آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-05-19, 03:15 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  خيانة زمن/ للكاتبة نور الشمس ، عراقية (مكتملة)
التعديل الأخير تم بواسطة فيتامين سي ; 28-06-19 الساعة 01:46 AM | |||||||||||||
|  |
|
28-05-19, 03:17 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  رابط لتحميل الرواية هنـــــــــــا المقدمة للخيانه عدة انواع منها خيانة الاخ والصديق والحبيب لكل واحده منهن وجع لكن خيانة الزمن تجمع كل الاوجاع عندما يخونك زمانك توقع خيانة اقرب الناس اليك القصه تتكلم عن عزيز قوم خانه زمانه وتقاوا عليه اقرب الناس اليه عندها يبدأ مرحلة صراع الزمن واثبات الذات......  التعديل الأخير تم بواسطة فيتامين سي ; 28-06-19 الساعة 02:17 AM | ||||
|
| |
|
28-05-19, 03:18 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الأول يحدث أن ينكمش الكون الواسع برحيل احدهم حتى لاتجد فيه موضع شبر يحتويك ! ……… ... چنت رابع اعدادي والدنيا زاهيتلي كلشي اريده واصلني گبل لا اطلبه چنت مدلل ابوي الي كل مايشوفني يذكر اخواني فاخر وسامر وطاهر الله يرحمهم فاخر وسامر راحو بحادث سير ابوي چان مكلفهم بشغله خارج المحافظة وبالطريق اندعموو ظل ابوي من يشوفني يخاف يفگدني بيوم ويريد يعوض النقص بيه جان ابوي مامرتاح ويلوب ليله ونهاره بعد اخواني فاخر جان يحب بنت الفلاح وابوي معارض زواجه يريدله بنت عمي وهوه مايريد غيرها ظل مصر على رايه الحد مامات وهيه بنفسه وابوي يتمنى يرجع يوم ويكله اخذها چان يكلي كلشي تريده گول امر يتنفذ بس حيل مقيدني وده يسجني من خوفه عليه وهالشي خلاني احتار بغيابه كلشي علي جديد الدنيا مو هاي الجنت بيها ماخلاني اطلع واشوف الناس واميز بين ابو وجوه عده وابو گلب ثابت خلاني مثل جاهل متيه امه ويچلب بذيال كل عباه ايشوفها ماچنت ادري اذيال عباه امي وحضنها تختلف عن غيرها چلبت بذيال عباة اعمامي وتلوها حيل عني وبتلتهم انخلع متني مو بس ايدي حسيت روحي اعضب ايد وحده ورجلين مايعينني بدرب مامعبد وعثراته هواي بيوم الجابو خبر ابوي مسوي حادث وهوه المسبب سكره مرتفع وهوه يسوق وداعمله عايله وكلهم ميتين فاجعة الموت ملاحگنه وبنفس الطريقه الخلاف اخواني اندعموو مو هم الدعموو بيومها انعاد علينه مصابهم فاخر وسامر جنهم طاحو اليوم وي طيحة ابوي حسيت روحي غصن يابس ضعيف بسرعه ينكسر حته الهوه يدولب بي وين انه وين صفه وكتي وين اخيواني گبل اربع سنين ماتوو بعمر 25 و24 ومن دارت سنتهم وره شهر روج الماي اخذ طاهر رغم جان سباح وشاطر چانت كسره النه كلنه امي چانت رغم حزنها مقويتنه كل ماشافت ابوي ينهار تقوي باحاديث وقصص تخلي يخجل من قوتها وبيوم الي يشوف ضعفها يكعد هوه يمها يقويها ويصبرها ومرت ايامنه الحد يوم الي راح خيمتنه چنت اسمع يگولون الأبوو خيمه بس حسيت بي بعد مافاركته صرنه مكشفين للرايح والراد يتصرف بينه چنت زغير مدلل ماعندي خبره للحياة بره المضيف والكاع والفلح والناس الي ملونه وجوها خلص العزه وانطينه فصل العايله الدعمها ابوي وجان بوكته مبلغ ثگيل كلش ومبالغ بي بزياده صار وكت المحاسب شنهي الالنه والعلينه اكتشفنه ماكو شي النه عمامي تلاثه كعدو كلهم وشرطوو علي الهسه اتذكر نبرة صوتهم واتذكر اول طعنه انطعنت بيها وجرت بعدها طعنات چانو يحاچوني متصنعين الخوف والمحبه حاجاني عمي راضي ..بويه ماهر انت وليدنه واذا مات ابوك احنه كلنه ابهاتك والي تريده يجرالك بس عدنه شرط ابالي الشرط شنهي وعليمن هالشرط متاني يكول كمل كلامه بعد ماشافني متانيه وگال ..شرطنه انت واختك تجون عدنه وامك تروح الأهلها مالها كعده هنا بعد ..شنهي عمي يااهل ذول ..اهل امك يااهل بعد انت نتحملك مجبورين واختك ملزومه منه امك مالها لزمه گعدتها ..لا عمي تعذرني ..فكر زين تخسر بعد عمك ..مااريد افكر امي شلون اعوفها وانه زلمه شواربي خاطه جاهل انه وتتكفلوني وتودون امي لهلها لو ماتعرفونها شنهي وغلاها عند ابوي غير ولو سافر يوم يوصيكم لمن ادوخ روسكم شنهو الصار ونكرتوها ..انت ابن اخونه تجي يمنه واختك وياك انطيك بنتي وناخذ اختك بس تكبرون شويه بعد ونأمن مستقبلكم وخلص انت بمكان ابوك يراد من يعلمك خو ماتربيك مره وترأس العشيره مره وتمشيها ع كيفها وغريبه ماهي منه بعد ..هذا كله مايهمني امي ماعوفها خافوو الله الدهر حرمها من ثلث شبان تحرومنها مني انوب اشايفيني جاهل انه من توكف واصف بصفك بطولك انه لو لا صاحوو عمامي وولدهم احترم عمك ولك درت عليهم مشدوه ومامصدگ ..چايرضيكم حچيه ردوو كلهم هذا الصحيح ..والله لو تسووني اوصل مااعوف امي وماتطلع من دارها الا وانه مگطع ..اتنازل عن الشيخه وجدام عمامك كلهم مااطالب بيها بيوم ولاتكول اريدها مايحكمنه ابن الغريبه اسنين كوه احنه وبالعينها مو بيدنه ..هسه الرايدها مجاور ربه ..ماكو اسهل منها متنازل وجدام خلگ الله ..مااطالب لابختم ولا بشي يخص الشيخه ..ماريد كلشي بس عوفوني الشيخه وكلشي تردونه متنازل عنه بس الله يباوع ويشوف والظلم مايدوم عمي حسيت بدفعه قويه اجتني رجعت بيها الي وره اتعثرت اجدامي شفت حاتم ابن عمي چان اخوي هذا وصاحبي عبالي يريد يبعدني ويهديني طلع هاد عليه مطاول ع ابوه ومعلي صوتي وچفتوو وياه اخوانه خمسه وباقي اولاد عمي يتنوعون اجذب لو گلت ماخفت چنت اول شبابي وكلشي علي اختلف بيوم وليله گوه وكفت دمعتي ومارخصتها احتاجيتهم خطفوو ابالي اخواني وهيبتهم لو مشوو سوه لو طبو السلف كلها تريد رضاهم وينكم خايبين صفيت وحيد شصاير لو مكثره منهم يمه ماادري شلون طلعت منهم رحت الراگ الشط اعاتبه خايب لو مخليلي طاهر لو مخليلي هالوحييد شصار من لحگتني عليه ربي والله هواي هواي عليه اربعه يروحون مني ربي امن خوفي احس كلياتي يبست وگلبي دگاته بخبال امن خوفي يارب مااريد كلشي منهم اريد امي وبس ومالي وحلالي وكافيهم شري الشيخه ماميت عليها رديت للبيت چان احلى واعلى بيت بالسلف وكل فتره ابوي يجدد ترتيبه صار البيت ماينراد كبر علينه كلش كل مااطب اسمع امي واختي ينوحن سمعت امي تنعه وتبچي گعدت يمها وشكيتلها تعبي كله وكتلها هيج يردون گالت يمه لا تتنازل انه اروح ومن توكف ع رجولك اردلك ..لا ييمه ياهو يحترمني كون افرط بيج تولي الشيخه واهلها فدوه لتراب رجليج مرت فتره واتحددت كعده واتنازلت بعدها جنه ننتظر موعد فلوس الفلح مثل مامتعودين مابين منهم احد رحت ومستحي منهم شلون اكلهم خاف اوازيهم بس هذا حگ طلعوو عمامي متفاهمين وياهم وكايليهم كلشي النه وبعد انتو واحنه نتحاسب ومطلعيلهم اووراق تثبت صحة كلامهم ماادري شلون صار كلشي الهم ختم ابوي الساعدهم لو رشوو موظفين الدوله ومشوو امورهم كل الصار بيوم وليله فلسنه من كلشي ماعده البيت جان بأسم امي من هذا اليوم صرت اعود روحي واخطط شلون ارجع حگنه وشلون اجابهم واوگف بعينهم واخذ كلشي هملت دراستي وهملت روحي وتفكيري كله شلون انتقم مرت السنة وانه عايدها لا انتقمت ولا ظليت محافظ ع دراستي مرات توصل بيه كلش اتمنى اهد عليهم بس ادري مالي احد يسندني ولا انه ذاك القوي الأكدر اتلاوه وياهم من عدت السنة شفت الشماته بعيونهم من غير الحجي اليوصلني اجت امي وكعدت وياي چانت. مكسوره وتعبانه گالت ..يمه بس انت الظليت الي ترفع راسي لو لا چا تريدهم صدك يكولون تربية مره وماكدرتله وظل لا هو من ادراسته ولا هو مطلع حگه چا ماتذكر اخوانك انت ماتذكرهم شلون اسباع يلهمون الطفه ويخلون اصاباعهم بعيون اكبر واحد ومكملين دراستهم وشهايدهم ذيج روح شوفهن اختنكت من حجيها ضجت منها وعليها ..يمه تحسبيني حالي حال اخواني چانو بوكت لو مروو تنوخذ الهم الف تحية جانت قوتهم من قوة ابوي جانو طالعين وشايفين الدنيا والعالم اخواني مامحبوسين مثلي بحجة الخوف عليهم يمه ابوي مثل مارفعهم حطمني خوفه علي حطمني بعدني عن كلشي وامن باخوانه واولادهم حط حلاله وماله بيد اخوانه وخلاني هيج لاني طايل سما ولاني طايل گاع لاتضوجين فدوه اروحلج اوعدج اتغيير بس اريد گلبي يبرد كليلي شلون ابرده ..مايبرد گلبك الا وانت رايد تبرده ..وانه مااريده يبرد الا ومريح گلبي بيهم ..يمه انت وحيد والوحييد مايگضي الطلابه كون يلاوي ينكسر فكر بعگلك انت ابن الشيخ ابو فاخر وتربات ايده انه امك ذكيه وابوك ذكي واخوانك زلم يشدون الظهر شغل عگلك وعوف گلبك اطرد غيمته وخلي شغلك من راسك راح تغيير كلشي طلعت امي وبالي يم حچاياتها اريد افكر صدگ الي تگوله امي انه مااكدر اعارك واطالب بس شلون افكر ويافكره لترجعلي حگي استغليت العطله اراجع الكتب الهملتهن وحضرت روحي العام جديد يختلف بكلشي بديت ادرس ورجعت مسيطر وي بداية الدوام بس حالنه تغيير امي اتمرضت وطلعت هامله دواها مو كله تاخذه ماعدها فلوس الكلهن تترك من كيفها الى ان طاحت النسوان الچانت تكرمهن يجن وتخجل تردهن كامت تنطيهن من البيت التگدر تنطي فتره كلشي قل عدنه وبده العوز ياكل بينه سنة كامله امي تصرف وابالي عدها فلوس ضامتها وتصرف منها طلعت تبيع من ذهبها والعزيزات عليها كوه بقتهن للوكت خاف يحوجني اكثر وقصرت ع روحها وهملت دواها بالمدرسه من اختلف وضعي وي عمامي تركت ولدهم لاهم الي اندگوو بيه ولا انه الگربت صوبهم وصاحبت صحبان من الولايه بس هم ولد عرب وسباع وينشد بيهم الظهر وسام اغلى واحد عندي يعرف كلشي عن قصتي ويوميه يگلي خايب ماتخليني اريح گلبي بولادهم اتحرش بيهم ونسويها صدگ واخبزهم خبز الك ولاتخاف عندي اخوان سته وولد عم عشرة كلهم يوگفولي اجاوبه مختنگ اگله عوفهم جنك ماتشوفهم وابالي دمهم مايهون عليه ومرات اشوفهم مالهم ذنب ومرات احقد عليهم من اشوفهم متنعمين بخير ابوي وانه حسرة عليه المصرف گوه كروتي دابره بيوم ضاگت بيه كلش من عرفت طيحة امي چي هامله دواها السبب الخلاها تهمله حته توفر مصاريف النه وماتردلها محتاج بعد مابيها لازم اشتغل حاچيت وسام اهله وهوه واخوانه كلهم ولد سووگ واي شغله يشتغلونها گال اذا تريد تشتغل ابدي بشغل خفيف اتعلم للسوگ وناسه وراها راح تفهم كلشي والشغله الي يعجبك اشتغلها اهله عدهم محلات جمله مواد غذائيه واكو اثنين من عمامه خلفات ومرات هوه واخوانه وولد عمه يشتغلون وياهم بالعطل نصحني ادخل للسوگ عصريه بشي قليل ماعندي اي فكرة شلون ادخل ولا عندي ذاك المبلغ الي يخليني افتحلي حتى لو بسطيه نصحني ابدي ابيع علاليگ العصريه افتر لو ابيع چاي ع اهل المحلات بديت بالعلاليگ بدون ماتدري امي رجعت من دوامي وكتلها العصر اروح عندي دروس تقوية المدرسين يساعدونه ادري بيها ماترضا اشتريت مجموعه وبديت ابيع بيهن عيني ع السوگ وع كلشي بي هنا چنت اطب وعيني على كلشي غالي اطلبه بدون تفكير واخذ حته المامحتاجه مرات وصلت مكان الگهوه المكان اليتجمعون بي شيوخ بعض العشاير يتناقشون بأوضاع الناس ومنهم جان ابوي والكل يعرفني وشايفيني اتلثمت بغترتي عدلت اتراكي الأسود وغترتي النيلي وبديت ابيع وعيني منهم واشوف عمامي اثنين متوسطينهم بداخلي متحطم الي يشوف وجوهكم وتحچون بالزينه مايگول كلكم شر بديت ابيع والحمدلله طلعلي وارد ولو قليل بس فرحته تختلف وبديت ابيع بشكل يومي وارجع بالليل اقرأ والصبح اداوم اتعب صح بس الي غايه ولازم اوصلها صرت مااحتاج من امي مصرف وهسه صار لازم اصارحها حته اكدر اعينها وانطيها المجمعهن چنت خايف تضوج مني وماريد ازيد قهرها حاچيتها متردد واتفاجأت بيها من حبتني بگصتي ..عفيه بوليدي السبع انه هم گلت مااخلف الخارم اليگعد يتاني مصروفه من أمه ..بس چنت متانيتك شوكت تفكر عدل طلعت ابن ابوك عفيه يمه لاوي الدنيا ملاوه الشيخه ماهي وراثه من الأبو للولد بعد امك الشيخه مراجل واطباع من الصغر ماهي تعلوم وانت شيخ ابن شيخ تظل طول عمرك بس وازن وكتك شغلك ومدرستك اثنينهن اريدهن وجيبلي مصروفك اضمه الك حته تستفاد منهن وليدي بيومها الفرحه ماساعتني كل شويه اتذكر حچيها ونبرتها وعيونها ونظراتهن الكلهن فخر وافرح بروحي اكثر وصرت افكر اجمع وابني نفسي بنفسي احسهم متانيني ادگ بابهم ومتوقعين اروح اعتذر منهم واگلهم انه محتاج بس لو اموت مااسويها مرت السنة بشغل وتعب ودراسه وطموح وهدف ابالي لازم يتحقق امتحنت وچنت زين وهالمره العطلة ماخلصتها براحه مثل كل مرة لا هالمرة من اول يوم اشتغلت عامل والشغل مو عيب العيب من اروح الناس متانين ذلتي اشتغلت وي وسام وعمامه وصار الي نعم الأخ واهله اكثر من اهل اخوانه وعمامه وابوي خاص بعد ماعرفو قصتي صارو يحترموني اكثر ويشجعوني ولايوم گعدنه حته بالجمعه نشتغل وسام عائلته چبيره وابوهم معلمهم دراسه وشغل واعتماد ع الذات رغم مامقصر وياهم بس كلهم شواغيل ويدرسون محد بيهم تارك امه انسانه طيبه دعائها الي يريحني مرات توديلنه اكل ومرات امي تطبخ واخذ وياي بهالفترة احس الايام كبرتني مو سنتين لا عشرين سنه صار تعاملي وي الناس غير وصرت اعرف البشر وطينته ونوعه والي صارلي هم مايخليني اثق بالناس بسهوله ولا اشوف الناس كلها ابيض صرت امييز زين بيوم چنت راجع من الشغل كلي سمنت وتراب اريد اوصل بس حته اغسل واناملي ساعه گبل المغرب دخلت البيت مبيين ناس عدنه شويه وسمعت اصوات فتت سلمت عمامي ونسوانهم وبينهم ذيچ الچنت اتانيها تكبر وياي وچانت حلم الي حاله حال باقي احلامي الي راحت وي ماراح كلشي مني ماظل الج لابگلبي ولا بعقلي مكان لا انه الافيدج ولا انتي الي تفيدين اهلج خربو البينه وخاف اظلمج اكثر لو اخذتج الحقد الي بگلبي عليهم مايخليني اشوفج مثل ماجنت اشوفچ گبل حوريتي چنت اسميها انه وياها نفس العمر الي بعمرها ينطوها وعدها اثنين جهال يجوز بس هم يدروني رايدها گبل بس هسه شنو المعطلهم ماينطوها وهي دخلت ب ال 18 انربط الساني بنص السلام من شفتهم ويمكن طولت النظر عليها اني ادري بروحي مو حابها اصلا مانعرف الحب شنو زغار جنه بس من الاهل يعودونك فلانه لفلان الگه روحي كل مااحلم لو كبرت شنو اصير وشنو اني الگاها مشاركتني احلامي ردوو عليه السلام واني مامكمله صفنت عيني منهم عمامي وولدهم وبنتهم وياهم شطاري ع بالهم گعدت مايصير اخليهم وحدهم لارحبت ولا هليت متانيهم يحچون اجاني صوت عمي ..هذا ترحيبك بينه ..ياهو گال انه مرحب ..تطردنه يعني هيچ ابوك علمك هيج الاصول ..حشه ماطاردكم عيب اطردكم وانتو بضيافة الشيخه ام فاخر ضيوفها ع راسي ..هيچ الحچي يعني.. عمي عوف الكره خيولي احنه جيتنه نلم الشمل ونگلكم مانترك بزرنه وانتم ولدنه انه جاي اخطب سرور ال كرار وانطيك حوراء بنتي ونرجع اهل واكثر ..بنتكم عدكم وبتنه عدنه ماعندي مره انطيها ولا انه الرايد منكم مره اي واحد يخطبها انطوها والله يكتبلها الخير واختي ماهي الكم ..البت رايدته وهوه رايدها لاتركب راسك وانت من زمان تريد حوراء شنهي الي تغيير ..هواي اتغيير ابو علي كلشي اتغير النفوس اتغيرت عيونه الچنه نشوفكم ماعدت تشوفكم مثل ماچنتوو ولا انتو تشوفونه مثل مانريد حوراء مالي نفس بيها شفت دمعه بطرف عينها تريد تنزل وهالمره الدمعه فرحتني معقوله الحقد ترس گلبي اصريت ع موقفي اكثر خاص من شفت وجه كرار انطعن وانه ادري بي رايدها بس مايتأمن ابن ابوه هذا وسرور تستاهل احسن علت الاصوات وصار مرادد وانه گاعد بهدوء جاوبتهم راحت ذيچ الخوفه الچانت بيه اول مواجهه بيني وبينهم سمعت كرار گال انهي عليها ومحد يكدر يگرب صوبها ..شوكت مايجي نصيبها انطيها وغصبا ع شاربك واخلي زفتها تمر من بابك مالك مره عندي وهذا الموضوع ماينفتح بعد وحق الله وحق بيته الي بالكم مايصير لو تطبگ السمه ع الگاع هوه بس هالبيت ظل ماصار الكم ظل بنفسك عمي ورايد نصه البنتك والنص الثاني الأبنك هذا الي ابالك لو غيره اول مره اشوف عمي يفقد اعصابه ويصيح ..انت طلعت من الطريق ماكو ابو يحاسبك مالومك ..صح محد يحاسبني ومالي واحد يلزمني شلك بنسبتي ناس انتو شيوخ شوفو من مستواكم طلع عمي واسمعه يحجي ويغلط وراحت عيوني ع الي طلعت تتعثر وياهم انتي هم ماحابتني متعوده عليه اول ليله وي رجلج تنسيني وتنسين اهلي ياحب بهذا الزمن وين اكو حب بس هاي الغبره مصدكه بس طلعو راحت بغرفة امي عبالها ماادري راحت تبچي والله ماانطيج وانه راضي ابد بيومها امي گالت زين تسوي يمه الي ماقدرك ماله تقدير مرت فتره وصورتها من عينها مغورگه مافاركتني واطردها من بالي وترجع بيوم. راجع من الشغل واشوف بيوت عمامي السيارات سادتها سد وعالم ودنيا مخبوصه ماهمني اسأل بعدين عرفت بحوراء مخطوبه ضجت مدري لا مااعرف شني الي ابالي بس انه صح هذا الاعرفه ومر الليل كل ماتجي ع بالي اضوج معقوله خطبها واحد عرف معقوله اعرفه بس الله رحمني وطلع غريب صح بقيت ضايج بس تختلف لو واحد من ولد عمي اعتبرها طعنه جديده وهم يعرفونها شنو جانت بالنسبه الي استمريت بشغلي وكل ما تضيگ الدنيا بيه احس يصير واهس الي اكثر للشغل واحلم اداوم كلية وانجح وافرح امي وافتحلي شغله محترمه واعيش واتزوج واريد اخلف ولد واثنين وتلاثه اريد احس اكو من يسندني بعدني بحيلي والدنيا مااثرت بيه بس لو كبرت اريد واحتاج سند ومادام ماعندي اخ اخلف ولد حته لو بس وجوده يمي كافي حته لو مايسويلي شي يفيدني احس بنقص جي ماعندي احد ولو وسام اخو واكثر بس الدنيا مشاغل يجي يوم والحياة تشغله البشر هم مو بيده كلشي السنة خامس ادبي ولازم اشد حيلي بده الدوام وهالمره شغلتي تبدي من وره الدوام الحد المغرب والشغل غير هالمره اشتغلت حمال بسوگ احمل الاغراض الاهل الجمله وچنت طول الوكت ملثم خاف احد يعرفني الحمدلله الي احصله زين اصرف منه واضم. منه شي قليل بهالفتره اتزوجت حوراء وتعب شغلي ماخلالي وكت افكر بالليل واضوج انام بدون ماافكرر اباجر حتى وره فتره من عرسها ورجعو عمامي وسطوو عليه ناس من معارفنه ع موضوع سرور ورفضت وكالولي البنيه راضيه جان جوابي حته لو راضيه انه ماراضي قفلتها بوجهم كلش بس احس اختي اتغيرت مو ذاك ملگاها الي ولا ذيچ فرتها بيه وترحيبها فكرت اعاملها بحنيه وافهمها هيه اكبر مني بسنة والي بعمرها هذا وكت الزواج الهن وهيه متأخره عنهن الكل هنا يعرف كرار يريدها ووره مارفضت نها عليها يعني مو مال اشد وياها اكثر صحتها يمي وحاچيتها ..خويه انتي شابه والف من يتمناج عمج تره اباله موال رايد يغني ماكاتله حبكم وكرار لو يحبج جا كال الابوه ردلها حگها حته لو يحبج صدك لو انضاميتي مايحجي ويعارض ابوه مايفيدج بعد اخوج عوفي لاتفكرين بي صدگي مو ظهر الج ولا يسندج عمامنه ماهم سند عمامنه مناجل كلونه مثل مايكل المنجل السنابل انتي واعيه وتعرفين خليج وياي وكولي انه سند الك واحسبني اخو مو اخت ونرد حگنه وان مارديناه الله ياخذه بس ماننذل الهم گولي اي وريحيني ..خويه لاتحقد هيج انسى الراح ..چا شلون انسى شوفي اديني شوفي امتوني الگضاهن العوز وكله بصفحه وذاك اليوم الي خلوني بينهم واتولوني بصفحه انه حاجيتج بطيب انسيهم واعوضج وربج يعوضج اكثر والله وعد ماانطيج الا لليستاهلج گمت منها ماردت اسمع منها اعرفها مامقتنعه وخاف اظل واتندم طلعت ووصيت امي سرور تگطع كلشي من صوب عمامي حته الباقين وخاص بناتهم صايرات مرسال اكيد وصار اخو دنياي وسام بكلشي اخوانه كلهم علاقتي حلوه بيهم بس وسام هذا كاتم اسراري حته قوتي استمدها منه اضحك مرات اگله من شفت جهرتك بالبدايه اكول هذا الأملح شني البي ينحب شو املح اجلح شني المخلي المدرسين والطلاب يحبونك يرد عليه بضحك ..والله انه هم دوم اگول شلون ذوله يحبوني انه اهلي مامقتنعين بيه ..ذهب انت وبلسم ع الجرح ..يابوويه غزل هذا لاتتعده حدودك ..شصار هسه لو يوم بنيه هيچ تگلي غير اركبلي جناحات واطير ..جا هم زين محد تگلك انه اريدك يمي مااريدك اطير ..اوو انت هم فاگرني وعلي ماتخليني احلم بيش طالبني ..احلم بويه احلم كاضك انه بس خل احلامك ع كدك احلم بوحده مثل حالك لاتروح زايد ..انه مدري شلون متحملك ومتحمل النكد الي انت بي الا تنكد عليه هوه حالي بمرايه مااشوفه حته من امشط امشط بدون مرايه واخلي امي تشوفني عابن بعيونها انه غزال ..واحلى من الغزال بعد ..اي كثرلي منهن ذني خليني افيدك عندي شغله تفيدك يتبع… ... خيانة زمن التعديل الأخير تم بواسطة لامارا ; 21-06-19 الساعة 10:35 PM | ||||
