آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-06-19, 05:26 PM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 19 **************** الذين يتقدمون باندفاع كبير يتراجعون بسرعة أكبر. _________ فتحته واني بس شفته صارت عليه ادين ع حلكي وعيوني اريد اصرخ ماكو بس اديه ترجف يعني مو قوي بس اني بادت روحي كمت ماكدر احرك جسمي من دخل مكدرت اشوف شكل بس ادين دخلن عليه سمعت الصوت 🤤 يوسف. اشششش اني يوسف لاتخافين راح اوخر اديه عنج بس لاتصرخين امني بس واخر اديه صارت عندي قوه دفعته خايفه وبنفس الوقت امنت قيس ولا هيثم نوب كلت شعده جايني بهل ليل جان عقلي يحجي اشكال زمرد. شعدك هنا شتريد يوسف. بس اهدائي ولاتخافين شبيج زمرد تخافين مني يعني تتوقعين اذيج زمرد. وهذا السويت شتسميه هااا تدخل بيتي بنص الليل حالك حال الحرامي وسد حلكي وعيوني يوسف. والله موقصدي اخوفج بس عرفتج راح مدخلني بس سمعين صوتي من فتحتي الباب عرفت راح تصرخين لان جنتي متوقعه رانيا زمرد. يله اطلع بره شتريد اني ماعرفك ميصير رجال غريب يدخل بيتي يوسف. اني غريب هسة صرت غريب ولج انتي اعز من عيوني انتي روحي لو خيروني بين انعمي وانتي اختارج انتي وخليني انعمي انتي عيوني شسوي بعيوني اذا لتنور طريقي مو وياي حقج جانت حيل متهور وانتي منا خايفه من هل الحقير مهددج طليقج والقران خلي يمس شعره منج او من ابنج اله ادفنه استغربت شلون عرف هددني بس قطع تفكيري اجه تقرب من يمي زمرد انتي روحي انتي الهوا التنفسه صح اني كتلج ماريدج بس ندمت بكد شعر راسي كليلي صالي شكد مشايفج احسه سنين اني جنت اسد الباب وره كل وحده تطلع من حياتي هسة اجي ادك بابج اترجاج ترجعيلي اجه اخذ ايدي خله ع كلبه وكال زمرد هذا ماذيني يريدج عذبني ورفع اصبع ع راسه وهذا عود القوي ستسلم من اول يوم وسلم القياده لكلبي هسة بعد لتكليلي انته عاقل لان عقلي توكف من يوم عفتيني نضراته كله اشتياق مليانه دموع الحنين لمسات ايده خلت رجفه بجسمي خلتني حتى مافكر اقاومه بس ذكرت من عرف اني مطلقه مارادني بسرعه حجيت ردت بس اخلص منه زمرد. واخر عني مااسمحلك تلزمني وشكرا ماريد حمايتك رجلي احبه ومجرد مشاكل بسيطه خلتنه نطلك وهسة راح ارجعله شوف غيري تلعب عليه ماافيدك تغير عيونه من نضرات اشتياق وذبول اله وحش وكله دم من العصبيه ولزم اديه بقوة عنده بركبته من يتعصب وريد بركبته عبالك راح يطك جان كلش مبين بركبته اني رعبت منه وديه كامت توجعني يوسف. المن ترجعين وحق ربج اذبحج ولا خليج ترجعيله بعد كلبي سجلج باسمه دفعته بقوه بس ماكدرت زمرد. واخر اذيتني اني ماريدك اريد ارجع لابوه ابني اني بس هيج حجيت هو شلون الاسد هجم عليه اخذ شفت بين شفايفه تخبلت جسمي كله كش لعبت نفسي صفكته راشدي وهو ابد ماواخر بس لزم اديه اثنينهن واني ادفر بيه وريد اوخر منه بس هو اقوه مني بعدين اجه شفته صارت يم اسناني عضيته بقوه هو واخر مني بس بقه لازم اديه وتقرب من ركبتي وحجه بهمس ولج تردين ترجعيله والله يحلم ياخذج حتى بحلامه ماخليه يشوفج انتي الي زمرد. بعصبيه واخر عني لا اكلب دنيا عليك يوسف. ماتركج راح اخلي بصماتي عليج اريد يسجنوني بكلبج وسحبني ع الكاع وبده يرفع بملابسي واني ابجي وبنفس الوقت ماكدر اصرخ ناس من تسمع صريخي راح تلتم واذا شافته وياي مراح ترحمني اني جنت مامسويه شي مارحمتني مو نوب هسة بقيت ابجي وارفس برجليه بقوة حتى يوخر عني بس هو اقوه وكل شي اسويه يصير اقوه واصلا اني ضعيفه ماعدي قوه شوكت صرت قويه حتى اصير هسة قوية رفع كل ملابسي عني واني لاحوله ولاقوه بس حسه مو يوسف جاي هيج يسوي لان يوسف رسمت شكله بعقلي موهاي افعالة هاي افعال هيثم تعودت ع هي حركاته وخاصه من يضربني ويرجع ينام وياي تذكرت اخر مره من كلي ابيعج لصديقي وهسة اني بعت نفسي هسة اني بحضن شخص محرم عليه كله من وره هيثم لو مامزوجته جان مصار بيه وحتى يوسف لو مو هيثم جان مجاني كله بسبب دمرني كمت احجي بصوت مسموع الله لايوفقك هيثم ياحقير كله بسببك ادمرت دمرتني ااااه وكمت اناشغ بصوت عالي حسيت يوسف اخذ الي يريده واخر عني اني بسرعه نزلت ملابسي عليه وخليت اديه ع وجهي واصرخ بصوت عالي زمرد. ااااخ يابه تعال اخذني كرهت نفسي حس نفسي قذره دمرت كلشي ثقه بابا جان يكلي اثق بيج اكثر من روحي وهسة دمرت هاي الثقه وكل صلافه بيته سويت هذا الشي بقيت ابجي بصوت عالي ومخليه اديه ع وجهي ماريد اشوف اي شي كلشي خجلانه منه من نفسي من البيت من اثاث البيت شلون افتح عيوني وواجه صوره بابا المعلكه ع الحايط حسيت بقرب اديه ع اديه حتى يوخره عن وجهي اني بسرعه دفعته وكمت ع حيلي زمرد. 😭😠اطلع بره بررره هو كام يريد يلزمني يهديني بوجه علاممه الندم والحزن يوسف. بس اهدي زمرد حبيبتي بس قطعت كلامه زمرد. لاتكلي حبيبتي لاتجيب اسمي ع السانك اطلع بره اني استاهل ثقيت بيك ثقيت بواحد سافل مثلك ضحكت عليه ع انو احبج واخذتني لموسى ابن جعفر هاي موديل جديد تضحكون بيه ع البنات بريء منكم موسى ابن جعفر مسلمتك بيد موسى ابن جعفر هو ياخذ حقي منك ويله بررره اطلع لا اخلي هسة جوارين تسمع صريخي راد يحجي بس رجعت طردته طلع وهو يباوعلي احجي بقوة بس مهزومه من داخلي حيل نكسرت هاي اكبر كسر بحياتي كعدت بلكاع ولميت نفسي وحضنت رجليه بقيت بس ابجي ما وكفت دمعه عيني واريد اكوم مابيه حسيت هاي هي خلص صبري كلشي نهدم بحياتي لاتهنيت واني طفله ولا من زوجت ولا من حبيت اااخ يايوسف شكد جنت احبك كرهتك اضعاف حبي ابجي ولولي ع اديه اهدي بيه ماعدي ام من اتاذه تحضني لو تحسسني بامان لحد صبح ع كعدتي وبس دموعي تصب ساعه ب٦ سمعت الباب نفتح عرفت دخلت رانيا لان اني دزيتله رساله يمكن تريد تعرف ليش مراسلته دخلت عليه شافتني تعجبت بكعدتي وجهي مليان دموع رانيا. دكت ع وجه ها ولج ابنج اخذه هيثم مجاوبته راحت تركض ع الغرفه لكته حسن نايم رجعت عليه نزلت لمستوايه ورفعت شعري عن وجهي رانيا. شبيج زمرد ليش منهاره ليش تبجين شكله وهو الصار ينحجي رانيا. بوجه قلق حبيبتي شنو خفتي البارحه لان وحدج زمرد. 😢يوسف تعده عليه البارحه اجاني رانيا. صخام صخمني جاي تحجين انتي كمت ابجي بشهكات بقت تباوع ع جسمي تريد شي ياكدله هذا الصار ونوب باوعت ع المكان نتبهت ع ملابسي داخليه مشموره جوه تخم بس مبينات طلعت موبايله من الجنطه حابرت السايق كلتله لاتجيني ماداوم نوب نزعت جنطته ورفعت بلوزه من اديه ونزعت حجابه وكومتني اخذتني للحمام شغلت الدوش رانيا. حبيبتي سبحي شويه ترتاحين حركت راسي بموافقه رانيا.تردين اسبحج خاف متكدرين زمرد. بهمس لا زمرد. بهمس لا تركتني وسدت الباب عيونه كله دموع بس هي احسه تحس بيه عرفتني مكسورة انهدمت بقيت بس قطع صغيره من زمرد ابد محاولت تسالني ليش او شلون سكتت قدرت ضرفي سبحت دكت الباب فتحت الباب مدت ايده خاولي وملابس اخذتهن لبست الملابس وطلعت باوعت ع المكان لكيته شايله ملابس الي بلكاع ومنضفه البيت وشتميت ريحه الريوك رحت كعدت ع تخم وبس اصفن بلاشيء احس نفسي تايهة عبالك بصحراء وبس الذيابه تفتر عليه مالي احد حسيت بدين حسن تضرب ع رجلي باوعتله هسة كاعد من النوم اخذته بحضني بقيت ابوس بيه ودموعي تجري وكله لو جبير جان البارحه مصار شي جان انته فتحت الباب وحميتني جان كدرت اصرخ وصيح الجوارين لان حتى لو تهموني باطل انته راح تكون وياي وتحميني ودافعلي بس كله مصار لان بعدك صغير حتى ماكعدت من نومتك ولاحسيت بدموعي حاضنته وابجي وهو مبرطم يشوف الدموع رانيا. ياعيني عوفي خطيه الولد خرعتي من الصبح اخذته مني وكعدت تريك بيه يله كومي اكلي زمرده زمرد. ماريد ماشتهي رانيا. سولفي فهميني اني احيتج علمود الرساله سوالفتله كلشي بنكسار زمرد. بس لو اعرف شلون عرف بسالفه هيثم رانيا. هااا ودنكت راسه بسرعه عرفت تعرف شي لان من تكول هااا وتغلس ع الموضوع يعني تعرف زمرد. رانيا انتي تعرفين منو كايله رانيا. هاا زمرد لا قابل منين اعرف وهو حتى داووم يوم واحد باوعتله بنضره بتركيز رانيا. اي اني كتله زمرد. شكتيله ولج ليش كتيله رانيا. بس اسكتي لاتتعصبين انتي منا تعبانه هسة افهمج اني من اجه للجامعه فات من يمي سلم عليه وسئلني عليج كتله شنو هامتك لو انته تحبه جان ماتركته وشنو مطلقه قابل التطلق صير مو شريفه بقه هو يكول والله متندم كد شعر راسي عليه وليل مانامه بس افكر بيه كتله مالي دخل بيك انشالله متشوف نوم بعد كسرته خطيه متاذيه لوتدري ذاك اليوم اجه طليقه ويريد ياخذ ابنه منها وهي ماله احد وكعد يهدد بيه وهي لا حوله ولاقوة حسبتك رجال وحبتك وكالت راح يعوضني عن كل تعب تعبته وتشفي جروحه بس تركته بنص الطريق يوسف. شعده طليقه راجعله شنو يريد منه رانيا. لزمه ملخه تملخ بشارع ويهدد بيه بشارع ويكله اله احرمج من شوفه ابنج تدري ليش لان ماله احد حتى عمامه ضده تدري هي ليش بسرعه امنت بيك وحبتك لان مشافت هيج اهتمام وهيج شخص يخبه ويحميه مشافت بس الهانة والضرب خلفت هو كام من يمي وعيونه تجدح وماهتميت كلت مابيه خير قابا شيسوي ماتوقعته هيج يسوي ابد زمرد. خليت اديه ع راسي بقوه من كلج تكليله منو عاتب عليج شوفي صار بيه هذولة كلا.. كلهم نفس المله كلهم عدهم اهمشي نفسهم وغريزتهم ماعدهم مشاعر رياجيل كلهم نفس الشي اني نضحك عليه مرتين وهذا اصبع الندم اعضه واكرص اذني بعد اذا امن برجال هم بعد اخلي رجال يدخل حياتي اااخ كامت رانيا وخلت جاهل ع تلفزيون راحت لبيتهم اني بقيت كاعده واباوع ع حسن يغني ويه طيور الجنه ويضحك اني بس اباوع عليه شويه دخلت رانيا راحت للمطبخ اجتي بيده كلاص مي وحبوب رانيا. هاج هاي حبوب منوم شويه تنومج وتهديج لان هسة اعصابج مشنجه زمرد. ماريد اني اصلا راح انام لفيت راسي ونمت ماكعدت اله ع صوت رانيا وهي تكلي رانيا. كومي عمري كافي نوم ساعه اربعه العصر كمت يمه يعني صالي شكد نايمه مادري بنفسي زمرد. حسن وين رانيا. اخذه موسى لمدينه العاب ماخليته تكمل زمرد. ولج شون تخليه يطلعه بله اجه هيثم وخطفه منه وكمت بسرعه ادور ع الموبايل رانيا. دواكفي ياعمري هي هاي مدينه العاب وبابا وياه هم هو خايف عليه بس كالو خطيه يصير بيه توحد اذا بقه نهار كله بالبيت كعدت زمرد. اني اسفه خاف تعصبت عليج تره مادري شنو حجيت (صح اني ماعرف شنو حجيت كلت خاف تجاوزت عليه بالكلام وناسيه لان كلش تعصبت من السوته ) رانيا. قابل انتي شنو كلتي وحتى لو غالطه عليه استاهل لان اني غلطانه كله بسببي صار زمرد. انتي شعليج رادت تصير بعد رانيا. يله كومي اكلي سويت اكل يخبل برياني يملخ يكطع عرفته بدت طلع خبالته حتى تغيرلي جو زمرد. امج مسئلتج ليش مداومتي رانيا. اي طبعا بس كتله خابرني البنات وكللي الاستاذ يريد ينطينه محاضره ماكوو مجاي وهي صدكت وهي كل يوم تلوم بيه لان ما اجي عليج وملتهية بدراسه فكتله راح ابقه يم زمرد زمرد. شكد وفيه هم فديوم تفتر الدنيا وتبعدني عنج يمكن اذا صار هذا شي بعد اكتل نفسي احسن لان انتي لمصبرتني ع هاي الدنيا رانيا. انشالله ابقه وياج لاخر يوم بعمري حتى من نمت يخلونه صفه حتى نسير وحده ع ثانيه نسوالف بامور الاخره شكد هل بنيه مجوز لازم تلكاله شي وتحشش عليه حتى الاخره ماسلمت منه زمرد. اذا انتي تتناقشين بامور الاخره حسبيه خربت بس شافتني شوي حجيت وهي جنه مدرعه تحجي وترجع ليوره ماسكتت لحد مارحت وجابولي حسن فرحان ويكمز ويدردم عود يسوالف شنو شايف مامخلين لعبه ماملعبينه بيه ثاني يوم قررت اداوم كافي صالي هواي يمكن هسة الكه رزاله معدله من الاساتذه كعدت الصبح كملت كلشي بدلت وديت حسن يم ام رانيا ورحت للجامعه بس متردده وخايفه اشوف يوسف وتوقعي طلع بمحله اول مدخلت جامعه لكيته كبالي اني ماهتميت مشيت بعدم هتمام بس بداخل كسر كلش جبير هو بس شافني عيونه نزله بسرعه فتت من يمه دخلت مخاضره وهو جان وياي بنفس المرحله كعد ورايه وع فت ليش حتى يباوعلي لان مره سويت روحي اسئل طالبه الي ورايه وعيني خطفته يباوعلي بس سويت نفسي مامنتبهتلة خلص اليوم عادي وكل الايام نفسه ماكو جديديوسف يباوعلي من بعيد واشوفه يسال برانيا من اسئله تكلي يسال عليج واني امنعه تكله شي يخصتي بس اني احس نفسي مالي خلك وكلش تعبانه والم بضهري اشتكيت لرانيا وهي باوعتلي بنضرات قلق بس اني احس نفسي مالي خلك وكلش تعبانه والم بضهري اشتكيت لرانيا وهي باوعتلي بنضرات قلق زمرد. شبيج جاي اكلج تعبانه شو خوفتيني رانيا. زمرد من يوسف....... باي يمه ادري راح احصل رزاله منجن حقجن وهم يمكن تدعن عليه بس اذا تريدن تدعن عليه ادعن هيج دعاء كون يازيليش الله يضعج وصيرين ستين كيلو وبعد ابد ماسمنين خوش دعاء #المشاغب 😎 و المطلقه 👩👦 قصه تدور احداثه حول بنت تتحرر من قيود زوجها الضالم لكن هل يمكن ان تعيش حياة سعيدة بعد طلاقها اما ..... التعديل الأخير تم بواسطة لامارا ; 23-06-19 الساعة 09:42 PM | ||||
|  |
|
22-06-19, 05:28 PM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 20 ***************** زمرد. شبيج جاي اكلج تعبانه شو خوفتيني رانيا. زمرد من يوسف تقرب عليج هم وراه نزلت عليج شهرية. زمرد. بصدمه شنو تقصدين هذا جاي يصير بيه حمل رانيا. شدراني غير انتي تعرفين نفسج زمرد. بقيت اضرب ع خدودي . صخام صخمني صخام صخمج زمرد وين جانت مضمومه الج رانيا. اوكفي شبيج تخبلتي خلي هسة نشوف يمكن مريضه او لان هي متنزل الدورة بطنج توجعج دلبسي ملابسج وامشي خلي ناخذه حسن زمرد. يمه صخام صخمني شافني احد من جوارين فايته ع دكتورة نسائيه رانيا. زمرد شبيج ولج يعني بس الحامل تروح للدكتورة وشعلينه بناس خليه تحجي عاد هسة هي ساكته مايسد حلوكهم بس التراب زمرد.بخوف وجسمي كله بارد ويرجف . شوفي اكلج رانيا اني هسة العب حبل واذا شهرية متاخره تنزل واذا طفل هم تنزله احسن شي ابقه هنا كلشي يصير واحد عرف طلعت دكتوره تعرف اهلي رانيا. ولج جاي تحجين يا حبل ياصخام حتى تموتين تره اذا حامل يمكن هسة بيه روح ويعتبر قتل دكومي يله بلكي ماكو شي كمت بدلت واني كل شويه اتراجع عن قراري طريقه كل ارجف نوب كمت احسب صاله شكد من يوسف سوة هذا الشي حسبت طلع شهر يعني راح تفوتلي شهريه مرتين ليش مانتبهت ع نفسي بس ذكرات اني كل مره تتاخر عليه يعني جنت عبالي هي هيج وابد مابالي احسب وصلنه للدكتورة بس مو القريبه ع بيتنه خفت خاف شوفني وحده من جوارين دخلت ع دكتورة بعد مدة طويله لان هواي نسوان يجنه واكثرهن حوامل سويت نفسي عود مزوجه وجاي اشوف حمل عندي لو لا سلمنه ع دكتورة اني ورانيا شايله حسن بيده دكتورة. تفضلي ماما شنو بيج زمرد. بتردد. دكتورة اني تاخرت عليه شهرية اريد اعرف صعدتني ع سديه سويلي سونر دكتورة. انتي مزوجه زمرد. بتردد. ها اي مزوجه دكتورة. خلت جهاز سونر عندج طفل لو بعدج عروسة زمرد. عندي ولد فدوه دكتورة كليلي دكتورة. اي ماما هذا طفل مبين كلش زين انتي حامل بالاسبوع الثالث كمت ابجي ماكدرت اسيطر ع نفسي باوعت ع رانيا وهم دموعه تجري وبعيونه خوف عرفت شنو نوع خوفه ومنين تخاف دكتور. باوعت علينه باستغراب . شنو شو كلبتنه بجي حسيت بيه شاكه رانيا تسارعت الموقف رانيا. لا دكتورة منريد طفل لان هي تريد تطلق من رجله وميصير تطلق اذا حامل زمرد. فدوة دكتورة نزليه الي مدام بعده صغير دكتور دنكت راسه بحزن دكتورة. ياربي سبحانك قبل شويه اجتي وحده سوت تحليل حمل وماطلع عده حمل كلبت دنيا بالبجي لان صاله ١٠ سنين مشايفه طفل وكايله رجله اذا ماطلع عندج حمل هل مرة اطلكج وانتي هسة جايتني متريدين حمل واذا دره عندج طفل مراح يتم طلاق احتار ويانه رب العالمين حرمنه من الطفال بقينه نبجي ونعترض ع امره واذا صار عدنه ومانريدهم هم نبقه نبجي ومعاجبنه بنتي يمكن هذا الحمل بيه حكمه ويرجع علاقتج ويه رجلج ربج ميسوي شي اله بيه حكمه زمرد. لا فدوه دكتورة منتراهم هواي مشاكل عدنه دكتورة. ماما عذريني ماكدر اني هاي عيادتي صاله ٢٥ سنه بيه دكتورة ابد ماسقطت طفل مو هسة اجي اسقطه وهم فوك كل هذا هو بيه نبض يعني بشر مثلنه ويعتبر قتل اسقاطه رانيا. احنا نتحمل مسؤوليه والله انتي مالج علاقه بس فدوة نزليه دكتورة. اي مسؤوليه بنتي هاي روح اني ماخاف من احد بس اخاف من رب العالمين يوم الحساب عذرني ماكدر ايست منه طلعت اني ورانيا بيده جاهل امشي بشارع بس بعالم ثاني كل تفكيري شلون اخلص من هذا الطفل ياربي خلصني منه دخلنه للبيت رانيا. شلون هسة زمرد. راح اني انزله بنفسي وخلص منه رانيا. زمرد لازم نسال سيد شيخ علمود هذا الموضوع ميصير حرام علينه قتل روح زمرد. بله المن اكول وتره مبين جوابهم حرام وراح يمنعوني احسن شي ابقه ساكته وتخلص منه قبل لا تبين بطني بعد رانيا. بتردد بكيفج رحت طلعت حبل مال ملابس صغرت وكمت اكمز بيه اجتي عليه رانيا بعصبيه جرت مني الحبل رانيا. ولج والله حرام اوكفي والله جاي اسحج سوين جريمه كعدت بالكاع صدك احس نفسي شلون جاي اكتل شخص وماعرف ليش يوكف بعيني حسن يصير تفكيري كله انو جاي انوي اقتل حسن خليت اديه ع راسي وابجي زمرد. هسة كليلي شنو الحل ويه هاي المصيبه ولج اتي هسة باعتبار زانيه مو شريفه وهذا بطني ابن حرام بقت ساكته محتاره شنو تحجي ونحس كل البواب نسدت بوجهنة هي وره ساعه كالت اروح لاهلي خاف امي تشك لان كل يوم يمج بقيت وحدي اني وحسن والف فكره بالي مرات الايام كل يوم اسوي شغله مره انضف البيت كله ومراه اصعد درج وانزله باليوم اكثر من ١٠ مرات بس ماكو لزك بطني مثل صمغ كل يوم اداوم بصرار من رانيا الي كامت ترفض انزل طفل وكل يوم دزلي معلومات عن قتل جنين وشنو عقاب رب العالمين حتى اترك هاي شغله وتقنع بيه اكل ليوسف وهو يحل الموضوع بس اني احذره حتى ماتكله اما يوسف بهاي الفتره شكد حاول يحجي وياي بس اني ماكو بس يصير كدامي اطلع من غير طريق كرهتة وهو مبين عليه تعب لحيه مكبره وعيونه جواهن سواد وحتى مو مثل قبل اذا فقدت يوسف روح للكافتريه تلكاه بيه ابد مايتركه نهار كله ياكل هسة كل مره ادخل كافتريه ماكو ومنعزل عن طلاب بس هذا كله ماهز شعره بيه امل جامعه مستوايه مو مثل قبل احضر وانجح بس مو متفوقه وانتبهت لاستاذ ياخذنه مادة كلش مهتم بيه يعني يشراح عينه عليه مرات يكومنه نشرح عملي بس باله يمي حتى كم طالبه هم كللي عليه هو ولد بعده شاب مر جبير بالعمر ومؤته ميته عرفت تفكيره بس اني بالي مو يمه دايخه بمصيبتي حتى يوسف انتبهت مره من دخلت بمحاضرة هذا الاستاذ كلي دخلي زمرد وبالعاده ميدخلون طالب الي يجي متاخر من دخلت صارت عيني ع يوسف مخنزر ويباوع ع الاستاذ بعصبيه كعدت بده الاستاذ يشرح وكان مواضيع كلش حلوة وتنطي ايجابيه شويه وكلي الاستاذ زمرد هسة انتي تخرجتي وصرتي صيدلانيه واجه مريض يريد علاج اله مال سكر زمرد. وكفت وحجيت استاذ اول شي اقيس سكر مالته الاستاذ . لا كومي لبسي صدريه مالتج وتعالي شرحي يوسف. استاذ ليش ماتكوم شباب احسن من البنات الاستاذ. وشنو تقصد مثل اني ابو بنات يوسف. لا استلذ بس اني حبيت اشرح الاستاذ. بعصبيه يله كوم شوفنه طولك كام يوسف يشرح وطاكه روحه من الاستاذ من خلصت المحاضره طلعت لزمني يوسف من ايدي يوسف. هذا شبيه كاتل نفسه هيج زمرد. واخر ايدك ومجاي افهم شنو تقصد يوسف. عصر ايدي الاستاذ شعنده هيج يباوع ويتبسملج ونضراته تريد تاكلج زمرد. اكلك شبيك انته انته كلت بنفسك استاذ يعني هو مثل والدي وثاني شي شعليك انته مو الف مره كتلك ماريد اشوف وجهك واخر عني عفته وحده ومشيت رحت لرانيا كعدنه سوه نسوالف واني اكثر وقتي ساكته بس كمت من اشوفه اكره نفسي واكول بس ارجع للبيت اله اشيل اثقل شي بالبيت حتى ينزل الطفل من رجعت للبيت بطريق البيت نتبهت ع لافته اسم دكتورة نسائيه وكلت بله خلي اروحله بلكي شوفلي حل بس رجعت للبيت للعصر اخذت حسن ورحت للدكتورة من دخلتله سولفتله ع كلشي مجذبت عليه بشي. كلت بلكي تنقهر عليه وصدك نقهرت عليه وكالت مدام طفل مو شرعي راح اسويلج كورتاج لان طفلج جبير مو مال حبوب اسقاط وهم لازم انضفلج الرحم واحسلج عمليه اتفقت وياه ع يوم يكون دوام عندي حتى اخلي حسن يم ام رانيا وهم ميحسون بيه وين رايحه اجه هذا اليوم وابد ماكلت لرانيا لان هل ايام كل ماشوفني اكمز او اشيل ثكيل تحجي تبقه صيح عليه وتكلي حرام عليج هذا بشر راح دخلين نار من وراه بس اني كل كلمه تكوله تدخل من اذن وتطلع من ثانيه كعدت من صبح خليت بجنطه الدوام صغيره ثوب بلكوه دخلته ومستمسكات بدلت حسن باوعتله بحزن حضنته خايفه اموت او اتاذه منو اله بقيت حاضنته ودموعي تجري دخلت رانيا علينه رانيا. ها خير ليش هل بجي ولج كافي مو راحت عيونج وين جنتي تخبلين وهسة جنج زومبي وصايره كلش ضعيفه زمرد. ماكو شي يله امشي مابقه وقت رحت وياه للدوام وكلت مناك اطلع حتى ماتنتبه وهم موعد العمليه ب ١٠ يعني بعد وقت اباوع ع جامه مال سيارة وحسبه تاخذني وحسبه جيبني بس كل بالي اخلص منه البطني رانيا كل شويه وكالت ماعرف خايفه من صفنتج احس عندج كلام كولي صار شي بس اني اكله ماكو شي بس اني ضايجه وصلنه كليه شويه خليته تروح عني اني بسرعه طلعت وصعدت تكسي للمستشفى ------- رانيا اليوم ابد ماعجبتني زمرد جان عندي شي بداخلي يكلي زمرد عنده شي ضامته عليه وانتبهت ع جنطته شو منفوخه بيه غراض هوايه خليته ماتحس اني شاكه بيه