آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-04-19, 05:28 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  أنتِ سيوف الثأر في أجفاني / للكاتبة سمو العراق رواية من جزئين مكتملة
التعديل الأخير تم بواسطة لامارا ; 18-07-19 الساعة 02:49 PM | |||||||||||||
|  |
|
28-04-19, 08:38 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رابط لتحميل الرواية هنـــــــــــــــا بسم الله الرحمن الرحيم السلام عليكم ورحمة الله وبركاته لست انا سيوف الثأر في اجفانك بل انت السيوف القاتله في أوصالي..نثرت غبار الذل في اوطاني واذوب من الحزن بحضنك ياسلطاني...ارئ كفوف الحقد تسطرها علئ وجنتي وائن قهرا من اسئ الحرمان..اشكو سيوف الثأر من ألم الدجئ..اشكوو مهانتك الي ياسجاني...رباه نصرك مئملي عجل به..واسلل سيوف الحق من اجفاني.....  التعديل الأخير تم بواسطة فيتامين سي ; 18-07-19 الساعة 04:25 PM | ||||
|
| |
|
13-07-19, 06:28 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  #إنتي_سيوف_الثأر_في_اجفاني #البارت الاول #بقلمي..نور سمو العراق أحبتي.. لأن قلوبكم نقية أتمنى لكم مساءً يشبهها. ❤❤❤❤ مدخل البارت الأول.. يوم بارد ومغيم لكن حلوو الساعه تقريبا بالسبعه الصبح جنت واكفه گدام المرايه الطوويله والعاكسه صورتي بجاذبيه كنت لابسه بنطرون ابيض ضيق وتشيريت صوف قصير للخصر زيتوني وحذاء افلات زيتونيه وبيه ابيض وجنطه صغيره معلگه صفح علئ كتفي بالون الزيتوني شفت ملامح وجهي جانت عيوني مزينه بالايلاينر الاسود ومكثفه رموشي بمسكارا ولابسه عدسات لونهم نمري وحاطه باودر خفيف ومورد وحمره بالون الزهري الجميل ابتسمت فرحانه شگد حلوو شكلي يجنن لمست الشامات المتتاليه اسفل رقبتي ولي زايدتني جماال لزمت المشط واني اسرح شعري الكيرلي منو يشوف شعري يكوول يشبه شعر مريام فارس وحتئ نفس لونه صابغته عبثت بي بمرح واني اشوف انعكاس صورتي مثل اي مطربه انيقه جمييله صاحت عليه اختي بزعل...يالله دااانيه اتأخرت هسه مهتدئ يزعل مني ضحكت بااستهزاء...اوووه عيني خايفه على مشاعر مهتدئ ابتسمت بحب وهو تغمض عيونها بحالميه...شعندي غير مهتدئ احبببببه عشق اربع سنوات وهو انسان شريف من اول يوم شافني بي بالجامعه اعجب بيه وغمرني برومانسيته وخطبني وماكسر خاطري كدام صديقاتي ولا لف ودار وحارب الكل حتئ اصير اله صحيح اني وياه نختلف بالطائفه بس ابد محسسني بهذا الشئ ولا اني حسسته مهتدئ قليل امثاله ابتسمت بوجهها وفرحت الفرحتها اختي الوحيده بس هي الي وبس اني الها ماعدنه اخوووه احنه من عائله كوولش راقيه وفرري بابا رجل اعمال ومن سكنة ........... وماما ربة منزل بس كوولش مثقفة وفرري وتحبنه اني عمري 18 سنه سادس علمي مستواي جيد ومخليه مدرس خصوصي واختي رانيه عمرها 23 سنه بالجامعه واخر سنه الها تخصصها اداره اعمال لان بابا رادها بس تدرس بجامعه اهليه..ومخطوبه الواحد من جامعتها بس غير عن طائفتنه.. اليوم عندهم حفله بالجامعه وقررت تاخذني وياها وبابا هماتين كلها خلي تروح وياج حتئ تتشجع وتدرس من تشوف أجواء الكليه باوعت على اختي لابسه فستان قصير صوف اسود ولابسه فوكه قبوط احمر ولابسه ستريج خفيف اسود وحذاء سووده وشال احمر وحاطه مكياج اوفر وحمره ثابته حمرره وطالع شعرها الاسود من حجابها اني وياها ابد مانتشابه هي بيضه وشعرها اسوود سرح واني برونزيه وشعري ذهبي مكفش طلعنه وركبنه بسيارة بابا مسافه الطريق الطويله وصلنه للجامعه استقبلنه مهتدئ وهو فرحان بينه لزم ايد اختي وضل يتغزل بيها وهي تضحك وتتدلع عليه وتباوع بعيونه بجرائه واني مثل الثوله متفاجئه بااجواء الكليه تضم شباب وبنات اشكالهم رووعه وانيقين حيييل يالله شوكت ادخل جامعه احتمال انام هنا مااروح الاهلي ههههه ابتسمت هم احب وانحب ولاگي شريك حياتي داخل الجامعه..اي ليش لا الاگي اشوو اني حلوه واستايل گعدنه بالنادي ومتهدئ راح جاب النه عصير وشربنه هو همس بإذن رانيه وهي باوعتله بخزره وهمست اله بصوت خافت...ترئ مصختها مهتدئ ميصير هييج صحيح اني احبك واموت عليك بس ميصير هيييج هو باوعلها ببراءه وجرئه وهمس برومانسيه..فديتج والله مااكدر اصبر واگولج خلي نتزوج وانتي تردين وره التخرج رانيه...اي حبيبي حتئ افضيلك انت تعرف اريد اطلع امتياز يعني اذا تزوجنه اطلع مقبوول ههههههههه مهتدئ...اذا تزوجنا اني اعيد السنه هههههه رانيه...ليش مااجيت وصلتنه؟ مهتدئ..والله بس وصلت للجامعه عطلت السياره وهسه خابرت اخوويه يجي ياخذنه بسيارته رانيه...اهااا ضل يهمس الها وهي مقابله ما اعرف شنوو شبيهم واختي كل شوويه تخزره وهو يضحك عليها بعدين هو طلع خابره اخوو وضلينه اني واختي كلتلها شبيكم بس تتهامسون متستحون ضحكت كالت معليج حبي هسه بس تنخطبين هم تتهامسين عدلت شعري بااديه ودخلت القصبه مالت العصير وشربت شووويه شوويه واجه مهتدئ واحد يمشي بصفه جاان طووويل وضخم واسمراني عكس مهتدئ تماما ومبين علئ وجه الجلافه والقساوه تقرب منه وسلم كال السلام عليكم جاوبنه وعليكم السلام مهتدئ...هذا اخوويه خالد الكبير ممتزوج لان اني سبقته ههههه..« طبعا خالد ماعنده علاقه بااهل رانيه ولا رانيه بس بالخطبه حضر ومشاف رانيه ولا عنده موقف وياهن» باوعتله بدلع وهو جان يعدل بموبايله اختي كالت اهلا وسهلا وهو كلها هله بيييج ضلينه كاعدين انسولف وهو مااشترك ويانه بالكلام اني وكفت كلت الرانيه...رنووش اخذيلي كم صوره هي اخذت الموبايل واخذتلي صور تحت انضارهم وكفت صفح واني ارفع شعري باثنين ادييه ورجعت جسمي و رانيه تاخذ صور وتضحك خالد بااستهزاء...شنوو قلة الادب هاااي مهتدئ ببتسامه...مو قلة ادب بس هن هيج طبيعتهن والله من تعاشرهن تحبهن صح هنه فرري بس حبابات ونضيفات خالد..ههه ماقنعتني مهتدئ...مو لازم تقتنع هسه انطيني سويچ السياره بس اروح اجيب كيكه اني ورانيه ونجي انت ضل يم دانييه خالد...لا والله خاااف مترضئ اني اريد ارووح مهتدئ..شبيك يمعوود ليش حقنه هسه بسرعه ارجع وانت ضل هنا رانيه تونسك هههههه خالد بقرف...مابلعتها مهتدئ...اوووف رانيه مابلعتها اشوو تجنن جنها مريام فارس خالد..دروح رووح ولا تتاخر ترئ والله اعوفك واروح مهتدئ...هسه بسرعه واجي خالد...اوك اجه مهتدئ واخذ رانيه وراح بعد رفض كبير منها بس هو بااسلوبه المقنع اخذها راحت رانيه هي ومهتدئ واني ضليت ويه الوجه الغثيث مجان مهتم الوجودي رغم كاعده مقابيله مليت حيييل ردت اختي تجي كتله .اني اخذ جنطتي وموبايله..اكولك عيني اني حنزل جووه اووك كال بهدوء وهو مركز علئ موبايله...اكعدي شكوو نازله كتله...اريد انزل مليت وانت بكيفك تنزل تضل هنا هذا شئ راجعلك وكف واخذ موبايلها ومحفظته وباكيت الجكاير والجداحه كال...امشي نزلنه بالمصعد جانت بيه مرايه طووويله وواضحه وكفت واني ارتب ملابسي نزلت التشيريت علئ خصري وهو صاير ورايه نضراته جان يسرقهن الي بلا مبالاة كلت بتذمر...اهوو البنطرون الابيض مزعج يبرز تفاصيل الجسم كوولش هو جاوب بصوت جامد...وشكوو لابسته باوعتله بحقد...وانت شعليك هو وكف وفتح باب المصعد وطلع اني مشيت وراه بسرعه ولزمته من ايييده كتله...انت شعليك هو سحب ايده بقرف..كال انت تذمرتي واني جاوبت تركني وراااح مشيت وراه بسرعه واني اريد استقيم ويه بالمشيه شكد مكروه الشباب تريد مني اشاره وهذا الثور الطاير شايف روحه مدري علئ شنو مع انو مابي مبين ابو الطلاب الي بالجامعه بس ثاق من نفسه وممهتم... طلعنه بالسنتر التابع للجامعه اني وكفت علئ السياج وهو كعد علئ المصطبات وضل يدخن حسيت بنظراته ورايه بس مهتميت .................... دخلت للشقه بتذمر رانيه...اهووو مهتدئ مو كتلك كااافي مهتدئ..وج والله مااشبع منج رانيه..بس يامهتدئ هاي ثالث مره انت تتقرب مني ولا تنسئ احنه بس مخطوبين يعني ممتزوجين مهتدئ وهو يحظن خصرها..واذا يعني وشنوو المهم كاطعين مهر وهذا كله حلال رانيه...اي حلال ياكلبي بس بالله فسخنه العقد شحيكون موقفي كدام اهلي وابويه مهتدئ برعب...اشششش مستحيييل افسخ العقد والله لاخر يوم بعمري ماافسخ العقد اني مصدكت صرتي اليه زوجه وحبيبه وتفكرين افسخ العقد رانيه..مهتدئ كوولشي يصير مهتدئ برومانسيه وهو ينزل القبوط...مايصير شئ يكلبي وج والله احبببببج مجاي اشبع منج ابتسمت بخجل ونزلت راسها اما هو رفع وجهها بيده وقبلها بجرائه عاليه وهي بادلته بحب حط ايده علئ سحاب فستانها الاسود الصووف ونزل السحاب ونزل فستانها رانيه بخجل...مهتدئ مااتفقنه هيييييييج؟ ضحك وهو يعض شفته وشالها للسرير وتقرب منهااا .............. تأخرت كووولش رانيه واني تضايقت وهذا ابد ميسولف اتصل بيها متفتح خط اتصلت بمهتدئ هم مفتح خط ضليت العب بالموبايل واخذ صور سلفي واسوي حركات حلوووه جانت عيون الشباب عليه بس اني ممهتمه الان مااعرفهم وماعندي ثقه بأي شخص وهماتين احس نفسي صغييره من ادخل جامعه احب حاليا قافله جنت واكفه وخالد كاعد وصاير وراي اني منطيته ضهري سمعت واحد همس الخالد كله...وعييينك علئ المكان الزيين ههههههه درت وجهي شفته مهتدئ واختي فرررحت خالد خزره كله انجب مهتدئ ضل يضحك ورانيه ضربت مهتدئ وضحكت وكلتله عيب شنو تحجي هيج معرفت شنو شيقصدون بعدين رحنه اني ورانيه للحمامات نرتب شكلنه دخله للحمام صايره هوووسه وكلها تمكييج رتبت شكلي بسرعه وطوخت الحمره ورانيه نزعت حجابها ورتبت ملابسها وعدلت مكياجها انتبهت علئ رقبتها تخووف كلها طكع حمر وزرك كتلها...يااااا رانيه كالت شكووو كتله ركبتج... حطت ايدها علئ ركبتها وهمست بخووف كالت شبيها كتلها وخري وخري لج بيج مرض جدري المي « ابو خريان» كالت بااستغراب جدري المي كتلها اي لج اطلعي من الجامعه ترئ هذا يعدي هسه الجامعه كلهم هيج يصير بيهم باوعت بالمرايه وضحكت بقووه استغربت منها تقربت مني ولزمت وجهي بين اديها وباستني بخدي واني دفعته خاف تعديني كالت هااي حساسية شبيج كتلها صبح ماكوو هيج شئ هسه هاجت عندج الحساسيه ضحكت كالت اي اكلت جبس حااار كتلها لا تاكلي بعد مو زين عليج وبعدها ماتت ضحك وكملت ورشت عطر ونزلنه لكينه مهتدئ كاعد وحده وذاك اخوو ماكوو كال يالله تأخرنا كلتله رانيه لعد خالد وين ؟ كال خالد بسيارته يالله خلي نوصلكم مشينه ومهتدئ حط ايده على شعري وبعثره بخبث وضحك عدلت شعري باانزعاج كتله اهووو مهتدئ تعرف شعري مجعد وكوه مرتبته ليش تزعجني رجع ضحك وهماتين لعب بشعري كلتله رانيه وهي تضحك عوفها يمعوود شعرها كوه مسويته تسريحه ههههه كتله بتهديد...شووف مهتدئ والله اذا مره ثانيه لعبت بشعري وخربته اقتلك كال بصدمه مصطنعه...اهاااا يااابوويه صايره قوويه دنوووش وتكتل كتله اي والله اكتلك انت تعال المنطقتنه والله نصكك ونعلسك هههههه كال اهااا بدت الطائفيه كتله...انت طائفي مو اني وتره صدوك نعلسك كال اوك راح اصورج وانت تهدديني لان كوولشي يصير خاف اجيكم وتعلسوني ههههه كتله بعناد صور خايفه منك هو فتح كاميرا وثبته علئ وجهه كال اشهدوو يااهلي وناسي وخلق الله كلكم اني تهددت من وحده طائفيه من غير طائفتي واذا صار شئ هي المسؤؤله ثبت الكاميرا علئ وجهي كتله بعصبيه مصطنعه ...اي ونبي تعال هناك اذا انت زلمه اله نصكك ونعلسك ونخلي كل جزء منك بمكان ياطائفي وترئ هذا الفيديو يشهد هو ضحك وحفظ الفيديو وضل يحشش علينه ويضحك طلعنه من الجامعه وركبنه اني واختي وره ومهتدئ كاعد بصدر وخالد يسووق ضلوا يسولفون ثنينهم واختي تشاركهم بالحديث واني ما شاركتهم لان ماحبيته هذا خالد مبين مكروه ومسيطر علئ العائله ومسيطر حتئ على مهتدئ جان بيتنه كووولش بعيد عن الجامعه ومنطقتنه خطررره بالنسبه لمهتدئ وخالد وصلونه ونزلنه بباب بيتنه طلبنه منهم يدخلون بس خالد مقبل ومهتدئ راد يدخل بس خالد اصر يرحون اني ضليت واكفه باوعت عليه هو خزرني بعيووونه الحاااده رعبني وساق السياره بسرعه جنونيه فتحت الباب واني احط ايدي علئ صدري حسيته حيطلع من مكانه انسان غريب ومعقد ونضراته حاده مااحب هيج اشخاص جافين ومتعرفين شلون يفكرون ان شاء اللة ينعلس هههههه نهايه البارت...يتبع وقفه بنات...القصه حقيقيه من احد المتابعين ولاجلها اجلت نشر قصه رحمة عاطف...الي شعار اخر لان صاحبة القصه مستعجله وتخاف من ضروفها بس لا تحكمون من بدايه القصه بالنهايه هواي تتوضح اموور...اصحاب القصه من طائفتين وهنا يكمن السبب وبناء القصه... قراءه ممتعه... | ||||
|
| |
|
