عشق الليث للكاتبة / دينا ابراهيم " مصريه " (مكتملة)

[فيتامين سي]

الفصل التاسع.....

كارمن بتوتر : عشان خاطري يا ليث مش هقدر بليز...
ليث وهو ينظر لها بشوق : خلاص هطلع اجيب حاجه بسرعه وارجع الاقيكي غيرتي ماااشي ...
-ماااشي ..انا متشكرة اووي....
خرج ليث وهو يفكر في طريقه لكسب ود زوجته الجميله..لف قليلا حول المنزل وطلب الماء وعاد الي الغرفه...
ارتدت كارمن بجامه جيل برموده ونص كم لتنام بهاا وانتظرت ليث ليعود....دخل ليث فابتسم لها ووضع الماء بجوار السرير وفتح حقيبته اخرج شورت و بدأ في نزع ملابسه امامها ...
كارمن اغمضت عينيها ونظرت الي الجهه الاخري بسرعه ..
-انت بتعمل ايه؟؟
-انتي شايفه ايه يا كارمن هانم..
كارمن تبرطم بصوت خافت : شايفه انك قليل الادب..
ليث : نعم بتقولي حاجه !!
كارمن بضحكه صفراء : لا مش بقول..
-طيب يلا بطلي لماضه ونامي ..
التفت كارمن فوجدته نصف عاري يرتدي شرورت فقط ...
-احيه ايه ده ؟ لا انت هتنام كده ؟ فين هدومك !
نظر لها ليث بحده : كارمن انا تعبان وعلي اخري وبجد مش عايز اسمع كلام اهبل دلوقتي ..بكرة ان شاء الله قولي اللي عايزاه ..
-اصل انا مينفعش و انت....اااااه
سحبها ليث قبل ان تكمل جملتها واستلقي علي ظهره ووضع رأسها علي ذرااعه…صدمت كارمن من فعلته وحاولت القيام..
ليث بحده : ناامي بقااا متتحركيش ..
كارمن بغضب : والله !! حاضر هتك علي الزرار ..اصل انت فاكر انه عادي كده جنب اي حد

ليث : انا مش اي حد ،انا جوزك يعني نامي بقاا ومتقرفنيش ..
كارمن بعند :لا بقا مش هنام وهتحرك اهوه اهووووه...
ضحك ليث واستلقي علي جنبه فاصبح وجهه لوجهها فلف ذراعه حولها يقربها من صدره...
وقال بخبث :ماشي وانا بموت في الحركه ..اتحركي..ماتتحركي...
كارمن بخوف :مين يتحرك؟؟ انا مش عايزه اتحرك اصلا...انا نمت اهووه خلاص اوعي بقااا..
اغمضت عينها وكأنه سيصدق انها نامت بالفعل...
اقترب منها ليث فقبل عينها ثم العين الاخري وبدأ يغرقها بقبلات حارة علي كل وجهها حتي وصل الي هدفه شفتهاا الصغيرة الورديه دائما ...
لم تعد كارمن في وعيها فكعادته دخل كالاعصار وهز كيانهاا.. قطع ليث قبلته ليسند برأسه علي رأسها وترك انفاسهم تتلاقي واحس بدقات قلبهاوكأنها تنبض في قلبه...هل يخبرهاا الان انها يحبهاا ام ينتظر اكثر؟؟...
ليث بصوت مبحوح : افتحي عينك..
فتحت عينها كالمنومة مغناطيسيا ونظرت في عينيه السوداء كالليل .. لتري نظرة الحب واضحه وابتسامه الامل علي شفتيه...
كارمن : اا انا انااا
ليث بحب : انتي ايه؟؟
كارمن وهي مغيبه: هااه انا ايه..
ابتسم ليث لنفسه فهو نجح في جعلها تفقد عقلها كما تفقده هي عقله دائما..رأت كارمن ليث ينظر لها هكذاا ففاقت بسرعه وشعرت بالاحراج وقالت : انا هنااام ... أغمضت عينيها مرة اخري ، فأنفجر ليث ضاحكا علي برائتها قبل انفها وسحب الغطا عليهم ونامت وهي علي ذراعه وبين احضانه....
_________
في صباح اليوم التالي في قصر السوهاجي...

استيقظت صفاء في الصباح وذهبت الي غرفته فوزيه...
-صباح الخير يا مامتي ..
- ياحبيبتي ..ايه النشاط ده كله ، صاحيه بدري في الاجازة ليه؟
-ههههههه عادي بقااا..اصل كوكو وحشاني من امبارح اول مرة تبعد عني كده بنت الايه وحاسه بملل حتي في نومي ...
-هههههههههه ايوة والله يابنتي البنت دي بتعمل روح جميله في البيت...
-طيب يالا ياماما احسن اغير واتغاظ ولا حاجه، قدامي علي المطبخ هموووت من الجوع ….
دفعت كرسي والدتها واتجهوا الي المطبخ واخبروا سعديه بتجهيز الفطور..
نزل احمد وهو منتعش علي غير العاده ...
صفاء بمكر: ايش ايش ياتوتو ايه الشياكه دي كلهااا ..عندك معاد ولا ايه ...
احمد نظر لها بانزعاج : لا طبعا يافشله انا رايح الشغل ..
صفاء باستغراب : شغل ايه ؟؟ انت عيان يابني..
احمد بقرف : سوفاج تحت مستوي التفكير ..مش هرد عليكي اصلا...

ضحكت فوزيه علي طفولة ابنائها وقالت : انت رايح فين بجد...
-رايح الشغل والله ..في ايه ياجدعان الاستغراب ده كله مانا مطحون بقالي اسبوعين مع ابيه في الشغل !!....
-احم اصل مش متعودة عليك نشيط كده غير عشان تتسرمح..
فوزيه :بس يابنت اتلمي متغلطيش في اخوكي الكبير...
نفخ صدره ونظر لها بطرف عينه : ايوة اتعلمي الادب شويه ، وبعدين انا مكان ابيه دلوقتي الشركه كلها في ايدي وتحت مسئوليتي لمده اسبوع...
لمعت عينا صفاااء ياولا ياولا قول بقاا انك رايح تستفرد بالبنات..
احمد :هههههههههههه عرفتي ازاي..
فوزيه بصدمه : ولد !!! ..
احمد بتوتر: لا طبعا ..انسانه تفكيرك حقير ..انا ارقي من كده يا بنتي...
غمزها احمد فضحكت صفاء وقالت: طيب يلا عشان تلحق الموزز اقصد الشركه..
هزت فوزيه رأسها من سخافه ابنائها وبدأت في تناول الفطور مع صفاء...
-وانتي ناويه تقضي اليوم ازاي يا صوفي..
-مفيش يا ماما كنت هظبط الورد بتاعي شويه وهقرا روايتي الجديده.. بس لو عايزاني اقراها معاكي تمام يعني...
فوزيه بابتسامه : لا اقريها انتي ، انا خلصت فطار هطلع اكمل قرايه في المصحف وابقي ابعتيلي سعديه تروقلي حاجات في الاوضه...
نهضت صفاء لايصال امها الي الغرفه ثم اتجهت الي غرفتها تنظر الي المرآه..
صفاء لنفسها: عسل ياصوفي والله قمر ياخووواتي.. اكيد طبعا لازم يحبك ده انتي موزه المزاميز امووووواااه ...هيييييح ايه العبط اللي بعمله ده هههههههههههه..
نزلت بسرعه الي باب المنزل وبطئت خطواتها حتي لايظهر عليها الاستعجال وخرجت الي الحديقه بابتسامه جذابه وعيناها تحوم حول المكان حتي تجد هدفهاا الذي كان يعطيها ظهره ويرتب ورود بجانب وردها المفضل..
صفاء برقه وخجل : احم صباح الخير..
وقف عادل بسرعه وابتسم ابتسامه تظهر اسنانه…
-صباح الورد والجمال..ازيك انهارده ؟؟
-تمام الحمدلله
..شبكت ذراعيها للخلف وضمت شفتيها وحاولت التحكم في خجلها..فعي غير معتاده علي محادثه الرجال وخاصه رجل تحبه ومعجبه به بشده...
عادل بتوتر: عايزة انهي ورده انهارده ؟؟؟
-اممم مش متأكده لسه..
-تسمحيلي اختارلك واحده...
صفاء بخجل : اااه ...
قطف عادل ورده حمراء كبيرة و اهداها لها..
-بتفكرني بييكي...وبخدودك الحمر علطول..
صفاء بسعاده وضحكه خجوله: اا..اممم انا همشي بقااا..
عادل :هتطلعي دلوقتي ؟؟
-لا انا هقعد علي الكرسي هنا علي الفراندا عشان اقرار روايتي..
-انتي بتحبي القرايه ؟
-اه بعشق القرايه ونفسي اسافر ..وانت؟
-انا بحب القرايه اوي بش مش عايز اسافر عشان مينفعش ابعد عن اهلي...
صفاء بحماسه: احكيلي عنك وعن اهلك!!...
ابتسم عادل وقال : اعتقد انتي عارفه ابويا طبعا وامي ربنا يخليهالي وعندي اخ وعنده بنت ليلي العسل دي بقااا العشق كله لو تعرفتي عليها مش هتقدري تسيبيها..
نظرت له صفاء بحب وهو يتحدث عن عائله ولمست فيه الانسانيه والطيبه...
-احكيلي عنك انت طيب؟
-انا ياستي عادل 25 سنه وخريج تجارة وبشتغل محاسب في بنك ..
قاطعته صفاء بصدمه: نعععععم ،محاسب اززززاي ؟
عادل بخضه من علو صوتها المفاجأ : في ايه يابنتي هو انا بقولك بشتغل تاجر مخدرات .!!...
-لا بس اصل انا كنت فاكرة انك...
عادل قاطعها : اني بشتغل جنايني و كده صح ؟!
-ايوة الصراحه ..اومال انت بتعمل ايه هنا؟..
-اقولك ياستي ، انا ابويا ربنا يديله الصحه ،تعب جامد الفترة دي والدكتور قاله يرتاح اسبوعين بس طبعا ابويا مرداش عشان الشغل هنا ميخربش ويشاء القدر بقاا ان انا كنت اجازة ،و اقنعته يرتاح واني هشتغل مكانه لحد مايخف...اصل الراجل ده دماغه نشفه اوووي ..بتحايل عليه بقالي 3 سنين انا واخويا يقعد من الشغل وكفايه بس يقولك ابدا انا اشتغل لحد مااموت الشغل اللي احبه وعند الناس اللي قضيت عمر معاهم..
صفاء بفخرو سعاده : طول عمري بحب عم كمال اصلاا ربنا يخليه ليكم يارب..وانت كمان حركه حلو منك دي مش اي ابن هيرضي يسيب مركزة ويجي يشتغل الشغلانه دي ويتعب..
عادل بحب وابتسامته الرائعه: انا اصلا بحب الورد اووي وبحمد ربناا اني عملت كده..عشان اشوف اجمل ورده في الدنيا واتكلم معاها..
نظرت صفاء خلفها بخجل وضمت شفتاها وقالت: انت بتتعمد تكسفني علي فكرة...
ضحك عادل: اوباا واضح اوي انا صح هههههههه ، اصل الصراحه بعشق خدودك لما تكسفي...
صفاء بخبث : تعشق مرة واحده انت معرفتنيش غير من اسبوعين ...
عادل بسرعه: مش مهم انا اصلا حبيتك من اول لحظه عيني شافتك ..كنتي زي الملاك بتجري حواليه وعايشه في دنيا غير الدنيااا..
وقفت سعديه علي الباب وهي تري الأثنان يتحدثان حركت شفتها يمين ويسار ...وقالت في نفسها: يخربيتك يابن كمال هتبلف عقل البيت ولا ايييه !! لا انا لازم اتصرف ...
ذهبت اليهم لتفاجأهم...
-صفاااء هانم
-ايييه يا سعديه بس ؟؟؟
-امممم مفيش ياهانم اصل ست فوزيه بتسأل عليكي ،طيب اروح اقولها انك مش فاضيه بتتكلمي مع الجنايني..
نهضت صفاء سريعا وقد اصفر وجهها ..
-ايه يا حاجه في ايه انا قمت اهوه !! انا بس كنت بسأل علي الحاج كمال وبطمن عليه..
ابتسم عادل لصفاء ونظر الي سعديه شزرا واتجه يكمل عمله..
دخلت صفاء مع سعديه لتري ماذا تريد والدتها منها..
_____________
اما في بيت عائله السعيد... كانت كارمن تتجول في الحديقه الواسعه وتري الخيول في الخلف مع بنات عمهاا وتتسلي معهم...
كان ليث يجلس في الاعلي بمكتب الجد مع عم كارمن وسامح يتحدثان عن الاعمال وكان الجد يحاول اقناع ليث باحضار كارمن اسبوع في الشهر..
الجد: والله يابني يبقي كتر الف خيرك لو جبت البنيه كل فترة نشوفها ونطمن عليها واهي تطمن علي جدتها ..احسن دي موصياني اقولك انها مش هتقدر تعيش من غير ماتشوفها كل شويه..
ضحك عبد الرحمن : امي بردك اللي مش قادره علي الفراق..
ضحك الجميع واخبره ليث بصراحه..
-بص يا حاج حضرتك عارف اني عندي شغل كتير ومصالحي ممكن تتعطل لو غبت عنها كتير...فاحنا ممكن نتفق مع بعض كل فترة نيجي يومين تلاته او حضرتك والعيله كلها تشرفونا وتقعدوا زي مانتو عايزين ...ايه رأيك ياحاج؟؟
الجد بحيرة: والله يابني طالما النيه موجوده يبقي كل شئ هيبقي تمام ان شاء الله...
سامح : ايه رأيك ياجوز بنت عمي لو تخرج معانا بليل نسهر ..
نظر به ليث بتعجب : نسهر نروح فين ، ومع مين ؟؟
-انا وانت والشباب وهسهرك سهره صباااحي

ابتسم ليث فهو ليس غبياا ويعلم تماما مايسعي اليه...
-لا ياسامح ا ، انا مش بسهر من غير كارمن او بليل لاني متعود اصحي بدري...
شعر الجد والعم بالرضي من رده ... بينما احس سامح بانه لن يتخطي اسوار هذا الليث...
نزل الجميع وبدأت يبحث ليث بعيونه عن كارمن فأخبرته الجده بمكانها في الخلف عند الخيل..
شعر بخوف علي كارمن فاسرع بخطواته حتي يصل بها فوجدها تلعب القطه العمياء !!!!!!!
ليث لنفسه : متجوز طفله بجد ..دي اكيد بتهزر....
كانت الفتيات يركضن ويضحكن حولها عندما رأو ليث فاشار لهم بالسكوت ...فضحكن بخبث وقررن تركهم لحالهم...
كارمن بطفوليه : ياويلها اللي همسكها هقطعهااا بوووس هههههههههه
ابتسم ليث ووقف امامها فاحتضنه بسرعه وقالت : قفشتتتتتك ههههههههههههه...
نزعت العصبه من عينيها فوجدت ليث ....ارادت الابتعاد عنه ولكنه طوقها بذراعيه ...
ليث بمكر وهو يعض علي شفته السفلي : يلااا انا مستني...
كارمن بذهول : مستني ايه ..
-الله هو انا فهمت اللعبه غلط ولا ايه..
-مش فاهمه ...انت عايز تلعب !!!!
-اااه بس معاكي انتي وبس..
خجلت كارمن : لييييث!!!
ليث يصطنع البراءه : مش دي اللعبه ..
كارمن بانزعاج وهي تحاول الافلات منه: انت هتجنني والله مش فاهمه حاجه...
ليث بخبث : هو اللي بيتمسك مش بيتقطع بردو
فهمت كارمن قصدة وخجلت بشده وضربته بكفها علي صدره : انت فظيع علي فكرة...واوعي بقاا قبل ما حد يشفناا بالمنظر ده..
ليث بلا مبالاه : اللي يشوف يشوف انا مش بعمل حاجه غلط ومحدش ليه عندي حاجه ،انتي مراتي ولا نسيتي !!
كارمن بغنج : اممم مش فاكرة..
كان ليث يجاريها فقال : تمام افكرك انااا وحاول تقبيلها ولكنها استقرت علي خدهاا..
كارمن بخضه : احيييه احيييه ونبي لا خلااص افتكرتت افتكرت...
سمع الاثنان ضحكات تدوي خلفهم التفتا ليروا الجده وواولاد عمها ...
فاطمه : ايييه استحواا شويه في بنات في البيت...
ضحكت الفتيات وقامت الجده بادخالهم...
-خشوا ياقلالات الحيا مناديني عشان كده ....
وضعت كارمن وجهها بين يديها في استنكار لما حدث ضحك ليث ووضع يده علي كتفها واتجه بها الي الداخل وابتسامه كبيرة مرسومه علي فمه..

[فيتامين سي]

الفصل العاشر....

