتزين الشارع بأضواء الاهله الخضرا .. متضاربه فيه الأفكار والمشاعر … رفع يده يفتح ازرار جيبه مختنق حتى النفس وده يطير من لبسه حتى!! نطق بليا روح
-انا دخيلن عليك لاتضيع مسارهم !!ابد!!!
وصله حس الرجال يهتف
-والله ماتركها والله ابشر يارجال والله مايصيبها شي !!
احتدت مباسمه مغمض عينه حاس باحتباس حراراه حتى باطراف يدينه ونبض يضرب براسه.. عجل عجل ..
- سكر الحين بتواصل معك!!! طول الطريق !! ورد علي !!
-ابشر !!
هتف بارتعاد صوت آمر
-جنب السياره !!!!
قفل منه بعجل مبعد شماغه وحاذفه و ساحب جواله تبع شغله …ضاغط ارقام معينه
انتظر الرد استاقفت السياره نزل من مكانه وهو يصرخ بالسايق
-انزل انزل انزل !!!
نزل السايق مستغرب
-ابشر طال عمرك !! عسى لاباس !؟
توجه الوليد لمكان السايق ساحب معه الباب ودعس بنزييين متحرك من مكانه وحسه المرعب يتبادى مبلغ
-معك العميد ركن الوليد بن جلمود !! خذ معلومات هالسياره لونها!!!!(؟؟؟ ) نوع (؟؟؟؟) رقم اللوحه(؟؟؟) متوجهه!!!!ل(؟؟؟؟) ماسك مسار طريق (؟؟؟) ابي توصلون لها الان!!!!! الاااااان!!!! انا ابلغ عن حالة خطف !! لاتتهاون او بتجيك مساآله قانونيه تفهم!!!؟ارسل بلاغ للدوريات المتواجده عالطريق ؟؟؟؟ )السياره بالي فيها تمسكونها والاااان!!!!!!
انهى كلامه الصارخ و
قفل الجهاز … مشغل تتبع مسار البلاغ الصوتي مستمع لكل شي .. … اشتدت يدينه حوالين الدركسون وافكاره السودا تتراعد متغافل معرفة اسمه ومهنته ظارب لها عرض الجدار !! ..!!
مابراسه شي .. الا حسها وخوفها .. كل الصور وكل التخيلات السودا المرعبه جت بباله خوفه استشاط مصور حتى وجه رعبه وارتعاده وقت ماكان سعود يعثى بجيده الصغير ضرب الدركسون بصرخات نافره غاضبه
-بذبحكم !!يمين الله لاذبحكم ان لمسوتها !!! والله لاذبحكم لاذببححححكم!!!

تبادت ننغمة جواله .. مب خاسس برجفات يدينه ولا احتباس قطرات العرق الي تجمعت حوالين جبينه رغم برودة المكان .. هو كما الجمره شابّه ومجتمره لهيب
سحبه وعينه تشوف اسم نايف رد بحس مرعد ومتوعد
-اخوك!! سعد جاب اخرته بيده يانايف !!! نجلا هجت وركبت مع سياره مع سايق كلب ناوي لها !!! بيوديها للخلا !! نجلا ان صار لها شي لاذبحه والله لاخليه شاغلي الشاغل لين يتمنى الموت بنفسه يانايف!! سمعتني!!!!!!! سمعت !!!! ؟
-الوليد و ش صاير !؟؟ علمني ؟! سعد وش سوا!!؟
-اخوك مودي نجلا للامل !!! حتى جوالها ماحذه منها!!! حدها تحاول تكلمني من جوال الناس الاغراب!!! وهجت منه لاحقينها هالعالم و شاكين بالسواق و كلموني!!
اشتد نبضه ورجفه بفكه تبين عمق سواد غضبه الي يعيش مع رعبه وخوفه نطق بتوعد وحس نافر
-لكن!!! ان صابها شي !! ؟ والله ان صابها شي!؟سعد ينسى ان امه جابت نجلا !!!والله ان ينسى !!!!
هتف نايف بضيق وخوف
-هم وين انت وين يابن الناس وين انت بجيكم انا !!
