عشق بقى في رفوف الزمان كعبرة!

[لمحة جنون]

البارت الاول..

جالسين هم الاربع محاوطين الطاوله.
لمياء : هااه كيف خبرتوا اهلكم عن الاستاذ!؟
حور : اويهه خايفه اقوول ياخي لان عماني.
عذاري : بقول لابووي اليوم عسى يطيع اوينن فنان ذا الاستاذ البنات عاد ماخذات معه حصه.، قالوا طرر الشرح وحنا 12 لازم نرتب امورنا مع اساتذه اووكيه.، يكفي الفصل الاول كان الاستاذ خرا شرحه.
أروى : ابوي مابيسأل ولا اظن بيشيل همه لمن بيعرف عشان كذا اكدولي معاكم.
لمياء : انا قلت لابوي وقال عادي مافي مشكله ودامه عماني افضل ان يرووحن الفلووس له عن غريب لان اكيد مابيشتغل بالخصوصي الا ومحتاج.
البنات : اكيدد.
...... بعد المدرسه..
دخلت الصاله وحطت شنطتها على الكنبه وطالعت ابوها الي ملتهي بالفون.
حور تبلع ريقها سلمت وجلست يمه : ابووي البنات بياخذوون خصوصي.
ابو حور ابعد النظاره : زينن وانتِ بعد لزووم تاخذي.
حور : ايوا بس البنات كلهم بياخذون مع استاذ عماني لان وايد شرحه فنان.
ابو حور سكت للحظات عقب : طيب اخذي معاهم دامكم مجموعه.
حور تشققت وهي تخفي وناستها : بس تم.
... بالغرفه ماسكه الفوون.
حور: خلااص ابووي وافق اكديلي معكم.
لمياء : اووك حبيبتي ولايهمك. حوور سكرتت ونامتتتت وهي مستانسه لانها بتكوون ويا رفيجتها.
........
دخلت غرفتها رمت الشنطه وانسدحت على السرير والفون بايدها تدور بالرسايل لعلها تلاقي له اي اثر من بعد 3 سنين غياب.
أروى عضت شفاتها وكتمت شهجتها : أملتني وأبجيتني بالأحلام حتى ضوء فجر الواقع معك غاب.
.......
ابو لمياء اتفق مع الاستاذ وضبط الوقت واليوم الي بيكون فيه واختاروا الخميس بعد المغرب..
يووم الخميس......
كانوا البنات متجمعين فمجلس بيت لمياء.
عذاري : اقوول احسني جووعانه من الحين.
لمياء ابتسمت بلطفه : ماماتي تعمل لنا خفايف وشاي الحين.
عذاري : يحبيييي لهااااااا. ضحكت لمياء بخفه بدون اي رد.
شوي الا يندق الباب..
حور : عدلوا شيلكم انتِ وياها.
أروى : شكثر بعدل بعد.، اروح اجيب قمال بعد اش رايك. ضحكوا البنات وانقطع حسهم اول مادخل الاستاذ.
عبد العزيز ابتسم بلطف: السلام عليكم. ('' ' وصفهه : شاب بعده عمره 24 سنه طويل بس موو كثير يعني طوول مقبول.، بشرته بيضا عليه لحيه خفيفه انفه كان مسلول عيونه عسليه.، بختصار خلا البنات يبهتون لمن شافوه.'))
البنات بهفاوه: وعليكم السلام. ضحك وجلس على الكرسي المخصص له. كانت طاوله وحواليها البنات ومكان مخصص له مواجهم.
حط حقيبته على الطاوله وطلع اوراق واقلامه.
عبد العزيز : خلونا نتعرف عليكم قبل.
لمياء بهدؤها المخملي المعتاد : لمياء.
غذاري بدون ادراك : عذووره (تستوعب) قصدي عذاري.
ضحك وهو مكمل على الباقي حتى وصل لأروى الي كانت ماسكه الفون ومندمجه الففف.
عبد العزيز : وانتِ؟ ما كان في رد ابد قامت حور وضربتها بكوعها كان تنتبه.
أروى : هاه بدت الحصه.
عبد العزيز مد ايده وهو لازال مبتسم : عطيني الجوال.
اروى تبي ترد بس صخت محترمه نفسها وعطته الفون.
عبد العزيز وهو يحطه جنبه : اسمكك.
وهي مبوزه : اروى.