13-07-19, 06:31 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| كونوا انتم كونوا بخير...احبكم❤ #البارت الثاني #إنتي_سيوف_الثأر_في_اجفاني بقلمي..سمو العراق تنطلق من أفواهنا أحياناً عبارات قاسية بقصد أو ربّما دون قصد، نقف بعدها ويعترينا الشعور بالندم، ولكن الكلمة كالسهم إذا خرجت لم تعد، دخلت للبيت شكد ضجت لو مرايحه للجامعه احسن التقيت بشخص متعجرف وماتشرفت بمعرفته اجت ماما استقبلتنه جانت دا تحظر بالغده كالت هلاو ماما الله يساعدكم كتلها هلاوو ماما ماما كالت..ليش دانيه ضايجه رانيه بضحكه...معجبها جوو الجامعه كتلها...لا مو معجبني بس هي راحت وعافتني ويه حماها المتعجرف وضجت الوحدي الام...رانيه وين رحتي رانيه باارتباك..هااا اي ماما رحنه اني ومهتدئ جبنه كيكه دانيه بسرعه...والله جذب مجابت اصلا ماكلين جبس حار وجايين رانيه بخوف..لا مو ملكينه كيكه ورجعنه الام...رانيه هاي اخر مره تطلعين خارج الجامعه مفهوم رانيه قدمتلي خزره وكالت...اي ماما مفهووم ماما راحت ورانيه ضربتني علئ كتفي كالت ثوول لج ليش هيج حجيتي كدام ماما هسه تشك بيه استغربت كتلها...عادي قابل انتي شمسويه وليش تشك بيج هو صحيح الجبس الحار يسوي حساسيه بعد علئ،شنو تشك... هزت رأسها باسئ..كالت...وووولي كوولشي ماافتهمين رحت وراها بسرعه لزمتها من كتفها كتلها...شوفي رنوو اذا هذا حماج اجه بعرسكم انتي ومهتدئ مااجي رانيه...ههههههههههه لج شبيج والله دتشككيني صاير شئ بينج وبينه ..غازلج اعترفي غازلج؟ دانيه بتذمر ...ليش هو هذا يعرف الغزل مرض بگلبه وجه جلفي لج ديگول لاخوو شنو قلة الادب هاي والله اني سمعته من اخذنه صور رانيه تعصبت...هاي شوكت لويش مگلتيلي ونبي اطييح حضه دانيه...وين انتي دايخه بمهتدئ رانيه...هسه اخابر مهتدئ واگوله عليه شنو يحجي هييج بس الضاهر مهتدئ هو موصل اله احنه قليلات ادب وبگلبها...اي حقه وين اكوو وحده تتقشمر وتفقد عذريتها بالخطووبه اثاري مهتدئ ديقشمر عليه وحبه مزيف اليه وديوصل الاهله احنه قليلات ادب استفاقت من سرحانها علئ صوت دانيه دانيه ..لا لج رنووش مو هييج مهتدئ مقبل على كلامه ومدح بينه گدامه رانيه...اوك يصير خييير رحت بدلت بسرعه لبست تراك اسود وبيه ميكي ماوس وردي وعدلت شعري اجه بابا ابتسمت بوجهه بسته بخده وكعدت وياه ضل يسألني على الجامعه وتونست لولا واني ابتسم مجامله كتله اي حلوه تونست سولفت اله عن مهتدئ واخوو كال بابا مهتدئ خووش ولد ان شاء اللة يحافظ علئ رانيه كتله لا تخاف هو يحبها بس كون متكعد ويه اهله مبينين اعصاب كال بااستغراب...شلون عرفتيهم كتله..اليوم اجه اخوو للجامعه ومبين جلفي ومعقد ان شاء اللة متطلع العائله كله مثله كال...ان شاء اللة مهتدئ يجي يمنه بس،يتزوج رانيه يجي يصير ابنه بما ان اني ماعندي ولد كتله ان شاء اللة اجت رانيه كالت بمرح شدتحجوون دتكصون بيه بابا ضحك كلها تعالي،اكعدي خلي اسألج عن مهتدئ ضلوو يسولفون وبعدين ماما حضرت الغده واني،ساعدتها.. وتغدينه...اني وعائلتي الحلوه ............................ مهتدئ بمرح...خالد شنو رئيك بالجامعه:؟ خالد بتنهيده...مو حلوووه مهتدئ...انت ميعجبك العجب خالد....امممم مهتدئ...لك اكوو احلئ من الجامعه والله ضايج لان اريد اتخرج ولو ما تنحسب عليه سنه اله ارسب روحي خالد باانتباه..تعال صدك انت وين رحت ويه خطيبتك مهتدئ.. هههههههههاي خالد...احجي شبيييك مهتدئ...رحنه نجيب كيكه وملكينه خالد بنص عين..سوالفك مو عليه وين رحتوو مهتدئ...ناكل جبس حار علئ كولة دانيه ههههاي خالد بعصبيه...شبيييك انت تخبلت احجي عدل شنو جبس حار مهتدئ يضيع السالفه...اي صدك شنوو رئيك بدانيه خالد... وحده ممحترمه وطايح حضها وكفشتها عكس اتجاه الجاذبيه مابيها شئ حلووو مهتدئ بصدمه.. لا مو من كل عقلك يمعود شنو البيها ميعجب خالد...هسه اني شدخلني بيه بس مااحب هيج بنات مستهترات واكفه وتلوي بجسمها وتاخذ صور مصدوم بصراحه مهتدئ..خالد الئ متئ تضل هيج اضحك للدنيا تضحك الك خالد بااستهزاء...لا والله مهتدئ بنفاذ الصبر...والله خالد...مااعتقد مهتدئ بحزن...صارلك شكد ماضاحك ؟؟ خالد..اربع سنين مهتدئ..يا خالد الفات مات عيش حياتك خالد...الله كريم مهتدئ.. خلي اخطبلك دانيه ههههههههاي خالد خزره ...انجب مهتدئ....هههههاي راح ازرع الفكره براس امي خالد...حتئ اخنگك مهتدئ...هههههه لك شبيك والله فد شئ هسه عندي رانيه ماابدلها بالعراق كله فد حنينه وتحسسني برجولتي ومو بس،هيج الكل رفضوا تصير الي بس هي حاربت وانتصرت لحبنه خالد..اني غيير عنك مهتدئ...طبعا اني هييج احجي مااعتقد دانيه يزوجوها بعدها صغيره هي رانيه ويكولون صغيره خالد بجمود...الله يوفقهن وصلوو للبيت ونزلو من السياره ودخلوو للبيت استقبلتهم امهم امهم..هلا هلا هلا يمه الله يساعدكم شوو تاخرتو مهتدئ..اي يمممه وصلنه خطيبتي لاهلها وجينه امه...هااا شلونها مهتدئ...الحمد لله يمه تسلم عليج امه...الله يسلمها شوكت تتخرج وتعرس يا مهتدئ والله مليت اريد افررح مهتدئ ببتسامه...ان شاء اللة يمممه اشبعي ركص دخلوو غسلوو وصبو غده كعدوو تغدوو عائلتهم اجتمعت تتكون من معن الاخ الكبر متزوج وعنده اطفال...وخالد الثاني... وعمار ومهتدئ نفس العمر بعدين تعرفون شلون ومرتضئ الصغير... وبنيه متزوجه ووحده بعدها... اجتمعو ابوهم وامهم وكعدوو ياكلون وهمه يضحكون ويسولفون وخالد مو وياهم زفر بضيق وكف كال الحمدلله امه بحزن...يمه خالد شوو مااكلت خالد...الحمدلله يممه بالعافيه عليكم امه...الله يعافيك يممه روح ارتاح خالد...مهتدئ روح جيب سيارتك صلحها او خلي ينقلوها مرتضئ...ترئ يحسبون عليك گراجيه ههههه مهتدئ...هههه بس اخلص غده ارووح عمار...هههههه روح خاف تخسر گراجيه مهتدئ.. ههههههههههه اي والله رايح تركهم خالد وراح ومهتدئ خلص غده وراح جاب سيارته وصلحها .............................. بعد مرور اسبووع رجعت من المدرسه جنت لابسه قميص ابيض رافعه أكمام اردانه وضافره شعري وكناكيري مخربات الضفيره شكد مااسرح بي هو عكش مللني لابسه صدريه لحد نص الساق ولابسه حذاء باته بيضه وجنطه سوده ولازمه كتاب بيدي دخلت للبيت بس ماما لكيتها كاعده تقلب بالقنوات مطلعه قناة طبخ وتطبق مستوي مرگه فاصوليا ههه كالت هااا حبيبتي اجيتي كتلها اي اجيت وكالوو اخذوو صور للبكالوريا لان حيسولنه بطايق كالت من يجي بابا روحي انتي وياه كتلها اوك رحت بدلت وفتحت شعري كعدت مقابيل امي كتله اريد ازين گرعه كالت ليش؟ كتلها خبلني،شعري يكفش بسرعه والله الصبح شسورت اول كنكورات من بدايه شعري وشويه ووكف... ضحكت كالت والله هو الي محليج يجنن عليج ومميزج كتلها لا مااحبه اريد سرح كالت لج ماما مو سرحته الج وعطب وتساقط والله اكوو بنات يتمنن مثل شعرج كيرلي لوت شفايفي معاجبني حجيها اريد شعر سرح شوويه واجتي رانيه لابسه بدي بهاري وبنطرون ابيض وفوكاه بليره بيجيه وحذاء بيجيه وشال نفس لون ولازمه موبايلها وضاربه المكياج وشعرها شويه طالع من حجابها هي تحجبت حجبها مهتدئ بس مملتزمه بحجابها يالله المهم الفكره هههههه دخلت بدون متسلم وجهه ميتفسر ماما كالت شبيها كتلها سوالف مخطوبين ماما اكييد اليوم ممدلعها مهتدئ ماما ضحكت واني ركضت وره اختي. بس قافله الباب دكيته ومفتحته . ....................................... رانيه...مهتدئ هذا الشهر حيكون زواجنه اوك مهتدئ...شنوو رانيه شغيرج مو ماجنتي تردين نتزوج هسه اله وره نهايه السنه رانيه....مهتدئ احنه غلطنه واستعجلنه حتئ الطلاب شاكين بينه يمعود لا ننفضح مهتدئ...اوك حبي ان شاء الله بس ارتب اموري رانيه بحده...مهتددددئ مهتدئ...هااااا رانيه...بسررررعه لازم هذا الشهر نتزوج مهتدئ....هههههه غير ابوج خله الي مهر يكسر الضهر هسه لازم افتح قاصتي واجيب المهر رانيه ...هههههه جامع فلوسك بقاصه؟ مهتدئ بمزح...اي رانيه...دكسر قاصتك وتعال مهتدئ ...اوك صدووك رنوووش احببببج رانيه برفعه حاجب...لا والله مهتدئ....و روح العزاز رانيه...ههههه واني احببببك واكرهك بنفس الوقت مهتدئ...هاي شلون رهمتها رانيه...احببببك من تغمرني بحنيتك واكرهك من تجبرني علئ قربك مهتدئ...لاه ليييش ترئ والله من تنامين بحضني احس نفسي اسعد واحد مو مجرد شهوه وغريزه لا احس بتقارب جسدي احس اني وياج رووح وحده رانيه ببتسامه...الله يخليك حبيبي والله احبك يالله خلي نتزوج ونعيش بالعسل مهتدئ..راح ادخلج بالقفص الذهبي هذا الشهر رانيه.. ديالله بابا حتئ لو بالقفص مال طيورك هههه رانيه انتظر مهتدئ دانيه تخبلت راح تكسر لباب ا دگ عليه الباب متفتح عاد شسويت ضليت اطبل طم طح طم حط مافتحت ضليت ادك حييل مافتحت رفست الباب برجلي مافتحت رحت جبت حذاء ام الكعب وضليت ادك زعجتها ازعاج مو طبيعي فتحت الباب كالت...خييير خييير كتلها مامليتي هسه جنتي،يمه ادري انتو متشبعوون كالت لا منشبع فتحت سبيكار كال هااا ولج ام كفشه شبيج صايبتج غيره وترئ،تهديدج لحد الان عندي دخلي يصير عليه شئ اله اخليج تعفنين بسجوون كتله...ياااا منووو يطلع وراك اهددك واعلئ ما بخيلك اركبه ومخايفه من اي واحد كال اسجلج مره ثانيه؟؟ كتله بعناد سجل ضحكت رانيه كلتله يمعوود شحاط عقلك ويه عقلها هو ضحك كلها اتشاقه وياها عود اني لگيت الها رجل كلتله رانيه...منوو؟ كلها...لا لا مقبل بيها كتله بزعل...منوو؟ كال...يمعووده الولد من سمع بيج انجلط هههه دانيه...ههههه مضحك رانيه راحت من يمي وضلت تسولف وياه وبعدين قفلت الخط وهو وكال راح يجي بعد كم يوم يجيب مهر رانيه ويحددون موعد العرس... ........................... بعد مرور يومين مهتدئ جمع فلوسه كلهن... اهله كلهم جانو مجتمعين قرر يروووح الاهل رانيه ويقدم المهر الهم طلع وهو يشيل جنطه الفلووس طلع خالد وراه وهو يدخن بجكارته خالد...مهتدئ ارووح وياااك مهتدئ بغمزه...هاااا اشتاقيت خالد...انجب مهتدئ...هههههههههههاي خالد...كافي ضحك دير بالك من الطريق تعرف منطقتهم خطره خليني ارووح وياك اخاف كوولشي يصير... مهتدئ..لا يمعوود ماكوو شئ خالد.. ان شاء اللة مره ثانيه اكولك دير بالك على نفسك ولا تأمن بأي شخص مهتدئ...ان شاء اللة حضنه بقوووه والثاني بادله الحظن وهو يوصي ركب بسيارته وابتسم اله ابتسامه حزين مودع انطلق بسيارته وهو يجول بين احياء بغداد للوصول لحبيبته وتقديم مهرها كامل ويجيبها العش الزوجيه. وصل المنطقتهم ودخل داخل اسوارها مشه مسافه مو طووويله عكس بسرعه جنونيه لكن للاسف هو تطووق وكف السياره وقفلها وكف واحد لابس اسود وفقط عيونه ضاهره وملثم ضرب السياره بقووووه ووجه المسدس علئ صندوق السياره بااتجاه مكان البانزيين... مهتدئ عرف راح يفجر السياره بي روحه العزيزه جبرته يستسلم فتح باب السياره ونزل ركضوو عليه اثنين وحطوو اديه وره ضهره وكتفوو اديه باوع عليهم بنظره حاده ونظره تحمل من اليأس وفقدان الامل هووواي من الاموور نظراتهم جانت حقووده كاااافره لا تمت للانسانيه بأي صله ونظراته كانت نظرات شخص مئيس،من الحياة منتظر مصيره مع ذول الوحوش البشريه. يتبع..... | ||||
|
| |
|
13-07-19, 06:34 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #انتي_سيوف_الثأر_في_اجفاني لست انا سيوف الثأر في اجفانك بل انت السيوف القاتله في أوصالي..نثرت غبار الذل في اوطاني واذوب من الحزن بحضنك ياسلطاني...ارئ كفوف الحقد تسطرها علئ وجنتي وائن قهرا من اسئ الحرمان..اشكو سيوف الثأر من ألم الدجئ..اشكوو مهانتك الي ياسجاني...رباه نصرك مئملي عجل به..واسلل سيوف الحق من اجفاني..... Smoo-1997 #البارت الثالث رواية..إنتي سيوف الثأر في اجفاني بقلمي...سموو العراق مسائكم.. نسمات هدوء خالية من العتب لأي شخص كان.نور...سمو العراق دخلت علئ رانيه وابتسمت طالعه تجنن لابسه فستان قصير اوفايت ومن الخصر بي حزام ذهبي ولابسه حذاء ذهبيه وحاطه مكياج برونزي وحمره بصليه... كتلها واني اصفر...لك شنو هاي ياحلوو شطالعه اخاف علئ مهتدئ يموت من جمالج اجت عليه بسرعه وبلهفه حطت ايدها على شفايفي وكالت...اششش اسم الله من عمري علئ عمره وخرت ايدها من شفايفي كتلها...شبيج رانيه اشاقه وياج... بلعت ريقها بصعوبه وكالت...ماادري شبيه احس بقلق واحس ضايجه اريد ابجي بعدت خصلة شعرها من وجهها كتلها..شبيج مهتدئ مسويلج شئ ؟ ليش ضايجه كالت بضيق...مااعرف احلامي مو زينه اتحلم ابني بيوت من رماد وينهجم انصدمت كتلها...اسم الله رانيه انتي شكولين ديري بالج اخاف مصيرج ويه مهتدئ مو زين بصراحه رنوو انتي استعجلتي ترئ الزواج مو لعب واحس مهتدئ مراهم الج نفخت بقهر وكالت...لا بالعكس غير مهتدئ مايرهم الي ولا انام بحظن غيييره صح هوايه اموور مختلفه بينه بس اني اتغاضئ عنهم وهو هماتين انتي متعرفين اني شكد احببببه وتعذبت يالله صار الي ضحكت كتلها ...اي اتذكر من حاجيتي بابا كلتيله زميلي بجامعه خطبني وهو من غير طائفتنه ورفض وانتي زعلتي واسبوع انگطعي عن الاكل وهبط ضغطج وتخربطتي واخذناج للمستشفئ هههههه واني ادور علئ نعالج اختفئ لبست كعب عالي هعهه رانيه...