سويت نفسي عادية بس كتله زمرد حبابه ممكن جيبلي مي من كافتريه هاج هاي فلوس هي اخذت الفلوس وبطبيعته اني او عي دائما نارك الجنط يم بغض فهي مثل تعويد صار نسته وراحت اتي بسرعه فتحت الجنطه بيه ثوب ستغربت لفته كلش صغير حتى مايبين ومستمسكات نوب اكو بين المستمسكات راجيته مال دكتوره نسلئيه بسرعه طخت براسي شنو ناويه وقريت ع الورقه مكتوب موعد عمليه بمستشفى الفلاني رجعت الغراض بسرعه انطتني المي وتحججت اروح عندي شغل بسرعه رحت يوسف كلت ماسكت خلي تزعل وياي احسن مايصير بيه شي عاد واحد ينصحني يكلي صح جاي سويه لو خطاء وهو سبب هذا شي خلي يتحمل المسؤوليه دورت عليه بس لكيته حاجيته بالموضوع بدون مقدمات توقعته ينكر بس هو تخبل من عرف تريد تنزله يوسف. ليش ماكتيلي من البدايه رانيا. هي ماقبلت حذرتني اكلك يوسف. يله امشي بسرعه خلي نتلاحكه قبل لاسوي العمليه حقيقه تفاجئت من رده فعله اني جنت اكول بس اكله ينكر ويكول يمكن اني مو ابوه ويتهمه بشرفه بس هو صار مثل المخبل لان راح تنزله ويكلي ليش ماكتلي من البدايه رحنه للمستشفى ساعه عشره اله ربع ------ زمرد بس وصلت رحت للدكتورة وهي جهزتني كالت انتضري ربع ساعه ودخلج اجتي عليه ممرضه قاستلي ضغط والسكر وسئلتني هواي اسئله اني كلش خايفه وارجف شون بيه اول مره اسوي عمليه خايفه من البنج بس قراري ابد ماغيرته بقيت كاعده شويه احتي ممرضه كالت دكتوره كالت حضريه لبستني ملابس عمليه جردتني من ملابس يس بقيت بملابس العمليه كلش بردت كعدت بصاله الانتضار ومخليه قبوط عليه لبسته بدوام ماحس اله صوت بره يصيح ركزت ع صوت هذا يوسف يمه جابه هنا هو ميكدر يدخل لان اني بقسم صاله عمليه بس انتضار يعني بس المريض يدخله شويه دخلت الممرضه كالت هنا واحد يكول اني رجل زمرد عفيه طلعيله تره كلب دنيا راح يشوه سمعه المستشفى لان يتهمنة بقتل طفل زمرد. عوفي معليج بيه كليبه دخلت العمليه وهية مبنجه اني ماتعجبت لان عرفت منو كايله شي اكيد رانيا بس شلون عرفت راح اسوي عمليه من راحت الممرضه سمعته حاجته وهو ضرب الباب ودخل عليه اني بسرعه كمزت يوسف. اليوم انعل عشريتج تردين تنزلين ابني بدون متكليلي واخذني جرني زمرد. دوواخر عني مالك علاقه كل جاي اسويه بسببك ياحقير وهسة جاي تكلي اني غلطانه واخر عني اتركني الدكتورة طلعت تريد تكلي دخلي حتى سويلي عمليه يوسف من شافه يوسف. شون سوين عمليه اسقاط بدون توقيع الزوج هااا اله اوديج وره شمس دكتوره. يا زوج وانته مختصبه شنو هذا حجيك انته لزم هسه خليك تروح وره شمس ع هذا تصرفك يوسف. اوكي انشوف بسيطه واخذني جر واني ادفع بيه ندار عليه يوسف . والقران اذا صار ع طفل شي اله اموتج زمرد. لك شو انته جاي تحسسني اني مرتك لك هذا طفل حرام يوسف. امشييييي واخذني سحل وشفت رانيا واكفه خزرته وحركت راسي بمعنى بسيطه وكف ع راسي بدلت وطلعنه بسيارت الحقير صار هو الصخ واني الغلط حسسني بتصرفه عبالك رجلي واريد انزل طفلنه يسوق بعصبيه ورانيا ابد مباوعتلي تعرف شراح اسوي بيه رفع جهازة خابر من حجيه ملين اخوه يوسف. خويه بس عندي وياك موضوع ماعرف شنو جاوبه كمل يوسف يحجي وسولفله عني كله غلطت ويه ابنيه وهي ماله احد وعمامه اذا عرفوا يكتلوهة واني احبه كلي شصرف اخوه..... ماعرف شيكول يوسف. لا ابويه خاف يتعصب او يتخربط من يعرف اخوه..... يوسف. ها خوش الو هلة يابه ابوه........ يوسف دنك راسه مبين جاي يرزل بيه يوسف. لايابه هي مطلقه بقه يحجي وياه واني صافنه شيريد يسوي وعرفت من كلامه ناوي زواج بس اني ماريده ولا كلت بس يكمل مكالمه احجيه من كمل يوسف. زمرد اني هسة حجيت ويه اهلي وكالوا احسن شي اسويه وحتى احميج من عمامج اذا عرفوا نزوج اعقد عليج سيد زمرد. بابا انته شتحجي ماريدك ولااريد اشوف خلقتك يوسف. زمرد شويه استقري اني بس مجرد علمود طفل بره اطلكج بعد بكيفج انتي حره خوش وهاي كدام رانيا اني زواجي وياج بس احميج وطفل ماريد نتحمل ذنبه بقتله رانيا. قرارك صح زمرد. انتي اس ولا كلمه لو مانتي جان هسة خلصت العمليه يوسف . زمرد انتي غبيه شون تكتلين طفل والله العضيم انتي تتاذين وابنج شبيج بابا بس هسة قبلي بيه كوه عاد اذا عرفوا عمامج انتي حامل بس عدنه عقد سيد مراح يحجون وانتي بالغه تكدرين تقررين وحدج مراح يكدرون يحجون زمرد. وين كاعده اني بامريكه لو تركيا وقراري اخذه لوحدي وازوج بدون علمهم لك انته مقتنع بتحجيه يوسف.بس فهمي انتي مو خايفه يكتلوج اني اذا تزوجتج بعد محد اله حق يطخ شعرايه من شعرج حتى لو زوجتي بدون ميدون اني راح احميج منهم لان بعد صرتي مرتي بشرع زمرد. واني اذا زوجتك يعني حسن راح ياخذه هيثم يوسف. اني راح اسويه بس عقد سيد وحتى احول ويه عمامج ميحجون بالموضوع بقيت ساكته ماعرف شكول تورطت احس نفسي واكعه بنكره بسجن الضلم هو هم دار وجه حرك السياره واخذني لشيخ حتى يزوجنه ودك ع ولد اصدقائه حتى يشهدون ع زواج اثنين ماخلينه رانيا تشهد لان ماريد اهلها يعرفون هي تعرف خاف نسويله مشاكل رجعت للبيت ويوسف كال راح اجيب اهلي والشيخ مال العشيره وهم يحلون سالفه داومت مثل كل يوم يوسف كتله ماريدك تحجي وياي ابد وهو هم مقدر ضرفي مبتعد عني بالكليه بس بالمحاضره اشوفه ورانيا بعد ماشفته شارده مني تدري بيه اذا شفته العب بيه طوبه مر اسبوع وكلي باجر اهلي يجون ونحل المشكله يوسف. طفل عليج القران لاتاذيه مجاوبته بس شفت حوراء يمنه قريبه باوعتله بس هي تكلب بالموبايل كلت شي اكيد متكدر تسمعنه زمرد. اي ميخالف وتركته رجعت للبيت مثل الروتين للعصر ماحس اله الباب تفلش عليه واسمع صوت هيثم. ايا كلبه يا كح... فتحي الباب باييييي التعديل الأخير تم بواسطة لامارا ; 23-06-19 الساعة 09:57 PM | ||||
|
| |
|
22-06-19, 06:04 PM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 21 ---------- إذا فقدت مالك 🙏💰 فقد ضاع منك🙇♀️ شيء له قيمة،👑 وإذا فقدت شرفك 🙇♀️😿🙊 فقد ضاع منك 😿 شيء لا يقدّر بقيمة🙅♀️💰💲 وإذا فقدت الأمل 🙇♀️🌅 فقد ضاع منك كلّ شيء🙇♀️👑💰🌅😢😻🏜 🚺🚺🚺🚺🚺🚺🚺🚺🚺🚺🚺🚺🚺🚺🚺 للعصر ماحس اله الباب تفلش عليه واسمع صوت هيثم. ايا كلبه يا كح... فتحي الباب اني تخبلت هذا شيريد موذاك اليوم بالمحكمه جبتله الطفل ليش هيج يعيط فلش الباب تفلش هيثم. سويتي نفسج براسي شريفه يا الكح.. وانتي حامل مادري منين يحجي بصوت عالي كلب شارع اني بس سمعته هيج حجه تخربط وضعي هذا شلون عرف بسرعه قفلت الغرفه ع حسن وضميت القفل طلعت بره للكراج وهو يدك بالباب واسمع صوت جوارين لتمت ع صياحه متردده اريد افتحله الباب لان ناس راح تعرف واخاف ادخله لو يضربني لو ياخذ حسن شويه سمعت صوت عمي ابورانيا ابورانيا. شبيك لك تخبلت هيثم. انتو مادري ليش سترون ع هل كح.... جان جواد واكف بين ناس جواد. لك انته شكد متستحي عوف هي طليقتك بس تره هي اقاربك بنت خالك شون هيج شوه سمعته مو عيب عليك وحتى لو شاك بشي ادخل وتفاهم وياه مو هيج تفضحه وهي بنيه عايشه واحدها وناس التسمعه صدكه هيثم.شوف هذا شيرطن شنو شاك اكلكم حامل ابورانيا. اكلك مبين انته العرك مأثر عليك عديم الشرف تتهمة بشرفه مو هي مثلك العار هيثم. احسن شي مجاوبك اخليني ادك ع خوالي وهم يتصرفون وياه دك ع عمامي اني كمت ارجف ياربي شلون مصيبه واكعت بيه بقه هو واكف وناس واكف عرفت من صوتهم يحجون ويحللون بكيفهم ناس تكول خطيه شلون فضحهة وهي فقير وناس تكول لو هي ماعده شي جان فتحتله الباب ودافعت عن نفسه وناس تكول الله يستر علينه من الفضيحه والله يحمي بناتنه شويه وسمعت صوت عمامي اجوي عمي جبير بعصبيه. خير انشالله شكو جاي كل يوم هاجم عليه بحجه شكل تره ابوك انطانه حريه كال اذا ضوجكم كسروهة تكسر ماحجي ولا اكلكم ليش بس وحق ربك ساكتلك لعيون امك هيثم. اوكف اكلتني حاصل فاصل قبل لاتكسرني كسر بنت اخوك السافلة حامل تمرجل عليها عود شريتوني ع الحبل من طلكته وطلعت اني موزين وهي اكبر كح.... عمي هجم عليه. ولك شتجي انته اليوم شيخلصك مني هيثم. واخر عني طلع مراجلك عليها ابورانيا. خويه خلي ندخل للبيت وهي تحجي وتاكدلنه جذبه مالته جاينه بيه ------ رانيا جنت العصر كاعده بغرفتي سمعت امي صيح . رانيا تعالي ولج بقه هو واكف وناس واكف عرفت من صوتهم يحجون ويحللون بكيفهم . ولج هذا هيثم لم المنطقه ع المكروده زمرد .🤤ليش ماما شعنده . والله مادري مينفهم صوته بس يفشر الحقير ابوج راح يشوفه شيريد من عدهة بسرعه مديت راسي من الباب وسمع عياطه امي ماتربط كلامه بس اني بسرعه عرفت كلامه ع شنو جاي ولو اني قبل لاسمع شكيت بيه بسرعه صعدت فوك امي صاحت ورايه اني رايحه اشوف شكو لابوج يتعصب ويتعارك وياه كتلها روحي رحت دكيت ع يوسف لان لازم يجي هو يحل المصيبه رانيا.بصوت سريع الووو يوسف يوسف. الو شبيج رانيا. يوسف الحك هيثم عرف بحمل زمرد واجه فضحه بالمنطقه وخاف عمامه يجون ويكتلوه يوسف. بسرعه يله سديه اني بطريق -------- زمرد كمت اشهك من البجي خايف اذا عرفوا شراح يسون رفعت راسي للسماء يارب احميني ماعدي غيرك حتى ماعرف شلون ابرار اندك الباب واسمع صوت عمي يكول افتحي الباب زمرد رحت فتحت الباب متردده وجسمي كله يرجف واسمع حسن جوه صوته يبجي واني دموعي ماوكفت فتحته الباب دخلوا عمامي ويباوعون عليه ليش ابجي بده ع وجوهم الشك زمرد. تفضلوا جوه عمي. لا هنا نبقه بالكراج زمرد جاي يحجي هيثم صح هيثم. يله احجي يالشريفه ماهتميت لحجي هيثم ندرت لعمي بترجي ودموعي تجري زمرد.بس افهمني عمو والله مالي داخل والله نغصبت ماخلني اكمل ضربني بوكس ع وجهي عمي. ايا كلبه ياحقيره يعني صدك حامل نزلتي راسنه اجه عمي ثاني عليه جرني من شعري ونومني بالكاع بوكسيات وراجديات ويركع راسي بالصبه مالكراج عمي. ياساقطه ياتربيه سز نوب دكول نغصبت مو بعدج طفله وتنغصبين عمي جبير. واخر عنه ونزع عكاله كام يضربني بكل مكان بجسمي منو هذا احجي منوووو واني اتالوه مثل سمجه المطلعيه من المي اباوع ابو رانيا يدفع بيهم وهم يكلوله مالك علاقه انته اطلع منه وهو مستمر يدفع بيه ويبررلهم وهيثم ابعينه الشماته نوب عمامي اخذوني جر للبيت واني كلش اتاذيت لان سحلوني من شعري كمت اصراخ اااااخ يمه لحكيني اااااه يابه بس هم من اعلي صوتي يكمون يضربوني بزايد ابو رانيا يجرني من اديهم بس يدفعوه عني هيثم. كتلوهة وغسلوا عارهة هل كح حقه سوي هيج لااب يحكم ولاام عمي. ماكتله اله اعرف منو ابو هذا النغل ونزل عليه بعكال ضرب ويكلي احجي اني خليت اديه ع وجهي لان اكثر ضرب يصير ع وجهي مستمر يضرب ويغلط عليه ويكلي احجي منو ماحس اله صوت يوسف يوسف. ايا سكط اليوم احركك شلون تمد ايدك عليه رفعت راسي اباوع لزم عمي ركعه بالحايط وخنكه من ركبته بكل ثقه وقوه يوسف. انته منو وتضربه يانعال انته حتى تلزمه وانتبهت ولد وياه يدفع بعمامي لان عمامي يصيحون ويريدون يضربوه هيثم. انته الساقط مالته يا كلب وتجي بكل صلافه تضرب وتغلط يوسف. خزره اكل خ.. وانجب انته واخر عن عمي عمي. اله اغسل عارنه بيك اله اذبحك لك تلعب ويه بتنه وتجي بكل حقاره اضرب بينه اجه عليه يوسف ماهتم لعمي وهو يحجي كعد ع ركبه رفع جسمي وعمامي تغلط وسب بس احسهم خافوا وهذا صديقه واكف من هذوالة اهل عضلات ومبين من كلامه من اهل الجنوب يوسف. حبيبتي كومي ودار وجه عليهم والقران اذا صار لمرتي وابني شي اله اخليكم وره الشمس عمي. يامرتك ياسرسري اله نسويه عشائريه وخليك انته وره الشمس يوسف. هه منو انته انتو شنو من عشيره تره اعرفكم عشريه ال... حروف اسمي اكثر منكم تعرف اني ابن منو عشيرتي ال..... خمس عشاير بعشيره وحده عمي. وانعل عشيرتك وياهم الخلفوك زاني ويه بتنه وتكلي عشيره يوسف. احترم نفسك وخلي نع... بحلكك شنو زاني وياه مزوجه وعاقد عليه عقد سيد ولتكلي ماكو هيج حجي وميصير غير احنه نعرف بزواجكم تره هي بالغه ومن حقه تزوج بدون اذن ابوه حتى مو نوب عمه عمي. وشلون اصدك بيك انته مزوجه واكو عقد سيد يوسف. هاي ورقه طلبته من سيد تاكد ع زواجنه وهم هذا سيد رقمه خابره وحاجيه اذا تكلي هذه الورقه جذب اي واحد يكدر يسويه و هم باجر يجون عمامي وشيخ عشريتنه نطلبه رسمي منكم هيثم. هذا خوش لعب عمي والله خوش شو سكتوا خالي هاي فضيحه راح تنزل زمرد روسنه عمي. اسكت هيثم شوف انته(ع يوسف) وحق ربك حدكم لباجر الصبح اذا ماجبت عمامك واجيت راح اكتلك انته وياهة وريد احد يطلع وراك يوسف. كتلك عمامي وشيخ العشيره جاين باجر اني جنت كاعده يم يوسف امنت من حجه وهو يحجي بثقه وابد مانزل نفسه او حسسهم هو غلطان جنه شيخ واكف بكل ثقه تحسه مو هو المشاغب لا رجال رزن وعيونه كله عصبيه وكل شويه يباوعلي من يحجي وياهم وانطاني كلنكس كلي خلي ع خشمج جاي ينزف حسيت عبالك صدك مرته مو غلطانين بقوا عمامي يحجون وحسيتهم سكتوا من عرافوا هو من ياعشيره بس هيثم يريد يكتلني نوب كال هيثم. اني اريد ابني بعد مالج حق وراح ارفع قضيه عليج بالمحكمه اخذ حضانته فحسلج انطيناياه بلا فضايح زمرد. بصوت متعوب من الضرب. مانطيايه الك لو اموت اعرف ادفنه وياي عمي. هم الج لسان وتحجين يوسف. كتلك ماتحجي وياه وتجاوز عليه تكلك طفل مانطيه الك وع راحتك روح للمحكمه اشوف شلون تاخذه ماعقدين محكمه حتى تاخذه عمي. انته اطلع منه مالك علاقه ابوه وهو بكيفه يله رجاء اطلع بره يوسف. مو انته تطردني خوش راح اطلع بس وحق ربك خلي واحد منكم يطخ شعرع منه او يتاذه الطفل البطنه اله اشوفكم نجوم الضهر لزمني من وجهي بهمس حجه دكي عليه اذا احد طخج اني ميصير ابقه بعد باجر اجي واحل المشكله بس كليلي وين الكه ابو رانيا اشرتله بيدي لان هو ميغرفه منو باوعله يوسف. عمي ابو رانيا زمرد امانه يمك ابو رانيا. انشالله عمي لاتخاف عليه اني مثل ابوهة ماخلي احد يجيسهة طلع بس عينه عليه مبين من عيونه مايريد يروح بس ميصير يبقه وهو حتى جيته غلط حجه عمي عمي.انتي مدام اختاريتي زواج ومافكرتي بطفلج فطبج مرض بعد ماتفكرين بطفلج زمرد. حجيت بصوت مبحوح واني امشي ع جه الغرفه 😢والله اموت نفسي وماخليه ياخذه اجوي ورايه هيثم. وموته الجلاب السود فتحت اديه ع الباب مثل الحاجز صرت زمرد. هئ هئ عليكم الله بس حسن لا تعالوا كتلوني موتوني بس حسن لاتخذوه اجه عليه هيثم دفعني حيل نركعت بالكاع كام يدفع بالباب نوب كل قوته ركعه واني اسمع بجي حسن خايف من صوتنه كمت بسرعه بس احس رجليه صارت بيه رطوبه بس ماهمني لان راح ياخذ حسن دفع الباب قوي طلع حسن واكف وره الباب نركع بالباب وكام يناشغ من البجي فرفح راح شاله من الكاع واني كمت ادفع بيده واجر برجلينه حسن وعمامي الحقراء يجرون بشعر بس اني ياشعري كل بالي يم حسن هيثم طلع بيه وابو رانيا احتار شيسوي مره يواخر بعمامي عني ومره يمشي بره هيثم بس هيثم يدفعني ويمشي واني جني صمغ شكد يدفع بيه ابقه لازمه رجلين حسن طلع لشارع حسن يصرخ متاذي من ضربه اني مثل المخبله ابجي شفت يوسف مبين واكف متقصد لان كاعد بسياره هو من شافني ابجي بسرعه نزل من سياره هجم ع هيثم بس ماضربه بس من ايده لزمه بعصبيه يوسف. انته مخبل عاقل جاهل راح يموت من البجي شنو تاخذه من امه هيثم. دفعه من ايده لازمه يوسف بقوه. واخر عني حسن يرفع بديه عليه عود اخذيني يبجي وكصته ورمت اريد اخذه بس لازمه بقوه وجاي احس رجليه كله مي عرفت دم بس ماهتميت كل بالي يم حسن يوسف. لك ابو عرك انته طخني وين تريد تاخذة لشقتك الي هي بالاصل بيت دعارة تره عبالك ماعرفك كلشي اعرف عنك ومرتك بنت ليل بس اخبر صديقي ضابط يجي يفلش عليكم الشقه يله انطي طفل لامه بسرعه بدون كلام شنو بس لاتريد تبيعه حتى توفي القمار مالتك تعجبت من كلامه مبين جان مراقبه شلون عرفه عنده دين ويلعب قمار وشقه بيت دعارة حتى حسيته يعرف بسالف هيثم من راد يجيب صديقه عليه شكيت من كله تبيع حسن حتى توفي دينك يوسف. يله انطينياه هيثم انطه حسن الي وكال هيثم. اني وياج وزمن طويل يازمرد نهايتي اخذه منج اخذت حسن امسح بكصته سودة عليه ورمت صارت عبالك طوبه صغيره بس سكت من حضنته صديق يوسف.بخجل يوسف مرتك واشر عليه يوسف باوع عليه وفتح عيونه ع رجليه باوعت ع شنو يباوع لكيت تكرمون نعالي مدمر دم اخذ جاهل مني يوسف. شون ماحسيتي بنفسج امشي راح يروح الطفل اخذني من ايدي عمي حجه عمي. بصياح وين ماخذه يوسف. بنتر . ماخذه للزوراء يعني مجاي شوف شنو بيه مخلاه يحجي تركهم وصعدني بسياره وحجه لابورانيا يوسف. عمي ابو رانيا ماكو من نسوانكم تجي ويانه ابو رانيا. اي هسة يباوعلي بقلق صاح ع ابنه موسى صيح امك بسرعه تجي اني هم اروح وياك عمامي كلمن صعد بسيارته وسمعهم يكولون موته الجلاب انشالله يوسف حاجه صديقه يروح بغير سيارة اجتي بسرعه صعدت يمي وره وعمي ابو رانيا كاعد ليكدام ويوسف شايل حسن نوب انطاه لخاله كله خلي يمج وساق ام رانيا تباوعلي وترفع شعر عن وجهي بس هم احسهم يعرفوني شنو اني لو غير ناس جان كطعوا علاقتهم بيه مو صاعدين وياي وكلهم خوف وقلق عليه ام رانيا. الله لايوفقهم هسة صاروا معدلين سنين محد ذكرج وسال عليج تحجي وتمشي اديه ع وجهي وشعري وتكلي جاي تتالمين من جروحج اكله لا ابو رانيا. ليش عمي يوسف هيج البنيه شوهت سمعته ليش ماجيت من الباب يوسف. دنك راسه شيطان وسوس براسي سويت كلشي بدون تفكير ابو رانيا. والله لو ماعرفه جان ذبيت بيه صوج وكلت غرتك او عدهة سوالف بعض البنات تتموع ودلع بس هي فقيرة عايشين وياه عمر ماشفت منه شي موزين بهاي سوايتك دمرتها هسة تكول اني مزوجه ع ذمه الله ناس ماعده هيج زواج اذا مو علني يعتبر حرام يوسف جان خجلان ومحتار شنو يجاوبه مو مثل من حجه ويه عمامي حتى صار مي من الخجل بقوا يحجون ع باجر يتفاهمون شلون يحجون حسن بس يريد يحضني ويلعب بوجهي كلش يوجعني بس فاجئ كمت اشوف الاشياء سوده وعبالك الارض جاي تنهز هيج راسي يتحرك بس هو ثابت ودم ينزل مستمر شويه ماعت روحي وضربت راسي ب جامه ----- ام رانيا اني جنت مخليه حسن بيدي وشوف زمرد شويه شويه لون وجه يصير اصفر كركم براهة بقت تركز حيل وتباوع ع شارع كلت هاي شبيه من الضرب حركته ختلت احجي وياه مجاوب ام رانيا. يمه زمرد شبيج ليش مجاوبين انتبهوا عليه يوسف وابورانيا ها شبيه يوسف. زمرد شبيج تفتحين عينج هيج شو مالت راسه ركعت بجامه بسرعه لزمته من راسه ادك ع وجه ماكو وشفته صارت بيضه والوجه كركم ونوب كله دم تخبل يوسف كام يصيح خاله ليش هيج صار بيه شبيه ام رانيا. مادري بس استعجل بالطريق يمكن هواي فقدت دم ابو رانيا. ام رانيا اقري ع راسه ايات وهاج هذا بطل مي رشي ع وجه ورطبي شفتهة انطيت حسن لابو رانيا حتى اسيطر ع زمرد ونوب دم فاضت مالحكت اجيبله ملابس حتى كرسي السياره صار كله دم رشيت مي ع وجه بس ماكو خطيه يوسف تخبل حتى كام مايعرف يسوق كل شويه يريد يضرب واحد بقيت افكر بكلبي اكول ماتت لان صارت بارده والوجه كام يصير اخضر كمت ابجي ع حالته لاام يمه لااخت هل بنيه مشافت يوم راحه خلصت كل عمره مضلومه كمت ابجي ع حاله وايست منه كلت بعد ماتعيش لان شكله مايطمن رفعت راسي وحجيت بصوت مسموع. ياربي فقيره ماله احد عاشت عمره كله مكسورة لخاطر ابنه هل طفل وين يروح اذا صار عليه شي يتبهذل لخاطره رجعله امه ابو رانيا كام يتنحب ويبجي ع دعائي باوعت ع يوسف من المرايه عيونه دم وكام ميكدر يدير وجه ويباوع علينه بس عينه ع طريق وصلنه بسرعه نزل شاله مثل شيله طفل لان ماكدر يشيله من رجليه خله ع جتفه وشعره وراسه يتلولح ودم ينكط وراه عرفت مات الطفل مبين من الدم وشنو هو بس الكتل الخذته كافي دخلنه نتراكض دخلنه طوارئ بسرعه اجوي دكاتره وحسن خبص دنيا عليه عبالك يعرف هي بيه شي ادير وجه ع غير صفحه يرجع يباوعله ويبجي نوب بقيت افتر بيه اريد يسكت ماكو طوارئ حولنونه ع صاله الولاده اخذوه بسديه وهي لاحس ولاخبر بس جيكوا نفسه مابيه شي حتى دكات كلبه منتضمه دخلوها للصالة وكوه دخلوني لان محد يصير يدخل بس يوسف انطه دكتورة فلوس وهي دخلتني بس اني هي دخلوه كبلي من دخلت لكيتهن منزعاته الملابس كله ويفحصن بيه دكتورة. هاي وين جنتوا عنه ها تدرين جان منفجر الرحم وميته .طفل ميت بطنه وصاير نزيف برحم كلش قوي بقيت ساكته شحجي بقت تنضف بيه كالت راح احوله عمليه مو شغله سهلة طفل مو نازل بعده بطنه ويراد تنضيف لرحمه ام رانيا. كلشي سويله بس كون تعيش فدوة ليش هيج ماتتحرك . اي طبعا شوفي دم اريد اوكفه ماكو تلكيه مصفر عده دم روحوا جيبوا بطل دم راح اكتبلج بورقه كتبت وصاحت بعصبيه ع الممرضه تنضف المكان لان صار دم وخاصه سرير نمله دم رحت بسرعه ليوسف كتله جيبله دم هاي فصيله دمه راح بسرعه ماحسيت هو جاي بيده البطل مغطيه بوصله حتى لايتخثر يوسف. خاله ستعجلي لان يتخثر دخلي بسرعه رحت اركض انطيته اله خلتله دم نوب ضربته ابره واخذوه للعمليه هي مو عمليه فتح بطن بس داخليه يكون تنضيف الرحم من الطفل يخافون تبقه اجزاء منه وهذا شي خطر ع زمرد طلعتلهم وكتلهم الصار بقينه كاعدين خابرنه موسى يجي ياخذ حسن لان كلب دنيا بس يصرخ ممممامما وهم ملابس يجيب لزمرد وبطانيه يوسف راح كعد ع صفحه منكدر نشوفه بس مره فتت من يمه علمود للحمامات لكيته كاعد ع كرسي ومبين مطلع دعاء او قران بالموبايل ويقره ويبجي دموعه ع خدوده من شافني دنك راسه حتى لااشوفه بقينه نص ساعه ننتضر ورانيا دك عليه كالبته بجي وصريخ نوب تورطت كتله فقدت من احنه بسياره ونكعده ماكو اريده تسكت ماكو من اجه موسى اجتي وياه رانيا. 