آخر 10 مشاركات
|
| |||||||||||||
| مشاهدة نتائج الإستطلاع: تمنياتكم لنهاية خذني بقايا جروح؟؟؟ | |||
| نهايه سعيده ؟؟ |     | 1,311 | 95.83% |
| نهايه حزينه؟؟ |    | 57 | 4.17% |
| المصوتون: 1368. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
15-04-19, 10:01 PM
| #51 | ||||
 
|  . قصر صخر آل جلمود .. بعد صلاة الجمعه ... الكل مجتمع بديوانية الوليد .. اعمامه ... والقرايب والي يعرفون غازي .. بدت وفود المعزين تتوافد .. والي كانو جايين لجل يلبون فرحه ..جوا الان لجل يحظرون عزى ... بصدر المجلس .. وحيث جلوس اعمام الوليد ... -ياخوي اا ماني فاهمن شي .. الحين مب مقررين الملكه لسلطان وش قلبها للوليد !!! التفت ..ابو سعود يرد على أبو خالد ... -مفهومه ياخوك ... !! سلطان مايبي يجي !!! والوليد خذا مكانه لجل ماينهان أبو نايف !!! قطب أبو خالد نواظر عينه .. بتفكير .. -تهقى يسويها سلطان ؟؟؟ وليه مايجي مب هو قايل قدامنا يبيها !!!ليه يفشلنا عند العربان !! ويقطع وجييهنا !! احتدت نواظر أبو سعود .. - هو ماعليه مني ومنك عليه من الوليد !!! يبي ينكس راسه هو !! لكن الوليد .. جعل عمره طويل عرف شلون يتصرف .. كون انه خذا مكان سلطان مقصده يقطع أي هرجه تنولهم عقب ملك عليها !!! يعني الي بيفكر يذكرهم بالشينه كنه ذاكر الوليد وهذي فيها علوم وغنايم ومحاذير !! انت اخبر بها !! تنهد أبو خالد .. هاز راسه وعينه مطرفه يم الوليد .. الي جالس بصدر المجلس .. يستقبل .. الي ناصينه .. -الله يرحمك ياخوي ..!!مدري هالسلطان منين جاه !! الله خذا امانته لجل مايشوف هاليوم وينقهر زود !! الحال بين عياله كل ماله يزيد كره وجفا !!! عاجله أبو سعود راد .. بحازم النبره .. -صخر غلط يوم ترك الشيطان يعثى بحياته !! وغلط يوم سمع لبنت محمد بن عامر !! هذا ولده !! مفترض ربى هينا بين خوانه .. لكن هذا الله وهذي تدابيره والله يعين الوليد !! - الوليد قدها ياخوي .. كل شي خيره يمكن لو ربى هينا ماوصل شانه واعتلى مثل الحين !! لاتنسى ابن عامر له دور في حياته الوليد غدا رجال له وزنه وكلمته بدون تأثير اسم قبليتنا ومشيخة ابوه !!! .. انتهى الحوار ... ونواظرهم تستمهل وتترقب ... بصمت ... غافلين عن العين الي تتأمل وتترقب وتراقب بانبهار .. مبهم .. وصمت .. كثر ماشاف من الجاهه والرخا والعز انلجم ..وعجز حتى عن التفكير ..توارد لذهنه الوعيد المتمثل بنظرات الوليد .. بدون حتى ينطق ..وده يطلع من المكان بعجل .. رفع يده يشوف الوقت ... هو جاي وجايب امه معه ..وده يتصل ويطلعها وش لهم بهالمكان وهالناس مارتاح ابد وهو يلاحظ نظرات شيخ المجلس تترصد كل نفس يتنفسه ... .................................................. ................................. مرت اليومين الأولى من العزى .. برتن هادي .. وحافل بالمواجيب .. نجلا منعت ام سلطان احد يدخل عليها غيرها ... والوليد ماجاها ابد .. ارتاحت انه ماراح لها مع انها كانت متخوفه تطلبه لانها ماتدري وش فكره ومنطقه بالضبط ..كاتم وساكت ..!!.. الي تخبره انه كاره هالزيجه.. وبس ... !! بمجلس ضيافة النساء ... بالقصر ... تناهى همس .. ام عادل .. وهي تتكلم مع بنتها عالجوال .. -أقول بس ليتك تسكتين عن كثر الصياح الرجال راح ربي كاتب يومه يعني صياحك بيرجعه !!! لا !!! الا ليتك شايفتن العز الي بتعيش فيه بنت طبينتك !!! رجلك !! وش أقول بس !؟؟ ماراح الا وهو مسنعن بنته .. بعد موته ..!! مالت عليك وعلى بنتك معك !!! كل هالعز الي شفته بيكون لها رجلها الي املك عليها شيخ بن شيخ ماهوب طرف ذر !!!.. كل شي تحت امره ونهييه .. !!فاتك يابنتي لو شفتي الجناح الي هي جالستن به .. كبر بيتك مرتين !!!وليتها عاد واعيتن له الا دايختن ماتدري عن هوا دارها !!! -يوووه يمه لاتحرين كبدي !!! لاتحريني فوق منا مغثوثه من همي !!! أصلا هالرجال ماصفى لي ابد كله لها ولعيالها !!! انتي متى تجين انا لحالي وش يسكت السنة هالعالم !!! مغيروشيهانه انا لحالي وشيهانه حالتها حاله .. !! والجازي ماجت !!!! قاطعتها أمها بعتب .. -المفروض خليتيها عندك ماطلعت خل تساعدكن هو ابوها بعد !!! ردت ام نايف باعتراض ضايج .. -ماكنت ابيها تطلع من البيت بس هاالهم الي اسمه الوليد طلعها !! انا مستغربه شلون نايف رضى .. !!تطلع كيذى !!!سويدة الوجه !!! -هالي اسمه الوليد رجلها يابنتي انا اقصد كان تفاهمتوا معه !! تجلس عندكم !! - اه اه يمه شفتي شفتي ربي حرمها من فضه وعطاها رجالن يسوى قبيله !!! كلت راسي ام حسن مدحن فيه !!! لكن ان شاء الله ان واحدن مثله بيعوفها عقب تزوجها مجبور !!! الا يمه تعالي هو مب معرس !!! ؟؟ تراه اخو سلطان الكبير !!؟؟ قطبت ام عادل نواظر عينها .. -مادري والله محدن هينا يم احد كل لاهي بس مقامهم تبارك الرحمن شي شي ياروح امك !! -ان شاء الله يصير متزوج وتنكفها مرته وتوريها النجوم بعز القايله !!!المهم انتي يمه بتبطين ؟؟ - لا بجي شويات ... !! اخبار العزى عندكم ؟؟ عادل يقول ان نسيبكم قايم بكل شي ومتكلف .. هو صحيح ؟؟ - ايه ايه .. اخ ياقهري يمه .. مقهوره بقلبي حره منها ومن أمها ذيك خذته بشبابي !! وهي جابت اجل الرجال بكبري !! الله لايرحمها هالنوره !! -اشششش اسكتي لحدن يسمعك !! البنت ان ماتطلقت صفيها جنبك انتي المستفيده !!! لاتضيعين هالفرصه !!! - ماعلينا الحين انا ابيك تجيبين عفوشك وتجين عندي أخاف تطلعني من البيت عقب قوت شوكتها مدري عن هالرجال !!! يالله يارب ان تخلف فيه ضنون ام حسن ويغدي مثل لخوه واردى !!! - بصير خير ... يصير خير يله بقفل انا تحروني ... - مع السلامه لاتبطين يمه -ان شاء الله يالله فمان الله .. بنفس المكان ... الخدم .. والقهوجيات .. مالين الأركان يقومون بالضيافه ... على اكمل وجه ... تكلمت الجده .. بحس هادي ... حاني .. -الله يصبرها هالبنيه يامهره .. قطعت قليبي .. !! مثل قطرة الندى الذاويه !! ياذكر الله عليها مزينها !! ماشاء الله تبارك الله !! شدت ام سلطان مبسمها .. بضيق .. وبسمه حانيه.. -وهو الي صار لها شوي ياخالتي ؟؟ ابوها توفى قدام عينها وبوقت ملكتها ويوم عرسها !! الله يصبر قليبها ويرحم والديها !!قطعت قلبي مابلسانها غير اسم سعد !! قطبت الجده .. نواظر عينها سائله .. - انا ماقد شفتها ابدن يام سلطان وينا عنهم هالناس !! -انا اعرف أمها الله يرحمها هي الزوجه الثانيه !! مثل القمر توفت بعز شبابها .. !..بنتها مثلها مزيونه لكن الله يمد بعمرها ويجعل حظها بالدنيا ازين !! قالتها متهاديه افكارها يم صور انينها وغفيانها وتوهان عقلها المجهد .. - ايييه الله يرحم اموات المسلمين ... وان شاء الله ربي بيعوضها بسلطان وفيكم .. انتم لها اهل ان شاء الله .. توصوا فيها ولاتخلونها .. !! ارتبكت ام سلطان بجمود انفاس .. مطرفه بعينها تهرب ماتبي تتلاقى النواظر .. وش بتقول ؟؟ لخالتها .. !! الله يستر ان عرفوا .. الي حصل وهالبنت حليلة مين الحين !! ردت بهمس حازم .. -ايه اكيد ان شاء الله لاتوصين حريص خالتي .. !!والله مااعدها الا مثل بناتي .. الي ارغبه لهن ابيه لها !! استهجنت ام صخر بحس عاتب .. - الا سلطان وينه مالمحته ابد !! هو شافها تطمن عليها ؟؟؟ عساه قايم بالواجب مع انسباه !! تنهدت ام سلطان بغبنه .. حابسه القهر من ضنينها المشقيها .. قاطع نفسه وماجا ولاكلم ولارد على اتصالتها اشغلها .. الخوف انه بمصيبه ولاهو داري بالي حاصل .. ابد .. -والله ياخالتي علمي علمك ماشفته من قبل الزواج بيوم لاهي اكيد .. قاطعتها خالتها .. بعجل .. - أي اكيد بيلهى الحين كبرت مسؤليته صار عنده مره وشريكه الله يجعلها خيرن عليه وعليكم يارب !! نشف ريق ام سلطان .. ونظراتها تاييهه بالعالم ... اشرت لوحده من القهوجيات تجيب لها مويه .. وهي ترد .. بضيق ماتبيه يبان لأحد .. -امين خالتي امين ... .................................................. ................................ بعد المغرب ... آخر أيام العزى ... الاحد ... بجناح استضاف .. زينة بنات آل مجفل وحرم .. شيخ آل جلمود ... مازالت .. مستسلمه .. رغم كظم الغيظ ..محبوسه .. بهالمكان .. الي رغم جمالياته الا انها تشوفه سجن .. كرييه .. وتشوف عالمهم دنيا غريبه مجهوله .. هي فيها وحيده بدون احد صحيح مالها احد ... تاييه مابين الصحوه والكوابيس .. وعدم تقبل واقعها الي جبرها .. تكون بهالمكان .. الكريهه ... فكرها الاواعي ... مازال يرسم لها من الاحلام اجملها .. وافخمها ... حست بصوت داخلها يناديها ... كما دايم .. يله قومي نجول .. اليوم ملكتك على حبيب القلب قومي .. اعجلي عشان يمديك ..يله .. !! حركت راسها ... يمين ... ويسار .. حاسه .. بثقل اجفانها .. وتهادي خصل شعرها الشلال المتوسد حنايها وحاظنها من كل صوب ... وفجأه .. تماثلت الصور ورى بعض ... بعجل .. مرعب .. يذكرها بحالها الحين ومكانها ... ويرسم امام عقلها الغافل صورته .. كابوسها الأسود .. السد الي وقف قدام كل وهج يشابه جمال رسومها .. حركت رموشها .. سامعه صوت غريب عليها .. -نجلا ؟؟ ... نجلا ؟؟ فوقي حبيبتي ؟؟ حاولي تفتحين عينك !! قربت رانيا تهمس ... ونظراتها مابين عمتها ساره الي تحاول تفومها وبينها .. -ياربيه ياعمه واجعه قلبي هالبنت !! مره مره !!! تكلمت حنان ... مترقبه منظرها بصمت .. -أي والله ترا فقد الاب مب سهل !! والأكيد ان ابوها قريب منها مره خاصه ان أمها متوفيه !!! ساره مالتفتت لهم عينها عليها ... بقلبها رحمه سقيمه لها ..ودها تاخذها وتلمها لصدرها .. وماتتركها الين تشوف ضحكتها .. عاز عليها شوفتها كسيره لو ماتعرفها .. هي جربت معنى الفقد .. ابوها وحبيبها ..واخوها ..اذا هي انجنت وهي كبيره!!؟؟ كيف هي .. ! تكلمت حنان رافعه راسها لساره ... -صراحه ماتوقعتها جميله لهالدرجه !! جميله جميله مره !! .. علقت رانيا .. بهمس .. -أي ماشاء الله .. الله يحفظها ... التفتت لهم بعجل هامسه .. -ودي اشوف عيونها ان فاقت .. !! شدت حنان مبسمها بحماس .. -رانيا الحين وهي راقده عيوني ماتقدر تنشال عنها كيف ان قامت تبارك الله !!! شوفي هدب عينها شلون مرسوم واسود ... !! فتنه هالبنت !! همست رانيا ترد .. -ماشاء الله ... الا ماتلاحظون ام مرت ابوها ماجت تشوفها ابد ؟؟ كنها ماتعرفها !!؟؟ اجل ليه جايه ؟؟ هزت حنان راسها ... - الا جت مره وحده ... مع اني مستغربه مفترض ماتتركها لحالها ابد او حتى لو خواتها !! غريبين قاطعتهم ساره ... - لاتسيؤن الظن العالم عزا ولاهين ... وبيتهم بعيد أتوقع ... وترا زين منها انها جت ... المره زوج بنتها متوفي بدل ماتجلس عند بنتها جايه تشوف بنت ضرة بنتها !!!! قطبت رانيا ... -سؤال بس ياعمه مافيها شي ان سالت !! تنهدت ساره .. بحزم .. -حتى ؟!! لاتدققون يمكن سالت احنا مب ساكنين هينا !!! قاطعتها حنان .. -انا مارتحت لهالادميه ابد ... ولا لنظراتها .. احسها مب متاثره وهالبنت ماتعني لها !!! زفرت ساره .. بضيق مستنكر .. - تعوذوا من ابليس واتركوا الظن الشين عنكم !!!؟؟ - والله ياساره انا احساسي مايخيب ... التفتت بعجل لرانيا .. -صح رانيا وش رايك انتي ؟؟؟ مالاحظتي ؟ جت رانيا ترد الا سمعوا همس ... انين .. متقطع .. التفتوا بعجل يم الصوت وراعيته ... كاتمين انفاسهم ... تكلمت ساره بحاني الصوت .. -نجلا ؟؟ قومي يله ؟؟ ردي حبيبتي تسمعيني ؟؟ ارمشت نجلا بتكرار .. تعاكس ضي النور تاركه له مجال يباري ظلام السكون الي سكن عيونها هالايام .. اول مافتحت .. تاهت بصدمه مستمهله .. للوجيه الي تناظرها بترقب .. ملامح غريبه عليها ماتعرفها ..ابد ... همست .. بتوهان ... -انا وين ؟؟؟ مين انتوا ؟؟ !!.. ردت ساره بعجل حاني هامس ونظرة تطمين .. -انتي ببيتك نجلا !! هذا بيت سلطان .. انا عمته لاتخافين !! .. كنتي غايبه عن وعيك هالايام ... !! اقشعر جيدها ... مرسل سهام شرار .. ملهب لكل عروق يجري بها الدم .. هو خوف او رهبه او الم ... وأخيرا .. صفعه مدويه ...كما البرق .. مظهره .. ملامح .. مهلكه لها حد الرعب الي سكن كوابيسها ... تلفتت يم الباب بخوف .. ساحبه اللحاف لها .. متكلمه بضياع .. وربكه .. - انا ليه هينا !! قالت بتوديني لهلي هي ليه ماودتني ؟؟ !!! سكتت شارده نظراتها بملامحهم مدركه نظراتهم الرحيمه لها .. قربت ساره مبعده يدها عنها تدري انها مرعوبه ماتنلام ... وعيها له كم يوم غافي وفجاه قامت بين اغراب ... -اهدي حبيبتي .. لاتخافين انتي وسط هلك ان شاء الله .. !! اشرت لنفسها هازه راسها ..بحس حاني .. - انا عمة سلطان ساره .. وهذي عمته حنان ... وهذي رانيا بنت عمه .. !! لاتخافين احنا جالسين عندك ننتظر تفوقين !! تمت تناظرهم باستنكار .. كاره .. بغيض .. وخوف مندفن ماتبي يطلع لهم ... وش جابهم عندها وش يبون منها ... ؟؟ مب حمل تشوف احد ولا تبي تلاقي احد منهم ابد تبي الفرار ... !! حست بجفاف حلقها بلعت ريقها .. برجفة شفايف ... متابعه كلام ساره .. - لاتخافين ... مافيه شي يخوف حبيبتي .. !! تعبتي وجابك سلطان هينا !! ارمشت هازه راسها مقاطعتها و... ناطقه .. بحس مغبون .. حاسه بغصه .. بصدرها وحلقها محتقن ..من القهر .. والضيق .... -ابوي مات !!.. مفروض ماكون هينا!!!!! بيتي مو هينا !! سكتت متذكره حس ابوها المقهور .. وكلامه وقت قال انه مجبور .. والله مجبور ... رفعت راسها بحمق باكي ... - هذا مب بيتي ... !!! .. تحركت بعجل ... - لازم اطلع من هينا لازم اروح لهلي !!! التفتت رانيا لساره ومعها حنان .. مستغربين .. رهبتها ... لفت لها ساره بتفهم .. -استهدي بالله نجلا !!.. اهدي تعوذي من الشيطان .. الي صار قضاء الله وقدره !! وانتي ان شاء الله انسانه مؤمنه بالله !! جمدت نجلا ...قبل تصرخ باستهجان ... منتفض كل مافيها ... ليه مايبون يفهمون صعوبه تواجدها ببيت واحد حقير .. مايمثل للمراجل أي صوره .. ..تسبب بموت ابوها .. واعدم كل حلم حلمت فيه وعاشته .. !!.. - ونعم بالله !!! ونعم بالله !! بس الي صار !! المفروض مايصير !!! ذاك الحقير هو الي قهر ابوي !!! هو الي اجبره انتم ماتعرفون شي !!! ماتدرون وش صار !!!! لاتقلون اجلسي !!! انا ابي اروح ابي اطلع من هينا !!! ابعدوا .. !! تقدمت متحركه بهيجان ... ضاري ..صدم ساره وحنان ورانيا ... الجم السنتهم .. مب فاهمين مقصدها ابد ... انتبهوا لصوت رنا .. - وش فيكم ؟؟؟؟ وش فيه عمه ؟؟؟ انتبهت لنجلا .. تقدمت مقطبه هدب عينها ... - نجلا وش فيه ؟؟ قمتي ؟؟ شدت مبسمها هازه راسها مبعده تسائلها الي ماله داعي ... تقدمت ساره ماسكه كتوف نجلا ... متكلمه بحس حاني وهي تشوف سمر مقبله بعد ومعها رازان ... -مافيه شي .. نجلا توها ..قامت ومتوتره ... اطرفت لعين نجلا برجى صامت ...الين سكنت بنظره ضايجه وضايعه بين وجيههم جميع ... انفاسها بس الي تثبت وجود روحها .. بينهم ... عضت شفتها الداخليه ..كاظمه وجع إحساس الغربه بينهم ... لا ويقولون سلطان ؟؟؟ وينك ياسلطان تشوف هالحقير وش سوى ... اعتلت غصه بصدرها وراها غصه ... ..وصوت داخل روحها يذكرها باستهجان ... خلاص مب رجلك هو .. ولايقرب لك لامن بعيد ولامن قريب ... !!.. انتي لشخص ثاني وتتبعين ثاني غير ويختلف .. تهادت صور رسمه امام نواظرها ..متغافله نظراتهم ... ذابحها العجز وهي تتذكر تهديده وترويعه وصوته المجفل لقلبها الخايف ... هزت راسها تبعد خصل شعرها المتهاديه ... رفعت يدينها تشوف اثر مسكاته الي وجعتها قبل ... بتشوف هو كابوس او حقيقه .. أبعدت طرف كم قميصها بعجل وانامل ترتجف .. شافت الاثار .. بغمضة عين تجمعت دموعها ..غصب ... استشعرت عمق الكره تجاه هاالانسان ..الي سرق فرحتها ... !!! سمعت حس ..يخاطبها ... -كلنا قلوبنا معك .. يامرت الغالي ... لاتخافين ولاتضيقين ابد ... غلاتك من غلاته والله .. ولاتظنين ان احنا مب فاهمينك !! احنا بعد فقدنا ابونا وحاسين فيك والله !!! تهادت نظراتها بينهم جميع ... ماتدري يدرون بالنار الي شاعله بوسط قلبها الحين ؟؟؟ فاهمين صدق عمق الوجع واحساس الغربه الي تعيشه بينهم ...؟؟ مدركين انها بعد كل هالصبر عالضيم خسرت ؟؟ !!! طلع حسها خافت حازم .. ونظراتها خاليه من كل شعور خاويه كما احساسها الداخلي .. الفارغ ... -مين الغالي الي تقصدون ؟؟؟ ردت سمر بعجل ... وحماس ودها تريحها .. -سلطان!!! يانجلا سلطان !! رجفت شفتها ... محتقنه اجفان نواظرها حمار ...ودها تقص لسانها وتحرقه لانها ماتقدر تنطق اسم سلطان بعشق كما دايم سلطانها الخاص معشوقها العملاق ... !!... رفعت راسها لهم ... بشموخ وكبر .. مب هي الي توطي راسها ابد ... هو الي لازم مايرفع جبينه بسبب شين فعله .. بابوها ... - بس انا ماتزوجت الغالي الي تقولون ؟؟!!! لمحت نظراتهم المستهجنه والمستغربه ... والمستنكره .. حست .. بتوترهم الي وصلها .. ومعه حاوطتها غيمه سقيمه مهلكه .. عاز عليها النفس تنطق اسمه الحقير ... ارتجف جيدها كارهه ومتذكر كل تهايمه وتهديده ... -انا تزوجت الوليد !!!!.. كررت على مسامعهم بهمس مكسور ..يعاكس جهدها وعينها مستمهله صدمتهم جميع ... -تزوجت الوليد !!! قالتها رافعه كفوفها مخفيه ملامحها ... وباكيه بضيق ... دوت صرخات استنكار .. تكلمت ساره .. بهدوووء .. -نجلا وش تقولين انتي ؟؟؟ انتي مرت سلطان مب الوليد !!!! أبعدت يدينها ... جت تنطق .. الا بحس رنا مقاطع ... -انتي من جدك ؟؟؟ الوليد تزوجك ؟؟؟ ليه ؟؟؟ شلون يتزوجك وهو خاطب !!!! مستحيل !!! تكلمت حنان بعجل تبي تفهم .. -اسكتي رنا خل نفهم !!! هزت رنا كتوفها باستنكار ... -ماسمعتي عمه وش قالت ؟؟ تقول تزوجت الوليد وش تفهمين اكثر !!!؟؟ عاجلتهم رانيا ... -هدوا بنات تراها مب متحمله زيادة توتر !!!لاتزيدون همها .. !! انتبهوا فعلا لتوترها .. بينهم .. رجعوا يناظرونها يبون شرح ... سمر انلجمت عجزت تنطق .. غريب الشعور الي تحسه .. طغت يقلبها رحمه اليمه .. ماقدرت تعلق زيهم ..ابد .. تكلمت رنا ... وعينها عليها ... -شلون ؟؟ اشرحي لنا شلون تزوجتي الوليد ؟؟وانتي مخطوبه لسلطان ؟؟؟ !! زفرت ساره ... وعينها على رنا ... بس قاطعتهم نجلا ... -اش دراني شلون ؟؟؟ !!!! روحوا اسألوه !!! هو الي اجبر ابوي !!! ابوي قبل يموت قال انا مجبور يابنتي مجبووووور !!!!! تراجعت ..مبعده عنهم ... مخفيه معالمها ... ناشجه بحمق ... مب كافيها همها يجون يعاتبونها بعد !!.. قربت ساره منها ... -خلاص اهدي نجلا .... لاتبكين ... لاتجهدين نفسك ماصدقنا قمتي ووعيتي !! لاترجعين تتعبين مب تبين تشوفين هلك ؟؟؟ لازم تريحين وتقابلينهم وانتي احسن من كيذى !!! التفتت بدون تسمع ردها ..توجه كلامها للكل ... -يله بنات اطلعوا خل ترتاح ... لمحت التساؤل بعيونهم بس حسها الحازم اسكتهم ... طلعوا منصدمين من هالخبر الغريب ...تابعتهم ساره .. قبل تطلع التفتت لها شافتها .. تتوجه للسرير .. تدفن نفسها وسط اللحاف ... وتبكي بحس مكتوم ... شدت مبسمها هازه راسها .. وعبره غافلتها ماتدري وش الي حاصل ليه اختلفت الاحداث !!! شلون الي تزوج الوليد ؟؟ ومين ؟؟ البنت الي طول عمرها مخطوبه لاخوه !!! وش العلم ؟؟ سكرت الباب ... ملتفته لهم .. -عمه سمعتي وش تقول ؟؟؟ شلون تزوجوا !!!! رفعت ساره يدها .. لهم .. - تزوجوا رنا زي العالم والناس !! شلون بعد !! لعاد تدخلين عليها يارنا ولاتوجهين لها اسئلتك ابد !!! هذا شي مايخص احد الا هي والوليد !! اعترضت رنا بضيق .. - بس عمه -لابس ولاشي!! الي قلته مابي اعيده !! ... التفتت لسمر ... - سمر امك وينها شوفي لي بالله !!وتعالي علميني بدخل اصلي بجناحك !! - طيب ... لفت لرانيا وحنان ... ورنا .. -انزلوا عادي خلوا الوضع طبيعي دام محد تكلم لاتتكلمون ... اصبروا !!! تنهدت تاركتهم ..وبالها بعد مشغول .. بهالبنت وحالتها وخوفها .. والربكه الي فيها !! غلط وجودها هينا مفترض انها ببيت ابوها مع أهلها !! هزت راسها مستنكره باستعجاب .. حتى لو تزوجت الوليد ليه يجيبها هينا بهالشكل !!! .................................................. ............................... قسم مجالس ضيافة الرجال والديوانيه ... ابتدوا العالم ينقصون بعد مانتهى العزى ... معاد فيه الا القليل والاقل من القليل ... جالس مرتبك مشدد مقابض يدينه بتفكير ... تنهد مقطب هدب عينه مترقب القهوجيه والمكان .. العالم راحوا وهو الين الحين جالس !!! كان بيطلع بس الوليد بن جلمود طلب يجلس .. تساند تارك فنجاله بترقب ... وتوتر حاسس وعارف وش يبي منه ... اكيد بيكرر عليه نفس الكلام مايدري انه يبي الفكه والخلاص عارف وفاهم مب تارك لهم مجال عليه هو وين وهم وين !!! .. مب ناقص بعد ... شوي الا سمع احد يناديه .. - أستاذ عادل ؟؟؟ التفت واقف .. بثبات .. - أي نعم .. -تفضل أبو صخر يبيك بمكتبه ... !! مشى تابع للي ناداه .. شاحن عزيمته .. الثبات ... بيسمع له ويطلع على طول بيعطيه الكلام الي يبيه ... الله يعينه وبس !! دقايق ووصل ... امام باب كبير ... -تفضل أبو صخر ينتظرك داخل .. هز راسه ودق الباب ... سامع حسه الراعد .. - ادخل !!!! اول مافتح الباب توسعت عينه بانشداه متأمل جناح المكتب الواسع الزاخم فخامه ورقي ... قاطع تأمله الصامت حس الوليد الامر .. وهو مرخي نواظره عالاوراق الي بين ايديه .. ويوقعها ... -تفضل اخ عادل شرفني بجلوس حظرتك !!! ارتبك مطرف بعينه له ... غصب حس بالتخبط .. بسبب نظرة الوليد الثاقبه له ... من ورى مكتبه .. تقدم وجلس ... -السلام عليكم ... - وعليكم السلام .. هلابك .. تبي اضيفك شي ؟؟ آمر !! ابتسم عادل راز ظهره ... لاحظ نبرة الوليد الي تغيرت معه .. وراح بفكره الناقص انه بيرتجيه او ممكن يطلب منه مايقول شي ويسكت .. عن الي يعرف .. -لا مابي شي .. تسلم بس ابي اعرف وش الي صاير وش بغيت مني !! رفع الوليد راسه ..تارك الي بيده ...الوليد بتركيز فاهم اختلاجات ملامحه وعارف مكنون فكره .. شد مبسمه متراجع ساند ظهره على كرسي مكتبه بصمت واستمهال بطيييئ متقصد ... - الي حاصل يااستاذ عادل اني ابي أتكلم معك بخصوص الي صار يوم ملكتي على بنت غازي الله يرحمه !!! هز عادل راسه بابتسامه جانبيه وصوت واثق .. -انا فاهم عليك ... !! لاتشيل هم.. انا ستر.. قاطعه حس الوليد ...الثابت ..المحتزم تحاذير .. -لا بالله من فاهم ياعادل !!!وش تستر فهمني ؟؟؟ انت حظرتك ستر لمين بالضبط ابي افهم !!! اشرح ووضح لي !!!!؟؟ ركز الوليد النظر فيه مربك خوافيه ... بصمت .. لاحظ توتره وحركة يدينه .. وصوته المهزوز.. -اقصد طال عمرك ان يعني الفكره ماكانت زواجك انت ... انج.. قاطعه الوليد من جديد ... -ارجع وأقول منت فاهم الين الحين !!! ابي اعرف بالضبط انت مين عشان تحكم علي !!!؟؟ -حشا لله انا مااقصد !! الي ابي أقوله .. يابوصخر ان الموضوع صار فجاه !!.... رفع الوليد كف يده مسكته باشاره بس .. وتقدم متساند على طاولة مكتبه مد يده يبعد طرف شماغه .من على كتفه ونواظره مركزه على الي جالس قدامه .. - اسمعني ياعادل او أبو ناصر !!.. لان واضح انك مب فاهم ايش الي صاير بالضبط وانا ابي افهمك باللغه السهله الي بتاصلك على طول !! زم الوليد شفته ...ثم تكلم ... بحس ثابت ونظره ماترمش .. -الي صاير ان كريمة غازي بن مجفل صارت حليلتي !!يعني لو حس خبر كاذب او كلمه طلعت من لسانك وتمس اسمها او اسم العم أبو غازي .. فأنت جاني على نفسك ومستقبلك ومستقبل كل من بيجي من صلبك !!! اهتزت اطراف عادل بضيق كاره ... تهديده الواضح ... -عارف عارف طال عمركالله امر بالستر ضيق الوليد نواظره ...بتركيز .. متكلم -واضح انك الين الحين بعد مافهمت ... بوضح لك ... !!! رفع اصبعه مأشر ... -انا الي يدوس لي على طرف !!صدقني ماتتمنى تشوف وش يغدي به !!!!..سكت مستمهل النظر والاستدراك بملامح عادل ... ثم تابع .. بتركيز على كل كلمه يقولها ... -يعني ان بس سمعت شي طلع منك انت !!!!...راح ..ادوسك ياعادل !!! تشتت عادل بنظراته ... حاس بخوف من باطن التهديد الواضح ... -لا ابدن مب انا الي تجي مني العيبه طال عمرك الي تامر فيه تبشر به !!! تم الوليد يترقبه بصمت مجفل له ... ثم تكلم ..متابع ... -ممتاز !!! كل ماتتذكر اسم غازي او يطرا عليك !! ياليت تتذكر وجهي الي امامك جنبه !! اما حرمي أتمنى انك تنسى انها خلقت من أساس !!! هز راسه متابع .. -اخر شي افضل انك تكسبني معرفه طيبه و ماتكسبني عدو !!! هز عادل راسه بارتباك واضح وحسه المتوتر ينطق بعجل .. وخوف .. - ابشر ابشر طال عمرك .. كل ماتبيه بيتم !! .. - بشرت بالي يسرك .. هذا الي عندي اذا عندك شي تبي تقوله لي انا سامعك !! رفع عادل نواظره له .. - لا مابي الا سلامتك الله يحفظك !! هز الوليد راسه ... - الله يسلمك ... تراجع ضاغط على ..زر عنده .. -سم طال عمرك .. -تعال المكتب .. -ابشر .. شويات دخل الي جاب عادل .. اشر الوليد بيده له .. -تفضل بيوصلك للباب... !! هز راسه للموظف وهو يتتبع بنواظره ظهر عادل ... الين طلع وتسكر الباب ... .. رفع كفه يمسح ملامح رسمه بجهد ... حاس انه مهدود ..حيل ..الايام الي فاتت كانت متعبه .. لانام لاليل ولانهار .. الا كم ساعه ... ابعد شماغه ....وغرس يدينه بشعره الكث الغزير ... الاحداث الي مرت عكرت صوفه وطردت الراحه الكاذبه الي كان عايشها بأرادته .. !!.. مسد جبينه باصابعه ...مفكر بفكر ساخر وقاهر !!.. تزوجت .. يالوليد ؟!!.. وبالعلن !!! وانت الي واعد نفسك ماتدخل هالحياه ابد!! اجبرتك ظروف الكره تدخلها وتعيش فيها ومع مين ؟؟ مع وحده مثلها !!؟؟اشتد مبسمه .. فاتح عينه .. محتده نواظره وعرق ينبض برقبته من الغضب الي اعتلا فكره من صورتها الي انرسمت امام خيالاته غصب ..قد ماحاول يطرد رسمها الا انه خسر الا ماتتمثل له ويسمع صوتها وانينها ..وصراخها .. وتوجيهها التهم له جزاف بدون وجه حق !!.. غمض عينه بقيض شامخ ..فيه !! وليت على ذا كله .. عاش غازي مزتهي مرفوع الراس !!!؟؟ راح مقهور ومغبون ..ومكسور !!! تنفس بحمق ... كاظم غيضه شاد قبضة يدينه ... وش ذنبه اذا بنته باعت شرفها واسترخصت نفسها !!!؟؟مع واحد خسيس للأسف هو اخوه !!!؟؟مره ثانيه ارعدت صورتها امام فكره ...رفع راسه يطرد أنفاسه ..ومعها رسمها الواضح .. بانت ملامح اخوه !! كسره من كسرات نفسه الي عيت تنجبر ... !!جمع قبضة يدينه متصور بسمات سلطان الخبيثه .. ضرب الطاوله !!الي قدامه .. هامس .. بفحيح الصوت .. -سويتها ياسلطان !!! قلتها ونفذت !!! ابخست قدر خساستك ياولد ابوي !!!! غمض عينه ساند راسه بين كفوفه ..حتى ابوها كان فاهم وعارف ... تهادت كلمات ابونايف الاخيره امام مسامعه .... وكل ماتذكر كل مانقهر اكثر ... يطلب منه السماح ... !!!؟هذا الي برد حرته شوي !!.. شلون يصد عن محتاج !!! ؟؟ .. اما هي ؟؟؟ احتدت انفاسه بتنهيدة قهر ...وعجز وكره عميق ... ممتزج باحتقار ...قاطع سيل أفكاره تصاعد نغمة جواله ... رفع جواله بدون حتى يشوف الاسم وكنه فعلا يبي يهرب من سود التفاكير .. -نعم !!؟ جاه حسها العاتب .. -الله ينعم عليك ياولد الغالي !!!وش الي سمعناه ؟؟ يوم انك تبي تتزوج ..كانت بين يديك الجوهره !!!!! ماخذت الا وحدتن مسماتن لأخوك ؟؟؟ !! غمض الوليد نواظره .. يهدي نفسه قبل ينطق شي وويعاجله الندم ...ثم تكلم بحس حازم .. وهادي .. - هذا النصيب ياام صخر !!واللي الله كاتبه محدن يرده !!! سكتت جدته مستشعره حسه الضايج ..حاسه انها تسرعت ... هو فيه الي كافيه بعد لاارتاح ولاريح ..بهالزيجه الي صارت .. -ونعم بالله ياولدي ..بس انت عارف اني رافعتن لك الجوهره من غلاك وغلاها !!!بقلبي حرقتن ياولدي من عرفت ! !ودي افهم وش العلم ؟؟ ليه انت مب سلطان ؟؟ شد مبسمه راد بعجل ثابت .. يعرف ومتأكد ان ام سلطان استحاله تقول ويطلع منها علم .. اكيد عمه أبو سعود او أبو خالد .. -خلي الي قالكم العلم يفهمكم وش السبب!! - والله ان ودي اخذ العلم زين منها بس وين ياولدي ماهيب مع الناس ... رمت السالفه عند البنات ثم رجعت لحالتها من مات بييّها رحمة الله عليه !!وعلى جميع اموات المسلمين .. !! جمدت نواظره باحتداد ... رافع طرف حاجبه ... اجل تكلمت وقالت وبشرت .. بكل بجاحة وجه !!حتى اعتراض مااعترضت ؟؟ !!..لكن وش بيتوقع ؟؟؟ مفترض حتى عقب تهديده نطقت وشالت القصر فوق راسها !! المظلوم له صرخه الا ماتوصل !! لكن هي بصمتها القاهر له .. وانهزامها امام تهايمه الصريحه الواضحه .. توثق كل ماقيل فيها ... وتثبت صدق ماشاف وعرف ... هي الي راحت لسلطان برجليها لاهي مجبوره ولا مغصوبه !!! -الوليد ؟؟؟ الوليد ؟؟ !!تسمعني ؟؟ هز راسه .. فاصل .. هواجيسه ... -معك سامعك ... !! -لا بالله منت معي !!! فهمني وعلمني !!؟؟ -ماعندي شي افهمك إياه ولاعندي كلام ينقال بهالموضوع الي صار صار ياجده !!ولا ابي جنس مخلوق يبث فيه ويعيده !!! -افا عليك ياولدي هذي اخرتها !!!؟؟ تنهد كاتم أنفاسه ... مهدي نفسه ومحتني بنبرة صوته .. طارد الغضب .. منه .. - العذر والسموحه منك ياغاليه !! انا مابي أتكلم بهالموضوع ابد !!!لكن اوعدك ان احتاج الي صار انه ينشرح اوعدك بتكونين اول السامعين مني !!!! - الي تبي ياولدي بس تذكر تراك وعدتني والوعد دين !! شدد مسكة جهازه ... هو اكثر شخص يعرف معنى الوعد والوفا فيه !! ويعرف معنى خذلان الوعد وش طعمه ومنطوقه .اذ كان هو بكبره امانه ولا انصانت !!!!.. تذكر وعده لابو نايف ... - على خير ان شاء الله .. -يله فمان الله انا طلعت من عندكم مبكره ماقدرت اشوفك لا انت ولا سلطان !!! -الجايات اكثر ان شاء الله .. -ان شاء الله فمان الله .. - مع السلامه .. قفل منها ...حاس انه بيختنق ... لازم يطلع من المكان رغم وسعه بساحاته وكبر كل شي فيه الا انه مخنوق ... سحب عصاته وطلع من مكتبه .. لخارج قصره متجاهل موظفينه .. والمتواجدين ... ان ماطلع الان ... فيه نار بتشب وان ظهرت مب طالعه الا عندها وفيها ... !!! البايعه قليلة ..الشرف ... لازم يبعد لجل يفكر .. بعقل .. ويوزن اموره ... صح ... ويحسب لخطواته الجايه .. بثبات ... قربوا له سيارته ... لف حوالينها بأمر للسايق .. - انزل انا بسوق ... !!! ترجل السايق وركب هو مجنب عصاته ... نادر يسوق هو .. ... !! قفل بابه وبعجل لف مقود سيارته طالع من باحة قصره بلاسلام او كلام لأأي شخص .. لحقه طلال ... ومامداه عليه ... وقف مترقب مسير سيارته الين اختفت خلف البوابات الرئيسيه ... مدرك ان اخوه شايط وثاير ... التعديل الأخير تم بواسطة **منى لطيفي (نصر الدين )** ; 29-12-20 الساعة 09:52 PM | ||||
