الثروة المنسية / للكاتبة عبير الكبسي ـ يمنية

[لامارا]

(28)


زوجه ابوه واقفه وبنظرة اوامر : انزلي سايبي لنا ماء هوذك الحمار جاهز مربطات الدبب عرضه ..

سميه : حاضر

الزوجه الثالثه : يلا فيسع ( بسررعه) الان هيا قبالي امشي

سميه شافت امين..

ايمن : مالش متصنمه بتسمعي؟

سميه : طيب مراعيه لك تجاوب عشان اسير او لا

ايمن سيري يلله..

سميه تلثمت وخرجت معها..

وهي بتنزل معها بتقهرها : مسكينه مارحمش ع قد زواجه وعمر ..

سميه مسكت الحمار وخرجت انصدمت الي شافته...

الاشجار كلها تقلعت ومرجومه ف الارض والحراثات بتواصل قلع الأشجار من جذورها ...

لفتت شافت واحده واقفه من نسوان القريه راحت لعندها : ماهو. ماحصل !!

المره : قلعو اشجار البن كلها ، قالو متعبه وبيجلسو ينتظروها وتشتي ايدي عامله كثيره وهدار وحكا ووجعو قلوبنا عليهن.

سميه استغربت : طيب وايش عيزرعو ؟ اكيد عنب لأنه قريتنا قدها أحسن عنب وزبيب

المره : علمي علمش ياسعم بندرا بشي ..

ارضنا ومالنا وحالنا وورثنا والقرار بيد الشيخ الظالم هذا الي متحكم بنا من بقعته ..الله يشله ونفتهن ونرجع حقنا.

سميه سمعتها وخافت تعرف انها كانت باتتزوجه وتزوجت ابنه مشيت : خاطرش اسير ادي ماء قبل ما تغرب الشمس.

ومشيت متعجبه ليش تقلعت الشجر...

علمتها استاذتها المصريه الي درستها انه شجر البن اليمني أول بن كان احسن بن .

وانه كل الي ف القريه فقراء وما ورثوا اصحاب القريه غير هذه الشجر والشيخ الظالم معاااجل ع الربح والفلوس والدفع...

كملت تعبي دبيب الماء وجلست تتأمل السماء وتفكر ..

يارب كيف الناس الي قفا جبالنا عايشين ! يعلم الله كيف عيشه خلق الله كلهم تحت السماء هذه مدري من مثلي عايش ..لكن لو في واحده مثلي مظلومة يارب تخارجها من مصيبتها والي ظلمها...

سمعت الاذان وبدات تغرب الشمس ومشيت سرريع للبيت قبل ماتظلم.

وصلت نزلت الدبيب وبتسايبهن للبيت..

ف المدينه..

ف محل الكفتيريا..

أنس تم يشتغل..

صاحب المحل :ياولد تمت الفتره الاولى مارأيك تواصل للساعه 12 واضاعف لك الزلط

أنس فرح : تمام بس عتخليني عطله يوم ف الاسبوع

صاحب الكافتيريا : تمام معك يوم الجمعه بس.

ف القريه...

بيت سالم...

بلقيس : يا اباه اسير العب عند كنز ضابحه

سالم : مغرب مابش بنات يخرجين من بعد المغرب..

جدتها : قومي اعجني قرم للعشاء

بلقيس بضبببح قامت وبتعجن بضبح وملل ..

جدتها شافت كيف بتلعب بالطحين هزرتها من شعرها وضربتها وعلمتها كيف تعجن...

سالم بيتفرج لها بزعل بس مايقدرش يقل كلمه فوق امه

بيت الشيخ..

سميه وصلت..

الشيخ وقف ف الباب ضرب ف الباب بعصيته...

(29)

الشيخ ضرب على الباب..

سميه شافته خافت فلتت دبه من يدها ..

عمها : لاوفقه ابوش ولا القاضي ...

سميه بسرعع طلعت خايفه ..

ايمن : اين العشاء راسي بيلف اديلي ماء

سميه خايفه تنزل : ايحين عتطلقني؟

ايمن شافها باستغراب: انزلي ادي ماء ، لقيت من يخدمني لاراسي قلك اطلقها

سميه ضبببحت فتحت الباب خرجت شافت قدامها ام ايمن دخلت بصحن العشاء لابنها : وين انتي جالسه معطفه راس المكان ماتنزلي تفعلي لزوجش لقمه وهو يرحم الله..

ايمن : الله يحفظش يمه..

سميه واقفه.. بتتفرج لهم وحاسه بطنها بتعصرها جوع ماكلت يومين غير ماء وربع خبزه

امه طرحت الصحن وعلى نزلتها ..

الحقي بعدي يا بنت نجهز للبقيه العشاء..

سميه:طيب اركع مغرب وانزل..

دخلت توضت للصلاه ..

وبتصلي تشتي تركع فلتت ع وشها..

ايمن ضحكك عليها... جلس دقيقه منتظر توقف.

ياي يابنت

شافها ع نفس الوضعيه قام دلا متكئ ع يده الثانيه وقرب منها..

بعد من وشها الطرحه الي فوقها وبيقيمها ويهوي لها بالطرحه حقها شاف شعرها انحرج فلت الطرحه من يده وذكر انها بدون اكل مسك طاسه اللبن ..

ياي ..يابنت . قومي اشربي اللبن ذيه

ياااي .. بيهز يدها قومي يابنت اشربي هولا اللبن ..

سميه فتحت عينها بتشوفه وتغلقهن مره ثانيه..

ايمن بيداعي حد من الي نازل من بقعته ..

وبسبب صوت عصبيه ابوه ولعب اخوته وازعاج البيت ماسمعوه..

رفع راسها بيده وطرح راسها ع يده ويصحيها..

بنت .. يا استاده.. ياي .. ما اسمش نسيت. .

سميه فتحت عينها شافته وبعدت بسرعه من يده وحست بدوخه مره ثانيه..

جلست جنب الجدر ونزلت راسها فوق رجلها ومغطيه وشها بيدها منحرجه منه..

ايمن قرب لجنبا ب اللبن : اشربي هولا او عتموتي ..

سميه : اشتي اسير اموت بيتنا

ايمن : ماعد بش بيتكم من دخل هنا يموت برجله اشربيهن ولا انزلي عند خالاتي مافيني اعيش مع موتى عندي...

سميه خافت منهن شربت اللبن ..

طلعت امه تصيح : اين انتي !

شافته جالس بيناولها اللبن وهو تاعب صاحت.

ياغارتااااه يااااو

ايمن : مالش يمه ماحصل

امه هزرتها : يا كلبه ياملعونه سحرتي ابني ... مافعلتي له لوما قد عيجنن عليش ف يومين تكلمي ايش شربتيه...

سميه شافتها وتحس راسها ثقيل ورجعت غطت وشها وتبكي..

ايمن : يماه صلي ع النبي مالش !

(30)

سميه ضبحت : طلقني انا راضيه هيا

امه : بعد ماجنتتيه وسحرتيه ! تفلتيه امد يخرف بعدش

ايمن صيح : بس لكن هدار كسرتين راسي اخرجي انتي وياها من عندي

سميه لفتت له : تمام شخرج بس امك لاتحاكيها هكذا ..

ايمن : وانتي مادخلش كيف احاكيها.. ربيني علميني

امه شافته وشافتها استغربت من رده فعلها..

يالله مسرع سحرتيه وقلبتيه عليا...

ايمن شل نفسه ووقف : انا اخرج من هنا احسسسن ..خاطركم

خرج ورزع الباب

سميه كانت حاسه جسمها كله مكسررر وراسها ثقيل..

ام ايمن : لحقت بعد ابنها خايفه عليه. .

سميه قفلت ع نفسها وجلست تبكي وغفيت عينها...

ثاني يوم الصباح..

بيت سليم..

ام العريس جت : معاكم بن نتقهوى؟

مرت سليم : حياش الله ادخلي عادحنا بنتقهوى

ام العريس بتتفرج للمكان قد اكتنس وترتب ..

مرت سليم : خرجي يا بنتي ادواتهم

العروسه واقفه كانت منحرجه ومنزله راسها خرجت صندوق الخطبه طرحته ودخلت

ام عريسها : كان سلمي ياعيباه هكذا !

امها : هي خازيه منش

ام العريس: ومن قال اننا جيت اشلهم

مرت سليم : مافي نفسش؟

ام العريس : سامحيني لو غثيتكم مش قصدي ماعرفت كيف اتحاكا معش..

وزوجي قال عيسير ل ابو أنس ويعقدو هانك ونرجع نفعلها يوم وزوجناهم

ام انس فرحت وابتسمت. : قد قلت مش انتي هكذا الحمد لله انكم دريتو ب ابو انس انه يرحم ومافعل شي

ام العريس: ربش عيخارج المظلوم تطمني

ام انس: ماذلحين لايخرج مشتيه يخرج عينجلط ويموت لو يدرا ماحصل... وبكيت

ام العريس : يا ساتر مالش ماحصل... !!!

ام انس : لو يخرج ويبسر ارضه وارض ابوه واجداده تقلعت من جذورها عيموت حزن عليها..

ام العريس: يو ياقهر قلبي .. الشيخ حقنا لازم من يشتكي به الصدق كم جهدنا نسكت ع الظلم هذا !

ام انس : ماعنشكي الا ل ارحم الرحمين هو قادر ع كل شي

ام العريس وقفت خاطرش اهم شي لاتنسي العقد يمكن نعقد الجمعه.. وخرجت

ام انس بكيت : ان شاءالله .. ريت وانت يا انس تجي ما انا داريه كيف انت بخير ولا مع جاوع ولا تاعب..

بيت الشيخ..

ايمن لما وصل الفجر شافها نوم وتاعبه كانت تئن من المرض غطاها ببطانيته..

وطرح الفرش فوقه يدفى..

سميه قامت وبتشوف مابش حد مانتبهت انه تحت الفرش.. فتحت الطرحه وبتلف شعرها وتمشطه باصابعها وبتظفره..

ايمن كان بيتشاقرها ومبتسم شافها مختلفه لما تكون بالشرشف وملثمه..


(31)

سميه ضبحت : طلقني انا راضيه هيا

امه : بعد ماجنتتيه وسحرتيه ! تفلتيه امد يخرف بعدش

ايمن صيح : بس لكن هدار كسرتين راسي اخرجي انتي وياها من عندي

سميه لفتت له : تمام شخرج بس امك لاتحاكيها هكذا ..

ايمن : وانتي مادخلش كيف احاكيها.. ربيني علميني

امه شافته وشافتها استغربت من رده فعلها..

يالله مسرع سحرتيه وقلبتيه عليا...

ايمن شل نفسه ووقف : انا اخرج من هنا احسسسن ..خاطركم

خرج ورزع الباب

سميه كانت حاسه جسمها كله مكسررر وراسها ثقيل..

ام ايمن : لحقت بعد ابنها خايفه عليه. .

سميه قفلت ع نفسها وجلست تبكي وغفيت عينها...

ثاني يوم الصباح..

بيت سليم..

ام العريس جت : معاكم بن نتقهوى؟

مرت سليم : حياش الله ادخلي عادحنا بنتقهوى

ام العريس بتتفرج للمكان قد اكتنس وترتب ..

مرت سليم : خرجي يا بنتي ادواتهم

العروسه واقفه كانت منحرجه ومنزله راسها خرجت صندوق الخطبه طرحته ودخلت

ام عريسها : كان سلمي ياعيباه هكذا !

امها : هي خازيه منش

ام العريس: ومن قال اننا جيت اشلهم

مرت سليم : مافي نفسش؟

ام العريس : سامحيني لو غثيتكم مش قصدي ماعرفت كيف اتحاكا معش..

وزوجي قال عيسير ل ابو أنس ويعقدو هانك ونرجع نفعلها يوم وزوجناهم

ام انس فرحت وابتسمت. : قد قلت مش انتي هكذا الحمد لله انكم دريتو ب ابو انس انه يرحم ومافعل شي

ام العريس: ربش عيخارج المظلوم تطمني

ام انس: ماذلحين لايخرج مشتيه يخرج عينجلط ويموت لو يدرا ماحصل... وبكيت

ام العريس : يا ساتر مالش ماحصل... !!!

ام انس : لو يخرج ويبسر ارضه وارض ابوه واجداده تقلعت من جذورها عيموت حزن عليها..

ام العريس: يو ياقهر قلبي .. الشيخ حقنا لازم من يشتكي به الصدق كم جهدنا نسكت ع الظلم هذا !

ام انس : ماعنشكي الا ل ارحم الرحمين هو قادر ع كل شي

ام العريس وقفت خاطرش اهم شي لاتنسي العقد يمكن نعقد الجمعه.. وخرجت

ام انس بكيت : ان شاءالله .. ريت وانت يا انس تجي ما انا داريه كيف انت بخير ولا مع جاوع ولا تاعب..

بيت الشيخ..

ايمن لما وصل الفجر شافها نوم وتاعبه كانت تئن من المرض غطاها ببطانيته..

وطرح الفرش فوقه يدفى..

سميه قامت وبتشوف مابش حد مانتبهت انه تحت الفرش.. فتحت الطرحه وبتلف شعرها وتمشطه باصابعها وبتظفره..

ايمن كان بيتشاقرها ومبتسم شافها مختلفه لما تكون بالشرشف وملثمه..

[لامارا]

(31)


ايمن كان بيتشاقرها ومبتسم شافها مختلفه لما تكون بالشرشف وملثمه.

سميه بتمسك جسمها : يوو مالي مكسره تاعبه يمكن من تحمال الدبب ، زكاني عقلي بينجابر روحي...
يارررب خارجني من الي انا فيه انت داري اننا مظلومه وماقدرش اقل لابي كلمه .. انغصبت على الزواجه هذه وكتبت لي ابنه وفرحت انه خير ، يارب خارجني لو مافيه خير لي.

