وعادت الى الحياة / للكاتبه NasseM ، " سعودية " مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية وعادت الى الحياة للكاتبه NasseM قراءة ممتعة للجميع....

[لامارا]

رابط لتحميل الرواية هنـــــــــــــــــــا

بسم الله الرحمن الرحيم

السلام عليكم ورحمة الله وبركاته كيف حالكم إن شاء الله دائما بخير ؟

نقدم لكم رواية
وعادت الى الحياة
للكاتبه NasseM



قراءة ممتعة للجميع....

[لامارا]

╝▫ ╠ الجزء الأولـ ═ ╝▫╠ ═

..: تخليني وسط صحراء ونار السمش تكويني .. تخيل خطوتي حافي وشوك الأرد يمديني :..

الزواج الحتمي الي نفرض على شخصين مالهم بالدنيا الكثير ..
حب المال والجاه .. والطمع والجشع .. أول الأسباب لتدمير حياة طفلة ما عاشت من الدنيا الا 17 سنه .. مقابل شخص يكبرها بـ ثمان سنوات ..
ام محمد : مبروووك ,, ألف ألف مبروووك ..
ملاك وجهها بالأرض : الله يبارك فيج ..
ميعاد : يااه يااه مو جنه عروستنا استحت !!
ملاك : ميعاد الا وين منار رفيجتي !!
ميعاد : برى .. ماشاء الله عليها شايلة الحفلة على راسها ..
ام محمد : ايه ما شاء الله عليها .. لو عندي ولد غير محمد جان كنت خذيتها له ..

.*.*.*.*.*.*.

ملاك .. بنت كل حياتها اللعب والمزح .. ما عمرها فكرت في شي اسمه مسؤليه .. أو تخرجت من الثانويه بتقدير 71.95 وما كانت تحلم مثل البنات في الزواج ولا في الدراسه .. كانت تبي تشتغل في شركة ابوها وتصير صاحبة شركات ومعارف .. بس الي صار .. ان كان مكتوب في وصية ابوها تزويج بنته من ولد شريكه بالممتلكات .. عشان لا يضيع الحلال .. ! ..

محمد .. العريس المووقر .. 25 سنه .. خريج لندن بشهادة الدكتوراة .. ورجع بلاده على اساس الشغل .. لكنه تفاجأ بموضوع الزواج ..

ام محمد .. الوالده الحنونه ..

ميعاد : .. 22 سنه متزوجه من ولد عمها خالد .. وعندها ولدها سامي سنه وثمان شهور

ميعاد : يلا حبيبتي استعدي المعرس وصل ..
ملاك بربكه : ومنار !! .. و .. واخوي عامر !!
ميعاد : منار عند الصوت عشان تعدل الاوضاع .. واخوج بيدخل لا تخافين
ملاك : أها ..
منار وهي تتدخل : حشى ما خلصتوا
ميعاد : يلا وهذي حبيبتج
منار : تغار الاخت
ميعاد : لا يمه ما بغار الا منج
منار وهي تفلص خدها : ههههه فديتج
ملاك وهي منصدمه : منووور .. طيحتي الميانه أشوف !!
منار : ويييي الا ميعاد !!
ميعاد : طيب اخليكم بروح اشوف اخوي ..
ملاك : الله يغربلج يا منووور فضحتينا ..
منار : شسوي هي تتضحك ضحكت وياها .. انت قولي لي شخبار الاعصاب
ملاك : منقرفه من حالي طبعاً .. آخذ واحد عمري ما شفت حتى شكله .. وين صارت ذي !!

.*.*.*.*.*.

منار .. 17 سنه رفيجة ملاك الروح بالروح ..

دخلوا الصالة .. على أغنيه " هب السعد " .. كانت عين ملاك في الارض .. وعين محمد عليها يتذكر وين شايفها !! .. بس بس ..
ركبوا على الكوشه بعد ما انطفأت كل المصابيع .. الا نور واحد كان مسلط على محمد وملاك .. كانت دخلتهم رووعه ..
على الكوشه وقفوا .. وتموا المعازين يقربون يسلمون ويهنون ..
بو محمد : مبروووك مبروووك منك المال ومنها العيال ..
بو سامي : زواج ميمون انشاء الله ..
محمد : الله يبارك فيكم ...
عامر : مبرووك
محمد : الله يبارك فيك
عامر ويبوس راس اخته : مبروووك
ملاك والدمع بعينها .. وبصوت خفيف : عمووور تم ويايي لا تخليني ..
عامر : صلي عالنبي ..
ملاك : الف الصلاة والسلام عليه الف مره .. بس مابي .. تكفى قول لهم مابي
عامر : لعبة يهال هي !!
ملاك : عمووور ..
عامر : بلا عمور بلا بطيخ .. القلب اتصلت .. يلا تشاااو ..

عامر كان متعمد انه يسوي هالحركه لها عشان تنساه .. بعد ما كانت معتمده عليه .. كان لها الام بعد امها والاب بعد ابوها .. عامر 21 سنه .. يدرس ويشتغل بشركة ابوه ..

على طاولة من الطاولات .. كانوا ربع ملاك يهامسون ..
مروه : فديتها .. صايره احلى واحلى
سعاد : بس حليله ريلها احلى منها
مروه : لا حبيبتي مافي على جمال ملاك
لولوه : تتوقعون بتتغير بعد الزواج !
سعاد : اكييد
منار من وراهم : بتتغير عالكل الا انا
لولوه : عدال حبيبتي
مروه : زين امشوا امشوا نسلم عليها ..


في الكوشه ..
ميعاد : اووف ليش ما تتكلمون .. !
محمد : اقول تعالي شيلي ولدج من على رجولي بعدني معرس يديد
ميعاد : تعرفون انكم واايد واايد تشابهون بعض !!
ملاك بصوت خفيف : بسم الله علي
محمد الي سمعها : الله يعين
ميعاد : شوفوا من جاا
مروه : ااحم .. مبرووك حبيبتي
ملاك بصوت خفيف : الله لايبارك فيج حبيبتي
لولوه : زين انا مبرووك لج انتي
ملاك : اذا قلتينها عدل برد عليج .. ترى الاستعمار الهندي مو عليّ
سعاد من طرف خشمها : الحمد لله والشكر حتى وانتي عروس مو عاقله
ملاك : لا حبيبتي خليت العقل لج
محمد كان يسمع كلامهم ويضحك " الله يهداك يا يبه ماخذ لي يااهل .. لكن .. لحظة لحظة .. تذكرت .. ملاك !! .. ملاك وعامر .. !! ... ايه تذكرتها .. ! ... وانا اقول مو غريبه .. الله يعينك يا محمد على هالهم "
ميعاد : هييييي انتوا .. اخوي هني احترموا ..
محمد : اختي شيلي ولدج حبيبتي
ميعاد : لا حبيبي اخوي خله عندك .. عشان يطلع بكل الصور ..
منار : ملووكهـ .. بااي حبيبتي .. آنه ماشيه .. !
ملاك : له له وين بتروحين .. ابيج تنامين معاي ..
الكل : ههههههههههههههه
بعد ما البنات راحوا .. صعد شخص غريب على الكوشه .. !!
تمت ملاك تتطالع ومو مصدقهـ عينها .. حضنتها بكل حنان .. ملامحها .. تقاسيم وجهها .. كانت تشبه امها .. شلون ما تشبه امها وهي طلعت من نفس البطن والظهر ..
عايشه : الف الف مبروووك
ملاك ودموعها اربع اربع : خالتي .. خالتي وينكم عناا من زماان .. !!
ليلى : ااحم احم بسنا بجي .. مبرووووك ..
مسحت دموعها بخفه وحضنت بنت خالتها ..
عايشه : المهم جفنااج .. يلا ليوول قبل لا تتطير الطايره .. !
ملاك : شنووو !! تو الناس !!
عايشه : تو اليوم عامر مخبرنا .. زين زين لقينا طايره تقطنا ...
ليلى : يلا بااااي ماي بست بنت خاله
ملاك : لكنـ ,,
ليلى: بااي

.*.*.*.*.*.*.

بغرفة من غرف الفندق كانت تضم عريسين جديدين ..
محمد : مبروك عليج أنا
ملاك بصوت خفيف : مالت عليك انت ..
محمد : شنو شنو شنو !
ملاك : اقول الله يبارك فيني عليك
محمد : أهاا يعني ,,
ملاك : اقول محمد ..
محمد : نعم .. !
ملاك : مادري بس كأني أعرفك من قبل !
محمد : ههههههههههههههههههههههههه هههه
ملاك : ... ؟!!
محمد فتح شنطته وطلع صوره : تعرفين هذا !!
ملاك : من !! .... مـ مــ ح ــ ..... محمد !!
محمد : بشحمة ولحمه ..

ملاك : الله ياخذك

~ الجنون عيون وعيونك وطن ..
والوطن من غير عينك ما يكون ..
لا شوارع ولا اماني ولا سكن ..
ولا حياة ولا ممات ولا طعون ..
انت لحالك زمن داخل زمن ..
كيف عمري ينحسب لو تحسبون ~




_ _ _ _ _ _ _ _




السبت .. 10.00 الصبح ..
صباحيهـ المعاريس ,,,




محمد وهو يفتح الستاره : صباح الخير ..
ملاك وهي تغطي نفسها اكثر : اوووف .. وانت ليش تقعدني .. من انت عشان تقعدني !! .. الف مره قلت لك يا عمور لا تدخل غرفتي من غير ما اقول لك ادخل .. لا تدخل وانا نايمه بعد خوش خوش .. برى .. برى في ستين ان شاء الله ..
محمد تم يضحك من قلب .. : ههههههههههه من صجها ذي !! .. الله يسامحك يا يبه ماخذ لي يااهل ,, !! ..
تراجع خطويتين ورى.. وقط نفسه على الكنبه البنيه .. وقعد يتذكر أيام الطفوله الي جمعته بملاك .. من قبل عشر سنوات ..
كانت ملاك عمرها 7 سنواتـ ,, وهو 15 سنة .. وعامر 11 سنه




كانت ملاك ورفيجاتها يلعبون سكينه عند باب البيت لما جاا محمد وكت الماي على لعبتهم وخربها .. البنات قعدوا يصيحون .. لأن بذيك الفتره الكل يخاف من محمد.. وعصابته .. الا ملاك الي كانت عن 7 رجال .. تقدمت له ..
ملاك وايدها على خصرها : ارسم لنا وحده ثانيه بنلعب فيها
محمد الي كان بيمشي : مشي بوزج
ملاك بعصبيه : قلت لك ارسم لنا وحده لا اشتكيت عند عمور ..
محمد باستهزاء : لا لا لا ارجووج .. خوفتيني .. لا لا لا تقولين له
ملاك : اوكي بس اول حب ايدي ...
محمد : هههههههه اقول ذلفي لا أتولاج .. وفر ظهره عنها ..
ملاك كانت عينها تشتعل نار .. اخذت حجر متوسط ورمته على محمد الي تألم منه ..
محمد : والله لأوريج يابنت الناس .. ان ما خليتج تحبين ريلي تقولين لي هد كشتي ..
ملاك : نجوم السماا اقرب لك .. شوف !! .. انت معاك صبي واحد .. وآنه معاي 6 بنات .. !!
محمد وهو يمشعها من شعرها : وين بيتكم !!
ملاك : يالخااايس ... هدني هدني .. ماحبك هدني
محمد وهو يسن اسنانه : قولي عمي محمد اتركني لو سمحت
ملاك : تخسي الا انت قلت لك هدني
محمد : قلت لج الي عندي ( وهو يعص على شعرها اكثر ) بتقولين او لا
ملاك وهي تصارخ : احبك احبك .. امووه على ايدك .. ابوس ايدك اتركني آآآي ..
البنات الي كانوا معاها كلهم تراكضوا وهي دموعها على خدها




محمد : ايه خلج عاقله ..
حمد : هدها يا حموود كسرت خاطري
ملاك بعد ما تركها اخذت نعالها وقبل ما تمشي : كسروا راسك بجهنم قول امين .. ( وطلعت لهم السانها ) .. وانت عند ابوك يا مال الضعفه ..
ومن بعد هالجمله ركضت لما دخلت بيتهم وقفلت عليها ..




صحى محمد على بندول الساعه ..
محمد : هييي يا خبله قومي ..
ملاك وهي تفز : بسم الله الرحمن الرحيم .. وين انا !!
محمد : الحمد لله والشكر .. الي يشوفج ما يقول ذيج الي تستحي بالحفله
ملاك : مالت عليك وعلى حفلتك .. شعاد تبيني اسكت على طول




محمد : لا بس احتريمني عالأقل ,,
ملاك : زين زين كاني احترمتك .. شتبي مقعدني من صباحة الله خير
محمد : هههه انتي مينونه
ملاك : اخوي العقل لك ..
محمد : زين قومي قومي الطياره الساعه وحده !!
ملاك : شنوو !! .. بنسافر !! .. وين !!
محمد : قايل لج البارحه مصر ..
ملاك : وبطياره ؟؟
محمد : شي طبيعي ..
ملاك : لا مابروووح
محمد : عن الدلع اقول ..
ملا ك : أخااف .. تخيل ان تتطيح الطايره .. او تنفجر .. او تتدخل عصابه في الطايره مثل الافلام
محمد : بس بس .. جهزي شنطتج و ...
قطعهم صوت تلفون محمد ..
محمد : الووو
ميعاد : هلا هلا بهالصوت ..
محمد : هلا فيج ..
ميعاد : شلون المعاريس
محمد : يسلمون عليج
)ملاك تناظر محمد بعلامة سؤال .. !! ( ؟
محمد : ذي ميعاد ..
ملاك : اهاا
ميعاد : شفيك
محمد : ولا شي .. بس عروسنا تفكر اغازل بصباحيتنا
ميعاد : ههههههههه فديتها ..
محمد : زين فارجي ..
ميعاد : من بياخذكم المطار !!
محمد : انا كلمت عمور ..
ميعاد : اوكي صار .. باااي
محمد : فارجي هع هع




.*.*.*.*.*.*.




الساعهـ 12.00 ..
الكويتـ .. البيت العود ..
فارس : يبه ..
راشد : واحطبه شتبي ..
فارس : فلووس ..
راشد : حشى وانت ما تشبع ..
فارس : يبه الفلوس الي عطيتني اياهم سلفتهم لرفيجي مسكين في ضايقة ماليه ..
راشد : بارك الله فيك .. جم تبي !!
فارس : الي تمده يدك !
راشد : وانت متى بتشتغل ان شاء الله
فارس : ان شاء الله ان شاء الله .. بس انت عطني
راشد : الله يعيني عليك من ولد ..
فارس : ايه والله الله يعينك
راشد : انزين روح المسيد الي يم بيت خالتك عايشه !!
فارس : وليش بعد !!
راشد : يدتك هناك .. خذها وجيبها البيت ..
فارس : وهالعيوز ما تقعد في بيتها ..
راشد : صل على النبي واستح ..
فارس : اللهم صلي وسلم عليه




_ _ _ __ _ _ _
وقفه ..
نتعرف على عوايل الكويت ..
عايلة بو فارس ,,
راشد : الأب المسؤل عن العايله ..
فارس : 23 سنه .. عاطل إلى حد ما ..
خالد : 21 سنه .. يساعد ابوه في الشركه لانه مو مال دراسه شيخه : 18 سنه .. متخرجه من الثانويه
نجود : 7 سنوات .. آخر العنقود
عايله عايشه ,,
عايشه : اخت راشد .. متوفي زوجها .. وام لولد وبنت
ابراهيم : 21 سنه .. رفيج خالد الروح بالروح ..
ليلى : 18 سنه من سن شيخه .. ومعاها عالحلوه والمره ..




وفوقهم كلهم اليده .. شيخه ..
_ _ _ _ _ _ _




الساعه 10.40
المطار ..
ملاك : عموووور ..
عامر : عيون عموور ..
ملاك : تعال ويانا
محمد : نعم نعم نعم .. !!
عامر : اوامرج حبيبتي
محمد : لا يبه خلك مكانك
ملاك وهي تمسح على شعر اخوها : حتوحشني أوي أوي
محمد : ونتكلم مصري كمان !!
ملاك : امال إيه ..
عامر : اقول روحوا طايرتكم وانا رايح للقلب ..
ملاك : اشوفك زودتها ..
عامر بضحكه ساخره : زين فكينا وروحي ..
ملاك : باي اخوي
عامر : باي اختي




محمد كان مستغرب من التوافق بين عامر وملاك .. كان حاط في باله دموع نوح وبچى ..
.*.*.*.


وبسسس انتضر تعليقاتكم وادا عجبتكم بكمل

[لامارا]

╠ ═ ╝▫ ╠ الجزء الثاني ═ ╝▫╠ ═

يا صاحبي المتعالي يالي طلبت رضاك .. متى يغمض حالي والقلب لي صفاك

السبت .. 1.03 ظهراً ..
في صعود الطائره .. مسكت ملاك ذراع محمد وصكت عينها .. محمد ما كان متوقع منها هالحركة أبداً .. لكن سرعان ما استقر وضع الطائره ..
ملاك : ااحم .. آسفه ..
محمد بغرور ينفض طرف قميصه : لا تعيدينها
ملاك " شفيه هذا !! .. من صجه !! .. قال شنو لا تعيدينها .. الله يصبرني على هالعرس.. "

.*.*.*.*.*.

الساعه .. 2.00
في بيت خالد ..
ام خالد : يمه ناد زوجتك الغدى زاهب ..
خالد : ان شاء الله يمه .. الا وين بناتج !!
ام خالد : ريم وا علي عليها تتدرس .. والثانيه على هالكلكلوتر خالد : ههههههه يمه كمبيوتر كمبيوتر ..
ام خالد : شعرفني به يوليدي ..
خالد : وابوي !!
ام خالد : ابوك ينتظركم عالسفره
ميعاد وهي تركض ورى ولدها : سمووووي انتبه للدرج .. لا تتطيح سمووي ..
خالد : وهذي ميعاد ..
ام خالد : ميعاد اذا ما عليج امر نادي روان وريم للغدى
ميعاد : ان شاء الله عمتي .. خالد خذ سمووي لا يطيح ..
خالد وهي يحمل ولده : يكبر ولدنا يالله .. ويعيش ولدها يالله
سامي بقهقة الأطفال : هه هه ه بابا هه هه


في غرفة ريم ..
ميعاد وهي تتطق الباب : بسج بسج .. ريحي نفسج ..
ريم : أي راحه والناس مرتاحه وانت تونا بامتحاناتنا ..
ميعاد : قومي تغدي وشبعي بطنج عشان تركزين
ريم : اممممم كلشي ولا البطن ..
ميعاد : ههههههه ايه .. يلا قومي قومي ..
ريم : دقاايق ..
ميعاد : سرعي على ما انادي روان ..


في غرفه روان كانت تكلم رفيجتها بالمايك ..
روان : مالت عليها .. انتي شفتي شكانت لابسه !! ... ههههه .. اقولج عاد ...... عادي عادي ... ايه كملي ..
ميعاد : بسج بسج .. يلاا غدى
روان : اقول كلثوومي اكلم بعدين ... لا لا ما بتصل ... لايبه تخسريني .. حمدي ربج بكلمج مايك .. اوكي بااي ..
ميعاد : ما بغيتي
روان : افف كاني يايه .. روحي وانا وراج
ميعاد وهي عاوجه بوزها : الحمد لله والشكر
روان سوت لميعاد من وراها مالت .. " عشنا وشفنا "

.*.*.*.*.

الأحد .. 7.30 الصبح ..
شرم الشيخ .. مصر

قعدت من نومها 7.00 .. بدت تستكشف المكان الغريب عليها .. ناظرت محمد الي كان نايم بهدوء .. مافي ويهه أي ملامح .. تذكرت أيام حزب المافيا .. على أيام بيتهم القديم .. الي كان يضم أحلى الذكريات .. يومها كانت صغيره وما تفهم شي .. كانت تلعب مع هذا وذاك ..
حزب المافيا الي كان يترأسه محمد .. وعلى آخر ايامهم انظم لهم عامر .. كان يقول لأخته عن كل الاحداث الي يسوونها .. مع صغر سنها كانت تحس بشي غريب تجاه هالمحمد ..
عمرها ما فكرت في الحب ..
عمرها ما اهتمت بنفسها ..
حتى زواجها ما كان بإرادتها ..
ماكانت تعرف شنو تبي من هالدنيا أو بالأحرى .. الدنيا شنو تبي فيها !! ..
تمللت من التفكير .. وقامت تصحي محمد ..

ملاك وهي تنزع اللحاف : صباح الكوووكووو ..
محمد وهو يحك عينه : صباح الكتاكييت ..
ملاك : ههههههههه ه هههههههههههههه هههههههههههههه
محمد باستغراب : شفيييج !!
ملاك وهي تتضحك : وانت دوم كشتك جذي !! .. حشى مو ريال
محمد وبملامح متعصبه كانت مرعبه ملاك لأول مره : من الي مو ريال !!
ملاك وهي تلطف الجو : الي وراك .. من بعد !! .. انت جذي شعرك من متى !
محمد وهو يمسك ملاك من شعرها : تتذكرين أول مره مشعتج فيها !!
ملاك : آآآي .. يالخايس
محمد : شنو شنو !!
ملاك : هدددددددني ..
محمد : تبين امشعج مثل لما كنا صغار !! .. ترى انتي الحين زوجتي ومحد بلومني فيج ..
ملاك : الله يخليك اتركني محمد !! آآآآي
محمد وهو يتركها متجه للحمام : بسرعه جهزي الفطور
ملاك : شنووو !!
محمد : مثل ما سمعتي .. ( ودخل الحمام ) .. وانتوا بكرامه
ملاك " شفيه .. توه البارح شحليله .. صج الرياييل مالهم امان .. ماقول الا مالت عـ حظج يا ملاك .. ويبي يتريق عنده روحه عساه يقطعني ما طبخت له .. "

.*.*.*.*.

الساعه .. 8.30 ..
في الشركه ..
عامر وهو يتثاوب : ذياب حبيبي تعال كمل شغلي فيني رقااد ..
" ذياب .. رفيج عاامر الروح بالروح .. اماراتي الجنسيه .. تخانق مع اهله ومنها عاش بالبحرين مع عيال خاله .. "
ذياب : ول ول ول .. شغلك محد بخلصه غيرك يالحبيب ..
عامر : امحق رفيج ..
ذياب : ايه ايه يعني انت الي فيك ملامح الرفجه المثاليه !! ..
عامر : زين فكنا وخلني اخلص شغلي عشان انام ..

.*.*.*.*.

شرم الشيخ ..

طلع محمد من الحمام وكان شعره كله مبلل .. ويرح به يمين ويسار .. من شاف ملاك تم يطشر عليها الماي الي بشعره ..
ملاك : اووووووف .. شنو هذا .. هيي انت
محمد : جب
ملاك : جب يجبك وحمار يحبك وباجر طلاقك ..
محمد غصباً عنه ضحك : ههههههههههههه اقول لج ياهل
ملاك وهي تقلد عليه : هيهيهيهي اقول لج ياهل ..
محمد : وين الريوق ..
ملاك : اخدم نفسك بنفسك ..
محمد وهو يمسك اذونها على خفيف : شقلتي
ملاك : حااضر .. بس اتركني ..
محمد تركها لكنها بحركه سريعه مسكت اذنه : اقول بابا حتى انا ترى اعرف اضرب ..
محمد : متأكده !!
ملاك وهي نافخه روحها : امشى جدامي سوو لي ريوق ..
لكن محمد مهما يكن اقوى .. حملها وقطها على السرير ..
ملاك : آآآآخ راسي .. ووجع ..
محمد : يوجعج .. خلج تخيسين بلا فطور .. انا بفطر برى ..
ملاك : وانا !!
محمد : بــآي
ملاك : محمد والله ان خليتني بمووت .. انطرني .. محمد .. لا محمد ...... افتح الباب يا محمد ..

لكن صراخها كان كله بالهوى ..

.*.*.*.*.

الكويتـ ..
الساعه 4.30 عصراً ..

اليده كانت قاعدة على المدّة .. وحواليها أحفادها ..
اليده : مسود الويه .. وتكلمهم جدامي !!
ابراهيم : يمه هاي ما يستحي على ويهه ..
اليده وهي تأشر على ليلى : ايه لو يستحي على ويه جان اخذ هالقمر الي قباله
فارس : يه يه يه .. يدوووه بديتي تتدخلين بالسياسه .. تراها هي الي مو قابله فيني
ليلى : شاسوي في واحد عطالي بطالي .. لا وفوق هذا راعي بنات ..
ابراهيم : هههههه اللهم لا شماته
نجود : هع هع هع هع عطالي بطالي هع هع
شيخه : ههههههههه اي اي اخونا عطالي بطالي
فارس : الله ياخذج يا ليلوو حتى خواتي حرضتيهم علي
اليده : صير زين وآدمي الناس بتشيلك فوق راسها
فارس : ان شاء الله يدوووه
اليده : الا وين خلود اخوك ما يبان !!
فارس : خلوود دوم مع ابوي في الشغل ..
ليلى : اصغر منك بيوم افهم منك بسنه
فارس : كأنها نغزة تتعن شرفي !!
ابراهيم : دخليك انت وشرفك ..

.*.*.*.*.

شرم الشيخ .. الساعهـ 6.30
ملاك ..
وين راح هذا .. تاركني بروحي !! .. جوووع .. ما يحس يعني بديت اتكشف عن الشقه اكثر واكثر .. صاله متوسطه وعلى اليمين غرفتنا الي تشمل غرفه تبديل وبلكونه كبيييره .. تتطل على المطعم الصيني الي تحتنا .. والناس رايحه راده .. والأكل يضرب في الدماغ .. وينك يا محمد .. وينك .. !!
لو كنت اتمنى الجنه لقيتها .. هذا الباب ينفتح .. ومحمد بالأكياس .. يافرحتي ..