عبد العزيز بابتسامه : عاشتت الاسامي.، يالله خلوونا نبدأ بأول درس بالفيزيااءء.، النظام بيكون كالآتي نشرح ونعطي مثال على كل نقطه والحصه الي بعدها تكون تمارين واذا لحقنا ندخل بالدرس الي بعده. بدأ يشرح والبنات منصتين ومركزين على كلامه حتى خلصت الساعتين
عبد العزيز تنفس بارتياح : في نقطه مافاهمينها اوضحها ولا نودعكم.
البنات : لا.
عبد العزيز ابتسم : زين ( دخل اغراضه بالحقيبه وقام يبي يروح) ذاكرواا عدل ( اخذ فون اروى وحطه قدامها) وخلوا الفونات عنكم هذي السنه ماراح تنعاد.، سلامم. طلع.
حور تضرب أروى : ياهبلهههه ماسمعتيه لمن دخل.
أروى : ايهههه والله ما انتبهتتت لكننن اما سالفهه قطعع فاتكممممم الفففف.
البنات بفضول : وششش صار!؟
أروى وهي تجرب من الطاوله : خيلوا حنان بتتزوججج.
البنات شهجووا مصدومين.
لمياء الي انكسر خاطرها: مسكيينهه اهلها متشددين عادي البنت تتزوج وهي ياهل معاهم.
عذاري : اخيهههه يع يععع مستحيل مافي معنا حن هالسوالف مدري من اي كوكب جايه هالعايله.
حور وايدها على خدها : هذي لو تشتكي لرعايه الاجتماعيه ياكلوون اهلها تبن محد بيزوجها.
أروى بنص عين : هه يعني تبيني اصدق انه انتِ بتشتكين مثلا.
حور مبوزه : إلا وانتِ صادقه أنا الي بكل تبن بس الحمد لله اهلي ما لهدرجه اووفر مافي زواج إلا من تخلصي الجامعه عقب نتفاهم. اندق الباب.
لمياء قامت للباب : هلاا مامي خلاص الاستاذ راح دخلي. دخلت امها ومعاها الخفايف وسلمت على البنات وجلست وياهم حتى الكل رجع بيته.
.... مرت الاسابيع وحاولوا البنات يبتعدون عن كل شيء يلهيهم وهم يطمحون انها تتكلل هالسنه بنجاح باهر بالنسبه لهم.
......
الخميس بالمدرسه...
عذاري : ياخي استاذ الفيزياء جميللل الحيوان.
حور : اي ما شاء الله.
لمياء تضحك : وييهه بنات وشفيكم كأنكم ماشايفين احد بجماله ههه.
أروى جات وماسكه بايدها ورقه وفيها سؤال التحدي عبد العزيز معطنهم ياه.
أروى حطت الورقه على الطاوله وهي تنوفخ : ياخخي شيءء ناقصصص احس.
عذاري : والله ومعوره راسك شفته انه ماضابط تركته مافيني اتعب مخيخاتي.
حور : انا بعد ماعرفت له اخييهه هالفيزياءء بيجلطني احس.
أروى باندفاع : تشااااب يزينن الفيزياء بس يبيله رووح تحدي مو مثلكمم ( رجعت جسمها لوراء) اووف اليوم ماراح اجي الحصه إلا وانا حالتنه.، أنا ولا هوو بنشووف.
لمياء بلطف: انتتِ ذكيه بتحلييهه اعرفك بس حليه بوقت انتِ مروقه.، (حطت ايدها على فمها وهي تضحك ببراءهه) انا خليته قلت بسرق منك الجواب معتمده عليك.
حور وعذاري : ههههههههههاي.
.....
بعد المغرب كل البنات متجمعين إلا أروى ما جت.
دخل عبد العزيز وطلع اغراضه بعد ما سلم عليهم.
عبد العزيز وهو يطالعهم : كانن في احد ناقص!؟
حور : أروى قايله مابتجي إذا ماحلت سؤال التحدي فأمكن عشان كذا. شوي الا يندق الباب وتدخل أروى وهي متشققه.
أروى لاشعوريا لعبد العزيز : حليييييتهههههه وكككك فزتكككك.
عبد العزيز تفاجأ طفوليتها، .x بابتسامه : طيبب عطيني اشوووف جوابكككك امكن غلط.