شافت ثوبه فوقها قامت تدور ف دولابه ع ثياب..

ايمن شافها : بس تميتي ثيابي..

سميه نكزززت ودخلت الدولاب : فجعتني انت هنا !

ايمن : وين اسير غرفتي

سميه : طيب ما افعل مابش معي ثياب

ايمن : وانا مافعلش

سميه ساكته...

ايمن : يلله اخر مره وتصرفي سيري بيتكم ادي ثيابش

سميه: ليش اديهن ايحين عتطلقني

ايمن: مابش طلاق اشتي واحده تخدمني لاراسي محد فاضي لي

سميه سكتت..

طلعت امه : هيااا عتنزلي تتمهري او ادينا اميره ومش احنا داريين

سميه سمعتها وقامت تلبس لثمتها والشرشف

دخلت امه بالصبوح لابنها.. :وبدأت تبهذلها وتجهز لها مهام اليوم من جمع حطب وماء وخبز وعجين وغسيل ملابس...

في المدينه..

أنس تجهز وفارح بالفلوس الي جمعها وفي طريقه للبلاد ( قريتهم )

بعد ماوصل لاعند ابوه..

ابوه : كيف انت وكيف ابن عمك ! بتدرس

انس فارح خرج الفلوس وناول ابوه: ايوه بيندرس واشتغل وهذه لك حاجتك

ابوه : انا قلتلك تهتم بدراستك كنت تخليها مصروفك من اين لك

أنس: انا داري مابش معك زلط

ابوه : ماعليك مني مافعل بها مش بحاجتها..

وصل القاضي وابو العريس وابنه و2 شهود

انس شافهم استغرب..

في بيت سليم

ام انس : تقلي يابنتي صدق سارو اليوم يعقدو لش

بنتها بتبكي: كنت فرحت انه ماتزوج

امها : مابش معنا بنات يجلسين بدون زواجه ما للبنت الا بيتها وزوجها.

بنتها لبست اللثمه والستاره : يلا انا خاطيه ارعى الغنم هولا.

امها : يلله ودعتش الله اوبهي ف الطريق

بنتها فتحت الباب شافت انس : اماااه اخي جا انس

يا انسسسسس بتدعيه..

انس جا للباب : عقدو لش جو لاعند ابي وعقدو لش

دخل بفرررحه : امه قال ابي انه اسير ابسر سالم انه عيخرجه

امه :صدق ؟؟ الله يجعل فيه الخير والبركه ويخارجه مثل ما عيخارج ابوك.

انس خرج: خاطركم.

بيت سالم..

بلقيس جالسه تلاحق الدجاج وتراجمهن بالحجار ويتنبعين وتضحك..

انس : يابنت اين ابوش ؟

بلقيس بترجم الدجاج : داخل

انس : مالش عليهن حرام

بلقيس : مادخلك وانت

انس : كيف مادخلني والله لارجمش بالحجره تجربي

بلقيس عاندته ورجمتهن : انا حرره حقنا مادخلك وانت

كنز وصلت مع سميه وفي يدها دبه الماء : بلقيس هيا نلعب







(32)



كنز وصلت مع سميه وفي يدها دبه الماء : بلقيس هيا نلعب

بلقيس فرحت : فقدتوش ياكنز

انس : كنز ايش؟ هذا اسم البير الي فيه جن

سميه: مالك عليها ؟

انس شافها اكبر منه سكت

سالم خرج : ما هذا الدوشه خلونا نرقد.

انس : ياعم قال ابي يشتي يحاكيك ضروري

سالم : قل له يجي لاعندي

انس: اين يجي وهو محبوس

سالم بضبح: عيخرجه الشيخ

كنز استغربت..: ابي

سميه مسكت يدها : هيا نخطى

انس فرح ومشي بسرررعه..

بلقيس : اباه كان الولد عيضربني بالحجره

سالم : يااااي ياولد جي لهنا

انس رجع: مالك على بلقيس ليش ترجمها بالحجر

انس : من بلقيس

بلقيس: ماذلحين ماعد تعرفنيش

سالم: اصه انتي اسكتي

انس: بتراجم الدجاج لابين رجلهن عتكسرهن قلتلها مايسبرش مارجمتها

سالم شافها: صدق؟

بلقيس: ايوه بس كان ع يرحمني

ابوها : رحلك من هنا يلله

انس مشي بسرررعه لاعند ابوه وشافه قد خرج بيمشي

فرح ،، اباه خرجووك..

سليم بيمشي ويتفرج الشجر حق البن كلهن مقلعات زززعل جلس يدعي عليهم

انس: مالك او هن حقنا ؟

سليم : حق ابي وجدي وابوه وجده ... ووصل لما قدو حقي وسار كل شي.

والله ماراحت له عمك اين هو...

بيمشي بغضب لاعند اخوته وعيال عمه..

بيت الشيخ...

سميه وصلت بالحطب ولعتهن وبدأت تعجن...

تمت تعجن وهي بتحس ببرد وفمها ويدها بيرجفين

الزوجه الثانيه: مالش او استبردتي،

ام ايمن : اسبقي اخبزيهن وانتي تدفي..

سميه بدات تقرص العجين وتخبزه ف التنور الحطب وهي بتبكي من التعب..

الثالثه واقفه بتتفرجها : هن هكذا المتعلمات يرحمين مايسترين يفعلين قرص واحد.

عند عيال عم سليم..

احنا اكبر منك وادرى بمصلحتنا الارض حقنا واحنا الاغلبيه وانت الا نفر وبعدا المفروض تفرح عيقع لك زززلط

سليم: مشتيش الزلط اشتي احافظ ع وصيه ابي

ضحكو عليه : والله انك مسكين يا اخي احنا بعد مصلحه الكل وهكذا ولا هكذا لابيدي ولا بيدك الموضوع ف يد الشيخ ف قد احنا نمشي بالحلا بدل البهذله..

سليم فلتهم ومشي وزعلان مقهور ...وصل بيته

زوجته استقبلته بفرحه وبكيت من زعله...

سليم : انس

انس : ها يا اباه

سليم : تقدر تقرا ؟

انس : ايوه

سليم فتح الشنطه الحديد فيها اوراق الوصيه وبصيره الارض وبيته : اقرا ماكتب الشيطان هنا

انس بيتهجا الحروف

انا الموقع أدناه : سليم

أوكل جميع مصالح ارضي واخوتي وعيال عمي للشيخ خالد له كامل التصرف بالأرض لما يعود بالفائده على اصحاب الارض..

سليم جنن : يا عيال الكلب خلوني ابصم على كلام ماقلته ولا داري ماكتبو





(33)

سليم جنن : يا عيال الكلب خلوني ابصم على كلام ماقلته ولا داري ماكتبو

انس مستغرب: ومافيها قالو كلهم انه عيزرعو احسن وعيقع ربح للكل

سليم: لاتصدق يا ابني ابي وجدك ماشترو الاراضي هذه والبيت وعشنا في خير الا بسبب الارض وشجر البن لكن زاد علينا الظالم هذا حسبه وأمره لله

مرته : اشتكي به سير اشتكي به ولا اقلك سير للمدينه ادي من يحبسوه

سليم : هذه المره مابتفهم بنقلش بصموني ع الورق ع مايشتو ماينفع ..

انس ساكت ومش فاهم غير ان ابوه زعلان وانخدع.

بناته رجعين بالغنم وتجهزو للغدا..

بيت الشيخ. .

عمر جالس ورا الخزان الي ف حوشهم مخزن وبيشرب سجاره..

ابوه بيشوف دخان وبيسمع صوت اغاني حس ان في حد هانك قرب منه من وراه ومسكه بالكوت الي فوقه. .

عليك غضب الله ياكلب بتشرب سجاره!

عمر افتجع : ها مابلا ولعتها بس

ابوه: وكذبت على الولد وهو انت... ضربه بالعصيه

ومن اين لك السجاره والراديو هذه

عمر : انا شليتهن من واحظ باعهن لي

ابوه: ولا عاد اديلك فلس ولو ازيد اشوفك مره ثانيه لاقصقص يدك...

ودخل ضابح لاعند ام عمر وابنه في يده بيسحبه ف الارض (الزوجه الثانيه

هذه تربيتش الولد سجاير ولاعد لش فلس ولا عد تبقي ع ذمتي يوم لو كررها

امه قامت متفاجئه وعصبت من الموقف قدام طباينها ضربته وحبسته ف الغرفه.

سميه بتتفرج بخووووف شر عمها الي كان بيكون زوجها وتحمد الله انها لابنه القاسي ولا تكون للظالم هذا...

قربو الغدا وهي جالسه ف المطبخ ( عباره عن تنور حطب وحوض ارضي من حجر تغسل فيه الصحون)..

دخلت ام ايمن بكومه ثياب : تمي واغسلي هولا

سميه : تم الماء ..اسير ادي وارجع اصبنهن

ام زوجها : هيا تمي احركي يدش فيسع ( استعجلي)


الشيخ : وين كنز

سميه سمعت وافتجعت هي الي سمحت لها ترجع تلعب عند بلقيس

ام كنز ( الثالثه )شافت سميه بكيد نسوان : هي مرت ابنك شلتها ورجعت بدونها يعلم الله اين بنتي حسبش الله يا الظالمه..

الشيخ : وين الجنيه هذه ادعوها لاعندي ...

ايمن بيسمع صوت الصياح قام للدرج بيسمع..

سميه بخووف شافت ام كنز : مافعلت

الشيخ طرح العصيه فوق راسها ودهفها : سيري لابوش قليله قال الشيخ تدعسني انت ! كيف تفلتي بنتي وترجعي وين ضيعتيها ..

سميه بتبكي بخوف : ماضيعتها هي من نفسها .. سس سسس ااا

بترجف من الخوف

الشيخ ضرب بعصيته ف الجدر الي فوقها : تتكلمي

امين ضبببح عارف ان معامله ابوه لها لانه كان يشتيها وماقدر يفعل شي جلس يتفرج..

سميه هربت بسرعه : الان اسير اديها

الشيخ شاف لفوق وابنه واقف : والله لوما توقع رجال وتخليها تفهم عملها لاطردك...

[لامارا]

(34)

الشيخ شاف لفوق وابنه واقف : والله لوما توقع رجال وتخليها تفهم عملها لاطردك انت وهي من البيت.

ايمن شاف ابوه وبضبببح رجع للغرفه. .

الشيخ خرج وبيلوي ف الأرض. ..

والمرافقين معه بيوروه انواع القات ويثمنو له مبيعاته ..

الشيخ هدء شويه وشاف سليم قرب لاعنده : خرجتك بشرط تغلق فمك الغبي هذا مش داري بمصلحتك ولا عيطير راسه ( اشر بحواجبه وراسه ل أنس.

أنس ضبببح ومسك نفسه لايشل العصيه ويكسرها فوق راسه زي مابيكلم ابوه هكذا...

الشيخ مشي وبيتفقد حرث الارض بعد ماقلعو شجر البن الي لها سنوووووواااااات وكسروها عشان يحطبو بها ...

سالم : ذلحين ياشيخ نزرع هذا القات ما رأيك عنقطفه ف السنه عده مرات

الشيخ : تم ابسر المزارعين واتفق معهم. ويعلمو الغجر هولا كيف يزرعو ويقطفو...

وبيتفرج ل اهالي القريه الي واقفين والي بيشتغلو والي ملامح البؤس والظلم ف عينهم.

ف القريه جنب بيت كنز..

سميه شافت انس : ياولد وين كنز

انس: جي معي هي عند البنت الي بتراجم الدجاج ؟؟

سميه: مشيت معه لبيت بلقيس

انس : جالسات قدامه بيتجابرين واحده تشكي انها وقفوا لها اهلها الدراسه ( كنز ).، والثانيه بتشكي انه جدتها بتكرها وتضربها وتعذبها ..

انس سمع بلقيس: وانا اقل مالش بتكسري رجلهن بتستقضي من جدتش فيهن...

بلقيس : مادخلك وانت بين البنات يخ محارش .

سميه تمت تتفرج عليهن : كنز يلله امشي معي البيت

كنز : ماشتيش خليني العب شويه..

سميه بضبببح : انا من تحت راسش معي مشكله عند الشيخ امشي معي سكته...

انس بضبح شافها وتذكر ابوه : وانتي بس دلع يابنت يلله وسيري معها بتقلش.

كنز : والله لاقلك يا ما اسمك!

انس ضحك : اقلش اسمي تقليله بعقلش!

بلقيس شافته : اسمه أنيس. وضحكت

سميه مسكت كنز ومشيت...

الجده فتحت الباب ورجمت لها سكين : اخرجي علفي للغنم ياكلين..

بلقيس شلته وفرحت وبتجري لوسط الزرع بتنبع برجل وتبدل بثانيه وتتقفز ناسيه كل البؤس الي هي فيه واليتم قدام شويه شجر تلعب بهن.

انس شافهم بيغرسو قات وجالس يسألهم ويستسفر واين احسن واين اربح واين افضل يتطمن ع وضع ابوه الجديد..

بلقيس قطعت يدها وجلست تتقفز وتبكي... راحت وصلت لباب بيتهم وجدتها وفت لها الضرب انها فلتت الغنم والعلف

انس نسي البيت وابوه وجالس يشوف مستقبل ارضهم شاف جدتها بتضربها..

وبلقيس تهرب وتضحك وتعاند جدتها وتقلها : ماوقعت فيني ...

بيت سليم

سليم : نفعلكن النسوان خيمه جنب البيت وسيري اعزمي ع نسوان القريه

مرته : ان شاءالله.. والارض ماعتفعل؟

سليم عصب : الله يلعنها ارض وعيشه

(35)

سليم عصب : الله يلعنها ارض وعيشه قفلي موضوعها لاعد تفتحيها وين انس ؟



قدام البيت بتلعب وتلاحق الغنم..