|  |
|
15-04-19, 10:03 PM
| #52 | ||||
| . الساعه 3 ..الفجر .. فيلا أبو خالد ... وبجناح رانيا وخالد ... تحركت مستجلسه .. تاركه اللحاف يتهادى من يدينها ... التفتت لخالد المنسدح..ومترقب حركتها المفاجئه .. -من جدك خالد ؟؟؟ !! - والله هذا الي صار !! حركت راسها باستعجاب .. -كيف كيذا ؟؟ شلون يعني يتجرأ ؟؟ تصرفه غلط مره !!! بعذر البنت منهاره !! تدري ان البنات يقولون ماشافوه من قبل الزواج !!!؟؟ استند خالد على ذراعه .. وريح راسه .. متكلم .. -الي استنتجته شي واحد يارانيا !! ان سلطان من أساس رافض هالزواجه !! بس يبي يقلل من قيمة اخوه !!! حركت اصابعها بشرح واضح .. -يعني الوليد تزوجها مضطر ؟؟ صح عشان سمعتهم ؟؟ او شلون ؟؟ -وليه مانقول ان أبو نايف انتخاه ؟؟!! لان ماله دخل بالسمعه رانيا المفترض أبو نايف يقوم الدنيا ويجلسها !! هز راسه .. متابع .. -ماش فيه حلقه مفقوده مب مفهومه ابد ..!! وترا الوليد بتصرفه هذا الجم كل لسان يفكر يهرج بالشينه سواء علينا او على ال مجففل فهمتي !! رفعت رانيا يدها تغطي شفتها بصدمه .. -يالله ياخالد ماتوقعت سلطان يكون خسيس كيذا !! طيب لو مايبيها كان قال مابي اتزوج وخلاص !! ليه يحرج اخوه كيذا !! طيب مافكر فيها ؟؟ سكتت حاسه بضيق متذكره كلام نجلا عن االوليد وكرهها لطاريه .. -ياربيه ياخالد شين حظ هالبنت !! حتى هي ترا ماتبي هالزواج باين مجبوره !!! تدري انها تفكر ان الوليد هو الي اجبر ابوها ؟؟ وتسبب عليه ..!!تدري ؟؟ حرك خالد حواجبه .. -الله يعينها حتى لو تدري وش بتسوي الي صار صار ابوها راح الله يرحمه كان رجال بحق .. وهي تزوجت !! رانيا الوليد نعم الرجل فعلا ماندري الخيره وين !! هو مايقارن بسلطان ابد ابد !! هزت رانيا كتوفها ..بنظره خاويه .. -حتى !! ماله دخل هي موافقه على شخص معين وبالاخر تأخذ غيره!! شي صعب والله !!ماله دخل بالاحسن والاسوء!! -الله يكون بعونهم جميع انتي تحسبينها سهله عالوليد كون انه يرتبط بوحده اسمها مرتبط باخوه من سنين ؟؟ مب هينه عليه هو بعد انحط بموقف لايحسد عليه لكن كون انه شيخ بن جلمود تصرف بدون ينظر لنفسه او يخارجها قدم مصلحة الجميع على نفسه !!! اطرفت بنظراتها بعيد ... مافيه رد يوصف شعورها... فعلا الله يعينهم جميع .. !!وخصوصا نجلا والوليد .................................................. ................................. بمكان تصدح فيه المعازف والطرب ..متشرب النفس ابخرة الدخان .. وهزيج الضلال .. المتبادي كما وضوح البدر .. بعز الليل ... راكن نفسه .. بقل اهتمام ... يسولف ويتمازح بفرحه .. ولهفه ... مب قادر ينتظر اكثر يبي يعرف .. وش صار .. يبي احد يسرد له كل شي شلون انتكس راس اخوه وتفشل !! وانردت كلمته !!؟؟ تنهد تارك كاسه .. شاد مبسمه وهو يسحب جهازه بيفتحه الحين اكيد بيلقى اتصالات .. ابتسم اول ماتواردت الرسايل ارقااااام وش كثرها ... عالم عالم ... لكن مالفت نظره الا رقمه هو ... اسودت نواظر عينه باشراق ولمعه ... ابتدى يضغط على رقم معين .. -هلا طال عمرك .. !! - عطني العلوم وش سويت ؟؟!!! -تم يابو صخر !! الظرف سلمته لكن العلبه لا !! انتفض سلطان ..من مكانه متكلم بحس شايط .. -وليه ؟؟ماوديته ؟؟ وش عذرك شبيبب !!هي اهم من الظرف تفسه !!! واضح انك ماتعلمت من زعلي المره الي راحت !!!! عاجله الصوت راد عليه .. بعجل .. -مامداني يابو صخر صارت حالة وفاه !!! عندكم !! اعتلى صوته باستهجان .. مصدوم .. - ايش ؟؟؟ من توفى ؟؟؟ احك !!؟ -العم أبو نايف !! -وشووووو؟؟؟ !!! وش تقول انت .. متى صار هالحكي ؟؟ -بيوم الزواج ... !! استجلس صارخ طالب يخففون الصوت ويسكرونه ورجع يبي يركز .. مسح ملامحه بكف يده بعدم تصديق تلخبط كل فكره ... شلون مات ؟؟ وكيف !!! ابرقت سماه رعود وتفاسير ... مستدرك ان المكتوب وانسحابه لابد يكون السبب ... جمدت أنفاسه ..متناسي ومتغافل ..كل شي ..الا ان الوليد للمره المليون طلع منها ببياض الوجه ..شد مبسمه ...وبثانيه .. اشرقت ذاكرته بصورتها هي ... !!وش غدا عليها من الي حصل !!!؟؟ يعني تسبب على موت ابوها ؟؟ - ليه مافكرت تتواصل معي ؟؟؟ مب شايف ان هذي اخبار مهمه حظرتك ؟؟ -يابو صخر شلون اكلمك وانت مقفل اجهزتك ولاعطيتني ارقام غيرها !! انتهى العزا وخلص .. قطعه سلطان باستنكار .. وغضب حامق .. - المهم اسمع الحين .. العلبه الي عندك احرقها !!! جنس مخلوق يدري اني تواصلت معك ياويلك قسما بالله لاوصل لك واعرف وقتها شلون اتصرف معك !!!! سامع !!! قفل الجوال .. مكفهر الملامح ... استاقف ماخذ اجهزته وتارك المكان .. بالي فيه متغافل الندا على اسمه ... الوليد ونفذ منها طب هي ؟؟ الحين وش حالها ؟؟ شد اانفاسه .. مقهور من سير الأمور الي دايم بصالح هالوليد ... !!!تاهت نظراته وهو واقف يناظر بالخلا والشوارع ... قرر شي وتراجع عن شي ... بعجل رفع جواله داق على رقم معين ... -الو .. -وين الناس ياسلطان انت وين غاطس !!! وش حاصل معك انت ؟؟ !! -موجود موجود ... اسمعني.. -وش اسمع يابن الحلال وينك ماشفتك بعزى عمك ؟؟ !! مختفي انت !!ماشفنا الا الوليد الي قام بكل شي مقام ودفن ..ونعي بالجرايد انت وينك من ذا كله !! تنهد سلطان .. طارد الأفكار ... واحساس الذنب .. دافنه بعمق ادراكه الحسي ..ومستشعر الغيض والكره لطاريه الي يتجدد بزين فعوله ... -يابن الحلال اسمعني انت الحين بعدين افهمك !!! انا طالبك الفزعه انت قدها او لا !! -ابشر بسعدك وش بغيت ؟؟ استمر سلطان يسرد له .. عذره .. الي يبيه يوصل للعيان والجميع ...شدد عليه انه ينشره ويبلغه للكل ... بيخارج نفسه بتصرف جبان كالعاده ..كل فكره الحين فيها هي .. بيطرد وجع حقه وكرهه لقدام ..وبيتركد لجل يعرف وش حصل وايش الضرر الي تسبب فيه لها بين ربعها وأهلها ...ماتوقع الي صار ولا هالفقد ابد .. .................................................. ............................ جده ... فيلا سعود ... مقام فيها احد سهراته الماجنه .. تجهزت ميثا تبي تطلع .. بعجل هي والبنات ... مب مصدقه تبي تشم انفاس نظيفه بعيده .. قلبها ينبض مب مرتاحه الا اذا سلمت منه الليله وسلموا بناتها ... بعثرت اغراضها داخل شنطة يدها بعجل ... خذتها طالعه من جناحها متوجهه لجناح بناتها .. اول مادخلت ..عليهم .. -بنات خلصتوا ؟؟ يله خالتكم تنتظرنا عشان نطلع عالمركب قبل الشمس .. تحتر !! لفت لها اشواق ..وهي تجهز اغراضها .. مدت يدها لكريم واقي .. -أي انا خالصه ماما ... بقى بسمه .. نادت بعالي صوتها .. -يله بسوم امي جت !!! خلصي !! .. انتهت اشواق لابسه عبايتها مستدركه .. توتر أمها .. الي ماتبيه يوضح لهم ..حاسه وعارفه .. من طلبت منهم .. مايطلعون .. وهي عارفه ان ابوها السبب .. وبسمه كالعاده جتها حالتها تتخبى بدورة المياه تخاف يناديها ... استاقفت .. وعينها على أمها وتفكيرها يعرف انها راح تذود عنهم بتدفع الثمن كالعاده .. اه بس لو تعلم الوليد !!! او تقول لطلال يمكن هه يقدر يتصرف !!! ناظرت ميثا باب دورة المياه ... متكلمه .. بهدوووؤ يعاكس ضيقها .. -اختك وش فيها طولت ... !! تقدمت داخله ... -بسمه يله انا ابي انزل اخلصي !! انفتح الباب .. -خلصت يمه انا جاهزه .. أصلا ..شوفي اغراضي ... بنروح بالسواق او مع سواق خالتي ؟؟ استهجنت ميثا بردها الغاضب .. - والسواق فاضي .. مع ابوك وربعه اخلصوا يلا ... !! سمعت ميثا نغمة جوالها من بعيد ... قطبت هب عينها .. -جوالي وينه ماحذته اجل ..؟؟؟ بلحظات الصوت يقترب .. ومعه وجود شخص .. كريه .. مجبره تعاشره ... ارتجف متنها .. بس جمدت أنفاسها ورفعت عينها وهي تشوفه مقبل ..عند الباب وصوته سابقه .. - جوالك !! ناظرهم جميع .. بنظره .. خاويه خبيثه وخاصه ميثا ... اطرف لبسمه .. ارتبكت ميثا ..متكمه .. - أي نسيته ... مين هاته اشوف .. شاف الرقم .. - ولدك .. الحبيب ... أي واحد فيهم ولد الفاجر او طلال !! زفرت متقدمه .. بعجل ... -ولد الفاجر وش دخله فينا هذا طلال .. !!! مدت يدها خذت ..جهازها ... وعينه تترقبها .. سمعت امره لها .. -افتحي السبيكر !! تنهدت هازه راسها موجهه اوامرها للبنات .. - يله بنات اطلعوا انتظروني بالصاله الي برا !!.. تحركوا بعجل مارين بينهم ... فتحت السبيكر راده ... -هلا طلال !! - هلا يمه السلام عليكم ... -وعليكم السلام ...اخبارك عساك بخير ؟؟ -الحمد الله بخير ... انتم اخباركم بسمه واشواق علومهم !! -ماعلينا كلنا بخير ... حتى ابوك بخير ...انت العلوم عندك وش مسوي ؟؟ قالتها ... مطرفه بنواظرها يم سعود ... سامعه رد طلال .. -انا بخير!! بس الوليد وضعه هالايام ماش قاطعته بعجل ..متجاهله كلامه ... بقصد .. -لاتشيل له هم ماعليه !!! طينته زي طينة ربعه الي راح لهم !!! تنهد طلال .. متابع .. -الله يعين يمه ماودك تكلمينه ؟؟ الوليد تزوج !! رفعت حواجبها ... وصدمه اليمه ..اخفتها بوسط روحها .. دفنتها بعجل ... -هه ماقلت لك مثل طينتهم !!! الجلافه بطبعه هالولد !!! حتى ماعلمني ولا قالي ولااعطاني أي خبر !!! فلا تتوقع مني شي ... !!هو اختار حياته وانا منيب فاضيه أصلا !! - يمه والي يرحم والديك انتي عارفه الوليد وش سوى عشان يرضيك !!!! انتي الي ماتبين له مكان بينا !!! لاتلومينه على أي تصرف وهو بعيد عنكم !!! زفرت بحمق ... مدركه ترقب الي جنبها لاخباره وعلومه .. -فضها سيره طلال !!!! انا مشغوله الحين عندك شي ؟؟ ومتى ناوي تجي !!! - طيب طيب الي يريحك يمه !!! انا مب جاي حاليا الوليد معتمد علي !!! هزت راسها ... -زين يله اجل بسكر انا سواق خالتك ينتظرني بطلع الان !! متى ماقررت تجي تدل الطريق !!! سكرت منه .. بعجل مطرفه بنواظرها يم سعود ... رافعه حاجب ... -هه شفت وتأكدت انه مب ولد الفاجر ولدك هذا !!! ارتحت الحين !!! زفر ... محتده نواظره ..لها ... -وليه ان شاء الله ماخذه البنات معك ؟؟ من يسنع اشغالي الرجال عندي تحت !!! -وش دخل بناتي باشغالك ؟؟ السواق عندك تحت دايم يسوي شغلك وبعدين احنا متفقين ومبلغتك قبل يصير اجتماعك هذا ... !! -ماجا الي عليه الكلام لو انه معهم كان ماخليتهن يعتبن برا الباب!!! ارتعبت أنفاسها مب متخيله ان بناته يتعرضن للعرض الي يلمح له ابد ماراح تسمح له ..الا على جثتها ... تحركت متجاهله كلامه .. تبي الهجه من المكان .. قبل يغير رايه ... وهذا حالها هروب في هروووب .. عشانهم وعشانه .. هو !!! مع انه اكبر المتضررين لكن مالبيد حيله .. وين تختفي من بطش سعود ان نوى البطش ... لاهو قده بينهيه قدام عينها وبينهيها معه ... شدت مبسمها .. مأشره لبناتها يمشون قدامها ... راسمه الشموخ الي انعرفت فيه قدامهم ... الا مايطيح بسود افعاله والا ماتجيب حقها وحق ولد سلطانه ... !! .................................................. .......................... قصر صخر آل جلمود بجناح رنا ... -يوه يمه ماقدر استوعب ابد ...فوضه الدنيا !!؟؟ سلطان تركها وتاخذ الوليد ؟؟ !! كان رفضت طيب وش يجبرها وين احنا فيه !!؟؟؟ التفتت لها ام سلطان ..راده بحزم .. -وش هالكلام الي تقولينه ؟؟ !! اقطعي الهرج ولعد ينعاد ابد الحين هالبنت مرت اخوك الكبير احشميها واحترميها كلمه وحده فيها تقليل من شانها مايحصل خير !!!! سمعتي !؟؟ شدت رنا شفتها بضيق .. متكلمه بهدوووء.. - يمه اسمعيني .. مب امي نوره خاطبه له الجوهره ؟؟وهو رافض شلون الحين يوافق ..كيف يعني !!؟؟ تنهدت ام سلطان بقل صبر .. -كله مكتوب .. واصلا هو ماخطب احد ابد !!. تكلمت سمر ..بتفكير .. -يمكن عشان سلطان ماجا رنا .. وصارت السالفه بوجه الوليد !! .. أتوقع كيذا !! حركت رنا راسها بعدم تصديق .. - طيب يمكن سلطان معه عذره .. !! هي مخطوبه له أساسا شلون وقت الملكه تأخذ غيره ؟!! الصح انها ترفض تتزوج أي احد او بديل لكن الله العالم انهم استغلوا الوضع يمه !! رفعت ام سلطان اصبعها بتحذير .. -كلمتن ثانيه .. تنعاد وتنقال .. ياويلك يارنا !! اختك سمر اصغر منك و اعقل منك واركد !!ابوها عاش ذكره طيب .. طول عمره .. تجين انتي يالي ماشفتي شي من هالدنيا تحكين به عقب مامات !!! اعرفي ان هرجتي هالكلا م اني بزعل عليك .. ولسانك لايطيح بلساني ابد !! تنفست بغيض ..مبعده نواظرها .. سامعه سمر تتكلم بهدووء يشبه الهمس لكن واضح صريح .. - انتي أولا وأخيرا ليه معصبه ؟؟ أصلا هو استحاله يتزوج الجوهره !! ولا هو من نصيبها !! التفتت لها رنا بحمق .. -لا والله يعنتي طلعتي انتي الفاهمه الواعيه !!؟؟ انتوا مو مستوعبين شي .. البنت أصلا صغيره تراها اصغر منك أتوقع !!! وينها ووين الوليد تجي عمر بنته لو جاه بنت !!! شلون انتم تفكرون ..مافي توافق ابد ابد !!! وش الحياه الي بتكون بينهم ؟؟؟ وهذي أولها .. !!! عاجلتهم ام سلطان قاطعه نقاشهم .. - انتن ماتحشمن وجودي وكلامي ؟؟؟ وبعدين ؟؟ هالبنت خلاص الحين مرت اخوكم الوليد !!هذا الله وهذا مكتوبه هو اعلم منكن واخبر .. الموضوع ذا لعاد تفتحونه .. لاقدامي ولاوراي ... انتهينا !!!!! سكتت رنا متراجعه وانفاسها مقبوضه ... ماتدري ليه ماتقبلت وجودها كزوجه للوليدد بينهم !! طيب وسلطان ؟؟ ان درا وعرف وش بيحصل .. ؟؟ باين ان المصايب جايه معها .. انتبهت لنور جوالها المصمت ..تنهدت وقت شافت رقم الجوهره ..بعد الين الان ماتدري !!! وش بتقول الحين ؟؟ حتى لو درت الله يعين على ضيقها !! قامت ام سلطان عنهم ضايقه بها الدنيا .. هواجيسها مابين سلطان الغايب !! وهالبنت وحالها الي يكسر االخاطر وأخيرا صوب الوليد الي مايحكي ابد ..حتى هو معد شافته عقب ذيك الليله ..!! تدري به بدون يحكي معذور .. توجهت لجناح نجلا تبي تطل عليها ... دقايق .. ودخلت عندها .. تأملت جيدها .. المستكين ... بصمت .. نايمه وكن النوم منصى وملاذ ... معد شافت احد عقب النقاش الي صار .. تبي تطلع وتفر من المكان وتهرب ... كل ماجلست اكثر .. تراكم خوفها من شخصه المجهول لها .. ماعندها الا النوم .. تهرب له عن الجميع ... ودموع عينها الي جفت .. كم كانت تظن ان هالدموع بتفارقها للابد لكن عاكستها المصايب .. والمقادير قربت منها ام سلطان تسحب اللحاف عليها وتواسيه ... تنهدت .. نابض قلبها برحمه ..تجاه هالبنت ..هزت راسها متراجعه .. وطالعه .. تبي تنزل تتكلم معه .. خلاص فضى البيت ومابه احد .. بتشوف وش الحاصل صدق وهالسلطان وينه .. دخلهم في متاهات مالها اول ولا تالي ... .................................................. ................................. مزرعة .. آل جلمود ... من وصل .. معد رد على احد ...ترك اجهزته بسيارته .. ونزل .. يتنفس من هوا ...ربه .. ويفكر ..ويرتب أفكاره ..تهادت نواظره ..مابين جذوع النخيل بمزرعته ... مايدري شلون وصل لهينا .. لكن كان يمشي سالي عن الدنيا بكبرها ... مفكر ..اخوه مب ناوي يجي ..لجل يتواجه معه ..يعرفه جبان للأسف .. !!..تساند على جذع نخله رافع راسه.. للسما ..مستمهل التفكير .. بعقل .. هو الحين اقدم وخلص وانتهى وصار الي صار .. دام تصرف لوجه الله .. لازم يكملها لوجه الله ... الين ينفصل عنها ..العوق مب تركها لا العوق الحد الي وصل له اخوه معه في مبلغ الكره العقيم الي ماله طب .. لدرجة يستهين بسمعة عرب وناس بدون أي وجه حق ... عشان بس ينكس راسه !!.. بلمح البرق امام عينه جت ملامحها ..استوجدت اجبار .. تعالت أنفاسه ..وارعدت ..وقت تذكر كل مافيها ..يكسيه شي من الغضب المجفل المرهب ..الود وده يكسر كل مافيها غصب عنه ..يراوده شعور كاره له ..ناقم عليه ...من هي عشان تحرك فيه ساكن ؟؟ !! ومن هي عشان يجيش صدره رغبه فيها حرك راسه ..طارد أفكاره المكرووهه ..شد مبسمه عاجز بس يتخيل أي تواصيف تجمع اخوه معها .. شدد مقبض يدينه بكبت .. كاره الاستهانه الي انحط وسطها .. لحد الغضب المتنامي .. ويزيد ...يبي يقلعها من حياته وبس .. وينسى انها انوجدت من أساس .. روحها الرخيصه مايشفع لها جسد دنسته بانصياع .. فوق يالوليد !! انت سالي عن هالامور اصحى وادفن كل محور تفكير ..يخص وجودها الكاره له .. ان بغيت تقدر تاصل لغيرها كثير لكن وحده مثلها تجي بكل سهوله وتصير لك حليله قدام كل العالم!! غصب عنك ومع هذا تضطرم نارك وتفور من ذكرها بس !! هذا القهر بعينه ... رفع يده يشوف ساعته ... قطب نواظره مستدرك انه ماحس بالوقت ابد ... لابد يرجع لحياته وش هي الا مجرد مطب بيدوسه ويكمل طريقه وبيدفنها هي وكره اخوه السقيم .. وقف بجهد مقرر يرجع لقصره .. عقب هدى ..واستمهل قراراته ..بحكمه وصبر .. بعد نص ساعه .. وصل ..لقصره ...داخل من البوابه ...استقبله داود .. خذا مفتاحه .. ونزل هو يسحب جيده المجهد ..حاسس بهم فوق صدره .. كاره حزة النوم ..وكاره الي تجيبه معها .. من حلوم وكوابيس ... اول مادخل ... توجهه للصاله ... قبل يوصل المصعد منتبه للانوار مفتوحه ..وخافته ... قطب هدب عينه ملاحظ ام سلطان .. مريحه جيدها عالكنب .. وغافيه ... تنهد ببسمه حنون متقدم .. وهامس بحزم ..حاني .. يمشي ببطء مايبي حس عصاته يبان .. اسندها عالجدار وتقدم بعرج خفيف ... -ميمتي !!؟؟...يالغاليه !!! تنبهت ام سلطان ... مستجلسه وعينها تدور الصوت بلهفه .. -الوليد !! وينك ياولدي .. دقيت عليك الين ازريت !! عسى لاباس انت بخير .. !! و سلط... ..سكتت مبعده نواظرها وهي تستجلس .. تكلم متقدم .. ببطء .. -بخير انا بخير ... وسلطان بخير لاتحاتينه !!مصيره يجي تأملته بصمت حاني بقلبها له ..ملاحظه معالم الاجهاد والتعب .. على رسومه .. -تعال اجلس ياولدي .. انا احاتيك انت سلطان ان شاء الله مابه الا العافيه ... ابي اعرف ..علومك ادري بك ضايق وكاتم !! وصل للكنبه الي بنجبها ... جلس .. بهدوووء .. وتساند .. بنظره جامده ..وكتمة انفاس .. شك انها تكون عارفه بالي بين مصيبته وسلطان ... الين استطردت متابعه .. -ادري به راكبه الغلط وادري وحاس قلبي انه مب يم زواج !! انا استغربت يوم جا وعلمني انه موافق .. وادري انك شايل حمول وشيلك حمل زايد .. كله انا اخبر به ... ياولدي ...تم يترقبها .. يسمع كلامها ... بصمت بدون يقاطعها عقب استكانت أنفاسه ... -بس وش ذنب هالبنيه المسكينه !! تنحط بينكم ؟؟ اذا هو ظلمها ... واخطى انت لاتسويها ياولدي !! البنيه مالها ذنب ابد !! تنهد رافع يده يسحب شماغه ... ويتركه على جنب .ثم تقدم متراكي على رجوله وهو يمسح ملامحه يكفوفه ... متضايق صدق ..والضيق انه يعرف أشياء ماتعرفها هي ... اطرف بنواظره لها ... ممتنع يعلق ..تابعت هي .. برجى .. وحس حنون .. -الوليد ربي سبحانه كتب هالنصيب بينكم من قبل حتى تنخلقون ياولدي !!! سلطان الله يتوب عليه تسبب عليهم ذا الناس !! ماتدري الخير وينه فيه .. هالبنت يمكن جتك عطيه من الله بدون ميعاد .. !!هي مب يم طلاق ولا يم انها تكون وسط المشاكل الي بينكم ... لاتدخلها ياولدي !! معد لها احد ابوها وراح ..واخوانها حتى ماسألو فيها ..مالها غيرك !! الله حطك بطريقها بهالوقت بالذات لحكمه هو يعلمها !! شد مبسمه ..مخفض نظرة عينه لاتشوفها .. مايبي تستشعر مرار السواد الي سكن بصدره وهي تتكلم .. وهو ؟؟ فوق الحمول المدفونه !! وش يستحق من الدنيا !!!؟ تابعت بنفس حسها ... -كلنا نخبر انك رافض فكرة الزواج من قبل !!لكن الله أراد لك هالبنت من بد بنات الخليقه .. !! اصبر اعط نفسك معها فرصه وعطها هي بعد فرصه .. لعل وعسى تسعد بها وتسعد بك !!عمر فارق السن ماكان له دخل .. اهالينا ابوانا وامهاتنا ياكبر فرق السن بينهم وحياتهم من احس من مايكون ... !! حس بضيق يكتم النفس .. بصدره .. وده يصرخ ..وحتى لو يصرخ محد بيفهم وضعه الحين .. وشعوره الي يعيشه .. بهالثانيه .. ابد .. ابد .. شد مبسمه .. مبعد نواظره .. بوهن ..وحزم .. ناطق .. بهادي الصوت .. -الله كريم ...ونعم فيه وبعطاياه ... مابيك تشيلين هم وتفكرين ..فينا الأمور سهالات وباذن الله تنحل !!! وكلن ميسر لما خلق له !!! استكانت أنفاسها .. مبتسمه له ... -ان ماشلت همكم ياولدي اشيل هم مين ... !! تحركت حواجبه .. بضيق ..وزخم شعور ..ممتلي ومشحون بصدره .. عميق الاحتياج الي يحسه وصعب وصفه .. والاصعب وضوحه .. لاي احد ... حتى لها ... مهمها كانت من روحه قريبه الا ان حاجز يسحبه عنهم ويفرقهم ..ومع ذلك شاكر ربه لوجودها ..يعتبرها اجمل عطيه ..جته على كبر .. !! همس بخفوت ..واضح .. -الله يحفظك ويطول بعمرك ... استاقف ..شاد حيله ... -تامرين شي ابي اريح .. -مايامر عليك عدو الله يريحك ويطمن بالك .. ويسخر لك عباده وين ماوليت وجهك .. !! -امين .. ارتاحي انتي ونامي .. -اني برقى ان شاء الله انتظر الاذان .. هز راسه .. -الي يريحك ... تقدم ماشي .. معه شماغه على كتفه .. مد يده لعصاه تسنده .. وتوجه للمصعد .. بيرقى جناحه .. ..اول ماطلع منه ...اطرف بنظرته يم جهتها البعيده ..وقف مفكر ..لازم يتكلم معها ...بوضوح وبدون يثور هي حياتها وحره الي عليها انها تحشم وجودها ببيته الين يطلقها شد مبسمه لاف بجيده ... رغم اجهاده وتوجه بخطواته يم جناحها الموجوده فيه غاشي سحابة فكره .. هزيج شعور يتضارب غريب ..بليا وصف ..شرح وجودها ببيته يتمثل بصورتها الثايره والصارخه المستنكره لشخصه ولوجوده كز على اسنانه .. بحمق ثاير عجيب جدا عجيب وغريب الشعور الي يحسه زي النار بجوفه شاعله فقط كون انه يطريها بالفكر هذا يخليه يكرهها اكثر واكثر ... تقدم سامع ...اصوات مميز حسها بينهم ... وقف مستمع بجمود .. يوصله كلامها الي اجفل مدارك حدود صبره ... والغى كل اعتباراته معها ... .................................................. ................................. قبل نص ساعه ... جناح رنا ... - هذا الي سمعته والله مادري شلون وكيف !!! وامي معصبه ماتبي احد يفتح الموضوع ابد تخيلي هاشتني انا وسمر !!! وصلها حس صارخ حامق مستنكر .. -كيف ماتدرين رنا !!!! ؟؟؟ الله ياخذها هالبليه الله يحرقها يارب !! كيف تجي هي تاخذه بهالسهوله رنا !!! وانا ؟؟؟ وانتظاري له !!فيني قهر فيني قهر رنا !!! -الجوهره انا مثلك مقهوره والله ...!!! وانتي اكثر وحده تدرين اني ابيك زوجه للوليد ودايم معك بكل شي !! وصدقيني حاسه ان الوليد مايبي !!! مب هو رافض فكرة الزواج ؟؟ -شلون مايبي وهو ملك عليها الله ياخذها يارب !!!! كيف مايقدر يقول لأ!!! الا يقدر رنا يقدر !!! استجلست رنا .. شارحه .. -لا مايقدر الوليد شيخ قبيلتنا الجوهره لاتنسين أي شي شين بيمثله هو وهو الي لازم يحله !!! لما سلطان يتراجع بهالشكل أيا كان عذره هذي مب زينه بوجه قبيللتنا !!!! فهمتي ؟؟ بعد لو انها من الجلمود كان انحلت بهدوووء المصيبه انها من آل مجفل قبيله ثانيه ومب هينه بعد !!! هذا غير ان ابوها ماسكها لسلطان من ولدت !!! -اه ياقلبي احس بينفجر !!! وراسي راسي عجز يطيب يوجعني من كثر التفكير !!! رنا ؟؟؟ كيف شكلها ؟؟؟ شافها الوليد ؟؟؟ حلوه رنا ؟؟؟ شدت رنا مبسمها ... بتوتر ... -يعني ماعليها !! -وش تقصدين ؟؟؟ رنا قولي ليه احس انك متردده !!! تنهدت رنا ... متكلمه ..مكشره بملامحها بضيق ..شلون توصفها بس ؟؟؟ وش تقول بدر ؟؟ او شمس او قمر ؟؟؟ غزال او حوريه ؟؟ شلون توصفها بس ؟؟ !! عاجلتها الجوهره قبل تنطق... -ادري ومتأكده انها مب اجمل مني !! بس كيذا بتطمن يعني !!بعرف فيها أصلا شي زين او لا ؟؟ !! -وش اقولك .. بنت يعني ماعليها ... -اوووف منك رنا توتريني !!! طيب كم عمرها ؟؟؟ -تقريبا 19 او حولها !! -يالله صغيره ذي !!! شلون يتزوجها !!؟؟؟ ياربيه ياربيه ... -اهدي الجوهره علامك !!! قلت لك محتد !!! -هذا الي مخليني بعقلي الين الان !! انه مجبور وان شاء الله بيطلقها !! وش يبي فيها !! اكيد ماكلمت دراستها وقرويه وجاهله !!! امي تقول ابوها حي الله موظف بشركات خالي وانه يعطف عليه فقط لاغير !!! لا وبعد تقول انه قاصد يزوج سلطان لهم لانه يبي وحده كيذا مكسوره ومهززوه !! تصدقين كلامها صدق ؟؟ !! لو لها شخصيه كان رفضت الوليد !!! ... سمعت رنا حسها الباكي .. بحسره وهي تتابع .. -يوووووه يارنا من المجنونه الي ترفض الوليد !!! شافها رنا ؟؟ اكيد تعرفه اكيد !!! -الجوهره الله يصلحك ... من وين تعرفه وهي مخطوبه لسلطان ولاقد شفناها ابد !!! لايجونا ولا شي !! -طيب شافها رنا !! -لا ابدا أصلا طول أيام العزى ماشفناه .. الا نادر !! -رنا !!! لايكون هي بجناحه ؟؟؟ -لالا بجناح الضيوف البعيد اخر جناح عرفتيه ؟؟؟ بعيد مره عنها !!! -اوووف اشوى ... معليه معليه دام الين الان ماجاها ولاشافها اكيد محتد الا مايطلقها متأكده انا !!! وحتى لو مب الحين اول مانتزوج بخليه يطلقها وبطردها من القصر بكبره !!!! رطبت رنا شفتها مستمعه هذرة الجوهره ... متلخبط كل شي هي بعد ماتعرف وش قدام وايش بيصير الحين ... -رنا ؟؟؟ -نعم .. -روحي بالله علميها قدرها فهميها ان الوليد أصلا مايبيها تكفين رنا عشااااني تكفين ..مقهورره انا والله لو اني عندكم كان تصرفت !!! امي داريه عشان كيذى ماخلتني اجيكم وتصرفني !!! الله ياخذها يارب !!!هي شسمها ؟؟ -نجلا !!! -الله ياخذك ويبعدك ويصرفك بشرك وخيرك !!! هالفقرانه بنت الفقران !!! ويييين انا وووين هي !!! اه ياربي ياقهري يارناااااا !! انهت كلامها بانين مقهور ... -خلاص بروح لها ...اهجدي الجوهره ... ماهقيتك كيذا بتنحل الأمور باذن الله !! -مافيه غير انه يطلقها الكلبه !!! هذا الحل غيره مافيه !!! الوليد لي انا زوجي انا ورجلي انا !!!روحي يالله الحين وارجعي كلميني انتظرك انا !!! -طيب طيب ... مع السلامه ... قفلت منها ... متنهده بتفكير ... صدق ودها أساسا تروح تجس نبضها وتعرف نيتها زين ماراح تعلم احد الا الجوهره فقط !!.. طلعت متسحبه من جناحها ... تطمنت وهي ماره...ان الكل راقد .. ومافيه أي حس ... تهادت خطواتها بصمت .... الين وصلت .. .................................................. ................................. قبل بوقت ... وبجناح الضيافه ... حالها احسن من كل يوم شكليا لكن داخل جوفها حريقه تكوي فيها كوي بليا رحمه ... إحساس بطعن الغدر وجرح النبذ .. من اخوانها محد سال عنها ولا احد كلم يدورها حتى !!! تركوها هينا لحالها وسط هالعالم الي مايرغب بوجودها ...غصب صوته اللايم تناهى لمسامعها ... وهو يتهمها .. بتسببها على ابوهم ...حتى هو الي من لحمها ودمها !! بعز حاجتها وكسرها مارحمها !! شلون اجل تلوم الاغراب !!سرح فكرها للمتبقي الوحيد واللي مستحيل يعطيها ظهره وينساها .. سعد !! وينه ؟؟ ليه ماجا قال ان احتجتي بجيك وباخذك ..ليتها قالت له يجلس .. كان مب ذا حالها كان محد اجبرها ... حتى ابوها !! كان سندها وخذا حقها .. منهم جميع .. ومن كابوسها . اول ماتناهت صورته شهقت بوجل مرعب .. هز متونها ... رفعت يدها تمسح دمعتها الطارفه ...سامعه حس صوت ... جمدت ثواني بخوف ... الين شافت وحده من الي تكلمت معهم .. وخاصه الي استنكرت واستفسرت ... اقبلت رنا لها بنظره هاديه خاليه من كل شعور ... - مانمتي اجل ؟؟؟ ... اطرفت بنواظرها حوالين المكان ... متابعه .. -طبعا اكيد مب جايك نوم احد يشوف هالعز والراحه ويجيه نوم ؟؟؟ رجعت بنظراتها لها ... -خاصه وحده مثلك !!!! ماشافت خير !! رجفت شفة نجلا مرتهبه الهجوم من ورى كلامها ... لمت رجولها محاوطتها بايدينها ورفعت راسها ... راده غافله عن برقة الدمع حوالين هدب عينها ... وعن الخصل السود المتباديه حوالين ملامحها ... -انا غنيه عن رايك فيني !!!اطلعي واتركيني لو سمحتي !!! تبسمت رنا ... بنظره ساخره ... وهي تتقدم بخطواتها .. الهاديه تتأمل الجالسه قدامها ... -عسى خير؟؟ لايكون صدقتي انك شي بهالبيت !!! وش هالجرأه الي تخليك تطرديني من مكان انتي ماتنتمين له !!! سكتت ثم تابعت ... -او عشانك تزوجتي اخوي الكبير شيخ قبيلتنا تحسبين ان لك صولات وجولات !!! ياليت ماتتخيلين أي شي مو موجود !!!! الوليد مافي باله الا وحده ومقرر يتزوجها !!!! طول ماهي تتكلم نجلا قابضه على اعصابها .. بقبضه من حديد .. مدركه انها وسط بيتهم وتحت عينهم .. ولاتبي تغلط على احد ..ولا يهمونها أصلا ... لاقصرهم المتباهين فيه ولاغناهم .. وكانت بتستمر !! الين جابت طاريه ... استنفرت كل عروق جيدها باستنكار ..مستجلسه ومتحركه من مكانها .. وناطقه ... برد واضح صريح .. -انا حاشمتك مب خوف لا !!! لكن لاني في بيتك !!! وحطي ببالك اني مااسمح لك تهينيني !!! قاطعتها رنا ... بحمق .. -تسمحين او ماتسمحين ..مو بكيفك انتي الي جيتينا برجليك ودخلتي حياتنا !!!اعرفي قدرك !! قربت نجلا منها ... مستهلكه كل شعور الكره المتجمع والضيق المحفور .. -وش على بالك انتي !!! انا جايتكم بكيفي ؟؟؟ وش ابي فيكم وفي وليدك ذا الي انتي بازتن فيه !!!اقلعيه من حياتي وفارقي معه !!!خلها تاخذه وتشبع فيه !!! حتى كرهي لواحد مثله واجد عليه !!!! استشعرت رنا حس ... وتبسمت داريه انها أمها خلها تجي تسمع الي تدافع عنها وش تقول وايش هو منطوقها ... ومن أي زريبه جايتهم !!! .. استهدت بصوتها ... سائله ... -وسلطان ؟؟مثله بعد !!! اجل هذي نيتك من اول !!! همك الفلوس طمعانه فينا عشا كيذا وافقتي !!! نطقت بليا شعور وادراك وايقان ... وحذر .. لا مو هي روحها الجريحه صرخت شارحه وش يعني لها سلطان ... -سلطان حبيبي الي تمنيت !!! سلطان عالمي لحالي ... حلمي ايه حلمي من صغري !!! هو الوحيد الي انتظرته عمر !! وكنت بنتظر اكثر واكثر دام بيجي !!...سلطان الرجال الوحيد الي تعلقت فيه وهو الي ملك فيني كل شي !!! قالت كلامها ونبضها يتسارع بضيق صارخ ... اول مره تقول شعورها المدفون والي حتى يوم جا يشرق منعوه ... بكل قسوه ..وتعدي وجور ... انصدمت رنا بردها ... بهتت نظرتها ... سائلتها .. بدون تشعر -تحبين سلطان انتي !!! تابعت نجلا وانفاسها تفور .. وتعتلي صارخه .. بحسها المكسور .. -ايه احبه ايه ....احبه ايييييه ..!!! اهتز متنها ...حاسه بتجمع غشاوه مانعه عنها الشوف ... كيف ماكانت غلطانه الا انها انسانه من لحم ودم ... تستحق تعبر وتشكي وتقول خذتوا مني حلمي وحياتي واستقرار روحي لو انها مجرد أحلام عذرا مااشرقت للنور ... !! هزت رنا راسها باستنكار ... -كيف كيذا !! وش نوعك وش جنسك من البشر !!! تلعبين عالحبلين !!!! تحبين ذا وتتزوجين الثاني !!!!؟؟ لا والمصيبه انهم اخوان !!! انتي كيف متربيه !!!؟؟ اعتلى صوت نجلا ... باستنكار ... هادر .. ونظره متبارقه .. رغم دموعها الي عجزت توقف -انتي الي تفكيرك وش جنسه !!! وش تقولين انتي ؟؟ السبب منه هو !!! هو الي تسبب .. قاطعتها رنا بحمق .. -من جيتي وهذا كلامك !!! نسال مين بالضبط !!! وش تبين انتي صدق !!؟؟ لايكون غيرتي رايك والحين بتحطين العله في الوليد !!!؟؟ وتركبينه الغلط !!!؟؟ ... سكتت ثواني ثم تابعت استفزازها الظالم .. -سالتك بالله من شفتيه .. ماتغيرت مشاعرك تجاه سلطان !!؟؟ جاشت بصدر نجلا مشاعر متضاربه من القرف .. والخزي الكاره لهم جميع ... رفعت اصبعها .. بكل ثقه تحكي واقع مشاعرها له .. -الوليد هذا !! لو يكون اخر رجال على وجه الأرض يستحيل التفت له !!! او حتى اشوفه كرجل كفو لي انا !!!نجلا بنت غازي !!! سمعتيني !! ادركت ان كلامها وصل للي قدامها وقت شافت نظراتها جامده برهبه ... تابعت ... بحس ثاير ... وحمقان -الحين الي جيتي عشان تعرفينه عرفتيه !!! اطلعي واتركيني معد ابي اشوف احد منكم !!! ولاتفكرين كثير فيني انا بترك هالبيت بكبره لكم وله !!! انا عايفه ومجبوره ومالي خاطر باي يشي لكم كلكم !!!! انهت كلامها ... مو منتبهه لتواجد الشخص الثالث معهم ... الا يوم انتبهت لنظرات رنا ... ونظراتها ... التفتت وراها ... وجمدت أطرافها وكل عرق فيها ...ونظراتها تتصادم مع نظرته المتكحله سواد .. مظلم ..ارهب أنفاسها حتى تتنفس ...واقف .. بكل حظوره الطاغي .. شلون ماحست فيه واكسجين المكان تناغم مع شذى عطوره الكريييهه ..مانتبهت لاي شي الا لنظرة الاستحقار الموجهه لها تغافلت عرقه النابض ..وتغافلت .. سواد نظرته .. وقمة هدر أنفاسه القابض عليها ... سمعت حسه .. الامر .. -رنا ... اطلعي برا وسكري الباب !!!! رجفت اطراف رنا وهي تشوف منظره ابتدت تتحرك ... مبعده وقلبها تتعالى نبضاته بخوف ... اول ماوصلت لباب الجناح .. ماصدقت انها سلمت من الرعب الي حسته وقت مرت من جنبه ... سكرت الباب متحركه بعجل يم جناحها .... وصلت داخله وقافله الباب وراها ... وانفاسها تتسابق ... -يالله !!! ياربيييه ... !! عقب تركتها رنا ... رجفت أطرافها برهبه ... وكنها اول مره تشوفه ... غير حيل غير .. عن قبل .. اعتلى نبض قلبها لدرجة حست انه بيسمعه ..تراجعت بخوف ... مدركه قوة حظوره وتواجده ... وطوله الجادل ... اطرفت بنظراتها بعيد عنه ... متراجعه بخوف .. الين سمعته .. ينطق .. بحاذر الصوت المتوعد ... صوته !!! صوته الي اهلك موازين روحها !! واحتل اعمق كوابيسها ... !! صوته الزاخم المرعب حد الوجع .. وحد الطنين الي يتل صفو تفكيرها وادراكها ويشتت ثبات نبضاتها ..... ان كانت قبل خافت من نايف فهي الحين مب خايفه وبس الا تعيش .. سكرات متتابعه .. من الهلاك الروحي ... البطيييئ ... -انتي ماتستحين ولاتخجلين ؟؟ !! فوق انك مخزيه .. ومممرغه راس ابوك واخوك بالتراب !! تقاوحين وتجاهرين بخزيك ومعصيتك !!!!؟؟ تدرين وش الحق الشرعي لك ؟؟؟؟ تعرفين لو انا فضحتك وكشفت قذارتك وش جزاتك ؟؟؟ بالدين والشرع !!!! رفعت راسها ... مشتعل فيها تضاد احساسين ... قهر الظلم وارتداده .. وش يقول وايش يقصد ..!!!! صرخت .. باستنكار متناسيه خوفها ... كله قدام كل كلمه ومعنى قذر وجهه لها اختفى كل الخوف ... ورحل ... -من انت !!!! عشان تتكلم عني وتتهمني بالباطل !!؟؟ انت ولا احد !!!! انت قذر اناني وظالم !!!! جمدت نظرته مركز النظر فيها اكثر فوق انها مخطيه تتمادى اكثر واكثر .. وتغلط ... تقدم رافع اصبعه .. -حسك لايطول وانا أتكلم معك !!! تراجعت بخوف وهي تشوفه يتقدم منها نشف ريقها .. وييبست أطرافها ... ثبت حركتها ..ان السرير وراها ... وهو قريب ... !! تابع منطوقه ..وقربه يخلق فيها براكين من شرار الضيق والخوف ... - سامعه !!!!!؟؟ قالها منهي امره وصارخ ... -تسمعين ولا لأ!!!؟؟ تقدم اكثر متغافل خوفها .. وبرقة نواظرها وتوهان سواد عيونها ..متغافل كل شي ... كل شي ... كل ماهدا من ناحيتها وحكم عقله تصدمه بجبروت طيشها وخرابها ... كرر صارخ ... -ردي !!! تسمعين ولا لا !!!؟؟؟ عجزت ترمش ... ابرقت نظراتها ... وجف ريقها ... وتجمعت غصات متتاليه مرعبه .. حاسه بطنين وتصاعد بخار .. من مسامعها .. تدرجت رهبه سقيمه موجعه تتحرك بكل جيدها ... نطقت بببهتان صوت ... -كيف تبيني اكلمك عقب الي ... سويته في..نا !!! قرب منها ... مرخي نواظره بسبب قصرها منه....مد يده قابض اعلى ذراعها ... بتشديد .. شهقت .. صارخه ..برعب ..شدد مسكته حوالين ذراعها هازها ومرجف كل مافيها شعور وجيد ... صارخ متسائل ومنفجر فيها .. -الي سويته ؟؟!!!!! الي سويته انا انتي ماتستحقينه !!!!ولا أقدمت عليه عشانك !!! نقولين اني مب كفوفك يابنت غازي !!!!؟؟؟ ..سكت ثانيه يسحب انفاس ثم تابع صارخ ... -انتي الي مب كفو للوليد !!!انتي الي ماتشرفين.. عامل محطه يكرف ويشتغل بعرق جبينه !!! كيف عاد شيخ قبيله !!!! ..كيف تكوننين كفوي انا !!!! كيف !!!؟؟؟هزها اكثر ... متابع .بحس نافر .. كاره ..كل شي ..منتفض وكن لمسها اشعل فيه بركان خامد.. وشرار قيض ..مجرم ..متمازج ..مع ..دمه الحامي .. . -انتي قذره يابنت غازي !!!! قالها نافض يده منها بعنف .. اجبرها تتهاوى عالسرير .. منتبه انها منه قريبه وهو منها قريب ...تراجع ..محذرها ورافع اصبعه .. مهدد .. ومتوعد ... مانتبه لشي فيها ... ماقدام عينه الا إحساس الغدر .. والغش والخداع ماستشعر الم .. انرسم بمحاجر عينها ... ولااادرك ضعفها المكسور وارتعاب أنفاسها .. مالمحت عينه شبح الألم وسط برقة نواظرها .. ولا حتى استدرك عمق الالم في ملامحها المرعوبه ولا استشف الجروح المتخفيه و الي كسرت فيها العنفوان وتركت الي بين ضلوعها يذوي ذوي !! صوته وصلها مثل السياط الي تجرح ظهرها المكسور ..من قبل تعرفه حتى ..!! -لاتظنين ان بيوم من الايام او حتى باحلامك التافهه ان وحده مثلك تليق تكون حليلتي !!!او ممكن حتى المسك لمسه حاجه وشهوه او رغبه!! انتي صفقه فاشله طلعت بطريقي !!،،سكوتي صدقه وعمل خيري من اعمالي!! انتي شرذمه حثاله وراح ارجعها لمكانها الي لازم تكون فيه !! هذا انتي !!! كمل ...لكن هالمره رجع ..بصوته ..الصارخ ..الي ارهب فيها ...حنايا ..قلبها المفجوع .. -انتي فشل ذريع في حياتي راح ارميه اذا جا وقته !! انتي كل شي اسود في عيني !! سكت ..يرتب أنفاسه ..الهايجه ..وعضلات صدره ..الملتهبه ..بحركتها ..الي ..تمثلت بخروج أنفاسه ..الحارقه سكون المكان ...كره وحقد عظيم كمل ..وهو كاره لنفسه وللوعد الي وعده .لابو نايف !!.ولوى ذراعه ...... قسمه الي اقسمه على نفسه ..!! انتقااامه وطريقه الي بيمشي فيه .. !!! صبره وقمعه لرغباته الهوجا !! واخرتها تجيه مصيبه متمثله بقليلة شرف امثالها !!!؟؟ كمل ..بحقران ..جارح ..ومحقون ...بالكره ..الي انخلق ..معها ولها .. يعرف ..بشخصه ..شلون ..يكسر ..اكبر ..واشرَ..اعدائه ..وبيعرف ..شلون يكسرها ...ويحطمها الي مثلها تنهان وتنداس كرامتها مب امه !؟؟ الي مثل هالبليه وبس !! ..!!! -انا تفضلت عليك وسترت عليك وعلى وساختك مو عشانك عشان ابوك الي وعدته !! وعشان ..صلته بابوي ..الله يرحمه !!ومو الوليد آل جلمود الي يخلف وعده !!! ...شدد مركز اكثر .. -طلااااق مااطلق الين اقرر ارميك للزباله انا!!! مو انتي انا الي اقررر !!! لاتستعجلين مصيرك.. ارسل لها نظراته الي تمثلت ..بحقرانه ...واستهجانه ...لشخصها .. وكمل .. -حتى لو تعرضين نفسك لي عرض ماقبلتك !! انا مو سلطان!!! ولاغيره ان كنتي تظنين اني بستميل لجسمك المقرف ووجهك الي غرك وخلاك تدفنين راس ابوك بالتراب ،، فانتي غلطانه لاتحاولين !!! حقك رجم الين تموتين يارخيصه !!وانتبهي تعرضين نفسك لي ولا لغيري لانك بذمتي واسمك اسمي !! واسمي يسحب وراه قبيله راسها شامخ ماراح اسمح لك تجرينه لمستنقعك الواطي مر علي اشكالك كثير كثير ومالقوا الا رداهم حرك راسه ..باستقراف ..مجحف ..وكمل -وان جربتي !! فقط تجربه !! بتتمنين الموت عقب اخلص منك !!! ....شدد على كلماته الموجعه والحقها بنظرات استهجان مُحقّره مهينه ...اكثر ..واكثر .. تحرك من مكانه .متراجع ثم ..وقف ..بثقل .وبكل هيمنة..وارهاب ..وحضور .. متكي ..على عصاته ..مسنده الحاضر دوم .. وبثبات ...بدت خطواته ...تتهادى ....مامحى سكونها ..الا عرجه ..المستديم معه ..والي ..رسم معه ..اكبر صورللغضب .والحقران ... تركها وهو يصفق الباب باقوى ماعنده ..غافل ..ومتغافل ... همسها ..الدامي ..مسلوب ..الجموح... عضت ..شفتها ...بقهر ..وهي تحاول تسكت شهقات الروح قبل الجسد ...تهدد بالانفجار ..ممتزجه بالم ..مع دقات قلبها الخايف ..الي اخفت معالم الحياه ..بالمكان ..وكأن ..لاصوت الا..رفرفة ..الي بين الضلوع منزوي .. رفعت راساها ...بكبت ..مهزوم ..غشت عينها ..هاله من الدمع المتجمع ..المتهدد..ماينزل ..له ..وقدام شخصه ..ابد !!! احترقت محاجر نواظرها من سخونة القهر ..الي تحسه وتعيشه ودها تصرخ بعالي الصوت .... مستحيل ..تنزل دمعه وحده ..قدامه ..!!ومستحيل تتراجع عن قرارها بتهرب منهم ... بتطلع ولاراح ترجع ابد !!! مايستحق..يشوف منها حتى الدمع ..هو الكريه ..الي سلب منها حلو الاحلام ..والي سرق..ضي ..القمر..بليلها الأسود ... سرق الدفى ...سرق ..السلام ..الي حلمت ..بيوم .فيه تستكين.. حتى بصيص النور ..!!اظلمه ..بوجوده هو!! فيه بصدرها ..نار ...ووجع ..تحركت ..عينها ..بالمكان ...وهي ماتشوف الا قهرها ...والمها ...الي فاق ..كل الحدود .. هي قويه ؟؟وشافت من الضيم ..الي خلق فيها الصبر ..طول سنوات عمرها العشرين .. من صغرها ..والجرح ..كاويها ... لكن؟؟!! كان فيه فرق !! غمضت عينها برجفة ..اسى ....وانين ...يستجير .. أي فيه فرق !!! فيه ..ابوها !!ولو كان ..في حقها ..مقصر ..لكن يضل ابوها ..لو كان وجوده ..حيل ..لها ..ظالم ..!!لكن يضل ويضل ..ابوها .. كان فيه ..اخوها ..سعدها .. والهنا ...والسرور ..الي انوجد ..في سود الأيام ... كان فيه عالمها الصغير ..لو هو سقيم ..بس كانت ..تذود فيه من جور الأيام .. همست ..بكسر ..الصوت .. -لين متى طيب ؟؟ انا قويه بس الين متى !! اه اش كثر اكرهك ياحظ !! استغفر الله ياربي بس قلبي يعورني ،،، ربي ياحبيبي مو هذا الي تمنيت ولا هذا يابوي كان الي كنت اتصبر عشانه ياسعد وينك تشوف الظلم الي سطى اختك .. تهاوت ..رجولها .. للأرض .جنب السرير ...عجزت ..واضمحل فيها ..الشعور -ليه يابوي ياحبيبي ليه ارخصتني للي ماعرف قدري ...نجولتك انا الي ياما رفعت راسك وانت حي شلون اوطيه بعد موتك !!! رفعت ..اطراف يدينها ..الصغيره ..لصدرها المكتوم ...ليتها تقدر تشيل ..هالقلب ..وليت تقدر ..تمسح هالشعور .. انتي اقوى من كيذا !!تحملتي كثير ..لاتسمحين له يكسرك !!! ياكثر ماشفتي وصبرتي !!.. غمضت عينها بغصة اليم ... أي تحملتي ..لاجل ..حلمك الي ..صار كابوس !! يكبر كل يوم ..ويبطش ..ويتجبر يكبر ..كل لحظه وكل ثانيه .. حركت راسها ..برفض ..قاهر ...تهادت خصلات شعرها ..الكث ..وترامى حوالين ..حدود ..مبسمها ..مثل الحجاب ... اخفى جمال ..رسم خالقها ...المتشكل ..بعينها ..النجلا ..المكحوله ..واهدابها ..المبرومه ... ما ..كوى فيها الروح ..الا جمال ..الاوصاف ... ظلمها ..الحسن...وكثير ... .اضرم بصدر مرت ابوها ..الحقد.. .. وترك ..اليدين ..تجسر ..لها ..توجع ..وتكسر ..الروح ..وتستيهن..حتى من صار لها مالك ... هي له ..سلعه ..ممتهنه ..مستعمله ..رخيصه .. تتلقاها اليدين !!.. تاهت بعينها ...والوجع ..فيها .. يستجير ..اتعبه ..كثر ..الدمع ..وانهكه حركت اصابعها ..الصغيره ..وتلمست ..جرحها الي تحب ...غمضت ..بحسره ..وانين ... كانت ..دايم ..تشوفه ..ويدينها .ترسم عليه ..احلام عذرا .. هو جرح ؟؟!! لكن لها ..حلم ووعود ..ومرسى . بتوصل له ...بالاخير ... تذكرت ..تفاصيل ..اسبابه ...شلون تنسى ...شوفته .. حلمها ..هو ...ذكراه كانت ..بلسم ..لها ...والحين ..اصبح ..جرح ..اعمق من كل الي عاشته قبل .. انسدحت بجيدها .. عالارض .. لامه رجولها وباطن كفها ملامس اثر جرحها .. القديم ...تمثلت بعينها ...الصوره ...وذكرى .ذاك اليوم .... ... كان يوم يجمع ..فيه ..ابهى ..الاجواء....يعج ...بمظاهر ..الغنى ..والبذخ .. وريحة العوده ...واجمل العطور ...السيارات ..ماليه ..شوارع القصر ..والمواقف ... تمثلت ..قدام عينها ... صورة ..الحديقه ..المبهمه ...بورودها ...ومساحاتها الخضرا ..الاثيره.. روحها ...الصغيره ...فرحانه ...وخطواتها ..تتهادى ...بانفعال ..وحماس ...طفولي ..بريئ.... تسابقها رجلها ...لجهة ..العاب ومراجيح ...غافله ..عن التجمع ..القريب ..مسنحيل يشغلها شي..عن اللاهي الي قدام عينها ...هي لها جنه ..قليل ..لمثلها تزور ..او تشوف ... طفله كانت ..تفرحها ...لعبه ...او كلمه ...او حتى همسه ... طفله ..بسنوات عمرها ...الخمسه ... يتيمه...يتم الام ...وآه من يتم الام ..آه .. تغافلت ..عن ..مرأى ...بعض ..الصبيان...واشكالهم ..الي تدل ..انهم من صلب .. آل جلمود ... وصلها صوت ..داده فاطه ..حيل حامق.. -يامنحوسه تعالي اش جابك هينا هذا مو بيتك !!! امشي مدام غاده راح تضربك ابتسمت ..بحس طفولي ... -داده فاطمه قولي لها شوي بس بلعب شوي رن ..جوال ..داده فاطمه ... الي ..ردت بعجل وغفلت ...عن الصغيره ... ابتسمت ..بفرح ..بانشغال ..الي معها عنها .....واتجهت .....لارجوحه ...تحاول تعتليها ...تدري انها اذا ..ماسمعت للكلام راح ..تعاقب...لكن ..!!؟؟ روحها روح طفله ...تنسى ..وتغفر .. انتبهت ..لمجموعة ..الاولاد ... تقترب...وسمعت صوت ضحكاتهم ..وبعض ..كلماتهم ... اقترب منها اطولهم ..واكبرهم ..مخاطبها -تبين اركبك فيها .. التفتت له وملامحا تضوي ... -اي ابي ..تقدر؟؟؟ سمعت الثاني ..يقول -وش تبي بالبنات !!!مانبي نلعب معهم ...!!! -اسكت انت بوريك وش بسوي فيها ...لانها جت ..مكان عيال !!! ساعدها برفعها ...وبمكر ...ابتعد ..ورجع لاصحابه ..وعيونه ..تبتسم ..بخبث ..صبياني ... قفلت ..الداده فامه ..من مكالمتها ... -يابنت !!! تعالي هينا الحين تعبت وراك مو ناقصني مشاكل ترا بتنحبسين !! بالمخزن تطايرت ...جديلتها ...وخصلاتها تتهاوى ...حوالين مبسمها الطفولي ..الكرزي .. تناغمت ..ضحكاتها ..مع دقات قلبها ...الصغير ... وفجأه ...التفت ..الارجوحه ..حوالين ..رجولها ..الصغيره .. صرخت ..بالم ..وسمعته .. -تستاههلين ياهبلا اش جايبك محل رجال !!! البنات يجلسون ببيوتهم مايجون هينا!!! ناظرها ..بمكر ضاحك .. وكمل .. -انا لفيت رجلك بضحك ..عابث ...رجع للي معه ..يشاركهم ..فرحته ..بوجعها ...وكانه منتصر ..!!على ..ند ..!!مو طفله .. صاحت .....قبل يرد لسانها ...عليه .. -اه منك اه منحوسه من يومك ويلك من عمتك!! قربت منها ...وهي ..ترعد..بكلماتها ..وتوعدها ...شهقت ..يوم شافت ..سيقانها الصغيره ..ملتف حديد الارجوحه...حوالينها ..ومحتبس الدم ..ومع الشد ..انغرس ..برجلها باطن ساقها .. -شوفي اش سويتي !!! جرحتي نفسك الحين كيف اطلعك!! صاحت ..بوجع ..طفولي ..مغلوب .. بس كانت تبي تلعب ....!؟؟ سمعو صوت ...جايهم من خلفهم ... -وش حاصل !!! التفتت له .. رافعه راسها ومقطبه هدب عينها تبي تركز بملامحه الي بسبب ضي الشمس ..مختفيه ... رفعت ..يدها ..توريه .. -رجولي انجرحت من هينا !! قالتها وعينها الباكيه ...تترقب ..خطواته ..لها ...عينه ..تدور ..الي اشارت له .. -مستر هذي البنت ماتسمع الكلام حذرتها ماتجي هالمكان وجت وتلعب قدم منهم ومد يدينه ذات الطابع الرجولي يحاول يفك حديد الارجوحه وعينه مركزه على يده صاحت ..بالم .. -يعورني ..اه .... - اسكتي طيب ..عشان اطلع رجلك !! سمعو دقة جوال ... هه شفتي هذي مدام غاده ياويلك منها وويلي .. -نعم مدام ؟؟ طيب طيب كله منها اخرتني مدام اش اسوي هي راحت ماتسمع الكلام تعرفينها ! فترة صمت ..وهي تسمع ..التهديدات ...الي من الجهه الثانيه .. سكرت جوالها ..وعينها تتوعد ..بالصغيره .. تألمت بوجع اكثر - ااااه يالمني مره..عورت رجولي انت !! -اصبري الحين اطلعهم لاتتحركين !! ضغط حاول يدخل اصابعه بين ساقها والحديد سمع صرختها.. -اه ... تالمت بصمت ..هالمره ..خافت من وجه ..الغريب .. -اح!! دخل كف يده ...بصعوبه بين الحدايد ...الين انغرست جزء منها ..بباطن كفه ..وباليد الثانيه سحب ..رجلها ..المدميه .. انسابت ..من جرح يديه ..قطرات ...دم ..على ساقها ... تابعت ..بعينها الصغيره النظر ... -دمك !!يدك فيها دم !! التفت لداد فاطمه ...الي تراقبه...بحذر .. وبأمر ..تافذ.. -امسكي بنتكم !!!! سحب يده بسرعه وباحكام يحاول يمسح على الجرح اخذتها داده فاطمه .. وهي تتالم .. اشرت على ساقها المجروح .. -شوفي رجلي دم !!! داده فاطمه ..بحمق ..حاد .. -امشي امشي هذا مو دمك فشلتينا !!! شافته ..يقرب منها ..وينزل لمستوى طولها ...مخاطبها بحسه الهزلي -هذا مو دمك دمي !! انحنى اكثر ..وهو يسحب منديل ..ومسح ساقها ... -هاه شفتي ؟؟انجرحتي ..انتي ونزفت انا ..!! ردت عليه ..بنبرتها ..البريئه .. -صار دمنا وحد !! رفع عينه له ....وهو عاقد ..هدب عينه ... كملت ..بنفس النهج ..البريئ.هازه راسها تشرح -يعني صرت انت اخوي ..؟؟اخوي يقول احنا دمنا واحد ..انت بعد اخوي ..؟؟ قالتها باصرار ...وتشديد ..طفولي ...مع ..ضحكه خافته ...اثارت فيه نفسه ..شعور ..حبيس ... رد بهادي الصوت .. -انا ماانفع أكون اخو لاحد !!! وقف ..وهو يرسم بسمه ..ويوجه انتباهه لداده فاطمه ..ويامرها -فيها جرح بسيط !!وديها داخل يحطون لها لصق واغسليه كان بيتراجع ... استوقفه . المنظر الي يشوف .. تجرها بيديها رغم استهجان الطفله وتالمها الواضح سمعت صوته الامر ...ً -شيليها ماتشوفين مجروحه اذا منتي مو قد انك تتحملين مسوؤلية طفله ليه شغلوووك!!!!روحي داخل خلهم يعطونك لصق لها !!!! شالتها بسرعه وبعجل تتعالت خطواتها مبتعده ومتوعده -هذا الي نقصني اليوم متى اخلص من اني اتهزى عشانك يانجلا يامنحوسه والله مرا ثانيه لاقص شعرك اذا ماهجدتي ليه ؟؟ تروحين وتجين هينا وش قالت لك عمتك والله ان تذبحك !! قالتها بتهديد ونجلا عينها على ذاك الي اعطاها ظهره واخفى معالمم الحديقه وهو يوجهه انتبااهه لنداء ويلتفت له ،،، من بعيد -سلطاااااااااان...تعال عمي صقر يبيك !!! تفاصيل هاليوم كانت مدفونه في ذاكرتها الين قال لها ابوها ان شيخ ال جلمود طلبها لولده من صغرها وحبسها له ،،،،،هذي الذكرى الي جمعتها مع حلمها المنتظرمن كثر مانتظرت تلاعبت ملامحه رافضه ترسم الي شافته !! كان لها ذكرى حضوره فقط اميرها العملاق ،،، ضحكت بحرقه باكيه و...غمضت عينها ...على الصور المبهمه ....! ابتسمت ..بقهر بطرف شفايفها صورة هذاك الانسان اول ماتبادر بذهنها ربطت كطلفه ذات فكر طفولي ..ان الي فك اسرها من حديد الارجوحه .. هو اميرها الي راح ..يبعدها ..عن غاده وكرهها !! بينقذها ...من ذلها ..المعهود !!!والمر الي تشوف .. رفعت اصابعها وغطت عينها بقوه وبضغط وشهقاتها تتوالى بحسره اليمه مقيته...!! خلاص ... يانجلا انسيه وادفنيه !!سلطان مو نصيبك مو نصيبك !!!!.. الله يسامحك يابوي ... !! انا قذره ؟؟ !! انا انرجم ؟؟ !!! .. انت بقهر ... وكل مافي جيدها يرجف ... فجأه حست بيدين تحتويها ... -علامك بنتي ؟؟؟ وش بلا اصواتكم عاليه ؟؟؟ وش الي حاصل !! تعالي ... تعالي يامي !!! زادت رجفتها باكيه بانين حارق .. - انتي وعدتيني تطلعيني !!!! وديني !! لبيت ابوي انتي وعدتيني !!! -لاحول ولاقوة الا بالله لاحول ولاقوة الا بالله ... قومي يامي قومي عن الأرض .. استهدي بالله وتعوذي من ابليس ... تعالي .. استاقفت نجلا ... وهي محتظنه كفها ... ومبتديه تمشي ... معها الين وصلت للكنب الي مقابل سريرها جلستها ام سلطان وجلست جنبها ... -قولي لااله الا الله .... همست نجلا بشرقات متتابعه ..رافعه يدها تمسح دموعها ... -لااله الا الله ... -يابنتي يعلم الله ان الوليد ماله ذنب بالي صار !!! هو مجبور بتصدقيني ؟؟!!! شوفي شيباتي الي ماليتن راسي !! الوليد يامي معذور ... قاطعتها نجلا ناشجه كارهه اسمه ووجوده وذكره .. -انت..ي ... ما..سمع..تيه .... وش ..قال ... !!! -معليه يمي معليه ... لاتتركين للشيطان منفذ الحين كلكم نفوسكم ثايره !!! انا مابي منك الا تصبرين !!! وتهادينه .. قاطعتها نجلا .. رافعه يدينها تشرح .. -انا تعبت اصبر !!! تعبت !! ليه اصبر خالتي انا مابيه من أساس انا اكرهه ... اكرهه مابي اشوفه ابد !!!انتي وعدتيني توديني !!!!لاتخلفين تكفيييين !!! مسكت كفوف يدينها تترجاها .. بوجل باكي .. - يابنتي اعذريه .. الي صار صعب عليكم جميع !! اعذريه وارحمي نفسك .. ردت بحمق .. مشحون .. - ماله عذر !!! انا مابيه كله افهميني ليه ماتبين تفهميني !!! انهت كلامها برجى يتبعه شهقاتها ...