😢ماما شبيه زمرد فدوة حبابه لاجذبين عليه كولي شبيه . والله مابيه شي هسة تطلع من العمليه وانتي بنفسج شوفيه ابوه من شافه هيج منهارة مدلهة اديه وهي راحت حضنته وتبجي خلصت العمليه طلعواه خلوهة بغرفه كالت دكتورة ساعه وتصحة بقينه ماكبليه وكاعدين رانيا حاضنته وتقره ع راسه قران ويوسف يركض يجيب بالعلاجات تكتبه دكتورة شويه ودخل علينه كال يوسف. بس اريد اطلب منكم طلب ماريد من تكعد زمرد تكلوله خسرت الطفل لان راح تتركني وترفض زواجنه اتمنى متكلوله ابورانيا. لاابني احسن نكله وهي بعد تختار تبقه وياك لو تركك يوسف. شي اكيد راح تكلي ماريدك وبعد ناس مترحمه وخاصه عمامه وهيثم راح يلعبون بيه طوبه وهي ماله احد عاد اني من ازوجه بعد محد يكدر يحجي عليه بكلمه ولا يوصلله وهم باجر عمامي جايبن من راح يعرفون نزل الطفل يكلك بعد المن مزوجه فاحسن شي مانحجي بهذا الموضوع ام رانيا. صح كلامك لان راح تدمر بزايد عاد ازوجه وحتى لو فتره وطلكه بس هل فتره لازم تكون انته سند اله اتفقنه منكول الي احد وهي هم وحتى دكتورة كناله متحجي كدامه بحجه هي تنقهر وفتره اله نكله ماكلت شي بس بقت تحقق علمود الضرب الي بوجه ويوسف انطاهة فلوس حتى تسكت عذرا للدكتورات الزينات اني مجاي احجي ع كل دكتورات بس اكو هيج دكتورات البعض مو الكل مع الاسف واكو دكتورات بعيادته متاخذ منك اذا محتاج وماعدك شويه وكعدت زمرد باوعت علينه وكالت مي عطشانه يوسف بسرعه اجه عليه رفع راسه وشربه ------- زمرد من نضربت بجامه مال سياره بعد ماحسيت بشي اله وره فتره عبالك صالي يومين نايمه فتحت لكيته كله واكفه عليه وكله عيونه حمر باجيه بلعومي ناشف كتلهم اريد مي اجه عليه يوسف انطاني مي ورجعت اجتي دكتورة فحصتني كالت مابيج شي بس ساعه بعد نخليج تحت المراقبه خاف تتعبين وراحت زمرد. سقطت الطفل ام رانيا. لا يمه مابيه شي بس شويه نازل يرادله راح كم يوم وتصيرين زينه زمرد. اي لزك مثل الصمغ لان ماريده شفت يوسف دنك راسه زمرد. وين حسن رانيا. اخذه موسى شويه يفره بالشارع لان كلب الدنيا بقيت ساعه وبعدين طلعنه بس كوه امشي ماعرف شنو القصه وحس نفسي مثل من ولدت حسن عبالك جايبه بس كلت يمكن من كد الضرب نحل جسمي والدم الي خسرته صعدت سياره بصدر وانتبهت السياره من وره كله دم الكراسي كله دم حجيت بيني وبين نفسي كل هذا الدم الي نزل وهو بعد بطني رانيا وابوه وامه راحوا بتكسي لان سياره ميكدرون يكعدون بيه واخذوا حسن وياهم كعدت بصفه وطول طريق ماحجيت شي وهو كل شويه يباوعلي بس مايحجي ساكت وصلنه للبيت بقوا يمي رانيا وام رانيا باتن يمي يوسف بس وصلني وراه راح وكال باجر عمامي يجون ساعه ب٥ العصر اني حسيت نفسي نعسانه عبالك منطيني منوم بس خليت راسي نمت حتى حسن مادري عنه بقه وياهن ثاني يوم العصر ب٤ اجوي عمامي استقبلهم ابورانيا اني مادخلت الهم ولاسلمت عليهم وره ساعه اجه يوسف وعمامه يمكن دخلوا ١٥ شخص وكله معكله سلموا نوب كعدوا يسوالفون اكو شخص عمره جبير يمكن هذا شيخ كم يبرئ يوسف يحجي عن اخلاقه وتربيته ويتعذرون عمي. ابنكم تهجم ع بتنه وهي وحده والبنيه مطلقه وتعرف سمعه المطلقه شلونه بمجتمعنه مو نوب ابنك يسوي وياه علاقه مو شرعيه وتطلع حامل منه هسة تكولون هو عاقد عليه عقد سيد وين يصيرف هذا شي بامجتماعنه ونوب فوك هذا كله اجه علينه ويضرب بينه الشيخ. والله كل الحق الك بويه الغلط راكبنه من راسنه لرجلينه وحقكم علينه وشنو تردون احنا حاضرين بس خلي نحل الاموار بدون مشاكل ودام عمي. احنه هم ماريد صير شغله جبيره ومذابح بين العشاير بس طلبنه تنستر البنيه الشيخ. واحنا جاين ع هذا الموضوع نريد نخطب البنيه رسمي وجبنه شيخ ويانه يجدد العقد وتحددون حاضر وغايب من الربع الى ميه مليون شتريدون حاضرين عمي. تسلم ماريد شي والقران مقدمها وماخرها الشيخ. خلفله عليكم وماتقصرون وهذا الشي قلل من قيمتنه وكبر قدركم بقوا يسوالفون اموار عاديه وشويه كالو خلي تتحضر حتى نجدد العقد مال السيد بقيت ع نفس شكلي وملابسي عادتهم بالعقد شيخ يبقه كاعد يمهم واني اوكف وره الباب ويوسف يكعد مقابيل الباب حتى اشوفه ويشوفني حجه سيد واني مدنكه راسي وشويه الباب مفتوحه رفعت راسي ع يوسف يباوعلي من شفت وجه ذكرت حبي اله جنت شكد اطير من الفرحه من اشوفه اكول مثل الملاك بس هسة شخص ماعرفه مو هو الي ينومني ع صوته مو هو الي يسمعني كلام حلو هذا الي كدامي نفس المشاغب من اول يوم داومت وضجت من تصرفه هو نفسه راح يوسف الي جنت احبه سمعت السيد يكلي هل تقبلين ب يوسف زوج لك عمي. ابنكم تهجم ع بتنه وهي وحده والبنيه مطلقه وتعرف سمعه المطلقه شلونه بمجتمعنه مو نوب ابنك يسوي وياه علاقه مو شرعيه وتطلع حامل منه هسة تكولون هو عاقد عليه عقد سيد وين يصيرف هذا شي بامجتماعنه ونوب فوك هذا كله اجه علينه ويضرب بينه هل تقبل ب زمرد زوجه لك الشيخ. خلفله عليكم وماتقصرون وهذا الشي قلل من قيمتنه وكبر قدركم بقوا يصلون ع محمد عليه صلى وسلام وباركلي ام رانيا ورانيا بس اني عبالك ودوني للقبر اخذ موسى عصاير و كيك قدم جابته ام رانيا كالت عيب خاف يجون شنو نقدم شويه وكله راحت حتى عمامي واتفقوا ياخذني قبل العقد المحكمه علمود حسن خاف اسوي العقد وياخذه هيثم مني هاي فكره الشيخ كلش حبيته من هيج حجه وحسيت شخص عادل وحنين فحدد الزواج وره نصف السنه رجعت داومت صالي يومي بس ماحجي ويه كل شخص مخاذه وضع الصمت ويوسف خاف جنت من اشوفه بطريق ماباوعله هسة مامشي بطريق الي يمشي بيه حتى دز حلقات بيد رانيا لان هو دك عليه هواي بس مجاوبته منطيه الحلقه وكايله خلي تلبسه بس اني مالبسته وقررت يوم اخابره واحجي وياه بموضوع كلش مهم خابرته يوسف. الووو هلو زمرد زمرد.بجمود هلو يوسف. شلونج زمرد. زينه يوسف دكيت عليك اريد احجي وياك بموضوع ....... لولا الأمل في الغد لما عاش المظلوم حتى اليوم. بايييييي اليوم البارت فدشي ٣٣٠٠ كلمه اريد تعوضني بنجوم معلومه بس القمر ينور البارت بنجوم خلي نشوف شكم وحده قمررررؤ ياقمرررر انتن اموووواح بس للبنات دبدوبات ههههه التعديل الأخير تم بواسطة لامارا ; 23-06-19 الساعة 09:59 PM | ||||
|
| |
|
22-06-19, 06:06 PM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت ٢٢ _______/_______ لا تيأس فعادة ما يكون آخر مفتاح في مجموعة المفاتيح هو المناسب لفتح الباب. 😪😪😪😪😪😪😫 وقررت يوم اخابره واحجي وياه بموضوع كلش مهم خابرته يوسف. الووو هلو زمرد زمرد.بجمود هلو يوسف. شلونج زمرد. زينه يوسف دكيت عليك اريد احجي وياك بموضوع ممكن تجي عليه العصر يوسف. اي انشالله للعصر اجه ماعرف ليش رحت بدلت ملابس مرتبه مو ماريدته ليش اهتم بنفسي كدامه جنت مشسوره شعري ولبست تراكسود ماروني شتوي سحاب لحد الخصر ومكياج بسيط ولبست تراجي طوال كلش احب هيج موديل كلت للمرايه شبيج زمرد شو مستخفه بسرعه رفعت شعري سويته ذيل حصان بس مكياج جان مامبين شي كلش خفيف بس الحمره مسحته . بدلت ل حسن ندك الباب عرفت يوسف رحت فتحله الباب عطره سطرني دوخني يخبل ومن اشمه اذكر هذيج الايام الحلوة خلوا العطر ع صفحه تعالوا ع الملابس لابس اسود بدي شتائي ولحيته طولانه صح وجه حزين بس زايده رجولته و شوارب مسوي حيل رتبكت من شفته حسيت بعدني احبه واريده بعده كلبي نبضاته تسارع من اشوفه يوسف جان هم يباوع عليه عيونه من يباوعلي عبالك يصيرن العيونه ناعسه بس هو عيونه كبار حجه بنبره شوق . شلونج زمرد دنكت راسي وحجيت . زينه تفضل زمرد دنكت راسي وحجيت . زينه تفضل دخلنه وحسن اجه لاكاه يمشي مشيه البطريق يوسف. هلة هلة سونك (اني ماغلطت بس عود استاذ يوسف يحجي مثل الجهال ) شاله وكام يبوس بيه بيده علاكه حلويات خلاه بيده ورجع يبوس وحسن يلعب بلحيته اني عفتهم ورحت حضرت مي وعصير واسمع يوسف يكله اني منو حسن يبقه ساكت يرجع يوسف يكله اني بابا يله كول بابا حسن يردد وراه. با با كعدت يمه بعد ماجبت العصير كام يشرب وحسن بحضنه بيده نستله يوسف انطاهة الة اني بقيت محتارة شلون اكله سالفه شلون ابدي بيه (صفه بزمرد متعرف شلون تحجي موضوع يعني اذا عده شي وياك لازم تحضر روحه قبل يوم ) اباوع عليهم يوسف يشرب عصير وينطي لحسن ويغمسله البسكت بالعصير زمرد.لا انطينياه مجاي يخليك تشرب ردت اخذه يوسف. لا لا عليج الله عوفي ماعدي شي زمرد. مو لعب طوبه يوسف. اني صدك اضوج من جاهل بس حسوني ناشف شكله وفعاله مال جبير مو طفل عمره سنه شوفي شلون ياكل البسكته يقصد لان ياكل بسكتايه شويه شويه ياكله حسن زمرد. لعد شنو قابل يخليه كله بحلكه تره كل جهال هيج يوسف. يمعوده ياكل الجهال وداعتج عدنه يمكن ٢٠ جاهل والامهات ماسيطر عليهم تتورط تعوف اكله بثلاجه لو بمكان شيفطوهة شفط مثل المكنسه الكهربائيه زمرد. تحجي صدك ٢٠ جاهل هاي شلون تعرفون اسميهم يوسف. عوفي الاسامي اني كلهم اصيحلهم حنوش لاع تعين منو يجي بيهم انعم الله بس تعالي مرات نتيه بيهم اذا طلعوا بشارع ويرجعون بليل اني مره لكيتهم بشارع ودنيا المغرب مو كلهم اعرفهم واكو بيهم حتى ماعرفه ابن منو من اخواني فاني تعصبت وكلهم اخذتهم للبيت كله راحت لامهاته بس اكو جاهل بقه واكف بالكراج ويبجي كلت هذا شبيه صحت ع وحده من نسوان اخوتي كتله هذا دخليه كلب دنيا كالت يااا هذا موالنه ابن جيران شبعت ضحك ومرت اخويه سكرت من ضحك نوب فتحتله الباب شرد جنه اسير زمرد. عليك الله متعرف هذا ابن جيران يعني ماتفرق بين جهال اخوك لازم كل واحد منهم يشبه امه وابوه ولازم اخوانك بيهم اختلاف عن بعض يوسف. يمعوده كله تشابه كله سمر ومجولحين ونفس الخشم بعد شلون افرق بينهم زمرد. ههههه وكلكم نفس البيت يعني اخوانك معازلين يوسف. لا بس اثنين عازلين بس بصفنه ونهار كله يمنه خواني وجهالهم صار الريوك يمنه غده يمنه عشا يمنه بس النومه يرحون بقه يسولف ع اهلة وتفاصيل عائلته ندمجت وياه ونسيت كلشي كل مره يسولف ينسيني كلشي يوسف. زمرد شنو الموضوع الي كتيلي عليه زمرد. (همزين ذكرني) حم يوسف اريد اكلك ع موضوع زواجنه يوسف. بتركيز. اي شنو شبيه زواجنه زمرد. احنه صار زواجنه مو مثل اي زواج واني وياك مانتراهم انته صح غلطت بس مو عدل انته ترتبط بمطلقه وانته بنفسك كلت اني ماحب مطلقه ولا راح اتقبله ومن جه ثانيه راح يكون زواجنه بس عقد شيخ فافضل يكون زواجنه فتره مؤقته مده تسعه شهور اجيب ابنك وبعدين كل شخص يروح بطريقه يوسف. يعني زمرد انتي متحبني زمرد. يوسف انته سويته مو بس اذاني ودمرني هم كرهني بيك تدري كمت اكول كل الحجي الي كاله جذب كله تمثيل انته وهيثم دمرتوني اثنينكم ضربتوني الضربه القاضيه بس تدري اني اشكركم لان علمتوني درس وهو بعد مامن باي بشر مهما كان قريب عليك انتوا الاثنين قريبين عليه جان هيثم ابن عمتي وانته جنت حبيبي يوسف. زمرد كلامج جاي يدمرني والله ليش ماريدج اني لو ماريدج مجان اجيتج بهذيج الليله ولاتكليلي مجرد شهوة والله العظيم هيج تصرفت من كتيلي راح ارجع لهيثم تخبلت كلت راح تعوفيني لان متكدرين تركين ابنج ماكدرت اسيطر ع نفسي بس وحق ربج اتمنى اموت من شفتج متاذيه كرهت نفسي من انهاريتي وطردتيني ماشفت راحه طلعت بس جسد روحي يمج خايف عليج وايست بعد ترجع علاقتنه بس من اجتني رانيا وكالت زمرد حامل فرحت وكلت هذا الطفل راح يربطني بيج زمرد. كلشي فكرت بيه بس مافكرت بسمعتي بفضيحتي بسببك عمامي ضربوني وعتبروني مامتربايه وسبوني وسبوا امي وابويه تشوه وجهي امشي بالكليه وكله تباوعلي باستغراب وهذا كله بجه والجوارين بجه دمروني بكلامهم كله هذا مافكرت بيه تدري ليش فكرت بس بنفسك لانك شخص اناني وتفكر بس بنفسك يوسف هذا الكتلك عليه عاجبك اهلا وسهلا ماعجبك براحتك يوسف.هز راسه بقبول. ميخالف هذا شي من حقج واني راح انفذه يله اني اروح سلم عليه وطلع وجه جان حزين رجعت للبيت حسن يباوع ع بيبي اني بيه حالة اذا وكفت دنيا بيه اروح ع زاويه الغرفه اكعد يمه وحضن كل جسمي وبقه اهز بنفسي مثل حركه الكاروك احس شلون تنطيني امان استقرار هادئ ماكو جديد مده شهر اداوم نفس كل يوم مده شهر ويوسف بس سلام بينه ورانيا وياي داوم مثل الروتين بس مرات صير المرسال بيني وبين يوسف عمتي ام هيثم بعد مادكت عليه زعلانه مني ميس تخابرني وابد مجابت طاري للموضوع عبالك ولا تدري بس اني اعرف يعرفن بس ليش ساكتات مادري بيوم رجعت من دوام حسيت بالالم بطني مثل الالم شهرية كلت بس لاطفل صار عليه شي وره ربع ساعه نزل عليه دم مثل الشهرية خفت لاجاهل ينزل خابرت ام رانيا اسئلها زمرد. خاله شو جاي ينزل عليه دم ام رانيا.برتباك هاااا بس لا طفل تاذه شنو وكعتي شلتي شي ثكيل زمرد.لا ابد ماشلت شي كاعده وساكته ام رانيا. اني هسة دقايق اخبر صديقتي دكتورة واشوف شنو تكول """" ام رانيا من خابرتني ارتبكت كلت بله شكله خاف تعرف بس كلت خلي اسوي نفسي دكيت ع دكتورة ورجع ادك عليه وكله كلتلي دكتورة شي بسيط ام رانيا. الو زمرد زمرد. هلو خاله . بنتي خابرته كالت اذا جان دم يننزل مثل الدوره لونه فهذا شي عادي لاتخاف اكو نسوان تحمل وعادي تنزل عليه شهرية . خاله وين اكو هيج حجي شو مصارت بيه من حملت بحسن . لا عادي هواي هيج حوامل وتنزل شهرية عليهن واذا ع حسن فحمل يختلف عن حمل يمكن ببطنج بنيه فشي اكيد مراح تكون مثل اعراض الولد بس يمه استقري ابقي نايمه وابد لاتتحركين سديته منه بس مامقتنعه بكلامه رحت كتبت ع انترنت طلع صدك اكو هيج حوامل يصير بيه اني بقيت نايمه وبليل اخلي مخاد بس اكول بلكي ينزل وحده واخلص بدت امتحانات نصف السنه بقيت ادرس باجتهاد لان هواي محاضرات فاتتني بأخر امتحان اجه يوسف عليه يوسف. شلونج زمرد زمرد. زينه يوسف. اليوم راح يجون اهلي ابويه واختي الي عرفتج عليه حتى تجهزين نفسج شنو تحتاجين وابره يومين نروح نسوي عرس هناك يم اهلي زمرد. انشالله هل بيهم بس شوكت يجون حتى احضر نفسي يوسف. بالليل يجون بس يسلمون عليج وثاني يوم نطلع نجهز الغراض بس شغلات بسيطه ناخذ لان مناك نشتري جهاز العرس زمرد. بكيفكم نوب سلم عليه وراح واني رجعت ويه رانيا للبيت وكتله تجي يمي بس هي ماقبلت كالت عيب اني شكو حاشره نفسي وياج استحي منهم ناس غربه حضرت سويت كيك اقدمه الهم من يجون بليل ساعه ب٨ اجوي رحت فتحتلهم الباب ابو يوسف. سلام عليكم زمرد. وعليكم سلام تفضلوا اهلا وسهلا بيكم دخلوا ابو يوسف رجال جبير لابس لبس عربي شيب مالي لحيته وبنته نفسه الي عرفني عليه يوسف وانتبهت ع يوسف مرتب لحيته مامزينه بس محدده مبين هسة جاي من الحلاق يلمع وجه بيه ابتسامه كعدوا بالاستقبال حسن دخل عليهم ابو يوسف. هلوو جدو تعال اخذه بحضنه حسن محبوب وحركاته يخلي واحد يحبه كعدت وياهم بعد ماقدمتلهم عصاير وكيك وحسيت باخته ثكيله مو مثل هذيج المره تضحك وسوالف هسة كاعده وساكته كام يسوالف ابو يوسف ويسالني عن اهلي وشلون ماتوا بقيت اسولفله وكل مره اباوع ع يوسف الكاه صافن بيه شفت عمي ابو يوسف نقهر من سوالفتله عن اهلي ابو يوسف. بنتي مدام انتي مرت ابني بعد اني هم مثل ابوج انشالله يعوضج يوسف عن كل الي صار بيج ومو عبالج عمامج كالو مهر مالتج قران واني رضيت صح هو القران يعادل فلوس دنيا بس المقدم والمأخر ضمان للبنيه فاحنه من طلعنه كلت للشيخ يكتبلج ١٠ ب١٠ اني تمنيت نزوجك زواج محكمه بس شنسوي علمود طفلج خاف طليقج ياخذه منج بالمحكمه زمرد. ماتقصر عمو . لا بنتي هذا حق الله اني هم عندي بنات وماقبل هيج يصير بيهن فهسة اجيناج حتى تحضرين نفسج ونشتريلج كم شغله وناخذج هناك نكملج الشغلات المهمة يعني بعد يومين نستأذن من عمامج وناخذج دنكت راسي شكول مادري بس هو مبين من كلامه رجال مثقف وحباب مثل من جان يسولف عليه يوسف وابد مجابوا طاري للسالفه حملي خاف اضوج وهم شغله انتبهتلة ابد ماانتبهلي لان ملابسه حجاب او حجه بهيج موضوع عرفت يوسف كايللهم ومفهم وره ساعه راحوا ونطوني فلوس ١٠٠ الف هم رادو ينطوني ٥٠٠ بس اني كتلهم ١٠٠ كافيه لان هم عدهم شغل مراحوا وياي ثاني يوم رحت ويه رانيا وامه للسوك جبت مكياج وعطور ودشاديش نبهتني عليه ام رانيا اني نسيت ردت اشتري تراكسود وهم اشتريت لحسن ملابس ماشترينه سيتات نوم هنا يعرفن اتفاقي ويه يوسف كملنه كلش ورجعنه وهنا حضرن نفسهن حتى يروحن وياي لان محد راح يروح وياي ميصير اروح وحدي اجه يوم الي لازم نسافر بيه استأذنوا من عمامي راحولهم لبيتهم وحتى ماكلفوا نفسهم يجون يسلمون عليه او واحد منهم يروح وياي وهم مايدرون ام رانيا راح تروح وياي جان كالوا وحده من نسوانهم تجي وياي بس يله هم قبل سئلوا عليه و اريد هسة يسالون اتفق وياي يوسف من الليل احضر نفسي هم اني كلت لام رانيا حتى تكمل شغلاته حضرنه نفسنه من ال٥ الصبح اجونه ب٦ يوسف وابوه واخته ورجله سياره جبيره حتى تكفيلنه كعدت اني ورانيا ليوره نحب هاي الخانه وحسن بحضني وام رانيا كعدت يم اخت يوسف تسوالف وياه ورجله كعد بصف ابو يوسف ويوسف كاعد بالكرسي الي يصير وره السايق بس ضهرة علينه اني لبست بنطرون ولبسه طويله وشعري سويته ضفيره هنديه المكياج كل عاده خفيف كل شويه يوسف عود يسوي نفسه يحجي ويه اخته حتى يباوعلي رانيا الوتيه مراقبته فكام كل مره من يندار تسويله هلو بيده وتضحك وهو كبل يدير وجه مايتحمل يضحك اني بلكوه الزم نفسي خاف يطلع صوت ضحكتي موتتني كل شويه وحجت شي لو تقلد ع شخص وحده من سوالفه تعبنه من طريق وكله نامت بس سايق وهي واني فسيطره فتنه من يمه رفعت ايده وخذتلهم استعداد وهذا شرطي الواكف كام يضحك واكو بعيدين جنود هم شافوه كاموا يضحكون ربك كله نايمه جان حصلتله رزاله بعد طول الطريق وصلنه لبيتهم جان عباره عن بيت وداير مدايره اشجار نبك ونخل والبيوت معدوده الي بصفهم وكله نفس الشي ونفس الديكور هم كل بيت كدامه اشجار بس مبينه البيوت مساحته جبيره كالو يله نزلوا كلش جنت مرتبكه ناس ماعرفه الي رايحتله رايحة لمجهول ماعرف راح يكون مرغوب بيه او لا باييييي انتظروا بارت جديد وحياه جديده تنتظر زمرد غير عن العاشته التعديل الأخير تم بواسطة لامارا ; 23-06-19 الساعة 10:02 PM | ||||
|
| |
|