|
| |
|
28-05-19, 03:20 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني ﺃﻧﺖ ﺩﻭﻣﻚ ﻓﺎﻳﺪﻧﻲ ﺷﻨﻬﻲ ﺍﻟﻲ ﺍﺑﺎﻟﻚ ﻫﺴﻪ .. ﻧﺪﺧﻞ ﺳﻠﻒ ﺍﺣﺴﻦ ﻣﺎﻧﺠﻤﻊ ﻳﻮﻣﻴﺎﺕ ﺍﻧﺠﻤﻊ ﻣﺒﺎﻟﻎ ﺷﺘﮕﻮﻝ .. ﻣﺎﺍﺩﺭﻱ ﺑﺲ ﻫﻢ ﺧﻮﺵ ﺣﻞ ﺍﻫﻢ ﺷﻲ ﻣﻀﻤﻮﻧﻴﻦ ﻭﻣﻠﺘﺰﻣﻴﻦ ﺗﺮﻩ ﺍﻧﻪ ﻣﺸﻠﻮﻉ ﮔﻠﺒﻲ ﻭﺣﺪﻱ ﻣﺎﻋﺎﻳﺰ ﺷﻠﻌﺎﻥ ﮔﻠﺐ .. ﻻ ﻣﺎﻧﺪﺧﻞ ﻭﻱ ﻳﺎﻫﻮ ﺍﻟﭽﺎﻥ ﺑﻴﻨﺎﺗﻨﻪ ﺍﻧﻪ ﻭﺍﺧﻮﺍﻧﻲ ﻭﺍﻭﻻﺩ ﻋﻤﻲ ﺍﺧﻮﻱ ﺑﺴﺎﻡ ﻫﺴﻪ ﻓﺘﺤﻠﻪ ﻣﺤﻞ ﻭﺣﺪﻩ ﻭﻣﺤﻞ ﺟﺒﻴﺮ ﻣﻦ ﻣﺒﺎﻟﻎ ﺍﻟﺴﻠﻒ ﻭﻛﺎﻟﻲ ﻫﻴﺞ ﺍﺣﺴﻠﻚ ﺍﻧﻪ ﻋﺎﺩ ﮔﻠﺒﻲ ﻣﺎﻳﻨﻄﻴﻨﻲ ﺍﺳﺘﻔﺎﺩ ﻭﺍﻧﺖ ﻣﻮ ﻭﻳﺎﻱ .. ﺑﻌﺪ ﺍﺧﻮﻙ ﻫﺬﺍ ﻫﻮﻭ ﺍﻟﻲ ﺗﺸﻮﻓﻪ .. ﺍﻧﺖ ﻣﺎﺗﺪﺭﻱ ﺍﻧﻪ ﺍﻟﻮﻛﺖ ﻳﻤﺮ ﻋﻠﻴﻪ ﻃﻮﻳﻞ ﺍﺭﻳﺪ ﺍﺛﺒﺖ ﺃﺭﺟﻮﻟﻲ ﻭﺍﺭﺩ ﻣﺜﻞ ﮔﺒﻞ ﻭﺍﻛﺜﺮ ﻣﺎﻣﻴﻴﺖ ﻉ ﺍﻟﺠﺎﻩ ﺍﻟﻠﻪ ﻳﺸﻬﺪ ﺑﺲ ﺍﺭﻳﺪ ﺍﺷﻮﻓﻬﻢ ﻣﻮ ﺍﻧﻪ ﺍﻟﻴﻨﻜﺴﺮ ﺗﺪﺭﻱ ﺍﻟﺒﺎﺭﺣﻪ ﺍﻟﻌﺼﺮﻳﻪ ﻋﺮﺱ ﻭﺍﺣﺪ ﻣﻦ ﻋﻤﺎﻣﻨﻪ ﺍﻟﻤﻄﺮﻓﻴﻦ ﻭﻻﺯﻡ ﺍﻭﺻﻠﻬﻢ ﺑﺄﺳﻢ ﺍﺑﻮﻱ ﺍﻣﻲ ﺍﻧﻄﺘﻨﻲ ﺍﻋﮕﺎﻝ ﺍﻟﺒﺴﻪ ﻭﺍﻛﺸﺦ ﺑﻲ ﮔﺘﻠﻬﺎ ﻣﺎﺍﻟﺒﺴﻪ ﺍﻻ ﻣﻦ ﺍﺷﻮﻑ ﺭﻭﺣﻲ ﮔﺪﻫﺎ ﺻﺪﮒ ﻭﺍﻟﺒﺴﻪ ﻣﻮ ﻛﺸﺨﻪ ﺍﻟﺒﺴﻪ ﻭﺍﻧﻪ ﺍﺷﻮﻑ ﺍﺳﺘﺎﻫﻞ ﻳﻨﺤﻂ ﻉ ﺭﺍﺳﻲ .. ﺍﻧﺖ ﻣﻜﺒﺮﻫﺎ ﻣﺎﻫﺮ ﺍﻧﺖ ﺷﻴﺦ ﺍﺑﻦ ﺷﻴﺦ ﻟﻮ ﻟﺒﺴﺘﻪ ﻣﺤﺪ ﻳﺠﻴﺐ ﻃﺎﺭﻳﻴﻚ .. ﻭﺳﺎﻡ ﺍﻟﺸﻴﺨﻪ ﻣﻮ ﻛﺸﺨﻪ ﻭﻛﻠﻤﻦ ﻟﺒﺲ ﺍﻋﮕﺎﻝ ﮔﺎﻝ ﺍﻧﻪ ﺍﻟﺸﻴﺨﻪ ﺍﺗﺼﺪﺭ ﻟﻠﻮﺍﺩﻡ ﺍﺳﻤﻌﻬﺎ ﻭﺍﻋﻴﻨﻬﺎ ﻭﺍﺷﻮﻑ ﻫﺬﺍ ﻭﺍﻭﺍﺻﻞ ﺫﺍﻙ ﺍﺫﺍ ﺍﻧﻪ ﺭﻭﺣﻲ ﻣﺎﻋﺎﻳﻨﻬﺎ ﻭﺣﮕﻲ ﻣﺎﻣﻄﻠﻌﻪ ﻭﻣﺎﻋﻨﺪﻱ ﺍﻟﻘﺪﺭﺓ ﺍﻟﺘﺨﻠﻴﻨﻲ ﺍﻭﺍﺻﻞ ﺍﺣﺪ ﺍﻳﺪﻱ ﺷﺤﻴﺤﻪ ﻭﺍﻟﻌﻮﺯ ﻣﺎﺧﺬ ﻣﻨﻲ ﻫﻮﺍﻱ ﺍﺿﺤﻚ ﻉ ﺭﻭﺣﻲ ﺍﻧﻪ ﺍﻧﺖ ﻟﻮ ﺗﺸﻮﻑ ﺍﺣﻼﻣﻲ ﺷﻨﻬﻲ .. ﺗﺮﺟﻊ ﺗﺘﺮﺃﺱ ﻋﺸﻴﺮﺗﻚ .. ﻻﻳﺨﻮﻱ ﻣﺎﻫﻤﻨﻲ ﻫﺴﻪ ﻭﺑﻌﺪ ﺍﻟﻲ ﺍﺗﺮﺃﺳﻬﺎ ﻣﺎﻫﻮ ﺍﺣﺴﻦ ﻣﻨﻲ ﺍﻟﺪﻟﻴﻞ ﺍﻟﻮﺍﺩﻡ ﻣﻠﺖ ﻧﺺ ﻣﻦ ﻋﻤﺎﻣﻲ ﺑﺪﻭ ﻳﻄﻠﻌﻮﻥ ﻣﻦ ﺟﻮﻩ ﺍﻳﺪﻩ ﻭﺻﺎﺭ ﻛﻞ ﺟﺒﻴﺮ ﺑﻴﺖ ﻣﺘﺸﻴﺦ ﻉ ﺍﻫﻠﻪ ﻣﺎﺑﻴﻬﻢ ﺍﻟﻴﺤﻞ ﺍﻟﻄﻼﺑﻪ ﻛﻔﻴﻠﻚ ﺍﻟﻠﻪ ﻣﻠﺘﻬﻴﻦ ﺑﺴﻴﺎﺭﺍﺗﻬﻢ ﻭﻭﻧﺴﺘﻬﻢ ﻋﻤﺎﻣﻲ ﻭﻭﻟﺪﻫﻢ ﺍﻟﺪﻧﻴﺎ ﺧﺬﺗﻬﻢ ﺑﻴﻬﻢ ﺍﻟﺰﻳﻦ ﺻﺢ ﺑﺲ ﺍﻟﺮﻭﺝ ﺍﺧﺬﻩ ﺣﺎﻟﻬﻢ ﺣﺎﻝ ﺫﻭﻻﻙ ﺍﻟﻲ ﻳﻬﻤﻨﻲ ﻣﻮ ﺭﺋﺎﺳﺔ ﺍﻟﻌﺸﻴﺮﺓ ﺍﻟﻴﻬﻤﻨﻲ ﺗﺸﻮﻓﻨﻲ ﺍﻟﻨﺎﺱ ﺍﻧﻪ ﺭﺟﺎﻝ ﻭﺧﻴﺮ ﺧﻠﻒ ﺍﻷﺑﻮﻱ ﻭﻫﺬﺍ ﺍﻟﻲ ﻳﺼﻴﺮ ﻭﺗﺸﻮﻑ ﺑﻌﻴﻨﻚ ﻛﻞ ﺍﻟﻲ ﺍﺗﺨﻠﻮ ﻋﻨﻲ ﺑﻌﺪ ﺍﺳﻨﻴﻦ ﺗﻠﻜﺎﻫﻢ ﺣﺪﺭ ﻫﺪﻣﻲ .. ﻭﺍﻧﻪ ﻭﻳﺎﻙ ﺍﻟﺬﺍﻙ ﺍﻟﻴﻮﻡ ﻭﺍﻛﻮﻥ ﺫﺭﺍﻉ ﺍﻟﻚ ﻭﺭﻭﺣﻲ ﺗﺮﺧﺺ ﺍﻟﺮﻭﺣﻚ ﺧﻠﻬﺎ ﺍﺑﺎﻟﻚ ﻫﺎﻱ ﻣﺎﻳﻮﻡ ﺍﻋﻮﻓﻚ ﺍﺑﺪ .. ﻛﻔﻮﻭ ﺍﻧﺖ ﻏﻴﺮ ﻫﺪﻳﺔ ﺍﻟﻠﻪ ﻭﺩﻋﻮﺓ ﺍﻣﻲ ﺍﻟﻲ ﺑﻴﻮﻣﻬﺎ ﺭﺣﻨﻪ ﻷﺧﻮﺍﻧﻪ ﻭﺍﺗﻔﻘﻨﻪ ﻉ ﺍﻟﺴﻠﻔﻪ ﻭﻇﻠﻴﺖ ﺍﻧﻪ ﺍﻟﺸﻐﻠﻲ ﻭﺩﻭﺍﻣﻲ ﻭﺻﺪﮒ ﺑﺪﻳﺖ ﺍﺳﻮﻱ ﺳﻠﻒ ﻭﺍﺳﺘﻠﻤﺖ ﺍﺳﻤﻲ ﻭﺿﻤﻴﺘﻪ ﻭﺿﻴﻘﺖ ﻉ ﺭﻭﺣﻲ ﻛﻠﺶ ﻭﺳﻮﻳﺖ ﺛﺎﻧﻲ ﺑﻤﺠﻤﻮﻋﻪ ﺛﺎﻧﻴﻪ ﻭﺯﻳﺪﺕ ﻭﻛﺖ ﺷﻐﻠﻲ ﺗﻌﺒﺖ ﺑﺲ ﺍﺑﺎﻟﻲ ﺍﺣﺼﻞ ﺛﻤﺮﺓ ﻫﺎﻟﺘﻌﺐ ﻟﻤﺎ ﻣﺮﺕ ﺍﻻﻳﺎﻡ ﺑﺘﻌﺒﻬﺎ ﻭﺷﺪﺗﻬﺎ ﺻﺎﺭ ﻋﻨﺪﻱ ﻣﺒﻠﻎ ﺯﻳﻦ ﺩﺧﻠﺖ ﺑﻲ ﻭﻱ ﺣﺴﺎﻡ ﺍﺧﻮﻭ ﻭﺳﺎﻡ ﺷﺮﻳﻚ ﻭﺍﺗﻐﻴﻴﺮ ﻭﺿﻌﻲ ﺍﻣﻲ ﻓﻬﻤﺘﻬﺎ ﺍﻟﻲ ﺍﺑﺎﻟﻲ ﻭﻓﻬﻤﺖ ﻟﻴﺶ ﺑﺪﻳﺖ ﺍﻗﻠﻞ ﻣﺼﺮﻑ ﻉ ﺍﻟﺒﻴﺖ ﻭﻃﻠﺒﺖ ﻣﻨﻬﺎ ﺗﺘﺤﻤﻠﻨﻲ ﻓﺘﺮﺓ ﺍﻟﺴﺎﺩﺱ ﺑﺲ ﻷﻥ ﺷﻐﻠﻲ ﻗﻞ ﺑﻲ ﺍﻟﺘﻬﻴﺖ ﺍﺩﺭﺱ ﻭﺍﻟﻮﺍﺭﺩ ﺍﻟﻴﺠﻴﻨﻲ ﻣﻦ ﺣﺴﺎﻡ ﺍﺻﺮﻑ ﺭﺑﻊ ﻣﻨﻪ ﻉ ﺍﻟﺒﻴﺖ ﻭﺍﻟﺒﺎﻗﻲ ﺍﻭﻓﺮﻩ ﺷﻬﺮﻳﻪ ﺩﺍﺧﻞ ﺳﻠﻒ ﺍﺻﻌﺐ ﻓﺘﺮﺓ ﻣﺮﺕ ﻋﻠﻴﻪ ﺍﺑﺎﻟﻲ ﻫﻮﺍﻱ ﺍﻫﺪﺍﻑ ﺍﺭﻳﺪ ﺍﺣﻘﻘﻬﺎ ﻭﻭﺩﻱ ﺍﻟﺰﻣﻦ ﻳﺮﻛﺾ ﺭﻛﺾ ﺑﻴﻪ ﻭﺳﺎﻋﺎﺕ ﺍﺭﻳﺪ ﻫﺬﻱ ﺍﻟﻤﺮﺣﻠﻪ ﺍﻃﻮﻭﻝ ﺣﺘﻪ ﺍﺑﻨﻲ ﻧﻔﺴﻲ ﺍﻛﺜﺮ ﻭﺍﻗﺎﺭﻥ ﺍﻟﺘﻐﻴﻴﺮ ﺍﻟﻲ ﺑﺸﺨﺼﻴﺘﻲ ﺑﻴﻦ ﻗﺒﻞ ﻣﻦ ﺟﻨﺖ ﻣﺮﺗﺎﺡ ﻭﺑﻴﻦ ﻫﺴﻪ ﻣﻦ ﺷﻔﺖ ﺍﻟﻌﻮﺯ ﻭﺍﻟﺸﺪﻩ ﻣﺮﺍﺕ ﺍﻟﻤﺼﺎﻳﺐ ﺗﺸﺪ ﻭﻇﻠﺖ ﻳﻢ ﺍﻟﺸﺨﺺ ﻳﺮﻳﺪ ﻳﺘﻌﻠﻢ ﻣﺘﻬﺎ ﻭﻳﻜﺴﺮﻫﺎ ﻟﻮ ﻳﻜﺴﺮ ﺭﻭﺣﻪ ﻭﻳﺴﺘﺴﻠﻢ ﻭﺍﻧﻪ ﺷﻔﺖ ﺑﻬﺎﻱ ﺍﻟﺴﻨﻴﻦ ﻛﺴﺮﺕ ﺍﻟﻤﺼﺎﻳﺐ ﻣﺎﻛﺴﺮﻧﻲ.....قصص عراقيه حقيقيه من واقعنا.روعه الطائي ﺍﻭﻝ ﻣﺎﺑﺪﻳﺖ ﺍﺷﺘﻐﻞ ﭼﻨﺖ ﺍﺳﺘﺤﻲ ﻭﻓﺸﻼﻥ ﺍﺣﺪ ﻳﺸﻮﻓﻨﻲ ﻣﻦ ﻣﻌﺎﺭﻑ ﺍﺑﻮﻱ ﻭﺑﻌﺪ ﻣﺎﺷﻔﺖ ﺭﻭﺣﻲ ﺍﻧﻪ ﺍﻟﺼﺢ ﻟﻴﺶ ﺍﺳﺘﺤﻲ ﺻﺮﺕ ﺍﻣﺸﻲ ﺑﻄﻮﻟﻲ ﻭﺍﺷﺘﻐﻞ ﺣﻤﺎﻝ ﻋﺪ ﺭﺑﻊ ﺍﺑﺮﻱ ﻭﻣﺎﺍﻗﺒﻞ ﺑﺎﻟﺰﺍﻳﺪ ﺣﮓ ﺷﻐﻠﻲ ﺍﺧﺬﻩ ﻭﻻ ﺍﺧﻠﻲ ﻭﺍﺣﺪ ﻳﻜﻮﻝ ﻓﻼﻥ ﺧﻄﻴﻪ ﻭﻣﻜﺴﻮﺭ ﺍﺷﺘﻐﻞ ﺑﺤﻴﻞ ﺻﺪﺭ ﻭﺍﺣﺠﻲ ﺑﺰﻭﺩﻱ ﺍﻧﻪ ﺍﺭﻳﺪ ﺍﻋﻴﺶ ﻋﻴﺸﻪ ﻛﺮﻳﻤﻪ ﻭﺍﻟﺸﻐﻞ ﻣﺎﻫﻮ ﻋﻴﺐ ﺫﺑﻴﺖ ﺭﻭﺣﻲ ﻉ ﺍﻟﺪﺭﺍﺳﻪ ﻭﻋﻤﺎﻣﻲ ﺗﺮﻛﻮﻭ ﺷﻐﻠﺔ ﺳﺮﻭﺭ ﺩﺭﺳﺖ ﻭﻛﻠﻲ ﺍﻣﻞ ﺑﺮﺑﻲ ﻳﻨﺠﺤﻨﻲ ﺍﻟﺨﺎﻃﺮ ﺍﻣﻲ ﻳﺮﺳﻤﻠﻲ ﻃﺮﻳﻖ ﺻﺎﻟﺢ ﺍﻛﺪﺭ ﺍﻋﺒﺮ ﺑﻲ ﺑﺴﻼﻡ ﺍﺗﻔﺎﺭﻛﻨﻪ ﺍﻧﻪ ﻭﻭﺳﺎﻡ ﻓﺘﺮﺓ ﺍﻟﻤﺮﺍﺟﻌﻪ ﻭﺟﻨﻪ ﻧﻠﺘﻘﻲ ﺑﺲ ﺑﺎﻻﻣﺘﺤﺎﻧﺎﺕ ﻷﻥ ﻟﻮ ﻛﻌﺪﻧﻪ ﺳﻮﻩ ﻣﺎﻧﻘﺮﺃ ﺧﻠﺺ ﺍﻻﻣﺘﺤﺎﻥ ﺍﻻﻭﻝ ﻭﺑﻌﺪﻧﻪ ﻣﺎﺑﺎﺩﻳﻦ ﺑﺎﻟﻌﻄﻠﻪ ﻧﺰﻟﻨﻪ ﻟﻠﺴﻮﮒ ﻭﺭﺟﻌﺖ ﺍﻟﺸﻐﻠﻲ ﻭﻓﺮﺣﺖ ﺑﺮﻭﺣﻲ ﻣﻦ ﺑﺸﺮﻧﻲ ﻭﺳﺎﻡ ﺑﺎﻟﺴﻠﻒ ﻣﺎﻟﺘﻲ ﺑﺎﻗﻴﻠﻲ ﺷﻬﺮﻳﻦ ﺍﺳﺘﻠﻤﻬﻦ ﻭﻣﺘﻔﻖ ﻭﻱ ﻭﻟﺪ ﻋﻤﻪ ﺍﻟﻲ ﻣﺸﺘﺮﻙ ﻭﻳﺎﻫﻢ ﺑﺎﻟﻤﺠﻤﻮﻋﺘﻴﻦ ﻳﺴﻠﻤﻮﻧﻲ ﺍﻟﺴﻠﻔﺘﻴﻦ ﻧﻔﺲ ﺍﻟﺸﻬﺮ ﻓﺮﺣﺖ ﻭﺍﻟﻔﺮﺣﻪ ﻣﺎﺳﺎﻳﻌﺘﻨﻲ ﻭﻫﺎﻟﻤﺮﻩ ﺍﺣﺘﺎﺭﻳﺖ ﺷﺴﻮﻱ ﺑﻴﻬﻦ ﻇﻠﻴﺖ ﻣﺤﺘﺎﺭ ﻭﻣﺘﺮﺩﺩ ﺗﻌﺒﻲ ﻫﺬﺍ ﻣﻮ ﻣﺎﻝ ﺍﺿﻴﻌﻪ ﺑﺸﻲ ﻣﻮ ﻣﺪﺭﻭﺱ ﺭﺟﻊ ﻣﺼﺮﻓﻲ ﻟﻠﺒﻴﺖ ﺍﻛﺜﺮ ﻭﺭﺟﻌﺖ ﺷﻮﻳﻪ ﺷﻮﻳﻪ ﺍﻋﻮﺿﻬﻢ ﻭﺻﻔﻪ ﻳﻮﻣﻲ ﻛﻠﻪ ﻟﻠﺸﻐﻞ ﻭﺍﺭﺩﻱ ﺻﺎﺭ ﺍﻛﺜﺮ ﻭﺻﺮﺕ ﺍﺷﺘﻐﻞ ﺍﻱ ﺷﻐﻠﻪ ﻣﺎﺍﺳﺘﻨﻜﻒ ﻣﻨﻬﺎ ﺍﻟﺤﺪ ﺍﻟﻨﺘﺎﺋﺞ ﭼﻨﺖ ﺣﻴﻞ ﻣﺘﻤﻨﻲ ﺍﻓﺮﺡ ﺍﻣﻲ ﺍﻟﻲ ﺍﺷﻮﻓﻬﺎ ﺗﺬﺑﻞ ﻳﻮﻡ ﺑﻌﺪ ﻳﻮﻡ ﺭﻏﻢ ﺗﻜﺎﺑﺮ ﻭﻋﻴﻮﻧﻬﺎ ﺗﺒﻴﻦ ﺗﻌﺒﻬﺎ ﺣﻴﻞ ﻣﺘﺄﺫﻱ ﻋﻠﻴﻬﺎ ﻭﺑﺎﻟﻲ ﻳﻤﻬﺎ ﺍﻣﻲ ﺩﻧﻴﺘﻲ ﻛﻠﻬﺎ ﻛﻠﻲ ﻓﺪﻭﻩ ﺍﺭﻭﺡ ﺍﻟﻄﺮﻑ ﺷﻴﻠﺘﻬﺎ ﺍﺭﻳﺪ ﺍﻓﺮﺣﻬﺎ ﺑﻴﻪ ﻭﻣﺎﺍﺷﻮﻑ ﻧﻈﺮﺓ ﺷﻤﺎﺗﻪ ﺑﻌﻴﻮﻧﻬﻢ ﻣﺎﺍﺩﺭﻱ ﺍﻧﻪ ﻳﺘﺨﻴﻠﻲ ﺍﻧﻮ ﻫﻢ ﻣﺮﻛﺰﻳﻦ ﺑﺤﻴﺎﺗﻲ ﻫﻮﺍﻱ ﻭﻣﺮﺍﻗﺒﻴﻨﻲ ﻭﻳﻌﺮﻓﻮﻧﻲ ﺷﻨﻬﻲ ﺍﻻﺧﻄﻲ .. ﻭﺍﻟﺪﻟﻴﻞ ﺣﺎﻭﻟﻮ ﻳﺨﻠﻮﻧﻲ ﺍﻋﻮﻑ ﺍﻟﺸﻐﻞ ﻋﺪ ﺍﻟﻐﺮﺏ ﻭﺍﺭﻭﺡ ﺍﺷﺘﻐﻞ ﻭﻳﺎﻫﻢ ﻭﺑﺄﺟﺮ ﺍﺣﺴﻦ ﺭﻓﻀﺖ ﻭﻃﻠﺒﻬﻢ ﺯﺍﺩﻧﻲ ﺍﺻﺮﺍﺭ ﺍﻛﺜﺮ ﺍﺣﻠﻰ ﺷﻲ ﻣﻦ ﺍﺷﻮﻓﻬﻢ ﺑﻬﺬﺍ ﺣﺎﻟﻲ ﻭﻫﻢ ﻋﻴﻨﻬﻢ ﻣﻨﻲ ﻭﻳﺮﺩﻭﻧﻲ ﺍﻟﺠﺎﻧﺒﻬﻢ ﺷﻨﻲ ﺍﻟﻤﺨﻮﻓﻬﻢ ﻣﻨﻲ ﻣﺎﺍﺩﺭﻱ ﺷﻌﻨﺪﻱ ﺍﻧﻪ ﻭﺧﺎﻳﻔﻴﻦ ﺍﻇﻞ ﻭﺣﺪﻱ ﻭﻣﻮ ﺗﺤﺖ ﺟﻨﺎﺣﻬﻢ ﭼﻨﺖ ﺧﺎﻳﻒ ﻭﻗﻠﻖ ﻣﻦ ﺍﻟﻨﺘﺎﺋﺞ ﺣﺘﻪ ﺑﻴﻮﻣﻬﺎ ﺍﻟﺸﻐﻠﻲ ﻣﺎﻃﻠﻌﺖ ﻭﺍﻟﻘﻬﺮ ﺻﺎﺩﻑ ﻟﻴﻠﺔ ﻣﻴﻼﺩ ﺍﺧﻮﻱ ﻃﺎﻫﺮ ﻫﻮﻩ ﺍﺑﺎﻟﻲ ﻣﺎﻧﺎﺳﻲ ﺍﻗﺮﺏ ﻭﺍﺣﺪ ﻣﻦ ﺍﺧﻮﺍﻧﻲ ﺍﻟﻲ ﺑﺲ ﻫﺬﺍ ﺍﻟﻴﻮﻡ ﻫﻮﺍﻱ ﺫﻛﺮﻧﻲ ﺑﻲ ﻭﻣﻨﺎ ﺍﻟﻘﻠﻖ ﺫﺍﺑﺤﻨﻲ ﻧﺴﻴﺖ ﺍﻟﻨﺘﺎﺋﺞ ﻭﺍﺧﺬﺗﻨﻲ ﺍﻟﺬﻛﺮﻳﺎﺕ ﺍﻟﺬﺍﻙ ﺍﻟﻮﻛﺖ ﻭﺍﺭﺟﻮﻟﻲ ﻫﻢ ﺍﺧﺬﺗﻨﻲ ﺍﻟﮕﻴﻌﺎﻧﻪ ﺍﻟﺤﻠﻮﻩ ﺫﻳﺞ ﻛﺎﻋﺪ ﺑﺄﻃﺮﺍﻑ ﺍﻟﮕﻴﻌﺎﻥ ﺍﺗﻨﻮﻭﻉ ﻟﻠﺨﻀﺎﺭ ﺍﻟﺠﺎﻥ ﻛﻠﻪ ﺍﻟﻨﻪ ﻭﻫﺴﻪ ﻳﻨﺸﺎﻑ ﻭﺑﺲ ﻭﻣﺎﻟﻲ ﻛﻞ ﺳﻠﻄﻪ ﻻ ﻋﻠﻰ ﺍﻟﮕﻴﻌﺎﻥ ﻭﻻ ﻉ ﺍﻟﻔﻠﺢ ﻣﺪﺭﻱ ﺍﻧﻪ ﺍﻟﺨﺬﻟﺘﻬﻢ ﻣﺪﺭﻱ ﻫﻢ ﺍﻟﺨﺬﻟﻮﻧﻲ ﻣﺪﺭﻱ ﺍﻟﺰﻣﻦ ﺟﺎﺭ ﻋﻠﻴﻪ ﻭﺑﺪﻝ ﺩﻧﺎﻱ ﺑﺪﻧﻴﺎ ﻣﺎﻫﻲ ﺍﻟﻲ ﻣﺨﻨﻮﮒ ﺧﻨﮕﻪ ﺑﺲ ﺍﻟﻠﻪ ﻳﻌﻠﻢ ﺑﻴﻬﺎ ﻣﺮﺕ ﻋﻠﻴﻪ ﺫﻳﺞ ﺍﻟﺴﻨﻴﻦ ﺟﻨﺖ ﺿﻌﻴﻒ ﺍﻧﻪ ﺑﺲ ﺍﻟﻬﺴﻪ ﻣﺎﻣﺘﻨﺪﻡ ﺟﻲ ﻣﺎﻓﻀﻠﺖ ﺍﻟﺸﻴﺨﻪ ﻉ ﺍﻣﻲ ﻭﺣﺘﻪ ﻟﻮ ﺭﺍﻳﺢ ﻭﻳﺎﻫﻢ ﻣﺎﻳﺨﻠﻮﻧﻲ ﺍﺻﻴﺮ ﺑﻴﺪﻫﻢ ﻭﺑﻜﻴﻔﻬﻢ ﻭﻣﺮﺍﺕ ﺍﻛﻮﻝ ﻟﻮ ﺍﻧﻪ ﺻﺎﻳﺮ ﺫﻳﺐ ﻭﻏﺎﻟﺒﻬﻢ ﻣﺎﺧﺬ ﺣﮕﻲ ﻭﻋﺎﻳﻔﻬﻢ ﺑﻌﺪﻳﻦ ﺷﻌﻮﺭﻱ ﺑﺬﺍﻙ ﺍﻟﻮﻛﺖ ﻛﻠﺶ ﺻﻌﺐ ﺍﺧﺨﺦ ﻳﺎﺑﻮﻭﻱ ﺭﺣﺖ ﻭﺭﺍﺡ ﻛﻠﺸﻲ ﺣﻠﻮﻭ ﻭﻳﺎﻙ ﺑﺲ ﺍﻇﻞ ﺍﻋﺘﺐ ﻋﻠﻴﻚ ﻃﻮﻝ ﻋﻤﺮﻱ ﻭﺗﻌﺬﺭﻧﻲ ﻣﻦ ﺍﻋﺎﺗﺒﻚ ﻭﺍﻛﺜﺮ ﺍﻋﺘﺎﺑﻲ ﺍﻋﺎﺗﺒﻚ ﭼﻲ ﺩﻟﻠﺘﻨﻲ ﻭﻣﺎﻋﻠﻤﺘﻨﻲ ﺍﻟﺪﻧﻴﺎ ﻣﻦ ﺗﻮﺟﻊ ﻭﺟﻌﻬﺎ ﻣﺎﻳﻨﺤﻤﻞ ﻭﺍﻋﺎﺗﺒﻚ ﭼﻲ ﺍﻟﻲ ﺍﻋﺘﺒﺮﺗﻬﻢ ﺳﻨﺪ ﻭﺍﻣﻨﺘﻬﻢ ﻋﻠﻲ ﻭﻉ ﺣﻼﻟﻲ ﻭﻣﺎﻟﻲ ﺧﺎﻧﻮ ﺍﻷﻣﺎﻧﻪ...قصص عراقيه حقيقيه من واقعنا.روعه الطائي ﻋﻤﺮﻱ 18 ﻭﺣﺎﻳﺮ ﺑﺪﻧﻴﺎﻱ ﺍﻧﻪ ﺍﻟﻔﺮﻃﺖ ﺑﺤﮕﻲ ﻟﻮ ﺍﻟﺪﻧﻴﺎ ﻓﺮﻫﺪﺗﻨﻲ ﻣﺎﺍﺭﻳﺪ ﻛﻠﺸﻲ ﺑﺲ ﺍﺭﻳﺪ ﺍﻣﻲ ﺗﻈﻞ ﺑﻌﺎﻓﻴﺘﻬﺎ ﻭﺍﺧﻴﺘﻲ ﺍﻛﻮﻥ ﻧﻌﻢ ﺍﻟﺴﻨﺪ ﺍﻟﻬﺎ ﻻﺗﻬﻤﻨﻲ ﺍﻟﺸﻴﺨﻪ ﻭﻻ ﺍﻣﻮﺍﻟﻬﺎ ﺑﺲ ﺍﻟﻴﻮﺟﻊ ﺍﺣﺒﺎﺑﻲ ﺟﺎﺭﻭ ﻋﻠﻲ ﻭﺧﻠﻮﻧﻲ ﺑﻴﻦ ﻫﺎﻱ ﻭﺫﻳﺞ ﻭﺍﺛﻨﻴﻨﻬﻦ ﻳﻮﺟﻌﻦ ﺻﺮﺕ ﻣﺜﻞ ﺍﺷﻌﻴﺮ ﺑﻮﺳﻂ ﺍﺭﺣﻰ ﻭﺍﻋﻀﺎﻱ ﻳﺪﻭﺭﻭﻥ ﺑﻴﻪ ﻧﻔﻀﺖ ﺍﻫﺪﻭﻣﻲ ﻭﺭﺣﺖ ﺍﺗﻤﺸﻪ ﻭﺍﻧﻪ ﺍﺗﺬﻛﺮ ﺍﻟﻮﺍﺩﻡ ﻭﻓﺮﺗﻬﻢ ﺑﻴﻪ ﮔﺒﻞ ﻟﻮ ﻣﺮﻳﺖ ﺛﺎﺭﻱ ﺣﺘﻪ ﺍﻟﺴﻼﻡ ﻣﺼﺎﻟﺢ ﻳﺠﻴﻜﻢ ﻳﻮﻡ ﻭﺗﺮﺩﻭﻥ ﻣﺜﻞ ﺍﻭﻝ ﻭﺍﺗﻤﻨﻰ ﺑﻮﻛﺘﻬﺎ ﺍﺳﺎﻣﺤﻜﻢ ﻭﮔﻠﺒﻲ ﻣﺎﻳﺸﻴﻞ ﻋﻠﻴﻜﻢ ﺍﺗﻤﻨﻰ ﺍﻟﺤﻘﺪ ﻣﺎﺗﺮﺱ ﮔﻠﺒﻲ ﻭﺍﻟﺒﻴﻪ ﻋﺎﺯﺓ ﺣﮓ ﻭﺑﺲ ﻣﻮ ﻋﺎﺯﺓ ﺍﻧﺘﻘﺎﻡ ﺟﻨﺖ ﻣﻦ ﺍﻣﺮ ﻣﻨﺎ ﻛﻠﻬﺎ ﺗﺼﻴﺢ ﻳﺎﻫﻼ ﺑﺎﺑﻦ ﺍﻟﺸﻴﺦ ﻣﻨﻮﺭ ﺍﻟﺸﻴﺦ ﺍﻟﺰﻏﻴﺮ ﻭﭼﻨﺖ ﺣﻴﻞ ﻓﺮﺣﺎﻥ ﺑﻤﺤﺒﺘﻬﻢ ﻣﺎﻳﻮﻡ ﺷﻠﺖ ﺧﺸﻤﻲ ﻭﻻ ﺗﻌﻠﻴﺖ ﺍﻥ ﺷﺎﺀﺍﻟﻠﻪ ﺍﺭﺩ ﺍﺭﺩﻭﺩ ﻭﻫﻢ ﻣﺎﺍﺷﻴﻞ ﺧﺸﻤﻲ ﺑﺲ ﻣﻮﺍﻗﻔﻲ ﺗﺬﻛﺮﻛﻢ ﺑﻔﻌﺎﻳﻠﻜﻢ ﻭﻳﺎﻱ ﻣﺸﻴﺖ ﻭﺑﺎﻟﻲ ﻳﻢ ﺍﻣﻲ ﺍﺧﺦ ﻟﻮ ﺍﻋﺮﻑ ﻋﻠﺘﺞ ﻳﺎﻟﻐﺎﻟﻴﻪ ﺷﻨﻬﻲ ﺷﻨﻬﻲ ﺍﻟﻴﻮﺟﻌﺞ ﻳﺎﺑﻌﺪ ﻋﻴﻮﻧﻲ ﺍﻧﺘﻲ ﺍﻟﻴﻮﺟﻌﺞ ﻳﻮﺟﻌﻨﻲ ﺛﻠﺚ ﺷﺒﺎﻥ ﺩﻓﻨﺘﻲ ﻭﺭﺍﺑﻌﻬﻢ ﺍﺑﻮﻱ ﺑﺲ ﺍﺣﺲ ﻣﺼﺎﺑﺞ ﻳﺨﺘﻠﻒ ﻫﺎﻟﻤﺮﻩ ﺍﺣﺲ ﺍﻟﺒﻴﺞ ﺍﻛﺒﺮ ﺍﺣﺲ ﺭﻭﺣﻲ ﺑﻄﻴﺖ ﻋﻠﻴﺞ ﺑﺲ ﺍﻧﺘﻲ ﺗﻜﻮﻟﻴﻠﻲ ﺍﻧﺖ ﻧﻌﻢ ﺍﻟﺴﻨﺪ ﺍﺗﻤﻨﻰ ﺍﻋﺮﻑ ﻫﺬﺍ ﺍﻟﺤﭽﻲ ﻣﻦ ﮔﻠﺒﺞ ﻟﻮ ﻣﺠﻤﺎﻟﺔ ﺍﻡ ﺍﻷﺑﻨﻬﺎ ﻛﻞ ﻫﺎﻷﻓﻜﺎﺭ ﺗﺘﺮﺍﻃﻢ ﺍﺑﺎﻟﻲ ﻣﺜﻞ ﺭﻭﺝ ﺍﺑﺤﺮ ﻭﺭﺟﻮﻟﻲ ﺗﺎﺧﺬﻧﻲ ﻟﺪﺭﻭﺏ ﻣﺎﻧﻲ ﺭﺍﻳﺪﻫﺎ ﻭﻻ ﻋﮕﻠﻲ ﺍﻣﺮﻫﺎ ﺑﻴﻬﻦ ﻋﺮﻳﺖ ﻣﻦ ﺑﻴﻮﺕ ﺍﻟﺠﻨﺖ ﺍﺣﺴﻬﻢ ﺫﺧﺮ ﻭﺻﺎﺭﻭﻟﻲ ﻋﺪﻭﺍﻥ ﺻﺢ ﻣﺎﻋﺎﺩﻳﻬﻢ ﺑﺪﻡ ﻣﻌﺮﻛﺔ ﺑﻴﻦ ﺍﻟﻌﻤﺎﻡ ﺧﺴﺮﺍﻥ ﺍﻟﺮﺑﺢ ﺑﻴﻬﺎ ﻣﻬﻤﺎ ﻛﺎﻥ ﻣﺎﺗﻮﺻﻞ ﻟﻠﺪﻡ ﺑﺲ ﺍﻇﻞ ﻃﻮﻝ ﻋﻤﺮﻱ ﻭﺭﺍﻫﻢ ﺍﻟﺤﺪ ﻣﺎﺍﺧﺬ ﺣﻜﻲ ﻭﺍﺧﻠﻴﻬﻢ ﻳﺮﺩﻭﻧﻪ ﻭﻫﻢ ﺍﻟﻤﻤﻨﻮﻧﻴﻦ ﻣﻦ ﺫﺍﻙ ﺍﻟﻴﻮﻡ ﻭﻛﻠﺸﻲ ﺍﻧﺘﻬﺎ ﺑﻴﻨﻪ ﻻﻧﺴﺒﻪ ﻇﻠﺖ ﺍﻟﻨﻪ ﻳﻤﻬﻢ ﻭﻻ ﺍﻟﻬﻢ ﻣﺮﻩ ﻳﻤﻨﻪ ﺍﻟﻲ ﻳﺨﻮﻥ ﺍﻻﻣﺎﻧﻪ ﻭﻳﺘﺤﺎﻳﻞ ﻋﻠﻰ ﻭﻟﺪ ﺍﺧﻮﻩ ﻣﺎﻳﺴﻮﻯ ﺍﻟﻨﺴﺐ ﻻﺍﺭﻳﺪ ﻣﺨﻮﻟﻬﻢ ﺍﻟﻮﻟﺪﻱ ﻭﻻ ﺍﺭﻳﺪ ﺍﺻﻴﺮ ﺧﺎﻝ ﺍﻭﻻﺩﻫﻢ ﻟﮕﻴﺖ ﺭﻭﺣﻲ ﻭﺍﺻﻞ ﺍﻟﺪﺍﺭﻧﻪ ﺑﺪﻭﻥ ﻣﺎﺍﺩﺭﻱ ﺭﺟﻠﻴﻨﻲ ﻣﺎﺧﺬﺗﻨﻲ ﻣﺎﺍﺭﻳﺪ ﺍﻃﺐ ﻭﺍﻧﻪ ﺿﺎﻳﮓ ﺧﻠﮕﻲ ﺍﻣﻲ ﺍﻟﻲ ﺑﻴﻬﺎ ﻛﺎﻓﻴﻬﺎ ﺗﺤﺘﺼﺮ ﻟﻮ ﺷﺎﻓﺘﻨﻲ ﺿﺎﻳﺞ ﺻﺎﺭ ﺍﻛﺜﺮ ﻣﻦ ﺳﻨﺘﻴﻦ ﻫﺎﻱ ﺍﻟﺜﺎﻟﺜﻪ ﻉ ﻭﻓﺎﺓ ﺍﻟﻮﺍﻟﺪ ﻭﻫﻲ ﻳﻮﻡ ﻋﻦ ﻳﻮﻡ ﺗﺬﺑﻞ ﺍﻛﺜﺮ ﻟﻤﺤﺖ ﺳﺮﻭﺭ ﺟﺎﻳﻪ ﻣﻦ ﺍﺑﻌﻴﺪ ﻣﺨﻄﻮﻑ ﻟﻮﻧﻬﺎ ﺑﺲ ﻻ ﺍﻟﺒﺎﻟﻲ ﺻﺪﮒ ﺧﻴﺘﻲ ﻻﺗﺨﻠﻴﻨﻲ ﺍﺟﻮﺭ ﺍﻋﻠﻴﭻ ﻛﺘﻠﭻ ﺍﻟﻲ ﺍﺑﺎﻟﭻ ﻣﺎﻳﺼﻴﺮ ﺍﻻ ﻻ ﺍﻧﺘﻲ ﺍﺧﺘﻲ ﻭﻻ ﺍﻧﻪ ﺍﺧﻮﺝ ﺍﺗﻘﺪﻣﺖ ﻟﻴﻬﺎ ﻭﺍﺣﺲ ﻋﺮﻭﮒ ﺭﺍﺳﻲ ﺗﻨﺒﺾ .. ﻭﻳﻦ ﭼﻨﺘﻲ ﺑﻠﻌﺖ ﺭﻳﮕﻲ ﺑﺨﻮﻑ ﻭﺍﺣﺲ ﺑﻼﻋﻴﻤﻲ ﻣﺠﺮﺣﻪ ﻭﺭﺟﻠﻴﻪ ﻣﺎﻋﺎﺩﺕ ﺍﺗﻌﻴﻨﻲ ﺻﺢ ﺍﻧﻪ ﺍﻛﺒﺮ ﻣﻨﻪ ﺑﺴﻨﻪ ﻭﻻ ﻳﻮﻡ ﻣﺎﺩ ﺍﻳﺪﻩ ﻋﻠﻲ ﻟﻮ ﻃﺎﻛﻨﻲ ﺑﺲ ﻋﻴﻮﻧﻪ ﻭﺧﺰﺭﺗﻬﻦ ﺗﺨﻠﻴﻨﻲ ﺍﻫﺎﺑﻪ ﻏﺼﺐ ﻋﻨﻲ ﻣﺎﻫﺮ ﺍﺗﻐﻴﻴﺮ ﺑﻌﺪ ﻣﺎﺟﺎﻥ ﻣﺎﻟﻪ ﻏﺮﺽ ﺑﻜﻠﺸﻲ ﺍﺣﺲ ﺍﻻﻳﺎﻡ ﻛﺒﺮﺗﻪ ﻛﻠﺸﻲ ﺑﻲ ﺍﺗﻐﻴﻴﺮ ﺣﺘﻪ ﻧﻈﺮﺓ ﻋﻴﻮﻧﻪ ﺣﺘﻪ ﻧﺒﺮﺓ ﺻﻮﺗﻪ ﺳﻴﻄﺮﺗﻪ ﻉ ﺍﻟﺒﻴﺖ ﻛﻠﻤﺘﻪ ﻋﻨﺪ ﺍﻣﻲ ﺣﺘﻪ ﺍﺑﻮﻱ ﺟﺎﻧﺖ ﺗﻨﺎﻗﺸﻪ ﻭﺗﻌﺎﺭﺽ ﻣﺮﺍﺕ ﻭﺫﻭﻻﻙ ﺍﺧﻮﺍﻧﻲ ﻫﻢ ﺍﻻ ﻣﺎﻫﺮ ﺷﻴﮕﻮﻝ ﺗﻜﻠﻪ ﺍﻟﻲ ﺗﺸﻮﻓﻪ ﻳﻤﺸﻲ ﻉ ﺍﻟﻜﻞ ﺍﺧﻮﻱ ﻭﺍﺣﺒﻪ ﺻﺢ ﻭﻋﻤﺎﻣﻲ ﺍﻋﺮﻑ ﺧﺬﻟﻮﻩ ﻭﻣﺎﻭﻛﻔﻮﻭ ﻭﻳﺎﻩ ﺑﺲ ﺍﻧﻪ ﺍﺑﺎﻟﻲ ﻏﻴﺮ ﺷﻲ ﻭﺍﺑﻦ ﻋﻤﻲ ﺍﺣﺒﻪ ﻣﻦ ﺳﻨﻴﻦ ﻭﻫﻮﻩ ﻳﻤﻮﺕ ﻋﻠﻴﻪ ﻭﻣﺴﺘﻌﺪ ﻛﻠﺸﻲ ﻳﺴﻮﻱ ﺑﺲ ﻣﺎﻫﺮ ﻣﺎﻣﻨﻄﻲ ﻣﺠﺎﻝ ﺭﻏﻢ ﻫﻮﻩ ﻳﻜﺒﺮ ﻣﺎﻫﺮ ﺑﺴﺒﻊ ﺍﺳﻨﻴﻦ ﺟﺎﻭﺑﺘﻪ ﺑﻌﺪ ﻣﺎﻋﺎﺩ ﻋﻠﻲ ﺍﻟﺴﺆﺍﻝ ﻭﻋﺎﻛﻌﺪ ﺣﺎﺟﺒﻪ ﻭﺭﺍﻓﻊ ﺍﻻﺧﺮ .. ﺧﻮﻳﻪ ﻫﻨﺎ ﭼﻨﺖ ﺷﺴﻤﻪ ﺿﺎﻉ ﻣﻨﻲ ﺍﻟﺤﭽﻲ ﻭﺍﻧﻪ ﺍﺷﻮﻑ ﻋﻴﻮﻧﻪ ﺗﺘﺠﺎﺩﺡ ﺟﺎﻭﺑﻨﻲ ﺑﺼﻮﺕ ﻧﻠﺼﻲ ﻣﺸﺪﺩ ﻛﻞ ﺣﺮﻑ ﻳﻜﻮﻟﻪ .. ﻓﻮﺗﻲ ﻛﺒﻠﻲ ﻭﺭﻭﺣﻲ ﺍﻟﺪﺍﺭﻱ ﺑﺎﻟﭻ ﺗﺮﺣﻴﻦ ﻳﻢ ﺍﻣﻲ ﻭﺳﻮﻟﻔﻴﻠﻲ ﻛﻠﺸﻲ ﻭﺭﻭﺡ ﺍﺑﻮﻱ ﻭﺗﺮﺍﺏ ﮔﺒﺮﻩ ﺍﺫﺍ ﻣﺎﻛﻠﺘﻲ ﺍﻟﺼﺪﮒ ﺗﺨﺴﺮﻳﻦ ﻳﺎﺳﺮﻭﺭ ﻭﺣﮓ ﻣﻦ ﺳﻤﺎﭺ . ﺍﺑﺘﻌﺪﺕ ﻋﻨﻪ ﺑﺨﻮﻑ ﻭﺍﺣﺲ ﮔﻠﺒﻲ ﻳﺮﻳﺪ ﻳﻄﻠﻊ ﺑﺲ ﻫﺎﻟﻤﺮﻩ ﻣﺎﻣﻨﻬﺎ ﺍﻛﻮﻝ ﺍﻟﻲ ﺑﺨﺎﻃﺮﻱ ﺟﻦ ﺩﻭﺏ ﺍﻇﻞ ﻣﺘﺎﻧﻴﻪ ﺭﺿﺎﻩ ﻳﺪﺭﻱ ﺑﻴﻪ ﺍﺣﺒﻪ ﻭﻫﻮﻩ ﻳﺤﺒﻨﻲ ﭼﺎ ﺍﻧﻪ ﺷﻨﻬﻲ ﺫﻧﺒﻲ ﻭﻛﺮﺍﺭ ﺷﻨﻬﻲ ﺫﻧﺒﻪ ﺍﺫﺍ ﺍﺑﻮﻩ ﻇﺎﻟﻢ ﻓﺰﺯﻧﻲ ﺻﻮﺗﻪ ﻭﻫﻮ ﻳﺪﺧﻞ ﺩﺍﺭﻩ ﻭﺭﺍﻱ .. ﺍﻱ ﻳﺎﺳﺮﻭﺭ ﺳﻮﻟﻔﻲ .. ﺧﻮﻳﻪ ﻣﺎﻫﺮ ﭼﺎ ﺍﻧﺖ ﺗﺪﺭﻱ ﺍﻟﺒﻜﻠﺒﻲ ﺷﻨﻬﻲ ﻭﺗﺪﺭﻱ ﺑﻲ ﺭﺍﻳﺪﻧﻲ ﻋﻠﻴﺶ ﺗﻌﺎﻧﺪ .. ﻭﻟﭻ ﺍﻧﺘﻲ ﻏﻤﻪ ﻭﻛﻞ ﺧﻴﺮ ﻣﺎﺑﻴﭻ ﺣﺴﺎﻓﻪ ﺍﻧﺘﻲ ﻇﻠﻴﺘﻴﻠﻲ ﻋﻠﻪ ﻭﺭﺍﺣﺖ ﺫﻳﺞ ﺍﻟﺤﻴﻮﺩ ﻭﻟﭻ ﺷﻠﻮﻥ ﺍﻣﻨﭻ ﺑﻴﺪ ﻧﺎﺱ ﺧﺎﻧﺖ ﺍﻣﺎﻧﺔ ﺍﻟﻠﻪ ﻭﺍﻟﻠﻪ ﻭﺍﻣﺎﻥ ﺍﻟﻠﻪ ﺗﺮﻯ ﻇﺎﻝ ﻣﻦ ﻋﮕﻠﻲ ﺣﺒﻪ ﻭﻣﺎﻛﺎﺗﻠﻲ ﻭﺍﺣﺪ ﻣﻨﻬﻢ ﻻﺗﺨﻠﻴﻨﻲ ﺍﻛﺘﻠﻪ ﻭﺟﺪﺍﻡ ﻋﻴﻨﭻ ﻛﻮﻧﻪ ﻳﻬﻤﭻ ﺑﻌﺪﻱ ﻋﻨﻪ ﻭﮔﻠﻴﻠﻪ ﺍﻳﺲ ﺗﺮﻯ ﻓﺎﺽ ﺑﻴﻪ ﻭﺑﻌﺪ ﻣﺎﻇﻞ ﺻﺒﺮ ﻋﻠﻴﻬﻢ ﺧﺬﻭﻭ ﻛﻠﺸﻲ ﺷﻴﺮﺩﻭﻥ ﻣﻨﺞ ﺍﻧﺘﻲ ﺷﻨﻬﻲ ﺍﻟﻴﺮﺩﻭﻧﻪ ﺑﻌﺪ ﻭﻣﺎﻃﺎﻟﻮﻩ ﻫﻮﻩ ﺑﺲ ﺍﻧﺘﻲ ﻭﻣﺎﺍﻧﻄﻴﺞ ﺍﻳﺴﻲ ﻭﺧﻠﻲ ﻳﺄﻳﺲ ﻃﻠﻊ ﺑﻌﺪ ﻣﺎﺻﺎﺡ ﺑﺼﻮﺕ .. ﻳﻤﻪ ﻋﮕﻠﻴﻬﺎ ﺍﻟﺒﺘﺞ ﻻ ﺍﺑﺘﻠﻲ ﺑﻴﻬﺎ ﻭﺭﻭﺡ ﺍﻻﻋﺰﺍﺯ ﮔﻌﺪﺕ ﺍﺑﺠﻲ ﻭﺍﺭﻳﺪ ﺍﺧﻠﺺ ﺭﻭﺣﻲ ﺷﻠﻮﻥ ﺑﻴﻪ ﺩﺧﻠﺖ ﻋﻠﻴﻪ ﺍﻣﻲ ﺑﻄﻮﻟﻬﺎ ﺍﻟﻲ ﺍﺗﻜﺎﺑﺮ ﻭﻣﺎﺗﺤﻨﻴﻪ ﺑﻌﺪﻫﻲ ﺯﻏﻴﺮﻩ ﺑﺲ ﻛﺒﺮﺗﻬﺎ ﺍﻟﻤﺼﺎﻳﺐ ﻋﻴﻨﻬﺎ ﺍﻟﺤﺎﺩﻩ ﺍﻟﻤﻜﺤﻠﻪ ﻣﻦ ﺭﺑﻬﺎ ﺷﺎﻣﺮﻩ ﺷﻴﻠﺘﻬﺎ ﻭﻃﺎﻟﻌﻪ ﺧﺼﻼﺕ ﺷﻴﺐ ﻣﻦ ﺍﻟﺸﻴﻠﻪ ﻣﺰﻳﻨﻪ ﺯﻟﻔﻬﺎ ﺑﺸﻜﻞ ﻣﺨﺮﺑﻂ ﺑﺲ ﻣﺰﻳﻨﺘﻬﺎ ﺍﻛﺜﺮ ﺣﺎﺟﺘﻨﻲ ﺑﻨﺒﺮﺗﻬﺎ ﺍﻟﻘﺮﻳﻪ .. ﻫﺎ ﻳﺎﻣﻠﺪﻭﻏﻪ ﻭﻳﻦ ﺟﻨﺘﻲ ﻭﻫﻴﺞ ﺍﺧﻮﺝ ﺫﻳﺎﻟﻪ ﺷﺎﺑﺎﺕ ﺑﻨﺎﺭ .. ﭼﻨﺖ ﺍﺷﻮﻑ ﻛﺮﺍﺭ ﺍﺣﺒﻪ ﻳﻤﻪ ﻭﺍﻟﻠﻪ ﺍﺣﺒﻪ ﻋﻮﻓﻮﻧﻲ ﺑﺤﺎﻟﻲ ﻭﺍﻟﻜﻢ ﺍﻟﺼﺎﻓﻲ ﺍﺭﺗﺎﺡ ﻭﺍﺭﻳﺤﻜﻢ .. ﻭﻟﭻ ﻳﺎﺻﺎﻓﻲ ﻭﻣﻦ ﻭﺭﺍﺝ ﺧﺎﻳﻔﻪ ﺗﻨﺨﺒﻂ ﺍﻛﺜﺮ ﻭﻟﭻ ﺳﻤﻌﻲ ﺣﺠﺎﻳﺔ ﺍﺧﻮﺝ ﻭﺍﺳﺘﻬﺪﻱ ﻭﺍﺭﻛﺪﻱ ﺍﺑﻴﺘﺞ ﻭﺍﻧﻄﻤﻲ ﻻ ﻭﺍﻟﻠﻪ ﺍﺧﻠﻲ ﺑﻴﺪﻩ ﻳﻄﻤﺞ ﺗﻌﺒﺘﻴﻨﻲ ﻭﺍﻧﻪ ﺍﺩﺍﺭﻱ ﻋﻤﺎﻳﻠﺞ ﻭﺭﻭﺣﺎﺗﺞ ﻭﺭﺩﺍﺗﺞ .. ﺍﺩﺍﺭﻳﻦ ﻷﻥ ﺗﺨﺎﻓﻴﻦ ﻣﻨﻲ ﺍﺭﻭﺡ ﻭﺍﺳﻮﻳﻬﺎ ﻭﺍﺫﺍ ﻇﻞ ﻣﺎﻫﺮ ﻫﻴﺞ ﻳﻀﺎﻳﻘﻨﻲ ﻭﻳﻮﻛﻒ ﺑﻮﺟﻬﻲ ﺍﻛﻠﻪ ﻣﺜﻞ ﻣﺎﻛﺘﻠﺞ ﺍﮔﻠﻪ ﺍﺷﺮﺩ ﻭﻳﺎﻩ ﻭﺧﻠﻲ ﻳﻔﻴﺪﻛﻢ ﻋﻨﺎﺩﻛﻢ .. ﺍﻧﭽﺒﻲ ﻋﺎﺑﺖ ﺭﺑﺎﻳﺘﻲ ﺑﻴﭻ ﻻ ﻳﺎﻋﮕﺮﺏ ﻭﻟﭻ ﺍﺧﻴﻴﭻ ﺷﺎﻳﻒ ﺍﻟﻮﻳﻞ ﺣﺘﻪ ﻳﺪﺍﺭﻳﻨﻪ ﻭﺍﻧﺘﻲ ﺗﺘﻤﻌﺸﮕﻴﻦ ﻭﺗﺮﺩﻳﻦ ﺗﻨﺰﻟﻴﻦ ﺭﺍﺳﻪ ﺍﮔﺺ ﺭﺍﺳﺞ ﻭﺭﺍﺱ ﺍﻟﺨﻠﻔﺘﺞ ﮔﺒﻞ ﻣﺎﺍﻃﻠﻌﻴﻦ ﻣﻦ ﻫﺬﺍ ﺍﻟﺒﺎﺏ ﺧﺎﻑ ﺷﻔﺘﻴﻨﻲ ﺗﻌﺒﺖ ﺑﻌﺪﻧﻲ ﺍﻧﻪ ﺫﻳﺞ ﺍﻟﻜﻮﻳﻪ ﻭﺍﻥ ﺗﺤﻤﻠﺖ ﺣﭽﺎﻳﺎﺗﺞ ﻣﻮ ﺧﻮﻑ ﻣﻨﺞ ﭼﻨﺖ ﺍﺧﺎﻓﻦ ﻋﻠﻴﺞ ﺍﻛﻮﻝ ﺧﻄﻴﻪ ﺍﺟﺘﻬﺎ ﻫﺎﻟﺴﻮﺍﻟﻒ ﺻﻔﺢ ﻭﺑﻠﻜﻲ ﺍﻟﻠﻪ ﻳﻬﺪﻳﻬﺎ ﻭﺗﻌﺮﻓﻪ ﻣﻦ ﻭﺣﺪﻫﺎ ﻣﻦ ﺍﺗﺸﻮﻑ ﺍﺧﻴﻬﺎ ﺣﺎﺭﻡ ﻋﻴﻨﻪ ﺍﻟﻨﻮﻡ ﻭﺣﺎﻭﻡ ﺭﻭﺣﻪ ﻛﻠﺸﻲ ﺑﺲ ﺣﺘﻪ ﺗﻌﻴﺶ ﻣﺮﺗﺎﺣﻪ ﻳﻤﻪ ﻓﺪﻭﻩ ﺍﺭﻭﺣﻠﺞ ﺍﻧﺘﻲ ﻭﺍﺧﻮﻱ ﻉ ﺭﺍﺳﻲ ﺑﺲ ﺍﻧﻪ ﺍﻟﺮﺍﻱ ﺭﺃﻳﻲ ﻭﺍﻧﻪ ﺍﺑﻦ ﻋﻤﻲ ﺭﺍﻳﺪﺗﻪ ﻭﻟﻮ ﺷﺮﺩﺕ ﻭﺭﺣﺖ ﺩﺧﺒﻞ ﻋﻨﺪ ﺍﻱ ﻭﺍﺣﺪ ﻭﺍﻛﻠﻬﻢ ﺭﺍﻳﺪﻩ ﺍﺑﻦ ﻋﻤﻲ ﻣﺤﺪ ﻳﻠﻮﻣﻨﻲ ﻋﺒﻦ ﻫﻮﻩ ﺭﺍﻳﺪﻧﻲ ﺍﻟﻠﻮﻡ ﻳﺼﻴﺮ ﻋﻠﻴﻜﻢ ﺍﻧﻪ ﻫﻢ ﺗﻌﺒﺖ ﭼﻨﺖ ﺍﺣﺠﻲ ﻭﺍﺭﻳﺪ ﺍﻭﺻﺐ ﻓﻜﺮﺗﻲ ﻭﺍﻧﺪﻓﻪ ﺍﻟﺒﺎﺏ ﺑﻘﻮﺓ ﺍﺣﺲ ﺍﻋﺼﺎﺭ ﺍﻟﻄﺐ ﻋﻠﻴﻨﻪ ﻣﻮ ﻣﺎﻫﺮ ﻣﺎﻫﺮ .. ﺣﺎﭼﻴﺘﻬﺎ ﻭﻃﻠﻌﺖ ﺑﺎﻟﺒﺎﺏ ﻭﺭﻩ ﺷﻮﻳﻪ ﺭﺟﻌﺖ ﺍﺷﻮﻑ ﺷﺘﺤﺎﺟﻴﻬﺎ ﺍﻣﻲ ﻭﺷﻠﻮﺥ ﺗﺘﻔﺎﻫﻢ ﻭﻳﺎﻫﺎ ﻭﺍﻟﻲ ﻋﺮﻓﺘﻪ ﻫﻲ ﺍﺻﻼ ﻣﻮ ﻛﺎﻃﻌﻪ ﻣﻨﻪ ﻭﺣﺘﻪ ﺍﻣﻲ ﺍﺩﺍﺭﻳﻠﻬﺎ ﻳﻌﻨﻲ ﺍﻟﻌﺮﺏ ﻛﻠﻬﺎ ﺗﺪﺭﻱ ﺑﻴﻬﻢ ﺻﺮﺕ ﻧﺎﺭ ﺑﺲ ﻣﺎﻛﻮ ﺣﻞ ﻏﻴﺮ ﺍﻧﻮ ﺍﻓﻜﺮ ﺑﻤﻨﻄﻘﻴﻪ ﻭﺍﺧﻄﻴﻬﺎ ﻭﺍﺳﺘﺮ ﻋﻠﻴﻬﺎ ﻭﺍﺧﻠﺺ ﻭﺍﺧﻠﺼﻬﺎ ﺑﺲ ﺗﺘﺤﻤﻞ ﺍﻟﻴﺠﺮﺍﻟﻬﺎ ﺩﺧﻠﺖ ﻋﻠﻴﻬﻦ ﺻﺎﺭﺕ ﻭﺟﻮﻫﻦ ﺻﻔﺮ ﻣﺘﺮﻗﺒﻪ ﺍﻧﻪ ﺍﺳﻤﻌﺖ ﻟﻮ ﻻ ﺣﺎﭼﻴﺖ ﺍﻣﻲ .. ﻳﻤﻪ ﻣﻦ ﺑﺎﺟﺮ ﻭﺻﻠﻲ ﺍﻟﺒﻴﺖ ﻋﻤﻲ ﺧﻞ ﻳﺠﻮﻥ ﻳﺎﺧﺬﻭﻧﻬﺎ ﺑﺲ ﻫﺎﻱ ﺟﺪﺍﻣﺞ ﻻ ﻫﻲ ﺍﺧﺘﻲ ﻭﻻ ﺍﻧﻪ ﺍﺧﻮﻫﺎ ﻭﻻ ﺍﻟﺴﺎﻧﻬﺎ ﻳﻄﺦ ﺍﻟﺴﺎﻧﻲ ﻭﻣﻦ ﻫﺎﻟﻴﻮﻡ ﺍﻋﺘﺒﺮﻫﺎ ﻣﺎﺗﺖ ﻭﻟﺤﻜﺖ ﺍﺧﻮﺍﻧﻬﺎ ﻭﺍﺑﻮﻫﺎ ﺑﺲ ﺍﻟﻤﺎﺗﻮﻭ ﺍﺣﺴﻦ ﺍﻟﻬﻢ ﻣﻌﺰﻩ ﻭﺍﺻﻮﺍﺑﻬﻢ ﺑﮕﻠﺒﻲ ﻫﻴﻪ ﺭﺍﺣﺖ ﻣﻌﺰﺗﻬﺎ ﻭﻫﺎﻟﻤﺮﻩ ﻫﻴﻪ ﺍﻟﺼﻮﺑﺘﻨﻲ ﻣﺎﺍﺭﻳﺪ ﻣﺸﻴﻪ ﻭﻻ ﺷﻲ ﻳﺠﻲ ﺯﻟﻤﺘﻬﺎ ﻳﻌﻘﺪ ﻭﻳﺎﺧﺬﻫﺎ ﺑﺜﻮﺑﻬﺎ ﺍﻟﻌﻠﻴﻬﺎ ﻭﺑﺎﺟﺮ ﻳﻌﺒﺮ ﺑﺎﺟﺮ ﻳﺤﻠﻤﻮﻥ ﺑﻤﺮﻩ ﻋﺪﻱ ﺍﻟﻬﻢ ﺣﭽﻴﺘﻬﻦ ﻭﻣﺎﺍﺩﺭﻱ ﺍﻧﻪ ﻣﻘﺘﻨﻊ ﺑﺎﻟﻜﻠﺘﻪ ﻟﻮ ﺑﺴﺎﻋﺔ ﻋﺼﺒﻴﻪ ﺣﺠﻴﺘﻪ ﻣﺎﺳﻤﻌﺖ ﺍﻣﻲ ﺷﻜﺎﻟﺖ ﻣﻦ ﺻﻮﺕ ﺳﺮﻭﺭ ﻋﻠﺖ ﺻﺮﺧﺎﺗﻬﺎ ﻭﺑﺠﻴﻬﺎ ﻃﻠﻌﺖ ﻭﺍﻧﻪ ﺍﻓﻜﺮ ﻭﺑﺪﺍﺧﻠﻲ ﺍﻋﺮﻓﺖ ﺍﻟﺴﻮﻳﺘﻪ ﺻﺢ ﻳﺎﺧﺬﻫﺎ ﺍﺑﻦ ﻋﻤﻬﺎ ﺍﺣﺴﻦ ﻣﺎﺗﺼﻴﺮ ﺣﺠﺎﻳﻪ ﺑﺤﻠﻮﻙ ﺍﻟﻮﺍﺩﻡ ﻟﻮ ﺗﺮﻭﺣﻠﻪ ﻭﺗﻜﺴﺮ ﻇﻬﺮﻱ ﻭﺗﻨﺰﻝ ﺭﺍﺳﻲ ﻭﺍﻧﻪ ﻣﺎﻇﺎﻟﻲ ﺑﺲ ﺍﺳﻢ ﺍﺑﻮﻱ ﻭﺳﻤﻌﺘﻨﻪ ﺍﻟﺰﻳﻨﻪ ﻃﻠﻌﺖ ﺑﻌﻴﺪ ﻭﻫﺎﻟﻤﺮﻩ ﻣﺎﺍﺩﺭﻱ ﺷﻨﻬﻲ ﺍﻟﻲ ﻳﻄﻔﻲ ﻧﺎﺭﻱ ﺧﺎﺑﺮﺕ ﻭﺳﺎﻡ . ﻭﻛﺘﻠﻪ ﺭﺍﻳﺪﻙ ﻣﺎﺣﺠﻴﺖ ﺍﻟﺒﻴﻪ ﺑﺲ ﺍﺑﺎﻟﻪ ﺿﺎﻳﺞ ﻉ ﻃﺎﻫﺮ ﺑﺴﻮﺍﻟﻔﻪ ﻭﺷﻘﺎﻩ ﺣﺎﻭﻝ ﻳﻨﺴﻴﻨﻲ ﺑﺲ ﺍﻟﻤﻮﺿﻮﻉ ﻣﺎﻳﻨﺴﻲ ﺑﺴﺎﻟﻔﻪ ﺗﻨﺪﻣﺖ ﻻﻥ ﺧﺎﺑﺮﺗﻪ ﻟﻮ ﻇﺎﻝ ﻭﺣﺪﻱ ﺍﺣﺴﻠﻲ ﻫﺎﻟﻤﺮﻩ ﻣﺎﺍﻛﺪﺭ ﺍﻛﻠﻪ ﺍﺧﺘﻲ ﻫﺪﺩﺗﻨﻲ ﺍﻧﻪ ﻭﺍﻣﻲ ﺗﺸﺮﺩ ﻻ ﺍﻧﻲ ﺍﻟﻤﺮﺗﺎﺡ ﻭﺣﺪﻱ ﻭﻣﻄﻠﻊ ﻗﻬﺮﻱ ﻭﻻ ﺍﻧﻪ ﺍﻟﻤﺮﻳﺢ ﺭﻭﺣﻲ ﻭﻳﺎﻩ ﺗﺎﻟﻲ ﻛﺘﻠﻪ ﺑﺎﺟﺮ ﻳﻌﻘﺪ ﻣﺮﺍﺭ ﻉ ﺍﺧﺘﻲ ﻭﺍﻧﻄﻴﺘﻬﺎ ﺷﻔﺖ ﺍﻟﺼﺪﻣﻪ ﺑﻮﺟﻬﺎ ﻛﺘﻠﻪ ﺍﻧﻄﻴﺘﻬﺎ ﺍﻻﺑﻨﻪ ﺭﺍﻳﺪﻫﺎ ﻭﻣﺎﻟﻪ ﻏﺮﺽ ﺑﺴﻮﺍﻟﻔﻪ ﺑﺲ ﺑﺎﻗﻲ ﻉ ﺭﺍﻳﻲ ﻭﺍﻟﺒﻴﻨﻲ ﻭﺑﻴﻨﻬﻢ ﻣﺎﺍﻧﺘﻬﻰ ﻣﺎﻋﻘﺐ ﻭﻻ ﺣﺠﻪ ﺳﻤﻌﻨﻲ ﻭﺑﺲ ﻣﺮ ﻫﺬﺍ ﺍﻟﻴﻮﻡ ﻭﺍﺟﻪ ﻭﻛﺖ ﺍﻟﻌﻘﺪ ﻋﻘﺪ ﺑﺤﻀﻮﺭﻱ ﻭﻃﻠﻊ ﺑﻌﺪ ﻣﺎﺻﺎﻓﺤﻨﻲ ﺻﺤﺘﻪ ﻳﺘﺎﻧﻴﻬﺎ ﻳﺎﺧﺬﻫﺎ ﺍﺗﺮﺟﺎﻧﻲ ﺍﻧﻄﻲ ﻭﻛﺖ ﺑﺲ ﺗﺮﺗﺐ ﺭﻭﺣﻬﺎ ﻭﺗﻄﻠﻊ ﻣﻦ ﺑﻴﺘﻲ ﻣﺮﺗﺒﻪ ﻭﺟﺎﻫﺰﻩ ﻭﺗﺤﺲ ﺭﻭﺣﻬﺎ ﻋﺮﻭﺱ ﻣﺎﺭﺿﻴﺖ ﻭﻛﺘﻠﻪ ﻫﺬﺍ ﺷﺮﻃﻲ ﻭﺑﻌﺪ ﺻﻴﺮ ﺍﻧﺖ ﻛﻠﺸﻲ ﺍﻟﻬﺎ ﻭﺧﻞ ﺗﻨﺴﺎﻧﻲ .. ﻣﻮ ﻫﻴﺞ ﻫﻮﺍﻱ ﻋﻠﻴﻬﺎ ﺧﻴﺘﻚ ﻣﺎﻟﻬﺎ ﻏﻴﺮﻙ .. ﺍﻧﻪ ﻣﺎﺍﻧﺴﺎﻫﺎ ﻭﺍﻧﺖ ﺑﺎﻟﻚ ﻋﻠﻴﻬﺎ ﺑﺲ ﻫﻲ ﻧﺴﺘﻨﻲ ﺻﻴﺮ ﺍﻧﺖ ﻛﻠﺸﻲ ﺍﻟﻬﺎ ﻭﻻ ﺗﺨﻠﻴﻬﺎ ﺗﺤﺘﺎﺟﻨﻲ ﻳﻮﻡ ﺩﻳﺮ ﺑﺎﻟﻚ .. ﻫﻴﺞ ﻛﺎﺭﻫﻨﻪ ﺍﻧﺖ ﺍﺑﺎﻟﻚ ﻇﻠﻤﻨﺎﻙ ﺑﺲ ﻣﻮ ﻫﻴﺞ ﺍﻟﺤﺠﻲ ﺍﺑﻮﻱ ﻣﺎﻃﺎﻟﻤﻜﻢ ﺍﺑﺪ .. ﻣﻮ ﻭﻛﺖ ﻫﺎﻟﺴﻮﺍﻟﻒ ﺍﺧﺬ ﻣﺮﻳﺘﻚ ﻭﺍﻟﻠﻪ ﻭﻳﺎﻙ ﻃﻠﻌﻮ ﻭﺑﻄﻠﻌﺘﻬﻢ ﺍﻃﻠﻌﺖ ﺍﻧﻪ ﺍﻟﻠﻪ ﻳﻬﻨﻴﺞ ﻭﻳﺴﻌﺪﺝ ﺧﺴﺮﺗﻴﻨﻲ ﻭﺧﺴﺮﺕ ﺍﻟﺸﻲ ﺍﻟﻮﺣﻴﺪ ﺍﻟﺠﺎﻥ ﻣﺼﺒﺮﻧﻲ ﺑﺎﻟﺪﻧﻴﺎ ﻣﻦ ﺭﻳﺤﺔ ﺍﺑﻮﻱ ﻭﺍﺧﻮﺍﻧﻲ ﻫﺴﻪ ﻣﺎﺻﻔﺎﻟﻲ ﻏﻴﺮ ﺍﻣﻲ ﺣﺘﻪ ﺍﻟﻨﺘﻴﺠﻪ ﻣﺎﻓﺮﺣﺖ ﺑﻴﻬﺎ ﻣﻄﻠﻊ ٦٥ ﻭﺍﻧﻪ ﺍﺩﺑﻲ ﺍﻋﺘﻘﺪ ﻣﻌﻬﺪ ﺍﻃﻠﻊ ﺣﺘﻪ ﺍﻣﻲ ﻓﺮﺣﺘﻬﺎ ﻃﻔﺖ ﺑﺎﻟﻨﺘﻴﺠﻪ ﺍﻭﻝ ﺍﻳﺎﻡ ﺍﺷﻮﻓﻬﺎ ﺑﻜﻞ ﻣﻜﺎﻥ ﺑﺎﻟﺒﻴﺖ ﻭﺻﺮﺕ ﺍﺷﻐﻞ ﺭﻭﺣﻲ ﺑﺎﻟﺸﻐﻞ ﻭﺣﺠﻲ ﺍﻟﻜﺮﺍﺑﻪ ﻭﺻﻠﻨﻲ ﻭﻛﻠﻬﺎ ﻋﺮﻓﺖ ﺍﻧﻪ ﻣﺨﻴﺮﻫﺎ ﺑﻴﻨﻲ ﻭﺑﻴﻦ ﺯﻭﺍﺟﻬﺎ ﻭﻣﺨﺘﺎﺭﻩ ﺍﻟﺰﻭﺍﺝ ﻫﻴﻪ ﻣﺮﺕ ﺍﻷﺷﻬﺮ ﻭﺻﺎﺭ ﺍﻛﻮ ﺣﺮﻛﻪ ﺑﺎﻟﻌﺸﻴﺮﺓ ﻭﺩﻳﻮﺍﻥ ﻭﻣﺠﺎﻟﺲ ﻭﻧﺪﻭﺍﺕ ﻣﻦ . ﺍﺳﺘﻔﺴﺮﺕ ﻭﺍﻋﺮﻓﺖ ﺍﺣﺲ ﺭﻭﺣﻲ ﺷﺎﻃﺖ ﻣﻦ ﺩﺭﻳﺖ ﻧﺴﻴﺐ ﻋﻤﻲ ﺍﻟﺠﺒﻴﺮ ﻣﺎﻫﻮ ﻣﻦ ﻋﺸﻴﺮﺗﻨﻪ ﺑﺲ ﺍﻟﻪ ﻛﻠﻤﻪ ﻣﺴﻤﻮﻋﻪ ﻋﺪ ﻋﻤﻲ ﻳﺤﺒﻪ ﻭﻳﻘﺪﺭﻩ ﺻﺎﻳﺮ ﻫﻮﻩ ﺍﻟﻴﻜﻌﺪ ﻭﻳﺴﻮﻟﻒ ﻭﻳﻄﻠﻊ ﻣﺸﻴﺎﺕ ﺑﺄﺳﻢ ﻋﻤﻲ ﻭﺍﺳﻢ ﺍﻟﻌﺸﻴﺮﺓ ﻉ ﻳﺎ ﺍﺳﺎﺱ ﻣﺎﺍﺩﺭﻱ ﺍﻟﻌﻤﺎﻡ ﺑﺪﺕ ﺗﻀﻮﺝ ﻣﻦ ﺍﻟﻮﺿﻊ ﻭﺻﺎﺭﺕ ﺍﻛﺜﺮ ﻣﻦ ﻣﺸﻜﻠﻪ ﺣﺪﻫﺎ ﺍﻟﻠﺴﺎﻥ ﻭﺑﺲ ﺑﻴﻮﻡ ﺍﺳﺘﻠﻤﺖ ﺍﻟﻤﺒﺎﻟﻎ ﺍﻟﻀﺎﻣﻬﻦ ﻣﻦ ﺍﻟﺴﻠﻒ ﻭﻗﺮﺭﺕ ﺍﺭﻭﺡ ﺍﺷﺘﺮﻱ ﺍﻟﻜﺎﻉ ﺍﻟﻲ ﻣﻮﺍﺯﻳﻪ ﻛﻴﻌﺎﻧﻪ ﺍﻟﻲ ﻫﻴﻪ ﻛﺎﻉ ﻋﻤﻲ ﻫﺴﺎﻉ ﻭﻫﺎﻱ ﺍﻟﻜﺎﻉ ﺑﻴﻬﺎ ﺍﻟﻤﻜﻴﻨﻪ ﻣﺎﻝ ﺍﻟﻤﺎﻱ ﻭﺍﺫﺍ ﺻﺎﺭﺕ ﺑﻴﺪﻱ ﻛﻴﻌﺎﻧﻬﻢ ﺗﺼﻴﺮ ﺟﻮﻩ ﺍﻳﺪﻱ ﻭﺗﺤﺖ ﺭﺣﻤﺘﻲ ﺭﺣﺖ ﺍﻟﺼﺎﺣﺐ ﺍﻟﻜﺎﻉ ﺑﺎﻟﻮﻻﻳﻪ ﻛﺎﻋﺪ ﻣﺎﻣﺤﺘﺎﺟﻬﺎ ﻫﻮﻩ ﻳﻈﻤﻨﻬﺎ ﻭﺍﻧﻪ ﺭﺩﺗﻬﺎ ﺑﻴﻊ ﺍﺗﻔﻘﺖ ﻭﻳﺎﻩ ﻭﻃﻠﻌﺘﻠﻬﺎ ﺍﻟﻌﺼﺮ ﺍﺷﻮﻓﻬﺎ ﺍﻛﺜﺮ ﻭﻛﻔﺖ ﺳﻴﺎﺭﻩ ﻳﻤﻲ ﺑﻴﻬﺎ ﻭﻟﺪ ﻋﻤﻲ ﺍﺛﻨﻴﻦ ﻭﻳﺎﻫﻢ ﻧﺴﻴﺒﻬﻢ ﺍﻟﺠﺒﻴﺮ ﺍﺑﻮ ﺳﺠﺎﺩ ﺍﻟﻲ ﺻﺎﻳﺮ ﺷﻴﺦ ﻣﻦ ﺗﺎﻟﻲ ﺑﺪﻭﻥ ﺳﻼﻡ ﮔﺎﻝ ﺍﻧﺖ ﻣﻨﻬﻲ ﻣﺎﺗﺸﺘﺮﻱ ﻫﺎﻱ ﺍﻟﻜﺎﻉ .. ﻉ ﻳﺎ ﺍﺳﺎﺱ ﺗﻨﻬﺎﻧﻲ .. ﻉ ﺍﺳﺎﺱ ﻫﺎﻱ ﺍﺣﻨﻪ ﺍﻭﻟﻰ ﺑﻴﻬﺎ ﺑﺼﻒ ﻛﻴﻌﺎﻥ ﻋﻤﻲ .. ﻭﺍﻧﺖ ﺷﻨﻬﻲ ﺑﺎﻟﻠﻪ ﻣﻦ ﺫﻭﻝ ﻣﻦ ﺫﻭﻝ ﻟﻮ ﺻﺎﻳﺮ ﺍﻟﺴﺎﻥ ﻟﻼﺛﻨﻴﻦ ﺍﻟﻮﺭﺍﻙ ﻣﺄﺟﺮﻳﻨﻚ ﺑﻔﻠﻮﺱ ﻟﻮ ﺑﺰﺍﺩﻙ ﻭﻣﻠﺤﻚ ﺗﺸﺘﻐﻞ ﻻﺣﻮﮒ ﺍﻟﻬﻢ .. ﻫﺎﻱ ﺍﺣﭽﺎﻳﺘﻚ ﺛﮕﻴﻠﻪ ﺍﻧﺪﻣﻚ ﻋﻠﻴﻬﺎ .. ﺍﻟﻤﺎﺍﻃﻮﻟﻪ ﺑﺎﻳﺪﻙ ﺍﻭﺻﻠﻪ ﺑﺮﺟﻴﻠﻚ ﺍﺧﺬ ﺍﻟﻲ ﻭﻳﺎﻙ ﻭﺍﻧﮕﺸﺮ .. ﺷﮕﺪ ﺍﻧﻄﻴﺖ ﺑﻴﻬﺎ ﻧﻨﻄﻲ ﺿﻌﻔﻴﻦ ﻭﺍﻟﻜﺎﻉ ﻣﺎﻫﻲ ﺍﻟﻚ ﻭﻻ ﺭﺍﺡ ﺍﺗﺼﻴﺮ .. ﻣﻮ ﺻﻮﺟﻚ ﺻﻮﭺ ﺍﻟﻮﻛﺖ ﺍﻟﺨﻼﻙ ﺗﺤﺎﺟﻴﻨﻲ ﻫﻴﺞ ﻭﺑﻈﻬﺮﻙ ﺍﻭﻻﺩ ﻋﻤﻲ ﺻﻮﭺ ﺍﻟﺪﻫﺮ ﺍﻟﻲ ﺍﻓﺘﺮ ﺑﻴﻪ ﻭﺑﻴﻜﻢ ﺧﻠﻲ ﺍﺑﺎﻟﻚ ﺑﻌﺪ ﻭﺭﺍﻩ ﻓﺮﺍﺕ ﻣﺎﻳﻈﻞ ﻫﻴﺞ يتبع التعديل الأخير تم بواسطة لامارا ; 24-06-19 الساعة 12:08 AM | ||||
|
| |
|