أروى مدت الورقه وجلست مكانها : ههاي مستحيل متأكدهههه منه.
طالع على السريع الورقه وهو مدهوش من ذكائها : صحيح حلككك ممتاز يا أروى خلاص من الحين بنحجز لك مقعد فالتربيه للفيزياء.
أبتسمت اروى وهي مرهه متشققه.
حور : مااهينه طلعتي.
أروى تغمز لها : اعجبككك. بدت الحصه وعبد العزيز كان حريص بالانتباه لأروى واسئلتها ألي كانت تبين اشكثر هي بنت ذكيه وهو مدهوش منها.
بعد ساعتينن..
عبد العزيز : قلتوا لي الاحد عندكم اختبار لاه؟
البنات : ايوا.
عبد العزيز: حلوو راجعوا الاوراق والاسئله الي اعطيتهم ياكم وان شاء الله اموركم طيبه في حال عندكم سؤال فانا حاضر رقمي عند لمياء طرشولي السؤال وانا بجاوبكم عليهه واهم شيء شيلوا من بالكم فكرهx ان صعب واللهي الفيزياء جميل بس يبيله ناس تحاول.
أروى ضربت عذاريx : اتفققق سمعتييييي؟
عذاري : يالله يالفضاايح. ضحكك عبد العزيز.، جهز اغراضه.
أروى : ماافي سؤال تحدي هالاسبوووع؟
عبد العزيز بابتسامه : عندكم اختبارر نأجلها ولا؟
أروى : اجل لهم بس انا جيب خلاص صار عندي هوس اشوف سؤال قبل ما انام من وين اجيب اليوم.
عبد العزيز : ههههاي طيب (اخرج ورقه سؤال التحدي.، بتحدي) اذا حليتي ذا وعد مني لك بيتزا.
أروى الي مشتااقه للبيتزا الففف بسبب حرمانها منها بسبب حساسيتها للمعجنات : تمممممم. البنات يطالعون بعض بخوف.
عبد العزيز : سلام. طلع وتركهم.
حور بخوف : اروىىىى كلبه انتِ مريضه مايصلح تاكلي بيتزا.
أروى : عاادي بضبط امووري لاتحاتي، . يالله برووح ابووي ينتظر سلااام.
عذاري : اوووي لمووي خبريه مستحيل تقتنع أروى علميه مايجيب لها.
لمياء : ماعليه اقدر اقول له بس تدروون أروى اشكثر تحبب المعجنات ياخي اخاف اقوله ومايجيب وتزعل الفف تعرفونها تكرهه الي يكذب عليها.
حور : ماعليههه ماتعرفف مصلحتها تزعل عقب ترضى.

[لمحة جنون]

البارت الثاني..

.........
يوم الاحد.. في المدرسه....
كانوا جالسين بالممر ماسكين اوراقهم محاوطين أروى.
لمياء بحزن : يااخي تعبت ماعرفت لها والله صعبهه هالمسأله.
حور والقلم يحوس بفمها : عيل وش تقولين عني ورقه كامله اسئله ولا وحده عرفت احلها ومن غبائي مأجلته للصبح كان بسأل الاستاذ عنهم.
لمياء حطت الورقه جلست تعدل ربطه شوزها : انا رسلت له وجاوبني محترم حييل هالاستاذ والله حتى ابوي مره يمدحه.
أروى وهي طفرانه من عذاري : يالله قلبييييييي بيوقف ياحبيبتي ياقلبي ياعذوره اقري السؤال مره وعقب تعالي.
لمياء سحبت عذاري بطفوله من رجلها : يالله دووري خليها تحل لي قبل ماتنجلطط بسبتكك.
عذاري كانت منسدحه : اخ حرام والله احسني برسب بالفيزييييكسسسسس برووح امووت. البنات نقعوا ضحك وهم يشوفوها تسوي نفسها ماتت.
حور : شووفووا اذا حليت سؤال صح بكره بجيب لكم بيبسيي.
عذاري تربعت : اوووك تم.
أروى : فاللحهههه هيي بالاكل.
عذاري رجعت تنسدح ورجل على رجل وايديها تحت راسها : بالله وش الحياه بدوون اكل فهمووني!؟
حور : مثل كشتك بدون زيت. أروى ولمياء ماتوا ضحك بينما عذاري وراها ركض ضرابه.
جاتهم بنت تركض : بنااااتتت المعرس جااء بسرعه.