22-06-19, 06:08 PM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 23 ^^^^^^^^^^^^^^^ زمرد نزلنه للبيت انتبهت يوسف تباطئ بمشيه حتى يجي يوكف يمي من اتقرب مني حجه بصوت ناصي يوسف. زمرد هسة راح اعرفج ع اهلي عندي اخواني لازم تكليلهم بأسم ابنائهم هذا عدنه نوع من انواع الاحترام زمرد. حاضر دخلنه وهو بقه واكف بصفي الاستقبال جان مملي نسوان ورياجيل اني بهيج مواقف صير الدنيا ضلمه اموت من الخجل مو نوب كله جاي تباوعلي اباوع اكو خمسه ولد عرفتهم اخوان يوسف لان اكو شبه بس يوسف حلو هم متعوبين مبين ع وجوهم هذا شي كلهم اجوي باسوا راس ابوهم نوب سلموا ع يوسف ورجل اختهم واختهم وعلينه اني وام رانيا ورانيا وسلمنه ع البنات بدون ماعرف منو هاي وشصير منه سلم وطلع كبل بس عرفت ام يوسف لان جبير بالعمر والباقي كله بنات شابات او بعمري واكبر يوسف. اجه وكف يمي وكللهم زمرد ام حسن انشالله اصير مرتي ويتم زواجنه ع خير الكل انشاالله يوسف. وام رانيا جارته من طفولة وبحساب امه لان زمرد اهلة متوفين من هي صغيره وصديقته رانيا مثل الاخوات واكثر اجوي وياه لان ماعده احد الكل . كل الهلا بيهم يوسف. زمرد اعرفج ع امي واخويه الجبير ابو مصطفى ومرته هاي. اكلجن كل وحده تجي توكف يم رجله اخاف اتيه بيجن الكل ههههه لعد صالك شكد مفاركنه هو ضحك وكمل واخويه الثاني ابو علي ومرته هاي والثالث اخويه ابو حسن ومرته هاي والرابع اخويه ابو كرار ومرته هاي والخامس اخويه ابو مؤمل ومرته هاي تنفس قوي وحجه ويه طفل كله خايب كوم جيبلي مي نكطع كلبي وهي كله تضحك وانتبهت ع ابوه مندمج وياه ويضحك ع سوالفه جنت ماخذه ع الرياجيل الكبار الي بالمحافضات وخاصه هو ابويوسف توقتع راح يكون عصبي ومن ندخل بس هو يحجي وياهم ويكون صارم بس صار غير الي فكرت بيه كلها سوالف وهو هم وياهم ويضحك ويشاقه ويه ولده كلش عجبني اسلوبه اني يوسف من يعرفني عليهم بس ابتسم كلش خجلت واخاف اغلط ع كوله رانيا تكول بهيج مواقف اكول بدل سلام عليكم سم عليكم ابو مصطفى (اخو يوسف) هلة بيج تشرفنه بمعرفتج حسبينه مثل اخوتج شنو تحتاجين وتكولين احنا حاضرين خاف يوسف فديوم ماموجود يقصر بشي ولو هو معدل وهي مرتي هم مثلج يتيمه امه متوفيه ام مصطفى. حسبيني اختج حبيبتي ام مصطفى وجه محبوب ومن الوجوه الي تضحك ودبدوبه كلش شكله وكلامه وجه حلو ابويوسف. يله بويه كومن شني نيتجن ماسون اكل تره كتلني الجوع واخذن البنات خلي يغسلن يبدلن تره الطريق طويل لازم هسة تعبن صدك تعبت وخايف ع طفل الي بطني كلت نوب يسويه الحض وينزل هسة بس محسيت بوجع او اي شي وحسن بس يباوع ساكت مستغراب يكلك خلصت عمري مكابل بس امي ورانيا وامه هاي الناس منين طلعتلي النسوان كله كامت واحنا وياهن باوعت ع ام رانيا شكله فرحانه بالجواء اخذتنه اخته فوق الي اجتي ويانه اسمه فاطمه ابنه اسمه يوسف ع اسم خاله فراح اسميه باسمه حتى لادوخون لغرفه وكالت هاي غرفتج زمرد بدلن ملابسجن وهذا حمام غسلن اشكرنه منها وطلعت من الغرفه وسدت الباب وراه بقيت اباوع ع الغرفه كلش حلوه والاثاث راقي والي شد انتباهي اكو جربايه مال طفل يوسف حاسب حسن وياي فرحت حيل يعني متقبل وجود حسن قطع تفكيري صوت رانيا الي متمدده ع جربايه رانيا. ااخ يمه متت من تعب شنو عبالك رايحه للمريخ يمه ضهري ام رانيا. ولج كومي عيب هسة احد يجي يله بسرعه نبدل ونروح نكعد يمهم لبسن دشاديش بسرعه تحركن اني بدلت لحسن و لبست ثوب كلش حلو طلع عليه ومريح رانيا هم وخاله هم غيرت ملابسه بس بقت بالعباية واحنا نبدل دك عليه ابو رانيا وسئله علينه وع طبع اهل يوسف وهي سولفتله ع استقبالهم النه وبقت تحمد بيهم خلصت المكالمه ونزلنه جوه تلكتنه فاطمه كالت تعالن لهاي الغرفه كعدن حتى نصب غده وهم اعرفجن اكثر ع البنات حسيت بيه مراغبه انو مطلقه تكون زوجه اخوه بس مابينت انزعاجه بس حقه اني اصلا خجلانه وحس الي جاي يصير محلو عروسه وابني بيدي وحامل دخلنه الغرفه لكيت بيه ام يوسف كعدنه يمه وهم نفس بنته هم ضايجه بس هي مبين عليه اكثر واضح من شكله وتحجي كوه بس مبين مو بيده الحجي فساكته فاطمه . زمرد هاي اختي الجبيره اية مزوجه ابن عمي حبه واخذه واختي هدى الصغر منه هم مزوجه بس غريب واختي ريام هم زوجت وزوجه كردي حبوا بعض بالكليه وهي مو هنا عايشه بسليمانيه وشويه تنسه تكوم تحجي كردي خاف ماتفهمين شي غلسي لان احنه هم مرات تبقه ترطن علينه كردي وخاصه من تتعصب ريام. هههه لاوالله اني احجي عربي زين بس بعد لساني اخذ على كلامهم زمرد. اصلا شي حلو واحد يعرف لغتين بس جهالج شنو كلامهم ريام. حجيهم كردي بس مرات يلفضون كلمات عربيه بس اكثر شي كردي بس اني كلش مزعوجه من هذا شي لان راح ياثر عليهم من يكبرون لان الغه الكردي مو مثل العربيه وخاص بالوضيفه او عمال اخر يعني لغه العربيه هي اهم من لغه الكردي فجاي احول وياهم يحجون عربي زمرد. اي والله صح كلامج خليهم يختلطون ويه اطفال اخواتج يخابروهم يحجون وياهم حتى لسانهم ياخذ ع الكلام مدام بعدهم صغار ام مصطفى . يمعودة وين يحجون ويه جهالنه البارحه عود كلت لابني ماما روح العب ويه ابن عمتك خطيه محد يسولف وياه ويلعب وياه يكلي ماما شلعب وياه اكله هلو يرطن عليه مادري يسبني مادري شيحجي ويكلي ماما هذا كاكا كردي مايفهم كلامي كلنه ضحكنه ع كلامه كلنه نسوالف وبس ام يوسف ساكته كامن حضرن الغده احنه بقينه كاعدين اخذوا غده للرياجيل وحد عنه لان مكان ميكفي وجهال هواية صدك لو كال يوسف جهال فوج عدد مو طبيعي واكثر من ٢٠ طفل لان هسة جهال بناتهم وياهم باوعت لحسن حبيبي نام بحضني من تعب همزين عندي بسكت بالجنطه انطيه اكلهم وشرب ممه حليب اني لازم اوكله بس استحيت اكوللهم خليته بحضني وره ربع ساعه دخلت ام مصطفى وبيده سفرة بس شافت حسن نايم بحضني كالت ام مصطفى. يااا سودة عليه نام جوعان خطيه زمرد. لا اسم الله عليج لا وكلته بسكت وشربته حليب ام مصطفى. تحجي وهي تفرش السفرة. اليوم تاخرنه عذرونه شلعنه كلبكم من جوع بس علما نضفنه الباجات وطبخناهن بهاي الاثناء دخلن البنات وبديهن الاكل ام رانيا. لا ياعمري شنو القصه وليش هيج مكلفين نفسكم والله هواي تره احنه اهل بغداد فخذ دجاج هواي ام مصطفى . يااا تحجين صدك وهم احنه اليوم سوينه هذا الاكل لان وصانه يوسف يكول يحبون الباجه وخاصه التشريب مال الباجه ذكرت من جنت اكله احب تشريب باجه ابتسمت مناسي كلشي اكله عليه كله كعدت ع السفرة البنات والجهال البنات يمنه والولد يم الرياجيل ماشالله السفرة متكونه من باجه وتمن ودجاج احمر وفواكه ومركه لحم صفرة ردت اكل وحسن نايم بحضني ام مصطفى. عيني ماتكدرين تاكلين وابنج بحضنج شو انطيني خلي اخذه انومه بغرفتكم زمرد. لا ياعمري ابقي اكلي اني هسة اصعده بس اكو احد حتى افوت كلهن لاعمري صعدي محد كله جاي تاكل وحتى اذا مكملين راح يبقون كاعدين بالاستقبال يم الشيخ شلت حسن وصعدت نومته ع جربايه وغطيته بس رفعت راسي لكيت يوسف واكف يم الباب يباوع عليه وجه بيه ابتسامه خافيه والمصيبه مو هنا المصيبه لابس دشادشه تخبل جوزيه طلع يملخ كوه لزمت نفسي سد الباب اجه عليه بس شفته بده يتقرب مني كلبي كام يدك بسرعه والجو صار حار صار مقابيلي يوسف. حلو الغرفه عجبتج عذريني ماكدرت اخذ رائيج لان جبته بسرعه واحنا هم مابقين هنا زمرد. لا حلوه وشكله راقي . احجي برتباك اجه تقرب عليه ولزام اصابع اديه حجه بصوت خله كل حواسي تذوب نبرته بيه حنيه حسيت كلاماته حضنتني . زمرد طالعه تخبلين اليوم اسعد بشر بالكون احلى يوم بعمري شكد جنت انتضره هذا اليوم من اجيبج لغرفتي وصيرين قريبه عليه كل يوم اصبح بوجهج بعد ميحتاج احضن القمصله الي بيه عطرج واشتمه حتى اتخيل انتي لحضنج بعد ماتعذب بليل من احلم بيج واكعد من حلمي مقهور لان يطلع حلم زمرد احبج اتقرب من شفتي وباسه ع كيف جانت البوسه رقيقه وعصر اديه بقوة ونوب باس خدي ونزل ع ركبتي ونفسه حار وحسيت دكات كلبه كلش سريع عبالك يركض اني رحت لعالم ثاني نسيت اتفاقي وكلشي نسيت ماصحيت اله من حجه يم اذني فتحت عيوني باوعتله حجه ويتنفس قوي وصوته مال واحد تعبان يوسف. زمرد نزلي انتي وجودج يمي عذاب ماكدر اسيطر من اشوفج واني وعتدج والرجال مايخلف بوعده بسرعه تركت ونزلت ميته خجل بله هسة شكلهم شكد عيب بس نزلت كله حجت وين صرتي زمرد. هااا مو حسن من صعدته كعد فبقيت اناوم بيه اله نزلت يله تعالي اكلي برد اكلج بس برد خلي نحميه زمرد. لا احبه بارد اصلا كعدت اكل واني بالي شارد اذكر من كلي احضن القمصله يقصد القمصله الي انطانياه من مطرت عليه معقولة باقي بيه العطر يعني ماغسله وكل جسمي يرجف من اذكر الصار ياربي شلون راح اتركه او نفذ الاتفاق اذا هو بس اشوفه انسه كلشي واكوم ماكدر اتحرك عبالك مشلولة كملنه غده وكالت ام مصطفى العصر نروح للسوك نجيب الشغلات التحتاجيه ونشوف البدلات لان عود الاربعاء يسون الحنه بس اخروها للخميس لان مامكملين شغلاتنه بقينه نسوالف وام يوسف ضايجه حتى انتبهت عليه ام رانيا ورانيا كالن مبينه متريدج ونسوان حمايه الي بالبيت مو عازلات ام حسن وام كرار وام مؤمل وحتى كاعدات صفه مبين علاقتهن قويه وحده تحب الثاني وحتى ام علي وام مصطفى حبابات هنا كعدن يمي وياهن ام مصطفى لان حمواتي كلهن نامن تعبانات من الشغل وحت رانيا وامه فرشولهن بالغرفه ونامن وام علي ابنه صغير ومينام اله ع فراشه راحت لبيته هي عازلة ام مؤمل . شعجب رجلج الاول مااخذ ابنج زمرد. حجيت بخجل . لان عقد سيد مراح يكدر ياخذه مني اله عقد محكمة ام حسن. اكلج انتي شعجب متلبسين حجاب شنو انتي طائفتج عذريني ع سؤال بس مثل متعرفين صار كلشي بسرعه حتى مانعرف اسمج لحد البارحه اله عرفته زمرد. لا اني مثل طائفتكم والحجاب مو بطائفه ام كرار. بغيض. اي هم رياجيل يحبون هيج ماتعجبهم المستوره حجت اخر كلمتين بصوت ناصي بس اني مو غبيه حتى ماسمعته وهم ماكدرت احجي لان اني خطار وعيب ارد عليه ام مصطفى سمعت الكالته وحتى نسوان حمويني بس ام مصطفى حسيته ضاجت من كلامه وغيرت الموضوع حجت سوالف عاديه بس بقيت مقهورة من ام كرار ليش الي ماتلبس حجاب يعتبروه موزينه وهي ليش هيج ضايجه مني شويه حجت ام مصطفى . اكلج زمرد انتي جبتي ملابس الج يعني اريد اعرف شنو ناقص حتى نروح للسوك كلشي نجيب زمرد. اي جبت شغلات الي احتاجها وهنا هسة بجنطه فوك مخليتهن ام مصطفى. يا جان خليتيهن بالكنتور مالتج حرامات هسة تلكيهن متعقجات زمرد. لا جنطه جبيره ومصفطتهن بترتيب ام مصطفى . لعد يله خيه صعدي بدلي مابقه وقت وابنج لاتاخذيه وياج خلي ام رانيا هنا وهي تبقه يمه زمرد. اي خوش . رحت كعدت رانيا حتى تروح وياي وصيت ام رانيا تبقي يمه حسن وهي كالت حبابه خذني وياجن فوك اريد ادخل للحمام استحي هنا انزع عباتي صدك قبل لا نصعد سئلت جهال اكو احد فوك كالوا لا الولد كلهم طلعوا من زمان عدهم شغل صعدنه وحسن كعد بدلتله اني لبست بنطرون ولبسه طويله فوكه وشعري سويته ذيل حصان و ونزلت اني ورانيا وعمتي شايله حسن بيده سمعنه صوت ام يوسف تحجي ولج شتقبله مطلقه وابنه بحضنه وحامل فاطمه. وهسة احنه عاجبنه اخونه يزوج وحده مطلقه بس شنسوي مدام هو رايده هم انتي تقبليه يايمه وهي تكلهم ماتقبله شناقصه ابني كله تتمناه ماحب بس هل مطلقه من سمعت حجيه بلعومي تجرح اختنكت دمعتي صارت بطرف عيني بسرعه رجعت للغرفه واجني رانيا وخاله ورايه لزمتني ام رانيا من كتفي . يمه لاضوجين انتي بس العطله تخلص ترجعين لبغداد تكملين دراسه فلاتهتمين لكلامهم اهم شي رجلج واني جاي اشوف يوسف موبس يحبج ميت عليج فصبري وربج رحيم ماينسه عبده تذكرين من زوجتي هيثم جان هو موزين وياج ويعاملج بحقاره و اهلة يموتون عليج بلكي هسة العكس يوسف يحبج واهلة يكرهوج يمه خلي عندج امل حقج هواي تأذيتي ولاشفتي يوم راحه بس دائما تفألي يمكن بلحضه تجيج هدية من رب العالمين تغير كل حياتج بس شوفين نفسج مخنوكه كولي ربي وكلتك امري يله بنيتي مسحي دمعتج خلي ننزل جوه وسوي نفسج مسامعه شي وغلسي ع كلشي سمعيه واعرفج تربيتي انتي عاقله ورزنه ومعدلة وراح تخليهم يموتون عليج خلت اديه ع اخدودي وكامت تمسح بيهن بحنيه وباستني من راسي زمرد. بوست اديه . خاله تدرين ليش بس انتي اكلج خاله لان احسج اخت امي حقيقيه مو جارته بس الخاله تكون حنينه بعد الام ع جهال اخته واني ماشفت من خالتي هذا شي انتي دائما تساعديني وتعلميني حسبتيني وحده من بناتج الله يفرحج بحفادج يارب ترجلعلج بنتج بيده حفيدج ام رانيا. فدوة لهل حلك اي والله كون افرح بحفيدي تعلعل كلبي عليه ومشتاقتله كملت حجي وباوعنه باتجاه رانيا عبالنه تبجي لان صوت بجي طلعت كاعده ع جربايه ولزمه كلنه بيده شلون ام كلثوم وتمسح عود بدموع تقلد علينه رانيا. هي هي (عود تبجي بجيه العجايز) لماذا توقفتوا استمري استمري بس كللي بعد كم حلقه ويخلص المسلسل الهندي من الحب ماقتل اكلجن اني يمجن شنو بايسكل عطلان واير خربان وانتي شو تدعين لاختي واني صديقتج حتى مادعيتي عليه ام رانيا. بجاه كلمن عنده جاه يزوجج واحد يكومج بكتله ويكعدج بكتله رانيا. اي صدك ع طاري الكتل من ردت اغسل فسمعت صوت الشيخ كاعد بالاستقبال يمه ياصوته عالي ومبين عليه عصبي فديته تمنيت مفتوح الباب جان غمزتله وخليته يمع عليه زمرد شنو هل ثقه ام رانيا . لا كليله شنو هل صلافه والوكاحه 😒 رانيا.😫 محد يشاقه وياج ابد ام رانيا. يله خلي ننزل عيب شيكولن علينه حسن سودة عليه كل شويه سويتله حليب استحي اطلب وحتى ام رانيا تستحي تكلهم فبقه يشرب حليب وعندي بسكت اوكله همزين جبت بجنطه حلويات من نزلنه ع الدرج صار مقابيلنه يوسف جاي يصعد سويناله مجال حتى يفوت لان مبين مستعجل اني صايره بنص ام رانيا كدامي نازله بايه ورانيا ورايه هو من فات من يمي كرص ايدي وابتسم اني فتحت عيني رانيا من شافته هيج سوه رانيا. بصوت ناصي حمممم حممم هو فات من يمه وحجه بصوت ناصي يوسف. وسم وشحط شوكت اله يخلصني منج اني ضحكت دائما يكله من جانت تكعد يمنه رانيا شايف من تاكلين سمج ويطلع بالفه عضم هسة انتي مثل هذا العضم وهي تبقه تكمز بسرعه ينرفزه اختصار رحنه للسوك اني ورانيا ويانه ام مصطفى واخذنه يوسف للسوك وكل لبسه دشادشه وحسيته احلى من البنطرون عليه بس هو بكلشي يخبل نوب مشغل اغنيه مال قاسم سلطان فدوة طولة يخبل كلوله ام مصطفى كاعده يمه بصدر هي ماقبلت بس اني احترام اله لان هي اكبر مني وهو فرح حتى يشوفني بالمرايه بس اني خبثت وياه وختلت وره الكرسي ومايكدر يحرك المرايه يستحي من مرت اخوه شبعت رانيا ضحك تسوكنه هواي شغلت وهو ويانه للن السوك بس رياجيل من دخلنه للبدلات اجرت بدله للحنه تخبل ماروني وجربته جوه وهو مشافه بس ام مصطفى ورانيا ام مصطفى. كون نصيح يوسف خطيه يلوب خلي شويه يبرد نار كلبه بهذا المنضر رانيا. حتى ياخذه ويشرد لفندق خليه رجال ساكت اذا شوفناه يصير حاله حال صايم الي كدامه اكل طيب وهو جوعان ام مصطفى. دهر صابج صدك والله نزعت البدله وهم ختاريت بدله عرس بيضه حلوة لبسته طلعت تخبل ام مصطفى . هاي الشامه الي بكتفج كلش حلوة الله يكون بعونك ياحماية اني ضحكت وباوعت ع نفسي كلش حلوة البدله ونعومه جسمي مامبينه عليه مزوجه واتي هاي الفتره ضعفت صرت هل كدوتني انطينه البدلة لصاحب المحل وكام ينطيني بركع العرس وكفت ع المرايه مخليه بالمحل خليت بركع ع وجهي نريد واحد يناسب الصور هاي فكره ام مصطفى تكول اكو لقطه عندي انتي وياه دخلين البركع تخبل من اخلي البركع ع وجهي حت نشوفه حلوة يوسف يباوعلي صاير ورايه كاعد ع كرسياني اشوفه بالمريه يباوعلي وياخذ نفس قوي اخر شي اكو بركع يصير بيه لمعه بسيطه اني من خليته ع وجهي باوعت ع يوسف هو ابتسم وغمزلي عود حلو وهنا هم كالن يخبل سو وجهج حلو اخذناه واخذنه الكسسوارات كرستال الحلو باصحاب المحلات بس تدخل هو يطلع مايبقه يخليك ع راحتك و مأمن لان واحد يعرف ثاني خلصنه ورحنه وراه للملابس داخليه من ردنه ندخل اجه يمي يوسف بصوت ناصي يوسف . هاا زمرد تره اني مالي علاقه بتصرفاتي اذا لبستي من هاي شغلات خلي بعلمج دخلت للمحل خجلانه بله هسة شيكول عليه بقت ام مصطفى تختار وكله تروح للمفضوح نوب اخذت الثوب المصري ع كوله رانيا سميه رقصني ياجدع وهي احتارت شسوي كل ماشوف صوره فاضحه وتضحك بس متخلي ام مصطفى شوفه تسوي نفسه كدامه فقير ومترفع راسه وخجلانه من المكان شكله فدشي يصير خلصنه كلشي وشتريت سيت نوم ابيض ليله العرس البسه رجعنه للبيت وحمواتي صعدن فوك كلهن يرتبن بالغراض وجناين ناس تحضر عشا وناس تجي تاخذله نضره ع الملابس وتروح تكمل شغله بس ام كرار مصعدت ماعرف ليش بس كلت يمكن عنده شغل وحسن موكلته ام علي من جنا بالسوك من خلصنه عشا كال عمي ابو يوسف يابه انتي ميصير تبقين بنفس البيت الي بيه يوسف فاحسن روحي هل يومين بيت ابو مصطفى وحتى الحنه مال البنات بيتكم ابومصطفى. اي مابيه شي بيتي فارغ محد بيه حتى يبقن ع راحتهن لان متقيدات هنا ام مصطفى. جانت كاعده يمنه كالت بصوت ناصي. اي همزين هناك بيتنه هدواء حتى تنامين يلعروسه وراج حصبه وجدري بقينه كاعدين منجمعين كله حتى رجوله حمواتي ماعدهم عيب او ميصير معتبريهم من اهل البيت وهما خلوقين وانتبهت ع يوسف يحجي مثل حجيهم يعني حجي اهل الجنوب مو مثل بالكليه واني المتعوده علية مثل جان يكول شنو .هسة يكول شني لعد. هسة يكول جا شني سالفه بويه لان. هسو يكول جيف واكو هواي بس هذني شدني وبقن بالي بال٩ بليل حضرنه غراضنه و يزسف بس يباوع علينه والفرحه بعيونه وام يوسف سكته بس اذا احد حجه وياها جاوبه وهم ام كرار كلش ضايجه مني واليضوج صافات وياه ام حسن وام مؤمل بس لو اعرف ليش هيج كارهتني رحنه ويه ام مصطفى يمه شكد معدلة وحبابه فدوة لكلبه وام علي هم نفسه بس ام مصطفى هي دايره البيت وهي لكل بكل حتى عمتي ام يوسف تعجبه تصرفاته وتكله انتي صرفي شنو شوفيه احسن ومناسب سويه يعني هي صح عازله عنهم بس هم تشتغل وياهن ونهار كله يمهم ام علي فقير صوته ماينسمع كل هاي فترة كعدنه بس تتبسم مبين هادئ بيت ام مصطفى بقينه وحدنه حتى حماي راح لبيت اخوه ابو علي لان ام علي دكت ع ام كصطفى تكله النه يمج مكان وردتله كل الهلا بيج اذا ماكو مكان افرشلج روحي رحنه ويه ام مصطفى يمه شكد معدلة وحبابه فدوة لكلبه وام علي هم نفسه بس ام مصطفى هي دايره البيت وهي لكل بكل حتى عمتي ام يوسف تعجبه تصرفاته وتكله انتي صرفي شنو شوفيه احسن ومناسب سويه يعني هي صح عازله عنهم بس هم تشتغل وياهن ونهار كله يمهم ام علي فقير صوته ماينسمع كل هاي فترة كعدنه بس تتبسم مبين هادئ بيت ام مصطفى بقينه وحدنه حتى حماي راح لبيت اخوه ابو علي لان ام علي دكت ع ام كصطفى تكله النه يمج مكان وردتله كل الهلا بيج اذا ماكو مكان افرشلج روحي ام مصطفى ٥ اطفال عده اثنين بنات وحده ١٠ سنوات وحده ٨ وثلاثه ولد جبير ١٥ والصغر منه ١١ وثالث ٥ سنين ام علي ٤ اطفال ابنيه وثلاثن ولد ماعرف اعمارهم لان دوخه حتى اشكالهم مو هلكد بس بنت ام علي اسمه زينب وبنات ام مصطفى فاطمه ومعصومه ارتاحينه ونتحرك براحتنه وهي اسلوبه حلو اجتماعي بقينه سهرانين للوحده نضحك ونسولف وهنا طلعن يحشن ويزرعن اذا رجولتهن ماموجودين وكالن يلبسن وزار (عبايه ييشدنه ع خصرهن بطريقه هنا يعرفنه) واصرت رانيا تلبسه وزرنه وشبعنه ضحك عليه ماعرف ملايكله وهي حركاته تخزي نطينه من الضحك وام رانيا بس توصي بيهن عليه وتكلهن حسبنه اختجن وهنا يكلله نخليه بعيونه ولا تخلين بالج يمه راح نفهمهة ع شغلنه وتقاليدنه امني اختصار الاحداث ل يوم الحنه رحنه بالعشرة وحسن بقه يم ام رانيا واحنا بصالون وياي ام مصطفى ورانيا فدك موبايل ام مصطفى باوعت ع جهاز كالت هذا يوسف خاف دك عليج وهي تحجي نكطع زمرد. لا جان دك ع موبايلي رحت دورت بالجنطه لكيت داك عليه ٢٠ مره وموبايلي صامت خفت ليش يدك عليه ماعدنه شي مهم يخليه يدك عليه هل كد بسرعه خابرته زمرد. هلو يوسف يوسف . هلو ليش هيج ادك عليجن مجاوبن شلعتن كلبي زمرد. مادري جان صامت خو ماكو شي يوسف. لا ماكو بس ردت انبهج ع شي ابد لاتخلين وحده صورج ايه كان ديري بالج حتى اختي هم اذا صورتج منعيه زمرد. عيب يوسف بله شيكولن عليه من اكله عفيه لاصوريني يوسف . يبوو احسن شي انطيني ام مصطفى هي انطيته الموبايل كتله يريد يحجي وياج جاوبته يوسف. ام مصطفى خويه اريد منج تحرصين ع الصور ماكو وحده صور صح هي مو محجبه بس مو معناه يشوفه غيري وخاصه هسة صايره الفضايح مال العراس بفلس تعال وتفرج ام مصطفى. لاتفكر ابد بعد سالفه يمي يوسف. وهو جيف اعرفج معدلة كتلج خلصت مكياج ورجعنه للبيت اجه علينه ابو مصطفى واني غطيت نفسي ماطلع شي مني بدات الحفلة وناس تجي ومرت الشيخ اجتي وبناته وجناينه وكله تباوع عليه وتحجيه بهمس ماعرف شنو بس مرت شيخ هاي جبير بالعمر من سلمت عليه كالت اكول يوسف اخذ الشيخ وعمامه وخبص الدنيا عمي حقه عاداتهم تجي ملايه وتسوي صفكات وكولات وهنا بس يصفكن والبنات الشابات يركصن بنص حسن مره اكعده بحضني ومره تاخذ ام مصطفى مني وام رانيا بس ماقبل يطلع اخاف عليه يضيع بين جهال خلصت الحفلة المغرب كله راحت اني بدلت البدله وكعدنه تعشينه جناين كله وحمواتي بس اني ماكلت خجلنه و خايف من جاي كلش مرتبكه وبالي مو صافي بقن يتوسلن بيه بس ماقبلت من شالوا الاكل رحت للمطبخ ردت اخذ مي حار حتى اسوي حليب لحسن بس قبل لا دخل سمعت ..... باي حنافيش بارت طويل ٣٣١٧ كلمه اليوم حبيت احجيلكم عن عائلة يوسف وكلشي حجيته مو عبالكم بس مجرد سرد لا اله اهميه بحياه زمرد الجايه والله خلص الانترنت وكلبت دنيا ع رجلي كتله يمه شيخلصني من زلوشاتي غير يشرني ع الحبل التعديل الأخير تم بواسطة لامارا ; 23-06-19 الساعة 10:08 PM | ||||
|
| |
|