كان عمر يجلس داخل المنزل عندما دخل ليث وكارمن نظر لليث بغيظ فابتسم له ليث ومال علي شعر كارمن يستنشق عطرها..قبل رأسها فنكزته حتي يتوقف ..
-بس بقا بطل تكسفني ...
-حاضر عشان مش بحب حد يشوف وشك وهو احمر غيري....
كارمن لنفسها: طلع بيحبني ابن الايه والله بيحبني صح ياقلبي ...ليرد عقلها شاطرة لحس عقلك بكام بوسه ونسيتي الستات اللي كان بيرحلها..
قضبت حاجبيها ونظرت له بغل تعجب له ليث فهي منذ دقائق حانت خجله وسعيدة ..ماذا فعل لينقلب حالها ؟!!...
تركت ليث وذهبت للجلوس بجوار عمر مما ازعج ليث ولكنه لايريد التحدث فالجميع جالس ايضا ..
ليث لنفسه : مالها دي كمان !! صحيح ستات مجانين ...واشمعني ده اللي راحت قاعدة جنبه ..ماشي يا كارمن انا هوريكي...
ليث بهدوء : انا طالع فوق عشان تعبان شويه..
فاطمه تغمز كارمن: قومي يابنتي شوفي جوزك بسرعه ...
-حاضر يا تيتا...
ذهبت خلف ليث الذي ما ان دلف الي الغرفه حتي خلع كل ملابسه ونام علي السرير...
كارمن بتوتر من هيئته : احم مالك انت بتقول تعبان ؛ حاسس بحاجه بتوجعك؟
ليث وهو يحاول تجاهلها : اه..
-طيب ايه؟
ليث بعناد : مش لازم تعرفي ..روحي انتي اقعدي معاهم..
كانت كارمن في حيرة هل تغضب منه ام تسمع لقلبها و تجلس وتعتني به !! حسناا لن تتركه حتي لا تتألم هي الاخري...
-لا انا كمان هقعد هنا بس ريحني وقولي مالك..
ليث بضيق: مفيش ..سيبيني..
كارمن بعناد اكبر: لا مش هسيبك لازم تقولي مالك يااما هطلبلك الدكتور يجي وهو يطمني...
جلس ليث مكانه ونظر لها بعتاب وحزن ...
-ليه الهانم خايفه عليه اووي..
-ايوة طبعا مش ابن خالتي!!!
ليث بغضب :اطلعي برة يا كارمن !!
كارمن وكدت تبكي من الغيظ وتريد لو تعطيه كف حتي يتوقف عن افعاله تلك..
-في ايه الله ، انا مش صغيرة علي فكرة لازم تعرف اني مراتك دلوقتي وليه حق اعرف انت مالك وتشاركني وجعك..
انتفض ليث تماما كالليث الغاضب وامسك بكلا ذراعيها بقبضته القويه ..
-ولما انتي مراااتي ..مش بتفتكري ليه غير اللي علي مزاجك..وبتتعمدي تستفزيني يا كارمن..
كارمن بصوت مخنوق: وانا عملت ايه لكل ده اصلا..انا مش فاهمه حاجه..
-لا انتي فاهمه كويس انتي بتعملي ايه ... بعدك عني انهاردة وقعادك جنب الزفت ده مش من فراغ انتي عارفه اني بكرهوا وبردوا علطول تكلمي او تقعدي معااه..
-انت قصدك علي عمر بس ده ابن عمي وطيب وميقصدش حاجه وكمان محترم معايا جداا.
اثار كل هذا الكلام غضب ليث اكثر : لازم يبقي محترم معاكي غصب عن عينه انتي مرات ليث السوهاجي يعني انا ممكن امحي من علي وش الدنيا انتي فاهمه..
ترك يدها وامسك جزء من شعرها المنسدل وشد عليه...
-وشعرك ده ياهانم مش قلتلك تداري لحد مانرجع الزفت البيت..بس انتي عجبك وضعك وان كل الرجاله بتبص عليكي وهيموتوا علي جمالك..
كارمن بلاشعور ردت بغضب: انت قليل الادب ومش متربي..
رفع ليث يده وكاد ان يصفعها ولكنه امسك نفسه علي اخر لحظه فدفعها بعيدا عنه علي السرير وبدأت في ارتداء ملابسه بغضب واتجه الي خارج الغرفه تاركا اياها تبكي بشدة ومرارة علي ماوصل له حالها ...
عندما اغمضت عينها في انتظار الصفعه ظنت انه لن يكتفي بواحده وانه سوف ينهال عليها ضرب او يقتلها وكاد ان يغشي عليها من الخوف فهي تعلم انها اخطأت ولكنه ايضا يتهمها باشياء لاتقدر اي امرأه علي تقبلها..
تجول ليث في انحاء القريه وهو يفكر بكارمن وكيف كاد ان يضربها وشعر بوخزه في قلبه ..
ليث لنفسه بحزن: انت مش ابوك اوعي تبقي زيه ابدا ..متنساش ابوك خد منها ابوها وامها بس واضح انك مصر تكمل مهمته وتدمرهااا هي كمان..
كان ليث يشعر بغضب شديد علي نفسه وحيااته ولا يدري ماذا يفعل معها او غيرته القاتله هذه ولكن مهما حدث هو يعرف انه لن يستطيع ان يمسك نفسه اذا رأي اي رجل ينظر لها حتي....
عاد ليث بعد ساعات طويله الي البيت فوجد الجميع نائمين...دخل غرفته هو وكارمن وجدها نائمه ..بدل ملابسه واستلقي بجوارها ..
كانت كارمن منتظره وصوله ..ما ان اطمئنت حتي اصطنعت النوم ..في امل ان تتخطي مواجهته الان...
كان ليث يعلم انها مستيقظه ولكنه لم يرد ازعاجها او الضغط عليها اكثر فتكرهه.. بعد صراع طويل داخلهم استسلم الاثنان للنوم...
ولكن هيهات لن تأتيه الراحه فقد غزا نومه كوابيس عاشها هو بالفعل ..مشهد وفاة خالته علي يد والده وسماعه اقوله واصابته بطلقه علي يد وابده ، هي كوابيس دائما ماتراوده ولكنها تركته عندما كشفت كارمن الحقيقه واصبحت ملكه ....
استقظت كارمن لتجد الصباح لم يأت بعد ووجدت ليث يتنفس بسرعه ويتصبب عرقا ويحرك رأسه بعنف ..حاولت هزه وايقاظه ..فانتفض كامل جسده ليصيح (ااااااه)....
كارمن بخوف وعيون باكيه:ليث اصحي عشان خاطري انا خايفه....
استيقظ ليث وجلس مرة واحده فاوقع كارمن والتي كانت تميل عليه فوقه..فعاد الي وضعه مرة اخري..
ليث بنعاس: في ايه؟؟
-كارمن ببكاء : انت اللي في ايه؟؟ انت كنت بتحلم لا اقصد كان عندك كابوس وكنت بتصوت وعرقان وكنت خايفه اووي..
بكت كارمن بشده مما اذهل ليث : خلاص اهدي عادي يعني بتحصل علطول..
-ايه انت علطول بتجيلك كوابيس ومقلتش ليه قبل كده..
-كارمن لو سمحتي انا مش عيل صغير هخاف من الكوابيس عادي يعني الموضوع انتهي..
عدلها مكانها ودفعها برفق من فوقه وقال : نامي يلا معلش صحيتك..
كارمن وهي تنظر له في الظلام: ايه اللي حصل فيه طيب؟؟
-وبعدين معاكي !!
-عشان خاطري ياليث لو بتحبني قولي...
لمس ليث بطرف اصابعه وجنتها وجدها مبتله بالدموع فممسح علي وجهها برفق..
ليث بصوت متقطع : حلمت بيه ياكارمن وحلمت بكل حاجه حصلت ..
-قصدك ابو...
-متكملهاش يا كارمن ارجوكي ..ده ميقربليش اي حاجه انا اسمي ليث السوهاجي وبس ..
كارمن محاوله تهدئته : ايوة ياحبيبي فاهمه..
كان الظلام كاحل حولهم ولكن كلمتها اصابت قلبه وشعت نوراا في روحه المظلمه...
ابتسم ليث : حبيبي؟؟
كارمن بتوتر : اممممم انا اسفه..
-عشان بتقولي حبيبي...
-عشان اللي قلته الصبح انا والله مقصدتش ابدا اني اغلط فيك وبتمني لو لساني اتقطع..انت ليك حق ماتسامحنيش انت ابن خالتي واللي ربتني….
قاطعها ليث ووضع يده علي فمها : لا ياكارمن انسي ..اني ابقي ابن خالتك انا جوزك وبس ..فكري فيه كجوزك وحسي بيه كجوزك بردو انا خلاص مبقتش ابن خاالتك !! ومتتأسفيش انا كمان غلط وبعترف بكده .. بس اتمني اللي حصل منك ده ميتكررش تاني ..سبق وقلتلك انا بكرة بالغلط وبالذات لو منك..
-حاضر هحاول والله اصلا مش ببقي عايزة اضايقك مني بس غصب عني كل مااا...
سكتت وحاولت ان تزيل يده من علي وجهها.. اوقفها ليث..
-اتكلمي ،مافتكريش اني عبيط انا خدت بالي من التغيير اللي حصل معاكي انهارده...
كارمن بالم وضيق: اني افتكر خروجك بليل وانا عارفه انه لوحده ست ..
ليث بهدوء : كارمن انا مش هنكر اني غلط فعلا بس لاحظي ان ده كان في الماضي....دلوقتي انتي مراتي يعني زي مانتي هتحفظي علي اسمي انا كمان هحافظ عليكي….
كارمن بانزعاج : عارفه بس بزعل بردو مش عارفه اعمل ايه ..
تنهد ليث :كل ما تيجي في بالك حاجه زي دي افتكريني وانا مش قادر اسيطر علي نفسي وانا جنبك ..انتي متخيله يعني ايه انا ماسك نفسي عنك لحد دلوقتي و مش عشان انا انسان كويس لا عشان انتي ملاكي الصغير ومش عايز اصدمك باللي انا عايز اعمله معاكي انتي وبس...
علت انفاس كارمن ودق قلبها من اعترافه ...
كارمن لنفسها: هو ده اعتراف انه بيحبني ولا انا حوله ولا هو هيشلني ولا ايه ؟؟
-علي فكرة انا مش صغيرة انا ست كبيرة دلوقتي..
ابتسم بمكر : افهم من كده انك...
-لا لاااا لاا ...انت ليه فاهمني غلط علطول..
-لا انا فاهمك صح هههههههه وهي دي المشكله..
كارمن دفعته برفق : طيب اتفضل نام عشان تعبانه.
كانت تنقلب الي وضعها الاول علي طرف السرير ولكنه احاط خصرها بيده وقربها منه وغاص برأسه بين خصللت شعرها...
ليث بحب : تصبحي علي خير...
لم تتكبد كارمن حتي عناء المقاومه فهي تعلم جيدا انها لن تقدر علي مضاهاته ..كما انها غير واثقه من رغبتها في ان يتركهاا بعد كل ماحدث اليوم..
ابتسمت كارمن لنفسها واغمضت عينيها لتستسلم للنوم وهي تشهر بامان وسعادة...
_________
في شركه السوهاجي...
كان احمد منغمس في الاعمال حتي رقبته ....
دخلت اسماء تخبره بحضور معتز..
احمد : خلي يدخل يااسماء وبعد كده دخلي علطول..
اسماء : والله يافندم هو اللي مش بيرضي يدخل ..ليث بيه موصي يدخل علطول بس مفيش فايده...
احمد : طيب خلاص انا هشوف الموضوع ده...
خرجت اسمتء ودخل معتز...
-صباح الخير يا ابو حميد...اومال فين ليث ؟!
-..ليث مش هنا والله هيغيب كام يوم قبل مايرجع مع مراته..
معتز بصدمه : مرات مين ؟؟!!!!!!
احمد وقد فهم صدمته : ههههههههه ااه اصلك متعرفش اللي حصل مش ليث اتجوز...
معتز : واتجوز مين بقاا ان شاء الله وانا اخر من يعلم وبعدين ولا سمعت عن الفرح اساسا ده انا هخلي ليلتك انت واخوك طين..
احمد : اهدي يامعتز بس وانا هحكيلك كل حاجه من الاول..
قص احمد عليها ماحدث وعقد قران ليث علي كارمن وذهابه معها الي بيت عمها..
معتز بسعاده : يا ابن ايه ياليث الواد ده في شئ لله ..ميغركش اللي هو في والشخط والنطر ده ..كان بيبقي سايلنت لما البت دي بتطلب حاجه منه...انا عارف من زمان اوي انه بيحبهااا بس يارب مايطفشها باسلوبه المنيل ده..
احمدبضحك: هههههههه اهو طلع اجدع مننا كلنا واتجوزها ..بس انا اللي مجنني اني مخدتش بالي اصلا انه بيحبها...
-احمد ياحبيبي وانت من امتي بتاخد بالك من حاجه غير من بطنك ...
-ماشي ماشي عشان انت زي اخويا بس هسكتلك...
دخلت اسماء معلنه عن حضور شخص يريد مقابلته..
احمد باستغراب : مقالش اسمه ايه ؟!..
-لا مش راضي يقول وعايز ليث بيه قلتله مش هنا مصر انه هنا وبيقول انه عمره ماغاب عن الشركه...
معتز بتعجب : ده مين اللي متابع اوي ده..خلي يدخل نشوف عايز ايه ده...
-طيب دخلي ..
-حاضر يافندم...

دخل شخص كبير في السن ظهر عليه علامات التقدم في العمر ....لم يتعرف عليه احمد او معتز في بادئ الامر...
احمد بهدوء : حضرتك طالب تقابل ليث السوهاجي بس هو مش موجد ..انا بداله في الشركه..
رد الرجل بابتسامه سخريه : غريبه !! مع ان فوزيه مش من عادتها تطنش علي التأخير...
رد احمد بحده : ماتتكلم كويس باجدع انت ..ايه فوزيه دي ..انت تعرفنا عشان تتكلم كده..
انطلقت منه ضحكه مدويه : مع انك مكنتش صغيراوي بس تمام ابقي بلغ ليث سلامي وهرجع تاني لما يبقي هنا ...
معتز بانزعاج :انت مين ياجدع انت ..احنا مش فاضين للعب العيال ده ..
ابتسم بمكر : شاووو...
ذهب وتركهم مذهولين من عجرفته...
-صحيح راجل خنيق..
-طول بالك هتشوف من ده كتير شد حيلك لحد ما ليث العاشق يرجع..
-هههههههههه ونبي اقوله اللقب ده..
-لو هتقوله علي مسئوليتك اشطا وهبقي اجي اعزي فيك ...
احمد بسرعه : فال الله ولا فالك ابعد عني بقا انا لسه عايز اتمتع بشبابي ...
معتز ضاحكا : طيب ياشبابي اسيبك واروح احسن الحج هريني اصال من الصبح ..وعشان تعرف اني اجدع من اخوك ...ابقي قوله اني هخطب قريب اووي ...
احمد :يلااا..اهي العقده اتفكت....مبرروك يا زوز مقدمااا..
-الله يبارك فيك..عقبالك ..
-ههههههههه بعينك سيبني اتمتع شويه واكون الاعزب الوحيد ده انا هسوي الهوايل...خافوا مني..

-ههههههههههههه والله انت زي الفل ...مع السلامه وابقي قول لليث يكلمني لما يفضي..

__________
انتهاا الاسبوع سريعاا وعاد ليث وكارمن بعد وداع مؤثر من عائلتها وخصوصا الجده التي بكت بحرارة ولا تريد الابتعاد عنهاا....
كان الوضع مستقر بين ليث وكارمن كثيراا وكانت كارمن تحاول الا تغضبه منها و لاتنام ليلاا الا في احضان ليث..وهو ايضااا كان يحاول جاهدا التحكم في اعصابه وان يعاملها بهدوء ورفق حتي لا يبعدها عنه..
_________
في الجامعه ....
كان محمد منشغل البال بكارمن فهي لم تظهر مع صفاء لمده اسبوع تري ماذاحدث لهم ؟؟! ...هو حزين علي الرفض الذي وصله من ابن خالتها بحكم انها لم تنتهي من تعليمها بعد ،وكان لديه امل بانها بعد تخرجها سيوافقون علي عرض الزواج فهو امامه سنتين ليقنع والدته بعرض الزواج للمرة الثانيه عليهم..
محمد لنفسه : يارب ترضي بعد اللي حصل انا عارف امي دماغها نشفه قد ايه...
توفيق بعصبيه:اييه يابني انت قرفتني بقالي ساعه بكلمك ولا انت هناا..
محمد بضيق خلاص ياعم معلش كنت بفكر شويه...
توفيق بانزاعاج:مشكلتك انك محترم...
-مشكلتي اني محترم !!!!! طيب عن اذنك بقا قبل مااخنقك ..سلام
-ههههههههههههههه ياقاسي انت ..سلااام
_______
كانت كارمن جالسه مع فوزيه وصفاء تحكي لهم عن اهل ابيها وعن كل ماعاشته هذا الاسبوع وقد تفاعلت معها فوزيه بابتسامه كبير ..
-كاااااارمن تعالي عايزك..
نده ليث عليها في مكتبه...
-اممم طيب عن اذنك يا ماما هشوف في ايه وراجعه..
-روحي يابنتي شوفي جوزك وتعالي انا مستنيه انا صفاء...
ذهبت كارمن سريعا : استر يارب ..صوته مضايق ..انتي هببتي ايه تاني ....
ما ان فتحت الباب حتي تقدم ليث منها غاضبا سحبها للداخل واغلق الباب بالمفتاح !!

[فيتامين سي]

الفصل الحادي عشر...

ما ان فتحت الباب حتي تقدم ليث منها غاضبا ساحبا لها في الداخل واغلق الباب بالمفتاح !!!!
كارمن بخضه : حصل ايه ؟
-حصل انك نسياني ياهانم انا من ساعة مادخت البيت ده مشفتكيش !! انا مبحبش كده ..انا رقم 1 عند مراتي انتي فاهمه ...
اخذت نفس عميق وحاولت الا تضحك علي افعاله..
-بس انا مشفتهمش بقالي اسبوع وبعدين انا كنت معاك علطول عادي يعني..
- عاااادي !!!!!!!!
نظر لها وبدأ يقترب منها وهي تبتعد حتي التصقت بالحائط ...
-قولي سبب واحد دلوقتي يخليني مااعاقبكيش علي كلامك السخيف ده..
-اممم عشان ماما بره واكيد هتزعل لو عيط؟!
ضحك ليث و سند برأسه علي رأسها: مش عارف اعمل معاكي ايه بجد...
ابتسمت كارمن بخجل : ما انا كمان مش عارفه اعمل معاك ايه؟؟
احتضنها ووضع رأسها علي صدره وقال بصوت خافت: خليكي جمبي كده وبس..هو ده اللي انا محتاجه...
رفعت كارمن عينيها لتنظر في عينيه المشعه بالحب لها فوقفت علي اطراف اصابعها وطبعت قبله خفيفه علي وجنته.. ارادت التملص منه كعادتها والابتعاد...ولكنه افشل محاولتها وخطفها في قبله عميقه انستهم الحياة حولهم... لم يكتفي ليث بهذه القبله فداخله يريد المزيد والمزيد ولن يكتفي حتي يمتلكها بالكامل وتصبح له ..ترك شفتيها وبدأ يقبل رقبتها الناعمه ..
كانت كارمن متقطعه الانفاس متمسكا بليث وكأنه حبل النجاة ..كانت ملتصقه بالجدار خلفها وبليث امامها..بدأ ليث بفك ازار فستانها ملتهما اي مكان يظهر منها بشفتيه المتعطشه لها ..ضغطت بيديها علي كتفي ليث وشعرت باقدامها تنهار من تحتها ..
كارمن بصوت متقطع : احنا في المكتب ...حد هيشفنا ..
رفع ليث رأسها ينظر للحاله التي جعلها هو فيها شفتاها المنتفختان ووجهها ورقبتها الحمراء ..حاول كبح نفسه عنها ..اغمض عينيه وابتعد عنها قليلا ..عدلت كارمن ملابسها بسرعه ..
ليث بصوت مبحوح: انا هسيبك دلوقتي ..بس المرة الجايه مفيش حد هيمنعني عنك ..
امسك بذقنها لينظر في عينيها بحثا عن اي خوف منه او رفض..
-ماشي يا كارمن ...
اخفضت عينها بخجل فوصل الي ما اراده... قبل رأسها ببطئ ثم يداها واتجه الي مكتبه ليستكمل اعماله ..فتحت كارمن الباب لتخرج سريعا ولكنه اوقفها مرة اخري..
-كارمن..
-اممم نعم..
-من هنا ورايح طول ماانا في البيت المكان اللي انا فيه انتي تكوني فيه..مفهوم..
هزت رأسها :مفهوم ..
- قلت قبل كده بكره ردك اللي بكلمه واحده بس..انا اسمي ليث ..
-انا اسفه اصل انا بنسي...ياليث..
ليث بتهكم :بتنسي !!! طيب عتبري ان ده الانذار الاخيرفي الموضوع ده، و مش عايز انه يتكرر تاني .....
كارمن بانزعاج لنفسها : هيفضل كده علطول متحكم في كل حاجه مش...
-لو عايزة تقولي حاجه عالي صوتك !!!
كارمن بابتسامه مجبرة : مبقولش ..عن اذنك..
-اتفضلي...
ما ان خرجت حتي ابتسلم ليث علي عناد قطته الصغيرة...
_____________
صفاء بتوتر : مش هعرف اقعد اكتر من كده ..ابيه رجع..و انت عارف ابيه صعب اوي..
عادل بحزن :طيب ..هتوحشيني جدااا..وبعدين انا عايز اقولك علي خبر وحش شويه..
-ايه حصل حاجه ؟طمني بسرعه؟!
-يابنتي اهدي اديني فرصه اتكلم..
-اهووه...ووضعت يدها علي فمها..
ابتسم عادل وهز رأسه علي عفويتها..
-انا اجازتي هتخلص بكرة خلاص وابويا هيرجع مكاني تاني...
صفاء بصدمه : بجددد طيب وانا.. كادت صفاء ان تبكي فامسك عادل بيدها..
-متقلقيش ياصفاء انتي عارفه انا بحبك قد ايه وعمري ماهسيبك..ومتخافيش هاجي لابويا اول ماافضي اعدي عليه هنا واشوفك بردو...
صفاء بدموع : ماشي اصلي اتعودت عليك..
-مش اكتر مني بس كده احسن وقريب جداا انا هتقدملك بس خايف من اخوكي يرفضني..
اسرعت صفاء : الموضوع ده مفارقنيش وخايفه جدا بس عندي ثقه في اخويا هو عمره مافكر كده ابداا..هو ممكن يكون مغرور وبيحب مركزه بس عارف ان كلنا ولاد 9 وانا ميهمنيش فلوس الدنيا كلها من غيرك..
وضع يده ع وجهها و نظر في عينيها بحب..
-بحببببك..
وضعت يدها علي يده ...
-وانا كمان بحبببك...
تاه كلاهما في عين الاخر حتي قاطعتهم كارمن...
-احم احم نحن هناااا ...
ابتعد كلاهما عن الاخر
ضفاء بخصه :اخص عليكي خضتيني...
-هممممم لا ماليش حق معلش..
-بس يا امضه انجري قدامي..
ذهبت الفتاتان وصعدا الي غرفه صفاء التي ما ان اغلقت الباب حتي انهالت عليها كارمن بالاسئله..
-اعترفي بكل حاجه ؟؟ بسرعه اللي شفته ده حب صح؟؟ انا اخر مرة سيبتك كنتي بتكرهي ومش طيقااه !!!! وهتعملوا ايه دلوقتي؟؟؟!
اطلقت صفاء صافرة وقالت :بسسسسسس وقت مستقطع ..ايه ياكارمن اديني فرصه ارد ...
-ههههههههههههه ماشي ماشي بس بسرعه
-تعالي اقعدي وانا هحكيلك علي كل حاجه ...
وبعد ان قصت عليها كل شئ...
-يابت الايه يالظينه كل ده في شهر والنعمه انتي اجدع مني انا كنت بشوف اخوكي بلف وارجع تاني..
-ههههههههههههه عيب عليك ده انا صوفي ، بس تفتكري أبيه هيرضي..
كارمن بحب : ان شاء الله ..صحيح ليث صعب جدا بس هو من جواا طيب جدا جدا بس مش بيعرف يعبر عن اللي جوا...
-تيرررراااررررارررررااا.. يخربيتك حوشي القلوب اللي بتوقع منك...
كارمن بانزعاج : تصدقي انتي كلبه اصلا وانا مش هعبرك تاني..
صوفي بضحك: خلااص خلاص بس يعني مكنتش اعرف انك واقع في ابيه اوي كده...
كارمن بخجل : انا واقعه من زمان اصلاا بس انتي اللي هبله ...
-بتهزري صح!!!كارمن انتي عايزة تفهميني انك كنتي بتحبي ابيه من الاول!!!!
-ايووة ..طول عمري وانا بحبه ،هو اكتر حد اهتم بيه وخاف عليه ،حتي لو اسلوبه عنيف بس في حنان فظيع كان بيحسسني اني ملكت الدنيا..
امسكت صفاء بيدها: كارمن انتي بجد احسن واحده شوفتها في حياتي واتمني ان ابيه يقدر يسعدك بجد واوعديني انه لو عملك اي حاجه تقوليلي وانا هساعدك ماااشي...
كارمن بابتسامه:ماشي..
فجأه تركت صفاء يدها وقالت بانزعاج: بس ده ميمنعش يا هانم اني مقموصه منك ، ازاي تحبي حد كل ده ومتقوليش لاختك ..ده انا كنت مهريه روايات ياشيخه...ومحتاجه اي حاجه عملي...
-ههههههههههه ابو دماغك ياشيخه...
دق الباب ودخل احمد الي الفتاتان ...
احمد بسعادة بالغه : قوموااا بسررعه كل واحده فيكم تديني بوسه وتقولي قد ايه انا فظيع قد ايه انا كيوت ......
قاطعته صفاء: اييييييه المقدمه البشعه دي..عايز ايه يااحمد دلوقتي..
-احمد بيه ياكلبه...
-احمد حبيبي لو مش عايزني اغلط فيك انجز بسرعه
اخرج احمد 3 تذاكر :الرحله بعد بكرة ...وادي 3 تذاكر بتوعناا
كارمن بخوف وتوتر : لا انا مش هروح...
اختفت ابتسامه احمد : نعم ياختي بعد الشحططه دي كلهاا والنعمه اقتلكم..
صفاء : يابنتي مالك بس في ايه ؟؟
كارمن بتوتر: اصل ليث هيطربقها علي دماغي لو عرف وانا خايفه اوووي الصراحه..
احمد بهدوء :ياستي متخافيش اصلا ابيه مسافر بكرة وهيقعد هناك 5 ايام يعني هنروح ونيجي قبل ماهو يرجع ..هيعرف منين بس...
-لا بردو ياجماعه انا مش حابه اني اعمل كده ..حاسه اني بخدعه كده...
صفاء بسرعه:لا ابوس ايدك مش بعد كل ده تعملي فيه كده !! انت جايه تتوبي دلوقتي !!!
كارمن باستسلام :طيب ربنا يستر بقااا..
____________
في المساااء اخذت كارمن حمام دافئ وارتدت شورت وطوب اسود واتجهت للنوم وهي تفكر في ليث والرحله وماسيحدث !!!!
كاد النوم ان يأخذها عندما فتح ليث الباب بعنف،اعتدلت بخصه ووضعت يدها علي صدرها...
-خضتني؟!! في ايه؟؟
ليث بغضب يرفع رأسه ويضغط علي انفه في محاوله للسيطرة علي نفسه...نظر لها وقال..
-ممكن اعرف بتعملي ايه؟؟
كارمن بخوفة : انا نايمه !!!او كنت هنام قبل ماحضرتك تدخل...
اتجه ليث نحوها دون اي كلمه فقط نظرته الغاضبه...
امسك يدها بقسوة واخرجها من سريرها ومن كل الغرفه متجها الي غرفته....اغلق الباب بعنف ودفعها لتجلس علي سريرة...
كارمن لنفسها:عرف!!هو كده عرف وهيقتلني دلوقتي.. الله يخربيت شورتك ياصفاء..
فاقت علي صوت ليث : انتي مصرة تستفزيني لابعد الحدود صح!! انا قلتلك الصبح المكان اللي اكون فيه تكوني فيه.. يعني اعملي حسابك مفيش حاجه اسمها اوضتك...عمرك شوفتي اتنين متجوزين بيناموا في اوض مختلفه!!
كارمن بخوف وصوت متقطع: انا اسفه!!!محدش قالي حاجه!!!
خبط الحائط بيده من شده الغيظ وقال : هي دي كمان عايزة حد يقولهالك..ايه ما بتفهميش لوحدك ...
بكت كارمن ووضعت يدها علي رأسها من شده الخوف ..لماذا هو ثائر هكذا ؟!!
اعطاها ليث ظهره واراد ان يهدء من نفسه ..فقد رأي الخوف مرسوما علي ملامحها ..نظر حوله لا يعرف ماذا يفعل ..وجد مكان تدريب الملاكمه الخاص به فبدأ في خلع بدلته ..نظرت له كارمن بخضه ..لماذا يخلع ملابسه ؟!!!!
كلرمن لنفسها: احييه هيعمل ايه ده ان شاء الله ..والله ياليث لو قربتلي لاصوت والم الناس هااه..
كان ليث في عالم اخر..بدأ يلكم ويفرغ طاقته فهي ملاذه للتخلص من الغضب بداخله..ظل ليث يلكم كثيرا والعرق ينصب منه ..سمعت هاتفه يرن ولكنه لم يعره اي انتباه..اقتربت منه وهي تنادي
-ليث..
-لييييييث ...
-يا ليث انت لسه مخاصمني..
حاولت لمسه من الخلف لتلفت انتباهه فكاد ان يضربها ..فقد نسي ليث انها موجوده من الاساس..خافت كارمن وظنت انه سيضربها لانه غاضب منه وبدأت في البكاء واضعه يدها علي رأسيها لتحتمي منه...
وجدها ليث تبكي بشده وصوت بكائها كان يمزق داخله ..اقترب منها وامسك بيديها يبعدها عن وجهها نظرت له كارمن بلوم وعتاب بينما يمسح هو دموعها بحنان ..
كارمن لنفسها: ليه بتعمل فيه كده !! بتخوفني منك وفي لحظه بعدها تحسسني ان محدش بيحبني قدك ..
كان الحديث واضح في عينيها الدامعتان ، فقبل ليث رأسها وحملها ليجلس علي سريره و يهزها بين ذراعيه..طوقت كارمن ليث بحضن كبير تخرج فيه كل مابداخلها ويستمر هو في تمليس شعرها والتربيت علي ظهرها حتي هدأت تمام..
نظرت له كارمن بحزن فقبل كلتا يداها وقال...
-متزعليش مني ... انتي عارفه انتي ايه بالنسبه ليه..