أنس تذكر في المدينه الكل بيروح مدارس وبيشوف كيف جهال قريته بدون تعليم الا بعضهم : ليش ماتدرسي بدل مجنانتش هذه ؟

بلقيس فرحت : الا بينقري نفسي وانت مادخلك ابي قال ماتحاكاش معك ..

صاحب انس : انس جي نبسر الكنز الي داخل البير

انس : كيف نفعل ..

بلقيس : عتموتو ..قالت جدتي به ثعابين داخله

انس : ناهي كسرتو راسنا داخل البير داخل البير مابش شي من الخرط ياسعم لو في عيخلي له حاله الشيخ.

سليم خرج يتجابر مع جيرانه وبيتعلم منهم كيف يهتمو بالاشجار الجديده حق القات
.

صاحب انس : ابي ماعيخلي عودي ف الشجره ولاعنربح فلس عيكون يخزن بهن يوميه .

جلسو يضحكو عليه..

انس شاف الوقت وراح يودع ابوه وامه للبيت عشان يرجع مع ابن عمه للمدينه.

بيت الشيخ ف غرفته..

ايمن ضبح من غرفته نزل شافها بتتحمل الماء وبتشتغل عصب : اهم شي هم وانا مريض ما بتدي لي قلصماء من اليوم تخدميني وبس بتفهمي انا مريض واشتي اهتمام.. اطلعي جارحي لي

شافته وطرحت اخر دبه ماء ف يدها ومشيت للمطبخ جهزت له الاكل ف الصحن وطلعت بعده..

ايمن : هاتي الشاش وجي

بدون ماتتكلم وتعلق وتجاوب فتحت الدولاب وخرجت الكثس وراحت تجارح له.

ايمن لاحظها متغيره : ومالش مقززه هكذا

سميه بكيت وجلست تبكي..

ايمن انصدم ليش بتبكي هذا البكاءكله: مالش !!! عتكسري راسي انا تاعب ومش ناقصش اخرجي ابكي خارج

سميه : شاخرج واريحك مني بس لو سمحت خليني اسير بيتنا انا مريضه واشتي افتهن ماقدرش اقل لهن مع ع العمل وتعبت ومابش معي ثياب

ايمن : تسيري هذا الساع بيتكم ؟ قدو ليل

سميه: ايوه امسي عندهم يومين واخرج اشتري لي ملابس.

ايمن بعصبيه : عتجارحي لي ولا ماشي

سميه فتحت الجرح دلا وفتحت المعقم وبدات تجارح له وهي بتبكي ..

ايمن : ناهي خلاص لاعد تبكيش تمي ويلا اخطى معش لهانك.

بيت سليم

امه : وعرس اختك ؟

أنس : اجي بنفس اليوم وارجع ماقدر افلت العمل.

امه : تمام الله معك.. شل هولا فعلت لك اقراص (كعك) لاجوعت تاكلهن وهذا بن وهولا تمر وفعلت لك ف علاقيه عنب من ارض خالك وزع لخبرتك الي معكم.

انس : وانتو خلو لكم وخواتي حاجتكم

أمه :ماعليك شي عيدي خالك واديلهن الان اوبه لخبرتك امد لاحد يضايقك ويطردك

أنس : اسلمي يمه الله يحفظش

امه: ودعتك الله.

سليم وصل وخرج الي ف جيبه وطرحها يد أنس ..

أنس شافه واستغرب افتجع : ما افعل بهذه ! وليش استلفتها بكلها يا اباه !

(36)

أنس شافه واستغرب افتجع : ما افعل بهذه ! وليش استلفتها بكلها يا اباه !

سليم : مش هي سلف هذا الشيخ وزع لكل الفلاحين راتب

أنس : بس الف خيرات يا اباه .

سليم: ماعد اشتي تشتغل انا شرسلك انا وانت ادرس وبس

أنس: تمام.

في بيتهم...

مرت اخوها بصدمه بتتفرجها : يو كيف قد وشش وكيف انتي ذابله هذا وش حريوه(عروسه) ؟؟

سميه مسحت دموعها : خلو لي حالي .. انا ضايقه ولا اشتي حد يحاكيني.

مرت اخوها : تمام ليش بتبكي ؟ بيضربش؟؟

سميه ساكته ولا بتجاوب حرف

مرت اخوها فلتتها وخرجت من الغرفه

سميه : امتدت ورقدت. بعد مابكيت.

ثاني يوم الصبح كانت الارض كلها مزروعة بس شجر جديده .. شجرة القات بدل البن..

كملو يزرعوها وبيسقو الزرع وناس تقطف الرمان و اشجار ثانيه وترصهن في سلل عشان يبيعو في المدينه..

بيت سالم ...

سالم جالس وسارح مهموم وحاسس بذنب انه بيشتغل مع شيخ ظالم

بلقيس : مالك بتفكر خيرات اليوم يا اباه

ابوها شافها : ولو قلت لش ياسعم عتفهمي شي.. ايش بتكتبي يابنتي

بلقيس : بينكتب الواجب الي علمتني كنز

ابوها : صاحبي كنز وكوني تعلمي منها

بلقيس : ليش ماتخليني ادرس

ابوها: لو فتحو المدرسه شادخلش تقري

امه : مابش قرايه تجلس تعاوني و ايحين نسير لاعند

خالك تحاكيه نزوجك ببنته.

ابنها : انا قلتلش مشتيش ايمان بنته اخطبيلي سلمى

امه : وليش تفلت ايمان وتشل المطلقه

ابنها : لانه ايمان صغيره اكبر من بنتي بسنتين وسلمى مافيها لو مطلقه هي بنت اخوش

امه : سكتت.. انت اخبر

بلقيس رجمت القلم والدفتر ودخلت غرفه امها

سالم دخل بعدها وبيصيح : مالش تراجمي هكذا يابنت ؟

بلقيس بكيت : لمه عتتزوج ! مشتيش

سالم : ليش،؟

بلقيس: لانهن بيوقعين كلبات قالت لي كنز بيجننها خالاتها

سالم ضحك : لاتصدقيش كنز في كل شي.. عتجي وتوبه لش وتوقع ساع امش وتعاون جدتش امد انتي تدرسي .

بلقيس فرحت : صدق؟

سالم : اكيد

جدتها : عتخرجي يابنت تقربي عشا او اجي اموتش.

سالم ضحك : هيا جاوبي.

في المدينه..

أنس سار لصاحب الكفتيريا : ششتغل معك من الساع2 للساع6 المغرب بس..

صاحب الكفتيريا : مابش يا تشتغل من مره او الله يفتح عليك

أنس : خلاص خاطرك ..

مشي في الشارع وبيدخل من محل لمحل ويسال من يشتي عمل. .

تعب وجلس ع الرصيف وهو لابس شنطه المدرسه..

مشي من جنبه واحد من الفصل : مالك جلست او تمت البطاريه

أنس ضحك وقف ومشي معه : بيندور عمل مابش.

صاحبه بصدمه: عمل ؟؟ منك صدق او تمزح

أنس : مش مزح

صاحبه : عادك صغير من عيوظفك.

[لامارا]

(37)


صاحبه : عادك صغير من عيوظفك.

أنس أشر بفمه : مدري

صاحبه : لكن والله صدق به واحد مثلك بيشتغل جنبنا ف الفرن حق الخبز .

أنس : مابيشتغل؟

صاحبه : يسير مع السياره الي توزع الخبز ينزلهن للبقالات.

أنس :سكت وجالس بيفكر كيف يفعل بعد ماتغير ابن عمه عليه وبيطالبه بمبلغ ايجار معهم

شاف سوبرماركت كبير دخل لاعند المحاسب ..

انس :ياعم تشتو موظف

المحاسب : قل لابوك يخرج يدور لنفسه يلا يابطل خلينا نبسر عملنا

أنس بضبح : ليش بتحاكيني هكذا سعم اننا جاهل هو لي العمل مش ل ابي

المحاسب ضحك : لك انت ! هيا جي بقعتي بتعرف كيف تفعل ؟

أنس : ماقلت اجي بقعتك .. بيندور عمل ثاني ارتب اوزع ..

المحاسب : مابش عمل .

أنس ضبح وخرج ورجع للبيت عند ابن عمه جلس يذاكر ويكتب الواجبات..

ابن عمه رجع بسندوتشات جلس ياكل وهو بيقرا الجرايد تم ياكل وخرج..

أنس بيقرا الجرايد وف الزاويه كان وظائف شاغره..

كلهم بيطالبوا متعلمين متخرجين بشهايد وتخصصات متعدده.

أنس عطش قام يشرب ماء شاف الدبه فاضيه خرج للبقاله قالو له المحطه ماقد وزعت لنا ماء رجع راح للمحطه وشاف واحد بنفس عمره بيعبي الماء في الدبيب..

شاف الي بيحاسب دخل لاعنده : ياعم

المحاسب : الله يديلك الله كريم

أنس بضبح : مابينشحت اسمع اول .. تشتي توظف حد !

المحاسب شافه : مثل من ؟ انت !!

أنس شاف للولد الي بيشتغل هذك من اول معه دبب خيرات يعبيهن قلت لو اتوظف واحد يعبي وواحد يسايب للي مراعيين الدبيب.

المحاسب : والله فكره لكن ما معك الا 500 لليوم كله

أنس فرح حسها كثير عن العمل الاول : 500 قليل ليوم مارأيك 250 ل6 ساعات اجي بعد المدرسه واروح مغرب

المحاسب : تمام

أنس خلاص بكره انا اجي.. ورجع

فكر يخلي الي بيستلمها من المحطه للاكل والشرب .
وهكذا عتكفيه للايجار وللاكل والشرب.

في القريه..

سليم واقف جنب الي بيجهزو الخيمه جنب بيته لعرس بنته.

وداخل البيت..

ام أنس : قالو قد به واحده بتدل ملابس ياسلام منه كله لاعد نطلع للمدينه ولاشي ..هيا نخطى لاعندها نبسر مامعها

بنتها : مع ماعد اشتي شي ابي مابش معه

امها بفرحه : مالهم شي صورتهم
مرتاحين يابنت وقع مهرش حالي 300 الف ماوقع لمرت ابن الشيخ الا 100 بس

بنتها فرحت : صدق ؟ يعني اكتسي

امها : ابوش قال يشلو منها يذهبو هم والباقي اسير اشل لش كسوه

بنتها : تمام شاخطى ذلحين معش.. سارت تلبس .

بيت الشيخ. ..

الشيخ : من فعل الخبز هولا ؟

مرته الثالثه : هي مرت ابنك ولاتعرف تفعل شي حمي زلطك وحرقه قلب ابنك ..

زوجته الثانيه صرعتها : بطلي كذب هو انتي .. مابحد هي مرت ايمن .

(38)




الشيخ : من قرص الخبز هولا ؟

مرته الثالثه : هي مرت ابنك ولاتعرف تفعل شي حمي زلطك وحرقه قلب ابنك ..

زوجته الثانيه صرعتها : بطلي كذب هو انتي .. مابحد هي مرت ايمن .

الشيخ بضبح: بتكذبي علياااا !!!

زوجته الثالثه بخوووف : ماقد تمت شهر وبتسير بيت اهلها ابنك ماعرف كيف يضبطها ف البيت. انا ماشتي افعل مشاكل واحارش بس مشتيش حد يتحاكا عليك وعلى ابنك وانت قدك المهم هنا والكل ف الكل

الشيخ نسي الكذبه : صدق ؟ وين جااا ايمن ادعيه.

زوجته الثانيه بصوت واطي لها : حسبش الله يا ظالمه

زوجته الثالثه شافتها بنظرات ضبح : وبه شي اشتي اقلك عليه.

عمر مابحدهو من الصبح مايرجع الا الليل انا مفتجعه عليه بينحسب عيالك عيالي ياشيخ بينهتم بهم اكثر من امهاتهم حسهن الا ف التفاريط ونسوان القريه..

الشيخ لفت لأم عمر : بعيني لكن حاضر ماعد فايدتكن ! وقدي هي ماسكه كل شي.

ايمن وصل : مالكم خير

الشيخ : وين مرتك ،

ايمن : بيتهم ليش ؟

الشيخ بدء يبهذله وايمن يشوف مرت ابوه تزيد تعلمه وتشجع ابوه عليه حس بحقددد عليها.. بعد ماسمع الكلام الجارح وتهديد الاب قرر ينتقم من مرت ابوه ويزوج ابوه بواحده تقهرها.

نفس الوقت امره ابوه يخرج يدي مرته.. وصل باب بيتهم ودق الباب..

جاوبت زوجة اخو سميه من ورا الباب : هي ف المستوصف شلها ابي

ايمن: ليش مالها ؟

زوجه اخوها بأسلوب رزع: مدري جت تاعبه ميته حالتها حاله كانها كانت في قبر مش مزوجه بأبن الشيخ حقنا.

وغلقت الباب..

ايمن طلع السياره ومشي للمستوصف.

شاف ابوها جالس ف كرسي سأله وقل له الي حصل

دخل وهي في غرفه وف يدها المغذيه..

هيا قومي اخطي معي

سميه شافته : اين

ايمن : البيت.

سميه : قالو اراعي تتم هذه واروح

ايمن : انا اشتي تتميها في البيت.

سميه مستغربه ماله

ايمن سحب المغذيه ف يده ومشي ..

ابوها : الى اين

ايمن : اخطى ياعم اوصلك وارجع البيت انا وهي

ابوها : تمام لكن شاقلك كلمه.. البنت امانه ف رقبتك يحصل في بنتي شي الله لا براك ولاسامحك ...