22-06-19, 06:10 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 24 ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، خلصت الحفلة المغرب كله راحت اني بدلت البدله وكعدنه تعشينه جناين كله وحمواتي بس اني مااكلت خجلنه و خايف من جاي كلش مرتبكه وبالي مو صافي بقن يتوسلن بيه بس ماقبلت من شالوا الاكل رحت للمطبخ ردت اخذ مي حار حتى اسوي حليب لحسن بس قبل لا دخل سمعت صوت ام كرار ام كرار. خرب حض اختي هسة جانت بدال هاي المطلقة سودة عليه شبعت قهر من عرفت يوسف راح يزوج ام مؤمل. اي والله خطية جان شكد يحبه وهي تحبه نضربوا عين وخله كل واحد بطريق ام كرار. مادقتني بس هل مطلقة مصدكه نفسه عروسة مسوية نفسه عود خجلانه هي لو تستحي جان مخلته ينام وياه قبل لايزوجه ام حسن. يمعودات سكتن لاتسمعنه ام مصطفى ماتقبل نحجي عليه ماهتميت لان جان عنده حبيبه كل شخص عنده ماضي ملازم نضوج او نغار ع شي مجنه موجودين بيه واذا هو جان يحب لعد اني جنت مزوجه بس القهرني من يكولن مطلقه و لو تستحي جان مخلته ينام وياه وهنا يدرن يعرفن بسالفه وشلون يوسف اجاني واغتصبني ليش هيج يحجن علية وهنا حتى مشايفات مني لا خير ولا شر حرك كلبي كلامهن جنت شارده كمزني صوت جهال كله صيح عمه يمكن بيهم ١٠ وكله اصيح عمه وتباوعلي زمرد. ها عمه شكو كلهم. عمه عمه عمو يوسف يكول خلي تبدل لحسن زمرد. بتعجب وليش يريدني ابد حسن كله حجت ناس تكول يريد ياخذه يشتريله حلويات وناس تكول يريد يبوسه وناس تكول يريد بالحنه يركص ضحكت عليهم كله تحجي وتلهث لان جانوا يركضون وتحليلاتهم الغريبه كلت هو مشغول بالحنه شيسوي بحسن رحت عليه بدلتله بدون ماعرف ليش شويه واجاني جاهل صغير الجاهل. خالة خالو يوسف واكف بالباب يريد حسن كلي جيبه جانت كله يمي نسوان وكله سمعت شكال زمرد. حبيبي لا وين ياخذه هو طفل صغير وهسة ملتهي بالحنة ينسه نفسه ويعوف بمكان ويضيع بهاي الهوسة وانتوا يمكم هذا النهر خاف يوكع بيه كله ضحكت اني استغربت ليش ضحكن ريام. ياااا يانهر هذا منيلنه نهر بس لاتقصدين شنفه (مثل الحفر الجبيره ناس سويه وتمليه مي للزارعة حتى اذا نكطع المي تاخذ منه) الي يم بيتنه زمرد. اي شفته من وصلنه بس جنه نهر حيل جبير وكوه عبرناها ريام. ههههه لا هذا مو نهر وصح ديربالج ابنج يمشي خاف يروحله ام مصطفى. عيني روحي انطي حسن بيد يوسف وانتي وصيه مدام هو موجود احسن شي اخذت حسن ورحت لكيته واكف يم الباب وداير وجه ع شارع لبس قميص اصفر وبنطرون جوزي اني جنت لابسه كلبيه خليجيه وشعري ومكياجي قوي لان اني كل عمري اخلي شي خفيف بعده بس تسريحه فاتحته والشعر نازل مبيرمن حجيته وهو داير وجه زمرد. هلو يوسف صدك تريد حسن بسرعه ندار مامتوقع اني راح اطلعله باوعلي من فوك ليجوه وحجه بشغب ونضره وكيحه يوسف.😉 هلو شلونج اووف هي شنو تره زمرد جاي تلعبين بنار وتتعدين حدود الوعد شنو ناوية تغيرين رائيج زمرد. خجلت من نضرته. هاا لا بس اجيت اسئلك ليش تريد حسن وانته عندك خطار يوسف. اي صدك نسيتيني انطينياه بسرعه اريد اخذه وياي غير ابني واخليه بحضني واخذه من ايدي وبوسه ويكله اعذرني ماشفتك ويباوعلي ويبتسم وحسن يلعب بلحيته ويضحك لان بس يوصل اصبعه يم شفايف يعضه وحسن يكركر زمرد. شكرا يوسف لان جاي تهتم بحسن وحاسبه مثل ابنك يوسف. لا هو ابني وبعد لاشكريني مدام صرتي مرتي مابينه شكر زمرد. انشالله يوسف. يله احنه نروح بس خلي ارتب شعرة حسوني حسوني كول بابا حسن. با با يوسف. عفيه بوليدي . اخذه وراح يمشي ويعضعض بخدودة حسن يضحك اني دخلت فرحانه من افعال يوسف وخاصه من يعامل حسن باسلوب حلو لان حسن وحيد ماله احد وخاصه ماعنده اب ولا شاف حنان الاب بلكي الله يعوضه بيوسف نوب انتبهت ع نفسي وكلت شحجي اني هو بس راح اجيب اترك يوسف يعني مباقيه وياه العمر كله يمكن حتى حسن من يكبر ميذكره اختصار الاحداث الى يوم العرس ليوم العرس اجه ابو رانيا للعرس وهو من اجتي الزفه تاخذني من بيت ام علي لان شويه بعيد مسافه وهم قريب ع صالون من نريد نصعد بسيارة حتى نروح للفندق اجه علية ابو رانيا باسني براسي ابو رانيا. والله ادعيلج كل صلاة وكول ربي يسهل امرج انشالله ماشوفين بس راحه والفرح ويه يوسف وانشالله الذرية الصالحه يارب ادموعي نزلن شفت بيه حنيه ابويه نزلت ع اديه بستهن لان يما ساعدني بيهن يما شال ابني بيهن يما طبطب ع كتفي من احزن اذكر مرة جنت بدوام وحسن شويه مصخن مامنتضرني شايله وريح للمركز صحي جايبله علاجات ومشتريله حلويات وطوبة رفعت راسي زمرد. 😢 مانسه فضلكم عليه صرتولي اهل من اهلي تركوني اول بيت ستنجدت بيه وحتى يحميني من هيثم بيتكم وتبنيتوني من عمامي تبروا مني وحتى ماسئلتوني ثقيتوا بيه ومانطيتوا بيه وبقيتوا دافعولي والله حتى اهلي مجان هيج عاملوني جان هم حجوا عليه لاموني 😢 ابو رانيا. يبجي كافي بنيتي دموعج غالية مسح وجه وباوع ع يوسف اني مدنكه راسي ابو رانيا. بشقه خاف تكول ماله اهل وتبقه تأذيه ع ابو محد يسال عليه والقران اطيح حضك يوسف.هههه بخجل لا عمي زمرد بعيوني بس عمي تره تهديدك مو من صالحك انته بكاعي وديربالك تره نصكك ابو رانيا. هههه انااخوك نسيت اني وحيد فريد عمي اني اعتذر يوسف.هههه لا عمي انته المعزب واحنه ضيوك وباسه من راسه واني اشكركم ع هاي الزمرده صح انتوا مو اهلة بس عاشت وياكم اكثر ماعاشت ويه اهلة وتربت وياكم وشكرك هم ماضلمتني واحترمتني اجه ابو رانيا اخذ ايدي وخله بيد يوسف كل جسمي رجف وحتى يوسف حسيت من نضراته الي بين بيهن الخجل والارتباك ابو رانيا. يله ابني توكل بالله واخذ مرتك طلع ابو رانيا خلن عليه البرنص مخلو شي يطلع مني ويوسف باوع عليه من جميع الجهات خاف طالع شي وكله هاي نسوان واكف تباوع وناس تسولف وناس تهوس اخر شي رانيا طكت روحه كل شويه وكله طالع منا غطيه يمكن بالخمس دقايق بقت سوي بالبرنص وهو ثواني مو فدشي رانيا ماكدرت تسكت رانيا.بهمس اكلك ليش ماجيب شبنتوا وطابوك خلي نبنيه يوسف. ههههه ماتكدرين تسكتين اله ذبين كلمه اني انتبهت ع حسن بحضن خاله اشرتله جيبه بوسته وكتله فدوة خلي بالج يمه مو بليل يفز ويمشي وانتي نايمه وهي طمنتني وكلتلي لاتخلين بالج يمه طلعنه من البيت متجنت خايفه اذكر من هيثم اجه كلبي يدك ورجفت بطني نمغصت هسة كلبي مرتاح ماعرف ليش بس العرفه مرتاحه مطمئنه وايده لزمه ايدي بحنان واصبعة الابهام يحركه ع ايدي بمعنى يكلي اطمئني اني يمج صعدنه سياره هو ساق واني بصدر كعدت يمه حركنه وكل سيارات ورانه تمشي جان فاتح اغنيه وحدة وحدة محمد حماقي من يوصل مقطع (بيوم وليله اخذتني ع مشمي وكنت راضي دحنه يبدوب بقول يهادي امال لو فات شهر هي يحصل ايه )يغني وياه ويكول اي والله غيرت كياني وخلص طريق كله يسوق ويه صديقه بخبال لو يلف سياره ويخليه صير ترابه وراه بس اني احب سرعه ابقه اضحك بس بدون ميسمع صوتي بس مره ساق يمكن ٢٠٠ كلش سريع واني من كد الفرحه ضحكت وطلع صوت ضحكتي هو باوعلي يوسف. يبووو شوف الضحكه شتعل عمي نزلنه نصور يبووو احتار شيسوي مبل المصورة حتى كلتله اول مرة يجيني عريس هيج جريء ومامرتبك يعني تكله تقرب من وجه وباوع ع عيونه يكله فهية كل شويه تعيد تصوير تريد تاخذ احلى وحده هو يكله مو والله راحت روحي يله كملي لو من تريد يصور يطلع لسانه لو يحول عيونه شبعت ضحك واني نطيت يعني اني بس اريده تكمل لان تعبت رجليه وهو يلزمني من خصري فحيل متوتره وهو يجي يسوي هاي الحركات فطسني من ضحك بعد عناء كملنه التصوير رحنه للفندق بس صعدنه كله راحت دخلنه الغرفه بس دخلنه رتبكت لان اعرف بنفسي اضعف كدامه وماريد يصير زوجي بس هو كال اني رجال واذا وعدت اوفي يعني مراح يلزمني اني ماجذب عليكم وكلكم ماريده واكره اذا كلت هيج فاني جذابه لان كلبي ذايب بيه وميته علية واحبي اله بخبال واليوم عندي احلى يوم بحياتي بس من اذكر كلامه ع المطلقه ومايتقبله اتراجع واكول هو ازوجني حتى يصلح غلطة و لان حامل منه وحتى من تقرب مني مجرد شهوة واني ماريد يحبني علمود شهوة او غريزه وثاني شي هو شاب بعده صغير شنو ذنبه ماخذله وحده مطلقه لازم بنفسه ابنيه يكون هو اول واحد توكع بحضانه ويكون اول فارس يحتل مملكته قطع تفكيري يوسف. زمرد وين رحتي زمرد. لا بس اباوع ع الغرفة يوسف. حبيبتي لاتخافين وتفكرين بهاي الشغلة مدام وعدتج امني غلطت مرة وجبرتج علية بس هسة بعد ماغلط راح اخليج انتي تقررين شنو ترديه اوكي حبيبتي يله هسة روحي بدلي وتوضي خلي نصلي ابويه طلعلي جريده واني كيفت عاد شويه انشغل بشي حتى انام بسرعه ردت اروح للحمام حجه يوسف. ها زمرد صدك تردين اساعدج بشي زمرد. بخجل لا اني اكدر دخلت للحمام فتحت البدله نزعته غسلت جسمي بس لان تسريحه مافاتحته بعدني من كملت انتبهت مجايبه ملابس وياي للحمام احنا جبنه ويانه جنطه سوته ريام لان ملابسي بيتهم مديت راسي من وره الباب . يوسف عفية انطيني ملابس ومنشفه من الجنطه نسيت اهذهن . هسة اسمعه كام يدور بيهن شويه وجاني مد ايده من وره الباب جايب سيت نوم الابيض . لا يوسف هذا ماريده . اي مو دورت بس لكيت هذا المشكك وملابس مال طلعه . صددك . اكلج مو اكو جادر صلاه لبسي هاي الملابس وهو لبسيه عليهن . اي خوش فكر فدوة جيبه ولو تعبتك . تعبج راحه بس اهم شي الستر الستر هنتلة بينه تره لازم روحي كوه كلامه يخليني اصخن انطاني واني لبست السيت وهم فتحت التسريحه لان ميصير وفوكه الجادر نشلع كلبي خلصت غسلت المكياج وتوضيت طلعت لكيته مكمل صلاه بس يقره قران صرت بصفه وصليت هو بس كمل كعد ع جربايه اني بقيت اسبح وادعي وقريت قران من خلصت اني مو متعوده بس اخلص صلاه انزع جادر فعبالك ماخذه ايدي نسيت وكفت وسحبته اريد انزعه ويوسف صاح . هوب هوب الله بالخير شنو نسيتي اني تصنمت بمكاني وجهي مغطه بجادر يبوو هسة شيكول غميت نفسي بسرعه رجعته هو من شافني خجلانه . ههههههه اني عبالي راح تهجمين عليه (حجه بتنغوص عود يقلد ) زمرد عفيه تره اني اخجل ماما ماتقبل اباوع هيج شغلات اني من فشله رحت للحمام وهو يضحك علية وره شويه طلعت لكيته يكلب بالموبايل اني رحت كعدت ع قنفه واصير مقابيله بلازمه كعدت اباوع ع مسلسل اني نعسانه بس مستحيه اروح بصفه انام حسيته صعبه وهم جادر ميخليني مرتاحه بقيت اباوع وحتى كمت اغفي . زمرد تعالي نامي هنا وباوعي .لا ماعدي شي مرتاحه هنا . شنو مرتاحه تره مرتين نمتي وفزيتي كومي اصريت ابقه كاعده ماحسيت ع نفسي بعد نمت ع قنفه كعدني ادين يوسف وهو يشيلني اني بسرعه فتحت عيوني . لا لا نزلني كعدت مجاوبني لحد مانزلني ع سرير وكلي اني راح اطفي ابضوية وانتي نزعي جادر لان راح يقيدج بنومه مخلني احجي راح طفه كل الضويه صارت ضلمه وهو فتح لايت موبايله حتى يجي للسرير نام اني نزعت الجادر وغطيت نفسي وره دقايق غفيت لان حيل تعبانه 😉😉😉 يوسف صح اتفقت وياه وعدته غفيت بس وره ساعه كعدت كمت ع كيف شغلت ضوه احمر ناصي نايمه جنه ملاك هو هذا اليوم الي جنت افكر بيه بس مو هيج ردته تمنيته تنام بحضني هي مامتقبلتني بسبب الي سويته بيها بس اعرفه بعده تحبني وكلت مدام تحبني اخليه براحته هي تجي الي بس مبين مراح اكدر اشوفه كدامي وابقه كاعد عاقل نزلت الغطه عنه لبسه سيت نوم طالع كل شي مجرد خيوط بقيت اباوع ع وجه وكلبي محترك ماكدرت الزم نفسي اخذت شفته بشغف وقوة هي بسرعه كعدت بس اني مخليته تتحرك 😶😶😶😶 زمرد جنت نايمه وحسيت شفتي نكرصت بسرعه فتحت عيوني صار بوجهي ردت اكوم عنه بس هو لزمني من اديه بقوة وزاد كرهت حركته عاد الحالة نفسه اني بسرعه عضيت شفته وهو كمز وواخر عني زمرد.بعصبيه. ليش هيج سويت لعد وين وعدك ومالزمج واخليج براحتج يوسف مارجع كل شويه اكلك احنه فتره ونطلق تره بس هذا الي رابطني بيك (اشرت ع بطني )بس اجيبه حتى ما خليه يمي لحضه بس ينزل من بطني انطيكياه واطلق ماحجه شي بس وجه يجدح نار اخذ سويج سياره قفل الباب ونزل بقيت كاعده وحجيت ويه نفسي اي خليني اصير قاسية احسن خلي يكهرني وينفر مني حتى من اتركه ماتأذه خليني اني انفره لان رجال متسمحله كرامته اذا نفرته فيكوم ميتقرب مني ليل كله كاعده مقهورة بجيت لحد مامليت ردت الهي نفسي بشي ماريد انام هم خايف لان وحدي وبالي يمه بس عرفت هو راح بسيارة كعد كلبت بالقنوات لكيت فلم مصري لتامر حسني نور عيني جان بادي نصه بقيت اباوعله لحد لقطه من يموت اخوه ويكوم يغني يمه اني حتى صوتي طلع كمت اشهك وكعت ع جرح باي كلش تاثرت بشهد ابو رانيا من زمرد بوست ايده اكتب وابجي الله يساعده التعديل الأخير تم بواسطة لامارا ; 23-06-19 الساعة 10:12 PM | ||||
|
| |
|
22-06-19, 06:11 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 25 ******** زمرد ليل كله كاعده مقهورة بجيت لحد مامليت ردت الهي نفسي بشي ماريد انام هم خايف لان وحدي وبالي يمه بس عرفت هو راح بسيارة كعد كلبت بالقنوات لكيت فلم مصري لتامر حسني نور عيني جان بادي نصه بقيت اباوعله لحد لقطه من يموت اخوه ويكوم يغني اني حتى صوتي طلع كمت اشهك وكعت ع جرح ماجاي اعرف شريد مامتقبله يكون يمي بس ماكدر اتركه ل٥ الصبح كاعده وهو ماكو والموبايله مغلق ٥ ونص الصبح دخل مبين ع وجه العصبيه والعصب الي برقبته مبين من بعيد ابد مباوعلي ولاعبالك اني موجوده كبل راح ع سرير شويه لزم موبايلة وخلاه ع الميز ونام بقيت كاعده ع قنفه ومادري شلوت غفيت اني عبالي كاعده لان جنت اباوع ع تلفزوين ع فلم بس من شفته مخلص وبادي غيرة عرفت صالي هواي نايمه انتبهت يوسف مو ع السرير رحت يم الحمام سمعت صوت مي مفتوح عرفته جوه من طلع هم ساكت جان مبدل بالحمام لابس قميص وبنطرون من ردت ادخل حمام يوسف. 😑حضري نفسج بسرعه حتى نرجع للبيت مجاوبت دخلت للحمام واخذت وياي ملابس غسلت وبدلت بنطرون جينز وقميص طويل ابيض وبيه ورد احمر ناعم خليت مكياج شويه قوي ولبست عدسات شي اكيد راح الكه ناس اقربهم وبيت الشيخ لان الي عرفته ام كرار من اقارب الشسخ بس ماعرف بنته اخته لان بالحنه هي كاعده وياهن وتسولف ويه لزاتهم وتضحك مو مثل باقي نسوان حماي ردت اشسور شعري بس ماكو ناسيات يخلنه بجنطه سويت ضفيره هندية صارت حلوة ويه لبس والمكياج بسرعه بسرعه بدلت وكل بالي يم حسن خفت خاف يرحون رانيا واهلها من الفجر ويخلوه يم احد طلعنه من الفندق اخذت البدله خلاه بسيارة وره وهو سلكت ولاكلمه حجه وجه هيج 😡 وبس يباوع ع طريق طلعنه ساعه ب٧ غباشه بس من وصلنه اني عبالي ندخل نلكهم نايمين بس كله واكف بره وشفت طلي بديهم يوسف بس نزلنه غير وجه من 😡الى☺ من شفته كلت بكلبي يا هذا مو توه وجه جان مايكصه سيف هسة شغيره اني هم خليت ع وجهي ابتسامه بس وصلنه تباركوله اخوته وابوه واكو رجال جبير اكبر من ابو يوسف واكف بصفه مبين عليه الهيبة والشموخ عرفته من شكله الشيخ سلم عليه يوسف الشيخ. هلة بويه مبروك ماشوف بس الخير يوسف. رحم الله والديك واشرلي اسلم لان اني جنت واكفه ع صفحه زمرد. سلم عليكم الشيخ . وعليكم سلام ورحمه هلة بوية مبروك انشالله الذرية الصالحة زمرد. شكرا ورحت سلمت ع عمي ابو يوسف وبست راسه هاي حركه تعلمته من نسوان حماي مره اجه واني بيت ام مصطفى وباسته ام صطفى وام علي من راسه هو باوعلي وابتسم ويوسف ابتسم باعجاب ذبحوا طلي جوه رجلنه مجان اكو غريب بس الشيخ وابو رانيا وحتى رجولة حمواتي مطالعين باقين بالاستقبال دخلنه جوه هم دخلوا للاستقبال واني دخلت للمطبخ وكله تلكتني حمواتي ونسوان حماي وخالة ام رانيا ورانيا وحسن كله تبارك واخذت حسن من رانيا ابوس بيه نوب دخلت سلمت ع عمتي بالغرفه وهي نفسه كوة ترد السلام بقيت كاعده بالغرفه تريكنه نوب رانيا واهلها راحوا توسلوا بيهم يبقون ع غده ماقبلوا وعمي ابو يوسف مخلاهم يرحون فارغين دز ولدهم يلكطولهم من البستان مخضر خلولهم المخضر بكونيه مال تمن متروسه كوه تنشال اجتي رانيا بصفي وحجت بصوت ناصي ورانيا. زمرد اليوم بس اوصل اروح اكعد بسوك وابيع بربع بربع زمرد. هههه ولاتفوتج سالفه رانيا. مالله هداج وعفتي طنكورتج وسوالفج العاوية زمرد. لا رانيا. مداج انتي مو وجه نعمه تحبين التعب يوسف يحبج لاتخسريه سكتت مجاوبته نوب سلموا علينه وراحوا بقيت كاعده خطار سجي وخطار يروح نسوان عمامهم ومرت الشيخ حتى ماكدرت اصعد ابدل راحت روحي من الاسئله واني اكلي قليل استحي ونعسانه كمت كوة افتح عيوني ع نفس كعدتي من ٨ الصبحح لحد ١٢الضهر بس اكوم من اسلم ع نسوان وحسن كاعد بحضني ميكوم همزين ريام حماتي عده طفل بعمرة فمن جيب اكل توكل ابنه اصيحله ياكل وياه بس ماخليه يروح بعيد اله كدامي يكعد نوب وره شويه وسمعت ولد صح صغير بس ميدخل مكان بيه نسوان اهلة معلميه كل الولد هيج معلميهم حجه من وره الباب عمه ام حسن انطيني حسن ابوه يريده جان يمنه مرت الشيخ وبناتهة وجناينه ٣ اني استغربت منو ابوه نوب بسرعه عرفت يوسف وعرفت دز جاهل وهو كله احجي هيج زمرد. اي هسة الطفل. خاله يكول خلي تلبسه دشادشة استأذنت منهن ورحت صعدت عمتي حيل ضاجت من حجه جاهل وام كرار من طلعت من الغرفه خزرتني بتك حاجب ماهتميت صعدت بدلتله ورتبت شعره ردت اخليله من عطوري بس كلت لا عيب رحت لعطور اشتم من ريحته طيبه هنا ثلاثه اول واحد ريحته ماعجبتني عفته رحت لثاني بس خليت العطر ع خشمي رجعت بيه ذاكره ليوره غمضت عيني وذكرت عطر القمصله يوسف نفس العطر بقيت اشتم وعبالك ياخذني للماضي رجعني لذاك اليوم وكل تفاصيله مرت عليه مثل شريط الفديو وكل جسمي رجف نفس الرجفه الي رجفته من شتميت القمصله ماحسيت اله نفتح الباب وصوت يوسف .وين صار حسن يله راح يبدون ... ماكمل كلامه اني اريد الحك اوخر العطر عن خشمي وخليه ع الميز بس هو شافني رسمت ع وجه ابتسامه واتقرب مني . 😉شنو مشتاقتلي وجاي تشتمين بعطري تره موجود بأي وقت بس اشري ولاتبقين تشمشمين بعطري مثل خزرته لان عرفته شيريد يحجي . 😜هههه قصدي مثل البزونه هسة ماكتيلي تريدين تشتمين يله تعالي مستعجل اشتمي وها واكثر مكان بيه العطر لركبتي تمنيت عندي دكمه تخفيني متت من الخجل هسة شيكول علية .😳اني مو قصدي وصارت بالغلط لان اني جنت ادور بعطورك عطر ريحته طيبه حتى اخلي لحسن .هااا😀 وشبيه خدودج صارن دم بله خلي الزم ايدج لزمني وبسرعه واخر ايده. ااااخ ضنو هاي تجوي ايدج ليش هيج مرتفعه حرارتج ضحك بمكر اخذ حسن بوسة .يوسف يله خليني اخليلك عطر بس هذا العطر ماخليك تخليه اخاف امك تبوسك وعباله اني (قصده العطر الشتميته) عفته ورحت للحمام وهو وراية يضحك ماطلعت اله عرفته طلع رحت للكنتور طلعتلي ملابس ثوب وردي حلو قديفه وبيه رسمه بزونه صليت ورتبت نفسي اله نزلت رحت للمطبخ كله تحضر بس مخلصين صب للرياجيل وجاي ياكلون بس نسوان جاي ينقلن بالاكل ردت اشيل وياهن بس ام علي كالت ميصير بعدج عروس اله تكملين ثلاثه ايام ام مؤمل جانت موجوده واكف تغسل بالستكاين حجت بصوت ناصي عاشوا هم حاسبه نفسه عروسة ام علي عضتلي شفه عود لاتهتمين كلت بيني وبين نفسي بله ام كرار وعرفته ليش ضايجه مني هاي شعليه شحارك جدره لو متضامنه ويه ام كرار استغفرت ربي ورحت كعدت اكل يم ام مصطفى وام علي صرت بنصهن و حمواتي كله وعمتي والشيخه وبناته وجناينه سفرة مشالله ممدوده ع طول الغرف والغرفه حيل جبيره كعدنه ناكل شويه واجه طفل صغير حيل وبيده كرصه خبز بداخله شي فات من يمنه وراح لعمتي الطفل. حبوبة حبوبة يدي (جدي)يكول هذا انطيه لحبوبتك هي ابتسمت واخذته منة اول مرة اشوفه تضحك ام يوسف. كله الله يحفضه الي حاجته بنته اية. اي عمي هذا الحب مانسه عادته من يوم ازوجج لحد هذا اليوم لزم يدزلج من حصته ام يوسف. عينج بارده دكي خشب عينج عليه مرت الشيخ. الله يحفضكم ابو يوسف زلمه معدل وانتي مؤدبه وطيبه اني بقيت صافنه شنو سالفه مافتهمت وليش عمي ابو يوسف دزله لحم مو هي عده ام مصطفى. بصوت ناصي هااا دختي بسالفه بعدين اسولفلج هسة اكلي تره جاي بلكوه تاكلين ادري بيج تستحين مدام هسة هواسة وكله تاكل اكلي براحتج محد يباوعلج اكلت صدك شبعت وجان الاكل طيب من كملت شربنه جاي وكعدت ويه بنات الشيخ ٢ وجناينه ٣وعرفت ام كرار بنت الشيخ وبعد عدهم اخت مزوجه بس مجايه بيته بعيد وشكن بحاله لان عده مشاكل ويه رجله اسمه سمية عرفت هي هاي الي حجت علية ام كرار حبيبه يوسف بنات مبينات حبابات عكس اختهن وضحكويات وسولفلي ع الحصاد والزرع وع الحيوانات الي تطلعلهن بالزرع مثل الxxxxب والثعابين يمه خلسني عود بالبدايه من يسولفن ع زرع فرحت وكتلهن اروح وياجن فديوم بس كالن تطلعنه حياية اني كتلهن ولا اطلع للباب وهنا شبعن ضحك علية يكللي ديري بالج تره مرات نلكاهن بالغرف داخلات زمرد. ههه اصلا اني اسد باب الغرفه ورايه بعد ميدخلن هنا كلهن ضحكن جا وجوه الباب الفتحه مايدخلن منه جنه الشيخ. لا خايبات مو الحيه مؤدبه ماتدخل الغرفه اله تسأذن من زمرد زمرد.هههه يبو بعد شيسكتجن لكيتن وحده خوش تحششن عليه ريام. ولج طلعتي اضبط من رجلي اكله عدنه حياية يكلي يعني تموت كتله لا بس تجي تسلم علينه وتروح اني بس هيج حجت ضحكت كلامه حلو وحجته بطريقه مضحكه صارت ضحكتي ويه مافات يوسف بس من فات مدنك راسه وافات صعد سريع وبيده حسن شويه وسمعت موبايلي اجته رسالة فتحته لكيت يوسف داز يوسف. اشتعل عمج ع هاي الضحكه بسيطه زمرد ماصعدين اله ادبج بس انتي تكركرين بين النسوان كلت بكلبي يم هيج ضحكتي عاليه هو ماضاج اله احد سمعه من الولد شويه وصاحوا ع مرت الشيخ وبناتها وجناينه يردوهن سلمت عليهن ومرت الشيخ انطتني ١٠٠ الف هدية العرس كله راحت لغرفه واني هم صعدت تكسر جسمي من الكعده ردت بس اتمدد دخلت الغرفه ولكيت حسن نايم بحضن يوسف ويوسف هم نايم شويه شويه سحبت حسن من يوسف وخليته ع سرير ويوسف ابد ماحس مبين حيل تعبان حتى يون خطيه بس ساعة وحده نايم اني هم بس خليت راسي نمت ماحسيت اله ع شي يتحرك ع ضهري اني ذكرت من كالن حياية تدخل للغرف او حيوانات ثانيه بسرعه تخيلت جاي يمشي علية حيه طفرت من فراشي وحرك بجسمي واكمز وحرك بثوبي نتبهت يوسف كوه يتنفس من الضحك يوسف. ههههه يمه بطني هخههه اااخ هههههع ويمسح بدموعه اني اباوعلة وبعدني احرك بثوبي يوسف. ههههه خوش مقلب عبالج حية هههه ويحرك ب واير الشاحنه عود حية زمرد. تخصرت . تحجي صدك كمزتني خليت كلبي بين رجليه والله ردت اموت يوسف. هههه اسم الله عليج بس اني مالي علاقة ريام حلفتني اله اخوفج وهاي رسائل شاهد اقري صدك قريت كاتبتله زمرد اليوم خوفناه من الحيه وكناله تدخل للغرف عليك الله ذب عليه شي وكله حية .شفتي بعينج اني مالي علاقة عبد مأمور وهي اختي جبير ميصير ماسمع كلمته .وين اكو مثلك بس باليابان وكاعد ياكل رمان .صدك عود تخافين من الحية تره ماتخوف هي . اي طبعا ماتخوف بس اذا عضتك كبل تموت . عاد الحية تذب سمه وتموتج بس شتكولين للبعض البشر يذب سمة عليك ويبقه يمشي بجسمك وبالك مثل سم ومايموتك سم الحية ولاسم البشر . والله حجيك صحيح بس ماعرفتك . هههههع شنو شكلولج علية تره اني نزار القباني مايلحكني . هههه كافي لهنا وبس . دمشي ولي اني صوجي انطيج حكم . اي بعد ضمهن لنفسك . ولج كومي تلقدين علية راح للحمام وكلي حضريلي دشادشة رحت للكنتور طلعتلة وحده لونه نيلي شبابيه طلع من حمام مخلي ع راسه الخاولي ولبس بس شورت وجهي صار 🤤😳 وكبل خليت الدشادشه ع سرير وشردت وهو ضحك عرفته يتعمد هيج يسوي يريد يخجلني نزلت جوه جانت دنيا غروب يريد يأذن وكله كاعده وناس تتوضة وناس اصلا جاي صلي مثل عمي وعمتي يصلون مافي الذمة يمكن شوية نزل يوسف من شافني ابتسم وكلي صعدي لحسن كعد صعدت بدلت لحسن ونوب صليت لان اذن ويوسف من اصلي صعد هم صله بصفي حسن جان يباوع بموبايلي جنت اسبح ركزت ع صلاه يوسف شكد حلو يصلي بهدواء ومغمض عيونة حتى يركز بصلاة عفته يصلي ونزلت اني وحسن جوه لكيت جاية ام مصطفى وبناته وام علي كله البنات كامت تفكر شسوي للعشة وفات حماي ابو مؤمل سلم علينه وكعد ويانه كلش رزنين بس بالبيت لا يضحكون يسولفون احسهم كلهم كثل يوسف بالشقه والضحكه مبين وارثيه من ابوهم ابو مؤمل. تره اليوم عدنه سهرة ابوية والشيخ عاجبهم يكعدون يشعرون ويشربون كهوة فحضرن كهوة ونومي بصره وفاطمة خوية كيكج طيب سويلنه فاطمة. يمه توبة بعد ماسوي تذكر من سويت بالخمس كيكات وماكفتلكم ابو مؤمل.