رد كارمن بعناد طفولي: لا انا معرفش..
ابتسم لها ليث ونظر بشغف في عينيها : لا انتي عارفه وعصبيتي دي كلها سببها اني عايزك تكوني ليا وتحسي بيا ،، انا....
نظرت له بترقب: انت ايه؟!!
-انا بحبك ..مستحيل متكونيش حاسه كل اللي بيحصلي ده من بعدك عني ... ومن يوم ما خالتي رجعت بيكي وكنتي صغيرة حسيت اني مسئول عنك وعن حمايتك وانا عارف اني فشلت في كده..
-لا انت عمرك ماقصرت معايا وطول عمري بحس بامان وانت جنبي وبس..
-ماتحاوليش تخففي عني ..انا مش عبيط وعارف اني قصرت..
وضعت يدها علي فمه : بس خلاص انسي كل حاجه انا ميهمنيش غير دلوقتي وانت معايا ...
-مش عارف عملت ايه في حياتي عشان ربنا يكافئني بيكي..انا اناني يا كارمن انا استغليت اللي حصل ده عشان اوصل لهدفي اللي هو انتي ...
كارمن بحب و خجل : هدف كنت مستنياه من زمان..
-يعني انتي كمان بت...
قاطعته كارمن بصوت خافت : بحبك والله ...
امسك وجهها بين يديه ينظر بعشق لعينيها الزرقاء كالسماء ليغيب معها في كلام العيون والحب ..كلام لايفهمه سواهم ..
وضعها علي السرير ونام بجوارها ..امسك ليث يدها يقبلها ثم رأسها وقال....
-من يوم ماشفتك وانتي ملكي ومش هتقدري تبعدي عني حتي لو عايزة ..انا بحذرك حتي وانا عارف ان التحذير ده مش هيأثر انتي ملكي خلااص ..
خطف ليث انفاسها بقبله حارة توعد بالكثير والكثير يصب فيها كل مشاعره ،ضمته كارمن لها بشده تبادله القبله والمشاهر ليغيبا معا في عالم الحب والهيام...ليصبح الاثنان واحد.... ضد عالم ملئ بالغدر والخداع..

[فيتامين سي]

الفصل الثاني عشر....

استيقظت كارمن هذا الصباح لتجد نفسها علي صدر ليث العاري شعرت بصدمه ثم تذكرت ما حدث بينهم وشعرت بخجل شديد ابتعدت قليلا حتي لا توقظه ويراها لاترتدي سوي الغطاء عليهم .. وجدت قميص له بجوار السرير حاولت التقاطه دون ان تعري نفسها ....ما ان لمسته حتي سحبها ليث بين احضانه مرة اخري ...
نظر ليث الي وجنتها الحمراء وشفتاها الكرزيتان..وشعر بفخر داخله بانها ملكه هو فقط...
ليث بصوت محشرج : صباح الورد...
كارمن بخجل وانفاس متقطعه: صبااح النور..
-رايحه فين ؟ هي الساعه كام دلوقتي؟
كاىمن بتوتر: كنت عايزة ادخل الحمام..ومش عارفه الساعه كام بس الشمس لسه طالعه من شويه...
ابتسم ليث بمكر: طيب قومي روحي يلا وشوفي الساعه جنبك..
ارادت كارمن القيام بالغطاء وسحبه حولها ولكنها توقفت بسرعه عندما انكشف الغطاء عن ليث العاري تماما..اعادت الغطاء بسرعه وبخضه ...
اصبحت كالمجنونه لاتعلم ماذا تفعل من خجلهاا وقد زاد عليه الضحكه المدويه التي اطلقها ليث..
اشفق ليث عليها وسحب الغطاء عليه وعليها وسحبها بين ذراعيه...
-اهدي في ايه ، بالرغم اني بحب خدودك الحمرا دي بس انا لازم اعرف الساعه كام ..لاني مسافر انهارده كام يوم كده تبع الشغل...
كارمن بتوتر وقد تذكرت ماستفعله مع احمد وصفاء ابعدت نظرها عنه وقالت..
-احضرلك الشنطه..
-مفيش داعي ارتاحي انتي انهارده وانا هظبطها...
-ولا تعب ولا حاجه بالعكس انا بتبسط لما اعملك حاجه..
قبل انفها وشفتيها مرة ومال عليها ومد يديه واحضر لها قميصه لتلبسه ..
-طيب انا هرفق بيكي عشان مستعجل بس ..هاخد شور بسرعه ومتنزليش من الاوضه لحد مااطلع..
كارمن بخجل وهي تحاول ارتداء القميص تحت الغطاء ..
-حاضر ...
دخل ليث ليستحم بينما جهزت كارمن حقيبته ..وهي تفكر في الرحله وعواقبها وردت فعل ليث اذا اكتشف امرهاا..
خرج ليث بالمنشفه حول خصره والاخري ينشف بها رأسه..
-عايزاني اجبلك ايه ياكارمن..
-مش عارفه ايه ممكن تشتريه من باريس الصراحه ..
كان ليث يرتدي ملابسه ولكن استوقفه كلامها..كيف عرفت انه ذاهب لفرنساا؟!!!
التفت ليث ينظر اليها بشك واستغراب : وانتي عرفتي ازاي اني رايح باريس؟؟؟
كارمن بتوتر وهي تحاول ابعاد عيونها التي لاتستطيع الكذب امامه...
-هاااه اصل انت علطول بتروح هناك يعني او تلاقي انت قولتلي ..
-لا انا اول مرة اروح هناك ومتأكد اني مقولتش لاي حد اني رايح اصلا غير عندي ف الشركه..
-الله في ايه يا ليث عادي يعني ..يمكن بخمن..
-كارمن انتي مخبيه عني حاجه؟!
-هاه ليه بتقول كده ..لا طبعا
اقترب منها ليث وامسك يدها بشئ من القسوة وجعلها تنظر اليه وقال بحده.
-كويس عشان لو اكتشفت انك مخبيه عني اي حاجه ولو صغيرة ... تصرفي مش هيعجبك ..اتفقناا..
هزرت رأسها بالموافقه بعنف ...سحبت يديها واتجهت ترتدي الشورت والطوب الخاص بها وارادت الهروب الي غرفتها سريعا ..ليوقفها ليث بصوته الغاضب مرة اخري..
-رايحه فين بالشكل ده ،انتي اتهبلتي؟؟؟؟!!!!
-ايه هروح اوضتي اغيرر..
-انتي ناسيه ان في راجل في البيت غيري ولا ايه..
ردت كارمن بعفويه:راجل مين ؟؟
رد بعنف:احمد طبعا
ردت باستغراب: ماله احمد!!
ليث بعصبيه: كارمن لو سمحتي اسكتي خالص ..لانك بجد بتنرفزيني..انتي ازاي تخرجي من الاوضه كده وهو ممكن يشوفك احمد مش صغير ده كبير واكبر منك ياهانم ..ياريت يكون في كنترول شويه علي تصرفاتك..
كارمن بتوتر:انا اسفه مخدتش بالي ..اصل احمد ابن خالتي يعني زي اخويا
رد بغضب : طيب مانا ابن خالتك وجوزك يعني مش اساسي يبقي اخوكي.. انا عارف احمد اخويا واخوكي وكل حاجه بس انا محبش حد يشوف مراتي كده غيري ...تمااام..
-حااضر ياليث هاخد بالي بعد كده
-ياريت متنسيش ..البسي القميص بتاعي فوقيكي وانا هعدي قدامك اطمن في حد ولا لا..
-ههههههههههههه ههههههههه حاضر..
نظر لها بغضب:اتفضلي يا مستفزه....
ذهبت كارمن بسرعه الي غرفتها حتي تغير ملابسها وتلحق بليث...
نزل ليث فوجد والدته مستيقظه وجالسه علي طاوله الطعام..
ليث يقبل يد امه بحنان: صباح الخير ياامي ..عامله ايه انهارده؟؟
فوزيه بابتسامه رضا: الحمدلله بخير ...
-اومال فين صفاء واحمد..
-صفاء بتجهز عشان الكليه و احمد طلع يجيب تلفونه وراجع..
-طيب انا مسافر كام يوم وهرجع بسرعه ان شاء الله ..خدي بالك من نفسك و من كارمن وصفاء وانا هوصي احمد يركز مع الشغل..
-طيب يابني تروح وترجع بالسلامه ..احم انا كنت عايزة اكلمك في موضوعك انت وكارمن..
ليث وقد جذبت انتباهه: اتفضلي يامي..هي كارمن اشتكت ليكي من حاجه؟؟
-لا لا خالص..انا اقصد يعني كتبتوا الكتاب ؛ والفرح مش ناوي تعمله..
-والله انا مش فاضي اليومين دول بس انتي عندك حق اكيد هي هتبقي عايزة فرح..
-طبعا ..مفيش بنت مش عايزة فرح وفستان ده حتي الدبله مجبنهاش للبت..
-متقلقيش موضوع الدبل ده في بالي ..انا كنت مستني اخلص من موضوع اهلها دول..
فوزيه بحزم: خلاص انا علي الاسبوع الجاي هجهز كل حاجه ونعملها مفاحأه وشوف لو عايز تشتري حاجه برا تعيشوا لوحدكم يعني..
رد ليث بسرعه وهدوء :لا طبعا احنا هنفضل هناا..
-بس اسأل كارمن يمكن تفضل تعيش لوحدها..
-مش هسأل لاني متأكد انها هترفض ده اولا ..ثانيا انا مش هبعد واسيبكم ياامي ...
ابتسمت فوزيه : طيب اسألها علي الاقل عشان ارتاح يابني..
-ماشي ان شاء الله ..
نزلت صفاء وكارمن التي جهزت للجامعه كما اخبرتها صفاء بعد ان وصلت الي غرفتها في الصباح..
نظر لها ليث ولفستانها الاكثر من رائع والذي يبرز جمالها...
-انتي رايحه فين ؟
-نازله الجامعه ..انا كنت ناسيه خالص ان بقالي اسبوع غايبه بس صفاء كلمتني اجهز الصبح..
-ودي هدوم تروحي بيها الجامعه !!
نظرت الي ملابسها وقالت ياستغراب : ايه وحش الفستان ده جميل جدا ..
ردت صفاء بسرعه : ايوة ومخليها زي القمر ..انت مش عاجبك ولا ايه ده زوقي يا ابيه..
تجاهلها ليث واستكمل حديثه لكارمن : اطلعي غيري مش حلو عليكي..
كارمن بحزن :طيب حاضر هغيروا واجي..
صفاء بينما تصعد كارمن : ليه يا ابيه ده فستان حلو اوي..
ليث بضيق: عارف انه حلو بس مش لايق عليها..
انزعجت كارمن التي سمعت هذه الكلمات وشعرت بحزن وكادت ان تبكي لذلك...
كارمن لنفسها: انتي هبله هتعيطي عشان ايه ..ان شاء الله ماعجبه اصلا..مش لايق عليا !! لو مش عجباه يروح يتجوز غيري..انا غلطانه اصلاا اني بهتم بمظهري عشانه وهروح الرحله وهتبسط كمان هااه ..انا مش طايقاه اصلا ....
اوصل ليث كارمن وصفاء للجامعه وازعجه كثيرا ان كارمن كانت تتجاهله طوال الطريق ولم تنظر له حتي..
ليث لنفسه: ماشي ياكارمن..هتجننيني معاكي..
______
في الجامعه.....
صفاء بفرحه مش قادرة اصدق هنطلع الرحله خلاااااص..
كارمن بملل : ااه..
-مالك يابت في ايه ؟ماتظبطي كده ..دي منظر واحده مبسوطه وهتطلع رحله..
-عايزاني اعمل ايه يعني..ارقصلك في الكليه..سيبيني في حالي هلاقيها منك ولا من اخوكي..
-ايه ده بقاا انتي زعلانه من ابيه ولا ايه..
كارمن بلا مبالاه : عادي مش هتفرق المهم هنعمل ايه بكرة ..
-والله احمد بيقول هنسافر انهاردة ونرجع بعد يومين ...
كارمن بتوتر : طيب وافرضي ماما قالتله يافالحه...
منقلقيش انا سايبه احمد يقنعها في البيت...
_________
في منزل السوهاجي.....
فوزيه بخضه: يانهار اسووود لا طبعا ده اخوك هيخليها رحله سوده عليكم كلكم..
احمد : يا ماما ياحبيبتي وهو هيعرف منين بس..
فوزيه بغضب : ومن امتي يااستاذ حاجه بتخفي علي اخوك!!!!
احمد بانزعاج: عشان خاطري بقاا ياماما دي كارمن هتموت وتطلع هي وصفاء وبعدين انا اخوهم ..معقوله مش مأمنه عليهم معايا..
فوزيه باستسللم : انت حر انت وهما بقاا بس لو عرف انا ماليش دعوه..
احمد بفرح :ربنا يخليكي لينا يارب ..انا كل اللي عايزة لو كلمك متقوليش احنا فين بس كده واتأكدي اننا هنرجع هنا قبل ما ابيه يرجع..
_____________
في المساء جهز الثلاثه للرحله وقبلوا فوزيه وانطلقوا في طريقهم...ووصلوا بعد ساعات قليله واتجه احمد الي غرفته في الفندق و صفاء وكارمن الي غرفتهم ...نامت صفاء تحلم بما ستفعله صباحا مع اصدقاءها وكارمن...
بينما نامت كارمن وكل ماشغلها هو ليث وكيف تجرأت بان تخدعه هكذا وماذا سيفعل اذا كشف امرها..
..............
وصل ليث الي فرنسا في الصباح الباكر... مر اليوم الاول بعد مقابلات عديده مع الشركه المستضيفه له ...
اما بالنسبه لكارمن فكانت ملازمه لغرفتها لا ترغب في القيام باي شئ وكادت صفاء ان تقطع شعرها منها..
صفاء بغضب : لا بجد كده كتير الصبح قولتي تعبانه ومنزلتيش البحر او الغدا وفضلتي حابسه نفسك في الاوضه لكن دلوقتي مش هسيبك غير وانتي معانا في السفاري دي....
كارمن بزهق:اوووف ياصفاء سيبيني بقااا انا تعبانه..
-لا ياكارمن لا ..يلا قدامي بقااا...
-طيب يازفته هلبس واحصلك...
-هييييييييه يلا هستناكي في اللوبي تحت متتأخريش...
..............
نرجع الي باريس وليث...
كان يستعد للنوم وتفكيره الشاغل هو كارمن وكان يقكر بصوت عالي لنفسه: ياتري عرفتي ازاي ياكارمن اني جاي هنا وليه اتوترتي اوي كده...في سر مخبياه عني بس انا هعرفه ومش هسيبك يا كارمن..
قرر الاتصال بها والسؤال عليها ولكن هاتفها مغلق ..رمي بهاتفه بعيدا بغضب ..
-اهدي اكيد نايمه ..بس دي معبرتنيش من ساعه ماسافرت للدرجه دي انا مش فارق معاها...ماااشي ياكارمن انا هربيكي ...
اراد النوم ولكن قلبه غلب عقله وامسك هاتفه مره اخري يتصل علي والدته ..
ردت فوزيه بنعاس: الو
-الو ياامي انا صحيتك ولا ايه معلش..
-لا ياحبيبي انا كنت هكلمك من بدري بس كنت خايفه تبقي الدنيا ليل انا معرفش فرق التوقيت هناك..
-انتي تتصلي في اي وقت يا ماما وبعدين التوقيت واحد زي مصر بالظبط...
-طيب ياحبيبي المهم انت كويس..
-اه يا ماما وانتو وكارمن اخباركم ايه..
فوزيه بتوتر وصوت خافض : كويسين كلنا ومستنينك..
-مالك ياامي حد حصلوا حاجه..
-لالا ابدا انا بس عايزة ومش مجمعه..
-طيب روحي نامي وهنصل اطمن عليكي بكرة..
-مع السلامه..
-مع السلامه ياامي..

................
في شرم الشيخ ...
وقفت كارمن ف اللوبي تنتظر صفاء التي صعدت تنادي احمد ....فجأه جاء محمد من ورائها..
محمد : ازيك ياانسه كارمن..
-الحمدلله وانت ؟
-انا تمام الحمدلله وحشتينا والله الفتره اللي فاتت..
كارمن باحراج فهي تعلم برغبته في الزواج منها وتتعجب من وقوفه معها الان...
-احم ..
-كنتي فين صحيح..
-مفيش ظروف عادي...
-طيب هو انا ممكن اسألك سؤال...
قاطعهم وصول صفاء واحمد وباقي الطلاب وذهب الجميع الي الاتوبيس للقيام بالسفاري....
عندما همت كارمن بصعود الباص رن هاتفها ... رأت اسم ليث يضئ علي الشاشه فكادت ان تصاب بسكته قلبيه ..نزلت بسرعه واتجهت بعيدا عن الباص لترد عليه ...
ليث بغضب: الوو مش بتردي ليه وتلفونك علطول مقفول..
كارمن بخوف : مفيش انا كنت هنام اهوه وبعدين تلاقيها الشبكه...
ليث بعنف : ومااتصلتيش ليه بيه لو زي مابتقولي شبكه يعني علي الاقل اطمني عليه....
كارمن بسرعه : مانا اطمنت من احمد..
-انا مالي ومال احمد انا انتي متجوزه احمد ولا اناا..
-معلش انا اسفه مكنتش اقصد وبعدين كنت مشغوله شويه مع صفاء..
-ماشي ياكارمن..
ارتفع صوت محمد الذي تعجب من تأخرها عن الباص مناديا لهاا...
-يلااا يا كارمن الباص هيمشي..

اغلقت الهاتف سريعاا ولكن بعد فوات الاوان فقد سمع ليث ....كاد ان يفقد عقله !!!!
ليث لنفسه : ايه ده !!!! بتضحكي عليه ياكارمن طيب انا هخلي ليلتك وحياتك كلها سوده ..مش ليث السوهاجي اللي واحده تلعب بيه...
حاول الاتصال بها مرارا وتكرارا ولكن هاتفها مغلق....فعزم علي العودة في الحال الي مصر لمعرفه ماذا يحدث من ورائه...
ارتدي ملابسه بسرعه وجمع اشيائه واتصل بعملاءه يعلن عن حدوث امر طارئ وانه سيعود الي مصر ويعتذر لهم...

ما ان فتح باب غرفته بالفندق حتي صعق لما راه !!

[فيتامين سي]

الفصل الثالث عشر .....

ما ان فتح باب غرفته بالفندق حتي صعق لما راه !!!!!!
سالي بدلال وابتسامه ماكرة: حبيبي وحشتني اووي..
ليث بصدمه: انتي بتعملي ايه هنا؟؟!
دخلت سالي الغرفه واغلقت الباب وكانت ترتدي فستان يظهر من جسدها اكثر ممايخفيه وبالطبع ميك اب كامل يغطي ملامحها الخبيثه ونظرت له بشوق وغنج بعد ان جالت في الغرفه تتأكد بانه بمفرده:
-اممم ظلمتك افتكرتك جاي تقضي شهر العسل هناا مع المحروسه ...كده بردو تتجوز ومتعزمنيش
نظر لها ليث بغضب: واعزمك ليه ان شاء الله انتي اتجنيتي..
نظرت له بغضب : اتجنيت ايوووه وانت السبب انت عارف انت بحبك وروحت واتجوزت عيله متسواش ...
صفعها ليث بغضب : اللي متسواش دي تبقي مراتي مش واحده رخيصه زيك وبلاش اسطوانه بحبك دي عشان بقت بايخه اوووي انتي اللي زيك عايز فلوس وبس ...واوعي اشوفك في اي مكان تاني..
ضحكت بخبث : هههههههههههههه رخيصه مااشي مقبوله منك ..بس بردو مش هسيبك...
دفعها ليث بعنف: اقسم بالله لو شفت وشك العمر ده تاني في اي مكان همحيكي من علي وش الارض...انتي فاهمه...
خافت سالي منه وقالت : ماشي ..بس انا بحبك والله انت مش حاسس بيه ليه...
-ياستي غوري بقا انا مش فايق ليكي ولقرفك..
ابتعد عنها وخرج متجها الي المطار ليسأل عن اول طائره متجهه الي مصر..