هههههه ثووول ابتعدت عني وهي تتصل بمهتدئ بس ما رد عليها تافئفت بضيق وكالت بدلع...ما يرد عليه ونبي اني اعلمه اخلي يبطل هاي السالفه من اتصل وما يرد اليوم اشلع گلبه كتلها...احم احم نشوووف كالت...ههههههههههه صدوك بس يجي انسئ كوولشي وناكل جبس حار كتلها..عوود انطووني مو بس انتم تاكلوون كالت...لا لا هذا خاص من تنخطبين شتردين اكلي حتئ فلفل حاار ههههه كتلها...انجبي والله مبين قصدج مو شريف بس مدا افهم عليج كالت..احسن ضلي هيييج رجعت اتصلت يتصل بس مايرد اتصلت اكثر من خمس مرات بس مارد عليها... خطييه وجهه صار اصفر والخووف بين علئ ملامحها كتلها...لا تخافين هسه يجي كالت بخووف...اخاااف صااار عليه شئ هو مو من عوايده ميرد عليه حتئ لو ميرد ثواني ويرجع يتصل بس اليووم مدري شبي كتلها..الغايب عذره وياه هسه يرد اجت ماما كلتلها رنوو وينه خطيبج مو ابوج يريد يطلع عنده شغل... رانيه..دا اتصل بي وميرد عليه اخاف صار عليه شئ ماما...رجعي اتصلي بي رجعت اتصلت ماكوو كعدت علئ السرير مالتي والدمعه لمعت بطرف عينها وبلعت ريقها بصعووبه وايدها ترررجف شووويه واتصل مهتدئ يالله يافرحتها معرفت شلون تفتح خط ضحكت وهي تحاول تفتح الموبايل.. هذا هذا اتصل والله اليوم اتعارك وياه خبلني اجيت اموت اله شويه رانيه بعتب....الوووووووو الطرف الثاني............ رانيه ملامحها جفت وضلت ترمش وكع الموبايل من ايدها وصرررخت بصووت عالي ............................ ام خالد...منئ روحي خلي خالد يتصل بمهتدئ شوو تاخر منئ..خااف نايم وتدرين بي شلون يتعصب من واحد يجي يمه امها ..وج روحي اخووج تأخر نزل خالد من الدرج وهنه جانن كاعدات بالصاله باوع عليهن وتنهد خالد ..خيرر يمه شكوووو؟ امه...مهتدئ تأخر خابر عليه يممه الطريق مو زين والوضع مو امان واخووك من يشوف خطيبته ينسئ نفسه خابره وگله يااما يبات يمهم ومايجي يااما يجي من وكت خالد طلع موبايله اتصل بي مارد عقد حواجبه بااستغراب رجع اتصل اكثر من مره ماكوو حس بخووف بس مابين امه بخووف...هااا خالد شبيك ليش اخووك ما يرد خالد بتصريفه...ماعندي رصيد مع العلم اني البارحه خليت رصيييد بس فاتح بيانات الهاتف ومخلص رصيدي.. انعاد عليه شعور ست سنوات مرت الخوف تضاعف عنده وانربطت ادييييه طلع بسرعه رجع خابر خابر خااابر ماكوووو رد باوع للشارع بنظرات حاااده وقرر يرووح لاهل خطيبة مهتدئ اجه ابووو من بعيد هو ومرتضئ ابوو...هااا بووويه خالد شبيك واكف هنا خالد...اتصل بمهتدئ ما يرد وراح ل...... ابوو...هذا شبي اني كم مره كتله لا تروح الوحدك خابر علئ عمه ابو خطيبته خالد...ماعندي رقمه مو تعرف اني اصلا مااعرفهم وماعندي علاقه بيهم مرتضئ...هو منو عنده علاقه بيهم اني هم شفت ابوها بس بالخطبه ابوو طلع موبايله...هاااك اني عندي رقمه مكتوب ابو مهتدئ خالد بااستغراب...ليش مسمي ابو مهتدئ ابوو..جااا شتريد اكتب ابو رانيه مرتضئ...هههههه رووح حجي حركات خالد ببتسامه صفره...انت مستحي تكتب اسم بنته بموبايلك وهو بناته كاسيات عاريات مرتضئ..بس مهتدئ يكول تحجبت خالد..اي ستر الصخوول حجابيش يمعود شعرها نصه طالع وذيج الثانيه لا عبالك طالعه من الملاهي ابوو...المهم هو عاجبته خالد...اي الله يسعدهم ويهديها مرتضئ..تحسسني بنات الرجال من كفار قريش ههه خالد تركه وسجل اسم ابو رانيه واتصل بي وكذلك مارد استغفر ربه وهو يحاول يلزم نفسه الخووف دب بكل جسمه ومايريد يخووف اهله علئ مهتدئ وركب سيارته بسرعه ابوو...خالد بووويه وين رايح اخوك وييين؟ خالد لف السياره بسرعه...هسه اجي ياابه اتصل موبايله ابتسم بهدوء من شاف هذا رقم ابو رانيه... خالد ...الووو هااا عمي مهتدئ اتاخر ومايفتح خط هو عندكم ابو رانيا بقهر...مهتدئ خطفووو خالد انصدم بلع ريقه بتوتر وهو يباوع علئ وجه ابو واخوو همس من بين اسنانه...انت شدگوووول ابو رانيا..هسه خابرونه وساومونه علئ فدييييه ضرب سيتيرن السياره بعصبيه وعيونه تجدح شرار ...انت تضحك عليه لو تحجي صدك ابوو برعب...هااا بويه شصار اخووك وينه شبي اخووك كتلوووه باوع علئ،ابو ومارد مسح وجه بتوتر...انطيني الرقم الي اتصل بيكم بسررررعه بسرررررررررعه ابو رانيا جاوبه..هم اتصلو علينه من رقم مهتدئ قفل الخط بسرعه وشغل السياره بادين ترجف والوجوه تغيرت وقلوب انهارت وابووهم ضل يدك علئ راسه عرف ابنه مو بخييير ابوو...ولك بووويه خاالد ولك احجي اخووك كتلو خالد...لا يابه مخطووف بس مساومين عليه ندفع كل شئ بس،يعووفونه انتم اهدئو وان شاء اللة انحلها ابوو...ولك شنحلها شنحلها مصيبه وطاحت علئ راسنه..ولك بيه مهتدئ شلوون حالك ضربوك اذوك خالد اتصل علئ رقم مهتدئ ونفس الشئ ماكوو شووويه واتصل رقم جديد علئ خالد فتح خط بلهفه وبصوت جامد كله غضب..الوووووو الطرف الثاني...الووو خالد اخووو مهتدئ خالد...اي مهتدئ وينه انطيني اسمع صوته الطرف الثاني...انتظر لحظه مهتدئ بخير وهو عدنه تدفعوون دفترين انسلمكم مهتدئ اتفقنا خالد وتنفسه ضاق.. ادفغلك الي تريده ورجعوا مهتدئ بس بملابسه ولا تاذوو الطرف الثاني...هو بخير ادفع المبلغ ونسلمك مهتدئ وراح نحدد المكان بس اذا حاولتوا تخابرون الشرطه اقرو الفاتحه علئ مهتدئ خالد...لا ما نخبر الشرطه بس انطيني خليني اسمع صوت مهتدئ الطرف الثاني....لاااا مااكدر خالد...يجووز تطلع جذاب ومهتدئ مقتول الطرف الثاني...لا مامقتول هو عايش تجيب الفلوس نسلمه الكم خالد تنهد بضيق...جذااااب الطرف الثاني قفل الخط ............................. من سمعت مهتدئ نخطف لحد الان وهي بس تبجي وتلطم تخبلت رسمي وكحلها سال علئ وجنتها واني وماما نحاول نسكتها ونهديها وهي ماكوو مخبله رانيا ببكاء...شيردوون انطوهم بس خلي مهتدئ يرجعلي والله احببببه احببببه مااكدر اعييش بدونه امووت والله امووت مهتدئ حبيبي ياروحي ياربي ما يئذوو وج ماما راح اموووت مهتدئ مسحت دموعها بااصبعي واني ابجي وياها تكسر الخاطر وهماتين مهتدئ ميستاهل حضنتها كتلها...ان شاء اللة يفكون أسره لا تخافين كالت...مااعتقد والله مئيسه روووحي ذابت عليه خلي ارووح ادور عليه والله ابووس الايادي بس يتركوو..ذهبي كوله خلي ياخذوو بس يتركوو ليش ياربي لييش مهتدئ بذات ماما كلتلها...كولي يالله بنيتي هسه اهله يدفعوون الفلوووس ويطلعوو لا تخافين كالت بنحيب ..والله والله اذا رجع اصير عبده جوه رجليه وماازعله لا يدووس ببطني انقهرت عليها حيييل حب دام اربع سنوات عشقو بعض بجنون صحيح اذا صار المهتدئ شئ رانيا تجن ياربي يرجع سالم مجان النه غير الدعاء والدمووع وبابا ضل يجري اتصالات واهل مهتدئ يخابرون وبعدين اجوو اهله طلع الهم بابا ضلووا يدورون ويخابرون وبابا هماتين وياهم واجه ابن خالتي محامي هماتين ضل يخابر ويدورون بس ماكوو اله اثر جان باب بيتنه عبالك عدنه فصل عشائري الكل متواجد.. دخل ابن خالتي علينه كال جيبو مي وجاي ماما خطيه سوت جاي اجتي خالتي وياها وضلت تبجي علئ حال رانيا ليكسر الخاطر اني رحت غسلت الاستكاين وجنت لابسه تراك زيتوني فوكاه بليره طوويله سووده ومسويه شعري كبايه وهو عكش صاير مخربط فد مره سمعت صوت واحد جاي باتجاه خلفي درت وجهي شفته ابن خالتي مصعب هو شاب بنهايه العشرينات محامي وشكله حلوو ابيض حييل ومعانيه حلوه وطوله وسط كال هلاوو دنووش شلووونج كتله هلاوو مصعب شلوونك كال مو زين بس من شفتج صرت بخير وعافيه رفعت حاجبي متفاجئه من كلامه صحيح هو لزكه ومن يشوفنه اني و رانيه يضل كاعد ويسولف ويضحك بس مشايفه منه شئ محلوو كتله تسلم تقرب مني اكثر وحط ايده على شعري كمزت كتله وخررر شبيك مصعب كال...دانيه اني معجب بيج والكل يدري اله انتي متدرين فتحت عيوني مصدومه هي صح اخته دائما تلمح الي وامه بس متوصل الهاي الدرجه ويجيني هسه وبعدين احنه بيا حال وهذا بطران تقرب اكثر وصار نفسه كوولش قريب مني بلعت ريقي بخوف دفعته بااديه ثنينهم.. كتله بحده..مصعب انت متستحي متشوف حالنه شلوونه احنه بيا حال صدوك الي استحو ماتو لزمني من ايدي...كال شبيج ترئ،اني حتئ قصيده كاتب بيج كتله بعصبيه...ياااا قصيييده درووووح والله بطران طلعت بسرعه واني كلبي يدگ سررريع منا اختي وخطيبها ومنا مصعب ردت اشوف بابا يجي ياخذ المي الهم فتحت الباب شوويه شفت خالد يخابر رجف كلبي منه شكله جلفي ومزعج وانوب اخوو ماكوو صاير نار سديت الباب فتحت شوويه منه ضليت اباوع عليه يصيح ويغلط وكل شوويه يلزم موبايله يتصل بيه واهله واكفين يممه وابوو خطيه يكسر الخاطر يبجي علئ ابنه استغربت بابا ماكوو وين رااااح اجه مصعب ورايه كال...عليمن تباوعيين باوعت عليه بحده كتله معليييك هو خله وطلع بره واني ضليت اباوع ادور بعيوني علئ بابا وخالد كل شوويه يصير بوجهي رجع مصعب متعصب تدخل كال شكوو تباوعين كتله... معليك...وين بابا كال...راح من قبل ساعتين ولسه ماكوو عفته ودخلت جووووه سوينه عشاء وتعشوو بس اهل مهتدئ ماحطوو بحلكهم شئ وهماتين بابا ما اجه رحت كعدت يم رانيه مخلت بحلگها شئ وبس تبجي وترجف خطيه وجهها صار شاحب وشفايفها بيضت وعبالك سعفه داخله بوسط اعصار ترجف وتكمز وتبجي وتفتر بتوتر ولازمه موبايلها مترقبه منه اتصال ضلينه سهرانين للصبح وجه الصبح اذن المؤذن ولحد الان مهتدئ ماكوو عنه خبر واخوانه يرحون ويرجعوون جانت الشمس ما غالبه الغيووم والجوو بارد وصوت المؤذن يطرب بالاذن وصوت تكبيراته تقشعر القلووب.. وتريحها لكن للاسف اجانه خبر مهتدئ ويه اذان الفجر ماسمعنه بس صووت ثغيب ابوو مهتدئ وهو يصيييح ... ياااابوووويه يااااابووويه ولك ابوويه مهتدئ كسرت ضهري طلعنه نركض ورانيه ركضت ويانه خطيه مكملت طريقها وكعت مغشي عليها وتخربطت واني امي ضلينه نصرخ عليه وحاولنه نصحيها بس هي ماتت عليه حقها والله موقف يدمي القلب صار الصراخ بالشارع اخوانه وابو واقاربه اجه مصعب كال خطيب رانيه مات الله يرحمه لكوو مكتوول ضاربينه طلقه بقلبه وبراسه وهسه نقلوو للطب العدلي امي ضلت تلطم علئ وجهها وتبجي ورانيه لا حياة لمن تنادي واني ضليت ابجي الخيال ميستوعب الموقف الي مرينه بي... وره ساعتين رانيه كعدت وتخبلت تشيل روحه وتركعها بالكاع وشعرها كطعته تكطع تبوس بدينه دكول عفيه كولو مصووب كولو رجله مكطوومه كولو اي شئ بس لا تكوولون مات رانيه ببكاء ونحيب...والله احببببببببه ولج يممممه احببببه اررررررريده ارييييده مهتدئ لا موهيج اني رناوي حبيبتك اني رانيه روووحك مو دكول انتي روحي انتي حبيبتي مو كلت محد يفرقنه ليش مهتدئ ليييييش ولك مهتدئ نهجمت حياتي مهتددددددددددددددددئ ماما حاولت تهديها بس هي فاقده لبستها ماما صايه وشال وركبو بسياره بابا اخذهم البيت اهل مهتدئ واني مقبل اروح ضليت يم خاله خلصتها بجي علئ رانيه اشووف ملابسها ونيشانها واغراضها تشتري احلئ ملابس حتئ تلبسهم المهتدئ خطيه ماتهنه ..... ...................... وصلو البيت اهل مهتدئ شافت الهوسه الي بالباب تخبلت معناه صدووك راااااح تركها وترك جروحها تنزف ايامها... دخلت للبيت شافت امه شاكه الثووب وتلطم بقسووه وتملخ بشعرها وبناتها مقابيلها يبجن وياها ويلزم بيدها والنسوان تبجي علئ حالها ركضت عليها حضنتها وهي تصرخ بااقوئ ماعندها وام مهتدئ حضنتها حيييل وهي تبوسها وتشم ريحه ابنها المغدور بيه امه...ولك يمممممه مهتدئ يالعرررريس يا ابو وجه الحلووو مااصدك يمه طولك الحلوو يضمه التراب لا يممه المووت لامك مو الك ولك يمممممه كسرت كلبي مرتك يمممه صغيييره شلون تعوفها وحده هي حضنت عمتها حيييل وتتمنئ تنطي روحها بس يرجع مهتدئ لكن هيهات راح عند رب كريم وصلت الجنازه ومقبلوو ينزلون التابوت لان مهتدئ كل مايغسلون اله ينزف فما حبوو ينزلوا راحو للدفن ومهتدئ روحه مثل الحمامه المذبوحه الئ تشكي الربها ضلم البشر وغدرهم بروحه وكانوا روحه مسرعه للدفن والوقوف امام باريها تاخذ بحقها من كل ضالم وطاغي وصلوو للنجف غسلوو ودخلت امه ورانيا رانيا ما واجهته انهزمت متكدر تشوف حبيبها روحه جثه بلا رووح وين روحه الحلوه وين السانه الي ينكط عسل معقووله كل هذا يندفن وتضل بس الذكريات معقووله ولا كانوا صار ونولد... ادوو الدفن بالصوره الازمه واندفن الابن والحبيب تارك ام ثكلئ وحبيبه مفجوووووعه ولهنا انتهئ دور مهتدئ بالحياة لكن ماانتهئ بالنسبه المحبيه واهله وحبيبته ونطفه صغيره من تنتظر تظهر للحياة...انتهت الحياة الاحدهم لكن بدت حياة جديده لنطفه جديده... خلصت الفاتحه لكن مخلص الثأر الكل راح علئ بيته ورانيه راحت البيت ابوها تحمل وياها جراح وذكريات والالم وامل مقتول وبيت من رماد .......................... عند خالد جان نايم علئ فراشه وهو يحس ببراكين من نار تحرگ كل جزء برروحه اخوو المغدوور مدفوون صار اكثر من عشره ايام..