28-05-19, 06:06 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثالث ﺭﺍﺣﻮﻭ ﻭﺍﻧﻪ ﻇﻠﻴﺖ ﻣﺤﺘﺎﺭ ﺧﺎﻑ ﺻﺪﮒ ﺻﺎﺣﺐ ﺍﻟﮕﺎﻉ ﻳﻐﻴﺮ ﻛﻼﻣﻪ ﻟﻮ ﺷﺎﻑ ﺍﻟﻔﻠﻮﺱ ﺯﺍﺩﺕ ﺧﻠﻴﺘﻬﺎ ﻉ ﺍﻟﻠﻪ ﻭﺧﺎﺑﺮﺕ ﻭﺳﺎﻡ .. ﺧﻮﻭﻳﻲ ﻭﻳﻦ ﺍﻧﺖ .. ﻭﻳﻦ ﺍﻧﻪ ﻫﺴﻪ ﺭﺍﺟﻊ ﻣﻦ ﺷﻐﻠﻲ ﻭﻛﺎﺗﻠﻨﻲ ﺍﻟﺠﻮﻉ ﺍﺗﺎﻧﻴﻚ ﻧﺎﻛﻞ ﺳﻮﻩ .. ﺍﻟﻒ ﻋﺎﻓﻴﻪ ﺍﺗﻐﺪﻩ ﻭﺍﺟﻴﻚ ﺍﺭﻳﺪ ﺍﺧﺬﻙ ﻭﻳﺎﻱ ﻧﺸﻮﻑ ﺻﺎﺣﺐ ﺍﻟﻜﺎﻉ ﮔﺒﻞ ﻻﺗﺮﻭﺡ ﻣﻦ ﺍﻳﺪﻱ ﺟﻨﻬﻢ ﺭﺍﺡ ﻳﺨﺮﺑﻮﻧﻬﺎ .. ﺷﺼﺎﺭ .. ﺍﺟﻮﻭﻧﻲ ﻭﻫﺪﺩﻭ ﻭ ﻭﻟﻮ .. ﻫﺎﺍﺍ ﺑﺮﺑﻚ ﺍﺣﺪ ﻣﻨﻬﻢ ﺣﺎﺟﺎﻙ ﺷﺎﻝ ﺍﻳﺪﻩ ﻫﺪﺩﻭ ﻛﻼﻡ ﻟﻮ ﺷﻨﻲ ﺗﺮﻳﺪ ﺍﺟﻴﻚ ﺍﻧﻪ ﻭﺍﻟﻮﻟﺪ .. ﻻ ﻳﺨﻮﻱ ﺷﺤﺪﻫﻢ ﺑﺲ ﺭﺍﺩﻭﻭ ﺍﻟﮕﺎﻉ ﺍﻟﻬﻢ ﻣﺪﺭﻱ ﻣﻨﻴﻦ ﺳﺎﻣﻌﻴﻦ ﺍﻧﻪ ﺭﺍﻳﺪﻫﺎ .. ﺧﺮﺏ ﻃﺎﺭﻳﻬﻢ ﺍﻧﺴﺪﺕ ﻧﻔﺴﻲ ﺣﺘﻪ ﺍﻟﺠﻮﻋﻪ ﺭﺍﺣﺖ ﺗﻌﺎﻝ ﺍﻧﻪ ﻃﺎﻟﻌﻠﻚ ﺍﺗﺎﻧﻴﻚ ﻉ ﺍﻟﺸﺎﺭﻉ ﻭﻳﻦ ﺍﻟﺘﻘﻴﻨﻪ ﻣﻦ ﺭﺣﻨﺎﻟﻪ .. ﺍﺗﻐﺪﻩ ﻣﺎﻟﻚ ﻏﺮﺽ ﻛﻤﻞ ﻭﺍﺟﻴﻚ .. ﻣﺎﺍﺭﻳﺪ ﻳﺨﻮﻱ ﺑﺲ ﺗﻌﺎﻝ ﻧﺸﻮﻑ ﺣﻠﻬﺎ ﻭﻻ ﻳﻬﻤﻚ ﺯﻳﺪ ﻓﻠﻮﺳﻬﺎ ﺍﺫﺍ ﻛﻠﺶ .. ﻫﻮ ﺍﻧﻪ ﻫﺬﺍ ﺍﻟﻤﺤﻴﺮﻧﻲ ﺍﻟﻌﻨﺪﻱ ﻛﻠﻬﻦ ﺣﻄﻴﺘﻬﻦ ﻋﻠﻴﻬﺎ ﻭﺍﻟﺒﺎﻗﻲ ﻓﻠﻮﺱ ﺍﻟﺸﻐﻞ ﺧﻮ ﻣﺎﺍﺳﺤﺒﻪ ﻛﻠﻪ ﻭﺍﻇﻞ ﻫﻴﺞ .. ﺗﻌﺎﻝ ﻫﺴﻪ ﻭﻧﺤﻠﻬﺎ ﻻﻳﻈﻞ ﺑﺎﻟﻚ ﻓﻠﻮﺳﻲ ﻛﻠﻬﺎ ﺍﻟﻚ ﻣﻬﺮﺍﻥ ﻻﺗﺘﻜﺪﺭ .. ﺣﭽﺎﻳﺘﻚ ﻫﺎﻱ ﺗﺴﻮﻯ ﺍﻟﺪﻧﻴﺎ ﻋﻨﺪﻱ ﺍﺭﻳﺪﻙ ﻟﻠﺸﺪﺍﺕ ﺻﻮﻳﺤﺒﻲ .. ﺑﺨﺪﻣﺘﻚ ﺍﻧﻪ ﺑﻜﻞ ﻭﻛﺖ ﺭﺍﺡ ﺍﺗﺎﻧﻴﻚ .. ﺟﺎﻳﻚ ﻃﻠﻌﺖ ﺍﻟﻪ ﻭﺍﻧﻪ ﻣﺮﺗﺎﺡ ﻭﺍﺑﺎﻟﻲ ﺍﻟﻠﻪ ﻳﺤﻠﻬﺎ ﻣﺜﻞ ﻣﺎﻭﺩﺍﻟﻲ ﺍﺧﻮﻭ ﻳﺴﻮﻯ ﻣﻴﺔ ﺭﺟﺎﻝ ﺑﻌﻴﻨﻲ ﻭﺑﻮﻛﺖ ﻋﺎﺯﺗﻲ ﺍﻟﻜﺎﻩ ﺳﻨﺪ ﻭﺻﻠﺖ ﺍﻟﻤﻨﻄﻘﺘﻬﻢ ﻟﮕﻴﺘﻪ ﻭﺍﮔﻔﻠﻲ ﻉ ﺍﻟﺸﺎﺭﻉ ﺍﻭﻝ ﻣﺎ ﺷﻔﺘﻪ ﻭﮔﻔﺖ ﺍﻟﺘﻜﺴﻲ ﻭﻧﺰﻟﺖ ﺑﻌﺪﻧﻲ ﻣﺎﻣﺴﻠﻢ ﺻﺎﺡ .. ﺃﺷﺘﻌﻠﻮﻭ ﻋﻤﺎﻣﻚ ﺑﻨﺎﺭ ﻭﻧﻔﻂ ﺧﻮ ﻣﺎﺗﺰﻋﻞ ﻟﻮ ﺳﺒﻴﺘﻬﻢ ﺿﺤﻜﺖ ﻭﺟﺎﻭﺑﺘﻪ .. ﺑﺎﻧﺰﻳﻦ ﺍﺳﺮﻉ ﻳﺨﻮﻱ .. ﻳﻔﻴﺪ ﺍﻟﺒﺎﻧﺰﻳﻦ ﻣﺎﻳﺴﻮﻭﻧﻪ ﺍﺯﻻﻣﻴﺶ ﺫﻭﻝ ﺻﺪﮒ ﺟﺬﺏ ﺍﺩﺭﻱ ﻫﻢ ﻣﺴﺘﺤﻄﻴﻨﻚ ﻛﺎﺗﻞ ﺍﻟﻬﻢ ﻭﺍﺣﺪ ﻧﺎﻫﺐ ﻣﻨﻬﻢ ﺑﺖ ﻟﺠﻮ ﻭﻳﺎﻙ ﻟﺠﻪ ﻋﻠﻴﺶ .. ﺍﻧﻪ ﺍﺩﺭﻱ ﻣﮕﺎﻣﻴﻊ ﺍﻻ ﺍﻟﻮﻱ ﺍﺭﻛﺎﺑﻬﻢ ﻭﺣﻖ ﺍﻟﺤﺮﻩ ﻭﺍﺧﻮﻫﺎ ﻋﻬﺪ ﻋﻠﻴﻪ ﺍﺫﺍ ﻣﺎﺧﻠﻴﺘﻬﻢ ﻳﻌﻀﻮﻥ ﺍﺻﺎﺑﻌﻬﻢ ﻧﺪﻡ ﻣﺎﻧﻲ ﺍﺑﻦ ﺍﺑﻮﻱ .. ﻛﻔﻮﻭ ﻭﺍﻧﺖ ﻛﺪﻫﺎ ﺗﻌﺎﻝ ﻧﺘﻔﺎﻫﻢ ﮔﺒﻞ ﻻﻧﺮﻭﺡ ﻧﺘﻔﺎﺻﻞ ﻭﻳﺎﻙ ﻃﻠﻌﺖ ﺟﮕﺎﺭﻩ ﻭﺭﺛﺘﻬﺎ ﻭﺟﺮﻳﺖ ﻧﻔﺲ ﻣﻨﻬﺎ .. ﻭﻟﻚ ﺷﻮ ﺻﺎﻳﺮ ﺍﺩﺧﻦ ﻭﺳﺎﻡ ﺍﻟﺤﺠﻲ ﻳﺪﺭﻱ .. ﻳﺪﺭﻱ ﻭﻣﻐﻠﺲ ﻣﺎﻟﻚ ﻏﺮﺽ ﺑﻴﻬﺎ ﻫﺎﻱ ﺻﻮﻳﺤﺒﺘﻲ ﺷﻮﻑ ﻣﻬﺮﺍﻥ ﻋﻨﺪﻱ ﺳﺒﻊ ﻣﻼﻳﻴﻦ ﺿﺎﻣﻬﻦ ﺍﻧﻪ ﻟﻠﻮﻛﺖ ﺟﻨﺖ ﻧﺎﻭﻱ ﺍﻓﺘﺢ ﺑﻴﻬﻦ ﻣﺸﺮﻭﻉ ﺑﺲ ﻣﻮ ﻛﺪ ﺍﻟﻲ ﺍﺑﺎﻟﻲ ﻭﻫﺴﻪ ﻣﻮ ﻭﻛﺖ ﺯﻭﺍﺝ ﻭﺍﺗﺰﻭﺝ ﺑﻴﻬﻦ ﺍﻧﻄﻴﻬﻦ ﺍﻟﻚ ﻭﺍﻧﺖ ﻻﺗﺸﻴﻞ ﻫﻤﻬﻦ ﺍﺑﺪ ﻭﺳﺎﻡ ﻣﺎﺍﺧﺬﻫﻦ ﻭﺍﻟﻠﻪ ﺍﺳﻤﻌﻨﻲ ﺷﻮﻑ ﻣﻮ ﻭﻛﺘﻪ ﻫﺬﺍ ﺍﻟﺤﭽﻲ ﺍﻧﻪ ﺍﻋﺮﻑ ﺷﻠﻮﻥ ﺍﺣﺎﭼﻲ ﻭﻇﻠﺖ ﻫﻮ ﻭﻣﺮﻭﺗﻪ ﻫﻢ ﺍﻟﻠﻪ ﻣﺎﻳﺮﺿﺎ ﻳﺒﻴﻊ ﺍﻟﻜﺎﻉ ﺍﺿﻌﺎﻑ ﺳﻌﺮﻫﺎ ﻫﻮ ﻳﻌﺮﻑ ﻋﻤﺎﻣﻲ ﻭﺍﻟﺒﻴﻨﻪ ﺍﺫﺍ ﻣﺎﻣﻘﺴﻮﻣﻪ ﺗﻮﻟﻲ ﺍﻟﺮﺟﺎﻝ ﻃﻴﻴﺐ ﻭﺍﺑﻮﻱ ﻣﻔﻀﻞ ﻋﻠﻴﻪ ﻫﻮﺍﻱ ﺍﺫﺍ ﻗﺪﺭ ﺍﻧﻌﻢ ﺍﻟﻠﻪ ﻣﺎﻗﺪﺭ ﻣﺎﻣﻘﺴﻮﻣﻪ ﻣﻮ ﺍﻧﻪ ﺍﻻﺿﺤﻲ ﺑﺘﻌﺒﻲ ﻭﺗﻌﺒﻚ ﺑﻬﺎﻱ ﻫﺎﻱ ﺍﻟﺰﻏﻴﺮﻩ ﻭﺍﻟﻜﺒﺎﺭ ﻫﻮﺍﻱ ﺍﺣﺘﺎﺟﻚ ﺑﻴﻬﻦ ﻋﻮﺩ ﻭﻻ ﻳﻬﻤﻚ .. ﻣﺎﻫﺮ ﺍﺫﺍ ﺯﻭﺩﺗﻪ ﻣﻠﻴﻮﻥ ﻣﻠﻴﻮﻧﻴﻦ ﻣﺎﺑﻴﻬﺎ ﺷﻲ ﺍﻟﻜﺎﻉ ﺍﺧﺬﻫﺎ ﺗﻜﺴﺮ ﻋﻴﻮﻧﻬﻢ .. ﺫﻧﻲ ﺳﻬﻼﺕ ﺟﻮﻩ ﺍﻳﺪﻱ ﻭﺩﺍﻋﺘﻚ ﺑﺲ ﺍﺫﺍ ﺍﻛﺜﺮ ﻻ ﻣﺎﺗﺴﻮﻯ ﺍﺿﺤﻲ ﺑﺘﻌﺒﻚ ﻭﺗﻌﺒﻲ ﺍﻧﻪ ﻫﻢ ﻣﺎﺍﺭﻳﺪ ﻳﺎﻫﻮ ﺍﻟﻴﺠﻲ ﻳﺴﺘﻐﻠﻨﻲ ﺍﺫﺍ ﻫﻮ ﻣﻦ ﻫﺬﺍ ﺍﻟﻨﻮﻉ ﻣﺎﻻﺯﻡ ﻫﺎﻱ ﺍﻟﮕﺎﻉ ﺍﻋﺮﻑ ﺷﻠﻮﻥ ﺍﻛﺴﺮ ﺷﻮﻛﺘﻬﻢ ﺻﺎﺭﻭ ﺳﻬﻠﻴﻦ .. ﻣﺎﺍﺩﺭﻱ ﺷﻨﻬﻲ ﺍﻟﺒﺎﻟﻚ ﺑﺲ ﻭﻳﺎﻙ ﺍﻧﻪ ﻭﻻﻳﻬﻤﻚ ﺭﺣﻨﻪ ﺍﻟﺒﻴﺘﻪ ﺳﻠﻤﻨﻪ ﻋﻠﻴﻪ ﺭﺟﺎﻝ ﺟﺒﻴﺮ ﻫﻮ ﻳﻌﻮﻑ ﺍﺑﻮﻱ ﺯﻳﻦ ﻭﻳﻌﺮﻑ ﻇﺮﻭﻓﻲ ﻛﻠﻬﺎ ﻭﻟﺪﻩ ﺟﺎﻧﻮ ﺻﺤﺒﺎﻥ ﺍﺧﻮﺍﻧﻲ ﺑﺲ ﻣﻦ ﺍﺗﺨﺮﺟﻮ ﻭﺍﺗﺰﻭﺟﻮ ﺍﺳﺘﻘﺮﻭ ﺑﺎﻟﻮﻻﻳﻪ ﺳﻮﻟﻔﺘﻠﻪ ﻛﻠﺸﻲ ﻭﻫﻮ ﺍﻟﻠﻪ ﻳﺠﺰﻱ ﺍﻟﺨﻴﺮ ﻣﺎﻗﺼﺮ ﻓﺎﺟﺄﻧﻲ ﻣﻦ ﮔﺎﻝ .. ﺑﻮﻳﻪ ﺍﻧﻪ ﺍﻟﮕﺎﻉ ﺍﻟﻠﻪ ﻳﺸﻬﺪ ﻣﺎﺑﺎﻳﻌﻬﺎ ﺑﺲ ﺍﻟﺨﺎﻃﺮﻙ ﻭﻷﻥ ﺍﻧﺖ ﺑﺎﻧﻲ ﺭﻭﺣﻚ ﺑﺮﻭﺣﻚ ﻭﺍﻋﺮﻑ ﻋﻤﻠﺔ ﻋﻤﺎﻣﻚ ﻭﻳﺎﻙ ﻭﺍﻧﻪ ﻣﺎﺍﻟﻲ ﺑﻴﻬﺎ ﻭﻣﺎﻋﻨﺪﻱ ﻭﻟﺪ ﻳﺮﻭﺡ ﻳﺪﺍﺭﻳﻬﺎ ﺍﻟﻜﺎﻉ ﺗﺒﻮﺭ ﻟﻮ ﻫﺠﺮﻫﺎ ﺭﺍﻋﻴﻬﺎ ﻭﻫﻲ ﮔﺎﻉ ﺯﻳﻨﻪ ﺑﻴﺪﻙ ﺗﺼﻴﺮ ﻭﺗﺼﻴﺮ ﻭﺗﺮﻯ ﻭﻛﻔﺎﺕ ﺍﺑﻮﻙ ﻫﻮﺍﻱ ﻭﻳﺎﻱ ﻟﻮ ﻻﻩ ﻣﺎﻭﺻﻠﻮ ﻭﻟﺪﻱ ﻭﺻﺎﺭﻭﻭ ﻣﺼﺎﺭﻳﻔﻬﻢ ﺟﺎﻧﺖ ﻋﻠﻴﻪ ﻭﻣﺜﻞ ﻣﺎﺩﺍﺭﺍﻫﻢ ﻭﻭﺻﻠﻬﻢ ﻭﺍﺑﻮﻫﻢ ﺑﺎﻟﻮﺟﻮﺩ ﺍﻧﻪ ﺍﺭﺩﻟﻪ ﺍﻟﺠﻤﻴﻞ ﺑﻐﻴﺎﺑﻪ ﺍﻟﻜﺎﻉ ﺍﻧﺖ ﺍﻟﺘﺴﺘﺎﻫﻠﻬﺎ ﻭﺍﻧﺖ ﺷﺎﺭﻳﻬﺎ ﻣﻨﻲ ﺑﻤﺎﻟﻚ ﻭﺗﻌﺒﻚ ﻣﻮ ﺻﺎﺣﺐ ﺟﻤﻴﻞ ﻋﻠﻴﻚ ﺍﻧﻪ ﺍﺭﻳﺪﻙ ﻣﻦ ﺗﺤﻂ ﺍﻳﺪﻙ ﺑﻴﻬﺎ ﺗﺸﻮﻓﻬﺎ ﺍﺛﻤﺎﺭ ﺗﻌﺒﻚ ﻣﻮ ﺍﺣﺴﺎﻥ ﻣﻦ ﺍﺣﺪ ﻻﺗﺨﺎﻑ ﻭﻟﻴﺪﻱ ﻣﺎﺍﻧﻄﻴﻬﺎ ﺑﻤﻼﻳﻴﻦ ﺍﻟﺪﻧﻴﺎ ﺍﻟﻜﺎﻉ ﻛﺎﻋﻚ ﻣﻦ ﺍﻟﻴﻮﻡ ﻭﺑﺎﺟﺮ ﻧﺘﻜﺎﺗﺐ ﻋﻠﻴﻬﺎ ﻭﺗﺪﻟﻞ ﺗﺸﻜﺮﺗﻪ ﻭﺑﺴﺖ ﺭﺍﺳﻪ ﻭﺍﻧﻪ ﺍﺣﺲ ﺍﻟﺪﻧﻴﺎ ﺑﺪﺕ ﺗﻮﺳﻊ ﻋﻠﻴﻪ ﺑﺎﺏ ﺍﻟﻔﺮﺝ ﺣﺘﻪ ﺍﻟﻬﻮﺍ ﺑﻴﻮﻣﻬﺎ ﺩﺧﻞ ﺭﻳﺘﻲ ﻏﻴﺮ ﺭﺩﻳﺖ ﺍﻻﻣﻲ ﺷﻔﺘﻬﺎ ﺿﺎﻳﺠﻪ ﻭﺗﻌﺒﺎﻧﻪ ﻭﺣﺪﻫﺎ ﺍﺑﻴﺖ ٦٠٠ ﻣﺘﺮ ﺑﻨﺎﺀ ﻭ ٤٠٠ ﺣﺪﻳﻘﺔ ﻭﮔﺮﺍﺝ ﺗﻔﺘﺮ ﺑﻲ ﻭﺣﺪﻫﺎ ﻣﺎﺧﺬ ﻣﻦ ﺣﻴﻠﻬﺎ ﻭﻣﻦ ﺭﺍﺣﺔ ﺑﺎﻟﻬﺎ ﻫﻮﺍﻱ ﺣﻴﻞ ﻳﻮﺣﺸﻬﺎ ﻣﺜﻞ ﻣﺎﻳﻮﺣﺸﻨﻲ ﻭﺍﻛﺜﺮ ﺣﺎﭼﻴﺘﻬﺎ ﺑﻔﺮﺣﻪ .. ﺍﺗﺒﺎﺭﻛﻴﻠﻲ ﻳﻤﻪ ﻓﺪﻭﻩ ﺍﺭﻭﺡ ﻟﺤﺮﻭﻑ ﺍﺳﻤﺞ ﺍﻧﻪ .. ﻛﻮﻟﻴﻠﻲ ﻣﺒﺮﻭﻙ ﺍﺑﺘﺴﻤﺖ ﻭﻻﻧﺖ ﻣﻼﻣﺤﻬﺎ .. ﻳﺒﻌﺪ ﺍﻣﻚ ﺍﻧﺖ ﻣﺒﺮﻭﻙ ﻳﻤﻪ ﻋﻠﻴﻤﻦ ﻏﻴﺮ ﺍﻋﺮﻑ ﺷﻨﻬﻲ ﻃﻠﻌﺖ ﻛﻠﻴﺔ ﺯﻳﻨﻪ ﺿﺤﻜﺖ ﻭﺿﺠﺖ ﺑﻨﻔﺲ ﺍﻟﻮﻛﺖ .. ﻳﺎﺯﻳﻨﻪ ﻳﻤﻪ ﻣﻌﺪﻟﻲ ﻣﺎﻝ ﻣﻌﻬﺪ ﺯﺍﻳﺪ ﻋﻠﻲ ﻣﻮ ﻛﻠﻴﺔ ﻏﻴﺮ ﺻﺮﺕ ﻣﻼﭺ ﻭﺭﺍﺡ ﺗﺘﺴﺠﻞ ﺍﻭﻝ ﮔﺎﻉ ﺑﺄﺳﻤﻲ ﻭﻣﻮ ﺍﻱ ﮔﺎﻉ ﻟﺒﺔ ﺍﻟﻜﻴﻌﺎﻥ ﻫﺎﻱ .. ﻳﺎﮔﺎﻉ ﻳﻤﻪ ﮔﺎﻟﺘﻬﺎ ﻭﻋﮕﺪﺕ ﺣﺎﺟﺒﻬﺎ ﻣﺎﻣﺼﺪﮔﻪ ﻭﺑﻴﻦ ﺍﻟﻲ ﺗﺮﻳﺪ ﺗﺼﺪﮒ ﻭﺗﺠﺬﺏ ﺍﻟﺨﺒﺮ .. ﻳﻤﻪ ﮔﺎﻉ ﺣﻤﻮﺩ ﺍﻟﺼﮕﺮ ﺍﺷﺘﺮﻳﺘﻬﺎ ﻣﻨﻪ ﺍﻟﻴﻮﻡ ﺗﻨﻬﺪﺕ ﺑﺮﺍﺣﻪ ﻭﻛﻤﻠﺖ ﻛﻼﻣﻲ ﻭﻫﻲ ﻉ ﻭﮔﻔﺘﻬﺎ ﻣﺎﺣﺠﺖ ﺷﻲ ﻭﻋﻴﻮﻧﻬﺎ ﺍﻟﺤﺎﺩﻩ ﻧﻈﺮﺗﻬﻦ ﺍﺣﺘﺪﺕ ﺍﻟﻤﺼﺎﻳﺐ ﺍﻟﻤﺮﺕ ﻋﻠﻴﻬﺎ ﻣﺎﺿﻌﻔﺘﻬﺎ ﮔﻮﺗﻬﺎ ﻭﺑﻜﺪ ﻣﺎﮔﻮﺗﻬﺎ ﺣﻨﻨﺘﻬﺎﺍﻣﻲ ﺧﻠﻴﻂ ﻣﻦ ﺍﻟﻤﺤﻨﻪ ﻭﺍﻟﻘﻮﻯ ﻛﻤﻠﺖ ﻛﻼﻣﻲ ﺑﺮﺍﺣﻪ ﺍﺭﻳﺪ ﺍﺭﻳﺤﻬﺎ ﻭﺣﺴﺴﻬﺎ ﺍﻟﻲ ﺑﺪﺍﺧﻠﻲ ﻳﻤﻪ ﮔﻴﻌﺎﻥ ﻋﻤﻲ ﻛﻠﻬﻦ ﺻﺎﺭﻥ ﺣﺪﺭ ﺍﻳﺪﻱ ﻭﺭﺣﻤﺘﻲ ﺍﻟﻤﺎﻱ ﻛﻠﻪ ﺑﻴﺪﻱ ﻭﺟﻨﻬﻢ ﻋﻠﻴﻬﺎ ﻭﻳﺪﻟﻠﻮﻥ .. ﻳﺒﻌﺪ ﺍﻣﻚ ﻣﺒﺎﺭﻙ ﺑﺲ ﻓﺪﻭﻩ ﺍﺭﻭﺡ ﻟﺠﺪﺍﻣﻚ ﻳﺒﻌﺪ ﺟﺪﺍﻣﻲ ﻣﺎﻟﻲ ﺣﻴﻞ ﺍﻟﻄﻼﻳﺐ ﺍﻧﻪ ﻭﺍﻟﻴﺎﺧﺬ ﺣﮓ ﺍﻳﺘﺎﻡ ﺍﻟﻠﻪ ﻋﺎﻣﻲ ﻭﻣﻌﺜﺮﻩ ﻳﻜﺘﻞ ﻭﻣﺎﻳﺮﻓﻠﻪ ﺟﻔﻦ ﺍﺧﺎﻓﻦ ﻋﻠﻴﻚ ﻳﺒﻌﺪ ﺍﻣﻚ ﺍﻧﺖ .. ﺧﻠﻚ ﻋﺎﻛﻞ ﻻﺗﮕﻄﻌﻬﺎ ﻓﺮﺩ ﺩﻭﺭ ﺑﺲ ﻗﻠﻞ ﺍﻟﻤﺎﻱ ﺍﻋﻠﻴﻬﻢ ﻭﻣﻠﻠﻬﻢ ﺑﺤﺠﺔ ﻋﻄﻞ ﺍﻟﻤﻜﺎﻳﻦ ﻭﻣﻮ ﻫﺴﺎﻉ ﺑﻌﺪ ﺷﻬﺮ ﺯﻣﺎﻥ ﺍﻛﺜﺮ ﺧﻠﻬﻢ ﻳﺘﺎﻧﻮﻥ ﺑﺨﻮﻭﻑ ﺍﻟﺨﺎﻳﻒ ﻻﺗﻮﺍﺟﻬﻪ ﺑﺴﺎﻉ ﺗﺮﺍﻩ ﻳﻄﻠﻊ ﻗﻮﺗﻪ ﻛﻠﻬﺎ ﻋﻠﻴﻚ ﺧﻠﻪ ﻳﺘﺎﻧﻲ ﺍﻟﻮﻛﺖ ﻳﻀﻌﻒ ﻗﻮﺗﻪ ﺷﻮﻱ ﺷﻮﻳﻪ ﻭﻳﺼﻴﺮ ﻳﺮﻳﺪ ﺍﻟﻤﻔﻜﻪ ﻭﺑﺲ ﺿﺤﻜﺖ ﻣﻦ ﻛﻞ ﮔﻠﺒﻲ ﻭﺍﺣﺲ ﺍﻭﻝ ﻣﺮﻩ ﻫﻴﺞ ﺍﺿﺤﻚ .. ﺍﺭﻭﺡ ﻓﺪﻭﻩ ﺍﻻﻡ ﻋﻘﻞ ﺍﻟﺠﺒﻴﺮ ﺍﺳﻢ ﺍﻟﻠﻪ ﻉ ﻃﻮﻟﺞ ﻭﺍﺟﺪﺍﻣﺞ ﻳﺒﻌﺪ ﻋﻤﺎﻣﻲ ﻛﻠﻬﻢ . ﺟﺎﺍﻧﻪ ﻣﺎﻣﻔﻜﺮ ﺑﻜﺜﺮﺝ ﻃﻠﻌﺘﻲ ﺍﻧﺘﻲ ﺍﺑﺪﻉ ﻣﻨﻲ ﻭﺍﻧﻄﻴﺘﻴﻨﻲ ﺣﻞ ﺑﺪﻭﻥ ﻣﺎﺍﺗﻌﺐ ﻫﺬﺍ ﺍﺷﺮﺗﻠﻬﺎ ﻉ ﻋﻘﻠﻲ .. ﻋﺴﺎﻩ ﻣﺎﻳﺘﻌﺐ ﻫﻮ ﻭﺭﺍﻋﻴﻪ ﻭﻫﺴﻪ ﻋﻨﺪﻱ ﻭﻳﺎﻙ ﺣﭽﺎﻳﻪ .. ﮔﻮﻟﻲ ﻳﻤﻪ ﺍﺳﻤﻌﺞ ﺍﻧﻪ .. ﺍﺧﺘﻚ ﻳﻤﻦ ﺗﺮﻭﺣﻠﻚ ﻓﺪﻭﻩ .. ﺷﺒﻴﻬﺎ ؟ ﮔﻠﺘﻬﺎ ﺍﺑﺮﻭﺩ ﻋﻜﺲ ﺍﻟﻨﺎﺭ ﺍﻟﺸﺎﺑﻪ ﺣﺪﺭ ﺍﺿﻠﻮﻋﻲ ﺷﺎﻳﻞ ﻋﻠﻴﻬﺎ ﻫﻮﺍﻱ ﺳﻮﻳﺖ ﺭﻭﺣﻲ ﻣﺎﻣﻬﺘﻢ ﻭﺍﻧﻪ ﻣﺘﺎﻧﻲ ﺍﻣﻲ ﺗﻜﻤﻞ ﻭﺍﻋﺮﻑ ﺷﺒﻴﻬﺎ ﻭﺍﺟﺖ ﺍﺑﺎﻟﻲ ﻣﻄﮕﻮﻛﻪ ﻣﻦ ﺯﻟﻤﺘﻬﺎ ﻟﻮ ﺍﺣﺪ ﻫﺎﻳﻨﻬﺎ .. ﻭﺩﺕ ﻋﻠﻲ ﺗﺮﻳﺪ ﺗﺰﻭﺭﻧﻲ .. ﺍﻱ ؟ .. ﺍﻱ ﻭﺍﻧﻪ ﺭﻓﻀﺖ ﺟﻴﺘﻬﺎ ﺑﺲ ﮔﻠﺒﻲ ﻋﻠﻴﻬﺎ .. ﻭﻋﻠﻴﺶ ﺗﺮﻓﻀﻴﻦ ﺟﻴﺘﻬﺎ ﻳﻤﻪ .. ﺟﺎﺍﺧﻠﻴﻬﺎ ﺗﻌﺘﺐ ﺑﺎﺑﻚ ﻋﮕﺐ ﻣﺎﻛﺴﺮﺕ ﺣﭽﺎﻳﺘﻚ ﭼﺎ ﻋﺰﻳﻨﻪ ﻋﻠﻴﻬﺎ ﻣﻦ ﺗﺎﻟﻲ ﻣﻮ ﻛﺎﻟﺖ ﻋﻮﻓﻮﻧﻲ ﻭﺍﺭﺗﺎﺣﻮ ﺍﻟﻤﻦ ﺭﺍﺩﺗﻠﻲ ﻛﺘﻠﻬﻢ ﮔﻮﻟﻮﻟﻬﺎ ﻣﺎﺗﺖ ﻭﻱ ﺍﺧﻮﺍﻧﻬﺎ ﻭﺯﺍﺩﺕ ﻧﻌﺎﻭﻳﻲ ﺍﺑﻴﺎﺕ ﺍﺭﺛﻴﻬﻦ ﺑﻴﻬﺎ .. ﻳﻤﻪ ﺍﻟﻲ ﻳﺮﻳﺤﺞ ﺳﻮﻱ ﺗﺮﺩﻳﻨﻬﺎ ﺗﺠﻴﺞ ﺧﻞ ﺗﺠﻴﺞ ﺑﺲ ﻛﻮﻟﻴﻠﻲ ﺣﺘﻪ ﻣﺎﺍﺟﻲ ﻣﻨﺎ ﻟﻤﻦ ﺗﺮﻭﺡ ﺩﺍﺭﻫﺎ ﺧﺎﻑ ﻧﻌﻮﻓﻬﺎ ﻭﻳﻮﻟﻮﻫﺎ ﺑﻴﺖ ﺍﺑﻮﻫﺎ ﻫﺬﺍ ﺣﺠﻴﻪ .. ﺧﻠﻬﺎ ﻫﺴﻪ ﺧﻞ ﺗﻌﺮﻑ ﺍﻟﺴﻮﺗﻪ ﻣﻮ ﺷﻮﻳﻪ .. ﺍﻟﻲ ﺗﺸﻮﻓﻲ ﻳﻤﻪ ﺑﻌﺪ ﻻﺗﺠﻴﺒﻴﻦ ﻃﺎﺭﻳﻬﺎ ﻳﻤﻲ ﻣﺎﺗﻬﻤﻨﻲ ﺷﻨﻬﻲ ﺍﻟﻲ ﺗﺸﻮﻓﻲ ﺳﻮﻱ ﺍﻧﺘﻲ ﺍﺭﻭﺡ ﺍﺭﺗﺎﺡ ﺍﻧﻪ .. ﺭﻭﺡ ﻳﻤﻪ ﺍﻟﻠﻪ ﻳﺮﻳﺤﻚ .. ﺭﺣﺖ ﺍﻟﻐﺮﻓﺘﻲ ﻭﺍﺑﺎﻟﻲ ﺍﻗﺪﻡ ﺑﻤﺎﺣﻔﻈﺘﻲ ﺣﺘﻪ ﺍﺭﻭﺡ ﻭﺍﺭﺟﻊ ﻉ ﺍﻣﻲ ﻭﺷﻐﻠﻲ ﻫﻢ ﻳﺮﺍﺩ ﻭﻟﻮ ﺍﻗﺪﻡ ﻣﺴﺎﺋﻲ ﺍﺣﺴﻦ ﺗﻔﻴﺪﻧﻲ ﺍﻟﺼﺒﺤﻴﻪ ﺛﺎﻧﻲ ﻳﻮﻡ ﺭﺣﺖ ﻭﺍﺗﻜﺎﺗﺒﻨﻪ ﻉ ﺍﻟﮕﺎﻉ ﺭﺳﻤﻲ ﻭﺭﺣﺖ ﻟﻠﻜﺎﻉ ﻭﻫﺎﻟﻤﺮﻩ ﺍﺣﺲ ﺍﻣﺸﻲ ﻓﻮﮒ ﺍﻟﻐﻴﻢ ﻣﻮ ﺣﺎﻟﻲ ﺣﺎﻝ ﺍﻟﻮﺍﺩﻡ ﻭﺳﺎﻡ . ﺑﻴﻮﻣﻬﺎ ﻣﺎﻓﺎﺭﻛﻨﻲ ﻛﻞ ﻣﺎﺍﻛﻠﻪ ﺭﻭﺡ ﻳﺘﺤﺠﺞ ﺑﺎﻟﻮﻧﺴﻪ ﻭﺍﻟﺴﻮﺍﻟﻒ ﻭﺍﺑﺎﻟﻲ ﺍﻋﺮﻓﻪ ﺷﺎﻙ ﺑﻌﻤﺎﻣﻲ ﻳﻬﺪﻭﻥ ﻟﻮ ﻳﺘﺤﺮﺷﻮﻥ ﻭﻳﺮﻳﺪ ﻳﻈﻞ ﻳﻤﻲ..قصص عراقيه حقيقيه من واقعنا.روعه الطائي ﺣﺴﻴﺖ ﺑﺪﺕ ﻣﺮﺣﻠﻪ ﺟﺪﻳﺪﻩ ﺑﺤﻴﺎﺗﻲ ﻭﺻﺮﺕ ﻳﻮﻣﻴﻪ ﺍﻛﺮﻳﻬﺎ ﻭﺍﺯﺭﻋﻬﺎ ﻭﺍﻫﺘﻢ ﺑﻴﻬﺎ ﻭﺍﺗﻐﻴﺮﺕ ﻫﻮﺍﻱ ﺍﺣﺲ ﺍﻧﻪ ﻣﻮ ﺍﻧﻪ ﻧﻔﺴﻲ ﻗﻞ ﻛﻼﻣﻲ ﻭﻃﺎﻝ ﺻﻤﺘﻲ ﻭﺣﺘﻪ ﺍﻣﻲ ﺻﺎﺭﺕ ﻣﻮ ﻓﺎﻫﻤﺘﻨﻲ ﻭﺍﺣﺴﻬﺎ ﺗﺮﻳﺪ ﺗﻘﺮﺍﻧﻲ ﺑﺪﻭﻥ ﻣﺎﺗﺴﺄﻝ ﺷﺒﻴﻪ ﺑﺲ ﻣﻮ ﻧﻔﺴﻲ ﺍﻧﻪ ﺗﻐﻴﺮﺕ ﻭﻣﺎﻋﺪﺕ ﺍﻧﻘﺮﻱ ﻣﺜﻞ ﮔﺒﻞ ﺍﺣﺲ ﺃﻧﻪ ﻣﻮ ﻋﺎﺭﻑ ﺭﻭﺣﻲ ﻣﺎﭼﻨﺖ ﻫﻴﭻ ﺍﻧﻪ ﺍﺷﺘﻐﻞ ﻓﻜﺮﻱ ﻉ ﺷﻲ ﺍﺳﺘﻐﻞ ﺍﻟﺘﺸﺘﺖ ﺍﻟﺼﺎﺭﺕ ﺑﻲ ﺍﻟﻌﺸﻴﺮﺓ ﻭﻋﺪﻡ ﺍﻫﺘﻤﺎﻡ ﻋﻤﻲ ﺑﻌﻤﺎﻣﻪ ﻭﻭﻟﺪ ﻋﻤﻪ ﻭﺷﻴﺦ ﻋﻠﻴﻬﻢ ﻭﺍﺣﺪ ﻣﻦ ﻏﻴﺮ ﻋﻤﺎﻡ ﻭﻣﻮ ﺫﺍﻙ ﺍﻟﻴﺴﻮﻯ ﻳﺘﺼﺪﺭ ﻋﻤﺎﻣﻲ ﺍﻟﺒﺎﻗﻲ ﻭﻟﺪ ﻋﻢ ﺍﺑﻮﻱ ﻭﺑﺎﻗﻲ ﺍﺯﻻﻡ ﻋﺸﻴﺮﺗﻪ ﻧﺸﻄﺖ ﺻﻔﺤﻪ ﺑﺎﻟﺘﻮﺍﺻﻞ ﺑﺄﺳﻤﻲ ﻭﻇﻠﻴﺖ ﺍﻋﻴﺪ ﺑﻴﻬﺎ ﺍﻣﺠﺎﺩ ﺍﺟﺪﺍﺩﻱ ﻭﺍﺑﻮﻱ ﻭﻭﮔﻔﺎﺗﻬﻢ ﻭﺣﻠﻬﻢ ﻟﻠﻄﻼﻳﺐ ﺻﺎﺭﺕ ﺍﻟﻨﺎﺱ ﺗﺘﺮﺣﻢ ﺍﻷﻳﺎﻣﻬﻢ ﻭﺗﻘﺎﺭﻥ ﺑﻴﻦ ﮔﺒﻞ ﻭﻫﺴﻪ ﺍﻟﻴﻘﺮﺃ ﻭﻳﺘﺎﺑﻊ ﻣﺎﻳﻈﻦ ﺍﻟﻲ ﻗﺼﺪ ﺑﻲ ﺑﺲ ﺍﻧﻪ ﺍﻋﺮﻑ ﻫﺎﻟﺸﻲ ﻳﺄﺛﺮ ﺑﻴﻮﻡ ﻧﺰﻟﺖ ﺍﺑﻴﺎﺕ ﻋﺠﺒﻨﻲ ﻭﻣﻦ ﺳﻤﻌﺘﻬﻦ ﺻﺎﺭ ﻻﺯﻡ ﺍﺑﺪﻱ ﺑﺄﻭﻝ ﺗﻐﻴﻴﺮ ﺑﻨﻔﺴﻲ ﻣﻦ ﺍﻟﻴﻮﻡ ﺍﺣﺲ ﺍﻻﺑﻴﺎﺕ ﻗﺎﺻﺪﺗﻨﻲ ﻭﻻﺯﻡ ﺍﺗﺤﺮﻙ ﺑﻌﺪ ﻣﻮ ﻣﺎﻝ ﺍﻇﻞ ﻋﺴﻮﻟﻒ ﺑﻄﻴﺐ ﺍﻫﻠﻲ ﻭﺑﺲ ﺍﺣﺲ ﺻﺮﻧﻪ ﻣﻀﺤﻜﻪ ﺍﻟﺒﺎﻗﻲ ﺍﻟﻌﺸﺎﻳﺮ ﻧﺰﻟﺘﻬﻦ ﻭﺍﺭﺩ ﺍﺿﻮﻑ ﺷﭽﻢ ﻭﺍﺣﺪ ﻭﺍﻋﻲ ﻟﻼﺭﻳﺪﻩ ﺷﭽﻢ ﻭﺍﺣﺪ ﺿﺎﻳﺞ ﻣﻦ ﻭﺿﻌﻪ ﻭﻭﺿﻊ ﺍﻫﻠﻪ ﻭﻋﻤﺎﻣﻪ ﻭﺷﭽﻢ ﺩﻭﺏ ﺍﻟﻐﺮﺏ ﻳﺘﺤﻜﻤﻮﻥ ﺑﻴﻨﻪ ﺑﺤﺠﺔ ﺍﻟﻨﺴﺒﺔ ﻭﺍﻟﺘﻘﺪﻳﺮ ﺍﻟﻴﮕﻀﺎ ﻳﺤﻂ ﺗﺎﺭﻳﺦ ﻭﻻﻳﺘﺴﻮﻟﻒ ﺑﻈﻬﺮﻩ ﺍﻟﻤﺎﻳﺮﻛﺐ ﻫﺮﺍﻩ ﺍﻟﻜﺪﺵ ﺗﻌﺒﺮﻩ ﺳﻔﺮﻩ ﺍﻟﺪﻧﻴﺎ ﺑﻴﻬﺎ ﺃﺗﻌﺮﻑ ﺭﺑﻌﻚ ﻭﻳﻦ ﺍﺑﻮ ﺧﻠﮓ ﺍﻟﻄﻮﻳـــﻞ ﻳﺒﺎﻥ ﺑﺎﻟﺴﻔﺮﻩ ﻣﻮﺵ ﺍﺟﻮﺍﺩ ﺍﻛﻮﻭ ﻭﻟﺒﺴﻮﻭ ﻫﺪﻭﻡ ﺍﺟﻮﺍﺩ ﺍﻟﻴﺠﻴﻬﺎ ﻣﻦ ﻛﺒﺮ ﻣﻮ ﻣﺜﻞ ﺍﻟﺒﺰﻏﺮﻩ ﺑﻴﻮﻣﻬﺎ ﻫﺎﻻﺑﻴﺎﺕ ﻋﺒﺎﻟﻚ ﺛﻮﺭﻩ ﺻﺎﺭﺕ ﺑﻴﻦ ﺍﻟﻌﻤﺎﻡ ﻭﺍﻧﻌﺮﻑ ﻣﻘﺼﻮﺩ ﺍﻻﺑﻴﺎﺕ ﻭﺍﻟﻐﺎﻳﻪ ﻣﻨﻬﻦ ﺷﻨﻲ ﺍﻟﻲ ﻳﻌﻠﻘﻮﻥ ﺍﻛﺜﺮﻫﻢ ﺷﺒﺎﺏ ﺍﻟﻲ ﻳﻜﻮﻝ ﺍﺭﻛﺐ ﻇﻬﻮﺭﻫﻦ ﻭﺍﺣﻨﻪ ﻭﻳﺎﻙ ﻭﺍﻟﻲ ﻛﺎﺗﺐ ﺍﺗﻮﻛﻞ ﻭﻫﻲ ﺗﻠﻮﮔﻠﻚ ﻣﺎﻛﻮ ﺷﻲ ﻳﻬﻤﻨﻲ ﺑﻌﺪ ﺍﻟﻲ ﺍﺭﻳﺪﻩ ﺟﺎﻱ ﺍﻭﺻﻠﻪ ﺑﺲ ﻛﻞ ﺧﻄﻮﻩ ﺍﻣﺸﻴﻬﺎ ﺑﺘﺄﻧﻲ ﺭﺍﻓﻊ ﺭﺍﺳﻲ ﻭﺍﺛﻖ ﻣﻦ ﺭﻭﺣﻲ ﻣﺎﺍﺭﻳﺪ ﺍﺭﻛﺾ ﻭﺍﺗﻠﻔﺖ ﻭﺍﺧﺮﺏ ﻛﻠﺸﻲ ﺍﺭﻳﺪ ﺍﻣﺸﻲ ﻉ ﻫﺬﺍ ﺍﻟﻤﺴﺎﺭ ﻣﻬﻤﺎ ﻃﺎﻝ ﻣﻦ ﺍﻭﺻﻠﻪ ﺍﻭﺻﻞ ﻭﺍﻧﻪ ﻣﺮﺗﺎﺡ ﺍﻛﺜﺮ ﻭﻣﺴﻴﻄﺮ ﻣﺎﺭﺩﻳﺖ ﻉ ﺍﺣﺪ ﺑﻴﻮﻣﻬﺎ ﻣﻦ ﻃﻠﻌﺖ ﺍﻟﻜﺎﻋﻲ ﺷﻔﺖ ﻋﻤﻲ ﺟﺎﻱ ﻣﻦ ﺍﺑﻌﻴﺪ ﺻﻮﺑﻲ ﺳﻠﻢ ﻭﮔﺎﻝ .. ﺷﻨﻬﻲ ﺍﻟﻲ ﺗﺮﻳﺪﻩ .. ﺍﻟﻲ ﺍﺭﻳﺪﻩ ﻫﻮﺍﻱ ﻳﺼﻌﺐ ﻋﻠﻴﻚ ﺗﺴﻤﻌﻪ ﻭﺣﭽﺎﻳﺘﻲ ﻣﺎﺍﺣﺐ ﺍﻋﻴﺪﻫﺎ .. ﺟﺎﻳﻚ ﻭﺍﺳﺄﻟﻚ ﺷﻨﻬﻲ ﺍﻟﻲ ﺗﺮﻳﺪﻩ .. ﻫﻮﺍﻱ ﺍﺭﻳﺪ .. ﺍﮔﺪﺭ ﻋﻠﻴﻬﻦ .. ﻟﻮ ﺗﮕﺪﺭ ﮔﺘﻠﻚ ﺑﺲ ﺍﻧﻪ ﻣﺎﺍﻓﺸﻞ ﺭﻭﺣﻲ ﻭﺍﻃﻠﺐ ﺣﺎﺟﺘﻲ ﻣﻦ ﻳﺎﻫﻮ ﺍﻟﭽﺎﻥ .. ﻳﻌﻨﻲ ﺍﻧﻪ ﻣﻮ ﺍﻫﻞ ﺍﻟﺤﺎﺟﺘﻚ .. ﺍﻧﺖ ﺍﻋﺮﻑ ﺑﺮﻭﺣﻚ .. ﻟﻴﺶ ﻣﺎﺗﺤﺎﭼﻴﻨﻲ ﻋﺪﻝ ﻭﺍﻧﻪ ﺟﺒﻴﺮﻙ .. ﻣﺤﺪ ﺟﺒﻴﺮﻱ ﺑﺲ ﺍﻟﻠﻪ .. ﺭﻭﺡ ﺍﻟﺒﻴﺘﻚ ﺍﺑﻮ ﻋﻠﻲ ﮔﺎﻋﻲ ﻻ ﺍﺩﻭﺳﻬﺎ ﻣﺎﺗﺘﺤﻤﻞ ﺍﺟﺪﺍﻣﻚ ﺧﺎﻓﻨﻬﺎ ﺗﺒﻮﺭ ﻻﺗﺸﻴﻞ ﺧﺸﻤﻚ ﻭﻻﺗﻨﻐﺮ ﻣﻮ ﮔﺪﻧﻪ ﺍﻧﺖ .. ﺍﻷﻳﺎﻡ ﺗﺜﺒﺘﻠﻚ ﺍﻧﻪ ﮔﺪﻫﺎ ﻟﻮ ﻻ ﭼﻨﺖ ﺗﺴﺄﻝ ﺷﺮﻳﺪ ﻭﻫﺴﻪ ﺍﺗﻬﺪﺩ ﺣﺘﻪ ﺗﻌﺬﺭﻧﻲ ﻣﻦ ﺍﺷﻮﻓﻚ ﻣﻮ ﮔﺪ ﺍﻟﺤﭽﺎﻳﻪ ﺍﻟﻤﻮ ﮔﺪﻙ ﺭﺍﺡ ﺫﺍﻙ ﻣﺎﻫﺮ ﮔﺒﻞ ﺍﻟﮕﺪﺍﻣﻚ ﻳﺒﻠﻌﻚ ﺍﻧﺖ ﻭﺍﻭﻻﺩﻙ ﻭﻋﻴﻨﻚ ﺗﺸﻮﻑ ﺷﻠﻮﻥ ﺍﻃﻴﺤﻮﻥ ﻭﺍﺣﺪ ﻭﺍﺣﺪ ﺑﺲ ﺑﻬﺪﺍﻭﻩ ﺣﺘﻰ ﻛﻞ ﻣﺼﻴﺒﻪ ﺗﺠﻴﻜﻢ ﺗﺎﺧﺬ ﺣﮕﻬﺎ ﻭﺣﺪﻩ ﻓﻮﻙ ﻭﺣﺪﻩ ﻣﺎ ﻳﻨﺤﺲ ﺑﻴﻬﻦ ﺭﺟﻌﺖ ﺍﻟﺒﻴﺖ ﻟﮕﻴﺖ ﺍﻣﻲ ﺑﺎﻟﺒﺎﺏ ﻋﮕﺪﺕ ﺣﺎﺟﺒﻲ ﻭﺍﺣﺘﺪﺕ ﻧﻈﺮﺓ ﻋﻴﻨﻲ ﻣﻦ ﺷﻔﺘﻬﺎ ﻭﺷﻔﺖ ﺧﻮﻓﻬﺎ ﻋﺮﻓﺖ ﺟﺎﻳﻬﺎ ﺍﺣﺪ ﻣﺨﺒﺮﻫﺎ ﺑﺸﻲ ﺑﺲ ﻣﻮ ﺍﻧﻪ ﺫﺍﻙ ﺍﻟﺰﻏﻴﺮ ﺍﻟﻴﻨﻮﮔﻔﻠﻪ ﺑﺎﻟﺒﺎﺏ ﻻ ﻳﺘﻌﻮﺭ .. ﺧﻴﺮ ﻳﻤﻪ ﺷﻤﻮﮔﻔﺞ ﻫﻨﺎ .. ﺷﺼﺎﻳﺮ ﻳﻤﻪ ﺷﻨﻬﻲ ﺍﻟﺴﻤﻌﺘﻪ .. ﻭﺍﻧﻪ ﻣﻨﻴﻦ ﺍﻋﺮﻑ ﺍﻟﺴﺎﻣﻌﺘﻪ ﺍﻧﺘﻲ .. ﻻﺗﻐﺸﻢ ﺭﻭﺣﻚ ﻣﺎﻫﺮ .. ﻳﻤﻪ ﺍﺭﺗﺎﺣﻲ .. ﭼﺎﮔﻮﻝ ﺍﺭﻳﺪ ﺍﻣﻮﻭﺗﺞ .. ﻫﺎﺍ ؟ .. ﻣﺎﻫﺮ ﺷﻠﻚ ﺑﺎﻟﺸﻴﺨﻪ ﻳﻤﻪ .. ﻭﻳﺎﻫﻮ ﺍﻟﻤﻴﺖ ﻋﻠﻴﻬﺎ .. ﭼﺎﻟﻴﺶ ﻣﻄﺎﻟﺐ ﻋﻤﺎﻣﻚ ﺑﻴﻬﺎ .. ﻟﻮﺭﺩﺗﻬﺎ ﺍﺧﺬﻫﺎ ﻣﻦ ﻋﻴﻮﻧﻬﻢ ﻣﺎﺍﻃﻠﺒﻬﺎ ﻣﻨﻬﻢ ﺑﺲ ﻣﺎﻫﻮ ﻭﻛﺘﻬﺎ ﺳﺮﻭﺭ .. ﺍﺑﻦ ﻋﻤﻲ ﺍﺣﺒﻪ ﻣﻦ ﺍﻟﺰﻏﺮ ﻭﻫﻮ ﻳﺤﺒﻨﻲ ﺣﻴﻞ ﺻﺢ ﻣﺎﺧﺬﻩ ﻣﻮﻗﻒ ﻣﻦ ﻋﻤﺎﻣﻲ ﺑﺲ ﺍﺑﺎﻟﻲ ﺍﺣﻨﻦ ﺍﻟﮕﻠﻮﺏ ﻭﺍﺳﺎﻋﺪﻫﻢ ﻳﺘﻮﺍﺻﻠﻮﻥ ﺍﺑﻴﻨﻬﻢ ﭼﺎﻥ ﻛﺮﺍﺭ ﻳﺤﭽﻴﻠﻲ ﻋﻜﺲ ﻣﺎﻫﺮ ﻳﻜﻮﻝ ﻣﺸﺘﺎﻗﻠﻪ ﻭﻧﺤﺒﻪ ﻭﻧﺮﻳﺪﻩ ﻭﻫﻮ ﻣﺠﺎﻓﻴﻨﻪ ﺻﻴﺮﻱ ﺍﻟﻲ ﻭﺍﻛﻴﺪ ﺍﻟﻜﺮﺍﻫﻴﻪ ﺗﺮﻭﺡ ﻭﺍﻟﺠﻔﺎ ﻳﻮﻟﻲ ﻭﺍﻟﻌﻤﺎﻡ ﺩﻣﻬﻢ ﻣﺎﻳﺼﻴﺮ ﻣﺎﻱ ﻣﻬﻤﺎ ﻛﺎﻥ ﻣﻦ ﺍﺟﻴﺖ ﺍﻟﻜﻞ ﻋﺎﻣﻠﻮﻧﻲ ﺑﻄﻴﺐ ﻭﺣﺒﻮﻧﻲ ﺑﺲ ﺍﻟﺤﭽﻲ ﺍﺗﻐﻴﻴﺮ ﺑﻴﻮﻡ ﺍﻟﻈﻠﻴﺖ ﻋﺪﻫﻢ ﻭﻋﺎﺷﺮﺗﻬﻢ ﺩﻭﻣﻬﻢ ﻳﺤﭽﻮﻥ ﻉ ﺍﺧﻮﻱ ﻳﻤﻲ ﻭﺍﺣﺲ ﺳﺠﻴﻨﻪ ﻭﺗﻄﻌﻦ ﺑﮕﻠﺒﻲ ﺍﻛﻠﻨﻲ ﺍﻟﻨﺪﻡ ﭼﻲ ﻋﻔﺘﻪ ﻭﺻﺮﺕ ﺍﺑﭽﻲ ﻳﻮﻣﻴﻪ ﺷﻠﻮﻥ ﺍﮔﺪﺭ ﺍﻗﻨﻌﻪ ﻳﺤﺎﺟﻴﻨﻲ ﻭﺍﺩﺭﻱ ﻫﺎﻟﺸﻲ ﺻﻌﺐ ﻛﻠﺶ ﺍﺧﻮﻱ ﻟﻮ ﺍﺧﺬ ﻣﻮﻗﻒ ﺑﻌﺪ ﻣﺎﻳﺘﺮﺍﺟﻊ ﻋﻨﻪ ﺑﻴﻮﻡ ﺍﺷﻮﻑ ﺍﻟﻮﻟﺪ ﻣﺨﺘﺒﺼﻴﻦ ﻭﺣﺎﻳﺴﻴﻦ ﺍﺑﻴﻨﻬﻢ ﻋﺮﻓﺖ ﻣﺎﻫﺮ ﻣﺸﺘﺮﻱ ﮔﺎﻉ ﻓﺮﺣﺘﻠﻪ ﻣﻦ ﮔﻠﺒﻲ ﻭﻇﻠﺖ ﺍﻟﺤﺴﺮﺓ ﺑﮕﻠﺒﻲ ﻛﻞ ﻣﺎﺟﺎﺑﻮ ﻃﺎﺭﻳﻪ ﺍﻟﺤﺪ ﻣﺎﺣﺎﺟﻴﺖ ﺣﻤﺎﻱ ﺍﻟﺰﻏﻴﺮ ﻭﻛﺘﻠﻪ ﻻ ﺗﺤﭽﻲ ﻋﻠﻴﻪ ﺑﻌﺪ ﻣﺎﺳﻤﻌﺘﻪ ﻳﺴﺐ ﻭﻳﺤﭽﻲ ﺑﻴﻮﻣﻬﺎ ﺑﻴﻨﺖ ﻭﺟﻮﻫﻢ ﻭﻛﻞ ﻭﺍﺣﺪ ﺑﻴﻬﻢ ﻃﻠﻊ ﺍﻟﺒﮕﻠﺒﻪ ﺣﺘﻰ ﺍﻟﻨﺴﻮﺍﻥ ﺻﺎﺭﻥ ﻳﺼﻔﻦ ﻭﻳﻌﺪﻥ ﻣﻦ ﺍﺟﻪ ﻛﺮﺍﺭ ﺻﻌﺪﻧﻲ ﻓﻮﮒ ﺍﻟﻐﺮﻓﺘﻲ ﻭﺍﻋﺘﺬﺭ ﻣﻨﻲ ﻭﻫﻮ ﻳﺤﺐ ﺭﺍﺳﻲ .. ﻟﻴﺶ ﺗﺤﺎﺟﻴﻨﻬﻢ ﻭﺍﻧﻪ ﺍﺭﻳﺪ ﺗﮕﻀﻲ ﻫﺎﻟﻔﺘﺮﻩ ﻭﻧﺮﻭﺡ ﺍﻟﺒﻴﺘﻨﻪ ﻣﻦ ﻳﻜﻤﻞ .. ﭼﺎ ﺍﺳﻤﻌﻬﻢ ﻳﺤﭽﻮﻥ ﻉ ﺍﺧﻮﻱ ﻭﺍﺳﻜﺖ .. ﺍﻱ ﺍﺳﻜﺘﻲ ﺍﻟﺤﺪ ﻣﺎﺗﻨﺤﻞ ﺗﺮﺩﻳﻦ ﺍﻟﺼﺪﮒ ﺍﻧﻪ ﺍﺗﻌﺐ ﻭﺍﻧﻪ ﺍﻟﻴﻴﻦ ﮔﻠﻮﺏ ﺍﺑﻮﻱ ﻭﻋﻤﺎﻣﻲ ﻭﺍﺣﻨﻨﻬﻢ ﻋﻠﻴﻪ ﻭﻳﺴﻮﻱ ﺳﻮﺍﻟﻒ ﺍﺗﻐﺜﻬﻢ ﺍﻛﺜﺮ ﺍﻟﻴﻮﻡ ﻣﻨﺰﻝ ﺍﺑﻴﺎﺕ ﻣﻘﺼﻮﺩﻩ ﻭﺧﻼﻫﻢ ﺷﺎﻳﻄﻴﻦ ﻭﺍﻧﻪ ﺧﺎﻳﻒ ﻳﺄﺫﻭﻧﻪ ﻭﺍﻟﻠﻪ ﺧﻮﻓﻲ ﻋﻠﻴﻪ ﺍﻛﺜﺮ ﻣﻨﺞ ﺗﻌﺮﻓﻴﻨﻲ ﺷﮕﺪ ﺍﺣﺒﻪ ﺑﻜﺜﺮ ﻣﺎﺍﺣﺒﺞ ﻋﻮﻓﻴﻬﻢ ﻭﺧﻠﻴﻬﻢ ﻋﻠﻲ ﺍﻧﻪ ﺍﺣﺎﺟﻴﻬﻢ ﻻﺗﻨﺰﻟﻴﻦ ﻇﻠﻲ ﻫﻨﺎ ﻭﻋﺸﺎﺝ ﺍﻧﻪ ﺍﺟﻴﺒﻪ..قصص عراقيه حقيقيه من واقعنا.روعه الطائي ﻣﺴﺤﺖ ﺩﻣﻮﻋﻲ ﻭﻛﻼﻣﻪ ﺭﻳﺤﻨﻲ ﺷﻮﻳﻪ ﻭﻓﺮﺣﺖ ﻣﻦ ﮔﺎﻝ ﻳﺨﻠﻴﻬﻢ ﻳﺸﻴﻄﻮﻥ ﻳﺴﺘﺎﻫﻠﻮﻥ ﮔﺒﻞ ﺍﮔﻠﻪ ﻻ ﺗﺤﻘﺪ ﻋﺒﻨﻲ ﺛﻮﻟﻪ ﻭﻏﺒﻴﻪ ﻳﺴﺘﺎﻫﻠﻮﻥ ﺍﻛﺜﺮ ﻭﺍﻟﻠﻪ ﮔﺎﻋﺪﻩ ﺑﻐﺮﻓﺘﻲ ﻭﻋﻠﺖ ﺍﻻﺻﻮﺍﺕ ﻭﺻﺎﺭ ﺻﻮﺕ ﻋﻤﻲ ﺍﻋﻠﻰ ﺧﻠﻴﺖ ﺍﻳﺪﻱ ﻉ ﮔﻠﺒﻲ ﺧﻔﺖ ﻭﺍﺣﺲ ﺑﺎﺑﻲ ﺍﻧﺪﻓﺮ ﻏﻤﻀﺖ ﻋﻴﻨﻲ ﻭﺍﺩﻳﻨﻲ ﻉ ﺍﺫﻧﻲ ﻓﺘﺤﺖ ﻋﻴﻮﻧﻲ ﺷﻔﺖ ﻛﺮﺍﺭ .. ﺑﺴﺎﻋﺞ ﻟﻤﻲ ﻫﺪﻭﻣﻨﻪ ﻭﺧﻠﻴﻨﻪ ﻧﻮﻟﻲ ﻧﮕﻌﺪ ﺍﺑﻴﺘﻨﻪ ﺣﺘﻰ ﻟﻮ ﻫﻴﻜﻞ .. ﺷﻨﻬﻲ ﺍﻟﺼﺎﺭ .. ﻫﺬﺍ ﺍﻟﺼﺎﺭ ﺍﻧﻄﺮﺩﻧﻪ ﺑﺴﺎﻉ ﻟﻤﻲ ﺍﻟﻨﺤﺘﺎﺟﻪ ﻭﺧﻠﻲ ﻛﻠﺸﻲ ﻏﻴﺮ ﻭﻛﺖ ﻧﺸﻴﻞ ﺑﺎﻗﻲ ﺍﻟﻐﺮﺍﺽ .. ﻋﻤﻲ ﻃﺮﺩﻙ .. ﻣﻮﻭ ﻭﻛﺖ ﺣﭽﻲ ﺣﺮﻛﻲ ﺍﻳﺪﺝ ﻟﻤﻴﺖ ﻫﺪﻭﻣﻨﻪ ﻭﺫﻫﺒﺎﺗﻲ ﻭﻓﻠﻮﺳﻲ ﺑﺴﺎﻉ ﻭﻃﻠﻌﻨﻪ ﺑﻠﻴﻠﻪ ﻇﻠﻤﻪ ﺭﺣﻨﻪ ﺍﻟﺒﻴﺘﻨﻪ ﻻ ﻧﻔﻄﺎﺕ ﻋﺪﻧﻪ ﻧﺸﻐﻞ ﺍﻟﻨﻪ ﻓﺎﻧﻮﺱ ﻭﻻ ﻛﻬﺮﺑﺎﺀ ﻣﻮﺻﻠﻴﻦ ﻭﻻ ﻓﺮﺍﺵ ﺍﻧﺎﻡ ﻋﻠﻴﻪ ﺑﺪﺕ ﺩﻣﻮﻋﻲ ﺗﻨﺰﻝ ﺣﺴﻴﺖ ﺭﻭﺣﻲ ﺻﺪﮒ ﺫﻟﻴﻠﻪ ﺗﻤﻨﻴﺖ ﻣﺘﺰﻭﺟﺘﻪ ﺑﺲ ﻣﻮ ﺑﻬﻴﺞ ﻇﺮﻭﻑ ﺍﺗﻤﻨﻴﺖ ﺍﻫﻠﻲ ﻭﺍﻫﻠﻪ ﻣﺘﺼﺎﻓﻴﻦ ﺷﻴﺼﻴﺮ ﻟﻮ ﻓﺮﺣﺘﻲ ﺗﻜﻤﻞ ﺷﻴﺼﻴﺮ ﻟﻮ ﻇﺎﻝ ﺍﺧﻮﻱ ﺍﻟﻲ ﺳﻨﺪ ﻣﺎﻣﻠﺖ ﻋﻠﻴﻪ ﻫﺴﻪ ﻭﻫﻮ ﺍﻟﺮﻋﺎﻧﻲ …… ﻓﻲ ﻣﻜﺎﻥ ﺍﺧﺮ .. ﺍﻷﺧﻮﺍﺕ ﺍﻟﺘﻮﺃﻡ ﻣﺘﺸﺎﺑﻬﺎﺕ ﺍﻟﺸﻜﻞ ﻣﺨﺘﻠﻔﺎﺕ ﺍﻟﻄﺒﺎﻉ ﻫﺪﻭﺀ ﻭﺳﻜﻮﻥ ﻣﻊ ﺷﻌﻠﺔ ﻣﻦ ﺍﻟﻨﺎﺭ ﻣﺘﺤﺎﺑﺎﺕ ﺑﺸﻜﻞ ﻋﻜﺲ ﻇﺎﻫﺮﻫﻦ ﺍﻟﻤﺘﺨﺎﻟﻒ ﻳﺤﺒﻦ ﺍﻻﺧﺘﻼﻑ ﺍﻟﺒﻴﻨﻬﻦ ﻳﺤﺎﻭﻟﻦ ﻳﺒﺮﺯﻥ ﺍﺧﺘﻼﻑ ﺷﺨﺼﻴﺎﺗﻬﻦ ﺣﺘﻰ ﺍﻟﻤﻘﺎﺑﻞ ﻳﻔﺮﻕ ﻭﻳﻌﺮﻑ ﻛﻞ ﻭﺣﺪﻩ ﺑﻴﻬﻦ ﻣﺨﺘﻠﻔﻪ ﺍﻟﻬﺎ ﺍﺣﻼﻡ ﺧﺎﺻﻪ ﺑﻴﻬﺎ ﺗﺘﻌﺎﺭﺽ ﻭﻱ ﺍﺣﻼﻡ ﺍﺧﺘﻬﺎ ﻭﻭﺍﻗﻌﻬﻦ ﺍﻟﻲ ﻓﺮﺽ ﻋﻠﻴﻬﻦ ﺍﻧﻮ ﻳﻜﻮﻧﻮﻥ ﻣﺘﻤﺎﺛﻼﺕ ﺑﻜﻠﺸﻲ ﺣﺘﻰ ﺑﺎﻟﻤﻼﺑﺲ ﻫﺬﺍ ﺍﻟﺸﻲ ﺧﻠﻪ ﻛﻞ ﻭﺣﺪﻩ ﻣﻨﻬﻦ ﺗﺘﻤﺴﻚ ﺑﺄﺧﺘﻼﻓﻬﺎ ﺍﻛﺜﺮ ﻣﺜﻞ ﺍﻱ ﺍﺧﺘﻴﻦ ﺻﺪﻳﻘﺎﺕ ﺍﻟﻲ ﺑﻴﻨﺎﺗﻬﻦ ﻣﺤﺪ ﻳﻌﺮﻓﻪ ﺧﺎﺹ ﺍﻟﻲ ﺗﻤﺜﻞ ﺷﻌﻠﺔ ﺍﻟﻨﺎﺭ ﻣﻨﻬﻦ ﺗﺘﺼﺮﻑ ﻭﻱ ﺍﺧﺘﻬﺎ ﺷﻲ ﻭﻛﺪﺍﻡ ﺍﻟﻌﺎﻟﻢ ﺷﻲ ﺛﺎﻧﻲ ﺍﻻ ﺍﻫﻠﻬﺎ ﻳﻌﺮﻓﻮﻥ ﺣﺮﻛﺎﺗﻬﺎ ﻭﺍﺳﺘﻔﺰﺍﺯﻫﺎ ﺍﻻﺧﺘﻬﺎ ﺑﺼﻮﺭﻩ ﻫﺰﻟﻴﺔ ﺑﺲ ﻳﻌﺮﻓﻮﻥ ﻫﻲ ﺍﺑﻴﺖ ﺍﻫﻠﻬﺎ ﺷﻲ ﻭﻣﻦ ﺗﺸﻮﻑ ﺍﺣﺪ ﻏﺮﻳﺐ ﺗﻜﻮﻥ ﺷﻲ ﺛﺎﻧﻲ ﺗﺨﻠﻲ ﺍﻟﻜﻞ ﻳﺜﻨﻲ ﻉ ﺍﺧﻼﻗﻬﺎ ﻭﺗﺮﺑﻴﺘﻬﺎ ﻭﺷﻄﺎﺭﺗﻬﺎ ﺍﻟﻲ ﺳﺎﺑﻘﻴﻦ ﻋﻤﺮﻫﺎ ﻣﺜﻞ ﻛﻞ ﻳﻮﻡ ﺍﻟﻴﻮﻡ ﺑﻴﻨﻬﻦ ﺧﻼﻑ ﺳﺒﺒﻪ ﺍﻟﻤﺪﺭﺳﺔ ﻭﺗﻜﺎﺳﻞ ﺯﻳﻨﺐ ﻋﻦ ﻭﺍﺟﺒﺎﺗﻬﺎ ﺍﻟﻲ ﻭﺍﻛﻌﻪ ﺑﻲ ﺍﻟﺘﻮﺃﻡ ﻣﺮﻳﻢ .. ﺯﻳﻨﺐ ﺟﻴﺒﻲ ﺍﻟﺤﻞ ﻣﺎﻟﺘﻲ .. ﻣﺎﺍﺟﻴﺐ ﺣﻠﻲ ﻣﺮﻩ ﺛﺎﻧﻴﻪ ﺣﺒﺎﺑﻪ ﺍﻧﻲ ﻣﺎﺍﺣﻠﻬﺎ ﻣﺜﻠﭻ ﺳﺮﻳﻊ .. ﺯﻳﻨﺐ ﻭﺍﻟﻠﻪ ﺍﮔﻮﻝ ﺍﻷﻣﻲ ﻭﺍﺑﻮﻱ ﻋﻠﻴﭻ .. ﻻﺗﺼﻴﺮﻳﻦ ﻧﺤﺴﻪ ﺍﻧﻪ ﻣﺎﺍﺣﺐ ﺍﻟﻤﺪﺭﺳﻪ ﻭﺍﺭﻭﺡ ﻣﺠﺒﻮﺭﻩ ﺍﻧﺘﻲ ﻣﺎﺷﺎﺀﺍﻟﻠﻪ ﺍﻟﺘﺴﻌﻴﻦ ﻋﻨﺪﺝ ﺍﺳﻬﻞ ﻣﻦ ﻃﮕﺖ ﺍﻟﻌﻠﭻ ﻋﻴﺪﻳﻬﺎ ﻭﺻﻴﺮﻱ ﺣﺒﺎﺑﻪ ﺗﺤﺘﺎﺟﻴﻨﻲ ﻭﺍﻟﻠﻪ .. ﻭﺍﻟﻠﻪ ﻣﺎﻳﺼﻴﺮ ﻫﻴﺞ ﺍﺣﻞ ﻭﺍﺗﻌﺐ ﻭﺍﻧﺘﻲ ﻉ ﺍﻟﺤﺎﺿﺮ .. ﻳﻤﻌﻮﺩﻩ ﺷﻤﺎﺧﺬﻩ ﻣﻨﺞ ﻟﻴﮕﻮﻝ ﺻﻚ ﺩﺧﻮﻝ ﺍﻟﺠﻨﻪ ﻫﻲ ﻭﺭﻗﺔ ﺣﻞ ﺣﺘﻪ ﻣﺎﺍﺳﻤﻊ ﺭﺯﺍﻟﺔ ﺳﺖ ﻓﻮﺯﻳﻪ ﻭﻫﻲ ﺗﺸﺮﺣﻠﻲ ﺷﻠﻮﻥ ﺍﺧﺘﻲ ﺷﺎﻃﺮﻩ ﻭﺍﻧﻪ ﻻ ﻭﺷﻠﻮﻥ ﺍﺣﻨﻪ ﺗﻮﺃﻡ ﻣﺘﻤﺎﺛﻞ ﺑﺲ ﺑﻴﻨﺎ ﻫﻮﺍﻱ ﺍﺧﺘﻼﻑ ﻭﻗﺼﺔ ﻧﻀﺎﻟﻬﺎ ﻭﺷﻄﺎﺭﺓ ﺍﻭﻻﺩﻫﺎ ﺍﻟﻲ ﻣﺪﺧﻠﺘﻬﻢ ﻛﻠﻴﺎﺕ ﺍﻫﻠﻴﻪ ﻋﺎﺑﺘﻠﺞ ﻣﻜﺮﻭﻫﻪ ﺍﻧﺘﻲ ﺍﻛﺜﺮ ﻣﻨﻬﺎ ﺗﻠﻮﻣﻴﻨﻬﺎ ﻳﻌﻨﻲ ﺷﻨﻮ ﻧﺎﻗﺼﺞ ﻣﺎﺗﺤﻠﻴﻦ .. ﻣﺎﺍﺣﺐ ﺍﻟﻤﺪﺭﺳﻪ ﻣﺎﺍﺣﺒﻬﺎ ﻳﺮﺣﻤﻮﻧﻲ ﻟﻮ ﺑﻄﻠﻮﻧﻲ .. ﺗﺎﻟﻴﺘﺞ ﺗﺨﺪﻣﻴﻦ ﺍﺑﻴﺖ ﺍﻟﻌﻴﺎﻝ .. ﻓﺪﻭﻩ ﺍﻟﻄﺎﺭﻳﻬﻢ ﺍﺭﻭﺡ ﻏﻴﺮ ﺍﻫﻞ ﺍﻟﻐﺎﻟﻲ .. ﻭﻣﻨﻮﻫﺬﺍ ﺑﺎﻟﻠﻪ .. ﺍﻱ ﻭﺍﺣﺪ ﺍﻟﻤﻬﻢ ﻳﻜﻮﻥ ﺯﻭﺟﻲ ﺑﺲ ﺍﻧﻲ ﺍﺑﺎﻟﻲ ﺍﺑﻦ ﻋﻤﺞ ﺿﺮﺍﺭ ﻳﺎﻳﺎﺑﻪ ﺷﮕﺪ ﺍﺣﺒﻪ ﻣﻦ ﺍﻟﺼﻐﺮ ﻛﺎﻳﻠﻴﻦ ﺍﻧﻪ ﺍﻟﻪ ﻭﻫﻮ ﺍﻟﻲ .. ﺿﺮﺍﺭ ﻳﺎﺧﺬﺝ ﺍﻧﺘﻲ ﺻﻴﺪﻻﻧﻲ ﻭﺷﻜﻠﻪ ﻳﺨﺒﻞ ﺷﻨﺎﻗﺼﻪ ﺑﺎﻟﻠﻪ .. ﻟﻴﺶ ﻭﻳﻦ ﻳﻠﮕﻪ ﺍﺣﺴﻦ ﻣﻨﻲ ﺷﺒﻴﻪ ﻣﻮ ﺣﻠﻮﻩ ﻣﻮ ﺷﺎﻃﺮﺓ ﺍﻟﺴﺎﻥ ﻭﻣﻠﮕﻪ .. ﻭﺷﻴﺴﻮﻱ ﺑﺎﻟﻤﻠﮕﻪ ﺣﻠﻮﻩ ﺻﺢ ﺍﻧﻪ ﻭﻳﺎﺝ ﻧﻔﺲ ﺍﻟﺤﻼﻩ ﻭﺍﻟﺸﻜﻞ ﺑﺲ ﻫﻮ ﻳﺮﻳﺪ ﺷﻬﺎﺩﻩ ﻻﺯﻡ ﺍﻛﻮ ﺗﻜﺎﻓﺆ ﺍﻟﺤﺐ ﻣﻮ ﻛﻠﺸﻲ .. ﻋﻘﺠﺖ ﻭﺟﻬﻲ .. ﻧﻨﻨﻨﻦ ﻧﻨﻨﻦ ﺗﻜﺎﻓﺆ ﺩﻭﻟﻲ ﻳﻠﻠﻪ ﺷﻠﻮﻧﻪ ﻉ ﺍﺳﺎﺱ ﺧﻞ ﻳﺎﺧﺬ ﻭﺣﺪﻩ ﻋﺪﻫﺎ ﺷﻬﺎﺩﻩ ﻣﻨﻮ ﻻﺯﻣﻪ ﺣﺠﻴﺘﻬﺎ ﺑﻘﻬﺮ ﻭﺍﻧﻪ ﺍﺭﻳﺪ ﺍﺟﺒﺮ ﺭﻭﺣﻲ ﺍﻗﺮﺍ ﺑﺲ ﻣﺎﺍﻛﺪﺭ ﻣﺎﺍﺣﺐ ﺍﻟﻤﺪﺭﺳﻪ .. ﭼﺎ ﺷﻴﻠﻲ ﻣﻦ ﺑﺎﻟﭻ ﺍﺣﺴﻦ .. ﻣﺮﻳﻢ ﻫﻮﺍﻱ ﻟﺤﻴﺘﻲ ﻫﻲ ﻭﺭﻗﺔ ﺍﻻ ﺗﻐﺜﻴﻨﻲ ﻳﻠﻠﻪ ﺗﻜﺘﺒﻴﻦ ﻏﻴﺮﻫﺎ .. ﻭﻉ ﺷﻨﻮ ﺍﻧﻐﺜﻴﺘﻲ ﺳﺖ ﺯﻳﻨﺐ ﺣﭽﻴﺖ ﺍﻟﺼﺢ ﺍﻧﻲ ﺭﻭﺣﻲ ﺳﺎﻋﺪﻱ ﺍﻣﻲ ﺍﺧﻮﺍﻧﻲ ﻉ ﺟﻴﻪ ﺍﺫﺍ ﻣﺎﺗﻘﺮﻳﻦ ﺍﺷﺘﻐﻠﻲ .. ﻻﺗﺘﺸﺮﻃﻴﻦ ﻋﻠﻴﻪ ﺍﻟﻲ ﺑﺮﺍﺳﻲ ﺍﺳﻮﻱ ﺍﻛﻴﺪ ﺍﺳﺎﻋﺪﻫﺎ ﻫﻮ ﻣﻨﻮ ﻣﻬﺘﻢ ﺑﺄﺧﻮﺍﻧﻲ ﻏﻴﺮﻱ ﺑﺲ ﻻﺍﻧﺘﻲ ﺍﻟﻤﺨﻠﻮﺳﻪ ﺍﺻﻼ ﺷﺎﻛﻴﻦ ﺑﻴﭻ ﺗﻮﺣﺪ ﺣﺘﻪ ﺳﺎﻟﻔﻪ ﻭﻳﺎﻫﻢ ﻣﺎﺗﺴﻮﻟﻔﻴﻦ .. ﺳﺪﻱ ﺍﻟﺒﺎﺏ ﻳﻠﻠﻪ .. ﻣﺎﻃﻮﻝ ﮔﻠﺘﻴﻬﺎ ﺑﺄﻣﺮ ﻫﺎ ﺍﻫﺎ ﻓﺘﺤﺘﻪ ﻉ ﻭﺳﻌﻪ .. ﺍﻣﺪﺍﺝ ﺍﻟﻌﻮﺑﻪ ﺟﺎﻱ ﺍﺭﻛﺾ ﻣﻨﻬﺎ ﻭﺍﺟﺎﻧﻲ ﺻﻮﺕ ﺍﺑﻮﻱ ﺍﻟﺨﺸﻦ .. ﺍﻧﺘﻦ ﻳﻤﺘﻪ ﺗﻜﺒﺮﻥ ﺗﻈﻠﻦ ﺩﻭﻡ ﻫﻴﺞ .. ﻓﺪﻭﻩ ﺍﺭﻭﺡ ﺍﻟﻄﻮﻟﻚ ﺑﻮﻳﻪ ﺍﻧﻪ ﻛﺒﺮﺕ ﻭﺍﻟﻠﻪ ﺑﺲ ﺫﻳﺞ ﺑﺘﻚ ﻣﺎﺗﻜﺒﺮ ﺍﻧﺪﮔﺮﺕ ﻫﻲ ﻭﻋﻘﻠﻬﺎ .. ﺷﺴﻮﻳﺘﻴﻠﻬﺎ ﻭﻟﭻ .. ﺍﻭﻭﻭ ﺍﺟﻪ ﺍﻟﻤﺤﺎﻣﻲ ﻣﺎﻟﺘﻬﺎ .. ﺩﺭﺕ ﻉ ﺍﺑﻮﻱ ﻭﻫﻮ ﻳﻀﺤﻚ ﺑﻮﻳﻪ ﺣﺎﭼﻲ ﻣﺎﻟﻪ ﻏﺮﺽ ﺑﻴﻪ ﻻ ﺍﺧﻠﻲ ﻭﺳﺎﻡ ﻳﻨﻌﻨﻊ ﺿﻠﻮﻋﻪ ﻭﺍﻟﻠﻪ ﺣﺎﺟﺎﻧﻪ ﺍﺑﻮﻱ ﺑﺼﻮﺕ ﺣﺎﺩ .. ﻛﺎﻓﻲ ﺍﻧﺖ ﻭﻳﺎﻫﺎ ﺍﺗﺤﺮﻛﻮ ﺑﺪﻭﻥ ﻃﻼﻳﺐ ﺻﺎﺡ ﺑﺴﺎﻡ ﺧﺎﺑﺮﻟﻲ ﺍﺧﻮﻙ ﺑﺎﻟﻲ ﻳﻤﻪ ﺷﻮ ﺑﻄﻪ ﻋﺪ ﺻﺎﺣﺒﻪ ﺭﺟﻌﺖ ﺍﻟﻤﺮﻳﻢ .. ﺍﻛﻠﺞ ﻣﺮﻳﻢ ﻣﻦ ﺭﺧﺼﺘﺞ ﻓﺪ ﺳﺆﺍﻝ .. ﺧﻴﺮ .. ﻭﺳﺎﻡ ﻫﻢ ﻣﺤﺎﭼﻴﭻ ﺍﻟﻴﻮﻡ ﺷﻮ ﺍﺑﻮﻱ ﺑﺎﻟﻪ ﻳﻤﻪ .. ﻻ ﺑﺲ ﺍﻛﻴﺪ ﻳﻢ ﻣﺎﻫﺮ ﺻﺪﻳﻘﻪ .. ﻣﻨﻴﻦ ﺗﻌﺮﻓﻴﻨﻪ ﺍﻧﺘﻲ .. ﺷﻨﻮ ﻣﻨﻴﻦ ﺍﻋﺮﻓﻪ ﺩﻭﻡ ﻳﺴﻮﻟﻒ ﺑﻲ .. ﺍﻱ ﺍﻧﻪ ﻫﻢ ﺍﻋﺮﻓﻪ ﺑﺲ ﺍﻧﺘﻲ ﻋﺠﻴﺐ ﻳﻌﻨﻲ ﻋﺎﻳﺸﻪ ﻭﻳﺎﻧﻪ ﻭﺗﺤﺴﻴﻦ .. ﻣﺘﻀﺤﻚ ﻣﻮ ﺑﺲ ﺍﻋﺮﻓﻪ ﺷﺎﻳﻔﺘﻪ ﻫﻢ .. ﻏﻴﺮ ﺩﻭﻡ ﻋﺪﻧﻪ .. ﺍﻱ ﻟﺰﮔﻪ ﻫﻮ ﻭﻣﺎﺍﺭﻳﺪ ﺍﺷﻮﻓﻪ ﻫﻮ ﺍﺧﻮﺝ ﺷﻠﻮﻧﻪ ﺍﻧﻮﺏ ﺻﺤﺒﺎﻧﻪ ﻭﻣﻦ ﺍﻟﻌﺮﺏ ﻫﻢ ﺍﻛﻴﺪ ﻳﻠﻤﻊ ﻟﻤﻌﺔ ﺍﻟﻈﻼﻡ .. ﺗﺪﺭﻳﻦ ﺑﻨﻔﺴﺞ ﺗﺎﻓﻬﻪ .. ﺑﺲ ﻳﻤﺞ ﻭﺍﻟﻠﻪ ﻳﻢ ﻏﻴﺮﺝ ﺍﻡ ﻋﻘﻞ ﺍﻟﺠﺒﻴﺮ ﺍﻧﻲ .. ﺍﻱ ﻭﺍﺿﺢ ﻫﺎﻟﺸﻲ .. ﺍﻟﺴﻨﺔ ﻟﻮ ﺗﻤﻮﺗﻴﻦ ﻣﻄﻠﻌﻴﻦ ﻣﻦ ﺍﻟﺜﺎﻟﺚ ﺍﻧﺘﺒﻬﻲ ﺍﻟﺪﺭﺍﺳﺘﺞ ﺳﻮﺍﻟﻔﺞ ﺍﻛﺒﺮ ﻣﻦ ﻋﻤﺮﺝ ﺿﺮﺍﺭ ﺗﺮﻳﺪ ﻭﺍﻟﻠﻪ ﻳﺎﺍﻟﻠﻪ .. ﺍﻱ ﺍﺭﻳﺪﻩ ﺑﺸﻨﻮ ﻏﺜﻴﺘﺞ ﻳﻌﻨﻲ .. ﻣﺎﻧﻐﺜﻴﺖ ﺑﺲ ﻟﻮ ﺳﻤﻌﻮ ﺍﺧﻮﺍﻧﺞ ﺗﻔﻜﺮﻳﻦ ﻫﻴﺞ ﻭﻣﺎﻛﻮ ﺩﺭﺍﺳﻪ ﻳﻜﻌﺪﻭﻧﺞ ﻭﺍﻟﻠﻪ .. ﻏﻴﺮ ﺍﺳﻮﻱ ﺻﻴﻨﻴﻪ ﺍﻷﻡ ﺍﻟﺤﺴﻦ ﻓﺪﻭﻩ ﻟﻠﺴﺎﻧﺞ ﺍﻟﻌﺴﻞ … .. ﻣﺎﻫﺮ .. ﻃﻠﻌﺖ ﺍﻟﻘﺒﻮﻻﺕ ﻭﺍﺛﻨﻴﻨﻪ ﺑﻤﺤﺎﻓﻈﺘﻨﻪ ﻃﻠﻌﻠﻨﻪ ﻣﻌﺎﻫﺪ ﺍﻧﻪ ﻗﺴﻢ ﺍﺩﺍﺭﺓ ﻭ ﻭﺳﺎﻡ ﻗﺴﻢ ﻣﻴﻜﺎﻧﻴﻚ ﺿﺤﻚ ﻭﮔﺎﻝ ﻫﻮ ﺑﺲ ﺗﻮﺭﻧﭽﻲ ﻣﺎﺍﺷﺘﻐﻠﺖ ﻣﻦ ﺗﺸﺘﺮﻱ ﺳﻴﺎﺭﺓ ﺍﻭﻝ ﻋﻄﻞ ﺍﺻﻠﺤﻪ ﺍﻟﻚ . ﺍﺑﻼﺵ .. ﺑﻌﺪﻧﻲ ﻣﺎﻣﺸﺘﺮﻳﻬﺎ ﻓﺎﻭﻟﺘﻠﻲ ﺑﻌﻄﻞ .. ﭼﺎ ﺩﻭﻡ ﺗﻈﻞ ﻋﻤﺮ ﺷﻌﻴﺐ ﺍﻟﻨﺒﻲ ﻫﻮ ﺍﻟﺒﺸﺮ ﻛﻠﺴﺎﻉ ﻳﻌﻄﻞ ﺳﻴﺎﺭﻩ ﺗﺮﻳﺪﻫﺎ ﺻﺎﺣﻴﻪ .. ﻭﺳﺎﻡ .. ﮔﻮﻝ .. ﺍﺭﻳﺪ ﺍﺗﺰﻭﺝ .. ﻫﺎﺍ ؟ .. ﺷﻮ ﻣﺴﺘﻐﺮﺏ .. ﻛﻤﻞ ﺩﺭﺍﺳﺘﻚ ﻭﺍﺧﻄﺐ ﻭﺍﺗﺰﻭﺝ ﻳﻮﻡ ﻋﻴﺪ .. ﻻ ﺍﺭﻳﺪ ﺍﻟﺴﻨﻪ ﺍﺟﻬﺰ ﻭﺍﻟﺘﺠﻲ ﺍﺗﻮﻛﻞ ﺳﻨﺔ ﺛﺎﻧﻴﻪ ﻛﻮﻥ ﻣﺘﺰﻭﺝ ﺍﻧﻪ ﻭﻣﺮﺗﺎﺡ .. ﺍﺑﺎﻟﻚ ﻭﺣﺪﻩ .. ﻻ .. ﭼﺎ ﺷﻄﺎﺭﻱ ﻋﻠﻴﻚ .. ﺑﻌﺪﻳﻦ ﺗﻌﺮﻑ .. ﺣﺰﻭﺭﻩ ﻫﺎﻱ .. ﻻ .. ﺻﺎﻳﺮ ﻣﺎﺗﻨﻌﺮﻑ .. ﺧﻠﻬﺎ ﻛﻠﻬﺎ ﻣﺎﺗﻌﺮﻓﻨﻲ ﺑﺲ ﺍﻧﺖ ﺍﺭﻳﺪﻙ ﺩﻭﻡ ﺗﻘﺮﺍﻧﻲ .. ﺗﺮﻳﺪﻟﻚ ﺍﻭﻻﺩ ﻭﻋﺎﻳﻠﻪ ﻣﻮﻭ .. ﺍﺭﻳﺪﻟﻲ ﻣﺮﺓ ﺍﺧﺖ ﺍﺭﺟﺎﻝ ﻛﻮﻥ ﺍﺧﻠﻒ ﻣﻨﻬﺎ ﻭﻟﺪ ﻣﺨﻮﻭﻟﻴﻦ ﺍﺭﻳﺪ ﺍﺑﺎﻫﻲ ﺑﻴﻬﺎ ﺍﻟﺪﻧﻴﺎ ﻣﻮ ﺑﺲ ﺍﻧﻪ ﺍﺗﺒﺎﻫﺎ .. ﻭﻫﺎﻱ ﻭﻳﻦ ﺗﻠﮕﺎﻫﺎ .. ﺍﻟﮕﺎﻫﺎ ﺍﻟﮕﺎﻫﺎ رأيكم بقا وتوقعاتكم 😘 التعديل الأخير تم بواسطة لامارا ; 24-06-19 الساعة 12:12 AM | ||||
|
| |
|