نطق له الوليد الطريق المتوجه له وقفل منه بدون يسمع باقي كلامه!!! ضغط اتصال بيتواصل مع الي كلموه
-الو!!! قدامكم هو!!؟
-أي أي انا وراه منيب مخليه !!!
-انا معك عالخط لاتقفل !! شفت شي لاحظت شي ؟! معه احد غير البنت!!؟
-لا مامعه !! هو واحد !! متوجه للخلا لعنة الله عليه !!
ترقب الوليد المسار المفتوح له من السيارات .. شد بيده عالدركسون مدرك سرعته الي نبهت له سيارات الدوريات وأصبحت تتبعه .. لكن مع ذلك مركز قدامه متخطي السيارات بعجل ..ومتجاهلهم
يوصلها بس !!!! استمع لمسار بلاغ على سيارته شد مبسمه و
تابع يسال

-انت وش اسمك!!
-بدر !!
-لاتتوه عنكم السياره يابدر !! !! الي بالسياره مرتي !!
-ابشر ابشر !!!
تعالت نغمه من جوال شغله
-سكر بدق عليك رد على جوالك !!
ترك الجهاز ومد يده للجهاز الثاني فاتحه
-اش صار ؟!
-تم الكشف عن المكان طال عمرك دوريتين متوجهه للموقع الان .. !!
قفل منهم .. و الطريق فضا قدامه أساسا..
تبادى حس ميكرفون امن الطرق
-راعي البنتلي وقف وجنب !!!! وقف يالبنتلي !؟؟؟!!!!
دعس بنزين و
تخطى إنذارات الدوريه الي وراه وهو يحس بضجيج يعثى فيه وبروحه مبتدي الخوف يتربص بافكاره .. شحنات متراعده من الخوف تغلغلت بفكره..!! صور لها هي من بد البشر كلهم .. حسها الخايف الي اصبح يسكن مسامعه هالايام !! وعيونها الذاويه !!وكل مافيها !!
غمض عينه ثم فتحهم هامس بحشرجة انفاس
-يالله اني دخيلك ..يالله!!! انا تبت ونهيت نفسي عن كل محرم حرمته بشرعك !!حفظتك بالسر وبالعلن !!احفظها يالله !!! شد مبسمه منهي رجله برجفه تخللت مباسمه متابع بدون أي حس
-احفظها… لي!!
ضيق نواظره منتبه للدوريات الي تحده من الجهتين .. سمع أصوات من جهاز الانذرات الي عنده
-الملازم ؟؟؟؟ حول ؟؟؟؟ وصلنا للموقع شفنا السياره المطلوبه !! متوجهين لها الان!!
اسودت نظرته بسواد كريهه محموق
تنفس انفاس حاميه ونظرته محتده تترقب مسير السياره المقصوده … بغضب ضاجت به كل خليه بجيده .. اعتلت نبرت جواله رفعه بعجل
-جت الشرطه انت وينك؟!!
نطق الوليد بهادي المتوعد الصوت
-موجود …موجود !!
دعس بنزين مستبرقه سرعة سيارته متعدي السيارت وعينه فقط عالسياره الي بين سيارات الدوريات مصوبه انظاره عليها فقط ونار نار اسخنت جيده كله شد مبسمه ضاغط برجله ومعجل السرعه اطرف بعينه للسياره الي مجنبه وعين راعيها عليه ضرب انذار بصوت سيارته وتعداه بعجل
لدرجة حس ان روحه بتسبق جيده وتطلع انسمع صوت الفرامل تنسحب وقت استاقفت سيارته وقبل تبرد حرارة الكفرات انفتح الباب واندفع خارج منها متهاديه خطواته وصارخ
-طلعوووه من السياره !!!! طلعووووه!!!؟
توجه لللباب الخلفي .. ونظراته مصوبه لها استرعبت نظرته وهو يشوفها مستجدي جيدها بلاحركه جا بيفتح الباب مقفل رفع راسه صارخ
-افتحووووا القفل افتح بسرعه !!!!