عذاري وقفت مكانها : تغطوا يالي ماتستحوون. نقعت البنت ضحك وعلى طول الفصل والبنات وراها. ^^ اختبار.
بعد 45 دقيقه...
قدام الصف....
عذاري طلعت بصريخ وهي فتشققه : حليييييتتتتتتت 5 ويووووووووووو.
حور تهز كتفها : وانا سبعه هز الكتف هز هز.
لمياء متشققه : جمييييييلللللل كان وينن أروى طالعه اوول وحده اكييدددد سهل كان معها.
أروى جايه حامله بايدها عصاير وتهز رقبتها :10 بعين العدو 10 بعين الحاسدين ( حور شبكت جنبها.
حوور : كلووولووووووشx يامعيريس اسم الله عليكككك عين الله ترعاك.
عذاري : بناااتتتتتتت. كل الممر ممتلي بنات العلمي.
: شوو.
عذاري سحبت شيلتها وحطتها على راسها بدون ماتلفها : افااا شلوون ماتزفوون وانا رفيقتكممم ل12 سنه. البنات على طول وراها واقفين ويزقرطوون ويرقصون.، شوي الا تجي المديره وشردههههههه غبار بالممر.
....
بعد المدرسه..
دخلت غرفتها وهي مبسووطه انسدحت وعقب مسكت فونها تحوس فيه.
ملامح الحزن بدت تخيم على ملامحها : انتظرتك 3 سنين ولا اتصلت حتى مسج استكثرته علي شلون هنت!؟ إلا شلون هنت على نفسي انتظرك واعلق امالي فيك وانت ماتستاهل.
غمضت عيونها وهي تاخذ نفس طوييل.، شوي الا تشوف ملامح وجه لها كم يووم تظهر قدامها واختفت ملامح الشخص القديم.، ابتسمت : وش سالفته استاذ الفيزياء ههه. حست على نفسها وفتحت عيونها : اوييه وايد صايره استانس لمن اذكره عكس (عضت على شفاتها) حامد. ضربت راسها وهي تبعد هالافكار من راسها.
............
....... يوم الخميس..
عذاري : اووي قلتي للاستاذ.
لمياء : ايي بس والله خايفه أروى تكرهه احد يكذب عليها ولا يخلف بوعده حتى باتفهه الامور.، امس رسلت لي الحل وقالت رسليه للاستاذ وطرشته له.
حور : الله يستر ضبطت موعدها الشهري بعد الحصه بعد ضرابه مع الدكتور لجل اول ماتظهر الاعراض هي تكون موجوده مع الدكتور وبكذا اهلها مايعرفون.
عذاري : واوووو والله هالاروى ماهينه لكن تربيتي فالاكل مافي تهاون.
حور كفختها على راسها : فالحههه. دخلت أروى وهي تدندن.
أروى : سلااام حلويننن.
البنات : هلااا.
جلست تسولف وياهم والبنات كل شوي يطالعون بعض حتى اجا عبد العزيز : مساءء الخيرات. طاحت عيونه على اروى وهي متشققه.
البنات : مساء النور. البنات طالعوا أروى.
عبد العزيز جلس وطلع اغراضه.
أروى ماده بوزها : استاذ ويننن عربوون التحدي!؟؟؟
عبد العزيز طالع لمياء وعقب طالعها : اهه اطلبي الحين اي شيء غير البيتزا وبجيبه لك الاسبوع الجاي. اروى سكتت بعدها.
: هه ولا شيءء مشكوور. عبد العزيز تلعثم ماعرف شو يقول.
لمياء : خلوونا نبدأ الحصهه. كانت هالحصه غير أروى ساكته على غير العاده مانطقت بولا شيءء ابد عكس كل حصه الي كانت ترج فيهم الكل ودايم تعمل جوو لطيف .
بعد ساعتين...
عبد العزيز : خلصنا لليوم.، هاه طمنوني كيف كان اختباركم؟!
لمياءء : جمييل انا جبت 9.
عذاري متشققه : جبتت 5 لاتقول ماحلوه والله فناانه بال11 كنت اجيب 1 في تطور يعني. الكل ضحك الا اروى الي كانت بعالم ثاني والمقارنات رجعت من جديد معها.
حور : جبت 7 مقتنعه فيها الفف بدون نقاش رجاءا. ضحك بخفه وطالع اروى كان تمتحي ابتسامته.