ههه احنا شعلينه غير الجهال لتموا عليج بازعلي وحجه زمرد خوية عود مرة كالت فاطمه راح اسويلكم كيكه وهي بدت تسوي من العصر لحد ٩ بليل تخلي الكيكه ع الميز ماتلحك تبرد تلكاه ماكولة زمرد. الله يساعده حتى الغاز خلص ابو مؤمل. يا غاز يا طحين حنه مستمرين نريد بس حرامات ابو المحل خلص عنده مواد الكيك يوسف دخل . هههههه بيومه تذكر من كامت تبجي من ضهرها وتحلف بعد ماسوي كيكه فاطمه. اي وانته ولج زمرد يوسف هو لم علية جهال جانت جهال كله طالعه بشارع واني وحدي مايمي طير ماحس اله جهال كله صيح عمه انطينه كيكه عبالك مضاهرات وعود يقتنعون بوحده اله اثنين ثلاثه يوسف. هههههه تءكرين ابن ريام واكف ع صفحه ويباوعلهم متعجب يكلك هذولة شبيهم طاكهم العوز ابو مؤمل.اي وين هذا اكله نص وحده وكوه ياكله ولكم كافي هسة زمرد شتكول علينه مشايفين زمرد. لا حشاكم هاي جهال ع الجمعه تنفتح شهيتهم ام مصطفى. صدك والله اني من طلعنه بيت اسوي الغده اول ايام يبقه ع حطته نوب كمت اركب غداية وانجي لبيت عمي ناكل جاهل يحب الجمعه وجهال هواية وياه تنفتح شهيتة ابو مؤمل. زمرد بله شتعرفين طبخين لو من هذني الي حتى جاي يحركنه زمرد. لا اعرف وهم اكلك معلومة اني شاطرة بالحلويات اعجبك ابو مؤمل. اه صدك بله شتعرفين بس لا دوك يوسف. ههه مرتي جاي يقصفوج اتوقع مامصدك زمرد. هسة اعدد كيك و لقمه القاضي وداطلي وكنافة وبقلاوة ابو مؤمل. وين الحبه لعد انتي جنيتي ع نفسج اليوم حلويات سهرة عليج زمرد. من عيوني بس المواد شلون نجيبه يوسف. اني اجيبه كتبلي بورقه شنو تحتاجين ابو مؤمل. لعد خربت سالفه اذا يوسف يجيب لان اذا كاتبة طحين يجيبلج تايت واذا حليب يروح يجيبلج بقرة ويحلبه واذا خمرة يجبلج كركم يوسف. ههههه تبقه طول عمرك تذكر الزلة كرة كتلي جيبلي صمون رحت جبت صابون هسة صار يمه احنه كلنه ضحكنه يوسف. باوعلي امداج اي والله حتى انتي وياهم ضحكين غير دافعيلي ابو مؤمل. ولك كافي امشينه نكوم نجيب المواد من المحل لايعزل يوسف. زمرد حضري نفسج روحي ويانه حتى انتي جيبين تعرفيه زمرد. اي خوش راح بس البس غير ملابس واجي لبست وطلعت وياهم وحسن بحضن يوسف اخذوني لاسواق جبيره نزلنه اشترينه كلشي نحتاجه للجلويات ورجعنه ابو مؤمل. شوفي زمرد خسرنه ب ٢٥الف اذا خربتي الحلويات ومادبرتيه والقران اله خليج كله تاكليه زمرد. خوش بس اذا طلع طيب وعجبك اخسر يوسف ملابس من ١٠٠ وفوك يوسف. انا اخوك شو وكعت بيه اني ابو مؤمل. ههههه الله يعينك ع ما اتاك رجعنه للبيت اني بديت اسوي واكفت فاطمه ساعدني بالكيك جبنه قالب ام مصطفى وام علي وعدنة قالبين خلينه اثنين بطباخ واني عجنت لقمه القاضي غطيته وبديت اسوي كنافة مالكينه مواد البقلاوة. والبنات يسون عشا نواشف كبة وفنكر وطماطه كملت اول كيكتين رفعناهن فوك الكاونتر عن جهال وبدينه نسوي بثانيه علما نخلص بالمواد خليت الكنافة بالفرن حتى تستوي بس ستوت طلعته وخليت الكيك بالفرن كله راحت تتعشا واني بقيت اسوي بشرية فاطمة ماقبلت تعوفني بس اني كتله ماعدي شي روحي واذا ع العشا ابد مامشتهية هي راحت تاكل واني من كملت الشيره خليته فوك الكنافة صارت الكانفة اثنين صواني كبار والكيك سويت اريعه والخامس بديت اسوي بيه جنت واكفه اراقب الكيك دخل يوسف وبيده لفه يوسف. هاج اكلي زمرد. شكرا ليش كلفت نفسك يوسف. قابل اني طابخه هي لفه وحشيته من الماعون كدامي ع فتج مراح تتعشين ولج شنو هل ريحه تخبل عفيه انطيني قسمت قطعه كنافه وانطيته اخذه طلع ياكل بيه ويكول يمي انهو لذيذ عود يحرك بكلب جهال وجهال بس شافته كله كبت للمطبخ هو بسره لزم باب المطبخ ويصيح يوسف هدو هدو كش كش ولجن جيبن بيف باف خلي نكتل هذا الذبان الهجم علينه وجهال تضحك علية لان لزم الباب واليتقرب يدفره ويكلولة لعد ليش انطتك بس الك انته وحد عنه يوسف. مو اني رجله واحد من جهال . اي كله صايرة واسطات حتى الحلويات محد ينطيك اله عندك واسطه يوسف. حلكك لصمه عالية نصيف اني اقلي بلقمه القاضي وشابعه ضحك كملت خمس كيكات وقسمتلهم كيكه ونص وانطيتهم كل واحد قطعه اله ارحوا عنه كملت كلشي ونكسر ضهري ابو مؤمل دخل لكاني كاعده ع كرسي . هههه لازم كلتي توبة بعد اذا اسوي . لا بس الوقت غلط جان لازم من زمان اسويهن . بله خليني احكم وشوف اكل كيك ياكل ويسوي باصبعه اوكي عود طيب نوب لقمه القاضي سوالي اوكي وهم كنافة كال اوكي عمي انتي معدلة تعادلين الياسري والحمداني شنو رائيج نصير شركاء ونفتح محل حلويات اني علية المالية وانتي الطباخة ونسميه الزمرداني . هههه ع وزن الحمداني صارت ساعه ١٠ كمت اني وفاطمة وريام خلينه الحلويات بماعين حتى ياخذوه للاستقبال من خلصت واخذوا الحلويات اباوع البنات وكفن يم باب الاستقبال واشرتلي ام مصطفى تعالي رحت كلتلي سمعي اسمعهم كاعدين يضحكون واحد بيهم بدة يشعر عزل بره صوت عمي هم انطه ابوذية ونوب حمويني وكله اشعار تخبل اكثر اشعارهم بجنوبي يحجوه بس حلوووة شوية وحجه الشيخ الشيخ. ها يوسف شو ساكت جنه نكول عزابي وماعده حبيبه هسة مزوجت ماتنطيه شعر غزل يوسف. هههه لعد سمعوا اني هاي مو من عندي بس كلش احبه لما استعارت معطفي فورا تغير موقفي يا برد أينك من دمي أنا شعلة لا تنطفي * * * الكل من حولي هتف برد مخيف وارتجف وأنا عن الكل اختلف في داخلي دفء خفي.. فهي استعارت معطفي * * * يا معطفي ما أسعدك قربي وما.. ما أبعدك حاولت أن لا أحسدك يا ليتني أنا معطفي.. يا للهدوء العاصف * * * قالت أعطرك أجنبي؟ بالله لا تستغربي وعطر قلبي الطيب قالت بكل تلطف.. تبدو الحنون العاطفي * * * وتغامزوا من حولنا فالحب أصبح معلنا وسألت روحي هل أنا محبوبها أم معطفي؟ أين الدليل لأحتفي؟ * * * كله كالت الله صح السانك واستمراوا اني كلش تاثرت بكلامه عجبني وعرفت يقصدني بيه وبقت بالي نوب من اجاه الدور اله يوسف.تعال ولا تظني عليك زعلان چا هو الگلـب من نبضه يزعل صدگني أبد ما همني الصار ولا زهرة محبتك عندي تذبل مو انه دفنتك حدر العيون أشوفن بيك ساعه وبيك آندل عذبني هواك ومرمر الروح وآگـولنّ ما يهم هو يتدلل كله صاحت الله ولك وين جنت مضموم مو شلعت كلوبنه ابتسمت من كلام شكد حلو بلسانه وفهمت قصده بايييييييييي التعديل الأخير تم بواسطة لامارا ; 23-06-19 الساعة 10:18 PM | ||||
|
| |
|
22-06-19, 06:28 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 26 **************** زمرد بقوا يشعرون وكلهم بدعوا احنا جنه كلنه كاعدين بالكاع يم الباب يكون مثل الممر تتوزع بيه الغرف واحنا كلنه كاعدات ناكل كيك وحلويات وكل وحده من رجله يشعر تفتح حلكه ١٨٠ درجه فرحانه اشرتلي ام مصطفى ع حسن لان نايم بحضني عود صعديه ماتكدر تحجي لان يسمعونه اخذت حسن وصعدت فوك خليته ع فراشه ذكرت شعره مال استعارت معطفي رحت للموبايل كتبته ردت اعرف من الشاعر طلع كريم العراقي بقيت اسمع بيه وحجيت بيني وبين نفسي زمرد ليش انتي هيج جاي تعذبين نفسج وتعذبيه خطية مشوفيه شلون ميت بيج لو مايحبج جان ماجه ولا زوجني او جان خلاني اسقط الطفل مو يجي يتعارك وياي لان اريد اسقطه الطفل و هم جان ماجاب الشيخ وعمامه حتى يخطبج من عمامج او جان ماعرض نفسه لخطر واجه عمامي وحده وكلهم اني ابو الطفل الي بطنه وهذا كله بجه وكلاده الزمرد الي لابسه بركبته بجه هو يحبني ودليل مايزعل مني وهم حسن يحبه ومياكل اله بحضنه لو مجبور علينه جان ماسوه كل هاي الاشياء زمرد مالج غيره وهم حامل منه وكل هذا بصفحه وكلبي بصفحه الي ميت بيه يله زمرد كومي انتي بادري بالحب .هااا بس عيب شلون يعني اني اكله اريدك خاف يكول ماعده كرامه او يفهم غلط زمرد ماكو بالحب كرامه كومي رتبي نفسج وابدي وياه حياة جديدة لايروح لغيرج رحت للكنتور باوعت ع سيتات مال نوم ولا واحد شويه مستور ع كوله رانيا ستر الصخول فتحت مجره مال تراكسودات شفت برموده لونه احمر واسود تصميمه بدي ربع ردن ومن وره بيه تور كلت اي هذا حلو وهم مستور بس من لبسته شو حسيت نفسي كلش مغرية مبين كلشي صدري وضهري ابيض التور اسود بارز صالي شكد ملابسه هيج شغلات كله خلصته تراكسودات عادية ومستوره رحت للكنتور اشوفلي شي شويه احسن نفتح الباب اني بسرعه كمزت يوسف باوع 😍وحك راسه اني تركت الملابس وسديت الكنتور كلت خلي ابقه بيه بس اروح انام ع جربايه يوسف. اححم زمرد عاشت ايدج الحلويات تخبل دكوه دك زمرد. بغرور هفيت شعري وكتله . بكله ثقه زمرد شنو سوي يطلع طيب ويخبل ورفعت حاجبي يوسف. يلوكلج الغرور رحت اتمشى للسرير وقلد صوته من شعر لما استعارت معطفي هو ورايه واكف يوسف. ههههه ولج جاي تقلديني علية بسيطه اله اطيح حضج اجه عليه اني بسرعه كمزت ع جربايه وطلعله لساني وكمز ع جربايه خليته يحترك لان نضراته بدت تتغير وصارت مال واحد مناوي ع خير هو كمز ع جربايه اني بسرعه نزلت منه وضحك . شتعل عمي ولج ضحكتج غيريه لا ادفنج . هزيت اكتافي بدلع مااااا ضحكتي حلوه تخبل . بسيطه يازمرد انتي جبتيه لنفسج . ههههههاي اني ضحكت بعناده وهو كمز من جربايه عليه درت ضهري اريد اركض بس هو لزمني من وره . تضحكين بعنادي وكحه لزمني من خصري يدغدغني واني ماتحمل هذا المكان اكوم اضحك لو هسة باجيه .ههههههه لا حبهههههه اتركنيييي ههههه الطفل لاهههه يتأذه شمرني عطرف جربايه ولزمني من خصري يدغدغني . اليوم اله اخليج توبين من هاي الضحكه كمل كلامه انتبه هو صاير فوكايه بسرعه راحت الضحكه من وجه وذبلت عيونه اني كام صدري يصعد وينزل من كد دكات كلبي وجسمي صخن نفسه صار نار وبقوة يجر النفس حسيته يريد يكوم عني بسرعه اخذت شفايفه هو فتح عيونه ويباوعلي بتعجب غمضت عيوني اول مره بحياتي اسويه اول مرة هيج اجرئ بقيت ابوس بيه وهو عبالك جوعان وخلوا كدامه اكل تخبل بهاي حركتي خلته يجن جنونه ووووو😍😜🙈🙊😻👄 دخلت مملكته وصرت ملكته حسسني بحبه الي واشتياقه عزف ع جسمي كل انواع الرومانسيه شكد حلو من تكون بحضان شخص تحبه ويحبك تحس نفسك بعالم ثاني كله ورود لونه جميل كلشي يتغير طعمه حتى الهوا تغير بقه ع نومته ومخليني ع صدره حتى مخلاني اكوم البس شي غفه واني هم نمت ماكعدت اله ع حركه اديه ع وجهي فتحت عيوني باوعتله وابتسمت . صباح الخير . صباح العسل صباح الجوري ااوف مبين البارحه امي داعيتلي من كل كلبه . 😶 يوسف جيبلي ملابسي خلي البس جنت متغطيه بجرجف لافته ع جسمي .نوو ماكو خليج هيج . مو اريد اكوم اسبح حباب . اي كومي هيج شنو تستحين لعد البارحه الوكحه الي تحرشت بيه منو . غطيت وجهي بديه وهو يضحك اجه ع خصري يريد يدغدغني . لا يوسف تره جاهل يتأذه يمعود .بسرعه تغير شكله هااا اي صح اكلج زمرد انتي بعد قرارج عفتيه مال نترك بعض . دنكت وجهي بخجل اي .ليش .شفت نفسي ماكدر اتركك احبك وهم عدنه طفل ماريد اذيه مثل حسن وحرمه من ابوه اني حرمت حسن من ابوه لان شخص حقير وميستاهل يكون اب بس انته غير واهم شي احببك وانته تحبني . زمرد انتي عندي بالدنيا كله صح ضجت منج من طلعتي ضامه عليه سالفه طلاق واني ماجذب عليج جنت رافض فكر ازوج او ختى اصدق مطلقه بحياتي وحتى مخاطر ع بالي اسوي علاقة ويه انسانه جان شخص قبلي بكلبه بس من فاتت ليله علية واني ماسامع صوتج غيرت كل قوانيني وكلت يعني شنو مزوجه قبلي واذا شنو فايده ازوج وحده ماحبه وماهاويها بس علمود والله هي بنية بس شكد حلوو اعيش يم حبيبتي واصبح بوجه وكلبي مرتاح بس بقيت مكابر علمود جذبج الي وكلت خاف بعد جذب علية وبقيت اسئل عليج وع بيت زوجج ودلوني ع بيت عيالج وسئلت ابو محل عنهم بحجه اريد اخطب منهم واني ماعرف عدهم بنات لا حجيته ع الله وكلت اذا كلي ماعدهم بنات اكله لعد غلطان بس صدك طلع عدهم وبقه يحمد بيت اهل طليقج نقبض كلبي وكلت معقولة زمرد بيه خلل تشكرت من رجال وطلعت بس مشيت شوية سمعت صوته وراية كلي عمي بس اكلك شي انته جاي تخطب وهاي ذمه بركبتي كل كلته صح بس اخوه الابنيه الجبير سكير ومخوش ولد وخطيه متعذبين اهلة منه بس هذا مو معناه البنيه موزينه والله قمه الخلاق بس خطيه اخوه موزين شكرت منه ورحت ميه فكره براسي وماعرف ليش اسئل علية بس حسيت هو الوحيد يخليني اعرف سبب طلاكج . عود ليش مصر تعرف سبب طلاك . جنت خايف يكون انتي سبب طلاك لان جان عندي صديق طلاك مرته بسبب لكاه مسوية علاقة ويه جيرانهم وكامشهم اثنينهم سوة من ذاك الوكت جزت نفسي من المطلقه وحسبت كل وحده تطلك لازم هي بيه خلل هسة ادري بيج راح تكولين لعد شكد انته جاهل وتفكيرك سطحي صح اني جاهل جنت وتفكيري سطحي وخاصه ويه المطلقه تخيلي جنت من اسمع وحده مطلقه كبل اكول ماطلقه اله مسوية شي مو زين . ابد مجنت متوقعه هيج تفكيرك جنت اكول شكد مثقف وفاهم الحياة صح وتفكر بعقلك مو بالي سمعه شنو ذنبه البنيه اذا ازوجت شخص موزين ليش دائما المراة هي تكون سبب بكلشي اذا مات رجله كالوا فكر جسحت رجله اذا طلقت كالوا استغفرالله الله اعلم شنو شاف عنها وطلكه وحتى لو يعرفون رجله بيه صوج راح يبقون مراقبيه وره طلاق ها طلعت هاضحكت ها لبست ها باوعت ها خلت مكياج المرة بمجتمعنه اذا تحجبت كالو منفوك هالله هالله ومن جوه يعلم الله مالبست حجاب رح تكون بعيون الناس سافلة وماشي بطريق مو زين وسهلة بسرعه تنطي نفسه لان ملابسه حجاب . صح كلامج بس شنسوي مجتمعنه شرقي وتره اغلب ناس هيج تفكيره هو مو اكلج ماكو بنات موزينه لا اكو بس هنا كم وحده عمن ع البقيه وتدرين هم هذني الكم وحده المزينات مو ذنبهن مشن بهذا الطريقه اله بسبب مثل البنيه من كثل ما اهلها يكلوله هذا لاسويه وهذا لاتتقربين عليه وهذا لاتشوفيه وامشي هيج وحجي هيج يقيدوه من عمر ٩ سنين وبس كلمتهم الوحيده اذا سويتي شي مزين نذبحج بدون تعليم بدون مايكعدون وياها ويعلموها بس هل كلمه عدهم ويامصيبه اذا بلغت وبده جسمه يتغير يبقون يحجون غطي ضمي ستري الام من تعرف بنته تكبر ماتكعد وياه وتصير مثل صديقته لا اصلا تبتعد عنها وتبقه ع اقل غلط ترزله ويا مصيبه اذا اجته وكلتله يمه اليوم اكو ولد تحرش بيه تبقه تحقق ليش وشلون وانتي سويتي وجنتي سوين ومنو جان يمج وتكعد تحقق وياه وتعيشه قلق تكوم البنيه تكتم وكلشي ماتحجي لان شافت اقرب شخص اله والي هي امه بس حجتله شي بسيط لعبت بيه طوبة تبقه ساكته ماتحجي كلشي يصير بيه نوب تكوم تريد تكتشف ليش منعوها من هاي الاشياء وتريد تعرف شكو وتكوم تمشي بطريق لحد ماتلكه نفسه بنهاية مضلمه ومتورطه بمصيبه اما تكون دخلت تواصل اجتماعي وتعرفت ع شخص وكام يضحك عليه وهي تحبه وتتأذه او تنطي صوره ويبقه يهددها واكو حتى اذا مانطت صورته هم يهددها برسائل او علاقتهم ويفضحه بمنطقته وتدرين هم المزوجه اذا خانت زوجه لازم اكو سبب ماكو وحده زوجها مداريه ويحبه ويعامله باسلواب حلو وتخونه . يوسف كلامك كله صح بس الزوجه شكو تخون زوجه يعني ع هذا حجيك كل وحده رجله يضربه تروح تخونه او اليوم ماسمعها كلام حلو تطلع موبايله وتخابر ولد يسمعه كلام حلو . زمرد لا موهيج قصدي هسة اكبر مثل انتي من جنتي ويه هيثم جان يشرب ومايرجع اله بنص الليل ويسوي علاقات غير شرعيا ويكومج بكتله ويكعدج بكتله ومتحمله كلشي وصابره تجين فديوم تكلبين بموبايلج بالفيس او انستقرام اي واحد منهم وتلكين ولد داخلج خاص وكاتبلج فد كلام شد انتباهج وخلج تردين عليه بس انتي نيتج تردين تعرفيه منو وبعده تهكريه اذا غريب يبقه يحجي حلو ويجرج بالحجي وانتي شويه شويه تكومين تندمجين وياه وتكومين تفكرين بكلامه وهو يسويج ملكه بس ماعوزه يبوس رجلج وتنتبهين ع رجلج يكومج بكتله ويكعدج بكتله ومامسمعج كلام حلوو تكومين تتجهين لهذا شخص من ضوجين من رجلج لو من تتعاركين وياه لحد ماتوصل لمرحله تنتبهين ع نفسج انتي مسلمته شي منج ام يكون صوتج او صورتج او جسمج واخر المطاف تنكشفين ورجلج السكير والحقير وخاين يصير شريف وانتي الخاينه السافلة الي خنتي العشرة وخنتي زوجج ويطلكج لان مراح يتقبلج لان هو رجال عنده غيره ومتدين وخلوق يصير شيخ جامع بس عوزه عمامه تدرين البنيه بهذا مجتمعنه ماله ذنب اكلج ليش لان هي ماله علاقة كله السبب من ورانه احنه رياجيل يعني هي لو شايف من رجله شي زين حتى لو يسكر حتى لو يصادق بس يعامله باسلواب حلو وموفرله كلشي هم تفكر بالخيانه بعد ولو بعض الرياجيل ولطلطتهم والمرض النفسي الي عدهم الي يخليه نهار كله يلوحك وره البنات تجرئ وتحجي ويه ولد وتسوي علاقة زمرد اني من كلت هيج مو معناه كل نسوان متأذيات من رجله تروح تخون وتصادق بس جاي اكلج اكو كم وحده عده رغبه ع هيج شي وهم العوامل الي حوله جاي ساعده فيتوفر كلشي كدامه زوج فاشل وشاب زاحف محمل بالموصافات الكاذبه والكلام الي خليه تبيع شرفه واخلاقه وسمعته . صح كلامك بس اكو تتحمل رجله لو مدمن مخدرات وتتقبله وحتى اذا ماتقبلته تطلاق منه بس تبقه محافضه ع سمعته وع شرفه واكو بيهن تكرس حياته بس ع تربية جهالها او تزوج اذا جان ماله احد . اي مو هاي يمنه خطيه ارمله عدها اثنين اطفال وترملت بعمر ٢٠ سنه وجهاله عمرهم سنه و سنتين من مات وتخبل وعايشه ويه اهلها حصره عليهم الكمه جان كالت اشمرهم ع عمامهم اذا ماقبلوا ازوج وروح ازوج اشوف حياتي والخطابه ماوكفت حتى ابن شيخ بذاك الوكت خطبه وهسة ولده كبروا وصارو زلم خطت شواربهم وهي ذبلها الوكت والعوز وضيعت عمره ع تربيتهم منا وقيسي الوفاء والحب لزوجه ومعزته بكلبه ويكلك جان رجله الله يرحمه شخص مزعج ميخليه تشوف باب الحوش اهلها ماتروحلهم يريدوها اهلها يجوها بس مانكرت الشغلات الزينه جان يسويها حتى لو معدودات بس غزرن بيه . ولج كافي راحن فجوجي .🤔 يوسف شنو فجوجي . رجع ليوره وضحك ههههه فجوجه يعني فك يعني الفم يعني الحلك يله بكل الغات راح اكوله حتى خاف ماتعرفين .ههههه عدكم كم كلامه مافهمها . اي اكو كلمات مختلفه بس شنو رائيج بيه من احجي عربي اباوعلج تبقين صافنه بيه تخيلج تكولين هذا شنو تحول . هههههه اي انته فدشي ابقه صافنه وتره اني هم حفضت كم كلمه .يلبد(يختل) حايط (طوفه) يبة (جيبه) يده (جده) يدي(جدي) حياره (حجاره) نعيه (خروفه) اني بس كلت خروفه نط من ضحك .هههههه شنوو شسمه خروفه ههههههه . ضربته ع صدره بس تحب تقلد اني شعرفني قابل شسمه انثى الخروف .