02-06-19, 02:02 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لفصل الرابع ﻣﺮﺕ ﺍﻳﺎﻡ ﻭﺑﺪﺍ ﺍﻟﺪﻭﺍﻡ ﻭﺣﺘﻰ ﺑﺎﻟﺪﻭﺍﻡ ﺍﻧﻲ ﻭﻭﺳﺎﻡ ﻧﻔﺲ ﺍﻟﻤﻌﻬﺪ ﺑﺲ ﺍﻻﻗﺴﺎﻡ ﺗﺨﺘﻠﻒ ﻭﻇﻠﻴﺖ ﺍﺩﺍﻭﻡ ﻭﺍﺷﺘﻐﻞ ﻭﺍﺩﺭﺱ ﻗﻠﻴﻞ ﺑﺲ ﻛﺪ ﺍﻣﺸﻲ ﺍﻣﻮﺭﻱ ﻭﺍﺭﻭﺡ ﻟﻠﻜﺎﻉ ﻭﺍﻛﻌﺪ ﺑﻴﻬﺎ ﭼﻨﺖ ﻛﻞ ﻭﻛﺘﻲ ﺑﺮﻩ ﻭﺍﻟﺘﻬﻴﺖ ﻫﻮﺍﻱ ﻋﻦ ﺍﻣﻲ ﺑﻴﻮﻡ ﺭﺟﻌﺖ ﻟﻜﻴﺘﻬﺎ ﻃﺎﻳﺤﻪ ﻭﺣﺪﻫﺎ ﻣﺮﺗﻔﻊ ﺿﻐﻄﻬﺎ ﻭﻃﺎﮒ ﺧﺸﻤﻬﺎ ﺩﻡ ﻣﻨﻈﺮﻫﺎ ﻫﺪ ﺣﻴﻠﻲ ﻭﺍﻧﻪ ﺍﺷﻮﻓﻬﺎ ﺧﺎﻭﻳﻪ ﺍﺧﺬﺗﻬﺎ ﻭﺭﺣﺖ ﻟﻠﻤﺴﺘﺸﻔﻰ ﻭﺍﺧﺬﺕ ﻋﻼﺝ ﺍﺳﺘﻘﺮ ﺿﻐﻄﻬﺎ ﺍﻟﺪﻛﺘﻮﺭ ﻃﻠﺐ ﻣﻨﻬﺎ ﺣﻤﻴﻪ ﻭﺍﻧﻪ ﺍﺩﺭﻱ ﺑﻴﻬﺎ ﻣﺎﺷﻴﻪ ﻉ ﺍﻟﺤﻤﻴﻪ ﻛﺘﻠﻪ ﻫﻴﻪ ﺣﺎﻣﻴﻪ ﻧﻔﺴﻬﺎ ﻛﺎﻝ ﺍﻟﺤﺎﻟﻪ ﺍﻟﻨﻔﺴﻴﻪ ﺗﺄﺛﺮ ﻭﺍﻧﻪ ﺍﺩﺭﻱ ﺑﻴﻬﺎ ﻭﻣﺘﺎﻛﺪ ﺗﻀﻮﺝ ﻭﺗﺴﺘﺎﺣﺶ ﺗﻈﻞ ﻭﺣﺪﻫﺎ ﺍﻃﻠﻊ ﺻﻮﺭ ﺍﺧﻮﺍﻧﻲ ﻭﺍﺑﻮﻱ ﻭﺗﻈﻞ ﺗﻨﻮﺡ ﻟﻤﻦ ﻳﺼﻌﺪ ﺿﻐﻄﻬﺎ ﻣﺎﻛﻮ ﺷﻲ ﻳﺸﻐﻠﻬﺎ ﻫﻨﺎ ﺍﺣﺲ ﺭﻭﺣﻲ ﺗﭽﺘﻔﺖ ﻻ ﺍﮔﺪﺭ ﺍﻋﻮﻑ ﺍﻟﺸﻐﻞ ﻭﻻ ﺍﻟﻜﺎﻉ ﻭﻻ ﺍﻟﺪﻭﺍﻡ ﻛﻠﻬﻦ ﻣﺮﺗﺒﻂ ﺑﻴﻬﻦ ﻭﺍﺫﺍ ﺍﺗﺮﻛﻬﻦ ﺍﻣﻮﺭﻱ ﺗﺘﺨﺮﺑﻂ ﻣﺎﻛﻮ ﺣﻞ ﻏﻴﺮ ﺍﺯﻭﺝ ﻭﻻﺯﻡ ﻣﻮ ﺯﻭﺍﺝ ﻋﺎﺩﻱ ﻻﺯﻡ ﺍﺧﺘﺎﺭﻫﺎ ﺑﺖ ﻧﺎﺱ ﺍﻫﻠﻬﺎ ﻳﺘﻌﺎﺗﺒﻮﻥ ﺧﻮ ﻣﺎﺍﺟﻴﺐ ﻋﻠﻪ ﺍﻻﻣﻲ ﺍﺭﻳﺪﻫﺎ ﺑﻨﻴﻪ ﻛﻮﻥ ﺣﺪﺭ ﺍﻳﺪﻫﺎ ﻭﺍﻧﻪ ﻫﻢ ﺭﺍﻏﺐ ﺍﻟﺰﻭﺍﺝ ﺍﺭﻳﺪﻟﻲ ﻋﺎﻳﻠﻪ ﻭﺍﻭﻻﺩ ﺑﺲ ﺍﻟﻌﻨﺪﻱ ﻫﻢ ﻳﻠﻠﻪ ﻳﺠﻴﺒﻦ ﺫﻫﺐ ﻭﻏﺮﻓﻪ ﻭﺑﺎﻗﻲ ﺍﻟﻤﺼﺎﺭﻳﻒ ﻭﺍﺣﻨﻪ ﺑﻌﺮﺏ ﺍﻋﺮﺍﺳﻨﻪ ﺗﻜﻠﻒ ﻋﺸﺎﻫﺎ ﻳﻜﻠﻒ ﻏﺪﺍﻫﺎ ﺧﻠﻴﺖ ﺍﻣﻲ ﺗﺮﺗﺎﺡ ﻳﻮﻣﻴﻦ ﻭﻓﺎﺗﺤﺘﻬﺎ ﺑﺎﻟﻤﻮﺿﻮﻉ ﻣﺎﻛﺘﻠﻬﺎ ﻋﻠﻤﻮﺩﺝ ﻭﺑﺲ ﺍﺩﺭﻱ ﺑﻴﻬﺎ ﻣﺎﺗﺮﺿﺎ ﻭﺍﻧﻪ ﻓﻌﻼ ﻣﻮ ﺑﺲ ﻋﻠﻴﻬﺎ ﺍﻧﻪ ﺭﺍﻏﺐ ﻟﻠﺰﻭﺍﺝ ﻣﻦ ﺻﺪﮒ ﺻﻔﻨﺖ ﻋﻠﻲ .. ﻳﻤﻪ ﺍﻧﺖ ﻣﺘﺄﻛﺪ ﺍﻟﻚ ﺧﻠﻚ ﻣﺮﻩ ﻭﻣﺴﺆﻭﻟﻴﺔ ﺭﺍﻳﺪ ﺭﺍﺣﻪ ﻭﻋﺎﻳﻠﻪ ﻟﻮ ﻋﻠﻲ ﺍﻧﻪ .. ﺷﻨﻬﻲ ﻳﻤﻪ ﺷﻮ ﻣﺎﻓﺮﺣﺘﻲ .. ﻳﻮﻡ ﻋﻴﺪ ﺍﻋﻠﮕﻠﻲ ﺭﺍﻳﻪ ﺑﻴﻀﻪ ﻳﻤﻪ ﻫﻴﺞ ﻭﺍﺷﻮﻑ ﻣﺮﻳﺘﻚ ﻭﺍﻭﻻﺩﻙ ﻳﺤﻮﺳﻮﻥ ﺍﻟﺒﻴﺖ ﻭﺍﺭﺑﻴﻬﻢ ﻣﺜﻞ ﻣﺎﺭﺑﻴﺘﻚ ﻫﻴﺞ ﺍﻟﻠﻪ ﺭﺍﻳﺪ ﻳﻔﺮﺣﻨﻲ ﻭﺍﺳﻮﻱ ﺍﻟﻤﺎﺳﻮﻳﺘﻪ ﻟﺨﻮﺍﻧﻚ ﻭﺍﺻﻴﺮ ﺍﻡ ﺍﻟﻌﺮﻳﺲ ﺍﻧﻪ ﺍﻣﻚ ﻳﻤﺎﻫﺮ ﻏﻴﺮ ﺍﺭﺩ ﺍﻟﺸﺒﺎﺑﻲ ﻋﺸﺮﻳﻦ ﺳﻨﺔ .. ﭼﺎ ﺍﻟﺴﻨﺔ ﺗﺮﺩﻳﻦ ﻛﻮﻥ ﻣﻮ ﻫﺎﻟﺸﻬﺮﻳﻦ .. ﮔﻮﻝ ﻭﺗﺮﺍﺏ ﺍﺑﻮﻱ ﻣﻮﺵ ﺍﻧﺘﻲ ﺍﻟﻮﺍﺯﻳﺘﻴﻨﻲ ﻉ ﺍﻟﻌﺮﺱ ﻭﺍﻧﻪ ﻣﺎﺭﺍﻳﺪﻩ .. ﻳﻤﻪ ﻭﺗﺮﺍﺏ ﺍﺑﻮﻱ ﺍﻧﻪ ﺍﺭﻳﺪ ﺍﻋﺮﺱ ﺍﺭﻳﺪ ﻣﺮﻳﺘﻲ ﺗﺘﻠﮕﺎﻧﻲ ﻟﻮ ﻃﺒﻴﺖ ﺍﺭﻳﺪ ﻭﻧﻴﺲ ﺍﻟﻠﻴﻠﻲ ﭼﺎ ﻣﻮ ﺑﻌﻴﻨﺞ ﺍﻧﻪ ﻣﻮ ﺷﺎﺏ ﺗﺎﺭﺱ ﻫﺪﻭﻣﻲ ﻭﻣﺼﺮﻭﻓﻲ ﻣﻄﻠﻌﻪ ﻭﺍﻋﻴﺸﻠﻲ ﺑﺪﻝ ﺍﻟﻌﺎﻳﻠﻪ ﻋﻮﺍﻳﻞ ﻭﻻ ﺍﻧﻪ ﻣﻄﮕﻄﮓ ﻭﻣﻮ ﮔﺪ ﻣﺴﺆﻭﻟﻴﺔ .. ﻳﻤﻪ ﺗﺴﺘﺎﻫﻞ ﻭﻧﻌﻢ ﻣﻨﻚ ﺯﻟﻤﻪ ﻭﺗﺎﺭﺱ ﻫﺪﻭﻣﻚ ﻭﺗﺎﺭﺱ ﻋﻴﻮﻧﻲ ﻭﻋﻴﻮﻥ ﺍﻟﻮﺍﺩﻡ ﻫﻢ .. ﺍﻟﻴﺮﺿﺎ ﻣﻨﻬﻢ ﻭﺍﻟﻤﺎﻳﺮﺿﺎ ﻳﺎﻫﻲ ﻫﺎﻱ ﺻﺎﺣﺒﺔ ﺑﺨﺖ ﻭﺳﻌﻴﺪﺓ ﺣﻆ ﺗﺎﺧﺪﻙ ﻭﺗﺘﻮﺳﺪ ﺫﺭﺍﻋﻚ ﻭﺗﺼﻴﺮ ﻣﺮﻳﺘﻚ ﺍﻋﺮﻓﻬﺎ ﺍﻧﻪ ﻻ ﮔﺎﻟﺖ ﺍﺧﺮ ﺟﻤﻠﺘﻴﻦ ﻣﺒﺘﺴﻤﺔ .. ﺿﺤﻜﺖ ﺧﻮﺵ ﺗﺒﻮﮔﻴﻦ ﺍﻟﺴﺎﻥ ﻳﻤﻪ ﻻ ﻭﺍﻟﻠﻪ ﻻ ﺍﻋﺮﻓﻬﺎ ﻭﻻ ﺗﻌﺮﻓﻴﻬﺎ ﺑﻌﺪﻧﻲ ﻣﺎﻣﺪﻭﺭ ﺑﺲ ﺍﺭﻳﺪﻟﻲ ﺑﺖ ﻧﺎﺱ ﺍﻫﻠﻬﺎ ﺍﺟﺎﻭﻳﺪ ﻭﺍﺧﺖ ﺭﺟﺎﻝ ﻛﻮﻥ ﺍﺑﺎﻟﻲ ﻭﺍﺣﺪ ﺑﺲ ﻣﺎﺍﻋﺮﻑ ﻋﺪﻩ ﺧﻮﺍﺕ ﻟﻮ ﻻ.. ﻳﺎﻫﻮ ﻫﺬﺍ .. ﻭﺳﺎﻡ ﻳﻤﻪ ﺍﺭﻳﺪ ﺍﻧﺸﺪﻩ ﻋﻨﺪﻩ ﺧﻮﺍﺕ ﻭﺍﺗﺮﺩﺩ ﺍﻟﻲ ﺍﻋﺮﻓﻪ ﻋﻨﺪﻩ ﺑﺲ ﻣﺎﺍﺩﺭﻱ ﻫﻨﻪ ﺍﻻﺣﺪ ﻣﺎﺧﺬﺍﺕ ﺑﻌﺪﻫﻦ ﻛﺒﺎﺭ ﺯﻏﺎﺭ ﻣﺎﺍﻋﺮﻑ ﺑﺲ ﻫﻴﺞ ﻣﺮﻩ ﻳﻤﻜﻦ ﻣﻦ ﺣﭽﺎﻳﺘﻪ ﻋﺮﻓﺖ ﻋﻨﺪﻩ .. ﻧﺸﺪﻩ ﻳﻤﻪ ﺧﻮﺵ ﻭﻟﻴﺪ ﻫﻮﻭ ﻭﺍﺧﻮ ﺩﻧﻴﺎ ﻋﻨﺪﻱ ﺑﻤﻌﺰﺗﻚ ﻭﺍﻟﻠﻪ ﺑﺲ ﻳﺎﻳﻤﻪ ﻏﻴﺮ ﺗﺸﻮﻓﻬﺎ ﺗﻌﺮﻓﻬﺎ ﺧﺎﻓﻨﻬﺎ ﻣﻮ ﺣﻠﻮﻩ ﻣﺎﻫﻲ ﻉ ﻣﺮﺍﻣﻚ ﺟﺎ ﻣﺘﺘﻮﺭﻁ ﻭﻱ ﺻﺎﺣﺒﻚ ﺍﻧﺖ ﺍﻧﻮﺏ ﺗﺨﺴﺮ ﻫﺎﻻﺧﻮ ﺍﻟﻮﺣﻴﻴﺪ .. ﻻ ﻳﻤﻪ ﻣﺎﺍﺧﺴﺮﻩ ﺍﺑﺪ ﻭﺍﻟﺸﻜﻞ ﻣﻮ ﻣﻬﻢ ﺍﻫﻢ ﺷﻲ ﺍﺧﻼﻗﻬﺎ ﻭﺍﺧﻼﻕ ﺍﺧﻮﺍﻧﻬﺎ ﻭﺍﻫﻠﻬﺎ ﺳﻨﻴﻦ ﺻﺎﺭ ﺍﻧﻪ ﺩﻭﻡ ﻋﺪﻫﻢ ﻣﺎﻳﻮﻡ ﻟﻤﺤﺘﻠﻲ ﺧﻴﺎﻝ ﺑﻨﻴﻪ ﻣﻨﻬﻦ ﻛﻮﻥ ﺻﺎﻳﻨﺘﻨﻲ ﻭﺗﺼﻮﻥ ﺑﻴﺘﻲ ﻭﺗﺨﻠﻔﻠﻲ ﺍﻭﻻﺩ ﻭﺍﻟﺴﺎﻧﻬﺎ ﺣﻠﻮ ﻭﻳﺎﻱ ﺍﺷﻮﻓﻬﺎ ﺍﺣﻠﻰ ﺍﻟﺒﻨﺎﺕ ﺍﻧﺘﻲ ﻉ ﺍﻟﺴﻤﺎﺭ ﻗﺼﺪﺝ ﺟﻲ ﻭﺳﺎﻡ ﺍﺳﻤﺮ ﻃﻮﺥ ﭼﺎ ﺍﻛﻮ ﺍﺣﻠﻰ ﻣﻦ ﺍﻟﺴﻤﺮ ﺑﻌﺪﻳﻦ ﻭﺳﺎﻡ ﺻﺪﻙ ﺍﺟﻠﺢ ﺑﺲ ﻣﻌﺎﻧﻴﻪ ﺣﻠﻮﻩ ﻭﻫﻮ ﻭﻟﺪ ﺍﻟﺒﻨﻴﻪ ﺗﺨﺘﻠﻒ ﻭﺍﻧﻪ ﻛﺘﻠﺞ ﺍﻟﺤﻼﻩ ﻣﻮ ﺍﺑﺎﻟﻲ ﻳﻌﻨﻲ ﻣﺎﻣﻌﻘﻮﻟﻪ ﻣﺎﺗﻨﻘﺒﻞ ﻫﻮ ﻭﺳﺎﻡ ﻭﻳﻨﮕﻂ ﻣﻠﺢ .. ﺑﻜﻴﻔﻚ ﻳﻤﻪ ﺑﺲ ﺍﻟﺤﻼﻩ ﻣﺮﻳﻮﺩﻩ ﺍﻧﻪ ﻣﺎﺍﻛﻠﻚ ﺍﻟﻤﻮﺣﻠﻮﻩ ﻣﺎﺗﻨﻮﺧﺬ ﻻ ﻳﻤﻪ ﺑﺲ ﺍﻛﻠﻚ ﻻﺗﻮﺭﻁ ﺑﻨﺎﺕ ﺍﻟﻮﺍﺩﻡ ﻛﻮﻧﻚ ﺭﺍﻳﺪ ﺣﻼﻩ ﺷﻮﻓﻬﺎ ﻣﻮ ﻟﻬﻨﺎﻙ ﻭﻛﻠﺖ ﺍﺭﻳﺪ ﻏﻴﺮﻫﺎ ﻣﺎﺍﻗﺒﻠﻚ ﺍﻧﻪ ﺧﺎﺹ ﺍﺧﺖ ﺻﺎﺣﺒﻚ ﺗﺮﺍﻙ ﺗﺨﺴﺮﻩ .. ﻣﺎﻛﻮ ﺧﺴﺎﺭﻩ ﺍﻥ ﺷﺎﺀﺍﻟﻠﻪ ﻫﺴﻪ ﺍﻧﻪ ﻭﻳﺎﺝ ﺍﻧﺘﻄﺎﻟﺐ ﻭﺍﻧﻪ ﻣﺎﺍﺩﺭﻱ ﻫﻮ ﻋﻨﺪﻩ ﻳﻨﻄﻲ ﻻ .. ﺍﻟﻠﻪ ﻛﺮﻳﻢ ﺑﺲ ﺗﻌﺎﻝ ﺍﻟﺤﮕﻨﻲ ﺍﻟﺪﺍﺭﻱ .. ﻫﺎ ﺷﻮ ﺍﻟﺪﺍﺭﭺ ﺷﻨﻬﻲ ﺍﻟﺠﺮﻯ .. ﺿﺎﻣﺘﻠﻚ ﻟﻠﻮﻛﺖ ﻓﻠﻮﺱ ﻭﺫﻫﺒﺎﺕ ﻭﺍﺟﻪ ﻳﻮﻣﻬﻦ ﺻﻔﻨﺖ ﻭﺍﻧﻪ ﺍﻣﺸﻲ ﺧﻄﻮﺍﺕ ﻣﻦ ﺍﻟﻬﻮﻝ ﺍﻟﺤﺠﺮﺗﻬﺎ ﻭﺍﺑﺎﻟﻲ ﺍﻟﻒ ﺣﺴﺒﻪ ﺿﺎﻣﺘﻠﻲ ﻣﻨﻴﻦ ﻭﻟﻴﺶ ﻣﺎﺍﺧﺬﺗﻬﻦ ﻭﺟﻨﻪ ﺍﺣﻨﻪ ﺑﻌﺎﺯﺗﻬﻦ ﺫﻳﺞ ﺍﻷﻳﺎﻡ ﻭﮔﻔﺖ ﻳﻤﻬﺎ ﺑﺎﻟﻲ ﺷﺎﺭﺩ ﻭﻫﻲ ﮔﻌﺪﺕ ﺍﻃﻠﻊ ﻣﻦ ﺑﻮﻓﻴﺘﻬﺎ ﻫﺪﻭﻡ ﻭﺑﺪﺍﺧﻠﻬﻦ ﻏﺮﺍﺽ ﻭﺗﻔﺘﺢ ﻋﻼﮔﻪ ﻭﺗﺮﺟﻊ ﺗﻔﺘﺢ ﻏﻴﺮﻫﺎ ﺍﺑﻄﻨﻬﺎ ﺍﻟﺤﺪ ﻣﺎﻃﻠﻌﺘﻬﻦ ﺿﺒﻪ ﻓﻠﻮﺱ ﻭﺻﻨﺪﻭﮒ ﻥ ﺫﻫﺐ ﭼﺒﻴﺮ ﻭﺯﻧﺠﻴﻠﻪ ﻃﻮﻳﻞ ﮔﺎﻟﺖ ﻫﺬﺍ ﺑﺎﻭﻥ ﻭﺑﻲ ﺳﺖ ﺍﺑﺘﻮﺕ ﻭﺣﺠﻠﻴﻦ ﻭﻣﺤﺎﺑﺲ ﺍﺭﺑﻌﻪ ﻭﺯﻭﺟﻴﻦ ﺗﺮﺍﭼﻲ ﺩﺧﺖ ﻭﻫﻲ ﺍﺗﻌﺪﺩﻟﻲ ﺍﺣﺲ ﺍﻟﮕﺎﻉ ﺃﻓﺘﺮﺕ ﺑﻴﻪ ﻭﻳﻦ ﭼﺎﻧﻦ ﺫﺍﻙ ﺍﻟﻮﻛﺖ ﻭﻟﻴﺶ ﺍﺣﺘﺎﺟﻴﺖ ﻫﺬﺍ ﻭﺫﺍﻙ ﺑﺎﻭﻋﺘﻠﻲ ﺍﻧﻪ ﻉ ﻭﮔﻔﺘﻲ ﻋﺎﮔﺪ ﺣﺎﺟﺒﻲ ﻣﺎﺍﻋﺮﻑ ﺷﺤﭽﻲ ﻭﺷﮕﻮﻝ .. ﺗﻌﺎﻝ ﻳﻤﻪ ﻫﺎﻙ .. ﺷﻬﺎﻙ ﺷﻨﻬﻲ ﻫﺬﺍ ﻳﻤﻪ ﻟﻴﺶ ﻭﻣﻦ ﺷﻮﻛﺖ ﻭﻭﻳﻦ ﭼﺎﻧﻦ ﻟﻤﻦ . ﺍﻧﺎﻡ ﻭﺍﻧﻪ ﺣﺎﻳﺮ ﺍﺑﺎﭼﺮ .. ﭼﺎﻧﻦ ﺑﺎﻟﺤﻔﻆ ﻭﺍﻟﺼﻮﻥ ﻳﻤﻪ ﻫﺬﺍ ﻭﻛﺘﻬﻦ ﻭﻫﺎﻱ ﻋﺎﺯﺗﻬﻦ ﺫﺍﻙ ﻣﺎﻫﻮ ﻭﻛﺘﻬﻦ .. ﻟﻴﺶ ﻳﻤﻪ ﺗﺪﺭﻳﻦ ﺷﺼﺎﺭ ﺑﻴﻪ .. ﺍﺩﺭﻱ ﻛﻠﺸﻲ ﺍﺩﺭﻱ .. ﻟﻮ ﻣﻨﻄﻴﺘﻚ ﮔﺒﻞ ﺑﺬﺍﻙ ﻭﻛﺘﻚ ﭼﺎ ﺍﺧﺬﺗﻬﻦ ﻭﻇﻠﻴﻨﻪ ﻧﺼﺮﻓﻬﻦ ﻭﺧﻠﺼﻦ ﻭﺗﺘﻀﺎﻳﮓ ﻉ ﻛﺒﺮ ﻭﺍﻟﻀﻴﮕﻪ ﺍﻋﻠﻪ ﻛﺒﺮ ﻣﺎﻫﻲ ﻣﺜﻞ ﺿﻴﮕﺔ ﺍﻟﺰﻏﺮ ﺿﻴﮕﺔ ﺍﻟﻜﺒﺮ ﻣﺎﺗﺨﻠﻴﻚ ﺗﺒﻴﻊ ﻋﻼﻟﻴﮓ ﺑﺴﻮﮒ ﻭﻻﺗﺸﺘﻐﻞ ﺣﻤﺎﻝ ﻭﻻﺗﺪﺭﺱ ﻭﺗﺘﻌﺐ ﻭﻻ ﺗﻔﻜﺮ ﺗﺸﺘﺮﻳﻠﻚ ﮔﺎﻉ ﺿﻴﮕﺔ ﺍﻟﻜﺒﺮ ﺗﺮﺑﻄﻚ ﻭﺗﺨﻠﻴﻚ ﺗﺴﺘﻨﻜﻒ ﺗﺸﺘﻐﻞ ﺑﻌﺪ ﻋﺰ ﺍﻟﺸﺒﺎﺏ ﻭﻣﺎﻳﻘﻮﻯ ﻋﻮﺩﻙ ﻭﻻﺗﺼﻴﺮ ﺑﻬﺎﻟﻔﻄﺎﻧﻪ ﻭﺍﻟﺴﺒﺎﻋﻴﻪ ﻫﺎﻱ ﺍﻧﻪ ﻟﻮ ﻣﻨﻄﻴﺘﻚ ﻛﺒﻞ ﭼﺎﮔﻀﻴﻨﺎﻫﻦ ﻭﻫﺴﻪ ﺗﺤﺘﺎﺭ ﺑﻌﺮﺳﻚ ﺍﺗﺬﻛﺮ ﺑﻌﺪ ﻣﺎﺍﺷﺘﻐﻠﺖ ﺣﻤﺎﻝ ﺑﻴﻮﻣﻴﻦ ﺍﺟﻴﺖ ﺗﻮﻭﻥ ﻣﻦ . ﺍﻣﺘﻮﻧﻚ ﺩﻫﻨﺘﻬﻦ ﺍﻟﻚ ﻭﺍﻧﻪ ﺩﻣﻮﻋﻲ ﺍﻣﺴﺤﻬﺎ ﮔﺒﻞ ﻻ ﺍﻃﻴﺢ ﺣﺘﻰ ﻻﺗﺸﻮﻓﻬﺎ ﻭﺗﻀﻌﻒ ﭼﻨﺖ ﺍﮔﻠﻚ ﺍﻟﺘﻌﺐ ﻟﻠﺰﻟﻢ ﻭﺍﻟﺪﻧﻴﺎ ﺍﻟﺘﻠﻮﻳﻚ ﺍﻟﻮﻳﻬﺎ ﻭﻃﻠﻊ ﺣﮕﻚ ﻣﺜﻠﺚ ﭼﻨﺖ ﮔﻮﻩ ﺍﻛﺾ ﺍﻳﺪﻱ ﻭﻣﺎﺍﻃﻠﻌﻬﻦ ﺍﻟﻚ ﺍﻛﻮﻝ ﺍﺧﺮﺑﻪ ﻣﺎﺍﺣﻤﻲ ﻳﻤﻪ ﺍﻧﺖ ﻭﺣﻴﺪ ﻻﻋﻨﺪﻙ ﺍﺧﻲ ﺗﻨﺘﺠﻲ ﻋﻠﻴﻪ ﻭﻻ ﺍﺑﻮ ﻳﺘﻜﻔﻞ ﻋﺮﺳﻚ ﻭﺷﺒﺎﺑﻚ ﻫﺬﺍ ﻭﻛﺘﻬﻦ ﺍﻟﻀﺎﻣﺘﻬﻦ ﻭﺍﻧﻪ ﻣﺘﺎﻧﻴﻪ ﻭﻛﺘﻬﻦ ﻳﻮﻡ ﻳﻮﻡ ﮔﻌﺪﺕ ﻳﻤﻬﺎ ﻉ ﺭﺟﻠﻴﻨﻲ ﻟﺰﻣﺖ ﺭﺍﺳﻬﺎ ﺑﻴﺪﻱ ﻭﺣﺒﻴﺘﻪ ﺣﭽﻴﻬﺎ ﺻﺪﮒ ﺍﻧﻪ ﻟﻮ ﺑﻬﺬﺍ ﻋﻤﺮﻱ ﺻﻌﺐ ﺍﺷﺘﻐﻞ ﻫﻴﺞ ﺷﻐﻞ ﻭﺍﺑﻨﻲ ﺭﻭﺣﻲ ﻣﻦ ﺟﺪﻳﺪ ﺑﻴﻮﻣﻬﺎ ﻣﺎﻧﺎﻣﺖ ﻋﻴﻮﻧﻲ ﻭﺍﻧﻪ ﺍﻛﻮﻝ ﺍﻟﻠﻪ ﺍﺧﺬ ﻣﻨﻲ ﺍﺧﻮﺍﻥ ﻭﺍﺏ ﺑﺲ ﻋﻮﺿﻨﻲ ﺑﺄﻡ ﻋﺎﻗﻠﻪ ﻭﺣﻜﻴﻤﻪ ﺗﺴﻮﺍﻟﻬﺎ ﻣﻴﺔ ﺭﺟﺎﻝ ﻣﺎﻇﻞ ﻋﻨﺪﻱ ﺑﺲ ﺍﺣﺎﺟﻲ ﻭﺳﺎﻡ ﺑﻴﻮﻣﻬﺎ ﺍﺟﺎﻧﻲ ﻟﻠﺒﻴﺖ ﻭﻋﻴﺐ ﺍﺑﻴﺘﻲ ﺍﺣﺎﺟﻲ ﻻﺯﻡ ﺍﺗﻌﻨﺎﻟﻪ ﻳﻠﻠﻪ ﺍﺑﺪﻱ ﺍﻟﻤﻮﺿﻮﻉ ﻭﻳﺎﻩ ﻳﻀﺤﻚ ﻫﻮ ﻭﻳﻜﻠﻲ ﻭﻟﻚ ﻣﺎﺗﻌﺮﺱ ﻣﺸﺘﻬﻲ ﺍﻓﺮﺡ .. ﺍﻥ ﺷﺎﺀﺍﻟﻠﻪ ﺗﻔﺮﺡ ﻭﺗﻔﺮﺣﻨﻲ ﺗﻌﺎﻝ ﻧﻄﻠﻊ ﺧﻠﻨﻪ ﻧﺴﻮﻟﻒ ﺑﻴﻮﻣﻬﺎ ﻻﻛﺎﻧﻲ ﻛﺮﺍﺭ ﺍﺑﻦ ﻋﻤﻲ ﺍﮔﺒﻞ ﻋﻠﻲ ﻳﺮﻳﺪ ﻳﺴﻠﻢ ﺍﻧﻪ ﺳﺤﺒﺖ ﺭﻭﺣﻲ ﻭﺷﻤﺮﺕ ﺑﻤﻤﺸﺎﻱ ﻋﻨﻪ ﻭﺳﺎﻡ ﮔﺎﻝ .. ﻣﻮ ﻣﻨﻚ ﻫﺎﻱ ﺧﻮﻭﻳﻲ .. ﻻ ﻭﺍﻟﻠﻪ ﻣﻨﻲ ﮔﻠﺒﻲ ﻫﻮﺍﻱ ﻣﺤﻤﻞ ﻣﻨﻬﻢ ﺷﺴﻮﻱ ﻣﺤﺪ ﻳﻠﻮﻣﻨﻲ .. ﺑﻌﺪ ﻳﻮﻣﻴﻦ ﺗﺼﻴﺮ ﺧﺎﻝ ﺍﻭﻻﺩﻩ ﻟﻴﺶ ﺍﻧﻄﻴﺖ ﺍﺫﺍ ﻣﺎﻧﺎﻭﻱ ﺍﻟﺼﻠﺢ .. ﺍﻧﻄﻴﺖ ﻣﺎﺭﺩﺕ ﺍﻭﻛﻒ ﺑﻘﺴﻤﺔ ﺍﺧﺘﻲ ﻭﺍﻟﺼﻠﺢ ﻣﺎﻧﺎﻭﻱ ﻭﻻ ﺍﻧﻮﻱ ﻣﺎﺣﺎﭼﺎﻧﻲ ﻋﺎﻓﻨﻲ ﺑﺮﺍﺣﺘﻲ ﺑﻮﻛﺘﻬﺎ ﺍﺣﺲ ﺑﺮﻛﺎﻥ ﺑﻴﻪ ﻭﺛﺎﺭ ﺑﺸﻮﻓﺘﻪ ﺍﻟﻲ ﻋﺮﻓﺘﻪ ﻃﺎﻟﻊ ﺍﺑﻴﺖ ﻭﺣﺪﻩ ﻣﺮﺗﺎﺡ ﻋﻠﻴﻬﺎ ﻭﺑﻴﻪ ﻧﺎﺭ ﺗﺴﻌﺮ ﻛﺪ ﻣﺎﺍﺷﺘﺎﻗﻠﻬﺎ ﺍﺣﻘﺪ ﻋﻠﻴﻬﺎ ﻭﻛﺪ ﻣﺎﺍﺗﻤﻨﺎﻟﻬﺎ ﺍﻟﺨﻴﺮ ﺍﺗﻤﻨﻰ ﺍﻋﺮﻑ ﺣﺎﻟﻬﺎ ﻣﺮﺗﺎﺡ ﺑﻔﺮﺍﻛﻨﻪ ﺗﺤﺲ ﺑﻌﺎﺯﺗﻨﻪ ﺣﺲ ﺑﻴﻪ ﻭﺳﺎﻡ ﺗﻮﺗﺮﺕ ﮔﺎﻝ ﺍﻣﺸﻴﻨﻪ ﻫﻨﺎﻙ ﺍﻟﻜﺎﻋﻚ ﺭﺣﻨﻪ ﻭﻣﺎﻋﻨﺪﻱ ﺷﻲ ﺍﻛﻮﻟﻪ ﻭﺍﻓﻜﺎﺭ ﺗﺘﻼﻃﻢ ﺍﺑﺎﻟﻲ ﺩﻧﮕﺖ ﺑﻴﺪﻱ ﻋﻮﺩ ﻭﺍﺭﺳﻢ ﻉ ﺍﻟﻜﺎﻉ ﺑﺪﻭﻥ ﻭﻋﻲ ﻣﻨﻲ ﺍﺟﺎﻧﻲ ﺻﻮﺕ ﻭﺳﺎﻡ .. ﻣﻬﺮﺍﻥ ﺍﺣﭽﻲ .. ﺷﺤﭽﻲ .. ﺍﻟﻲ ﺑﻄﺮﻑ ﺍﻟﺴﺎﻧﻚ ﮔﻮﻟﻪ ﻋﻨﺪﻙ ﺣﭽﻲ ﻫﻮﺍﻱ ﺍﻋﺮﻓﻚ ﺍﻧﻪ ﻣﻮ ﺍﻟﻴﻮﻡ ﻣﺮﺍﻓﮕﻚ .. ﻋﻨﺪﻱ ﺣﭽﻲ ﻫﻮﺍﻱ ﺍﻟﻲ ﻭﻋﻠﻲ ﻳﺎﻫﻮ ﺗﺮﻳﺪ ﺍﺑﺪﻱ ﺑﻲ .. ﺑﻜﻴﻔﻚ ﺍﻟﻤﻬﻢ ﺗﺤﭽﻲ .. ﺃﺑﻮ ﺍﻟﻤﺜﻞ ﻳﮕﻮﻝ ﺍﻟﻲ ﺗﺴﺘﺤﻲ ﻣﻨﻬﺎ .. ﺟﺪﻣﻬﺎ ( ﺍﺣﺠﻴﻬﺎ ﻗﺒﻞ ﻏﻴﺮﻫﺎ ) .. ﺗﻌﺮﻑ ﺍﻧﻪ ﺍﺭﻳﺪ ﺍﻋﺮﺱ ﻭﻭ .. ﺍﺣﺘﺎﺭﻳﺖ ﺷﺤﭽﻲ ﺍﺷﻮﻓﻬﺎ ﻭﺍﻛﻔﻪ ﻫﺴﻪ ﻟﻮ ﻣﺘﺎﻛﺪ ﻋﻨﺪﻩ ﺍﻭﺩﻱ ﺍﻣﻲ ﮔﺒﻞ ﻋﻠﻴﻬﻢ .. ﻻﺗﺴﻜﺖ ﻣﺎﻫﺮ ﮔﻮﻝ ﺍﻧﻪ ﻭﻓﻠﻮﺳﻲ ﻛﻠﻬﺎ ﺗﺤﺖ ﺍﻣﺮﻙ .. ﻻ ﻓﻬﻤﺘﻨﻲ ﻏﻠﻂ ﻣﻮ ﻫﻴﺞ .. ﭼﺎﺷﻨﻬﻲ ﺭﺍﻳﺪ ﻣﺮﻩ ﻣﻨﻲ ﻏﻴﺮ ﺗﺴﻮﻟﻒ ﺷﺠﺎﻙ ﺍﻟﺴﺎﻧﻚ ﺍﻧﺒﻠﻊ .. ﺿﺤﻜﺖ ﺭﺣﻢ ﺍﻟﻠﻪ ﻭﺍﻟﺪﻳﻚ ﺟﺒﺘﻬﺎ ﺍﻋﺮﻑ ﻋﻨﺪﻙ ﺧﻮﺍﺕ ﺑﺲ ﻣﺎﺍﺩﺭﻱ ﻣﺘﺰﻭﺟﺎﺕ ﻣﺴﻤﺎﻳﺎﺕ ﺍﻻﺣﺪ ﻻ ﻭﺍﻧﻪ ﺭﺍﻳﺪ ﻧﺴﺒﻜﻢ ﻭﺭﺍﻳﺪﻙ ﺧﺎﻝ ﺍﻻﻭﻻﺩﻱ ﻣﺜﻞ ﻣﺎﻋﻀﻴﺪ ﺍﻻﺑﻮﻫﻢ ﺍﺫﺍ ﻋﻨﺪﻙ ﻣﺮﻩ ﻟﻠﺰﻭﺍﺝ ﺣﺘﻰ ﻟﻮ ﻣﻦ ﺑﻨﺎﺕ ﻋﻤﻚ ﺗﻮﺍﻟﻤﻨﻲ ﻭﺗﺮﺿﺎ ﺑﻴﻪ ﻭﻛﻮﻥ ﺍﻫﻠﻚ ﻟﻮ ﺍﻫﻠﻬﺎ ﻳﺮﺿﻮﻥ ﺍﻧﻪ ﺍﺗﺸﻮﻑ ﺑﻴﻜﻢ ﻭﺑﻨﺴﺒﻜﻢ.......قصص عراقيه حقيقيه من واقعنا.روعه الطائي ﻫﺎﺍﺍ ؟ ﺍﻧﺖ ﻭﻫﺎﻱ ﺳﻜﺘﻚ ﻭﻣﺤﺘﺎﺭ ﻋﻨﺪﻱ ﺑﺪﻝ ﺍﻟﺒﻤﻨﺖ ﺑﻨﺎﺕ ﻭﻋﻠﻲ ﻭﻛﻠﻬﻦ ﻟﻮ ﻳﺼﻴﺮ ﺍﻧﻄﻴﻬﻦ ﺍﻟﻚ ﻫﻬﻬﻪ ﺍﻟﺒﻴﻬﺎ ﺣﻆ ﻣﻨﻬﻦ ﺗﺎﺧﺬﻙ ﺑﺲ ﺍﺗﻌﺮﻑ ﺍﻧﻪ ﺍﺧﻮﻙ ﻭﺍﻟﺮﺃﻱ ﻣﺎﻫﻮ ﺍﻟﻲ ﻭﺑﺲ ﺍﺑﻮﻱ ﻭﺍﺧﻮﺍﻧﻲ ﻭﺗﺪﻟﻞ .. ﻳﻌﻨﻲ ﻋﻨﺪﻙ .. ﻋﻨﺪﻱ ﺧﻴﺮ ﻣﻦ ﺍﻟﻠﻪ ﺑﺲ ﺗﺮﻯ ﻛﻠﻬﻦ ﺟﻠﺢ ﻣﺜﻠﻲ .. ﺿﺤﻜﺖ ﻭﺍﻧﻪ ﺍﺣﺐ ﺍﻟﺠﻠﺢ ﻣﺎﺗﺸﻮﻑ ﺣﺒﻴﺘﻚ ﮔﻮﻡ ﮔﻮﻡ ﺭﻭﺡ ﺍﻟﻬﻠﻚ ﺍﻟﻤﻦ ﮔﺎﻋﺪ ﻳﻤﻲ .. ﻫﺎ ﺧﻮﻳﻪ ﻃﺮﺩ ﺍﻧﻮﺏ .. ﺟﺎﭼﻴﻬﻢ ﻋﻠﻴﻚ ﺍﻟﻠﻪ ﻭﻣﺎﺍﺭﻳﺪ ﺟﺒﺮ ﻭﺳﺎﻡ ﺧﻠﻴﻬﺎ ﺍﺑﺎﻟﻚ ﺍﻻ ﺍﻟﺠﺒﺮ .. ﻻ ﻳﻈﻞ ﺑﺎﻟﻚ ﺍﺣﺎﺟﻴﻬﻢ ﻭﺍﺧﺎﺑﺮﻙ ﻭﺳﺎﻡ .. ﺭﺟﻌﺖ ﻟﻠﺒﻴﺖ ﻭﻛﻠﺖ ﺍﺣﺎﺟﻲ ﺍﺑﻮﻱ ﻭﺍﺧﻮﺍﻧﻲ ﻭﺍﺑﺎﻟﻲ ﺯﻳﻨﺐ ﺗﻨﺎﺳﺒﻪ ﺷﺨﺼﻴﺘﻬﺎ ﻗﻮﻳﺔ ﻭﺍﺟﺘﻤﺎﻋﻴﻪ ﺗﺤﺐ ﺗﺸﺎﻗﻪ ﻭﺗﻜﺮﻩ ﺍﻟﻨﻜﺪ ﺍﺑﺪ ﻣﺎﺗﺤﺐ ﺗﻨﻜﺪ ﻉ ﺍﺣﺪ ﻋﻜﺲ ﻋﻴﺒﻬﺎ ﻛﺴﻼﻧﻪ ﻭﺑﺎﻟﺪﻓﻌﺎﺕ ﺑﻤﺪﺭﺳﺘﻬﺎ ﻋﻜﺲ ﺍﺧﺘﻬﺎ ﺍﻟﺘﻮﻡ ﻣﺮﻳﻢ ﺑﻜﻠﺸﻲ ﻃﺒﻴﺖ ﺍﻟﺒﻴﺖ ﻟﮕﻴﺖ ﺍﺻﻮﺍﺗﻬﻢ ﻋﺎﻟﻴﻪ ﺍﻣﻲ ﻭﺍﻟﺒﻨﺎﺕ ﻭﺍﺑﻮﻱ ﮔﺎﻋﺪ ﻳﺤﺎﺳﺐ ﺑﺰﻳﻨﺐ ﺍﺭﻳﺪ ﺍﻓﻬﻢ ﺍﻟﺼﺎﺭ ﺍﻭﻝ ﻣﺮﻩ ﺩﻣﻮﻋﻬﺎ ﺗﻨﺰﻝ ﻫﻴﺞ .. ﺷﻜﻮﻭ ﺷﺒﻴﻜﻢ ﺩﺍﺭﻭ ﻋﻠﻲ ﻭﻫﻴﻪ ﺯﺍﺩ ﺑﭽﻴﻬﺎ ﻣﻦ ﺷﺎﻓﺘﻨﻲ .. ﺍﺣﺪ ﻳﮕﻠﻲ ﺷﻜﻮﻭ ﺣﺎﭼﺎﻧﻲ ﺍﺑﻮﻱ .. ﻫﺎﻱ ﺍﺧﺘﻚ ﺗﺮﻳﺪ ﻣﺎﺗﺠﻲ ﻟﻠﻄﺮﻳﻖ ﺷﻨﻮ ﻳﻨﻘﺼﻬﺎ ﻋﻦ ﺍﺧﺘﻬﺎ ﻧﻔﺲ ﺍﻟﻤﺼﺮﻑ ﻧﻔﺲ ﺍﻟﻤﻼﺑﺲ ﻧﻔﺲ ﺍﻻﻫﺘﻤﺎﻡ ﻭﻫﻲ ﺍﻛﺜﺮ ﻣﺮﺍﺕ ﻻﻥ ﺩﻭﻣﻬﺎ ﻳﻤﻨﻪ ﺷﻨﺎﻗﺼﻬﺎ ﻣﻦ ﺟﺎﻳﺘﻨﻲ ﺑﺎﻟﺸﻬﺮﻱ ﺍﻛﻤﺎﻝ ﻻ ﻭﻣﺠﺮﻫﺎ ﻣﺘﺮﻭﺱ ﻛﺘﺐ ﻭﺗﻘﺮﺍ ﺑﻴﻬﻦ ﺳﺎﻋﺎﺕ ﻭﻫﻨﻪ ﻣﻮ ﻟﻠﻤﺪﺭﺳﻪ ﻛﺘﺐ ﺛﻘﺎﻓﻴﻪ ﻭﺗﺎﺭﻳﺨﻴﻪ ﺟﻨﺎﺑﻬﺎ ﻣﺘﺜﻘﻔﻪ ﻭﻛﺴﻼﻧﻪ ﻭﻳﻦ ﺻﺎﻳﺮﻩ ﻫﺎﻱ ﺑﺎﻭﻋﺘﻠﻬﺎ ﺗﻤﺴﺢ ﺩﻣﻮﻋﻬﺎ ﻭﺗﺨﺰﺭ ﺑﻤﺮﻳﻢ .. ﻛﺘﺒﻴﺶ ﻫﺎﻱ ﺯﻳﻨﺐ .. ﻭﺳﺎﻡ ﻭﺍﻟﻠﻪ ﻛﺘﺐ ﺣﻠﻮﻩ ﻓﻠﺴﻔﻪ ﻭﺛﻘﺎﻓﻪ ﻭﺍﺩﺏ ﺷﺒﻴﻬﺎ ﺍﺫﺍ ﻗﺮﻳﺖ .. ﻭﻟﻴﺶ ﻣﺎﺗﻘﺮﻳﻦ ﺍﺩﺭﻭﺳﺞ .. ﻣﺎﺍﺣﺐ ﺍﻟﻤﺪﺭﺳﻪ ﺍﺗﻌﻘﺪ ﻣﻨﻬﺎ ﺍﻛﺮﻫﺎ ﺍﻃﻠﺒﻮﻧﻲ ﻳﻌﻨﻲ ﺍﺫﺍ ﻣﺎﺍﺧﺬﺕ ﺷﻬﺎﺩﺗﻲ ﺍﻧﻲ ﺟﺎﻫﻠﻪ ﻣﻮ ﺷﺮﻁ ﺗﺮﻯ ﺍﻋﺮﻑ ﻛﻠﺸﻲ ﻭﺍﻗﺮﺍ ﻛﺘﺐ ﻋﻦ ﻛﻠﺸﻲ ﺍﻟﻤﺪﺭﺳﻪ ﻣﺎﺍﺣﺒﻬﺎ .. ﻻﺗﺼﻴﺤﻴﻦ ﺻﻮﺗﺞ ﻧﺼﺖ ﺻﻮﺗﻬﺎ ﺍﺗﻨﻔﺴﺖ ﻭﺣﺠﺖ ﻣﻮ ﺍﺻﻴﺢ ﻭﺍﻟﻠﻪ ﺑﺲ ﺍﻟﺪﺭﺍﺳﻪ ﻣﻮ ﻧﻬﺎﻳﺔ ﺍﻟﻌﺎﻟﻢ ﺍﺫﺍ ﻣﺎﺣﺒﻴﺘﻬﺎ .. ﺣﺎﭼﺎﻫﺎ ﺍﺑﻮﻱ ﻭﻟﭻ ﺍﺧﺬﻱ ﺷﻬﺎﺩﺓ ﺍﻟﺜﺎﻟﺚ ﻭﺍﻛﻌﺪﻱ .. ﺍﻱ ﻭﺍﻧﻲ ﺟﺎﻱ ﺍﺣﺎﻭﻝ ﺍﺗﻘﺒﻠﻬﺎ ﺑﻜﻞ ﻃﺮﻳﻘﻪ .. ﻭﻟﭻ ﺍﺧﻮﺍﻧﺞ ﻛﺎﺳﺮﻳﻦ ﻇﻬﻮﺭﻫﻢ ﺑﺎﻟﺸﻐﻞ ﻭﻳﺪﺭﺳﻮﻥ ﻭﺍﻧﺘﻲ ﺗﺼﺮﻓﻴﻦ ﻭﻛﻠﺸﻲ ﻣﺎﻛﻮ ﺑﻄﻠﻲ ﻣﻦ ﻫﺴﻪ .. ﻋﺎﺩﻱ ﺍﺑﻄﻞ ﻭﺍﻟﻠﺖ ﺍﺫﺍ ﺿﻐﻄﺘﻮ ﻋﻠﻴﻪ ﺍﺗﻤﺮﺽ ﻫﻴﺞ ﻣﺮﺣﻠﻪ ﻭﺍﺻﻠﻪ ﺍﻛﺮﻫﺎ ﻭﺍﻟﻠﻪ ﻣﺴﺒﺒﺘﻠﻲ ﻋﻘﺪﺓ .. ﻳﻄﺒﺞ ﻃﻮﺏ ﺧﻠﺼﻲ ﺍﻟﺴﻨﺔ ﻭﻣﺎﻛﻮ ﺩﻭﺍﻡ ﺑﻌﺪ ﻳﻠﻠﻪ ﻭﻟﻲ ﺍﻟﻐﺮﻓﺘﺞ .. ﺭﺣﺖ ﻣﻦ ﻳﻤﻬﻢ ﻭﺍﻧﻲ ﺍﺩﺭﺩﻡ ﺑﺪﺍﺧﻠﻲ ﺧﺮﺏ ﺑﺤﻈﻲ ﻣﺨﻠﺼﺖ ﻳﻌﻨﻲ ﻋﺒﺎﻟﻲ ﻣﻦ ﻻﺟﺮ ﺍﺗﺮﻙ ﺩﺧﻠﺖ ﺍﻟﻐﺮﻓﻪ ﻭﺍﺟﺖ ﻣﺮﻳﻢ ﻭﺭﺍﻱ .. ﺍﻧﻲ ﺷﮕﺪ ﺷﺎﻳﻔﻪ ﺑﺲ ﻣﺜﻞ ﺧﺒﺎﺛﺘﺞ ﻣﺸﺎﻳﻔﻪ .. ﺩﺭﻭﺣﻲ ﺍﻟﻤﺼﻠﺤﺘﺞ ﺣﭽﻴﺖ ﺳﻜﻮ ﺗﻘﺮﻳﻦ ﺑﻜﺘﺐ ﺗﻠﻌﺐ ﺍﻟﻨﻔﺲ ﺍﺻﻼ ﺷﻠﻮﻥ ﺗﻘﺮﻳﻬﺎ ﺑﻜﺒﺮﻫﺎ ﻭﺗﺎﺭﻛﻪ ﻛﺘﺒﺞ .. ﻳﺎﺍﺧﺘﻲ ﺍﻟﻲ ﺗﺸﻮﻓﻴﻬﺎ ﺗﻠﻌﺐ ﺍﻟﻨﻔﺲ ﻋﻨﺪﻱ ﺗﺴﻮﻯ ﻛﺘﺐ ﻣﺪﺭﺳﺘﺞ ﻣﻠﻴﻮﻥ ﻣﺮﻩ ﻛﻠﻬﺎ ﺗﺜﻘﻴﻒ ﻭﺗﻌﻠﻴﻢ ﺍﺳﺘﻐﻠﻴﺘﻴﻨﻲ ﻏﺴﻠﺘﻠﺞ ﻣﻼﺑﺲ ﻭﻛﻮﻳﺞ ﻛﻠﻪ ﻭﺭﺗﺒﺖ ﻛﻨﺘﻮﺭﺝ ﻭﺭﺣﺘﻲ ﻛﻠﺘﻴﻠﻬﻢ ﺍﻃﻠﻌﻬﺎ ﻣﻨﺞ ﺳﻬﻠﻪ ﻣﻮ ﺻﺎﺩﻗﻪ ﺑﻮﻋﺪﺝ ﺣﺮﺍﻣﺎﺕ ﺻﺪﻛﺖ ﺑﻴﺞ .. ﻛﺎﻓﻲ ﺍﺭﻳﺪ ﺍﻗﺮﺍ ﻳﺎﺭﻳﺖ ﺍﻃﻠﻌﻴﻦ ﻭﺗﻨﻮﺣﻴﻦ ﺑﻌﻴﺪ ﻋﻨﻲ ﺧﻞ ﺍﻛﻤﻞ ﻗﺮﺍﻳﺘﻲ ﻭﺍﺳﺘﻘﺒﻞ ﻛﻠﺸﻲ ﻣﻨﺞ ﺣﺘﻰ ﺍﻟﺒﺴﻄﻪ .. ﻋﺎﺑﺖ ﺍﻟﻬﺎﻟﺨﻠﻘﻪ .. ﻧﻔﺲ ﺍﻟﺨﻠﻘﻪ ﺗﺮﻯ .. ﻋﺎﺑﺖ ﻋﺎﺑﺖ ﻃﻠﻌﺖ ﻭﺳﺪﻳﺖ ﺍﻟﺒﺎﺏ ﺣﻴﻞ ﻭﺍﻟﻠﻪ ﻳﺎﺭﺑﻲ ﻭﺍﺳﺘﺒﺮﻕ ﺗﺮﻳﺪ ﺗﻨﻄﻴﻨﻲ ﺭﻭﺍﻳﺎﺕ ﻋﺒﻴﺮ ﻫﻮ ﺍﻧﻲ ﺫﻧﻲ ﻭﻣﺨﻠﺼﺎﻧﻪ ﻣﻨﻬﻢ ﺍﻧﻮﺏ ﺣﺐ ﻭﺧﺮﺍﺑﻴﻂ ﺣﺘﻰ ﺍﻋﮕﺎﻝ ﺍﺑﻮﻱ ﻳﺼﻴﺮ 55 ﺑﻈﻬﺮﻱ ﻭﺷﻢ ﻣﺪﻯ ﺍﻟﺤﻴﺎﺓ ﺭﺣﺖ ﻟﻜﻴﺖ ﺍﻣﻲ ﺗﻨﻈﻒ ﺍﻟﺪﺟﺎﺝ ﺟﺎﻳﺒﻠﻬﺎ ﺍﺑﻮﻱ ﻛﻤﻴﺔ ﻛﺒﻴﺮﻩ ﺗﻨﻈﻔﻪ ﻭﺗﻀﻤﻪ ﺣﺎﻭﻟﺖ ﺍﺛﮕﻞ ﻭﺟﻬﻲ ﻋﻠﻴﻬﺎ ﻻﻥ ﻫﻲ ﺧﻠﺖ ﻣﺮﻳﻢ ﺗﺤﭽﻲ ﺍﻻﺑﻮﻱ ﺑﺲ ﮔﻠﺒﻲ ﻣﺎﺍﻧﻄﺎﻧﻲ ﺍﺷﻮﻓﻬﺎ ﺗﺠﺮ ﺍﻟﺪﺟﺎﺟﻪ ﻣﻨﺎ ﻭﺗﺮﺟﻌﻬﺎ ﻣﻨﺎﻩ ﻭﺣﺪﻫﺎ ﻭﺳﺖ ﺍﻟﺤﺴﻦ ﺯﻭﺟﺔ ﺣﺴﺎﻡ ﺑﻐﺮﻓﺘﻬﺎ ﻣﺘﻨﺰﻝ ﻟﻮ ﺗﻨﮕﻠﺐ ﺍﻟﺪﻧﻴﺎ ﻋﻠﻴﻬﺎ ﻣﻮﺍﻋﻴﻦ ﺍﻟﻌﺸﺎ ﻭﺗﻔﺮﺡ ﺑﻴﻮﻡ ﺍﻟﻲ ﻳﻌﺎﻗﺒﻮﻧﻲ ﻷﻥ ﺍﻧﻲ ﺍﻏﺴﻠﻬﻦ ﻣﻮ ﻫﻴﻪ ﺍﻃﻠﻌﻠﻲ ﻣﻮﺍﻋﻴﻦ ﻣﺎﻝ ﺍﺳﺒﻮﻉ ﻣﻦ ﺛﻼﺟﺘﻬﻢ ﺍﻟﻔﻮﮒ ﺗﺰﻳﺪ ﺍﻟﻌﻨﺪﻱ ﺑﺲ ﺍﻧﻲ ﻣﺎﺍﻓﻮﺗﻬﺎ ﺍﻟﻬﺎ ﺑﻴﻮﻡ ﺍﻟﻴﺮﺟﻊ ﻧﻈﺎﻡ ﻃﺒﻴﻌﻲ ﺍﺻﺐ ﻋﺸﺎ ﻭﺍﺧﻠﻲ ﻛﻞ ﻣﺎﻋﻮﻥ ﺑﻲ ﺍﺭﺑﻊ ﺑﺘﻴﺘﺎﺕ ﺧﻤﺴﻪ ﻛﻞ ﻧﻔﺮ ﻣﺎﻋﻮﻥ ﻟﻮ ﻳﻄﺒﻚ ﺍﺛﻨﻴﻦ ﻳﻠﻠﻪ ﻳﺮﻫﻢ ﻣﺎﻋﻮﻥ ﺧﻮ ﺍﻟﻜﺒﺎﺏ ﻛﻞ ﺧﻤﺴﻪ ﺑﻤﺎﻋﻮﻥ ﻭﺍﺳﻮﻱ ﺯﻻﻃﻪ ﻭﻟﺒﻦ ﻭﻃﺮﺷﻲ ﻭﺍﻭﺯﻋﻬﺎ ﺑﺼﻴﺎﺗﻲ ﻭﺍﺧﺒﻂ ﻟﺒﻦ ﻭﺍﻣﻠﻲ ﺍﻟﺪﻭﺍﻟﻚ ﺍﺧﻠﻴﻬﺎ ﻣﺜﻞ ﺳﻔﺮﺓ ﺭﻣﻀﺎﻥ ﺣﺘﻰ ﺍﺗﻮﺏ ﻣﻨﻲ ﺑﺲ ﻣﺎﺟﺎﻱ ﺗﺠﻮﺯ ﻭﺍﻧﻲ ﻣﺎﺍﺭﻳﺪ ﺍﺳﻮﻱ ﻣﺸﺎﻛﻞ ﻋﺸﺘﻮﻭ ﺑﺖ ﻋﻤﻲ ﻭﺍﻟﻘﻬﺮ ﺍﻛﺒﺮ ﻣﻨﻲ ﺑﺸﻬﺮﻳﻦ ﺑﺲ ﺑﻌﻤﺮﻧﻪ ﻭﺗﺘﻔﻴﻚ ﻋﻠﻴﻨﻪ ﻋﻮﺩ ﻣﺘﺰﻭﺟﻪ ﻛﻌﺪﺕ ﺑﺼﻔﻬﺎ ﻟﺰﻣﺖ ﺍﻟﺪﺟﺎﺟﻪ ﻭﺍﻧﻲ ﮔﺎﻟﺒﻪ ﻭﺟﻬﻲ ﺍﺟﻪ ﻭﺳﺎﻡ ﺷﻮ ﻳﺒﺎﻭﻋﻠﻲ ﻭﻳﻀﺤﻚ ﺷﺒﻲ ﻫﺬﺍ ﺟﺎﻥ ﻭﻳﺎﻱ ﺻﺎﺭ ﻋﻠﻴﻪ ﻭﺍﻟﻠﻪ ﻳﺎﺭﺑﻲ ﻉ ﺍﺳﺎﺱ ﺷﻠﻮﻧﻜﻢ ﺍﻧﺘﻮ ﺍﻫﻞ ﺍﻟﺸﻬﺎﻳﺪ ﻭﺍﺣﺪﻛﻢ ﻣﻴﻔﺮﻕ ﺑﻴﻦ ﺍﻟﻀﺎﺩ ﻭﺍﻝ ﻅ ﺍﻭﻭﻑ ﺍﻣﻨﻴﺘﻲ ﺍﺣﺎﺟﻴﻬﻢ ﻫﻴﺞ ﺑﺲ ﺍﺳﺘﺤﻲ ﻣﻨﻬﻢ ﻭﺍﺧﺎﻑ ﺍﻧﺴﺤﻞ ﺳﺤﻠﻪ ﻣﻌﺪﻟﻪ ﺷﻮﻳﻪ ﻭﺍﺑﻮﻳﻪ ﺻﺎﺡ ﺍﻣﻲ ﺍﻣﻲ ﻋﻴﺪ ﻭﺟﺎﺑﻪ ﺍﻟﻌﺒﺎﺱ ﺍﻟﻬﺎ ﺧﻠﺘﻬﻦ ﻋﻠﻴﻪ ﻭﻛﺎﻣﺖ ﺗﻐﺴﻞ ﺍﻳﺪﻫﺎ ﻭﺗﻌﺪﻝ ﺑﺸﻴﻠﺘﻬﺎ ﻭﺗﺒﺎﻭﻉ ﺑﺎﻟﻤﺮﺍﻳﻪ ﻭﺍﻟﻠﻪ ﻳﺎﺭﺑﻲ ﺍﻣﺪﻩ ﺣﻈﻲ ﻟﻮ ﺍﻟﻠﻪ ﻣﺨﻠﻴﻨﻲ ﺍﺣﺐ ﺍﻟﻤﺪﺭﺳﺔ ﻭﺍﺗﮕﻠﺐ ﻋﻠﻴﻜﻢ ﻭﻻ ﻫﺬﻱ ﺍﻟﻌﻴﺸﻪ ﻣﺴﻮﻳﺘﻠﻬﺎ ﺩﺟﺎﺟﺘﻴﻦ ﻭﺍﻟﺒﺎﻗﻲ ﻛﻠﻬﻦ ﺑﻌﺪﻫﻦ ﺟﺒﺘﻠﻲ ﺗﺤﺘﻪ ﻭﺍﻣﺮﻱ ﺍﻝ ﺍﻟﻠﻪ ﻧﻈﻔﺘﻬﻦ ﻭﻏﺴﻠﺘﻬﻦ ﻭﺧﻠﻴﺘﻬﻦ ﺑﻤﺼﻔﻲ ﻭﺑﻌﺪﻫﺎ ﻛﻞ ﺩﺟﺎﺟﻪ ﺑﻌﻼﮔﻪ ﻭﺭﺣﺖ ﺍﺿﻤﻬﻦ ﻳﺎﻫﻮ ﺍﻟﻤﻌﺮﺱ ﺑﺎﺟﺮ ﺍﺑﻮﻱ ﺍﻥ ﺷﺎﺀﺍﻟﻠﻪ ﺷﻮﻳﻪ ﻭﺍﺟﺖ ﺗﻀﺤﻚ .. ﺗﺒﺎﻭﻋﻠﻲ ﻭﺗﻜﻮﻝ ﺻﻼﻭﺍﺕ ﻋﻠﻰ ﻣﺤﻤﺪ....ﻳﺎ ﺑﻜﻠﺒﻲ ﻛﻠﺖ ﻋﺸﺮ ﺻﻼﻭﺍﺕ ﻣﻮ ﻭﺣﺪﻩ ﻋﺠﺒﺞ ﺷﻐﻠﻲ ﻭﻣﺎﮔﻠﺘﻲ ﺷﻤﺴﻮﻳﻪ ﺿﺤﮕﺘﻠﻲ ﻭﺍﻧﻲ ﺑﻌﺪﻧﻲ ﺑﺰﻋﻠﺘﻲ ﻛﺮﺻﺖ ﺧﺪﻱ ﺍﺑﺘﺴﻤﺖ ﺍﻟﻬﺎ ﺭﺿﻴﺖ .. ﺻﻠﻮﺍﺕ ﻳﻤﻪ ﻟﻮ ﺗﺪﺭﻳﻦ ﻳﺎﻫﻮ ﺍﻟﺨﺎﻃﺒﺞ .. ﺻﻔﻨﺖ ﻋﻠﻴﻬﺎ ﺧﺎﻃﺒﻨﻲ ﻣﻨﻮﻭ .. ﻣﺎﻫﺮ ﺻﺎﺣﺐ ﺍﺧﻮﺝ ﻭﺍﺑﻮﺝ ﻛﺎﻝ ﻣﺎﻧﻠﮕﻪ ﺍﺣﺴﻦ ﻣﻨﻪ .. ﺷﻨﻮﻭ ؟ ﻻ ﻭﺍﻟﻠﻪ ﺧﺎﻑ ﻣﺎﻳﺮﺿﻮﻥ ﺍﻧﻲ ﺣﺘﻰ ﻣﺎﺷﺎﻳﻔﺘﻪ ﻭﻻ ﺍﻋﺮﻑ ﺷﻨﻮ ﺷﻜﻠﻪ ﺧﺎﻃﺒﻨﻲ ﺷﻨﻮﻭ ﻭﺑﻌﺪﻩ ﻳﺪﺭﺱ ﺍﻻﺳﺘﺎﺫ ﺷﺪﻋﻮﻩ ﻣﺘﻮﺍﺯﻱ ﻫﻴﺞ .. ﻫﺴﻪ ﺍﻧﺘﻲ ﺗﺤﺎﺳﺒﻴﻨﻪ ﺷﻨﻲ ﻭﻟﺪ ﻋﻨﺪﻩ ﺧﻴﺮ ﻣﻦ ﺍﻟﻠﻪ ﻭﺯﻟﻤﻪ ﺳﺒﻊ ﻻﻳﻐﺮﺝ ﻋﻤﺮﻩ ﺍﺧﻮﺍﻧﺞ ﻛﻴﻔﻮﻭ ﻣﻦ ﺣﺎﺟﺎﻫﻢ ﻭﺳﺎﻡ ﻭﻛﺎﻟﻮ ﻛﻠﻴﻠﻬﺎ ﺍﻧﺘﻲ ﻣﻮ ﻧﺎﺭﺍﻳﺪﻩ ﻣﺪﺭﺳﺔ ﺍﺗﺰﻭﺟﻲ ﻭﻣﺎﺗﻠﻜﻪ ﺍﺣﺴﻦ ﻣﻨﻪ .. ﻻﻋﻴﻨﻲ ﺍﺩﺭﺱ ﺍﺩﺭﺱ ﺑﻄﻠﺖ .. ﺍﻧﺠﺒﻲ ﻭﻟﺞ ﺍﻟﻮﻟﺪ ﻭﺣﻴﺪ ﺍﻣﻪ ﻭﺳﺒﻊ ﻭﻧﺸﻤﻲ ﺗﺮﺗﺎﺣﻴﻦ ﻭﻳﺎﻩ ﻭﺍﻻﻫﻢ ﻳﻘﺪﺭﭺ ﻻﻥ ﻳﻘﺪﺭ ﺍﺧﻮﺍﻧﭻ ﻭﺍﺑﻮﺝ ﻭﻫﻮ ﮔﺎﻳﻞ ﺍﺭﻳﺪ ﻣﻨﻜﻢ ﺟﻲ ﺣﻤﻮﻟﻪ ﻭﻧﺎﺱ ﻣﻌﺪﻟﻴﻦ .. ﻳﻤﻪ ﻓﺪﻭﻩ ﻻﺗﻠﺤﻴﻦ ﻋﻠﻴﻪ ﻭﺍﻟﻠﻪ ﻣﺎﺍﻛﺪﺭ ﺍﺗﺨﻴﻞ ﺣﺘﻰ ﺷﻜﻠﻪ ﺍﻧﻲ ﻣﺎﺷﺎﻳﻔﺘﻪ ﻏﻴﺮ ﺑﺲ ﺻﻮﺗﻪ ﺍﺳﻤﻌﻪ ﻣﻦ ﻳﺠﻲ .. ﺣﻠﻮﻭ ﻫﻴﺒﻪ ﻭﻣﺎﺑﻲ ﻋﻴﺐ .. ﺭﺩﺕ ﺍﻃﻠﻊ ﻣﻨﻬﺎ ﺻﻮﺕ ﻭﺳﺎﻡ ﻭﮔﻔﻨﻲ ﺗﻌﺎﻱ ﺯﻳﻨﺐ ﺍﺭﻳﺪﺝ ﺍﺣﺲ ﻏﺮﻛﺖ ﺑﻬﺪﻭﻣﻲ ﻳﻤﻪ ﻣﺘﺖ ﻭﺟﻬﻲ ﺻﺎﺭ ﻧﺎﺭ ﻣﺎﻛﺪﺭﺕ ﺍﺩﻭﺭ ﻋﻠﻴﻪ ﺩﺍﺭ ﻋﻠﻴﻪ ﻫﻮ ﻭﻣﺒﺘﺴﻢ .. ﺗﻌﺎﻱ ﺍﺳﻮﻟﻒ ﻭﻳﺎﭺ .. ﺭﺣﺖ ﻭﺭﺍﻩ ﺍﺗﻌﺜﺮ ﺑﻤﺸﻴﺘﻲ ﺍﺣﺲ ﺣﺘﻪ ﺍﺩﻳﻨﻲ ﻳﺮﺟﻔﻦ ﺩﺧﻞ ﻟﻠﻐﺮﻓﻪ ﻭﻣﺎﻝ ﺍﻟﻤﺮﻳﻢ .. ﻣﺮﻳﻮﻣﻪ ﺍﻃﻠﻌﻲ ﺍﺭﻳﺪ ﺍﺧﺘﭻ ﺑﺸﻐﻠﻪ ﻫﺎﻱ ﺍﻟﺨﺒﻠﻪ ﻣﺎﺷﺎﻟﺖ ﻋﻴﻨﻬﺎ ﻣﻦ ﻛﺘﺎﺑﻬﺎ ﺧﺮﺏ ﺑﺤﻈﻲ ﻳﻠﻮﻣﻮﻧﻲ ﻣﻦ ﺍﮔﻮﻝ ﻣﺨﻠﻮﺳﻪ ﻣﺎﻋﺪﻫﺎ ﻓﻀﻮﻝ ﺗﻌﺮﻑ ﺍﻟﺴﺎﻟﻔﻪ ﮔﻌﺪ ﻭﺍﺷﺮﻟﻲ ﺍﮔﻌﺪ .. ﺗﻌﺎﻱ ﻫﻨﺎ ﺧﻮﻳﻪ .. ﮔﻌﺪﺕ ﻭﺍﺣﺲ ﺑﻠﻌﻮﻣﻲ ﻳﺼﻌﺪ ﻭﻳﻨﺰﻝ ﻣﻦ ﺍﻟﺨﻮﻑ ﻳﻤﻪ ﻳﺎﺭﺏ ﺩﺧﻴﻠﻚ ﻋﺪﻳﻠﻲ ﻫﺬﺍ ﺍﻟﻤﻮﺿﻮﻉ .. ﺷﻮﻓﻲ ﺗﻌﺮﻓﻴﻦ ﺑﻤﻌﺰﺗﺞ ﻋﻨﺪﻱ ﺍﺷﺮﺗﻠﻪ ﺑﺮﺍﺳﻲ .. ﻭﺗﻌﺮﻓﻴﻦ ﺷﮕﺪ ﺍﺣﺐ ﺻﻮﻳﺤﺒﻲ ﻭﻣﺎﻣﺼﺎﺣﺐ ﻏﻴﺮﻩ ﻣﻦ ﺳﻨﻴﻦ ﻭﻋﻨﺪﻱ ﺍﺧﻮ ﺳﺎﺩﺱ ﺍﻟﻲ ﻭﺍﺟﺪﻣﻪ ﻋﻠﻴﻬﻢ ﻧﻮﺑﺎﺕ ﻫﻮ ﻳﺤﭽﻲ ﻭﺍﻧﻲ ﻭﺩﻱ ﺍﻛﻠﻪ ﻭﺍﺿﺢ ﻣﻦ ﺣﺠﻴﻚ ﺍﻟﻮﺣﻴﺪ ﻟﻬﺠﺘﻚ ﻣﺜﻞ ﻟﻬﺠﺘﻬﻢ ﺍﺣﻨﻪ ﺻﺢ ﻧﻔﺲ ﺍﻟﺤﺠﻲ ﺑﺲ ﺍﻛﻮ ﻛﻠﻤﺎﺕ ﻣﺎﻧﻜﻮﻟﻬﺎ ﻣﺜﻼ ﻧﻜﻮﻝ ﺍﻗﺪﻣﻪ ﺻﺎﺣﺒﻲ ﻣﻮ ﺻﻮﻳﺤﺒﻲ ﻫﻮﺍﻱ ﻛﻠﻤﺎﺕ ﻣﻦ ﻋﻨﺪﻩ ﻫﻮ ﺣﺎﻓﻈﻬﻦ ﻛﻤﻞ ﻛﻼﻣﻪ ﻭﮔﺎﻝ .. ﺗﺮﻯ ﺍﻧﺘﻲ ﻣﺤﻈﻮﻇﻪ ﺑﻲ ﻭﺍﻟﻠﻪ ﻭﺷﺎﻫﺪ ﺍﻟﻠﻪ ﻣﺎﺗﻠﻮﮔﻠﻪ ﻏﻴﺮﺝ ﻣﺎﻫﺮ ﺳﺒﻊ ﻭﺣﻴﺎﺗﻪ ﺗﻌﺐ ﺑﺘﻌﺐ ﺍﻟﺤﺪ ﻣﺎﺻﺎﺭ ﻫﺴﻪ ﻛﻠﻬﺎ ﺗﺤﺴﺐ ﺣﺴﺎﺑﻪ ﻭﺍﻧﺘﻲ ﺍﻥ ﺷﺎﺀﺍﻟﻠﻪ ﺗﺸﻮﻓﻴﻨﻪ ﺍﻧﺘﻲ ﺍﺫﺍ ﻣﺎﺷﺎﻳﻔﺘﻪ ﺍﻧﻲ ﺍﺧﻠﻲ ﺍﻣﻲ ﺗﺸﻮﻓﺞ ﺻﻮﺭﻩ ﺍﻟﻪ ﻭﺩﻱ ﺷﻲ ﻳﻄﻴﺮ ﻋﻠﻴﻪ ﻳﻐﻄﻴﻨﻲ ﮔﺎﻝ ﻫﺴﻪ ﺍﻧﺘﻲ ﻣﻮﺍﻓﻘﻪ ﻣﻮﻭ ﺍﺫﺍ ﺍﻧﻲ ﺍﺧﻮﺝ ﻭﺍﻛﻠﭻ ﺿﺎﻣﻨﻪ ﺍﻟﺞ ﺗﺮﻯ ﺍﺑﻮﻱ ﻧﺎﻭﻱ ﻳﻨﻄﻴﺞ ﺍﻟﻘﻴﺲ ﺍﺑﻦ ﻋﻤﺞ ﻭﻫﺬﺍ ﻗﻴﺲ ﻣﺎ ﻳﻼﺋﻤﺞ ﺳﻮﺍﻟﻔﻪ ﻣﻜﺴﺮﻩ ﻭﺍﻟﻠﻪ ﺧﻔﺖ ﻣﻦ ﻛﺎﻝ ﻗﻴﺲ ﻫﺬﺍ ﺍﻟﻮﺣﻴﺪ ﺍﻟﻤﺎﺍﺭﻳﺪﻩ ﺍﺑﺪ ﻭﺍﺑﻮﻱ ﺍﺩﺭﻱ ﻣﺎﻳﻌﺪﻳﻬﺎ ﺍﻟﻲ ﺳﺎﻟﻔﺔ ﺍﻟﻤﺪﺭﺳﺔ ﺭﺟﻊ ﮔﺎﻝ .. ﺷﮕﻠﺘﻲ ﻣﺎﺣﭽﻴﺖ ﺳﻜﺘﺖ ﺧﺠﻼﻧﻪ ﻭﺧﺎﻳﻔﻪ ﻭﻛﻠﺒﻲ ﻳﺪﻙ ﺳﺮﻳﻊ .. ﺗﺎﺧﺬﻳﻦ ﺣﭽﺎﻳﺘﻲ ﺍﻧﻪ ﻭﺍﺧﻮﺍﻧﺞ ﻳﻌﻨﻲ ﺗﺄﻣﻨﻴﻦ ﺑﻴﻨﻪ ﻧﻌﺮﻑ ﺍﻟﺼﺢ ﺍﻟﺞ ﻭﺍﻟﺰﻳﻦ ﻭﺍﻟﻤﻮﺯﻳﻦ ﺍﺷﺮﺕ ﺑﺮﺍﺳﻲ ﺑﺨﻮﻑ ﺍﺭﻳﺪ ﺍﻛﻠﻪ ﻻ ﻣﺎﺍﻗﺒﻞ ﻉ ﻃﺮﻑ ﺍﻟﺴﺎﻧﻲ ﺑﺲ ﺍﺣﺲ ﻭﺍﺣﺪ ﻭﻻﺯﻣﻪ ﮔﺎﻝ ﻭﺍﻧﻲ ﺍﮔﻮﻝ ﻭﺍﻓﻘﻲ ﻣﺎﺗﻨﺪﻣﻴﻦ ﺷﻜﻠﺘﻲ ﺳﻜﺘﺖ ﻣﺪﻧﮕﻪ ﺍﺭﻳﺪ ﺍﺭﻓﺾ ﻣﺎﺍﮔﺪﺭ .. ﮔﻮﻟﻲ .. ﻫﺰﻳﺖ ﺭﺍﺳﻲ ﻣﻮﺍﻓﻘﻪ ﻣﺎﺍﺩﺭﻱ ﻟﻴﺶ ﻭﺷﻠﻮﻥ ﻃﻠﻌﺖ ﻭﺍﻧﻪ ﺍﻓﻜﺮ ﻣﺎﻫﺮ ﺑﺎﻟﻌﺮﺏ ﻭﻣﺎﻛﻮ ﺷﻐﻠﻪ ﻣﺎﻣﺸﺘﻐﻠﻬﺎ ﻳﻌﻨﻲ ﺣﺎﻟﺘﻪ ﻣﻮ ﺷﻲ ﻭﻓﻮﻙ ﻫﺬﺍ ﻣﺎﺷﺎﻳﻔﺘﻪ ﺍﺗﺨﻴﻞ ﺷﻜﻠﻪ ﻣﻮ ﺣﻠﻮﻭ ﻳﺮﺑﻲ ﺑﺲ ﻻﺻﺪﻙ ﺑﻴﻮﻣﻬﺎ ﺑﺠﻴﺖ ﻭﺍﺗﻨﺪﻣﺖ ﻭﻫﻢ ﺣﺮﻛﻮﻭ ﺍﻟﺠﻮﻭ ﺑﺎﻷﺗﺼﺎﻻﺕ ﺍﻟﻌﻤﺎﻣﻲ ﻭﺍﻟﻤﺎﻫﺮ ﺷﺪﻋﻮﻩ ﺑﻨﻔﺲ ﺍﻟﻴﻮﻡ ﺭﺩﻳﺘﻮ ﺧﺒﺮ ﺣﺘﻰ ﻣﺎﻛﺎﻟﻮ ﺑﺎﻟﺠﺬﺏ ﻧﻔﻜﺮ ﻛﺎﺗﻠﻴﺖ ﺍﺭﻭﺍﺣﻜﻢ ﻟﻴﺶ ﻋﻠﻴﻤﻦ ﺛﺎﻧﻲ ﻳﻮﻡ ﻣﺎﻃﻠﻌﺖ ﻳﻤﻬﻢ ﻣﻦ ﻛﻌﺪﺕ ﺍﺟﺖ ﺍﻣﻲ ﮔﺎﻟﺖ ﺍﻟﻴﻮﻡ ﺍﻟﻤﺸﻴﺔ ﻭﺍﻣﻪ ﺗﺠﻲ ﺗﺸﻮﻓﺞ ﺣﻀﺮﻱ ﺭﻭﺣﺞ .. ﺷﻨﻮ ﺍﻣﻪ ﺗﺠﻲ ﺷﻨﻮ ﻣﺸﻴﺔ ﻳﻌﻨﻲ ﻋﻘﺪ ﺍﻟﻴﻮﻡ ﻳﻨﻪ ﻣﻮ ﻫﻴﭻ .. ﻣﺎﻛﻮ ﻋﻘﺪ ﺍﺳﺒﻮﻋﻴﻦ ﻭﺯﻭﺍﺝ ﻭﺑﻠﻴﻠﺔ ﻋﺮﺳﺞ ﻳﻌﻘﺪ ﻫﻴﺞ ﻫﻮ ﺭﺍﻳﺪ ﻣﻦ ﺍﺧﻮﺝ .. ﻳﺒﻮﻭ ﻟﻴﺶ ﻋﻮﺩ ﻭﻳﺎﺯﻭﺍﺝ ﺷﺒﺴﺮﻋﻪ ﻳﻤﻪ ﺑﻄﻠﺖ ﺭﺍﺣﺖ ﺍﻣﻲ ﺗﺸﺘﻐﻞ ﺍﻧﺠﺒﻲ ﺍﻧﺠﺒﻲ ﺑﻄﻠﺖ ﻟﻌﺐ ﺟﻬﺎﻝ ﻫﻮﻭ ﺧﻮ ﺍﻧﻪ ﻻﺍﺩﺧﻠﺖ ﻭﻻﺟﺒﺮﺗﺞ ﻭﻻ ﺍﺑﻮﺝ ﺍﻧﺘﻲ ﮔﻠﺘﻲ ﺍﻻﺧﻮﺝ ﺭﺍﺿﻴﻪ ﺍﻣﺪﺍﻧﻲ ﺧﺮﺏ ﺑﺤﻈﻲ ﻣﻨﻴﻦ ﻃﻠﻌﻠﻲ ﻣﺎﻫﺮ ﺍﻧﻮﺏ ﻻ ﺍﻟﻤﺼﻴﺒﻪ ﻭﺳﺎﻡ ﻏﻠﺲ ﻋﻠﻲ ﻣﻮ ﻛﺎﻝ ﺍﺧﻠﻲ ﺍﻣﻲ ﺗﺸﻮﻓﻪ ﺍﻟﺞ ﻳﻌﻨﻲ ﺻﻮﺭﺗﻪ ﺟﺎﻭﻳﻦ ﺭﺍﺣﺖ ﺑﻠﻨﺪﻥ ﻭﻣﻮﺩﻳﻨﻬﺎ ﺷﺤﻦ ﻫﺬﺍ ﺍﻟﺤﻆ ﺍﻟﻌﺎﺛﺮ ﻣﻦ ﺍﺧﻠﺺ ﻣﻦ ﻣﺪﺭﺳﻪ ﻣﺎﻟﺤﻜﺖ ﺍﻓﺮﺡ ﻳﻮﻡ ﺍﺟﺎﻧﻲ ﻋﺮﺱ ﻻ ﻭﺍﻭﻝ ﺍﻟﺤﺎﺿﺮﻳﻦ ﺿﺮﺍﺭ ﻋﺎﺑﺘﻠﻚ ﺍﻧﺖ ﻭﺣﻀﻮﺭﻙ ﻋﺒﺎﻟﻲ ﺗﻐﺎﺭ ﻋﻠﻴﻪ ﻭﺗﻨﻬﺎ ﻋﺎﺑﺖ ﺍﻟﻬﻴﺞ ﻭﻟﺪ ﻋﻢ ﺍﻟﺠﻨﺖ ﺍﻓﻜﺮ ﺑﻲ ﺷﺎﺭﺩ ﻭﺍﻻﻛﺮﻫﺎ ﺭﺍﻳﺪﻧﻲ ﺭﺣﺖ ﺍﻟﻐﺮﻓﺘﻲ ﻭﺩﻗﺘﻨﻲ ﻫﺎﻱ ﺍﻟﺘﻘﺮﺍ ﺑﺼﻔﻲ ﻭﻟﺞ ﻣﺼﺒﺎﺡ ﺟﻤﻌﻪ ﻭﺍﻟﺨﻤﻴﺲ ﺍﻟﻨﺺ ﺍﻟﻠﻴﻞ ﺗﻘﺮﻳﻦ ﻭﻣﻮﻗﺘﻪ ﻣﻨﺒﻪ ﻛﻌﺪﺗﻲ ﺗﻘﺮﻳﻦ ﻣﺎﺗﻤﻠﻴﻦ ﺍﻧﺘﻲ ﺍﺷﻚ ﻣﺎﺧﺬﻩ ﻃﺎﻗﺔ ﺩﺭﺍﺳﺘﻲ ﻭﻫﻲ ﺍﺑﻄﻦ ﺍﻣﻲ ﺷﻠﺖ ﺑﻴﺪ ﻛﻮﺷﻪ ﻭﺷﻤﺮﺗﻬﺎ ﻉ ﺭﺍﺳﻬﺎ ﺻﺎﺣﺖ .. ﻳﻤﻪ .. ﻭﻏﻤﻪ ﻛﻮﻥ ﻏﻤﻪ ﻫﻲ ﻣﺼﻴﻮﺑﻪ ﺍﺩﺭﻱ ﺍﻧﺘﻲ ﻣﺎﺗﺤﺴﻴﻦ ﻣﺎﺗﻜﻮﻟﻴﻦ ﺍﺧﺘﻲ ﺧﻄﻴﻪ ﺍﻧﺨﻄﺒﺖ ﻭﻣﺎﺗﺪﺭﻱ ﺗﻔﺮﺡ ﺗﺒﺠﻲ ﻣﺎﺗﻜﻮﻟﻴﻦ ﺍﺷﻮﻓﻬﺎ ﺷﻤﺤﺘﺎﺟﻪ ﺍﻡ . ﻣﺼﻠﺤﻪ ﺑﺲ ﻟﻮ ﺭﺩﺗﻲ ﺍﻛﻠﻪ ﻟﻮ ﺗﺮﺗﻴﺐ ﺻﺤﺘﻴﻨﻲ ﻣﻮﺣﻀﺮﺗﺞ ﺍﻳﺪﺝ ﺑﻴﻬﺎ ﻋﻮﻭﻕ ﺟﻨﺘﻲ ﻧﺴﺘﻐﻠﺘﻨﻲ ﺑﺤﻞ ﺍﻟﻮﺍﺟﺒﺎﺕ ﻋﺴﻪ ﺑﻌﺪ ﻣﺎﺍﻟﻲ ﺷﻲ ﻋﻨﺪﺝ ﺍﺷﻮﻓﺞ ﺍﻃﻠﺒﻴﻦ ﻃﻠﺐ ﺷﺒﻴﺞ ﻭﻟﺞ ﻧﺴﻴﺖ ﺻﺪﮒ ﺍﻟﻴﻮﻡ ﺍﻟﻤﺸﻴﺔ ﻣﺎﻟﺘﺞ ﺍﻣﻲ ﺍﻟﺼﺒﺢ ﮔﺎﻟﺘﻠﻲ ﺑﺲ ﺟﻨﺖ ﻣﺮﻛﺰﻩ ﺑﻜﺘﺎﺑﻲ .. ﻻ ﻭﺍﻟﻠﻪ ﺍﻧﺘﻲ ﻣﻮ ﻃﺒﻴﻌﻴﻪ ﻳﺮﺍﺩﻟﺞ ﺣﺮﺯ ﺣﺠﺎﺏ ﺟﻠﺴﺎﺕ ﻋﺪ ﺷﻴﺦ ﺿﻤﺪ ﻳﻄﻠﻊ ﺟﻨﻲ ﺍﻟﺪﺭﺍﺳﻪ ﺍﻟﻲ ﺑﺮﺍﺳﺞ .. ﻫﺴﻪ ﺷﺘﺮﺩﻳﻦ ﺷﺒﻴﺞ ﺍﺳﺎﻋﺪﺝ ﺑﺸﻲ .. ﺍﻱ ﮔﺎﺑﻠﻴﻨﻲ ﻭﺍﻟﻄﻤﻲ ﻭﻟﺞ ﻣﺎﺷﺎﻳﻔﺘﻪ ﺣﻠﻮﻭ ﻟﻮ ﻻ .. ﺣﻠﻮﻭ ﺍﻧﻲ ﺷﺎﻳﻔﺘﻪ .. ﺍﺫﺍ ﻣﺎﻣﻘﺘﻨﻌﻪ ﺷﻤﻮ ﺗﻮﺍﻗﻴﻦ ﻣﻮ ﻛﺎﺗﻠﻪ ﺭﻭﺣﺞ ﻉ ﺍﻟﻌﺮﺱ ﺍﺟﺎﺝ ﺑﻌﺪ ﺷﺘﺮﺩﻳﻦ .. ﻋﺎﺑﺖ ﻋﻮﺩ ﺍﺧﺘﻲ ﻭﺍﺷﻜﻴﻠﺞ ﻫﻤﻲ .. ﺍﻟﻠﻪ ﻋﻠﻴﺞ ﺻﺪﮒ ﺣﻠﻮﻭ .. ﻭﺍﻟﻠﻪ ﺣﻠﻮﻭ ﺷﺨﺼﻴﺔ .. ﺑﺲ ﻻ ﺍﻗﺘﻨﻊ ﺑﺬﻭﻗﺞ ﺍﻧﻲ ﺍﻧﺘﻲ ﻋﻨﺪﺝ ﺳﺖ ﺍﻣﻞ ﺗﺠﻨﻦ ﻭﻫﻲ ﺟﻨﻬﺎ ﻛﻮﺍﻛﺐ ﺯﻭﺟﺔ ﺣﻜﻴﻢ ﺍﻷﻗﺰﺍﻡ .. ﺷﻜﻮ ﺗﺤﺎﺟﻴﻨﻲ ﻫﺴﻪ ﺍﺫﺍ ﻣﺎﻣﻘﺘﻨﻌﻪ ﻋﻮﻓﻴﻨﻲ ﺗﺮﺩﻳﻦ ﺍﺭﺳﺐ ﻣﻦ ﻭﺭﺍﺝ ﻣﻮ ﻛﺎﻓﻲ ﺍﻫﻠﻲ ﻣﺎﺧﺮﻳﻨﻪ ﺳﻨﺔ ﺩﺭﺍﺳﻴﻪ ﻻﻥ ﺗﻮﻡ ﻭﺧﺎﻳﻔﻴﻦ ﻋﻠﻴﻨﻪ ﻋﻮﺩ ﺍﻟﻬﺴﻪ ﺍﻧﻮﺕ ﻗﻬﺮ .. ﺍﻣﺪﺍﻧﻲ ﺍﻧﻲ ﻭﻳﻦ ﻭﺍﻧﺘﻲ ﻭﻳﻦ ﻭﻟﺞ ﺷﺮﺳﺐ ﻣﻨﺞ ﻟﻮ ﻣﺎﺗﻘﺮﻳﻦ ﺳﻨﺘﻴﻦ ﺍﻟﻲ ﻛﺪﺍﻡ ﻣﺎﺗﺮﺳﺒﻴﻦ ﺍﻛﻮﻡ ﺍﺣﻀﺮ ﺭﻭﺣﻲ ﺍﺣﺴﻦ ﺑﺲ ﻭﺍﻟﻠﻪ ﻣﺎﻣﻘﺘﻨﻌﻪ ﺍﺑﺪ .. ﻛﻠﻴﻠﻬﻢ .. ﺣﺘﻪ ﻳﺼﻴﺮ ﻣﻮﺗﻲ ﺳﺤﻞ ﻛﺘﻞ ﻧﺘﻞ ﻭﺳﺎﻡ ﺍﻛﻠﻪ ﻣﺎﺍﺭﻳﺪ ﻟﻮ ﺍﻻﺑﻮﭺ ﺍﻛﻮﻝ ﺍﻟﻤﻦ ﺑﺎﻟﻀﺒﻂ ﻟﻮ ﺣﺴﺎﻡ ﻟﻮ ﺑﺴﺎﻡ ﻟﻮ ﺑﺎﻗﻲ ﺍﺧﻮﺍﻧﺞ ﺻﺪﻗﻪ ﻟﻠﻤﺘﻔﻬﻤﻴﻦ .. ﻣﺸﻜﻠﺘﺞ ﻫﺎﻱ ﻟﻮ ﻣﻦ ﺍﻟﺒﺪﺍﻳﻪ ﻣﺎﻣﺘﺴﺮﻋﻪ .. ﻫﺴﻪ ﺗﻮﺍﺳﻴﻦ ﺗﻠﻮﻣﻴﻦ .. ﺑﻜﻴﻔﺞ .. ﺧﻞ ﺍﺭﻭﺡ ﻻ ﺍﺭﺗﻜﺐ ﺑﻴﺞ ﺟﺮﻳﻤﻪ ﺗﻨﺮﻓﺰﻳﻦ ﻓﺘﺤﺖ ﺍﻟﺒﺎﺏ ﺍﺭﻳﺪ ﺍﻃﻠﻊ ﻻﻛﺘﻨﻲ ﻭﺭﻭﺩ ﻣﺮﺕ ﺣﺴﺎﻡ ﻧﺎﺯﻟﻪ ﻣﻦ ﺍﻟﺪﺭﺝ ﻋﺮﻭﺱ ﺻﺎﺭﻟﻬﺎ 4 ﺍﺷﻬﺮ ﻭﻻﺯﻣﻪ ﻇﻬﺮﻫﺎ ﻭﺍﻳﺪ ﺍﻟﺜﺎﻧﻴﻪ ﻉ ﺑﻄﻨﻬﺎ .. ﻫﻠﻮﻭ .. ﻫﻼ ﺑﻴﺞ ﻋﻴﻨﻲ ﺷﺒﻴﻬﺎ ﺑﻄﻨﭻ ﺗﻮﺟﻌﭻ ﺷﻤﺎﻛﻠﻪ ﺗﻨﻌﻮﺻﺖ ﺑﻮﺟﻬﻲ .. ﻻ ﻓﺎﻳﺘﺘﻠﻲ ﻳﻮﻣﻴﻦ .. ﻳﺎﺍ ﺷﻨﻮ ﻳﻌﻨﻲ ﺣﺎﻣﻞ ﺻﺪﮒ ﻛﻠﺘﻬﺎ ﺑﻔﺮﺡ ﺭﺍﺡ ﺍﺻﻴﺮ ﻋﻤﻪ .. ﺑﻌﺪ ﻣﻤﺘﺄﻛﺪﻩ .. ﻫﺎ ﻟﻮ ﺗﺎﻛﺪﺗﻲ ﻧﺤﻀﺮﻟﺞ ﻣﺸﺎﻳﺔ ﺑﺴﻼﻣﻪ ﻋﺒﺎﻟﻲ ﻇﻬﺮﺝ ﻳﻮﺟﻌﺞ ﻋﻔﺘﻬﺎ ﻭﺭﺣﺖ ﺍﻻﻣﻲ .. ﻳﻤﻪ ﺷﻮﻓﻲ ﭼﻨﺘﺞ ﻓﺎﻳﺘﺘﻠﻬﺎ ﻳﻮﻣﻴﻦ .. ﻫﺎﺍ ﻛﺎﻟﺘﻬﺎ ﺑﺪﻭﻥ ﻣﺎﺗﻔﻬﻢ ﺷﻲ ﻳﻮ ﺍﻧﻲ ﺷﻌﻠﻴﻪ ﻭﻛﻔﺖ ﺍﻏﺴﻞ ﻣﻮﺍﻋﻴﻦ ﻭﻧﺴﻴﺖ ﺭﻭﺣﻲ ﻓﺎﺕ ﺍﺑﻮﻱ ﻭﺻﺎﺡ ﺍﻣﻲ ﻋﻮﻓﻮﻫﺎ ﺍﻟﻴﻮﻡ ﺗﺤﻀﺮ ﺭﻭﺣﻬﺎ ﺩﻭﻡ ﺷﻐﻞ ﻣﻮ ﺟﺎﻳﻴﻨﻬﺎ ﻧﺎﺱ ﻣﺴﺤﺖ ﺍﻟﻤﻲ ﻣﻦ ﺍﻳﺪﻱ ﺍﻱ ﻭﺍﻟﻠﻪ ﺍﻟﻤﻔﺮﻭﺽ ﺍﺩﻟﻞ ﺣﺎﭼﻴﺖ ﺍﻣﻲ .. ﻳﻤﻪ ﻋﻮﺩ ﺷﻠﺒﺲ .. ﻟﺒﺴﻴﻠﺞ ﺛﻮﺏ ﺣﻠﻮﻭ .. ﻫﺎ ﺧﻮﺵ ﺳﺎﻋﺪﺗﻴﻨﻲ ﻭﺍﻟﻠﻪ .. ﺛﻮﺏ ﺣﻠﻮﻭ ﺍﻧﻲ ﺍﻋﺮﻑ ﻳﺎﺛﻮﺏ قصص عراقيه حقيقيه من واقعنا.