اروى سحبت الاوراق وعلى طول : برروح ابوي جااء تأخرت. راحت بدون ماتسمع لاحد.
لمياء ابتسمت وهي تحاول تلطف الجو : جابت 10 رورو ماينخاف خليها. ابتسم عبد العزيز وعقب ودعهم وراح.
.......
الساعه 11 ونص بليل...
جالسه على السرير : هه صاير الكل يوعد ويخلف حسبتك غير عنه ولكن ما في احد احسن عن الثاني.، الرجال كلهم سواسيه.
.......
بعد 3 ايام....
مسكت فونها وافتحت على محادثه عبد العزيز صورت السوال وطرشته .
: هلا استاذي اذا ماعليك امر شوفلي السؤال.
عبد العزيز : اهلين طيب ثواني بس. حله وطرش الحل وعقب سجل فويس يشرح الطريقه.
لمياء : مشكوور استاذذ عذبتك.
عبد العزيز : واجبي.، افا عليك.
عبد العزيز بعد دقيقه : كيفها أروى!؟
لمياء : مدري هي ماتحب تحكي كثير عن اي شيء يضايقها😢.
عبد العزيز حس بضيق وفكره انها متضايقه منه ماقادره تفارق باله : تدرين اني ماكنت بردها.
لمياء : هي كانت مضبطه موعدها الشهري عشان البيتزا وتعبت حتى الدكتور وافق لان دوامه صبح قبل الحصه بس علمتنا بس ماعليه بترضى.😣.، هي شوي حساسه من ناحيه الوعود🙃.
عبد العزيز : اهه طيب ، يالله تصبحين على خيرات.
لمياء : وانت من اهله. سكر المحادثه وابعد الفون عنه.، فتح جيبه وطالع الدفتر الي قدامه : ياربيي شسويت (خلل اصابعه بين شعره وهو يحاول يفكر) شلوون ارضيها شلون ارضي شاغلت فكري وماخذت عقلي (ابتسم) ذكيه جميله مشاكسه وحساسه وقويهه على كثر حساسيتها من شفتها وانا حالتي مرتبشه هه ماتوقعت اني احب طالبتي بيوم ولكن كسرتي قانوني ( اخذ نفس وعقب رجع يطالع الدفتر بعد ماحط نظارته) بنراضيك لكن قبلها خليني اشووف اموور الوالده ياحلوه.
....

[لمحة جنون]

البارت الثالث..

....
في المدرسه.. وقت الفسحه..
لمياء : امس ابووي جالس يسوولف عن استاذ الفيزياء (اابنات كلهم يطالعنها الا اروى الي تحاول تشغل نفسها) ابوي التقى فيه بالمستشفى لمن راح يزور صديقه.، عقبها سأله اذا فيه شيء وعرف ان امه مريضه مسكينه فيها السرطان (البنات شهجوا وهم مصدومين) قطعت قلبي مسكينه تكاليف عمليتها وايد غاليه + السرير والغرفه تدرون وايد غالين عشان كذا دخل الخصوصي وامه مالها احد غيره.
حور : مسكيين بس صدق كفو والله.
عذاري : نعمم الله يكثر من امثاله. أروى سرحت بعيد وهي تفكر شلون واحد مثله بهالشخصيه المستقله يخلف وعوده.
حور وهي تتنحنح : رورو.
أروى صحت : هااه.
حور بتردد : ترى حن علمنا الاستاذ ان فيك حساسيه ومايجيب لك.
لمياء بحزن : والله خفنا عليك هو مسكين ماكان بيخلف وعده بس خاف عليك.، البارحه رسلت سؤال وسألني عنك ماله ذنب مسكينن. سكتت أروى وفي شعوور اغتالها ماتدري هو فرح لان سأل عنها او فرح بسبب اهتمامه لأمر مرضها.
عذاري كفخت أروى على راسها : خلاااص عن الملاقه المزيوون مايستاهل تزعلين منه.
حور ضربت عذاري على طول : مسووودةة الوجه. عذاري ماتت ضحك على شكل حور الي كانها خذت الموضوع جد.
........... نهايةةة الاسبووع
كانوا جالسين ينتظروا الاستاذ وكل وحده ماسكه اوراق تحاول تحل.، اندق الباب.
عبد العزيزx : السلاام عليكم.