محمد : خذي زطي كسرتي خاطري
قعدت تاكل مثل الي عمرها ما شافت أكل ..
محمد : ههههههههههههه شوي شوي ..
ملاك وهي تاكل : الله ياخذك .. جوووع .. لا وحابسني
محمد كان يضحك من خاطر عليها .. كان شكلها يضحك .. وكأنه يكلم طفله لا أكثر ,,

.*.*.*.*.

الثلاثاء .. 10.00 الصبح ..
بيت بو خالد ..

خالد : سمووي حبيبي .. قول للماما تجهز بنطلع ..
ميعاد : انا جاهزة .. من صجك بتتطرش لي سموي الي ما يعرف السين من الطين !!
خالد : ولدي فطيين .. كفاية يقول بابا ..
ميعاد : ههههههههه ,, يلا مشينا ..
على الدرج صادفتهم ريم وروان ..
ريم بكل ابتسامه وسموحه : على وين العزم ان شاء الله !!
ميعاد : رايحين بيت ابوي .. ها ناويه تجين معانا !!
ريم : تعرفيني .. دافنه روحي بهالكتب وراي امتحانات ..
خالد : انتي وياج عقده مع هالجامعه !!
ريم : مثل مانت شايف ..
روان : الا خلوود حبيبي اليوم ابيك توديني بيت رفيجتي ..
خالد : سووري روان .. قولي لابوي .. انا اليوم بروح ويه ميعاد .. والعصر مباراة ماقدر ..
روان وهو تصعد : اوووف .. كله مع هالميعاد !! .. افففففففففف
خالد : شفيها اختج !!
ريم : يعني ما تعرف انها تظن ان ميعاد ماخذتك منها بعد ما كنت كلشي لها !!
خالد : بس للحين انا معاكم .. واكبر دليل اني رافض استقل في بيت بروحنا ..
ريم : هذا الكلام انا افهمه .. امي .. ابوي .. مو روان ..
ميعاد : مهما كان بعدها في سن مراهقه 16 سنه تعتبر نص المراهقه .. تركوها على راحتها .. وتراني مو متضايقه منها ابد
خالد : فديت زوجتي ..

.*.*.*.

شرم الشيخ..
12.30 ظهراً ..

ملاك : الوووووو منوووور .. وحشتيييني
منار : وانتي اكثثر ..
ملاك : شخبارج شمسويه .
منار : ما عليج مني .. انتي شلونج شخبارج ..
ملاك : والله تمام
منار : اليوم مباراة البحرين واندنوسيا ..
ملاك : قولي والله ..
منار : حشى مو عايشه !!
ملاك : تعرفيني الحين مالي بأرض المباريات ..
منار : البارحه فازت البرازيل .. 6/1 .. ، والارجنتين 4/0
ملاك : بووووووه .. زين زين وبعد !!
منار : اممممم .. تعادلت عمان مع استراليا 1/1 .. وقطر واليابان 1/1 .. وخسرت الامارات جدام الفيتام 2/0 ..
ملاك : باال .. والكويت ما تأهلت .. !!
منار : نو .. كانت بتتأهل لو فازت على البحرين ..
ملاك : خسااره
منار : مالت عليج .. باي باي .. بتسبح وبستعد للمباراة ..
ملاك : ذلفي اففف ..

محمد وهو مستغرب : حشى حشى مو بنات ..
ملاك : شقصدك !!
محمد وهو يطالع التلفزيون : ولا شي .. !!
الثلاثاء .. 1.30 ظهراً ..
بيت بو محمد الكل كان مستعد للمباراة ..
بما فيهم ام محمد وبو محمد .. وحتى ميعاد اللي تكره الكرة .. وقائدهم خالد ..

اما في شرم الشيخ .. مصر ..
كانت الاوضاع ما تسر عند محمد .. وخصوصاً لما سجلوا اندونوسيا الهدف الأول ..
ملاك بمزح : هههه هع هع الفوز لأندنوسيا ..
محمد بعصبيه : شنو قلتي !! ..
ملاك : ولاشي سلامتك .. تابع تابع ..
محمد وهو يمسكها من اذنها : كلمه ثانيه بكون لي تصرف ثاني معاج ..
ملاك بألم : بس بس توووبه خلاااص .. والله ما عيدها
ملاك بنفسها " شفيه هذا .. صج مزاجي .. ماقول الا مالت على حظي الردي .. !! "

.*.*.*.*.*.

الساعه 3.30 ..
بيت منار ..
منار نشأت بين ثلاث أولاد ..
عادل : 27 سنه .,. متزوج من بنت خاله سوسن .. وعنده بنت ساره 3 سنوات ..
جلال : 22 سنه جامعي ..
سعيد : 15 سنه .. طالب آخر مرحله اعداديه
وابوهم الي كان لهم الام والابو بعد وفاة امهم ..


انتهت المباراة بفوز اندنوسيا 2/1
سعيد : ماقول الا مالت عليكم ومالت عـ لعبكم
بو عادل : لا تعصبون روحكم يا عيال عشان كرة ..
جلال بمزح : هههه كرة تقص عليهم وتخليهم يلحقون وراها ..
الكل : ههههههههههههههههههههههههه
سوسن : والمباراة وخلصت يلا قوموا تغدوا ..
سعيد : مابي ..
بو عادل : وليش ما تبي ان شاء الله
سعيد : يبه انسدت نفسي !!
منار : اكيد بتنسد نفسك مدامك شايف هاللعب الفاشل .. وين لعبهم ووين الارجنتين و البرازيل ..
بو عادل : وانتي معاهم بعد !!
سوسن : يعني ما تعرفها يعمي !!
عادل : صبيوووو
ساره : صبيووو ويووو ويوو ..
منار : عدووول .. امسك بنتك ترى ماعرف شنو بصير لي بعدين .. قد اعذر من انذر
سوسن : بسم الله على بنتي تعالي تعالي .. وانتوا يلا عالغداا ..

.*.*.*.*.

الساعه 6.30 ..
شرم الشيخ .. مصر

كانت الشمس تغيب تدريجياً .. وملاك كالعادة في البلكونه تشوف الرايح والجاي ..
" والله العظيم حرام عليه .. ماخذني لعبه يعني !! .. ماعمره خلاني اشم الهوى برى .. "
محمد وهو طالع من الحمام: شفيج مبوزه !!
ملاك : ولا شي .. بس حضرتك نسيت ان احنا في شهر الشكر والدبس .. قصدي العسل .. المفروض اطلعني .. مو تحبسني في البيت وتتطلع عني يا افندم !! ..
محمد : هههههههههه الله يخسج .. حتى وانا تعبان تتضحكيني .. اقول قومي اطبخي لنا شي
ملاك : الحمد لله ان المطبخ فاضي ..
محمد ) افاا عليج الحين امليه لج ( وطلع ..

.*.*.*.*.*.*.

الساعه 7.10 ..
بيت بو خالد ..

ريم : يمه ادعي لي .. آخر امتحان لي بكره ..
ام خالد : بالتوفيق يابنيتي .. ان شاء الله تتطلع نتايجج مفرحه ريم : الله يسمع منج !
روان وهي تنادي : يماااااااااا .. يماااااااا
ام خالد : شتبين .. !!
روان : خالد رجع مع مدامته او لا !!
بو خالد وهو داخل عليهم : وانا مادخل هالبيت الا واشوفج تتكلمين عن هالفقيره مرت اخوج !!
روان : تخلخلت عضامتها .. ماخذه اخونا منا وتقولون مرت اخونا !!
ام خالد : ما بتعرفين فضلها الا اذا طفرتي بها وخليتيها تتطلع من بيتنا ..
ريم : عاد ذيج الساعه عضي يدج من الندم
روان بانفعال : اوووووووووووووووف .. زين زين الواحد يتم في غرفته ابرك له ..
ام خالد : الله يهديج يا روان يا بنت بطني ..

.*.*.*.*.

شرم الشيخ .. مصر ..
دخل محمد في ايدينه اكياااس ..
ملاك وهي تركض ناحيته : اللللللللاااي .. شنو اشتريت لنا من عشااا !!
محمد ببسمه عريضه : بصل .. دهن .. آلو جاهز .. طماط .. بيض .. تصدقين نسيت ماآخذ دجاج !!
ملاك بصدمه : شنووووو !! .. بصل ! .. دهن !! .. ناوي عليّ
محمد " ان ما خليتج تعضين يدج وتصيرين حرمه عاقلة مثل كل الناس ماكون انا محمد .. الجنون تتركينه تتركينه " : لاتخافين .. بساعدج .. اذا تبين اقدر اكسر بيضتين على راسج .. اقصد في المقله ..
ملاك : لا لا بس بس بطبخ لك .. لكن بدون بصل !! ..
محمد : لاني مسامح وكريم بسمح لج

.*.*.*.*.*.

شرم الشيخ .. مصر ..
الجمعه .. 10.15

كانت فاتحه صفحه بيضاا .. تحاول تكتب أي شي .. الملل طغى لى كيانها .. بس ما طلعت منها ولا كلمه ..
بمقابل محمد الي كان يطالعها وكأنه يچوف تمثال عصري .. صحيح ان بنت الخليج مالها الا الأرض .. قاعده عالارض ومتسنده عالطوف .. وشعرها يتمايل مثل بندول الساعه ..

محمد : شفيها تفكر ..
ملاك وهي ماده البوز : سلامتك
محمد : ما تبين تطلعين !!
ملاك : شنو !
محمد وهو يحك شعره : قبل لا أغير رايي
ملاك وهي تفز : لا لا افا عليك لاحين اتجهز
محمد : عشر دقايق تكفيج !
ملاك : لاا
محمد : عيل خمس .. وان تأخرتي مشيت عنج
ملاك : لا لا لا .. دقيقتين واجهز خلاااص ..
محمد : هَيّك بتتعاملوا يالحريم ..

.*.*.*.*.


الساعة .. 11.30
على البحر ..

ملاك بفرحه غامره : هي الدنيا كده من زمان !!
محمد : دنتي بتؤلي إيه !!
ملاك : ولا حاقه يا خويه .. دنا فرحانه أد الدنيا وما فيها
محمد : هههههههه مانبي غير جذي
ملاك وهي تسحب محمد عند بياع الآيسكريم : عطنا اثنين مانجو .. اممم وواحد سلاش ازرق .. ووو دونت .. بالشوكلاته .. والسكر .. والطحين .. امممم وفُشاار ..
محمد : هههههه ما عليك منها بس عطنا اثنين اسكريم مانجو ملاك : اووف ليش .. جوووع وضرب جمووع
محمد : وراج غداا حبيبتي
ملاك بوناسه: شنووو !! .. غدى بعد !! .. يعني بتطلعني .. مو بس الأماكن الي يم الشقه ؟
محمد وهو يحك شعره : الا اذا ما كنتي تبين تروحين
ملاك : لا لا .. اكيييد بروح
محمد : ههههههههههههههه يلا ..

.*.*.*.*.*.*.

الكويتـ ..
12.00 ظهراً ..
يوم الجمعه يوم التجمع في بيت اليده ..

راشد : الا ما قلتي لي يا عايشه شلون شكلها بنت اختنا بليلة عرسها
عايشه : ما شفتها يا راشد .. شبيهة امها .. ماشاء الله عليها الجمال والحلا فيها

فارس : شفتوا اخوها !!
ليلى : لا .. كنا بس في العرس على ما أظن
فارس : وانتي عاد ليش كله تسكتيني
ليلى وهي تقلد عليه : ليش كله تسكتيني
الكل : ههههههههههههههههههههههههه هههههههه
اليده : حمد لله والشكر انا قايمه
ابراهيم : وين وين الغاليه
اليده : انتوا تحبون المغثه !!
خالد : ليش عاد يدوووه
اليده : تعرفوني ما احب اسمع بطاري هالبنت .. ولا باخوها ..
شيخه : كل هذا لان عمتي ام عامر امهم !!
خالد : الله يرحمها
اليده : اشوف الا انتي بعد طلع لج السان
شيخه : والله الحق حق يا يدتي الحبيبه .. والله ما يرضى بالظلم .. ومهما كان هذلين ولاد عمتي وأيتام .. والا نسيتوا حلال عمتي الي انظاف لنا ولا عطيتوا شي لولادها !!
راشد بعصبيه : شتخربطين انتي !!
شيخه : ايه يبه كلام الحق يزعل !! .. كلام الحق صار خربطه أكثر واحد كان منصدم من كلامها هو إبراهيم .. كان دايماً يعتبرها طفله .. حتى لما قرروا انهم يحجزنوهم لبعض رفض .. لأن تفكيرها سطحي .. بس الي يشوفه شي ثاني !
اليده بعصبيه : ما تشوف بنتك يا راشد
عايشه بخوف على امها : يمه هدي بالج .. حصل خير ,,

" دام الحب جريمه فأشهد بأني أكبر مجرمه "

بيت بو خالد
السبت .. 4.30 العصر ..

ميعاد وهي تفتح الباب : حي والله من جانا ..
كوثر : الله يحييج ..
ميعاد : تفضلي .. روان تنتظرج ..
كوثر : مشكورة ..
ريم وهي نازله : يلا ميعاد تأخرنا .. اوو سووري
كوثر : السلام عليكم
ريم : وعليكم لسلام
ميعاد : ريم اخذيها لروان .. ذي رفيجتها
ريم : طيب ..
الا بنزلة روان : هلا هلا ..
كوثر : هلا فيج
روان : حيااج اقربي

..........

في غرفة روان .. 4.40 ..
كوثر : شسوي .. أحبه ..
روان : والله انج يااهل ..
كوثر : طيب يااهل يااهل .. بنجوف آخرتج بتحبين لنا واحد من هالنت من كثر قعدتج عليه ..
روان حست بربكه : فالج ما قبلناه ..
كوثر : زين قولي لي شسوي
روان : قلتي لي انه ولد عمج وساكن في نفس البيت ! ..
كوثر : اييييه
روان : بسيطه .. صارحيه .
كوثر : واذا طلع يحب !!
روان : مشي بوزج
كوثر : لا والله !!

.*.*.*.*.*.*.

سينما الدانه ..
5.00 ..

ذياب : أعرفكم على جلال .. زميلي بالجامعة .. جلال هذا عامر وهذا حمد ..
جلال : وانا جلال
عامر : درينا
حمد : انزين ما علينا الحين أي فلم تبون
جلال عفوياً : الفلم الي فيه ترجمه تحت
الكل : ههههههههههههههههههههههههه ههههههههههه

بهالأثناء رن تلفون ذياب ..
ذياب : عن اذنكم شباب .. الأهل
حمد : اذنك معاك

ذياب : الوووو
كوثر : هلا ولد العم
ذياب : شتبين
كوثر : وينك الحين !!
ذياب : وانتي شكوو .. شتبين !
كوثر : ابيك تاخذني من بيت رفيجتي
ذياب : تتدبري روحج .. انا مشغول .. باي
توووت توووت ......

كوثر : لكنـ .. الووو .. الوووو .. اففففف شفتي يا روان
روان : ههههههههههههههه والله انج تضحكين
كوثر: على شنو !
روان : يبين عليه مو طايقنج ..
كوثر : افهمي يا شيخه احبه !!
روان : وشنو تحبين فيه ..
كوثر : كل شي .. صوته .. شكله .. حتى اسمه
روان : امحق مراهقه

.*.*.*.*.*.*.

الأحد ..
1.30 ظهراً ..
شرم الشيخ .. مصر

محمد : ما تفكرين نرجع !!
ملاك بلهفه : اليوم قبل باجر ,,
محمد : لكنّا ما صار لنا اسبوعين
ملاك بهمس : وهي العيشه معاك تبغى !!
محمد : شنوو شنوو
ملاك : لا اقول ماقدر ابتعد عنك
محمد وهو يحك ذقنه : اهاا جذي يعني
ملاك : متى نمشي !!
محمد : جهزي اغراضج .. بحاول اليوم واذا ما لقيت بكره بالكثير
ملاك : لكني ماشتريت لربعي واهلي شي !!
محمد : اليوم نفتر اخر فرة بالسوق ..
ملاك : صار ..

.*.*.*.*.*.

الكويتـ ..
بيت بو فارس ..
2.20

فارس كان يتكلم في التلفون بالصاله ..
فارس : هلا حبيبتي والله اليوم ماقدر .. اففف شفيج انتي ما تفهمين ! .. قلنا لج ماقدر .. لاحول لله انتي اليوم مو ناويه يطوف على خير .. قلت لج ما اكلم غيرج واحبج انتي وبس شتبين اكثر ..
خالد يدخل عليه ويسوي صوته صوت بنت : فرووسي حبيبي .. حبيبي فروووسي تحاجي من !
فارس : الله يخسك يا خلوود .. وانتي شفييج صدقتي .. هذا اخوي .. خلوووووووود يوووز
خالد وهو يتابع : لييش جذي حبيبي !! .. تخوني وانا زوجتك ! .. ورقة طلاقي توصلني بكره سامعني او لا .. اهئ اهئ
فارس : انتي غبيه والا شنو !! .. ينعرف انه صبي ينعم صوته ..
خالد : الا بقول اخوي .. هاي أي وحدة فيهم ؟
فارس : مو تصدقينه .. الووو الووو .. الووو
خالد : ههههههههههههههههههه ههههههههههه ههههههههههههههههه
فارس : زين جذي تسوي في اخوك !!
خالد : تووب يابني توووب
فارس : روح زين .. مدام بنت عمتك راكبه راسها وما تبيني .. خلني مع ذلين ابرك لي ..
خالد : مسكينه يا ليلى .. تاخذك وانت جذي عشان تبتلش فيك !! ..
فارس : وش فيه اخوك
خالد : لوتي وطايش لا اكثر
فارس : هي بس خلها توافق .. وشوف اذا ما اخوك تغير ..
خالد : وليش ما تسطلح عشان هي توافق ..
فارس : اسكت اسكت بس .. اتصلت الثانيه
خالد : والله اني احجي في جربه مقضوضه

.*.*.*.*.*.*.*.*.

بنفس الوقت في بيت عايشه ..
ابراهيم : يمه ابي اعرس ..
عايشه : شنووووو !!
ابراهيم : الي سمعتيه ..
عايشه : ومن سعيدة الحظ ..
ابراهيم : مو عرس هو .. مجرد تحجزونها
عايشه : اعرفها !!
ابراهيم : أعز المعرفه ..
عايشه : قووول
ابراهيم : شوّااخ بنت خالي ..

.*.*.*.*.*.*.

شرم الشيخ ..
8.59 ..
الأحد ..
محمد : كملتي شغلج !
ملاك : امممم ايه ..
محمد : الله يعيني بكره على حمل الشنط ..
ملاك : الله عااد الحين من ثقلهم ..
محمد : ما تشوفين ..
ملاك : اصصص لحضه .. الوووو
منار : ويييعوووو
ملاك : هلا هلا منااري
منار : ليش ما تردين من الصبح
ملاك : احزري ليش
منار : ليش
ملاك : عشان اشتري لكم الهدايا
منار : ياااي .. يافرحتي
ملاك : ايه ايه .. الا انتي شخبارج
منار : كالعاده ملل وكدر بدون وجودج .. الا متى بتردين !
ملاك : تخيلي بكره
منار : بييييييه ما طولتيي
ملاك وهي تقصر صوتها : لان زهقت
منار : هههههههههههههه من اولها
ملاك : ومن تاليها .. بس نصبر
منار : عيل اخليج الحين مع ريلج .. باااي بروح لسوسن
ملاك : سلمي عليها وبوسي لي سااروونه
منار: مالت عليها ام السان .. لكن بعد ببوسها عنج
ملاك : ههههههههههههههه
منار: يلا بااي
ملاك : حبج بباي
منار : سخوووفي
ملاك : طالعه عليج

/
/


رأيكم !

[لامارا]

╠ ═ ╝▫ ╠ الجزء الثالث ═ ╝▫╠ ═


" قال لها يوماً : ما يريده الرجل من المرأة أن تفهمه ..
فصاحت المرأة في وجهه قائلة ً: وان كل ما تريده المرأة من الرجل هو أن يحبها ! "

الإثنين ..
بيت بو كوثر ..
8.30 صباحاً

يكلم ولد اخوه وفي عينه ألف سؤال ..
بو كوثر : يوليدي ما تفكر ترجع لأهلك !!
ذياب : يا عمي .. انت تعرف برايي وماله داعي انك تعيد السؤال كل مره .. الا إذا ..
بو كوثر : الا اذا شنو يا ذياب !
ذياب : اسمح لي يا عمي الا اذا اتضايقت من وجودي ببيتكم ..
بو كوثر : عيب عليك يا ذياب .. تعرف ان الله حرماني من العيال من بعد كوثر .. واخذتك ولدي قبل لا تكون ولد اخوي ..
ذياب : آسف يا عمي
بو كوثر بسعه صدر : انا يا وليدي يا ذياب عايش بهالديره لأن شغلي موجود هني .. بس انت محد حادك تتغرب عن أهلك وديرتك ..
ذياب : ياعمي لا تنسى الي سووه اهلي فيني .. طلعوني حرامي ونصاب وانا صغير مافهم بهالدنيا شي .. وحتى لما وصلت لك .. محد فكر يتصل فيني حتى ..
بو كوثر : ذي هب رمسه ..
ذياب : شو هي الي هب رمسه يا عميه .. هذا الي انا للحين ماني قادر اصدقه ..


أما في غرفة كوثر ..
كوثر : أقول لج ما يتحاجى .. مب ولد عم هاا
روان : والله حبيبتي انتي ويه هالاماراتي تنيازون ..
كوثر : شفيه الا ماراتي مب عاجبج
روان : آه يا ليت ألاقي اماراتي مثل فزاع مالكم .. ماقول لا ..
كوثر : زين زين أخليج الحين .. بكمل شغلي بالنت ..
روان : مي توو ..
كوثر : اوكي .. باي
روان : بايات ..

فتحت روان دردشة الـ ....... الكتابية .. وبدت في الهرج والمرج ..
روان حياتها نت × نت ,,
تفاجأت في نص كلامها في الچات أو ( الدردشه ) بأحد دخل عـ الايميل ..
روان نكـ نيمها .. " عناقيد الزمن "
أما الي دخل كان .. " تعرفون أحد يعرف أحد يعرفني !؟ "

تعرفون أحد يعرف أحد يعرفني !؟ : ســلام ..
عناقيد الزمن : عليكم السلام ..
تعرفون أحد يعرف أحد يعرفني !؟ : شخبار ..
عناقيد الزمن : الحمد لله بخير ..
تعرفون أحد يعرف أحد يعرفني !؟ : يعني ما بتأليني شخبارك !
عناقيد الزمن : أدري إنك زين ..
تعرفون أحد يعرف أحد يعرفني !؟ : حمد لله والشكر ..
عناقيد الزمن : الا ما قلت لي شمقعدك من الصبح !
تعرفون أحد يعرف أحد يعرفني !؟ : الا الحين الساعه جم !
عناقيد الزمن : 8.45 ..
تعرفون أحد يعرف أحد يعرفني !؟ : اهاا .. عيل بفطر وبقوم أنام
عناقيد الزمن : خيييييييييبه .. بعد !!
تعرفون أحد يعرف أحد يعرفني !؟ : يا خبله انا ما نمت .. الحين بنام .. الا انتي شمقعدج
عناقيد الزمن : من يومي أقعد من الصبح ..
تعرفون أحد يعرف أحد يعرفني !؟ : ما شاء الله عليج .. عشان تقومين في الواجب وتشيلين البيت على راسج ,,
عناقيد الزمن : أكييد .. ليكون تشك !
تعرفون أحد يعرف أحد يعرفني !؟ : أبد .. أخليج الحين .. بنام .. باي ..
عناقيد الزمن : بايات ..

.*.*.*.*.*.*.

الساعه 9.00 ..
بيت بو عادل ..
الكل كان يتفطر .. نزل لهم جلال بثوب نوم ..
جلال : صبااح الخير ..
_ : صباح النور ..
جلال : شنو فطورنا ..
عادل : كل مالذ وطاب من يد حرمتي ..
جلال : وانت شمقعدك اليوم عن الشغل !!
عادل : اليوم ماخذ بريك بدلع زوجتي وبنتي عندك مانع !!
منار وهي تاكل : رحمة الله عليك يا مناع
جلال : اقول زطي زطي .. قال رحمة الله عليك تستضرف ..
سوسن : زين اقرب وكل لك ما كتب الله ..
جلال : هذي الي تعجبني في هالبيت ..
عادل : انت هيي هييي .. لا تغازل حرمتي
جلال : انا شبي في ذي العيوووز .. انا بغازل الي احلى و احلى ( وعينه على ساره )
ساره وهي مستحيه : ههههههههههههههههههه
منار : طالع هذي .. من صجها صدقت ..
ساره وهي تتطلع لعمتها السانها : مااالت
منار وهي تسحب ساره : قول آسفه عمتي ما عيدها
ساره وهي تصيح : بابا ... ماما
عادل : هدي بنتي ..
سوسن : يمه بنتي شوي شوي عليها
منار : ما هده الا لما قالت آسفه عمتي ..
سعيد وهو نازل ويحك عيونه : شسالفه !! خرعتوني ..
جلال وهو يتثاوب : تصبحون على خير ,, ( وراح عنهم )
منار باستغراب : مو كأنه توه قايل لنا صباح الخير !!
سوسن وهي تتضحك : ههه يعني ما تعرفين اخوج !!