الموجعه ... -عالمتن بك يابنتي ... ادري وخابره .. خلاص الي يريحك سويه ... ارتاحي الحين وتوضي وصلي الفجر .. ومايكون خاطرك الا طيب !! سحبت كفوفها يمها ... وجرتها سادحه راسها على رجولها .. واجعها حال هالبنت .. بقلبها حمق على سلطان الي تسبب عليهم الاثنين ... رفعت طرف شيلتها تمسح دمعها الطارف ... اشقاها هالولد ... بغلطاته الي كبرت .. وفاضت لين اشقت غيره ... تأملتها بصمت ... ماجابها الا صراخ الوليد الي هز المكان ..اول مره تسمعه ثاير .. ارهبها هي !!شلون هالضعيفه المسيكينه !!! مع هالاحداث الي صارت ... وبعد العزى .. االامن استتب ... والالسن انقطعت عن الكلام ... والهرج ... اعمام الوليد ... اشادوا بفعلته ... ولايمكن يلحقه منهم لوم ... الا فخر .. ومعزه وتقدير ... اشرقت شمس .. صباحن جديد ... قصر الجد ... الوليد ... - يعني كيف ؟؟؟ خلاص راح الحلال والعز والمال لبنت أبو نايف هالفقران !!!! سبحان الله يمه !! مب ولد ولدك رافض العرس ومايبي يتزوج ؟؟؟ شلون تزوج الحين بسكات !!!! -والله يابنتي .. اني متضايقه وضغطي عسى لايرتفع ... وعلمي علمك !! -مستحيل يمه مهره ماعندها علم !!! اكيد قايل لها شي !!! -والله ماتدري ماقال !! لو عندها علمتني مب تخبي عني شي !!! هي بعد ضايقه البنت لسلطان وراحت للوليد !! غير ان سليطين الين الحين مابين !!!ماقدر ازيد عليها !!! زفرت حصه بنظرات حامقه تاركه فنجالها ... -اجل بنتي تنعاف يمه انا بنتي تنعاف !!!! ضعيفه من درت لاتبي ترد ولاتكلمني !! قهرها يمه !! -اسمعي العلم مني الوليد تزوج عشان سمعة ال مجفل !!! هذا واجبه !! انا اشوف انه عادي حتى لو خذا بنتهم يقدر يثني وياخذ الجوهره !!! مافيها شي !!! -يوووه يمه !!!! يصير لبنتي طبينه ؟؟؟ ليه ان شاء الله !!! -ليه وش بلاك اقولك هو مب يم هالبنت لكن الجوهره غير يخبرها ويدري ان العين عليه لها !!! فهمتي !!! انتي بس اسكتي وتمهلي وركدي بنتك !!! .................................................. ................................. قصر صخر آل جلمود ... الوليد ... من اشرقت الشمس وهو طالع لشركاته .. بالتتابع ... يلحق الي اهمله الأيام الي راحت ...طارد كل تفكيره .. وقافل على كل مايهمه بوسط صدره .. لازم يطلع ومفروض مايقدر يجلس .. وجودها بس حواليه يشيط به اكثر واكثر ... الود وده مكسر عظامها .. ومنهي طولة لسانها ... لكن ماعليه ... ليه يتعب اعصابه على اشكالها !!.. نجلا ..من قامت من نومتها الي كلها كوابيس وقل راحه .. وهي تنتظر متى تطلع من هالمكان تستنى ام سلطان تحقق وعدها لها ... نار بجيدها تغلي ... غلي وتتوعد بالكرييه الي اسمه الوليد ...داست عالالم الي تحسه ..وزادها عمق إحساس الخذلان تصميم .. عمرها ماكانت ضعيفه ... عشان يجي مثله يكسرها ... ويرهبها ويمارس عليها طقوس ظلمه المجحف !!! اطرفت بفكرها يم سبب كبر الخلاف ... ماقدرت روحها حتى تنطق اسمه ... خلاص معد يعني لها شي لا من بعيد ولا من قريب .. حتى لو بينها وبين نفسها .. الله بيحاسبها .. !!!شدت مبسمها بضيق .. ياترى وينه عن هذا كله .. ليه مختفي ليه ماجا .... !! لو ماشافته ولو مالمحت اعجابه فيها كان يمكن تهون لكن هو جا الين عندها ووضح انه مبسوط ومستعد يكمل حياته معها ... حست بحراره بجفنها .. ودمعه يتيمه غادره انزوت من طرف عينها .. وكنها تسحب معها من ثقلها .. أي شي يخصه بروحها .. ثقييييله دمعتها وسااااخنه حيل ... سمعت دق على بابها ... ارتهبت .. ناطقه .. ومتوجسه .. ثم طردت انه يكون هو .. -ادخل !! مين ؟؟ انفتح الباب .. ووقفت هي ... اول مالمحت بسمة ام سلطان .. استكانت روحها ... بخفوووت .. - السلام عليكم ... اصبحتي بنتي !! -هلا صباح الخير خاله ايه ومن اول !!!! انتظرك!! اقبلت ام سلطان .. عليها ... -تعالي اجلسي .. ابي أتكلم معك ... !!.. شدت نجلا مبسمها ورفعت يدها تبعد خصلها ... الرطبه توها ماخذه دش عجل ... ولابسه من الملابس الي وفروها لها ... جلست مقابلتها ... بترقب .. -عساك ارتحتي ونمتي !! أبعدت نجلا تظراتها مرخيتها ... -شلون ارتاح خالتي انتي اعلم بالحال !!! -ادري واعرف ..واحس بك وعارفه ان فقد ابييك صعب ..عليك ... لاحظت رجفة شفايف نجلا ... همست نجلا مستدركه أنفاسها .. وعبرتها .. -ترا انا صادقه خالتي انا مب مصدقه الي اعيشه الحين !!! ومقدر اجلس هينا ولا ابي !!! ابي بيت ابوي ... !! تكفين تعبت ارتجيك انتي مالك كلمه عليه ؟؟ او هو مايسمع لاحد ؟؟!! ماله حق يحبسني ..ابد .. ذولا اهلي !!! تأملتها ام سلطان مدركه انها لازم تروح صدق وتحتاج فعلا انها تروح .. مهما كان هناك خوانها وبيت مب غريب عليها ... لازم تروح .. -طيب ان شاء الله انزلي افطري ومالك الا الي يرضيك ... ارمشت نجلا ببهجه مبتديه تظهر .. رغم حمار اجفانها .. - يعني بتوديني الحين ؟؟ -المشكله مقدر اوديك بدون شور الوليد بنتي !!! لمحت نظرة الخوف .. بنظراتها لها وهي تترجاها .. -انتي امه اكيد بيسمع كلامك !!! تكفين الله يرحم والديك مابي اشوفه ابد ... تكفين خالتي مابي اشوفه ... وديني !!! -ابشري ابشري ... وسعي خاطرك ... بوديك بنفسي ..واوصلك لباب بيتكم .. تنهدت رافعه يدينها ساحبه مناديل ودافنه مدامعها فيه تجفف الدمع... قلبها يرجف يبي يطير من مكانه .. تبي تطلع قبل تتواجه معه ... ماتتحمل صدمات اكثر .. ولافيها حيل ولاقوه ... بتقشعه من حياتها ... وبتطلع من قصره وحياته كلها ... .................................................. ................................. مبنى شركة الجاسر ... الفرع الإداري الرئيسي بالرياض ... الكل مستنكر ... وضعه الغريب ... حسه النافر .. واوامره المستهجنه ... وصوته الثاير ... محد سلم من جبروت الغضب بروحه ... واصل حسه ... لنهاية اركان الطابق الرئيسي .. -يعني وين اختفى !!!! الملف واصل قبل كم يوم !!! شلون الان يختفي !!!! وش هالتسيييب والإهمال الي حاصل معكم !!!؟؟؟ مد كفه يأشر باصبعه متوعد .. يخاطب الموظفين الي واقفين قدامه .. -الملف وكل ملف جا خلال هالاسبوع تجهزونهم الان ... وتجيبونهم لي هينا ... تطلعونه من تحت الأرض !!!! تكلم منصور راد .. بحس هادي وواضح .. - ابشر ابشر ... طال عمرك ... كل الي تامر عليه بيصير !!! تراجع الوليد عينه .. مترقبتهم بحده ... -شرفوا شوفوا شغلكم !!!! تتابعت خطواتهم طالعين .... ودخل طلال ... مع خروجهم ... اول مالمح حال الوليد .. جمدت نظرته ... أصلا ماجابه الا حسه العالي ومزاجه الثاير ... تقدم ..داخل .. -طول بالك ياخوي علامك ... كل شي بينحل !!! شوية صبر !!! مب عادتك تطلع من طورك !!! رفع الوليد راسه من الأوراق الي قدامه .. ملتقي بنواظر طلال .. -ومن متى انا اصبر على الإهمال !!!!!..اسمع ياطلال !!! أي واحد اكتشف انه مقصر من يوم ورايح!! راح يتم طرده !!!بلغ الجميع بهالقرار ... !!! قرب طلال اكثر جالس على الكرسي امام مكتب الوليد .. -ان شاء الله ان مافيه احد بيقصر قاصد ... وش حاصل معك ياخوي !!! وسع صدرك !!!.. ماخبرتك تتفلس موظفينك بشين طبوعك ؟؟ تراجع الوليد يتساند رامي القلم الي بيده .. بقل اهتمام ... رفع كفه يمسح ملامح رسمه .. بضيق ... ليه .. عاجز يطرد صوتها !؟؟ عن مدارك سمعه ؟؟ وكيف الين الحين .. حاسس باشتعال قرار بركانه المدفون !!! في روحه قيض .. ظالم ... وغضب ..كل ماله يزيد ويكبر ... !! .. ياكيف تسطى .. تلومه .. وتذمه وتهين طاريه !!! تبادت ذكرى كلامها وشرحها .. لعشق سلطان ... وقتها حس باستقرار طعنات ..الخذلان ..الغادره من سلطان ....شعور لايمكن حتى كبريائه الشامخ يقبله ... قاهر قلبه وفكره وروحه كبت الووعد .. الي انجبر عليه لغازي... شلون بتم على ذمته اكثر !!! كيف بتتبع اسمه مايقدر يحتمل وجودها من أساس .. ببيته .. فشل بالهروب لشركاته ... !! الفكر فيها مامنه مهرب ...!!تتبعه .. بخزيها .. بليا حيا .. !!! ويتحمل هو ستر فضايحهم !!! -الوليد انت مب معي !! ابد !! ريح اعصابك !! قاطعه الوليد منهي حتى التساؤال .. -وش صار عالوافي ؟؟ وصل او لا !!! ترقبه طلال قبل يرد يدري به وخابره استحاله ينطق يعرف انه تصرف حسب مايمليه عليه اسمه ومكاانته لكن مع ذلك مستحيل يشكي ويعترض ... - ايه وصل الصباح .. حاليا بالمربط!!! تقدم الوليد ساحب قلمه ومبتدي يقلب الأوراق ويوقع بصوت مسموع ... ثم نطق .. آمر اخوه .. -رح شف موضوع الملف .. وش صار عليه !!! هز طلال راسه .... -ابشر ... خابر ان اخوه يبي ينفرد ... ونفذ رغبته ... طلع وتركه مع هواجيسه ... ومثل ماروحه ثايره .. فيه روح غيره .. تستشيط ..من الغضب والقهر .... الجوهره.. حسها .. المقهور ...معتلي وهايج ..مارحمت العاملات ... او أي شخص ..تقابلت معه ... انتبهت جدتها عالخدم الي نازلات مرتبكات ... من جناحها ... عرفت ان السبب هي ... -خير ان شاء الله وش فيكن على هالصبح !!!! علامها الجوهره ؟؟؟ ليه تصارخ ؟؟ !! - مدام زوهره مسكله هاوس هاوس انا مدام !!! -ليه تهاوشكم ؟ وش سويتو ؟؟ -مافي سي ماما مافي سوي سي !! - طيب روحوا سوو شغل وخليها لاترقين فوق هي تجي تحت اكلمها انا !!! هزت العامله راسها واطرفت للي معها وتركوا المكان ... تنهدت جدتها وهي تشوفها نازله من بداية الدرج ... -وش فيه يالجوهره عسى خير ؟؟؟ علامك ؟؟؟ اشرت ..بعصبيه .. -الزفت هذي الي انتم مشغليتها مضيعه اغراضي .. !!!! رفعت ضغطي !!وترادني بعد !!!! وانا ديني ودين الي يحاجني جديده !!!! - تعالي انزلي وتعوذي من الشيطان واستهدي بالله .... انا بتصرف معهن !!!وش مضيعه لك ؟؟ رفعت يدينها ... تأشر .. - أغراض أغراض ... !! زفرت الجوهره بضيق وعينها على جدتها .. ولو كيفها كان طردت كل من بالبيت ... فيها حره ... ورغم انها هاشت وضاجت الا ان حرتها الي بقلبها مابردت ... نفضت شعرها وهي تجلس .. - اوووف طفشت قسم بالله حبسه حبسه وبس !!! ود الواحد يطلع ومحجور!!! -وين تبين تطلعين على هالصبح !!! التفتت لها ... ببرقة نواظر ... -اشتقت لامي جديده .. كم لي عنها ؟؟؟ -توني جايه من السفر انا ممداك جلستي معنا حتى !!! امس رقدتي بدري !! -بس شفتكم ... امي ماشفتها خوالي كانو مشغولين وهي لهت معهم ... ودي اروح اشوفها !! -على خير عالعصر روحي !! -لا مابي العصر ودي اروح الحين !! وبعدين الحين ضحويه امي صاحيه ...!! ركزت جدتها فيها النظر .. -والله مادري وش اقولك !!! افطرتي طيب !!! -عادي قولي ايه بفطر عند امي !! هاه جديده وافقي !!! -طيب روحي بس لاتبطين !!! انتفظت الجوهره واقفه ... حاسه بانفاسها بتنفجر ... ياكم ودها تسمع هالبليه كم كلمه وتعلمها قدرها صدق .... - ابشري ماني متاخره .... قالتها متوجهه لغرفتها ... بخطوات ..تسابق أنفاسها !!بتعرف توصل للحقيره .. مكانها وين بالضبط !!! نجلا ... جلست على طاولة الطعام مع ام سلطان ... بدون تمد يدها الا على كسرة خبزه محمصه ... تتلفت بنظراتها كل شوي ... متغافله حتى عن مباهج المكان .. ومظاهر الثراء الواضح .. قلبها يرجف بس اذا سمعت لفته او حركه ..تمت ام سلطان تراقبها صادمها هالخوف الي تشوفه فيها ... -هاه خالتي يله نطلع ؟؟ -ماكليتي يابنتي !! -مب مشتهيه شي ... عادي باكل مع خواني !! ..قطبت هدب عينها .. برجا .. -ودي اطلع طلعيني !!! تنهدت ... ام سلطان ...ضاغطه على زر بجنبها .. -خلاص الحين نمشي ... اشرقت ملامحها ... بترقب ... -عبايتي ... وينها ..وملابسي!!.. هزت ام سلطان راسها وبنفس الوقت دخلت ... كانو ... -كانو جيبي شنطة ملابس مدام ... وهاتي عبايتها !!.. لاحظت ام سلطان توهان كانو بمنظر نجلا .. اول مره تشوفها .. - كانو ..؟؟!! هذي مدام بابا الوليد !! رفعت كانو يدها بصدمه ضاحكه .. -اووووووه مدام .. مساء الله !! هلو هدي اروسه!! أبعدت نجلا نواظرها مرخيتها .. بضيق .. وقت قالت ام سلطان وأعلنت انها تتبع له .. حست بقبضه تقبض قلبها وتعصره عصر ... مانتبهت ان كانوا طلعت ... ورجعت ... -نجلا بنتي ..يله .. هذي عباتك وملابسك .. اطرفت لها نجلا ... وقامت تاخذها بعجل .. وريقها ابتدى يجف ... بعجل لبست ... حتى بدون نقاب مالقته .. بس طرحتها ..لفتها ... على مبسمها .. وانتبهت ان ماعندها جزمه حتى .. -خالتي جزمه ماعندي ... -كانو جيبي كم جزمه من سمر بسرعه !! .. ابتسمت نجلا بربكه .. - برجعها ان شا الله بس انزل عند هلي وارجعها .. هزت ام سلطان راسها ... -لاتفكرين فيها ... استاقفت .. قايمه .. على دخلة .. سمر .. الي انتبهت ان نجلا لابسه وجاهزه ... ترقبتهم بدهشه .. - وين بتروحين ؟؟ - بوديها لاهلها ... بروح شويات وارجع .. التفتت لكانو ... -خلي السواق يقرب السياره .. عند الباب الي هينا !! تراجعت كانو ... ونجلا ارخت نوظرها عن سمر .. الي تترقبها .. بصمت ..وحذر ..طلعت ام سلطان ... وبقت هي وسمر فقط .. تنفست .. بهدوووؤ قد ماتقدر واستعدت انها تلاقي موجه من البغض موجهه لها منها ... رفعت راسها ... بكبر ...بس تفاجئت انها تلاقت بنواظر مبتسمه .. -اخبارك اليوم ؟؟ ان شاء الله احسن !!.. هزت نجلا راسها .. راده .. بهمس واضح .. -بخير الحمد الله .. ماشي حالي !!.. قربت منها سمر .. ماده يدها .. -عظم الله اجرك في ابوك الله يرحمه ويغفر له ... !! ارمشت نجلا ... رافعه راسها .. مركزه فيها النظر .. رجفت شفتها .. ثم اطرفت لليد الممدوده لها ..هامسه وماده يدها .. -الله يجزاك خير .. تو تنتبه ان محد عزاها بفقد ابوها ...الا هالبنت ...سحبت يدها ..متلفته ..تنتظر ..ام سلطان .. ترقبتها سمر ..بتركيز ...ابتسمت واشرت لها ... - اجلسي لين تجي امي ... قالتها وتقدمت تجلس بمكانها على الفطور ... التفتت لها نجلا تناظرها ..ثم تبعتها جالسه ... ابتدت سمر بعفويه تفطر .. وتصب لها حليب .. جت عينها على نجلا وتبسمت .. وابعدت عينها .. عنها ماتبي تربكها ... حيل راحمتها .. احد يقوم يلقى نفسه متزوج اخوها الوليد ويكون طبيعي !!!.. تنفست بهدووء .. ثم تكلمت تقطع الصمت .. -انا اسفه نجلا .. ماتعرفنا بظروف زينه .. انا سمر اخت الوليد ! ناظرتها نجلا راده .. -هلابك سمر .. انا بعد اسفه ثقلت عليكم وجيتكم فجأه !! هزت سمر راسها ..متكلمه بعجل عفوي -لالا ننتظرك من زمان صح مب للولي..قطعت كلامها مستدركه ثم تابعت .. -اقصد صح يعني مب تبسمت نجلا .. بحزن ونظره خاويه ... -فاهمه عليك .. ادري وش تقصدين ...!! حبست سمر أنفاسها ...ودها تقول شي .. بس مب عارفه شلون تشرح ..او تنطق ..وهي تتذكر كلامها عنه وكيف وصفته ... بس بالاخر تجرأت وقالت .. -نجلا الوليد مب رجل شين ابد ..هو شديد يمكن .. بس مب شين !! لاحظت .. النظره الي استحوذت ملامح نجلا ..ارتبكت ... وهي تترقب ردها الي متأكده انه فاحم من الي حسته قدامها ... بس قاطعهم دخلة ام سلطان .. -يله نجلا بنتي خلصتي .. ؟؟ . وقفت نجلا بعجل تعدل طرحتها وتلبس الي جابته كانوا ... وسمر تترقبهم .. -ايه خالتي خالصه .. يله نمشي ... ... خذت الشنطه وتحركت تبي الفرار من هالمكان ... الجمت لسانها عن الرد الي كانت بتنطقه ...لسمر ...سمعتها تخاطبها .. -مع السلامه نجلا التفتت قبل تترك الغرفه .. -مع السلامه ... اول ماطلعت عند الباب المقصود ... شافت السايق ..متجهز ... تبعت ام سلطان وهي تامره بتعليماتها ركبت ..غافله عن كل شي ... مب مصدقه انها بتهج ... هالها منظر الساحات ... ومقدمة المكان الي هي فيه ... اهتاجت نظرتها بربكه ... وهي تلف براسها ... تشوف المكان ...كم تمنت تدخله بحال غير هالحال ...تمت تترقب الطريق الي تركوه ...الين ... انفتحت البوابات .. الرئيسيه ... انتبهت ام سلطان للسياره الداخله ... عرفت انها للجوهره ... همست ..بصمت .. -خير اللهم اجعله خير .. المكتب الرئيسي الإداري ... لشركات الجاسر بالرياض .. وصلت الملفات مثل ماطلب ... تم يدفن نفسه .. بمراجعتها مع انه يملك فريق متكامل .. للمهمه لكن بالقصد اندفع بكل شعوره الضايج للعمل .. اول ماخلص... رفع راسه ... وتراجع على كرسيه ...مستمع لطلال -أخيرا خلصنا ! طيب الحين بخصوص .. وفد اجتماع شركاتنا الخارجيه ..بفرنسا ... الموعد من اول متثبت !!.. اطرف له الوليد ... هاز راسه ... -بسافر ... عاجله طلال ... بتفهم .. - اذا تبي اروح عنك كمندوب .. امرني !! -لا .. قالها وهو يفتح ادراج مكتبه .. بيطلع غرض له ... ضيق نواظره .. اول مالمح .. تذاكر السفر .. الي مرتبها لسلطان .. ولها !!! كان مقرر ومسويها مفاجئه لعل وعسى يزين الحال .. معه .. نيته يحاول كما دايم ... يصلحه .. ويعينه عالصلاح ... شد مبسمه .. مسكر الدرج ..بعنف .. ورافع راسه .. ضغط زر .. على مكتبه .. -مسعووود!!! تعال مكتبي الان !!! ترقبه طلال رافع راسه ... - بتطلع ؟؟!! ناظره الوليد ثم اطرف للباب الي انفتح .. -امر طال عمرك .. -جهز سيارتي ... ووقل للسايق يدبر نفسه ويرجع للبيت .. !!! - ابشر .. طلع متراجع تاركهم .. التفت .. لطلال .. -ابيك تمسك مكاني ...!! انا رايح المربط !! ابتسم طلال ... -اشتقت للوافي اجل !!؟؟ فاض بك الشوق !؟ ابتسم .طارد كل فكر اسود بباله ... -ايه والله اشتقت له .. تم طلال يترقبه ..وهو يكلم مسؤل بالمزرعه ويأمره .. يجهز الوافي للركوب .. اول ماقفل .. عاجله ..بالكلام .. -بس ياخوك ..وين تركبه كم لك عنه يالوليد انت... تردد طلال يوم جا يتابع قاطعه .. قاطعه الوليد بحمق حاذر .. ونظره سودا .. غاشيها .. الضيق .. من المقصد -قلها ليش متردد ... كنت بتقول انت اعرج !!!! ؟؟ -لالا ياخوك ماقصدي !! انا اهم شي سلامتك .. !! وقف الوليد .. ساحب جوالاته .. وماد يده لعصاته .. ناطق .. وهو يتحرك .. بس تكلم ونظرته ثاقبه ..ماترمش .. -قصدك او مب قصدك !!!! انا اعرج !! مانيب عاجز عن الحركه !!!! سكت طلال عن الرد ... حابس أنفاسه ..وهو يتابع مسير الوليد الي تقدم وترك له المكتب ... وطلع .. الحي الي فيه فيلا أبو نايف ... وصلت السياره ... امام البيت ... اول مالمحت نجلا الطرق .. واللفات .. عجزت تمسك رجفتها ... ودموعها ... لكن حبستها بصمت بدون حس ... ماجاهرت بالغصات الي تجمعت لدرجة حست انها بتختنق منها ... اول ماجت تفتح الباب .. تذكرت ام سلطان .. التفت ..لها .. -مشكوره خالتي ... تفضلي معي ؟ ! .. -معليه مره ثانيه .. انا جيتهم قبل امس .. اعزيهم ... وماقدر اتاخر الوليد يحب يجي يلقاني موجوده .... !! بلعت غصتها .. وقت جابت طاريه ... حست بحشرجه بانفاسها .. ماردت اشرت براسها وبس ... ونزلت مسكره الباب ... رفعت راسها تشوف بيت العز الي مايشابه حال العز باي وصف .... تقدمت ترن الجرس .. ملاحظه ان السياره ... واقفه ماتحركت ...سمعت حس .. تعرفه وتكره وجوده ...ام عادل .. -ميييين ؟؟؟ -انا نجلا افتحوا !!! انفتح الباب وهي تسمع سهامها الي ترميها بليا شعور .. -خير وش جابك انتي !!! توكك تذكرين !!!بدري !!! دخلت نجلا ولمحت السياره تتحرك ... شافت ترقب ام عادل لمسير السياره ... تنهدت مسكره الباب .. اول مالتفتت ... استقبلتها ام عادل .. -اجل مل منك ولد الحسب والنسب !!! ياكافي حتى أسبوع ماتم معك !!! ؟؟ أبعدت نجلا طرحتها .. ناشقه .. ببرقة عين ... مالها خلق ابد تترادد معها ... ردت بقل اهتمام ومشت .. - لامل ولا شي ... !! انا جيت ابي بيتنا !!! كانت بتستمر ماشيه بس وقت سمعت كلام ام عادل ..وقفت .. - انسي !!! هذا بيت بنتي وعيالها انتي خلاص .. ابوك عطاك !!! مالك عازتن عندنا !!!! التفتت لها متنهده ... ونظره خاويه خاليه من حس الحياه حتى .. -الي تبينه هذا مب بيتي ولا لي شي فيه ... اقدر اروح ارتاح !!!؟؟ ناظرتها ام عادل بتركيز ونظره كارهه ... التفتت تكمل طريقها .. وبيدها شنطتها ... الا واجهت ام نايف مقبله .. -يمه مين جا ؟!! اوه انتي !! - من جا ؟؟ بنت رجلك جايتن تقول برتاح بغرفتي !!! الظاهر بتطردني منها !!!!؟؟ ارتبكت نظرة نجلا ...بعدم تصديق ... - مين الي يطلع مين يمه الله يهديك !! التفتت لها بنظرة حقد ... متابعه .. - وش جابك الحين خلصت أيام العزى وش تبين !!! لاتخافين فقران ماوراه الا التراب ابوك !!! وان كانك جايه .. تدورين شي من الحين اعلمك هالبيت مالك فيه مكان !!! انتي صاكه راسي بهالنسب يله اشبعي به !!!لا انتي ولا اخوك قليل الخاتمه لكم شي فيه !!.. تجمعت دموع عينها ... بتختنق ... ردت .. بهمس .. مجهد .. -طيب !!! ممكن ابي ارتاح !!!؟؟ -الله اكبر عليك تاركه الدلع وجيتي لبيت الفقر ترتاحين !!!؟؟ التفتت لأامها .. متابعه .. - ماقلت لك يمه بيمل منها وبيعافها !!؟؟ مثل اخوه !! الله العالم وش كشف عنك الله يسترنا بستره بس !!! ردت أمها معاجلتها .. -استري على خزيها هذا اقل شي تقدمينه لرجلك الله يرحمه ... خلها تساعدك وتعينك على هالبيت !!!.. مير غريبه حتى هالزين ماجاب راسه العون انه رجال من ظهر رجال !!! .. االتفتت ام نايف .. لها .. بنظره شامته ... قاهره لروحها .. -اسمعي مجبره اضفك انا !! .. بس غرفتك عطيتها امي !!! انتي خذي الي بالسطح !! .. ارتهبت نظرتها ذاكره هالغرفه ... تكرهها وتخاف منها كانت تحبسها فيها أوقات ... !!.. تكلمت .. بضيق شاره ... -ليه تتنكرين لي !!؟؟ وش ضريتك فيه !!ابوي حتى تو ترابه مانشف !!! ردت ام نايف بحس نافر .. -ماجاب خبره الا انتي !!! ولا شتتنا الا امك .. !! عجزت تنتظر ... دخلت ... ماسمعت الهجوم المتعادي من لسانها ... اول مادخلت البيت ... لمحت المكان الي انكسرت فيه احلامها ... وانغرس بحياتها المقبله كابوسها الاسود...ماقدرت تجلس ركضت ... ركضت الين وصلت غرفتها ... فاتحه الباب ... جت عينها عالفستان ... المعلق مكانه ... اول ماركزت فيه النظر صحيح مب اختيارها .. بس كانت مستعده تلبسه .وتطلع من هالبيت ... أبعدت نواظرها مطرفه .. للعفوش والاكياس ..حتى مفرشها متغير ..... عزت عليها نفسها وعز عليها ضيقها وعز عليها موت حلمها وعز عليها فقد ابوها وبعد اخوها ... ..تساندت عالباب .. تاركه روحها تتابع بشرقات متتاليه .. بدون توقف ... ماحست انها قابضه شفايفها الين ذاقت طعم الدم ... .. .................................................. ......................... - احسن احسن رجعت ... شفتي يمه كيف رموها ؟؟؟ حتى بدون شي !! جابوها قطوها عند الباب وراحوا!!! - يمكن بنتي مب هو الي جابها ؟؟ -اجل مين يمه اكيد هو !!! اكيد !!! انتي ماشفتي شي !! -لا شفت طرف السياره تتحرك !! -هو هو صدقيني يمه ... والله العظيم انه تزوجها غصب عقب عافها اخوه !!! بيسترها بس تلقينه ماقدر يتحمل يمه !!!الله يلوم الي يلومه !! - ازين ماسوى خلها تعينك وتساعدك ... الي فيك مكفيك !!! -أي والله يمه الي فيني كافيني معد بي حمل !!!راحت العمه ارتاحت واحنا نكرف هينا !!! وجت تقول برتاح !!! اندفع نصوري ... جاي من داخل .. -ماما ..ماما ... ادلا ..صيح ... !! ارخت راسها له تهاوش .. -وش موديك عند نجلا هالبيله انت !!!ادخل روح عند التفزيون يله!!! اقبلت شيهانه ... سامعه حس أمها .. اول ماشافها ركض لها متجاهل امه ... -شوش ادلا ادلا صيح !!! قطبت هدب عينها ... -نجلا جت !!!؟؟؟ جت يمه ؟؟ عرفت الجواب بدون تنطق أمها ... تراجعت ... و.. رقت بسرعه وبعجل .. لغرفتها .... اول ماوصلت دقت الباب .. - نجلا افتحي !!! انا شيهانه ... افتحي لي !!!.....انفتح الباب ... اول ماشافت ملامحها ... ونظرات عينها واجفانها المتكحله حمار وضيق .. عجزت تنطق الين سمعتها تعاجلها .. بالكلام الضايج المشحون المختنق ... - مات ابوي !!راحوا اهلي شيهانه !!! معد بقا احد !!! مافي احد !!! شدت شيهانه مبسمها باكيه .. وتقدمت لها حاظنه .. -نجلا........ !!!الله يرحمه ... ويغفر له !!!! ضمتها مشدده حظنها ... وباكيه معها حاسه برجفتها .. وشهقاتها ... شاركتها البكا بس شلون تشاركها جبروت ظلم أمها لها !؟؟ شلون تشاركها شدة القمع الي تعرضت له ..بزواجها من شخص ثاني ماترغبه !!! تراجعت ... وهي تحاول توقف ..تبي تفهم منها ..وش صابها وايش الي تغير ... -نجلا وش صاير ليه اخذتي اخو سلطان !!!؟؟ هزت كتوفها بتوهان .. مبعده خصلها ...الي ترطبت من بكاها .. -مدري مدري .....حركت راسها بتوهان وقل استيعاب ... ثم تابعت .. -مدري ليه شيهانه !!! كل شي انقلب بلحظه تخيلي !!! ابوي قال انا مجبور !!! واجبرني أوقع ..!! مات قلبي شيهانه !!مات وقت وقعت ..حسيت اني بموت ومغبونه !!!! رفعت شيهانه يدها تمسح دموعها ... -يمكن عشان سلطان ماجا نجلا !!! الكل يقوله !! هزت نجلا راسها ... نافيه ... وشارحه .. -لالا مستحيل سلطان جايني تذكرين ؟؟ !! قابل خواني وشفته انا شلون مايجي ؟؟ اكيد عنده سبب منعه يجي !!المفروض يأجلون كل شي مو يزوجوني اخوه الكرييه... انت بضيق رافعه يدينها تغطي ملامحها وقت ذكرته وجابت طاريه .. -يوووووو شيهانه ... رعب هالرجال !! انا كارهته ... !! حست بيدين شيهانه .. تمسك كتوفها .. وتسحبها تمشي معها .. -اهدي خلاص نجلا .. تعالي نجلس.. أبعدت يدها سائله .. فجأه .. -سعد وينه ماشفته ولاجاني ؟؟!! جاكم ؟؟ ناظرت شيهانه بتركيز متلهف .. -ماجا ولاندري عنه .. ابد نايف يقول ماقدرت اوصل له !!!ولا فيه رقم له !! بلحظه ابرقت نظرات نجلا متذكره الجوال ..الي عطاها ... تلفتت متحركه .. وقايمه تتوجه لدواليبها ... تفتش .. مزرعة الوليد آل جلمود ... تواجد بالمكان الي توقع انه يرتاح في لكن هيهات .. استند على سياج ساحه واسعه ... يمتد فيها النظر ... ويسرح فيها الخيل الي له عاشق .. خيله الوافي ... ان كان متوقع ان شوفته تببري علته وتبرد حرارة جوفه فهو غلطان ... سحب شماغه على كتفه .. وابتدى .. يفتح ازارير ثوبه ..برتن عنيف .. ضايج .. ارخى يدينه متمسك بالسياج الخشبي ... يرتقب صهيل ..الوافي الي يركض ويسابق الريح .. بالمضمار .. مختنق ... شعوره واحساسه ... كاره الي يحس فيه ... من كبت .. مجبر انه يتحمله ... يعني يوم تزوج !! تزوج وحده ضايع شرفه معها !!! ومع مين ؟؟ من اخوه !!! والطامه الأعظم انه انجر عشان يعيش سيناريوا اخوه راسمه بكل خبث وبرودة أعصاب ..!! مستغل اسمه وشهامته ومنطوق طبعه .. !!.. حس بصوت يحاكي القهر بصدره ... يتسائل عن مكان سلطان .. بعز ثورة غضبه .. صرخ احساسه مستهجن .. وان جا ؟؟ !! وان شافه !! الي خلاه يسويه والمعنى الحقير الي يبيه يعيشه والمقصد الي يبيه يفهمه .. سواه وانتهى ..اجبره بكل برود يتزوج وحده من الي يعرف مثل ماقال .. وحده تتباهى بعشقها له وبعالي الصوت وبدون حيا ووين ؟؟!!ببيته وتحت سقفه ..وقدام اخته .. ماحس بكف يده الي ضغط على سياج الخشب .وانكسر بوسط كفه ... مغروس بعمق وسط شظيات الخشب نزفت يده وتبلل كم ثوبه ..وقت تذكرها هي ..ووقت انرسمت امام نواظره .. ومعها انوجدت بسمة اخوه الخبيثه ..فيه إحساس موجع غريب .. ممتزج مابين اشمئزاز وكره وشي مدفون باعمق مكان بروحه ..مبتدي يثور ..يهز كل وريد وشريان فيه ... يشاركه بقوة ثورانه شي من الكآبه .. الاليمه ..مشاعر طعمها مر ..حيل مر .. لا لها اسم ولا وصف .. رنت كلمات ام سلطان .. واعتلت ..كما الشمس الملهبه فوقه .. (ربي كاتب لك هالبنت من بد بنات الخليقه) هذا استحقاقه ؟؟ هل هذا كفوه ؟!! او هذا ابتلائه الثاني ؟!! تعالت نغمة جواله ... تراجع بيسحبه .. الا انتبه لسيل جرحه قطب هدب عينه مركز بالدم الي اسقى كم ثوبه ..شد مبسمه ساحب شماغه تارك عقاله يطيح لفه حوالين كفه ..يوقف سيل .. الدم .. وبسمه ساخره جانبيه .. هل مكتوب له يسيل منه الدم دوم !!.. غمض نواظره باحساس قاهر .. مهلك يدوي في سما روحه المظلمه بهااللحظه .. تنهد فاتحها ثم سحب جهازه شاف رقم ام سلطان ... ضغط رد وتكلم .. بحس خاوي ثابت ..يعاكس شرار وحرب تحتوي كل مابه .. -هلا وغلا ..!! -هلابك ياوليدي اخبارك اليوم ؟؟؟ عساك طيب !! -بخير الحمد الله .. -يارب لك الحمد ..ياعساه دوم احوالك بخير ... !! -الله يحفظك ويسلمك ... -امين ياولدي !! انت وينك بالمكتب دقيت عليك من كم مره مارديت علي !! نطق راد مقطب هدب عينه ..فاهم نبرة صوتها وحاس عندها شي بتقوله .. - غريبه ماجاتني اتصالات يمكن الشبكه معلقه !!! .. آمري وش بغيتي !!؟ -مايامر عليك عدو ياولدي ... بغيت ابلغك ان نجلا راحت لبيت أهلها !! ضيق نواظره ... كاتم حسه ومتكلم ... بهادي الصوت الحاذر .. -شلون راحت ؟؟ ناسيه انها تتبع رجال مفترض ماتتطلع عن شوره !!!؟؟ ردت بحس حاني متلهف وشارح .. -انا انا ياولدي .. قالت لي .. ووديتها بنفسي وصلتها الين باب البيت والله !!!..المعذره منك عجزت ادق عليك مارديت !! ياولدي عشاني هالمره !! البنت لابد تشوف أهلها وضعها يضيق الخلق والخاطر !!! ماترضاها انت يالوليد !!!خلها تجلس عندهم كم يوم !! شد مبسمه ونظراته يم الخلا ... ذاك معه عذره !!! وهذي تضيق الخلق والخاطر .. !!! وهو ؟؟ والي يعيشه ويحسه .. ويدفنه لجل يقوم ويقوى من جديد !! ؟؟ تناسا تفكيره راد ... -ابشري .. خلها تجلس !!! تابعت اول ماستشعرت ان صوته هادي وباله هين .. -تكفى ياولدي البنت حالها اوجع قليبي !! رح لها وتكلم معها ... خل الخوف الي فيها منك يخف شوي !! كل ماجبنا طاريك ارتعدت عويناتها !!! تفاهم معها وطمنها !! خلها تحس بالأمان يالوليد ترا فقد الابو شين !! سكت يستدرك كلامها ... وهي تشرح له حال نجلا ... وتذكره بفقد الاب ..!! تحسبه مايشعر ولا يحس !! كيف وهو فقده مرتين !!؟؟ .. ومره منهم فقد معه روح الحياه ..وماكسب الا انه يكون الميت الحي يملاه من الحقد .. الشي الكثير ..!!الي لو ترك له مجال .. اصبح نسخه غاشمه من حقارة كابوسه الآثم !!! - على خير ان شاء الله .. !! -يعني بتروح لها ؟؟ اوعدني انك تروح لها وريحني بالي مشغول من كل صوب !! -ارتاحي ولاتفكرين ... الله المدبر يالغاليه !!.. -ونعم بالله الله يسعدك ويحفظك ويسخر لك الأرض ومن عليها ياولد صخر !! شد مبسمه ...راد .. -اللهم امين .. تردتت من جديد .. بس قلبها شاعل نار ودها تعرف .. -الوليد ماكلمك ... سلطان ؟؟ احتدت نظرته راد بحس هادي .. -لا ماكلم ... يام سلطان !!.. بيجيبه الله .. !! -ان شاء الله الله يصلحه ويهديه !!تامرني شي ياولدي .. !!؟؟ -مايامر عليك عدو.. ابي ترتاحين ولاتفكرين بشي .. !!وان تواصل معكم سلطان او رجع البيت بلغيني !! -ابشر ابشر .. الله يهدي سركم ... ويبرد قليبك ياولدي ويصبرك .. انا اعرف ان صبرك عليه فاض .. واخبر بالي بنفسك بس مابيدي حيله !! وش تبي مني اسوي والله لاسوي !! سكت .. مستشعر صدق إحساس ام سلطان الضايق المحتار .. مابيدها شي ؟! كيف يكون بيدها وهي ام ؟ !! .. اه لو يفهم سلطان ويدرك قيمتها !! هو الان وبقمة عمق ضيقه بحاجتها امه !! ورغم انها مستعده تعطيه من الغلا واكثر لكن شي بداخله ممتنع يسلم همومه وجروحه لاي روح .. تعود من الصغر ... !!..رد عليها بحاني الصوت الحاذر .. -وجودك حوالينا بصحه وبخير يكفيني .. ياميمتي .. !! -الله يسعد قليبك يالوليد ..لاتتاخر علينا احب مالي شوفتك مسيان وقبل ارقد !! ابتسم .. بخفه حانيه .. -ابشري ...بالي يسرك .. -بشرت بالجنه .. وشوف والديك .. يله فمان الله -فمان الله .. !! قفل منها ... مفكر بروحة نجلا لأهلها ... والي يعتبره هروب وقل احترام منها .. مع انه محذرها ومنبهها !! ماتطلع من بيته ابد !!في ثانيه كل الهدوووؤ الي استشعره بمكالمة ام سلطان اختفى ... وقت جا بباله فكره وحده بس !! ان سلطان ممكن يتواصل معها او هي تتواصل معه !! ويضحكون على خيبته .. !! تراجع .. متحرك من مكانه لاف شماغه الي تبقع دم حوالين كفه ومشدد عليه ...طاح جواله من يده .. ارخى نفسه شايله .. ومشى خطواته العرجا وبراسه مليون توهم .. وطاري ..متوجهه لعربات الركوب الي بتوصله لسيارته !! حتى نيته ركوب الوافي تراجع عنها مع انه يجي يقوووده بعز ضيقه الا ان هالمره الضيقه تفووووق كل مافيه !!.. .................................................. ................................. قصر صخر آل جلمود .. جناح رنا ... -يالله متخيله انتي ؟؟؟ قابلتها عند الباب ولا شفتها ؟؟ !! ليتني جيت قبلها بدقايق بس .. !!! زفرت بحمق ... متابعه .. - ليه ماقلتي انها بتروح ؟؟؟ كان نبهتي علي !! أبعدت رنا لحافها رابطه شعرها وعينها نعسا .. -ماكنت ادري انها بتروح !! قربت الجوهره تجلس على طرف السرير .. -تهقين.. من هواشهم الي قلتي ؟؟؟ اكيد اكيد عقب كلامها عن سلطان بيطردها !!! الوليد مستحيل يصبر على وحده تتباقح كذيا استحاله !!!! مسحت رنا نواظرها .. بتقطيب ... وهي تفكر ... وتتذكر حال نجلا وكلامها .. - تدرين الجوهره؟ انا فيه شي محليني استغرب .. ! -اش قولي .. !!؟ -نجلا تتكلم عن سلطان وكنها تعرفه مره كنها تشوفه وتكلمه فهمتي ؟؟ ترقبت رنا ملامح الجوهره ..وتدرج أفكاره ... ثانيه ثم شافتها صفقت .. يدينها ببعض .. -رنااااااااا !!!!! البنت هذي كانت بعلاقه بسلطان !!!!!! طقطقت اصابعها ..متابعه ..وكنها عرفت مضمون السالفه .. -الحين فهمت !!! البنت هذي من البنات الي يعرفهم سلطان !!! اكيد اكيد مب تقولين كنها تعرفه من وين بتشوفه وهي ماتعرفكم ولا جتكم ابد افهمي وركزي معي رنا !!! سلطان ماكان متوقع ان الوليد بيتصرف بشهامه وياخذها يستر عليها !!! الا صح صح !!!! علي !!! .. رفعت راسها للرنا .. ورجعت تجلس ... وهي تتابع تتحليلها .. - ابوها لو واثق ببنته مب مزوجها رنا ابوها يدري انها خلاص عبت لين شبعت واضطر يزوجها ومن الصدمه عشان سلطان ماجا توفى !!!! ياللللللللله يالللللله !!!! تاهت نواظر رنا ... بتقطيب مفكر ... الان فهمت واستضاح كل شي ... -الجوهره !!س هس تقول ابوها مجبور !!؟؟ وان الوليد جبره !!! كشرت الجوهره ... بتقطيب .. -استحاله رنا الوليد اضطر يسوي كيذا لانه فهم هالشي ... رنا فكري معي زين ... ليه الوليد زوجه بسرعه وخلال شهر قرر ونفذ كل شي !!؟؟ اش معنى سلطان الي يكره الوليد وافق على كلامه بدون حتى يقول شي قدام الكل !! مب دايم اذا تجمعنا وحظروا تصير مواجهات بينهم الاثنين !! ؟؟ افهمي افهمي رنا علامك !!!السلفه واضحه للفهيم بدون شرح !! رفعت رنا يدها تمسد جبينها بتفكير ... متذكره نجلا وكلامها .. - الجوهره ؟؟ أتوقع انها تدري انه عارف عنهم لو شفتي امس يوم دخل كيف خافت تغير لونها حتى انا خفت بس هي اكثر مني !!! ارتعبت مره !!! -ايه هذا هو يارب أخيرا فهمت انا داريه الوليد مايقدم على شي بالسهوله ذي مستحيل !!ولايجبره شي لكن دام تمس الشرف واسم القبيله بيقدم لانه رجل بحق وحقيق !!! كتفت رنا يدينها ... -طيب لنفرض كلامك كله صدق !! الحين انتي شلون بتتزوجينه ؟؟ وهو وسط هالمعمعه !!! تاهت نواظر الجوهره .. وسط ضلال اسود كاره وحاقد مشتعل نار وشرار ناظرت رنا بتركيز ... -انا بساعده رنا .. !! بخليه يطلقها وماعليه أي غلط ولا يكون قليل مروه قدام احد !!! مب قلت لك انا بطردها من هالبيت بعد بطردها من حياته !!! وقولي ماقالت الجوهره !!!بقشعها من كل مكان يجي طاري اسمه فيه !!اهم شي عرفت شعورها ناحيته دام خايفه منه خلاص !! ودام متعلقه بسلطان وهذا الأهم بتسهل خطتي !!! ترقبتها رنا ...بحذر .. -وش بتسوين ؟؟ علميني ؟؟ استجلست الجوهره بارتكاز ظهرها ..ونظرتها كلها تصميم .. واقدام .. -بشعل فتيل العلاقه الي انتهت بعدم جية سلطان !!!! تلقينه مايدري أصلا واكيد هو مب راضي مهما كان رنا هم اخوان يكرهه بس مب لدرجة يحده يتزوج وحده فاجره وبايره بايعه نفسها له مستحيل !!!!اذا صار فيه تواصل بين الاثين الوليد اكيد بيطردها من حياتكم جميع شر طرده !!!وبنفس الوقت بيرتاح من هالهم مسكين !! تحركت رنا .. ونزلت رجولها ... -مدري الجوهره ...كيف هالحكي بيتم ؟؟ هي راحت الحين يمكن ماترجع !! -انا بسكت وانتظر ونشوف بترجع أولا !! اذا لا خلاص راحت من قاصرها ونكون ارتحنا وارتاح حبيب قلبي!!.. هزت راسها بنظره كارهه وتابعت .. -وان رجعت ... بتشوف وبتعرف الجوهره عشان هالوليد وش ممكن تسوي !!! فيلا غازي آل مجفل .. دورت بكل مكان ... كل مكان .. خاصه الي حطته فيه ... مالقت شي ابد ... -نجلا وش تدورين ؟؟؟ علميني !!؟؟ التفتت لها بعين سائله وحس ملهوف .. - كان فيه جوال هينا !! عطاني إياه سعد قبل يروح !! ووينه شيهانه ؟؟ وين راح شلون اختفى !!! قطبت شيهانه ..هدب عينها متقدمه تدور معها .. - مادري ماشفت شي انا مادخلت غرفتك امي الي دخلتها وجديده رقدت فيها !! وقفت نجلا تفكر .. -امك خذته !! اكيد خذته ... !! توجهت للباب فتحته الا بشوفة نايف مقبل جاي من الدرج اول ماشافها .. جمدت نظرته .. وهي مثل ... الين سمعت حسه الضايج اللايم .. -جيتي ؟؟ !! ذبحتي ابوي وجيتي تمشين بجنازته !!!؟؟ التهبت نواظراها بضيق شاعل وسط قلبها منه ... بس اين المفر ؟؟ تقدمت طالعه وشيهانه تابعتها بخوف .. هامسه نجلا لاتتهورين معه .. -انا ماذبحته انت كنت فيه وشفت كل شي !!!!علمني وش صار عندكم ؟؟ احتدت تواظره .. ورد عليها ... بحمق .. -اسألي رجلك العلم ببطنه !! صرخت باستنكار .. - لاتقول رجلي !!! هذاك مب رجلي !! انتم زوجتوني له !!ولاتقول عشان ماجا سلطان !!! انت عارف ان سلطان جا الين هينا قدامك وقدام سعد !!كل شي قدامك وتحت عينك !! شلون ينسحب مايجي اكيد عنده ظرف !! تنفست برجفه .. ثم تابعت ... -وش الي سواه عشان ابوي ينجبر ويجبرني ؟؟؟؟ !!!! احك !!! تم نايف يترقبها ... ونظراته مجهده ... وروحه أساسا ضايجه من حر الفقد ... تكلم بحاذر الصوت .. -ابعدي عن وجهي نجلا !!!واعرفي ان مب ماسكني عنك الا رجلك وكلمتي له !!!دامك الحين طلعتي من ذمتنا لذمته روحي وفارقينا وعيشي حياتك بعيد عنا !!! وقفت قدامه عاجزه عن الرد ... تخلى عنها بكل سهوله ... ليته مد يده وضربها بتتحمل والله بتتحمل ... ولا يمحيها بهالشكل .. الموجع .. القاهر .. لواحد اعظم منه ظالم وكاره لها بليا سبب !!!! رفعت يدها جامعه اصابعها .. تخاطبه بروح جرحها منه .. -مره وحده مره بس !! وقف معي ولاتخلي احد يظلمني !! راضيه ب ظلمك وبطشك علي !! بس ..لاترميني نايف !!! مره بس !!! مره بس مره !!!اوقف معي !!! لمحت نظرته لها ..الثابته بحثت وبحثت ..عن مكامنها شي من الرحمه ..بس مالقت ابد .. -كل هذا بفعل يدك انتي !!!ليه مافكرتي وقت كنتي تقاهرين امي وتضايقينها كل شي احسه ..بسببك انتي !! تكلمت مقاطعته بغصه وسط حلقها .. ثقيله حيل ثقيله .. -نايف .. امك تكهرني عشان امي !!! بس انت ليه ...تكرهني !!!؟؟ وش شفت مني !!؟؟ -انا اكره امك اكره دخلتها على امي الي تحكيها لي كل يوم قبل ارقد تغفى لي عين !! اكره صياح امي الي جا من امك!! امك خذت حياتنا واستقرارنا !!انا ماتذكر الا كرهي لأمك غيره مااتذكر !! استنشقت نجلا عبرتها .. رافعه يدها ونظرتها كلها كبر .. وثقه .. -اكرهني قد ماتبي ... انا مااتذكر الا حبي لك !!! لو تسوي الي تسوي ماني كارهتك !!! ولا سعد راح يكرهك !!! ركز فيها النظر .. لمحت تشديده لمبسمه ... ابعد نواظره وناظر شيهانه ... -لاتنتظروني اليوم ... !!! تراجع تاركهم ونازل ...بلعت ريقها ..وغصتها ..سمعت شيهانه .. -نجلا .. وسعي صدرك هو ضايق مره من ذاك اليوم !! نشقت نجلا والتفتت لها .. - وانا شيهانه ؟؟ !! انا محد فيكم فكر فيني وبحالي ؟؟؟ محد سال عني .. ولاقال راحت عند اغراب !! تخليتوا عني كيذا كني مب مهمه !! هم خليهم طيب انتي ليه مادورتيني شيهانه !!!؟؟ تقدمت منها شيهانه لامسه كتفها .. -والله سالت نجلا والله العظيم قالوا عند رجلك هو الي خذاك .. ووداك عندهم !! صرخت مبعده يدها ..معترضه -لاتقولين رجلك لاتقولين !! مب رجلي مب رجلي ... شهقت بانين حارق .. رافعه يدينها تكرر بحس باكي ناشج .. مكتوم .. - مب رجلي... شيهانه مب رجلي ....كابوس هذا كابووووس!! دمعت شيهانه .. بضيق .. وارتجفت شفتها ... رفعت يدها تكتم أنفاسها .. قربت تحظنها .. -بس نجلا بس تكفين ياختي بس .. سامحيني انا اسفه والله اسفه !!...تعالي ادخلي غسلي وجهك ... امشي ..ردت بشهقات . -ابي الجوال...لازم اكلم سعد !!!.. -طيب طيب تعالي غسلي وجهك وننزل نسال امي ... قالتها وهم واصلين عند مدخل غرفتها الا بحس ام نايف .. -تسألوني عن ايش ان شاء الله .. !!؟؟ عسى خير !!؟؟ ابعدت نجلا عن شيهانه .. مسحت دموعها بظهر كفها ... وعينها تنطق شرار .. - بغرفتي وبدولابي كان فيه جهاز جوال وينه !!!؟؟ انا متأكده محطيته ..وين خذتيه !!!؟؟ رفعت ام نايف هدب عينها باستفزاز مقصود .. -كسرته ورميته ... سترت عليك قبل ..يعرف احد انك مخبيته خلاص دام انضفيتي ولقيتي من يسترك !! ليه الفضايح وابوك مسكين توه رايح تبين اخوك بعد يروح فيها !!! هزت نجلا راسها بعدم تصديق وصدمه .. -يالله يالكره الي مالي قلبك علي !! انتي ايش مافي قلبك رحمه !!؟؟ مدت غاده يده وهزت كتف نجلا .. -ارحمينا انتي من بلاويك واذلفي لرجلك !! واذا مايبيك انثبري واحشميني وكلمه على كلامي مايحصل لك خير !!! ؟؟ فهمتي !!!؟؟ اعتلت انفاس نجلا حست باختناق ... تبي تدور هوا .. لجل ماتندفن صدق ..وسط هالكره الي مالي هالبيت ... تاهت نظرتها وين تروح .. ولوين ... فجأه طرت لها شيخه ... تحركت متراجعه ارخت نفسها خذت شنطتها تبي تفر وتطلع ... بتروح معد تقدر تجلس ابد!! بتطلع والي يصير يصير !! سمعت شيهانه .. وتجاهلتها -نجلا وين ؟؟؟ جت تمر من عند ام نايف الا مسكت سير الشنطه الي معها ... -على وين !!؟؟ وين رايحه بعد ؟؟ تبين تفضحينا حسبي الله عليك عنبو شيطانك ابوك ماله كم يوم !!!! صرخت نجلا ساحبه شنطتها .. - عطيني شنطتي واتركيني !! مب تقولين اذلفي !!!! بروح بذلف .. خليني !!! شدت ام نايف ماسكه السير تشدها لناحيتها .. - لا والله ماخليك تنكبين ولدي !!! اخوك بستبك معاد يجي البيت والحين ضاق يوم شافك تبين تفضحينه وتقهرينه قدامي !!!!؟؟؟ صرخت نجلا .. بعالي الحس الباكي .. - هاتي اغراضي .. ! -فكي يدك فكي حل اشوف وش خذتي من بيتي !!! شهيانه تقدمت تحاول تبعد أمها ... -يمه خليها يمه ... مامعها شي !!! سحبت ام نايف الشنطه وابتدت تفتشها ...اول ماطلعت بيدها سلسال ام نجلا ... التهبت نواظر نجلا وهي تشوفه بين ايدينه ... نشف ريقها وقت سمعتها .. -سارقته من عندهم ؟؟؟ تقدمت باندفاع لدرجة ارتعبت شيهانه ... وهي تسمعها تصرخ .. - هذا سلسال امي خليه ... هاتيه اعطيني ... !! تراجعت ام نايف بنظره كارهه .. - بحرقه لك ياجعل قلبك يحترق مثل ماحترق قلبي على غازي .... !! تراجعت نازله بعجل .. ووراها نجلا ... وتتبعها شيهانه .. واصواتهم تتعالى ... - هذا حق امي هاتيه ... اعطي..ني .... لاتحر..قينه .... - يمه خليه حقها يمه خليه .... ابوي عطاها يمه !!!.. تجاهلتهم ام نايف ..ماره عالمطبخ ماخذه الولاعه وطالعه برا ... للحوش .. لحقتهم ام عادل ... -علامكم يابنتي ؟؟؟ وراكم !!؟؟ هبلت بعقلك هالمهبوله الله ياخذها من ذر !!! .. - ابعدي ابعدي ... عني ... خلي طولة لسانك تنفعك .. !!! .. والله لاحرقه وان ماسكتي لاحرق وجهك ذا ... !! .. تقدمت نجلا وهي تشوفها تسحب قميصها وتحط السلال ..وسطه .. وتبدا تشغل الولاعه ... حست بحلقها جاف .. وصوتها .. عاجز يطلع ...اول مالمحت برقة سلسالها .. وسط اشتعال النار بقميصها .. اندفعت ماده يدها .. وشيهانه وراها تصرخ .. - نجلا .. بنطفيه بنطفيه بجيب مويه انتظري ؟؟ تقدمت نجلا منحنيه ماده يدها .. مب حاسه بحرارة شي ابد مهما بلغت حرارة النا رماتجي شي عند الللهيب الي يكوي روحها منهم كلهم .. - وينه ... وينه .. سلسال امي وينه ... وينه .... تمت ام نايف ترقبها بشماته ... تغافلت حس ولدها الباكي ... وامها .. وكلامها ودعاها ... رجعت شيهانه وهي تشوف منظر نجلا ساجده وجالسه بهيئة الجلوس من السجود ومنحنيه واطرافها تتدور .. وسط الشنطه ونارها شاعل ... هزت راسها .. مندفعه تصب المويه .. -نجلا قومي بطفي النار قومي . - وينه وينه وينه شهيانه سلسال امي وينه .... !! .. -هذا هو ساسل امك معي !!؟؟ رفعت نجلا راسها ... بنواظر مليانه .. غشاوة دمع .. حامي .. وساخن ... اول مره تعيش احساس الكره صدق .. ممتزج بالغبن وقفت متحركه باندفاع متناسيه وجود الجميع .. صاحت وهي تمسك يدين غاده .. وتسحبه .. -هاتيه .... هاتي هذا حق امي ... !! عطيني !! صرخت ام نايف .. - اتركي يدي ...!!! - خلي حق امي اول !!! ,,خلييييه !! تركته غاده تلفقته نجلا .. وانفاسها ثايره .. وحمقى ابتدتت بنواظرها تتبع كل جزء بساسل أمها و غافيه عن اليد الي امتدت تضربها .. بكل قوتها ... -انا اوريك ... تمدين يدك القذره علي يابنت نوره اوريك ... تحركت شيهانه .. - يمه اتركيها اتركيها يمه خلاص .. ارحمينا عاد يمه .. تكفين ... ! تلوت نجلا .. تحاول .. تبعد يدينها عنها .. وجهت غاده كلامها لامها .. - يمه اقفلي الباب بالمفتاح الكلبه تبي تفضحنا بالحاره وتهج !!!. تحركت ام عادل .. -حسبي الله عليكم سبعن تحاسيب ياعيال نوره هبلتو ببنتي .. المره معد بها عقل الله لايوفقكم من ذر الله لايوفقكم .. تعالى صياح نصوري .. وسط الضوله .. بشق الانفس قدرت نجلا تفلت .. نفسها ... وتركض .. عنهم بعيد .. تعادت خطواتها مثل المجنونه .. وهي قابضه بيدينها سلسال أمها ..راكضه أنفاسها تفح تسابق كل خطوه ... ونبضها مستهلك .. رافض يكن ويهجد .. دايم يعاندها ليته يوقف ويريحها .. وبس ... وصلت لغرفتها .. دخلت مسكره الباب .. متوجهه لدورة المياه .. فاتحه المويه تغسل سلسالها .. ماتدري ليه حست انه تنجس من يد مرت ابوها .. ابتدت المويه تتهادى على يدينها المعلم فيها شي من الحراق .. البسيط .. صاحت.. وتعالى حسها .. ناشقه .. بشهقات متتابعه عيت توقف .. بجوفها قهر عظيم .. يتيم مرير .. ماحست بنفسها الا وهي تحت الدش .. تبي حرتها تبرد .. وتهدى وقفت تحت المويه بكامل لبسها وعبايتها وطرحتها المستريحه على اكتافها .... تمازج حس تهادي الما مع بكاها .. المتواصل .. المسلوب الاراده ...قابضه بيدينها على سلسالها ..الذكرى الوحيده والي جتها على كبر .. من أمها .. انّت .. بأنيين حارق .. مايسمعه الا رب العباد .. - يم....ااه ليت...ك فيييييه .........!! ا....ه ... يمه ... يمه ..... يماااااه !!!!! امام .. فيلا غازي آل مجفل ... واقفه سيارته ... امام مواقف الفيلا ...مرت ساعه ... عليه وهو بنفس المكان ..يهدي نفسه من هم الضيق .. ويسكت الأوهام الي ممكن تتركه يرتكب اعظم الاغلاط ...يهادي روحه .. بصمت .. ماغلّفه الا نبضات قلبه .. قطب هدب نواظره ... وسحب جواله .. ضاغط رقم معين ومنتظر الرد ... الين جاه -الو! هلا ومرحبا أبو صخر !! -هلابك زود ... !! مسيت بالخير .. يابو غازي !! عساك طيب !؟ رد نايف بثابت الصوت ...مدرك ان سبب الاتصال .. شي يخص نجلا .. وحالتها .. شد مبسمه راد .. -بخير عساك بخير ... !! .. وانت بشر عنك !!؟ -بخير جعلك بخير ... !! .. انا ..واقف عند بابكم ... ابي أتكلم مع نجلا انت موجود بالبيت !؟؟ قطب نايف هدب عينه .. -لا والله طلعت ... لكن حياك اقلط الحين اكلمهم ... جت قبل كم ساعه هي ... ! تكلم مشدد .. كل كلمه يقولها .. -خابر انها جايه ... جت مع الوالده !ومن بعد اذني وشوري !! تنهد نايف ... وتكلم ... معلق .. -البيت بيتك تفضل انا عندي كذا عازه برا ... اخلص واجيكم على عجل !! -لاتتعجل انا بقابلها واطلع ... !!.. خلك على ..راحتك !! -تمام ... حياك تفضل بكلمهم الحين ... !!.. قفل منه الوليد ... وترجل من سيارته ... ساحب عصاته ... وضاغط عالشماغ ..اكثر وسط كفه ... قفل سيارته .. بالقفل الي معه .. وتوجهه للباب .. ران الجرس ... .................................................. ................................. بالصاله الداخليه ... تعالى حس الجرس ... وقبله بدقيقه .. جوال ام نايف ... -غاده ؟؟؟ ياغاده ؟؟ تعالي جوالك يابنتي !!!.. تعادت خطوات غاده .... -يمه نصوري كان بيرقد وصحى على هالجرس من جاينا ؟!! - انتي تنتظرين معزين ؟؟ -محد كلمني ... -جوالك من شوي دق ... انا بروح اشوف مين ... وانتي خلك داخل ولفي مسفعك عليك ..ان كان غريب و... يمكنه عادل اخوك بعد !!.تعال نصوري .. افتح الباب مع جديده !! اقبلت ونصوري تابع خطواتها ... الين وصلت للباب الخارجي ... -مين ؟؟ -انا الوليد بن جلمود !!! اضطربت أنفاسها ... بتوتر .... مأشره لنصوري .. -ناصر رح حبيبي افتح الباب رح دخل الرجال بسرعه !! تقدم ناصر .. بحماس يفتحه ... اول مانفتح .. عاجلته بحسها المرحاب .. -يالله ان تحييه .. يالله حيه .. تفضل تفضل ... تبادى صوته الشاقي .. الرخيم الحاذر .. -زاد فضلك .. ياخاله .. جيت اشوف نجلا اذا ماعليك امر .. ازهميها لي !! لفت مسفعها .. حوالين ملامحها وطلت بطرف راسها .. -الله يححيك ..ياولدي .. ادخل ادخل لاتجلس عند الباب منت بغريب ... المجالس مفتوحه .. تفضل .. تقدم الوليد ... شاد يده على عصاته ...وداخل أولى خطواته ... اطرف بنواظره ..يم الي متوسد الارضيه .. قطب هدب عينه ... وهو يلمح ..جزء محترق .. من شي يعرفه زين .. ويذكره ... قرب بخطواته .. وبطرف عصاته ..حرك فتات الرماد المتبقي من الحراق .. ضيق نواظره ... مدرك ان المحترق ... قميصها ... الي كانت لابسته وقت ..لقاهم المشؤم .. شد مبسمه متقدم ... معتلي حسه الي ينبه المتواجدين -ياولد !!! .. دخل ... الين المجالس الي يعرفها ... وفكره شرد ... بالي شافه ... ومع التفاسير .فهم .... مثله هي كارهه وجوده .. وناقمه على حظها الأسود الي جمعها معه كما حاله ... لدرجة تحرق .. اللبس الي احتوى جيدها بيوم لقياهم .. .................................................. ................................. ام عادل ... تبادت خطواتها العجلا ... يم ام نايف .. - غاده ؟؟ ياغاده ... رفعت غاده راسها ..وتوها قافله جوالها ... - هذا رجلها يمه ؟؟ قطبت هدب عينها ام عادل واقفه .. - شلون عرفتي ؟؟ -نايف دق يعلمني يقول مكلمه .. تو ... دخل يعني يمه !؟ - ايه ايه دخل بالمجلس دخلته .. تقدمت هامسه بحس يفح .. -وش ذا وش ذا يابنتي ؟؟ وش هالرجال المطنوخ !! الله من طول والله من عرض والله من وقفتن تشيب الراس !!! عز الله انه شيخن صدق !!مير حتى منطوقه ياذكر الله !! وبس مالت على حظ بنتك لو انها ماخذته يمين الله ماعزيك على رجلك ابد من فرحتن فيه !! احتدت نواظر غاده ..وهي تترقب وصف أمها بحمق ... -يمه انتي تزيدينها علي ؟!!! تقهريني يمه وانا قلبي محتر خلقه !!! أصلا بيطلقها خذيها مني حاذفينها بقميصها زي الزباله عند باب بيتنا !!!! - يقول نادو نجلا اعجلي ..او اروح انا ؟؟؟ شيهانه وينها ؟؟؟ فزت واقفه ... -انا انا بروح اناديها ... !! يمكن يمه جاي يطلق ؟؟ !! عشان كيذى كلم نايف !!!؟؟ هزت ام عادل كتوفها .. -علمي علمك .. يابنتي .. الكود ايدينه بها عله اشوفه لام حواليها شماغه !! قطبت غاده هدب عينها .. هامسه قبل تتحرك طالعه .. -بنعرف الحين وش يبي !!!.انتظري يمه وشوفي .. تبين نعرف وش بينهم ..؟؟ عندي طريقه .. !! تركت مكانها متوجهه للدرج ... الا بطلعة شيهانه من المطبخ ... - مين جا جديده ؟؟ !!.. -رجل المحروسه !!! جمدت شيهانه ... متذكره خوف نجلا منه وكلامها عنه ... - وش يبي ؟؟؟ ليه جاي ؟؟ -وش يدريني ... امشي احرسي اخوك بروح اشوفه !! شدت شيهاه مبسمها معترضه .. -تروحين وين ؟؟ تدخلين عنده مايحل للك جديده !! لفت لها ام عادل ... -والله مابقى الا الحنبس ينبس !! اقضبي لسانك بفمك واسكتي !!! ضيقت شيهانه نواظرها مكتفه يدينها ...بحمق ... .................................................. ................................. قبل بدقايق ... بغرفة نجلا ... مكانها من رقت ... جالسه وسط البانيو ...وتحت الدش ... اهلك جيدها من الصياح .. وشرقة العبرات..... تاييه فكرها ... فيه .. شلون الحين توصل له ؟؟ كيف؟؟.. باي طريقه بتقدر تعلمه ؟؟ هو قال ان ضايقك شي علميني !!.. غمضت نواظرها وسخونة دمع عينها .. يباري برودة المويه المنسكبه حواليها ...سمعت دبج على باب غرفتها .. قطبت هدب عينها بجهد حاسه بحرقه .. اليمه بمحاجر نواظرها المكتحله حمار ...وقفت .. شاده نفسها ... لجل تستعد لجوله ثانيه من كره مرت ابوها ... عضت شفتها ... متذكره هالمره ان حتى ابوها مب موجود .. !!والغريب والمستنكر لها انها مستسلمه ,,خلاص ... مستعده لكل شي منهم ...طلعت ... متحركه وحس الباب يزيد ... ويعتلي .. رفعت يدها تبعد قطرات المويه عن ملامحها ... وتوجهت فاتحه باب دورة المياه ... راده بعالي الصوت .. -نعم ؟!! -وراك ماتردين انبح حلقي !!! اطلعي اخوك سعد يستناك تحت !!!! شهقت نجلا مشرعه الباب .. بعجل ... صارخه ... -سعد جا !!! -اعجلي مادخل عشان امي تاخ راحتها !!! طلعت متوجهه لدولابها تذكرت انه فاضي مافيه شي .. ابتدت تفتح الاكياس وجيدها يقطر مويه من اللبس الي مازالت لابسته .. بسرعه فتحت كيس من الاكيا س .. سحبت اول قميص طارف ... كان روب قطني .. يوصل .. لفوق ركبتها بشي بسيط .. بدون اكمام ...فتشت باغراضها .. طلعت لها لبس داخلي ويدها تسابق أنفاسها .. ابتدت تفتح .. اللبس المبلل بعجل ...مانتبهت .. للكدمات الي علمت ذرعانها من ضرب مرت ابوها ... لبست بعجل ..يباري الريح السقيمه البارده ... شعرها .. تتهادى منه قطرات المويه ... بسرعه توجهت للدرج ساحبه شباكه .. لبستها ... ورفعته وهو رطب .. وركضت .. باقوى ماعندها فاتحه الباب .... تتعادى مع سرعة نفسها ونبض قلبها .. الشفقان المشتاق .. تغافلت حتى ندا شيهانه ونظرتها .... تغافلت الكل الكل .. وركضت للمجالس ... داخله بوله عظيم ... واحساس جزل .. كبير ... ماينوصف .. ابد ... ابد ... ماانرسم الا طيفه ..سعد ... !!.. جمدت نظرة شيهانه ... باستغراب ... شلون هاللهفه كلها وليه كيذا لابسه ؟ !! التفتت لأمها ... الي أبعدت نواظرها لشاشة التلفزيون ... بترقب .... دخلت المدخل ...راكضه وحسها يناديه .. - سعد !!!!!....سعععععد !!!!؟؟ مشت بخطواتها ... داخله المجلس .... وقلبها بيطير ويوقع ..من الشوق واللهفه وعمق التشراه ... لمحت نواظرها شماغه عالكنب .. تعدت بوله شايلته ورافعته يم انفاسسها وصدرها ... -يالبيه... يالبيه ..ياسعد!! تنشقته بوله موجوع ... أبعدته ... ورجفه تتملك كل مافيها جت تنطق اسمه من جديد ..الا شافت .. بقع الدم الماليه الشماغ ... ارتهبت نواظرها وارتاعت نفسها ..... قطبت هدب عينها وهي تستذكر شذى عطوره المستنكره ... مرت رجفه سريعه تتذكر ... شمت هالمزيج وين ... !!... ارتعب صدرها وبغى يطير عقلها خوف لايكون تقابل معه !! ودرا عن الي صار لها معه !!!