ايمن : مالك ياعم مابه داعي لهذا الكلام

ابوها : مدري ليش مش انا مرتاح مارضت تقلي بكلمه رغم بينبسر بعيني انها مريضه وغاثيه

ايمن حس بذنب : مابش شي.

طلعو السياره وصل ابوها وشل الشنطه حق ثيابها ورجع بيتهم وقفو ..

سميه : ادخل بهذه قبالهم !

ايمن : مارجعتش بها الا امد يرحموش من العمل لانش تاعبه .. ابي قال ارجعش .

سميه سكتت وفرحت من كلامه : تمام.

ايمن: هيا انزلي. شاف الكيس الي اشتراه بعد ماوصاه الدكتور تهتم باكلها سوا... فتح شنطتها طرح الكيس في ثيابها ونزل بالشنطه.

(39)




ايمن: هيا انزلي. شاف الكيس الي اشتراه بعد ماوصاه الدكتور تهتم باكلها سوا... فتح شنطتها طرح الكيس في ثيابها ونزل بالشنطه.

دخلت وكلهم مجتمعين فوق العشاء..

كنز قامت وزاعله : يوووو مالش يا سميه ؟

زوجته الثالثه : مسرع او قد بتوحمي

ايمن شافها بضبح وقال لابوه : اباه رجاء قل لها تسكت وماتدخل في شي مايعنيها

ابوه : ماقالت !! مافيها ؟ بتغير

ايمن عصب من رد ابوه وطلع قبل سميه بعد ما استفزته مرت ابوه..

سميه : ماتشتو شي !

ام ايمن : صدقت الي قالت فيكن المتعلمات حق دلع مش زواجه.

الزوجه الثانيه رحمتها : اجلسي تعشي..

سميه : الحمدلله شابعه والابره ف يدي ..

الزوجع الثانيه : كان اطلعي يابنتي افتهني..

ف الغرفه..

دخلت سميه وهو جالس فاتح شنطتها بيخرج الكيس اشتغربت

ايمن انحرج: ما فتحت الشنطه الا امد بس اخرج لش هولا طرحتهن ف السياره امد لحد يبسرهن منهم.

سميه استغربت طيبته معها : ناهي سهل افتحها قد بينشل ثيابك من دولابك

ايمن: هو صدق... راح جلس وخرج كتابه ودفتر وبيذاكر..

سميه جلست وماسكه المغذبه بيدها الثانيه تعبت وهي رافعه لها : تقدر تعلقها

ايمن شافها قام مسك المغذيه دور لقي ف بقعته ف الجدر مسمار علق المغذيه ف طرف المسمار جنبها.

سميه رفعت عينها بعينه : شكرا

ايمن جلس مطنن لها دقيقه ساكت بس بيتأمل تفاصيل ملامحها كأنه كل يوم بيكتشف فيها شي ويحفظ شكلها اكثر واكثر..

سميه منتظره يتكلم انحرجت من حدة نظراته نزلت عيونها وبتقرش اللصقه بدون ماتنتبه من ربشه نظراته لها

ايمن : ليش عتبعديها راعي

سميه : ها. . سحبت يدها .. شافته ، اصلا مانتبهت

ايمن مشي من جنبها ناولها الكيس : هذا شليت لش بسكوت عصير وحليب لاجوعتي كلي

سميه استغرررربت وفررحت : كانت ماتوصل لها هذه الجعاله الا لو حد من اهلها جا من المدينه وادالهم.

شكرا لك.

ايمن مارد انحرج وفرح انه عجبها مشي سكته

سميه : ليش هكذا لما واحد يشكره يزنط ويدعمم ولما ادعمم يرجع لي يخ مادريت كيف افعل بالولد هذا

ايمن جالس بيفكر : غريبه والله اننا اول يوم ادرا باسمها .. نسيت لما عقدولنا

سميه بتتفرج لها خلصت : يا .. سكتت ماعرفت كيف تدعيه محرجه تنطق اسمه..

اي.. من قالتها بهدوءءء وصوت خفيييييف

ايمن لفت لها بسرعه حس بشي عجيب لما نطقت اسمه وكانه اول مره يسمعه قام مسرع لاعندها مبتسم بدون شعور ..

سميه انحرجت من ابتسامته وضحككت مستغربه وقفته متصنم قدامها ومبتسسسم ..

ايمن :ليش بتضحكي

سميه : انت ضحكتني حين ضحكت الاول.. لفتت راسها ع جنب من الخجل

[لامارا]

(40)



سميه : انت ضحكتني حين ضحكت الاول.. لفتت راسها ع جنب من الخجل.. ايمن شافها وانحرج من الموقف وانها ضحكت عليه : ذلحين كيف يفعلو ؟

سميه : مدري

ايمن : سهل لو خليناها للصبح ونسير نبعدها

سميه : تمام.

ايمن : ماتعلمتي كيف يبعدو الابر !

سميه : مادرست طب انا لصف ثالث ثانوي

ايمن : هنيت لش تميتي

سميه : انت ما تميت ؟ ايمن جلس بعيد شويه منها ف طرف الوساده : انا درست لصف ثاني ثانوي ووقفت 3 سنوات وذلحين معي الشهاده.

سميه هزت راسها: اها
ايمن : صعب قوووي ياهمتاه ابي بيصيح

سميه : انا احب الدراسه قوي

ايمن : انتي شاطره؟
سميه خزيت وابتسمت وسكتت

ايمن شافها جالسه بالبالطو حب يكلمها باسلوب مايبين لها انه بدا يعجب بها بهنجمه: وليش بالبالطو ليش مابعدتيه ؟؟ او عتخرجي بيتكم.. ابي بهذلني بسببش

سميه شافت انه بدا يتغير معها ماحبت تزعله وبعد كلامها مع مرت اخوها ونصايحها لها انها تبدأ تهتم به عشان يعجب بها بخوف جاوبت سريع: مع مع ماشخرجش شابعده بس الابره ف يدي وبدات توجعني قوي نبعدها وبس.. بدأت تفك اللصقه من الأطراف وشافت نص الابره داخل يدها خافت وقلبت وشها غمضت عينها

ايمن شافها قام لجنبها : مالش

سميه :ابسر ها يمكن الابره حنبت داخل

ايمن قرب مسك يدها.. سميه حست بإحراج سحبت يدها شويه

ايمن مسك يدها اكثر : لحظه لاتخافي ..سحبها بسرعه ..خرج دم مسك يدها وضغط مكان الابره يوقف الدم.. سميه بتحاول تسحب يدها بس ماقدرت كان ماسكها .. طلعت امه .. يا ايمن .. ايمن.. ايمن خاف بعد يدها من يده وقام بسرعه وبصوت واطي : ارقدي غمضي عينش.. سميه بتعجب : ليش

ايمن رجم البطانيه فوق وشها وطفى الفانوس ورقد... امه دخلت شافتهم نوم : ياي رقده من ذلحين جعلش مرقده اهل الكهف قومي العمل مراعيلش حق يومين بيتكم... ايمن عارف انه لو هنجم امه بتخاف منه وتخرج : مااااالكم ماتخلو واحد يرقددد ..ماهيش عيشه هذه والله لافلت لكم البيت واخرج ماتبسرو لي صوره

امه قربت لاجنبه : وهذه مالها ماتت !

ايمن : مريضه سحبتها من المستوصف ابوها قال لو وقع بها شي انا غريمه.. اقتلوها امد يحبسوني وتفتهني يمه انا داري ماعتفتهني الا لو ما ابنش يموت ويورثين ابي خالاتي

امه صاحت : يووووو مالك يا ابني ماحصلك مافعلت
ايمن : البنت قال الدكتور كانت عتموت مجاعه عندنا اسبوع ماكلتوها ولاشربتوها ناقصه حديد وفيتمينات فيها ضعف

امه : يووو خلاص ولاعليك الا اوبه لها ترجع صحتها بعدا ترجع للعمل انا مافيني للشقا قدني تاعبه وكبيره ع العمل.

ايمن : تمام ذلحين اشتي ارقد

امه : يلله تصبح ع خير



(41)



سميه تشتي تتنفس تحت البطانيه سمعت الباب اتقفل وفتحت البطانيه ظلام...

ايمن بصوت واطي : قد خرجت؟

سميه : مدري

ايمن ولع الفانوس ...

سميه نفسها تسأله ليش مهتم بها كيف تغير : هو صدق ابي قال هكذا ؟

ايمن : انتي على ذمتي يعني لو وقع بش شي انا مسئول.

سميه : فرحت من كلامه حست فيه طيبه شعور غريب ماعرفت تفسره ناحيته معقول بدات تحبه ! معقول من يوم وموقف تغيرت نظرتها له والكره الي كرهته طول الاسبوع الي كانت معه !! .

فعلا الأنثى كائن مخلوق من احاسيس تفرحها المعامله الحلوه وتزهرها ..

سميه : كتفك شكل( تشافى) ؟؟

ايمن متجمل من سؤالها : ايوه الحمدلله قده اشكل..

نازل عند الشيخ.

الشيخ : جمع اهل القريه واعزمهم الخميس نفعل ل ايمن عرس سار تزوج وعقد لنفسه ماعيقولو علينا.

سالم : ياسلام مارأيك ياشيخ اتعرس معه قد حاكيت خالي يديله بنتي

الشيخ : ضخم

سالم : وزد ابن مدير المدرسه عيتزوج الخميس نفعل عرس جماعي

الشيخ : والتكاليف عليا ولايهمكم شي

سالم : تسلم الله يبارك فيك.

الشيخ : عمر اطلع ادعي اخوك..

بيت سليم..

رجعت مرته وبنته ..

ارزاق مانت فارحه بكسوتها والملابس الجديده والعطور والمكياج والاكسسوارات اكثر من فرحتها بالزواج نفسه..

((كان حلم اي بنت في القريه تتزوج ولو مبكر ولو انها ماتعرف ايش الزواج والمسئوليه فقط تفرح بزواجها عشان تمتلك الحريه في وضع احمر الشفاه ولبس الملابس المطرزه والسماح لها بالحضور في الاعراس لانه البنت العازبه لاتحضر المناسبات الكبيره..))


في المدينه...

أنس بيذاكر حاول يلحق كل مافاته رغم دخوله المدرسه بعد ما فاتته دروس كثيره.. كان متشجع ومتحمس لانه بيسمع مدح من المعلمين في مستواه..

ابدا ماكانت ظروفه وفراقه عن اهله وعمله في سن صغير عائق انه يثابر ويجتهد كان كل حلمه وتفكيره انه يكون مثل ابناء المدينه انه يسكن فيها مع اهله ويمتلك سياره وعيشه حديثه تختلف عن عيشه اهله.

سمع ابن عمه واصحابه بيتكلمو عن بعض الاحياء القديمه والقرى الذي تواجد وسكن فيها يهود اليمن قديما يوجد بها كنز مدفون تحت البيوت وفي بعض الاراضي القديمه..

أنس : بيقولوا ان عندنا في القريه بير ملانه حنشان وان فيه كنز.

ابن عمه : لاتصدق عندنا

في القريه كم ياخرطات وانه من قرب منه قتلوه

أنس متحمس : ايوه صدق قد ماتت عجوزه وواحد

ابن عمه : العجوزه أجلها والولد يمكن فلت وغرق اكيد عيموت

اصحابه قاطعوه وواصلو تأكيد الخرافات هذه ويتفلسفو من القصص القديمه...

كان وضعهم المادي البسيط يخليهم يحلمو بالكنوز ويتاثرو بالقصص والافلام الي فيها كنوز.

(42)

بيت سليم.. في غرفتهن خواتها كلهن متجمعات المزوجات بعيالهن وهي.. شمس بتتفرج كسوتها وملابسها : يارب زوجني وانا يقع لي من هذا كله

اختها الكبيره : يامجنونه لاتستعجلي ع روحش سنه ولا سنتين وزوجوش وتندمي.. شمس : كلكن معكن ذهب وادوان حاليات وانا مع

اختها بتهز ابنها الي يبكي : هيا شليه سكتيه تعلمي للبزا من ذلحين.

شمس شلته وبتلاعبه دخلته عند الغنم والدجاج. .. بيت سالم.. الجده في غرفه امها لفلفت ثياب ام بلقيس وكل ادواتها وطرحتهن في شواله
بلقيس : اين عتجي بهن حق امي

جدتها : ارجمهن امد ابوش عيتزوج بنت اخي

بلقيس دمعت : لاترجميهن اديهن لي حق امي

جدتها صيحت فوقها : خرجيهن لوما نتصدق بهن

بلقيس : قوا خليهن امي عتغثى

جدتها بصياح : زكاش عقلش قد ماتت قلك تغثى اتصدقي اجر لامش

بلقيس : اجر ؟

جدتها : ايوه تدخل الجنه

بلقيس فرحت : صدق ؟ تمام
خرجت للصاله خرجت منهن اكثر ثياب يعجبها فوق امها خبتهن لها ف شنطه ثيابها وخرجت بقيه الثيابات.

يوم الخميس... انس بعد ما سأل ابن عمه اين يشتري زنه جديده بسعر مناسب له.. اشترا له ولابوه ورجع صباح يوم الخميس يحضر عرس اخته.. بعد العصر

كل عروسه تجهزت وبانتظار يشلوها بيت عريسها.. الا سميه كانت مثل العروس اليتيمه الي ماجربت تلبس وتتزين وتفرح مثل كل بنت كانت مستغربه ان ايمن عيتعرس يعني ايش !
يعني ماعيطلقها ! معقول هي عروسته مش مصدقه كان شي غريب بيحصل.. الزوجه الثانيه طلعت مع اخت عمر المزوجه بس عايشه في المدينه دخلت غرفه سميه في يدها فستان ابيض .. سميه وقفت

اخت عمر ( رحاب) : هذه مرت ايمن ؟ سميه مستغربه

زوجه الشيخ : ايوه بنتي متزوجه في المدينه جت تتعرس

رحاب :سلمت عليها، كيف انتي؟؟ سميه بتسلم عليها : الحمدلله

زوجه الشيخ : هيا قومي تجهزي وتلبسش الفستان وتتوجش ( تلبسها التاج وتسرحها ) سميه : ليش ؟ رحاب : كيف ليش قالو لي ان انتي مافعلتي عرس اديت فستان استاجرت لش ونلبسش .. سميه فرحت : صددق ؟ زوجه الشيخ ابتسمت انها فرحت ومسكت الفستان ورفعته : كيف هو حالي ؟

سميه ابتسمت بفرحه وخزا وغطت وشها : ايوه حالي
رحاب : هيا غسلي شعرش وجي اسبره لش .