........................
اما في شم الشيخ...

نظرت كارمن بغضب الي محمد : ياشيخ ابعد عني بقا انت مالك انت ..
ذهل من ردها ..بينما صعدت كارمن الي صفاء واحمد .. وقصت عليهم ماحدث..
صفاء بخوف : يانهار اسود وسمع ...
-مش عارفه انا قفلت التلفون بسرعه خالص....
احمد بتوتر : اهدوا بقا انا هتصرف..
اخرج هاتفه يحاول الاتصال به ولكن ليث تجاهله...
احمد بقلق : مش بيرد عليه ...
كارمن بخوف : يلا نرجع ياجماعه انا مش مطمنه...
احمد بموافقه : بكرة الصبح ان شاء الله هنرجع ....
ظل الثلاثه يفكرون ولم يناموا حتي طلوع الشمس وكلا منهم يجمع اشيائه للعوده الي المنزل قبل ان يكتشف ليث امرهم...
......................

وصل ليث الي المنزل الثالثه صباحاا..وجد الجميع نائم ..اتجه الي غرفه كارمن وجدها فارغه فغضب وحاو تهدءه نفسه..
ليث بغضب وتوعد : يمكن في اوضتي..ولا معقوله برااا لحد دلوقتي ..مش هسامح ابدا يا كارمن...
دخل الي غرفته وجدها فارغه واتجه الي غرفه صفاء ولم يجدها هي الاخري..
قلق ليث واتجه الي غرفه احمد سريعا فوجدها فارغه هي الاخري!!!!
-ده ايه ده ان شاء هما فين ..ليكون ماما حصلها حاجه ...
اتجه بسرعه الي غرفه والدته ،فتح الباب واشعل النور وجدها نائمه ...استيقظت فوزيه وجدت ليث يدخل عيلها فاقت سريعا بابتسامه واسعه..
-انت رجعت امتي ؟!! حمدلله علي سلامتك والله قلبي كان واكلني عليك..
نظر لها ليث وقال : فين كارمن وصفاء واحمد...
اصفر وجه والدته فعلم ان هناك امرا يحدث من خلف ظهره...
-ماما لو سمحتي قولي متخبيش عليه حصلهم حاجه؟؟!!
تنهدت فوزيه فهي تعلم تمام انها لن تستطيع الكذب عليه وقصت له مايحدث وحاولت الا تجعله يغضب من ثلاثتهم...
كان ليث غاضبااا بشده علي احمد اخيه ومخططه مع صفاء والاهم زوجته المصونه كارمن !!!! كيف لها ان تخدعه ..كيف يثق بها بعد ذلك؟؟؟ وصوت الرجل الذي سمعه ؟؟
ليث لنفسه : وسايبها تتسرمح مع الرجاله كمان يااحمد ...ياويلكم مني...
ترك ليث والدته تنادي عليه وتحاول ان تهدء غضبه ...
-خلاص ياماما نامي لو سمحتي ومتتدخليش ...وماتنسيش انك كنتي عارفه ومخبيه عليه انا رايحلهم دلوقتي...
اتجه مرة اخري الي المطار ولحسن حظه وسوء حظهم وجد طائره علي وشك الاقلاع الي شرم الشيخ...
نزلت كارمن في الصباح تتناول الفطور مع صفاء وصديقتها قبل الذهاب ..فاوقفها محمد في اللوبي..
محمد : انسه كارمن !! لحظه لو سمحتي..
كارمن بضيق : نعم يا استاذ محمد في حاجه؟
-لا اصل حضرتك كنتي متضايقه امبارح مني معرف ليه ..هو انا ضايقتك في حاجه؟؟
-لا انا كنت مضايقه عن اذنك..
-ثانيه واحده طيب ..انا كنت عايزة اسأل عن حاجه..
-اتفضل بس بسرعه عشان مستعجله لو سمحت..
-انا عارف انك عايزة تخلصي دراستك بس انا بحبك بجد وعايز اتقدملك تاني وتبقي خطوبه وبس والجواز بعد الدراسه ايه رأيك؟؟!
نظرت له كارمن بذهول ولسانها معقود.... كانت تنظر الي محمد لحظه واللحظه الثانيه وجدت يد تلكمه بشده ويد اخري تدفعها بعيدا لينهال ليث ضربا علي محمد الذي عرف صوته من مكامة امس !!
ليث بغضب : رأيي اني لو شفت وش امك قريب من كارمن تاني هخلي اخر يوم في حياتك !!
كانت كل كلمه ترافقها لكمه شديده الي وجهه واجتمع الناس والعمال من حوله يحاولون نجدت محمد منه..اتجه احمد سريعا يرفع ليث عنه فدفعه ليث وصفعه بعنف علي وجهه وقال...
-انت لسه حسابك معايا بعدين روح شوف اختك وتعالوا ورااايا ...
نظر الي كارمن بغيظ وغضب خافت منهم كارمن والتي كانت تبكي بمرارة...امسك ليث يدها بشدة حتي ان اصابعه كادت ان تتقابل ساحبا لها للخارج بسرعه بينما تصارع هي للحاق بخطواته السريعه ...
ليث: بتعيطي !! استني لسه معملتش حاجه ، انا هعيطك بدل الدموع دم ..
دفعها بعنف تركب السيارة ولحق بهم احمد وصفاء التي اختفي الدم من وجهها وتنظر الي الاسفل خوفا منه...
طغي السكوت بينهم ماعدا صوت نحيب كارمن وصفاء التي بكت علي حال صديقتها وخوفها من معاقبه اخيها الكبير لهم...

_________

كانت فوزيه تتصل بليث دون ان يرد عليها والقلق يقتلها ...
وصل ليث مع الثلاثه الي المنزل واغلق الباب بغضب...
اتجهت صفاء الي والدتها سريعا تختبأ بها وعندما تحركت كارمن امسكها ليث ونظر لها نظره ثبتت اقدامها...
اما عن احمد فقد كان وجهه متورم من ضربه ليث له...
فوزيه بخضه : يالهووي مالك يااحمد ؟!!!!
نظر احمد الي ليث بصمت ...
فوزيه بغضب: انت مش ملاحظ ان كفايه كده ..انت ناسي ان ده اخوك وقلبي يوجعني عليه بردو لما تضربه وتبوظ وشه كله..
رد ليث كالبركان : والله لو مكنش مش متربي مكنتش ماديت ايدي عليه لكن انا اتساهلت معاه ومعاكم كلكم ومن انهارده في حساب لكل كبيرة وصغيرة في البيت ده...
نظر له شزرا وامسكه من ملابسه : مش كفايه واخد اختك يامحترم لا واخد مراتي وسايبها تقف تتكلم وتتمشي مع راجل غريب...انت ايه مفيش ذرة رجوله ف قلبك...
اراد احمد ان يبكي ويغضب علي ما يقوله اخيه ولكنه مهما كان اخيه الاكبر وهو من اخطئ من الاساس...
ليث تركه بعنف : متروحش الشركه تاني وخليك هنا قاعد جنب امك لحد ماافوقلك واشوف هعمل ايه معاك..
نظر الي صفاء التي احتمت بوالدتها : اخر مرة تتكلمي معايا فيها ...وانتي!!!
نظر الي كارمن فجأه : حسابك معايا هيكون كبير اوي...
فوزيه بخوف: تعالي هنا ياكارمن ..
ارادت كارمن الذهاب ولكنه امسك يدها بقسوة...
-لا مش هتيجي يا امي ومحدش يدخل مابينا..
-ليث ماتخلنيش اندم...
قاطعها ليث بسرعه : خلاااص وقت الندم انتهي ومحدش ندم في البيت ده اكتر مني..
بكت كارمن وحاولت ترك قبضته المؤلمه فامسك بها بقوه اكبر تؤلمها..
فوزيه بغضب : سيبها ياولد ..انت ناسي ان انا امك ولا ايه ؟!! انت متعملش راجل عليا انااا ، انت لو كنت ليث السوهاجي فانا ام ليث اللي يجي عندي واستوب...
تركها ليث خوفا علي صحه امه لا اكثر وقال بصوت هادئ: اطلعي استنيني في العربيه..
نظرت له كارمن لتتأكد اذا كان يكلمها هي او من ؟!!! وجدته بنظر لها بحده ارعبتها..فنظرت الي فوزيه باكيه حتي تنجدها من غضبه..
-يلااااااااااا
انتفضت كارمن من صوته المخيف وركضت سريعا تختبئ في سيارته...
فوزيه : انت رايح فين..
-محدش ليه دعوة ...
فوزيه بحده : انا اللي جوزتهالك يا ليث بلاش تندمني اني امنتك عليها لو عملت اي حاجه تأذيها محدش هيقف في طرقك غيري انت فاهمني....
ليث بغضب وهو يري احمر في جميع الجوانب: لاخر مرة بقولها محدش يدخل بيني وبينهاا ..
التف ليث بخطوات كبيرة وسريعه نحو الباب مغلقا اياه خلفه ...ليركب السيارة مع كارمن بوجهه الاحمر وعينيها الباكيتان....
اسرع ليث بالسيارة بينما تمسكت هي بالباب خوفا من هذه السرعه الجنونيه وفي نفس الوقت تخاف ان تخبره بان يبطئ فيخرج جام غضبه عليها...
ليث لنفسه غير واعي لما حوله: انا تعملي فيه كدا ياكارمن ..عشان قلتلك بحبك فاكره انك هتلعبي بيه...لا دي كانت غلطه عمرك لما لعبتي مع ليث السوهاجي انا هوريكي النجوم في عز الضهر يابنت خالتي....هوريكي يعني ايه حيااة بعد غلط معايا انا !!!!!
اتجه ليث الي احد الشقق التي يملكها والتي كان يستخدمها عندما يكون متعبا ولايريد القياده الي القصر فهي قريبه من عمله...
نزل واغلق الباب بعنف ونظرت له كارمن منتظره امره لها بالنزول ولكنه لم ينطق بل اتجه الي الباب بجانبها وفتحه ومد يده امسك بذراعه غارزا اظافره في لحمها ...
اخذها ليث الي شقته في اعلي المبني...كانت شفه رائعه ولها واجها من الزجاج تطل علي منظر رائع ولكنه عالي جدا وكارمن تخاف من المرتفعات...
ما ان دخل ليث حتي تركها وكأن يده قد احترقت اتجه الي المطبخ المفتوح امامها واحضر زجاجه من المياه...وظنت كارمن انه سيمر من جانبها ارادت ان تفسح له المجال ولكنه قبض علي يدها مرة اخري وسحبها خلفه جلس علي الكنبه واجلسها علي حجره..بينما كانت كارمن تنظر له وكأنه برأسين ..
كارمن لنفسها:افهم ايه من كده !!!هو بيعمل ايه انا احترت منك ياليث....
كانت كارمن تبكي بينما كان ليث يشرب الماء ولا يبعد عينيه عنها فشعرت كارمن بتوتر رهيب هو اجلسها هكذا وظل ينظر لها وكأنه يتصارع مع نفسه او يراها لاول مرة !!!
كانت عيناه احد من السكين في هذا الوقت بالنسبه لها فلا يوجد اي اثر لحنانه او حبه في عيناه السوداء...وضعت يدها علي عينها علها تختبئ منه ولو لحظه وبالفعل تركها تخفي عينيها عنه بينما استمر هو في النظر اليها...
فاقت علي يديه وهي تمر علي قدميها ثم كاحلها لتستقر علي طرف فستانها فشعرت بخوف وتوتر..
علاا صوت ضحكه ليث فنظرت له بخضه وعيناها مليئه بالدموع ...
كارمن لنفسها: هو اتجن ولا ايه ياربي اعمل ايه دلوقتي...
كان ليث يحاول السيطرة علي ضحكاته فلحظه تذكر كل ماحدث في حياتهم وكيف كان يخاف عليها ويحميها ويخبئها من عيون الرجال... تذكر أبيه وتلقيه رصاصه عنها وتذكر كيف كانت برئيئه وتلعب حوله وكيف كبرت امام عينيه لتصبح اجمل امرأه رأها في حياته...ولكن مااضحكه ان بريئته هي اكبر مخادعه قابلها في حياته فهو لم يشعر بالم كهذا في حياته...هي وحدها قادرة علي ايذاءه ولكنه سيوقف ذلك من هذه اللحظه..
ليث بهدوء مرعب:قومي..
حاولت كارمن القيام بسرعه فتعثرت ووقعت علي جانبها ..نظرت الي ليث وبكت اكثر فهو مازال ينظر اليها لم يتحرك من مكانها لمساعدتها...
كارمن لنفسها: خلاااص بيكرهني خلااص خسرتي كل حاجه بغباءك....
كانت تبكي بجوار قدميه واستمرت في البكاء طويلاا بصوت كان كالخناجر في قلبه .. لم يستطع التحمل اكثر فوقف وحملها وادخلها الي الداخل وضعها علي السرير دون اي كلمه.. ثم تركها واخذ مفاتيح سيارته وخرج من الشقه ....
كارمن لنفسها : خلاص كل شئ انتهاااا...
بكت بنفسها حتي غلبها النعاس من التعب..

تجول ليث في شوارع الاسكندريه حتي انه اتجه الي شقه سالي !!!
اراد ليث ان يقنع نفسه بان يقسوا عليها وانه لايحبها وان حبها لا يتحكم فيه ....
فتحت سالي الباب وابتسمت بشده: ليث انت بتعمل ايه هنا؟!! ههههههههه اكيد وحشتك مش كده..
وضع يدها علي فمها وقال: اسكتي خالص دلوقتي..
دخل وجلس هناك بينما جلست هي جانبه تحاول ان تداعبه واللعب في قميصه وملابسه عله يستسلم لاغراءها نظر لها ليث وامسك بشعرها يقربها منه ونظر الي شفتاها واراد ان يقبلها ليثبت انه مازال هو مالك نفسه ..ولكن قلبه رفض بشده هذا الفم الذي كان يثيره اصبح يشمئز منه بشده دفعها ليث عنه ووقف يستعد للذهاب ...
وقفت سالي امام الباب : لا مش هسيبك تمشي.. مش كل شويه تعمل فيه كدا..
دفعها من امام الباب ونزل سريعا ركب سيارته واتجه الي كارمن في الشقه...
ليث لنفسه: هتعمل ايه معاها !!! انت مش هتقدر تنساها بس هي غلطت ومتنساش الواد المسنكح اللي كانت وقفه معاه...
وصل ليث ودخل الي الغرفه وجدها منكمشه علي نفسها نائمه كالملائكه..
ليث بحده لنفسه: ملاك اه الملاك الوحيد اللي خدعك .... انا كنت عارف ان الحب ضعف ..وسيبت نفسي احبها لابعد الحدود..
اقترب منها ونام بجوارها ينظر الي ملامح وجهها البرئ الملطخ بالدموع..دون وعي منه مسح برقه علي وجهها وابتعد عنها ليأخذ حمام بارد لتهدئه اعصابه..فلا امل لممارسه الملاكمه هنا ....
انتهي وخلع ملابسه واتجه الي الكنبه لينام عليها..وهو مازال حائر ماذا يفعل معهاا ؟!
في صباح اليوم التالي استيقظت كارمن وجدت ليث يرتدي ملابسه ويجهز للذهاب للعمل..
كارمن لنفسها: طيب هو انا هعمل ايه دلوقتي .. اكلمه ولا ممكن يتعصب عليه..
كارمن بصوت خافت : صباح الخير..
لم يرد عليها ليث وتجاهلها وحاولت هي ان تجذب انتباهه ..
-هو انترايح الشغل ؟؟؟
-امممم طيب تفطر
-اعملك حاجه طيب...ممكن ترد عليا..
ليث بغضب: لا مش عايز حاجه منك عايزك تبعدي عني ممكن ومن هنا ورايح مفيش مرواح للكليه دي تاني عايزة تدرسي ذاكري ف البيت وتروحي الامتحانات وانا هبقي معاكي...
-ازاي يعني ؟!!وهنجح ازاي..
-ان شاء الله عنك مانجحتي..ولا زعلانه علي الزفت اللي مش هتشوفي تاني..
غضبت كارمن كثرا من كلامه ولم ترد عليه..
صاح بها ليث : ماتررردي..
-انا عايزة اروح عند ماما فوزيه ..
ليث بحده : لا..
كارمن بخضه : ليه ؟!!انا مش بحب هنا انا عايزة ارجع بيتنا ....
- بيتك !! بيتك هو المكان اللي ابقي موجود فيه ومتزوديش معايا انا علي اخري كلمه تانيه هحبسك في الاوضه دي كمان...
كارمن بغضب : انا مش هستني هنا دقيقه اصلا وبعدين انا مأجرمتش انت اللي ماسك علينا وخلتنا نتصرف كده...
-اممممم خلصتي ؟! مفيش مرواح في حته ياكارمن ...
تركها ليث ليذهب الي عمله فسبقته كارمن الي الباب
كارمن بشجاعه وعناد: طيب انا هروح لوحدي اصلا ..
مرت بجانبه ووقف ليث يشاهدها وهي تلبس حذائها وتفتح الباب فتوجه اليها وحملها فوق كتفه كالاطفال ..
كارمن بغضب: اووعي نزلني..سيبني بقولك مش هاقعد هنا..
ليث بغضب :اخرسي بقااا..انتي اللي جبتي لنفسك ياهانم..
حاولت كارمن ان تضربه علي ظهره حتي يتركها ولكن دون امل ..رماها علي السرير واشار لها باصبعه...
-اسمعي اللي انتي بتعملي ده مش هيزيد حاجه غير عصبيتي منك..
كارنن ببكاء: انا عارفه اني غلط وانا بتأسف بس مش لدرجه اني اقعد لوحدي هنا ..انا عمر مااروحت مكان لوحدي بعيد عنهم..عشان خاطري متعملش فيا كده..
امسك ليث يدها بشده : واللي انتي عملتي ده كان عادي وصح ..مش عشان بحبك تفتكري اني عيل صغير هتضحكي عليه..
كارمن وهي تمسح دموعها: انا عمري مافكرت فيك كده انا كنت عايزة افرح انا و صفاء واحمد..
-انا اللي منكد عليكم يعني ..كل اللي بعمله ده مش عشان خايف عليكم..
خبط بقدمه الطاوله بما عليها واعطاها ظهره ..اقتربت منه كارمن وامسكت بيده فنظر لها بحده وسحب يده..استجمعت شجاعتها وامسكت بيده مرة اخري بشده ...
-انا بجد اسفه ..عشان خاطري مش هعمل كده تاني..
رد بعنف: عشان انا مش هسمح انها تحصل تاني..ولو حاسه انك مش عايزاني قولي احنا فيها..
قالها ليث ليعرف ما بداخلها..صدمت كارمن وبكت بشده..واحتضنت يده اليها..
قالت بصوت باكي : انا مقولتش كده ابدا..انت عارف انا بحبك بس واضح انك بتتلكك عشان متكملش معايا ...
امسكها بعنف وقربها منه: انا مش محتاج اتلكك انا لو مش عايزك كنت سيبتك في وقتها ولا رميت يمين طلاق عليكي ..انا سبق وقلتلك مبحبش الغلط وخصوصا منك لكن انتي مصرة تثبتيلي اني مش مهم في حياتك..
افلتت احدي ذراعيها من قبضته ولمست بيدها وجهه وحاولت بعينيها الوصول الي ذلك الحب الذي وجدته ورأته في عينيه لها....
بالرغم من غضبه منها الا ان نظراتها دائما ماتكون نقطه ضعف بالنسبه له مال بوجهه عليها ليقبلها ويخطف روحها بشفتيه القويتان..بينما التفت كارمن حوله ليحملها ويجلس بها علي السرير ..ابتعد لينظر اليها تمسك بياقته بشده وكأن حياتها تعتمد عليه وعلي قبلاته ....
ليث لنفسه: معقول هتضعف علطول كده... لا متخلهاش تتحكم فيك قوم وسيبهاا..
ابتعد ليث عنها بينما نظرت هي له بحيرة فوجدته يقفل الباب وسمعت صوت القفل ..ركضت تدق علي الباب بعنف حتي يفتح لهاا..
-افتح ياليث ..افتح حرام عليك بتعمل ليه فيه كده...
سند برأسه علي الباب حتي يسيطر علي مشاعره ...فهو يشعر انه في دوامه من الغضب والحزن والحب والشوق لهااا..

[فيتامين سي]

الفصل الرابع عشر....