نادت بخوف تبين .. بحسها ..المفجوع .. -سعد !! وينك ليه هالدم ..؟ !! ..حست بحركه ... وراها التفتت ... ناطقه ..بحس باكي .. وعين .. شرقا ... -مات ابونا ياسع...!!! جمدت نظرتها .... متزلزل كل سكون غمرها لفرحة شوفة سعد ومتحول ... لامواج عاتيه من الرهبه والخوف ... والكره السقيم الممرض ... الي تمثل بشخص هالرجل الي وقف قدامها بكل شموخ وعنفوان بكل جبروته وهيبته المجفله لها ..تلاقت نواظرهم مايحجب تمام لقاه الاغشاوة دمع برقة عينها الي سبقتها قبل بوقت لجل شوف سعد ..... تركت الشماغ لا شعوريا ينساق للأرض ... !!! .................................................. .................................قبل بوقت ... دخل بهدوووء متقدم .... الين وصل للكنب ... جلس ... مجنب عصاته ...تنبه لشماغه ... ابعده عن كفه ببطء وعيته تترقب وش بتشوف .. سحبه كله ...تاركه على فخذه وهو يتأمل جرحه ... ضيق نواظره منتبهه لشظايا خشب عالق بباطن كفه ..مد يده ساحبه ... بحذر رغم وجعه الا انه محتمل له ... طلعها من غرس جلده وتسبب خروجها بسيل من الدم جديد .. مسحه بشماغه ... ووقف راميه على ظهر الكنب ... وساحب عصاته ... متوجه جهة المغاسل ... غسل يدينه .. وتأكد انه مافيه بقايا ... لمح عطر عالمغسله خذاه معقم جرحه ... ضيق نواظره .. وهو يبحث عن مناديل مالقى ... ثانيه الا سمع حسها الي يعرف ... تنادي ... قطب .. هدب عينه وهو يسمع نداها الملهوف .. لأسم سعد ... تقدم ساحب عصاته بخطوات هاديه ... يم المجلس ... تبارقت نظرة عينه وقت لمح جيدها واقف .. ومعطيته ظهرها ... جمدت نظرته ولونها تلون بعمق السواد وقت شافها تتنشق شماغه .. بشووق ولهفه واضحه ... وضوح الشمس ... تقدم اكثر . وبان حس عصاته عالأرض .. التفتت ووقف هو .. متلاقيه نواظر عينه بملامحها ... كما شي صابه .. بالصميم ... غريب .. ومهيب لمشاعره ..شوفتها بمنظرها الموجوع ... بدون تدري عن وجوده ... ونداها الملكوم للهشخص ... انهش بصدره نهش ... اختفت برقة نواظره وخف عمق سوادها الي تلون وقت التقت به ... منتبه لها وهي تشهق وتفلت شماغه من يدينها ...انتبه بعد لنظرة الرعب وسكون أنفاسها ... سمع همسها السائل .. برهبه .. تتبارى مع نظرة الكره الي توجهها له .. - انت !!؟ وكن حسها فوّقه من مراسيل نظراتها وشروحهم ..وايقانه بها وفهمه ..... ترقبتها عينه الخاليه من كل شعور متدرج بتأمله لنحرها وذرعانها ... وانحدار قطرات الما على متنها ...تدرج وتمهل .. الين وصل للكدمات الواضحه على ذرعانها ... ضيق نواظره ... حاسس .. بضيق ... يشل .. فيه مبدى العقل والادراك ... نطق .. بحسه النافر الممتلي زخم ..كل الشعور الي تجمع عليه من شافتها عينه سائلها ... بهدووء -هالكدمات من وين ؟؟ من سببها ؟!!..ابعدت نواظرها .. سكت ثانيه ... تابع .. وهو يتفدم ... -نااااايف!!!!! تطرفت له بنظراتها ..وقت نطق اسم نايف بكل هالجمود المشحون .. غضب ... او يمكن كيذا تهيألها ... معد تعرف شي .. كل الي تعرفه انها تبي تختفي من الوجود الي هو موجود فيه ... اسابت من طرف نواظرها دمعه ... خاينه ماتدري ليه قدامه هربت وطلعت ... رفعت يدها بعجل تبي تمحيها قبل ينتبه لها بس تاخرت لانه لمحها ... ورجع لكدماتها ... ينتظر ردها تكلمت بعجل هامس وحذر .. -زلقت ...!!.. قالتها متقدمه تبي تطلع تحس بشعور العري المكشوف قدامه ... احتدت نظرته منتبه لتقدمها .. العجل .. -على وين ؟؟؟ !! ماخلصت كلامي عشان تمشين !!!! عاجلته ترد رافعه يدينها لاشعوري تغطي ذرعانها .. ومبعده نظراتها .. - بروح اغير !! وقف ... متذكر بدون أي سبب كلامها ووصفها .. المتباقح عن عشقها لسلطان ... ومعه تذكر حس اخوه ... وكلامه عن شرح فعله واسلوبه معها ..ترقبها من راسها لاقدامها ... بنظره تهز كل مافيها .. من وريد وشريان .. تبعث لها من احاسيس الأشمئزاز والكراهيه الي تهلك بلد .. نطق بصوت متوسد جمود أنفاسه ... -ان كنتي بتغيرينه عشان انا موجود ... فمايحتاج !!!!... اطرفت بنواظرها له بعدم فهم ... ثم تابع راسم بسمه جانبيه على مبسمه قبل ينطق .. كلامه المسموم .. المحقر لها .. -كلك على بعضك ماتهزين بي شعره !!!! ارتهبت نظرتها بصدمه ... هازه راسها ... بعدم تصديق ... وكره .. مبتدي يفور ويبان .. -ليه خذتني ؟ !!! ان كنت ماهز فيك شي ليه خذتني !!! ليه أجبرت ابوي واجبرتني !!!؟ دقق النظر فيها بتركيز ... متأمل رجفة شفايفها ومحاولتها التماسك امامه ... بكل شفافيه مايغفل عنها ...أشر على شماغه عند رجلها .. حاقر سؤالها .. معتبرها تتغيبى ..او تتظاهر ... -ارفعي شماغي !!!! شدت مبسمها بشيق ... حاسه بنفسها صايل ... انحنت رافعته وحاذفته عاكنب .. سمعت حسه الامر .. -شيليه بيدينك وتعالي عطيني إاياه بيدي !!! ارمشت بالنظر ماتبي تتلاقى معه ... خذته بعجل .. وتقدمت مادته ليده ... غصب رجفت أطرافها وهي تلمح كف يده ... واصابعه الي استحكمت مسك الشماغ من بين اصابعها ... رجفت بجيدها وسرح فكرها ... برهبه وخوف .. وهي تتخيل هاليدين الي كاسيها الشعر تبطش بها .. وتلمسها .. قبض شماغه وتقدم مار من جنبها .ملاحظ شهقتها المكتومه وقت لامس ذراعه ذراعها العريان ..... توجه للكنب .. وجلس ..رامي ثقله ومجنب عصاته .. وشماغه ... التفتت وواجهته .. رافعه .. يدها تبعد خصل تهادت حوالين ملامحها ... ورجولها تتراجع بليا شعور الوليد وجه نواظره على باطن كفه يتحسس جرحه ... اطرفت بنظراتها يمه .. بثانيه ... لاحظت انشغاله ...تأملته بصمت ...مبتدي بعلو نبض قلبها .. ترقبت رسم هدب عينه..مكتسيه لون السواد ... منابت شعره ولمعة خصلات الشيب .. وجبينه المستطيل ..رجعت تتامل .. رسم الهدب .. وكثافة رموشه لاحظته يضيق نواظره ... انتبهت لرموشه العكش المعكوفه .. لاحظت اكثر سوادها وكنها مكحوله ...انفه الشامخ بوسط الملامح ... أخيرا تدرجت نظرتها .. لرسم الشنب منتبهه لفكه المستعرض .. وشفايفه ..الرجوليه ..البحته ...اكتساها شي من البرود الراجف ...وفجأه ..رفع راسه ملتقي بنواظرها ... -منهو سعد !!!! فاجئها بالسؤال ... ردت بعجل وارتباك .. -اخوي !! رفع حواجبه .. بتفكير .. وتقطيب .. -ماشفته .. !؟؟ ليه ماحظر الخطبه والملكه !!.. ولا الدفن حتى !!! بلعت ريقها ... شاده مبسمها كارهه انها جالسه معه وترد عللى اسئلته بكل اريحيه .. جت ترد .. الا سمعت حس ام عادل البغيض .. -نجلا !! تعالي يامي.. !! تراجعت قد ماتكره هالحس الا انها فرحت انها بتختفي عن نواظره لو ثواني .. اقبلت عليها تستفسر .. - نعم ؟؟ ترقبتها ام عادل تبي تفهم من ملامحها أي شي .. -تعالي خذي القهوه .. من اختك .. !! قربت شافت شيهانه ... واقفه والقهوه معها .. مدت يدها خذت الصينيه ... همست لها .. - هاه كل شي زين !؟ قاطعتها ام عادل ..يهمس مزعج .. -علمينا تطلقتي ؟؟ !!! زفرت بقرف وقل حيله .. -الين الحين لأ!!! تراجعت ... ولحقها نصوري يسابقها ... يبي يدخل ... سمعته يحاكي نصوري .. بنهج حيل مختلف ... وكنه شخص ثاني .. -هلابك وش اسمك !؟؟ تعال سلم !!؟ ناظر نصوري اخته متردد .. ثم تقدم .. ماد يده .. اشر للوليد .. -فيك دم !!!.. ابتسم الوليد ... هاز راسه .. -ايه فيني تقدر تجيب لي مناديل عشان امسحه !!! هز نصوري راسه بحماس متراجع ... يجيبه .. قدمت نجلا تاركه الصينيه .. وقت انحنت ... رفع الوليد يده منتبه ... لاطراف اصابعها ... والحمار الزايد فيها ... ضيق نواظره ... بصمت ..وابعدها بعجل .. دخل نصوري بالمناديل له خذاها ودسها بباطن كفه .. تكلم بهدوووؤ ... - عندكم لصق جروح !؟ ردت ام عادل ..كاشفه تنصتها الكريه .. -ايه ايه موجود ... فيه عندنا .. !! ارتبكت نجلا بحرج ... وربكه .... أبعدت نظراتها ... -صبي صبي قهوه بنتي ... !!تعال ناصر يابوي !! زفرت نجلا بقل صبر ..يوم شافت ام عادل تطل تترصدهم .... تقدمت ... منحنيه .. مبعده خصلها الرطبه ... متغافله نظراته ... لكدمات .. ذرعانها ... المتلونه ... مابين الخضار والزراق ... صبت بفنجاله ... وقربته .. عند الطاوله القريبه منه ... وابتعدت ... ثواني ودخل ناصر ... معه لصق جروح ... -نجول خذي منه اللصق والصقيه بنتي !! شدت نجلا مبسمها ...بضيق من لقافتها عارفه وفاهمه وش تبي تعرف ... هيهات تخليها تتشقى فيها ... تكلمت .. -نصوري هاته حبيبي .. !!.. ركض لها نصوري يعطيها .. خذتها وتوجهت له تمده له ..كان يترقب الموقف بصمت ..مهيب ... يفهم ويستدرك .. بفراسته الصعبه ... مارد عليها حطت االلصق عالطاوله وراحت ... الا سمعت حسه .. الهادي .. ينادي وينطق اسمها .. برتن مثير للاعصاب ... يشابه رسمه بخفة الريشه فوق ملمس بشرتها ... -نجلا !! تعالي الصقيه !! بلعت ريقها الجاف ... التفت ... وعينها عليه بعدم فهم ... شافت يده ممدوه ..لها ...احتدت نظراتها له ماتدري أي لعبه خسيسه جالس يلعبها ... غمضت عينها بزفره مكتومه ... وتقدمت ... ماعرفت وين تجلس ... جنبه مستحيل ... مالقت الا انها تنحني امام رجليه وتتساند بركبها عالارض ... مدركه حجم القرب ... مابينها وبينه الا كم سم ...حاسه بقوة حظور قربه وتواجده الطاغي ... اطرفت بعينها يم الدم الي بكم ثوبه .. وانتبهت .. لاثر جرح بكف يده ... قطبت هدب عينها ... وهو تم يترقب بيدينها بتركيز ..مدرك الان انها ملسوعه ...والسالفه مب مجرد طيحه ... قرب نصوري ... منها يسال .. -ادا دم ادلا ؟ ! تمت تلصق الجرح ... بانامل ترجف تبي تنتهي بعجل .. بس ردت عليه بعاطفه اخويه .. -ايوه حبيبي دم !! الي مايجلس شاطر يجيه دم !!! ركز الوبيد بملامحها النظر .. ثم .. قبض معصمها ... متلمس اثار مسكته الي بدت تختفي ... رفع يدها بدون شعور امام نظر نصوري وقدامها .. -شفت نصوري ؟؟ وبعد الي مايسمع كلام امه !! وش يصير فيه !!!؟؟ اشر براسه جهة الكدمات المزرقه ... -زي كيذا !!!! جمدت أنفاسها .. هامسه .. بامر ..يرجف .. وعبره مدفونه .. ليت بس أمها حيه ... !! كيف ماتسمع الكلام ؟؟ الا بتنفذ كل مايخطر على البال والخاطر وبتتحمل جور الظلم اكثر من الان !! بس لو هي موجوده .. -اترك يدي .. !!. خافت من مسكته الي شددها اكثر ..حوالين معصمها ... اطرفت للأرض مختبص كل شعور فيها ماتدري هو وش يبي منها ... !! الفجر بس اهانها .. وذلها ..والان جاي لاحقها وش يبي ... !! تكلم نصوري ناطق بعفويه ... -لا انا ماما ماتدنني بس ازلا ماما تتدها وازد !! وايف بعد !!! تاهت نظرتها تبي تسحب يدها بس جمدت وقت سمعت رده ... -تستاهل !! هي الي جابته لنفسها !!! معد قدرت تنتظر اكثر .... امام اهانته المبطنه !! وش يعرف هو عن مر حياتها ؟ !! وش يفهم ...عن القسوه الي عاشت .. !! متربي بقصور .. ومولود بغنا .. وعنده ام .. مثل الي شافت .. وش يعرف عن الضيم !!! الي عاشته والحين تعيشه معه .. !! وبسببه !!تجمعت دموعها ... ورجفت شفتها ... بضيق ان كانت تظن انها قويه .. فهي عكس .. وماتقدر تكون قويه .. سحبت يدها ونفضتها منه ووقفت ... مدركه انه هو الي سمح لها تنسحبب... -وين ؟؟ !! ماخلصت كلامي !!! تراجعت حاسه انه مستقوي على ضعفها .. الي تبي تدفنه ولايبان قدامه وامامه ... -اجلسي بتكلم معك !!! انحدرت دمعه .. عاجلتها بسرعه ... تمسحها ... قرب منها نصور راكض ... خاف انه بيضربها ... مسك طرف قميصها .. مدافع عنها .. -لا تتدها !!! ادربك !!! اهتز متنها .. ضاحكه .. بحزن .. وهي تنشق ... امام ناظريه .. ترقبهم الاثنين ... وتكلم .. معلي صوته .. لانه عارف ان فيه مستمعين ... - ودي اخوك ابي أتكلم معك !!! .. ناظر الباب ... وتابع بنفس الحس ... -وسكري الباب ... الي هينا والي برا !!!!! تحركت ماخذته ... وأول ماقبلت انسمع حس نصوري يخاطب امه .. بحماس وفجأه انقطع الصوت ... وتسكر الباب .. رجعت داخله وهم يساوي الجبال فوق صدرها .. معه شي من الخوف .. جلست على طرف الكنب ... وعينها على ايدينها.... -اسمعي يابنت الناس ...كلنا انجبرنا عالوضع الي احنا فيه ..!!وانتي تعرفين السبب !!!.. اتسعت نواظرها باستهجان ...مستنكر .. رفعت راسها ... مقاطعته .. بصوت مصدوم -الوضع هذا انت الي اجبرته على ابوي وعلي ... !! ركز فيها النظر ... متابع ... بنفس الحس الساكن المبتدي يتغلغل وسط ..اعماق السمع .. -ابوك مااجبرته ... كل شي تم تحت موافقته .. ورضاه !! اشر بيده رافع اصبعه لها .. -ورضاك انتي !!! اهتاجت روحها لمنطوقه الكاذب ... وقفت .. -لا .. ماصار ..ابوي كان مهزوم .. ومذلول !!!! وانا مب راضيه قاطعها بصوته الحاد ... ونظرته المجفله ... لكل شريان بجيدها ..يرمي سهام مكذوبه تخص معشوقها العملاق ... -يعني ماتعرفين ان سلطان رفض يملك عليك !!!ورفض يجي !!!!! تدرجت نظرتها تاايهه بصدمه واستنكار .. -مستحيل !!!! تكذب .. !! ماكان هذا كلامه .. يوم .. شف... وقف .. تارك الغضب ... يجتلي بروحه ... ويمشيه لها .. ومقاطعها !!بحس نافر -بكل بجاحه تنطقينها بلا حيا !!! من وراي وقدامي !!! - أي بجاحه .... سلط.. سكتت وقت شافته متقدم منها ... بعرجه ..الواضح.. رفع اصبعه مهدد ... ومتوعد ... - خلاااااص !! اسكتي انتي الحين على ذمتي !!!!! خافت منه وتراجعت ... اما هو وقف وكمل كلامه ... -اسمعيني وافهميني زين .. !! لعبك الي لعبتيه !! وشرفك الي ضيعيته ...لاتطرينه قدامي !!!!! ..كرر بحس اعلى ..ومستهجن .. -خزيك لاتطرينه قدامي !!! صرخت نجلا ... بليا خوف هالمره ... ارتعد كل صوتها .. معترض ..وشامخ ... - اسسسسكت !!! انا شريفه .... واشرف منك ومن كلامك !!!.. اشرت لصدرها ... متابعه .. - انا ؟؟؟ انا مب شريفه ؟ !!!!انا الكل يشهد بشرفي !!! تجي انت .. قالتها مأشره باصبعها .... بكل قهر .. وتابعت .. -تتكلم عنه ...؟؟؟؟؟ تقدم صارخ ... -لاتنكرين !!!انا مب مضحكه لكم !!! تستغفلوني الاثنين !!! مب انا الي ينلعب علي يابنت غازي !!!! ..اشر باصبعه متهمها بكل تظلم وجبروت ... -انتي تنازلتي عن .. شرفك وخنتي حفظ ابوك واسمه !!ولميييين !!!! لسلطاااان !!! عشان كيذى هو رماك !!!وعشان كيذى رفض يتزوجك !!! عشان كيذى ابوك انجبر وانكسر ... اشر لنفسه صارخ ... -وهذا السبب الي خلاني اقدم واتزوجك !!! عشان استرك واستر عيبك وغلطك !!!واس... سكت مقاطعه ... حس صفعه ..مدويه ... صادمه ومفاااجئه له ..كما لها ... عم السكون بالمكان الا من تسارع انفاسهم الاثنين .. وتلاقي نظراتهم ... حس بانفاس صدره تشق ثوبه ... اشرت له باصبعها ... وكل مابها يرجف .. -انتبه تلوث سمعتي بلسانك الوصخ !!!! انا اغلى من اني اناقش شرفي الطاهر مع واحد مثلك !!!متطفل !!!وكذاب !!!مد يده قابض ذراعها ... يهزها ... كما الريشه بين ايديه لدرجة تهادى شعرها الكث حوالين متونها ... وناطق بفحيح الصوت ... المرعب المهلك لها ... -تمدين يدك !!! علي !!!! وحده مثلك ... قاطعته متكلمه بنفس وقوة حسه الزاخم.. ببكا ... مشحون... عجز يقول الصدق وماينتصدق !!وهي تنفض نفسها من بين ايديه ... -اقص لسان الي يقول غير كيذى !!!!ناظرته ... جامعه ..كل حقران الدنيا بنظرتها له ... -ويدك لاتلمسني !!! انا انظف حتى منها !!!!؟؟ . اندفعت بهجومها المجروح لدرجة مانتبهت لشبوب النار وسط عمق نظرته لها ... ومانتبهت .. لشرار أنفاسه ... وحالة الغضب الي احتوت روحه عليها .. مد يده قابض معصمها ولافه بكل عنف حوالين جيدها ... جاذبها بليا قصد .. صارخ وعينه بعينها ... -يدك هذي بكسرها ؟؟؟ !!!! يدك الي امتدت علي بكسرهااااا !! شدد مسكته ضاغط ... بكل عنف مستهجن ... اليم ... انفتحت عيونها برعب وحسها يصرخ بوجع ... مدركه هالمره حجم القرب ... المهلك منه ... معد تحس برجولها حتى ولا بانفاسها ... هي ميته لامحاله ميته ... ومع ذلك لسانها البريييئ مازال يباري ويدافع عنها بكل قوه ... -انت ماشريتني بفلوسك !! عشان تهييني متى ماتبي !!! وانا ماسلمت نفسي لسلطان ولابسلمها لك !!! فارق حياتي زي مادخلتها !!!! طلقني !!!!! طلق!!!!! واطلع من حياتي ... انا اتقرف من شوفك !!! شلون قربك !! روحها كانت تبي تكسره وتهينه وتجرحه زي ماسوى فيها واكثر ... تبي تحده وتجبره يطلقها ... لجل ترتاح ... والي يصير يصير !!! ونجحت ..لكن بفعلها هذا ... صحّت جلموده المدفون ....بشكل لو تقضي سنين عمرها ماتخيلته ابد ... اتسعت نواظرها لما شافته ينحني ... جاذبها مشدد قربها من جيده ... وانفاسه ... تلقف مبسمها ... بعنف .. جارح مندفع ...بتنطق بس الأوان فات انها تتراجع ... حتى الندم معد له فايده كل الي كانت تبيه تدافع عن سمعتها وصيت ابوها !!!لكن هي وش سوت !!!؟؟ وش جنت ؟؟ وش أقدمت عليه !!! هي اشعلت فيه ... نار بركانه الخامد ... بليا قصد ... شددت عليه جرحه .. الين انفلت من قاموسه التحفظ والعقل ... أنّت .. بحسها المجفول رافعه كفها الحر على كتفه تحاول وتصارع عشان تبتعد وتبعده لكن هيهات ... قيض معصم يدها لافه مع الثاني .. مشدد حصاره لها وابتدى يجذبها ماسك عنقها باستملاك مجحف ... وساطي .. لجل يتعمق بهجومه المجنون ...ارعدت أنفاسها المكتومه وسط أنفاسه ... اهلكت رعب ... تحركت براسها الا انها بحركتها اثارت فيه رغبة امتلاك ضريره ماتشوف ... حاولت وحاولت ... ماقدرت .. عرفت واستدركت انها يستحيل تصد عنها اعتدائه الاثم ... سرق منها عذرية مبسمها الطاهر ... استسلمت .. برجفه هدت حيلها .. حاسه بلسع الدمع يتجمع ويتحدر ... بلا توقف ...تاركته .. يندفع .. حاسه بوجع لمساته المجرمه المعتديه ... بليا حق ...سلبها..امان روحها سلب قوتها ... استشعرت اختناقها ...من قربه .. الاثم .. معد تتنفس .. بتختنق ... ثواني الا بحسه المخنوق ... أنّ بحس مشحون ... مبتعد برهبه واجفال ... وانفاسه ممتزجه بها ... تلاقت نواظره بنظرتها الخاليه من كل شعور ... لحظة الم مرير جمعت شعورهم الاثنين ... بثانيه وكنه استدرك فعله .. وقت انتبه لجرح مبسمها .. وحمار ذقنها .. ورجفة نفسها . غافلته .. لسعه متجدده .. هوت على ملامحه ..يتبعه حسها المستنكر الباكي ..تكلمت..برجفه ..احتوت كيانها ...اشرت بيدها بكل قوه قدرت تجمعها ووجهت له ..امرها المصدوم ... -شلون تتجرأ؟؟؟؟!!!... اشرت باصبعها للباب متراجعه ... وقلبها ينبض مثل المجنون ... الين الان تحس بحرارة أنفاسه ولسع لمساته ... والغريب المستهجن .. ان قلبها ينبض وينبض وينبض ... نبض مايشبهه أي نبض -اطلع.... برا...... بيتنا !!!..اطلع برااااا !!!! ...تراجع وهو يستشعر جهاد الروح ... مد يده لشماغه ساحبه ... وعصاته بعد ... وطلع .. تارك المكان وتاركها ... بلاحول ولاقوه تجابه استهجان اندفاعه الضاري لها ... بضيق تنفس ... انصفق الباب الخارجي ... وهالصوت بس الي خلاها تنتبه .. وتوعى لنفسها ... رفعت يدها لمبسمها المتأثر بقربه ..حاسه بجيدها شاعل نار من وجع لمساته ..المهلكه ... وقربه الغاشم ... تلمست نحرها ... بصدمه ... مبتدي حس بكاها وشهقاتها.. يزيد ... ويكبر .. مثل الجمر مكان ماتلاقت الانفاس... تراجعت .. راكضه ... بكل قوتها ... متعديه الكل .. ومتجاهله الكل ...حتى حس الشماته الي توجه لها من ام نايف وامها ... ركضت ركضت الين وصلت ركنها الدايم قفلت الباب ... ونست أنفاسها تاركتها تتعالى بحس واضح ومسموع ... بكت بصوت عالي ...دافنه جيدها بالمفرش عالسرير ... صاحت الين جفت دموعها من القهر ... ماتدري تلوم نفسها او تلومه او تلوم الحظ الي جابه لها ... بليا حساب .. !!شي من شعور الخجل ... والاحتقار للذات .... سكن جيدها وروحها ...الي صار غلطها هي !!! هي الي استفزته هي بنفسها واسلوبها الغلط .. تركت له مجال ياذيها .. ويجبرها ...فتحت عينها على وسعها تحرقها مهما كفكفت الدمع الا ان المحاجر معد تتحمل .. سخونة حرارة جوفها الي حرقت سيل المدمع ...!!! الصاله ... بفيلا غازي آل مجفل .. التفتت ام نايف .. باستعجاب .. لأمها .. -يمه سمعتي الي سمعت ؟؟؟ !!! هي طردته من البيت !!!!؟؟؟ شفتي مقواها ؟؟؟ هزت ام عادل راسها .. -مب هينه هالبنيه ابد ... ابد ..!! العوم انه بيطلقها خلاص!!! ذا شيّن مخلوص منه !!!والله اني اوق مواريه مواري واحدن بيصبر عليها فتره ثم بيتركها !! عشان ابوها !! بس عقب فعلها ذا !!! زفرت شيهانه مقطبه هدب عينها ... مااعجبها همزهم ولمزهم .. -يمه ؟؟ جديده ؟؟ ليه تتفاولون عليها ؟؟؟ نجلا اختي بمحنه الحين !!!! هذا الوقت الي لازم نوقف معها يمه ؟؟؟ ليه نزيد همها هم !!!! يكفيها الي فيها !!! التفتتت لها أمها ... -شبي انتي ولا كلمه !!! مابقى الا انتي تعلميني وتفهميني !! رجعت بانتباهها لام عادل متابعه .. -صدقتي يمه .... صحيح كلامك ... !! تدرين وش ودي اعرف ؟؟؟ سلطان ليه ماجا للملكه وش السببب اكيد فيه !!! وهذا الي قهر غازي الله يرحمه يمه ... !!! -ياخبر بفلوس بكره ببلاش .. بنعرف بنعرف لاتستعجلين وين بتروح عنا !!!! .... ايه صح ترا الجازي بتجيك اليوم لاتكثرين عليها اهروج تو ضروف رجلها تسمح يجيبها ... !! -ايه هين ؟؟ وينها من اول أيام العزى !!؟؟ - زي ماعلمتك رجلها لاهي .... ولاتغثينها اخبرك نقه !! .................................................. ................................. الوليد .. ركب السياره لكن مازالت واقفه ماتحركت .... الي يشوفه من بعيد يستشعر السكون حواليه بمنظره الهادي الجالس بلا حس وسط سيارته ...لكن حاله مختلف ... جدا مختلف ..متشربك .. ومتلخبط ..العرق يتصبب من جبينه ..ونبض عرقه برقبته يدوي دوي ..بدون ركود ..مب مصدق ... الي صار قبل لحظات ... مستعجب اندفاعه ومصدوم ... هو الساكن الي ماتهزه رياح وظروف !! شلون تبعثر .. امام وحده مثلها بهالشكل !!! ضرب الدركسون .. بتكرار مجفل مرعب ... وبغضب حامي مبتدي يعتلي ... يتبارى بالعلو مع أنفاسه ... نظرته ثابته .. ماترمش تلمس خده .. حاسس بحرارة لمس يدها ..عقله بينفجر ... اسأله ورى اسأله .. ورى اسأله ... هو العاقل ؟؟ هو الثقيل الراكد !!! هو المتمكن والي حبس روحه الشقفى لاي..شهوه .. وقمع أي رغبه بكيفه وبتحكمه شلون قدامها ينفلت بهالشكل !!! والمصيبه انه ماحس ولا شعر ..الا كان يبي يستمر الين تتكسر ضلوعها بين ايديه بس مايفلتها !!! تكررت كلماتها بمسامعه ... (انا ؟؟؟ انا مب شريفه ؟ !!!!انا الكل يشهد بشرفي !!! تجي انت.. تتكلم عنه ) غمض نواظره . متذكر الكره الي شافه بعيونها ..!!! رجفتها ... خوفها ..حس صوتها الصارخ .. !! ليه داخله مستشعر شي من صدق منطوقها !!؟؟هذا الي هز كيانه .. تحرك .. شاد بيده عالدركسون ... الود وده يسحبها من مكانها ..ويكسر كل ضلع فيها ...الين يفهم .. قوة منطوقها وعمق بجاحتها من وين ؟؟!!!.شلون تطلب الطلاق .. وابوها مامر عليه حتى أسبوع ؟!! لاهمها سمعتها ولا سمعة أهلها !!؟..كل هذا عشان مين ؟؟ عشانه ؟؟ الي تخلى عنها !؟ بكل سهوله !! ورخص !!!..صوت ..صغيييير .. حيل صغير .. مبتدي يرتفع بخفوت ...ويتسائل .. اللهفه بنواظرها الجزلا كيف بتكون ؟؟؟ وش وصفها ..؟؟ تشابه قوة شعور الكره الي تنطق بها عيونها وهي توجه له اتهاماتها ؟؟ !!!!شد مبسمه ..متذكر قوة وقوفها وشموخها رغم رعبها منه ومواجهته بكل عنفوان .. وكبر .. !!هز راسه ...وحده زيها تتمادى وتمد يدها ؟؟؟ لا وتطرده ؟؟؟ والادهى والامر .. ان جيده شاعل نار ... من لمسها بس .. !! ..بحياته ..ماتزلزلت مواريه امام أي إمرأه !!!! ولا شعر بالضعف .. ابد !!كل شي يبيه خذاه بقدر معلوم وبكيفه وبتخطيطه ..!!! ياكيف معها عاش هالشعور !!! إحساس مقيت يحسه تجاه روحه ونفسه ... وكنه امامها تحول لشخص تمشيه رغبات جسديه بليا عقل !!! شد مبسمه ...كارهه لها اكثر واكثر واكثر ..وفوقها كاره لنفسه ... بعد ... !!!كل مابه متلخبط ...شغل سيارته .. الا بنغمة جواله تتعالى ... قطب هدب عينه ... رافعه شاف رقم ام سلطان ... استحكم حسه وانفاسه ..صوته ... ونطق راد .. -ارحبي يالغاليه .. !! سمع حسها الملهوف الخايف .. -الوليييد ياولدي تعال ... لاتبطي اخوك جا !! اسودت نظرته .... راد بهادي الصوت ... -أخيرا شرف!!!! عاجلته راده .... -والله ياولدي لو تشوفه ... حاله يضيق الخلق ... !!! ومعه عذره والله بتجي انت وبتشوف بنفسك !!هو ينتظرك بيشرح لك كل شي !!! تكلم بحس زاخم ثقيل ومتوعد .. -اكي بيشرح لي .... اكيد!!!.. لايتحرك الين اجي !!!! سمع نبرة الخوف .... -ياولدي .. تكفى .. هد اعصابك ..وتركد ..وهونها .. بتهون يالوليد اسمع منه وافهمه ... !!!هاديه ياولدي عشاني !!! سمعها منصت لرجاها ...وطلبها المستحيل ..هالمره تختلف عن كل مره .... الحين هو بافعاله جر بينهم طرف ثالث ... اقحمها بحياته ... بليا استأذان .... -يكون خير يالغاليه يكون خير !!!.. -لاتعوق علينا ... انتظرك انا الله يهدي سركم ... أي وتراه مايدري وش صار بالضيط !! ماجريت اعلمه ابد !!! شد مبسمه ... مضيق نواظره ... وعينه على باب بيت غازي ... متذكر ملامحها ..وخوفها .. وجنونها بين ايديه الين استسلمت بلا حول ولا قوه ... حس بنبض عرقه يضرب كما الشرار عيا لايهدى ... -العلم بيجيه مني !!! ان شاء الله !! جايكم انا مسافة الطريق !! -زين الله يحفظك .. فمان الله ... -فمان الله ... حرك السياره .... داعس فرامل ... مبتعد عن الحي ... بكبره ... .................................................. ................................. قصر .. صخر آل جلمود بعد بوقت .. الصاله الداخليه .... جلست ام سلطان ... بفكر سارح ... ومشتق ... شايله هم من اول... ويوم جا سلطان شالت هم اكثر ... توترت روحها .. الي عجزت ترتاح من ناحية هالاثنين .. يدها .. مكبله ... عاجزه تتصرف بينهم ..من جا الوليد وهي تسدد وتقارب ...ومافيه فايده ... ماتعرف ولاتدري ليه هالكره الي بقلبه على اخوه ... ماشاف منه شي كايد ..ابد وكله امام عينها ... حتى يوم قالت له انه رفض يمسك لهم شي ماصدقها ابد !!!احتارت وش تسوي .... سمعت حس ..يناديها .. -يمه ؟؟ وش فيك ساهيه وجهك .. وش فيه؟؟ التفتت لسمر ... بتفكير .. - وش فيني بعد يابنتي ..اهوجس باخوانك ..!! مدري متى يصطلح الحال بينهم !!! ناظرتها سمر .. برحمه ... شدت مبسمها .. -ليت ابوي عايش ... كان سلطان ماستقوى يمه كيذى !! تنهدت ام سلطان تعدل مسفعها .. -هذي كتبة الله مافيه ليته عايش !!ماتنفع يابنتي ابوك من قبل يروح للوليد وهو عارف ان كل هذا بيصير بحياته بس كان مطمن !!!وواثق بالوليد وهذا الي كان مريحني يوم شفت اخوك !!!وماندمت بنتي !!! لكن الله يصلح الحال وبس !! سمعوا حس رنا ... -سلام ... !! جا سلطاااان ؟؟؟؟ وينه ؟؟؟ وش عنده ليه ماجا قبل ؟؟؟ ردت سمر معاجلتها ... -ايه جا.. لاتنزل صديقتك !!!!!! زفرت رنا متقدمه .. -مب نازله .... طيب وش صاير معه ؟؟ وينه ؟ هزت سمر كتوفها ... -مدري كان هينا من شوي ... !! قالتها الا بدخلته عليهم .... باين عليه الجهد والتعب ... قربت رنا تسلم عليه ... -هلا وراك ليه كيذا شكلك ؟؟ وش صار ؟؟ - سالفه طويله .... التفت لأمه .... هاه رد عليك الوليد ؟! ترقبته امه بحيره .. ونظره خاويه رحيمه -يقول بيجي الحين لاتطلع الين تتكلم معه !! رفع حاجبه .. بضيق .. - يتأمر بعد !! هزت راسها .. شارحه .. -الله يهديك ياولدي ... عقب تاخرك .. بعد وش كنت متوقع ... ؟؟ !! - يمه انتي شفتي شكلي وحالي ..زين اني عايش الين الحين !!! ان كان عالزواج .. يمددي ماضاع شي ... ينتهي حداد أمها ونتزوج !!!! انتبه لنظرات ... رنا وسمر المستعجبه بصمت ... -وش فيكم عادي اذا انتهى الحداد .. مستعد بعد لو فيه امكانيه اتزوج الان مافيه مشكله هي أصلا مخطبوتن لي من اول !!! كان يتكلم ... مب منتبه للافكار الي تصادمت بنظراتهم ... الا امه وترقبها الصامت ... بضيق شدت على مبسمها ضايجه ... تدري انه يخفي عنهم انه تراجع ... عشان يقهر الوليد فقط !! ..وتدري انه يحسب الموضوع بسيط ... وناوي يرجع ويلقى كل شي مثل ماتركه ... حست بوجع باعمق مكان بروحها ... الين وين وصل بهم الحال معه ؟؟ لدرجة يستهتر بكل شي .... حتى سمعة الناس .. واسمهم .... أبعدت نظراتها ..هامسه .. - الله يعين ... ويجيب العواقب سليمه ... !!! التفتت سمر ... لأمها ... اما رنا .. جت تنطق .. - سلطاااان ؟؟ يعني انت .. !! سمعت حس أمها يقاطعها .. - رنا ؟!!!! روحي لضيفتك لاتخلينها .. !!! مب زينه بحقك بنتي !! جت عينها بعين أمها وعرفت انها تنبهها تسكت ماتتكلم .. !! تكلمت سمر ... وعينها عليه وهو يجلس باريحيه .. -طيب وش وداك لهالمكان المقطوع وقبل زواجك بيوم ؟؟؟ غريبه يعني ؟ !! لف لها ... متكلم بنرفزه .. - لزم علي .. وعزمني !!! وش تبين أقول ؟؟ ماتوقعت اضيع !!هذا الي صار وكله مكتوب !!انا ماشلت الا هم نجلا مسكينه .. مدري وش وضعها ..الحين هي وأهلها عقب ابوها !! عاجلته رنا .. مضيقه نواظرها مستغربه سهولة نطقه اسمها .. -دريت عن ابوها اجل ؟؟؟ هز راسه ... موافق ... تكلمت ام سلطان ... ونظراتها تحذر رنا تتكلم زود .. - الله يرحمه ..ويغفر له ... ويجبر مصابهم ..!! ترقب ملامحهم ... سمر الي مرخيه نظراتها ومتشاغله .. بحزام لبسها بين اصابعها ... ورنا الي تسمع له بانصات .... وامه الي مافهم نظرتها له بهاللحظه ابد هي خيبه ؟؟ او ضيق للي حصل معه او حزن ؟؟؟ نطق بهادي الصوت ..الحازم .. -اليوم بروح لهم ... اعزيهم واشوف كان لهم عازه او خدمه .... احنا حسبة اهل الحين !!!! انهى كلامه ... الا وحس يتعالى امام الباب ... وجوهوا له انظارهم جميع ... وقت نطق .. -فيك الخير !!!! ياولد ابوي !!!! فعلا صادق ... احنا بحسبة اهل !!وبينا نسب يشرف!!! ارتهبت ملامح سمر وهي تتامل طرف ثوبه ... وتشوف الحاله الي هو فيها ... انشدهت لحد العجز انها تنطق من الرهبه ... حست انه بيتواجه معه وبيصير شي ماتبي تسمعه حتى ... وقفت .. تاركه المكان ومحد انتبه لها أصلا .. وقفت ام سلطان ... باهتمام ... -عسى لا باس يالوليد !! هالدم من وين ؟؟ علامك ؟؟؟ !! وش حاصلن لك ؟ !! تقدمت بخوف ونظراتها يم كمه ويدينه .. وكل جيده بخوف !!وقلق .. اما رنا جف ريقها ... وهي تلمح نظرته لسلطان ... نظره لو وجهها لها كان اندفنت بمكانها بدون حس ...واعتراض ... رطبت شفتها متراجعه ... وجالسه بصمت ... ذاكره الجوهره فوق اكيد تنتظر الاخبار ... اه لو تدري انه جا وتشوف حاله كيف !!! تابعت ام سلطان .. تتكلم معه ... تبي تلفت انتباهه لها .. -الولييد .. علامها يدينك ياولدي !! حرك نواظره ... مثل ماستشعرت روحه الخوف بحسها ... لدرجة تبدلت نظرته ... السودا لها بشكل مختلف .. مايصير الا معها ولها ... - انا بخير ... جرحن خفيف ... لاتشيلين همه .. !!! رجع يلتفت لسلطان ....بنظرته .. الجامده ... مبتدي يتقدم ... شاد يده على عصاته .... تكلمت ام سلطان بحس راجي .. -وش رايكم تغدون ثم تتكلمون ياولدي ...!! الوقت معكم !! نطق الوليد ..واقف .. موجه كلامه لها باحترام ... وتقدير ..خابر خوفها .. وتوترها .. ماتهون عليه نظراتها ابد ... -مابي غدا يالغاليه ... يمدي عليه .... !! التفت لسلطان ... متلاقيه نواظرهم الي ترقبتها ام سلطان .. لامحه الكره والنفور بعيون سلطان ... والجمود الخالي من كل شعور بنظرات الوليد ... - الحقني للمكتب !!! تحرك الوليد متوجه للمكتب .... وقت وصل لباب الصاله ... التفت ... شايفه ثابت بمكانه وبسمه جانبيه مستفزه له ... كرر كلامه .. بأمر نافذ .. - تسمعني وش قلت؟؟؟؟ استاقف سلطان .. بتمطيط مستفز وتقدمه متوجه للمكتب ... وروحه بتطير من الي شاف ... فرحان لدرجة لو يقولون له بتعيدها بيقول ايه بعيد ..واكرر .. !! تحرك الوليد ..لاحقه الا بحس ام سلطان .. المرتجي الهامس .. -الوليييد !! وقف ملتفت لها -سمي !! -سم الله عدوك ... ووسع ربي خااطرك .. ياولدي سلطان اخييك ... مايدري انك ملكت على نجلا !!! والظاهر انه متندم !! يقول يبي يتمم زواجه منها ... !! جمدت نظرته ... ببرود ..مهيب ... مبعد ..رسم الهدب باستعجاب ... -يتمم زواجه !! على مين !!!!ينسى بنت غازي وينسى الي خلفوها بعد !!!! .. سكتت مدركه ان فهمه لها .. مب صح .. -داريه وعارفه ..ياولدي بس ابي اعلمك ... ودي ... ترددت .. قاطع ترددها ... بحس حازم ..وهادي .. -لاتخافين منيب ذابحه يام سلطان !!!! نطقها ..ورجع لاف وماشي .. بخطواته .. وعينها تترقب مسيره .. الاعرج ..الموزون .. - يالله ان تجيب العواقب سليمه ... يالله ان تجيب العواقب سليمه !!! اساقفت رنا مقربه من أمها .. هامسه .. بخفوت .. -يمه وش تتوقعين يصير ؟؟ واضح ان سلطان ماكان رافضها !!! صح يمه ؟؟ سمعتيه انتي معي !!!يالله وش بيصير ان درا !!! - والله مدري ... الوليد ماغلط ... وسلطان احترت انا فيه هالولد .... !!يارب سترك وعفوك ... يالله ان تسلم !! يالله ... قالتها متراجعه .. تهلل وتسبح وتستغفر ... ببال ضايج ... تنهدت رنا ... طالعه هي بعد بتوصل للجوهره ... العلوم ... الي صارت ... اول ماوصلت جناحها .... دخلته شافت الجوهره ... تتكلم بجوالها انتبهت لرنا ... واستأذنت قافله وعينها تدور ... أي علم جديد ... -رنا وش فيك ؟؟؟ صار شي ؟؟ مسكت رنا صدرها تتحسس نبض قلبها ... -جا الوليد ؟؟؟ !!! قطبت الجوهره ... -طيب ؟؟؟ اكيد بيجي وين بيروح ؟ حركت حواجبها متقدمه وجالسه مقابلتها ... -وجا سلطان بعد ... والحين هم مع بعض بالمكتب !!! ولو تشوفين وجه الوليد وحالته !! ترهب يالجوهره ... نظراته لسلطان ... كنه بيذبحه !!! رفعت الجوهره اكف يدها .. تغطي مبسمها ... -احلفي .. !!! سلطان وش قال ؟؟؟ علمكم شي ؟؟؟ رفعت رنا يدها تبعد خصلها ... وتجمع اصابعها ... -سلطان صدمه يالجوهره يقول بيتزوجها !!! تخيلي !! - شلون يتزوجها رنا لاتجلطيني وش السالفه ؟؟ !! مادري الجوهره ... الوضع انه سلطان معه عذر عشان كيذا ماجا يعني مارفضها وتركها فهمتي !!! والوليد فهم غلط وتزوجها !!! عرفتي الحين !؟ توترت ملامح ... الجوهره ... بضيق وكره .. -ياربيه .. هالبنت انحطت بينا غصب غصب !!! يله شلون الحين بيطلقها اذا صدق كلامك !!؟؟ .. هزت رنا راسها ... -الوليد يالجوهره مهموم مره مره ماقد شفته كيذا ابد ابد ابد ابد تفهمين !!! وكن زواجه من هالبنت مصيبه او غلطه !!! تنهدت الجوهره ... ودمعة قهر طارفه ...مسحتها بعجل .. وقل صبر -تلومينه !!!! - وشي ثاني بعد .... ؟؟ رفعت الجوهره راسها بانصات ... -وشهو ؟؟ -سلطان جاب طاري نجلا وكنه صدق متعود ينطق اسمها ويعرفها ؟؟ !!! شي غريب !! ابرقت نواظر الجوهره ..بفهم مبطن ...صريح وواضح .. .................................................. .................. مكتب الوليد ... دخل الوليد...شافه جالس ... بكل اريحيه ... مشى بخطواته ... الين وصل كرسيه ورى مكتبه قاصد ومتقصد يحط بينهم مسافه لانه مب قادر يتحكم بهاللحظه باعصابه ... ان نطق باي تفاهه كالعاده ... جلس مجنب عصاته ... بهدوووء ... تساند على كرسييه ... مريح يدينه ... على ايدين الكرسي ... موجهه نواظره ... لسلطان ... مرت ثواني قبل ينطق .. -قم سكر الباب !!! تنهد سلطان ... واقف ... متوجه يسكره ورجع يجلس .. -تعال اجلس هينا قدامي !!! استاقف وجا يجلس بنظره بارده مستفزه ... لحد الجنون ... ركز الوليد فيه النظر ... بهيئته ..ومنظره المهمل ... مدرك وموقن انه بيحيك له كذبه يقولها قدامه ... -تكلم وش عذرك !!؟ ناظره سلطان بدون أي بسمه ... -كنت معزوم !! باستراحه بعيده !! مدري مخيم لواحد من اخوياااي ... جهة ديراب !!! وضيعت ... ماعرفت طريق الرجوع !!وخلص علي البنزين !!! وتورطت طفا جوالي وانقطعت عن العالم الين راد الله وشفت احد .. وساعدني !!! طول ماهو يتكلم الوليد كان يترقب ملامحه بتركيز مزعج لسلطان .. نظرته سودا خاويه وخاليه ... ومهلكه ... جدا ... تابع بحسه ... الشارح المستفز لكل عصب بالوليد ... المدرك كذبه وغشه ..وجبنه الي عجز يغيره فيه ... -تقدر تتأكد من ربعي معزومين معي هم بعد وراحوا وماجيت قالوا هون عشان زواجه عشان كيذى ماستفقدوني !!! مرت دقايق صمت يترقبه الوليد اربكت سلطان ... فجأه .. تقدم الوليد ساند اكواعه على طاولة المكتب ... مبعد نواظره عن اخوه ومتأمل باطن كفه المصاب ... بقل اهتمام ... مايدري ليه حس انه بكيذا وكأنه يخلق جسر يوصله لذكرى تخصهها ... وكارهها !!.. تكلم ... -لا والله فيهم الخير !!! فعلا !! كانو ربعك كلهم يسالون عنك !!! شبك أصابعه موجهه نظراته له من جديد ... -جالس قدامي بكل وساعة وجه تكذب بخزي يفشل !!!بدون أي اعتبار لشيبة غازي الله يرحمه .. وبكل برووود ..!!! جا يتكلم سلطان قاطعه ..رافع يده ... - ابي اقولك شي واحد ياسلطان ماكان العشم فيك توصل لهالمستوى الي يخليك تلعب بشرف وسمعة بنات الناس !!كان كملت جميلك..باراعي المراجل ..وتزوجتها ثم انفصلتوا بتفاهم .. ويادار مادخلك شر لكن مبتدخل البيوت من شبابيكها .. و تهين صديق ابوك وتتسبب عليه !!! قطب سبطان نواظر عينه ... -شلون اهينه ؟؟؟ وش عندك ضدي ظرفي وقلته لك!! هذا الي حصل معي !!! وأبو نايف هذا يومه !!! وبنته انا اليوم مستعد اكتب عل.... اول ماجاب سلطان طاريها .... احتدت نواظره ... وفارت روحه كما البركان ... مقاطعه ... بحس مبتدي يعلى ... رغم انه كان ماسك نفسه ... -والبنت الي تلاعبت معها !!!! البنت الي جريتها ... قطع كلامه مثل ماحس انفاسه بتنقطع من الغضب..الي يجبره .. يعترف ان هالبنت زوجته وملك يمينه وحلاله .. اسودت نظرته زود .. وهو يتنفس بصعوبه متذكر كل شي حصل بينهم ... مستشعر ان فقط تذكره للتفاصيل الي جمعتهم ... اثارت فيه كل ماهو كامن ومدفون .. من قهر وضيق وغضب الين سمع الصدمه الي شلت كل أنفاسه ... -ليه لايكون صدقت كلامي عنها !!؟؟؟ ابتسم غير مدرك لوين وصل ضيق اخوه .. ولا منتبه للصدمه ... متابع .. -كل ماقلته فيها انت استنتجته براسك السقيم وتفكيرك !!!! انا صحيح كنت اكلم !! لكن مب البنت الي اسمها مرتبط بي !!!! انا جاريتك فقط عشان احط لك حد !!!! مب انت الي تقرر حياتي الشخصيه ... انا متى مابغيت اتزوج ومتى مابغيت اخطب !!! وصله حس الوليد ... الفاحم ... -ورسالتك ؟ !!! بانت الصدمه على سلطان ... -يعني شفتها ؟؟؟ .. هز كتوفه بقل اهتمام وهو يبعد عينه ... -كنت ناويها لكن تراجعت الحين ... !!! الدرس هذا كان لك انت والحين بتزوجها لاني انا ابيها !!!وبهالوقت بالذات !!! - يعني هالبنت انت ماقد كلمتها ؟؟؟ !! التفت له سلطان ... -وش ظنك ؟؟؟ الرجال يلعب صدق لكن ان جا يتزوج يأخذ بنت رجال !!!! وحط ببالك انا مااجبر احد هن الي يجوني !!!!.. وبرضاهن !!! للمعلوميه يعني!!!!.. ثارت احاسيسه .. وهو يستاقف و..صارخ ...ضارب الطاوله بكف يده .. -وأبو نايف وش ذنبه ؟؟؟ !!! وش دخله تحطه بهالموقف الخسيس !!وعشان ايش !!! هذا كله عشان ايش !!!!! وقف سلطان ... موجهه اصبعه للوليد .. وناطق بكره .. -عشان اعلمك انك انت بجلالة قدرك وهيمنتك ماتحكمني !!!! وانا سلطان بن صخر ماانجبر على شي ابد !! خاطبه الوليد ... بحس فاحم ... مرهب ... - انا اخوك ياسلطان !!! رضيت او انرضيت انا اخوك !!!!!!! -عمري مااعتبرتك اخو لي من سنين !!! انا اشوفك دخيل متطقل طماع تبي تأخذ مكاني وبيتي وهلي !!! لكن لد دايم بتلقاني قدامك الين اقلعك من بيتي وحياتي !!!انت لا منا ولا فينا ابوي جابك وابلشنا بك وهو راح !!! والحين معد نبيك فارقنا !!!! فارقنا يالوليد !!! زادت وتيرة انفاس الوليد ... محاول انه يتحكم بنفسها .. لايكسر ضلوعه ... ويشل لسانه ... نطق بفاحم الصوت .. المتوعد .. -اجلس اروح مب انت الي تعلمني !!!ولا عاش الي يفكر انه ممكن يعطيني دروس اعلمك انا ماتعلمني !!! من اليوم ورايح الشركات كلها تتعذرك وبأمري انا !!!! مالك دخول لها تحت أي اسم ومسمى !!!! .. ضحك سلطان .... ضحكه مدويه .... وهو يتحرك بيطلع متوجه للباب .. -ياحليلك تمنعني عن حلالي !!! وين احنا فيه !!!اقدر ادخله .. ويفتحون لي الباب هم بعد ..ويرحبون !! ترقبه الوليد ...مهدد .. - تخسى !!! ورني اشوف كيف بتدخل بدون شوري ..واعلى مافي خيلك اركبه !!! تنهد سلطان ... مبتسم .. -الحين بريح راسي منك .... قدامي زواج وتكوين اسره وبيت وعيله ماني فاضي لتهديداتك !!! اهتدت انفاس الوليد ... مغلف روحه شي من الجمود وحاجه من إحساس نشوة التملك .. والانتصار .. ثابت وواقف كما الجبل الشامخ .. شي بروحه يرفرف مب عارف وش تفسيره ... ابد .. الا ان كل مافيه يصرخ ويقول انها له حليله رغم كل شي ... ومب لغيره .. لا لسلطان ولا جنس مخلوق غيره .. -تتزوج مين ؟؟ !!!..بنات الناس لعبه بيدك !!! وقف سلطان عند الباب ويده على المقبض .. رفع يده .. -خلك الحين بعيد عني انا بتفاهم معهم زين .. لاتتدخل ابد !!بكلم نايف واتفاهم معه !! نطق الوليد بكل هدوووء .. حاسس بهم فوق همه وشعوره المحتويه ... -بنت أبو غازي ياسلطان ... صارت مرتي !!!!!!.... قالها ... مترقب صدمة سلطان ... بثبات ... واضح ... تراجع سلطان صارخ ..بعين مفتوحه ... -ايشششش!!! وش قلت !!! شلون ؟؟؟ كيف تتزوج حتى البنت الي لي !!!!؟؟؟شلون !!!.. صارخ وهو واصل للمكتب يضرب على طاولة المكتب بيدينه ... ثاير .. كما البركان .. -هذي مكتوبتن لي انا !!!! اسمها مرتبط باسمي !!! خذتها انت !!!!! انت !!!!يالحقير !!! يالدخييييل !!! يا؟؟؟؟ ... انفتح الباب ... بحس ام سلطان وعيونها مرتعبه وباكيه .. - سلطان !!! ياولدي مايصير الي تسويه اخووك معذور ... !!! التفت لها صارخ .. - بعد يمه يعد ؟؟؟ !! تعذرينه علي !!! بعد تختارينه هو علي !!!! يمه انا ولدك هو لا !!!! تزوج المره الي باخذها وتعذريييينه !!!! تعذرينه يمه !!!!! صرخ الوليد مخاطبه ... - حسك لايطول على امك !!!!!اطلع برا ضف نفسك ولم جنانك !!! وتأدب وانت تكلم امك !!! ... رفع اصبعه مهدد .. -وطاري بنت أبو غازي لعد تجيبه على لسانك لأقصه لك !!!! اذلف !!!! التفت سلطان لأمه ..متابع .. -شفتي ؟؟؟ انتي الي قويتيه علي ... انتي الي خليتيه يتمادى بكل شي الحلال والبيت والمشيخه انتي كله منك !!! والحين تزوج حتى البنت الي لي !!!... انا بروح اشبعي به خليه ينفعك ... تبعته ام سلطان بحس باكي ... -سلطااان ياولدي افهم واسمعني .. -منيب فاهم ... ولا ابي اسمعك الين تطردينه هالدخيل خذا كل شي كل شي !!!!.. طلع تاركهم ... وجيده يرجف من الضيق ... رفعت نواظرها المدمعه لم الوليد ماتدري وش تسوي تهادي ذا او ذا ... هز الوليد راسه مدرك حيرتها ... -روحي له ... مهما كان ولدك لاتخلينه !!!! همست .. بضيق .. -ياولدي .. رفع يده ... متكلم ... -الين هينا يالغاليه وانا كفيت ووفيت .. معه !!! طاري مرتي لايجي على لسانه ابد بنت الناس حدها على ذمتي وتتبع اسمي يحشم نفسه ولا بوقف له هالمره صدق !!!روحي له يحتاجك الحين !! هزت راسها هامسه .. -يالله ان تصلح الحال ... ياربي سلم وسهل ... طلعت قدام نواظره ... الحاده ... استند على مكتبه ... بجهد ... وضوجان موجع ... الحوار الي صار دك صدره حتى النخاع ... رمى ثقله .. عالكرسي دافن راسه بين كفوفه ...وغارس ايدينه بوسط شعره ... وصلت فيه انه يستغفله ... ويتهم البنت بشرفها بكل برودة إحساس ... تصادم ذكرها براسه كلامها صراخها ... دموعها ... أنفاسها الي الهبت جيده ..وهي بين ايديه ... ابعد راسه وجت نظرته يم اللصق الي لصقته بنفسها ... متذكر كل تفصيله فيها ..كل تفصيله ... !!..ضم أصابع يده ... مرخي نواظره بعجز وقهر ... وضيق .. دخلت عليه ام سلطان .. بخفوت ... راحت وراى سلطان الهايج الي طلع من البيت بكبره ... ورجعت لان بالها معه بعد .. تضايقت لهم وعشانهم الاثنين ... قربت منه بخفه .. وجلست قدامه .. -الوليددد ؟؟ .... الولييييد !!! رفع راسه ...لامح نظرتها له ... انتبهت لنواظره المجهده والمكتحله لون دامي من الضيق .. لدرجة حست ان شق عينه صغر .. !!..عجز ينطق ويتكلم ... هي سمعت بعض من كل ... فاهمه كل شي وعارفه كل شي ... الصمت أحيان ابلغ من تعبير عمق الوجع والضيق .. ارخى نواظره ..بصمت .. -قم ياوليدي تغد وارتاح ... ريح نفسك والي بالكون بيكون !!! نطق سائل .. -وينه فيه ؟؟؟ تنهدت .. بحشرجة انفاس.. - طلع .. ممداني حتى اكلمه ... معصب وشايط الله يصلحه ويهديه !!! -ادعي له .. بالصلاح .. !! رفع راسه مكمل .. وناطق .. -يقولون دعوة الام مستجابه ... !! . . ابتسم بتوهان ... ثم ابعد نواظره ... واستاقف... مكتوم ... ومقهور ... اخفى كل مايخالج روحه الشقيانه لانه متعود يكون صامد وشامخ ... دوم .. تحرك .. ماخذ عصاته ... وطالع ... بليا شعور ... هالمره حتى ام سلطان نفسها وجودها ماخفف شعوره المعتليه ... فيه شي ثقيل ضاغط أنفاسه .. وكاتم روحه .. لا له حل ولا له طب .. ترقبته بعجز ... ونفسها من الضيقه ضاجت .. رفعت يدها تمسح نواظرها بشيلتها ..قد ماحاولت ..انها تكون له ام وتعوض الا انها ما توصل ابد .. كسر يتمه عجزت تداويه ... وسط هالكره له من سلطان ... ياكم حست بالعجز ... والرحمه ..رفعت يدينها بليا شعور .. هامسه بقلب صافي ... وعجز ملكوم .. -يالله ياعزيز ياقوي ياقدير .. اللهم اجبركسره جبرا يتعجب له اهل الأرض والسماء .... اللهم ارزقه .. من حيث لايحتسب ..وابري علته وارحمه برحمتك ....يالله ياكريم يامجيب ... عوّض هالولد .. عوض مابعده ولا قبله ..اللهم اسعده واحيي قلبه ..بالمسرات وسعة الخاطر .. يارب انا ماجبته صحيح لكن ماشوفه الا ولدي يالله استجب دعائي .. ولاتردني خايبه يارب العالمين ... مسحت ..ملامحها الباكيه .. هامسه .. -اللهم صلي وسلم على رسول الله وعلى اله وصحبه اجمعين ... .......................... جناح رنا ... شابكه يدينها ... وضاغطه عليهم ... بشده تشابه قوة تفكيرها ... وهواجيسها ... ودها تعرف وش الي حصل بينهم ... وايش بيقررون ؟؟ ... كون ان سلطان ..ماتراجع ولارفض .. هذا يمكن يخلي الوليد ... يفكر فيها لو شوي وهذا الي ماتبيه ...ابد ...تاهت بنواظرها ... شاده مبسمها ..معاكسها فكر ثاني .. وحس يخاطب روحها العاشقه للوليد ... ها مايمنع انها تكون بعلاقه من أساس بسلطان ...؟!! -الجوهره ؟؟ وين رحتي ؟؟ انتبهت لرنا ... بفكر شارد .. -وين يعني أقول يارنا ان صدق الي علمتيني الوليد يمكن مايطلقها ؟؟ عشان سمعتها وهذا غير ان سلطان مب رافضها ولا شي !!! ضيقت رنا نواظرها ..بتفكير ..متذكره شي .. -تدرين ؟؟ سلطان نطق اسمها حاف وكنه يعرفها ؟؟؟ ابرقت نواظر الجوهره رافعه راسها ... -وش قال عنها ؟؟؟ قولي رنا انا من اول اكل بنفسي .. وانتي ساكته !! -تو جا ببالي سلطان قال انا مارحمت الا نجلا !!... كنه خابرها فهمتي ؟؟ لاحظت رنا اشراق ملامح الجوهره ... بفرح .. -يعني ممكن الا اكيد توقعي الأول صح الاختلاف بس ان ..انه مارفضها ويبيها !!!!لكن هو يعرفها وله علاقه فيها وهي بعد !!! الوليد كيذا يكون مثل العلقم بينهم الاثنين !!!.. تنهدت رنا ... متسانده ولامه رجولها ارخت ذقنها .. على ركبها .. تهوجس ..بهمس -كل مالها الأمور تتشربك اكثر !!! سلطان مايداني الوليد وهو لحاله !!! كيف ان تزوج البنت الي يبي !!؟؟؟ مصيبه ... الله يعين ماني متخيله وش بيحصل .. !!! هزت الجوهره كتوفها .. بقل اهتمام .. -ابد يطلقها الوليد وتطس بداهيه ... وسلطان فيه الف بنت تتمناه ... !! الوليد مايبي مشاكل مع سلطان ابد !!وهي وحده لاراحت ولاجت ..ماراح يخليها تفرق بينهم !!!! ردت رنا ... بشرود .. -كل شي جايز من سلطان أتوقع منه كل شي لكن الوليد دايم ردود افعاله غير متوقعه ابد ... ماتعرفين وش داخله وكيف يفكر ابدن !!! زفرت الجوهره ..واقفه ... وغارسه كفوفها بشعرها ناثرته بضجر .. -نفسي اعرف وش صار ... مغير جالسين نحلل من روسنا روحي رنا اعرفي وعلميني يالله !! -امي الجوهره مب مخليتني انطق حتى شلون ان بغيت اعرف شي صاير بينهم !!! قطبت هدب عينها برجى لرنا .. -بالله روحي لو اقدر انا فريت ورحت اشوف !!! استاقفت رنا .. -بروح بروح الله يعيني عليك !!! والله لو مكانك اشيله من راسي !!! الوليد ماينفع لك الجوهره غير عنك صعب صعب شلون تعاشرينه !! ابرقت نواظر الجوهره ببسمه عاشقه ولهانه .. وكنه ينرسم امام نواظرها .. - دايم يارنا المحبه تلغي كل شي .. وتسير كل شي وتشيل كل الفروق عشانه انا بسوي كل شي اعشقه يارنا !!! بيتغير كله بيتغير اذا تزوجنا .. وجيت هينا وتشوفين !! تأملتها رنا بصمت ... مدركه انها مخططه ومقرره براسها ..فقط ... -بروح واجيك ... طلعت من جناحها ... وعين الجوهره تترقبها بحماس نبضها بيطير ودها تعرف .. تهادت خطواتها غصب عنها لاحقتها بتشوف يمكن تلمحه او تعرف شي ... رنا تقدمت .... متوجهه للمصعد ... مب داريه ان الجوهره تتبعها ... اول مانفتح ... وقفت جامده ... لشوفته ..وهو يتقدم طالع ... منه ..ارهبها منظره ... وقفت جامده تتأمل مسيره .. الجاحد لها ...وكنه بعالم ثاني مب معهم ابد ... شي وسط روحها انعصر ..ماتدري ليه ... يالله شقد كرهت هالبنت الي اخلفت موازين حالهم بهالبيت !!! حتى هو بان عليه الهم !!منها !!..كرهت اليوم الي سمعت فيه حس الإسعاف معلن وجودها ببيتهم وحوالينهم ... رجفت شفتها متراجعه ... ضاجت أنفاسها وضاقت مب لزوم تعرف شي واضح من ملامحه ووجه .. انصدمت لشوفة الجوهره واقفه وراها ... -وش تسوين ؟ سحبتها الجوهره ورجعت الجناح ثم سكرت الباب ... ناطقه ... بعجل .. -الوليد مجروح ؟؟؟ ليه ثوبه دم ؟؟؟؟ ليه كيذا شكله رنا ؟؟ وش صار ماعلمتيني ؟!!! -ماجا ببالي يقول جرح خفيف .... -رنا ؟؟؟ اخوك مقهور ليه حاله كيذا يكرههها باين انه مغصوب ومايبيها !!! تلقينه يلعن هالمشيخه كلها !!! انتي مدركه انها لم تكون زوجته وش يعني ؟؟؟ يعني هي حرم الشيخ .. الوليد الي الكل ينصاه ويجيه ..لها مكانتها وحظورها فهمتي !!؟؟؟ هذا الي قهره وحده زيها تأخذ هالمكانه غصب عنه !!!! مسكت رنا راسها .. تمسد جبينها وتشد عليه .. راسي خلاص كله أفكار ودي انساهم شوي ... فيني ضيقه الجوهره ... احس انا كارهتها مره هالبنت ليتها مادخلت بيتنا من أساس !!! .. ليته ماجابها لنا وشفناها !! ترقبتها الجوهره ... بضيق .. -ومن سمعك اجل انا وش أقول ؟؟ شفتي عيونه رنا ؟؟؟ شفتي منظره شلون ؟؟ مايبيها باين واضح مره ؟!!! لكن معليه .. باذن الله يقلعها من حياته وحياتي !!!والله ماخليها تتهنى هالحقيره !!!!الفقرانه !!! .................................................. ................................. فيلا ... غازي ال مجفل ... رقت ام نايف لها .. عقب العصر ...تبيها تنزل تعاون شيهانه .. واصلا الغل ذابحها .. مازلت مقهوره منها ... دقت الباب ..بعنف .... -بنت ؟؟؟ !!!! نجوووول !!! ردي .. !!! تابعت الدق ... باصرار ... رفعت نجلا راسها .. بنظره خاويه ... -نعم !!! وش تبين ؟ ! -افتحي الباب !!! خير ان شاء الله ليه قافلته !!! قومي هزي طولم وافتحيه !!!! ردت نجلا باجهاد ..واضح بحسها ... -روحي ياخاله واتركيني !!!.. -حدك ببيتي ... مافيه روحي واتركيني !!! فضحتينا وفضحتي نفسك وابوك !!! الكل سمع صريخك وصريخه هالرجال !!!حتى هو باحلن بك !! انتي مصيبه فوق كل راس !!! انتفضت نجلا قايمه من مكانه ... عجزت تحتمل هالكلام ..رغم ضيقها وحزنها واجهادها ... فتحت الباب .. وعينها تترقب الشرار بنظرات ام نايف .. تكلمت بحس خالي من كل معنى الا التعب .. -انا تعبت..من كرهك !! تعبت من فعولك معي !!! انتي وش تبين مني !!؟؟ اتركيني !! انا مجهده مابي مشاكل معك !!! انتفضت ام نايف ... -كان فكرتي بهالكلام قبل تجيبين اجل ابوك يالمنتوفه !!! ابوك راح مقهور بسبتك!!!وش الفضيحه الي سويتهيها عشان يتورط بك شيخ بن جلمود ويستر عليك !!! ترقبتها نجلا بصمت رغم ان حسها الصارخ جف بوحه من كثر ماتقول ماسويت وانا بريئه وظلمتوني ... مافيها حيل تعلق او تقول شي حتى ... اختارت اسلم طريق ... وهو الصمت العاجز .. -ردي ليه ساكته ؟؟؟كل شي سمعناه !!! صوته طلع للجيران الله ينكبك زي مافضحتينا !!وش سويتي لين طلع من طوره ياالبليه انتي!!!! ركزت نجلا فيها النظر ... -مايخصك !!! شي بيني وبين رجلي ومايخصك عشان اعلمك !!! شهقت ام نايف .. بصدمه .. -بععععععد!!!! طاول لسانك !!! هذا وهو كارهك ومايبيك !!! بس معليه احسن جعله يكرهك زود ويرمي عليك الطلاق عاجل مابطى وقتها بعرف اربيك !!! والله والله يانجلا يابنت نوره لازوجك انا الي كفوك صدق !! تبارقت نواظر نجلا بلمعه .. ضايجه ملكومه .. جت تسكر الباب .. الا برجل ام نايف ويدها .. - لاتسكرين !! ماخلصت كلامي !!! هالغرفه صارت لأمي اذلفي عنها وارقي غرفتك فوق !!! ارتجفت شفايفها مب قادره تمسك ذل وكبت شعورها الي تحس ... شي يشابه الغربه والوحده .. والكسر الي ماينجبر ابد .. وجهت كلماتها لام نايف ... بجهد وتعب وقل حيله .. -خذي الي تبين كل شي خذيه بس اتركيني الحين !!! قالته مسكره الباب ... وتساندت عليه كاتمه نفسها وبكاها .. الضايج القهور .. وهي تسمعها ..تتوعد فيها .. وتتحلف ... -جعل حالك من ذا واردى يابنت نوره !!! رفعت يدها تكتب مبسكها رغم الألم الي وصلها من جرحه الي تسبب فيه .. فجأه انرسم كله امام باطن تفكيرها وقدام نواظرها ... انّت بقهر ... وضيق ,,ساحبه انفاس ... حاسه بوجوده حواليها ريحته لاصقه بجيدها .. لمساته الين الحين تحس بها ... تحركت بنرفزه فاصخه لبسها ..متوجهه لدورة المياه وقفت عند المغسله ... شافت اثار لمساته واصابعه حوالين خصرها .. واضحه مثل الشمس بثانيه انوجد كله امام عينها ...نظراته .. ملامحه .. تحكمه المتملك ..فيها .. حتى مزيج أنفاسه علقت فيها ... تسارعت أنفاسها .. صارخه ومبتديه تغسل نحرها .. ويديها ومبسمها بقهر تبي كل صله تذكرها فيه تختفي ... -روحي !! مابي اشمك روحي !!!! ..روحي ...عني روووحي ... !! تمت تغسل وتغسل بلا توقف ... قهرها اليوم مامثله قهر ... غبنها .. واوجعها بتهايمه واصراره ... ارعبها كله على بعضه ... الله وش كثر تكرهه .. ليته ينمحي ليت الليالي تعود وتروح مع سعد ..وماترجع لدنايهم ابد ... !!! تراجعت ... مندسه بسريرها ... دافنها نفسها اكثر ..ماتقدر تهج وين ماندست الضيقه لاحقتها وكابسه أنفاسها ...صاحت بحس عالي تبي تسكت افكارها وتطرد صورته وحسه وكلامه ..واحساسها فيه ...تكرهه .. تكره حظوره .. تكرهه ماتبيه ... شلون انكتب لها نصيب شلون ... دعت هي وياما دعت صايمه وومفطره ساجده وراكعه كل وقت وكل ثانيه دعت من قلب ... شلون مثله يكون لها نصيب !!!!!!