.*.*.*.*.*.

شرم الشيخ .. مصر ..
11.00
محمد : يلا ملوووكه .. استعداد ..
ملاك بحزم : انطلااق ..
_ : ههههههههههههههههههههههههه ههههههه
محمد : متأكده انج خذيتي كل الاغراض !!
ملاك : ميه بالميه ..
محمد : يلا عن لا تتطير عنّأ الطياارة ..

.*.*.*.*.*.*.

11.15 ..
شركة المالك للمقاولات .. ..
بو محمد : عامر .. انت لازم تفهم مشروع الشكره
عامر بصبيه : أي مشروع الي تتكلم عنه يا عم !! .. عمر ارباح الحرام ما دامت ..
بو محمد بنظره حاده : وليش تتكلم عن الارباح بأنها حرام ! ..
عامر : لأنها فعلاً حرام .. شلون نقنع زبون أن البنيان ماله مثيل وانه يقدر يبني بكفاءة 100% ويستفيد ..
بو محمد : واحنا قدها
عامر : تقص على من يا بو محمد .. !! كفاءتنا ما تتعدى 80% ..
بو محمد : اذا بيستمر الشغل جذي ما بنربح
عامر : ننكسر بشرف .. ولا نربح بغش
بو محمد : بس احنا لازم ناخـ ...
عامر وهو يقاطعه : لو سمحت يا عمي .. هذا الشغل الي ماشيه عليه الشركه .. وماله داعي تغيره .. واذا ما تبي كل واحد ياخذ حلاله ويمشي .. عن اذنك ..

طلع عامر معصب واصطدم بحائط بشري ..
خالد : شفيك يا عامر عسى ماشر ..
ذياب : عامر خير !!
عامر : اوووف .. مو صاير شي ..
ذياب : شلون مو صاير شي وهذي حالتك ..
عامر : محد يتدخل قلت لكم مو صااير شي ...
خالد بألف علامة سؤال : شفيه رفيجك
ذياب : علمي علمك .. خالد .. الحين انا بحضر محاضرتي بالجامعه امسك شغلي .. خلال ساعتين بكون موجود
خالد : صار

.*.*.*.*.*.*.*.*.

11.42 ..
في الطائرة ..

ملاك : ياااه .. وأخيراً بنرجع البحرين ..
محمد : ايه صح ما قلت لج .. ما بنروح البحرين على طول ..
ملاك بدهشه : شلون يعني !!
محمد : مالقيت طائرة على خط البحرين .. خذيت مصر الكويت .. ومن الكويت للبحرين ..
ملاك : الكويت !!!!!
محمد : ايه
ملاك : الله يخليك محمد .. بما ان محد يدري ان احنا بنرجع خلنا ننزعل في الكويت يوم بعدين نرجع البحرين ..
محمد : ليش
ملاك : بسلم على خوالي وبنرجع ..
محمد : ليش عندج أهل بالكويت .. !؟
ملاك : ايه
محمد : وليش ما خبريتيني عنهم !!
ملاك : بووووه سالفتهم طويله ..
محمد : واحنا ما عندنا شي .. تكلمي ..
ملاك : يا طويل العمر .. امي كويتيه .. تعرفت على ابوي أثناء دراءة ابوي في الكويت .. حبته حب العالم كله يحسدها عليه .. لكن يدتي ويدي رفضوا ابوي عشانه بحريني .. وامي كويتيه .. بس يدي ما كان يحب يرغم امي .. وفي نفس الوقت هو مو موافق .. فخيرها بينهم وبين ابوي .. وكان متوقع ان امي بتختارهم وبتترك ابوي ..
محمد يقطعها : بس امج اختارت ابوج !
ملاك وهي تواصل : بالضبط .. يدي كان مليونير .. لما امي اختارت ابوي .. حرموها من الفلوس .. وكانت موافقه .. مرت الايام وخسر يدي نص ثروته .. ومات بجلطه .. ومن ذاك اليوم محد عرف شي عن امي ولا امي عرفت عنهم شي .. الا قبل ما تموت امي بجم اسبوع .. جت خالتي عايشه وبنتها ليلى .. وواحد ينقال له فارس كأن أو فراس .. وعرفتهم ..
محمد : اهاا .. جذي يعني ..
ملاك : ايه .. جذي يعني
محمد : بسألج .. ليش انتي ما فيج رقه مثل البنات ! ., يعني وحده مكانج وهي تكلمني وتتذكر المفروض تصيح ..
ملاك حزت بنفسها جملة محمد " معقولة يتوقعني خالية من الأنوثه ! .. ما صحت عشان لا أبين له اني ضعيفه .. والحين يقول لي مو كأنج بنيه !! .. " : هاا .. لا بي جذي ..
محمد عرف انها تتضايقت منه فحب يغير الموضوع : الحين بتعرفيني على اهلج طبعاً ..
ملاك ببتسامه باهته : أكيد ..


الساعه 2.20 دقيقه ..
بيت بو خالد ..
الكل على طاولة الطعام ياكل بوقار وسكينه ..

بو خالد : الحمد لله ..
ريم : كل يبه ,, ماكليت شي ..
بو خالد : الحمد لله الخير كثير .. ما تتحمل هالمعدة شي ..
خالد : يبه كلمت ريم عن الخاطب !!
بو خالد : ليش وانت ما كلمتها !!
روان وهي تاكل : ليش يبه شالسالفه
ام خالد : وانتي شلج خص .. قالوا لج ريم مو روان ..
روان : وانتي بس تجعميني يا يمه !
سامي : ههههههههههههههههههههههههه هههه
خالد : ههههه يفهم ولدنا
ميعاد : أكيد وانا امه
ريم : زين ما خبرتوني شسالفه للحين !!
روان : الاخت مستعجلة على العريس
بو خالد : كأني حاضر !!
ريم : آسفين
ميعاد : مسامحه
روان : سوري بابا
بو خالد : ههههههههههه حليلكم
عدل نظارته وتابع كلامه : يا بنيتي يا ريم .. انتي كبرتي .. وكل من تقدم لج طلعتي فيه مية عيب ، واليوم جاني رفيجي يبيج لولده .. هاا شقلتي !
ريم : بس يا يبه تعرف اني باقي لي سنه ونص دراسه .. وانا ابي اكملهم ,,
بو خالد : آه يبنيتي شكله مافي نصيب .. لان الريال يبيج تسافرين معاه يكمل دراسته بكره .. بس والله انا خاطري اشوفكم على عرسانكم قبل ما موت
ميعاد : بعيد الشر يا عمي
ام خالد سحبت كرسيها وقامت ..
خالد : زين جذي يا يبه زعلت المدام !!

.*.*.*.*.*.

الساعه 3.00 ظهراً ..
مطار الكويت ..

محمد بعصبيه : لا تصيرين ذكيه .. شلون بتروحين لأهلج وما تعرفين عنوانهم ,,
ملاك : نسأل
محمد : اقول لج غبيه !! .. نسأل من وانتي حتى منطقتهم مو عارفتها !!
ملاك : ايييييييه .. عندي رقمهم ..
محمد : الحمد لله .. وينه
ملاك : في العرس خالتي عطتني ورقة ومشت ., كان فيها رقمهم
محمد : زين .. عطينا الزبده .. وينه الرقم !!
ملاك بارتباك :في الشنطه ,, او في الفندق .. بلا في الشطنه ..
محمد : لا حول لله ,, هذا الي كنا مو حاسبين له
ملاك وهي تقلب الشنط .. : لقيييييييييييييييته ,,
محمد : يلا الحين من وين لنا الفلوس عشان نتصل !! .. الفلوس الي بقوا عندي كله دنانير بحرينيه ..
ملاك : اممممممممممممممم فكري فكري يا ملاك ,, فكري فكري .. لقيتها ,,
محمد : شنوو
ملاك : من الموظفين الي في المطار ..
محمد : ذكيه

سحبت السماعه ويدها ترتجف .. ضغط محمد بالسريع على الارقام .. و ..
ابراهيم : ألووو
ملاك : ألوو
ابراهيم : من وياي
ملاك : سلام عليكم
ابراهيم : عليكم السلام
ملاك : موجوده عايشة !!
ابراهيم : لا ,, امي في بيت يدتي
ملاك : وليلى !!
ابراهيم : معاها .. ليش انتي من !!
ملاك : انت من !!
ابراهيم : انا ابراهيم
ملاك : شالغباء هذا .. أي ابراهيم !!
ابراهيم : حووو .. شفيج .. انتي الي من
ملاك بعصبيه : الظاهر النمره غلط
محمد وهي يسحب السماعه : الوو .. مسامحه من معاي
ابراهيم : اهلا اخوي .. انتوا بغيتوا من !!
محمد : الشيخ هذا من بيت عايشة عبد الرحمن المالك !!
ابراهيم : ايه
محمد : اخوي انت من ! .. شتقرب لها
ابراهيم : انا ابراهيم ولدها ..
محمد : تقدر تيي لنا المطار ..
ابراهيم : بس انتوا من !؟
محمد : انا محمد .. وهذي ملاك زوجتي .. أظنك تعرف فاطمة المالك !! .. خالتك اذا كلامك صحيح انك ولد عايشة !!
ابراهيم بصدمه : شنوووو !! .. ملاك بنت خالتي ؟؟
محمد : اذا ما عليك امر الشيخ تعال لنا المطار لأن ما نعرف أحد هني ..
ابراهيم بربكه : صــ ,, صــأر .. دقايق وانا عندكم
محمد : احنا بنكون عند البوابه الاولى عشان يسهل عليك معرفتنا .. بتشوفني بقميص مخطط وبنطلون أسود ..
ابراهيم : أوكي .. دقـ ــ ــأيق

.*.*.*.*.*.

الساعه 3.15 ..
الاثنين ..

يفرر بالقنوات الفضائية .. ولا قناة عاجبته .. آخرته فر الروموت وقعد يلعب بموبايله .. نزلت كوثر وهي بكل عزم انها تخلي قلبها مرتااح .. وتلقي بطامة الحب على ذياب ..
كوثر وهي تتحمم عشان تبين قدومها : ااحم احم
ذياب فر راسه لها ورد رجع لتلفونه ..
كوثر وهي قاعده باللجهة المقابلة لذياب : ولد عمي ..
ذياب من غير ما يناظرها : خير ..
كوثر : انعتني في شغلة
ذياب : وليش ان شاء الله
كوثر توقهت .. بس بسرعه بررت الموقف : بحكم انك ولد .. ذكر يعني
ذياب : هاتي اشوف
كوثر وهي تبلع ريجها : انا ,, اقصد ربيعتي تحب واحد .. وهالواحد ما يدري عنها .. شو تسوي ..
ذياب انفجر ضحكاً من سمع ان السالفه فيها حب : ههههههههههههههههه هههههههههه وانتوا يالمراهقين ما يشغلكم الا هالحب ,,
كوثر : اووووووف .. ماعليك من المراهقين ولا اليهال .. بس قول لي .. شو رايك
ذياب : انتي قلتي لي انها تحبه !! وهي ما يدري عنه ! ..
كوثر وهي مندمجه : هيه
ذياب : تعترفله ..
كوثر : واذا ظهر ما يحبها ,, ؟؟
ذياب : تشيله من بالها نهائياً .. ولا تيلس تزعج حالها وتزعجه
كوثر بمنطوق سريع : ذياب أحبك ..
ذياب هد كل شي بيده وكأنه ما سمع شقالت : شوو هالرمسه !! .. شوو قلتي ؟
كوثر وقلبها طشونه وينفجر : الي سمعته .. أحبك يا ولد عمي
ذياب : يعني !! ..

.*.*.*.*.*.
المطار ..
3.45
بأقل من ساعه جاا ابراهيم وكله شوق يشوف بنت الخاله الغريبه ,,
دخل ابراهيم في حالة ربكه .. نسته حتى المكان الي بيتقابلون فيه .. لو ما محمد كان ملفت بقميصه ,, اتجهت ناحيتهم وكان خايف انه يكون غلطان
تقدم محمد : انت ابراهيم !!
ابراهيم : وانت محمد ؟؟
محمد : بالضبط ..
ملاك : خذني لبيت يدتي بسرعه
ابرهيم : بـ ,, ــس
محمد : مثل ما قالت لك ..
ابراهيم باستسلام : طيب ..

.*.*.*.*.*.*.

3.15
غرفة جلال ..
منار كنت حامله ساره توقض اخوها عشان يروح المكتبه ..
منار : جلووول .. جلووول قوووم
جلال : ...................
ساارة وهي تحركه : جلووول جلوووول
جلال فتح عينه على كشه ساره .. وفز مختبل : بسم الله الرحمن الرحيم .. شفيه ملك الموت بغرفتي
_ : ههههههههههههههههههههههههه هههههههههههههههههه
منار : حرام عليك ..
ساره : هههههههههههه يقول يبي يموت ههههههههههههههههههه
جلال : مالت عليج .. يقول يبي يموت هاا .. لكن الي ياخذج معاه اليوم
منار : انزين يلا قوم تأخرت عالمكتبة ..
جلال : والله تعبت من مكتبة ابوج .. ليش ما سعووود أو عدوول يبيعون ..
منار: لانك احلى واحسن واحد .. يلا قوم وبلا هذره
جلال : اللهم صبرج يا روح

.*.*.*.*.*.

الساعه 3.39
عند بيت اليده
ملاك ماسكه يد محمد وقلبها ينازع اللحظات الحاسمة ..
" شلون ياربي شكل يدتي !! .. بترفضني مثل ما رفضت امي !! .. أو بتاخذني في أحضانها .. يارب يارب سترك .. "
دخل ابراهيم .. وكان كل شي فيه متغير وهذا الي الكل لاحضه ..
عايشه : يمه ابراهيم شفيك ..
ابراهيم وبعده مصدوم : ملاك ..
اليده : مـــن !!
ابراهيم : حفيدتج
راشد وهو يقوم بطوله : وينها !!
ابراهيم : برى .. ..
الكل : شوووووووووووووووو !!

،
،

شنو موقفهم من ملاك !!
وشنو موقف اليده بالتحديد !



مع هنا أستوقفكم ..

[لامارا]

╝▫ ╠ الجزء الرابع ═ ╝▫╠ ═

" مصدر حياتي عزتي واعذرني .. مقدر أواصل بالهوى حاني الراس
صحيح حبك نقطة الضعف فيني .. مانكرت لكن عزتي مالها مقياس "

الكويتـ ..

الكل: شنووووووووو !!
ليلى ببهجه : بروح اشوفها ..
محد قدر يمنعها لأن الكل كان بحالة من الصدمة والدهوش ..

ليلى : أهلاً ملاك .. تفضلي ,,
ملاك ناظرت محمد ترجوه يدخل معاها ..
محمد فهمها : في درب !!
ليلى : ايه ..
دخلوا ملاك ومحمد بكل وقار .. طافوا بالممر الداخلي .. ووصلوا لباب الصالة .. فتحت ليلى الباب بكل هدوء .. وبان وراء الباب كل شي محجوب ..
قعدت تتدور بعينها عن يدتها العجوز .. لكن ,,
حديث الصمت دار بين ملاك واحساسها ,, " خالتي عايشه .. وهذا الريال الكبير .. اعتقد انه خالي راشد .. كلمتني امي عنه واايد .. اما ذلين أكيد عيالهم .. بس .. يدتي .. وينها ! ,, التفت على الجهة الثانية چفت امرأة معاها عكازها .. لكن ,, لكن كانت قاعدة وعاطيتني جنبها ! .. معقوله الي افكر فيه بصير ! .. "
محمد قطع الصمت : السلام عليكم
_ : عليكم السلام
عايشه وهي تتقرب وتاخذ ملاك في حضنها : شووونج حبيبتي ..
ملاك وهي تبلع ريجها : الحمد لله .. بخير ,,
راشد : سبحان الله الخالق الناطق من امها فاطمة ..
راشد وهو يتابع ويقرب منها : الا شمسويه يا بنيتي ,,
ملاك برجفه خفيفه : الحمد لله
راشد : وانت اكيد زوجها محمد ..
محمد بحزم : اي نعم ..
راشد : عاد هذي وديعتنا عندك .. لا تزعلها ولا تكدر بخاطرها ..
ماهتمت لأي كلمة من الي قالها خالها .. كانت تفكر بس ,, بس في العيوز .. تقدمت لها وكأنها تقطع شوط طويل .. حست ان عيونها ما قدرت تخبي دموعها ..
ملاك وهي تبوس راي يدتها : شحالج يدوووه ..
اليده لما چافت ويه ملاك تذكرت شريط بنتها فاطمة .. شلون كانت اكثر وحده تحبها .. كانت أول ما ترجع من جامعتها ما تبدي شي قبل ما تبوس راس امها .. مثل الملامح .. مثل تقاسيم الوجه ! .. شلون تقدر تنسى وجه فلذتها الي عاشت في حشاها تسع شهور .. وربتها وهن على وهن .. لكن سريع ما تغيرت ملامح اليده وهي تتذكر رحيل بنتها .. من ذاك اليوم اعتبرت بوعامر سارق سرق أغلى وأثمن شي عندها .. مستحيل تتسامح .. مستحيل وألف مستحيل ..
قامت عنها .. ومشت لين ما وصلت لآخر الصالة ,, : ما عندي أحد بهالدنيا غير عايشة وراشد وعيالهم ..

كلمات مثل السم والخنجر بقلب ملاك .. طاحت على اركبها .. نادت بصوت مخنوق ..: يدتي انا بعد بنتج ,, فاطمة بعد كانت بنتج ! ..
اليده كانت دمعتها تقاومها .. محد قدر يشوف ويه اليده وهذا الي كان ساعفنها : بنتي ماتت ورحمة الله عليها .. اصلا من اختارت الغريب ماتت بالنسبة لنا .. وليكون تفكرين لما بنتي عايشة راحت لج عشان سواد عيونج !! .. كنا خايفين لا تكونين مايته من اليوع ونتصدق عليج ..
ملاك ماستحملت كلام يدتها .. تقدمت بكل ماعندها من قوة ودارت بيدتها لناحيتها ..
الكل كان مصدوم ..
حركة غريبة من شخص أغرب ..
ملاك تصنمت لما شافت الدمعة على ويه يدتها ..
كان في بالها يدتها بلا قلب ,, لكن كل شي تغير ..
نزلت راسها وبدت تصف كلامها : يدتي .. عمري ما جبرت أحد انه يستلطفني .. عمر المحبه ما كانت بالمطالب .. لما جيتج ما كان قصدي مال ولا جاه .. ولا حتى الحب الفقير الي عندج .. كان هدفي الوحيد اني اتطمن عليج ,, اني اچوف الي كسرت الظفر وطلعت اللحم .. كل اصابع الناس مثل مثل .. الا انتي ظفرج طالع عن لحمج ليش !! .. هذا وانتي ام قبل كل شي ,, ربج على كل اغلاط الانسان يسامح ويغفر ,, انتي يا يدتي ما تسامحين ! ,, محد قدر يمنع امي .. لأن الي تسويه ما كان يمس الغلط .. ما عندي كلام زايد أقوله .. الي ابيه وسويته .. چفت الويه الي حرمنا من أهلنا وسلمت عليه .. مابي أكثر من هذا .. عن اذنج يدتي ..
طلعت بسرعة خافته .. لحقها محمد .. ومن بعدهم ابراهيم ..
ابراهيم : محمد .. ملاك .. محمد .. نطروا ..
توقف الاثنين عند آخر نقطه من البيت الكبير ,,
محمد : خير
ابراهيم : انا اقول لو آخذكم بيتنا يكون أحسن ..
ملاك : قطنا في أي مصرف نبدل الفلوس .. وبعدها في أي فندق ..
ابراهيم : مايصير يا ملاك أصلا انـ ,,
محمد وهو يقاطعه : يا خوك لا تتطولها وهي قصيره .. تقدر او لا !! .. اذا ما تقدر التكاسي ما قالت شي ,,
ابراهيم : شهالكلام .. يلا تفضلوا .

.*.*.*.*.*.

الساعه 5.00 ..
بيت بو خالد ..
غرفة روان .. ( تحديداً )

مثل كل مره ,, مثل الروتين اليومي .. روان وكـ عادتها عالنت ..
عناقيد الزمن : الا ما قلت لي انت شسمك
أحد يعرف أحد يعرف أحد يعرفني !؟ : يهمج !
عناقيد الزمن : شوف عاد بتقول قول .. ما بتقول في الطقاق
أحد يعرف أحد يعرف أحد يعرفني !؟ : الا ماقلتي لي اذا قلت اسمي بتقولين اسمج او لا
عناقيد الزمن : لا طبعاً
أحد يعرف أحد يعرف أحد يعرفني !؟ : يمج ليفه !
عناقيد الزمن : ليش !
أحد يعرف أحد يعرف أحد يعرفني !؟ : عشان تمشين بوزج من اسمي
عناقيد الزمن : هههههههه سخييييف
أحد يعرف أحد يعرف أحد يعرفني !؟ : بييييه شعرفج باسمي
عناقيد الزمن : اقلب ويهك
أحد يعرف أحد يعرف أحد يعرفني !؟ : انتي ذكيه شعرفج باسم ابوي
عناقيد الزمن : هههههههههه انزين برب رفيجتي متصله
أحد يعرف أحد يعرف أحد يعرفني !؟ : حتى انا برب ريجي دخل المكتبة ..

روان وهي ترد على التلفون : هلا هلا كوثر ..
كوثر وهي تصيح : أكرهه اكرهه
روان بخوف : شفيييج .. شصاير
كوثر : تخيلي اني قلت الي قلتي لي عليه
روان : بس ان شاء الله ما قلتي له احبك ..
كوثر وهي تزيد في صياحها : بلاا بلاا
روان : ماقول الا مالت عليج عيل .. يا خبله ما قلت لج نفذي الي اقول لج عليه بالحرف الواحد !
كوثر : لما كلمته يا روان .. نعتني اني اقول للبنيه تصارح الي تحبه
روان : يعني شنو نعتني بعد هذي !؟
كوثر : افففففففف .. قصدي تنصحني ..
روان : ههه والله كلامكم يالاماراتيين نكته
كوثر : مو حاصل لج .. المهم وهو قال لي قولي لها تصارحه
روان : وانتي ما صدقتي وقلتي احبك
كوثر وهي تمسح دموعها : هيه
روان : مالت عليج .. عضي يدج ندم عيل
كوثر : خلاص .. مابيه .. الي يعيفني اعيفه
روان : كفووو .. انزين الحين حبيبتي عندي شغل .. اكلمج بالليل
كوثر : صاار
روان : باي
كوثر : بايات


رجعت روان لكمبيوترها ..
عناقيد الزمن : بـــاك
أحد يعرف أحد يعرف أحد يعرفني !؟ : ولكم
عناقيد الزمن : أي مكتبة الي تتكلم عنها !!
أحد يعرف أحد يعرف أحد يعرفني !؟ : أي مكتبة بعد .. مكتبة الجيران !! .. مكتبتنا بعد شنو
عناقيد الزمن : شنو اسمها
أحد يعرف أحد يعرف أحد يعرفني !؟ : السلام ,,
عناقيد : الزمن : مكتبتكم وانت تبيع فيها وتتدرس ,, تماام والله
أحد يعرف أحد يعرف أحد يعرفني !؟ : سلام الله على الدراسه .. هالكورس رسبت .. وما اعتقد اني بكمل ..
عناقيد الزمن : ليييش
أحد يعرف أحد يعرف أحد يعرفني !؟ : تكاليف وعفسه .. احنا خلنا ندفع ايجار بيتنا و هالمكتبه بعدين يصير خير عالجامعه ..
عناقيد الزمن : بيتكم إيجاااار !!
أحد يعرف أحد يعرف أحد يعرفني !؟ : ايه .. بكمل لج بعدين .. رفيجي وصل ,, باي
عناقيد : اوكي .. بايات


.*.*.*.*.*.

المكتبه ,,
الساعه 5.30

دخل عامر المكتبة ورفع النظاره على شعره .. : هلووو
جلال : وينك ياخي ما تبان
عامر : شغل × شغل ,, عندك شغل اليوم !!
جلال : لا الشغل خلصته انت .. شتبي
عامر : الصراحة عجبتني الطلعة معاك ..
جلال وهو متشقق : يا فرحتك يا جلال .. اليوم عشاك من نخبى عمور
عامر : شنوووو

.*.*.*.*.*.

في غرفة من غرف الفندق .. بالكويت .. كانت تضم كل الحزن والكدر ..
محمد : متى تبين نرجع البلاد !!
ملاك : أي وقت
محمد بدون نفس : اليوم بروح احجز .. وبكره نطلع
ملاك : صار ,,

.*.*.*.*.

8.00
البيت العود ..

على العشى كل من يطالع صحنه وفي شي يشغل تفكيره ..
اليده كانت في غرفتها تصيح بحرقة قلب ..
" ليش سويتي جذي يا شيخة .. هذي مهما كان حفيدتج .. كلامها .. اسلوبها .. كله كان يذكرج في فاطمة .. البنت جرحتج يا شيخه .. جرحة فيج الجانب العطوف .. وصرتي حجر جدام احفادج كلهم .. يقولون ان اليدة هي الحضن للأحفاد .. لكنج ظهرتي العكس .. أي قلب تحملينه يا شيخه أي قلب .. "

هذا الي كانت تردده اليده في نفسها ..