« تسريع بالاحداث» كل مايطلع بسيارته ويشوف قطعت مهتدئ المعلقه علئ جدار بيتهم يزيد بااصراره بالانتقام استرجع كلمات القطعه انتقل إلى رحمه الله الشاب المغدور الشهيد مهتدئ سلمان ..اخ كل من خالد ومرتضئ ومعن اثر عمل ارهابي جبان وكف علئ حيييله وهو يشوف رووحه بالمرايه شد علئ شفايفه بقووووه قبض علئ ايده بقسوه همس بداخل جوارحه هدولنه موووت لازم نهديلهم كبر والله والله ثارك مايروح يامهتدئ اعاقب كل ابن عايقه اتدخل بموتك الله اخليهم يوصلون للگبر ياحزام الضهر يا مهتدئ فتح الكنتور طلع موبايل مهتدئ بي دم يابس هذا ثار دمه اخذ كنلكس بلله شويه ومسح الدم حاول يفتحه بس الموبايل بي رمز لفاه بقطعه بيضه وضمه بالكنتور قرر يتصل برانيا تعلمه علئ الرمز لان اكيد تعرفه ومهتدئ مايضم عليها شئ لان يردون يسوله صوره كبيره يخلوها بالمقبره عند قبره.... عض شفتتتته حيييييل وهو يسمع نواااح امه الئ يدمي گلبه ويعزز الثأر بداخل رووحه همس..نكون نسوان اذا مااخذنه ثارك يالرووح .............................. رحت الرانيا شفتها كاعده وفاتحه موبايلها وتبجي كعدت يمها حضنتها مطلعه صورها هي ومهتدئ وتبجي همست ..الكل شئ حسبت حساب البدلتي والقاطه والغرفتنا وللقاعه ...بس محسبت حساب لهذا اليوم والله ممصدكه هييج مهتدئ مات والله متعلمت علئ جموده ماتعلمت علئ هدوئه اليوم المابي مهتدئ مااعده ومااعترف بي جان مالي يومي صخب يومي مليان بضحكته والله متت راحت رووحي ليش يامهتدئ ماكسرنه خاطر الله شنو الحكمه من موتك شنوو الحكمه ليش صارت الذكريات هي الي تواسيني وصورتك هي التصبرني حضنتها بستها بدموعها الئ جرحت خدودها همست والله مااتزوج والا يلمسني رجال بعده عايش بروحي ودمي هو استعملني واني رضيت بحالتي ياربي احبببه احببه.. صدوك اني صلفه شلون ما متت وراه شلون لحد الان عايشه صدوك اني حقيره كتله..لا رانيه كافي لا تحجين هييج الله يصبرج حطت ايدها على صدرها وتنفست بضيق بعدها حطت ايدها علئ شفايفها وركضت للحمام ركضت وراها ضلت تتقيئ وتغسل بوجهها وتبجي كتلها رانيه شبييج كالت صخام الصخمني عزااا العززاني لج مصيبه فووك مصيبتي عبالي محد حيعرف اني مستعمله كتله بخووف ...شكوووو كالت...لج بس لا اطلع حااااامل..... نهايه البارت ....يتبع وقفه بنات...اعتذر عن البارت المأساوي لكن ماحبيت اغير الحقيقه والموت حق وهذي الحقيقه وهوايه مثل مهتدئ راحوو غدر الله يرحمهم😢 | ||||
|
| |
|
13-07-19, 06:36 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت الرابع رواية ..انتي سيوف الثأر في اجفاني بقلمي..سموو العراق مدخل البارت..قراءه ممتعه لا تتعجل يا صغير، فالطريق صعب طويل، سيجبرك يوماً ما أن تتمنى لو بقيت نطفه. صدمتني من كالت يمكن حااامل كتله واني ارجف...لج شنو هل حجي انتي شلون حامل انت مو ممتزوجه منين حملتي غسلت وجهها بسرعه كالت...اسكتي اسكتي لا تفضحيني سحبتها من ايدها بقسووه كتلها..احجي ولج شلون حاامل بلعت ريقها بغصه وكالت...اني ومهتدئ جانت عنده علاقه زوجيييه كتلها...علاقه زوجيييه يعني شنوو كالت..يعني تقربلي صرت زوجته ومااخذت احتياطات شلووون ياربي كتلها بضحكه...يعني راح يصير عنده بيبي لج لازم تفرحين حيصير عندج طفل من حبيبج رانيا...لج انتي غبيييه لج متعرفين شحيصير بيه بابا اذا عرف شحيسوي بيه وبعدين موقفي كدامهم شلون باوعتلها بحييره كتلها...خابري اخوو خالد يشوف حل لهذي المشكله كالت..وشيسوي مثلا لج خلي يوولي مااريد منهم شئ ماشفتي زوجة اخوو دكول عليه فكر جسحت الولد كتلها..خلي تولي الموت حق شنو فكر كالت مااريد يدرون بيه حامل ميستاهلون صار شكد من مات مهتدئ محد كلف نفسه وسأل عني واني روح مهتدئ كتلها...يمعوده هم حالهم اصعب من حالج ابنهم مات غدر واكيد مو بحالج مصيبتهم كبيره كالت لج شلوون هسه اني مااعرف اذا حامل او لا كتلها..باعي كولي لبابا انتي رايحه للجامعه ومناك سوي تحليل كالت..اي هم فكره لج والله اتمنئ اطلع حامل وطفل يصبرني علئ فراگ ابوو بس شلون بااهلي واقاربي وجيرانه كتلها العالم تحجي وتسكت وبابا يزعل ويرضئ كالت لج اني نفسيتي تعبانه ويجي واحد يهجم عليه والله احرگ روحي كتلها...يمعووده هسه كولي يالله وبعدين يجوز لان انهبطتي فاتتج كالت لا اني اعرف بروحي حامل عندي اعراض حمل دخلت ماما كلتلها بعصبيه شنوووووووو هي خطيه بلعت ريگها ورجعت ليوره ودمعه لمعت بعينها ماما تقربت منها وهي فاتحه عيونها بصدمه...لج شنوو حاااااامل رانيه...اءءء امها...احجي ولج انخرستي دانيه لزمتها بهدوء.. اوكفي ماما اهدي شويه هي مو اكيييد حاامل ماحسيت علئ براشدي قووي من ماما بدون ذنب مني.. انصدمت حطيت ايدي علئ خدي مقهووره ماما لزمت رانيه وضربتها علئ وجهها وغلطت عليها رانيه توسلت بماما مدكول البابا بس ماما كلتلها لازم اكووله انتي حامل بمصيبه شنو نكول لاهلنه وجيرانه لازم يلكالنه حل مسحت وجهي ودموعي وابعدت خصلت شعري العنيده من وجهي كتلها ماما خلي نخابر اهله بلكي هم يشوفولنه حل كالت انتي وخري من وجهي لا ابتلي بيييج ماما سحبت رانيا من كتفها وجرتها مثل البهيمه دخلتها للغرفه وطلبت منها تغير ملابسها وتاخذها للتحليل اني دخلت كتلها رانيه افتحي موبايلج اتصل بخالد..بس بدون ما ماما تدري هي فتحته ونطته اليه بس مابي رقم خالد قررت اتصل بابا وينطي اليه لان اخر مره من انخطف مهتدئ اتصل بي.. راحت ماما ورانيه وسدن الباب حيل اني خابرت بابا انطاني الرقم وتسائل ليش كتله اغراض مالت رانيه تريد يجيبهم للكليه هو رسله اليه واني سجلته بموبايلها اتصلت عليه وسرت رجفه غريبه بگلبي وعضامي مو طبيعيه..رن ثواني وبعدها اجاني صوته الجامد كال.. الوووو بلعت ريقي وتنفسي صعد كتله بربكه...الووو كال..تفضلي منو وياي كتله...اءءء اء اني دانيه اخت رانيه كال بهدوء...نعم تفضلي محتاجه شئ كتله..اممم بس عندي موضوع وياك ياريت تصير ريلاكس كال...احجي كتله..اءء امم بس هو معرفت احجي ضاع الكلام مني خجلت حيل ومعرفت شلوون ابدي كال...اسمعج كتله...رانيه كال..شبيها كتله قبل لا يموت مهتدئ جانت عندها علاقه بمهتدئ يعني مزوجها بسر...« معرفت احجي ارتبكت» كال...شنوو مزوجها بسر هو غير خطيبها وكاطع مهر كتله...اي بس هي يمكن حامل هو كطع كلامي متفاجئ..كال شنوو شنوو انتي شتحجين كتله...اي هذا الصار مهتدئ متزوجها كال قصدج متقرب الها كتله اي هو هيج كال بحده...وهسه شنووو مستحييل مهتدئ ميسوي هيييج كتله..لا والله هو هيج سوه رانيه متجذب كال..والمطلوب كتله...بس موقفها كدام بابا ضعيف ياريت تكدر تحميها وتوكف وياها ترئ الطفل ابنكم وابن المغدور اخوووك لازم تفرحون بي اخووك مانكطع ذكرئ كال بجمود وتنهيده...شاك بالموضوع والله كتله..شنو قصدك كال.. لا ماكوو شئ ان شاء اللة اني اتصرف وانتو اطمئنو لا ابوج ولا امج يكدرون يئذون طفل اخوي وزوجته كتله..اتكل عليك كال...انطيني رقم الوالده كتله سجل هو سجل الرقم كتله بهدوء صدوك نسيت البقيه بحياتك كال حياتج الباقيه كال محتاجه شئ كتله لا بس حاول تساعدنه كال ان شاء اللة قفل الخط وماترجيت منه خييير خبيث وبارد وردة فعله غريبه راحت بيها رانيه وتحسفت اتصلت بي شويه واجت ماما وعيونه بكصتها ورانيه وجهها مايتفسر كعدت تبجي علئ حضها المعفن طلعت حامل لو ابو موجود ما حارت هل حيره لزمت بطنها وهمست بحنين..المن جاي وشتريد من الدنيا الدنيا مارحمت امك ياروحها انكتب عليك تعيش يتيم وانت نطفه ماما ضلت تسب وتغلط ونهارت تروح هيج وتجي هيج شويه واتصل بيها خالد هي فتحت خط وضلت تحجي وياه وبعدين دخلت للغرفه وقفلتها مااعرفنه شنوو حجه وياها مرت نص ساعه وماما طلعت شويه هادئه مو مثل ما اول مااجت كعدت علئ الكرسي كالت خابرني خالد اخو مهتدئ وكال ان شاء اللة نحلها الله لا يوفقج يا رانيه اجه بابا دخل شافنه كاعدين سلم علينه وبعدين راح بدل وغسل تغده باس رانيه خطيه متعاطف وياها بعدين ماما كلتله اريد اخذ رانيه ودانيه لخالتهم بزيونه بابا قبل بس مو خالتي ام مصعب خاله ام مصعب جيرانه...ذيج خالتي الصغيره بزيونه بابا كلها ميخالف بدلنه بسرعه وبابا هم بدل ودانه لخاله مسافه الطريق الطويله ووصلنه دخلنه الخاله خطيه تخبلت علينه وفرحت بينه وانكسسر خاطرها علئ رانيه وبابا راد يروح بس ماما مقبلت... ................... جان متوجه بسيارته الزيونه لبيت خالة دانيه وامه كاعده بصفه وابوو اتذكر من كلهم علئ حمل رانيه نعيد المشهد نزل من الدرج بعد مااتصلت بي دانيه وهو اتصل باامها سمع نواح امه الدائم علئ ضناها كعد مقابيلها وباس ايدها بحنان امه بنحيب...كلبي يممه صار رماد ابني طالع من كلبي كتلوو مات وندفن محد حاس بحركت گلبي عليه مهتدئ العريس راح محروم من كلشي خالد...الموت حق يممه وهو يعتبر عند ربه شهيد هذا موت الغصب ...وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا ۚ بَلْ أَحْيَاءٌ عِندَ رَبِّهِمْ يُرْزَقُونَ صدق الله العظيم وهو حي عند ربه يرزق يزعل من يشوف حالتج هيج يمه اصبري امه ...يمممه ولك يمممه مااكدر اصبر خالد...يمه الله ياخذ شئ وينطي شئ مهتدئ تركلج هديه صغيره وذكرئ منه امه...لا ماترك شئ امه ماكسرت خاطره ماكال امي ماتحمل فراكي مانقهر عليه ماكسرت كلبه باس ايد امه ..لا يممه تركلج رانيه خطيبته حامل منه اندارت بكل جسمها وفتحت عيونها والدهشه والصدمه بانت علئ ملامحها همست بخوف وحنين...انت شدكووول شتحجي خالد يممه جنيت خالد بعدم رضا...ابنج يمه غلط والبنيه حامل وخابروني وهسه هم بزيونه وابوها مايدري وخايفين من ردة فعله وطالبه الحمايه ابتسمت بحزن ...لا يممه لاا اذا صدك حجيك انا اريده الطفل لا يسولها شئ ولا ابوها يحجي يمكن هذا الطفل هو يصبرني علئ بلواي خالد...بس يمممه امه...ااي يممه واحد منكم يتزوجها وابن مهتدئ نعترف بي كدام الكل همه ماغلطوو همه بالحلال هو عاقد عليه وجان لازم بس يشهر العرس خالد...حاجي الولد وابوي خلي يكون عندهم علم واني عفيني من ان اتزوج زوجة اخووي ماازرعها بحضني وعيون اخووي تبرالي كالت يمممه بس لازم واحد منكم يتزوجها خالد...الله كريم يمه كلي الابووي والولد اني راح ابدل صعد وهو متضايق من كلام امه بطلب الزواج من خطيبه مهتدئ سبح وطلع من الحمام وهو لاف المنشفه علئ خصره وطلع قميص اسود وبنطرون اسود من كنتوره ولبسهن سمع اصوات الجدل بين معارض ومئيد الحمل رانيه قسم كالو خاف مو منه وقسم شهدوا بهذا الشئ غمض عيونه باسئ..راح مهتدئ وتركهم بين حيره من امرهم هسه لو مو حامل تولي ولا احد يسأل عنها بس هي ربطتهم بطفل اكثر المعارضين همه اخوانه ولي راضين هو ابوو وامه يحسون الطفل بلسم لجروحهم نزل جوه شاف اخوو مرتضئ يصيح ويغلط لزمها خالد من قميصه بعصبيه وبحده..علئ شنوو تصييح البنيه حامل من اخووك واذا احنه موكفنه وياها منو يوكف الها خلي عيون مهتدئ بين عيونك وكلنه نعرف هي من عائله فري اكيد تقبل بكوولشي ويه مهتدئ هذا ابنه رضيت او مارضيت ولا تضل تهدد ترئ هذا الحجي ميفيدك سكت مرتضئ اما عمار اصلا مااتدخل بس اخوهم الكبير معن هم مارضئ بحملها بس ما بليد حيله تركهم وراح ركبو بالسياره واخذو طريق مستقيم الزيونه مسافه شاقه وصلتهم للمنطقه لكن للاسف هم ميندلون خابر على امها وامها وصفتله مكان يوكف بي ودزت ابن اختها جابهم واجه دخلو بعد مااستقبلهم ابوو رانيه وزوج خالتها وامها وخالتها كعدو بعد ما ضيفوهم فتحت امها الموضوع وخبرتهم بحمل رانيه وابوها هااااج وثار لزمووو بالزووور جانوا يحاولون يقنعونه بالكلام بس هو رافض بعدها ابو خالد هدده اذا يصير علئ طفل ابنه شئ بينهم المحاكم قررو بس تفوت اشهر واحد من ولدهم يتزوج رانيه وضلو يتفاوضون ويحجون وهمه ثنينهم غلطوو وقررو تضل عند خالتها وتخفي حملها اما عن اقاربهم فهمه لازم يعرفون. هي حامل وهمه اصلا عوائلهم متتدخل واكثرهم بالخارج بس ابوها نقهر لان عدمت ثقته بيها ومااحترمته جان ناوي يشرب من دمها بس اهل خالد كبلو اديها ومخلوو يتصرف طمنو يتزوجها واحد منهم وهو تطمن راحت امه لزمت رانيه وياستها ورانيه ضلت تبجي وتذكرن مهتدئ وضلت تنعئ عليه راحوو بعد ماانطوها مصرف وسلمو عليها وابوها زعل منها وراد يبسطها بس زوج خالتها وخالتها مخلوو وتركهن ورجع المنطقته... وهو يغلي من العصبيه حس بمدئ غبائه ولكن مااعرف هو من البدايه هو السبب لان انطاهن كامل الحريه وما حاسبهن علئ لبسهن وتبرجهن ومخلاهن يخافن منه ويحسبن اله الف حساب حس بنفسه ماله حق يحاسبها وبعدين هي روح وابنها روح وقتلها حرام هي الزانيه حكمها الجلد مئه مره وشلون ببنته مزانيه اصلا بالحلال... .................... بعد مرور اربعه اشهر بغرفة خالد.. جان نايم علئ سريره ما ذاق حلاوة الحياة من سنين مضت وزاد عليه موضوع اخووو الكسر كل حواجزه وحصوونه اتذكر قبل كم يوم اتصل برانيه وحس بمدئ خجلها يحس بقرف منها ومن اختها ومن تنعوصهن الئ ما اله حدود طلب منها تعلمه الرمز لان يريد ياخذ كم صوره ويخليها صوره مكبره داخل المقبرة امام قبر فقيدهم المرحوم هي علمته بس حلفته ميدخل علئ اي موقع تواصل هي ومهتدئ فقط الصور ومقاطع الفيديو وكف بااصاله وطلع الموبايل سجل الرمز وفتحه غمض عيووونه باسئ حس بحنين لاخوو من حس باانتماء موبايله اله فتح الأستوديو ودخل علئ الصور حس نفسه جووف بدون لا قلب ولا روووح ضغط علئ ايده بحده من تذكرها بالمغسيل والرصاصه مخترقه جبينه والثانيه مهشمه صدره من غير التعذيب الجسدي وعينه وارمه اثر بوكس مشئ،بصور وعيونه بخلت بالدموووع مايعرف ليش ما سقطت دموعه يمكن لان صار انسان متحجر بسبب الامور الي مرت عليه شاف صوره عباره عن فيديو بارز بيه بس شعر دانيه فتحه بفضووول اول ماسمع كلماتها وتهديده انشلت رجليه ورص علئ اسنانه بقوووه وحس الموبايل حينكسر بيده من ضغطه علييه وهو يعيد الفيديو للمره الثانيه دانيه...