ليث بغضب علي نفسه وعليها كسر كل شئ امامه مما زاد من بكاء كارمن التي وجدت نفسها عاجزة عن منعه او تهدئته سمعت زجاج يتطاير وشعرت بخوف شديد عليه..
كارمن بخوف: كفاايه ياليث خلاص كفايه افتح خليني اشوفك طيب..
لم يرد ليث عليها واستمر في موجه غضبه حتي شعر بالتعب وواصبحت يديه تنزف الدماء..
دقت كارمن الباب بعنف :طيب انا عطشانه عايزة اشرب افتح هشرب بس...
غضب اكثر علي نفسه فهو وضعها هناك بلا طعام او شراب وكان ينوي تركها بالفعل والذهاب للعمل..
ليث لنفسه : مابقتش عارف تفكر او تقرر صح ..في ايه مالك مش في طبيعتك.. انا ارجعها وابعد الفترة دي احسن لحد مااهدي ..عصبيتي الزياده هتخليها تكرهني ..
فتح ليث الباب فأرتمت كارمن في حضنه دون سابق انذار فاختل توازه ووقع بها علي الارض..نظر لها ليث بذهول وهي تحتضنه كالاطفال وتبكي ..
احتضنته كارمن بشده خوفا من ان يعيدها الي الداخل رفعت نظرها لحظات تتفقد ما ان تأذي او شئ..وجدت يديه ملطخه بالدماء ابتعدت بسرعه..
-دم!!!!! حرام اللي بتعمله في نفسك ده ..
ارادت القيام واحضار الاسعافات الاوليه حتي تنظف الجرح ولكنه اوقفها ..
-متجبيش حاجه واجهزي هرجعك البيت..
لم تسمع له وذهبت الي الحمام تبحث عن قطن وشاش و كحول..
عادت لامساك يده فغضب وقال: قلتلك مش عايز واجهزي عشان الحق ارجعك البيت..
كارمن بعناد امسكت يده مرة اخري وتركها هو هذه المرة..
قالت بصوت خافت: احنا هنرجع البيت كده…
-لا انتي بس ..
نظرت له بسرعه:انا بس ازاي وانت ؟؟
-حاجه متخصكيش..
كارمن بضيق: لا تخصني وانت كلك تخصني انا مراتك..
-وانا مكنتش جوزك لما سافرتي من ورايا ..ايه مفتكرتيش انك علي ذمه راجل ساعتها..
كارمن بندم قد انتهت من لف يده: والله العظيم انا اسفه وقلت مش هتتكرر تاني ..انا فعلا ندمانه وعارفه اني غلط وبقولهالك تاني لو انت بجد بتحبني سامحني المرة دي..
طبعت قبله علي يده ووضعت خدها عليه تتمسح به كقطه تطلب الحنان...
اغمض ليث عينيه وشعوره يحاربه للخضوع لها واخذها في احضانه الي الابد ...
لم تعطه كارمن الفرصه ووقفت علي اطراف اصابعها لتحتضنه وتضع رأسها علي صده ويداها حول عنقه وتمسك بشعره خوفا من ان يدفعها بعيدا عنه ...
استسلم لها فهو ليث السوهاجي دائما الا معها يكون ليث فقط ، الذي لايعرف سوي حبها وحمايتها ولايريد سوي رضاها...
ضمها اليه بشده واحس ليث بكل انش في جسدها يرتعش من شده اضطراب مشاعرها..
حملها وجلس بها كالاطفال...وأخذ يهدئها بقبلات علي رأسها وخدها ورقبتها ..وضع أنفه داخل شعرها الحريري برائحته الخلابه وكأنه طفل صغير يختبئ فوجد ملاذ اخر يهدأ اعصابه بجانب الملاكمه فقربها ورائحتها يجعلاه يعيش في عالم اخر ملئ بالحب والاطمئنان...
كارمن بصوت ضعيف: انا اسفه..
ليث يهدوء: هشششش خلاص انسي كل اللي حصل ، انا مش عايز افتكر...
نظرت بعينيها الحمراء لعينيه فوجدت الحب الذي راته في عينيه لها وشعرت بانها امتلكت الحياة..
كارمن ببطئ: انا مش عارفه ازاي حبيتك كده..انت كل حياتي بجد ومش هقدر اعيش من غيرك اواقدرعلي فراقك ليا..
وضع اصبعه علي فمها ليسكتها وقال: انا عمري ماهبعد عنك يا كارمن سبق وقلتلك انتي ملكي وانا عمري ماهفرط فيكي او ابعد عنك
كارمن بعتاب ولوم : لا كنت هتسيبني وعايز ترجعني البيت وتمشي...
ابتسم ليث: انا كنت هسيبك كام يوم بس اهدي وارجع تاني..
كارمن بعناد طفولي وهي تمط شفتاها: لا ولا كام دقيقه حتي وانت زعلان مني..
ليث بخبث : والله انا ممكن مزعلش في حاله واحده بس!!
كارمن بأمل ولهفه : ايه ؟!! انا ممكن اعمل اي حاجه؟؟
اعتدل وهي جالسه علي حجره وسند بظهره علي الفوتيه وفرد ذراعيه في وضعيه راحه ولا مبالاه وابتسم نصف ابتسامته التي تعشقها ...
-صالحيني ؟؟
كارمن ببرائه : مانا صالحتك اومال اللي عملته ده ايه شاي بلبن ...
-ههههههههههه انا اللي زعلان ولا انتي ؟
-انت..
-خلاص يبقي انا اللي اقرر اتصالح ازاي وامتي...
كارمن بغضب مصطنع : اؤمرني يافندم...
لمعت عيناه وقلقت هي من هذا البريق وعندما اقترب منها برأسه ابتعدت بنصف جسدها العلوي حتي كادت تقع ولكنه احاطها بذراعه واقترب من اذنها وانفاسه الحارة تحرقها ،اخبرها بشئ وابتعد ليجد وجهها احمر كالورد...
-ماشي ؟
-لا طبعا !!!!!
-كارمن ده مكنش طلب وهنزل دلوقتي هبعتلك الحاجه واعدي علي الشغل ساعه وراجع..
-لا انا مش هقدر اعمل كده..
ابتسم بمكرابتسامه المفترس الذي سينقض علي فريسته ويشعر بالنصر،، وضع يده علي وجهها وهو يبعد باليد الاخري خصله من شعرها وراء اذنها...
-ياحبيبتي مين قال انك هتعملي حاجه !!! انا اللي هعمل كل حاجه .....
ضربته بكفها الصغير بطفوليه وخجل : بس بقا بطل..
ضحك ليث بشده وقبلها بشغف ثم قام ليستعد للذهاب وينفذ خطته.....
........................
في القصر...
كانت صفاء تشعر بقلق شديد علي كارمن فهي تحاول الاتصال بهم والهاتفان مغلقا...
جلست في الحديقه تبكي وتتمني لو ان عادل مازال يعمل هناا ليخفف عنها ..فهو وحده يستطيع ان يطمئنها الان...
ندتها سعديه لتخبرها برغبه والدتها في رؤيتها ...صعدت الي غرفه والدتها والحزن يملئ وجهها..
-نعم ياماما حضرتك ناديتي..
-ايوة اقفلي الباب وتعالي اقعدي معايا شويه ..
قفلت الباب وجلست بجوار والدتها التي اخذت رأسها علي حجرها وبدأت تربت علي رأسها كالاطفال الصغار...
-اخوكي الكبير طبعه عصبي ومتنسيش ان اللي حصل زمان معاه مش سهل اي حد ينساه ومأثر فينا كلنا وهو قبلينا..فمش عايزة اشوف الحزن ده ف عنيكي كلها يومين ويرجع وتصالحيه لاننا كلنا غلطنا وانا اولكم اني وافقت من البدايه..
صفاء وهي تبكي: انا بحب ابيه اوي ياماما ووجعني اوي انه زعلان مني ..انا كان نفسي اعمل زي زمايلي وصحابي واخرج واتفسح انا وكارمن لوحدنا بس هو مكنش بيرضا ابدا..
-معلش ياحبيبتي اخوكي وخايف عليهم وخصوصا من اللي مايتسمي اللي مش عارفين راح فين ولا جاه منين.
صفاء بفضول : صحيح يا ماما هما مامسكهوش خالص بعد ماهرب من المصحه..
فوزيه بتنهيده : لا من يوم ماعمل نفسه مجنون عشان ميتحكمش علي جريمته في حق اختي وجوزها وهرب من المصحه ومنعرفش ليه طريق ..بس بيقولوا سافر اليونان وناس تقول شافته في ايطاليا واهو كله كلام ..انا لو عليه مش عايزة اشوفه واتمني يغور من الدنيا كلها..
نظرت صفاء الي الاسفل حزنا علي تصرفات والدها الذي لم يسنح لها فرصه العيش معه والتعرف عليه وتحمد ربها علي ذلك.. فليث كان دائما الاب والاخ لها..
احتضنت صفاء والدتها وبكت بشده علي الالم الذي سببته لاخيها الكبير وابيهاا قبل كل شئ..
_________
اخذت كارمن حماما سريعا عندما ذهب ليث بعد ان حاولت بقدر الامكان ان تعدل من حال المكان ...كانت تسرح شعرها عندما رن جرس الباب ذهبت لتري من العين وجدت البواب ومعه اكياس..
فتحت الباب : ايوة؟!
-الاستاذ ليث باعت لحضرتك الكياس دي وبيقولك هو باعت حد ينضف المكان وحضرتك تقدري تستني في اوضتك لحد مايخلصوا ... اه وبيقول لحضرتك تلفونك في كيس من دول اشحني وافتحي علطول..
-اممم ..هات الكياس واتفضل انت...
فتحت كارمن الكياس للعثور علي هاتفها فهي تشعر برغبه كبيرة في الاتصال بصفاء وفوزيه للاطمئنان علي احوالهم ولاخبارهم بانها بخير..وهي تبحث وجدت داخل الكيس قميص نوم قصير اسود تركته بسرعه من يدها بخضه..
-ايه ده !! يخربيت قله ادبك دي ياشيخ ..هتموتني ..لا لا انا مستحيل البس البتاع ده هو فاكرني ايه ..لالالا مش انا اللي البس كده ده اكيد اتجن..
وجدت هاتفها وشحنته بغضب وقلبها يخبرها ولما لا فهو زوجها وحلالها فلماذا ترفض طلبه ..
كارمن لنفسها : بس ده قليل الادب اوي !! وقصير الصراحه وانا هتكسف البسه..ليرد قلبها خلاص خلي يروح للي متكسفش تلبسه ..
مشاعر الغيرة بدأت تسيطر عليها.. فهي تعلم بعلاقاته السابقه..
-خلاص بطلي تفكري وتنكدي علي نفسك انتي عارفه هو بيحبك انتي وبس ...
ابتسمت علي هذا التفكير ودخلت غرفتها لتجهز لزوجها المصر علي قلب داخلها رأسا علي عقب..
رن هاتفها فوجدت ليث المتصل ردت بسرعه وهي تعض علي شفتها ..
-الو
-الو..وصلت الحاجه
كارمن بصوت خجل: اه.
ليث وهو يحاول ان يلعب بها : وعجبتك ..
لم تعرف كارمن بمااذا تجيب عليه..
-انا هقفل بقا عشان مش فاضيه ..
ضحك ليث وقال : طيب روحي انا بعت ناس هيطلعوا ينضفوا فوق اقفلي باب اوضتك كويس ومتفتحيش لحد انا نص ساعه وجاي..
-حاضر تيجي بالسلامه..
ليث بابتسامه : الله يسلمك..
كارمن شعرت بهذه الابتسامه وارتسمت مثلها علي شفتيها : بحبك !!
-وانا بموت فيكي ..هخلص واجي بسرعه ..
-طيب سلام
-سلام..
ابتسمت كارمن لنفسها ثم تذكرت بانها ترغب في الاتصال بالبيت..اتصلت بصفاء التي ردت من اول رنه..
صفاء بقلق ولهفه: الو ايوه ياكارمن ياحبيبتي انتي كويسه..
-ايوة انا كويسه ياقلبي ..انتو اخباركم ايه ؟ وحشتوني اوي...
-احنا بخير ..بس كنا هنتجن من غيرك ...هو ابيه معاكي ؟؟
-لا هو في الشركه وراجع تاني..
-احم طيب هو عملك حاجه ولا انتي كويسه ومتخبيش عليه احسنلك..
-هههههههه لا انا كويسه ..انتي عارفه ليث طيب هو زعل بس اتصالحنا الحمدلله..
-الحمدلله عقبالي انا حاسه ان ابيه مش هيرجع يكلمني او يحبني زي الاول..
-ايه يابت العبط ده يعني ايه اخوكي ويخاصمك ده كله ..هو بس هيهدا وبعدين تصالحيه انتي واحمد..
-احمد ! ونبي اسكتي ماتفكرنيش ده من يوم اللي حصل وهو حابس نفسه في الاوضه ومش عايز يطلع ..
-ليه بس كده طيب حاولي معاه ياصفاء ..ومتزعليش بس احنا بردو غلطنا غلط كبير لما رحنا الزفته دي من وراه..
-انا عارفه يابنتي وبندم ندم السنين دلوقتي ..
-طيب وانتي اخبارك ايه مع عادل؟؟
تنهدت صفاء بحزن: معرفش عنه حاجه من يوم ماسافرت وهو مشي ورجع شغله ومسألش عليه شكله نساني اصلا..
-لا ياحبيبي متقوليش كده اكيد مشغول بحاجه وهيكلمك قريب ...
صفاء بخضه : احييييه !!! انا مدتهوش رقمي اصلا !!!
-نعم ياختي !!! اومال زعلانه ليه انه مكلمكيش انتي هبله يابت ومدتهوش رقم البيت حتي او خدتي رقمه ليه..
-معرفش بقاا انا اصلا نسيت وبعدين هو مطلبش مني الرقم ..وانا قال ايه قاعده زعلانه انه مش بيتصل...
-اقفلي ياصفاء مش ناقصه تخلف سيبيني اجهز قبل اخوكي مايرجع..
-هههههههههه هتجهزي لايه هاااه هاااه..
-ههههههههه ياباردة سلاام
-سلام ياندله امووواه
اغلقت كارمن الهاتف واتجهت لتضع كحل وروج احمر غامق جذاب وارتدت مااحضره لها ليث ..نظرت لنفسها في المرآه وشعرت بفخر فهي تبدو غايه في الجمال وعينيها الزرقاء وبشرتها البيضاء الناصعه تلائم الاسود الذي تلبسه والاحمر علي شفاها...
سمعت العمال في الخارج ينظفون المكان وارادت ان ترتدي شئ فوقها لحمايتها من نظر ايا كان...
بحثت في كل مكان ولم تجد شئ سواا قميصان لليث وبنطلون ...
-خلاص هستغطي علي السرير لحد مايرجع ...
...........
في القصر وقفت صفاء خلف باب غرفه احمد تحاول اقناعه بالخروج..
-امشي ياصفاء لوسمحتي انا مش مستحمل..
-لا مش همشي انا عندي اخبار عن ابيه وكارمن بس امسك اعصابك.
قلق احمد علي كارمن فأسرع يفتح الباب..
-ايه مالها كارمن ..ابيه عملها حاجه ؟؟!
صفاء بتأثر : اه بس عايزاك تهدي نفسك
احمد بغضب : ماتخلصي بقااا .. انطقي..
-هههههههههه اتصالحوا يافالح وانت بس فالح تعيش دور المنكسر ياتوتو والله وحشتني اوي ياتوتي..
نظر لها احمد بضيق : اوعي يابت يارخمه انتي انا داخل اوضتي تاني..
وقفت صفاء امام الباب بسرعه : لااا ابوس ايدك كفايه والله ماما هتموت من بعدك عنها وزعلانه ومبقتش تاكل خالص..
-طيب عديني بس عشان بجد محتاح اقعد لوحدي..
صفاء بحزن تمسك يده : عشان خاطري يااحمد والله هموت من الزهق من غيرك وماما كده غلط علي صحتها وهترجع تتعب تاني...
احمد يأخذ نفس عميق : حاضر ياصفاء اتفضلي تعالي نروح لماما نشوفها عشان تسيبيني في حالي وارجع ...
نظرت صفاء الي مكان ضربه ليث الظاهر حول عينيه ..
-احم انت لسه موجوع ..
احمد بانزعاج: لا انا كويس يلا بينا....
....................
نعود الي كارمن التي ما أن وضعت رأسها علي الوسادة غرقت في نوم عميق ...
رجع ليث الي حبيبته وزوجته وهو يشعر بسعاده لوجودها بقربه ..وجد العمال قد نظفوا كل ما افسده هو في الصباح بغضبه ..جال بعينيه حول المكان بحثا عن صغيرته ولم يجدها ..فتح باب غرفتهم ولكنه كان مغلق ..
دق الباب قليلا : كارمن ..ياكارمن ..انتي نمتي ولا ايه..
استيقظت كارمن علي صوت ليث فنهضت سريعا لتفتح الباب ومازال النعاس يغلب عليها..
-ايووة انا جايه اهوه..
فتحت كارمن وهي تدعك عينيها وخدودها حمراء من اثر النوم وشفتيها ممطوطه كالاطفال..
نظر لها ليث بتمعن وانبهار بجمالها الفائق وعيناه تنظر الي جسدها الذي يظهر من الثوب القصير الذي اشتراه لها ....
فتحت كارمن عيناها لتري ليث ينظر لها برغبه وحب جامح مما خطف انفاسها وزاد من دقات قلبها ووجدت عيناه تنتقل من عينيها الي صدرها الذي يهبط ويصعد بشده..
شعرت بخجل لتنزل بعينيها الي مكان عينيه لتجد نفسها شبه عاريه..
وضعت يدها علي صدرها لتخفي نفسها من نظراته التي تصيبها برعشه في سائر جسدها وكأنه يلمسها بيديه...
شعر ليث بجفاف في حلقه من شده رغبته في امتلاكها وحبها فبلل شفتيه بطرف لسانه حتي يجد صوته..
ليث بحب وهو يفتح يدها لايريدها ان تخفي عنه اي شئ : مش لاقي كلمه اوصفك بيها..انتي بقيتي حته مني ،مفيش ثانيه مش بفكر فيكي وفي عنيكي..
قبل اصابعها من الداخل برقه خطفت انفاسها واغمضت عينيها حتي تحفر هذا الشعور داخلهاا ثم لمس شعرها الاسود الذي يعشقه بشده ، مرر ليث اصابعه علي كتفها العاري يلمس بشرتها الحريرية ومال عليها يقبل ماتلمسه يداه ..
لم تتحمل كارمن هذه المشاعر التي احاطت بهم فالتفتت لتختبأ منه ومن لمساته التي تغيب عقلها ولكنه احتضنها بذراعه مانعا هذا الهروب ليحملها ويضعها علي سريره بين احضانه ..
ليث بخفوت : بحببببك يااغلي ماعندي..
ابتسمت كارمن : وانا كمان بحبك فوق مااتتصور
مال عليها ليث يلتهم شفتاها الكرزيتان في قبله عنيفه يصب فيها كل مشاعره و يعيش الاثنان معا في عالم خاص بهم ..

[فيتامين سي]

الفصل الخامس عشر.....

في قصر السوهاجي...
جلست صفاء وسط ورودها تشكي لهم الحبيب الغائب ..
صفاء للورود: ياتري لسه فاكرني ولا كان بيضحك عليا وقال يتسلي لحد مايرجع لحياته؛ ماشي ياعادل انا اصلا مش عايزة اشوفك ولا اعرفك ولا احبك حتي..
-طيب احلفي كده ياقلبي...
جاء الصوت من خلفها فالتفت بخضه وعدم توقع : عاااادل انت جيت ازاي وامتي واتأخرت ليه كل ده عليا ؟؟
-ههههههه اولا وحشتيني اووي ياوردتي..
صفاء بغضب : اه فايق تهزر علي فكرة انا مش عايزة اتكلم معاك عن اذنك..
-استني بس ياهبله واسمعيني..انا والله كنت هموت من غيرك الكام يوم دول بس اعمل ايه اطحنت في الشغل وبعد الشغل اخويا استلمني كانت متخانق مع مراته وكنت داير حوالين نفسي اصالحهم عشان عيون لولي حبيبتي ...
-اه عشان اخوك وقرايبك ملهوف عليهم لكن انا تلطعني كل ده..
-تلطعني !!!! انتي متأكده انك تبع القصر ده..
نظرت له بحده فضحك بشده : خلاص بهزر والله ..انا كنت بطمن عليكي كل يوم من ابويا وعلطول بيقولي انك قاعده وسط الورد بتاعك وبتكلمي وقلبي قالي اكيد انتي بتشتكي مني ومقدرتش مهربش انهارده واجيلك جري..
وضع يده علي يدها وقال بحب : والله بحبك !!
صفاء بخجل ودموع : والله بحبك انا كمان بس كنت فاكرة انك هتسيبني وانك ضحكت عليا..
-بس متكمليش الفيلم الهندي ده ، انا عاملك مفاجأه بقاا بس ربنا يستر وتبقا مفاجأه ليكي مش ليه انا ..
صفاء بتساءل : مش فاهمه تقصد ايه؟؟
عادل بتوتر وامل: انا جاي اقابل اخوكي انهارده وهتقدملك ولو وافق هجيب عيلتي اه هما مش زيكم..
-عادل ارجوك متكملش انت عارف انا حبيتهم قد ايه من قبل ماا اشوفهم وكفايه انك منهم اصلا وبعدين انت مش فقير ولا شحات يعني انت محاسب في بنك وبتكسب علي قلبك قد كده ..
-ههههههههههههه قولي بقا انك طمعانه فيه..
-ايوة طمعانه طبعا انا عايزة ايس كريم وحاجات حلوة كل يوم ...
-ايه ده !! انا هتجوز بنت خالتي ولا ايه ماتظبطي كده..قال حاجات حلوة قال.. انتي فاهماني غلط اساسا..
صفاء بدلال : طيب فهمني انت الصح..
غمز لها وقال : طيب احلفي كده انك عايزة تعرفي..
ضحكت صفاء بخجل: لا خلاص غيرت رأي..
-لا ونبي اقولك..
-لا ونبي مااعايزة اعرف ههههههه…يالهووووووي
عادل بفزع : ايه يامجنونه انتي رعبتيني في ايه ؟!!
صفاء بحزن : ابيه مش هنا ده مخاصمني عشان رحت الرحله ومقولتلوش ومش هنا هو وكارمن..
عادل بغضب: رحله ايه دي ان شاء الله..
صفاء بتوتر : احم هو انا مقولتلكش
-لا مقولتيش ...اتفضلي عرفيني..
-اممم اصل وانت مش هنا طلعنا رحله لشرم الشيخ انا وكارمن..
عادل بحده : لوحدكم!!!!
صفاء بسرعه : لا والله العظيم مع احمد اخويا بس ابيه زعل مننا وكده وحصل سوء تفاهم..
-عنده حق طبعا ...وبعدين انا محبش تروحي حته من غيري ..استني لما نتجوز وانا هوديكي كل حته لكن رحله والجو ده مش عندي عشان نبقي واضحين..
- يعني ايه مش هطلع رحله مع صحابي الصبيان تاني !!
-وحياااة خالتك صبيان ايه دول اللي هتطلعي معاهم رحله ؟؟!!!
ضحكت صفاء علي سذاجته فنظر لها بغضب ..
-هيهيهيهي دمك عسل الصراحه..
صفاء وهي تحاول ان تلتقط انفاسها : اصل انت مشفتش وشك عمل ازاي حسيت انك هتاكلني ..
-خلاص بقا بطلي ضحك وشوفي هنعمل ايه ..يعني انا كده مش هقابل اخوكي ولا ايه ؟؟!