سميه : تمام

زوجه الشيخ : وبعدا عنطلع لش الكسوه خليناها تكسيش.
رحاب : حاكاني ايمن ان انتي ماكتسيتي ..مراعين حد من الجهال يطلعها

سميه حجفت زوجه الشيخ : انتي اطيب واحده في هذا البيت .. ومن حين شفتش حسيتش بدل امي الله يرحمها. ودمعت.... ازيد بارت !!!!!

[لامارا]

(43)



زوجه الشيخ زعلت عليها : امش ميته..شافتها بكيت

الله يرحمها ولاتغثي ولاشي انا امش وام زوجش طيبه بس الله يهديها عتحبش معها معها عي تحنج ايمن قوي.

رحاب : هيا مابش وقت عيجي زوجش بعد المغرب..

جنب بيت سليم خيمه النسوان ..

كل النسوان فيها لابسات وفوقهن اللثم والستاره..( طبق قوانين قريتهم )

كانت الخيمه مفرشه بطربال ازرق ( نوع من انواع الخيم ) ومغطايه كان يحرسها أنس

بلقيس فلتت بيتهم وراحت تشوف العروسه حق بيت سليم...

كنز لقيتها وبتلعب جنب الخيمه...

بلقيس زعلانه جالسه تلعب بالحجار

أنس : يلله يابنات من هنا

كنز : عيزنط حين هو عرس اخته.

بلقيس : لو كان عرس ابوه انه غاثي

أنس بيقلد دور الرجال بما انه بيدلعوه انه الاخ الكبير رغم انه الفرق بينه وبينهن سنتين.

كنز : واحنا معنا حريوه طز فيه خلي حريوتهم لهم قد ابسرناها جي نسير نبسر مرت اخي

بلقيس راحت معها..

طلعين عند العروسه بعد مالبست فستانها وبتمكيجها اخت زوجها وتصلح شعرها.

بلقيس : عروستكم وقعت قمر احلى منهن كلهن

رحاب بهررت فوق كنز : ليش اين سرتين

بلقيس شافتهن

كنز: نبسر خالة بلقيس

رحاب : ابوش تزوج

بلقيس: ايوه

رحاب : جعله عمى امش ماقد تمت شهر

بلقيس: لاتدعيش ع ابي ادعي ع جدتي هي الي زوجته.

ام ايمن طلعت : يلله الجهال من هنا انزلين يلله... النسوان نازل

رحاب : صدق جين؟

خالتها مرت ابوها : اكيد عرس ابن الشيخ ياويلهن مايجين.

رحاب قامت تشوف نفسها ف المرايه بعد ماتصلحت مسكت فمها من الصدمه عجبها كل شي شافت نفسها صدق عروسه زي ماتمنت.

الشيخ وزع لهم قات للي في الخيمه حق الرجال انبسطو اهل القريه منه وبدأو يستسلموا له ..

بضبح وغرور وين سليم ماجا

واحد من اهل القريه : عند نسبه اليوم عرس بنته

الشيخ هز راسه ..

وقت اذان المغرب..

بيت سالم .

ام سالم مع بنت اخوها بعد ماوصلوها وسارو جلست تكلمها : اشتي توقعي مره وتخلفي له عيال ..ابني يرحم ماتهنى ولا يوم اشتي افرح بجهاله قبل ماموت..

بلقيس بتتفرجها بحقد.

العروسه منحرجه وبتتفرج بنت سالم ولعمتها ..

ام سالم : معش شهر ساع كل نسوان القريه ماتفعلي شي ..اخرجي والفي حطب وارجعي لوما يجي دولش للعمل... وبلقيس عتفعل كل شي.

بلقيس بتتفرج جدتها بحقد ذكرت انها ادتلها كنز كتب صف ثاني راحت ف الزوه بعد ماطردتها جدتها من الغرفه وخرجت فرشها للصاله جنب المطبخ..

جلست تقرا وتتهجا وتكتب.

بيت الشيخ..

وصل ايمن وكان حاسس انه عريس بس متخيل بيوصل لواحده بشرشفها ولثمتها ومغطيه شعرها الي شافه يوم سرقه زي الحلم وهي بتظفره..

(44)

فتح الباب وشافها قدامه جالسه فوق المدكا ومنزله راسها مثل اول يوم شافها فيه..

تفاجأ انبهر لدرجة انه شك ورجع من الباب خرج وقفل عليها تركها في خووف ! في تساؤل في لحظة خذلان (( ماله ماعجبته او يمكن غير رأيه !! قد بنقلهن مش ضروري)) يعلم الله ماله خرج بدون مايتكلم كان مبهرر يمكن قال لهم يزوجوه واحده غيري! !!))

نزل للدرج وسألهن وهن في الصاله خالاته وامه واخته.... من الي ف المكان !

امه : مرتك ياسعم من ؟ او ماعرفتها

الزوجه الثالثه : يووو ياسين عليك يا ايمن فجعتك قد بنقلهن نبسر لك واحده احلى

ايمن قاطعها وشاف امه: هذه سميه ؟



رحاب وامها وامه ضحككين : ايوه هي ...

ماكملين كلامهن مشي بسرعه عدى الدرجات هذك في ثواني ودخل لعندها بسرعه...

مالش ساكته !

سميه تفاجأت به وقفت : ما كلمتني ؟

ايمن بضحكه ملان وشه ويمشي لاعندها: ماعرفتش

سميه خزيت وفعلت نفس حركتها رجعت وشها ع جنب ومسكت فمها لما تضحك زي عادتها. ..

ايمن هذه اللحظه عرفها هي بس بصوره مختلفه..

اليوم حس نفسه عريس لما ابوه سامحه وفعله عرس يعني الان قادر يعيش معها بدون تأنيب ضمير حتى انه حبها وهي حبته...

من قال ان الزواج بدون حب فاشل !

الحب بيخلق وبيوجد سواء قبل او بعد الزواج المهم انه يستمر ، عمره ماكان الحب قبل الزواج مقياس مثالي لتوافقهم... العشره نفسها وجو الاهتمام والاحترام خلق الحب بينهم في اسبوع...

بيت عريس بنت سليم..

تفاجأت بالبيت الي وصلت له كان البيت الي قدامه سياره لما كانت ترعى الغنم هي واختها شمس ويتكلمين عليه بيت المدير حق المدرسه...

كانت فارحه وهي بتتفرج بيتهم
كان احسن من بيت ابوها ، منتظره تشوف كيف شكل العريس من كثر ماخوفتها اختها وجلست تتخيله لها بشع ومخيف وعصبي ..

دخل العريس لغرفتها منحرج كشف عن وجهها لها الطرحه وجلس.

بعد صمت قليل بدأو يتعرفو ع بعض درست او لا ولصف كم وكم عمرها...

بدأ يكلمها عن نفسه وشغله ودراسته ..

تفاجأت انه متفوق ف الثانويه بامتياز وانه بانتظار حصوله على منحه خارج البلاد..

ارزاق : عتفلتني هنا وتسافر ؟

زوجها : لا ، تراعي لي هنا اتم اجراءات السفر واشلش معي..

ارزاق كانت اسعد لحظه بحياتها انه الزوج المجهول قبل ماتزف له كان كحظ بالنسبه لها ابدا ماكانت توقعاتها لهذه الدرجه.. بدأت تفكر انها عتسافرر !! وبتحس بفرحه غير بدأ الحب بالنسبه لها من هذه اللحظه حبته كون الشخص الي ارتبطت به مميز ونادر عن ازواج بنات القريه..

كل واحد له تفسيره وطريقته في الحب وهذا الحب في زمن البساطه كان عفوي جدا...

(45)

بيت سالم...

جلست بنت خاله مع امه المتحكمه بكل اللحظات وكل مكان بالبيت والأشخاص ..

وصل سالم شاف بنته بلقيس وامه في الصاله..

دخل لعروسته للغرفه يتعرف ع ملامح وجهها الي مايعرفها رغم انها من اهله، ويبدأ يعلمها ويمليها قوانينه وشروطه ...

كانت بتفكر بينها وبين نفسها كيف طباع زوجها ، اكيد مايهمه شي ان مرته ماتت وما انتظر لها تتم ال40 يوم .. كيف بتعيش مع بنته الي نظراته كره لها.

وعمتها المتشرطه من لحظه وصولها في كل شي وفضولها وفلسفتها.

سالم وصل و مخزن ولما يخزن بتتغير طبيعته بيتكلم ببرود بنوع ما من العدم اهتمام..

جلس في بقعته ( فرش ومدكا ) شافها جالسه في مكانها : مبروك..

زوجته : الله يبارك..

سالم: غيري ثيابش واخرجي نتعشى ونسمر مع امي وبنتي.

زوجته كانت نوعا ما لقنه (ماتسكت على شي) :ياعيبتك كسرت نفسي لبسوني واستاجرو لي زنه وسبرتني الشارعه امد اعجبك حتى مابسرتني ؟ كنت عتقل لهم انك عادك حزين على مرتك لا لبسش

سالم استغرب من جرأتها وكتم غضبه: مش هي اول زواجه لش عشان اكسر نفسش والقصه مش هي فستان ومكياج امد اعجب بش...

شاعجب بش لوما تعوضي بنتي على امها الي ماتت وتوبهي لامي الكبيره ف السن وتقدري تتعايشي معها مثل زوجتي الاولى رغم هرم امي ، وتخلفي لي الولد الي نفسي فيه ..

لما احسش قدرتي تهتمي بكل شي بيقلقني هذه الفتره شاعجب بش واحبش..

اطرحي هولا ف اذنش..

بنتي لاتغثيها وحاولي تكسبيها وامي لاترادديها واعرفي تعيشي احلى عيشه.

(( وكأنه بعض الرجال يفكر انه تصدق على الأرمله او المطلقه لما تزوجها وكأنه الوحيد الذي عانى ولازم تثبت نجاحها ف الزواج عشان لايشمتو فيها الناس بسبب طلاقها الاول مازال للاسف الى الان...

رغم الاحداث الي كانت في الروايه قبل عشرات السنين..

هي لها الحق كمان تعيش تتعوض وكأنها اول زواجه لها بما انها حياه وعشره.)))

سالم وقف وفتح الباب : مراعيلش خارج. وقفل الباب

زوجته قامت تغير ملابسها وهي بتبكي على المهام الي لقيتها من اول يوم بدأت تفكر كيف تثبت نجاحها حتى لو تلجأ لكيد النسوان واسحار المشعوذين حسب وعد امها لها انها ماتخلي حد يشمت فيها...

مرت الايام وكان كل واحد يفرض حبه بطريقته...

ارزاق كسبت حب اهل زوجها وزاد شوقها وحبها لزوجها الي ماعرفته الا ايام بس كان

كان عكس توقعاتها بعد ماتصورته باخس صوره..

كسبت اهله وحبهم لها لطيبتها ومراعاتها لهم وميزتها لخوات زوجها..

سميه كانت مطابنه خالة زوجها وامه اكثر من طبانهن ببعضن البعض...

وبدأت بعض الاحداث المهمه ...

[لامارا]

(46)



وبدأت بعض الاحداث المهمه ...

بيت الشيخ ...

الزوجه الثالثه شافت العجين بعد ماعجنت سميه وراحت تدي الحطب من ورا البيت...دخلت بسرعه المطبخ فتحت لثمتها وقلعت شعر من راسها وفعلت في العجين ..

كانت بتشوفها الزوجه الثانيه من خارج المطبخ جنب طاسه العجين مستغربه مش دورها ايش دخلها! !

وصل الشيخ... دخل

اين الغدا ؟

سميه دخلت بالحطب توفي للتنور الي بدات تخبز : الان ياعم اقرب..

الزوجه الثالثه خرجت من جنبها سكته وبتشاور الشيخ..

الزوجه الثانيه بتتفرج بهدوء ايش بيحصل

وصلت ام ايمن وفي يدها اللبن بعد ما حلبت البقره حقهم ...

الشيخ صاح فجأه ودخل للمطبخ : افتحي طاسه العجين

وصل ايمن في يده اكياس بيسمع صياح ابوه ف المطبخ ..

سميه فتحت غطا طاسه العجين ومستغربه ماله : خير ياعم مالك؟

الشيخ جلس ف الارض وسحب الشعره من العجين ووقف زبط الطاسه للجدر : الله يلعنش ويلعن من رباش ياقذره

ايمن اقتهرررر معامله ابوه لها... بيشوفها بتشتغل وبتحاول ترضي الكل رغم نصايحه لها بس عشان لايدخل زوجها بمشاكل مع ابوه.

الزوجه الثانيه وام ايمن دخلين المطبخ وبيحاولين يهدأين الشيخ: مالك ماحصل !

الشيخ : بتأكلونا من يدها ولاتعرف ولاتعلمت النظافه كيف الولد هذا عايش معها

سميه من الخوف وزعلها انه لعن اهلها جلست ف الزاويه متكومه حول نفسها بتبكي..