اي ونبي تعال هناك اذا انت زلمه اله نصكك ونعلسك ونخلي كل جزء منك بمكان ياطائفي وترئ هذا الفيديو يشهد وكف بعصبيه ورجع عاااد الفيديو شمر الموبايل علئ السرير وهو يباوع عليه بحقد وغضب وكلمات رانيه تتردد بااذنه ...اي ونبي تعال هناك اذا انت زلمه اله نصكك ونعلسك ونخلي كل جزء منك بمكان ياطائفي وترئ هذا الفيديو يشهد رفع الموبايل مره لخ وهو ينظر الملامح دانيه بحقد وقرف وانتقام همس بفحيح مرعب وروح شيطانيه ...علستوو ياانذال ياحقراء والله جنت اعرف انت وره السالفه والله والله اليوم اشتعلت جمرات انتقامي والله والله اله اخليجن تبجن دم اكيييد ابوهن وره السالفه اي هو من افتقدنا مهتدئ ورحنه الهم هو اختفئ وره كم ساعه اجه اكيييد هو قتله لان مو نفس الطائفه واوهمنه هو لگاه مقتوول لا يانذل والله اله اخليك تدفن روحك وانت عايش انت وبناتك الساقطات والكلبه حامل مدري منين وتريد تذبه براسنه خيييير خيييير باجر يصبح الصبح ولكل حادث حدييث.. ضل للصبح مانايم وهو يجمع الاحداث براسه ويوصل لخيوط الجريمه أحكم خطته بإتقان وقرر من باجر يبدي بسيوف ثاره ................. كعدنه الصبح بعدنه بابا شويه تناسئ الموضوع ورانيه دتمتحن لان طلعت راسبه خطيه بطنها كبرانه وفضحوها بالجامعه هي ومهتدئ بس هي متهتم اني نجحت من السادس طلع معدلي 73 قررت اروح ويه رانيه اريد اقدم بجامعتها يااما صيدله او قسم تحليلات لان معدلي متقبله الجامعات الحكوميه بس الاهليه لبست بنطرون كابوي ثلجي وستره سمائيه وقميص ابيض ولبست حذاء بيضه وجنطه بيضه وحطيت مكياج فاتح شسورت شعري ورجع كفش متصير اله جاره ورانيه لبست تنوره سوده وقميص اسود وشال اسود محطت مكياج بس هي حلوه بدون مكياج وصلنه بابا جانت رانيه بطنها بارزه وحتئ محلوه عليها التنوره وصلنه للجامعه امتحنت رانيا واني قدمت للجامعه قبلوني تحليلات تقديم مباشر خلصت رانيه امتحانات وطلعنه بره و رانيه طلعت موبايلها تريد تتصل علئ بابا وكفت كدامنه سياره كسرت علينه ابتعدت رانيه بسرعه هو نزل بكل جبروت وكف مقابيلنه كال السلام عليكم كناله وعليكم السلام بس اني حسيت برجفه بكل جسمي مااعرف من اشوفه كلبي يوجعني وجهه الجلفي ميطمن كال اصعدو اوصلكم كلتله رانيه لا بابا حيجي شكرا كلها لا هو خابرني كلي جيبهن صعدنه بس جنه مترددات ساق بسرررعه قوووويه انصدمنه منه طلبت رانيا يخفف السرعه بس هو زاد بسرعته خفنه بزياده وكف فجأة احنه نرعبنه حيييل طلع مسدس من خصره وجه نحووي صرخت برعب وحضنت رانيا ورانيه جمدت بمكانها هو كال الئ تطلع صوت طلقه وحده واخلص حياتها نزل بسرعه من السياره وفتح باب السياره وتقرب مني صرخت واني الزم ايد رانيه سحبني من شعري المجعد بقووه حسيت تطاير بين اديه سحبني وره وكف انضرب وجهي بصدره باوعتلها بحيره وعيوني تدمع لزمني من حنجي وضغط اصابعه حيييييل احس وجهي تزرف سحبني كعدني بصدر وصعد حط المسدس بجبيني احس روحي طارت ونهارت اديه ترجف وشفايفي ترجف ورانيه ضلت تصررخ...وهل مره صار المسدس بخاصرتي سحبني من شعري وقرب وجه من وجهي همس بروح شيطانيه وخشمه يطخ بخشمي وجه نضره علئ المنطقه ومره عليه ...راح نفوت من السيطره بعد نص ساعه مسدسي راح يكون بضهرج ادنئ حرف اخترق جسمج والله هزيت راسي بأي دار وجه علئ رانيه..كلها اذا تردين سلامة اختج سدي حلك لا اترسه تبن هي هزت راسها وهي تبجي ومرعووبه ولازمه بطنها لزمي من شعررري وضربني بجام السياره حيييل وانطلق رعب والم وخوووف وميصر مجهوول نهايه البارت...يتبع نور..سمو العراق...لا تنسو التصويت غالياتي كونوا انتم كونوا بخير...l love you❤ | ||||
|
| |
|
13-07-19, 06:38 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت الخامس #انتي_سيوف_الثأر_في_اجفاني بقلمي...سموو العراق مكاني هناك بين القصور لابل أصبح مكانى بين القبور قبرت قلبى بنفسى أم قبرته أنت ولحدته بسواد مشهود مشهود أه ..تدمى قلب الزمن من أنا غادر أم مغدور من أنا قاتل ام مقتول ام انا كبش فداء لسيوف الثأرك المنكور. 💔💔💔💔💔💔 باوعت عليه بطرف عيني بخووف وجه ابد ميبشر بالخير حواجبه معقووده بااتقان وشفايفه مشدوده بحده ولازم الاستيرن بيد وحده بس بقبضه قوويه والمسدس قريب مني دموعي لا ارادي تسقط بعدت نفسي عن اسلاحه تساءلت ليش سوه هيييج معقوله يريد يغتصبنه فزييت مرعووبه وهمست لااااا رجعت باوعت عليه مره ثانيه مركز بشارع حسيت بالوعه وتقيئ هذا اذا يلمسني انتحر لا يربي كن معي لا تتركنا وحيدات معقووله هييج يريد او يمكن يخطفنه ويساوم بابا مئه فكره ربطت بعقلي ولا فكره طمنت بيها نفسي درت وجهي علئ رانيا وصدري يرتفع وينزل وتنفسي ضاق شفتها لازمه بطنها بخوف وعاقده حواجبه هو صررخ بوجهي حيييل ...ديري وجهج كمزت درت وجههي بسرعه وشفايفي ترجف من الخووف.. قبل لا نوصل للسيطره كال بتهديد والله والله اذا سويتن ادنئ حركه ترئ والله اترسج رصاص ولا خايف من سيطره ولا من جيش اصلا اتمنئ يعدموني لذالك لحد تحاول تتحرك فتنه من السيطره حاولت احجي بس ضغط اسلاحه بخاصرتي وجان حاط جنطه بين ايده وخاصرتي وكفنه يم السيطره فات احد افراد الشرطه بهذا الجهاز اليشبه المسدس وجه ومشئ بخط مستقيم من سيارتنه وحاجه خالد...كله شايل سلاح كله مشايل اذا تريد فتش كله لعد شايل زاهي كله اي شايل هذا رفع بطل الزاهي الصغير وانطاه اله باليد الثانيه الشرطي..كله يالله تفضل وقفه...لحد تجي ودكول ماكو هيج شئ ودا تسيئين للشرطه حارتنه ضيقه ونعرف بعض كثير ودائما يااما زاهي يااما حشوة سن يااما عطر ودائما المفخخه تفوت من يم السيطره ومحد يعرفها وهذا الصار باانفجار الكراده...» مشت السياره والامل انفقد جانت السياره تمشي بطريق مجهوول ومزعج ترابي ومعكر حتئ متكدرين تتوسلين بي ورانيا خطيه تتوسل وتحلفه بمهتدئ وهو كل ما ينذكر اسم مهتدئ يضرب الاستيرن بقووه ويرجع يسووق بجنوووون وكف السياره بمنطقه ترابيه حواسيم بيت هنا وبيت فرق عشر مترات ومابي هواي بيوت فتح الباب سحبني من عضدي ونزلني وعاط برانيا تنزل جان يمشي بسرعه واني اتعثر بخطواتي دفعني حييييل گوه تماسكت ورانيا دخلها بدون ميدفعها رانيا خطيه ركضت عليه حضنتني جان البيت عباره عن هيكل بس طابوك وبي باب وشباك من حديد ومابي اثاث بس كرسي صغييير وكله جص وشبينتوو... وكف حط ايده وره ضهره وضل ينظر النه بنظرات جحيميه شيطانيه كال هييييي انزعي سترتج اشرت علئ نفسي بخووف كتله اني..؟ كال لا لبصفج باوعت بخووف علئ رانيا بلعت ريكي هو عاط بيه كال ثووول اي انتي نزعت الستره بسرعه وبكلبي...ليش بس لا ينزعني ملابسي لا ياربي لاااا شكد كلب وحقييير صهيوني انطيتها اله بيد ترجف وعيوني تترقبه اخذ الستره بقووه حسيت ايدي نخلعت فرشها علئ الكرسي وكعد عليه وحط رجل علئ رجل جان لابس قميص اسوود وبنطرون اسود وفاتح اول ازرار وحذاء سوده جلد شكله يشبه رجال المافيا جان لازم المسدس بيده مد يده الثانيه بجيب بنطرونه وطلع موبايل باوع عليه حط المسدس قريب من شفايفه كال اااااش خلينه نسمع المقطع الدرامي التهدديدي اوك لا تزعجووونه باوعتلي رانيا كالت شكوو رفعت اكتافي بخووف معناه مااعرف.. فتحت الفيديو جانت كلمات الفيديو تخترق اذنه وتخترق جدران البيت وهو مركز بوجهي ومبتسم ابتسامه شبيح عاده مره ثانيه... ...اي ونبي تعال هناك اذا انت زلمه اله نصكك ونعلسك ونخلي كل جزء منك بمكان ياطائفي وترئ هذا الفيديو يشهد وكف بااصاله ورشاقه وحده وهو يكوول يشهههههههد.؟؟ والله وشهد فتحت عيووووووني مصدووووووومه وعقلي حل المعادله العقيمه يعني هو محملني موووت مهتدئ رانيا فتحت حلگها بذهووول وهمست بكلمات متقطعه...ممم مهت مهتدئ هو باوع بحده كال هاااااي منووو تهدد بلا زحمه اني رجعت خطوووتين وانيا كلتله بعصبيه...جايبنه مناك لهنا علئ هيييج موضوع تافه دانيه جانت دتتشاقه كلها ببرود بس صارت صدك كلتله...هذا يووومه كلها وهذا يومجن وماكوو واحد احسن من واحد كلتله...انت مريض لك بابا هي جانت دتتشاقه وياه انت شتحجي تخبلت عاط بيها بعصبيه كلها...انجبي وجه نظره عليه وتقرب مني بخطوات واثقه واني رجعت خطووات كبييييره سحبني بسررررعه من شعري... صرخت واني الزم ايده الكبيره شد شعرري من وره ورفع وجهي الوجه كال بفحيح...منووو وراكم يا كلاب اعترفي بنت الكلب ابووج الواطي لو واحد من انذالكم قتل مهتدئ كتله برجفه سرت بكل جسمي وكلبي يدك بسرعه...والله والله محد مااعرف كال باستهزاء..كالوو للحرامي احلف كال اجاني الفرج ضربني بالحايط احس كتفي نخلع كال شنوو ذنبه ليش شاب مقبل علئ الزواج عايش الحياة ويدرس هيج تغدرونه كله لان مو نفس طائفتكم انت البديتوو والله لدمركم بسيوف الثأر واقضي عليكم كلكم كتله بعصبيه...انت جبان لو مو حبان مجايبنه تهدد وتضرب وتعرف احنه ضعاف ماعدنه بنيه جسمك انت لو زلمه جان رحت للزلم مو للنسوان ماحسيت اله بااديه اخترقت شعري وضربني بحده وجهي ارتطم بالحايط وبعدها محسيت علئ شئ اغمئ عليه رانيا بعصبيه...لك حقيير ليش تضربها ليييييش خالد رفع اصبعه بتهديد...اشششش انتي لا تدخلين احسابج بعدين بنت الكلب مدري منين حامل وجايه تلزكينه بي عافته وتوجهت لاختها رفعتها وهي تمسح الدم من جبينها وتبجي عليها كعد بااريحيه وبصوت غاضب...انتي الوحيده الي مراح اعاقبج تدرين ليييش؟ باوعتله بحده وبغضب...مااريد اعرف ليش خالد...مو بكيفج... سكتت وهي تمسح الدم وتراب من وجه دانيه خالد...بس لان مهتدئ يحبج؟ وانتن غدرتنه وعلستنه بس الله موجود والمبني علئ باطل فهو باطل وحق المضلوم ميضيع ولو بعد حييين ولان مضلوم الله فضحجن... رانيه طلعت عطر وشممته لدانيه وحاولت تصحيها فتحت عيونها بتعب ووجع رانيه بلهفه...حبيبتي دنوو هااا شلوونج دانيه تغلق عيونها وتفتحهم حطت الكنلكس علئ الجرح وكعدتها وطلعت بعد كنلكس وحاولت توقف النزيف... خالد بااستفزاز...الي راح اكوووله يتنفذ بالحرف الواحد مفهوووم واذا ماتنفذ عقلكم مايتصور الئ راح اسوووي باوعتله بقرف وزعل ومحاجيته كال وهو يباوع علئ اضافر ايده ...ادري مراح تعترفن وهم مااريد اعترافجن بس الي ارييييده يا بنات الكلب... هو من اجي اخطب توافقين يااااااااا ضلينه منتظرين اجابته همس بفحيح...داااانيه باوعت لرانيه بصدممممه مستحيييل اتزوج هذا الخبل لا من سابع المستحيلات لاااا حقييير وكلب وضخم وخوفي منه فاق الحدود مااكدر اتخايل نفسي يلمسني مو ستايلي ولا اقبلها علئ نفسي احس بقرف ولووعه لهذا الانسان المقرف كمل بهدوء...هااا مو حبا بيج لا بصراحه مابيج شئ يجذب شعرج عكس اتجاه الجاذبيه ومعانيج معاني وصيفه... بس اتزوجتج حتئ اذلج واسحب منج حقائق والله اوصلج للانتحار اخليج تنتحرين وانتي الممنونه لان بصراحه حرام بيج طلقه كمل بثقه...هااا صح نسيت اكلج عندي دليل ثاني يخص ابووج اذا قدمته هو وهذا تسجيل الفيديو ان شاء اللة العائله كلها اربعه ارهاب انصدمت شنووو الدليل ورانيه تخبلت همست معقووله بابا يجرحني ويقتل مهتدئ والله مااصدك صح هو رافض زواجي منه بس بعدها قبل معقوله جان يستغفلني لا مدا اصدك جان رفض من البدايه ارتباطي بيه لييش هييج كتلها بتعب..معقووله تشكين ب بابا كالت والله دا اشك بروووحي كال هسه الاريده منج يا .... من اجي اخطب توافقين وتصرين عليه يعني توافقين توافقين وهذا اليوم الصار اذا طلع الشخص رابع غييرنه اقروا على روحكم السلام هااا واني من اهدد انفذ واكوو طرف ثاني وياي رابطه بالقضيه شكوو شئ يصير عليه راح هو يتدخل والجني الازرگ ميعرف مكانه لذالك لحد تلعب بذيلها اوك سكتنه محاجينها وكف وتقرب منه كعد ركبه ونص اني تلقائيا رجعت وره هو سحبني من شعري بس بهدوء موجعني مسح الدم بااصبعه من جبيني وعيونه بعيوني اني ضليت مركزه بعيونه حتئ اثبت اله اني مخايفه منه كال بغرور...