أما عن البقيه ..
شيخة : ماقلت لج ياليلى ان خالتي فاطمة مظلومة .. وعيالها يتاما ومظلومين مثلها
ليلى : عمري ما توقعت يدتي ممكن تكون جذي ,,
شيخه : الا محد كان متوقع
ليلى : وانتي شلون عرفتي ..
شيخه : كنت افتش في البيت عن مذكرتي ..
ليلى : وبعدين ..
شيخه : شفت صور العايلة كانت مدفونه .. وشفت صورة خالتي فاطمة .. كان في دفتر مدفون تحت الاغراض ,, طلعته وكان لخالتي فاطمة تكتب فيه مذكراتها والاحداث الي تصير .. وقريت كل الدفتر من طأطأ للسلام عليكوو ..
ليلى وهي تفز : عندي فكره
شيخه : شنوو
ليلى : عطيني الدفتر .. ابراهيم يعرف بأي فندق هم موجودين .. بناخذ لملاك دفتر امها .. متأكدة انها راح تفرح ..
شيخة وهي مبتسمه للفكره : صار ..

اما عند الشباب ..
فارس : الوو حبي ..
ابراهيم : وهاي اخوك متفرغ !!
خالد : مثل ما انت شايف
فارس : ياخي كفاية بجي يديتك الي بجبجت الكل معاها ..
خالد : الله يهديك
فارس : اقول عمري .. متى بجوفج .. لا والله .... وليش بتسافرين ... .. عيل بااي ..
ابراهيم : حمد لله والشكر
خالد : الا وين مرت اخوي بتسافر
فارس : اخر مره تقولها .. آخر عمري اخذ لي صايعه
ابراهيم : تعرفها صايعه وتكلمها
خالد : بقول لك عاادي .. تتضييع وقت
فارس : قالها لك اخوي ..


وعند راشد وعايشه ..
راشد : البنت ماقصرت في امج
عايشه : وامي ماقصرت فيها ..
راشد : اقول قومي نروح نشوفها ..
عايشه : يلا ,,

.*.*.*.*.*.*.*.

الساعه 8.30
مجمع الدانة

عامر وذياب وجلال طلعوا من قاعة الفلم بعد ما طردهم السكيورتي ..
ذياب : ههههههههههههههههه الله ياخذك يا جلووول
جلا ل: وانت كذلك
عامر : ايه جلووول .. نسيت اخبرك ان ذياب بعشينا
جلال : صج !!
ذياب : هيهاااء .. شو وين قاعدين ,, هذي هب رمستي
جلال : ههههههههههههههههههههههههه هه ههههههه شقلت .. هب رمستي هههههههههه
ذياب : اخوي عرجك لا ينط .. عيل تبيني اقول هذي مو جلمتي ,, هههه چلمتي هاا ..
عامر : كل واحد يعيب على كلام الثاني وبتنسونا العشى ..
جلال : ههههههههههه فديته بو الرمسه وفديت كل اهل زايدن..يلا ذياب يالبطل .. عليكَ بالعشاء ..
ذياب : شوووووو !!

.*.*.*.*.*.*.
10.30

سوسن كانت بالصالة تنتظر جلال الي تأخر ..
نزل عادل بعد ما استفقدها ..
عادل : خير سوسن .. شفيج ..
سوسن : جلال ..
عادل : شفيه ,,
سوسن : تأخر ,, 10.30 وهو ما رجع البيت من طلعته للمكتبه ..
عادل ببتسامه حنونه : سوسن حبيبتي .. جلال ما ينخاف عليه ,, كبير وفااهم ,, ريحي روحج
سوسن : بس تأخر وااايد يا عادل
عادل مسك سوسن وضم يدها بيده الثنتين : الله يقدرني على راحتج وسعادتج يا سوسن مثل ما تسعين لساعدتي وراحتي انا واخواني ..
سوسن احمرت من الخجل وفضلت السكوت : .........

بين ماهم على هالحالة كان في أحد يراقبهم ..
منار كانت على الدرج عطشانه .. بس استوقفها كلامهم ..
منار بينها وبين نفسها " ياربي ,, آه جذي الحب والا بلااش ,, ياريت ألقى زوج مثلك ياخوي .. "

.*.*.*.*.*.

وينك تشوف الحال عقب فرقاك ..
أحلى من الأول واروع من أوقاته ..
لا تتحرى بتم اقول لك احبك وأهواك ..
غلطان لأن ماضيك طويت صفحاته .. "

لأول مره تستعد للرجوع لبلادها بحزن .. كدر .. هم .. غم .. ، هذي كانت حال ملاك ..
أما محمد .. لأول مره يشوف البهجة غايبه عن وجهها .. هذي الي نعتها بعدم الأنوثة لأنها ماتبچي .. لأول مرة يشوف الطفلة كبرت سنين لجدام .. الحيويه راحت .. اللون الوردي الي كان يميز وجنتينها ذبل .. صارت أشبهـ بالانسانه الخالية من الروح .. كان متأكد انها بتقوى على هالحاله .. بس ما كان قادر يشوفها ويسكت ..

محمد : يــلا .. سرينا ..
ملاك ببتسامه باهته : سرينا ..
محمد حمل الشنطات وتوجه للباب .. تفاجأ عند الباب لما چافـ ......
ابراهيم : السلام عليكم
محمد : وعليكم السلام ..
شيخه : ملاك موجوده !
محمد : داخل ..
دخلت شيخة ومن خلها ليلى .. ومعاهم دفتر صغير ..
ملاك وهي عاقدة حاجبها : أهلاً .. شسالفه ..
شيخه : عارفه انج بتمشين .. وعارفه انّي ماقدر امنعج بسـ ..
ليلى تواصل : بس عندنا أمانه لج يا ملاك ..
ملاك والبط الي يحملون علامات السؤال على راسها : أمانه !! .. لي أنا !! ومن عند من !
شيخه باسلوب راقي : اول شي أعرفج بنفسي .. انا شيخة راشد عبد الرحمن المالك ..
ملاك : .... !!؟
شيخه وهي تقدم الكتاب : تفضلي ,. راح تعرفين كل شي ..
ملاك استلمت الكتاب من غير أي كلمه .. كان السانها مربوط .. وكأنها تتابع أحد الأفلام السينمائيه ..
شيخه : مع السلامه ..
سرعان ما اختفوا الثلاثه .. وملاك تناظر في الكتاب ..
محمد : يلاا يا ملاك تأخرنا ..
تقدمت من غير أي كلام واتجهوا الاثنين للمطار ..

.*.*.*.*.*.*.

الثلاثاء ..
بيتـ بو عادل ..
على الفطور ..

بو عادل : الا وين كنت البارح !!
جلال : يبه كنت مع ربعي ,,
بو عادل : أي ربع ذلين للساعه .. 1.30 ..
عادل وهو يصب چاي لبنته : سوسن المسكينه تورمت رجلينها وهي تنتظرك
جلال وهو يطالع سوسن : فديتها بنت الخال .. شيووومه ..
عادل وهي يمسك راس جلال : جم مرة قلت لك لا تغازل حرمتي
جلال وهو يمثل الي بموت : آآ آآآه .. تووبه
الكل : ههههههههههههههههههههههههه ههههه
جلال : سوووسنتي .. سوسنتي ..
سوسن : هلأ ..
جلال وهو يأشر على العصير : هذا عصير همبه أو مانجو ..
سوسن : شنو انت چايف !!
جلال : مانجو ..
سوسن : وهو كذلك ..
جلال بعد ما شرب شربه منه تركه : سوسن تجذبين عليّ .. طلع عصير همبه ..
الكل : هههههههههههههههههههههههه
الا بنزلة سعيد ومنار من الطابق الأعلى ..
جلال : سعووود .. منوووور .. طاااح
الاثنين وهم يطالعون رجايلهم : شنووو !!
جلال بضحكه ساخره : حضكم ..
الكل : سخيييييييييييييييييييييف
جلال : رفعتوا معنوياتي .. هذا المطلوب ..

.*.*.*.*.*.


بيت بو كوثر ..
على الفطور ..
الكل كان على المائدة الا كوثر ..
بو كوثر : الا وين بنتج ..
ام كوثر : يعني ما تعرف البنات ايام الاجازة !! .. ما يقعدون الا القايلة ..
بو كوثر : بس هاا .. صلاة الظهر لا تفوتها ..
ذياب في خاطره " ياريتكم تعرفون ليش ما نزلت يا عمي .. "
قطع اجتماعهم الصباحي اتصال غريب .. من شخص غريب ..
ذياب : ألووو ..
خالد : ألووو ذياب .. سلام عليكم
ذياب : عليكم السلام
خالد : اذا ما عليك امر ذياب مرني البيت .. سيارتي متعطله
ذياب : صاار ..
خالد : بس دقايق بسبح .. اذا وصلت ادخل الميلس الخارجي .. لا تستحي تراه بيتك ..
ذياب : طيب ..
خالد : يلا عيل اخليك
ذياب : فمان الله

بو كوثر : من هاي يا ولدي !
ذياب : ربيعي .. ولد اخو صاحب الشركه .. موتره متعطل ويبيني اخطف عليه ..
بو كوثر : دير بالك على حالك
ذياب ببتسامه معهوده في ويه عمه : طيب ..

.*.*.*.*.*.*.*.

صعدت الطائرة .. ماكان همها الخوف من صعود الطائرة أو هبوطها ..
المهم انها ترجع بلادها وتقط نفسها على اقرب وساده .. تعب × تعب × تعب ..
فتحت الدفتر الصغير ,, وبدت تقراه ..

بسم الله الرحمن الرحيم ..
جمعتُ في هذا الدفتر الصغير .. من كل بستان زهرة .. لترسل اشارقه النور للمدى البعيد ..
ورسالة حب .. لم تُقدر .. بأثمن الجواهر والأحجار الكريمة ..
ولا حتى بقطفات عمري ..
لكل من يفتح هذا الدفتر من بعدي .. أو يصادف حرفاً من أحرفي ..
فاليقرأ الفاتحة وَلِيَهدِها لروحي .. فأنا أعلم .. لن يستطيح أحدٌ فتحَ هذا الدفتر إلا بعد ارتائي ثوبي الأبيض الجميل .. الذي يُلقب بـ " الكفن " ..

هذي كانت مقدمة الدفتر .. قرتها ملاك بخوف ورعبه .. سكرت الدفتر بحركة سريعة وصكت عينها ..
محمد : شفيج ..
ملاك وهي تمسكه بكل قواها : محمد .. انت الحين الي لازم توقف جنبي ! .. أحتاجك لا تتركني ..
محمد ما كان يفهم شي واحد من الي تقوله .. بس كان مقدر التعب الي تعانيه .. والحالة النفسيه الي هي فيها .. ابتسم بتسامه حنونه وسندها على الكرسي .. وما هي الا لحظات وغطت في نوم عميق ..

.*.*.*.*.*.*.

دخلت المجلس كعادتها تبخره .. من خلصت جامعتها ضاق الملل بها .. قامت تسوي أي شي في البيت مستغنيه عن أعمال الخدامة ..
أما ذياب من طرف ثاني .. دخل المجلس وهو ما يدري شنو بينتظره .. خلع نظارته وهو يتتم بغضب عن جو البحرين الحار .. رفع راسهـ .. والتقى بما لم يكن متوقع ..
ثواني مرت على الاثنين بحبس نفس .. اتداركت ريم الموقف وهربت الى الداخل .. أما ذياب .. كان واقف وآثار الصدمه تعلوا وجهه ..

.*.*.*.*.*.*.

طلعت اليده من غرفتها وهي مقرره انها ترجع المياه لمجاريها ..
راشد : على وين يمه !!
اليده : والله يوليدي البنت علمتني درس من غير ما تعني
راشد : قررتي تردينها لنا يا يمه !
اليده : ان شاء الله
شيخة وهي داخله عليهم : يدتي .. لين فات الفوت ما ينفع الصوت .. البنت راحت بلادها .. وطبي السالفه لان كل ما اتذكرها احس قلبج حجر اكثر عن قبل وانتـ ...
سطار قوي سكتت شيخه من اكمال كلامها ...
راشد بعصبيه : سمحت لج وايد تتكلمين عشانج البنت العاقله .. أما انج تتطاولين على امي فلا .. سمعتي .. لاا ..
شيخه مسكت خدها .. وناظرة ابوها بنظره حسره ومشت ..

.*.*.*.*.*.*.*.*.

دخل خالد المجلس وهو يشم ريحة البخور ..
خالد : أحححح .. والله لو أدري ان البنات بيشتغلون في الاجازات جان منعتهم عن جامعاتهم ومدارسهم ..
ذياب ما كان مع خالد في أي كلمه قالها : .......
خالد : هيي .. ذياااب .. انا هناا ..
ذياب وكأنه الي صاحي من حلم : ههههه .. هيه هيه ..
خالد : شنو هيه هيه .. اقول امش امش بس تأخرنا
ذياب : هيه .. تأخرنا ..

.*.*.*.*.*.*.*.

في مكتبه يقلب في الخرايط الي بيشتغل عليها .. دخل عليه بو محمد و ..
بو محمد : عــآمر ,,
عامر : نعم عمي ..
بو محمد : أنا قررت أفصل الشرآكه ..

.*.*.*.*.*.*.

روان .. كـ عادتها المعتاده ..
عناقيد الزمن : انزين فهمني شي واحد بس من الي قاعد تقوله ..
تعرفون أحد يعرف أحد يعرفني !؟ : والله اذا انتي راكبه راسج انا مالي شغل فيج ..
عناقيد الزمن : انا مو راكبه راسي ولا هم يحزنون .. بس انا بنت واقعيه
تعرفون أحد يعرف أحد يعرفني !؟ : اغبى منج ما جفت ! .. ليش تخافين تقولين لي اسمج ! .. انا ما باكله .. بس بناديج فيه ..
عناقيد الزمن : قلت لك ان شخصيتك عاجبتني .. فلا تخليني اغير رايي ,,
تعرفون أحد يعرف أحد يعرفني !؟ : بالطقاق .. باي .. اذا تبيني اتصلي على هالـرقم .. 36******

" روان .. اففف .. شبلاني مع هذا .. معقوله أكون ! ,,, لا لا لا لا لا .. بسم الله علي .. للحين ما صابني جنون كوثر .. الله يبعدنا عن الحب يا رب .. ! "

.*.*.*.*.*.*.*.

مرت لحظات طويلة في الطائرة .. وأخيراً وصلوا للبلاد الي ينتمون لها .. محد كان لهم في المطار مثل ما يصير للعرايس الراجعين من السفر .. ما كانت بسمتهم هي بسمة الراجع من شهر العسل .. استقلوا تكسي وعلى طول اتجهوا الى البيت ..

ام محمد كانت تتطبخ الغدى البسيط الي يكفيها هي وزوجها .. أثناء ما سمعت الجرس نادت على "سونيا " الشغّااله ..
ام محمد : سوووونيا .. سوووونيا وصمخ .. فجي الباب ..
سونيا : ماما انا في فوق يسوي نشر سياب .. انته يروه فج باب ..
ام محمد وهي تتطبق القدر .. : الله يصبرنا عليج ..

اتجهت ام محمد بخطوات ثقيله للباب لكنها انصدمت ....
لمت ملاك بحضنها : حمد لله عالسلامه ..
ملاك : الله يسلمج ..
محمد وهو يبوس راس امه ويدها : شخبارج يالغاليه ..
ام محمد وهي تمسح دموعها : بخير دامني اشوفكم جدامي .. دخلوو .. دخلووو ..

*
*

رجعوا لبلادهم ..
بس !! هذا هدوء دايم ..
والا هدوء ما بعده عاصفه
والا من قال في وجود للهدوء من اساس !!

[لامارا]

╠ ═ ╝▫ ╠ الجزء الخامس ═ ╝▫╠ ═

"والله لو بيدي لأخليك "مرتاح " ... وأعطيك راحتي وأزيدك " عليها..! "
وتصبح حياتك كلها " أفراح بأفراح " ... وأرسم لك البسمه " وأحسسك فيها..! "
وأعطيك لأبواب المقابيل " مفتاح " ... وتمشي لك الدنيا على " ما تبيها..! " "



ما اهتمت في شكل القسم .. ماهتمت بنعومة الفراش ..
بمجرد ما لامس راسها الوسادة نامت نوم عميق ..

.*.*.*.*.*.*.

الكويت .. 4.30 العصر ..
الثلاثاء ..
الحديقة العامة ..


حس بيد تمسك ذرعه ,,
فارس وهو ينعز يده : اتركني
.... : فروووس .. شفيك ما عرفتني ..
فارس : من !!
..... : انا ناصر الي صرت وياك بالثانويه
فارس بويه بشوش : هلا هلا نويصر .. شخبار
ناصر : الحمد لله بخير
فارس : الا شعندك هني ..
ناصر : مطلع اخوي الصغير .. يتنفس
فارس : يعني مثل الحال .. بلشوني باليهال وعطوني اطلعها ..
ناصر : فارس حبيبي امسك جنطتي على ما اروح شوي وارجع
فارس وهو يستلم الشنطه : لا تتأخر ..
ناصر بابتسامة خبث : لا تحاتي ..

كلها دقايق الا الشرطة توجه كل بنادقها على فارس ...
_ : لا تتحرك .. ارمي الأسلحه ..... !!

.*.*.*.*.*.*.

الساعه 10.00 الصبح
الاربعاء ..
بيت بو محمد ..

قعدت من نومها ناظرت الساعه .. بعد ما نامت يوم كامل .. الا كم ساعه .. جافت ثيابها ما تغيروا .. تيقنت انها نامت نومة طويله .. دخلت الحمام أخذت شور .. وطلعت تصلي الصلوات الي فاتوها بالنوم .. بعدها فتحت الشنطه .. احتارت شتلبس .. مو متعودة على الجو الحالي .. آخر ما رسى عليه تفكيرها .. جلابيه مارونيه .. مطرزه بخطوط ذهبيه .. ونزلت ..

أول ما دخلت الصاله كانت فاضيه ..
دخلت المطبخ كانت سونيا تنظف بقايا الأكل .. حست بطنها يصاوي ..
ملاك : اكس يوزمي ..
سونيا وهي تتضحك وتبان ضروسها الصفر : انا يعرف عربي ماما
ملاك وهي تتضحك على عربية سونيا التعبانه : والله ريحتيني .. الا شسمج !!
سونيا : انا سونيا .. وانته ملاك
ملاك : شااطره .. الا سونيا مافي شي ينأكل ! .. جوووع
سونيا : انا الحين يسوي لانته شي ياكل اصابع مال انته وراه
ملاك : ههههههه يلا ورجينا ..

.*.*.*.*.*.*.*.

الكويت ..
الساعه .. 12.15
مركز الشرطة ..

راشد : ياحضرة الضابط ولدي مو مال هالسوالف .. يومه كله معانا
الضابط : هالكلام مو الحين تقولونه
راشد وهو يصارخ : وانتوا عمركم ما سويتوا شي عدل !! .. البريء عندكم والمجرم يسرح ويمرح !
الضابط وهو يعص على اسنانه : ياحجي .. للحين انا ماسك اعصابي .. تفضل براا أو في النظاره الحين .. قضية المخدرات مو لعبه ..
راشد وهو يطلع بهستريه : ظلم .. والله ظلم .. ظلم ..

.*.*.*.*.*.


الشركة ..
1.30 .. ظهراً ..

عامر : مثل ما قلت لك يا عم .. بكره ان شاء الله بنروح عند المحامي ونفصل كل شي ..
بو محمد : أخيراً ,,
عامر كان ذايق الويل ومتحمل : يلا عيل الحين اخليك ..
بو محمد : الله وياك ..

طلع محمد لمكتب ذياب ..
ذياب : بسم الله .. شفيه بليس صارخ بويهك ..
عامر : ذياب حبيبي .. بنفصل الشراكه بين حلالنا وحلال ذاك .. وابيك تشتغل معاي شقلت ..
ذياب : شصاير !
عامر : افف .. عاد تبي اهلا وسهلا ما تبي شفيك ,, يلا انا ماشي
ذياب وهو يلحق وراه : عمووور ,, عمووور اصبر ...

.*.*.*.*.*.*.

2.00 .. ظهراً ..
بيت بو محمد ..

ملاك كانت بالصاله تسولف مع سونيا لما دخل عليهم محمد ,,,
محمد بسخريه : صح النوووم
ملاك وهي صاده عنه : اف ,, الله يا شماته
محمد وهو يقعد يمها : شفيج علينا
ملاك بملل : نايمه يوم كامل ما تقوم توقضني !!
محمد يمثل دور المسكين : هذا يزاتي الي ابيج تريحين من السفر المتواصل ..
سونيا وهي تتضحك : انته نفر واجد مُناسب ..
محمد : قووومي قووومي .. عين الحسود الله يطلعنا منها
_ : ههههههههههههههههههههههههه هههههههههه
ام محمد وهي تنزل : حي الله عروستنا .. اسمحي لي عاد كنت فوق مادريت بج قعدتي ..
ملاك كانت بقمة الخجل لأول مره : حياج الله خالتي ..
ام محمد : اليوم مداوم اشوف !
محمد : الاجازة ممله ,, يمه تصدقين ابوي يبيني اشتغل معاه بالشركه !!
ام محمد : وشغلك يمه !
محمد : شعرفني فيه .. يمه الله يخليج اقنعيه .. انا دكتور .. ماعرف شي في الهندسة والxxxxات
ام محمد : ان شاء الله .. يلا ما صار ويرجع ابوك .. قوم بدل ثيابك .. واهتم بحرمتك

.*.*.*.*.*.*.*.

الساعه 3.30 ..
بيت بو خالد ..
كالعادة الكل بعد الغدى مجتمع بالصاله ..
ريم وهي تلاعب سامي : ميعااد ,, ولدج متنان
ميعاد وهي تسحب ولدها : ماشاء الله ..لا اله الا الله
ريم : هههههههههه زين ما قلنا شي ..
خالد : مافينا شي عين وتصيب ولدنا ..
بو خالد : الا وينها ختكم !!
ام خالد : كالعادة يا نوم أو كاسره ظهرها بالكلكليتر
خالد : يمه يمه .. جم مره قلت لج كمبيوتر ..
ام خالد : يااه .. الي هو ..
الكل : ههههههههههههههههههههههههه ههههههههه


اما روان كان الملل ضاربها التووب .. مره تفكر انها تتصل .. ومرة تتراجع .. لين ما رن تلفونها وكان المتصل كوثر ..
روان : ألووو ..
كوثر : ألوييين
روان : أهلا
كوثر : سلام عليكم
روان : عليكم السلام
كوثر : شحالج
روان : تماام .. وانتي
كوثر : بخير دامج بخير ..
روان : وشخبار حبيب القلب
كوثر وهي عاقده حواجبها : الي يعيفنا عيت النفس تعيفه ..
روان : شهالكلام .. غريييييبه ,,
كوثر : أي كلام ! ,, هاي الواقع ..
روان : والله وكبرنا يا كوثر ,,
كوثر : القطو العود ما يتربى .. والحمد لله يوم ربيت نفسي من صغري ,,
روان : لين تشوفينه شنو تحسين ! ,,
كوثر : عاادي .. يلا ما اطول .. بروح اشوف امي .. بااي
روان / مع السلامة ,,

.*.*.*.*.*.*.

الخميس ..
9.00 الصبح ,,

ملاك .. عامر .. محمد .. بو محمد ,,
كانوا عند المحامي يفكون الشراكه ..
مرت الدقايق سريعه ,, واكتفوا بثلاث تواقيع لكل عقد ..

.*.*.*.

بيت بو عادل ..

بو عادل : يمه يا منار لا تعاندين أخوج ,, انا من قعدت تقاعد ماجفت الراحة بهالبيت
منار وهي تبوس راس ابوها : آسفين يبه ,,
سعيد : يبه مابقول آسف .. لأنها هي تخرب لعبي ,,
الا برنة الجرس ,,
عادل : سعووود ,, يلا قوم افتح الباب ,,
سعيد : بابا شوفهم .. أنا أبي ألعب ,,
بو عادل بعصبيه : انا اقوم افتح يعني !!
منار: خلاص خلاص .. انا بفتح ..

فتحت منار الباب من جافت رجال على طول دخلت ..
منار : عدوول رجاال ,,
عادل : ياربي ,, اكيد عشان الأجار ,,
بو عادل : الله يستر ,,

عادل وهو يكلم الرجال على الباب : حياك الله تفضل ,,
عماد بغرور : أبوي يقول لكم وين الاجار ,,
عادل : احنا متفقين مع ابوك انه يكون نص الشهر على ما آخذ المعاش ,,
عماد / عاد راتب ابوك التقاعدي ما قال شي ,,
عادل : صج يعني .. محسود الفقير بموتت اليمعه ,, راتب ابوي بكفي لشنو والا لشنو ..
عماد : عاد انا قلت لك وانت تصرف ..
جلال وهو يتوجه لهم : خير ,,
عماد وهو يتأفأف : الأجار اف
جلال وهو يمسكه من ثوبه : تكلم عدل لا تتدخل القبر ,,
عادل وهو يفج جلال : شناوي علينا انت ,,
عماد وهو يرتب نفسه : يدك راح تنكسر يالحبوب ..
جلال وهو يرفسه ببطنه : ترى اذا كسرت يدي لي رجل اكسرك فيها ..
عماد وهو يتألم : آآآآآآآآآآآآآآي .. والله بوريك يا جلالووو ,, لأخليك انت وبيتكم تبوسون يدي ..
جلال وهو يعّلي صوته : نجوم السماا أقرب لك ,,
عادل وهو يدخل جلال ويصك الباب : شناوي علينا انت ..
جلال : ماتشوفه شلون يتكلم ..
عادل: صل على النبي انت بس .. يعني ماتعرف نذالة عماد
جلال : ياخوي لمتى نصبر ,, زهقنا .. الفقر ذبحنا وذلين مو مقصرين فينا ..
سوسن وهي تنزل ببتها : عادل يلا خذني عند بيت ابوي ..
منار : سوووسن .. حتوحشيني
سوسن : وانتي كماان
جلال وهو ياخذ سااره : وانا فين !
ساره وهي تغني : هيناا هييناا هوو ..
الكل : ههههههههههههههههههههههههه هههههههههههه

هذي عايلة بو عادل .. مع الفقر الا البسمه والبهجه ما تفارقهم ..