روعه الطائي ﺭﺣﺖ ﺍﻃﻠﻊ ﻣﻼﺑﺴﻲ ﺳﺒﺤﺖ ﻭﻣﺸﻄﺖ ﺷﻌﺮﻱ ﻫﺬﺍ ﺍﻟﺜﺎﻧﻲ ﺍﻟﻲ ﺍﻣﻮﺕ ﻣﻨﻪ ﺑﻌﺪ ﺍﻟﻤﺪﺭﺳﻪ ﺍﻟﻌﻠﻪ ﺍﻟﺜﺎﻧﻴﻪ ﻭﺍﺻﻞ ﺍﻟﻌﻀﻠﺔ ﺭﺟﻠﻲ ﻭﺍﻧﻲ ﻣﺎﺗﻘﺒﻞ ﺍﻛﺼﻪ ﺗﻜﻮﻝ ﺍﻟﻤﺎﻋﺪﻫﺎ ﺭﺟﻞ ﺍﻟﻤﻦ ﺗﮕﺺ ﻭﺗﻌﺪﻝ ﺗﻨﭽﺐ ﻭﺗﮕﻌﺪ ﻧﻬﺎﻳﺔ ﻛﻞ ﺣﺪﻳﺚ ﻋﻦ ﺷﻌﺮﻱ ﻳﻮﻡ ﻋﻴﺪ ﻭﻫﻢ ﺍﺧﻠﺺ ﻣﻨﻪ ﻣﺸﻄﺘﻪ ﮔﻮﻩ ﻭﺿﻔﺮﺗﻪ ﺍﻟﻲ ﻣﺮﻳﻢ ﻫﻨﺪﻱ ﻫﺎﻱ ﺍﻟﺸﻐﻠﻪ ﺍﻟﻔﺎﻟﺤﻪ ﺑﻴﻬﺎ ﻣﺎﺍﻧﻜﺮﻫﺎ ﺗﻀﻔﺮﻟﻲ ﺍﺟﺖ ﺍﻣﻪ ﻭﺍﺣﺲ ﺭﺟﻠﻴﻪ ﺗﺮﺟﻒ ﺍﺧﺬﺕ ﺍﻟﻀﻴﺎﻓﻪ ﻭﺭﺣﺖ ﻛﻮﻩ ﺛﺒﺘﺖ ﺭﺟﻠﻴﻨﻲ ﻭﻻﻥ ﺍﺩﺭﻱ ﺑﻴﻬﻢ ﺷﻴﻮﺥ ﻭﻫﻲ ﻣﺒﻴﻨﻪ ﻗﻮﻳﺔ ﻛﻮﻩ ﺳﻠﻤﺖ ﻋﻠﻴﻬﺎ ﻭﻗﺪﻣﺘﻠﻬﺎ ﻭﺧﻠﻴﺘﻬﺎ ﺗﺸﻮﻑ ﺍﻟﻴﻌﺠﺒﻬﺎ ﺑﻴﻪ ﻭﺍﻟﻤﺎﻳﻌﺠﺒﻬﺎ ﺍﻟﻤﺮﻳﺔ ﺣﻴﻞ ﺛﻜﻴﻠﻪ ﻭﻭﻗﻮﺭﻩ ﻭﻛﻼﻣﻬﺎ ﻛﻠﻪ ﺣﻜﻢ ﻳﻌﻨﻲ ﻣﺎﺳﻮﻟﻔﺖ ﺳﺎﻟﻔﻪ ﺑﺪﻭﻥ ﺭﺑﺎﻁ ﻓﺮﺣﺖ ﺑﻴﻪ ﻣﻦ ﺷﺎﻓﺘﻨﻲ ﺑﺎﺭﻋﺘﻠﻬﺮ ﻋﻴﻮﻧﻬﺎ ﻣﻜﺤﻠﻪ ﻛﺒﺎﺭ ﺭﻏﻢ ﺍﻟﺘﻌﺐ ﻭﺍﻟﻌﻤﺮ ﻣﺎﺧﺬ ﻣﻨﻬﻦ ﺑﻴﻬﺎ ﺩﻛﻪ ﺣﻠﻮﻩ ﺑﺤﻨﺠﻬﺎ ﻣﺤﻠﻴﺘﻬﺎ ﻭﻣﻄﻴﺘﻬﺎ ﻃﺎﺑﻊ ﻳﻼﺋﻤﻬﺎ ﻃﻮﻳﻠﻪ ﻭﻫﺎﺩﺋﻪ ﻣﻦ ﺗﺤﭽﻲ ﺭﻛﺰﺕ ﺑﻴﻬﺎ ﺭﺩﺕ ﺍﺷﻮﻑ ﺍﺑﻨﻬﺎ ﻣﻦ ﺧﻼﻟﻬﺎ ﻳﺸﺒﻬﻪ ﻟﻮ ﻻ ﺣﺘﻰ ﻟﻮ ﻳﺸﺒﻬﻪ ﻣﺎﺟﺎﻱ ﺗﺘﺨﻴﻞ ﺷﻜﻠﻪ ﺍﺗﻔﻘﺖ ﻭﻱ ﺍﻣﻲ ﻉ ﺧﺎﺿﺮ ﻭﻏﺎﻳﺐ ﭼﺎﻥ ﺍﻛﺜﺮ ﻣﻦ ﺍﻟﻤﺒﻠﻎ ﺍﻟﻤﻌﺮﻭﻑ ﺑﻴﻦ ﺍﻟﻨﺎﺱ ﺍﺗﻔﺎﺟﺄﺕ ﺍﻟﻲ ﺍﻋﺮﻓﻪ ﻉ ﻛﺪ ﺣﺎﻟﻪ ﺷﻨﻮ ﺍﻟﻲ ﺟﺎﺑﺮﻫﻢ ﻳﺰﻳﺪﻭﻥ ﮔﺎﻟﺖ ﺍﻟﻤﺸﻴﻪ ﻭﺭﺍﻱ ﺗﺠﻲ ﻃﻠﻌﺖ ﻭﺳﺎﻋﻪ ﻭﻃﺒﺖ ﺍﻟﺰﻟﻢ ﺗﺮﺳﻮ ﺑﻴﺘﻨﻪ ﺗﺮﺱ ﺍﺧﻮﺍﻧﻲ ﻣﺎﺻﺎﺭ ﺍﻟﻬﻢ ﻣﺠﺎﻝ ﻃﻠﻌﻮ ﺑﺮﻩ ﻫﻢ ﻭﻭﻟﺪ ﻋﻤﻲ ﺍﺣﻴﺖ ﺍﺷﻮﻓﻪ ﻣﻦ ﺍﻟﺠﺎﻡ ﺍﻧﻲ ﻭﻭﺭﻭﺩ ﻭﻣﺮﻳﻢ ﻛﺎﻟﺖ ﺍﻧﻲ ﺍﺷﺮﻟﺞ ﻋﻠﻴﻪ ﻣﻦ ﺍﺷﻮﻓﻪ ﻭﻱ ﺣﻈﻲ ﻭﮔﻒ ﺑﺴﺎﻡ . ﺑﺎﻟﻤﻄﺒﺦ ﻳﺮﻳﺪ ﺍﻟﺠﺎﻱ ﻭﺍﻟﻤﻲ ﺍﺳﺘﺤﻴﺖ ﻭﺭﺣﺖ ﺍﻟﻐﺮﻓﺘﻲ ﻭﻣﺎﺷﻔﺘﻪ ﺭﺍﺣﻮﻭ ﻭﺍﻫﻠﻲ ﻳﺴﻮﻟﻔﺮﻥ ﺑﻲ ﻭﺑﻜﻼﻣﻪ ﻭﺣﻀﻮﺭﻩ ﻭﻫﻮ ﺧﺎﻃﺐ ﺑﻠﺴﺎﻧﻪ ﺑﻌﺪ ﻣﺎﺍﻟﺴﻴﺪ ﺑﺎﺩﻱ ﺑﻘﺮﺍﺀﺓ ﻗﺮﺀﺍﻥ ﻭﺣﺪﻳﺚ ﻧﺒﻮﻱ ﻫﻮ ﻃﺎﻟﺐ ﻳﺨﻄﺐ ﻭﻛﻼﻧﻪ ﺣﻠﻮﻭ ﻣﺘﻌﺠﺒﻴﻦ ﻣﻦ ﻟﺴﺎﻧﻪ ﻭﺟﺮﺃﺗﻪ ﻛﻞ ﻫﺬﺍ ﺍﻻﺳﻤﻌﻪ ﻭﺑﻌﺪﻧﻲ ﺧﺎﻳﻔﻪ ﻭﻣﻮ ﻣﻘﺘﻨﻌﻪ ﻭﻣﻤﺎﺧﺬﻩ ﺍﻟﻤﻮﺿﻮﻉ ﺑﺠﺪﻳﻪ ﺟﻨﺖ ﺍﺧﺎﻑ ﺍﻓﻜﺮ ﺍﻛﺜﺮ ﻭﺍﺻﻼ ﺻﺢ ﻭﻛﺤﻪ ﻭﺍﻟﺴﺎﻥ ﺑﺲ ﻋﻤﺮﻱ ﺯﻏﻴﺮ ﻣﻬﻤﺎ ﻛﺎﻥ ﺍﻟﺨﻄﻮﺑﻪ ﻭﺗﻔﻜﻴﺮ ﺑﺎﻟﺰﻭﺍﺝ ﻳﺨﺘﻠﻒ ﻋﻦ ﺑﺎﻗﻲ ﺍﻻﻣﻮﺭ ﺍﻟﻌﺸﺘﻬﺎ ﻣﺎﺍﺩﺭﻱ ﺭﺍﺡ ﺍﺳﺘﻤﺮ ﺍﻧﺠﺢ ﺑﺤﻴﺎﺓ ﺟﺪﻳﺪﻩ ﻟﻮ ﻟﻬﻨﺎ ﻭﺟﻨﺎﺣﺎﺗﻲ ﺍﻧﮕﺼﻦ … ﺳﺮﻭﺭ .. ﺑﻌﺪ ﻣﺎﻃﻠﻌﻨﻪ ﺑﻌﺖ ﺫﻫﺒﻲ ﻭﺟﺒﻨﻪ ﻏﺮﺍﺽ ﻭﻓﺮﺵ ﻟﻠﺒﻴﺖ ﺑﺲ ﺑﻘﺖ ﺣﻴﺎﺗﻨﺎ ﺻﻌﺒﻪ ﻣﺮﺕ ﻓﺘﺮﻩ ﻭﻛﺮﺍﺭ ﻛﻄﻊ ﻋﻦ ﺍﻫﻠﻪ ﻧﻬﺎﺋﻲ ﺑﻌﺪ ﻣﺎﺣﺘﻰ ﺍﺧﻮﺍﻧﻪ ﻏﺎﻟﻄﻴﻦ ﻋﻠﻴﻪ ﺍﻷﺻﻐﺮ ﻣﻨﻪ ﻷﻥ ﻭﺍﻛﻒ ﺿﺪ ﺍﺑﻮﻭ ﺧﻠﺼﻨﻪ ﻣﺼﺮﻑ ﻭﺑﺪﻩ ﻳﺸﺘﻐﻞ ﻭﻳﺠﻴﺐ ﻛﺪ ﻣﺴﻮﺍﻛﻨﻪ ﻭﻋﻼﻛﺘﻨﻪ ﺷﻜﻴﺖ ﺑﺮﻭﺣﻲ ﺣﺎﻣﻞ ﻭﺣﻠﻠﺖ ﻭﻃﻠﻌﺖ ﺻﺪﻙ ﺣﺎﻣﻞ ﻓﺮﺣﺖ ﻭﻓﺮﺡ ﻫﻮ ﺑﺲ ﻓﺮﺣﺘﻨﻪ ﻧﺎﻗﺼﻪ ﺑﺪﻳﺖ ﺷﻮﻱ ﺍﺷﻮﻱ ﺍﺩﺑﺮ ﺍﻟﺒﻴﺘﻲ ﻭﺍﺣﺎﻭﻝ ﺍﺗﻌﻮﺩ ﻉ ﻛﺪ ﺍﻟﻌﺪﻩ ﺍﺗﻤﺮﺽ ﻫﻮ ﺗﻌﺒﺎﻥ ﻣﺎﻟﻪ ﺧﻠﮓ ﻓﺘﺮﻩ ﻳﺎﺧﺬ ﻋﻼﺝ ﺍﻟﻤﻌﺪﺗﻪ ﻭﺑﻘﻪ ﺑﺪﻭﻥ ﺷﻐﻞ ﻭﺣﺴﺮﺓ ﻋﻠﻴﻨﻪ ﻛﻠﺸﻲ ﻭﺍﻫﻠﻪ ﺣﺘﻰ ﻣﺎﺳﺄﻟﻮ ﺍﻟﻴﻪ ﺣﺘﻰ ﺍﻣﻪ ﺍﻧﻪ ﺍﻫﻠﻲ ﺣﻘﻬﻢ ﻭﻳﺎﻱ ﺑﺲ ﻫﻮﻭ ﺷﺴﻮﻩ ﺍﻻﻫﻠﻪ ﻭﻫﻴﺞ ﮔﻄﻌﻮﻭ ﺗﻌﺒﺖ ﺑﻔﺘﺮﺓ ﺣﻤﻠﻲ ﺍﻫﺘﻢ ﺑﻴﻪ ﻭﺻﺎﺭ ﺍﻟﻲ ﻫﻮ ﺍﻻﻡ ﻭﺍﻻﺏ ﻭﻛﻠﺸﻲ ﻓﺮﺣﺖ ﺑﺤﻴﺎﺗﻲ ﻭﻣﻨﺘﻈﺮﻩ ﻣﻮﻟﻮﺩﻱ ﺑﺲ ﮔﻠﺒﻲ ﻣﻌﻠﮓ ﺑﺄﻫﻠﻲ ﺑﻴﻮﻡ ﺍﺟﻪ ﻛﺮﺍﺭ ﻛﺎﻝ ﺍﻟﻴﻮﻡ .. ﻣﺎﻫﺮ ﻣﺸﻪ ﺍﻟﻴﻮﻡ .. ﻋﻠﻴﻚ ﺍﻟﻠﻪ ﻛﻠﺘﻬﺎ ﻭﺩﻣﻌﺘﻲ ﻃﻔﺮﺕ ﻣﻦ ﻋﻴﻨﻲ ﻧﺼﻪ ﺭﺍﺳﻪ ﻣﺎﺭﺍﺩ ﻳﺸﻮﻑ ﺣﺎﻟﺘﻲ ﻳﺤﺲ ﺍﻟﺬﻧﺐ ﺫﻧﺒﻪ .. ﻭﺍﻟﻠﻪ ﺍﺗﻤﻨﻴﺖ ﻭﺍﻛﻒ ﻭﻳﺎﻩ ﺑﺲ ﻫﻮ ﻣﺎﻳﺮﻳﺪﻧﻲ ﻣﺎﻳﺪﺭﻱ ﺍﻧﻪ ﺣﺘﻰ ﺍﺑﻮﻱ ﻃﺎﺭﺩﻧﻲ ﻋﺒﺎﻟﻪ ﺍﻧﻪ ﺿﺪﻩ ﺍﺻﻼ ﺍﻓﺮﺡ ﻣﻦ ﺍﺍﺷﺒﺎﺏ ﻳﺴﻮﻟﻔﻮﻥ ﻋﻠﻴﻪ ﻭﻳﻜﻮﻟﻮﻥ ﻛﻞ ﺍﺳﺒﻮﻉ ﻧﺠﺘﻤﻊ ﺑﺪﻳﻮﺍﻧﻪ ﻭﺟﺎﻱ ﻳﻌﻴﺪ ﺗﺮﺗﻴﺐ ﺍﻟﻌﺸﻴﺮﺓ ﺑﻠﻜﻲ ﺍﻟﻠﻪ ﻫﻮ ﺍﺣﺴﻦ ﺟﺎ ﺍﻟﻌﺎﻟﻢ ﻛﻠﻬﺎ ﺍﺗﺨﺎﺭﺑﺖ ﺑﻴﻨﻬﺎ ﻋﺎﺑﻦ ﻣﺎﻛﻮ ﻭﺍﺣﺪ ﻳﺤﻜﻤﻬﺎ ﻋﺪﻝ ﻭﻫﺬﺍ ﻧﺴﻴﺒﻲ ﺣﺎﺳﻬﺎ ﺣﻮﺱ ﻣﺎﺍﺩﺭﻱ ﻟﻴﺶ ﻳﺨﺮﺏ ﺑﻴﻦ ﺍﻟﻌﺎﻟﻢ ﻭﻳﻘﺴﻢ ﺑﻴﻬﻢ .. ﻋﻠﻴﻚ ﺍﻟﻠﻪ ﻋﻠﻴﻤﻦ ﻣﺸﻪ ﻓﺪﻭﻩ ﮔﻠﻲ .. ﺍﺧﺖ ﻭﺳﺎﻡ ﺻﺎﺣﺒﻪ ﻫﻴﺞ ﺳﻤﻌﺖ .. ﺍﻟﻠﻪ ﻳﻔﺮﺣﻪ ﻭﻳﻬﻨﻲ ﻳﺴﺘﺎﻫﻞ ﻣﺎﻫﺮ ﺷﻴﺼﻴﺮ ﻟﻮ ﻫﺴﻪ ﻓﺮﺣﺎﻧﻪ ﻭﻳﺎﻩ ﻭﺍﻧﺖ ﻭﺍﻛﻔﻠﻪ .. ﺍﻟﻠﻪ ﻛﺮﻳﻢ ﻣﺎﻳﻈﻞ ﺷﻲ ﻉ ﺣﺎﻟﻪ ﻣﻮ ﺍﺣﻨﻪ ﺍﻟﺮﺍﻳﺪﻳﻦ ﺍﻟﺰﻋﻞ ﺍﻧﻪ ﻟﻮ ﺑﻴﺪﻱ ﻣﻦ ﺍﻟﺒﺪﺍﻳﻪ ﻣﺎﻳﺼﻴﺮ ﺯﻋﻞ ﺑﻴﻨﻪ .. ﻧﺰﻟﺖ ﺩﻣﻮﻋﻲ ﻭﻓﻀﺤﺘﻨﻲ ﺷﻬﮕﺘﻲ ﺍﺧﺬﻧﻲ ﺍﻟﺤﻀﻨﻪ ﻳﻤﺴﺢ ﺑﺮﺍﺳﻲ ﻭﺑﺎﺳﻪ … .. ﻣﺎﻫﺮ ﻣﺒﺘﺴﻢ ﻭﺑﻴﺪﻱ ﻭﺭﻗﻪ ﻭﻗﻠﻢ ﻭﺩﻱ ﺍﺭﺳﻢ ﻣﻼﻣﺤﻬﺎ ﺍﻟﻔﻀﻮﻝ ﺍﻟﺒﻴﻪ ﺍﺧﺬ ﻣﻨﻲ ﻫﻮﺍﻱ ﻣﺎﺟﻨﺖ ﻣﻬﺘﻢ ﺑﺲ ﻫﺴﻪ ﺭﺍﻳﺪ ﺷﻮﻓﺘﻬﺎ ﺣﻴﻞ ﺑﺲ ﻋﻴﺐ ﻣﻦ ﺻﺎﺣﺒﻲ ﺍﺭﻭﺡ ﻭﺍﺭﺩ ﻋﻠﻴﻬﻢ ﺍﻋﺤﻞ ﺑﺎﻟﻌﺮﺱ ﻭﺍﺧﺬ ﻣﺮﻳﺘﻲ ﻳﻤﻲ ﻭﺍﺷﺒﻊ ﻣﻨﻬﺎ ﺷﻮﻑ ﺷﻴﺼﻴﺮ ﻫﺴﻪ ﻟﻮ ﺍﻋﺮﻑ ﺍﺭﺳﻢ ﺍﻣﻲ ﺗﮕﻮﻝ ﺳﻤﺮﺓ ﻭﺳﻴﻌﺔ ﻋﻴﻦ ﻃﻮﻟﻬﺎ ﻳﺤﻴﻲ ﺍﻟﺮﻭﺡ ﻭﺟﺴﻤﻬﺎ ﻣﻠﻴﺎﻥ ﻭﺑﺲ ﺷﻌﺮﻫﺎ ﺑﻌﺸﺮ ﻧﺴﻮﺍﻥ ﺧﻠﺘﻨﻲ ﺍﻓﻜﺮ ﺑﻴﻬﺎ ﻭﺍﻛﻮﻝ ﺑﺲ ﻻ ﺍﻟﻮﺍﻟﺪﻩ ﻣﺒﺎﻟﻐﻪ ﻭﺗﺎﻟﻲ ﺍﺷﻮﻓﻬﺎ ﺑﻌﻴﻨﻲ ﻋﺎﺩﻳﻪ ﻟﻮ ﻛﺒﻞ ﻣﺎﺍﻫﺘﻢ ﻣﺎﺭﺍﺳﻢ ﺻﻮﺭﺓ ﺍﺑﺎﻟﻲ ﺑﺲ ﻫﺴﻪ ﻏﻴﺮ ﻛﻠﺴﺎﻉ ﺍﺗﺨﻴﻠﻬﺎ ﺗﺤﻔﻪ ﺑﻴﺪﻱ يتبع التعديل الأخير تم بواسطة لامارا ; 24-06-19 الساعة 12:20 AM | ||||
|
| |
|
02-06-19, 02:03 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الخامس …… ﺻﻴﺮ ﻣﺜﻞ ﺍﻟﻄﻴﺮ ﻣﻦ ﻳﻨﻐﺚ ﻳﻄﻴﺮ ﻣﺎﻳﭽﻠﺐ ﺑﺎﻟﻌﺰﻳﺰ ﺍﻟﻐﺎﺛﻪ …… . ﻛﺮﺍﺭ .. ﺑﻴﺪﻱ ﺩﻓﺘﺮ ﻭﻗﻠﻢ ﻭﺣﺎﻳﺮ ﻣﻨﻴﻦ ﺍﺑﺪﻱ ﻣﺎﻋﻨﺪﻱ ﻏﻴﺮ ﺍﻛﺘﺐ ﺍﻟﺒﮕﻠﺒﻲ ﻭﺑﻌﺪﻳﻦ ﻳﺠﻲ ﻭﻛﺘﻪ ﻭﻳﻨﻘﺮﻱ ﺍﻟﺒﻴﻨﻲ ﻭﺑﻴﻦ ﺍﺑﻮﻱ ﻣﺤﺪ ﻳﺪﺭﻱ ﺑﻲ ﻣﻦ ﺍﻟﻨﺎﺱ ﺣﺘﻰ ﺍﺧﻮﺍﻧﻲ ﻧﺴﻮﻧﻲ ﻭﻧﺴﻮﻭ ﻭﮔﻔﺎﺗﻲ ﺣﺘﻰ ﺍﻣﻲ ﻣﺎﻃﺮﻳﺖ ﺍﺑﺎﻟﻬﺎ ﻟﻴﻠﻪ ﻭﺣﻨﺖ ﺭﻭﻳﺤﺘﻬﺎ ﻋﻠﻲ ﻭﻻﺃﺧﺖ ﺟﺎﺳﻬﺎ ﮔﻠﺒﻬﺎ ﻭﺍﺗﻌﻨﺖ ﺍﻟﺪﺍﺭﻱ ﻛﻠﻬﻢ ﻳﺪﺭﻭﻥ ﺑﻴﻪ ﺍﻧﻪ ﻭﻳﻦ ﻭﻳﺪﺭﻭﻥ ﺑﺮﻭﺣﻲ ﺷﮕﺪ ﺗﻬﻮﺍﻫﻢ ﻭﺷﮕﺪ ﺍﻣﻴﻞ ﻉ ﺭﻭﺣﻲ ﻭﺍﺳﻮﻱ ﺍﻟﻴﺮﺩﻭﻧﻪ ﺍﻟﻬﻢ ﺣﺘﻰ ﻟﻮ ﻃﻠﺐ ﺑﺴﻴﻂ ﻣﺎﺍﺗﺬﻛﺮ ﻳﻮﻡ ﺭﺍﺩﻭﻭ ﺷﻲ ﻣﺎﻋﻔﺖ ﺍﻟﺒﻴﺪﻱ ﻭﺗﻌﻨﻴﺖ ﺍﻟﺤﺎﺟﺘﻬﻢ ﭼﻨﺖ ﺷﻴﺮﻳﺪ ﺍﺑﻮﻱ ﺣﺎﺿﺮ ﻭﺗﻢ ﻭﺍﺣﺎﻭﻝ ﺍﺻﻴﺮﻟﻪ ﺳﻨﺪ ﺣﺎﻟﻲ ﺣﺎﻝ ﺍﻟﺒﺎﻗﻲ ﻣﻦ ﺍﺧﻮﺍﻧﻲ ﺑﺲ ﻫﻮ ﻇﻞ ﻣﺘﺨﻮﻑ ﻣﻨﻲ ﻳﺪﺭﻱ ﺑﮕﻠﺒﻲ ﻣﻌﻠﮓ ﺑﺄﻭﻻﺩ ﻋﻤﻲ ﻛﻞ ﻣﺎﻧﺠﺘﻤﻊ ﻭﻳﻨﻔﺘﺢ ﻣﻮﺿﻮﻉ ﻭﺍﺟﻴﺒﻠﻬﻢ ﻃﺎﺭﻱ ﺍﻟﺼﻠﺢ ﺣﺎﻭﻟﺖ ﺍﺗﻜﺮﺏ ﺍﻟﻤﺎﻫﺮ ﺻﺪﻧﻲ ﻭﺍﺣﺴﻪ ﻣﻮ ﻃﺎﻳﻘﻨﻲ ﻇﻠﻴﺖ ﺍﺳﻌﻰ ﺍﺭﻳﺪ ﺍﻋﻮﻑ ﺍﻟﺼﺢ ﺷﻨﻬﻲ ﻭﻭﻳﻦ ﺍﻟﺤﺪ ﻣﺎﺍﺧﺬﺕ ﺑﻨﻴﺔ ﻋﻤﻲ ﻋﺸﮓ ﺍﻟﻄﻔﻮﻟﻪ ﻫﺎﻱ ﺑﺎﻟﻴﻮﻡ ﺍﻟﺼﺎﺭﺕ ﺑﻴﺪﻱ ﺣﺴﻴﺖ ﺍﻟﻠﻪ ﻣﻨﻄﻴﻨﻲ ﺍﻟﺠﻨﻪ ﻛﻠﻬﺎ ﻣﻮ ﺍﻧﻪ ﺍﻟﺮﺍﻳﺢ ﻟﻠﺠﻨﻪ ﻫﻲ ﺍﻟﺠﺎﻳﺘﻨﻲ ﺍﺧﺬﺕ ﻭﻋﺪ ﻉ ﺭﻭﺣﻲ ﻣﺜﻞ ﻣﺎﮔﺎﻝ ﺍﺧﻮﻫﺎ ﻣﺎﺍﺧﻠﻴﻬﺎ ﺗﺤﺘﺎﺝ ﺍﺣﺪ ﺑﺲ ﺍﺟﺖ ﻭﻫﻲ ﻣﻜﺴﻮﺭﻩ ﻭﻛﻞ ﺍﻟﺪﻻﻝ ﻣﻮ ﺑﻌﻴﻨﻬﺎ ﺣﺴﺮﺗﻬﺎ ﻉ ﺍﺧﻮﻫﺎ ﻭﻛﺴﺮﺗﻪ ﺍﻟﻲ ﺳﺒﺒﺘﻬﺎ ﺍﻟﻪ ﺍﻛﺜﺮ ﻭﺍﻧﻪ ﻣﺎﻟﻮﻣﻬﺎ ﻭﻻ ﺍﻟﻮﻣﻪ ﺻﺢ ﺻﻌﺒﻪ ﺑﺲ ﻣﺎﻇﻞ ﺍﻟﻨﻪ ﺩﺭﺏ ﻧﻤﺸﻲ ﺑﻲ ﻏﻴﺮ ﻫﺬﺍ ﺟﻨﺖ ﻛﻞ ﻟﻘﺎﺀ ﺑﻴﻨﺎﺗﻨﻪ ﺍﻛﻠﻬﺎ ﺍﺻﺒﺮﻱ ﺍﺭﻳﺪ ﺍﺧﺬﺝ ﺑﺼﻠﺢ ﺣﺘﻰ ﻧﺮﺗﺎﺡ ﺑﺲ ﻫﻮ ﺍﺧﺮ ﻣﺮﻩ ﺷﺎﻳﻔﻬﺎ ﻭﻭﺩﻩ ﻋﻠﻲ ﺍﻟﻲ ﻋﺮﻓﺘﻪ ﻣﺨﻴﺮﻫﺎ ﻭﻣﺎﻣﺘﺨﻠﻴﻪ ﻋﻨﻲ ﻣﺜﻞ ﺍﻟﺤﻠﻢ ﻣﻦ ﺻﺎﺭﺕ ﺑﻴﻦ ﺍﺣﻀﺎﻧﻲ ﺭﻏﻢ ﻇﺮﻭﻑ ﻋﺮﺳﻨﻪ ﺍﻟﺼﻌﺒﻪ ﭼﺎﻧﺖ ﻋﻨﺪﻱ ﺍﺣﻠﻰ ﻟﻴﻠﻪ ﻭﻋﺪﺗﻬﺎ ﺍﺻﻠﺢ ﻛﻠﺸﻲ ﻭﻳﺠﻲ ﻳﻮﻡ ﻭﻳﺮﺿﺎ ﻋﻨﻬﺎ ﺭﺩﺗﻬﺎ ﺗﻤﺸﻲ ﺍﻣﻮﺭﻧﺎ ﻉ ﻣﺎﺍﺳﻮﻱ ﺍﻟﻲ ﺍﺑﺎﻟﻲ ﺟﺎﻥ ﺍﺑﺎﻟﻲ ﻣﻮﺿﻮﻉ ﻋﺮﻓﺘﻪ ﻣﺘﺄﺧﺮ ﻭﺑﺪﻳﺖ ﺍﺧﻄﻄﻠﻪ ﺍﺭﻳﺪ ﺍﺳﺎﻋﺪ ﺍﻟﻜﻞ ﺑﻲ ﻣﻮ ﺑﺲ ﻭﻟﺪ ﻋﻤﻲ ﻣﺎﺻﺒﺮﺕ ﻭﺻﺎﺭﺕ ﻣﺸﻜﻠﻪ ﻭﺑﻮﻛﺘﻬﺎ ﻧﺴﻴﺒﻲ ﺯﻳﺪ ﺍﻟﻄﻴﻦ ﺑﻠﻪ ﻭﮔﻠﻪ ﺍﺑﻨﻚ ﻳﺘﺤﺮﻙ ﻣﻦ ﻭﺭﺍﻙ ﻭﻳﺪﻭﺭ ﻋﻠﻴﻚ ﺍﻟﺰﻟﻪ ﺍﺑﻮﻱ ﺧﻴﺮﻧﻲ ﺑﻴﻦ ﺍﻃﻠﻚ ﻣﺮﺗﻲ ﻭﻳﻨﺴﻰ ﻛﻠﺸﻲ ﺳﻮﻳﺘﻪ ﺍﻟﺤﺪ ﻫﺴﻪ ﻟﻮ ﺍﻧﺴﺎﻫﻢ ﻭﻳﻨﺴﻮﻧﻲ ﻣﺎﻓﻜﺮﺕ ﻭﻻ ﻳﺤﺘﺎﺝ ﺗﻔﻜﻴﺮ ﺳﺮﻭﺭ ﻟﻠﻤﻮﺕ ﻣﺎﺍﻋﻮﻓﻬﺎ ﺑﺖ ﻋﻤﻲ ﻭﺭﻭﻳﺤﺘﻲ ﻫﺎﻱ .. ﻭﻣﻦ ﻭﺭﺍﻱ ﺍﻫﻠﻬﺎ ﺍﺗﺒﺮﻭ ﻣﻨﻬﺎ ﺍﺭﻭﺡ ﺍﻛﺴﺮ ﺑﺨﺘﻬﺎ ﻭﺍﻛﺴﺮ ﺟﻨﺎﺣﺎﺗﻬﺎ ﺍﻛﺜﺮ ﺷﻠﻮﻥ ﻳﺼﻴﺮ ﻋﻔﺘﻬﻢ ﻭﻋﻔﺖ ﻛﻠﺸﻲ ﻭﺭﺍﻱ ﺛﺎﻧﻲ ﻳﻮﻡ ﺍﺑﻮﻱ ﺳﺤﺐ ﺳﻴﺎﺭﺗﻲ ﻭﺳﺤﺐ ﺍﻟﺸﻐﻞ ﻣﻨﻲ ﺍﻟﺒﻴﺖ ﺑﺎﺭﺩ ﺑﻠﻴﻪ ﻟﺒﺎﺥ ﻻ ﻛﻠﻮﺏ ﺑﻲ ﻭﻻ ﺷﻤﻌﺔ ﻭﻻ ﺣﺘﻰ ﺟﺎﻡ ﻳﺤﻤﻴﻨﻪ ﻣﻦ ﺍﻟﺒﺮﺩ ﺧﻠﺼﺖ ﻟﻴﻠﻬﺎ ﻣﻠﻔﻠﻔﻪ ﺗﺒﭽﻲ ﻭﺧﻠﺼﺖ ﻟﻴﻠﻲ ﻉ ﺍﻟﻔﺎﻧﻮﺱ ﺍﺳﻮﻱ ﺍﻟﺸﺒﺎﺑﻴﻚ ﺑﻜﺮﺍﺗﻴﻦ ﻣﺎﻛﻮ ﻻ ﻏﻄﺎ ﻭﻻ ﻓﺮﺍﺵ ﻃﻠﻌﻨﻪ ﺑﻄﺮﮒ ﻫﺪﻭﻣﻨﻪ ﻟﻴﻠﺔ ﻣﺮﺕ ﻋﻠﻲ ﺑﺴﻨﺔ ﺍﺷﻮﻑ ﻭﺟﻬﻪ ﺍﺗﻐﻴﻴﺮ ﻣﻦ ﺍﻟﺒﺮﺩ ﻧﺰﻋﺘﻠﻬﺎ ﺳﺘﺮﺗﻲ ﻟﺒﺴﺘﻬﺎ ﻭﻟﻔﻴﺘﻬﺎ ﺍﻟﺤﻀﻨﻲ ﻣﺎﻛﻮ ﻛﻼﻡ ﺍﮔﺪﺭ ﺍﮔﻮﻟﻪ ﺍﻟﻬﺎ ﻳﺒﻌﺪ ﺧﻮﻓﻬﺎ ﻷﻥ ﺧﻮﻓﻲ ﺍﻛﺜﺮ ﻣﻨﻬﺎ ﺧﺎﻳﻒ ﻣﻦ ﺍﻟﺠﺎﻱ ﻣﻦ ﺩﻧﻴﺎﻧﺎ ﻟﻮ ﻗﺴﺖ ﺍﻛﺜﺮ ﺷﻴﺼﻴﺮ ﺑﻌﺪ ﺍﻟﻴﻮﻡ ﻃﻠﻊ ﻋﻠﻴﻨﻪ ﺍﻟﺼﺒﺢ ﻭﺍﺣﻨﻪ ﺑﻜﻌﺪﺗﻨﻪ ﺍﺣﺲ ﺍﺟﺴﺎﻣﻨﺎ ﻣﺘﺸﻨﺠﻪ ﻟﻴﻠﺔ ﻣﻦ ﺍﺻﻌﺐ ﺍﻟﻠﻴﺎﻟﻲ ﻭﺍﺑﺎﻟﻲ ﻣﺎﻳﻤﺮ ﺑﻌﺪ ﻋﻠﻴﻨﻪ ﺍﻳﺎﻡ ﺻﻌﺒﺎﺕ ﻏﻴﺮﻫﺎ ﺛﺎﻧﻲ ﻳﻮﻡ ﺍﻧﻄﺘﻨﻲ ﺫﻫﺒﻬﺎ ﻻﺃﻛﺪﺭ ﺍﺭﻓﻀﻪ ﻷﻥ ﺍﺗﻌﺒﻬﺎ ﺍﻛﺜﺮ ﻭﻻ ﺍﮔﺪﺭ ﺍﺧﺬﻩ ﻧﻔﺴﻲ ﻣﺎﺍﻃﺎﻭﻋﻨﻲ ﻧﺰﻋﺖ ﺍﺑﺘﻮﺗﻬﺎ ﻣﻦ ﺍﻳﺪﻫﺎ ﻭﺍﺣﺲ ﺭﻭﺣﻲ ﺍﻟﻲ ﺍﻧﺘﺰﻋﺖ ﻣﻦ ﺑﻴﻦ ﺿﻠﻮﻋﻲ ﻫﺬﺍ ﺩﻻﻟﻲ ﺍﻟﻬﺎ ؟ ﺍﺧﺬﺕ ﺍﻳﺪﻳﻨﻬﺎ ﻭﺑﺴﺖ ﻣﻜﺎﻥ ﺑﺘﻮﺗﻬﺎ ﻭﺍﻟﻤﺤﺎﺑﺲ ﺑﺲ ﺍﻟﺤﻠﻘﻪ ﺧﻠﺘﻬﺎ ﻭﺩﻱ ﺍﺯﺭﻉ ﺭﻭﺣﻲ ﺑﺠﻴﺪﻫﺎ ﺑﺪﻝ ﻛﻼﺩﺗﻬﺎ ﺍﻟﭽﺎﻧﺖ ﻣﺰﻳﻨﻪ ﺭﮔﺒﺘﻬﺎ ﺑﻌﺖ ﺍﻟﺬﻫﺐ ﻭﺍﺷﺘﺮﻳﺖ ﺑﻲ ﺍﻟﻨﺤﺘﺎﺟﻪ ﻭﺟﺒﺖ ﻧﺎﻳﻠﻮﻥ ﺩﮔﻴﺖ ﺍﻟﺒﻴﺖ ﻣﻦ ﺩﺍﺧﻞ ﺑﺲ ﺑﻲ ﻧﻘﺸﺎﺕ ﺣﻠﻮﻩ ﺟﺎﻧﺖ ﻣﻮ ﺧﺎﺹ ﻟﻠﺠﺪﺭﺍﻥ ﺟﺎﻥ ﻏﺎﻟﻲ ﺑﻮﻛﺘﻬﺎ ﻣﺎﺍﻛﺪﺭﻟﻪ ﺟﺒﺖ ﺳﻔﺮﻩ ﻣﺎﻝ ﺍﻛﻞ ﺑﺲ ﻟﻔﺎﺕ ﻫﻮﺍﻱ ﻭﺩﻛﻴﺖ ﺍﻟﺒﻴﺖ ﻛﻠﻪ ﻓﺮﺷﺖ ﺍﻟﺒﻴﺖ ﺍﻧﻪ ﻭﻳﺎﻫﺎ ﻭﻃﺒﺎﺥ ﺯﻏﻴﺮ ﻣﻨﻀﺪﻱ ﻭﻗﻨﻴﻨﻪ ﻭﺷﻮﻳﻪ ﺷﻮﻳﻪ ﻣﺸﻴﻨﻪ ﺍﻣﻮﺭﻧﻪ ﺑﺲ ﺍﻟﻘﻬﺮ ﺫﺑﺤﻨﻲ ﻣﻦ ﺷﻔﺖ ﺍﺧﻮﺍﻧﻲ ﺍﺗﺠﺎﻭﺯﻭ ﻋﻠﻴﻪ ﺑﻌﺪ ﻣﺎﺭﺣﺖ ﺍﺷﻮﻓﻬﻢ ﻭﺍﺧﻠﻴﻬﻢ ﻳﺼﻠﺤﻮﻥ ﺑﻴﻨﻲ ﻭﺑﻴﻦ ﺍﺑﻮﻱ ﺭﺟﻌﺖ ﺑﻴﻮﻣﻬﺎ ﻣﻌﺪﺗﻲ ﻧﺎﺭ ﻛﻠﺸﻲ ﺍﻛﻠﻪ ﺍﺫﺑﻪ ﺣﺘﻰ ﺍﻟﻤﺎﻱ ﻋﻼﺟﺎﺕ ﻭﻣﺴﻜﻨﺎﺕ ﺻﺮﺕ ﺍﺣﺴﻦ ﺑﺲ ﺻﺎﺭﺕ ﻣﻌﺪﺗﻲ ﻣﺎﺗﺘﻘﺒﻞ ﻛﻠﺸﻲ ﺍﺛﺮ ﻋﻠﻴﻪ ﺑﺎﻟﺸﻐﻞ ﺍﻟﻲ ﻛﻮﻩ ﻟﻜﻴﺘﻪ ﺍﻱ ﻗﻬﺮﻩ ﺍﻱ ﺗﻌﺐ ﺍﺣﺴﻬﺎ ﺗﻨﺸﻠﻊ ﻣﻦ ﻣﻜﺎﻧﻬﺎ ﻣﺮﺕ ﺍﻻﻳﺎﻡ ﺑﺼﺒﺮ ﻭﺭﻏﻢ ﻛﻞ ﻫﺬﺍ ﻣﻦ ﺍﺭﺩ ﺍﻟﺒﻴﺖ ﻭﺍﺷﻮﻑ ﻃﻮﻟﻬﺎ ﻭﺣﺴﻨﻬﺎ ﺍﻧﺴﻰ ﻛﻞ ﺗﻌﺒﻲ ﻭﺍﺷﻮﻑ ﺭﺍﺣﺘﻲ ﺑﻴﻬﺎ ﻭﻭﻳﺎﻫﺎ ﻭﺑﺲ ﺍﻟﺤﺪ ﻣﺎ ﺍﻟﻔﺮﺣﻪ ﺯﺍﺩﺕ ﻋﻨﺪﻱ ﺑﻴﻮﻡ ﺍﻟﻲ ﺍﻋﺮﻓﺖ ﺑﺤﻤﻠﻬﺎ ﻭﺻﺮﺕ ﺍﺷﺘﻐﻞ ﺍﻛﺜﺮ ﻭﺍﺿﻐﻂ ﻉ ﺭﻭﺣﻲ ﺍﻛﺜﺮ ﻭﺭﺍﻱ ﻋﺎﻳﻠﻪ ﻭﻣﺼﺎﺭﻳﻒ ﺑﺲ ﺑﻴﻦ ﻳﻮﻣﻴﻦ ﻭﻳﻮﻡ ﻭﺍﺗﻤﺮﺽ ﻭﺗﺮﺟﻊ ﻣﻌﺪﺗﻲ ﻭﻭﺟﻌﻬﺎ ﺍﻟﻲ ﻛﻞ ﻣﺎﺍﻣﺮ ﻣﻦ ﺑﻴﺖ ﺍﻫﻠﻲ ﻭﺍﺧﻮﺍﻧﻲ ﻭﺳﻴﺎﺭﺍﺗﻬﻢ ﻭﻋﺰﻫﻢ ﺍﺣﺲ ﺗﻴﺰﺍﺏ ﺑﻤﻌﺪﺗﻲ ﻭﺍﻣﻌﺎﺋﻲ ﻣﺎﺍﺩﺭﻱ ﺍﻟﻐﻠﻂ ﻭﻳﻦ ﺑﺎﻟﺪﻧﻴﺎ ﻟﻮ ﺑﺎﻟﻮﻛﺖ ﻟﻮ ﺑﺎﻟﻨﺎﺱ ﻟﻮ ﺑﻴﻨﺎ ﺍﺣﻨﻪ … .... ﻣﺎﻫﺮ .. ﻫﺎﻱ ﺍﻷﻳﺎﻡ ﻣﺎﺍﻧﺪﻝ ﺭﺍﺳﻲ ﻣﻦ ﺳﺎﺳﻲ ﺍﺣﻀﺮ ﺍﻟﻌﺮﺳﻲ ﻭﺣﺎﻳﺮ ﻭﺣﺪﻱ ﺑﻜﻠﺸﻲ ﻭﺳﺎﻡ ﻣﺎﺍﻛﺪﺭ ﻣﺜﻞ ﮔﺒﻞ ﺍﺻﻴﺤﻪ ﻭﻳﺎﻱ ﻫﺎﻟﻤﺮﻩ ﺍﺧﻮ ﺍﻟﻤﺮﻩ ﻫﻮ ﻣﺎﺗﺮﻫﻢ ﺑﺲ ﺍﻟﺸﺒﺎﺏ ﺍﻭﻻﺩ ﻋﻤﻲ ﺍﻟﻤﻄﺮﻓﻴﻦ ﻣﺎﻗﺼﺮﻭﻭ ﺗﺮﺗﻴﺐ ﻣﻜﺎﻥ ﻟﻠﻤﻀﺎﻳﻒ ﺍﻟﺘﻨﺒﻨﻲ ﻭﻣﻜﺎﻥ ﻟﻠﻄﺒﺎﺧﻴﻦ ﻭﺍﻟﺬﺑﺢ ﻭﻣﻜﺎﻥ ﻟﻠﻤﻴﺪﺍﻥ ﻣﻦ ﻏﻴﺮ ﺑﻴﺘﻨﺎ ﺍﻟﺰﻳﻨﺎﻩ ﺑﺎﻻﺿﻮﻳﻪ ﻣﻦ ﺑﺮﻩ ﻭﺭﺍﻳﺔ ﺍﻣﻲ . ﺍﻟﺒﻴﻀﻪ ﺍﻟﻨﺎﺫﺭﺗﻬﺎ ﺍﺗﻌﻠﺖ ﺑﻴﺘﻨﻪ ﻭﺻﺎﺭﺕ ﺍﻋﻠﻰ ﺭﺍﻳﺔ ﺑﻌﺮﺑﻨﻪ ﻛﻠﻬﺎ ﺍﻟﻴﻮﻡ ﻻﺯﻡ ﺍﺟﻴﺐ ﺍﻟﻐﺮﻓﻪ ﻣﺤﺘﺎﺭ ﻳﺎﻫﻮ ﻳﻈﻞ ﺍﻫﻨﺎ ﻳﺘﻠﮕﺎﻫﻢ ﮔﺒﻠﻲ ﻉ ﻣﺎﺍﻛﻤﻞ ﺑﺎﻗﻲ ﺷﻐﻠﻲ ﻳﺎﺑﻪ ﻭﺍﻟﻠﻪ ﺍﻟﻮﺣﻴﺪ ﻳﻈﻞ ﻃﻮﻝ ﻋﻤﺮﻩ ﺑﻌﺎﺯﺓ ﺍﻫﻠﻪ ﺑﺎﻓﺮﺍﺣﻪ ﻭﺍﺣﺰﺍﻧﻪ ﻳﺮﻳﺪﻫﻢ ﺍﻟﻔﺘﺖ ﺍﺭﻳﺪ ﺃﻣﻦ ﺑﻮﺍﺣﺪ ﻣﻦ ﺍﻟﺸﺒﺎﺏ ﻛﻠﻬﻢ ﺳﺒﺎﻉ ﻭﻛﻠﻬﻢ ﺍﻋﺮﻓﻬﻢ ﺑﺲ ﺍﻧﻪ ﻣﺼﻴﺒﻪ ﻧﻔﺴﻲ ﻋﺰﻳﺰﻩ ﻭﻣﻮ ﻳﺎﻫﻮ ﺍﻟﭽﺎﻥ ﺍﻃﻠﺐ ﻣﻨﻪ ﺍﺑﺎﻭﻉ ﺑﻮﺟﻮﻫﻢ ﻭﻫﻢ ﻣﺘﺎﻧﻴﻦ ﺍﻱ ﺍﺷﺎﺭﻩ ﻣﻨﻲ ﻳﻄﻠﻌﻮﻟﻲ ﻣﺤﺒﺘﻬﻢ ﺍﺗﻠﻔﺘﺖ ﻣﻨﺎ ﻭﻣﻨﺎ ﻭﺍﻟﻤﺢ ﺫﺍﻙ ﺍﻟﻄﻮﻝ ﺍﻟﻲ ﻳﺴﺮ ﺭﻭﺣﻲ ﻭﻳﻔﺮﺣﻬﺎ ﺍﺷﺮﻟﻲ ﺑﻴﺪﻩ ﻣﻦ ﺑﻌﻴﺪ .. ﺷﻠﻮﻭﻧﻪ ﺍﻟﻌﺮﻳﺲ .. ﺑﺸﻮﻓﺘﻚ ﺻﺮﺕ ﻛﻠﺶ ﺯﻳﻦ ﻳﺎﻫﻼ ﺑﺨﻮﻱ ﻭﻋﻠﻲ ﮔﻠﺖ ﻣﺎﻳﺠﻲ ﻭﻋﺎﺫﺭﻙ.......قصص عراقيه حقيقيه من واقعنا.روعه الطائي ﻛﻮﻥ ﺍﻧﺖ ﺗﻌﺬﺭﻧﻲ ﺍﻧﻪ ﻣﺎﺍﻋﺬﺭ ﺭﻭﺣﻲ ﺷﻜﻢ ﻣﺎﻫﺮ ﻋﻨﺪﻱ ﻫﻮ ﻫﺎﻟﻮﺣﻴﺪ ﻳﺴﻮﺍﻟﻪ ﺍﻟﻒ .. ﻓﺪﻭﻩ ﺍﻟﺨﻮﺗﻚ ﺍﻧﻪ .. ﺣﺎﻳﺮ ﺑﺰﻣﺎﻧﻲ ﻭﺍﺟﻴﺖ ﺍﻧﺖ ﺍﻧﻪ ﺭﺍﻳﺢ ﺍﺟﻴﺐ ﺍﻟﺨﺸﺎﺏ ﺑﺲ ﻳﺠﻴﺒﻮﻧﻬﺎ ﮔﺒﻠﻲ ﺍﺭﻳﺪﻙ ﺗﻈﻞ ﻳﻢ ﺍﻟﻮﺍﻟﺪﻩ ﺍﻛﻤﻞ ﺷﻐﻠﻲ ﻭﺍﺟﻲ ﻭﺧﻠﻴﻬﻢ ﻳﺤﻤﻠﻮﻧﻬﺎ ﻭﻣﺜﻞ ﻣﺎﺗﺮﻳﺪ ﺍﻣﻲ ﺧﻞ ﻳﻨﺼﺒﻮﻫﺎ ﻫﻲ ﺗﻌﺮﻑ ﺷﻠﻮﻥ ﺗﺘﺮﺗﺐ .. ﻣﻦ ﻋﻴﻮﻧﻲ ﺍﺩﻟﻞ ﺭﻭﺡ ﻭﻻ ﺗﻬﺘﻢ .. ﺩﺭﺕ ﻭﺟﻬﻲ ﺍﻭﺭﺙ ﺟﮕﺎﺭﻩ ﻣﺎﻣﻬﺘﻢ ﺍﻟﻨﻈﺮﺍﺕ ﺍﻟﻲ ﻳﻌﺮﻓﻮﻧﻲ ﺍﺧﻮ ﺍﻟﻌﺮﻭﺱ ﺍﻧﻪ .. ﺟﺎ ﻭﻟﻮ ﺍﺧﻮﻫﺎ ﺧﻞ ﻳﻌﺮﻓﻮﻧﻲ ﺍﻧﻪ ﺍﺧﻮ ﺍﻟﻌﺮﻳﺲ ﻫﻢ ﻣﻮ ﺍﻟﻴﻮﻡ ﻣﻦ ﺳﻨﻴﻦ ﺍﺑﺘﻌﺪﺕ ﺧﻄﻮﺍﺕ ﻋﻦ ﺟﻤﻌﺘﻬﻢ ﺳﻤﻌﺘﻪ ﺑﺼﻮﺕ ﺻﺎﺣﻨﻲ .. ﻭﺳﺎﻡ ﺍﻧﺪﺍﺭﻳﺘﻠﻪ .. ﻫﺎ ﻳﺒﻌﺪ ﺍﺧﻮﻙ .. ﺷﻠﻮﺕ ﺍﻭﻓﻴﻚ ﺍﻧﻪ ؟ .. ﭼﺎﺍﻧﺖ ﻉ ﻫﺎﻱ ﺻﺤﺘﻨﻲ ﺭﻭﺡ ﺭﻭﺡ ﺷﻐﻠﻚ ﻻﻳﺘﻌﻄﻞ ﺑﻴﻨﺎﺗﻨﺎ ﺍﺩﻳﻮﻥ ﺍﺣﻨﻪ .. ﺭﺟﻌﺖ ﻋﻠﻴﻪ ﺣﻀﻨﺘﻪ ﻭﺍﺣﺲ ﻫﺴﻪ ﻳﻠﻠﻪ ﻛﻤﻠﺖ ﻓﺮﺣﺘﻲ ﻃﻠﻌﺖ ﺍﺧﺘﺎﺭﻳﺖ ﺍﻟﻐﺮﻓﻪ ﻭﺍﺟﻪ ﺍﺑﺎﻟﻲ ﺍﻭﺩﻱ ﺻﻮﺭﻫﺎ ﺍﻟﻮﺳﺎﻡ ﻳﻮﺩﻳﻬﺎ ﺍﻟﻬﺎ ﺗﻌﺠﺒﻬﺎ ﻟﻮ ﺗﻐﻴﺮﻫﺎ ﺍﻧﻪ ﺍﻟﺒﻨﻴﻪ ﻻﺷﺎﻳﻔﻬﺎ ﻻ ﺍﻋﺮﻑ ﺍﻟﻲ ﺗﺮﻳﺪﻩ ﻭﺩﻳﺘﻠﻪ ﺍﻟﺼﻮﺭ ﺿﺤﻚ ﻭﻭﺩﺍﻟﻲ ﺭﺳﺎﻟﻪ .. ﭼﺎﺍﻧﺖ ﺍﻻ ﺗﺨﺠﻠﻨﻲ ﺗﺬﻛﺮﻧﻲ ﺍﻧﻪ ﺍﺧﻮ ﺍﻟﻌﺮﻭﺱ ﻋﻮﺩ ﺍﻧﻪ ﺍﺧﻴﻴﻚ ﻫﺴﻪ ﺿﺤﻜﺖ ﻭﺍﻧﻪ ﺍﻗﺮﺍ ﺭﺩﻩ .. ﺑﻮﻳﻪ ﻋﻠﻴﺶ ﺧﺠﻼﻥ ﻫﻲ ﻏﺮﻓﻪ ﺷﻮﻓﻬﺎ ﺗﻌﺠﺒﻬﺎ ﻟﻮ ﺍﻏﻴﺮﻫﺎ ﺑﺲ ﻛﻠﻬﺎ ﻣﺎﻛﻮ ﺗﺮﻛﻲ ﻣﺪﺭﻱ ﺍﻳﻄﺎﻟﻲ ﻛﻠﻪ ﻋﺮﺍﻗﻲ ﻣﺎﻋﺠﺒﻨﻲ ﺫﻭﻟﻴﺞ ﻣﺎﺑﻴﻬﻦ ﻻﻗﻔﻞ ﻻ ﻃﺮﮔﺎﻋﻪ .. ﺧﺎﻳﺐ ﻋﻠﻴﻤﻦ ﺍﻛﻠﻬﺎ ﻣﺎﻋﺪﻧﻪ ﻫﻴﺞ ﺑﻮﻳﻪ ﺍﺧﺘﺎﺭ ﺍﻟﻲ ﺗﻌﺠﺒﻚ ﻟﻮ ﺍﻛﻠﻚ ﻭﺩﻳﻬﻦ ﺍﻟﻲ ﻭﺍﻧﻪ ﺍﺧﺘﺎﺭﻟﻚ .. ﻭﺍﻟﻠﻪ ﺗﺴﻮﻱ ﻓﻀﻞ ﺣﺘﻰ ﺍﻛﻠﻬﺎ ﺍﻧﻮﺏ ﺍﺧﻮﺝ ﺍﺧﺘﺎﺭﻫﺎ ﺧﺎﻑ ﻣﺎﺗﻌﺠﺒﻬﺎ ﻟﻮ ﺗﺤﺠﻲ .. ﺍﻓﺎﺍ ﻣﻦ ﻫﺴﻪ ﺍﺩﻭﺭ ﺍﻋﺬﺍﺭ ﻣﺎﻋﻠﻴﻚ ﻛﻠﻬﺎ ﺍﺧﻮﺝ ﻫﺬﺍ .. ﻫﻬﻬﻬﻬﻪ ﺷﻌﺒﺎﻟﻚ ﻣﻮ ﺯﻟﻤﻪ ﺍﻟﻤﺎﻳﻌﺘﺬﺭ ﺿﺤﻜﺖ ﻭﺳﺪﻳﺘﻪ ﻣﻨﻪ ﻭﺍﺧﺘﺎﺭﻳﻨﺎﻫﺎ ﻧﻔﺲ ﺍﻟﺸﻲ ﺧﺸﺎﺏ ﻟﻮﻥ ﺻﺎﺟﻲ ﺑﺲ ﻏﺮﻓﻪ ﺿﺨﻤﻪ ﻭﺣﻠﻮﻩ ﻭﺩﻳﺘﻬﺎ ﻭﺭﺣﺖ ﺍﻛﻤﻞ ﺑﺎﻗﻲ ﺍﺣﺘﻴﺎﺟﺎﺗﻲ ﺭﺟﻌﺖ ﻟﻜﻴﺖ ﺍﻟﻐﺮﻓﻪ ﻣﻨﺼﻮﺑﻪ ﻭﺍﻣﻲ ﺗﺎﺭﺳﺘﻬﺎ ﭼﻜﻠﻴﺖ ﺍﻧﻪ ﻃﺒﻴﺖ ﻭﺍﻟﻬﻼﻫﻞ ﻋﻠﺖ ﺣﻀﻨﺖ ﺍﻣﻲ ﻭﻣﺴﺤﺖ ﺩﻣﻮﻋﻬﺎ ﺍﻟﻄﻔﺮﺕ ﻣﻦ ﻋﻴﻮﻧﻬﺎ ﮔﻮﻩ .. ﻫﺎ ﻳﻤﻪ ﺷﻨﻬﻲ ﻫﻢ ﺩﻣﻮﻉ .. ﺷﺴﻮﻱ ﻳﻤﻪ ﻣﻮ ﺑﻴﺪﻱ ﻋﻮﺩ ﺣﻠﻔﺘﻬﻦ ﻣﺎﻳﻨﺰﻟﻦ .. ﺿﺤﻜﺖ ﺣﻠﻔﻲ ﺭﻭﺣﺞ ﻫﻨﻪ ﺷﻨﻬﻲ ﺫﻧﺒﻬﻦ ﻭﺳﺎﻡ ﻭﻳﻦ ﺣﺠﻴﻪ .. ﻳﻤﻪ ﺧﻠﻒ ﺍﻟﻠﻪ ﻋﻠﻴﻪ ﻧﻈﻒ ﺍﻟﻐﺮﻓﻪ ﻭﺭﻩ ﺍﻟﻨﺠﺎﺟﻴﺮ ﻭﺭﺍﺡ ﻳﺬﺏ ﺍﻟﺰﺑﻞ ﺣﺘﻰ ﺍﻟﻜﺎﻉ ﻣﺎﺧﻼﻧﻲ ﺍﺳﻮﻳﻬﺎ ﻃﻠﻌﺖ ﻟﻠﺒﺎﺏ ﻻﮔﺎﻧﻲ ﺿﺤﻚ ﺣﻀﻨﺘﻪ ﺣﻴﻞ ﻭﺍﺣﺲ ﺷﻤﺎﺍﺳﻮﻱ ﻣﺎﺍﻭﻓﻲ ﺣﮕﻪ ﻣﺮﺕ ﺍﻻﻳﺎﻡ ﻭﻛﻤﻠﺖ ﺗﺤﻀﻴﺮ ﻛﻠﺸﻲ ﻇﻞ ﺑﺲ ﺍﻟﻤﺴﻮﺍﮒ ﺍﻟﺬﺑﺎﻳﺢ ﻭﻛﻮﺍﻧﻲ ﺍﻟﺘﻤﻦ ﻭﺍﻟﻄﺒﺎﺧﻴﻦ ﻭﺍﻻﺗﻔﺎﻕ ﻭﻫﺬﺍ ﺧﻠﺼﺘﻪ ﻭﺣﺪﻱ ﺍﻟﻴﻮﻡ ﺣﻨﺘﻲ ﻭﺍﺣﺲ ﺗﻌﺒﺎﻥ ﺣﻴﻞ ﺑﺲ ﻓﺮﺣﺘﻲ ﻣﻐﻄﻴﻪ ﻓﺮﺣﺎﻥ ﺑﺮﻭﺣﻲ ﻭﺻﻠﺖ ﻟﻬﻨﺎ ﻓﺮﺣﺎﻥ ﺟﻲ ﻓﺮﺣﺖ ﺍﻣﻲ ﻓﺮﺣﺎﻥ ﺑﺼﺎﺣﺐ ﺍﻛﺜﺮ ﻣﻦ ﺍﺧﻮﻭ ﺻﺎﺭ ﺑﻴﻨﺎﺗﻨﺎ ﺭﺍﺑﻂ ﺍﻗﻮﻯ ﻭﺍﻥ ﺷﺎﺀﺍﻟﻠﻪ ﻳﺼﻴﺮ ﺧﺎﻝ ﻭﻟﺪﻱ ﻭﻋﻀﻴﺪﻱ.....قصص عراقيه حقيقيه من واقعنا.روعه الطائي ﻓﺮﺣﺎﻥ ﺭﺍﺡ ﺗﺰﻳﻴﻦ ﺑﻴﺘﻲ ﻣﺮﻩ ﺗﺴﻜﻦ ﻳﻤﻬﺎ ﺭﻭﺣﻲ ﻭﺗﺼﻴﺮ ﺍﻗﺮﺏ ﺍﻟﻲ ﻣﻦ ﻛﻠﺸﻲ ﺭﻭﺡ ﻭﺣﺪﻩ ﻭﺟﺴﺪ ﻭﺍﺣﺪ ﺗﺴﺘﺮﻧﻲ ﻭﺍﺳﺘﺮﻫﺎ ﻭﻧﻜﻤﻞ ﺣﻴﺎﺗﻨﺎ ﺻﺢ ﻣﺎﺍﻋﺮﻑ ﺗﻔﻜﻴﺮﻫﺎ ﺷﻨﻮ ﻭﺷﻨﻲ ﻫﻲ ﺑﺲ ﻭﺍﺛﻖ ﻣﻦ ﺍﻫﻞ ﺻﺎﺣﺒﻲ ﻭﺗﺮﺑﻴﺘﻬﻢ ﺍﻟﺤﻔﻠﻪ ﺑﺎﻟﻠﻴﻞ ﻭﺍﻟﺴﺎﻋﻪ ﺍﻻﺭﺑﻌﻪ ﺍﻟﻌﺼﺮ ﺟﺒﺖ ﺍﺧﺮ ﻣﺴﻮﺍﮒ ﺍﻟﺒﻴﺖ ﻟﻜﻴﺘﻪ ﻣﺘﺮﻭﺱ ﺧﺎﻻﺗﻲ ﻣﻦ ﻏﻴﺮ ﻣﺤﺎﻓﻈﺎﺕ ﺍﻣﻲ ﺧﻮﺍﺗﻬﺎ ﻣﺎﻋﺪﻫﻦ ﺍﺧﻮﻭ ﻭﻛﻞ ﻭﺣﺪﻩ ﻣﻨﻬﻦ ﻋﺪ ﻧﺎﺱ ﻭﻋﺸﻴﺮﺓ . ﺗﺨﺘﻠﻒ ﻭﺣﺘﻰ ﺑﻴﺌﺘﻬﻦ ﻣﺨﺘﻠﻔﻪ ﺣﺴﺐ ﻋﺎﺩﺍﺕ ﺍﺯﻭﺍﺟﻬﻦ ﻳﺘﺰﻭﺟﻦ ﺍﺯﻏﺎﺭ ﻭﻳﻄﺒﻌﻦ ﺻﺎﺭ ﺳﻨﻴﻦ ﻣﺎﻣﺘﺸﺎﻭﻓﺎﺕ ﺑﻠﻤﺔ ﻓﺮﺡ ﻣﺜﻞ ﻫﺎﻱ ﺍﻟﺒﻴﺖ ﻳﺮﻭﺝ ﺑﻴﻬﻦ ﻓﺮﺣﺖ ﺑﺸﻮﻓﺘﻬﻦ ﻭﻫﻨﻪ ﺷﺎﻓﻨﻲ ﻭﺑﺪﻥ ﻫﻮﺳﺎﺗﻬﻦ ﻭﺭﮔﺼﻬﻦ ﻭﺍﻣﻲ ﺍﺑﻴﻨﻬﻦ ﺿﺤﻜﺘﻬﺎ ﻣﺰﻳﻦ ﻭﺟﻬﻪ ﺍﺭﻭﺡ ﻓﺪﻭﻩ ﺍﻟﻬﺎﻟﻮﺟﻪ ﮔﺘﻠﻬﺎ ﻳﻤﻪ ﺍﺭﻭﺡ ﺍﻧﺎﻣﻠﻲ ﺳﺎﻋﺘﻴﻦ ﻭﺍﺟﻌﺪﻳﻨﻲ ﺭﺩﺕ ﻋﻠﻲ ﻧﻮﻡ ﺍﻟﻌﻮﺍﻓﻲ ﻳﻤﻪ ﺍﺭﺗﺎﺡ ﻧﻤﺖ ﻭﺃﺑﺎﻟﻲ ﺍﺣﻼﻡ ﻭﺣﻴﺎﺓ ﺭﺍﺳﻤﻬﺎ ﮔﻌﺪﺕ ﺍﻟﻌﺼﺮ ﺳﺒﺤﺖ ﻭﺑﺪﻟﺖ ﻭﺍﺗﺤﻀﺮﺕ ﻭﻃﻠﻌﺖ ﻭﻋﻠﺖ ﺍﻟﻬﻮﺳﺎﺕ ﻭﺍﻧﻔﺘﺢ ﺍﻟﻤﻴﺪﺍﻥ ﺟﺎﻧﻮ ﻣﺘﺎﻧﻴﻨﻲ ﻟﻤﺤﺖ ﺍﺑﻴﻨﻬﻢ ﺫﺍﻙ ﺍﻷﺧﻮﻭ ﺍﻟﻲ ﺍﻋﺬﺭﻩ ﺑﺲ ﺭﻭﺣﻪ ﻣﺎﺗﻌﺬﺭﻩ ﻳﻌﻮﻓﻨﻲ ﺍﺗﻌﻨﻴﺘﻠﻪ ﺣﻀﻨﺘﻪ ﻭﺑﺲ ﻣﺎﻛﻮ ﻛﻠﻤﺔ ﺗﻨﮕﺎﻝ ﺍﻟﻪ ﺍﻟﺴﻜﻮﺕ ﺍﻭﻟﻰ ﺑﻬﻴﺞ ﺣﺎﻻﺕ ﺧﻠﺼﺖ ﺍﻟﺤﻨﻪ ﻭﺍﻟﻬﻮﺳﺎﺕ ﺍﻟﻬﺴﻪ ﺍﺑﺎﻟﻲ ﺑﻴﻬﻦ ﺭﺳﺎﻟﻪ ﺍﻟﻲ ﻣﻦ ﺍﻟﺸﺒﺎﺏ ﻳﺮﺩﻭﻧﻲ ﺍﺗﺤﺮﻙ ﺻﺪﮒ ﻭﺻﻠﻮﻫﺎ ﺑﺤﺴﭽﻪ ﺑﺲ ﻣﺎﻳﺼﻌﺒﻦ ﻋﻠﻲ ﻓﺮﺯﻧﺘﻬﻦ ﺯﻳﻦ ﻳﺼﻴﺮ ﺧﻴﺮ ﻭﻳﺠﻲ ﻭﻛﺘﻬﻢ ﻋﻤﺎﻣﻲ ﻭﻧﺴﺎﺑﺘﻬﻢ ﻣﺎﺻﻌﺪﺕ ﺑﻐﺮﻓﺘﻲ ﺭﺩﺕ ﺍﺷﺒﻊ ﻣﻦ ﻭﺟﻪ ﺍﻣﻲ ﻭﻫﻲ ﻓﺮﺣﺎﻧﻪ ﺑﻴﻦ ﺣﺒﺎﻳﺒﻬﺎ ﻭﺭﺩﺕ ﺍﺷﺒﻊ ﺷﻮﻑ ﻣﻨﻬﻦ ﺍﺗﻮﺳﻄﺘﻬﻦ ﻭﺍﺿﺤﻚ ﻉ ﻫﻮﺳﺎﺗﻬﻦ ﻭﺿﺤﻜﻬﻦ ﻭﻓﺮﺣﻬﻦ ﻟﻤﻦ ﺍﺟﺖ ﺍﻣﻲ ﮔﺎﻟﺖ .. ﻳﻤﻪ ﺭﻭﺡ ﻻﺗﻈﻞ ﺭﻭﺡ ﺍﺭﺗﺎﺡ ﻭﺭﺍﻙ ﺑﺎﭼﺮ ﺗﻌﺐ ﻭﻭﮔﻔﻪ ﻭﻧﺎﺱ ﺗﺠﻴﻚ ﻭﺍﻷﻫﻢ ﻳﺮﺍﺩﻟﻚ ﺭﺍﺣﻪ ﺑﻌﺪ ﺍﻣﻚ ﺑﺴﺖ ﺭﺍﺳﻬﺎ ﻭﺻﻌﺪﺕ ﻭﻃﺎﺭ ﻣﻦ ﻋﻴﻮﻧﻲ ﺍﻟﻨﻮﻡ ﻭﺍﻧﻪ ﺍﺗﺨﻴﻞ ﺷﻜﻠﻬﺎ ﻟﻮ ﻫﺴﻪ ﺷﺘﺴﻮﻱ ﻫﻲ ﻓﺮﺣﺎﻧﻪ ﻣﺜﻠﻲ ﻟﻮ ﻻ ﻭﻟﻴﺶ ﻣﺎﺗﻔﺮﺡ ﻛﻞ ﺍﻟﺒﻨﺎﺕ ﻳﻔﺮﺣﻦ ﺑﺎﻟﻌﺮﺱ ﺑﺲ ﻫﻴﻪ ﻣﺎﺗﻌﺮﻓﻨﻲ ﻭﻻ ﺷﺎﻳﻔﺘﻨﻲ ﻭﺟﻴﻞ ﻫﺬﺍ ﺍﻟﻮﻛﺖ ﻳﺨﺘﻠﻒ ﻧﻤﺖ ﺑﻌﺪ ﻣﺎﺍﺳﺘﺴﻠﻤﺖ ﺍﻟﺘﻌﺒﻲ … ﺯﻳﻨﺐ … . ﺍﻳﺎﻡ ﻣﺮﺕ ﻣﺜﻞ ﻟﻤﺢ ﺍﻟﺒﺼﺮ ﻭﺍﻧﻲ ﺍﺣﻀﺮ ﺍﻟﺮﻭﺣﻲ ﻭﺍﻃﻠﻊ ﻭﻱ ﺍﻣﻲ ﻭﺧﺎﻟﺘﻲ ﺍﻟﺰﻏﻴﺮﻩ ﺗﺸﺘﺮﻳﻠﻲ ﺍﺷﻴﺎﺀ ﺍﺻﻼ ﻣﺎﺷﺎﻳﻔﺘﻬﻦ ﻭﻻ ﺍﻋﺮﻑ ﺍﺳﺘﺨﺪﺍﻣﻬﻦ ﺣﺎﺟﻴﺖ ﺧﺎﻟﺘﻲ ﻭﻫﻲ ﺗﻨﺰﻝ ﺑﻬﺎﻟﻌﻠﺐ ﺻﻐﺎﺭ ﻭﻛﺒﺎﺭ .. ﻓﻠﻚ ﻓﻠﻚ ﺫﻧﻲ ﻛﻠﻬﻦ ﺍﻟﻲ ﺷﻠﻮﻥ ﺍﺣﻄﻬﻦ ﻳﺎﻫﻮ ﻳﻌﻠﻤﻨﻲ ﻏﻴﺮ ﺗﻔﻬﻤﻨﻲ ﺗﺠﻴﺒﻦ ﻭﺗﻜﻮﺩﻥ .. ﻭﻟﭻ ﺷﻨﻔﻬﻢ ﻫﺴﻪ ﻧﻮﺻﻞ ﻭﻛﻠﺸﻲ ﺍﻋﻠﻤﺞ .. ﺍﺍﻭﻭﻭﻑ ﺗﻌﺒﺖ ﻭﺍﻟﻠﻪ ﺭﺟﻠﻴﻪ ﺻﺎﺭﻥ ﺧﻴﻮﻁ ﻭﺭﺍﻱ ﺭﻭﺣﻪ ﻟﻠﺼﺎﻟﻮﻥ ﺑﻌﺪ ﺷﻠﻮﻥ ﺑﻴﻪ ﻳﻤﻪ ﺑﻄﻠﺖ ﻣﺎﺍﺭﻳﺪ ﺍﻟﻌﺮﺱ ﺟﺎ ﻫﻮ ﻋﺮﺱ ﻟﻮ ﺗﺒﺪﻳﻞ ﻛﭭﺮ ﺷﺴﻮﻱ ﺑﻬﺬﺍ ﻛﻠﻪ ﺍﻣﺸﻮﻧﻪ ﻟﻠﺒﻴﺖ ﺟﻌﺖ ﻭﺗﻌﺒﺖ..قصص عراقيه حقيقيه من واقعنا.روعه الطائي ﺣﺠﺖ ﺍﻣﻲ ﺑﻌﺼﺒﻴﻪ ﺑﺼﻮﺕ ﻧﺎﺻﻲ ﺑﻌﺪ ﻣﺎﺻﺤﺘﻬﺎ ﻳﻤﻪ .. ﻭﻭﺟﻌﺔ ﺍﻣﺞ ﺷﺒﻴﺞ ﻣﻦ ﺩﻭﻥ ﺍﻟﺒﻨﺎﺕ ﻋﺎﻛﺴﻪ ﻏﻴﺮ ﻳﻜﻴﻔﻦ ﻉ ﺍﻟﺸﺮﺍﻳﻪ ﺍﻟﺒﻨﺎﺕ ﻭﺍﻟﻌﺮﺍﻳﺲ ﺗﺨﺘﺎﺭ ﻫﻴﻪ ﻭﺗﺘﻤﻨﻰ ﺍﻛﺜﺮ ﺗﺸﺘﺮﻱ .. ﺍﻟﻨﺎﺱ ﺍﺫﻭﺍﻕ ﻳﻤﻪ ﻣﻮ ﺿﺮﻭﺭﻱ ﺍﺷﺒﻪ ﺍﻟﻜﻞ ﺍﻧﻲ .. ﺍﻱ ﺍﻧﻄﻴﻨﻲ ﻣﺤﺎﺿﺮﻩ ﺳﻜﺘﻲ ﺗﻌﺎﻱ ﻫﻨﺎ .. ﺷﻬﻜﺖ ﻭﺍﻧﻪ ﺍﺷﻮﻑ ﺍﻟﮕﺪﺍﻣﻲ ﻳﺒﻮﻭ ﻳﺒﻮﻭ ﻳﺎﻓﻀﺎﻳﺢ ﺍﻟﻠﻪ ﻛﻮﻥ ﺍﻟﺒﺲ ﺫﻧﻲ ﺍﻟﻪ ﻭﺍﻧﻪ ﻣﺎﺷﺎﻳﻔﺘﻪ ﺿﺤﻜﺖ ﺧﺎﻟﺘﻲ ﻭﺭﺩﺕ ﺗﺸﻮﻓﻴﻨﻪ ﺗﻠﺤﻜﻴﻦ ﻭﺗﺼﻴﺮﻳﻦ ﺗﺤﻴﺮﻳﻦ ﺷﺘﺴﻮﻳﻦ ﺣﺘﻰ ﺗﺮﺿﻴﻨﻪ .. ﻳﺎﺍ ﻛﻮﻥ ﺍﻧﺘﻲ ﻫﻴﺞ ﺗﻠﺒﺴﻴﻦ ﺍﻟﺮﺟﻠﺞ ﺍﻷﻛﺮﻉ ﻏﻄﺖ ﻭﺟﻬﻪ ﺑﻌﺒﺎﻳﺘﻬﺎ ﺗﻀﺤﻚ .. ﻳﺎﺍ ﺟﺎ ﺍﻷﻛﺮﻉ ﺷﻨﻲ ﻧﺎﻗﺼﻪ ﻭﻣﺎﺳﻮﻳﻠﻪ ﻏﻴﺮ ﺯﻟﻤﺘﻲ ﻫﺬﺍ ﺍﺑﻮ ﺟﻬﺎﻟﻲ ﻋﻴﻮﻧﻲ ﺗﺮﺧﺼﻠﻪ .. ﺧﺎﻟﻪ ﻓﺪﻭﻩ ﺧﻠﻲ ﻋﻴﻮﻧﺞ ﺍﻟﺞ ﺑﺲ ﺗﻌﻤﻴﻦ ﻳﺎﺧﺬ ﻋﻠﻴﺞ ﻭﺗﮕﻌﺪﻳﻦ ﺗﺘﺒﭽﺒﭽﻴﻦ .. ﺧﺎﻳﺒﻪ ﻋﺮﻭﺱ ﻣﺎﻳﺼﻠﺢ ﺍﻏﻠﻂ ﻋﻠﻴﺞ ﺑﺲ ﺻﻤﻲ ﺍﻟﺴﺎﻧﭻ ﻭﺧﻞ ﻧﺨﻠﺺ ﺭﺟﻌﻨﻪ ﻟﻠﺒﻴﺖ ﺍﺭﻳﺪ ﺑﺲ ﺍﻟﺰﻡ ﻓﺮﺍﺷﻲ ﻭﺍﻧﺎﻡ ﺛﺎﻧﻲ ﻳﻮﻡ ﺭﺣﺖ ﻟﻠﺼﺎﻟﻮﻥ ﻭﺗﻌﺎﻱ ﺻﺒﻐﻲ ﺷﻌﺮﺝ ﻭﺍﻡ ﺍﻟﺼﺎﻟﻮﻥ ﺭﺍﺩﺕ ﺗﮕﺼﻪ ﻭﺍﻧﻪ ﺍﻟﻔﺮﺣﻪ ﺍﻟﻔﺮﺣﺘﻬﺎ ﺍﻛﺜﺮ ﻣﻦ ﻓﺮﺣﺘﻲ ﺑﻌﺮﺳﻲ ﺑﺲ ﺍﻣﻲ ﮔﺎﻟﺖ ﺍﺑﺪ ﻣﺎﺗﻨﻤﺪ ﺍﻳﺪﺝ ﻋﻠﻴﻪ ﺍﺳﺎﻭﻱ ﺍﻃﺮﺍﻓﻪ ﺍﻧﻪ ﻛﻮﻥ ﺗﺮﺩﻳﻦ ﻭﺍﺧﺬﺕ ﺍﻟﻤﻜﺺ ﻣﻦ ﺍﻡ ﺍﻟﺼﺎﻟﻮﻥ ﻭﺳﺎﻭﺗﻪ ﺍﺻﺒﻊ ﻭﻧﺺ ﻣﻮ ﺍﻛﺜﺮ ﻳﻤﻜﻦ ﻷﻥ ﺩﻭﻡ ﺍﻳﺪﻫﺎ ﺑﻲ ﺭﺍﺣﺖ ﻓﺮﺣﺘﻲ ﺍﺗﺒﺪﺩﺕ ﻋﻴﻨﻲ ﻉ ﺍﻡ ﺍﻟﺼﺎﻟﻮﻥ ﻣﺎﻣﻘﺘﻨﻌﻪ ﺑﺘﺼﺮﻑ ﺍﻣﻲ ﻭﺍﻣﻲ ﺗﻌﺘﻘﺪ ﻣﻮ ﻛﻞ ﺍﻳﺪ ﺗﻨﻤﺪ ﻉ ﺍﻟﺸﻌﺮ ﺍﻛﻮ ﺑﻴﻬﺎ ﺗﻀﺮﻩ ﻭﻣﺎﺗﺨﻠﻲ ﻭﺍﺣﺪ ﻳﻠﺰﻡ ﺷﻌﺮﻧﻪ ﺍﺑﺪ ﺻﺒﻐﺘﻪ ﻋﺴﻠﻲ ﻭﺧﺼﻠﺘﻪ ﻓﺘﺢ ﻭﺟﻬﻲ ﻭﺑﻌﺪ ﺍﻟﺤﻔﺎﻓﻪ ﻋﻴﻮﻧﻲ ﺻﺎﺭﻥ ﺍﻭﺳﻊ ﻭﺷﻤﺮﺓ ﺣﺎﺟﺒﻲ ﺻﻔﻨﺘﻨﻲ .. ﻳﻤﻪ ﻓﺪﻳﺘﻨﻲ ﺷﻜﺪ ﺣﻠﻮﻩ ﺭﺟﻌﺖ ﻟﻠﺒﻴﺖ ﺗﻌﺒﺎﻧﻪ ﻭﺍﺳﺘﻠﻤﻨﻲ ﺑﺎﻟﺒﻴﺖ ﺧﺎﻻﺗﻲ ﺑﺲ ﺷﻨﻮﻭ ﺍﺣﺲ ﺟﺴﻤﻲ ﻣﻮ ﺍﻟﻴﻪ ﺍﺩﺭﻱ ﻫﻤﻪ ﻫﻴﺞ ﻟﻮ ﺑﺲ ﺍﺣﻨﻪ ﻳﻄﻴﺢ ﺣﻈﻨﻪ ﻳﺎﺭﻳﺖ ﻟﻮ ﺍﺷﻮﻓﻪ ﻳﺴﻮﺍ ﺍﻟﻮﺟﻊ ﺍﻟﻲ ﺗﺤﻤﻠﺘﻪ ﺧﺮﺏ ﺑﺤﻈﻲ ﺛﺎﻧﻲ ﻳﻮﻡ ﺻﺎﺩﻑ ﺍﻟﺤﻨﻪ ﻟﺒﺴﺖ ﺑﺪﻟﻪ ﻭﺭﺩﻱ ﻓﻮﺷﻲ ﻭﺍﺟﻦ ﺍﻣﻪ ﻭﺧﺎﻻﺗﻪ ﺣﻨﻨﻲ ﻭﺭﺍﺣﻦ ﺍﺟﻮﺍﺀ ﺣﻠﻮﻩ ﺑﺲ ﮔﻠﺒﻲ ﺍﺑﺪ ﻣﺎﺍﺳﺘﻘﺮ ﻭﻛﻞ ﻣﺎﻳﻤﺮ ﻭﻛﺖ ﺗﺰﻳﺪ ﺳﺮﻋﺘﻪ ﺷﻜﻴﺖ ﺻﺎﺭﻟﻲ ﺧﻔﻘﺎﻥ ﻷﻥ ﻣﻮ ﻃﺒﻴﻌﻴﻪ ﺑﺎﻟﻴﻞ ﺍﻣﻲ ﺟﺎﺑﺘﻠﻲ ﻣﺎﻱ ﺑﺰﻋﻔﺮﺍﻥ ﻛﺎﻟﺖ ﻳﻬﺪﻱ ﺍﻋﺼﺎﺑﺞ ﻳﻌﻨﻲ ﺍﻟﻜﻞ ﻳﺘﻮﺗﺮ ﻣﻮ ﺑﺲ ﺍﻧﻪ ﺷﻮﻳﻪ ﺍﺭﺗﺎﺣﻴﺖ ﻣﻦ ﻋﺮﻓﺖ ﺷﻲ ﻃﺒﻴﻌﻲ ﺷﺮﺑﺘﻪ ﻭﺍﺟﻦ ﺍﺟﺘﻤﻌﻦ ﻭﻃﻴﺮﻥ ﺍﻡ ﺍﻟﻬﺪﻭﺀ ﻣﻦ ﺭﺍﺳﻲ ﺑﺘﻌﻠﻴﻤﺎﺗﻬﻦ ﻭﺣﺪﻩ ﺗﻜﺒﺲ ﻭﺣﺪﻩ ﺗﺮﻓﻊ ﻭﺣﺪﻩ ﺗﻜﻮﻝ ﺳﻬﻠﻪ ﻭﺣﺪﻩ ﺗﻜﻮﻝ ﺷﺪﻩ ﺑﺲ ﻣﺤﺪ ﻣﺎﺕ ﻣﻨﻬﺎ ﻟﻮ ﺷﺎﺭﺑﻪ ﺫﺍﻙ ﺍﻟﺴﻢ ﺍﻟﻴﺴﻄﺮ ﻳﻄﻴﺮ ﻣﻦ ﺭﺍﺳﻲ ﻣﻦ ﺳﻮﺍﻟﻔﻬﻦ ﻣﻮ ﺯﻋﻔﺮﺍﻧﺎﺕ ﺍﻣﻲ ﺍﻟﻤﻄﻮﻓﺎﺕ ﺑﻜﻼﺹ ﻣﺎﻱ ﺍﻧﻮﺏ ﺟﻴﺐ ﺍﻟﻲ ﻳﻨﻮﻣﻨﻲ ﻧﻤﺖ ﻣﺘﺄﺧﺮﻩ ﻛﻌﺪﺕ ﺗﻌﺒﺎﻧﻪ ﺳﺒﺤﺖ ﻭﺑﺪﻟﺖ ﻭﺭﺣﺖ ﻟﻠﺼﺎﻟﻮﻥ ﻣﺎﺍﺩﺭﻱ ﺷﻠﻮﻥ ﻣﺮ ﺍﻟﻮﻛﺖ ﻭﻣﻨﻮ ﺍﻟﺮﺟﻌﻨﻲ ﺍﻟﺒﻴﺖ ﺍﻫﻠﻲ ﻭﺍﻟﻲ ﻳﺘﺒﺎﺭﻛﻠﻲ ﻭﻳﻀﺤﻜﻦ . ﻭﻳﺮﻛﺼﻦ ﻭﺍﻧﻪ ﻓﺎﺻﻠﻪ ﻋﻦ ﺍﻟﺪﻧﻴﺎ ﻛﻠﻬﺎﺍﻟﺤﺪ ﻣﺎﺍﺟﺖ ﺍﻟﺴﻴﺎﺭﺍﺕ ﺍﺣﺲ ﺭﺟﻔﻪ ﻗﻮﻳﺔ ﺳﺮﺕ ﺑﺠﺴﻤﻲ ﺍﺑﻮﻱ ﺍﺧﻮﺍﻧﻲ ﻣﺎﺷﻔﺘﻬﻢ ﺍﻧﻤﺪﺕ ﺍﻳﺪ ﻟﺰﻣﺖ ﺍﻳﺪﻱ ﻭﺍﻟﺜﺎﻧﻲ ﺟﺮ ﺑﻴﻬﺎ ﺭﺍﺳﻲ ﻣﻦ ﺍﻟﺨﻠﻒ ﻭﻃﺒﻊ ﺑﻮﺳﺘﻪ ﺑﮕﺼﺘﻲ ﭼﻨﺖ ﻣﻐﻤﻀﻪ ﺍﺧﺎﻑ ﺍﺷﻮﻓﻪ ﻣﻦ ﺭﻳﺤﺘﻪ ﻋﺮﻓﺘﻪ ﻭﺳﺎﻡ .. ﻣﻬﻨﺎﻳﻪ ﺧﻮﻳﻪ ﺍﺭﻳﺪﭺ ﺳﺒﻌﻪ ﻣﺎﺍﻭﺻﻴﺞ ﺑﺮﺟﻠﺞ ﻧﺰﻟﺖ ﺩﻣﻌﻪ ﻣﻦ ﻃﺮﻑ ﻋﻴﻨﻲ ﻣﺴﺤﻬﺎ ﺑﺄﺑﻬﺎﻡ ﺍﻳﺪﻩ ﻭﻧﺰﻝ ﺍﻟﺒﺮﮔﻊ ﻭﺍﻟﺒﺮﻧﺺ ﻭﺣﻂ ﺍﻳﺪﻱ ﺑﺄﻳﺪ ﺣﺎﺭﻩ ﺧﺸﻨﻪ ﭼﻔﻪ ﺍﺑﺘﻠﻊ ﭼﻔﻲ ﻳﻤﺸﻲ ﺑﺨﻄﻮﺍﺕ ﺛﮕﻴﻠﻪ ﻭﻳﺤﭽﻲ ﻭﻳﺎﻫﻢ ﺑﺼﻮﺕ ﻋﺎﻟﻲ .. ﺧﻠﻪ ﻳﮕﺮﺑﻬﺎ ﻋﻠﻲ ﻫﻨﺎ ﻣﺎﺗﻄﻠﻊ ﺑﺮﻩ ﻭﺳﺎﻡ ﺍﻓﺘﺤﻠﻪ ﺍﻟﺒﺎﺏ ﺧﻞ ﻳﺠﻴﺐ ﺍﻟﺴﻴﺎﺭﻩ ﻫﻨﺎ ﻭﮔﻔﺖ ﺑﻤﻜﺎﻧﻲ ﺍﺭﻳﺪ ﺍﻣﻲ ﻭﺣﺪﻩ ﻭﻳﺎﻱ ﻣﺎﻛﻮ ﻋﺒﺎﻟﻚ ﺑﺲ ﺍﻧﻪ ﻭﻳﺎﻩ ﺭﻏﻢ ﺍﻟﻬﻮﺳﻪ ﺑﺲ ﻫﺬﺍ ﺍﺣﺴﺎﺳﻲ ﻓﻠﺖ ﺍﻳﺪﻱ ﻣﻦ ﺍﻳﺪﻩ ﻭﺻﺎﺭ ﻭﺭﺍﻱ ﺣﻀﻦ ﺧﺼﺮﻱ ﺑﻴﺪﻳﻪ ﻭﺻﻌﺪﻧﻲ .. ﺳﻤﻲ ﺑﺄﺳﻢ ﺍﻟﻠﻪ ﻭﺍﺻﻌﺪﻱ ﺳﻤﻴﺖ ﺑﺪﺍﺧﻠﻲ ﻭﺍﺣﺴﻪ ﺫﻛﺮﻧﻲ ﺍﻗﺮﺍ ﺍﻳﺎﺕ ﻭﺍﻟﺘﺠﺄ ﺍﻟﺮﺑﻲ ﻳﻬﺪﻱ ﺧﻮﻓﻲ ﻣﺴﺎﻓﺔ ﻧﺺ ﺳﺎﻋﻪ ﻭﺻﻠﻨﻪ ﺍﻟﻄﺮﻳﻖ ﻫﻮ ﻳﺘﺼﻞ ﻭﻳﻮﺟﻪ ﻭﻳﺘﻔﻖ ﻉ ﺍﻟﻌﺸﻪ ﺍﺣﺴﻪ ﻣﺨﺒﻮﺹ ﻭﻛﻠﺸﻲ ﺑﻴﺪﻩ ﻣﻦ ﻭﺻﻠﻨﻪ ﺍﻟﺮﻣﻲ ﺍﻟﺼﺎﺭ ﻋﺒﺎﻟﻚ ﺟﺒﻬﻪ ﺻﺎﺡ ﺑﻴﻬﻢ ﺻﻮﺕ ﺑﻌﺪ ﻣﺎﺷﺎﻑ ﺷﻨﺠﺖ ﺍﺩﻳﻨﻲ .. ﺍﺧﻮﺍﻧﻲ ﻣﺸﻜﻮﺭﻳﻦ ﺑﺲ ﻛﺎﻓﻲ ﺭﻣﻲ ﺭﺣﻢ ﺍﻷﻫﻠﻜﻢ ﻻﺗﻜﺘﻠﻮﻥ ﻭﺍﺣﺪ ﻭﻧﻌﺰﻱ ﻭﺍﺩﻡ ﺑﻔﺮﺣﺘﻨﻪ ﻣﺎﺗﺮﻫﻢ ﻫﺎﻱ ﻋﻮﻓﻮﻫﺎ ﻣﻮ ﻫﻨﺎ ﺍﺻﻌﺪﻭ ﺍﻟﺴﻄﻮﺡ ﻭﺑﺎﻟﻌﺎﻟﻲ ﻛﻮﻥ ﺗﺮﺩﻭﻥ .. ﻳﺎﺧﺮﺏ ﺑﺤﻈﻲ ﻋﺒﺎﻟﻲ ﺧﺎﻑ ﻋﻠﻴﻪ ﻣﻦ ﺍﻟﺼﻮﺕ ﺍﻧﻮﺏ ﻳﺮﻳﺪ ﺑﺎﻟﻌﺎﻟﻲ ﻳﻠﻠﻪ ﻫﺎﻱ ﻋﺎﺩﺍﺗﻬﻢ ﺧﻮ ﻣﺎﻳﻐﻴﺮﻫﺎ ﺍﻟﺨﺎﻃﺮﻱ ﻭﺻﻠﻨﻲ ﻟﻠﻴﺖ ﻭﻫﻼﻫﻞ ﻭﻫﻮﺳﺎﺕ ﻭﺻﻔﮕﺎﺕ ﻻﺯﻡ ﭼﻒ ﺍﻳﺪﻱ ﻭﺻﻠﻨﻲ ﺍﻟﻤﻜﺎﻥ ﺍﻟﻨﮕﻌﺪ ﺑﻲ ﻭﻃﻠﻊ ﺣﺘﻰ ﻣﺎﮔﻌﺪ ﻭﻳﺎﻱ ﺷﺒﻲ ﻫﺬﺭ ﺻﺪﮒ ﻳﺤﭽﻲ ﺍﻟﺘﻬﻦ ﺑﺮﮔﺼﻬﻦ ﻭﺍﻧﻪ ﺍﻧﻘﻬﺮﺕ ﺣﻴﻞ ﻭﺩﻱ ﺍﻟﻮﻡ ﺭﻭﺣﻲ ﻣﺎﻗﻮﻳﺖ ﺭﻭﺣﻲ ﻭﺭﻓﻀﺖ ﻟﻮ ﺍﻟﻮﻡ ﺍﻫﻠﻲ ﺷﻮﻳﻪ ﻭﺻﺎﺣﻮﻭ ﻓﺮﻏﻦ ﺍﻟﺼﺎﻟﺔ ﺍﻟﻜﻞ ﻃﻠﻊ ﻇﻠﺖ ﺍﻣﻲ ﻭﺍﻣﻪ ﻟﺒﺴﻨﻲ ﺍﻟﺒﺮﻧﺺ ﻭﺍﻟﺒﺮﮔﻊ ﺳﻤﻌﺖ ﺻﻮﺕ ﻭﺳﺎﻡ ﺳﻠﻢ ﻻ ﻳﺘﺮﺍﻭﺍﻟﻲ ﻣﻮ ﻫﻮﻭ ﺷﺠﺎﺑﻪ ﻫﻨﺎ ﺻﻮﺕ ﺍﻟﺠﺎﺑﻨﻲ ﻧﻔﺴﻪ ﻭﺻﻮﺕ ﺭﺟﺎﻝ ﺟﺒﻴﺮ ﻭﺑﻌﺪ ﺍﺛﻨﻴﻦ ﻣﺎﻣﻴﺰﺕ ﺍﺻﻮﺍﺗﻬﻢ ﻫﻼﻫﻞ ﺑﺮﻩ ﻭﺍﺻﻮﺍﺕ ﻋﺎﻟﻴﻪ ﺷﻨﻮ ﺍﻟﺠﺎﻱ ﻳﺼﻴﺮ ﺍﻧﻪ ﻭﻳﻦ ﺍﻟﻒ ﺳﺆﺍﻝ ﻣﺮ ﺍﺑﺎﻟﻲ ﺍﺟﺖ ﺍﻣﻲ ﻧﺼﺖ ﻳﻤﻲ ﺍﻟﺸﻴﺦ ﺭﺍﺡ ﻳﻌﻘﺪﻟﻜﻢ ﻣﺘﺄﺧﺮ ﺍﻟﻤﺘﻔﻘﻴﻦ ﻭﻳﺎﻩ ﻭﺍﺗﻮﺍﺯﻭ ﻉ ﻋﺸﻪ ﺍﻟﻨﺎﺱ ﻭﺟﺎﺑﻮ ﺍﻟﺰﻓﻪ ﺑﺪﻭﻥ ﻋﻘﺪ ﺍﺧﻮﺝ ﻫﺬﺍ ﻫﻨﺎ ﺑﺪﺍﻝ ﺍﺑﻮﺝ ﻭﺍﺧﻮﺍﻧﺞ ﺑﻠﻌﺖ ﺭﻳﮕﻲ ﺑﺨﻮﻑ ﺍﻧﻪ ﻧﺴﻴﺖ ﺍﻟﻌﻘﺪ ﺍﺻﻼ ﮔﻌﺪ ﺍﻟﺸﻴﺦ ﻭﺍﺧﺪ ﻣﻮﺍﻓﻘﺘﻲ ﻭﻣﻮﺍﻓﻘﺘﻪ ﻭﻋﻘﺪﻧﻪ ﺳﻠﻢ ﻋﻠﻴﻪ ﻭﺳﺎﻡ ﻭﻃﻠﻊ ﻣﺎﺣﺎﺟﺎﻧﻲ ﺍﻛﺘﻔﻪ ﺑﺴﻼﻣﻪ ﻭﻳﺎﻱ ﺍﺑﻴﺖ ﺍﻫﻠﻲ ﻭﺍﺳﻤﻊ ﻣﺎﻫﺮ ﻫﻮﺍﻱ ﻳﺘﺸﻜﺮ ﻣﻨﻪ ﻭﻳﺒﻮﺱ ﺑﻲ ﻭﻣﻤﻨﻮﻥ ﻣﻦ ﻭﮔﻔﺘﻪ ﻭﻳﺎﻩ ﻓﺮﺣﺖ ﺑﻮﺟﻮﺩ ﺍﺧﻮﻱ ﺟﻨﻪ ﺍﻣﺎﻧﻲ ﺑﻌﺪﻧﻲ ﺍﺣﺘﻤﻲ ﺑﻲ ﻭﺍﺭﻳﺪﻩ ﻳﻈﻞ ﻳﻤﻲ ﺩﻭﻡ ﻭﺩﻱ ﺍﻟﺰﻣﻪ ﻭﻣﺎﺍﺧﻠﻲ ﻳﺮﻭﺡ ﺣﺴﻴﺖ ﺷﺪﺓ ﺍﻟﺒﺮﻧﺺ ﺍﻧﻔﻠﺖ ﻭﺑﻄﺮﻑ ﺍﻳﺪﻩ ﺳﺤﺒﻪ ﺑﻌﻴﺪ ﻋﻨﻪ ﺫﺑﻪ ﺑﺰﺍﻭﻳﺔ ﺍﻟﺪﻳﻮﺍﻧﻴﻪ ﺭﻓﻊ ﺍﻟﺒﺮﮔﻊ ﻏﻤﻀﺖ ﻋﻴﻮﻧﻲ ﻣﻦ ﺍﻟﺨﻮﻑ ﻓﺘﺤﺘﻬﻦ ﺷﻮﻳﻪ ﺷﻮﻳﻪ ﺣﺴﻴﺖ ﺍﺑﻮﺳﻪ ﻉ ﮔﺼﺘﻲ ﻧﺎﻋﻤﻪ ﺑﺄﻧﻔﺎﺱ ﺩﺍﻓﻴﻪ...قصص عراقيه حقيقيه من واقعنا.