البنات: وعليكم السلام. جلس بعد ما حط قدام اروى بوكس كبير.
عبد العزيز وهو يخلي اغراضه على الطاوله بابتسامه : هذا عربوون التحدي.
عذاري ايدها على خدها وعيونها على البوكس : اذا في اكلل لاتنسيني خويتكك بالاسلام. ضحك عبد العزيز وبدء يشرح الدرس.
اروى حست بخجل نزلت البوكس وحاولت تنتبه على الشرح وكل ما طاحت عيونها على عبد العزيز ابتسم وهذا خلا قلبها في كل مره تلمح ابتسامته يدق بنغم مختلف وكانه ينسج سمفونيه أمل بإحياء الحب ألي أندثر بين ضلوع صدرها من 3 سنين مضت! .
مرت الساعتين سرييع بالنسبه لعبد العزيز الي كان وده تطول الساعات حتى يلمح وجهها.، ولكن استاذن وطلع.
حور : يالله فتحي الصندووق اشووف.
لمياء : تعالي وش بتقوولين لاهلك اذا سألوك منو جايبنه لك؟
عذاري : حطيها على ذمتي بس بشرط نتقاسم.
أروى : طسييي مناك.، (حملت الصندوق بين يديها مع الاوراق) سلااام. راحت بسرعه قبل ماتسمع اي تعليق.
...... في غرفتها..
جلست على السرير واالبوكس قدامها.
فتحته بشويش.، كان في حلويااتت البووكس كامل.، أروى كشرت وهي ماتدري ليش خاب ظنها مع انها تموت بالحلويات. جات تبي تشيله كان يطيح البوكس من يديها وتتبعثر كل الحلويات.
أروى : ياربيييي ماوقتكم قسم. نزلت للارض تلمهم وهي تحطهم بالبوكس لمحت كرت صغير داخل البوكس تحت.
سحبته :'' آسف ما حبيت أكون سبب أوجاعك أوعدك آخر مره اخيب ظنك. '' أروى تلقائي تشققت.، رجعت تقراها الففف وهي منسدحه على ااسرير.
بعد نص ساعه : ياربي لييش هالكثر افرح لكلامه اخييهه مستحيل لا اكون معجبه فيه لا لا بس كلامه دايم عسل واكيد الكل بيتونس اذا جاه مثل هالكلام. لمت الحلويات بسرعه ودخلتهم بالبوكس وحطتهم برفف كبتها وسكرت عليهم مع الرساله وهي تدندن.
.......
مرتتت الايام بسرعه ووصلوا البنات لآخر المطاف وهوو اختبارات النهائيه.، خلصوا الاختبارات وباقي كان قدامهم يومين ويدشون عقب لآخر اختبار وهو الفيزياء.
لمياء : هااه بنات متى قررتوا!؟
حور : افضل الساعه 6 المغرب نصلي ونجي ناخذ المراجعه.
عذاري : انا اتفق مع حوران.
أروى : اووك اكدوا عيل على الاستاذ.
لمياء : اووكيشن بقوله.
........
كانوا جالسين يتناقشون حتى وصل الاستاذ...
عبد العزيز : يامساء الفيزياءء.
البنات : هههههه مساء الخير.
عبد العزيز بحماس: مستعدييين تفجرون الاختبارx وتخلون ختامها مسك؟!
اابنات بحمااس وهم مبسووطين لان اخر اختبار : ايي.
عبد العزيز : كفوو عليكمممم.، يالله خلونا نبدأ بالمراجعه وعقب اعطيكم اختبار قصير وبعدها نكون ختمنا كتاب الفيزياء. بدت المراجعه والكل منصت ويحاول يركز.
بعد ساعه ونص.
عبد العزيز : خلصنا المراجعه يالله كل وحده تاخذ لها ورقه اختبار وتحشر نفسها بأحد اازوايا ( يطالع عذاري) عيون تطير هنا وهناك مافي. البنات نقعوا ضحك على عذاري الي بوزت.
كل وحده اخذت لها زاويه وبدت تحل بينما هو جلس يرتب الاوراق.
ابو لمياء وهو يدق الباب : ممكن ادخل؟!
عبد العزيز بابتسامه : اكيد. سلموا على بعض وعقب جات البشكاره وحطت الحلا مع القهوه على الطاوله.