هاااي العيووون يجي يووم واكسرهم وابجيهن دددددددم كتله من بين اسناني...اكرررررهك الله ينتقم منك ويجي اليوم الي اندمك بي صدگني ضحك بااستهزاء..عووود من يجي گليلي اوك وكف وعدل قميصه كال ...حاليا كووولشي اكدر اسووي مثلا اطيير شرفجن اشر على رانيه...كلها ولو انتي طاير من زمان باوع عليه...كال بس احس بقرف وهم مااحب الحرام مثلجن بصراحه تستاهلن القتل لان نفسجن ملوث تففففف عليجن شمر الستره عليه كال يالله خلونه نوصلكم الزيونه واذا واحد سأل شبيها المدام كولو وكعت من الدرج تمام ماردينه عليه صررخ بحدده ...تماااااام هزينه راسنه بخووف..اي اي لبست سترتي ورانيه شالت جنطتها الحقير اخذ موبايلاتنا من البدايه بعدين رجعهن طلعنه من البيت هو واكف فتت من يمه وكلبي يرجف ورجليه تطكطك شلون تخلص وياه هذا اكول لبابا عليه بس هو هددنا منا رانيه حاول وهو زعلان ومنا اني جفصت والله اذا عرف يشرب من دمي والله قررت اكلها الوحدي بس شلووون اتزوجه اني اخاف منه ومو بس هيييج اذا تقرب مني والله انتحر سرت قشعريره بكل جسمي مااريده وين انهزم منه اخاف يئذي رانيه هي وطفلها ومايعترف بيها واخاف يقدم التسجيل والدليل لثاني للحكومه ونروح بيها مسحت دموعي بس حلفت اكره بروحها وخلي يطلكني من اول ليله... ركبنه جان يسوووق بحده ومفتح موضوع ابد وصلنه لبيت خاله بزيونه بابا خابر رانيه كلتله هسه طلعنه حنروح لخاله لان اخذت محاظره تفهيميه ويه المسائي هو ضل يحجي عليها لان يتصل علينه ومفتحنه خط وصلنه ونزلنه اجيت اتفل بوجه الكلب شخط السياره اجه يسحكنه مريض نفسي والله وخبل الله يعين ......................... رجع للبيت دخل شاف اهله كلهم ملتمين بالاستقبال كعد يمهم امه...يمممه خالد وينك من صبح ماتدري صايره بيه خووفه ليش ماتطمني عليك خالد ..لا تخافين يمه اعرف اتصرف واعتذر لان ماطمنتج شلونج يمممه امه...حبيبي من اشوفكم بخير اصير بخير ولو كلبي مات ويه اخووك خالد بتنهيده...الحمدلله علئ كل حااال امه...وانت هم شالع كلبي صارلك ست سنين مانسيت خالد سحب نفس وزفره...يمممه كلبي قاسي ماينسئ امه...يممه انسئ فدووه اروحلك ابتسم بحزن وبهدوء..اي صدك قررت اخطب يمه صح مهتدئ ماصارله هووواي بس اني لا سوي خطبه ولا عرس مجرد اجيبه لغرفتي امه...بس يممه ميصير البنيه لازم تجيب يالله الشرع والقران هيج يكوول خالد...لا يممه مو خطيبة مهتدئ امه بااستغراب...يااااا چاااا منيه خالد... اختها امه...يااا يمممه كووول غيرها احنه بعد مااناسبهم لو ما النه ولد عدهم مافكرنه بيهم خالد..يممه تردين اتزوج لو اضل كاعد علئ كلبج طول لعمر ترئ والله مااتزوج غيرها امه...يمه ليش تحصرني بزاويه حاده ولك يمه مو من ثوبنه وتعبك وانت منا اعصابك تلفانه خالد..يمه سدي الموضوع اني قررت وحاجيت ابوها سكتت ماراضيه بقراره بس تعرف ابنها من يعاند يعاند ومحد يوكف بوجه وهم يراعون مشاعره امه..جا رانيه منو يزوجها خالد...مرتضئ او عمار امه بحده...لا عمااار لا خالد بااستغراب...ليش امه...لا عمار مايزوج زوجه اخوووك مرتضئ،احسن خالد...بكيفج كليلهم ورديلي خبر امه..خووش يممه اصبلك غده وكف بااصاله...لا رايح انام تعبان البارحه اليل كله مانايم امه..نووم العوافي بعد امك تركها ورااح وعقله وفكره مشتغل... .............. بعد مرور اسبوع ام رانيه راحت لاختها ام مصعب زعلانه من بناتها ومن قرار دانيه ضربتها اذتها بس هي مصره واخر شئ كلتلها اشرد وياه عاد امها مقصرت كتلتها كتله حشك ولبك ونعاد عليهم موقف مهتدئ ورانيه من خطبها وهم مقبلوو لكن رانيه اصرت بس الي يذهل العقل هنا ابو رانيه مااعترض علئ خالد بالعكس وافق مما اثار جنون امهن واجت زعلانه لاختها دخلت بعد ماسلمت علئ اختها كعدت تنفخ ام مصعب...شكوو شصاير ام رانيه..شصاير دانيه خطبها اخو خطيب رانيه وهي وابوها موافقين ام مصعب..ااااه هاي شنووو شجاكم علئ هذي العائله ام رانيه...حضي غير... لا وابوها موافق يكول خووش ولد ويحميها ام مصعب...يااا بس اني اريدها المصعب امها...يا مصعب هي غير شبعت بجي علئ هذا الخطبها ام مصعب..شنو تحبه امها..اي دكوول تحبه موتني هل البنات راح يجلطني والله لو جايبتلي ولد احسن الي ام مصعب..بس مصعب يحبها ام رانيه...هنيالي علئ مصعب لج انووب كبير ولا يمها ولا بگرباها وج والله موتتني دخل مصعب سلم على خالتها شافها زعلانه وبتساؤل..ليش البنات مو وياج خاله ام رانيه..ماقبلن يجن ام مصعب...مصعب دانيه جايها خطابه وهي قابله وكف مثل المصعوق كهرباء...شنوووو منووو هذا لخطبها ام رانيه بزعل...اخوو مهتدئ خالد مصعب بعصبيه. وهو يرفس الطاوله برجله...شنووو والله والله اذا قبلت بي وتزوجها والله اله اقتله وخليها تنوح عليه مثل ما رانيه ناحت علئ مهتدئ.... يتبع.... | ||||
|
| |
|
13-07-19, 06:50 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت السادس #انتي_سيوف_الثأر_في_اجفاني بقلمي..سمو العراق شعور قاسي عندما تقف علئ ناصيه الشتات تفترسك الحيره من كل اتجاهاتك يؤلمك وافصاحك يرعبك! 💔💔💔💔💔 كعدت علئ القنفه مالت الاستقبال واني بين حييره من امري الدمعه بطرف عيني امي زعلت مني لان ناويه اتزوج هذا الدكتاتوري سكوتي عن الحقيقه امام اهلي يؤلمني وافصاحني عنها يرعبني.. اخاف ندخل بمشاكل احنه بغنئ عنها واخاف تقوم القيامه من يعرف بابا احنه محط شكوك خالد صرت مثل الي بالع الموس لا من يطلعه يرتاح ولا من يبلعه يرتااح شعوري تجاه هذا الشخص ممزق مااعرف ليش احس اني مااكدر اعيش ويه وحش بشري مثله عيونه الحادات يرعبني وغموضه يخوفني غير ان اني احس نفسي طفله بصفه وهذا الشئ قالقني اما هو ما معتبرني طفله لا معتبرني مجرمه مجرد ما اتخييل شكله احس جسمي كله يخدر ويسري الموت بداخلي وخنگه تعصر روحي بجيت من مشاعري الي مراودتني وعن كرهي لهذا الشخص وعن حيرتي وياه دخلت رانيه علئ صوت بكائي كعدت يمي واني مسحت دموعي محبيت ابين الها كالت وهي تبلع ريقها الجاف...ابجي دانيه ابجي بس صدكيني البجي ميفيد لازم تكونين اقوئ من هيج باوعتلها بحيره كتلها...رانيه ماارييييييده خلي ننهزم خارج العراق خلي بابا يطلع بينه مستحيل اكدر اعيش ويه هذا الشخص وبعدين والله والله اني جبانه جبببانه مااكدر اله كالت بهدوء..ياريت بهل سهووله دانيه بابا اذا عرف حيجن جنونه انتي متشوفي،لحد الان متوتر مني ونزيد عليه موضوعج والله يمووت كتلها...يعني امووت اني احسن؟ كالت بغصه..يا دانيه الرجال ينكسب بالكلمه الحلووه وانتي حتئ لو هو شاف التسجيل ترئ باجر عكبه ينسئ من يشوف طهارتج وبرائتج وانتي اكسبي حاولي تروضينه وتغرينه البسي اله وادلعي عليه وهو يذووب بغرامج دانيه...شلبس؟ رانيه...هاي ملابس النوم الحلوه والفاضحه دانيه بااعتراض...ياااا ييييع والله ولا البس ..نفس الي شتريتيهن بنيشانج؟ رانيه...ههه اي دانيه غمضت عيونها برفض...مستحيييل اصلا لا يمكن اخلي يتقرب مني وحتئ بوسه مااقبل يبوسني لان بصراحه مااحبه رانيه...لعد اشبعي طن كتل ولج يادانيه اساليني ذوله يحبون الئ تدلعهم الله يرحمه مهتدئ جان يبوس تراب رجليه والله ولو ضال عايش احنه اسعد زوجين بس قدر الله وما شاء فعل وهو اكيد مثل اخوو اني انطيج الخطه وشوفي اذا مصار محبس باايدج دانيه...خوويلد يصير محبس بيدي؟ لج ماشفتي شلون يقلد عليه يكول شعرج معاكسج للجاذبيه وشكلج مال وصيفه رانيه...اي مقهور دانيه وكفت بحيره..والله والله هذا متصير اله جاره لج لحد الان وجهي مورم من ضربته اليه انتي دا تحجين هيج حتئ بس تصبريني بس متعرفين شحيصير والله راح امووت واني عايشه لا تحاولين تصبريني رانيه اذا متعايشت ويه انهزم منه... رانيه بتنهيده...انت تحبين مصعب باوعت الها بااستغراب..انتي شدكولين رانيه ...من انتو وصغار وخاله كالت دانيه لمصعب ومصعب الدانيه دانيه بحيره...ياريت اتزوج مصعب علئ الاقل يحبني وكاتب بيه قصيده رانيه ضحكت بحزن..هههه وشكاتب امرؤ القيس دانيه..ماادري بس يكول احبج وكاتب قصيده بيج شفتي شلون اسلوبه حلوو مو مثل الصهيوني المتعجرف... رانيه...الله يهدئ وكفت وحطت ايدها علئ بطنها خوفها اكثر من خوفي تخاف مايعترفون بطفلها ومينسبوو الهم وهم تخاف ياخذوو منها وحرموها من ريحته ضحت بيه ومطلبت احجي وتقرر يوم للخطبه... .................... دخلت من خلال الباب القاطع بين بيتهم وبيت اهل خالد امرأة بعيون خضرره وسمينه وقصيره وشامه لحميه قريبه من شفتها وبيييضه رغم جمال عيونها لكن شكلها يوحي بالقباحه دخلت بعصبيه شافت ام خالد كاعده ولابسه ثوبها الاسود وشيلتها السوده وهي ترثي ابنها بكلمات حزينه ...شلونك يمهتدئ يمه شلووونك بعدك حلوو لو خرب لوونك اااه يمه كلبي طك عليييك مسحت دموعها بطرف شيلتها من شافت عمت ولدها دخلت بكل عصبيتها... ام خالد...هلا فوزيه خييه تفضلي فوزيه كعدت بغضب ودارت وجهه ام خالد تنهدت بحزن..شبيج فوزيه صاير شئ فوزيه...اي صاير ام خالد وهي تنشف دموعها...شصاير ياستار فوزيه...چااا من كل عقله ابنج خالد يخطب اخت خطيبة مهتدئ شنهي گله بنات هذن بناتي خلي يجي ويتخير لو صخله ذاك الصووب عاجبته ام خالد...شسووي انت تعرفين خالد قافل علئ الزواج وكاره حتئ روحه وهو شاف البنيه وعجبته فوزيه...صدك زلم ماتستحي جاا منو يكول ما همه نسابته علسو مهتدئ ولج خيه استري علئ ابنج وخطبي عذراء شبيها شو تجنن وتحبه ام خالد...يممه اسم الله شدكولين انتي خالد هم يموت فوزيه...اي چاا شني ابنج مو نكتل بمنطقتهم واكيد خالد اذا اتزوج اختها هم يروح يوديها ويجيبها واكييد يكتلونه ام خالد برعب...يمممه والله مااحمل قهر بعد والله فوزيه...وبعدين يا خيه مهتدئ شكد صارله وهو يريد يعرس حتئ عيب كدام العالم ام خالد..لا هو كال بس،يدخلها لغرفته لا عرس ولا طكطكه واني اريده يزوج اريده ينسئ فوزيه..خلي يزوج عذراء والله تحبه وبعدين خاله انطاها اله جبره علئ اخوو ام خالد...يجي واگله وان شاء اللة يصير خيير فوزيه..اي حاجي وضغطي عليه وخلي ياخذ عذوره دخل عمار ومرتضئ سلمو علئ امهم وكعدوو فوزيه بنص عين..منوو منكم راح يزوج خطيبة مهتدئ سكتوو ثنينهم.. فوزيه...يكولون حلوووه وبيضه ومثقفه وجسم يخبل مرتضئ بعصبيه...عمممه ما تستحين مو عيب توصفينها كدامنه هااي امانه اخووي المرحووم وحامل بطفله مايهون علينه نتخايلها بحضنه فوزيه..يااا ياا مريضي علئ كيفك هسه انه شحجيت امه بحنيه...يمممه مرتضئ علئ كيفك مرتضئ..يممه سدن الموضوع صدك جذب مهتدئ ترابه بعده اخضر وانتن تدور رجل لخطيبته ما حطيتن عيون مهتدئ بين عيونجن امه نزلت راسها باسف فوزيه...اول وتالي تزوج جااا شني تضل كاعده طول العمر بعدها شابه والعيون عليها وكف مزعوج من كلامها وتركها وراح فوزيه ضربت عمار بكتفه...عميير اخذها انت ولك حلووه ابتسم وهو يتخيلها بحالميه لكن فز علئ صوت ام خالد من حجت بحده لاا لا اذا يتزوجها يتزوجها مرتضئ عمار لا حز بخاطره كلامها لكن فضل السكووت همست فوزيه بعدم رضا...چااا وحد ام خالد بخفوت..اي وحد... دخل خالد بجمود..السلام عليكم فوزيه...هلا هلا بالگاطع شصار عليك بصفكم احنه لو مابينه باب جان شسويت خالد...اعذريني عمه والله مشغوول فوزيه...بيمن؟ خالد..بهل دنيا وكفت وهي تحط ايدها علئ كتفه...صدك عمه تريد تتزوج اخت خطيبه مهتدئ خالد بتأفئف...اي عمته...جااا وعذراء شبيها صخلة ذاك الصوب بشنو احسن من عذيره خالد بااستغراب...عذراء؟؟ عذراء مثل اختي ومامفكر بيها وهاي البنيه عجبتني والله يستر علئ عذراء امه...يمه خالد عوفنه من اخت رانيه مو من ثوبنه اخذ عذراء خالد بحده...يمممه اني قررت وهذا هو وتعرفيني مرتين مااعيد كلامي تركهن وراح وفوزيه جن جنونها طبعن فوزيه عمته ومزوجه خاله...وبيتهم بصف بيت اهل خالد بينهم بس باب مفتوح ويدخلون ويطلعون منه...وفوزيه تريد بنتها الخالد من زمااان ........................ خالد خابر بابا واتفقو نعقد بيت خاله بزيونه مقبل يجي المنطقتنه الجبان ماما لحد هسه زعلانه ورانيه خطيه ويايه كرشها واصل لخشمها لبست فستان ابيض قصير وردان وبي زخرفه بخيوط ذهبيه شعري بس مشطته وهو اصلا واكف علئ گولته عكس اتجاه الجاذبيه حطيت مكياج خفيف بس الحمره طووخ احساس بداخلي ميت وبس اصفن روحي هايمه وگوه صابره اريد ابجي اريد اصرخ اكلهم ماااريد شفت خالاتي دخلن ضلن يحجن مقابلات بخالد وكالن انتن بنات افتكار عنوديات وامجن بتلت بيجن وخاله ام مصعب كالت شبي مصعب والله راسه والف سيف الف سيف اله يخرب الخطبه سكتت وتنهدت بضيق محد طمني وهذن زادن الطين باله بس الحلوو بالموضوع بابا الوحيد الي مساندني وراضي بخالد مااعرف ليش شوويه واجه ابن خاله طفل كال اجه العريس لويت شفايفي بحزن...