انهد حيلها ..وجيدها وروحها ... الين حست بظلام يطغى عليها من كل جانب تارك اثر دموعها ... واضحه وصريحه ... اندق الباب بخفوت ... -نجلا ؟ انا شيهانه ..عادي ادخل !؟؟ ماحصلت رد ... مسكت مقبض الباب بتدخل .. لقته مقفول ... تنهدت متراجعه ... ونازله ... .................................................. ................................ مرت فترة العصريه ... عالجميع ... مرت الساعات والدقايق والثواني .. ثقيله على قلوب وعصيبه على قلوب ..وموجعه لقلوب ... فيلا غازي .. آل مجفل ... بعد المغرب ... نايف .. بالصاله ... مع امه وجدته وخاله عادل ... - وينها يمه الي بتجي ابطت !!! حتى ياكافي رجلها ماكلم يعزي ... !! التفت لها عادل .. مقاطع .. -الا كلمني وكلم نايف الرجال عزا ماقصر قام بالواجب !! لفت ام عادل لها ... متكلمه ... بشرح .. -شفتي ؟؟ كلم وماقصر يقول اخوك .. !!بس انتي دوم عجله ..!! تنهدت ام نايف .. مبعده نظراتها .. -زين زين ... !!!... صب نايف القهوه .. لجدته ... وخاله ... ورجع يسال امه .. -يمه طول عندكم بن جلمود ؟ جت تنطق الا جدته تكلمت ..قبلها .. -لا ابد جا عجل وراح عجل ... !! -ماتقهوى ... ؟؟ هالمره تكلمت ام نايف .. بحس ناقد وكاره ... -وين يتقهوى انت لو سمعت حسه فريت من ثوبك !!! تناشب هو واختك .. وطردته برا البيت !!! قطب نايف هدب عينه ... بضيق واستفسار مصدوم .. -نجلا طردت رجلها ؟؟؟ -ايه ايه ... أصلا أصواتهم وش عليها !!! عاد توقع ورقة اختك تجيك باي وقت !!! شفها حابستن نفسها فوق ماتبي تطلع مع اني عطيت الغرفه امي وهي قلت لها اجلسي مع شيهانه .. مضطرين عيت تعاند كالعاده !!!! كل هالنقاش وعادل يستمع بصمت ... مانسى اللقاء الي جمعه بالوليد ... ابد .. بدون ينطق كلمه ... تنهد نايف ... بضيق متذكر جنون اخته وقت وفاة ابوهم ... -ليه ماتروح تركدها نايف ؟؟؟ علمها ان رجعت مطلقه مب حاصل لها خير !!! جا يتكلم الا حس نغمة جواله تتعالى .... سحبه من جيبه ... وشاف رقم الوليد ... قطب هدب عينه ... -هذا رجلها داق .. !! عاجلته امه بحمق .. -يووووه فضحتكم هالبنت اكيد بيشتكيها !!! اشر بعيونه لهم يسكتون ..ورد .. بحس هادي .. -ارحب يابو صخر !! عم السكون ... والترقب ... الكل عيته على نايف ... واختلاجات ملامحه ..وتدرج الاستيعاب ... -لا ماحصل !!! .... كرر بثقه ... وحس صادق .. -ابدن !!! ماجاها مني أي شي !!!! سكت ثواني ... ثم نطق .. وهو يوقف .. ويأشر عالمجالس .. -ايه ايه حياك .... بالبيت انا ... على خير !!!.. قفل .. الجوال ملتفت لأمه ... سائلها .. -يمه انتي ضاربه نجلا ؟؟ اليوم ؟؟؟ !!.. اختبصت ..ملامحها ... ردت ام عادل .. -البنت هبلت بأمك ضعيفه جايه تقاوحها وتطول لسانها وامك فيها الي يكفيها عزا وفاقده ابوكم الله يرحمه!!! مسك راسه .. ززافر .. .. -يايمه الله يصلحك ليه تمدين يدك !!! ليه !!! تكلمي معها فهميها هوشيها مدة اليد ذي الي جابت خبر ابوي !!!!! استاقفت ام نايف نعترضه ومعاتبه .. -وشو؟؟؟ لا والله الي جابها وصاختها وقله حياها هالبنت بلوه بلوه !! لسانها وش طوله ... لاتحترم ولاتحشم .. !! -يمه الله يرحم والديك ... خلصونا من هالسالفه البنت راحت وعلى ذمة رجال !!! معاد هي على ذمتنا لها رجال يحاسبها مالنا دخل اتركيها !!!!.. اشرت له بعدم تصديق .. -انت تحاسبني بدل ماتروح تادبها ؟؟ !!! بعدين أي رجال ؟؟؟؟الي .. طاردته .. من البيت وحسها عليه وش طوله !!!! ... حتى هو لحقته بقلة حياها .. !!! لكن حسبي الله ونعم الوكيل !!! رحت ياغازي وانشبتني مع هالعيال !!!! تنهد... يبي يرد ... عاجلته جدته ... -يابنت الحلال لاتحسيبين على ولدك وش ذنبه !!! الله يقلعها ... وبس .. التفتت له جدته .. -هو وش يبي منك ؟ -الرجال قريب ... بيجي .. يحسب انا الي ضاربها شاف الأثر عليها !!!.. ردت امه بحمق واضح .. -ابد علمه علمه قل له ليه ضاربينها !!!! علمه بعلومها وخزيها .. وطولة لسانها !!!! خل يعرف هالشيخ منهو ماخذ على ذمته !!!!! دق الجرس... وقت جا يرد ... هز راسه بتوتر وحيره ... انا بروح افتح ... له واقلطه ... لاااسمع حس .. تجي ياخال !؟؟ هز عادل راسه متشاغل بفنجال قهوته ... -لا وش دخلني .. رجل اختك !!!! رح له انت ... تركهم نايف على عجل يفتح الباب ... وامه التفتت لأمها ... -شفتي يمه شلون يقول لي ؟؟؟ يبيني اتحمل !!! يبي اسكت عليها !!!! لليه يمه ليه وش ذنبي انا ليه محدن يحس بالنار الي بقلبي !!! ليه مايحسون فيني هالعيال !!! ذيك تقول لاتزيدون همها وهذا يقول اسكتي عنها !!!!! وش حظي وش حظي !!!!؟؟ . -يابنتي اهجدي وتعوذي من ابليس ... لايسمعون حسك !!!!امشي امشي اجلسي ... وادحري الشيطان !!!! خلاص هالبنت اعرست وبتروح مصيرها تروح الحين او بعدين !!!! ترك عادل فنجاله ... متكلم بخفوت ... ممزوج بجبن ... وخوف ... لو مااظهره ... -خلها تتطلق بس ... اوعدك انا اضفها عنك واادبها !!!! والله والله لأخليها لك شغاله وعصاك الي ماتعصاك !!!! رفعت اخته راسها له .. - ليته ليته ... !!! تكلمت أمها سائله .. -شيهانه وينها بنتي خل تولم لهم القهوه ... !!.. -مع نصوري ترقده ... !! بروح اشوفها ... !! .................................................. ................................. مجلس الرجال ... نايف استقبل الوليد ...ودخله للمجالس .... بترحيب .. وتقدير ... وصدره من الهموم .. والضيق ..مشحون ... يحس انه مضغوط من كل ناحيه ان جلس بالبيت .. ضاقت به الدنيا ... وان طلع مثل .... هم فقد ... وهم اخوه الي ماينعرف له درب وطريق ... والحين سالفة هالبنت الي ابتدت ومايدري شلون بتنتهي .. مع هالرجال ... !!واخرها امه ... وراحتها الي يدورها دايم ومايلقاها الا لما ياذي نجلا ... !!!! -حياك يابو صخر ... تفضل ..!! استجلس الوليد .... مخالجه شي .. من الشعور الي ماينوصف ... مترقب المكان .... بصمت حازم ... طرد كل فكر براسه ... وذكرى تشملها ... وتكلم ... محتكم صوته .. وكل مافيه .... جنب عصاته ومد رجله ... -زاد فضلك يابو غازي.. !! هز الوليد راسه مبتدي يتكلم أساسا ماجابه الا شي واحد ... الاثار الي شافها ... بمتنها وقبلها هو محذر ومتوعد ... شلون ..عقب كلامه ووعد نايف له ..يشوف هالاثر مازال مب مصدقها ولا يصدق انها مجرد طيحه زي ماقالت ... كان بأمكانه يتغافل ويسكت .. لكن شي بروحه هيهات .. يصدق ..عاجله حس .. ساخر ... ليه مب مصدق انها طيحه والسلام ... !!!..اصلا وش الي جابه ورجعه .. لنفس المكان ..؟؟ ... احتدت رسومه وتكلم ... -ممكن تنادي نجلا نايف !! استاقف نايف ... هاز راسه .. -ابشر الحين ازهمها .. !!.. طلع تاركه ... متوجه للداخل .... شاف عيونهم تترقبه ... قابل شيهانه ... -شهيانه بنت ؟؟ روحي نادي نجلا من فوق .. قولي رجلك تحت مع نايف يبيك .. !! قطبت هدب عينها متكلمه .. بحيره .. - امي تقول سووي قهوه ... الحين !! -اعجلي ناديها .. ثم سوي القهوه اخلصي علي الرجال ينتظر !! تحركت راجعه للدرج ... وهو رجع للصاله ... واجهته امه ... -هاه وش يبي !؟ .. -يبي نجلا ... نشوف وش بيقول !!.. اشرقت ملامحها ... بتفكير مجرم .. مايجي الا ببالها ... -يمكن بشيكيها عندك ويعلمك عن فعولها اليوم !!! اكيد اكيد !!! تنهد وعينه على امه ... بصمت ... -الله يعين ... ان نزلت شيهانه خل تركب القهوه عجل ... انا بروح له .. !! وصلت شيهانه ... لغرفة نجلا .. دقت الباب ...تنهدت بصمت ماتدري هي بتفتح او لا حتى الغدى ماتغدت ولا كلت شي كل ماجتها تصدها ... -نجلا ؟؟؟ افتحي .. نايف يبيك تحت ... !! لحظات انفتح الباب ... شافتها بجلال الصلاه ... ونظره خاويه ..ابتسمت نجلا..بسخريه ..متكلمه .. -علمته امك ؟؟ قالت ماحشمتني كالعاده !! ويله يتكرر الموقف زي دايم ... بس هالمره لاسعد ولا ابوي فيه !!.. انهت كلامها برجفه ... ودمعه محبوسه .. ابت انها تنزل وتبين حجم الكسر والضيق الي تحسه .. -نجوووول ... ريحي عيونك من الصياح ..لاتغديتي ولا كليتي من جيتي !! عالاقل انا افتحي لي اتركك من امي بعد ابوي نفسيتها دمار !!! شدت نجلا مبسمها ... بضيق .. -كلنا شيهانه كلنا مو بس هي !!! .. امك هذي هي من عرفتها مدري متى تتغير وتخاف الله فينا !!!! -الله كريم ... الحين انزلي ... نايف تحت يبيك ... ..سكتت متردده ..اول مالمحت نظرة نجلا .. المكسوره .. تابعت .. بعجل .. -رجلك بعد .. !!.. شدت نجلا يدها على مسكة الباب .. -وش جابه ؟؟؟ متى جا !!!؟؟ .. -تو الحين قال لي انا كنت مع نصوري نادتني امي اسوي القهوه ... !!.. ارتهبت نظرات نجلا ... مبعدتها ... هزت راسها ... جاف ريقها .... -طيب بنزل .. !!.. سكرت الباب حتى بدون تسمع رد شيهانه ...تاهت نظراتها بغرفتها ...ماتسمع الا أنفاسها وبس ..ليه جاي ؟؟ بعد معهم ؟؟ ابتسمت .. بطرف شفتها .. المرتجفه ....وجوده اصبح عقاب لها ماتعرف وشهو أسبابه ... بلعت ريقها ... توها مخلصه صلاتها .. توجهت ... بليا شعور ساجده ... راميه كل حمولها بهالمكان ... همست .. تاركه روح قلبها المكسور ينطق ويطلب العون -يارب ..استودعك شرفي .. وسمعتي ...ونيتي ......اللهم ..اجبر مصابي .. في ابوي ..اللهم انت السند ...قبله ومن بعده ... ربي .. استودعك طهري ...وبرائتي ... احفظني بحفظك ياكريم .... استنشقت ... مستجلسه ... برهبه ..وعينها على مكان السجود ... ...قررت تنزل بجلالها ...فتحت الباب ... متوجهه لتحت ...نزلت الدرجات .. بعجل يعاكس الهدوووؤ الي بصدرها ... مستسلمه ...للي بينقال لكن ان حصل واحد فيهم مد يده .. بتهج ... وبتهرب ... والله ماتجلس ابد ... ابد ... ماتدري ليه نبض قلبها يعتلي ويعتلي حاسه برهبه..واحساس غريب ... يدغدغ ..روحها من داخل .. اقبلت نازله استقبلتها شيهانه .. -نجلا لحظه خالي عادل فيه ... انتظري بيروح ..بيطلع الحين ... !! تغطي .. تغطت بالشرشف .. واقفه ... -يالله خا لي مر..!! شدت مبسمها متراجعه قبل حتى يقبل ... ماتبي تلمح زوله ابد تكرههه هالرجال ... وتشمأز من وجوده حواليها ... ترقبت المكان بدون يدري شافت نظراته يم الدرج كشرت .. بتنهاد ..كاره للمكان وكل شي... خوف مبتدي يصيب شعورها ماتدري كيف توصف الي تحس فيه الحين ... -يله نجلا انزلي .. بسرعه !.. نزلت ... مبعده الشرشف عن ملامحها ... -نجول تاخذين القهوه معك ؟؟؟ زقرت .. بضيق .. رافعه يدها .. امام شيهانه .. - شيهانه شوفي ؟؟ يدي ترجف ..مقدر اشيل شي ... !! قربت شيهانه ماسكه يدينها .. - بسم الله عليك .. وراك خايفه نجلا ؟؟ اهدي .. اهدي ... !! رجفت شفة نجلا .. متكلمه .. وموجه نظراته لعمق عين شيهانه ... -اسمعي الحين ان رحت للمجلس .. وسمعتي صوتي او عرفتي اني انضرب وماتكلمتي ... يمين الله لااانتي اختي ولا اعرفك .. !! ردت شيهانه بخوف .. -نجلا وش تقولين ؟؟ -الي سمعتيه ... ان دخلت ومد هالحقير يده او اخوك نايف .. وانتي سكتي .. انسي ان لك اخت اسمها نجلا والله لاهج من البيت ومنكم كلكم والي يصير يصير !!!.. تنفست شيهانه بقلق ... اوجعها حس نجلا وخوفها رغم انها تتعمد ترسم قوتها لكن بهاللحظه مابان لها الا خوفها ..وبس .. شدت مبسمها ماسكه كفوف نجلا ... استشعرت برودتها .. ورجفتها .. -نجلا !!! اسمعي ... قاطعتها .. نجلا بحس هامس فاحم ... -ماني سامعه .... انتي الي اسمعي !!!اذا سمعتي حسي وسكتتي والله ياشيهانه لافر من هالدنيا !!! -طيب وش اسوي ؟؟ -كلمي الشرطه !!! شهقت ... شيهانه ..هازه راسها ... -ماتوصل كيذا نجلا مب ضاربك صدقيني !!!! مستحيل !!! نشقت نجلا ...بانفاس .. مشحونه ... -بيضرب بيضرب ..... مارحمني اول عشان برحمني الحين !!!! وهذا الرجال الي زوجوني إياه .... لو شفتي وش سوى فيني ... !!!! ابدن ماراح ارجع معه !!!! ان اجبروني شيهانه ... سوي أي شي فهمتي ... !!! شدت شيهانه مبسمها .... مدركه ... عمق الاستسلام الي وصلت له نجلا .... ورغم كل هذا تشوفها صامده وقويه ..حتى بتسليمها لنايف وروحتها له برجلها وهي تعرف طبعه واسلوبه ... قويه وشامخه ... -ابشري .... بسوي الي تبين ... هزت نجلا راسها .. رافعه يدها تمسح دمعتها الطارفه ... تنهدت متقدمه ... الا قابلت ام عادل وام نايف بالصاله ... - هه شرفت ..ست الحسن والدلال !!وش بقى من وراك ماصار لنا !!! تجاهلت رنا حس ام نايف ... وهمس أمها الشاتم ... وتقدمت بارتكاز ... متوجهه لمدخل المجالس ...ماتدري ... هل روحها قويه ... وتقدر تستمر ... تواجه بدون سعد ... انعصر قلبها وقت تذكرت كلامه ... وصوته ... ووجوده .. حواليها ... .................................................. ........................... قبل بوقت ... - يصير خالي ... لزم !!! قطب الوليد نظر عينه .. ثم هز راسه بتفهم ...ابعد نواظره ..جت عينه عالمكان الي جمعهم قبل بوقت ...مايعرف ليه لحظتها بس اعتلت نبضه ... وفكره ..تذكر كل تفصيله فيها ...رغم الي صار بينهم ... مانسى الكدمات الي شافها بذرعانها ..ولا نسى ..نظرتها ... وقت نطق اخوها الصغير وعلم ...وش الي صار معها ...جنون الي يصير معه ... مايبي يقبله ولا يتقبله ...الكلام على طرف لسانه لكن ماسك روحه لاتنطق منتظرها ... والعجيب انه يقدر يجيب نايف لحد عنده ..لكن مع ذلك رجع لنفس المكان ...شد مبسمه ...ثم رفع راسه ...سامع حركه ..نبهتته لوجودها ... رفع نواظره ..ملاقي نواظرها المتكحله حمار .... تصادمت نظراتهم ..الاثنين ...هو باستدراك ...وتركيز ....وهي حتى مااخفت ولا حاولت تخفي ... الكره الي تكنه له ...اشتدت مقابض يدينه ...بليا شعور ...وهو يلمح ..ملامحها نزولا لشفايفها الي امتلك حق وصلها اليوم ومب نادم ابد .....تذكر كلام سلطان ...عنها ..وتلاعبه بسمعتها ...حسها الصارخ ...الناكر ...دفاعها عن نفسها امام جبروته .. احساسه .. الغريب .. عليه بقربها .. !!وصلها .. الي اجرم بروحه .. كما حد السيف المسلول ...!!!..كل هذا .. جابه الين عندها ورجعه ...رغم ضيقه وكبر حموله ..رجع ... رجعته خطاويه ..بدون يعرف ليه وعشان ايش ...بس وقت ..تلاقت نظراتهم ...استيقن وادرك بعمق عمق عمق ...قلبه النابض ..انه راغب فيها ..لامحاله ...!!!! هذا الي بيجننه اكثر ... انه عارف وفاهم ...ان الوجع المكروه بالنسبه له رغبته فيها ... كأمرأه ..وش الزود الي فيها !!.. ياكثر ماشاف وعرف ..!!..مب فاهم .. .. لكن الي يعرفه .. ان وجودها بحياته .هو الشي الي ... بيحيي روحه الي وئدها ..من سنين ..قبل حتى .. تنتعش وتعيش !! و ..لازم يبتعد عنها .. ويهرب ...للحد الي ينسى ان الله خلقها بهالوجود ... سمع حس نايف .. -ادخلي اجلسي نجلا ... بروح اجيب القهوه واجي !!! تحرك نايف ... وهي تقدمت مبعده نواظرها ... جلست بابعد مكان طارف ... وقلبها ينتفض ... ترقبت ظهر نايف وهو طالع ... وبعدها ارخت نواظرها ليدينها ... استشعرت العرق وسط كفوفها ... ماودها ابد ترفع عينها .. ابد ... بس السؤال الي سمعته وحسه الي زلزل كيانها قبل ..بوقت ..مستخدم نفس نبرته .. المرهبه لنبض قلبها المسكين .. صوته الي ... اجبرها تعتلي بنظراتها ... وتوجهها لشخصه دون غيره ... -من الي مد يده عليك نجلا !!!! جمدت نظرتها ثواني ..... بملامحه ... كرر السؤال .. -سألتك من الي مد يده عليك اليوم نجلا !!! جاوبيني !!!! ارتبكت .. مبعده التوهان عنها ... مستعجبه سؤاله .. والجنون الي اكتسى نبضها امامه .. -قلت لك طحت !! هذا الي صار !!! دخل نايف بصينية القهوه .... حطها عالطاوله ملاحظ توتر الجو ... اطرف بعينه يمهم الاثنين ... سمع الوليد يسالها .. -وقبل شهر وقت دخلتي المستشفى كنتي طايحه بعد !!!؟؟؟ ارتبكت بصدمه ... متلخبط كل شي فيها ... اطرفت بربكه نواظرها يم نايف ... بتوتر ... سمعته يكرر -ناظريني نجلا !!!!...وجاوبي !!!! .. رجعت له مب فاهمه شي ماتدري هالانسان وش يبي يوصل له ؟؟؟ وش يبي منها غير انه يتهمها بالردا وش يبي بعد ... كرر وعاد سؤاله ... وهو مركز فيها النظر مرهب كل شعورها ان فكرت تكذب بس .. -كنتي طايحه او مظروبه ؟؟؟؟ ارخت نواظرها ...بعجز وش ترد ؟؟ وش يبي منها ؟؟ بيحاسبها على ايش ؟؟ -جاوبيني !! انا أتكلم معك !!! ارفعي راسك وردي علي نجلا !!! رجفت شفتها رافعه راسها ... مانتبهت لبرقة عينها ... وخوفها واستعجابها الظاهر كما وضوح الشمس له ... جت تنطق الا نطق نايف .. -قبل شهر كنت انا ظاربها يابو صخر مشاكل عايليه !!! جاه الرد عجل ... من الوليد .. -انا ماسألتك يابوغازي ... موجه سؤالي لها واتوقع فيها لسان وش طوله .. وتقدر ترد !!!... قالها مترقب ملامحها ومستفز كل مافيها لجل تنطق ... ناظرته جامعه كل مشاعر الكره ..ومرسلتها له بنظراتها ... وحسها المقهور .. -ردي كنتي مظروبه او لأ!!؟؟ -ايه ... نايف الي ظربني !!!!.. شد مبسمه ...مقطب هدب عينه ... بضيق .. -واليوم ؟؟؟ أبعدت نواظرها ناطقه ... ودمعه انسلت من محجرها ... -ام نايف !!!!.. ترقبها الوليد ...من راسها الين رجولها ..منتبه للشرشف المحاوطها ...وساتر كل جيدها ... تقدم متراكي على ركبه ... موجه كلامه لها ... -شيلي شرشفك ... عن يدينك ... ابي اشوف الاثارالموجوده !!!! رفعت راسها ...ملتفته لنايف المتفرج بجمود ... قطبت هدب عينها ... تكلم نايف ... -وريني نجلا اشوف الي بيدك !!؟؟ ارمشت بعيونها مستغربه هالاثنين ... يقول وريني وكنه ماقد شاف وانتبه وعرف ... ابتدت اطارف اناملها .. الملسوعه .. تبعد اكمامها .. بخفه ... الين استبانت الاثار متغير لونها مزرق ومخضر ... ركز الوليد فيها ... ثواني ثم وجه نظراته وكامل اهتمامه لنايف ... مخاطبه بحس حازم .. وثابت .. -انا سبق وقلت لك وكنت واضح معك نايف ... !!الي شفته قدامي لايتكرر ..!! اليوم يوم جيت .. شفت الي بيدها وباين انه ضرب !!! مب طيحه عاديه والسلام !!! ركز الوليد النظر ... بنواظر نايف ... وتابع بحسه الهادي المتوعد .. -قلتها لخالك قبلك .. وقلتها لك ... واقولها لك الحين ... مره ثانيه ... -أي شي ... يمس اختك نجلا ...من أصبحت على ذمتي ... بالضبط كنه يمسني انا !!! ...اي مضره أي غلط من طرفكم ... المره الثالثه ... ماني متغاضي عنه !!!!..التحذير الأول لك والثاني لخالك !!! والثالث .. لأهل بيتك !!!...اثر المحه .. فيها مره ثانيه ... مايحصل خير !!!!.. وانت عارف وفاهم ومجربني ... لوين .. مواصيلي توصل !!!! هو يتكلم .... وهي دخلت حالة صدمه ... بل اقوى أنواع الصدمات الي مرت عليها ... وكن احد سكب فوق راسها مويه بارده مثلجه... وبرضه .. مافاقت ... عينها عليه ... وهو يتوعدهم ... بحسه الحازم ... عاجز حتى فكرها يفكر ويشرح ..لروحها الصغيره ... هو وش يبي ويقصد ... تمت تترقبه ... بصمت تايهه .. بينما هو ابدا مالتفت ناحيتها ... وكنها مب موجوده ... احتدت نواظر نايف ... سامع ... باستغراب ... تكراره ... وتوعده ...تكلم ..بهادي الصوت ... رفع الوليد يده ... -قبل ترد علي ... اسمع مني .. !!انا قلت الي جاي عشانه ...ومتأكد انك فاهم علي زين ... !!.. اعتبر قهوتكم شربتها ... شف لي درب .. الله يحفظك .. !! قطبت نجلا هدب عينها ... بس ؟؟؟ هذا الي جابه ...؟؟ ناظرته .. مستغربه ... بس مالتفت لها ابد ... ابد ..همش وجودها ... وعينه واهتمامه كله لنايف ...الي ابتدا يلز م عليه يتقهوى .. -تقهو يابو صخر ... وان شاء الله الأمور طيبه !!..خلنا نتفاهم ونتكلم !! -مافيه شي نتفاهم عليه كلامي واضح ...وانا خابر ان الأمور بتصير طيبه ان شاء الله ...عشان كيذاا ..جيتك الين بيتك !!!والحين .. استاقف ... ساحب عصاته ... بدون حتى يلتفت لها ...فيما بين هي تتأمل يدينه وتترقب .. وقوفه ... نفسها مكتوم ...مب فاهمه ... أي شي ... هالكابوس قبل شوي هدد نايف ومرت ابوها وعادل ؟؟؟؟ عشانها هي !!!!... معقول الي يصير ... ؟؟ !!!.. تابع الوليد .. - مضطر اطلع ... السموحه منك !! وقف نايف .. -لا بالله السموحه منك ... لاضيفناك ... قاطعه الوليد ...وهو يتقدم ... وقت وقف كان واصل ... جنبها ... وبيتعداها لجل يوصل لباب الخروج ... بس وقف يرد .. مقاطع نايف .. -اعتبرني تضيفت ...واعرف اني تركت عندك امانه تخصني ...!!!.اولا احشمها من حشيمة ابوك الله يرحمه ثم ...احشمها من حشيمة شيخ بن جلمود ... !!!!.. جمدت أطرافها ... وانفاسها ... عجزت حتى تتنفس ... مرخيه نواظرها بصدمه ..ماحست ... ولاسمعت رد نايف حتى ... كل الي تعرفه انها بصدمه ... وبس ... مافوقها الا صوت الباب .. وقفت بعجل متحركه تاركه المكان ... قابلتها شيهانه ... ملهوفه ... -هاه نجلا .... يدي على قلبي .. واقفه قريب منكم !!! انتبهت للجازي المقبله لها ... -هلا نجول ... عظم الله اجرك حبيبتي ... الله يرحم ابوك ... !!.. قربت منها الجازي .. -نجول علامك ؟؟ .. مسكت يدها ... سحبتها شيهانه ..هامسه ... -نجلا وش فيك ؟؟؟ وش صار ؟؟؟ قربت الجازي منهم ... نظراتها مابينهم .. -وش فيكم ؟؟؟ لفت لها شيهانه وعينها على مدخل الصاله ... -لحظه خاله .. شوي بس .. !!! هاه نجلا وش صار وش فيك ؟؟؟ انا واقفه من اول ماسمعت صوتك ؟؟ صار شي ؟؟ سوولك شي ؟؟؟ نايف وينه ؟؟ !! غشت نواظر نجلا ... غمامة دمع ... هامسه بليا تصديق وعينها تاييهه بملامح شيهانه .. -دافع عني شيهانه !!!.. .. قال .. اني امانه ... تخصه هو !!!!.. ضيقت .. شيهانه نواظر عينها ... -مين نجلا ؟؟؟ مين دافع عنك ؟؟؟ ..نايف ؟؟؟ نايف دافع عنك قدامه ؟؟؟؟ هزت راسها تاركه الجلال ينسدل عن ملامحها وتتبعه خصل شعرها ... -لا .هو دافع عني شيهانه !!!الوليد !!! دافع عني .... توعد بامك ونايف !!! حتى خالك عادل !!! ... .. سكتت ترطب شفايفها ... ثم تابعت .. -ماني فاهمه ...هو وش يبي مني ؟؟؟؟ !!!! .... هزت راسها بتوهان ... متابعه .. -وش يبي شيهانه ؟؟؟ وش يبي ... !!!!!.. قربت منها الجازي .. لامه كتوفها ... لها ... -بسم الله عليك نجول .. ليه الصياح ... !! وش صاير معك ؟؟ !!من الوليد ؟؟؟ تكلمت شيهانه ... -هي كانت عند نايف خالتي ومعه رجلها !!!.. هزت راسها مضيقه نواظرها الجازي بعدم فهم لاحظت شيهانه تقول لها اسكتي ..... وسكتت .. ثواني ثم تكلمت موجهه كلامها لنجلا .. -روحي اغسلي وجهك ... الحلو ... وابعدي هالدموع ...حبيبة قلبي ... وانزلي .. لاتجلسين لحالك !!!.. تحركت نجلا بخطوات عجلا ... التفتت شيهانه .. متكلمه .. -انا بروح معها ... خالتي ... خلك عند امي .. لانتنبه لنا !!!.. تنهدت .. الجازي .. مااشره براسها .. وعينها على نجلا .. التاييهه بتفكيرها ... -طيب طيب ... روحي ... معها .... همست لشيهانه ... تخاف احد يسمع ... -ماتوقعت اشوفها كيذا .. ابد شيهانه !!!!!... ردت شيهانه بهمس .. خافت .. -انتي رحتي ذاك اليوم مادريتي ... .. قربت اكثر .. منها هامسه .. -نجلا تزوجت واحد ثاني .. !!.. قالتها ومشت تابعه اختها ..وخطواتها ..... شهقت .. الجازي ... باستغراب ... وهي تشوفهم يتوجههون للدرج ..راقين ... .................................................. ................................. الوليد ... طلع من عندهم ... هايم على وجه الأرض .... فيه من الضيق الي يشل صدور .. بلد ... قابض الهم على صدره ..وتفكيره ... وكل مافيه ... طلع ... عارف انه قدر يستحكم نفسه ..امامها ... حتى نظره وحده ماعطاها ....اثبت لروحه انه قادر ... يتحمل وجودها فتره بس ... ثم يبعدها ... وينسى حتى وجودها ....هو استحكم نفسه عمر ؟؟؟ بيعجز .. يصرف روحه ورغبته فيها ؟؟؟ ابدا !! هو الوليد بن صخر ...الي كافح .. وتحمل .. الين وصل مواصيله ... وضبطه لنفسه .... احسن له واحسن لها ... ولأخوه ... يبعدها ... ويبتعد ...مب فاضي ... انه يدخل متاهات ...هو قافلها ...على نفسه ... شدد مسكة الدركسون ... موقن ... عمق .. الأثر الي .. اوجدته .. هي بهالفتره البسيطه ... وتاكد اكثر وقت طلع .. لكن .. ماراح يسمح لنفسه .. يتراجع عن قرار عمره ابد ... بينتظر ... الين ..تهدى الأمور ... وتمر فتره .. وبيعتقها ... ويبتعد ... فتره بسيطه !! بس بس بسيطه !!... بيشغل نفسه.. وبيكون بعيد حتى ..... بينساها اكيد ...شد مبسمه ... مركز بالطريق ... قدامه شارع ... ممتد ... لكن هو مايشوف .. الا ضيق .. احساسه .. وانحصار روحه ..وبس .... .وشي .. من ملامحها .. الشامخه ...الابيه .. .الي تركها وراه ...غافل ومتغافل ... ان الله .. هو الي اوجدها .. وخلق ثباتها .. الي راح يصمد ..ويقوى ... ويكبر ... ويعتلي ... في سماه .... كما الغيمه الممتليه مزون وبروق ورعود ... تسقيه كل ما..جف نبضه وصار يطلب .. سقيا لجل يعيش .. بهالحياه ...تركها .. مقرر .. يبتعد ... ومايدري... ان بعدها راح يصبح ... له كما تجرع سكرات .. الهلاك ...وان وصلها .. الي استشعره بروحه قبل جيده اليوم ... هو الحياه ثم الحياه ... ثم الحياه .................................................. ............................... انتهى الفصل التعديل الأخير تم بواسطة **منى لطيفي (نصر الدين )** ; 29-12-20 الساعة 10:32 PM | ||||
|
| |
|
15-04-19, 11:04 PM
| #53 | |||||||||
| عضو ذهبي
| الفصل روووعة 😍😍اخيرا ظهرت براءة نجلاء لكن لو كان سلطان عرف قبل ان الوليد اتجوزها كان قال كلام اوسخ من هيك عنها بس الحمدلله وقع في شر اعماله وذنب ابو نايف صار برقبته . خليه ينقلع احسن 😠😠..نجلاء مااظن انها حبت سلطان لانها ماعرفته هي كانت تحب مجرد طيف ووهم اما بالنسبة للوليد اعتقد انها اثاثرت بيه ومع الوقت راح تحبه💘💘 ..اما الجوهرة وامي نورة الاتنين دول ومعاهم رنا مش ناويين يصلوا ع النبي 😤😤. اما ام عادل وبنتها الحقراء ان شاءالله ينحرقوا الكلاب ..البارت كان دسم ورائع اتمنى اك التوفيق وياريت ماتطولي علينا منتظرينك بشوق😍😍 | |||||||||
|
| |
|
16-04-19, 02:32 AM
| #56 | ||||
 
| بااارت جميييل ومشوق صراحه بس فيه شي لفت نظري في البارت الاول قلتي ان سلطان طلع ما شاف نجلاء لان مره ابوها تكلمت عنها ؟! والحين في هذا البارت قلتي انه شافها و قلتي ان ام نايف وام عادل يتسألون ليش سلطان تركها يوم الملكه ! مع ان ام نايف هي الي تكلمت عليها لما قالت استر عليها وكذا فمتوقع انه بيتركها بعد الكلام ! و أخيراً ننتظرك على احر احر احر احر من الجمر وكل مره اكتشف ان ماعاد فيني صبر  ودي اشوفك واخليك تقولين لي القصه كامله وارتاح ههههههههه | ||||
|
| |
|
16-04-19, 04:26 AM
| #57 | |||||
| اقتباس:
وهج حبيبي تم تعديل البارت الاول اطلعي عليه | |||||
|
| |
|
16-04-19, 12:28 PM
| #58 | |||||
| اقتباس:
شكراً على التوضيح ودي اجلد سلطان ونايف لييييين تبرد كبدي قبل تغير الاحداث كان سلطان و الجوهرة رافعين ضغطي بس الحين كثروا صار سلطان ونايف والجوهرة ومعهم شيهانه بعد وطبعاً ام نايف وام عادل < من بقى ههههههههه بس عندي امل انك بتبردين قلبي فيهم ههههههههه ننتظرك على احر من الجمر < حفظتي هالجمله من كثر ما اقولها ههههههه صارت توقيع | |||||
|
| |
|
16-04-19, 10:28 PM
| #60 | |||||
| اقتباس:
| |||||
|
| |
|
| أدوات الموضوع | |
| انواع عرض الموضوع | |
|
|
73029Likes
العرض العادي