الزوجه الثانيه : والله ما انظف ولا احلى من عملها بس الله لاسامح المناققين ( شافت طبينتها)

الزوجه الثالثه: ماقصدش

الزوجه الثانيه : خرجت تدي حطب وابسرتش بعيني تفتحي شعرش وانتي جنب الطاسه.. يا ظالمه ياحاسده امرش لله

الزوجه الثالثه بتمثيل وبكاء: شفت ياشيخ صدقت كيف تكرهني من خين اديتي فوقها وهي هكذا ..

الشيخ : والله انكن تمرضين واحد وانه وجب اتزوج الي تربيكن كلكن. ..

ام ايمن جريت تجهز له الاكل وتقرب له لغرفته..

ايمن دخل للمطبخ سحبها وعلى خرجته سمعها

الزوجه الثالثه قربت لاعند طبينتها : اذا ماخليته يطلقكن كلكن ..وضحكت باستفزاز ودلع وطلعت غرفتها..

ايمن شاف خالته ومرته ف يده: اذا مازوجته بالي تقهرها ما انا ايمن..

خالته: والله ماهي مرتك انها هي هذه الشيطانه الله يلعنها ..

ايمن هزر سميه بعده وطلعها للغرفه دخل وقفل وصيح : ليش جالسه مسكينه ، كم حذرتش منها ومشاكلها.. ليش ماقلتي لابي

سميه: افتجعت يضربني وماعيصدقني بيكرهني مش طايق صورتي هنا وانت داري شايف معاملته لي.

ايمن جالس بيفكر وضابح...

((ملاحظه: الصوره كانت لبستان في منزل في صنعاء ، وزرعوا 10 اشجار بن بسهوله وكانت الشجره الوحيده الي ماحتاجت اسمده زراعيه))




(47)


سميه: افتجعت يضربني وماعيصدقني بيكرهني مش طايق صورتي هنا وانت داري شايف معاملته لي.

ايمن جالس بيفكر وضابح: انا شعرف كيف افعل واريحش منهم.... ونزل لاعند ابوه...

سميه كانت مقهوره بس حب ايمن وخوفه عليها بينسيها الظلم الي بتعيشه.

انس وصل القريه فارررح بشهادته..

ابوه : كان مبسوووط وحاسس بحظ وتوفيق عياله بيخفف همومه...

امه : قدك معطل؟

انس: ايوه شاجلش معكم يومين وارجع

امه: مابش رجعه اجلس عاون ابوك في الارض.

انس: اشتي ارجع اشتغل هانك واعاون ابي حق الارض ماتكفيكم

ابوه: اذا راجع لشغل مابش رجعه يا انس اجلس هنا عاونني يا ابني رضي عليك ظهري ماعدوش حق حراثه والعمل والغنم جور ع اختك وامك.

أنس بزعل بعد ما ارتاح ف عيشه المدينه اكثر : حاضر.

وخرج عند اصحابه...

بيت سالم..

خالتها شافت جدتها نوم : هيا بلقيس جي عاونيني..

بلقيس كانت بتذاكر مع كنز واجب كتبته لهن سميه ..

خالتها : يلله يابنت روحي بيتكم وقومي يابلقيس عاونيني

بلقيس: لاتروحي اجلسي اكتبي اسير اجاوب واجي
ماقد لعبناش

خالتها: ادخلي اعجني بطني بتوجعني

بلقيس شلت المعجنه( وعاء العجين) وفعلت الطحين وخميره وماء بسرررعه عجنته وفعلت ملح وهي بتتفرج كنز من الباب لاتروح ورجعت شافت الملح وهي بتسكبه حست انها زيدته زيدت دقيق وعجنت...

خالتها دخلت : تميتي؟

بلقيس: ايوه

خالتها ناولتها كومه ملابس : اغسلي لي هولا بساعتش

بلقيس: يوو عتروح كنز .. بعدا اغسلهن

خالتها : ماشي مابش خرجه الا لما تتميهن..

بلقيس شلتهن وطرحتهن ف اللجن ( حوض الغسيل): وسكبت صابون وتغسل واحده بعد الثانيه وتفحرهن بيدها

كنز جت: هيا بلقيس تميت الواجب شاسبق العب خارج تمي وجي

بلقيس : تمام

خالتها كانت ممدده ف الغرفه نعست..

بلقيس خرجت تضحي الاولات عشان ترجع تتم الباقيات لمحت خالتها نوم جلست تلعب مع كنز..

كنز : مغالطه خرجتي وماقد تميتي واجبش تشتي اوقع اشطر منش وارجع ادرسش ساع الاستاذه سميه

بلقيس : طيب اسير اتم اكتب الواجب ونسير تصحح لنا سميه

دخلت البيت.

خالتها نكزت لما دخلت شافت الثياب ف الارض والماء كله تم والصابون مطعفر شويه ف الارض .

هزرتها بظفيرتها : مالش ماتستمعيني وانا ساع امش ولا عليه ابوش بس يكسر راسي اوامر عليش وانتي مابتستمعيني تشتي الولد ينزل عليا تشتي تشقي بي انتي وابوش وجدتش...وتلف شعرها وتهزرها معها

بلقيس بتصيح وتبكي .

الجده قامت : مالش ماوقع ماله ابني

بلقيس بدات وهي تبكي تتكلم مش مفهوم

خالتها تحارش قبل : ها كيف نعثت الصابون والماء تمته كله قد بينقلها خليني اغسل انا





(48)

خالتها تحارش قبل : ها كيف نعثت الصابون والماء تمته كله قد بينقلها خليني اغسل انا ولاارضيت ولا بتستمتع

جدتها شافت الصابون والماء شلت الخيزرانه ورجعت تضرب بلقيس

بلقيس بتبكي وتحاول تغطي ع الضربات بيدها ....

جنب الباب..

كنز بتكتب ف الجدر بالقص ( طبشور ابيض) الحروف والكلمات واسمها واسم بلقيس

أنس : مايكتبوش بلقيس هكذا ( بالقيس) مسحها وكتب بلقيس

كنز : واسمي صح ياولد او مع

أنس كان معجب بشخصيتها ومميزه عن بنات القريه بحكم انها بنت الشيخ كانت ملابسها مرتبه ماترعاش غنم :

اسمي أنس، وانتي يا كنز كتبتي اسمش صح.. انتي داريه اسمش حالي قوي مثلش...

كنز فررررحت وراحت تدعي بلقيس من الباب : بلقيس جاوبي انس بيعلمني كيف تكتبي اسمش جي تعلمي جي ابسري شهادته

خالتها سمعت : أنس من ؟؟، يااااي بتحاكي جهال ابسري ياعمه كيف بتحاكي جهال !

جدتها : والله ماراحت لها لاعند ابوها يقتلها ويربطها وافتهن منها ..خلفه بنات مامنهن الا هم .

ادي الولد وانتي لاماتت هذه نفتهن..

بلقيس بتسمعهن ومقهوووره حست باليتم حست بحاجتها لأمها تدافع عليها وتحميها مثل ماكانت تفعل لما تضربها جدتها وابوها.

كنز دخلت بتشوفها بتبكي شافت خالتها بضبح وتذكرت مشاكل الخالات : وانتي مالش ع الجاهله تضربيها صيحي بس يكفي

خاله بلقيس مسكتها وخرجت كنز وقفلت الباب

أنس شافها فلتت من الباب مستغرب : تضاربتين؟

كنز بكيت : ماشي بس خالتها دهفتني وضربتها

أنس: هي امها ماتت ؟؟

كنز مسحت دموعها: ايوه ..

ابوه شافه واقف مع بنت الشيخ بصوت دعاه

انسسسسسس

أنس حس اسمه بيرررن في الارض هذه النبره نبرة غضب اكيد ابي صيح اننا بينجابر بنت...
يو لو يحس اننا بينحبها ويفهم !

كنز هربت للبيت وهي بتبكي..

امها : مالش؟

كنز : خالة بلقيس دهفتني وخرجتني من بيتهم

ام ايمن : تستااااهلي مابيخرجش الشارع ! كان زمان في عمرش وقدنا مخطوبه وعرسي بعد سنه.

قرين لكن جني ف البيت ع قد جهال.

كنز شافت سميه : يووو نسيت الواجب با استاذه هانك..

ام كنز : ياااي اجلسي مابش سيره قلك استاذه اذا ماتعرف تعجن كيف عتقرا وتكتب اخلي ابوش يدي مدرسه من وسط المدينه لاجلش يا كنز.

ايمن كان واقف جنب سميه قرب شويه للدرج وشافها : و ابي والكل نشتي الرابعه متعلمه تقرا وتكتب وتوبه للعمل حق ابي .

ام كنز ارتفعت حواجبها : العقل زينه اوبه اجمع حسك ..شافت سميه وشافته ماصدقنا الي حصل

ايمن : وارجعي تعلمي مع كنز خليها تعلمكن

ام ايمن : وانتي مالش واصل طالع او مصدقه ان انتي حريوه هو الا يوم

[لامارا]

(49)



ام ايمن : وانتي مالش واصل طالع او مصدقه ان انتي حريوه هو الا يوم

سميه شافت انها الزوجه الثانيه ف المطبخ حبت انها تساعدها وماسخيت عليها..

ايمن : معي الامتحان حقي يوم الاحد اشتي تذاكر لي

امه : عتختبر هذه السنه

ايمن : ايوه.

سميه ع نزلتها : ابدا احفظ النصوص انزل اعاون واطلع لك

ايمن. تمام

ام ايمن : شافت انها فارحه تتجمل مع طبينتها : خلاص بس سيري ذاكري له وانتي عاونيني ف دوري

سميه دخلت جلست بتنقي معها : شويه امد مايحفظ واسير..

خالة زوجها تجملت منها وبتراشيها ماتعس شي. ويتجابرين ويضحكين..

وام زوجها والثالثه بيتبرقطين.

بيت سالم.

سالم دخل : السلام عليكم

مرته ف الغرفه سمعت الصوت جلست تحاول تبكي تحاول مابش دموووع قامت تمثل دور المريضه وخرجت بسرعه لاعنده. ...

بلقيس بتتفرج لابوه بنظرات اخر امل فيه هو انه يرحمها وينصفها...

كانت منتظره الوقت هذك كله لابوها...

سالم شافها ف الزاويه عرف انها قد انضربت : ماق
فعلتي

امه خرجت من المطبخ بتعرج وتسحب الرجل الثانيه : مدري مال البنت هذه امانه انها قتلتنا

مرته واقفه شلت الاكياس من يده وماسكه بطنها باليد الثانيه : سهل لاعد تحاكيه يا عمه حرام سهل انا مثل امها شاتحملها عشانه.

سالم بيسمعهن..: ماحصل ؟؟

امه : قومي حاكي ابوش مافعلتي..

خالتها بضحكه وتبهرر لها : سسسهل سهل هي مش داريه يمكن لوما نعثت الصابون ولعبت بالماء

سالم : كيف مش داريه وهي بتفعل عمل البيت قبل ماتتزوجي

امه : هي بالعاني بتجنن خالتها بتحرق من حين جت راسها براسها

خالتها فارحه وبتمثل بنظراتها دور المسكينه مسكت بطنها وكانها بتتوجع

سالم شافها ماسكه بطنها : مالش؟

مرته : تاعبه يمكن حين غسلت لده خيرات وتمهرت

عمتها : ادخلي صورة البنت هذه عتعدمنا الولد من حسدها.

بلقيس بكيت بقهررر بعد ماشافت اخر شخص توقعت تلجأ له ينصفها ، ادا لها ظهره ومشي مع واحده عادها جت من أيام.

جدتها عصبت من بكاها : يا سالم

سالم خرج : باقي شي ابري ذمتي لاوقع شي توقع داري بنتك بتلعب مع العيال خارج

سالم امتلا غضضضضب وحس انه لهذا الشي وخلاص مايقدر يسكت

مرته تحاول تمثل دور الطيبه : لاتعسها خلاص اخر مره لها تلعب مع ولد.

سالم جنن اكثر وخرج هزرها بشعرها ، انتي تشتي تجننيني انا ضبحت منش ومن الي بتفعليه ليش عتجننيني هكذا ! ارجمش للكلاب تاكلش ولا وسط البير وارتاح منش.

بلقيس بكيت : والله يا اباه ماحاكيت حد كنت العب مع كنز ولا طعفرت صابون هي كانت تقلي اغسلهن لها وغسلت نصهن اخرج ابسر وجت.

ماكملت

خالتها بتكذبها.

الباقيات بتاخر شويه




(50)







ماكملت

خالتها بتكذبها وتمسك ابوها : سهل سهل خليها هي ضابحه ذلحين تقل ماقالت انا شتحمل هي مثل بنتي..

شافت امه بتجهز الغدا راخت للمطبخ

سيري امسكيه لايضربها وانا اقرب قد انتي تاعبه ياعمه ..

سالم شافها وطيبتها فرح انها عتكون لبنته الحنان وقت مايحتاج يقسى ويربيها...

بلقيس كانت تتفرجهم وحانقه تتغدا..

بعد الضرب والحرمان انها تخرج وتلعب مع بلقيس وحد يجي عندها...

وكأنها تقرر عليها تحتبس في سجن مع الاشغال العامه بس السجن هذا اوجع من السجن الي نعرفه لانه سجن وقسوه من ناس ربينا معهم والبيت الي بنحس بالألفه والأمان فيه..

الصدمه والوجع الي بتعيشها بلقيس اكثر من اي سجين اذنب ودخل يتعاقب على ذنوبه.

..

بيت سليم

ابوه : انت مجنون عتقع رجال تفكر انك عادك جاهل

انس : مافعلت

ابوه : تجابر البنت وتلعب معها انا ابسر ابني بيلعب ومع من بنت الشيخ يا انس تشتي يقتلك

أنس : ماكنت بينلعب خطيت من هانك وهي بتكتب اسمها غلط وصلحته وكتبت الصح ..
مافيها

ابوه : ولو تبسر بنت تنزل عينك للارض وتمشي

أنس : ليش هنا كل شي مايسبرش وفي المدينه مافيها شي بيلعبين ف الشارع بنات الحاره معنا كره و وقل ..