ههههههه من ضحكته كام يحوس حسن يعني راح يكعد اني وياه صار طشارنه ماله والي اني بسرعه دخلت حمام وهو لبس ملابس من خلصت طلعت وصارت ساعه بعيني ب٩ونص عدهم دنيا ضهر لان يكعدون من سته الصبح . يمه مادرينا بنفسنه فات الوكت شكد عيب . لا شكو تره احنا عرسان حتى ابويه البارحه من انتي فوك وعرف انتي مسويه الحلويات ماقبل وكال بعده عروسة ميصير تشتغل لحد ثالث يوم ولو يدري ماخذيج للاسواق يلعب طوبة بينه عده العروس والعريس اول طلعه الهم تكون زيارة لمرقد مقدس يحس فال حلو . اي عمي انتبهتلة يعشق اهل البيت حتى البارحه من يشعر يذكر اهل البيت بكل شعر يكوله . خلي اسبح وروحي سويلنه ريوك واجي اسولفلج ليش هيج مجنون بحبهم دخل للحمام حسن راجع نايم حبيبي متعود اله ب١١ يكعد نزلت جوه صبحت ع نسوان حماي وعمتي وريام لان بس هنا موجودات حمواتي البقيه رايحات ناس ردت وناس ماردات مثل عمتي وام كرار حمواتي صح ماعجبهن الزواج بس ابد مابين منهن شي مو زين وخاصه ريام كلش حبابه وماله علاقة تلكيه لو مكابله جهالة تعبي بحلوكهم (هذا يوسف يكله كلما اشوفج لازمه ماعون وتعبين بيهم ) مو حسن كاعد بصفي مرات وهي كاعده تجره يمه وتوكله وياهم ماعده تفرقه وكل جهال هيج سويلهم ياجاهل بصفه توكله اخذت الريوك وصعدت فوك لكيت يوسف يمشط شعره كعدنه ناكل . اي خلي نكمل سوالفنه عن عمي . امبين كلش معجبه بابوية اشوفج تركزين اذا سولفت عنه . هههه اي كلش احب تفكيره شخص حكيم . لعد خلي اسولفلج بس خاف تحبيه . ههههه لا عندي الشبل مو هم يكولون هذا الشبل من ذاك الاسد . احححم تره اني مغرور يابنت ناس ابويه تعذب من اجينه هنا مجان عدنه فلوس يادوب كم فلس بنينه بيهم البيت هذا ولا نكدر نرجع لبغداد نبيع البيت لان كلش خطره لروحه لبغداد وخاصه منطقتنه جانت يدخل بيه مايطلع منه سالم رحنه ندور شغل واني جنت بعدني صغير واخواني ابو مصطفى وابو علي مزوجين وعدهم اطفال نروح من ٣ الصبح لحد المغرب عماله خير من الله اذا جبنه ٢٥ الف بيومه فرحانين عبالك جايبين مليون لان ناس كله تعرف تشتغل هاي شغله يعني يريد يبني لازم عدهم ولد يعرفون يبنون حالتنه دهورت الى درجه بس ابويه جان عنده قاصه من اجينه هنا سويناه نجمع بيه كل يوم شنو يطلع من شغلنه وحتى اذا ماشتغلنه هم نخلي بيه حتى لو ربع دينار بس المهم نذكر اهل البيت حتى نفتحه بمحرم وشنو يطلع بيه نسوي اول قاصه فتحناه وزعنه تمر ولبن ع كد الفلوس فابويه كال خلي نودي للشيخ امي كلتله والله عيب الشيخ يذبح خرفان وعجل واحنا نوديله هل تمرات ولبن ابويه كله عيب عليج هيج تحجين هي مو بقيمه الشي المهم اني ذاكر الامام ومناسيهم واني لو عندي قابل اقصر من وداه للشيخ كله هذا شيخ ولو هو ثواب قليل بحق اهل البيت بس واحد حسب مكانيته الشيخ كله مدام انته هيج مانسيت ذكر اهل البيت وانته ولدك تركضون ع عيشتكم وكوه جيبون كرصه الخبز لعد اله اجازيكم ع هذا ارض الف متر تزرع بيه وتعيش عايلتك منه ابويه رفض لان نفسه عزيزه الشيخ اصر وكله هاي هدية الك من الحسين (ع) مو مني بقه ابويه رافض بس هو اصر اله ياخذه بدينه نزرع بيه اشياء بسرعه تنزرع حتى نبيعه بسوك كم الخير يجينه من كل جه صح مو هواي بس احسن من قبل جنه يوم نشتغل وعشرة لا نبقه ناكل خبز وجاي وابويه مستمر يخلي بالقاصه من اجه محرم الثاني شويه زايدات الفلوس وزعنه شوربه واستمرينه نزرع ونشتغل واخواني هم شويه العمالة تحسنوا بيه بفترة الحصاد يعني بعد شهر وينضج الزرع ونكوم نحصده هاي كله العالم بيت الشيخ وناس الباقيه كله تزرع نفس الوقت وتحصد نفس الوقت مثل الموسم بهذا الموسم اجتي دودة تتلف الزرع كله تخيلي تعوفين الزرع بليل كلشي مابيه ثاني يوم تكعدين تلكيه صاير تراب حبه وحده ماتلكين وحتى اذا لكيتي لازم معضوضه اجتي للمناطق القريبه علينه وشنو سوي ميفيد بكل الحوال الزرع مالتك يخرب ناس كله تخبلت وحتى شيخ خايف ع محصولة ومحتارين نريد حل ماكو ابوية شبع قهر احنه نحسب الحصاد يوم يوم ونوب بله ناس والشيخ عدهم شغل ثاني عايشين عليه بس احنه ع هل زرعات بقه يلوب يفكر بعيشتنه جنه كبنه كاعدين يمه نواسي بيه ونكله ميخالف ونعتبر نفسنه ماعدنه ارض رفع ايده بحركه ع القاصه جنه مخليه ع رف وكال دخيلك يل لعباس مانسيتك فديوم لو يبقه بجيبي ربع هم اخليه بقاصتك حتى ذكرك يبقه بيتنه اريد بس زرعاتي ماريد شي بركبتي عايله عليك اخوك الحسين تره ضاكت الدنيا بيه لف راسه ونام واحنه كلنه نمنه ومتاكدين نلكه زرعنه ماكول لان وصلت اراضينه ثاني يوم كعدنا صبح وكله وجوه مغبره رحنه للمزرعه ولكينه زرعاتنه ع حطته وزرعات الشيخ بصفنه هم ماماكولات والارضي الي تجي وره اراضينه هم باقيه واحنا كمنه نتكامز من الفرحه حتى من فرحتنه كمنه اني واخوتي نهلهل رحت اركض بشرت امي كامت تهوس من فرحته ماقصرت يالعباس وماقصرت يالعباس بقينه كم يوم قلقين خاف ترجع والحمدلله حصدنه وبعنه وهي ماكو فص ملح وذاب ولحد يومج هذا مانعرف شلون اختفت الدودو ومن الصار صار الزرع غالي لان صارت شحه بيه بس ابويه بقه ع سعر القديم وناس كامت تشتري من عدنه لان سعر رخيص وكله تدعي النه بالرزق وتترحم لوالدينه من اجه محرم ذبحنه ذبيحه للعباس والحسين لان بسببهم الشيخ انطانه كاع وبسببهم زرعنه سلم من الدوده . ماشالله دخيلهم اهل البيت ماينسون اليذكرهم . والله يازمرد اول شي رب العالمين وبعدين اهل البيت شكد مانسوي قليل بس ارفع راسي للسما وكول يارب عليك حسبي يومي كله سعاده وخير وخاصه الصلاة من التزمت بيه وكمت ماترك فرض كمت شنو اسويه ينجح مرات اضوج اذا اخسر شي بس بعدين انتبه من صالحي خسرته لان لو باقي جان تأذيت والله يازمرد هاي الشغله ابد مانساها لو شنو يصير مره كعدت الصبح متاخر ع دوام باقي عشر دقايق ويجي الخط ولامصلي صلات الصبح ردت ابدل وماصلي بس كلت وهسة هي ركعتين صار اذا اتاخر ع ابو الخط خمس دقايق راح ينقص منه شي كمت صليت بس كملت دك الخط واني بعدني بملابس البيت بسرعه كمت بدلت واشرتله ينتضرني شوية طلعت وره ربع ساعه بس خبصني كل شوية يدك هورن وصار نار لان طولت عليهم بس صعدت كله تحجي وناس ضايجه حرك سيارة طلعنه ع شارع العام وهو صار انفجار كلنه باوعنه ع مكان الانفجار طلعت سيطره الي نفوت عليه كل يوم ندار عليه سايق كلي تدري يوسف لو مامتأخر علينه جان هسة احنه بنص الانفجار شكد حمدت ربي وكمت صلاه الصبح اوقت الموبايل حتى اصليه وشكد حلو من اكعد الصبح ع صوت الاذان حتى احس الصلاة خلت رحمه بكلبي خوف ابعدتني عن كلشي حرام صح احجي ويه بنات بس والله مافديوم جرجرته للحرام لو اخذت منه صورة لو فضحت وحده لو خليت وحده براسي بس علمود تصادقني انتي شفتي بعينج اضحك ابقه اتغزل بيه شلون من اول ماشفتج اكو بيهن ثاني يوم تجي وتكوم سوالف وياي واكو لا عبالك سامعه مني شي . انته معدل بس هل بنات لو تتركهن .هههه تركتهن تركتهن بعد ماكو شسوي بيهن . عوزك حتى اذبحك وذبحه الي تتقرب منك . امبين كلش معجبه بابوية اشوفج تركزين اذا سولفت عنه مد ايده وجرني بحضنه . لا خلي اغسل حباب . يله بسرعه وتعاي عندي مواضيع مهما وغمز كمت غسلت ردت انزل الماعين بس ماقبل جرني وخلاني بحضنه خلاني بحضنه مثل الطفلة وكام يباوع ع وجهي ويتبسم واني اباوع ع لحيته كلش عجبتني وخاصه شاربه عجبني الزمه .عادي اخلي ايدي ع لحيتك .اي عادي خليت ايدي شكد حلو نوب اجيت ع شوارب بس خليت اصبعي هو عضني .اااخ .هههه اسف عبالي زنود الست وراد يتوكح بس حسن كعد اني بسرعه وخرت عن حضنه ورحت لحسن . صالنه ساعه نحجي بصوت عالي ماكعد هسة كعد منعول . هههههه تره ماقبل تحجي ع حسوني . عمي منو الي يكدر يحجي عليه اكلج صدك هو شنو يحب اكلات . كلشي ياكل ماعده شي مميز . ادري بس بهذا العمر مو لازم ياكل سيريلاك . لا هاي ياكله من عمر ٦ اشهر بس هسة مدام ياكل كلشي ميحتاجه . هااا حرمات عبالي اجيبه حتى اكل منه فد طيب ينعل يومه . هههه عبالي بس اني احبه تدري جنت اجيب علبه هي تبقه يومين اني بلحضته نخلصه مو هو ياكله لا اني ورانيا ناكله . ههههه وثول لا اني اضبط منج جنت من نسوان اخواني تسويلهم بكاسة وتريد توكلهم اني اكله لا جيبي اني اوكله هي ماصدك بس تريد تخلص منه خطيه جاهل زين اذا حصله خاشوكتين منه .هههههه بقينه نسولف ونضحك صدك الحب حلو والاحلى من يجمعك بالتحبه بفينه فوك بس اني نزلت ريكت حسن وغسلت ماعين الريوك وصعدت فوك وحتى هو ماطلع من الغرفة مكابلنه وكاعد ويلعب ويه حسن لو وياي احتارينه شنسوي وهو طبعا حيوي يحب الحركه والمرح فكل هاي الفتره واحنا فوك يطلعنه العاب ونلعب مثل xoاو نبات حيوان جماد لعبه الاحراف صدك ونسه لو يكوم ويه حسن يركص ع اغنيه حسن يحبه وهو يساعده يركص وياه حركاته تموت ضحك انط من الضحك عليهم مانزلنه لحد ٢ الضهر اله من صاحونه ع الغده واحنا عبالنه تغدوا بس طلع عمي متاخر بشغل وعمي ميقبل اله كلنه ننجمع سوه يحب كله تنجمع ع سفرة كلنه كعدنه سفرة وحده لان ماكو غريب بس رجل ريام وعدهم النسيب يعتبروه مو غريب يدخل ويطلع ويفتر بالبيت حاله حال الولد بس هم كلش محترمين وخاصه الكردي رجل ريام اذا كعدنه يمه مايرفع راسه ويباوعلنه كلش محترام وحتى هذولك ابد ماشفت مثلهم عود تفوتين من يمه ويباوعلج ابد كبل يدنك راسه حتى من نسلم عليهم يريد وعينه ع الكاع وحمويني شحجي عنهم قليل صدك متعوب ع تربيتهم يعني عمي وعمتي ام يوسف يستاهلون جنه ع هل تربية والاخلاق نجمعنا كلنه ضحك وسالفه وعمي هو محلي الكعده يضحك ويه ولده وهم بس يحششون لو يسولفون ع موقف صاير وياهم جان كل واحد كاعد ومخلي مرته وجهالة بصفه وعمي مخلي عمتي بصفه شكد حلوه تاخذ من الاكل كدامه وتخلي فوك اكله وهو هم يخلي من اكله فوك اكله اني كاعده وحسن بحضني ويوسف بصفي بس يوسف اخذ حسن مني يكلي متعرفين توكليه هو جذب حجه هيج بس علمود اكل ع راحتي باييييييي اكلجن البوكس من اي جه راح يجيني حتى احضر نفسي التعديل الأخير تم بواسطة لامارا ; 23-06-19 الساعة 10:25 PM | ||||
|
| |
|
22-06-19, 06:29 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 27 &&&&&&&&&&&&&&& كيف ترضى البعد وعيونى تحبك 🤔🚶♂️👀 زمرد عشت احلى يومين يوسف محتار شيسوي من نوع حبه مفضوح مو شخص غامض ويخلي كلشي بكلبه لا شنو كلام بكلبه يحجيه حتى كدام اهلى يكلي حياتي لو زمردتي من خلص ثالث يوم العرس عمي كال روحوا لموسى الكاضم (ع) بس اني ماقبلت طريق طويل وهم خطر ومابقه كم يوم وهم نرجع لان العطلة راح تخلص خطيه ليش كل يوم مبهذلة يوسف ونفسي وحسن بطريق وطريقهم كلش مزعج دائما اصير بيه حوادث من اني رفضت اروح شكد اصروا عليه بس عرفوا شنو قصدي وافتهموا خوفي ع يوسف عمي كال لعد اكو مرقد هنا قريب علينه نروح نزوره لسيد والي عرفته عن سيد جان شئنه عند رب العالمين كلش جبير يعني بمعنى اخر مرفوع عنه الحجاب يشوف اشياء منشوفها يعني مثل سيد السستاني وغير من الساده الي الهم مكانه عند رب العالمين بس هو شخص فقير الماده وكل هذا بس مايقبل ياخذ فلوس اذا عالج شخص من مرض او مس كلشي يسويه لوجه الله ويتورط اذا احد انطاه يتعصب يكلهم اني كل هاي المكانه الي منطيه الي رب العالمين تدني نفسي ع هل ورق شكد بقوا يسولفون عليه وع الناس شلون بس تدخل مرقده تشفه واذا عده حاجه تصير رحنه للمرقد اني ويوسف مكان شكد مريح ناس كله زوره وبس تدخل البيت تهب ريحه كلش طيبه من المرقد فد مكان مريح ويخلي بالكلب سكينه عبالك داخله مرقد امام كعدنه بيه صلينه وطلعنه للبيت يوسف قبل لا نرجع وكف يم محل موبايلات نزل كال هسة اجيكم اني عبالي احد مو صيه ع شي او يريد يشتري شاحنه بقيت العب ويه حسن شويه اجه يوسف وبيده علبة ايباد بس صعد خلاه بيد حسن ويكله شوف جابلك بابا . هي المن . لحسن قابل المن ماعرف ليش ضجت حسيت هو جاي يعطف عليه لان حسن ماعده اب عزت نفسي رفضت اقبل يوسف يصرف ع حسن ماتقبلت هذا الشي حتى من يكلي شنو ناقصه ماكله نقصه شي وقبل لا اجي شتريتله حفاضات تكفي شهر وحليب اني محولته ع جياس اشتريتله ٨ جياس لان اعرف بس العطله ابقه يمهم وبره ارجع لبغداد عود اصرف اشوف شلون اصرف عليه بس مهم يوسف ماريده يصرف منه لحسن . لا يوسف حسن شيسوي بالموبايل واخذته من حسن وخليته بصف يوسف شكرا حبيبي ماتقصر بس ..قطع كلامي . طيح الله حضج يعني تجري من ايد جاهل وهو طاير من الفرحه وعرف تره شنو قصدج بس اكلج هذا الشي شيليه من بالج خوش حسن ابني ولاتتوقعين فديوم اكول شتريتله وصرفت عليه ثقي بالله من يوم الي شفته بيد هيثم ماخذه منج رف كلبي عليه وحسبته ابني تدرين ليش لان بيه ريحه منج وكلشي يخصج احبه واموت عليه هذا سوارج الي بيدج من اشوف مرات ع الميز كلبي يرف عليه لان الج مو نوب ابنج ولج والله انتي غبيه وبعدج ماتعرفين شكد احبج . لا مو هيج اني قصدي بس اني ماحب احد يكول يصرف ع ابن مرته وابوه عايش . ولج اني كلساع اعيد وكرر اني ابوه يابه والقران حتى بالديوان كله مجموعه بيوم الحنه كلت هذا ابني وماسمح لكل شخص يكول ابن مرته ومربيه وحتى اكو ناس كامت صيحني ابو حسن وحتى ابويه ذاك اليوم بديوان كله كاعده الشيخ وناس غربه مصاحني يوسف كلي يابه ابو حسن وعرفت حتى هو متقبل هذا شي اني ادري بيج مو مني خايفه بس خايفه من اهلي خاف ماعجبهم وخاف يعيروني بس والقران ابويه كل يوم يكلي هنتلة بحسن بويه عينك عليه لان مرتك مبينه تستحي يعني لو هو مراغب الطفل او مراغبج جان حجه هيج صح بالبدايه من كتلهم كلهم اعترضوا لان عبالهم بعدني المزاجي من اريد شي اصر عليه ومن امل منه اعوفه بس من عرفوا بيه اني مقرر وجاد بكلامي مو لعب جهال حترموا قراري وتقبلوا صح امي الوحيده الي بقت معترضه لحد هذا اليوم وادري بيه حتى متحجي وياج وكو ترد عليج سلام ميخالف تحمليه فتره وتتعلم عليج من شوف اسلوبج واخلاقج وحبج الي واني احبج وماقبل عليج راح تعدل اسلوبها وحتى احنا ماباقين كم يوم وراجعين لبغداد اذا سمعتي من امي او من اي احد ثاني انتي لاتردين او تحجين وياه بس تعالي كليلي واني انشالله ماخلي احد يتعده حدوده وياج . لا اني عرفت اهلك حبابين وصح عمتي مبين عليه متريدني بس عذرته لان هم حقه شي صعب اني وحده من الناس جنت مامتقبلته . اني مالي علاقه مدام كلبي رايدج وهويتج عن كل البنات فمايهمني احد يتقبله مايتقبله مدام القاضي راضي بعد حتى امي ماله حقه يله خلي نترك هذا الحجي ورجع اكررلج حسن ابني وكلشي يحتاجه من مسؤوليتي واتمنى فديوم اشوف ناقصه شي وماكايلتلي والقران ادفنج . لا والله شو صارت بيه دفن . ههههه اكلج شنو الحجاب ياكل ويشرب عليج شو مانزعتي باقيه بيه . ماعرف شو عجبني ابقه لابسته بس صدك حلو علية . اي يخبل هو شنو مايلوكلج .هههه ذكرتني مره جنت صغيره بالاعداديه ورحت ازور فا بتفتيش لبست الحجاب طلعت وحده من المفتشات تباوعلي من وصلت اله تفتشني كلتلي ليش هل جمال مخليه كل واحد يشوفه ولج اني لو من اهلج ابوشيج مو مخليج بلا حجاب . حسستني اني جميله لدرجه بس عرفته جاملني . لا والله انتي كلش حلوه بعني اول يوم من شفتج بقه وجهج بالي بيج ميزه حلوة بوجهج تجذب الواحد وتره انتي الوكت ماماشي وياج مخلصته تعب بتعب من انتي مراهقة هذا كله ياثر ع الوجه وشكل مثل ابوج ومرضه وجنتي بوقت مرحله كلش صعبه درسيت سادس نوب علما خلصتي امتحانات ابوج توفه نوب وره زواج ومسؤوليه زوج همجي وسكير وحملج ولادتج وهذا كله بوحدج ماعدج شخص يساعدج كله تحملتيه نوب فوك هذا كله هل سكط وانتي ب مصالج كم يوم جايبه يصدمج بسوالف ويشبعج كتل وراه شردتي وطلكتي وبقيتي فتره داوين جروحج وتربين طفل وتهتمين بيه وانتي بعدج يحتاجلج تربيه واهتمام الي بعمرج تلكيه ملابيه ماتعرف تغسله مو شايله ع ضهرها هموم الدنيا عمي والله زين ماصار وجه تجاعيد تره الهم يكبر الواحد ميه سنه هسة اكبر مثال عدنه هاي امي ومرت الشيخ تدرين امي اكبر من مرت الشيخ بس الي يشوفهن يكول امي بنت مرت الشيخ لان امي مو اكلج ماتعبت لاتعبت وشافت العوز وكلشي بس حب ابويه ينسيه كل هم حتى هي تكول تجي ايام اضوج وتعصب بس من يجي ابوك ويكلي شبيج شنو المضوجج منو المحاجيج بس كولي من اشوف اهتظام تكول انسه كل همومي وينزاح واذا احد ضوجه ابويه مايقبل ويلعب طوبة وبس خلي تكول ااخ يبو يكلب دنيا يحتار شيسوي يعوف شغله ويكابله منا لحد ماتطيب مايخلي لكمه بحلكه اله يعرف ام يوسف اكلت ومرتاحه ومحد مضوجه شلون ماتترتاح ويبين عليه صغيره اما خطبه مرت الشيخ مو مايحبه بس مشاكل وهو شيخ وناس دخله وطالع ومزوجه عليه بعد اثنين بعد تعرفين مشاكل الصير اذا رجال زواج ع مرته وفضل عليه وحده حتى لو عادل وياهن بس راح تبقه مقهورة من يجي الليل وينام يم غيره وكدام عينه يصير هذا الشي . صددك يعني تلشيخ مزوج ثلاثه . اي بس هي الي دائما تقوم بالواجب وتجي اللمناسبات لان هي الجبيره . يمه والله خطيه المره موته ولا تكله رجلج راح يزوج عليج من تسمع مره رجله زوج عليه بس كول الله يكون بعونه وينطيه صبر . لا مو لهل درجه واذا يعني قابل مسوي جريمه . يوسف صح الزواج من ثانيه وثالثه حلال بس صعبه علينه احنا نسوان لان راح نحس انو بينه نقص بينه خلل او شي مو حلو فافضل علينه وحده ثانيه المره اذا خيروه تموتين لو رجلج يزوج عليج راح تختار الموت ولاتقبل وحده تجي تشاركه برجله .اويلي يابه لعد شكد انانيات . مو انانيه هذا حب بس وين الي يقدره . ههه شو تعصبتي ولج بس لا انتي منهن هم اذا زوجت غيرج . والقران ماتعب نفسي بس من يزفوك عليه اجيب نفط ورشه كدام غرفتكم وشغل عود شخاط عوزك تزوج وحق ربك بس فكر اله اللعب بيك طوبه انته بس فكر وشوف . هههعهههه ولج نصي صوتج فضحتينه انتبهت ع نفسي صايره اعصاب وصوتي عالي ماعرف ليش بسرعه اتنرفز من اسمع شخص زوج ع مرته انجن احسه اصعب من الموت من رجلج يروح ينام بحضن غيرج ويسد الباب عليه من وحدي اصير نار . والله يايوسف تريد تموتني كلي اريد ازوج عليج . هههه وشبيه اخذ عليج تره اني هم ضد هذا شي رحال اله حق يزوج ع مرت بس اذا ماتخلف او مريضه ومرضه يخليه تقصر بحقوقه فقط بقينه نسوالف وهو شابع ضحك عليه لان تنرفزت هي كل سوالفنه نفتر وحتى جاببنه لفات كباب اكلنه بسياره هو مجان اله واهس يرجع للبيت يكول ملحكين ع الحبسه وهوسة جهال مبين مايحب كثره الجهال لان دائما يكول بس ريام تعجبني جابت اثنين اطفال وبعد ماخلفت ربتهم تربيه حلوة دللتهم شنو يردون جيبلهم لان بس اثنين تلحك ع مصرفهم وحتى يكون عده وقت زايد مو مثل نسوان اخويه كل واحده عده اقلشي اربعه علما توكلهم وتبدلهم وترجع تكمل شغله نوب ترجع تغديهم والطلاب درسهم راح وقته ومشافت الراحه يادوب تكعدله ساعه باليوم وهم مو كامله يعجبني تفكيره همزين مايحب كثره جهال عكس اخوه يعني حسن وهذا طفل من اجيبه يمكن يكلي بعد كافي ماريد خلفه عاد اهتم بنفسي اكوم بلكي من اتخرج كبرانين حتى من اتوضف مايبقه بالي يمهم بقينه لحد اربعه العصر فرانه المنطقه كله مابقه شي ماشفناه وحسن متونس يباوع ع الحيوانات ع البقره ع خروف والبط ودجاج هي مو بشارع وحده تمشي لا بس من نفوت ع مزرعه هنا بكل مزرعه موجودات مثل البقر مخليهن بمكان مسيج والخرفان هم والبط يسبح بهذا النهر الصغير الي هم يسموه ساجيه . يوسف هسة هذا البط المن شو اشوفه وحده محد يمه يعني صاحبهن ميخاف ينباكن يضيعن . لا ميضيعن هسة بس تضلم دنيا من وحدهن كل وحده تروح لصحابه تعرف بيت راعيه هي مو احنا عدنا كل يوم نفتحلهن الباب مايرجعن منا لحد المغرب مافديو اجني ناقصات وماكو هنا بوم حتى اذا نباكت وحده بسرعه ينعرف الباكه . يا سبحان الله ويكلك حيوان مايفهم .لا اني اصلا مرات اكول الحيوان يفهم احسن من بعض البشر فد ذكي الحيوان تخيلي عدنا جان كلب (مكرم سامع) اختي مربيته فاطمه عي مو تلزم لو شي لان تكش نفسه بس ذكره كل وجبه ومي تنطيه تعود ع فاطمه كل يوم لازم جيبله هي من زوجت واخذتله شهر اله اجتنه هي نزلت من سياره باب البيت احنه جنه كلنه واكفين وهو بس شافه نزلت رحله يركض عليه وكام يحوس جوه رجليه شلون طفل شاف امه وينبح عبالك يسأله وين جنتي . اووف يعني غزرت بيه هل الكمه جانت توكله اله والله عمي احسن من عمامي لودري هيج جان ربيتلي جلب عاد من اختفي يفقدني . هههه حلوة مال احسن من عمامي يله سدي الموضوع احسن ماريد شي يضوجج تدرون ليش هيج حجيت ع عمامي لان ذكرت من ابويه اخذته للدكتور وعمي لاكانه سلم علينه عبالك واحد غريب ولا جان الي بالعربانه اخوه ماكال خلي ابقه وياكم اشوف شنو بيه اخويه حتى ماسئل ليش جايبته هنا حسيت بابا ضاج بس طبعا مايحجي من حجيت كلي ميخالف بابا عذريه يمكن عده شغل رجعنه من دكتور وبكته مال دكتور حاله ابوج كلش جاي تتعب لو هو صدك جان عنده شغل وماكدر يبقه ويانه ماخلص شغله بليل وكال خلي اروح لااخويه اشوف شكله دكتور عمي هسة لايجي شيل تلفون ودك عليه ابد لا دك لا اجه يعني ماغزر بعينه الملح والله يمكن ابويه لو مربيله جلب جان هم من مات حزن عليه وفقده وزاره من طلكت من هيثم كلت لعمي عمو اني مازرت قبر ابويه بس مره وهيثم من زوجت للباب مايخليني اطلع فريدك بس تدليني وين مكان قبره يكلي عمو والله اني هم ماندله لان بعد مارحت من اهد الاربعين مالته بقيت صافنه عليه وكول بكلبي هذا هم ينحسب اخوا همزين طلع ابو رانيا احسن منهم يندله واخذني زرته لان جان بكته عده اقارب ميت قريب ع بابا فكال كل ماروح ازور قبر ابوج وهديلة سورة يس عمي خلفله عليه احسن من عمامي الي شاغلتهم الدنيا والفخفخه والوانسه وجمع الفلوس عدهم اهم شي الفلوس امهم وابوهم ذبيت حسرة واستغفرات ربي حرمات تنحسب عليه غيبه ع ناس ماتسوه رجعنه للبيت جان بهذا الوكت كله بغرفها ميطلعن اله وره الاذان رحنا لغرفتنا نمنه جفي من تعب حتى صلاه المغرب فاتت علينه ماكعدنه اله هم كعدونه ع العشا اختصار الاحداث كمت اكعدكل يوم من ٥ الصبح كله تكعد صح كوه اكعد بس شسوي عيب منهم وحس نفسي مثل جهاز جديد مخليه تحت التجربة بس ماشتغل هواي يعني يادوب اساعد هاي الايام عمي والولد ويوسف كاعدين لان الجو كلش بارد ومطر ماوكف يومين مستمر حلوة جمعتهم وخاصه دنيا تمطر ومضلمه وكهرباء ماكو كلهم ينجمعون ويبقون يسولفون ويحششون ويوسف يلعب جوله مو جهال تخاف من المطر والرعد فوك خوفهم وصايرين مدرسه من وره الصريخ وحسن وياهم ع الواهس بس من اشيله يسكت مره جنه كلنه كاعدين ودنيا نكلبت هوا ومطر ورعد وكلما يصير صوت بالسماء جهال تصارخ بهاي الاثناء دخل يوسف لابس عبايه اكصيره واصل لحد ركبه وجه متغطي دخل عليهم يعوي جنه ذيب عااااا وووووو وهاي جهال كامت تطافر وتصرخ اجتي ام طويله الوصخه اني بس شفتهم شلون يتكامزون ويصرخون اجتي ام طويله الوصخه اريد اسكت متت ضحك عمي عمتي امهاتهم حمويني كله سكرت من ضحك نوب خطيه مصدكين ؤاح ينوكلون يردون يهجون بشارع يسمعون صوت الرعد والمطر يرجعون من يرجعون يلاكيهم يوسف اخر شي يوسف ذب العباية وكام يضحك وهما كلهم كعداو بالكاع تعبوا من البجي جمعتهم حلوة تمنيت حتى مارجع لبغداد والحبسه بس شسوي دوام نوب ثاني يوم تغير الجو من مطر وغيوم ال جو دافي والشمس طلعت هم من شافوا الجو حلو كله تريكت وراحت لشغله وعمي ويوسف راحوا للمزرعه يريدون يرتبوه ويعالجوه من المراض حتى يزرعون كله الرياجيل راحت مابقه احد بالبيت واحنا النسوان كل وحده لزمتله شغله ام مؤمل تغسل ماعين اني انضف البيت ام كرار عليه الغده والعجين والخبز مال الغده وام حسن طلعت للكراج تنضفه واكو حمامات خارجيه مخليه للخطار هم تنضفهن لان البيت ندمر من المطراني كملت تنضيف وحسن ابد ما يتركني انضف الاستقبال يمي انضف الدرج يمي مثل ضلي وعمتي وريام كاعدات بغرفه عمتي ريام تبدل لجهالها وتصفط ملابسهم لان العصر رجله يجي ياخذه من كملت شغل رحت للمطبخ اشرب مي لان تعبت من البيت كلش جبير يشلع الكلب جانت ام كرار جاي تركب