توجه عسكري يفتح بعجل فتحه الوليد .. وحسهم يتصاعد حوالين مسامعه محذرين السايق لايتحرك وساحبينه
انحنى هاتف بحس مبحوح من كثر ضغط الخوف والغضب
-نجلا!!!
استرعدت عينه وقت لمح دموع عينها وسيلان الدم من انفها وفوق ذا كله حجابها المكشوف..
مد يده لرقبتها يتلمس نبضها اول ماحس فيه ستر ملامحها بالطرحه الخفيفه وتراجع صارخ بدون يحس بنفسه وهو ياشر بيده..
-جيبوووه !!!! جيبه جيبه !!!
تبادت خطواته الملهبه وعينه لجهته صرخ مواجه العسكر وهو يتقدم
-هاااتوه!!!!!
ناظره بسوادداد نظره ناطق بتوعد
-تعال ياالكلب تعال!!
قبض رقبته ساحبه رافع يديه ومبتدي ينيل عليه بالضربات المتتاليه بلا وعي وبدون شعور يسيره جنون غاشم استحل عقله ومنطقه وادراكه صارخ بحس مرتعد ومتوعد
-بتاخذها!! هاه بتاخذها !!!! وين بتوديها؟!!! هاه!!؟ ووووووين؟!!!
ااستمرت يدينه تنكل به ضرب بلارحمه متغافل الأصوات
والاوامر الي تجيه من كل صوب مايشوف قدامه ابد الا حرة قلبه وغضب متملك يدينه الثنتين تاركها تبطش بلارحمه حتى وقت استنفر الدم من ملامح السايق ومبسمه ماوقف ابد ماوقف !!! الا استشاط صارخ بلاشعور
-وين بتوديها !!!؟. وين ؟!!! ماخذها لوين ياكلب !!!!
جلد وجلد وجلد وجلد وغمام اسود محاوط مسامعه وادراكه وفهمه وعقله كل مانرسم امام عينه منظرها رفع يده وشاط بها بجيد السايق بلا رحمه .. سحبه لمكان ابعد ونكل بملامحه اكثر واكثر بدون توقف .. تهاتفت الأصوات حواليه والبواري والسيارات .. ويدينه مازالت ترتعد مستبرق شرار القيض بجيده وكن مافي الدنيا الا غله وقهره وكيس اللحم الفاسد الي قدامه .. سمع حس ينادي
-عطني ايه عطني ايه يابن جلمووود !!
اطرف الوليد بنظراته المحموقه شاف واحد بعجره .. ناطق له متابع
-انا بدر بدر جيبه عنك!!
ابعد الوليد نواظره راجع قابض يدين السايق عاكفها متغافل صرخاته وهتاف الي حواليه .. شايط كان مايحس بنفسه ولايحس بيدينه ولايحس باي شعور غير الغضب حتى الوجع بيدينه من كثر ماضرب مايحس به ابد
قربوا العساكر منه
صرخ بامر رافع اصبعه
-لحدن يقرب !!!!
قرب احد الافراد هامس
-مركزك سيادة العميد !! طول الله عمرك احنا بنقوم بالباقي !!
التفت له الوليد بنظرات مصهبه هاتف بحس متوعد
-انا امرك ترجع توقف مكانك امنع التصوير ولحد يتدخل !!!
التفت للسايق منتبه لحالته المنتهيه
صرخ للعسكر
-ارجع!!! انت وياه !!!
ترك جيده عالارض وابتدى يرجف به برجله باقوى ماعنده بلاهواده ..
استاقف هاتف لبدر
-هات العجره !!!

[قال الزهر آآآه]

حذفها له بدر .. رفعها .. قابضها .. متناسي كل شي لارتبته لاعمله لا هدفه لا انين روحه الدايم حتى انتقامه مستعد يضيع عمر بس يطلع حرته .. الا فجاه قبض يديه نايف هامس بمسامعه ..
-لا يالوليد لاتضيع نفسك !!! استهد بالله !! نجلا سالمه !! سالمه !! امسك نفسك عشانها !! تعوذ من الشيطان يارجال!!