روعه الطائي ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ﻭﺃﻝ ﻣﺤﻤﺪ ﮔﻠﺘﻬﺎ ﻭﻇﻠﻴﺖ ﻻﺯﻡ ﻭﺟﻬﻪ ﺑﻴﺪﻱ ﻣﻐﻤﻀﻪ ﻭﺷﻜﻠﻬﺎ ﻭﻫﻲ ﻣﻐﻤﻀﻪ ﻃﻴﺮ ﻋﻘﻠﻲ ﺍﺯﻳﺪ ﺍﺭﻳﺪ ﺍﻃﻠﻊ ﻟﻠﻨﺎﺱ ﺍﻧﻪ ﻣﻮ ﻣﺎﻝ ﺍﮔﻌﺪ ﻭﺍﺗﻤﻌﻦ .. ﻓﺘﺤﻲ ﻋﻴﻮﻧﭻ ﺍﺷﻮﻓﻬﻦ ﺣﭽﺎﻫﺎ ﺑﺄﻣﺮ ﺑﺼﻮﺕ ﺣﺎﺯﻡ ﺭﻏﻢ ﻧﺎﺻﻲ ﺍﻧﺼﺎﻋﻴﺖ ﻏﺼﺐ ﻋﻨﻲ ﻓﺘﺤﺖ ﻋﻴﻮﻧﻲ ﺑﮕﺪ ﺍﻟﻔﻀﻮﻝ ﺍﻟﻲ ﺑﺪﺍﺧﻠﻲ ﺍﺷﻮﻓﻪ ﺧﻮﻓﻲ ﺍﻛﺜﺮ ﺍﺧﺎﻑ ﺍﻧﺼﺪﻡ ﻭﺍﺗﻤﻨﻰ ﻣﺎﺻﺎﻳﺮ ﻛﻞ ﻫﺬﺍ ﺍﻧﺼﺪﻣﺖ ﺑﺸﻜﻠﻪ ﻇﻠﺖ ﻋﻴﻮﻧﻲ ﻣﺮﻛﺰﻩ ﺑﺎﻟﻜﺪﺍﻣﻲ ﻣﺎﻣﺘﺨﻴﻠﺘﻪ ﻫﻴﭻ ﺍﺑﺪ ﻟﻮﻧﻪ ﺍﻓﺘﺢ ﻣﻦ ﻟﻮﻧﻲ ﻫﻮ ﺣﻨﻄﻲ ﻋﻴﻮﻧﻪ ﻣﺤﻠﻴﺘﻬﻦ ﺣﻮﺍﺟﺒﻪ ﺍﻟﻤﻌﮕﻮﺩﻩ ﻭﺭﻣﻮﺷﻪ ﺍﻟﻜﺜﻴﻔﻪ ﻣﺮﻛﺰ ﺑﻴﻪ ﻭﻋﻴﻨﻪ ﺑﻌﻴﻨﻲ ﻭﺗﺘﻔﺤﺺ ﺑﺎﻗﻲ ﺟﺴﻤﻲ ﻭﻃﻮﻟﻲ ﺣﺴﻴﺖ ﻋﻴﻮﻧﻪ ﺗﺘﻨﻘﻞ ﻭﻋﻴﻮﻧﻲ ﺭﻛﺰﺕ ﺑﻮﺟﻬﻪ ﻋﻴﻮﻥ ﻛﺒﺎﺭ ﻣﻜﺤﻼﺕ ﻣﻘﻮﺱ ﺣﻮﺍﺟﺒﻪ ﺑﻌﻜﺪﻩ ﻣﺘﺼﻨﻌﻪ ﻣﺎﺍﺩﺭﻱ ﻫﻮ ﻣﺘﻌﻮﺩ ﻋﻠﻴﻬﺎ ﻫﻴﺞ ﺷﺒﻪ ﺍﺑﺘﺴﺎﻣﻪ ﻣﺰﻳﻨﻪ ﺛﻐﺮﻩ ﻗﺎﻃﻪ ﺍﻷﺳﻮﺩ ﻗﻤﻴﺼﻪ ﺍﻷﺑﻴﺾ ﺍﻟﺮﺑﺎﻁ ﻭﻟﻮﻧﻪ ﻣﺤﺒﺲ ﺍﻳﺪﻩ ﻭﺳﺎﻋﺘﻪ ﻛﻠﻬﻦ ﺷﻔﺘﻬﻦ ﺷﻠﻮﻥ ﻭﺷﻮﻛﺖ ﻭﺷﻜﺪ ﻃﻮﻟﻨﻪ ﻫﻴﺞ ﻣﺎﺍﺩﺭﻱ ﺍﻟﻲ ﺍﻋﺮﻓﻪ ﻣﺎﻣﺘﻮﻗﻌﻪ ﻫﺬﺍ ﺷﻜﻠﻪ ﺑﺲ ﻫﻢ ﻣﺎﻣﺘﻮﻗﻌﻪ ﻫﺬﺍ ﺍﻟﺠﻤﻮﺩ ﺍﻟﺒﻲ ﺍﺣﺴﻪ ﺣﻴﻞ ﻣﺘﺴﻠﻂ ﻗﻮﻱ ﻭﻣﻴﻌﺠﺒﻪ ﺷﻲ ﺑﺴﻬﻮﻟﻪ ﻣﺎﺍﺩﺭﻱ ﻧﻈﺮﺗﻪ ﻫﻴﺞ ﻓﺴﺮﺗﻠﻲ ﮔﻄﻊ ﺻﻔﻨﺘﻲ ﺻﻮﺗﻪ ﻭﻫﻮ ﻳﮕﻮﻝ .. ﺍﺭﺗﺎﺣﻲ ﺷﻮﻳﻪ ﻭﺍﺭﺟﻌﻠﺞ ﺻﺎﺡ ﻳﻤﻪ .. ﺍﺧﺬﻧﻬﺎ ﺍﻟﻐﺮﻓﺘﻬﺎ ﺗﺮﺗﺎﺡ ﺑﺲ ﻻﺗﺒﺪﻝ ﺍﻧﺼﻮﺭ ﻳﻠﻠﻪ ﺣﭽﺎﻫﺎ ﻭﺩﺍﺭ ﻋﻠﻴﻪ ﻳﺜﺒﺖ ﻛﻼﻣﻪ ﺑﻨﻈﺮﻩ ﻋﺒﺎﻟﻚ ﻳﮕﻠﻲ ﺳﻮﻱ ﻣﺜﻞ ﻣﺎﮔﻠﺖ ﺍﺧﺬﻭﻧﻲ ﺍﻟﻐﺮﻓﺘﻲ ﻭﺍﺑﺎﻭﻉ ﺑﺘﻨﺴﻴﻖ ﺍﻷﻟﻮﺍﻥ ﺣﻠﻮﻭﻣﻮ ﻣﺜﻞ ﻣﺎﻣﺘﻮﻗﻌﻪ ﺑﺲ ﺍﻛﻮ ﺍﺷﻴﺎﺀ ﺑﺴﻴﻄﻪ ﻣﺎﻋﺠﺒﻨﻲ ﻣﻜﺎﻧﻬﻢ ﻛﻠﺖ ﺍﻏﻴﺮﻫﻢ ﺑﻌﺪﻳﻦ ﺍﺣﺲ ﺭﺟﻠﻴﻪ ﺗﻌﺒﺎﻧﻪ ﺍﻣﻲ ﮔﺎﻟﺖ ﺍﻛﻠﻴﻠﺞ ﻟﻔﻪ ﮔﺒﻞ ﻻﻳﺠﻲ ﺧﺎﻑ ﺗﺴﺘﺤﻴﻦ ﺭﻓﻀﺖ ﺍﻧﻲ ﻭﻭﻳﻨﻲ ﻭﻭﻳﻦ ﺍﻻﻛﻞ ﺍﺣﺲ ﺍﻣﻌﺎﺋﻲ ﺧﺒﻄﺖ ﻣﻦ ﺍﻟﺨﻮﻑ ﻓﺘﺮﻩ ﻭﻋﻠﻪ ﺻﻮﺕ ﺍﻟﺪﺑﺞ ﻭﺍﻟﻬﻮﺳﺎﺕ ﺩﺧﻞ ﻫﻮﻭ ﻭﺧﻮﻓﻲ ﺯﺍﺩ ﮔﺎﻝ ﺍﻟﺒﻨﻴﻪ ﺭﺍﺡ ﺗﻔﻮﺕ ﺧﻔﺖ ﺍﻛﻠﻪ ﻳﺎﺑﻨﻴﻪ ﻣﺎﻋﻨﺪﻱ ﻓﻜﺮﻩ ﺩﺧﻠﺖ ﺍﻟﺒﻨﺖ ﻣﺒﺘﺴﻤﻪ ﻭﺑﺎﺭﻛﺘﻠﻲ ﺑﺲ ﺟﻨﻬﺎ ﺗﻌﺮﻓﻪ ﻭﻋﺒﺎﻟﻚ ﻣﻴﺎﻧﻪ ﻭﻳﺎﻩ ﺷﺪﻋﻮﻩ ﻫﺎﻟﻜﺪ ﻣﻨﻮ ﻫﺎﻱ ﺑﺎﻟﻠﻪ ﻳﻌﺮﻓﻬﺎ ﻻ ﻋﺮﻓﻨﻲ ﻋﻠﻴﻬﺎ ﺯﻣﻴﻠﺘﻪ ﺑﺎﻟﻤﻌﻬﺪ ﺗﺘﻮﺗﺮﺕ ﺍﻛﺜﺮ ﺍﺧﺬﻧﻪ ﻛﻢ ﻟﻘﻄﻪ ﺑﺲ ﻛﻠﻬﻦ ﺑﻴﻬﻦ ﺍﻧﻲ ﻣﺘﺸﻨﺠﻪ ﻭﺣﺘﻰ ﻫﻮ ﻣﻮ ﺑﺮﺍﺣﺘﻪ ﺧﻠﺺ ﺍﻟﺘﺼﻮﻳﺮ ﻃﻠﻌﺖ ﺟﺮﻳﺖ ﻧﻔﺲ ﻭﮔﻄﻌﺘﻪ ﺑﺼﻮﺕ ﺍﻟﻤﻔﺘﺎﺡ ﻳﻌﻠﻦ ﻗﻔﻞ ﺍﻟﺒﺎﺏ ﺑﺄﺣﻜﺎﻡ ﻓﺰﻳﺖ ﻭﺑﻴﻴﻦ ﻋﻠﻴﻪ ﻧﻈﺮﺗﻪ ﻃﻤﻨﺘﻨﻲ ﺃﻗﺘﺮﺏ ﻣﻨﻲ ﮔﻌﺪ ﺑﺼﻔﻲ ﻭﺩﺍﺭ ﻋﻠﻴﻪ ﻭﺻﺎﺭ ﻧﺺ ﺟﺴﻤﻪ ﺣﻴﻞ ﻗﺮﻳﺐ ﺍﻟﺠﺴﻤﻲ .. ﻣﺒﺮﻭﻙ ﻣﺮﻳﺘﻲ .. ﺑﻠﻌﺖ ﺭﻳﮕﻲ ﻭﺟﺎﻭﺑﺘﻪ ﺑﺼﻮﺕ ﺧﺎﻓﺖ ﺍﻟﻠﻪ ﻳﺒﺎﺭﻙ ﺑﻴﻚ ﻟﻴﺶ ﺧﺎﻳﻔﻪ ﻫﺰﻳﺘﻠﻪ ﺭﺍﺳﻲ ﻧﺎﻓﻴﻪ ﺧﻮﻓﻲ ﺍﻟﻲ ﻭﺍﺿﺢ ﻣﻦ ﺭﺟﻔﺔ ﺍﻳﺪﻱ ﺍﻟﻲ ﺑﺤﻀﻨﻲ .. ﺟﺮ ﺍﭼﻔﻮﻑ ﺍﻳﺪﻱ ﻭﺣﻀﻨﻬﻦ ﺑﺠﻔﻮﻓﻪ ﺿﻐﻂ ﻋﻠﻴﻬﻦ ﻳﺨﻔﻒ ﺭﺟﻔﺘﻬﻦ ﻣﺎﻳﺪﺭﻱ ﺑﮕﻠﺒﻲ ﺯﺍﺩ ﺍﺿﻌﺎﻑ ﺩﻛﺎﺗﻪ .. ﻻﺗﺨﺎﻓﻴﻦ .. ﺩﻧﮕﺖ ﺭﺍﺳﻲ ﺧﺠﻼﻧﻪ .. ﻻﺩﻧﮕﻴﻦ ﻣﻮ ﻣﺮﺗﻲ ﺍﻟﻲ ﺍﺩﻧﮓ ﺭﻓﻌﻲ ﺭﺍﺳﭻ ﻫﻴﭻ ﺑﻄﺮﻑ ﺍﻳﺪﻩ ﺭﻓﻊ ﺣﻨﭽﻲ .. ﻻﺗﺨﺎﻓﻴﻦ ﺍﻫﺪﻱ ﻣﺎﺍﺭﻳﺪ ﺷﻲ ﺑﺲ ﺍﺗﻤﻌﻦ ﺯﻳﻦ ﺑﻴﭻ ﻭﺍﺷﻮﻓﭻ ﺑﺮﺍﺣﺘﻲ ﺯﺍﺩ ﺍﻟﺘﻮﺗﺮ ﻋﻨﺪﻱ ﻭﺍﺣﺲ ﺭﻭﺣﻲ ﺭﺍﺡ ﺗﻐﻴﺐ ﻏﺼﺐ ﻋﻨﻲ .. ﺯﻳﻨﺐ .. ﻫﺎ .. ﻻﺍﺩﻧﮕﻴﻦ ﺭﻓﻌﺖ ﺭﺍﺳﻲ ﺍﺑﺎﻭﻋﻠﻪ ﺍﺭﻳﺪ ﺍﻋﺮﻑ ﺷﺠﺎﻱ ﻳﻔﻜﺮ .. ﺍﻱ ﻫﻴﭻ ﺧﻠﻴﻨﻲ ﺍﺷﻮﻑ ﻋﻴﻮﻧﭻ ﻣﺜﻞ ﻣﺎﮔﺎﻟﺖ ﺍﻟﺸﻴﺨﻪ ﻭﺍﺣﻠﻰ ﻣﻦ ﺍﻟﻮﺻﻒ ﺑﻌﺪ .. ﺷﮕﺎﻟﺖ .. ﺑﻌﺪﻳﻦ ﺗﻌﺮﻓﻴﻦ ﻣﺎﻣﺴﺘﻌﺠﻞ ﺍﻧﻪ ﻋﻠﻤﻮﺩﭺ ﺍﺫﺍ ﺗﺮﺩﻳﻦ ﺍﮔﻠﭻ ﺷﮕﺎﻟﺖ ﺗﺪﻟﻠﻴﻦ ﺑﺲ ﺧﻠﻴﻨﻲ ﺑﺮﺍﺣﺘﻲ ﺍﺣﭽﻲ ﮔﺘﻠﻪ ﺍﻱ ﺑﺮﺍﺣﺘﻚ ﺍﺑﺘﺴﻢ ﺑﻤﻜﺮ ﻭﮔﺎﻝ .. ﺑﺮﺍﺣﺘﻲ ﺑﺮﺍﺣﺘﻲ ﻭﺭﺍﺣﺘﻲ ﻫﻲ ﺭﺍﺣﺘﭻ ﺍﻥ ﺷﺎﺀﺍﻟﻠﻪ ﻭﻫﺴﻪ ﺗﺸﻮﻓﻴﻦ ﺭﻓﻊ ﺍﻳﺪﻱ ﻭﺑﺎﺳﻬﺎ ﺟﺴﻤﻲ ﻛﻠﻪ ﺍﺗﺄﺛﺮ ﺍﺣﺲ ﺟﻠﺪﻱ ﺍﺗﻘﺸﻌﺮ ﺍﺣﺴﺎﺱ ﻣﺎﺍﻋﺮﻑ ﺍﻭﺻﻔﻪ ﺭﻏﻢ ﺍﻟﺨﻮﻑ ﺍﻟﺒﻴﻪ ﻃﺎﻏﻲ ﺑﺲ ﻣﺎﻛﺪﺭﺕ ﺍﺭﻓﺾ ﺍﻭ ﺍﻧﻜﺮ ﺍﺣﺴﺎﺳﻲ ﺍﻟﻤﺘﺄﺛﺮ ﺑﻐﻴﺮ ﺍﻟﺨﻮﻑ ﺳﺒﺤﺎﻥ ﺍﻟﻠﻪ ﺍﺛﻨﻴﻦ ﻣﺎﻣﺘﻌﺎﺭﻓﻴﻦ ﻭﻻ ﻣﺘﺸﺎﻭﻓﻴﻦ ﻣﺠﺮﺩ ﻛﺘﺎﺏ ﺍﻟﻠﻪ ﺑﻴﻨﻬﻢ ﺷﻨﻮ ﺍﻟﻲ ﻳﺨﻠﻲ ﺍﺷﻴﺎﺀ ﭼﺎﻧﺖ ﻣﺮﻓﻮﺿﻪ ﺑﺪﺍﺧﻠﻲ ﺷﻲ ﻳﺮﺑﻄﻨﻲ ﻣﻦ ﺭﻓﻀﻬﺎ ﻭﺍﺗﻘﺒﻠﻬﺎ ﻭﺑﻘﻨﺎﻋﻪ ﻣﺜﻞ ﻟﺰﻣﺔ ﺍﻳﺪﻩ ﻭﺟﻮﺩﻱ ﻭﻳﺎﻩ ﻫﻮ ﺟﺎﻥ ﻏﺮﻳﺐ ﻭﺣﺘﻰ ﻣﻮﺍﻓﻘﺘﻲ ﻋﺒﺎﻟﻚ ﻏﺼﺐ ﻋﻨﻲ ﻟﻴﺶ ﻣﻦ ﺗﻮﺻﻞ ﻟﻠﺼﺪﻙ ﺷﻲ ﺑﻴﻪ ﻳﻮﺍﻓﻖ ﺍﻭ ﻳﺴﻜﺖ ﺍﻟﺴﺎﻧﻲ ﻛﻞ ﻫﺬﺍ ﺍﺑﺎﻟﻲ ﻭﺍﻳﺪﻳﻪ ﺑﻌﺪﻫﻦ ﺑﺄﻳﺪﻩ ﻭﻗﺮﻳﺐ ﺍﺷﻔﺎﻓﻪ ﺭﺟﻊ ﺑﺎﺳﻬﻦ ﺧﻔﻴﻒ ﺑﻬﺪﻭﺀ ﺍﺛﺮﺕ ﺑﻴﻪ ﺍﻛﺜﺮ ﻣﻦ ﺍﻻﻭﻟﻰ .. ﺯﻳﻨﺐ ﺍﺳﻤﭻ ﻣﻮﻭ ﻫﻴﭻ .. ﺍﻱ … ﺟﺎﻭﺑﺘﻪ ﻭﺍﺩﺭﻱ ﺑﻲ ﻳﺮﻳﺪ ﻳﺸﻐﻠﻨﻲ ﻷﻥ ﻗﺒﻞ ﺷﻮﻳﻪ ﺻﺎﺣﻨﻲ ﺑﺄﺳﻤﻲ ﻣﺎﻣﻌﻘﻮﻟﻪ ﻟﻠﻌﺮﺱ ﻣﺎﻳﻌﺮﻑ ﺍﺳﻤﻲ .. ﻋﺎﺷﺖ ﺍﻷﺳﺎﻣﻲ ﺍﺳﻤﺞ ﻭﺭﺳﻤﺞ ﺣﻠﻮﻭ ﺣﺴﻴﺖ ﺍﺩﻳﻨﻪ ﺍﻧﻤﺪﺕ ﺍﻟﻈﻬﺮﻱ ﻭﺍﻧﻔﺘﺢ ﺳﺤﺎﺏ ﺍﻟﺒﺪﻟﻪ ﺍﺗﺸﻨﺠﺖ ﻭﺑﻠﻤﺴﻪ ﻣﻨﻪ ﻧﺴﻴﺖ ﺍﻣﺮ ﺍﻟﺒﺪﻟﻪ ﻭﺭﺩﺕ ﺍﺗﻼﻓﻪ ﺍﻟﺸﻌﻮﺭ ﺍﻟﺮﺍﻭﺩﻧﻲ .. ﻫﺴﻪ ﺍﺳﻮﻟﻒ ﻟﻮ ﺍﻧﻄﻲ ﻣﺠﺎﻝ ﮔﺎﻟﻬﺎ ﻭﺟﺰﺀ ﻣﻦ ﺛﻐﺮﻩ ﻣﺒﺘﺴﻢ ﮔﻄﻌﺖ ﺣﺘﻪ ﺍﻟﻨﻔﺲ ﺟﺮ ﻧﻔﺲ ﺑﻘﻮﻩ ﻭﮔﺎﻝ .. ﺍﺗﻨﻔﺴﻲ ﻣﻬﺮﺗﻲ ﺭﺍﺡ ﺍﻃﻔﻲ ﺍﻟﻀﻮﻩ ﻭﺑﺪﻟﻲ ﺑﺮﺍﺣﺘﭻ ﺍﺣﺲ ﺍﻟﺪﻧﻴﺎ ﺍﺩﻭﺭ ﺑﻴﻪ ﻣﺎﻣﺴﺘﻮﻋﺒﻪ ﻛﻞ ﻫﺬﺍ ﺣﺴﻴﺖ ﺭﻭﺣﻲ ﺟﺎﻫﻠﻪ ﻛﻠﺸﻲ ﻣﺎﺍﻓﻬﻢ ﺧﺮﺏ ﺑﻠﺴﺎﻧﻲ ﺍﻟﻮﻛﻌﻨﻲ ﻫﺎﻱ ﺍﻟﻮﮔﻌﻪ ﺷﻠﻮﻥ ﺍﺗﺼﺮﻑ ﻫﺴﻪ ﺍﻫﻠﻲ ﺷﺎﻓﻮ ﺍﻟﺴﺎﻧﻲ ﻋﺒﺎﻟﻬﻢ ﺑﻴﻪ ﺧﻴﺮ...قصص عراقيه حقيقيه من واقعنا.روعه الطائي ﺣﺲ ﺑﻴﻪ ﻣﺘﻮﺗﺮﻩ ﺑﻴﺪﻩ ﺍﻟﺜﻮﺏ ﺍﻻﺑﻴﺾ ﻣﺒﻴﻦ ﻣﻦ ﺍﺿﺎﺋﻪ ﺧﻔﻴﻔﻪ .. ﻻﺗﺘﻮﺗﺮﻳﻦ ﻉ ﻛﻴﻔﭻ ﺍﻟﺒﺴﻲ ﻫﺬﺍ ﻫﺎﺝ ﺑﺲ ﮔﻮﻣﻲ ﻭﺑﻌﺪﻱ ﻋﻨﭻ ﻫﺎﻱ ﺛﮕﻴﻠﻪ ﻋﻠﻴﭻ ﺑﺄﻳﺪﻩ ﺍﺷﺮ ﻉ ﺍﻟﺒﺪﻟﻪ ﻟﺒﺴﺖ ﺍﻟﺜﻮﺏ ﻭﺫﺑﻴﺘﻬﺎ ﻭﻛﻌﺖ ﻣﻨﻲ ﮔﺒﻞ ﻻﻳﻨﺰﻝ ﺍﻟﺜﻮﺏ ﺍﻟﻲ ﻳﻔﻀﺢ ﺍﻛﺜﺮ ﻣﺎﻳﺴﺘﺮ ﺍﺣﺘﺎﺭﻳﺖ ﺍﺟﺮ ﺑﻲ ﻣﻨﺎ ﻭﻣﻨﺎ ﺍﺭﻳﺪﻩ ﻳﻨﺰﻝ ﺷﻮﻳﻪ .. ﻋﻮﻓﻲ ﻭﺍﻧﺴﻲ ﺛﻮﺑﺞ ﻭﺍﻣﺮﻩ ﮔﻠﻴﻠﻲ ﺍﻧﺘﻲ ﺧﺎﻳﻔﻪ ﻫﺰﻳﺖ ﺭﺍﺳﻲ ﺍﻱ .. ﻃﺒﻴﻌﻲ ﺗﺨﺎﻓﻴﻦ ﻭﺗﺘﻮﺗﺮﻳﻦ ﻣﻮ ﺑﺲ ﺍﻧﺘﻲ ﺣﺘﻰ ﺍﻧﻪ ﻣﺘﻮﺗﺮ ﺑﺲ ﻣﺎﺍﺳﻤﺢ ﻟﻠﺨﻮﻑ ﺧﻮﻓﺞ ﻃﺮﺩﻱ ﮔﻮﻟﻲ ﻣﺎﺍﺧﺎﻑ ﺷﻮﻭ ﻳﻠﻠﻪ ﻛﻮﻟﻲ .. ﻫﺰﻳﺖ ﺭﺍﺳﻲ ﻭﻛﺘﻠﻪ ﻻ ﺧﺎﻳﻔﻪ .. ﺑﮕﻠﺒﻲ ﺟﺎﻫﻠﻪ ﺍﻧﻲ ﻭﺗﻘﺸﻤﺮﻧﻲ ﺧﺎﻳﻔﻪ ﻭﺧﺎﻳﻔﻪ ﺍﺻﻼ ﻣﻴﺘﻪ ﺧﻮﻑ .. ﻣﻨﻴﻦ ﻣﻨﻲ ؟ ﻻ ﺗﺨﺎﻓﻴﻦ ﺗﻌﺎﻱ ﻫﻨﺎ ﻳﻤﻲ ﻻﺗﺒﻌﺪﻳﻦ .. ﺑﻴﺪﻩ ﺳﺤﺒﻨﻲ ﻭﻗﺮﺑﻨﻲ ﻋﻠﻴﻪ .. ﺧﺮﺏ ﺣﻈﻲ ﺣﻮ ﺍﻧﺖ ﺍﻗﺘﺮﺏ ﻣﻦ ﻫﺴﻪ ﻳﺮﻳﺪ ﻳﺜﺒﺖ ﻧﻔﺴﻪ ﺑﻘﻮﻩ ﺣﺘﻰ ﺍﻧﻲ ﺗﺮﻯ ﻣﻮ ﻗﻠﻴﻠﻪ ﺑﺲ ﺍﺻﺒﺮﻟﻲ ﺍﻟﻴﻮﻡ ﺍﻟﺨﻮﻑ ﺳﺎﻃﺮﻧﻲ ﺍﻧﻮﺏ ﺗﺸﻮﻑ .. ﺍﺣﺪ ﺣﺎﭼﻲ ﻭﻳﺎﭺ .. ﺷﻨﻮ .. ﺍﺣﺪ ﺣﺎﭼﻲ ﻭﻳﺎﭺ ﻭﮔﺎﻳﻠﭻ ﺷﻴﺼﻴﺮ ﺍﻟﻠﻴﻠﻪ ﻳﻌﻨﻲ .. ﺍﺣﺲ ﻣﺎﺑﻘﺖ ﻗﻄﺮﺓ ﺩﻡ ﺑﻴﻪ .. ﮔﻮﻟﻲ ﻣﻌﻠﻤﻴﻨﺞ ﺍﻧﺘﻲ ﻳﻌﻨﻲ ﻣﺤﺎﭼﻴﻨﺞ ﺍﺣﭽﻲ ﺣﺘﻰ ﺍﻋﺮﻑ ﺍﺗﺼﺮﻑ .. ﻛﺘﻠﻪ ﺍﻱ ﺣﭽﻮﻟﻲ .. ﺍﻧﺴﻲ ﺍﻟﺤﭽﻮﻭ ﻭﺧﻠﻴﭻ ﻭﻳﺎﻱ ﺍﻧﻪ ﺣﭽﻴﻲ ﻳﺨﺘﻠﻒ ﻋﻦ ﺣﭽﻴﻬﻢ ﻭﻫﺴﻪ ﺗﺸﻮﻓﻴﻦ ﻟﺤﻈﺎﺕ ﺣﺴﻴﺖ ﺑﺨﻮﻑ ﺑﻌﻤﺮﻱ ﻣﺎﻣﺘﻮﻗﻌﻪ ﺑﻴﻮﻡ ﺍﺧﺎﻑ ﻫﻴﭻ ﺑﻌﺪﻫﺎ ﺩﻗﺎﻳﻖ ﻧﺴﻴﺖ ﺧﻮﻓﻲ ﻭﻧﺴﻴﺖ ﺭﻭﺣﻲ ﻭﻃﻔﺖ ﺑﻌﻴﺪ ﺑﻌﻴﺪ ﻋﻦ ﺍﻟﻮﺍﻗﻊ ﺍﻟﻌﺮﻓﺘﻪ ﻭﺍﻟﺴﻤﻌﺖ ﻋﻨﻪ ﺍﻟﺸﻔﺘﻪ ﺷﻲ ﺛﺎﻧﻲ ﻣﺎﺍﻧﻜﺮ ﺍﻧﻮ ﺑﻲ ﺻﻌﻮﺑﻪ ﻭﻣﻮ ﺳﻬﻞ ﺑﺲ ﻓﻌﻼ ﻳﺨﺘﻠﻒ ﻋﻦ ﺍﻟﺤﭽﻲ ﺍﻟﻜﺎﻟﻮﻩ ﺣﺴﻴﺖ ﺩﻣﻮﻉ ﻣﺒﻠﻠﻪ ﺧﺪﻱ ﺑﺪﻭﻥ ﻭﻋﻲ ﻣﻨﻲ ﻧﺎﺯﻻﺕ ﻣﺴﺤﻬﻦ ﺑﻄﺮﻑ ﺍﻳﺪﻩ ﻭﺑﺎﺱ ﺭﺍﺳﻲ ﻭﺧﺪﻱ .. ﻣﺒﺮﻭﻙ ﻣﻬﺮﺗﻲ .. ﺻﻮﺗﻲ ﻣﺎﮔﺪﺭﺕ ﺍﻃﻠﻌﻪ ﺑﻌﺪ ﺑﻴﻪ ﺍﻟﺮﺟﻔﻪ ﻭﻣﻦ ﺣﺴﻴﺖ ﺍﻟﻤﻮﺿﻮﻉ ﺻﺎﺭ ﻭﺍﻧﺘﻬﻰ ﺯﺍﺩﺕ ﺭﺟﻔﺘﻲ ﺍﻛﺜﺮ ﻟﻔﻠﻔﺖ ﺭﻭﺣﻲ .. ﺍﺭﺗﺎﺣﻲ ﺍﻧﻪ ﻃﺎﻟﻊ ﻭﻣﺎﺍﺧﻠﻲ ﻭﺍﺣﺪ ﻳﻄﺐ ﻋﻠﻴﺞ ﻻﺗﺨﺎﻓﻴﻦ ﺍﺭﺗﺎﺣﻲ … .. ﻃﻠﻌﺖ ﺍﺷﻮﻓﻬﻢ ﻣﺮﺗﺒﻜﻴﻦ ﺍﻣﻲ ﺣﻴﻞ ﺿﺎﻳﺠﻪ ﻭﺧﺎﻻﺗﻲ ﻳﻠﻮﻣﻦ ﺑﻴﻬﺎ ﻉ ﺷﻲ ﻣﺎﻋﺮﻓﺘﻪ ﮔﻠﺖ ﺷﻜﻮﻭ ﻋﻠﻪ ﺻﻮﺕ ﺍﻟﻬﻼﻫﻞ ﻭﺍﻟﺪﺑﭻ ﻣﺎﺍﻧﻄﻮﻧﻲ ﻣﺠﺎﻝ ﺣﺒﻴﺖ ﺭﺍﺱ ﺍﻣﻲ ﻭﺑﺴﺖ ﺍﻳﺪﻳﻬﺎ ﺣﻀﻨﺘﻨﻲ ﺗﺘﻨﻮﻋﻠﻲ ﺗﺮﻳﺪ ﺗﻌﺮﻑ ﺍﻟﺼﺎﺭ ﻣﻦ ﻣﻼﻣﺤﻲ .. ﻳﻤﻪ ﺍﻧﺪﻋﻴﻠﻲ ﺗﻜﻮﻥ ﺑﺪﺍﻳﺔ ﺧﻴﺮ .. ﺍﻧﺪﻋﻴﻠﻚ ﻳﻤﻪ ﻛﻞ ﻭﻛﺖ ﻭﻛﻞ ﺳﺎﻋﻪ ﻭﺭﺍﺿﻴﻪ ﻋﻠﻴﻚ ﻳﻮﻡ ﻭﺩﻭﻡ ﻭﺍﻟﻠﻪ ﻳﺮﺿﺎ ﻋﻠﻴﻚ ﻭﻳﺮﺯﻗﻚ ﺍﻟﺬﺭﻳﻪ ﺍﻟﺼﺎﻟﺤﻪ .. ﺍﻟﻠﻪ ﻳﺤﻔﻈﺞ ﻳﻤﻪ .. ﺷﻨﻬﻲ ﺍﻟﺼﺎﺭ ﺷﺒﻴﺞ .. ﻣﺎﻛﻮ ﻳﻤﻪ ﺭﻭﺡ ﻟﻤﺮﻳﺘﻚ ﺭﺟﻌﺖ ﺍﻟﻬﺎ ﻭﻛﻠﺖ ﺍﻻﻣﻲ ﺗﺨﻠﻲ ﺍﻟﻤﻜﺎﻥ ﺍﻟﻘﺮﻳﺐ ﻋﻨﻪ ﺣﺘﻰ ﺗﻄﻠﻊ ﺗﺎﺧﺬ ﺭﺍﺣﺘﻬﺎ ﻭﻛﺘﻠﻬﺎ ﻃﻠﻌﻲ ﻏﺴﻠﻲ ﻭﺗﻌﺎﻱ ﻭﺍﺧﺬﺕ ﻫﺪﻭﻣﻲ ﻟﻠﺤﻤﺎﻡ ﺍﻟﺜﺎﻧﻲ ﺫﺍﻙ ﻛﻞ ﺍﻟﻌﺪﻧﻪ ﻳﻤﻪ ﺑﺲ ﺍﻧﻪ ﻣﺎﺍﻫﺘﻢ ﻣﻮ ﻣﺜﻠﻬﺎ ﺗﺨﺠﻞ ﺭﺟﻌﺖ ﻭﻧﺸﻔﺖ ﻭﻫﻲ ﺑﻌﺪﻫﻲ ﻃﻠﻌﺖ ﺗﻨﺸﻒ ﺑﺸﻌﺮﻫﺎ ﻣﺎﺟﺎﻥ ﻣﺒﻴﻴﻦ ﻫﺎﻟﻄﻮﻝ ﻓﺘﺤﺖ ﺍﻟﺘﺪﻓﺄﻩ ﺑﺪﺍﻳﺔ ﺍﻟﺸﺘﻪ ﺑﺲ ﺑﺎﺭﺩﻩ ﭼﺎﻧﺖ ﺗﻌﺎﻱ ﻫﻨﺎ ﺍﺩﻓﻲ ﺍﺷﺮﺗﻠﻬﺎ ﺑﺤﻀﻨﻲ ﻭﺭﻓﻌﺖ ﺍﻟﻐﻄﻪ ﻋﻨﻲ ﺣﺸﻜﺖ ﺭﻭﺣﻬﺎ ﺑﻌﻴﺪ ﺟﺮﻳﺘﻬﺎ ﻋﻠﻲ ﻭﻧﻤﻨﻪ ﮔﻌﺪﺕ ﺛﺎﻧﻲ ﻳﻮﻡ ﺍﺳﻤﻌﺖ ﺧﺎﻟﺘﻲ ﺗﻠﻮﻡ ﺑﺄﻣﻲ .. ﺑﻨﻴﺘﺞ ﻫﺎﻱ ﺧﺎﻳﺒﻪ ﺣﺘﻰ ﻟﻮ ﻏﻠﻄﺖ ﺧﻄﻴﻪ ﺗﻔﺸﻠﻴﻨﻬﺎ ﻫﻴﺞ ﺷﻠﻮﻥ ﺍﻃﺮﺩﻳﻨﻬﺎ ﻛﺪﺍﻣﻨﻪ ﻛﻠﻨﻪ .. ﺟﺎ ﺗﺮﺩﻳﻦ ﺍﻏﺚ ﻣﺎﻫﺮ ﺑﻴﻮﻡ ﻋﺮﺳﻪ ﻣﻮ ﻛﺎﻓﻲ ﺿﺎﻡ ﺑﮕﻠﺒﻪ ﺳﻮﺍﺗﻬﺎ ﻭﻣﺎﻃﻠﻊ ﺣﺴﺮﺗﻪ ﻭﻛﺴﺮ ﺿﻠﻮﻋﻬﺎ .. ﺍﻟﻲ ﺻﺎﺭ ﺻﺎﺭ ﻭﺑﺘﺞ ﺣﺒﻠﻪ ﻭﺑﺤﻼﻝ ﺍﻟﻠﻪ ﻭﺍﺑﻦ ﻋﻤﻬﺎ ﻣﻬﻤﺎ ﺑﻴﻨﻜﻢ ﻣﺸﺎﻛﻞ ﺑﺲ ﻣﻌﺮﻭﻑ ﺍﺻﻠﻪ ﻭﻓﺼﻠﻪ ﻣﻮ ﻧﺎﻫﺒﻪ ﻭﻫﻴﺞ ﺗﻌﺎﻣﻠﻮﻫﺎ .. ﺑﺎﻟﻌﺎﻓﻴﻪ ﻋﻠﻴﻬﺎ ﻋﻤﻬﺎ ﻭﺍﺑﻨﻪ ﻫﻢ ﺍﻫﻠﻬﺎ ﻣﺎﺍﻟﻬﺎ ﺷﻲ ﻳﻤﻨﻪ ﺍﻧﺘﻲ ﺍﺑﺎﻟﺞ ﻣﺎﺍﺣﻦ ﺍﻟﻬﺎ ﺭﻭﺣﻲ ﻓﺮﻓﺤﺖ ﻋﻠﻴﻬﺎ ﺑﺲ ﻣﺎﺍﻛﺴﺮ ﻓﺮﺣﺔ ﺍﺑﻨﻲ .. ﺻﺒﺎﺡ ﺍﻟﺨﻴﺮ ﻳﻤﻪ ﻛﻠﺘﻬﺎ ﻭﺳﻮﻳﺖ ﺭﻭﺣﻲ ﻣﺎﺳﻤﻌﺎﻥ ﺷﻲ ﺍﻧﻪ ﻛﺘﻠﻬﺎ ﻣﺎﻟﻲ ﺩﺧﻞ ﺑﻴﻬﺎ ﺍﻧﺘﻲ ﻭﻳﺎﻫﺎ .. ﺻﺒﺎﺡ ﺍﻟﺨﻴﺮﺍﺕ ﺑﻌﺪ ﺍﻣﻚ ﻣﺒﺎﺭﻙ ﻳﺎﺑﻌﺪ ﺭﻭﺣﻲ ﺍﻟﻒ ﻣﺒﺎﺭﻙ ﺍﻟﻠﻪ ﻳﻬﻨﻴﻚ ﻭﻳﺴﻌﺪﻙ ﻳﻤﻪ ﺑﺠﺎﻩ ﺍﻟﺤﺒﻴﺐ ﻣﺤﻤﺪ .. ﻳﺤﻔﻈﺞ ﺍﻟﻠﻪ ﻳﻤﻪ .. ﻣﺮﻳﺘﻚ ﻛﺎﻋﺪﻩ ﮔﺒﻠﻲ ﺑﺲ ﺗﺴﺘﺤﻲ ﺗﻄﻠﻊ ﺷﻮﻓﻴﻬﺎ ﻳﻤﻪ ﻭﺧﻠﻬﺎ ﺗﺎﺧﺬ ﻉ ﺍﻟﺒﻴﺖ ﻭﺍﻟﺒﻲ .. ﻣﻦ ﻋﻴﻮﻧﻲ ﻳﻤﻪ ﺍﺭﻭﺣﻠﻬﺎ ﺍﻫﻠﻬﺎ ﻳﺠﻮﻥ ﻫﺴﻪ .. ﻣﺎﺍﺩﺭﻱ ﻫﻼ ﺑﻴﻬﻢ ﻛﻞ ﻭﻛﺖ ﻃﻠﻌﺖ ﻟﻠﺤﺪﻳﻘﻪ ﺑﻴﻦ ﻣﺎﻳﺠﻬﺰ ﺍﻟﺮﻳﻮﻙ ﻭﺍﺑﺎﻟﻲ ﺍﻧﻪ ﺷﺪﻋﻮﻩ ﻫﻴﺞ ﻗﺎﺳﻲ ﺷﻮ ﻣﺎﺣﻨﻴﺖ ﻋﻠﻴﻬﺎ ﻟﻴﺶ ﻣﻦ ﺳﻤﻌﺖ ﺍﻣﻲ ﻣﺴﻮﻳﻪ ﺑﻴﻬﺎ ﻫﻴﺞ ﻣﺎﺿﺠﺖ ﻣﻦ ﺍﻣﻲ ﻭﻻ ﻟﻤﺘﻬﺎ ﺑﮕﻠﺒﻲ ﻫﻲ ﺳﻮﺍﻳﺘﻬﺎ ﺟﺒﻴﺮﻩ ﻟﻮ ﺍﻧﻪ ﺍﻟﻮﻛﺖ ﻏﻴﺮﻧﻲ يتبع.... التعديل الأخير تم بواسطة لامارا ; 24-06-19 الساعة 12:22 AM | ||||
|
| |
|
02-06-19, 02:04 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السادس ﺳﺮﻭﺭ .. ﻃﻠﻌﺖ ﻣﻦ ﺑﻴﺖ ﺍﻫﻠﻲ ﻣﻨﻬﺎﺭﻩ ﻫﻮ ﻭﺻﻠﻨﻲ ﻭﻇﻞ ﻭﺍﮔﻒ ﻗﺮﻳﺐ ﺍﻟﺒﺎﺏ ﺍﺳﺎﺳﺎ ﺑﺎﻟﻌﺮﺱ ﭼﺎﻥ ﺣﺎﺿﺮ ﺑﺲ ﻣﺎﻣﺨﻠﻲ ﻣﺎﻫﺮ ﻳﻨﺘﺒﻬﻠﻪ ﺑﺲ ﺑﺎﻗﻲ ﻭﻟﺪ ﻋﻤﻮﻣﺘﻨﻪ ﺷﺎﻳﻔﻴﻨﻪ ﻭﻣﺸﺠﻌﻲ ﺑﺲ ﻛﺎﻳﻠﻴﻪ ﻏﻴﺮ ﻣﺮﻩ ﺣﺎﺟﻲ ﻃﻠﻌﺖ ﻭﺍﺣﺲ ﺍﻟﺪﻧﻴﺎ ﻣﻮ ﺑﻌﻴﻨﻲ ﺣﻠﻔﺖ ﺑﺎﺏ ﺑﻴﺖ ﺍﻫﻠﻲ ﺑﻌﺪ ﻣﺎﺍﻃﺒﻪ ﻃﻮﻝ ﻋﻤﺮﻱ ﺍﻣﻲ ﺍﻟﻲ ﻃﺮﺩﺗﻨﻲ ﻛﺒﺎﻝ ﺍﻟﻜﺎﻋﺪﺍﺕ ﻛﻠﻬﻦ ﺍﻛﻠﻬﺎ ﻳﻤﻪ ﺍﻧﻪ ﺑﻨﺘﺞ ﻏﻠﻄﺖ ﻣﻴﺨﺎﻟﻒ ﺑﺲ ﺧﻠﻴﻨﻲ ﺍﺷﺎﺭﻛﺞ ﻓﺮﺣﺘﺞ ﺷﺎﺭﻛﻴﻨﻲ ﺍﻧﺘﻲ ﻓﺮﺣﺘﻲ ﺍﻧﻪ ﺍﺑﻴﺘﻲ ﻭﻛﻞ ﺷﻮﻳﻪ ﺍﺗﺬﻛﺮ ﮔﻔﻠﻪ ﻭﺍﻛﻔﻠﻬﺎ ﻭﺣﺪﻱ ﻭﻣﺎﺧﺬﻧﻲ ﺍﻟﻮﺍﻫﺲ ﺍﻟﻔﺮﺣﺔ ﺍﺧﻮﻱ ﺗﺪﻓﻊ ﺑﻴﻪ ﻭﺗﻜﻠﻲ ﺑﺴﺎﻉ ﮔﺒﻞ ﻻﻳﻄﻠﻊ ﺍﺧﻮﺝ ﻳﺸﻮﻓﭻ ﻣﺎﺍﺭﻳﺪﻩ ﻳﻨﻐﺚ .. ﻳﻤﻪ ﻓﺪﻭﻩ ﺍﻧﻪ ﺍﻋﺮﻑ ﺷﻠﻮﻥ ﺍﺭﺿﻲ ﺑﺲ ﺍﺣﺎﺟﻲ ﻭﺍﺑﺎﺭﻛﻠﻪ ﻻﺍﻃﺮﺩﻳﻨﻲ ﻫﻴﺞ ﻳﻤﻪ ﺑﻨﺘﺞ ﺍﻧﻪ .. ﺑﻴﺖ ﺍﺑﻮﻱ ﻫﺬﺍ .. ﺍﻟﺒﻴﺖ ﺑﻴﺘﻲ ﻭﺍﺑﻮﺝ ﻟﻮ ﺗﻌﺰﻳﻨﻪ ﻣﺎﺗﺴﻮﻳﻦ ﺍﻟﺴﻮﻳﺘﻲ ﺑﺄﺧﻮﺝ ﺍﻃﻠﻌﻲ ﻭﺭﻭﺣﻲ ﺍﻟﻌﻤﺞ ﻭﺯﻟﻤﺘﭻ ﻣﻬﻨﺎﻳﻪ ﺑﻴﻬﻢ .. ﻳﻤﻪ ﺍﻧﻪ ﺣﺎﻣﻞ ﺍﺣﺘﺎﺟﭻ ﺧﻠﻲ ﻣﺎﻫﺮ ﺯﻋﻼﻥ ﺍﻧﻮﺏ ﺍﺭﺿﻲ ﺑﺲ ﺍﺭﺿﻲ ﻋﻠﻲ ﺍﻧﺘﻲ ﺩﻓﻌﺘﻨﻲ ﺍﻃﻠﻊ ﺑﻴﻪ ﻭﺧﺎﻻﺗﻲ ﻳﻜﻀﻦ ﺑﻴﻬﺎ ﻭﻫﻴﻪ ﺑﺪﻭﻥ ﻭﻋﻲ ﻣﻨﻬﺎ ﺗﺪﻓﻊ ﻭ ﺗﻄﺮﺩﻧﻲ ﻭﺻﻠﺖ ﺍﻟﺒﺎﺏ ﺍﻟﺤﻮﺵ ﻃﻠﻌﺖ ﺑﺪﻓﻌﻪ ﻗﻮﻳﻪ ﺍﺗﻌﺜﺮﺕ ﺣﻴﻞ ﺍﺟﻴﺖ ﺍﻃﻴﺢ ﻉ ﻭﺟﻬﻲ ﻣﺎﺍﺷﻮﻑ ﻣﻦ ﺩﻣﻮﻋﻲ ﺍﻟﺰﻟﻢ ﺟﺎﻧﺖ ﺗﻮﻫﺎ ﻃﺎﺷﻪ ﻣﺎﻛﻮ ﺍﺣﺪ ﻗﺮﻳﺐ ﺑﺲ ﺍﻟﻲ ﻳﻨﻈﻔﻮﻥ ﺍﻟﺠﺪﻭﺭﻩ ﺍﻟﻜﺒﺎﺭ ﻭﺍﻟﻤﻮﺍﻋﻴﻦ ﺑﻌﻴﺪ ﺷﻮﻳﻪ ﻋﻨﻪ ﺻﺎﻳﺮﻳﻦ ﻭﺭﻩ ﺑﻴﺖ ﺍﻫﻠﻲ ﻣﻨﺎﻙ ﺣﺴﻴﺖ ﺍﺟﻪ ﻛﺮﺍﺭ ﺣﻀﻨﻲ ﮔﻮﻣﻨﻲ ﻣﻦ ﺍﻟﮕﺎﻉ .. ﺷﻬﮕﺖ ﺑﺼﻮﺕ ﻋﺎﻟﻲ ﻭﺑﭽﻴﺖ ﺑﺼﻮﺕ ﺍﺣﺲ ﻟﻮ ﻣﻴﺘﻪ ﺍﺣﺴﻠﻲ .. ﺍﺷﺸﺶ ﻛﺎﻓﻲ ﻻﺗﺒﭽﻴﻦ ﻫﺬﺍ ﻫﻮﻭ ﻳﻮﻟﻮﻥ ﺗﻮﻟﻲ ﺍﻟﺪﻧﻴﺎ ﻛﻠﻬﺎ ﺍﻧﻪ ﺍﻣﺞ ﻭﺍﺑﻮﭺ ﻭﺍﺧﻮﭺ ﺷﺘﺮﺩﻳﻦ ﺍﻧﻪ ﺍﺻﻴﺮ ﺑﺲ ﻉ ﻛﻴﻔﺞ ﻭﻱ ﺭﻭﺣﭻ ﮔﻮﻣﻲ ﻣﻊ ﺍﻷﺳﻒ ﻣﺎﻫﺮ ﻣﺎﺣﺴﺒﺘﻪ ﻫﻴﭻ .. ﺭﺟﺎﻝ ﻫﻮ ﻭﻳﻄﺮﺩﻟﻪ ﻣﺮﻩ ﺑﺘﺎﻟﻲ ﺍﻟﻠﻴﻞ ﻭﻣﻮ ﺍﻱ ﻣﺮﻩ ﺍﺧﺘﻪ ﺷﻠﻮﻥ ﺗﻄﻠﻊ ﻣﻨﻪ ﻣﻊ ﺍﻻﺳﻒ ﻭﺍﻟﻠﻪ .. ﻇﻞ ﻳﺼﻔﮓ ﺍﻳﺪ ﺑﺄﻳﺪ ﺣﺴﻴﺘﻪ ﻣﻘﻬﻮﺭ ﺣﻴﻞ ﺩﺍﺭ ﻋﻠﻴﻪ ﻋﻴﻮﻧﻪ ﺣﻤﺮ ﺣﻴﻞ .. ﺷﺘﺮﺩﻳﻦ ﻛﻠﻴﻠﻲ ﺷﻠﻮﻥ ﺍﺭﺿﻴﭻ ﻫﺴﻪ ﺷﻠﻮﻥ ﺍﺧﻠﻴﭻ ﺗﻘﺘﻨﻌﻴﻦ ﺍﻧﻪ ﻛﻠﺸﻲ ﺍﻟﭻ ﻭﺗﻨﺴﻴﻦ ﺍﻫﻠﭻ ﻛﻠﻴﻠﻲ ﺷﻠﻮﻭﻭﻥ ﺑﺼﻮﺕ ﻣﺘﮕﻄﻊ ﺟﺎﻭﺑﺘﻪ .. ﻣﻮ ﻣﺎﻫﺮ ﻣﺎﻫﺮ ﻣﺎﻳﺪﺭﻱ ﺑﻴﻪ ﺍﻣﻲ ﻃﺮﺩﺗﻨﻲ ﮔﻠﺘﻬﺎ ﻭﻏﺼﻴﺖ ﺑﺎﻟﺒﭽﻲ .. ﺍﻧﻪ ﻭﺍﻧﺘﻲ ﻟﻴﺶ ﻫﻴﭻ ﻧﺘﺸﺎﺑﻪ ﺣﺘﻰ ﺑﻬﻤﻮﻣﻨﻪ ﺷﺴﻮﻳﻠﺞ ﻫﺴﻪ ﺍﻧﻪ .. ﻣﺎﻛﻮ ﻛﻠﻤﺔ ﺗﻮﺍﺳﻴﭻ ﻟﻮ ﺍﻛﻮ ﺟﺎ ﻭﺍﺳﻴﺖ ﺭﻭﺣﻲ ﺑﻴﻬﺎ ﺍﺧﺨﺨﺦ ﺍﺧﺦ ﺷﺒﻴﺪﻱ ﺷﺤﻂ ﻟﮕﻠﻮﺑﻬﺎ ﺍﻟﻌﺎﻟﻢ ﺍﺫﺍ ﺍﻟﻤﺤﻨﻪ ﺍﻧﺸﺎﻟﺖ ﺗﻨﺒﺎﻉ ﻭﻣﺎﺷﺮﻳﺘﻬﺎ ﻭﺻﻠﺖ ﺍﻟﺒﻴﺘﻲ ﺣﺴﻴﺘﻪ ﺣﻴﻞ ﺍﻧﻐﺚ ﻭﺍﻧﻘﻬﺮ ﻭﻇﻞ ﻳﺤﺘﺎﺭ ﺷﻴﺤﭽﻲ ﺍﺧﺬﺕ ﻭﻋﺪ ﻉ ﻧﻔﺴﻲ ﺍﻧﺴﺎﻫﻢ ﻛﻠﻬﻢ ﻭﭼﻨﻲ ﻳﺘﻴﻤﻪ ﻏﻠﻄﺖ ﺑﺲ ﻣﺎﺍﺟﺮﻣﺖ ﺍﻧﻪ ﺣﺒﻴﺖ ﺑﺎﻟﺤﻼﻝ ﻭﺣﺎﺟﻴﺖ ﺍﺧﻮﻱ ﻭﺻﺎﺭﺣﺘﻪ ﻫﻮ ﻛﺒﺮﻳﺎﺋﻪ ﻳﻤﻨﻌﻪ ﻳﻘﺘﺮﺏ ﻣﻨﻬﻢ ﻭﺍﻧﻪ ﮔﻠﺒﻲ ﻣﻌﻠﮓ ﺑﻜﺮﺍﺭ ﺍﺧﺬﺕ ﺍﻟﻲ ﻫﻮﺍﻩ ﮔﻠﺒﻲ ﻭﻛﻠﺖ ﺍﻷﻫﻞ ﻳﺴﺎﻣﺤﻮﻥ ﻭﻳﻨﺴﻮﻥ ﻣﺴﺤﺖ ﺩﻣﻮﻋﻲ ﻭﮔﺘﻠﻪ .. ﻻﺗﻨﻘﻬﺮ ﺍﻧﺖ ﺗﻜﻔﻴﻨﻲ ﻣﻦ ﺍﻟﺪﻧﻴﺎ ﻭﻋﻬﺪ ﻋﻠﻴﻪ ﮔﺪﺍﻣﻚ ﻟﻮ ﺗﻠﭽﻨﻲ ﺍﻟﺪﻧﻴﺎ ﺍﻣﻮﺕ ﻭﻣﺎﺍﻭﺻﻞ ﺩﺍﺭﻫﻢ ﺑﻌﺪ ﻭﻣﻦ ﺍﻟﻴﻮﻡ ﻣﺜﻞ ﻣﺎﻧﺴﻮﻧﻲ ﺍﻧﺴﺎﻫﻢ ﺍﺣﭽﻲ ﺑﻘﻮﻩ ﻭﺍﻣﺴﺢ ﺩﻣﻮﻋﻲ ﺍﻟﺘﻨﺰﻝ ﻏﺼﺐ .. ﺍﻧﺖ ﺍﺑﻮﻱ ﻭﺍﺧﻮﻱ ﻭﺯﻟﻤﺘﻲ ﻭﺩﻧﻴﺘﻲ ﻛﻠﻬﺎ ﺍﻧﺖ ﺍﻣﻲ ﻭﺍﻫﻠﻲ ﻛﻠﻬﻢ ﺷﻤﺮﺕ ﺭﻭﺣﻲ ﺑﺤﻀﻨﻪ ﺩﻓﻨﺖ ﺭﺍﺳﻲ ﻭﺍﺣﺲ ﺩﻛﺎﺕ ﮔﻠﺒﻪ ﻗﻮﻳﺔ ﻳﺘﻨﻬﺪ ﺑﻘﻬﺮ ﻭﻳﻤﺴﺢ ﺑﺮﺍﺳﻲ ﺭﻓﻊ ﺭﺍﺳﻲ ﻭﻣﺴﺢ ﺩﻣﻮﻋﻲ ﺑﺎﺱ ﻋﻴﻮﻧﻲ ﻭﻃﻮﻝ ﺍﺑﻮﺳﺘﻬﻦ .. ﻣﺎﺍﺭﻳﺪ ﺍﺷﻮﻑ ﺩﻣﻮﻉ ﺑﻌﺪ .. ﻣﺎﺍﺗﺸﻮﻑ .. ﻭﻻ ﺍﺷﻮﻑ ﺑﻴﻬﻦ ﺣﺰﻥ .. ﺍﺑﺘﺴﻤﺖ ﻭﻫﺰﻳﺖ ﺭﺍﺳﻲ .. ﺍﺭﻳﺪ ﺍﺷﻮﻑ ﻣﺮﻳﺘﻲ ﻣﺮﺗﺎﺣﻪ ﻭﻳﺎﻱ ﻭﺍﻋﻮﺿﻬﺎ ﻋﻦ ﻛﻞ ﺍﻟﻨﺎﺱ ﻭﻣﺎﺍﻗﺼﺮ ﻭﻳﺎﻫﺎ ﺍﺑﺪ ﺑﻜﻠﺸﻲ ﺍﮔﺪﺭ ﻋﻠﻴﻪ ﻭﺍﻟﻤﺎﺍﻛﺪﺭﻟﻪ ﺗﻌﺬﺭﻧﻲ ﻭﺗﺼﺒﺮ ﻋﻠﻲ ﻭﻛﻠﺸﻲ ﺗﺮﻳﺪﻩ ﻳﺠﺮﺍﻟﻬﺎ ﻛﻮﻥ ﺍﻟﻠﻪ ﺧﻼﻧﻪ ﻋﺎﻳﺸﻴﻦ ﻣﺎﻳﻈﻞ ﻫﺬﺍ ﺍﻟﺤﺎﻝ ﻛﻠﺸﻲ ﻳﺘﻐﻴﺮ .. ﻣﻴﺨﺎﻟﻒ ﺑﺲ ﺍﻧﺖ ﻫﻢ ﻻﺗﻀﻮﺝ ﻫﺬﺍ ﺍﻟﻌﺮﺝ ﺍﻟﺒﮕﺼﺘﻚ ﻃﮓ ﻭﺍﻋﺮﻓﻪ ﻟﻮ ﻃﮓ ﻣﻌﻨﺎﻫﺎ ﻣﻐﺜﻮﺙ .. ﻭﻟﻴﺶ ﻣﺎﺍﻧﻐﺚ ﻭﺍﻧﻪ ﺍﺷﻮﻑ ﺭﻭﻳﺤﺘﻲ ﻣﺘﻌﺬﺑﻪ ﻭﻛﻞ ﻋﺬﺍﺑﻬﺎ ﻣﻨﻲ .. ﻫﺰﻳﺖ ﺭﺍﺳﻲ ﻭﺧﻨﻜﺖ ﺻﻮﺗﻲ ﺍﻟﻌﺒﺮﻩ .. ﻣﻮﻣﻨﻚ ﺍﺑﺪ ﻻﺗﻔﻜﺮ ﻫﻴﺞ .. ﺗﻌﺎﻱ ﻧﺎﻣﻲ ﻭﺧﻠﻲ ﻛﻠﺸﻲ ﻉ ﺍﻟﻠﻪ ﻳﺤﻠﻬﺎ ﺍﻟﺤﻼﻝ ﻣﺎﺍﺩﺭﻱ ﺷﻮﻛﺖ ﻧﻤﺖ ﺣﺴﻴﺖ ﺭﺍﺳﻲ ﺍﺗﺨﻠﻪ ﻉ ﻣﺨﺪﻩ ﻟﺤﻈﺎﺕ ﻭﺍﺳﻤﻊ ﺻﻮﺗﻪ ﺭﺟﻌﺘﻠﻪ ﺣﺎﻟﺘﻪ ﻉ ﺍﻗﻞ ﺷﻲ ﻳﻨﻘﻬﺮ ﺗﺘﺄﺛﺮ ﻣﻌﺪﺗﻪ ﺍﺣﺲ ﺭﻭﺣﻪ ﻃﻠﻌﺖ ﻫﺎﻟﻤﺮﻩ ﻃﻠﻌﺘﻠﻪ ﺷﻔﺘﻪ ﻣﺘﻤﺪﺩ ﺍﺑﺎﺏ ﺍﻟﺤﻤﺎﻡ ﻣﺎﻳﮕﺪﺭ ﻳﻮﮔﻒ ﺣﺘﻰ ﺍﻟﻤﻮﻗﻒ ﺍﻟﺼﺎﺭ ﺧﻮﻓﻨﻲ ﺣﻴﻞ ﺧﻔﺖ ﺍﻓﻘﺪ ﺍﺧﺮ ﺍﻣﺎﻥ ﺍﻟﻲ ﺣﺎﻟﺘﻪ ﻣﻮ ﻋﺎﺩﻳﻪ ﻫﺎﻱ .. ﺑﺼﻮﺕ ﻋﺎﻟﻲ ﺻﺤﺘﻪ ﻣﺮﻋﻮﺑﻪ .. ﻛﺮﺍﺭ ﻓﺪﻭﻩ ﺍﺷﺒﻴﻚ ﻛﺮﺍﺭ ﺍﮔﻌﺪ ﻓﺪﻭﻩ ﺑﺼﻮﺕ ﻫﺎﻣﺲ ﻭﻫﻮ ﺍﻣﺪﺩ .. ﻻﺗﺨﺎﻓﻴﻦ ﻣﺎﺑﻴﻪ ﺷﻲ ﮔﻮﻩ ﻋﺎﻥ ﺭﻭﺣﻪ ﻭﮔﺎﻡ ﻏﺴﻞ ﺧﻠﻴﺖ ﺍﻳﺪﻩ ﻉ ﻣﺘﻨﻲ ﻭﺻﺮﺗﻠﻪ ﺳﻨﺪ ﻭﺧﺮﻧﻲ ﻉ ﻛﻴﻒ ﻭﺳﻨﺪ ﺭﻭﺣﻪ ﻉ ﺍﻟﺤﺎﻳﻂ ﺍﻟﺤﺪ ﻣﺎﻭﺻﻞ ﺍﻟﻔﺮﺍﺵ ﺷﻤﺮ ﺭﻭﺣﻪ ﺍﺑﺪﺍﻳﺘﻪ ﺣﺘﻪ ﺭﺟﻠﻴﻨﻪ ﻣﺎﺻﻌﺪﻫﻦ ﻋﺪﻟﺖ ﺭﺟﻠﻴﻨﻪ ﻭﻛﻌﺪﺕ ﻳﻤﻪ ﻳﻮﻥ ﺑﺼﻮﺕ ﺣﺮﺍﺭﺗﻪ ﺍﺭﺗﻔﻌﺖ ﺣﻴﻞ ﻭﻫﺎﻱ ﺍﻭﻝ ﻣﺮﻩ ﺗﺼﻴﺮ ﻭﻳﺎﻩ ﺭﻓﻌﺖ ﺭﺟﻠﻴﻨﻪ ﻭﺳﻮﻳﺘﻠﻪ ﻛﻤﺎﺩﺍﺕ ﻋﻨﺪﻱ ﻋﻼﺟﻪ ﺍﻧﻄﻴﺘﻪ ﻭﺷﺮﺏ ﮔﻮﻩ ﻣﺎﻧﺎﻳﻢ ﻫﻮ ﺍﺩﺭﻱ ﺑﻲ ﺑﺲ ﺗﻌﺒﺎﻥ ﺣﻴﻞ ﺧﻠﻴﺖ ﺍﻳﺪﻱ ﻉ ﻭﺟﻬﻪ .. ﻳﺎﺑﻌﺪ ﻋﻤﺮﻱ ﺷﺒﻴﻚ .. ﻣﺎﺍﺩﺭﻱ ﺷﺒﻴﻪ ﻣﻌﺪﺗﻲ ﻟﻮ ﺍﺿﺠﺖ ﺗﺼﻴﺮ ﻧﺎﺭ ﺑﻴﻬﺎ ﺍﺣﺴﻬﺎ ﺗﮕﻄﻌﻨﻲ ﺑﺲ ﻣﻮ ﻫﻴﺞ ﻛﺮﺍﺭ ﻓﺪﻭﻩ ﺭﺍﺟﻊ ﻃﺒﻴﺐ .. ﻣﻴﺨﺎﻟﻒ ﺑﺲ ﺭﻭﺣﻲ ﺍﻟﺪﻛﺘﻮﺭﺗﺞ ﺍﻧﺘﻲ ﺍﻭﻝ ﻧﺰﻟﺖ ﺩﻣﻌﺘﻲ ﻭﺍﻧﻪ ﺍﺩﺭﻱ ﺑﻲ ﺻﺎﺭ ﻓﺘﺮﻩ ﻳﺸﺘﻐﻞ ﻭﻛﻮﻩ ﻳﻌﺰﻝ ﻣﻦ ﻳﻮﻣﻴﺘﻪ ﺑﺲ ﺣﺘﻰ ﻳﻮﻓﺮﻟﻲ ﺭﻭﺣﺔ ﺍﻟﻄﺒﻴﺒﻪ ﺍﻧﻪ ﺑﺸﻬﺮ ﺍﻟﺮﺍﺑﻊ ﺭﺣﺖ ﺑﺲ ﺍﻭﻝ ﺷﻬﺮ ﻣﺎﻋﻨﺪﻱ ﺍﻣﻜﺎﻧﻴﻪ ﺍﺭﻭﺡ ﻛﻞ ﻓﺘﺮﻩ ﺭﻓﻊ ﺍﻳﺪﻩ ﺑﺼﻮﺕ ﺗﻌﺒﺎﻥ .. ﺗﻌﺎﻱ ﻳﻤﻲ .. ﺍﺭﺗﺎﺡ ﺍﻧﺖ ﺍﻧﻪ ﻳﻤﻚ .. ﻻ ﺗﻌﺎﻱ ﻫﻨﺎ ﻣﺎﺑﻴﻪ ﺍﻛﻌﺪﻟﺞ ﺃﺗﻤﺪﺩﺕ ﻭﻱ ﻃﻮﻟﻪ ﻭﺑﻜﻠﺒﻲ ﺍﻛﻮﻝ ﺍﺭﻭﺡ ﻓﺪﻭﻩ ﺍﻟﻄﻮﻟﻚ ﺭﺑﻲ ﺍﺣﻔﻈﻪ ﺍﻟﻲ ﺑﺲ ﻫﻮ ﺍﻟﺒﻘﺎﻟﻲ ﺷﺎﻓﻲ ﻭﻋﺎﻓﻲ ﻭﺍﺭﺯﻗﻪ ﻭﻻﺗﺨﻠﻴﻨﻪ ﺑﻌﺎﺯﺓ ﺍﺣﺪ ﻣﺎﺍﺧﺬﺕ ﻋﻴﻨﻲ ﻧﻮﻡ ﻛﻠﺴﺎﻉ ﺍﻓﺰ ﺍﺷﻮﻑ ﺣﺮﺍﺭﺗﻪ ﺍﺳﺘﻘﺮ ﻭﺿﻌﻪ ﻧﻤﺖ ﺑﺘﻌﺐ ﻭﺍﺣﺲ ﻫﻤﻮﻡ ﺍﻟﺪﻧﻴﺎ ﻛﻠﻬﺎ ﺑﻴﻪ ﺑﺲ ﻭﻋﺪﺕ ﺭﻭﺣﻲ ﻣﺎﺍﻫﺘﻢ ﺑﺲ ﺑﻲ ﮔﻌﺪﺕ ﺷﻔﺘﻪ ﻳﺒﺎﻭﻋﻠﻲ ﺍﺑﺘﺴﻤﺖ ﺑﻮﺟﻬﻪ .. ﺷﻠﻮﻧﻚ ﻳﺎﺑﻌﺪ ﺭﻭﺣﻲ .. ﺭﻭﺣﭻ ﺳﺎﻟﻤﻪ ﺭﻭﻳﺤﺘﻲ ﺍﻟﺤﻤﺪﻟﻠﻪ ﻋﺪﺕ ﺗﻌﻮﺩﺕ ﻋﻠﻴﻬﺎ ﻭﺍﻧﺘﻲ ﻫﻢ ﺍﺗﻮﺩﻱ ﻻﺗﺨﺎﻓﻴﻦ .. ﭼﺎ ﺷﻠﻮﻥ ﻣﺎﺍﺧﺎﻑ ﻭﺍﻧﻪ ﺍﺷﻮﻓﻚ ﻫﻴﭻ ﻳﺮﺍﺩﻟﻚ ﻃﺒﻴﺐ .. ﻣﺎﻛﻮ ﺷﻲ ﻗﺮﺣﻪ ﻳﻤﻜﻦ ﺍﺣﻤﻲ ﺭﻭﺣﻲ ﻭﺍﺗﻌﺎﻟﺞ ﺑﺲ ﻫﺴﻪ ﺍﺭﻭﺡ ﺍﻟﺸﻐﻠﻲ ﺣﻀﺮﻱ ﺭﻭﺣﺞ ﺍﻟﻌﺼﺮ ﺍﻟﺴﻴﺎﺭﻩ ﺍﻟﺘﺠﻴﺒﻨﻲ ﻧﺮﺟﻊ ﺑﻴﻬﺎ ﻟﻠﻄﺒﻴﺒﻪ ﺷﻮﻓﻲ ﺭﻭﺣﭻ ﺷﺨﺒﺎﺭ ﺣﻤﻠﺞ .. ﺍﻟﻠﻪ ﻛﺮﻳﻢ ﺍﻧﻪ ﺯﻳﻨﻪ ﻭﺍﻟﻠﻪ ﻟﻮ ﺗﺮﻭﺡ ﺍﻧﺖ ﺍﺣﺴﻦ .. ﻣﺎﻋﻠﻴﻪ ﺷﻲ ﻻﺗﺨﺎﻓﻴﻦ ﺍﻧﺘﻲ ﻭﺍﻟﻲ ﺍﺑﻄﻨﺞ ﺍﻭﻟﻰ ﻃﻠﻊ ﻭﺍﻧﻪ ﺍﻟﺘﻬﻴﺖ ﺑﺸﻐﻠﻲ ﻭﺗﺮﺗﻴﺐ ﺍﻟﺒﻴﺖ ﻭﺍﺗﺬﻛﺮ ﺍﻟﺼﺎﺭ ﺍﻣﺲ ﻭﺩﻣﻮﻋﻲ ﺗﻨﺰﻝ ﺭﺟﻌﻠﻲ ﺍﻟﻌﺼﺮ ﺭﺣﺖ ﺍﻟﻄﺒﻴﺒﻪ ﻭﻋﺮﻓﺖ ﺑﻴﻪ ﺑﻨﻴﻪ ﺣﻴﻞ ﻓﺮﺣﺖ ﻭﻫﻮ ﻫﻢ ﻓﺮﺡ ﺍﻛﺜﺮ ﺑﻴﻮﻣﻬﺎ ﻧﺴﻴﻨﻪ ﻛﻠﺸﻲ ﻭﺧﻄﻄﻨﻪ ﺍﻟﺤﻴﺎﺗﻨﺎ ﺍﻟﺠﺎﻳﻪ ﻣﺎﻫﺮ .. ﺣﻀﺮﺕ ﺍﻣﻲ ﺍﻟﺮﻳﻮﮒ ﻭﮔﺎﻻ ﺭﻭﺡ ﻳﻤﻬﺎ .. ﻻ ﻳﻤﻪ ﻫﻲ ﺧﻞ ﺗﺠﻲ ﻫﻨﺎ ﻫﺴﻪ ﺍﺻﻴﺤﻬﺎ .. ﻳﻤﻪ ﺧﺎﻓﻨﻬﺎ ﺗﺴﺘﺤﻲ ﺧﻄﻴﻪ .. ﻻ ﻫﻴﺞ ﺍﺣﺴﻦ ﺗﺘﻌﻮﺩ ﻣﻦ ﺍﻟﺒﺪﺍﻳﻪ ﻉ ﺫﺑﺘﻨﻪ ﻣﺤﺪ ﻫﻨﺎ ﺣﺘﻪ ﺧﺎﻻﺗﻲ ﺭﺍﺣﻦ ﻋﻠﻴﺶ ﺑﻐﺮﻓﺘﻨﻪ ﺭﺍﻳﺤﻴﻦ ﻭﺍﻧﺘﻲ ﻭﺣﻴﺪﺝ ﺭﺣﺘﻠﻬﺎ ﺩﺧﻠﺖ ﺍﻟﻐﺮﻓﻪ ﺣﺎﻳﺮﻩ ﺑﺸﻌﺮﻫﺎ ﺗﻀﻔﺮﻩ ﻭﻣﺎﺗﺴﻴﻄﺮ .. ﮔﻮﻣﻲ ﻭﻳﺎﻱ ﺍﺗﺮﻳﻜﻲ ﺍﻟﺒﺎﺭﺣﻪ ﻣﺎﺍﻛﻠﺘﻲ .. ﻫﺎ ﻭﻳﻦ .. ﻣﺤﺪ ﻫﻨﺎ ﻧﺎﻛﻞ ﻫﻨﺎﻙ ﺑﺎﻟﻤﻄﺒﺦ ﺍﺗﻌﻮﺩﻱ ﻋﻠﻴﻨﻪ ﺍﺣﺴﻦ ﺍﻧﻪ ﻣﺎﺍﺣﺐ ﺍﻛﻞ ﺑﺎﻟﻐﺮﻑ .. ﺑﻜﻴﻔﻚ ﺑﺲ ﺧﻞ ﺍﺧﻠﺺ ﻫﺬﺍ .. ﻉ ﻛﻴﻔﺞ ﻭﻳﺎﻩ ﻟﻴﺶ ﺗﻌﺘﻲ .. ﻣﺎﻣﺘﻌﻮﺩﻩ ﺍﻧﻪ ﺍﺿﻔﺮﻩ ﻣﺎﺍﻋﺮﻓﻠﻪ .. ﻻﺗﻀﻔﺮﻱ ﻟﻤﻲ ﻭﺑﻌﺪ ﻣﺎﺗﺨﻠﺼﻴﻦ ﺍﻛﻠﺞ ﺣﻠﻲ .. ﻫﺎﺍ ﻟﻴﺶ .. ﻫﻴﺞ ﺍﻧﻪ ﺍﺭﻳﺪ ﺍﺷﻮﻓﻪ ﻣﺤﻠﻮﻝ ﻋﻠﻴﭻ ﮔﻮﻣﻲ ﻳﻠﻠﻪ ﺟﺪﺍﻣﻲ ﺍﺷﻮﻑ ﻛﻤﺖ ﻭﺭﺣﺖ ﻛﻮﻩ ﺧﺎﻳﻔﻪ ﻭﻣﺴﺘﺤﻴﻪ ﺑﺲ ﺑﻴﺘﻬﻢ ﺣﻠﻮ ﻣﺮﺗﺐ ﻛﻌﺪﺕ ﻣﺪﻧﮕﻪ ﺍﻧﻄﺎﻧﻲ ﺧﺒﺰ .. ﻫﺎﭺ ﺍﻛﻠﻲ ﻻﺗﻈﻠﻴﻦ ﻫﻴﺞ ﺻﺎﻓﻨﻪ ﻉ ﺍﻟﺰﺍﺩ ﻫﺎﻱ ﻧﻌﻤﻪ ﻭﺟﺒﻴﻬﺎ ﻭﺍﻛﻠﻲ ﻫﺬﺍ ﺷﺒﻲ ﻳﺘﺄﻣﺮ ﻳﺮﺑﻲ ﺑﺎﻭﻋﺘﻠﻪ ﺍﺭﻳﺪ ﺍﻓﻬﻢ .. ﻻﺗﻀﻮﺟﻴﻦ ﺣﭽﻴﺖ ﺍﻟﺼﺪﮒ ﺍﻛﻠﻲ ﻣﻮ ﺯﻳﻦ ﺗﻈﻠﻴﻦ ﻫﻴﭻ ﺍﺭﻳﺪ ﻣﺮﻳﺘﻲ ﻧﺸﻄﻪ ﻭﻟﻮ ﻣﺎﻛﻠﻴﺘﻲ ﻣﺎﺗﺘﻨﺸﻄﻴﻦ ﺣﭽﺎﻫﺎ ﻭﻏﻤﺰﻟﻲ ﻭﺿﺤﻚ ﺿﺤﻜﻪ ﺑﺴﺮﻋﻪ ﺍﺗﻼﻓﻬﺎ ﻳﺎﺳﺎﺗﺮ ﻣﺎﺍﻃﻮﻝ ﻫﻮﺍﻱ ﺿﺤﻜﺘﻪ ﻋﻮﺩ ﻫﻮ ﺷﻴﻘﺼﺪ ﺷﺒﻴﻪ ﻣﻮ ﻧﺸﻄﻪ ﻏﻴﺮ ﺑﻌﺪﻧﻲ ﺧﺠﻼﻧﻪ ﺗﺸﺒﻊ ﻣﻦ ﻧﺸﺎﻃﺎﺗﻲ ﺍﻛﻠﺖ ﻭﻳﺎﻩ ﻭﻟﻤﻴﺖ ﺍﻟﺼﻴﻨﻴﻪ ﻭﻋﻤﺘﻲ ﻣﺎﺧﻠﺘﻨﻲ ﺍﺷﻴﻠﻬﺎ ﺗﻜﻮﻝ ﻣﺎﻳﺼﺒﺢ ﺍﻟﻌﺮﻭﺱ ﺗﺘﻌﺐ ﺍﻭﻝ ﺍﻳﺎﻣﻬﺎ ﺗﻈﻞ ﻣﺘﻌﻮﺑﻪ ﻣﺎﻟﺞ ﻏﺮﺽ ﺑﻜﻠﺸﻲ ﻫﺎﻱ ﺍﻳﺎﻣﺞ ﻭﺭﺍﻫﺎ ﺑﻴﺞ ﺧﻴﺮ ﻭﺳﻮﻱ ﺍﻟﻲ ﻳﻌﺠﺒﺞ ﺭﺣﺖ ﺍﻟﻐﺮﻓﺘﻲ ﺣﺮﺕ ﻧﻼﺑﺴﻲ ﺍﻟﻐﺴﻠﺘﻬﻦ ﻣﻦ ﺳﻴﺤﺖ ﻭﻳﻦ ﺍﺷﺮﻫﻦ ﻫﺴﻪ ﻣﺎﺍﻛﺪﺭ ﺍﺳﺄﻟﻪ ﺍﺳﺘﺤﻲ ﺣﺎﺟﻴﺖ ﻋﻤﺘﻲ ﮔﺎﻟﺖ ﻫﻨﺎ ﺑﻬﺬﺍ ﺍﻟﺘﺮﻙ ﻣﺨﻠﻴﺘﻠﻲ ﺧﺒﻞ ﺍﻟﻲ ﺷﺮﻱ ﻋﻠﻴﻪ ﺭﺣﺖ ﺷﺮﻳﺘﻬﻦ ﻭﺍﺭﻳﺪ ﺍﺭﺟﻊ ﺻﺎﺭ ﮔﺒﺎﻟﻲ .. ﻫﺎ .. ﻣﻼﺑﺲ ﺍﺷﺮﻫﻦ .. ﻣﻼﺑﺲ ﺷﻨﻬﻲ ﻫﻨﺎ ﺍﻧﺸﺮﻥ .. ﻫﺎ ﻡ . ﻡ ﻣﻼﺑﺴﻲ ﻏﺴﻠﺘﻬﻦ ﻣﺎﻝ ﺷﺴﻤﻪ ﻳﻌﻨﻲ ﻫﻴﺞ ﻣﻮ ﻣﻬﻤﺎﺕ .. ﺑﻌﺪﻧﻲ ﻋﻨﻪ ﻭﺍﺗﻘﺪﻡ ﺗﻌﺎﻱ ﺷﻮﻳﻪ ﻭﺭﺍﻱ .. ﺭﺣﺖ ﻭﺭﺍﻩ ﺑﺲ ﺧﺎﻳﻔﻪ ﺣﻴﻞ ﮔﺘﻠﻪ ﺗﺮﻯ ﺍﻧﻪ ﺳﺄﻟﺖ ﻋﻤﺘﻲ ﻭﮔﺎﻟﺖ ﻫﻨﺎ .. ﻻ ﻣﺎﻋﻠﻴﭻ ﺑﺎﻣﻲ ﻣﺎﻓﻬﻤﺖ ﻣﻼﺑﺴﻴﺶ ﺍﻧﻪ ﻣﺨﻠﻴﻠﺞ ﻣﻨﺎﻙ ﻣﺠﺎﻝ ﻭﺳﺎﺗﺮ ﺍﻟﻤﻤﺮ ﻣﺎﻳﻨﺸﺎﻑ ﺑﻲ ﺷﻲ ﺗﻌﺎﻱ ﻫﻨﺎ ﺷﺮﻱ ﺑﻠﻌﺖ ﺭﻳﻜﻲ ﺑﺨﻮﻑ .. ﻳﻌﻨﻲ ﺍﺟﻴﺒﻬﻦ .. ﺍﻱ ﺟﻴﺒﻴﻬﻦ ﺫﺍﻙ ﻣﺎﻣﺴﮕﻒ ﺍﻟﻤﻤﺮ ﺍﻣﻲ ﺗﺮﻳﺪ ﺷﻤﺲ ﻣﻨﻪ ﻉ ﺍﻟﻤﻄﺒﺦ ﺭﺣﺖ ﺷﺮﻳﺘﻬﻦ ﺍﺗﻨﻔﺴﺖ ﺑﺼﻌﻮﺑﻪ ﺍﻧﻪ ﻟﻴﺶ ﺧﺎﻳﻔﻪ ﻣﺎﻛﺎﻝ ﺷﻲ ﻫﻮ ﺧﺮﺏ ﺣﻈﻲ ﻣﻨﻴﻦ ﺍﺟﺎﻧﻲ ﻫﺎﻻﺩﺏ ﻭﺍﻟﺨﻮﻑ ﺭﺟﻌﺖ ﺍﻟﻐﺮﻓﺘﻲ ﺩﺧﻠﺖ ﻫﻮ ﻣﺘﻤﺪﺩ ﮔﻌﺪﺕ ﻉ ﺍﻟﻄﺒﻠﻪ ﺍﺭﺗﺐ ﻧﻔﺴﻲ ﮔﺒﺎﻝ ﺍﻟﻤﺮﺍﻳﻪ ﻣﺎﺍﻋﺮﻑ ﺍﺧﻠﻲ ﺑﺲ ﺷﻲ ﺑﺴﻴﻂ ﻭﺣﻠﻮﻭ ﺣﺴﻴﺖ ﺍﻟﺒﺎﺏ ﺍﻧﻘﻔﻞ ﮔﺎﻝ .. ﺗﻌﺎﻱ ﻫﻨﺎ ﺍﺷﺮﻟﻲ ﻭﺭﺍﻓﻊ ﺟﻬﻪ ﻣﻦ ﺍﻟﺒﻄﺎﻧﻴﻪ ﺭﺣﺖ ﻣﺘﺮﺩﺩﻩ ﻭﺧﺎﻳﻔﻪ ﺳﺤﺒﻨﻲ ﻋﻠﻴﻪ .. ﺗﻌﺎﻱ ﻧﺴﻮﻟﻒ .. ﻧﺴﻮﻟﻒ ﻧﺴﻮﻟﻒ ﻟﻮ ﻣﺜﻞ ﺳﻮﺍﻟﻒ ﺍﻟﺒﺎﺭﺣﻪ ﻗﺸﻤﺮﺗﻨﻲ ﺿﺤﻚ ﺿﺤﻜﻪ ﻗﻮﻳﺔ ﻭﺍﻧﻪ ﺣﺴﻴﺖ ﻉ ﺭﻭﺣﻲ ﺧﺮﺏ ﺣﻈﻲ ﻉ ﻫﺬﻱ ﺍﻟﭽﻔﺼﻪ ﻭﺟﻬﻲ ﺻﺎﺭ ﻳﻨﻄﻲ ﺍﻟﻮﺍﻥ ﻭﺍﺣﺘﺎﺭ ﺍﺿﺤﻚ ﺍﻟﻀﺤﻜﺘﻪ ﻟﻮ ﺍﺑﺠﻲ .. ﺍﻧﺘﻲ ﺷﺘﺮﺩﻳﻦ ﻧﺴﻮﻟﻒ ﻟﻮ ﻧﺴﻮﻭﻟﻒ .. ﺍﺭﻳﺪ ﺍﺳﺄﻟﻚ ﺍﺧﺘﻚ ﻣﺎﻋﺮﻓﺘﻨﻲ ﺑﻴﻬﺎ ﻭﺍﻟﻴﻮﻡ ﻣﺎﺷﻔﺘﻬﺎ ﻭﻳﻦ ﻫﻴﻪ ﻣﺘﺰﻭﺟﻪ ﺑﻌﻴﺪ....قصص عراقيه حقيقيه من واقعنا.روعه الطائي ﻏﺎﺑﺖ ﺿﺤﻜﺘﻪ ﻭﺍﻧﻌﮕﺪ ﺣﺎﺟﺒﻪ .. ﺑﻌﺪﻳﻦ ﺗﻌﺮﻓﻴﻨﻬﺎ ﻣﺘﺰﻭﺟﻪ ﻫﻨﺎ ﻧﺎﻣﻲ ﻫﺴﻪ ﻭﻣﺎﺍﺭﻳﺪ ﺻﻮﺕ ﺍﺭﻳﺪ ﺍﻧﺎﻡ ﺍﺫﺍ ﺻﺎﺣﻮ ﻉ ﺍﻟﻐﺪﻩ ﻻﺗﺠﻌﺪﻳﻨﻲ ﺷﺒﻲ ﻫﺬﺍ ﺷﻐﻴﺮﻩ ﻣﺎﻫﺮ .. ﻫﺬﺍ ﺍﻟﻤﺎﻣﺤﺴﺒﻠﻪ ﺣﺴﺎﺏ ﺍﺑﺪ ﺍﻧﻪ ﻣﺎﺍﺭﻳﺪ ﺍﺣﺪ ﻳﺠﻴﺐ ﻃﺎﺭﻳﻬﺎ ﺑﻤﻮﺯﻳﻦ ﻭﺍﺗﻤﻨﻰ ﮔﻠﺒﻲ ﺭﺍﺿﻲ ﻭﻣﻨﻄﻴﻬﺎ ﻣﺮﻩ ﺍﻟﻜﺮﺍﺭ ﻣﻦ ﺻﺪﮒ ﺑﺲ ﺧﺎﻳﻒ ﻣﺎﻳﺴﺘﺎﻫﻠﻬﺎ ﻭﺍﻟﻬﺴﻪ ﻣﺎﻣﺄﻥ ﻋﻠﻴﻬﺎ ﻳﻤﻪ ﺍﻋﺮﻓﻬﻢ ﻏﺪﺍﺭﻳﻦ ﻟﻮ ﻛﺮﺍﺭ ﻋﺎﻳﻒ ﺍﻫﻠﻪ ﻭﻛﺎﻳﻠﻲ ﺍﻫﻠﻲ ﻣﺎﺍﻛﺪﺭ ﺍﻋﻮﻓﻬﻢ ﺑﺲ ﺍﻧﺘﻢ ﺍﺻﺤﺎﺏ ﺣﻚ ﻫﻢ ﺍﻋﺬﺭﻩ ﺑﺲ ﻫﻮ ﺩﻭﻡ ﻳﺪﺍﻓﻊ ﺍﻻﺑﻮﻩ ﻭﻳﺮﻳﺪ ﻳﺼﺎﻟﺤﻨﻪ ﻉ ﺧﺮﺍﺏ ﻭﻫﺬﺍ ﻣﺎﺍﺭﺿﺎ ﺑﻲ ﺟﺒﺮﺕ ﺭﻭﺣﻲ ﺍﻧﺎﻡ ﺃﺗﺤﻠﻤﺖ ﭼﻨﻲ ﺑﺨﻀﺎﺭ ﻭﺍﺳﻊ ﻭﻫﺬﺍ ﻛﻠﻪ ﺍﻟﻲ ﻭﻣﻠﻜﻲ ﻣﺮﺗﺎﺡ ﻭﺍﺷﻜﺮ ﺭﺑﻲ ﺍﻣﺸﻲ ﻣﺴﺎﻓﻪ ﻭﻣﺎﺗﺨﻠﺺ ﻭﺍﻟﻔﺮﺣﻪ ﺗﺘﺮﺱ ﮔﻠﺒﻲ ﻛﻞ ﻣﺎﺍﺗﻘﺪﻡ ﺍﻟﺤﺪ ﻣﺎﻭﺻﻠﺖ ﺍﻟﮕﺎﻉ ﺳﻮﺩﻩ ﻛﻠﻬﺎ ﻭﺣﻞ ﻭﺣﻔﺮ ﻭﺣﻴﺎﻳﻪ ﻭﺫﻳﺎﺑﻪ ﻣﻨﺎﻙ ﻭﺍﺳﻤﻊ ﺻﻴﺎﺡ ﻗﻮﻭﻱ ﺍﺣﺲ ﮔﻠﺒﻲ ﺍﻧﻐﻤﺖ ﻭﺍﻟﻔﺮﺣﻪ ﻣﺎﺟﻨﻬﺎ ﻣﺮﺕ ﻋﻠﻲ ﺍﺑﺎﻭﻉ ﻣﻨﻴﻦ ﺍﻟﺼﻮﺕ ﺗﮕﺮﺑﺖ ﺍﻛﺜﺮ ﻛﺮﺍﺭ ﻭﺍﮔﻒ ﻣﻦ ﺫﻳﺞ ﺍﻟﺠﻬﻪ ﻋﻴﻮﻧﻪ ﻉ ﻣﻜﺎﻥ ﻭﻣﺤﻨﻂ ﻳﺮﻳﺪ ﻳﮕﺮﺏ ﻣﺎﻳﮕﺪﺭ ﻣﺎﻳﺤﺎﻭﻝ ﺣﺘﻪ ﺟﻦ ﺍﻛﻮ ﺣﺎﺟﺰ ﺑﻴﻦ ﻫﺬﺍ ﺍﻟﻤﻜﺎﻥ ﻭﺫﺍﻙ ﺑﺎﻭﻋﺖ ﻋﻴﻮﻧﻪ ﻭﻳﻦ ﻣﻌﻠﮕﻪ ﻭﻋﻠﻴﻤﻦ ﺧﺎﻳﻒ ﻭﻳﺎﻫﻮ ﻫﺬﺍ ﺍﻟﻴﺼﺮﺥ ﺍﻧﺮﻋﺒﺖ ﻭﺍﺣﺲ ﮔﻠﺒﻲ ﺍﻧﻌﺼﺮ ﻣﻦ ﺷﻮﻓﺘﻬﺎ ﻫﺎﻱ ﺳﺮﻭﺭ ﺍﻟﮕﺎﻉ ﺗﻀﻴﮓ ﺑﻴﻬﺎ ﺗﺮﻳﺪ ﺗﺒﻠﻌﻬﺎ ﺍﻣﺪ ﺍﻳﺪﻱ ﻭﺍﺗﻀﻴﮓ ﺍﻛﺜﺮ ﺍﺭﻳﺪ ﺍﻭﺻﻠﻬﺎ ﺷﻌﺮﻫﺎ ﺻﺎﻳﺮ ﻉ ﻭﺟﻬﻪ ﻣﺨﺘﻨﻜﻪ ﺣﻴﻞ ﺗﻨﺎﺯﻉ ﺍﻟﻤﻮﺕ ﻣﺪﻳﺖ ﺍﻳﺪﻱ ﺑﻘﻮﻩ ﺟﺮﻳﺘﻬﺎ ﺍﺣﺲ ﺍﻳﺪﻫﺎ ﺍﻧﺨﻠﻌﺖ ﺑﻴﺪﻱ ﺻﻮﺕ ﺍﻟﺒﺎﺏ ﮔﻌﺪﻧﻲ ﻓﺰﻳﺖ ﻋﺮﮔﺎﻥ ﻭﻣﺮﻋﻮﺏ .. ﻳﺎﺭﺏ ﺭﺣﻤﺘﻚ ﻳﺎﻭﺏ ﻟﻄﻔﻚ ﻭﻋﻔﻮﻙ ﺑﻴﻬﺎ ﺷﻲ ﻟﻮ ﺫﻛﺮﺗﻨﻲ ﺑﻴﻬﺎ ﻭﺍﺟﺖ ﺍﺑﺎﻟﻲ ﻛﺮﺍﺭ ﻟﻴﺶ ﻣﺎﻳﺴﺎﻋﺪﻫﺎ ﻳﻌﻨﻲ ﻫﻮ ﻣﺎﺣﺎﻣﻴﻬﺎ ﻳﺎﺭﺏ ﺭﺣﻤﺘﻚ ﺍﺭﻳﺪ ﺍﺭﺗﺎﺡ ﺗﻌﺒﺒﺒﺒﺖ ﺻﻮﺕ ﺍﻣﻲ ﻭﻋﺎﻧﻲ ﻣﻦ ﺍﻻﻧﻲ ﺑﻲ .. ﻳﻤﻪ ﺍﻫﻞ ﻣﺮﻳﺘﻚ ﻫﻨﺎ ﺍﻣﻬﺎ ﻭﺍﺧﺘﻬﺎ ﻭﻛﺮﺍﺑﺘﻬﺎ .. ﻫﻼ ﺑﻴﻬﻢ ﻳﻤﻪ ﻧﺎﻳﻤﻴﻦ ﺧﻞ ﺍﻛﻌﺪﻫﺎ ﻭﺍﻧﻪ ﺭﺍﺡ ﺍﻃﻠﻊ ﺧﻞ ﻳﺠﻨﻬﺎ ﻫﻨﺎ ﮔﻌﺪﺗﻬﺎ ﺗﺮﺗﺐ ﺭﻭﺣﻬﺎ ﻭﻟﺒﺴﺖ ﺩﺷﺪﺍﺷﺘﻲ ﻭﺍﺗﻌﻄﺮﺕ ﻭﻃﻠﻌﺖ ﻟﻤﺖ ﻋﻠﻴﻬﻢ ﻭﺭﺣﺖ ﺑﺎﻟﺤﺪﻳﻘﻪ ﺍﻓﻜﺮ ﺍﺭﻳﺪ ﺑﺲ ﻳﺮﺣﻦ ﻭﺗﻮﺩﻱ ﻋﻠﻴﻬﺎ ﺍﻣﻲ ﻣﺎﺧﻠﻴﻨﺎﻫﻢ ﻳﻄﻠﻌﻮﻥ ﺍﺗﻌﺸﻮﻭ ﻭﺍﺟﻪ ﻭﺳﺎﻡ ﻭﺣﺴﺎﻡ ﺍﺧﺬﻭﻫﻦ ﺑﺎﺭﻛﻮﻟﻲ ﻭﺳﻠﻤﻮ ﻉ ﺍﺧﺘﻬﻢ ﺷﻔﺖ ﻓﺮﺣﺘﻬﺎ ﻭﺷﻠﻮﻥ ﻋﻴﻮﻧﻬﺎ ﺗﻠﻤﻊ ﺑﻮﻛﻔﺘﻬﻢ ﻳﻤﻬﺎ ﺣﺰﺕ ﺑﮕﻠﺒﻲ ﻫﺎﻱ ﺍﻟﻠﻘﻄﻪ ﻭﺫﻛﺮﺗﻨﻲ ﺑﺎﻟﻤﺎﻧﺴﻴﺘﻬﺎ ﺑﻲ ﺍﺗﻨﺎﺳﻴﺘﻬﺎ ﻭﺣﻘﺪﺕ ﻋﻠﻴﻬﺎ ﺑﻜﺪ ﺣﻘﺪﻱ ﺍﻟﺒﻜﻠﺒﻲ ﺧﻮﻑ ﻣﻮ ﺣﻘﺪ ﻳﻤﻜﻦ ﺯﻋﻞ ﺛﮕﻴﻞ ﻭﻋﺘﺐ ﻃﻠﻌﻮ ﻭﺣﺎﭼﻴﺖ ﺍﻣﻲ .. ﻭﺩﻱ ﻉ ﺳﺮﻭﺭ ﺗﺠﻲ ﺑﻴﺖ ﺍﺑﻮﻫﺎ ﺗﺰﻭﺭﻩ ﺑﻜﻞ ﻭﻛﺖ ﺗﺮﻳﺪﻩ .. ﻳﻤﻪ ﻣﺎﻫﺮ ﻫﻲ .. ﺍﺩﺭﻱ ﺍﺟﺖ ﻭﻃﺮﺩﺗﻴﻬﺎ ﻟﻴﺶ ﻳﻤﻪ ﻭﺍﻧﺘﻲ ﮔﻠﺒﺞ ﻃﻴﺐ..قصص عراقيه حقيقيه من واقعنا.روعه الطائي ﺍﻟﻠﻪ ﻳﺸﻬﺪ ﻣﺎﺷﻔﺖ ﺍﻟﻨﻮﻡ ﻟﻴﻠﺔ ﺍﻟﺒﺎﺭﺣﻪ ﻭﺻﻔﻪ ﺭﺍﺳﻲ ﻣﻦ ﺩﻣﻮﻋﻲ ﻋﻠﻴﻬﺎ ﺑﺲ ﻣﺎﺭﺩﺕ ﺍﻏﺜﻚ ﺑﻠﻴﻠﺔ ﻋﺮﺳﻚ .. ﻣﺎﻟﭻ ﻏﺮﺽ ﻣﻨﻲ ﻭﺩﻱ ﻋﻠﻴﻬﺎ ﺗﺠﻲ ﺗﺴﻴﺮ ﺣﺎﻟﻬﺎ ﺣﺎﻝ ﺍﻟﺒﻨﺎﺕ ﻭﺍﻧﻪ ﺳﻬﻠﻪ ﻳﺠﻲ ﻳﻮﻡ ﻭﺍﺭﺿﺎ ﻋﻠﻴﻬﺎ ﺑﺲ ﺍﺗﺄﻛﺪ ﻣﻦ . ﺍﻟﻲ ﺍﺑﺎﻟﻲ .. ﺷﻨﻬﻲ ﺍﺑﺎﻟﻚ ﻳﻤﻪ .. ﺍﺷﻮﻑ ﺯﻟﻤﺘﻬﺎ ﺯﻳﻦ ﻭﻳﺎﻫﺎ ﻟﻮ ﻻ ﻳﻮﻛﻔﻠﻬﺎ ﻛﺪ ﺍﻣﺎﻧﺘﻪ ﻛﺪ ﺣﺠﺎﻳﺘﻪ ﺑﻠﻜﻲ ﻳﻄﻠﻊ ﻛﻞ ﺫﺧﻲ ﺑﻲ ﻭﻳﺨﻒ ﺍﻟﺒﻜﻠﺒﻲ ﻋﻠﻴﻬﺎ ﻫﻲ ﻭﻳﺎﻩ ﻉ ﺍﻷﻗﻞ ﺍﻛﻮﻝ ﺧﻮﺵ ﺍﺧﺘﺎﺭﺕ ﺍﻧﻪ ﺻﺎﺭ ﻓﺘﺮﻩ ﻣﺎﺍﺷﻮﻓﻪ ﻭﻱ ﺍﺧﻮﺍﻧﻪ ﻭﻻ ﺍﺷﻮﻑ ﺳﻴﺎﺭﺗﻪ ﻣﺎﺍﺩﺭﻱ ﻭﻳﻦ ﻳﻐﻂ ﺻﺎﺭ ﺍﻟﻠﻴﻞ ﻭﺳﺄﻟﺖ ﺍﻣﻲ .. ﮔﺎﻟﺖ ﺩﺑﺮﺕ ﺭﻗﻤﻬﺎ ﻭﻣﻦ ﺩﺭﺕ ﺑﻴﻪ ﻣﺎﺣﺎﺟﺘﻨﻲ ﺯﻋﻠﺖ ﻣﻨﻲ .. ﻣﺎﺗﺰﻋﻞ ﻣﻨﺞ ﻳﻤﻪ .. ﻻ ﻳﻤﻪ ﺻﻮﺟﻲ ﻗﺴﻴﺖ ﻭﻳﺎﻫﺎ .. ﺍﻧﺘﻲ ﺑﻬﺪﺍﻱ ﺣﺎﺟﻴﺘﻴﻬﺎ ﻟﻮ ﻛﺪﺍﻡ ﺍﺣﺪ .. ﻣﺎﺍﺩﺭﻱ ﻳﻤﻪ ﻣﻦ ﺧﻮﻓﻲ ﻻﺗﻄﻠﻊ ﻭﺗﺸﻮﻓﻬﺎ ﻃﺎﺭ ﻋﮕﻠﻲ ﻭﻣﺎﻋﺮﻓﺖ ﺍﻟﺴﻮﻳﺘﻪ ﺍﻻ ﺑﻄﻠﻌﺘﻬﺎ ﻭﻟﻮﻡ ﺧﺎﻻﺗﻚ ﺍﻟﻲ .. ﻳﻤﻪ ﻧﻔﺴﻬﺎ ﻋﺰﻳﺰﻩ ﻫﻲ ﻣﺎﺗﺬﻛﺮﻳﻦ ﺍﺑﻮﻱ ﺷﻤﻌﻮﺩﻫﺎ ﺍﻧﻪ ﻟﻴﺶ ﺍﻧﻐﺜﻴﺖ ﻣﻨﻬﺎ ﺍﻛﺜﺮ ﻭﺛﻜﻞ ﺯﻋﻠﻲ ﻋﻠﻴﻬﺎ ﻷﻥ ﺍﻋﺮﻑ ﻧﻔﺴﻬﺎ ﺷﻨﻲ ﻭﺫﻟﺘﻬﺎ ﺍﻻﺟﻞ ﻧﺎﺱ ﻣﺎﻳﺴﺘﺎﻫﻠﻮﻥ ﻭﺫﻟﺖ ﺍﻫﻠﻬﺎ ﻭﻳﺎﻫﺎ .. ﻣﺎﻳﻨﻔﻊ ﺍﻟﻠﻮﻡ . ﺑﻌﺪ ﺍﻣﻚ .. ﻣﺎﻳﻨﻔﻊ ﺍﻱ ﺑﺲ ﻻﺗﺨﻠﻴﻨﻬﺎ ﺍﺭﻳﺪ ﺍﺧﺒﺎﺭﻫﺎ ﻣﻦ ﺑﺎﺟﺮ ﻳﻤﻪ .. ﺷﺠﺎﺑﻬﺎ ﻉ ﺑﺎﻟﻚ .. ﻳﺸﻬﺪ ﺍﻟﻠﻪ ﻣﺎﻧﺎﺳﻴﻬﺎ ﺑﺲ ﮔﻠﺒﻲ ﺣﻴﻞ ﺣﻴﻞ ﺷﺎﻳﻞ ﻣﻨﻬﺎ ﻭﺍﻛﺜﺮ ﻣﻦ ﺯﻋﻠﻪ ﺧﺎﻳﻒ ﻋﻠﻴﻬﺎ ﺣﻴﻞ .. ﺧﻮﻓﺘﻨﻲ ﻣﺎﻫﺮ ﻳﻤﻪ .. ﻉ ﺍﻟﻠﻪ ﻳﻤﻪ .. ﺍﻛﻮﻡ ﺍﻧﻪ ﻳﻤﻪ ﺭﻭﺣﻲ ﺍﺭﺗﺎﺣﻲ ﺗﻌﺒﺘﻲ ﻣﻦ ﺍﻟﺨﻄﺎﺭ ﻭﺍﻟﻨﺎﺱ ﺍﻟﻲ ﺍﺗﺒﺎﺭﻙ ﺭﺣﺖ ﻟﻠﻐﺮﻓﻪ ﻭﺷﻮﻳﻪ ﺑﺎﻟﻲ ﺍﺭﺗﺎﺡ ﺑﻌﺪ ﻣﺎﺧﻄﻴﺖ ﺧﻄﻮﻩ ﻭﺳﻌﻴﺖ ﺍﻟﻬﺎ ﺍﻟﺒﺎﺏ ﻣﻘﻔﻮﻝ ﺩﻛﻴﺘﻪ ﺧﻔﻴﻒ ﺯﻳﻨﺐ .. ﺍﺟﺖ ﺍﻣﻲ ﻭﺧﺎﻻﺗﻲ ﻭﻣﺮﻳﻮﻡ ﻓﺮﺣﺖ ﺑﺠﻴﺘﻬﻢ ﻭﺟﻴﺔ ﺍﺧﻮﺍﻧﻲ ﺑﺲ ﺷﻨﻮ ﺍﺳﺘﻠﻤﺘﻨﻲ ﺧﻠﺘﻠﻲ ﻣﻜﻴﺎﺝ ﻋﺒﺎﻟﻚ ﺭﺍﻳﺤﻪ ﺣﻔﻠﻪ ﺍﻣﺪﺍﻧﻲ ﺷﻴﻐﺴﻠﻪ ﺍﻟﻲ ﻫﺴﻪ ﺍﻧﻮﺏ ﻃﻠﻌﺘﻠﻲ ﺛﻮﺏ ﻭﻛﺎﻟﺖ ﻟﺒﺴﻲ ﻣﻦ ﻧﻄﻠﻊ ﺭﺟﻌﺖ ﺍﻟﺒﺴﻪ ﻟﻮ ﻻ ﺷﻮ ﻫﺬﺍ ﻗﺼﻴﺮ ﺗﻮﺭ ﻟﻮﻧﻪ ﺍﺳﻮﺩ ﺑﺲ ﻋﺒﺎﻟﻚ ﻣﻔﺼﻞ ﻉ ﺟﺴﻤﻲ ﺟﺎﻱ ﺍﺑﺎﻭﻉ ﺍﻟﺮﻭﺣﻲ ﻭﺍﻧﺪﮔﺖ ﺍﻟﺒﺎﺏ ﺧﻔﻴﻒ .. ﻳﺒﻮﻭ ﻳﺒﻮﻭ ﻣﻮ ﺻﻮﺝ ﺧﺎﻟﺘﻲ ﺻﻮﺝ ﺍﻟﺜﻮﻟﻪ ﺍﻟﻤﺎﺻﺪﻛﺖ ﺗﺘﻘﺸﻤﺮ ﻭﻳﻦ ﺛﻮﺑﻲ ﺧﻞ ﺍﻟﺒﺴﻪ ﻫﺎﻟﻤﺮﻩ ﻣﺎﺩﻙ ﺑﺼﻮﺕ ﺣﺎﺯﻡ ﮔﺎﻝ .. ﻋﻮﺩ ﻫﺎﻱ ﺷﻴﺴﻤﻮﻧﻬﺎ ﺑﻮﻳﻪ ﺍﻓﺘﺤﻲ ﺍﻟﺒﺎﺏ ﻋﻴﺐ ﻣﻦ ﺍﻟﺤﺠﻴﻪ ﺷﮕﻠﻬﺎ ﻭﺍﻟﻠﻪ ﻗﺎﻓﻠﻪ ﺍﻟﺒﺎﺏ ﻋﻠﻴﻬﺎ . ﻃﻔﻴﺖ ﺍﻟﻀﻮﻩ ﻭﻓﺘﺤﺘﻪ ﺑﺨﻮﻑ .. ﺧﻴﺮ ﺍﻥ ﺷﺎﺀ ﺷﻮ ﻇﻠﻤﻪ ﻟﻴﺶ ﻓﺘﺤﺖ ﺍﻟﻀﻮﻩ ﺑﺄﻳﺪﻱ ﻟﺤﮕﺖ ﻋﻠﻴﻬﺎ ﺗﺮﻳﺪ ﺗﻔﻮﺕ ﺗﺘﻐﻄﻪ ﺑﻐﻄﺎﻫﺎ .. ﺗﻌﺎﻱ ﺗﻌﺎﻱ ﺟﺮﻳﺘﻬﺎ ﻋﻠﻲ ﻣﻦ ﺍﻳﺪﻫﺎ .. ﻏﺰﺍﻟﻪ ﻭﻓﺎﺭﻩ ﻭﺍﺣﻨﻪ ﺳﻮﻟﺘﻨﻪ ﺍﻟﺼﻴﺪ ﺷﻮﺗﻌﺎﻱ ﺍﺧﺬﺕ ﺍﻳﺪﻫﺎ ﺭﻓﻌﺘﻬﺎ .. ﺍﻓﺘﺮﻱ ﻫﻴﭻ ﺍﺷﻮﻑ .. ﺩﻧﻜﺖ ﺭﺍﺳﻲ ﻭﺷﻌﺮﻱ ﻏﻄﺔ ﻇﻬﺮﻱ ﻭﺍﻛﺘﺎﻓﻲ ﺍﻓﺘﺮﻳﺖ ﻭﺍﺛﻘﻪ ﻣﻨﻪ ﻳﻐﻄﻴﻨﻲ ﺍﻳﺪﻩ ﺍﻧﻤﺪﺕ ﻭﻟﻤﺖ ﺷﻌﺮﻱ ﻉ ﺟﻬﻪ ﻭﺣﺪﻩ .. ﺍﺣﺪ ﮔﺎﻳﻠﺞ ﺷﻌﺮﭺ ﻳﺴﻮﺍﻟﻪ ﻣﻴﺔ ﻣﺮﻩ .. ﻣﺎﺍﺣﺒﻪ ﺍﺗﻤﻨﻰ ﺍﻛﺼﻪ .. ﺷﺘﻜﺼﻴﻦ ﺷﻌﺮﭺ ﻟﻮ ﺭﺍﺳﭻ .. ﺿﺤﻜﺖ .. ﺍﺳﻢ ﺍﻟﻠﻪ ﺷﻌﺮﻱ ﺭﺍﺳﻲ ﻟﻴﺶ .. ﭼﺎ ﺧﻠﻴﻬﺎ ﺍﺑﺎﻟﭻ ﻣﺎﻳﺘﻔﺎﺭﮔﻦ ﻳﻈﻠﻦ ﺳﻮﻩ ﻳﻨﮕﺼﻦ ﺳﻮﻩ ﻳﺘﺒﻊ التعديل الأخير تم بواسطة لامارا ; 24-06-19 الساعة 12:29 AM | ||||