امداني امده العريس كعدوو ضلووا يسولفون ويحجون واني افتر بتوتر بعد كم لحظه انربط بوحش بشري يدفني بالحياة رافع سيوف ثأره بوجهي كأبه صابتني مو طبيعيه واختناق بوسط روحي باوعت لماما كاعده علئ القنفه وحاطه ايدها على شفايفها ومركزه بلا شئ وتهز رجلها بصوره سريعه وبأي لحظه تنفجر دخلت ام خالد وثنين نسوان ووياهن بنيه شابه كعدت ينهمن وسلمت عليهن ان خالد اهتمامها برانيه جان ملحوظ تسالها عن الطفل وعن صحتها وملهوفه عليها ورانيه هم فرحانه بيها لان حابها حفيدها من مهتدئ اجه بابا صاح عليه كال تعاي بنيتي الشيخ موجود كلتله امي علئ يامذهب تعقد كلها علئ مذهبهم... امي سكتت كال بابا حطيلج حجاب علئ راسج عيب من السيد خالاتي كلهم مو محجبات بس الحمدلله رانيه محجبها اخذت شالها الاسود لبسته حسيت نفسي ويه شعري المجعد مثل الي مغطين شجره مال نبگ دخلت باسئ علئ حالي رفعت عيوني اله شفته كاعد لابس قميص اسود بدون ربطة عنق وستره سوده وبنطرون اسوود شكله يذكرني بالعصابه جان مركز علئ كلاص العصير ويمشي اصبعه بهدوء علئ حافته كعدت بدون مااسلم رفعه عيونه الغاضبه عليه وشفايفه مشدوده بحده كسرت نضرتي بسرعه خووف منه ضل السيد يلقي خطاب عقد القران سأله عن قبوله بيها.. هو جاوب بجمود وهدوء...نعم اقبل سألني...دانيه رؤؤف هل تقبلين بعقد النكاح من السيد خالد ...بمقدم قدره 10 ملايين ومؤخر قدره 20 مليون ترددت حييل بابا حاط مهر حلووو خاف يصير. طلاق اني المستفاده بس ماحسب حساب لهذا الغامض الئ راح يخليني اتنازل حتئ عن روحي ولا اعيش بكهفه المضلم عاد عليه السؤال مره ثانيه عضيت شفتي واني احارب دموعي من السقووط وفجأة.... نهايه البارت....يتبع سمو العراق...كونوا انتم كونوا بخير...❤ | ||||
|
| |
|
13-07-19, 06:51 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت السابع #انتي_سيوف_الثأر_في_اجفاني بقلمي..سمو العراق .................. وفجأة دخل مصعب بااثناء مدخل مصعب انطيت اجابتي بالموافقه شفت ابتسامته الخبيثه وهو يباوع المصعب مصعب جن جنوونه وبصياح..زوجتوه يا كلاب ياحقراء والله دانيه اليه ومتصير الغيري هجم بعصبيه لكن ابو رانيه وزوج خالتها لزموو وهو يسب ويلعب اما خالد جان كاعد بااريحيه علئ التخم وبيده قوطيه العصير وابتسم بالعانه وغياضه وبثقه...عوفو عوفوه بوووخه ميسووي شئ مصعب انهار من ابتسامه خالد المستفزه واستهزاءه هجم مره ثانيه بشراسه وهو يدفع ابو رانيه...عوفني والله لادفنه ابن الكلب ابو رانيه بعصبيه...انجب وطلع بررره البنيه صارت لغيرك ويالله اطلع بره مصعب...ماااطلللللع يطلكها وكفت من الخووف ومصعب المجنون همست بخفوت...مصعب ماحسيت غير بشخص جر ايدي حسيتها انخلعت باوعتله بحقد وكره وعيوني تلمع كال امشي اكعدي بصف امج ولا تتحركين والحركات الادراميه بطليها مصعب..« وهو يقلد صوتي» درت وجهي وشفت بابا وزوج خاله يحاولون يطلعون مصعب همزين مصار الموقف كدام اهل خالد لان عقدنه بغير غرفه حسيت انكطع عندي التنفس وعيوني انفتحت رجليه مسيطرت عليه ضلت ترجف اصابعه اخترقت وحفرت عنقي من وره بدون محد يحس عليه حركته كووولش ائذتني حطيت ايدي علئ ايده وباوعت لوجهه بصدمه بوجود ابويه اذاني همست بوجع قاتل ودموعي نزلت لا ارادي من الوجع...عووف... عوفني ماتركني وزاد بااختراق اصابعه داخل عنقي... همس بهدووء مرعب...هاااي اخر مره احجي وياج وتسفهيني مفهوووم غمضت عيوني من الوجع كتله راح اصرخ والله وافضحك كال بثقه...عاادي ترئ حتئ ابووج مطيح حضه ومسويه نعال و لابسه برجلي بلعت ريكي وهمه طلعوو والشيخ طلع اول ما اعلنت موافقتي وكال اعلنكم زوج وزوجه اني مسمعته او يمكن مسمعته دفعته حيييل بس هو جبل مااندفع لزمت ايده حاولت ابعدها عن رقبتي همس ببتسامه تغث...لا تحاولين بمزاجي ابعدها نزلت عيوني ودموعي مالمست خدودي وره كم ثانيه تركني وهو يهمس...توجعتي كتله ودموعي متخذه مسار علئ خدي...لا طلعت بسرعه وروحي مجروحه ومذبوحه هذآ اول يوم هيج شلون تخلص ويه الثور الخبل هذا شخص مايتعاشر مايتعاشر والله اهج منه وانهزم انسان مريض وحاقد مهزوز من الداخل متغلف يقسووه وحقاره اكرررررهه اكرررررهه اكررررررهه بابا ليش موافق عليه شنوو الغااايه مستحيل بابا يوافق ليش احسه خايف منه معقووله مشوفه التسجيل بس لو مشوفه التسجييل جان بابا هجم علينه...لعد ليش هييج بابا احسه مرخصني تنهدت انحنيت برگبتي تشنجت بسرعه من لمساته القاسيه كلب وستين كلب حاولت اقوئ نفسي بس للاسف الذبول والحزن بين علئ عيوني وجهي حاولت اضبط انفاسي رتبت شكلي واخذت نفس دخلت عليهن جانن ساكتات ومحترمات وجود ام خالد الئ جانت متفاجئه من تصرف مصعب وكفن سلمن عليه وباركن الي وام خالد كذالك واختي كعدت واحساسي كئيب داخل مقبره مضلمه اختي حست بيه لزمت ايدي وابتسمت بوجهي بحزن حاولت ابين الها اني بخيير وابتسم الها لكن هيهات كل مااذكر شكل خالد القاسي وحقارته تنهار كل حصوني...ارريده اقوي نفسي وانسئ الصار حاولت انساه...ارريد انساك... انساك أحيانا حينما تنظر الي بعينين هشمتهما القسوه حينما تصير نظراتك كسهام تغتال بها انسانيتي حينما تقتحم ببرودك كياني المستشيط غضبا فيتدفق الدم في رأسي لساعات اتعجب من ذاك الصخر المتجمل في صوره إنسان وكأن الادرينالين قد نفذ من اوردته لقد سلل سيوف ثأثره امام عيني وقتل ماتبقئ من الزهر... 💔💔 ........................ دخل ابو رانيه علئ خالد شافه كاعد براحه ابو رانيا بتنهيده...ان شاء اللة بالرفاه والبنين خالد بجمود...تسلم ابو رانيا..انت رجال واعي وكبير ودانيه صغيره لذالك رفقا بيها وحاول حتئ لو غلطت تسندها خالد...اكيد متوصي حريص ابو رانيا..اني لو ما الضروف واجبارك الي بصراحه دانيه ماازوجها لان مهما كبرت بنظري طفله خالد سكت ابو رانيه...شسويت علئ ذاك الموضوع خالد بثقه...لا تخاف خلصته واي واحد يتعرضلك اني اوكفلك درگه وسيف واردف بحده وهو يرفع اصبعه بنبره تهديد..بس اذا طلعت انت وره السالفه هذا الشئ صدكني عقابكم عسير ابو رانيه بجزع...لا تكعد تهدد اني بمثابه عمك والعم والد وان شاء اللة اصير جد اولادك اسلوبك المستفز لا تستعمله وياي حرك رگبته بصوره اليه وطگها...يصير خييير بعدنه علئ البر وان شاء اللة متشوف اله كل الخير ابو رانيه بقلق...ان شاء اللة خالد بكلبه وبفحيح وبروح شيطانيه..بس اصبر انت بس اصبر اله اخليك تحلم تشوفها والله لطلع القضئ والمضئ بيكم والله اله اطلع قهر ست سنين مضت ابو رانيه...ورانيه شتسون عليها خالد...انشوف الها حل بس افضل حل عندي ان ناخذ الطفل وهي تعيش حياتها او خلي يتزوجها مصعب ابو رانيه بعصبيه...حجيك مو منطقي احنه من البدايه اتفقنه واحد منكم يتزوجها ويعيشها هي والطفل شنو تاخذ طفلها منها خالد بهدوء...والله ياا ابو رانيه الولد ميقبلون يكولون عيون مهتدئ توكف بينه وليش،نعذبها ونعذب ارواحنه وياها ابو رانيه صعد الدم الراسه...ميخالف لا يتزوجوها بس صدكني اول متجيب ازوجها حتى لو لشايب وابنكم اني مو مسؤؤل عنه خالد وصل للي يريده ابتسم ابتسامه جانبيه...ابنه ناخذه وممتعاجزين منه والله يوفق الجميع وكف ابو رانيه وعفاريت الجن والإنس تتراقص امام عيونه راح اصيح الوالدتك واهلك منتظرين بره خالد...اني طالع للاهل وخلي تطلع وراي..وهااا قربلي العرررس لان عندي شغل مهم الشهر الجاي ومااكون فارغ ابو رانيه سكت خالد..اني احدده واذرلك خبر وانت مشيلي سالفه فحص الدم ويه واحد من المحامين وخلينه نعقد محكمه بعد كم يوم ابو رانيه بقهر...ان شاء اللة طلع من البيت بدون ميسلم علئ ابو رانيه وابو رانيه انقهر منه بس فضل السكوت وراح خبر ام خالد باانتظار عائلتها الها بره سلمت علئ البنات وباست رانيا وصتها تدرين بالها على الطفل وانطتها فلوس وراحت 💔💔💔💔 جان كاعده علئ التلفزيون وهي متمدده علئ الارض ولازمه اليرمونت ودايره القناة علئ ميوزك الحنين وتستمع الانغام اغنيه حاتم العراقي ...واحد يحب واحد عذراء وهي تشهگ بالبجي...واحد يحب واحد كل لتحب يفترك بس احنه حبنه صدك واحد يحب واحد ولج يمممه احببببه كسر كلبي وخطب بعد منو ياخذني.. فوزيه بقهر...الله ينتقم منه ماادري شبيهم ذووله يحبون الصخوول بنيه فاطسه وهلكدوتها عوود مثلج طول وضخامه وقلافه مسحت خشمها بثوبها وكملت الاغنيه...مهما الزمان ابتعد يبقئ انت حبك وعد والله علي شاهد...اهئ اهئ اي والله شاااهد يمممه احببه فوزيه بحقد...يمممه عذيره كافي والله اخلي يفسخ الخطبه وياخذ اطكه بسحر فزت من مكانها ...اي اي يممه طكي خلي مايشوف غيري... فوزيه...دكومي انطيني عباتي وجواريبي وربطتي عذراء بعجز...اهووو بعد لا تطكينه بسحر شنو كومي انتي دورين تشمرين بكل مكان ومن تردين تطلعين تعاي يعذراء دوريهن... فوزيه...امدااااج يالعوووبه وج من خايستج محد يكلبج وكاعده علئ كلبي عذراء علت صوت التلفزيون وعادت كلمات الاغنيه... وبصوتها الخشن...ياما قصص خلصت ذكرئ ومدامع صفت قصتنه ابد ماانتهت واحد يحب واحد امها...امداج هسه يسمعها حاتم ويعتزل كملت الاغنيه وفوزيه بصمت بالعشره عذراء بدون احساس احساسها يشتغل بس ويه خالد وخالد مايطيقها وخطب وكطع عندهن الامل... ....................... وقت العشاء الكل كان مجتمع ياكلون مسوين ثواب لمهتدئ قره ابوهم سورة الفاتحه وهداها المهتدئ الله يرحمه وبلشوو ياكلون كملوو اكل تحت هدوء وصمت مريب تحمدو علئ النعمه وقرو الفاتحه اهدوها لوجه الله تعالئ واهدوها الامواتهم يتصدره مهتدئ شالت اختهم السفره هي زوجة اخوها ونضفت المكان شويه ووصل الجاي خالد جان يلعب بموبايله بتركيز ويكتب بصوره سريعه عمار بضحكه...بعدك ماخطبت ضليت تدكدك هههه ابتسم بوجه بهدوء ورجع يكتب ام خالد بحنان وهي تحط ايدها علئ كتف مرتضئ.. يممه مرتضئ بس انطيني جواب مرتضئ انتبه الها بااستغراب...جواب شنوو؟ ام خالد بتردد...اليووم شفت رانيه شلون بنيه حبابه وصغيره ومثقفه حرامات تفوتها من ايدك نزل ايد امه بحده وعصبيه...يمممه الخاطر مهتدئ لا تفتحيلي موضوعها لا والله انهزم وماتلكيلي مكان امه...يمممه شبيييك عمار...شبيك عود ليش متتزوجها مرتضئ...بالله انت اسكت رحمه ل الله نفسيتي متتقبل ازوج زوجة اخووي امه...يممه ليش والله خوش بنيه ضحي لخاطر ابن اخووك يعني ترضئ يربئ بين الغرب مرتضئ...يممه رجاءا اني ليش ابني تعاستي على حساب سعادت غيري يمه فهميني اذا تزوجتها راح اعيش تعيس طول عمري من حقي اختار زوجه اكوون اني اول شخص بحياتها وهماتين من حقي افرح بيوم عرسي شلون افرح واني احس مرتكب جريمه امه..ليش يمه ترتكب جريمه مرتضئ...يممه الزواج مو لعب الزواج احساس وجسدين تجمعهم روح وحده وكذلك تقارب وعلاقه زوجيه اني هذا اذا سويته احس بخيانه الاخوويه باجر يممه نمووت ونتلاگه اني ومهتدئ شلون اباوع بوجهه واني احس خنته واخذت حقه ولا احترمت حرمته خالد...يمممه كلامه صحيح عوفي هسه خلي تمر كم سنه لكل حادث حديث سكتت وهو وكف مزعوج من كلام امه هذا الموضوع يوتره ويخنق انفاسه ويدمر اعصابه محد حاس بااحساسه لان معايشين الحاله بس هو مجرد التفكير ومعايشة الحاله يشوف سلبياتها اكثر من ايجابياتها لذالك رفضه رفض تاام ........................... جان نايم علئ فراشه وزوجته نايمه بصفه باوع عليها وتنهد ابعد الديباج عن جسمه وكف فتح الباب وطلع خارج الغرفه اتوجه الغرفة بناته فتح الباب بهدوء شافهن نايمات بسلام كل وحده علئ سريرها ذات النفر الواحد ابتسم بحزن عليهن تقرب من دانيه باوعلها ناعمه وصغيره مثل ماعهدها ما بينها مقارنه هي وخالد رفع ايدها الناعمه باوع الاصبعها النحيف الي مزينته الحلقه الذهبيه تحسف عليها مجان ناويلها هيج مستقبل لكن الصخره جبره وحيره رجع ايدها على السرير حط ايده علئ شعرها المكفش مسح عليه بحنيه انتبه علئ رقبتها بيها طبع من وره ازرك وتورم بنص الاثار حط اصبعه وضغط حييل صرخت وهي نايمه وتمتمت بكلمات مافهمها لكن سرعان مارجعت النومها... استغرب منو مئذيها وضاربها معقووله امها تعصب حيل وقرر يحاسبها غطاها وباس شعرها وراح الرانيه باوع عليها بحقد بطنها منفوخه ونايمه علئ ضهرها تحمل جنين من خطيبها ونكست راسه لكن متهون هي بنته والدم ميصير مي غطاها بتردد وطلع وايقن بناته قليلات حظ اتذكر قبل لا يطلب ايدها خالد جان كاعد بمكتبه وهو يوقع صادرات وواردات ومنهمك كوولش بشغله رفع فنجان القهوه وارتشف رشفه قليله اندك الباب ابو رانيه اتفضل دخل الموضف وبيده ضرف... الموضف... استاذ هذا الضرف هسه وصل جابه واحد وكال ضروري اسلمه الك ابو رانيه...معرفته منوو الموضف...لا والله معرفته ابو رانيا...اوك اتفضل طلع الموضف وابو رانيه فتح الضرف بااستغراب وكعت رصاصه من الضرف تدل علئ تهديد مع سبق الاصرار والترصد ملطخه بالدم فتح الضرف مكتوبه كلمتين فقط بالانكليزي ..Swif..A-thar سيوف الثأر... نهايه البارت....يتبع كونوا هنا كونوا بالقرب..احبكم❤ | ||||