ابوه : مادخلك منهم انت ابن سليم ولو سرت المدينه فسرت عشان تتعلم مش تغير ما ربينا عليه بتفهم

انس ضبح وبعناد شخص في سنه بيبرر لنفسه مالهم هكذا هنا كله عيب كله مايسبرش هانك ناس اغنى من الشيخ وعايشين طيبين لابيحبسو حد ولا يسرقو حد . ليش هنا عيشتنا ضبح

.......

في غرفته وهي بتذاكر له..

ايمن : يابنت قبالش واحده ل ابي جميله وصغيره بس ماتوقع احلى منش

سميه خزيت ولطمته ع يده : هيا مالك يازوجي بتخزي بي..

ايمن ضحك : يعجبني لو ما تخزي..
بس من صدق نفسي اسكت خالتي احسها راسها براسش وراسي ...

سميه : انا مادخلني افعل ماشتيت

ايمن : ليش ؟

سميه : يعاقبني الله وترجع تدي فوقي مره

ايمن : ومافيها

سميه : والله يا ايمن؟

ايمن : انا ما اشتي الا اعيش مع مره واحده وما اشتي لجهالي الا ام واحده العيشه الي عشتها ماشتيها لهم

سميه فرحت ومسكت الدفتر وبتكتب : ان شاءالله.

هيا ابدأ حل هذه المسأله.

ثاني يوم الكل في الارض بيزرعوا ويحصدو بعض الاشجار المزروعه ..

الشيخ كان يلف جولته الصباحيه يدي لهم الأوامر ..

سالم بدأ يتراجع عن نظرته للشيخ انه ظالم شاف انه بيوزع لهم مبلغ او مكافاه...

الشيخ : اجلس ياسالم معي ورق اشتي منك تحسبهن للان كم الربح وكم حق المزارعين

سالم جالس بيحسسب ومصدووووم اهل القريه بيشلو النص والتعب تعبهم والارض ارضهم

والشيخ نص المبلغ لاجيبه..


(51)

والشيخ نص المبلغ لاجيبه.. بدأ يفكر يخدعه وينقص من المبلغ ويتذكر ان ابنه متعلم لايراجع المبالغ ويفضحه .. بدأ يلعب الشيطان بنفسه ويقول حقي بيدي لي اقل مما استحق اخصم لنفسي اكثر.. بس مشتيش اكل اهل بيتي حرام.. فقرر انه يضمن حصوله ع الفلوس من عدمه انه يشتغل مع الشيخ وبس ظلم مش ظلم هم راضيين عل. نفسهم.

الشيخ : يا سالم اشتي تكلمهم في المدينه يدو لقريتنا مدرسه بنتي تحب القرايه خيرات ولازم تطلع دكتوره ت

رفع راسي.

سالم حس بغيره ان بنته برضو تحب الدراسه : طيب ياشيخ ليحين عتخلي بنتك تدرس؟ الشيخ : لما يجيلها زوج .

سالم : سوا. . بدأ يفكر يجهز لبلقيس ملف يدرسها.. في غرفتهم
سميه : ايمن اسير بكره مع بيتنا المدينه عرس بنت عمي؟ ايمن : ابوش عيسير؟ سميه: ايوه وعنرجع نفس اليوم
ايمن: تمام بس لاتحاكي حد ويعرف مافيناش لكسار راس ابي

سميه فرحت : تمام

ايمن : ادي الكوت المعلق

سميه قامت وادته وناولته

ايمن : خرج زلط من جيبه وناولها : خلي هذه حاجتش
لو احتجتي شي او شي.

سميه شافتها عدة ورق من فئة الميه : يووو خيرات يا ايمن خليها لك

ايمن : معي ماتقلقي خلي هذه لش اشتري مافي نفسش.

سميه: اتنقش؟ ايمن: افعلي ماشتيتي

سميه فرحت وخبتها وبدات تجهز لنفسها ثياب ووصته يذاكر امد تنزل تجهز العشا وتخبز وترجع. .

كالعاده ما مر على نزلتها ربع ساعه وبدا الصياح واصواتهن ملان البيت راهن بينه وبين نفسه انه خالته .. نزل وتأكد من الموضوع فتح الباب لابوه بدون مايحسين وخلا ابوه يوقف ف الباب يسمع زوجته بتبهذل بسميه وتعاير امه وطبينتها وتتحداهن وتعايرهن بجهالهن

الشيخ : عصبببب
ايمن مسكه قبل مايتكلم : الحل عندي يا ابه لقيت لك ناس ياسلام ..المره هذه انا جاي معك اخطبلك وازوجك .. ابوه لفت له: بيت من

ايمن جلس يوصف له الناس وكيف هم ..الخ

الشيخ فرح ومسك كتف ابنه بقوه : الان معي ولد يحس بي
يفهمني واعتمد واركن عليه.. ايمن بفرحه انه رجع لابوه : وهذه الايام بينذاكر واختبر وشاتعلم وامسك ارضك ومالك وكل شي واركن بس

ابوه. :ضخم باقي عمر هذا خلي عينك عليه ابسر من بيمسخه.. وانا اعرفوا اجهز لكم احسن مستقبل مايحلمو به عيال القريه. . (( هكذا الطمع يبدا في الشخص الي يعتبر نفسه مسئول على رعيته يطلع ينصف حق المظلومين لجيبه و لمستقبل عياله )) ايمن دق صدره : ولايهمك اركن انت بس.

بيت سليم... بلقيس جالسه تكتب الواجب الي ماكتبته مع كنز وتتذكر الي حصلها وتبكي.

جدتها خرجت شواله الذره : قومي يابنت اسحبيها ..ظهري

مساء الفل انشروا هاشتاق

[لامارا]

(52)


جدتها خرجت شواله الذره : قومي يابنت اسحبيها ..ظهري مكسر

بلقيس قامت حاولت تسحبها وماقدرت : ثقيله

جدتها : يلله خرجي على شويه شويه ونقيهن

بلقيس بضبح وتكلم نفسها والله لافعل نفسي انقيهن واكلهم حجار هي وخالتي : بدأت تنقي

خالتها جالسه تخيط حزام الجمبيه ( بدأت تخيط احزمه جنابي وتديهن لدلاله تبيعهن لها في المدينه
...

افعلي لنا قهوه( قشور البن تسمى فهوة القشر) يا بلقيس

بلقيس شافتها بضبح : حاضر

جدتها : ولاتفعلي لي سكر

سالم وصل دخل : السلام عليكم انا جاوع العشا سريع شخرج معي عمل ويمكن نسافر المدينه ...

امه : هذا الساع؟

بلقيس سمعته وخرجت : قوا يا اباه اجي معك

سالم بصياح: اين تجي كلهم رجال ..

بلقيس جلست تهم كيف تجلس معهن وايش ناويات لها في غيابه.

بدأ اهل القريه يقتنعو بالاشجار بعد مايقطفو ويبتاعين بكثرره ويروح الارباح للشيخ ولهم نسبه..

بما انهم مش متعلمين ماكانو يعرفو كم الربح وكم المفروض يكون لهم بس الفلوس القليل هذه كانت تعميهم عن حقهم وارضهم والاشجار الي ارباحها مؤقته ...

بعد يومين...

سميه رجعت من المدينه بعد ما اشترت له هديه عطر واشترت لها فستان وتنقشت : انبهر ايمن بها وحب انها ذكرته....

كان حبهم على قدهم ببساطته ..

اما ارزاق سافر زوجها المدينه يعامل اوراقه وبقيت هي تشتغل وتتعب لأهله على أمل تروح معه.

كانت مسالمه مثل ابوها الرجل المسالم الي فلت حقوقه وارضه خوف على عائلته وابنه يلحق بهم ضرر ويتحملوا نتيجه دفاعه على حقهم احساسه بخوفه على عائلته كان أهم من خوفه على ورث اجداده وارضه وحقه ...

ولأنه مش بيده شي كان الرأي المخالف الضعيف جنب رأي الاغلبيه من عيال عمه واصل شغله على ارضه الي انتسبت للشيخ في لحظه تهديد غصب عنه.

أنس جا لاعنده : اباه سير ارتاح وخليني انا اقطف بدلك...

سليم : جي اعلمك كيف لانه لو تغلط لايغرمونا...وانا اسير اصلي وارتاح ..

انس : تمام من اين اقطف..

سليم بدأ يعلمه....

في مكان ثاني ..

أيمن وصل لاعند شباب متجمعين وجالسين شاف عمر مخزن اشر له يجي لاعنده

عمر قام بخوف لايفضحه: مادراك اننا هنا

ايمن : ليش مخزن ؟

عمر: مافيها كل الشباب مخزنين وانت ياسعم بتخزن

ايمن : مادخلك مني انا والله لو يدرا ابي لايعلقك قدو حالف لك

عمر : وانت والله لو تحاكيه يا ايمن

ايمن هزره بالكوت : ماعتفعل ها ! يلله اخطى قدامي للبيت

عمر دهف يد اخوه: مش قبالهم عيضحكو عليا

ايمن : خلاص امشي سكته

عمر مشي معه

ايمن شاف الي في سنه بيشتغلو ف الارض: ها ابسر الجهال مابيفعلو وانت مبحشم !!!



(53)


يمن شاف الي في سنه بيشتغلو ف الارض: ها ابسر الجهال مابيفعلو وانت مبحشم

عمر بضبح:مادخلكم مني انا حر

ايمن: مش انت حر ابسر أنس قالو بيسير يدرس ويشتغل ويساعد ابوه

عمر : ليش وانت ياسعم مابتفعل لابوك واصل وانت في غرفتك

ايمن عصب وضربه : مادخلك مني انت مادخلك بيندرس سعم مثلك فاشل

عمر بمسخره : بتقريك مره

ايمن : ايووووه

عمر : ضحك عليه : والله لو يدرو اهل القريه لايشمتو بك

ايمن لاحظ ريحته سجاير: عمر معك سجاره خورت واحده

عمر فرح : صدق ؟؟ تشتي !

ايمن : ايوه بس لاتحاكي ابي

عمر خرج الباكت من داخل الزنه مخبيها : تمام بس وانت لاتقل لابي

ايمن : ولايهمك عنتبهذل سوا.. بس من بيديلك

عمر : واحد من الخبره بيسسير المدينه واديله زلط

ايمن : بكم هن!

عمر : الباكت بميه ريال لكن بيندي له 200 حق شقاه ب300 ادي وانا اقله

ايمن : هيا نسير لاعنده

عمر بضبح: قد بهذلتني قبالهم عيضحكو عليا لو ارجع

ايمن : قل لي ب اسمه واسير انا اخليه يديلنا جمعه.

عمر : تمام اسمه عدنان

ايمن بيحاول باسلوبه يكسبه ويعرف منه من مسخه: خلاص اسبق للبيت لاحد يحس وانا اسير

عمر فرح : تمام يا احسن اخ ..

ايمن ابتسم له نص ابتسامه وانتظر لما مشي ورجع لاعنداصحابه.

عمر سبق للبيت ...

بيت سالم..

جدتها : من امس لليوم عادش نصها

بلقيس: هوذك ابي جا وقربت العشا ورقدنا وبكرت عجنت وخبزت وفعلت غدا وغسولت والان انقي.

خالتها وصلت من بيت اهلها ومعها كعك ولوز وزبيب قسمت لعمتها شويه ونسيت بلقيس..

الجده ادت لبلقيس حبه كعك و3 حبات لوز و4 زبيب : انتي عادش صغيره ماتحتاجي تتغذي انا ارحم وخالتش واحمه.

بلقيس رغم نفسها فيهن زعلت ان خالتها طنشتها ردتهن لها : انا ماشتيش.

جدتها : وفرتي

جدتها : من حنق على غير امه سلي.

بلقيس ذكرت امها وجلست تبكي...

جدتها : كم روحش في البكاء ..

خالتها خرجت وجلست جنب عمتها : يمه مارايش لو نخطب بلقيس لابن خالتي بيدورو له حريوه

جدتها : ماكره ( ياريت) ، قدو وقتها تنخطب وكما سنه سنتين تزوجت وتربت على يد زوجها امد تقدر تعيش .

بلقيس استغربت ايش من زواج بيمزحين !

انا ماشتيش اتزوج اشتي ادرس ساع الاستاذه سميه واتزوج قالت لنا احسن شي البنت تتزوج 18 لانصدق ونتزوج 13 سنه

خالتها : ماتزوجت الا وهي معنسه وكانو عيزوجوها بالشيخ لاتصدقي لها

بلقيس مافهمت : هوذا انتي مثلها وتزوجتي ابي انتي معنسه يعني

خالتها فكرتها بتتريق عليها شافت لجدتها : اكسر فمها على هذاالحكا

جدتها : تستاهل وقحه ماتعرف كيف تتحاكى

بلقيس شافت كل واحده ملتهيه كانت ماتنقيش سوا




(54)




بلقيس شافت كل واحده ملتهيه كانت ماتنقيش سوا تغرف وتمشي بيدها بسرعه وكملتها ...

جدتها : هيا اطرحيهن لبكره وشليتيهن بالعربيه لاعند ام بسام تجي تطحنهن

بلقيس : تمام..

جدتها : جي رزمي رجلي...

بلقيس ضبحت وسارت تشوف طلباتهن الي ماتنتهي وظلمهن لها..

خالتها : تقلي يا عمه عيوافق ابوها

جدتها : خليه عليا وانا اقنعه..

خالتها : تمام.

بلقيس مطنشه وفاكره الأمر عادي زيها زي بنات القريه

بيت سليم..