|
| |
|
02-06-19, 02:05 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السابع مساء الخيرات حبايبي اسفه ع التأخير واسفه هم البارت 2000 كلمة بس هذا الكدرت اكتبه بوجود خطاري اكيد اعوضكم لو صارلي مجال …………… . الاسبوع الأول للعرس اريده يخلص حتى التفت للشاغلات بالي حسبه تجيبني وحسبه توديني سرور الحلم ماطمني عنها زاد نار صدري وخوفي حچي عمامي والشباب انو لازم انخليلنه موقف ضد تدخلات نسابة عمي بالعشيره ولازم. الضلاب تدخل بقوة تقسيم الماي بحصص متساويه للكل وهواي امور العطلني عنها الوادم الي اتبارك من غير دوامي يراد اشد حيلي بي وگاعي الي صار حسين يساعدني بيها حسين ابو وابوي اولاد عم واخر فتره مافاركني واكدلي الگاع تظل تحت رعايته وانه مشغول وهو شاطر ويعتمد عليه اكبر مني بثلث سنين تقريبا شغلي لازم ارجعله وبس اسدد السلف افتح مشروع هالمره وابالي اشتري گاع بالولاية وابنيها محلات واستفاد من ايجارها مريتي زينه بس بعد عدها سوالف طفله والي بعمرها يمكن ماتكون ناضجه كلش بس مونستني بسوالفها بدون ماتدري الي يمنه ومعروفات ابناتنه بعمرها كلشي فاهمات وواعيات بس بنات الولايه يختلفن مهما كان نوبات اعلمها نوبات اضحك واگول تتعود علينه خل اضحك ع سوالفها عدها طيش احسها بس فاهمه وتاخذ تعلوم وهي تضحك اذا علمتها شي وماعجبها بسرعه ينگلب وجهه وتلمع بعينها الدمعه بيوم الخامس من العرس چانن نسوان يم امي وجايات يباركن رادن يشوفنها راحت حيل مستحيه ومن طلعت ابالها انه طالع ومحد بالبيت طلعت تركض واطفر وتفتر البيت جبير واتراولها فارغ اخذت راحتها عجبني شكلها جنها فراشه تتنقل بين الوردات بس عيب من امي هيج تشوفها واي وحده من حبايبنه بيها نگد عليه وعليها وانه اصلا طبعي ثگيل اكبر من عمري عقلي وشكلي يوحي الهالشي صحتها … بهداوه ع كيفچ شجاج اطفرين هيج امشي برهدنه ماهيچ حبيبه الي يشوفچ ينگدج ..احس اتكسرت واتفتفتت ذره ذره خليته يريد يطلع ودخلت اسلم شمبقي هنا مو ع اساس طلع سمعت النسوان يمدحن جمالي وشكلي وعمتي فرحانه بيه وهيه هم گعدت توصف اكثر وتحجي فرحة رجلي بيه وتدعي الله يديمنه الهسه تصير مواقف واضحك قليل.. و اجفص هم وصار كم يوم انه وياهم عمتي حبيتها بس هو حيل اخاف واستحي منه والله اخاف وحقي گالولي شاب واتصورت عنده طيش الشباب الضحك الشقه ماعنده لواته يكون فاهمني قريبه العمره من شفته عبالك تلاثيني مطگطگ الدنيا ع ايده هادئ قليل كلام عيونه ميباوع بيها اذا ميكون حاجبه معگود لو حاجه امه عبالك ابوها محاچيها مو ابنها تحترمه حيل اتذكرت امي واخواني كل حجايه منهم تشبعهم غلط ولامره وجهلي كلمه بدون امر المصيبه طلعت من يم النسوان فرحانه بداخلي شي مااعرفه الي يخليني اتصرف هيج احس بعدني طفله وانه ابيت اهلي كل ذني اسويهن عادي يضحكون عليه ويمشون هو من شافني وجهلي كلام بدون مايباوعلي محاضره عباره عن سطرين مو اكثر حيل استحيت وضجت شزوجني هسه انه شنو هالتقييد مو ابيت اهلي جنت كلشي اسوي محد يطلب تبرير ولاعدهم عيب ولا شي يضحكون علي وبس ظليت طول الفتره افكر بحالي واحس بعد لازم ادري كل خطواتي بس مو هيج هاي صار اقل الاسبوع يريد يبدل اطباعي كلها جاي احس نفسي مو اني طلعت وي عمتي اساعدها ع العشه وهو طلعمن العصر وعمتي بالها يمه اتأخر مو عادته ماهر .. طلعت للكاع وحاچيت حسين بعد ماشفت حاتم مر من يمي بسيارته وبطء حركته متعمد بس هاي سيارة كرار حاچيت حسين ..ابو علي شخبار كرار ..گلتها واحس روحي متردد گلبي اليسألني عليه بس الساني گوه نطق خايف منهم وخايف حيل احس بعيون عمي وولده شر الكون كله بس كرار صار هواي ماشايفه خايف منهم يغدرون وخايف ابالهم بعد اكثر طمع خايف يلوون ايدي بأختي صورتها بالحلم ماتفارگ خيالي والهسه بأذني صوت متنها من انخلع وطگ. بيدي يالله طلعتها جاوبني متردد ..والله ياابن عمي هو محلفني مااسولف وانه هم مااعرف كل سالفته بس الاعرفه عنده خلاف وي اخوانه وابوه وطالع هو ومرته گاعد ابيته الباني ع النص انت حته اختك مگاطعها .. كلكم تعرفون السبب عوفك من هاي.. من يمته هذا الحچي ..حگك والله وهذا الحجي صار هواي بس تريد الصدگ حالته تعبانه وهو متغيير حيل ..شلون تعبانه وكرار جان عنده خير من الله انت متأكد ..اي متأكد ابو سحب منه كلشي وهذا الحچي گبل بس هو ترى نفسه عزيزه وابد مايسولف انه صدفه اكثر من مره شفته من يتسووگ يتاني التعزيله ارخص ونوعيته تعبانه المسواگ وضغله يوميته قليله بالنسبه الواحد فاتح بيت وحده وعنده مره ومصرف هواي يخوي چاهم كافي زعل انت وياه ترى الزعل منك هو چان حاضر عرسك ويانه ..دخت حيل ومااستوعب الينگال معقوله بالحلم الدنيا ضانكتها هيج وكاتلها الجوع وانه ماادري شنهي البيها ابالي مرتاحه ومتونسه وگلت سعيده وبعيده كرار ابوه يطرده ليش شمسوي والزعل كافي ياريت اكله كافي ويوكف ياريت الزعل البداخلنه والقهر والحقد الهن نقطة تحكم ونكلهن كافي هذا حدچن انه النار تشب بضلوعي يوميه تمر عليه السوالف كلها وحده وحده ونهاية اجروحي واغمجهن تهديد اختي الي ولوي ذراعي من وگفت گبالي وگالت لو تزوجوني بستر لو اشرد واجيبلكم حچايه بس هسه صدگ كافي لهنا وكافي گبل ابوي يگول تلاثه مايسيدون گومهم يعني مايتشيخون ومايحكمون المايسامح الغلطان الطالب سماح ويوكفله بوكت ضيجته والمايعزب خطاره ويامن دخيله والما يطلع حگه وحگ اهله ومن اتنخه بي كلهن ذني تجمعهن صفه وحده وهي الجبن الجبان مايتسيد يجبن اهله وعمامه وانه بعد كل هذا السمعته كون مااسامح صدگ جبان بس شلون ابدي وشكول وهو يكلي لاتگله انت تدري بوضعه نفسه عزيزه ويعتبرك رايح تتشمت مابقى الا اگلهم توني دريت بسرور جايه بعرسي وامي مطلعتها واجيت انه الها برجلي طلعت انه وحسين متوجس واللقاء احس بي رهبه حسين راح الاهله وانه خطواتي تمشي وبالي مشغول البيني وبين كرار معروف وماخايف منه انه بس كون مايجيبلي طاري ابوو خوفي من شوفة اختي وبس وصلتهم بثمانيه بالليل بعد ماكعدت بالساعتين افكر بكاعي دگيت الباب دگه واثنين وطلعلي صوته من. وره الباب وهو يگول ..حي الله هاي حچايته زادت دكات كلبي وانه اتذكر ابوي مره رزلنه چي طلعنه نصيح ياهوو گال الياهوو هاي ماهي النه شلك بمعرفته حيي منين مايكون وبعدين تعرف ياهو گولوو ياحي الله لو ياهلا هذا حچيه جان النه الزغار انه وحاتم وموسى اولاد عمي الباقين الظاهر كرار بعدهي اباله وصية ابوي اكيد موصيهم مثل ماموصينه كرار بعمر سامر لو ازغر منه بسته سنتين بس الولد اول ماتكبر السنه والاثنين مايفرقن جنهم عمر واحد وجانو مايتفارگون ابد گتله ..الگال يحيا فتح الباب وصفن لحظات بوجهي اتقدم حضني بادلته الحضنه وظليت واكف مكاني ..هلا بالغالي حياك الله منك من غيرك هاي جيتك تعال فووت البيت بيتك ..بلعت ريگي احس مواسه تشگگ بي وچن دخان بالعه وخانگني العبره الي اتكسرت بصدري ومنعتها توصل التعابير وجهي مو بس العيني خلت صدري بي نار نار اريدها تخمد وبس وانه اطبب رجل واعگب اختها خايف من الملگه حيل ..مهران طب جوه البيت بيتك يخوي خليت عيني بعينه واخيرا الساني نطق ..سرور شلونها اريد اشوفها ..ماهي طيبه والله چانت تعبانه بشوفتك تصحا ..شبيها مريضه؟ سألته بخوف باين ع صوتي ..طب شوفها وهسه احچيلك البيها حملها متعبها وشسمه نفسيتها يعني شويه تعبانه ..رفعت عيني بعينه واريد اعرف المتعب نفسيتها امي لو هوو لو اهله چنه فهمني واسترسل بكلامه ..ماادري انت تدري لو لا من يوم الراحت الكم بالعرس وعمتي طاردتها يم حبايبها وهي مانامت الا وعينها مدمعه توعدني ماتبچي ولاتذكر الصار وترجع تذكر الصار وشمااسوي مااريحها ..اي انه اجيت اشوفها واريد نطوي الصفحه واحنه اهل يعني انت وهيه هاا والبيت بيت ابوها باي وكت تجي حياها الله امها زعلانه والي بگلبها من حركه قديمه طلعتها ثاني مره ماتنعاد تنور دارها باي ساعه تريد طبيت وگعدت بالهول بيتهم بسيط بس حلو وملموم ومرتب راح هو يصيحها وگعدت دقيقه وره دقيقه ومرن 30 نص ساعه گاعد ماطلعتلي وماسمعتلها صوت واشوف كرار عيونه حايره وجهه ينطي الوان محتار بيني وبينها لايگدر يگلي ماتريد شوفتك ولا هو الجابرها وتالي صفت هي الزعلانه وماراضيه من طردة ام الها سهرت ليل ربت وكبرت وتعبت وتانتها تكبر وتشوفها عروس تزفها بيدها تالي وكفت بوجه امها واخوها وهسه مستنكفه من صيحة ام ودفعه بحاله عصبيه مكبوته بداخلها من يوم الي صار جلبت بهاي ونست عملتها چا مو الله يساعد امي مو الله يساعدني انه اجي تالي الليل اوون من امتوني ورگبتي اديني الگاهن متروسات خشب ومجرحات من غير رجليني الي لو گعدت الصبح اول دقايق مااسحكهن اطفر اعله اطرافهن كل هذا بس حتى مااطخ راسي وهي خلت اليسوى والمايسوى يگول عافت اخوها وامها وصارت وي عمامها تحسرت بضيگ وانه اصيح ..ابو حويدر تعال بعد اخوك مو لازم خلها المهم دير بالك عليها انت وباجر اريد اشوفك ونتفاهم ..اجاني صوته وهو يحذرني ..بروح الأعزاز لاتطلع تعال هنا هاي مستحيه منك ورجلينها ماتن مايعيننها تعال انت شوفها لو اجيبها شايلها الك كال اخر كلامه بضحك وي حچايته من گال مستحيه ماي بارد هيچ انصب علي من راسي الرجليني يعني مازعلانه هي فشلانه يعني تعرف روحها غلطت وتدري بروحها محگوگه الي والأمها مانكرها احنه ردنالها الأحسن بس هي اختارت والله وفقها برجال يخاف عليها بس مايمنع خوفنه عليها بمكانه حاجيته ..مستحيه منين وين هي اطب يمكم كرار محد يمك ..يخوي ياهوو يمي انه وهي راس براس بس تعال شوفها حتى تعرف ماخذ منكم طفله انه وصارت بنيه الي ..دخلت من الباب اليدخل عليهم واكف يمها بغرفة نومهم مغطايه كلها ماطالع منها شي ملفلفه بالحاف ضحكت بداخلي بدون ماتتغير تعابير وجهي وانه اتذكر من تسويلها عمله گبل ويجي ابوي يريد يحاسبها لو يرضيها بعد مايطكونها اخواني من وكاحتها وكحه حيل چانت وظلت وكحه الحد ماخذت الي تريده بدون خوف ولا استسلام اتخيطت رجليني اباب غرفتهم اكتفيت بالنظر عدنه عيب اليدخل غرفة نوم الاخ لو ابن العم لو الأخت غرفة النوم مايدخلها بس راعيها حاچيتها گوه اريد اكسر خذا الحاجز البينه وجنه لازعلانين ولا ماخذ عهد انساها ..گومي ولچ تعاي نعامه مابطلتي هاي سالفتچ چا من تغطين راسچ عمايلچ شيغطيهن صوت بچيها عله وكرار يأشرلي اتقدم اروحلها ورجلي ماترضا تعتب هالغرفه ماباوعت الكلشي بيها چانت عيوني عليها وع عيون كرار الي يلمعن اتقدمت رفعت اللحاف عنها وخوفني منظر شعرها المنثور ذكرني بحلمي بيها لحظات وطردت افكاري وذكرياتي وي الكابوس الي صار يتراوالي بكلشي لميت شعرها بعدته عن عينها حبيت گصتها وحضنتها حيل اريد احطها ابين ضلوعي نسيت الراح كله مو ابالي السويته خوفي من الجاي والي يصير معقوله حامل وتتعب بجيابتها يارب دخيلك دموعها بللن دشداشتي رفعت راسها مغمضه ماتباوعلي ..ولچ هاچ شوفيني صاير حلوو مبين علي عريس لا ضحك كرار وگعد بمستوانه ايده لافه ظهرها ويعدل باطراف شعرها ..كافي حبيبه كافي حاجي اخوج والي بگلبچ گولي ريحي روحچ وريحيني ليش انه من شفته هيج والنار شبت من الغيره چا هذا ناسي روحه كلش اظن غاسله روسهم المسلسلات والافلام مشلوع الصفحه اخوها يمك وصار سنين ماشايفها شنهي معنى حضنك الها گام ولو ماگايم انه اكله عوفنه حچينه وشكينه الصار والحسيناه وبعد ماراح العتاب سألتها ع كرار شلونه وياها گالت نعمة من ربي الي اكتفيت بالدعاءالها ربي يديمها نعمتج ويبارك بيكم مااوصيج باجر عشاكم يمنه وامي انتي تعرفينها واتعرفين گلبها بس هي مثلت عليج ابالها انه اضوج انتي يوجعج شي تشكين من شي ..لا خويه الحمدلله مابيه شي ..ذمه بغلاة اخوانج اي شي تحتاجينه انه موجود واول من يطري ع بالج ظليت يمها ساعات طلعت منهم واحس جبال من الهموم ذبيتهن عن متني احس حتى الهوا يدخل الريتي اكثر احس اليوم. ابوي راضي عني حيل بس ظل سؤال ابالي مو من حقي اسأله اذا ماحجه هو بي. كرار وابو ليش متخالفين رجعت البيت امي تروح وترد وبيدها عصاها مستنده عليها بقوة وثبات ومهرتي تمسح بالغراض بيدها وصله اول ماشافتني ذبت البيدها واتوجهتلي ..عمتي ظل بالها عليك حتى اكل مااكلت ..بس عمتچ ظل بالها ؟ ابتسمتلي وبادلتها حاجيت امي وعيونها تقراني بس صعب تفهم ..شلونچ يمه ..شنهي الي مسهرج عليش مااكلتي وعلاجج اكيد ماشاربته ..وين چنت يمه ..ابيت كرار رحت اشوف سرور جهزو ارواحكم باجر عشاهم عدنه زينب حطي الزاد ناكل وامي ويانه راحت تحضر الاكل واشوف سرعتها بشغلها هالبنيه جامحه بكلشي مهره اصيله بس رايدلها شويه ترويض وتعلوم عيني عليها تتحرك وانه اباوع الكل تفصيله بيها وعيون امي علي تريد اسولف بدون ماتسأل وانه رايدها تسأل بنفسها وتكسر الحاجز هذ دارت تاخذ ماعون وگصيبتها طخت عين الطباخ شويه چان احترگت صحت ..ديري بالچ بويه گصيبتچ شيليها رادت تحترگ چاگلت الله يستر من عيوني ..ابتسمت امي وجنها لانت بحچايتي ..يمه اختك زينه ..زينه يمه زينه باچر تشوفينها ..شگلتلها ..اشرلتلها بعيني لاتسألني بعد مااريدها تعرف كلشي بعد مااعرف طينتها ولا مجربها بسر افتهمت امي واجت حطت الأكل ووگفت ..تعاي اكلي ..لا مااريد ..تعاي من تاكلين اول لگمه انوب تردين گعدت تاكل واحسها مامتمضغ اللگمه هيج تگالب بيها يمكن ماكله واستحت تگلي عبالها ماارضا الا اتانيني حاجيتها ..بعد لو تعطلت مالچ غرض بأمي لو گالت مااريد حطي صينيتج وگابليها واكلن وانه يمته مااجي لو جوعان اكل بكل وكت مايهمني اكلي انتي ولايهمج الباقي وانتي يمه سكرج يتخربط ..لايمه وازنته شويه گمت وكتلها جيبي چايي ورايي اذا مسويه واذا لا عوفي مو لازم شوي واجت خلت الكوب يمي واخذت ثوب وراحت للحمام فتحت كنتورها وطلعت منه ثوب شذري من اجت اشرت الها لبسيلي هذا يصد عيوني عنچ هاللون يتبع… التعديل الأخير تم بواسطة لامارا ; 24-06-19 الساعة 12:32 AM | ||||
|
| |
|