صفاء بجديه : والله مش عارفه هنعمل ايه بقاا..
-خلاص انا همشي دلوقتي وهرجع بكرة يمكن يكون رجع...
هب عادل للمغادرة ولكنه توقف يسألها: يابنتي مش عايزة تديني حاجه كده..
صفاء بخجل : بس بقا اتلم..
-هههههههههه علي فكرة مش قصدي انت نيتك مش صافيه..انا اقصد رقمك..
-احم اه رقمي اكتب عندك ياغلس......

اخذ عادل رقمها وتواعدا علي الحديث مرة اخري مساءا قبل النوم بجحه التأكد من وجود ليث في اليوم التالي...

_________
في شقه ليث ...
استيقظ ليث وجد حبيبته تنام كالطفله البريئه بين احضانه ضمها له اكثر يتنفس رائحتها العبقه التي تسلب انفاسه دائما ..
ليث لنفسه : مش عارف بردو عملت ايه حلو في حياتي عشان ربنا يكافئني بيكي..بس اللي اعرفه اني مقدرش اعيش من غيرك...
وضع قبله علي خدها فابتسمت وهي تفتح عينيها الزرقاء فتنظر اليه بحب جارف ..
-صباح الخير ياحبيبي..
- ياملاكي..
-هههههههه انا ممكن اتعود علي الدلع ده وهتعبك بعد كده..
ليث بابتسامه : لو الدلع ده هيبقي ليا انا بس معنديش مشكله..
ضحكت كارمن ضحكتها المعتاده التي اسررت ليث منذ صغرها..
ليث بخبث : اضحكي كده وهناخد اليوم كله اجازة في الوضع العسل اللي احنا فيه ده..
كارمن بخجل : علي فكرة انت بتقصد تحرجني صح ..
-ايه ده بجد !! انتي صدمتيني الصراحه !!
ضربته بكفها الصغير وتحاول دفعه عنها : اوعي كده بقااا عشان انا عايزة اروح انهارده انا ماما فوزيه وحشتني جدا هي وصفاء واحمد..
اختفي مزاجه الجيد وقال بتجهم : انا شايف نفضل هنا كام يوم ، وياريت متجبيش سيرة احمد خالص الفترة دي قدامي انا لسه ماعقبتهوش علي اللي حصل ..
كارمن يهدوء : احمد ده اخويا قبل مايبقي اخوك ...
ليث بحده : خلاص مش عايز اسمع حاجه دلوقتي..
اراد القيام من جانبها ولكنها تعلقت به وقالت: عشان خاطري اسمعني بس ..انت عارف احمد بيحبك قد ايه وبيحبني ازاي هو كان عايز يسعدني انا وصفاء ..بجد لو بتحبني سامحه المره دي بس ..
-انتي عايزة انسي اللي حصل يعني وانه غفلني والمفروض انه راجل وفاهم ..
-اديك قولت راجل وفاهم بس انت مخلتلوش حاجه وكفايه الضرب اللي ادتهوله وخليت وشه زي البتنجانه ..انت ازاي فعلا عملت كده ..لا انا زعلانه منك بجد..
نظر لها ليث بذهول : والله لا ماليش حق فعلا ..
ابتسمت كارمن :اه وبعدين انت مش امبارح قولتلي بحبك ومقدرش اعيش من غيرك وعندي استعداد اجبلك الدنيا كلها..
ليث بمكر : امتي ده فكريني كده..
ردت بعفويه : لما كنت ب.....
سكتت فجأه تمسك نفسها ونظرت له بغضب ممزوج بخجل ووجه احمر ..
-مالكش دعوة المهم قولتلي كده وخلاص..
ضحك ليث علي سذاجتها وخجلها : طيب عشان خاطرك بس هعديها معاه..
-لااا وتصالحه كمان..
-مااروح ابوسه من بوقه احسن ..انتي اتجنيتي ولا ايه ..
كارمن بدلع طفولي : يه ده بقااا انت بتشخط فيا طيب والله مانا لاعب هاااه...
هز ليث رأسه علي سخافتها : عايزة ايه يا كارمن دلوقتي ؟؟؟؟
كارمن ببراءة الذئاب : مش عايزة غير حبك ياقلبي من جوا وكل ماليه وانك تصالح احمد بس ...
ليث بابتسامه : ثبتيني بس انا سايبك بمزاجي ..متفتكريش انك ضحكتي عليه...
كارمن بفرحه : ربنا يخليك ليه ياروحي والله والله ماهتندم وهتبقي اخر مره نعمل حاجه غلط اوعدك
-خااص ياستي نقفل السيرة النكد دي بقاا ونشوف وقفنا لحد فين امبارح ..
كارمن بخضه : لاااااا انا هقوم استحمي ..انا همشي انهاردة يعني همشي ياليث..
ضحك ليث : طيب يلا بينا...
وضعت يدها علي صدره غير مصدقه ما يخرج من فمه ...
كارمن بحرج: انا بس اللي هقوم...انت خليك هخلص وروح انت..
ليث يصطنع الغضب : كارمن هزعل وانا زعلي وحش ...
كارمن بتوتر : اصل يعني ..
ليث: هشششش قدامي ......
__________
في القصر...
فوزيه بعصبيه : يعني ايه مش عايز تكلمه ...انت ليك عين تتقمص كمان..
احمد بنرفزة : لا معنديش شوفي لسه مقفوله من قلم ابنك..
-ايه ابنك دي اسمه اخوك واخوك الكبير كمان احترمه طول ماهو مش موجود..
صفاء تحاول تهدئة الوضع : يا ماما براحه هو مايقصدش طبعا هو بس زعلان ان ابيه ضربه جامد قدام الناس واحنا اكيد هنصالحه اول مايرجع..كارمن كلمتني وقالتلي انهم جايين ...
-لا اتكلمي عن نفسك ..انا هخرج اصلا ..سلام
فوزيه بعصبيه : ماتتلم ياواد انت انا مش هقدر عليك ولا ايه..مفيش خروج لحد مااخوك الكبير يرجع هو مضربكش تفاريحي..انت غلطان والغلط راكبكم كلكم ...فاهميييين !!!!!
لم يرد احمد ونظر للارض لا يريد ان يكمل النقاش..
صفاء : خلاص ياماما عشان خاطري اهدي ...ارتاحي انتي شويه واحنا هننزل نتمشي في الجنينه تحت..
في هذه الاثناء وصل ليث وكارمن الي القصر
سعديه : ازيك ياهانم وحشتيني اوي وحضرتك يابيه..
هز ليث رأسه لها بينما ابتسمت لها كارمن ابتسامتها الجميله : وانتي اكتر ياسعديه وكلك..هما فين ؟!!
-كلهم فوق عند الهانم الكبيرة ...

-تمام احنا هنطلع ..
سعديه بسعاده وانا هعمل لحضرتك الجيلي اللي بتحبيه ...
كارمن بسعاده اكبر : حبيبتي انتي يامدلعاني..
ليث بتعجب : يلا نطلع ولا هتستني الجيلي..
-لا يلا نطلع طبعا سعديه هتجيبو لما يخلص..
-الصبر يارب..
ضحكت كارمن وصعد الاثنان الي غرفته فوزيه فوجدا احمد علي وشك البكاء وعينيه وجانب وجهه يميل الي اللون الازرق المحمر..
شهقت كارمن وركضت نحوه و الجميع في ذهول من ظهورهم المفاجئ..
امسكت وجهه بين يديها ..اغلق ليث قبضته علي لا ينهال علي اخيه بالضرب بسيب هذا القرب..
ليث لنفسه : ماشي ياكارمن بتستفزيني في كل حاجه ..
كارمن بدموع : ازيك وحشتني يا توتو ..
ابتسم احمد علي اسم الدلع الذي يكرهه بشده : وانتي كمان يا كوكو ..
قفزت صفاء من خلفها واحتضنتها بشده : وحشتيني وحشتيني ياقلبي اوي اوي اوي..
بادلتها كارمن العناق : وانتي ياروحي وحشتيني جدا جدا جدا انتي وماما فوزيه كمان..
التفت كارمن لها وذهبت تقبل رأسها وكلتا يداها وقالت بحب : وحشتيني اوي ياماما....
فوزيه بحب : وانتي اكتر ياقلب ماما ..
اقترب ليث من والدته يقبل رأسها ..
-ازيك ياامي ..
فوزيه بشئ من العتاب : الحمدلله ، مكنتش بتسأل عليا بقالك يومين ومش بترد علي التلفون..
ليث بهدوء : معلش يامي كنت مضايق شويه..
نظر بعينه نحو احمد الذي نظر للناحيه الاخري بسرعه ..
اقترب منه ليث ووضع يده في جيبه ينظر اليه بحده وهدوء توتر له احمد وجعله يتمني لو بقي في غرفته.. مد يده يمسك ذقنه يعاين الضرر الذي لحق به ..
-انت رحت للدكتور..
احمد بتوتر ممزوج بضيق وخجل : لا انا عملتها في البيت ..
ضيق عينه وقال : طيب تعالي معايا نعدي علي دكتور ونروح الشركه سوا ولا حابب تأجز كام يوم..
احس احمد برغبه اخيه في مصالحته وخوفه عليه ..فليس من عادته الحديث مع اي منهم اذا غضب من احد..
احمد: لا مفيش داعي للدكتور دي بسيطه يا ابيه..انا ممكن اروح معاك الشركه لو عادي بالنسبه ليك..
ربت ليث علي كتفه وقال : متزعلش مني واضح ان ايدي كانت تقيله شويه ..
ابتسم احمد وفرك بيده خلف رأسه : هي تقيله شويتين الصراحه ..
ضحكت كارمن واتجهت بصفاء نحوهم ..
كارمن : احم وصفاء عايزة تقولك حاجه..
نظرت صفاء الي وجه اخيها الهادئ ولم تجد ماتقوله فارتمت في حضنه الابوي وبكت بندم..
-متزعلش مني بالله عليك ياابيه انت عارف مقدرش استحمل زعلك ده..
ابتسم ليث وهو يحتضنها : لا مش زعلان من بنوتي الصغيرة ..انتي عارفه انا كل اللي بعمله ده خوف عليكي مش اكتر ..انا اللي مربيكم كلكم وبحاول احميكم واقوم بواجبي علي اكمل وجه..
احمد : ربنا يخليك لينا يا ابيه انت عوضتنا عن كل حاجه اتحرمنا منها
اضافت كارمن : وانا كمان يا ابي... قطعت كلمتها بسرعه بينما ضحك الجميع علي خطئها بانها كادت ان تنادي زوجها بأبيه..
نظر لها ليث و مال عليها وقال بصوت خفيف: هعديها دلوقتي لحد مااشوفك بليل..
ااعتدل في وقفته ونظر لاحمد مرة اخري ..
-يلا احنا عشان ورايا شغل كتير..
احمد بسرعه : ثواني يا ابيه وهجهز واكون في العربيه ...
ذهب احمد وليث الي الشركه بينما جلست صفاء وكارمن يتحاكون كل ماحدث لهم ..
صفاء بتنهيده حب : بس ياستي والمفروض هيكلمني انهارده واقوله ان ابيه هناا وهيجي يتقدملي...
كارمن بضحك : اوعي بقااا يابرنس
-ههههههههههه ده انتي اللي برنس عملتي ايه عشان تقلبي حال ابيه كده ..ده بقا بني ادم تاني خالص..
كارمن بخجل : هعمل ايه يعني هو طول عمره بيحبكم مش محتاجه تدخل...
-اممممم شوف البت السهونه طيب يا كارمن مش هحكيلك حاجه تاني هاه...
ضحكت كارمن واخرجت لها لسانها : لما تكبري هقولك ...
-نعم نعم نعم ..انا اكبر منك بسنه ياختي انتي نسيتي...
كارمن بمرح : بردو مش هقولك ...
رن هاتف صفاء يعلن عن وصول مكالمه عاشقها فتركتها كارمن وذهبت ترتاح قليلا وهي تفكر في زوجها العنيد والحنون دائما...
________
في شركه السوهاجي...
اسماء بتلقائيه : ثانيه واحده يافندم هقول لليث بيه الاول..
قاطعت اسماء حديث احمد وليث ...
اسماء بتوتر : في واحد مصر يقابل حضرتك وبيقول الموضع ضروري ..فاكر ياستاذ احمد اللي جه هنا من فترة عشان يقابل ليث بيه لما كان مسافر..
احمد بعد تفكير : اااه الراجل السئيل ده اللي عارف ماما ..ومرداش يقول اسمه
ليث باستغراب : خلي يدخل يا اسماء اشوف عايز ايه ده ...
اسماء وهي تفتح الباب : اااه وفي واحده اسمها سالي بتسأل علي حضرتك وجت امبارح بعد ماحضرتك مشيت وطالبه انك تكلمها ضروري..
نظر احمد بغضب وتساءل نحو اخيه وهو يفكر لما مازال اخيه مرتبط بهذه البشعه التي لا تعرف سوي الجري وراء المال حتي بعد زواجه من كلرمن ..
ليث بهدوء : محدش يرد عليها ونبهي علي الامن ميدخلوهاش هنا تاني ..مفهوم..
-مفهوم ياليث بيه ...
خرجت اسماء لتسمح لهذا الرجل الغريب الدخول الي مكتب مديرها...
نظر ليث بصدمه لهذا الرجل الذي قلب حياته رأسا علي عقب !! كيف يمكنه الرجوع الي حياته مره اخري بعد كل ماافعل ؟؟!
- انت !!!

[فيتامين سي]

الفصل السادس عشر...

الرجل بابتسامه لئيمه وثقه : كنت عارف انك هتفتكرني مش زي اخوك عنده بطء واضح لانه معرفنيش.. ولا فوزيه منعت عنكم حتي صوري تشوفوها...
ليث بغضب : اياك تتكلم عن امي !! انت ايه االي جابك هنا بعد كل اللي عملته ؟!!!
الرجل بضحكه شريرة : عملت ايه ؟؟؟! انت ناسي انك اتصلت بالبوليس وقدمتني علي طبق من دهب ليهم ..انت ابني اناا لكن انت فضلتهم عليا..
ليث بغضب وحشي وهو يكاد يلتهمه حيا : انا مش ابنك ، انا ابن عيله السوهاجي ..لكن انت انسان مريض ..ايه مش خايف ابلغ عنك تاني ...
ضحك ماجد ببرود : انت متعرفش ولا ايه اني طلعت منها زي الشعره من العجينه ...ياحبيبي الحكم سقط خلاص انا كنت في مصحه مش اعدام..
امسك ليث رقبته بعنف : انت عايز ايه مننا ..راجع ليه تنكد علينا ..غور يااخي بعيد عننا ..
حاول احمد تهدئته وابعاده وهو مازال في صدمه كيف له ان لا يتعرف علي والده ؟!!! وكيف ظهر مره اخري وما سيكون رد فعل والدته والاهم كارمن من هذا الظهور المفاجئ...
ماجد بعصبيه : اهدي ياولد انت بنت رقيه كلت بعقلك حلاوة زي امها ما عملت فيه وخسرتني كل حياتي..
لكمه ليث بعنف : اوعي اسمعك تجيب سيرتها ، انت فاهم متفتكرش اني هنسي كل اللي فات انت بظهورك ده بتبدأ مراسم وفاتك ...
ماجد بغضب مماثل : ماشي ياابن فوزيه ..انا هوريك مين مااجد ولو انت كنت ليث السوهاجي فانت من صلبي ومش هتوصل تبقي قدي وانا هعرف اخلصك ازاي من سحر بنت رقيه وارجع لطوعي تاني..
صرخ احمد فيه وهو يحاول الامساك بأخيه حتي لايقتله ..
-اطلع برا بقاا ومتعتبش هنا تااني..
رد ليث بغضب وقسوة : احمد ربك انك هتطلع من هنا عايش المرة الجايه اللي هشوفك فيها هقتلك بايدي دي ..
ابتسم ماجد ابتسامه الثعلب وخرج وهو يغلي من تنكر ليث واحمد له فهو هرب من اجلهم وجمع المال وسافر الي ايطاليا واصبح من اهم رجال الاعمال والمافيا ايضا هناك ولن ييأس حتي يعيد ليث واولاده الي جناحه مرة اخري وتوعد بالتخلص من فوزيه وكارمن وكل مايتعلق برقيه وجمال..فهو يري فيهم السبب في خراب حياته السعيدة ...لايري ان الرغبه والتوحش والانانيه اعمته وجعلته يقتل انفس بريئه ويطلق النار علي طفله دون ان يأبه بسلامة ابنه الذي يحملها بين ذراعيه..
ماجد لنفسه : انا ماصدقت لقتيكم وقولت انت عاقل وعرفت تحافظ وتزود فلوسي لكن طلعت خايب ماشي ورا بت صايعه امها وابوها السبب في كل حاجه واضح ان الفساد في دم العيله دي كلهاااا..
وهو يخرج من الشركه وجد امرأه في غايه الجمال والامن يرفض ادخالها...
سالي بغضب : انتو اتجنيتوا ولا ايه قولوا لليث سالي برااا هيدخلني انتو مش عارفين انا ابقي مين يا أغبيه..
رد رجل الامن ببرود : ليث بيه موصي بنفسه انك بذات متدخليش هنا..
سالي تحدث نفسها : ماشي ياليث انا تعمل فيه كل ده وعشان المفعوسه اللي اتجوزتها..
لمعت عين ماجد وشعر بأنه وجد الخيط في نهايه علاقه ليث و كارمن....
ماجد بغرور : انتي مين ؟؟ وعايزة ليث ليه ؟؟
سالي بقرف : وانت مالك انت !!
ماجد بهدوء حاد : انا ابوة !!
سالي بشك : لا والله بس انا اللي اعرفه انه مالوش اب..
ماجد : انا كنت طول عمري في ايطاليا ونزلت عشان اجبله عروسه ..بس للاسف اتجوز واحده ماتسواش..
سالي بفرحه : ايوة دي طفله مش هتقدر تسعده انا مش عارفه هي عامله في ايه تخليه مش شايف غيرها !!
ماجد بمكر : واضح ان دماغنا واحده !! تسمحيلي اعزمك علي الغدا ونتكلم اكتر عن الموضوع ده..
سالي : طبعاا انا ممكن اعمل اي حاجه بس ليث يكون ليا ...
ماجد بابتسامه وهو يمد يده لها : دييل ..بس نشوف هنخلص ازاي من بنت رقيه ونبعدها عنه...
..............
وضع ليث رأسه بين يديه وهو يشعر بصداع حاد وماضيه يمر انا عينيه ...
احمد ببطء : انا مش مصدق انه رجع!!
ليث بعنف: كان لازم اتخلص منه في وقتها.. ده مش سهل وهيعمل اي حاجه عشان يوصل للي عايزة ..
احمد بخوف :طيب والعمل ..انا خايف علي ماما و كارمن وصفاء ...
رفع ليث سماعه الهاتف يحدث صديقه المقرب...
-الو يا معتز انا عايزك ضروري..لالا مش وقته سيب كل حاجه وتعالي المكتب انا مستنيك..
معتز بحيرة: طيب انتو كويسين كلكم طمني؟؟
-ايوة..بس تعالي..
-طيب مسفت السكه وهكون عندك..
اغلق الهاتف ونظر الي الحائط بحيرة ماذا سيقول لكارمن او فوزيه؟!!
ليث بجديه : ماتجبش سيرة لاي حد عن ظهورة لحد مااتصرف واتخلص منه ولازم نشدد الحراسه علي القصر واتصل بالامن هناك ميدخلوش اي حد الا بأذني..
احمد بتوتر : حاضر..
نظر له ليث بحده : اجمد شويه في ايه!!
-الصراحه خايف كارمن تتغير من نحيتنا بسببه..
كان لدي ليث نفس الخوف ولكن قلبه يقنعه بأنها تحبه..
ليث لنفسه : حتي لو عايزة تسيبيني يا كارمن عمري ما هسيبك ..انتي ملكي انا وبس..ان شاء الله احبس طول العمر ...
وصل معتز بسرعه : السلام عليكم ..في ايه يابني وغوشتني ...
ليث يهدوء : اقعد الاول ..
جلس معتز ونظر الي احمد المتوتر وشعر بالقلق..
ليث بملامح لايظهر منها ما بداخله : ماجد رجع انهارده...
معتز بخضه : نعم..ازااي يعني ورجع فين !!!
-جه المكتب انهارده بس مش فاهم عايز ايه...
معتز بتفكير : طيب وبعدين ؟؟
-انا عايزك تشوفلي حد يراقبه وتعرف كل حاجه عنه ، عايز اعرف راح فين بعد ماهرب وقاعد فين دلوقتي ومع مين ، وانا هتتصرف معاه !!..
-حاضر في ظرف يومين وهجبلك كل حاجه عنه... احم اخبار العروسه ايه ؟؟
ليث بهدوء :الحمدلله..
-مع اني زعلان اني اخر من يعلم بس الف مبروك نخلص بس من الحوار ده وهفضالك...بس بلاش تطفشها باسلوبك ده..
قرص علي انفه باصبعين ونظر الي الاعلي كعادته عندما يحاول ان يهدأ ..
ليث بحده : روح يامعتز ..انا محدش يقدر يخرج عن طوعي..
كان معتز يقصد تلطيف الجو ولكنه شعر بتوتر الاجواء حوله فرحل حتي لا يفعل شئ يغضبه اكثر في هذه الاثناء..
معتز : مع السلامه ..
ليث واحمد ردوا السلام .. وانشغل تفكير كل منهم بما سيحدث لهم ولعائلتهم بعد هذا الظهور..