وام مؤمل تمسح بالكاع مال المطبخ ردت اطلع حجت ام كرار . عيني زمرد تره الطحين نخلته تعالي عجنيه اني جاي اسوي غده ومابقه وكت ماجاوبته رحت للطحين لكيته ناخلته ومخايته بنجانه يمكن الطحين اذا نخبز بيه مقدار ميه خبزه واكثر لان تخبز مال وجبتين غدا وعشا صح اني اعرف اعجن بس مو هيج كميه يادوب ع كد عشر كرص بس ماحبيت اكله ماكدر وتبقه تصنف عليه كعدت حسن يمي وعجنت وبلكوه اكدر المه حتى اديه صارت دم من كد العجن وكتافي كامن يوجعني والله كلت زين الطفل وره هل العجين اذا بقه توني بديت اخلصه ريام فاتت وهي تخبلت من شافتني ريام. هي ليش تعجنين انتي مو حامل وهذا هواي عجين وندارت ع ام كرار احنه يا يوم مخلين حامل تعجن ها ليش هيج سوين شنو متعرفين ام كرار. ع كيفج اكلتيني وشربتيني هسة هي عجينه شنو موديته تحش تحلب مو هاي احنه كدامج نركض ليل ونهار شو محد يكول خطيه ريام. ها هسة صرنه موزينين ونفرق عليج القران مو من لول يوم نعرف بيج حامل لحد اخر يوم انتي او الباقيت مانخليجن تلزمن شي بس مجرد شغل بسيط لحد اخر حمل لو اني غلطانه ومن كلجن حبلتن سوه مو كمت اختي ايه تجي تعجن وتخبز وتروح لعياله لو اني غلطانه ليش زمرد وحد وابويه كل شوية ونبهجن يابة البنيه مامتعلمه ع شغلنه ع كيفجن وياه علمنه لاتعبنه ويوسف هم وهي يومين و ايحه يعني خطار زمرد. ريام يله مصار شي عادي هسة بعد اني خلصته ليش تصير مشكله بسبب شي ميسوه وهسة هاي اني كدامج قابل صار شي ع طفل فدوة عيب خاف يجي احد من الولد او عمي واصير مشكله ع شي بسيط ريام راحت وتحجي ع ام كرار بس بصوت ناصي مبينه ضوج منه اني كملت شغلي ولميت الغراض وغسبت اديه ورحت كعدت بالهول بيه قنفات وكعدت اباوع ع تلفزيون نوب اجتي ريام يمي كعدت تسولف وهم سولفتلي ع عرسه وتقاليد الاكراد وشنو يحبون وشنو يسون وشوفتني صور بيته مرتب ونازك زتحب الوان الابيض بيته عبارة عن بياض ونضيف يلمع مرات تحجي وتنسه نفسه تحجي كردي واني كله اي وداعتج فهمت وهي تضحك عليه لان ابقه صافنه بوجه جهاله اخذو حسن يلعب وياهم بس ع تهم مقابيلنه واكو جهال حمويني هم وياهم يلعبون وجهال تلعب ختيلان كل مجموعه كعده سوه بس هم كلهم يمنه لان ميكدرون يطلعون واحنا نسولف فاتت ام كرار وبيده علاكه حلويات انطت لكل جهال جان حسن بحضن ابن ريام وصلت لابن ريام انطته وحسن مانطته واستمرت تنطي لجهال حبيبي مامد ايده بس من فاتته بقه يباوع عليه شوكت ترجع تنطيه من شافه كملت باوعلي عود اني ماخذت اني كوه لزمت نفسي الغصه خنكت بلعومي بسرعه رحت اخذته وصعدت فوك اني مو مشايفه حلويات لو مامكلته بس يبقه طفل لو هسة ماكل هم تنطيه بس دخلت للغرفه عبالك لكيت حجه حتى ابجي كمت اشهك ودموعي مثل المطر نوب امسح بيهن اريد اسيطر ع نفسي ماكدر اني صح مابين ع نفسي اذا اضوج وطبيعتي حساسه وعدي عزه نفس ماعرف ابجي ع حسن لو بجيت ع نفسي لان جاي احس مامرغوب بيه من نسوان حماي ثلاثه وعمتي لو من عمامي الي محد كال خلي اخبره اسئل عليه شمروني شمره الجلب لو انقهر ع نفسي لان ماعدي اهل اسند ضهري عليهم ومن اضوج من شي اخابر امي واشكيله ولو احد سمعني كلام اشكي لابويه صح رانيا واهلها يخابروني ويسئلون عليه كل يوم بس يبقون الاهل غير اخ يايمه ليش ماخذتيني وياج مو كتلج خلي اروح وياج ليش كتيلي غير مره اخذج ليش جان هسة يمج خلصنه من هل اذيه وحركان الكلب حضنت حسن وابوس بيه . والقران ماخليك بذله احد او فديوم احد يطخك حتى يوسف اذا فديوم عله صوته عليك اخذك وامشي وماخلي احد ياذيك احرك دنيا علمودك شويه وصعدت ام مصطفى وريام يمي وهنا بس شافني ابجي ضاجن وبقن يغلطن ع ام كرار نوب ام مصطفى كعدت تبجي ماتحملت وكالت . اني هم مريت بهذا الشي جانت مرت ابويه من تشتري لجهاله واختي طفله تروح تكله واني هم اريد تكله انطيج سم وكامت تبجي بقهر ريام. يايا جا اني ردتج عون طلعتي فرعون عود كتلج صعدي خلي نهديه نوب انتي كمتي تبجين اسم الله مافاتتلنه الضحكه مال البارحه ولجن كافي شنو مدبلات بس ردتن عزه وتبجن بيه لو ادري هيج جان جبت الملاية ولج زمرد والقران رزلته رزاله معدلة غسل ولبس وحتى امي كامت عليه لعبت بيه طوبة ام مصطفى. اي والله لكيت ريام لعبه طوبة واني هم كملت عليه وعمتي طلعت انطته كلمتين بالعضم ريام. يا شفتي ابني شلون شمر الحلويات ومخلاه بحلكه ونهضم من شافج صعدتي يكول ماما خاله زمرد عيونه بيهن دموع ام مصطفى. اي والله لكيت ريام لعبه طوبة واني هم كملت عليه وعمتي طلعت انطته كلمتين بالعضم ريام. يا شفتي ابني شلون شمر الحلويات ومخلاه بحلكه ونهضم من شافج صعدتي يكول ماما خاله زمرد عيونه بيهن دموع ام مصطفى. طيح الله حضه حتى الطفل احسن منه مادري شلون رب العالمين تريد يوفقه من تخلي جاهل مكسور الخاطر ريام. يله زمرد كافي لاتقهرين نفسج لايجي يوسف ويشوفج هيج والقران يلعب طوبة كبل يروح للشيخ ابوه وعيب توصل السالفه للزلم تصير مشاكل بقن يحجن وياي وكومني غسلت وبقن يمي يسولفن وحبن يغيرلي جوه حتى انسه من سمعنه عمي ويوسف اجوي بسرعه غيرنه واني رتبت وجهي بالمرايه حتى مابين باجيه ماريد اقهرة وهو طبعا عصبي باي التعديل الأخير تم بواسطة لامارا ; 23-06-19 الساعة 10:33 PM | ||||
|
| |
|
22-06-19, 06:35 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 28 **************** ✍ الشريفه شكد نضيفه 🙅♀️💫 بس دوام عاكسها البخت✋🙇♀️🚶♀️🚶♂️😿🤕 والسخيفه شكد خفيفه💃💃🔞 كل يوم تلكالها بخت🏜👫💏👑💍 ماعرف ليش كلش تاثر بيه 👆 يله ربك كريم خلي نرجع للقصه ☻☻☻☻☻☻☻☻☻ بقن يحجن وياي وكومني غسلت وبقن يمي يسولفن وحبن يغيرلي جوه حتى انسه من سمعنه عمي ويوسف اجوي بسرعه غيرنه الموضوع واني رتبت وجهي بالمرايه حتى مابين باجيه ماريد اقهرة وهو طبعا عصبي بقن كاعدات يمي عود يسئلني ع العدسات يريدن يعرفن نوعيته دخل يوسف يوسف. هلو شلونكم اليوم جاي خطار لغرفتي الله يستر من جمعتجن كلنه. هلة بيك ريام. يمه ليش الله يستر من جمعتنه شسامع علينه يوسف. يكولون اذا نسوان نجمعن بمكان مغلق يكعد شيطان وبيده ورقه وقلم يتعلم منهن كلنه ضحكنه اجه تمشه اخذ حسن من حضني وباسه نوب باوعلي يوسف. شنو باجيه شو وجهج مال واحد باجي ندار باوع ع البنات وحجه . والله كلت اكو شي ريام مو طبعج صعدين بغرفنه اني او اخواني وهسة وكت غده وهيج وكت كلجن جوه شكو احجن زمرد. ياا قابل شكو بس رانيا دكت عليه وكالت مشتاقتلج وكامت تبجي واني وياه ع الواهس ريام. اي واني وام مصطفى جنه نسوالف ابني اجاني كلي ماما خاله زمرد سمعته تبجي وصعدنه نشوف شبيه عبالنه ضايجه من شي طلعت تبجي ع صديقته البطرانه واني وام مصطفى نخلسنه عبالنه احد مضوجه يوسف. ههه والله فايخات وجهج مورم من البجي علمود رانيا الخبلة اني لو منج اهز جوبي لان خلصت من خبالاته زمرد. لا والله ليش تحجي ع رانيا هاي الروح يوسف. تره والقران جاي اغار منها احسج تحبيه اكثر مني ريام. والله مبين رانيا بنيه حبابه واهلها مبينين كلش يحبون زمرد ماكو هيج ناس يحترموان الصداقة واوفياء ومانسين العشرة بهذا وكتنه كرايبك مايسئلون عليك بس وقت حاجتهم ومصلحتهم يوسف. والله شكد يعجبوني هيج ناس بهذا وكتنه بدوا ينقرضون مثل ذاك اليوم شكد قهرني ولد صديقي من الاعداديه شكد جانت علاقتي قوية بيه وبعد كطع بس من اشوفه سلام عادي قبل شهر خابرني عنده شغله ومايحله اله الشيخ ودك عليه لان اني اعرف الشيخ وابويه صديق الشيخ بقه كل يوم يدك عليه شلونك ويلكلني اكل بسلام وتعال نطلع وخلي نشوفك بس خلصت شغلته بعد هم رفع تليفونه وخابرني حتى بعرسي ماجه يعني هذا هم اعتبره صديق واكو صديق يعرف صوتك من الموبايل اذا جنت ضايج او فرحان واذا عرف بيك مريض او واكع بمصيبه شد روسكم يكرعان يصير الك جسر ودرع يحميك من الهوا الي يطخك زمرد اذا تذكرين من اجيت لعمامج واكو وياي ولد زمرد. اي اذكره يوسف. هذا تدرين شنو علاقتي بيه مره صعدنه كيات للكليه وخطيه ناسي فلوسه بالبيت تورطت دفعتله الف دينار ونطيته خمس الف دين حتى يمشي يومه بيهن بالكليه كام من يرجع من سفر لازم يذكرني بشي وكله ماركه لو بعرسي احتار شسوه ومف وكفه وهسة بس ادك عليه وكله عندي فلان شغله كبل يجي بدون مايفكر او يسئل شنو السبب ام مصطفى. بس لاهذا نفسه الي كلت انطيته سيارتك يوسف. اي هو انطيته سياره مره كتله اني عندي عطله وراح اروح لاهلي ماكدر اتعبه بطريق خليه يمك وعليك القران احسبه سيارتك لان هو ماعنده سياره من رجعت لكيته مفوله بانزين ومشتريله فراش للكراسي وغاسله كتله عمي بعد اعوفه يمك كل مره بس اني هم يعني بس يدك عليه راكض وياه مره مرته صارت عده ولاده بنص الليل بس خابرني كلي يوسف مرتي جاي تطلق اني كتله جايك لاتاجر سياره قبل لايكلي وبقيت وياهم لثاني يوم واركض وياه لان حالته تعبت وشنو اسويله قليل بحقه هيج صديق حرمات ينخسر لان بهل وكت كله تركض وره مصالحه مايسئل عليك اله عنده شي يعني البارحه ساعه ١٠ دك عليه سلم عليه وسئل عليه كتله عليك الله خاف عندك شي ومستحي تكول كلي لا والله بس مشتاقلك وحبيت اسولف وياك وسئل ع احوالك والله حتى خجلت من نفسي لان مقصر وياه ومداك عليه ريام. لا خويه هيج صديق واصله وخابره واسئل عليه تذكر ابويه من يكلنه الصديق الحقيقي اخوك الي ماجبته امك بقن يسوالفن وياه وهو يناقشهن وحسن بحضنه يبوس بيه وكل شويه يباوعلي ويبتسم نوب نزلنه جوه اني والبنات وهو دخل يسبح سلمنه ع عمي وكال لريام ولج ابنج بالحمام صاله ساعه اريد اسبح وكل مره ادك عليه الباب اكله جدو ستعجل مادري شنو يرطن عليه بلكردي يمكن حتى يسبني واني مادري ضحكت وكلتله لا يابه حشاك غير اطيح حضه هسة راح اطلعه راحت للحمام وكامت تحجي وياه كردي وهو يردله كردي احنه نبقه نضحك عليه لان مرات ماتكدر تعبر عن عصبيته بالكردي تحجي عربي وتنتبه هو مافهم ترجع ترجمله شنو حجت وعمي يكول هسة تلكيه تكله ماسبحت اله ويه جيه ابويه العكره يحجي ويضحك عليه نوب شويه وطلعت ابنه ودخل عمي يسبح وستلمه ابو مصطفى يكله ترجميلي شنو حجيتي ويه ابنج رحنه للمطبخ وام كرار جانت بالمطبخ الحار تكلي دجاج اني اخذت الخضره من ام حسن لان رجله صاحه هي احسه حبابه بس لان ام كرار ماتحبني هي وياه وام مؤمل هم ع واهسن عبالك امريكه وايران يوسف نزل وشفته راح يم امه كعد بصفه يسوالف وياه وحمويني نص كاعد يلعب بموبايله ونص واكف يمنه يلكط من الماعين مثل ابو مؤمل وابو حسن وابو مصطفى كاعد يتعلم كردي وشابعين ضحك عليه جهال ريام لان يلفظ غلط احنه كملنه واخذت اني السفرة فرشته بالمكان الي كاعد بيه عمتي ويوسف لان مكان جبير يكفيلنه كلنه بس من دخلت جان يوسف كاعد بصف امه ويحجون بصوت ناصي بس دخلت سكتوا ويوسف ضايج بس بسرعه من باوعلي ابتسم وردت ادنك امد السفر ماقبل ادنك هو ماكو واحد من الولد بس ماقبل اني رحت اشيل ويه البنات وابد ماحجيت ويه ام كرار او بينتله اني ضايجه ولاعبالك كعدنه كلنه سوه اكلنه ويوسف مخلي حسن بحضنه ويوكل بيه نوب من خلصنه اني كمت اشيل اماعين ويوسف كعد ع القنفه حسن يمشي ورايه ويكلي غسلي اديه واني اكله هسة ماما عمي فتت من يم عمي جاي يغسل وحسن ورايه عمي شاله من بطنه عمي. تعال اني اغسلك دوخت امك تركض وراه صير زلمه بله خلي اشوف اديك اني بس شفته شاله بسرعه تركت الماعين ع اقرب مكان وكتله لا عمي اني اغسله شنو شيله ماتكدرله عمي. شنو قصدج شايب ومابيه اشيل جهال تره اني عمري ٢٦ (عود قصده عمره ٦٢) صاح يوسف من الغرفه يوسف. ها يابه لعد واحنه شوكت خلفتنه واصغر واحد من خلفتك عمره ٢١ سنه عمي.لا بويه اني اتبنيتكم اصلا امكم ماتخلف يوسف. انا اخوك ابو مصطفى جن ابويه تبره منه ام يوسف. شنو حجي شو احسك من رحت لبغداد تغيرت ماتقبل احد يكلك كبران ابو يوسف . والله يا خوية يا ام يوسف بغداد صايره ترد الروح عبالك رب العالمين منزل بيه حور العين يفترن بشوراع هو لس هيج حجه الولد كامت تضحك وتكول ابويه راح من ادينه يوسف. واني اكول ابويه يكلي بويه مانبقه بعد كم يوم وبليل مالكاه بفراشه ابو مؤمل. زين انته هيج اني اجني يكلي بويه اريد سويلي فيس وسميه معذب قلوب الجميلات يوسف . نشحط من الضحك . وياك الوصف مالته كتبله انا كل اسد كلما كبرت زادت هيبتي عمي. ايا لواته كمتوا تتبلون عليه وداعتج ام يوسف يجذبون يردونه نتعارك اني وياج عمتي. لا ابو يوسف انته مو مثل قبل هل ايام من ادك عليك الكاك مشغول وكلبي يكلي تره اكو شي بس اجذب نفسي اكول رجال جبير مايحب هاي شغلات يوسف. جنه علكت ولعباس اني خل اشرد لا يلوحني طفار عمي. تعال ولك مو سوي المصيبه وتشرد يوسف. واني شعليه انته كلت بلسانك بغداد متغيره ندار على اخوته. عليكم العباس مو كال كله اي اي عمي. والله حرامات التعب بيكم وانته يايوسف بسيطه اله اخذ السياره منك يوسف. هاا لا بويه اتقشمر وياك وانتي يمه بسرعه صدكين اني من كلت مالكاه بالفراش ماخليتوني اكمل اني مو مالكاه اروح ادوره بالبيت تدرين وين الكاه كاعد ع درج ومطلع صورتج ويبجي من الشوق واني ابقه اواسي بيه وكله يابه كافي بسك هنا يومين ونرجع ويكلي لا بويه اني مابجي لان مشتاقله بس ابجي ع حضي شمالني ما شفته من حبيته اجنت شارب هو هيج حجه وهم كلهم كم الجاي يطلع من خشمهم وعمي يكله جذاب جذاب مالج شغل بيه يعني صدكينه واني حبيبج جذبيني عمتي. ادري بيه يجذب محروك كلبه يكلك صالهم ٥١ سنه مزوجين حتى بالشقه مامديت ايدك عليه يوسف. عاااا بوكتكم جانت سياره العرس الصندوك مال الطماطه والزينه مال الصندوك كشور بصل وامي مو لازمه بدال الورده راس خس اني نطيت من الضحك اريد الزم نفسي ماكدرت نوب كله تباوع عليه وتضحك بس اني لزمتني ضحكه وصوتي عله ابو مصطفى. ولك كافي اسكت البنيه ماتت دشوف وجه صار ازرك نوب الزم نفسي واكول كافي وارجع اضحك وهم ع ضحكتي كله تضحك وعمي يكله زمرد عبالك خازنته الضحك مال سنه اخر شي كمت للمطبخ لان من اشوفهم وتخيل عمي وعمتي كاعدين بصناديك وعمتي لازمه راس خس ارجع اضحك . ماعرف مرات تجيني شلون الحاله اذا استمريت اضحك بعد ماسكت عمي. يمعوده بسج الطفل راح يوكع من ضحكج غسلت وجهي واخذت نفس وفكرت بشي بعيد عن الضحك بعدين رحت يمهم من شفت نفسي بعد مارجع اضحك بس دخلت كله تباوعلي وتضحك ابو حسن. لازم اول مره هيج ضحكين بس عمي ويامن ضحكين اذا انتي وحدج يوسف. لا كول اني شخص كوميدي اني حتى احمد حلمي مايلحكني بتحشيش بقوا يسولفون نوب كل واحد صعد بغرفته واني هم صعدت نومت حسن بس يوسف بقه جوه شويه تمددت ع ضهري لزمت بطني راح ادخل الرابع وبطني صغيرة وحس هذا حملي كلش خفيف مو مثل حسن بس دخلت ثلاثه اشهر كمت احس نفسي شايله علاكه وياي بس من سولفت لا ام مصطفى اليوم كالت طفل عن طفل تتغير العراض وتكول يمكن بيج بنيه لان يكون حمله خفيف مو مثل الولد وحتى طلوك اسهل ابتسمت يارب وجهج خير عليه وبعد ماشوف التعب والهم من ع وجهج ماريد كلشي بس الراحه ويوسف سالم من كل شر ويحفضكم الي انتي وحسن زمرد. ها وين جنت اجه تقرب عليه وباسني من راسي يوسف. اسوي حد لكل واحد يضوجج زمرد. منو مضوجني يوسف. عرفت ليش من اجيت لكيتج تبجين زمرد. منو كلك يوسف. امي صح امي ماتريدج ومراغبتج بس مو معناه تكبح وياج وتخرب بيني وبينج وتكره طفل ماله ذنب بكلشي وجانت كلش ضايجه من الصار بس حلفتني ما حجي كدام الكل وتدري بس يدري ابو كرار يطيح حضه بس كالت كتلك حتى تحجي وياه ع نفراد بدون ماحد يدري لان اصير مشكله وهي شغله متسوه فاني سويت نفسي عادي ولا جني ادري بس السالفه دك بكلبي ردتكم بس تصعدون وابويه ينام بغرفته وحجيتها وكتله زمرد وحسن خط مو احمر لا فسفوري وطاش فوكه عبوات بس واحد يدوس هل الخط بس الله يدري بالي اسويه فبتعدي عنهم وحسبيه ماموجوده وهل مره اجيت ونبهتج ثاني مره اروح للشيخ زمرد. لا ميصير هيج يوسف تحاجيه والله السالفه ماتسوه بس اني شويه اتحسس من كلشي وخاصه ع حسن يوسف. لا خلي تولي ابد مايغجبني سلوبه حيل شايخه وحتى اشوفه ماتعتبر امي واني بالاول ماحجيت وياه بهيج سلوب وكتله يمكن ماجنتي منتبها من كثره الجهال ترد عليه لا اني متقصده جنت ومتجبرني انطي لمنو زمرد. والله ماعرف ليش هيج تكرهني شايفه عليه يوسف. هنا كلهن هيج ع ابو اني بنت الشيخ مادري شعجب اخوية بيه مغرورات زمرد. لا والله اخواته مره اجني فد مؤدبات ضحكن وسولفن وياي بس هي يوسف. اي بس هي وبعد اكو وحده يمكن مشايفته هم مغرورة مثله وتحب بس نفسه شكد اكره البشر الي يحس نفسه احسن من باقي الناس وهنا هيج زمرد. اخته الي جنت تحبه اني بس هيج حجيت باوعلي بتسأل يوسف. شنو منو كلج زمرد. مره سمعته وعرفت من كلمه انتي عندك علاقه هيج شي يوسف. سالفه مال زعاطيط خلي تولي زمرد. حباب سولف يوسف. انتي بطرانه سالفه راحت بوكته بس لا تغارين زمرد. لا ماغار بس بديت اغار لان متريد تحجي خاف بعدك تحبه ويبين عليك اذا حجيت يوسف. وثوال يعني انتي هيج تفكيرج اذا صدك لعد شكد عوبة زمرد. تخصرت شو بس تغلط وثوال لو عوبة لو الله يطيح حضج لو غبية يوسف. ولج هاي من كد ماحبج هيج اكلج يعني بحساب احبج وماتحله سالفه اله بيه غلط . هههه جرني ونام فوكاي يمه فدوة للتضحك شبيج مساعه تخبلتي غير شعلتي كلبي لو ماعيب جان عضيتج كزكزت ع خدودج تنرفع من ضحكين ويصيرن حلوات خجلت من حجيه ويتحرش بيه . اي اي غلس ع سالفه تعرف شلون تغير الموضوع . ولج انتي فايخه تريدين سوالف واني مشتعل خالي من البرد ولج شبعان برد . تغطه بالبطانيه ههههه . امداج يل فاهية شسوي بالبطانيه وانتي يمي جان من يزوج صديقنه بشتا احنه العزابيه نكله هنيالك مراح تحس بالبرد .ههههه شنو مزوج مره لو بطانية احبك . ههه صايره حشاشه . يوسف ابو بريص ع الحايط اني كتله هيج حتى يكوم مني وهو صدك بسرعه طفر ع نعال (مكرمين) حتى يكتله بس باوع مالكاه . هههه جذبت عليه ولفيت راسي بالبطانيه . والله لو حتى تختلين بسجن ابو غريب هم الحكج شنو عود البطانيه لفيتي نفسج بيه تريده تحميج مني ههاي ماحزرتي وطفر ع جربايه بصفي اني طلعت راسي من البطانيه . يخرابي اي الي حصل . ده زلزال ضحكت مثل المصريات . هههاي ينهر ابيض . ياواجيا (ياواطيه) الكاتبه زيليش. عذروني مادري شنو صار لان اني جنت جوه الجربايه وخذتني الغفه 😆😆 اختصار الاحداث مرات الايام نفس بعض ماكو شي جديد نكعد من الصبح ساعه ب٥ اني صار عليه ريوك غسل اماعين الريوك لان قسمن الشغل عمتي الي قسمته وكالت ماعليج لا بالعجين ولا بالخبز منا لحد ولادتج واذا راحت وحده من البنات لاهلها نقسم شغله علينه اني صح اتعب بشغل وكعده الصبح تخلي واحد مسطور بس هم حرام عليه لان كله جاي تتعب واني اقل وحده اشتغل لان هنا حتى مرات اذا ماكو احد موجود من الولد يرحن يحشن للحيوانات ويلكطن زرع اذا ماعدهن وحتى يحلبن البقرة ويوسف كللهم حتى من جيب زمرد ماله علاقة بهاي الشغلات حده شغل البيت صح ام كرار بعد ماتحرشت بيه او بحسن لا كلام ولا فعل بس مرات اسمعه تكول والله عمي خوش احنه وحد ليش متروح ويانه ساعدنه بس دائما ام حسن ترده تكله احنه نروح صدفه مو كل يوم وهي البنيه مامقصره او تغلس ع شي شو شنو شوف كدامه بدون مانكلها تسويه حتى لو مو عليه الوقت ومن نروح لاهلنا تاخذ وقتنه هم الله ميرضاها بنيه مخلصه عمره وحيده يادوب تخدم نفرين مو هسة عشيرة مال جهال ينكسر ضهرها الصبح من تكلاه البيض فرحني كلامه همزين عاد وحده زينه وياي وهم الله مايرضه بضلم البشر ام مؤمل زينه وياي توكف الصبح ساعدني مرات اني اكلي وانطيهم ياكلون ورجع اكلي لليجي فهي اذا حسن كاعد من الصبح تكعد تسويله لفات وتوكله ويه جهال وهم عمتي اباوعله ماتفرقه عن جهال تنطي جهال فلوس حتى يشترون وهو وياهم يجيني لزمه بيده ويكلي هوس هوس عود فلوس بس ام كرار فد مغروره وانفه وصدك مثل ماكال يوسف تحب اصير هي ام البيت والتأمر وتنهي واني اتخبل من هيج سالفه احس نفسي خدامه فمامشي ع رايه هي تكوم تكمز يعني مثل فديوم كالت زمرد عود عوفي الماعين ع ام مؤمل اليوم وانتي نضفي البيت لان جاي تتعب اني كتله شنو هي شاكيتلج لو انتي المحامي مالته هاي عود من تجي وتكلي زمرد اليوم نضفي البيت بدالي مريض انضفه بدون حتى ماخليه تغسل الماعين بدالي وهي كامت تكمز اسمعه راحت لام حسن تكله تحب تكسر كلمتي وتغثني وطبج مرض منو كايلج اصيرين محامي للناس هسة تكولون شو متغيره مو زمرد الطيبه بس عرفت الفقير ماله مكان بهذا وكتنه وينوكل حقه كل شخص اعامله بسلوبه طيب اصير وياه طيبه حقير احقر وياه خلصت الايام مثل بعض ومابقه بس يومين ونرجع للدوام ويوسف جان يشتغل حتى يجمع فلوس نرتب بيهن بيتنه جان يخليهن بالكنتور فديوم اجه من الشغل اني استقبلته سلمت عليه وكتله اصعد تلكه حمام حاضر اسبح وتعال حتى نتغده كلنه صعد وره خمس دقايق صاح من فوك كلت يبو هسة تلكيه يسأل ع خاولي وهو كدامه باوعتله من يم الدرجه كتله كلشي مو جود بالحمام ملابس وخاولي . لا ما صحتج ع الملابس بس تعالي صعدي استغربت شكله وجه مال واحد ضايج صعدت وهو وكف مخلي ايده ع راسه وينفخ مال واحد يفكر بس وصلت يمه . زمرد هم مغيره مكان .... باي التعديل الأخير تم بواسطة لامارا ; 23-06-19 الساعة 10:36 PM | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