|
| |
|
13-07-19, 06:56 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت الثامن رواية...انتي سيوف الثأر في اجفاني بقلمي...سمو العراق 🌸مساء محمل برائحه الياسمين🌸 ...... طلع الموضف وابو رانيه فتح الضرف بااستغراب وكعت رصاصه من الضرف تدل علئ تهديد مع سبق الاصرار والترصد ملطخه بالدم فتح الضرف مكتوبه كلمتين فقط بالانكليزي ..Swif..A-thar سيوف الثأر... فتح عيونه بصدمه هذا تهديد علني رجع رفع الضروف وهو يعيد قرائه المكتووب بالضرف ...واسم العشيره بنهايه الضرف معناه هو متهم بجريمه قتل ومهدد مع سبق الاصرار والترصد نزل جسمه واخذ الرصاصه الملطخه بالدم باادين ترجف.. اخذ موبايله ودور من بين الاسماء صار اسم خالد مقابيله اتصل بي انتظر عدة ثواني واجاه صوته القاسي خالد بهدوء...الووو ابو رانيه...الووو خالد انت وينك خالد باستغراب مصطنع...هلا ابو رانيه ليش ابو رانيه بخوف ولهفه...خالد اريدك تجيني لدائرتي بسرعه خالد ...خير ابو رانيه صاير شئ؟ ابو رانيه برهبه...صايره اشياء مو شئ تعاي بسرعه خلي افهمك خالد بخبث...اوك اوك مسافه الطريق واني يمك بس انطيني عنوان الدائره ابو رانيه وصف اله المكان... قفل الخط وكعد علئ القنفه السوده الجلديه بتوتر فرك وجه وهو يتنفس بضيق حرك ربطه العنق من علئ رقبتها وهز رجله بتوتر ...متهم ياابو رانيه ااااخ منج رانيه كله بسببج فتح كلاص المي السفري وفتحه شربه دفعه وحده وشمر الكلاص وكف بسرعه وهو يدور داخل الغرفه وكف علئ شباك الغرفه واطل علئ الشارع من جام الشباك الطوويل استغرب من شاف خالد نزل من سيارته تفاجئ شوكت وصل احتمال جان موجود بنفس المنطقه كعد علئ كرسيه وانتظر خالد دقايق واندك الباب ابو رانيه...تفضل خالد دخل...السلام عليكم ابو رانيه...وعليكم السلام تفضل كعد مقابيله علئ المكتب وبتساؤل...خير ابو رانيه صاير شئ قلقتني رفع الضرف وهو يحطه كدام وجه خالد اخذه خالد بااستغراب مصطنع...شنوو هذا ابو رانيه بقهر...مثل متشووف تهديد علني من عشيرتك اليه متهميني بقتل مهتدئ باوعله بهدوء ...يا ابو رانيه لا عبالك مات مهتدئ هذا هو لازم نسد القضيه مهتدئ مات مقتول وبمنطقتكم وتساومنه عليه ...احنه عشيره كبيره ومعروفه وتضم اكثر من فخذ نلبس عبي اذا مااخذنه حق المغدور من عشيرتنه وكف بعصبيه وهو يضرب الطاوله.. بس اني شدخلني خالد بتنهيده...يا ابو رانيه خلينه نكون واقعيين تعرف احنه دنمر بمرحله طائفيه والناس ماترحم وكون شهيدنه مات بمنطقتكم عشيرتي ثارت ودليلين ضدك يا ابو رانيه فتح عيونه بذهول ووجهه صفر...انت تحجي انت تضحك عليه شنو دليلين ضدي خالد مسح علئ لحيته بثقه...والله هذا الصار كم واحد من منطقتكم اعترف عليك بقتله ابو رانيه بنهيار....لك كاااافي لا تخبلني منوو اعترف عليه منووو انطيني اسماء اريد اسماء خالد...الاسماء والادله مو عندي عند الاكبر مني ابو رانيه ...انت ليش هادئ ليش احسك مو واقعي خالد...لان اني احسك مو قاتل ابو رانيه بااستنكار...والله خالد...مو هيج بس اعرف اكوو جاني واكوو مجني عليه وثق واعتقد الجاني لازم ياخذ عقابه وعشيرتي دوله كامله ما توكف بوجههم اذا رادوو ياخذون ثارهم ابو رانيه بعصبية...انعل حتئ عشيرتك خالد...عادي سبهم اني هم مااحبهم... ابو رانيه برجفه...بينه المحاكم خالد وهو يرجع ضهره على الكرسي ويحط الضرف قريب من شفته...بصراحه ابو رانيه موقفك ضعيف ماانصحك تلجأ للمحاكم لان راح تفتح عليك ابواب لا الها اول ولا الها اخر وراح تثبت التهمه عليك هم عندهم دليل ضدك انت شنو دليلك ابو رانيه بغضب...دليلي هذا الضرف الي بيدك وهذي الرصاصه الي علئ المكتب خالد سحب الرصاصه بسرعه لزمها بيده وطلع جداحه من جيب بنطلونه جدح الجداحه قريب من الضرف وشتعلت النار بي تحت انضار ابو رانيه المصدووم ابو رانيه بصدمه....انت شسويت خالد ببتسامه خبيثه...راح دليلك ابو رانيه مع الاسف ابو رانيه ضرب المكتب بثنين ادييييه ...انت شلوون تحرك الضرف خالد بجمود...دليل وضد عشيرتي شلون تريد اخلي ابو رانيه راح يمه لزمه من ياخه قميصه بغضب...اخبث منك ماشفت هسه دكول اكره عشيرتي خالد ابعد ادين ابو رانيه وبتنهيده مستفزه...الدم عمره ماصار مي واكوون كلب اذا خنت اهلي وناسي ابو رانيه بقهر وهو يشد علئ شفايفه...انتم ناس مجرمين والله بلاني بيكم خالد بااستفزاز...لا ابو رانيه لا ماحبيتهه منك وهذا اني ناوووي اساعدك ابو رانيه بااستغراب...اتساعدني خالد...اي اساعدك لان الينبني على باطل فهو باطل والحق لا بد ان يطلع بس ثق واعتقد ياا ابو رانيه اذا الك ايد بقتل مهتدئ صدكني اوعدك اكون الك مرض سرطان اكل كل جزء منك اكل ابو رانيه...انت حقيير خالد...صدكني ماشفت شئ بس قبل لا اساعدك عندي شرط ابو رانيه بتساؤل...شرط خالد...يا ابو رانيه عشيره بكبرها مايخمد ثارها الا اذا عدنه النسب هنا الكل راح يسكت ويتسائل ليش قبل بالنسب اذا همه ثاقين بي اكييد همه اهل ابو رانيه بشك...كلامك مو منطقي ولا مقنع شلون تعيد النسب مو احتمال اصكك مره ثانيه مثل مافكرتو اني وره قتل مهتدئ خالد...ضلت انت وشطارتك انت بنفسك تكدر تبعد الشكوك عنك انت لازم تحمي ضهري ابو رانيه...انت شبيك خبل شوفني الدليل خالد...كتلك كم شخص من منطقتك اعترف عليك وعلئ تخطيطك بقتل مهتدئ وهم اكوو فيديو مسجل باسم عائلتك بتهديد معلن مع سبق الاصرار والترصد بقتل مهتدئ...هااا وانتبه كتلك احنه بزمن الطائفيه ويمكن اخووك يعترف عليك لذالك اهالي منطقتك اعترفوو عليك ابو رانيه بقلة حيله...وليش تريد تساعدني ليش متقتلني وشلون تكدر تساعدني خالد بكذب ومايعرف شنو يدور براسه...والله ياابو رانيه اني بنفسي مااعرف ليش اريد اساعدك بس ثق لو انت وره الموضوع متعرف شلون انتقم منك...اما شلون اكدر اساعدك...اكدر اخلي الشخص الي اعترف عليك يغير اقواله ومثل ماحركت الضرف اكدر احرف الفيديو المسجل بإسم عائلتك... ابو رانيه...وشنوو شرطك خالد رخئ ضهره على الكرسي بهدوء...طالب منك النسب يا ابو نسب.. ابو رانيه...من البدايه اني موافق علئ نسبكم وكتلكم رانيه الكم... خالد بخبث...لا لا فهمتني غلط يالنسيب رانيه مااشوفها اله مره المهتدئ اني طلبي شئ ثاني ابو رانيه بقلق...شنوو خالد..اني طالب دانيه بالنسب فتح حلگه بذهوول...لا لا هذا مو من كل عقله هذا شيكوول ابو رانيه بحزم...انت شدكول تخبلت انت وين ودانيه وين دانيه بالنسبه الك طفله وانت كبير عليها ومااتوقع دانيه تقبل... خالد...تقبل العمر مو فارق ولا سبب يمنعه من الزوج انت اخذ رئيها واني أأكد الك موافقته استغرب من ثقته...مااكدر اضلم بنتي عليك انت مبين ضالم خالد..ضالم!!! غلطان ياابو رانيه والضلم ضلمات يوم القيامه واكيد كلمن ياخذ نصيبه من الدنيا رجع الواقعه....من خالد حكره بالزاويه وماانطاه مجال للتفكيير وحس بمدئ غبائه من انطاه دانيه لكن الئ فاجئه دانيه موافقه يمكن يكون الها خيير ............................... خالد بخبث وصرتي الي يا دانيه اله اخليج تعترفين علئ نفسج والله والله اله اطلع قهر ست سنين بيج مر عليه قهر ست سنين مضت غمض عيووونه بااسئ وقهر لكن الطيف مراوده ومئذيه ومحطم حياته حملها السبب بلي صار قبل سنين مضت وعدت لكن كل جزء وذكره بهذي السنه تاكل روحه وتحطم فؤاده حاول يقووي نفسه لكن امام هذا الموضوع هو ضعيف واضعف من الضعف حس مثل وجود الكانسر ياكل كل جزء بجسمه الموضوع مثل الفيون يقتل كل خليه حيه بجسمه مات احساسه مات ضميره مات كوولشي يمت للانسانيه عنده اصبح رجل انتقامي تراوده افكار وأراء مبنيه على الواقع لكن ما الها مكان من الصحه كل همه الانتقام وياخذ جور ست سنين مضت وعدت عصر ايييده بغضب وحاول يطلع من غرفته اذا يضل الوحده ياكله الهم طلع من الغرفه ونزل بايات الدرج شاف امه وفوزيه كاعدات كعد علئ القنفه وهن بالگاع امه...هااا يمه خالد شبيك جنك ضايج فوزيه...هااا خالد تندمت الان خطبت ام كفشه والله كفشته جنها ليفه عذيره ههههه هم صفره ومجيمه خالد باوعلها بنص عين وطلع جكارته وشغلها فوزيه...عذيره شني الشعر سرح حتئ القراصه ماتوكف عليه من نعومته مو مثل خطيبتك تضل تشتري مشاطه وترد ليوره لان كل تمشيطه ينكسر المشط ههههههه ام خالد ...لا بس هي حليوووه حتئ احلئ من خالد اني احجي الصدك حتئ لو هو ابني فوزيه...ياا منيلها جنها صخله خالد بحده...عمممه فوزيه...جااا اني مجذبه دخلت عذراء وهي لابسه جواريب صووف حمر ولابسه ثووب فستقي مال امها وشال وردي وشايله جدر التمن تحك بي تريد تغسله عذراء...يماااا يماااا فوزيه...وعله شتردين عذراء...يمممه هذا التمن اذبه للطيور لو للدجاج فوزيه...لا ذبي للطليان وج شبيج انتي امشي ولي باوعت الخالد بخجل وبلعت ريكها وبغباء...خالد تأكل هز راسه بلا فوزيه انقهرت...وج روحي وهمست والله موتتني هاي البنيه طلعت انصدمت بمرتضئ رمشت بعيونها بخجل مرتضئ بعصبيه...هييي متشوفين صخمتيني عذراء...عابت واحد مايسويله موقف رومانسي مشت وهي متعصبه طلعت وراها فوزيه وقررت تكتلها علئ لبسها وغبائها كعد مرتضئ وبعدها امتد وحط راسه بحظن امه امه حركت ايدها علئ شعره وبحنيه..مافكرت بالموضوع يممه مرتضئ بحده وحزم...يمممه سدي الموضوع سكتت خالد...ليش ماتزوج عذراء مرتضئ بضحكه...هههههههاي خالد...هااا شو تضحك مرتضئ..شزوجها يمعوود اشوو هي عذراء اطوول مني والله اذا اتزوجها احسها عمتي فوزيه ونايمه بصفي...ههههاي خالد وهو ينفخ الدخان...ههه امه وهي تمسح علئ شعره...لا راضي اريدله وحده حلوووه الحلوو ياخذ حلووه مرتضئ...خطيبة مهتدئ مااخذها لو تطلع نخلها برأسها ازوج عذراء ومااتزوجها.. امه...الهلدرجه مرتضئ...اي يمه الهلدرجه حسوو بيه الله يخليكم والله مااكدر احس بالموت من تفرضوه عليه باسته بجبينه بهدوء وقلق...يصير خيير يمه خالد تركهم وطلع وهو يجري اتصال سرررريع ................................ ما اخبثك ! مآ اخبثك! مآ اخبثك ! رغم ان جسدي استقبلك بكل ثقه ورحب لكن تبقى خبيثا ولئيما ... يا لك من لعين! لئيم ... واذكرك انك خبيث.. اتظن بقواك السخيفه وافعالك هذه سوف اضعف! يا لك من مجنون وسخيف.. وضعيف.... اتظن بأنني سوف اغرق بدموعي!؟ يالك من مسكين ايها الغدار لن انحني لسيوف ثارك البتار💔 كعدت الصبح بابا كال اليوم نعقد مهر ذكرته احنه ممسوين فحص دم كال رتبنه الموضوع انقهرت حيييل بس قررت مااكون ضعيفه ولازم اوكف علئ رجليه فتحت الكنتور طلعت بنطرون اسود وستره سوده قصيره وبدي احمر لبست حذاء حمره وحطيت مكياج وحطيت حمره حمره فاقعه مشطت شعري رفعت قسم من للامام والباقي فتحه ونثرته رشيت عطر وطلعت ماما زعلانه مني حجيها ويايه قليل وام مصعب زعلانه من ماما ومصعب كل شوويه يتصل ويكول انطوني دانيه اني نفسيتي تعبانه محاجيته خطيه رانيه ابتسمت بوجهي باستني وكالت قووي نفسج حاولي تصيرين ريلكس اوك كتلها اوك كالت انتي احلئ منه بهوواي ضحكت كتلها والله بطرانه ...لج هو هسه كون عاجبه كالت يعجبه يعجبه وغمزت الي هزيت راسي باسئ والله ميعجبه اي شئ وراح اعاني وياه... رحت ركبت بصدر يم بابا ورحنه لخاله بزيونه صايره مقر التقائنه هو ابد ميجي المنطقتنه جبااان وصلنه الخاله وبابا خابره كله تعال اخذنه هو كال لا تعالوو انتو للمحكمه خبيث ماكلف نفسه واخذنه شكد حسيت برخص رحتله برجليه واني الممنونه ركبنه ورحنه مسافه الطريق وصلنه للمحكمه جانو العشاق والمخطوبين اكثرهم جايين يعقدون وصايره ازدحام وناس من يعقدون يطشرون جكليت فرحانين بعقد قرانهم مشينه احس الانضار عليه يمكن طالعه اووفر اي بس اني متقصده بلكي خوويلد النذل يلين ويايه شافته من بعيييد واكف بقساااوه وعيونه الحااده ترعبني وتخوفني احس ببروده بااطرافي تلقائيا مااريده ماااريد اتزوجه والله اخاااف منه اخاااف بلعت ريقي واني اقووي نفسي تقربنه عليه بابا سلم عليه وهو رد وعيونه الحاده تخترقني صرت وره بابا ودرت وجهي عنه سويت نفسي ممهتمه اله هو مشئ وبابا مشئ وياه بس هو تباطئ بمشيته عرفته يريد يلزمني حاولت اسرع بمشيتي بس هو لزمني من ايدي وعصررها حييييييييييييل حسيت اصابعي تكسرت كال...خرررب بليسج مو المحكمه ترحب بيج لا اوربا ترحب بيييج نهايه البارت...يتبع كونوا انتم كونوا بخير...احبكم بحجم السماء❤ | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