ابو لمياء : ليش حاشر هالمساكين كذا بالزوايا!؟
عبد العزيز : هههه اختبار معطيهم.
ابو لمياء : اهه حلواا.، ياحلويين موفقين.
عذاري مبوزه : عمي تعال حل عني.
ابو لمياء نقع ضحك : حلي وخلي عنككك.، اذا طلعتي مبسوطه من الاختبار لمياء عليها لكك عزيمه.
عذاري : تممم ولايهمككك جهز مخباك انت بس. ضحك بخفه ورجع يطالع عبد العزيز.: مدري كيف اشكرك على جميلكك تعبناك مع البنات.
عبد العزيز : لا عادي بالعكس ماكان في تعب الكل يحاول ويجتهد الله يبشرهم بالنتائج الحلوه.
ابو لمياء : امين يارب. جلسوا يسولفون شوي عقب استأذن وخلاهم.
عبد العزيز : يالله خلص الوقت جيبوا الاوراق.
أروى : تصححهم الحين؟!
عبد العزيز بابتسامه : لاا فالبيت لمن اخلص برسلهم عند لمياء.، (طالع البنات) حلوا كثير لجل تمروا على اكبر كميه من الافكار واذا واجهتوا اي صعوبه بس سوولي مسج ويوصل لكم الجواب مع الشرح.
البنات : طيب.
عبد العزيز بحزن : الصراحه كنتوا مجموعه مميزه استانست وانا وياكم ربي يسعدكم الحين استأذنكم والسموحه اذا قصرت معاكم بشيء.
حور : مسمووح استاذ مشكوور وايد وايد استفدنا.
عذاري ولمياء : صحيح شكرا استاذ. أروى كانت ساكته ماقدره تنطق بحرف. طالعها عبد العزيز وهو يشوف دموع بدت تتراكم على عيونها وهي تحاول تخبي ملامحها وراء الاوراق.
عبد العزيز ابتسم بهدوءx : استودعكم الله. اخذ اغراضه وطلع.
البنات كانوا متفاجئين من أروى الي حسها اختفى.
أروى مسحت دموعها وجلست تجمع الاوراق بسرعه وهي تخبي ملامحها : بررروح ابوي ينتظر نلتقي. وطلعت بسرعه بدون مايلمحون دموعها الي سقططت سهوا مثل ماسقط قلبها بحبه سهوا.!
.
.....
في ليلة الاختبار...
كانت معتفسه وهي ماقادره تحل السؤال: اوووف شسوي به الحين. تذكرته ابتسمت ابتسامه باهته وعقب رسلت السؤال للمياء لتطرشه لعبد العزيز ولكن ماكانت ترد.
قامت واتصلت عليها.
لمياء: هلااوي رورو.
أروى : اهليننن لييش مافاتحه الواتس!؟
لمياء كشرت : خلص اشتراكي الغبي.
أروى : ياربييي ماوقته .، طيب شالحل ابيك تطرشين سؤال للاستاذ.
لمياء : اهه طيب انتِ بروحك ارسلي له.
أروى سكتت شوي: ماعندي رقمه.
لمياء : لحظه بمليك ياه. مسكت بورقه وقلم وكتبت الرقم وراها.
لمياءx : بالتوفيق ياعسل.
أروى : ويااك عيوني. وسكرت.
انسدحت على الارض وهي رافعه الورقه وتطالع الرقم : ياربي ارسل ولا لا الوضع ما اووكيهه ياخي ( ابتسمت بحزن) على الاقل بتكون حجه لاعرف اخباره. شوي الا تفز وتتربع وهي ماسكه الفون.، سيفت الرقم ودخلت المحادثه.
أروى: وش اكتب مساء الخير لا لا ماحلوه هلا اخييهه بيقول خفيفه امم السلام عليكم ثقيله.
أروى: السلام عليكمم.، اخبارك استاذ؟ معاك أروى اذا ماعليك امر شوفلي السؤال. شافت الرساله الفف قبل ماترسل عقب ضغطت على زر الارسال وطرشت السؤال .
........
توه طالع من المستشفى وراكب السياره.، سمع صوت مسج وصل.، فتح الفون كان يتفاجأ برسالتها.
عبد العزيز وهو مبسووط : وعليكم السلام.، الحمد لله طيب كيفك انتِ.؟ ثواني بس. مسك اقرب ورقه جنبه وطرش الحل عقب سجل فويس يشرح.