شدد فوق كتفه ثم مد يده سحب العجره منه حاذفها ..
افتحمت انفاس الوليد وعينه عالسايق المرمي جيده يتوجع !!ويأن !! التفت للمكان كله والسيارات والعسكر بحث بعينه عنها جهة السياره .. شاف وحده منحنيه جهة الباب تو مارجع يلتفت الا بسعد قابض السايق من جديد وصارخ باعلى حسه
-ماخذاها لويننن !!! والله لاذبحك!!!! بذبحححححححك!!!
شاف نايف يهتف له
-سعععد!!!؟
التفت شاف العسكر منفذين كلامه مفرقين السيارات والي يتبع سعد ويبي يوقفه !! والي تقدمو!! منه عسكري من الي كانو يتبعون سيارته ..
-عطنا هويتك يالاخو !!!
-برجع لكم !! عطني ثواني!!
مد العسكري يده قابض ذراعه
-على وين ؟!!! هويتك أصلا بتجي معنا !!! انت!!!وين تحسب نفسك فيه !!!
ترقب الوليد يدينه الي شاد بها ذراعه رفعها من جديد ثم نطق
-بسكت عنك لانك تحت أداء مهمتك!! وقلت لك بجي لك منيب رايح مكان!!!
شدد العسكري يده اكثر
-لاتتحرك!!! لاقدم فيك بلاغ !! مراوغة رجال الامن!! خل هالليله تعدي على خير لانسحبك بالقوه!!!
هتف عسكري متقدم
-لافي انت وش تسوي اترك يد العميد !!!
بهتت نظرة العسكري بينهم الاثنين سحب الوليد يده متحرك من بينهم بخطواته المجهده يعرج بثقل متغافل كل صوت وراه عينه يمها ونبضه يعتلي توجه لسيارته راكبها ومحركها متوجه اجنب السياره امرهم بنظراته يبتعدون عن محيطه اول ماوقفها نزل بعجل جهتها يدري بتخاف حتى من هالمره الغريبه الي معهها قرب اكثر هاتف
-ياولد!!!… نجلا !!
تراجعت الحرمه رافعه جيدها شاهقه ..بصمت نطقت بعجل ..
-صحيتها بس خايفه البنت !! سمو عليها !!؟ترا ماسوت شي !؟
هز راسه ونواظره مركزه على مكانها ..بلاشعور
-ابعدي ياخاله .. انا رجلها !!
سكتت ام بدر مرتهبه من منظره والدم المخالط بياض ثوبه واكمامه ..

تقدم من الباب سامع انين ناشج
انحنى مرتخيه نواظره .. الي احتنت برعدة روح وقت شافها كاتمه نفسها بيدينها ومرخيه راسها ترجف هتف برحمه ساحبها
-نجلا ؟! تعالي قومي معي !!؟
أبعدت يدينها رافعه راسها ..وعينها شرقانه
عاجزه تنطق نطق بحس ثابت آمر رصين وهو يقبض معصمها منتبه لشهقة الخوف منها وقت شافته
-لاتخافين !! خابر و ادري عارف انا ادري بكل شي صار!!تعالي معي الحين بوديك سيارتنا!!
حس بجيدها يرتجف واستشعر عدم قدرتها حتى عالنطق من الخوف من كثر ماهو ضاغط على نفسه ماستشعر جروح يدينه ولا عرق جيده ولاهيئته المجفله لروحها والي زادت كبر خوفها وانينها ..
تلمس اكتافها ماشي معها بثقل .. متغافل كل حس ..الين ركبها السياره من الخلف انحنى مترقبها وعينه على يدينها المقبوضه واطراف رجلها وحس خلهالها .. سؤال يرعد بروحه يبي يساله لها بس عاجز ينطقه لها مب قادر اصبح ياخاف انها تخاف !!! طلعت منه الحروف متضعضعه بتوتر
-سوالك …شي ….نجلا!!؟
اشتد عضد فكه وقت سمع نشيج طالع من عمق روحها ومكتوم .. مد يده قابض معصمها المرتجف وسحبه بخفه
احتنت نبرته الثابته شاد فيه كل عصب
-علميني !! لاتخافين مني !!