.*.*.*.*.*.*.*.

فتحت دفتر امها وبدت تقرأ أوائل الصفحات ..

عبد الرحمن ,, مازلتَ تؤرقَ نومي ..
تُزعِج يقضتي .. أصبحتَ كالظل الملازم بي ,,,
الحب .. ليس كلاماً شاعرياً ,, ولا لحناً كما يُسمى ,,
إنّه سحرَ الجوري .,, ذلك الجوري الذي تهديني إياهُ كلّه صباح ..
أمام الملأ الغفير ,, الزهر ,, والشجر .. وحتى البلبل الذي يعدوا بأروع النشيدْ ..

أمي ,, يالحناً أعشقهُ ,,
يامن ترتلتِ بآيات القرآن ,,
اعطيني صدركِ الحاني ..
لأبوح بكل معانيّ ,,
لديَّ همسه ,, شكوى ,,
فمتى منكِ الإنصات .. !! ..

يصعب عليّ الفريق .. لكن الحب أخذَ مأخذه ,,
فاعذروني ,,

سكرت الدفتر وباتسمت ابتسامة حنان ..

.*.*.*.*.*.

بعد التفكير الطويل بين روان ونفسها ,, جال بها التفكير للمجازفه وسماع صوته فقط ..فقط .. فقط ..

المرة الأولى رن التلفون من غير جدوى ,, أما المره الثانيه على ربع رنه جاا الرد ..
جلال : ألووو ,,
روان : ...............................
جلال : تعرف انك سخيف !! ,, ماثقل دمك .. لا ترد لأني مشغول ,, الا ذاا بتقول لي من انت
روان : ..........................
جلال : اسمعك صوت القطار اذا ما سمعته ,,
تووت توووت توووت ,,,

.*.*.*.*.*.*.

الكويتـ ,,,
الكل مجتمع في بيت راشد .. الي هو بيت اليده ..
بين البجي والنوح .. وبين القهر والآه ,,
محد يعرف شالسالفه ,, الا نجود الي كانت معاه ,,
لكنها بعد الحادثه ,, جتها رصاصه غير مباشره أصابت جذع الشجره بدل ما تصيبها ,,
لكنها تحت تأثير الصدمه ,, والسانها انعقد .. والى الآن ما نطقت حرف واحد ..



" ينامُ الظالمُ والمظلوم منتبهٌ .. يدعوا عليه وعينُ الله لم تنمُ "

الطفله الي مادخلت السنة الثامنة .. الكل كان يحاتيها ..
نجود ..
نجود ..
نجود ..

محد كان يعرف سبب لسكوتها .. أما هي .. فغاصت ببحر التذكار ..
لما جافت الشرطة واخوها واقف مايعرف يسوي .. رمت نفسها من المرجحانه الي كانت متسليه فيها .. من الربكه طاحت .. جافها أخوها .. ركضتناحيتها .. ذيك الساعه الشرطه فكرته ناوي يشرد .. اطلقت أول رصاصه .. كانت بتوصل في راس نجود لو ما الله ستر وتحرك فارس حركة سريعه قط بنجود وراا ظهره ..

فارس : ما تشوفووون !! .. يااهل ذي ياااهل ..
الشرطه : سلم نفسك وما بتصير أي مشاكل ..
فارس وهو مستغرب منهم : أسلم نفسي على شنو !! .. شسالفه ..
الشرطة : قط الجنطه .. وارفع يدينك
فارس : شفييكم .. هذي جنطه رفيجي !! .. بس فهمني شالسالفه ..
نجود كانت ماسكه اخوها بالقوه .. تتدخل أحد رجال الشرطه ودفعها دفعه قويه وقبض على فارس ..
فارس كان السانه معقود .. مو فاهم أي شي يصير .. لحد ما انفتحت الشنطه وبانت المخدرات ..
فارس وهو يضرب الأرض : أيا النذل يا نويصر .. سويتها ..
الشرطه ( الأول ) : يلا عااد عطلتنا ..
الثاني : والصغيره من هذي !!
فارس لا إرادي نزلت دموعه ,,

نجود كل هالأحداث تنعاد عليها مثل الشريط .. مو عارفه تتكلم ولا جتى بحرف ..
شيخه وهي حاضنه اختها : نجووود حبيبتي ردي عليّ ..
عايشه وهي تمسح دموعها : غتمت بنتنا .. غتمت ..
اشتعلت في عين خالد نيران محد قدر يوقفها .. وطلع عنهم من غير أي كلمة ..

.*.*.*.*.*.*.

الجمعه .. 9.30 صباحاً ..
ابتدت يومها بكل حيويه ونشاط .. اكتشفت انه مو موجود .. فعرفت انه راح الشغل ..
بدت تفكر في اخوها الي تغير عليها وايد .. ما جافته الا عند المحامي .. وما نطق لها بأي كلمة ..
ما كلف نفسه يقول لها الحمد لله على السلامه .. ولا يبين لها السبب الي خلا الاثنين يفكون الشراكه .. هذي الشراكه الي دفعت نفسها ثمن عشان لا تتخلخل ..
نزلت وهي تتمنظر في أثاث البيت الراقي .. غير عن بيتهم البسيط ..
سونيا : أهلا ماما
ملاك : أهلاً سونيا ,, وين ماما ام محمد !
سونيا وهي عاوجه بوزها : انا ما يعرف
ملا ك وهي عاقدة حواجبها : شفيج
سونيا وهي تساسرها نوعاً ما : هزا ماما نفر مو زين ,, هزا يسوي انا طباخ وهو يقول هو يسوي طباخ .. انا يسوي طباخ كله فلفل .. هي يقول بعدين انا يسوي طباخ ..
ملاك وهي تتضحك على اسلوب سونيا المعرب : هههههههههه هههههههههههه الله يقطع بليسج يا سونيا ,, تعالي تعالي بنسوي الغداا اليوم مع بعض
سونيا وهي تشعر عن اسنانها الصفر : انا في هب انته
ملاك وهي تتضحك من قلب : ايه ايه وانا بعد ..

.*.*.*.*.*.*.*.

عامر : ذياب حدد موقفك .. انت الحين بتتطلع معاي والا بتتضل معاهم !!
ذياب بتردد : عامر ليش انت فكيت الشراكه .. انا ماقدر اتخلى عن خالد الصراحة ..
عامر بصدمة : شنووو !! .. ما تقدر تتخلي عن خالد !؟ .. وتتخلى عن رفيجك يا ذياب ! .. طالعني زين .. انا عامر .. انا رفيجك ..
ذياب بتردد اكبر : يا عامر افهمني ..
عامر بضحكة ساخره : الي يريحك يا رفيجي .. الله يريحك يا صديقي .. الله يريحك يا قيقي ..
ذياب : عــ ,, عامر .. انا ,, أقـ ...
عامر وهو يقطعه ويربت عـ كتفه : لا تقول شي يا الحبيب .. عن اذنك ..

ذياب كآن بحيره من أمره .. ماكان بوعيه .. لما طلع عامر عنه ظل يفكر ..
ليش خالد بالذات !! .. ومن ذيك البنت الي مو قادره تفارق خياله ..
عشانها باع رفجة عمره ,, ضرب على طاولته ضربه قويه تعبر عن شدة الاضطراب الي بداخله ..

.*.*.*.*.*.

على الغدى في بيت بو محمد .. كانت الامور هادئه ..
ملاك مو متعودة على هالأجواء ..
كانت تاكل ملعقه وتنطرهم يتكلمون أو شي .. بس أبد ..
بو محمد لزوجته : تتدرين ان محمد استقال !
ملاك وهي رفع راسها وتناظر محمد مستغربه : شنو !
محمد وهو متندم : دراستي راحت طبش ..
ام محمد باعتراض : الحين الولد دارس وتاعب وآخرته يشتل بمجال مو مجاله .. !!
بو محمد وهو يقوم : الحمد لله شبعت ..
محمد : يمه هدّي .. انا ماقدر ازعل ابوي ..
ام محمد بحسره : والا مادري شقول لك يا وليدي .. بس قهر ..
محمد : يعني ما تعرفين أبوي !! .الي يبيه يسويه ..
ام محمد : اه الله يصلحه ..

بعد الغدى اتجهوا محمد وملاك على قسمهم بجري ..
ملاك وهي تقعد على الكرسي المفضل : هههههههههه ههههههه وصلت قبل ..
محمد ماكان له بارض غشمره : قلت لج قومي .. هذا كرسيي ..
ملاك : لا ماما وصلت قبلك ..
محمد : بتقومين والا شلون !
ملاك : عاد يبه قعدنا قبلك .. روح اقعد على ذاك الكرسي ..
محمد : بعد للثلاثه ان ما قمتي يا ويلج ..
ملاك : بالطقاق .. بتخوفني يعني !
محمد : لا حول لله .. ما تعيشين بدون طق انتي ..
رفع محمد يده لكن منظر ملاك كسر خاطره .. نزلت من الكرسي سريع واختبت تحت للحاف عشان لا يألمها الضرب ..
محمد قد ما كسرت خاطره قد ما ضحكته : ههههههههه هههههههههههههههههه هههههههههههه مينوووونه .. غصبـ (ن) عنج قمتي ,,
ملاك بصون خفيف : قوات عينك .. مالت عليك ..
محمد بصوت رقيق : شنو قلتي حبيبتي ..
ملاك ببتسامه مصطنعه : اقول سلامتك حبيبي ..
الاثنتين : ههههههههههههههههههههههههه ههههههههههههههههه

.*.*.*.*.*.*.

السبت ,, 12.00

ميعاد جهزت نفسها وولدها عشان تروح بيت ابوها ..
ريم : ميعاد من صجج توج بتروحين تسلمين عليهم !!
ميعاد : انتي عارفه بالحال .. سمووي مرقد بالمستشفى وتوه البارح مرخصينه ..
ريم وهي تحمل سامي : حليله .. روحي وخليه عندي ..
ميعاد : أخاف يتعبج ..
ريم : لا يتعبني ولاشي .. اتسلى معاه ..
ميعاد : طيب حبيبتي ميعاد ذلين ثيابه واذا وصخ .. وأكله عالطاوله بتلقينه ..
ريم وهو تفلص خدود ساامي : بتتم عند عمتك
خالد وهو ينادي من تحت : يلااا يا ميعاد تأخرناا ..
ميعاد : يلا حبيبتي .. ما واصيج عليه ..
ريم : لا توصين حريص ...

.*.*.*.*.*.*.*.

كانت نايمة بأحلى نومتها لما رن تلفونها .. وخرب عليها أحلى حلم عاشته بأحلامها ..
ردت على التلفون من غير ما تشوف الرقم ..
روان : ألووو
جلال : من !
روان صحاها صوت جلال .. وفزت على طول : بغيت من اخوي !!
جلال : حلوة بغيت من !ّ .. يمه انتي متصلة قبل ولا رضيتي تتحجين ..
روان انربط السانها وما عرفت شنو ترد : ......................
جلال : الووو .. اكلمج
روان وهي تبلع ريجها : نعم !!
جلال : بتقولين انتي من أو لا ,,
روان وكأن فكره جهنميه حلت على راسها : النمره غلط ..
جلال كان حاس انها البنت الي يكلمها بالمسن .. وتحول شكه الى يقين .. انفجر ضحك : ههههههههههههههههه .. أهلاً ,, عناقيد الزمن ..
روان انصدمت وحست ان العرق بدى بتصابب : ...........................
جلال : شوفي انا واحد مشغول .. ما عندج كلام بسكره
روان واحتدت من كلامه : وليش اذا بتسكره لازم تستأذن .. شتحارس ,, !!
جلال بمزح معتاد : حارس ! .. اختي المباراه بالتلفزيون هيييييييييييييي تسبيل ,,
روان كانت تضحك بينها وبين نفسها بس ما تبي تبين ضحكتها .. فأبعدت التلفون عنها وردت رجعته : شتبي !
جلال : انتي مو ويه أحد يخسر عليج فوجر .. باي
توووت توووت ...

روان " من صجه ذي .. ماقول الا مالت عليك .. الا مالت علي انا الي مهتمة له .. اكمل نومي ابرك لي .. "

.*.*.*.*.*.

بيت بو محمد ..
وصلت ميعاد .. وبالدخول استقبلتها سونيا ..
سونيا : أهلاً ماما انته يجي كل يوم ,, بس ماما ملاك يجي انته ما يجي ..
خالد وهي يمسك راسه : وليييييييييه ,, الله يصبرج يا روح
سونيا : انته مافي سوي جنجال بين انا وماما ميعاد ,, انته مفهوم !!
خالد : حمد لله والشكر .. اقول ميعاد انا رايح تبين شي !!
ميعاد : متى بتاخذني !
خالد : على التسع برجع لج
ميعاد : صار .. يلا سونيان مشينا ندخل لهم ..

.*.*.*.*.*.

عامر ضاقت الدنيا به .. رفيج عمره يروح عنه .. وفوق هذا مشغول بتأمين مشروع بعد ما باع اسهمه لبو محمد ..
تذكر جلال من بين تفكيره ..
" مالك يا عامر الا جلال .. ذاك الي يقعد معاه مايسكت ... "

.*.*.*.*.

بيت بو عادل ..

بو عادل : هاا يا وليدي عسى عطوك معاشك ..
عادل : لا والله يا يبه .. نطالب هالمعاش مطالب ..
منار : والحين يبه شبتسوون على الايجار .. من وين ندفعه ..
سعيد : وهالعماد ولد بو مانع مأذينا .. الي يقول احنا أكالين حقوق الناس ..
بو عادل بكحه خفيفه : كح كح .. يا وليدي الحق حق .. والحق ما ينزعل منه أبد
عادل : بس طريقة تهجمه علينا مو طبيعيه ..
بو عادل : ماعليه يا عيالي صبروا ..
سوسن وهي تقدم لهم الكيك : والكيك جهز
سعيد : اممممممممممم ,, من الريحة تبين انها طيبه ..
منار : يم يم ,, هذا الاكل والا بلاش
ساره وهي حامله الملاعق وتضحك : بلاش ههه ههه بلاش ههه
عادل وهو يحمل بنته : أي أخف انتي أو هالملاعق ,,
ساااره : انا ,, انا ,,
الكل : ههههههههههههههههههههههههه ههههههههههه

.*.*.*.*.

في المكتبه ,,
دخل عامر على جلال وكان باين عليه التعب ,,

جلال : اذا عندك فلوس ادخل .. ما عندك تيسر
عامر وهو يدخل يده داخل جيبه ويطلعه : شوووف ,,
جلال : بل بل بل .. عيل من غير مطروود .. ماعند فلوووس
عامر : ترى ازعل
جلال : له له .. كلشي ولا زعلك .. واليوم عشاك عندي شقلت
عامر بصدمه : شنووو !!
جلال : ترى أغير رايي ,,
عامر : لا لا لا ,.,, لا تغير رايك يالحبيب ولا شي .. بأي مطعم ان شاء الله ..
جلال وهو يضحك ضحكة عاليه : ههههههههه انا ويني ووين المطاعم .. من يد مرت اخوي ,, ابصم لك بالعشر انك تاكل اصابعك وراه ,,
عامر : عشى بيت !! ...
جلال : اقول احمد ربك ..
عامر : مش ولا بد ,, عشاي عندك يابو الشباب

.*.*.*.*.*.

بيت بو محمد ..
المغرب ,,

ميعاد : المهم .. شنو هديتي ,,,
ملاك : من صجج تفكرين لج هديه ! .. حبيبتي احنا التوفير شعارنا ..
ميعاد وهي مبرطمه : أبي هديتي ,,
ملاك : ههههههههههههههههه دلاعه ولا دلاعة سموي ,,, الا وينه ما جبتينه معاج ..
ميعاد : مع عمته ,, خبرج ولدي فيموس ,,
ملاك : ايه طبعا طبعا .. وليش ما عرفتينا عليهم ,, وهم ليش ما يزورونا .. مع ان هذا بيت عمهم اخو ابوهم ,,
ميعاد : ماعرف ,,
ملاك : قولي لهم الخميس الياي أنا عازمتهم ,,
ميعاد : طيب ,, بس الحين خلنا ننزل لامي ,, واعلي عليها بروحها ,,
ملاك : بيني وبينج للحين ما تعودت عليها .. احسها وايد تحب تقعد بروحها .. انزل الصاله عشان اشوفها مال القاها .. معظم الوقت بغرفتها ,,
ميعاد : يا حليلج يا يمه ,, بس انتي حتى لو جفتيها بغرفتها روحي لها ..
ملاك : ان شاء الله .. يلا خلنا الحين ننزل لها ,,

.*.*.*.*.

بيت بو عادل ..
دخّل جلال عامر الميلس وهو راح لبيتهم ,,
جلال وهو ينادي بصوت عالي : سووووسن ,, مناار ,, ياهل البيت ..
سوسن وهي تتطلع من المطبخ : بسم الله الرحمن الرحين شصااير ..
سعيد وهو يركض عالدرج : من ماات !!
الكل : ههههههههههههههههههههههههه هههه
منار : شفيه اخوي يصرخ
جلال : رفيجي يالميلس عازمنه على عشى .. عااد هاا سوسن .. ابيج تخلينه يزحف عـ بطنه من زود الأكل ,,
سوسن : هههههههههههههههههههههه ,, ان شاء الله ,,
منار : جلووووووووول
جلال : شتبين ,,
منار : جم طلع لك من المكتبه !
جلال : ماشي الحال .. ليش ,,
منار : عمال ولد بو مانع اتصل في عادل وطالبه بإيجار البيت ..
جلال : لاحول لله .. وهذا ما بيفهم لازم يصبر لنص الشهر !! .. وانتي سكتي .. لأن اخبارج زفته مثل ويهج ( وطلع (

.
.

رايكمـ

[لامارا]

╠ ═ ╝▫ ╠ الجزء السادس ═ ╝▫╠ ═

ياموت .. خذني كم بهالدنيا عانيت
خذني معك ياموت واعلن وفاتي ..
خلي طعنّي بالهوى يوم وفيت
والروح راحت مابقى الا رمادي

_ _ _ _ _ _

الكويت ..
الأربعاء ,, 4.00 عصراً ,,,
مرت أيام عصيبه على فارس وهو داخل الزنزانة ..
تعرف فيها على ناس ,, فيهم الزين وفيهم الشين ..
رضى وهو يربت على كتف فارس : ياخوي اذكر ربك .. ترى كل ظالم وربك فوقه ,,
فارس ودمعة حارة داخل عينه على وشك السقوط : ناس دمها بارد .. ويني انا ووين المخدرات !
رضى : هد بالك وانا خوك ترى كـ ,,,
قاطعهم صوت الشرطي : فارس راشد المالك ..
فارس وهو يفز من مكانه : نعم ..
الشرطي : زيارة ...
فارس : في أحد لحين يذكرني يعني !!
رضى : روح وشوف وانا خوك ..

وصل فارس لعند الزائر .. وتنهد تنهيده قويه لما جاف أخوه خالد ..
حضناه ولمه بالقوة .. غصب عن الأخوين تتطايرت دمعاتهم ..
فارس بترجي : لاتصدقهم ياخوي .. ترى انا برئ ,, والله بريء .. أنا اخوك يا خالد ..
خالد وهو يمسح دموعه : لا تتكلم ياخوي .. لا تعلمني ولا تخبرني عن نفسي .. تراك انت .. وانت انا .. بس قولي شالسالفه ...
فارس وهو يفر وجهه عالباب ويلطمه لطمة قويه : انخدعت ياخوي ,,, خدعني ,,
خالد : من !!
فارس وهو يتذكر شكل نجود .. : قبل كل شي قول لي نجود شلونها !!
خالد : هذا الي ابي اعرفه ,, اختك من لما رجعت مع الشرطة ما نطقت ولا حرف ..
فارس بصدمة قويه : شقاااعد تقول !!
خالد : قولي انت شصاير ,,
بدى فارس يقول لخالد من أول ما جاف ناصر ,, لين ما جت الشرطه .. الا والشرطي داخل عليهم ..
الشرطي : وقت الزيارة خلص ..
فارس باستهزاء :يلا خذ ,,
خالد بتصميم : الا آخذ حقق يا خوي ,,
طلع وعين فارس تلاحقه ...

.*.*.*.*.

دخلت ملاك بيت أبوها .. لأول مرة تشوف بيت أبوها وكأن بيت مهجور ,,
ثياب عمور في كل مكان ,, المطبخ مغبر ... غير صوت التلفزيون العالي الي طلع ولا بنداه ..
بدت تنظف شوي شوي .. لما صار المكان نظيف _ إلى حد ما _ .. تذكرت انها طلعت من البيت من غير ما تخبر أحد الا سونيا .. رفعت سماعة التلفون .. اشتاقت للتلفون الي تتصل كل يوم لمنار منه وتتم معاها وقت طويل ,,, وينها الحين منار !! ,, كل من تخلى عنها ..
لكن التلفون طلع بدون حراره .. احتارت ,, لكنها سلمت نفسها للنوم ..
من بين أحلامها وكوابيسها دخل عامر .. أول ما جاف الريحه استغرب .. دخل البيت جاف وحدة نايمه على الكرسي .. الكرسي الي كانت تحبه أمه ..
عامر لما تأكد انها ملاك حس بفرحه ما قدر يوصفها .. صحيح انه تجاهلها مدة ., بس مهما كان هذي اخته ...
اخذ كوب ماي بارد وكبااه على وجهه ملاك ..
ملاك وهي تقعد مزهوقه : قسم بالله آخر مرة .. ماعيدها ... والله ..
عامر انفجر من الضحك على اخته لما شافها بذاك الموقف : ههههههههههه هههههههههههه هههههههه ههههه
ملاك وهي تستوعب وضعها : ضحكت من سرك بله ياعموور .. هذي سوايه تسويها !!
عامر : شعندك في بيتي .. محد قالج تيين ..
ملاك : لا والله وصار بيتك !! .. يا صاحب النخوة ليش ما تسأل عن اختك !!
عامر : انا زين افتكيك منج وعرستج .. وشحقه أسأل عنج
ملاك : ماقول الا مالت بلا مالت ..
عامر : انزين ما قلتي لي ,, شتبين يايه ..
ملاك : اول اشكرني على تنضيفي للمزبلة مالتك ..
عامر : وليييييه .. شسويتين .. انا نومي على الوصخ .. الحين ماعرف أنام
ملاك بجد : عموور صج بسألك ..
عامر ويسترجع ملامح الجد : نعم ,,
ملاك : ليش بعت اسهمنا لعمي بو محمد !!
عامر وهو يتنهد : يا ملاك عمج حرامي .. يبينا نسوي خرايط مو واقعيه .. ما تتنفذ .. ونخدع الزباين بأنها خرايط مثاليه .. تخيلي يا ملاك بناية مافيها سلم احتياطي ! ,,
ملاك : تعرف انه خلى محمد يستقيل من المستشفى عشان يظل معاه بالشركه !!
عامر : وانتي من الي وصلج بيتي !
ملاك : التكاسي ماقالت شي ..
عامر : شنوو !! .. يعني محمد مايدري انج طلعتي !!
ملاك بغير مبالاة : بلا قلت لسونيا .. تلقاها الحين قالت لهم ..
عامر : انتي مينووونه !! ,, بسرعه تعالي تعالي برجعج بيتج ..
ملاك : لا والله !! .. ليكون قاعده على حضنك وانا مادري ..
عامر وهو يسحب اخته : انتي متى بتفهمين !! ,, الحين انتي مرتبطه بريلج .. ما تتطلعين الا بشوره ..
ملاك : مالت على اخوي .. اقول امش وصلني لا الله لا يقوله أحصل زف عدل

.*.*.*.*.

5.00 عصراً ..
كان جلال يتكلم في التلفون لما دخل عليه حمد ..
حمد وهو يلهث : جلالوو .. جلوول الحقني
جلال وهو يتكلم في التلفون : طيب اذا وصلت الكتب راح اخبركم .. فمان الله ..
حمد لما جاف جلال مسكر : جلوول ,, ساعدني دخيلك ..
جلال : شفيك تلهث .. لاحق وراك جلب !!
حمد : الا جلاب .. ناوين يذبحوني ..
جلال وهو يضحك بصوت عالي : هههههههههههه هههه هههه الله يقطع سوالفك هالمره متحرش في يدة من !!
حمد : تتطنز جلووول هاا .. الله يسامحك
جلال : جافوك هم وانت تتدخل المكتبة !!
حمد بخوف : ماادري .. بس .. بس حاملين سجاجين يا جلوول
جلال : والله محد قال لك تعلف في بنتهم ..
حمد : انا جفتها فاصخه الحياا ... قلت ما وراها أهل ,,
جلال وهو يضحك : ابو طبيع ما يجوز عن طبعه ,,, ادخل ادخل المخزن بجوف سالفتك ..

.*.*.*.*.

بيت بومحمد ..