أروى اول ماسمعت صوتهه ماتت وجلست تعيد عليه كم مره وهي بتشققه من الوله على صوته.
أروى : الحمد لله زينه.، شكرا.
عبد العزيز بعد تفكير : كيفف جاهزه للاختبار بكره؟
أروى نطت للسرير وهي منسدحه : اي الحمد لله.
عبد العزيز : موفقه.، سهالات ان شاء الله.، تصبحين على خيرات.
أروى كشرت : آمين.، وانت من اهله.
: ماواحيتتت( غمضت عيونها) رسايل الفون ماتجيب لك حب يا أروى تعلمي من الي سبق. فتحت عيونها وابعدت الفون ورجعت تلقي نظره اخيره على اوراقها عقب نامتت.
..................
بعد 5 سنين من اليوم....
أروى : هلا لموووي كيفكك وكيف البنااتت وينكم ياخرا!؟
لمياء حاطته سبييكر. عذاري: هناااا يااخرا وشش هالقطيعه ياخاينه العشرهه.
أروى : تشاااببب انتوا القاطعين (بحزن) مشتاقهه لكمم وايدد تتجمعون من دوني بعدددد.
حور : ههههاي كنا نبي نجي بيتكم ونسويلك مفاجأه بس قالت لموي ان جايينكم ناس يخطبوون هالله هالله وبتصيري عروووس.
أروى مر طيف عبد العزيز من قدامها عضت على شفاتها وهي تحاول تمسك نفسها : ههه اي ( وهي تغير الموضوع) ماااعذررر بكره تجوون مالي شغل.
لمياء: ولا يهمككك اخذت الليسن بمر عليهم وبجيبهم معييي.، كم رورو معنااا.
أروى بابتسامه : وحدههه وعلى خشمكم.، يالله بسكر وراي شغل عقب اسوولف وياكم.
البنات : اوووك سلام.
أروى : سلاام. حطت الفون وطالعت نفسها وهي اخذت نفس طويل وعقب نزلت تحت الكل ينتظرها.
....
كان جالسه بالمجلس ينتظر دخولها وهو شوي متوتر بس الهدوء كان طاقيي عليه اكثر. انفتح الباب ودخلت أروى مع اخوها للمجلس.
وقف لاشعوريا بشوفتها والابتسامه الجذابه المعتاده تعتلي وجهه ولكن عيونه كانت تحكي عن قصيده طويله مختصرها الشوق.
طاحت عيونها بعيونه جفلت بمكانها بلحظه نبضات قلبها صارت تدق مثل ايام شوفتها له وهم على طاوله وحده.، دمعتها انسابتx من كم الاشواق الي لمحتهم بعينه.
أروى دقايق الا وطلعت بدون ماتحكي اي شيء ولا هو يحكي كانوا يظنون ان العيون كانت كفيله بانها تحكي عن كل شيء ودها القلوب تحكيه.
......
جلست على طرف السرير وهي تسترجع اللحظه ادمعت عيونها من جديد من الفرحه : عبد العزيييز معقووله. شوي إلا يرن جوالها.
طالعت الشاشه الزمن توقف بلحظتها جمدت ملامحها حستت ببروده انتهكت حرمة اناملها.
رفعت السماعه ببطأ بدون ماتنطق.
حامد : هلا اروى. ماكان في اي رد منها بينما صوته يتردد باذنها.
حامد : اسففف على اختفائي بس تدرين سافرت على شان ااسس شغلي الخاص وماقدرت اتواصل معك.
أروى بجمود : ثمان سنين مالقيت وقت فيهم لترسل حتى مسج!!
حامد : وربي انشغلت يا اروى بس للحين انا احبك.
أروى بدون شعور : بس انا صرت حرم لغيرك.، ( بسخريه وهي تتذكر كلام عذاري) اذا كنت تبي بنت تعلم تدق الباب ما تجي من الدريشه يابابا سلام. فصلت الفون بعد ماقررت ان صفحة حامد تسكرت ومستقبلها صارت تشوفه بين ملامح عبد العزيز.!
......
انتهى
بسطر : هواجيس كاتبه

[لمحة جنون]

العنوان : عشق بقى في رفوف الزمان كعبرة 2!😐🤗🍉
عباره گانها سلسله للي قبل😒اتمنى وصل 😂☺️