سكت ثم نطق بحشرجة فك متملك كل مافيه قيض من الغضب
-ناظريني!!
………………………….................... ..........
قبل بوقت ..
ضوجان ونبض براسها يوجع كل جيدها خوف كبير محاوط فكرها ورعب منهك تفاكيرها ومن بينهم حس ماتعرفه ماتبي تسمع له ولاتبي يسحبها من السكون المظلم الي هي فيه ..ماتبي ابد ..
-بسم الله عليك الرحمن الرحيم .. يابنتي ؟!! قومي !! فوقي يامي !! انا المره الي قلتي لها بكلم!!!
حست بمويه بارده واصابع حازمه وحانيه تمسح ملامحها اعتلى انين خافت منهك
-اممممممم
-قومي يمي قومي كلمنا رجلتس وهو فيه جا رجلتس واخوتس لاتخافين افتحي عيوناتس يابنتي !!
ارمشت برعب متذكره مكانها وخوفها الي سكن فيها قبل بوقت صارخه ومبعده
-من انتي !!!؟ انتي مين؟!
تراعدت نظراتها بخوف يم السياره وهالحرمه المنحنيه لها ماتسمع الا نبض قلبها وماتحس الا بارتجاف جيدها لين رمشها .. المعكوف الممتلي رطوبة دمع..
تهادت يدين ام بدر حواليها تهديها
-انا ام بدر !! ام بدر يامي الي كلمتي من جوالها !! لحقتس ماخليتس ماطاعني قليبي !!!
ترقبته نجلا بخوف ..و
هتفت ناشجه وعينها تترقبها بخوف .. مبتديه تلم عبايتها حواليها
-قلت …..له ….يرجعني!!! بس قفل الباب!!!
شهقت ببكا خايف متابعه
-قفل علي !!! قلت رجعني وضرب..ني !!!
-بسم الله عليتس يابنتي اهدي وسمي بالرحمن انتي بخير لحقنا عليتس ومسكناه وماصابتس شي يابنتي !! جا رجلتس موجود !! والله لو تشوفين شلون جالسن يجلده ان تبرد حرتتس منه ! هالمهبول!!!واخيتس جا !!واحدن ثاني مب الي معتس ووداتس!!
جمدت نظرتها بثبات هاتفه بهمس خايف يرتعد
-جا الوليد ؟! الوليد جا!!؟ سعد معه!!!
-اييييه ايييييه رجلتس موجود لاتخافين !!واخوتس بعد !!توه جا وتطمن علمته قلت له سالمه مابها شي !!
رجفت يدها وام بدر تمسح ملامحها المدميه هتفت بخوف
-وينه؟!الوليد يدري هو يدري ماطلعت من كيفي؟!!!
ترقبتها عين ام بدر حنان عارم ماتدري وش صايب هالبنت مع هالرجال واخوها منظرها الخايف المكسور يشلع قلبها شلع حركت هدب عينها تحت نقابها تبعد دمعتها المطرفه وهو تستنطق بحنان
-اييي اكيد بيعرف شلون مايعرف !! تركدي واستهدي بالله واذكريه !! الله حافظتس ربي نبهني لتس ماتركتس جيت وراتس طول الطريق وانا وراتس يابنتي كلمنا رجلتس وجا مع نا !!
طول ماهي تستنطق نجلا تترقبها برهبه مستمعه لها بسيلان من انفها مختلط ببقايا دم ومبسم متورم وعين ذاويه محاوطها كحل من الحمار رجف فكها الموجوع غاشيها دمع حار..متضارب هوجاسها وفكرها وصور مرعبه تستذكرها صارت نبضها عالي وقمة ضياع روحها مستأسده كل مافيها ومحاوطه مشاعرها مب مصدقه الي تعيشه الحين كابوس صراخ سعد !! كلامه وكذبه ؟!! ترجيها له !! هروبها واندفاعها بلاشعور وعقل تشتت ذهنها ورعبها وقت حست بالخوف من هالرجال الغريب الي نوا لها اهتز متنها معتليه شحنات قويه ومرتجفه.. غطت ملامحها وحس ام بدر يهمس لها ماتدري هي وشت تقول أصلا ضايعه دواخلها ماتحس باي ارتكاز نفسي نشجت بخوف وشهقات متتابعه متغافله الحس والاصوات الي برا كلها الين وصلها صوته متمرد وغازي لهيب شعورها بقوه
-ياولد !!…نجلا..!!