محمد بنرفزه غير طبيعيه : وشلون تتطلع من غير ما تخبرني !!
سونيا وهي تحاول تغطي : هي يقول يبي رقم مال انته .. بس هي ما يعرف ..
محمد : مو سبب هذا ..
بو محمد : والله ابتلشنا من زوجناها لولدنا ..
ام محمد كانت قاعدة ومالها أي دور في الكلام .. كانت تحس بشي في قلبها .. ألم ..أو .. شنو !! .. مو عارفه شنو بالضبط فـ فضلت السكوت ..
الا بدخول ملاك ,,,
ملاك كان قلبها يرقع ماتعرف السبب .. بس كانت مو متطمنه : السلام عليكم
_ : ..............................
بو محمد وهو يعبس في وجهه ملاك : أنا ماشي ..
محمد من بعد ما مشى ابوه سحب ملاك من ذراعها كان ناوي يروح القسم .. لكن .. أم محمد تمتمت ببضع كلمات .. التف محمد على امه .. لكنها كانت في حالها لا يُرثى لها كانت ماسكه قلبها وهي تأشر لمحمد بمعنى لا ...
ركض محمد وملاك ماسكينها .. لكنها .. لكـ ,,, ـنـ ,, ـهــا ... ....


_ _ _ _ _

بسم الله الرحمن الرحيم

" يا ايتها النفس المطمئنة ارجعي إلى ربك راضية مرضية فادخلي في عبادي وادخلي جنتي "
صدق الله العلي العظيم ..

أم محمد .. الإنسانه الي كانت كافيه خيرها من شرها .. كان الكل يحبها لطيبتها ..
آخر أيامها عاشت معزوله عن الكل .. لأنها كانت حاسة بساعتها ..
وفاتها أثرت على ميعاد .. محمد .. بو خالد .. ام خالد .. خالد .. ريم .. روان .. ملاك .. وكل الي يعرفها .. إلا بو محمد .. كان ياجبل ما تهزك ريح ..
بدمعة من محمد نزلت معنى الرجوله على مفهوم بو محمد .. الوحيد بو محمد الي ما نزلت منه دمعه .. معتقد ان رجولته ما تخلخلت ومستحيل تتخلخل ..
مرت أيام العزاء ثقيله .. تعرفت فيها ملاك على ريم وحبتها .. تعرفت على روان الي كانت انطوائيه عنهم .. اجتمعت بسوسن و منار .. وصديقاتها أيام المدرسه .. لكن ساعاتهم ما كانت ساعات فرح .. كانت هم ثقيل .. سونيا كانت في المطبخ بين خدمتها للمعزيات ونوحها وبجيها ,,
لين ما عدت الأيام الثلاث ..

_ _ _ _ _ _

الميلس لليوم الرابع كان ممتلأ بالرجال ..
ذياب كان يناظر عامر .. بأسف .. إعتذار .. لكن عامر مو مهتم ولا كأن شي صاير ..
خالد : شفيك ذياب !
ذياب وهو يبتسم ابتسامه باهته : ولاشي .. بس تعبان شوي ..
خالد : عيل روح استريح يا ذياب ..
ذياب وهو يقوم : عن اذنك ,,
خالد : الله وياك ..

أمــا من جهة عامر ..
جلال وهو يخبي ضحكته : قسم بالله ياعمور لما جاني المكتبه شوي ويموت علي ..
عامر وهو الثاني ماسك ضحكته : جلال الله يخليك اسكت ..
حمد : اقول قوموا برى .. حرام تتضحكون والمره متوفيه ..
عامر : ايه ايه .. صاج والله ..

استأذن الثلاثه .. واتخذوا لهم صندوق سيارة عامر موقف ..
عامر وهو يفرغ ضحكته : هههههههههههههههههه انزين كمل .. شسوى
جلال : ههههههيييي تسبيل ههههييييييي ... اقول لك جاي وهو يلهث تقول جلب كافانا الشر ,,
حمد وهو يضربه على راسه : بلا تشبيهات غير بليغه
_ : ههههههههههههههههههههههههه ههههههههه
جلال : انزين اسمع عموور ,, يقول لي جلالوو خشني عندك .. ليش احنا قاعدين نلعب !! هههههههيييي تسبيل ..
_ : ههههههههههههههههههههههههه ه
جلال بوصف دقيق للحدث .. : خبيته في المخزن الا واحد ضخم داخل .. قالي احنا شايفين واحد دخل عندك وما طلع وينه .. قلت له طلع من الدريشه ,, الخذيه صدق وراح ,,, هع هع
عامر : ههههههههههههههههههههههه ههههههههه والله انكم سوالف ..
حمد : تتضحكون علي ! .. أفاا بس أفاا ,, اسمع عمور سالفته ..
جلال وهو يمسك حمد من فمه : جب ولا كلمه .. ههههههههه .. حمود ان قلت ياويلك ..
حمد وهو يعظ يد جلال : هههههههه اسمع اسمع عموور ,,
عامر وهو ميت ضحك : هههه كاني اسمع ..
حمد : الله يسلمك هذا رايح يخلص فيز العُمّال من السفاره مادري وين الي يروح لهم .. دخل في المركز مالهم وراح للكاتبه يقول لك آي وونت ختم .. الا تقول له نوو ذس از نوت هير ,, وانت تعرف انجليزية اخونا .. الا يقول لهاا نوو آي وونت ختم .. وهي تقول له لا مو هني مكان ثاني .. وهو خبر خير .. ويرد يقول نو آي وونت ختم .. لين ما جاا له السكورتي مواطن يقول له الأخو تراها تقول لك مو هني يختمون المبنى الثاني ..
عامر من كثر الضحك رمى نفسه على السياره خشية السقوط : ههههههههه ههههههه ههههههههه ههههههههههههههههههههههه هههههههه هههههه الله ياخذك يا جلووول هههه ههههههه ههههههههههههه
جلال وهو مبرطم : الحين تتطنزون على الامبراطور جلال !!
عامر : وهو يمسح على شعره : هههههههههه هههههههههههههههه كلشي ولا جل جل

وصوت يوقف محادثة الثلاثة .. كان ذياب ,,
ذياب : عامر .. تعال ابيك في سالفه ..
عامر وروح النذاله تشتعل فيه : والله انا ماقدر اترك ربعي ,, عن اذنك ..

.*.*.*.*.

عند النساء كان الأمر أخف .. ولا في زحمه مثل زحمه االرجال ,,
الحضور كان مقتصر على منار وسوسن .. وريم وروان .. وميعاد وملاك ,,
سونيا: شو يبي يشرب !!
روان : ييبي لي عصير برتقال ,,
ملاك : قومي يا ميعاد ارتاحي ..
ميعاد وعينها حمراا من كثر البجي : ملاك رايحة أنام بغرفتج .. خلي بالج على سمووي ..
ملاك : لا تتديرين بال ..
منار : يلا عيل ملاك حبيبتي حتى احنا بنمشي ..
ملاك : وين تو الناس ,,
سوسن : أي تو الناس يا منار ,, الدنيا بتظلم .,,
ملاك وهي تربت على كتف سوسن : لا تقطعيني يا سوسن ..
سوسن ببتسامه حنونه : ان شاء الله يا ملاك ..
سوسن : مع السلامه ريم .. مع السلامه روان ..
_ : الله يسلمج ,,
سوسن : منار اخذي سااره الى ابوها .. بروح اتطمن على ميعاد قبل لامشي .. حالتها ما تتطمن ..
منار : ان شاء الله ..
ملاك : حنوونه مثل عوايدج يا سوسن ..

.*.*.*.*.*.

كان عند الباب ينتظر حمد وجلال الي دخلوا يسلمون ويطلعون .. لكنهم تأخروا .. فجأة .. ومن غير سابق انذار تتطلع ساارة وتلتصق برجل عامر ,,
سارة : بااباا .. بابا ..
منار وهي تركض وراها : تعاالي يالخبله .. تعـ ,,,,
لكن وقفت كل تحركاتها لما جافت عامر ... أما عامر الي كان يلاعب سااره .. بمجرد ان جاف منار تذكر الي صار بينهم قبل ثلاث سنوات ,,
بيومها كانت منار 15 سنه .. وعامر 19 سنه ,, منار كانت بين كل يوم والثاني تروح لملاك وملاك تروح لها .. كانت علاقتهم قويه الى درجه انهم كل اسبوع يباتون في بيت وحده .. ومن كثر مامنار كانت تشوف عامر على طول ,, أول ولد عاشرته .. غصب عنها نشأت بينه وبين قلبه علاقه أشبه بالحب .. يمكن كان مجرد إعجاب ..
عامر ما كان ينكر انجذابه لها .. بس المعزة تبقى فاصل ..
اضطر عامر في ليله من الليالي انه يجرح مشاعر منار الي تعلقت فيه بطريقه غريبه ..
عامر حزم أمره وخبرها إنه كان يحبها بس مع مرور الأيام حس ان هالحب يخلص .. لأنه أصلاً ماعرف طعم الحب .. انجرحت منار واايد .. ومن يومها ما راحت بيت ملاك ولا قربت يمه ..

صوت جلال كان المنقذ الوحيد لكل هالأفكار الي تمت تلوط وتحوم بين الإثنين .. أول ماجاف جلال منار راح لها .. وهذا الي أثار استغراب عامر ..
جلال بعصبيه : شفيج واقفه هني !!
منار وهي تبلع ريجها : بنت اخوك على طول راحت للريال .. كنت باخذها لأبوها ..
جلال وكأنه استوعب : أهاا .. زين دخلي وخبري سوسن ان عادل راح يجوف شصار على راتبه الي للحين ما استلماه ,, وقولي لها تتطلع لان انا باخذكم ..
منار: وابوي مشى !!
جلال وهو متنرفز : وليييييييييييييه .. ايه مشى .. في اسئله ثانيه !
منار بتأفف : زين زين ..

.*.*.*.*.*.

الجمعه ,, 7.15 الصبح ..
بدت ملاك تتأقلم على جو البيت .. وبدت تشتغل .. وسونيا أخذت عليها وهي بالمثل .. الا بو محمد الي كانت نظراته لها قاتله ..
بو محمد نزل وكان الفطور عالطاوله ..
ملاك ببتسامة عذبه : تفضل عمي الفطور جاهز ..
بو محمد بكل حقاره : والله مو ناقص الا تأكليني غصب .. قومي وقضي ريلج عشان لا يتأخر على الشغل .. " وطلع "
حست انها انجرحت من كلام عمها .. بس مع ذلك راحت عشان توقص محمد ..
ملاك وهي تحاول معاه : محمد .. محمد عاد لا تعذبني .. قوووووم ..
محمد وهو يقوم بكسل : شتبين ..
ملاك وهي مبوزه : تأخرت على شغلك
محمد وهو يتمغط : ههههه انزين وشفيه برطومك بينزل تحت ..
ملاك : ولاشي ...
محمد : يلا عيل انا بسبح وبمشي تبين شي !
ملاك وهي تتطلع من الغرفه : تبي فطور اكو عالطاوله ..

.*.*.*.*.

الأحد ..
2.20 ظهراً ..
مركز الشرطه ..

خالد باصرار : حضرة الضابط .. انا مستعد اقبظ على العصابه كلها وابين لكم براءة أخوي .. بس محتاج تعاونكم ..
الضابط وهو يضحك باستهزاء : وين قاعدين !! .. بلاد العجائب .. خل الخبز للخباز ..
خالد باستنكار : ماهو خلينا لكم الخبز وحرقتوه .. وخليتوا الظالم يروح والمظلوم بالسجن ..
الضابط بعد تفكير : شبتسوي ..
خالد : اسمع خطتي ..

لو التمني ينفع الي يتمنى
ماصرت بلوم نفسي ....
شقيه اشوف كل مع حبيبه تهنى
وانا حبيب الروح صعب عليّ


الإثنين ,, 2.30 ...
رجع من شغله تعبـآن ,, قط نفسه عـ السرير ...
جاف شقد حياته من دون اخته غير ,, ماعنده ونيس .. ولا أنيس .. الربع يبقون ربع ! ,,
محتاج أحد يحس فيه .. يسأل عليه .. يزعله ويراضيه .. يحمل شوي من تعبه ..
من غير سابق إنذا طاف طيف منار عليه ..
عامر وهو يضرب جبهته " مستحييل .. منار الحين أخت رفيجي .. آه يا دنيا .. من كان يتوقع أن أخوج بصير لي الأخ والصديق بعد .............. آآآه ,,, وينك يا ذياب .. مو انت الي عاهدتني عشان ما نفترق ! .. الحين ترقنا ليش !! ,, ليش !! "

.*.*.*.*.*.

الساعه .. 3.30 ظهراً ..
بيت بو عادل ..


مجتمعين ياكلون حلوى طيبه من يد سوسن ..
جلال : يممم يمممم .. شو هيداا
سعيد : جلووول .. خذ مالتي ماحبه ..
جلال وهو عاوج فمه وفاتح عينه : لا لا الله يخليك .. انا ماقلت يم يم الا حتى أرفع معنويات هالمسيجينه .. والله هذي ويه يم يم !!
سوسن وهي تصب الجاي لعمها : والله خلها من يدك .. محد قال لك زطها ..
جلال وهو ياكل ملعقه ورى ملعقه بسرعه : لا لا ... هوّنا .. سعوود عطني قطعتك
سوسن يغرور : ايييه ,, ترى توبه ماسوي لكم ..
بو عادل : الا وين ريلج يا سوسن ! ..
سوسن : اتصلت عليه قال يحاول مع المسؤول بالشغل .. لاهو عاطنه راتبه .. ولاهم يحزنون
بو عادل : شلون جذي بعد !! ..

إلا برنة جرس البيت ..
رتبت منار شيلتها عدل وراحت تفتح الباب .. ومن وراها جلال ..

أول ما فتحت الباب .. جلال دفعها ووقف على الباب ..
جلال : خير ...
عماد : الإيجااار .. كأني نطرتكم وايد ...
جلال : قلنا لك لنص الشهر .. توه اليوم عشره من الشهر ,,
عماد بمكر : عندكم اخت وماتفكرون تزوجونها !!
جلال بسخريه : نزوجها عليك مثلاً !!
عماد يتفاءل : موافق .. وبعطيكم البيت كله مهرها شقلت !!
جلال وهو يمسك عماد حلجه : كلمه ثانيه بتموت جدام البيت تفهم !! .. وزيح عينك عن الي بداخل البيت ,, تفهم أولا ..
عماد وهو يفلت من جلال بصعوبه : مينون .. مينون
جلال بقهقه : ها ها ها .,. لا تخليني اضحك عليك وانت بهالطريقه ..
عماد وهو يركض بعيد عن جلال : بتجوف شي تندم عليه يا جلوول ..

.*.*.*.*.

الساعه .. 4.00 عصراً ..
بيت بو محمد ..

ملاك كانت قاعده مع سونيا تنطر محمد الي حتى يوم الجمعه صار يوم شغل ,,
كل حياته شغل × شغل ..

دخل محمد وكان التعب بادي عليه : سلام عليكم ..
سونيا : أليكم السلام ..
أما ملاك اكتفت بصعودها لقسمها ..
ما طال الوقت لما راح محمد وراها ..

محمد الي كان متنرفز : شهالحركات اليديده !!
ملاك : لا والله .. قطني بالبيت وحضرتك اسرح وامرح على كيفك ..
محمد : اسرح وامرح !! .. ليش وين رايح ؟! مو اشتغل واتعب .. عشان من !
ملاك : محد قال لك اشغل واتعب عشان أحد .. أبيك تكون معاي وتفضي نفسك عالأقل .. تتطلع من الصبح ما ترجع الا المعصر .. تسبح وتنام .. والليل تروح بيت عمك .. وانا وين مكاني من الاعراب !!
محمد : عايشه احسن عيشه .. شتبين بعد !
ملاك باستهزاء : احسن عيشه !! تقص عليّ أو على نفسك !! .. ماقول الا مالت علي يوم قبلت فيك ..
محمد وهو عاقد حواجبه : يوم قبلتي فيني !! .. أصلاً انا الي انجبت فيج ..
ملاك : والله محد طقك على يدك وقال لك تعال اخطبني ..
محمد : لا ماحزرتي .. لولا وصية أبوج الي بلشتنا كنت الحين عايش بنعيم من غيرج ..
ملاك : انت ,,, ( ماعرفت شنو تقول .. أو بشنو تبرر موقف أبوها ) .. ابوي ..
محمد بسخريه : هه هه هه ,, مو عارفه تردين .. محد قال لج ابتدي النقاش ..
ملاك بكميه ضعف العصبيه الطبيعيه : اذا هذا كلامك طلقني ..
محمد فتح عينه للآخر .. بعدها راح بنوبه ضحك : هههههههههههههههههههه هههههههههه ههههههههههههههه ههههههه هههههههههههه حلوة منج ..
مانطر منها أي كلمه ودخل يسبح ..

أما ملاك فاتصلت على عامر .. وهي تصيح من قلبـ ...

.*.*.*.*.

مرت الأيام ثقيلة على ملاك .. ومحمد .. بهالأيام عرفت ملاك انها حامل ..
كانت تتمنى انها تعرف وهي بحاله غير .. بس .. جذي الله كتب ..

الخميس ,, 6.45
محمد كان يدخن بشراهه .. بحيث انه في اليوم الواحد يخبص ثلاث قواطي سجاير ,,
دخلت عليه سونيا وبيدها الغدى الي محد مسه ..
سونيا : يلا بابا مهمد .. انته لازم ياكُل شي ,,
محمد رفع عينه الي زاد تحتها السواد : رجعت !
سونيا وهي تمسح دمعتها : ماما يروه وهو يسيه .. انته يروه الهين يجيبه ..
محمد تنهد تنهيده ماعرف مغزاها " انا ليش قلت لها كلام المفروض ما اقوله .. انا غلطان .. بس هي ,, آآآه ,,, هذي الياهل الي ما كنت تبيها يا محمد ... هذي هي ,, " ..

.*.*.*.*.*.

الكويت ,,
7.00

بداا خالد في خطته بمساعدة الشرطه ,, وقدر يدخل في عصابة ناصر للمخدرات .. كـ شريك ,,
ناصر : انت تعطيني فلوسك .. واحنا نشتري ,, ولا يهمك ,, لا تحاتي ولا شي ..
خالد الي كان يمثل دور الساذج : ومتى بتوصل البضاعه !!
ناصر : بكره أو الي بعده ,, والا شرايك يا صويلح ..
صالح : انا قالوا لي بعد بكره والله اعلم ,,,
ناصر : خلاص عيل يا صويلح انت اليوم تروح لجماعتنا وتأكد عن الموعد .. ويصير بعدين خير ,,
صالح : صار ,,, يلا عن اذنكم ..
ابتسم خالد للنتيجه للي وثل لها وزاد حمااس في القبض الكلي عليهم ..

.*.*.*.*.

طلعوا حمد .. جلال .. وعامر من السينما .. كانوا يطالعون فلم من بطولة واحد اسمه جلال .. ينادونه بالفلم مي مي ..
حمد : هاا مي مي ..
جلال : هلا حي حي ..
_ : ههههههههههههههههههههههه
عامر وهو يطالع الساعه : بلا هرج ومرج .. بمشي عندكم ..
حمد : شفيييه .. هااي للحين ما عرس ..
عامر : عندي الا احلى من كل العرايس ..
جلال وهو يغمز له : ترى احنا هنيي ..
عامر : اقول مي مي .. وين بيتكم .. يلا شبااب .. عن جد اتأخرت على اختي .. فمان الله ..
_ : فمان الكريم ..

.*.*.*.*.

10.30 ...
روان تعلقت بـ جلال ,, لدرجه غير طبيعيه ...
روان : ألووو ,, شفيك ما ترد علي !
جلال : كنت مع ربعي .. شتبين !!
روان وهي عاقده حواجبها : الحين شنو آبي !!
جلال : اقول لج عااد فااضيه ... الحين بدخل البيت .. بتصل فيج بعدين
روان وهي تتأفف : طيب ..

.*.*.*.*.

عند ملاك وعامر ..
ملاك كانت لآخر ثانيه بالدقيقه تنظف البيت الي مستحيل يتنظف ..
ملاك : عموووووووور .. تعال لم وصخك ...
عامر : انا ماقلت لج ماعرف انام الا على القذاره !! ليش مو راضيه تفهمين
ملاك : افففففف .. عموور يلا عااد .. ترى يزعل الجنين
عامر : لا لا اذا السالفه فيها جنين ألم وصخي وابو وصخي ,,
ملاك : عفيه على أخوي ..

.*.*.*.*.

الجمعه ,, 11.30 الصبح ..
بيت بو خالد ...


ريم : والله وحشتنا ملاك ..
ميعاد : ايه والله افكر اليوم اروح اجوفها ..
ريم : اذا بتروحين بروح معاج ..
ميعاد : اوكي .. عاد يمكن أتأخر يعني ما بروح الا الساعه 1.00 تقريباً ..
ريم : صاار .. عيل قبل وحدة أكون جاهزة ..
روان وهي نازله عليهم : وين امي!!
ريم : بالمطبخ ..
روان : قولوا لها رفيجتي كوثر بتييني اليوم ..
ريم : وليش ما تروحين انتي تقولين لها!!
روان وهي تكلم ميعاد : مسكي انتي ولدج .. بروح اقول لها ..

.*.*.*.

ملاك كانت بروحها بالبيت تتطالع سبيستون .. ..
فجأة رن التلفون .. ضحكة ملاك بداخلها " ههههههههه اكيد عمور رجع الخط واتصل يجرب"
ملاك : هلا هلا عماااري .. الا رجعت الخط .. كل هذا عشان الجنين !
محمد ضحك بداخله .. ثاني مره تفكره عامر .. : ايه
ملاك: انزين اذا بترجع ابي مانجو .. ترى سمعت الدكتورة شقالت .. كلشي ولا الجنين ..
محمد بهاللحظة انصدم .. شقاعده تقول!! : شقاعده تقولين !
ملاك وهي متلخبطه : من!! .. مو عامر ؟ .. من !
محمد بعجله: دقايق وانا عندج !!
ملاك بعد ما تيقنت انه محمد سبت نفسها ألف مرة .. " مستحيل أرجع له .. مستحيل ألف مستحيل .. كفايه معاملة ابوه .. والا مو مصبرني عليهم الا سونيا المسكينه .. "

.*.*.*.*.

كوثر : يبه ابيك توصلني بيت ربيعتي ..
بو كوثر : ذياب ياوليدي على دربك وصل بنت عمك ..
كوثر وهي مرتبكه : لاا ,, يبه .. ابيك انت توصلني ..
ذياب وهو عاقد حواجبه : وليش ما تبيني أوصلج!
كوثر : اخاف عندك شغل ..
ذياب : ماشي عندي .. بس المهم انج تدلين بيت ربيعتج عدل وما تتضيعيني ..
كوثر وهي عاويه فمها : لا ادله ..

.*.*.*.

12.30 ..

خالد من تحت: يلاا ريم ,, ميعاد ,,
ميعاد : نازلين ,,,
ريم : انا من رايي انج تتصلين اول تخذين موعد .. يمكن يطلعون ..
ميعاد : تشوفين جذي !!
ريم: ايه ..

اتصلت ميعاد لكن محد يرد ..
ميعاد : محد ..
ريم : اتصلي مره ثانيه ..
ميعاد ,, اتصلت مره ثانيه .. وبعد عناء ردت سونيا ..
سونيا : بيت بو مهمد .. شو يريد ..
ميعاد : ههههههههههههههه سونيا .. عطيني ملاك ..
سونيا : الله يغربل بابا مهمد مسكين .. يسوي زعل لماما ملاك .. ويره بيت بابا هي .. وبابا مهمد يسيه ويشرب سـ ...
ميعاد : بس بس بس.. الحين احنا عندج .. باي ..

ريم بخوف : شسالفه !!
ميعاد وهي تحمل ولدها : يلا مشينا .. ماعرف شصاير بين ملاك ومحمد ..
ريم : يارب استر ..

انطلق الثلاثه .. خالد وريم وميعاد .. وفور وصولهم الحوش .. دخلت سياره غريبه على ريم وميعاد .. ومألوفه عند خالد ..


ذياب : متأكدة هذا بيت ربيعتج !!
كوثر : هيه ..
ذياب : شو سمها !!
كوثر : مالك شغل ..
ذياب غصب عنه ضحك على تفكيرها : ههههههههه .. انزين يلا نزلي ,,

نزلت كوثر وأول ما جافت ريم وميعاد راحت تسلم عليهم .. استغل ذياب الفرصه وفتح الدريشه عشان يسمع ..
كوثر : اهلا ريم شحالج ..
ريم : طيبه .. وانتي ..
كوثر :طيبه طاب حالج .. وانتي ميعاد شحالج ..
ميعاد : بخير ربي يسلمج .. تفضلي روان تنطرج ..
كوثر وهي تأشر لذياب عشان يروح : عن اذنكم ..

خالد وهو يفتح باب سيارة ذياب : الا عندنا اليوم ..
ذياب : الحمد لله بخير .. وانت ..
خالد : بخيرات .. ههههههههههههههههه لاتقول لي ذي بنت عمك ..
ذياب : جفت شلون الدنيا صغيرة ..
خالد : ايه والله ..
ذياب : يالله اخليك الحين ..
خالد : يلا حتى انا بوصل المدام ..

.*.*.*.

وصل محمد للبيت بعد عناء من التعب ,,
كانت ملاك مصممه انها ما ترجع له أبداً ,, بس لما سمعت صوت الجرس ,, ماقدرت تمسك نفسها عن فتح الباب ..
أول مافتحته محمد طاح على ركبتينه .. كان واضح انه تعبان ..
ماقدرت تمنع نفسها عنه .. اخذته يتقوى على كتفها لما وصل عالكرسي ,,
كان يلهث وكأنه بضياع ..