.....................
في قصر السوهاجي ......
صفاء وكارمن بذهول : نعمممم!!!!!
فوزيه بفرحه : مفاجأه حلوه صح ..
كارمن بسعاده بالغه : انتي بتتكلمي بجد يا ماما يعني كمان يومين فرحي ..
-ايوة وانا كلمت اهلك في الصعيد وهيجوا كلهم قبلها بيوم ...
كارمن بتوتر: احيه وده ينفع بعد ماقلنا اننا متجوزين !!!
فوزيه بابتسامه : انا فهمتهم انكم معملتوش فرح بسبب حاله وفاة عندنا وقررنا اننا نأجله وكله تمام متقلقيش..
صفاء بفرحه عميقه : مبرررروك يا كوكو ، انا فرحانه اووووي ، احنا كده ورانا حاجات كتيررر نعملها قبل اليومين دول ..
فوزيه وهي تهدأ من حماستها : اهدي يابنتي انا ظبط كل حاجه مش فاضل غير ان العروسه تنقي فستان..
كارمن بسعاده بالغه وهي تعانق فوزيه: ربنا يخليكي ليا يا ماما ، انا مش هلاقي حد احن عليا منك ...
شاركتهم صفاء العناق كعادتها و قررت اخبار والدتها بموضوع عادل...
صفاء بتوتر : ماما في حاجه عايزة اقولها لحضرتك..
فوزيه بحاجب مرفوع باستغراب من توتر ابنتها : قولي يا حبيبتي ...
-اممم اصل انا جايلي عريس..
فوزيه بتساؤل : مين العريس ده ؟؟
-ده عادل يا ماما..
فوزيه : عادل مين ..انا مش فاكرة حد بالاسم ده..
كارمن تدخلت : عادل يا ماما الشاب المحترم ده اللي بيشتغل محاسب ومهانش عليه ابوة يتعب ونزل الشتغل هنا بداله..
فوويه بصدمه : عادل ابن كمال الجنايني ؟؟!!!!
صفاء وهي تكاد تبكي من الخوف : يا ماما ده كويس اوي وشكله بيحبني وبعدين هو بيشتغل في بنك واخوه دكتور وعيله طيبه جدا..
فوزيه : بصي يا بنتي الحكايه دي مش هيدي فيها عقاب نافع غير اخوكي ..
-انا بس عايزة اخد رأيك يا ماما ..
-انتي ليه موافقه عليه يا صفاء..انتي بيجيلك احسن من كده بكتير..
صفاء بعند : بس انا مش هحبهم..
-وده بتحبي ؟!!
نظرت صفاء الي كارمن وردت بصراحه : ايوة يا ماما..
-ومن امتي الكلام ده ان شاء الله..
اسرعت كارمن بالرد : والله يا ماما ده الفترة اللي كان فيها هنا وهو اصلا كويس ومخدش حتي رقمها غير امبارح عشان جه يتقدم وليث كان مش هنا وهو المفروض هيجي انهارده ...
فوزيه باستسلام : اللي انتوا عايزينه اعملوا المهم اخوكي يوافق..
فرحت صفاء وقبلت والدتها : مش هتندمي يا ماما والله ده طيب اوي وبيحبني جدا..
فوزيه بابتسامه : ربنا يهنيكي يا بنتي ويجعله من نصيبك لو هيسعدك..
قبلت يد والدتها وكذلك كارمن واتجهت الفتاتان لغرفتيهما وكل منهم تحلم بيوم زفافها ...
اتصلت كارمن بليث فاخبرها بأنه يعمل لوقت متأخر وان تنام ولا تنتظره..حاولت النوم ولكن دون امل وما ان اغمضت عينها حتي سمعت باب غرفتهم يفتح ..
دخل ليث وجدها مستيقظه علي سريره ...
كارمن بحب: حمدالله علي السلامه وحشتني..
هز ليث رأيه دون ان يرد فتعجبت كارمن من تغيره .... اتجه ليث للاستحمام وتغير ملابسه..
دقت كارمن علي باب الحمام : اجهز الاكل ؟؟
-لا نامي يا كارمن انا كلت في المكتب...
-ماشي..
اتجهت الي السرير بخيبه امل من جفاءه هذا وحاولت النوم..خرج ليث وهو يرتدي سروال البيجاما فقط واتجه نحوها لينام..
لم يحتضنها كما يفعل دائما بل نام علي ظهره ووضع يداه تحت رأسه..
كارمن لنفسها : انا حاسه ان في حاجه ؟! ياتري ماله !!
-احم انت كويس..
ليث وهو يحاول ان يتجاهلها ولايريدها ان تكتشف سره : ايوة..
سكتت فترة ثم عادت تسأل : بس انا حاسه ان في حاجه ..قولي لو في حاجه مضيقاك..
ليث بضيق وصوت عالي نسبيا : نامي يا كارمن يعني لو في حاجه هقولك هو انا هخاف منك ...
حزنت كارمن من طريقه تحدثه معها وقررت العوده الي غرفتها حتي لاتزعجه اكثر..
ليث باستغراب : رايحه فين ؟؟
-هنام في اوضتي عشان......
قاطعها ليث عندما سحبها مرة اخري علي السرير بغضب ...
-كام مرة اقولك المكان اللي انا في ، انتي تبقي فيه !!
ذهلت كارمن من رد فعله وغضبه المفاجئ ...
-انا كنت اقصد اسيبك بس عشان متغير ..
ليث وهو يجز علي اسنانه :وانتي مع اول تغيير تمشي وتسبيني !!! اسمعي يا كارمن... انا مش مهم عندي دلعتك قد ايه لكن الكلمه اللي اقولها وما تتنفذش هكسر دماغك عليها وهيكون عقابك عسير..انتي فاهمه...
قالها ليث وهو يهزها بعنف .. نزلت دموع كارمن وهي تحرك رأسها بالموافقه ...تركها ليث وهو يغلي من الغضب فأعطته ظهرها حتي تبكي فوجدت يده تعيدها علي جانبها الاخر بعنف ...
-ماتدنيش ضهرك وانا موجود حتي لو هتنامي ، احفري في دماغك انك ملكي انا وبس في كل حاجه وكل خطوة بتعمليها..
اغمضت كارمن عينيها واستسلمت لدموعها التي انهالت دون توقف من قسوته معها ..
كارمن لنفسها : عمرك ما هتتغير هتفضل متوحش علي طول ..انا عملت ايه بس ياربي عشان الغضب ده كله ...
كان ليث يشعر باعصار داخله وكل مشاعره مضطربه ولكن طغي عليه الخوف من ان تتركه وترحل ..الخوف الذي يغلبه بغضبه دائما فالغضب افضل من الخوف لديه ...
نظر الي كارمن التي تحتضن نفسها كالاطفال وكأنها تحتمي منه ودموعها التي تنزل دون توقف وشعر بقلبه يتمزق وغضبه يشتعل من جديد ولكن علي نفسه هذه المرة وقف فجأه فارتعش جسدها من الحركه المفاجأه واغمضت عينيها اكثر ..
نظر لها وهو يغلق قبضته بشده واسنانه تكاد تنكسر وتوجه الي ركن الملاكمه يفرغ فيه كل طاقته وكل ماحدث اليوم..
بكت كارمن كثيرا الي ان جفت دموعها واصبح كل انش في جسدها يؤلمها وكأن صوت لكماته تخترق جسدها هي !!
تغلب عليها التعب والحسره فنامت كما هي حتي تهرب مما يحدث حولها..
كان ليث يتصبب عرقا واستمر في الملاكمه حتي شعر بالم كبير في يداه ..كان يتنفس بصعوبه من شده المجهود الذي قام به حتي ان قدماه قد خارت قواها...اتجه ببطء نحو سريره ليستلقي عليه ويلتقط انفاسه ..نظر الي صغيرته وعيناها المنتفختان حتي في نومها ووجهها الاحمر و المبلل من البكاء...
مسح وجهها باطراف اصابعه وهو يشعر بالم يخترق كل صدره..وضع الغطاء عليهم ونام علي جانبه ينظر اليها ويفكر في ماجد وموقف كارمن من ظهوره..
ليث لنفسه : مش هقدر اعيش غير بيكي..عارف انا اناني بس مش هسمحلك انك تتخلي عني في يوم ابداا..حتي لو خفيتك من عيون الناس كلها...
نام ليث بعد صراع طويل مع الواقع.... هاجمه الواقع حتي في الاحلام ...فكلما اغمض عينه يري انها تتركه وتذهب ويري ابيه يأخذها منه ....
استيقظ ليث هذا الصباح فوجد نفسه يحتضنها وكأنه غطاءها وقدمه فوق قدماها ويده حول خصرها ورأسه تسند علي رأسها ...
لم يستطع مقاومتها فهي حبيبته رغما عن كل شئ ..قبل رقبتها برقه واذنها وضمها اليه اكثر وهو يحرك يده علي خصرها ..شعرت كارمن به فتأوهت رغما عنها فعدلها ليث وخطف انفاسها في قبله طويله تعكس مافي داخله...حاولت كارمن مقاومته فضغطت علي صدره بشده فامسك كلتا يداها ووضعها فوق رأسها ..ارادت التنفس ولكنه كان يعاقبها بقبلته ...
ابتعد بعد فترة ليأخذ كلاهما نفس عميق عاود ليث يوزع قبلاته علي وجهها ورقبتها ولكنها هزت رأسها ليبتعد عنها ..
فامسك بوجهها بقسوة واجبرها علي النظر في عينيه السوداء الغاضبه...فالنساء دائما ترتمي عليه الا حبيبته تعامله وكأنه يكويها بقبلاته..
كارمن : لو سمحت ابعد عني ..
ليث بحده وهدوء : انا اللي اقرر ابعد ولا اقرب وانا لو عايزك مش هتقدري تمنعي نفسك عني ..
كارمن بغضب : انا مش عايزه يبقي غصب عني!! ..
قبلها ليث بعنف وغرز اسنانه في شفتها فنزل منها دم خفيف ..
ابتعد عنها بلا مبالاه وقال :مش متعود اغصب واحده كله بيبقي بمزاجهم وانا لو قربت منك دلوقتي هيبقي بمزاجك بردو مش غصب عنك..
كلامه اشعل الغيرة بداخلها فدفعته بكل قوتها ووقفت تنظر اليه وهو مبتسم بمكر يعلم جيدا انه قلب كيانها بكلامه..
كارمن بغضب : مش عايزة اتكلم معاك اصلا ...انا مش عايزه اعرفك اساسا..
كانت دموع الغضب تتساقط ... فذهبت بسرعه الي غرفه صفاء لتختبئ منه وتخرج كل مشاعرها..

[فيتامين سي]

الفصل السابع عشر...

كانت دموع الغضب تتساقط ... فذهبت بسرعه الي غرفه صفاء لتختبئ منه وتخرج كل مشاعرها...
وضغط ليث بكفيه علي عيناه فهو يعلم انه جرحها ولكن لماذا يفعل ذلك دائما ...
ليث لنفسه وهو يقوم بغضب : لما تكرهك متزعلش بعد كده..
جهز ليث للذهاب الي عمله واتجه الي غرفه والدته ليراها .. وجدها علي الهاتف ..
فوزيه برضا : تمام اوي كده وهكلمك علي الضهر اتابع معاكي..
ليث : صباح الخير ..
فوزيه بحب : صباح الورد ياحبيبي..
ليث بتعجب : بتكلمي مين بدري كده..
-ابدا كنت بتفق مع التيم ليدر اللي بيجهز لفرحك..
-فرحي انا !!!!
فوزيه : ايه يابني انت نسيت !!!
انا مش قلتلك هعمل فرحك انت وكارمن اخر الاسبوع ده..
ليث وهو يفكر بظهور والده والخطر القادم معه...
-لالا مش وقته خالص اجلي..
فوزيه باستغراب : يتأجل ازاي يعني هو لعب عيال وبعدين انا قلت لكارمن خلاص وانا مقدرش اكسر قلبها..
ليث بضيق : معلش اتصرفي يا ماما انا مش هعمل افراح دلوقتي..
فوزيه بغضب : في ايه ياليث بلاش تخليني اندم اني جوزتهالك كده مش معني ان ابوها وامها متوفين اننا هنهضم حقها الطبيعي انه يتعملها فرح زي مابتحلم بيه اي بنت..
-بقولك مش هعمل فرح ..انسي يااماما..
فوزيه بغضب وصوت عالي : يبقي انت مش بتحبها ومش عايز تسعدها..
ليث بعناد وغضب : ايوة انا مش بحبها ارتاحتي الغي الفرح لو سمحتي..
هب ليث كالاعصار يخرج من غرفه والدته ليجد كارمن تنظر الي قدميها وتبكي ومعها صفاء تواسيها وتنظر له شزرا...
اغلق عينيه ليتحكم في اعصابه ومشاعره لحظه ليستعيد عقله ...
ليث لنفسه : مصر تبعدها عنك لابعد الحدود اكيد سمعتك..
حاول الاقتراب منها فغلب عليها البكاء وركضت سريعا تبتعد عنه تبعها ليث سريعا ودخلت هي اقرب باب اليها وجدت احمد امامها ينظر لها بخضه من هيئتها وظن انها علمت برجوع والدهم...
ارتمت كارمن في احضانه علها تختبئ ولو للحظات من صدي الكلمات التي وقعت عليها من ليث...
احتضنها احمد سريعا عندما وجد اخيه يدخل ورائها ونظراته فيها شئ من الجنون..
احمد بقلق : في ايه ؟؟ بتعيطي ليه ؟؟؟
كارمن بصوت متقطع من البكاء : خبيني يا احمد عشان خاطري..
ليث حاول ان يأخذها منه فابتعد احمد سريعا ونظر لاخيه بغضب..
-سيبها دلوقتي ..انت عملت ايه ؟؟
لم يلحق ليث الرد عليه وقاطعته كارمن...
-انا عايزة اروح لاهلي ...
لم يشعر ليث بنفسه الا وهو يخطفها من احضان احمد ويهزها بعنف ..
انتي معندكيش اهل غيرنا ...انا بس اللي اهلك واهلي هما اهلك ....
حاولت الافلات منه والرجوع الي احمد الذي حاول ابعاد اخيها عنها فاعادها الي احضانه..
-ممكن لو سمحت تسيبنا شويه عشان تهدي ..عشان خاطري يا كارمن بطلي عياط وفهميني اللي حصل..
كارمن ببكاء : انا عايزة اطلق مش هعيش معاه تاني انا عايزة اروح لجدي..
صدمت هذه الكلمه ليث وجعلته يري احمر من الغضب ورعد صوته الجدران...
-قلتلك مش هتعرفي تبعدي عني و كلمه طلاق دي امحيها من قاموسك مش ليث السوهاجي اللي يتلوي دراعه...
حاول اخذها من احمد ولكنها امسكت به بشده وكأن حياتها ستتوقف ان تركته وكذلك احمد الذي ضمها اليه بشده ...
دخلت فوزيه ومعها صفاء يحاولون السيطرة علي الموقف...
فوزيه : سيبها عشان خاطري يابني ..
صفاء ببكاء : خلاص يا ابيه هي مش هتستحمل اكتر من كده..
-ليث بغضب رهيب : اسكتوا كلكم محدش يدخل مابيني وبين مراتي ..
سحبها ليث بعنف واصابعه تغرز في لحمها لتعود الي احضانه ..حاول احمد الاقتراب فدفعه ليث بعنف واشار باصبعه في وجهه ...
-اوعي تلمسها تاني ولا تتدخل يا احمد ..انا هنسي انك اخويا وهعمل معاك تصرف هيزعلك العمر كله ...
فوزيه بقهره وغضب : هتعمل ايه يا ابن ماجد..
هزت الكلمه روحه بعنف وجرحته الي ابعد الحدود و شعر با قلبه ينقسم حرفيا..نظر الي الجميع بحده وهو يتنفس بشده ثم يتجه ليتخطاهم ويسحب معه كارمن بخطوات سريعه التي بكت ليس علي جرحه لها و لكن علي جرحه هو الاخر فهي احبته وسوف تحبه حتي نهايه حياتها حتي ولو لم يبادلها هو الشعور ..
بكت فوزيه علي مايفعله ابنها ونطقها بانه ابن ابيه ولكن افعاله تجعلها تخرج عن صوابها...بكت صفاء معها بينما حاول احمد اللحاق بهم..
-استني يا ابيه متزعلش ..هي متقصدش ...طيب هات كارمن دلوقتي لحد ماتهدي…
وقف فجأه والتفت اليه وسلم له كارمن...
ليث بغضب وتوعد : خد بالك منها وطلعا اوضتي ولو اتحركت من هنا مش عايز اقولك هعمل فيك ايه..
احمد بأمل : حاضر ياابيه متقلقش والله في عنيه..
اخذها احمد بسرعه الي الداخل قبل ان يغير رأيه...
اخذ احمد كارمن الي فوزيه وصفاء وبدأ يهدئي كلا منهم ..
-خلاص يا جماعه اهدوا شويه العياط مش بيفيد حاجه ..هو هيهدي وهيرجع وكله هيبقي تمام..
كارمن بحزن : خلاص يا احمد انا مش هقدر اعيش معاه ..
احمد بتوتر : اهدي بقا انتي كمان ..وفهميني ايه اللي حصل..
روت له ما حدث ...فاسرعت فوزيه بالرد عليها..
-لا يابنتي والله هو قالها في لحظه غضب انتي عارفه ليث بيحبك..
كارمن بغضب : لا مش بيحب حد ده يا ماما عشان خاطري سيبيني اروح فترة عند جدي..
صفاء بلوم : ويهون عليكي تسيبينا يا كارمن..
-لا يا صفاء بس انا محتاجه فترة كده اجمع فيها نفسي انا مبقتش عارفه ايه اللي بيحصلي ده...
احمد : ادخلي بس نامي شويه وريحي كده وصفي دماغك كلنا عارفين ابيه بيحبك قد ايه ..بلاش لحظه غضب تخسركم بعض..
تفرق الجميع الي غرفهم يفكر فيما سيحدث بعد ذلك ...اتصل احمد بأخيه دون فائده ... اتصل بمعتز ليطمئن..
-الو يا معتز ..اخبارك ايه.. سكت ليستمع له وعاد يتحدث : طيب الحمدلله ، ابيه مجاش عندك ..سكت مرة اخري : بجد طيب تمام انا كنت بطمن بس ... يا معتز ...سلام...
احمد لنفسه : اووف ايه اللي بيحصل ده ياربي ...
...................
في مكان اخر....
سالي :ههههههههههه كويس اوي هات الرقم وانا هشعللها...
ماجد بخبث : هتعملي ايه ؟؟؟
سالي بحقد : هعمل كتير ...انا معايا حاجات تخلي اي واحده تتجن وتسيب جوزها..
ماجد بتساءل : ايه يعني فهميني ؟؟
- بص ياسيدي انا لما ليث هددني خفت علي نفسي الصراحه ابنك مش سهل وايده طايله فركبت كاميرات مراقبه علي باب الشقه ومن جواا ... فلما جالي يوم متضايق قعدنا انا وهو علي الكنبه دي ااه محصلش حاجه بس كان هيحصل ..انا بقي هبعت الفيديو اللي يعجبني للسنيورة ونشوف هيحصل ايه..
ماجد بسعاده وغل : وتبعد عنه بقا بنت رقيه وميلقيش غيري...طيب يلا مستنيه ايه ابعتهولها ..
- الله استني هقطع الحته المناسبه واكتم الصوت..
-طيب تمام اوي بس بسرعه...
................
بعد حمام طويل جلست كارمن تسرح شعرها وتفكر في ليث وماقاله عنها..
كارمن لنفسها : عشان هبله صدقتي كل كلمه قالها ليكي ...عشان ضعيفه خلتي يبيع ويشتري فيكي..ماشي ياليث انا هوريك ...
جاء ليث بعد فترة وحبس نفسه في مكتبه فهو لايريد ان يري ايا منهم ...
سعديه وهي تدق بابه : ياليث بيه في واحد عايزك برا..
انقبض قلبه وظن ان ماجد جاء الي القصر ، فتح الباب سريعا ..
-مين ؟؟
- الاستاذ عادل..
تنفس الصعداء واتجه الي الصالون لرؤيه هذا ال عادل وماذا يريد...
عادل بتوتر : مساء الخير يا استاذ ليث..
-مساء النور ..نعم ؟؟
-احم انا عادل ابن الحاج كمال الجنايني..
ليث باستغراب : ايوه اهلا وسهلا..الحاج كمال تعب تاني ولا ايه..
-لا الحمدلله هو كويس ..انا كنت جاي لحضرتك عشان موضوع شخصي بس..
- اتفضل..
-انا بشتغل محاسب في بنك وبقبض كويس والحمدلله وابويا ربانا احسن تربيه انا واخويا اللي هو دكتور..
-ربنا يخليه ليكم ..
-احم انا كنت جاي وعايز اطلب ايد اخت حضرتك..
ضاقت عين ليث قليلا وقال بشك : والله وانت عارف اختي منين..
رد عادل بسرعه : لا حضرتك انا شفتها لما جيت اشتغلت مكان ابويا اسبوعين وطبعا انا مش هقول اني مش هلاقي احسن منها لان انت اكيد عارف ..بس كنت بتمني انك توافق...
ليث : امم الحقيقه القرار ده مش في ايدي انا لازم اخد رأيها ورأي امي الاول...
عادل بحزم : بس انا كنت عايز اعرف رأيك انت ...
ليث : بس ياعادل انت بمجرد دخولك وتعريفك لنفسك انك ابن الحاج كمال وانك فخور بيه ده يثبتلي انك بني ادم كويس بس ده ميمنعش اني لازم اسأل عليك والحاجات دي ...
عادل بسعاده وعيون لامعه : تمام وانا هستني رد حضرتك ولو حصل نصيب هجيب ابويا وامي ونبقي رسمي...
سمعت سعديه كامل الحوار وصعدت بسرعه تخبر صفاء التي كانت تقرأ روايه لتنسي الواقع ..
سعديه : صفاء هانم استاذ عادل تحت ..
صفاء بصدمه : ايه هو جه وبعدين هو لسه تحت..
سعديه وهي تلتقط انفاسها : والله انا طلعت وهو قايم يمشي يعني زمانه مشي وهو طلب ايد حضرتك من ليث بيه ..
صفاء بخوف : ومسمعتيش قاله ايه ياسعديه ..
لم تكمل سعديه حيث دق ليث علي الباب ليدخل الي صفاء ..
نظر الي سعديه بحده وكأنه يشعر بانها اخبرتها فانسحبت سعديه سريعا...
ليث بهدوء وهو ينظر لصفاء المتوترة..
-رأيك ايه في الموضوع ده ؟؟!
صفاء تصطنع عدم المعرفه : هااه !! موضوع ايه يا ابيه..
ابتسم ليث بخفه : احم طيب افهم من كده انك مش موافقه اروح انا بقا...
قاطعته صفاء بسرعه : لا لا لا موافقه والله يا ابيه ..
هز ليث رأسه علي سذاجتها بينما خجلت هي فقد نجح في خداعها..
اقترب منها ليث واحتضنها : وياتري بقي الموضوع كان غرامي ولا من بعيد لبعيد ..
صفاء بسرعه : من بعيد لبعيد والله يا ابيه ..
-علي العموم انا مش عايزك تفرحي اوي انا لسه ماخدتش رأي ماما ولسه هسأل عليه وانتي عارفه انا عايز مصلحتك فخلي الموضوع ده فترة كده...
صفاء بابتسامه : انا عارفه طبعا يا ابيه ربنا يخليك ليا .. احممم ابيه انا كنت عايزة اقول لحضرتك حاجه بس متزعلش مني.
-قولي ومش هزعل..
-حضرتك كنت شديد اوي مع كارمن والكلام اللي سمعته مش هين علي اي واحده انها تسمعه من جوزها...
-خلاص يا صفاء مش عايز اتكلم في الموضوع ده..
-والله يا ابيه هي بتحبك وطيبه اوي..
-صفااء وبعدين !!!!
-حاضر يا ابيه ..هسكت اهوه..
ربت علي كتفها وغادر للنزول الي مكتبه في هذه الاثناء لمح احمد يدخلي الي غرفه كارمن .. سارت به قدماه الي الغرفه ..فتح الباب وجد وكارمن جالسه بابتسامه خفيف واحمد يجثو علي ركبتيه امامها ويبتسم لها ..شعر بغيرة رغما عنه ..
ما ان رأته كارمن حتي اختفت الابتسامه من علي وجهها ونظرت الي احمد...
ليث بحده : روح يا احمد دلوقتي ..
-احم حاضر ...كوكو هرجعلك تاني افردي وشك ده ..
خرج احمد واقترب ليث منها ..ظل ينظر لها دون كلام فترة فقامت بشكل مفاجئ علي امل مغادرة الغرفه ارادت تخطيه فامسك بذراعها وسحبها نحوه ..
ليث بهدوء حاد : رايحه فين ، انا عايز اتكلم معاكي الاول..
كارمن بنصف ابتسامه سخريه : انا شايفه كفايه كلام ..حلو اوي كده انهارده ونكمل قله ادب بكره..
ليث بضيق وهو يجز علي اسنانه : اظبطي وانتي بتتكلمي معايا انا عصبي ومش عايز اطلع اللي فيه فيكي..
-هههههههههههههههه كل ده ولسه مطلعتش ..طيب مانحلها ودي وكل حد يروح لحاله..
ذهل ليث منها وقال بغضب : انتي مش مصدقه بردوا انك مش هتبعدي عني حتي لو عايزه ؛ انا لو وصلت اني احبسك في الاوضه دي ومفيش حد في الدنيا يشوفك تاني ..انا مبهددش يا كارمن حاولي تتجني غضبي..لما انا مبقاش عايزك هبقي اسيبك...
جرحها كلامه دون وعي منه واشعرها بانها شئ رخيص في حياته مما زاد اصرارها علي تركه والرحيل..
نظرت كارمن الي اسفل فهي لاتريد ان تظهر ضعفها مرة اخري وتبكي ...
-ممكن لو سمحت تسيبني انا عايزة اخرج براا لصفاء..
اراد ليث ان يهرب من الحديث : صفاء جالها عريس ..
نظرت له باستغراب وشك : عريس مين ؟
حاول دراسه رد فعلها : عادل ابن كمال الجنايني..
توترت كارمن فهي تخشي ان يرفض ليث وينكسر قلب حبيبتها ...
قالت بخفوت : وانت قولت ايه ؟؟!!
-واضح انك كنتي عارفه !! ماشي غلطه تاني هنتحاسب عليها بعدين..
نظرت له بغضب وحاولت ان تمسك لسانها هي اخطأت ؟!!! ماذا عنه هو هذا المغرور ....
ارادت استدراجه في الحديث : يعني وافقت ..ماشي انا هروح ابارك لصفاء..
وقفت لحظه لاستفزازة : اه صح الفرح هيبقي امتي ؟!
-لسه مقررتش احنا اتكلمنا بس..
-بس هتعملوا فرح لاخت ليث السوهاجي طبعا دي مش اي حد..
فهم مرمي كلامها وشعر باهانه هل ترمي بانه يفضل صفاء عنها ..طوال هذه السنين وهو يسعي لاسعادها حتي لا تشعر باليتم ...لايعلم ماذا حدث له ولكنه رد عليها بنفس الاهانه..
-اكيد طبعا دي مش اي حد ..
هبطت الدموع من عينيها ونظرت له بغضب وحزن وخرجت سريعا نحو صديقتها..
خلع ليث ملابسه ليبدأ في تعذيب نفسه في ركن الملاكمه مرة اخري...وهو يتساءل لماذا يستمر في جرحها وعدم السيطرة علي نفسه..