ارتهبت نفسها شاده اناملها فوق ملامحها بعجز ماتدري وين تفر وتهج .. خوف امتلكها من كل ناحيه سمعت ام بدر ترد عليه وحست بقربه وحسه وصوته يكلمها ..

[جودي_]

ردت روحي😭🤍🤍🤍🤍🤍🤍

[قال الزهر آآآه]

تقدم من الباب سامع انين ناشج
انحنى مرتخيه نواظره .. الي احتنت برعدة روح وقت شافها كاتمه نفسها بيدينها ومرخيه راسها ترجف هتف برحمه ساحبها
-نجلا ؟! تعالي قومي معي !!؟
أبعدت يدينها رافعه راسها ..وعينها شرقانه
عاجزه تنطق نطق بحس ثابت آمر رصين وهو يقبض معصمها منتبه لشهقة الخوف منها وقت شافته
-لاتخافين !! خابر و ادري عارف انا ادري بكل شي صار!!تعالي معي الحين بوديك سيارتنا!!
حس بجيدها يرتجف واستشعر عدم قدرتها حتى عالنطق من الخوف من كثر ماهو ضاغط على نفسه ماستشعر جروح يدينه ولا عرق جيده ولاهيئته المجفله لروحها والي زادت كبر خوفها وانينها ..
تلمس اكتافها ماشي معها بثقل .. متغافل كل حس ..الين ركبها السياره من الخلف انحنى مترقبها وعينه على يدينها المقبوضه واطراف رجلها وحس خلهالها .. سؤال يرعد بروحه يبي يساله لها بس عاجز ينطقه لها مب قادر اصبح ياخاف انها تخاف !!! طلعت منه الحروف متضعضعه بتوتر
-سوالك …شي ….نجلا!!؟
اشتد عضد فكه وقت سمع نشيج طالع من عمق روحها ومكتوم .. مد يده قابض معصمها المرتجف وسحبه بخفه
احتنت نبرته الثابته شاد فيه كل عصب
-علميني !! لاتخافين مني !!
سكت ثم نطق بحشرجة فك متملك كل مافيه قيض من الغضب
-ناظريني!!
أبعدت يدها الثانيه رافعه راسها لجيده المنحني..مبعده عنه نواظرها الضايجه همست بحشرجه خوف وضيق
-الوليددد!!!
تتالت شهقاتها شاكيه وهي تتابع متغافله عينه الي استرصدت معصمها المتوسم فيه اثر
-كا…ن ..بي..اخ…ذني…!!! وانا كنت بجييييييك بروح البييييت!!! كنت برووح البيت والله!!!!
شد مبسمه محاول يثبت بنبرة صوته لها
-اهدي اهدي.. لاتقولين شي !!تطمني الامور طيبه وانتي طيبه وبخير افتحي عينك ناظرني !!!
مد يده قابض ذقنها .. مجبرها ترفع راسها
اول ماتلاقت نواظرهم شهقت من منظره المتبعثر ..كشرت ملامحها تكشيرة بكا وقلبها مقبوض .. من عمق الخوف والضيق
-و…ش …اقو…ل ؟! والل..ه ..مار..
مسك يدينها قابض عليها بشده
-لاتقولين شي نجلا !!و لاتخافين !! انا مالومك ابد !! وقبل كل شي اهدي وانسدحي !! يله نجلا ! مدي رجلك وانسدحي ريحي حدني متماسك والله اني متماسك عشانك!! مدي رجلك يابنت العرب لاتحديني ارجع اذبحه قدامك !!!