محمد بصعوبه : انتي حامل !! .. ليش ما خبرتيني ّ! ..
ملاك وهي تصد عنه وقلبها يتقطع : إذا ارتحت تعرف الباب وين ..

.
.

رايكم

[لامارا]

╠ ═ ╝▫ ╠ الجزء السابع ═ ╝▫╠ ═

ماعاد ينفع لو تعتذر ورجعت
فات الأوان وقل قدرك وشانك
وشلون أسامح وانت في الود قصرت
وبعت الرفيق الي وفالك وصانك
والحين جاي تقول نادم وفكرت
خل المحبه وانت خلك مكانك

_ _ _ _ _ _

محمد بصعوبه : انتي حامل !! .. ليش ما خبرتيني ّ! ..
ملاك وهي تصد عنه وقلبها يتقطع : إذا ارتحت تعرف الباب وين ..
محمد وهو يحاول يتنفس بصعوبه : ملاك ,, انا تعباان ,,
ملاك الي كانت عاطتنه ظهرها : قالوا لك هني المستشفى !! ,, للأسف تراك واصل المكان الخطأ
محمد بندم شديد : انا آسف ..
ملاك ماعرفت شنو ترد : ..................
محمد يواصل : ليش ما خبرتيني انج حامل ! ..
ملاك وهي تغمض عينها : لأن أبي ورقة طلاقي ...

.*.*.*.

1.00 ظهراً ..
وصلت ميعاد وريم لبيت بو محمد ..
بو محمد كان قاعد بالصاله يتابع الأخبار ..

بو محمد وهو يثبت نظارته : شعندج في بيتنا ..
ميعاد وهي متلخبطه : سلام .. شخبارك يبه ..
بو محمد : عليكم السلام .. شعندج في بيتي ..
ميعاد : يايه اشوفك واسلم على ملاك ,, فيها شي !
بو محمد بسخريه : هه ,, ذيك البنت في بيت ابوها ,, ماقال لج اخوج !
ريم استاءت واايد من قسوة بو محمد الي الكل تعود عليها ..
ريم : ماعليه ,, نزورها مرة ثانيه .. مشينا ميعاد ..
بو محمد وهو عاقد حواجبه : ريم بنت اخوي !! .. وين سلامج على عمج !! .. الا جذي علمج اخوي بو خالد ! ...

.*.*.*.


البحر ..
1.20 .. ظهراً ..

من فرحته ما عرف وين يروح ..
كان يبي يصرخ للعالم ويقول " اسمها ريم يا عاالم " ..
ماعرف ليش هي بالذات ..
وشنو بكون مصيره لو كانت ما تبادله الشعور ..
الحب من طرف واحد صعب .. لكن .. لكن .. أبد ما كان هذا تفكيره ..
ذياب .. باع رفجة عمره عشان شي مجهول .. يا يصيب أو يخيب ,,

.*.*.*.

بعد مناقشات طويله بين ملاك ومحمد .. دخل عامر الي استغرب من وجود محمد ..
عامر : شفيك داخل بيتي !! .. ماظني تتشرف انك تتدخل بيت الريال الي غصبك على بنته
محمد ماعرف شنو يرد : ...................
عامر : اما الحين .. من غير مطرود .. انا واحد تعبان وابي ارتاح
محمد وهو يبلع ريجه : ياعامر انا ابي اصلح الامور .. مو أزيدها تعقيد !!
عامر متجاهل كلامه : اختي .. تبينه !!
ملاك كانت دموعها تتجارى ومو عارفه شنو تقول .. عامر سألها سؤال صعب ,, صعب أكثر مما تقدر تجاوبه .. اكتفت بهز راسها بمعنى (لا) ...
محمد بصدمه : وولدي !! .. والي ببطنج !! ..
عامر : وانت شدراك انها حامل !
محمد وهو يمسك عامر من كتفه : شفيك انت !! ,, تبي خراب بيتي وبيت اختك !
عامر بعصبيه : أي بيت الي تتكلم عنه !! ,, زوج ماعنده احترام لزوجته ! .. كل كلمه رايح وراجع فيها تهزيء .. مانطر اي كلمه منك .. من غير مطرود ...

.*.*.*.

3.30 .. ظهراً ..

عادل راجع من الشغل وينادي على اهل البيت : يبه .. سووووسن .. يا يبه ... سوووسن .. محد بالبيت ؟؟
سعيد : شفييييك عدووول .. ابوي نايم
عادل وهو يحمل اخوه السمين ويرجعه من ثقله : أأأخ يا ضلووعي .. عليك لحم وشحم يا سعوود
سااره : ههههه بابا .. ههههه حملني حملني ..
سوسن وهي طالعه من المطبخ وبيدها دلة الجاي : شفيك .. شصاير ..
عادل وهو يطلع ظرف : المعاااش
سعيد وهو يرقص مع سااره : يعني ما بننام بالشارع ,, وهلي هلي هلي
سااره وهي تتضحك : ههههه هلي هلي هلي
_ : ههههههههههههههههههههههههه ههههه
عادل : شوي شوي على بنتي يا سعيدان بلا ينون ..

.*.*.*.

شركه بو محمد ..
9.00 الصبح ..
الأحد ..

دخل محمد على مكتب أبوه وتعب السهر واضح وضوح الشمس ..
سعاد ( السكرتيره ) : وين !! ,, بو محمد عنده شغل ..
محمد وهو عاقد حواجبه : لا والله !! ,, الحين تعرفين تقلبين ويهج وتنزاحين عن ويهي لا تاخذين استقالتج عـ شاني ,,
سعاد وهي مرتبكه : شتقصد ..
ماعطاها مجال ودخل مكتب ابوه ..
بو محمد بدون ما يطالع : سعاد قايل لج الغي كل المواعيد
سعاد : ايه لكنـ ...
محمد : يبه هذا انا ..
سعاد بدهشه : يبه ؟؟؟
بو محمد وهو يعدل نظارته : أها .. سعاد خلينا بروحنا ..
سعاد : ان شاء الله ..
بو محمد : خير شتبي ..
محمد : يبه عطني اجازة كم يوم بيح فيهم ,, الأيام الي طافت قعدنا نشتغل الجمعه والسبتواعتقد هذا كافي
بو محمد : تبي تصير ضعيف وترجعها !!
محمد بخاطره " حاولت يا يبه .. بس هي رفضتيني " : هاا .. لا
بو محمد : مدام طلعت بكيفها .. لازم ترجع بكيفها ...

.*.*.*.

الكويت ,,,
الأحد .. 1.30 فجراً ..
ناصر : خلود .. انا ادري انهم تأخروا في البضاعه .. بس لازمتنا بعد فلوس ,,
خالد بهبل : ايه .. طيب ..
صالح : بكره عطنا الفلوس واحنا ناخذ البضاعه ونبيعها ونرجع لك الفلوس
خالد : ايه ايه .. مافي مشكله

.*.*.*.

الثلاثاء ,,
6.45.. صباحاً ..
كل شي بنظامها تغير .. قعدتها الصبح مو القبليه ..
مشاعرها تبدلت .. اسلوبها .. حياتها ..
مو الي تتضحك .. مو الي ماخذة الدنيا كلها مزح×مزح ..
حست بحركة في بطنها وابتسمت ..
تعرف ان مافي أي حركه .. مجرد وهم ., بس هالوهم جميل ..
حست يشوق كبير لغرفتها .. لسونيا .. لمحمد .. تذكرت مذكرات أمها ..
فتحتها ..

الحب ...
قد لانفهم ما ترنوا إليه تلكَ الكلمة الهمجيه ..
لكن .. مادام هناكَ توافق .. شوق .. غرام .. وله ..
يكون الحب ..
يكون الجنون ..
لا أُريد أن أفقدك ..
ولو حكمت عليّ محكمة الحياة بالإعدام ..
فحبي لك ,, هو سر نجاتي ..



أُريد في هذهِ اللحظة أن أُرزق بمولودةٍ بيضاء كالثلج .. يتمايل طول شعرها بحسب عمرها ..
تكون كالبحر في الانسياب ... وكـ الشمس في الاشراق ,,,
أُريد أن أضمها إلى خلدي ..
وقبل كل هذا وذاك ..
سوف أُسميها ... " ملاك"
أجل ملاك ..
وإن غار الملاك من جمالها وصحوتها ..
فلهُ الحق .. كلَّ الحق ..
أُريد أن أُعلمكِ الحب من الصغر يا عزيزتي ..
فلولا الحب لما عاش الإنسان ..
فلو نظرتِ إلى حولكِ لوجدتِ الحب مزروع مع كل زهرة ..
أحببِ كما تريدين أن يحبكِ الآخرون ..

طفلتي ..
أحبِ معلمتكِ ..
صديقتكِ ..
أبويكِ ..
زوجكِ وأطفالكِ مستقبلاً ..
لا تتخلي عن حلمٍ عشته ..
والآن .. ارخي قلمي قليلاً .. فالنعاس غالبني ..


تحمست فيها مشاعر غريبه .. سكرت دفتر امها وابتسمت ..
حاولت ترفع السماعه وتكلمه .. تقول له آسفه .. ماعرف أنا الغلطانة أو انت ..
كانت أفكارها مشوشه .. لحتى نامت مرة ثانيه ..

.*.*.*.*.

الكويت ,,,
الخميس ..
4.00 الفجر ..
صالح بهمس : انت من صجك بتاخذ هالغبي معانا !!
ناصر : مينون انا قالوا لك !! .. بس عشان اسكته ..
صالح : زين يالله لا نتأخر عالجماعه ..

كلها دقايق وانطلق الكل عند صحراء غريبه .. خالد ما كان يعرف شي .. بس كان متفق مع الشرطه انها تحاصر المكان ..
خالد تم مصدوم من الي يجوفه ..
معقوله الدهاء والمكر يوصل فيهم انهم يخبون المخدرات في أكياس أجباس ,, وعلب مواد عذائيه .. و .. و ملفوف !! ,,
صارت اشياء غريبه جدام عيونه انصدم منها ..
تقدم ناصر وواحد غريب قالوا كلمة سر مو مفهومه ..
ولما الكل اجتمع ظهرت الشرطة مانعه الكل من الحركه ..
الشرطه : سلموو نفسكم .. المكان محاصر ..
ناصر بحركه سريعه مسك خالد : كنت شااك والله انك مو مال مخدرات ,,,
خالد وهو يحاول يفلت منه : عشان تعرف شلون تورط اخوي في قضيتك الوصخه ..
ناصر : ومن اخوك !!
خالد : هه .. واايد الي لعبت فيهم يعني !! .. اخوي فارس المالك يا قه قه ..
ناصر : اخوك غبي .. وانت اغبى منه .. سمعوني .. أي حركه بروح هذا تحت الأرض .,.
الضابط : خااااااااااااااااااالد !!
ناصر ركض الى خرابه ومعاه خالد ماسكنه من رقبته ..
ناصر : أي حركه صاحبكم في أحفال الموتى ..
الشرطي : سيدي .. شنسوي ..
العقيد : قطوا له لا سلكي عشان نتفاهم معاه ..
ناصر : سمعوووني .. أي حركه قسم بالله ماتخلى عن كلمتي ..
العقيد : يكون في علمك ان الي بيدك ما يهمنا ..
ناصر : ها ها .. غيرها يا عقيد ...
خالد : غبيّ ..
ناصر بتوتر : ولا كلمه ,, لا بالـ ...
خالد : كفاااك .. تهديد وبس .. غلطان اذا تفكر الناس بتستجيب مع تهديداتك ..
بحركه سريعه خالد قط حجره على يد ناصر وطاحت السجين عـ الأرض ,,
ناصر : ياكلـ ..
خالد وهو يقاطعه : جفت شلون انت ضعيف !! ..
سرعان ما الشرطه تجمعت والقت القبض على كل العصابه ..

العقيد وهو يربت على كتف خالد الي صادته طعنة من السجين عـ كتفه بالغلط : والله وسويتها ..
خالد وهو يصرخ من شدة الألم : آآآآآآآآآآآآآآآآآآآآآآآآخ ..

.*.*.*.*.

الجمعه ..
المستشفى ..
9.00 الصبح ..
الكل مجتمع عند خالد .. بما فيهم فارس ..
فارس : والله وسويتها يالكتكوت ..
الكل : ههههههههههههههههههههههههه هههههههههههههههه
ليلى : والله غريبه .. الصغير يصير اذكى من الكبير ..
خالد : هييي انتي عااد .. حدج على اخوي ..
شيخه : بس اهم شي قمت لنا بالسلامه ..
ليلى : الحمد لله ..
اليده وهي تتدخل : وينه .. وينه ...
خالد وهو يضحك : ههههههه كاني يدووه .. شصاير ..
اليده : ليش ما خبرتنا .. ليش ما علمتنا ...
خالد : شلون تصير مفاجأة بعدين !
اليده بسخريه من فارس : الا شحاال خريج السجون
فارس : افاا يدوووه ,, هذا وانا الي احبج واعزج ..
اليده : لا تكثر ..
_ : ههههههههههههههههههههههههه ههههههههههههههههههههههه

.*.*.*.

10.00 ..
ملاك كانت تتكلم مع منار في التلفون لما دخل عليها عامر ..

ملاك : صدقيني مافيني شي .. بس شوي تعباانه ..
منار : انزين .. وبيتنا بتعبج يعني !!
ملاك بتردد : منار .. انا حامل ..
منار : شنوووووووووو !! .. وانا اقول شفيها البنت ماتبي تزورني .. هاايعني طلعت لج دبه
ملاك : شحليلها الدبه عليّ
منار : زين زين .. لا تكثرين ..

عامر : اففففففففففف .. انتي ما تشبعين من التلفون .. أبي ريوووق اختي ..
منار من سمعت صوت عامر ارتبكت : اقول ملاكي .. اكلمج بعدين باي ..
ملاك : مناار .. الووو .. الووو
عامر : الوو .. انا هني
ملاك : اففف .. زين جذي خليت البنت تسكره !!
عامر: ومن هذي
ملاك : رفيجتي منار .. وحشتني واايد

كانت متعمدة انها تتطري اسم منار .. ووتجوف ردة فعل عامر ..

عامر : الااختي ,, هي مو مخطوبه ! ..
ملاك وتفرح اساريرها : لاا .. تبي اخطبها لك
عامر بخجل : افكر ,,
ملاك وهي تركض تبوس عاامر : احببك .. احبــــــك .. احبــك ..

.*.*.*.

أما محمد ,, كان الأشبه بالميت ...
البيت فضى عليه ..
محمد وهو يعلي صوته : سووونيا .. سوووينااا وصمخ .. يوووعان
سونيا وهي تتطلع من المطبخ وهي حامله الملاس : شوو يبي ,,
محمد : اقول لج يوووعان ..
سونيا : والله انته يجيب ماما ملاك هناا .. يسوي لانته نم نم .. انته مافي يسوي .. انا يسوي طباخ كله فلفل .. انته يبي فلفل !! انا مافي يعرف يسوي مجبوس .. انته يبي مجبوس .. انا مايـ ...
محمد وهو يقاطعها : بس بس بس .. قلتي لنا قصة حيااتج .. بس ما نبي شي .. ( ومشى )
سونيا : ياربي انا شو يسوي في هزا بيت كله نفرات جنون مال غنم .. متى يجي كوومار على هصان أبيد .. مالت على حض مال انا ,,

.*.*.*.

بعد شهر ..
محمد عزم على انه يرجع ملاك باللين أو بالقوة ..
راح بيتهم .. وتفاجأ أن الي فاتحه له الباب وحدة غريبه !! ..

محمد : هااي مو بيت ,,, ؟
منار : ايه .. عارفه شنو بتقول .. بس ملاك طاحت علينا .. وراح عـ ,,,
محمد وهو يقاطعها : شقاااعده تقولين !! ..وأي مستشفى !؟؟
منار : ابن النفيس .. لكنـ ...
محمد من غير ما يسمع لكن طار طيران للمستشفى ..

" قالوا ضعيفه عزة النفس فيني
قلت المحبة تجبر احساس ولهان
ماقدر افارق من سكن وسط عيني
ببقى معه وارضيه لو كان غلطان
سلمت له عمري وباقي سنيني
وببقى على عهده ولاني بخوّان "

محمد وهو يقاطعها : شقاااعده تقولين !! ..وأي مستشفى !؟؟
منار : ابن النفيس .. لكنـ ...
محمد من غير ما يسمع لكن طار طيران للمستشفى ..
استغربت منه .. وسكرت الباب بعد ما طالت النظر حتى غاب عنها ...
تراجعت خطوات وقعدت عالأرض ..
خلت راسها بين ركبتينها ..
عمرها ما فكرت بالمال لوا الجاه رغم فقرها .. تمنت بيوم رجل صالح .. والله لبى نداها ..
تذكرت أيام عرسها .. كانت حفلة بسيطة .. مختصره على بيتهم بس ..
بس الكل كان فرحان .. مهرها ما ترددت لما أودعته في حساب أبوها
على الأقل يضمنون إيجار كم شهر ..
اذكرت أول ما وصلت البيت كانت حزينه انها بتفارق أبوها .. أخوانها .. سوسن .. وحتى سارة الصغيره ..
بس تذكرت انها مع عامر .. مع ملاك .. ملاك الي كانت ما تخليها تشعر بأي ملل ..
الحين !! ..
الحين يمكن ملاك ترجع ..
وخصوصاً بعد ما جافت محمد بذيك الحاله ..
ابتسمت ابتسامة ممزوجة بالحزن والفرح .. فرحاانه لان ملاك بترجع لبيتها وزوجها .. وحزنانه على فراقها ..
ضحكت بنفسها : صحيح بن ىدم ما ينعرف له ..

.*.*.*.

دخل على عجلة من أمره .. عرف عامر من ظهره .. كان الدكتور باين على وجهه ملامح العصبيه وهو يكلم عامر .. تقرب محمد عشان يسمع الكلام ..
الدكتور وهو محتد : ده إيه يا باشا .. دحنا لو ما عملنا لها كل حاقه عـ السريع .. دكان هي في ستين داهيه ..
عامر وهو متلخبط : شـ .. ِشلــ .. ـون يعني !!
الدكتور : ددنتوا إيه !! .. ما عندكمش دم !! .. أكل غير صحي .. نوم غير صحي .. كل حاقه بحياتكم إيه ... انته زوجها !!
محمد من ورى عامر : لا انا زوجها ..
انصدم عامر من وجود محمد !!..
دكتور وهي يفق بيده : دئيييه .. دنتوا في خبر كانَ ..
ومشى عنهم الدكتور بنرفزته ..
محمد وهو يدفع عامر : هذا الي تهتم فيها !! .. أنا الغلطان الي سمحت لها تقعد كل هالمدة عندك ..
عامر كان محتار شنو يرد .. كان بموقف لا يُحسد عليه : وانت شنو الي ذكرك فيها الحين !
محمد بلهجه تهديد : الله يعلم انها ما غابت عيني .. بس اسمع يا عمير .. ان صار فيها والا في ولدي شي .. يا ويلك يا سواد ليلك ..

وعلى طول اتجه للغرفه الي كان من الزجاج الشفاف يبان منه وجه ملاك ..

.*.*.*.

روان كانت مستلقيه على سريرها .. تكلم جلال الي تعلقت فيه أكثر وأكثر ..
روان : شفيه صوتك جذي ..
جلال : راايح موو ..
روان : ايه ..
جلال : ايه لانه بياخذ فره وبيرجع ..
روان : هههههههههههه ماسخفك ..
جلال : وانتي ليش تتضحكين مدام اني سخيف ,,
روان : عشان لا أحبطك ..
جلال : والله !
روان بكل ثقه : طبعاً ,,
جلال : الظاهر ما سمعتي قطار البحرين اليديد ..
روان : شنوو !!
توووت توووت وووت تووت ..

.*.*.*.

الأربعاء ...
8.30 الصبح ..

فتحت عينها ببطئ .. تأملت المكان الي هي فيه ,,
أبيض × أبيض ..
تيقنت انه المستشفى ..
ما تعبها النظر لما جافت شخص موخي راسه ونايم على الكرسي ,, وراسه بالسرير جنبها ..
ملاك " يابعد عمري يا عموور .. هاد زوجتك ونايم معاي .. "
مسحت بيدها على شعره .. وابتسمت بحنان " هههههه عمور شعره ناعم !! .. من متى ! .. الله يخلي التمليس هههه "

رفع راسه لما جاف في حركه .. انصدمت ملاك .. مو عامر !! .. من هذا ,,, ! .. مستحيل يكون ...
" كاان .. أدري انه مو قته .. بس كان يحمل كل الجمال الي عمري ما شفته بـ حياتي .. شعره اطول من قبل .. والنظاراة مثبته كثاثته .. غير هذا كانت عينه تلمع .. دموع !! .. ايه دموع .. بس ليش .. وشنو الي قاعد يسويه عندي ! .. وعامر .. عامر وينه ! .. "

قطع عليها كل تساؤلاتها ابتسامته الي كانت غريبه نوعاً ما ..
محمد بصوت حنون : شخبارج الحين ! .. تحسنتين بشنو !
ملاك كانت تناظره باستغراب .. ومو عارفه شنو تقول : ...........
محمد : يلا .. استقوي على المرض عشان نرجع البيت ..
ملاك بسرعه : نرجع !!
محمد : ايييه ,, نسيتي ان لج بيت ...
ملاك ابتسمت عفوياً ,, وهذا الي ريّح محمد ..

.*.*.*.

على الفطور ببيت بو كوثر .. بدت الأحوال تتصلح شوي شوي بين ذياب وكوثر ..
ذياب : شحالج بنت العم
كوثر من غير ما ترفع عينها : بخير ..
ذياب : وجيف حال ربيعتج
كوثر وهي ترجع راسها مصدومه : شووو
ذياب وهو يضحك : هههه لا تفهميني غلط ..
كوثر : أهاا ,,

.*.*.*.

عند منار وعامر كانت الأوضاع مضطربه .,,
منار : وانت شلون تتركها بروحها ..
عامر وهو يضرب راسه بيده : يا منار احرجني .. ماعرفت شنو أرد عليه ..
منار : ولو .. قوم نروح لهم ..
عامر : أصلاً ملاك ما بتتأخر في المستشفى .. احتمال اليوم تتطلع ,, وأحسن يكونون بروحهم ,, لين متى ملاك بتتضل بعيد عن بيتها !!
منار وهي منزله راسها : صحيح .. لمتى !!

.*.*.*.

الساعه 10.45 ..
أخذ الموافقه من الطبيب بالخروج .. والفرحه تعلوا وجهه ..

بالسيارهـ ...
محمد وهو يقلب بالأشرطه .. : سمعييها .. هذي إهدااء ..
ملاك : ...................

كانت اغنية ما نسيتك .. لحربي العامري ..

محمد من بعد ماخلصت الاغنيه : شراايج
ملاك وهي تتطالع الشوارع : زينه
محمد : انا واحد رومنسي ماخذج .. ومهديج اغنيه .. واخرتج تقولين لي زينه !! ,, وين الرومانسيه
ملاك بنص عين : وا علي وا على حالي

.*.*.*.

الكويت ..
الأربعاء ..
4.30 .. عصراً ..

مجتمعين في الحوش كالعادة مثل كل يوم من هالوقت ..
اليده : هاا يمه خالد ان شاء الله يدك اليوم أحسن ..
خالد وهو يحرك يده بصعوبه : الحمد لله .. بس احس رجلي اليوم مادري شفيها ..
فارس : قايل لك باخذك المستشفى ما طعتني ..
اليده : الا فرووس متى ناوي تعرس ..
فارس : آه يا يدووه .. خليتي يدج عـ الجرح .. لو بكيفي .. اليوم قبل باجر .. بس بنت اختج ,, مو طايعه ..
اليده : لأنك لوتي ..
خالد : لايمه اخوي مو لوتي ولا هم يحزنون .. شحليله يخاف ربه ,,
فارس : جفتين عاد يا شويخه ..
خالد : الا على طاري الشيخات .. وين اختك ..
اليده : تلقاها داخل تتطالع هـ التيفي ..
خالد : ههههههههههههه ,, حليلها يدتي ..
فارس : اروح اناديها !!
اليده : لا لا الله يخليك .. مو ناقصين محاظراتها
_ : هههههههههههههههههههههه

.*.*.*.

الخميس ,,
8.00 .. الصبح ..
نزل بو محمد وتفاجأ بالمكان ,, كان مرتب بطريقه عجيبه .. تبهر الناظر ..
والفطور مجهز على الطاولة ..
ابتسم في نفسه ظناً منه ان سونيا اشتغلت زين ..
لكن لفته صوت من المطبخ ..

سونيا : هههههه .. انته شوو يريد يسمي بيبي جديد
ملاك : هههه والله اذا تسأليني .. احب اسميه سونيا ..
سونيا : هههههههههههه ,, الله الله ,, انا يفرح لما يشوف انته هنا ..
ملاك وهي مبتسمه : تسلمين لي حبيبتي ..

سارع بو محمد خطواته وطلع من البيت ..
من جهه ثانيه نزل محمد بثيابه النوم وهو يشم ريحة الفطور ..
توجه للمطبخ وجاف ملاك وهي تسوي العصير ,, وسونيا قاعده عالطاولة الصغيرة ..

محمد وهو يصفق : خووش خووش .. سوونيا انته شوو يسوي .. انا ما قلت لج اهتمي في الجنين .. !!
سونيا وهي تفز : انا مايئرف يسوي عسير ,,
_ : ههههههههههههههههههههههههه هه
ملاك : هههههههه ماتعرفين هاا .. ما تعرفين ..
سونيا : انته لا يسير صد سونيا الحين
_ : ههههههههههههههه

.*.*.*.