أنس وصل فارح لقي رزمه زلط خمسينات ف الارض...

ابوه : سألت حق من هي؟

أنس : من لقي لقي خلاص

ابوه صيح وقام لبس وخرج معه : مابش من لقي لقي.. اسال حق الناس يا ابني شقاهم تعبهم..

أنس : ولو كذب واحد وقال حقه

ابوه : الله يحمله.

أنس : من تسأل ولا من وبعدا من معه هذا كله ؟

ابوه شك في الشيخ : ما مزلط الا الشيخ بس يمكن سالم حين بيقسم الزلط.

أنس : اسير بيت سالم والشيخ اسألهم

ابوه خاف اول ماقال اسير بيت الشيخ بس لقيها فرصه انه الشيخ يتجمل من ابنه اكثر وما ياذيه..: ايوه سير بيت سالم وان مش هي حقه سير لبيت الشيخ ..

هم الي كانو يقسمو الزلط

أنس شلها وخرج بيعدها وهو بيمشي وصل بيت سالم ..

جدتها : قومي ابسري من عيجي هذا الساع

بلقيس سارت تفتح الباب

أنس مخبي يده ورا ظهره : وين ابوش يابنت

بلقيس: اسمي بلقيس وابي مابحد ماتشتي منه

أنس: هو ضاع عليه شي

بلقيس: وانا مادراني ياذكي

أنس قزز من ردها وشعرها المشعفل ولبسها الي كان عجيب وغريب..

مشي

بلقيس قفلت بعده ودخلت

جدتها : صوت ولد من هذا

بلقيس: واحد بيسال على ابي قال لو ضاع علينا شي

خالتها : ومالش ماتقلي له يديها افرضي ابوش ضيعها ياغبيه خليتيه يسير

بلقيس قربت ترزم رجل جدتها:هو مشي من نفسه مافعل له

جدتها زبطتها : انتي بقره وعاد بقرتنا احسن منش ماتفكريش ولا تعقلي

خالتها ضحكت

بلقيس ضبحت واقتهرت

بيت الشيخ..

انس واقف مراعي يفتحو له

عمر ضررب كنز : سيري انتي افتحي يلله

كنز تشتي ترجع له الضربه وقام خافت جريت تفتح الباب وهو واقف بضحكه : أنس ماتشتي

أنس شاف انها متذكره اسمه وابتسمت له تجمل منها : وين ابوش

عمر قرب جنبها وقف سحبها من شعرها ودخلها ووقف بدلهل : من اين تعرفيه ماتشتي وانت هنا

أنس: اشتي الشيخ

عمر : يشتي الشيخ من انت تحاكي الشيخ

أنس : اشتيه موضوع مهم قوي.

ايمن وصل وهم ف الباب بعد ماراح وبهذل وهدد الي بيدي لاخوه السجاير ووصل له رساله من الشيخ انه بيدي راسه لو يزيد يشوف اخوه معهم انهم يفلتوه..

مالكم ماحصل ؟؟؟

أنس : اشتي الشيخ مارضي يخليني احاكيه

[لامارا]

(55)


أنس : اشتي الشيخ مارضي يخليني احاكيه

ايمن:ماتشتي منه؟

أنس: اشتي اقله شي مهم واساله واديله

ايمن: ماهو

أنس: هي أمانه ابي قال اوصلها ليده.

ايمن شاف اخوه : ابسر طريق يدخل يحاكي ابي

عمر دخل وصيح فوق كنز: حسابش معي بعدا من اين يعرفش

ام كنز : تمسى وقل يالله رضاك انت وامك من دوار الهدار هذا الساع

عمر: ادخلين يالله .. عيدخل الولد

ايمن دخل هو وأنس للديوان

الشيخ شافه : ماداه هذا لهنا

عمر : قد بينقل لأيمن مابيفهم مش هو داري بشي ولا مابيحصل وماوقع المره الاولى

ايمن شافه بنظره ضبح كيف يكلمه هكذا وهو الاكبر: تمام حسابك مع ابي بعدا

أنس : ابي قال اجي اسالك لو ضاع عليك شي ياشيخ

الشيخ بضحكه استهزاء: يضيع عليا شي! انا ؟؟ قلبتني انت وابوك اهبل ادوع

أنس خرج من جيبه الزلط : مابلا هذه

ماخلاه يكمل كلامه....!!!

الشيخ بهرر : من اين سرقت هذه ياكلب ؟؟

أنس بخوف ونظراته بتتوزع لعمر وأيمن والشيخ وحاسس انه بيشترغ بريقه من نظرة الشيخ : والله ماسرقت لقيتها على الأرض وقلت اسألك محد معه زلط خيرات الا انت..

الشيخ يكرهه لانه ابن سليم : ماقصدددك ! لا معي زلط خيرات تشلها

ايمن بيهدي ابوه: اباه صلي على النبي مالك ! بيقلك لقيها وماقصد شي كلامه سوا ورجال انه اداها صاحب امانه. .

الشيخ : قل لابوك ماعيرحله مني ! مابيدور ؟ مايشتي يطلع عليا

انس : والله ماقال شي هو انا الي لقيتها ياشيخ ولا شليت ريال فتشني هاا فتشني (<< قرب من ايمن..

فتح جيوبه وخرجهن من البنطلون ونفل جيب الشميز وزعل مشي ..

الشيخ سكت وبيعدها...مش داري حق من بس واثق انه لو حق حد بيجو لعنده يسألوه اصحاب القريه

ايمن لحق أنس وخرج معه : تسلم يابطل على الأمانه

أنس بضبح فتح الباب وخرج : اصلا ماناش بحاجه الزلط بينشتغل لو اشتي.

ايمن سكت وغلق بعده الباب. وذكر وقاحه اخوه معه رجع لاعند ابوه وتكلم بكل شي للشيخ ومنعه من الخرجه عقاب.
............

بيت سالم...

رجع ووصل من السفر دخلت معه مرته للغرفه تناوله ملابسه وتعلق الكوت وهي بتكلمه على بلقيس وعلى انها بتجابر ولد ... وانه وقت يخطب لها عشان تجلس ف البيت وتبطل دخله وخرجه وسنتين تكبر شويه وتتزوج..

سالم: تمام موافق

مرته : يعني ارد لهم خبر

سالم : تمام خطبه

بس والعرس لبعد 3 سنين

مرته : سوا عاد الولد نفسه صف تاسع يتم المدرسه .

سالم : تمام قليلهم موافق.

ف الصاله..

الجده بتتسمعهم شافت بلقيس وابتسامه : ابوش وافق تنخطبي

بلقيس ببراءه ابتسمت : صدق

الجده تغيرت ملامحها : ومالش فارحه يابنت

(56)

الجده تغيرت ملامحها : ومالش فارحه يابنت

بلقيس: يعني شالبس طرحه ويجو الناس كلهم يبسروني

الجده عوجت فمها : هذا الي انتي فارحه به

بلقيس : ايوه

الجده : وتبكري تعجني وتخبزي وتفعلي صبوح وتنظفي وتطبخي غدا وتحطبي وتسايبي ماء وترعي الغنم وترجعي للمطبخ

بلقيس : بينفعلهن كلهن لكم. اعرف

الجده : وحين يخطبوش ماعد بش لعب ف الحاره مع احد ولاتجابري مخلوق.

بلقيس:قد انتو حابسين لي من اينه بينحاكي حد

جدتها بضبح ضربتها على ظهرها : قومي اكسرتي راسي لغاجه ، ساع امش اعوذ بالله معها لكل شي رد

بلقيس نكزت من الضربه وشافت جدتها بحقد...

في الديوان بيت الشيخ ... مخزنين

سالم : تخيل لوما طلعت يا شيخ الربح كان فوق ماتوقعناه ززززلط القات هذا رزق بيبتاعين كلهن مايجي 2 ولاعد علاقيه

الشيخ : زززبدو اسحبو الاراضي الي تحت بكره البن شل نص البقعه والماء الساقيه كلها بتسير للبن ننزل لاعندهم بكره وقلعناهن ووسعنا القات

سالم : تمام انت داري ياشيخ النوع هذا حق القات مابلا ارضنا والكل محوش عليه اغلب مايبتاع ف السوق هو.

الشيخ فرررح : بدات تخليني افكر في القرى الي جنبنا ما رأيك نسير نقنع مشايخها والمزارعين

سالم : كلها عنب قد الورق والاغصان متفرعات حرام نقلعها

الشيخ بضبح : حرمت عليك عيشتك قال حرام.. خليهم يسترزقو ويتوسع اسمنا لكل بقعه ويبتاع

سالم : تمام... بس عتوقع مشاكل يا شيخ كل يوم واحنا في شريعه مع اصحاب الساقيه والماء

الشيخ : سلاحك معك وادخل بهنجمه وعيفتجعو منك وشويه قرشين ارشي هنا وهنا وسبر حالك ..

سالم نفس ريشه وارتزح للوساده الي وراه حس انه بيتمشيخ : بعدك ياسيد الكل انت تؤمر واحنا بعدك ...

الشيخ : وراقب لي سليم وابنه مش مرتاح لهم ابدا حاسس انهم سرق او كيف... امس يجي لي برزمه زلط

سالم شافه : امانه ! انا بينقل اني ضيعتها ف المدينه

الشيخ : هي حقك؟

سالم : الله المستعان شاكذب عليك والاماريه فيها ورقه عرض الربل مكتوب فيها كم باقي لي فوق انسابي بينقاضيهم تدينت منهم

الشيخ فتح الكوت وخرجها ورجمها له : حقك

سالم سرح شويه وبيفكر كان أنس بيحوم حول بيته له يومين معقول هو !!!

قرر لايكلم الشيخ ويتصرف شخصيا مع ابوه.

..

سليم قفل الباب بعد سالم والكلام الي سمعه منه (( انه شاكك في ابنه بس احتراما له قفل الموضوع قدام الشيخ لايفعل له مشاكل وانه متحلف له ايش بيشله قدام بيتهم الا انه يسرقه وبيعاكس بنته )).

جلس يشوف ابنه التصرف الي فعله امس وانه كان يقلهم من لقيها حقه وو شك انه سرقها وخاف يتبهذل اكثر وينسجن مره ثانيه او يفعلو بابنه شي

أنسسسسس!!


(57)


أنسسسسس.. بصوته الغاضب

انس قام جاوب سريع بخوف بعد ماكان بيقرا مجلة العربي اداله واحد من اصحاب عيال عمه بدأ يتعود عليها كل مايرجع ابن عمه يديله معه منهن كان يحي نفسه يشوف كل شي عجيب وغريب بعيد عن واقعه بين هذه الاوراق بدأ يفهم اشياء كثيره وتجي له اسئله وفضول يعرف اكثر واكثر حس القريه كانت مغلقه عليه بسبب ضغط العمل وروتينهم وانعدام المكاتب واكشاك الجرايد..

صوت ابوه وهو ضابح نساه المعلومات الي جلس لمدة ساعه يقراهن بصوت واحد بلحظه غضب واحده بخوووف ..

خير مالك ماحصل يا اباه

ابوه لطمه :سارق ياكلب سارق ؟ ليش !

انا تعبت منك بهذلتني اكثر ماترفع راسي خلفت 7 بنات محد فتح فمه عليا وانت سمعت بي اهل القريه... قوم اخرج من بيتي يلله سير عيش ف المدينه افتحس واوقع رجال وكما عقلت رجعت..

أنس بقهررر شاف ابوه مجروح من الكلام الي سمعه !

هو كيف وابوه كيف بكلمه واحده بيصدق اهل القريه دخل غرفته وبضبح بيلف ملابسه وكتبه ...

كان يمد السماطه ( الشال) ويرصهن ويربط....

وخرج

امه تبكي وتهدا ابوه يراضيه يمسك ابنه ...

والاب ضاابح

انس خرج وقفل الباب... مشي ف الظلام ف لحظه غضب مش داري. وين يسير بس بيفكر انه بيكون مرتاح اكثر وابوه يخلص منه اذا هو سبب وجع راس ابوه ومشاكله مع اهل القريه..

هو رجع عشانهم رغم حبه للمدينه...الي حس انها الضوء الي بتديله وتغير منه وتقوي ثقته بنفسه مش عشان كبر المدينه وتطورها بس عشان مش حاسس نفسه ضعيف خاضع لظلم وسيطره اقوياء.. عشان بيحس بحريه مافي قوانين وخضوع لاشخاص..

بيدرس ويشتغل ويقرا ويشوف حياه مختلفه منوعه..

بدأ يمشي رغم حزنه خطوات مدروسه للأيام الجايه كان كله طموح شغف يتغير..

و بعد 3 سنواااات :
___________________________________________

أنس : كبر ، تغير ، شاب ، في اول حياته...

انتهى من الاعداديه وبدا يداوم الثانويه..

مستواه كان عادي عكس الطموح الي كان عليه والسبب !

كان الشغل السبب الرئيسي كان يحاول يتنقل من وظيفه لأخرى واجه مشاكل مع
ابن عمه واصحابهم الي ف السكن والسبب انه مع بداية سن المراهقه كان مايحب حد يتدخل ويتفيضل وينصحه ويوعيه وبالذات لناحية ابوه. .

قسوة الحياه قست قلبه شويه كرهته ف اهله الي ماشاف منهم غير الذم ومشاكل فوق ىاس ابوه بسببه واخرتها انطرد شاف صعوبه الحياه وابوه ساكت ولا حاول يلحقه يرجعه ، ماعاد سأل عليهم.

ابن عمه وصل وهو جالس يزعق ويسمع اغاني : أنس

أنس شافه : نعم .. قلتلك شخرج بكره تطمن .

ابن عمه : عمي تاعب قوي سير ابسره..

أنس فكر عمهم ماجا ع باله ابوه :الله يشفيه. . ورجع يزعقه وينفخهن ..