شهقت عينها عليه غاشيها دمع وهي تشوف نظرة عينه وحسه الراعد الهادي
تقدمت ماسكه عبايتها بخوف .. والاصوات توصلها .. من كل جهه وحس سيارة اسعاف يقترب غمضت عينها هاتفه
-مابي ياخذوني يالوليد !!! جو ياخذوني؟!!
مسك اكتافها يتلمس جيدها بخفه يعاونها تنسدح بهدوء و ناطق
-لاتلتفتين !! محدن بياخذك بتررحين بيتنا !! ارتاحي انتي !!
هتفت برجى
-ماكنت بروح مع سعد قال انه علمك !!! انا طلعت من ذاك المكان وركبت مع ذا ماعرفه والله !!
ترقب حسها محاول يضغط على نفسه لايسب ولايشتم ولايلعن هالسعد ونطق بثبات وهو يفلت يدها من يده ..
-ادري عارف كل شي !!
انسدحت منحنيه اول ماحست انها داخل السياره ومحدن بيقدر حتى يناظرها من الشبابيك انفجرت باكيه .. محنيه راسها
ترقبها بضياع روح .. ورهبة شعور جزل لسلامتها ..من اب اعتداء سافر ..
انحنى داخل جزء منه ثم قبض يدها بتشديد.. ونطق بهادي الصوت والمعاكس شدة وقوة غضب روحه
-نجلا!؟ ارفعي راسك لي!!! ارفعيه !!!! ابي اشوف عيونك!!
سحبت انفاس تشرق بها وجسمها يرجف .. ناظرته لقته يبتسم
-تدرين اني مستودعك الله !؟ وتخبرين كل مره استودعك الله يحفظك لي !!! لاتخافين مني !! ولا من أي شي !!! الأمور بحلها انا كلها بترجعين البيت وبتريحين وبجيك ونتكلم !! سمعتي ؟! بيوديك نايف !!
ركز بنواظرها مكرر
-سمعتي ؟!
ناظرته وهي تحس بغمام يحاوطها وجع براسها وجهد بجيدها وخوف متمركز وسط جوفها من داخل
-ما…بي!!!
اهتز متنها ناطقه بلاحذر
-مابيهم !! أخاف يودوني …مره ثانيه ذاك المكان!!! انت رجعني تعال معي يالوليد!!
شد يدها ناطق وهو يهز راسه
-والله مايودونك مكان بيرجعونك بيتنا !! بيتنا نجلا!!
حلفت لك ماتصدقين بالله؟!
بلعت ريقها تترقب ملامحه بعين مجهده .. محاوطها الحمار من كل جهه مترقبه التصميم المتبادي على ملامحه مختلط بالجهد الواضح همست بخفوت شارحه نفسها
-انا صدقته وكذب علي يالوليد !!! سعد اخوي كذب علي !!! وداني قلت له لا رجعني وعيا عيا !!! ليش سكرت الجوال انت ؟!!! خفت انك تركتني ومليت مني !!؟ومشاكلي !!!
ترقبها بثبات يدمي شعوره مستمع لمنطوقها الباهت شلون وصل تفكيرها ؟؟؟؟ شد مبسمه وهز راسه مقاطعها بحس هادي رصييين
-قولي لااله الا الله!!
همست بحشرجه
-لااله…. الا… الله!!
نطق بثبات الصوت النافر
-شفتي امل ابليس بالجنه شلون مستحيل!؟ مثل استحالته اني امل منك !!!انتي مرتي وزوجتي الغاليه بنت الرجال !الطاهره العفيفه المحتشمه
حرك هدب عينه متابع منطوقه الثابت ..
-مرتي المصليه والي الله حافظها لانها له حافظه !! وذاكره!!
رجفت شفتها عاجزه عن النطق شد فوق يدها ..متابع
-بيوديك نايف وبيوصلك انا بلحقكم اخلص الأمور واتأكد ان كل شي يخصك..منتهي الليله وارجع!! انتي تطمني وانتظريني سمعتيني !!فهمتي كلامي الي قلته لك نجلا ؟!!
هزت راسها .. مرخيه نواظرها .. همست بحشرجه
-س..عد!!
قاطعها بحاني الصوت