[فيتامين سي]

الفصل الثامن عشر....

هبطت الدموع من عينيها ونظرت له بغضب وحزن وخرجت سريعا نحو صديقتها..
خلع ليث ملابسه ليبدأ في تعذيب نفسه في ركن الملاكمه مرة اخري...وهو يتساءل لماذا يستمر في جرحها وعدم السيطرة علي نفسه...
مسحت كارمن دموعها ودقت الباب ودخلت الي صفاء..ما ان رأيتها صفاء حتي بدأ الاثنان في القفز والضحك ..
-مبروووك ياصوفي مبررررروووك انا مش مصدقه والله...
-ههههههههههه الله يبارك فيكي ياقلبي انا هموت من الفرحه اصلا ومش مصدقه ان ابيه وافق..
-الحمدلله ياقمر ..ربنا عالم بحالنا ...
-ادعيلي يا كارمن ونبي احسن ابيه بيقول لسه هيسأل ادعي ميكنش في سبب يفرقنا...
-لا عادل كويس متخافيش ان شاء الله هيوافق...
.............
خرجت كارمن الي الحديقه عندما تأكدت ان ليث مازال في الغرفه ...جلست تتأمل الورد وتذكرت اهلها وجدتها فاطمه..
قررت الاتصال بها للاطنمئنان فربما اراحت هذه المكالمه قلبها المتألم..
كارمن لنفسها : انا هطلع بسرعه هو اكيد بيلعب ومش هياخد باله اني دخلت خدت تلفوني وطلعت...
اتجهت الي غرفتهم وضعت اذنها علي الباب و سمعته مازال يلعب الملاكمه...فتحت الباب ببطء واتجهت نحو السراحه لاخذ هاتفها وجدت رساله من رقم مجهول فتحتها وهي تتجه نحو الباب فوجدت مقطع فيديو ...ماان بدأ الفيديو حتي تسمرت قدماها..ها هو ليث يدخل شقه لامرأه غايه في الجمال وترتدي ملابس او كادت تكون مرتديه... جلس ليث وجلست المرأه بجانبه ...بدأت المرأه مداعبه ملابسه واذنه ثم امسك ليث برقبه المرأه وقربها اليه وكأنه سيقبلها ..انتهي الفيديو و بعد ذلك رأت رساله صغيره تحت الفيديو تخبرها ( مرضتش ابعت الفيديو كله عشان مخدش حياءك) حاولت كارمن التنفس وشعرت ان الارض تهتز من تحتها...اكيد ده قديم قبل الجواز حاولت المشاهده مره اخري لعل عينها تخدعها ولفت انتباهها وجود تاريخ اعلي الشاشه فتأكدت انه بعد ان تزوجها ...
ندي عليها ليث عندما وجدها تقف عند الباب وتعطيه ظهرها دون اي حركه..
وضع يده علي كتفها فابعدت يده بسرعه وقالت بغضب : انت انسان حقير وواطي...طلقني ياليث طلقني
ليث بغضب: اخرسي بقا مش عايز اسمعك خالص ولا اسمع صوتك ..اطلعي برا قبل ما تغابي عليكي...
- انا اللي مش عايزة اشوفك ولا اسمعك ارجوك طلقني وروحلها برحتك..
-اروح لمين انتي اتجنيتي يا كارمن..
-اتفضل شوف بنفسك عشان متنكرش بعدها، اتفضل افتح الفيديو....
شاهد الفيديو ولكنه احتفظ بملامحه ثابته ..
-ايوة عايزة ايه يعني ؟!! ، ده انا فعلا بس محصلش حاجه...
-يابجاحتك يا اخي انا ازاي كنت عميه كده وشايفه ان مفيش حد زيك لكن اتخدعت فيك ...
ارادت الخروج فامسكها ودفعها لتجلس ...
ليث بعنف: اسمعيني بقا انا دماغي دي فيها اللي مكفيها ومعنديش وقت اضيعه اشرحلك اصلاا ...انا مش برر افعالي لحد انا اعمل اللي انا عايزوا ومحدش في الدنيا دي ليه حاجه عندي !!!!
كارمن ببكاء وغضب : انا بكرهك !!!!!!بكرهك اوي...
ابتسم ليث بجفاء وعيناه خاليه من المشاعر...
-مش مهم ..انا هخرج دلوقتي وهرجع بليل تكوني عقلتي وبخصوص الفيديو ده اسمعيني كويس عشان مش هعيد الكلام ده تاني... انا يوم الرحله لما سيبتك ومشيت لما اتخانقت معاكم رحت لسالي فعلا بس محصلش حاجه بينا لاني مقدرتش المسها حتي بعد مالمستك ... ولو ذكاؤك موصلكيش السبب فالسبب ان انا بحبك وانتي كمان بتحبيني حتي لو اقنعتي نفسك انك بتكرهيني فانتي بتخدعي نفسك وبس ...
-انا المفروض اصدق ال....
-متقاطعنيش وانا بتكلم ومش مهم عندي تصدقي ولا لا مش هيفرق معايا وجو طلقني وبكرهك الابيض واسود ده مش معايا ...انا طلاق مش بطلق مش عارف ده بطء عندك في الفهم ولا غباء انهي جزء من انتي ملكي للابد مش فهماه..
كارمن بغضب : انا مش ملك حد يا استاذ انا انسانه مش لعبه في ايدك...
خبط بيده علي خدها وكأنه سيصفعها ...
-متزعليش من اللي هعمله ...
تركها ليث غاضبه وارتدي ملابسه وخرج من الغرفه وهي تغلي ، فاقت علي صوت المفتاح وهو يغلق الغرفه..
كارمن بصوت عالي غاضب : انت هتحبسي كمان...مش بقولك بجح ...انا مش عايزاك طلقني ..كل كلامك ده كذب ووهم انا مش عبيطه هتضحك عليا تاني....
دقت بعنف علي الباب وقالت ببكاء : افتح بقولك...
خرج احمد وصفاء علي صوتها ...
ليث بعنف : محدش يتدخل ...احمد تعالي معايا ..صفاء ساعه وراجع ومحدش يجي نحيتها ..
هزت صفاء رأسها بالموافقه.....
ركب ليث واحمد السيارة واتجهوا الي مكان معتز..
احمد : انت بتغلط غلطه عمرك ..انا نفسي تعيش مبسوط بس انت كده بتدمر حياتك..
ليث بضيق : متتكلمش يااحمد دلوقتي ... انا مش ناقص...
احمد باصرار : لا انت بتقسي علي كارمن ليه هي ايه ذنبها في اللي بيحصل ماجد ضيع منها حاجات كتير واحنا موقفنا حساس انت كده مش بتضيعها منك لوحدك ...انت بتضيعها منا كلنا...
ليث بحده : سيبني اخلص من الxxxxب دول الاول وبعدين هفضي ليها..
احمد بحيرة : xxxxب مين ؟؟ هو في حد تاني..
-ايوة ..سالي بعتت فيديو ليه لما رحت عندها وكارمن فاكرة ان حصل بينا حاجه بعد جوازنا..
احمد بغضب : فاكرة ولا حصل فعلا..
ليث بغضب اكبر : فاكرة ..انا مبخفش لو حصل هقول..
-يعني كل ده وحابسها في الاوضه دي ليها الجنه ...انا مش عارف حبتك ازاي بجد انت بتصدمني منك..
-اسكت خالص وركز معايا ..معتز جابلي كل حاجه عن ماجد ، احنا لازم نتخلص منه بسرعه قبل مايوصل لماما او كارمن....
-ازاي طيب ؟؟
-دلوقتي هتعرف ...
وصل ليث الي المكان المقصود ووجد معتز في انتظارة...
ليث: عملت زي مااتفقت معاك..
معتز بثقه : عيب عليك ..كله تمام وعلي التنفيذ، خد حطوا في جيبك..
-هو لسه جوا ..
-ايوة ..هو والحربايه سالي ..مش عارف وصلوا لبعض ازاي بس شكلها ناويه تعمل حاجه..
-عارف هي عملت خلاص ..
-مش فاهم..
-مش وقته ..احمد يحكيلك ..
توجه ليث الي احد المباني وصعد الي شقه في الدور السابع ...رن الجرس ..
ماجد بصدمه : ايه ده ليث باشا بنفسه عندي...
ليث باستهتار : عايز اتكلم معاك..
دخل ليث دون استئذان ووجد سالي جالسه في الداخل نظرت له بخوف ثم الي ماجد ..الذي اخبرها بوجهه انه يجهل سبب وجوده..
ليث بسخريه : الحبايب كلهم متجمعين...بس حلو الفيديو عجبني ..فكرة مش بطاله ..
سالي بغل : ولسه هعمل المستحيل عشان ارجعك ليا...
-مش هيحصل مقدرتش المسك يومها ومش هقدر دلوقتي بحس بإشمئزاز معاكي خلاص ...
-هي سحرالك فعلا علي رأي ابوك...انت ازاي قادر تعيش وانت ضارب ابوك في ضهره..
ضحك ليث بشده : انا !! هو ماجد بيه محكاش اللي حصل ولا ايه ....تحب احكلها ولا تحكي انا..
ماجد بلا مبالاه : معنديش مشكله احكي..
قص عليها كل ماحدث معهم وكيف قتل رقيه وزوجها وادعي الجنون وهرب من العداله ..
ليث بابتسامه : ايه مش هتحكي قصه كفاحك وازاي بقيت اكبر تاجر اعضاء في البلد..
سالي بخضه : انت بتبيع اعضاء ؟!!
ليث بضحك : ومخدرات كمان ، اومال فكرك هو عرف يهرب ازاي عشان مسنود من الناس اللي تحت تحت تحت المستوي وفوق الخطيرة..
ماجد : هههههههههههه انت مذاكر بقا فعلا هذا الشبل من ذاك الاسد..بس مش مخدرات بس وغسيل اموال كمان...
-انا مش ابنك وعمري ماهكون ابنك ..انت مستحيل تكون اب لانك مش انسان من الاساس...
-عشان بنت رقيه ضحكه عليك وعايشه دور الضحيه...
ليث بانتصار وهو يصب عصير لنفسه : كان نفسي اقول هتوحشني بس انا مبسوط..
نظر له ماجد بتساؤل .. فتوجه ليث نحو الباب يفتح فدخل افراد الشرطه..
ماجد بفزع : ايه ده في ايه بالظيط؟؟
الظابط بسخريه: متقلقش هنفسحك بس..
ماجد بثقه : الحكم عليا وقع ..
-فعلا وقع بس في تهم جديده ..متقلقش ..
ليث بانتصار اخرج المسجل من جيبه : تمام كده سمعتوا كل حاجه ...اتمني ميهربش زي المرة اللي فات ولا تحبوا اوصلوا انا!!!
الظابط بثقه : لا متقلقش المرة دي مش هيعرف يطلع منها او يهرب.
نزل معهم ليث وهم يضعونه في البوكس ..
ماجد بغل : انا مش هسامحك ابدا ياليث..
-كويس عشان انا مش قادر اسامحك بردو..
التفت الي احمد ومعتز ...

احمد : انت كويس ؟!
ليث براحه : ايوة ...
معتز : انا مش مصدق انها عدت علي خير ..
ليث بإمتنان : انا عمري ما هنسالك الموضوع ده..
معتز بابتسامه : عيب ياصاحبي ..ده انت اخويا ..
احمد بضحك : والمصحف انتو هتجننوني ولا العصابات...ماما هتفرح اوي يا ليث لما تعرف انه اتمسك وانه هياخد جزاءه..
-ابقي قولها لما نروح..
-وانت مش هتقولها ليه؟؟!
-سيبني انا يا احمد .. مش عايز اتعامل مع حد دلوقتي..
-انت لسه زعلان من اللي قالته ..انت عارف اصلا ماما بتحبك اكتر حد فينا بس لحظه غضب ومتنساش انك دايما بتقولنا نصالحها حتي لو غلطانه عشان صحتها يرضيك ماما تتعب تاني.
ضحك ليث : احمد بطل تقعد مع صفاء وكارمن كتير ... ابقي خدو شويه يامعتز الواد هيضيع منا..
ضحك معتز وليث ... نظر لهم احمد بضيق..
-طيب خلصوا ضحك عشان عايز اكل...
.............
غادر الجميع وشعر ليث بان حمل قد انزاح من علي كتفه وبدأ يفكر في كيفيه ارضاء صغيرته العنيده..
وصل احمد وليث الي القصر .. لم يجدوا احد فصعدوا ليجدوا فوزيه وصفاء جالسين خارج غرفه كارمن والثلاثه يتحدثون..
كارمن بتوعد : متزعليش من اللي هعمله في يا ماما انا مش صغيرة ..
فوزيه بحب : اعملي اللي عايزاه يا بنتي بس مشيان من هنا مفيش..انتي بنتي انا ومش هقدر اعيش من غيرك..
احمد بضحك : حتي وانتي محبوسه مجمعا البيت..
ليث بملامح باردة توجه الي الباب لفتحه..
فوزيه بضيق : اوعي هات المفتاح ماتجيش نحيتها..
رد احمد بسرعه سيبي يا ماما يفتحلها عندي اخبار بمليون جنيه هتفرحكم كلكم..
فتح الباب لكارمن و نظر لوجهها الاحمر الغاضب وابتسم لنفسه ...صغيرتي العنيدة...
نظرت له بغضب ولوم ولكنه قبل رأسها وغادر..
كارمن لنفسها : هطق منه هو بيعمل كده ..يخرببت برودك....
دخل احمد وصفاء وفوزيه لها وقص عليهم الخبر السعيد بالقبض علي ماجد وظهورة المفاجئ ..
وجه احمد كلامه الي كارمن : الفيديو اللي بعتته السحليه دي فعلا محصلش حاجه انا عايزك تتأكدي من كده انا سمعت بوداني ...
ارتاح قلب كارمن لهذا : بس ده ما يمنعش انه مش بيحبني واللي عملوا فيا اليومين اللي فاتوا..
-لا دي حاجه بينكم انتو وانتي زي الشطورة تحافظي علي بيتك..
اخرجهم من حديثهم صوت بكاء فوزيه : حد ينزلني لليث دلوقتي..
احمد بخضه : حاضر بس اهدي شويه انتي بتعيطي ليه ؟!!
لم ترد عليه فانزلها احمد الي مكتب ليث ..نظرت صفاء الي كارمن ....
-انتي كويسه يا كارمن ؟؟
-مش عارفه يا صفاء ..مشاعري كلها فوق بعضها ..فرحانه انه اتمسك وهيتعاقب وياخد جزاته وزعلانه علي نفسي وزعلانه علي ليث وطريقته..
-بس انتي عرفتي ليه ابيه كان متغيير الفترة اللي فاتت ..انتي عارفه الضغوطات اللي كانت عليه...ابيه فعلا بيحبك واتغير من بعد جوازكم ..ده حتي صالح احمد بنفسه دي عمرها ماحصلت..
كارمن بتفكير: مش فهماه خالص ..تفتكري هو بيحبني ولا ممكن يكون ندم انه اتجوزني..
-انتي سامعه نفسك !!! اكيد طبعا بيحبك
-يعني اسكت واسامحه بالساهل علي اللي عمله ده..
-لا طبعاا!!!! لازم تعذبي شويه عشان يحرم ..
كارمن بعناد : ماشي يانا يا انت يا ليث..
صفاء بمكر : كارمن يا حبيبتي اعقلي متخربهاش علي دماغك الست ملهاش غير جوزها وبيتها عشان احنا هنسقط يا ماما !!!!
-هههههههههههههههههه يخربيتك طلعتيني من المود...بس احنا عايزين نذاكر نار الفترة دي احنا داخلين علي شهر من غير ما نحضر محاضرة واحده...
صفاء بثقه : متقلقيش يا موزة انا مظبطه كله..
كارمن بسخريه : ياخوفي منك يا بدران... ده انا علي كده اصالح اخوكي بقاا.
صفاء بضحك : اومال ايه يا هبله ههههههههه...
ضحكت الفتاتان ..وقررا النزول لرؤيه ما يجري بالاسفل..
صفاء بصوت منخفض : اقفي انتي هنا وانا هقف هنا واحاول اسمع بيقولوا ايه ..
كارمن بصوت مماثل : حاضر..
ما ان وضعت اذنها علي الباب حتي فتح احمد الباب ...
احمد : تؤ تؤ تؤ عيب كده ...التصنيت حرام وبعدين ايه الصوت الاوفر ده هي دي الوشوشه ده الجيران سمعوا..
نظرت له صفاء بغضب : انت اللي ودنك زي الفيل بتسمع دبة النمله..
جاءهم صوت ضحك فوزيه علي سخافه ابنائها ..
ارادت كارمن ان تطمئن عليها وعلي ليث ولكن دون ان تظهر اهتمامها نظرت من الخارج فوجدت ليث يجلس بجوار فوزيه وذراعه حولها يربت عليها ويدها في يده الاخري..
كارمن لنفسها : الحمدلله اتصالحوا ...
قرأها ليث كالكتاب المفتوح وابتسم في داخله انها مازالت تحبه وتخاف علي مشاعره ...
ليث لنفسه : اهي اصغر منك بعشر سنين و مطلعه عينك وقادرة تتحكم في اعصابها اكتر منك...
وقف ليث ونظر لوالدته : عن اذنكم انا محتاج اتكلم مع كارمن شويه ..
اتسعت عينيها ونظرت له متفاجئة من طلبه....اتجه نحوها وامسك يدها فشعرا بهذه الطاقه الغريبه التي تمر بين جسديهما عندما يتلامسان...
ارادت التحدث والرفض ولكن لسانها كان معقود...سحبها ليث خلفه الي خارج القصر ..ظنت انه يريدها في الحديقه..ولكنه اتجه الي السيارة ..
كارمن بتساؤل : احنا هنروح فين ؟؟
-اركبي وهتعرفي..
ركبا واتجه ليث الي شقته..وقف يضع بنزين فوجدها تنظر الي اثنان يأكلون ايس كريم في العربه بجانبهم...اجرا مكالمه سريعه انطلقوا بالسيارة مرة اخري ...
وصل ليث الي الشقه فبدأت كارمن تقلق وشعرت بالخوف ..
كارمن لنفسها : هو هيحبسني هنا ولا ايه ..
نزل ليث ونظر له بحاجب مرفوع يتساءل عن عدم نزولها.. سار اليها وفتح الباب ..
ليث : انزلي..