الساعه ,, 12.00 ظهراً ,,

منار وهي تختم صلاتها .. : ملاااك .. روحي قصري على الغدى لا نحترق ..
تذكرت ان ملاك صارت من خبر كانَ .. ابتسمت .. ورتبت سجادة الصلاة وراحت المطبخ ..
الا بالتلفون يرن ,,
منار :ألووو
سااره : ألووووه ..
منار : هلاا سوييييييره حبيبتي .. شلوووونج ..
سااره وهي تصيح : عمووووه .. احبج
منار وعيونه تبدي تتدمع : وانا احبج اكثر حبيبتي ..
ساره : متى بتيين بيتنا !!
منار : مادري حبيبتي .. بس ان شاء الله قريب ..
سوسن وهي تاخذ السماعه : ألووو .. شلونج حبيبتي منار
منار : الحمد لله بخير جام سمعت صوتكم ..
سوسن : كل هذا ملاك منستج سوسن وعيالها !!
منار : الله يسامحج يا سوسن .. اثاريج ما تتدريبن بغلاتج عندي ..
سااره وهي تناطط : ماما في بطنها بيبي .. هي هي ...
منار : هههههههههههه سكتي الفضيخه ..
سوسن : ههههه .. حليلها بنتي مستانسه .. يلا مناري .. اخليج الحين .. بقوم اشوف الغدى ..
منار وهي تشم الحريق :بييييييييييييه .. احترقنا اليوم .. باي باي سوسن ..
.
.


رايكم ؟

[لامارا]

╠ ═ ╝▫ ╠ الجزء الثامن ═ ╝▫╠ ═

ان كان نور عيني ما يساوي غلاك
اشهد انك بخيل فيما عطيتك .. وش تبي !؟
آمر تدلل يابعد هذا وذاك .. تبي قلبي .. وش بغيت !
تبي روحي .. لجل ترضي وتضحك شفاك (؟)
اذا يرضيك خذها بس قول اني وفيت ..
_ _ _ _ _ _
الخميس ..
9.30 .. ليلاً ..

جلال بهالوقت كان مثل عادته في المكتبه لما دخل عليه حمد ..
حمد : جلووول .. طلبنااك ..
جلال وهو يقفل الكمبيوتر : شفييكم هالمره بعد .. هووشه !!
حمد وهو يطلع اسنانه : نوو .. ماجزرت
جلال : عيل
حمد : بنهرب سجاير لربعنا الي بالسجن
جلال وهو يضرب راسه بشاشة الكمبيوتر : الله ياخذكم .. اطلع برى لا يقولون متعاون معاك
حمد : جذي النشامه توصل فيك يا جلول ..
جلال : روح زين .. فاضي لك .. كاهي المدام متصله .. اصصصص ..
حمد : خلف الله عليك جلاليي

جلال : ألووو .. هلأ هلأ .. هلا عمري .. هلا حيااتي ..
روان : شعنده مي مي يتكلم
جلال : عيون مي مي .. روح مي مي .. حياة مي مي ..
روان : جلالوو قسم بالله كلمة زايده ناقصه بسكر ..
جلال : لا لا ,, مافينا شدّه ..
روان : وينك في !!
جلال : بالمكتبه .. يبوني أروح أهرب سجاير للسجن !! .. اروح !
روان : وشدعوه اذا قلت لك لا تروح بتسمع كلامي ..
جلال : وانا من متى ما سمعت كلامج وا علي وا على نفسي
روان : اقعد مكانك أبرك لك عمي ..
جلال : الا تعالي بسألج .. شنو اسم امج ..
روان : وليش تسأل ..
جلال : بسسس ..
روان : اسمها صفيه
جلال : عمريييي صفيه .. .. خلاص حبيتها .. متى تتهاوش مع الوالد عشان تجوفني جنبها
روان : شنوووو
جلال : سكتي سكتي .. من اليوم سميني بابا .. عشاني باخذ صفيه .. عمريي صفيه

.*.*.*.

الجمعه ..
9.00 .. الصبح ..

بالصالة كان محمد فارش خرايطه .. وعلامات السؤال بكل مكان من جسمه ..
ملاك وهي تقرب منه وبيدها كوب جاي : وشنو الحيره الجديده ..
محمد وهو يستلم الكوب : جوفي ..
ملاك وهي تلقي نظره سريعه : يالذكي .. اذا انت تبي تسوي مشروع xxxxي .. ليش ما تسويه مميز .. أكيد كل سُكّان عمارات عندهم أطفال .. ليش ما تخصص جزء للألعاب .. هذا بيدفع الناس عشان يتأجرون ..
محمد : يالذكيه .. المنطقه دبلوماسيه .. يعني خطره نوعاً ما ..
ملاك وهي تصفق :لقيتها .. بما انها منطقه مزحومة ماراح يلقون مواقف للسيارات ,, ليش ما تخصص جزء من العمارة كموقف للسيارات ,,
محمد : امااا عليج مخ

.*.*.*.

الجمعه ..
4.30
بيت بو خالد ..

بو خالد : حي الله من زارنا .. حي الله بولدي محمد ..
محمد : حيااك الله عمي ..
ملاك : شلونك عمي ..
بو خالد : طيب يابنيتي ..
ملاك : وانتي خالتي ام خالد شلونج ..
ام خالد بصدر رحب : الحمد لله بخير ..
ملاك : الا وين البنات !!
ام خالد : فوق .. روحي لهم ..
محمد : وخالد وينه !!
بو خالد : مع رفيجه في الميلس الخارجي ..
محمد : صااير عيل .. عن اذنكم ..

.*.*.*.

روان كانت تتكلم في التلفون لما دخلت عليها ملاك وهي ما تتدري عن شي ..
روان : انزين ما قلت لي شسووا ربعك الي راحوا يهربون
جلال :ههههههههههههههههههههه .. الأغبيااء راحوا خشوا السجاير في روتي سليس ..
روان : شنو !! ... ههههههههههههههههههههههههه ههههههه
جلال : الله وكيلج يقول لهم الشرطي شنو ذي .. الا يقولون له شنو جاايف انت .. الا يقول سجااير .. يقولون له وهو كذلك ..هييييييي تسبيل .. هييييييي .. ربعنا كسروا خاطرنا وجبنا لهم .. عطاهم ثلاث ثواني عشان يمشون ما جاف الا غبرتهم ..
روان : هههههههههههههههههههههه .. لا ويبونك معاهم !!
جلال : تخيلي ..
روان الي حست بحركه على طول قفلت التلفون وخشته ورى ظهرها ..
ملاك قبل لا تتطلع : ليش تخبينه !! .. بعد ما سمعت كل شي (؟)

.*.*.*.

من بعد ما طلع ذياب ..
خالد : تعرف يا محمد ذياب شنو طلب مني !!
محمد : شنو !!
خالد وهو مترد : طلــ .. طلب يد اختي ريم ....
محمد ببتسامه : هذي الساعه المباركه .. وين بتحصل احسن من ذياب ..
خالد :لكن يا محمد ..
محمد وهو عاقد حواجبه :عشانه اماراتي يعني !!
خالد : ايه ..
محمد : بس الكل يعرف ان ذياب عايش في البحرين .. وبتم في البحرين .. وكلنا نسبنا واحد .. ليش تختلق أسباب هدامه ..
خالد : يا محمد انت مو فاهمني .. انا مو على ذياب كشخص .. ولا على حسب جنسيته .. ريم اختي رضائها صعب .. اخاف ما يقدر عليها ..
محمد : لا تزيد الأمور تعقيد .. اذا الله كاتب الشي بصير يعني بصير ,,
محمد في نفسه " من كان متوقع اني اتعلق في شخص كنت اكن له كل الكره في الصغر ! "

.*.*.*.

السبت ..
3.45 .. ظهراً ..

دخل ابراهيم مثل عادته من كل يوم عشان يسلم على يدته ..
حس بأصوات من ورى البيت ,, اتجه بخطوات متوازنه وخفيفه ..

كانت شيخه تلعب مع نجود بالماي ..
شيخه : نجووود الله يخليج بعدي عني المااي خلااص ..
نجود وهي تبتسم من غير أي صوت من بعد حادثة فارس وترش عليها المااي ..
شيخه وهي تسحب الهوز : بس خلاص نجوودي .. بندخل دااخل .. تعبنا ..
نجود وهي تهز راسها بالنفي ,,
شيخه وهي تحملها على ظهرها : هههههه الحين بنلعب من غير المااي لاني تسبحت ..

ابراهيم بسرعه اختار له مكان وتخبى فيه عشان لايبان .. لين ما مشوا ..
" آآه يا شوّاخ .. الي يجوفج قبل وين والحين وين !! .. صحيح ان الدنيا ما ترحم .. "

.*.*.*.

الأحد ..
الشركه ..
9.30 .. الصبح ..

سعاد وهي تتدخل على بو محمد بالأوراق : بو محمد ياريت توقع هالأوراق ..
بو محمد : شنو صار على ربعنا !
سعاد : ها ها ها ها قصدك الزباين الي خدعناهم بالمخططات الخراب !
بو محمد : احنا ما خدعنا احد .. ولا جبرناهم يتبنون أفكارنا ..
سعاد : هههه ايه صحيح صحيح ..
بو محمد " يا سعاد مابرتاح الا لما ازوجج من ولدي بدل العقربه الي ببيتي !! .. واخليها تتبع اخوها .. وارتاح من هالهم الي انبنينا عليه "

.*.*.*.*.

الاثنين ,,
2.30
رجع عامر من الشغل وكان البيت بغير حالته ..
ريحة بخور ..
والأضواء مرتبه بشكل عجيب ..
داخل على مسيقى كلاسيكيه ..
استغرب من الوضع .. طلعت منار من باب المطبخ بكل زينتها وعليها مريلة الطباخ ..
عامر : هههههههههههههه الحين كل هالكشخه ,, ومريلة !!
منار وهو تصد عنه : افاا عليك .. بكشخ لك لين ما تقول بس الا اذا ناوي تموت من الجوع ..
عامر عالسريع يفصخ جوتيه (وانتو بكرامه) ويلحق وراها المطبخ : لاا لاا .. امزح امزح .. بس اجوف شطابخه ..
منار وهي تفصخ المريله : قبل كل شي ابي اخبرك بشي ..
عامر : شنوو !!
منار: اليوم الصبح رحت مع ملاك المستشفى و ...
عامر بخوف : فيج شي !! .. ملاك فيها شي .. انتـ ...
منار قاطعته وسحبت يده وخلتها على بطنها .... واكتفت ببتسامه بسيطه ..
عامر وكأنه مشكك : تقصدين انج ... ؟؟؟!!
منار : ايه ..
عامر وهو طاير من الفرح : ليش ما قلتين لي .. ومتى .. وشلون .. (وهو يضرب راسه على خفيف ) شفيني انا .. هههه .. صج .. يعني بصير أبو .. يعني .. ههه .. لا .. هههههههه يا ناااس بصير أبوووو ..


عندما تُصاب المرأة بحالة اليأس ،،
فإن قلبها يصبح كإكره الباب ,,
أيُّ إنسان يديرها يميناً وشمالاً ..

أنيس منصور

الأربعاء ..
2.50 .. ظهراً ..
بيت بو محمد ..

مجتمعين على مائدة الغداء .. وومعاهم بو محمد ..
سونيا وهي طالعه من المطبخ : اممممم .. ماما ملاك .. هزا أكل واجد تماام ..
بو محمد بسخريه : بنشوف ..
قدم أول ملعقه لفمه .. وبعدها رجعها بزدراء : شنوو هذا .. ما تعرفين تتطبخين لا تعتبين المطبخ !! .. لو سونيا تتطبخ ابرك لنا ..
محمد : بس يبه الاكل طيب وما فيه شي ..
بو محمد وهو يقط على محمد نظرة حاده : الله يرحم المرحومه .. ما ذقنا من بعد وفاتها شي طيب ... أكل هنود المطاعم أبرك لنا .. " ومشى " ...
ملاك كانت طول الوقت ساكته .. كانت تجاري دمعتها ... وأخيراً كتمتها ..
محمد وهو يمسك يدها ويضغط عليها : معليه .. استحملي شوي .. ( وببتسامه حنونه ) المهم يعجبني صح !! ..
ملاك كانت يوم عن يوم تستغرب عن تغير محمد المفاجئ .. ابتسمت له .. وحمدت ربها وشكرته ..

.*.*.*.

الخميس ,,
4.30 .. عصراً ..

في طريقه للمكتبه كان يكلم روان .. بالغلط طاح التلفون مكان الريس .. انحنى عشان ياخذ التلفون من غير ما يطالع جدامه والسياره تمشي ..
ماهي الا لحظات ..
ثواني ..
أقل من الثواني ..
واصطدم بعمود الاشارة ..
وما مر وقت واجد ،، عشان تتجمع العالم .. ويجي المرور مكانه ...
المرور : اخوي عسى ما شر تعورت !!
جلال بخاطره " هذا يشوفني صااحي وما فيني شي والسياره الي تخفست ,, يسألني شفيني ! "
المرور : نطلب الاسعاف !!
جلال : تتطلبون الاسعاف لسيارتي !!
المرور وهو يضحك : ههههههه ... اخوي اكلمك آنه تعورت !!
جلال :ايه .. شوف صبعي .. تشمخ ..
المرور : هههه شكلك الا تتطنز علينا
جلال : شعرفني فيك .. تشوفني كامل والكامل الله ..
المرور وهو يربت على كتف جلال : ههه ..

.*.*.*.

الأحد ..
فتحت المدارس ..والجامعات .. ورجع الكل لحياته الطبيعيه .. بعد عطلة كانت سعيده على البعض وتعيسه على البعض الثاني ..

منار وعي تكوي ثياب زوجها : عامر .. ابي اكمل دراستي ..
عامر وهو عاقج حواجبه : بتكملين مع دبتج !!
منار وهي تشهق : الحين صرت تعايرني في الدبه يا عاامر !! .. اثاريك ناسي من داخلها
عامر وهو يسحب منها المكواه : وانا اقدر انسى ! ..
منار : ........
عامر : ايه ايه اجوف استحليتي .. كملي كملي كواي

.*.*.*.

7.00 الصبح ..
بيت بو عادل ..

سعيد وهو يصارخ : اوووف ,,, جلوووول .. عدووول .. بابا .. يلاا عااد .. من بقطني المدرسه !!
جلال : ياخي متفرغ .. انا بروح اناام .. ثانياً سيارتي متكنسله .. قول لعدول ..
سعيد : اوووووف .. عادل بقول وراه شغل ,,
جلال : وابوك !!
سعيد : شعرفني بابوي ..
بو عادل وهو نازل : وانت متى دريت عن أبوك ..
سعيد : يبه تعال خذني المدرسه
بو عادل : قول لعادل .. اليوم بنام عند الربع .. لحد ينتظرني .. الليل ,, خبروا سوسن ..
جلال : أول مرة تسويها
بو عادل : ليش بتتمون تتحكمون فيني طول عمركم !
عادل وهو نازل : يبه محد يتحكم فيك .. بس احنا تعودنا بهالبيت على الصراحة .. يبه ترى وثيقة زواجك نسيتها بالصالة الفوقيه ,, والكل قراها ,, مافيها شي لو قلت لهم انك متزوج .. ولا فيها شي لو تزوجت ,, بس يا ترى يا يبه تقدر تعيشنا وتعيش زوجتك !! .. احنا ما قدرنا ندفع الإيجار الا من مهر مناار ,, هذا غير الاعانات الي يقدمها لنا عامر ,,, مو تقوم تتزوج بمهر بنتك !
بو عادل بهاللحظة تمنى الأرض تنشق وتبلعه ,, شلون لا ... وصورته تتشوه جدام عياله يوم عن يوم .. بغلط أو بآخر ..
سعيد :اووووووووف .. من بياخذني مدرستي
عادل وهو يمسك سعيد : فمان الله يا يبه ..

.*.*.*.

المدرسه !

على مقعد من مقاعد المرسه كانت كوثر وروان .. تتبادلون أحاديث الاشتياق ..
كوثر : حوو اذا انا ما رمستج انتي ما ترمسيني ..
روان : الله يخليج انتي مع لهجتج تكلمي بحريني ..
كوثر : حبيبتي .. مافي على الرمسه الاماراتيه ..
روان : هيه هيه ههههههههه الا تعالي ..
كوثر : شو
روان : ولد عمج ذياب .. تقدم لاختي ريم ..
كوثر بكل برود : ادري
روان : شنووو !! ,, تتدرين وسااكته !! ,, مو عن حسب كان بينكم حب ووله وغراام
كوثر : حبيبتي .. ذاك على أيام المراهقه
روان : شنو !! .. يعني الحين ما تحبينه
كوثر :شلون ماحبه وهو ولد عمي !
روان وهي تضرب راسها براحه يدها : اوووووف .. فهميني الحين تحبينه اولا !!
كوثر :احبه كولد عم يا روان .. يعني مثل أخ لا أكثر .. مثل حبج لخالد ..
روان : بيييييييييه .. وانا قلت لريم لا توافق
كوثر : شنوووو !!
روان : يالله خيرها بغيرها ...
كوثر وهي مصدومه : شهالروح البارده الي عليج !! .. شنو خيرها بغيرها .. اليوم اليوم تروحين لها وتقولين لها كل شي ,,,
روان : شفيج الحين مشتطه علي ..
كوثر : لأن يا روان ذياب ولد عمي يحب اختج ,, هو قال لي ,, قال لي انه جافها ببيتكم بالصدفه .. واتخلى عن رفيج عمره عشان يبقى قريب من اخوج خالد وياخذ ريم ,, يمكن يكون غلطان .. بس من حبه ارتكب هالغلط .. والحين ريم بترفض ولد عمي عشان شي تافه !

.*.*.*.

الإثنين ,,
9.12 .. صباحاً ,,
مدرسة نجود ..

المعلمه : نجود ليش ما تتكلمين مع ربعج !!
نجود : ..........
المعلمه : نجود فيج شي !! .. ليش ما تتكلمين !
نجود الي بدت تصيح : ............................
المعلمه بعصبيه : نجود .. مو مستعده لدلعج من الصبح .. واذا اكلمج ردي عليّ فااهمه !!
نجود : ..................................
المعلمه وهي تسحب نجود للناظرة : الحين بوريج شلون تتكلمين .,.
دخلت معاها الغرفه .. لمحت نجود اختها شيخه .. وعلى طول ارتمت بحضنها..
شيخه : نجود حبيبتي شفيج تصيحين ..
المعلمه : حضرتج امها !!
شيخه وهي تبتسم : ايه امها ..
نجود وهي ترد لها الابتسامه : ........................
المعلمه : شفيها بنتج ما تتكلم !!
نجود كانت تفهم كل شي تسمعه .. بس السانها مو قادر ينطق .. مر على بالها شريط فارس والشرطه .. وتمت تصيح بحظن اختها ..
شيخه : أنا كلمت الناظرة وقلت لها كل شي .. اتمنى انها تخبرج .. ولو سمحتي الحين باخذها معاي ..

.*.*.*.

الثلاثاء ,,
6.15 .. المغرب ..

كان يوم شاق على محمد وملاك .. خصوصوه للترفيه ,,,
وكانت آخر معطاتهم النادي البحري
كان منظر الغروب أكثر من رائع ..

ملاك : لازم كل اسبوع ناخذ ولادنا يجوفون المناظر الي جذي ..
محمد : لااه لازم كل اسبوع ناخذ ملاك ..
_ :ههههههههههههههههههههههه
ملاك : شنو نسميهم ..
محمد : أنا واحد حياادي .. الام هي الي تتعب وتنجب .. أول مرة خلها على ذوقها تسميه .. لكن مو كل مره ..
ملاك :اممممممممم انا قلت اذا صبي .. سلمان على اسم ابوي .. واذا بنت فاطمة على اسم امي ..
محمد : الله يرحمهم .. حلوين الأسامي .. بس اذا بنت خلها تتطلع عليج يكون أفضل ..
ملاك : ليش يعني !
محمد : عشان من لما هم صغار ياخذون حقهم بيدهم
ملاك : افاا عليك .. وحتى لو ما عرفوا امهم موجوده

.*.*.*.

الخميس ..
8.00 .. الليل ..

ذياب : بنت عمي الله يخليج اتصلي وتأكدي ..
كوثر : اففففف ,, يا ذياب شسوي اذا انت بتعرس مب انا !
ذياب : مو هي اخت ربيعتج !!
كوثر : مو هي اخت ربيعك بعد !!
ذياب : افففف .. مسخفج اذا قمتي تتفلسفين ,,,,
كوثر بنذاله : وشو بستفيد اخويه !!!
ذياب برجاء : والله لعطيج أي شي تبينه .. بس اتصلي بربيعتج ..

كوثر وهي ترفع السماعه : ألووو ...
روان : هلا هلا كوثر .. تونا كنا مع بعض بالمدرسه .. مداج تشتاقين لي !
كوثر : هلا حبيبتي ريم .. شلون ما اشتاق لج ..
طلعت عيون ذياب لبرى ,,,
روان : شفيج انا روان ..
كوثر : هههههههه عارفه انج ريم حبيبتي ..
روان : شفي راسج !
كوثر : زين ,, يقول لج
ذياب وهو يسحب السماعه ويقطها تحت : شفييييج .. ما قلت لج كلميها ,,,
كوثر وهو تاخذ السماعه : ههههه ,, الو روان ,,
روان : شفيج ..
كوثر : حبيبتي آنه تأذيت ,, قولي لاختج ياتبي ولد عمي او لا ..
روان : ااييييه ,,, قلت لها .. والغريب انها وافقت ,, تصدقين ان خمسه قبل ولد عمج متقدمين لها رفضتهم ,, الا ولد عمج قبلته ،، امه داعيه له ..
كوثر: ههههههههه ,, معليه ,, كلشي نصيب ,, ان شاء الله نحصل له وحده ثانيه ..
ذياب ابتسم ابتسامه باهته .. ونزلت راسه ..
روان : شنو تقولين !!
كوثر : اوكيه .. مع السلامه ,,
روان : الله يسلمج ..

ذياب : رفضت !!
كوثر : انت عارف ان كلشي نصيب ,,
ذياب بهدوء : طيب .. انا الحين طالع .,,, تبين شي !!
كوثر وهي تنفجر ضحكاً : خلني اخلص رمستي يا شيخ ..
ذياب بلهفه : شوووو
كوثر : وافقت لعيك يا شيخ
ذياب : والله !! .. أعشيج واغديج وافطرج اسبوع عـ حسابي
كوثر : هههههههههههه زين زين

.*.*.*.

الجمعه ,,
2.00 .. ظهراً ,,

الكل مجتمع في بيت بو خالد كـ العاده ,,
ريم : هههههه لازم يا ملاك تاكلين عدل ,,
محمد وهو يقرب لها الصحن : مو عشانها ! .. عشان الي ببطنها ,,
ملاك : شنو شنو شنو ,,,
ميعاد : ههههههههه لا تفهمين أخوي غلط ,,,
خالد وهو يأكل ولده : الا روان وينها ,,
ملاك تنهدت وكملت أكلها ,,
ام خالد : تلقاها على مالها ,,,
ملاك الي لفتها كلام ام خالد : شنو !!
ريم : هههه قصدها الكمبيوتر ,,,
ملاك وهي تبتسم : أهاا .. الحمد لله .. انا رايحه اجوفها ..
ام خالد :خليها اذا جاعت بتنزل تاكل لها ..
ملاك : هه لا خالتي بروح اشوفها ..


روان كانت كـ العادة بخلوتها مع جلال ,,
جلال : انتي من قدي عشان اتغشمر معاج !
روان : شقصدك !
جلال : انا واحد مهموم ,, ماعندي سالفه اتغشمر معاج ..
روان : الله يخليك انت وهمومك ..
جلال : انا واحد بطني يصااوي .. تقدرين تأكليني ,, !!
روان : اقول روح اتغدى وفكنا ..
ملاك وهي تصفق : ممكن أدخل !!
روان من شدة ربكتها قطت التلفون من غير ما تسكره ,,
ملاك : اعتقد ان مو هذي المره الأولى عشان تخترعين يا ,, روان !!
روان كانت منزله راسها ومو عارفه شنو تقول ...
ملاك : روان .. تبيني أحلف لج ان الحب مو حرام !! .. بس الي قاعدة تسوينه تضنينه صح !!
روان : وشنو الخطأ الي فيه ,, وانتي منو عشان تحكمين علي !
ملاك بسخريه : هه هه هه .. سااذجه ! .. نسيتي انّي أقدر اروح أخبر الجماعه الي تحت هالغرفه !!
روان بارتباك : هاا ... تسوينها ؟؟!
ملاك : ماله داعي تسألين .. لأنج عارفه اني ماسويها ,, بس اهتمي لنفسج يا ... يا روان ..

كان جلال يسمع كل كلمة وكل حرف ,, ومتألم من الي قاعد يسويه ..
قطع التلفون قبل لا تكتشف انه سمع كل شي .. ونزل مع الجماعه يتغدى ,,


سعيد وهو ياكل : امممم .. وينك يامي مي ,, يوم خلص الشي جات العجوز تمشي ! ..
جلال باستياء : اسكت مالي بارضك ..
منار : جلول شفيك !!
جلال : مافيني شي ,, الا وين زوجج !!
منار : مع عادل وابوي في الميلس ,, لكـ ,,
جلال : اوكي اوكي .. رايح لهم .. " وطلع "
سوسن : شفيه اخوج ..
منار : علمي علمج ..

رايكم ؟