02-06-19, 05:40 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثامن اسفه ع التأخير وفوگ تأخيري راح تنصدمون بعبوات خطره اكيد حاولو تتجاوزوها بحسن اخلاقكم وعطفكم ههههه … . ……… ..…… . …… . …… .. …… . زينب .. رغم حيل اخجلت من الثوب المختاره بس ضحكت ع حجايته ..ليش انت تحسد باوعلي مبتسم ..ماحاسد احد ابد لأن دوم ع الساني ذكر الله لو شفت شي عجبني الا انتي بشوفتج انسى كلشي وفرحتي بيج زايده ماسامعه يكولون مايحسد المال الا اصحابه ظليت عيونه مركزه بيه عدلت اطراف گذلتي ونصيت مبتسمه واحس وجهي صعدت بي حرارة الخجل هيج يعني فرحان بيه مامبين عليه الا هسه نظراته تختلف اربكني صوته اكثر وهو يحچي بهدوء وعيونه مركزات بيه يتنقلن من راسي الحد رجليه احسه يفصلني تفصال ..احلى مابيچ اختلافچ نوبات اشوفچ بريئه هادئه ونوبات اشوفچ شعلة نار وتعجبيني شلون ماچنتي ..اول مره افرح هيج من بيين مشاعره وحاچاني بدون اوامر انه چنت متحيره خاف مو مثل مايريد ماچنه عريس انه شايفه اخوي وولد عمي من. يتزوجون اول اسبوع ابد مايطلعون من دارهم بعالم وحدهم كوه ياخذون اكلهم ويرجعون ويظلون نصبه للعزاب الباقين من قهرنه نضحك عليهم ماطوول هواي ورجع الطبعه امرني بس بطريقه حلوه واعرف غايته من الگاله قصده غير شي ..شو بدلي وتعاي نريد نسووولف شتكولين …… سرور… بعد مااجاني ماهر احس الدنيا فتحتلي احضانها رغم جنت مدللة ماقاصرني شي بس ولايوم ارتاحيت ببعاده عني طلع وظليت وراه ساعه ابجي ساعه اضحك واشوف كرار مرتاح اكثر مني جان محمل روحه ذنب ابعادهم كل شويه وگالي ..شلونج هسه ..حيل حيل مرتاحه هسه احس روحي صدگ عايشه ..هم يجي يوم واجرب راحتج هاي شتگولين اكو امل ..ان شاءالله يجي انه الهسه محتاره شنو السبب الخله عمي يطردك مامعقوله علمودي وبس صفن عليه واتحسر وماجاوبني خلاني بحيرتي وزادت حيرتي لمن اخذته الصفنات الحد مابده وجهه يتغير وايده لازمه معدته وع كيف يردد اخخخ ..كرار شبيك ..مابيه حبيبه نامي ارتاحي معدتي هاجت عليه اخذ علاجي هسه واصير احسن ظل بالي يمه وافكر شنو البي نص ساعه وطفر اسمع صوته بالحمام عبالك روحه جاي تطلع ياربي شهالعذاب طلع وجهه اصفر حيل شاحب گتله والله هالمره مااسكت بعد روح للطبيب كافي تعبت وتعبتني بالي يمك ليل ونهار افكر بيك ماكو قهر هيج يسوي جاوبني بصوت تعبان ..يسوي اكثر والله هذا قليل من البيه ارتاحي انتي ولايظل بالج عليه ماكو شي ..والله ماانام ولا اكل ولا اشرب اذا ماكلت اروح ..اروح والله اروح بس ارتاحي وتعاي يمي اريد ارتاح بگربج اخذ ايدي وخلاها ع مكان معدته وگال ..اقريلي اي شي حافظته من القرءان قريت اية الكرسي وماغمضت عيني لما نام ثاني يوم كعد صحته زينه گال اروح للشغل وحضري روحچ العصر عشانه يم. ماهر ..وطبيبك كرار شلون تظل هيج ..اروح والله بس انطيني مجال الله يسهل واروح الخاطرج اهم شي فكري بروحج وبنيتنه الي ابطنج امانة يمج هاي حبيبة ابوها لاتگطعينها من الجوع ..تدلل هي وابوها بس ترى يجيها كلشي حاضر هي ماعليها اذا جعت ..چا انتي هم بنيتي وغالية عليه اكثر طلع وظليت ارتب البيت وحضرت غده وبالي مشغول شلون الاگي امي صدگ زعلت وكلت مااروح بس كله جذب هسه گلبي مفرفح ع شوفتها اريد احضنها عمر مو ساعه ولا ساعتين صار العصر واجه كرار واخذنه الهم الطريق مو بعيد وكل مااقرب احس گلبي تزيد دكاته يارب سهل عليه والاكيها وننسى كلشي بس طبيت طلعتلي امي وشمرت روحي بحضنها الحد ماطحت يم ارجولها گومني ماهر وهو ياشرلي كافي امي دموعها اختلطت بدموعي لاهيه حچت ولا انه حچيت شويه انتبهت بنيه صافنه ومستغربه الصار حتى مااتقدمت اتسلم لمن صاحها ماهر ..زينب تعاي سلمي هاي سرور اختي الوحيده ومرت ابن عمي ابتسمت بوجهي وسلمت بس احسها محتاره بالصار گدامها ماهر صاح امي يسلم عليها كرار وهم اسمع سلامهم حلوو من ريحة الأكل مبيين امي طابخته احس مشتاگه الكلشي من ايد امي وباقي الكاونتر عليه انواع واصناف من الحلويات والطرشي والزلاطه وترتيبها مبيين شغل مرت ماهر هذا اخذتني امي الدارها وظلت مرت ماهر تكمل باقي تحضيراتها مبين عليها شاطره تركنه العتاب واكتفينه بس نسأل ع الحال ماكتلها من اليشكي منه كرار والي جاي يصيرله استحيت اول طبتي الاهلي اتشكه سولفت ع دلاله الي ورعايته وشلون دافعلي وطلعنه ارتاحت امي حيل وطلعتلي ذهبات اليه وگالت هذا الخليته الچ للوكت والأكثر انطيتهن الاخوج وانتي تعرفين ليش گتلها يمه مارايده كلشي بس رضاج وماهر يستاهل بده من الصفر وماعنده احذ يسنده وانه رجلي مامقصر وياي ابد اصرت اخذهن بتوت سته وگلاده ليرات وتراجي مثلهن طلعت منهم فرحانه وماهر محاجي كرار يشتغل وياه بمحل اهل وسام الي مشاركهم بي بس كرار رافض واعرف عزة نفسه تمنعه رجعت البيتي مرتاحه ومرت اشهر حسيت بروحي اميره بين اهلي ورجلي وبين خوفي وفرحتي بانتظار بنتي بس الچان منغص علينه ضيق الحال ومرض كرار وشلون متغيير ومهموم انطيته ذهبات امي يبيعهن بيومها زعل عليه حيل وگال ابد لاتفكرين بيها يجي يوم تحتاجيهن اكثر ماطول انه موجود لاتحتارين لا بأكله ولا مصرف ولاطبيبج وادبرلج فلوس ولادتج لاتخافين وتفكرين واذا تحبيني صدگ حتى الأهلج لاتمدين ايدج انه هم شايفه العوز مو جديد عليه اتذكر ماهر وتعبه واقتصاد امي وتدبيرها وصرت اسوي مثلها واگول الله يرزقنه ومايخلي حمل مطروح بين يوم ويوم يجيني ماهر يمر علي من الباب يشوفني ويطلع اذا جايب وياه شي يجيني من كرار بشغله مايريد يشوفه بأيده شي ويجيب بس فاكهه ولحم وهاي السوالف من يسألني كرار اكله ماهر مر علي مايگول شي يسكت مره طولت سكته وصفن سألته .. تضوج. اذا تضوج بعد اكله مااريد ولاعبالك انه شاكيتله لا والله ..ادري بيچ اصيله وماتشكين الحال وماهر اخوج واخوي مابيها شي لو غريب ماارضا بس ابن العم يختلف وانه حاسبه اخوو الله يشهد واصلا فرحان بي يهتم بيج حته يظل بالي مرتاح عليج ..چا هسه انت مامرتاح ليش شناقصني ..شوفتچ عندي تسوا الدنيا ومابيها وراحتي كلها ابين اديج اذا وياج ماارتاح منين اشوف الراحه حضنته حيل وبادلني الحضن بشوگ احسه هالفتره حيل متعلق بيه اكثر من گبل محد من اهله يحاجي يعوض حاجته الهم بيه دخلت نص شهري وحايره بكرار منين يجيب مصاريف الولاده شغله مو كافي والهم كاتله ويفكر ليل ونهار حتى استحي اسأله مااريد ازيدها عليه التجهيز امي من الثامن كلشي سوتلي وگالت ابنج وتجهيزه عليه وحتى كاروكه ماهر جابه ودخله بايده للبيت بيوم اجه كرار صاير نار وابد مايتحاچه وجهه مطعون طعن وعيونه غايره سألته وماجاوبني بس ظل يدخن بكثره وبهذا اليوم للصبح مانام للصبح وهو سكن الحمام الحد ماانتهى خابرت الفجر ماهر ابچي كتله راح يموت من الليل الحد هسه طلعت روحه خطيه رعبته من وكت بس ادري بي هذا وكت گعدته يقرا گبل لايروح للدوام اجاني مبدل ملابس الدوام اخذه وطلع گوه سانده وبيومها اتعطل وكال كتبوله دخول مستشفى والأطباء يشوفونه بس راد ملابس احضرله وبطانيه اله يبات يمه وگال راح يجيج حسين ابن عمنه انطي الغراض ووصيته يوصلچ يم امي لاتظلين وحدچ بچيت والخوف كتلني شنهي الصارله وخلاه هيج يصير وتنتكس حالته ثاني يوم طلع وشكلوله مغذي بالبيت ماهر وصاني عليه وكال ارتاح وارجعله وامي ظلت يمي خلصها نوم وحتى من يگعد يسوي روحه نايم مايريد يشوفني ماادري ليش ماهر گال مافهمنه من المستشفى شي يصير زين واخذه الطبيب خاص ويعرف علته يومين هو صار احسن واجاه ماهر ماقبل يروح عاد ماهر گاله صدك ازعل منك انت مجبور ع الصلح وياي لو صدگ مصالحني وحاسبني اخوو كرار گاله والله مافد يوم حسيت روحي زعلان وياك حتى اعتبر روحي مصالح بس انه ع كدي وانت وراك بيت وعايله ومصاريف الدوام زواده الك انه بعدين هاي سوالف الدكاتره ماتخلص گاله ماهر اعتبرهن دين بيومها حتى انه استحيت من اخوي اخذه ماهر واجو اثنينهم ماعرفت منهم شي كالو طالبين ناضور والحجز يطول اسبوعين اكثر عاد ماهر مارضا وگله عوف سالفة الحجز وباجر امرلك اخذك وحسيته حيل مهتم وكال الكرار مو بكيفك مسودن اخليك ع الحجز بيومها حتى استحيت من ماهر واحس الصارلنه گبل سبب شرخ شمايسويلي اگول مااستاهل طيب منه ويمكن كرار مثلي واكثر باعتبار يعرف سواية اهله بماهر وتهديدهم اله ولو هو يكول ابوي ماماخذ حگم ماجنت اعانده لان احبه واكله عوف هاي السالفه نسيت ولادتي وحتى هم نسوني بليلتها مطرت مطر ماصاير ورعيد قوي حيل نهاية الشته وبدينه بشهر الرابع شرجع البرد وايامه كل مره احط راسي بحضن كرار وماافكر واخاف من شي بس الادويه مخدرته نايم ومايدري بالدنيا من وكت نام وانه وحدي وعيوني ماتاخذ نوم ابد الجو كئيب عيوني ع كرار واتنوع بوجهه شگد حبيته ويوم عن يوم احبه اكثر وصلت بيه اتمنى البي بيه واشوفه بخير كرار ابيض طويل بشعر اسوود لامع وعيون كبار سود ملامحه حلوه وحتى احلى مني هذا غير تعامله وياي والنظره البعيونه الي تنسيني الدنيا كلها شكد مالاموني بحبه مااتندمت ع عنادي واصراري عليه يستاهل اكثر من السويته ماالي غير ادعي ربي يشافي ويعافي ويرزقه ويخفف همه وبالمطر الدعاء مقبول طلعت بره ادعيله جوه المطر احس دعائي يستجاب اكثر دعيت وبچيت وشكيت الربي المااكدر اشكي البشر يكولون الشكوا الغير الله مذله طبيت البيت متوني ناكعه بدلت هدومي ورحت يمه شويه واحس لويات صارت ابطني دفيت روحي اكيد استبردت ماگدرت انام وظلت اللويات تروح وتجي صارت بتلاثه بالليل زادت وزاد خوفي خافنها ولاده المطر يصب ولا اكدر اخابر اهلي ولازلمتي بعافيته وانتكل عليه يارب ساعدني طلبت من الله يأجلها بفطرة بنت مامجربه الولاده ولا شايفتها وخوف وحده تحس روحها وحيده دعيت ربي تتاجل ولادتي وگلت يگولون الولاده موت وانه هسه مو مال موت يعني هذا استبراد دفيت روحي اكثر واطحن بروحي يارب فدوه الخاطري مو اليوم مرت ساعات متانيه الفجر يطر وزاد المي وصارت دموعي تصب المطر بيومها ماوكف من الليل الثاني يوم جنها حته الغيوم معاندتني ظليت الوب بمكاني ومن حوستي گعد كرار ..سرور گاعده انتي ..چانت دموعي تصب وخايفه كتله اي گاعده بس بصوت مخنوگ ..ع كيفه نهض وحط ايده ع عيوني ..شني شبيچ شو تبچين سرور شبيچ بچيت حيل من خوفي واحس بخنگه تذبح وانه ادري ماعنده غير ال 5 بمحفظته وين تصير بس البيه ماينحمل ..كرار بطني راح اموت طفر من مكانه وبطفرته شلع الكانوله من ايده والدم ترس ايده عافها واحتار بيه ..شو گومي حضري روحچ بساع من شوكت وليش ماكتيلي شلون تظلين هيچ ساكته لو ماكاعد انه ماتكولين مخليتني مطمور وتلوبين بروحچ اشوفه محتار يدور محفظته وجنسيته سياره ماكو واذا طلع الباب شيوصله للشارع احنه بعرب وبالشته الماعنده سياره يشبع ضيم وحتى جيرانه شيگعدهم والدنيا تصب مطر محد يسمع دكة باب بهيج وكت وصلت المرحله مابيه بعد حته اتحرك احس رجليني اتخيطت وضغط بطني صار قوي ع الحوض حسيت بس اگوم اطيح بنتي وردت اساعدها جنها نزلت بوكتها مافكرت بس اخلص صحت بكل قوتي وحسيت بنتي نزلت صدگ اخذتها بايدي ويمي غراضها صرت انظفها وامسح وهي تبچي بيدي حيل ودموعي تنزل اتنوع اريد اشوفها الابوها بس مااعرف لا اكص السر ولا اعرف شلون اظل هيج اتحرك بكد مافرحانه خايفه حيل ظليت اصيح ..كرار تعال الحگلي بخوف كمت اصيحه بعد ماوعيت ع روحي وع بنتي الصارت بيدي ..اسمع صوته وهو يدعي واول مره اشوفه بهذا الحال ..يارب ماالنه غيرك ساعدنه ياالهي ورجع حاجاني بس اريدلي سياره غضب اخذج بيها تليفوني وينه اخابر امچ صحته تعال مااريد شي انه جبت والله جبت هاي بنتي بيدي احچي ودموعي ينزلن وكف يمي وشافها بيدي ووضعي كله مخربط گعد متصفصف وخايف .. شني جبتي وحدچ اشرتله براسي ودموعه صارت تسابق دموعي ..هسه شسوي شجيبلج شلون اساعدچ ماعرف كلشي انه ورطتج وياي اول مره احس روحي ورطتج مارديت عليه ع الكاله بس كتله ..خابر امي وهي تعرف ..خابر ماهر وهم وكت الفجر ابتله بيه فوك البلاوي العلى راسه حاچاه مرتبك گاله اريد عمتي سرور تطلگ وبعدها كله لا جابت جابت اي بس بتها بيدها ومانعرف شنسوي ماهر خلصني لاتموت البنيه فدوه هو يحچي وبنتي خبصت الدنيا ابچيها وحاير شلون يسكتها بعدها ماگدرت حته احچي احس طلع التعب عليه وجسمي كل عظامه توجعني گعد گبالي ..اجيبلج ماي اجيبلج شي شو اتغيرتي حيل سرور انتي زينه اشرتله براسي جاب مخاد وراي وسند ظهري وجاب بطانيه غطه متوني لفلفني انه وبنتي وكل شويه يباوعلها ودموعه بطارف عينه ..شلون هيچ جبتي وحدچ لو صايرلج شي شگول جاوبته بصوت تعبان گوه احچي ..ماادري بس احس الله سهلها عليه الي اعرفه انه بچر صعبه ولادتي بس الله رحمني ويمكن دعائك الي ساعات الوب ومن طلعت تدعيلي وحاير الله سهل عليه وطاحت بتي بيدي باس گصتي مرتين وتلاثه فتح شعري عدله ولمه احس البروده دخلت بعظامي واريد بس ادفه كتله غطي راسي چن الهوه يفوت منه لف شالي عليه وعدل غطاي وانه ع كعدتي اخاف اگوم ومااعرف شسوي والبنيه فضحتني يسمع بجيها ويتخبل خاف اتأذت شوفيها خاف بيها شي ليش تبچي هيج خاف جوعانه مابيه اسوي كلشي كتله مااعرف شويه وخابر ماهر واجت امي ناكعه بالمطر وذيال عباتها كلها طين عمت عيني اجت تتعثر حته ماهر ماعنده سياره طبت امي تصلي ع محمد وباست راسي ودموعها تجري ..ليش يمه ماتكولين الله وگفلچ ورحمته اكثر. من رحمتنه بس غير تحچين چا جايينج من وكت بس انتي ماتعرفين حگچ البارحه ردت اخذج وياي بس الخاطر رجلج تركتج وانتي كلتيلي الطبيبه تگول تكملين شهرج ..اي يمه هيچ كالتلي ..ماتنعرف ساعته الحمدلله عدت ماهر ماطب طلعله كرار ومخبوص اكثر گله خابرت حسين يجيني بسيارة اخو مانخليها ناخذها للمستشفى يشوفونها وصدك امي لفلفتني وكوه لفت بنتي وسرها بعده مامكصوص وگوه علمتني اشيلها جوه عباتي وفرشت السياره جواي ومااعرف وين اودي وجهي من ماهر وحسين ماهر عينه عليه وگال ..گواج الله سباعيه من نسوان گبل ياسباعيه مايدري انه ماادري بروحي ولا وعيت الا ماصرخت بنتي بيدي وبعدها خوفي زاد اكثر وصلنه المستشفى ومن دخلنه صالة الولاده وشافو حالتي والفتره الجبت بيها خافن حيل وصارن وحده تركض منا وحده منا وطلعن رادن توقيع من كرار وماهر ماادري شيصير وشنو المخوفهن شويه وگالت الطبيبه توجه الممرضات حولوها الصالة العمليات بعدها بنجوني ومادريت بروحي وين وشجاي يصير كرار .. وصلنه المستشفى وجنت مفكر الشده كضت من. اجت الدكتوره وطلبت نوقع ع مسؤوليتنه وظلت تلوم بينه ومبينه خايفه وماشرحت غير انو المشيمه ملتصقه واحتمال نشيل رحمها وقعولنه ع هالشي وقعت بدون تفكير وظليت الوب وماهر اتعس من حالي وعمتي تبچي ومعدتي الاحسها تگطع بيه ومو وكتها ابد مرت نص ساعه وطلعت وگالت عدت سلامات والعمليه صغرى ومو فتح بطن مجرد الجاره فصلناها عن رحم الام لأن مانزلت البنيه بيد عمتي ومن فرحتي حبيت گصتها وحسيتها خير ع امها والله فرجلنه بعد الشده الصارت وقررت اسميها يسر بعد ماصحت من البنج طلعنه بيها وخليتها يم امها اداريها وترتاح … .. ماهر .. مر ع زواجي فتره وحياتي صارت حلوه مره تتلگاني من ارجع بشوفة بسمتها يخف تعبي واختي وامي وجودهن وياي يفرحني همومي خفت وذكرياتي تلاشت بعد مااتواصلنه انه وسرور وشفت الدنيا بيها دروس هواي كرار بگد ماجنت رافضه صرت اشوفه حيل مناسب الها ونظرتنه ع البشر مو. كافيه ولادستور حتى غيرنه يقتنع بيها ومرات تكون غلط مثل ماجنت افكر بكرار بس وضعه مو عاجبني ونفسه عزيزه حيل وهذا الخلاني احبه اكثر صرت حتى من اريد اساعدها اروح بوكت ماالكي ماريد اشوفه ينحرج مني وصرت انطي الامي مصرف تنطيها كل فتره بس امي تكول ماتاخذ رافضه وتكول مدللة ومامحتاجه صارت عندي قناعه عزة النفس العدهم وعندي خصله مشتركه بيناتنه وقربتنه البعض اكثر بعد ماجابت سرور التهينه بيها وره اسبوع طلبت من كرار يروح للطبيب وكافي يتهرب وبعد مسؤوليته زادت اذا مو الروحه الخاطر بنته ومرته وعرفت السبب الخلاه يطيح ذيج الطيحه بالصدفه من سمعت من الشباب يحچون شلون كرار ملاكي ابو ورايح مسلم عليه وهاينه وطارده كدام العمام وولدهم وگايله لازم طگك العوز ورايدلك مالات وهاي الكلمه تعني الفلوس وماتنكال بس لليتخشخش ويتلوك علمود الفلوس حيل ضجت وحقه يصيرله هيج من القهر كرهت عمامي وولدهم اضعاف وبيومها خابرت ولد عم ابوي وطلبت نتجمع ابيتهم ونكتب مضبطه عشائريه نطلب بيها من عمي يتنحا من رئاسة العشيره لو يطلع نسيبه من عدنه لا نتصرف غير تصرف وياه وهو يتحمل مسؤوليته كدام عمامه لو واحد منه هانه بيوم بوكتها كالو عمي ماراضي وحاجي عليهم تمشون بشور زعطوط تشيخونه عليكم وراد عليه عمي ابو حسين وگايله زعطوط منه وبينه احسن من واحد مايربطنه وياه دم حتى صرنه نستحي نگعد بجمع الرجال واحنه ماالنه لا راي ولا شور خضيتهم خضه بسيطه بهاي السالفه وعمي قرر يعزل نسيبه مجبور وصيتله وكتله هاي كرصة اذن والجايهم هواي گدامهكم ايام وسنين لايستعجلون بوكتها احس روحي حيل انضغطت بين مسوولياتي وشغلي ودوامي رجعت تعبان حيل بس مشتاق المهرتي الغيرت بيه هواي صرت اسمع صوت ضحكاتي واتفاجأ بروحي اضحك هيچ ع چفصاتها وياي وطول السانها الصرت اتحرش بيها متعمد حتى تنطلق وبعدها احاسبها وافهمها الكالته ماينگال الي بس بيناتنه مسامحها يم احد غيرنه ممنوع سلمت ع امي وسألتها وانطيتها مصرف سرور عدنه وخاف تحتاج شي بوكت انه ماموجود عيني ع سرور نايمه وبتها تتحرك ماخذه بياض ابوها وباقي ملامحها مامعروفه حيل حبيتها واحسها انحطت بگلبي سألتها ع زينب كالت توها راحت تمد ظهرها تعبت حيل هالايام ناس تجي وهي ماتعرف الگعده نادره هالبنيه اجت ع مرامي فرحت حيل هي راضيه امي وجايه مو بس ع مرامها حتى ع مرامي انه اتذكرت وسام وضحكت يگول تورطت انطيتك اختي صرت ماتنشاف بس بالدوام ولا اكدر احيلك عليها ولا اكدر امشيها الك وانت كاطع كتله وصي اختك تخف عني وتشوفني ماتشوف حتى حالي متغيير متعوب حيل ..شمرني ابطل ماي يمه ..ع اساس شلونك انت وهسه متعوب دروح روح مو صوچك صوچها هي خل تجي الا احرمك منها ليلتين ..ماتگدر ولا ليله تشوفها وممنوع تنام بغير بيتي ..ادري بعناها بيع عليك احنه ..انطيناك ورقة تنازل غير بنيتنه نريد نشوفها ..مانعك انه من شوفتها تعال وشوفها شگد ماتريد بس بيته ماكو هيه اختك هم صارت ماتفارگني ماتگدر تنام يمكم شمضيعه شتلگه ضحك وهو يتوعدلي وانه اتوعد وطلعنه من الدوام واحنه نداهر گطع صفنتي صوت قفلة الباب ابتسمت وبالي راح ابعيد گبل جنت اضوج من هاي قفلتها بس هسه لا افرح معناها اكو اجواء بصالحي تصير انطيت الامي علاكه الها والسرور واخذت الثانيه بأيدي جايبلها الشغلات الي تحبهن لو كتلها محتاجه شي گالت جبس ونستله ..ادري مرتي انتي بنتي ولچ غيرهن ذني حافظهن تضحك وتكتفي بشهريتها وتشتري هي وامها من تروح الأهلها مر ع زواجنه اشهر وكل شهر اگول اريد الله يفرحني بحملها بس انه هم مامستعجل حيل بعدهي زغيره ويمكن تحتاج وكت اكثر يمكن الله بعد مو رازقنه فتحت يدة الباب بأيدي وهي عرفت بيه اجيت فتحت الباب صارت وراه سديته وانه اشوف شخالق الله اكثر شي يفرحني من. اشوفها شگد ماتتعب وشگد مايصير اليها ضغط بالبيت وخطار الوكت الاجي بي اشوفها لعابه گدامي اخذتها الحضني وجريت گصيبتها الضافرتها برخاوه مرخيتها حيل ومخليتلها ورد بين الضفيره وهذا كله مو بعيني احلى مابي من اشوفه مغطي متونها اخذته اطرافه وصرت افتحه بيدي خصله خصله ..گايلچ انه يمي وبالليل ماينلم مو تدرين اذا مايغطي وجهي ماانام ضحكت وبضحكتها زادت شوكي الها كــــونــي لــي كــالشمس كــ لفـحـة الـشــتــاء ضـمـيــنـي كــي تـذوب همـــــومــــي بليلتها بعد ماطار النوم من عيونه وتعبنه اثنينه راح بشوگنه ولهفتنه حچتلي شلون چانت متخيلتني وخلتني ليلي كله اضحك واسألها شني الخلاچ تفكرين بيه بهيچ مواصفات خرعتيني انه مو انتي وعدتني تسولفلي بغير ليله بعدما غلب عيونها النعاس اخذتها الحضني ونمت بعد ماسكنت روحي يمها ثاني يوم اخذت كرار كوه ورحنه للطبيب وشكل الطبيب والاجرائات الأخذها ماطمنتني ابد يتبع التعديل الأخير تم بواسطة لامارا ; 24-06-19 الساعة 12:34 AM | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
العرض العادي
